\id 1CO -Koda Translation
\ide UTF-8
\ide UTF-8
\h 1 করিন্থীয়
\toc1 1 করিন্থীয়
\toc2 1 করিন্থীয়
\toc3 1করি
\mt 1 করিন্থীয়
\is পুথি ত্বথ্য়।
\ip পৌলকে নিয়া পুথি গালাং তাৎআয় মেন্তে পাতিয়া য়ুয়া কানায় (1 করিন্থীয় 1:1-2) অটঃহঅ নিয়াটা পৌল রাঃআ গিরা সেকাম মেন্তে হঅ মান্ন্তান হুয়াকানা। এটা জাহান মাহা রাঃআ চি চিন্তং ইপিসিয়ারে তাহি লেনায় পৌল করিন্থীকুরা হান্ডে মিয়াৎ গিরা অল লাৎআয় অকাআ 1 করিন্থীয় রাঃআ মাড়াঙ হাতে তাহীন কেনা (5: 10 - 11) হেৎদ করিন্থীয়কু গিরাটা ভুল মেন্তে কু অবহেলা কেৎআ হেৎদ নাহাআ ইনা গিরা রাঃআ জাহান চিহ্না বায়ানা। মাড়াঙ রাঃআ গিরারে বিষয়বস্তু কু একদম ক সারি মেনাআ। 1 করিন্থীয়কে গিরা রাঃআ (ককক) লেকা মিলজুল হুয়াকানা অকয় কে পৌল করিন্থীয় মন্ডলী হাতে আইদারি নাম লাৎআয় অকাআ ইঙ্কূ বদহয় মাড়াঙ রাঃআ গিরা রাঃআ এলাং লেকা অল লাৎআয়।
\iot গালাং অক্ত হেৎদ ঠাঁও।
\ip সাপ্তাম 55 হাতেৎ 56 খ্রীষ্টা য়ম রাঃআ তালা মালা অক্ত। গিরাটা ইফিষিয় হাতেন অল হুই লেনা (1 করিন্থীয় 16:8)
\iot হাতায়চ।
\ip 1 করিন্থীয় সারিনানাম পাঠুয়াকু করিন্থীয় রাঃআ তালারে ঈশ্বর রাঃআ মন্ডলী রাঃআ মিয়ুড় তাহীন কেনায় (1 করিন্থীয় 1:2) যদিও পৌল অটঃহঅ গে আয়াআ বাচায়ান পাঠুয়া কু রাঃআ তালা রে মেশাআয় ইঙ্কূ যতচ কে অক্য়য় মেসামিসী লেকাতে আবুয়া প্রভু যীশু রাঃআ নুতুম তে যত থান কুরে রারাকুয়ায় (1 : 2)
\iot দিশা।
\ip পৌল নানান হুনার হরকাতে করিন্থীয় রাঃআ মন্ডলীরে তাহি মেনাআ পরিস্থিতি সাগাই রাঃআ এহব নাম লাৎআয়। নিয়া গিরা অল রাঃআ দিশা তাহি লেনা মন্ডলীকে কা ভেগার হেৎদ অটঃহঅ গে মেশা রুয়াড় রাঃআ নিজুরি নাতিনাং নানান হুনার পাইরকাকু সুদরা, যেমন ভেগার ভিগির (1 করিন্থীয় 1: 10 - 4: 21) জিউথ বিরিথ রুয়াড় রাঃআ আফুয়া চেচেদ কু (1 করিন্থীয় 15), কাসর্থিয়া রীতি (1 করিন্থীয় 5, 6: 12 - 20), হেৎদ প্রভু ভোজ অমান্য (1 করিন্থীয় 11: 17 - 34) করিন্থ মণ্ডলী ভরদাড়ি নামলাৎআয় (1: 4 - 7), মেন্খান পেঢঅ হেতাৎ বিনআত্মিক (3: 1 - 4) তাহীন কেনা, ইনাতে পৌল মিয়াৎ গুরুত্বপূর্ণ চিহ্ন এমাৎ কুয়ায় যাতে নিয়া লেকাতে মন্ডলী চিল্কা তে কাই হাতেৎ সঙ্গীরে তাহি গান য়া, সাগাই লিয়া ভিনা ভিনী হেৎদ যত লেকানা কাসর্থিয়া রীতি রাঃআ দর কাড়া লেকা কানেল কাতে, ইনিদ জিউথ এটকে টড়ৎ কু গে মিলজুল কেৎআয়,
\iot বাবদ।
\ip পাতিয়ান হড় কু রাঃআ চালচলন।
\iot চিহ্নানেল।
\ip 1. ভূমিকা -1: 1 -9
\ip 2. করিন্থীয় রাঃআ মন্ডলী রে ভিনা ভিনী- 1: 10-4: 21
\ip 3. সারথিয়া হেৎদ ন্যায়শাস্ত্র বাব্ত্তে নিপিয়া - 5: 1 -6: 20
\ip 4. গং দুতাম রাঃআ রীতি- 7: 1-40
\ip 5. কুলিচ কুরা আ বাব্ত্তে আল্গা সাল্গা - 8: 1-11: 1
\ip 6 . বাখেড় বিন্তি হেৎদ তায়্ম তে চেচেদ- 11: 2 -34
\ip 7. আত্মিক ভরকু- 12: 1 -14: 40
\ip 8. জিউথ বিরিথ রুয়াড় রাঃআ চেচেদ- 15: 1-16: 24
\c 1
\s করিন্থীয় কু রাঃআ হান্ডে কুলিচ পৌল রাঃআ মিয়াৎ সেকাম।
\p
\v 1 ইঞ পৌল, ঈশ্বর রাঃআ ইচ্ছা লেকাতে খ্রীস্ট যীশু রাঃআ কুলিচ হুই নাতিনাং অকয় কে বাছা হুই লেনা হেৎদ হাগা সোস্থিনি,
\p
\v 2 করিন্থি শেহার রে তাহিন হড় ঈশ্বর রাঃআ মন্ডলী কে, খ্রীস্ট যীশু অকয় কুকে রিলামালা তাৎ কুআয় হেৎদ অকয়কুকে রিলামালা হুই নাতিনাং রাআ তাৎ কুয়ায় ইঙ্কূ হেৎদ অকয় কু যত জায়গারে আবুয়া যীশু খ্রীস্ট রাঃআ নুতুমতেকু বিন্তিয়া ইঙ্কূকে নিয়া গিরা অলা তান কুয়াঞ, ইনিদ ইঙ্কূয়া হেৎদ আবুয়া প্রভু।
\p
\v 3 আবুয়া বাঃআ-ঈশ্বর হেৎদ প্রভু যীশু খ্রীস্ট হাতেৎ নিরাই\f + \fr 1:3 \fr*\ft অনুগ্রহ-নিরাই \ft*\f* হেৎদ সুলুক আপেকে এমা ইদি পেকায়।
\s পৌল ঈশ্বরকে সারাওই তানায়
\p
\v 4 ঈশ্বর রাঃআ অকা নিরাই খ্রীস্ট যীশু লিয়া আপেকুকে দত্ত হুয়াকানা, ইনা নাতিনাং ইঞ আপেয়া বাবদতে ঈশ্বরকে গুন জহারাই তানাঞ;
\p
\v 5 চিয়াচি ইনিরাআ লিয়া আপে যত বেপার্তে, যত জাগার তে হেৎদ যত আকেল\f + \fr 1:5 \fr*\ft জাগার- ঈশ্বর রাআ জাগার, জ্ঞান- আত্মিক আকেল (জ্ঞান) \ft*\f* তে কিসাড়া কানাপে,
\p
\v 6 ইন্যা লেকাতেগে খ্রীস্ট রাঃআ বাব্দতে আলেয়া সাক্ষ আপেয়া তালারে বাসা হাপেয়া কানা।
\p
\v 7 নিয়া নাতিনাং আপে জাহান আত্মিক দানরে কাপে তায়মা কানা; আবুয়া প্রভু যিশু খ্রীস্ট রাঃআ সদর\f + \fr 1:7 \fr*\ft সদর-হাপেন মাহা \ft*\f* রাঃআ তাঙ্গি রে মেনা পেয়া;
\p
\v 8 হেৎদ ঈশ্বর দঅ আপেকে মুচাত হাবিচ স্থির দহ পেয়ায়্য়, যেন আবুয়া প্রভু যীশু খ্রীস্ট রাআ হিজু রুয়াড় মাহারে বিনা নিন্দারে তাহিনোপে।
\p
\v 9 ঈশ্বর পাতিয়ানকু, অকয় লিয়া আপে ইনি রাঃআ হন, আবুয়া প্রভু যীশু খ্রীস্ট রাঃআ সহভাগিতা রাআ খাতিরাং রাআ হুইয়াকানা।\x - \xo 1:9 \xo*\xt দশার বিবরণী 7:9\xt*\x*
\s মন্ডলী রে দলাদলি (রেটেপেটে)
\p
\v 10 মেন্খান এ ব্কঞ তিকু হেৎদ মিশি তিকু, আবুয়া প্রভু যীশু খ্রীস্ট রাঃআ নুতুমতে ইঞ আপেকে নেহর কাতেত গামাপে তানাঞ, আপে যতয়চ হড় মিৎ মনেতে হেৎদ বিচার রে মিৎ দিশাতে গে জাগার পে, মেন্খান আপেয়া তালারে দলা দলি আল হ্যুইওকাঃ আ। 
\v 11 চিয়া চি, এ ব্কঞ তিকু, ইঞ ক্লোয়ী রাঃআ অড়াহড় কু রাঃআ হান্ডে হাতেৎ আপেয়া বাব্ত্তে খবর নাম তাত্যাং চি, আপে তালারে বিবাদ মেনা আ।
\p
\v 12 ইঞ নিয়া গামে তানাঞ চি, আপে যতয়চ গাম ভাড়ায়াপে "ইঞ পৌল কে মানাইয়াঞ, হেৎদ ইঞ আপল্ল কে মানাইয়াঞ, হেৎদ ইঞ কৈফা কে মানাইয়াঞ, হেৎদ ইঞ খ্রীস্ট কে মানাইয়াঞ।
\p
\v 13 খ্রীস্ট দঅ চি হাটিং য়া কানায়? পৌল দঅ চি আপে নাতিনাং ক্রুশ রে গচ লেনায়? হেৎদ চি পৌল রাঃআ নুতুমতে দুবুং ঙ্গআ কানাপে?
\p
\v 14 ঈশ্বর রাঃআ সারাও ইয়াঞ যে, ইঞ আপেয়্য়া তালারে ক্রীস্প হেৎদ গায়ঃ কে বিনা অটঅ জাহায়কেগে কাঞ দুবুং তাৎকুয়া,
\p
\v 15 যেন যাহায় আলকু গামেকাঃ আ চি, আপে ইঞা নুতুম তে দুবুং ঙ্গাআ কানাপে মেন্তে।
\p
\v 16 হেৎদ স্থিফান রাঃআ অড়া হড় কুকে দুবুং তাৎ কুয়াঞ, অটঅ যাহায় কুকে হঅ দুবুং তাৎ কুয়াঞ, ইনা দঅ কাঞ সারিয়াঞ।
\p
\v 17 চিয়া চি খ্রীস্ট ইঞকে দুবুং এমঅ নাতিনাং দঅ কায় কুল তিঞ আয়, মেন্খান বুগিন বার্তা গাম পাসনা নাতিনাং; ইনা হঅ আকেল রাঃআ থুতি তে দঅ ল্হয়, যাতে খ্রীস্ট রাঃআ ক্রাস রে গচঅ বেকার আলঃঅ সেনঃঅ কাঃআ।
\s খ্রীষ্ট রাঃআ ক্রুশ রাঃআ বুগিন বার্তা রাঃআ গুরুত্ব।
\p
\v 18 চিয়া চি ইনি খ্রীষ্ট রাঃআ ক্রস রে গচঅ রাঃআ বার্তা, অক্য়য় কু বিনাশঃ তানা, হান্কুয়া হান্ডে মুর্কতা, মেন্খান পরিত্রান নামেতানা আবু আবুয়া হান্ডে ইনা ঈশ্বর রাঃআ মহা পরাক্রম।
\p
\v 19 চিয়া চি শাস্ত্র রে অল মেনা আ 'ইঞ আকিলান কু রাঃআ আকেলেইঞ নাশেয়া, বিবেচক মান্মি কু রাঃআ বিবেচনাইঞ ব্যর্থয়া।\x - \xo 1:19 \xo*\xt জিসাই 29:14\xt*\x*
\p
\v 20 আকিলান কুরা গুরুত্ব করে? কটাল কুরা গুরুত্ব করে? নিয়া যুগরিঙ্কূ বিতর্ক হড় কুরা গুরুত্ব করে? ঈশ্বর দ্চি ধার্তি রাঃআ আকেলকে মুর্ক কাতে কায় ধহ তাত্যায়্য়?
\p
\v 21 চিয়া চি, ঈশ্বর আয়া আকেল রে ঠিক কেৎআয় আকিলান হড় আয়ায়্য় আকেল লিয়া ঈশ্বরকে কায় সারি নাম তিয়ায়্য়, ইনাতে ঈশ্বর সন্তুষ্ট কাতে গাম্পাসনাআ রাঃআ মুর্খতা লিয়া পাতিয়ান হড় কু কাই হাতেৎ পরিত্রান নামে কাআ কু।
\p
\v 22 চিয়া চি যিহুদী কু দঅ চিনহা\f + \fr 1:22 \fr*\ft চিনহা-প্রমাণ \ft*\f* কু নানামা হেৎদ গ্রীক কু দঅ আকেল কু পাঞ্জা ভাড়ায়া;
\p
\v 23 মেন্খান আলে দঅ ক্রাস রে গ্চাকান খ্রীস্ট কেলে গাম পাসনায়া; ইনি দঅ জিহুদিকু রাঃআ হান্ডে বাধা হেৎদ অজিহুদী কু রাঃআ হান্ডে মুর্ক লেকা,
\p
\v 24 মেন্খান জিহুদী হেৎদ গ্রীক,অকয় কুকে রাঃআ হুইয়াকানা ইনকু যতয়চ রাঃআ হান্ডে খ্রীস্ট ঈশ্বর রাঃআ গে মহা পরাক্রম হেৎদ ঈশ্বর রাঃআ গে আকেলতানা।
\p
\v 25 চিয়া চি ঈশ্বর রাঃআ অকা মুর্খতা রাআ বাবদ, ইনা মান্মি রাঃআ আকেল হাতেৎ গাদা আকেলী হেৎদ ঈশ্বর রাঃআ অকা নিজুরি, ইনা মান্মি রাঃআ দাড়ি হাতেৎ গাদা দাড়িয়ান।
\s একেন প্রভু রে গর্ব
\p
\v 26 চিয়া চি, এ ব্কঞ তুকু হেৎদ মিশিতুকু, আপেয়া আতাংশিপিং\f + \fr 1:26 \fr*\ft আহ্বান-আতাংশিপিং \ft*\f* নেলেপে, চিল্কা মান্মি রাআ নজর রে আকিলান বেশি বানু কুয়া, পরাক্রম বেশি বানু কুয়া, সাল্গী গান্ডূ গুনমান হঅ বেশি বানুকুয়া; 
\v 27 মেন্খান ঈশ্বর ধার্তি রিঙ্কূ যত মুর্খ বাবত কুকে বাছা কেৎ কুয়্য়ায়, যাতে আকিলান হড় কুকে গিয়ুউ এম কুকায় হেৎদ ঈশ্বর দঅ ধার্তি রিঙ্কূ যত নিজুরি বাবদ কু বাছা কেৎ আয়, যাতে দারিয়ান বাবদ কুকে গিয়ুউ এম কুকায়; 
\v 28 হেৎদ ধার্তি কু রাঃআ অকা অকা নিচ হেৎদ অকা অকা তুচ্ছ, অকা অকাআ যাহানাগে ল্হয়, ইনা যতয়া কুগে ঈশ্বর বাছা কেৎআয়, যাতে, অকা অকা কুরাআ দাম মেনাআ, ইনা যত আমানকে দামান হীন ক্রায়ায়্য় কায়;
\p
\v 29 ইনি নিয়া নাতিনাং গে করা তাৎআয় যাতে যাহায় ঈশ্বর রাআ সামাংরে শ্লাগা আলঃঅ কু সদর দাড়ি কাঃআ।
\p
\v 30 ঈশ্বর আপেকে খ্রীস্ট যীশু লঅ মেশা কেৎ পেয়ায়, আবুয়া ফায়দা রাআ নাতিনাং ঈশ্বর ইনিকে আকেল রাআ হরা কিৎআয়, ইনি আবুয়া নাতিনাং ঈশ্বর লঅ মেশা রাআ, রিলামালা বানা নাতিনাং, হরারাআ বানায়নায়, হেৎদ আবুকে কাই হাতেৎ পরিত্রান এমা কেৎবুআয়।
\p
\v 31 চিল্কা অল মেনা আ 'অকয় হড় স্লাগায়ায়্য়\f + \fr 1:31 \fr*\ft শ্লাগা- অকয় শ্লাগা আয় ইনি নাতিনাং শ্লাগায় কাআয়, অকা ঈশ্বর আবুয়া প্রভু যিশু খ্রিস্ট রাআ হরকাতে কামি তাৎআয়\ft*\f*, ইনি দঅ প্রভূ রেগে শ্লাগায় কাআয়।\x - \xo 1:31 \xo*\xt জিরাঃআমায়া 9:24\xt*\x*
\c 2
\s পৌল রাআ আকেল রাআ বার্তা
\p
\v 1 হেৎদ, এ হাগাঞ হেৎদ মিশি তুকু ইঞ চিন্তং আপেয়া হান্ডে সেন লেনাঞ, ইন্তং বুগিন বুগিন থুতি জাগার্তে হেৎদ আকেল তে গুরুত্ব লেকাতে আপেকে অকা ঈশ্বর রাঃআ সাক্ষসদর\f + \fr 2:1 \fr*\ft সাক্ষ্যসদর-ঈশ্বর রাঃআ রহস্য়\ft*\f* পাস্না নাতিনাং সেটের লেনাঞ, ইনা দঅ ল্হয়।
\p
\v 2 চিয়া চি ইঞ মনেঞ গটা লাৎআ, আপেয়া ভীতিররে অটঅ জাহানা আ আলঞ সারিই কাআ, একেন যীশু খ্রীষ্ট কেগেঞ হেৎদ ইনিকে ক্রাস রে গচ লিৎয়াকু মেন্তে, সারিকা আঞ।
\p
\v 3 হেৎদ ইঞ আপেয়া হান্ডে নিজুরি, বর হেৎদ বর তে থার থারিঞ বুজাত কেনা,
\p
\v 4 হেৎদ ইঞা জাগার হেৎদ ইঞা গাম পাস্না আপেকে ভুলা রাঃআ নাতিনাং দঅ ইনা আকেল রাঃআ জাগার রাঃআ লেকা কাঃআ তাহিলেনা, বরং ইনাকু দঅ রিলামালা আত্মা রাঃআ মহা পরাক্রম রাঃআ প্রমাণ তাহিলেনা,
\p
\v 5 যাতে আপেয়া পাতিয়া মান্মি কু রাঃআ আকেল লেকা তে আলঅ হ্যুকা আ, মেন্খান ঈশ্বর রাঃআ মহা পরাক্রম লেকা তে হ্যুকা আ।
\s আত্মিক আকেল রাআ গুরুত্ব
\p
\v 6 এন্খান আলে আত্মিক সীদ্ধ হড় কুরাঃআ তালারে আকেল রাঃআ জাগার তানালে, মেন্খান হানা আকেল নিয়া যুগ রাঃআ লহয় হেৎদ নিয়া যুগ রাঃআ নাশঃতান শাসন কর্তা কু রাঃআ হঅ ল্হয়।
\p
\v 7 মেন্খান আলেদ সাক্ষসদর রাঃআ লেকা অর্থাৎ ঈশ্বর রাঃআ হানা আকেল রাঃআ লে জাগারে তানা, ইনা উকুয়া আ কান আকেল, অকা ঈশ্বর আবু কে সম্মান\f + \fr 2:7 \fr*\ft সম্মান-গৌরব \ft*\f* এমঃঅ নাতিনাং ধার্তি সির্জন রাঃআ মাড়াং হাতেৎ গে স্যাপড়া ধহ লাৎআয়।
\p
\v 8 নিয়া যুগ রিঙ্কূ শাসন কর্তা কু রাঃআ তালারে ইনা যাহায় কাকু সারি কেনা; চিয়া চি যদি কু সারি কেয়া হুনাং এন্খান দারিয়ান\f + \fr 2:8 \fr*\ft দাড়িয়ান-মহান হেৎদ দাড়িয়ান \ft*\f* প্রভুকে ক্রাস রে কাকু গচ কিয়া হুনাং।
\p
\v 9 মেন্খান, চিল্কা রিলামালা শাস্ত্র রে অল মেনা আ 'মেত অকা আ কায় ঞেল নাম তাৎআয়, লুতুর অকা কায় আয়ুম তাৎআয়, হেৎদ অকা মান্মি যাহা চিল্লং অন্তররে কায় আটকার তাৎআয়, অকা ঈশ্বর, অক্য়্কু ইনিকে কুসিয়া ইয়াকু, ইঙ্কূয়া নাতিনাং স্যাপড়া ধহ তাৎআয়।\x - \xo 2:9 \xo*\xt জিসাই 64:4; 65:17\xt*\x*
\p
\v 10 চিয়াচি আলেয়া হান্ডে ঈশ্বর আয়ায়্য় আত্মা তে ইনাকু সদর তাৎআয়, চিয়া চি রিলামালা আত্মা দঅ যত বাবদ কু সমেত ঈশ্বর রাঃআ গাহির বাবদ কু হঅ তুনুম নামেয়ায়।
\p
\v 11 চিয়া চি মান্মি রাঃআ ভাবনা মান্মি কু রাঃআ আত্মারাআ বিনা অক্য়্কু সারিয়া? ইনে এন্কাগে ঈশ্বর রাঃআ আত্মা বিনা ঈশ্বর রাআ ভাবনা যাহায় কাকু সারিয়া।
\p
\v 12 মেন্খান আলে দঅ ধার্তি রাঃআ আত্মা কে দঅ কালে ঞাম তিৎআ, বরং ঈশ্বর হাতেৎ উডুঙয়াকান আত্মাকেলে ঞাম তিইয়া, যাতে আলে আটকার দাড়ি কাঃআ লে অকা ঈশ্বর আলে কে দায়া-দুলাড়\f + \fr 2:12 \fr*\ft দায়া-দুলাড়-অনুগ্রহ \ft*\f* লঅ এমা তাৎলেআয়।
\p
\v 13 নিয়া যত বার্তা আলে জাগারেতানা, নিয়া বার্তা মান্মি রাআ চেদাকান আকেল তে দঅ লহয়, মেন্খান রিলামালা আত্মা রাআ চেদাকান জাগার তে, আত্মা রাআ চেদা কান থুতি তে আত্মিক সার্তি টাকে বুঝাই তানালে।
\p
\v 14 মেন্খান জাগতিক মান্মি ঈশ্বর রাঃআ আত্মা রাঃআ বিষয় কায় গ্রহনেয়া, চিয়া চি ইনিরাআ হান্ডে ইনাকু যত মুর্খতা লেকা; হেৎদ ইনা কু যত ইনি কায় সারি নামেয়ায়, কারন ইনা কু আত্মিক লেকাতে পরীক্ষা আয়।
\p
\v 15 মেন্খান অকয় আত্মিক, ইনি দঅ যতয়া বাবদ রাঃআ পরীক্ষা আয়, মেন্খান এটা যাহায় ইনি রাঃআ পরীক্ষা কাকু দাড়িয়া।
\p
\v 16 চিয়া চি 'অকয় প্রভু রাঃআ মন সারিতাত্যায়্য়, ইনিকে উপদেশ এম দারিয়ায়্য়? মেন্খান নিয়া সারি নাম তাৎআবু চিল্কা খ্রিস্ট ভাবা আয় এনকা আবু ভাবায় কাঃআবু।\x - \xo 2:16 \xo*\xt জিসাই 40:13\xt*\x*
\c 3
\s (গাগাম কু ঈশ্বর রাঃআ সহ কামিয়ান কু, ঈশ্বর রাঃআ সম্পদ রিঙ্কূ কটাল) মন্ডলী
\p
\v 1 হেৎদ, এ ব্কঞ তুকু হেৎদ মিশি তুকু, ইঞ আপেকে আত্মিক মান্মি লেকা জাগার কাঞ গামা তাৎপেয়া, মেন্খান জাগতিক হড় কু লেকা, খ্রীস্ট রে পাতিয়া আকান হন কুরাঃআ লেকা জাগারে তানাঞ।
\p
\v 2 ইঞ আপেকে তয়া নুউ তুকা লাৎ পেয়া, ম্যাডী কাঞ জম তুকা তাৎ পেয়া, চিয়াঃ চি ইন্তং আপেয়া দাড়ি কা হয়ুয়া কানা, এমনকি, নাহা আ হঅ আপেয়া দাড়ি বাআয়না।
\p
\v 3 চিয়া চি নাহা আ আপে জাগতিক হড় লেকা মেনা আ পেয়া; বাস্তবিক চিন্তং আপেয়া তালারে ঈর্ষা হেৎদ বিবাদ মেনা আ গেয়া, ইন্তং আপেদ চি জাগতিক হড় ল্হয় তানাপে, হেৎদ মান্মি কু রাঃআ আরি চালি লেকা দ্চি কাপে সেসেন তানা?
\p
\v 4 চিয়াঃ চি চিন্তং আপেয়া তালারে মিৎ হড় গামেয়ায় "ইঞ পৌল কে মানায়াঞ, হেৎদ অটঃ মিৎ হড়, ইঞ দঅ আপল্ল কে মানায়াঞ, ইন্তং আপেদ্চি মান্মি সুমুং ল্হয়?
\s ঈশ্বর রাআ দাস রাআ ভূমিকা
\p
\v 5 বেশ, আপল্ল দঅ অকয়? হেৎদ পৌলদ অকয়? ইন্কিন মা ত পরিচারক মাত্র, অকয় লিয়া আপে পাতিয়ান হড় পে হয়ুয়া কানা; হেৎদ মিমিৎ হড়কে প্রভু চিল্কা এমা তাৎ কিনায়।
\p
\v 6 ইঞ রহা\f + \fr 3:6 \fr*\ft রহা-জাং হের কেৎ আ, বুগিন বার্তা পাস্না কেৎ আ\ft*\f* কেৎআ, আপল্ল দাঃ আ দুল\f + \fr 3:6 \fr*\ft দুল-চেচেদ এমা কেৎ কুআয় \ft*\f* কেৎ আয়, মেন্খান ঈশ্বর হারা বুরু কেৎআয়্য়।
\p
\v 7 তাহলে রহাইচ দ জাহিনিচ ল্হয়, দুলিইচ হঅ জাহিনিচ ল্হয়, হারা বুরুইচ ঈশ্বর দাতা গে সার।
\p
\v 8 হেৎদ রহাইচ হেৎদ দুলিইচ বানার হড় রাআ দিশা মিয়াৎ গে, মেন্খান অকয় রাঃআ চিল্কা শ্রম, ইনি এনেঙ্কা আয়ায়্য় কাউডি নামেয়ায়।
\p
\v 9 চিয়া চি আলে ঈশ্বর রাঃআ গে গাতি কামিয়ান হড়; আপে ঈশ্বর রাঃআ গে বাইদ, ঈশ্বর রাঃআ গে অড়া\f + \fr 3:9 \fr*\ft অড়া- গাত্নি\ft*\f* তানাপে।
\p
\v 10 ঈশ্বর রাঃআ অকা অনুগ্রহ দান ইঞ কে এম হয়ুয়া কানা, ইনালেকাগে ইঞ আকিলান গাত্নি বাইয়ান হড় লেকা ভিত্তি বুটা বানা তাৎআঞ; হেৎদ ইনা রাঃআ চেনাং রে এটা হড় কু হঅ গাত্নি তানা; মেন্খান যত হড় সতর্ক আকু, চিল্কা লেকা ইনি ইনা রাঃআ চেতাং রে গাত্নিআয়।
\p
\v 11 চিয়াঃ চি অকা স্থাপন হয়ুয়া কানা, ইনা বিনা এটা ভিত্তি বুটা যাহায় কাকু স্থাপন দাড়িয়া তাৎআ, ইনি দঅ যীশু খ্রীস্ট।
\p
\v 12 মেন্খান নিয়া ভিত্তি বুটা রাঃআ চেতাং রে সনা, রুপা, গাদা দামী ধিরি, কাট, বুসু, ঘাসাড় লিয়া যদি যাহায় কু গাত্নিয়া, এন্খান যত হড় কু রাঃআ কামী সদর আ।
\p
\v 13 কারন ইনা হুলাং গে ঞেলয়া, চিয়া চি ইনা হুলাং রাঃআ সদর সেঙ্গেল তেগে হ্যুয়ায়; হেৎদ জ্ত্চ রাঃআ কর্ম চিল্কা লেকা, ইনা সিঙ্গেল গে বিডা য়ায়্য়;
\p
\v 14 অক্য়য় অকা গাত্নি তাত্যায়, হানি রাঃআ ইনা কর্ম যদি স্থির তাহিনা, এন্খান হানিদ কাউদী নামেয়ায়।
\p
\v 15 অকয় রাঃআ কর্ম আতার আ, হানি দ ক্ষতিরে তাহিনায়, মেন্খান হানিদ আয়ায়্য় পরিত্রান নামেয়ায়। এনেখান্গে নিয়া লেকা নামেয়ায়, চিল্কা সিঙ্গেল তালাতে জিত্কার হ্যুয়ায়্য়।
\p
\v 16 আপে দ চি কাপে সারিয়া, আপেদ ঈশ্বর রাঃআ মুন্দির, হেৎদ ঈশ্বর রাঃআ আত্মা আপেয়া অন্তরে বাসা কানায়?
\p
\v 17 যদি যাহায় ঈশ্বর রাঃআ মুন্দির নষ্ট ইয়াকু, ইন্খান ঈশ্বর ইনিকে নষ্ট ইয়ায়্য়, চিয়াঃ চি ঈশ্বর রাঃআ মুন্দির রীলামালান, হেৎদ আপেগে ইনা মুন্দির।
\p
\v 18 যাহায় আপনারকে আলয় ঠেকাই কাঃআয়, আপেয়া তালারে যাহায় যদি আপনারকে নিয়া যুগরে আকিলান মেন্তে মনেয়ায়, এন্খান ইনিদ আকিলানআয় মেন্তে মুর্ক কাতে তাহীন কাঃ আয়।
\p
\v 19 যেহেতু নিয়া জগত রাঃআ অকা আকেল, ইনাদ ঈশ্বর রাঃআ হান্ডে মুর্ক। কারন রিলামালা শাস্ত্র রে অল মেনা আ 'ইনিদ আকিলান হড়কুকে ইন্কুয়া চালাকিতে স্যাপকুয়ায়্য়।
\p
\v 20 অটঃ হঅ গে 'প্রভু আকিলান কু রাঃআ বাক ঝৌড়ি সারিয়ায়্য় যে, ইনা যত অসার।
\p
\v 21 ইন্খান যাহায় মান্মি কুকে আলকু শ্লাঘা কুকা আ। চিয়া চি যতয়্যা গে আপেয়া;
\p
\v 22 পৌল, চি আপৌল্লো, চি কৈফা, চি জগত, চি জীবন, চি মরণ, চি মেনা আ বিষয়কু, চি হাপেন হুলাং কু রাঃআ বিষয়, যতয়্যা গে আপেয়ায়্য়।
\p
\v 23 হেৎদ আপে দ খ্রীস্ট রাঃআ হেৎদ খ্রীস্ট দ ঈশ্বর রাঃআ।
\c 4
\s খ্রীষ্ট রাঃআ কুলিচ
\p
\v 1 হড়কু আবুকে নিয়া লেকা কু মনেৎ বুয়াআ যে, আবুদ খ্রীস্ট রাঃআ সেবক হেৎদ ঈশ্বর রাঃআ উকুয়াকান বাবদ কুরাঃআ কটাল অকয় কু রাঃআ চেতাং রে নেল আতেন রাঃআ জেমি দারি এমা কানা।
\p
\v 2 হেৎদ নেথাং রে কটাল গংকে রাঃআ নিয়া গুণ হুয়ু লাক্তি, ইন্খান ইনিকে পাতিয়ানিচ লেকা ঞেল কাআয়।
\p
\v 3 মেন্খান আপে লিয়া বাংখান যাহায় মান্মি রাঃআ বিচার আখড়া রে অকা ইঞাঃআ বিচার হ্যুয়ায়্য়, নিয়াদ ইঞাঃআ মতে ইতিচ তরাং রাঃআ বেপার; ইন্খান, ইঞ ইঞাঃআ হঅ কাঞ বিচারেয়া।
\p
\v 4 চিয়া চি ইঞ ইঞাঃআ বাব্ত্তে যাহানা কাঞ সারিয়া, তুবুই রহঅ ইঞ বিন্দায়ী মেন্তে কাঞ প্রমাণ তানা; মেন্খান অকয় ইঞাঃআ বিচারেআয়, ইনি প্রভু (দুরাং. 19:12)
\p
\v 5 এন্খান আপে অক্ত রাঃআ মাড়াং তে, অকা অব্দি প্রভু কায় হিজুয়ায়্য়, এনা অব্দি যাহান বিচার আল্পে করায়া; ইনি গে লুম্বারে উকুয়া কানা যতচআয়্য় মার্সালতে সদরেয়ায়্য়, হেৎদ রিদয় রাঃআ যত মন্ত্রনা সদরেয়ায়্য়; হেৎদ ইনা হুলাং যত হড় ঈশ্বর রাঃআ হান্ডে হাতেৎ আপান আপিন সাবাসিকু নামেয়া।
\s যিশু রাআ নাতিনাং মুর্খ
\p
\v 6 এ ব্কঞ হেৎদ মিশিঞ তুকু, ইঞ ইঞাঃআ হেৎদ আপল্লো রাঃআ উপমা লিয়া আপেয়া নাতিনাং নিয়া যত জাগারিঞ গাম কেৎআঞ; যেন আলে লিয়া আপে নিয়া চেচেদাঃ নামেপে চি, অকাকু শাস্ত্র রে অল মেনাআ, ইনাকু তাড়ম পারম কাঃআ বেসা, আপে যাহায় যেন মিৎ হড় রাঃআ পক্ষে এটা হড় রাঃআ বিপক্ষে আল্পে গর্ব্ব য়াআয়্য়।
\p
\v 7 চিয়া চি অকয় আপেয়া তালারে পক্ষপাতিত্ব\f + \fr 4:7 \fr*\ft পক্ষ পতিত্ব= মিৎতরফা \ft*\f* সির্জন তাৎআয়? হেৎদ অকা কাম নামতাৎআ, এনেইঙ্কা না আ আমাঃ আ কিনা আ মেনা আ? হেৎদ চিন্তং ঞাম তাৎআম; ইন্তং যেন কাম ঞাম তাৎ আ, নিয়া লেকা চিয়া মনে কাতেন গর্ব্বয় তানাম?
\p
\v 8 আপে নাহা আ পেরেচা কানাপে! নাহা আ কিসাড়া কানাপে! আলেয়া বিনা রাজত্ব নাম তাৎ আ পে! হেৎদ রাজত্ব নাম লেখান্পে বেশ কআপে হুনাং, আপে লঅ আলে হঅ রাজত্ব নাম্কেয়ালে হুনাং।
\p
\v 9 চিয়াচি ইঞাঃআ মনে লেকা তেদ, কুলিচ কু যে আলে, ঈশ্বর আলেকে গজঃঅ রাআ সাজা নামাকান হড়কু লেকা মিছিল রাঃআ মুচাদিজ মেন্তে উদু নাতিনাং দঃহ তাৎলেআয়; চিয়া চি আলে দ ধার্তি রাঃআ হেৎদ নাঙ্গা কু রাঃআ অটঃহঅ মান্মি কু রাঃআ হান্ডে কুকলী রাঃআ জিনিস হুইয়াকানালে।
\p
\v 10 আলে খ্রীস্ট নাতিনাং মুর্খ, মেন্খান আপেদ খ্রীস্ট হতেত্তে বুদ্ধিজিবি! আলেদ নিজুরি, মেন্খান আপেদ দাড়িয়ান হড়; আপেদ গৌরবান হড়, মেন্খান আলেদ হেয়ালি হড়।
\p
\v 11 নাহা আ রাঃআ নিয়া অব্দি আলেদ রেঙ্গেচাকান, তেতাংয়াকান হেৎদ বিন কিচি সিনিব গেয়ালে, হেৎদ তিহিতে ভুকুড়া কাতে ঘায়েলা কানালে, হেৎদ বরবর রেলে মেনা আ লেয়া অড়া দুয়ার বাআয়না তালেয়া;
\p
\v 12 হেৎদ নিজ তিহিতে কামী কাতে কুঠিন খাটাতানালে; নিন্দা নাম নামতে আশিষা কু তানালে, তাড়না নাম নামতে সাহাৎ আলে,
\p
\v 13 বদনাম নাম নামতে বিনয়া কু তানালে; তিহিং অব্দি আলে ইহুদি কু যেন ধার্তি রিঙ্কূ আবর্জনা, যত বিষয় নাতিনাং জঞ্জাল হুই কাতে মেনা লেয়া।
\s যিশু কে অনুসরণ নাতিনাং পৌল রাআ উপদেশ
\p
\v 14 ইঞ আপেকে গিয়ু এম নাতিনাং দঅ ল্হয়, মেন্খান ইঞাঃআ প্রিয় হন মেন্তে আপেকে চেতনা এম নাতিনাং নিয়া যত অলাপে তানাঞ।
\p
\v 15 চিয়া চি যদিও খ্রীস্টতে আপেয়া গেলেজুলু\f + \fr 4:15 \fr*\ft গেলে জুলু- দশ হাজার \ft*\f* চেচেদিজ কু তাহিনা, ইন্খান আপু দঅ গাদা লেকা ল্হয়; চিয়া চি খ্রীস্ট যীশু রে বুগিন বার্তা লিয়া ইঞগে আপেকে জানাম তাৎ পেয়াঞ।
\p
\v 16 ইন্খান আপেয়া হান্ডে নেহর, আপে ইঞাঃ সুতু হড় হ্যুইওপে।
\p
\v 17 নিয়া নাতিনাং ইঞ থিম্তিকে আপেয়া হান্ডে কুল্তিঃআঞ; ইনি দ প্রভুতে ইঞাঃআ প্রিয় হেৎদ পাতিয়ানিচ হন; ইনি আপেকে খ্রীস্ট যীশু রাঃআ বাব্ত্তে ইঞাঃআ হরা দিশা যত পাহামাপেয়ায়, অকাকু ইঞ যত ঠাওরে যত মন্ডলীরে চেচেদা আ এম আগু তাৎআঞ।
\p
\v 18 ইঞ আপেয়া হান্ডে কাঞ হিজুয়া মেন্তে আপে কথক হড় গরবা কানাপে।
\p
\v 19 মেন্খান যদি প্রভু মনেয়ায়, ইন্খান ইঞ ঘিড় মেন্তাংগে আপেয়া হান্ডেঞ হিজুয়া, হেৎদ অক্য়্কু গ্র্বাকান্দুকু, ইঙ্কূয়া জাগার দঅ লহয়, মেন্খান ইঙ্কূয়া ঈশ্বর চিন্তি দাড়িয়ানিচ মেন্তেগে সারি কাঞ।
\p
\v 20 চিয়া চি ঈশ্বর রাঃআ পরগনাদ জাগার তেদঅ ল্হয়, মেন্খান ঈশ্বর রাআ দাড়িয়ান্তে।
\p
\v 21 আপেয়া আ ইচ্ছা কিনা আ? ইঞ দ চি সাজা এম নাতিনাং হাপা স্যাপ কাতে আপেয়া হান্ডেঞ সেনা? চি দুলাড় হেৎদ মুলুচ মচা সাপা আত্মা তেঞ সেনা ?
\c 5
\s মন্ডলী রে অসৎ সদস্য়
\p
\v 1 সার্তি গে আয়ুমঅ তানা যে আপে কু তালারে হড়মালটম মেনা আ, হেৎদ নেকান হড়মালটম, অকা এটা জাতিকুরে হঅ বাঃআয় না, নেকানাঃআ চি আপেয়া তালারে হঅ হড়কু হড়মালটম নাতিনাং বুল চাবা কানাকু (নেকানাঃআ চি আপেয়া তালারে মিহুড় আয়া বাআ তেৎ রাআ এরা/হিরুম মাইতেৎ লঅ সম্পর্ক দঃহঅ তাৎআয়)\x - \xo 5:1 \xo*\xt লেবিয় 18:8; দশার বিবরণী 22:30\xt*\x*
\p
\v 2 অটঃহঅ আপে নিয়া বাবত্তে গর্ব অ তানাপে, বরং চিয়া আ কাপে রদন লাৎআ, যাতে ইনিকে আপেয়া সমাজ হাতেৎ কুদা গিডি হ্যুয়কাআ, অকয় হড় নেকান কামী তাত্যায় মেন্তে!
\p
\v 3 ইঞ, হড়মতে কাঞ তাহিলেন্খান চিকেয় না আত্মা তে তাহি কাতে, অকয় হড় নেকান কামী তাত্যায়্, তাহিয়ান হড় লেকা ইনি রাঃআ বিচার তাৎআঞ;
\p
\v 4 আবুয়া প্রভু যীশু রাঃআ ঞুতুম তে আপেয়া আ হেৎদ ইঞা আ আত্মা মিৎ ঠাঁওরে তাহিলেন খান,
\p
\v 5 আবুয়া প্রভু যীশু রাঃআ দাড়িয়ান লঅ ইনি লেকান হড়কে হড়মো নাসা নাতিনাং বঙ্গা রাঃআ তিহিরে এম উচাড় হ্যুয়া, যাতে প্রভু যিশু রাঃআ মাহারে\f + \fr 5:5 \fr*\ft মাহারে= বিচার মাহারে \ft*\f* ইনিরাআ আত্মা পরিত্রান নামে কাঃয়ায়্য।
\p
\v 6 আপেয়া শ্লাঘা করা বেশ ল্হয়তানা। আপে দ্চি কাপে সারিয়া, ইতিচ তরাং তাড়ী রস গটা সুজি থাড়ি তাড়ি রসতে গাবা চাবাঃআ।
\p
\v 7 মারি তাড়ি\f + \fr 5:7 \fr*\ft মারি তাড়ি= দুষ্টু/বদমাশ হড় \ft*\f* রাসি বাহার দুল গিডি কাতে আপনার কুকে শুচিকূপে; যাতে আপে নামা তাল লেকাপে হ্যুয়ায়্য়, আপে মাত তাড়ীবিহীন তানাপে, চিয়াচি আবুয়া সাকরাৎ পরব\f + \fr 5:7 \fr*\ft সাকরাৎ পরব = নিস্তারপর্ব \ft*\f* রাঃআ ভিডিদ বুলি দাড়ি সামাং হুয়ুয়া কানায়, ইনিদ খ্রীস্ট।
\p
\v 8 ইন্খান হিজুপে, আবুদ মারি তাড়ি তেদ ল্হয়, হিংসা হেৎদ দুষ্টুমি রাঃআ তাড়ি দ ল্হয়, মেন্খান উদার তে হেৎদ সার্তিমন ভাবতে তাড়িবিনা\f + \fr 5:8 \fr*\ft তাড়িবিনা = কলাং-আরখি বিনা \ft*\f* পিঠা তে পরব বু মানায়ায়।
\s আসৎ রাআ নাতিনাং বিচার
\p
\v 9 ইঞ ইঞাঃআ গিরা রে আপেকে নেকা অলালাৎ পেয়াঞ, হড়মালটমিচ কু লঅ জাহান সাগাই আল্পে দহ য়াআয়্য়;
\p
\v 10 নিয়া ধার্তি রিঙ্কূ হড়মালটমিচ, চি লোভি, চি এটা হড় রাঃআ সম্পদ হাতা রাঃআ ইচ্ছা হড়কু, চি ধিরি হাসা রিঙ্কূ বানা ঠাকুরকে দেবা সেবা হড়কু লঅ ভিড়া হাতেৎ গাদা সাঙ্গীঙ রে তাহীন হ্যুয়ায়ায়্, এঙ্কা দ ল্হয়, চিয়া চি ইনেইন্কা করা লেনখান ধার্তি হাতেৎ বাহারতে সেন আপেয়ায়্য় লাক্তি হুয়ু দাড়ীয়ায়্য়।
\p
\v 11 মেন্খান নাহা আ আপেকে অলাপে তানাঞ যে, পাতিয়ানিচ হাগা হুইকাতে যাহায় হড় যদি, হড়মালটমিচ, চি লোভি, চি ঠাকুর দেবা সেবায়ইচ, চি কু-জাগারিচ, চি বুলিচ, চি এটা হড় রাঃআ দৌলত লুটিচ হ্যুয়আ, এনেখান্ ইনি হড় লঅ সাগাইরে আলপে তাহিনা, এঙ্কান হড় লঅ হঅ আলপে জম নুয়া।
\p
\v 12 চিয়াঃচি বাহার রিঙ্কূ হড়কু রাঃআ দরবার রে ইঞাঃআ কিনাআ ফায়দা হ্যুয়আ? আপে দ চি মন্ডলী ভীতির রিঙ্কূ কু হড় রাঃআ কাপে দরবার রাঃআ?
\p
\v 13 মেন্খান ঈশ্বর দরবারে আয় বাহার হড়কু রাঃআ। আপে আপেয়া তালা হাতেৎ ইনি দুষ্টু হড়কে উডুং গিডিইপে।\x - \xo 5:13 \xo*\xt দশার বিবরণী 17:7\xt*\x*
\c 6
\s বিবাদ হেৎদ হড়মালটম বাব্ত্তে থুতি
\p
\v 1 আপেয়া তালা কুরাআ হাতেৎ যাহায় রাঃআ সাহস মেনা আ চি, এটা মিহুড় পাতিয়ানিচ্ হড় রাঃআ বিরূদ রে জাহান নালিস তাহি লেন্খান হানি রাঃআ দরবার রীলামালা হড় কু রাঃআ হান্ডে কাঃআ ইদি কাতে অধার্মিক হড় কু রাঃআ হান্ডে ইদিয়াকু?
\p
\v 2 আপে চি কাপে সারিয়াপে যে, ঈশ্বর রাঃআ রীলামালা হড় কু ধার্তি রাঃআ কু দরবারেয়া? অটঃহঅ ধার্তি রাঃআ দরবার যদি আপেকে লিয়া হ্যুয়আ, এন্খান আপে চি সাধারণ বাব্ত্ত কু রাঃআ দরবার তে জ্গ্য় ল্হয়?
\p
\v 3 আপে দ্চি কাপে সারিয়া যে, আবু সরগ নাঙ্গা কু রাঃআ বু দরবারেয়া? এনা নাতিনাং নিয়া জীউ রাঃআ বাবত মাআ আল্গা গেয়া।
\p
\v 4 ইনাখান আপে লিয়া যদি নিয়া জীউ রাঃআ বাব্ত্তে দরবার হ্যুয়আ, ইন্খান মন্ডলীরে অকয় কুরাঃআ বাব্ত্তে লেখা লেকানা জাহানা আ বাআয়না, ইঙ্কূ কেগে দ চিয়া আ দরবার রেপে দুবেৎ কুয়া?
\p
\v 5 ইঞ আপেকে গিয়ুঃ তুকা নাতিনাং নিয়া থুতিকু জাগারেপে তানাঞ। নিয়া দ চিল্কা? আপেয়া মন্ডলী তালারে দ্চি এনে এন্কান যাহায় মিৎ হড় হঅ আকেলবান বানুঃ কুয়া যে, অকয় হাগায়া হাগায়া কিন বিবাদ লেন্খান ইন্কিনা আ নিস্পত্তি তুকা কিনায়?
\p
\v 6 মেন্খান হাগায়া লঅ হাগা দরবার ঠাওরে নিপিয়া আকিন, ইনাদ অটঃহঅ কাপাতিয়ান হড় কু রাঃআ হান্ডে।
\p
\v 7 আপেমাত আপন আপিন রাঃআ দরবারপে আসি তানা, ইনাতে আপেয়া আ গে গাদা ক্ষতি হ্য়ুয়অ তানা। বরং অন্যায় চিয়া আ কাপে সাহাঃৎআ? বরং চিয়া আ কাপে বঞ্চিত তানা ? 
\v 8 মেন্খান আপেগেপে অন্যায় এৎআ, ঠেকাৎ কুয়াপে, হেঁঃএ নিয়াদ পাতিয়ান হাগা কু লঅ গেপে করাঃআ।
\p
\v 9 বাংখান আপে দ্চি কাপে সারিয়া যে, অধার্মিক কুদ ঈশ্বর রাঃআ পরগনা রে আইদারি কাকু নামেয়া? আল্পে ভ্রান্তঃআ, অকয় কু ছিনারী চি, ঠাকুর দেবা সেবায়ইচ চি, বিলাসিতা চি, রান্ডিবাজ চি, পরকিয়া চি, কুঠিয়া চি,
\p
\v 10 কুমড়ু চি, লোভী চি, মাতাল চি, কুটুজাগারিচ চি, লুটারী চি, ইঙ্কূদ ঈশ্বর রাঃআ পরগনারে আইদারি কাকু নামেয়া।
\p
\v 11 হেৎদ আপে তালারে হঃঅ কথক এনে এন্কান হড় পে তাহিলেনা; মেন্খান আপে প্রভু যিশু খ্রীস্ট রাঃআ নুতুমতে হেৎদ আবুয়া আ ঈশ্বর রাঃআ আত্মাতে আপে জ্ত্চ্ আবুং সাপা কানাপে, রীলামালান কানাপে, ধার্মিক মেন্তে পে লেখা কানা।
\s হড়মালটম
\p
\v 12 জ্ত্যাআঃ গে ইঞাঃআ করনীয়, মেন্খান জ্ত্যাআঃ গে ইঞাঃআ হিত রাআ নাতিনাং, এংকা দ ল্হয়; জ্ত্যাআঃ গে ইঞাঃআ করনীয়, মেন্খান ইঞ জাহানা আ তেগে ভরসা কাতে কাঞ সেসেনাঞ।
\p
\v 13 আপেয়া তালারে কথক পে গামেয়া "জমা নুউয়া\f + \fr 6:13 \fr*\ft জমা নুউয়া = আহার \ft*\f* লাহিচ্ নাতিনাং হেৎদ লাহিচ্ নাতিনাং জমা নুউয়া, মেন্খান ঈশ্বর বারানা আ গে লুপ্ত য়াআয়্য়। চিয়াচি হড়ম অ দঅ হড়মালটম নাতিনাং দ ল্হয়, মেন্খান প্রভু রাঃআ নাতিনাং, হেৎদ প্রভু দঅ হড়ম অ রাঃআ নেল আতেন নাতিনাং।
\p
\v 14 হেৎদ ঈশ্বর আয়ায়্য় নিজ দাড়িয়ান্তে প্রভুকে জিউত বিরিৎ লিয়ায়্য়, আবু কে হঅ বিরিৎ বুয়ায়্য়।
\p
\v 15 আপেদ্চি কাপে সারিয়া? আপেয়াআ হড় ম খ্রীস্ট রাঃআ অঙ্গ? এন্খান ইঞ দ্চি খ্রীস্ট রাঃআ অঙ্গ হুই কাতে রহঅ ছিনারী রাঃআ অঙ্গ কাতেঞ দহ্যয়আ? এঙ্কা দ সাঙ্গিংরে তাহিন্কাঃ আ।
\p
\v 16 বাংখান আপেদ্চি কাপে সারিয়া? অকয় হড় হড়মালটমরে তাহিনায়, ইনি হানি লঅ মিয়াৎ হড় মঅ কিন হ্যুয়াআ, কারন শাস্ত্ররে অল মেনাআ "ইন্কিন বার হড় মিয়াৎ হড় ম কিন হ্যুয়াআ।\x - \xo 6:16 \xo*\xt আদি 2:24 \xt*\x*
\p
\v 17 মেন্খান অকয় হড় প্রভুরা ভরসা রে তাহিনায়, ইনি দ হানি লঅ মিয়াৎ আত্মা কিন হ্যুয়আ।
\p
\v 18 আপে হড়মালটম হাতেৎ সাসঙ্গিনরে তাহিনঃ পে। মান্মি এটা জাহানা য় কাই লেখানে য়, ইনা ইনি রাঃআ হড় ম রাঃআ বাহার রে, মেন্খান অকয় হড়মালটম য়ায়্য় ইনিদ আয়ায়্য় নিজ হড় ম রাঃআ বিরুধরে কাই য়ায়্য়।
\p
\v 19 বাংখান আপেদ চি সারিয়া পে, আপেয়ায় হড় ম রীলামালা আত্মা রাঃআ মুন্দির তানা, অকয় আপেয়ায়্য় অন্তরে তাহিনায়, অকইকে আপে ঈশ্বর রাঃআ হান্ডে হাতেৎ নাম তিৎয়াপে?
\p
\v 20 হেৎদ আপেদ আপেয়া ল্হয়, কারণ মূল্য লিয়া কিরিং তুকা কানাপে। এন্খান আপেয়ায় হড় ম তে ঈশ্বর রাঃআ গৌনমানতেপে।
\c 7
\s গঙ্গঅ দুতাম বাব্ত্তে রীতি
\p
\v 1 অটঃহঅ আপে অকা যত থুতিপে ইঞকে অল লিৎঞাআ, ইনা বাব্ত্তে ইঞা নিয়া তেলা রুয়াড় তানা, যাহায় কুড়ি হন কুকে কাঃআ জুটেত কড়া হন কু রাঃআ ভালাই;
\p
\v 2 মেন্খান হড়মালটম হাতেৎ বাঁঞ্চা নাতিনাং মিমিৎ কড়া হন কুরাঃআ আপনার এরাবাহুকু তাহীন কা আ, হেৎদ মিমিৎ এরা কু রাঃআ আপনার হেরেল কু তাহীন কা আ,
\p
\v 3 হেরেল আয়া আ এরাকে প্রাপ্য় এমাই কা আয়; এনে ইঙ্কা লেকাগে এরা হঅ হেরেল কে প্রাপ্য় এমাই কা আয়।
\p
\v 4 এরাদ আয়া আ নিজ হড় ম চেতান রে আইদারি বায়া আ না, মেন্খান আয়া হেরেল রাঃআ মেনা আ; এনে ইঙ্কা লেকাগে নিজ হড় ম চেতাং রে হেরেল রাঃআ আইদারি বায়া আ না, মেন্খান আয়া এরা রাঃআ মেনা আ;
\p
\v 5 আবেন আপান আপিন আলবেন ভেগার রে তাহিনোয়া; শুধু বিন্তি নাতিনাং ঝিরা-বসং ঞাম নাতিনাং বার হড় মিশাতে দুপ কাতে থুতি জাগার কাতে বারসিঙ লেকা ভেগার রে বেন তাহি দাড়ি য়া আ; ইনা তায়্ম অটঃহঅগে মিৎ থাংরেবেন তাহিনা, যাতে শয়তান আবেনা আ অসংযমতা রাঃআ নাতিনাং আবেনকে বিডারে আলয় নুর বেন কা আয়।
\p
\v 6 মেন্খান ইঞ দ আবেনকে হুকুম লেকাতেদ ল্হয়, মেন্খান অনুমতি লেকাতে নিয়াকু গামা বেন তানাঞ। 
\v 7 হেৎদ ইঞাঃআ ইচ্ছা নিয়া তানা, যত মান্মিকুগে ইঞ লেকা ডাঙ্গুয়া তাহীনঃঅ কাঃআকু; মেন্খান যত মান্মি ঈশ্বর রাঃআ হান্ডে হাতেৎ আপান আপিন দায়া দুলাড় ঞাম তাৎ আ কু, মিমিৎ হড় মিমিৎ লেকানা আ, এটা এটা হড় এটা লেকানা আ।
\s আউরি গঙ্গঅ দুতামিচ কুরা নাতিনাং পরামর্শ
\p
\v 8 নাহাআ ডাঙ্গুয়া হড়কু রাঃআ হেৎদ রাঁন্ডি হড়কু রাঃআ হান্ডে ইঞাঃআ নিয়া থুতি, ইঙ্কূ যদি ইঞ লেকা তাহি দাড়িইয়াকু, এন্খান আকুয়াআ আ নাতিনাং ইনাগে বেশা আ; 
\v 9 মেন্খান ইঙ্কূ যদি আকুয়াআ আ হড় ম কাকু কবজ দাড়িয়া আ, এন্খান গঙ্গঅ দুতামঅ কা আ কু; চিয়া আ চি সিঙ্গেল রে মগদ মগদ জুল হাতেৎ গঙ্গ দুতামঅ গাদা বেশা।
\p
\v 10 অটঃঅ হঅগে গঙ্গঅ দুতাম হড় কুকেঞ হুকুমা পে তানা ইঞ, ইঞ গামাপে তানা ইঞ আঙ্কাদ ল্হয়, মেন্খান প্রভুগেয় গামাপে তানায়, এরা দঅ হেরেল কে বাগী কাতে আলয় সেনঃঅ কাআয়, 
\v 11 যদি সেনঃগেয়ায়্য়, এন্খান আলয় গংঅঃ কা আয়, বাংখান হেরেল লঅ মিশাতে কিন তাহীন কা আ, হেৎদ হেরেল হঅ এরা কে আলয় ছাডুই ঈকা আয়। 
\v 12 মেন্খান যত হড় কেঞ গামাপে তানা, প্রভু দ ল্হয়; যদি যাহায় পাতিয়ান হাগা রাঃআ অপাতিয়ান এরা মেনা ইয়া, হেৎদ ইনি কুড়ি হন ইনি লঅ তাহি নাতিনাং রাজি মেনাই আ, এন্খান ইনি হানিকে আলয় বাগিই কা আয়; 
\v 13 অটঃহঅগে অকয় পাতিয়ান এরা রাঃআ অপাতিয়ান হেরেল মেনা ইয়া, হেৎদ ইনি কড়া হন যদি হানি লঅ তাহীন নাতিনাং রাজি মেনাই আ, এন্খান ইনিদ হেরেল কে আলয় বাগী কা আয়। 
\v 14 চিয়া চি অপাতিয়ান হেরেল হানি এরা তে রিলামালা কানায়, অটঃহঅ অপাতিয়ান এরা হানি হেরেল তে রিলামালা কানায়; ইনা কাঃআ হুই লেনখান আপেয়া হন হপন কু অরীলামালা হুই কঃআকু হুনাং, মেন্খান বাস্তবরেদ ইঙ্কূ রীলামালান।
\p
\v 15 তুবু রহঅ অপাতিয়ান হেরেল বাংখান এরা কু সেনঃঅ খানঃঅ কু সেন কা আ কু; নেকানাআরে ইনি পাতিয়ান হাগা দ চি হানি মিসি আকিনা একরার রে আটক বানু কিনা, মেন্খান ঈশ্বর আবুকে সুলুকতে বাঞ্চাকাতে তাহি নাতিনাং গে রাঃআ তাৎ বুয়ায়।
\p
\v 16 কারণ, এ এরা কুড়ি হন, আম চিল্কাতে সারি ঞামেয়াম যে, আমাঃ আ হেরেল কে আম পরিত্রানিয়াম চি ল্হয় ? বাংখান এ কড়া হন, আম চিল্কাতে সারি ঞামেয়াম যে, আমাঃ আ এরাকে আম পরিত্রানিয়াম চি ল্হয়?
\s ঈশ্বর রাঃআ রারাঃআ লেকাতে সেসেনপে
\p
\v 17 শুধু প্রভু অক্য়য়কে চিল্কা অংশ এমা তিৎআয়, ঈশ্বর অক্য়য়কে চিল্কা কাতেৎ রাঃআ তিৎ আয়, ইনিদ এঙ্কাগে সেসেন কা আয়। হেৎদ নেএ নেকান হুকুম যত মন্ডলীরে এমে তানাঞ।
\p
\v 18 যাহায় দ চি সুনু চুটি গেত কাতে রাঃআ তুকা কানা পে? এন্খান ইনিদ গেতাকান সুনু চুটি আল্য়য় মেটায় কা আ। যাহায় চি সুনু চুটি কাঃআ গেত লেকাতে রাঃআ তুকা কানা পে? এন্খান ইনিদ সুনু চুটি আল্য়য় গেতে কাঃআয়,
\p
\v 19 চুটি গেত জাহানা আ ল্হয়, চুটি কাঃআ গেত হঅ জাহানা ল্হয়, মেন্খান ঈশ্বর রাঃআ হুকুম গুনান মানানগে সার।
\p
\v 20 যিশু খ্রিষ্ট রে পাতিয়া বাত্রাং অকা হড়কে অকা দশা রে রাঃআ তুকা কানায়, ইনিদ ইঙ্কা দশা রেগে তাহীন কা আয়।
\p
\v 21 আম্ দ্চি মুনিশ লেকাতেম রাঃআ তুকা কানাম? আলম ভাব্নায়া; মেন্খান যদি আল্গা সাল্গা হুই দাড়িয়াম, ইনা আল্গা সাল্গা আলম আড়া গিডিয়াম, বরং ইঙ্কা না আ গে করাম।
\p
\v 22 চিয়া চি প্রভুতে রাঃআ তুকা কানায় অকয় মুনিশ, ইনিদ প্রভু রাঃআ আল্গা সাল্গা হড় তানায়; এন্কাগে আল্গা সাল্গা রারাঃআন অকয় হড়, ইনিদ খ্রীস্ট রাঃআ মুনিশ তানায়।
\p
\v 23 ঈশ্বর, যিশু খ্রিষ্ট রাআ লিয়া বিশেষ মূল্য এমাকাতে আপেদ কিরিং তুকা কানাপে, যাহান মান্মি কু রাঃআ মুনিশ দ আল্পে হুইয়আ।
\p
\v 24 এ ব্কঞ হেৎদ মিশিঞ তুকু, আপে যত হড় অকা অবস্থাতে রাঃআ তুকা কানাপে, ইনি ইনা অবস্থারে গে ঈশ্বর রাঃআ হান্ডে তাহীন কাআয়।
\s গংঅ দুতাম বাব্ত্তে কুকলি রাঃআ তেলা রুয়াড়
\p
\v 25 হেৎদ ডাংগুয়া কুড়ি হন কু রাঃআ বাব্ত্তে প্রভু রাঃআ জাহান আজ্ঞা ইঞ কাঞ ঞাম তাৎ আ, মেন্খান বিশ্বস্ত হুই নাতিনাং প্রভু রাঃআ দায়াহান মান্মি লেকা ইঞাঃআ মতামত সদরেত্য আঞ।
\p
\v 26 ইনাতে ইঞাঃআ মন গামেৎআয়, বর্তমান সঙ্কট রাআ নাতিনাং নিয়াটা বেশা, অর্থাৎ মান্মিকুকে ইঙ্কা গে তাহীনটা বেশা।
\p
\v 27 এরা লঅ আটকা কানা সম্বন্ধ টাআ আল্গা রাঃআ আলম কুরুমুটু য়া। আম দ চি ছাডুই গেয়াম? বাহু এরা নাম রাঃআ আলম কুরুমুটুয়া।
\p
\v 28 মেন্খান দুতাম অম রেহ কাই কাঃআ হ্যুয়আ; অটঃহঅ ডাঙ্গুয়া কুড়ি হন যদি গঙ্গঅঃ য়াআয়্, হানি রাঃআ হঅ কাই কাআ হ্যুয়আ। এন্খান নেকান হড়কু রাঃআ হড় ম রে গাদা কষ্ট হিজুয়াআ; হেৎদ আপে নাতিনাং ইঞাঃআ মমতা হ্যুইয়তানা।
\p
\v 29 মেন্খান ইঞ নিয়া থুতি গামাপেতানাঞ, ব্কঞ হেৎদ মিশিঞ তুকু, অক্ত বায়ায় না, নাহা আ হাতেৎ অকয় কু রাঃআ এরা মেনা কুয়া, ইঙ্কূ দ নেকাকু সেসেন কা আ, চিল্কা ইঙ্কূয়া আ এরা বানু কুয়া;
\p
\v 30 অটঃহঅ অকয় কু রোদন তানা, ইঙ্কূ কাকু রোদন তানা লেকা; অকয় কু রৌস্কা তানা, ইঙ্কূ কাকু রৌস্কা তানা লেকা; অকয় কু কিরিঞ এৎঃআ, ইঙ্কূ জাহানা আ কাকু দহ রুয়াড় তাৎআ লেকা মনেয় কাঃআকু;
\p
\v 31 অটঃহঅ অকয় কু ঘাঁরজ রাআ বিষয়বাবদ লঅ জড়িত গেয়া কু, এঙ্কা মনেয় কাঃকু, যেন ঘাঁরজ রাআ বিষয় বাবদ লঅ জড়িত বানু কুয়া; চিয়া চি নিয়া ঘাঁরজ রাঃআ অভিনয় মুচাতা কানা।
\p
\v 32 মেন্খান ইঞাঃআ গাম রাঃআ দ নিয়া ইচ্ছা তানা, আপে দ চিন্তারে আল্পে তাহিনা। অকয় ডাঙ্গুয়া গেয়ায়, ইনিদ প্রভু বাব্ত্তে চিন্তা য়াআয়্, চিল্কা লেকাতে প্রভু কে খুশি তুকায়ায়্য়। 
\v 33 মেন্খান অকয় গংঅ দুতামা কানায়, ইনিদ ঘাঁরজ বাব্ত্তে চিন্তা য়াআয়্, চিল্কা লেকাতে এরাকে খুশি তুকায়ায়্য়; এন্খান্গে আয়ায়্য় চিন্তা ভাবনা রাঃআ বিভিন্নতা ঘটাআ।
\p
\v 34 হেৎদ কাঃআ গঙ্গঅ হেৎদ ডাঙ্গুয়া কুড়ি হন কু দ প্রভু রাঃআ বাব্ত্তে কু চিন্তায়ায়্য়, যেন হড় ম হেৎদ আত্মাতে রীলামালান লেকা তাহি ন কাআকু; মেন্খান গঙ্গঅ এরা ঘাঁরজ বাব্ত্তে চিন্তা য়াআয়্য়, চিল্কা লেকাতে হেরেল কে খুশি তুকায়ায়্য়।
\p
\v 35 আপেয়া আ হিত রাঃআ নাতিনাং নিয়াঞ জাগারাপে তানাঞ; আপেয়া আ হটঃঅ রে বায়র আটক নাতিনাং দ ল্হয়, মেন্খান আপে যেন ঠিকঠাক পে তাহিন কা আ, হেৎদ মিৎ মনেতে প্রভুরাআ সেবা রে আসক্ত তাহীন কাঃআ পে।
\p
\v 36 মেন্খান যাহায় রাঃআ যদি দিশা হিজু তানা চি, হানি আয়ায়্য় ডাঙ্গুয়া হনেরা তেৎ রাআ বাগদত্তা\f + \fr 7:36 \fr*\ft বাগদত্তা = হরঃঅচিন \ft*\f* রাআ প্রতি সঠিক ব্যবস্থা কাঃআ হাতায় তানায়, যদি গংঅ রাআ উমুর পারমাকানা, হেৎদ ইনিকে গংঅ রাআ উপযুক্ত মেন্তে মনেআয়, এন্খান ইনি কিনা ইচ্ছায়া আয়, ইনাগে করায় কাআয়, ইন্তে ইনিরাআ যাহান কাই কাঃআ হুইয়াআ, ইনি গংঅ কাআয়.
\p
\v 37 মেন্খান অকয় হড় হৃদয় তে স্থীর, অকয় রাঃআ জাহানা প্রয়োজন বায়ায় না, হেৎদ নিজ রাঃআ ইচ্ছা তেগেয় সেসেনায়, ইনি যদি আয়ায়্য় হনেরা তেৎকে অড়া রে ডাঙ্গুয়া তে গে দহ নাতিনাং হৃদয় তে স্থীর দহয়ায়্য়, ইনা হঅ বেশগে তানা। 
\v 38 এন্তে অকয় আয়ায়্য় ডাঙ্গুয়া হনেরা তেৎকে গঙ্গিয়ায়, ইনি দ বেশ কামী য়ায়্য়, অটঃহঅগে অকয় কায় গঙ্গি খানঃঅয়, ইনিদ দ অটঃহ বেশ কামী য়ায়্য়।
\p
\v 39 চিমিন মাহা হেরেল জীউত এ তাহিনায়, ইমিন মাহা এরা দ ত্লরে তাহিনায়, মেন্খান হেরেল জাপিত তাড়ম মাড়াং লেন খানেয় ইনিদ আল্গায় নায়, অক্য়য়কে ইচ্ছায়ায়্য় ইনি লঅগেয় গংঙ দাড়িয়ায়, মেন্খান ইনি হেরেল প্রভুরে গে পাতিয়ানিচ হুইঅ কাঃআয়।
\p
\v 40 মেন্খান ইঞাঃআ গাম লেকাতেদ ইনি কায় গঙ্গ লেন্খানয় গাদা সারাও। হেৎদ ইঞাঃআ মনে হুইয়আ, ইঞ হঃঅ ঈশ্বর রাঃআ আত্মা ঞাম তাৎ আঞ।
\c 8
\s হাসা ঠাকুর রাঃআ প্রসাদ বাব্ত্তে জাগার।
\p
\v 1 অটঃহঅগে হাসা ঠাকুর রাঃআ সামাংরে উতসৃষ্ট বলি বাব্ত্তে, আবু সারিয়াবু যে, আবুয়ায়্য় যত হড় রাঃআ আকেল মেনা আ। আকেলদ গরব উদুঃ এয়ায়, মেন্খান দুলাড় মিহুড় অটঅ মিহুড়কে পাতিয়ারে খন্জা রাকাপ ইয়ায়্য়।
\p
\v 2 যদি যাহায় মনে তাৎ আয়, ইনিদ জাহানা আ সারিয়ায়্য়, এন্খান চিল্কা সারি হ্যুয়আ, এঙ্কা নাহা হঅ আউরি সারি নামেয়ায়;
\p
\v 3 মেন্খান যদি যাহায় ঈশ্বর কে দুলাড়ি য়্য়আয়, এনখান হানিকে দঅ ঈশ্বর সারি আয়ায়্য়,
\p
\v 4 বেশ, বানা ঠাকুর রাঃআ সামাংরে উতসৃষ্ট বলি জম বাব্ত্তে আবু সারিয়াবু, বানা ঠাকুর ধার্তি রিঙ্কূ জাহিনিচ ল্হয়, হেৎদ ঈশ্বর মিয়াৎ গেয়ায়্য়, মিয়াৎ বিনা বারিয়া বানু ইয়া।\x - \xo 8:4 \xo*\xt দশার বিবরণী 4:39\xt*\x*
\p
\v 5 মেন্খান কথক হড় নেকাগে পাতিয়া কু যে স্বর্গ রে হেৎদ ধার্তি রে গাদা দেব্তা হেৎদ প্রভু কুকে মানাতানা কুয়াকু হেৎদ সেবা দেবা হঅ তানাকুয়াকু,
\p
\v 6 এন্খান র হঅ আবুয়া আ আকেলতে দ মিয়াৎ গে ইনিদ বাবা ঈশ্বর, অকয় রাঃআ হ্তেত তে জ্ত্যা আ গে সির্জনা কানা, হেৎদ আবু অকয় লিয়াগে বাঁঞ্চাবু; হেৎদ মিয়াৎ মাত্র প্রভু ইনি যীশু খ্রীস্ট, অকয় হ্তেত তে জ্ত্যায় আগে সির্জনা কানা, হেৎদ আবু অকয় নাতিনাংগে জিউ নাম তাৎআবু।
\p
\v 7 এন্খান দ চি যত হড় রাঃআ তালারে নিয়া আকেলদ বায়ায় না; মেন্খান কতক হড় নাহা হঅ হাসা ঠাকুর কু রাঃআ সতেরে তাহিকাতেৎ ঠাকুর রাঃআ হান্ডে উতসৃষ্ট বলি সারিকাতেগে ভোগ কু জ্মেয়া; হেৎদ আকুয়ায়্য় বিবেক নিজুরি গেয়া মেন্তে কুলষিত য়াকু।
\p
\v 8 মেন্খান জমা কুদ আবুকে ঈশ্বর রাঃআ হান্ডে গ্রাহ্য কায় তকা বুয়ায়; কাঃআ জম লেন্খান আবুয়ায়্য় জাহানা কাঃআ ক্ষতিয়া, জম লেখান হঅ আবুয়ায়্য় জাহানা কাঃআ লাভয়া।
\p
\v 9 মেন্খান হুঁশিয়ার, আপেয়ায়্য় নিয়া ক্ষমতা জাহালেকাতে পাতিয়ারে নিজুরি কু রাঃআ ব্যাঘাত রাআ কারণ আল হ্যুয়্কা আ।
\p
\v 10 কারন, আম লেকান আকেলবান হড়, আমকে যদি যাহায় দেব্কুঠিরে জম নাতিনাং দুপ কু নেলমেয়া, এন্খান ইনি নিজুরি হড় তানায় মেন্তে আয়া আ বিবেক দ চি ঠাকুর রাঃআ হান্ডে উতসৃষ্ট বলি জম নাতিনাং চি সাহস কায় নামেয়া?
\p
\v 11 তবেখানঃঅ আমাঃ আ আকেলতে ইনি হাগা অকয় খাতিরাং খ্রীস্ট গচা কানায়, ইনি পাতিয়ারে নিজুরি হাগা আত্মিক লেকাতেদ নাশয়ায়্য়।
\p
\v 12 নিয়ালেকাতেগে পাতিয়ানিচ হাগা কু হেৎদ মিশি কুরাঃআ বিরুদ্ রে কাই লেখান পে, হেৎদ ইঙ্কূয়া নিজুরি বিবেকরে আঘাত লেখানপে, আপে খ্রীস্ট রাঃআ বিরূদ রে কাই য়াপে।
\p
\v 13 এন্তে জমা আ নুয়ইয়আ যদি ইঞা ব্কঞ হেৎদ মিশিঞ রাঃআ বিগ্ন তেয়ারেয়ায়্য়, তবেখান ইঞ জাহাহুলাং জিলু কাঞ জ্মেয়ায়্য়, পাছেন ইঞা ব্কঞ হেৎদ মিশিঞ রাঃআ বিগ্ন হ্যুয়ায়্য়।
\c 9
\s পৌল রাঃআ কুলিচ বাব্ত্তে জাগার।
\p
\v 1 ইঞদ চি এটা আ হড়কু লেকা আল্গা সাল্গা ল্হয় তানাঞ? ইঞদ চি কুলিচ ল্হয় তানাঞ? ইঞদ চি আবুয়া আ প্রভূ যীশু কে কাঞ নেল তিৎআ? আপে দ চি প্রভু তে ইঞাঃআ কৃত কর্ম্ম ল্হয় তানাপে?
\p
\v 2 ইঞ যদি হঅ এটা আ হড়কু রাআ নাতিনাং কুলিচ আলঞ হ্য়ুয়অ কাঃআ, তুবুই রহঅ আপেয়া নাতিনাং মা নিশ্চই, চিয়া চি প্রভুতে আপেগেপে ইঞা কুলিচপদ রাআ প্রমাণ তানাপে।
\p
\v 3 অকয় কু ইঞকে দোষ এমিঞাকু, ইঙ্কূয়া হান্ডে ইঞাঃআ তেলা রুয়াড় নিয়া তানা, 
\v 4 আপেয়া অড়ারে এঙ্কাতে তাহিনোঃ রাআ হেৎদ জম নুউ রাঃআ নাতিনাং আইদারি দচি আলেয়া আ বায়ায় না?\f + \fr 9:4 \fr*\ft আর্থিক দেঙ্গা \ft*\f*
\p
\v 5 এটা আ যত কুলিচ হেৎদ প্রভু রাঃআ হাগাকু হেৎদ কৈফা, নুকু লেকা যাহায় পাতিয়ানিচ এরাকে দুতাম কাতে সঙ্গে তে ইদিকাতে নান্ডে হান্ডে সেনঃঅ রাআ আলেয়া আইদারি দচি বায়ায় না ?
\p
\v 6 একেন ইঞাঃআ হেৎদ বার্নাবাস রাঃআ গে জিউ যাপন রাআ নাতিনাং পরিশ্রম রাআ আইদারি দচি মেনা?
\p
\v 7 অকয় পাল্টন যাহাচিল্লং আয়ায়্য় খরচা তে লাড়াই সেনায়? অকয় দ্রাক্ষাদারু রহায়ায়্য়্, হেৎদ ইনারাআ জঅ কায় জ্মেয়ায়? অটহঃঅ অকয় ভিডি গট গুপি কুয়ায়্য় হেৎদ ভিডি গট কুরাআ তয়া কায় নুয়ায়্য়্ ?
\p
\v 8 ইঞ দচি মান্মি কুরাআ আইদারি লেকা নিয়া কুঞ জাগারাপেতানাঞ? অথবা আরিচালি দ্চি নেকা কায় গাম তাৎ আয়?
\p
\v 9 কারণ মুশি রাআ আরিচালি রে নেকা অল মেনা আ 'হুড়ু বিন্ডা মান্ডায় তানা উরিচ কু রাঃআ ম্চারে মহতি আলম আটকায়া। ঈশ্বর দ চি উরিচ রাঃআ বাব্ত্তেগে চিন্তা য়ায়্য়?\f + \fr 9:9 \fr*\ft বার গাম 25:4 \ft*\f*
\p
\v 10 হেৎদ চি সর্ব্বদা আবুয়া আ নাতিনাং নিয়া জাগারেয়ায়্য়? মেন্খান আবুয়ায়্য় নাতিনাং গে নিয়া অল মেনা আ, কারন অকয় চাষেয়ায়্য়, ইনিকে আশা তেগে চাষ হ্যুয়আ; হেৎদ অকয় হুড়ু মান্ডায়ায়, ভাগ নাম রাঃআ আশা তেগে মান্ডায়ায় কাঃআ আয়্য়
\p
\v 11 আলে চিন্তং আপেয়া হান্ডে আত্মিক হিতা জাং লে হের তাৎআ, ইন্তং যদি আপেয়ায়্য় হড়মঅ জঅ হাতা তাৎ আলে, ইন্খান ইনা দ্চি মহৎ বিষয় তানা ?
\p
\v 12 যদি আপেয়া চেতাং রে হুকুম্মাত এটা হড়কু রাঃআ আইদারি তাহিনো য়ায়্য়, ইন্খান আলেয়ায়্য দ্চি অটহঅ ঢের আইদারি বায়ায় না? তা সত্বে হঅ আলে নিয়া হুকুম্মাত কালে এমেতানা, বরং জত্যায়ালে সাহায় তানা, যাতে আলেয়া লিয়া খ্রীস্ট রাঃআ বুগিন বার্তা রাঃআ জাহান বাধা আল জানাম কাঃআ।
\p
\v 13 আপে দ্চি কাপে সারিয়া, রীলামালান বাব্ত্তে অক্য়্কু কামিয়া, ইঙ্কূ দ রীলামালান ঠাওরে জমা আ কু জ্মেয়া, হেৎদ বঙগা গানডু রাআ অকয় কু দেবা সেবায়ায়্য়, ইঙ্কূ দ বঙগা গানডু রাঃআ ভাগ কু নামেয়া?
\p
\v 14 এনেখান্গে প্রভু রাঃআ বুগিন বার্তা গাম পাসনা হড় কু রাআ নাতিনাং প্রভু নিয়া বিধান বানাতাৎআয় যে, ইঙ্কূয়া শাখাআসুল বুগিন বার্তা হাতেৎগে হ্যুয়আ।
\p
\v 15 মেন্খান ইঞ নিয়া কু রাঃআ জাহানা কাঞ ব্যবহার তাৎঞ, হেৎদ ইঞাঃআ বাব্ত্তে যে নেন্কানা করা হ্যুয়ায়্য়, ইনা নাতিনাং ইঞ নিয়া কু কাঞ অলে তানাঞ; চিয়া চি যাহায়গে ইঞাঃআ গরব নিষ্ফলেয়াকু, ইনা হাতেৎ বরং ইঞাঃআ গচঃঅ গাদা বেশা।
\p
\v 16 কারণ ইঞ যদি হঅ বুগিন বার্তা পাসনাৎ আয়ঞ। এনরঃহ ইঞাঃআ গরব রাঃআ জাহানা আ বায়ায় না; চিয়াচি অবশ্য গঃঅ ইদি রাঃআ বঝা ইঞাঃআ চেতাংরে লাদিয়া কানা; ছিঃ ইঞকে, যদি ইঞ বুগিন বার্তা কাঞ পাসনা য়ায়্য়্।
\p
\v 17 বস্ততঃ ইঞ যদি ইঞাঃআ ইচ্ছাতে নিয়া কামিয়াঞ, এন্খান ইঞাঃআ মজুরি মেনা আ; মেন্খান ইঞাঃআ ইচ্ছাতে যদি কাঞ কামিয়া, তবুই রহঃঅ কিসাড়িয়া কামী রাঃআ জেমিদারি ইঞাঃআ তিহিরে সম্পা মেনা আ।
\p
\v 18 তবে খান ইঞাঃআ মজুরি কিনা আ? ইনাদ নিয়া তানা, কাউডি বিনা বুগিন বার্তা পাসনায় তানাঞ, যাতে বুগিন বার্তা পাসনা নাতিনাং অকা আইদারি নাম তাৎআ ইনা আলঞ বাড়িচে কাঃআ।
\s জ্ত্চ কুকে দেঙ্গা এম লাক্তি
\p
\v 19 কারণ ইঞ যতচ হাতেৎ আল্গা সাল্গা হুই কাতে রহঅ যতচ রাঃআ সেবকেঞ হুইয়া কানাঞ, যাতে গাদা হড় কুকে আগু দাড়িয়া কুকাঞ।
\p
\v 20 যিহুদি কুকে আগু নাতিনাং ইঞ দ যিহুদি কু রাঃআ হান্ডে যিহুদি লেকা কানাঞ, ইঞ আরিচালি অধীনরে বানুঞ রেহ আরিচালি রাআ অধিনরে তাহীন হড় কুকে আগু নাতিনাং আরিচালি হড় কুরাআ হান্ডে আরিচালি হড় লেকাঞ হুইয়েনা।
\p
\v 21 ইঞ ঈশ্বর রাঃআ বিন আরিচালি বানুঃঞা, বরং খ্রীস্ট রাঃআ আরিচালি রাঃআ অধিনরে মেনাঃঞা, তবুরঃঅ বিন আরিচালি হড় কুকে আগু নাতিনাং বিন আরিচালি হড় কুরাআ হান্ডে বিন আরিচালি হড় লেকাঞ হুইয়েনা।
\p
\v 22 নিজুরি হড় কুকে আগু নাতিনাং নিজুরি হড় কু রাঃআ হান্ডে নিজুরি লেকা হয়ুয়া কানাঞ; ইঞ যত হড়কুকে উদ্ধার নাতিনাং মিমিৎ উপায় রাআ সায় হাতা তাৎআঞ।
\p
\v 23 ইঞদ যতচয়াগে বুগিন বার্তা রাআ নাতিনাং খাটা তানাঞ, যেন ইনা রাঃআ সহভাগি হুয়ু কাআঞ।
\p
\v 24 আপে দ চি কাপে সারিয়া যে, নির রাঃআ হেপাবাডি সারিরে অকয় কু নিরেয়া, ইঙ্কূ জ্ত্চ গে কু নিরিয়েআ, মেন্খান সির্পা নামেয়ায়্য় মিহুড়গে? আপে এনে ইঙ্কা নিরেপে, যাতে আপেগে সির্পা নামে কাঃআ।
\p
\v 25 হেৎদ অকয় গে ভুকড়া অপ্তায়, ইনিদ যত বাব্ত্তে হড় মঅ কব্জায়ায়্য়্। ইঙ্কূ দঅ হেড়ঃয়ান বহাড়ী\f + \fr 9:25 \fr*\ft বহাড়ী মানে হুইঅ তানা মুকুট \ft*\f* ঞাম নাতিনাং কু ইনা করায়া, মেন্খান আলেদ অহেড়ঃয়ান বহাড়ী ঞাম নাতিনাংলে করায় তানা। 
\v 26 এন্তে ইঞ দঅ এনে ইঙ্কা গে নিরে তানাঞ; মেন্খান বিনা দিশা তেদ লহয়, এনে ইঙ্কা লেকা ভুকড়া অপ্তা তানাঞ, মেন্খান ইঙ্কূ লেকা দঅ লহয় অকয় হয়ঃঅ রে ভুকড়া অপ্তা তানাকু। 
\v 27 বরংচ ইঞাঃআ নিজ হড় মঅ কে বাড়িচ লালচকুকে সাম্ভাড়া নাতিনাং বশ রে দহ তিয়াঞচ, নেকা আল হুইঅ কাঃআ পালেত এটা হড়কু রাঃআ হান্ডে গাম পাসনা তায়্ম ইঞ ইঞগে যাহা লেকাতে সির্পা নাম রাআ নাতিনাং আলঞ অগ্রাহ্য কাঞ।
\c 10
\s বাড়িচ হাতেন সাঙ্গীঞরে তাহি নাতিনাং জাগার।
\p
\v 1 এ ব্কঞ হেৎদ মিশিঞ তিকু, ইঞাঃআ নেকা ইচ্ছা ল্হয় তানা, আপে কাঃআ সারি কাতে তাহিন্পে যে, আবুয়াআ পিতৃকুল কু তুরুই লাক্ষি এখেন হেরেল জ্ত্চ ইনা রিঁবিল লাতার রেকু রক্ষেয়া কাতে তাহি লেনাকু; হেৎদ যত হড় ইনা আরা দরেয়া তালা হরকাতে কু তাড়ম পারম লেনাকু;\f + \fr 10:1 \fr*\ft সেসেন 14:29 \ft*\f*
\p
\v 2 হেৎদ যতয় মুশি রাঃআ সুতুঃকু হুইকাতে রিঁবিল রে হেৎদ দরেয়া রেকু দুবুং লেনা,
\p
\v 3 হেৎদ যতয় মিয়াৎগে আত্মিক জমা কু জম লাৎ আ;\x - \xo 10:3 \xo*\xt সেসেন 16:35; দশার বিবরণী 8:3\xt*\x*
\p
\v 4 অটঃহঅ, যতয় মিয়াৎগে আত্মিক দাআঃ কু নুউ লাৎআ; কারণ ইঙ্কূ এনকান মিয়াৎ আত্মিক ধিরি হাতেৎ নুউই কেনাকু, অকাআ দ আকু লঅ সেনঃঅ কেনা; ইনা ধিরি দ খ্রীস্ট তানায়।\x - \xo 10:4 \xo*\xt সেসেন 17:6; লেখাযখা 20:11\xt*\x*
\p
\v 5 মেন্খান আকুয়াআ তালারে তাহিয়ান ঢেরউতার হড় কু রাঃআ নাতিনাং ঈশ্বর সন্তুষ্ট কাঃআ তাহীন কেনায়; এন্খান্গে ইঙ্কূ দ তালা ডাহি রেকু গচ চাবা এনা।
\p
\v 6 নিয়া যত ঘটনা কু আলেয়া আ ঞেলজম লেকানা হুই লেনা, চিল্কা হাঁঙ্কূ লালচ লেনাকু, আবু এঙ্কা বাড়িছ বাব্ত্তে লালচ আলবু করায় কাঃআ।
\p
\v 7 অটঃহঅ চিল্কা ইঙ্কূ য়া আ তালারে গাদা হড় কু বানা ঠাকুর কু রাঃআ বঙ্গা বামড়ে হুই লেনা; আপে এনে এঙ্কা বানা ঠাকুর কু রাঃআ বঙ্গা বামড়ে আল্পে হ্যুয়ায়্য়, চিল্কা শাস্তর রে অল মেনা আ "হড় কু জম নুউ কেৎয়া আ খানঃঅ এনেচ দুরাং নাতিনাং কু স্যাপড়া এনা।
\p
\v 8 হেৎদ চিল্কা আকুয়াআ তালারে কথক হড় কু দ হড়মালটম লাৎ আ কু, এন্খান মিৎ মাহারে তেইস হাজার হ্ড়কু গচ এনা। আবু যেন ইঙ্কা আলবু হড়মালটম কাঃআ।
\p
\v 9 অটঃহঅ চিল্কা আকুয়াআ তালারে কথক হড় কুদ প্রভু রাআ বিডা লাৎ আ কু, হেৎদ বিঞ গের তেকু গয়চ লেনা, আবু ইঙ্কা যেন প্রভু রাঃআ আলবু বিডায় কাআ।
\p
\v 10 অটঃহঅ চিল্কা আকুয়াআ তালারে কথক হড় কুদ নিপিয়ায় কেনা আকু, হেৎদ ধ্বংসইচ সরগ নাঙ্গা লিয়া ধ্বংস লেনা কু, আপে হঅ ইঙ্কূ লেকা আল্পে এগেরআ।
\p
\v 11 নিয়া কু যত আকু নাতিনাং ঞেলজম লেকানা হুই লেনা, হেৎদ আবুয়া চেতনা নাতিনাং গে অলেনা; আবুয়াআ, অকয় কু রাঃআ চেতানরে যুগব্যবস্থা রাঃআ মুচাত হিচ্ সেটেরা কানা।
\p
\v 12 তবেখান অকয় মনেৎ আ, ইঞ পাতিয়া রে স্থির কাতে মেনাঞা, ইনিদ হুঁসিয়ার কাঃ আয়, পাছেন পাতিয়া হাতেৎ আলয় নুরু কাঃয়ায়্য়।
\p
\v 13 ইনাতে মান্মি অকা আ সাহা দাড়িয়াআ, ইনা বিনা এটা আ জাহান বিডা আপে নাতিনাং কাঃআ ঘটা কানা আ; হেৎদ ঈশ্বর রাঃআ হান্ডে পাতিয়ান তাহীন পে; ইনিদ আপেকে আপেয়ায়্য় কাঃআ সাহা দাড়িয়া আ হাতেৎ বাড়তি লেকানা আ বিডা কায় হুই তুকা য়ায়্য়্, বরংচ বিডা লঅ এটাআ বাঞ্ছা রাঃআ হরা হঅ তেয়ার দহ য়ায়্য়্, যাতে আপে সাহা দাড়িয়া কাআ পে।
\s বানা ঠাকুর রাআ বিরুধ তে সতর্ক
\p
\v 14 এন্খান এ ইঞাঃআ নিজ দুলাড়ীয়া হড়কু, বানাঠাকুর বঙ্গা হাতেৎ সাঙ্গিনতে নির জমঃ পে।
\p
\v 15 আকিলান হড় তানাপে মেন্তে গামাপে তানাঞ, অকাঞ গামাপেতানা আপেগে পরখ কাতে নেলেপে।
\p
\v 16 প্রভু ভোজ বাত্রাং আবু অকা নুঘুটি রে আঙ্গুর রস লিয়া ঈশ্বর কে সারায় এমকাতে নুই তানাবু, ইনাদ চি খ্রীস্ট রাঃআ মায়মতে সহভাগিতা ল্হয়? আবু অকা পিঠা বু কেচায় তানা, ইনা দ্চি খ্রীস্ট রাঃআ হড়মতে সহভাগিতা ল্হয়?
\p
\v 17 কারণ গাদাহড়কুতে গে আবু, আবুদ যতয় মিয়াৎ পিঠাকেগে কেচা কাতেন জমেয়াবু, মিয়াৎগে হড়মঅ তানা; চিয়াচি আবু যত হড় ইনা মিয়াৎ পিঠা রাআগে হাকদার তানাবু।
\p
\v 18 ইস্রায়েল\f + \fr 10:18 \fr*\ft ইস্রায়েল রাআ মানে খেরয়াল \ft*\f* জাতি রিঙ্ক হড়কুরাআ বাবদতে ভাবাকাতে হ্যাংকুকে ঞেলকুপে; অক্য়্কু বলি জমেয়া, হ্যাংকুদ্চি বঙ্গাঃগাঁনডু রাঃআ সহভাগিতা ল্হয়?
\p
\v 19 তবেখান ইঞদ কিনা আঞ গামেতানা? বানাঠাকুর রাঃআ হান্ডে উতসৃষ্ট বলিদ্চি জাহানা আ রে মেনা আ মেন্তে লেখা গানআ? অটঃহঅ বানা ঠাকুর দ্চি যাহাদররে মেনা আইয়া মেন্তে মানাগুনা গানয়া?
\p
\v 20 বরংচ বিজাতি কু অকাআ অকা আ বলিকু সামাংএয়া, ইনা কু দ বঙ্গা রাঃআ নাতিনাং সামাংএয়া, ঈশ্বর রাঃআ নাতিনাং দ ল্হয়, হেৎদ ইঞা নেকান ইচ্ছা ল্হয় তানা, আপে বঙ্গালঅ পে হেল মেলঃআ কাআ।
\p
\v 21 প্রভু রাঃআ নুউ ঘটিতে হেৎদ বঙ্গ রাঃআ নু ঘটিতে, আপে নিয়া বারিয়া ঘটিতে নু কাপে দাড়িয়া আ; প্রভু রাঃআ জমা অড়াঃআরে হেৎদ বঙ্গ রাঃআ জমা অড়াঃআরে বারান অড়াঃআরে দাও কাপে হাতা দাড়িয়া।\x - \xo 10:21 \xo*\xt মথি 6:24\xt*\x* 
\v 22 এন্খান আবুদ্চি প্রভু রাঃআ অন্তরজ্বলন তুকায় তানাবু? হানি হাতেৎ দ আবুদ্চি দাড়িয়ান হড় তানাবু?
\s ঈশ্বর রাআ নাতিনাং আল্গাসাল্গা রাআ ব্যবহার
\p
\v 23 আপেয়া তালারে কথক কু নেকা গাম ভাড়ায়াকু, জ্ত্যআয়্য় গে বৈধ, মেন্খান জ্ত্যায়্য়য়দ আবুয়া নাতিনাং বাংখান এটা কুরাআ নাতিনাং হিত রাআ, ইনা দঅ ল্হয়, হ্যাঁ, আপেয়া তালারে কথক কু নেকা গাম ভাড়ায়াকু "জ্ত্যআয়্য় গে বৈধ তানা, মেন্খান জ্ত্যায়্য়য় গে যে ইঙ্কয়া আত্মিক জিউ কেটেজ লেকাতে গাথা রাকাপ এয়ায়্য়। ইনা দ লহয়।
\p
\v 24 অকয় হঅ স্বার্থ রাআ নাতিনাং আল্পে কুরুমুটুয়া, বরংচ মি মিৎ হড় এটা হড় কু রাঃআ বেশ নাতিনাং কু কুরুমুটুই কাআ।
\p
\v 25 অকা জিলু কু বাজার রে আখরিঙ অ তানা; বিবেক তে জাহানা আ কাঃআ কুকলী দহ কাতে জ্মেপে;
\p
\v 26 চিয়া চি 'ধার্তি রাঃআ হেৎদ ধার্তি রাঃআ যাবতীয় জিনিস কুদ প্রভু রাঃআগে।\x - \xo 10:26 \xo*\xt দুরাঃআং মালা 24:1\xt*\x*
\p
\v 27 যদি যীশুকে কাপাতিয়ান হড় কু তালা হাতে যাহায় আপেকে জম নাতিনাং রাঃআ পেয়াকু খানঃঅ, হেৎদ সেনঃঅ সানা পেয়া, তবে বিবেক রাআ নাতিনাং জাহানা কুক্লি কাঃআ দহ কাতে ইনাগে জম নুউই পে, অকা জিনিসগে আপেয়া আ সামাং রে দহঅয়া পেয়াকু।
\p
\v 28 মেন্খান যাহায় যদি আপেকেকু গামাপেয়া, নিয়া মাত বানাঠাকুর রাঃআ হান্ডে উতসৃষ্ট ভোগ তানা, এনখান অকয় কু সারি ঞাম তুকাৎ পেয়াকু, ইনি রাআ নাতিনাং হেৎদ বিবেক রাআ নাতিনাং ইনা আল্পে জ্মেয়া।
\p
\v 29 অকা বিবেক রাঃআ থুতিঞ জাগার কেৎআ, ইনাদ আপেয়া আ ল্হয়, মেন্খান এটাআ হড় রাঃআ। কারণ ইঞাঃআ আল্গা সাল্গা টা চিয়া এটা হড় রাঃআ বিবেক্তে দরবার অ হুয়ুয়া?
\p
\v 30 ঈশ্বর কে সারাও লঅ যদিঞ জ্মেয়া, এনখান অকয় লিয়া সারাও ইঞ এমে তানা, হানি নাতিনাং চিয়া আ ইঞা বদনাম হুইঅয়া?
\p
\v 31 তবেখান আপে জ্মেয়াপে, চি পে নুয়া, চি জাহানা আ গেপে করায়া, জ্ত্যাগে প্রভু রাঃআ গৌরব নাতিনাং করায় পে।
\p
\v 32 যিহুদি চি গ্রীক হড়, চি ঈশ্বর রাঃআ মন্ডলী, যাহায় রাআ হঅ এটকেট্রেত রাআ কারণ আল্পে হুইঅয়া;
\p
\v 33 চিল্কা ইঞ হঅ যত ব্যাপাররে যত হড় রাঃআ প্রীতিকর হুয়ুয়া কানাঞ, ইঞা আ হিত রাঃআ কাঞ কুরুমুটু তাৎ আঞ, মেন্খান গাদা হড় রাআ হিত রাঃআ কুরুমুটু তাৎ আঞ, যাতে ইঙ্কূ পরিত্রান কু নামে কাআ।
\c 11
\p
\v 1 ইঞা অতংইচ হুয়ুঅপে, চিল্কা ইঞ খ্রীষ্ট রাআ অতংইচ হুয়ুআ কানাঞ।
\s আরাধনা রাআ বৈশিষ্ট।
\p
\v 2 ইঞ আপেকে গুনমানত এমাপে তানাঞ যে, আপে যত বিষয়রে ইঞ কেপে পাহাম দহ তিঃইঞা, অটঃহঅ আপেয়া হান্ডে চিল্কা চেচেদাঃআ কুঞ কুল তাৎ আঞ, ইনা চেচেদাঃআ কু আপে অতং ইদি তানাপে।
\p
\v 3 মেন্খান ইঞাঃআ ইচ্ছা নিয়া তানা, যাতে আপে সারি নামে কাআ পে যে, যত হেরেল কু রাঃআ বহঅ চেতান রেদ খ্রীস্ট মেনা ইয়াআ হেৎদ এরা হন কু রাঃআ বহঅ চেতান রেদ হেরেল মেনা ইয়াআ হেৎদ খ্রীষ্ট রাঃআ বহঅ চেতান রেদ ঈশ্বর মেনাইয়া।
\p
\v 4 অকয় কড়া হন বহঅ দাপাল কাতে বিন্তিয়ায়্, বাংখান ভাবী জাগারেয়ায়্য়, ইনিদ আয়ায়্য় বহঅ কে অর্থাৎ খ্রিষ্ট কে অপমানিয়ায়।
\p
\v 5 মেন্খান অকয় এরা হন বহঅ রে কিচি কাঃআ এম কাতে বিন্তিয়ায়্য়, চি ভাবী জাগারেয়ায়, ইনিদ আয়ায়্য় বহঅ কে অপমানিয়ায়; কারন ইনি দঅ চাড্রা বহঅ এরা হন লেকা হুইঅআ।
\p
\v 6 বেশ, এরা হন যদি আয়ায়্য় বহঅ কায় গুগুলুকাতে দহ য়েআয়, ইনি দ উপ হঅ গেদ গিডিকাঃ আয়; মেন্খান বহঃঅ রাঃআ উপ গেদ গিডি চি বহঅ চাড্রা এরা হন রাঃআ গিয়ু রাআ বাবদ তানা, এন্খান বহঃঅ তেয়ায়্য় দাপাল কাতে দহয় কাঃ আয়্য়।
\p
\v 7 সার্তি জাগার্তে কিনা আ হেরেল হড় রাঃআ বহঅ দাপাল দহ ঠিক ল্হয়, কারন ইনিদ ঈশ্বর রাঃআ লেকা বানা তুকা কানায় হেৎদ ইনি রাআ দ্বারায়তে ঈশ্বর রাআ মহিমা হুইঅয়া; মেন্খান এরাদ হেরেল রাঃআ সন্মান।
\p
\v 8 কারণ হেরেল দ এরা হাতেৎ লহয়; মেন্খান এরা দ হেরেল হাতেৎ বানা কানায়।\x - \xo 11:8 \xo*\xt আদি 2:21-23\xt*\x*
\p
\v 9 অটঃহঅ এরা নাতিনাং হেরেল কায় সির্জনা কানায়, মেন্খান হেরেল নাতিনাং গে এরাদ সির্জনা কানায়।
\p
\v 10 চিয়াচি সরগ নাঙ্গা কু নেলেতানা ইনা খাতিরাং এরা কু রাঃআ বহঅ রে কর্তৃত্ব রাঃআ চিন্হা দহ লাক্তি।
\p
\v 11 এন্খান প্রভুতে এরা হঅ হেরেল বাংখান লহয়, অটঃহঅ হেরেল হঅ এরা বাংখান লহয়।
\p
\v 12 কারন হেরেল হাতেৎ চিল্কা এরায়, ইঙ্কা গে এরা লিয়া হেরেল জন্মা কানায়, মেন্খান জ্ত্যয়্য়াগে ঈশ্বর হাতেৎ হুয়ুয়া কানা। 
\v 13 আপে আপেতে দরবার পে, বহঅ কাআ দাপাল কাতে ঈশ্বর রাঃআ হান্ডে বিন্তি দ চি এরা রাঃআ ঠিক?
\p
\v 14 প্রকৃতি স্বয়ং দ্চি আপেকে কায় চেদ তাৎ পেয়া যে, হেরেল হড় জিলিং উপ পে দহ লেখান, ইনাদ আপেয়া গিয়ু রাআ বিষয়;
\p
\v 15 মেন্খান এরা হন যদি জিলিং উপ দহ্যায়্য়, এন্খান ইনাদ আয়ায়্য় সনমান রাঃআ বিষয়; কারন ইনা উপ দাপাল নাতিনাং এম হুয়ুয়া কানা।
\p
\v 16 মেন্খান যাহায় নিয়া বাব্ত্তে কু বাকঝৌড়িয়া, এন্খান নিয়া সারি কাঃআকু নেকানা আ চল দঅ আলেয়া আ তালারে বায়ায়না হেৎদ ঈশ্বর রাআ মন্ডলী তালা রেহ অ বায়ায়না।
\s প্রভু রাঃআ ভোজ বাব্ত্তে।
\p
\v 17 নাহাআ নিয়া হুকুম এম নাতিনাং আপে কে কাঞ গুনমানতাঃ পে তানাঞ, কারণ আপে ঈশ্বর রাআ আরাধনা নাতিনাং মিশাতে হুন্ডিই তানা পে, ইনাতে বেশ দ কাঃআ হুয়অ তানা বরংচ বাড়িছ গে হুয়অ তানা
\p
\v 18 কারণ মাড়াং মাতঃঅ, আয়ুম নামে তানাঞ, চিন্তং আপে মিসাতেপে মন্ডলীরে হুন্ডি তানা, ইন্তংগে পে দল হাটিং তানা, হেৎদ নিয়াদ হুডাঞ পাতিয়া তানা।
\p
\v 19 সার্তি গাম তেদ কিনা আ আপেয়া তালারে দল হাটিং জারুরী মেনা আ, চিয়া চি আপেয়া তালারে অকয় কু প্রাকৃত ইঙ্কূ চিন্হা নাম্যাকু।
\p
\v 20 জাহান গেয়া, আপে চিন্তং মিৎ থাং রেপে হুন্ডি তানা, ইন্তং প্রভু রাঃআ ভোজ কাপে মানায় তানা,
\p
\v 21 নিয়াদ চিল্কা? যত হড় আপেয়া আ জমাপে জমে আ এটা হড় রাঃআ জম মাড়াং তে, ইনাতে চিকা তানা অক্যয় মিহুড় দঅ রেঙ্গেজ গে তাহিনোঃ তানায়, হেৎদ এটা অক্য়্কুদ বুল চাবা তানা।
\p
\v 22 আপেয়া দ্চি অড়া দুয়ার বায়ায়্য় না জম নুউ নাতিনাং? চি ঈশ্বর রাঃআ মন্ডলীকে পে অমান্যই তানা? চি গিয়ু পে এমাকু তানা অকয় রেঙ্গেজ পাতিয়ানিচ হাগা মিশি কু রাঃআ জাহানা বায়ায়্য় না মেন্তে? কিনাঞ গামাপেয়া আপেকে? চি আপেকেঞ গুনমানত পেয়া ? কাইঞ গুনমানত পেয়া নিয়া কু খাতিরতে।
\p
\v 23 কারন প্রভু হাতেৎ নিয়া চেচেদা আঞ চেদাকানা হেৎদ ইনা চেচেদা আ লেকাতে আপেকেঞ চেদেৎ পেয়া, প্রভু যিশু অকা নিদা বৈরী রাঃআ তিহিরে সাপতুকা লেনায়, ইনা নিদা পিঠা স্যাপ/হাতা কেৎ আয়, হেৎদ সারাও কেৎতে কেচা কেৎ আয়,
\p
\v 24 হেৎদ গাম কেৎ আয় 'নিয়াদ ইঞাঃআ হড়মঅ তানা, নিয়াদ আপেয়া নাতিনাং গে; ইঞকে পাহাম দহ নাতিনাং নেকাগে করাঃআ আগুই পে।
\p
\v 25 এনে ইঙ্কা লেকাগে জম কেৎ তে নুঘুটি হঅ স্যাপ কেৎ তে গাম কেৎ আয় 'নিয়া নুঘুটি ইঞাঃআ মায়মতে বানায় না নামা আরি চলি; চিমিন্সা নিয়াপে নুয়ায়্য় ইমিন্সা ইঞকে পাহাম নাতিনাং নেকা করায় পে।\f + \fr 11:25 \fr*\ft লুক 22:20 \ft*\f*
\p
\v 26 কারন চিমিন্সা নিয়া পিঠাপে জ্মেয়া, হেৎদ নুঘ্টি তেপে নুয়ায়্য়, ইমিন্সা গে প্রভু রাঃআ গজ তত্ত্বপে পাসনায়া পে, চিল্লং অব্দি কায় রুয়াড় হিজুয়ায়্য়।
\p
\v 27 তবেখান অযোগ্য় য়ান হড় কু প্রভু রাঃআ পিঠা কু জ্ম লেখান চি নুঘ্টি তে কু নু লেখান, ইঙ্কূ প্রভু রাঃআ হড় ম তে হেৎদ মায়্ম্তেকু দষীকু হ্যুয়ায়্য়।
\p
\v 28 মেন্খান মান্মি আচ আয়া মাড়াঙ যাচাঃই কাঃআয়, হেৎদ ইনা পিঠা জম হেৎদ নুঘ্টিতে নুই কা আয়। 
\v 29 কারন অকয় মান্মি জম নুয়ায়্, অথর্চ ইনি প্রভূ রাআ হড়ম কে কায় মর্যাদা ইয়ায়, তবেখান ইনি জম নুউ নাতিনাং নিজেকেগে বিডাইএম হুয়ুয়া।
\p
\v 30 নেকানা আ নাতিনাং গাদা মান্মি নিজুরিয়া কানাকু হেৎদ রুয়া তানাকু, হেৎদ গাদা মান্মি কু গ্চাকানা।
\p
\v 31 আবু যদি আবু নিজেকে যাচাই কুয়্য়াবু হুনাং, তবেখান আবু বিডারে কাবু নুর কয়্য়া হুনাং;
\p
\v 32 মেন্খান আবু চিন্তং প্রভু এ দরবার বুয়ায়, ইন্তং বু শাসিতআ, চিয়া চি জাগতিক হড় লঅ আবু হঅ কুড়াই আলবু নামে কা আ।
\p
\v 33 এন্খান এ ইঞা ব্কঞ হেৎদ মিশিঞ তিকু আপে চিন্তং জম নুউ নাতিনাং হুন্ডিয়া আপে, তায়্ম রে অকয় মেনাইচ গেয়া ইনিকে তাঙ্গিপে।
\p
\v 34 যদি অকয় রাঃআ খুব রেঙ্গেচ লাগা কানা, ইনিদ অড়ারে জম হাতাড়ে কাআয়; আপেয়া হুন্ডি যেন দরবার রাঃআ কারণ আল হুইঅ কাঃআ। হেৎদ যতচয়া বাব্ত্তে, চিন্তংইঞ হিজুয়া, ইন্তংঞ হুকুমা পেয়াঞ।
\c 12
\s রীলামালা আত্মা রাঃআ নানা হুনার নিরাই দান
\p
\v 1 অটঃহঅ এ বকঞ হেৎদ মিশিঞ তিকু, রীলামালা আত্মিক দান বাব্ত্তে আপে যে আল সারিকাতে তাহীন কাআপে, নেকান ইচ্ছা ইঞাঃআ বায়ায়না।
\p
\v 2 আপে সারিয়া পে, যখন আপে খ্রিষ্ট রে কাঃপাতিয়ান তাহি লেনা, ইন্তং চিল্কাপে সেসেন কেনা, ইঙ্কাগে নির্বাক বানাঠাকুর রাঃআ হান্তে পে সেনঃঅ কেনা।
\p
\v 3 নিয়া নাতিনাং আপেকেঞ সারি তুকাপে তানা যে, ঈশ্বর রাঃআ আত্মাতে জাগার লেখান, যাহায় কাকু গামেয়া 'যীশু অভিশপ্ত তানায় মেন্তে হেৎদ রীলামালা আত্মাতে ভরাকান বিনা যাহায় কাকু গাম দাড়িয়া 'যীশু প্রভুগে।
\p
\v 4 নানা হুনার অনুগ্রহ রাঃআ দানদ, মেন্খান আত্মা দ মিয়াৎ গেয়ায়্য়;
\p
\v 5 নানা হুনার রাঃআ সেবা কামী মেনা আ, মেন্খান প্রভু দ মিয়াৎ গেয়াআয়্য়;
\p
\v 6 হেৎদ নানা হুনার সেবা কামী রাঃআ গুনা গুন, মেন্খান ঈশ্বরদ মিয়াৎ গেয়ায়; ইনিদ জ্ত্যায় রেনিচ জ্ত্য কামী পুরা রাআ কর্তা তানায়।
\p
\v 7 মেন্খান মিমিৎ মান্মি কে আকুয়াআ বেশ রাআ নাতিনাং রীলামালা আত্মা রাঃআ ভরদান এমহ্যুয়ায় কানা।
\p
\v 8 কারন মিহুড় কে ইনা আত্মাতে প্রজ্ঞাবান জাগার এমা কানায়, অটঃহঅ মিহুড় কে ইনা আত্মাতে আকেলবান রাঃআ জাগার এম হুয়ুয়া কানা,
\p
\v 9 অটঃহঅ মিহুড় কে ইনা আত্মাতে পাতিয়া রাঃআ গুন, অটঃহঅ মিহুড় কে ইনা আত্মাতে রুয়াবুগি রাঃআ অনুগ্রহ দান,
\p
\v 10 অটঃহঅগে মিহুড় কে ইনা আত্মাতে হাহাড়া কামী দাড়ি রাঃআ গুন, অটঃহঅগে মিহুড় কে ভাবিজাগার রাঃআ গুন, অটঃহঅগে মিহুড় কে আত্মা কুকে চিন্হা নাতিনাং দাড়ি, অটঃহঅগে মিহুড় কে নানা হুনার কাঃআ সারি জাগারতে থুতি রাঃআ দাড়ি, অটঃহঅগে মিহুড় কে নানা হুনার ভাষা রাঃআ অর্থ উদু রাঃআ দাড়ি এমা কানা;
\p
\v 11 মেন্খান নিয়া যত কামীকু ইনি আত্মাগে পুরা দাড়িয়ায়্য়্; ঈশ্বর বিশেষকাতে আয়ায়্য়্ মেনজং লেকাতে অকয় কে অকা এম লাক্তি, ইনিকে ইনা গে এমাই য়ায়্য়।
\s হড় মঅ মিয়াৎ গে মেন্খান অঙ্গ গাদা লেকা
\p
\v 12 চিয়া চি চিল্কা মিয়াৎ হড়ম, হেৎদ ইনি রাঃআ বদন গাদা লেকাআ হেৎদ হড়ম রাঃআ বদন গাদা লেকা মেনা রহঅ হড়মদ মিয়াৎ গে, এনে ইঙ্কা গে খ্রীস্ট হঅ।
\p
\v 13 এন্খান্গে, আবুদ্চি জিহুদী চি গ্রীক, চি মুনিস চি আল্গা সাল্গা, যত হড় মিয়াৎ হড়ম হুই নাতিনাং রীলামালা আত্মাতে দুবাং হ্যুয়া কানা হেৎদ যত হড় মিয়াৎ আত্মা হাতেৎ দাড়ি নামাকানা।
\p
\v 14 এন্খান হড়ম দ মিয়াৎ গে বদন ল্হয়, গাদালেকা।
\p
\v 15 কাটা যদি গামেয়ায়্য়, ইঞ মাত তিহি ল্হয়, ইনা নাতিনাং হড়ম রাঃআ বদন ল্হয়, এন্খান ইনাদ্চি হড়ম রাঃআ বদন ল্হয়, ইঙ্কা দ ল্হয়গে।
\p
\v 16 অটঃহঅগে লুতুর যদি গামেয়ায়্য়, ইঞ মাত মেত ল্হয়, ইনা নাতিনাং হড়ম রাঃআ বদন ল্হয়, এন্খান ইনাদ্চি হড়ম রাঃআ বদন ল্হয়, ইঙ্কা দ ল্হয়গে।
\p
\v 17 যদি গটা হড়মঅ রে মেত হুই কআ হুনাং, এন্খান্দ লুতুর কথাং রে তাহি কআ? হেৎদ গটা হড়মঅ রে যদি লুতুর হুই কআ হুনাং, তবেখান মুউ কদের রে তাহি কআ ?
\p
\v 18 মেন্খান ঈশ্বর যত বদন কু হড়মঅ রে মিমিৎ কাতেত আয়ায়্য় চিল্কা ইচ্ছা তাহিলেনা, এনে ইঙ্কা গে বদন কু সাজা তাৎ য়ায়্য়্।
\p
\v 19 যদি যত বদন মিয়াৎ লেকাগে হুই কয়াআ হুনাং এন্খান হড়মঅ কথাং রে তাহি ক্যায়্য় হুনাং?
\p
\v 20 মেন্খান নাহাআদ বদন গাদা লেকাআ, মেন্খান হড়মঅ দ মিয়াৎ গেয়া।
\p
\v 21 মেত দ তিহিকে কায় গাম দাড়িয়া ইয়াআয়্য়্, আমকে ইঞাঃআ জারুর বায়ায়না; অটঃহঅ বহঃঅ হঅ কাটা কিনকে কায় গাম দাড়িয়াআয়্য় কিনায়, আবেনকে ইঞাঃআ জারুর বায়ায়না;
\p
\v 22 বরংচ হড়মঅ রে অকা বদন্কু কে নিজুরি মেন্তে মনেয়া, ইনা কুগে বেশি জারুরি তানা।
\p
\v 23 অটঃহঅ আবুয়ায়্য় হড়মঅ রাঃআ অকা বদনকুকে অকাজী মেন্তে বু মনেৎআ, ইনাকুকে বিসি সাজগুজে তানা হেৎদ আবুয়ায়্য় অকা বদন্কু বেশ কাআ নেলআ ইনা কুগে অটঃঅ বিসি সাজগুজ হুইয়আ;
\p
\v 24 মেন্খান আবুয়ায়্য় হড়মঅ রে অকা বদন খুব বেশি বেশ নেল তানা ইনাদ আবুয়া নেল আতেন রাআ বিশেষ জারুর বায়ায়না। নিয়াদ ঠিক, ঈশ্বর হড়ম সাজা তাৎ আয়, কাঃআ পুরাকানা লেকানাআ বেশি মানতা এম তাৎ আয়,
\p
\v 25 যাতে হড়মঅ হাতেৎ আল ভেগার হাটিং ঞঃকাঃআ। মেন্খ্ন যত বদন যাতে মিলজুল কাতে সমানতে কু ভাবনায় কাআ.
\p
\v 26 হেৎদ মিয়াৎ বদন দুক নাম লেখান এটা বদনকু হঅ সমান দুক কু নামেয়া হেৎদ মিয়াৎ বদন সাবাসে নাম লেখান সাতে সাতে এটা যত বদন কু সাবাসী নামেয়া।
\p
\v 27 আপেগে খ্রীস্ট রাঃআ হড়মঅ হেৎদ মিৎ মি ৎ হড় মিয়াৎ মিয়াৎ বদন।
\p
\v 28 ঈশ্বরদ যত হাতে মাড়াঙ তে মন্ডলীরে কুলিচকুকে; দশার রেদ ভাবি জাগার কুকে, তেসার রেদ চেচেদিচ কুকে আইদারি এমাৎ তকুয়া; ইনা তায়্ম নানা হুনার হাহাড়া কামী, ইনা তায়্ম রুয়াবুগি রাআ অনুগ্রহ দান, উপ্কার, শাসনহাপা, নানা হুনার ঠার এম তাৎআয়।
\p
\v 29 যত হড় দ্চি কুলিচ? যত হড় দ্চি ভাবিজাগারিচ? যত হড় দ্চি চেচেদিজ? যত হড় দ্চি হাহাড়া কামি কু দাড়িয়া?
\p
\v 30 যত হড় দ্চি রুয়া বুগি রাঃআ নিরাই দান নাম তাৎ ইয়াকু ? যত হড় দ্চি নানা হুনার কাঃআ সারি ঠার তেকু থুতিয়া? যত হড় দ্চি কাআ সারি ঠার শালা কাতে বুঝা তুকা দাড়িয়া মেয়ায়্য়?
\p
\v 31 আপে মারাং দান হাতা নাতিনাং বেশি বেশি আগ্রহপে। হেৎদ ইঞ আপেকে অটঃহঅগে বুগিন নজ্ঞাঃআ হরাঞ উদুয়াপে তানাঞ।
\c 13
\s দুলৌড় যত নিরাই দান হাতেৎ মারাং গেয়া
\p
\v 1 ইঞ যদি মান্মি কু রাঃআ হেৎদ নাঙ্গা কু রাঃআ ঠার তেঞ জাগারা, মেন্খান ইঞাঃআ দুলৌড় কাঃআ তাহিনা, ইন্খান ইঞদ শুধু সাডি তান পিতল হেৎদ ঝম ঝম করতাল লেকাঞ হয়ুয়া কানা।
\p
\v 2 অটঃহঅ ইঞকে যদি ভাববাণী এময়া, হেৎদ উকু মেনা আ সার্তি কু হেৎদ আকেলতে পেরেচ মেনাঞ রেহ হেৎদ ইঞাঃআ পুরা পাতিয়া মেনা আ যে বুরুকে রাড়া দাড়িয়া আঞ, মেন্খান ইঞাঃআ অন্তররে এটাকুরা নাতিনাং দুলৌড় কাআ তাহিনা, এন্খান ইঞদ জাহিনিচ তেৎ রহঅ ল্হয়।
\p
\v 3 অটঃহঅ ইঞা অকা মেনা আ যতচয়া রেঙ্গেচ হড় কুকে জম নাতিনাং এমা কুয়াঞ হেৎদ ইঞ যদি বুগিন বার্তা পাসনা নাতিনাং সম্পা তুকা কানাঞ, মেন্খান ইঞাঃআ দুলৌড় কাআ তাহিনা, এন্খান জাহানা আ লাভ বায়ায় না।
\p
\v 4 দুলৌড়দ সাহাইচ, দুলৌড়দ দায়ানিচ, কায় ঈর্ষা আয়, দুলৌড় দুপৌলৌড়রে ধকা কায় এমেয়ায়্য় (দুলাড় করায়তান হড় আয়া জীবন রে ধীর দঃহঅ হুইঅয়া হেৎদ এটা কুকে দায়া কুআয় হেৎদ এটা কুকে কায় জ্বালা কুআয় হেৎদ এটা কুকে কায় ধোকা এমাকুআয় হেৎদ কায় গর্ব্ব আয়
\p
\v 5 হেৎদ ইনি এটা হড়কু লঅ খারাপ ব্যবহার কায়ায়্ য়, শুধু আয়া গে ভাল কায় নানামায়, ঘিড় মেন্তাং কায় রাগায়ায়্, ইনিরাআ চেতাং যাহানা গে ক্ষতি হুই লেনখান রেহঅ ক্ষতি রাআ বদলা কায় হাতাআয় (ভুল যাহায় রাঃআ কায় নেলেয়ায়্ য়,
\p
\v 6 ইনি দঅ খারাপ কামী কুরে কায় খুশিখুসাল আয়, মেন্খান সৎরে খুশিখুসাল আয় (দুলৌড়দ অধর্মীকামিরে কায় খুশিখুসাল আয়, মেন্খান সার্তিরে (সততে) খুশিখুসাল আয়;
\p
\v 7 ইনি দঅ জ্ত্যায় গে সাহা ইদিয়ায়্য়, জ্ত্যায় গে পাতিয়া য়ায়্, জ্ত্যায়া রাঃআ গে আশা দঃহয়ায়্য়, যত অবস্থা রেগে ধৈর্য্যতে সাহা য়ায়্য়।
\p
\v 8 দুলৌড়দ যাহা হুলাং কা মুচাতআ। মেন্খান ভাববাণী যদি তাহিনা, ইনাদ লোপ আ; যদি কাঃআ সারি ঠার তাহীন রেহঅ, ইনা যত চাবা চাআ; যদি আকেল তাহীনা, ইনা হঅ লোপয়ায়্য়।
\p
\v 9 কারন আবু হুডাং লেকাবু সারিয়া, হেৎদ হুডাং লেকাবু ভাববাণী গামেয়া;
\p
\v 10 মেন্খান পূর্ণতা হিচ্ লেন্খান, অকা কেচাগাআ ইনাদ লোপ্য়আ।
\p
\v 11 ইঞ চিন্তং হুডিং হন্গে তাহিলেনা, ইন্তং হুডিং হন লেকা থুতি কেনাঞ, হুডিঞ হন লেকা চিন্তাৎ কেনা, হুডিং হন লেকা দরবারেৎ কেনা; নাহা আ হারা কানাঞ মেন্তে হুডিং হন রাঃআ লেকা যত মন ভাব বাগী তাৎয়াং।
\p
\v 12 কারণ নাহাআ আবু আরসিরে অব্ছাবু নেলেৎআ, মেন্খান ইন্তং সামাং সদর কাতে ঈশ্বর রাআ স্পষ্টরূপ নেলেয়াবু। নাহা ইঞ ইনিকে কথক অংশ লেকাতে সারি আইঞ, মেন্খান ইনা হুলাং ইঞ নিজেকে ঈশ্বর চিল্কা উপুরুমায়াআঞ, এঙ্কা উপরুম নামেয়াবু
\p
\v 13 হেৎদ নাহা আ আপিয়া জিনিষ মেনা অকা আবুকে করা তেগে হুইঅয়া, ঈশ্বর রাআ চেতাং ভরসা, ইনি অকা এমা বুয়ায় ইনা নাম নাতিনাং নিজে রাঃআ পাতিয়া রে আশা দঃহ হুইঅয়া হেৎদ এটা কুকে দুলৌড় হুইঅয়া। মেন্খান নিয়া আপিয়া জিনিষ রাঃআ তালা রে দুলৌড় গে যত হাতেৎ সরসা।
\c 14
\s (ভাবিজাগার গাম রাঃআ হেৎদ বিশেষ ঠারতে থুতি রাঃআ বিষয়কু)
\p
\v 1 এটা কুকে দুলৌড় নাতিনাং আপে জিউযাপনে পে, হেৎদ আত্মিক বরদান কুরাআ নাতিনাং কুরু মূটুই পে, বিশেষ কাতে যেন ভাবিজাগার গাম দাড়ি কাঃআ পে।
\p
\v 2 চিয়া আ চি অকয় হড় বিশেষ ঠারতে জাগারেয়ায়্য়, ইনিদ মান্মি রাঃআ হান্ডে দ ল্হয়, মেন্খান ঈশ্বর রাঃআ হান্ডে গামে তানায়; কারন যাহায় কাকু বুঝা, বরং ইনি রীলামালা আত্মাতে নিগুড়তত্ব\f + \fr 14:2 \fr*\ft নিগূঢ়তত্ত্ব মানে হুইঅতানা উকুয়াকান সার্তি \ft*\f* গামেয়ায়্য়।
\p
\v 3 মেন্খান অকয় মান্মি ভাবিজাগারেয়ায়্য়, ইনিদ মান্মি কু রাঃআ হান্ডে গাথা রাকাপ নাতিনাং হেৎদ আশা হেৎদ সান্তনা রাঃআ থুতিয়ায়্য়।
\p
\v 4 অকয় হড় বিশেষ ঠারতে থুতিয়ায়্য়, ইনিদ আচ্কেগে গাথা রাকাপিয়ায়, মেন্খান অকয় হড় ভাবিজাগারেয়ায়্য় ইনিদ মন্ডলীকে গাথা রাকাপিয়ায়্য়।
\p
\v 5 ইঞাঃআ ইচ্ছাদ নিয়া তানা, আপে যাতে বিশেষ বিশেষ ঠারতে জাগার দাড়িকাঃআ পে, মেন্খান বেশি নঅঞ আসি তানা, যাতে ভাবিজাগার গাম দাড়ি কাপে; চিয়া চি অকয় বিশেষ বিশেষ ঠারতে জাগারায়, মন্ডলী কে গাথা রাকাপ নাতিনাং ইনি যদি অর্থ গাম বুঝা কাঃআ দাড়িয়া কুয়া, তবেখান ভাবিজাগার জাগারিচ হানি হাতেৎ মহান তানায়।
\p
\v 6 নাহাআ, এ হাগাঞ- মিসিঞ তিকু আপেয়া হান্ডে হিচ্ কাতে যদি বিশেষ বিশেষ ঠারতেঞ জাগারা, মেন্খান আপেয়া হান্ডে সার্তি সদর রাঃআ চি আকেল রাঃআ চি ভাবিজাগার রাঃআ চি চেচেদা আ লেকানা উপমা কাঞ গামেয়া, তবেখান ইঞাঃআ হান্ডে হাতেৎ আপে কিনা আ উপ্কার পে নেল্নামেয়া ?
\p
\v 7 রুতু হুয়েন চি বানাম হুয়েন, যদি জীউহীন রুউয়ান জিনিস হঅ তাল মান কাঃআ দহ কাতে সাডিয়ায়্, তবে খান রুতুতে চি বানামতে কিনা আ সাডি তানা মেন্তে, চিল্কাতে সারি নাম আ?
\p
\v 8 রুতু রাঃআ সুর যদি অস্পস্ট হ্যুয়ায়্, এন্খান অকয় লেকানিচ দঅ লাড়াই নাতিনাং স্যাপড়াআয় ?
\p
\v 9 এনে এন্খাগে আপে যদি আলাংতে জাগরাপে, অকা আল্গাতে বুঝা নামআ, ইঙ্কান জাগার কাপে গামেয়া, এন্খান কিনা গাম বুঝাপে তানা, এন্খান ইনা চিল্কাতে সারি নামেয়াপে? আপে গাম কেৎআপে হেৎদ যাহায় কাপে বুঝা দাড়িলাৎআ।
\p
\v 10 হুই দাড়িয়া ধার্তি রে আন্তীত লেকা আড়াং মেনা আ, হেৎদ অর্থহীন জাহানা বায়ায়না।
\p
\v 11 বেশ, ইঞ যদি আড়াং কু রাঃআ অর্থ কাঞ সারিয়া আ, তবেখান অকয় গামেয়ায়্য়, ইনি রাঃআ হান্ডে ইঞদ বর্ব্বর\f + \fr 14:11 \fr*\ft বর্ব্বর মানে হুইঅ তানা বিদেশি/বিলাতি \ft*\f* লেকাইঞ হুইঅআ, হেৎদ ইঞাঃআ হান্ডে হানি জাগারিচ হঅ বর্ব্বর লেকা হুইঅয়ায়্য়্।
\p
\v 12 এন্খান আপে চিন্তং নানা হুনার আত্মিক বরদাড়ি নাম নাতিনাং স্যাপড়া পে, ইন্তং কুরু মূটুইপে, যাতে মন্ডলীকে গাথা রাকাপ নাতিনাং আশিসষ পে।
\p
\v 13 নিয়া নাতিনাং অকয় মান্মি এটা ঠার তে থুতিয়ায়্, হানিদ বিন্তি কা আয়, যাতে অর্থ বুঝা তুকা দাড়িয়া কুকায়।
\p
\v 14 চিয়া চি ইঞ যদি এটা ঠার তেঞ বিন্তিয়া, এন্খান ইঞআ আত্মা বিন্তিয়ায়, মেন্খান ইঞআ বুদ্ধিদ বেকারআ।
\p
\v 15 এন্খান কিনাঞ চিকায়াআ? ইঞ আত্মা তে হঅঞ বিন্তি য়াআ, বুদ্ধি তে হঅঞ বিন্তিয়া; আত্মা তে হঅঞ দুরাং য়েয়া, বুদ্ধি তে হঅঞ দুরাং য়েয়া।
\p
\v 16 বাংখান আম যদি আত্মাতে মানতগুনাৎয়েয়াম, এন্খান আয়ুম হড় অকয় কায় বুঝায়, ইনিদ চিল্কাতে আমাঃ আ সারাওরে 'আমেন (পুরায়না) গামেয়ায়্য়? আম কিনা আ গামে তানাম, ইনা মাত ইনি কায় সারিয়ায়্য়।
\p
\v 17 মেন্খান আম মাত বুগিন লেকাতে সারাও এমাই তানাম ঠিক, মেন্খান আয়ুম হড় কুকে মাত কাঃম গাথা রাকাপকুতানা। 
\v 18 ইঞ ঈশ্বর রাঃআ সারাওএ তানাঞ, আপে জ্ত্ হড়কু হাতেৎ ইঞ গাদা লেকা এটা ঠার তেঞ থুতি তানাঞ মেন্তে;
\p
\v 19 মেন্খান মন্ডলী তালারে, এটা ঠারতে দশ হাজার থুতি কুরা জাগার হাতেৎ, বরঞ্চ বুদ্ধিতে মড়েয়া থুতিঞ জাগার বুঝাইঞ তানা, যাতে এটা হড় কুকে হঅ চেচেদাঞ এম দাড়িয়া কুকাইঞ।
\p
\v 20 এ বকঞ হেৎদ মিশিঞ তুকু, আপেদ বুদ্ধিতে আল্পে হুডিং হনঃঅ লেকা হ্যুয়ুআ, বরঞ্চ হিংসাতে হুডিং হন লেকা হ্যুয়ুপে, মেন্খান বুদ্ধি তে পাক্লঅঃ পে।
\p
\v 21 রিলামালা আরিচালিরে অল মেনা আ 'ইঞদ এটা আ ঠার তে থুতিয়ান হড়কু লিয়া হেৎদ এটা দিশুম রিঙ্কূ হড় কুরাঃআ লুটিতে নিকু যাইত কু রাঃআ হান্ডে জাগারাঞ হাঞ আ, মেন্খান ইঙ্কা কাতে রহ অ হাঁঙ্কূ জাগার কাকু আয়ুমেয়া, নিয়া দ প্রভু জাগার কেৎ আ।
\p
\v 22 তবেখান ইঙ্কূ এটা এটা ঠার পাতিয়ান হড় কু নাতিনাং দ ল্হয়, বরংচ কাপাতিয়ান হড় কু রাঃআ নাতিনাং চিন্হা লেকাগে; মেন্খান ভাবিজাগারদ কাপাতিয়ান হড়কু নাতিনাংদ ল্হয়, বরংচ পাতিয়ান হড়কু রাঃআ নাতিনাংগে।
\p
\v 23 এন্খান যত মন্ডলী মিৎ থাংরে গে দুপ হুন্ডি কাতে যদি যত হড়কু এটা এটা ঠার তেকু থুতিয়া, হেৎদ হুডাং লেকা কাআ পাতিয়ান হড়কু তাহিনা, এন্খান ইঙ্কূ দচি কাকু গামেয়া, যে আপেদ পাগলা হড় তানাপে।
\p
\v 24 মেন্খান যত হড় যদি ভাবি জাগারেয়া কু হেৎদ যাহায় কাআ পাতিয়ান হড় চি বাহার রিঙ্কূ হড় কু ভীতির বলনা, তবেখান ইনিদ যত হড় রাঃআ ভাবি জাগার মাধ্যমতে দষী মেন্তে লেখাআয়। ইনিদ যত হড় রাঃআ ভাবি জাগার লিয়া দরবার রে তিঙ্গুনায়,
\p
\v 25 চিন্তং ইঙ্কূ বাহার রিঙ্কূ হড়কু আয়ুমেয়াকু, ইনিরাআ অন্তরে উকুয়া কানা ভাবকু যত সদর য়া; হেৎদ হেঙ এ নেকা লেকা কাতেগে ইনিদ উকুড়ুম কাতে ঈশ্বর রাঃআ ভজনা য়ায়্, গামেয়ায়্, ঈশ্বর সার্তি গে আপেয়া তালারে মেনাইয়া।
\s গুচিয়া সাঁহিৎ নেহর বিন্তি
\p
\v 26 পাতিয়ান ব্কঞ তিকু হেৎদ মিশিঞ তিকু এন্খান কিনা আ তিঙ্গুইনা? আপে চিন্তং পে দুপ হুন্ডিয়া, ইন্তং অকয় রাঃআ দুরাং, অকয় রাঃআ উপদেশ, অকয় রাঃআ সার্তি সদর রাঃআ বাব্ব্দ, অকয় রাঃআ এটা ঠারতে জাগার, অকয় রাঃআ অর্থ ব্যাখ্যা, যতয়াগে আত্মিক লেকাতে মন্ডলী রাঃআ গাথা রাকাপ নাতিনাং তাহীন কা আ।
\p
\v 27 যাহায় যদি এটা ঠারতে জাগারেয়ায়্য়, তবে খান বার হড়, বাংখান বড়জোর আপি হড় কু গামে কা আ, পালি-পালি কাতেগে কু গামে কা আ, হেৎদ মিৎ হড় অর্থ ভাঙ্গা কাতে গামে কা আয়।
\p
\v 28 মেন্খান অর্থ ভাঙ্গানিইচ্ যদি যাহায় কাঃআ তাহিলেন খান এন্খান এটা ঠারতে জাগারিচ মন্ডলী রে থির থার তাহিনঃঅ কাআয়; একেন আয়ায়া নাতিনাং হেৎদ ঈশ্বর লঅ জাগরে কাআয়।
\p
\v 29 হেৎদ ভাবিজাগারিচ কু বার হড় বাংখান আপি হড় কাতে জাগারে কাআকু। এটা হড় কুদ ইনি কিনা গামকেৎআয় ইনা দরবারে আকু।
\p
\v 30 মেন্খান অটঃহঅ নেকাগে যাহায় রাঃআ হান্ডে যাহানা সদর র আ, অকয় মিশাতে দুপ মেনাইয়া, তবেখান পুইলা অকয় সদরিচ ইনি দ থির তাহিন কা আয়।
\p
\v 31 কারন আপে যত হড় মিমিৎ কাতে ভাবিজাগার গাম দাড়ি কাআপে, যেন যত হড় চেদ কা আ কু, হেৎদ যত হড় আশাবাদী হুয়ুকা আ কু।
\p
\v 32 হেৎদ ভাবিজাগারিচ কু রাঃআ আত্মা ভাবিজাগারকু রাঃআ বশরেকু তাহিনা;
\p
\v 33 চিয়া চি ঈশ্বরদ গন্ডগোল\f + \fr 14:33 \fr*\ft গন্ডগোল মানে হুইঅ তানা উঝাল-ঝামাল \ft*\f* রেনিচ ঈশ্বর ল্হয়, মেন্খান সুলুক রেনিচ। চিল্কা রীলামালান মান্মি কু রাঃআ মন্ডলী কুরে হুই ভাড়া।
\p
\v 34 মন্ডলী রে এরা হন কু থির কু তাহীন কা আ, চিয়া আ চি এরা হন কুকে জাগার রাঃআ আদেশ কা এম হুয়াকানা, বরংচ চিল্কা রেয়াজ\f + \fr 14:34 \fr*\ft আরিচালি \ft*\f* গামেয়ায়্, ইঙ্কূ অধীন রেকু তাহীন কা আ।
\p
\v 35 হেৎদ জাহানা আ চেদ নানাম তানা কু খানঃঅ, অড়ারে আকুয়াআ হেরেল কুকে কু কুলি কুকাআকু, কারণ মন্ডলীরে এরাহন কু রাঃআ কুক্লি জাগার গিয়ু রাআ বাবদতানা।
\p
\v 36 গামেপে মাহীন, ঈশ্বর রাঃআ জাগার দ চি আপেয়া হান্ডে হাতেৎ গে উডুঙ লেনা? চি শুধু আপেয়া হান্ডেগে হিচ্ লেনা?
\p
\v 37 যদি যাহায় আচ্কেগে ভাবিজাগারিচ বাংখান আত্মিক হড় মেন্তে মনেয়া আ, তবেখান ইনি সারিই কায়ায়্ য়, অকাকু আপেয়া হান্ডে অল কাতেৎ কুলা তাৎ পেয়া, ইনাকু যত প্রভু রাআ হুকুম তানা।
\p
\v 38 মেন্খান যদি যাহায় হড় অকা কু ইঞ অল তাৎঞ ইনাকু কাকু মানাবাতায়া খানঃঅ, এন্খান ইনি হড় রাঃআ জাগার কু আপে হঅঞ আল্পে মানাবাতায়া।
\p
\v 39 এন্খান, এ হাগাঞ হেৎদ মিশিঞ তুকু, আপে ভাবিজাগার গাম নাতিনাং স্যাপড়া তাহিন্ পে, হেৎদ এটা ঠারতে জাগার নাতিনাং আল্পে মানা কুয়া।
\p
\v 40 মেন্খান জ্ত্যাগে সুষ্ট হেৎদ খাটি আরিচালি লেকা হুয়ু কা আ।
\c 15
\s পাতিয়ান হড় কু রাঃআ মুচাত হুলাংরে পুনরুনথান (বিরিৎ রুয়াড়)
\p
\v 1 এ হাগাঞ হেৎদ মিশি তুকু, ইঞ আপেকে ইনা বুগিন বার্তা সারি তুকা পে তানাঞ, অকা বুগিন বার্তা আপেয়া হান্ডে পাসনা লাৎআ, অকা আপে পে আতাং তাৎআ, আপে অকারে স্থিরা কানাপে;
\p
\v 2 হেৎদ ইনা লিয়াগে, আপেয়া হান্ডে অকা জাগারতে বুগিন বার্তা পাসনা তাৎ আ, ইনাকু যদি পাতিয়াপে, এন্খান পরিত্রান নাম্কেৎআ পে; বাংখান খালিয়াগে পে পাতিয়ান হড় য়া কানা।
\p
\v 3 ফলতঃ মাড়াং তে আপেয়া হান্ডে নিয়া চেচেদা আ সম্পাতাৎ পেয়া, হেৎদ নিয়া ইঞ হঅ নাম তাৎআ যে, শাস্ত্র লেকাতে খ্রীস্ট আবুয়া কাই নাতিনাং গচেনায়,
\p
\v 4 হেৎদ তপা তুকালেনায়, হেৎদ শাস্ত্রলেকাতে ইনিদ আপি মাহারে বিরিৎ রুয়াড়া কানায়;
\p
\v 5 হেৎদ ইনি কৈফাকে, ইনা তায়্ম ইঙ্কূ মিৎগেলে বার চেলাকুকে ভেট\f + \fr 15:5 \fr*\ft ভেট মানে দেখা \ft*\f* এমাৎ কুয়া;\x - \xo 15:5 \xo*\xt মথি 16:17; 18\xt*\x*
\p
\v 6 ইনা তায়্ম মিশাতে মড়ে চাকি হাতেৎ হঅ বিশি হাগাকুকে ভেট এমাৎ কুয়ায়, ইঙ্কূয়া তালা হাতেৎ কথক কু নাহা হঅ মেনা কুগেয়া, মেন্খান কথক কুদ গচাকানা।
\p
\v 7 ইনা তায়্ম ইনিদ যাকোব কে, হেৎদ যত কুলিচ কুকে ভেট এমাৎ কুয়ায়।
\p
\v 8 জ্ত্চ কু রাঃআ তায়্মতে অকাল-জাত অকাল জাত মানে ঠিক সময় রে কাআ জান্মায়াকান হড় লেকানিচ ইঞকে ভেট ইমাইঞায়
\p
\v 9 চিয়া আ চি কুলিচ কুরাআ তালা হাতেৎ ইঞদ যতয়চ হাতেৎ হুডিং তারিচ তানাঞ, বরংচ কুলিচ গাম তে হঅ যগ্য ল্হয়, কারন ইঞ ঈশ্বর রাঃআ মন্ডলী কুকে কুদা-নীরেত কুকে নাঞ।
\p
\v 10 মেন্খান ইঞ চিল্কা মেনাঞা, ঈশ্বর রাঃআ অনুগ্রহ লেকাতে মেনাঞা; হেৎদ ইঞকে এমা কানা আয়া আ অনুগ্রহ কাআ বের্থ্কা কানা, বরং ইঙ্কূ যতচ কুরাঃআ হাতেৎ বেশি খাটা কানাঞ; ইঞ খাটা কানাঞ, ইঙ্কাদ ল্হয়, মেন্খান ইঞ লঅ মেনাইআ ঈশ্বর রাঃআ অনুগ্রহ তেগে কামী তাৎ আয়;
\p
\v 11 এন্খান ইঞগেঞ হ্যুয়েন বাংখান হ্যাঁঙ্কূ গে হ্যুয়েন, আলে চিল্কালে পাসনা কেৎ আ হেৎদ আপে ইঙ্কা গেপে পাতিয়া কানা।
\s গচকু রাঃআ জিউৎ বিরিৎ
\p
\v 12 খুব বেশ, যখন খ্রীস্ট নিয়া লেকাতে গটা পাসনা তানায় যে, ইনিদ গচকু হাতেৎ জিউত বিরিৎআ কানায়, এন্খান আপেয়া তালাকু হাতেৎ হানি নাঃআই চিল্কা তেকু গামেৎ আ যে, গচ হড় কু রাঃআ বিরিৎ রুয়াড় বাঃয়ানা ?
\p
\v 13 যদি গচ হড় কু রাঃআ জিউত বিরিৎ রুয়াড় বাআয় না তবেখান মাআ খ্রীস্ট হঅ কায় বিরিৎ রুয়াড়া কানায়।
\p
\v 14 অটঃহঅ খ্রীস্ট যদি কায় বিরিৎআ কানায়, এন্খান মাত আলেয়া পাসনা হঅ বৃথা গেয়া, হেৎদ আপেয়া আ পাতিয়া হঅ বৃথা গেয়া।
\p
\v 15 অটঃহঅ আলে যে ঈশ্বর রাঃআ বাবদতে বেদা সাক্ষী হড় তানালে, নিয়াগে সদরঅ তানা; কারণ আলে ঈশ্বর রাঃআ বাব্ত্তে নিয়া সাক্ষ লে এমে তানা যে, হানিদ খ্রীস্ট কে জীউত বিরিৎ তিৎআয়; মেন্খান যদি গচ কু রাঃআ জিউত বিরিৎ কাআ হ্য়ুয়া, এন্খান ইনি হানিকে কায় জীউত বিরিৎ তিৎআয়।
\p
\v 16 চিয়া চি যদি গ্চাকানাকু হড় কু রাঃআ জীউত বিরিৎ বাআন খানঃঅ, খ্রীস্ট হঅ কায় বিরিৎ রুয়াড়া কানায়।
\p
\v 17 হেৎদ খ্রীস্ট যদি কায় বিরিৎ রুয়াড়া কান খানে, তবেখান আপেয়া পাতিয়াদ ভিল্কি গেয়া, নাহাঃআ হঅ আপেদ আপন আপিন কাই রে মেনাঃপেয়া।
\p
\v 18 তবেখান অক্য়্কু খ্রীস্টতে জাপিত তাৎআকু, ইঙ্কূ হঅ নষ্টয়া কানাকু।
\p
\v 19 শুধু নিয়া জিউরে যদি খ্রীস্টরে দয়া রাআ আশ তাহিনা, তবেখান আবু যত হড়কু তালারে দুর্ভাগা।
\p
\v 20 মেন্খান বাস্তবরে খ্রীস্ট গচ হড়কু তালা হাতেৎ জীউত বিরিৎআ কানায়, ইনিদ গিতিচাকানাকু\f + \fr 15:20 \fr*\ft গিতিচাকানাকু মানে হুইঅ তানা গয়চাকানাকু \ft*\f* তালা হাতেৎ মাড়াং জঃঅ হুইআয়্য়।
\p
\v 21 চিয়া চি মান্মি খাতির তে গচঅ হিচ্লেনা, ইন্তং মান্মি খাতির তে গচ হড়কু রাঃআ জীউত বিরিৎ হিচা কানা।
\p
\v 22 কারন আদম রাঃআ পাপ খাতির তে চিল্কা যত হড় কু গচ লেনা, এন্কাগে খ্রীস্ট রে পাতিয়া খাতিরতে যত হড় কু জীউ নামরুয়া ড়েয়া।
\p
\v 23 মেন্খান যত হড় আকুয়াআ নিজ তাঁড়িতে; খ্রীস্ট দ মাড়াং রে, ইনা তায়্ম খ্রীস্ট রাঃআ হড় কু যত আয়া আ রুয়াড় হিজু মাহারে।
\p
\v 24 ইনা তায়্ম জগত রাঃআ মুচাদঅ য়াআ, ইন্তং ইনিদ জ্ত্চ রাঃআ আইদারী, বাহাদুরী, দাড়িকু নাশ চাবায়াআয়্য়্, হেৎদ বাআ ঈশ্বর রাঃআ তিহিরে পরগনা সম্পায়ায়্য়্।\x - \xo 15:24 \xo*\xt দানিয়েল 2:44\xt*\x*
\p
\v 25 কারন জামিন মাহা অব্দি বৈরী কুকে ইনি রাঃআ কাটা লাতার রে কায় আগু কুয়ায়্য় ইমিন মাহা অব্দি আচ্কে পারগানা তেগে হ্যুয়ায়্য়।\x - \xo 15:25 \xo*\xt দুরাঃআং মালা 110:1\xt*\x*
\p
\v 26 মুচাত বৈরী মা গচঃ তানা, ইনা হঅ ধংস য়ায়্য়্।
\p
\v 27 কারন ঈশ্বরদ জ্ত্যাগে খ্রীস্ট রাঃআ কাটা লাতার্রে দহ তাত্যায়্য়। মেন্খান, যখন গামাকানা, জ্ত্যায়্য় গে খ্রীস্ট রাঃআ কাটা লাতার্রে দহ হুইয়া কানা, ইন্তং সাফা- সাফিয়া কানা, ঈশ্বর কেদ কাঃআয় মেশা কানায়, অকয় দ জ্ত্যা গে খ্রীস্ট রাঃআ তিহিরে সম্পা তাত্যায়্য়\x - \xo 15:27 \xo*\xt দুরাঃআং মালা 8:6\xt*\x*
\p
\v 28 হেৎদ জ্ত্যা গে ঈশ্বর রাআ আয়্দারীরে তাহীন কাতে রহঅ প্রভু আচ নিজ হঅ ঈশ্বর রাঃআ আয়্দারীরে তাহিনায়, অকয় জ্ত্যাগে খ্রীস্টকে আয়্দারি এমাৎ য়ায়্য়্, যাতে ঈশ্বর যত হাতেৎ সরস রে তাহীন কাআয়্য়।
\p
\v 29 এন্খান, অকয় হড় কু গচ নাতিনাং ডুবানয়া কু, ইঙ্কূ কিনা আ কু চিকায়া ? গ্চাকানা হড় কু রাঃআ বিরিৎ রুয়াড় বাআন খান, এন্খান চিয়ায়্য় ইঙ্কূকে গজ নাতিনাং ডুবান এম হুয়ুয়া ?
\p
\v 30 হেৎদ আলে চিয়া ঘড়ি ঘড়ি বিপদ রে লে নুরুয়া ?
\p
\v 31 এ হাগাঞ হেৎদ মিশিঞতুকু, আবুয়া প্রভু যীশু খ্রীস্ট রে আপে লিয়া ইঞা অকা গর্ব মেনা আ, ইনা শপত কাতে গামেতানাঞ, ইঞ সবদিন গজ তানাইঞ
\p
\v 32 যদি ইঞ এটা হড় লেকাইঞ হঅ ইপিস রেনকু বির পুশু কু লঅ অপতা রেঞ তাহিনা, এন্খান ইঞাঃআ কিনাঃ বেশ হয়ুয়া ? গজ হড় কু রাঃআ যদি বিরিৎ রুয়াড় কা তাহিনা, এন্খান ' দেলা জম নুউ য়াবু, কারন গাপা মা আবু গ্জ্য়াবু ।
\p
\v 33 যাহায় নেকা গামেয়ায় ইনিরাআ জাগার রে আলপে ঠেকা, চিয়াচি খারাপ হড় লঅ মেলা মেশা তাহি লেন্খান বুগিন আচরন খারাপআ
\p
\v 34 ধার্মিক হুই নাতিনাং আকিলঃঅপে হেৎদ কাই রে আল্পে তাহিনয়া, কারন আপে কু তালারে নেকান ক্থ্ক হড় কু মেনাকুয়া অকয় রাঃআ ঈশ্বর বাব্ত্তে আকেল বায়ায়না। ইঞ আপেকে নেকা জাগারেপে তানাঞ, যাতে হুডাং গিয়ু গঅ পে।
\s জিউৎ বিরিৎ হড়ম
\p
\v 35 মেন্খান, যাহায় কু গামেয়াঃ গজ হড় কু চিল্কা লেকাতে কু বিরিৎ রুয়াড়য়া? চিল্কা লেকান হড়ম তে কু বিরিৎ আ ?
\p
\v 36 এ বকা ! আম অকা হিতা জাঙ্গ হেরে তানাম, ইনা জাঙ্গ কাআ গজ লেন্খান নামা দারু কাআ গজাউডুংআ।
\p
\v 37 আপে এমন এন্কানা আ কাপে হের তাৎ আ, অকা হের থরা দারু হারা রাকাপা কানা। বরংচ আপে মিয়াৎ হিতা জাঙ্গ হেরেপে, গহম হুয়ুকাআ বাংখান এটা জাহানা আ হিতা জাঙ্গ; হিতা জাংগ গে মা হেরে তানাপে;
\p
\v 38 মেন্খান, ঈশ্বর আয়া আ ইচ্ছা লেকাতে হারা রাকাপ তুকাইয়ায়্য় হেৎদ যত গজাকু হারা রাকাপআ, ইনাকু দ যত মিৎ লেকা কাআ নেল য়া।
\p
\v 39 যত হড় রাঃআ হড়মঅ মিৎ লেকা লহয়। মান্মি হড়মঅ মিৎ লেকা, আসুল পশু রাঃআ হড়মঅ মিৎ লেকা, অড়ে কু রাঃআ হড়মঅ মিৎ লেকা, অটঃহঅ হাকু কু রাঃআ হড়মঅ মিৎ লেকা।
\p
\v 40 হেৎদ সরগ রেন্কু হড় কু রাঃআ হড়ম মেনা আ, হেৎদ জাগতিক রেহঅ হড়ম মেনা আ; মেন্খান, সরগ রেনকু হড় কু রাঃআ হড়ম গঠন মিৎ লেকা; হেৎদ জাগতিক মান্মি কু রাঃআ হড়মঅ গঠন মিৎ লেকা।
\p
\v 41 বেলা রাঃআ গঠন মার্শাল মিৎ লেকা, চাঁডুঃ রাঃআ গঠন মার্শাল মিৎ লেকা, ইপিল রাঃআ গঠন মার্শাল মিৎ লেকা; গঠন মার্শাল লেকাতে মিয়াৎ ইপিল হাতেৎ এটা ইপিলকুদ ভেগার গেয়াকু।
\p
\v 42 গজাকানাকু হড় কু রাঃআ বিরিৎ রুয়াড় হঅ এনে এঙ্কাগে, মিয়াৎ হিতা জাঙ্গ লেকা হড়মসমেৎ হের হুয়ুয়া, মেন্খান বিনা হড়মঅ তে বিরিৎ রুয়াড় হয়ুয়া
\p
\v 43 ইনিকে গিয়ু সরম লেকাতে হের হুয়ুয়া, মেন্খান মানতান লঅ রাকাপ অআয়, ইনিকে নিজুরি লেকাতে হের হুয়ুয়া, মেন্খান দাড়িয়ান লেকাতে বিরিৎ হুয়ুয়া।
\p
\v 44 মায়ম- জিলু হড়ম হের হুয়ু য়ায়্, মেন্খান সরগ লেকানাআ হড়ম বিরিৎ হুয়ুয়া, চিল্কা মায়ম-জিলু রাঃআ হড়ম মেনা আ এনে ইঙ্কা গে সরগ রাঃআ হড়ম হঅ মেনা আ।
\p
\v 45 শাস্ত্র রে নেএ নেকা হঅ অল মেনা আ 'আদিম মান্মি আদম জিউত জীয়ান\f + \fr 15:45 \fr*\ft প্রাণী- জীয়ান \ft*\f*। মেন্খান যিশু অকয় মুচাদিচ আদম জিউ এমিচ জিয়ান আত্মা হুয়েনায়।
\p
\v 46 মেন্খান, মাড়াঙ তে অকা হড়মঅ আবুকে এমা হুইয়াকানা ইনা জাগতিক তানা, মেন্খান অকা হড়মঅ তায়মতে এম গানয়া ইনা দঅ আত্মিক হুইঅয়া।
\p
\v 47 আদিম মান্মি ধার্তি রাঃআ হাসা ধুড়ি হাতেৎ বানহা লেনায় হেৎদ দশার মান্মিদ সরগ হাতেৎ হিচলেনায়।
\p
\v 48 চিল্কা ইনি আদিম মান্মি হাসা ধুড়ি হাতেৎ বাইহুয়ুয়া কানা, এঙ্কা গে আবু যতয়চ হড় হাসা ধুড়ি হাতেৎ গে বাইহুয়ুয়া কানাবু হেৎদ চিল্কা দশার মান্মি রাঃআ হড়মঅ সরগ রাঃআ হড়মঅ লেকা এঙ্কাগে আবুয়া হড়মঅ হঅ সরগ রাঃআ হড়মঅ লেকা হুইঅয়া ।
\p
\v 49 হেৎদ আবু চিল্কা ইনি হাসা ধুড়ি রেনিচ ঠাকুর লেকা হুয়ুয়া কানাবু, ইঙ্কা গে সরগ রেনিচ ইনি মান্মি লেকা গেবু হুয়ুয়া\x - \xo 15:49 \xo*\xt 1যোহন 3:2\xt*\x*
\p
\v 50 মেন্খান এ হাগা হেৎদ মিশিঞ তুকু, আপে কেঞ গামাপে তানা, মায়ম-জিলু রাঃআ হড়ম তে সরগ তে কাপে সেন দাড়িয়া আ, অটঃহঅ ক্ষয় হড়মঅ অক্ষয়তা হড়ম রাঃআ অধিকার কায় হুই দাড়ি য়ায়্য়।
\p
\v 51 নেলেপে, ইঞ আপেকে মিয়াৎ উকুয়াকান রহস্য গামা লেপেয়াঞ, আবু যত হড় মাত গয়চ রে কাবু গিতিচ তাহিনাবু, মেন্খান আবু যত হড় দঅ উচাড়য়াবু\f + \fr 15:51 \fr*\ft রূপ পাল্টায়াবু\ft*\f*
\p
\v 52 ইন্তংগে হুইঅয়া, মেৎ আরিৎ-জাপিত তেগে, মুচাত রুতু সাডি লঃঅগে, চিয়াচি চিন্তং রুতু সাডিয়া, ইন্তং গচ হড় কু অক্ষয়তা হড়মঅ তেকু বিরিৎ আ হেৎদ আবু উচাড় পারম্যাবু।
\p
\v 53 কারন অকা আ হেড়য়াআ ইনাকে উচাড় গিডি কাতেত কাহেড়য়া য়ুই তুকা হয়ুয়া, হেৎদ অকা আ গজআ ইনাদ কাঃআ গজআ নাতিনাং উচাড় হয়ুয়া।
\p
\v 54 মেন্খান অকা হেড়য়া ইনা চিন্তং কাহেড় নাতিনাং উচাড়য়া হেৎদ অকা আ গজআ ইনা ইন্তং কাগজআ মেন্তে উচাড়য়া, ইন্তং অলাকানা নিয়া জাগার কু পু রাঃআঃ 'জিতকার গজঅ কে উদ পারম কিৎআয়\x - \xo 15:54 \xo*\xt জিসাই 25:8\xt*\x*
\p
\v 55 গজঅ, আমাঃ আ জিত্কার কদেররে ? গজঅ আমাঃ আ হুল ক্দেরেনা ?\x - \xo 15:55 \xo*\xt যোহন 13:14\xt*\x*
\p
\v 56 গজঅ রাঃআ সুঁয়া\f + \fr 15:56 \fr*\ft হুল- সুঁয়া \ft*\f* হুয়ু তানা কাই হেৎদ কাই রাঃআ দাড়িদ রীতি ।
\p
\v 57 মেন্খান ঈশ্বরকে সারাঞ এমাই তানা চিয়াচি ইনি আবুয়া আ প্রভু যীশু খ্রীস্ট রাঃআ মাধ্যমতে আবুকে পাপ হেৎদ গয়চ হাতেৎ জিত্কার তাৎবুয়া আ!
\p
\v 58 এন্তে, এ ইঞা প্রিয় হাগাঞ হেৎদ মিশিঞ তুকু, আপে কাজাগ তে তাহিন্পে, স্থির তাহিন্পে, প্রভু রাঃআ সেবারে মন এমেপে, কারন সারিয়াপে, প্রভু রাঃআ নাতিনাং আপে অকা পে কামী তানা, ইনা দ কাআ নিষ্ফলয়া।
\c 16
\s যিরুশালেম মন্ডলী রাঃআ নাতিনাং দান
\p
\v 1 হেৎদ রিলামালা হড় কু রাঃআ নাতিনাং দান হাতা রাঃআ বাব্ত্তে গালাথিয়া টলা কু রাঃআ মন্ডলী কুকে অকা আজ্ঞাঞ এমাৎ কুয়াঞ, আপে হঅ ইনাকু পান্তি ইদিপে।
\p
\v 2 সপ্তা রাঃআ পুইলা হুলাং আপে যত হড় আপেয়া আয় রাঃআ সম্বল লেকাতে হুডাং কাউডি ভেগার রে দহ তায়াপে, হিচ্ লেনখানিঞ ইঞ কে দান রাকাপ আল হুয়ু কা আ।
\p
\v 3 মেন্খান ইঞ চিন্তং আপেয়া হান্ডেঞ হিজুয়া, ইন্তং কথক হড় কে জেরুশালেম তেঞ কুল কুয়া, যাতে ইঙ্কূ আপেয়া উদার দান হাতা আগু দাড়ি কা আ কু। আপে আপেয়া অলরে অকয় কুকে পে উদু কুয়া, ইঙ্কূ কেগেঞ কুল কুয়াঞ।
\p
\v 4 তবে, ইঞাঃহঅ এন্ডে সেন রাঃআ জরুর মেনা আ মনেঞ খান, এন্খান ইঙ্কূ লঅ এন্ডেঞ সেনঃআঞ।
\s সেসেন নাতিনাং স্যাপড়া
\p
\v 5 মেন্খান, ম্যাসিডোনিয়া টলা দর হাতেৎ ঘুরা হিচ্ কাতে আপেয়া হান্ডেঞ হিজুয়া চিয়া চি ম্যাসিডোনিয়া টলা হরকাতেগেঞ হিজুয়া;
\p
\v 6 ইঞ আপে লঅ কিছু মাহা তাহি দাড়িয়াঞ বাংখান রাবাং কাল আপে লঅঞ তাহিনা। ইনা তায়্ম ইঞ জাহাদর গেঞ সেনঃআ, এন্তে সেনঃঅ হুলাং হরা দর কয়ঃঅ কুলিঞ পে।
\p
\v 7 চিয়াচি নাহাঃআ সেনঃঅ হরারে আপে লঃঅ কাঞ নাপামা, নিয়াদ ইঞাঃআ ইচ্ছা, যদি ঈশ্বর রাঃআ ইচ্ছা তাহিনা এন্খান আপে লঃঅ হুডাং ঘাড়ি তাহি দাড়িআঞ।
\p
\v 8 মেন্খান, বিরিৎ পারম\f + \fr 16:8 \fr*\ft পঞ্চাশত্তমী পরব\ft*\f* অব্দি ইফিসেরে তাহিনাঞ, 
\v 9 কারন প্রভু রাঃআ কামী নাতিনাং ইঞাঃআ সামাং রে গাদা মারাং দুয়ার নিচ্চা কানা। অব্শ্য নিয়া কামিরে গাদা বিরোধ মাত মেনাঃআ।
\p
\v 10 তিম্থিয় যদি আপেয়া হান্ডে হিজু য়ায়্, এন্খান নিয়া ব্যাপার রে খেয়াল ধহয়পে, যেন আপে লঃঅ তাহি কালীন জাহানাঃআ জিনিষ কুতে আল্য়য় বরয় কাঃআয়, চিয়া চি ইনিদ ঈশ্বর রাঃআ কামিই তানায়, চিল্কা ইঞিঞ কামী তানা,
\p
\v 11 এন্তে যাহায় যেন ইনিকে টেরা মেত্তে আলকু নেলি কাঃআ, মেন্খান ইনিকে সুলুকতে আধাধুরা হরাকু উদুঃয়াই পে, যাতে ইনি ইঞাঃআ হান্ডে সেটের দাড়িঃ কাঃআয় চিয়া চি ইঞ হেৎদ হাগাকুলে আয়ায়া নাতিনাং তাঙ্গিরেলে মেনাঃলেয়া।
\p
\v 12 অটঃহঅগে ইঞ আবুয়া হাগা আ আপৌল্লো রাঃআ বাব্ত্তেঞ গামেতঃআ। ইঞ ইনিকে হাগা কু লঅ সেন নাতিনাং বিন্তি লিয়াঞ। মেন্খান নাহাঃআ আপেয়া হান্ডে সেন রাঃআ মন বাআয়না ইনি রাঃআ, মেন্খান অক্ত নাম লেখানে সেন্যায়।
\s মুচাদ হুকুম
\p
\v 13 চির্গাল তাহীন পে, পাতিয়ারে কেটেচ তাহিন্পে, সাহসঃঅ পে, দাড়িয়ান নঃঅপে।
\p
\v 14 আপে জাহানাগেপে কামিয়া দুলাড় লঅ কামিইপে।
\p
\v 15 আপে সারিই গেয়াপে, আখায়া টলা রে স্তিফান রাঃআ অড়া রেন্কু হড় কুদ মাড়াঙতে খ্রীস্ট রাঃআ অনুগামী হুই লেনাকু হেৎদ ইনা তায়ম রিলামালা হড় কুকে সেবা নাতিনাং নিজেকে কু সম্পা লেনা। ইনাতে এ ব্কঞ হেৎদ মিশিঞ তেকু, আপেয়া হান্ডেঞ বিন্তি তানাঞ;
\p
\v 16 আপে হঅ এনে এনকান হড় কুরাআ হেৎদ অক্যয় দেঙ্গাকু এমেয়া হেৎদ প্রভু রাঃআ নাতিনাং কুঠিন খাটাকু, ইঙ্কূয়া বাগতরে তাহিন্পে।
\p
\v 17 মেন্খান স্তিফান, ফর্তুনাত হেৎদ আখায়িক নেডেকু হিচ্লেনা মেন্তে ইঞ খুব কুশি, চিয়া চি আপে চিন্তং কাপে তাহিলেনা ইন্তং ইঙ্কূ ইঞকে গাদা কু দেঙ্গা তিইঞা।
\p
\v 18 ইঙ্কূ ইঞকে হেৎদ আপেয়া আত্মাকে গাদা আগ্রহী তাৎবুয়াকু। ইনাতে আপে নেকান হড়কুকে ঠাহর কাতে মান্ন্তা কূপে
\s মুচাদ গৌনমানত
\p
\v 19 এশিয়া মুলুক রিঙ্কূ মন্ডলী তরফ হাতেৎ আপেকে মানত জহারকু এমাপে তানা, আক্কিলা হেৎদ প্রিস্কা হেৎদ ইঙ্কূয়া জাহের মন্ডলী রিঙ্কূ যত হড় আপেকে ঢের গাদা আত্মাগুন জহার কু এমাপে তানা।
\p
\v 20 হেতৎদ যত পাতিয়ান হাগা মিশি কু হঅ আপেকে গড় জহার কু এমাপে তানা। আপে হঅ আপন আপিন কুকে রিলামালান দুলাড়তে সুলুকজহার এমা কূপে।
\p
\v 21 ইঞদ পৌল তানাঞ, ইঞ নাহাঃআ নিজ তিহিতে আপেকে গুন জহার এমাপে তানাঞ।
\p
\v 22 প্রভু রাঃআ নাতিনাং যদি যাহায় রাঃআ দুলাড় কা আ তাহিনা, ইন্খান ইনিদ শাপগ্রস্ত হুয়ু কাঃআয়। এ আলেয়া প্রভু দেলা হিজুম।
\p
\v 23 প্রভু যীশু রাঃআ মারাংদায়া আপে লঅ তাহীন কাঃআ।
\p
\v 24 যীশু খ্রীস্ট রে ইঞাঃআ দুলাড় আপে জ্ত্চকু লঅ তাহীন কাঃআ। আমেন ।