\id REV - Chortí NT -Guatemala 2012 (DBL -2013) 
\h APOCALIPSIS 
\toc1 Conda e Jesucristo chectesna tut e Apóstol Juan tama inteꞌ mayjut 
\toc2 Apocalipsis 
\toc3 Ap 
\mt1 Apocalipsis  
\mt2 Conda e Jesucristo chectesna tut e Apóstol Juan tama inteꞌ mayjut  
\c 1  
\s1 Lo que chectesna tut e Juan umen e Jesucristo  
\p
\v 1 Pues entonces ayan inteꞌ ojroner tamar lo que e Dios cay uwirse e Jesucristo. Y e Jesucristo sutpa uwirse umanobꞌ tamar lo que tuaꞌ anumuy. Y de allí nen xeꞌ Juanen cay inchꞌami tunor e ojroner era tuaꞌ inteꞌ ángel bꞌan cocha cay irsena umen e Jesucristo.  
\v 2 Y nen war inchecsu tunor e ojroner era bꞌan taca cocha cay inwira y bꞌan taca cocha cay umbꞌi tuaꞌ e Dios y tuaꞌ e Jesucristo.   
\p
\v 3 Chojbꞌesbꞌir tunor tin e axin uche leer e ojroner era, y tunor tin e uyubꞌi conda war achena leer, y xeꞌ axin acꞌupseyan tut tunor lo que che tamar porque cꞌani anumuy tunor era wacchetaca.   
\s1 Lo que tzꞌijbꞌabꞌir umen e Juan tama e siete grupo ajcꞌupesiajobꞌ  
\p
\v 4 Pues nen xeꞌ Juanen cꞌani intzꞌijbꞌa inteꞌ ojroner tama e siete grupo ajcꞌupesiajobꞌ xeꞌ turobꞌ tama e departamento Asia. Chꞌamic utacarsiaj y ujiriar Catata Dios xeꞌ turu conda ne mato achena ani or e rum era y xeꞌ turu coner y xeꞌ tuaꞌ aturuan tama ucꞌapesnibꞌir or e rum era ubꞌan. Pues war ichꞌami tunor era tuaꞌ e siete Nawal xeꞌ erach\f + \fr 1:4 \ft Siete nawal xeꞌ erach. Che que turu siete nawal xeꞌ erach tamar Cawinquirar Jesucristo xeꞌ jax Unawalir e Dios. Pues tama uyojroner e Dios cꞌampesna e número siete iraj iraj tuaꞌ uchectes que erach lo que war ojron tamar.\f* tuaꞌ e Dios xeꞌ turobꞌ tut uturtar Catata Dios,  
\v 5 y tuaꞌ e Jesucristo xeꞌ jax xeꞌ cay uchecsu ticoit lo que erach tama e Dios. Pues jaxir jax xeꞌ sutpa bꞌixcꞌa inyajrer tujam e chamenobꞌ bꞌajxan, y jaxir ayan ucꞌotorer tujor tunor e reyobꞌ lo que ayan tara tor e rum. Pues jaxir war uyajta coit y jax xeꞌ ixin ucorpeson tama tunor camabꞌambꞌanir tacar uchꞌichꞌer.  
\v 6 Y jaxir ixin uyajcꞌon ucꞌotorer tuaꞌ caquetpa bꞌan cocha inteꞌ chinam tiaꞌ tuaꞌ acꞌotori jaxir, y jaxir ixin uyajcꞌon ucꞌotorer tuaꞌ caquetpa bꞌan cocha inteꞌ sacerdote tuaꞌ uyubꞌion catattzꞌi ucꞌabꞌa Catata Dios iraj iraj. Catattzꞌic ucꞌabꞌa Cawinquirar Jesucristo porque jaxir axin acꞌotori iraj iraj. Amén.   
\p
\v 7 ¡Chꞌujcunic iwira! que watar e Cristo otronyajr tama e tocar. Y tunor e sian gente tara tor e rum cꞌani uwirobꞌ ut motor tin e uchamsiobꞌ jaxir ubꞌan. Y tunor e sian chinamobꞌ lo que ayan tara tor e rum cꞌani aruobꞌ conda uwirobꞌ ut. Bꞌan era ya. Amén   
\p
\v 8 Pues che Cawinquirar Dios: “Nen ucajyesnibꞌiren tama tunor lo que ayan, y nen ucꞌapesnibꞌiren tama tunor lo que ayan ubꞌan. Bꞌanen cocha e letra A xeꞌ jax e bꞌajxan letra tama e abecedario\f + \fr 1:8 \ft Abecedario. Che que e Y jax ucꞌapesnibꞌir tama e abecedario, y bꞌan tama e abecedario chortí. Tama e abecedario castellano e Z jax ucꞌapesnibꞌir tama e abecedario. Pero tama e abecedario chortí matucꞌa e Z ubꞌajner.\f* y bꞌanen cocha e letra Y xeꞌ jax ucꞌapesnibꞌir tama e abecedario, che Cawinquirar Dios, y nen ayan meyra nicꞌotorer, y turen conda ne mato achena ani or e rum era, y nen turen coner, y nen tuaꞌ inturuan tama ucꞌapesnibꞌir or e rum era ubꞌan”, che Cawinquirar Dios.   
\s1 Conda irna e Cristo umen e Juan tama inteꞌ mayjut  
\p
\v 9 Pues nen xeꞌ Juanen xeꞌ jax inteꞌ iwet ajcꞌupesiajir war innumse nibꞌa era bꞌan cocha war iche nox, y turen tacarox ubꞌan tama ucꞌabꞌ e Dios xeꞌ war acꞌotori tamaron, y war caquetpa incꞌun cawirnar umen que war catacarna umen e Jesús. Y umen que cay inchecsu uyojroner e Dios ixin y que cay ojronen tamar lo que irsenen umen e Jesús, ebꞌtana tarien tara tama inteꞌ choquem lugar xeꞌ ucꞌabꞌa Patmos xeꞌ jax inteꞌ lugar tiaꞌ ayan e rum xeꞌ aquetpa tuyuxin e jaꞌ.  
\v 10 Pues tama inteꞌ día tuaꞌ Cawinquirar xeꞌ jax inteꞌ día Domingo war unjtzꞌi ut Cawinquirar y quetpen yebꞌar ucꞌotorer Unawalir e Dios conda cay umbꞌi inteꞌ nuxi nuc xeꞌ bꞌan uyubꞌnar cocha inteꞌ corneta xeꞌ war oꞌjron tanipat.  
\v 11 Y che e nuc era:  
\p —Tzꞌijbꞌan tama inteꞌ jun tunor lo que cꞌani awira era y ebꞌtan chic e jun era tama inteꞌ inteꞌ grupo ajcꞌupesiajobꞌ tama e siete grupo lo que ayan tama e departamento Asia. Entonces ebꞌtan chic inteꞌ jun cocha era tut e grupo ajcꞌupesiajobꞌ xeꞌ turobꞌ tama e chinam Éfeso, y inteꞌ tama e grupo ajcꞌupesiajobꞌ xeꞌ turobꞌ tama e chinam Esmirna, y inteꞌ tama e grupo ajcꞌupesiajobꞌ xeꞌ turobꞌ tama e chinam Pérgamo. Y ebꞌtan chic inteꞌ jun cocha era tama e grupo ajcꞌupesiajobꞌ xeꞌ turobꞌ tama e chinam Tiatira, y inteꞌ tama e grupo ajcꞌupesiajobꞌ xeꞌ turobꞌ tama e chinam Sardis, y inteꞌ tama e grupo ajcꞌupesiajobꞌ xeꞌ turobꞌ tama e chinam Filadelfia, y inteꞌ tama e grupo ajcꞌupesiajobꞌ xeꞌ turobꞌ tama e chinam Laodicea, che e nuc era.   
\p
\v 12 Entonces sutpen tuaꞌ inwira chi xeꞌ war upejquen era. Y conda inchꞌujcu inwira que ayan siete uturibꞌ cꞌajc xeꞌ war atzꞌajbꞌa xeꞌ chembꞌir taca e oro.  
\v 13 Y tujam e siete uturibꞌ cꞌajc era checta inteꞌ xeꞌ bꞌan uwirnar cocha Uyunen e winic xeꞌ bꞌujcsebꞌir taca inteꞌ bꞌujc xeꞌ nojta este que acꞌotoy tama unuc uyoc, y cachar inteꞌ cinturón xeꞌ chembꞌir taca e oro yebꞌar ut uchuꞌ.  
\v 14 Y utzutzer ujor sacsac inyajrer bꞌan cocha utzutzer e oveja o bꞌan cocha uwirnar inteꞌ tocar xeꞌ sacsac. Y uwirnar unacꞌut bꞌan cocha uwarar e cꞌajc.  
\v 15 Y uyoc chequer ejpray innajt bꞌan cocha e taqꞌuin xeꞌ aloqꞌuesna tama e cꞌajc xeꞌ ucꞌabꞌa bronce. Y uyubꞌnar unuc bꞌan cocha inteꞌ cojn conda achꞌiꞌ xeꞌ war aquiricna ayopa.  
\v 16 Y tama unojcꞌabꞌ war uqꞌueche siete lucero. Y tama uyej locꞌoy uyac bꞌan cocha inteꞌ machit xeꞌ ayan chateꞌ uyej. Y uyeroj ejpray bꞌan cocha ejpray e qꞌuin tama uyuxin e ajqꞌuin.   
\p
\v 17 Pero conda inwira ut cucremen tut jaxir bꞌan ani cocha inteꞌ chamen. Pero jaxir uturbꞌa unojcꞌabꞌ tama nijor y che cocha era:  
\p —Ira ibꞌacta porque nen ucajyesnibꞌiren tama tunor lo que ayan, y nen ucꞌapesnibꞌiren tama tunor lo que ayan ubꞌan.  
\v 18 Pues nen bꞌixiren inyajrer, y motor que chamayen pero sutpa bꞌixqꞌuen tujam e chamenobꞌ inyajrer. Y nen ayan nicꞌotorer tuaꞌ inware chi tuaꞌ achamay y chi tuaꞌ asutpa abꞌixcꞌa, y quetpa yebꞌar nicꞌabꞌ tunor e lugar tiaꞌ aquetpobꞌ e chamenobꞌ ubꞌan.  
\v 19 Tzꞌijbꞌan tunor lo que cay awira y tunor lo que war awira era y tunor lo que cꞌani inchectes toit tamar lo que tuaꞌ watar.  
\v 20 Cꞌani inchectes toit era lo que war che e siete lucero lo que qꞌuecher nimener tama ninojcꞌabꞌ y lo que war che e siete uturibꞌ cꞌajc xeꞌ chembꞌir taca e oro. Pues e siete lucero era war che tin e aquetpa cocha inteꞌ líder tama inteꞌ inteꞌ grupo ajcꞌupesiajobꞌ. Y e siete uturibꞌ cꞌajc era war che e siete grupo ajcꞌupesiajobꞌ.   
\c 2  
\s1 E carta xeꞌ tuaꞌ ebꞌtana axin esto tama e chinam Éfeso  
\p
\v 1 ’Pues tzꞌijbꞌan e carta era tama tin e aquetpa anciano tama e grupo ajcꞌupesiajobꞌ xeꞌ turu tama e chinam Éfeso. Pues bꞌan che tin e uqꞌueche e siete lucero tama unojcꞌabꞌ y xeꞌ war axana tujam e siete uturibꞌ cꞌajc xeꞌ chembꞌir taca e oro y che:   
\pi1
\v 2 Nen innata tunor lo que war ache: Que machi war icꞌoy ipatna tama upatnar e Dios y que machi war awacta tuaꞌ ache tunor era, y innata ubꞌan que machi uyubꞌiet awacta bꞌan taca tin e war uche e mabꞌambꞌanir. Y innata que net anata ache uchecsu ubꞌobꞌ tin e war uche ubꞌobꞌ que apostolobꞌ, y que tamar era aquetpa chequer que jax taca cora ajmajresiajobꞌ.  
\v 3 Y inwira que machi war awacta tuaꞌ ache tunor upatnar e Dios, y que cay anumse abꞌa meyra tama nicꞌabꞌa, y que machi war icꞌoy ache tunor era.  
\v 4 Pero ayan lo que war ache era que majax imbꞌutz: Que machi ixto war ayajta niut era bꞌan cocha cay ache conda wartocto icꞌupseyan tamaren.  
\v 5 Y tamar era cꞌajpes amener tiaꞌ locꞌoyet conda cay awacta tuaꞌ ayajta niut y actan era tunor abꞌijnusiaj xeꞌ mabꞌambꞌan y sutpen chen otronyajr lo que cay ache conda wartocto icꞌupseyan tamaren. Pero jay machi ache bꞌan cocha war inwaret era, waten tuaꞌ inlocse acꞌajc lo que warto atzꞌajbꞌa tamaret.  
\v 6 Pero ayan lo que war ache xeꞌ imbꞌutz taniut: War axejbꞌe ut lo que war uchiobꞌ tin e aꞌrobꞌna nicolaítas xeꞌ war ucansiobꞌ e ajcꞌupesiajobꞌ axin que ererto uchiobꞌ ani e mabꞌambꞌanir. Pues nen ubꞌan war inxejbꞌe ut tunor e canseyaj era.  
\v 7 Tin e ayan uchiquin uyubꞌic lo que Unawalir e Dios war uyare e siete grupo ajcꞌupesiajobꞌ: Tunor tin e axin uche erach tama ucuxtar, cꞌani aꞌjcꞌuna nimener tuaꞌ umaqꞌuiobꞌ uyutir e teꞌ tuaꞌ e cuxtar xeꞌ machi tuaꞌ acꞌapa lo que ayan tichan tiaꞌ turu Catata Dios.  
\m Bꞌan che jaxir xeꞌ ayan e siete lucero tama unojcꞌabꞌ.   
\s1 E carta xeꞌ tuaꞌ ebꞌtana axin esto tama e chinam Esmirna  
\p
\v 8 ’Pues tzꞌijbꞌan e carta era tama tin e aquetpa anciano tama e grupo ajcꞌupesiajobꞌ xeꞌ turu tama e chinam Esmirna:  
\pi1 Bꞌan che tin e turu conda ne mato achena ani or e rum era y xeꞌ tuaꞌ aturuan tama ucꞌapesnibꞌir or e rum era ubꞌan, jaxir xeꞌ chamesna pero xeꞌ sutpa bꞌixcꞌa tujam e chamenobꞌ.  
\v 9 Nen innata lo que war anumse abꞌa y que matucꞌa ayan tamaret, pero innata ubꞌan que net meyra ayan tabꞌa tama e Dios. Y innata ubꞌan cobꞌa war oꞌjronobꞌ apater tin e war uche ubꞌobꞌ que tuobꞌ e Israel pero xeꞌ majax sino que jaxirobꞌ aquetpobꞌ tuaꞌ e Satanás porque war uchiobꞌ lo que ucꞌani jaxir.  
\v 10 Pero ira abꞌacre lo que tuaꞌ anumse abꞌa tama e tiempo xeꞌ watar era, porque ayan tin e tijam xeꞌ axin oꞌsena tama e cárcel umen e diablo tuaꞌ uche ani uyacten. Pero diez día taca tuaꞌ ixquetpa tama e cárcel. Pero ira awacten motor que ayan tin e tijam xeꞌ axin achamesna tamaren, y nen tuaꞌ inwajqꞌuet e cuxtar xeꞌ machi tuaꞌ acꞌapa bꞌan cocha inteꞌ tuanibꞌir.  
\v 11 Tin e ayan uchiquin uyubꞌic lo que Unawalir e Dios war uyare e siete grupo ajcꞌupesiajobꞌ: Tunor tin e axin uche erach tama ucuxtar machi tuaꞌ unumse ubꞌobꞌ tama otronteꞌ chamer conda acꞌapa achamay.  
\m Bꞌan che Unawalir e Dios tama e grupo ajcꞌupesiajobꞌ xeꞌ turobꞌ tama e chinam Esmirna.   
\s1 E carta xeꞌ tuaꞌ ebꞌtana axin esto tama e chinam Pérgamo  
\p
\v 12 ’Pues tzꞌijbꞌan e carta era tama tin e aquetpa anciano tama e grupo ajcꞌupesiajobꞌ xeꞌ turu tama e chinam Pérgamo:  
\pi1 Bꞌan che tin e war uqꞌueche umachit xeꞌ ayan chateꞌ uyej.  
\v 13 Nen innata que war ituruan tiaꞌ war acꞌotori e Satanás, pero que net machi war awacta tuaꞌ acojco tama nicꞌabꞌa. Y ma tiaꞌ cay awacta tuaꞌ icꞌupseyan tamaren motor que chamesna tijam inteꞌ niman xeꞌ ucꞌabꞌa Antipas. Pues jaxir uturbꞌa ubꞌa tamaren y ma tiaꞌ uyacta tuaꞌ uchecsu niwojroner tut e gente axin este que chamesna tamar. Pues bꞌan achamesna e gente iraj iraj umen e ajmabꞌambꞌanirobꞌ xeꞌ turobꞌ tama e chinam tiaꞌ turet y tiaꞌ turu e Satanás ubꞌan.  
\v 14 Pero ayan lo que war ache que majax imbꞌutz, porque ayan tin e turobꞌ tama e grupo ajcꞌupesiajobꞌ xeꞌ machi cꞌani uyactobꞌ ucanseyaj e Balaam xeꞌ jax inteꞌ profeta xeꞌ turuan tama e onian tiempo. Porque jaxir cay ucanse e rey Balac tuaꞌ uche acucrema e gente tama e Israel. Y tamar era e Balac cay ucanse e gente yajaꞌ tuaꞌ ucꞌuxiobꞌ lo que turbꞌana tama uyaltar e sian chamen dios, y cay ucanse e gente tuaꞌ uchꞌami ubꞌobꞌ cora cora taca e ixictac y taca e winicobꞌ.  
\v 15 Y ayan ubꞌan lo que majax imbꞌutz porque ayanto tin e tijam xeꞌ machi ixto war uyactobꞌ e canseyaj tuaꞌ e grupo xeꞌ aꞌrobꞌna nicolaítas.  
\v 16 Y tamar era cꞌani inwaret tuaꞌ awacta tunor e mabꞌambꞌanir era y sutpen chen lo que ucꞌani e Dios, porque jay machi ache, nen cꞌani incꞌotoy toit wacchetaca tuaꞌ intzꞌoyi upater tin e war uchiobꞌ lo que acansenobꞌ umen e grupo nicolaítas taca nimachit xeꞌ chateꞌ uyej xeꞌ alocꞌoy tama niwej.  
\v 17 Tin e ayan uchiquin uyubꞌic lo que Unawalir e Dios war uyare e siete grupo ajcꞌupesiajobꞌ: Tunor tin e axin uche erach tama ucuxtar cꞌani inwajcꞌu tuaꞌ ucꞌuxi e maná xeꞌ ojri tari tut e qꞌuin, y cꞌani inwajcꞌu inteꞌ tun xeꞌ sacsac ut xeꞌ ayan inteꞌ ucꞌabꞌa xeꞌ imbꞌutz tzꞌijbꞌabꞌir tamar pero mamajchi unata tucꞌa ucꞌabꞌa era sino que jax taca tin e axin uchꞌami tuaꞌ unata tunor era.  
\m Bꞌan che Unawalir e Dios tama e grupo ajcꞌupesiajobꞌ xeꞌ turobꞌ tama e chinam Pérgamo.   
\s1 E carta xeꞌ tuaꞌ ebꞌtana axin esto tama e chinam Tiatira  
\p
\v 18 ’Pues tzꞌijbꞌan e carta era tama tin e aquetpa anciano tama e grupo ajcꞌupesiajobꞌ xeꞌ turu tama e chinam Tiatira:  
\pi1 Bꞌan che Uyunen e Dios xeꞌ ayan unacꞌut xeꞌ bꞌan uwirnar cocha uwarar e cꞌajc, y unuc uyoc chequer ejpray innajt bꞌan cocha e taqꞌuin xeꞌ aloqꞌuesna tama e cꞌajc xeꞌ ucꞌabꞌa bronce.  
\v 19 Nen innata tunor lo que war ache: Innata que war ayajta niut, y que war icꞌupseyan tamaren, y que war ipatna tamaren, y que machi war awacta tuaꞌ ache tunor upatnar e Dios. Y innata que war ache más coner que conda wartocto icꞌupseyan tamaren.  
\v 20 Pero ayan lo que war ache xeꞌ majax imbꞌutz: War awacta oꞌjron e ixic xeꞌ ucꞌabꞌa Jezabel xeꞌ jax inteꞌ ajmabꞌambꞌanir. Jaxir che que war oꞌjron lo que ajcꞌubꞌir umen e Dios, pero majax. Porque jaxir war ucanse e ajcꞌupesiajobꞌ tuaꞌ axiobꞌ taca e ajnajtir ixictac, y war ucansiobꞌ tuaꞌ ucꞌuxiobꞌ lo que turbꞌana tama uyaltar e sian chamen dios.  
\v 21 Pues nen inwajcꞌuix tiempo tuaꞌ uyacta tunor e mabꞌambꞌanir era y tuaꞌ asutpa tut e Dios, pero jaxir machi cꞌani uyacta umabꞌambꞌanir.  
\v 22 Y jay machi axin uyacta tunor e mabꞌambꞌanir era, cꞌani inwebꞌta axin inteꞌ muaquir tamar tuaꞌ inche achꞌan tama uchꞌacteꞌ. Y tunor tin uchiobꞌ e mabꞌambꞌanir tacar cꞌani inche unumse ubꞌobꞌ tama e nuxi cꞌuxner xeꞌ watar jay machi axin uyactobꞌ uchenar e mabꞌambꞌanir tuaꞌ e ixic era.  
\v 23 Y cꞌani inchamse tunor tin e ucꞌupse ucanseyaj e Jezabel era taca inteꞌ muaquir. Y tamar era cꞌani acꞌotoy unatobꞌ tunor e grupo ajcꞌupesiajobꞌ que nen innata tunor lo que ayan tama ujorobꞌ y tunor lo que ayan tama uyalmobꞌ ubꞌan. Pues nen tuaꞌ intoyi uyeror ut tunor tin e war uche lo que imbꞌutz y tunor tin e war uche lo que mabꞌambꞌan.  
\v 24 Pero ayanox xeꞌ turox tama e chinam Tiatira xeꞌ machi war ichꞌami ucanseyaj e ixic era. Pero ayan tin e war ucꞌupsiobꞌ e ixic era ubꞌan. Y jaxirobꞌ war utattzꞌi ubꞌobꞌ que war unatobꞌ meyra canseyaj xeꞌ intam xeꞌ aquetpa mucur tut e inmojr. Bꞌan ubꞌijnuobꞌ jaxirobꞌ, pero majresiaj tunor era. Porque tunor e canseyaj era tuaꞌ taca e Satanás. Pero matucꞌa más cꞌani inwareox tamar era rajxa era.  
\v 25 Pero nox cojconic e canseyaj lo que cay ichꞌami tamaren este que insutpa waten otronyajr.  
\v 26 Tunor tin e axin uche erach tama ucuxtar este que watar ucꞌapesnibꞌir tunor era y xeꞌ uchiobꞌ tunor lo que incꞌani nen, cꞌani inwajcꞌuobꞌ tuaꞌ acꞌotoriobꞌ tujor e sian nuquir chinamobꞌ lo que ayan tara tor e rum.  
\v 27 Y jaxirobꞌ tuaꞌ aqꞌuecꞌo acꞌotoriobꞌ tujor e gente tara tor e rum bꞌan cocha jay war uqꞌuechiobꞌ inteꞌ bꞌoyteꞌ xeꞌ chembꞌir taca e taqꞌuin tujor e gente. Y e gente tuaꞌ aquetpobꞌ bꞌan cocha uchꞌeir ingojr bꞌejt conda ayojbꞌobꞌ umen e taqꞌuin era. Pues bꞌan cocha ajcꞌunen nicꞌotorer umen Nitata y bꞌan tuaꞌ inwajcꞌu tuaꞌ acꞌotoriobꞌ tujor e gente tin e war uchiobꞌ tunor lo que incꞌani nen.  
\v 28 Y cꞌani inwajcꞌuobꞌ nitawarer xeꞌ lar tacar e nuxi lucero xeꞌ achecta conda war asacojpa.  
\v 29 Tin e ayan uchiquin uyubꞌic lo que Unawalir e Dios war uyare e siete grupo ajcꞌupesiajobꞌ.  
\m Bꞌan che Unawalir e Dios tama e grupo ajcꞌupesiajobꞌ xeꞌ turobꞌ tama e chinam Tiatira.   
\c 3  
\s1 E carta xeꞌ tuaꞌ ebꞌtana axin esto tama e chinam Sardis  
\p
\v 1 ’Pues tzꞌijbꞌan e carta era tama tin e aquetpa anciano tama e grupo ajcꞌupesiajobꞌ xeꞌ turu tama e chinam Sardis. Bꞌan che tin e ayan e siete Nawal xeꞌ erach tuaꞌ e Dios tamar y xeꞌ ayan e siete lucero tamar ubꞌan y che:  
\pi1 Nen innata tunor lo que war ache: Innata que awirnar bꞌan cocha inteꞌ xeꞌ bꞌixir ani pero xeꞌ majax bꞌan, sino que bꞌanet cocha inteꞌ chamen.  
\v 2 Achpen y pucrun ut e cꞌajc xeꞌ ayanto tama awalma xeꞌ cꞌanix atajpa. Porque nen innata que ma tzꞌacar lo que war ache bꞌan cocha ucꞌani ani e Dios.  
\v 3 Cꞌajpes amener e canseyaj lo que cay achꞌami tamaren y xanen tamar, y sutpen tut e Dios. Pero jay machi ibꞌixcꞌa, nen inxin waten wacchetaca bꞌan cocha inteꞌ ajxujch, y net machi tuaꞌ anata tucꞌa hora tuaꞌ inyopa.  
\v 4 Pero ayan ubꞌan cora ajcꞌupesiajobꞌ xeꞌ turobꞌ tijam tama e chinam Sardis xeꞌ ma tiaꞌ ixin ubꞌoni ubꞌobꞌ tama e mabꞌambꞌanir bꞌan cocha jay ixin uxexjres ubꞌujcobꞌ. Pues jaxirobꞌ tuaꞌ axanobꞌ tacaren taca inteꞌ bꞌujc xeꞌ sacsac ut, porque tawar jaxirobꞌ tuaꞌ ulapiobꞌ e bꞌujc era.  
\v 5 Pues tunor tin e war uche erach tunor tama ucuxtar cꞌani aꞌjcꞌuna e bꞌujc xeꞌ sacsac ut nimener ubꞌan. Y ma tiaꞌ tuaꞌ inlocse ucꞌabꞌobꞌ tama e jun tuaꞌ e cuxtar xeꞌ machi tuaꞌ acꞌapa, sino que nen cꞌani inchecsu ucꞌabꞌobꞌ tut Nitata que tanibꞌa tunorobꞌ. Y bꞌan tuaꞌ inche tut tunor uyangelobꞌ Nitata ubꞌan.  
\v 6 Tin e ayan uchiquin uyubꞌic lo que Unawalir e Dios war uyare e siete grupo ajcꞌupesiajobꞌ.  
\m Bꞌan che Unawalir e Dios tama e grupo ajcꞌupesiajobꞌ xeꞌ turobꞌ tama e chinam Sardis.   
\s1 E carta xeꞌ tuaꞌ ebꞌtana axin esto tama e chinam Filadelfia  
\p
\v 7 ’Pues tzꞌijbꞌan e carta era tama tin e aquetpa anciano tama e grupo ajcꞌupesiajobꞌ xeꞌ turu tama e chinam Filadelfia:  
\pi1 Bꞌan che jaxir xeꞌ erach y xeꞌ matucꞌa e majresiaj tamar y xeꞌ uqꞌueche axin ucꞌotorer e rey David xeꞌ turuan tama e onian tiempo. Pues jaxir ayan ucꞌotorer que conda upasi e puerta tama e cuxtar xeꞌ machi tuaꞌ acꞌapa tut inteꞌ, mamajchi erer umaqui. Y conda jaxir umaqui e puerta era mamajchi tuaꞌ axin upasi.  
\v 8 Nen innata tunor lo que war ache. Iran era que nen inturbꞌix toit inteꞌ puerta xeꞌ pasar que mamajchi erer umaqui. Y motor que ayan imbꞌijc taca acꞌotorer pero war icꞌupseyan tut niwojroner y machi war amuqui nicꞌabꞌa.  
\v 9 Pues ayan inteꞌ grupo tiaꞌ turet xeꞌ tuobꞌ e Satanás xeꞌ war utattzꞌi ubꞌobꞌ que tuobꞌ ani e Israel, pero xeꞌ intaca war umajres ubꞌobꞌ. Pero nen cꞌani intzacre axin e gente era tuaꞌ acotuanobꞌ tiut nox tuaꞌ acꞌotoy unatobꞌ que nen war inyajta iut.  
\v 10 Y cocha acꞌupsix niwojroner tuaꞌ iquetpa tzꞌustaca conda war anumse abꞌa, nen cꞌani incojcuet tuaꞌ machi anumse abꞌa tama e cꞌuxner xeꞌ tuaꞌ axin watar tor e rum era tuaꞌ uche unumse ubꞌobꞌ tunor tin e turobꞌ tara tor e rum.  
\v 11 Waten wacchetaca, pero cojcon lo que qꞌuecher amener tuaꞌ mamajchi ulocse atuanibꞌir lo que tuaꞌ iꞌxin achꞌami tama e Dios conda icꞌotoy tut e qꞌuin tichan.  
\v 12 Tunor tin e axin uche erach tunor tama ucuxtar, nen cꞌani inche aquetpobꞌ bꞌan cocha inteꞌ nuxi oy xeꞌ turu macuir uyotot e Dios y ma tiaꞌ tuaꞌ uyactobꞌ e otot era otronyajr. Y cꞌani intzꞌijbꞌa ucꞌabꞌa Nidiosir tamar, y cꞌani intzꞌijbꞌa ucꞌabꞌa uchinam e Dios tamar xeꞌ jax e Jerusalem xeꞌ imbꞌutz xeꞌ tuaꞌ ecmay watar tut e qꞌuin, y cꞌani intzꞌijbꞌa nicꞌabꞌa xeꞌ imbꞌutz tamar ubꞌan.  
\v 13 Tin e ayan uchiquin uyubꞌic lo que Unawalir e Dios war uyare e siete grupo ajcꞌupesiajobꞌ.  
\m Bꞌan che Unawalir e Dios tama e grupo ajcꞌupesiajobꞌ xeꞌ turobꞌ tama e chinam Filadelfia.   
\s1 E carta xeꞌ tuaꞌ ebꞌtana axin esto tama e chinam Laodicea  
\p
\v 14 ’Pues tzꞌijbꞌan e carta era tama tin e aquetpa anciano tama e grupo ajcꞌupesiajobꞌ xeꞌ turu tama e chinam Laodicea:  
\pi1 Bꞌan che jaxir xeꞌ erach y xeꞌ machi amajresian, y xeꞌ jax e ajcꞌotorer xeꞌ cꞌampesna umen e Dios tuaꞌ uche tunor lo que ayan.  
\v 15 Nen innata tunor lo que war ache y cꞌani inwaret que laret tacar e cꞌonox siꞌ xeꞌ machi uyari ut e cꞌajc. Intaca atajpa axin. Y bꞌan turet porque machi cꞌani iwacten, pero chequer que machi cꞌani aturbꞌa abꞌa tamaren ubꞌan.  
\v 16 Pero cocha net bꞌanet cocha e cꞌonox siꞌ xeꞌ machi atzꞌajbꞌa y nien machi apuruy, sino que intaca abꞌutzꞌay axin, cꞌani inxin inchoquiet.  
\v 17 Pues net war atattzꞌi abꞌa que meyra ayan lo que ayanet y que mix tucꞌa lo que war acꞌani más. Y bꞌan war aware, pero machi war anata lo que e Dios war che apater. Porque tut e Dios tzajtaca awirnar, y matucꞌa ayanet, y tajpem oit, y pispis war ixana.  
\v 18 Y tamar era cꞌani inwaret tuaꞌ amani tanibꞌa e oro xeꞌ jachesbꞌir tama e cꞌajc tuaꞌ uyubꞌiet iquetpa rico tamaren. Y mana ubꞌan e bꞌujc xeꞌ sacsac ut xeꞌ ayan tanibꞌa xeꞌ bꞌan cocha inteꞌ winic xeꞌ erach tut e Dios tuaꞌ amuqui abꞌa tuaꞌ machi iyerna que pispiset. Y mana inteꞌ remedio xeꞌ ayan tanibꞌa tuaꞌ ayari tama unaqꞌuiut tuaꞌ uyubꞌiet awira lo que ayan tuaꞌ e Dios.  
\v 19 Tunor tin e war incꞌani inxin impejca tamar lo que war uchiobꞌ xeꞌ majax imbꞌutz, y cꞌani inxin insubꞌajresobꞌ conda war uchiobꞌ e mabꞌambꞌanir tuaꞌ unatobꞌ que majax imbꞌutz lo que war uchiobꞌ era. Turbꞌan abꞌa tama e Dios y actan tunor uchenar e mabꞌambꞌanir.  
\v 20 Ubꞌin, nen waren tama e puerta war impejcsan, jay ayan tin e uyubꞌi niwojroner y upasi upuerta uyotot nen cꞌani onchoy tuaꞌ inweꞌ tacar y jaxir tuaꞌ aweꞌ tacaren.  
\v 21 Tunor tin e axin uche erach tama ucuxtar, cꞌani aꞌjcꞌuna nimener tuaꞌ aturuan tacaren tama niturtar, bꞌan cocha nen xeꞌ cꞌapa inche erach tunor tama nicuxtar y de allí ixien tuaꞌ inturuan taca Nitata tama uturtar.  
\v 22 Tin e ayan uchiquin uyubꞌic lo Unawalir e Dios war uyare e siete grupo ajcꞌupesiajobꞌ.  
\m Bꞌan arobꞌnen tuaꞌ intzꞌijbꞌa tama e siete grupo ajcꞌupesiajobꞌ.   
\c 4  
\s1 Tin e war utattzꞌiobꞌ ucꞌabꞌa e Dios tichan tut e qꞌuin  
\p
\v 1 Pues entonces nacpat era sutpa inwira tichan que ayan inteꞌ puerta xeꞌ pasar tut e qꞌuin, y cay umbꞌi inteꞌ nuc xeꞌ jax taca lo que cay umbꞌi bꞌajxan xeꞌ lar uyubꞌnar cocha inteꞌ corneta. Y che e nuc:  
\p —Tꞌabꞌen tara, cꞌani inwirset lo que axin anumuy nacpat tunor era, che e nuc era.   
\p
\v 2 Y wacchetaca quetpen yebꞌar ucꞌotorer Unawalir e Dios, y cay inwira que ayan inteꞌ turtar tut e qꞌuin y que ayan chi xeꞌ turu tamar.  
\v 3 Y uwirnar xeꞌ turu tama e turtar bꞌan cocha ingojr tun xeꞌ ejpray ut xeꞌ ucꞌabꞌa jaspe xeꞌ sacsac ut o bꞌan uwirnar cocha ingojr tun xeꞌ ejpray ut xeꞌ ucꞌabꞌa carnelina xeꞌ chacchac ut. Y tujor e turtar ayan inteꞌ macchan xeꞌ ejpray ut xeꞌ yaxax uwirnar bꞌan cocha ingojr tun xeꞌ ucꞌabꞌa esmeralda.  
\v 4 Y inwira que e turtar quetpa xojybꞌir umen veinticuatro turtar, y tamar e veinticuatro turtar era inwira que ayan veinticuatro nuquir winicobꞌ xeꞌ turobꞌ tama inteꞌ inteꞌ uturtarobꞌ. Y bꞌujcsebꞌirobꞌ e nuquir winicobꞌ era taca e sacsac bꞌujc y ayan inteꞌ inteꞌ ucorona tama ujorobꞌ xeꞌ chembꞌir taca e oro.  
\v 5 Y inwira ajijbꞌi alocꞌoy tama tin e turu tama e turtar xeꞌ turu tuyuxin e veinticuatro turtar era y umbꞌi unuc e Dios xeꞌ bꞌan uyubꞌnar cocha conda aquiricna ut e qꞌuin. Y tut e turtar inwira que ayan siete manojo tꞌixbꞌir tajteꞌ xeꞌ war atzꞌajbꞌa xeꞌ jax e siete Nawal xeꞌ erach tuaꞌ e Dios.  
\v 6 Y inwira ut e otot tut e turtar era que bꞌan uwirnar cocha e jaꞌ xeꞌ galan ejpray ut.  
\p Y inwira ubꞌan que ayan cuatro animalobꞌ xeꞌ bꞌixirobꞌ xeꞌ wawanobꞌ incojt incojt tuyejtzꞌer e turtar era. Y e cuatro animalobꞌ era ayan meyra unacꞌutobꞌ xeꞌ turu tama tunor utobꞌ y xeꞌ turu tama tunor upatobꞌ ubꞌan.  
\v 7 Y uwirnarobꞌ e cuatro animalobꞌ era jax era: Inteꞌ lar uwirnar cocha inteꞌ león, y inteꞌ lar uwirnar cocha inteꞌ nuxi wacax, y inteꞌ bꞌan uwirnar cocha ut inteꞌ winic, y inteꞌ lar uwirnar cocha incojt oror xeꞌ war atobꞌoy axin.  
\v 8 Y e cuatro animalobꞌ era ayan tres uwichobꞌ inxejr inxejr uchejchec inteꞌ intiobꞌ, y bꞌutꞌur tunor uwichobꞌ era taca e sian unacꞌut teinxejr teinxejr uwichobꞌ, y ma tiaꞌ uyactobꞌ tuaꞌ oꞌjronobꞌ cocha era nien tama e día y nien acbꞌar y chenobꞌ:  
\q1 Erachet, erachet, erachet,  
\q1 Cawinquirar Dios xeꞌ nojta acꞌotorer tama tunor,  
\q1 porque jax taca net xeꞌ turet conda ne mato achena ani or e rum era y xeꞌ turet coner y xeꞌ tuaꞌ ituruan tama ucꞌapesnibꞌir or e rum era ubꞌan,  
\m xeꞌ war oꞌjronobꞌ e cuatro animalobꞌ era.   
\p
\v 9 Y inyajr inyajr conda e animalobꞌ era acay utattzꞌiobꞌ ucꞌabꞌa Catata Dios otronyajr que meyra ayan utawarer y que tawar tuaꞌ uchꞌami meyra tattzꞌarsiaj y uyajcꞌuobꞌ gracias jaxir xeꞌ turu tama uturtar y xeꞌ turu iraj iraj,  
\v 10 entonces e veinticuatro nuquir winicobꞌ era acay apacwanobꞌ tut e rum tuaꞌ uyujtzꞌiobꞌ ut jaxir xeꞌ turu iraj iraj, y axin uturbꞌobꞌ ucoronobꞌ inteꞌ intiobꞌ tut uturtar Catata Dios y chenobꞌ:   
\q1
\v 11 Net Cawinquiraret, y net Cadiosiret,  
\q1 tawaret tuaꞌ achꞌami tunor e tawarer y tuaꞌ achꞌami tunor e tattzꞌarsiaj y tuaꞌ achꞌami tunor e cꞌotorer,  
\q1 porque net cꞌapa ache tunor lo que ayan, y chena amener tunor era bꞌan taca cocha acꞌani net, y tunor era quetbꞌir amener ubꞌan.  
\m Bꞌan che e veinticuatro nuquir winicobꞌ.   
\c 5  
\s1 Tin e tawar tuaꞌ ubꞌani uwira e jun xeꞌ tzꞌotbꞌir ut  
\p
\v 1 Entonces inwira que ayan inteꞌ jun xeꞌ tzꞌotbꞌir tama unojcꞌabꞌ tin e turu tama e turtar. Y e jun era tzꞌijbꞌabꞌir tama inxejr inxejr y cachar siete veces taca siete ut sello tama utiꞌ e jun era tiaꞌ atzꞌojta imbꞌijc imbꞌijc axin.  
\v 2 Y nacpat era inwira que ayan inteꞌ ángel xeꞌ meyra ucꞌotorer xeꞌ war aꞌru taca inteꞌ nuxi nuc y che:  
\p —¿Chi tawar tuaꞌ uwechꞌe e jun era y tuaꞌ uwejru uselloir? che e ángel.   
\p
\v 3 Pero mamajchi tajwina nien tut e qꞌuin y nien tama or e rum y nien yebꞌar or e rum xeꞌ tawar tuaꞌ uwechꞌe e jun era y nien tuaꞌ uwira ut lo que ayan tamar.  
\v 4 Y tamar era nen cay aruen meyra porque mamajchi tajwina xeꞌ tawar tuaꞌ uwechꞌe e jun era y nien tuaꞌ uwira ut.  
\v 5 Entonces inteꞌ tujam e veinticuatro nuquir winicobꞌ cay uyaren y che:  
\p —Irix iyaru. Porque ayan inteꞌ xeꞌ tawar tuaꞌ uwechꞌe e jun era y tuaꞌ ulocse e siete sello lo que ayan tamar. Porque jaxir bꞌan cocha inteꞌ león xeꞌ locꞌoy tama uchꞌajnarir e Judá xeꞌ jax inteꞌ utata viejobꞌir tuaꞌ e gente xeꞌ tuobꞌ e Israel, y jaxir jax inteꞌ sitzbꞌir tuaꞌ e rey David xeꞌ turuan tama e onian tiempo, y jaxir ucucruix tunor ucꞌotorer e Satanás. Jaxir tawar tuaꞌ uwechꞌe e jun era y tuaꞌ uwejru uselloir, che e nuquir winic era.   
\p
\v 6 Y tamar era inwira ut Niwinquirar xeꞌ bꞌan uwirnar cocha inteꞌ Cordero xeꞌ chequer que chamesna ani. Pues jaxir war awawan tut e turtar xeꞌ turu tuyuxin e cuatro animalobꞌ xeꞌ bꞌixirobꞌ y xeꞌ turu tuyuxin e veinticuatro nuquir winicobꞌ. Y ayan siete ut ucacho tama ujor y ayan siete unacꞌut tamar xeꞌ quetpa bꞌan cocha e siete Nawal xeꞌ erach tuaꞌ e Dios xeꞌ ebꞌetbꞌir ixin tama tunor or e rum.  
\v 7 Entonces ixin e Cordero y uchꞌami e jun xeꞌ qꞌuechbꞌir tama unojcꞌabꞌ tin e turu tama e turtar.  
\v 8 Y conda uchꞌami e jun e cuatro animalobꞌ xeꞌ bꞌixirobꞌ y e veinticuatro nuquir winicobꞌ pacwanobꞌ tut jaxir. Y inteꞌ intiobꞌ tama e veinticuatruobꞌ era ayan uyinstrumentuobꞌ tuaꞌ alajbꞌobꞌ tamar xeꞌ ucꞌabꞌa arpa, y inteꞌ intiobꞌ ayan inteꞌ inteꞌ uchꞌeuobꞌ xeꞌ chembꞌir taca e oro. Y bꞌutꞌur tunor uchꞌeuobꞌ era taca e ujtzꞌubꞌ xeꞌ war apurutna xeꞌ lar cocha ucꞌatmayajobꞌ tin e tuobꞌ e Dios.  
\v 9 Entonces cay ucꞌaywijresobꞌ inteꞌ cꞌay xeꞌ imbꞌutz y che:  
\q1 Net tawaret tuaꞌ achꞌami e jun era y tuaꞌ awejru uselloir,  
\q1 porque net chamesnet tuaꞌ acorpeson, y amanion taca achꞌichꞌer tuaꞌ uyubꞌion caquetpa umaxtac e Dios non xeꞌ turon tama tunor or e rum  
\q1 xeꞌ tarion tama tunor e sian chꞌajnarir, y xeꞌ tarion tama tunor e ojroner lo que ayan tara tor e rum,  
\q1 y xeꞌ tarion tama tunor e sian chinamobꞌ lo que ayan tara tor e rum ubꞌan.   
\q1
\v 10 Y net achion caquetpa inteꞌ chinam y achion caquetpa sacerdote tuaꞌ Cadiosir  
\q1 y net achion cacꞌotori tama tunor or e rum,  
\m che e veinticuatro nuquir winicobꞌ.   
\p
\v 11 Y nacpat era inwira meyra sian angelobꞌ y umbꞌi unucobꞌ. Y tin e turu tama e turtar y e cuatro animalobꞌ xeꞌ bꞌixirobꞌ y e nuquir winicobꞌ quetpobꞌ xojybꞌirobꞌ umen e sian angelobꞌ era. Y ayan meyra sian angelobꞌ era este que inwira que ayan millones de millones.  
\v 12 Y ojronobꞌ e angelobꞌ era taca inteꞌ nuxi nuc y chenobꞌ:  
\q1 E Cordero era xeꞌ chamesna  
\q1 tawar tuaꞌ uchꞌami tunor e cꞌotorer y tunor e riqueza  
\q1 y tunor e natanyaj y tunor e qꞌuecꞌojsiaj y tunor e honra  
\q1 y tunor e tawarer y tunor e tattzꞌarsiaj,  
\m che e sian angelobꞌ era.   
\p
\v 13 Y umbꞌi ubꞌan unuc tunor lo que chembꞌir umen e Dios. Umbꞌi unuc tunor lo que ayan tut e qꞌuin, y tunor lo que ayan tor e rum, y tunor lo que ayan yebꞌar or e rum, y tunor lo que ayan tama e jaꞌ. Y ojronobꞌ tunor era lo que chembꞌir umen e Dios y chenobꞌ:  
\q1 Catattzꞌi ucꞌabꞌa Catata Dios xeꞌ turu tama uturtar y Cawinquirar xeꞌ bꞌan cocha inteꞌ Cordero.  
\q1 Y cawajcꞌox tunor e tattzꞌarsiaj y tunor e honor y tunor e tawarer y tunor e cꞌotorer iraj iraj ejcꞌar ejcꞌar,  
\m che tunor lo que chembꞌir umen e Dios.   
\p
\v 14 Y e cuatro animalobꞌ xeꞌ bꞌixirobꞌ chenobꞌ:  
\p —¡Bꞌan ucꞌani yaꞌ! chenobꞌ.  
\p Y e veinticuatro nuquir winicobꞌ pacwanobꞌ tut e turtar y cay uyujtzꞌiobꞌ ut jaxir xeꞌ turu iraj iraj.   
\c 6  
\s1 Conda e Cordero uwechꞌe e siete sello  
\p
\v 1 Entonces inwira e Cordero conda cay uwechꞌe inteꞌ sello xeꞌ jax xeꞌ bꞌajxan tama e siete sello era. Y umbꞌi ojron unuc inteꞌ tujam e cuatro animalobꞌ xeꞌ bꞌixirobꞌ, y unuc era bꞌan uyubꞌnar bꞌan cocha conda aquiricna ut e qꞌuin y che:  
\p —Lar, che inteꞌ animal xeꞌ bꞌixir.   
\p
\v 2 Y tamar era inchꞌujcu inwira que ayan inteꞌ chij xeꞌ sacsac ut, y tin e turu tamar war uqꞌueche axin inteꞌ chꞌantꞌin tama ucꞌabꞌ. Y jaxir ajcꞌuna inteꞌ corona y locꞌoy tuaꞌ aquetpa inteꞌ ajcucursiaj xeꞌ tuaꞌ acucursan.   
\p
\v 3 Y conda e Cordero cay uwechꞌe otronteꞌ sello umbꞌi unuc otronteꞌ tujam e cuatro animalobꞌ xeꞌ bꞌixirobꞌ xeꞌ che cocha era:  
\p —Lar, che inteꞌ animal xeꞌ bꞌixir.   
\p
\v 4 Y tamar era inwira locꞌoy inteꞌ chij xeꞌ chacchac ut, y tin e turu tamar ajcꞌuna e cꞌotorer tuaꞌ ulocse e jiriar tujam e gente tara tor e rum, y tuaꞌ uche que e winicobꞌ axin uchamse ubꞌobꞌ. Y jaxir ajcꞌuna inteꞌ nuxi machit ubꞌan.  
\v 5 Y conda e Cordero cay uwechꞌe otronteꞌ sello umbꞌi unuc otronteꞌ tujam e cuatro animalobꞌ xeꞌ bꞌixirobꞌ. Y che jaxir:  
\p —Lar, che inteꞌ animal xeꞌ bꞌixir.  
\p Y inwira locꞌoy inteꞌ chij xeꞌ negro ut. Y tin e turu tamar ayan inteꞌ bꞌijsibꞌ qꞌuecher umener.  
\v 6 Y umbꞌi unuc otronteꞌ tujam e cuatro animalobꞌ xeꞌ bꞌixirobꞌ xeꞌ che cocha era:  
\p —Watar inteꞌ nuxi verano tama tunor or e rum conda tuaꞌ aquetpa imbꞌijc taca lo que ayan tuaꞌ acꞌujxa umen e gente, este que inteꞌ libra trigo axin atujri lo que atojya inteꞌ man conda apatna tama inteꞌ día. Y amantzꞌa uxteꞌ libra cebada\f + \fr 6:6 \ft Cebada. E cebada era jax otronteꞌ ut e semilla xeꞌ lar cocha ut e maicillo.\f* tamar lo que atojya inteꞌ man conda apatna tama inteꞌ día. Pero ira isati e aceite y nien e vino, che inteꞌ animal xeꞌ bꞌixir.   
\p
\v 7 Y conda e Cordero uwechꞌe otronteꞌ sello umbꞌi unuc otronteꞌ tujam e cuatro animalobꞌ xeꞌ bꞌixirobꞌ xeꞌ che:  
\p —Lar, che inteꞌ animal xeꞌ bꞌixir.   
\p
\v 8 Y inwira locꞌoy inteꞌ chij xeꞌ sacbꞌiren ut, y tin e turu tamar Chamer ucꞌabꞌa y tupat jaxir turu otronteꞌ xeꞌ ajyum tama e lugar tiaꞌ axin e chamenobꞌ. Y ajcꞌunobꞌ e cꞌotorer tuaꞌ axin uchamsiobꞌ inteꞌ gente tiaꞌ ayan cuatro tama tunor or e rum. Y jaxirobꞌ tuaꞌ uchamsiobꞌ e gente taca e winar, y taca e tzꞌojyir, y taca e muaquir, y taca tunor e animalobꞌ xeꞌ uchamse e gente.   
\p
\v 9 Y conda e Cordero uwechꞌe otronteꞌ sello inwira yebꞌar e altar tiaꞌ e gente ucꞌajti taca e Dios que ayan meyra sian alma tuaꞌ tin e chamesbꞌir umen que cꞌupseyanobꞌ tama uyojroner e Dios y umen que cay uchecsuobꞌ tunor era ixin.  
\v 10 Y ojronobꞌ e sian alma era taca inteꞌ nuxi nuc y chenobꞌ:  
\p —Cawinquiraret xeꞌ meyra ayan acꞌotorer, y net erach awirnar inyajrer y net acꞌapa ache tunor lo que aware. ¿Tucꞌa nic día tuaꞌ iꞌxin ache juzgar e gente tor e rum xeꞌ cꞌapa uchamsionobꞌ? ¿Y tucꞌa nic tiempo tuaꞌ iꞌxin awatzꞌiobꞌ? che e sian alma xeꞌ turobꞌ yebꞌar e altar era.   
\p
\v 11 Entonces ajcꞌunobꞌ e bꞌujc xeꞌ sacsac y arobꞌnobꞌ que ucꞌanto tuaꞌ ucojcobꞌ otro imbꞌijc era este que axin achamesnobꞌ tunor tin e aquetpato tuaꞌ achamesnobꞌ tujam e ajcꞌupesiajobꞌ xeꞌ turobꞌto tor e rum bꞌan cocha tin e chamesnobꞌ bꞌajxan.   
\p
\v 12 Y conda e Cordero uwechꞌe otronteꞌ sello numuy inteꞌ nuxi yujcbꞌar y e qꞌuin sutpa incsibꞌan ut bꞌan cocha ubꞌutzꞌar e tajteꞌ. Y e luna wacchetaca sutpa uwirnar cocha e chꞌich.  
\v 13 Y e sian lucero tut e qꞌuin cꞌapa jotzpa ojriobꞌ tor e rum bꞌan cocha uyutir inteꞌ uterar higo conda ayujcna umen inteꞌ nuxi icꞌar que wacchetaca acꞌapa oꞌjri watar tut e rum.  
\v 14 Y tunor lo que cawira tut e qꞌuin cꞌapa tijresna bꞌan cocha inteꞌ jun conda atzꞌotpa axin. Y tunor e sian or witzirobꞌ qꞌuitzpa ixiobꞌ tama otronteꞌ lugar, y bꞌan ubꞌan tunor e parte tiaꞌ ayan e rum xeꞌ aquetpa tuyuxin e jaꞌ qꞌuitzpa ixiobꞌ tama inteꞌ inteꞌ lugar ubꞌan.  
\v 15 Y tunor tin e rey tara tor e rum cꞌani axiobꞌ umucres ubꞌobꞌ macuir inteꞌ chꞌen tiaꞌ ayan e sian nuquir tun, y bꞌan ubꞌan tunor tin e nuquir winicobꞌ, y tunor tin e ajcꞌotorerobꞌ tujor e soldadobꞌ, y tunor tin e ayan utumin, y tunor tin e ayan ucꞌotorer, y tunor tin e ayan uwinquir, y tunor tin e matucꞌa uwinquir, tunorobꞌ tuaꞌ axiobꞌ umucres ubꞌobꞌ inteꞌ intiobꞌ tama inteꞌ inteꞌ chꞌen.  
\v 16 Y tunorobꞌ cꞌani uyareobꞌ or e witzir y ut e sian nuquir tun y chenobꞌ:  
\p —Ojrien cꞌaxien ticajor tuaꞌ amaquion tuaꞌ machi querna umen e Dios xeꞌ turu tor uturtar, y tuaꞌ machi canumse cabꞌa más tama tunor uqꞌuijnar e Cordero, che tunor e gente era watar e día.   
\p
\v 17 Porque yopix e día conda tuaꞌ watar e nuxi qꞌuijnar tuaꞌ e Dios tujor tunor xeꞌ turobꞌ tara tor e rum. ¿Y chi tuaꞌ awawan tut tunor era?   
\c 7  
\s1 Conda turbꞌana inteꞌ seña tama e 144,000 gente  
\s2 xeꞌ tuobꞌ e Israel  
\p
\v 1 Pues entonces nacpat era inwira que ayan cuatro angelobꞌ xeꞌ warobꞌ tama inxejr inxejr tama e cuatro lado lo que ayan tor e rum era. Y war uquete uwabꞌuobꞌ e icꞌar tuaꞌ machi aꞌtzꞌo tama inxejr y nien tama inxejr or e rum era. Y war uquete uwabꞌuobꞌ e icꞌar tuaꞌ machi aꞌtzꞌo or e rum y nien e jaꞌ y nien e sian teꞌ.  
\v 2 Y de allí inwira que ayan otronteꞌ ángel xeꞌ war watar tama e lugar tiaꞌ atobꞌoy watar e qꞌuin. Y jaxir war uqꞌueche axin inteꞌ sello lo que tuaꞌ ucꞌampes tuaꞌ uturbꞌa useñair e Dios xeꞌ bꞌixir tamar tin e tuaꞌ jaxir. Y entonces ojron e ángel era taca inteꞌ nuxi nuc y uyare e cuatro angelobꞌ xeꞌ ajcꞌunobꞌ ucꞌotorer e Dios tuaꞌ aꞌtzꞌo tunor or e rum y tunor e jaꞌ  
\v 3 y che:  
\p —Machito tuaꞌ iwatzꞌi or e rum, y nien e jaꞌ y nien e sian teobꞌ. Ira iche tunor era este que acꞌapa caturbꞌa useñair e Dios tama ut ujor tunor tin e umanobꞌ e Dios, che e ángel era.   
\p
\v 4 Y tamar era cay umbꞌi jaytiobꞌ xeꞌ turbꞌana useñair e Dios tamarobꞌ, y ayanobꞌ 144,000 gente. Y tunorobꞌ tuobꞌ e doce chꞌajnarir lo que ayan tuaꞌ e gente tuaꞌ e Israel.  
\v 5 Y turbꞌana useñair e Dios tama 12,000 gente xeꞌ tuobꞌ uchꞌajnarir e Judá xeꞌ turuan tama e onian tiempo, y turbꞌana useñair e Dios tama 12,000 gente xeꞌ tuobꞌ uchꞌajnarir e Rubén xeꞌ turuan tama e onian tiempo, y turbꞌana useñair e Dios tama 12,000 gente xeꞌ tuobꞌ uchꞌajnarir e Gad xeꞌ turuan tama e onian tiempo.  
\v 6 Y turbꞌana useñair e Dios tama 12,000 gente xeꞌ tuobꞌ uchꞌajnarir e Aser xeꞌ turuan tama e onian tiempo, y turbꞌana useñair e Dios tama 12,000 gente xeꞌ tuobꞌ uchꞌajnarir e Neftalí xeꞌ turuan tama e onian tiempo, y turbꞌana useñair e Dios tama 12,000 gente xeꞌ tuobꞌ uchꞌajnarir e Manasés xeꞌ turuan tama e onian tiempo.  
\v 7 Y turbꞌana useñair e Dios tama 12,000 gente xeꞌ tuobꞌ uchꞌajnarir e Simeón xeꞌ turuan tama e onian tiempo, y turbꞌana useñair e Dios tama 12,000 gente xeꞌ tuobꞌ uchꞌajnarir e Leví xeꞌ turuan tama e onian tiempo, y turbꞌana useñair e Dios tama 12,000 gente xeꞌ tuobꞌ uchꞌajnarir e Isacar xeꞌ turuan tama e onian tiempo.  
\v 8 Y turbꞌana useñair e Dios tama 12,000 gente xeꞌ tuobꞌ uchꞌajnarir e Zabulón xeꞌ turuan tama e onian tiempo, y turbꞌana useñair e Dios tama 12,000 gente xeꞌ tuobꞌ uchꞌajnarir e José xeꞌ turuan tama e onian tiempo, y turbꞌana useñair e Dios tama 12,000 gente xeꞌ tuobꞌ uchꞌajnarir e Benjamín xeꞌ turuan tama e onian tiempo.   
\s1 E sian gente xeꞌ bꞌujcsebꞌir taca e bꞌujc xeꞌ sacsac ut  
\p
\v 9 Pues nacpat era inwira que ayan meyra sian gente xeꞌ warobꞌ tut jaxir xeꞌ turu tama e turtar y tut Cawinquirar xeꞌ jax e Cordero. Pues tunor e sian gente era tariobꞌ tama tunor or e rum tama inteꞌ inteꞌ chꞌajnarir y tama inteꞌ inteꞌ chinam y tama inteꞌ inteꞌ ojroner tiaꞌ chꞌiobꞌ. Y ayan meyra sian gente este que mamajchi uyubꞌi utziqui. Y sacsac tunor ubꞌujcobꞌ, y tunorobꞌ qꞌuecher inteꞌ uyopor xan tama ucꞌabꞌobꞌ.  
\v 10 Y tunorobꞌ cay aruobꞌ taca inteꞌ nuxi nuc y chenobꞌ:  
\q1 Jax taca Cadiosir xeꞌ turu tama e turtar  
\q1 y jax taca Cawinquirar xeꞌ jax e Cordero xeꞌ ixin uyajcꞌon cacorpesiaj.  
\m Bꞌan aruobꞌ tunor e sian gente era.  
\v 11 Entonces wawanobꞌ tunor e sian angelobꞌ. Y tin e turu tama e turtar y e nuquir winicobꞌ y e cuatro animalobꞌ xeꞌ bꞌixirobꞌ quetpa xojybꞌirobꞌ umen e angelobꞌ era. Y uyacta ubꞌobꞌ pacwanobꞌ tut e rum tuaꞌ uyujtzꞌiobꞌ ut e Dios.  
\v 12 Y chenobꞌ:  
\q1 Bꞌan ya Cadiosiret, catattzꞌi acꞌabꞌa que meyra ayan atawarer y que meyra anatanyaj, y cawajqꞌuet gracias tama tunor era.  
\q1 Y catattzꞌiet que meyra ayan awonra, y que meyra ayan acꞌotorer y que meyra ayan aqꞌuecꞌojsiaj.  
\q1 Y bꞌan cocha era cꞌani catattzꞌi acꞌabꞌa iraj iraj ejcꞌar ejcꞌar. Amén,  
\m che e sian angelobꞌ era.   
\p
\v 13 Entonces inteꞌ tujam e nuquir winicobꞌ uyubꞌi tanibꞌa y che:  
\p —¿Anata ca chiobꞌ era xeꞌ sacsac ubꞌujcobꞌ? ¿Y anata ca tiaꞌ tariobꞌ? che uyaren e nuquir winic era.   
\p
\v 14 Y nen inware:  
\p —Pues nen matucꞌa innata tamar era. ¿Erer ca ani awaren? inware nen.  
\p Y jaxir che:  
\p —Pues jaxirobꞌ jax xeꞌ locꞌoyobꞌ tama e nuxi cꞌuxner lo que war anumuy tama tunor or e rum era. Y tunorobꞌ ixin upoquiobꞌ ubꞌujcobꞌ tama uchꞌichꞌer e Cordero y tamar era tunorobꞌ quetpobꞌ erach.  
\v 15 Y tamar era war aquetpobꞌ tut e turtar tiaꞌ machi war uyactobꞌ tuaꞌ utattzꞌiobꞌ ucꞌabꞌa e Dios tama e día y acbꞌar tama utemplo era. Y jaxirobꞌ war acojcnobꞌ iraj iraj umen jaxir xeꞌ turu tama e turtar.  
\v 16 Y machi ixto tuaꞌ aytzobꞌ más, y machi ixto tuaꞌ ataqui utiobꞌ, y mamajchi tujamobꞌ tuaꞌ apurutna otronyajr umen e qꞌuin y nien machi ixto tuaꞌ unumse ubꞌobꞌ más umen lo que inqꞌuin ut.  
\v 17 Y e Cordero xeꞌ jax Cawinquirar xeꞌ turu tut e turtar tuaꞌ axin ucojcobꞌ bꞌan cocha acojcna e oveja, y jaxir tuaꞌ uqꞌuechiobꞌ axin tut inteꞌ unuc e cojn tiaꞌ más insis e jaꞌ tuaꞌ uyuchꞌiobꞌ. Y e jaꞌ era jax xeꞌ uyajcꞌu e cuxtar xeꞌ machi tuaꞌ acꞌapa. Y e Dios tuaꞌ utaquijse tunor e jaꞌ xeꞌ alocꞌoy tama unacꞌutobꞌ, che uyaren inteꞌ tujam e nuquir winicobꞌ era.   
\c 8  
\s1 Lo que uwira e Juan conda wechcꞌa ut e sello xeꞌ quetpa este ucꞌapesnibꞌir  
\p
\v 1 Pues entonces conda e Cordero uwechꞌe otronteꞌ sello xeꞌ quetpa este ucꞌapesnibꞌir e siete sello era tunor ut e qꞌuin quetpa tzꞌustaca tama inteꞌ media hora.  
\v 2 Y nacpat era inwira que warobꞌ siete angelobꞌ tut e Dios. Y inteꞌ intiobꞌ ajcꞌunobꞌ inteꞌ inteꞌ ucornetobꞌ.  
\v 3 Entonces checta otronteꞌ ángel xeꞌ war uqꞌueche axin inteꞌ resensario xeꞌ chembꞌir taca e oro. Entonces achpa wawan tut e altar xeꞌ chembꞌir taca e oro xeꞌ war tut e turtar. Y jaxir ajcꞌuna meyra ujtzꞌubꞌ tuaꞌ uputa tut e altar tuaꞌ atꞌabꞌay axin e bꞌutz era taca ucꞌajtmayaj tin e tuobꞌ e Dios.  
\v 4 Y ubꞌutzꞌar e ujtzꞌubꞌ era xeꞌ qꞌuecher tama ucꞌabꞌ e ángel tꞌabꞌay ixin tichan tut e Dios taca ucꞌajtmayajobꞌ tin e acꞌupseyanobꞌ tama e Dios.  
\v 5 Entonces e ángel ixin ubꞌutꞌi uresensario taca ut e cꞌajc lo que ayan tama e altar, y utobꞌse ixin tor e rum, y tamar era checta inteꞌ nuxi quiricnar tut e qꞌuin, y cay irna que jijbꞌi ut e qꞌuin, y numuy inteꞌ nuxi yujcbꞌar.   
\s1 Lo que tuaꞌ anumuy conda achena e lajbꞌar tama e siete corneta  
\p
\v 6 Entonces e siete angelobꞌ xeꞌ ajcꞌunobꞌ inteꞌ inteꞌ ucornetobꞌ achpa wawanobꞌ tuaꞌ aquetpobꞌ turix tuaꞌ alajbꞌobꞌ tamar.   
\p
\v 7 Y conda e bꞌajxan ángel cay lajbꞌa tama ucorneta tobꞌesna cꞌaxi e sian bꞌat tor e rum, y tobꞌesna cꞌaxi e cꞌajc yabꞌarbꞌir taca e chꞌich tor e rum ubꞌan. Y tamar era cꞌapa puruy casi intajch tama tunor or e rum, y cꞌapa puruy casi intajch tunor e sian teꞌ lo que ayan tama tunor or e rum, y cꞌapa puruy tunor e sian cꞌopot lo que ayan tama tunor or e rum.   
\p
\v 8 Y conda otronteꞌ ángel cay lajbꞌa tama ucorneta, tobꞌesna cꞌaxi tama e jaꞌ tor e mar lo que lar uwirnar cocha inteꞌ nuxi or e witzir xeꞌ war apuruy. Y tamar era casi intajch tama tunor e jaꞌ sutpa uwirnar bꞌan cocha e chꞌich.  
\v 9 Y casi intajch tama tunor e sian animalobꞌ lo que ayan macuir e jaꞌ tama e mar cꞌapa chamayobꞌ, y casi intajch tama tunor e sian barco lo que ayan tama e jaꞌ tor e mar cꞌapa tijrpobꞌ ubꞌan.   
\p
\v 10 Y conda otronteꞌ ángel cay lajbꞌa tama ucorneta ojri tari tut e qꞌuin inteꞌ nuxi lucero xeꞌ war atzꞌajbꞌa bꞌan cocha ingojr otot xeꞌ cꞌaxi tama e jaꞌ. Y cꞌaxi e lucero era tama casi intajch tama tunor e xucur lo que ayan tara tor e rum, y tama casi intajch tama tunor e sian ut jaꞌ tiaꞌ war abꞌocbꞌa alocꞌoy tama tunor or e rum.  
\v 11 Y e lucero era ucꞌabꞌa Inchꞌaj, y casi intajch tama tunor e jaꞌ era sutpa uchꞌeir ut. Y meyra gente cꞌapa chamayobꞌ umen e jaꞌ era.   
\p
\v 12 Y conda otronteꞌ ángel cay lajbꞌa tama ucorneta quetpa yobꞌorbꞌir ut casi intajch e qꞌuin, y quetpa yobꞌorbꞌir casi intajch e luna, y bꞌan numuy tama casi intajch tunor e sian lucero ubꞌan. Y tamar era quetpa incsibꞌan utobꞌ casi intajch tama tunor lo que ayan tut e qꞌuin, y machi janchꞌacna casi intajch e día y nien e luna machi janchꞌacna tama casi intajch e acbꞌar y nien e lucero machi janchꞌacna tama casi intajch e acbꞌar ubꞌan.   
\p
\v 13 Y nacpat era inwira inteꞌ oror xeꞌ war atobꞌoy axin tut e qꞌuin y umbꞌi unuc. Y ojron taca inteꞌ nuxi nuc y che:  
\p —Tzajtaca utobꞌ tunor tin e turobꞌ tara tor e rum conda axin uyubꞌiobꞌ e lajbꞌar tama e tres corneta xeꞌ watarto, che e oror era.   
\c 9  
\p
\v 1 Entonces cay lajbꞌa otronteꞌ ángel tama ucorneta y inwira inteꞌ lucero xeꞌ cꞌaxi tor e rum xeꞌ ojri tari tut e qꞌuin, y ajcꞌuna ucꞌotorer tuaꞌ upasi e chꞌen xeꞌ mamajchi unata cobꞌa utamir.  
\v 2 Y conda upasi e nuxi chꞌen era, cay locꞌoy e sian bꞌutz macuir e chꞌen este que cꞌapa bꞌutzran tunor ut e qꞌuin y tunor or e rum.  
\v 3 Y tacar e bꞌutz era locꞌoyobꞌ e sian sajc xeꞌ tobꞌoy ixiobꞌ tama tunor or e rum. Y e sian sajc era ajcꞌuna ucꞌotorer bꞌan cocha ucꞌotorer incojt sinam.  
\v 4 Y arobꞌnobꞌ tuaꞌ machi upijchꞌiobꞌ e cꞌopot lo que ayan tor e rum y nien e sian teꞌ, sino que tuaꞌ taca upijchꞌiobꞌ e gente xeꞌ matucꞌa useñair e Dios tama ut ujorobꞌ.  
\v 5 Pero e sajc era machi actanobꞌ tuaꞌ uchamsiobꞌ e gente, sino que tuaꞌ taca uchiobꞌ acꞌuxun tama inteꞌ tiempo de cinco mes. Y e nuxi cꞌuxner lo que ajcꞌunobꞌ e gente aquetpa bꞌan cocha conda acꞌujxa inteꞌ umen incojt sinam.  
\v 6 Y tama e día era e gente cꞌani usajcobꞌ uchamer pero machi tuaꞌ utajwiobꞌ. Y motor que uyusreobꞌ uchamerobꞌ pero e chamer tuaꞌ alocꞌoy aꞌjni tutobꞌ.   
\p
\v 7 Y e sian sajc era bꞌan uwirnar cocha incojt chij xeꞌ bꞌujcsebꞌir taca e taqꞌuin xeꞌ turix tuaꞌ axin tama e tzꞌojyir, y tama ujor ayan lo que bꞌan uwirnar cocha inteꞌ corona xeꞌ chembꞌir taca e oro, y uyeroj e sajc era bꞌan cocha uyeroj inteꞌ winic.  
\v 8 Y utzutzer ujor e sajc era bꞌan cocha utzutzer ujor inteꞌ ixic, y ut uyej bꞌan cocha ut uyej inteꞌ león.  
\v 9 Y upat e sian sajc era aquetpa bꞌan cocha e taqꞌuin, y conda atobꞌoy axin calapir aquiricna uwich, bꞌan cocha aquiricna uyoc e sian chij conda war aꞌjniobꞌ taca inteꞌ inteꞌ ucarreta tama inteꞌ tzꞌojyir.  
\v 10 Y ayan unej e sian sajc era ubꞌan. Y tama unej ayan upuc bꞌan cocha ayan tama unej incojt sinam. Y ayan ucꞌotorer tama unej que conda ucꞌuxi e gente machi tuaꞌ acꞌapa acꞌuxun tama inteꞌ tiempo de cinco mes.  
\v 11 Y ayan inteꞌ xeꞌ war acꞌotori tujor e sian sajc era xeꞌ jax e ángel xeꞌ war acꞌotori tama e nuxi chꞌen ubꞌan. Pues jaxir ayan ucꞌabꞌa xeꞌ tama e ojroner hebreo jax e Abadón, y tama e ojroner griego ucꞌabꞌa Apolión\f + \fr 9:11 \ft Abadón y Apolión. Pues e Abadón y Apolión war che: “E Ajtijresiaj” tama cawojroner.\f*.   
\p
\v 12 Pues entonces cꞌapa numuy e bꞌajxan cꞌuxner, pero watarto chacojt cꞌuxner.   
\p
\v 13 Entonces cay lajbꞌa otronteꞌ ángel tama ucorneta y umbꞌi inteꞌ nuc xeꞌ locꞌoy tujam e cuatro cacho lo que ayan tama e altar xeꞌ chembꞌir taca e oro xeꞌ war tut e Dios.  
\v 14 Entonces ojron e nuc era y uyare e ángel xeꞌ ayan ucorneta y che:  
\p —Bꞌana e cuatro angelobꞌ xeꞌ cachar turobꞌ tama utiꞌ e nuxi xucur xeꞌ ucꞌabꞌa Eufrates, xeꞌ che e nuc era.   
\p
\v 15 Pues quetpobꞌ cachar e cuatro angelobꞌ era tama utiꞌ e xucur yajaꞌ porque jaxirobꞌ quetpa tuaꞌ axin uchamsiobꞌ casi intajch tunor e gente lo que ayan tara tunor or e rum, y jaxirobꞌ intaquix war ucojcobꞌ tucꞌa hora y tucꞌa día y tucꞌa mes y tucꞌa año tuaꞌ abꞌajnobꞌ tuaꞌ axin uchiobꞌ.  
\v 16 Entonces umbꞌi cobꞌa soldadobꞌ xeꞌ turobꞌ yebꞌar ucꞌabꞌ e cuatro angelobꞌ era, y ayan 200 millones soldadobꞌ y inteꞌ intiobꞌ turobꞌ tujor inteꞌ uchij.   
\p
\v 17 Y uwirnar e sian chij y tin e turobꞌ tamar lo que inwira tama nimayjut bꞌan cocha era: Pues tunor e sian soldadobꞌ bꞌujcsebꞌir upechuobꞌ taca e taqꞌuin xeꞌ chacchac ut bꞌan cocha e cꞌajc, y yaxax ut cocha e tun xeꞌ ucꞌabꞌa zafiro, y cꞌancꞌan ut cocha e azufre. Y ujor e sian chij era bꞌan cocha ujor inteꞌ león, y tamar uyejobꞌ uyujta alocꞌoy e cꞌajc taca e bꞌutz y e azufre.  
\v 18 Y e sian chij era cꞌapa uchamsiobꞌ casi intajch tunor e gente lo que ayan tara tor e rum umen lo que uyujta locꞌoy tama uyejobꞌ xeꞌ jax e cꞌajc y e bꞌutz y e azufre.  
\v 19 Pues ucꞌotorer e chij era turu tama uyejobꞌ y tama unejobꞌ ubꞌan. Porque unejobꞌ e sian chij era quetpa bꞌan cocha incojt chan taca tunor ujor e chan, y tacar unej era war uchamse meyra gente ubꞌan.   
\p
\v 20 Pero e gente xeꞌ quetpobꞌto xeꞌ machi chamesnobꞌ umen e sian chij machi uyactobꞌ tunor umabꞌambꞌanirobꞌ lo que war uchiobꞌ. Y machi uyactobꞌ tuaꞌ uyujtzꞌiobꞌ ut e sian mabꞌambꞌan mein, y nien machi uyactobꞌ tuaꞌ uyujtzꞌiobꞌ ut e sian chamen diosobꞌ xeꞌ chembꞌir taca oro, o taca e plata, o taca e bronce, o taca e tun, o tama e teꞌ. Y motor que e sian chamen dios era machi eꞌron y machi oꞌbꞌian y machi axana pero e gente era machi uyactobꞌ tuaꞌ uyujtzꞌiobꞌ ut e sian chamen diosobꞌ era.  
\v 21 Y e gente era machi ixto war uyactobꞌ tuaꞌ uchamse ubꞌobꞌ, y machi war uyactobꞌ tuaꞌ abꞌaxonobꞌ, y machi war uyactobꞌ tuaꞌ axanobꞌ taca e ajnajtir ixictac o taca ajnajtir winicobꞌ, y machi war uyactobꞌ e xujchꞌiar.   
\c 10  
\s1 E jun xeꞌ inchiꞌ xeꞌ qꞌuecher umen inteꞌ ángel  
\p
\v 1 Entonces sutpen inwira otronteꞌ ángel xeꞌ meyra ayan ucꞌotorer xeꞌ ecmay tari tut e qꞌuin. Pues jaxir bꞌujcsebꞌir taca e tocar, y ayan inteꞌ macchan xeꞌ aquetpa tama ujor, y uyeroj ejpray ut bꞌan cocha uwarar e qꞌuin, y uyoc bꞌan uwirnar cocha uyamir ut e cꞌajc xeꞌ achꞌiꞌ uyoc axin.  
\v 2 Y ayan inteꞌ jun xeꞌ qꞌuecher umener xeꞌ quetpa pasar ut tama ucꞌabꞌ, y uturbꞌa inteꞌ uyoc tor e mar y otronteꞌ uturbꞌa tor e rum.  
\v 3 Entonces aru e ángel era taca inteꞌ nuxi nuc xeꞌ bꞌan uyubꞌnar cocha unuc inteꞌ león. Y conda aru e ángel era, checta inteꞌ nuxi nuc xeꞌ bꞌan uyubꞌnar cocha inteꞌ quiricnar tama ut e qꞌuin xeꞌ checta siete veces.  
\v 4 Y conda cꞌapa ojron e siete ut quiricnar era, cꞌani ani intzꞌijbꞌa lo que umbꞌi era pero wacchetaca cay umbꞌi inteꞌ nuc xeꞌ tari tichan tut e qꞌuin xeꞌ uyaren y che:  
\p —Cojcon tama awalma lo que cay oybꞌi era porque machito tuaꞌ anatanwa umen e gente, che e nuc era xeꞌ tari tut e qꞌuin.   
\p
\v 5 Y nacpat era inwira e ángel otronyajr xeꞌ jax xeꞌ war tor e mar taca inteꞌ uyoc y tor e rum taca otronteꞌ xeꞌ ixin uyachi unojcꞌabꞌ tut e qꞌuin tichan  
\v 6 tuaꞌ uchecsu que erach tunor lo que cꞌani uyare era. Y cay ojron tama ucꞌabꞌa jaxir xeꞌ turu iraj iraj, y xeꞌ cꞌapa uche ut e qꞌuin y tunor lo que ayan tamar, y xeꞌ cꞌapa uche or e rum y tunor lo que ayan tamar, y xeꞌ cꞌapa uche e jaꞌ y tunor lo que ayan macuir e jaꞌ y che:  
\p —Machix tuaꞌ acojcna más día era.  
\v 7 Conda acꞌapa alajbꞌa tama ucorneta e ángel xeꞌ quetpato tuaꞌ alajbꞌa, entonces cꞌani acꞌapa achempa tunor lo que quetpa tuaꞌ uche e Dios bꞌan cocha cay uchecsu tut umanobꞌ xeꞌ jax e profetobꞌ tama e onian tiempo. Bꞌan umbꞌi ojron e ángel era.   
\p
\v 8 Y nacpat era cay umbꞌi e nuc otronyajr xeꞌ tari tut e qꞌuin xeꞌ che:  
\p —Quiqui chꞌama e jun xeꞌ pasar ut xeꞌ qꞌuecher umen e ángel xeꞌ war tor e mar taca inteꞌ uyoc y tor e rum taca otronteꞌ, che e nuc era xeꞌ tari tut e qꞌuin.   
\p
\v 9 Entonces cꞌotoyen tut e ángel y cay incꞌajti e jun tuaꞌ. Y jaxir uyaren y che:  
\p —Jun e jun era y cꞌuxu. Tama awej cꞌani atajwi que inchiꞌ bꞌan cocha e chabꞌ, pero tama anac cꞌani asutpa inchꞌaj ut, che e ángel.   
\p
\v 10 Entonces ixien inchꞌami e jun xeꞌ qꞌuecher tama ucꞌabꞌ e ángel y cay incꞌuxi. Y tama niwej intajwi que inchiꞌ ucꞌujxar bꞌan cocha e chabꞌ. Pero conda imbꞌuqꞌui ixin sutpa inchꞌaj tama ninac.  
\v 11 Y nacpat era ojron e ángel tacaren otronyajr y che:  
\p —Ucꞌani tuaꞌ iꞌxin achecsu tut e gente otronyajr lo que irsenet umen e Dios tama tunor e sian chꞌajnarir, y tama tunor e nuquir chinamobꞌ, y tama tunor e sian ojroner, y tama tunor e sian rey lo que ayan tara tor e rum, che e ángel.   
\c 11  
\s1 E chateꞌ ajchecsuyajobꞌ  
\p
\v 1 Pues entonces ajcꞌunen inteꞌ teꞌ xeꞌ bꞌan cocha ubꞌijsibꞌ inteꞌ tarea tuaꞌ imbꞌisma tamar y arobꞌnen cocha era:  
\p —Achpen bꞌisi e templo tuaꞌ e Dios y bꞌisi e altar lo que que ayan tamar, y tziqui awira cobꞌa gente ayan xeꞌ war uyujtzꞌiobꞌ ut e Dios.  
\v 2 Pero ira abꞌisi or e tinaj tama e templo, porque tunor era ajcꞌubꞌirobꞌix e sian choquem gente. Pues jaxirobꞌ tuaꞌ axin utecruobꞌ e chinam xeꞌ erach tama inteꞌ tiempo de tres año y medio.  
\v 3 Pues cꞌani inwebꞌta axin chateꞌ ajchecsuyajobꞌ tanibꞌa xeꞌ tuaꞌ aquetpobꞌ bꞌujcsebꞌir tama e bꞌujc xeꞌ bꞌan cocha inteꞌ mucuc xeꞌ chembꞌir tama e tzucchij, y jaxirobꞌ tuaꞌ oꞌjronobꞌ tamaren tama inteꞌ tiempo de tres año y medio, che e nuc era.   
\p
\v 4 Pues e chateꞌ ajchecsuyajobꞌ era larobꞌ cocha chateꞌ teꞌ xeꞌ ucꞌabꞌa olivo xeꞌ warobꞌ tut e Dios, y larobꞌ cocha e chateꞌ candelero xeꞌ warobꞌ ubꞌan tut e Dios xeꞌ jax Uwinquirar tama tunor or e rum.  
\v 5 Y jay ayan tin e cꞌani upijchꞌiobꞌ e winicobꞌ era, jaxirobꞌ tuaꞌ uyujtobꞌ alocꞌoy e cꞌajc tama uyejobꞌ tuaꞌ uputa inyajrer tunor tin e war aqꞌuijnobꞌ uwirobꞌ. Y bꞌan cocha era tuaꞌ achamay tunor tin e uche ubꞌobꞌ tuaꞌ upijchꞌiobꞌ e winicobꞌ era.  
\v 6 Y e chateꞌ ajchecsuyajobꞌ era ayan ucꞌotorer tuaꞌ umaquiobꞌ ut e qꞌuin tuaꞌ machi acꞌaxi e jajar tama tunor e tiempo conda war uchecsuobꞌ lo que arobꞌnobꞌ umen e Dios. Y ayan ucꞌotorer tuaꞌ uche aquetpa e jaꞌ cocha e chꞌich, y ayan ucꞌotorer tuaꞌ uchiobꞌ unumse ubꞌobꞌ tunor e gente tor e rum bꞌan taca cocha ucꞌaniobꞌ jaxirobꞌ y meyra veces jay bꞌan ucꞌaniobꞌ.  
\v 7 Pero conda acꞌapa uchecsuobꞌ tunor lo que arobꞌnobꞌ umen e Dios, cꞌani achpa alocꞌoy inteꞌ nuxi chan xeꞌ calapir uwirnar tama e nuxi chꞌen xeꞌ mamajchi unata cobꞌa utamir tuaꞌ ucucru e chateꞌ ajchecsuyajobꞌ era. Y bꞌan tuaꞌ uche este que acꞌapa uchamse e winicobꞌ era.  
\v 8 Y ya aquetpa tutzꞌurobꞌ ucuerpo e chateꞌ chamenobꞌ era tut e calle tama e chinam tiaꞌ chamesna Cawinquirar xeꞌ arobꞌna tama inteꞌ ojroner xeꞌ mucur que jax e Sodoma y que jax e Egipto ubꞌan.  
\v 9 Y bꞌan taca tuaꞌ aquetpobꞌ chꞌar tor e rum e chateꞌ chamen era tama inteꞌ tiempo de tres día y media. Y cꞌani iꞌrnobꞌ umen e gente tama tunor e sian chꞌajnarir, y umen e gente tama tunor e ojronerobꞌ, y umen tunor e sian chinamobꞌ lo que ayan tama tunor or e rum. Y mamajchi tuaꞌ actana umuqui e winicobꞌ era.  
\v 10 Y tunor tin e turobꞌ tama tunor or e rum cꞌani atzayobꞌ meyra tama uchamer e chateꞌ ajchecsuyajobꞌ era. Y umen e tzayer era cꞌani acay anojqꞌuiniobꞌ este que axin asijbꞌobꞌ tama inteꞌ intiobꞌ, porque meyra cay unumse ubꞌobꞌ tunor tin e aturuanobꞌ tor e rum umen e chateꞌ profetobꞌ era.  
\v 11 Pero conda numuy e tres día y media era e Dios uyujta e music tuaꞌ e cuxtar tama e chateꞌ ajchecsuyajobꞌ era otronyajr, y achpobꞌ wawanobꞌ bꞌixir, y tunor tin e uwirobꞌ lo que numuy taca e chateꞌ winicobꞌ era bꞌutcꞌa uyalmobꞌ taca e bꞌajcꞌut.  
\v 12 Y wacchetaca e chateꞌ ajchecsuyajobꞌ era uyubꞌiobꞌ inteꞌ nuxi nuc xeꞌ tari tichan tut e qꞌuin xeꞌ che:  
\p —Tꞌabꞌenic tara, che e nuc.  
\p Entonces tꞌabꞌay ixiobꞌ tut e qꞌuin tama inteꞌ tocar. Y tunor tin e cay qꞌuijna uwirobꞌ e chateꞌ ajchecsuyajobꞌ era intaca uwirobꞌ cocha tꞌabꞌay ixiobꞌ tichan.  
\v 13 Y wacchetaca numuy inteꞌ nuxi yujcbꞌar, y umen e nuxi yujcbꞌar era tijrpa meyra ototobꞌ lo que ayan macuir e chinam era. Y tama inteꞌ inteꞌ cien otot ixin cucrema diez. Y chamayobꞌ 7,000 gente tama e día era. Y tin e quetpobꞌto bꞌixir bꞌactobꞌ tamar era y cay utattzꞌiobꞌ ucꞌabꞌa e Dios xeꞌ turu tichan tut e qꞌuin.   
\p
\v 14 Pues entonces cꞌapa numuy e chateꞌ cꞌuxner era, pero wacchetaca watarto inteꞌ.   
\s1 Conda e ángel xeꞌ jax ucꞌapesnibꞌir tama e siete angelobꞌ cay lajbꞌa tama ucorneta  
\p
\v 15 Entonces e ángel xeꞌ jax ucꞌapesnibꞌir tama e siete angelobꞌ cay lajbꞌa tama ucorneta, y obꞌna meyra nuxi nuc xeꞌ tariobꞌ tut e qꞌuin xeꞌ che:  
\q1 Tin e cay cꞌotoriobꞌ tara tor e rum satpobꞌix, y tin e tuaꞌ acꞌotori coner jax Cawinquirar Dios.  
\q1 Y e Cristo tuaꞌ axin acꞌotori tacar.  
\q1 Y jaxir tuaꞌ acꞌotori iraj iraj y ejcꞌar ejcꞌar.  
\m Bꞌan che e sian nuc xeꞌ tari tut e qꞌuin.  
\v 16 Entonces e veinticuatro nuquir winicobꞌ xeꞌ turobꞌ tut Catata Dios tama inteꞌ inteꞌ uturtarobꞌ cay pacwanobꞌ taca ut ujor tut e rum y uyujtzꞌiobꞌ ut Catata Dios y chenobꞌ:   
\q1
\v 17 Catattzꞌi acꞌabꞌa, Cawinquirar Dios xeꞌ meyra ayan acꞌotorer,  
\q1 porque net turet conda ne mato achena ani or e rum era y turet coner,  
\q1 porque net ixin achꞌami acꞌotorer xeꞌ nojta  
\q1 y coner war icay icꞌotori tara tor e rum.   
\q1
\v 18 Pues cꞌapa qꞌuijnobꞌ meyra e sian choquem gente tara tor e rum,  
\q1 pero cꞌotix e día tuaꞌ awatzꞌiobꞌ,  
\q1 y cꞌotix e hora tuaꞌ ache juzgar tunor tin e chamen ubꞌan.  
\q1 Pero cꞌotix e hora ubꞌan tuaꞌ awajcꞌu utuanibꞌirobꞌ tunor tin e amanobꞌ xeꞌ jax e profetobꞌ,  
\q1 y tunor xeꞌ erach toit, y tunor tin e war utattzꞌiobꞌ acꞌabꞌa motor jay nuquir winicobꞌ o jay matucꞌa unatobꞌ.  
\q1 Y cꞌotix e hora tuaꞌ atijres tunor tin e war utijres or e rum era y lo que ayan tamar,  
\m che e veinticuatro nuquir winicobꞌ.   
\p
\v 19 Y tamar era pascꞌa ut utemplo e Dios xeꞌ turu tichan tut e qꞌuin, y irna e cofre xeꞌ erach tuaꞌ e pacto. Entonces cay jijbꞌi ut e qꞌuin, y cay quiricna ut e qꞌuin, y numuy inteꞌ yujcbꞌar, y cay cꞌaxi meyra bꞌat xeꞌ cꞌobꞌiric ut.   
\c 12  
\s1 E ixic y e nuxi chan  
\p
\v 1 Pues entonces checta inteꞌ nuxi seña tut e qꞌuin xeꞌ bꞌan uwirnar cocha inteꞌ ixic xeꞌ bꞌochꞌor ubꞌa taca uwarar e qꞌuin bꞌan cocha jay bꞌujcsebꞌir ani tamar, y turu e luna yebꞌar uyoc, y ayan inteꞌ corona tama ujor xeꞌ ayan doce lucero tamar.  
\v 2 Pues jaxir war ucojco uyar y cꞌotix e hora era tuaꞌ acuxpa y tamar era war aꞌru umen e cꞌuxner lo que war unumse ubꞌa tamar.  
\v 3 Y wacchetaca checta otronteꞌ nuxi seña tut e qꞌuin xeꞌ jax inteꞌ nuxi chan xeꞌ chacchac ut y xeꞌ ayan siete ujor y diez ucacho, y ayan inteꞌ corona tama inteꞌ inteꞌ ujorobꞌ.  
\v 4 Y e nuxi chan era uquerejbꞌa ixin casi intajch tama tunor e lucero lo que ayan tut e qꞌuin taca unej, y ujuri ixin tunorobꞌ tut e rum. Y de allí cꞌotoy wawan tut e ixic xeꞌ cꞌanix ucuxi uyar porque e nuxi chan era intaquix war ucojco acuxpa uyar e ixic tuaꞌ ucꞌuxi.  
\v 5 Entonces e ixic ucuxi inteꞌ yar usitz xeꞌ jax xeꞌ aquetpa tuaꞌ acꞌotori taca inteꞌ bꞌoyteꞌ xeꞌ chembꞌir taca e taqꞌuin tujor tunor e gente tama tunor or e rum. Pero wacchetaca loqꞌuesna e sitz tama ucꞌabꞌ utuꞌ y qꞌuejcha ixin tut e Dios y tut uturtar.  
\v 6 Y utuꞌ e chuchu sitz era locꞌoy ajni esto tama inteꞌ choquem lugar tiaꞌ quetpa ustabꞌir umen e Dios y tiaꞌ tuaꞌ awesena tama inteꞌ tiempo de tres año y medio.   
\p
\v 7 Y nacpat era ayan inteꞌ nuxi tzꞌojyir tut e qꞌuin, y tamar era e Miguel xeꞌ jax e más nuquir ángel taca tunor uyangelobꞌ xeꞌ turobꞌ yebꞌar ucꞌotorer cay uchiobꞌ e tzꞌojyir upater e nuxi chan. Y e nuxi chan ayan meyra uyangelobꞌ tacar ubꞌan.  
\v 8 Pero e nuxi chan taca tunor uyangelobꞌ machi obꞌna ucucruobꞌ e Miguel taca uyangelobꞌ, y tamar era machi actanobꞌ tuaꞌ aquetpobꞌ más tut e qꞌuin e nuxi chan taca uyangelobꞌ.  
\v 9 Y tamar era loqꞌuesna tunor ulugar e nuxi chan era tut e qꞌuin, jaxir xeꞌ jax e onian chan xeꞌ arobꞌna diablo y Satanás, y jax xeꞌ cay umajres tunor e gente xeꞌ turobꞌ tor e rum. Y jujra ixin tor e rum inyajrer taca tunor uyangelobꞌ.   
\p
\v 10 Y tamar era umbꞌi inteꞌ nuxi nuc xeꞌ tari tut e qꞌuin xeꞌ che:  
\p —Yopix tunor cacorpesiaj y Cadiosir cꞌapa uwirse ubꞌa que ayan ixto ucꞌotorer, y cꞌapa uwirse ubꞌa que jaxir jax e más nuquir Ajcꞌotorer y que ayan meyra ucꞌotorer e Cristo ubꞌan. Porque loqꞌuesnix tut e qꞌuin tin e war utuchꞌi ut tunor cawermanuobꞌ tut e Dios, cocha bꞌan ani war uche tama e día y acbꞌar ubꞌan.  
\v 11 Pero tunor cawermanuobꞌ era ixin ucucruobꞌ e diablo taca uchꞌichꞌer Cawinquirar xeꞌ jax e Cordero, y taca uyojroner e Dios xeꞌ cay uchecsuobꞌ tic taca, y que machi uyajta ut ucuxtarobꞌ tuaꞌ machi uyacta ubꞌir e Dios motor que aquetpa tuaꞌ achamayobꞌ ani tamar.  
\v 12 Tzayenic tunor ut e qꞌuin y tunorox xeꞌ turox tamar. Pero nox xeꞌ turox tor e rum y tor e jaꞌ tzajtaca iut porque e diablo ecmay tari tijam nox, y war unata que mix jax meyra día xeꞌ war aquetpa tuaꞌ y tamar era war aqꞌuijna meyra ipater nox, xeꞌ che e nuxi nuc xeꞌ tari tut e qꞌuin.   
\p
\v 13 Entonces conda e nuxi chan cꞌotoy unata que ojresna tari tor e rum inyajrer, cay qꞌuijna meyra upater e ixic xeꞌ qꞌuecherix usitz.  
\v 14 Pero e ixic ajcꞌuna chateꞌ uwich xeꞌ nojta bꞌan cocha uwich inteꞌ oror tuaꞌ uyubꞌi atobꞌoy axin innajt tut e nuxi chan tama inteꞌ choquem lugar tiaꞌ tuaꞌ awesena y tiaꞌ tuaꞌ acorpesna tama e nuxi chan tama inteꞌ tiempo de tres año y medio.  
\v 15 Pero e nuxi chan cay uxeꞌ meyra jaꞌ tama uyej tuaꞌ uche acuchpa e ixic tuaꞌ achamay tamar.  
\v 16 Pero e rum cay utacre e ixic umen que upasi uyej tuaꞌ uyuchꞌi tunor e jaꞌ lo que locꞌoy tama uyej e nuxi chan.  
\v 17-18 Entonces qꞌuijna e nuxi chan más upater e ixic y tamar era ixin upojro e inmojr ufamilia tuaꞌ uwatzꞌi tunor tin e war acꞌupseyanobꞌ tut e Dios y xeꞌ war axanobꞌ tama ucanseyaj e Jesús.   
\c 13  
\p
\v 1 Entonces ixin e nuxi chan tuaꞌ awawan tutiꞌ e mar.  
\s1 Conda checta inwira e chateꞌ nuxi lagarto  
\p Pues entonces inwira locꞌoy macuir e mar inteꞌ nuxi lagarto xeꞌ mabꞌambꞌan xeꞌ ayan siete ujor y diez ucacho y tama inteꞌ inteꞌ ucacho ayan inteꞌ corona. Y tama inteꞌ inteꞌ ujor tzꞌijbꞌabꞌir cora cꞌabꞌa xeꞌ mabꞌambꞌan xeꞌ tuaꞌ uqꞌuijnes e Dios.  
\v 2 Y e nuxi mabꞌambꞌan lagarto lo que inwira era bꞌan uwirnar cocha inteꞌ tigre, y ayan uyoc bꞌan cocha uyoc inteꞌ oso, y ayan uyej bꞌan cocha uyej inteꞌ león. Y e nuxi chan ixin uyajcꞌu e nuxi lagarto tuaꞌ acꞌotori tama uturtar y uyajcꞌu meyra ucꞌotorer ubꞌan.  
\v 3 Y inwira que inteꞌ ujor e nuxi lagarto era chꞌajca y chequer que ucꞌani tuaꞌ achamay tamar, pero ujor era tzꞌacna y machi chamay. Y tunor e gente tor e rum bꞌacta uwirobꞌ y cay ixiobꞌ tupat e nuxi lagarto era.  
\v 4 Y tamar era tunor e sian gente cay uyujtzꞌiobꞌ ut e nuxi chan tama tunor e cꞌotorer lo que ixin uyajcꞌu e nuxi lagarto. Y utattzꞌiobꞌ ucꞌabꞌa e nuxi lagarto ubꞌan y che:  
\p —Mamajchi lar tacar e nuxi lagarto era. Mamajchi uyubꞌi ucucru e nuxi lagarto, chenobꞌ tunor e gente.   
\p
\v 5 Y e nuxi lagarto ajcꞌuna tuaꞌ utattzꞌi ubꞌa y tuaꞌ oꞌjron meyra ojroner xeꞌ mabꞌambꞌan tuaꞌ uqꞌuijnes e Dios. Y ajcꞌuna tuaꞌ acꞌotori tama inteꞌ tiempo de tres año y medio.  
\v 6 Y bꞌan cocha era cay uche: Cay ucꞌaye e Dios, y cay ojron meyra ojroner upater ucꞌabꞌa e Dios, y cay uyare meyra ojroner upater uyotot e Dios, y upater tunor tin e turobꞌ tut e qꞌuin.  
\v 7 Y e nuxi lagarto ajcꞌuna ubꞌan tuaꞌ uche e tzꞌojyir upater tin e tuobꞌ e Dios este que ixin ucucruobꞌ. Y ajcꞌuna ubꞌan tuaꞌ acꞌotori tujor tunor e chꞌajnarir lo que ayan tama tunor e sian familiobꞌ, y tujor tunor e ojroner, y tujor tunor e sian chinamobꞌ lo que ayan tama tunor or e rum.  
\v 8 Y tunor e gente tama tunor or e rum cay uyujtzꞌiobꞌ ut e nuxi lagarto, tunor tin e majax tzꞌijbꞌabꞌir ucꞌabꞌobꞌ tama e jun tuaꞌ e cuxtar xeꞌ ayan tuaꞌ e Cordero xeꞌ chamesna tamaron bꞌan cocha cay ubꞌijnu Catata Dios tuaꞌ uche conda ne mato achena ani or e rum era.   
\p
\v 9 Tin e ayan uchiquin uyubꞌic tunor era.  
\v 10 Pues tin e aquetpa tuaꞌ axin tama e cárcel ucꞌani tuaꞌ aqꞌuejcha axin tama e cárcel, y tin e aquetpa tuaꞌ achamay taca e machit, pues taca e machit tuaꞌ achamesna. Y tamar era tin e tuobꞌ e Dios ucꞌani tuaꞌ aqꞌuecꞌo axanobꞌ tama ubꞌir y tuaꞌ ubꞌijnuobꞌ tuaꞌ machi alocꞌoy aꞌjniobꞌ tut e bꞌir era.   
\p
\v 11 Y nacpat era inwira locꞌoy otronteꞌ nuxi lagarto xeꞌ locꞌoy macuir e rum. Y e lagarto era ayan chateꞌ ucacho bꞌan cocha ucachoir inteꞌ cordero, pero conda jaxir ojron locꞌoy bꞌan taca cocha e nuxi chan xeꞌ mabꞌambꞌan.  
\v 12 Y e lagarto era ajcꞌuna meyra ucꞌotorer umen e bꞌajxan lagarto xeꞌ locꞌoy macuir e mar. Entonces e nuxi lagarto era xeꞌ locꞌoy macuir e rum cay utzacre e gente tama tunor or e rum tuaꞌ uyujtzꞌiobꞌ ut e bꞌajxan nuxi lagarto xeꞌ tzꞌacpesna ujor xeꞌ chꞌajca xeꞌ ucꞌani ani achamay tamar.  
\v 13 Y e nuxi lagarto era xeꞌ locꞌoy macuir e rum cay uche meyra nuxi milagro este que uche ojri e cꞌajc tut e qꞌuin acꞌaxi tama or e rum tut e gente.  
\v 14 Y umen que actana uche meyra sian milagro cocha era tut e bꞌajxan nuxi lagarto, cay umajres tunor e sian gente tor e rum. Y ixin utzacre tuaꞌ achena inteꞌ chamen dios xeꞌ lar uwirnar cocha e bꞌajxan nuxi lagarto xeꞌ jax xeꞌ machi chamay motor que chꞌacbꞌir ujor taca inteꞌ machit.  
\v 15 Y inteꞌ nuxi lagarto xeꞌ locꞌoy macuir e rum ajcꞌuna ucꞌotorer tuaꞌ ubꞌixqꞌues e chamen dios era xeꞌ chena bꞌan cocha uwirnar e bꞌajxan nuxi lagarto este que uyubꞌi oꞌjron e chamen dios era. Y e chamen dios era ajcꞌuna ucꞌotorer tuaꞌ uyare achamesna tunor tin e machi cꞌani uyujtzꞌiobꞌ ut.  
\v 16 Y de allí e chamen dios era cay utzacre tuaꞌ atzꞌijbꞌna useña tama tunor e gente. Y bꞌan ucꞌani tuaꞌ atzꞌijbꞌna tama upat unojcꞌabꞌ e gente o tama ut ujor. Y bꞌan ucꞌani tuaꞌ achena tama tunor e gente motor jay chuchu winic o jay nuquir winic, motor jay tzajtaca ut o jay ayan utumin, y motor que ayan uwinquir o jay matucꞌa; tunor e gente ucꞌani tuaꞌ atzꞌijbꞌna useña e chamen dios era tamarobꞌ.  
\v 17 Y jay ayan inteꞌ xeꞌ matucꞌa useña e chamen dios era tamar, jaxir machi actana tuaꞌ amano y nien tuaꞌ achonma. Y e seña era lo que tuaꞌ atzꞌijbꞌna tama tunor e gente jax ucꞌabꞌa e nuxi lagarto y jax e número lo que locꞌoy jay atzicna e letra\f + \fr 13:17 \ft Atzicna e letra. Che que erer atzicna e letra tama ucꞌabꞌa. Pues intiach lo que uchiobꞌ tin e oꞌjron tama e ojroner griego y tin oꞌjron tama e ojroner hebreo. Jaxirobꞌ matucꞌa e número xeꞌ intiach tama e letra cocha non, sino que ucꞌampes e letra tama e abecedario tuaꞌ utziqui tamar. Y tamar era erer utziqui e letra tama ucꞌabꞌa e nuxi lagarto era xeꞌ jax e seña xeꞌ tuaꞌ atzꞌijbꞌna tama tunor tin e axin uyujtzꞌiobꞌ ut e chamen dios era.\f* tama ucꞌabꞌa.  
\v 18 Tunor era ucꞌani meyra natanyaj tuaꞌ acꞌotoy unata inteꞌ tama tunor era. Tin e nojta ujor ucꞌani tuaꞌ utziqui e número tuaꞌ e nuxi lagarto era, xeꞌ jax e número tuaꞌ e winicobꞌ. Y unúmero jaxir jax e 666.   
\c 14  
\s1 E cꞌay xeꞌ tuaꞌ taca tin e tuobꞌ e 144,000 gente  
\p
\v 1 Pues entonces nacpat era inwira que war e Cordero tujor inteꞌ witzir xeꞌ ucꞌabꞌa Sión. Y tacar jaxir war awawan 144,000 gentiobꞌ. Y tamar ut ujor inteꞌ intiobꞌ ayan lo que chꞌar tzꞌijbꞌabꞌir xeꞌ jax ucꞌabꞌa e Cordero y ucꞌabꞌa e Tatabꞌir tuaꞌ.  
\v 2 Y wacchetaca umbꞌi inteꞌ nuxi nuc xeꞌ tari tichan tut e qꞌuin xeꞌ aquiricna bꞌan cocha inteꞌ cojn conda war ecmay watar o bꞌan cocha uyubꞌnar conda war aquiricna ut e qꞌuin. Y e nuc lo que umbꞌi bꞌan uyubꞌnar cocha conda achena e lajbꞌar tama cora sian arpa.  
\v 3 Entonces e 144,000 gente era cay ucꞌaywijresobꞌ inteꞌ cꞌay xeꞌ imbꞌutz tut e turtar y tut e cuatro animalobꞌ xeꞌ bꞌixirobꞌ y tut e nuquir winicobꞌ. Y mamajchi uyubꞌi ucani e cꞌay era, ajtaca e 144,000 gente era xeꞌ corpesbꞌirobꞌ tujam e gente tor e rum.  
\v 4 Y e gente era jax tin e machi ubꞌoni ubꞌobꞌ taca e ixictac, sino que quetpobꞌ erach. Y axiobꞌ tupat e Cordero tic taca tiaꞌ axin. Pues jaxirobꞌ corpesnobꞌ tujam e winicobꞌ tuaꞌ aquetpobꞌ bꞌan cocha inteꞌ bꞌajxan ofrenda tut e Dios y tut e Cordero.  
\v 5 Y machi tajwina nien imbꞌijc e majresiaj tama uyejobꞌ, y matucꞌa e bꞌonemar tamarobꞌ. Bꞌan cocha era ochoyobꞌ y wawanobꞌ tut uturtar e Dios.   
\s1 Uyojronerobꞌ e uxteꞌ angelobꞌ  
\p
\v 6 Entonces inwira otronteꞌ ángel xeꞌ war atobꞌoy axin tut e qꞌuin tor e icꞌar xeꞌ war uqꞌueche axin uyojroner e Dios tama e corpesiaj xeꞌ machi tuaꞌ acꞌapa tuaꞌ uchecsu tut tunor tin e turobꞌ tor e rum, tama tunor e chꞌajnarir lo que ayan tama tunor e sian familiobꞌ, y tama tunor e ojroner, y tama tunor e sian chinamobꞌ lo que ayan tama tunor or e rum.  
\v 7 Y ojron e ángel era taca inteꞌ nuxi nuc y che:  
\p —Bꞌacrenic e Dios y tattzꞌic ucꞌabꞌa. Pues cꞌotix e hora era conda jaxir tuaꞌ uche juzgar e gente. Laric ujtzꞌinic ut jaxir xeꞌ cꞌapa uche tunor ut e qꞌuin, y tunor or e rum, y tunor e mar, y tunor unuc e cojnobꞌ, che e ángel era.   
\p
\v 8 Y nacpat era checta otronteꞌ ángel xeꞌ che:  
\p —Cucrema tijrpa e nuxi chinam xeꞌ ucꞌabꞌa Babilonia xeꞌ meyra uche e mabꞌambꞌanir. Porque cay uche uyuchꞌiobꞌ lo que uche atijrpa ujorobꞌ tamar ubꞌijnusiajobꞌ tunor e sian chinamobꞌ tama tunor or e rum este que cay uchiobꞌ tunor lo que uyusre uchiobꞌ uwerir, che e ángel era.   
\p
\v 9 Y nacpat era checta otronteꞌ ángel xeꞌ ojron taca inteꞌ nuxi nuc y che:  
\p —Tunor tin e axin uyujtzꞌiobꞌ ut e nuxi lagarto o xeꞌ axin uyujtzꞌiobꞌ ut e chamen dios xeꞌ chembꞌir bꞌan cocha uwirnar, y xeꞌ uyajcꞌu ubꞌa tuaꞌ atzꞌijbꞌna useñair e nuxi lagarto tut ujor o tama upat unojcꞌabꞌ,  
\v 10 ucꞌani tuaꞌ uchꞌamiobꞌ e nuxi qꞌuijnar tuaꞌ e Dios xeꞌ tuaꞌ watar tama ujorobꞌ. Y jaxirobꞌ tuaꞌ axin unumse ubꞌobꞌ meyra tut tunor uyangelobꞌ e Dios y tut e Cordero tama e cꞌajc xeꞌ war apuruy taca e azufre.  
\v 11 Y e bꞌutz tuaꞌ e cꞌajc era tiaꞌ war unumse ubꞌobꞌ tuaꞌ atꞌabꞌay axin tichan ejcꞌar ejcꞌar. Y bꞌan tuaꞌ unumse ubꞌobꞌ tunor tin axin uyujtzꞌiobꞌ ut e nuxi lagarto y e chamen dios xeꞌ chembꞌir bꞌan cocha uwirnar o xeꞌ uchꞌamiobꞌ useñair e nuxi lagarto tamarobꞌ. Y ma tiaꞌ tuaꞌ ajiriobꞌ tama e cꞌuxner era nien tama e día y nien tama e acbꞌar ejcꞌar ejcꞌar.  
\v 12 Y tamar era tunor tin e tuobꞌ e Dios y xeꞌ war acꞌupseyanobꞌ tut uyojroner y xeꞌ war uturbꞌa ubꞌobꞌ tama e Jesús ucꞌani tuaꞌ ucojcobꞌ anumuy tunor era bꞌan taca, che e ángel era.   
\p
\v 13 Entonces umbꞌi inteꞌ nuc xeꞌ tari tut e qꞌuin xeꞌ uyaren y che:  
\p —Tzꞌijbꞌan e ojroner lo que cꞌani inwaret era: “Chojbꞌesbꞌir tunor tin e intera ubꞌijnusiajobꞌ taca Cawinquirar xeꞌ axin achamayobꞌ coner y xeꞌ axin achamayobꞌ tama e día xeꞌ watar, porque machix tuaꞌ unumse ubꞌobꞌ tama e nuxi cꞌuxner lo que ayan tara tor e rum”, xeꞌ che e nuc xeꞌ tari tut e qꞌuin. Y bꞌan che Unawalir e Dios ubꞌan: “Bꞌan ya, porque jaxirobꞌ tuaꞌ axiobꞌ tichan tut e qꞌuin tuaꞌ ajiriobꞌ y tuaꞌ uchꞌamiobꞌ utuanibꞌirobꞌ tama tunor upatnarobꞌ lo que cay uchiobꞌ tara tor e rum”, che Unawalir e Dios.   
\s1 Conda amorojsena uyutir e uva tara tor e rum  
\p
\v 14 Pues entonces inchꞌujcu y inwira que ayan inteꞌ tocar xeꞌ sacsac ut y que ayan inteꞌ xeꞌ turu tujor e tocar era xeꞌ bꞌan uwirnar cocha Uyunen e winic. Y tama ujor ayan inteꞌ corona xeꞌ chembꞌir taca e oro y tama ucꞌabꞌ ayan inteꞌ hoz xeꞌ bien jucbꞌir.  
\v 15 Y locꞌoy otronteꞌ ángel tama e templo lo que ayan tut e qꞌuin xeꞌ cay aru taca inteꞌ nuxi nuc y uyare tin e turu tujor e tocar y che:  
\p —Cꞌotix e hora tuaꞌ iꞌxin amorojse e cosecha lo que ayan tama tunor or e rum. Quiqui osen awoz tamar, che e ángel.   
\p
\v 16 Y nacpat era tin e turu tujor e tocar cay unumse uyoz tor e rum y umorojse tunor e sian cosecha lo que ayan tara tor e rum.   
\p
\v 17 Entonces locꞌoy otronteꞌ ángel tama e templo xeꞌ turu tut qꞌuin xeꞌ war uqꞌueche axin inteꞌ hoz tama ucꞌabꞌ ubꞌan xeꞌ bien jucbꞌir.  
\v 18 Y locꞌoy otronteꞌ ángel tama e altar lo que ayan tama e templo tut e qꞌuin xeꞌ ayan ucꞌotorer tama e cꞌajc y cay ojron taca inteꞌ nuxi nuc y uyare tin e qꞌuecher e hoz xeꞌ bien jucbꞌir y che:  
\p —Cꞌotix e hora tuaꞌ iꞌxin amorojse e cosecha tama e uva lo que ayan tor e rum, porque era cꞌapix tacꞌa, che e ángel era.   
\p
\v 19 Y entonces ixin e ángel y cay unumse uyoz tujor e rum y uxuri tunor uyutir uchꞌajnar e uva y de allí umorojse tunor uyutir era y uyari tama inteꞌ trapich tuaꞌ ayatzpa alocꞌoy tunor uyarar. Pues tunor era que war ayatzpa alocꞌoy uyarar e uva tama e trapich bꞌan cocha conda watar uqꞌuijnar e Dios tujor e gente tara tor e rum.  
\v 20 Entonces yajtzꞌa locꞌoy tunor uyarar e uva tama e trapich patir e chinam, y conda locꞌoy ujeir era tama e trapich mixto jax uyarar e uva sino que sutpa chꞌich xeꞌ ajni ixin bꞌan cocha inteꞌ cojn este que bꞌutcꞌa tunor inteꞌ nuxi lugar. Y utamir e chꞌich era cꞌotoy esto tama uyej inteꞌ chij y ulargoir uwam e cojn era tiaꞌ ajni ixin ayan 300 kilómetros.   
\c 15  
\s1 E angelobꞌ xeꞌ ajcꞌunobꞌ e siete vaso  
\p
\v 1 Pues entonces inwira checta otronteꞌ seña tut e qꞌuin xeꞌ nojta y xeꞌ imbꞌacꞌajr uwirnar. Inwira checta siete angelobꞌ xeꞌ war uqꞌuechiobꞌ axin lo que ayan siete cꞌuxner tamar. Y jax era ucꞌapesnibꞌir tama tunor e sian jatzꞌuar lo que e Dios war uyebꞌta watar tujor e gente tor e rum umen que war aqꞌuijna.   
\p
\v 2 Entonces inwira lo que lar uwirnar cocha inteꞌ nuxi jaꞌ xeꞌ bꞌan uwirnar cocha inteꞌ espejo xeꞌ turu tor e rum xeꞌ chequer uwarar e cꞌajc tamar. Y inwira que war awawanobꞌ meyra gente tama e nuxi jaꞌ era. Y tunor e gente era jax tin e machi cucurnobꞌ umen e nuxi lagarto y nien umen e chamen dios xeꞌ chembꞌir bꞌan cocha uwirnar, y nien machi uyacta ubꞌobꞌ tuaꞌ atzꞌijbꞌna useñair e nuxi lagarto tamarobꞌ. Y inteꞌ intiobꞌ ajcꞌunobꞌ inteꞌ inteꞌ uyárpa umen e Dios tuaꞌ alajbꞌobꞌ tamar.  
\v 3 Y cay ucꞌaywijresobꞌ ucꞌay e Moisés xeꞌ jax uman e Dios, y ucꞌaywijresobꞌ e cꞌay xeꞌ tuaꞌ e Cordero y chenobꞌ:  
\q1 Jax net xeꞌ jax Cawinquirar Dios xeꞌ meyra acꞌotorer, galan uwirnar tunor lo que ache y nojta.  
\q1 Pues net matucꞌa ache xeꞌ mabꞌambꞌan y ma tiaꞌ imajresian.  
\q1 Y jax net xeꞌ war acꞌotori tujor tunor e sian chinamobꞌ lo que ayan tara tor e rum.   
\q1
\v 4 Y ¿chi ca nic xeꞌ machi abꞌacta toit, Cawinquiraret?  
\q1 Y ¿chi ca nic xeꞌ machi utattzꞌi acꞌabꞌa?  
\q1 Porque net taca xeꞌ erachet, y tunor e sian gente tama tunor or e rum tuaꞌ watar uyujtzꞌiobꞌ oit,  
\q1 porque war uwirobꞌ que ajtaca net xeꞌ war ache intaca lo que erach,  
\m chenobꞌ tama e cꞌay era.   
\p
\v 5 Entonces inwira que pascꞌa ut e templo xeꞌ turu tichan, y macuir inwira que ayan inteꞌ lugar tiaꞌ ayan meyra utawarer e Dios tiaꞌ chꞌar tꞌabꞌesbꞌir upacto e Dios.  
\v 6 Y macuir e templo era locꞌoyobꞌ siete angelobꞌ xeꞌ war uqꞌuechiobꞌ axin e siete cꞌuxner. Y jaxirobꞌ bꞌujcsebꞌirobꞌ taca e bꞌujc xeꞌ sacsac y ejpray ut. Y yebꞌar ut uchuꞌ inteꞌ intiobꞌ cachar inteꞌ cinturón xeꞌ chembꞌir taca e oro.  
\v 7 Y inwira inteꞌ tujam e cuatro animalobꞌ xeꞌ bꞌixirobꞌ xeꞌ ixin uyajcꞌu e siete angelobꞌ inteꞌ inteꞌ uvaso xeꞌ chembꞌir taca e oro. Y tunor e vasuobꞌ era bꞌutꞌur taca uqꞌuijnar e Dios xeꞌ turu iraj iraj.  
\v 8 Y bꞌutcꞌa e templo era taca e bꞌutz lo que war alocꞌoy tama utawarer e Dios y tama ucꞌotorer. Y mamajchi uyubꞌi oꞌchoy tamar este que acꞌapa anumuy tunor e siete cꞌuxner xeꞌ qꞌuecher umen e siete angelobꞌ era.   
\c 16  
\s1 E siete vaso xeꞌ ayan e cꞌuxner tamar  
\p
\v 1 Pues entonces umbꞌi inteꞌ nuxi nuc xeꞌ locꞌoy macuir e templo tut e qꞌuin xeꞌ uyare e siete angelobꞌ y che:  
\p —Quiquic jochic uqꞌuijnar e Dios lo que ayan tama e siete vaso tama tunor or e rum, che e nuxi nuc era.   
\p
\v 2 Entonces ixin e bꞌajxan ángel y ujochi lo que ayan tama uvaso tor e rum, y tunor e gente tin e ayan useñair e nuxi lagarto tamarobꞌ y xeꞌ war uyujtzꞌiobꞌ ut e chamen dios xeꞌ chembꞌir bꞌan cocha uwirnar e lagarto cay checta tutobꞌ meyra chec xeꞌ calapir apojwi y xeꞌ acꞌuxun meyra.   
\p
\v 3 Entonces ixin otronteꞌ ángel y ujochi uvaso tor e mar, y e jaꞌ tama e mar sutpa bꞌan cocha e chꞌich tuaꞌ inteꞌ winic xeꞌ chamesbꞌir, y chamay tunor lo que ayan ani tama e mar xeꞌ bꞌixirobꞌ.   
\p
\v 4 Entonces ixin otronteꞌ ángel y ujochi uvaso tama tunor e sian xucur y tama tunor unuc e cojnobꞌ, y tunor e sian jaꞌ era sutpa chꞌich.  
\v 5 Y tamar era umbꞌi ojron e ángel tuaꞌ e jaꞌ era y che:  
\p —Erach lo que war ache, Niwinquiraret, tuaꞌ ache juzgar cocha era. Y net erachet tamar lo que abꞌijnu ache era, net xeꞌ turet conda ne mato achena ani or e rum era y xeꞌ turet coner ubꞌan.  
\v 6 Porque jaxirobꞌ ixin ulocsiobꞌ uchꞌichꞌer tin e quetpobꞌ erach toit y tin e quetpobꞌ profetobꞌ, y tamar era war awajcꞌu tuaꞌ uyuchꞌiobꞌ e jaꞌ xeꞌ sutpa chꞌich porque tawarobꞌ tamar lo que uchiobꞌ, che e ángel tuaꞌ e jaꞌ era.   
\p
\v 7 Entonces umbꞌi inteꞌ nuc xeꞌ locꞌoy tut e altar xeꞌ che:  
\p —Bꞌan ya Niwinquirar Dios xeꞌ meyra ayan acꞌotorer, porque net erachet inyajrer y tamar era erach tunor lo que ache conda ache juzgar, che e nuc era xeꞌ checta umbꞌi tut e altar.   
\p
\v 8 Entonces ixin otronteꞌ ángel y ujochi uvaso tama e qꞌuin, y e qꞌuin ajcꞌuna ucꞌotorer tuaꞌ uputa tunor e gente bꞌan cocha e cꞌajc.  
\v 9 Y tunor e winicobꞌ quetpobꞌ purutbꞌir umen uwarar e qꞌuin. Pero mamajchi ubꞌijnu tuaꞌ uyacta umabꞌambꞌanir y nien tuaꞌ utattzꞌi ucꞌabꞌa e Dios, sino que intaca uxejbꞌiobꞌ ut e Dios y cay ojronobꞌ upater tin e ayan ucꞌotorer tujor tunor e sian cꞌuxner era.   
\p
\v 10 Entonces ixin otronteꞌ ángel y ujochi uvaso tama uturtar e nuxi lagarto, y quetpa incsibꞌan tama tunor or e lugar tiaꞌ war acꞌotori jaxir. Y tunor e gente cay ucꞌuxi or uyacꞌobꞌ umen e sian cꞌuxner era.  
\v 11 Y cay ucꞌayobꞌ e Dios xeꞌ turu tichan tama tunor e sian cꞌuxner era, y tama tunor e sian chec lo que ayan tamarobꞌ. Pero nien tamar era machi ixto cꞌani uyactobꞌ e sian mabꞌambꞌanir lo que war uchiobꞌ.   
\p
\v 12 Entonces ixin otronteꞌ ángel y ujochi uvaso tor e nuxi xucur xeꞌ ucꞌabꞌa Eufrates, y tunor e jaꞌ tama e nuxi xucur era cꞌapa taqui tuaꞌ upasi e bꞌir tiaꞌ tuaꞌ axanobꞌ e nuquir reyobꞌ xeꞌ watobꞌ tama e lugar tiaꞌ atobꞌoy watar e qꞌuin.   
\p
\v 13 Y de allí inwira uxteꞌ mabꞌambꞌan mein xeꞌ bꞌan uwirnarobꞌ cocha incojt pecpec. Locꞌoy incojt pecpec macuir uyej e nuxi chan, y locꞌoy otronteꞌ pecpec macuir uyej e nuxi lagarto xeꞌ locꞌoy macuir e mar, y locꞌoy otronteꞌ pecpec macuir uyej e nuxi lagarto xeꞌ locꞌoy macuir e rum xeꞌ arobꞌna que jax e profeta xeꞌ amajresian ubꞌan.  
\v 14 Y e uxteꞌ pecpec era jax umeinobꞌ e sian mabꞌambꞌan mein xeꞌ cay uchiobꞌ cora sian milagro. Y e uxteꞌ mein era alocꞌoyobꞌ tuaꞌ umayobꞌ ut tunor e sian rey lo que ayan tama tunor or e rum tuaꞌ umorojse ubꞌobꞌ tuaꞌ uchiobꞌ e tzꞌojyir upater e Dios xeꞌ meyra ayan ucꞌotorer.  
\v 15 Entonces ojron Cawinquirar y che: “Cꞌaric imener que nen tuaꞌ waten conda mamajchi war ubꞌijnu bꞌan cocha inteꞌ ajxujch. Chojbꞌesbꞌir tunor tin e bꞌixir turu conda inchecta waten y xeꞌ war ucojco ubꞌobꞌ y xeꞌ lapar ubꞌujc xeꞌ jax e cuxtar xeꞌ erach tut e Dios tuaꞌ machi asubꞌajra tut e gente y tuaꞌ machi atajwina que war axana pispis”, che Cawinquirar.  
\v 16 Entonces e uxteꞌ mabꞌambꞌan mein ixiobꞌ tuaꞌ usicbꞌobꞌ meyra sian soldadobꞌ tuaꞌ umorojsiobꞌ tama e lugar xeꞌ ucꞌabꞌa Armagedón tama e ojroner hebreo.   
\p
\v 17 Entonces ixin otronteꞌ ángel y ujochi uvaso tama e icꞌar y umbꞌi inteꞌ nuxi nuc xeꞌ locꞌoy tama e turtar xeꞌ turu tama e templo tut e qꞌuin xeꞌ ojron y che:  
\p —Cꞌapix chempa tunor, che e nuc era xeꞌ tari tama e turtar.   
\p
\v 18 Entonces cay jijbꞌi ut e qꞌuin y cay quiricna ut e qꞌuin, y ut e rum cay chincha umen inteꞌ nuxi yujcbꞌar xeꞌ más nojta que tunor e sian yujcbꞌar lo que cay numuy tara tor e rum desde que cay checta e gente tor e rum.  
\v 19 Y pascꞌa ut e rum tama e nuxi chinam Babilonia y cꞌaspa ut e rum y quetpa uxteꞌ ut. Y tunor e sian chinamobꞌ tama tunor or e rum cꞌapa cucremobꞌ. Y cꞌajpa umen e Dios tunor e mabꞌambꞌanir lo que cay uchiobꞌ e gente tama e nuxi chinam Babilonia, y tamar era e Dios cay uche uyuchꞌiobꞌ inteꞌ vaso xeꞌ bꞌutꞌur taca uqꞌuijnar y taca e jatzꞌuar.  
\v 20 Y satpa tunor e sian or witzirobꞌ, y bꞌan numuy taca tunor e rum xeꞌ aquetpa tama uyuxin e jaꞌ.  
\v 21 Y cay ojri cora sian bꞌat tujor e gente xeꞌ tari tut e qꞌuin que bꞌan ubꞌarir cocha inteꞌ quintal. Y e gente tor e rum cay ucꞌayobꞌ e Dios umen que inyaj utajwiobꞌ e sian bꞌat era.   
\c 17  
\s1 Conda tuaꞌ acꞌapa atijresna e nuxi ixic xeꞌ ajmabꞌambꞌanir  
\p
\v 1 Entonces tari inteꞌ tujam e siete angelobꞌ xeꞌ war ani uqꞌuechiobꞌ axin inteꞌ inteꞌ uvaso y che:  
\p —Lar era. Cꞌani inwirset e jatzꞌuar lo que tuaꞌ acꞌaxi tujor e nuxi chinam xeꞌ turu tutiꞌ inteꞌ nuxi xucur. Pues e nuxi chinam era aquetpa bꞌan cocha inteꞌ ixic xeꞌ ajmabꞌambꞌanir.  
\v 2 Jax e ixic era xeꞌ cay ucanse e sian reyobꞌ tama tunor or e rum tuaꞌ uchiobꞌ e mabꞌambꞌanir tacar jaxir. Y e gente tama tunor or e rum cay uyusreobꞌ tuaꞌ uchiobꞌ meyra e mabꞌambꞌanir conda cꞌotoy unatobꞌ lo que war uche e ixic era, che e ángel.   
\p
\v 3 Entonces sutpa inwira tama nimayjut lo que Unawalir e Dios cay uwirsen y qꞌuejcha ixien tama inteꞌ choquem lugar umen inteꞌ ángel. Y yajaꞌ cay inwira que ayan inteꞌ ixic xeꞌ turu tujor inteꞌ nuxi lagarto xeꞌ chacchac upat y xeꞌ ayan siete ujor y diez ucacho y xeꞌ ayan lo que tzꞌijbꞌabꞌir tamar xeꞌ uqꞌuijnes e Dios.  
\v 4 Y ubꞌujc e ixic era chacpurem uwirnar. Y tama ubꞌujc ayan ubꞌan lo que chacchac ut y ayan lo que incsibꞌan ut. Y tunor lo que chꞌur tut unuc xeꞌ jax uyujy y uyarita chembꞌir taca e oro. Y tamar uyujy y uyarita era ayan e tun xeꞌ galan ejpray y ayan e tun yujy xeꞌ ucꞌabꞌa perla. Y tamar ucꞌabꞌ qꞌuecher umen inteꞌ vaso xeꞌ chembꞌir taca e oro xeꞌ bꞌutꞌur taca tunor e sian mabꞌambꞌanir lo que cay uche e ixic era tama uwerir.  
\v 5 Y inwira que ayan lo que tzꞌijbꞌabꞌir tut ujor e ixic era xeꞌ mucur lo que war che xeꞌ che: \sc E NUXI BABILONIA\sc*, \sc UTUꞌ E SIAN AJNAJTIR IXICTAC\sc*, y \sc UTUꞌ TAMA TUNOR TIN E WAR UCHIOBꞌ E MABꞌAMBꞌANIR XEꞌ MÁS CALAPIR TAMA TUNOR OR E RUM\sc*. Bꞌan chꞌar tzꞌijbꞌabꞌir tut ujor e ixic era.  
\v 6 Y inwira que war acaray e ixic pero que war acaray umen uchꞌichꞌer tin e erach tut e Dios y umen uchꞌichꞌer tin e chamesna umen que war uchecsuobꞌ uyojroner e Jesús. Pero conda inwira tunor era bꞌacten.  
\v 7 Entonces uyaren e ángel y che:  
\p —Y ¿tucꞌa tuaꞌ war ibꞌacta tamar era? Cꞌani inchectes toit era lo que war che e ixic era y lo que war che e nuxi lagarto xeꞌ ayan siete ujor y diez ucacho.  
\v 8 Pues e nuxi lagarto lo que awira turu ani, y machi turu coner, pero cꞌanix alocꞌoy otronyajr tama uchꞌenar e diablo conda tuaꞌ acꞌapa atijresna inyajrer. Y e gente tara tor e rum cꞌani abꞌacta uwirobꞌ ut e nuxi lagarto era otronyajr. Pues tunor e gente era jax xeꞌ majax tzꞌijbꞌabꞌir ucꞌabꞌobꞌ tama e jun tuaꞌ e cuxtar xeꞌ machi tuaꞌ acꞌapa conda ne mato achena ani or e rum. Y tunorobꞌ cꞌani abꞌacta uwirobꞌ ut e nuxi lagarto xeꞌ turu ani y de allí machi turu y xeꞌ cꞌanix asutpa achecta tutobꞌ otronyajr.   
\p
\v 9 ’Pues ucꞌani unatanyaj e Dios tuaꞌ cacꞌotoy canata lo que war che tunor era. E siete jorobꞌ tama e nuxi lagarto era war che que ayan siete or e witzir tama e nuxi chinam tiaꞌ turu e ixic xeꞌ ajmabꞌambꞌanir. Y e siete jorobꞌ era war che ubꞌan que ayan siete reyobꞌ tamar.  
\v 10 Cinco tujam e siete reyobꞌ era chamay ixto, y ayan inteꞌ xeꞌ warto acꞌotori era, y ayan inteꞌ xeꞌ merato achecta. Pero conda achecta jaxir xeꞌ jax ucꞌapesnibꞌir tujam e siete reyobꞌ era, machi tuaꞌ eixna acꞌotori.  
\v 11 Y de allí tuaꞌ watar otronteꞌ rey xeꞌ jax e nuxi lagarto xeꞌ turu ani y xeꞌ machi turu coner. Y e nuxi lagarto era xeꞌ jax e rey número ocho jax inteꞌ tujam e siete reyobꞌ ubꞌan. Y conda achecta otronyajr ucꞌani tuaꞌ acꞌapa atijresna inyajrer wacchetaca.   
\p
\v 12 ’Y e diez cacho lo que awira era jax diez reyobꞌ xeꞌ merato achectobꞌ tuaꞌ acꞌotoriobꞌ. Jaxirobꞌ tuaꞌ aꞌjcꞌunobꞌ ucꞌotorer cocha inteꞌ rey pero machi tuaꞌ acꞌotoriobꞌ meyra tiempo. Y cꞌani acꞌotoriobꞌ taca e nuxi lagarto.  
\v 13 Y cꞌapa ubꞌijnuobꞌ e diez reyobꞌ era que cꞌani uyajcꞌuobꞌ tunor ucꞌotorerobꞌ e nuxi lagarto.  
\v 14 Cꞌani uchiobꞌ e tzꞌojyir upater e Cordero, pero e Cordero taca tunor tin e war axiobꞌ tupat cꞌani ucucruobꞌ tunorobꞌ era. Porque e Cordero jax Uwinquirar tujor tunor tin e ajwinquirarobꞌ, y jaxir jax e más nuxi Rey xeꞌ aquetpa tujor tunor tin e reyobꞌ. Y tin e war axiobꞌ tupat e Cordero jax taca tin e pejcbꞌirobꞌ y xeꞌ sicbꞌabꞌirobꞌ umener, y tunorobꞌ war axanobꞌ erach tut e Dios, che e ángel.   
\p
\v 15 Pues entonces e ángel ojron tacaren otronyajr y che:  
\p —Lo que war che e nuxi xucur lo que awira era tiaꞌ turu e ixic xeꞌ ajmabꞌambꞌanir, jax tunor e sian gente tin e tari tama tunor e chꞌajnarir, y tama tunor e ojroner, y tama tunor e sian chinamobꞌ lo que ayan tama tunor or e rum.  
\v 16 Y e nuxi lagarto y e diez cacho era xeꞌ jax e diez reyobꞌ cꞌani uxejbꞌiobꞌ ut e ixic xeꞌ ajmabꞌambꞌanir y cꞌani axin uchoquiobꞌ y uyactobꞌ pispis y axin ucꞌuxiobꞌ uwerir y axin uputobꞌ tunor ubꞌaquer taca e cꞌajc.  
\v 17 Pues e Dios uturbꞌa tama uyalmobꞌ tuaꞌ acꞌapa uchiobꞌ bꞌan taca cocha ucꞌani jaxir. Y bꞌan numuy conda e diez reyobꞌ quetpobꞌ tama intera ubꞌijnusiaj tuaꞌ uyajcꞌuobꞌ tunor ucꞌotorerobꞌ e nuxi lagarto. Y bꞌan tuaꞌ uchiobꞌ este que acꞌapa achempa tunor lo que arobꞌnobꞌ umen e Dios.  
\v 18 Pues e ixic era xeꞌ ajmabꞌambꞌanir xeꞌ awira jax e nuxi chinam xeꞌ war acꞌotori tujor tunor e reyobꞌ lo que ayan tama tunor or e rum. Bꞌan uyaren e ángel.   
\c 18  
\s1 Conda acꞌapa atijrpa e nuxi chinam Babilonia  
\p
\v 1 Entonces inwira otronteꞌ ángel xeꞌ ecmay tari tut e qꞌuin xeꞌ meyra ayan ucꞌotorer. Y or e rum janchꞌaquesna umen utawarer e ángel era.  
\v 2 Entonces aru jaxir taca inteꞌ nuxi nuc y che:  
\p —Cꞌapa tijresna ixto yaꞌ e nuxi chinam. Cꞌapa cucrema inyajrer e nuxi chinam xeꞌ ucꞌabꞌa Babilonia. Jax taca e sian mein xeꞌ mabꞌambꞌan tuaꞌ aturuanobꞌ tama e lugar era coner, y aquetpa ulugarir tiaꞌ tuaꞌ asiobꞌ e sian mabꞌambꞌan mein coner, y tuaꞌ aquetpa e lugar tiaꞌ uchiobꞌ usijcobꞌ e mut xeꞌ más intuj utobꞌ bꞌan cocha e usij.  
\v 3 Porque tunor e sian chinamobꞌ lo que ayan tara tor e rum cay uyusre uchiobꞌ e mabꞌambꞌanir umen que bꞌan cansenobꞌ umen e chinam Babilonia. Y tunor e nuquir reyobꞌ tara tor e rum ixin uchiobꞌ e mabꞌambꞌanir taca e ixic era. Y tunor e sian ajchonmar tor e rum cꞌotoy quetpobꞌ rico umen lo que uyusre uchꞌamiobꞌ e gente tama e nuxi chinam era. Bꞌan uyaren e ángel.   
\p
\v 4 Entonces umbꞌi otronteꞌ nuc xeꞌ tari tut e qꞌuin xeꞌ ojron tacaren y che:  
\p —Loqꞌuenic wacchetaca tama e chinam era tunorox xeꞌ tanibꞌa tuaꞌ machi iche e mabꞌambꞌanir bꞌan cocha war uchiobꞌ jaxirobꞌ, y tuaꞌ machi ichꞌami e sian cꞌuxner lo que tuaꞌ uchꞌamiobꞌ jaxirobꞌ.  
\v 5 Porque meyra ayan umabꞌambꞌanir este que bꞌoro ixin tichan tut e qꞌuin. Y cꞌar umen Catata Dios tunor e mabꞌambꞌanir era lo que cay uchiobꞌ.  
\v 6 Ucꞌani tuaꞌ asutpa uyeror ut tama tunor lo que e chinam Babilonia cay uchiobꞌ upater e inmojr gente. Y tunor lo que uchiobꞌ upater e inmojr, jaxirobꞌ tuaꞌ asutpa atojyobꞌ uyeror chajr tamar. Y cꞌani aꞌjcꞌuna tuaꞌ uyuchꞌiobꞌ chajr xeꞌ más calapir tamar lo que cay uche uyuchꞌiobꞌ e inmojr.  
\v 7 Y cocha meyra cay utattzꞌi ubꞌa e chinam era que ayan utumin y que ayan meyra utawarer y que galanic e bꞌujc xeꞌ lapar umener, pues bꞌan cocha era tuaꞌ aꞌjcꞌuna meyra ucꞌuxner y cꞌani ajajtzꞌa nojta. Pues e chinam era bꞌan cocha inteꞌ ixic xeꞌ ojron jax taca y che: “Tara turen bꞌan cocha inteꞌ ajcꞌotorer. Majaxen inteꞌ ixic xeꞌ chamen uviejo, y tamar era nen matucꞌa tamar tuaꞌ innumse nibꞌa”, che jaxir jax taca.  
\v 8 Y tamar era cꞌani acꞌaxi meyra sian cꞌuxner tama ujor wacchetaca. Porque watar e chamer, y watar e cꞌuxner, y watar e winar, y e chinam era cꞌani acꞌapa apurutna inyajrer taca e cꞌajc. Bꞌan tuaꞌ anumuy porque meyra ayan ucꞌotorer Cawinquirar Dios xeꞌ jax xeꞌ tuaꞌ uche juzgar e chinam era tama tunor e mabꞌambꞌanir lo que cay uchiobꞌ. Bꞌan che e nuc era xeꞌ tari tut e qꞌuin.   
\p
\v 9 Entonces tunor e sian reyobꞌ xeꞌ turobꞌ tara tor e rum xeꞌ cay uyose ubꞌobꞌ taca e ixic era y xeꞌ cay uchꞌamiobꞌ meyra riqueza tuaꞌ cꞌani aruobꞌ y cꞌani aquetpobꞌ tzajtaca utobꞌ conda uwirobꞌ alocꞌoy e bꞌutz tama e chinam era conda war acꞌapa apuruy.  
\v 10 Pero e sian reyobꞌ cꞌani aquetpobꞌ innajt tut e chinam era umen que war ubꞌacriobꞌ e jatzꞌuar lo que war uchꞌami era. Y jaxirobꞌ tuaꞌ oꞌjronobꞌ y chenobꞌ:  
\p —Tzajtaca iut xeꞌ turox tama e chinam Babilonia, nox xeꞌ meyra ayan ani icꞌotorer. Pero era wacchetaca cꞌaxi e jatzꞌuar tama ijor. Bꞌan tuaꞌ oꞌjronobꞌ tama e día yajaꞌ.   
\p
\v 11 Y bꞌan ubꞌan tuaꞌ uchiobꞌ e sian ajchonmar tama tunor or e rum; cꞌani aruobꞌ meyra y cꞌani aquetpobꞌ tzajtaca utobꞌ umen lo que war unumse ubꞌa e nuxi chinam era, porque mamajchi más tuaꞌ umani lo que war ani uchoniobꞌ e sian ajchonmar era.  
\v 12 Y mamajchi más tama e chinam era erer umaniobꞌ e oro y nien e plata y nien e tun yujy. Y mamajchi más tama e chinam era tuaꞌ umaniobꞌ e bꞌujc xeꞌ galan y xeꞌ meyra atujri. Y mamajchi más tama e chinam era tuaꞌ umaniobꞌ e teꞌ xeꞌ ayan utacnar y xeꞌ ojtzꞌun y xeꞌ meyra atujri. Y mamajchi más tama e chinam era tuaꞌ umaniobꞌ lo que chembꞌir taca e marfil, y nien lo que chembꞌir taca e teꞌ xeꞌ galan uwirnar cocha e chacal teꞌ. Y mamajchi más tama e chinam era tuaꞌ umaniobꞌ lo que chembꞌir taca e taqꞌuin xeꞌ ucꞌabꞌa bronce, y nien lo que chembꞌir taca e taqꞌuin, y nien lo que chembꞌir taca e tun xeꞌ galan ut xeꞌ ucꞌabꞌa mármol.  
\v 13 Y mamajchi más tama e chinam era tuaꞌ umaniobꞌ e canela, y nien e cꞌopot xeꞌ galan ojtzꞌun, y nien e ujtzꞌubꞌ, y nien e perfume. Y mamajchi más tuaꞌ umaniobꞌ e vino, y nien e aceite, y nien e harina fina, y nien e trigo. Y mamajchi más tama e chinam era tuaꞌ umaniobꞌ e wacax, y nien e oveja, y nien e chij, y nien e carretón. Y mamajchi más tama e chinam era tuaꞌ umaniobꞌ e gente xeꞌ aquetpobꞌ bꞌan cocha inteꞌ man xeꞌ mambꞌir inyajrer.  
\v 14 Y cꞌani aꞌrobꞌna e chinam era umen e gente y che:  
\p —Pues tunor lo que galan xeꞌ cay iyusre tama iwalma tuaꞌ ichꞌami cꞌapa satpa. Y tunor e sian tumin lo que ayan ani tibꞌa y tunor e tattzꞌarsiaj lo que ayan ani tibꞌa cꞌapa tijrpa. Y mixto cocha tuaꞌ ixsutpa itajwi otronyajr tunor e sian riqueza lo que ayan ani tibꞌa. Bꞌan chenobꞌ tama e chinam era.   
\p
\v 15 Entonces e sian ajchonmarobꞌ tin e cay chonmobꞌ tama e chinam era y xeꞌ quetpobꞌ rico umener, quetpobꞌ najtir tut e chinam era umen que war ubꞌacriobꞌ tunor e jatzꞌuar lo que war aꞌjcꞌuna e chinam era. Y tamar era cꞌani aruobꞌ y cꞌani aquetpobꞌ tzajtaca utobꞌ tama tunor era.  
\v 16 Y cꞌani oꞌjronobꞌ tama e chinam era y che:  
\p —Tzajtaca iut nox xeꞌ turox ani tama e nuxi chinam era. Turox ani bꞌan cocha inteꞌ ixic xeꞌ galan bꞌujcsebꞌir taca e bꞌujc xeꞌ meyra atujri y xeꞌ chacpurem uwirnar y xeꞌ chacchac ut. Y bꞌanox ani cocha inteꞌ ixic xeꞌ uturbꞌa lo que chembꞌir taca e oro y lo que ayan taca e tun xeꞌ ejpray ut xeꞌ meyra atujri y lo que ayan taca e tun yujy xeꞌ ucꞌabꞌa perla.  
\v 17 Pero wacchetaca cꞌapa satpa tunor e sian tumin era. Bꞌan tuaꞌ oꞌjronobꞌ tunor e sian ajchonmarobꞌ era.  
\p Y tunor tin e war uqꞌuechiobꞌ axin inteꞌ barco tor e jaꞌ cꞌani aquetpobꞌ najtir tut e chinam era. Y bꞌan tuaꞌ uchiobꞌ tunor tin e ajwinquirobꞌ tama inteꞌ barco, y tunor e ajtacarsiajobꞌ tamar, y tunor tin e war axiobꞌ tamar; tunorobꞌ tuaꞌ aquetpobꞌ najtir tut e chinam era.  
\v 18 Y conda uwirobꞌ e sian bꞌutz lo que war alocꞌoy tama e nuxi chinam era xeꞌ war apuruy, tunorobꞌ tuaꞌ aruobꞌ y chenobꞌ:  
\p —Matucꞌa otronteꞌ chinam xeꞌ lar ani cocha era, chenobꞌ.   
\p
\v 19 Y tunor tin e axanobꞌ tor e barco cocha era axin uyariobꞌ e tanlum tama ujorobꞌ tuaꞌ uchecsu ubꞌobꞌ que tzajtaca utobꞌ y axin aruobꞌ tamar lo que war unumse ubꞌa e nuxi chinam era y che:  
\p —Tzajtaca utobꞌ tunor tin e turobꞌ tama e chinam era. Pues tunor tin e ayan ubarco xeꞌ axanobꞌ tor e jaꞌ bꞌoro ani meyra utumin umen lo que cay uchoniobꞌ tama e nuxi chinam era. Pero era wacchetaca tijrpa y satpa tunor lo que ayan ani tamar. Bꞌan tuaꞌ oꞌjronobꞌ e winicobꞌ era.   
\p
\v 20 Y de allí ojron inteꞌ nuc xeꞌ tari tut e qꞌuin y che: “Pero nox xeꞌ turox tichan tut e qꞌuin tzayenic tamar lo que numuy tama e nuxi chinam era. Tzayenic nox xeꞌ tuox e Dios, y nox xeꞌ apostolox, y nox xeꞌ cay ichecsu tut e gente lo que arobꞌnox umen e Dios. Porque Cadiosir ixin uwatzꞌi e nuxi chinam era tama tunor lo que cay uche ipater.” Bꞌan che e nuc era.   
\p
\v 21 Entonces inteꞌ ángel xeꞌ ayan meyra ucꞌotorer uchꞌuyi inteꞌ nuxi tun y utobꞌse ixin tama e mar. Entonces ojron e ángel y che:  
\p —Bꞌan tuaꞌ axin achena tama e nuxi chinam Babilonia, porque cꞌani acucurna axin tuaꞌ acꞌapa inyajrer y ma tiaꞌ tuaꞌ asutpa eꞌrna ut otronyajr.  
\v 22 Y ma tiaꞌ más tuaꞌ oꞌbꞌna e música tama ucalle e chinam era, y machi tuaꞌ oꞌbꞌna e lajbꞌar tama e arpa y nien tama e flauta y nien tama e corneta. Y ma tiaꞌ más tuaꞌ oꞌbꞌna aꞌjca inteꞌ ajpatnar y nien ut e chaꞌ machi tuaꞌ oꞌbꞌna aꞌjca tiaꞌ war amujxa ut e trigo tamar.  
\v 23 Y machi ixto tuaꞌ ajanchꞌacnesna e chinam era umen inteꞌ cꞌajc. Y machi ixto tuaꞌ oꞌbꞌna que ayan inteꞌ nojqꞌuin tuaꞌ inteꞌ nujbꞌiar. Pues tunor e sian ajchonmarobꞌ xeꞌ turobꞌ ani tama e chinam era quetpobꞌ nuquir ajcꞌotorerobꞌ umen e sian chonmar lo que cay uchiobꞌ tama tunor or e rum. Y cay majresna umenerobꞌ tunor e sian chinamobꞌ tama tunor or e rum umen tunor e ajbꞌaxoner lo que ayan tama e chinam era. Bꞌan che e ángel era xeꞌ ayan meyra ucꞌotorer.   
\p
\v 24 Pues tama e nuxi chinam Babilonia era tajwina uchꞌichꞌer tunor tin e cay uchecsuobꞌ tut e gente lo que arobꞌnobꞌ umen e Dios, y tajwina uchꞌichꞌer tunor tin e tuobꞌ e Dios. Y tajwina uchꞌichꞌer tunor tin e chamesnobꞌ tama tunor or e rum ubꞌan.   
\c 19  
\p
\v 1 Pues entonces nacpat era cay umbꞌi que war oꞌjronobꞌ meyra gente taca inteꞌ nuxi nuc tut e qꞌuin xeꞌ chenobꞌ:  
\q1 Catattzꞌi ucꞌabꞌa Cadiosir xeꞌ ixin ucorpeson, y xeꞌ meyra ayan utawarer y xeꞌ meyra ayan ucꞌotorer.   
\q1
\v 2 Pues erach Cadiosir inyajrer y tamar era erach tunor lo que uche conda uche juzgar. Jaxir ixin uwatzꞌi e nuxi chinam Babilonia xeꞌ quetpa bꞌan cocha inteꞌ ixic xeꞌ ajmabꞌambꞌanir,  
\q1 porque e ixic era ixin ucanse tunor e sian chinamobꞌ tama tunor or e rum tuaꞌ uchiobꞌ e mabꞌambꞌanir.  
\q1 Y e ixic era ixin uchamse meyra tin e cay uchecsu uyojroner e Dios,  
\q1 y tamar era tojya uyeror ut tamar lo que uche umen e Dios.  
\m Bꞌan che e sian gente xeꞌ turobꞌ tut e qꞌuin.   
\p
\v 3 Y sutpa ojronobꞌ otronyajr y chenobꞌ:  
\p —Catattzꞌi ucꞌabꞌa Cadiosir xeꞌ meyra ayan utawarer, pues e sian bꞌutz lo que war alocꞌoy tama e chinam era ma tiaꞌ tuaꞌ acꞌapa alocꞌoy tama tunor e tiempo, che e sian gente era xeꞌ turobꞌ tut e qꞌuin.   
\p
\v 4 Y tamar era e veinticuatro nuquir winicobꞌ taca e cuatro animalobꞌ xeꞌ bꞌixirobꞌ pacwanobꞌ tut e rum tuaꞌ uyujtzꞌiobꞌ ut e Dios xeꞌ turu tor uturtar y chenobꞌ:  
\p —¡Bꞌan ya! Catattzꞌi ucꞌabꞌa Cadiosir, chenobꞌ.   
\p
\v 5 Entonces ubꞌna locꞌoy inteꞌ nuc xeꞌ tari tut e turtar xeꞌ che:  
\q1 Tattzꞌic ucꞌabꞌa Cadiosir tunorox xeꞌ manox tuaꞌ y xeꞌ war ibꞌacre ut,  
\q1 motor jay nuquir winicox y motor jay chuchuox.  
\q1 ¡Tattzꞌic ucꞌabꞌa!  
\m che e nuc xeꞌ tari tut e turtar.   
\s1 E nojqꞌuin tama unujbꞌiar e Cordero  
\p
\v 6 Entonces umbꞌi lo que bꞌan uyubꞌnar cocha unuc meyra gente xeꞌ war oꞌjronobꞌ taca inteꞌ nuxi nuc, y bꞌan uyubꞌnar cocha inteꞌ nuxi cojn, y bꞌan uyubꞌnar cocha conda war aquiricna ut e qꞌuin y che:  
\q1 Catattzꞌi ucꞌabꞌa Cawinquirar Dios xeꞌ meyra ayan ucꞌotorer, porque jaxir war acꞌotori.   
\q1
\v 7 Tzayenic tunorox. Bꞌutꞌic iwalma taca e tzayer y catattzꞌi ucꞌabꞌa Cadiosir  
\q1 porque cꞌotix e hora tuaꞌ acay e nojqꞌuin tama e nujbꞌiar tuaꞌ e Cordero,  
\q1 y tin e tuaꞌ anujbꞌi tacar cꞌapa ustana.   
\q1
\v 8 Jaxir ajcꞌuna tuaꞌ ulapi e bꞌujc xeꞌ ejpray ut y xeꞌ galan sacsac ut.  
\q1 Bꞌan cocha era ajcꞌuna ubꞌujc porque tunor tin e tuobꞌ e Dios pojcbꞌirobꞌ tama uchꞌichꞌer e Jesucristo tuaꞌ uyubꞌi axanobꞌ erach tut e Dios.  
\m Bꞌan che lo que bꞌan uyubꞌnar cocha meyra gente xeꞌ war oꞌjronobꞌ.   
\p
\v 9 Entonces uyaren e ángel y che:  
\p —Tzꞌijbꞌan e ojroner era: “Tzayicobꞌ tunor tin e pejcnobꞌ tuaꞌ acꞌotoyobꞌ tama e nojqꞌuin tama unujbꞌiar Cawinquirar xeꞌ jax e Cordero”, che e ángel. Y uyaren otronyajr y che:  
\p —Erach ixto tunor e ojroner era xeꞌ tuaꞌ e Dios, che e ángel.   
\p
\v 10 Entonces nen cotuanen tut e ángel era tuaꞌ unjtzꞌi ut, pero jaxir uyaren y che:  
\p —Ira ache cocha era porque nen manen tuaꞌ e Dios bꞌan cocha net y tunor iwermanuobꞌ xeꞌ war acꞌupseyanobꞌ tut lo que chectesna tama e Jesús. Ujtzꞌin ut e Dios jax taca, che e ángel.  
\p Pues jax e checsuyaj tama e Jesús xeꞌ axin ubꞌijres tunor tin e profetobꞌ.   
\s1 Tin e turu tujor e chij xeꞌ sacsac ut  
\p
\v 11 Entonces inwira que pasar ut e qꞌuin y checta inteꞌ chij xeꞌ sacsac ut. Y ayan inteꞌ xeꞌ turu tujor e chij era xeꞌ ucꞌabꞌa: “Jaxir xeꞌ erach y xeꞌ machi amajresian.” Jaxir uche jax taca lo que erach conda uche juzgar y conda uche e tzꞌojyir.  
\v 12 Y unacꞌut bꞌan uwirnar cocha uyamir e cꞌajc, y ayan meyra corona tama ujor. Y ayan inteꞌ cꞌabꞌa xeꞌ tzꞌijbꞌabꞌir tama ut ujor xeꞌ mamajchi unata tucꞌa war che, sino que jax taca jaxir unata.  
\v 13 Y e bꞌujc xeꞌ lapar umen bꞌombꞌir ut taca e chꞌich, y ayan ucꞌabꞌa xeꞌ jax: “Uyojroner e Dios.”  
\v 14 Y ayan meyra e angelobꞌ xeꞌ war axiobꞌ tupat jaxir bꞌan cocha e sian soldadobꞌ conda axiobꞌ tupat uwinquir. Y sacsac ubꞌujcobꞌ e soldadobꞌ era y ejpray ut. Y tunorobꞌ turobꞌ tujor inteꞌ inteꞌ uchijobꞌ xeꞌ sacsac ut ubꞌan.  
\v 15 Y tama uyej Uwinquir tunor e sian angelobꞌ era alocꞌoy inteꞌ machit xeꞌ bien jucbꞌir. Y tacar umachit era cꞌani ucucru tunor e sian chinamobꞌ lo que ayan tara tor e rum. Y jaxir tuaꞌ acꞌotori tujor tunor e chinamobꞌ era bꞌan cocha jay war uqꞌueche axin inteꞌ bꞌoyteꞌ xeꞌ chembꞌir taca e taqꞌuin tujor tunor e chinamobꞌ era. Y meyra tuaꞌ achecta uqꞌuijnar e Dios tujor tunor e sian chinamobꞌ era umen Uwinquir tunor e sian angelobꞌ era. Pues tunor era tuaꞌ anumuy conda axin achecta uqꞌuijnar e Dios xeꞌ meyra ayan ucꞌotorer.  
\v 16 Y tamar ubꞌujc Uwinquir era chꞌar tzꞌijbꞌabꞌir ucꞌabꞌa xeꞌ che: “Jax era e más nuxi Rey xeꞌ aquetpa tujor tunor tin e reyobꞌ, y jax era tin e aquetpa Uwinquirir tujor tunor tin e ajwinquirarobꞌ.” Jax lo que chꞌar tzꞌijbꞌabꞌir tamar ubꞌujc y tamar ut uyaꞌ ubꞌan.   
\p
\v 17 Entonces inwira que ayan inteꞌ ángel xeꞌ turu tama ut e qꞌuin xeꞌ ixin upejca tunor e sian mut lo que ayan xeꞌ war atobꞌoy axin tama e icꞌar y che:  
\p —Laric y morojsenic ibꞌa tuaꞌ ixweꞌ tama e wiar lo que Cadiosir cꞌani uche.  
\v 18 Laric era y nox tuaꞌ icꞌuxi uwerir e sian rey, y uwerir uwinquir e soldadobꞌ, y uwerir e sian winicobꞌ xeꞌ aqꞌuecꞌo. Y nox tuaꞌ icꞌuxi uwerir e sian chij, y uwerir e ajyum chij ubꞌan. Laric era y cꞌuxic uwerir tunor era motor jay ayan uwinquir o jay matucꞌa uwinquir, y motor tin e chuchu winicobꞌ tama ucꞌampibꞌir o jay nuquir winicobꞌ, che e ángel uyare e sian mut era.   
\p
\v 19 Y nacpat era inwira que cay umorojse ubꞌobꞌ e nuxi lagarto taca tunor e sian reyobꞌ tara tor e rum y taca tunor e sian soldadobꞌ xeꞌ tuobꞌ tuaꞌ axin uchiobꞌ e tzꞌojyir upater tin e turu tujor e chij xeꞌ sacsac ut y upater tunor e sian soldadobꞌ xeꞌ turobꞌ tacar.  
\v 20 Pero cꞌapa cucurna e nuxi lagarto xeꞌ locꞌoy macuir e jaꞌ y cajcha. Y cajcha ubꞌan e nuxi lagarto xeꞌ locꞌoy macuir e rum xeꞌ jax e profeta xeꞌ amajresian. Jaxir jax tin e cay uche meyra milagro taca ucꞌotorer e bꞌajxan nuxi lagarto y tamar era cay umajres meyra gente xeꞌ jax tin e ixin uchꞌamiobꞌ useñair e nuxi lagarto y xeꞌ cay uyujtzꞌiobꞌ ut e chamen dios xeꞌ chembꞌir bꞌan cocha uwirnar. Entonces e nuxi lagarto taca e profeta xeꞌ amajresian jujra ixiobꞌ bꞌixir tama e cꞌajc xeꞌ war atzꞌajbꞌa taca e azufre.  
\v 21 Y e inmojr xeꞌ ixiobꞌ tupat e nuxi lagarto era chamesnobꞌ taca e machit lo que locꞌoy tama uyej jaxir xeꞌ turu tujor e chij. Y tunor e sian mut cay wiobꞌ este que cꞌapa bꞌutcꞌa unacꞌobꞌ taca e sian wer tuaꞌ tunor e gente xeꞌ chamesnobꞌ era.   
\c 20  
\s1 Conda tuaꞌ acꞌotori Cawinquirar tama 1,000 año  
\p
\v 1 Pues entonces inwira inteꞌ ángel xeꞌ war alocꞌoy tut e qꞌuin xeꞌ war uqꞌueche axin inteꞌ llave xeꞌ ayan inteꞌ nuxi cadena tamar xeꞌ tuaꞌ upasi uchꞌenar e diablo xeꞌ jax inteꞌ nuxi chꞌen que mamajchi unata cobꞌa utamir.  
\v 2 Entonces ixin e ángel era y ucachi e nuxi chan xeꞌ jax e chan xeꞌ turu tama ucajyesnibꞌir or e rum era xeꞌ ucꞌabꞌa Satanás y xeꞌ aꞌrobꞌna e diablo. Y jaxir tuaꞌ aquetpa cachar taca inteꞌ cadena este que acꞌapa 1,000 año.  
\v 3 Entonces e ángel utobꞌse ixin e diablo tama e nuxi chꞌen que mamajchi unata cobꞌa utamir. Y de allí ixin umaqui e chꞌen era y uturbꞌa inteꞌ sello tut e puerta tuaꞌ aquetpa chequer que ma erer apascꞌa e puerta era. Y tamar era e diablo machi ixto uyubꞌi umajres tunor e sian chinamobꞌ tara tor e rum. Pero conda atzꞌacta 1,000 año cꞌani asutpa abꞌajna e diablo otronyajr tuaꞌ alocꞌoy axin cora, pero tama imbꞌijc taca e tiempo.   
\p
\v 4 Y de allí inwira que ayan cora turtar y que ayan tin e turobꞌ tamar xeꞌ jax xeꞌ ajcꞌunobꞌ e cꞌotorer umen e Dios tuaꞌ uchiobꞌ juzgar tunor e gente. Y inwira ubꞌan tunor uyalmobꞌ tin e chamesnobꞌ conda xujra ujorobꞌ umen que war acꞌupseyanobꞌ tut lo que chectesna tama e Jesús y umen que war uchecsuobꞌ uyojroner e Dios axin. Pues jaxirobꞌ era jax tin e ma tiaꞌ uyujtzꞌiobꞌ ut e chamen dios xeꞌ chembꞌir cocha uwirnar e nuxi lagarto y nien machi uyactobꞌ tuaꞌ atzꞌijbꞌna ucꞌabꞌa e nuxi lagarto tut ujorobꞌ o nien tama ucꞌabꞌobꞌ. Y jaxirobꞌ sutpa bꞌixcꞌobꞌ tujam e chamenobꞌ y cay cꞌotoriobꞌ taca e Cristo tama 1,000 año.  
\v 5 Pero e inmojr chamenobꞌ machi tuaꞌ abꞌixcꞌobꞌ este que acꞌapa anumuy 1,000 año. Pero e bꞌixcꞌar era jax xeꞌ tuaꞌ anumuy bꞌajxan conda merato acay 1,000 año. Pues era jax e bꞌajxan bꞌixcꞌar.  
\v 6 Tzayicobꞌ tunor tin e asutpa abꞌixcꞌobꞌ tama e bꞌajxan bꞌixcꞌar era y erachobꞌ. Pues e otronteꞌ chamer xeꞌ watar matucꞌa ucꞌotorer tujorobꞌ, sino que tuaꞌ aquetpobꞌ bꞌan cocha sacerdotiobꞌ tut e Dios y tut e Cristo. Y tuaꞌ acꞌotoriobꞌ taca e Cristo tama 1,000 año.   
\s1 Conda tuaꞌ acucurna e Satanás  
\p
\v 7 Pues entonces conda acꞌapa anumuy 1,000 año era e Satanás tuaꞌ abꞌajna otronyajr tiaꞌ cachar ani chꞌar.  
\v 8 Y jaxir tuaꞌ axin umajres tunor e sian chinamobꞌ lo que ayan tama tunor or e rum. Y axin umajres tin e war acꞌotori tujor e lugar Gog y tin e war acꞌotori tujor e lugar Magog. Y cꞌani umorojse tunor e sian soldadobꞌ xeꞌ meyra ayan bꞌan cocha e jiꞌ lo que ayan tutiꞌ e xucur.  
\v 9 Entonces e sian soldadobꞌ era xanobꞌ meyra tama or e rum tuaꞌ axin uxojyobꞌ e chinam xeꞌ más inchoj ut umen e Dios. Pero e Dios uyebꞌta tari e cꞌajc tut e qꞌuin y cꞌapa purutnobꞌ inyajrer tunor e sian soldadobꞌ era.  
\v 10 Y e diablo xeꞌ cay umajres tunor e gente tor e rum cꞌapa jujra tama e cꞌajc xeꞌ war atzꞌajbꞌa taca e azufre tiaꞌ chꞌarix e nuxi lagarto y e profeta xeꞌ amajresian ubꞌan. Y yajaꞌ taca tuaꞌ aquetpobꞌ tama e cꞌajc tiaꞌ war apuruyobꞌ tama e día y tama e acbꞌar iraj iraj ejcꞌar ejcꞌar.   
\s1 Conda e Dios tuaꞌ aturuan tama e turtar xeꞌ sacsac ut tuaꞌ uche juzgar e gente  
\p
\v 11 Y de allí inwira inteꞌ nuxi turtar xeꞌ sacsac ut y ayan inteꞌ xeꞌ turu tamar. Y meyra ayan utawarer este que cꞌapa satpa tut tunor or e rum y tunor ut e qꞌuin. Y ma tiaꞌ irna más.  
\v 12 Y inwira que warobꞌ e sian chamenobꞌ tut e turtar era tiaꞌ turu Catata Dios. Y ayan tin e nuquir winicobꞌ, y ayan tin e majax nojta ucꞌampibꞌirobꞌ xeꞌ warobꞌ tut e turtar era. Y cay pajsa ut cora jun y de allí pajsa ut otronteꞌ jun xeꞌ tuaꞌ e cuxtar xeꞌ machi tuaꞌ acꞌapa. Y de allí tunor e chamenobꞌ era chenobꞌ juzgar inteꞌ intiobꞌ tamar lo que cay uchiobꞌ conda turobꞌ ani tara tor e rum y tamar lo que quetpa tzꞌijbꞌabꞌir tama tunor e jun era.  
\v 13 Y tunor tin e chamayobꞌ macuir e jaꞌ tama e mar sutpa bꞌixcꞌobꞌ tujam e chamenobꞌ tuaꞌ awawanobꞌ tut e Dios, y tunor tin e turobꞌ tama e lugar tiaꞌ axin e chamenobꞌ sutpa bꞌixcꞌobꞌ tujam e chamenobꞌ tuaꞌ awawanobꞌ tut e Dios ubꞌan. Y inteꞌ intiobꞌ chenobꞌ juzgar tamar lo que cay uchiobꞌ conda turobꞌto ani tara tor e rum.  
\v 14 Y nacpat era jujrobꞌ inyajrer tunor ucꞌotorer e chamer y e lugar tiaꞌ turobꞌ ani e chamenobꞌ tama e cꞌajc xeꞌ atzꞌajbꞌa taca e asufre. Y e cꞌajc xeꞌ atzꞌajbꞌa taca e asufre era jax e chateꞌ chamer.  
\v 15 Y tama e cꞌajc era ubꞌan jujra ixiobꞌ tunor tin e machi tzꞌijbꞌna ucꞌabꞌobꞌ tama e jun tuaꞌ e cuxtar xeꞌ machi tuaꞌ acꞌapa.   
\c 21  
\s1 Conda tuaꞌ asutpa achena ut e qꞌuin y or e rum otronyajr  
\p
\v 1 Y de allí inwira que imbꞌutz tunor ut e qꞌuin y que imbꞌutz tunor or e rum, porque cꞌapa satpa e bꞌajxan ut e qꞌuin y cꞌapa satpa e bꞌajxan or e rum. Y coner matucꞌa e mar xeꞌ jax e nuxi jaꞌ.  
\v 2 Entonces inwira e chinam xeꞌ erach xeꞌ jax e Jerusalem xeꞌ imbꞌutz. Y inwira que e chinam era war ecmay watar tut e qꞌuin tiaꞌ turu e Dios. Y galan ustabꞌir e chinam era bꞌan cocha inteꞌ ijchꞌoc xeꞌ galan bꞌujcsebꞌir conda cꞌanix anujbꞌi taca inteꞌ sitz.  
\v 3 Y umbꞌi inteꞌ nuxi nuc xeꞌ tari tama e turtar xeꞌ turu tut e qꞌuin y che:  
\p —Ubꞌinic, coner Catata Dios cꞌani aturuan taca tunor e gente xeꞌ tuobꞌ jaxir. Y jaxir tuaꞌ aturuan tacarobꞌ, y e gente era tuaꞌ aquetpobꞌ uchinam Catata Dios. Y e Dios tuaꞌ aquetpa tacarobꞌ y tuaꞌ aquetpa Udiosirobꞌ.  
\v 4 Y Cadiosir axin usujqui alocꞌoy e jaꞌ tama unacꞌutobꞌ. Y tama e lugar era mix majchi tuaꞌ achamay, y mix majchi tuaꞌ aꞌru, y mamajchi tuaꞌ aquetpa tzajtaca ut, y mix majchi tuaꞌ unumse ubꞌa taca inteꞌ cꞌuxner, porque tunor lo que ayan ani machi ixto tuaꞌ uwirobꞌ era porque cꞌapa satpa tunor. Bꞌan che e nuc era xeꞌ tari tut e qꞌuin.   
\p
\v 5 Entonces ojron tin e turu tama e turtar y che:  
\p —Ubꞌin, nen cꞌani inche imbꞌutz tunor otronyajr, che uyaren.  
\p Y de allí sutpa ojron y che:  
\p —Tzꞌijbꞌan tunor era porque erach ixto tunor lo que war inwaret era y tawar tuaꞌ icojco tamar, che uyaren.   
\p
\v 6 Entonces ojron tamaren otronyajr y che:  
\p —Cꞌapa chena tunor nimener. Porque nen ucajyesnibꞌiren tama tunor lo que ayan, y nen ucꞌapesnibꞌiren tama tunor lo que ayan ubꞌan. Bꞌanen cocha e letra A xeꞌ jax e bꞌajxan letra tama e abecedario y bꞌanen cocha e letra Y xeꞌ jax ucꞌapesnibꞌir tama e abecedario. Tin e ataqui utiꞌ cꞌani inwajcꞌu tuaꞌ uyuchꞌi e jaꞌ xeꞌ alocꞌoy tama unuc e cojn xeꞌ uyajcꞌu e cuxtar, y matucꞌa tuaꞌ utoyi tamar.  
\v 7 Y tunor tin e uche erach tunor tama ucuxtar axin uchꞌami tunor era, y jaxir tuaꞌ aquetpa nimaxtac, y nen tuaꞌ inquetpa Udiosiren.  
\v 8 Pero tunor tin e abꞌacta tuaꞌ axin tanipat cꞌani ajujra axin tama e cꞌajc xeꞌ war atzꞌajbꞌa taca e azufre. Y bꞌan tuaꞌ anumuy taca tunor tin e machi acꞌupseyanobꞌ tamaren, y tunor tin e uche e mabꞌambꞌanir xeꞌ intuj, y tunor tin e achamsan, y tunor tin e uchꞌami ubꞌobꞌ bꞌan taca; cꞌani ajujra axin tama e cꞌajc. Y bꞌan tuaꞌ anumuy taca tunor tin e abꞌaxon, y tunor tin e uyujtzꞌi ut e chamen dios, y tunor tin e amajresian; cꞌani ajujra axiobꞌ tama e cꞌajc xeꞌ war atzꞌajbꞌa taca e azufre. Jax era e chateꞌ chamer. Bꞌan che jaxir xeꞌ turu tama uturtar.   
\s1 E chinam Jerusalem xeꞌ imbꞌutz xeꞌ tuaꞌ ecmay watar tut e qꞌuin  
\p
\v 9 Entonces tari taniut inteꞌ ángel xeꞌ jax inteꞌ tujam e siete angelobꞌ xeꞌ uqꞌuechiobꞌ ixin e siete vaso xeꞌ jax ucꞌapesnibꞌir tama e siete cꞌuxner era. Y ojron jaxir tacaren y che:  
\p —Lar tacaren, cꞌani inwirset e ijchꞌoc xeꞌ tuaꞌ anujbꞌi taca e Cordero xeꞌ jax Cawinquirar, che e ángel era.   
\p
\v 10 Y tama e mayjut era xeꞌ war uwirsen Unawalir e Dios, checta inteꞌ ángel xeꞌ uqꞌueche ixien esto tor inteꞌ nuxi witzir. Y conda turen tor e witzir era e ángel cay uwirsen e nuxi chinam xeꞌ erach xeꞌ jax e Jerusalem xeꞌ war eꞌcmay watar tut e qꞌuin tiaꞌ turu Catata Dios.  
\v 11 Y e chinam era ejpray ixto umen utawarer Catata Dios. Y uwirnar quetpa bꞌan cocha inteꞌ tun xeꞌ ejpray ut xeꞌ ucꞌabꞌa jaspe xeꞌ meyra atujri, y chequer uwirnar bꞌan cocha inteꞌ vidrio.  
\v 12 Y e nuxi chinam era xojybꞌir taca inteꞌ nuxi macteꞌ xeꞌ chembꞌir taca e petzbꞌir tun xeꞌ tꞌabꞌesna ixin esto tichan. Y tamar e petzbꞌir tun era ayan doce puerta, y tama inteꞌ inteꞌ puerta ayan inteꞌ ángel xeꞌ war acojcsan. Y tama inteꞌ inteꞌ puerta ayan inteꞌ inteꞌ ucꞌabꞌa tzꞌijbꞌabꞌir tama e doce chꞌajnarir lo que tariobꞌ tama umaxtac e Israel.  
\v 13 Y tama e doce puerta era aquetpa tres tama inxejr inxejr tama e chinam era. Y tama inxejr tiaꞌ atobꞌoy watar e qꞌuin aquetpa tres ut puerta, y tama inxejr tiaꞌ anamtzꞌa e qꞌuin aquetpa tres ubꞌan. Y bꞌan teinxejr yajaꞌ y bꞌan teinxejr bꞌana.  
\v 14 Y yebꞌar e sian petzbꞌir tun era ayan doce ut tun xeꞌ quetpobꞌ uwabꞌnibꞌ e chinam era. Y tamar ingojr ingojr tun era quetpa tzꞌijbꞌabꞌir ucꞌabꞌobꞌ inteꞌ inteꞌ tama e doce apostolobꞌ tuaꞌ Cawinquirar xeꞌ jax e Cordero.   
\p
\v 15 Entonces e ángel xeꞌ cay ojron tacaren war uqꞌueche axin inteꞌ yar teꞌ tama ucꞌabꞌ xeꞌ chembꞌir taca e oro xeꞌ tuaꞌ ubꞌisi e nuxi chinam y e doce puerta lo que ayan tamar umacteꞌ e chinam era.  
\v 16 Entonces ixin ubꞌisi e chinam taca uteꞌ y uwira que bꞌan cocha uwamir, y bꞌan ulargoir, y bꞌan uyaltuir ubꞌan. Y uwira que ayan 2,200 kilómetros tama inxejr inxejr e chinam era.  
\v 17 Y conda cꞌapa ubꞌisi uwira que ayan 65 metro tamar upimir unac e petzbꞌir tun era. Entonces e ángel uyaren que war ucꞌampes inteꞌ bꞌismar bꞌan cocha abꞌisma e winicobꞌ tara tor e rum.   
\p
\v 18 Pues e petzbꞌir tun era chembꞌir taca e tun xeꞌ galan uwirnar xeꞌ ucꞌabꞌa jaspe. Y tunor e chinam era chembꞌir taca e oro xeꞌ chequer bꞌan cocha uwirnar e vidrio.  
\v 19 Y tamar ucajyesnibꞌir e petzbꞌir tun xeꞌ acay tor e rum bꞌujcsebꞌir taca tunor e tun xeꞌ galan uwirnar y xeꞌ meyra atujri. Y e bꞌajxan tun bꞌujcsebꞌir taca e tun xeꞌ aꞌrobꞌna jaspe. Y otro ingojr tun bꞌujcsebꞌir taca e tun xeꞌ aꞌrobꞌna zafiro, y otro ingojr tun quetpa bꞌujcsebꞌir taca e yaxtaren tun, y otro ingojr tun quetpa bꞌujcsebꞌir taca e tun xeꞌ aꞌrobꞌna esmeralda.  
\v 20 Y otro ingojr tun quetpa bꞌujcsebꞌir taca e cꞌancꞌan tun, y otro ingojr tun quetpa bꞌujcsebꞌir taca e tun xeꞌ aꞌrobꞌna cornalina, y otro ingojr tun quetpa bꞌujcsebꞌir taca e toctun, y otro ingojr tun quetpa bꞌujcsebꞌir taca e tun xeꞌ aꞌrobꞌna berilo, y otro ingojr tun quetpa bꞌujcsebꞌir taca e tun xeꞌ aꞌrobꞌna topacio, y otro ingojr tun quetpa bꞌujcsebꞌir taca e tun xeꞌ aꞌrobꞌna crisoprasa, y otro ingojr tun quetpa bꞌujcsebꞌir taca e yaxtaren tun xeꞌ aꞌrobꞌna jacinto, y otro ingojr tun quetpa bꞌujcsebꞌir taca e tun xeꞌ chacchac xeꞌ aꞌrobꞌna amatista.  
\v 21 Y inteꞌ inteꞌ puerta tama e doce nuquir puerta lo que ayan tama e chinam era chembꞌir taca intera tun xeꞌ aꞌrobꞌna perla xeꞌ bꞌan cocha e tun yujy. Y e calle xeꞌ jax e bꞌajxan ocher y xeꞌ más nojta tama e chinam era chembꞌir taca e oro xeꞌ chequer bꞌan cocha uwirnar e vidrio.   
\p
\v 22 Y tama e chinam era matucꞌa e templo porque Cawinquirar Dios xeꞌ meyra ayan ucꞌotorer y e Cordero jax e templo.  
\v 23 Y tama e chinam era machi ucꞌampes e qꞌuin y nien e luna tuaꞌ ujanchꞌacnes or e lugar, porque jax utawarer Catata Dios y e Cordero xeꞌ ujanchꞌacnes tunor e lugar era.  
\v 24 Y e gente tama tunor e sian chinamobꞌ lo que ayan tor e rum cꞌani axanobꞌ tama e janchꞌaquenar lo que tari tama e chinam era. Y e sian reyobꞌ lo que ayan tor e rum cꞌani utaresobꞌ utawarer y utattzꞌarsiaj tama e chinam era ubꞌan.  
\v 25 Y e sian puerta lo que ayan tama e chinam era machi tuaꞌ amajca tama e día. Y yajaꞌ matucꞌa e acbꞌariar y tamar era ma tiaꞌ tuaꞌ amactzꞌa e sian puerta.  
\v 26 Y tunor e sian chinamobꞌ lo que ayan tor e rum cꞌani utaresobꞌ tunor lo que ayan tuobꞌ xeꞌ imbꞌutz y xeꞌ galan esto tama e chinam era,  
\v 27 pero machi tuaꞌ oꞌchoy lo que mabꞌambꞌan. Y mamajchi tuaꞌ oꞌchoy tama e chinam era xeꞌ war uche lo que intuj, y nien machi tuaꞌ oꞌchoy tin e amajresian. Ajtaca tuaꞌ oꞌchoyobꞌ tin e tzꞌijbꞌabꞌir ucꞌabꞌobꞌ tama e jun tuaꞌ e cuxtar xeꞌ machi tuaꞌ acꞌapa xeꞌ tuaꞌ e Cordero.   
\c 22  
\p
\v 1 Pues entonces e ángel cay uwirsen inteꞌ xucur xeꞌ galan charan ut xeꞌ jax tuaꞌ e cuxtar xeꞌ machi tuaꞌ acꞌapa. Y e jaꞌ era janchꞌaquen ut uwirnar bꞌan cocha e vidrio. Pues e xucur era locꞌoy tama uturtar Catata Dios y tuaꞌ e Cordero  
\v 2 y ixin tuyuxin e calle xeꞌ más bꞌajxan tama e chinam era. Y tama inxejr inxejr e xucur era war e sian teꞌ xeꞌ tuaꞌ e cuxtar xeꞌ machi tuaꞌ acꞌapa. Y acꞌawan e teꞌ era tama inteꞌ inteꞌ mes, xeꞌ war che que uyajcꞌu uyutir doce veces tama inteꞌ año. Y uyopor e teꞌ era acꞌampesna tuaꞌ utzꞌacpes tunor e sian chinamobꞌ.  
\v 3 Y matucꞌa e bꞌax tama e chinam era. Y yajaꞌ turu uturtar Catata Dios y tuaꞌ e Cordero. Y tunor umanobꞌ e Dios cꞌani uyujtzꞌiobꞌ ut jaxir.  
\v 4 Y tunor umanobꞌ e Dios era cꞌani uwirobꞌ ut e Dios, y aquetpa tzꞌijbꞌabꞌir ucꞌabꞌa e Dios tut ujorobꞌ.  
\v 5 Y tama e chinam era matucꞌa e acbꞌariar, y tin e turobꞌ yajaꞌ machi ixto tuaꞌ ucꞌampesobꞌ e cꞌajc y nien e qꞌuin porque jax Cawinquirar Dios xeꞌ tuaꞌ axin ujanchꞌacnes tunor e lugar era. Y tin e turobꞌ tama e chinam era cꞌani acꞌotoriobꞌ iraj iraj.   
\s1 Watarix e Cristo taca utawarer  
\p
\v 6 Entonces ojron e ángel tacaren y che:  
\p —Erach tunor e ojroner lo que war oybꞌi era, y tawar tuaꞌ acojco tamar porque tari tuaꞌ e Dios. Pues jax Cawinquirar Dios era xeꞌ cay ubꞌijres ixin tunor e profetobꞌ y jax jaxir xeꞌ uyebꞌta tarien tuaꞌ inwirse umanobꞌ lo que cꞌanix anumuy era, che uyaren e ángel.   
\p
\v 7 Y che e Jesús:  
\p —Waten wacchetaca. Chojbꞌesbꞌir tunor tin e uturbꞌa ubꞌa tamar lo que tari tuaꞌ e Dios xeꞌ chꞌar tzꞌijbꞌabꞌir tama e jun era, che e Jesús.   
\p
\v 8 Pues nen xeꞌ Juanen cay umbꞌi y cay inwira tunor era. Pero conda cꞌapa umbꞌi y conda cꞌapa inwira tunor era entonces cotuanen tut e ángel xeꞌ cay uwirsen tunor era tuaꞌ unjtzꞌi ut.  
\v 9 Pero jaxir uyaren:  
\p —Ira ache cocha era porque nen manen tuaꞌ e Dios bꞌan cocha net y bꞌan cocha tunor iwermanuobꞌ xeꞌ jax e profetobꞌ y tunor tin e war uturbꞌa ubꞌobꞌ tamar lo que chꞌar tzꞌijbꞌabꞌir tama e jun era. Ujtzꞌin ut e Dios jax taca, che e ángel.   
\p
\v 10 Entonces ojron e ángel tacaren otronyajr y che:  
\p —Ira amuqui e ojroner lo que irsenet umen e Dios xeꞌ chꞌar tzꞌijbꞌabꞌir tama e jun era, porque watarix e día conda cꞌani acꞌapa achempa tunor.  
\v 11 Pero tin e mabꞌambꞌan uwirnar uchic más e mabꞌambꞌanir, y tin e calapir uwirnar uchic más lo que calapir. Pero tin e war uche lo que imbꞌutz uchic más lo que imbꞌutz tut e Dios, y tin e erach uwirnar uchic más lo que erach tut e Dios, che e ángel.   
\p
\v 12 Entonces ojron e Jesús y che:  
\p —Nen waten wacchetaca. Y cꞌani intares e tuanibꞌir tuaꞌ intoyi uyeror inteꞌ inteꞌ gente bꞌan taca cocha tawar tuaꞌ uchꞌamiobꞌ tamar lo que cay uchiobꞌ tara tor e rum.  
\v 13 Nen ucajyesnibꞌiren tama tunor lo que ayan, y nen ucꞌapesnibꞌiren tama tunor lo que ayan ubꞌan. Bꞌanen cocha e letra A xeꞌ jax e bꞌajxan letra tama e abecedario y bꞌanen cocha e letra Y xeꞌ jax ucꞌapesnibꞌir tama e abecedario, che e Jesús.   
\p
\v 14 Tzayenic tunor tin e axin upojchi ubꞌujcobꞌ tama uchꞌichꞌer e Cordero, porque jaxirobꞌ tuaꞌ aquetpobꞌ tawar tuaꞌ uchꞌamiobꞌ uyutir e teꞌ xeꞌ uyajcꞌu e cuxtar xeꞌ machi tuaꞌ acꞌapa, y tuaꞌ aquetpobꞌ tawar tuaꞌ oꞌchoyobꞌ tama e nuxi puerta xeꞌ jax e ocher tama e chinam era.  
\v 15 Pero ucꞌani tuaꞌ aquetpobꞌ patir tunor tin e uyusre uchiobꞌ e mabꞌambꞌanir xeꞌ más intuj, y tunor tin e abꞌaxon, y tunor tin e uchiobꞌ lo que uyusre uche uwerir, y tunor tin e achamsan, y tunor tin e uyujtzꞌiobꞌ ut e chamen dios, y tunor tin e amajresian. Tunor tin e axin uchiobꞌ cocha era ucꞌani tuaꞌ aquetpobꞌ patir e chinam era.   
\p
\v 16 Entonces e Jesús che:  
\p —Nen inwebꞌta ixin niwangel tuaꞌ uchecsu tunor era toit net xeꞌ Juan y net ucꞌani tuaꞌ isutpa achecsu tunor era tut e sian grupo ajcꞌupesiajobꞌ. Nen tarien tama uchꞌajnarir e rey David xeꞌ turuan tama e onian tiempo y tamar era nen sitzbꞌiren tuaꞌ. Y nen bꞌanen cocha e lucero xeꞌ ejpray ut xeꞌ alocꞌoy conda war asacojpa, che e Jesús.   
\p
\v 17 Y de allí ojronobꞌ Unawalir e Dios y tin e tuaꞌ anujbꞌi taca e Cordero y chenobꞌ:  
\p —Lar.  
\p Pues ojronic tunor tin e uyubꞌi e ojroner era y che:  
\p —Lar.  
\p Tin e ataqui utiꞌ, taricobꞌ jay bꞌan ucꞌani, taricobꞌ tuaꞌ uyuchꞌi e jaꞌ xeꞌ uyajcꞌu e cuxtar xeꞌ machi tuaꞌ acꞌapa, y matucꞌa e tumin tuaꞌ usati tamar.   
\p
\v 18 Pues tunor tin e axin uyubꞌi lo que chꞌar tzꞌijbꞌabꞌir tama e jun era xeꞌ irsenen umen e Dios, ayan lo que cꞌani inwareox. Jay ayan tin e axin utzꞌaqui más ojroner tamar lo que chꞌar tzꞌijbꞌabꞌir tama e jun era, e Dios tuaꞌ axin uturbꞌa tunor e sian cꞌuxner tama ujor bꞌan cocha chꞌar tzꞌijbꞌabꞌir tama e jun era.  
\v 19 Y jay ayan tin e axin ulocse inteꞌ ojroner xeꞌ quetpa tzꞌijbꞌabꞌir tama e jun era xeꞌ irsenen umen e Dios, e Dios tuaꞌ ulocse ubꞌan tuaꞌ machi ucꞌuxi uyutir e teꞌ xeꞌ tuaꞌ e cuxtar xeꞌ machi tuaꞌ acꞌapa, y tuaꞌ machi oꞌchoy tama e chinam xeꞌ erach xeꞌ chectesna tama e jun era.   
\p
\v 20 Pues jaxir xeꞌ war uchecsu tunor era che:  
\p —Nen waten rajxa era.  
\p Bꞌan ya Cawinquirar Jesús, lar.   
\p
\v 21 Que Cawinquirar Jesús axin utacriox inteꞌ intiox. Tara acꞌapa tunor niwojroner, che e Juan.