\id 1CO - Chortí NT -Guatemala 2012 (DBL -2013) 
\h 1 CORINTIOS 
\toc1 Jax era e bꞌajxan ojroner lo que tzꞌijbꞌabꞌir umen e Apóstol Pablo tama e grupo ajcꞌupesiajobꞌ xeꞌ turobꞌ tama e chinam Corinto 
\toc2 1 Corintios 
\toc3 1 Co 
\mt2 Jax era e bꞌajxan ojroner lo que tzꞌijbꞌabꞌir umen e Apóstol Pablo tama e grupo ajcꞌupesiajobꞌ xeꞌ turobꞌ tama e chinam Corinto  
\c 1  
\s1 E Pablo utzꞌijbꞌa inteꞌ carta tama e grupo ajcꞌupesiajobꞌ xeꞌ turobꞌ tama e chinam Corinto  
\p
\v 1 Nen e Pabloen xeꞌ jax inteꞌ apóstol tuaꞌ e Cristo Jesús umen que pejcbꞌiren umen e Dios y umen que bꞌan ucꞌani jaxir. Nen taca e hermano Sóstenes  
\v 2 war catzꞌijbꞌa e carta era tibꞌa xeꞌ jax inteꞌ grupo ajcꞌupesiajox tama e Cristo Jesús xeꞌ turox tama e chinam Corinto. Pues nox ustabꞌirox tama e Cristo Jesús umen e Dios tuaꞌ ixcꞌampesna umener. Y nox pejcbꞌirox tuaꞌ aquetpa erach tunor iwirnar bꞌan cocha pejcbꞌirobꞌ tunor tin e war ucꞌajtiobꞌ taca e Dios tama ucꞌabꞌa Cawinquirar Jesucristo tama tunor or e rum, y tamar era Cawinquirar jax Uwinquirarobꞌ jaxirobꞌ ubꞌan.  
\v 3 Que Cadiosir xeꞌ jax Catata ubꞌan taca Cawinquirar Jesucristo uyajqꞌuicox utacarsiaj y ujiriar.   
\s1 E chojbꞌesiaj lo que ajcꞌuna umen Cawinquirar Jesucristo  
\p
\v 4 Pues cꞌani inwareox era que intattzꞌi ucꞌabꞌa Cadiosir tamarox iraj iraj umen que jaxir ixin uyajcꞌox meyra chojbꞌesiaj tama e Cristo Jesús.  
\v 5 Porque tamar jaxir ajcꞌunox meyra icꞌampibꞌir tuaꞌ uyubꞌiox ixojron taca e chojbꞌesiaj tic taca y tuaꞌ uyubꞌiox ixcꞌotoy inata tunor lo que erach tut jaxir.  
\v 6 Y Cadiosir ixin uchectes ubꞌa tiut que erach tunor lo que arobꞌnox tama e Cristo.  
\v 7 Y tamar era nox ajcꞌunox tunor icꞌampibꞌir umen e Dios tuaꞌ ixixin iche tunor upatnar e Dios ya que turoxto war icojco acꞌotoy e día conda tuaꞌ achecta watar Cawinquirar Jesucristo otronyajr.  
\v 8 Y jaxir axin uqꞌuecꞌojsion caxana tama ubꞌir ubꞌan tuaꞌ aquetpa imbꞌutz tunor cawirnar este que acꞌapa tunor or e rum era y este que achecta e día conda asutpa watar Cawinquirar Jesucristo otronyajr.  
\v 9 Y Cadiosir san tuaꞌ acꞌapa uche tunor lo que uyareon y jax jaxir xeꞌ cay upejcon tuaꞌ caxana tacar Uyunen xeꞌ jax Cawinquirar Jesucristo.   
\s1 Conda checta cora desacuerdo tujam e ajcꞌupesiajobꞌ xeꞌ turobꞌ tama e chinam Corinto  
\p
\v 10 Pues entonces niwermanuox, cꞌani incꞌajti tibꞌa tama ucꞌabꞌa Cawinquirar Jesucristo tuaꞌ ixturuan intera tunorox y que machi ixto tuaꞌ ixere ibꞌa xeꞌ ajcꞌupesiajox tama Cawinquirar. Y cꞌani incꞌajti tibꞌa tuaꞌ ixquetpa intera ibꞌijnusiaj inteꞌ intiox y que erer aquetpa inteꞌ taca lo que war icꞌani xeꞌ jax tuaꞌ cache upatnar Cawinquirar Jesucristo.  
\v 11 Y war inwareox cocha era niwermanuox, porque ayan inteꞌ ufamilia e hermano Cloé xeꞌ cay uyaren que ayan tin e machi war ucꞌaniobꞌ lo que war ucꞌaniobꞌ e inmojr.  
\v 12 Y tamar era inteꞌ intiox war ixojron lo que intiach tut e inmojr. Ayan tin e war oꞌjron y che: “Nen incꞌupse lo que oꞌjron e Pablo.” Y ayan tin e war oꞌjron y che: “Nen incꞌupse lo que oꞌjron e Apolos.” Y ayanto tin e war oꞌjron y che: “Nen incꞌupse lo que oꞌjron e Pedro.” Y ayan ubꞌan tin e war oꞌjron y che: “Nen incꞌupse jax taca lo que oꞌjron e Cristo.”  
\v 13 ¿O xerbꞌir ca turu e Cristo tuaꞌ aquetpa tama inteꞌ inteꞌ grupo tibꞌa? ¿O chꞌubꞌnen ca tut e cruz tamarox? ¿O chꞌuybꞌirox ca tama nicꞌabꞌa nen xeꞌ Pabloen? Pues machi.  
\v 14 Pero cꞌani intattzꞌi ucꞌabꞌa Nidiosir que mamajchi tijam xeꞌ cay inchꞌuyi, sino que jax taca e hermano Crispo y e hermano Chayo.  
\v 15 Y tamar era mamajchi erer oꞌjron y che: “Nen chꞌuybꞌiren tama ucꞌabꞌa e Pablo.”  
\v 16 Cꞌajpa nimen era que cay inchꞌuyi ufamilia e hermano Estéfanas ubꞌan, pero de allí ma cꞌar nimen jay ayanto tin e cay inchꞌuyi.  
\v 17 Pues e Cristo machi uyebꞌta tarien tuaꞌ inchꞌuyi e gente axin, sino que uyebꞌta tarien tuaꞌ inchecsu uyojroner e Dios tama e corpesiaj tut e gente axin. Pero machi incꞌampes e ojroner xeꞌ intran tuaꞌ oꞌbꞌna tucꞌa war che conda inchecsu uyojroner e Dios axin porque machi cꞌani inlocse ucꞌampibꞌir uchamer e Cristo tama ut e cruz.   
\s1 E Cristo jax uchecsuyaj ucꞌotorer y unatanyaj e Dios  
\p
\v 18 Pues entonces tin e war asatpobꞌ axin uchebꞌiobꞌ que matucꞌa ucꞌampibꞌir tunor e ojroner tama uchamer e Jesucristo, pero ticoit non xeꞌ war cacorpa e ojroner tama uchamer e Jesucristo jax uchecsuyaj ucꞌotorer e Dios tuaꞌ acorpesian.  
\v 19 Bꞌan cocha chꞌar tzꞌijbꞌabꞌir tama uyojroner e Dios tiaꞌ ojron e Dios y che:  
\q1 Nen cꞌani intijres tunor unatanyaj tin e nojta ujorobꞌ,  
\q1 y cꞌani inturbꞌa najtir lo que unatobꞌ que más ayan ucꞌampibꞌir tin e cꞌapa canuobꞌ meyra,  
\m Bꞌan che e Dios tama uyojroner.   
\p
\v 20 Entonces ¿tucꞌa ucꞌampibꞌir tunor e sian canuar tamar lo que ayan tara tor e rum? ¿Y tucꞌa ucꞌampibꞌir tunor lo que chꞌar tzꞌijbꞌabꞌir tamar lo que ayan tara tor e rum? ¿Y tucꞌa ucꞌampibꞌir tunor e nuxi ojroner tuaꞌ e winicobꞌ tara tor e rum? Matucꞌa, porque Cadiosir ixin usuti tunor e canuar era tuaꞌ aquetpa bꞌan cocha inteꞌ sojc que matucꞌa ucꞌampibꞌir.  
\v 21 Porque Cadiosir cay ubꞌijnu tacar unatanyaj tuaꞌ uche aquetpa intran tut e winicobꞌ tara tor e rum tuaꞌ uyubꞌi acꞌotoy unatobꞌ chi Cadiosir tamar taca ujorobꞌ. Pues Cadiosir ubꞌijnu tuaꞌ ucorpes tin e acꞌotoy acꞌupseyanobꞌ tama e ojroner tama e Cristo motor que e gente tara tor e rum war ubꞌijnuobꞌ que tunor e ojroner era tama e corpesiaj matucꞌa ucꞌampibꞌir.   
\p
\v 22 Pues e gente tuaꞌ e Israel cꞌani uwirobꞌ achecta inteꞌ milagro tuaꞌ unatobꞌ jay erach tunor era, y e gente xeꞌ majax tuobꞌ e Israel cꞌani uwirobꞌ jay ayan e natanyaj tamar.  
\v 23 Pero non war cachecsu axin que chamay e Cristo tama ut e cruz tuaꞌ ucorpes e gente tara tor e rum. Pero e ojroner era axin uqꞌuijnes tunor e gente tuaꞌ e Israel, y e gente xeꞌ majax tuobꞌ e Israel war unatobꞌ que aras ojroner tunor era.  
\v 24 Pero tut tunoron xeꞌ pejcbꞌiron umen e Dios xeꞌ tuon e Israel o xeꞌ majax tuon e Israel, pero ticoit non uyojroner e Dios tama e Cristo jax ucꞌotorer e Dios y jax unatanyaj e Dios.  
\v 25 Pues conda e winicobꞌ tara tor e rum axin uyubꞌiobꞌ uyojroner e Dios ubꞌijnuobꞌ que e Dios matucꞌa unata. Pero e Dios más unata que tunor e winicobꞌ. Y war ubꞌijnuobꞌ e winicobꞌ tara tor e rum que e Dios machi aqꞌuecꞌo cocha jaxir uyebꞌta tari Uyunen tuaꞌ achamay tut inteꞌ cruz. Pero e Dios más aqꞌuecꞌo que tunor e winicobꞌ tara tor e rum.  
\v 26 Pues niwermanuox, erer cabꞌijnu que pejcbꞌiron tunoron umen e Dios, pero que ticajam majax meyron xeꞌ nojta cajor bꞌan cocha ubꞌijnuobꞌ e gente tara tor e rum conda pejcbꞌiron umen e Dios, y majax meyron ticajam xeꞌ ayan cacꞌotorer tuaꞌ cacꞌotori tara tor e rum conda pejcbꞌiron umen e Dios, y majax meyron ticajam xeꞌ ayan meyra catumin conda pejcbꞌiron umen e Dios.  
\v 27 Pero Cadiosir ixin usicbꞌa tin e uchebꞌiobꞌ e gente tara tor e rum que matucꞌa ucꞌampibꞌir. Y bꞌan uche tuaꞌ axin usubꞌajres tin e nojta ujorobꞌ tara tor rum. Y Cadiosir ixin usicbꞌa tin e war unatobꞌ e gente tara tor e rum que injayjay turobꞌ tuaꞌ axin usubꞌajres tin e war aqꞌuecꞌuobꞌ tara tor e rum.  
\v 28 Y Cadiosir usicbꞌa tin e matucꞌa ucꞌampibꞌir cocha ubꞌijnuobꞌ e gente tara tor e rum, y Cadiosir usicbꞌa tin e majax cꞌajnabꞌir umen e winicobꞌ tara tor e rum tuaꞌ acꞌapa umaqui uyejobꞌ tunor tin e war ubꞌijnuobꞌ que meyra ayan ucꞌampibꞌirobꞌ.  
\v 29 Y tamar era mamajchi xeꞌ erer axin utꞌabꞌse ubꞌa tut e Dios tamar lo que cꞌapa uche tara tor e rum.  
\v 30 Pero Cadiosir ixin uchion tuaꞌ caquetpa intera cabꞌijnusiaj taca e Cristo Jesús xeꞌ cꞌotoy quetpa tin e war uyajcꞌon e natanyaj xeꞌ tari tama e Dios, y tacar utacarsiaj jaxir war aquetpa imbꞌutz cawirnar tut e Dios, y tamar jaxir ustabꞌiron tuaꞌ caquetpa tuaꞌ e Dios, y tamar jaxir corpesbꞌiron ubꞌan.  
\v 31 Y cocha cꞌapa cachꞌami tunor era tuaꞌ e Dios ucꞌani tuaꞌ caware bꞌan cocha chꞌar tzꞌijbꞌabꞌir tama uyojroner e Dios y che: “Tunor tin e cꞌani ani utattzꞌi ubꞌa tamar lo que uyubꞌi uche xeꞌ más bueno ucꞌani tuaꞌ utattzꞌi ucꞌabꞌa Cawinquirar tamar lo que uyubꞌi uche era.” Bꞌan chꞌar tzꞌijbꞌabꞌir tama uyojroner e Dios.   
\c 2  
\s1 E ojroner tama e Cristo conda chamesna tut e cruz  
\p
\v 1 Pues entonces niwermanuox, conda tarien tuaꞌ inchecsu tiut lo que erach tama e Dios cay ojronen taca inteꞌ ojroner xeꞌ más chequer tiut porque machi cꞌani intꞌabꞌse nibꞌa tuaꞌ inquetpa ani bꞌan cocha inteꞌ nuxi winic tiut.  
\v 2 Porque conda yopen tiut cay imbꞌijnu tuaꞌ onjron tamar taca chi e Jesucristo y cocha ixin chamay tut e cruz.  
\v 3 Y conda yopen tiut machi inqꞌuecꞌo y war inchincha umen que war imbꞌacta tiut.  
\v 4 Y conda cay incansiox machi inche tamar inteꞌ ojroner bꞌan cocha ucꞌampes ani inteꞌ nuxi ajcanseyaj, sino que cay inchecsu uyojroner e Dios tama e Cristo taca e ojroner xeꞌ ma intran tuaꞌ iyubꞌi. Porque nen war incꞌani tuaꞌ ichꞌami niwojroner umen que war apatna Unawalir e Dios y umen que war achecta ucꞌotorer e Dios.  
\v 5 Porque ucꞌani tuaꞌ awawan icꞌupesiaj tamar ucꞌotorer e Dios y majax tamar unatanyaj e winicobꞌ.   
\s1 Unatanyaj e Dios  
\p
\v 6 Pues incꞌampes ixto e natanyaj conda war incanse tin e más nojta ucꞌupesiaj. Pero machi incꞌampes e natanyaj bꞌan cocha ayan tara tor e rum y nien machi incꞌampes e natanyaj bꞌan cocha ucꞌampesobꞌ tin e war acꞌotoriobꞌ tara tor e rum porque tunor era cꞌani acꞌapa asatpa wacchetaca.  
\v 7 Pero e natanyaj lo que war inwareox era jax lo que ayan tuaꞌ e Dios xeꞌ quetpa ani mucur tut tunor e winicobꞌ tara tor e rum, pero e natanyaj era jax lo que turu taca e Dios conda ne mato achena or e rum era, y jax e natanyaj era xeꞌ war uwirsion coner tucꞌa e corpesiaj xeꞌ machi tuaꞌ acꞌapa.  
\v 8 Y mamajchi xeꞌ war acꞌotori tara tor e rum cay unatobꞌ tucꞌa unatanyaj e Dios era, porque jay unatobꞌ ani machi ani uchamsiobꞌ Cawinquirar xeꞌ meyra ayan utawarer tut e cruz.  
\v 9 Pero bꞌan cocha chꞌar tzꞌijbꞌabꞌir tama uyojroner e Dios y che:  
\q1 Lo que ma tiaꞌ irna umen e winicobꞌ  
\q1 y lo que ma tiaꞌ ubꞌna umen e winicobꞌ  
\q1 y lo que ma tiaꞌ cay ubꞌijnuobꞌ e winicobꞌ que erer anumuy,  
\q1 jax lo que e Dios cay uyustes tuaꞌ uyajcꞌu tin e war uyajta ut jaxir.  
\m Bꞌan chꞌar tzꞌijbꞌabꞌir tama uyojroner e Dios.  
\v 10 Pero jax non xeꞌ cay irsenon tunor era umen e Dios tacar Unawalir. Y jax Unawalir e Dios era xeꞌ war uwira tunor lo que war anumuy tic taca tama tunor or e rum y tama tunor ut e qꞌuin ubꞌan. Y jax Unawalir e Dios era xeꞌ war uwira tunor lo que ayan xeꞌ intam tama Catata Dios ubꞌan.   
\p
\v 11 Pues bꞌan cocha lo que ayan macuir uyalma inteꞌ winic que mamajchi erer unata sino que jax taca umajinir e winic era xeꞌ war unata tunor era, y bꞌan ubꞌan lo que ayan macuir uyalma Catata Dios que jax taca Unawalir xeꞌ war unata tunor lo que ucꞌani jaxir.  
\v 12 Pero non machi cachꞌami inteꞌ mein lo que ayan tara tor e rum sino que jax Unawalir e Dios xeꞌ ebꞌetbꞌir tari umen Catata Dios xeꞌ cachꞌami non, y tamar era erer cacꞌotoy canata cobꞌa ajcꞌubꞌiron umen Catata Dios.  
\v 13 Pues war cachecsu tunor era taca e ojroner xeꞌ ajcꞌunon umen Unawalir e Dios, y machi war cacꞌampes tuqꞌuic tuqꞌuic ojroner lo que oꞌchoy tama cajor. Y tamar era war cachecsu lo que nawalbꞌir tut tin e uchꞌamix Unawalir e Dios.   
\p
\v 14 Pero tin e machi uchꞌami Unawalir e Dios ma erer uchꞌami lo que tuaꞌ Unawalir e Dios, porque tut inteꞌ cocha era matucꞌa ucꞌampibꞌir tunor era. Y machi uyubꞌi unata tunor era porque ucꞌani utacarsiaj Unawalir e Dios tuaꞌ acꞌotoy unata tucꞌa tunor era.  
\v 15 Pero tin e cꞌapa uchꞌami Unawalir e Dios erer unata tama tunor, y tin e majax ajcꞌupesiaj tama Cawinquirar machi uyubꞌi tuaꞌ unata lo que ayan tama uyalma tin e war acꞌupseyan tama Cawinquirar.  
\v 16 Bꞌan cocha chꞌar tzꞌijbꞌabꞌir tama uyojroner e Dios y che: “¿Chi erer acꞌotoy unata lo que war ubꞌijnu Cawinquirar? ¿Y chi erer axin ucanse Cadiosir lo que ucꞌani tuaꞌ uche? Mamajchi, porque Cadiosir war unata tunor lo que ayan.” Bꞌan che tama uyojroner e Dios. Pero non erer cabꞌijnu bꞌan cocha ubꞌijnu e Cristo porque cꞌapa cachꞌami Unawalir.   
\c 3  
\s1 Tin e war utacre e Pablo tama upatnar e Dios  
\p
\v 1 Pues entonces niwermanuox, conda turen tacarox machi uyubꞌien incansiox bꞌan cocha inteꞌ winic xeꞌ aqꞌuecꞌo axana tama ubꞌir e Dios, sino que quetpa tuaꞌ incansiox bꞌan cocha inteꞌ winic tara tor e rum xeꞌ matucꞌa unata tama e Dios, y quetpa tuaꞌ incansiox bꞌan cocha jay maxtacox ani tama tunor lo que ayan tuaꞌ e Cristo.  
\v 2 Y cay incansiox taca inteꞌ canseyaj xeꞌ más incꞌun, bꞌan cocha ucꞌani tuaꞌ awesena inteꞌ chꞌurcabꞌ xeꞌ warto aꞌchu que machito uyubꞌi ucꞌuxi e comida xeꞌ más aqꞌuecꞌo. Y bꞌanox nox tama icuxtar nawalbꞌir ubꞌan que machi uyubꞌiox ichꞌami e canseyaj tama uyojroner e Dios que más aqꞌuecꞌo. Y bꞌan turox esto coner.  
\v 3 Porque nox warto ixturuan bꞌanto cocha turox ani ixnix y machi war iwacta ibꞌa tuaꞌ ixbꞌijresna umen Unawalir e Dios. Porque nox warto ixcꞌuxnaqꞌui iwira lo que ayan tuaꞌ otronteꞌ, y warto ixbꞌiriti iraj iraj, y war ixere ibꞌa ixixin. Pues tunor lo que war iche era bꞌan taca cocha war uchiobꞌ e winicobꞌ tara tor e rum.  
\v 4 Porque ayan tin e war oꞌjron y che: “Nen incꞌupse lo que oꞌjron e Pablo.” Y ayan tin e war oꞌjron y che: “Nen incꞌupse lo que oꞌjron e Apolos.” ¿Machi ca war iturbꞌa ibꞌa bꞌan cocha e winicobꞌ tara tor e rum?   
\p
\v 5 Pero ¿tuqꞌuen cora nen? y ¿tucꞌa cora e Apolos? Pues non jax taca manon tuaꞌ e Dios, y jax non xeꞌ cꞌampesnon umener tuaꞌ catacriox ixcꞌotoy ixcꞌupseyan tama Cawinquirar Jesucristo. Nen cay inche e patnar lo que ajcꞌunen umen e Dios, y e Apolos cay uche e patnar lo que ajcꞌuna umen e Dios tuaꞌ uche jaxir ubꞌan.  
\v 6 Nen cay impaqꞌui ut e semilla tuaꞌ e Dios tama iwalma, y de allí tari e Apolos y cay utzꞌayi, pero jax e Dios xeꞌ cay uche achꞌiꞌ tunor lo que pacbꞌir era.  
\v 7 Pero machi cꞌani catattzꞌi tin e cay pacma, y nien machi cꞌani catattzꞌi tin e cay tzꞌayma, sino que jax taca e Dios xeꞌ tuaꞌ atajttzꞌa porque jax jaxir xeꞌ uchꞌijrse lo que cuxpa tama iwalma xeꞌ jax uyojroner e Dios.  
\v 8 Entonces bꞌan cocha tin e apacma y bꞌan ubꞌan tin e atzꞌayma, Cadiosir tuaꞌ axin utoyi inteꞌ inteꞌ bꞌan cocha e patnar lo que uche.  
\v 9 Entonces nen taca e Apolos manon tuaꞌ e Dios tuaꞌ cache lo que uyareon. Y nox larox cocha inteꞌ chor tiaꞌ pacbꞌir e jinaj xeꞌ ajcꞌunon umen e Dios tiaꞌ tuaꞌ capatna.  
\p Y nox larox cocha ingojr otot ubꞌan xeꞌ war achena umen e Dios.  
\v 10 Y nen bꞌanen cocha inteꞌ ajcheyaj otot xeꞌ más nojta innata tamar, y conda nen cay inchecsu uyojroner e Dios tama e Cristo tiut, nen inche lo que lar cocha uwabꞌnibꞌ inteꞌ otot. Pero tanipat era tari otronteꞌ tuaꞌ ucansiox más tama Cawinquirar xeꞌ quetpa lar cocha otronteꞌ ajcheyaj otot xeꞌ war ujachi unac e otot axin. Pero inteꞌ inteꞌ xeꞌ acꞌotoy tanipat cocha era ucꞌani tuaꞌ ubꞌijnu uwira lo que war uche tuaꞌ alocꞌoy lar cocha ucajyesnibꞌir.  
\v 11 Porque ma cocha erer aturbꞌana otronteꞌ uwabꞌnibꞌ e otot tujor inteꞌ xeꞌ chembꞌirix bꞌajxan xeꞌ jax e Jesucristo. Y nox ixiox ichꞌami ucꞌabꞌa Cawinquirar Jesucristo conda nen cay inchecsu uyojroner tiut.  
\v 12 Pues tin tin xeꞌ apatna bien tama upatnar e Dios era lar cocha tin e axin ujachi unac e otot taca e oro, o taca e plata, o axin ucꞌampes e tun xeꞌ más galan uwirnar. Pero tin tin xeꞌ machi apatnobꞌ bien tama upatnar e Dios larobꞌ cocha tin e war ujachi unac e otot taca ucꞌabꞌ e teꞌ, o taca e ac, o taca e sojc.  
\v 13 Y cꞌani aquetpa chequer jay bueno o jay majax bueno e patnar tuaꞌ inteꞌ inteꞌ tin e cay patnobꞌ tama e otot era. Porque watar e día tuaꞌ e juicio conda e Dios cꞌani uwira tunor lo que chena jay bueno o jay majax bueno. Y tama e día yajaꞌ e juicio tuaꞌ aquetpa bꞌan cocha inteꞌ cꞌajc xeꞌ tuaꞌ axin uputa tunor. Y tamar era cꞌani aquetpa chequer jay bueno o jay majax bueno e patnar lo que cay chempa umen inteꞌ inteꞌ jay acꞌapa apuruy tunor o jay aquetpato.  
\v 14 Tin e uche inteꞌ otot xeꞌ machi acꞌapa apuruy umen e cꞌajc era cꞌani atojya umen e Dios tamar upatnar era.  
\v 15 Pero jay axin acꞌapa apuruy tunor upatnar lo que cay uche tama e otot entonces tin e cay uche e otot era tuaꞌ usati tunor utuanibꞌir lo que cꞌani ani uchꞌami, motor que jaxir axin acorpesna tuaꞌ uyubꞌi acꞌotoy tut e qꞌuin, pero matucꞌa tar tuaꞌ atojya bꞌan cocha inteꞌ winic xeꞌ alocꞌoy ajni tujam e cꞌajc conda war apuruy uyotot que matucꞌa tuaꞌ uyubꞌi uqꞌueche axin.   
\p
\v 16 Pues entonces niwermanuox, ¿war ca inata que nox larox cocha inteꞌ otot tuaꞌ e Dios? Pues bꞌan, porque war aturuan Unawalir e Dios tama iwalma.  
\v 17 Pero jay ayan tin e axin utijres uyotot e Dios, watar e Dios tuaꞌ utijres e winic era ubꞌan. Porque erach tunor uyotot e Dios y inteꞌ intiox larox cocha inteꞌ otot tuaꞌ jaxir.   
\p
\v 18 Pues que mamajchi umajresic ubꞌa, porque jay ayan tijam tin e war ubꞌijnu que unata meyra bꞌan cocha ubꞌijnuobꞌ e gente tara tor e rum, pues ucꞌani tuaꞌ asutpa aquetpa bꞌan cocha inteꞌ xeꞌ matucꞌa unata, y tamar era erer acꞌotoy aquetpa nojta ujor tut e Dios.  
\v 19 Porque e natanyaj lo que ayan tuaꞌ e winicobꞌ tara tor e rum matucꞌa ucꞌampibꞌir tut e Dios. Bꞌan cocha chꞌar tzꞌijbꞌabꞌir tama uyojroner e Dios tiaꞌ che: “Cadiosir axin ucucru e winicobꞌ xeꞌ más nojta ujorobꞌ tara tor e rum tamar taca e majresiaj lo que chꞌur tama uyalmobꞌ e winicobꞌ era.” Bꞌan chꞌar tzꞌijbꞌabꞌir tama uyojroner e Dios.  
\v 20 Y ayanto tiaꞌ chꞌar tzꞌijbꞌabꞌir tama uyojroner e Dios que: “Unata Cadiosir que tunor ubꞌijnusiajobꞌ e winicobꞌ xeꞌ más nojta ujorobꞌ tara tor e rum matucꞌa ucꞌampibꞌir”, xeꞌ chꞌar tzꞌijbꞌabꞌir tama uyojroner e Dios.  
\v 21 Y tamar era mamajchi tuaꞌ utattzꞌi ubꞌa umen que war ani axin tupat inteꞌ winic xeꞌ nojta ujor, porque Cadiosir cꞌapa uyajcꞌox tunor lo que ucꞌani, y tunor lo que ayan tara tor e rum tibꞌa tuaꞌ icꞌampes ubꞌan.  
\v 22 Entonces tunor lo que ayan tara tor e rum turix tuaꞌ utacriox. Nen xeꞌ Pabloen turen tuaꞌ intacriox, y e Apolos turu tuaꞌ utacriox, y bꞌan e Pedro ubꞌan; turix tuaꞌ utacriox. Tunor or e rum era turu tuaꞌ utacriox, y bꞌan e cuxtar, y bꞌan e chamer. Y turu lo que ayan coner tuaꞌ utacriox, y bꞌan turu lo que watar otronyajr. Tunor lo que ayan aquetpa tuaꞌ utacriox.  
\v 23 Y nox turox tuaꞌ itacre e Cristo, y e Cristo turu tuaꞌ utacre Catata Dios.   
\c 4  
\s1 Lo que uche inteꞌ apóstol tuaꞌ Cawinquirar Jesucristo  
\p
\v 1 Pues nox taca tunor e gente ucꞌani tuaꞌ iwiron xeꞌ apostolon que ajtacarsiajon tuaꞌ e Cristo. Y non quetpon tuaꞌ cachecsu uyojroner e Dios axin tamar lo que quetpa mucur ani umener.  
\v 2 Pues tin e ajcꞌuna inteꞌ upatnar umen e Dios ucꞌani tuaꞌ uturbꞌa ubꞌa tuaꞌ uche imbꞌutz tunor e patnar era.  
\v 3 Y ¿tucꞌa ibꞌijnu nox tamar e patnar lo que war inche nen? Pues nen machi inturbꞌa nibꞌa tamar jay ibꞌijnu que bueno o que majax bueno lo que war inche. Y nien machi inturbꞌa nibꞌa tamar lo que ubꞌijnuobꞌ e inmojr ubꞌan. Y nien machi inche confiar tamar nibꞌijnusiaj tanibꞌa jay bueno o jay majax bueno lo que war inche.  
\v 4 Pues nen tama niwalma matucꞌa war innata jay ayan lo que war inche xeꞌ majax bueno, pero machi war inwareox que matucꞌa ayan tamaren. Porque jax taca Cawinquirar xeꞌ tuaꞌ axin uwira tucꞌa ayan tamaren.  
\v 5 Y tamar era inwareox que ira ibꞌijnu iwira lo que war uchiobꞌ e gente jay bueno o jay majax bueno, sino que cojconic este que acꞌotoy e hora tuaꞌ e juicio. Porque watar e juicio conda asutpa watar Cawinquirar otronyajr y entonces jaxir tuaꞌ ujanchꞌacnes tunor e mabꞌambꞌanir lo que quetpa mucur tama uyalmobꞌ e gente, y jaxir tuaꞌ uchectes tut tunor e gente lo que war ubꞌijnuobꞌ tama uyalmobꞌ inteꞌ inteꞌ. Y tamar era inteꞌ inteꞌ winic tuaꞌ uchꞌami utuanibꞌir tamar lo que uche, jay tuanibꞌir o jay jatzꞌuar xeꞌ tuaꞌ uchꞌami.   
\p
\v 6 Pues niwermanuox, war inwareox tunor era tuaꞌ intacriox iwira cocha tuaꞌ ibꞌijnu tamar e inmojr ajcꞌupesiajobꞌ jay bueno o jay majax bueno lo que war uchiobꞌ. Y war inturbꞌa e Apolos y nen ubꞌan bꞌan cocha inteꞌ chequerir tama tunor era tuaꞌ ixcano ibꞌijnu bꞌan taca cocha chꞌar tzꞌijbꞌabꞌir tama uyojroner e Dios. Pero tamar lo que majax chequer tama uyojroner e Dios ucꞌani tuaꞌ iwacta bꞌan taca. Y tamar era machi tuaꞌ ibꞌijnu tama tin e ajcanseyajobꞌ jay más ayan ucꞌampibꞌir inteꞌ o jay matucꞌa ucꞌampibꞌir otronteꞌ.  
\v 7 ¿Y chi uyajqꞌuet acꞌampibꞌir xeꞌ más nojta que e inmojr? Pues jax taca e Dios. ¿Y tucꞌa xeꞌ ayan tabꞌa que majax ajcꞌubꞌiret umen e Dios? Pues matucꞌa porque jax e Dios xeꞌ ixin uyajcꞌon tunor cacꞌampibꞌir y jay cꞌapa cachꞌami tunor era tuaꞌ e Dios, ¿tucꞌa tuaꞌ war catꞌabꞌse cabꞌa que non más ayan cacꞌampibꞌir que e inmojr bꞌan cocha jay machi ani cachꞌami tunor era bꞌan taca?   
\p
\v 8 Pues warix ibꞌijnu que bꞌanox cocha inteꞌ xeꞌ cꞌapix uchꞌami tunor lo que ayan tuaꞌ e Dios, y war ibꞌijnu que bꞌanox cocha inteꞌ xeꞌ ayanix meyra lo que ayan tacar, y war ibꞌijnu ubꞌan que nox nuquir ajcꞌotorerox y que non tiut matucꞌa cacꞌampibꞌir. Pues bueno ani jay nox ajcꞌotorerox ani porque tamar era non uyubꞌion ani cacꞌotori tacarox.  
\v 9 Pero nen war imbꞌijnu que non xeꞌ apostolon ajcꞌunon umen e Dios tuaꞌ caquetpa bꞌan cocha inteꞌ xeꞌ matucꞌa ucꞌampibꞌir, y que non bꞌanon cocha inteꞌ winic xeꞌ aquetpa tuaꞌ achamesna, y que quetpon bꞌan cocha inteꞌ xeꞌ acꞌampa tuaꞌ atzene e gente tamar, y que bꞌanon tut e angelobꞌ ubꞌan.  
\v 10 Pues e gente tara tor e rum ojronobꞌ y chenobꞌ que non xeꞌ apostolon matucꞌa canata umen que war cachecsu uyojroner e Dios axin tama e Cristo. Pero nox war ibꞌijnu que nojta ijor tunorox umen taca que ajcꞌupesiajox tama e Cristo. Non xeꞌ apostolon injayjayon bꞌan cocha ubꞌijnuobꞌ e gente tara tor e rum. Pero nox ibꞌijnu que war ixqꞌuecꞌo. Non xeꞌ apostolon xejbꞌna coit umen e gente axin, pero nox cocha intajch taca war ixxana tama ubꞌir e Dios war ixtajttzꞌa umen e gente que más nuxi winicox.  
\v 11 Y este coner war caytzꞌa xeꞌ apostolon, y war ataqui catiꞌ axin, y war calapi e tzuc bꞌujc. Y tic taca tiaꞌ caxin e gente war ucꞌayon este que axin uwatzꞌionobꞌ, y matucꞌa nien inteꞌ cotot.  
\v 12 Y non xeꞌ apostolon war capatna meyra taca cacꞌabꞌ tuaꞌ cawese cabꞌa. Y conda ayan chi ayopa tuaꞌ ubꞌaxon, cachojbꞌesobꞌ. Y conda ayan e gente xeꞌ war uchion canumse cabꞌa, non cacojco tuaꞌ anumuy bꞌan taca.  
\v 13 Y conda ayan chi xeꞌ war uqꞌuijneson xeꞌ apostolon casutpa cojron incꞌun tacarobꞌ. Y quetpon tut e gente tara tor e rum bꞌan cocha e sojc y bꞌan cocha lo que más tzuc este coner.   
\p
\v 14 Pues war intzꞌijbꞌa tunor era tibꞌa majax tuaꞌ insubꞌajresox, sino que umen que cꞌani incansiox que nox larox cocha inteꞌ nimaxtacox tama Cawinquirar y war inyajta iut.  
\v 15 Bꞌajcꞌat ayan 10,000 ajcanseyajobꞌ xeꞌ war ucansiox tamar e Cristo iraj iraj, pero ayan inteꞌ taca itatabꞌir tama e Cristo Jesús xeꞌ jax nen. Porque jax nen xeꞌ cay inchecsu tiut tunor uyojroner e Dios tama Cawinquirar Jesucristo conda cay ichꞌami tunor era, y tamar era nen quetpen tatabꞌiren tibꞌa tama Cawinquirar.  
\v 16 Entonces cocha quetpen tatabꞌir tibꞌa cꞌani inwareox era que turbꞌanic ibꞌa bꞌan cocha nen.   
\p
\v 17 Pues entonces war inwebꞌta axin e Timoteo tibꞌa. Jaxir quetpa bꞌan cocha inteꞌ niunen xeꞌ inchoj ut nimener, y jaxir machi acꞌoy uche tunor lo que ucꞌani Cawinquirar. Pues jaxir cꞌani uchiox ibꞌijnu tama tunor lo que cay iwira tamaren conda turen tacarox y cocha inxana tama ubꞌir e Cristo Jesús. Pues bꞌan cocha incanseyan axin tama tunor era tama inteꞌ inteꞌ grupo ajcꞌupesiajobꞌ y bꞌan tuaꞌ ucansiox e Timoteo ubꞌan.  
\v 18 Pues nen innata que ayan tijam tin e cay utꞌabꞌse ubꞌobꞌ que más nojta ucꞌampibꞌirobꞌ, y que cay ojronobꞌ nipater y chenobꞌ que: “E Pablo mix taric tuaꞌ uwarajsion.”  
\v 19 Pero nen cꞌani ixto incꞌotoy tiut tuaꞌ inwarajsiox jay bueno tut Cawinquirar Dios. Y conda inyopa cꞌani inwira cobꞌa winicobꞌ xeꞌ cay utꞌabꞌse ubꞌobꞌ que nojta ucꞌampibꞌirobꞌ, porque nen war imbꞌijnu que ojroner taca war uchiobꞌ.  
\v 20 Porque uchinam e Dios majax jax taca tuaꞌ tin e unatobꞌ oꞌjronobꞌ sino que chena tuaꞌ tin e unatobꞌ uchecsu ucꞌotorer e Dios conda oꞌjronobꞌ.  
\v 21 ¿Y cocha icꞌani tuaꞌ inquetpa conda inyopa tiut? ¿O icꞌani ca tuaꞌ inyopa tacar lo que bꞌan cocha inteꞌ ucꞌabꞌ teꞌ tuaꞌ unstesox tamar lo que ayan tibꞌa? ¿O más ca ani bueno tiut tuaꞌ inyopa taca niwalma bꞌutꞌur taca e cꞌunersiaj y incꞌun niwirnar tunor?   
\c 5  
\s1 Jax era inteꞌ checsuyaj conda inteꞌ winic cay turuan tacar uwixcar utata  
\p
\v 1 Pues checta inteꞌ ojroner taniut que ayan inteꞌ winic tijam xeꞌ ajcꞌupesiajox xeꞌ war uchꞌami ubꞌobꞌ taca uwixcar utata bꞌan taca. Pues motor tin e majax ajcꞌupesiajobꞌ tama Cadiosir ubꞌijnuobꞌ que subꞌar uwirnar lo que war uche e winic era, y esto jaxirobꞌ machi ani uchiobꞌ.  
\v 2 Y warto ibꞌijnu que imbꞌutzox tama tunor. Pero lo que ucꞌani ani tuaꞌ ibꞌijnu tama tunor era que jax inteꞌ nuxi subꞌar tibꞌa. Pues e winic xeꞌ war uche e mabꞌambꞌanir era ucꞌani tuaꞌ aꞌjnesna imener tuaꞌ alocꞌoy tijam.  
\v 3 Y motor que turen innajt tiut tama nicuerpo pero bꞌijnunic que ya turen tiwejtzꞌer tama nibꞌijnusiaj. Y tamar era cꞌani inwareox que cꞌapa imbꞌijnu inwira tama e winic era que mabꞌambꞌan lo que war uche.  
\v 4 Entonces morojsenic ibꞌa tamar ucꞌabꞌa Cawinquirar Jesús y nen tuaꞌ inquetpa tacarox tama nibꞌijnusiaj. Y ucꞌotorer Cawinquirar Jesús tuaꞌ aquetpa tacarox.  
\v 5 Y de allí erer ibꞌijnu tuaꞌ ilocse e winic era tijam y quetpac e winic era tama ucꞌabꞌ e Satanás xeꞌ tuaꞌ uche unumse ubꞌa meyra. Porque tamar era bꞌajcꞌat acꞌotoy unata e winic era que mabꞌambꞌan lo que war uche y asutpa uyustes ubꞌa tut e Dios tuaꞌ uyubꞌi acorpesna uyalma tama e día conda asutpa watar Cawinquirar otronyajr.   
\p
\v 6 Pues majax bueno tuaꞌ ixtzay tama tunor lo que war anumuy era. Porque ayan inteꞌ ojroner xeꞌ che: “Pues conda aturbꞌana imbꞌijc e levadura xeꞌ uche atꞌabꞌay e harina conda war achena e pan, e levadura era anumuy macuir tunor e cꞌum”, xeꞌ che inteꞌ ojroner.  
\v 7 Pues e gente tama e Israel, conda uchiobꞌ e nojqꞌuin xeꞌ ucꞌabꞌa pascua machix tuaꞌ ucꞌuxiobꞌ e pan xeꞌ ayan e levadura tamar. Y bꞌanon non ubꞌan que conda war caxana tama ubꞌir e Dios ma erer cawacta oꞌchoy e mabꞌambꞌanir tamaron. Loqꞌuesic entonces tunor lo que mabꞌambꞌan xeꞌ turuto tijam nox, y quetpenic imbꞌutz bꞌan cocha e pan xeꞌ achena tama e harina xeꞌ machi ayajra e levadura tamar. Y nox tuaꞌ ixquetpa imbꞌutz tut e Dios jay ilocse e winic era tijam. Porque e Cristo ixin chamesna tama ut e cruz tuaꞌ ucorpeson tama tunor camabꞌambꞌanir. Y tamar era jaxir quetpa bꞌan cocha inteꞌ cordero ticabꞌa xeꞌ achamesna tama inteꞌ inteꞌ año umen e gente tuaꞌ e Israel tama e nojqꞌuin pascua.  
\v 8 Cachoquic entonces tunor lo que mabꞌambꞌan y tunor e onian bꞌijnusiaj xeꞌ bꞌan cocha e pan xeꞌ ayan e levadura tamar y incuic nojqꞌuinicon tama e nojqꞌuin pascua, pero cachic taca tunor cawalma y caturbꞌic cabꞌa erach tuaꞌ cache tunor era.   
\p
\v 9 Pues tama inteꞌ carta xeꞌ cay inche bꞌajxan cay intzꞌijbꞌa tibꞌa que machi ixto tuaꞌ ixxana taca tin e war uchꞌami ubꞌobꞌ bꞌan taca.  
\v 10 Pero machi cꞌani inwareox que ucꞌani tuaꞌ iwacta tuaꞌ ixojron taca e gente xeꞌ matucꞌa unatobꞌ tamar Cawinquirar Jesucristo xeꞌ bꞌajcꞌat war uchꞌami ubꞌobꞌ bꞌan taca, o xeꞌ war uyusre uchꞌamiobꞌ lo que majax tuobꞌ, o xeꞌ war axujchꞌianobꞌ, o xeꞌ axin uyujtzꞌiobꞌ ut inteꞌ chamen dios. Porque jay machi cꞌani iwira e gente cocha era ucꞌani ani tuaꞌ iwacta or e rum era inyajrer.  
\v 11 Lo que cꞌani ani inwareox que jay ayan inteꞌ winic o inteꞌ ixic xeꞌ war uche ubꞌa que jax inteꞌ ajcꞌupesiaj tama Cawinquirar pero xeꞌ warto uchꞌami ubꞌobꞌ bꞌan taca, o xeꞌ warto uyusre uchꞌami lo que majax tuaꞌ, o xeꞌ war uyujtzꞌi ut inteꞌ chamen dios, o xeꞌ war oꞌjron upater e inmojr, o xeꞌ ajcarerto, o xeꞌ jax inteꞌ ajxujch, ira iwacta axanobꞌ tacarox. Y ira ixixin ixweꞌ tacarobꞌ.  
\v 12 Pues majax nen xeꞌ tuaꞌ inxin inche juzgar tin e majax tuobꞌ e Cristo. Pero nox ucꞌani tuaꞌ ibꞌijnu iwira tamar lo que war uchiobꞌ tin e ajcꞌupesiajobꞌ tama Cawinquirar.  
\v 13 Pues jax e Dios xeꞌ tuaꞌ axin uche juzgar tin e majax tuobꞌ e Cristo. Pero nox locsenic tijam tin xeꞌ war uche e mabꞌambꞌanir era.   
\c 6  
\s1 Lo que ucꞌani tuaꞌ uche inteꞌ hermano tuaꞌ uyustes ubꞌa taca otronteꞌ hermano conda ayan inteꞌ qꞌuijnar tamarobꞌ  
\p
\v 1 Pues entonces jay ayan inteꞌ hermano xeꞌ achecta inteꞌ qꞌuijnar taca otronteꞌ hermano ¿cocha tuaꞌ ibꞌijnu jay bueno tuaꞌ iqꞌueche axin tunor era tut inteꞌ juez xeꞌ majax ajcꞌupesiaj tama Cawinquirar? Porque más ani bueno tuaꞌ aqꞌuejcha axin tunor era tut e grupo ajcꞌupesiajobꞌ tuaꞌ ubꞌijnuobꞌ lo que ucꞌani tuaꞌ achempa.  
\v 2 ¿Machi ca inata que nox xeꞌ umaxtacox e Dios aquetpa tuaꞌ ibꞌijnu iwira jay bueno o jay majax bueno lo que cꞌapa uchiobꞌ tunor e gente tara tor e rum? Y jay aquetpa tuaꞌ ibꞌijnu iwira tunor tin e turobꞌ tara tor e rum ¿machi ca uyubꞌiox ibꞌijnu iwira tamar lo que war anumuy tijam xeꞌ chuchu cocha era?  
\v 3 ¿Machi ca inata que aquetpa tuaꞌ cabꞌijnu cawira jay bueno o jay majax bueno lo que cꞌapa uchiobꞌ tunor e angelobꞌ? Entonces jay bꞌan aquetpa tuaꞌ cache, entonces ma ani jax intran ticoit tuaꞌ cabꞌijnu cawira lo que ayan tara tor e rum.  
\v 4 Entonces jay achecta watar inteꞌ qꞌuijnar tujam cora hermanuobꞌ tamar lo que ayan tara tor e rum ¿cocha tuaꞌ ibꞌijnu jay bueno tuaꞌ iqꞌueche axin tunor era tut inteꞌ juez xeꞌ matucꞌa unata tamar Cawinquirar y nien cocha ucꞌani tuaꞌ aquetpa inteꞌ tama inteꞌ grupo ajcꞌupesiajobꞌ?  
\v 5 Pues war onjron cocha era tuaꞌ ixsubꞌajra cora umen que war ibꞌijnu tuaꞌ iqꞌueche axin inteꞌ caso cocha era tut inteꞌ juez xeꞌ matucꞌa unata tamar Cawinquirar. ¿O ma ca majchi tijam nien incojt winic xeꞌ nojta unatanyaj xeꞌ uyubꞌi ubꞌijnu uwira tamar inteꞌ qꞌuijnar tujam cora hermanuobꞌ cocha era?  
\v 6 Pero coner lo que war achena jax era Que jay inteꞌ hermano aqꞌuijna taca otronteꞌ hermano uqꞌueche axin tunor era tut inteꞌ juez xeꞌ matucꞌa unata tamar Cawinquirar y war uyare tunor era tut jaxir tuaꞌ ubꞌijnu uwira tama tunor era.   
\p
\v 7 Pues chequer taniut que war itijres ibꞌa axin umen que ayan e qꞌuijnar tijam xeꞌ ajcꞌupesiajox que machi inata cocha tuaꞌ iyustes ibꞌa tamar, y tamar era war iqꞌueche axin inteꞌ caso cocha era tut inteꞌ juez xeꞌ majax ajcꞌupesiaj tama Cawinquirar. Pues ¿tucꞌa tuaꞌ machi iwacta asisa e qꞌuijnar bꞌan taca jay inteꞌ hermano uche inteꞌ mabꞌambꞌanir upater otronteꞌ hermano? Pues ¿ma ca jax más ani bueno tuaꞌ iwacta asisa e qꞌuijnar bꞌan taca jay inteꞌ hermano uxujchꞌi lo que ayan tuaꞌ otronteꞌ hermano?  
\v 8 Pero nox war iche e mabꞌambꞌanir ipater taca ibꞌa inteꞌ inteꞌ este que ixixin ixujchꞌi lo que ayan tuaꞌ inteꞌ iwet ajcꞌupesiajir.  
\v 9 Pero nox war ixto inata que tin e war uche e mabꞌambꞌanir axin machix tuaꞌ oꞌchoy tama uchinam e Dios. Y ira iwacta ibꞌa tuaꞌ ixmajresna porque machi tuaꞌ oꞌchoy tama uchinam e Dios tin e axin uyose ubꞌa taca tin e merato anujbꞌi tacar, o xeꞌ war uyujtzꞌiobꞌ ut inteꞌ chamen dios, o tin e nujbꞌix xeꞌ axin uyose ubꞌa taca otronteꞌ xeꞌ majax tuach. Y machi tuaꞌ oꞌchoy tama uchinam e Dios tin e war uche e mabꞌambꞌanir bꞌan cocha inteꞌ winic xeꞌ war uyusre uchꞌami uyet winiquir, o xeꞌ war uche bꞌan cocha inteꞌ ixic xeꞌ war uyusre uchꞌami uyet ixiquir.  
\v 10 Y ira iwacta ibꞌa tuaꞌ ixmajresna tuaꞌ ibꞌijnu que uyubꞌi ani oꞌchoy tama uchinam e Dios tin e war axujchꞌian, o xeꞌ war uyusre uchꞌami lo que majax tuaꞌ, o xeꞌ war acaray. Y ma erer cabꞌijnu que uyubꞌi oꞌchoy tama uchinam e Dios tin e war oꞌjron upater e inmojr, o xeꞌ ulocse lo que ayan tuaꞌ inteꞌ taca e majresiaj.  
\v 11 Pues ayan tijam tin e cay uchiobꞌ tunor e mabꞌambꞌanir cocha era conda merato acꞌupseyanobꞌ tama Cawinquirar Jesucristo, pero xeꞌ machi ixto war uchiobꞌ tunor era coner umen que pocbꞌirobꞌix tamar uchꞌichꞌer Cawinquirar Jesucristo y coner tuobꞌ e Dios. Y coner tunorox quetpox erach taca e Dios tamar ucꞌabꞌa Cawinquirar Jesucristo tacar utacarsiaj Unawalir e Dios.   
\s1 Ucꞌampesnar cacuerpo tuaꞌ catattzꞌi ucꞌabꞌa Cadiosir tamar  
\p
\v 12 Pues bꞌajcꞌat ayopa inteꞌ tiut xeꞌ che: “Nen erer inche tunor lo que incꞌani porque corpesbꞌiren tama Cawinquirar”, xeꞌ che inteꞌ. Pues erer ani cache tunor lo que cacꞌani cache tama Cawinquirar, pero ayan lo que erer cabꞌijnu que majax imbꞌutz tuaꞌ cache. Pues inteꞌ xeꞌ war acꞌupseyan tama Cawinquirar erer uche tuqꞌuic tuqꞌuic. Pero majax imbꞌutz tuaꞌ cawacta cabꞌa tuaꞌ cache lo que erer asutpa uyareon tucꞌa tuaꞌ cache otronyajr.  
\v 13 Pues bꞌajcꞌat ayopa otronteꞌ tiut xeꞌ che: “Bꞌan cocha chena e comida tuaꞌ utzayjres unac inteꞌ y bꞌan chena unac inteꞌ tuaꞌ uchꞌami e comida”, xeꞌ che inteꞌ. Pero Cadiosir cꞌani ucꞌapes e comida y cꞌani ucꞌapes unac inteꞌ ubꞌan watar e día. Pero ucuerpo inteꞌ machi chena tuaꞌ axin uyose ubꞌa taca tin e merato anujbꞌi tacar, sino que chena ucuerpo inteꞌ tuaꞌ axin uche lo que ucꞌani Cawinquirar, y Cawinquirar turu tuaꞌ utacre inteꞌ inteꞌ tuaꞌ ucꞌampes ucuerpo tuaꞌ uche lo que imbꞌutz tut jaxir.  
\v 14 Y bꞌan cocha Cadiosir ixin usuti ubꞌixqꞌues Cawinquirar Jesucristo tujam e chamenobꞌ y bꞌan tuaꞌ axin usuti ubꞌixqꞌueson non ubꞌan taca ucꞌotorer.   
\p
\v 15 Pero ¿machi ca war inata que ucuerpo inteꞌ ajcꞌupesiaj intera taca ucuerpo e Cristo? ¿O bueno ca tiut tuaꞌ aqꞌuejcha axin lo que intera taca ucuerpo e Cristo tuaꞌ aquetpa intera taca inteꞌ ajnajtir ixic ubꞌan? Pues ¡ma cocha erer!  
\v 16 ¿O machi ca war inata que jay axin inteꞌ ajcꞌupesiaj tama Cawinquirar tuaꞌ uyose ubꞌa taca inteꞌ ajnajtir ixic que jaxirobꞌ intera aquetpobꞌ? Bꞌan cocha chꞌar tzꞌijbꞌabꞌir tama uyojroner e Dios y che: “Inteꞌ winic xeꞌ axin uyose ubꞌa taca inteꞌ ixic aquetpa intera tacar”, xeꞌ che tama uyojroner e Dios.  
\v 17 Pero tin e axin uchꞌami ucꞌabꞌa Cawinquirar axin aquetpa intera tacar tama uyalma.   
\p
\v 18 Entonces ajnenic tut tunor e mabꞌambꞌanir cocha era tuaꞌ machi iche bꞌan cocha tin e axin uyose ubꞌobꞌ taca tin e merato anujbꞌi tacar. Pues tunor e inmojr mabꞌambꞌanir lo que erer ani uche inteꞌ, achempa patir ucuerpo. Pero tin e axin uyose ubꞌa taca tin e merato anujbꞌi tacar war uche inteꞌ mabꞌambꞌanir xeꞌ tuaꞌ utijres ucuerpo axin.  
\v 19 ¿Y machi ca inata que icuerpo jax uyototir Unawalir e Dios xeꞌ ajcꞌunox umen Catata Dios? Pues Unawalir e Dios war aturuan tama iwalma, y tamar era ma erer ibꞌijnu que ajyumox tamar ibꞌa sino que jax Catata Dios xeꞌ jax cawajyum tunoron.  
\v 20 Porque jax Catata Dios xeꞌ ixin umaniox tacar lo que meyra atujri xeꞌ jax uchꞌichꞌer Cawinquirar Jesucristo. Y tamar era ¡cꞌampesic icuerpo tuaꞌ itattzꞌi ucꞌabꞌa Cadiosir tamar!   
\c 7  
\s1 Inteꞌ ojroner tamar e nujbꞌiar  
\p
\v 1 Pues entonces coner era cꞌani inwareox lo que cay iyubꞌi tacaren tama e carta lo que cay itzꞌijbꞌa tanibꞌa. Pues cꞌani inwareox era que bueno ani que inteꞌ sitz xeꞌ cꞌapa chꞌiꞌ axin ubꞌijnu tuaꞌ aquetpa ubꞌajner.  
\v 2 Pero cocha e winicobꞌ tara tor e rum war uchiobꞌ meyra mabꞌambꞌanir coner taca e ixictac axin, pues más ani bueno jay inteꞌ inteꞌ sitz axin anujbꞌi taca inteꞌ uwixcar, y que inteꞌ inteꞌ ijchꞌoc axin anujbꞌi taca inteꞌ uviejo.  
\v 3 Y bꞌan cocha e winic y bꞌan ubꞌan e ixic que ucꞌani tuaꞌ acꞌapa uchiobꞌ tunor lo que aquetpa tuaꞌ uchiobꞌ tama unujbꞌiarobꞌ.  
\v 4 Pues e ixic majax ajyum tama ucuerpo sino que jax uviejo xeꞌ ajyum tamar. Y bꞌan e winic que jaxir majax ajyum tama ucuerpo sino que jax uwixcar xeꞌ ajyum tamar.  
\v 5 Y tamar era cꞌani inwareox que ira iwacta tuaꞌ ichꞌami ibꞌa tama inujbꞌiar. Pero jay ibꞌijnu chatertiox tuaꞌ iwacta tunor era tuaꞌ icꞌajti taca e Dios tama inteꞌ tiempo, pues erer. Pero conda acꞌapa e tiempo era ucꞌani tuaꞌ asutpa ichꞌami ibꞌa otronyajr, porque jay iwacta tunor era entonces watar e Satanás tuaꞌ upijchꞌiox tuaꞌ ixcꞌaxi tama e mabꞌambꞌanir.   
\p
\v 6 Pues war inwareox que erer ixnujbꞌi tuaꞌ iche tunor era jay icꞌani, pero machi war inwareox que ucꞌani tuaꞌ ixnujbꞌi.  
\v 7 Pues nen quisinic que tunor e gente aquetpobꞌ bꞌan cocha nen que machi anujbꞌi, pero inteꞌ inteꞌ ajcꞌuna ucꞌampibꞌir umen e Dios. Ayan tin e uchꞌami inteꞌ ucꞌampibꞌir, y ayan tin e uchꞌami intex ucꞌampibꞌir.   
\p
\v 8 Pues ayan inteꞌ niwojroner tuaꞌ tin e turuto ubꞌajner y tin e chamay uwixcar o xeꞌ chamay uviejo. Nen quisinic inware que machi ixnujbꞌi, y que ixquetpa bꞌan cocha nen que matucꞌa niwixcar.  
\v 9 Pero jay machi uyubꞌi ucojco ubꞌa inteꞌ, más ani bueno tuaꞌ axin anujbꞌi. Porque más ani bueno tuaꞌ anujbꞌi inteꞌ tuaꞌ machi unumse ubꞌa meyra umen que war uyusre anujbꞌi taca inteꞌ ijchꞌoc.   
\p
\v 10 Pues ayan inteꞌ niwojroner tuaꞌ tin e nujbꞌiobꞌix. Y e ojroner era majax tanibꞌa taca sino que tuaꞌ Cawinquirar. Y e ojroner jax era: Que inteꞌ ixcarbꞌir ma erer uchoqui uyacta uviejo.  
\v 11 Pero jay inteꞌ ixic uchoqui uyacta uviejo, entonces ucꞌani tuaꞌ aquetpa ubꞌajner y machi ixto tuaꞌ asutpa anujbꞌi otronyajr. Pero erer asutpa uyustes ubꞌa taca uviejo otronyajr. Y bꞌan ubꞌan inteꞌ winic que ma erer uchoqui uyacta uwixcar tuaꞌ utijres unujbꞌiar.   
\p
\v 12 Y ayan inteꞌ niwojroner xeꞌ tuaꞌ e inmojr xeꞌ ajcꞌupesiajox, pero e ojroner era war alocꞌoy tanibꞌa y majax tuaꞌ Cawinquirar. Jay ayan inteꞌ hermano xeꞌ majax ani ajcꞌupesiaj tama Cawinquirar conda nujbꞌi y de allí ixin uchꞌami e Cristo pero uwixcar machi war ucꞌani, jay uwixcar turix tuaꞌ aquetpa tacar, entonces e hermano era ma erer uyacta uwixcar tuaꞌ utijres unujbꞌiar.  
\v 13 Y jay ayan inteꞌ hermana xeꞌ majax ani ajcꞌupesiaj tama Cawinquirar conda nujbꞌi y de allí ixin uchꞌami e Cristo, pero uviejo machi war ucꞌani, jay uviejo turix tuaꞌ aquetpa tacar, entonces e hermana era ma erer uyacta uviejo tuaꞌ utijres unujbꞌiar.  
\v 14 Porque e winic xeꞌ machi war acꞌupseyan tama Cawinquirar war aquetpa chojbꞌesbꞌir umen e Dios umen que nujbꞌibꞌir tacar uwixcar xeꞌ ajcꞌupesiaj tama Cawinquirar. Y e ixic xeꞌ machi war acꞌupseyan tama Cawinquirar war aquetpa chojbꞌesbꞌir umen e Dios umen que nujbꞌibꞌir tacar uviejo xeꞌ ajcꞌupesiaj tama Cawinquirar. Porque jay majax bꞌan ani cocha era entonces umaxtacobꞌ era aquetpobꞌ ani bꞌan cocha jay umaxtacobꞌ tin e uyujtzꞌiobꞌ ut inteꞌ chamen dios. Pero umaxtacobꞌ era aquetpobꞌ chojbꞌesbꞌirobꞌ umen e Dios umen que utuꞌ o utata war acꞌupseyan tama Cawinquirar.  
\v 15 Pero jay e winic o e ixic era xeꞌ machi war acꞌupseyan tama Cawinquirar cꞌani ucꞌocchi uchoqui unujbꞌiar umen que uwixcar o uviejo war acꞌupseyan tama Cawinquirar, erer uche. Pues tamar era e hermano o e hermana erer uyacta ubꞌobꞌ tama unujbꞌiar, porque Cadiosir upejcon tuaꞌ caturuan taca e jiriar.  
\v 16 Porque inteꞌ hermano ma erer unata jay erer ucorpes uwixcar, y inteꞌ hermana ma erer unata jay erer ucorpes uviejo.   
\p
\v 17 Pues cꞌani inwareox lo que nen incanse tama inteꞌ inteꞌ grupo ajcꞌupesiajobꞌ axin, que inteꞌ inteꞌ ajcꞌupesiaj ucꞌani tuaꞌ aturuan bꞌan cocha ucꞌampibꞌir lo que ajcꞌuna umen Cawinquirar y bꞌan cocha turu conda cay pejcna umen e Dios.  
\v 18 Entonces jay xurbꞌir imbꞌijc uqꞌuewerir utejromar inteꞌ hermano conda pejcna umen e Dios, pues bꞌan taca tuaꞌ aquetpa. Y jay majax xurbꞌir imbꞌijc uqꞌuewerir utejromar inteꞌ hermano conda pejcna umen e Dios, machi tuaꞌ axin usicbꞌa cocha tuaꞌ axujra imbꞌijc uqꞌuewerir utejromar.  
\v 19 Porque Cadiosir atzay uwira tin e xurbꞌir imbꞌijc uqꞌuewerir utejromar y atzay ubꞌan uwira tin e majax xurbꞌir imbꞌijc uqꞌuewerir utejromar, pero lo que más ayan ucꞌampibꞌir tut e Dios jax era: Que inteꞌ axin ucꞌupse tunor lo que arobꞌna tuaꞌ uche umen e Dios.  
\v 20 Y tamar era war inwareox que inteꞌ inteꞌ winic ucꞌani tuaꞌ aquetpa bꞌan taca cocha turu conda pejcna umen e Dios.  
\v 21 Pues jay ayan awajyum conda pejcnet umen e Dios, ira abꞌijnu tamar. Pero jay ayan cocha tuaꞌ ilocꞌoy yebꞌar ucꞌabꞌ xeꞌ quetpa awajyum, chen.  
\v 22 Porque tin e ayan uyajyum conda pejcbꞌir umen Cawinquirar, aquetpa corpesbꞌir tuaꞌ uyujtzꞌi ut e Dios coner. Y tin e matucꞌa uyajyum conda pejcbꞌir umen e Dios, aquetpa man tuaꞌ e Cristo coner.  
\v 23 Pues jax Cadiosir xeꞌ ixin utoyi meyra tuaꞌ umanion tuaꞌ caquetpa tuaꞌ, y tamar era ira iwacta ibꞌa tuaꞌ ixturbꞌana yebꞌar ucꞌabꞌ inteꞌ winic.  
\v 24 Entonces niwermanuox, xanenic bien inteꞌ intiox tama ubꞌir e Dios, y turuanenic bꞌan taca cocha turox conda pejcnox umen e Dios.   
\p
\v 25 Pues ayan otronteꞌ niwojroner tuaꞌ tin e merato anujbꞌi. Nen era matucꞌa inteꞌ ojroner xeꞌ inchꞌami tuaꞌ Cawinquirar tuaꞌ inwareox tama tunor era, pero cꞌani inwareox lo que nen imbꞌijnu tamar, y nen inware que tawaren tacar ucꞌunersiaj Cawinquirar tuaꞌ iche ijor tamaren.  
\v 26 Y cocha ayan meyra lo que war anumuy xeꞌ intran tama tunor or e rum coner, nen imbꞌijnu que más ani bueno que inteꞌ sitz o inteꞌ ijchꞌoc aquetpa ani bꞌan taca y que machi anujbꞌi.  
\v 27 Pues tin e ayan uwixcar machi tuaꞌ ubꞌijnu tuaꞌ utijres unujbꞌiar era. Y tin e matucꞌa uwixcar machi tuaꞌ ubꞌijnu tuaꞌ uchꞌujcu utajwi uwixcar tuaꞌ anujbꞌi tacar.  
\v 28 Pero jay axin anujbꞌi inteꞌ machi war uche e mabꞌambꞌanir tamar. Y jay inteꞌ ijchꞌoc axin anujbꞌi machi war uche e mabꞌambꞌanir tamar. Pero tin e axin anujbꞌi cꞌani unumse ubꞌobꞌ tamar e nujbꞌiar era, y nen quisinic intacriox tuaꞌ machi inumse ibꞌa cocha era.   
\p
\v 29 Pues niwermanuox, lo que war inwareox jax era: Que machi aquetpa meyra tiempo tama cacuxtar tara tor e rum. Y tamar era machi aquetpa meyra tiempo tuaꞌ uyubꞌion cache upatnar Cawinquirar. Entonces tin e nujbꞌix ucꞌani tuaꞌ usicbꞌa cocha tuaꞌ uyujtzꞌi ut e Dios iraj iraj bꞌan ani cocha inteꞌ xeꞌ matucꞌa uwixcar.  
\v 30 Y tin e war unumse ubꞌobꞌ umen que chamay inteꞌ ufamilia ucꞌani tuaꞌ aturuanobꞌ bꞌan cocha jay machi ani war aquetpa tzajtaca utobꞌ. Y tin e war atzayobꞌ ucꞌani tuaꞌ aturuanobꞌ bꞌan cocha jay machi ani war atzayobꞌ. Y tin e war amanuobꞌ ucꞌani tuaꞌ aquetpobꞌ bꞌan cocha jay majax ani tuobꞌ lo que war umaniobꞌ era.  
\v 31 Y tin e war achonma ucꞌani tuaꞌ aturuan bꞌan cocha inteꞌ que machi ani war usati tunor utiempo tama uchonmar era. Porque tunor or e rum lo que cawira coner ucꞌani tuaꞌ asatpa.   
\p
\v 32 Pues entonces war incꞌani que machix tuaꞌ ixturuan ibꞌijnu meyra, porque inteꞌ sitz war ubꞌijnu tamar taca upatnar e Dios y cocha tuaꞌ utzayjres Cawinquirar.  
\v 33 Pero inteꞌ winic xeꞌ ayan uwixcar war ubꞌijnu tamar lo que ayan tara tor e rum y war ubꞌijnu cocha tuaꞌ utzayjres uwixcar.  
\v 34 Y chequer ubꞌan que majax lar inteꞌ ijchꞌoc taca inteꞌ ixic xeꞌ ayan uviejo. Porque inteꞌ ijchꞌoc war ubꞌijnu uche lo que ucꞌani Cawinquirar y war uturbꞌa ubꞌa tuaꞌ uyajcꞌu ubꞌa tut e Dios tama uyalma y tama ucuerpo. Pero inteꞌ ixic xeꞌ ayan uviejo war ubꞌijnu tamar lo que ayan tara tor e rum y war ubꞌijnu cocha tuaꞌ utzayjres uviejo.   
\p
\v 35 Pues war inwareox tunor era tuaꞌ intacriox alocꞌoy imbꞌutz tunor tama icuxtar. Machi war imbꞌijnu tuaꞌ inquete inwabꞌu lo que war icꞌani, sino que war imbꞌijnu tuaꞌ intacriox ixquetpa imbꞌutz tama tunor icuxtar y que erer iturbꞌa ibꞌa tamar Cawinquirar inyajrer tuaꞌ iche upatnar iraj iraj.   
\p
\v 36 Pues jay ayan inteꞌ tatabꞌir xeꞌ war ubꞌijnu tuaꞌ uyacta anujbꞌi inteꞌ uwijchꞌoc umen que war anumuy meyra año tamar, y jay ubꞌijnu que bꞌan ucꞌani uche, entonces erer uche lo que war ubꞌijnu uche era. Y majax mabꞌambꞌanir tunor era.  
\v 37 Pero jay ayan otronteꞌ tatabꞌir xeꞌ war aqꞌuecꞌo tama uyalma que inteꞌ uwijchꞌoc machi tuaꞌ anujbꞌi y unata que erer aquetpa bꞌan cocha war ucꞌani era, pues erer uche lo que war ubꞌijnu tuaꞌ uche era, y bueno lo que war uche.  
\v 38 Y tamar era e tatabꞌir xeꞌ uyajcꞌu uwijchꞌoc tuaꞌ anujbꞌi war uche lo que bueno, pero tin e machi war uyajcꞌu uwijchꞌoc tuaꞌ anujbꞌi war uche lo que mejor.   
\p
\v 39 Pues inteꞌ ixic xeꞌ ayan uviejo aquetpa cachar tacar uviejo era umen e ley conda turuto e winic era. Pero jay achamay uviejo jaxir aquetpa libre tuaꞌ asutpa anujbꞌi taca otronteꞌ winic, pero jax taca inteꞌ xeꞌ war acꞌupseyan tama Cawinquirar.  
\v 40 Pero más ani tuaꞌ aquetpa atzay e ixic era jay machix ani asutpa anujbꞌi otronyajr. Pues era jax taca lo que imbꞌijnu nen, majax lo que uyaren ani e Dios. Pero nen imbꞌijnu que turu Unawalir e Dios tamaren ubꞌan.   
\c 8  
\s1 Lo que tuaꞌ cabꞌijnu tamar lo que quetpa ajcꞌubꞌir tut inteꞌ chamen dios  
\p
\v 1 Pues entonces cꞌani innumuy era esto tamar lo que quetpa ajcꞌubꞌir tut inteꞌ chamen dios. Pero ayan inteꞌ xeꞌ oꞌjron y che: “Pues non war canata tama tunor era, y tamar era non cacꞌuxi tunor lo que cacꞌani”, che inteꞌ. Pero lo más que cacꞌotoy canata lo más que uchion cabꞌijnu que más nojta cajor este que caxin catattzꞌi cabꞌa tamar. Y majax bueno tuaꞌ cache cocha era. Pero conda war cachectes cabꞌa tut e inmojr xeꞌ war cayajta utobꞌ, jax era lo que war uche achꞌiꞌ más nojta cawalma tut e Dios.  
\v 2 Pero jay ayan chi xeꞌ war ubꞌijnu que meyra war unata y war utattzꞌi ubꞌa tamar, chequer que matucꞌa unata tamar lo que ucꞌani ani unata tama e Dios.  
\v 3 Pero tin e uyajta ut e Dios, war anatanwa umener.   
\p
\v 4 Entonces tamar ucꞌujxar lo que aquetpa turbꞌabꞌir tut uyaltar inteꞌ chamen dios, war canata que matucꞌa ucꞌampibꞌir inteꞌ chamen dios tara tor e rum, y que matucꞌa más dios, sino que jax taca Catata Dios xeꞌ turu tichan tut e qꞌuin.  
\v 5 Pues arobꞌna umen e gente que ayan e sian diosobꞌ tut e qꞌuin y tara tor e rum, y e gente era chenobꞌ que ayan meyra dios y que ayan meyra ajwinquirobꞌ.  
\v 6 Pero ticoit non matucꞌa más dios sino que inteꞌ taca Dios xeꞌ jax Catata Dios xeꞌ turu tichan tut e qꞌuin xeꞌ jax xeꞌ cꞌapa uche tunor lo que ayan, y non turon tuaꞌ taca cache lo que ucꞌani jaxir. Y ticoit non ayan inteꞌ taca Winquir xeꞌ jax e Jesucristo. Pues umen jaxir turu tunor lo que ayan esto non ubꞌan.   
\p
\v 7 Pero majax tunor e winicobꞌ xeꞌ war unatobꞌ tama tunor era. Ayan tin e cay uyujtzꞌiobꞌ ut e sian chamen diosobꞌ ixnix xeꞌ warto ubꞌijnuobꞌ esto coner que ayanto ucꞌampibꞌir lo que aquetpa ajcꞌubꞌir tut inteꞌ chamen dios y xeꞌ warto ucꞌuxiobꞌ e comida cocha era ubꞌan. Y cocha mato jax nojta ucꞌupesiajobꞌ tama Cawinquirar, war aquetpobꞌ injayjay tama uyalmobꞌ umen que war ubꞌijnuobꞌ que mabꞌambꞌan tut Catata Dios tuaꞌ ucꞌuxiobꞌ lo aquetpa ajcꞌubꞌir tut inteꞌ chamen dios cocha era. Y tamar era war unatobꞌ que war abꞌontzꞌa uyalmobꞌ umen e comida lo que war ucꞌuxiobꞌ era.  
\v 8 Pero jay war canata que matucꞌa ucꞌampibꞌir lo que aquetpa ajcꞌubꞌir tut inteꞌ chamen dios y tamar era caxin cacꞌuxi, ¿jax ca tuaꞌ uchion caquetpa más imbꞌutz taca e Dios? Machi. Y machi tuaꞌ cachꞌami más cacꞌampibꞌir jay cacꞌuxi tunor era, y nien machi tuaꞌ asatpa cacꞌampibꞌir tut e Dios jay machi cacꞌuxi tunor era.  
\v 9 Pero nox iwiric tuaꞌ machi iche acucrema tin e mato jax nojta tama ucꞌupesiajobꞌ tama Cawinquirar umen que nox war inata que matucꞌa tuaꞌ inumse ibꞌa jay icꞌuxi lo que war icꞌani era.  
\v 10 Pues nox meyra war inata tama tunor era. Pero bꞌajcꞌat inteꞌ tijam xeꞌ war aqꞌuecꞌo tama ucꞌupesiaj acꞌotoy tama inteꞌ templo tuaꞌ inteꞌ chamen dios tuaꞌ ucꞌuxi e wer lo que aquetpa ajcꞌubꞌir tut e chamen dios era. Y bꞌajcꞌat anumuy inteꞌ hermano xeꞌ mato jax nojta tama ucꞌupesiaj tama Cawinquirar y jaxir uwira tiaꞌ war aweꞌ inteꞌ era y bꞌajcꞌat jaxir ubꞌijnu tuaꞌ axin ucꞌuxi e wer era ubꞌan.  
\v 11 Pero cocha jaxir war unata que mabꞌambꞌan tuaꞌ aweꞌ tama e templo era, jay jaxir axin uche entonces axin acucrema tamar. Y bꞌan cay uche umen taca que ayan inteꞌ xeꞌ más war unata, y tamar era ixin satpa inteꞌ cawermano xeꞌ chamesna e Cristo tuaꞌ ucorpes.  
\v 12 Y tamar era cocha cꞌapa yobꞌna uyalma e hermano era xeꞌ mato jax nojta tama ucꞌupesiaj tama Cawinquirar este que ixin uche e mabꞌambꞌanir, nox ubꞌan war iche e mabꞌambꞌanir upater e Cristo umen que inteꞌ era war uwira lo que war iche nox y tamar era ixin cucrema.  
\v 13 Y tamar era nen, jay umen que war ani incꞌuxi e wer xeꞌ quetpa ajcꞌubꞌir tut inteꞌ chamen dios y que tamar era inche acucrema inteꞌ niwermano tuaꞌ uche e mabꞌambꞌanir, entonces nen machi ixto tuaꞌ insutpa incꞌuxi e wer era otronyajr, porque machi incꞌani tuaꞌ inche acucrema inteꞌ niwermano.   
\c 9  
\s1 Lo que erer uche inteꞌ uyapóstol Cawinquirar  
\p
\v 1 Pues entonces cꞌani inwareox que nen ayan lo que erer inche umen que apostolen tuaꞌ Cawinquirar. Nen inwirix ut e Jesús xeꞌ jax Cawinquirar conda uchectes ubꞌa taniut tama inteꞌ nimayjut, y nox cꞌotoy corpesnox umen que cay inchecsu uyojroner Cawinquirar tama e corpesiaj tiut.  
\v 2 Bꞌajcꞌat ayan tin e machi war ubꞌijnu jay nen apostolen tuaꞌ Cawinquirar Jesucristo. Pero nox war inata que bꞌan, y nox war ixquetpa bꞌan cocha inteꞌ chequerir que nen jax inteꞌ apostolen tuaꞌ Cawinquirar cocha nox cay cꞌupseyanox tama Cawinquirar Jesucristo umen que nen cay inchecsu uyojroner e Dios tiut.   
\p
\v 3 Pues jax era lo que inware tunor tin e ayopa taniut xeꞌ war ubꞌijnuobꞌ que nen majax apostolen:  
\v 4 Pues nen cocha apostolen tuaꞌ Cawinquirar erer inchꞌami tunor lo que anjcꞌuna tuaꞌ incꞌuxi y tunor lo que anjcꞌuna tuaꞌ unchꞌi.  
\v 5 Y nen cocha apostolen tuaꞌ Cawinquirar erer ani inqꞌueche axin inteꞌ niwixcar ubꞌan xeꞌ ajcꞌupesiaj tama Cawinquirar bꞌan cocha war axanobꞌ e inmojr apostolobꞌ taca uwixcarobꞌ, y bꞌan cocha war axanobꞌ uwijtzꞌinobꞌ Cawinquirar, y bꞌan cocha war axana e Pedro ubꞌan.  
\v 6 ¿O jax ca taca e Bernabé y nen xeꞌ ucꞌani tuaꞌ capatna tama cacꞌabꞌ tuaꞌ caweꞌ conda war cachecsu axin uyojroner e Dios?  
\v 7 ¿O ayan ca inteꞌ soldado xeꞌ axin utoyi ubꞌa conda war acꞌampa tama e ejército? Mamajchi. Y tin e war upaqꞌui inteꞌ chꞌan xeꞌ ucꞌabꞌa uva ¿machi ca ujuxi umaqꞌui lo que ayan tamar? Pues uche. Y bꞌan ubꞌan tama inteꞌ ajcojc oveja ¿machi ca axin uyuchꞌi e chuꞌ conda war uyatzꞌi uchꞌu e oveja era? Pues uyuchꞌi.  
\v 8 Y ma erer ibꞌijnu que tunor era bꞌan taca lo que war imbꞌijnu nen porque bꞌan chꞌar tzꞌijbꞌabꞌir tama uley e Moisés ubꞌan.  
\v 9 Porque tama uley e Moisés che que: “Ira icachi uyej e wacax conda war axana tujor e trigo tiaꞌ war aloqꞌuesna usojqꞌuir.” Bꞌan chꞌar tzꞌijbꞌabꞌir tama uley e Moisés. Y chequer que Cadiosir war ubꞌijnu tamar tin e man tuaꞌ y majax tamar taca inteꞌ wacax conda ojron cocha era.  
\v 10 ¿O war ca ubꞌijnu tamaron conda uyareon cocha era? Pues tamaron. Porque tin e axin uyustes e chor war ubꞌijnu tama e hora conda watar e cosecha, y tin e war ulocse usojqꞌuir e trigo war ubꞌijnu tamar lo que tuaꞌ uchꞌami tama e cosecha era.  
\v 11 Pues non cay patnon tijam tuaꞌ catacriox ixcꞌotoy ichꞌami ucꞌunersiaj e Dios. ¿O ma ca jax bueno tuaꞌ cabꞌijnu que quisinic cachꞌami imbꞌijc tacarsiaj tibꞌa tama e patnar lo que war cache era?  
\v 12 Porque ayan meyra ajcanseyajobꞌ xeꞌ war ayopobꞌ tiut xeꞌ war atacarnobꞌ imener, y non era más ayan caderecho tuaꞌ uyubꞌion cachꞌami e tacarsiaj tibꞌa ubꞌan.  
\p Pero non ma tiaꞌ war cacꞌajti e tacarsiaj tibꞌa motor que uyubꞌion ani cache. Y machi cabꞌijnu tamar lo que war canumse cabꞌa motor que ayan lo que cacꞌani, porque matucꞌa cꞌani cache xeꞌ erer uche aquetpa intran lo que uyubꞌi ani uquete uwabꞌu uyojroner e Dios tama e corpesiaj.  
\v 13 Pues nox war inata ubꞌan que tin e war apatnobꞌ tama e templo tama e chinam Jerusalem war awesenobꞌ umen que war apatnobꞌ yajaꞌ. Y tin e turobꞌ tiaꞌ aquetpa ajcꞌubꞌir inteꞌ arac tut e altar tuaꞌ apurutna erer uchꞌamiobꞌ imbꞌijc e wer era tuaꞌ ucꞌuxiobꞌ ubꞌan.  
\v 14 Y Cawinquirar war ucꞌani ubꞌan que tin e war uchecsu uyojroner e Dios axin erer uchꞌamiobꞌ e tacarsiaj tamar e patnar lo que war uchiobꞌ era tuaꞌ uyubꞌi awiobꞌ tamar.  
\v 15 Pero nen ma tiaꞌ ixien incꞌampes niderecho cocha inteꞌ apóstol tuaꞌ inchꞌami e tacarsiaj cocha era. Y machi war intzꞌijbꞌa tibꞌa era tuaꞌ incꞌajti itacarsiaj. Pues nen era war intzay que war inchecsu uyojroner e Dios axin bꞌan taca y que machi war intojya tamar. Pero jay ucꞌani ani tuaꞌ incꞌajti tuaꞌ intacarna umen que war inchecsu uyojroner e Dios axin, entonces acꞌapa ani tunor e tzayer lo que ayan tama niwalma. Y tamar era más ani bueno taniut tuaꞌ inchamay umen que ma tzꞌacar lo que incꞌani que acꞌapa e tzayer lo que ayan tama niwalma era.   
\p
\v 16 Pues nen machi imbꞌijnu tuaꞌ intꞌabꞌse nibꞌa umen que war inchecsu uyojroner e Dios tama e corpesiaj axin porque war inche tunor era umen que bꞌan arobꞌnen tuaꞌ inche umen Cawinquirar. ¿Y cocha nic ani jay nen machi inchecsu uyojroner e Dios axin?  
\v 17 Pero jay inche tunor upatnar e Dios umen taca que bꞌan imbꞌijnu inche, entonces ucꞌani ani tuaꞌ intojya tamar. Pero cocha war inche tunor era umen que bꞌan arobꞌnen umen e Dios, entonces war inche umen taca que war incꞌupseyan tut jaxir.  
\v 18 Entonces machi war intojya taca e tumin, pero ayan lo que war inchꞌami xeꞌ jax e tzayer lo que achecta tama niwalma conda war inchecsu uyojroner e Dios tut e gente. Pues e tzayer era aquetpa bꞌan cocha nituanibꞌir. Y tamar era mamajchi war inware tuaꞌ utacren motor que uyubꞌien ani inturuan tama nipatnar que war inchecsu uyojroner e Dios axin tama Cawinquirar Jesucristo.   
\p
\v 19 Pues motor que nen matucꞌa inteꞌ ajyum tama nijor tara tor e rum xeꞌ war uyaren tucꞌa tuaꞌ inche, pero bꞌan inturbꞌa nibꞌa tut e gente axin tuaꞌ uyubꞌien intacriobꞌ acꞌotoyobꞌ tut e Cristo.  
\v 20 Y tamar era conda turen tujam e gente xeꞌ tuobꞌ e Israel, nen inturbꞌa nibꞌa bꞌan cocha jaxirobꞌ tuaꞌ uyubꞌien intacriobꞌ acꞌotoy uchꞌamiobꞌ ucꞌabꞌa Cawinquirar Jesucristo. Entonces war inturbꞌa nibꞌa bꞌan cocha inteꞌ xeꞌ turu yebꞌar uley e Moisés conda turen taca e gente xeꞌ tuobꞌ e Israel tuaꞌ uyubꞌien intacriobꞌ. Pues machi turen yebꞌar uley e Moisés coner, pero bꞌan inturbꞌa nibꞌa tuaꞌ intacriobꞌ.  
\v 21 Y bꞌan ubꞌan tama e gente xeꞌ majax tuobꞌ e Israel, conda turen tujamobꞌ inturbꞌa nibꞌa bꞌan cocha jaxirobꞌ xeꞌ machi war ubꞌijnuobꞌ jay ayan inteꞌ uley e Moisés pero tuaꞌ taca intacriobꞌ acꞌotoy uchꞌamiobꞌ ucꞌabꞌa Cawinquirar Jesucristo. Pero machi war inwareox que machi war incꞌupseyan tut uley e Dios, porque nen turen yebꞌar uley e Cristo.  
\v 22 Y conda turen tujam e gente xeꞌ mato jax nojta ucꞌupesiaj tama Cawinquirar, inturbꞌa nibꞌa bꞌan cocha jaxirobꞌ tuaꞌ uyubꞌien intacriobꞌ aqꞌuecꞌuobꞌ tama ucꞌupesiajobꞌ tama Cawinquirar Jesucristo. Y tamar era war inturbꞌa nibꞌa bꞌan cocha inteꞌ winic xeꞌ majax nojta nicꞌampibꞌir tuaꞌ uyubꞌien intacre cora gente tuaꞌ acꞌotoy tut e Dios.  
\v 23 Y war inche tunor era tuaꞌ inwira alocꞌoy imbꞌutz tunor uyojroner e Dios tama e corpesiaj, y tuaꞌ uyubꞌien inchꞌami nen ubꞌan tunor e nuxi chojbꞌesiaj lo que tuaꞌ cajcꞌuna conda cacꞌotoy tut e qꞌuin.   
\p
\v 24 Pues nox war inata que tama inteꞌ ajner axin aꞌjniobꞌ meyra winicobꞌ, pero jax taca inteꞌ winic xeꞌ acꞌotoy bꞌajxan xeꞌ tuaꞌ uchꞌami utuanibꞌir. Y bꞌanon non ubꞌan xeꞌ war caxana tama ubꞌir e Dios, ucꞌani tuaꞌ caturbꞌa cabꞌa tuaꞌ cajni meyra tuaꞌ uyubꞌion cachꞌami catuanibꞌir conda cacꞌotoy tut e qꞌuin.  
\v 25 Pues tunor tin e cꞌani aꞌjniobꞌ tama inteꞌ ajner ucꞌani tuaꞌ uturbꞌa ubꞌobꞌ tuaꞌ aqꞌuecꞌuobꞌ meyra tuaꞌ uyubꞌiobꞌ aꞌjniobꞌ más wacchetaca, y tamar era usicbꞌobꞌ lo que más bueno tuaꞌ ucꞌuxiobꞌ y machi acarayobꞌ. Y jaxirobꞌ uchiobꞌ tunor era tuaꞌ uyubꞌi uchꞌamiobꞌ inteꞌ utuanibꞌir xeꞌ jax ucꞌabꞌ e sutaj teꞌ xeꞌ uxojyobꞌ tuaꞌ uturbꞌa tama ujor tin e acꞌotoy bꞌajxan tama e ajner era. Pues jaxirobꞌ uchiobꞌ tunor era tuaꞌ uchꞌamiobꞌ lo que acꞌapa wacchetaca, pero non war cajni tama ubꞌir e Dios tuaꞌ cacꞌotoy cachꞌami e cuxtar xeꞌ machi tuaꞌ acꞌapa.  
\v 26 Pero nen xeꞌ Pabloen war inturbꞌa nibꞌa tama tunor e checsuyaj lo que inche tama uyojroner e Dios y machi inche bꞌan cocha inteꞌ xeꞌ war aꞌjni xeꞌ machi unata tiaꞌ tuaꞌ acꞌotoy. Y machi war inturbꞌa nibꞌa bꞌan cocha inteꞌ xeꞌ war atzꞌojyi taca otronteꞌ pero xeꞌ machi obꞌna uyajcꞌu e inteꞌ.  
\v 27 Pero nen war inche unumse ubꞌa tunor nicuerpo y war inche nicuerpo tuaꞌ ucꞌupsien tama tunor. Y bꞌan war inche tama niwalma ubꞌan tuaꞌ acꞌapa inche tunor lo que ucꞌani Niwinquirar. Porque nen machi cꞌani inquetpa bꞌan cocha inteꞌ xeꞌ ma tawar tuaꞌ uchꞌami e tuanibꞌir conda cꞌapa incanse meyra gente tama uyojroner e Dios.   
\c 10  
\s1 Ira iyujtzꞌi ut inteꞌ chamen Dios  
\p
\v 1 Pues entonces niwermanuox, cꞌani inwareox tuaꞌ machi inajpes lo que numuy tama catata viejobꞌirobꞌ xeꞌ tuon e Israel conda war axanobꞌ tupat e Moisés tama e onian tiempo. Porque tunorobꞌ war axanobꞌ yebꞌar e tocar lo que turbꞌana umen e Dios tuaꞌ ubꞌijresobꞌ, y tamar era tunorobꞌ numuyobꞌ tama e nuxi jaꞌ xeꞌ ucꞌabꞌa e Chacchac Jaꞌ.  
\v 2 Y conda numuyobꞌ tama e tocar era y tama e jaꞌ chempa tamarobꞌ lo que lar tacar e chꞌuymar, y tamar era quetpa chequer que tunorobꞌ tuaꞌ axanobꞌ taca e Moisés tic taca tiaꞌ ucꞌani.  
\v 3 Y tunor e gente tuaꞌ e Israel xeꞌ war axanobꞌ tupat e Moisés cay ucꞌuxiobꞌ e maná xeꞌ ebꞌtana tari umen e Dios xeꞌ bꞌan cocha ingojr chuchu pan xeꞌ ecmay tari tut e qꞌuin.  
\v 4 Y tunorobꞌ cay uyuchꞌiobꞌ e jaꞌ lo que ajcꞌunobꞌ umen e Dios xeꞌ locꞌoy tama ut inteꞌ nuxi tun. Y e tun era bꞌan cocha e Cristo xeꞌ turu tacarobꞌ tic taca tiaꞌ war anumuyobꞌ tama e choquem lugar.  
\v 5 Pero motor que cꞌapa uchiobꞌ tunor era taca e Moisés, pero machi war atzay Cadiosir uwira tin e cay uchiobꞌ e mabꞌambꞌanir y tamar era chamayobꞌ meyra gente bꞌan taca tama e choquem lugar.   
\p
\v 6 Pues tunor era aquetpa bꞌan cocha inteꞌ checsuyaj ticabꞌa coner tuaꞌ utacrion canata que majax bueno tuaꞌ cosre cache e mabꞌambꞌanir bꞌan cocha cay uchiobꞌ jaxirobꞌ.  
\v 7 Y tamar era ira iyujtzꞌi ut e chamen dios nox bꞌan cocha cay uchiobꞌ e gente tama e choquem lugar, porque chꞌar tzꞌijbꞌabꞌir tama uyojroner e Dios que: “E gente era conda cay uyujtzꞌiobꞌ ut inteꞌ chamen dios xeꞌ bꞌan uwirnar cocha inteꞌ wacax cay turuan wiobꞌ y cay oychꞌiobꞌ, y de allí achpobꞌ tuaꞌ acay asiobꞌ taca e ixictac.” Bꞌan chꞌar tzꞌijbꞌabꞌir tama uyojroner e Dios.  
\v 8 Y tamar era machi tuaꞌ caxin cose cabꞌa taca e ixictac xeꞌ majax ticabꞌach, y nien e ixictac machi tuaꞌ uyose ubꞌa taca inteꞌ winic xeꞌ majax uviejo, porque bꞌan uchiobꞌ meyra gente tuaꞌ e Israel tama e choquem lugar, y tamar era chamayobꞌ 23,000 tama inteꞌ taca día.  
\v 9 Y ma erer cache cocha uchiobꞌ tin e cay uchiobꞌ e mabꞌambꞌanir tama e choquem lugar tuaꞌ uwirobꞌ ani jay aqꞌuijna Cawinquirar uwira tunor era, porque tamar era jaxirobꞌ chamayobꞌ cꞌuxbꞌir umen e sian chan.  
\v 10 Y ira ixqꞌuecran upater Cadiosir cocha cay uchiobꞌ e gente tuaꞌ e Israel tama e onian tiempo porque tamar era meyra gente chamesnobꞌ umen e ángel xeꞌ ajcꞌubꞌir ucꞌotorer umen e Dios tuaꞌ achamsan umen que uchiobꞌ cocha era.   
\p
\v 11 Pues tunor era lo que numuy tama catata viejobꞌirobꞌ tama e onian tiempo chꞌar tzꞌijbꞌabꞌir tama uyojroner e Dios tuaꞌ aquetpa inteꞌ checsuyaj ticoit coner tuaꞌ utacrion tuaꞌ machi cache non bꞌan cocha cay uchiobꞌ jaxirobꞌ. Porque non era war caturuan tama ucꞌapesnibꞌir tunor era, ya que cꞌanix acꞌapa or e rum era.  
\v 12 Pues tunor tin e war ubꞌijnu que war aqꞌuecꞌo awawan tama ubꞌir e Dios uturbꞌic ubꞌa tuaꞌ machi axin acucrema.  
\v 13 Porque inteꞌ inteꞌ bꞌijnusiaj lo que oꞌchoy tama cajor tuaꞌ cache lo que mabꞌambꞌan lar cocha war oꞌchoy tama ujorobꞌ tunor e inmojr gente tara tor e rum ubꞌan. Pero erer cacꞌupseyan tama Cadiosir xeꞌ tuaꞌ ucojcon tuaꞌ machi achecta e bꞌijnusiaj tuaꞌ cache e mabꞌambꞌanir xeꞌ más nojta ticoit que machi ani uyubꞌion caqꞌuecꞌo tut. Porque tama e hora conda achecta e mabꞌambꞌan bꞌijnusiaj era watar Cadiosir tuaꞌ uyajcꞌon cocha tuaꞌ calocꞌoy cajni tut tuaꞌ machi cacucrema tamar.   
\p
\v 14 Entonces niwermanuox xeꞌ inchoj iut nimener, loqꞌuenic ajner tut e chamen dios tuaꞌ machi iyujtzꞌi ut.  
\v 15 Pues war onjron tacarox cocha era porque war innata que nox nojta ijor tama icanuar y que tamar era erer ibꞌijnu iwira tucꞌa imbꞌutz y tucꞌa majax imbꞌutz. Pues nen innata que erer ibꞌijnu iwira que imbꞌutz tunor lo que war inwareox era.  
\v 16 Porque conda caxin coychꞌi lo que ayan tama inteꞌ vaso xeꞌ chojbꞌesbꞌir ut y cawajcꞌu gracias Cadiosir tamar, ¿machi ca war caquetpa intera tacar uchꞌichꞌer Cawinquirar Jesucristo? Y conda caxin cacꞌuxi e pan xeꞌ xejra ¿machi ca war caquetpa intera tacar ucuerpo Cawinquirar Jesucristo?  
\v 17 Y motor que meyron pero inteꞌ intion war cacꞌuxi inteꞌ taca e pan era, y tamar era tunoron caquetpa intera tacar ucuerpo Cawinquirar Jesucristo.   
\p
\v 18 Entonces chꞌujcunic iwira e gente tuaꞌ e Israel, porque tin e war ucꞌuxi lo que quetpa ajcꞌubꞌir tut e altar lo que ayan tama e templo tama e chinam Jerusalem war aquetpobꞌ intera taca e Dios.  
\v 19 Pues y bꞌan ubꞌan tama tin e axin ucꞌuxi lo que aquetpa ajcꞌubꞌir tut inteꞌ chamen dios. Pero ¿tucꞌa war inwareox era? ¿War ca inwareox que ayan ucꞌampibꞌir inteꞌ mabꞌambꞌan mein xeꞌ ya turu tacar inteꞌ chamen dios y que atzay uwira lo que aturbꞌana tut? Pues machi.  
\v 20 Pero lo que cꞌani inwareox jax era: Que conda inteꞌ xeꞌ machi war acꞌupseyan tama Cawinquirar axin uturbꞌa e wer tut inteꞌ chamen dios que jaxir war uturbꞌa tunor era tut inteꞌ mabꞌambꞌan mein, y majax tut e Dios. Y nen machi incꞌani que ayan tijam tin e war ucꞌuxi e wer era taca tin e war uyujtzꞌiobꞌ ut inteꞌ mabꞌambꞌan mein, porque jay bꞌan ani iche war ixquetpa intera taca e mabꞌambꞌan mein era.  
\v 21 Porque ma cocha erer tuaꞌ caxin coychꞌi lo que ayan tama uvaso Cawinquirar y de allí caxin coychꞌi e copa tuaꞌ inteꞌ mabꞌambꞌan mein ubꞌan. Y ma cocha erer tuaꞌ caxin cacꞌuxi e pan tama umesa Cawinquirar y de allí caxin cacꞌuxi lo que ayan tama umesa inteꞌ mabꞌambꞌan mein ubꞌan.  
\v 22 ¿O war ca ibꞌijnu tuaꞌ iqꞌuijnes Cawinquirar tuaꞌ utzunliox? ¿O war ca ibꞌijnu que más war ixqꞌuecꞌo nox que Catata Dios?   
\s1 Lo que erer ubꞌijnu uche inteꞌ xeꞌ war acꞌupseyan tama Cawinquirar y e cꞌunersiaj  
\p
\v 23 Entonces non tunor erer cabꞌijnu cache, pero majax tunor xeꞌ uwajpi tamaron xeꞌ war caxana tama ubꞌir e Dios. Y ayan lo que matucꞌa ucꞌampibꞌir tuaꞌ cache; erer caxin cache, pero ayan lo que machi utacrion tuaꞌ achꞌiꞌ cacꞌupesiaj.  
\v 24 Y tamar era tunoron ucꞌani tuaꞌ cabꞌijnu tamar lo que war cache y cocha tuaꞌ catacre e inmojr tacar era, y machi tuaꞌ cabꞌijnu tamar taca lo que cꞌani cache non tuaꞌ catzayjres cabꞌa.   
\p
\v 25 Pues erer icꞌuxi e wer lo que achojna tama e mercado, pero ira iyubꞌi tiaꞌ tari e wer era tuaꞌ machi ibꞌijnu tama tunor era.  
\v 26 Porque chꞌar tzꞌijbꞌabꞌir tama uyojroner e Dios que: “Tunor or e rum y tunor lo que ayan tamar jax tuaꞌ Cawinquirar”, xeꞌ che tama uyojroner e Dios.   
\p
\v 27 Entonces jay ayan chi upejcox tuaꞌ ixyopa ixweꞌ tacarobꞌ xeꞌ machi war axanobꞌ tama ubꞌir e Dios y nox ibꞌijnu tuaꞌ ixixin, pues cꞌuxic tunor lo que uyajcꞌox y ira iyubꞌi tiaꞌ tari e wer era tuaꞌ machi ayobꞌna iwalma.  
\v 28 Pero jay ayan chi ayopa toit y uyaret y che: “E wer era ajcꞌubꞌir tut inteꞌ chamen Dios”, entonces ma erer acꞌuxi e wer era tuaꞌ machi ayobꞌi uyalma xeꞌ cay uyaret tamar.  
\v 29 Pero machi war imbꞌijnu jay cꞌani ani ayobꞌna iwalma nox sino que war imbꞌijnu tamar uyalma otronteꞌ, y tamar era ma erer icꞌuxi e wer era.  
\p Pero bꞌajcꞌat ayopa inteꞌ toit xeꞌ uyaret y che: “Pues jay nen ayan lo que cꞌani inxin inche, ¿tucꞌa tuaꞌ ucꞌani tuaꞌ imbꞌijnu jay imbꞌutz o jay majax imbꞌutz tut otronteꞌ?  
\v 30 Y jay war intattzꞌi ucꞌabꞌa e Dios tama e wer lo que war incꞌuxi era, ¿tucꞌa tuaꞌ cꞌani ucꞌayen otronteꞌ tamar lo que war incꞌuxi?” xeꞌ che inteꞌ.  
\v 31 Pero non, tunor lo que caxin cache ucꞌani tuaꞌ cache tuaꞌ catattzꞌi ucꞌabꞌa Cadiosir tamar, motor que ayan lo que war cacꞌuxi o motor que ayan lo que war coychꞌi.  
\v 32 Y tamar era ira iche lo que erer uche acucrema nien tin e tuobꞌ e Israel, y nien tin e majax tuobꞌ e Israel, y nien tin e tuobꞌ e grupo ajcꞌupesiajobꞌ tama Cadiosir.  
\v 33 Pero nen lo que war inche, inturbꞌa nibꞌa tuaꞌ intzayjres axin tunor e gente tama tunor lo que war inche. Y machi war imbꞌijnu tuaꞌ taca intzayjres nibꞌa sino que tuaꞌ intzayjres e inmojr conda axin uwira lo que war inche, porque war incꞌani tuaꞌ acorpesnobꞌ tunor e gente era.   
\c 11  
\p
\v 1 Chenic ibꞌa bꞌan cocha nen, porque nen war inturbꞌa nibꞌa tuaꞌ inquetpa bꞌan cocha e Cristo.   
\s1 Cocha tuaꞌ ucojco ubꞌa inteꞌ ixic conda war uyujtzꞌi ut e Dios  
\p
\v 2 Pues entonces niwermanuox, cꞌani intzayjresox era umen que war icꞌajpes iraj iraj tunor lo que cay inwareox, y umen que war icojco tunor e canseyaj lo que cay ichꞌami tamaren.  
\v 3 Pero cꞌani inwareox era tuaꞌ aquetpa chequer tiut que e Cristo jax ujor tunor e winicobꞌ, y e winic jax ujor uwixcar, y Catata Dios jax ujor e Cristo.  
\v 4 Y tamar era jay inteꞌ winic axin umaqui ujor conda war ucꞌajti taca e Dios o conda war uchecsu tut e gente lo que arobꞌna umen e Dios, pues subꞌar tunor era tut e Cristo xeꞌ jax ujor.  
\v 5 Pero jay inteꞌ ixic machi umaqui ujor conda war ucꞌajti taca e Dios tama inteꞌ servicio o conda war uchecsu tut e gente lo que arobꞌna umen e Dios, pues subꞌar tunor era tut tin e aquetpa tujor jaxir xeꞌ jax uviejo. Pues inteꞌ ixic xeꞌ uche cocha era aquetpa lar cocha jay acꞌapa uxuri tunor utzutzer ujor inyajrer.  
\v 6 Entonces jay inteꞌ ixic machi cꞌani umaqui ujor, más ani bueno tuaꞌ ususi tunor utzutzer ujor inyajrer. Pero jay subꞌar unata inteꞌ ixic tuaꞌ asujsa tunor utzutzer ujor, entonces umaquic ujor conda axin tama inteꞌ servicio.  
\v 7 Pero inteꞌ winic machix tuaꞌ umaqui ujor conda turu tama inteꞌ servicio tuaꞌ aquetpa galan uwirnar umen que chena bꞌan cocha uwirnar utawarer Catata Dios. Pero tama inteꞌ ixic aquetpa chequer uchecsuyaj inteꞌ winic umen que tama e winic locꞌoy.  
\v 8 Porque e bꞌajxan winic chena umen e Dios y machi tari tama inteꞌ ixic, sino que e bꞌajxan ixic chena umen e Dios tama e winic era.  
\v 9 Pues e winic chena umen e Dios majax tuaꞌ utacre e ixic, sino que e ixic chena tuaꞌ utacre e winic.  
\v 10 Y tamar era inteꞌ ixic ucꞌani tuaꞌ umaqui ujor conda axin tama inteꞌ servicio tuaꞌ aquetpa chequer que jaxir turu yebꞌar ucꞌotorer uviejo y umen que turobꞌ e angelobꞌ ticawejtzꞌer.  
\v 11 Pero tama upatnar Cawinquirar ma erer ubꞌijnuobꞌ e ixictac que jaxobꞌ taca tuaꞌ apatnobꞌ, porque ucꞌaniobꞌ utacarsiaj e winicobꞌ ubꞌan. Y e winicobꞌ ma erer ubꞌijnuobꞌ que ubꞌajnerobꞌ tuaꞌ uchiobꞌ tunor upatnar e Dios, porque ucꞌaniobꞌ utacarsiaj e ixictac ubꞌan.  
\v 12 Pues bꞌan cocha locꞌoy chena e bꞌajxan ixic tama inteꞌ winic y bꞌan ubꞌan coner que e winic acuxpa tama inteꞌ ixic, pero tunor lo que ayan tari tama Cadiosir.   
\p
\v 13 Entonces bꞌijnunic nox jay imbꞌutz tiut tuaꞌ ucꞌajti taca e Dios inteꞌ ixic tama inteꞌ servicio xeꞌ pasar ujor.  
\v 14 Pues e gente tara tor e rum ubꞌijnuobꞌ que jay inteꞌ winic uyacta achꞌiꞌ utzutzer ujor que subꞌar tunor era.  
\v 15 Pero e gente era ubꞌijnuobꞌ ubꞌan que jay inteꞌ ixic uyacta achꞌiꞌ utzutzer ujor jax era utawarer. Porque utzutzer ujor era ajcꞌubꞌirobꞌ e ixictac umen e Dios tuaꞌ umaquiobꞌ ujor tamar.  
\v 16 Pero jay ayan tin e cꞌani oꞌjron tama tunor era, ucꞌani tuaꞌ unata que jax taca war achena nimener y umen inteꞌ inteꞌ grupo ajcꞌupesiajobꞌ tuaꞌ e Dios tama tunor or e lugar era y que matucꞌa más cabꞌijnusiaj tama inteꞌ servicio.   
\s1 Lo que war uchiobꞌ que majax imbꞌutz tin e war uchꞌamiobꞌ e Santa Cena tama e chinam Corinto  
\p
\v 17 Pues entonces tamar lo que ucꞌani tuaꞌ inwareox era ma erer intattzꞌiox tamar lo que war iche tama inteꞌ servicio, porque e gente machi war atacarnobꞌ tama inteꞌ servicio tibꞌa.  
\v 18 Porque ayan tin e cay uyaren que conda imorojse ibꞌa tama inteꞌ servicio que ayan tin e war uxere ubꞌobꞌ tama igrupo xeꞌ ajcꞌupesiajox, y nen war incꞌupse cora que bꞌan war anumuy.  
\v 19 Pues bꞌan ani ucꞌani tuaꞌ iche tuaꞌ uyubꞌi aquetpa chequer chi chi xeꞌ war axana cocha ucꞌani e Dios y chi xeꞌ majax bueno war axanobꞌ.  
\v 20 Y tamar era conda imorojse ibꞌa tuaꞌ icꞌuxi e Santa Cena mix jax cena tuaꞌ Cawinquirar war icꞌuxi sino que jax taca lo que ibꞌijnu iche.  
\v 21 Porque conda imorojse ibꞌa cocha era tuaꞌ icꞌuxi e Santa Cena ayan tin e intaca acay ucꞌuxi lo que utares este que abꞌutcꞌa unacꞌobꞌ. Pero ayan e inmojr xeꞌ aquetpobꞌ que war awinobꞌ, y ayan tin e war oychꞌiobꞌ este que acarayobꞌ.  
\v 22 Pues ¿ma ca tucꞌa iyotot tiaꞌ erer ixweꞌ y tiaꞌ erer iyuchꞌi? Porque tama tunor lo que war iche era war ichoqui utawarer e grupo ajcꞌupesiajobꞌ tama Cadiosir y war isubꞌajres tin e matucꞌa ayan tacar. ¿O war ca ibꞌijnu que nen war intzay tamar lo que war iche era? Pues nen machix. Y ma cocha erer intattzꞌiox tama tunor era.   
\s1 E Santa Cena tuaꞌ Cawinquirar  
\r Mateo 26:26-29; Marcos 14:22-25; Lucas 22:14-20  
\p
\v 23 Pues cꞌani incansiox era bꞌan cocha canoen tama Niwinquirar, porque tama e acbꞌar conda turix tuaꞌ atujchꞌa Cawinquirar Jesús umen e Judas jaxir uchꞌami e pan tama ucꞌabꞌ,  
\v 24 y conda cꞌapa uyajcꞌu gracias e Dios, cay uxere y uyare uyajcanuarobꞌ y che: “Cꞌuxic e pan era xeꞌ jax uwerir nicuerpo xeꞌ ajcꞌubꞌir tibꞌa. Chenic tunor era tuaꞌ icꞌajpesen tamar”, che Cawinquirar.  
\v 25 Y otronyajrto conda cꞌapa wiobꞌ, ixin Cawinquirar Jesús y uchꞌami e chꞌeu tama ucꞌabꞌ y che: “Lo que ayan tama e chꞌeu era jax tuaꞌ uchectes tiut que ayan inteꞌ pacto xeꞌ imbꞌutz tacarox. Y tic taca tiaꞌ iyuchꞌi e chꞌeu era, chenic tuaꞌ icꞌajpesen tamar”, che Cawinquirar.  
\v 26 Y tamar era tic taca tiaꞌ icꞌuxi e pan era y iyuchꞌi lo que ayan tama e chꞌeu nox war ichecsu uchamer Cawinquirar tut e gente axin este que asutpa watar otronyajr.   
\s1 Lo que ucꞌani tuaꞌ uche inteꞌ conda war uchꞌami e Santa Cena tuaꞌ Cawinquirar.  
\p
\v 27 Entonces cꞌani inwareox era que tin e axin ucꞌuxi e pan era y uyuchꞌi lo que ayan tama e chꞌeu era conda ayanto e mabꞌambꞌanir tama uyalma que mato jax checsubꞌir tut e Dios, jaxir war uche e mabꞌambꞌanir upater ucuerpo y upater uchꞌichꞌer Cawinquirar.  
\v 28 Y tamar era inteꞌ intion ucꞌani tuaꞌ cabꞌijnu cawira tamar lo que ayan tama cawalma tuaꞌ aquetpa imbꞌutz tunor era tut e Dios, y de allí erer cacꞌuxi e pan y coychꞌi lo que ayan tama e chꞌeu era.  
\v 29 Porque tin e axin ucꞌuxi e pan tuaꞌ Cawinquirar y uyuchꞌi lo que ayan tama e chꞌeu era bꞌan taca y machi ubꞌijnu jay ayan ucꞌampibꞌir tunor uchamer ucuerpo Cawinquirar jaxach war utares uqꞌuijnar e Dios tujor.  
\v 30 Pues tamar era ayan tijam tin e ajmuac y ayan tin e injayjay y ayan tin e cꞌapa chamayobꞌ ubꞌan.  
\v 31 Pero jay non cabꞌijnu cawira tamar lo que ayan tama cawalma entonces machi tuaꞌ acꞌaxi uqꞌuijnar e Dios ticajor.  
\v 32 Pero jay machi cabꞌijnu cawira tamar lo que ayan tama cawalma xeꞌ majax imbꞌutz tut e Dios, entonces Cawinquirar axin aqꞌuijna capater, y tamar era axin uwatzꞌion este que cawacta cache lo que majax imbꞌutz tut tuaꞌ machi casatpa taca e gente tara tor e rum.   
\p
\v 33 Entonces niwermanuox, conda imorojse ibꞌa tuaꞌ icꞌuxi e Santa Cena tuaꞌ Cawinquirar cojconic ibꞌa inteꞌ intiox tuaꞌ ichꞌami intarer.  
\v 34 Y jay ayan chi xeꞌ war aytzꞌa, wec tama uyotot tuaꞌ machi acꞌaxi uqꞌuijnar e Dios tama ijor umen que machi war iche lo que imbꞌutz conda war imorojse ibꞌa. Pues ayanto más tuaꞌ inwareox pero cꞌani inwacta bꞌan taca era este que incꞌotoy inwarajsiox.   
\c 12  
\s1 Cacꞌampibꞌir lo que ajcꞌunon inteꞌ intion umen Unawalir e Dios  
\p
\v 1 Pues entonces niwermanuox, ayan lo que cꞌani incansiox tamar cacꞌampibꞌir lo que ajcꞌunon inteꞌ intion umen Unawalir e Dios.   
\p
\v 2 Pues nox war inata que conda machito ichꞌami ucꞌabꞌa Cawinquirar Jesucristo que nox cay iturbꞌa ibꞌa tuaꞌ iyujtzꞌi ut e sian chamen dios xeꞌ machi oꞌjron.  
\v 3 Y tamar era quisinic inata que tin e axin oꞌjron upater Cawinquirar Jesucristo y che: “¡Bꞌaxbꞌir ucꞌani e Jesús!” ma cocha erer oꞌjron cocha era taca utacarsiaj Unawalir e Dios. Y mamajchi erer oꞌjron y che: “¡E Jesús jax Niwinquirar!” jay machi war atacarna umen Unawalir e Dios.   
\p
\v 4 Pues ayan meyra cꞌampibꞌir lo que erer cajcꞌuna umen Unawalir e Dios, y inteꞌ intion intiach cacꞌampibꞌir lo que cachꞌami, pero inteꞌ taca Unawalir e Dios xeꞌ axin uyajcꞌon tunor era.  
\v 5 Y ayan ayan lo que erer cache tuaꞌ catacre tin e turobꞌ ticawejtzꞌer, pero inteꞌ taca Cawinquirar xeꞌ war cojytzꞌi ut.  
\v 6 Y ayan ayan cocha erer tuaꞌ ucꞌampeson Cadiosir, pero inteꞌ taca Cadiosir xeꞌ war uyajcꞌon cacꞌampibꞌir inteꞌ intion tuaꞌ cache tunor upatnar era.  
\v 7 Y Unawalir e Dios axin uchecsu ubꞌa tama cawalma inteꞌ intion tuaꞌ utacrion.  
\v 8 Y jax Unawalir e Dios era ubꞌan xeꞌ axin uyajcꞌu cacꞌampibꞌir inteꞌ intion xeꞌ ajcꞌupesiajon. Ayan tin e ajcꞌunobꞌ ucꞌampibꞌir tuaꞌ oꞌjronobꞌ taca unatanyaj e Dios. Y ayan tin e ajcꞌunobꞌ ucꞌampibꞌir tuaꞌ unatobꞌ meyra tuaꞌ e Dios que erer asutpa uchecsuobꞌ tut e inmojr ajcꞌupesiajobꞌ tama Cawinquirar.  
\v 9 Y ayan tin e ajcꞌunobꞌ tuaꞌ acꞌupseyanobꞌ meyra tama e Dios tuaꞌ asutpa utacriobꞌ umaxtac e Dios, y ayan tin e ajcꞌunobꞌ ucꞌotorer tuaꞌ axin utzꞌacpesobꞌ tin e ajmuacobꞌ.  
\v 10 Y ayan tin e ajcꞌunobꞌ ucꞌotorer tuaꞌ axin uchiobꞌ e sian milagro. Y ayan tin e ajcꞌunobꞌ ucꞌampibꞌir tuaꞌ asutpa uyare e gente lo que arobꞌnobꞌ umen e Dios. Y ayan tin e ajcꞌunobꞌ ucꞌampibꞌir tuaꞌ acꞌotoy unatobꞌ jay jax inteꞌ mabꞌambꞌan mein o jay jax Unawalir e Dios lo que ayan tama inteꞌ. Y ayan tin e ajcꞌunobꞌ ucꞌampibꞌir tuaꞌ oꞌjronobꞌ lo que arobꞌnobꞌ umen e Dios pero tama inteꞌ ojroner xeꞌ ma tiaꞌ ixin cano ojron tamar. Y ayan tin e ajcꞌunobꞌ ucꞌampibꞌir tuaꞌ uchectesobꞌ tut e gente lo que war che inteꞌ ojroner cocha era xeꞌ arobꞌna tama inteꞌ ojroner xeꞌ majax tuach inteꞌ.  
\v 11 Pero jax Unawalir e Dios xeꞌ inteꞌ taca ayan xeꞌ war uche tunor era tuaꞌ uyajcꞌon cacꞌampibꞌir inteꞌ intion. Y jaxir uyajcꞌu inteꞌ inteꞌ ajcꞌupesiaj ucꞌampibꞌir bꞌan cocha ucꞌani jaxir.   
\s1 Inteꞌ intion xeꞌ tuon e Cristo ayan cacꞌampibꞌir xeꞌ intiach tama ucuerpo e Cristo  
\p
\v 12 Pues entonces tunoron xeꞌ ajcꞌupesiajon tama Cawinquirar Jesucristo bꞌanon cocha ucuerpo e Cristo tara tor e rum xeꞌ ayan meyra ucꞌampesnar. Y motor que ayan meyra ucꞌampesnar, pero aquetpa inteꞌ taca ucuerpo.  
\v 13 Y tunoron xeꞌ war cacꞌupseyan tama Cawinquirar Jesucristo, motor jay tuon e Israel, o motor jay majax tuon e Israel, o motor jay ayan cawajyum o jay matucꞌa, pero tunoron chꞌujyon umen Unawalir e Dios tuaꞌ caquetpa intera cuerpo tama Cawinquirar Jesucristo. Y inteꞌ intion ajcꞌunon ucꞌotorer Unawalir e Dios xeꞌ inteꞌ taca ayan.   
\p
\v 14 Pues tama ucuerpo inteꞌ majax jax taca inteꞌ ucꞌampibꞌir, sino que meyra ucꞌampibꞌir.  
\v 15 Y jay oꞌjron ani uyoc inteꞌ y che: “Nen majaxen tuaꞌ e cuerpo era porque majaxen inteꞌ cꞌabꞌ”, xeꞌ che ani uyoc inteꞌ. Y motor que oꞌjron ani cocha era pero e oc machi uyubꞌi ulocse ubꞌa najtir tama e cuerpo.  
\v 16 Y jay oꞌjron ani uchiquin inteꞌ y che: “Nen majaxen tuaꞌ e cuerpo porque majaxen inteꞌ nacꞌut”, xeꞌ che ani uchiquin inteꞌ. Y motor que oꞌjron ani cocha era pero e chiquin machi uyubꞌi ulocse ubꞌa najtir tama e cuerpo.  
\v 17 Y jay tunor e cuerpo era jax taca ani ayan inteꞌ unacꞌut ¿cocha ani tuaꞌ uyubꞌi? Y jay tunor e cuerpo era jax taca ani ayan inteꞌ uchiquin ¿cocha ani tuaꞌ uyubꞌi ojytzꞌian?  
\v 18 Pero Cadiosir ixin uyustes e cuerpo era tuaꞌ aquetpa inteꞌ inteꞌ parte bꞌan taca tiaꞌ ucꞌani jaxir.  
\v 19 Pero jay inteꞌ taca parte ayan tamar ucuerpo inteꞌ, entonces majax jax inteꞌ cuerpo ani, cocha inteꞌ taca parte ayan.  
\v 20 Porque lo que catajwi jax era: Que motor que meyra parte ayan tama ucuerpo inteꞌ, pero inteꞌ taca cuerpo xeꞌ cawira tamar.   
\p
\v 21 Entonces jay erer ani oꞌjron inteꞌ unacꞌut inteꞌ, pero ma erer uyare ucꞌabꞌ y che: “Nen machi incꞌaniet.” Y jay erer ani oꞌjron inteꞌ ujor inteꞌ, pero ma erer uyare uyoc y che: “Nen machi incꞌaniet.”  
\v 22 Porque inteꞌ parte tuaꞌ ucuerpo inteꞌ xeꞌ cabꞌijnu que más injayjay, conda acꞌapa tunor más ayan ucꞌampibꞌir.  
\v 23 Y ayan cora parte tama cacuerpo que cabꞌijnu que majax meyra ucꞌampibꞌir, pero jax e parte xeꞌ más war cacojco tama tunor. Y ayan e parte tama cacuerpo xeꞌ war cacojco bien tuaꞌ machi aquetpa chequer tut e gente.  
\v 24 Y ayan e parte tama cacuerpo que erer aquetpa chequer tut e gente. Y bꞌan cocha era uche Cadiosir tama cacuerpo que e parte que cabꞌijnu que majax meyra ucꞌampibꞌir jax xeꞌ aquetpa tuaꞌ uchꞌami más utawarer.  
\v 25 Y tamar era machi uyubꞌi tuaꞌ uxere ubꞌa ucuerpo inteꞌ sino que inteꞌ inteꞌ parte ucꞌani tuaꞌ ubꞌijnu ucojco e inmojr parte tama ucuerpo.  
\v 26 Y jay axin acꞌuxun inteꞌ parte tama cacuerpo, entonces axin acꞌuxun tunor cacuerpo ubꞌan. Y jay axin atajttzꞌa inteꞌ parte tama cacuerpo, entonces axin atzay tunor cacuerpo tacar ubꞌan.   
\p
\v 27 Pues entonces niwermanuox, inteꞌ intion tuon e Cristo, y inteꞌ intion caquetpa inteꞌ parte tama cacuerpo.  
\v 28 Y tamar era canata que Cadiosir ixin uyajcꞌu ucꞌampibꞌirobꞌ más nojta cora hermanuobꞌ tujam e sian grupo ajcꞌupesiajobꞌ. Pues ayan tin e aquetpobꞌ apóstol, y ayan tin e aquetpobꞌ tuaꞌ uchꞌamiobꞌ inteꞌ ojroner tuaꞌ e Dios y tuaꞌ asutpa uyareobꞌ e gente otronyajr. Y ayan tin e ajcanseyajobꞌ tamar uyojroner e Dios, y ayan tin e aꞌjcꞌunobꞌ ucꞌotorer tuaꞌ uche e sian milagro, y ayan tin e aꞌjcꞌunobꞌ ucꞌotorer tuaꞌ axin utzꞌacpesobꞌ tin e ajmuac, y ayan tin e aꞌjcꞌunobꞌ tuaꞌ ubꞌijres upatnar e Dios, y ayan tin e aꞌjcꞌunobꞌ ucꞌampibꞌir tuaꞌ uyajcꞌu inteꞌ ojroner xeꞌ tuaꞌ e Dios pero tama inteꞌ ojroner xeꞌ ma tiaꞌ cano ojron tamar.  
\v 29 O ¿apostolon ca tunoron? Machi. O ¿tunoron ca xeꞌ erer cachꞌami inteꞌ ojroner tuaꞌ e Dios y asutpa caware e inmojr ajcꞌupesiajobꞌ otronyajr? Machi. O ¿tunoron ca xeꞌ caquetpa ajcanseyajon tamar uyojroner e Dios? Machi. O ¿ayan ca cacꞌotorer tunoron tuaꞌ cache e milagro? Machi.  
\v 30 O ¿ayan ca cacꞌotorer tunoron tuaꞌ catzꞌacpes tin e ajmuac? Machi. O ¿erer ca caxin tunoron cawajcꞌu inteꞌ ojroner xeꞌ tuaꞌ e Dios pero tama inteꞌ ojroner xeꞌ ma tiaꞌ canuon cojron tamar? Machi. O ¿erer ca caxin cachecsu tunoron lo que war che inteꞌ ojroner cocha era xeꞌ ajcꞌuna tama inteꞌ ojroner xeꞌ ma tiaꞌ canuon cojron tamar? Pues chequer que majax tunoron xeꞌ uyubꞌion cache tunor era.  
\v 31 Bꞌijnunic entonces niwermanuox, tuaꞌ ichꞌami icꞌampibꞌir xeꞌ más nojta tama e Dios. Pero nen era cꞌani inwirsiox inteꞌ bꞌir xeꞌ más ayan ucꞌampibꞌir tama tunor.   
\c 13  
\s1 Ucꞌunersiaj e Dios  
\p
\v 1 Pues tunoron ucꞌani tuaꞌ cawirse tunor e gente axin que non ayan ucꞌunersiaj e Dios tamaron. Pero jay nen erer ani onjron tama meyra ojroner tuaꞌ e winicobꞌ tara tor e rum o esto inxin onjron ani tama e ojroner xeꞌ tuaꞌ e angelobꞌ, pero jay tamaren matucꞌa ucꞌunersiaj e Dios entonces matucꞌa ucꞌampibꞌir tunor era y tunor e ojroner era aquetpa lar tacar conda aꞌjca inteꞌ nuxi taqꞌuin.  
\v 2 Y motor que nen erer inchꞌami inteꞌ ojroner tuaꞌ e Dios y insutpa inchecsu tut e inmojr ajcꞌupesiajobꞌ otronyajr, y motor que nen innata tunor lo que mucur tut e inmojr umen que e Dios uwirsen, y motor que nen innata meyra tama tunor umen que e Dios ucansen, y motor que nen meyra ayan nicꞌupesiaj tama e Dios este que erer inware inteꞌ nuxi witzir tuaꞌ atobꞌoy axin esto tama e jaꞌ y axin uche, pero motor que uyubꞌien inche tunor era pero jay matucꞌa ucꞌunersiaj e Dios tamaren xeꞌ chequer tut e gente axin, entonces nen matucꞌa nicꞌampibꞌir.  
\v 3 Y motor que inxin inxere inwajcꞌu tunor lo que ayan ani tanibꞌa tuaꞌ intacre tin e tzajtaca ut, y motor que inxin inwajcꞌu esto tunor nicuerpo tuaꞌ impurutna tuaꞌ intacre otronteꞌ, pero jay tama tunor era matucꞌa ucꞌunersiaj e Dios tamaren xeꞌ chequer tut e gente axin, entonces nen ani matucꞌa nicꞌampibꞌir y matucꞌa ucꞌampibꞌir tunor lo que cꞌapa inche ani.   
\p
\v 4 Pues tunor tin e ayan ucꞌunersiaj e Dios tamar unata ucojco ubꞌa, y aquetpa incꞌun uwirnar, y machi tuaꞌ acꞌuxnaqꞌui uwira lo que ayan tuaꞌ otronteꞌ. Y tin e ayan ucꞌunersiaj e Dios tamar machi tuaꞌ ubꞌijnu que: “Otronteꞌ cocha nen matucꞌa”, y machi tuaꞌ ubꞌijnu que jax taca jaxir xeꞌ ayan ucꞌampibꞌir.  
\v 5 Y tin e ayan ucꞌunersiaj e Dios tamar machi tuaꞌ axin uqꞌuijnes e gente axin, y machi tuaꞌ uyusre uchꞌami tunor lo que uwira, y machi aqꞌuijna iraj iraj. Y tin e ayan ucꞌunersiaj e Dios tamar machi utꞌabꞌse e qꞌuijnar tama uyalma tamar lo que chena upater.  
\v 6 Y tin e ayan ucꞌunersiaj e Dios tamar machix tuaꞌ atzay uwira que war uche e mabꞌambꞌanir otronteꞌ, sino que cꞌani atzay uwira lo que uche xeꞌ erach otronteꞌ.  
\v 7 Y tin e ayan ucꞌunersiaj e Dios tamar taric lo que taric machix tuaꞌ oꞌjron upater inteꞌ upiar y che: “Pero matucꞌa ucꞌampibꞌir nipiar era”, sino que war acꞌupseyan tama e Dios que machi tuaꞌ asatpa upiar era. Y tin e ayan ucꞌunersiaj e Dios tamar cꞌani ucojco que cꞌani alocꞌoy bueno tunor lo que war uche upiar era, y ma tiaꞌ tuaꞌ uchꞌami inteꞌ ojroner upater upiar era.   
\p
\v 8 Pues ucꞌunersiaj e Dios lo que ayan tamaron ma tiaꞌ tuaꞌ acꞌapa. Pero conda watar e tiempo conda asutpa watar Cawinquirar cꞌani acꞌapa tunor ucꞌampibꞌir tin e uyubꞌi uchꞌami inteꞌ ojroner tuaꞌ e Dios y asutpa uyare e gente otronyajr, y cꞌani acꞌapa ucꞌampibꞌir tin e uyubꞌi oꞌjron tama inteꞌ ojroner xeꞌ ma tiaꞌ cano oꞌjron tamar, y cꞌani acꞌapa tunor ucꞌampibꞌir tin e acꞌotoy unata meyra tuaꞌ e Dios tuaꞌ asutpa ucanse e gente otronyajr.  
\v 9 Porque coner imbꞌijc taca war canata tama tunor, y imbꞌijc taca war cachecsu tut e gente axin tamar lo que ucꞌani e Dios ubꞌan.  
\v 10 Pero conda acꞌotoy achecta lo que erach inyajrer tuaꞌ e Dios, entonces lo que imbꞌijc taca war canata cꞌani acꞌapa.   
\p
\v 11 Pues conda nen maxtaquento cay ojronen bꞌan taca cocha inteꞌ chuchu maxtac, y cay imbꞌijnu bꞌan cocha uche inteꞌ bꞌiqꞌuit maxtac. Pero conda cꞌapa chꞌien y quetpen inteꞌ nuxi winic, cꞌapa inwacta tunor lo que cay inche conda maxtaquento.  
\v 12 Y bꞌan tamar lo que erer canata tama e Dios, coner aquetpa bꞌan cocha conda war cawira cabꞌa tama inteꞌ espejo xeꞌ bꞌonem ut. Pero conda asutpa watar Cawinquirar Jesucristo otronyajr cꞌani cawira ut Catata Dios bꞌan cocha turu jaxir, y tamar era machi ixto tuaꞌ aquetpa intran ticoit tuaꞌ canata tunor tama Cadiosir. Pues lo que war innata tama e Dios coner imbꞌijc taca, pero watar e día conda cꞌani acꞌapa innata tunor tamar jaxir inyajrer. Y bꞌan cocha Cadiosir war unata tunor lo que ayan tamaron coner y bꞌan tuaꞌ cacꞌotoy canata tunor lo que ayan tama e Dios watar e día.  
\v 13 Y tamar era erer canata que ayan uxteꞌ lo que machi tuaꞌ acꞌapa xeꞌ jax e cꞌupesiaj tama e Dios, y e cojcsiaj tuaꞌ catacarna umen e Dios, y e cꞌunersiaj tut capiarobꞌ. Pero lo que más ayan ucꞌampibꞌir tama e uxteꞌ era jax e cꞌunersiaj tut capiarobꞌ.   
\c 14  
\s1 E checsuyaj tamar lo que arobꞌna inteꞌ umen e Dios pero tama inteꞌ ojroner xeꞌ machi cay cano oꞌjronobꞌ tamar  
\p
\v 1 Pues entonces casicbꞌanic más ut e Dios tuaꞌ aquetpa más chequer que ayan ucꞌunersiaj e Dios tamaron, pero caturbꞌanic cabꞌa ubꞌan tuaꞌ cachꞌami cacꞌampibꞌir nawalbꞌir tuaꞌ e Dios, pero xeꞌ más tuaꞌ caturbꞌa cabꞌa tuaꞌ cachꞌami jax cacꞌampibꞌir tuaꞌ uyubꞌion cachꞌami inteꞌ ojroner tuaꞌ e Dios y tuaꞌ casutpa cachecsu tunor era tut e inmojr ajcꞌupesiajobꞌ.  
\v 2 Pero tin e aꞌjcꞌuna ucꞌampibꞌir nawalbꞌir tuaꞌ oꞌjron tama inteꞌ ojroner xeꞌ ma tiaꞌ cano oꞌjron tamar, machi war upejca e winicobꞌ sino que e Dios, porque mamajchi uyubꞌi unata tucꞌa war che tunor e ojroner era. Y tunor e ojroner xeꞌ oꞌjron cocha era inteꞌ ajcꞌubꞌir umen Unawalir e Dios, pero aquetpa mucur tunor era tut e inmojr y tut tin e war oꞌjron era ubꞌan.  
\v 3 Pero tin e uchꞌami inteꞌ ojroner tuaꞌ e Dios y asutpa uchecsu tunor era tut e inmojr ajcꞌupesiajobꞌ war utacre e inmojr era tuaꞌ achꞌiobꞌ tamar ucꞌupesiajobꞌ y war utꞌabꞌse uyalmobꞌ y war ucꞌunles uyalmobꞌ inteꞌ inteꞌ.  
\v 4 Pues tin e axin oꞌjron tama inteꞌ ojroner xeꞌ ma tiaꞌ cano oꞌjron tamar, jax taca jaxir war uqꞌuecꞌojse ubꞌa tama uyalma. Pero tin e axin uchꞌami inteꞌ ojroner tuaꞌ e Dios y asutpa uchecsu tunor era tut e inmojr, war uqꞌuecꞌojse axanobꞌ tama ubꞌir e Dios tunor e inmojr hermanuobꞌ era tama e grupo ajcꞌupesiajobꞌ.   
\p
\v 5 Pues nen quisinic que tunorox uyubꞌiox ixojron ani tama inteꞌ ojroner xeꞌ ma tiaꞌ canuox ixojron tamar, pero nen más war incꞌani que tunorox uyubꞌiox ichꞌami ani inteꞌ ojroner tuaꞌ e Dios tuaꞌ ixsutpa ichecsu tunor era tut e inmojr. Pues más ayan ucꞌampibꞌir tuaꞌ iche cocha era que jay axin inteꞌ oꞌjron meyra tama inteꞌ ojroner xeꞌ ma tiaꞌ cano oꞌjron tamar. Pero ayan ucꞌampibꞌir e ojroner era jay ayan chi xeꞌ erer uchecsu tucꞌa war che tunor era tut e grupo ajcꞌupesiajobꞌ, porque tamar era erer atacarnobꞌ tunorobꞌ tuaꞌ aqꞌuecꞌo axanobꞌ tama ubꞌir e Dios.  
\v 6 Pues niwermanuox, conda nen incꞌotoy tuaꞌ inwarajsiox, ¿tucꞌa nic tuaꞌ ibꞌijnu jay inxin impejcox tamar taca inteꞌ ojroner xeꞌ ma tiaꞌ canoen onjron tamar? Matucꞌa tuaꞌ inata ani lo que war inwareox. Pero ayan ucꞌampibꞌir tiut jay acay inwareox lo que arobꞌnen umen e Dios, o jay acay inchecsu tiut meyra lo que e Dios uchien innata, o jay inchecsu tiut lo que arobꞌnen umen e Dios, o jay inwajcꞌox inteꞌ canseyaj tuaꞌ e Dios. Pues ayan ucꞌampibꞌir jay inche cocha era.   
\p
\v 7 Pues erer cabꞌijnu tama inteꞌ instrumento tuaꞌ e música. O erer cabꞌijnu tama inteꞌ flauta o tama inteꞌ arpa. Pues majax bꞌixir e instrumento era pero ayan ucꞌampibꞌir tut tin e unata alajbꞌa tamar. Pero jay ayan tin e machi unata alajbꞌa tamar, ma chequer tucꞌa lajbꞌar xeꞌ war alocꞌoy tamar, y nien ma chequer tucꞌa cꞌay war uche tamar. Y matucꞌa ucꞌampibꞌir tunor era.  
\v 8 Y bꞌan ubꞌan cocha era conda ayan inteꞌ tzꞌojyir. Porque inteꞌ soldado unata que conda alajbꞌa inteꞌ winic tama e trompeta que e lajbꞌar era jax inteꞌ orden, y que jaxir ucꞌani tuaꞌ axin uche lo que arobꞌna tama e trompeta era. Pero jay e winic xeꞌ war alajbꞌa tama e trompeta machi unata tucꞌa war uche, entonces ma chequer tunor era tut e sian soldadobꞌ y machi unatobꞌ tucꞌa tuaꞌ uchiobꞌ. Jax taca war uyubꞌiobꞌ que ayan chi xeꞌ war alajbꞌa tama e trompeta.  
\v 9 Y bꞌan anumuy ubꞌan tamarox conda war ixojron, porque jay ayan inteꞌ tijam xeꞌ war oꞌjron tacar inteꞌ xeꞌ machi unata oꞌjron tamar uyojroner, entonces ¿cocha tuaꞌ unata tucꞌa war che tunor era? Entonces war ani oꞌjron tor e icꞌar taca y matucꞌa ucꞌampibꞌir tunor uyojroner era porque ma chequer tut inteꞌ.  
\v 10 Y chequer que ayan meyra ojroner tama tunor or e rum coner, y que ayan ucꞌampibꞌir tunorobꞌ, y tin e war oꞌjronobꞌ tamar war unatobꞌ lo que war che inteꞌ inteꞌ ojroner axin.  
\v 11 Pero jay nen matucꞌa innata tucꞌa war che xeꞌ war arobꞌna tama inteꞌ ojroner motor que war inteꞌ winic taniut war oꞌjron, entonces jaxir aquetpa taniut bꞌan cocha inteꞌ ajnajtir winic y nen inquetpa bꞌan cocha inteꞌ ajnajtir winic tut jaxir ubꞌan.  
\v 12 Y nox cocha war iyusre meyra tuaꞌ ichꞌami icꞌampibꞌir tuaꞌ Unawalir e Dios, turbꞌanic ibꞌa tuaꞌ ichꞌami icꞌampibꞌir lo que más axin utacre e grupo ajcꞌupesiajobꞌ tuaꞌ aqꞌuecꞌo axanobꞌ tama ubꞌir e Dios.   
\p
\v 13 Pues inteꞌ hermano xeꞌ ayan ucꞌampibꞌir tuaꞌ axin uchꞌami inteꞌ ojroner tuaꞌ e Dios y asutpa uyare e inmojr ajcꞌupesiajobꞌ pero tama inteꞌ ojroner xeꞌ ma tiaꞌ cano oꞌjron tamar ucꞌani tuaꞌ ucꞌajti meyra taca e Dios tuaꞌ uchꞌami ucꞌampibꞌir ubꞌan tuaꞌ acꞌotoy unata tucꞌa war che tunor e ojroner era tuaꞌ uyubꞌi uchecsu tunor era tut e inmojr hermanuobꞌ.  
\v 14 Y jay nen inxin incꞌajti taca e Dios tama inteꞌ ojroner xeꞌ ma tiaꞌ canoen onjron tamar, entonces jax taca niwalma xeꞌ war ucꞌajti taca e Dios pero nijor matucꞌa unata tucꞌa war anumuy tama tunor era y mucur aquetpa tunor e ojroner era taniut.  
\v 15 ¿Tucꞌa tuaꞌ inche entonces? Pues nen cꞌani incꞌajti taca e Dios tama inteꞌ ojroner xeꞌ ma tiaꞌ canoen onjron tamar tama niwalma, pero cꞌani incꞌajti taca e Dios taca nijor ubꞌan tama niwojroner. Y cꞌani incꞌaywijres tama inteꞌ ojroner xeꞌ ma tiaꞌ canoen onjron tamar xeꞌ alocꞌoy tama niwalma, pero cꞌani incꞌaywijres tama niwojroner ubꞌan xeꞌ alocꞌoy tama nijor.  
\v 16 Porque jay turet tama inteꞌ servicio y war atattzꞌi ucꞌabꞌa e Dios tama inteꞌ ojroner xeꞌ ma tiaꞌ canoet iyojron tamar xeꞌ war alocꞌoy tama awalma, entonces tin e turu tama awejtzꞌer xeꞌ matucꞌa unata tama tunor era machi uyubꞌi tuaꞌ uyare: “Amén”, o “Catattzꞌi ucꞌabꞌa e Dios”, tamar lo que war aware. Porque jaxir matucꞌa unata tucꞌa war che tunor e ojroner era.  
\v 17 Y bꞌajcꞌat galan war alocꞌoy tunor lo que war acꞌajti taca e Dios tuaꞌ atattzꞌi ucꞌabꞌa, pero xeꞌ turu tama awejtzꞌer machi axin achꞌiꞌ tama ucꞌupesiaj jay war ache tunor era tama inteꞌ ojroner xeꞌ ma chequer tut jaxir.  
\v 18 Pues nen inwajcꞌu gracias e Dios que nen más uyubꞌien onjron tama inteꞌ ojroner xeꞌ ma tiaꞌ canoen onjron tamar más que tunorox.  
\v 19 Pero conda turen tama inteꞌ servicio más ani bueno taniut tuaꞌ inxin incansiox tama cinco ut ojroner xeꞌ aquetpa chequer tiut tuaꞌ uyubꞌien incanse e grupo ajcꞌupesiajobꞌ, que jay inxin inwareox este 10,000 ut ojroner tama inteꞌ ojroner xeꞌ ma tiaꞌ canoen onjron tamar xeꞌ ma chequer tiut.   
\p
\v 20 Entonces niwermanuox, ira ibꞌijnu bꞌan cocha inteꞌ maxtac xeꞌ machi unata tin e imbꞌutz y tin e mabꞌambꞌan. Pero quetpenic bꞌan cocha inteꞌ maxtac tamar lo que mabꞌambꞌan porque inteꞌ maxtac machi war unata tucꞌa tunor era. Pero quetpenic bꞌan cocha inteꞌ nuquir winic tamar ibꞌijnusiaj porque inteꞌ cocha era war unata tin e imbꞌutz y tin e mabꞌambꞌan.  
\v 21 Pues chꞌar tzꞌijbꞌabꞌir tama uley e Moisés y che: “Cꞌani impejca e gente era tama intex ojroner, y cꞌani incꞌampes e gente xeꞌ tuaꞌ intex lugar tuaꞌ impejcobꞌ ubꞌan, pero nien tamar era machi tuaꞌ oꞌbꞌianobꞌ taniut”, che Cawinquirar.  
\v 22 Y tamar era erer cawira que e ojroner xeꞌ alocꞌoy tama tin e ayan ucꞌampibꞌir tuaꞌ oꞌjron tama inteꞌ ojroner xeꞌ ma tiaꞌ cano oꞌjron tamar aquetpa bꞌan cocha inteꞌ checsuyaj tuaꞌ ucꞌotorer e Dios tut tin e machi war acꞌupseyanobꞌ tama Cawinquirar, pero tin e war acꞌupseyanobꞌ machi war atacarnobꞌ. Pero e ojroner xeꞌ alocꞌoy tama tin e ayan ucꞌampibꞌir tuaꞌ uchꞌami inteꞌ ojroner tuaꞌ e Dios y tuaꞌ asutpa uchecsu tunor era tut e inmojr axin utacre tin e war acꞌupseyanobꞌ tama Cawinquirar, pero tin e machi war acꞌupseyanobꞌ tama Cawinquirar machi war atacarnobꞌ cocha machi war uchꞌamiobꞌ e ojroner era.  
\v 23 Pero conda nox xeꞌ turox tama inteꞌ grupo ajcꞌupesiajox war imorojse ibꞌa tama inteꞌ servicio y jay tunorox acay ixojron tama inteꞌ inteꞌ ojroner xeꞌ ma tiaꞌ canuox ixojron tamar y jay tamar era oꞌchoy cora winicobꞌ xeꞌ matucꞌa unatobꞌ tama tunor era o jay oꞌchoy cora winicobꞌ xeꞌ machi acꞌupseyanobꞌ tama Cawinquirar ¿machi ca axin oꞌjronobꞌ ipater que nox cꞌapa tunor isasaꞌ?  
\v 24 Pero jay inteꞌ intiox war ichecsu inteꞌ inteꞌ ojroner xeꞌ ebꞌetbꞌir tari umen e Dios y tamar era oꞌchoy inteꞌ xeꞌ machi acꞌupseyan tama Cawinquirar o jay oꞌchoy inteꞌ xeꞌ matucꞌa unata tama tunor era, entonces jaxirobꞌ tuaꞌ acꞌotoy ucꞌupsiobꞌ tama uyalmobꞌ que jaxirobꞌ ayan umabꞌambꞌanirobꞌ y que ucꞌani tuaꞌ uyactobꞌ tunor era conda uyubꞌiobꞌ lo que nox war iware era.  
\v 25 Y tamar era tunor lo que aquetpa mucur tama uyalmobꞌ e winicobꞌ era cꞌani aquetpa chequer tutobꞌ y tamar era axin acotuanobꞌ tuaꞌ uyujtzꞌiobꞌ ut e Dios y tuaꞌ axin uchecsuobꞌ que chequer que turu e Dios tacarox.   
\s1 Chempac e servicio taca tunor e orden  
\p
\v 26 Pues entonces niwermanuox, lo que war anumuy jax era: Que conda imorojse ibꞌa tama inteꞌ servicio ayan tin e cꞌani ucꞌaywijres inteꞌ cꞌaywar, y ayan tin e ayan inteꞌ canseyaj xeꞌ cꞌani uchecsu tut e gente, y ayan tin e uchꞌami inteꞌ ojroner tuaꞌ e Dios que cꞌani uchecsu tut e gente, y ayan tin e ayan inteꞌ ojroner xeꞌ uchꞌami tuaꞌ e Dios que cꞌani uyare e gente pero tama inteꞌ ojroner xeꞌ ma tiaꞌ cano oꞌjron tamar, y ayanto tin e cꞌani uchecsu tucꞌa war che tunor e ojroner era. Pero tunor lo que achempa tama inteꞌ servicio ucꞌani tuaꞌ aquetpa inteꞌ tacarsiaj tut e ajcꞌupesiajobꞌ tama e grupo era tuaꞌ uyubꞌi axin achꞌiꞌ tunor uyalmobꞌ tamar Cawinquirar.  
\v 27 Y conda ayan tin e acay uchecsu inteꞌ ojroner tuaꞌ e Dios tama inteꞌ ojroner xeꞌ ma tiaꞌ cano oꞌjron tamar, pues erer oꞌjron inteꞌ o chateꞌ o uxteꞌ, pero ma erer oꞌjron otronteꞌ este que acꞌapa oꞌjron inteꞌ. Y conda acꞌapa oꞌjron inteꞌ cocha era ucꞌani tuaꞌ achecsuna tut e gente umener o umen otronteꞌ lo que war che tunor e ojroner era tuaꞌ machi aquetpa mucur. Y bꞌan tuaꞌ achempa tama inteꞌ inteꞌ ojroner cocha era.  
\v 28 Pero jay mamajchi turu tama e servicio era tin e uyubꞌi uchecsu tucꞌa war che tunor e ojroner era xeꞌ chena tama inteꞌ ojroner xeꞌ ma tiaꞌ cano oꞌjron inteꞌ tamar, entonces tin e cꞌani ani uyajcꞌu e ojroner era machix tuaꞌ uyajcꞌu tama e servicio era sino que jaxir erer ucꞌajti tzꞌustaca taca e Dios cocha era o erer oꞌjron cocha era tama uyalma.  
\v 29 Y bꞌan ubꞌan tama tin e uchꞌami inteꞌ ojroner tuaꞌ e Dios y cꞌani asutpa uchecsu tunor era tut e gente, erer oꞌjronobꞌ chateꞌ o uxteꞌ cocha era, pero e inmojr ajcꞌupesiajobꞌ xeꞌ turobꞌ tama e servicio era ucꞌani tuaꞌ ubꞌijnu uwirobꞌ jay tuaꞌ e Dios tunor lo que war aꞌrobꞌna era.  
\v 30 Y conda inteꞌ hermano war awawan war uyajcꞌu inteꞌ ojroner cocha era xeꞌ tuaꞌ e Dios, jay achecta otronteꞌ ojroner tuaꞌ e Dios tut otronteꞌ hermano xeꞌ turu tor e cꞌajn, entonces xeꞌ war awawan war oꞌjron bꞌajxan uyactic e ojroner era tuaꞌ aꞌchpa oꞌjron e inteꞌ.  
\v 31 Y tamar era inteꞌ intiox xeꞌ ayan icꞌampibꞌir tuaꞌ ichꞌami inteꞌ ojroner tuaꞌ e Dios y tuaꞌ asutpa ichecsu tunor era tut e inmojr ajcꞌupesiajobꞌ erer ixojron inteꞌ intiox tuaꞌ ichecsu tunor lo que ajcꞌunox umen e Dios, pero inteꞌ inteꞌ tuaꞌ ixojron tuaꞌ uyubꞌi acanuobꞌ tunor e ajcꞌupesiajobꞌ y tuaꞌ uyubꞌi atꞌabꞌesna uyalmobꞌ inteꞌ intiobꞌ.  
\v 32 Pero tin e war uyajcꞌu inteꞌ ojroner cocha era erer ucojco lo que ayan tama uyalma xeꞌ uche oꞌjron cocha era.  
\v 33 Porque Cadiosir ucꞌani e orden y ucꞌani e jiriar tamaron y machi ucꞌani tuaꞌ aquetpa nutꞌur coit umen lo que war anumuy tama inteꞌ servicio.  
\p Pues entonces cꞌani inwareox era lo que war uchiobꞌ tunor e grupo ajcꞌupesiajobꞌ tama Cawinquirar iraj iraj.  
\v 34 Pues e ixictac machix tuaꞌ oꞌjronobꞌ tama inteꞌ servicio sino que ucꞌani tuaꞌ aquetpobꞌ tzꞌustaca. Pues bꞌan cocha chꞌar tzꞌijbꞌabꞌir tama uley e Moisés que e ixictac ucꞌani tuaꞌ acꞌupseyanobꞌ tut uviejobꞌ.  
\v 35 Y conda ayan lo que majax chequer tut inteꞌ ixic ucꞌani tuaꞌ ucojco este que acꞌotoy tama uyotot tuaꞌ uyubꞌi tuaꞌ uviejo porque majax bueno jay ayan tin e war oꞌjronobꞌ conda war achecsuna uyojroner e Dios.   
\p
\v 36 Entonces nox ucꞌani tuaꞌ ibꞌijnu que majax nox xeꞌ iwebꞌta tari uyojroner e Dios, sino que jax e Dios. ¿O war ca ibꞌijnu que jax taca nox xeꞌ war ichꞌami tunor uyojroner e Dios y que mamajchi más erer unata tucꞌa tunor era?  
\v 37 Pues jay ayan tin e tijam xeꞌ war ubꞌijnuobꞌ que ayan ucꞌampibꞌir tuaꞌ uchꞌamiobꞌ inteꞌ ojroner tuaꞌ e Dios y tuaꞌ asutpa uchecsuobꞌ tut e gente otronyajr, o jay ayan tin e tijam xeꞌ war ubꞌijnuobꞌ que ayan ucꞌampibꞌir tuaꞌ abꞌijresnobꞌ umen Unawalir e Dios, entonces jax jaxirobꞌ xeꞌ ucꞌani tuaꞌ unatobꞌ que lo que war intzꞌijbꞌa tibꞌa era jax inteꞌ ojroner tuaꞌ Cawinquirar.  
\v 38 Pero jay ayan inteꞌ cocha era tijam xeꞌ machi cꞌani ubꞌijnu jay tuaꞌ e Dios lo que war intzꞌijbꞌa tibꞌa era, entonces nox ubꞌan ucꞌani tuaꞌ ibꞌijnu que e winic era majax tuaꞌ e Dios, y machi ixto tuaꞌ icꞌupse lo que axin uyareox.   
\p
\v 39 Pues entonces niwermanuox, turbꞌanic ibꞌa tuaꞌ ichꞌami inteꞌ ojroner tuaꞌ e Dios y tuaꞌ asutpa ichecsu tunor era tut e inmojr, y ira iware e gente que machi ixto tuaꞌ oꞌjronobꞌ tama inteꞌ ojroner xeꞌ ma tiaꞌ canuobꞌ oꞌjronobꞌ tamar.  
\v 40 Pero ucꞌani tuaꞌ achena bien tunor lo que anumuy tama inteꞌ servicio y ucꞌani tuaꞌ uwajpi bien inteꞌ inteꞌ punto tama tunor e servicio.   
\c 15  
\s1 Conda sutpa bꞌixcꞌa Cawinquirar Jesucristo  
\p
\v 1 Pues entonces niwermanuox, cꞌani incꞌajpes tiut tama uyojroner e Dios tama e corpesiaj lo que cay inchecsu tiut. Pues jax e ojroner era xeꞌ cay ichꞌami, y jax ubꞌan xeꞌ war ixqꞌuecꞌo ixwawan tamar esto coner.  
\v 2 Pues nox corpesnox conda cay cꞌupseyanox tama e ojroner era xeꞌ cay inchecsu tiut ixnix, y bꞌan turox esto coner jay cay itꞌabꞌse tunor lo que cay inchecsu tiut. Pero tin e machi cay qꞌuecꞌo xana tamar lo que cay incanse, chequer que machi ixto war acꞌupseyan tamar.   
\p
\v 3 Pues cay incansiox tama ucajyesnibꞌir tunor era lo que cay inchꞌami nen ubꞌan xeꞌ jax era: Que e Cristo chamay tuaꞌ ucorpeson tama camabꞌambꞌanir bꞌan cocha chꞌar tzꞌijbꞌabꞌir tama uyojroner e Dios.  
\v 4 Y que jaxir mujca, pero que tama e uxteꞌ día sujta bꞌixqꞌuesna umen e Dios bꞌan cocha chꞌar tzꞌijbꞌabꞌir tama uyojroner e Dios.  
\v 5 Y que de allí jaxir ixin uwirse ubꞌa tut e Pedro, y ixin uwirse ubꞌa tut tunor e inmojr apostolobꞌ ubꞌan.  
\v 6 Y de allí ixin uwirse ubꞌa que bꞌixir tut 500 ajcanuarobꞌ tama inteꞌ taca lugar. Y ayan meyra ajcꞌupesiajobꞌ era xeꞌ cay uwirobꞌ ut e Jesús xeꞌ bꞌixirobꞌto esto coner. Pero ayan tin e cꞌapix chamayobꞌ ubꞌan.  
\v 7 Y de allí jaxir ixin uwirse ubꞌa que bꞌixir tut e Santiago, y de allí ixin uwirse ubꞌa tut tunor e inmojr apostolobꞌ.   
\p
\v 8 Y de allí tama ucꞌapesnibꞌir tunor era Cawinquirar Jesucristo uwirse ubꞌa taniut nen ubꞌan xeꞌ cꞌotoy cꞌupseyanen tamar bꞌan cocha conda acuxpa inteꞌ chꞌurcabꞌ wacchetaca motor que merato acꞌotoy utiempo.  
\v 9 Porque nen chuchu nicꞌampibꞌir tut e inmojr apostolobꞌ, y este que imbꞌijnu que ma tawaren tuaꞌ impejcna ani que apostolen, porque jax nen xeꞌ cay inche unumse ubꞌobꞌ tunor e ajcꞌupesiajobꞌ tama Cawinquirar.  
\v 10 Pero umen taca que e Dios cay utacren meyra que cꞌotoy quetpen cocha turen coner, y e tacarsiaj era xeꞌ cay uyajqꞌuen Nidiosir machi quetpa bꞌan taca. Porque nen cay patnen más meyra que tunor e inmojr apostolobꞌ, pero majax nen nibꞌajner xeꞌ cay inche tunor era, sino que jax e Dios xeꞌ cay utacren inche.  
\v 11 Pero matucꞌa uche jay tamaren o jay tamarobꞌ que nox cay iyubꞌi uyojroner e Dios tama e corpesiaj. Pero lo que numuy jax era: Que cay cachecsu tunor e ojroner era tiut y nox cꞌotoy cꞌupseyanox tama Cawinquirar Jesucristo.   
\s1 Conda axin asujta abꞌixqꞌuesna tin e ajcꞌupesiajobꞌ tama Cawinquirar  
\p
\v 12 Entonces lo que non y tunor e inmojr apostolobꞌ war cachecsu tut e gente axin jax era: Que e Cristo sujta bꞌixqꞌuesna tujam e chamenobꞌ. Y entonces ¿tucꞌa tuaꞌ que ayan tijam tin e war uchecsu tut e inmojr que matucꞌa e día conda tuaꞌ asutpa abꞌixqꞌuesnobꞌ tin e chamenobꞌ?  
\v 13 Pero jay machi ani tuaꞌ abꞌixqꞌuesna tin e chamenobꞌ, entonces war che era que nien e Cristo machi ani sujta bꞌixqꞌuesna tujam e chamenobꞌ.  
\v 14 Y jay machi ani sutpa bꞌixcꞌa e Cristo tujam e chamenobꞌ, entonces matucꞌa ani ucꞌampibꞌir tunor e ojroner tama e corpesiaj lo que war cachecsu tut e gente axin, y matucꞌa ani ucꞌampibꞌir tunor icꞌupesiaj tama e Cristo.  
\v 15 Y jay bꞌan ani que machi sutpa bꞌixcꞌa e Cristo tujam e chamenobꞌ, entonces non caquetpa ani ajmajresiajon upater e Dios porque non war caware e gente axin iraj iraj que Cadiosir jax xeꞌ ixin usuti ubꞌixqꞌues Cawinquirar Jesucristo tujam e chamenobꞌ. Y jay jax ani que tin e chamenobꞌ machi ani tuaꞌ asutpa abꞌixcꞌobꞌ, entonces ma chequer ani jay e Dios ixin ubꞌixqꞌues e Cristo.  
\v 16 Porque jay bꞌan ani que machix tuaꞌ abꞌixqꞌuesnobꞌ tin e chamenobꞌ, entonces nien e Cristo machi ani sujta bꞌixqꞌuesna tujam e chamenobꞌ ubꞌan.  
\v 17 Y jay machi ani sujta bꞌixqꞌuesna e Cristo tujam e chamenobꞌ, entonces tunor e cꞌupesiaj tibꞌa matucꞌa ani ucꞌampibꞌir y nox turoxto ani tama imabꞌambꞌanir.  
\v 18 Y jay bꞌan ani entonces tunor tin e chamayobꞌ xeꞌ war acꞌupseyanobꞌ tama e Cristo satpobꞌix ani inyajrer.  
\v 19 Pero non era war cacojco tama e Cristo tuaꞌ ucorpeson tuaꞌ uyubꞌion caxin tut e qꞌuin watar e día. Pero jay Cadiosir machix ani tuaꞌ axin ucorpeson, y jay non intaca ani turon tara tor e rum y de allí axin acꞌapa ani tunor, entonces non más ani tzajtaca coit tama tunor.   
\p
\v 20 Pero non canata que san sutpa bꞌixcꞌa e Cristo tujam e chamenobꞌ. Pues jaxir jax xeꞌ quetpa tuaꞌ asujta abꞌixqꞌuesna bꞌajxan tujam e chamenobꞌ, y tamar era jaxir quetpa bꞌan cocha inteꞌ primicia tuaꞌ inteꞌ cosecha.  
\v 21 Pues bꞌan cocha tari e chamer umen lo que uche inteꞌ taca winic xeꞌ jax e Adán, y bꞌan ubꞌan tari que erer asujta abꞌixqꞌuesna e gente tujam e chamenobꞌ umen lo que uche inteꞌ taca winic ubꞌan xeꞌ jax e Cristo.  
\v 22 Y bꞌan cocha aquetpa tuaꞌ axin achamay tunor e winicobꞌ tara tor e rum umen que tuobꞌ utata viejobꞌir Adán, y bꞌan cocha era ubꞌan que tunoron xeꞌ tuon e Cristo cꞌani cachꞌami e cuxtar xeꞌ machi tuaꞌ acꞌapa.  
\v 23 Pero ayan lo que quetpa cocha tuaꞌ achempa tunor era: Bꞌajxan quetpa tuaꞌ asujta abꞌixqꞌuesna e Cristo tujam e chamenobꞌ cocha jaxir quetpa bꞌan cocha e primicia tama e cosecha era, y de allí quetpa que tunor tin e tuon e Cristo cꞌani casujta cabꞌixqꞌuesna conda asutpa watar Cawinquirar Jesucristo otronyajr.  
\v 24 Y de allí watar ucꞌapesnibꞌir tunor era conda achecta watar e Cristo tuaꞌ ulocse ucꞌotorer tunor tin e awinquiriobꞌ y tunor tin e ajcꞌamparobꞌ y tunor tin e ajcꞌotorerobꞌ xeꞌ war acꞌotoriobꞌ tara tor e rum. Y conda acꞌapa uche tunor era jax ucꞌapesnibꞌir or e rum era. Y entonces tama e día yajaꞌ e Cristo axin uyajcꞌu tunor lo que ayan tut Utata xeꞌ jax Cadiosir.  
\v 25 Porque Cawinquirar Jesucristo cꞌani acꞌotori este que Catata Dios acꞌapa uturbꞌa tunor tin e war aqꞌuijna uwirobꞌ ut yebꞌar utajn uyoc e Cristo.  
\v 26 Y conda acꞌapa utijres tunor tin e war ani uche aqꞌuijna, jaxir tuaꞌ axin utijres e chamer ubꞌan.  
\v 27 Porque bꞌan chꞌar tzꞌijbꞌabꞌir tama uyojroner e Dios que: “Catata Dios axin uturbꞌa tunor lo que ayan yebꞌar utajn uyoc.” Bꞌan chꞌar tzꞌijbꞌabꞌir tama uyojroner e Dios. Pero conda che: “Tunor lo que ayan”, machi war che que Catata Dios ubꞌan tuaꞌ aquetpa yebꞌar utajn uyoc e Cristo, porque jax jaxir xeꞌ war uturbꞌa tunor era yebꞌar utajn uyoc e Cristo.  
\v 28 Y conda aquetpa tunor lo que ayan yebꞌar utajn uyoc e Cristo, entonces e Cristo xeꞌ jax Uyunen e Dios cꞌani uyose ubꞌa yebꞌar ucꞌotorer Catata Dios xeꞌ jax xeꞌ cay uturbꞌa tunor lo que ayan yebꞌar utajn uyoc jaxir. Y tamar era jax Catata Dios xeꞌ tuaꞌ acꞌotori inyajrer tujor tunor lo que ayan.   
\p
\v 29 Pero ayan ubꞌan cora gente xeꞌ ucꞌupse que erer ucorpes inteꞌ xeꞌ chamen conda axin achꞌujya upater. Pero jay tin e chamen ma erer ani asujta abꞌixqꞌuesna tujam e chamenobꞌ entonces ¿tucꞌa tuaꞌ war uchꞌuyi ubꞌobꞌ upater inteꞌ xeꞌ chamen cocha era?   
\p
\v 30 Y bꞌan tamar lo que war canumse cabꞌa non ubꞌan. Porque jay inteꞌ chamen xeꞌ war acꞌupseyan tama e Cristo ma erer ani asujta abꞌixqꞌuesna entonces ¿tucꞌa tuaꞌ war canumse cabꞌa tamar lo que imbꞌacꞌajr uwirnar iraj iraj tara tor e rum?  
\v 31 Porque nen war inchena innumse nibꞌa iraj iraj umen tin e cꞌani uchamsen, pero war intzay meyra ubꞌan tama tunorox xeꞌ war ixqꞌuecꞌo ixxana tama ubꞌir e Cristo Jesús xeꞌ jax Cawinquirar.  
\v 32 Y nen inchena innumse nibꞌa conda quetpa tuaꞌ inwajpi nibꞌa taca cora winicobꞌ xeꞌ bꞌan uwirnarobꞌ cocha inteꞌ animal xeꞌ imbꞌacꞌajr uwirnar tara tama e chinam Éfeso. Pero jay machi ani tuaꞌ asujta abꞌixqꞌuesna tin e chamen, entonces ¿tucꞌa ani ucꞌampibꞌir tunor era? Y jay machi ani tuaꞌ asujta abꞌixqꞌuesna tin e chamen, entonces ucꞌani ani tuaꞌ caware bꞌan taca cocha chenobꞌ tin e machi acꞌupseyanobꞌ tama Cawinquirar Jesucristo que: “Incuic cacꞌuxic y coychꞌic, porque ejcꞌar o chabꞌij ucꞌani tuaꞌ cachamay.” Bꞌan arobꞌna umen tin e machi acꞌupseyanobꞌ tama Cawinquirar.   
\p
\v 33 Entonces ira iwacta ibꞌa tuaꞌ ixmajresna porque bꞌan cocha arobꞌna que: “Tin e imbꞌutz uwirnar, jay acay axana taca tin e calapir uwirnar cꞌani atijresna tunor lo que imbꞌutz ani tamar”, bꞌan cocha che inteꞌ ojroner.  
\v 34 Pero nox sutpenic tuaꞌ ibꞌijnu tamar lo que erach otronyajr, y actanic e mabꞌambꞌanir. Porque ayan tin e tijam xeꞌ machi war unatobꞌ chi Cadiosir. War inwareox cocha era tuaꞌ insubꞌajresox porque nox ucꞌani ani tuaꞌ icanse más uyojroner e Dios tut e gente era.   
\s1 Cocha tuaꞌ asutpa abꞌixqꞌuesna tin e chamen  
\p
\v 35 Pues bꞌajcꞌat ayan tin e ayopa tiut tuaꞌ uyubꞌi tibꞌa y che: “¿Y cocha tuaꞌ asujta abꞌixqꞌuesna e gente tujam e chamenobꞌ? ¿Y tucꞌa cuerpo tuaꞌ uchꞌamiobꞌ conda abꞌixcꞌobꞌ?” xeꞌ che inteꞌ.  
\v 36 Pues matucꞌa ucꞌampibꞌir tunor e bꞌijnusiaj cocha era, porque conda apajcꞌa inteꞌ ut semilla macu rum, ucꞌani tuaꞌ oꞌcꞌoy tuaꞌ asutpa acuxpa otronyajr tuaꞌ uyubꞌi achꞌiꞌ axin.  
\v 37 Pero jax inteꞌ ut e semilla xeꞌ tuaꞌ apajcꞌa macu rum y majax lo que cuxpix, motor jay ubꞌijnu inteꞌ tuaꞌ upaqꞌui ut e semilla tuaꞌ e trigo o jay otronteꞌ ut semilla.  
\v 38 Pero de allí jax Cadiosir xeꞌ axin uche achꞌiꞌ axin inteꞌ inteꞌ ut semilla bꞌan cocha ucꞌani jaxir. Y jax Cadiosir ubꞌan xeꞌ axin uyajcꞌu inteꞌ inteꞌ ut semilla uwirnar conda acuxpa bꞌan cocha uterar era.  
\v 39 Pues majax inteꞌ taca clase cuerpo xeꞌ ayan tara tor e rum, porque e winicobꞌ ayan inteꞌ clase ucuerpo, y e animalobꞌ ayan otrontex ucuerpo, y e mut ayan otronteꞌ ucuerpo, y bꞌan e chay xeꞌ intex ucuerpo ubꞌan.  
\v 40 Pues ayan inteꞌ cuerpo xeꞌ aturuan tut e qꞌuin, y ayan intex cuerpo xeꞌ aturuan tara tor e rum. Pero e cuerpo xeꞌ aturuan tut e qꞌuin ayan uwirnar xeꞌ galan, y e cuerpo xeꞌ aturuan tara tor e rum ayan intex uwirnar xeꞌ galan ubꞌan.  
\v 41 Y ut e qꞌuin ayan uwirnar xeꞌ galan y e luna ayan uwirnar xeꞌ galan ubꞌan pero intex. Y intex ubꞌan uwirnar ut e sian lucero xeꞌ galan ubꞌan. Y inteꞌ nuxi lucero ayan inteꞌ uwirnar xeꞌ galan y otronteꞌ lucero ayan intex uwirnar xeꞌ galan ubꞌan.  
\v 42 Y bꞌan cocha era ubꞌan tama e cuerpo lo que axin abꞌixqꞌuesna tujam e chamenobꞌ, porque lo que amujca macu rum acꞌapa oꞌcꞌoy, pero conda axin abꞌixqꞌuesna tujam e chamenobꞌ machi ixto tuaꞌ asutpa oꞌcꞌoy otronyajr.  
\v 43 Pues cacuerpo lo que ayan ticabꞌa tara tor e rum war asatpa axin porque injayjay y tamar era achamay y amujca, pero cacuerpo lo que tuaꞌ cachꞌami conda caxin cabꞌixqꞌuesna tujam e chamenobꞌ cꞌani aquetpa meyra utawarer. Pues injayjay cacuerpo xeꞌ axin amujca, pero e cuerpo xeꞌ tuaꞌ cachꞌami conda caxin cabꞌixqꞌuesna cꞌani aqꞌuecꞌo y tamar era machi tuaꞌ acꞌapa.  
\v 44 E cuerpo xeꞌ axin amujca conda achamay inteꞌ jax inteꞌ cuerpo bꞌan cocha ayan tara tor e rum, pero e cuerpo xeꞌ axin abꞌixqꞌuesna tujam e chamenobꞌ jax xeꞌ tuaꞌ cajcꞌuna tuaꞌ caturuan tamar conda turon tut e qꞌuin. Entonces cocha ayan inteꞌ cacuerpo bꞌan cocha ayan ticabꞌa tara tor e rum, entonces war che era que ayan ubꞌan intex cacuerpo xeꞌ tuaꞌ cachꞌami conda caxin tichan tut e qꞌuin.   
\p
\v 45 Pues chꞌar tzꞌijbꞌabꞌir tama uyojroner e Dios que: “E bꞌajxan winic xeꞌ jax e Adán ajcꞌuna ucuxtar tuaꞌ aturuan tara tor e rum.” Pero ayan otronteꞌ winic xeꞌ bꞌan cocha e Adán era xeꞌ jax Cawinquirar Jesucristo xeꞌ ixin uyajcꞌon cacuxtar nawalbꞌir xeꞌ machi tuaꞌ acꞌapa.  
\v 46 Entonces erer cawira que majax jax lo que nawalbꞌir xeꞌ tari bꞌajxan sino que jax e cuxtar lo que ayan tara tor e rum. Y de allí tari e cuxtar xeꞌ machi tuaꞌ acꞌapa xeꞌ nawalbꞌir.  
\v 47 Porque e bꞌajxan winic chembꞌir tama e tanlum lo que ayan tara tor e rum y tamar era jaxir ayan ucuerpo xeꞌ tuaꞌ e rum era. Pero inteꞌ winic era xeꞌ jax Cawinquirar Jesucristo tari tut e qꞌuin tichan.  
\v 48 Tunor tin e ayan ucuerpo tara tor e rum bꞌanobꞌ cocha e bꞌajxan winic xeꞌ chena ucuerpo tama e tanlum. Pero tin e turobꞌ tichan tut e qꞌuin ayan ucuerpo bꞌan cocha jaxir xeꞌ tari tut e qꞌuin xeꞌ jax Cawinquirar Jesucristo.  
\v 49 Y bꞌan cocha aquetpa cawirnar tara tor e rum bꞌan cocha e bꞌajxan winic xeꞌ chena tama e tanlum, y bꞌan ubꞌan tuaꞌ aquetpa cawirnar bꞌan cocha jaxir xeꞌ tari tut e qꞌuin xeꞌ jax Cawinquirar Jesucristo.   
\p
\v 50 Entonces niwermanuox, lo que cꞌani inwareox tama tunor era jax era: Que lo que ayanon xeꞌ jax cawerir y cabꞌaquer tara tor e rum ma erer axin uchꞌami lo que ayan tama uchinam e Dios xeꞌ machi tuaꞌ acꞌapa, porque lo que erer acꞌapa ma erer aquetpa tamar lo que machi tuaꞌ acꞌapa.  
\v 51 Pero cꞌani inwareox inteꞌ ojroner era xeꞌ mucur ani: Que majax tunoron tuaꞌ caxin cachamay, pero que tunoron tuaꞌ caxin cachꞌami inteꞌ cacuerpo xeꞌ imbꞌutz.  
\v 52 Y bꞌan tuaꞌ anumuy wacchetaca bꞌan cocha conda umaqui unacꞌut inteꞌ y asutpa upasi otronyajr, y tunor era tuaꞌ anumuy conda axin coybꞌi aꞌjca ulajbꞌar utrompeta e Dios xeꞌ ajtaquix aquetpa tuaꞌ aꞌjca tama e hora yajaꞌ. Porque axin alajbꞌa e trompeta tuaꞌ e Dios y wacchetaca tunor tin e chamayobꞌ xeꞌ war acꞌupseyanobꞌ tama Cawinquirar cꞌani asujta abꞌixqꞌuesnobꞌ tujam e chamenobꞌ y machi ixto tuaꞌ asutpa achamayobꞌ otronyajr. Y tunoron tuaꞌ cachꞌami inyajrer inteꞌ cacuerpo xeꞌ machi tuaꞌ acꞌapa.  
\v 53 Porque cacuerpo tara tor e rum xeꞌ asatpa axin ucꞌani tuaꞌ asutpa aquetpa lo que machi uyubꞌi acꞌapa, y cacuerpo tara tor e rum xeꞌ aquetpa tuaꞌ achamay ucꞌani tuaꞌ asutpa aquetpa lo que machi uyubꞌi achamay.  
\v 54 Entonces conda cacuerpo tara tor e rum xeꞌ war asatpa axin acꞌotoy aquetpa lo que machi uyubꞌi acꞌapa, y conda cacuerpo tara tor e rum xeꞌ quetpa tuaꞌ achamay acꞌotoy aquetpa lo que machi uyubꞌi achamay, entonces cꞌani acꞌapa achempa lo que chꞌar tzꞌijbꞌabꞌir tama uyojroner e Dios tiaꞌ che que: “Tijresna ixto yaꞌ tunor e chamer coner. Cꞌapa cucurna e chamer inyajrer.  
\v 55 Entonces Ajchamer, ¿tiaꞌ turu acꞌotorer coner tuaꞌ axeqꞌuion? Y Ajchamer, ¿tiaꞌ aquetpa tunor atuanibꞌir lo que cꞌani ani achꞌami conda cꞌapa acucron ani?” xeꞌ chꞌar tzꞌijbꞌabꞌir tama uyojroner e Dios.  
\v 56 Pues lo que uyajcꞌu ucꞌotorer e chamer tuaꞌ uyubꞌi uxeqꞌuion jax e mabꞌambꞌanir, y lo que uyajcꞌu ucꞌotorer e mabꞌambꞌanir jax e ley.  
\v 57 Pero catattzꞌi ucꞌabꞌa Cadiosir xeꞌ ixin uyajcꞌon cacꞌotorer tama Cawinquirar Jesucristo tuaꞌ uyubꞌion cacucru tunor lo que cꞌani ani ucucron.   
\p
\v 58 Pues entonces niwermanuox xeꞌ inchoj iut nimener, qꞌuecꞌojsenic ibꞌa y turbꞌanic ibꞌa tuaꞌ ixixin iche más y más tama upatnar Cawinquirar iraj iraj, porque war inata que tunor lo que ixixin iche tama Cawinquirar majax intaca war iche sino que ucꞌani tuaꞌ watar e cosecha tama tunor era.   
\c 16  
\s1 E tumin xeꞌ war amorojsena tuaꞌ atacarnobꞌ e ajcꞌupesiajobꞌ xeꞌ turobꞌ tama e chinam Jerusalem  
\p
\v 1 Pues cꞌani inwareox era tamar e tumin lo que war amorojsena tuaꞌ atacarnobꞌ e ajcꞌupesiajobꞌ xeꞌ turobꞌ tama e departamento Judea. Pues lo que ucꞌani tuaꞌ iche jax taca cocha cay inware tunor e grupo ajcꞌupesiajobꞌ xeꞌ turobꞌ tama e departamento Galacia xeꞌ  
\v 2 inware y che: Que tama inteꞌ inteꞌ domingo conda war imorojse ibꞌa tuaꞌ iyubꞌi uyojroner e Dios que ucꞌani tuaꞌ imorojse e tumin axin lo que war utꞌabꞌse inteꞌ inteꞌ bꞌan cocha war atojya. Y tamar era conda nen incꞌotoy tuaꞌ inwarajsiox tꞌabꞌesbꞌir ixto imener tunor e tumin era y tamar era machi ixto ucꞌani tuaꞌ ilocse otronteꞌ ofrenda tama e hora yajaꞌ.  
\v 3 Entonces conda incꞌotoy tiut cꞌani inwebꞌta axin cora winicobꞌ xeꞌ sicbꞌabꞌir imener tuaꞌ uqꞌuechiobꞌ axin e tumin era xeꞌ tꞌabꞌesbꞌir imener. Y nen cꞌani intzꞌijbꞌa inteꞌ carta esto tuaꞌ e ajcꞌupesiajobꞌ xeꞌ turobꞌ tama e chinam Jerusalem tuaꞌ aqꞌuejcha axin ubꞌan.  
\v 4 Y jay aquetpa tuaꞌ inxin nen ubꞌan entonces jaxirobꞌ erer axiobꞌ tacaren.   
\s1 E xambꞌar lo que war ubꞌijnu uche e Pablo  
\p
\v 5 Pues tama e xambꞌar lo que cꞌani inche era ucꞌani tuaꞌ innumuy tama e departamento Macedonia tuaꞌ inwarajse e ajcꞌupesiajobꞌ xeꞌ turobꞌ yajaꞌ, y nacpat era cꞌani incꞌotoy tiaꞌ turox tama e chinam Corinto tuaꞌ inwarajsiox nox ubꞌan.  
\v 6 Y bꞌajcꞌat inxin inquetpa tacarox tama inteꞌ tiempo o bꞌajcꞌat inquetpa tunor e invierno tacarox inyajrer. Y tamar era erer itacren tama nixambꞌar tic taca tiaꞌ ucꞌani tuaꞌ inxin otronyajr.  
\v 7 Porque nen machi incꞌani tuaꞌ taca inyopa y insutpa inlocꞌoy otronyajr, sino que cꞌani inquetpa tacarox tama inteꞌ tiempo tuaꞌ uyubꞌion cojron meyra tama tunor lo que war anumuy, y bꞌan tuaꞌ cache jay bꞌan ucꞌani Cawinquirar.  
\v 8 Pero era cꞌani inquetpa tara tama e chinam Éfeso este que watar e día tuaꞌ e nojqꞌuin Pentecostés.  
\v 9 Porque tara pasar e bꞌir ticoit tuaꞌ cawira achꞌiꞌ meyra tunor upatnar Cawinquirar, pero ayan ubꞌan meyra winicobꞌ xeꞌ war aqꞌuijna uwirobꞌ tunor e patnar era.   
\p
\v 10 Pues jay acꞌotoy e hermano Timoteo tiaꞌ turox turbꞌanic ibꞌa tuaꞌ iche aturuan atzay tacarox y que matucꞌa tuaꞌ ubꞌijnu, porque jaxir war apatna tama Cawinquirar bꞌan cocha war impatna nen.  
\v 11 Y tamar era turbꞌanic ibꞌa que mamajchi tijam axin uxejbꞌe ut e hermano Timoteo era, sino que tacrenic tuaꞌ uyubꞌi uche uxambꞌar taca e ujiriar tama uyalma tuaꞌ uyubꞌi acꞌotoy tiaꞌ turen tara tama e chinam Éfeso, porque war incojco inwira ut bꞌan cocha e inmojr ajcꞌupesiajobꞌ era ubꞌan.   
\p
\v 12 Y tama e hermano Apolos, nen cay incꞌajti meyra tacar tuaꞌ axin uwarajsiox taca e inmojr ajcꞌupesiajobꞌ xeꞌ cꞌotoyobꞌ tiut era. Pero jaxir mato jabꞌar tuaꞌ axin coner. Pero conda ajabꞌtzꞌa entonces axin tuaꞌ uwarajsiox.   
\s1 Cꞌani inwebꞌta axin e cꞌajpesiaj tibꞌa tama ucꞌapesnibꞌir e carta era  
\p
\v 13 Pues turbꞌanic ibꞌa tuaꞌ icojco ibꞌa tuaꞌ machi ibꞌijnu iche e mabꞌambꞌanir. Y qꞌuecꞌojsenic ibꞌa tuaꞌ ixcꞌupseyan tama tunor uyojroner e Dios. Turbꞌanic ibꞌa cocha winicox tuaꞌ e Dios tunorox. Y qꞌuecꞌojsenic ibꞌa tuaꞌ ixxana tama ubꞌir e Dios.  
\v 14 Y tunor lo que ixixin iche, chenic tunor era taca ucꞌunersiaj e Dios tama iwalma.   
\p
\v 15 Pues entonces niwermanuox, war inata que e hermano Estéfanas taca tunor ufamiliarobꞌ jax tin e uchꞌamiobꞌ e Cristo bꞌajxan tama tunor e departamento Acaya, y que jaxirobꞌ ixin uyajcꞌu ubꞌobꞌ tuaꞌ utacriobꞌ tunor e ajcꞌupesiajobꞌ tama Cawinquirar axin.  
\v 16 Y tamar era cꞌani inwareox tuaꞌ ixcꞌupseyan tutobꞌ jay axin uyareox tucꞌa ucꞌani tuaꞌ iche, y bꞌan tut tunor e ajcꞌupesiajobꞌ cocha era xeꞌ war uyajcꞌu ubꞌobꞌ inyajrer tuaꞌ uchiobꞌ lo que ucꞌani Cadiosir, y bꞌan tut tunor tin e war apatnobꞌ tama Cadiosir.  
\v 17 Y war intzay que tari e hermano Estéfanas taca e hermano Fortunato y e hermano Acaico, porque jaxirobꞌ ixin uchiobꞌ tacaren lo que quisinic iche ani nox, pero machi uyubꞌiox umen que machi turox taniut era.  
\v 18 Porque jaxirobꞌ cay utꞌabꞌsiobꞌ niwalma meyra taca utacarsiaj e Dios bꞌan cocha cay uchiobꞌ tacarox ubꞌan. Pues conda acꞌotoy e winicobꞌ cocha era tiut ucꞌani tuaꞌ ichecsu icꞌunersiaj tutobꞌ.   
\p
\v 19 Pues tunor e grupo ajcꞌupesiajobꞌ xeꞌ turobꞌ tama e departamento Asia war uyebꞌta axin e cꞌajpesiaj tibꞌa. Y e hermano Aquila taca e hermana Priscila y tunor e ajcꞌupesiajobꞌ xeꞌ war umorojse ubꞌobꞌ tama uyotot war uyebꞌtobꞌ axin e cꞌajpesiaj tibꞌa tama Cawinquirar ubꞌan.  
\v 20 Y tunor e ajcꞌupesiajobꞌ xeꞌ turobꞌ tiaꞌ turen war uyebꞌtobꞌ axin e cꞌajpesiaj tibꞌa ubꞌan. Cꞌajpesic ibꞌa este que ixixin imeqꞌue ibꞌa tama Cawinquirar.   
\p
\v 21 Tamar nicꞌabꞌ war intzꞌijbꞌa e ojroner era xeꞌ che: “Nen xeꞌ Pabloen war incꞌajpesox era.”   
\p
\v 22 Pues jay ayan tin e machi ucꞌani Cawinquirar, quetpacobꞌ yebꞌar inteꞌ bꞌax. Niwinquiraret, lar wacchetaca era.   
\p
\v 23 Que Cawinquirar Jesús axin uchojbꞌesicox inteꞌ intiox.  
\v 24 Cꞌani inwareox tunorox que war inyajta iut inteꞌ intiox tamar ucꞌabꞌa e Cristo Jesús. Tara acꞌapa tunor niwojroner, che e Pablo.