\id TIT Titus in Bokobaru, Ross Jones 
\h TITU 
\toc1 TITU 
\toc2 TITU 
\mt1 TITU  
\c 1  
\s1 Titu zĩkɛna Kɛrɛti bùsun  
\p
\v 1 Mamↄma Pↄlu, Luda zↄ̀bleri, Yesu Kirisi zĩ̀rin ma ũ. À ma zĩ mà gbɛ̃ kɛ̀ Luda ń sɛ́nↄ kaara a náanɛkɛnan mà tó aↄ̃ à dↄnzizɛ yãpuraa dↄ̃,  
\v 2 lɛ aↄ̃ wɛ́ɛ gↄ̃ dↄ wɛ̃̀ndi kɛ̀ è yãaroozi, kɛ̀ Luda à lɛ́ gbɛ̃̀ zaalɛ anduna e káɛro. Eè ɛgɛɛ to sↄ̃ro.  
\v 3 Ben yã pì bↄ̀ gupuraaa a gurↄↄa waazi kɛ̀ Luda wa Mìsiri dàmɛ ma kɛɛ guu lán à dìɛ nà.  
\v 4 Mámbe ma takada kɛ̀ kɛ̃̀nnɛ Titu, ma nɛ́ yãpuraa Yesu zɛ́ kɛ̀ wá kún lɛdoo guu. De Luda kↄ̃n Kirisi Yesu wa Mìsirio gbɛ̃kɛɛ kɛnnɛ, à n gba aafia.   
\p
\v 5 Ma n to Kɛrɛti, lɛ ǹ yã kɛ̀ gↄ̃̀ gweenↄ gↄ̃gↄ̃, ǹ gbɛ̃nsinↄ diɛ wɛ́tɛ kↄ̃n wɛ́tɛo lán má ònnɛ nà.  
\v 6 À maa gbɛ̃nsi gↄ̃ kuu taari sai nↄmɛndodee ũ. À nɛ́nↄ gↄ̃ dɛ ludanaanɛkɛrinↄ ũ, wàtongↄ̃ ń dↄ̃ nɛ́ zàzari swãgbãadeenↄ ũro.  
\v 7 Zaakɛ gbɛ̃nsi nɛ́ Luda zĩ gwàrimɛ, àtongↄ̃ dɛ taaridee ke wadadee ke pↄfɛ̃ri ke wɛ̃dɛri ke gbɛ̃ pãsĩ ke ↄↄzaawɛtɛri ũro.  
\v 8 Sé àgↄ̃ dɛ nibↄfↄ̃ri ũ, làakaridee kɛ̀ zɛ̀ kↄ̃n maakɛnao ũ, gbɛ̃ súusu kɛ̀ kú adona bensↄ̃ à a zĩnda kũna dↄ̃ↄ ũ,  
\v 9 gbɛ̃ kɛ̀ zɛ̀ gbãngbãn kↄ̃n yã náanɛdee kɛ̀ wè dańnɛo ũ, lɛ à e à lɛ́ da gbɛ̃ pãndenↄa kↄ̃n yãzɛdedannɛna pìo, à gbɛ̃ kɛ̀ bↄ̀ à yã kpɛɛnↄ ɛgɛɛ káńnɛ ń ↄzĩ.   
\p
\v 10 Zaakɛ swãyãmarisaidee kɛ̀ aↄ̃è gbɛ̃nↄ likↄ̃a kↄ̃n ń yã'onaonↄↄ pari, atɛ̃nsa gbɛ̃ kɛ̀ aↄ̃ zɛ̀ kↄ̃n bã̀ngukɛna yãonↄ.  
\v 11 Aↄ̃è ua lɛzii yaka. À maa wà lɛ́sↄ dańnɛ. Aↄ̃è yã kɛ̀ dɛ wà dańnɛroo dańnɛ ↄↄ zaa ena yãnzi.  
\v 12 Kɛrɛti bùsu annabi ke bè, Kɛrɛtinↄ nɛ́ ɛgɛdeenↄmɛ, nↄ̀bↄ pãsĩnↄmɛ, ye'uzi mɛadeenↄmɛ.  
\v 13 Yã pì nɛ́ yãpuraamɛ. Beee yãnzi ǹ kpãkɛ̃ńzi maamaa, lɛ aↄ̃gↄ̃ dↄnzizɛ kũna gbãa.  
\v 14 Aↄ̃ton làakari dↄ Yudanↄ garaaro ke gbɛ̃ kɛ̀ aↄ̃ kɛ̃̀ yãpuraaa yãdiɛnanↄ.  
\v 15 Pↄ́ke ègↄ̃ gbãsĩ gbãsĩsaideenↄnɛro, bensↄ̃ pↄ́ke ègↄ̃ gbãsĩsai ludayãdarisai gbãsĩdeenↄnɛro, kɛ̀ aↄ̃ laasuu kↄ̃n ń nↄ̀sɛo zaa yãnzi.  
\v 16 Aↄ̃è be wà Luda dↄ̃, ben aↄ̃ yãkɛna è ń ɛgɛ bo. Bɛgizinↄmɛ, aↄ̃è yã maro, aↄ̃è fↄ̃ wà yã maa ke kɛro.   
\c 2  
\s1 Yãdannɛna zɛ́dee  
\p
\v 1 Mmↄn sↄ̃, ǹ yã kɛ̀ è kↄ̃ sɛ́ kↄ̃n yãzɛdedannɛnao dańnɛ.  
\v 2 Ǹ da mare ìsinↄnɛ aↄ̃gↄ̃ ń zĩnda kũna dↄ̃ gbɛ̃ bɛ̀ɛdeenↄ ũ làakarideenↄ ũ. Aↄ̃gↄ̃ dↄnzizɛ kũna gbãa kↄ̃n yenzio kↄ̃n mɛnao.  
\v 3 Ǹ da nↄgbɛ̃nsinↄnɛ dↄ aↄ̃ kuuna gↄ̃ dɛ dↄnziri maaanↄ kuuna ũ. Aↄ̃tongↄ̃ dɛ gudɛri ke wɛ̃ zↄ̀nↄ ũro. Aↄ̃ yã maaa dańnɛ,  
\v 4 lɛ aↄ̃ lɛ́ da nↄzãreenↄa aↄ̃ baade gↄ̃ ye a zãzi kↄ̃n a nɛ́nↄ,  
\v 5 aↄ̃gↄ̃ dɛ làakarideenↄ ũ gbãsĩ sai, aↄ̃ làakari dↄ ń ua zĩia, aↄ̃ baade mì siɛ a zãnɛ lɛ wàton Luda yã zaa boro yãnzi.   
\p
\v 6 Ǹ lɛ́ da gↄ̃kparɛnↄa dↄ aↄ̃gↄ̃ làakari vĩ.  
\v 7 Ǹ yãmaakɛna zɛ́ ↄdↄańnɛ à píngi guu. N yãdannɛna gↄ̃ bɛ̀ɛ vĩ à kↄ̃ sɛ́ kↄ̃n n yãkɛnao  
\v 8 kↄ̃n yãzɛdee kɛ̀ weé fↄ̃ wà à ɛgɛ borooo, lɛ wí gbɛ̃ kɛ̀ aↄ̃ bↄ̀ n kpɛɛnↄ kũ, aↄ̃ton yã zaaa e wà o wa yã musuro yãnzi.   
\p
\v 9 Ǹ lɛ́ da zↄ̀nↄa aↄ̃ mì siɛ ń diinↄnɛ yã píngi guu, aↄ̃ yã kɛ̀ eé káńnɛ kɛ. Aↄ̃ton yã síńlaro.  
\v 10 Aↄ̃ton kpãi oḿmaro. Aↄ̃ tó wàgↄ̃ ń dↄ̃ gbɛ̃ náanɛdeenↄ ũ maamaa, lɛ Luda wa Mìsiri yã kɛ̀ weè dańnɛ wɛ́ɛ bↄ yã píngi guu.   
\p
\v 11 Zaakɛ Luda gbɛ̃kɛɛ kɛ̀ mↄ̀ kↄ̃n mìsinao baade pínginɛ bↄ̀ gupuraaa.  
\v 12 Gbɛ̃kɛɛ pì e daawe wà kpɛɛ li yã kɛ̀ èe kↄ̃ sɛ́ kↄ̃n Luda yãoroonɛ kↄ̃n anduna pↄ́nidɛnanↄ, lɛ wàgↄ̃ wa zĩnda kũna dↄ̃ gbɛ̃ maaanↄ ũ, ludayãdarinↄ ũ anduna tiaa kɛ̀kii guu,  
\v 13 wa wɛ́ɛ gↄ̃ dↄ gurↄ aubarikadee kɛ̀ wée dãazi. Àmbe wa Luda bíta wa Mìsiri Yesu Kirisi mↄ́gurↄ gakuidee ũ.  
\v 14 À a zĩnda kpà wa yãnzi, à wa bↄ zaa píngi guu, à wa gbãsĩ gògo, lɛ wà gↄ̃ a zĩnda gbɛ̃ kɛ̀ aↄ̃ↄ maakɛna aĩa vĩinↄ ũ.  
\v 15 Ǹ yã pìnↄ dańnɛ ǹ lɛ́ daoḿma. Ǹ kpãkɛ̃ńzi kↄ̃n iko kɛ̀ ń vĩio píngi. Ǹton tó gbɛ̃ke kya kánguro.   
\c 3  
\s1 Wà làakari dↄ maakɛnaa  
\p
\v 1 Ǹ dↄ n gbɛ̃nↄn aↄ̃ mì siɛ gbãadeenↄnɛ kↄ̃n ikodeenↄ, aↄ̃ ń yã ma, aↄ̃gↄ̃ kú kↄ̃n maakɛna píngi soruo.  
\v 2 Aↄ̃ton gbɛ̃ke tↄ́ zaaa síro. Aↄ̃gↄ̃ dɛ nↄ̀sɛdode yãketesaideenↄ ũ kɛ̀ aↄ̃ↄ busana baade pínginɛ.  
\v 3 Zaakɛ wapinↄ se, wá faa vĩ yãro, ludayãdarisainↄn wa ũ. Wa sãsã, wá dɛ pↄnnakɛna kↄ̃n dà zaa píngio zↄ̀nↄ ũ. Weègↄ̃ kú kↄ̃n nↄ̀sɛ zaaao kↄ̃n nↄ̀sɛgↄ̃aanↄo. Wá dɛ bɛgizinↄ ũ, wa zakↄ̃n.  
\v 4 Baa kↄ̃n beeeo kɛ̀ Luda wa Mìsiri gbɛ̃kɛ kↄ̃n à yenzio bↄ̀ gupuraaa,  
\v 5 ben à wa mì sì. Èe kɛ wa maakɛna yãnzinlo, kɛ̀ à wɛ̃nda dↄ̃̀we yãnzimɛ. À wa zú ò à wa i dufu, à tò wa gↄ̃ gbɛ̃ dufunↄ ũ kↄ̃n a Ninii  
\v 6 kɛ̀ à pìsiwa gbãaao Yesu Kirisi wa Mìsiri gãzĩ.  
\v 7 Beee yãnzi yã bↄ̀wao nna à gbɛ̃kɛ yãnzi, wa gↄ̃ túbiblerinↄ ũ, wá wɛ́ɛ dↄ auzɛnnazi.  
\v 8 Yã pì nɛ́ yãpuramɛ.  
\p Má yezi ǹ gã na yã pìnↄ onaa maamaa, lɛ ludanaanɛkɛrinↄ e wà mɛ̀ kpá maakɛnaa. Beee maa, à kaarana vĩ gbɛ̃nↄnɛ.   
\p
\v 9 Ǹ bàa lɛ́ mìsai yãgagananɛ kↄ̃n dezinↄ tↄ́ kↄ̃ↄwɛnao kↄ̃n swèeo kↄ̃n lɛokpakↄ̃akɛna Musa doka yã musuo, zaakɛ yã pãanↄmɛ, aↄ̃ↄ kaarana vĩro.  
\v 10 Ǹ kpãkɛ̃ gbɛ̃ kɛ̀ è tó wà kɛ̃kↄ̃azi baa gɛ̃̀n plaa, gbasa ǹ pɛ́a.  
\v 11 Ǹgↄ̃ dↄ̃ kɛ̀ gbɛ̃ beee taka sã̀sã. Durunkɛrimɛ, à a zĩnda bↄ̀bↄ.   
\s1 Lɛ́zammana  
\p
\v 12 Tó ma Atema ke Tikiku zĩ̀mma, ǹ zɛ́ wɛtɛ ǹ mↄ́ ǹ ma le Nikↄpↄli, zaakɛ ma zɛo mà buusiɛ dɛ gwe.  
\v 13 Ǹ aĩa kɛ ǹ kũsãɛ kɛ bùsu dokadↄ̃ri Zenasinɛ kↄ̃n Apoloo lɛ pↄ́ke tón kɛ̃sãḿmaro ń tá guu.  
\v 14 À maa wa gbɛ̃nↄ maakɛna dada aↄ̃ ń zĩnda kpáa, aↄ̃ yã kɛ̀ kↄ̃ sìonↄ bↄkↄ̃tɛ lɛ wàtongↄ̃ kuu pãro.  
\v 15 Gbɛ̃ kɛ̀ wá kú lɛdoonↄ ì kpàmma ń píngi. Ǹ ì kpá gbɛ̃ kɛ̀ aↄ̃ↄ yewazi Yesu zɛ́ guunↄa. Luda gbɛ̃kɛɛ kɛare a píngi.