\id EPH Ephesians in Bokobaru, Ross Jones 
\h ƐFESUDEENƆ 
\toc1 ƐFESUDEENƆ 
\toc2 ƐFESUDEENƆ 
\mt1 ƐFESUDEENƆ  
\c 1  
\s1 Gbɛ̃kɛɛ kɛ̀ Ludaa kɛ̀we Kirisi guu  
\p
\v 1 Mamↄma Pↄlu, Kirisi Yesu zĩ̀ri Luda pↄyezina guu, mámbe ma takada kɛ̀ kɛ̃̀ Luda gbɛ̃ kɛ̀ aↄ̃ↄe Kirisi Yesu náanɛ kɛɛ zaa Ɛfesunↄnɛ.  
\v 2 Wa De Luda kↄ̃n Dii Yesu Kirisio gbɛ̃kɛɛ kɛare, à a gba aafia.   
\p
\v 3 Wà Luda wa Dii Yesu Kirisi De sáabu kpá! Wa kuuna Kirisi guu Luda a Ninii aubarika píngi dàwagu zaa musu.  
\v 4 À wa sɛ a guu anduna kaɛna ã, lɛ wa kuuna gↄ̃ dɛnɛ adona see sai. Yenzi guu  
\v 5 à gĩakɛ à wa diɛ a nɛ́nↄ ũ Yesu Kirisi gãzĩ lán èe wɛtɛɛ a pↄyezi guu nà,  
\v 6 lɛ à tↄ́ bↄ a gbɛ̃kɛ gakuidee kɛ̀ à kɛ̀we a Nɛ́ yenzidee guu yãnzi.  
\v 7 À guu à wa bo kↄ̃n a aruo. À wa taarinↄ kɛ̃̀we a gbɛ̃kɛ bíta  
\v 8 kɛ̀ à kɛ̀we à gɛ̃̀ ↄla yãnzi. Ɔ̃ndↄ̃ píngi kↄ̃n wɛ́ɛzɛ̃ píngio guu  
\v 9 à tò wa a pↄyezi asii dↄ̃̀ lán à zɛ̀o à kɛ Kirisi gãzĩ nà.  
\v 10 Tó à pↄyezi pì kɛgurↄↄ kà, eé pↄ́ píngi kakↄ̃a Kirisi ń Mìdeenɛ, pↄ́ kɛ̀ kú musu kↄ̃n tↄↄtɛo píngi.  
\v 11 Luda kɛ̀ è yã píngi kɛ lán à zɛ̀o a pↄyezi guu nà gĩakɛ à wa diɛ lán èe wɛtɛɛ nà, à wa sɛ a pↄ́ ũ Kirisi guu,  
\v 12 lɛ wamↄwa kɛ̀ wa wɛ́ɛ dↄ Kirisizi zaa káakunↄ wàgↄ̃ dɛ à tↄ́ gakuide bↄ̀rinↄ ũ.  
\v 13 Apinↄ sↄ̃, a yãpura yã mà, a baaru nnaa kɛ̀ à a mì sì pì sì. À guu Luda a zĩnda sèeda kɛ̀awa à Ninii kɛ̀ à à lɛ́ gbɛ̃̀ ũ.  
\v 14 Àmbe túbi kɛ̀ wé e kpɛ́gaau ũ ai Luda gↄ̃ gá a gbɛ̃nↄ bo, lɛ aↄ̃ à tↄ́ gakuidee bↄ yãnzi.   
\s1 Pↄlu aduakɛna Ɛfesudeenↄnɛ  
\p
\v 15 Beee yãnzi zaa gurↄↄ kɛ̀ ma a Dii Yesu náanɛkɛna mà kↄ̃n yenzi kɛ̀ á vĩ kↄ̃n Luda gbɛ̃nↄ ń píngi,  
\v 16 mɛ́ɛ kámma bo kↄ̃n Luda sáabukpanao a yã musuro. A yã ègↄ̃ dↄmagu ma aduakɛna guu.  
\v 17 Mɛɛ̀ wɛ́ɛ kɛ kɛ̀ De gakuide, wa Dii Yesu Kirisi Luda à a gba ↄ̃ndↄ̃ↄ à a wɛ́ɛ kɛ̃are kↄ̃n a Ninii gbãaao, lɛ à e à à dↄ̃ wásawasa.  
\v 18 Mɛɛ̀ wɛ́ɛ kɛa à a nↄ̀sɛ wɛ̃are, lɛ à e à tãmaa kɛ̀ à a sisia dↄ̃, à túbi gakuidee auziki kɛ̀ à dìɛ a gbɛ̃nↄnɛ  
\v 19 kↄ̃n a gbãa bíta bↄnsaɛ kɛ̀ èe zĩi kɛɛ wamↄwa kɛ̀ weè à náanɛ kɛɛnↄ guuo. Gbãa bíta pì zĩi kɛ̀ Kirisi guu  
\v 20 gurↄↄ kɛ̀ Luda à fɛ̀ɛ gaan à à vɛ̃̀ɛ a ↄplaazi zaa musu.  
\v 21 Gwen Kirisi dɛn kpatablerinↄ kↄ̃n ikodeenↄ kↄ̃n gbãadeenↄ kↄ̃n diinↄla ń píngi kↄ̃n tↄ́ kɛ̀ wè mì siɛńnɛnↄ píngi. Èe kɛ anduna tiaa kɛ̀kii adonlo, kↄ̃n à kɛ̀ eé mↄ́omɛ dↄ.  
\v 22 Ludaa tò à iko vĩ pↄ́ píngia, ben à à dìɛ baabↄ píngi mìdee ũ sↄsinɛ.  
\v 23 Sↄsi pìn Kirisi mɛ̀ ũ, à dɛ Kirisi kɛ̀ è pↄ́ píngi papa gu píngia papana ũ.   
\c 2  
\s1 Fɛɛ bↄna gaan gɛ̃na wɛ̃̀ndin  
\p
\v 1 Á dɛ yã gɛ̀nↄ ũ Ludanɛ a taarinↄ kↄ̃n a durunnↄ yãnzi.  
\v 2 Á tɛ́ anduna kɛ̀ki tuubazi, a mì sìɛ ĩa gbãadeenↄ kínanɛ, Setãn kɛ̀ kpɛ́ dↄna ludayãmarisaideenↄnɛ aɛ pì.  
\v 3 Wa píngi wá dɛ lán ń bà yã se. Weè pↄ́ kɛ̀ wa mɛ̀ yezi kↄ̃n yã kɛ̀ wa pↄↄ gbào kɛ. Wa ina guu wá dɛ gbɛ̃ kɛ̀ Luda é pↄfɛ̃ pitaḿmanↄ ũ lán danↄ bà,  
\v 4 mↄde Luda sùu bíta, à yenzi vĩwe maamaa.  
\v 5 Gurↄↄ kɛ̀ wá dɛ gɛ̀nↄ ũ wa taarinↄ yãnzi, à wa fɛɛ kↄ̃n Kirisio lɛdo. À a mì sì a gbɛ̃kɛɛ guu.  
\v 6 Kirisi Yesu guu à wa sɛ à wa vɛ̃ɛo zaa musu,  
\v 7 lɛ à e à a gbɛ̃kɛ bíta bↄnsaɛ ↄdↄańnɛ anduna kɛ̀ eé mↄ́ guu yãnzi yã maaa kɛ̀ à kɛ̀we kuuna Kirisi Yesu guu musu.  
\v 8 Luda a mì sì a gbɛ̃kɛɛ guu Yesu náanɛ kɛ̀ á kɛ̀ yãnzi. Beee e bↄ a kiianlo, Luda bé à a gba.  
\v 9 A mìsina e bↄ a yãkɛna gãzĩnlo, lɛ gbɛ̃ke tón ĩa dãoro yãnzi.  
\v 10 Luda ↄgbɛn wa ũ. Kirisi Yesu guu à wa kɛ lɛ wàgↄ̃ kú kↄ̃n yã maaa kɛ̀ à gĩakɛ à dìɛwee kɛnao.   
\s1 Gↄ̃na mɛ̀ dↄ̃nkↄ̃ ũ Kirisi guu  
\p
\v 11 Amↄa kɛ̀ á dɛ bori pãndenↄ ũ ina guu, à laasuu lɛ́ a kuuna ziia. Bã̀ngudeenↄ è beare gɛfↄↄdeenↄ, mↄde aↄ̃ bã̀ngukɛna dɛ gbɛ̃ntee ↄgbɛ ũmɛ.  
\v 12 Gurↄ beeea á kuu Kirisi sai, á dɛ gbɛ̃ zĩ̀tↄnↄ ũ Isarailinↄnɛ. A baka kú Luda bà kuunańyo kↄ̃n à lɛ́gbɛ̃ńnɛnao guuro. Á kú anduna guu tãmaa sai ludadↄ̃sai.  
\v 13 Kirisi Yesu guu tia, amↄa kɛ̀ á zã̀ kↄ̃n Ludao yãanↄ a sↄ̃zi kĩi kↄ̃n Kirisi aru gbãaao.  
\v 14 Àmbe wa kuuna kↄ̃o nnaa ũ, à tò Yudanↄ kↄ̃n bori pãndenↄ gↄ̃̀ mɛ̀ dↄ̃nkↄ̃ ũ. À mɛ̀ guu à íbɛtɛ kɛ̀ da ń dagura bĩi ũu gbòro,  
\v 15 à Musa doka kpà guuzi kↄ̃n à yãdiɛnanↄ, lɛ à tó aↄ̃ plaa ń píngi gↄ̃ao gbɛ̃ dufu mɛ̀n doo ũ. Lɛn à ń kɛ́ kↄ̃o nna lɛ.  
\v 16 À íbɛtɛ yã̀a, à ń plaa ń píngi kɛ̀ nna kↄ̃n Ludao mɛ̀ dↄ̃nkↄ̃ pì guu a gana lía yãnzi.  
\v 17 À mↄ̀ à kɛna nna kↄ̃n Ludao baaru kpà amↄa kɛ̀ á zã̀ kↄ̃n Ludaonↄnɛ kↄ̃n gbɛ̃ kɛ̀ aↄ̃ↄ kĩionↄ dↄ.  
\v 18 Kirisi yãnzi wa píngi wá zɛ́ vĩ wà sↄ̃ De Ludazi kↄ̃n à Nini dↄ̃nkↄ̃ gbãaao.   
\p
\v 19 Beee yãnzi á dɛ gbɛ̃ zĩ̀tↄnↄ ke bↄ̀amↄnↄ ũ dↄro, a gↄ̃ bɛdeenↄ ũ kↄ̃n Luda gbɛ̃nↄ, à uadeenↄ.  
\v 20 Ámbe kpɛ́ kɛ̀ Ludaa bò ɛ̃ɛ kɛ̀ zĩ̀rinↄ kↄ̃n annabinↄↄ dàɛa ũ, bensↄ̃ Kirisi Yesun à ɛ̃daɛgbɛ ũ.  
\v 21 À guun kpɛ́ pↄ́ píngi è kↄ̃ kũn, ègↄ̃ gbãa Luda kpɛ́ ũ Dii guu.  
\v 22 À guu apinↄ se, á dɛ kpɛ́ pì bobↄnↄ ũ, ámbe Luda Nini kúkii ũ.   
\c 3  
\s1 Pↄlu zĩkɛna bori pãndenↄ tɛ́  
\p
\v 1 Beee bé à tò mamↄma Pↄlu má dɛ pisina ũ Kirisi Yesunɛ a bori pãndenↄ yãnzi.  
\v 2 Ée ma lán Luda a gbɛ̃kɛkɛnnɛna zĩi dàmɛ mà kɛ a tɛ́roo?  
\v 3 Luda a asiiyã ↄ̀dↄamɛ, má kɛ̃̀are féte kↄ̀.  
\v 4 Tó a à kyó kɛ̀, é fↄ̃ à dↄ̃ lán ma wɛ́ɛ kɛ̃̀ nà Kirisi asiiyã musu.  
\v 5 Luda e yã pì o gbɛ̃kenɛ yãro, ben tia sa à ↄ̀dↄa a zĩ̀rinↄ kↄ̃n a annabinↄnɛ kↄ̃n a Ninii gbãaao.  
\v 6 Yã kɛ̀ utɛna yãa pìn yɛ̀: Kirisi Yesu guu baaru nna mana yãnzi bori pãndenↄ gↄ̃̀ Luda túbiblerinↄ ũ lɛdo kↄ̃n Yudanↄ, aↄ̃ gↄ̃̀ńyo mɛ̀dↄ̃nkↄ̃deenↄ ũ. Aↄ̃ baka kú lɛ́ kɛ̀ Ludaa gbɛ̃̀ guu.  
\v 7 Ma gↄ̃ baaru nnaa pì kpàri ũ gbaa kɛ̀ Ludaa dàmɛ yãnzi kↄ̃n à gbãaa kɛ̀ èe zĩi kɛɛ ma guuo.  
\v 8 Mamↄma kɛ̀ má kɛ̃sãna Luda gbɛ̃nↄ tɛ́, Luda gbaa pì dàmɛ, ben mɛ́ɛ Kirisi auziki yãanasai baaru kpaa bori pãndenↄnɛ,  
\v 9 mɛ́ɛ asiiyã kɛ̀ Ludaa e wɛtɛɛ gbɛ̃ sãnda pínginɛ bↄↄńnɛ gupuraaa. Asiiyã pì utɛna Luda kɛ̀ pↄ́ píngi kɛ̀ kiia zaa káaku,  
\v 10 ben tia sa à tò kpatablerinↄ kↄ̃n ikodee kɛ̀ aↄ̃ↄ kú musunↄ a ↄ̃ndↄ̃ bori pariinↄ dↄ̃̀ sↄsi gãzĩ.  
\v 11 Luda pↄyezi kɛ̀ kuu zaa gurↄ píngi pì lɛ́ pàpa Kirisi Yesu wa Dii gãzĩ.  
\v 12 À guu wá zɛ́ vĩ wà sↄ̃ Ludazi kↄ̃n swɛ̃̀o kpaɛna à náanɛkɛna yãnzi.  
\v 13 Beee yãnzi ma wɛ́ɛ kɛ̀awa àton tó a nↄ̀sɛ yaka nawɛ̃a kɛ̀ mɛ́ɛ kɛɛ a musu yãnziro. A bↄna maaa yãnzimɛ.   
\s1 Kirisi yenzi  
\p
\v 14 Beee yãnzi mɛɛ̀ kúɛ De Ludanɛ.  
\v 15 À kiian à bɛdee kɛ̀ aↄ̃ↄ kú musu kↄ̃n tↄↄtɛonↄ ń tↄ́ èn ń píngi.  
\v 16 Mɛɛ̀ wɛ́ɛ kɛa à a gba gbãaa a nↄ̀sɛ guu kↄ̃n a Ninii gbãaao a auziki gakuide lɛ́n,  
\v 17 lɛ Kirisi vɛ̃ɛ a swɛ̃̀n a náanɛ kɛ̀ ée kɛɛ yãnzi, a kãsãpɛɛna gↄ̃ gbãa yenzi guu,  
\v 18 lɛ à e à à yenzi yàasa kↄ̃n à gbã̀ao kↄ̃n à lezĩo kↄ̃n à lↄ̀o gbázɛ dↄ̃ kↄ̃n Luda gbɛ̃nↄ píngi,  
\v 19 lɛ à e à à yenzi kɛ̀ weé fↄ̃ wà à lɛ́ dↄ̃ píngiroo dↄ̃, Luda papana píngi pɛkↄ̃rɛawa.   
\p
\v 20 Luda bíta! Eé fↄ̃ à kɛwe dɛ lán weè à wɛ́ɛ kɛ ke weè à laasuu lɛ́ nàla maamaa kↄ̃n gbãaa kɛ̀ èe zĩi kɛɛ wa guuo.  
\v 21 Wàgↄ̃ à tↄ́ bↄↄ sↄsi kↄ̃n Kirisi Yesuo guu ai wa boriia gurↄ sãnda píngi! Aami.   
\c 4  
\s1 Mɛ̀dↄ̃nkↄ̃kɛna  
\p
\v 1 Mamↄma kɛ̀ má dɛ pisina ũ Diinɛ, ma wɛ́ɛ kɛ̀awa a kuuna gↄ̃ dɛ lán Luda a sisi àgↄ̃ dɛ nà.  
\v 2 À kↄ̃ fↄ̃ àgↄ̃ yekↄ̃zi zĩndabusana guu kↄ̃n nↄ̀sɛyĩio kↄ̃n mɛnao.  
\v 3 À wɛ́ɛ tã àgↄ̃ lɛ́dolɛ kɛ̀ bↄ̀ Luda Nini kiia vĩ bà kɛ̀ è a dↄkↄ̃a ũ.  
\v 4 Mɛ̀ mɛ̀n domɛ, bensↄ̃ Ninii pì mɛ̀n domɛ. Lɛn tãmaa kɛ̀ Luda a sisia mɛ̀n do lɛ se.  
\v 5 Dii mɛ̀n do bensↄ̃ dↄnzizɛ mɛ̀n do kↄ̃n batisi mɛ̀n dooo.  
\v 6 Luda mɛ̀n domɛ wa píngi De ũ. Àmbe à iko vĩ wa baadea, ègↄ̃ zĩi kɛɛ wa baade píngi guu, à kú kↄ̃n wa baade píngio.   
\p
\v 7 Kirisi gbɛ̃kɛɛ kɛ̀ wa baadenɛ, lán à gba dàwe nà lɛ́n.  
\v 8 Beee yãnzi à kɛ̃na Luda yãn wà bè:  
\q1 Kɛ̀ à fɛ̀ɛ à tà musu, à dↄ̀ zĩ̀zↄnↄnɛ aɛ,  
\q1 à gba dà gbɛ̃nↄnɛ.   
\m
\v 9 À fɛɛ à tana musu beee dɛ diamɛ? Beee bè à pìta ai tↄↄtɛ gĩzĩ gĩa.  
\v 10 Gbɛ̃ kɛ̀ pìta pìmɛ gbɛ̃ kɛ̀ fɛ̀ɛ à tà ludambɛ musumusu ũ, lɛ à gu sãnda píngi pa.  
\v 11 Àmbe à gbɛ̃kenↄ gbà zɛ́ aↄ̃gↄ̃ dɛ zĩ̀rinↄ ũ, gbɛ̃kenↄ annabinↄ, gbɛ̃kenↄ baarunnakparinↄ, gbɛ̃kenↄ pasitↄnↄ ke yãdannɛrinↄ,  
\v 12 lɛ Luda gbɛ̃nↄ gↄ̃ kú à zĩ soru guu, lɛ Kirisi mɛ̀ gbãa kũ,  
\v 13 ai wa píngi wàgↄ̃ gá ká Luda Nɛ́ náanɛ dↄ̃nkↄ̃ kɛnaa à dↄ̃na dↄ̃nkↄ̃ guu, lɛ wà gↄ̃ gbɛ̃ papananↄ ũ Kirisi kɛ̀ pↄ́ píngi pɛ̀kↄ̃rɛa bíta lɛ́n.  
\v 14 Tó lɛmɛ wégↄ̃ dɛ nɛ́ féte kɛ̀ wè ↄ̃ndↄ̃ kↄ̃n mↄnafikio kɛńzi wà ń sãsãnↄ ũ dↄro, kɛ̀ yã dufu dannɛna è ń sɛ́ lán ĩa ke ísↄ̃ bà.  
\v 15 Auo, wé yãpuraa o kↄ̃n yenzio wà gbã yã píngi musu Kirisi kɛ̀ dɛ à mì ũu guu.  
\v 16 À guun mɛ̀gu píngi è kↄ̃ kũn aↄ̃ nakↄ̃a kↄ̃n tĩinↄ gbãaao, ben mɛ̀guunↄ è zĩi kɛ a zɛ́a, mɛ̀ ègↄ̃ gbãa àgↄ̃ kaara kↄ̃n yenzio.   
\s1 Kuuna zi kↄ̃n kuuna dufuo  
\p
\v 17 Beee yãnzin mɛ́ɛ yã ooare kↄ̃n Dii tↄ́o, mɛ́ɛ a gbaao làakari. Àtongↄ̃ kuu lán kifii kɛ̀ aↄ̃ nↄ̀sɛfutakɛɛ dↄńnɛ aɛnↄ bàro.  
\v 18 Aↄ̃ laasuu ń kɛ́ yↄ̃nkↄ, aↄ̃ↄ zã̀ kↄ̃n wɛ̃̀ndi kɛ̀ Luda è kpáḿmao, kɛ̀ aↄ̃ wɛ́ɛ sia, bensↄ̃ aↄ̃ swã gbãaa yãnzi.  
\v 19 Aↄ̃ↄ nↄ̀sɛ vĩro, aↄ̃ ń zĩnda kpà wísaiyãa, aↄ̃ↄ dà zaa bori píngi kɛna nii vĩ.  
\v 20 Amↄanↄ sↄ̃, ée Kirisi yã dada lɛro.  
\v 21 A à yã mà, ben Yesu guu a yãpuraa kɛ̀ à vĩi dàda.  
\v 22 Wà òare à ↄ kpá a dà zii kɛ̀ dↄare aɛzi, kɛ̀ yàka a pↄ́nidɛna zaaanↄ yãnzi.  
\v 23 Wà òare à a nↄ̀sɛ liɛ a laasuu gↄ̃ dufu,  
\v 24 é dà dufu kɛ̀ Ludaa kɛ̀ lán a pↄ́ bà sɛ́, a kuuna égↄ̃ adona kuuna yãpuradee ũ yãzɛdekɛna guu.   
\p
\v 25 Beee yãnzi à ↄ kpá mↄnafiki yãzi, a baade gae yãpuraa o a gbɛ̃daaanɛ, zaakɛ mɛ̀dↄ̃nkↄ̃deenↄn wa ũ.  
\v 26 Tó a pↄ fɛ̃̀, àton durun kɛro. Àton tó ↄfãntɛ̃ gɛ̃ kpɛ́n àgↄ̃ kpɛɛ pↄfɛ̃naro,  
\v 27 lɛ àton Ibilisi gba zɛ́ro yãnzi.  
\v 28 Gbɛ̃ kɛ̀ è kpãi o yã kpãi tó. À wɛ́ɛ tã à zĩ maaa kɛ kↄ̃n a ↄↄo, lɛ à pↄ́ e à takaasideenↄ gba.  
\v 29 Àton tó yã zaa ke bↄ a lɛ́nlo, séde à zɛ́dee kɛ̀ eé gbɛ̃ kaara, à kɛ àre ũ gbɛ̃ kɛ̀ aↄ̃ↄe maanↄnɛ.  
\v 30 Àton Luda Nini kɛ̀ kú adona da pↄsiaanlo. À dɛ sèeda kɛ̀ Ludaa kɛ̀awa ai a bogurↄzĩ ũ.  
\v 31 Àton kɛ ĩi kↄ̃n gbɛ̃keoro. À pↄfɛ̃ tó kↄ̃n pɛ̃tɛ̃o kↄ̃n patana gbãaao kↄ̃n gbɛ̃sↄ̃sↄ̃nao kↄ̃n pãsĩ bori sãnda píngio.  
\v 32 Àgↄ̃ gbɛ̃kɛɛ vĩ kↄ̃o. Àgↄ̃ kↄ̃ wɛ̃nda vĩ. À sùu kɛ kↄ̃o lán Luda sùu kɛ̀ao nà Kirisi guu.   
\c 5  
\s1 Kuuna gupuraan  
\p
\v 1 Lán á dɛ Luda nɛ́ yenzideenↄ ũ nà, à à zɛ́kpaɛ sɛ́.  
\v 2 Lán Kirisi yewazi nà à gì a wɛ̃̀ndizi wa yãnzi sa'obↄ kɛ̀ à gũ nna Ludanɛ ũ, à tó yekↄ̃zina dↄare aɛ lɛ se.   
\p
\v 3 Lán á dɛ Luda gbɛ̃nↄ ũ nà, èe kↄ̃ sío wà pãpãkɛna ke dà zaa bori píngi ke wãkũ yã ma a tɛ́ sero.  
\v 4 Wísaiyã'ona kↄ̃n yã dↄ̀rↄsai onao kↄ̃n fàadi zaa bonao e kↄ̃ síaoro dↄ, sé sáabukpana yã.  
\v 5 Àgↄ̃ dↄ̃ sãnsãn kɛ̀ pãpãkɛri ke dàzaade ke wãkũde ke é kpata kɛ̀ bↄ̀ Luda kiia ble lɛdo kↄ̃n Kirisioro. Pↄ́ kɛ̀ gbɛ̃ è à wãkũ kɛɛ gↄ̃̀ à dii ũmɛ.  
\v 6 Àton tó gbɛ̃ke a sãsã kↄ̃n yã pã korioro. Yã beee takanↄ bé eé tó Luda pↄfɛ̃ pita a yãmarisaideenↄa.  
\v 7 Àton tó a bà gↄ̃ kúńyoro.  
\v 8 Á kú gusiaan yã, tia sa Dii guu á kú gupuraan. Àgↄ̃ kuu gupura gbɛ̃nↄ ũ,  
\v 9 zaakɛ gupuraa è maa bori sãnda píngi ińnɛ kↄ̃n yãzɛdeeo kↄ̃n yãpuraao.  
\v 10 À yã kɛ̀ è ká Diinɛ dada.  
\v 11 A bà tóngↄ̃ kú kↄ̃n gusia yãkɛna kɛ̀ à kaarana vĩroooro. À yã beeenↄ bↄbↄ gupuraaa.  
\v 12 Baa yã kɛ̀ gbɛ̃ pìnↄ è kɛ asii guu ona nɛ́ wíyãmɛ.  
\v 13 Tó wà bↄ̀ kↄ̃n yão gupuraaa, wè à sãnsãn dↄ̃,  
\v 14 zaakɛ gupuraa è tó wà pↄ́ píngi e. Beee yãnzi wè be:  
\q1 I'ori ǹ vu ǹ fɛɛ bↄna gɛ̀nↄ tɛ́,  
\q1 Kirisi é guu punnɛ.   
\p
\v 15 Àgↄ̃ a táa'ona dↄ̃ maamaa. Àtongↄ̃ dɛ yↄ̃nkↄↄnↄ ũro, sé ↄ̃ndↄ̃rinↄ.  
\v 16 Àgae yã kɛ̀ Luda à zɛ́ bↄ̀aree kɛ, zaakɛ gurↄↄ kɛ̀kiinↄↄ zaa.  
\v 17 Beee yãnzi àtongↄ̃ mìsaideenↄ ũro, àgↄ̃ dↄ̃ lán Dii pↄyezi dɛ nà.  
\v 18 Àtongↄ̃ kú kↄ̃n wɛ̃dɛnaoro, è pãpãa zĩḿmamɛ, mↄde à tó Luda Nini gↄ̃ zĩi kɛ a guu papana,  
\v 19 gbasa à fàadi bo kↄ̃o kↄ̃n saamuo kↄ̃n Luda tↄ́kpanao kↄ̃n lɛ̀ kɛ̀ Luda Nini è daareeo. À lɛ̀ sí à Dii tↄ́ kpá a swɛ̃̀ guu,  
\v 20 àgↄ̃ De Luda sáabu kɛɛ gurↄ píngi yã píngi guu kↄ̃n wa Dii Yesu Kirisi tↄ́o.  
\v 21 À mì siɛkↄ̃nɛ Kirisi vĩa kɛ̀ á vĩ yãnzi.   
\s1 Gↄ̃gbɛ̃ kuuna kↄ̃n a naↄ̃o  
\p
\v 22 A nↄgbɛ̃nↄ, a baade gae mì siɛ a zãnɛ lán Diin ée kɛɛnɛ bà.  
\v 23 Zaakɛ gↄ̃gbɛ̃n nↄgbɛ̃ mì ũ, lán Kirisi dɛ sↄsi kɛ̀ dɛ à mɛ̀ ũu mì ũ nà kↄ̃n à Mìsirio.  
\v 24 Lán sↄsi è mì siɛ Kirisinɛ nà, lɛmɛ se nↄgbɛ̃nↄ gae mì siɛ ń zãnↄnɛ lɛ yã píngi guu.   
\p
\v 25 A gↄ̃gbɛ̃nↄ sↄ̃, a baade gↄ̃ ye a naↄ̃zi lán Kirisi ye sↄsizi nà, à gì a wɛ̃̀ndizi à yãnzi.  
\v 26 À à gbãsĩ bↄ̀n kↄ̃n ío a yã gãzĩ lɛ àgↄ̃ de a pↄ́ ũ,  
\v 27 lɛ à à kpan'aɛ kɛ kↄ̃n gakuio pↄ́gbɛ sai yitookũna sai see sai gbãsĩ sai taari sai.  
\v 28 Lɛn à kↄ̃ sìo gↄ̃gbɛ̃ píngi gↄ̃ ye a naↄ̃zi lɛ lán a zĩnda mɛ̀ bà. Gbɛ̃ kɛ̀ ye a naↄ̃zi ye a zĩndazimɛ.  
\v 29 Gbɛ̃ke è gí a zĩnda mɛ̀ziro. È pↄ́blee kpáa è làakari dↄa lán Kirisi è kɛ sↄsinɛ nà,  
\v 30 kɛ̀ wá dɛ à mɛ̀guunↄ ũ yãnzi.  
\v 31 Beee yãnzi gↄ̃gbɛ̃ é a de kↄ̃n a dao tó, aↄ̃é nakↄ̃a kↄ̃n a naↄ̃o, aↄ̃ gↄ̃ↄn plaaa é gↄ̃ mɛ̀ doo ũ.  
\v 32 Asii bíta kú yã pì guu, má è à dɛ lɛ Kirisi dagura kↄ̃n a sↄsio.  
\v 33 Baa kↄ̃n beeeo à dɛ a yã ũ se dↄ. A baade gↄ̃ ye a naↄ̃zi lán a zĩnda bà. Nↄgbɛ̃ sↄ̃ a zã yã da.   
\c 6  
\s1 Nɛ́nↄ yã  
\p
\v 1 A nɛ́nↄ, Dii guu àgae a de kↄ̃n a dao yã ma, zaakɛ beee bé à maa.  
\v 2-3 À bɛ̀ɛ lí a de kↄ̃n a daonɛ, lɛ àgↄ̃ aafia à gì kɛ anduna guu. Yã kɛ̀ Ludaa dìɛ káaku kↄ̃n lɛ́gbɛ̃naon gwe.   
\p
\v 4 A denↄ sↄ̃, àton a nɛ́nↄ nↄ̀sɛ yakaro. À ń toto à lɛ́ daḿma Yesude nɛ́gwana ũ.   
\s1 Zↄ̀nↄ yã  
\p
\v 5 A zↄ̀nↄ, àgae a anduna kɛ̀ diinↄ yã ma kↄ̃n nↄ̀sɛo do kↄ̃n vĩao kↄ̃n luganao, lán Kirisin ée kɛɛnɛ bà.  
\v 6 Àton zĩi kɛńnɛ ń wɛ́ɛ yãnziro. Àgae Luda pↄyezi kɛ kↄ̃n yãpuraao kɛ̀ ámbe Kirisi zↄ̀nↄ ũ yãnzi.  
\v 7 Àgae zĩi kɛ kↄ̃n aĩao lán Diin ée kɛɛnɛ bà, èe kɛ gbɛ̃nteenlo.  
\v 8 Àgↄ̃ dↄ̃ kɛ̀ Dii é baade maakɛna fĩa bonɛ, zↄ̀ kesↄ̃ wɛ̃ɛnɛ.   
\p
\v 9 A diinↄ sↄ̃, àgae kɛńnɛ lɛ se. À yã pãsĩ ońnɛna tó. Àgↄ̃ dↄ̃ kɛ̀ aↄ̃pinↄ kↄ̃n apinↄo píngi, a Dii kú musu, è yã kɛ gbɛ̃ke wɛ́ɛ yãnziro.   
\s1 Gↄ̃kɛbↄ kɛ̀ Ludaa kpàwaanↄ  
\p
\v 10 Yã kɛ̀ gↄ̃̀n yɛ̀: Àgↄ̃ gbãa Dii guu kↄ̃n à iko gbãa bítao.  
\v 11 À gↄ̃kɛbↄ kɛ̀ Ludaa kpàawaanↄ da píngi, lɛ à e à zɛ gíngin à Ibilisi ↄ̃ndↄ̃ↄ fↄ̃.  
\v 12 Zaakɛ èe kɛ gbɛ̃nteenↄn wée ↄsi kaańyoro, séde nini zaaa kɛ̀ aↄ̃ↄ kú musunↄ. Aↄ̃ↄ dɛ anduna kɛ̀kii gusia kíblerinↄ ũ kↄ̃n ń mìdeenↄ kↄ̃n ń ikodeenↄ.  
\v 13 Beee yãnzi à gↄ̃kɛbↄ pìnↄ sɛ́ɛ à da píngi, lɛ à fↄ̃ à zɛ à gí gurↄ zaa zĩ, gbasa à gↄ̃ zɛna gíngin à píngi kɛna gbɛra.  
\v 14 Àgↄ̃ zɛna gbãa, à yãpuraa dↄ a pii asaa ũ, à yãzɛdee da mↄ̀ uta ũ.  
\v 15 À kɛna nna kↄ̃n Ludao baaru nnaa kpá kyatee ũ, lɛ àgↄ̃ kú kↄ̃n soruo.  
\v 16 Àgↄ̃ ludanaanɛkɛna kũna sɛngbango ũ gurↄ píngi, lɛ à fↄ̃ à Setãn kà tɛ́deenↄ dɛ píngi.  
\v 17 À mìsina sɛ́ à kú mↄ̀fura ũ, àgↄ̃ Luda yã kɛ̀ dɛ à Ninii fɛ̃ɛdaa ũ kũna.  
\v 18 Àgaegↄ̃ adua kɛɛ gurↄ píngi, àgↄ̃ Luda dↄnlɛ gbekaa yã píngi guu kↄ̃n à Ninii dↄnnɛ'aɛo. Àgae itɛ̃ kɛ kↄ̃n mɛna bítao, àgↄ̃ adua kɛɛ Luda gbɛ̃nↄnɛ ń píngi.  
\v 19 À adua kɛmɛ dↄ, lɛ tó mɛ́ɛ yã oo, Luda ma gba lɛ́ mà a baaru nnaa asii ońnɛ vĩa sai.  
\v 20 Baaru nnaa pì yãnzi má dɛ Luda wɛ́ɛdee kɛ̀ wà dà kpɛ́siaan ũ. Àgↄ̃ adua kɛɛmɛ, lɛ mà baaru nnaa kpá vĩa sai lán à kↄ̃ sìo mà kpá nà.   
\s1 Lɛ́zammana  
\p
\v 21 Wa gbɛ̃ndo yenzide Tikiku, Dii zĩkɛri náanɛdee é ma baaru kpáare píngi, lɛ à e àgↄ̃ ma kuuna dↄ̃ kↄ̃n pↄ́ kɛ̀ mɛ́ɛ kɛɛo.  
\v 22 Ma à zĩ̀awa, lɛ à wa kuuna oaremɛ, a nↄ̀sɛ e à yĩi kũ.   
\p
\v 23 Wa gbɛ̃nↄ, De Luda kↄ̃n Dii Yesu Kirisio a gba aafia, à a yekↄ̃zina kaaraare kↄ̃n a ludanaanɛkɛnao.  
\v 24 Luda gbɛ̃kɛɛ kɛ gbɛ̃ kɛ̀ aↄ̃ↄ ye wa Dii Yesu Kirisizi yãana sainↄnɛ ń píngi.