\id 2TI 2 Timothy in Bokobaru, Ross Jones 
\h 2 TIMƆTI 
\toc1 TIMƆTI TAKADA PLAADEE 
\toc2 2 TIMƆTI 
\mt1 TIMƆTI TAKADA PLAADEE  
\c 1  
\s1 Pↄlu tɛ́kana Timↄtin  
\p
\v 1 Mamↄma Pↄlu, Kirisi Yesu zĩ̀ri Luda pↄyezi guu wɛ̃̀ndi kɛ̀ à à lɛ́ gbɛ̃̀ Kirisi Yesu guu yã musu,  
\v 2 mámbe ma takada kɛ̀ kɛ̃̀nnɛ, ma nɛ́ yenzide Timↄti. De Luda kↄ̃n wa Dii Kirisi Yesuo gbɛ̃kɛɛ kɛnnɛ kↄ̃n sùuo, à n gba aafia.   
\p
\v 3 Ma sáabu kɛ̀ ma dezinↄ Ludanɛ kɛ̀ mɛɛ̀ dↄzi kↄ̃n nↄ̀sɛ puraao, zaakɛ n yã ègↄ̃ dↄↄmagu yãana sai ma aduakɛna gwãavĩ kↄ̃n fãantɛ̃o guu.  
\v 4 Tó wɛ́ɛ'i kɛ̀ bↄ̀mma yã dↄ̀magu, mɛɛ̀ n bɛgɛ kɛmɛ, mɛɛ̀gↄ̃ yezi wà wɛ́ɛ sikↄ̃lɛ, lɛ ma pↄnnaa kɛ bíta.  
\v 5 N ludanaanɛkɛna kↄ̃n nↄ̀sɛo do yã dↄmagu. N dazi Loisi kↄ̃n n da Yunisio Luda náanɛ kɛ̀ lɛ se, bensↄ̃ má dↄ̃ sãnsãn kɛ̀ nɛ́ɛ kɛɛ lɛ se.   
\p
\v 6 Beee yãnzi mɛ́ɛ dↄↄngu, ǹ tɛ́ ká gbaa kɛ̀ Ludaa dànnɛɛn gurↄↄ kɛ̀ ma ↄ dìmma,  
\v 7 zaakɛ Ninii kɛ̀ è wa gba gbãa kↄ̃n yenzio kↄ̃n zĩndakũnadↄ̃ↄon Ludaa kpàwa, èe kɛ nini vĩapↄnlo.  
\v 8 Beee yãnzi ǹton wí dɛ kↄ̃n wa Dii yã onnɛnaoro. Ǹton wí dɛ ma yãoro, mamↄma kɛ̀ wà ma da kpɛ́siaan Kirisi yãnzi. Ǹ nawɛ̃a kɛ̀ wè kɛ à baaru nna kpana yãnzi kɛmao kↄ̃n Luda gbãaao.  
\v 9 Àmbe à wa mì sì, à wa sisi wa gↄ̃ a pↄ́ ũ. Èe kɛ yã kɛ̀ wá kɛ̀ yãnzinlo, à zĩnda pↄyezi yãnzimɛ kↄ̃n gbɛ̃kɛɛ kɛ̀ à kɛ̀weeo zaalɛ gurↄↄ e naaro.  
\v 10 Gbɛ̃kɛɛ pì bↄ̀ gupuraaa wa Mìsiri Kirisi Yesu pì mↄna guu sa. À ga gbãaa kàatɛ, à wɛ̃̀ndi kↄ̃n kuuna gurↄ píngio bↄ̀we gupuraaa a baaru nnaa kɛ̀ wè kpá guu.  
\v 11 Luda ma diɛ a zĩ̀ri ũ, lɛ mà baaru pì kpàakpa kɛ mà à yã dańnɛ.  
\v 12 Beee yãnzin mɛ́ɛ nawɛ̃a kɛ̀ kɛɛzi, mↄde wí è ma kũro, zaakɛ má gbɛ̃ kɛ̀ ma à náanɛ kɛ̀ dↄ̃, bensↄ̃ má dↄ̃ sãnsãn kɛ̀ eé fↄ̃ à yã kɛ̀ à nàmɛ ma ↄzĩ dãkpa ai a mↄ́gurↄↄ zĩ.  
\v 13 Ǹgↄ̃ yã kɛ̀ ń mà ma lɛ́zĩ ai a lↄ̀n pì kũna yãzɛdedannɛna zɛ́kpaɛ ũ kↄ̃n ludanaanɛkɛnao kↄ̃n yenzi kɛ̀ wá vĩ Kirisi Yesu guuo.  
\v 14 Ǹ yã maaa kɛ̀ Ludaa nànnɛ n ↄzĩ kũ gbãa kↄ̃n à Ninii kɛ̀ kú wa guu gbãaao.   
\p
\v 15 Ń dↄ̃ kɛ̀ Asia bùsudeenↄ ma zĩnna ń píngi. Figɛlu kↄ̃n Ɛmↄgɛnɛo kú ń tɛ́.  
\v 16 Dii wɛ̃nda dↄ̃ Ɔnɛsifↄru bɛdeenↄnɛ! Zaakɛ à mↄ̀ à ma nↄ̀sɛ kpàɛmɛ à gɛ̃̀n lɛ́ vĩro, èe wí dɛ kↄ̃n ma dana kpɛ́siaan yãoro.  
\v 17 Kɛ̀ à mↄ̀ Romu gↄ̃ↄ, à ma wɛtɛ ai à gàa à bↄ̀ma.  
\v 18 Dii wɛ̃nda dↄ̃nɛ yãkpaɛkɛgurↄↄ zĩ. Ń dↄnlɛ bíta kɛ̀ à kɛ̀mɛ zaa Ɛfesu yã dↄ̃ sãnsãn.   
\c 2  
\s1 Kirisi Yesu zĩ̀kari maaa  
\p
\v 1 Mpi sↄ̃ ma nɛ́, ǹgↄ̃ gbãa kↄ̃n gbɛ̃kɛɛ kɛ̀ Ludaa vĩwao Kirisi Yesu guuo.  
\v 2 Yã kɛ̀ ń mà má ò parii wáa, ǹ na gbɛ̃ náanɛdeenↄnɛ ń ↄzĩ, kɛ̀ aↄ̃é fↄ̃ wà dada gbɛ̃ pãndenↄnɛ.  
\v 3 Ǹ nawɛ̃a fↄ̃wao Kirisi Yesu zĩ̀kari maaa ũ.  
\v 4 Anduna yã bↄkↄ̃tɛ è dↄ zĩ̀kari kɛ̀ kú zĩ̀lannɛ aɛro, lɛ à yã ká à diinɛ yãnzi.  
\v 5 Bàkpakↄ̃sↄ̃ri sↄ̃, tó èe bàa lɛ́ a zɛ́aro, eé zĩ̀blena fùra ero.  
\v 6 À kↄ̃ sìo búbari kɛ̀ zĩ gbãaa kɛ̀ a baka sɛ́ káaku.  
\v 7 Ǹ laasuu lɛ́ yã kɛ̀ má ò pìnↄzi, zaakɛ Dii é n gba ↄ̃ndↄ̃ↄ à píngi guu.   
\p
\v 8 Ǹ dↄn kɛ̀ Yesu Kirisi nɛ́ Dauda boriimɛ, bensↄ̃ à fɛ̀ɛ bↄna gaan. Baaru nnaa kɛ̀ mɛɛ̀ kpán gwe.  
\v 9 Beee yãnzin mɛ́ɛ nawɛ̃a kɛɛzi. Wà mↄ̀ kàma lán dàkɛri bà, mↄde Luda yã e sí mↄ̀ káaro.  
\v 10 Beee yãnzi mɛɛ̀ yã píngi fↄ̃ gbɛ̃ kɛ̀ Luda ń sɛ́nↄ yãnzi, lɛ aↄ̃pinↄ se Luda ń mì sí, aↄ̃ gakui kɛ̀ è yãaroo e kuuna Kirisi Yesu guu.  
\v 11 Yã kɛ̀kii nɛ́ yãpuraamɛ:  
\q1 Tó wa gao, wégↄ̃ kúo.   
\q1
\v 12 Tó wa mɛna fↄ̃̀, wé kí bleo.  
\q1 Tó wa lɛ́ sɛ̀zi, eé sɛ́wazi se.   
\q1
\v 13 Tó wá náanɛ vĩro, à kpɛ́ náanɛ vĩ,  
\q1 zaakɛ eé we à lɛ́ sɛ́ a zĩndaziro.   
\s1 Dii zĩkɛri maa kↄ̃n lɛokpakↄ̃aoro  
\p
\v 14 Ǹ yã pìnↄ dↄ n gbɛ̃nↄn, ǹ nańnɛ Ludazi aↄ̃ton lɛokpakↄ̃a kɛ yãnↄ musuro. À àre vĩro, è gbɛ̃ kɛ̀ aↄ̃ↄe maanↄ yakamɛ.  
\v 15 Ǹ aĩa kɛ lɛ Luda n sáabu kpá, zĩkɛri kɛ̀ è yã yãpuraa wɛ̃kↄ̃ańnɛ súusu ũ, kɛ̀ wí è à kũ à zĩ yã musuro.  
\v 16 Ǹ pã yãbↄɛna pãa kɛ̀ è kↄ̃ sɛ́ kↄ̃n Luda yãoroonɛ. È gbɛ̃nↄ ludayãdasai kaarańnɛmɛ,  
\v 17 ben yã kɛ̀ aↄ̃è dańnɛ è dańla lán fↄ̃̀ bà. Imɛnɛu kↄ̃n Filɛtuo kú ń tɛ́.  
\v 18 Aↄ̃ kɛ̃̀ yãpuraaa, aↄ̃è be wà fɛ̀ɛ bↄna gaan kↄ̀, aↄ̃è gbɛ̃kenↄ ludanaanɛkɛna yakańnɛ.  
\v 19 Baa kↄ̃n beeeo ɛ̃ɛ kɛ̀ Ludaa dàɛ zɛna gbãa, wà yã kɛ̀kii kɛ̃̀a: Dii gbɛ̃ kɛ̀ aↄ̃ↄ dɛ a pↄ́ ũunↄ dↄ̃. Gbɛ̃ kɛ̀ è Dii sísi mì kɛ̃ yã zaaaa.   
\p
\v 20 Ua daa ègↄ̃ pↄ́nↄ vĩ pari. Wà à kenↄ kɛ̀ kↄ̃n vurao kↄ̃n kondogio yãtiisikɛbↄ ũ, bensↄ̃ wà à kenↄ kɛ̀ kↄ̃n lío kↄ̃n gũ̀o yãnɛngokɛbↄ ũ.  
\v 21 Tó gbɛ̃ ↄ bↄ̀ɛ yã bɛ̀ɛsaidee guu, eé gↄ̃ yãtiisikɛbↄ ũ, eégↄ̃ aufãni vĩ Diinɛ, eégↄ̃ kú adona maakɛna píngi soru guu.  
\v 22 Ǹ bàa sí gↄ̃kparɛ pↄ́nidɛnanↄnɛ, ǹ tó maakɛna kↄ̃n ludanaanɛkɛnao kↄ̃n yenzio kↄ̃n kuuna kↄ̃o nnaao dↄnnɛ aɛ lɛdo kↄ̃n gbɛ̃ kɛ̀ aↄ̃è Dii sísi kↄ̃n nↄ̀sɛ puraaonↄ.  
\v 23 Ǹ ↄ bↄɛ mìsai lɛokpakↄ̃a kɛ̀ dↄ̃na ke vĩroon. Ń dↄ̃ kɛ̀ è swèe da.  
\v 24 À maa Dii zↄ̀bleri gↄ̃ swèe vĩro. À nↄ̀sɛ gↄ̃ do kↄ̃n baade píngio, yãdannɛri maaa kɛ̀ è gbɛ̃ fↄ̃ ũ,  
\v 25 à gbɛ̃ kɛ̀ aↄ̃è à yã síroonↄ gba làakari busɛbusɛ. Wègↄ̃ dↄ̃ro ke Luda é fↄ̃ à ń gba zɛ́ aↄ̃ nↄ̀sɛ liɛ wà yãpura sí,  
\v 26 aↄ̃ bↄ Ibilisi kɛ̀ à ń kũ à ń dá a pↄyezi guu bàn, ń làakari suḿma.   
\c 3  
\s1 Gbɛ̃nteenↄ yãkɛna gurↄ zãanↄa  
\p
\v 1 Ǹgↄ̃ dↄ̃ kɛ̀ gurↄ zãanↄ égↄ̃ pãsĩ.  
\v 2 Gbɛ̃nↄ zĩnda yã é dↄńnɛ aɛ, ↄↄ é ń swɛ̃̀ ble. Aↄ̃égↄ̃ dɛ wadadeenↄ ũ, ĩadãrinↄ, gbɛ̃sↄ̃sↄ̃rinↄ, de kↄ̃n dao yãmarisaideenↄ, guturunↄ, ludayãdarisainↄ,  
\v 3 nↄ̀sɛsaideenↄ, agbaawerisaideenↄ, gbɛ̃yakarinↄ, faasaideenↄ, aĩapãsĩdeenↄ, yã maa ibɛɛnↄ,  
\v 4 bↄnkpɛɛdeenↄ, laasuusaideenↄ, yↄ̃̀kↄ̃deenↄ. Aↄ̃égↄ̃ ye pↄnnakɛnazi dɛ Luda yãla.  
\v 5 Aↄ̃è dↄnzi kɛ, mↄde aↄ̃ↄ ye à gbãaaziro. Ǹ kɛ̃ gbɛ̃ beee takanↄa.  
\v 6 Aↄ̃ gbɛ̃kenↄ è gɛ̃ nↄgbɛ̃ kɛ̀ aↄ̃è mì gbãkɛnnɛroonↄzi, aↄ̃ ń fu kↄ̃n lɛ́o. Durun sↄ̀ kɛ̀ nↄgbɛ̃ pìnↄn, dà zaaa bé à gↄ̃̀ńnɛ,  
\v 7 aↄ̃ègↄ̃ yã dadaa gurↄ píngi, mↄde aↄ̃è fu yãpura kũnaa.  
\v 8 Lán Yanɛ kↄ̃n Yambɛrɛsio bↄ̀ Musa kpɛɛ nà, lɛn gbɛ̃ pìnↄ è bↄ yãpuraa kpɛɛ lɛ. Aↄ̃ laasuu lɛkpɛɛmɛ, wa dↄnzizɛ guu pↄ́ ginzinanↄmɛ.  
\v 9 Aↄ̃ↄ gana aɛ vĩ dↄro, zaakɛ baade píngi ń mìsaikɛɛ dↄ̃, lán wà Yanɛ kↄ̃n Yambɛrɛsio pↄ́ dↄ̃̀ nà.   
\s1 Luda yã àre  
\p
\v 10 Mpi sↄ̃, ń tɛ́mazi. Ń ma kuuna dↄ̃ kↄ̃n ma yãdannɛnao kↄ̃n yã kɛ̀ mɛ́ɛ pɛɛao kↄ̃n ma ludanaanɛkɛnao kↄ̃n ma mɛnakɛɛo kↄ̃n ma yenzio kↄ̃n ma zɛna gbãaao  
\v 11 kↄ̃n wɛ́ɛ kɛ̀ wà tã̀maao kↄ̃n nawɛ̃a kɛ̀ má kɛ̀o. Ń yã kɛ̀ ma le Antiↄku kↄ̃n Ikↄniuo kↄ̃n Lisitirao dↄ̃ kↄ̃n wɛ́ɛtãmmana bíta kɛ̀ má fↄ̃̀o. Mↄde Dii ma bↄ à píngi guu.  
\v 12 Gbɛ̃ kɛ̀ aↄ̃ↄ yezi wàgↄ̃ kuu ludayãdarinↄ ũ Kirisi Yesu guunↄ é wɛ́ɛtãmma e.  
\v 13 Gbɛ̃ zaaanↄ kↄ̃n mↄnafikideenↄ zaakɛ égↄ̃ kaaramɛ. Aↄ̃é gbɛ̃nↄ sãsã, aↄ̃pinↄ égↄ̃ sãsãna.  
\v 14 Mpi sↄ̃, ǹ zɛ kↄ̃n yã kɛ̀ ń dàda ń sì yãpuraa ũuo. Ń gbɛ̃ kɛ̀ aↄ̃ↄ dàdannɛɛnↄ dↄ̃,  
\v 15 zaakɛ ń Luda yã dↄ̃ zaa n nɛ́ngo zĩ. Eé fↄ̃ à n gba ↄ̃ndↄ̃ↄ à n ká Kirisi Yesu náanɛkɛna kɛ̀ è ń mì sía.  
\v 16 Yã kɛ̀ kú Luda yãn bↄ̀ Luda kiia píngimɛ. À àre vĩ, zaakɛ è yãpuraa dańnɛ, è ń ɛgɛɛ káńnɛ ń ↄzĩ, è ń gba làakari, è lɛ́ daḿma yãkɛna a zɛ́a guu,  
\v 17 lɛ Luda gbɛ̃ sorumi ma yãmaakɛna píngi zɛ́ guu.   
\c 4  
\p
\v 1 Ma nannɛ Ludazi kↄ̃n Kirisi Yesu kɛ̀ eé ɛara à mↄ́ à kpata ble à yãkpaɛ kɛ kↄ̃n gbɛ̃ bɛ̃ɛnↄ kↄ̃n gɛ̀wãadeenↄo,  
\v 2 ǹ Luda yã waazi kɛ. Tó à zɛ́ kɛ̀ kesↄ̃ èe zɛ́ kɛro, ǹgↄ̃ kúo. Ǹ yã diɛńnɛ, ǹ kpãkɛ̃ńzi, ǹ lɛ́ daḿma, ǹ yã dańnɛ kↄ̃n mɛna bítao.  
\v 3 Zaakɛ gurↄke é mↄ́ kɛ̀ gbɛ̃nↄ é we wà swã kpá yãzɛdedannɛnaziro. Aↄ̃é yãdannɛrinↄ kakↄ̃ańzi ń zĩnda pↄyeziamɛ, lɛ aↄ̃ yã kɛ̀ kàńnɛ dańnɛ.  
\v 4 Aↄ̃é ń mìkpɛɛ zu yãpuraanɛ wà aɛ dↄ garanↄa.  
\v 5 Mpi sↄ̃, ǹgↄ̃ làakari vĩ yã píngi musu. Ǹ nawɛ̃a fↄ̃, ǹ baarunnakpari kɛna kɛ, ǹ n zĩ lɛ́ papa.   
\s1 Pↄlu kuuna gaa lɛ́zĩ zaa Romu  
\p
\v 6 Ma gurↄↄ pàpa kↄ̀, weé ma aru kwɛ́ɛ sa'o'i ũ tia.  
\v 7 Ma ↄsi maaa kà, ma bàa lɛ̀ ma bↄɛzi. Má Yesu yã kũna ma à lɛ́ pàpa.  
\v 8 Kuuna maa fùra diɛna, èe ma dãa sa. Dii yãkpaɛkɛri maaa bé eé kúmɛ yãkpaɛkɛgurↄↄ zĩ. Èe kɛ mámbee madoro, kↄ̃n gbɛ̃ kɛ̀ aↄ̃ↄ ye à mↄnazinↄ ń píngimɛ.   
\p
\v 9 Ǹ zɛ́ wɛtɛ ǹ mↄ́ ma kiia kpakpaa.  
\v 10 Demasi ma ton à tà Tɛsalonika, kɛ̀ à ye andunazi yãnzi. Kɛrɛsɛni tà Galatia bùsun, bensↄ̃ Titu tà Dalamatia bùsun.  
\v 11 Luku bé à gↄ̃̀mao ado. Ǹ Maaku sɛ́ à mↄ́ lɛdo, zaakɛ è dↄmalɛ zĩi guu maamaa.  
\v 12 Ma Tikiku gbàrɛ Ɛfesu.  
\v 13 Tó nɛ́ɛ mↄↄ, ǹ ma utagyaba kɛ̀ má tò Kaapu bɛ zaa Toroasi sɛ́ ǹ mↄ́omɛ kↄ̃n ma takadanↄ, atɛ̃nsa à kɛ̀ wà kɛ̀ kↄ̃n báaonↄ.   
\p
\v 14 Alɛsanda sia yã zaaa kɛ̀mɛ maamaa. Dii é yã kɛ̀ à kɛ̀ pì fĩa bonɛ.  
\v 15 Ǹ làakari kɛzi, zaakɛ à bↄ̀ wa yã kpɛɛ pãsĩpãsĩ.  
\v 16 Yãkpaɛkɛnamao káakupↄ guu gbɛ̃kee e zɛmaoro, aↄ̃ ma ton ń píngi. Luda tón ń yã pì daro.  
\v 17 Dii zɛ̀mao à ma gba gbãaa, ben ma zɛ́ è ma waazi kɛ̀ ma à lɛ́ pàpa, bori pãndenↄ mà ń píngi. À ma bↄ músu lɛ́zĩ.  
\v 18 Dii é ma bↄ yã zaaa guu píngi, eé ma mì sí ai mà gá káo à kpatan musu. Àmbe à gakui vĩ gurↄ píngi, aami.   
\s1 Lɛ́zammana  
\p
\v 19 Ǹ ì kpá Pirisila kↄ̃n Akilaoa kↄ̃n Ɔnɛsifↄru bɛdeenↄ.  
\v 20 Erasatu gↄ̃̀ Kↄrinti. Ma Torofimu tò kↄ̃n gyãao Milɛtu.  
\v 21 Ǹ zɛ́ wɛtɛ ǹ mↄ́ ai buusiɛ gↄ̃ ká. Yubulu kↄ̃n Pudɛnio kↄ̃n Linuo kↄ̃n Kalaudiao kↄ̃n wa gbɛ̃nↄ píngi ì kpàmma.  
\v 22 Dii gↄ̃ kúnyo. À gbɛ̃kɛɛ kɛare.