\id 2TH 2 Thessalonians in Bokobaru, Ross Jones 
\h 2 TƐSALONIKADEENƆ 
\toc1 TƐSALONIKADEENƆ TAKADA PLAADEE 
\toc2 2 TƐSALONIKADEENƆ 
\mt1 TƐSALONIKADEENƆ TAKADA PLAADEE  
\c 1  
\s1 Yãkpaɛkɛna Kirisi mↄ́gurↄↄ zĩ  
\p
\v 1 Mamↄma Pↄlu kↄ̃n Silasio kↄ̃n Timↄtio, wámbe wa takada kɛ̀kii kɛ̃̀ Tɛsalonika sↄsi gbɛ̃ kɛ̀ aↄ̃ↄ kú Luda wa De kↄ̃n Dii Yesu Kirisio guunↄnɛ.  
\v 2 De Luda kↄ̃n Dii Yesu Kirisio gbɛ̃kɛɛ kɛare, à a gba aafia.   
\p
\v 3 Wa gbɛ̃nↄ, à kↄ̃ sìo wàgↄ̃ Luda sáabu kpaa a yã musu gurↄ píngi, lán à maa nà, zaakɛ a ludanaanɛkɛna e gaa aɛ maamaa, bensↄ̃ yenzi kɛ̀ a baade vĩ kↄ̃o e kaara.  
\v 4 Beee yãnzi weè lɛ́ gbɛ̃ a yã musu Luda sↄsi kↄ̃n sↄsio guu, lán ée wɛ́ɛtãmma kↄ̃n nawɛ̃a píngio fↄ̃ↄ nà kↄ̃n mɛnao kↄ̃n ludanaanɛkɛnao.  
\v 5 Beee ↄ̀dↄa kɛ̀ Luda è yã gↄ̃gↄ̃ kↄ̃n gbɛ̃nↄ a zɛ́amɛ. Beee yãnzi a ka à gɛ̃ kpata kɛ̀ bↄ̀ Luda kiia guu kɛ̀ ée nawɛ̃a kɛɛ à yãnzi.  
\v 6 Luda è yã kɛ a zɛ́amɛ. Eé wɛ́ɛ tã gbɛ̃ kɛ̀ aↄ̃ↄe wɛ́ɛ tãaawaanↄa,  
\v 7 eé amↄa kɛ̀ wèe wɛ́ɛ tãaawaanↄ gba ĩampakii kↄ̃n wapinↄ, tó Dii Yesu bↄ̀ ludambɛ kↄ̃n a malaika gbãaanↄ  
\v 8 kↄ̃n tɛ́vurao. Eé wɛ́ɛ tã ludadↄ̃risai kɛ̀ aↄ̃ↄe wa Dii Yesu baaru nnaa síroonↄa.  
\v 9 Kaatɛna yãana sain Luda é wɛ́ɛ tãoḿma. Weé ń kpakɛ Dii aɛzĩ kↄ̃n à gbãa gakuideeo.  
\v 10 Tó à mↄ̀ gurↄↄ pì zĩ, eé tↄ́ bↄ a gbɛ̃nↄ yã musu, gbasa à náanɛkɛri pìnↄ é à maa bo ń píngi. Égↄ̃ kú ń tɛ́, zaakɛ a yã kɛ̀ wá òaree sì.   
\p
\v 11 Beee yãnzin weègↄ̃ adua kɛɛare kↄ̃sↄ̃kↄ̃sↄ̃zi, lɛ wa Luda tó a kuuna ká gwena kɛ̀ à a sisia, à yã maaa kɛ̀ a zɛ kↄ̃n à kɛnaonↄ kↄ̃n zĩi kɛ̀ ée kɛɛ à náanɛkɛna guunↄ píngi papaare kↄ̃n a gbãaao.  
\v 12 Dii Yesu é tↄ́ bↄ a musu, apinↄ sↄ̃ é tↄ́ bↄ à musu wa Luda kↄ̃n Dii Yesu Kirisi pìo gbɛ̃kɛ yãnzi.   
\c 2  
\s1 Ludayãdarisai  
\p
\v 1 Wa gbɛ̃nↄ, Yesu Kirisi mↄna kↄ̃n wa kakↄ̃anao lɛ wà daàlɛ yã musu, wa wɛ́ɛ kɛ̀awa,  
\v 2 àton tó a làakari fɛɛ aagaro. Tó annabi yã ke waazi ke takada kɛ̀ wà bè à bↄ̀ wa kiia bè, Dii mↄ́gurↄↄ kà kↄ̀, àton bídi kɛro.  
\v 3 Àton tó gbɛ̃ke a sãsã kↄ̃n yã beee takaoro, zaakɛ gurↄ beee é mↄ́ro, séto gbɛ̃nↄ bↄna Luda kpɛɛ gurↄↄ kà gĩa kↄ̃n ludayãdarisai kɛ̀ mì pɛ̀ kaatɛzɛa bↄna gupuraaao.  
\v 4 Eé gí pↄ́ kɛ̀ wè ń diɛ dii ũunↄzi kↄ̃n pↄ́ kɛ̀ wè dↄnzi kɛńnɛnↄ píngi, eé a zĩnda sɛ́ lezĩ dɛńla, eé gá à vɛ̃ɛ Luda kpɛ́n, à a zĩnda diɛ Luda ũ se.  
\v 5 Gurↄↄ kɛ̀ má kúao ma yã pì òare. Ée dↄnloo?  
\v 6 Á dↄ̃ pↄ́ kɛ̀ èe à dãdãa, lɛ àton bↄ a gurↄↄ ãroↄ́?  
\v 7 Zaakɛ ludayãdasai e ↄ taa asii guu kↄ̀. Eé bↄro, séto gbɛ̃ kɛ̀ èe kpaanɛ gù zɛ́n baasiro,  
\v 8 ludayãdarisai pì é gbasa à bↄ sa. Dii Yesu é à dɛ kↄ̃n a lɛ́'ĩao, à à kaatɛ kↄ̃n a mↄna gakuio.  
\v 9 Ludayãdarisai pì é mↄ́ kↄ̃n Setãn gbãaao à dabuyãnↄ kↄ̃n yãbↄnsaɛnↄ kɛ kↄ̃n sèeda ɛgɛ bori píngio.  
\v 10 Eé mↄnafiki bori píngi kɛ gbɛ̃ kɛ̀ aↄ̃ mì pɛ̀ kaatɛzɛanↄnɛ, kɛ̀ aↄ̃ gì yãpuraa kɛ̀ eé ń mì sízi yãnzi.  
\v 11 Beee yãnzi Luda é likↄ̃a pãsĩ zĩḿma lɛ aↄ̃ ɛgɛɛ náanɛ kɛ.  
\v 12 Yã é gbasa à vɛ̃ɛ gbɛ̃ kɛ̀ aↄ̃ↄe yãpura síroo kɛ̀ aↄ̃è pↄnnaa kɛ kↄ̃n à zaaaonↄa ń píngi.   
\s1 Luda a sɛ lɛ à a mì sí  
\p
\v 13 Wa gbɛ̃ Dii yenzideenↄ, à maa wàgↄ̃ Luda sáabu kpaa gurↄ píngi a yã musu, zaakɛ Luda a sɛ zaa káaku, lɛ à bↄ kↄ̃n à Ninii kɛ̀ tò wa gↄ̃ a pↄ́ ũ gbãaao a yãpura sina yãnzi.  
\v 14 Luda a sisi à a sɛ baaru nnaa kɛ̀ wá kpàare yãnzi, lɛ a baka gↄ̃ kú wa Dii Yesu Kirisi gakui guu.  
\v 15 Beee yãnzi wa gbɛ̃nↄ, à zɛ gbãa, àgↄ̃ yã kɛ̀ wá dàare kↄ̃n lɛ́o ke takada guu kũna.  
\v 16 Wa Dii Yesu Kirisi kↄ̃n Luda wa Deo yewazi, à gbɛ̃kɛɛ guu à wa làakari kpàɛwe ai gurↄ píngi, à tãmaa maaa dàwagu.  
\v 17 À a làakari kpáɛare, à a gba gbãaa yãmaakɛna kↄ̃n yãmaa'onao guu píngi.   
\c 3  
\s1 À adua kɛwe  
\p
\v 1 Yã kɛ̀ gↄ̃̀n yɛ̀, wa gbɛ̃nↄ, à adua kɛwe, lɛ Dii yã e à dagula kpakpaa, àgↄ̃ bɛ̀ɛ vĩńnɛ lán à vĩ a kiia nà.  
\v 2 À adua kɛwe, lɛ à wa bↄ gbɛ̃ zaa mìsaideenↄ ↄzĩ, zaakɛ èe kɛ gbɛ̃ sãnda píngi bé à Luda yã sìro.  
\v 3 Dii náanɛ vĩ, eé a gba gbãaa, eé a sí à zaaaa.  
\v 4 Wa a náanɛ kɛ̀ Dii guu kɛ̀ ée yã kɛ̀ wá òareenↄ kɛɛ, bensↄ̃ égↄ̃ kɛɛ.  
\v 5 Dii tó à Luda yenzi kↄ̃n Kirisi mɛnao gbázɛ dↄ̃ a swɛ̃̀n.   
\s1 Wàton mɛa kɛro  
\p
\v 6 Wa gbɛ̃nↄ, wa naare Dii Yesu Kirisizi, à kɛ̃ wa gbɛ̃ kɛ̀ aↄ̃ↄ mɛa vĩinↄa, kɛ̀ aↄ̃è zĩi kɛ kↄ̃n yã kɛ̀ wá dàńnɛoroonↄ.  
\v 7 Á dↄ̃ a zĩndanɛ, kɛ̀ à maa àgↄ̃ tɛ́ wa zɛ́kpaɛzi, zaakɛ wée mɛa kɛ gurↄↄ kɛ̀ wá kú a tɛ́ro.  
\v 8 Wée gbɛ̃ke pↄ́blee sí wá blè fĩabona sairo, wa zĩi kɛ̀ gwãavĩ kↄ̃n fãantɛ̃o, wa nawɛ̃a kɛ̀ ai í sìwa, lɛ wàton gↄ̃ a gbɛ̃kenɛ asoo ũro yãnzi.  
\v 9 Wá à zɛ́ vĩ à dↄwalɛ, mↄde wá kɛ̀ lɛ, lɛ à wa zɛ́kpaɛ sɛ́ yãnzimɛ.  
\v 10 Gurↄↄ kɛ̀ wá kúao, wá dìɛ kɛ̀ gbɛ̃ kɛ̀ ye zĩkɛnaziroo é pↄ́ blero.  
\v 11 Wá mà kɛ̀ a gbɛ̃kenↄ mɛa vĩ, aↄ̃è pↄ́ke kobiro, sé gudɛɛ.  
\v 12 Wá dìɛ gbɛ̃ beee takanↄnɛ, wa nańnɛ Dii Yesu Kirisizi, aↄ̃ vɛ̃ɛki kũ wà zĩi kɛ wà ń zĩnda gwao.   
\p
\v 13 Apinↄ sↄ̃ wa gbɛ̃nↄ, àton kpasa kↄ̃n yãmaakɛnaoro.  
\v 14 Tó gbɛ̃kee e yã kɛ̀ wá òare takada kɛ̀ guu daro, à à yã bↄ à diɛ. Àton kakↄ̃a kↄ̃n adeeoro, lɛ wí e à à kũ yãnzi.  
\v 15 Mↄde àton íbɛtɛ kpáoro, à lɛ́ daa a gbɛ̃ndoo ũ.   
\p
\v 16 Dii Aafiade a gba aafia gurↄ píngi yã píngi guu. Dii gↄ̃ kúao a píngi.  
\v 17 Mamↄma Pↄlu mámbe ma ìkpammana kɛ̀kii kɛ̃̀ kↄ̃n ma zĩnda ↄↄo. Beeen ma takada píngi sèeda ũ, lɛn mɛɛ̀ kɛ̃ lɛ.  
\v 18 Wa Dii Yesu Kirisi gbɛ̃kɛɛ kɛare a píngi.