\id 2PE 2 Peter in Bokobaru, Ross Jones 
\h 2 PITA 
\toc1 PITA TAKADA PLAADEE 
\toc2 2 PITA 
\mt1 PITA TAKADA PLAADEE  
\c 1  
\s1 Yãpurakpana sisina kɛ̀ Luda wa sisia  
\p
\v 1 Ma Simↄ Pita, Yesu Kirisi zↄ̀bleri, à zĩ̀ri, mámbe ma takada kɛ̀ kɛ̃̀ gbɛ̃ kɛ̀ wa Luda wa Mìsiri Yesu Kirisi ń gbá zɛ́ aↄ̃ a náanɛ kɛ̀ lán wa bà a maakɛɛ gãzĩnↄnɛ.  
\v 2 Gbɛ̃kɛ kↄ̃n aafiao gↄ̃ papanaawa Luda kↄ̃n wa Dii Yesuo dↄ̃na guu.   
\p
\v 3 Luda wa sɛ wàgↄ̃ kú a gakui kↄ̃n a maakɛɛo guumɛ, à tò wá a dↄ̃, ben à ludakɛgbãaa wa gba pↄ́ kɛ̀ kↄ̃ sìo wàgↄ̃ vĩi, lɛ wa kuuna e à kɛ sɛ̃nkpɛ kↄ̃n à yão.  
\v 4 Lɛn à yã bíta bɛ̀ɛdee kɛ̀ à à lɛ́ gbɛ̃̀weenↄ kɛ̀we lɛ, lɛ à yãnzi wà bↄ anduna dà zaaa kɛ̀ è ń yaka guu wà Luda kuuna taka sɛ́.  
\v 5 Yã beee yãnzi à aĩa kɛ maamaa, à Luda náanɛ kɛ maakɛna guu, à yã maaa kɛ dↄ̃na guu,  
\v 6 àgↄ̃ dↄ̃na vĩ a zĩnda kũna guu, àgↄ̃ a zĩnda kũna dↄ̃ mɛna guu, àgↄ̃ mɛna vĩ nana Ludazi guu,  
\v 7 àgↄ̃ nana Ludazi kↄ̃gbɛ̃kɛɛ guu, àgↄ̃ gbɛ̃kɛɛ vĩ kↄ̃o yenzi guu.  
\v 8 Zaakɛ tó á yã beeenↄ kũna, ben aↄ̃ↄe kaara, égↄ̃ kuu pã kaarana sairo wa Dii Yesu Kirisi dↄ̃na guu.  
\v 9 Gbɛ̃ kɛ̀ yã beeenↄ kũna sↄ̃ro, à a wɛ́ɛ kpàkↄ̃rɛ, à gↄ̃̀ vĩ̀a ũmɛ. À sã̀n kɛ̀ Luda durun kɛ̀ à kɛ̀ yãanↄ kɛ̃̀are.  
\v 10 Beee yãnzi ma gbɛ̃nↄ, à aĩa kɛ à yãpura kpá sisina kɛ̀ Luda a sisi à a sɛɛa. Tó ée yã beeenↄ kɛɛ, é fu zikiro.  
\v 11 Lɛn weé gbãakɛ kpáazi maamaa lɛ, égↄ̃ kú kↄ̃n wa Dii wa Mìsiri Yesu Kirisio à kpata kɛ̀ è yãaroo guu.   
\p
\v 12 Beee yãnzi, baa kɛ̀ á yã beeenↄ dↄ̃, bensↄ̃ a kãsãpɛɛna yãpuraa kɛ̀ á kũna guu, mɛ́gↄ̃ yã pìnↄ dↄagumɛ.  
\v 13 Gurↄↄ kɛ̀ má kpɛ́ kú ma sↄ̀ guu, mɛ́ɛ daa à maa màgↄ̃ tɛ́ kaaagu yã pìnↄ dↄaguna yãnzi.  
\v 14 Má dↄ̃ kɛ̀ ma bↄna ma sↄ̀n gurↄↄ é ká tia, lán wa Dii Yesu Kirisi gĩakɛ à òmɛ nà.  
\v 15 Mɛ́ aĩa kɛ, lɛ yã pìnↄ e àgↄ̃ dↄagu gurↄ píngi ma gaa gbɛra.   
\s1 Kirisi gakui sèedadeenↄ  
\p
\v 16 Kɛ̀ wa wa Dii Yesu Kirisi suna kↄ̃n gbãaao òare, wée tɛ́ gara kɛ̀ wà dà kↄ̃n ↄ̃ndↄ̃ↄoziro. Wa wɛ́ɛ sì à bítakɛɛlɛmɛ,  
\v 17 gurↄↄ kɛ̀ De Luda bɛ̀ɛ lìnɛ à à tↄ́ bↄ̀. À Luda bíta gakuide kòto mà à bè a Nɛ́ mɛ̀n do léle yenzideen à ũ, à yã è káare.  
\v 18 Wa kòto kɛ̀ bↄ̀ ludambɛɛ pì mà gurↄↄ kɛ̀ wá kúo kpiii kɛ̀ à kú adona musu.  
\v 19 Beee ↄ̀dↄawe kɛ̀ yã kɛ̀ annabinↄↄ ò nɛ́ yãpuramɛ. À maa à làakari dↄ yã pìa fitia kɛ̀ èe gu bùgubugu puu ũ ai gudↄnao sↄsↄnɛ gↄ̃ gá fɛɛ a swɛ̃̀n, lɛ guu dↄawa.  
\v 20 À kɛ̀ dɛńlaa sa àgↄ̃ dↄ̃ kɛ̀ gbɛ̃ke è fↄ̃ à yã kɛ̀ annabi kɛ̃̀ Luda yãn bↄkↄ̃tɛ a zĩndaro.  
\v 21 Annabinↄ yãke è bↄ gbɛ̃ntee pↄyezi guuro, aↄ̃ Luda yã ò lán à Ninii dↄ̀ńnɛ aɛ nàmɛ.   
\c 2  
\s1 Ɛgɛyãdannɛrinↄ  
\p
\v 1 Annabi ɛgɛɛnↄ bↄ̀ yã Isarailanↄ tɛ́. Lɛn ɛgɛyãdannɛrinↄ é bↄ a tɛ́ lɛ se. Aↄ̃é ɛgɛɛ kɛ̀ è tó wà kaatɛ ká Luda yãdannɛn, aↄ̃ lɛ́ sɛ́ Dii kɛ̀ ń bózi, aↄ̃é ń zĩnda kaatɛ kãndo.  
\v 2 Weé tɛ́ńzi pari aↄ̃ wísai yãkɛna guu, weé yãpura zɛ́ zaa bo aↄ̃ yãnzi.  
\v 3 Aↄ̃ wãkũkɛna guu aↄ̃é a ble kↄ̃n ɛgɛɛ kɛ̀ aↄ̃è bleao. Yãkpaɛ vɛ̃̀ɛḿma à gì kɛ̀, ii è na ń Kaatɛri wɛ́ɛnlo.   
\p
\v 4 Zaakɛ Ludaa e malaika kɛ̀ aↄ̃ durun kɛ̀nↄ tóro, à ń ká kokotɛ̃wɛɛ siaa kɛ̀ kú gĩzĩgĩzĩ guu, àgↄ̃ ń kũna ai yãkpaɛkɛgurↄↄ zĩ.  
\v 5 Èe anduna zi kↄ̃n a yãdarisaidee kɛ̀ aↄ̃ↄ kú à guunↄ tóro, à tò í dàńla. Mↄde à Nuu kɛ̀ è maakɛna waazi kɛɛ bↄ̀ kↄ̃n gↄ̃ↄn swɛɛplaa pãndenↄ.  
\v 6 À yã dà Sↄdↄmu kↄ̃n Gↄmↄraola à ń káatɛ aↄ̃ gↄ̃̀ túbu ũ, à ń kɛ́ lɛ yã kɛ̀ eé ludayãdarisainↄ lee sèeda ũ.  
\v 7 Mↄde à Lutu bↄ̀, gbɛ̃ maaa kɛ̀ à nↄ̀sɛ yàka dokadarisaidee pìnↄ wísaiyãkɛna yãnzi.  
\v 8 Gbɛ̃ maaa pì kú ń tɛ́, yã zaaa kɛ̀ èe ee bensↄ̃ èe maa lán guu e dↄↄ nà ↄ̃̀a kɛ̀ à nↄ̀sɛ maa yãnzi.  
\v 9 Tó lɛmɛ, lɛ Dii gbɛ̃ kɛ̀ naaziinↄ bↄna yↄ̃agwana guu zɛ́ dↄ̃, bensↄ̃ à gbɛ̃ zaaa kũna dↄ̃ lɛ à wɛ́ɛ tãa yãkpaɛkɛgurↄↄ zĩ.  
\v 10 À pãsĩn sa gbɛ̃ kɛ̀ aↄ̃è kya ká dokannↄ ũ, aↄ̃ mɛ̀ dà zaaanↄ bé è dↄńnɛ aɛ gbãsĩkɛna guu.  
\p Ɛgɛyãdannɛri pìnↄ nɛ́ kùgbãade wadadeenↄmɛ. Dↄkɛna kↄ̃n malaika gakuideenↄ è ń vĩa kũro.  
\v 11 Malaika kɛ̀ aↄ̃ gbãa kↄ̃n ń ikoo dɛ ɛgɛyãdannɛri pìnↄlaanↄ è we wà ń tↄ́ zaaa sí aↄ̃ yã diḿma Dii aɛro.  
\v 12 Gbɛ̃ pìnↄ è yã kɛ̀ aↄ̃ↄ à gbá dↄ̃roo zaa bomɛ. Gbɛ̃ntee báa bé à dańla, aↄ̃ↄ laasuu vĩro. Wà ń í, lɛ wà ń kũkũ wà ń dɛdɛ yãnzimɛ. Aↄ̃é kaatɛ lán nↄ̀bↄnↄ bà,  
\v 13 weé à zaaa kɛ̀ aↄ̃ↄ kɛ̀ fĩa bońnɛ. Dàzaakɛna fãantɛ̃ è kɛńnɛ nna. Gurↄↄ kɛ̀ aↄ̃ↄe pↄ́ bleeao, aↄ̃è pↄnnaa kɛ kↄ̃n ń pↄ́nidɛnanↄ. Aↄ̃ kuuna a tɛ́ nɛ́ seemɛ kↄ̃n gbãsĩo.  
\v 14 Zinakɛna kú ń wɛ́ɛa, durunkɛna è mↄ́ḿmaro. Aↄ̃è mↄnafiki kɛ gbɛ̃ kɛ̀ Luda yã e kãsãa pɛ́ɛ ń guuroonↄnɛ. Wãkũ ń swɛ̃̀ blè. Luda lɛ́ kɛ̀ńnɛmɛ.  
\v 15 Aↄ̃ sã̀sã, aↄ̃ kɛ̃̀ zɛ́ súusua, aↄ̃ zɛ́ dↄ̃nkↄ̃ sɛ̀ kↄ̃n Bɛↄ nɛ́ Balamu kɛ̀ ye ↄↄ zaaazio.  
\v 16 Zaaki pↄ́lɛgboo'ina yã ònɛ lán gbɛ̃ntee bà, à kpã̀kɛ̃zi à zaakɛna yã musu, à gìnɛ kↄ̃n à mìsaiyãkɛnao.  
\v 17 Gbɛ̃ beeenↄↄ dɛ lán bia kɛ̀ aↄ̃ í bàbanↄ bàmɛ, lán lousisina kɛ̀ gɛ̃̀ zɛ́la kↄ̃n ĩao bà. Gusia níginigin Ludaa dìɛńnɛ yàari ũ.  
\v 18 Aↄ̃è ĩa kori bíta dã, aↄ̃è ↄ̃ndↄ̃ↄ kɛ gbɛ̃ kɛ̀ aↄ̃ bↄ̀ sãsãzɛn dufunↄnɛ kↄ̃n dàzaayão kↄ̃n wísaiyão.  
\v 19 Yã kɛ̀ è ń yaka zↄ̀nↄn ń ũ, ben aↄ̃è gↄ̃na wɛ̃ɛnɛnↄ ũ lɛ́ gbɛ̃ńnɛ. Zaakɛ baade píngi nɛ́ yã kɛ̀ à à swɛ̃̀ blè zↄ̀mɛ.   
\p
\v 20 Tó aↄ̃ bↄ̀ anduna yãgbãsĩkɛnan wa Dii wa Mìsiri Yesu Kirisi dↄ̃na gãzĩ, ben aↄ̃ↄ tò yã pì ɛ̀ara à ń kagura kɛ̀, à ń swɛ̃̀ blè, aↄ̃ kuuna zãa zaa dɛ à káakupↄla.  
\v 21 Tó aↄ̃ↄe yãpura zɛ́ dↄ̃ yãro, lɛ beee maańnɛ dɛ kɛ̀ aↄ̃ↄ dↄ̃̀ gbasa wà kpɛɛ lì Luda yã kɛ̀ wà dàńnɛnɛla.  
\v 22 Yáasi kɛ̀ wà kɛ̀ kɛ̀nↄ pàpa ń musu yãpura: Gbɛ̃ɛ è ɛara a pisizi. Lɛmɛ dↄ: Alɛdɛ kɛ̀ wà à zú ò è ɛara à máɛmaɛ bↄtↄngammɛ.   
\c 3  
\s1 Dii mↄ́gurↄↄ zĩ  
\p
\v 1 Ma gbɛ̃ yenzideenↄ, lá plaadee kɛ̀ má kɛ̃̀areen yɛ̀. Lá mɛ̀n plaaa pìnↄ guu píngi ma yã dↄ̀agu, lɛ à vu iin kↄ̃n laasuu maaaomɛ.  
\v 2 Má yezi yã kɛ̀ Luda annabinↄↄ ò yãanↄ dↄagu kↄ̃n yã kɛ̀ wa Dii wa Mìsiri dìɛ a zĩ̀rinↄnɛ aↄ̃ↄ òareeo.  
\v 3 Àgↄ̃ dↄ̃ zaa káaku kɛ̀ gurↄ zãanↄa zĩndapↄyezikɛrinↄ é mↄ́ wà a lalandi kɛ  
\v 4 wà be: Èe a mↄna lɛ́ gbɛ̃roo? À kú máa? Wa denↄ gà, mↄde pↄ́ píngi kú a gbɛ̀n zaa lán Luda anduna kàɛ nàmɛ.  
\v 5 Kɛ̀ Luda yã ò yã à musu kↄ̃n andunao kɛ̀, aↄ̃ yã pì kpà swãkoto. À tↄↄtɛ bↄ̀ ín, à à kɛ̀ í pì gãzĩ,  
\v 6 í pì bé à dà anduna káakupↄla, à à kàatɛ.  
\v 7 Luda yã'ona dↄ̃nkↄ̃ pì bé à tò musu kↄ̃n anduna tiaa kɛ̀o diɛna tɛ́ pↄ́ ũ ai gurↄↄ kɛ̀ eé yãkpaɛ kɛ kↄ̃n a yãdarisaideenↄ, à ń kaatɛ.   
\p
\v 8 Ma gbɛ̃ yenzideenↄ, àton tó yã kɛ̀ sãaguro: Gurↄ doo dɛ Diinɛ lán wɛ̃̀ wàa sↄↄroo bàmɛ, wɛ̃̀ wàa sↄↄro sↄ̃ↄ dɛnɛ lán gurↄ doo bàmɛ.  
\v 9 Dii mɛ̀kpɛtɛ vĩ kↄ̃n yã kɛ̀ à à lɛ́ gbɛ̃̀ kɛnao lán gbɛ̃kenↄ e daa nàro, èe mɛna kɛɛaomɛ. À yezi gbɛ̃ke kaatɛro, à yezi gbɛ̃ sãnda píngi nↄ̀sɛ liɛmɛ.  
\v 10 Dii mↄ́gurↄↄ zĩ égↄ̃ dɛ lán kpãi mↄna bàmɛ. Zĩ beeea musu é gɛ̃ zɛ́la bìoo, à pↄ́nↄ é tɛ́ kũ wà pia, tↄↄtɛ kↄ̃n pↄ́ kɛ̀ kú à guunↄ égↄ̃ kuu dↄro.  
\v 11 Zaakɛ pↄ́ píngi é kaatɛ lɛ, gbɛ̃ kparee boriin égↄ̃ dɛ à ũu? À tó a kuuna gↄ̃ adona ludayãdarinↄ ũ  
\v 12 wɛ́ɛdↄna à mↄ́gurↄↄzi, à aĩa kɛ gurↄↄ pì ká kpakpaa. Zĩ pìa musu é kaatɛ kↄ̃n tɛ́o, à puusu wãaa é à pↄ́nↄ yↄ́.  
\v 13 Wapinↄ sↄ̃, wa wɛ́ɛ dↄ ludambɛ dufu kↄ̃n tↄↄtɛ dufuozi kɛ̀ Luda à lɛ́ gbɛ̃̀wee. Gwen maakɛna égↄ̃ kún.   
\p
\v 14 Beee yãnzi ma gbɛ̃ yenzideenↄ, a wɛ́ɛdↄna gurↄↄ pìzi guu à aĩa kɛ àgↄ̃ kuu see sai taari sai, àgↄ̃ nna kↄ̃n Ludao.  
\v 15 À wa Dii mɛnakɛna diɛ mìsina ũ, lán wa gbɛ̃ yenzide Pↄlu takada kɛ̃̀are nà kↄ̃n ↄ̃ndↄ̃ↄ kɛ̀ Luda à gbào.  
\v 16 Yã pìnↄn Pↄlu ò takada kɛ̀ à kɛ̃̀nↄ guu píngi. À lá pì gukenↄ dↄ̀rↄ dↄ̃na zĩ'ũ. Wɛ́ɛsiadeenↄ kↄ̃n gbɛ̃ kɛ̀ aↄ̃ zɛna gbãaroonↄ è yã pìnↄ liɛ kpɛɛgãnda, lán aↄ̃è kɛ nà kↄ̃n Luda yã takada kpaaanↄ. Lɛn aↄ̃è ń zĩnda da kaatɛnan lɛ.   
\p
\v 17 Apinↄ sↄ̃ ma gbɛ̃ yenzideenↄ, lán á yã pì dↄ̃ nà kↄ̀, à làakari kɛ, lɛ dokadarisaideenↄ tón a sãsã kↄ̃n ń ɛgɛɛoro. Àton bↄ a zɛna gbãaan à lɛ́ɛro.  
\v 18 Àgↄ̃ gbãa wa Dii wa Mìsiri Yesu Kirisi gbɛ̃kɛ kↄ̃n à dↄ̃nao guu. Àmbe à gakui vĩ zaa tia ai gurↄ píngi! Aami.