\id 1TI 1 Timothy in Bokobaru, Ross Jones 
\h 1 TIMƆTI 
\toc1 TIMƆTI TAKADA KAAKU 
\toc2 1 TIMƆTI 
\mt1 TIMƆTI TAKADA KAAKU  
\c 1  
\s1 Yãdannɛrinↄ gbana làakari  
\p
\v 1 Mamↄma Pↄlu, Kirisi Yesu zĩ̀ri, lán Luda wa Mìsiri kↄ̃n Kirisi Yesu kɛ̀ wa wɛ́ɛ dↄzio dìɛmɛ nà,  
\v 2 ma takada kɛ̀ kɛ̃̀nnɛ Timↄti, ma nɛ́'inaa Yesu zɛ́ guu. De Luda kↄ̃n wa Dii Kirisi Yesuo gbɛ̃kɛɛ kɛnnɛ kↄ̃n sùuo, à n gba aafia.   
\p
\v 3 Lán ma nakↄ̃rɛmma nà gurↄↄ kɛ̀ mɛ́ɛ gaa Masedonia bùsun, ǹ gↄ̃ Ɛfesu, ǹ o gbɛ̃kenↄnɛ aↄ̃ton yã kɛ̀ è kↄ̃ sɛ́ kↄ̃n Luda yãoroo dańnɛ dↄro.  
\v 4 Aↄ̃ton làakari dↄ gara kↄ̃n dezinↄ tↄ́ kↄ̃ↄwɛna kɛ̀ lɛ́ vĩroooa dↄro. Beee è mↄ́ kↄ̃n lɛokpakↄ̃aomɛ. È tó Luda zĩi kɛ̀ è bↄ à náanɛkɛna guu gá aɛro.  
\v 5 Ma yã pì dìɛ lɛ aↄ̃gↄ̃ yenzi vĩ yãnzimɛ, yenzi kɛ̀ è bↄ nↄ̀sɛpura kↄ̃n laasuu kɛna dↄ̃nkↄ̃o kↄ̃n ludanaanɛkɛna mↄnafiki saio guu.  
\v 6 Gbɛ̃kenↄ pã̀ yã pìnↄnɛ, aↄ̃ gɛ̃̀ yãpãpã'onan.  
\v 7 Aↄ̃ↄ yezi wàgↄ̃ dɛ Musa doka yãdannɛrinↄ ũ, mↄde aↄ̃ yã kɛ̀ aↄ̃ↄe oo gbázɛ dↄ̃ro ke yã kɛ̀ aↄ̃ zɛ̀anↄ.   
\p
\v 8 Wá dↄ̃ kɛ̀ doka pì maa, tó gbɛ̃ e zĩi kɛɛa a zɛ́a,  
\v 9 zaakɛ wá dↄ̃ kɛ̀ Ludaa e doka diɛ gbɛ̃ maaanↄ yãnziro, séde dokadarisaideenↄnɛ kↄ̃n swãgbãadeenↄ kↄ̃n ludawɛɛkɛrisainↄ kↄ̃n durunkɛrinↄ kↄ̃n ludadↄ̃risainↄ kↄ̃n dↄnzikɛrisaideenↄ kↄ̃n de kↄ̃n dao dɛ̀rinↄ kↄ̃n gbɛ̃dɛrinↄ  
\v 10 kↄ̃n zinakɛrinↄ kↄ̃n pãpãbɛ̃̀ɛkɛrinↄ kↄ̃n gbɛ̃sɛrikpãinↄ kↄ̃n ɛgɛdeenↄ kↄ̃n yãdↄmmarinↄ kↄ̃n gbɛ̃ kɛ̀ aↄ̃è bↄ yãdannɛna zɛ́dee kpɛɛnↄo ń píngi.  
\v 11 Yãzɛdee pì kↄ̃ sɛ̀ kↄ̃n baaru nnaa gakuidee kɛ̀ Luda aubarikadee à kpana nàmɛ ma ↄzĩo.   
\s1 Lán Luda gbɛ̃kɛɛ kɛ̀ Pↄlunɛ nà  
\p
\v 12 Ma Kirisi Yesu wa Dii kɛ̀ ma gba gbãaa sáabu kɛ̀, zaakɛ à ma náanɛ kɛ̀, à ma sɛ mà zĩi kɛare.  
\v 13 Ma à tↄ́ zaaa sì yã, ma wɛ́ɛ tã̀ à gbɛ̃nↄa, ma gbãaa mↄ̀ńnɛ. Baa kↄ̃n beeeo à sùu kɛ̀mao, zaakɛ má kɛ̀ wɛ́ɛsiakɛ kↄ̃n à náanɛkɛnasaio guumɛ.  
\v 14 Ben wa Dii gbɛ̃kɛ bíta kɛ̀mɛ, à tò ma a náanɛ kɛ̀, ben má yenzi kɛ̀ dɛ wa pↄ́ ũ kuuna Kirisi Yesu guu vĩ.  
\v 15 Yã kɛ̀kii nɛ́ yãpuraamɛ, à kↄ̃ sìo wà sí ↄplaplaa. Kirisi Yesu mↄ̀ anduna guu durunkɛrinↄ mìsina yãnzi. Mapi, ma durun bé à dɛ danↄ pↄ́la,  
\v 16 ben Luda ma wɛ̃nda gwà, lɛ mɛna bíta kɛ̀ Kirisi Yesu kɛ̀ kↄ̃n mamↄma durunkɛri kàsarao bↄ gupuraaa, lɛ àgↄ̃ dɛ sèeda ũ gbɛ̃ kɛ̀ aↄ̃é à náanɛ kɛ, aↄ̃ wɛ̃̀ndi kɛ̀ è yãaroo eenↄnɛ.  
\v 17 Luda mɛ̀n do léle, gurↄ píngi Kína kɛ̀ è garo bensↄ̃ wè à e wɛ́ɛoroo gↄ̃ bɛ̀ɛ vĩ kↄ̃n gakuio gurↄ píngi, aami.   
\p
\v 18 Ma nɛ́ Timↄti, lán wà gĩakɛ wà annabikɛyã ò n yã musu nà, mɛ́ɛ yã pì daannɛ, lɛ ǹgↄ̃ kũna, ǹ zĩ̀ maaa káo  
\v 19 ludanaanɛkɛna guu kↄ̃n nↄ̀sɛkpaɛnao. Gbɛ̃kenↄ yã pìnↄ kpà swãkoto, ben aↄ̃ ludanaanɛkɛna è lɛ́ kúɛ.  
\v 20 Imɛnɛu kↄ̃n Alɛsandao kú ń tɛ́. Ma ń kpá Setãn-a, lɛ aↄ̃gↄ̃ dↄ̃ kɛ̀ wè dↄkɛ kↄ̃n Ludaoro.   
\c 2  
\s1 Dↄnzikɛna  
\p
\v 1 Káaku gĩa ma lɛ́ dàmma, à adua kɛ baade pínginɛ, à zɛ́ gbekańnɛ, à kúɛ kɛ Ludanɛ ń yãnzi kↄ̃n sáabukpanao.  
\v 2 À adua kɛ kínanↄnɛ kↄ̃n gbãadeenↄ ń píngi, lɛ wà e wàgↄ̃ kuu aafia yãkete sai ludayãdarinↄ ũ, wa kuuna gↄ̃ bɛ̀ɛ vĩ.  
\v 3 Beee bé à maa, è ká Luda wa Mìsirinɛ  
\v 4 kɛ̀ à yezi baade píngi mìsina e, aↄ̃gↄ̃ yãpuraa dↄ̃.   
\q1
\v 5 Zaakɛ Luda mɛ̀n domɛ,  
\q1 bensↄ̃ yãkɛkɛri kuu mɛ̀n do  
\q1 Luda kↄ̃n gbɛ̃nteenↄ dagura,  
\q1 àmbe gbɛ̃ntee Kirisi Yesu ũ.   
\q1
\v 6 À a zĩnda kpà à baade píngi bò,  
\q1 ben wà à sèeda kɛ̀ a gurↄↄa.   
\m
\v 7 Beee yãnzin Luda ma diɛ à kpàakpakɛri kↄ̃n à zĩ̀rio ũzi, lɛ mà à dↄnzi zɛ́ yãpuradee da bori pãndenↄnɛ. Yãpuraan mɛ́ɛ oo, èe kɛ ɛgɛɛnlo.   
\p
\v 8 Má yezi gↄ̃gbɛ̃nↄ adua kɛ gu sãnda píngi, aↄ̃ ↄ sɛ́ musu gbãsĩ sai, pↄfɛ̃ kↄ̃n lɛokpakↄ̃aoo sai.  
\v 9 Má yezi dↄ nↄgbɛ̃nↄ ń zĩnda kɛkɛ a zɛ́a yↄ̃̀kↄ̃kɛna sai, zĩndamↄnnɛna baasi. Èe kɛ kↄ̃n mì yↄ̃̀kↄ̃de tãnao ke vura kↄ̃n òso nↄmaablebↄnↄ ke bisa ↄↄdeenↄonlo.  
\v 10 Aↄ̃ ń zĩnda kɛkɛ kↄ̃n maakɛnao, lán à kↄ̃ sìo nↄgbɛ̃ dↄnzirinↄ kɛ nà.  
\v 11 Nↄgbɛ̃nↄ yã dada wàgↄ̃ yĩtɛna, aↄ̃ mì siɛ yã píngi guu.  
\v 12 Mɛɛ̀ wezi nↄgbɛ̃nↄ yã dada gↄ̃gbɛ̃nↄnɛ ke aↄ̃gↄ̃ iko vĩḿmaro, séde aↄ̃gↄ̃ yĩtɛna kítikiti.  
\v 13 Zaakɛ Adamun Ludaa kɛ̀ káaku, à gbɛra Awau.  
\v 14 Èe kɛ Adamun wà sã̀sãro, nↄgbɛ̃n wà sã̀sã à gↄ̃̀ taaride ũ.  
\v 15 Mↄde tó à mɛna fↄ̃̀ kↄ̃n ludanaanɛkɛnao kↄ̃n yenzio kↄ̃n kúadonao zĩndamↄnnɛna baasi, eé nɛ́ i aafia.   
\c 3  
\s1 Sↄsi gbɛ̃nsinↄ  
\p
\v 1 Yã kɛ̀kii nɛ́ yãpuraamɛ: Tó gbɛ̃ yezi à kɛ gbɛ̃nsi ũ, èe zĩ maaa nii dɛɛ.  
\v 2 Gbɛ̃nsi gↄ̃ kuu taari sai, nↄmɛndodee ũ, làakaridee ũ. Àgↄ̃ a zĩnda kũna dↄ̃ gbɛ̃ dↄ̀rↄdee ũ, nibↄfↄ̃ri ũ, gbɛ̃ kɛ̀ eé fↄ̃ à yã dańnɛ ũ.  
\v 3 Àtongↄ̃ dɛ wɛ̃dɛri ke gbɛ̃ pãsĩ ũro. Àgↄ̃ dɛ nↄ̀sɛdode yãketesaidee ũ. Ɔↄ tón dↄnɛ aɛro.  
\v 4 Àgↄ̃ a ua kũna dↄ̃, à nɛ́nↄ gae mì siɛnɛ, aↄ̃gae à ↄdↄkii gwa.  
\v 5 Zaakɛ tó gbɛ̃ a ua kũna dↄ̃ro, eé kɛ dia à fↄ̃ à Luda sↄsi gbɛ̃nↄ gwaa?  
\v 6 Àtongↄ̃ dɛ Yesude dufu ũro, lɛ àton ĩa dã, à a zĩnda da yãn lán Ibilisi bàro yãnzi.  
\v 7 Àgↄ̃ tↄ́ nnaa vĩ Yesusaideenↄ kiia dↄ, lɛ wàton à tↄ́ zaaa sí, à gɛ̃ Ibilisi takutɛɛnlo yãnzi.   
\s1 Sↄsi dↄnlɛrinↄ  
\p
\v 8 Lɛmɛ dↄ dↄnlɛrinↄ gↄ̃ dɛ gbɛ̃ bɛ̀ɛdeenↄ ũ. Aↄ̃tongↄ̃ dɛ lɛ́plaadeenↄ ũro. Wɛ̃ yã tón dↄńnɛ aɛro. Aↄ̃tongↄ̃ dɛ ↄↄzaawɛtɛrinↄ ũro.  
\v 9 Aↄ̃gↄ̃ Yesu yã asiinↄ kũna kↄ̃n nↄ̀sɛpuraao.  
\v 10 Wà ń yã gwa gĩa, tó wèe yãke eḿmaro, gbasa wà ń diɛ dↄnlɛrinↄ ũ.  
\v 11 Lɛmɛ dↄ ń nↄↄnↄ gↄ̃ dɛ nↄgbɛ̃ bɛ̀ɛdeenↄ ũ, làakarideenↄ ũ, aↄ̃gↄ̃ náanɛ vĩ yã píngi guu. Aↄ̃tongↄ̃ dɛ kↄmↄtↄdeenↄ ũro.  
\v 12 Dↄnlɛri gↄ̃ dɛ nↄmɛndodee ũ, àgↄ̃ a ua kↄ̃n a nɛ́nↄ kũna dↄ̃.  
\v 13 Gbɛ̃ kɛ̀ aↄ̃ ń zĩi kɛ̀ a zɛ́anↄ gwena égↄ̃ maaa, ń làakari égↄ̃ kpaɛna ń Kirisi Yesu náanɛkɛna guu maamaa.   
\s1 Wa dↄnzizɛ asii bíta  
\p
\v 14 Baa kɛ̀ mɛ́ɛ yã kɛ̀nↄ oonnɛ, má dìɛ mɛ́ mↄ́ n gwa saa.  
\v 15 Tó ma mↄna gà à gì kɛ̀, má yezi ǹgↄ̃ dↄ̃ lán à kↄ̃ sìo wàgↄ̃ kuu Luda uadeenↄ ũ nà. Wámbe Luda Wɛ̃̀ndide sↄsi gbɛ̃nↄ ũ, yãpurapɛɛkii ũ kↄ̃n à gbãa'ekiio.  
\v 16 Wa dↄnzizɛ asii kɛ̀ bↄ̀ gupuraaa bíta yãpuramɛ:  
\q1 À bↄ̀ à mↄ̀ gbɛ̃ntee ũ,  
\q1 Luda Nini yãpuraa kpàa,  
\q1 malaikanↄ à è.  
\q1 Wà à yã waazi kɛ̀ boriinↄ tɛ́,  
\q1 wà à náanɛ kɛ̀ anduna guu,  
\q1 Luda à sɛ̀ à tào gakui guu.   
\c 4  
\s1 Tɛ̃̀ yã  
\p
\v 1 Luda Ninii ò wásawasa kɛ̀ gurↄ zãanↄ gbɛ̃kenↄ é pã kpá Yesu zɛ́zi, aↄ̃ↄ tɛ́ yã kɛ̀ zĩnnↄ è ɛgɛdeenↄ da à onanzi, aↄ̃ ń sãsã.  
\v 2 Mↄnafikidee pìnↄↄ à maaa dↄ̃kↄ̃zi kↄ̃n à zaaaoro, aↄ̃ nↄ̀sɛ gana lán wà be gɛ̃ wãaan wà kɛ̃̀o bà.  
\v 3 Aↄ̃è gbɛ̃nↄ dãdã nↄsɛnazi kↄ̃n zãkɛnao, bensↄ̃ aↄ̃è pↄ́ble tɛ̃̀bona da gbɛ̃nↄnɛ, pↄ́blee kɛ̀ Ludaa kɛ̀ a náanɛkɛri kɛ̀ aↄ̃ yãpuraa dↄ̃ↄnↄ yãnzi, kɛ̀ dɛ aↄ̃ ble kↄ̃n sáabukpanao.  
\v 4 Pↄ́ kɛ̀ Ludaa kɛ̀ píngi maamɛ. Wàton à ke tɛ̃̀ boro, wà ble kↄ̃n sáabukpanao,  
\v 5 zaakɛ Luda yã kↄ̃n wa aduakɛnao gbãsĩ bↄ̀n.   
\s1 Kirisi Yesu zĩkɛri maaa  
\p
\v 6 Tó n yã pìnↄ dà n gbɛ̃nↄnɛ, nɛ́gↄ̃ dɛ Kirisi Yesu zĩkɛri maaa ũ kɛ̀ wà gwà kↄ̃n wa dↄnzizɛ yãnↄ kↄ̃n yãdannɛ maaa kɛ̀ ń tɛ́zio.  
\v 7 Ǹ mì kɛ̃ fɛɛakaara gara kɛ̀ è kↄ̃ sɛ́ kↄ̃n Luda yãorooa. Ǹ n zĩnda tòto kɛ, lɛ ǹgↄ̃ dɛ ludayãdari ũ.  
\v 8 Mɛ̀totona àre vĩ féte, mↄde dɛna ludayãdari ũu àre vĩ yã píngi guu, zaakɛ beee è mↄ́ kↄ̃n wɛ̃̀ndio gbã̀a kↄ̃n ziaao.  
\v 9 Yã kɛ̀kii nɛ́ yãpuraamɛ, à kà wà sí ↄplaplaa.  
\v 10 Weè zĩi kɛ, weè ↄsi ká à musu, zaakɛ wa wɛ́ɛ dↄ Luda Wɛ̃̀ndidezi. Àmbe gbɛ̃ sãnda píngi Mìsiri ũ, atɛ̃nsa à náanɛkɛrinↄ.   
\p
\v 11 Ǹ yã pìnↄ diɛńnɛ ǹ dadańnɛ.  
\v 12 Ǹton tó wà dↄkɛnyo kɛ̀ ń dɛ gↄ̃kparɛ ũ yãnziro. Ǹ tó n kuuna zɛ́ ↄdↄa Yesudeenↄnɛ yã'ona guu kↄ̃n yãkɛnao kↄ̃n yenzio kↄ̃n ludanaanɛkɛnao kↄ̃n kuuna gbãsĩ saio.  
\v 13 Ai màgↄ̃ mↄ́, ǹ aĩa kɛ ǹ Luda yã kyó kɛ gbɛ̃nↄnɛ, ǹ dańnɛ ǹ lɛ́ daoḿma.  
\v 14 Gbaa kɛ̀ Ludaa dànnɛ gurↄↄ kɛ̀ wà annabikɛɛ kɛ̀ n yã musu, bensↄ̃ gbɛ̃nsinↄ ↄ dìdimma, ǹton pã kpáziro.  
\v 15 Ǹ làakari dↄ yã pìnↄa ǹ mɛ̀ kpáa, lɛ baade píngi n gana aɛ e.  
\v 16 Ǹ n zĩnda yã kↄ̃n n yãdannɛnao tàasi kɛ. Ǹgↄ̃ gaa aɛ kↄ̃n yã pìnↄ. Tó ń kɛ̀ lɛ, nɛ́ n zĩnda mì sí kↄ̃n gbɛ̃ kɛ̀ aↄ̃ↄe swã kpaa n yãzinↄomɛ.   
\c 5  
\s1 Gyaanↄↄnↄ kↄ̃n dↄn'aɛdeenↄ yã  
\p
\v 1 Ǹton kpãkɛ̃ mare ìsiziro. Ǹ lɛ́ daa lán n de bà. Ǹ lɛ́ da gↄ̃kparɛnↄa lán n vĩ̀i kↄ̃n n dãaronↄ bà.  
\v 2 Ǹ lɛ́ da nↄgbɛ̃ ìsia lán n da bà, ǹ lɛ́ da nↄ gbãaaa lán n dãre bà kↄ̃n nↄ̀sɛ puraao.   
\p
\v 3 Ǹ dↄ gyaanↄↄ kɛ̀ aↄ̃ gbɛ̃ke vĩroonↄ lɛ.  
\v 4 Tó gyaanↄↄ nɛ́nↄ ke dionↄ vĩ, aↄ̃ ń danɛnↄ gwana dada gĩa ń dↄnzikɛna guu, aↄ̃ fĩa bo ń denↄnɛ kↄ̃n ń danↄ, zaakɛ beee è ká Ludanɛ.  
\v 5 Gyaanↄↄ kɛ̀ gbɛ̃ke vĩro wɛ́ɛ dↄ Ludazi, àgↄ̃ adua kɛɛ àgↄ̃ dↄnlɛ gbekaaa gwãavĩ kↄ̃n fãantɛ̃o.  
\v 6 Gyaanↄↄ kɛ̀ à zĩnda pↄyezi è dↄnɛ aɛ nɛ́ gɛ̀mɛ, baa tó à bɛ̃ɛ.  
\v 7 Ǹ yã pìnↄ dańnɛ lɛ gbɛ̃ke tón ń taari ero.  
\v 8 Tó gbɛ̃ e a danɛnↄ gwaaro, atɛ̃nsa à uadeenↄ, à bↄ̀ Luda yã kpɛɛmɛ, Yesusaidee dɛàla.  
\v 9 Nↄgbɛ̃ kɛ̀ dɛ wà da gyaanↄnↄ tɛ́n yɛ̀: Nↄgbɛ̃ kɛ̀ kà wɛ̃̀ baaagↄ̃, bensↄ̃ à zã kɛ̀ gɛ̃̀n do,  
\v 10 wà à dↄ̃ maakɛri ũ, nɛ́gwari maaa ũ, nibↄfↄ̃ri Luda gbɛ̃nↄ gbá pìpiri ũ, takaasidee dↄnlɛri ũ, nↄgbɛ̃ kɛ̀ mɛ̀ kpà yãmaakɛna píngia ũ.  
\v 11 Ǹton gyaanↄ nↄ gbãaanↄ danlo, zaakɛ tó aↄ̃ gↄ̃ nidɛna fɛ̀ɛ, aↄ̃ nana Kirisia é busamɛ, aↄ̃égↄ̃ yezi wà zã kɛ,  
\v 12 aↄ̃ ń zĩnda da yãn, kɛ̀ aↄ̃ lɛ́ kɛ̀ aↄ̃ gbɛ̃̀nɛ yã gbòro yãnzi.  
\v 13 Beee gbɛra aↄ̃è mɛ̀a dada, aↄ̃ègↄ̃ dↄdↄↄ ualɛzi. Èe kɛ mɛadeenↄn ń ũ adoro, aↄ̃è gↄ̃ gbɛ̃peri gudɛrinↄ ũmɛ dↄ, aↄ̃è yã kɛ̀ dɛ wà oroo o.  
\v 14 Beee yãnzi má yezi gyaanↄ nↄ gbãaanↄ zã kɛ, aↄ̃ nɛ́ i, aↄ̃ làakari dↄ bɛɛa, lɛ wàton wa ibɛɛnↄ gba zɛ́ aↄ̃ wa tↄ́ zaaa síro yãnzi.  
\v 15 Aↄ̃ gbɛ̃kenↄ bↄ̀ wà tɛ̀ Setãnzi kↄ̀.  
\v 16 Tó Yesude nↄgbɛ̃ ke gyaanↄnↄ vĩ a bɛ, àgae dↄńlɛ. Àton tó aↄ̃ gↄ̃ sↄsi gbɛ̃nↄnɛ asoo ũro, lɛ aↄ̃ e wà dↄ gyaanↄↄ kɛ̀ aↄ̃ gbɛ̃ke vĩroonↄ lɛ́ yãnzi.   
\p
\v 17 Gbɛ̃nsi kɛ̀ è dↄńnɛ aɛ a zɛ́a kà wà fĩa bonɛ lɛo plaa, atɛ̃nsa gbɛ̃ kɛ̀ waazikɛna kↄ̃n yãdannɛnao aĩa vĩi.  
\v 18 Luda yã bè: Àton lɛ́sↄ da zù kɛ̀ èe pↄ́ gbɛ̃ɛnɛro. À bè dↄ: Zĩkɛri kà à a asaia e.  
\v 19 Ǹton gbɛ̃ kɛ̀ mↄ̀ kↄ̃n gbɛ̃nsi káarao yã síro, séto sèedadeenↄ kà gↄ̃ↄn plaa ke aagↄ̃ baasiro.  
\v 20 Ǹ kpãkɛ̃ gbɛ̃ kɛ̀ aↄ̃ durun kɛ̀nↄzi baade píngi wáa, lɛ vĩa e à gbɛ̃ kpaaanↄ kũ.  
\v 21 Ma nannɛ Luda kↄ̃n Kirisi Yesuozi kↄ̃n malaika kɛ̀ à ń sɛ́nↄ, ǹgↄ̃ yã pìnↄ kũna, ǹton gbɛ̃ke bà bↄro. Ǹton yãke kɛ gbɛ̃kenɛ úblembɛ yãnziro.  
\v 22 Ǹton wã ǹ ↄ di gbɛ̃a ǹ à da Luda zĩinlo. Ǹton tó n ↄↄ gↄ̃ kú gbɛ̃ke durun guuro. Ǹgↄ̃ n zĩnda kũna gbãsĩ sai.  
\v 23 Ǹton í pãa mi atɛ̃ɛro. Ǹgae geepiwɛ̃ gá féte n nↄ̀sɛ yãnzi kↄ̃n n gyãkɛna gɛ̃̀n baaagↄ̃ↄo.   
\p
\v 24 Gbɛ̃kenↄ durun è bↄ gupuraaa ai wàgↄ̃ gá à yã gↄ̃gↄ̃ńyo, gbɛ̃kenↄ sↄ̃ ń pↄ́ è bↄ kpakpaaro.  
\v 25 Lɛmɛ dↄ yãmaakɛna è bↄ gupuraaa, baa à kɛ̀ wèe ero eé e à gↄ̃ utɛnaro.   
\c 6  
\p
\v 1 Gbɛ̃ kɛ̀ aↄ̃ↄ dɛ zↄ̀ ũunↄ ń diinↄ diɛ gbɛ̃ bɛ̀ɛdeenↄ ũ aↄ̃ mì siɛńnɛ à píngi guu, lɛ wàton Luda tↄ́ kↄ̃n yã kɛ̀ weè dańnɛo zaa boro yãnzi.  
\v 2 Gbɛ̃ kɛ̀ aↄ̃ diinↄ dɛ Yesudee ũunↄ tón dↄkɛńyo kɛ̀ aↄ̃ↄ dɛ kↄ̃ gbɛ̃nↄ ũ yãnziro. Aↄ̃ zĩi kɛńnɛ maamaa, zaakɛ gbɛ̃ kɛ̀ aↄ̃ↄe ń zĩ àre bleenↄ nɛ́ Yesudeenↄmɛ, aↄ̃ gbɛ̃ yenzideenↄmɛ. Ǹ yã pìnↄ dańnɛ, ǹ lɛ́ daoḿma.   
\s1 Yena ↄↄzi  
\p
\v 3 Tó gbɛ̃kee e yã pãnde daańnɛ, bensↄ̃ èe zɛ kↄ̃n wa Dii Yesu Kirisi yãzɛdeeo kↄ̃n wa zɛ́ yãdannɛnaoro,  
\v 4 wadadeemɛ, à yãke dↄ̃ro, lɛokpakↄ̃a kori kↄ̃n yãgwana yãanasaio à kũ̀ gyãa ũ. Yã beeenↄ è tó gbɛ̃nↄ wɛ́ɛ dↄkↄ̃nɛ, aↄ̃ swèe kɛ, aↄ̃ kↄ̃ sↄ̃sↄ̃, aↄ̃ laasuu zaaa lɛ́kↄ̃zi,  
\v 5 aↄ̃gↄ̃ ĩi kↄ̃o. Gbɛ̃ pìnↄ laasuu kotina, yãpura ń kɛ̃, aↄ̃ègↄ̃ daa dↄnzizɛ nɛ́ ↄↄwɛtɛzɛmɛ.  
\v 6 Dↄnzikɛna àre bíta yãpura, tó gbɛ̃ zɛ̀ kↄ̃n pↄ́ kɛ̀ à vĩio.  
\v 7 Zaakɛ wée mↄ́ kↄ̃n pↄ́keo anduna guu kɛ̀ro, wé sↄ̃ tá kↄ̃n pↄ́keoro.  
\v 8 Tó wá pↄ́ble kↄ̃n pↄ́kãsãanↄo vĩ, beee mↄ̀.  
\v 9 Gbɛ̃ kɛ̀ aↄ̃ↄ yezi wà gↄ̃ auzikidee ũunↄ è ń zĩnda da yↄ̃agwana takutɛɛn. Pↄ́nidɛna mìsai kari è gɛ̃ńgu à ń kpá mↄ́nzi kↄ̃n kaatɛnaozi.  
\v 10 Yena ↄↄzi bé à dɛ yã zaa píngi kãsãa ũ. Gbɛ̃kenↄ à kↄ̃dɛɛ kɛ̀ ai wà kɛ̃̀ wa dↄnzizɛa aↄ̃ wãwã bíta kpà ń zĩndazi.   
\s1 Ǹ ↄsi maaa ká  
\p
\v 11 Zaakɛ Luda gbɛ̃n n ũ, ǹ bàa sí yã pìnↄnɛ, ǹ tó yã maaa gaegↄ̃ dↄↄnnɛ aɛ kↄ̃n yãkɛna a zɛ́ao kↄ̃n ludanaanɛkɛnao kↄ̃n yenzio kↄ̃n mɛnao kↄ̃n busɛkɛɛo.  
\v 12 Ǹ wa dↄnzizɛ ↄsi maaa ká, ǹ wɛ̃̀ndi kɛ̀ è yãaro sí, zaakɛ beeen Luda n sisia gurↄↄ kɛ̀ n lɛ́ maaa gbɛ̃̀nɛ parii wáa.  
\v 13 Ma nannɛ Luda kɛ̀ è wɛ̃̀ndi kpá pↄ́ píngiazi kↄ̃n Kirisi Yesu kɛ̀ yã maaa ò Pↄntiu Pilatinɛo,  
\v 14 ǹgↄ̃ yã kɛ̀ wà dìɛnnɛ kũna gbãsĩ sai taari sai ai wa Dii Yesu Kirisi mↄ́gurↄↄ zĩ.  
\v 15 Gbãade mɛ̀n do Aubarikade, kínanↄ Kína, diinↄ Dii bé eé Kirisi pì bↄ gupuraaa a gurↄↄa.  
\v 16 À mɛ̀n doo bé è garo, ègↄ̃ kú gupuraa kɛ̀ wè fↄ̃ wà sↄ̃ziroo guu. Gbɛ̃kee e wɛ́ɛ siàlɛro, weé fↄ̃ sero. Àmbe à gakui kↄ̃n gbãaao vĩ gurↄ píngi, aami.   
\p
\v 17 Ǹ o anduna tiaa kɛ̀kii auzikideenↄnɛ, aↄ̃ton ĩa dãro. Aↄ̃ton gbãa e ↄↄda náanɛsaiaro, aↄ̃ gbãa e Luda kɛ̀ è pↄ́ píngi kpáwa bíta wà pↄnnaa kɛoa.  
\v 18 Ǹ ońnɛ aↄ̃ à maaa kɛ, aↄ̃ nnaa kɛńnɛ, aↄ̃ ↄ porońnɛ, aↄ̃gↄ̃ gbɛ̃kɛɛ vĩ.  
\v 19 Lán beee bà aↄ̃é kũsãɛ maaa di ń zĩndanɛ auzɛnna pↄ́ ũ, aↄ̃é wɛ̃̀ndi kɛ̀ dɛ wɛ̃̀ndi ũ yãpuraa e.   
\p
\v 20 Timↄti, ǹ yã kɛ̀ Ludaa nànnɛ n ↄzĩ kũ gbãa. Ǹ mì kɛ̃ ludadↄ̃sai yã pãpã'onaa kↄ̃n yãlɛkpɛɛ'ona kɛ̀ wè be dↄ̃nao.  
\v 21 Gbɛ̃kenↄ zɛ̀o, ben aↄ̃ pã̀ wa dↄnzizɛnɛ.  
\b  
\p Luda gbɛ̃kɛɛ kɛare.