\id HEB - Bayso New Testament
\ide UTF-8
\h Ibraawwii
\toc1 Kaɂibirawwii Ibaaddo Tos Kafaramero Handdaa
\toc2 Ibraawwii
\toc3 Ibr.
\mt1 Kaɂibirawwii Ibaaddo Tos Kafaramero Handdaa
\imt Tabano
\ip Hikki handdaa kakkons'aafamera ibaaddo iso godiide ammanokkisoo iisin kagabbalamero amaniiluwunye; s'aafiiti Ibirawijjoluun kaɂaddeesisera Yesuusa Kiristoosa karrummiinna kagachchoo mutano kawaa laano tusinya. Hikki amaniil ammanokkisooyi goggoɂarɂarawun ataayisara; hikka kakkofele goorata rummi seed addeesise tusara,
\ili1 1. Taɂatatero rakkookotti garane karrummii odoon kaɂajajaamaro kalleera Yesuusa jiruu jiroommakki ere kawaayya; Ere kawaa laanoyi ammato ohorkkokki kahegeroolkko, Musekkona erggichchalkko aaloo karooreya.
\ili1 2. Yesuusa ammato ohorkkookokki tuuk'aamolkko aaloo karoore jiruu jiroommakki tuuk'aamo laano Waa issii ayeesera.
\ili1 3. Gara kayesuusane amaniil c'ubbokko, abssikkona goyikko fayyinnara; Yesuusa tuuk'aamolkokki woyichcha laanoyi kaɂibirawwii ibaaddokokki ammano seerana kagiddi jaarsso hoos aani mutaa kagire fayyinna rummi goggolleeroon yelera.
\ip S'aafiti taɂisiraɂeeli jirtti kaɂaddeesame ibaaddokokki ammano masuussa yelatereyya, (Foolssi. 11) onabbabaraan ammanokkisooyi goggoɂataarawun addeesisara; usumaleenna (Foolssi. 12) ammana Iilɂoɂoottisoo Yesuusaa gutii kaanoyi ammanokkisooyi goggoɂataarawunna maamisitti rakkoonna abboosa goggeenna goggoɂobssiraawun gorssaara, gudisaanna kagorssa haafura sisaa gudisara.
\iot Raattoo Hikki Mas'aafa Kaɂabera
\io1 Tabano, Waa Kiristoosaayi mutano \ior 1:1-3 \ior*
\io1 Kiristoosa erggichchakko karooran laano \ior 1:4—2:18 \ior*
\io1 Kiristoosa Musekkona Iyyaasukko karoore laano \ior 3:1—4:13 \ior*
\io1 Tuuk'aamo laano kakiristoosa dubbaankko karooraro laano \ior 4:14—7:28 \ior*
\io1 Kakiristoosa haafura ammatokko karooraro laano \ior 8:1—9:22 \ior*
\io1 Kakiristoosa jaarssamanokokki jiinaan \ior 9:23—10:39 \ior*
\io1 Ammanokokki jiinaan \ior 11:1—12:29 \ior*
\io1 Waa geggelaayisano \ior 13:1-19 \ior*
\io1 Kac'ufano ebi \ior 13:20-21 \ior*
\io1 Gudisano \ior 13:22-25 \ior*
\c 1
\s1 Waa Erekkeessakokki garane ayeesano
\p
\v 1 Horkkooskko kayere Waa raa kamoogganinna goorata kamoogganii gara kahegeroolnne odojoolkkaanuun ayeesere; 
\v 2 gidda goɂameen kagachchoo geesii kameen dubba goggoɂeelloon kayelero erekkeessakokki garane noon ayeesera; alami dubba kakkomet't'eera usuuya. 
\v 3 Usu kabaja tawaa hank'k'ayise katusaroya; yadaliitteessana Waanne wota taɂekkaattotta, haafurakokki hunnaayi alami dubba isikkise abera, ibaaddo c'ubbokko k'ullooyise abbaabatere daruurii kaɂatii Waakotti merggee hamas's'ee.
\s1 Ere kawaa erggichchalkko karooraro laano
\p
\v 4 Usuun kabeera mege kaɂerggichcha megekko karooraro mankkollee maraan, ere kawaa erggichchakko aaloo karooraroya.
\q1
\v 5 Waa duuddo erggichchaal orroo,
\q1 «Ati erekkeetta, ani ku hittaari umulera»
\q2 goorttun
\q1 «Ani odo leerowa, usuna erekkee linnara»
\q2 kakkoonɂamere maayyona laagire.\x - \xo 1:5 \xo*\xt Mez. 2:7; 2 Sam. 7:14; 1 Od. 17:13.\xt*\x*
\q1
\v 6 Waa barkki erekkeessa alami tos kakkofarare goorata,
\q1 «Erggichcha kawaa dubba usuun hasagade» amera.\x - \xo 1:6 \xo*\xt Ada. 32:43.\xt*\x*
\q1
\v 7 Erggichchakokki gara,
\q1 «Erggichchaalnna ambbal aani,
\q2 ohandaaranna lac'a kaɂeleenee aani yelinnara» amara.\x - \xo 1:7 \xo*\xt Mez. 104:4.\xt*\x*
\m
\v 8 Erekkeessakokki gara ade;
\q1 «Hedo! Korffinjekka jiruu jiroommakko taa jiruujiroomma geeroon girnnara;
\q2 wononatikkaanna rummii bariisatta;
\q1
\v 9 Ati k'ullumma geelatta; meellaneenna diidatta;
\q2 Hikkakkotti aalanttii Waa Hedokka ku assaabate;
\q2 Saatilaalttaakko roorise geggeloo tasisatto zayitii kuun shigide» amara.\x - \xo 1:9 \xo*\xt Mez. 45:6-7.\xt*\x*
\m
\v 10 Usumaleenna,
\q2 Goottakkee! «Ati horaarjje ul met't'iite;
\q1 Daruurjjolnna genettaayi met't'iite;
\q1
\v 11 Iso dubba bayinnaraan;
\q1 Ati adde girnnatta;
\q2 Iso dubba sarssi aani doɂayinnaran.
\q1
\v 12 Gashe aaninna ati duubinnatta;
\q2 Isona sarssi kaddoɂan sarssi kaɂusubii goggoɂiggilssamaro malee iggilissaminaran.
\q1 Ati arggetto atitta,
\q2 Geeskkaawun gachcho laagitto» amara.\x - \xo 1:12 \xo*\xt Mez. 102:25-27.\xt*\x*
\m
\v 13 Waa erggichchaal orroo;
\q2 «Diinakkaa odonnatikkaa hegelii taa yellooyi
\q1 Merggetteeyi hamas's'ii» kakkoonɂamera maayyona laagiro.\x - \xo 1:13 \xo*\xt Mez. 110:1.\xt*\x*
\m
\v 14 Erggichchaal dubba Waa ammani kafayyinnaro ibaaddon handdayin ofaramaraan Waawun ohandaaran ayyaanalyyaan.
\c 2
\s1 Kaɂatii fayyinna
\p
\v 1 Haannuun kamaalnnenno ayeeskko fallaaddayinne goggoɂiinnoonkko kamaalnnenno ayesuun aaloo isiɂooratano dootisara. 
\v 2 Erggichchalkokki garane kasegaamera haafura rummi leera; hikka haafurakko kashirmarana hikka haafuraan kaɂajajaamon tadootisatto murroo atatara. 
\v 3 Hayya noo hikka kaɂatii fayyinnaan donnaa ollaanno golleene, misii hesiin daanddaanna? Hikka fayyinna noon kasisera Goottaa issiiyya; usukkona kamaalera ibaaddo hikkawa addeesisera. 
\v 4 Waa isoon ade malaataal, kasaadisiro ayees, kamooggan baasa felanoyiinna feɂitteessakki malee oddannabameraan Ayyaana K'ulluukki ilaboolkokki garane atotaanokkisoo ataayisera.
\s1 Yesuusa kafayyinna sooressa laano
\p
\v 5 Waa horenbbaan kaɂemeeyinnaron, hikka gidda noo kakkoɂayeesanno alami erggichcha odonnati goggobarisiroo lakkoyelero. 
\v 6 Usumaleenna k'ulluukki mas'aafajjool banɂe tooyi haa amara;
\q1 «Ati goggok'offitoon ibaaddo meya?
\q2 Ati usuun goggomararttoo ere kaɂibaaddo meya?
\q1
\v 7 Abaraan erggichchalkko yeraasse,
\q2 Kakkabajjaanna kasommaa kallachcha usu gutii kayite;
\q2 Genetta ofelttetto felo gutii shuumiite;\f + \fr 2:7 \fr*\ft Fureen toottooyi «genettaakonɂi felooyi shuumite» kaɂamaro lakkoɂadaraan. \ft*\f*
\q1
\v 8 Dubbana odonnatikkeessa hegelii kayite.»\x - \xo 2:8 \xo*\xt Mez. 8:4-6.\xt*\x*
\m Kameen dubba odonatikkeessakko hegelle kakkokkayite goorata, odonatikkeessakko hegelii ankkayinooni ati kahaassetta ayees koonna laagiro. Ayesuun goɂameen gidda goggogirooyi kameen dubba odonnatikkeessa hegelii kagiro ganaa lakkodeenenne. 
\v 9 Gidda ade erggichchalkko goorata kic'c'arun hussintte tagitte, tagoyi rakkoo atatanokotti aalanttii kakkabajjaanna kasommaa kallachcha kakkaatero Yesuusa dinnanna; usuna sino tawaayi no maraan goyera. 
\v 10 Kameen dubba usuuyina usuun kamet't'aamera Waa yiis kamooggan kabaja tos keeniin fayyinnakisookki sooressa kalleero Yesuusa rakkoo orromarise roorsanoyi duuddokki goggolleeroon hikki ayees kadootisaro mankkollee maraan Waa felera.
\p
\v 11 Ibaaddo Waawuun kak'ullooyisarana garakkeessane Yesuusaa ok'ullowaaraan odo kookki yiisyaan; hikkakkotti aalanttii usu iso, «Abbilaalttee» ami uumn lakkomullaaro. 
\v 12 Haannuun k'ulluukki mas'aafajjool
\q1 «Megekkaa abbilaaltteewun segiinnara,
\q2 gosa kawaa orroo hiɂitteeyi galatinnara» amara,\x - \xo 2:12 \xo*\xt Mez. 22:22.\xt*\x*
\m
\v 13 Usumaleenna, «Abdditteenna usuu gutii kayinnara» amara,
\m Adena, «Hikkima aninna Waa iin kasisera yiinssa hittanii ginna» amara.
\p
\v 14 Haanssun yiiskkeessa soonna iigi kaɂabo ibaaddo mankkoleeraan maraan Yesuusana iso aani ibaaddo lee, hikka kakkoonyelera goyikokki garane goyi gutii odonnati kaɂabo durrisa baasinya; 
\v 15 Usumaleenna goyi abssatanokkotti aalanttii ulii kakkogiraan gees dubbaayi diyyummaa iminameen ogireenun wodoo liinya. 
\v 16 Ogiraan Yesuusa kakkoonɂemetera erggichcha gargaarin anlleennon giraan taɂabraame sannii gargaarinya; 
\v 17 Haannuun kameen dubbaayi abbilaal aani laano mankkodootisaro maraan abbilaal aani lee; hikka kakkoonyelera c'ubbo kaɂibaaddo haheso amin amere Waawun handdayin kaɂabddamena kanenɂeeyisataro tuuk'aamolkokki woyichcha lee. 
\v 18 Usu issii c'aafamere rakkoo mankkoɂatatero maraan oc'c'aafamaraan gargaarin daanddaara.
\c 3
\s1 Yesuusa Musekko karooraro laano
\p
\v 1 Haannuun isinna addeen uumit tawaayi oɂuumanttettan k'ulluunɂi amaniil! Ammanokkaanun kafaramerona tuuk'aamolkokki woyichcha Yesuusa shaada. 
\v 2 Muse min kawaa dubbaan kaɂabddame goggolleerekki malee Yesuusana usu kashuumero Waawun kaɂabddameye. 
\v 3 Min kamadaarara minkko taroortte kabaja goggoɂabo malee Yesuusana Musekko taroortte taɂatii kabaja mankkodootisaro maraan kabajaame.\x - \xo 3:3 \xo*\xt To. 12:7.\xt*\x* 
\v 4 Ogiraan min dubba metemeteeyi kamadaararo ibaaddo aba; kameen dubba kafelera ade Waayya. 
\v 5 Horenbbaawun amamiin kadootisaro ayees dubbaan atotaa Muse min kawaa dubbaayi kahandaaro aani kaɂabddameye. 
\v 6 Kiristoosa ade min kawaayi kaɂabddame kakkolleera ere aani leegureyye. Minkkeessana nonna; minkkeessa kakkonliinanna kakkoɂabddatanno ayeesinna takkodhaadatanno abddi ataayisayi goɂabanneya.
\s1 Abddatanawaattikokki gara kasisamero seerisano
\p
\v 7 Haannuun Ayyaana K'ulluukki goggoɂamaroo,
\q1 «Hittaari Yaayetteessa gomaaltteen,\x - \xo 3:7 \xo*\xt Mez. 95:7-11.\xt*\x*
\q2
\v 8-9 K'alullattokki ulii odolaalkkisin in goggoc'aaferankki maleenna meellanee iin gutii goggokeerankki malee
\q2 isinna wodanattisin taɂajajaamon arooyelatteen;
\q1 Esee iso in c'aafeen; inne wota tamaaggaten;
\q2 Gees afarttamuun ani kafelerona deen» amara Waa.
\q1
\v 10 Haannuun ani hasse alattaanii amaraayegure,
\q2 «Wodanattiso arggetto shirmatta;
\q2 Raakkeenna lakkoɂaddeeseeran ame.»
\p
\v 11 Adena
\q1 « ‹Ani tasisinaro tafoolssi banɂettee tos lakkotabnaraan!› ame
\q2 Amaraantteeyi ani ammatera.»
\m
\v 12 Abbilaalttee! Isin orrokko maayyona arddokki Waakko tafakkisso tameellanna taɂammanoon wodana isinuun goggoginnonkko isiɂoorayeen. 
\v 13 Ayesuun goɂameen isinkko c'ubbooyi sobamire wodanatteessa taɂajajaamon goggoyelannonkko, «Hittaari» amame kaɂuumamara goorata giraan arggetto isiɂisiɂataayisayen. 
\v 14 Horaarjje kaɂabannenno ammanokkaani tagachchoo arri taa geennoon ataayisayi goɂabanne kiristoosane wota oɂeelinnanno linnanna.
\p
\v 15 Hikkina, «Hittaari yaayetteessa kakkomaalttaan goorata
\q2 abjjolaalkkisin meellane kakkokekkeeseren goorata goggoyeleraan malee wodanattisin taɂajajaamon arooyelatteen» amame goggos'aafamerooya.
\p
\v 16 Golleenna hanɂu yaayetteessa maaleen abbaabateren omeelileren ayyosyyeen? Iso la Muse horehaye k'ajeelisaa ul kagibs's'ikko obeereenyenna? 
\v 17 Gees afarttam dubba Waa amaraayisaa ogireen ayyosyyeen? Lahanɂu c'ubbo ofeleraanna iso goyereen reeskkiso k'alullattokki ul iyye okkoonheseroyenna? 
\v 18 Adena hanɂu ajajaamano odiideeren kuwaarre, «Isin tafoolssii banɂettee tos lakkotabnattaan» ame usu kakkoonɂammatera ayyosyyeen? 
\v 19 Goorttanun iso tabin kakkowaateraan ammananawaattikkotti aalanttii laano addeesanna.
\c 4
\p
\v 1 Haanssun Waa tasisinaro tafoolssi banɂe tos tabin no taɂatannenno abddi ganaa tat'aabbatetto mankkolleete maraan isinkko maayyona hitta tafoolssi banɂe tos takkotabro iddilii anhelannon goggohesoonkko no dubbana isiɂooranna. 
\v 2 Wongala isoon goggolallabaameroo noonna lallabaamera; ayesuun goɂameen isoon kalallabaamero haafura ammanooyi atatana mankkowaateen maraan isoon laɂo lakkosise. 
\v 3 Feloɂootteessa alami takkomet'amerokko haggaɂabere ogudateeraan golleenna, «Ani tasisaro tafoolssi banɂe tos lakkotabiraan ame amaraayere ammatera» goggoɂameroo giddanna noo kaɂammananna eserraa Waa noon tasisero tafoolssi banɂe tos tabnanna;\x - \xo 4:3 \xo*\xt Mez. 95:11.\xt*\x* 
\v 4 Tatodobi arrikotti gara mas'aafa k'ulluukkii banɂe tooyi, «Waa feloɂoottessakko tatodobi arrii foolssate» amame s'aafamera.\x - \xo 4:4 \xo*\xt Met'. 2:2.\xt*\x* 
\v 5 Usumaleenna hitta banɂee ade
\q1 «Ani isoon tasisinaro tafoolssi banɂe tos suure iso lakkotabnaraan» amara.\x - \xo 4:5 \xo*\xt Mez. 95:11.\xt*\x*
\m
\v 6 Hikka wongala horaarjje omaaleeraan ajajaamana waattikko kakkeeyi Waa tasisinaro tafoolssi banɂe tos lakkotabeeran; golleenna eserraa goggotabraawun feɂi kakkoonsisanttetta ibaaddo kookkoo girowa. 
\v 7 Hikkina t'aye goggoɂamameroo
\q1 «Hittaari yaayetteessa gomaaltteen,
\q2 Wodanattisinii taɂajajaamon arooyelatteen.»
\m Amaa Waa gees kamooggankko abbaabatere gara kadaawutene kaɂayeesero haafuraa arri «Hittaari» amami goggoɂuumanttoo addeesisera.\x - \xo 4:7 \xo*\xt Mez. 95:7-8.\xt*\x*
\p
\v 8 Iyyaasu gosaan foolssi isoon kasise lii girewa Waa adi, «Hittaari» amaa arri takkaleekokki gara lakkoɂayeesare.\x - \xo 4:8 \xo*\xt Ada. 31:7; Iya. 22:4.\xt*\x* 
\v 9 Goorttanun gosa kawaawun taɂayihuudi tafolssi arri aanittitti foolssi ganaa gitta. 
\v 10 Waa felokko goggofoolssateroo usumalee Waa tasisinaro foolssi tos katabara felokko foolssatara.\x - \xo 4:10 \xo*\xt Met'. 2:2.\xt*\x* 
\v 11 Haannuun hassu ibaaddo ajajaamana waattikko kakkeeyi goggoɂiyyeraankki malee maayyona debee seeyire goggoɂiinnoonkko tawaa tafoolssi banɂe tos tabin ataanna.
\p
\v 12 Haafura kawaa arddokkina kafelaroyya; mina lamane enenaan kaɂabo maamisikki shiifakkona roore kaɂenenaateyya, neefona ayyaana, mikitaalnna lefaal kalekalee taa beesiro kagoggoosaroya; wodanaa orroo tagitto k'ofana halchcha k'ok'k'ore kafirddaroya. 
\v 13 Hore tawaakko tagolattetta met't'a toonna laagitto; iltteessaa horee kameen dubba diidaa bee hawɂayi lee kamutaroya; noonna abbaab sisin kakkodaanddanna usu horeeya.
\s1 Yesuusa kaɂatii tuuk'aamolkokki woyichchaya
\p
\v 14 Goortta daruurjjol orromare elddee kabeero kaɂatii katuuk'aamol woyichcha mankkoɂabnno maraan hiɂittaanii kaɂatotiinnenno ammanokkaani ataayisayi abanna; katuuk'aamol woyichchana Ere kawaa Yesuusaya. 
\v 15 Noo kaɂabnna katuuk'aamol woyichcha haranokkaani nenɂeyisayin kadanddeenoon lakkoyo; Yesuusa c'ubbo lakkofelero kuwaarre kameen dubbaayi no aani c'aafamera. 
\v 16 Goortta noo shaaga helayiinna gargaarssa noon kakkodootise goorata sino goggohelannon sino kakkohelanno kawaa korffinjje horee abissi kallayi gabbalamiinna.
\c 5
\p
\v 1 Katuuk'aamol woyichcha dubba ibaaddo orrokko assaabamere Waanne wota taɂeselsatto haajaayi banɂe taɂibaaddoyi meebaanna jaarsso Waawun sisin shuumamaraan. 
\v 2 Hassu tuuk'aamo woyichchati metekkeessawun harano kaɂabo mankkolleero maraan koonna okasoonna oshiriɂamaraan nenɂeyisayi iso din daanddaara. 
\v 3 Usu metekkeessawun haranokokki aalanttii c'ubbokko haheso amamano kahelamissisaro jaarsso sisin kaddootisara gosa kaalaalun anlleennon giraan isiɂoottessanee adereya.\x - \xo 5:3 \xo*\xt Woy. 9:7.\xt*\x* 
\v 4 Aarooni aani Waayi kaɂuumamero ibaaddo gollee kuwaarre maayyona hitta kabaja issii metekkeessayi lakkohelataro.\x - \xo 5:4 \xo*\xt Biy. 28:1.\xt*\x*
\p
\v 5 Usumaleenna Kiristoosa katuuk'aamol woyichcha laanokotti kabaja issii metekkeessayi lakkoɂatatero; ayesuun goɂameen katuuk'aamol woyichcha laanokotti kabaja kakkohelatera,
\q1 «Ati erekkeetta;
\q2 Ani ku hittaari umulera» kaɂamero Waakkoya.\x - \xo 5:5 \xo*\xt Mez. 2:7.\xt*\x*
\p
\v 6 K'ulluukki mas'aafaa banɂe takkaleetii Waa;
\q1 «Kamelkes'edek'i tuuk'aamolkokki shuumata aani
\q2 Ati jiruu jiroomman woyichchatta» amara.\x - \xo 5:6 \xo*\xt Mez. 110:4.\xt*\x*
\p
\v 7 Yesuusa ibaaddo lee hikka ulii kakkogire goorata goyikko haasin kadaanddaaro Waa tos kaɂatii iyyaanoyinna tanjiin ilmmii ubaa ebi ebaate; isi yeraasatanoyinna kaɂajajaame mankkollee maraan Waa ebikkeessa maale.\x - \xo 5:7 \xo*\xt Mat. 26:36-46; Mar. 14:32-42; Luk'. 22:39-46.\xt*\x* 
\v 8 Usu maamisii ere kawaa golleenna taɂatatero rakkooyi ajajaamano agaalssate. 
\v 9 Duuddokki lee kakkomutare goorata usuun kaɂajajaamaro dubbaan jiruu jiroommakokki fayyinnaan isoon aalantti lee. 
\v 10 Usuna Waa kamelkes'edek'i shumata aani tuuk'aamolkokki woyichcha yele shuume.
\s1 Ammanokkisoo goggoɂiisonkko kasisamero seerisano
\p
\v 11 Hitta haajaakokki gara noo kaɂayeesinanna kamooggan ayees gira; ayesuun goɂameen bogi malabaa giraan wudettaamana mankkowaatte maraan isin agaalssisano t'ibara. 
\v 12 Gidda gin kakkogitteen goorataayi isin kaɂagaalssisaro lii giratteen; gidda goɂameen haafura kawaa kahoraarjjee agaalssis ibaaddo kakkalee isin kallami goggoɂagaalssisiroon dootisara; hitta aalanttii isinuun odootisaraan eenooyyan kuwaarre kaɂatii babo lakkoyo. 
\v 13 Eenoo olaal kat'amara dubba yiis mankkollee maraan k'ullummakokki gara ganaa lakkoɂagaalssatero.\x - \xo 5:13 \xo*\xt 1 K'or. 3:2.\xt*\x* 
\v 14 Kaɂatii babo kakkoondootisara ade kaɂidanna kameellanna kale beesi addeesin kaɂis's'aamaro kajiinjjiin ibaaddoyya.
\c 6
\p
\v 1 Goortta Kiristoosa maraan kasisamero kahoraarjjee agaalssis abbaab abbaab keesano iisigunne agaalssis dubamano; goyi tos ogeesaraan felo, c'ubbokko gula galanokkokkina Waa ammananokokki gara abbaabi abbaabi agaalssisaa kahoraarjjee ukum lakkot'aabbinsso. 
\v 2 Usumaleenna t'ink'ata, gene gutii kaano, goyikko kiyaano, kajiruu jiroomma firddakokki agaalssis adi lakkot'aabbinsso. 
\v 3 Waa noon feɂi gosise horenbbaan agaalssisii dubamano tos jiinayinanna.
\p
\v 4 Ammanokkisoo kakkaatero ibaaddo c'ubbokko gula galano tos abbaabin lakkodaanddaamaro. Hikka ibaaddon hittakko horenne ifa isoon hank'k'aye gire, kadaruure ilabona k'ammassereen; Ayyaana K'ulluukkikko k'ooba oɂatateeren, 
\v 5 Kaɂidankki haafura kawaanna emeeyin kagiro jiruu jiroommakki k'alaada kawaakokki hunna ok'ammassereen, 
\v 6 Hikka dubbakko abbaabayi ammanokkisoo gokakateen iso metekkisoowun ere kawaa abbaabeen mankkosuwaaran maraanna diidaa beesen mankkoyeraasanan maraan iso c'ubbokko gula galisin lakkodaanddaamaro.
\p
\v 7 Arggetto usuu gutii kaɂubataro idaamo kat'amara akaakiltte kaɂabbaratero ibaaddotin laɂo tasisatta erre Waakko uuso helaatta; 
\v 8 Eɂeenna k'iinc'c'ona goɂalisse adde laɂo kallayitti laatta; enee k'angaaminnatta; esekko eleenii gubaminnatta.\x - \xo 6:8 \xo*\xt Met'. 3:17-18.\xt*\x*
\p
\v 9 Ani ogeelaataro oottee! Noo isinuun hikka goɂayyeenssena suure fayyinnakkisinun kalleero kaɂidankki ayees gutii giranokkisin no abddatanna. 
\v 10 Waa taɂidan kafirddaaroya; haannuun feloɂoottisin t'ayena leere giddana megekkeessa maraan amaniil gargaarin isin tattusseettan geelanjje lakkoɂillooro. 
\v 11 Isin dubba abddii kaɂoorattan ayees taa gene geegissattaanii ataankisin taagachcho geetanii goggotussawun no halchchaanna. 
\v 12 No kakkoonhalchchaannana ammanoyinna obssii ataayigunne Waa abddii kasisero ayees kaɂeelnaro ibaaddo aani goggolleetanun kuwaarre laafanɂi goggolleetanun lakkoyo.
\s1 Abddi tawaa taɂabddantte laano
\p
\v 13 Waa Abraamen abddi kakkosisare goorata usu kakkoɂammatira usukko karoorara kakkalee maayyona mankkogginnon maraan haa amaa usu issii ammate. 
\v 14 «Ogiraan ani ku sommaasayinnara, sanniittaanna moggaasinnara ame Waa ayeese.»\x - \xo 6:14 \xo*\xt Met'. 22:16-17.\xt*\x* 
\v 15 Abraame obssee oorategure Waa abddii usuun katabero ayees helate. 
\v 16 Ibaaddo ammato gotabiro metekkeessakko karoore megeeyi ammatara; ayeeskkisoonna ammatooyi ataayisaa isoo t'eɂee tagitto dogamaa dubba baasaran. 
\v 17 Hikkamalee murtti tawaa taɂiggilsamoon laano aaloo addeesisin dootegure abddii eelin abddi ammatooyi isoon ataayisera. 
\v 18 Hikkamaleenna Waa oɂiggilssamoonna kat'araa kalleenoon ayees lama, hikkina abddina ammato noon sisera; hikka ayees lamakokki garane noo horee taggitto abddi ataayisayi abayin goggodanddeennon kakkoɂiskkanno helayiin usu tos oɂemeennenna noo kaɂatii goggoɂinna helannenna; 
\v 19 Hitti abddi girikkaaniwun kaɂaaɂinoon kaɂabddame markkafa badii taɂaalliisatto marc'c'o aantittitta; Yesuusaa taɂabnna abddi goggolokko rooritte k'ulluukki min tos tabatta.\x - \xo 6:19 \xo*\xt Woy. 16:2.\xt*\x* 
\v 20 Hikka k'ulluukki min tos Yesuusa kamelkes'edek'i tuuk'aamokokki shuumata aani jiruu jiroomman katuuk'aamol woyichcha lee no maraan t'aye tabe.
\c 7
\s1 Tuuk'aamoti Melkes'edek'i
\p
\v 1 Melkes'edek'i kasaalemi katamaakokki wonona dubbaankko t'ok'k'i kaɂame tuuk'aamo kawaaye; hikki Melkes'edek'ina, Abraame wonolaal awode abbaabataa giraan raadii eselere sommaasate. 
\v 2 Abraame kaɂabo dubbakko usuun hora sise; Melkes'edek'ikotti fureen tahoree, «Kak'ullummaa wono» kakkalee ade, «Tasaalem katamaakokki wono» haa amano «Kanogoddaa wono» amanoyya. 
\v 3 Melkes'edek'i kaɂaddeesame odona Aanna goorttun alattaankokki hidiid lakkoɂabo; geeskkeessawuun horaarjje, girikkeessawunna gachcho lakkoɂabo; hikki Melkes'edek'i ere kawaa aani masuussa ligure jiruu jiroomman tuuk'aamo lii girnnara.
\p
\v 4 Hikki ibaaddoti misikki kaɂatiiyo deyaa; aanii taɂisiraɂeelin odo kalleera Abraame boojee kaɂaaterokko hora beese usuun sise. 
\v 5 Aanɂi tuuk'aamolkonɂi feloo orroo okkameeraan tawoyyole sannii gosakona taɂabraame sanniikko hikkina abbilaalttisokko hora goggoɂaatirawun seeraayi ajajeera.\x - \xo 7:5 \xo*\xt To. 18:21.\xt*\x* 
\v 6 Hassu Melkes'edek'i tawoyyole sannii laana gowaatena ade Abraamekko hora aate; kaɂabddii haafura kakkonsisamere Abraame sommaasate. 
\v 7 Kic'c'arkki kanjiinkkikko somma kaɂatayinaro laano hedatano laagiro. 
\v 8 Mina toonne hora oɂaataraan ogoyinnaraanyan; mina takkaleenne ade hora kaɂaatara arddokki lii girnnara amame kakkoonɂatotaamera Melkes'edek'iya. 
\v 9-10 Goorttanu Melkes'edek'i Abraamene wota kakkoɂeselare goorata woyyuuti Aabbokkeessa Abraamekko ganaa haɂalannoon mankkogire maraan hora aatin kadootisara woyyuuti metekkeessawun Abraamekokki garane hora murera amanoyya.
\p
\v 11 Goorttanun gosaan seera kakkosisamera kawoyyu tuuk'aamo laanokki maleeya; hikka kawoyyul tuuk'aamo likkii laano kahelamaro leenna kaɂaarooni tuuk'aamo laanokokki shumata alleenon Melkes'edek'i tuuk'aamo laanokokki shumata aankkikki kaɂabo kakkalee tuuk'aamo emeetano kadootisoon lii girare. 
\v 12 Felo otuk'aamool goɂiggilssamiraan seerana wota iggilissamano dootisara. 
\v 13 Hikki dubba kakkoonsegaamera tuuk'aamoti aanii takkaleekkoyya. Hitta aaniikko maayyona huu kafala tos gabbalame kahandaayera laagiro. 
\v 14 Goottakkaani tayihuuda aaniikko laano kaɂaddeesameya; golleenna Muse tuuk'aamolkokki gara ayeesaa giraan tayihuuda aaniikkokki gara kaɂayeesera ayees koonna laagiro.
\s1 Kiristoosa Melkes'edek'i aani tuuk'aamo laano
\p
\v 15 Hikki ayees aaloo muti kakkoɂaddeesaminnara Melkes'edek'i aankkikki kakkalee tuuk'aamo kakkokkee gooratayya; 
\v 16 Kiristoosa tuuk'aamo laanokokki shumata kakkoɂatatera girikkeessa meessa kallayikki mankkollee maraanya kuwaarre sannii taɂibaaddokko kaɂemeetero wogaanna seeraayi lakkoyo. 
\v 17 «Ati kamelkes'edek'i tuuk'aamo laanokkokki shumata aani jiruu jiroomman tuuk'aamotta» amame k'ulluukki mas'aafaal atotaamera.\x - \xo 7:17 \xo*\xt Mez. 110:4.\xt*\x* 
\v 18 Usumaleenna kat'awoo ajaja laafana laɂo kallayikki mankkollee maraan hesera; 
\v 19 Seera kamuseeyi koonna likkiikki liin lakkodaanddee; gidda goɂameen noo Waa tos takkogabbalaminna takkaleekko taroortte abddi noon sisanttetta.
\p
\v 20-21 Hittakko horene tuuk'aamo olleeren ammato kallayi tuuk'aamo leeraan;
\q1 «Waa ade Yesuusane ati kamelkes'edek'i shumata
\q2 ‹Ati jiruu jiroomman tuuk'aamotta,› ame ammate; lakkogaabbiro; amame usuun osegaameraan ammatone wota tuuk'aamo leera;»\x - \xo 7:20-21 \xo*\xt Mez. 110:4.\xt*\x*
\m
\v 22 Hinɂa ammatokotti aalanttii Yesuusa oɂidan ohaafura ammatowun noon waabii leera.
\p
\v 23 Tuuk'aamol mankkogowaaro maraan tuuk'aamo koo haɂiggilssamooni feloo gutii jiruu jiroomman girin mankkodanddeenon maraan ohoree tuuk'aamolkonɂi tootoɂoottiso onjiiyyen; 
\v 24 Yesuusa ade jiruu jiroomman kagiraro mankkollee maraan tuuk'aamo laanokkeessa kaɂiggilssamoonyya. 
\v 25 Haannuun oottessa olleeraawun kakkalee maraan horehayi ayeesano jiruu jiroommaan arddokki lee mankkogiraro maraan garakkeessane Waa tos kaɂemeetaro ibaaddo dubba duuddo fayyiisin daanddaara. 
\v 26 Hikka aankkikki k'ulluu, kattuffamoon, kamuc'c'ime, c'ubbaalessalkko woyyuu kallee, daruurkko t'ok'k'i kaɂame katuuk'aamol woyichcha noon dootisara. 
\v 27 Usu kakkalee katuuk'aamol woyichchaal aani horaarjje c'ubbokkeessa maraan, abbaabayi c'ubbo kagosa maraan arggetto jaarsso sisin lakkodootisaro; isiɂoottessa jaarsso yelate kakkosisatere goorata hikki ayees kallami takkoɂadamooti yele gudisera.\x - \xo 7:27 \xo*\xt Woy. 9:7.\xt*\x* 
\v 28 Seera katuuk'aamol woyichcha yele kashuumaara tuffamano kaɂabo ibaaddoyya; seerakko abbaabatere kaɂemeetara kaɂammatoo haafura ade jiruu jiroommaan tuffi kallayikki kalleero ere kawaa shuumera.
\c 8
\s1 Yesuusa ammato oɂusubkokki katuuk'aamol woyichcha laano
\p
\v 1 Goortta no kaɂayeesinanno ayeeskko kahoree ayees hikkaya; daruurii kaɂatii kawaakkokki korffinjjeeyi mina tamerggee kahamas'eero hikka aankkikki katuuk'aamol woyichcha no abnna.\x - \xo 8:1 \xo*\xt Mez. 110:1.\xt*\x* 
\v 2 Usu kakkohanddaara tarummi dunkkaanii talleetetto k'ulluukki min kawaayiyya; hikka minkokki madaaramano gene taɂibaaddoyi alleenon giraan Goottayiyya. 
\v 3 Metemeteeyi tuuk'aamolkokki woyichcha kakkoshuumamara mebaanna jaarsso Waawun sisiinya; haannuun hikki tuuk'aamo kasisinara kooko koo girin dootisara. 
\v 4 Seerakokki malee meebaa kasisara tuuk'aamol mankkogiro maraan usu ulii kagiro lii girewa tuuk'aamo lii lakkogirare; 
\v 5 Hikki tuuk'aamol takkohanddaraan dunkkaanii daruurii tagittowun masuussana hoos taalaaltta; hikkina kakkonlleera Waa Musene ati min kakkomadaaratto goorata, «Wodamii gutii ani kuun goggotuserokki malee kameen dubba isiɂoora feli» ame goggoɂajajeerokki maleeya. 
\v 6 Gidda ade Yesuusa Waayinna ibaaddonna t'eɂe tabe hiɂi too kayelero kaɂammatoo haafura oddoɂan ammatokko taroorttettona taɂidantti abddi gutii kat'aabbatero mankkolleero maraan usumaleenna usuun osisameeraan felo dubbaankko orooraraanyyan.
\p
\v 7 Ohoree ammato ohaafura otuffamoon lii gireenwa kallami kaɂammatoo haafura lakkodootisare. 
\v 8 Waa gosa gutii otuffamiraan felo girano tusin amere haa amara,
\q1 «Ani kaɂisiraɂeel gosanenna kayihuuda gosane wota
\q2 Ammato oɂusubkokki haafura kakkotabinnara goorata emeeyinnara amara Goottaa.»
\q1
\v 9 Hinɂi ammato ani iso kagibs's'i ulkko genettisoo abere kakkobeesare goorata odojjolaalkkisoone wota otabere ammato aanɂinɂi lakkoyyan; isona hinɂa ammato ohaafurayi ataatana mankkowaateen maraan aninna isokko bagagole, amara Goottaa.
\q1
\v 10 «Goortta ani hittakko abbaabayire kaɂisraɂeel gosane wota
\q2 ani otabinnara ohaafura ammato hinɂayaan amara Goottaa;
\q1 Ani seerakkee sammuutisini kayinnara;
\q2 Wodanattisooyinna s'aafinara;
\q1 Waakkisoonna linnara,
\q2 Isona gosakkee linnaraan ame.
\q1
\v 11 ‹Goottaa addeesi› ami ollaatteessanna leere
\q2 Abbikkeessa maayyona kaɂagaalssisiro lakkodootisaro.
\q1 Kic'c'arkko haggaɂabere taa ibaaddo kajiinjjiin geeroo dubbana
\q2 In addeesirowa;
\q1
\v 12 Baaskkisoonna haheso aminara;
\q2 C'ubbokkisoonna hittakko horenbbaan lakkoshaadinaro.»\x - \xo 8:12 \xo*\xt Erm. 31:31-34.\xt*\x*
\p
\v 13 Goorttanun «Usubnɂi ammato ohaafura» goɂamiro ohaafura ammato ohoree laɂo osisoon yelera amanoya; haannuun felaa kagirena kaddoɂan kooko dubba kakkobayinnara goorata gabbalamera.
\c 9
\s1 Kaɂulee k'ulluukki min kaɂebikokki handdaano
\p
\v 1 Ohoree ammato ohaafura Waa hedoyisatanokokki seeranna kaɂulee k'ulluukki min kawaa abanaaye; 
\v 2 Kifilii lama kaɂaba min gire. Bollanssona t'arap'eezaa, Waawun kasisamara babo takkogire tahoraarjjee kifilii «K'ullittii» amamatte. 
\v 3 Kallami goggolokko orrohayite tagitta taɂorroo kifilii «aaloo k'ullichchaatti»\f + \fr 9:3 \fr*\ft Aaloo k'ulluutti banɂe taɂamamatta, k'ulluukki min kawaayi orroo taseedi kifiliitta. Biy. 26:31-36. \ft*\f* amamatte. 
\v 4 Hitta kifilii orroo work'k'iikko kafelamero it'aana kakkoɂiyyoosaraan ese banɂe gire; work'k'ii kakkosarssisamera ammato ohaafurakokki saat'ine esee orroo gire; hikka ammato ohaafurakokki saat'ine orroo manna takkogire tawork'k'ii uulla, hursse taggitte taɂarooni dama, ajaja tomonno kakkos'aafamere t'alp'aakki eɂemo gire.\x - \xo 9:4 \xo*\xt Biy. 30:1-6; 25:10-16; 16:33; To. 17:8-10; Biy. 25:16; Ada. 10:3-5.\xt*\x* 
\v 5 Haafura kaɂammatokokki kataabota saat'ine gutii kagiro c'ubbo haheso kakkoɂamamaro nuub baalalloɂoottisoyi goliseen oɂabaraan okabajaameen Kirubeeli oɂamamaraan met't'ajjolyen; ayesuun goɂameen hikka ayees dubbakokki gara gidda balɂaasi ayeesin lakkodaanddaanno.\x - \xo 9:5 \xo*\xt Biy. 25:18-22.\xt*\x*
\p
\v 6 Kameen dubba hikkamalee kakkoɂekkaaro goorata tuuk'aamol Waawun handdayin arggetto minkko tahoraarjjee kifilii tos tabaraan.\x - \xo 9:6 \xo*\xt To. 18:2-8.\xt*\x* 
\v 7 Tallami taɂorroo kifilii tos katabara ade tuuk'aamolkokki woyichcha kaalaalya; katabarana geeskko arri too taalaalya; usuna c'ubbokkeessawunna gosa haɂaddeeson kafelero c'ubboon kasisamaro iigi haɂabooni lakkotabaro.\x - \xo 9:7 \xo*\xt Woy. 16:2-34.\xt*\x* 
\v 8 Dunkkaanii tahoree kakkogitto gitakki k'ulluu aaloo k'ulluutti taɂamamatto tos katabsara raa ganaa hamutoon kagiro laano Ayyaana K'ulluukki hikkamalee tusara. 
\v 9 Hikkina hikka gooratawun masuussaya; hikkamalee kasisamara meebaanna jaarsso kasisaro ibaaddotikotti sammuuyi kamaalssamaro baaskko suure k'ulloyisin lakkodaanddaaro. 
\v 10 Hikki kamooggan ayees kakkoɂusubaayinnara goorata taa emeeroo felooyi gutii kagira kasaree kamutaro wogaalya; isona aamanona t'amanokokki garana kalekaleekki kamuc'c'isaro wogakokki gara kaalaalun kafelameroya.
\s1 Kakiristoosa iigi
\p
\v 11 Ayesuun goɂameen Kiristoosa emeetaa kagiro kaɂidan ayesuun katuuk'aamol woyichcha lee mutera; usu takkotabera dunkkaanii tajjinttina duuddottitta; hitti dunkkaanii gene taɂibaaddoyi tafelamoon gittona hikka alamikotti met't'a lakkotto.\f + \fr 9:11 \fr*\ft Emeetaa ogiraan gutii kaɂamaro kookkoo mas'aafajjol, «gidda ogiraawun» amara. \ft*\f* 
\v 12 Usu aaloo k'ulluutti taɂamamatto banɂe tos kooyikkii kallami takkoɂadamooyi iigikkeessa abere tabera kuwaarre kaɂoreenenna kakkorjjoolee iigi abe lakkotabero; hikkamalee jiruu jiroomman noon wodoo lee. 
\v 13 Kaɂoreenenna kakkorjjoolee iigi jaarssoon tagubanttetto dabbaalokkokki buluulo kabbattoyero ibaaddo gutii goɂarac'c'iraan battinnati kasooyekko muc'c'imeen ok'ullowaaraan gollee,\x - \xo 9:13 \xo*\xt Woy. 15:16; To. 19:9,17-19.\xt*\x* 
\v 14 Jiruu jiroommakki ayyaanakkokki garane isiɂoottessa mulla kallayikki jaarsso yelate Waawuun kasisatera kakiristoosa iigi arddokki Waawuun noo goggohanddayinnoon sammuttaani goyi tos ogeesaraan felokko aaloo no muc'c'isin lakkodaanddaaroya?
\p
\v 15 Oɂuumameeran hanɂu Waa tasisero abddi jiruu jiroomman rittii goggoɂatanaawun Kiristoosa ammato oɂusubkokki iigii no hiɂi too kayello lee; hikkina kakkonleera usu horaarjje ammato ohaafurakko hegelle leere ibaaddo hidiidikko keesi c'ubbokko fayyiisin mankkogoye maraanya.
\p
\v 16 Bazza gogire kabbazzaaterokokki goyi addeesano dootisara; 
\v 17 Kabbazza ayees feloo kakkohaara kabbazzaatera kakkogoye goorataya; kabbazzaatera neefone giraan kabbazza ayees laɂo lakkoɂabo. 
\v 18 Hikkakkotti aalanttii ohoraarjjee ammato ohaafura suure iigi kallayi oɂataateeraan lakkoyyan. 
\v 19 Horaarjje Muse kaseera ajaja dubba gosa dubbaan segee; hikkakko abbaabatere iigi kaɂoreenenna kakkorjjoolee bekene wota ledere kaseera mas'aafanna gosa dubba hisoop'i oɂamamaraan baalalloyinna ogorro oɂidaadikko kafelamero kirrii arac'c'ee; 
\v 20 Kakkonɂarac'c'erana, «Waa isinuun kaɂajajeera ammato ohaafurakokki iigi hikkaya» amereyya.\x - \xo 9:20 \xo*\xt Biy. 24:6-8.\xt*\x* 
\v 21 Usumaleenna dunkkaanii orroonna kakkofelataraan huu dubbaa gutii iigi arac'c'ee.\x - \xo 9:21 \xo*\xt Woy. 8:15.\xt*\x* 
\v 22 Ogiraan seera kamuse malee ayees kic'c'ar kuwaarre kameen dubba iigi muc'c'imara; iigi goɂubannon c'ubbo haheso amamano lakkohelamaro.\x - \xo 9:22 \xo*\xt Woy. 17:11.\xt*\x*
\p
\v 23 Goorttanun hikki kadaruuree ayees masuussa kakkoonlleera hikka aankkikki wogaa muc'c'imano dootisare; daruurkko kalleera ayees ade hikkakko karoore jaarssoyi muc'c'imano dootisara. 
\v 24 Kiristoosa karrummii k'ulluukki min kawaawun masuussa talleetettona gene taɂibaaddoyi tafelanttetto aaloo k'ulluutti banɂe tos lakkotabero; gidda usu no maraan Waayi horee mutin daruur tos bee tabe. 
\v 25 Kaɂayihuudi tuuk'aamolkokki woyichcha kakkeessa kalleenon iigi abere gees geesii aaloo k'ulluutti banɂe tos tabe gire; Kiristoosa ade isiɂoottessa jaarsso yelayi sisayin goorata kamooggan lakkotabero. 
\v 26 Haa kalleero lii girewa alami takkomet'amerokko haggaɂabire goorata kamooggan rakkoo atayin kadootisaro lii girare; gidda goɂameen geesjjolkotti gachooyi c'ubbo nookko baasin isiɂoottessa jaarsso yelate kookki kallami takkoɂadamooyi mutera. 
\v 27 Ibaaddon goyi kooyya; goyikko abbaabaterena firdda gira. 
\v 28 Usumaleenna Kiristoosa kamooggankokki c'ubbo baasin goyi koo goyera; adena c'ubbo sidayin alleenon giraan usu oɂoorataran fayyiisin kallami adi emeeyinara.
\c 10
\s1 Jaarsso laano kakiristoosa kallami takkoɂadaamooti
\p
\v 1 Seera kamuse horenbbaan kaɂemeeyinaro kaɂidan ayesuun masuussa goorttun hoosiya kuwaarre tarummi middi lakkoɂabanaaye; haannuun gees geesii arggetto kasisamaro jaarssojjool abateeren Waa tos kaɂemeetaro ibbaaddo duuddokki yelin suure lakkodaanddaaro. 
\v 2 Seera kamuse iso duuddonɂi yelin kadanddeero leewa Waa hedoyisayin kaɂemeetaro ibaaddo kallami takkoɂadamooni c'ubbokko mankkomuc'c'imerawunna c'ubbo kallayinɂi aani sammuuttisooyi baas mankkomaalassamaro maraan jaarsso sisano iisi giraneen. 
\v 3 Hassu jaarssojjool ade gees geesii iso c'ubbo kashaadisaroyya. 
\v 4 Aalanttina kakkorjolnna kaɂoreen iigi c'ubbo baasin lakkodaanddaaro.
\q1
\v 5 Haannuun Kiristoosa alami tos takkoɂemeteree haa ame;
\q1 «Jaarssona meebaa ati inkko lakkodoottetto;
\q2 maarkkaa goɂameen iin ekkaassetta;
\q1
\v 6 Kagubataro jaarssona
\q1 Kac'ubbo haheso amanokokkiin kaɂenɂaamaro jaarssoyi
\q2 ati lakkogeggelaattetto;
\q1
\v 7 Hassu goorata ani
\q1 ‹Hedokkee! Mas'aafa k'ulluukki garakkee goggos'aafameroo
\q2 Feɂittaa gudisin ani emeeyera› » ame.\x - \xo 10:7 \xo*\xt Mez. 40:6-8.\xt*\x*
\m
\v 8 Hanɂu seera kaɂajajaaro goleenna, «Jaarssona meebaa, kagubataro jaarssona c'ubbokko haheso amamano kaɂenɂaamaro jaarsso ati inkko lakkodoottetto; isoonna adde ati lakkogeggelaattetto» ame; 
\v 9 Debeenna, «Hikkima, ani feɂittaa felin emeeyera» ame; hikkamaleenna kallamikki jaarssokotti banɂee t'aabbisin kahoree jaarsso iggilisera. 
\v 10 Hikkaniinna «Feɂii» kaɂamaro haafurakokki malee Yesuusa Kiristoosa sooyi kookkii kallami takkoɂadamooti jaarsso lee isi sisatanokotti aalanttii noo k'ulloyinnenna.
\p
\v 11 Tuuk'aamo metemeteeyi c'ubbo baasin kadanddeenoon aanɂi jaarssojjool arggetto sisaa arri arri aallee handdaaraan.\x - \xo 10:11 \xo*\xt Biy. 29:38.\xt*\x* 
\v 12 Kiristoosa ade arggetto kalleero jaarsso koo sise abbaabatere Waa odokotti merggeeyi hamas's'eera. 
\v 13 Hittakko horenbbaan diinakkeessa odonnatikkeessaa hegelii taa barinaanii oorara; 
\v 14 Hikkina kakkonlleera hanɂu ok'ulloyeraan jaarsso kookokki garane jiruu jiroomman duuddonɂi mankkoyelero maraanya.
\p
\v 15 Ayyaana K'ulluukki ade hikka ayees noon atotaara; horaarjje,
\q1
\v 16 «Hanɂu arrijjoolkko abbaabayire
\q1 Isone wota ani otabinnara ammato ohaafura hinɂayaan amara Goottaa;
\q1 Seerakkee wodanattisooyi kayinnara;
\q2 Sammuuttisooyinna s'aafinara.»
\q1
\v 17 Adena «C'ubbokkisoonna omeellan feloɂoottisoo
\q2 Hittakko horenbbaan ani lakkoshaadinaro» amara.\x - \xo 10:17 \xo*\xt Erm. 31:34.\xt*\x*
\p
\v 18 Haannuun c'ubbo dubba haheso kakkoɂamame goorata c'ubbo haheso amanokokki garaan kasisamara jaarsso hittakko horenbbaan laagiro.
\s1 Waa tos gabbalamano kadootisaro laano
\p
\v 19 Goorttanu abbilaalttee! Iigi kayesuusakokki garane aaloo k'ulluutti banɂe tos tabin kakkodaanddenno kaɂabddisiro helannenna. 
\v 20 Noo kakkotabnanna goggolokeessayiya; haa amanona sooɂootteessakokki garane noon kabanero kaɂusubkkiinna arddokki kalleero raadiiya. 
\v 21 Daruurii kagiro min kawaayi gutii odonnati kaɂabo kanjiinkki tuuk'aamo abnna. 
\v 22 Haannuun sammuu orroo kamaalssamaro baas kameellankko goggomuc'c'iminnon wodanattaani muc'c'isayinne, maarkkaani beke omuc'c'imeenii aaligunne, tukkultti wodananna karrummii ammano abayigunne Waa tos gabbalamnno.\x - \xo 10:22 \xo*\xt Woy. 8:30; Hiz. 36:25.\xt*\x* 
\v 23 Kaɂabddii haafura noon kasisera kaɂabddame mankkollee maraan gidda ammaninne kaɂatotiinnanno abddii haggattola anlleennonii ataayisayi abanna. 
\v 24 Geelanjjeeyinna felo oɂidanii ataayigunne goggogirnnon koo kakkalee haɂatayiso; 
\v 25 Arggetto raattoo iinsse eselaa isiɂisiɂorroo isiɂisi ataayisanna kuwaarre kookkoo kukkuɂamano goggoɂiseraan malee noo adi kukkuɂamanokkaani lakkoɂiinsso; haa laanakko Goottaa kakkoɂemeeyinnara arri gabbalamano shaadaa hikka ayees aaloo fela.
\p
\v 26 Rummi addeensse giraan abbaabayinne bogi malabaa giraan c'ubbo gofelnne hittakko horenbbaan c'ubbo maraan kasisamara jaarsso koonna laagiro. 
\v 27 Goortta no kaɂootara ade horenbbaan kalliinnara kaɂabssisaro firddana, kaneebaatara tagubatto taɂabssisso eleentta.\x - \xo 10:27 \xo*\xt Isa. 26:11.\xt*\x* 
\v 28 Seera kamuse kabbaase gutii ibaaddo lama goorttun seeddo goɂatotee shaaga kallayi goyin murttessaamara.\x - \xo 10:28 \xo*\xt Ada. 17:6; 1:15.\xt*\x* 
\v 29 Hayya, ere kawaa kattuffate, kakkok'ullooyero kaɂammatoo haafurakokki iigi kafaanchchoyisarana, kasinoo Ayyaana kahabaarara, misitti hittakko taroortte murroo atayin kadootisaro aani laara!\x - \xo 10:29 \xo*\xt Biy. 24:8.\xt*\x* 
\v 30 «Halo biyaano kakkeeyya; ani tadootisatto muraa murinnara» kaɂamera maayyoyo no kanssowa; usumaleenna, «Waa gosakkeessa gutii firddinnara» amara Goottaa.\x - \xo 10:30 \xo*\xt Ada. 32:35-36.\xt*\x* 
\v 31 Haannuun arddokki Waakotti genee iyaano aaloo kaɂabssisaroya.
\p
\v 32 Ifa isinuun kakkohank'k'aare goorata rakkoo tammooggan atatteenddeen takkoɂobssitetten hasse tat'awoo arri shaada. 
\v 33 Arri toottoo ibaaddo horee habaaranttettan; abboosanttettaan; toottoo goɂanttaan isin hikka aankkikki abboosa kakkogeero ibaaddone wota saatilaal mankkoleetettaan maraan rakkoo atatteettan. 
\v 34 Isin taɂidanttina tagudannoon durumma daruurii girano mankkokkassaan maraan oshaameeraawun kooko sisa; urrawoɂoottisinna isinkko kakkoɂatamereen goorata obssiiteddeen geggelooyi atatteen. 
\v 35 Goortta, kaɂatii barɂaara kakkohelayinattaan kakkoɂabddaattan arooshafatteen. 
\v 36 Feɂi tawaa gudisaddeen Waa isinuun sisin kaɂammatoo haafuraayi katabero kooko atayin obssii ooratano dootisara. 
\v 37 Aalanttina haa amame s'aafamera,;
\q1 «Emeeyin kagira usu goorata kic'c'arkko abbaabayire emeeyinnara;
\q2 lakkoɂadallaayinaro;
\q1
\v 38 Kakkee kalleera k'ulluukki ibaaddoti ade ammanooyi giri helayinnara;
\q2 Haar goggale ani usuu
\q2 lakkogeggelaayinaro.»\x - \xo 10:38 \xo*\xt Inb. 2:3-4.\xt*\x*
\p
\v 39 Noo goɂameen ammanere kafayyaarone wota unanna kuwaarre haar galegure kabaaro ibaaddokotti una lakkonno.
\c 11
\s1 Ammanokokki gara
\p
\v 1 Ammano amano abddii kaɂooramaro kooko, «Ii rumminaa leerowa» ami atatanoyya; ilɂoo kamutoon kooko kamutaro aani yeli atatanoya. 
\v 2 Waa kahorkkoo ibaaddoon kakkoɂatoteera ammanokokki aalanttiiya.
\p
\v 3 Alami haafura kawaayi met't'aamano kakkoɂaddeesanna ammanooya. Haannuun kamutara kooko dubba kamutoonkko kafelamero laano kanssowa.\x - \xo 11:3 \xo*\xt Met'. 1:1; Mez. 33:9; Yan. 1:3.\xt*\x*
\p
\v 4 Aabeela kak'aayeeli jaarssokko karoore jaarsso Waawun kasisera ammanoyya; Waa kaɂabeeli jaarsso geggelooyi kakkoɂatatare goorata Aabeela ammanokkeessa k'ulluukki laano atotaame. Aabeela goggoyena ammanokkeessakokki garane giddana ayeesamara.\x - \xo 11:4 \xo*\xt Met'. 4:10.\xt*\x*
\p
\v 5 Heenokka goyi usu goggogeenonkko daruur tos kakkoɂatamera ammanoyiyya; Waa mankkoɂatatero maraan lakkomute; atamanokko t'aye ade Waa geggelaayisanokkeessa atotaamera.\x - \xo 11:5 \xo*\xt Met'. 5:24.\xt*\x* 
\v 6 Ammano kallayi Waa geggelaayisin lakkodaanddaamaro; Waa tos kagabbalamara ibaaddo Waa giranona usu odootatarawun ilabo kasisaro laano ammanatano dootisara.
\p
\v 7 Nohe ganaa ilɂoo kamutoon ayesuun Waa kakkoserisere goorata Nohe Waa abssataa kaminee ibaaddokkeessa haasayiin markkafa kakkofelera ammanoyye; Nohena ammanooyi alami dubba c'ubbaaleessa laano tuse; Nohena ammananooyi tahelamatto k'ullumma eele.\x - \xo 11:7 \xo*\xt Met'. 6:22.\xt*\x*
\p
\v 8 Abraame bigure rittii yelayi taɂatayinaro banɂe goggoseeron kakkoɂuumamere goorata eetirraa seeyinnaro koonna suure goɂaddeesiwaatena seeyin kakkoɂajajaamera ammanoyya.\x - \xo 11:8 \xo*\xt Met'. 12:5.\xt*\x* 
\v 9 Usune wota kaɂabddii haafura oɂeelleeraan Yissaak'anena Yayik'oobane wota kaɂabddii ul martti lee dunkkaanii kakkohamas's'eere ammanoyiyye. 
\v 10 Hikkana usu kakkoyelera kat'aabbame ukum taɂabtto, Waa taɂekkaaserona tamadaarero katamaa oorataa mankkogire maraanya.
\p
\v 11 Saarana eseen abddi kasisera Waa kaɂabddame laano mankkoɂaddeessette maraan jaarɂomanokko kakkeeyi suure umulin tadanddeennon golleetena fato kakkotootaatto hunna kakkohelattetta ammanooya.\x - \xo 11:11 \xo*\xt Met'. 18:14; 21:2.\xt*\x* 
\v 12 Haannuun kagoyero ibaaddo aani katootamere Abraame kookkoo kadaruuree barraajja aani kamooggaaterena talabu giridee c'eekale aani tatootaamon sannii helantte.\x - \xo 11:12 \xo*\xt Met'. 15:5; 22:17; 32:12.\xt*\x*
\p
\v 13 Hinɂi dubba ammanooyi goggogireeni goyeen; Waa isoon sisin ammato katabere ayees lakkoɂatateen; ayesuun goɂameen ebbaa deengureen kaɂatateeraan aani yelateen geggelooyi atateen. Ulii gutii marttina usu ulkki ibaaddo laanawaattikkisoo malabateen.\x - \xo 11:13 \xo*\xt Met'. 33:4; 1 Od. 29:15; Mez. 39:12.\xt*\x* 
\v 14 Hikkamalee kaɂayeesara ibbaaddo kakkisoo kalleero ul kaɂooratanan laano addeesise tusara. 
\v 15 Hassu iso iiseen kabbeeraan ul kashaaderan leenna eserraa abbaabayin daanddaarenwa. 
\v 16 Gidda goɂameen hikkakko karoore daruurii kagiro ul halchcharaan; haannuun Waa isoon katamaa mankkoɂekkaasero maraan, «Hedookkiso» amami uumamin isoo lakkomullaaro.
\p
\v 17 Abraame kakkoc'aafaamere goorata Yissaak'a jaarsso yele Waawun kakkosisera ammanoyya; Hassu kaɂabddii haafura kaɂatatera Abraame erekkeessa koo jaarsso yelinye.\x - \xo 11:17 \xo*\xt Met'. 22:14.\xt*\x* 
\v 18 Hayya Waa, «Sanniitta Yissaak'ayi uumaminatta» ame usuun segeere.\x - \xo 11:18 \xo*\xt Met'. 21:12.\xt*\x*
\p
\v 19 Waa goyikko keesin kadaanddaaro laano Abraame ammananooyi goyikko kakkeero aani Yissaak'a kallami helate. 
\v 20 Yissaak'a horenbbaan kalliinnaro ayees hedegure Yayik'oobana Eesawu kakkosommaasatera ammanoyya.\x - \xo 11:20 \xo*\xt Met'. 27:29,40.\xt*\x*
\p
\v 21 Yayik'ooba kakkogoyinnara goorata kakkogabbalamare goorata kayoosefi yiis metemeteeyi iso kakkosommaasaterana damakkotti brt't'ee iskkatere kakkosagadere ammanoyya.\x - \xo 11:21 \xo*\xt Met'. 47:31—48:20.\xt*\x*
\p
\v 22 Yoosefa kakkogoyinnara goorata gabbalamaa kakkoɂemeetare goorata kaɂisiraɂeel ibaaddo Gibs's'ikko goggobinaraan usu kaɂayeesere iso lefaal misi yelin dootisaraan ajaja kakkosisera ammanoyiyya.\x - \xo 11:22 \xo*\xt Met'. 50:5; Biy. 13:1.\xt*\x*
\p
\v 23 Muse oɂumuleeraan Muse kakkoɂalatare goorata middi kaɂidan laano mankkoɂaddeeseren maraan ajaja kawono haɂabssannooni diginni seed kakkosiyamiseeren ammanoyya.\x - \xo 11:23 \xo*\xt Biy. 2:2; 1:22.\xt*\x*
\p
\v 24 Musena kakkojiinatare goorata, «Ere taferiɂoonikokki ere» amami uumamin feɂi sisana kakkowaatera ammanooya.\x - \xo 11:24 \xo*\xt Biy. 2:2.\xt*\x* 
\v 25 Haannuun usu c'ubbooyi ohelamaraan ogiddanee geggelokko suure gosa kawaanne wota rakkoo atayin dootate. 
\v 26 Usu horenbbaan taɂatayinaro muraa mankkodeero maraan urrawo ogibs's'ikko suure Kiristoosa maraan yeraatano karooraro laano aaloo k'oppee.
\p
\v 27 Usuna engge tawono haɂabssannooni Gibs's'ikko kakkobeera ammanoyya; ilɂoo kamutoon Hedona kaddeero aani lee halchchakkeessayi t'aabbate.\x - \xo 11:27 \xo*\xt Biy. 2:15.\xt*\x* 
\v 28 Yiis barkki lagadin kaɂajajaamere erggichcha kaɂisraɂeel yiis barkki goggogoononkko amaa Muse kafaasikkaa baalana iigi arac'c'aamanokkokki woga kakkofelera ammanoyya.\x - \xo 11:28 \xo*\xt Biy. 12:30.\xt*\x*
\p
\v 29 Kaɂisiraɂeel ibaaddo ul kaɂangagee kasesseeteran aani heelanɂi bekekko gama kakkonak'eeraan ammanoyya; kagibs's'i ibaaddo ade hikkamalee liin kakkodootareen goorata iso dubba bekeeyi ennegameen.\x - \xo 11:29 \xo*\xt Biy. 14:31.\xt*\x*
\p
\v 30 Kaɂisiraɂeel ibaaddo taɂiyyaarkko ali tagimbbe arri todoba maraamurengureen kaɂiyaarkko gimbbe kakkoɂeɂebseeran ammanoyya.\x - \xo 11:30 \xo*\xt Iya. 6:21.\xt*\x* 
\v 31 Tasharmut'aatte Reɂaabi kasalalaro ibaaddo nogoddaa mankkok'op'attetto maraan oɂajajaamoonne wota gowaanokko kakkohessetta ammanoyiyya.\x - \xo 11:31 \xo*\xt Iya. 2:21; 6:25.\xt*\x*
\p
\v 32 Goortta kakkalee ani me amira? Geedonakkotti, Baraak'ikkotti, Samisoonakotti, Yofitahekotti, Daawutekkotti, Saameelakottinna kahegeroolkotti maammakiin goorata iin yeraatara.\x - \xo 11:32 \xo*\xt Mas. 6:11—8:32; 4:6—5:21; 13:2—16:31; 11:1—12:7; 1 Sam. 1:1; 1 Won. 2:11.\xt*\x* 
\v 33 Iso ammanoo Wonolaal awodeeraan; firdda karrummitii gosa bariiseen; isoon tasisantette abddi helateen; taluubaan hiɂi c'ufeen;\x - \xo 11:33 \xo*\xt Dan. 6:27.\xt*\x* 
\v 34 Kaɂeleenee hunna baaseen; kaɂenennan shiifakko heseen; laafummattisookko ataan tos iggilissameen; jereen shafayiin oɂatii leeraan; isone wota jereen kashafatare diinakkokki wotaadaral horoorenaan;\x - \xo 11:34 \xo*\xt Dan. 3:30.\xt*\x* 
\v 35 Heleeljjool kagoyero fallikkisoo goyikko kee giraan dee. Kuukina hikkakko karoore goyikko kiyaano helayiin hedeengureen rakkoo tammooggankki abboosa atateen; hikka aankkikki shaanokko balchchumma bin lakkodootateen.\x - \xo 11:35 \xo*\xt 1 Won. 17:4; 2 Won. 2:4.\xt*\x* 
\v 36 Kookkoo kakkaleetun k'ac'c'ifamano leen boc'aameen, kuunɂi adeen talukee marc'c'oo shishaameen gureen minkashaano tabeen.\x - \xo 11:36 \xo*\xt 1 Won. 22:26-27; 2 Od. 18:25-26; Erm. 20:2; 37:15.\xt*\x* 
\v 37 Eɂemoo eeggameen, magaaziinna ekka belɂeen, shiifayi goyeen, taɂidaadnna taɂoreen c'ala sarssateenguren kafafeen; hiyyeessalnna ul kaɂibaaddoo ibaaddo leen abboosameen;\x - \xo 11:37 \xo*\xt 2 Od. 24:21.\xt*\x* 
\v 38 Gaadii, wodamii, ulii kagiro lagajjoolnna maddaal maraamureen. Hikka garaayi alami isoon kadootisaro lakkoye.
\p
\v 39 Hikki dubba ammanokkisookokki gara Waa kaɂatoteero golleenna isoon tasisanttetto abddi ganaa lakkohelateeran. 
\v 40 Waa noon kaɂidan kooko halchcheera, haannuun iso noonne wota kuwaarre kale duuddonɂi liin lakkodaanddaanan.
\c 12
\s1 Waa yiiskkeessa murrisara
\p
\v 1 Duumanchcha aani no maraamure kaɂabero hikka dubba atojool no mankkoɂabnno maraan sidane aani noon kalleero ayees dubba noo gutii kak'urannaamero c'ubbo baasigunne nookko horene kagiro tiyaanokokki lellaamano obssii tiinno. 
\v 2 No kakkoontiyaannana ammanokkaani kahaggaɂaberona kagudisero Yesuusa diyaanoyiyya; Usu horetteessaa ogiraan geggelokotti aalanttii masik'alii gutii gowaanokokki yeraan koonna aani hatootinoonii tamask'alii rakkoonna goyi obssee; mergge tawaayinna korffinjje hamas's'ee.
\p
\v 3 Goorttanu ahifannoninna abddi angoosannon hikka dubba usu oneebaatareen c'ubbaalessaal usu neebaataa giraan iso kaɂobsseero Yesuusa diyaa. 
\v 4 Isin c'ubbo diidanooyi ibaaddo isin taalagadiroo gin lakkoneebatteetten. 
\v 5 Waa isin yiiskkeessa aani haa amaa kagorssaatere illootteettaan;
\q1 «Erekkee! Hadisano kagootta arooyerasse;
\q2 usu ku kakkomurrise gooratana abddi aroogoosatte;
\q1
\v 6 Goottaa kageelaatarokkeessa hadisatara;
\q2 Erekkeessa aani yelate kadiyaataro murrisatara.»\x - \xo 12:6 \xo*\xt Mas. 3:11-12.\xt*\x*
\p
\v 7 Waa isin yiiskkeessa aani mankkototaataro maraan murroɂoottessa obssaa; odo kamurrisannoon ere ayyoya? 
\v 8 Yiis kalleera dubba taɂatataro murroo isinna goɂatannoon kosichchattaan\f + \fr 12:8 \fr*\ft Kosichcha amano odo kaɂaddeesamoon ere amanoyya. \ft*\f* kuwaarre yiiskkee lakkottaan. 
\v 9 Hikkakko kakkalee no dubba kamurrisaro kaɂumulero odolaal abnna, noonna iso kabajaa ginne; hayya, neefo girin kaɂayyaana odokkaanun misii aaloo ajajaamana waatanna! 
\v 10 Iso idane aani leen isiɂoottisowun goggomutee goorata kic'c'aruun no murriseraan, Waa ade k'ullummatteessa ohedeedamanno goggolleennon laɂottaanun no murrisara. 
\v 11 Murroo dubba kakkomurrisamanno almmaa ogaddisiraaniyaan kuwaarre ogeggelaayisaraan aani lakkollaaran; haar abbaabatere ade murroo kaɂagaalssiseraan ibaaddoon nogodda takkoɂammaganttetto tak'ullummaa il helamissisaraan.
\s1 Gorssana seerisano
\p
\v 12 Haannuun oharggaac'eeraan genennoɂoottisinna ohareraan gilbboɂoottisin ataayisayeen.\x - \xo 12:12 \xo*\xt Isa. 35:3.\xt*\x* 
\v 13 Kaɂeesara goggofayyiroon kuwaarre mikitakko goggoshirmonkko luk'k'aɂoottisinun raa kaɂidan ekkaasayen.\x - \xo 12:13 \xo*\xt Mas. 4:26.\xt*\x*
\p
\v 14 K'ullumma kallayi maayona Goottaa din mankkodanddeenon maraan ibaaddo dubbane wota nogoddaa girin kadaanddeten dubba fela; k'ullummatteessaanna girin ataayeen; 
\v 15 Isinkko maayona sino tawaa goggohank'annonkko isiɂoorayeen; usumaleenna koonna taɂokokaatto il kadubamisira akaakiltte isin orroo goggoɂalannoonkona isin goggot'iboonko kamoogganna isin goggobattoyisonkko isiɂoorayeen.\x - \xo 12:15 \xo*\xt Ada. 29:18.\xt*\x* 
\v 16 Kasharmmut'aaro goorttun kooyikkii kaɂaaminnaro baboon amere barkkinttetteessa kadaddalero Eesawu aani Waa kaɂabssannon ibaaddo isin orrroo goggoginnonkko isiɂoorayeen.\x - \xo 12:16 \xo*\xt Met'. 25:9-34.\xt*\x* 
\v 17 Haar abbaabatere Eesawu somma atayin kakkodootaro goorata hinɂi somma usukko otirameeraan kassaanwa; ootaa hanɂu somma atayi godootatena suure atayin lakkodaanddee. C'ubbokko gula galin iddilii suure lakkohelate.\f + \fr 12:17 \fr*\fqa Helin lakkodaanddee, \fqa*\ft amano c'ubbokko gula galin iddilii lakkohelate amanoyya. \ft*\f*\x - \xo 12:17 \xo*\xt Met'. 27:30-40.\xt*\x*
\p
\v 18 Isin genee kadinamaro goorttun eleenii tagubaatto tasiina wodami tos lakkogeetettaan; iyootte tos, mugud tos, huffo tosna, 
\v 19 Tat'urunbbaa yaaye goorttun kasegaamara haafura takkomaalssamaro tos lakkogeetettaan; hassu haafura kamaalera ibaaddo, «Hittakko horenbbaan kakkalee haafura noon aroosegaamo» amaa taa ebaaranii geeran.\x - \xo 12:19 \xo*\xt Biy. 19:16-22; 20:18-21; Ada. 4:11-12; 5:22-27.\xt*\x*
\q1
\v 20 Aalanttina «Giddina suure wodami godaddare
\q2 Eɂemooyi eeggamire hagoye»
\m Kaɂamara ajaja isoon mankkoɂisilaate maraan oorayin lakkodaanddeen.\x - \xo 12:20 \xo*\xt Biy. 19:12-13.\xt*\x*
\m
\v 21 Esee kaddeero ayeeskko kakkeeyi Muse suure
\q1 «Ani abssayera, harɂeewa» ame.\x - \xo 12:21 \xo*\xt Ada. 9:19.\xt*\x*
\p
\v 22 Isin goɂameen tas'iyooni wodami tos gabbalantteettan. Esena arddotti tawaa katamaa talleetetto tadaruuree Iyyerusaalemitta; geggelooyi kakukkumero kamooggan kumaayi katootaamiro erggichchaal tos gabbalantteettan. 
\v 23 Megekkiso daruurii kakkoons'aafamero, min kawaawun barkki olleeraan amaniilkotti haganaa, dubba gutii kafirddaaro Hedona duuddonɂi olleeraan k'ullooleekotti neefool tos gabbalantteettan. 
\v 24 Ammato oɂusubuun t'eɂee aallee kawogarisaro kalleeroo Yesuusa tos, kaɂaabeela iigikko karoore kaɂayeesarona kaɂarac'c'aamero iigi tos gabbalantteettan.\x - \xo 12:24 \xo*\xt Met'. 4:10.\xt*\x*
\p
\v 25 Hassu kaɂayeesaro noo lakkoɂatayinnanno goggoɂamoonkko isiɂoottisin oorayeen; hanɂu Waa gara ibaaddonne uluun goɂayeesiro lakkomaalnanno oɂameeraan iso gohesanawaateen, hayya no daruurkko kaɂayeesaro goɂatatanawaanne misii hesiin daanddaanna?\x - \xo 12:25 \xo*\xt Biy. 20:22.\xt*\x* 
\v 26 Hassu goorata yaayetteessa ul aaɂissette; gidda goɂameen, «Ul kaalaal alleenon giraan kooyikkii daruurnna adire aaɂisinara» ame abddi sisera.\x - \xo 12:26 \xo*\xt Hag. 2:6.\xt*\x* 
\v 27 Hikki, «Kooyikkii adire» kaɂamara haafura katusara kaɂaaɂinoon kooko t'aabbayi goggogirroon kaɂaaɂara goorttun kamet't'aamera kooko baanoya.
\p
\v 28 Goortta noo kaɂaaɂinoon wononnati mankkoɂeelnnanno maraan Waa galatiinna; usu takkogeggelayisso kabajaayinna abssii handdayinna. 
\v 29 Aalanttina Hedokkaani tagubatto eleen aaniya.\x - \xo 12:29 \xo*\xt Ada. 4:24.\xt*\x*
\c 13
\s1 Waa kageggelaayisiro handdaano
\p
\v 1 Arggetto isiɂisirroo taɂabbilaal geelanjje isinuun haggitte; 
\v 2 Martti k'op'ayiddeen marttisano arooɂillootteen; hikkamalee martti k'op'ataa ibaaddo kookkoo haɂaddeesoonii erggichcha k'op'ateengureen marttiseeran.\x - \xo 13:2 \xo*\xt Met'. 18:1-8; 19:1-3.\xt*\x* 
\v 3 Isone wota kashaanttettan aani laaddeen min kashaanoyi oshaameeran shaada; isinna iso aani rakkoo kaɂataattan aani laaddeen rakkoo oɂatataraan shaada.
\p
\v 4 Isiɂatatano ibaaddo dubbaa dollee kakkabajaame halleewo; olayimaraanna osharmut'araan Waa mankkofirddinaro maraan oorinna entternna isiɂisii abddatana waattikko kakkeeyi isiɂatatanokkisin aroobattoyisatteen.
\p
\v 5 Tamaragade geelanjjekko fakkima; isin kaɂabttanwa isinuun halleewo; Waa «Ani ku suure lakkoshafiro, duuddo ku lakkoɂiisiro» amera.\x - \xo 13:5 \xo*\xt Ada. 31:6,8; Iya. 1:5.\xt*\x* 
\v 6 Haannuun abddii,
\q1 «Goottaa kagarggaararoyya ani lakkoɂabsataro;
\q1 Ibaaddo iin me yelin daanddaara?» amanna.\x - \xo 13:6 \xo*\xt Mez. 118:6.\xt*\x*
\p
\v 7 Haafura kawaa horaarjje isinuun osegeeraan min kawaayi horehayeen ogeggeesaraan arooɂillootteen; girikkisoonna feloɂoottisokotti laɂo shaadaa ammanokkisoo abayeen. 
\v 8 Yesuusa Kiristoosa kelena hittaari jiruu jiroomman usu usuya; lakkoɂiggilssamaro. 
\v 9 Kaɂaddeesamoon kamooggan martti kallaaro agaalssis aroobbojaantten; wodanattaani kaɂaamo woga ooratano halleenon giraan sinoyi ataatano kaɂidankkiya; hikka kababoo wogaayi debee kasesseetara ibaaddo laɂo toonna lakkoɂatatero.
\p
\v 10 Noo banɂe tafala abnna; golleenna dunkkaanii orroo ohandaaran tuuk'aamol hitta banɂe tafalaa kagiro babo aati aamin isoon feɂi lakkosisamatto. 
\v 11 Ayihuudikokki katuuk'aamol woyichcha c'ubbokko haheso amamano kahelamisaro kagiddi iigi abeenguren aaloo k'ulluutti banɂe tos tabara; usu giddikonɂi soo adeen dunkkaanii tattaanikko sar beeseren eleenii gubaran;\x - \xo 13:11 \xo*\xt Woy. 16:27.\xt*\x* 
\v 12 Usumaleenna Yesuusa iigikkeessayi gosa k'ullooyisiin kakkatamaa karakkoo sarre rakkoo atate goye. 
\v 13 Noonna dunkkaanii tattaankko sar bigunne usu tos seenno; yeraankkeessana oɂatatanno leenna. 
\v 14 Noo ganaa taɂemeeyinnatto katamaa ooratanna kuwaarre ataayi tagirnnatta katamaa hikka ulii noon laakkogitto. 
\v 15 Goorttanu Yesuusa Kiristoosakkokki garane kasommaa jaarsso arggetto Waawuun sinsso; hikkina megekkeessa maraan usuun taɂatotaatto hiɂii kasisamaro kasommaa jaarssoyya. 
\v 16 Ayees kaɂidan felanona kaɂabttaankko kakkaleetun sisano arooɂillootteen; Waa kageggelaayisara hikka aankkikki jaarssoyya.
\p
\v 17 Isinuun horehayeen ofelaraawun ajajaama; odonnatikkisoyi hegelii gira; iso kakkohoosamaraan odonnati mankkoɂabaan maraan girikkisin maraan ataataraan; isin isoon goɂajajaantteen isona feloɂoottisoo geggelooyi felinnaraan; goorttun iso feloɂoottisoo k'uk'amaa felaraan; hikkina isinuun laɂo kasisiro lakkoyo.
\p
\v 18 Noon ebaayen; tamuc'c'intte baas takkomaalssamoon sammuu noon girano addeesatanna; raa dubbaayi taɂidantti yadaliiyi girin halchchaanna; 
\v 19 Hassukkona isin ataayi goggoɂebaattanun ani isin ataayise kaɂebaatara ani isin tos saami goggoɂabbaabaroonya.
\s1 Kagachchoo ebi
\p
\v 20 Kaɂatii idaad kafoofaro Goottakkaani Yesuusa jiruu jiroommakokki kaɂammatoo haafurakokki iigii goyikko kakkeesera kanogoddaa Hedo, 
\v 21 Feɂitteessa feloo hayisiin goggodanddeetawun ayees kaɂidankki dubbaa usu isin hamuyiso; No kageggelaayisiro gara kayesuusa kiristoosane no gutii hafelo; Yesuusa Kiristoosan jiruu jiroommakko taa jiruu jiroomma geeroon kabaja halleeto; hamiinɂi.
\s1 Gudisano
\p
\v 22 Abbilaalttee! Hikki ani isinuun kas'aafera handdaa kagababban mankkolleero maraan hikka kagorssa haafura obssii goggoɂatattaawun ataayise ebaatara. 
\v 23 Abbikkaani T'imotoosa min kashaanokko biyaano isin goggoɂaddeessawun dootara; usu saami hittarraa kakkoɂemeete goorata ani usune wota emeeyire isin dinnara.
\p
\v 24 Horehayeen isin obariisaraawunna k'ulloolee dubbaan nogodda segaa; kaɂit'aaliyaa ulkko emeeten hittanii ogiraan amaniil nogodda isinuun farramaraan.
\p
\v 25 Sino isin dubbane wota halleeto; hamiinɂi.