\id COL - Bayso New Testament
\ide UTF-8
\h K'ollaasiyaasa
\toc1 Kafaramero P'awuloosakkoki Handdaa kak'ollasiyaasi Ibaaddo Tos
\toc2 K'ollaasiyaasa
\toc3 K'ol.
\mt2 Kafaramero P'awuloosakkoki Handdaa
\mt1 Kak'ollasiyaasi Ibaaddo Tos
\imt Tabano
\ip Hikki handdaa kakkons'aafamera tic'c'arttitti isiyaayi taɂefesooni katamaakko mina tabiyaanne tagitto tak'ollasiyaasi katamaayi kagiro min kawaatunyya, hikki min kawaa kakkoɂaallera P'awuloosaa laana gowaatena k'alaada karoomi talleetette Isiyaawun mete talleetette katamaa Efesoonikko wongalaa kahandaaro ibaaddo geggesaa mankkogire maraan k'ollasiyaasinna odonnati abanaaye, kak'ollasiyaasi min kawaayi «Waa malabiinna kaɂammagame fayyinna helayiin mete metee ibaaddo kaɂayyaana hunnalunna odonnatiwun gilbbiisin dootisara» oɂamaraan t'ara oɂagaalssisaran girano P'awuloosa maale gire, hinɂi oɂagaalssisaran iso kaɂamaraan ayees kakkalee, «Mete metee ibaaddo hamas's'isamano aankkikki wogaaluun hegelii baraanona kababoonna kakkalee wogaal oorayin dootisara» kaɂamaroye.
\ip P'awuloosa hikka handdaa kakkons'aafera karrummii kakiristaana handdaa tusaa kat'araa agaalssisikkiso neebayiniyye, usu aate kaɂemetero handdaalkko metekki, «Yesuusa Kiristoosa kaɂammagame fayyinna sisara, hikki kakkalee ammanojjolnna felojjol goɂameen usukko fakkisaraan» kaɂamaroya, Waa Kiristoosaayi alami met't'ee, minatteessanena isiɂoottessa tos abbaabe keenara, alami fayyiin abddi kakkogirinatta Kiristoosa wodanakko ammananokisoo kaalaalya, hikka garaayi P'awuloosa hikka kaɂatii agaalssis amaniilkokki girii misii furamiin daandaaro addeesisara.
\ip Hikka handdaa P'awuloosakko atatere K'ollasiyasi tos geegisin kafaramero Tikik'oosa wota kagire Anasmoosa laano diyaano laɂo kaɂaboya, P'awuloosa hikka Anasmoosa kaɂamamaro diyyitikokki gara keesere Filmonaawun kakkalee handdaa s'aafere.
\iot Raattoo Hikki Mas'aafa Kaɂabera
\io1 Tabano \ior 1:1-8 \ior*
\io1 Takiristoosa yadaliinna felo \ior 1:9—2:19 \ior*
\io1 Kiristoosaayi giri kaɂusub \ior 2:20—4:6 \ior*
\io1 Gudisano \ior 4:7-18 \ior*
\c 1
\p
\v 1 Feɂi tawaayi Yesuusa Kiristoosakko kafaramero P'awuloosakkona abbikkaani T'imotoosakko;
\p
\v 2 K'ollasiyaasii ogiraan; Kiristoosaayi k'ullooleenna taɂabddantte abbilaalun Waa Aabbokkaanikko sinonna nogodda isinuun halleeto.
\s1 Kagalata ebi
\p
\v 3 No Isin maraan Waa kakkoɂebaatanno goorata Goottakkaani Yesuusa Kiristoosakokki Waa Odo arggetto galataanna. 
\v 4 Aalanttina Yesuusa Kiristoosa isin kaɂabttaan ammanona k'ulloolee dubbaan taɂabttaan geelanjje maalnnenna. 
\v 5 Hikkina kakkonlleera daruurii isinuun ekkaatte tagitto abddikko kakkeeyiyya, haanssun ammano karrummii wongalakokki haafuraayi t'ayteen maaltteettan. 
\v 6 Hikkina isin tos geera. Hikka wongalana kakkomaaltteettenkkona sino tawaa rummii takkoɂaddeessetten arrikko haggaɂabere alami dubba maraamure felaa goggogiroo malee isin dolleenna il yelatanna jiinaataa gira. 
\v 7 Hikkana no maraan Kiristoosan abddii kahandaaro kalleera, noonne wota felooyi kagira ibaaddo dubba kageelaatara Ep'afira isin agaalssisera.\f + \fr 1:7 \fr*\ft Noonne: kookkoo kahorkkoo mas'aafal «Isinii» amara.\ft*\f*\x - \xo 1:7 \xo*\xt K'ol. 4:12.\xt*\x* 
\v 8 Adena isin Ayyaana kawaayi taɂabttaan geelanjje usu noon segeera.
\p
\v 9 Hikkakko kakkeeyi noo andde hikka takkomaalnenno arrikko haggaɂabnenne Waa feɂitteessakki malabano taɂayyaana k'arummaanna addeesano dubba isinuun goggoɂammagiroon isin maraan ebiinna kakkaleetun ebaatano lakkoɂinssenno. 
\v 10 Kakkoonɂebaatannana Goottawun goggodootisaroo lii goggogirttawunna dubbaayi usu goggogeggelaayissawuniyya. Hikkinna feloɂoɂidan dubbaayi il yelataa Waa malabanoyi jiinaataa; 
\v 11 kaɂatii ataanna obssi goggogirttoon; kakkabajaame hunnakkeessakokki jilbbaa hunna dubbaayi ataataa, geggelaataa, 
\v 12 Tak'ulloolee rittii ifaayi oɂatatanno goggolleennon kayelero odo goggogalatitawunya. 
\v 13 Usu kamugudi mootiikko beesere, usu kageelaataro erekkeessakokki wononnati tos no tabise. 
\v 14 Wodoo laanokkeessakkokki iigi c'ubbokkaaniwun shaaga helanne.\x - \xo 1:14 \xo*\xt Efe. 1:7.\xt*\x*
\s1 Kiristoosa dubbaankko t'ok'k'i kaɂameya
\p
\v 15 Kiristoosa kamutoon waawun karrummii masuussaya; usu met't'a dubbakko t'ok'k'i kaɂame kaɂatiinna barkkiya. 
\v 16 Kameen dubba usuuyi met't'aamera, daruurnna ul kagira, kamutarana kamutoon, korffinjje golleenna goorttun hunnaal, mootijjol golleenna goorttun odonnati obariisaraan, kameen dubba usukkona usuunwa met't'aamera. 
\v 17 Usu kameen dubbakko kahoreeya, kameen dubba raattoo isiɂabate kakkot'aabbatera usuuyiya. 
\v 18 Usu maarkkeessa kalleero min kawaawun meteya; kaɂameen dubbaan kahoree goggolleeroon goyikko keyaanoon barkkiya.\x - \xo 1:18 \xo*\xt Efe. 1:22-23.\xt*\x* 
\v 19 Waa kameen dubba usuuyi goggolleeroon geelatera. 
\v 20 Masik'alii gutii kaɂubatero iigikkeessa nogodda sinoyi ulnna leere daruurii kagiro dubba garakkeessane isiɂootteessane wota wogarise.\x - \xo 1:20 \xo*\xt Efe. 2:16.\xt*\x*
\p
\v 21 Tameellan k'ofattisinkko kakkeeyi t'ayteen Waakko fakki antteen feɂitisinii diina leeteen gitteen. 
\v 22 Gidda goɂameen mullanna tuffi kallayinɂi k'ulloolee yeli isin isitoos gabbaliin amere goyi kakiristoosakokki garane isin wogarise. 
\v 23 Hikkina kakkollinnara isin ammanokkisinii t'aabbayiddeenna ekkaayidden aallanoyi tamaalttettan tawongala abddikko anshalagaamon ataayi gogirtteenya. Isin kamaaltteettaanna daruurkko hegelle tagitto met't'a dubbaan kalallabaamero wongala hikkaya; ani p'awuloosana hikka wongalaan kahandaaro leera.
\s1 P'awuloosa min kawaa maraan katusero ataan
\p
\v 24 Isin maraan taɂatayero rakkoowun giddanna ani geggelaatara, Kiristoosa maarkkessa kalleero min kawaa maraan taɂatatero rakkookko iin tahank'attetto isiɂootteyi ammaginara. 
\v 25 Ani haafura kawaa isinuun aaloo goggosegiroon Waakko iin tasisanttetto hadaraayi min kawaawun kahandaaro leera. 
\v 26 Hikki haafurana karoorero geesjjolnna alattaan taɂibaaddokko siyame hool lee adallaate gire, gidda goɂameen k'ullooleewun mutera. 
\v 27 Isoon Waa hitta hoolkkotti kabajjana durumma Ayizaab orroo eegitattitto addeesisin assaabe, takabaja abddi kalleera isin orroo kagira usu Kiristoosaya. 
\v 28 Noonna ibaaddo metemeteeyi Kiristoosaa k'ulluukki yeli keeniin goggodanddeenon; ibaaddo dubbaan k'arumma dubbaa markkasisaanna agaalssisaa gara kakiristoosa lallabaanna. 
\v 29 Aninna ataanii iyye orroo kafelaro hunnakkeessayi moɂabataa hikka halchchaan is's'aamara.
\c 2
\p
\v 1 Isin maraanna Lodok'iyaayi kagiro ibaaddo maraan usumaleenna bebbeedttee dii kakkasoon ibaaddo dubbaan eeki gitakki daafuraro isin goggoɂaddeessawun dootara. 
\v 2 Ani kakkondaafurarana wodanattiso goggoɂisinna geelanjjeeyi isiɂaatireen, taɂidan shaadano dubbaayi worɂe helatanoyi hool tawaa kalleero Kiristoosa goggomalabnawunya. 
\v 3 Golatte tagitta tak'arummaanna tamalabano durumma kakkohelamatta Kiristoosaayiyya.
\p
\v 4 Hikkana ani kakkoonɂamara maayona kasossoyisaro kameellan ayeesi isin goggosoboonkko amereyya. 
\v 5 Sooyi isinkko gofakkiɂamenna suure ayyaanayi ani isinne wota gira; woga kaɂidanii giranokkisinna Kiristoosaa kaɂabttan kat'aabbate ammano oɂabttaan isin kakkodeyaare goorata ani geggelaayera.
\s1 Kiristoosaa kahelamaro kaɂammagame giri
\p
\v 6 Goottaa Yesuusa Kiristoosa goggoɂatatteettaanii usuu gira. 
\v 7 Usuu t'aabbayiddeenna muc'c'imaddeen goggoɂagaalsattettaan malee ammanokkisinii ataayeen gira. Ammagami karoorro galata Waawun sisa.
\p
\v 8 Kiristoosa gutii kat't'aabbatero alleenon ibaaddo kakkayero wogaanna hikka alami kamaadinoon seera gutii kat'aabbatero kamet't'aanna addakki ayeesii maayona isin booji goggoɂaatonko isiɂoorayeen. 
\v 9 Hedo laanokkeessakokki ammagamanoo ibaaddo lee addeesame kakkogirara Kiristoosaayiyya. 
\v 10 Isin kaɂammagame giri kakkohelatteettaan, met't'a dubbaa, mootinna odonnati oɂabaan dubbaan gutii mete kalleero Yesuusaayiyya.
\p
\v 11 Isin usu ammananoo hamas'iisanttettan; hikki hamas'iisamanokisin c'ubbaaliyekkotti tasooye yadalii baasin Kiristoosaayi kafelameroyya kuwaarre gene taɂibaaddoyi kafelamero lakkoyo. 
\v 12 Kakkot'ammak'antteen goorata isin Yesuusane wota k'amalantteedden usune wota goyikko keteettaan. Goyikko kakkoketeettanna Kiristoosa goyikko kakkeesero hunna kawaayi ammananooyiya.\x - \xo 2:12 \xo*\xt Rom. 6:4.\xt*\x* 
\v 13 Isin c'ubbo felanoyiinna c'ubbaaleyi sooɂoottisin hamas's'iisatanawaattikotti aalanttii gooten gitteen; gidda goɂameen Waa isin kiristoosane wota arddonɂi yelera; c'ubbokkisin dubbana haheso amera.\x - \xo 2:13 \xo*\xt Efe. 2:1-5.\xt*\x* 
\v 14 Usu hasse no mootaanna neebaataa seeraayi tagitte taɂanzaa s'uufii baase; masik'alii gutii misimaare owaamere nookko baase. 
\v 15 Oɂatiinna odonnati obariisaraan mask'aliyi awodere muwaanokisoo furssise abbaabatere obojaameeraan lii diidaabi goggomutinawun yele.
\p
\v 16 Goortta aamooyi goorttun t'amooyi, baala goorttun kadiginnii wogaa, goorttun tafoolssi arri kabajaanokotti aalanttii maayyona isin aroofirddinno.\x - \xo 2:16 \xo*\xt Rom. 14:1-6.\xt*\x* 
\v 17 Hikki dubba horenbbaan emeeyin kagiro ayesuun hoosiya; rummi kakkohelamatta adde Kiristoosaayiyya. 
\v 18 Akamaleetti idaneeyinna erggichchaal hedoyisatanoyi kadhaadatara maamisikki ibaaddona isin laɂo kallayi goggohaasonkko isiɂoorayeen. Hikka aankkikki ibaaddo kadeyaaro raagayi isk'ulloyisataa laɂo kallayikkinna tasooye k'ofaayi koorara. 
\v 19 Hikka aankkikki ibaaddo mete kalleero Kiristoosane wota esella toonna lakkoɂabo; maar dubba mikitaalii iinsse eselisere kaɂaamisaro meteya. Waa maar dubbaan jiinaan kasisara hikkamaleeyya.\x - \xo 2:19 \xo*\xt Efe. 4:16.\xt*\x*
\s1 Kasossoyisiro agaalssisikko isiɂooratano
\p
\v 20 Kiristoosane wota gootedden hikka alamikokki kamaaddinoon wogaalkko duuddo fakki oɂantteen golleeten, hayya gidda alamikko kafakkimoongittaan aani leeteddeen muun hikka aankkikki ajajaalun iminamattaan? 
\v 21 Hikki ajajaalnna, «Arooɂabtte, arook'ammasite, aroodintte» kaɂamaroya. 
\v 22 Hikki dubba hiɂi taɂibaaddoo ajajaalnna agaalssis gutii kat'aabbatero mankkollee maraan feloo gutii hayi kakkoɂabbaabate goorata bayin oɂekkaateraanyan. 
\v 23 Hikki ajajaal feɂittessakko kakkeeyi hedoyisatanona akamaleetti idanee maarkkeessa nugulaayisatano kinttibii mankkoɂabataraan maraan k'arumma oɂabaan aani isoon laara. Ayesuun goɂameen kasooye amalakkisoo awodatanokokki garaayi laɂo kallayinɂiyan.
\c 3
\s1 Kiristoosaayi kahelamaro giri kaɂusub
\p
\v 1 Goortta kiristoosane wota goyikko gokketeen Kiristoosa mergge tawaayi hamas's'ee takkogiroo ele daruurii kagiro ayees dootayeen.\x - \xo 3:1 \xo*\xt Mez. 110:1.\xt*\x* 
\v 2 Arggetto ele daruurii kagiro ayeeskkokki k'oppaa kuwaarre ulii kagiro ayees arook'oppiteen. 
\v 3 Isin gootettaan; girikisinna kiristoosane wota waayi orroo golatera. 
\v 4 Girikisin kalleera Kiristoosa abbaabayi kakkoɂemeete goorata isinna usune wota kabajaa mutinnattaan.
\s1 Kaddoɂaninna kaɂusubkki giri
\p
\v 5 Haanssun isinii kagiro kaɂulee halchcha lagada; isona «Sharmuut'umma, battowano, yorano, halchcha kameellan, tolchcha hedoyisatano kalleero halchchaanoya». 
\v 6 Hikka ayeesjjolkkotti aalanttii kaɂajajaamon ibaaddo gutii engge tawaa emeeyinnatta. 
\v 7 Isin metekisiniwa hittakko horenne kaɂajajaamon ibaaddo orroo takkoggitteenii usu ibaaddo malee gitteen.
\p
\v 8 Gidda goɂameen engge, amaraanjje, miigge, mege baasano orroɂoottisinkko tirayeen; kamulliisira ayeenssa hiɂitisinkko aroobbeenno. 
\v 9 Tadoɂan yadaliittisin k'aartteen mankkoshafittettaan maraan isiɂisii orroo t'ara arooɂayeesseen.\x - \xo 3:9 \xo*\xt Efe. 4:22.\xt*\x* 
\v 10 Kamet't'erokotti middi kaɂusubaatero malabanoo taɂiggilsanttetto yadalii sarssayeen.\x - \xo 3:10 \xo*\xt Met'. 1:26; Efe. 4:24.\xt*\x* 
\v 11 Hikka garaayi Giriikkiinna Ayihuudi, kahamas'iisameroonna kahamas'iisamoon giro, kaɂagaalssatero Ayizaabna kaɂagaalssannongiro Ayizaab, balchchkkinna diyyikki ibaaddo orroo kaleenna laagitto; Kiristoosa dubbayya; dubbaa orroo gira.
\p
\v 12 Goortta Waayi oɂassaabantteettaanna k'ulloolee, ogeelaantteettan mankkolleeten maraan anjjiree, idanee, isi yeraasatanoyi, nenɂeyisatano, obssi sarssayeen.\x - \xo 3:12 \xo*\xt Efe. 4:2.\xt*\x* 
\v 13 Isiɂorroo isiɂisii obssaa; isinkko koo kakkalee gutii k'uut't'e kaɂaba gogire haheso ama; Kiristoosa isinuun haheso goggoɂameroo isinna haheso ama.\x - \xo 3:13 \xo*\xt Efe. 4:32.\xt*\x* 
\v 14 Kameen dubbakko rooritte dubba hank'k'inna kallii raattoo yeltte kukkuyisse shiite taɂabttetto geelanjje sarssayeen. 
\v 15 Isin maar kookki mikitaal leeteddeen kakkoɂuumantteettan hitta nogoddaan mankkollee maraan takiristoosa nogodda wodanattisinii harreeddo; Waa ogalatattaan laa. 
\v 16 Kakiristoosa haafura ammagame wodanattisinii orroo hagire; k'arumma dubbaayi isiɂisirroo agaalssayeen, hoolttoyeen, mazamurinna saadisaa, taɂayyaana yaayeeyi wodanakko Waa galataa zammara. 
\v 17 Gara kayesuusane Waa odo galataa heɂiinna leere felooyi kafelaattan dubba kagootta Yesuusakokki megeeyi fela; usuna Waa odo galataa.\x - \xo 3:17 \xo*\xt Efe. 5:19-20.\xt*\x*
\s1 Waa kaɂammanaro kaminee ibaaddokokki woga
\p
\v 18 Isin oorijool! Goottaayi dollee kadootisaro mankkollee maraan entterjjoolkkisinun ajajaama.\x - \xo 3:18 \xo*\xt Efe. 5:2; 1 P'et. 3:1.\xt*\x*
\p
\v 19 Isin entterjjol! Oorijoolkisin geelayen; oɂokokowattaan aroolleeten.\x - \xo 3:19 \xo*\xt Efe. 5:25; 1 P'et. 3:7.\xt*\x* 
\v 20 Yiiso! Hikki Goottaa kageggelaayisaro mankkollee maraan kameen dubbaan isin oɂumuleeraawun ajajaama.\x - \xo 3:20 \xo*\xt Efe. 6:1.\xt*\x* 
\v 21 Yiis oɂumulttettaan isin! Yiiskkisin abddi goggogoosannonkko enggeeyi arooɂamarayissen.\x - \xo 3:21 \xo*\xt Efe. 6:4.\xt*\x* 
\v 22 Diyyummakokki seeraayi ogittan isin! Kaɂulee goottoleettisinun kameen dubbaawun ajajaama; kakkonɂajajaamattaanna iso isin mankkodeyaaraan maraanna ibaaddo mankkogeggelayisattaan maraan, ibaaddon mutin anlleennon giraan Goottaa abssatanoyinna taɂidantti wodanaayi halleewo.\x - \xo 3:22 \xo*\xt Efe. 6:5-8.\xt*\x* 
\v 23 Kafelattaan dubba ibaaddon kafelattan aani anlleennon giraan Goottaa Yesuusaan kafelattan aani wodanakko fela. 
\v 24 Hikkanunna Goottaa tadaruuree rittii isinuun barɂaara yeli kasisinaro kassaanwa; isin kakkoonhanddattanna Goottaa Kiristoosaanyya. 
\v 25 Goottaa dollee ululisano mankkogginno maraan tameellan kafelara omeellan feloɂootteessa maraan murroo atayinara.\x - \xo 3:25 \xo*\xt Ada. 10:17; Efe. 6:9.\xt*\x*
\c 4
\p
\v 1 Isin goottolee! Isinna daruurii Goottaa kaɂabttaan addeesaddeen isinuun kahandaaro ibaaddo idaneeyinna ilttooyi diyaa bariisa.\x - \xo 4:1 \xo*\xt Efe. 6:9.\xt*\x*
\s1 Kaɂadamero gorssa
\p
\v 2 Waa galataa haɂiisoon ataayeen ebaayen; 
\v 3 hikkanne wota Waa haafurakkeessan noon ufa goggobannoonna ani usu maraan shamere takkogiro takiristoosa hool ataayisiin no goggodanddeennon noyeen ebaayen. 
\v 4 Aninna goggodootisaroo haafurakkeessa addeesisi goggoɂayeesiroon ebaayen. 
\v 5 Maamisitti esellaanna laɂo helataa kaɂammanon ibaaddone wota k'arummaa gira. 
\v 6 Ibaaddo dubbaan mete metee tadootisatto abbaab sisin goggoɂaddeessanun arggetto ayeeskkisin essebo kakkokibanttetto babo aani onɂomoonje kaɂabo halleewo.
\s1 Tagachchoo nogodda
\p
\v 7 Tikik'oosa garakkeetti haajaa ayees dubba isinuun segiirowa; usu kageelaame abbi, handdaawun kaɂabddamena ogoottaa felo iinne wota kafelare kafeloo saatikkeeya.\x - \xo 4:7 \xo*\xt Ofa. Fe. 20:4; 2 T'im. 4:12.\xt*\x* 
\v 8 Usuna ani isin tos takkofarera aalantti noo takkoginno isinuun goggosegironna isin goggogoggoɂisiroonya.\x - \xo 4:8 \xo*\xt Efe. 6:1-22.\xt*\x* 
\v 9 Usune wota unattisin kalleero kaɂabddamenna kageelaame abbi Anasmoosa isin tos emeeyinnara; isona hitta banɂee kagiro ayeeskkokki gara dubba isin agaalssisirowa.
\p
\v 10 Iinne wota kashaamere Arsit'irokoosana isinuun nogodda farramaraan; arttoo «Isin tos kakkoɂemeete goorata goggok'op'attanun» amere isin shaadisaa kagire kabarnnabaasi ere kaɂanna Mark'oosa isinuun nogodda farramara.\x - \xo 4:10 \xo*\xt Ofa. Fe. 19:29; 27:2; Film. 24; Ofa. Fe. 12:12,25; 13:13; 15:37-39.\xt*\x* 
\v 11 Iyost'oosa amame kaɂuumamara Iyyaasu nogodda farramara. Ohamas'iisameeraan orrokko wononnati kawaa inne wota ofelaraan hinɂa olaalyaan; isona in goggoɂiiseraan. 
\v 12 Unattisinko kalleera Yesuusa Kiristoosan kadaanddaara Ep'afira nogodda isinuun farramara, isin giri kaɂayyaana jiinataa ataayi goggoɂaallitanunna feɂi tawaa dubba goggofelttaanun usu isin maraan arggetto ebikkeessayi ebaatara. 
\v 13 Isin maraan Lodok'iyayiinna tahiraffoli katamaali kagiro ibaaddon aaloo kadaafurara ani metekkeewun usuun atotaara. 
\v 14 Kageelaame akimii luuk'aasana Deemaasi nogodda farramaraan. 
\v 15 Lodok'iyaayi tagitto abbilaalun Linfunanna minkiseeyi kagiro min kawaatun nogodda geegisa.
\p
\v 16 Hikka handdaa isin gonabbabitten esekko Lodok'iyaayi kagiro min kawaayinna adi goggonabbabamiro yela; isinna ada Lodok'iyakko isinuun kafaramaro handdaa nabbaba.
\p
\v 17 Arkkip'p'asiwunna «Kagootta handdaawun kuun osisameeraan felo maaragee goggofelttoon usu haa amara ama segaa.»
\p
\v 18 Hitta nogodda genetteeyi kas'aafera ani P'awuloosaya. Shaamanokkeenna shaada. Sino tawaa isinne wota halleeto.