\id REV - Bayso New Testament
\ide UTF-8
\h ራጋ
\toc1 ራጋ ካያንሳ
\toc2 ራጋ ካያንሳ
\toc3 ራጋ
\mt1 ራጋ ካያንሳ
\imt ታባኖ
\ip ራጋ ካያንሳ ካኮጻፋመራ አማኒል የሱሳ ክርስቶሳ ጎታክሶ ላኖ አማናኖክሶኮት ኣላንቲ ባቃታኖና ራኮ እሶ ግያ ካኮግቴ ጎራታይየ። ጻፍት ክንትቢ ካአባተረ አየስ ኦናባባራንኮት አብድ ላኦ ታአብቶ ጎጎሌቶን አታይሲና እሶ ካጌሮ ባቃታኖና ራኮ ኦሮ አማኖክሶይ ጎጎአታናዉን ጃጀቤሲንያ።
\ip ማጻፋ ጋማ ካሆር ሞጋሰ ካአበራ እስደቤክ ራጋጆል ካአበሮያ፤ ሀሱ ራጋጆል ኡሱ ጌሲ ካግረ አማኒል አዴስን ካዳንዴሮ፤ ካካለ አደ ሆል ልጉረ ካአዳላይናሮ ምስሊኮክ አዬሲ ካሰጋመሮያ። ካማዛሙር ማዳር ማሮ ማሮ ጎጎአባባታሮክ ማለ ሂካ ማጻፋኮክ መተ መተክ ካሞጋን ራጋጆልኮክ ጋራነ ምዲ ታሞጋኒ እስደቤ ሰጋመራ። ጋራ ካማጻፋኮት ፉሬን ቆፋ ታሞጋን ታአብቶ ጎሌተና መተት ቆፋ ታሙታቶታ፤ ህክና ዋ፥ ጎታ ክርስቶሳኮት ምናነ ካላም ታኮሶሶይሶቲ ኮይክ ዱርሳና አደረ ዲናኬሳ ዱባ አዎደ፤ አዎዳኖኬሳና ካኮጉዳታረ ጎራታ ታአብዳንተ ኡናቴሳ ታኡሱብ ዳሩርና ካኡሱብ ኡልኮክ ኡሶ እሶ ኤልስናራ ካአማሮያ።
\iot ራቶ ሂክ ማጻፋ ካአበራ
\io1 ታባኖ \ior 1፡1-8 \ior*
\io1 ራጋኮት ፉረንና ቶዶባ ምን ካዋቱን ካፋራመረ ሀንዳ \ior 1፡9—3፡22 \ior*
\io1 ማጻፋጆልና ማታማል ቶዶባኮክ ፍርዳ \ior 4፡1—8፡1 \ior*
\io1 ማላካታ ቶዶባኮክ ፍርዳ \ior 8፡2—11፡19 \ior*
\io1 ዶቦንሳ ሱላለ ላማ \ior 12፡1—13፡18 \ior*
\io1 ራጋ ካሞጋን \ior 14፡1—15፡8 \ior*
\io1 ቶዶባ ሙሮ ኦዋና ጡጋል \ior 16፡1-21 \ior*
\io1 ባስ ካባብሎን፥ ካሱላለ፥ ካጣራ ካሄገሮልና ካዱርሳ አዎዳማኖ \ior 17፡1—20፡10 \ior*
\io1 ካጋቾ ፍርዳ \ior 20፡11-15 \ior*
\io1 ታኡሱብ ዳሩር፥ ካኡሱብክ ኡል፥ ታኡሱብ ኢየሩሳለም \ior 21፡1—22፡5 \ior*
\io1 ጉድሳኖ \ior 22፡6-21 \ior*
\c 1
\p
\v 1 ሂክ ራጋ ኤነ ካልናሮ ኮኮ ኡሱን ኦሀንዳራዉን ጎጎቱስሮ ዋ የሱሳ ክርስቶሳን ካስሰሮያ፤ የሱሳ ክርስቶሳና ኤርግቻኬሳ ፋረጉረ ኡሱን ካሀንዳሮ ያንሳን ሂካ ራጋ ቱሰ። 
\v 2 ያንሳና ሃፉራ ካዋኮክ ጋራና የሱሳ ክርስቶሳ ታአጋልስሰሮ ሩምኮክ ጋራ፥ ኡሱማለና ኡሱ ካቱሰሮ አየስ ዱባኮክ አቶቴ። 
\v 3 ሂክ ዱባ ካኮልናራ ጎራታ ኤነ ማንኮሌ ማራን ሂካ ካሄገሮልኮክ ሃፉራ ካናባባራ ካሶማሳመያ! ኡሱማለና ካሄገሮልኮክ ሃፉራ ኦማላራና ሄገሮ ኦሮ ካጻፋመሮ ኦፈላራን ኦሶማሳመንያን።
\s1 እስያይ ኦሮ ባንኤ ቶዶባ ካግሮ አማኒል ዱባን ታፋራንተቶ ኖጎዳ
\p
\v 4-5 ያንሳኮ እስያይ ኦሮ ባንኤ ቶዶባ ካግሮ አማኒሉን፤ ካግራ፥ ካግረና ካኤሜይናራ ኮርፍንጀኬሳ ሆረ ካግሮ አያናጆል ቶዶባኮ፤ ኡሱማለና ጎይኮ ከያኖይ ባርክ ካሌሮ ካኡሌ ዎኖላልኮክ ሞቲኮ፥ ካአብዳመ አቶ ካሌሮኮ፥ ኖ ካጌላታሮኮና ኢግካኬሳይ ኖ ጩቦካንኮ ባልቹማ ካቤሰሮ የሱሳ ክርስቶሳኮ ስኖና ኖጎዳ እስኑን ሀሌቶ።\x - \xo 1፡4-5 \xo*\xt ብያ. 3፡14፤ ራጋ 4፡5፤ ኢሳ. 55፡4፤ ማዛ. 89፡27።\xt*\x*
\p
\v 6 ካየሱሳ ክርስቶሳ ኦዶ ዋዉን ጎጎሀንዳይኖን ኖ ዎኖና ቱቃሞል ካየለሮ፥ የሱሳ ክርስቶሳን ካባጃና ሁናና ጅሩ ጅሮማኮ ታ ጅሩ ጅሮማ ጌሮ ኡሱን ሀሌዎ! ሀሚኒዕ።\x - \xo 1፡6 \xo*\xt ብያ. 19፡6፤ ራጋ 5፡10።\xt*\x*
\p
\v 7 ሂክማ ኡሱ ዱማንቻይ ኤመይናራ፤ ኡሱ ካኤገራ እባዶና ሱረ አንሄሶኒ ዱባ ኡሱ ድናራ፤ ካኡሌ ጎሳ ዱባ ኣላንቲቴሳ ኦይናራ፤ እ ሂክ አየስ ሩምያ፤ ሀሚኒዕ።\x - \xo 1፡7 \xo*\xt ዳኔ. 7፡13፤ ማቶ. 24፡30፤ ማር. 13፡26፤ ሉቃ. 21፡27፤ 1 ተስ. 4፡17፤ ዛኪ. 12፡10፤ ያን. 19፡34፥37።\xt*\x*
\p
\v 8 ካግራ፥ ካግረ፥ ካኤሜይናራና ዱባ ካዳንዳራ ጎታ ዋ፥ “ካሆሬና ካሃረ አንያ!” አማራ።\x - \xo 1፡8 \xo*\xt ራጋ 22፡13፤ ብያ. 3፡14።\xt*\x*
\s1 ክርስቶሳ ራጋይ ሙታኖ
\p
\v 9 የሱሳ ክርስቶሳ ራኮና ዎኖናትኬሳ ኡሱማሌ ኦብስ እስኔ ዎታ ካአታየራ አን አቢክስን ያንሳ ሃፉራ ካዋይና የሱሳ አቶታኖኮት ኣላንቲ ፈጢሞ ታአማማቶ ኦዶላይ አን ሽያመ ግረ፤ 
\v 10 ታጎታ አሪ አን ቆፋ ታአያና አማጋመ ግራን ታጡሩንባ ያየ ኣን ታላታ ታአቲ ያየ እንኮ ባጋንደ ሃ አማ ግራን፤ 
\v 11 “ኡሱማለና ካሙታሮ ማጻፋይ ጻፍዴ እስያይ ኦሮ ባንኤ ቶዶባ ካግሮ አማኒሉን፥ ኤፈሶን ቶስ፥ ሰምርነስ ቶስ፥ ጴርጋሞን ቶስ፥ ትያጢሮን ቶስ፥ ሰርዴስ ቶስ፥ ፍላደልፍያና ሎዶቅያ ቶስ ፋር” አማ ግራን አን ማለ።
\p
\v 12 ኢነ ካአዬሰረ ማዮዮ አዴስን ሃር ካምባል አመ፤ ሃር ካምባል ካኮአምሮ ጎራታ ቶዶባ ካዎርቂ ቦላንሶል አን ዴ። 
\v 13 ቦላንሶል ጠኤ ካሰሴታሮ ኤረ ካእባዶ ኣን ካላሮ አን ዴ፤ ኡሱ ሉቃ. ሄገል ካገያሮ ሳርስ ካሳርሳተ፤ ጌግዮቴሳይ ካዎርቂ ሞዋኖ ካሞዋተሮየ።\x - \xo 1፡13 \xo*\xt ዳኔ. 7፡13፤ 10፡5።\xt*\x* 
\v 14 መተኬሳና መተኬሳኮክ ብናና በለት ኣን ታላቶ ሱፊ ኣን ጉማራክየ፤ ኢልኦኦቴሳና ላጫ ካኤሌኔ አንዬን፤\x - \xo 1፡14 \xo*\xt ዳኔ. 7፡9፤ 10፡6።\xt*\x* 
\v 15 ሉቃኦቴሳና ካኤሌኔ ቦላል ኦሮ ካግሮ ካማርጮ ናስ አንዬን፤ ያየቴሳና ላጋይ ኦዳጋራን በከ ኦንጂንኮት ያየ አንተ፤\x - \xo 1፡15 \xo*\xt ሕዝ. 1፡24፤ 43፡2።\xt*\x* 
\v 16 ታመርገ ገነቴሳ ባራጃ ቶዶባ አበ ግረ፤ ምና ላማነ ካኤነናን ብቢር ህኢቴሳኮ ብያ ግረ፤ በቤድቴሳና ዋኣንተ ታሀንቃቶ አርት ኣንተ። 
\v 17 ሂካ አን ካኮደያረ ጎራታ ካጎየ እባዶ ኣን ሌጉረ ሉቃኦቴሳ ሄገሊ እዬ፤ ኡሱ አደ ታመርገ ገነቴሳ እን ጉት ካየጉረ ሃ አመ፤ “አሮአብሳተ፤ ካሆሬና ካሃረ አንያ፤\x - \xo 1፡17 \xo*\xt ኢሳ. 44፡6፤ 48፡12፤ ራጋ 2፡8፤ 22፡13።\xt*\x* 
\v 18 አን አርዶክያ፤ ጎየ ግረ፤ አየሱን ጎአመን ሂክማ፤ ጅሩ ጅሮማን አርዶክያ፤ አን ጎይ ጉቲና ቦዋ ጉት ኦዶናት አባ፤ 
\v 19 ጎርታ አት ካዴተቶ፥ ግዳ ካግሮና ሃሬ ካኤሜይናሮ ጻፍ። 
\v 20 ታመርገ ገነቴይ ካዴተቶ ባራጃል ቶዶባና ካዎርቂ ቦላንሶል ቶዶባ ሆልኮት ፉሬን ህታታ፤ ባራጃል ቶዶባ፥ ባንኤ ቶዶባ ካግሮ አማኒልኮክ ኤርግቻልያ፥ ቦላንሶል ቶዶባና፥ ባንኤ ቶዶባ ካግሮ አማኒልያ።”
\c 2
\s1 ካኤፈሶን አማኒሉን
\p
\v 1 “ካኤፈሶን አማኒልኮክ ኤርግቻትን ሃ አም ጻፍ፤
\pi ሂክ አየስ ባራጃል ቶዶባ ገነ ታመርጌይ ካአባተራና ካዎርቂ ቦላንሶል ቶዶባ ጠኤ ካሰሴታራ ሃ አማራ፤ 
\v 2 ፈሎኦታ፥ ዉደታማኖካና ኦብስታ አን ካሶዋ፤ ኦሜላን አደ ኦብሲን ዳንዳና ካዋተቶ፥ ኦፋራመራን አንሌኖን ግራን ኖ ኦፋራምነኖና ኦአማራን ቆቆርተዴ ኦጣራ ኦሌራን ሄላኖካ አን ካሶዋ። 
\v 3 ኦብሲ አታታኖካና መገኬ ማራን አህፋኖን ራኮ አታታኖካ አን ካሶዋ።
\pi
\v 4 አየሱን ጎአመን አን ኩ ካኮቱፋየሮ አየስ አባ፤ ህክና አት ታጣዎ ጌላንጀ ኢሰታ። 
\v 5 ጎርታ አት ኤራ አባባተ ኢተቶ ሻድ፤ ጩቦኮ ጉላ ጋል! ጣይተ ኦፈላተ ፈሎኦታ ፈላ፤ ሂካ ዱባ ፈላና ጎዋተ አን ኩ ቶስ ኤመይናራ፤ ጩቦኮ ጉላ ጋላናጎዋተ ቦላንሶካ ባንኤኮ ኬስናራ። 
\v 6 አየሱን ጎአመን አን ኩ ካኮጋላታራ አየስ ኮ ግራ፤ ህክና አን ኦኔባታሮ ካንቆላ እባዶኮኒዕ ፈሎ ዲደታ።
\p
\v 7 “አያና አማኒል ዱባን ካአማሮ ነበ ካአባ ሀማሎ! ‘ካአዎድናሮን ጋናተ ካዋይ ኦሮ ካግሮ ካግር ጋኮት ኢል ጎጎአምሮን አን ኡሱ የልናራ።’\x - \xo 2፡7 \xo*\xt መጣ 2፡9፤ ራጋ 22፡2፤ ሕዝ. 28፡13፤ 31፡8።\xt*\x*
\s1 ካሰመርነስ አማኒሉን ካፋራመሮ ሀንዳ
\p
\v 8 “ካሰመርነስ አማኒልኮክ ኤርግቻትን ሃ አም ጻፍ፤\x - \xo 2፡8 \xo*\xt ኢሳ. 44፡6፤ 48፡12፤ ራጋ 1፡17፤ 22፡13።\xt*\x*
\pi ሂክ ካሆሬና ካሃረ ካሌሮ፤ ካጎየረና አርዶክ ካሌራ ሃ አማራ። 
\v 9 ራኮታና ህዩማታ አን ካሶዋ፤ ሀሌዎ ኳሬ አት ዱሬሳታ፤ አይሁድ አንሌኖን ግራን ኖ አይሁድና ኦአማራን ታጻላዬ ኡና ኦሌራን፥ መገካ ካባሰራን አን ካሶዋ፤ 
\v 10 ሆረንባን ኩ ታግናቶ ራኮዉን አሮአብሳተ፤ ግዳ እስን ጎጎጫፋንታኑን ዱርሳ እስንኮ ኮኮ ምን ካሻኖ ታብስናራ፤ አሪ ቶሞኑን ራኮ አታይናታን፤ ታጎቶን ካአብዳንተ ሌ፤ ካግር ካላቻ አን ኩን ስስናራ።
\p
\v 11 “አያና አማኒል ዱባን ካአማሮ ነበ ካአባ ሀማሎ!
\p “ካአዎዳይናሮ ጎይ ካላም ላኮሚሮ።”\x - \xo 2፡11 \xo*\xt ራጋ 2፡14፤ 21፡8።\xt*\x*
\s1 ካጴርጋሞን አማኒሉን ካፋራመሮ ሀንዳ
\p
\v 12 “ካጴርጋሞ አማኒልኮክ ኤርግቻትን ሃ አም ጻፍ፤ ህክና ምና ላማነ ካኤነናተሮ ሺፋ ካአበራ ሃ አማራ፤ 
\v 13 አት ካጻላየ ኮርፍንጀ ታኮግሮ ባንኤ ግራኖካ አን ካሶዋ፤ ሀሌዎ ኳሬ አት መገኬ አታይሳተ አባተታ፤ አት እዬ ካአብቶ አማኖ ላኮካካተቶ፤ ካአብዳመ አቶኬ ካሌረ አንትጳስ ጻላየ ታኮግቴ ካታማትስኒ ካኮላጋዴረን ጎራታ አት እዬ አማናኖካ ሱረ ላኮኢሰተ።
\pi
\v 14 አየሱን ጎአመን አን ኩ ካኮቱፋታሮ አየስ ኮኮ አባ፤ ህክና ካባላአም አጋልስስ ካአባተራ እባዶ ኮኮ እስን ኦሮ ግራ፤ ሂክ ባላም ካእስራኤል ጎሳ ቶልቻን ካጃርሳመሮ ባቦ ጎጎአምሮና ሻርሙጣኖይ ጎጎሀንዱዱፋራዉን ባላቂን ማርካ ካስሰሮያ።\x - \xo 2፡14 \xo*\xt ቶቶ 22፡5፥7፤ 31፡16፤ አዳ. 23፡4፤ ቶቶ 25፡1-3።\xt*\x* 
\v 15 ኡሱማለና ካንቆላ እባዶኮክ አጋልስስ ካአባ እባዶ እስን ኦሮ ግራ፤ 
\v 16 ሃንሱን ጩቦኮ ጉላ ጋል፤ ጎርቱን አን ሳም ኩ ቶስ ኤሜይጉረ ህኢቴኮ ካበያሮ ሺፋይ አን እሶ ኤግናራ።
\p
\v 17 “አያና አማኒል ዱባን ካአማሮ ነበ ካአባ ሀማሎ! ካአዎዳይናሮን ስያመ ካግሮ ማናኮ አን ኡሱን ስስናራ፤ ካኡሱብክ መገ ካኮጻፋመሮ ጉማራክ ኤኤሞ ስስናራ፤ ካአታይናሮ ኳሬ ሂካ ካካለ ማዮና ላካሶ።”\x - \xo 2፡17 \xo*\xt ብያ. 16፡14-15፤ 16፡33-34፤ ያን. 6፡48-50፤ ኢሳ. 62፡2፤ 65፡15።\xt*\x*
\s1 ካትያጢሮን አማኒሉን
\p
\v 18 “ካትያጢሮን አማኒልኮክ ኤርግቻትን ሃ አምደ ጻፍ፤
\pi ህክና ላጫ ካኤሌኔ ኣን ኦላራን ኢልኦ ካአቦኮና ቦላል ካኤሌኔይ ካዱባመሮ ታናስ ማርጮ ኣን ኦላራን ሉቃ. ካአቦ፤ ኤረ ካዋኮ ካሰጋመሮያ፤ 
\v 19 ፈሎ ኦታና ጌላንጀታ፥ አማኖካና ሀንዳኖካ ኦብሲ አታታኖካ አን ካሶዋ፤ ኦሃሬ ፈሎኦታ ኦሆሬኮ ሮራኖ አን ካሶዋ።
\pi
\v 20 አየሱን ጎአመን አን ኩ ካኮቱፋታሮ አየስ ኮ አባ፤ ህክና ‘አን ካሄገሮያ’ ታአማተ ሄለልትቲ ኤልዛበል አት ዶና ሌተ ኦብሲተታ፤ ኤሰና ኢን ኦሀንዳራን ጎጎሻርሙጢራዉና ቶልቻን ካኤካተሮ ባቦ ጎጎአምራዉን አጋልስሳኖይ እሶ ሶሶይሳታ።\x - \xo 2፡20 \xo*\xt 1 ዎኖ. 16፡31፤ 2 ዎኖ. 9፡22፥30።\xt*\x* 
\v 21 ኤሰ ጩቦኮ ጉላ ጎጎጋልቶን አን ኤሰን አሪ ስሰረ፤ ኤሰ ጎአመን ሻርሙጣኖ እስደ ጩቦኮ ጉላ ጋልን ላኮዶታተቶ። 
\v 22 ሃንሱን አልጋይ ጉት ሁዱርስረ ሀዉኣሚ ኤሰ አቦስስናራ፤ ኤሰነ ዎታ ፈሎ ኦሜላን ኦፈላራን ኦሜላን ፈሎ ኦትሶኮ ጉላ ጎጋሌን ኳሬ ኤሰነ ዎታ ኦሻርሙጠራን ዱባን ካአቲ አቦሳ አን እሶን ኬንናራ፤ 
\v 23 ይስክሴ ጎይ ሙርስናራ፤ አማኒል ዱባና ታእባዶ ቆፋና ሀልቻ ካቆቆራራ አን ላኖ እሶ ካሳንዋ፤ መተመተክሶዉን ፈሎኦትሶክ ማለ አን እሶን ስስናራ። 
\v 24 ትያጢሮኒ ኦግታኑና ሂካ ካሜላን አጋልስስ ኦአታታናዋቴታን እስን ዱባን፥ ኡሱማለና ኮኮ ‘ታጻላዬ ታኦሮ ሆልታ’ ኦአማራነ ዎታ ዴበ ኦሰሰኖን እስኑን ካካለ አጃጃ አን ላኮስስናሮ፤ 
\v 25 አየሱን ጎአመን አን ታ ኤሜሮን ካአብታን አማኖ አታይሳዬን አባዬን።
\pi
\v 26 ካአዎዳይናሮና ፈሎኦቴይ ታ ጋቾ ጌሮ ካአታታሮን አን አይዛብ ጉት ኦዶናት ስስናራ፤
\pi
\v 27 ‘ዳማ ታማርጮይ ኡሱ እስን ባሪስናራ ኤሬኮ ካፈላመሮ ሁ ኣን ጫንጫን ኡሱ እሶ ቡቱትስናራ’ ሂክ ኦዶናትና አን ኣቦኬኮ ካአታየሮ ኦዶናት አንያ፤ 
\v 28 አዎዳኖኮክ ማላታ ካሌሮ ካባባርሴ ባካላ አን ኡሱን ስስናራ፤ 
\v 29 አያና ቁሉክ አማኒል ዱባን ካአዬሳሮ ነበ ካአባ ሀማሎ!”
\c 3
\s1 ካሰርዴስ አማኒሉን
\p
\v 1 “ካሰርዴስ አማኒልኮክ ኤርግቻትን ሃ አም ጻፍ፤
\pi ሂክ፥ አያናጆል ካዋ ቶዶባና ባራጃል ቶዶባ ካአበራ ሃ አማራ፤ አን ፈሎኦታ ካሶዋ፤ መጌን አርዶክታ፤ አየሱን ጎአመን አት ጎተታ። 
\v 2 ናባድ፤ ጎይን ካጋባላመሮና ኩን ካሄሰሮ ክጫርክ ኮኮ አታይሳ፤ ሄዶኬ ሆረ ሙጭ ኦአመን ፈሎኦታ አን ላኮዴሮ። 
\v 3 ጎርታ አት ምስክ አጋልስስ አታተቶና ማልተቶ ሻድ፤ ኦራ፤ ጩቦኮ ጉላ ጋል፤ ጎናባዳናዋተ አድ አን ሄቶ ኣን ደራኣ ኩ ቶስ ኤመይናራ፤ አን ኤቲ ሳቲ ኩ ቶስ ኤሜይናሮ አት ላካሶ።\x - \xo 3፡3 \xo*\xt ማቶ. 24፡43-44፤ ሉቃ. 12፡39-40፤ ራጋ 16፡15።\xt*\x*
\pi
\v 4 አየሱን ጎአመን ሳርስክሶ ጦርቀ ሀኣትሳኖን ኦግራን እባዶጃ ኡጫር ኩኔ ዎታ ሰርዴስ ግራን፤ እሶና ጉማራክ ሳርስ ሳርሳይን ኦኮንዶትሳሮ ማንኮሌን ማራን ጉማራክ ሳርስ ሳርሳይጉሬን ኢነ ዎታ ሴይናራን። 
\v 5 ካአዎዳይናራ ሂካማሌ ጉማራክ ሳርስ ሳርሳይናራ፤ መገኬሳና ኣቦኬይና ኤርግቻልኬሳይ ሆረ አን ኡሱ አዴስስናራ፤ አርዶክ መገኬሳና ካኮማዛጋባመሮ ካግር ማዝጋባኮ ላኮሻካርናሮ። 
\v 6 አያና ቁሉክ አማኒል ዱባን ካአዬሳሮ ነበ ካአባ ሀማሎ!”
\s1 ካፍላደልፍያ አማኒሉን
\p
\v 7 “ካፍላደልፍያ አማኒልኮክ ኤርግቻትን ሃ አም ጻፍ፤
\pi ሂክ፥ ቁሉክና ካሩም ካሌሮ፥ ካዳዉተ ምንኮክ ቁልፍ ካአበራ ሃ አማራ፤ ኡሱ ካባናሮ ማዮና ላኮጩፍሮ፤ ኡሱ ካጩፋሮ አደ ማዮና ላኮባኖ።\x - \xo 3፡7 \xo*\xt ኢሳ. 22፡22፤ ኢዮ. 12፡14።\xt*\x* 
\v 8 አን ፈሎኦታ ካሶዋ፤ ሂክማ ማዮና ጩፍን ካዳንዴኖን ካባናመሮ ኡፋ አን ኩ ሆረ ካየራ፤ ሁናካ ክጫርክ ላኖ አን ካሶዋ፤ ሀሌዎ ኳሬ ሃፉራኬ ኦራተታ፤ መገኬና አት ላኮካካቴቶ።\x - \xo 3፡8 \xo*\xt ኢሳ. 49፡23፤ 60፡14፤ 43፡4።\xt*\x* 
\v 9 ጎርታ አይሁድ አንሌኖን ግራን አይሁድና ኦአማራን ሀኑኡ ታጻላዬ ኡና ኦሌራን ኦጣራ ኤሜይጉሬን ሉቃኦታ ሄገሊ ጎጎኢራኑን የልናራ፤ አን ኩ ጌላታኖና እሶ ጎጎአዴስራኑን የልናራ። 
\v 10 አት ካኦብሳቶ ሌን አን ኩኔ ካአመሮ ሃፉራኬ ማንኮኦራተቶ ማራን አን ሂካ ኡሊ ኦግራን ጫፍን አላም ዱባ ጉት ታኤማቶ ታራኮ አርኮ አን ኩ ኦሮዋ።
\pi
\v 11 አን ሳም ኤመይናራ፤ ካላቻካ ኩኮ ማዮና ጎጎአቶንኮ ካአብቶ አታይሳ አባ። 
\v 12 ካአዎዳይናሮ ሄዶኬክ ቁሉክ ምን ካዋይ አን ኡሱ ልበ የልናራ፤ ኤሰኮና ሱረ ኡሱ ላኮብናሮ፤ ሄዶኬክ መገና ሄዶኬት ካታማኮክ መገ ኡሱ ጉት አን ጻፍናራ፤ ህት ካታማ ዳሩርኮ ሄዶኬ ዶለኮ ታዳግናታ ታኡሱብት ኢየሩሳለምታ፤ ካኡሱብክ መገኬ ኡሱ ጉት አን ጻፍናራ።\x - \xo 3፡12 \xo*\xt ራጋ 21፡2፤ ኢሳ. 62፡2፤ 65፡15።\xt*\x* 
\v 13 አያና ቁሉክ አማኒል ዱባን ካአዬሳሮ ነበ ካአባ ሀማሎ!”
\s1 ካሎዶቅያ አማኒል
\p
\v 14 “ካሎዶቅያ አማኒልኮክ ኤርግቻትን ሃ አም ጻፍ፤
\pi ሂክ ሀሚኒዕ ካሌሮ፥ ካአብዳመና ካሩም አቶ ካሌሮ፤ መጣ ታዋ ዱባ ካኮሄላማቶ ካሌራ ሃ አማራ፤\x - \xo 3፡14 \xo*\xt ዳኔ. 8፡22።\xt*\x* 
\v 15 አን ፈሎኦታ ካሶዋ፤ አት አምባልክ ጎርቱን ካጉባቶ ላኮቶ፤ አምባልክ ጎርቱን ካጉባቶ ሊ ግቴዋ ኩን ካእዳንክየ! 
\v 16 አት አምባልክ ጎርቱን ካጉባቶ አንሌኖኒ ኮልኮል ካአንተ ማንኮሌተ ማራን አን ህኢቴኮ ኩ ቤስ ቱፍናራ፤ 
\v 17 ‘አን ዱሬሳያ፤ ኡራዎ ኦሞጋን አባ፤ ኢን ካሀንቃተራ ኮና ላግሮ አማታ፤ አየሱን ጎአመን አት ካዋተ፥ አጎየ፥ ህየሳ፥ ጃማስና ሀዉአይ ካግቶ ላኖካ ላካሶ፤ 
\v 18 ሃንሱን ዱረሳ ሊን ኤለኒ ካጉባመሮ ዎርቂ እንኮ ጎጎኢምናቶና፥ ሀዉአይ ላኖካኮክ ሙላ ጎልሳዪን ጉማራክ ሳርስ ሳርሳይን እንኮ ጎጎኢምናቶና ድን ካኮዳንደቶ ዶብ ካኢልኦ እንኮ ኢምናይደ ጎጎሽግዳቶን አን ኩ ጎርሳራ።
\pi
\v 19 አን ካጌላታሮ ዱባ ጎርስናራ፤ ሙርስናራ፤ ሃንሱን አታ፤ ጩቦኮና ጉላ ጋል፤\x - \xo 3፡19 \xo*\xt መጣ 3፡12፤ እብ. 12፡6።\xt*\x* 
\v 20 ሂክማ አን ጎጫ አልረ ኡፋ ባባስናራ፤ ማዮና ያየቴ ማልረ ኡፋ ኢን ጎባነ ኡሱ ቶስ ታብረ ኡሱነ ዎታ ባቦ አን ኣምናራ፤ ኡሱና ኢነ ዎታ አምናራ፤
\pi
\v 21 አንና አዎደጉረ ኣቦኬነ ዎታ ኮርፍንጀ ጉት ጎጎሀማጼሮይ ኡሱማሌ ካአዎዳይናራና ኢነ ዎታ ኮርፍንጄ ጉት ጎጎሀማጽሮን የልናራ። 
\v 22 “አያና ቁሉክ አማኒል ዱባን ካአዬሳሮ ነበ ካአባ ሀማሎ!”
\c 4
\s1 ዳሩሪ ካግሮ ኮርፍንጅ
\p
\v 1 “ሂካኮ አባባየረና አን ዴ፤ ዳሩሪ ካባናመረ ኡፋ ግረ፤ አን ሆራርጀ ማለ ታግረ ታጡሩንባ ያየ ኣን ታላታ ያየ ሃ አንተ፤ ‘ኮይ ሂታራ ኤልዴ ቤ፤ ሆረንባን ሊን ካዶትሳሮ አየስ አን ኩን ቱስናራ፤’ 
\v 2 ባኔዋ አን አያና ቁሉክ አማጋመ፤ ሂክማ አን ዳሩሪ ኮርፍንጀ ዴ፤ ኮርፍንጄይ ካሀማጼራ እባዶት ኮ ግረ። 
\v 3 ኮርፍንጄይ ጉት ሀማጼ ካግረኮት ምዲ ካኢያሰጲድና ካሰርድኖ አዉኣሎክ ኤኤሞ ኣን ካላሮየ፤ ኮርፍንጄይ ማራሙረ ካመረግድ አዉኣሎክ ኤኤሞ ኣንክክ ጀሬን ካኢዳሞ ግረ።\x - \xo 4፡3 \xo*\xt ሕዝ. 1፡26-28፤ 10፡1።\xt*\x* 
\v 4 ኡሱማለና ኮርፍንጄይ ማራሙረ ላማታንኮ አፋር ኮርፍንጄል ግረ፤ ኮርፍንጄል ጉት ጉማራክ ሳርስ ካሳርሳተራና መተክሶ ጉት ካዎርቂ ካላቻ ካካተራ ላማታንኮ አፋሮ ጃርሳ ሀማጼ ግረ። 
\v 5 ኮርፍንጀኮ ሀንቃና ያየና ድድዴናነ ዎታ ብያ ግቴ፤ ኮርፍንጄ ሆረ ካቤባራ ዳብ ቶዶባ ግረ፤ እሶና ቶዶባ አያናጆል ካዋያን።\x - \xo 4፡5 \xo*\xt ብያ. 19፡16፤ ራጋ 8፡5፤ 11፡19፤ 16፡18፤ ሕዝ. 1፡13፤ ራጋ 1፡4፤ ዛኪ. 4፡2።\xt*\x* 
\v 6 ኮርፍንጀ ሆረ ታሙጭንተ ማስቶቲ ኣን ዎላ ዎላ አንተ ታሀንቃታ ላቡ ግቴ፤
\p “ኮርፍንጀ ጠኤይና ማራሙረ ሆረነና ሃሬ ኢልኦ ኦሞጋን ታአብታ ኔፎ ታአብታ መጣ አፋሮ ግቴ፤ 
\v 7 ታሆሬ ኔፎ ታአብታ መጣ ሉባን ኣን ላቴ፥ ታላም አሪ ኣን ላቴ፥ ታሴድ ኔፎ ታአብታ መጣና በቤድ ታእባዶ ኣን ላቴ፥ ታአፋር ኔፎ ታአብታ መጣና ካቡባሮ ላቦባ ኣን ላቴ። 
\v 8 ኔፎ ታአብታ መጣ አፋሮ መተመተይ ባላሎ ሌ አባናይተ፤ ኡሱ ማራሙረና ኦሮኦትሶይ ኢልኦ አማጋመሬን፤ አሪና ሄመን፤
\q1 “ቁሉክ፥ ቁሉክ፥ ቁሉክ
\q2 ዱባ ካዳንዳራ ጎታ ሄዶ፥
\q2 ካግረ፤ ካግራና ካኤሜይናራ” አማኖ ላኮኢሳሬን።\x - \xo 4፡8 \xo*\xt ሕዝ. 1፡18፤ 10፡12፤ ኢሳ. 6፡2-3።\xt*\x*
\m
\v 9 ህት ኔፎ ታአብታ መጣ ኮርፍንጀ ጉት ካሀማጼሮና ጅሩ ጅሮማኮ ታ ጅሩ ጅሮማ ጌሮን ካግርናሮን ጂናን፥ ካባጃና ጋላታ ካኮስሳራን ጎራታ ዱባ፥ 
\v 10 ላማታንኮ አፋሮ ጃርሳ ጅሩ ጅሮማን ካግርናሮን፥ ኮርፍንጄይ ጉት ካሀማጼሮ ሆረ ሆረ በቤዲ ኡል ኦዬረን ሳጋዳራን፤ ካላቻክሶና ኮርፍንጄይ ሆረ ካዬንጉሬን፥ ሃ አመን፤
\q1
\v 11 “ጎታካንና ዋ ሄዶካን!
\q1 አት ካመን ዱባ ማንኮመጢተቶ ማራን፥
\q1 ካመን ዱባ ካኮመጣመራና
\q2 ካኮግርናራ (ግር ካሄላተራ) ፈኢታይ ማንኮሌ ማራን፥
\q2 ጂንና፥ ካባጃና ሁናና ኩን ዶትሳራ አማ ግረን።”
\c 5
\s1 ማጻፋና ኢዳዶ
\p
\v 1 ኮርፍንጄ ጉት ካሀማጼራ ምና ታሳሬነና ታኦሮነ ካጻፋመሮ ማታማል ቶዶባይ ካባሳመሮ ካዱባመ ካጋልባ ማጻፋ ገነ ታመርጌይ አበ ግራን አን ዴ።\x - \xo 5፡1 \xo*\xt ሕዝ. 2፡9-10፤ ኢሳ. 29፡11።\xt*\x* 
\v 2 ካአቲ ኤርግቻት ኮ ታአቲ ያዬይ፥ “ማታማል ፉርንና ካዱባመሮ ካጋልባ ማጻፋ ባንን ካዶትሳራ አዮያ?” አመ አዬሳ ግራን አን ዴ። 
\v 3 አየሱን ጎአመን ዳሩርና ሌረ ኡሊ ጎርቱን ኡልኮ ሄገሌ ካዱባመሮ ካጋልባ ማጻፋ ኦሮ ባን ድን ካዳንዴ ማዮና ላኮግረ። 
\v 4 ካዱባመሮ ካጋልባ ማጻፋ ኦሮ ባን ድን ካኮንዶትሳረ ማንኮዋታመ ማራን አን ኣሎ ኦየ። 
\v 5 ሀሱ ጎራታ ጃርሶለኮ ኮ ኢነ፥ “አት አሮኦተ፤ ሂክማ ታይሁዳ ኣኒ ካሌራ ሉባን ታዳዉተ አላታንኮክ ህዲድኮ ካኬራ ኡሱ አዎደራ፤ ኡሱ ካዱባመሮ ካጋልባ ማጻፋና ማታማል ቶዶባ ባንን ዳንዳራ” አመ።\x - \xo 5፡5 \xo*\xt መጣ 49፡9፤ ኢሳ. 11፡1፥10።\xt*\x*
\p
\v 6 ሂካኮ አባባተረ ኔፎ ታአብቶ መጣ አፋር ጠኤ፥ ኮከ ካጎሳመሮ ኣን ካላሮ ጃርሶለ ጠኤ ካአሌሮ ኢዳዶ አን ዴ፤ ሂክ ኢዳዶትና ማሻ ቶዶባና ኢልኦ ቶዶባ አባናየ፤ እሶና ሂካ አላም ቶስ ኦፋራመራን ካዋ አያናልያን።\x - \xo 5፡6 \xo*\xt ኢሳ. 53፡7፤ ዛኪ. 4፡10።\xt*\x* 
\v 7 ሂክ ኢዳዶ ኤመተጉረ ኮርፍንጀ ጉት ካሀማጼሮኮት ገነ ታመርገኮ ካዱባመሮ ካጋልባ ማጻፋ ኣተ። 
\v 8 ካዱባመሮ ካጋልባ ማጻፋ ካኮአታረ ጎራታ ኔፎ ታአብታ መጣ አፋሮና ጃርሶለ ላማታንኮ አፋሮ ኡሱ ኢዳዶ ሆረ ግልቢሴን በቤዲ ኡል ኦዬን፤ እሶ መተመተይ በገና አባተን ግረን፤ ኡሱማለና ቁሎሌኮክ ኤብ ካሌራ ኢጣና ካኮአማጋመረ ካዎርቂ ሁይ ጃርሶ አባተን ግረን።\x - \xo 5፡8 \xo*\xt ማዛ. 141፡2።\xt*\x* 
\v 9 ካኡሱብ ማዛሙር ሃ አማ ዛማሬን፤
\q1 “ኢግካይ ኣኒ ኣኒኮ፥ ሄኢ ህኢኮ፥
\q2 ኡናኡናኮ፥ ጎሳጎሳኮ
\q1 እባዶ ዋዉን ዎዶ ሊ ኤካስን፥
\q2 አት ማንኮኤናንተቶ ማራን
\q2 ካዱባመሮ ካጋልባ ማጻፋ ኣትን
\q2 ማታማልኬሳና ባንን ካዶትሳቶ ሌተታ፤\x - \xo 5፡9 \xo*\xt ማዛ. 33፡3፤ 98፡1፤ ኢሳ. 42፡10።\xt*\x*
\q1
\v 10 ሄዶኬዉን ዎኖና ቱቃሞል
\q2 ጎጎሌራኑን አት እሶ የልተታ፤
\q2 ኡሊ ጉቲና ሬድናራን።”\x - \xo 5፡10 \xo*\xt ብያ. 19፡6፤ ራጋ 1፡6።\xt*\x*
\p
\v 11 አን ኤሰራ ጎዴሮ ኮርፍንጄሊ፥ ኔፎ ካአባ መጣጆልና ጃርሶለይ ማራሙረ ካሞጋን ኤርግቻልኮት ያየ አን ማለ፤ ሞጋንክሶና ቶታም ካሄሌላሞንየ፤\x - \xo 5፡11 \xo*\xt ዳኔ. 7፡10።\xt*\x* 
\v 12 ታአቲ ያዬይና፥
\q1 “ኮከ ካጎሳመሮ ኢዳዶ ሁና፥ ዱሩማ፥
\q2 ቃሩማ፥ አታን፥ ጂናን፥ ካባጃና
\q2 ጋላታ አታይን ካዶትሳሮያ” አመን።
\m
\v 13 ዳሩርና ኡሊ፥ ኡልኮ ሄገለና በከ፥ እሶ ኦሮ ታግታ መጣ ዱባ፥
\q1 “ኮርፍንጀ ጉት ካሀማጼሮና ኢዳዶን
\q2 ጋላታ፥ ጂናን፥ ካባጃና ሁና
\q2 ጅሩ ጅሮማኮ ታ ጅሩ ጅሮማ ጌሮ ሀሌዎ!” እሶ አማ ግራን አን ማለ።
\p
\v 14 ኔፎ ታአብታ መጣ አፋሮና፥ “ሀሚኒዕ!” አንተ፤ ላማታንኮ አፋሮ ጃርሶለና ግልቢሰንጉሬን በቤዲ ኡል ኦዬን ሳጋደን።
\c 6
\s1 ማታማልኮክ ባናማኖ
\p
\v 1 ሂካኮ አባባተረ ኢዳዶ ማታማል ቶዶባኮ ካሆራርጄ ባና ግራን አን ዴ። ኔፎ ካአቦ መጣጆል አፋርኮ ኮ ባንቃኖ ኣን ህዲድ ታአማቶ ያዬይ፥ “ኮያ!” አማ ግራን አን ማለ። 
\v 2 አን ፋራድ ጉማራክ ዴ፤ ፋራድ ጉት ካሀማጼራ ዳዌ አባተ ግራን አን ዴ፤ ካላቻና ኡሱን ስሳመ፤ ኡሱና ካአዎደሮ ሌጉረ አዎዳኖኮ አዎዳኖ ቶስ ሴይን ቤ።\x - \xo 6፡2 \xo*\xt ዛኪ. 1፡8፤ 6፡3።\xt*\x*
\p
\v 3 እዳዶ ካላምክ ማታማ ካኮባናረ ጎራታ፥ ታላምት ኔፎ ታአብታ መጣ፥ “ኮያ!” አማ ግራን አን ማለ። 
\v 4 ካካለ ሄላክ ፋራድ ቤ፤ ፋራድ ጉት ካሀማጼሮን ኖጎዳ ኡልኮ ጎጎባስሮና እባዶ እስእስኦሮ ጎጎጉዳሮን የልን ኦዶናት ኡሱን ስሳመ፤ ካአቲ ሺፋና ኡሱን ስሳመ።\x - \xo 6፡4 \xo*\xt ዛኪ. 1፡8፤ 6፡2።\xt*\x*
\p
\v 5 እዳዶ ካሴድ ማታማ ካኮባናረ ጎራታ ታሴድ ኔፎ ታአብታ መጣ፥ “ኮያ!” አማ ግራን አን ማለ፤ አንና ጋምባላክ ፋራድ ዴ፤ ፋራድ ጉት ካሀማጼራ ካኮሄረግሳራን ገነቴሳይ አባተ ግረ፤\x - \xo 6፡5 \xo*\xt ዛኪ. 6፡2፥6።\xt*\x* 
\v 6 ኔፎ ካአቦ መጣጆል አፋርኮ ታበያቶ ያየ ኣን ታላቶ አን ማለ፤ ህት ያየና፥ ኪሎ ቶኮት ምና ግታት ዳርጋማ አሪ ቶክ ዳሞዛ፥ ኪሎ ቶና ምናና ካሌሮ “ሀኡር አሪ ቶክ ዳሞዛ ሀሌዎ፤ ዛይቲና ዎይኒ አሮምርተ!” አማ ግራን አን ማለ።
\p
\v 7 እዳዶ ካአፋር ማታማ ካኮባናረ ጎራታ ታአፋር ኔፎ ታአብቶ መጣኮት ያየ፥ “ኮያ!” አማ ግራን አን ማለ፤ 
\v 8 አን ሽርንዶክ ፋራድ ዴ፤ ኡሱ ፋራዲ ጉት ካሀማጼሮኮክ መገ ጎይ አማማረ፤ ቦዋና ኡሱ ዴበ ሰሴታ ግረ፤ ጎይና ቦዋና ታኡሌ ገነ አፋርኮ ቶ ጀሬኒ፥ ኡኢ፥ ኩባ ኡሊ ጉት ኔፎ ታአብቶ መጣ ጎጎላጋድራኑን እሶን ኦዶናት ስሳመ።\x - \xo 6፡8 \xo*\xt ሕዝ. 14፡21።\xt*\x*
\p
\v 9 ካከን ማታማ ካኮባናማረ ጎራታ፥ ሃፉራ ካዋ ማራና እሶ ካስሰራን አቶ ማራን ካጎየሮ እባዶኮት ኔፎ ታጃርሶ ባንኤ ሄገሊ አን ዴ፤ 
\v 10 እሶና ታአቲ ያዬይ፥ “ዱባንኮ ጦቂ ካአንተ፥ ቁሉክና ካሩም ዋ! ኡሊ ካግሮ እባዶ ጉት ካኮንፍርድኖና ኢግካን ማራን ሀሎ ካኮብያናዋታ አት ሀጌ ታ ጌቶንያ? አማ ኦኬን።” 
\v 11 እሶን መተመቴ ጉማራክ ሳርስ ስሳመ፤ እሶ ኣን ጋና ኦጎይናራዉን፥ እሶ አን ኦሀንዳራን ሳትላልትሶና አቢላልትሶኮት ቶቶ ታ አማጋምራን ጎራታ ክጫር ጎጎኦብስራዉን እሶን ሰጋመ።
\p
\v 12 ኤሰኮ አባባተረ ኢዳዶ፥ ማታማ ካሌይ ካኮባናረ ጎራታ አን እሶ ቶስ ዴ፤ ሀሱ ጎራታ ኡልኮክ ሻላጋማኖ ሌ፤ አርቲ ጋምባላክ ሳርስ ካሬስሴ ኣን ጋምባላ ሌተ፤ ድግንና ኢግ ኣን ሄላ ሌተ።\x - \xo 6፡12 \xo*\xt ራጋ 11፡13፤ 16፡18፤ ኢሳ. 13፡10፤ ኢዩ. 2፡10፥31፤ 3፡15፤ ማቶ. 24፡29፤ ማር. 13፡24-25፤ ሉቃ. 21፡25።\xt*\x* 
\v 13 ታአቲ አምባል ኬተጉደ ካባላስ ጋ ጎአኢሶ ታዱባንተታ ኢል ጋኮ ጎጎኡባቶ ማለ ዳሩርኮ ባራጃልና ኡባተ።\x - \xo 6፡13 \xo*\xt ኢሳ. 34፡4።\xt*\x* 
\v 14 ዳሩርና ካዱባመሮ ማጻፋ ኣን ዱባንተ ባተ፤ ዎዳሚል ዱባና ኦዶላል ዱባ ባንኤትሶኮ ባዬን።\x - \xo 6፡14 \xo*\xt ራጋ 16፡20።\xt*\x* 
\v 15 ካኡሌ ዎኖላል፥ ሞትጆል፥ ካጀረነ ዎይቻል፥ ዱሬሳል፥ ኦአቲ፥ ድይል ባልቻል ዱባ ላጋልና ዎዳሚል ኤኤሞል ኦሮ ስያሜን፤\x - \xo 6፡15 \xo*\xt ኢሳ. 2፡19-21።\xt*\x* 
\v 16 ዎዳሚልና ኤኤሞል፥ “ኖ ጉት እያ! ኮርፍንጀ ጉት ካሀማጼሮ ሆረ፥ ታኢዳዶ ኤንገኮ ኖ ጎልሳ!\x - \xo 6፡16 \xo*\xt ሆሴ 10፡8፤ ሉቃ. 23፡30።\xt*\x* አመን። 
\v 17 ታአቲ ታኤንጌ አሪ ኤሜተታ፤ አዮያ አራኣይ አልን ካዳንዴራ?” አመን።\x - \xo 6፡17 \xo*\xt ኢዩ. 2፡11፤ ሚል. 3፡2።\xt*\x*
\c 7
\s1 144,000 ካእስራኤል እባዶ
\p
\v 1 ኤሰኮ አባባየረ ኤርግቻል አፋሮ ኡሊ ጉት ምና አፋርነ አሌ ካግሮ አን ዴ፤ እሶና ኡሊና ሌረ በከ ኦሮ ጎርቱን ጋ ጉት አምባል ሱረ ጎጎኬኖንኮ ኡሊ ጉት ምና አፋርኮ ታኤማቶ አምባል ኣልሴን።\x - \xo 7፡1 \xo*\xt ኤር. 49፡36፤ ዳኔ. 7፡2፤ ዛኪ. 6፡5።\xt*\x* 
\v 2 አርዶክ ሄዶኮክ ማታማ ካአበራ ካካለ ኤርግቻ ምና ታብያንኮ ኤመታ ግራን አን ዴ፤ ኡልና በከና ጎጎሚራዉን ኦዶናት ካኮስሰሮ ኤርግቻ አፋሩን ያየ ጦቂሰረ፤ 
\v 3 “ሄዶካኒን ኦሀንዳራንኮት በቤድ ጉት ኖ ማታማ ታ ካይኖን፥ ኡልና ሌረ በከ ጎርቱን ጋዶል አሮምርቴን” አመ።\x - \xo 7፡3 \xo*\xt ሕዝ. 9፡4፥6።\xt*\x* 
\v 4 ማታማ ካኮካመሮ እባዶኮኒዕ ቶቶና ማለ፤ ታእስራኤል ኣኒኮ ማታማ ካኮካመሮ እባዶኮኒዕ ቶቶ 144,000። 
\v 5 ታይሁዳ ኣኒኮ ማታማ ካኮካመራ 12,000፥ ታሮቤል ኣኒኮ 12,000፥ ታጋድ ኣኒኮ 12,000፥ 
\v 6 ታአሴር ኣኒኮ 12,000፥ ታንፍታሌም ኣኒኮ 12,000፥ ታሚናሰ ኣኒኮ 12,000፥ 
\v 7 ታስሞና ኣኒኮ 12,000፥ ታዎዮሌ ኣኒኮ 12,000፥ ታይሳኮር ኣኒኮ 12,000፥ 
\v 8 ታዛብሎን ኣኒኮ 12,000፥ ታዮሴፋ ኣኒኮ 12,000፥ ታብንያመ ኣኒኮ 12,000ዬን።
\s1 ጉማራክ ሳርስ ካሳርሳተሮ ካሞጋን ጎሳ
\p
\v 9 ሂካኮ አባባየረ፤ ማዮና ቶት ካሄሌሎን እባዶ ዴ፤ እሶ ጎሳ ዱባኮና ኣኒ ዱባኮ፥ ኡና ዱባኮና ካለካለት ሄኢ ካአዬሳሮ ዱባኮ ካበቤሮየ፤ ሂኒዕ ጉማራክ ሳርስ ሳርሳቴረን፤ ባላሎ ኦዛንባባ ገነትሶይ አባተንጉረን ኮርፍንጄይና ኢዳዶይ ሆረ አሌን ግረን፤ 
\v 10 ታአቲ ያዬ ኦካ፥
\q1 “ፋይና ካኮሄላማራ ኮርፍንጄ ጉት ካሀማጼሮ
\q2 ሄዶካንኮና ኢዳዶኮያ!” አማ ግረን።
\p
\v 11 ኤርግቻል ዱባ ኮርፍንጄይና ጃርሶለይ ኔፎ ታአብቶ መጣ አፋሪ ማራሙረ አሌ ግረ፤ ኮርፍንጄይ ሆረ ግልቢሴን በቤዲ ኡል ኦዬረን ዋዉን ሳጋደን፤ 
\v 12 ሃና አመን፤
\q1 “ሀሚኒዕ! ሳድሳማኖ፥ ጂናን፥ ቃሩማ፥
\q2 ጋላታ፥ ካባጃ፥ ሁና፥ አታን
\q2 ሄዶካንዉን ጅሩ ጅሮማኮ ታ ጅሩ ጅሮማ ጌሮ ሀሌዎ! ሀሚኒዕ።”
\p
\v 13 ጃርሶለኮ ኮ እን ቶስ ካምባል አመረ፥ “ሂኒዕ ጉማራክ ሳርስ ኦሳርሳቴራን አዮስያን? ሀጌኮ ኤመቴራን?” አመ።
\p
\v 14 አንና “ጎታ! አት ካሶዋ” አመ። ኡሱና ኢነ ሃ አመ፤ “ሂኒዕ ታአቲ ራኮ ኦሮማሬን ሮረን ኦኤሜተራንያን፤ ሳርስክሶና ካኢዳዶ ኢግ አልሳቴን ጉማራ የላተራን፤\x - \xo 7፡14 \xo*\xt ዳኔ. 12፡1፤ ማቶ. 24፡21፤ ማር. 13፡19።\xt*\x* 
\v 15 ሃንሱን ኮርፍንጀ ካዋይ ሆረ አሌረን አሪና ሄመን ቁሉክ ምን ካዋይ ኡሱን ሀንዳራን፤ ኮርፍንጄይ ጉት ካሀማጼራና እሶን ምን ልናራ። 
\v 16 ሂታኮ ሆረንባን እሶ ላኮኡኢናራን፥ ላኮሱጉባይናራን፥ አሪትና እሶ ላኮባሶ፤ ፉርሳና እሶ ላኮሄልቶ።\x - \xo 7፡16 \xo*\xt ኢሳ. 49፡10።\xt*\x* 
\v 17 ኮርፍንጄይ ጠኤ ካግራ ኢዳዶ እሶ ካፎፋሮ ልናራ፤ ኦግር በከኮክ ፉልቶ ቶስ እሶ ቃጄልስናራ፤ ዋ ኢልም ዱባ ኢልኦ ኦትሶኮ ሻካርናራ።”\x - \xo 7፡17 \xo*\xt ማዛ. 23፡1-2፤ ሕዝ. 34፡23፤ ኢሳ. 49፡10፤ 25፡8።\xt*\x*
\c 8
\s1 ካቶዶብ ማታማ ባናማኖ
\p
\v 1 እዳዶ ማታማ ካቶዶብ ካኮባናረ ጎራታ ሳቲ ቶኮት ምና ዳሩር ጫልአንተ፤ 
\v 2 ዋይ ሆረ ካአልናሮ ኤርግቻል ቶዶባ ዴ፤ እሶና ማላካታ ቶዶባ ስሳመ።
\p
\v 3 እጣና ካኮኢዮሳራን ካዎርቂ ሁ ካአባተራ ካካለ ኤርግቻት ኤመተጉረ ታጃርሶ ባንኤ ዶሌ አሌ፤ ኮርፍንጄይ ሆረ ካግሮ ካጃርሶ ካዎርቂ ሁይ ጉት ካቁሎሌ ኤብነ ዎታ ካስሳምሮ ካሞጋን ኢጣና ኡሱን ስሳመ።\x - \xo 8፡3 \xo*\xt አሞ. 9፡1፤ ብያ. 30፡1-3።\xt*\x* 
\v 4 ካኢጣና ኢይ ካቁሎሌ ኤብነ ዎታ ገነ ታኤርግቻትኮ ዋ ቶስ ቤ። 
\v 5 ሂታኮ አባባተረ ኤርግቻት ኢጣና ካኮኢዮሳራን አበጉረ ታጃርሶ ባንኤኮ ኤለን ክበ አማገጉረ ኡል ቶስ ሻፈ፤ ድዲዴና፥ ታአቲ ያዬ፥ ባንቃኖ፥ ኡልኮክ ሻላጋማኖና ሌ።\x - \xo 8፡5 \xo*\xt ዎዩ. 16፡12፤ ሕዝ. 10፡2፤ ብያ. 19፡16፤ ራጋ 11፡19፤ 16፡18።\xt*\x*
\s1 ማላካታኮክ ኡፉፋማኖ
\p
\v 6 ማላካታ ቶዶባ ካአባተራ ኤርግቻል ቶዶባ ማላካታክሶ ኡፉፋይን እስ ኤካሳቴን።
\p
\v 7 ካሆራርጄ ኤርግቻት ማላካታኬሳ ኡፉፈ፤ ኢግ ታኮለለዳመሮ በሌትና ኤለን ሌ፤ ኡል ቶንሳ ሻፋመ፥ ኡልኮና ገነ ታሴድ ጉባተ፤ ጋኮና ገነ ታሴድ ጉባተ፤ ካጫሪደራ ኤስ ዱባና ጉባተ።\x - \xo 8፡7 \xo*\xt ብያ. 9፡23-25፤ ሕዝ. 3፡22።\xt*\x*
\p
\v 8 ካላም ኤርግቻትና ማላካታኬሳ ኡፉፈ፥ ታንጂንት ዎዳም ኣን ካላራ ማመ ቤባ በከ ኦሮ እዬ፤ በከና ገነ ታሴድ ኢግ ሌን፤ 
\v 9 በከ ኦሮ ታግቶ ኔፎ ታአብቶ መጣኮ ገነ ታሴድ ጎተ፤ ማርካፋልኮና ገነ ታሴድ ኤኤብተ።
\p
\v 10 ካሴድ ኤርግቻትና ማላካታኬሳ ኡፉፈ፤ ዳብ ኣን ካቤባራ ካንጂንክ ባራጃ ዳሩርኮ እዬ፤ ካኢየራና ካዳጋሮ ማዳ ገነ ታሴድና ካበከ ፉልቶል ጉቲያ።\x - \xo 8፡10 \xo*\xt ኢሳ. 14፡12።\xt*\x* 
\v 11 ባራጃኮክ መገና እሬቶ አማማራ፤ ታበከ ገነ ታሴድኮ ገነ ቶ ኦኦኮኮታራን ሌን፤ ኦኦኮኮታራን በከኮት ኣላንቲ ካሞጋን እባዶ ጎየ።\x - \xo 8፡11 \xo*\xt ኤር. 9፡15።\xt*\x*
\p
\v 12 ካአፋር ኤርግቻት ማላካታኬሳ ኡፉፈ፤ አርት ገነ ሰድኮ ገነ ቶ፥ ድግኒ ገነ ሰድኮ ገነ ቶ፥ ባራጃል ገነ ሰድኮ ገነ ቶ ባሳመ፤ ሃንሱን እሶ ዱባኮ ገነ ሰድኮ ገነ ቶ ሙጉድ ሌተ፤ ኡሱማሌ አሪ ገነ ሰድኮ ገነ ቶና ሄመን ገነ ሰድኮ ገነ ቶ ኢፋ ካላይት ሌተ።\x - \xo 8፡12 \xo*\xt ኢሳ. 13፡10፤ ሕዝ. 32፡7፤ ኢዩ. 2፡10፥31፤ 3፡15።\xt*\x*
\p
\v 13 ሂካኮ አባባይረ አን ካኮዴሮ ጎራታ ላቦባ ቶ ዳሩርኮ ቡባ ታአቲ ያዬይ፥ “ኦሄሴራን ኤርግቻጃ ሴዶ ማላካታክሶት ያየ ካኮማልስሳሬን ጎራታ ኡሊ ካግሮ እባዶን ኣኔ! ኣኔ! ኣኔ!” አማ ኦካ ግራን አን ማለ።
\c 9
\p
\v 1 ካከን ኤርግቻት ማላካታኬሳ ኡፉፈ፤ ዳሩርኮ ሄገልዴ ኡሊ ካኢየሮ ባራጃ ኮ ዴ፤ ቦላክ ጉምቢ ካኮባናራን ቁልፍ ኡሱን ስሳመ። 
\v 2 ኡሱና ቦላክ ጉምቢ ባነ፤ ኢይና ካአቲ አባርኮ ካበያሮ ኢይ ኣን ሌ ቦላክ ጉምቢኮ ቤ፤ ጉምቢኮ ካበያሮ ኢይኮት ኣላንቲ አሪትና ዳሩሪ ሙጉድ ሌተ።\x - \xo 9፡2 \xo*\xt መጣ 19፡28።\xt*\x* 
\v 3 እይ ኦሮኮ ከንተፋሮል ቤጉረ ኡል ጉት ዳገ፤ ኡሊ ጉት ጫጫቦን ካስሳመሮ ሁና ኣንክክ ሁና እሶን ስሳመ።\x - \xo 9፡3 \xo*\xt ብያ. 10፡12-15።\xt*\x* 
\v 4 ኡሊ ካግሮ ኤንሳ ሌረ ማመና ጫሪዶክ ኮኮ ጎርቱን ማምስክ ጋ ጎጎሚሮንኮ እሶን ሰጋመ፤ ሚራኣምን ካዶትሳራ ጎአመን በቤዲ ጉት ማታማ ካዋ ካኮዋታመሮ እባዶ ካላልየ።\x - \xo 9፡4 \xo*\xt ሕዝ. 9፡4።\xt*\x* 
\v 5 እሶና ጎሌና ድግኒ ከኑን አቦስስንያ ኳሬ ላጋዲን ፈኢ ላኮስሳንተቶ፤ ከንተፋሮልና ካጌግሳራ አቦሳ ጫጫቦ እባዶ ጎአባሮ ጎጎሀዉኢሳሮክ ማሌያ።\x - \xo 9፡5 \xo*\xt ኢዮ. 3፡21፤ ኤር. 8፡3።\xt*\x* 
\v 6 ኤሰ አሪ እባዶ ጎይ ሀልችናራ፤ አየሱን ጎአመን ጎይ እሶ ላኮሄልናሮ፤ ጎይን ሀልቺናራን፤ አየሱን ጎአመን ጎይ እሶኮ ባቃይናራ።\x - \xo 9፡6 \xo*\xt ኢዮ. 3፡21፤ ኤር. 8፡3።\xt*\x*
\p
\v 7 ከንተፋሮልና ጀሬኑን ካኤካተሮ ፋራድ ኣን ላረ፤ መተክሶ ጉት ካዎርቂ ካላቻ ኣን ካላራ ኮኮ ግረ፤ በቤድትሶና ታእባዶ በቤድ ኣን ላቴ፤\x - \xo 9፡7 \xo*\xt ኢዩ. 2፡4።\xt*\x* 
\v 8 መተ ካሄለለ ኣን ካላሮ መተ አባናየን፤ ኢልኮኦትሶና ኦሉባን ኢልኮ ኣን ላረን፤\x - \xo 9፡8 \xo*\xt ኢዩ. 1፡16።\xt*\x* 
\v 9 እሶ ካማርጮ ላላ\f + \fr 9፡9 \fr*\fqa ላላ (ጥሩር) \fqa*\ft አማኖ ማርጮኮ ካፈላማሮ ጌግዮ ካሙዋታራን ሁ ካጀሬኔያ። \ft*\f* ኣን ካላሮ ሁ ካጀሬን ላላ አባናየን፤ ባላሎኦትሶኮክ ሃፉራ ጀሬን ሻፋይን ካትያራ ፋራንዳ ኦሶርጋን ታማልስሳራን ያየ ኣን ላቴ።\x - \xo 9፡9 \xo*\xt ኢዩ. 2፡5።\xt*\x* 
\v 10 ጫጫቦ ኣን ደቤና ካኤጋሮ ሌማ አባናየን፤ ደበትሶይ ኦሮ ድግኒ ከኑን እባዶ ካኮሚርአን ሁና አባናየን። 
\v 11 እሶ ዎኖ አባናየን፤ ኡሱና ቦላክ ጉምቢኮክ ኤርግቻትያ፤ መገኬሳና ታኢብራይስጢ ሄኢ አባዶን፥ ታግሪክ ሄኢ አጶልዮን አማማረ።\f + \fr 9፡11\fr*\fqa አባዶን ጎርቱን አጶልዮን \fqa*\ft አማኖ ካባሳሮ ጎርቱን ኢግ ካአባባሮ አማኖያ። \ft*\f*
\p
\v 12 ታሆሬ ኣኔ ሮርተታ፤ ሂታኮ አባባይደ ታካለ ኣኔ ላማ ጋና ኤመይናታ።
\p
\v 13 ካሌይ ኤርግቻት ማላካታ ኡፉፈ፤ ዋይ ሆረ ካግሮ ዎርቂኮ ካፈላመሮ ካጃርሶ ማሻኮ ያየ ብያ ግራን አን ማለ።\x - \xo 9፡13 \xo*\xt ብያ. 30፡1-3።\xt*\x* 
\v 14 ኤሰ ያየና ማላካታ ካአበሮ ካሌይ ኤርግቻትነ፥ “ካንጂንክ ላጋ ካኤፍራጢሲ ኦሽያሜሬን ኤርግቻል አፋር ፉር!” አንተ። 
\v 15 ህታ ሳቲዉና ህታ አርዉን፥ ህታ ድግንዉና ሂካ ጌሱን ኦኤካተራን ኤርግቻል አፋሮ ሳኒ ታእባዶ ገነ ሰድኮ ገነ ቶ ጎጎላጋድራኑን ፉራሜን። 
\v 16 ካፋራዴል ዎታዳራልኮክ ሞጋን ላማ ቦሌ ሚሎን ላኖ አን ማለ። 
\v 17 ፋራዴልና ፋራዲ ጉት ካሀማጼሮ እባዶ ራጋይ ካኮዴራ ሂካማሌየ፤ ጌግዮትሶይ ካግረ ካጀረነ ላላ ካኤሌኔ ቦላል ኣን ሄላክ፥ ካካባጃመ ኤኤሞ ጋምባላክ ዳሩር ኣን ካላሮ፥ ላጫ አንና ሄኣክየ፤ ኡሱ ፋራዴልኮክ መተ ካሉባን መተ ኣን ላረ፤ ህኢትሶኮ ኤለን ኢይና ላጫ ብያረ፤ 
\v 18 እሶ ህኢትሶኮ ታቤሰራን ኤለን፥ ኢይና ላጫ ህታ ኤንገ ሴዲ ሳኒ ታእባዶኮ ገነ ታሴድ ጎተ። 
\v 19 ኡሱ ፋራዴልኮክ ሁና ህኢትሶይና ደበትሶይ ግረ፤ ደበትሶና ሀበሳ ኣን ላቴ፤ ካሀበሳ መተ አባናየን፤ እባዶና ካኮሚራራን ኡሱያ፤
\p
\v 20 ህታ ኤንጌ ጎይኮ ታሄሰታ ሳኒ ታእባዶ ገነትሶኮኒዕ ፈሎኮ አባባቴንጉረን ጩቦኮ ጉላ ላኮጋሌን፤ ዱርሳና ዎርቂኮ፥ ብርኮ፥ ናስኮ፥ ኤኤሞኮና ጋኮ ካፈላመሮ ድያኖ ጎርቱን ማላኖ ጎርቱን ሰሴይን ካዳንዴኖን ቶልቻ ሄዶይሳታኖ ላኮኢሴን።\x - \xo 9፡20 \xo*\xt ማዛ. 115፡4-7፤ 135፡15-17፤ ዳኔ. 5፡23።\xt*\x* 
\v 21 ኡሱማለና እሶ ኔፎ ላጋዳናኮ፥ ሞራኖክሶኮ፥ ሻርሙጣኖኮ፥ ሄታታኖኮ፥ ሂካ ጩቦኮ ጉላ ላኮጋሌን።
\c 10
\s1 ኤርግቻትና ክጫርክ ካዱባመ ካጋልባ ማጻፋ
\p
\v 1 ሂካኮ አባባተረ ዱማንቻ ካሳርሳተራ ካካለ ካአቲ ኤርግቻት ዳሩርኮ ዳጋ ግራን አን ዴ፤ መተኬሳኮ ጉንተ ጀሬን ካኢዳሞ ግረ፤ በቤድቴሳ አርት ኣን፥ ሉቃኦቴሳ ቱኩል አልተ ታቤባቶ ኤለን አንዬን፤ 
\v 2 ካባናመሮ ክጫርክ ካጋልባ ማጻፋ ገነቴሳይ አባተ ግረ፤ ሉክ ታመርገ በከ ጉት፥ ሉክ ታበተ ባጋ ካተ፤ 
\v 3 ካሀርቃሮ ሉባንኮት ያየ ኣንትት ታአቲ ያዬ ኦኬ፤ ካኮኦካረ ጎራታ ድዲዴና ቶዶባ ያየትሶ ማልስሰ። 
\v 4 ህታ ቶዶባ ታድድዴና ያየትሶ ካኮማልስሳሬን ጎራታ አን ጻፊን ቆፓየ፤ አየሱን ጎአመን “ድድዴናል ቶዶባ ካአዬሰራን ጎልሳ ዎዳና አባ ኳሬ አሮጻፍተ!” ታአማቶ ያየ ዳሩርኮ አን ማለ።
\p
\v 5 ሂካኮ አባባተረ በከ ኦሮና ባጋ አሌ ግራን አን ካዴረ ኤርግቻት ገነ ታመርገ ኤለዴሰ ዳሩር ቶስ ኬሳተጉረ፥ 
\v 6 ጅሩ ጅሮማኮ ታ ጅሩ ጅሮማ ጌሮን ካግርናሮ፥ ዳሩርና ዳሩሪ ካግሮ፥ ኡልና ኡሊ ጉት ካግሮ፥ በከና በከ ኦሮ ካግሮ ካመጠሮኮክ መገይ አማተረ ኡሱ ሃ አመ፥ “ሂታኮ ሆረንባን ላኮአዳላይናሮ! 
\v 7 አየሱን ጎአመን ካቶዶብ ኤርግቻት ማላካታ ኡፉፈ ካኮማልስሳሮ አርጆሊ ኡሱን ኦሀንዳራን ኦሄገሮሉን ጎጎሰጌሮክ ማለ ሆል ታዋ ፈሎ ሀይስናራ።”\x - \xo 10፡7 \xo*\xt ብያ. 20፡11፤ አዳ. 32፡40፤ ዳኔ. 12፡7፤ አሞ. 3፡7።\xt*\x* 
\v 8 ኤሰኮ አባባየረ ሀሴ ዳሩርኮ አን ታማለራ ያየ፥ “በከና ባጋ ካአሌሮ ኤርግቻት ቶስ ሴጉዴ ገነቴሳይ ካግሮና ካባናመሮ ካጋልባ ማጻፋ አት” አማ አደ ኢን አዬሰ።
\p
\v 9 አን ኤርግቻት ቶስ ሴየጉረ፥ “ክጫርክ ካዱባመ ካጋልባ ማጻፋ ኢን ስስ” አመ፤ ኡሱና “ኣትጉደ አም፤ ቦግካይ ካኦኮኮተ ልናራ፤ ህኢታዉን አደ ማላብ ኣን ኦኖሞይናራ” አመ።
\p
\v 10 አንና ክጫርክ ካዱባመሮ ካጋልባ ማጻፋ ታኤርግቻት ገነኮ አታየረ አመ፤ ህኢቴይ ማላብ ኣን ኦኖሞተ፤ አመ ካኮአባባታረ ጎራታ ቦግክ ካኦኮኮተ ሌ።\x - \xo 10፡10 \xo*\xt እዝ. 2፡8-33።\xt*\x* 
\v 11 ኤሰኮ አደ፥ “ታሞጋን ኡና ማራን፥ ጎሳ ማራን፥ ሄኢ ታሞጋን ካአዬሳሮ እባዶ ማራና ዎኖላል ማራን አድ አት ሄገሮ አዬስን ዶትሳራ” አማመ ኢን ሰጋመ።
\c 11
\s1 አቶ ላማ
\p
\v 1 ሂካኮ አባባተረ ኮኮ ኤካስን ታማዳቶ ዳማ ኣንክክ ፊቀ ኮ ኢን ስሳመ፤ ኢነና ሃ አመ፥ “ክንጉዴ ቁሉክ ምን ካዋና ጃርሶ ታኮስሳራን ባንኤ ህስል ኦይ፤ ኤሴና ዋ ኦሄዶይሳታራን ቶቲ፤\x - \xo 11፡1 \xo*\xt ዛኪ. 2፡1-2።\xt*\x* 
\v 2 ቁሉክ ምን ካዋኮ ሳሬ ታግቶ ሀላልት ባንኤ ጎአመን እስ፤ ሀሴ አይዛብን ታስሳንተቶ ማንኮሌተ ማራን ህስሊ አሮኦይተ፤ አይዛብና ህታ ቁሉት ካታማ ድግኒ አፋርታምኮ ላማን ዳዳር ባሪስናራን፤\x - \xo 11፡2 \xo*\xt ሉቃ. 21፡24።\xt*\x* 
\v 3 አቶጃ ላማ ኦት ካሬስሴ ሳርስ ሳርሳይጉሬን ኩማ ኮኔ ላማ ቦለኔ ሎታም አርጆል ሄገሮ ጎጎአየስራዉን አን እሶን ሁና ስስናራ።”
\p
\v 4 እሶ ካኡሌ ጎታይ ሆረ ኦአላራን ካኤጀርሳ ጋ ላማና ቦላንሶ ላማያን፤\x - \xo 11፡4 \xo*\xt ዛኪ. 4፡3፥11-14።\xt*\x* 
\v 5 ማዮና እሶ ሚሪዕን ጎዶተ ኤለን ህኢትሶኮ ብጉደ ዲናክሶ ጉብናታ፤ እሶ ሚሪዕን ካዶታራ ዱባ ካኮጎይናራ ሂካማሌያ። 
\v 6 እሶ ሄገሮ ታኮአዬሳራን ሀኑኡ አርጆሊ ኢዳሞ ጎጎኡባኖንኮ ዳሩር ጩፍን እሶ ኦዶናት አባን፤ ኡሱማሌ በከና ኢግ ቶስ ኢግልሲና ካኮዶታቴን ጎራታ ዱባይ ማምስት ኤንገና ኡሊ ጉት ኬኒን ኦዶናት አባን።\x - \xo 11፡6 \xo*\xt ብያ. 7፡17-19፤ 1 ሳሜ. 4፡8።\xt*\x*
\p
\v 7 አቶታኖክሶ ጉድሴን ካኮአባባታሬን ጎራታ ቦላክ ጉምቢኮ ካበያራ ሱላለት እሶነ ዎታ ጀሬን ሻፋይጉረ እሶ አዎድናራ፤ ላጋድናራ፤\x - \xo 11፡7 \xo*\xt ዳኔ. 7፡7፥21፤ ራጋ 13፡5-7፤ 17፡8።\xt*\x* 
\v 8 ሬስክሶ ማሱሳኮት ኡምቱን ሶዶም ጎርቱን ግብጽ ታአማማቶ ታአቲ ካታማኮት አጋሪይ ሁዱርናራ፤ ህት ካታማ ጎታክሶ ታኮሱዋመረታ።\x - \xo 11፡8 \xo*\xt ኢሳ. 1፡9-10።\xt*\x* 
\v 9 ካለካለት ኡናና ኣኒ ካለካለት ሄኢ ካአዬሳራ እባዶና ጎሳ አሪ ሴንዳ ምናና ሬስክሶ ድናራን፤ ሬስክሶና ጎጎቃማላሞንኮ ትርናራን። 
\v 10 ሂኒዕ ኦሄገሮል ላማ ኡሊ ካግሮ እባዶ ዱባ ማንኮጫናቅሰረን ማራን ኡሊ ካግራ እባዶ ሂካ ሄገሮልኮክ ጎይን ገጌላይናራን፤ ካገጌሎ ባላና ካባጃይናራን፤ እላቦና እስእስኦሮ ስሳይናራን። 
\v 11 አየሱን ጎአመን ህት አሪ ሴንዳ ምናና ካኮሮራተ ጎራታ ግር ታስሳታ ኔፎ ዋኮ ኤመተዴ ሬስጆሊ ታብተ፤ ሉቃኦትሶይ አሌን፤ እሶ ካዴራ እባዶና ኣሎ አብሳተ።\x - \xo 11፡11 \xo*\xt ሕዝ. 37፡10።\xt*\x* 
\v 12 ሂታኮ አባባቴንጉረን ኦሄገሮል ላማ፥ “ሂታራ ኤልዳ ኮዬን!” ታአማቶ ታአቲ ያየ ዳሩርኮ እሶ ማለን፤ ዲናክሶ እሶ ድያግራን ዱማንቻይ ዳሩር ቶስ ቤን።\x - \xo 11፡12 \xo*\xt 2 ዎኖ. 2፡11።\xt*\x* 
\v 13 ጎርሰዋ ሀሴ ሳቲ ኡል ኣኤ፤ ኤሰ ካታማይ ገነ ቶሞንኮ ገነ ቶ ባተ፤ ካአቲ ኡል አአኖኮት ኣላንቲ ኩማ ቶዶባ እባዶ ጎየ፤ ጎይኮ ኦሄሴራን ኣሎ አብሳተን፤ ካዳሩረ ሄዶ ጋላተን።\x - \xo 11፡13 \xo*\xt ራጋ 6፡12፤ 16፡18።\xt*\x*
\p
\v 14 ታላም ራኮ ሮርተታ፤ አደ ታሴድ ራኮ ሳም ኤመይናታ።
\s1 ማላካታ ካቶዶብ
\p
\v 15 ካቶዶብ ኤርግቻት ማላካታ ኡፉፈ፤ ዳሩርና፥ “ካአላም ዎኖናት ጎታ ሄዶካንክና ካክርስቶሳ ሌራ፤ ኡሱ ጅሩ ጅሮማኮ ታ ጅሩ ጅሮማ ጌሮ ሬድናራ፤” ታአማታ ታአቲ ያየ ማልሳንተ።\x - \xo 11፡15 \xo*\xt ያን. 15፡18፤ ዳኔ. 2፡44፤ 7፡14፥27።\xt*\x* 
\v 16 ዋይ ሆረ ኮርፍንጀክሶይ ጉት ታሀማጽተታ ጃርሶለ ላማታንኮ አፋሮና በቤዲ ኡል ኦይተደ ዋዉን ሳጋደ፤ 
\v 17 ሃና አንተ፥
\p ካግታና ካግቴ፤
\q2 “ዱባ ካዳንዳታ ጎታ!
\q2 ካንጂንክ ኦዶናትካ ገነታይ ማንኮአባተቶ ማራና፤
\q2 ማንኮሬደቶ ማራን ኖ ኩ ጋላታና።
\q1
\v 18 አይዛብ ኢኦተራ፤
\q2 ኤንገታና ኤሜተታ፤
\q2 ካጎየራ ፍርዳ ካኮአታይናራ ጎራታ ጌራ፤
\q1 ኩን ካሀንዳሮ ካሄገሮልካዉና
\q2 ቁሎሌዉን መገካ ኦካባጃራኑን፤
\q2 ክጪጫሩና ካጂንጂኑን፤
\q1 ሙራትሶ እሶን ካኮስስናታ ጎራታ ጌራ፤
\q2 ኡል ኦባሳራን አት ካኮባስናታ ጎራታ ጌራ።”
\p
\v 19 ዳሩሪ ካግራ ቁሉክ ምን ካዋና ባናመ፤ ካአማቶ ታቦታኬሳ ቁሉክ ምን ካዋይ ኦሮ ሙተ። ባንቃኖ፥ ያየ፥ ድዲዴና፥ ኡልኮክ ኣአኖና ታአቲ በለት ሌተ።\x - \xo 11፡19 \xo*\xt ራጋ 8፡5፤ 16፡18፥21።\xt*\x*
\c 12
\s1 ሄለልትቲና ዶቦንሳ
\p
\v 1 ሂካኮ አባባተረ ካጂንክና ካሳድስራ ማላታ ዳሩሪ ሙተ፤ አርት ታሳርሳተታ፥ ድግኒ ሉቃኦትሴኮ ሄገሌ ታካተታ፥ ቶሞንኮ ላማ ባራጃል መተክሴይ ጉት ካላቻ ኣን ታካተታ ሄለልትቲ ቶ ሙተ። 
\v 2 ኤሰና ፋቶነ ግቴ፤ ኡሙልን ኡሙላይ አባንተደ ጫናቃማ እያ ግቴ፤
\p
\v 3 ኡሱማለና ካካለ ማላታ ዳሩሪ ሙተ፤ መተ ቶዶባና ማሻ ቶሞን ካአባናየ ካንጂንክ ሄላክ ዶቦስ ሙተ፤ መተኬሳ ጉት ካላቻ ቶዶባ ካመ ግረ።\x - \xo 12፡3 \xo*\xt ዳኔ. 7፡7።\xt*\x* 
\v 4 ደበቴሳይ ባራጃ ገነ ሰድኮ ገነ ቶ ዳሩርኮ ናቴ ኡል ሉጉደ፤ ዶቦንሳ ሄለልትቲ ካኮኡሙልተ ጎራታ ዪትትክሴ ኤነግን ሄደረ ኡሙልን ታጋባላንተቶ ሄለልትቲ ሆረ አሌ።\x - \xo 12፡4 \xo*\xt ዳኔ. 8፡10።\xt*\x* 
\v 5 ሄለልትቲና ጎሳ ዱባ ሁና ካባሪስሮ ባባርትት ኡሙልተ፤ ኡኑክሰ ጎአመን ዋ ቶንሳ ኮርፍንጀ ቶስ አታመ፤\x - \xo 12፡5 \xo*\xt ኢሳ. 66፡7፤ ማዛ. 2፡9።\xt*\x* 
\v 6 ሄለልትቲና ባቃተ ቃሉላቶክ ኡል ቤተ፤ ኤሰ ኩማ ኮኔ ላማ ቦለኔ ሎታም አሪ ኮኮባም አባምደ ታኮሀማጺቶ ባንኤ ዋ ኤሰን ኤካሰረ።
\p
\v 7 ዳሩሪ ጀሬን ኬ፤ ምካኤልና ኤርግቻልኬሳ ዶቦንሰ ዎታ ጀሬን ሻፋቴን፤ ዶቦንሳ ኤርግቻልና ዎታ አባባተን ጀሬን ሻፋቴን። ኤርግቻልኬሳነ ዎታ ጀሬን ሻፋቴን፤\x - \xo 12፡7 \xo*\xt ዳኔ. 10፡13፥21፤ 12፡1፤ ይሁ. 9።\xt*\x* 
\v 8 አየሱን ጎአመን ዶቦንሳ ኤርግቻልኬሳ አዎዳሜን፤ ኤሰኮ አባባቴረን ዳሩሪ እሶን ባንኤ ላኮሄላንተ። 
\v 9 ካንጂንክ ዶቦንሳ ሄገልዴ ኡል ሻፋመ፤ ኡሱ አላም ዱባ ካሶሶይሳሮ ዱርሳ ጎርቱን ጻላየ አማመ ካኡማማሮ ካጣዎ ሀበሳያ። ኡሱ ሄገልዴ ኡል ቶስ ሻፋመ፤ ኤርግቻልኬሳና ኡሱነ ዎታ ሻፋመን።\x - \xo 12፡9 \xo*\xt መጣ 3፡1፤ ሉቃ. 10፡18።\xt*\x*
\p
\v 10 ሂካኮ አባባየረ ታአቲ ያየ ቶ ዳሩሪ ሃ አማ ግራን አን ማለ፥ “ሂክማ ፋይና፥ ሁናና፥ ዎኖናት ሄዶካንዉን ሌራ! ኦዶናትና ካክርስቶሳ ሌራ! ኣላንቲና አቢላልታን አሪና ሄመን ሄዶካን ሆረ ሞታ ካግረ ሻፋመራ፤\x - \xo 12፡10 \xo*\xt ኢዮ. 1፡9-11፤ ዛኪ. 3፡1።\xt*\x* 
\v 11 እሶና ካኢዳዶ ኢግና ካአቶቴራን ካአቶ ሃፉራ አዎዴራን፤ ኔፎትሶዉና ሀማራሮን እስኦትሶ ጎይን ሮርሳይ ስሳይን ኤካሳቴን፤ 
\v 12 ሃንሱን ዳሩርጆልና ኤሰ ኦሮ ኦግታን ዱባ ገጌላየን! አሪ ኡጫር ታላል ሄሳኖ ዱርሳ ማንኮካሶ ማራን ታአቲ ኤንጌ እስን ቶስ ዳገራ፤ ኡልና በከና ኣኔ እስኑን!”
\p
\v 13 ዶቦስ ሄገልዴ ኡሊ ሻፋማኖ ካኮአዴሳታረ ጎራታ ባባርትት ታኡሙልተቶ ሄለልትቲ ዴጉረ ሆሮረ፤ 
\v 14 ሄለልትቲ ቃሉላቶክ ኡሊ ታኤካተቶ ባንኤ ቶስ ቡባ ጎጎሴቶ ኦአቲ ኦላቦባ ባላሎ ኣን ኦላራን ባላሎ ላማ ኤሰን ስሳሜን፤ ኤሰ ሀበሳኮ ፋክ አንተጉደ ጌስ ሴንዳ ምናና ኮኮባም ጎጎኦራንቶንያ።\x - \xo 12፡14 \xo*\xt ዳኔ. 7፡25፤ 12፡7።\xt*\x* 
\v 15 በከ ኦላጋ ሄለልትቲ አት ጎጎዳግራዉን አመረ ሀበሳ በከ ኦላጋ ግታኒዕ በከ ህኢቴሳኮ ሄለልትቲኮ ሃር ሀይሰረ ኡበ። 
\v 16 አየሱን ጎአመን ኤሬ ሄለልትቲ ጋርጋርተ፤ ኤሬና ባናንተጉደ ዶቦስ ህኢቴሳኮ ኦኡበረ በከ ጣንተ 
\v 17 ዶቦንሳ ሄለልትቲ ጉት አማራተጉረ ታሄሰቶ ሳኒትሴነ ዎታ ጀሬን ሻፋይን ሴተ፤ እሶና አጃጃ ካዋ ኦኦራታሬና የሱሳን አብዳሜን ኦአቶታራንያን። 
\v 18 ዶቦንሳ ላቡ ግርዲ ጬካሌ ጉት አሌ።
\c 13
\s1 ሱላለጃ ላማ
\p
\v 1 ሂካኮ አባባየረ አን ሱላለት ኮ በከ ኦሮኮ ብያ ግራን ዴ፤ ማሻ ቶሞና መተ ቶዶባ አባናየ፤ ማሻ ጉት ካላቻ ቶሞኖ ግረ፤ መተ ቶዶባ ጉት ካሀባር መገ ግረ።\x - \xo 13፡1 \xo*\xt ዳኔ. 7፡3።\xt*\x* 
\v 2 አን ካዴራ ሱላለት ኬቤል ኣን ካላረየ፤ ሉቃኦቴሳ ድብ ካአማማሮ ሱላለት አኒዕዬን፥ ህኢቴሳና ታሉባን ህኢ ኣን ላቴ። ዶቦንሳ ሁናኬሳና ኮርፍንጀኬሳ ካንጂንክ ኦዶናትኬሳ ሱላለቲን ስሰ።\x - \xo 13፡2 \xo*\xt ዳኔ. 7፡4-6።\xt*\x* 
\v 3 ኡሱ ሱላለትኮክ መተኮ ኮ ጎይን ታጌግሳቶ ሜጋ ካአቦ ኣን ካሌሮ ዴ፤ አየሱን ጎአመን ጎይን ታጌግሳታ ሜጋ ፋይተታ፤ አላም ካግራ እባዶ ዱባ ሳዳ ኡሱ ሱላለት ዴበ ሰሴተ። 
\v 4 ሱላለቲን ኦዶናት ማንኮስሳመ ማራን እባዶ ዱባ ዶቦሱን ሳጋደ፤ “ሱላለት ኣን ካላራ አዮያ? ኡሱነ ዎታ ጀሬን ሻፋይን ካዳንዴራ አዮያ?” አማ ሱላለቲን ሳጋደን።
\p
\v 5 ጮራ ታኮአዬስራና ታኮሀባራ ህኢ ሱላለቲን ስሳንተ፤ ድግኒ አፋርታምኮ ላማ ኦዶናትኬሳይ ጎጎፈሎን ፈኢ ኡሱን ስሳንተ። 
\v 6 ዋና መገ ካዋ፥ ምንኬሳና ዳሩሪ ኦግራን ሀባራኖ ሀጋአበን።\x - \xo 13፡6 \xo*\xt ዳኔ. 7፡8፥25፤ 11፡36።\xt*\x* 
\v 7 ቁሎሌነ ዎታ ጀሬን ጎጎሻፋሮና እሶ ጎጎአዎድሮን ኦዶናት ኡሱን ስሳመ። ኣኒና ኡናይ፥ ካለካለት ሄኢ ካአዬሳሮና ጎሳ ዱባ ጉት ኦዶናት ስሳመ።\x - \xo 13፡7 \xo*\xt ዳኔ. 7፡21።\xt*\x* 
\v 8 አላም ታኮመጣመሮኮ ሀጋአበረ መገክሶ ኮከ ካጎሳመሮ ኢዳዶኮክ ካግር ማጻፋይ አንጻፋሞን ካግራ ካአላም እባዶ ዱባ ሱላለቲን ሳጋደ።\x - \xo 13፡8 \xo*\xt ማዛ. 69፡28።\xt*\x*
\p
\v 9 ነበ ካአባ ጎግረ ሀማሎ! 
\v 10 “ቦጃሚን ካኤካተራ ቦጃምናራ፤ ሺፋይ ጎይን ካኤካተራ ሺፋይ ጎይናራ፤” ጎርታ ታቁሎሌ ኦብሲና አማኖ ካኮዶትሳራ ጎራታ ሂካያ።\x - \xo 13፡10 \xo*\xt ኤር. 15፡2፤ 43፡11።\xt*\x*
\p
\v 11 ካካለ ሱላለት አደ ኡልኮ ብያ ግራን አን ዴ፤ እዳድ ኣን ማሻ ላማ አባናየ፤ አዬስኬሳና ካዶቦስ አየስ አንየ፤ 
\v 12 ካሆሬ ሱላለትኮክ ኦዶናት ዱባ አታተረ ኡሱ ሆረ ኦዶናት ፈላ ግረ፤ ኡልና ኡሊ ጉት ካግራ ዱባ ካሆሬ ሱላለቲን ጎጎሳጋድሮ የልስሰ፤ ሂክ ሱላለትና ሀሴ ጎይ ታጌግሳታ ሜጋ ካኮፋይተቶ ካሆሬ ሱላለትያ። 
\v 13 ሂክ ካላም ሱላለት እባዶ ሆረ ኤለን ዳሩርኮ ታዳግስሮ ጊን ካጂንጂን ባሳ ፈላ ግረ። 
\v 14 ካሆራርጄ ሱላለት ሆረ ባሳ ጎጎፈሎን ፈኢ ታኮስሳንተቶ ኣላንቲ ኡል ካግሮ እባዶ ሶሶይሳ ግረ፤ ሺፋይ ሜጋተረ ካፋዬሮ ታሱላለትኮት ካባጃን ምስሊ ጎጎፈላዉን ኡሊ ጉት ካግሮ እባዶ አጃጃራ። 
\v 15 ካላምክ ሱላለት ካሆሬ ሱላለትኮት ምስሊ ኔፎ ስስን ኦዶናት ስሳመ፤ ኔፎ ስስን ኦዶናት ካኮስሳመራና ህት ምስሊ አዬስን ጎጎዳንዴቶና ካሆሬ ሱላለትኮት ምስሊዉን ካሳጋዶን ዱባ ጎጎ ጎሮን የልንያ። 
\v 16 ካላምክ ሱላለት ክጭጫርና ሌረ ካጅንጂን፥ ዱሬሳልና ሌረ ህየሳል፥ ጎቶሌና ሌረ ድይል፥ ዱባ ታመርገ ገነትሶይ ጎርቱን በቤድትሶ ጉት ማላታ ጎጎካናዉን ሁኖመ። 
\v 17 ሂካማሌ ካሱላለቲ መገ ካቱሳራ ማላታ ጎርቱን መገኬሳኮኒዕ ቶቶ ካላይክ ማምስክ እባዶትና ኮኮ ኢምናዪና ሌረ ዳዳላይን ላኮዳንዳሮ።
\p
\v 18 ጎርታ ቃሩማ ካኮን ዶታማታ ሂካኒ ጉቲያ፤ ሳሙ ካአባ ቶቶ ኦሱላለቲ ሀቶቴ፤ ሂኒዕ ቶቶና ካቱሳራን እባዶያ፤ ቶቶና 666።
\c 14
\s1 እዳዶና እባዶ 144,000
\p
\v 1 ሂካኮ አባባተረ አን ታጽዮን ዎዳሚ ጉት ካአሌሮ ኢዳዶ ዴ፤ ኡሱነ ዎታ መገኬሳና ኣቦኬሳኮክ መገ በቤድትሶይ ጉት ካጻፋመራ እባዶ 144,000የ።\x - \xo 14፡1 \xo*\xt ሕዝ. 9፡4፤ ራጋ 7፡3።\xt*\x* 
\v 2 ዳሩርኮና ታአቲ ያዬ ካዳጋሮ ማዳኮት ያየና ካአቲ ድዲዴና ኣንትት ታአቲ ያየ አን ማለ፤ አን ታማለራ ያየና ክራን ካባሳራ ክራን ባሳ ታማልስሳሮ ያየ ኣን ላቴ። 
\v 3 ኮርፍንጄይና ኔፎ ታአብታ መጣ አፋሮ፥ ጃርሶለይ ሆረ እባዶ 144,000 ካኡሱብ ማዛሙር ዛማሬን፤ ሂካ ማዛሙር ኡልኮ ኦዎዶዋመራን እባዶ 144,000 ኳሬ ማዮና አጋልሳይን ላኮዳንዴ። 
\v 4 እሶ ሙመኒዕ ማንኮሌራን ማራን ሄለልኔ ዎታ ሁዱራኖይ ላኮባቶየራን፤ ኢዳዶት ማንኮሴታሮ ዱባ ዴበ ሰሴታራን። እሶ ዋዉና ኢዳዶን እባዶ ዱባ ኦሮኮ ሆራ ኣን ሌን ኦስሳሜራንያን። 
\v 5 እሶ ጣራ አዬሴን ላኮካሳን፤ ቱፍ ካላይኒዕያን።
\s1 ኤርግቻል ሴዶ ካአዬሰሮ አየስ
\p
\v 6 ሂካኮ አባባተረ ኡሊ ካግሮ ጎሳን፥ ኣኒዉን፥ ካለካለት ሄኢ ካአዬሳሮና ኡና ዱባን ላላብን ጅሩ ጅሮማክ ዎንጋላ ካአበራ ካካለ ኤርግቻት ዳሩሪ ቡባ ግራን አን ዴ፤ 
\v 7 ታአቲ ያዬ “ዋ አብሳዬን! ኡሱ ካባጃ! ታፍርዳ ሳቲቴሳ ጌተታ፤ ኡልና ዳሩርና፥ በከና በከኮክ ፉልቶ ካመጠሮ ሄዶን ሳጋዳ!” አመ።
\p
\v 8 ካካለ ካላም ኤርግቻት “ካሻርሙጡማ ኤንገኮክ ካዎይኒ ጣሞክሴ ጎሳ ዱባ ታጣምሰታ ታንጂንት ባብሎን ኢተታ! ኢተታ” አማ ካሆሬ ኤርግቻት ዴበ ሰሴተ።\x - \xo 14፡8 \xo*\xt ኢሳ. 21፡9፤ ኤር. 51፡8፤ ራጋ 18፡2።\xt*\x*
\p
\v 9 ካካለ ካሴድ ኤርግቻት ያየ ጦቂሰረ ሃ አማ እሶ ዴበ ሰሴተ፤ “ሱላለይና ምስሊ ኦሳጋዳራን፥ ማላታ በቤድትሶይ ጎርቱን ገነትሶይ ኦካታራን ዱባ፥ 
\v 10 ኤንገ ታዋኮክ ካዎይኒ ጣሞ ጣማራን፤ ሂክ ካዎይኒ ጣሞ አንለለዳሞን ግራን ታኤንጌ ጡጋይ ካሁሙሳመሮያ፤ ኡሱማለና ቁሉክ ኤርግቻ ሆረና ኢዳዶ ሆረ ኤሌኒና ቦላል አቦሳምናራን።\x - \xo 14፡10 \xo*\xt ኢሳ. 51፡17፤ መጣ 19፡24፤ ሕዝ. 38፡22።\xt*\x* 
\v 11 እሶ ታአቦስሳቶ ኤሌንኮ ካበያራ ኢይ ጅሩ ጅሮማኮ ታ ጅሩ ጅሮማ ጌሮ ኤልዴ ብያራ፤ ሱላለቲና ምስሊቴሳዉን ኦሳጋዳራን መገኬሳኮክ ማላታ ኦካተራን ዱባ አሪና ሄመን ፎልሲ ላኮአባን።”\x - \xo 14፡11 \xo*\xt ኢሳ. 34፡10።\xt*\x*
\p
\v 12 አጃጃ ካዋ ኦኦራታራንኮና የሱሳ አማናኖይ ኦአታታራን ቁሎሌኮ ታኦራማታ ኦብስ ሂካኒያ።
\p
\v 13 ዳሩርና ሃ ታአማቶ ያየ አን ማለ፤ ሂካ ጻፍ፤ “ሂታኮ ሆረንባን ኦጎታ ሌን ኦጎዋራን ኦሶማሳመንያን!” አያና ቁሉክና “እ! እሶ ዳፉርክሶኮ ጎጎፎልሳራዉን ፈሎኦትሶ እሶ ዴበ ሰሴታራን” አማራ።
\s1 ኤንገ ታዋ ኡል ጉት
\p
\v 14 ሂካኮ አባባየረ አን ዱማንቻ ጉማራክ ዴ፤ ዱማንቻ ጉት ኤረ ካእባዶ ኣን ካላራ ሀማጼራ፤ መተኬሳ ጉት ካዎርቂ ካላቻ ካተራ፤ ገነቴሳይ ታኤነናን ባጫ አባተራ፤\x - \xo 14፡14 \xo*\xt ዳኔ. 7፡13።\xt*\x* 
\v 15 ካካለ ኤርግቻት ቁሉክ ምን ካዋኮ ቤጉረ ዱማንቻ ጉት ካሀማጼሮነ ያየ ጦቂሰረ፥ “ካም ካኮኩኩይሳናን ጎራታ ማንኮጌሮ ማራን ባጫታይ ታካ፤ ካም አንጋገራ አመ ኦኬ።”\x - \xo 14፡15 \xo*\xt ኢዩ. 3፡13።\xt*\x* 
\v 16 ዱማንቻ ጉት ካሀማጼረክና ባጫ ሄገልዴሰ ኡል ቶስ ሉጉደ፤ ኡሊ ካግራ ካምና ታጋመ።
\p
\v 17 ካካለ ኤርግቻትና ዳሩሪ ካግሮ ቁሉክ ምን ካዋኮ ቤ፤ ኡሱና ታኤነናን ባጫ አባተ ግረ።
\p
\v 18 ኤለኒ ጉት ኦዶናት ካአባ ካካለ ኤርግቻት ታጃርሶ ባንኤኮ ቤጉረ ታኤነናን ባጫ ካአበሮ ኤርግቻትን፥ “ታዎይኒ ኢል ዱፉር ማንኮዱባንተቶ ማራን ታኤነናን ባጫታ ፋር፤ ታዎይኒ ኢል ዱባ ኡልኮ ጎስደ ኩኩይስ!” አማ ያየ ጦቂሰረ ኦኬ። 
\v 19 ኤርግቻትና ባጫ ሄገልዴሰ ኡል ሉጉደ፤ ታኡሌ ዎይንኮት ኢል ጎሰ፤ ታአቲ ኤንገ ታዋኮት ዎይኒ ታኮሚጫማቶ ባንኤ ቶስ ኦሮዴሰ ሉጉደ። 
\v 20 ካታማኮ ሳሬ ታግታ ዎይኒ ታኮሚጫራን ባንኤ ሚጫንተ፤ ዎይኒ ታኮሚጫራንኮ ብጣላ ካፋራዴ ታ ጌሮ ኤለ ጦቂ ካአመና ኤርና ሴድ ቦሌ ክሎ መትራ ካጌራ ኢግ ቤ ኡባተ።\x - \xo 14፡20 \xo*\xt ኢሳ. 63፡3፤ ራክ. 1፡15፤ ራጋ 19፡15።\xt*\x*
\c 15
\s1 ታጋቾ ኤንገ ካአበሮ ኤርግቻ
\p
\v 1 ካካለ ካአቲና ካሳዳምሮ ማላታ ዳሩሪ አን ዴ፤ ኤንገ ታዋ ፈሎይ ካኮሃታ ታጋቾ ታሌተቶ ኤንገ ቶዶባ ካአበሮ ኤርግቻል ቶዶባ አን ዴ።
\p
\v 2 ሂካኮ አባባየረ ኤለን ታኮለለዳንተቶ ማስቶቲ ኣን ኦላራን በከ ኣንክክ ማመ አን ዴ፤ ኡሱማለና ሱላለትና ሱላለትኮት ምስሊ፥ መገኬሳኮኒዕ ቶቶና ማላታ ካአዎዴሮ እባዶ ኣን ዴ፤ እሶና ዋ ካስሰሮ ክራን አቤንጉረን ማስቶቲ ኣን ኦላራን በከ ዶሌ አሌን ግረን። 
\v 3 ዋዉን ካሀንዳረ ካሙሴ ማዛሙርና ካኢዳዶ ማዛሙር ሃ አማ ዛማራ ግረን፥
\q1 “ዱባ ካዳንዳታ ጎታ ሄዶ!
\q2 ፈሎኦታ ኦአቲና ኦሳዳምራንያን፤
\q1 ካጎሳ ዎኖ!
\q2 ራካና ቱኩልክና ካሩምያ፤\f + \fr 15፡3 \fr*\fqa ካጎሳ ዎኖ \fqa*\ft ኮኮ ማጻፋጆል “ካጌስጆል ዎኖ” አማራ። \ft*\f*\x - \xo 15፡3 \xo*\xt ብያ. 15፡1።\xt*\x*
\q1
\v 4 ጎታ! ኩ ካአብሳኖና
\q2 መገካ ካካባጂኖን አዮያ?
\q2 አት ካላል ቁሉክታ፤
\q1 ካሩም ፍርዳካ ማንኮሙተሮ ማራን
\q2 ጎሳ ዱባ ኤመይረ ኩ ሆረ ሳጋድናራ።”\x - \xo 15፡4 \xo*\xt ኤር. 10፡7፤ ማዛ. 86፡9።\xt*\x*
\p
\v 5 ሂካኮ አባባየረ ታአቶ ዳሰ ካኮግቶ ቁሉክ ምን ካዋ ዳሩሪ ባናመ ግራን አን ዴ፤\x - \xo 15፡5 \xo*\xt ብያ. 38፡21።\xt*\x* 
\v 6 ኤንገ ቶዶባ ካአበራ ኤርግቻል ቶዶባ ቁሉክ ምን ካዋኮ ቤን፤ ሙጭ ካአመ ካሀንቃሮ ጉማራክ ሳርስ ሳርሳቴን ግረን፤ ጌግዮትሶይና ካዎርቂ ሞዋኖ ሞዋቴን ግረን። 
\v 7 ኔፎ ታአብቶ መጣ አፋርኮ ኮ ጅሩ ጅሮማኮ ታ ጅሩ ጅሮማ ጌሮን ካግርናሮ ዋኮት ኤንገ ካኮአማጋንተቶ ቶዶባ ታዎርቂ ጡጋል እሶን ስሰ። 
\v 8 ቁሉክ ምን ካዋና ካባጃ ታዋኮና ሁናኮ ካከይ ኢዪ አማጋመ፤ ኤርግቻል ቶዶባ ታአበራ ኤንገ ቶዶባ ታጉዳቶ ማዮና ቁሉክ ምን ካዋ ኦሮድ ታብን ላኮዳንዴ።\x - \xo 15፡8 \xo*\xt ብያ. 40፡34፤ 1 ዎኖ. 8፡10-11፤ 2 ዎኖ. 5፡13-14፤ ኢሳ. 6፡4።\xt*\x*
\c 16
\s1 ኤንገ ታዋ ካአበሮ ጡጋል ቶዶባ
\p
\v 1 ሂካኮ አባባየረ ኤርግቻል ቶዶባነ፥ “ሴዬን! ኤንገ ታዋ ካአበሮ ጡጋል ቶዶባ ኡሊ ኡባ!” ታአማታ ጦቂ ታአንተ ያየ ቁሉክ ምን ካዋኮ ብያ ግራን አን ማለ።
\p
\v 2 ካሆሬ ኤርግቻት ሴተጉረ ጡጋ ኡሊ ኡበ፤ ካሱላለቲ ማላታ ካአቦዉና ታሱላለት ምስሊ ካሳጋዳሮ እባዶ ጉት ታሜላና ታአቦስሳ ሜጋ ቤተ።\x - \xo 16፡2 \xo*\xt ብያ. 9፡10።\xt*\x*
\p
\v 3 ካላምክ ኤርግቻት ጡጋ በከ ኦሮ ኡበ፤ በከና ካጎየ እባዶኮክ ኢግ ኣን ሌን፤ በከ ኦሮ ካግራ ኔፎ ካአባ ዱባ ጎየ።
\p
\v 4 ካሴድ ኤርግቻት ጡጋ ላጋይና ፉልቶል ጉት ኡበ፤ እሶና ኢግ ሌን፤ 
\v 5 በከ ጉት ኦዶናት ካአባ ኤርግቻት ሃ አማ ግራን አን ማለ፤ “ካግቴና ካግታ ቁሉክ ጎታ! ሂካማሌ አት ማንኮፍርዲተቶ ማራን አት ጋራታ፤ 
\v 6 እባዶ ቁሎሌኮክና ካሄገሮልኮክ ኢግ ማንኮኡበሮ ማራን አት እሶ ኢግ ጣምሰ፤ ህክና እሶን ካዶትሳሮያ፤” 
\v 7 ታጃርሶ ባንኤይ፥ “እ! ዱባ ካዳንዳታ አት ጎታ ሄዶ! ፍርዳካ ሩምና ልክኪያ” ታአማቶ ያየ አን ማለ።
\p
\v 8 ካአፋር ኤርግቻት ጡጋ አርት ጉት ኡበ፤ አሪትና እባዶ ጎጎጉብቶን ሁና ኤሰን ስሳመ። 
\v 9 እባዶና ካአቲ ዎባና ካአሪቲ ጉባተ፤ ህታ ኤንገ ጉት ኦዶናት ካአባ መገ ካዋ ሀባራመ፤ ጩቦኮ ጉላ ላኮጋሌን፤ ዋና ላኮካባጄን።
\p
\v 10 ካከን ኤርግቻት ጡጋ ኮርፍንጀ ካሱላለቲ ጉት ኡበ፤ ዎኖናት ካሱላለትና ሙጉድ ሌ፤ እባዶ አቦሳኮ ካከይ ሙንጀ ፎጫ ግረ። 
\v 11 ሀዉኣም ክሶኮና ሜጋትሶኮ ካከይ ካዳሩረ ሄዶ ቃንጌን፤ ፈሎ ኦትሶኮና ጉላ ላኮጋሌን።
\p
\v 12 ካሌይ ኤርግቻት ጡጋ ካኤፍራጢስ ካአቲ ላጋ ኦሮ ኡበ፤ ምና ታብያንኮ ካኤሜታሮ ዎኖላሉን ራ ኤካስን በከ ኦላጋ አንጋጌን። 
\v 13 ታሱላለት ህኢኮና ታዶቦሴ ህኢኮ፥ ካጣራ ካሄገሮኮት ህኢኮ ጎጎ ኣን ካላራ ባቲክ አያና ሴዶ ብያግራን አን ዴ፤ 
\v 14 እሶ ባሳ ኦፈላራን ካዱርሳ ባቲክ አያናያን፤ ሂክ ባቲክ አያና ዱባ ካዳንዳሮ ሄዶኮት ታአቲ አሪ ካክናሮ ጀሬኑን እባዶ ኩኩይስን አላምኮክ ዎኖላል ዱባ ቶስ ሴይናራን።
\p
\v 15 “አን ሄቶ ኣን ደራኣ ኤመይናራ! ሀዉአይ ጎጎሌኖንኮና ሙላኬሳ እባዶ ጎጎዴኖንኮ አዴሰረ ሳርስ ካኦራታራ እባዶ ካሶማሳመያ!”\x - \xo 16፡15 \xo*\xt ማቶ. 24፡43-44፤ ሉቃ. 12፡30-40፤ ራጋ 3፡3።\xt*\x*
\p
\v 16 ባቲክ አያናና ዎኖላል ሄኢ ታኢብራይስጢ አርማገዶን ታአማማቶ ባንኤ ኩኩይሰ።\x - \xo 16፡16 \xo*\xt 2 ዎኖ. 23፡29፤ ዛኪ. 12፡11።\xt*\x*
\p
\v 17 ካቶዶብ ኤርግቻት ጡጋ አምባል ጉት ዳረኤ፤ ቁሉክ ምን ካዋ ኦሮ ካግሮ ኮርፍንጀኮ “ጉዳተዋ!” ታአማታ ታአቲ ያየ ቤተ። 
\v 18 ባንቃኖ፥ ያየ፥ ድዲዴና ካአቲ ኡልኮክ አኣኖ ሌ፤ ሂካ ኣንክክ ካአቲ ኡልኮክ አኣኖ እባዶ ሂካ ኡል ጉት አሮመጣመኮ ሀጋአበረ ሂካማሌ ሌ ላካሶ።\x - \xo 16፡18 \xo*\xt ራጋ 8፡5፤ 11፡13፥19።\xt*\x* 
\v 19 ታአቲ ካታማ ባንኤ ሴድ ቤተ፤ ካአይዛብ ካታማልና ዲጋመ፤ ዋ ታንጂንት ባብሎን ሻደ፤ ታአቲ ኤንጌ ካዎይኒ ጣሞ ታኮአማጋንተቶ ጡጋ ጎጎጣምራዉን የለ።\x - \xo 16፡19 \xo*\xt ኢሳ. 51፡17።\xt*\x* 
\v 20 ኦዶላል ዱባ ቶላዴን ባቃተን፤ ዎዳሚልና ላኮሙተ።\x - \xo 16፡20 \xo*\xt ራጋ 6፡14።\xt*\x* 
\v 21 መተመተይ አፋርታምኮ ከን ኪሎ ግራም ግታት በለት ዳሩርኮ እባዶ ጉት ኢተ፤ ኤንገ ኣሎ ታአቦስሳቶ ማንኮሌተተ ማራን እባዶ ታበለቲ ኤንገኮት ኣላንቲ ዋ ሀባረ።\x - \xo 16፡21 \xo*\xt ብያ. 9፡23፤ ራጋ 11፡19።\xt*\x*
\c 17
\s1 ሻርሙጡማ ታአዴሳንተቶ ሄለልትቲና ሱላለት
\p
\v 1 ጡጋ ቶዶባ ካአበረ ኤርግቻል ቶዶባኮ ኮ እን ቶስ ኤመተረ ኢነ ሃ አመ፥ “ኮይ! በከ ኦንጂ ጉት ታሀማጺተቶ ሻርሙጡማ ታአዴሳንተቶ ሄለልትቲ ጉት ካግናሮ ፍርዳ አን ኩን ቱስናራ።\x - \xo 17፡1 \xo*\xt ኤር. 51፡13።\xt*\x* 
\v 2 ካኡሌ ዎኖላል ኤሰነ ዎታ ሻርሙጠራ፤ ካኡሌ እባዶና ሻርሙጣኖኮክ ካዎይኒ ጣሞይ ሰቴራን።”\x - \xo 17፡2 \xo*\xt ኢሳ. 23፡17፤ ኤር. 51፡7።\xt*\x*
\p
\v 3 ሂካኮ አባባተረ ኤርግቻት አያናይ እን ቃሉላቶክ ኡል ቶስ ቤሰ፤ ኡሱ ጉት ካሀባር መገ ካኮጻፋመረ መቴል ቶዶባና ማሻ ቶሞን ካአቦ ሄላክ ሱላለት ጉት ታሀማጺተቶ ሄለልትቲ ቶ አን ዴ።\x - \xo 17፡3 \xo*\xt ራጋ 13፡1።\xt*\x* 
\v 4 ህት ሄለልትቲና ዳማክና ሄላክ ሳርስ ሳርሳተ ግቴ፤ ዎርቂይ፥ ካካባጃመ ኤኤሞና ኢንቁ ካአማማሮ ኢደ ግቴ፤ ገነትሴይ ካሙሊስሮ ኮኮና ሻርሙጣኖኮክ ባትናት ካኮአማጋመሮ ታዎርቂ ጡጋ አባተ ግቴ።\x - \xo 17፡4 \xo*\xt ኤር. 51፡7።\xt*\x* 
\v 5 በቤድትሴይ ጉት “ሻርሙጣና ካኡሌ ባትጆልኮት አዬ፥ ታንጂንት ባብሎን” ካአማራ ካሆል መገ ጻፋመ ግረ። 
\v 6 ሀሴ ሄለልትቲ ቁሎሌኮክ ኢግና የሱሳ ማራን ኦጎየራንኮክ ኢግ ታሰቲተቶ አን ዴ፤ ኤሰ ካኮድያረ ጎራታ አን ኣሎ ሳደ። 
\v 7 ኤርግቻት አደ ኢነ ሃ አመ፤ “አት ሙን ሳዳታ?” ታሄሌልትቲ ሆልና ኤሰ ካኮሀማጺተቶ፥ መተ ቶዶባና ማሻ ቶሞን ካአቦ ሱላለትኮት ሆል አን ኩን ሰግናራ። 
\v 8 አት ካዴተታ ሱላለት ጣየ ግረዋ፤ ግዳ ላግሮ፤ ሃሬ አድ ቦዋክ ጉምቢኮ ብናራ፤ ባይ ቶንሳ ሴይናራ፤ አላም ታኮመጣመኮ ሀጋአበረ መገክሶ ካኮግረ ማዝጋባይ አንጻፋሞን ካግራ ካኡሌ እባዶ፥ ሱላለትና ጣየ ካግረ፥ ግዳ ካግኖን፥ ሃሬ አድ ካኤሜይናሮ ላኖ ጎዴን ሳድናራን።\x - \xo 17፡8 \xo*\xt ዳኔ. 7፡7፤ ራጋ 11፡7፤ ማዛ. 69፡28።\xt*\x*
\p
\v 9 “ቃሩማ ታአብታ ሳሙ ካኮዶታማታ ሂካኑንያ፤ መቴል ቶዶባ ሄለልትቲ ካኮሀማጺተተ ዎዳሚል ቶዶባዬን፤ 
\v 10 ኡሱማለና ዎኖላል ቶዶባዬን፤ ከኖ እዬራን፤ ኮ ግዳ ግሮዋ፤ ካካለ ጋና ኤመይናራ፤ ኡሱ ካኮኤሜተ ጎራታ ክጫር ካላል አዳላይን ዶትሳራ። 
\v 11 ካስዴድ ዎኖ ጣየ ካግረና ግዳ ካዋታመሮ ሱላለትየ፤ ኡሱ ሱላለል ቶዶባኮ ኮየ፤ ባይ ቶስ ሴይናራ።
\p
\v 12 “አት ካዴተታ ማሻል ቶሞኖ ጋና አንሬዶኒ ካግሮ ዎኖላል ቶሞንያ፤ አየሱን ጎአመን ሳቲ ቶ ታላል ሱላለትነ ዎታ ጎጎሬድናዉን ሬዳኖኮክ ኦዶናት ሄላይናራን።\x - \xo 17፡12 \xo*\xt ዳኔ. 7፡24።\xt*\x* 
\v 13 ሂኒዕ ዎኖላል ቶሞኖ ቆፋ ቶ አባናየን፤ እሶ ሁናክሶና ኦዶናትክሶ ሱላለቲን ስስናራን፤ 
\v 14 እሶ ኢዳዶ ጉት ጀሬን ሻፋይናራን፤ አየሱን ጎአመን ኢዳዶ ካጎቶሌ ጎታና ካዎኖላል ዎኖ ማንኮሌ ማራን ኡሱ እሶ አዎድናራ፤ ኡሱነ ዎታ ኦግራን ኦኡማሜራን፥ ኦአሳባሜራና ኦአብዳመንያን።”
\p
\v 15 ኤርግቻትና ኢነ ሃ አመ፤ “ሻርሙጣት ካኮሀማጺተተ አት ኦዴተተ በከጆል፥ ጎሳጆል፥ እባዶ፥ ኡናጆልና ካለካለት ሄኢ ኦአዬሳራንየን፤ 
\v 16 ሱላለትና አት ካዴተታ ማሻል ቶሞኖ ሻርሙጣት ዲዳራን፤ ሀላል ሀዉአይ ሀሲናራን፤ ሶኦትሴና አምናራን፤ ኤሰ ኤሌኒና ጉብናራን፤ 
\v 17 እሶ ሀልቻክሶ ጎጎፈላናዉን ህታ ቆፋ ዎዳናትሶይ ካካየራ ዋያ፤ ሃንሱን ሃፉራ ካዋ ታ ፈሎ ሀይሮ እሶ ቆፋ ቶይ እስአትናራን፤ ሬዳኖኮክ ኦዶናትክሶ ሱላለቲን ስስናራን።
\p
\v 18 “አት ታዴተታ ሄለልትቲ ካኡሌ ዎኖላል ጉት ታሬድናቶ ታንጂንት ካታማታ።”
\c 18
\s1 እያኖ ካባብሎን
\p
\v 1 ሂካኮ አባባየረ ካአቲ ሁና ካአባናየ ካካለ ኤርግቻት ዳሩርኮ ዳጋ ግራን አን ዴ፤ ካባጃተሳኮክ ሀንቃኮ ካከይ ኡል ዱባ ሀንቃየ፤ 
\v 2 ጦቂ ታአንተ ያዬ ሃ አማ ኦኬ፤ “ታንጂንት ባብሎን ኢተታ! ኢተታ! ዱርሳኮክ ምን ሌተታ፤ ባቲክ አያና ካኮባራሮ ምን ሌተታ! ባቲክና እሊ ድን ካሜልላሮ ክምብር ካኮባራሮ ምን ሌተ!\x - \xo 18፡2 \xo*\xt ኢሳ. 13፡21፤ 21፡9፤ ኤር. 50፡39፤ 51፡8፤ ራጋ 14፡8።\xt*\x* 
\v 3 ካሴቲሳሮ ሻርሙጣኖክሴኮክ ካዎይኒ ጣሞ ጎሳ ዱባ ጣመራ፤ ካኡሌ ዎኖላልና ኤሰነ ዎታ ሻርሙጠራ፤ ዳዳላተ ካባራረ ካኡሌ እባዶ ባሪሳኖኦትሴ ኣሎ ኤካታኖኮ ካከይ ዱረሳ ሌራ።”\x - \xo 18፡3 \xo*\xt ኢሳ. 23፡17፤ ኤር. 51፡7።\xt*\x*
\p
\v 4 ታካለ ያየ ዳሩሪ ሃ አማ ግራን አን ማለ፤
\q1 “ጎሳኬ! ጩቦክሴነ ዎታ ኡና አሮሌተን፤
\q2 ኤሰ ታግናቶ ኤንገ ኦሄዴዳማታን አሮሌተን፤
\q2 ኤሰ ኦሮኮ ብያ!\x - \xo 18፡4 \xo*\xt ኢሳ. 48፡20፤ ኤር. 50፡8፤ 51፡6፥45።\xt*\x*
\q1
\v 5 ጩቦክሴክ ቱላ ዳሩር ጌራ፤
\q2 ዋ ባስክሴ ሻደራ፤\x - \xo 18፡5 \xo*\xt መጣ 18፡20-21፤ ኤር. 51፡9።\xt*\x*
\q1
\v 6 ኤሰ ካስሰቶኮክ ጅልባ ማለ ኤሰን ስሳ፤
\q2 ኤሰ ኦፈልተቶ ፈሎን አምባ ሙራ፤
\q1 ኤሰ ጣሞ ካሞጋን ታኮለለደቶ ጡጋ ኦሮ
\q2 አምባ ካአቲ የላዴን ለሌዳ፤\x - \xo 18፡6 \xo*\xt ማዛ. 137፡8፤ ኤር. 50፡29።\xt*\x*
\q1
\v 7 ኤሰ ካባጃትሴዉና ባሪሳኖኦትሴ ኢድሳይን እስኦትሴዉን ካስሰቶ ግታክ
\q2 አቦሳና ጋዳ ኤሰን ስሳ፤
\q1 ኤሰ ዎዳናትሴይ
\q2 ‘አን ኦር ዎኖ ኣን ሀማጼራ
\q2 ጋልታንቴ ላኮዮ፤
\q2 ጋዳና ኢን ሱረ ላኮጌሮ’ አማ ጣዳተ።
\q1
\v 8 ሃንሱን ኤሰ ታግናታ ኤንገ ዱባ አሪ ቶይ ኤሰ ግናታ
\q1 ጎይና ጋዳ ኡኢና ኤሰ ግናራ፤
\q2 ኤሌኒና ጉባይናታ፤
\q1 ኤሰ ጉት ካፍርዳራ
\q2 ጎታ ሄዶ ካአቲያ።”
\p
\v 9 ኤሰነ ዎታ ካሻርሙጠራና ግር ካኢዳኒ ካግረ ዎኖላል ኤሰ ጉባታ ግራን ኢይ ካብያሮ ካኮድያረን ጎራታ ኤሰን ኦካ ኦታራን፤ 
\v 10 አቦሳክሴ አብሳታናኮ ካከይ ኤባ አሌንጉረን “ተ አት ታንጂንት ካታማት፥ ተ አት ታአቲ ካታማ ባብሎን! ፍርዳ ሳቲ ቶይ ኦሮ ኩ ቶስ ማንኮኤመተሮ ማራን ተ ኣኔ ኩን! ኣኔ ኩን!” አማራን።\x - \xo 18፡10 \xo*\xt ሕዝ. 26፡16-17።\xt*\x*
\p
\v 11 ማርካፋክሶት ስዳነ ሆረንባን ካኢምናራ ማንኮዋታመሮ ማራን ኡሊ ጉት ዳዳላተን ኦባራራን ኦታራን፤ ኤሰን ጋዳራን፤\x - \xo 18፡11 \xo*\xt ሕዝ. 27፡31-36።\xt*\x* 
\v 12 ማርካፋክሶ ካስደሮ ዎርቂ፥ ብር ታአማማቶ ማርጮ፥ ካካባጃመ ኤኤሞ፥ ኢንቁ፥ ካጭምን ሳርስ፥ ዳማክ ሳርስ፥ ካሀር ሳርስ፥ ሄላክ ሳርስና ታኢዳን ኡርት ካአቦ ጋ ዱባ፥ ታዳኖ ኢልክ፥ አዉኣሎክ ጋ፥ ነሃስ ታአማማቶ ማርጮ፥ ማርጮኮና ጫቢቾኮ ካፈላመሮ ሁ ዱባ፥ 
\v 13 ያጋንዶ፥ ሳዎ፥ ካኡራሮ ጋ፥ ፉልፉሊሶ፥ ኢጣና፥ ካዎይኒ ጣሞ፥ ታኤጀርሳ ዛይቲ፥ ጣመ፥ ዳርጋማ፥ ሳዬ፥ እዳድ፥ ፋራዴል፥ ካኮጉሉፋራን ፋራድ፥ ድይና ካካለ እባዶነያ።\x - \xo 18፡13 \xo*\xt ሕዝ. 27፡12፤ 13፡22።\xt*\x* 
\v 14 ዳዳላተን ኦባራራና “ተ አት ካሀልቻታ ካእዳን ኮኮ ዱባ ኩኮ ፋክመራ፤ ዱሩማታና ኩ ታኢድሳተ ካባጃታ ዱባ ባተታ፤ ጎርታ ሂታኮ ሆረንባን ሂካ ዱባ ሱረ ላኮሄላይናቶ!” አምናራን። 
\v 15 ሂካ ኮኮ ዱባ ኩኮ ኢምናታ ዱረሳ ኦሌረን ዳዳላተን ኦባራራን አቦሳክሴ አብሳታናኮ ካከይ ፋክም አልናራን፤ ኦታና ጋዳ፥\x - \xo 18፡15 \xo*\xt ሕዝ. 27፡31-36።\xt*\x* 
\v 16 “ካጭምን ሳርስ፥ ዳማክ ሳርስና ሄላክ ሳርስ ሳርሳታ ታግቴ፥ ዎርቂና ካካባጃመ ኤኤሞ ኢንቁይና ታኢዳተ፤ ታንጂንት ካታማ ኣኔ ኤሰን! ኣኔ ኤሰን! 
\v 17 ሀኑኡ ግታኒዕ ኡራዎ ሳቲ ቶይ ባዬን፤” አማራን።
\p ማርካፋ ኦአጃጃሬን ዱባ፥ ማርካፋይ ካሰሰታረ እባዶ ዱባ፥ ማርካፋይ ኦፈላታረን ዱባ፥ በከይ ሰሴተን ኦዳዳላታረን ዱባ ኤባ ፋክም አልናራን፤\x - \xo 18፡17 \xo*\xt ኢሳ. 23፡14፤ ሕዝ. 27፡26-30።\xt*\x*
\p
\v 18 ኤሰ ጉባታ ግራን ካበያሮ ኢይ ካኮድያረን ጎራታ “ህታ ታንጂንት ካታማ ኣን ታላታ ታካለ ካታማ ሱረ ግቶ?” አማ ኦኬን።\x - \xo 18፡18 \xo*\xt ሕዝ. 27፡32።\xt*\x* 
\v 19 እስኦትሶ ጉት ጎራ ክክባቴን፤ ኦታና ጋዳ ሃ አማ ኢይናራን፤ “በከ ጉት ካሰሴታሮ ማርካፋ ኦአባን ዱባ ኡራዎኦትሰይ ዱረሳ ኦሌራን፥ ሀሴ ታንጂንት ካታማ ሳቲ ቶይ ኦሮ ማንኮኢተቶ ማራን ኣኔ ኤሰን! ኣኔ ኤሰን!”\x - \xo 18፡19 \xo*\xt ሕዝ. 27፡30-34።\xt*\x*
\p
\v 20 ተ አት ዳሩሪ! ኤሰ ገጌላ! ዋ እስን ማራን ኤሰ ጉት ማንኮፍርዴሮ ማራን እስን ቁሎለ፥ ኦፋራንቴታና ሄገሮል ገጌላየን!\x - \xo 18፡20 \xo*\xt አዳ. 32፡43፤ ኤር. 51፡48።\xt*\x*
\p
\v 21 ሂካኮ አባባተረ ካአቲ ኤርግቻት ካንጂንክ ሪም ግታክ ኤኤሞ ኮ ኬሰጉረ ሃ አማ በከ ኦሮ ሉጉደ፤ “ታንጂንት ካታማ ባብሎን ሃ ሁናይ ሻፋም ኢናታ፤ ሂታኮ ሆረንባን ሱረ ላኮሄላንቶ፤\x - \xo 18፡21 \xo*\xt ኤር. 51፡63-64፤ ሕዝ. 26፡21።\xt*\x* 
\v 22 ክራን ኦባሳራና ታዱዱሮ ያየ፥ ሱሱሌ ኦኡፉፋራና ማላካታ ኦኡፉፋራንኮት ያየ ካላም ኩዬ ኦሮ ላኮማልሳንቶ፤ ማዮና ፈሎ ኦገኔ ንፍርተ ሌ ካፈላራ ሎማስ እባዶ ሂታኮ ሆረንባን ኩ ኦሮ ላኮሄላምሮ፤ ካሪመ ኤኤሞኮት ያየ ኩ ኦሮ ላኮማልሳንቶ።\x - \xo 18፡22 \xo*\xt ሕዝ. 26፡13፤ ኢሳ. 24፡8።\xt*\x* 
\v 23 ካኮሮንታ ኢፋ ሂታኮ ሆረንባን ኩ ኦሮ ላኮሀንቃይሮ፤ ካማሻሼኮትና ታማሻሼት ያየ ሂታኮ ሆረንባን ኩ ኦሮ ላኮማልሳንቶ፤ ዳዳላተ ካባራረ እባዶካ ካአላም እባዶ ካጂንጂንየ፤ ሙሩናካይ ጎሳ ዱባ ሽርሰታ።\x - \xo 18፡23 \xo*\xt ኤር. 7፡34፤ 25፡10።\xt*\x*
\p
\v 24 “ኤሰ ኦሮ ካሄገሮልኮክና ካቁሎሌ እባዶኮክ ኢግና፥ ኡሊ ካላጋዴራን እባዶ ዱባኮክ ኢግ ሄላመራ።”\x - \xo 18፡24 \xo*\xt ኤር. 51፡49።\xt*\x*
\c 19
\p
\v 1 ሂካኮ አባባየረ ሃ ታአማቶ እባዶ ካሞጋንኮት ያየ ኣን ታላቶ ታአቲ ያየ ዳሩሪ አን ማለ፤ “ሀለ ሉያ! ፋይና ካባጃና ሁናና ሄዶካንክያ፤\f + \fr 19፡1 \fr*\fqa “ሀለ ሉያ” \fqa*\ft አማኖ ታኢብራይስጢ ህኢ “ዋ ሀጋላታሞ” አማኖያ። \ft*\f* 
\v 2 ፍርዳኬሳ ካሩሚና ልክኪያ፤ ኡል ሻርሙጡማ ታባቶይሳቶ ታንጂንት ሻርሙጣት ፍርዳይ ኡሱ ኤሰ ሙርሰራ፤ ኤሰ ሙርሳኖይ ኡሱን ኦሀንዳራንኮክ ኢጉን ሀሎ ቤራ።”\x - \xo 19፡2 \xo*\xt አዳ. 32፡43፤ 2 ዎኖ. 9፡7።\xt*\x* 
\v 3 አደና፥ “ሀለ ሉያ! ኤሰኮ ካበያራ ኢይ ጅሩ ጅሮማኮ ታ ጅሩ ጅሮማ ጌሮ ኤልድ ብናራ!” አማ ኦኬን።\x - \xo 19፡3 \xo*\xt ኢሳ. 34፡10።\xt*\x* 
\v 4 ላማታንኮ አፋሮ ጃርሶለና ኔፎ ታአብታ መጣ አፋሮ ኮርፍንጄ ጉት ካሀማጼሮ ሄዶዉን በቤዲ ኡል ኦዬንጉረን “ሀሚኒዕ፥ ሀለ ሉያ!” አማ ሳጋደን።
\s1 ካኢዳዶ ካሃስኖ ጅላ
\p
\v 5 ሂታኮ ሆረንባን፥ “ኡሱ ኦአብሳታና ኡሱን ኦሀንዳታን ዱባ፥ ክጪጫርና ካጂንጂን ሄዶካን ጋላታ!” ታአማታ ያየ ኮርፍንጀኬሳኮ ቤተ።\x - \xo 19፡5 \xo*\xt ማዛ. 115፡13።\xt*\x* 
\v 6 እባዶ ካሞጋንኮት ያዬ፥ በከ ኦዳጋራንኮት ያየና ካአቲ ድድዴናኮት ያየ፥ ኣን ታላታ ያየ ሃ አማ ግራን አን ማለ፤ “ሀለ ሉያ! ዱባ ካዳንዳራ ጎታ ሄዶካን ሬደራ!\x - \xo 19፡6 \xo*\xt ሕዝ. 1፡24፤ ማዛ. 93፡1፤ 97፡1፤ 99፡1።\xt*\x* 
\v 7 ታኢዳዶ ሃስኖ ማንኮጌተቶ ማራና ማሻሸቴሳ ማንኮእስኤካሳተቶ ማራን ገገላኖ! ገጌሎና የላኖ! ኡሱ ካባጅኖ! 
\v 8 ካሀንቃሮና ሙጭ ካአመ ካኢዳሮ ሳርስ ጎጎሳርሳቶን ኤሰን ስሳመ፤ ካጭሚንክ ሳርስ ኦቁሎሌ ቁሉኒዕ ፈሎያን።”
\p
\v 9 ሂካኮ አባባተረ ኤርግቻት ኢነ፥ “ታኢዳዶ ሃስኖኮክ ጅላን ኦኡማሜራን ኦሶማሳመንያን” አምደ “ጻፍ” አመ፤ አደና “ሂክ ካሩም ሃፉራ ካዋያ” አመ።\x - \xo 19፡9 \xo*\xt ማቶ. 22፡2-3።\xt*\x*
\p
\v 10 አንና ኤርግቻትን ሳጋድን ሉቃኦቴሳ ሄገሊ በቤድቴይ ኡል ኦየ፤ ኡሱ አደ “እሳግ! ሂካ አሮፈልተ! አን ኩኔ ዎታና ካየሱሳ አቶ ኦአባን አብላልታነ ዎታ ካሀንዳሮያ፤ ዋዉን ሳጋድ! ካየሱሳ አቶ ሄገርኮክ አያናያ” አመ።
\s1 ጉማራክ ፋራድ ጉት ካሀማጼሮ
\p
\v 11 ሂካኮ አባባየረ ታባናንተቶ ዳሩር አን ዴ፤ ፋራድ ጉማራክ ዴ፤ ፋራድ ጉት ካሀማጼረ ካአማናመና ካሩም ካአማማሮየ፤ ኡሱ ሩሚ ፍርድናራ፤ ጀሬና ሻፋታራ።\x - \xo 19፡11 \xo*\xt ሕዝ. 1፡1፤ ማዛ. 96፡13፤ ኢሳ. 11፡4።\xt*\x* 
\v 12 እልኦ ኦቴሳና ካኤሌኔ ላጫ ኣን ላራን፤ መተኬሳ ጉት ካሞጋን ካላቻ ግራ፤ ኡሱ ኳሬ ካካለ ማዮና ካካሶን ኡሱ ጉት ካጻፋመረ መገ ግረ፤\x - \xo 19፡12 \xo*\xt ዳኔ. 10፡6።\xt*\x* 
\v 13 ኡሱ ኢግ ካጩጳመሮ ሳርስ ሳርሳተ ግረ፤ መገኬሳና፥ “ሃፉራ ካዋ” ካአማማሮየ። 
\v 14 ጉማራክ ፋራዴሊ ጉት ኦሀማጼራን፥ ጉማራክና ሙጭ ካአመ ካኢዳሮ ሳርስ ኦሳርሳቴራን ካዳሩረ ዎታዳራል ኡሱ ዴበ ሰሴታራ፤ 
\v 15 ካኬሳ ካሌኖን ጎሳጆል ካኮባስራ ካኤነናን ሺፋ ህኢቴሳኮ ብያራ፤ ሁና ባሪስናራ፤ ኡሱ ዱባ ካዳንዳሮኮት ታአብስሳቶ ታዋ ሙሮ ካቱሳሮ ካዎይኒ ጣሞ ካኮሙላራን ኡሱ ዳዳርናራ።\x - \xo 19፡15 \xo*\xt ማዛ. 2፡9፤ ኢሳ. 63፡3፤ ኢዮ. 3፡13፤ ራጋ 14፡20።\xt*\x* 
\v 16 ሳርስኬሳይና ሬራቴሳ ጉት “ካዎኖላል ዎኖ፥ ካጎቶሌ ጎታ” ካአማራ መገ ጻፋመራ።
\p
\v 17 ሂካኮ አባባተረ አርት ጉት ካአሌሮ ኤርግቻት ኮ አን ዴ፤ ኡሱ ዳሩሪ ካቡባሮ ክምብርጆሉን ሃ አማ ታአቲ ያዬ ኦኬ፤ “ካአቲ ኣሞ ካዋ ቶስ ኮዬን! ኩኩማ! 
\v 18 ሶ ኦዎኖላል፥ ጀሬኑን ኦአጃጃራንኮኒዕ ሶ፥ ካአቲ ካጅሬኔ እባዶኮኒዕ ሶ፥ ኦፋራዴልና ፋራዲ ኦጉሉፋራንኮኒዕ ሶ፥ ኦጎቶሌልና ኦሀንዳራንኮኒዕ ሶ፥ ካጪጫርኮኒዕና ካጂንጂኮኒዕ ሶ፥ ማምስክ እባዶኮኒዕ ሶ ኮዬን አማ!”
\p
\v 19 ኡሱማለና ሱላለትና ካኡሌ ዎኖላል፥ ዎታዳራልክሶና ጉማራክ ፋራዲ ጉት ካሀማጼሮነና ዎታዳራልኔ ዎታ ጀሬን ሻፋይን ኦኩኩሜራን አን ዴ፤ 
\v 20 አየሱን ጎአመን ሱላለት አባመ፤ ኡሱነ ዎታ ኡሱ ሆረ ባሳ ፈላ ካግረ ካጣራ ካሄገሮት አባመ፤ ኡሱ ካሱላለቲ ማላታ ካኮንግረና ታሱላለት ምስሊዉን ሳጋዳ ካግረ እባዶን ባሳ ፈላ እሶ ሶሶይሳ ግረ፤ ሂኒዕ ላማ ላጫ ካኤሌነኮት ባዲ ኔፎነ ግራን ሻፋመን።\x - \xo 19፡20 \xo*\xt ራጋ 13፡1-18።\xt*\x* 
\v 21 ኦሄሴራን አደን ጉማራክ ፋራድ ጉት ካሀማጼሮኮት ህኢኮ ካበያሮ ሺፋይ ጎዬን፤ ክምብርጆል ዱባ ሶኦትሶ ኣመ ባራረ።
\c 20
\s1 ጌስ ኩማኮክ ዎኖ
\p
\v 1 ሂካኮ አባባተረ ቦላክ ጉምቢ ካኮባናራና ሳንሳላታ ገነቴሳይ ካአባተራ ኤርግቻት ዳሩርኮ ዳጋ ግራን አን ዴ፤ 
\v 2 ዶቦስ አበጉረ ጌስ ኩማ ሽየ፤ ሂክ ዶቦንሳ ዱርሳ ጎርቱን ጻላየ ታአማማቶ ካሆሬ ሀበሳያ፤\x - \xo 20፡2 \xo*\xt መጣ 3፡1።\xt*\x* 
\v 3 ሂክ ዶቦስ እባዶ ጎጎሶቦንኮ ጌስ ኩማ ታ አማጋምሮን ኤርግቻት ሂካ ዶቦስ ቦዋክ ጉምቢ ኦሮዴሰ ሉጉደ፤ ጩፈጉረ ካካለ ማዮና ጎጎባኖንኮ ማታማ ካየ፤ ኤሰኮ አባባይረ ጎራታ ክጫሩን ኡሱ ፉራሚን ዶትሳራ።
\p
\v 4 ኤሰኮ አባባየረ አን ኮርፍንጄል ዴ፤ ኡሱ ኮርፍንጄል ጉት ካኮፍርዲሮ ኦዶናት ካአቦ ካሀማጼሮ ዴ፤ ጋራ ካየሱሳ ማንኮአቶቴራን ማራና ሃፉራ ካዋ ማራን መተክሶ ካኮጎሳመሮ እባዶኮት ኔፎ አን ዴ፤ እሶ ሱላለዉና ምዲ ታሱላለን ሳጋዶን ኦግራን ማላታኬሳ በቤድትሶይና ሌረ ገነትሶይ ጉት አንካኖን ኦግራንያን፤ እሶ ጎይኮ ኬንጉረን ክርስቶሳነ ዎታ ጌስ ኩማ ሬደን።\x - \xo 20፡4 \xo*\xt ዳኔ. 7፡9፥22።\xt*\x* 
\v 5 ካሄሰረ ካጎየራ እባዶ አደ ጌስ ኩማ ታአማጋምሮ ጎይኮ ላኮኬራን፤ ህክና ካሆራርጄ ጎይኮ ከያኖያ፤ 
\v 6 ካሆራርጄ ጎይኮ ከያኖ ኦሄላቴራን ኦሶማሳሜና ቁሎሌያን፤ ካላም ጎይ እሶ ጉት ኦዶናት ላኮአቦ፤ እሶ ኦዋና ኦክርስቶሳ ቱቃሞል ልናራን፤ ክርስቶሳነ ዎታ ጌስ ኩማ ሬድናራን።
\s1 ጻላየኮክ አዎዳማኖ
\p
\v 7 ጌስ ኩማ ካኮጉዳተ ጎራታ ጻላየ ሻኖኮ ፉራምናታ፤ 
\v 8 አላም ዱባ ጉት ካግሮ ጎሳ ጎግና ማጎግ ሶቢና ጀሬን ቶስ ታብስን ኤመይናራ፤ ሞጋንክሶና ላቡ ታግቶ ጨካለ አንያ።\x - \xo 20፡8 \xo*\xt ሕዝ. 7፡2፤ 38፡2።\xt*\x* 
\v 9 እሶ ኡል ዱባ ጋምባሜን ካቁሎሌ ማማና ታጌላታንተቶ ካታማ ማራሙረን አበን፤ አየሱን ጎአመን ኤለን ዳሩርኮ ዳይደ እሶ ጉብተ ባሰ። 
\v 10 እሶ ካሶበረ ዱርሳ፥ ሱላለትና ካጣራ ካሄገሮ ማንኮግሮ ሬስ ታኮጉባታሮ ባድ ታኤሌነቲ ኦሮዴ ሻፋመን፤ ኤሰ አሪና ሄመን ጅሩ ጅሮማኮ ታ ጅሩ ጅሮማ ጌሮን አቦሳምናራን።
\s1 ካጋቾ ፍርዳ
\p
\v 11 ሂታኮ አባባየረ አን ካንጂንክ ጉማራክ ኮርፍንጀና ኮርፍንጄ ጉት ካሀማጼሮ ዴ፤ ኡልና ዳሩርና ሆረቴሳኮ ባቃተን፤ ባንኤና እሶን ላኮሄላንተ፤ 
\v 12 ካጎየሮ እባዶ ካጪጫርና ካጂንጂ ኮርፍንጄ ሆረ ካአሌሮ አን ዴ፤ ማጻፋልና ባናመ፤ ካግር ማጻፋ ካሌራ ካካለ ማጻፋና ባናመ፤ ኦጎየራና ማጻፋ ፈሎኦትሶ ጻፋሜን ጎጎግራንክ ማለ ፍርዳ አታቴን፤\x - \xo 20፡12 \xo*\xt ዳኔ. 7፡9-10።\xt*\x* 
\v 13 በከና እሶ ኦሮ ካግሮ ካጎየሮ ስሰን፤ ጎይና ቦዋና እሶ ኦሮ ካግረ ካጎየሮ እባዶ ስሰን፤ እባዶ መተመቴ ፈሎኦቴሳክ ማለ ፍርዳ አታተ፤ 
\v 14 ጎይና ቦዋና ባድ ቶስ ሻፋመን፤ ህት ታኤሌነ ባድ ካላምክ ጎይያ፤ 
\v 15 መገኬሳ ካግር ማዝጋባይ ጻፋም ካግኖን ዱባ ባድ ታኤሌኔ ቶስ ሻፋመ።
\c 21
\s1 ታኡሱብ ዳሩርና ኡል ካኡሱብ
\p
\v 1 ሂታኮ አባባየረ አን ታኡሱብ ዳሩርና ኡል ካኡሱብ ዴ፤ ታሆራርጄ ዳሩርና ካሆራርጄ ኡል ሮረኔን፤ በከና ሂታኮ ሆረንባን ላኮግራን፤\x - \xo 21፡1 \xo*\xt ኢሳ. 65፡17፤ 66፡22፤ 2 ጴጢ. 3፡13።\xt*\x* 
\v 2 ቁሉት ካታማ፥ ታኡሱብት ኢየሩሳለም፥ ኤንተሪ ኬሳምን ታሳርሳተቶ ማሻሸ አን እስ ኤካሳተደ ዳሩርኮ ዋ ዶለኮ ዳጋ ግራን አን ዴ፤\x - \xo 21፡2 \xo*\xt ኢሳ. 52፡1፤ 61፡10፤ ራጋ 3፡12።\xt*\x* 
\v 3 ሃ ታአማታ ታአቲ ያየ ኮርፍንጀኮ ብያግራን አን ማለ፤ “ሂክማ! ዋ ካኮባራራ ምን እባዶነ ዎታ ግራ፤ እሶነ ዎታና ግርናራ፤ እሶና ጎሳኬሳያን፤ ዋ ኡሱን እሶነ ዎታ ሄዶክሶና ልናራ፤\x - \xo 21፡3 \xo*\xt ሕዝ. 37፡27፤ ዎዩ. 26፡11-12።\xt*\x* 
\v 4 እልም ዱባ ኢልኦ ኦትሶኮ ሻካራራ፤ ካጣዎ ሴራ ማንኮሮረሮ ማራን ጎይ ጎርቱን ጋዳ ጎርቱን ኦታን ጎርቱን አቦሳ ሂታኮ ሆረንባን ላኮግሮ።”\x - \xo 21፡4 \xo*\xt ኢሳ. 25፡8፤ 35፡10፤ 65፡19።\xt*\x*
\p
\v 5 ኮርፍንጄ ጉት ካሀማጼረና፥ “ግዳ አን ካመን ዱባ ኡሱባይስናራ!” አመ፤ ደቤና፥ “ሂክ ሃፉራ ካአብዳመና ሩም ማንኮሌ ማራን ኢነ ጻፍ” አመ። 
\v 6 ኤሰኮ አባባተረ ኢነ ሃ አመ፥ “ጉዳተዋ! ካሆሬና ካሃረ፥ አንያ፤ ካሱጉባተሮን ኦግር በከኮክ ፉልቶኮ ሙራ ካላይ ዳናባ ኣን ስስናራ።\x - \xo 21፡6 \xo*\xt ኢሳ. 55፡1።\xt*\x* 
\v 7 ካአዎዳራ ሂካ ኤልናራ፤ አንና ኡሱን ሄዶ ልናራ፤ ኡሱና ኤረኬ ልናራ።\x - \xo 21፡7 \xo*\xt 2 ሳሜ. 7፡14፤ ማዛ. 89፡26-27።\xt*\x* 
\v 8 አየሱን ጎአመን ኦአብሳታራን፥ አማኖ ካላይኒዕ፥ ባቶሌ፥ ኔፎ ኦላጋዳራን፥ ኦሻርሙጣራን፥ ጎዮ ኦአባን፥ ቶልቻ ኦሄዶይሳታራን፥ ጣራ ካአዬሳራ ዱባ ኢድሊትሶ ሙራምደ ሬስ ታኮጉባታሮ ታኤሌነ ባዲ ኦሮ ግርናራ፤ ህክና ካላም ጎይያ።”
\s1 ታኡሱብት ኢየሩሳለም
\p
\v 9 ቶዶባ ታአቲ ሙሮ ካኮአማጋንተቶ ጡጋል ቶዶባ ካአበሮ ኤርግቻል ቶዶባኮ ኮ ኤመተረ፥ “ኮያ! ታኢዳዶ ኦር ታሌተቶ ማሻሸ አን ኩን ቱስናራ” አመ። 
\v 10 አያናይ ታንጂንትና ታኤርት ዎዳም ቶስ እን ቤሰጉረ ቁሉት ካታማ ኢየሩሳለም ዳሩርኮ ዋ ዶለኮ ዳጋ ግራ ኢን ቱሰ።\x - \xo 21፡10 \xo*\xt ሕዝ. 40፡2።\xt*\x* 
\v 11 ካባጃ ታዋይ ሀንቃይሳ ግቴ፤ ኢፋኮክ ሀንቃ ኣሎ ካካባጃመ ኤኤሞ አንና፥ ዳዉኢቲ ኣን ሙጭ ካአመ አዉኣሎክየ፤ 
\v 12 ጎጫ ቶሞንኮ ላማ ታአብቶ ታአቲና ታኤርት ታግምበ ኣል አባናይተ፤ ጎጫ ቶሞንኮ ላማይ ኤርግቻ ቶሞንኮ ላማ አሌ ኦራረ፤ ጎጫ ቶሞንኮ ላማይ ጉት ታእስራኤል ኣኒኮክ መገ ጻፋመ ግረ። 
\v 13 ምና ታብያንነ ጎጫ ሴድ፥ ምና ታኤሌነ ጎጫ ሴድ፥ ምና ታሄገሌነ ጎጫ ሴድ፥ ምና ታኢያነ ጎጫ ሴድ አባናይተ።\x - \xo 21፡13 \xo*\xt ሕዝ. 48፡30-35።\xt*\x* 
\v 14 ታካታማ አልኮክ ግምበ ኡኩም ቶሞንኮ ላማ አባናናየ፤ ኡሱ ኡኩም ጉት ቶሞንኮ ላማ ኢዳዶን ኦፋራሜራንኮክ መገ ጻፋመ ግረ፤ 
\v 15 ኢነ ካአዬሰራ ኤርግቻት ካታማልና ጎጫልክሴ፥ ታግምበ ኣል ህስል ካኮኦይራን ታዎርቂ ዳማ አባናየ።\x - \xo 21፡15 \xo*\xt ሕዝ. 40፡3።\xt*\x* 
\v 16 ካካታማ ኤርናና ባላኣንክሰ ኤካ ካሌ ምና አፋር ኤካክ ቁንቡብ አባናይተ፤ ኤርግቻትና ካታማ ታኮኤካሳራን ዳማይ ኤካሰ ቶቴረ ኤርናክሰ ኩማ ላማነ አፋር ቦሌ ክሎ ሜትራ ግታት ሌተ፤ ባላኣንክሰና ጅፉትሰ ህታ ግታትዋ ሌተ፤ 
\v 17 ኤርግቻትና ታግምበ ኣል ህስል ኦየ፤ ኤርግቻትና ህስሊ ካኮኦዋረ ጎራታ ህስል ቦልኔ አፋርታምኮ አፋር ሌ፤ 
\v 18 ግምበና ካኮፈላመራ እያሰጲድ ካአማማሮ ኤኤሞኮየ፤ ኤሰ ካታማና ማስቶቲ ኣን ሙጭ ካአመ ዎርቂኮ ታፈላንተቶተ፤\x - \xo 21፡18 \xo*\xt ኢሳ. 54፡11-12።\xt*\x* 
\v 19 ታካታማት ግምበኮት ኡኩምጆል ምዲ ታሞጋንክ ካካባጃመ ኤኤሞይ ኢሳድሳ ግረን፤ ካሆራርጄ ኡኩም ታኢያሰጲድተ፥ ካላም ሰንፔር፥ ካሴድ ከልቀዶን፥ ካአፋር መረግድ፥ 
\v 20 ካከን ሰርዶንክስ፥ ካሌይ ሰርድዮን፥ ካቶዶብ ክርስትሎበ፥ ካስዴድ ብሬለ፥ ካሳጋሊ ዌራዉረ፥ ካቶሞኒ ክርስጲራስስ፥ ካቶሞኮ ኮይ ያክንት፥ ካቶሞንኮ ላም አመተስጢኖስዬን። 
\v 21 ጎጫል ቶሞንኮ ላማ ካካባጃመ ኤኤሞ ቶሞንኮ ላማ አባናየ፤ ጎጫል መተመተይ ካካባጃመ ኤኤሞ ኮኮ ፈላመረ፤ ካካታማ ራ ዳዉኢቲ ኣን ኢፋ ካሮርሳሮ ሙጭ ካአመ ዎርቂኮ ካፈላመሮየ።
\p
\v 22 ዱባ ካዳንዳራ ጎታ ሄዶና ኢዳዶ ቁሉክ ምን ካዋክሴ ማንኮሌራን ማራን ካታማይ ኦሮ ቁሉክ ምን ካዋ አን ላኮዴሮ፤ 
\v 23 ካባጃ ታዋ ማንኮሀንቃቶ ማራና ኢዳዶ ኢፋክሴ ማንኮሌ ማራን ካታማ አርት ጎርቱን ድግኒ ኤሰን ጎጎሀንቃይራኑን ላኮዶትሳሮ።\x - \xo 21፡23 \xo*\xt ኢሳ. 60፡19-20።\xt*\x* 
\v 24 ጎሳ ኢፋክሴይ ሰሴታራ፤ ካኡሌ ዎኖላል ታአባን ዱሩማትሶ ኤሰ ቶስ ኬናራን፤\x - \xo 21፡24 \xo*\xt ኢሳ. 60፡3።\xt*\x* 
\v 25 ኤሰ ካታማይ ሄመን ማንኮግኖን ማራን ማጎሬና ኡፋል ላኮጩፋማሮ። 
\v 26 ካካለ ጎሳና ታአባን ዱሩማን ኡራዎኦትሶ ኤሰ ቶስ ኬንናራን፤\x - \xo 21፡26 \xo*\xt ኢሳ. 60፡11።\xt*\x* 
\v 27 ካጢቃችስራ ኮኮ ኤሰ ቶስ ሱረ ላኮታባሮ፤ ፈሎ ኦባቶዬን ካፈላራና ጣራ ካአዬሳራ ኤሰ ቶስ ሱረ ላኮታባሮ፤ ኤሰ ቶስ ኦታባራን መገክሶ ካግር ማዝጋባይ ካኮንጻፋመሮ ኦላልያን።\x - \xo 21፡27 \xo*\xt ኢሳ. 52፡1፤ ሕዝ. 44፡9።\xt*\x*
\c 22
\s1 ካግር ላጋና ካግር ጋ
\p
\v 1 ሂታኮ አባባተረ ኤርግቻት ዋኮና ካኢዳዶ ኮርፍንጀኮ ኦብያራን ዳዉኢቲ ኣን ኦላራን ኦግር በከ ኦላጋ ኢን ቱሰ፤\x - \xo 22፡1 \xo*\xt ሕዝ. 47፡1፤ ዛኪ. 14፡8።\xt*\x* 
\v 2 ሂክ ላጋ ካካታማ ካባላኣንክ ራ ጠኤ በልኤሰረ ሮራራ፤ ላጋይ በተነና መርገነ ድግኒ ድግኒ ዱባማ ጌስ ኮይ ቶሞንኮ ላማ ጋለ ኢል ካዱባማረ ካግር ጋ ግረ፤ ኡሱ ጋኮኒዕ ባላሎ ጎሳ ፋይሳሬን።\x - \xo 22፡2 \xo*\xt መጣ 2፡9፤ ሕዝ. 47፡12።\xt*\x* 
\v 3 ሂታኮ ሆረንባን ማምስክ ቃንጎ ሱረ ላኮግሮ፤ ካዋና ካኢዳዶ ኮርፍንጀ ካታማይ ኦሮ ግርናራ፤ ኦሀንዳራና ኡሱ ሄዶይሳይናራን።\x - \xo 22፡3 \xo*\xt ዛኪ. 14፡11።\xt*\x* 
\v 4 ሆረቴሳ ድናራን፤ መገኬሳና በቤድትሶይ ጉት ግርናራ፤ 
\v 5 ሂታኮ ሆረንባን ሄመን ላኮግርናቶ፤ ጎታ ሄዶክሶ እሶን ማንኮሀንቃይሳሮ ማራን ኮሮንታ ጎርቱን ካአሪቲ ኢፋ ላኮዶትሳሮ፤ ጅሩ ጅሮማኮ ታ ጅሩ ጅሮማ ገራኒ እሶ ሬድናራን።\x - \xo 22፡5 \xo*\xt ኢሳ. 60፡19፤ ዳኔ. 7፡18።\xt*\x*
\s1 የሱሳኮክ አባባይ ኤመታኖ
\p
\v 6 ሂታኮ አባባተረ ኤርግቻት ኢነ ሃ አመ፤ “ሂክ ሃፉራ ካአብዳመና ካሩምያ፤ ካሄገሮል ካአዬስሳራ ሄዶ ኤነ ካሊናሮ ኮኮ ኦሀንዳራዉን ቱስን ኤርግቻት ፋረ።”
\p
\v 7 የሱሳና “ሂክማ! አን ሳም ኤመይናራ! ሂካ ማጻፋኮክ ካሄገሮ ሃፉራ ካኦራታራ ካሶማሳመያ!” አመ።
\p
\v 8 ሂካ አየስ ካማለራና ካዴራ አን ያንሳያ፤ ሂካ አየስ ካኮማላረና ካኮደያረ ጎራታ ሂካ አየስ ኢን ካቱሰሮ ኤርግቻትን ሳጋድን ሉክቴሳ ሄገሊ እዬ። 
\v 9 ኤርግቻት ጎአመን “እሳግ ሂካ አሮፈልተ! አን ኩኔ ዎታና አብላልታነ ካሄገሮልነ ዎታ ሂካ ማጻፋኮክ ሃፉራ ካፈላሮ እባዶነ ዎታ ካሀንዳሮያ፤ ዋዉን ሳጋድ!” አመ። 
\v 10 አደና ኢነ ሃ አመ፤ “ጎራታ ማንኮጌሮ ማራን ሂካ ማጻፋኮክ ካሄገሮ ሃፉራ ማታማይ አሮጩፍተ፤ 
\v 11 ሂታኮ ሆረንባን ካሜላን ሜልላኖ ሆረድናራ፤ ባቲክና ሀባቶየ፤ ካሙጭመና ሙጭ ሀአመ፤ ቁሉክና ሀቁሎየ።”\x - \xo 22፡11 \xo*\xt ዳኔ. 12፡10።\xt*\x*
\p
\v 12 “ሂክማ! አን ሳም ኤመይናራ፤ እባዶን መተመቴ ፈሎኦቴሳክ ማለ ሙርን ሙራ አን አበራ፤\x - \xo 22፡12 \xo*\xt ኢሳ. 40፡10፤ 62፡11፤ ማዛ. 28፡4፤ ኤር. 17፡10።\xt*\x* 
\v 13 ካሆሬና ካሃረ፥ ካሆራርጄና ካጋቾ አንያ።”\x - \xo 22፡13 \xo*\xt ራጋ 1፡8፥17፤ 2፡8፤ ኢሳ. 44፡6፤ 48፡12።\xt*\x*
\p
\v 14 ካግር ጋኮት ኢል አምና ጎጫክሰነ ታብን ፈኢ እሶን ጎጎግርቶን ሳርስክሶ ኦአልሳተራን ኦሶማሳመንያን።\x - \xo 22፡14 \xo*\xt መጣ 2፡9፤ 3፡22።\xt*\x* 
\v 15 ከሮር ኣን እስኦትሶ ኦባቶይሳታራና ኦሞራራን፥ ኦሻርሙጣራን፥ ኔፎ ኦላጋዳራን፥ ቶልቻ ኦሄዶይሳታራን፥ ጣራ ኦጌላታራና ካጣራ ራድ ኦሰሴታራን ዱባ ካታማኮ ሳሬ ግርናራን።
\p
\v 16 “አን የሱሳ ሂካ አቶ እስኑን ጎጎስስሮን ኤርግቻኬ ምን ካኤብ ዱባን ፋረራ፤ አን አላታኑን ካዳዉተ ህዲንዳ ሳኒያ፤ ካሀንቃሮ ባካላ ካባባርሰያ።”\x - \xo 22፡16 \xo*\xt ኢሳ. 11፡1፥10።\xt*\x*
\p
\v 17 ቁሉክ አያናና ማሻሸ “ኮያ!” አምናራን፤ ካማላራ “ኮያ!” ሀአመ፤ ካሱጉባተራ ሀኤመተ፤ ካዶታታራና በከ ኦግር ሙራ ቶና ካላይ ዳናባ ሀጣመ።\x - \xo 22፡17 \xo*\xt ኢሳ. 5፡1።\xt*\x*
\p
\v 18 አን፤ ሂካ ማጻፋይ ካጻፋመሮ ካሄገሮ ሃፉራ ካማላሮ ዱባ ሴራራ፤ ማዮና ሂካ ሃፉራ ጉት ኮኮ ኮ ጎአደ፥ ሂካ ማጻፋይ ኦጻፋመራን ሙሮ ዋ ኡሱን አድናራ። 
\v 19 ማዮና ሂካ ካሄገሮ ማጻፋ ካጻፋመሮ ሃፉራኮ ኮ ጎሀንቂሰ፥ ሂካ ማጻፋይ ካሰጋመሮ ካግር ጋኮት ኢልና ቁሉት ካታማኮት ቆባኮ ዋ ኡሱ ሀንቂሲናራ።\x - \xo 22፡19 \xo*\xt አዳ. 4፡2፤ 12፡32።\xt*\x*
\p
\v 20 ሂካ አየሱን አቶ ካሌራ፥ “ኦግራን፥ አን ሳም ኤመይናራ!” አማራ።
\p ሀሚኒዕ፥ ጎታ የሱሳ ኮያ!
\p
\v 21 ጎታ የሱሳኮት ስኖ እስን ዱባነ ዎታ ሀሌቶ ሀሚኒዕ።\f + \fr 22፡21 \fr*\fqa እስን ዱባ \fqa*\ft ቶቶ ታጋልባ ጹፍል “ዱባ” ጎአንቶ ካካለ አደ “ካዋ ጎሳ” አማታ፤ “ካዋ ጎሳ ዱባ” ታአማታና ግታ። \ft*\f*