\id MAT - Bayso New Testament
\ide UTF-8
\h ማቶሳ
\toc1 ማቶሳ ካጻፈሮ ጎታካንክ ካየሱሳ ክርስቶሳ ዎንጋላ
\toc2 ማቶሳ
\toc3 ማቶ.
\mt1 ማቶሳ ካጻፈሮ
\mt2 ጎታካንክ ካየሱሳ ክርስቶሳ ዎንጋላ
\imt ታባኖ
\ip ካማቶሳ ዎንጋላ፥ ታየሱሳ ኤሜቶኮት አብድ ጣየ ካሰጋመራ ኡሱ ካፋይሳሮ ላኖና ዋ አማቶ ኦጣዎይ ጎሳኬሳን ካስሰሮ ካአብዲ ሃፉራ ካኮፈለራ ጋራኬሳነ ላኖ ካሰጋሮ ካገጌሎ ሃፉራያ። ሂክ ካገጌሎ ሃፉራና የሱሳ እሶ ኦሮ አላተረ ካኮጂናተሮ አይሁድ ካላሉን አንሌኖን ግራን አላም ዱባዉና አደረያ።
\ip ካማቶሳ ዎንጋላ ኢደ ድያመ ካኤካተሮ ማጻፋያ፤ ታየሱሳ አላታንኮ ሀጋአበረ ጣማቃማኖኬሳኮክ ጋራና ጫፋማኖኬሳኮክ ጋራ ሰሰጌ አባባተረ ጋሊላይ ኡሱ ካላላበሮ ላላባኖ፥ አጋልስሳኖና ፋይሳኖኮክ ሀንዳኖ ሰሰጋራ። ሀሱኮ አባባተረ አደ የሱሳ ካጋሊላ ኡልኮ ኢየሩሳለምኮት ካታማ ቶስ ታሰሴተሮ ሰሴታና ሂካ አላም ካኮአዳላተሮ ጌስኮክ ካጋቾ አልማይ ካሌሮ አየስ ሰሰጋራ፤ ሂክ አዬንሳ ሱዋማኖኬሳ፥ ጎይኬሳና ጎይኮ ከያኖኬሳ ዎታ ራቶ አባራ።
\ip ሂክ ዎንጋላ የሱሳ ሴራ ካዋ ፉሬን ስስን ኦዶናት ካአቦ ላኖና ዎኖናት ካዋኮክ ጋራ ካአጋልስሳሮ ካንጅንክ የለ ቱሳራ። አጋልስስኬሳኮ ጋማ ካሆር ራ ካሞጋኒ ካኤካተራ ባንኤ ከኒ ቶታማራ፤
\ip 1. ዎኖናት ካዋክ እባዶኮት ያዳሊ፥ ፈሎ፥ ፈኢ፥ ሁኖምና ታጋቾ ኢጣ ካአጋልስሳሮ ካዎዳሚ ላላባኖ፥ (ፎልሲ 5-7)
\ip 2. ቶሞንኮ ላማ የሱሳኮ ኦአጋልሳታረን ካዎንጋላ ላላባኖን ካኮፋራማሬን ጎራታ እሶን ካስሳመረ ሴራል፥ (ፎልሲ 10)
\ip 3. ዎኖናት ካዋኮክ ጋራን ካሰጋመሮ ካለካለክ ማሱሳጆል፤ (ፎልሲ 13)
\ip 4. የሱሳኮ ኦአጋልሳታራን ላኖኮት ፉሬን ካሰጋራ አጋልስስ፥ (ፎልሲ 18)
\ip 5. ጌስ ካግዳኔኮት ጋቾና ዎኖናት ካዋ ኤሜቶኮክ ጋራን ካስሳመሮ አጋልስስ፤ (ፎልሲ 24-25)
\iot ራቶ ሂክ ማጻፋ ካአበራ
\io1 ካየሱሳ ክርስቶሳኮክ ካሳን ህዲድና አላታን \ior 1፡1—2፡23 \ior*
\io1 ካጣማቃሮ ያንሳኮክ ሀንዳኖ \ior 3፡1-12 \ior*
\io1 ካየሱሳ ጣማቃማኖና ጫፋማኖ \ior 3፡13—4፡11 \ior*
\io1 የሱሳ ፈሎኦቴሳ ጋሊላይ ሀጋአባኖ \ior 4፡12—18፡35 \ior*
\io1 ጋሊላኮ ኢየሩሳለም ቶስ \ior 19፡1—20፡34 \ior*
\io1 ካጋቾ አልማይ ኢየሩሳለምና ጎቦቢ \ior 21፡1—27፡66 \ior*
\io1 ጎታካንክ ጎይኮ ክያኖና ኡሱኮ ኦአጋልሳታራዉን ሙታኖ \ior 28፡1-20 \ior*
\c 1
\s1 ካየሱሳ ክርስቶሳ አላታንኮክ ህዲድ
\r (ማቶ. 1፡1-17፤ ሉቃ. 3፡23-38)
\p
\v 1 ታዳዉተና ካአብራመ ሳኒ ካሌሮ ካየሱሳ ክርስቶሳ አላታንኮክ ህዲድ ሃያ፤ 
\v 2 አብራመ ይሳቃ ኡሙለ፥ ይሳቃ ያይቆባ ኡሙለ፥ ያይቆባ ይሁዳና አቢላል ኡሙለ፥ 
\v 3 ይሁዳና ትኢማርኮ ፋረስና ዛራ ኡሙለ፥ ፋረስ ኤስሮም ኡሙለ፥ ኤስሮምና አራም ኡሙለ፥ 
\v 4 አራምና አምናዳብ ኡሙለ፥ አምናዳብና ነአሶን ኡሙለ፥ ነአሶንና ሰለሞን ኡሙለ፥ 
\v 5 ሰልሞንና ረአብኮ ቦኤዝ ኡሙለ፥ ቦኤዝና ሩትኮ ኢዮበድ ኡሙለ፥ ኢዮብድና እሰይ ኡሙለ፥ 
\v 6 እሰይ ዎኖ ዳዉተ ኡሙለ፥\x - \xo 1፡6 \xo*\xt ሩት 4፡18-22፤ 1 ኦዱ 2፡13-15።\xt*\x* ዳዉተና ታኦርዮ ኦርኮ ሶሎሞን ኡሙለ፥ 
\v 7 ሶሎሞንና ሮብአም ኡሙለ፥ ሮብአምና አብያ ኡሙለ፥ አብያና አሳፍ ኡሙለ፥ 
\v 8 አሳፍና ኢዮሳፍጢ ኡሙለ፥ ኢዮሳፍጢና ኢዮሆራም ኡሙለ፥ ኢዮሆራምና ኦዝያን ኡሙለ፥ 
\v 9 ኦዝያንና ኢዮአታም ኡሙለ፥ ኢዮአታምና አካዝ ኡሙለ፥ አካዝ ሕዝቅያሳ ኡሙለ፥ 
\v 10 ሕዝቅያሳ ምናሰ ኡሙለ፥ ምናሰ አሞጽ ኡሙለ፥ አሞጽና እዮስያስ ኡሙለ፥ 
\v 11 እዮስያስ ጎሳ ካእስራኤል ባብሎን ቶስ ካኮቦጃመረ ጎራታ እኮንያንና አቢላል ኡሙለ።\x - \xo 1፡11 \xo*\xt 2 ዎኖ. 24፡14-15፤ 2 ኦዱ 36፡10፤ ኤር. 27፡20።\xt*\x*
\p
\v 12 ካባብሎን ቦጃማኖኮ አባባተረ እኮንያን ሰላትያል ኡሙለ፥ ሰላትያንና ዙርባቤላ ኡሙለ፥ 
\v 13 ዙርባቤላ አብዩድ ኡሙለ፥ አብዩድና ኤልያቀም ኡሙለ፥ ኤልያቀምና አዛር ኡሙለ፥ 
\v 14 አዛር ሳዶቅ ኡሙለ፥ ሳዶቅ አኪም ኡሙለ፥ አኪምና ኤልዩድ ኡሙለ፥ 
\v 15 ኤልዩድ አላዛር ኡሙለ፥ አላዛር ማታን ኡሙለ፥ ማታን ያይቆባ ኡሙለ፥ 
\v 16 ያይቆባ ዮሴፋ ኡሙለ፥ ዮሴፋና ካፋይሳሮ ክርስቶሳ የሱሳኮት አዬ ማይራመ ካኤራተሮየ።\f + \fr 1፡16 \fr*\fqa መስህ፦ \fqa*\ft ክርስቶሳ አማኖ መስህ ጎርቱን ካሽግዳመ አማኖያ። \ft*\f*
\p
\v 17 ጎርታ አብራመኮ ታ ዳዉተ ጌሮን አላታን ቶሞንኮ አፋርታ፥ ዳዉተኮ ታ ካባብሎን ቦጃማኖ ጌሮን አላታን ቶሞንኮ አፋርታ፤ ካባብሎን ቦጃኖኮ ታ ታክርስቶሳ አላታን ጌግን ቶሞንኮ አፋር አላታንታ።
\s1 አላታን ታየሱሳ ክርስቶሳ
\r (ማቶ. 1፡18-25፤ ሉቃ. 2፡1-7)
\p
\v 18 ታየሱሳ ክርስቶሳ አላታንኮት ጅርት ሂካማሌታ፥ ኣየቴሳ ማይራመ ዮሴፋን ኤራንተጉደ ሀኤሰሎን አያና ቁሉክ ፋቶ ቶታተ ሙተ።\x - \xo 1፡18 \xo*\xt ሉቃ. 2፡1-7።\xt*\x* 
\v 19 ኤሰ ካኤራተራ ዮሴፋ ቃጄላክ እባዶት ማንኮሌሮ ማራን ማይራመ እባዶ ሆረ ፋንቾይሲን ማንኮዶቶን ማራን ሀአዴስሶን እስን ሙርቴሰ።
\p
\v 20 ኡሱ ጎአመን ሂካ ቆፓ ግራን ካጎታ ኤርግቻ ህስሎይ ኡሱን ሙተ፥ ሃና አመ፥ “ሳኒ ታዳዉተ ካሌተታ ዮሴፋ፥ ታኤራተቶ ማይራመ አታይ ኦር የላዪን አሮአብሳተ ኣላንቲና ኤሰ ካኮቶታተታ ቁሉክ አያናኮያ። 
\v 21 ባባርትትና ኡሙልናታ፥ መገኬሳና የሱሳ\f + \fr 1፡21 \fr*\ft ሄኢ ታኢብራይስጢ “የሱሳ” አማኖ ካፋይሳሮ ጎታ አማኖያ። \ft*\f* አም ኡምናታ፤ ኣላንቲና ኡሱ ጎሳኬሳ ጩቦክሶኮ ማንኮሃስናሮ ማራንያ።”\x - \xo 1፡21 \xo*\xt ሉቃ. 1፡3።\xt*\x*
\p
\v 22 ጎታ ጋራ ካሄገሮነ ሃ አመ ካአዬሰራ ፈሎይ ጎጎሀይሮን አመጉረ ሂክ ዱባ ሌ። 
\v 23 “ህክና፥ ዴለልትቲ ፋቶ ቶታይናታ ባባርትትና ኡሙልናታ መገኬሳና አማኑኤል አማምናራ፥” ፉረንና “ዋ ኖኔ ዎታ ግራ አማኖያ።”\x - \xo 1፡23 \xo*\xt ኢሳ. 7፡14።\xt*\x*
\p
\v 24 ዮሴፋና ሁዱሮኮ ናባደ፥ ኤሰኮና ካጎታ ኤርግቻ ጎጎሰጌሮይ ማይራመ ኦር የላዪን ምንኬሳ ቶስ አታተ ሴተ። 
\v 25 ሀሌዎ ኳሬ ኤረክሴ ታኡሙልቶይ ኤሰነ ዎታ ላኮሁዱረሮ ካአላተሮ ይትትና የሱሳ አመ ኡመ።\x - \xo 1፡25 \xo*\xt ሉቃ. 2፡21።\xt*\x*
\c 2
\s1 ምና ታብያንኮ ኦኤሜተራን ባራጃ ኦቆቆራራን
\p
\v 1 ዎኖ ሄሮዶሳ ሬደ ካኮግሬ ገስ የሱሳ ታቤተሌም ካታማይ ካይሁዳ ኡሊ ካኮአላታረ ጎራታ ባራጃ ኦቆቆራሬን ምና ታብያንኮ ኢየሩሳለም ቶስ ኤመተንጉረን፥ 
\v 2 ካይሁዳ ዎኖ ሊን ካአላተራ ይትት ሀጌ ግራ? ምና ታብያንነ ባካላ ዴነጉነ ኡሱን ሳጋድን ኤሜነና አመን ሆሳተን።\x - \xo 2፡2 \xo*\xt ኤር. 23፡5፤ ዛኪ. 9፡9፤ ቶቶ 24፡17።\xt*\x*
\p
\v 3 ዎኖ ሄሮዶሳ ሂካ አየስ ካኮማላረ ጎራታ ኔ። ኡሱማለና ካኢየሩሳለም እባዶ ዱባ ኔ። 
\v 4 ኡሱ ካቱቃሞል ዎይቻልና ሴራ ካአይሁድ ኦአጋልስሳራን ዱባ ኩኩይሰረ ክርስቶሳ ሀጌ አላይናሮ ሆሳተ።
\p
\v 5 እሶና፥ “ካይሁዳ ኡሊ ታግቶ ታቤተሌም ካታማይያ፤” ካሄገሮይ ሃ አማመ ጻፋመራ፤
\q1
\v 6 “ ‘ኡል ካይሁዳይ ታግታ አት ቤተሌም!
\q2 ካካለ ታይሁዳ ካታማልኮ ዱዶ ላኮየራታቶ፥
\q2 ጎሳኬ እስራኤል ካፎፍናራ ሞቲ ኩኮ ብናራ አመን።’ ”\x - \xo 2፡6 \xo*\xt ሚኪ. 5፡2።\xt*\x*
\p
\v 7 ኤሰኮና ሄሮዶሳ ባራጃ ኦቆቆራሬን ጎልሰ ኡምሰጉረ አዬስሳ ባካላ ካኮሙተሮ ልክኪ ጎራታ ሆሳተ ማለ። 
\v 8 ባራጃ ኦቆቆራሬና ቤተሌም ቶስ ፋረጉረ “ሴየንጉዴን ይትት ማላ ዶታ፥ አንና አድ ሴይጉረ ኡሱን ጎጎሳጋድሮን ኡሱ ጎጎሄልቴን እን ቶስ አባባይዴን ኤቲ ግሮ እን ሰጋ” አመ።
\p
\v 9 ባራጃ ኦቆቆራሬና ዎኖ ካአመሮ ማለን አባባቴንጉረን ሰሴታን ሆረዴን። ህክና ምና ታብያንነ ካዴራን ባካላ ራ ቃጄልሳ ይትት ማንኮግሮ ባንኤ ጌረ አሌ። 
\v 10 ባካላና ካኮድያረን ጎራታ ኣሎ ገጌላተን። 
\v 11 ምን ኦሮ ካኮታባሬን ጎራታ ይትትና ኣየቴሳ ማይራመነ ዎታ ካግሮ ዴን፥ ግልቢሰንጉሬን ሳጋደን። ሳጢነክሶና ባናተንጉረን ዎርቂ፥ ኢጣናነ፥ ኡርት ታኢዳን ካአቦ ቅባት ስሰን።
\p
\v 12 እሶና ሄሮዶሳ ቶስ ጎጎአባባኖንኮ ዋ ህስሎይ አታይሰ እሶን ማንኮሰጌሮ ማራን ራ ኢግልሳቴን ኡልክሶ ቶስ አባባተን።
\s1 ግብጽ ቶስ ባቃታኖ
\p
\v 13 ባራጃ ኦቆቆራሬን ሴተን ካኮቡዋረን ጎራታ ኤርግቻ ካዋ ዮሴፋን ሙተጉረ ክ አት ታኮአባባቶ አሪ አን ኩን ታ ሰግሮን ይትት ኣየቴሳነ ዎታ ኣት ግብጽ ቶስ ባቃጉደ ኤሰ ግር። “ሄሮዶሳ ይትት ላጋዲን ዶታራ” አመ። 
\v 14 ሃንሱን ኡሱና ኬጉረ ይትትና ኣየቴሳና ኣተጉረ ሄመን ግብጽ ቶስ ሴተ። 
\v 15 ኤሴና ሄሮዶሳ ታጎሮ አዳላተ። ሂካኒና “ኤረኬና ኡል ካግብጽኮ ኡማየ” አማ ጎታ ካሄገሮኮት ህኢ ካአዬሰራ ሃፉራ ፈሎ ሀየ።\x - \xo 2፡15 \xo*\xt ሆሴ 11፡1።\xt*\x*
\p
\v 16 ሄሮዶሳ ባራጃ ኦቆቆራሬን ኡሱ ሶባኖ አዴሰጉረ ኣሎ አማራተ፥ ባራጃ ኦቆቆራሬን ባራጃ ካኮሙተሮ ጎራታ ጎጎሰጌራንክ ማለ ጌስ ላማና ኤሰኮ ሄገልባን ካሌሮ ቤተሌምና ኡሱ ጎቦቢ ካግሮ ማማንጆልኮክ ባባር ይስ ዱባ ኩኩይሰረ ፋረ ላጋዲስሰ። 
\v 17 ሀሱ ጎራታ ካሄገሮ ኤርማሳ ሃ አማመ ካሰጋመራ ፈሎ ሀየ።
\q1
\v 18 ካኦታኔና ካአቲ ኢያኮት ያየ ራማይ ማልሳንተ።
\q2 “ራሄልና ይስክሴ ማራን ኦተ፥
\q2 ጎጎኢና የላዪን ላኮዳንዴተ፥ ኣላንቲና ይስክሴ ማንኮጎየ ማራንያ።”\x - \xo 2፡18 \xo*\xt ኤር. 31፡15።\xt*\x*
\s1 ግብጽኮ ናዝረት ቶስ አባባታኖ
\p
\v 19 ጎይ ካሄሮዶሳኮ አባባተረ ካጎታ ኤርግቻ ዮሴፋን ህስሎይ ሙተጉረ፥ 
\v 20 “ክንጉዴ ይትትና ኣየቴሳ ኣትጉደ ኡል ካእስራኤል አባባ፥ ይትት ላጋዲን ኦዶታሬን ጎዬራን” አመ። 
\v 21 ዮሴፋና ኬጉረ ይትትና ኣየቴሳ ኣተጉረ ኡል ካእስራኤል ቶስ አባባተ። 
\v 22 አየሱን ጎአመን አርክሎሳ ኣቦኬሳ ሄሮዶሳኮት ባንኤ ኡል ካይሁዳ ዎኖ ሌ ሬዳኖ ካኮማላረ ጎራታ ዮሴፋ ኤሰራ ሴይን አብሳተ። ህስሎይ ኡሱን ካኮሰጋማረ ጎራታ ታጋሊላ አዉራጃ ቶስ ሴተ። 
\v 23 ናዝረት ታአማማቶ ካታማ ቶስ ሴተጉረ ሀማጼ። ሂካኒና ካሄገሮል፥ “ካናዝረት አማምናራ” አማሜን ኦሰጋመራን ሄገሮ ፈሎይ ሀዬን።\x - \xo 2፡23 \xo*\xt ኢሳ. 11፡1፤ ማር. 1፡24፤ ሉቃ. 2፡39፤ ያን. 1፡45።\xt*\x*
\c 3
\s1 ካጣማቃሮ ያንሳኮክ ላላባኖ
\r (ማቶ. 3፡1-12፤ ማር. 1፡1-8፤ ሉቃ. 3፡1-18፤ ያን. 1፡19-28)
\p
\v 1 ኡሱ ጎራታ ካጣማቃራ ያንሳ ካይሁዳ ቃሉላቶክ ኡሊ ላላባ ኤመተ። 
\v 2 ላላባኖኬሳና፥ “ዎኖናት ካዳሩረ ጋባላመራ ጩቦኮ ጉላ ጋላ” ካአማሮያ።\x - \xo 3፡2 \xo*\xt ማቶ. 4፡17፤ ማር. 1፡15።\xt*\x*
\p
\v 3 ካሄገሮ እስያሳይ ሃ አማመ ካሰጋመራ ኡሱያ፥
\q2 “ቃሉላቶክ ኡሊ ‘ራ ካዋና ኤካሳ ቦባና ቱኩል ኡምሳ’ አማ ታኦካቶ ያየ።”\x - \xo 3፡3 \xo*\xt ኢሳ. 40፡3።\xt*\x*
\p
\v 4 ካያንሳ ሳርስና ኦጎሮ ኦጋላኮ ካፈላመሮ ጎሌሮ ሞኦቴሳይና ጊ ሞዋታረ። ባቦኬሳና ከንተፋሮና ካጋዶ ማላብየ።\x - \xo 3፡4 \xo*\xt 2 ዎኖ. 1፡8፤ ዛኪ. 13፡4፤ ዎዩ. 11፡22።\xt*\x* 
\v 5 ኢየሩሳለምኮ፥ ካይሁዳ ኡል ዱባኮና ላጋ ካዮርዳኖስ ጎቦቢ ካግሮ ኡልኮ እባዶ ዱባ ያንሳ ቶስ ጉራማረ። 
\v 6 ጩቦክሶኮና ጉላ ጋላ ላጋ ካዮርዳኖሲ ገነቴሳይ ጣማቃማ ግረን።
\p
\v 7 ፋራሳውልኮና ሶዶቃውልኮ ካሞጋን እባዶ ኡሱ ታኮጣማቃረ ባንኤ ካኤሜታሮ ካኮድያረ ጎራታ ሃ አመ፥ “እስን ይስ ካሀበሳ ታኤማቶ ኤንገ ታዋኮ ጎጎሄሳኑን አዮያ እስን ካጎርሴ?\x - \xo 3፡7 \xo*\xt ማቶ. 12፡34፤ 23፡33።\xt*\x* 
\v 8 ጎርታኑን ጩቦኮ ጉላ ጋላኖክስን ኦቱሳራን ፈሎ ፈላ. 
\v 9 ‘አብራመ ኣቦካንያ’ ታአማታን ቆፋይ እስኦትስን አሮሶባቴን፤ ዋ ሂካ ኤኤሞልኮ አብራመን ይስ ኬስን ዳንዳራ።\x - \xo 3፡9 \xo*\xt ያን. 8፡33።\xt*\x* 
\v 10 ጎርታ ማሳር ካጋዶል ህዲድ ጎስን ኤካተታ፥ ኢል ታኢዳን ካዱባሞን ጋ ዱባ ጎሳምናራ፤ ኤለን ኦሮና ሻፋምናራ።\x - \xo 3፡10 \xo*\xt ማቶ. 7፡19።\xt*\x*
\p
\v 11 “አን እስን ጩቦኮ ማንኮ ጉላ ጋልቴታን ማራን በከይ ጣማቅናራ፥ አየሱን ጎአመን ከፈሮ ኦቴሳና ስድን አን ካዶትሶን፥ እንኮ ካሮራሮ ሁና ካአባ እንኮ ሃሬ ኤመታራ። ኡሱና ቁሉክ አያናይና ኤለኒ እሲን ጣማቅናራ። 
\v 12 ካኮባንጳራና ገነቴሳይ ግራ፥ አዱማ ባሳምጉደ ባንጳምናታ፥ ዳርጋማና ጎታራይ ክባምናታ፥ ጋላባ አደ ታባኖን ኤለኒ ጉባምናታ።”
\s1 ጣማቃማኖ ካየሱሳ
\r (ማር. 1፡9-11፤ ሉቃ. 3፡21-22)
\p
\v 13 ሀሱ ጎራታ የሱሳ ገነ ታያንሳ ጣማቃምን ጋሊላኮ ላጋ ካዮርዳኖስ ቶስ ኤመተ። 
\v 14 ያንሳ ጎአመን፥ “ሂክ ሃ ሊን ላኮዳንዳሮ፥ አን ገነታይ ጣማቃምን ዶትሳ ግራን አት ምሲ እን ቶስ ኤማታ?” አመ እስ ትራተ።
\p
\v 15 የሱሳና፥ “ኮና ላኮግሮ አት እ አም፥ ሂካ ፈላኖይ ኦቁሉማ ፈሎ ዱባ ፈላኖ ኖን ዶትሳራ” አመ። ያንሳና አየሱን እ አመ።
\p
\v 16 የሱሳና ጎርሰዋ ጣማቃመ በከኮ ጎጎቤይ ዳሩርና ባናንተጉደ አያና ካዋ አራበ አን ኡሱ ጉት ዳጋ ግራን ዴ። 
\v 17 ኡሱ ጎራታ፥ “አን ካኮገገላይናራ፥ አን ካጌላታራ ኤረክ ሂካያ” ታአማታ ያየ ዳሩርኮ ማልሳንተ።\x - \xo 3፡17 \xo*\xt መጣ 22፡2፤ ማዛ. 2፡7፤ ኢሳ. 42፡1፤ ማቶ. 12፡18፤ 17፡5፤ ማር. 1፡11፤ ሉቃ. 9፡35።\xt*\x*
\c 4
\s1 ጫፋማኖ ካየሱሳ
\r (ማር. 1፡12-13፤ ሉቃ. 4፡1-13)
\p
\v 1 ሂካኮ አባባተረ አያና ቁሉክ የሱሳ ዱርሳይ ጎጎጫፋምሮ ቃሉላቶክ ኡል ቶስ ኣተ ቤ።\x - \xo 4፡1 \xo*\xt እብ. 2፡18፤ 4፡15።\xt*\x* 
\v 2 ሄመን አፋርታምና አሪ አፋርታም አጋቡኮ አባባተረ ኡኤ።\x - \xo 4፡2 \xo*\xt ብያ. 34፡28፤ 1 ዎኖ. 19፡8።\xt*\x* 
\v 3 ካጫፋረክና የሱሳ ቶስ ጋባላመረ “አት ኤረ ካዋ ጎሌተ ሂካ ኤኤሞል ባቦ ጎጎሌሮ አጃጂ” አመ።
\p
\v 4 የሱሳና፥ “እባዶ ህኢ ታዋኮ ካብያሮ ሃፉራ ዱባ ኳሬ ባቦ ካላሊ ላኮግራሮ አማመ ማጻፋ ቁሉክ ጻፋመራ” አመ አባበ።\x - \xo 4፡4 \xo*\xt አዳ. 8፡3።\xt*\x*
\p
\v 5 አደና ዱርሳ የሱሳ ቁሉት ካታማ ኢየሩሳለም ቶስ ኣተ ሴተጉረ ቁሉክ ምን ካዋይ ብርጠ ኣተ ቤጉረ፥\x - \xo 4፡5 \xo*\xt ነህ. 11፡1፤ ዳኔ. 9፡24።\xt*\x*
\q1
\v 6 “አት ኤረ ካዋ ጎሌተ” “ሄገልዴ እሲ ፍርም፥
\q2 ሉቃኦታ ኤኤሞይ ጎጎሀንዱዱፋኖንኮ እሶ ገነትሶይ ጎጎኬስናዉን ኤርግቻል ኩ ማራን አጃጅናራ አማመ ማጻፋ ቁሉክ ጻፋመራ አመ።”\x - \xo 4፡6 \xo*\xt ማዛ. 91፡11-12።\xt*\x*
\p
\v 7 የሱሳና፥ አባበረ፥ “ጎታ ሄዶካ አሮጫፍተ አማመ አደ ማጻፋ ቁሉክ ጻፋመራ” አመ አባበ።\x - \xo 4፡7 \xo*\xt አዳ. 6፡16።\xt*\x*
\p
\v 8 አደና፥ ዱርሳ የሱሳ ኣሎ ጦቂ ታአንተ ዎዳሚ ኮርሰጉረ አላምኮክ ዎኖላል ካባጃትሶነ ዎታ ኡሱን ቱሰጉረ፥ 
\v 9 “አት እን ሆረ ኢጉደ ግልቢስ ጎሳጋደ ሂካ ዱባ አን ኩን ስስናራ አመ።”
\p
\v 10 የሱሳና፥ “አት ጻላየ እን ሆረኮ ፋክአም! ‘ዋ ሄዶካዉን ሳጋድ፤ ኡሱ ካላልና ሄዶይሳ’ አማመ ማጻፋ ቁሉክ ጻፋመራ” አመ።\x - \xo 4፡10 \xo*\xt አዳ. 6፡13።\xt*\x*
\p
\v 11 ኤሰኮና ዱርሳ ኢሰ ሴተ፤ ኤርግቻልና ኤመተጉረ ኡሱን ሀንዳየ።
\s1 የሱሳ ሀንዳኖ ጋሊላ ሀጋአበ
\p
\v 12 የሱሳ ሻማኖ ካያንሳ ማለረ ኡል ካጋሊላ ቶስ አባባተ ሴተ።\x - \xo 4፡12 \xo*\xt ማቶ. 14፡3፤ ማር. 6፡17፤ ሉቃ. 3፡19-20።\xt*\x* 
\v 13 ታናዝረት ካታማ ኢሰጉረ፤ ዛብሎንና ንፍታሌምኮት አዉራጃይ ታጋሊላ ላቡ ግርዲ ታግቶ ታቅፍረናሆም ካታማይ ግራኖ ሀጋአበ።\x - \xo 4፡13 \xo*\xt ያን. 2፡12።\xt*\x*
\p
\v 14 ሂካኒና ካሄገሮ እስያሳይ ሃ አማሜን ኦሰጋመራን ሄገሮ ፈሎ ሀዬን።
\q1
\v 15 “ኡል ካዛብሎንና ኡል ካንፍታሌም፥ ዮርዳኖስኮ ጋማ
\q2 ላቡ ግሪ ካግሮ ራ ዶሌ ካጋሊላ አይዛብ፥
\q1
\v 16 ሙጉዲ ካግረ ጎሳ
\q2 ካአቲ ኢፋ ዴ፤
\q1 ሆስ ታጎይ ካግረ እባዶና
\q2 ኢፋ ቤ።”\x - \xo 4፡16 \xo*\xt ኢሳ. 9፡1-2።\xt*\x*
\p
\v 17 ሀሱ ጎራታኮ ሀጋአበረ የሱሳ፥ “ዎኖናት ካዳሩረ ጋባላመራ ጩቦኮ ጉላ ጋላ” አመ ላላባኖ ሀጋአበ።\x - \xo 4፡17 \xo*\xt ማቶ. 3፡2።\xt*\x*
\s1 የሱሳ ኩኑኡብ ካአባታረ እባዶ አፋር ኡማኖ
\r (ማር. 1፡16-20፤ ሉቃ. 5፡1-11)
\p
\v 18 የሱሳ ታጋሊላ ላቡ ግርንደ ሮራ ግራን አቢላል ላማ ጴጢሮሳ ካአማማሮ ስሞናነ አቢኬሳ እንድራሳነ ዴ። ኩኑኡብ ኦአባታሬን ማንኮሌን ማራን ማራብትሶ በከሮ ሉጉዳታ ግረን። 
\v 19 የሱሳና “ኮዬን እን ዴበ ሰሴዬን” እባዶ ዎኖናት ካዋ ቶስ ጎጎኬንታኑን አን እስን የልናራ አመ። 
\v 20 ጎርሰዋ ማራብትሶ ኢሴንጉሬን ኡሱ ዴበ ሰሴተን።
\p
\v 21 ኤሰኮ ጎጎሮረይ ታካለ አቢላል ላማ ኤረ ካዛብዶሳ ያይቆባና አቢኬሳ ያንሳነ ዴ። ኣቦክሶ ዛብዶሳነ ዎታ ዎላቦ ኦሮ ማራብትሶ ኤካሳታ ግረን፤ የሱሳና እሶ ኡመ፤ 
\v 22 ጎርሰዋ እሶ ዎላቦትሶና ኣቦክሶ ኢሰን የሱሳ ዴበ ሰሴተን።
\s1 የሱሳ እባዶ ካሞጋን አጋልስሳኖና ፋይሳኖ
\r (ሉቃ. 6፡17-19)
\p
\v 23 የሱሳና አይሁድኮክ ምን ካኤብ ዎኖናት ካዋኮክ ካገጌሎ ሃፉራ አጋልስሳና ላላባ፤ ጎሳ ኦሮ ካግሮ ማምስክ ሀዉኣምኮና ማሪ ጉት ታግቶ ራኮ ታሞጋንኮ ፋይሳ ካጋሊላ ኡል ዱባ ማራሙራ ግረ።\x - \xo 4፡23 \xo*\xt ማቶ. 9፡35፤ ማር. 1፡39።\xt*\x*\f + \fr 4፡23 \fr*\fqa ምኩራቦች፦ \fqa*\ft አማኖ እባዶ ታኮኩኩማሮ ባንኤ ጎሌቶ፥ አይሁድኮክ ምን ካኤብ ምኩራብ አማማራ። \ft*\f* 
\v 24 ሂካኮ ካከይ አታንኬሳ ካሶርያ ኡል ዱባ ማልሳመ፤ ጎሳና ካለካለክ ሀዉኣም ሀዉኣማ ካግረና፤ ማር ኦሮክ ሀዉኣም ካሜላኒ አቦሳማረን፤ ዱርሳ ጉት ካኮግረና ካጋጋዱ ሀዉኣም ኦአባናየን፤ ናፋለሳል ዱባ ኡሱ ቶስ ከነን፤ ኡሱና እሶ ፋይሰ። 
\v 25 ሂካኮ ካከይ፤ ጋሊላኮና፥ ካታማ ቶሞንኮ ኢየሩሳለምኮ፥ ይሁዳኮና፥ ላጋ ካዮርዳኖስ ጋማኮ ካኤመተራ ካሞጋን እባዶ የሱሳ ዴበ ሰሴተ።\f + \fr 4፡25 \fr*\fqa ካታማል ቶሞን፦ \fqa*\ft ሄኢ ታግርኪ ኦአዬሳራና አይሁድ ካሌኖን ጎሳ ራቶ ታኮግሮ ባንኤ ካታማል ቶሞን አማማታ። ሂክ ካታማል ጋማካሆር ካኮግራን ኦጋሊላ በከኮ ምና ታብያነና ታኢያን ብያነያ። \ft*\f*
\c 5
\s1 የሱሳ ዎዳሚ ጉት ላላባኖ
\p
\v 1 የሱሳ ጎሳ ካኮድያረ ጎራታ ዎዳም ቶስ ቤጉረ ሀማጼ፤ ኡሱኮ ኦአጋልሳታረን ኡሱ ቶስ ኤመተን። 
\v 2 ሃ አማ አጋልስሳኖ ሀጋአበ።
\s1 ካሶማሳመ እባዶ
\r (ሉቃ. 6፡20-23)
\q1
\v 3 “አያናክሶይ ዋ ኦዶታታራን ኦሶማሳመንያን፤
\q2 ዎኖናት ካዳሩረ ካክሶያ።
\q1
\v 4 ኦጋዳራን ኦሶማሳመንያን፤
\q2 ዋኮ ጎጎኢና ሄላይናራን።\x - \xo 5፡4 \xo*\xt ማዛ. 24፡3-4።\xt*\x*
\q1
\v 5 ፋያንካኒዕ ኦሶማሳመንያን፤ ኡልና ኤልናራን።\x - \xo 5፡5 \xo*\xt ማዛ. 37፡11።\xt*\x*
\q1
\v 6 ቁሉማ ኦኡኣራና ኦሱጉባታራን
\q2 ኦሶማሳመንያን ባራራንዋ።\x - \xo 5፡6 \xo*\xt ኢሳ. 55፡1-2።\xt*\x*
\q1
\v 7 ሻጋ ኦየላራን ኦሶማሳመንያን፤ ዋኮ ሻጋ ሄላይናራን።
\q1
\v 8 ዎዳና ቁሉ ኦኮንሌተታ ኦሶማሳመንያን፤ ዋ ድናራን።\x - \xo 5፡8 \xo*\xt ማዛ. 24፡3-4።\xt*\x*
\q1
\v 9 ኦዎጋርሳራን ኦሶማሳመንያን ይስ ካዋ አማም ኡማምናራን።
\q1
\v 10 ቁሉማ ማራን አመረነ ኦሆሮራማራን ኦሶማሳመንያን፤
\q2 ዎኖናት ካዳሩረ ካክሶያ።\x - \xo 5፡10 \xo*\xt 1 ጴጢ. 3፡14።\xt*\x*
\p
\v 11 “እባዶ ኣላንቲቴይ እስን ጎሀባረ ጎሆሮረና፤ ሜላነ ዱባ እስን ጉት ጎአዬሰ ኦሶማሳንቴታን።\x - \xo 5፡11 \xo*\xt 1 ጴጢ. 4፡14።\xt*\x* 
\v 12 ዳሩሪ እስን ታአታይናታን ሙራ ታአቲ ማንኮሌተ ማራን ገጌላየን፤ ገጌሎ ቱሳ። እስንኮ ሆረነ ኦግረን ኦሄገሮል ሂካማሌ ሆሮረራን።”\x - \xo 5፡12 \xo*\xt 2 ኦዱ 36፡16፤ ኦፋ. ፈ. 7፡52።\xt*\x*
\s1 ኢፋና ኤሰቦ
\r (ማር. 9፡50፤ ሉቃ. 14፡34-35)
\p
\v 13 “እስን ታኡሌ ኤሰቦታን። ኤሰቦ ታኤሰቦ ኦኖሞንጀ ጎዋተ አባባይ ኦኖሞንጀ የላዪን ዳንዳታ? ሳር ሻፋምደ ሉክ ታእባዶይ ዳዳራምን ኳሬ ላኦ ላኮአብቶ።\x - \xo 5፡13 \xo*\xt ሉቃ. 14፡34-35።\xt*\x*
\p
\v 14 “እስን ካአላም ኢፋታን። ዎዳም ጉት ታግታ ካታማ ስያምን ላኮዳንዴቶ።\x - \xo 5፡14 \xo*\xt ያን. 8፡12፤ 9፡5።\xt*\x* 
\v 15 ዳብ ሀንቃይሳተረ ዳቾ ሄገሊ ጎልሳተ ካካታራ እባዶ ላኮግሮ። ምን ኦሮ ካግሮ ዱባን ጎጎሀንቃይሮ ቦላንሶ ጉት ካይን ኳሬ።\x - \xo 5፡15 \xo*\xt ማር. 4፡21፤ ሉቃ. 8፡16፤ 11፡33።\xt*\x* 
\v 16 ሂካማሌና እባዶ ኦኢዳን ፈሎኦትስን ዲጉረ ዳሩሪ ካግሮ ኣቦክስን ጎጎካባጅሮን ኢፋክስን እባዶ ሆረ ሀሃንቃዎ።”\x - \xo 5፡16 \xo*\xt 1 ጴጢ. 2፡12።\xt*\x*
\s1 ሴራ ካኦርት ፈሎ ሃኖ
\p
\v 17 “አን ሴራ ካሙሴና ካሄገሮ ኢግልስን ካኤመየሮ አን እስኑን አሮሌኖ፤ ፈሎ ሀይስን ኳሬ ኢግልስን ላኮኤሜየሮ። 
\v 18 አን ሩምና እስኑን አማራ፥ ኡልና ዳሩርና ታ ሮራኒ ሴራ ዱባ ፈሎ ሀይናራ ኳሬ ሴራኮ ፍዳለ ቶ ጎርቱን ኤጋኖ ኮ ዱዶ ላኮኢግልሳምሮ።\x - \xo 5፡18 \xo*\xt ሉቃ. 16፡17።\xt*\x* 
\v 19 ሃንሱን ማዮና ሂካ አጃጃ ዱባኮ ክጫርክ ጎባሰ ካካለና ጎጎባስሮ ጎአጋልስሰ ዎኖናት ካዳሩረይ ዱባንኮ ክጫርክ አማም ኡማምናራ። አየሱን ጎአመን ሂካ አጃጃል ፈሎ ሀይሳ ኦካለና ፈሎይ ጎጎሀይስናዉን ካአጋልስሳራ ሀሱ ዎኖናት ካዳሩሬት ካንጂንክ አማምናራ። 
\v 20 ቁሉማትስን ታፋራሳውልኮና ሴራ ካሙሴ ኦአጋልስሳራንኮት ቁሉማኮ ሮር ጎሙቶን ዎኖናት ካዳሩረ ቶስ ኢጂ ታብን ላኮዳንዳታን አን አማራ።”
\s1 የሱሳኮ ኤንገ ማራን ካስሳመሮ አጋልስስ
\r (ሉቃ. 12፡58-59)
\p
\v 21 “ካሆሬ እባዶነ ‘እባዶ አሮላጋዴን ካአማመሮ እስን ማልቴታን፤ እባዶ ካላጋዳራ ፍርዳምናራ ካአማመሮ ማልቴታን።’\x - \xo 5፡21 \xo*\xt ብያ. 20፡13፤ አዳ. 5፡17፤ 16፡18።\xt*\x* 
\v 22 አን ጎአመን ሃ አማራ፤ አቢኬሳ ራካሊ ካኢንጋማራ ዱባ ፍርዳምናራ፤ ጎርቱን አቢኬሳ ‘ካማድኖን’ ካአማራ ታአይሁድ ሾንጎይ ሆሳምናራ፤ ‘ታቶዋ’ ካአማራ አደ ታጋነም ኤሌንኮክ ፍርዳ ኡሱ ኦራታራ።\f + \fr 5፡22 \fr*\fqa አቢኬሳ ካሀባራራ\fqa*\ft ኮኮ ካሆርኮ ማጻፋል፥ “አዳ” ካአማሮ ሃፉራ አዳራ። \ft*\f*
\p
\v 23 “ሃንሱን ጃርሶካ ባንኤ ታፋላ ጉት ካይተደ ዋዉን ካኮስሳቶ ጎራታ አቢካ ኩ ካኮቁቃመራ አየስ ኩን ቃል ጎአመ፥ 
\v 24 ጃርሶካ ኤሰ ባንኤ ታፋላ ሆረ ኢሳግጉደ ሆራርጀ ሴጉዴ አቢካነ ዎታ ዎጋር፤ ኤሰኮ አባባደ ጃርሶካ ዋዉን ስስ።
\p
\v 25 “ኩ ካሞታራ ባራጋራካ ኩ ጎጎፍርድሶንኮ፥ ዳናና ካሻሮን ሮርስ ኩ ጎጎስሶንኮና ምን ካሻኖ ጎጎታብሶንኮ ራድ ግራን ሳም ባራጋራካነ ዎታ ዎጋር። 
\v 26 አን ኩን ሩምና አማራ፥ ኡሱ ኩ ጎፍርድሰ አድ ማራጋደ ዱባ አት ሙር ታጉድሶ ኤሰኮና ላኮብናቶ።”
\s1 ሻርሙጡማኮክ ጋራ ካስሳመሮ አጋልስስ
\p
\v 27 “አሮሻርሙጢቴን ካአማመሮ ማልቴታን።\x - \xo 5፡27 \xo*\xt ብያ. 20፡14፤ አዳ. 5፡18።\xt*\x* 
\v 28 አን ጎአመን እስኔ ሃ አማራ፤ ሄለል ታሀልቻ እሊ ካድያራ ዱባ ዎዳናቴሳይ ኤሰነ ዎታ ሻርሙጠራ አማኖያ። 
\v 29 ታመርገ እልታታ ጩቦን ኣላንቲ ጎሌተ ጎርሰዋ ቤስ ሻፍ፥ ማርካ ዱባ ታጋነም ኤለን ቶስ ሻፋማናኮ ማርካኮ ባንኤ ቶ ዋታኖያ ሆረክ።\x - \xo 5፡29 \xo*\xt ማቶ. 18፡9፤ ማር. 9፡47።\xt*\x* 
\v 30 ገነ ታመርገታታ ጩቦን ኣላንቲ ጎሌተ ጎስጉደ ሻፍ! ማርካ ዱባ ጋነም ቶስ ሻፋማናኮ፤ ማርካኮ ባንኤ ቶ ዋታኖ ሆረክ።”\x - \xo 5፡30 \xo*\xt ማቶ. 18፡8፤ ማር. 9፡43።\xt*\x*
\s1 ከልክ አማማኖኮክ ጋራ
\r (ማቶ. 19፡9፤ ማር. 10፡11-12፤ ሉቃ. 16፡18)
\p
\v 31 “ ‘ኦርቴሳ ከልክ አመ ካቤሳራ ዱባ ከልክ ካኮአመሮ ዎራቃታ ኤሰን ስሳኖ ዶትሳራ አማመራ።’\x - \xo 5፡31 \xo*\xt አዳ. 24፡1-4፤ ማቶ. 19፡7፤ ማር. 10፡4።\xt*\x* 
\v 32 አን ጎአመን እስኔ ሃ አማራ፤ ኤሰ ካካለኔ ዎታ ሻርሙጣ ግራን ጉት ጎአበ ኳሬ፤ ኦርቴሳ ከልክ አመ ካቤሳራ ዱባ ኤሰ ካካለኔ ዎታ ጎጎሻርሙጢቶ ካየላሮያ። ሂካ ጋራይ ከልክ አማንተ ታቤተቶ ሄለልትቲ ካአታታራና ካሻርሙጣሮ ኣን ቶታማራ።”\x - \xo 5፡32 \xo*\xt ማቶ. 19፡9፤ ማር. 10፡11-12፤ ሉቃ. 16፡18፤ 1 ቆሮ. 7፡10-11።\xt*\x*
\s1 ጋራ ካአማቶ
\r (ማቶ. 5፡32-38፤ ዎዩ. 19፡12፤ ያይ. 5፡12)
\p
\v 33 ካሆሬ እባዶን፥ “ጣራ አሮአማቴን፤ አየሱን ጎአመን ዋይ ሆረ ካአማተቶ ኦራ” ካአማመሮ ማልቴታን።\x - \xo 5፡33 \xo*\xt ዎዩ. 19፡12፤ ቶቶ 30፡2፤ አዳ. 23፡21።\xt*\x* 
\v 34 አን ጎአመን እስኔ፤ “ሱረ አሮአማቴን” አማራ። ዳሩሪ ጎሌና አሮአማቴን፥ ኮርፍንጀ ካዋታ።\x - \xo 5፡34 \xo*\xt ያይ. 5፡12፤ ኢሳ. 66፡1፤ ማቶ. 23፡22።\xt*\x* 
\v 35 ኡሊ ጎሌና አሮአማቴን፤ ሉክ ታዋ ታኮፎልሳቶያ፤ ኢየሩሳለምና አሮአማቴን ታንጂንት ታዎኖ ካታማታ።\x - \xo 5፡35 \xo*\xt ኢሳ. 66፡1፤ ማዛ. 48፡2።\xt*\x* 
\v 36 እስኦታይ ጎሌና አሮአማተ፤ መተካክ ፊጣ ኮ ጉማራ ጎርቱን ጋምባላ የልን ላኮዳንዳቶ። 
\v 37 ሃንሱን አዬሳ ግራን አዬስክስን ጎኢማና “እ” አደ ጎላአማና “ላ” ሀሌዎ። ሂካኮ ካካለ ዱባ ካሜላንኮ ካኤሜታሮያ።\x - \xo 5፡37 \xo*\xt ዎዩ. 19፡12፤ ቶቶ 30፡2፤ አዳ. 23፡21።\xt*\x*
\s1 ሀሎ ብን ላኮዶትሳሮ
\r (ማቶ. 5፡38-42፤ ሉቃ. 6፡29-30፤ ዎዩ. 19፡13-18)
\p
\v 38 “እል ማራን ኢል፥ ኢልኮ ማራን ኢልኮ፥” ካአማመሮ እስን ማልቴታን።\x - \xo 5፡38 \xo*\xt ብያ. 21፡24፤ ዎዩ. 24፡20፤ አዳ. 19፡21።\xt*\x* 
\v 39 አን ጎአመን እስኔ ሃ አማራ፤ ታሜላን ካፈላሮ እባዶት አሮኔባቴን፤ አየሱን ጎአመን ሀንጎሮጫካ ካመርጌ ካባሳሮን ካካለ ሀንጎሮጫ ካበተ አድ ቱሳ። 
\v 40 እባዶት ኮ ቆሎካ አታይን ኩ ጎሞቴ ሳርስ ካባነ አድጉደ ኡሱን ስስ። 
\v 41 እባዶት ኮ ኩኔ ባንኤ ቶ ሴና አም ኩ ጉት ጎሁኖመ ኡሱ ራኮክ አምባ ኡሱነ ዎታ ሴ። 
\v 42 ኩኮ ካኤባታሮን ስስ፤ አምአይን ካዶታታሮኮና አሮትራተ።\x - \xo 5፡42 \xo*\xt አዳ. 15፡8፤ ማሱ. 24፡29።\xt*\x*
\s1 ዲና ጌላታኖ
\r (ሉቃ. 6፡27-36)
\p
\v 43 “ኦላታ ጌላ ዲናካ ዲድ ካአማመሮ ማልቴታን።”\x - \xo 5፡43 \xo*\xt ዎዩ. 19፡18።\xt*\x* 
\v 44 አን ጎአመን ዲናጆልክስና ጌላየን፥ እስን ኦሆሮራራዉና ኤባየን አማራ።\x - \xo 5፡44 \xo*\xt ማሱ. 25፡21-22።\xt*\x* 
\v 45 ሂካ ማለ ማንኮ የላታን ማራንትኑን ዳሩሪ ካግሮ ኣቦክስኑን ይሳስ ልናታን። ኡሱ ካኢዳኑና ካሜላኑን ዱባን አርት ቤሳራ፤ ኢዳሞና ጩባለሳሉና ቁሎሌዉን ኡብስሳራ። 
\v 46 ካጌላታሮ ካላል ኦጌላታታን ጎሌተን መ ሙራ ሄላይናታን? ቃራጣ ኦኩኩይሳራና ላ ኡሱማሌ የላ ግራና? 
\v 47 አቢላልትስን ታላልነ ኖጎዳ ኦአታታን ጎሌተን ኦካለኮ መይ ኢዳታን? አይዛብልና ላ ሂካ የላ ግራና? 
\v 48 ሃንሱን ካዳሩረ ኣቦክስን ቁሉክ ጎጎሌሮይ እስና ቁሉኒዕ ላ።\x - \xo 5፡48 \xo*\xt ዎዩ. 19፡2-18፤ አዳ. 18፡13።\xt*\x*
\c 6
\s1 ህየሳን ስሳኖኮክ ጋራ
\p
\v 1 “እባዶ እስን ጎጎዴሮ አምዴን ‘ኦኢዳን ፈሎ ኦትስን’ እባዶ ሆረ ፈላታናኮ እስ ኦትስን ኦራዬን፤ ኡሱማሌ ጎፈልተን ካዳሩረ ኣቦክስንኮ ሙራ ላኮሄላታን።\x - \xo 6፡1 \xo*\xt ማቶ. 23፡5።\xt*\x*
\p
\v 2 “ኢፍሳዶሌል እባዶ ሆረ ካባጃሚን አመንጉረን ራዲና ባንኤ ታኤቢ ጎጎስሳናንክ ማለ አት ህየሳን ኮኮ ካኮስሶ ጎራታ ሀሙቶ አምደ አሮአዋጅተ፤ አን ሩምና አማራ፤ ሂካማሌ ኦላራን ሙራትሶ ዱባ አታቴራን። 
\v 3 እስን ጎአመን ህየሳን ስሳግራን ገነ ታመርገትስን ካስሳቶ ገነ ታበተ አሮአዴሶ። 
\v 4 ህየሳን ስሳግራን ጎላታ ሀሌዎ፤ ጎላታ ካፈላመሮ ካድያራ ኣቦክስን ሙራትስና ሙሮዋ።”
\s1 ጋራ ካኤብ
\r (ሉቃ. 11፡2-4)
\p
\v 5 “ኤባታ ግራን ኢፍሳዶለ ኣን አሮሌተን፤ እሶ እባዶን ሙትን አመንጉረን ባንኤ ታኤቢና ራድ ቃርቃራይ ኣል ኤባታኖ ጌላታናን። አን ሩምና አማራ፤ ሙራትሶ ዱባና አታቴራን።\x - \xo 6፡5 \xo*\xt ሉቃ. 18፡10-14።\xt*\x* 
\v 6 አት ጎአመን ኤባይን ጎአንተ፤ ክፍሊ ቶስ ታብ፥ ኡፋና ጩፋጉደ ጎላታ ካግሮ ኣቦካ ቶስ ኤባ፥ ጎላታ ካፈላመሮ ካድያራ ኣቦካ ሙራታ ጋቾሙራ። 
\v 7 እስን ኤባታ ግራን ካማድኖን ሃፉራይ አባብ አባብ ኤባታኖይ ኤብ ካማልሳማሮ ኣን ካላሮ አይዛብ ኣን አየስ ጂናሳታ አሮኤራሳተን።\x - \xo 6፡7 \xo*\xt 1 ዎኖ. 18፡25-29።\xt*\x* 
\v 8 እሶ ኣን አሮሌተን፥ ኣቦክስን እስን ሀኤባኖን ግራን ሆረነዋ እስኑን መ ዶትሳሮ ካሶዋ።
\p
\v 9 “እስን ጎአመን ሃ አማ ኤባየን፤
\q1 “ዳሩሪ ካግታ ኣቦካን!
\q2 ቁሉክ መገካ ሀካባጃመ፤
\q1
\v 10 ዎኖናትካ ሀኤመቶ፤
\q2 ፈኢታ ዳሩሪ ጎጎሌተቶይ
\q2 ኡሱማሌ ኡሊና ሀሌቶ፤
\q1
\v 11 ካህታርቴ ባቦካን ህታር ኖን ስስ።
\q1
\v 12 ኖና ኖ ካሚረኤሮ ሀሄሶ ጎጎአማኖ፤
\q2 ባስካን ሀሄሶ አምና፤
\q1
\v 13 ካሜላንኮ ሃስ ኳሬ፤ ጫፍት ኦሮ ኖ አሮታብሰ፤
\q1 [ዎኖናት ካካያ፥ ሁናና ካባጃና
\q2 ጅሩ ጅሮማን ካካያ፤
\q2 ሀሚኒዕ።]\f + \fr 6፡13 \fr*\ft ካጣዎ ማጻፋሊ ህታ ባንኤ ላኮአዳሮ። \ft*\f*
\m
\v 14 እስን ባስ ካእባዶ ሀሄሶ ጎአንቴን ካዳሩረ ኣቦክስን አደ እስኑን ሀሄሶ አምሮዋ። 
\v 15 አየሱን ጎአመን እስን ጩቦ ካእባዶ ሀሄሶ ካአሞን ጎሌተን ኣቦክስና ጩቦክስን ሀሄሶ ላኮአምሮ።”\x - \xo 6፡15 \xo*\xt ማቶ. 11፡25-26።\xt*\x*
\s1 ጋራ ካአጋቡ
\p
\v 16 “ኤብ ካአጋቡይ ኢፍሳዶለ እባዶ ኣን አሮህንግግዴን፤ እሶና ኤብ ካአጋቡይ ጎጎአዴሳምሮዉን አመን ጉሬን በቤድትሶይ ጉት ጋዳኮክ ማላታ ቱሳታራን። አን ሩምና አማራ፥ ሂካማሌ ኦላራን ሙራትሶ ዱባ አታቴራን።\x - \xo 6፡16 \xo*\xt ኢሳ. 58፡5።\xt*\x* 
\v 17 አት ጎአመን ካኮአጋቡይተ ጎራታ፤ በቤድታ ኣል፥ መተካና ሽግዳ። 
\v 18 ሂካኒና አጋቡዋኖካ ጎላታ ካግሮ ኣቦካ ካላልያ ካካሳ፥ እባዶኮ ጎአመን ካጎላተ ላራ፤ ጎላታ ካፈላመሮ ካድያራ ኣቦካ ሙራታ ኩን ሙሮዋ።”
\s1 ዱሩማ ታዳሩረ
\r (ሉቃ. 12፡33-34)
\p
\v 19 “ቆቃና ካአማሮን፤ ማርጮ ታኡዱዶተ አን ካባሮን፤ ሄቶና ኦሽ ሄትን ካዳንዴቶ፥ ሂካ ኡሊ ጉት እስ ኦትስኑን ዱሩማ አሮኩኩይሳቴን።\x - \xo 6፡19 \xo*\xt ያይ. 5፡2-3።\xt*\x* 
\v 20 አየሱን ጎአመን ቆቃና ካአሞን፥ ማርጮ ታኡዱዶተ አን ካባኖን፥ ሄቶና ኦሽ ሄትን ካዳንዴኖን፥ ኤለ ዳሩሪ እስ ኦትስኑን ዱሩማ ኩኩኢሳዬን። 
\v 21 ዱሩማታ ማንኮግቶ ዎዳናታና ኤሰ ግታ።”
\s1 እፋ ካማሬ
\r (ሉቃ. 11፡34-36)
\p
\v 22 “ኢልኦ ማሩን ኢፋያን፤ ሃንሱን ኢልኦ ፋያሌሳ ጎሌን ማርካ ዱባና ኢፋይ ካአማጋመ ላራ። 
\v 23 እልኦ ኦታ ኦሀዉአራን ጎሌን አደ ማርካ ዱባና ሙጉድ ላራ። ጎርታኑን ኩ ኦሮ ካግራ ኢፋ ሙጉድ ጎሌ፤ ሙጉድ አደ ምስምሲ ጢልንጋክ ሙጉድ ላራ!”
\s1 ዋዉና ማራጋደና
\s1 ሉቃ። 16፡13፤ 12፡22-31
\p
\v 24 “እባዶት ኮ ጎታ ላማን ሀንዳይን ላኮዳንዳሮ፥ ኮ ዲደጉረ ካካለ ጌላታራ፥ ጎርቱን ኮ ካባጄጉረ ካካለ ቱፋታራ፥ ዋዉና ማራጋዴን ራቶ ሀንዳይን ላኮዳንዳማሮ።
\p
\v 25 “ሃንሱን አን እስኔ ሃ አማራ፤ ባርሳኖ ኦትስን ማራን መ አምና? መ ጣምና? መ ሳርሳይናና? አማ አሮጫናቃንቴን፤ ኔፎ ባቦኮ፥ ማር አደ ሳርስኮ ላኮሮራሮያ? 
\v 26 አላ ክምብር ዲያ፤ ላኮዉጣታናን፥ ላኮኩኩይሳታራን፥ ጎታራይና ላኮክባታራን፥ አየሱን ጎአመን ካዳሩረ ኣቦክስና እሶ አምሳራ። እስን እሶኮ ኣሎ ላኮሮራታንያ? 
\v 27 ጎሌና እስን ኦሮኮ ጫናቃመጉረ ገስኬሳ ጉት አሪ ቶ አድን ካዳንዳራ ግሮ?\f + \fr 6፡27 \fr*\fqa ገስኬሳ ጉት አሪ ቶ፦ \fqa*\ft ባንኤ ባንኤይ ፋረን፥ “ጅፉተሳ ጉት ህስል ኮ” ካአማራ ግራ። \ft*\f*\x - \xo 6፡27 \xo*\xt ማዛ. 39፡5-7።\xt*\x*
\p
\v 28 “አደና ሳርስ ማራን ሙን ጫናቃማታን? አላ ታዲዳ ዳራራ ምስ ምሲ ጂናቶ ዲያ፤ ላኮዳፉራናን፥ ጎርቱን ላኮሱቃታራን፤ 
\v 29 አየሱን ጎአመን አን እስኔ ሃ አማራ፤ ሀሴ ግታት ካባጃ ካአባናየ ዎኖ ሶሎሞን ጎሌና ህታ ዳራራልኮ ቶ ኣን ላኮሳርሳተሮ።\x - \xo 6፡29 \xo*\xt 1 ዎኖ. 10፡4-7፤ 2 ኦዱ 9፡3-6።\xt*\x* 
\v 30 እስን አማኖ ኦኮንሀንቃተራ ዋ ህታር ሙተጉረ ጌባር ኤለን ኦሮ ካሻፋማሮ ኤስ ካዲዳ ሂካማሌ ጎሳርስስሮ እስን አደ ምሲ ሮርስ ሳርስሳና ዋታራ? 
\v 31 ሃንሱን ‘መ ኣምና?’ ‘መ ጣምና?’ ‘መ ሳርሳና?’ አም አሮጫናቃንቴን። 
\v 32 አይዛብ ሂካ አየስ ዱባ ሄላይን ጫናቃማራ፤ ካዳሩረ ኣቦክስና ሂክ ዱባ እስኑን ካዶትሳሮ ላኖ ካሶዋ። 
\v 33 ካመን ዱባኮ ጣ ዎኖናት ካዋና ቁሉማቴሳ ዶታዬን፤ ካሄሰ ዱባና ጋቾ አዳምራ። 
\v 34 ሃንሱን ጌባርቱን አሮጫናቃንተን፤ ጌባርቱን ጫናቃማኖ ጌባርቱን ሀባሮ፤ አሪ መተመተይ ታትሴ ታሌተ ራኮ አብታ።”
\c 7
\s1 ካካለ ጉት ፍርዳናዋት
\r (ሉቃ. 6፡37-42)
\p
\v 1 “እስን ጉት ጎጎፍርዳሞንኮ ማዮ ጉቲና አሮፍርድቴን፥ 
\v 2 እስን ጎጎፍርዳታንክ ማለ ፍርዳምናራ፤ ካኮኤካሳታን ሁይ እስኑን ኤካሳምናራ።\x - \xo 7፡2 \xo*\xt ማር. 4፡24።\xt*\x*
\p
\v 3 “እልታይ ኦሮ ካግሮ ጋ ሀድያኖን አቢካ ኮት ኢል ኦሮ ካግሮ ሁራ ሙን ድያታ? 
\v 4 እልታይ ጋ ግራን አቢካኮት ኢል ኦሮ ካግሮ ሁራ ኩን አን ቤስሮ አምን ምሲ ዳንዳታ? 
\v 5 አት ኢፍሳዳ ጣይ ኢልታይ ኦሮ ካግሮ ጋ ቤሳ፥ ኤሰኮ አቢካኮት እሊ ኦሮ ካግሮ ሁራ ቤስን ማዳር ድን ዳንዳታ።
\p
\v 6 “ሉቃ ኦትሶይ ጎጎዳዳሮንኮ አባባይ ኢልኮ አባይ ጎጎታታርሽኖንኮ ካሶማሳመ ኮኮ ከሮሩን አሮስሴን፤ አዉኣሎክ ኮኮ ቦዬ ሆረ አሮሉጉዴን።”
\s1 ኤባየን፥ ዶታዬን፥ ባባሳየን
\r (ሉቃ. 11፡9-13)
\p
\v 7 “ኤባየን ስሳምሮዋ፥ ዶታዬን ሄላታንዋ፥ ባባሳየን ኡፋና ባናምሮዋ፤ 
\v 8 ካኤባታራ ዱባ አታታራ፥ ካዶታታራና ሄላታራ፥ ካባባሳታሮና ኡፋ ባናምሮዋ።
\p
\v 9 “እስን ኦሮኮ ኤረኬሳ ባቦ ጎኤባተ ኤኤሞ ካስስራ ኦዶ ግሮ? 
\v 10 ጎርቱን ኩኑኡብ ጎኤባተ ሀበሳ ካስሳራ ግሮ? 
\v 11 ሀያ እስን ኦሜላን ሌተን ግራን ይስ ካክስኑን ካእዳን ኮኮ ስሳኖ ጎማላብቴን ካዳሩረ ኣቦክስን እስን ካኤባታታን ኮኮ ካእዳን ምሲ ሮርስ እስኑን ስሳናዋታራ? 
\v 12 ካካለ እባዶ እስኑን ጎጎፈሎን ካዶታታን ኮኮ እስና ፈላ፤ ሴራና ካሄገሮል ኮክ አጋልስስ ሂካዋያ።”
\s1 ጎጫ ካኡባና ካባላኣን
\r (ሉቃ. 13፡24)
\p
\v 13 “ጎጫ ካኡባንክነ ታባ፤ ባስ ቶስ ካጌሳራ ራ ካንጂንክና ጎጫና ካባላኣንያ፥ ኡሱ ኦታበራና ኦሞጋንያን። 
\v 14 ግር ካኔፎ ቶስ ካጌሳራ ራ ጎአመን ካጭሚንክ ጎጫና ካኡባንያ፤ ኦታባራና ኡጫር ኦላልያን።”\x - \xo 7፡14 \xo*\xt ኤር. 21፡8፤ አዳ. 30፡19።\xt*\x*
\s1 ካጣራ ካሄገሮል
\r (ሉቃ. 6፡43-44)
\p
\v 15 “ጫላ ታእዳድ ሳርሳተ ካኤሜታሮ፤ ኦሮኦትሶ ጎአመን ህዬይ ኣን ባስ ኣትን ካኤሜታሮ ካጣራ ካሄገሮልኮ እስ ኦራዬን።\x - \xo 7፡15 \xo*\xt ሕዝ. 22፡27።\xt*\x* 
\v 16 ፈሎ ኦትሶኮ እሶ አዴስን ዳንዳታን። እላንጅኮ ዎይኒ፥ ቂንጮኮ በለስ ታአማማቶ ኢል አባባናን? 
\v 17 ኡሱማለና ጋ ካእዳን ዱባ ኢል ታኢዳን፥ ጋ ካሜላን አደ ኢል ታሜላን ዱባማራ። 
\v 18 ጋ ካእዳን ኢል ታሜላን፥ ጋ ካሜላና ኢል ታኢዳን ዱባምን ላኮዳንዳሮ። 
\v 19 እል ታኢዳን ካዱባሞን ጋ ዱባና ጎሳማራ፥ ኤለን ኦሮዴና ሻፋማራ።\x - \xo 7፡19 \xo*\xt ማቶ. 3፡10፤ ሉቃ. 3፡9፤ ማቶ. 12፡33።\xt*\x* 
\v 20 ሃንሱን ካጣራ ካሄገሮል ፈሎ ኦትሶይ አዴስናታን።
\p
\v 21 “ዳሩሪ ካግሮ ኣቦኬ ኮት ፈኢ አንፈሎን ግራን ‘ጎታ፥ ጎታ’ እን ካአማራ ዱባ ዎኖናት ካዳሩረ ላኮታባሮ። 
\v 22 ካጋቾ ፍርዳኮት አሪ ኦሞጋን ‘ጎታ፥ ጎታ፥ መገካይ ሄገሮ ላ አዬንሰላ?’ መገካይ ዱርሳ ላቤንሰላ? መገካይ ካሞጋን ባሳ ኖ ላፈልነላ? አምናራን። 
\v 23 ሀሱ ጎራታ ‘አን ዱዶ እስን ላካሶ፥ እስን ታሜላን ኦፈላታን እንኮ ፋክ አማ’ አም አዴስስ ሰግናራ።\x - \xo 7፡23 \xo*\xt ማዛ. 6፡8።\xt*\x*
\s1 ቃሮክና ጎዋኮክ ምን ማዳራታኖ
\r (ሉቃ. 6፡47-49)
\p
\v 24 “ጎርታኑን ሂካ ሃፉራኬ ማለጉረ ፈሎ ካሀይሳራ ዱባ፤ ምን ኤኤሞ ጉት ካማዳራተሮ ቃሮክ እባዶት ኣን ላራ። 
\v 25 ኢዳሞ ካአትና ኡባተ፥ ዳድና ዳገ፥ አምባልና ኬተጉደ ኡሱ ምን ሻፍተ፥ ኤኤሞ ጉት ማንኮ ማዳራመሮ ማራንትኑ ላኮኢየሮ። 
\v 26 ሂካ ሃፉራኬ ማለጉረ ፈሎ ካሀይሶን አደ፤ ጬካሌ ጉት ምን ካማዳራተሮ ጎዋክ እባዶት ኣን ላራ። 
\v 27 ኢዳሞ ካአት ኡባተ፥ ዳድና ዳገ፥ አምባልና ኬተጉደ ኡሱ ምን ሻፍተ፥ ምና እዬ፥ ኢያኖና ጎሜላን ሌ።”
\s1 ኦዶናት ካየሱሳ
\p
\v 28 የሱሳ ሂካ አየስ አዬሰ ካኮጉድሳረ ጎራታ ጎሳና አጋልስስኬሳ ሳደ። 
\v 29 ኣላንቲና አይሁድኮክ ሴራ ካአጋልስሳሮ አን ሀሌኖን ግራን ኦዶናት ካአቦ ኣን አጋልስሳ ማንኮግሬ ማራንያ።\x - \xo 7፡29 \xo*\xt ማር. 1፡22፤ ሉቃ. 4፡32።\xt*\x*
\c 8
\s1 የሱሳና ማሪ ባር ካአባናየ እባዶት
\r (ማር. 1፡40-45፤ ሉቃ. 5፡12-16)
\p
\v 1 የሱሳ ዎዳምኮ ካኮዳጋረ ጎራታ ጎሳ ካሞጋን ኡሱ ዴበ ሰሴተ። 
\v 2 ሀሱ ጎራታ ማሪ ባር ካአባናየ እባዶት ኮ የሱሳ ቶስ ኤመተጉረ ሆረ ግልቢሰ ሳጋዳ፥ “ጎታ! ፈኢታ ጎሌተ እን ሙጭስን ዳንዳታ” አመ።
\p
\v 3 የሱሳና ገነቴሳ ድሪርሳተጉረ ድንድና፥ “አን ኩን ፈኢ ስሰራ! ሙጭም!” አመ። እባዶትና ጎርሰዋ ባርኮ ሙጭመ። 
\v 4 ኤሰኮና የሱሳ፥ “ፋያኖካ ማዮና አሮሰግተ፤ አየሱን ጎአመን ሴጉዴ እስኦታ ቱቃሞን ቱሳ፥ ሙሴ ኩን ካአጃጄሮ ሜባ ስስ ህክና እሶን አቶ ሌራ” አመ።
\s1 ካቦሎ ዎይቻትኮክ አማኖ
\r (ሉቃ. 7፡1-10)
\p
\v 5 የሱሳ ቅፍረናሆም ቶስ ጎጎታቤ፥ ካቦሎ ዎይቻት ካሌረ ኮ ኡሱ ቶስ ጋባላመረ፤ ሃ አመ ኤባተ። 
\v 6 “ጎታ፥ ኢን ካሀንዳረክ ናፋለሳ ሌጉረ ኣሎ አቦሳ ዲያ ምንኬይ ሁዱረ ግራ” አመ።
\p
\v 7 የሱሳና፥ “አን ኤሜይጉረ ኡሱ ፋይስናራ” አመ።
\p
\v 8 ካቦሎ ዎይቻትና አባበረ፥ “ጎታ፥ አት ምንኬ ቶስ ታብን አን ላኮካዶትሳሮዮ፤ አየሱን ጎአመን ህታኒ ግራን ሃፉራ ኮ ካላል አዬስና፤ እዬን ካሀንዳረክና ፋይሮዋ። 
\v 9 አን መተኬዉን ካካለቱን ካሀንዳሮ ዎይቻያ፥ አንና እንኮ ሄገሌ እዬን ኦሀንዳራን አባ፤ እሶኮ ኮኔ ሴ አን ጎአምሮ ሴታራ፥ ካካለና ኮያ ጎአምሮ ኤመታራ፥ ኢን ካሀንዳሮነ ሂካ ፈል ጎአምሮ ፈላራ።”
\p
\v 10 የሱሳና አባብኬሳ ሳደጉረ፥ ዴበ ሰሴታ ኦግሬነ ሃ አመ፥ “አን ሩምና አማራ፥ ኡል ካእስራኤል ኦሮኮ ሂካ ኣንክክ አማኖ ካአቦ እባዶ ኮና አን ላኮሄለሮ። 
\v 11 ኦሞጋና ምና ታብያንኮና ምና ታኢያንኮ ኤሜይናራን ዎኖናት ካዳሩረይ ባቦ ኣምን አብራመነ፥ ይሳቃነ፥ ያይቆባነ ራቶ ሀማጽናራን።\x - \xo 8፡11 \xo*\xt ሉቃ. 13፡29።\xt*\x* 
\v 12 ዎኖናት ካዳሩረ ኤካተ ኦኮንግረ አደ ሳርድ ጢልንጋክ ሙጉድ ቶስ ሻፋምናራን፥ ኤሰ እሶን ኦታና ኢልኮ ፎጫኖ ሌራ።”
\p
\v 13 የሱሳና ካቦሎ ዎይቻትነ፥ “ሴ አማኖካ ማለ ኩን ሀሌዎ” አመ። ካሀንዳረኬሳና ጎርሰዋ ፋዬ።
\s1 የሱሳ እባዶ ካሞጋን ሀዉኣምኮ ፋይሳኖ
\r (ማር. 1፡29-34፤ ሉቃ. 4፡38-41)
\p
\v 14 የሱሳ ምንካ ጴጢሮሳ ቶስ ካኮታባረ ጎራታ ሶዶ ታጴጢሮሳ ማር ጉበ ሀዉኣማ ታሁዱርተቶ ዴ። 
\v 15 ኡሱና ገነትሴ ካኮድንድናረ ጎራታ፥ ማር ካጉባረና ጋፋረ፤ ኬተጉደ ኡሱን ሀንዳይተ።
\p
\v 16 ሄመን ላ ካኮሴታረ ጎራታ ዱርሳ ካአባመሮ ካሞጋን እባዶ የሱሳ ቶስ ከነን፥ ኡሱና ባቲክ አያናጆል ሃፉራኬሳ ቤሰ፤ ኩባሌሳል ዱባና ፋይሰ። 
\v 17 ሂካኒና ካሄገሮ እስያሳ ሃ አመ ኦአዬሰረ ሄገሮ፥ “ኡሱ ማር ኦሮክ ኩባ ካን አታተ ሀራኖካንና ስዳተ” ኦአማሜረን ሄገሮ ፈሎ ሀዬን።
\s1 የሱሳ ዴበ ካሰሴታሮ ልን ሙርት ዶትሳራ
\r (ሉቃ. 9፡57-62)
\p
\v 18 የሱሳ፥ ካሞጋን እባዶ ኡሱ ማራሙረ ኩኩ ካአመሮ ካኮ ድያረ ጎራታ በከኮ ጋማ ጎጎናቅናዉን አጃጄ። 
\v 19 ሀሱ ጎራታ ሴራ ካሙሴ ካአጋልስሳራ ኡሱ ቶስ ኤመተጉረ፤ “ካአጋልስሳቶ! አት ማንኮ ስያቶ ዱባ አን ኩ ዴበ ሰሴይናራ” አመ።
\p
\v 20 የሱሳና፥ “ጌዳላጆል ጉምቢ አባ፥ ካቡባራ ክምቢርና ምን አባ፥ ኤረ ካእባዶ አደ እስኦቴሳ ታኮፎልሲሳሮ ባንኤ ላኮአቦ” አመ አባበ።
\p
\v 21 የሱሳኮ ካአጋልሳታሮ ካሌራ ካካለ እባዶት ኮ አደ፥ “ጎታ! ጣይ ሴይረ አን ኣቦኬ ጎጎቃማላሮን ኢን ፈኢ ስስ” አመ።\f + \fr 8፡21\fr*\fqa ጎጎቃማሎ፦ \fqa*\ft ኣቦኬሳ ታ ጎሮ ኦራይ ቃማላይን ታአቦ ፈኢ ካቱሳሮ ኣን ላራ። \ft*\f*
\p
\v 22 የሱሳ አደ፥ ኦጎይናራን ሬስክሶ ሀቃማሌን፤ “አት ጎአመን እን ዴበ ሰሴ” አመ።
\s1 የሱሳ ጋሽማሎ ጫልኢሰ
\r (ማር. 4፡35-41፤ ሉቃ. 8፡22-25)
\p
\v 23 ኤሰኮ የሱሳ ዎላቦ ኦሮ ታበ፥ ኡሱኮ ኦአጋልሳታረና ኡሱ ዴበ ታቤን ሴተን። 
\v 24 ደራኣ ካአቲ ኢርጋዶ ኬጉረ ጋሽማሎ ዎላቦ ታ ልችስሮ ሻላጋመ፥ ሀሱ ጎራታ የሱሳ አደ ሁዱረ ግረ። 
\v 25 ኡሱኮ ኦአጋልሳታረና ጋባላመን ኡሱ ናባድሰን ጉሬን፥ “ጎታ! ባነዋ፥ ኖ ሃስ” አመን።
\p
\v 26 የሱሳና፥ “እስን አማኖ ኦኮንሀንቃተራ! ሙን ሂካማሌ አብሳታን?” አመ። ኤሰኮ ኬጉረ ኢርጋዶና ጋሽማሎ ሀድሰ፥ ጎርሰዋ በከ ቆደን።
\p
\v 27 እባዶና፥ “ሂክ ኢርጋዶና ጋሽማሎና ካኮን አጃጃማራን ምስክ እባዶትያ?” አማ ሳደን።
\s1 የሱሳ ባቲክ አያናይ ኦአባሜረን እባዶጃ ላማ ፋይሳኖ
\r (ማር. 5፡1-20፤ ሉቃ. 8፡26-39)
\p
\v 28 የሱሳ በከኮ ጋማ ናቀጉረ፥ ገርገስኖ ካአማራን ኡል ጎጎጌይ ባቲክ አያናይ ኦአባሜረን እባዶጃ ላማ ታኮግሬን ባንኤ ታህዬልኮ ቤንጉሬን ኡሱነ ዎታ ኤሰሌን፤ እባዶና ኡሱ ራኔ ሮርን ታዋሮ ጊን ኣሎ ኦሜላንየን። 
\v 29 እሶና፥ “አት ኤረ ካዋ! ኖኔ ዎታ ሃጃ ታሜ አብታ? ጎራታ ሀጌኖን ግራን ኖ አቦስስን ኤመተ?” አመን ኦኬን።\x - \xo 8፡29 \xo*\xt ዳኖ. 11፡12፤ 2 ሳሜ. 16፡10።\xt*\x*
\p
\v 30 እሶኮ አባራን ፋክንተ ታሞጋን ቦዬ ቦባይተ ግቴ። 
\v 31 ዱርሳና የሱሳነ፤ “ኖ ካቤስናቶ ጎሌተ ታሞጋን ቦዬ ኦሮድ ጎጎታብኖ ኖ ጋፋርና” አመን ኤባተን።
\p
\v 32 የሱሳና “ሰዬን!” አመ። ዱርሳና እባዶጃኮ በጉረ ቦዬ ኦሮዴ ታበ፥ ቦዬል ዱባና ላጋ ቃርቃራኮ ሄገልዴተ ጋንጋላተ በከ ኦሮዴተ ኡባተደ ኤነጋንተ ጎተ። 
\v 33 ቦዬል ኦፎፋሬና ባቃተን ካታማ ቶስ ሴተን ጉሬን ካሌሮ አዬንሳ ዱርሳይ አባሜን ኦግረን እባዶጃ ጉት ካፈላመሮ አየስ ዱባ ሰሴጌን። 
\v 34 ሂካ ጋራይና ካካታማ እባዶ ዱባ የሱሳነ ዎታ ኤሰልን ቤ፥ ኡሱ ካኮድያረን ጎራታ ኡልክሶ ጋፋር ጎጎቤሮን ኤባተን።
\c 9
\s1 ናፋለሳት እባዶትኮክ ፋያኖ
\r (ማር. 2፡1-12፤ ሉቃ. 5፡17-26)
\p
\v 1 ኤሰኮ አባባተረ የሱሳ ዎላቦይ ታበ በከኮ ጋማ ናቀ ካታማቴሳ ቶስ ኤመተ። 
\v 2 ኤሰኮ እባዶ ናፋለሳት ኮ አልጋይ ስዴንጉሬን ኡሱ ቶስ ኣተን ኤመተን። የሱሳና አማኖክሶ ዴጉረ ናፋለሳትነ “ኮ አላማንደ! ጩቦካ ሀሄሶ አማመራ” አመ። 
\v 3 ሀሱ ጎራታ ሴራ ካሙሴ ካአጋልስሳራ፥ “ሂክ ዋ ሀባራኖያ” አማ ዎዳናትሶይ ጉምጉመን።
\p
\v 4 የሱሳ ቆፋትሶ አዴሰጉረ ሃ አመ፤ “ካሜላን አየስ ዎዳናትስኒ ሙን ቆፓታን? 
\v 5 አፎ፥ ‘ጩቦካ ሀሄሶ አማመራ አማኖኮና’ ‘ክንጉዴ ሰሴ አማኖኮ ኤክያ ኤነ ካላራ’? 
\v 6 አየሱን ጎአመን ኤረ ካእባዶ ኡል ጉት ጩቦ ሀሄሶ ካኮአምሮ ኦዶናት ካአቦ ላኖ ጎጎአዴሳኑንያ” አመጉረ፤ ናፋለሳትነ “ክ አልጋታ ስዳዴ ምን ጋል” አመ። 
\v 7 ናፋለሳትና ኬጉረ ምንኬሳ ጋለ። 
\v 8 ጎሳና ሂካ ካኮድያረ ጎራታ ሳደ፥ አብሲና አማጋሜንጉሬን ሂካ ኣንክክ ኦዶናት እባዶን ካስሰሮ ዋ ጋላተን።
\s1 ኡማማኖ ካማቶሳ
\r (ማር. 2፡13-17፤ ሉቃ. 5፡27-32)
\p
\v 9 የሱሳ ኤሰኮ ኬጉረ ሴታ ግራን ማቶሳ ካአማማረ እባዶት ኮ ቃራጣ ታኮሙራኔን ባንኤ ካሀማጼሮ ዴጉረ “እን ዴበ ሰሴ” አመ፤ ኡሱና ኬጉረ የሱሳ ዴበ ሰሴተ።
\p
\v 10 የሱሳ ምን ካማቶሳ ኣሞ ጉት ግራን ኦሞጋን ቃራጣ ኦኩኩይሳሬና ጩባሌይል ኤመተንጉረን ኡሱነ ዎታና ኡሱኮ ኦአጋልሳታራነ ዎታ ባቦ ኣምን ሀማጼን። 
\v 11 ካፋራሳው እባዶና ሂካ ካኮድያረን ጎራታ የሱሳኮ ኦአጋልሳታረነ፥ “እስን ካአጋልስሳራ ቃራጣ ኦኩኩይሳራነና ጩባለይልነ ዎታ ምሲ አማራ?” አመን ሆሳተን።\x - \xo 9፡11 \xo*\xt ማቶ. 15፡1-2።\xt*\x*
\p
\v 12 የሱሳና እሶ ካአዬሳራን ማለጉረ ሃ አመ፥ አኪም ካኮንዶትሳራ ኩባሌሳሉንያ ኳሬ ፋያሌሳን ላኮዮ። 
\v 13 ሴየንጉዴን፥ “አን ጃርሶኮ ሮርሰ ሻጋ ጌላታራ ካአማመሮ ሃፉራኮክ ፉሬን አጋልሳዬን። አን ካኮንኤሜየራ ጩባለሳሉን ኳሬ ቁሉክ ኡምን ላኮኤሜየሮ” አማመ ማጻፋ ቁሉክ ማንኮጻፋመሮ ማራንያ አመ።\x - \xo 9፡13 \xo*\xt ሆሴ 6፡6፤ ማቶ. 12፡7።\xt*\x*
\s1 የሱሳኮ ኦአጋልሳታራን አጋቡዋና ዋትኮት ኣላንቲ
\r (ማር. 2፡18-22፤ ሉቃ. 5፡33-39)
\p
\v 14 ሀሱ ጎራታ ካጣማቃሮ ያንሳኮ ኦአጋልሳታራን የሱሳ ቶስ ኤመተንጉረን “ኖና ፋራሳዊልና አርጌቶ ጎአጋቡይኖ ኩኮ ኦአጋልሳታራን አደን ሙን አጋቡዋና ዋታራን?” አመን የሱሳ ሆሳተን።
\p
\v 15 የሱሳና፥ “ካማሻሸ እሶነ ዎታ ግራን ሃስኖን ታኤመተታ ማርት ምሲ ጋድን ዳንዳታ? ካማሻሸ እሶኮ ካኮአታምናራ ጎራታ ኤመታራ፤ ሀሱ ጎራታ አጋቡይናራን አመ።
\p
\v 16 “ሳርስ ካዶአን ጉት ታኡሱብት ኤርበ ካካታራ እባዶ ላኮግሮ፥ ካካተ ጎሌ አድ ታኡሱብት ኤርበ ካዶአን ሳርስ ጉኮ ታታርሽተጉደ ቡቶ ኢቱ ባላኣታራ። 
\v 17 ካዶአን ድንቢቶ ካኡሱብ ጣሞ ካዎይኒ ማዮና ላኮክባታሮ፥ ጎክባተ አደ ድንቢቶ ኤባራ፥ ጣሞ ካዎይኒና ኡባታራ፥ ድንቢቶና ላኦ ላኮአቦ፥ አየሱን ጎአመን ካኡሱብ ጣሞ ካዎይኒ ካኡሱብ ድንቢቶ የላማራ፥ ሂካ ጋራይ ጣሞ ካዎይኒና ድንቢቶና ጎኢዳን እስኦረ አዳላታራ።”
\s1 ጎይኮ ታኬተቶ ኡኑትና ኢግ ታኮኡባታረ ሄለልትቲኮክ ፋያኖ
\r (ማር. 5፡21-43፤ ሉቃ. 8፡40-56)
\p
\v 18 የሱሳ እባዶ አዬስሳ ግራን፥ አይሁድኮክ ዎይቻት ኮ ኡሱ ሆረ ግልቢሰጉረ፥ “ኡኑት ግዳ ጎተታ ኔፎነ ጎጎሄሶ ኤሜደ ገነታ ኤሰ ጉት ካይ” አመ። 
\v 19 የሱሳና ኬጉረ ዎይቻትነ ዎታ ሴተ፥ የሱሳኮ ኦአጋልሳታረና ኡሱ ዴበ ኬን።
\p
\v 20 ኤሰኮ ጌስ ቶሞንኮ ላማ ዱባ ኢግ ኡባታ አቦሳ ዲያ ታግቴ ሄለልትቲ ቶ ሃሬ ኤሜተጉደ ሳርስኬሳ ድንተ።\x - \xo 9፡20 \xo*\xt ቶቶ 15፡38፤ አዳ. 22፡12።\xt*\x* 
\v 21 ኤሰና ዎዳናትሴይ፥ “ሳርስኬሳ ጎድነ ሱረ ፋይናራ” አማ ግቴ።
\p
\v 22 የሱሳና ሃር አባባተ ሄለልትቲ ዴጉረ፥ “አላማንደ ኡኑት! አማኖካ ኩ ፋይሰራ” አመ። ሄለልትቲና ጎርሰዋ ፋይተ።
\p
\v 23 የሱሳና ምን ዎይቻት ቶስ ጎጎጌይ ማላካታ ኡፉፋ፥ ኦታና ኦይሳ ካግረ ጎሳ ዴጉረ፥ 
\v 24 “ዱባና ሂታኮ ብያ ኡኑ ሁዱርተታ ኳሬ ላኮጎተቶ” አመ። እሶ ጎአመን ቃጭፋታ ኦሶሌን። 
\v 25 እባዶ ምን ኦሮኮ ካኮብያረ ጎራታ ምን ኦሮዴ ታበጉረ ገነትሴ አበ፥ ኡኑና ኬተ። 
\v 26 ኦዱና ኡሱ ኡል ዱባ ዳርኣንተ።
\s1 የሱሳ ኢልኦ ካድያኖን እባዶ ላማ ፋይሰ
\p
\v 27 የሱሳና ኤሰኮ ቤ ሴታ ግራን ኢልኦ ካድያኖን እባዶ ላማ፥ “ኤረ ካዳዉተ! ማር” አማ እያ ኡሱ ዴበ ሰሴተን።
\p
\v 28 ኢልኦ ኦደያኖና የሱሳ ካታበሮ ምን ቶስ ዴበ ታቤን፤ የሱሳና፥ “አን ኢልኦ ኦትስን ደንዴሲን ካዳንዳሮ ላኖ አማናታን?” አመ እሶ ሆሳተ። እሶና “እእ ጎታ” አመን አባበን።
\p
\v 29 ኤሰኮና የሱሳ እልኦ ኦትሶ ድንድነጉረ፥ “አማኖክስንክ ማለ ሀሌዎ” አመ። 
\v 30 ኢልኦ ኦትሶና ዴንዴን፤ የሱሳና፥ “ሂካ ማዮና አሮአዴሶ” አመ አታይሰ ሰገ። 
\v 31 እሶ ጎአመን ኤሰኮ ቤንጉሬን ኡሱ ኡሊ ካግሮ እባዶ ዱባን ጋራ ካየሱሳ አዬሴን።
\s1 የሱሳ ህኢ ካአዬሶን እባዶት ፋይሰ
\p
\v 32 እልኦ ኦኮንባናሜራን እባዶጃ ኤሰኮ ብያግራን ባቲክ አያና ካአባመረ ህኢ ካአዬሶን እባዶት ኮ የሱሳ ቶስ ከነን። 
\v 33 ባቲክ አያናና ካኮብያረ ጎራታ ህኢ ካአዬሶን አዬሳኖ ሀጋአበ፤ ጎሳና ሳደጉረ፥ “ሂካ ኣንክክ አየስ ኡል ካእስራኤል ሙተ ላካሶ” አመ።
\p
\v 34 ካፋራሳውል እባዶ አደ፥ “ኡሱ ዱርሳ ካኮቤሳራ ካዱርሳ ዎይቻይያ” አመን።\x - \xo 9፡34 \xo*\xt ማቶ. 10፡25፤ 12፡34፤ ማር. 3፡22፤ ሉቃ. 11፡15።\xt*\x*
\s1 ነኔኤይሳታኖ ካየሱሳ
\p
\v 35 የሱሳ ካአይሁድ ምን ካኤብ አጋልስሳ ግራን፥ ዎኖናት ካዋኮክ ገጌሎ ላላባ ግራን፥ አደና ማር ኦሮክ ኩባ ካሀዉአማሮ ዱባ ፋይሳ፥ ካታማሊና ማማንጆሊ ማራሙረ።\x - \xo 9፡35 \xo*\xt ማቶ. 4፡23፤ ማር. 1፡39፤ ሉቃ. 4፡44።\xt*\x* 
\v 36 ጎሳና ካፎፍሮ ካዋተ እዳድ ኣን ያዳና ካዴሮ ካሊክ ሌን ኦግራን ካኮድያረ ጎራታ ነኔኤይሳተ።\x - \xo 9፡36 \xo*\xt ቶቶ 27፡17፤ 1 ዎኖ. 22፡17፤ 2 ኦዱ 18፡16፤ ሕዝ. 34፡5፤ ዛኪ. 10፡2፤ ማር. 6፡34።\xt*\x* 
\v 37 የሱሳና ኡሱኮ ኦአጋልሳታራነ ሃ አመ፥ “ካኩኩአምናራ ካም ካሞጋንያ፥ ኦፈልናራን ጎአመን ኡጫርያን፥ 
\v 38 ሃንሱን ካኩኩምናሮ ካምኮክ ጎታ ኦፈላራን ካኩኩአማሮ ካም ቶስ ጎጎፋሮን ኤባየን” አመ።\x - \xo 9፡38 \xo*\xt ሉቃ. 10፡2።\xt*\x*
\c 10
\s1 ቶሞንኮ ላማ የሱሳኮ ኦአጋልሳታራን
\r (ማር. 3፡13-19፤ ሉቃ. 6፡12-16)
\p
\v 1 የሱሳ ኡሱኮ ኦአጋልሳታራን እስ ቶስ ኡመጉረ ባቲክ አያናጆል ጎጎቤስናዉና ማር ኦሮክ ኩባና ሀዉኣም ዱባ ጎጎፋይስናዉን እሶን ኦዶናት ስሰ።
\p
\v 2 ቶሞንኮ ላማ ኦፋራሜራንኮኒዕ መገክሶ ሂካያ፤ እሶና [ጴጢሮሳ ካአማመሮ] ስሞናና አቢኬሳ እንድራሳ፥ ይስ ካዛብዶሳ ያይቆባና አቢኬሳ ያንሳ፥ 
\v 3 ፍልጶሳና በርተሎሜዎሳ፥ ቶማሳና ቃራጣ ካኩኩይሳረ ማቶሳ፥ ይስ ካኢልፎሳ፥ ያይቆባና ታድዮሳ ካአማማሮ ልብድዮሳ፥ 
\v 4 ኡልኬሳን ካዉድታማሮ ስሞና፥\f + \fr 10፡4\fr*\fqa ቀናኢ ስሞና፦ \fqa*\ft ሂካ ስሞናን ካላም ካስሳመራ መገ፥ ባንኤ ባንኤይ ፉሬን ምን ካዋዉን ካዉድታማሮያ ጎአምሮ፥ ካካለ አደ ባልቹማ ታቤሳቶ ኡናኮ ኮያ አማራን። \ft*\f* ሃሬ የሱሳ ሮርሰ ካስሰሮ ካአስቆሮቱ ይሁዳ።
\s1 ኦፋራመራን ቶሞንኮ ላማ አጋልስስን ፋራማኖ
\p
\v 5 የሱሳ ሂናኣ ኦፋራመራን ቶሞንኮ ላማ ሃ ካአማሮ ሀንዳነ ዎታ እሶ ፋረ፥ “አይዛብ ቶስ አሮሴቴን፤ ማኤት ታሳማርያ ካታማ ቶንሳ አሮታብቴን፤ 
\v 6 ሴቶ ጎሄሶን እዳድ ኣን ምን ካእስራኤልኮ ካባየሮ ጎሳ ቶስ ሴዬን። 
\v 7 ሴየንጉዴን ‘ዎኖናት ካዳሩረ ጋባላመራ’ አማ ላላባ።\x - \xo 10፡7 \xo*\xt ሉቃ. 10፡4-12።\xt*\x* 
\v 8 ኩባሌሳልና ፋይሳ፥ ካጎየሮ እባዶና ኬሳ፥ ማሪ ባር ካአቦና ባርኮ ሙጭሳ፥ ዱርሳና ቤሳ፥ አዳ. ካአታቴታና አዳ. ስሳ። 
\v 9 ኪሲትስን ዎርቂ ሌረ ብር ታአማማቶ ማርጮኮ ጎርቱን መዳብኮ ካፈላመሮ ማራጋደ አሮአባቴን። 
\v 10 ራክስኑና ሽለ፥ ቆሎ ላማ፥ ጎርቱን ከፈሮ ጎርቱን ዳማ አሮአባቴን፤ ኣላንቲና ካፈላሮን ባቦ ስሳምን ዶትሳራ።\x - \xo 10፡10 \xo*\xt 1 ቆሮ. 9፡14፤ 1 ጢሞ. 5፡18።\xt*\x*
\p
\v 11 “ካታማ ጎርቱን ማማን ኮ ቶስ ጎታብቴን እስን ቆጳይን ፈኢ ካአቦ እባዶት ዶታጉዴን ኡሱ ምኒ ፎልሳዬን፤ ታቤታን ኤሰ አዳላየን። 
\v 12 ምን ካማካዮና ጎታብቴን ኖጎዳ አታ። 
\v 13 እስን ካቆጳታራን ጎሌ፥ ኖጎዳትስን ኡሱ ምን ሀሌቶ፥ እስን ካቆጳኖን ጎሌ አድ፥ ኖጎዳትስን እስኑን ሀአባባቶ። 
\v 14 ማምስክ እባዶትና እስን ቆጳታና ጎዋተ ጎርቱን እስን ካአዬሳታን ማላና ጎዋተ ሀሱ ምንኮ ጎርቱን ሀሴ ካታማኮ ብያግራን እሶን ሴርሳኖ ጎጎሌሮን ሉቃኦትስንኮ ጎራ ሁርጉፋየንዴን ብያ።\x - \xo 10፡14 \xo*\xt ኦፋ. ፈ. 13፡51።\xt*\x* 
\v 15 አን ሩምና አማራ፥ ታፍርዳ አሪ ሀሴ ካታማይ ታግናቶ ሙሮኮ ሶዶምና ጎሞራይ ታግናታ ሙሮ ታፉፉዳተ ለታ።”\x - \xo 10፡15 \xo*\xt ማቶ. 11፡24፤ መጣ 19፡24-28።\xt*\x*
\s1 ኤመይን ታግቶ ራኮ
\r (ማር. 13፡3-13፤ ሉቃ. 21፡12-17)
\p
\v 16 “እዳድ ኣን ህዬይ ኦሮ አን እስን ፋርናራ፥ ሃንሱን ሀበሳ ኣን ቃሮሌ፥ አራበ ኣን ፋያንካኒዕ ላ።”\x - \xo 10፡16 \xo*\xt ሉቃ. 10፡3።\xt*\x*
\p
\v 17 “እባዶና እስን አብጉረ ፍርዳዉን ሾንጎ ቶስ ጌስናራን፤ አይሁድኮክ ምን ካኤብና እስን ቦጭናራን፥ ሃንሱን እሶኮ እስኦራዬን።\x - \xo 10፡17 \xo*\xt ማር. 13፡9-11፤ ሉቃ. 12፡11-12፤ 21፡12-15።\xt*\x* 
\v 18 ኣላንቲቴይ ሞትጆል ቶንሳ ዎኖላል ቶስ ፍርዳን እስን ጌስናራን፤ እሶ ሆረና አይዛብ ሆረ እን አቶ ልናታን። 
\v 19 ፍርዳን ሾንጎ ቶስ እስን ካኮጌሴን ጎራታ መም አዬንሳ? መ አም አባብና? አም አሮያዴን፥ ሀሱ ጎራታ ታአም አዬሳን እስኑን ስሳንቶዋ። 
\v 20 እስኒ ካአዬስናራ ካዳሩረ ኣቦክስንክ አያና ካዋያ ኳሬ ላኮእስንታን።”\x - \xo 10፡20 \xo*\xt ማር. 13፡12፤ ሉቃ. 21፡16።\xt*\x*
\p
\v 21 “አቢ አቢኬሳ ጎይን ሮርስ ስስናራ፥ ኦዶና ኤረኬሳ፥ ይንሳ እሶ ኦኡሙለራን ጉት ኪናራን፥ ላጋድስናራን። 
\v 22 ኣላንቲቴይ እባዶ ዱባ እስን ዲድናራ፤ አየሱን ጎአመን ታጋቾ ጌሮ ካአታተ ኡሱ ፋይናራ።\x - \xo 10፡22 \xo*\xt ማቶ. 24፡9፥13፤ ማር. 13፡13፤ ሉቃ. 21፡17።\xt*\x* 
\v 23 ባንኤ ቶኮ ጎሆሮሬን ባንኤ ታካለ ቶስ ባቃዬን፤ አን ሩምና አማራ፥ እስን ታእስራኤል ካታማል ፈሎኦትስን ፈል አንጉሳኖን ግራን ኤረ ካእባዶ ኤመይናራ።”
\p
\v 24 “ካአጋልሳታራ፥ ካአጋልስሳሮኮ ካሃንዳራ ጎታኬሳኮ ላኮሮራሮ።\x - \xo 10፡24 \xo*\xt ሉቃ. 6፡40፤ ያን. 13፡16፤ 15፡20።\xt*\x* 
\v 25 ካአጋልሳታራ ካአጋልስሳሮ ኣን፥ ካሃንዳራና ጎታኬሳ ኣን ጎሌ ሌራ። ኦዶምኔክሶ ‘ብኤልዘቡል’ አም ጎኡመ፥ ካምነ እባዶ ሂካኮ ካሮረ ካሜላን መገ ምሲ ኡምን ዋታራን?”\x - \xo 10፡25 \xo*\xt ማቶ. 9፡34፤ 12፡24፤ ማር. 3፡2፤ ሉቃ. 11፡15።\xt*\x*
\s1 አዮ አብሳይን ዶትሳሮ
\r (ሉቃ. 12፡4-7)
\p
\v 26 “ሃንሱን እባዶ አሮአብሳቴን፥ ጎላተ ካግራ ዲዳ ሀቤኖን፥ ስያመ ካግራ ሀሙቶን ላኮሄስሮ።\x - \xo 10፡26 \xo*\xt ማር. 4፡22፤ ሉቃ. 8፡17።\xt*\x* 
\v 27 ሃንሱን አን እስኑን ሙጉዲ ካሰገሮ ኢፋይ አዬሳ፥ ነበትስኒ ካማልቴታን ዲዳ ቤሳ አዋጃ። 
\v 28 ሶ ላጋዲን ኳሬ ኔፎ ላጋዲን ካዳንዴኖን እባዶኮ አሮአብሳቴን፤ ሀሱኮ ኔፎና ሶና ታባኖን ኤለኒ ባስን ካዳንዳሮ ዋ አብሳዬን። 
\v 29 ዶልቺ ቶይ ካዳዳላማሮ ክምብር ላማኮ ቶና ካዳሩረ ኣቦክስንኮት ፈኢ ካላይ ኡሊ እ ላኮሄሶ። 
\v 30 መተክስንክ ብናናኮ ዱዶ ኮና ሀሄሶን ዱባ ካቶታመያ። 
\v 31 ሃንሱን አሮአብሳቴን፥ ካሞጋን ክምብርጆልኮ ሙራትስን ታካባጃንተታ።”
\s1 እባዶ ሆረ ክርስቶሳ አቶታኖ
\r (ሉቃ. 12፡8-9)
\p
\v 32 “አን ካክርስቶሳያ አመ ጋራኬ እባዶ ሆረ ካአቶታሮን አንና ዳሩሪ ካግሮ ኣቦኬ ሆረ አቶትናራ። 
\v 33 አየሱን ጎአመን እባዶይ ሆረ እን ካካካታሮን አንና ዳሩሪ ካግሮ ኣቦኬይ ሆረ ኡሱ ካካይናራ።”\x - \xo 10፡33 \xo*\xt 2 ጢሞ. 2፡12።\xt*\x*
\s1 ኖጎዳ አንሌኖን ግራን ካለካለ ብያኖ
\p
\v 34 “አን ካኮንኤሜየራ ኡሉን ኖጎዳ ኬኒን ላኮዮ፤ ካለካለ ቤስን ኳሬ ኖጎዳ ኬኒን ካኤመየሮ ኣን እስኑን አሮሌኖ። 
\v 35 አን ካኮንኤሜየራ፥ ኤረ ኦዶኬሳኮ፥ ዴለልትቲ ኣየትሴኮ፥ ኦርኤረና ሶዶትሰኮ እስኮ ዳርኢንያ። 
\v 36 እባዶን ዲና ካላራ ካኬሳ ካምነ እባዶዋያ።”\x - \xo 10፡36 \xo*\xt ሚኪ. 7፡6።\xt*\x*
\p
\v 37 “እንኮ ሮርሰ ኣቦኬሳ ጎርቱን ኣየቴሳ ካጌላታራ ካኬ ሊን ላኮዶትሳሮ፥ እንኮ ሮርሰ ባባርትት ጎርቱን ዴለልትቲ ካጌላታራ ካኬ ሊን ላኮዶትሳሮ። 
\v 38 ማስቃልተሳ ስዳይረ ታጎሮን እን ዴበ ካሰሰኖን ካኬ ሊን ላኮዶትሳሮ።\x - \xo 10፡38 \xo*\xt ማቶ. 16፡24፤ ማር. 8፡34፤ ሉቃ. 9፡23።\xt*\x* 
\v 39 እስኦቴሳ ፋይሳይን ካዶታታራ ባሳታራ፥ እስኦቴሳ እን ማራን ሮርሳይ ስሳይን ካዶታታራ አደ ፋይሳታራ።\x - \xo 10፡39 \xo*\xt ማቶ. 16፡25፤ ማር. 8፡35፤ ሉቃ. 9፡24፤ 17፡33፤ ያን. 12፡25።\xt*\x*
\s1 ጋራ ካባርአራ
\r (ማር. 9፡41)
\p
\v 40 “እስን ካአታታራ እን አታታራ፥ እና ካአታታራ አደ እን ካፋረሮ ኦዶ አታታራ።\x - \xo 10፡40 \xo*\xt ማር. 9፡37፤ ሉቃ. 9፡48፤ 10፡16፤ ያን. 13፡20።\xt*\x* 
\v 41 ካሄገሮና ካሄገሮኮክ መገይ ካአታታራ ካሄገሮኮት ሙራ ሄላታራ፥ ቁሉክና ቁሉማኮክ መገ ካቆጳታራ ቁሉማኮት ሙራ ሄላታራ። 
\v 42 ሃንሱን አን ሩምና አማራ፤ ማምስክ እባዶና ሂናኣ ኦትዲጫርኮ ኮ እንኮ ካአጋልሳታሮን ቁልዱቦ ቶ በከ አምባልኒዕ ካስሰ ኡሱ ሙራ ላኮዋሮ።”
\c 11
\s1 ካጣማቃራ ያንሳ የሱሳ ቶስ ታፋረሮ ሆሲን
\r (ሉቃ. 7፡18-35)
\p
\v 1 የሱሳ ኡሱኮ ኦአጋልሳታራን ቶሞንኮ ላማን አጃጃ ስሰ አባባተረ፥ አጋልስስና ላላብን ካታማልትሶ ቶስ ሴተ።
\p
\v 2 ካጣማቃረ ያንሳ ምን ካሻኖ ግራን ክርስቶሳ ፈላ ኦግሮ ፈሎ ካኮማላረ ጎራታ ኡሱኮ ኦአጋልሳታራን ኡሱ ቶስ ፋረጉረ፥ 
\v 3 “ኤመታራ አማማተ ካኦራማተ ክርስቶሳ አትታ? ሙ ካካለ ኦራና?” አመን ሆሳተን።
\p
\v 4 የሱሳና አባበረ፤ “ሴየንጉዴን ካማላታና ካድያታን ያንሳን ሰጋ። 
\v 5 እልኦ ኦድያኖና ድናራን፥ ናፋለሳልና ሰሴይናራ፥ ማሪ ባር ኦአባና ሙጭአምናራን፥ ነቤ ኦማሎና ማልናራን፥ ኦጎየራና ኪናራን፥ ህየሳሉና ካገጌሎ ዎንጋላ ላላባምናራ፤\x - \xo 11፡5 \xo*\xt ኢሳ. 35፡5-6፤ 61፡1።\xt*\x* 
\v 6 እን ካሄዳኖን ካሶማሳመያ” አመ።
\p
\v 7 ያንሳኮ ኦአጋልሳታራን ሴተን ካኮቡዋሬን ጎራታ፤ የሱሳ ጋራ ካያንሳ ጎሳን ሃ አመ አዬሰ፥ “ቃሉላቶክ ኡል ቶስ መ ድን ቤተን? አምባል ካአኢሳቶ ፊቀ ዲንያ? 
\v 8 ሀያ መ ድን ቤተን? ሳርስ ካኢዳሮ ካሳርሳተሮ እባዶያ? ሳርስ ካእዳን ሳርሳቴን ኦኢዳራን ምን ካዎኖላል ግራንዋ። 
\v 9 ሀያ መ ድን ቤተን? ካሄገሮ ዲንያ? እ ዱዶዋ ካሄገሮኮና ካሮረያ። 
\v 10 ሃ አማመ ማጻፋ ቁሉክ ካኮንጻፋመራ ኡሱያ፥ ‘ራካ ጎጎኤካስሮን ኤርግቻ ኩኮ ሆረነ ፋርናራ።’\x - \xo 11፡10 \xo*\xt ሚል. 3፡1።\xt*\x*
\p
\v 11 “አን ሩምና አማራ ሄለልኮ ካአላተሮ ኦሮኮ ካጣማቃሮ ያንሳ ኣንክክ ላኮግሮ። አየሱን ጎአመ ዎኖናት ካዳሩረይ ዱባንኮ ካየራታራ ኡሱ ጂናታራ። 
\v 12 ያንሳ ካኮጣማቃረ ጌስኮ ሀጋአበረ ህታር ታ ጌሮ ዎኖናት ካዳሩረ ካሞጋን ዲዳምናራ፥ ኣሎ አታቴን ኦዶታታራን ሄላይናራን፥ 
\v 13 አጋልስስ ካሄገሮል ዱባና ሴራ ካሙሴ ታ ካጣማቃረ ያንሳ ገራኒ ሄገሮ አዬሰራን።\x - \xo 11፡13 \xo*\xt ሉቃ. 16፡16።\xt*\x* 
\v 14 ጎርታ እሶ ካአዬሰናን አታይን ጎዶታቴን ኡሱና ኤመይናራ ካአማመረ ኤላሳ ሂካ ያንሳያ።\x - \xo 11፡14 \xo*\xt ሚል. 4፡5፤ ማቶ. 17፡10-13፤ ማር. 9፡11-13።\xt*\x* 
\v 15 ነበ ካአባ ሀማሎ!
\p
\v 16 “ህታ አላታን መነ ዎታ ሄሬግስራ? ግያይ ሀማጼንጉሬን ሃ አማ እስ እስ ካኡማታሮ ይስ ኣን ላራን።” 
\v 17 “ ‘ሱሱሌ ኡፉፍነ ላኮዱዱርተታን፥ ቦቾ ቦችነዋ ላኮኦቴን’
\m
\v 18 ያንሳ አሞኮና ጣሞኮ እስኦራተ ማንኮኤሜተ ማራን ‘ኡሱ ባቲክ አያናጆል አባ!’ አመን። 
\v 19 ኤረ ካእባዶ አማና ጣማ ኤመተ፥ እሶና ኡሱ ‘ካአማሮና ካጣማሮያ! ኡሱማሌ፥ ቃራጣ ኦኩኩይሳራና “ጩባለይጆል” ’ ካጌላታሮያ አመን። ቃሩማ ጎአመን ፈሎኦትሴይ አዴሳንተ።”
\s1 ጩቦኮ ጉላ ጋላናዋቲ ካዎቃሳመሮ ካታማል
\r (ማቶ. 11፡20-24፤ ሉቃ. 10፡13-15)
\p
\v 20 ኤሰኮና የሱሳ ካሞጋን ባሳ ታኮፈለሮ ካታማል ጩቦኮ ማንኮ ጉላ ጋላናዋተን ማራን ሃ አመ ዎቃሴ፥ 
\v 21 “ኣኔ ኮራዝ! ኣኔ ቤተሳይዳ! እስኒ ካፈላመራ ባሳ ጢሮሲና ስዶናይ ካፈላመሮ ሊ ግረዋ፥ ሆርኮዋ ሳርስ ጋምባላክ ሳርሳይ ቡሉሎ ማሪ ክክባይ ጩቦኮ ጉላ ጋል ግራሬንዋ።\x - \xo 11፡21 \xo*\xt ኢሳ. 23፡18፤ ሕዝ. 26፡1፤ 28፡26፤ ኢዩ. 3፡4-8፤ አሞ. 1፡9-10፤ ዛኪ. 9፡2-4።\xt*\x* 
\v 22 ሃንሱን አን እስኔ ሃ አማራ፥ ታፍርዳ አሪ እስንኮ ሮር ጢሮስዉና ስዶናዉን ሙሮ ሱረ ፉፉዳይናራን። 
\v 23 አት ቅፍረናሆም ዳሩር ቶስ ጦቂ ጦቂ አምን ዶታተ? አየሱን ጎአመን ቦዋ ኦሮድ ኢናታ! ኩዬ ካፈላመራ ባሳ ሶዶሚና ፈላም ግረዋ ህታር ጊን ኤሰ ካታማ ግራተዋ።\x - \xo 11፡23 \xo*\xt ኢሳ. 14፡13-15፤ መጣ 19፡24-28።\xt*\x* 
\v 24 ሃንሱን አን ሩምና ኩን ሃ አማራ፥ ታፍርዳ አሪ ታግናታ ሙሮ ታታኮ ሮር ሶዶሚን ፉፉዳይናታ!”\x - \xo 11፡24 \xo*\xt ማቶ. 10፡15፤ ሉቃ. 10፡12።\xt*\x*
\s1 ክርስቶሳ ታስሳሮ ፎልሲ
\r (ሉቃ. 10፡21-22)
\p
\v 25 ሀሱ ጎራታ የሱሳ፥ “ካዳሩረና ካኡሌ ጎታ ኣቦ! ሂካ ቃሮሌልኮና ኦካሳንኮ ጎሊሰደ ይሱን ማንኮቱሰ ማራን አን ኩ ጋላታራ፥ አመ። 
\v 26 እ ኣቦክ! ሂክ ኩ ሆረ ፈኢ ታኢዳን ሌተ ኩን ሙተ።
\p
\v 27 “ኣቦክ ካመን ዱባ ኢን ስሰራ፥ ኦዶኮ ካካለ ኤረ ካካሳ ማዮና ላኮግሮ። ኡሱማለና ኤረኮ ካካለ ኦዶ ካማላብራ ላኮግሮ፥ ኤረ ኦጌላተሮን ጎቱሰ ኳሬ ኦዶ አዴስን ካዳንዳራ ማዮና ላግሮ።\x - \xo 11፡27 \xo*\xt ያን. 3፡35፤ 1፡18፤ 10፡5።\xt*\x*
\p
\v 28 “እስን ስዳነ ካኮንኢስላተታ! ኦሀርቴታን ዱባ እን ቶስ ኮዬን! አንና ፎልሲ ስስናራ። 
\v 29 ሀርቆታኬና ስዳዬን፥ ኢንኮና አጋልሳዬን፥ አን ዎዳናቴይ ፋያንካና ካኦብሳሮያ፥ ኔፎትስኑና ፎልሲ ሄላይናታን።\x - \xo 11፡29 \xo*\xt ኤር. 6፡16።\xt*\x* 
\v 30 ሀርቆታክ ካእስላኖን ስዳነትና ታፉፉድታ።”
\c 12
\s1 ታፎልሲ አሪ ካባጃኖኮክ ጋራ
\r (ማቶ. 12፡1-14፤ ማር. 2፡23-28፤ ሉቃ. 6፡1-5)
\p
\v 1 ኤሰኮ አባባተረ የሱሳ ታፎልሲ አሪ ዉጣ ኦሮ ማረ ሮረ፥ ኡሱኮ ኦአጋልሳታራና ማንኮኡኤሬን ማራንትኑ ሻዉዬኮ ኤብሳቴን ኣተን ኣማኖ ሀጋአበን።\x - \xo 12፡1 \xo*\xt አዳ. 23፡25።\xt*\x* 
\v 2 ፋራሳዊልና ሂካ ዴንጉሬን፤ “ሂካ ዴ! ኩኮ ኦአጋልሳታራን ታፎልሲ አሪ ፈላሚን ኦዶትሶን ፈሎ ፈላ ግራን” አመን።
\p
\v 3 የሱሳና፥ “ዳዉተና ኡሱነ ዎታ ካግረ እባዶ ካኮኡኤረ ጎራታ ዳዉተ ካየለሮ ላኮናባብቴታንያ?\x - \xo 12፡3 \xo*\xt 1 ሳሜ. 21፡1-6።\xt*\x* 
\v 4 ምን ካዋ ታበ፥ ቱቃሞሉን ኳሬ ኡሱና ሌረ ዎታ ኦግሬቱን ኣምን ፈኢ ካስሳሞን ግሮ ካሶማሳመ ባቦ ኣመ።\x - \xo 12፡4 \xo*\xt ዎዩ. 24፡9።\xt*\x* 
\v 5 አደና ቱቃሞሉን ታፎልሲ አሪ ኢግልሰንጉረን ቁሉክ ምን ካዋ ኦሮ ፈሎ ጎፈሌን ጩቦ ላናዋት ሴራ ካሙሴ ላኮናባብቴታንያ?\x - \xo 12፡5 \xo*\xt ቶቶ 28፡9-10።\xt*\x* 
\v 6 አየሱን ጎአመን አን ሃ አማራ፤ ቁሉክ ምን ካዋኮ ካሮራራ ህታኒ ግራ። 
\v 7 አን ‘ጃርሶኮ ሱረ ሻጋ ጌላታራ’ ካአማማሮ ሃፉራ መ አማኖዮ ኦአዴሳታን ሌቴንዋ ቁሉኒዕ ጉት ላኮፍርዳቴን።\x - \xo 12፡7 \xo*\xt ማቶ. 9፡13፤ ሆሴ 6፡6።\xt*\x* 
\v 8 ኤረ ካእባዶ ታፎልሲ አርዉን ጎታያ።”
\s1 የሱሳ ገነ ካኮናፋተቶ እባዶት ፋይሰ
\r (ማር. 3፡1-6፤ ሉቃ. 6፡6-11)
\p
\v 9 የሱሳ ኤሰ ባንኤኮ ሮረ ሴተጉረ፥ አይሁድኮክ ምን ካኤብ ታበ፥ 
\v 10 ኤሴና ገነ ካኮናፋተተ እባዶት ኮ ግረ፤ የሱሳ ሞትን ዶተንጉሬን፥ “አይሁድን ታፎልሲ አሪ እባዶ ፋይስን ፈኢ ስሳንተታ?” አመን ሆሳተን።
\p
\v 11 የሱሳና፥ “እስን ኦሮኮ እባዶት ኮኮት ኢዳዶ አይሁድን ታፎልሲ አሪ ጉምቢ ኦሮድ ጎኢተ፥ ኢዳዶ ካኮኢተቶ ጉምቢ ኦሮኮ ናት እስን ላኮቤሳንያ?\x - \xo 12፡11 \xo*\xt ሉቃ. 14፡5።\xt*\x* 
\v 12 ሀያ፥ እባዶ ኢዳዶኮ ላኮሮራሮያ? ሃንሱን ታፎልሲ አሪ ታኢዳን ፈልን ፈኢ ስሳንተታ” አመ።
\p
\v 13 ኤሰኮና የሱሳ እባዶትነ፥ “ገነታ ድሪርሳ” አመ፥ እባዶትና ገነቴሳ ድሪርሳተ፥ አንት ገነ ታኢዳንት ኣን ሌተ። 
\v 14 ፋራሳዊል ጎአመን ኤሰኮ ቤንጉሬን የሱሳ ምስ ምሲ ላጋድናን ማላኦዬን።
\s1 ዋዉን ሀንዳይን ካአሳባመ
\p
\v 15 የሱሳ ቆፋትሶ አዴሰረ ኤሰኮ ፋክ አመ። ጎሳ ካሞጋና ኡሱ ዴበ ሰሴተ፥ ካሀዉአማረ ዱባ ፋይሰ። 
\v 16 እስኦቴሳ ማዮና ጎጎሰግኖንኮ አታይሰ እሶን ሰገ፤ 
\v 17 ሂክ ካኮንሌራ ካሄገሮ እስያሳይ ሃ አማሜን ኦሴጋመራን ሄገሮ ፈሎ ጎጎሀይራዉንያ።
\q1
\v 18 “ሂክማ! አን ካአሳባዬራና አን ካጌላታራ ኡሱያ፥
\q2 ኡሱ አን ካጌላታሮና ካኮገገላታሮያ፥
\q2 አያናኬ ኡሱ ጉት ካይናራ።
\q2 ኡሱና ጎሳን ካሩም ፍርዳ አዋጅናራ።
\q1
\v 19 ኡሱ ላኮዶጋምናሮ ላኮናኦክናሮ፤
\q2 ራድና ያየቴሳ ካማላ ላኮግሮ።
\q1
\v 20 ካሩም ፍርዳ ታአዎዶን ጌግን፤
\q2 ካጫንጫናመ ፊቀና ላኮኤብስሮ።
\q2 ካኢዮታሮ ካሙቃደ ሻሎና ላኮባስሮ።
\q1
\v 21 አይዛብና መገኬሳይ አብድ የላሮዋ።”\x - \xo 12፡21 \xo*\xt ኢሳ. 42፡1-4።\xt*\x*
\s1 የሱሳና ዱርሳኮክ ዎይቻ
\r (ማር. 3፡20-30፤ ሉቃ. 11፡14-23)
\p
\v 22 ኤሰኮ አባባተረ ባቲክ አያናይ አባማኖይ ኢልኦ ድያይና ህኢ አዬስን ካዋተሮ እባዶት ኮ የሱሳ ቶስ ኣተን ኤመተን፥ የሱሳና ኡሱ ፋይሰ፥ እባዶትና ዲና አዬስን ዳንዴ። 
\v 23 ጎሳ ዱባ ሳደጉረ፥ “ሂክ እባዶት ኤረ ካዳዉተ ሌዉና?” አመ።
\p
\v 24 አየሱን ጎአመን ፋራሳዊል ሂካ ካኮማላረ ጎራታ “ሂክ እባዶት ዱርሳ ካኮቤሳራ ካዱርሳ ዎይቻ ካሌሮ ብኤልዘቡልኮክ ሁናያ” አመን።\x - \xo 12፡24 \xo*\xt ማቶ. 9፡34፤ 10፡25።\xt*\x*
\p
\v 25 የሱሳና ቆፋትሶ አዴሰጉረ “እስ ኦሮ ካለካለ ካብያራ ዎኖናት ዱባ ኢናራ። እስ ኦሮ ካለካለ ታቤተ ካታማ ጎርቱን ምን አታይ ግርን ላኮዳንዴሮ አመ። 
\v 26 ጻላዬና ጻላየ ካቤሳቶ ጎሌተ፤ እስስኦሮ ካለካለ ቤራን አማኖያ፤ ሃ ጎሌ አደ ዎኖናት ምስ ምሲ አታይ አልን ዳንዳራ? 
\v 27 አን ዱርሳ ካኮቤሳራ ዱርሳኮክ ዎይቻ ጎሌ፤ እስን ዴበ ኦሰሰታራን አደ መይ ቤስናራን? ሃንሱን ይስክስንዋ እስን ጉት ፍርድናራ። 
\v 28 አን ጎአመን ዱርሳ ካኮቤሳራ አያና ካዋይ ጎሌ ጎርታ ዎኖናት ካዋ እስን ቶስ ኤመተራ አማኖያ።
\p
\v 29 “ጎርቱን እባዶት ኮ ካአቲ እባዶትኮክ ምን ታብጉረ ኡራዎኦቴሳ ሳሚን ጎዶተ፥ ጣይ ሀሱ ካአቲ እባዶት አንሺኖን ግራን ምሲ ኡሱን ኤካታ? ኡሱ ሺ ጎአባባተ ኡራዎኦቴሳ ሳሚን ዳንዳራ።
\p
\v 30 “ኢነ ዎታ ካሌኖን ዱባ እን ካኔባታሮያ፥ ኢነ ዎታ ካኩኩይሳኖን ዱባ ዳርአታራ። 
\v 31 ሃንሱን አን ሃ አማራ፥ ጩቦ ፈላኖና እባዶ ሀባራኖ ዱባ እባዶን ሀሄሶ አማምናራ፥ አየሱን ጎአመን አያና ቁሉክ ካሀባራሮን አደ ጩቦ ሀሄሶ ላኮአማማሮ። 
\v 32 ማዮና ኤረ ካእባዶ ጉት አየስ ካሜላን ካአዬሳሮ ዱባን ሀሄሶ አማማራ፥ አያና ቁሉክ ጉት አየስ ካሜላን ካአዬሳሮን አደ ሂካ አላምና ሌረ ካኤሜታሮ አላም ጩቦ ሱረ ሀሄሶ ላኮአማምሮ።\x - \xo 12፡32 \xo*\xt ሉቃ. 12፡10።\xt*\x*
\s1 ጋ ካእዳን ኢልቴሳ አዴሳማራ
\r (ሉቃ. 6፡43-45)
\p
\v 33 “ጋ ዱባ ኢልቴሳ ማንኮአዴሳማሮ ማራን ኢል ታኢዳን ጎጎሄላታኑን ጋ ካእዳን እስኑን ሀንግረ፤ ጋ ካሜላን እስኑን ጎግረ አደ ኢል ታሜላን ሄላይናታን።\x - \xo 12፡33 \xo*\xt ማቶ. 7፡20፤ ሉቃ. 6፡44።\xt*\x* 
\v 34 እስን ይስ ካሀበሳ፥ እስን ኦሜላን ጎሌታን ካእዳን አየስ አዬስን ምሲ ዳንዳታን? እባዶ ዎዳናቴሳ ኦሮ ካአማጋመሮ ህኢ አዬሳራ።\x - \xo 12፡34 \xo*\xt ማቶ. 3፡7፤ 23፡33፤ 15፡18፤ ሉቃ. 3፡7፤ 6፡45።\xt*\x* 
\v 35 ካእዳንክ እባዶ ዎዳናቴሳይ ካአማጋመሮ ካእዳን አዬስኬሳኮ ታኢዳን ቤሳታራ፥ ካሜላንክ እባዶና ዎዳናቴሳይ ካአማጋመሮ ካሜላን አየስኮ ታሜላን ቤሳታራ። 
\v 36 አየሱን ጎአመን አን ሃ አማራ፤ እባዶ ካአዬሳሮ ካማድኖን አየስ ዱባ ማራንትኑ ታፍርዳ አሪ ሆሳምናራ። 
\v 37 ኣላንቲና አዬስካኮ ካከይ ቁሎይናታ፥ አዬስካኮ ካከይ አት ፍርዳምናታ።”
\s1 ባሳክ ማላታ ድን ዶታኖ
\r (ማር. 8፡11-12፤ ሉቃ. 11፡29-32)
\p
\v 38 ኤሰኮና ሴራ ካሙሴ ኦአጋልስሳራንኮና ፋራሳውልኮ ኮኮ የሱሳነ፥ “ካአጋልስሳቶ! ኖ ኩኮ ባሳክ ማላታ ድን ዶታና” አመን።\x - \xo 12፡38 \xo*\xt ማቶ. 16፡1፤ ማር. 8፡11፤ ሉቃ. 11፡16።\xt*\x*
\p
\v 39 ኡሱ አደ አባበጉረ እሶነ፥ “ታሜላና ታአማኖን አላታን ማላታ ድን ዶታታ፤ አየሱን ጎአመን ካሄገሮ ካዮናሳ ማላታ ኳሬ ካካለ ማላታ ላኮስሳምናሮ።\x - \xo 12፡39 \xo*\xt ማቶ. 16፡4፤ ማር. 8፡12።\xt*\x* 
\v 40 ዮናሳ አሪ ሴንዳ ሄመን ሴድ ካንጂንክ ኩኑኡብኮክ ቦግ ኦሮ ጎጎአዳላተሮይ፥ ኤረ ካእባዶ ኡሱማሌ አሪ ሴንዳ ሄመን ሴድ ኤሬ ኦሮ ቃማላም አዳላይናራ።\x - \xo 12፡40 \xo*\xt ዮና. 1፡17።\xt*\x* 
\v 41 ካነኔዌ እባዶ ታሙርት አሪ ህታ አላታነ ዎታ ኪጉሬን ኡሱ ጉት ፍርድናራ፥ ካነኔዌ እባዶ ካዮናሳ ላላባኖ ማለንጉረን ጩቦኮ ኦጉላ ጋሌራን፥ ግዳ ጎአመን ዮናሳኮ ካሮራራ ህታኒ ግራ።\x - \xo 12፡41 \xo*\xt ዮና. 3፡5።\xt*\x* 
\v 42 ታፍርዳ አሪ ኦር ዎኖ ሳባ ህታ አላታነ ዎታ ኪጉደ ኡሱ ጉት ፍርድናታ፥ ታሶሎሞን ቃሩማ ማልን ኡልኮት ጋቾኮ ኤሜተታ፥ ግዳ ጎአመን ሶሎሞንኮ ካሮራራ ህታኒ ግራ” አመ።\x - \xo 12፡42 \xo*\xt 1 ዎኖ. 10፡1-10፤ 2 ኦዱ 9፡1-12።\xt*\x*
\s1 ባቲክ አያና እባዶ ኦሮ አባባይ ታባኖ
\r (ሉቃ. 11፡24-26)
\p
\v 43 “ባቲክ አያና እባዶትኮ ካኮብያረ ጎራታ ታኮፎልሳሮ ካላይ ታአንጋይደ ባንኤ በከ ዶታታ ካፋፋረ፥ ታዶታታረ ፎልሲ አደ ላኮሄላተ። 
\v 44 ኤሰኮና ‘ካኮግረ ምን ቶስ አባባይ ሴዉ’ አማራ፥ አባባይ ካኮሴሮ ጎራታ ምን ሀላል ሌ፥ ሻካራመ ካሙጭመሮና ካኤካተሮ ሄላይናራ። 
\v 45 ኤሰኮ ሴተጉረ ኡሱኮ ካሮረ ካካለ ቶዶባ ባቲክ አያናጆል ካሜላን አታይረ ኤመይናራ። እሶና እባዶት ኦሮ ታብጉሬን ግርናራን። ሀሱ እባዶትዉና ግር ካሆሬኮ ግር ካሃረ ካሜላን ልናራ። ህታ ታሜላን አላታን ጉት ሂካማሌ ልናራ።”
\s1 አዬ ታየሱሳና አቢላል
\r (ማር. 3፡31-35፤ ሉቃ. 8፡19-21)
\p
\v 46 የሱሳ ጎሳን አዬሳ ግራን፤ ኣየቴሳና አቢላልቴሳ ኡሱነ ኤሰልን ዶተንጉሬን ሳሬ አሌን ግረን። 
\v 47 እባዶት ኮ የሱሳነ፥ “ኣየታና አብላልታ ኩኔ ዎታ አዬስን ዶተንጉሬን ሳሬ አሌናን” አመ።\f + \fr 12፡47 \fr*\ft ኮኮ ካብራና ማጻፋል ቶቶ 47 ላኮአዳሮ። \ft*\f*
\p
\v 48 የሱሳና፥ “ኣየት አዮታ? አቢላልትና አዮስያን?” አመ አባበ። 
\v 49 ገነተሳና ኡሱኮ ኦአጋልሳታራን ቶስ ቱሳ “ኣየትና አቢላልት ህናኣያን፤ 
\v 50 ዳሩሪ ካግሮ ኣቦኬኮት ፈኢ ካፈላራ ዱባ፥ አቢላልቴ አባላልቴና ኣጮላልቴኔያን።”
\c 13
\s1 ካዉጣታሮኮት ማሱሳ
\r (ማር. 4፡1-9፤ ሉቃ. 8፡4-8)
\p
\v 1 ኤሰ አሪዋ የሱሳ ምንኮ ቤጉረ ላቡ ግርዲ ሀማጼ። 
\v 2 ካሞጋን ጎሳና ኩኩአማኖኮ ካከይ ኡሱ ማረ ማንኮአበረ ማራን እሶ ባጋ ኢሰጉረ ዎላቦይ ታበ ሀማጼ።\x - \xo 13፡2 \xo*\xt ሉቃ. 5፡1-3።\xt*\x* 
\v 3 ካሞጋን አዬንሳ ማሱሳይ ሃ አመ ሰገራ፥ “ኦታተ ካባራረ እባዶት ኮ ዉጣ ዉጣዪን ቤ። 
\v 4 ዉጣታ ግራና ዉጣ ጋምሳ ራ ግርዲ እዬ፥ ክምብርና ኤመተጉረ አባባተ አመ። 
\v 5 ጋምሳ ዉጣ ታፉፉድ ሻቁሞልት ኤሬ እዬ፥ ኤሬና ታፉፉድ ማንኮሌተተ ማራን ዉጣ ሳመ አላተ። 
\v 6 አየሱን ጎአመን አርት ካኮብያተ ጎራታ ቆረ ህዲድ ኣሎ ዳግሳናዋትኮ ካከይ አንጋገ። 
\v 7 ጋምሳ ዉጣና ኤኤን ካአቦ ሁራ ኦሮ እዬ፥ ኤኤንና ጂናተጉደ ካአላተሮ ዉጣ ማርግሰ ኦሮ ሃሰ። 
\v 8 ካካለ ዉጣ አደ ታኢዳን ኤሬ ጉት እዬ፥ አላተጉረ ኢል የላተ፥ ኮ ቦል፥ ኮ ሎታም፥ ኮና ሶንዶም ኢል ስሰ። 
\v 9 ነበ ካአባ ሀማሎ!”
\s1 የሱሳ ማሱሳ ካኮንአዬሰሮ ኣላንቲ
\r (ማር. 4፡10-12፤ ሉቃ. 8፡9-10)
\p
\v 10 ኤሰኮ የሱሳኮ ኦአጋልሳታራና ኡሱ ቶስ ጋባላመንጉረን፥ “መዉን ጎሳን ማሱሳ አዬሳታ?” አመን።
\p
\v 11 የሱሳ አባበረ፥ “እስኑን ዎኖናት ካዳሩረኮት ሆል ማላባኖ ስሳመራ፥ እሶን ጎአመን ላኮስሳመሮ። 
\v 12 ካኮግሮን አዳማራ፥ ሞጋታራ፥ ካላይክኮ ጎአመን ሀሱ ካግራዋ ሱረ ኡሱኮ አታማራ” አመ።\x - \xo 13፡12 \xo*\xt ማቶ. 25፡29፤ ማር. 4፡25፤ ሉቃ. 8፡18፤ 19፡26።\xt*\x* 
\v 13 ሃንሱን ሃ አማ አን ማሱሳይ ካኮን ሰገራ ሂካኑንያ፥ ዲያ ግራን ኦዴኖን ማንኮሌን ማራን፥ ማላ ግራን ኦማሎን ማንኮሌን ማራን፥ ጎርቱን ሻዳና ማንኮዋቴን ማራንያ። 
\v 14 ካሄገሮ እስያሳይ ካሰጋመራ፥
\q1 “ማላኖ ማልናታን፥ አየሱን ጎአመን ላኮሻድናታን፥
\q2 ድያኖና ድናታን፥ አየሱን ጎአመን ዎዳና ላኮአባታን፥ ሃ አማመ ካጻፋመራ እሶ ጉት ፈሎ ሀይናራ፥
\q1
\v 15 ሂካ ጎሳኮት ዎዳናና ዱደታ፤
\q2 ነበትሶና ላኮማላቶ፥ ጎጎዴኖንኮ እልኦ ኦትሶ ጢጲሜራን፥
\q2 ሃ ሊ ዋተዋ ኢልኦ ኦትሶይ ዲጉረን፥
\q2 ነበትሶይ ማልጉሬን፥
\q2 ዎዳናትሶይና ሻድጉሬን፥
\q2 እን ቶስ አባባተንዋ አን እሶ ፋይሳረዋ።”\x - \xo 13፡15 \xo*\xt ኢሳ. 6፡9-10።\xt*\x*
\p
\v 16 እልኦ ኦትስን ማንኮድያራን ማራን፥ ነበትስና ማንኮማላቶ ማራን አደ ኦሶማሳንቴታን። 
\v 17 አን ሩምና አማራ፥ ኦሄገሮልና ካሞጋን ቁሉክ እባዶ፥ እስን ካድያታን ድን፥ እስን ካማልቴታን ማልን ሀልቻሬን፥ አየሱን ጎአመን እሶን ላኮኤካተ።
\s1 ካዉጣታሮ ማሱሳኮት ፉሬን
\r (ማር. 4፡13-20፤ ሉቃ. 8፡11-15)
\p
\v 18 “ጎርታኑን እስን ዉጣ ካዉጣታሮ እባዶትኮት ማሱሳ ማላ፥ 
\v 19 ዎኖናት ካዋኮክ ሃፉራ ማለጉረ ካሻዶን ማታዮት ዎዳና ኦሮኮ ካሜላን ኤሜይጉረ ካዉጣመሮ ዉጣ ኣትናራ። ጎርታ ሂክ ራ ግርዲ ካኢየሮ ዉጣያ። 
\v 20 ሻቁሞልት ኤሬ ጉት ካኢየራ አደ፤ ሃፉራ ማለጉረ ጎርሰዋ ገጌሎይ ካአታታሮ እባዶ ኣን ላራ። 
\v 21 አየሱን ጎአመን ህዲድ ኣሎ ዳግስን ማንኮዋ ታንጂን ላኮአዳላታሮ፤ ሃፉራኮክ ኣላንቲ ራኮ ጎርቱን ባቃታኖ ጎኤሜሮ ጎርሰዋ ሳመ ሀንዱዱፋታራ። 
\v 22 ኤኤን ሁራ ኦሮ ካኢየራ ዉጣ ሃፉራ ማለጉረ ሂካ አላም ያዳኖይና ዱሩማኮት ቆፋይ ሶባማ ማርጋተ ኢል ካስሶን ዉጣ ኣን ላራ። 
\v 23 ኤሬ ታኢዳን ጉት ካዉጣመራ ዉጣ ጎአመን ሃፉራ ካዋ ማለጉረ ካሻዳሮ እባዶ ኣን ላራ፥ ሀሱና ኢል የላታራ፥ ኮ ቦል፥ ኮ ሎታም፥ ኮና ሶንዶም ስስናራ።”
\s1 ሻራፋኮት ማሱሳ
\p
\v 24 የሱሳ ካካለ ማሱሳ ሃ አመ ሰገ፥ “ዎኖናት ካዳሩረ ኢራይ ዉጣ ካእዳን ካዉጣተሮ እባዶት ኣን ላራ። 
\v 25 አየሱን ጎአመን እባዶ ዱባ ሁዱረ ግራን ዲናኬሳ ኤመተጉረ ዳርጋማቴሳ ኦሮ ሻራፋ ዉጠ ሴተ። 
\v 26 ዳርጋማና አላተዴ ኢል የላታኖ ካኮሀጋአባተ ጎራታ ሻራፋና ዎታ ሙተ።
\p
\v 27 “ኦዶ ኢራን ኦፈላራን ኡሱ ቶስ ኤመተንጉረን ‘ጎታ! እራ ኦሮ ላ ዉጣ ካእዳን ዉንጠነላ? ሀያ ሻራፋ ሀገኮ ኤመተ?’ አመን።
\p
\v 28 “ ‘ኡሱና፥ ሂኒዕ ፈሎ ኦዲናያን’ አመ።
\p “ኦሀንዳሬና ‘ሴይጉነ ሻራፋ ጎጎታታግኖን ዶታታ?’ አመን ሆሳተን።
\p
\v 29 “ ‘ኡሱ ጎአመን ላ’ አመ፥ ‘ኣላንቲና እስን ሻራፋ ታታጋና አማ ዳርጋማ ዎታ ታታይዳንዋ፤ 
\v 30 እሳጋ፥ ካም ኩኩ ታኮአማሮ አሪ ታ ጌሮን ራቶ ሀጂናተ፥ ኤሰሪ ኦማጣራናኔ ጣ ሻራፋ ታታጋ፥ ኤለኒ ጎጎጉባምሮ ካባል ካባሊ ሻ፥ ዳርጋማ ጎአመን ኩኩይሳጉዴን ጎታራቴይ ክባ አን አምናራ አመ።’ ”
\s1 ታስናፍጭ ኢልና ኢርሾኮት ማሱሳ
\r (ማር. 4፡30-32፤ ሉቃ. 13፡20-21)
\p
\v 31 የሱሳ ካካለ ማሱሳ፥ “ዎኖናት ካዳሩረ እባዶት ኮ ኣተረ ኢራኬሳይ ታዉጣተሮ ትጫርት ታስናፍጭ ኢል ኣን ላታ። 
\v 32 ስናፍጭኮት ኢል ካካለ ዉጣጆል ዱባኮ ታየራታቶ ኢል ጎሌተና፥ አላይደ ጎጂናቶ አደ ጋጆል ዱባኮ ሙይተጉደ፥ ጉንተ ካቡባራ ክምብርጆል ኤመተጉረ ባላል ጉት ምን ካኮማዳራሮ ጋ ኣን ላራ” አመ።
\p
\v 33 ግዳና የሱሳ ካካለ ማሱሳ፥ “ዎኖናት ካዳሩረ ሄለልትቲ ቶ ጣመ ሴድ ጋልተ ኤካሰ ኣተዴ ርግደ ታለሌደቶ ኢርሾ ኣን ላታ” አመ።
\s1 የሱሳ ሙን ጎሳ አጋልስሰሮ
\r (ማር. 4፡33-34)
\p
\v 34 የሱሳ ጎአመን ሂካ ዱባ ጎሳን ማሱሳይ አዬሰ፥ ማሱሳ ካላይ ካአዬሳመራ አየስ ኮና ላኮግረ። 
\v 35 ህክና ካሄገሮይ ሃ አማመ ካአዬሳመረ ፈሎ ሀየ።
\q1 ህክና፥ “ህኢቴ ማሱሳይ ባናይናራ፤
\q2 አላም ታኮመጣመሮኮ ሀጋአበረ ስያመ ካግሮ አዬስናራ።”\x - \xo 13፡35 \xo*\xt ማዛ. 78፡2።\xt*\x*
\s1 ታሻራፋ ማሱሳኮት ፉሬን
\p
\v 36 ኤሰኮ የሱሳ ጎሳ ኢሰጉረ ምን ታበ፤ ኡሱኮ ኦአጋልሳታረና ኡሱ ቶስ ጋባላመንጉረን “እራ ኦሮ ካግሮ ሻራፋ ማራን ካአዬሰቶ ማሱሳኮት ፉሬን ኖን ሰጊና” አመን።
\p
\v 37 የሱሳና፥ “ካእዳን ዉጣ ካዉጣተራ ኤረ ካእባዶያ፤ 
\v 38 እራና ሂካ አላምያ፥ ካእዳንክ ዉጣና ዎኖናት ካዳሩረኮክ እባዶ ቱሳራ፥ ሻራፋና ካጻላየ እባዶኮክ ጋራ ቱሳራ፤ 
\v 39 ዉጠጉደ ታሴተታ ዲና ጻላዬታ፤ ዉጣ ታኮኩኩአምናራና አላምኮክ ጋቾ ጎሌሮ ኦማጣርናራና አደን ኤርግቻልያን።
\p
\v 40 “ሻራፋና ታታጋመጉረ ኤለኒ ጎጎጉባማሮ አላምኮት ጋቾ ሂካማሌ ልናታ። 
\v 41 ኤረ ካእባዶ ኤርግቻኬሳ ፋርናራ፥ እሶና ጩቦን ኣላንቲ ኦሌራና ታሜላን ኦፈላራን ዱባ አባብጉረ ዎኖናትኬሳኮ ቤስናራ። 
\v 42 ኦታና ኢልኮ ፎጫኖ ማንኮግሮ ታቤባቶ ኤለኒ ኦሮዴስ እሶ ሉጉድናራ። 
\v 43 ሀሱ ጎራታ ቁሎለ ኣቦክሶክ ዎኖናት አርት ኣን ሀንቃይናራን። ነበ ካአባ ሀማሎ።
\s1 ስያሜን ኦግራን ኡራዎና ኢንቁኮት ማሱሳ
\p
\v 44 “ዎኖናት ካዳሩረ እራ ኦሮ ኦስያሜራን ኡራዎ ኣን ላራ። እባዶት ኮ ኦሄላተሮ ሂናኣ ኡራዎ አባበ ስያንሳተ፥ ገጌላታኖኮ ካከይ ካአቦ ዱባ ዳዳላተጉረ ኤሰ ታኢራ ባንኤ እምናተ።
\p
\v 45 “ኡሱማለና ዎኖናት ካዳሩረ ካእዳንክ ኢንቁ ኢምናይን ካዶታታሮ ናጋደት ኣን ላራ። 
\v 46 ኣሎ አዉኣሎክ ኢንቁ ካኮሄላታረ ጎራታ ሴተጉረ ካአቦ ዱባ ዳዳላተጉረ ኡሱ ኢንቁ እምናተ።
\s1 ማራብኮት ማሱሳ
\p
\v 47 “አደና ዎኖናት ካዳሩረ በከ ኦሮ ጎሉጉድራን ሳኒ ካሞጋን ኩኑኡብ ታአባቶ ማራብ ኣን ላራ። 
\v 48 ኩኑኡብ ኦአባታራና ኩኑኡብ ማራብ ካኮአማጋማረ ጎራታ ጊቴን ባጋ ቶስ ቤሰን፥ ኤሰኮ ሀማጼንጉሬን ካእዳን ካእዳን አሳቤን ዳቾል ኦሮዴሴን ክቤን፤ ካሜላን ካሜላና ጎአመን ቤሰን ሻፌን። 
\v 49 ካጋቾ ጌስና ሂካማሌ ልናራ፥ ኢርግቻና ኤሜይጉረ ጩባለይ ቁሎሌኮ አሳብጉረ፤ 
\v 50 ኦታንና ኢልኮ ፎጫኖ ማንኮግሮ ታባኖን ኤለን ቶስ ሉጉዳምናራ።”
\s1 ካኡሱብክና ካዶአንክ ማዝጋባኮክ ጋራ
\p
\v 51 የሱሳና፥ “ሂክ ዱባ እስኑን ታበራ?” አመ። እሶና “እ” አመን።
\p
\v 52 የሱሳ ሃ አመ አባበ፥ “ሂክ ሃ አማኖ መተመቴ ሴራ ካሙሴ ካአጋልስሳራ ኡሱና ዎኖናት ካዳሩረ ኡሱኮ ካአጋልሳታሮ ካሌራ ካኡሱብክና ካዶአንክ ጎታራኮ ካቤሳሮ ኦዶ ኣን ላራ” አመ።
\s1 የሱሳ ታናዝሬት ካታማይ ዲዳማኖ
\r (ማር. 6፡1-6፤ ሉቃ. 4፡16-30)
\p
\v 53 የሱሳ ሂናኣ ማሱሳጆል አዬሰ ጎጎጉድሴይ ኤሰ ባንኤኮ ኬጉረ ሴተ። 
\v 54 ኡልኬሳ ቶስ ኤመተጉረ አይሁድኮክ ምን ካኤብ ኦሮ ጎሳ አጋልስሳኖ ሀጋአበ፥ እሶና ማማ ሃ አመን፥ “ሂክ እባዶት ህታ ቃሩማና ሂካ ባሳ ካኮፈሎ ሁና ሀየኮ ሄላተራ?” 
\v 55 “ሂክ ላኤረ ካአናጢትዮላ? ኣየቴሳክ መገ ላ ማይራመ አማራና? አቢላልቴሳ አደ ያይቆባ፥ ዮሴፋ፥ ስሞናነ ይሁዳኔያና? 
\v 56 አባላልተሳና ዱባ ላ ኖኔ ዎታ ግራና? ሀያ ሂክ እባዶት ሂካ ዱባ ሀየኮ ሄላተ?” 
\v 57 ሃንሱን ኡሱ ሀአታኖን ሄሴን። የሱሳ ጎአመን “ካሄገሮ ካኮካባጃሞን ኡልኬሳይና ምንኬሳ ካላልያ” አመ።\x - \xo 13፡57 \xo*\xt ያን. 4፡44።\xt*\x*
\p
\v 58 እሶ አማናናዋትኮት ኣላንቲ ካሞጋን ባሳ ኤሰ ላኮፈለ።
\c 14
\s1 ካጣማቃሮ ያንሳኮክ ጎይ
\r (ማር. 6፡14-29፤ ሉቃ. 9፡7-9)
\p
\v 1 ኡሱ ጎራታ ካጋሊላ ኡል ቃላዳኬሳ ካባሪሳረ ሞት ሄሮዶሳ፥ አታን ካየሱሳኮክ ጋራ ማለ፥ 
\v 2 ኡሱን ኦሀንዳሬነ፤ “ሂክ ሃ ጎሌ ካጣማቃራ ያንሳ ጎይኮ ኬጉረ ኤመተራ አማኖያ፥ ሂክ ካሳዳማራ ባሳ ዱባ ካኮፈላመራ ኡሱያ” አመ።
\p
\v 3 ጣየ ሄሮዶሳ አቢኬሳ ፍልጶሳኮት ኦር ሄሮድያዳኮት ኣላንቲ ያንሳ አብስሰጉረ ምን ካሻኖ ታብሰረ።\x - \xo 14፡3 \xo*\xt ሉቃ. 3፡19-20።\xt*\x* 
\v 4 ኣላንቲና ያንሳ ሄሮዶሳነ፤ “አቢካት ኦር ጎጎአታቶ ሴራ ፈኢ ላኮስሳሮ አማ ግረ።”\x - \xo 14፡4 \xo*\xt ዎዩ. 18፡16፤ 20፡21።\xt*\x* 
\v 5 ሃንሱን ሄሮዶሳ ያንሳ ላጋዲን ዶተጉረ ጎሳና ኡሱ ካሄገሮ አን ማንኮድያሮ ማራንትኑ አብሳተ።
\p
\v 6 ሄሮዶሳ ኡሱ ታኮአላተሮ አሪ ካባጃታ ግራን ታሄሮድያዳ ኤረ ኤመተዴ ማርት ሆረ ማዳር ካዱዱሮይ ማንኮገጌላይሰ ማራን፥ 
\v 7 ኤሰ ካሆሳተ ዱባ ኤሰን ስስን አማቶ ታበ። 
\v 8 ኡኑትና ኣየትሴት ማርካ አታተደ፥ “ካጣማቃሮ ያንሳኮክ መተ ታላኣይ ጉት ካይጉደ ኢን ስስ” አንተ። 
\v 9 ሀሱ ጎራታ ዎኖና ጋዴ፥ ሀሌዎ ኳሬ አማቶኦቴሳ ማራና ኡሱነ ዎታ ታግቴ ማርት ማራን ሆስንትሴ ጎጎአባባቶ አጃጄ። 
\v 10 ምን ካሻኖ ቶስ እባዶ ፋረጉረ ካያንሳ መተ ማርግኮ ጎስሰ። 
\v 11 ካጎሳመሮ መተና ታላኣይ ካየጉረ ኡኑቲን ስሰ፥ ኡኑትና ኣተጉዴ ኣየትሴዉን ስሰ። 
\v 12 ያንሳኮ ኦአጋልሳታረና ሬስ አታቴንጉሬን ቃማሌን፤ ኤሰኮና ሰተንጉረን ካሌሮና የሱሳን ሰገን።
\s1 የሱሳ እባዶ ኩማ ከን አምሰ
\r (ማር. 6፡30-44፤ ሉቃ. 9፡10-17፤ ያን. 6፡1-14)
\p
\v 13 የሱሳና ካሌሮ አየስ ካኮማላረ ጎራታ ታኮግረኮ ኬጉረ ካለት ባንኤ ቶ ቶስ ዎላቦይ ታበ ሴተ። ጎሳና ሂካ ማለጉረ ካታማልኮ ሉኪ ኡሱ ዴበ ሰሴተን። 
\v 14 የሱሳና ዎላቦኮ ዳጋግራን ካሞጋን ጎሳ ዴጉረ ነኔኤይሳተ፤ ኩባልክሶኮና ፋይሰ።
\p
\v 15 ኡል ሄመን ላ ካኮሴታረ ጎራታ የሱሳኮ ኦአጋልሳታረና ኡሱ ቶስ ጋባላመንጉረን “ህት ባንኤ ኮና ታኮግኖን ቃሉላቶክ ኡልያ፤ ጎራታና ሄመን ማንኮላሮ ማራን፤ ማማንጆልኮ ሴይጉሬን ካአምራን ባቦ ጎጎኢምናራዉን ጎሳ ጋፋርና” አመን።
\p
\v 16 የሱሳ ጎአመን “እሶ ሴይን ላኮዶትሳሮ፥ እሶ ካአምራን እስንዋ ስሳ” አመ።
\p
\v 17 እሶና፥ “ኖ ህታኒ ካአብና ባቦ ብጠ ከና ኩኑኡብ ላማ ካላል አብና” አመን።
\p
\v 18 የሱሳና፥ “አላ ካአብታን እን ቶስ ኬና” አመ። 
\v 19 ኤሰኮና ጎሳ ኤስ ጉት ጎጎሀማጽሮን አጃጃ ስሰ፤ ባቦ ብጠ ከና ኩኑኡብ ላማና ኣተጉረ ኤልዴ ዳሩሪ ቶስ ዲያ ጋላቴረ ባቦኮ ኢብሰ ኣተጉረ ኡሱኮ ኦአጋልሳታሬኑን ስሰ፥ እሶና ጎሳን ስሰን። 
\v 20 ዱባና አመን ባራረን፥ ኤሰኮና ኡሱኮ ኦአጋልሳታረና ታሄሰቶ ሀንባ ዱጉድ ቶሞንኮ ላማ ምግ ኬሴን። 
\v 21 ካኣመረ እባዶ ሄለልና ይስ ካላይ ኩማ ከን ካሌሮ ባባርየ።
\s1 የሱሳ በከ ጉት ሰሴታኖ
\r (ማር. 6፡45-52፤ ያን. 6፡15-21)
\p
\v 22 ጎርሰዋ ኡሱኮ ኦአጋልሳታረን ዎላቦይ ኮራይጉሬን ኡሱኮ ጣይ በከኮ ጋማ ጎጎናቅናዉን አጃጄጉረ፥ ኡሱን አደ ጎሳ ጋልስን ሃር ሄሰ። 
\v 23 የሱሳ ጎሳ ጋልሰ አባባተረ ኤባይን ኬ ዎዳም ቶስ ቤ። ኡል ታሙጉድ ሌሮን ካለካለ ኤሰ ግረ። 
\v 24 ሀሱ ጎራታ ዎላቦና ባጋኮ ፋክ አንተ ጎሰ ሴታ ግራን አምባል ኬተጉደ ጋሽማሎና ሆረ ሃር ሻፋኖ ሀጋአበ።
\p
\v 25 ሄመንኮ ሳቲ ሳጋልኮ አባባተረ የሱሳ በከ ጉት ሰሴታ ኡሱኮ ኦአጋልሳታረን ቶስ ኤመተ። 
\v 26 ኡሱኮ ኦአጋልሳታረና ኡሱ በከ ጉት ሰሴታ ካኤሜታሮ ካኮድያረን ጎራታ አብሳተንጉረን፥ “ህት ጋርታ” አማ ኦኬን።
\p
\v 27 ጎርሰዋ የሱሳ እሶነ፥ “አላማንደ! አንያ። አሮአብሳቴን” አመ።
\p
\v 28 ጴጢሮሳና፥ “ጎታ! ጎአትቶ አን በከ ጉት ሰሴታ ኩ ቶስ ጎጎኤሜሮን እን አጃጂ” አመ።
\p
\v 29 ኡሱና፥ “ኮያ” አመ። ጴጢሮሳና ዎላቦኮ ዳገጉረ በከ ጉት ሰሴታ የሱሳ ቶስ ኤመታኖ ሀጋአበ።
\p
\v 30 አየሱን ጎአመን አምባልኮክ ሁና ካኮድያረ ጎራታ አብሳተ፤ በከይ ኤነጋማኖ ካኮሀጋአባረ ጎራታ “ጎታ! እን ሃስ” አመ ኦኬ።
\p
\v 31 የሱሳ ሳመ ገነቴሳ ድሪርሳተ ኡሱ አበጉረ፥ “አት አማኖ ካኮንሀንቃተራ! ሙን ሄዳተ?” አመ።
\p
\v 32 የሱሳና ጴጢሮሳ ዎላቦ ጉት ኮራታዋ አምባል ጫልኢ አንተ። 
\v 33 ዎላቦይ ኦሮ ኦግረን፥ “ሩምና አት ኤረ ካዋታ” አመንጉረን ግልቢሴን ኡሱን ሳጋደን።
\s1 የሱሳ ካገንሳረጢ ኡሊ ካሀዉአማረ እባዶ ፋይሰ
\r (ማር. 6፡53-56)
\p
\v 34 የሱሳና ኡሱኮ ኦአጋልሳታረን በከኮ ጋማ ናቄንጉሬን ገንሳረጢ ታአማማቶ ባንኤ ቶስ ጌን። 
\v 35 ኡሱ ኡልክ እባዶ የሱሳ ላኖ ካኮአዴሳረ ጎራታ ጎቦቢ ካግሮ ማማንጆል ዱባን ሀንዳ ፋረን፤ ካሀዉአማሮ እባዶ ዱባ ኡሱ ቶስ ኬንስሴን። 
\v 36 ኦሀዉአማሬና ሳርስኬሳኮት ሻርፍ ታላል ድንኒን ፈኢ ጎጎስስሮን ኤባተን። ኡሱ ኦድኔን ዱባ ዱዶ ፋዬን።
\c 15
\s1 ዎጋ ካፋራሳው
\r (ማር. 7፡1-13)
\p
\v 1 ኤሰኮና ኢየሩሳለምኮ ኦኤሜተራን ፋራሳዊልና ሴራ ካሙሴ ኦአጋልስሳራን የሱሳ ቶስ ጋባላመንጉረን፥ 
\v 2 “ኩኮ ኦአጋልሳታራን ዎጋ ካኦዶላል ካኮኢግልሳራን መዉንያ? ባቦ ኣምን ገነትሶ ላኮኣላራን” አመ።
\p
\v 3 የሱሳና ሃ አመ አባበ፤ “እስና ዎጋክስኑን አንቴንጉደን አጃጃ ካዋ ሙን ኢግልሳታን? 
\v 4 ዋ፥ ‘ኣቦካና ኣየታ ካባጂ፥’ ‘ማዮና ኣቦኬሳ ጎርቱን ኣየቴሳ ጉት ካሜላን ሃፉራ ካኤንጌ ካአዬሳራ ሀጎየ አም አጃጃ ጎስስሮ፥’\x - \xo 15፡4 \xo*\xt ብያ. 20፡12፤ 21፡17፤ አዳ. 5፡16፤ ዎዩ. 20፡9።\xt*\x* 
\v 5 እስን ጎአመን ኣቦኬሳ ጎርቱን ኣየቴሳ፥ ‘አን እስኑን ስስን ካዶትሳሮ ጋርጋርሳ ዋዉን ጃርሶ የለ አን ስሰራ’ ጎአመ፥ 
\v 6 ሀሱ እባዶት ‘ኣቦኬሳ ጎርቱን ኣየቴሳ ካባጅን ላኮዶትሳሮ’ አማታን፤ ሃንሱን ዎጋክስኑን አንቴንጉደን ሃፉራ ካዋ ኢግልሳታን።\f + \fr 15፡6 \fr*\fqa ኣቦኬሳ፤ \fqa*\ft ኮኮ ካጋልባ ማጻፋጆል፥ “ኣቦኬሳ ጎርቱን ኣየቴሳ” አማራ። \ft*\f* 
\v 7 እስን ኢፍሳዶለ እስያሳ እስን ማራን ሄገሮ ካአዬሰራ ሩምያ።
\q1
\v 8 “ ‘ሂክ ጎሳ እን ህኢ ካባጃራ፤
\q2 ዎዳናትሶ ጎአመን እንኮ ፋክ ታአንተታ፤
\q1
\v 9 እሶ እን አዳ. ሄዶይሳታራን፤
\q2 አጋልስስክሶና ዎጋ ካእባዶ ማሌያ።’ ”\x - \xo 15፡9 \xo*\xt ኢሳ. 29፡13።\xt*\x*
\s1 እባዶ ካባቶይሳሮ ኮኮ
\r (ማር. 7፡14-23)
\p
\v 10 የሱሳ ጎሳ እስ ቶስ ኡመጉረ ሃ አመ፥ “ማላ! ሻዳ! 
\v 11 እባዶ ካባቶይሳራ ህኢኮ ካበያሮ ኳሬ ህኢ ኦሮዴ ካታባሮ ላኮዮ!”
\p
\v 12 ኤሰኮና ኡሱኮ ኦአጋልሳታረን ኡሱ ቶስ ጋባላመንጉረን “ፋራሳዊል አት ካአንተቶ ማለንጉሬን ጎጎአማራቴራን ዴተ?” አመን።
\p
\v 13 የሱሳ ጎአመን፥ “ካዳሩረ ኣቦክ ካአባሮን አላት ዱባ ታጋምናራ። 
\v 14 እሳጋ፥ ኢልኦ ኦድያኖን ኦቃጄልሳራን እሶ ኡሱን ኢልኦ ኦደያኖንያን። እልኦ ካድያኖን ኢልኦ ካድያኖን ጎገጌስሮ እሶ ላማ ራቶ እስ አባተን ላጋ ኦሮዴን ኢያራን።”\x - \xo 15፡14 \xo*\xt ሉቃ. 6፡39።\xt*\x*
\p
\v 15 ጴጢሮሳና የሱሳነ፥ “ማሱሳኮት ፉሬን ኖን አዴስስ” አመ።
\p
\v 16 የሱሳና ሃ አመ፥ “እስን ግዳግን ላኮሻዴታን አማኖያ?” 
\v 17 “ህኢነ ካታባራ ዱባና ቦግ ኦሮዴ ታበጉረ ኤሰኮና ሳርዴ ካበያሮ ላኮካሳንያ? 
\v 18 ህኢኮ ካበያራ ጎአመን ዎዳናኮ ካበያሮያ፥ እባዶና ‘ካባቶይሳራ’ ኡሱያ።\x - \xo 15፡18 \xo*\xt ማቶ. 12፡34።\xt*\x* 
\v 19 ታሜላን ቆፋ፥ ኔፎ ላጋዳኖ፥ ላይማኖ፥ ሻርሙጣኖ፥ ሄታኖ፥ ጣራ አቶታኖና መገ ባሳኖ ሂክ ዱባ ዎዳናኮ ክያራ። 
\v 20 እባዶ ‘ካባቶይሳራ’ ሂካያ ኳሬ ገነኖ ሀኣሎን ባቦ ኣማኖ እባዶ ላኮ ባቶይሳሮ።”
\s1 ታካናአን ሄለልትቲኮክ አማኖ
\r (ማር. 7፡24-30)
\p
\v 21 የሱሳና ኤሰኮ ቤጉረ ጢሮስ ቶንሳ ስዶና ካአማማሮ ካካታማ ጎቦብ ቶስ ሴተ። 
\v 22 ካካናአን ኡልኮት ሄለልትቲ ቶ ኡሱ ማማንኮ ቤተጉደ የሱሳ ቶስ ኤመተዴ “ጎታ! ኤረ ካዳዉተ ኢን ነኔኤይሳና፥ ኤረት ባቲክ አያናይ አባንተጉደ ኣሎ አቦሳታ አንተ ኦኪተ።”
\p
\v 23 የሱሳ ጎአመን ሃፉራ ኮና ላኮአባበ፥ ሀሱ ጎራታ የሱሳኮ ኦአጋልሳታረን ኡሱ ቶስ ኤመተንጉረን “ህት ሄለልትቲ ኖ ዴበ ሰሴታ ኢያታ ኤሰ ጋልሰዋኢስ?” አመን ሆሳተን።
\p
\v 24 የሱሳና አባበረ፥ “አን ካኮንፋራመራ ምን ካእስራኤልኮ ካባየሮ እዳድጆል ካላሉንያ” አመ።
\p
\v 25 ሄለልትቲና ሉክቴሳ ጉት ኢተጉደ “ጎታ ኢን ጋርጋርና!” አንተ።
\p
\v 26 የሱሳና አባበረ፥ “ባቦ ካይስ ኣትጉረን ከሮሩን ሻፋኖ ላኮ ዶትሳሮ” አመ።
\p
\v 27 ኤሰና፥ “እ ጎታ!” “ከሮርና ኦዶኬሳት ዱጉድኮ ታኢተቶ ኦሮንት አማራ” አንተ።
\p
\v 28 ሀሱ ጎራታ የሱሳ፥ “አት ሄለልትቲ አማኖካ ካአቲያ! ሀልቻካክ ማለ ኩን ሀሌዎ” አመ። ኡኑትና ሀሱ ጎራታኮ ሀጋአብተደ ፋይተ።
\s1 የሱሳ ባሳይ ኩባሌሳል ፋይሰ
\r (ማር. 7፡31-37)
\p
\v 29 የሱሳ ኤሰኮ ኬጉረ ታጋሊላ ላቡ ግሪ ታግቶ ባንኤ ሴተጉረ ዎዳም ቶስ ቤ ኤሰ ሀማጼ። 
\v 30 ቶቶይ ካሞጋን ካሌ ጎሳና ካኤሳረ፥ ኢልኦ ካድያኖን፥ ናፋለሳል፥ ህኢ ኦአዬሶን፥ ኡሱማለና ካካለክ ካሞጋን ኩባሌሳል አበን ኡሱ ቶስ ኬነንጉረን ሉቃኦቴሳ ሄገሊ ሀማጽሴን፤ ኡሱና ፋይሰ። 
\v 31 ጎሳና ህኢ ካአዬሶና አዬሳኖ፥ ናፋለሳልና ኢዳኖ፥ ካኤሳረና ቱኩል ኣል ሰሴታኖ፥ ኢልኦ ካድያኖና ድያኖ፥ ካኮደያረን ጎራታ፥ ካእስራኤል ሄዶ ጋላተን።
\s1 የሱሳ እባዶ ኩማ አፋር ባቦ አምሳኖ
\r (ማር. 8፡1-10፤ ማቶ. 14፡13-21)
\p
\v 32 የሱሳ ኡሱኮ ኦአጋልሳታራን ኡመጉረ “ጎሳ ኢነ ዎታ አሪ ሴድ ማንኮሀየሮ ማራን ካአምራን ማንኮዋተናን ማራን አን እሶን ነኔኤይሳታራ፥ ራድ ኡኢጉሬን ኡል ጎጎኢኖንኮ ኡኢነ ጋፋርን አን ፈኢ ላኮስስናሮ” አመ።
\p
\v 33 ኡሱኮ ኦአጋልሳታረና “ሂካ ኮና ካላይክ ቃሉላቶክ ኡል፥ ሂካ ጎሳ ዱባን ካሌሮ ባቦ አምስን ኖ ሀየኮ ሄልናና?” አመን።
\p
\v 34 የሱሳና፥ “ጎሌና እስን ባቦ ብጠ ምያ አብታን?” አመ ሆሳተ። እሶና፤ ባቦ ብጠ ትትጫር “ቶዶባና” “ኩኑኡብጃ ኦትትጫር አብና” አመን።
\p
\v 35 ኡሱና ጎሳ ኡል ጎጎሀማጽሮን ፈኢ ስሰ፤ 
\v 36 ባቦ ብጠ ቶዶባና ኩኑኡብጃ አበጉረ ዋ ሶማሳተ አባባተጉረ ባቦ ኤኤብሰ ኡሱኮ ኦአጋልሳታሬኑን ስሰ፥ እሶና ጎሳን ሄደደን። 
\v 37 ዱባና አመን ባራረን፥ ኡሱኮ ኦአጋልሳታረና ታሄሰቶ ሀንባ ዱጉድ ቶዶባ ምግ ኬሴን። 
\v 38 ካኣመረ እባዶና ሄለልና ይንሳ አንቶታሞኒ ኩማ አፋር ባባርየ። 
\v 39 የሱሳ ጎሳ ጋልሰ አባባተረ ዎላቦይ ታበረ ካመገዶል ኡል ቶስ ሴተ።
\c 16
\s1 ዋኮ ማላታ ድን ታሆሳንተቶ ሆስን
\r (ማር. 8፡11-13፤ ሉቃ. 12፡54-56)
\p
\v 1 ፋራሳዊልና ሶዶቃውል የሱሳ ቶስ ጋባላመንጉረን ጫፍን ዶተንጉሬን፥ “ዋኮ ማላታ ኖን ቱስ” አመን ሆሳተን።\x - \xo 16፡1 \xo*\xt ማቶ. 12፡8፤ ሉቃ. 11፡16።\xt*\x*
\p
\v 2 ኡሱና አባበረ፥ “ሄመን ‘ዳሩር ሄላ ጎሌቶ ጫምናራ’ አማታን። 
\v 3 ባባርንሳ ‘ዳሩር ጋምባላ ሌተ እስላተታ፥ ሃንሱን ኢዳሞ ኡባይናራ’ አማታን፥ ታዳሩረ ምዲ ማላቢን ዳንዳታን፥ አየሱን ጎአመን ጌስኮክ ማላታ አዴስን ላኮዳንዳታን።\f + \fr 16፡3\fr*\ft ኮኮ ታጋልባ ጹፍል ቶቶ 2ና 3 ካግሮ ካየሱሳ አየስ ላኮአዳራን። \ft*\f* 
\v 4 ታሜላና ታሻርሙጣታ አላታን ማላታ ዶታታ፥ አየሱን ጎአመን ካዮናሳ ማላታ ኳሬ ካካለ ማላታ ላኮስሳማሮ” ኤሰኮ የሱሳ እሶ ኢሰ ሴተ።\x - \xo 16፡4 \xo*\xt ማቶ. 12፡39፤ ሉቃ. 11፡29።\xt*\x*
\s1 ካፋራሳውልና ካሶዶቃውል አጋልስስ ካሜላን
\r (ማቶ. 16፡5-12፤ ማር. 8፡14-21)
\p
\v 5 የሱሳኮ ኦአጋልሳታረን በከኮ ጋማ ካኮናቃሬን ጎራታ ባቦ አባታኖ ኢሎተሬን። 
\v 6 የሱሳና፥ “እስኦራዬን” “ታፋራሳውልና ታሶዶቃውልኮት ሜላነኮ እስኦትስን ኦራዬን” አመ።\x - \xo 16፡6 \xo*\xt ሉቃ. 12፡1።\xt*\x*
\p
\v 7 እሶና እስእስኦሮ፥ “ኖ ባቦ ሀአባኖኒ ማንኮግኖ ማራን ሌራ” አመን።
\p
\v 8 የሱሳና ቆፋትሶ አዴሰረ፥ “እስን አማኖ ኦኮንሀንቃተራ! እስን እስእስኦሮ ባቦ አባታናዋት ሙን አዬሳታን? 
\v 9 ባቦ ብጠ ከኖ ኩማ ከን እባዶን ሌጉረ ዱጉድ ምያ ፋላይተ ካኬሰታን ላኮሻዳታንያ?\x - \xo 16፡9 \xo*\xt ማቶ. 14፡17-21።\xt*\x* 
\v 10 ኡሱማለና ባቦ ብጠ ቶዶባ ኩማ አፋር እባዶን ሌጉረ ካፋላየሮ ዱጉድ ምያ ሆረኮ ኬሰታን ዎዳናይ ላኮአባተታን አማኖያ?\x - \xo 16፡10 \xo*\xt ማቶ. 15፡34-38።\xt*\x* 
\v 11 ሀያ አን እስኑን ካሰጌራ ጋራ ካባቦ ላናዋት ምሲ ሻዳናዋታን? ግዳና ታፋራሳውልኮና ታሶዶቃውል መላነኮ እስኦራዬን።” 
\v 12 ኡሱ እሶነ እስኦራዬን ካኮንአመራ ካሚ ታክባማቶ ኢርሾ አንሌኖን ግራን፤ ፋራሳውልኮክና ሶዶቃውልኮክ አጋልስስኮ እስኦራዬን ካአማሮ ላኖ እሶን አዴሳመ።
\s1 ጴጢሮሳ ጋራ ካየሱሳ ክርስቶሳ አዬሳኖ
\r (ማር. 8፡27-30፤ ሉቃ. 9፡18-21)
\p
\v 13 የሱሳ ኡል ካፍልጲስዮሳ ቅሳርያ ካአማማሮ ኡል ካኮግያረ ጎራታ ኡሱኮ ኦአጋልሳታረነ፥ “እባዶ ኤረ ካእባዶ አዮያ አማራን?” አመ ሆሳተ።
\p
\v 14 እሶና፥ “ኮኮ ካጣማቃሮ ያንሳያ፥ ካካለ አደ ኤላሳያ፥ ኩክና አደ ኤርማሳያ፥ ጎርቱን ካሄገሮልኮ ኮያ” አማራን አመን።\x - \xo 16፡14 \xo*\xt ማቶ. 14፡1-2፤ ማር. 6፡14-15፤ ሉቃ. 9፡7-8።\xt*\x*
\p
\v 15 የሱሳና፥ “እስን አዴን እን አዮያ አማታን?” አመ።
\p
\v 16 ስሞና ካአማማራ ጴጢሮሳና፥ “አት አርዶክ ኤረ ካዋ ክርስቶሳታ” አመ አባበ።
\p
\v 17 የሱሳና ሃ አመ “ኤረ ካዮና ስሞና! አት ካሶማሳንተታ፥ ሂካ ኩን ካቱሰራ ዳሩሪ ካግሮ ኣቦኬ ኳሬ እባዶ ላኮዮ። 
\v 18 አት ጰጢሮሳታ፥ ሂካ ኤኤሞ ጉት አማኒል ካኮኩኩአምሮ ምን አን ማዳርናራ፥ ታባኖን ኤሌንኮክ ሁናና ኡሱ ምን ላኮአዎድሮ። 
\v 19 ዎኖናት ካዳሩረ ካኮባናራን ቁልፍ አን ኩን ስስናራ፤ አት ኡል ካሺተ ዳሩሪ ካሽያመ ልናራ፤ አት ኡሊ ካፉርተና ዳሩሪ ካፉራመ ልናራ።”\x - \xo 16፡19 \xo*\xt ማቶ. 18፡18፤ ያን. 20፡23።\xt*\x* 
\v 20 ኤሰኮ አባባተረ ኡሱ ክርስቶሳ ላኖኬሳ ማዮና ጎጎአዬሶንኮ ኡሱኮ ኦአጋልሳታሬኑን አታይሰ ሰገ።
\s1 የሱሳ ጎዋኖና ጎይኮ ክያኖኮክ ጋራ አዬሰ
\r (ማር. 8፡31-33፤ ሉቃ. 9፡22-27)
\p
\v 21 የሱሳ ሀሱ ጎራታኮ ሀጋአበጉረ “ኢየሩሳለም ቶስ ሴይጉረ ኤሴና ገነ ታጃርሶለይ፥ ቱቃሞልኮክ ዎይቻልና ሴራ ካሙሴ ኦአጋልስሳራንኮት ገነይ ራኮ አታይረ ካጎይናሮና አሪ ታሴድ ጎይኮ ክያኖ” ካዶትሳሮ ላኖ ኡሱኮ ኦአጋልሳታሬኑን ሰጋኖ ሀጋአበ።
\p
\v 22 ጴጢሮሳና የሱሳ ካለ ኣተ ቤጉረ፤ “ጎታ! ሂካ ኣንክክ አየስ ኢጂ ኩ አሮጌኖ” አማ ሀዲሳኖ ሀጋአበ።
\p
\v 23 የሱሳና ጴጢሮሳ ቶስ ካምባል አመረ፥ “አት ጻላየ ሂታኮ ቡይ! ቆፋ ታእባዶ ኳሬ ቆፋ ታዋ አዴስን ማንኮዳንዴኖን ማራን አት ኢን ሀንዱዱፎ ላታ አመ።”
\p
\v 24 ኤሰኮና የሱሳ ኡሱኮ ኦአጋልሳታረነ፥ “እን ዴበ ሰሰዪን ካጌላታራ እስኦቴሳ ሀካካቶ፥ ራኮዉና ጎይን እስኦቴሳ ሮርሳይ ስሳይረ እን ዴበ ሀሰሴቶ አመ።\x - \xo 16፡24 \xo*\xt ማቶ. 10፡38፤ ሉቃ. 14፡27።\xt*\x* 
\v 25 ኔፎቴሳ ሃሳይን ካዶታታራ ዱባ ባሳታራ፥ አየሱን ጎአመን ኔፎቴሳ እን ማራን ካባሳታራ ዱባ ሄላታራ።\x - \xo 16፡25 \xo*\xt ማቶ. 10፡39፤ ሉቃ. 17፡33፤ ያን. 12፡25።\xt*\x* 
\v 26 እባዶ አላም ዱባኮ ዎረኤ ጎሄላተ፥ ኔፎ ጎአመን ጎዋተ መ ላኦ ሄላታራ? ጎርቱን ኔፎኮት ባንኤ መ ሙራ ሄላይናራ? 
\v 27 ኤረ ካእባዶ ኣቦኬሳኮት ካባጃይ ኤርግቻነ ዎታ ኤመይናራ፤ እባዶን መተመተይ ፈሎኦቴሳክ ማለ ሙራ ሙርናራ።\x - \xo 16፡27 \xo*\xt ማቶ. 25፡31፤ ማዛ. 62፡12፤ ሮመ 2፡6።\xt*\x* 
\v 28 አን ሩምና አማራ፤ ህታኒ ካግሮ እባዶኮ ኤረ ካእባዶ ዎኖ ሌ ኤመታ ግራን ታ ዴሮን ካጎኖን እባዶ ግራ።” አመ።
\c 17
\s1 የሱሳኮት ምዲ ኢግልሳማኖ
\r (ማር. 9፡2-13፤ ሉቃ. 9፡28-36)
\p
\v 1 አሪ ሌኮ አባባተረ የሱሳ ጰጢሮሳኔ፥ ያይቆባነ፥ ኡሱማሌ ካያይቆባ አቢ ያንሳኔ ዎዳም ቶ ታንጂንት ጦቂ ታአንተ ቶስ ካለ ኣተ ቤ።\x - \xo 17፡1 \xo*\xt 2 ጴጢ. 1፡17።\xt*\x* 
\v 2 ኤሰ እሶ ሆረ ምዲቴሳና ኢግልሳንተ፥ ሆረቴሳ አርት ኣን ሀንቃይተ፥ ሳርስኬሳና ኢፋ ኣን ዎላ አመ ሀንቃየ። 
\v 3 ኤሰኮና ሙሴና ኤላሳና የሱሳነ ዎታ አዬሳ ግራን ሙተን።
\p
\v 4 ጴጢሮሳና የሱሳነ፥ “ጎታ! ኖ ህታኒ ግርነዋ ኖዬን ካእዳንያ፤ ፈኢታ ጎሌተ ዳሰ ቶ ኩዬን፥ ቶ ሙሴን፥ ቶ ኤላሳን ዳሰ ሴድ አን ማዳሮ” አመ።
\p
\v 5 ኡሱና አዬሳ ግራን ካሀንቃራ ዱማንቻ ካጉማር እሶ ሆጎግሰረ ዱማንቻይ ኦሮ፥ “አን ኡሱይ ካኮገገላይናራና አን ካጌላታራ ኤረክ ሂካያ፥ ኡሱና ማላ” ታአማታ ያየ ማልሳንተ።\x - \xo 17፡5 \xo*\xt መጣ 22፡2፤ አዳ. 18፡15፤ ማዛ. 2፡7፤ ኢሳ. 42፡1፤ ማቶ. 3፡17፤ 12፡8፤ ማር. 1፡11፤ ሉቃ. 3፡22።\xt*\x*
\p
\v 6 ኡሱኮ ኦአጋልሳታረና ሂካ ካኮማላረን ጎራታ ኔንጉረን ሆረሆረ ኡል እዬን። 
\v 7 የሱሳና እሶ ቶስ ጋባላመረ ድንድነጉረ፥ “ክያ፥ አሮአብሳቴን” አመ። 
\v 8 እሶ ጦቂ አም ጎዴራን የሱሳ ኳሬ ካካለ ማዮና ላኮዴራን።
\p
\v 9 ዎዳም ጉኮ ዳጋግራን የሱሳ፥ “ኤረ ካእባዶ ጎይኮ ታኬሮ ጊን ካዴተታን ማዮና አሮአዬሴን” አመ አጃጄ።
\p
\v 10 ኡሱኮ ኦአጋልሳታረና፥ “ሀያ ሴራ ካሙሴ ኦአጋልስሳራን ኤላሳ ጣይ ኤመታኖ ዶትሳራ ካኮአማራን ሙንያ?” አመን የሱሳ ሆሳተን።\x - \xo 17፡10 \xo*\xt ሚል. 4፡5።\xt*\x*
\p
\v 11 ኡሱና እሶን አባበረ፥ “ኦግራን ኤላሳ ኤሜይጉረ ካአመን ዱባና ጋቾኤካስራ፤ 
\v 12 አየሱን ጎአመን አን ሃ አማራ፥ ኤላሳ ጣየ ኤመተራ፥ ጎሌና ካዶታተራን አየስ ፈላቴራን ኳሬ ላኮአዴሴራን፤ ኡሱማለና ኤረ ካእባዶ ገነትሶይ ራኮ አታይናራ።”\x - \xo 17፡12 \xo*\xt ማቶ. 11፡14።\xt*\x* 
\v 13 ሀሱ ጎራታ የሱሳኮ ኦአጋልሳታረን ኡሱ ካአዬሰራ አየስ ካጣማቃሮ ያንሳኮክ ጋራ ላኖ አዴሰን።
\s1 የሱሳ ካጋጋዱ ሀዉኣም ካሀዉአማረ ኡኑ ፋይሰ
\r (ማቶ. 17፡14-23፤ ማር. 9፡14-29፤ ሉቃ. 9፡37-43)
\p
\v 14 የሱሳና ሴዶ ኡሱኮ ኦአጋልሳታረን ጎሳ ቶስ ካኮአባባቴረን ጎራታ እባዶት ኮ የሱሳ ቶስ ጋባላመ ሆረ ግልቢሰረ ሃ አመ፤ 
\v 15 “ጎታ! ማጋኔ ኡኑኬዉን ነኔኤይሳ፥” ኡሱ “ካጋጋዱ ሀዉኣሚ አቦሳራ፥ ጋማ ካሆር ኤለን ኦሮዴ ኢያና በከ ኦሮዴ ታባራ። 
\v 16 ኩኮ ኦአጋልሳታራን ቶንሳ አን ኬነራ አየሱን ጎአመን እሶ ፋይስን ላኮዳንዴራን።”
\p
\v 17 የሱሳና፥ “እስን ኦአማኖና ታዎጫጫንተ አላታን አን ሀጌ ታጌሮን እስኔ ዎታ ግርናራ? ሀጌ ታ ጌሮን ኦብስናራ? ኡኑ ሂታራ እን ቶስ ኬና” አመ። 
\v 18 ኤሰኮና የሱሳ ባቲክ አያና ሀድሰጉረ ቤሰ። ኡኑና ሀሱ ጎራታኮ ሀጋአበረ ፋዬ።
\p
\v 19 ኡሱኮ ኦአጋልሳታረን ካለ ቤን የሱሳ ቶስ ጋባላመንጉረን፥ “ኖ ባቲክ አያና ኡኑኮ ቤስን ካኮዋኔና መዉንያ?” አመን ሆሳተን።
\p
\v 20 የሱሳና፥ “አማኖክስን ማንኮሀንቃተሮ ማራንያ። አን ሩምና አማራ፥ ታስናፍጭ ኢል ግታክ አማኖ እስኑን ግረዋ፥ ህታ ዎዳም፥ ‘ሂታኮ ክንጉዴ ቶላዴ ሴ!’ ጎአንቴን ሴታተዋ፥ እስኑን ካሌኖን ኮኮ ላኮግሮ።\x - \xo 17፡20 \xo*\xt ማቶ. 21፡21፤ ማቶ. 11፡23፤ 1 ቆሮ. 13፡2።\xt*\x* [
\v 21 ሂካ ኣንክክ ጎአመን ኤብና ካአጋቡይ ጎሌ ኳሬ ላኮቤሮ] አመ።”\f + \fr 17፡21 \fr*\ft ኮኮ ታጋልባ ጹፊል ቶቶ 21 አዳራን፤ ሃፉራና ማር። 9፡28 ካግሮ ኣን ላራ። \ft*\f*
\s1 የሱሳ ጎይኬሳና ጎይኮ ክያኖኬሳኮክ ጋራ ካላም አዬሰ
\p
\v 22 ኡል ካጋሊላይ ኡሱኮ ኦአጋልሳታራን ኩኩሜን ግራን የሱሳ እሶነ ሃ አመ፥ “ኤረ ካእባዶ ገነ ታእባዶይ ሮር ስሳምናራ፤ 
\v 23 ላጋድናራን፥ ኡሱና ታሴድ አሪ ጎይኮ ኪናራ” ኡሱኮ ኦአጋልሳታረና ኣሎ ጋዴን።
\s1 ቁሉክ ምን ዋ ማራን ጊራ ሙራኖ
\r (ብያ. 30፡13፤ ማቶ. 22፡17-21፤ ሮመ 13፡7፤ ያን. 6፡61)
\p
\v 24 የሱሳና ኡሱኮ ኦአጋልሳታረን ቅፍረናሆም ቶስ ካኮግያረን ጎራታ ቁሉክ ምን ካዋኮክ ጊራ ኦአባባሬን ጴጢሮሳ ቶስ ጋባላመንጉረን፥ “ካአጋልስሳራክስን ቁሉክ ምን ካዋኮክ ጊራ ላኮሙራሮያ?” አመን።\x - \xo 17፡24 \xo*\xt ብያ. 30፡13፤ 38፡26።\xt*\x*
\p
\v 25 ጴጢሮሳና፥ “እ ሙራራ” አመ። ጴጢሮሳ ምን ኦሮዴ ጎጎታቤይ፥ የሱሳ ሆራርጀ፥ “ስሞና! ካኡሌ ዎኖጆልኮክ ጊራ ጎርቱን ቃራጣ ካኮአትናራን ካኡሌ እባዶኮያ ሙ ካካለኮ ኣን ላራ?” አመ።
\p
\v 26 ጴጢሮሳና፥ “ካካለኮያ ካኮአታማራ” አመ። የሱሳና፥ “ጎርታኑን ይሳስክስን ታጊራ ሙራኮ ሄሰራ።
\p
\v 27 “ጎሌና ኖ እሶን ሀንዱዱፎ ጎጎሌኖንኮ ላቡ ቶስ ዳግጉደ ማንጣቆ ሉጉዳ፥ ሆራርጀ ካአባቶ ኩኑኡብ ኣትጉደ ህኢ ጎጎባንተይ ማራጋደ ሄልናታ፥ ሀሱ ኣትጉደ እን ማራንትኑና መገካ ማራን ሙር” አመ።
\c 18
\s1 ዎኖናት ካዳሩረይ ዱባንኮ ካሮራራ አዮያ?
\r (ማር. 9፡33-37፤ ሉቃ. 9፡46-48)
\p
\v 1 ሀሱ ጎራታ የሱሳኮ ኦአጋልሳታረን የሱሳ ቶስ ጋባላመንጉረን፥ “ዎኖናት ካዳሩረይ ዱባንኮ ካሮራራ አዮያ?” አመን ሆሳተን።\x - \xo 18፡1 \xo*\xt ሉቃ. 22፡24።\xt*\x*
\p
\v 2 የሱሳና ይትት ኮ ኡመጉረ እሶ ጠኤ ኣልሰረ፥ 
\v 3 “አን ሩምና አማራ፤ ጎኢግልሳሞና ይሳስ አን ጎሌኖን ዎኖናት ካዳሩረ ቶስ ሱረ ላኮታብታን።\x - \xo 18፡3 \xo*\xt ሉቃ. 22፡24።\xt*\x* 
\v 4 ሃንሱን ዎኖናት ካዳሩረይ ዱባንኮ ካሮራራ ሂካ ይትት ኣን እስኦቴሳ ካሁስሳታሮያ።
\p
\v 5 “ሂካማሌክ ይትት መገኬይ ካአታታራ እና አታተራ።”
\s1 እባዶን ሀንዱዱፎ ላናኮ እስኦራታኖ
\r (ማር. 9፡42-48፤ ሉቃ. 17፡1-2)
\p
\v 6 አየሱን ጎአመን እዬ ኦአማናራን ሂናኣ ኦትድጫርኮ ኮ ጩቦ ኦርዴሰ ካታብሳራ ካንጂንክ ኤኤሞ ካሪሜ ማርግቴሳ ሽያምጉረ በከ ባድ ጠኤ ሻፋም ልች ጎአመ ኢዳረ።
\p
\v 7 “ሂክ አላም ጩቦን ኣላንቲ ማንኮሌሮ ማራን ኣኔ ኡሱን! ጩቦ ኦርዴሰ ካታብሳራ ኤመታኖ ላኮሄስሮ፤ አየሱን ጎአመን ጩቦን ኣላንቲ ካላሮ እባዶን ኣኔ! 
\v 8 ገነታ ጎርቱን ሉክታ ኩን ጩቦን ኣላንቲ ጎሌተ ጎስ ሻፍ። ገነ ላማ ጎርቱን ሉቃ. ላማ ኩን ግርጉረን ጅሩ ጅሮማን ታባኖን ታጋነም ኤለን ቶስ ሻፋማናኮ ካኤሳቶ ጎርቱን ናፋለሳ ሊጉደ ጅሩ ጅሮማክ ግር ቶስ ታባኖ ካእዳንክያ።\x - \xo 18፡8 \xo*\xt ማቶ. 5፡30።\xt*\x* 
\v 9 ኡሱማሌ ኢልታ ጩቦን ኣላንቲ ጎሌተ ቤስ ሻፍ፥ ኢልኦ ላማ ኩን ግርጉረን ታጋነም ኤለን ቶስ ካሻፋማቶኮ ኢል ቶ ኩን ግርደ ጅሩ ጅሮማክ ግር ቶስ ታባኖ ካእዳንክያ።”\x - \xo 18፡9 \xo*\xt ማቶ. 5፡29።\xt*\x*
\p
\v 10 ዳሩሪ ካግራ ኤርግቻልክሶ አርጌቶ ዳሩሪ ካግሮ ኣቦኬ ሆረ ማንኮግራን ሂናኣ ክጪጫኮ ኮና ጎጎቱፋኖንኮ እስኦራዬን። [
\v 11 ኤረ ካእባዶ ኦባዬራን ሃስን ኤመተራ።]\f + \fr 18፡11 \fr*\ft ቶቶ ታጋልባ ጹፍል ቶቶ 11 አዳራን፤ ሃፉራና ሉቃ. 10 ካግሮ ኣን ላራ። \ft*\f*\x - \xo 18፡11 \xo*\xt ሉቃ. 19፡10።\xt*\x*
\s1 ካባየሮ ኢዳዶኮክ ማሱሳ
\r (ሉቃ. 15፡3-7)
\p
\v 12 የሱሳና አደ፥ “አላ ኢን ሰጋ፤ እባዶት ኮ እዳድ ቦል ካአቦ ጎሌ፥ እሶ ኦሮኮ ኮ ጎባየ ሳጋልታምኮ ሳጋሊ ዎዳሚ ጉት ኢሰጉረ ካባየሮ ኮ ዶታዪን ላኮሴታሮያ? 
\v 13 አን ሩምና አማራ፥ ካባየሮ ኢዳዶ ጎሄላሮ ኦግራን ሳጋልታምኮ ሳጋሊ እዳድኮ ሱረ ሀሱ ካሄላመሮን ገጌላታራ። 
\v 14 ኡሱማለና ሂካ ክጪጫር ኦሮኮ ኮ ጎጎባሮን ዳሩሪ ካግሮ ኣቦክስንት ፈኢ ላኮቶ።
\s1 እስኦሮ ቁቃማኖኮክ ጋራ
\r (ሉቃ. 17፡3)
\p
\v 15 “አቢካ ኩ ሚርኢ ጎግረ ሴጉዴ ኡሱነ ዎታ ላማ ላዴን ባስኬሳ ሰጊ፥ ኩ ጎማለ አባባተደ አቢካ የላታ።\x - \xo 18፡15 \xo*\xt ሉቃ. 17፡3።\xt*\x* 
\v 16 ማላና ጎዋተ አደ እባዶ ላማ ጎርቱን ሴድ ካአቶቴራ አየስ ዱባ ማንኮአታታሮ ማራን እባዶ ኮ ጎርቱን ላማ አት ሴጉዴ ጋፋችስ።\x - \xo 18፡16 \xo*\xt አዳ. 19፡15።\xt*\x* 
\v 17 እሶና ማላና ጎዋተ ምን ካዋክ እባዶን ሰጊ፥ ምን ካዋክ እባዶ ካማሎን ጎሌ አይዛብ አንና ቃራጣ ካኩኩይሳሮ ኣን ቶቲ።
\p
\v 18 “አን ሩምና አማራ፥ እስን ኡል ካሺተን ዱባ ዳሩሪ ካሽያመ ላራ፥ እስን ኡል ካፉርቴን ዱባ ዳሩርና ካፉራመ ላራ።\x - \xo 18፡18 \xo*\xt ማቶ. 16፡19፤ ያን. 20፡23።\xt*\x*
\p
\v 19 “አደና አን ሩምና አማራ፥ ኡል ጉት ላማ ሊዴን ማምስክ አዬንሳ ዎታ እስኣት ዋ ጎኤባቴን ዳሩሪ ካግራ ኣቦክ ማልረ እሶን ፈሎዋ። 
\v 20 ላማ ጎርቱን ሴድ ሊጉሬን መገኬይ ታኮኩኩአማራን ባንኤይ አን እሶ ኦሮ ሙትናራ።”
\s1 ሀሄሶ አማኖኮክ ጋራ
\p
\v 21 ሀሱ ጎራታ ጴጢሮሳ የሱሳ ቶስ ጋባላመረ “ጎታ! አቢክ እን ጎሚረኤ ምያ ጋል ኡሱን ሀሄሶ አምራ? ታ ቶዶባ ጌሮይያ?” አመ ሆሳተ።\x - \xo 18፡21 \xo*\xt ሉቃ. 17፡3-4።\xt*\x*
\p
\v 22 የሱሳና፥ “ቶዶባታም ጋል ቶዶባ ኳሬ ቶዶባ ጋል ካላል አን ላኮአማሮ” አመ።\x - \xo 18፡22 \xo*\xt መጣ 4፡24።\xt*\x*
\p
\v 23 “ሃንሱን ዎኖናት ካዳሩረ ኡሱን ኦሀንዳራንኮት ገነ ካግሮ ማራጋደ ቶት ድን ካዶታታሮ ዎኖ ኣን ላራ። 
\v 24 ዎኖና ማራጋደኬሳ ቶታይን ካኮሀጋአባረ ጎራታ ኩማ ካሞጋኒ ካቶታምሮ ማራጋደ አንዛ ካአቦ እባዶት ኮ ኡሱ ቶስ ኣተን ኤመተን። 
\v 25 ሂክ ካሀንዳረክና አንዛ ሙርን ማንኮዋተሮ ማራን ኡሱኔ፥ ኦርቴሳነ፥ ይስኬሳነ፥ ኡራዎኦቴሳነ ዱባ ዳዳላም አንዛ ጎጎሙራንቶ ጎታ አጃጄ።
\p
\v 26 “ሀሱ ጎራታ ካሀንዳረክና ጎታከሳኮት ሉኪ ኢየጉረ ኦብሲ፤ ታአቦ አንዛ ዱባ ጋቾ ኩን አን ሙራ አመ ኤባተ። 
\v 27 ጎታኬሳና ነኔኤይሳተጉረ ኡሱ ጋፋረ፥ አንዛተሳና ኢሳገ።
\p
\v 28 “ሀሱ ካሀንዳረክና ጎታ ሆረኮ ጎጎቤይ ማራጋደኬሳ ጣጋራ ካአቦ አንዛ ካአባናየ ኡሱነ ዎታ ካፈላረ ኡናቴሳ ካሌራ እባዶት ኮ ሄለጉረ ጩልኤ አበረ ታአብቶ አንዛ ህታኒ ኢን ሙር!” አመ።\f + \fr 18፡28 \fr*\fqa ዲናር፤ \fqa*\ft ፈሎ ካፈላሮ እባዶት ኮኮክ አሪ ቶዉን ካሙራማሮ ዳሞዛያ። \ft*\f*
\p
\v 29 “ሀሱ ሳትኬሳና ኡሱ ሆረ ኢየጉረ፥ ‘ማጋኔ ኦብስ አን ኩን ሙሮዋ’ አመ ኤባተ።
\p
\v 30 “አየሱን ጎአመን ታአቦ አንዛ ኡሱ ሙር ታጉድስሮይ ኦብሳና ዋተረ ምን ካሻኖ ኡሱ ታብሰ። 
\v 31 ካሌሮ አየስ ካዴራ ካካለ ካፈሎ እባዶና ነኔኤይሳተ፥ ካሌሮ ዱባና ሰተንጉረን ጎታክሶዉን ሰገን።
\p
\v 32 “ኡሱ ጎራታ ጎታና ሀሱ ካሀንዳሮ ኡምስሰጉረ ሃ አመ፥ ‘አት ካሜላን ካሀንዳታ!’ ‘አት እን ማንኮኤባተተ ማራን ሀሴ አንዛ ዱባ አን ኩን ኢሰረ፤ 
\v 33 አን ኩን ጎጎኢሰሮ አትና ካጌላታቶካዉን ነኔኤይሳይን ላኮዶትሳረየ?’ 
\v 34 እኦተረ ታአቦ አንዛ ዱባ ሙር ታጉድስሮን ካሻሮና ካሙርሳሮን ሮርሰ ኡሱ ስሰ።
\p
\v 35 “ሃንሱን እስን መተመቴ አቢላልትስኑን ዎዳናኮ ሀሄሶ ጎአሞን ካዳሩረ ኣቦክስን እስና ሂካማሌ የልናራ።”
\c 19
\s1 ከልክ አም ቤሳኖኮት ሆስን
\r (ማር. 10፡1-12)
\p
\v 1 የሱሳ ሂካ አዬሰ ጉድሰጉረ ኡል ካጋሊላኮ ኬጉረ ላጋ ካዮርዳኖስኮ ጋማ ካግሮ ኡል ካይሁዳ ሴተ። 
\v 2 ጎሳ ካሞጋና ኡሱ ዴበ ሰሴተ፥ ኤሴና እሶ ፋይሰ።
\p
\v 3 ፋራሳዊልና የሱሳ ጫፍን ዶተን ኡሱ ቶስ ጋባላመንረን፥ “እባዶት ኮ ማምስት ኣላንቲና ኦርቴሳ ከልክ አም ቤስን ፈኢ ስሳንተታ?” አመን ሆሳተን።
\p
\v 4 የሱሳና እሶን አባበረ፥ “እሶ ካመጠራ ዋ ሆራርጀ ባባርና ሄለል የለ ካመጠሮ ላኮናባብቴታንያ?\x - \xo 19፡4 \xo*\xt መጣ 1፡27፤ 5፡2።\xt*\x* 
\v 5 ሃንሱን፥ ‘እባዶ ኣቦኬሳና ኣየቴሳ ኢሰጉረ ኦርቴሳነ ዎታ ቁራናማራ፥ እሶ ላማና ማር ኮ ላራን ካአማመራ ላ ሂካኮት ኣላንቲዮላ’?\x - \xo 19፡5 \xo*\xt መጣ 2፡24።\xt*\x* 
\v 6 ጎርታኑ ማር ኮያን ኳሬ ላኮላማያን። ሃንሱን ዋ ካቁራኔሮ እባዶ ላኮፉሮ።”
\p
\v 7 ፋራሳዊልና፥ “ሀያ ሙሴ ባባርትት ኮ ኦርቴሳ ከልክ አማኖን ካሌሮ ዎራቃታ ስስ ኦርቴሳ ጎጎጋፋሮን ‘ሙን አጃጄ?’ አመን።”\x - \xo 19፡7 \xo*\xt አዳ. 24፡1-4፤ ማቶ. 5፡31።\xt*\x*
\p
\v 8 የሱሳና፥ “ሙሴ ዎዳናትስንኮክ አታን ዴጉረ ኦርጆልክስን ከልክ ጎጎአንታኑን ፈኢ ስሰራ ኳሬ ጣየ ላኮሃየ። 
\v 9 አን ጎአመን ሃ አማራ፥ ኤንተርክሰ ግራን ካካለኔ ዎታ ሻርሙጣ ጎሙተ ኳሬ ኦርቴሳ ከልክ አመ ጋፋረጉረ ታካለ ሄለልትቲ ኦር ካየላታራ ዱባ ካሻርሙጣሮያ” አመ።\x - \xo 19፡9 \xo*\xt ማቶ. 5፡32፤ 1 ቆሮ. 7፡10-11።\xt*\x*
\p
\v 10 የሱሳኮ ኦአጋልሳታረና፤ “ታኤንተሬና ታኦሪ ሃጃ ሂካማሌ ጎሌተ ኦር አታታኖ ኢሳጋኖ ሆረክ” አመን።
\p
\v 11 የሱሳ ጎአመን፥ “ሂክ ዋኮ ካስሳመ ጎሌ ኳሬ ሂካ አየስ ማዮና አታይን ላኮዳንዳሮ። 
\v 12 ኣላንቲና ኮኮ አላታ ሳንጎመ ካአላታራ ግራ፥ ካካለ ገነ ታእባዶቲ ጎሳመ ካሳንግሳማራ ግራ፥ አደና ዎኖናት ካዳሩረዉን አመንጉረን ኦር ሀአታኖን ኦግራን ግራን፥ ሂካ አታይን ካዶታታራ ሀአታቶ” አመ።
\s1 የሱሳ ይሳስ ሶማሳተ
\r (ማር. 10፡13-16፤ ሉቃ. 18፡15-17)
\p
\v 13 ኤሰኮና ገነቴሳ እሶ ጉት ካይጉረ ጎጎኤባሮን እባዶ ይሳስ የሱሳ ቶስ ኬን፤ ኡሱኮ ኦአጋልሳታረና አደን ይሳስ ካኬናሮ እባዶ ሀድሴን።
\p
\v 14 የሱሳና፥ “ኢሳ ይስ እን ቶስ ሀኤመቶ አሮትርቴን፥ ዎኖናት ካዳሩረ እሶ ኣንክክንያ።” 
\v 15 ገነተሳና እሶ ጉት ካየ አባባተረ ኤሰ ባንኤኮ ኬጉረ ሴተ።
\s1 ዱረሳክ እባዶትኮት ሆስን
\r (ማር. 10፡17-31፤ ሉቃ. 18፡18-30)
\p
\v 16 ኤሰኮና እባዶት ኮ የሱሳ ቶስ ኤመተጉረ፥ “ካአጋልስሳቶ! ጅሩ ጅሮማክ ግር ሄላይን መ ካእዳንክ አየስ ፈላ?” አመ ሆሳተ።
\p
\v 17 የሱሳና፥ “ካእዳን አዬስኮክ ጋራ እን ሙን ሆሳታ? ካእዳንክ ካሌራ አየስ ኮ ካላልያ፥ ጅሩ ጅሮማክ ግር ቶስ ታብን ጎዶታተ አድ አጃጃኬ ኦራ፥” አመ።
\p
\v 18 ዎዳላትና፥ “ኤክ አጃጃ?” ሃ አመ ሆሳተ። የሱሳና፥ “አሮላጋደ፥ አሮሻርሙጢተ፥ አሮሄቴ፥ ጣራ አሮአቶቲተ፥ አመ።\x - \xo 19፡18 \xo*\xt ብያ. 20፡13-16።\xt*\x* 
\v 19 ኣቦካና ኣየታ ካባጂና፥ ኦላታና እስኦታ ኣን ጌላ” አመ።\x - \xo 19፡19 \xo*\xt ብያ. 20፡12፤ አዳ. 5፡16፤ ዎዩ. 19፡18።\xt*\x*
\p
\v 20 ዎዳላትና፥ “ሂካ ዱባ ኦራዬራ፥” ሂካኮ ካካለ “ካሀንቃተራ መያ ካግራ?” አመ።
\p
\v 21 የሱሳና፥ “ቁሉ ሊን ጎዶታተ ሴጉዴ ኦአብቶ ኡራዎኦታ ዱባ ዳዳልደ ማራጋደ ህየሳን ስስ፤ ዳሩሪ ኡራዎ ሄላይናታ። ኤሰኮና ኤሜጉደ እን ዴበ ሰሴ” አመ።
\p
\v 22 ሂክ ዎዳላት ሂካ ካኮማላረ ጎራታ ኡራዎ ኦሞጋን ማንኮአቦ ማራን ያዳ ኢሰ ሴተ።
\p
\v 23 የሱሳና ኡሱኮ ኦአጋልሳታረነ፥ “አን ሩምና አማራ፤ ዱረሳ ዎኖናት ካዳሩረ ቶስ ታባኖ ኣሎ ቃራያ። 
\v 24 አደና አን አማራ፥ ዱረሳ ዎኖናት ካዳሩረ ታባኖኮ ጋላ ቡቶ ካማርፍ ታባኖያ ኤነ ካሌራ” አመ።
\p
\v 25 የሱሳኮ ኦአጋልሳታረን ሂካ ማለንጉረን ኣሎ ማማ፥ “ሀያ አዮያ ፋይን ካዳንዴራ?” አመን ሆሳተን።
\p
\v 26 የሱሳና እሶ ቶስ ዲያ፥ “ሂክ እባዶ ዶሌ ላኮዳንዳምሮ፥ ዋይ ዶሌ ጎአመን አየስ ዱባ ዳንዳማራ አመ።”
\p
\v 27 ጴጢሮሳና አባበረ፥ “ኖ ካመን ዱባ ኢንሰጉነ ኩ ዴበ ሰሴታና፥ ሀያ ኖ መ ሄላይናና?” አመ።
\p
\v 28 የሱሳና፥ “አን ሩምና አማራ፤ ካኤሜይናሮ ካኡሱብ አላም ኤረ ካእባዶ ካካባጃ ኮርፍንጄ ጉት ካኮሀማጼ ጎራታ እን ዴበ ኦሰሰያታን እስና ቶሞንኮ ላማ ኮርፍንጄ ጉት ሀማጺጉዴን ቶሞንኮ ላማ ታእስራኤል ኣኒ ጉት ፍርድናታን።\x - \xo 19፡28 \xo*\xt ማቶ. 25፡31፤ ሉቃ. 22፡30።\xt*\x* 
\v 29 መገኬ ማራን አምረ ምንጆል፥ ጎርቱን አቢላል፥ ጎርቱን አባላል፥ ጎርቱን ኣቦ፥ ጎርቱን ኣዬ፥ ጎርቱን ይስ፥ ጎርቱን እራ ካኢሳራ ዱባ ቦልኮክ አምባ አታይናራ፥ ጅሩ ጅሮማክ ግርና ኤልናራን። 
\v 30 አየሱን ጎአመን ካሞጋን ካሆሬ ካሃረ ልናራን፤ ካሞጋን ካሃረና ካሆሬ ልናራን” አመ።
\c 20
\s1 ካዎይኒ እራ ኦፈላራንኮክ ማሱሳ
\p
\v 1 “ዎኖናት ካዳሩረ ዎይንኮት ባንኤ ካፈላሮ ካፈሎ እባዶን ፈሎ ስስን ባር ቡላነ ኬ ካቤሮ ካዎይኒ አካክልተኮክ ኦዶ ኣን ላራ። 
\v 2 ኡሱና ኦፈላራዉን አሪ ቶይ ጣጋራ ቶ ቶ ሙርን ኤካተጉረ ካፈሎ እባዶ ታዎይኒ ባንኤ ቶስ ታብሰ።\f + \fr 20፡2 \fr*\fqa ጣጋራ፦ \fqa*\ft ፈሎ ካፈላሮ እባዶትን አሪ ቶዉን ካሙራማሮ ዳሞዛያ። \ft*\f*
\p
\v 3 “ባርኮ ሳቲ ሴድና ቤጉረ ፈሎ ዋተን ታግያ ባንኤ ካአሌሮ ካካለ እባዶ ሄለጉረ፤ 
\v 4 እስና ‘ሰዬንጉዴን ካዎይኒ ኢራኬይ ፈሎ ፈላ፥ ታዶትሳቶ ሙራ እስኑን አን ጋቾሙራ’ አመ። 
\v 5 እሶና ሴተን፥
\p “አሪኮ ሳቲ ሌይና ሳቲ ሳጋሊ ኤመተረ ካካለ ፈላተ ካባራሮ እባዶን አማለኮኒዕ ፈሎ ስሰ። 
\v 6 ሜርት ሳቲ ቶሞንኮ ኮክ ጎራታ ቤጉረ አሌ ካግሮ ካካለ እባዶ ሄለጉረ ‘አሪ ዱዶ ፈሎ ካላይ ህታኒ ሙን አልቴታን?’ አመ ሆሳተ።
\p
\v 7 “ ‘እሶና፥ ኖን ፈሎ ካስስሮ እባዶ ማንኮዋኔኖ ማራንያ’ አመን።
\p “ኡሱና ‘እስና ሰዬንጉዴን ካዎይኒ ኢራኬይ ፈላ’ አመ።
\p
\v 8 “ኡል ሄመን ካኮላረ ጎራታ ካዎይኒ አካክልተኮክ ኦዶ ኡሱን ኦፈላራን ኦዶናቲ ካዴሮ እባዶትን ስሰጉረ፥ ‘ዳንበኔ ካኤሜተሮኮ ሀጋአብደ ሆራርጀ ካኤመተሮ ታ ጌሮ ካግሮ ካፈሎ እባዶ ዱባ ኡምጉደ ዳሞዛክሶ ሙር’ አመ።\x - \xo 20፡8 \xo*\xt ዎዩ. 19፡13፤ አዳ. 24፡15።\xt*\x*
\p
\v 9 “ሳቲ ቶሞንኮ ኮይ ፈሎን ኦታቤራን ኤመተንጉረን መተመቴ ጣጋራ ቶቶ አታቴን። 
\v 10 ሆራርጀ ፈሎን ኦታቤሬን ኤመተንጉረን ጣጋራ ኦንጂ ሙራ ኦሄላይናራን አን እሶን ሌረ፤ አየሱን ጎአመን እሶና መተመቴ ጣጋራ ቶቶ ሙራንተ። 
\v 11 ሙራ አታታግራን ካዎይኒ አካክልተኮክ ኦዶ ጉት ጉምጉመን። 
\v 12 ሂኒዕ ዳንበኔ ፈሎን ኦታቤረን ሳቲ ቶ ታላል ጎፈላን፤ አሪ ዱዶ ፈሎይ ሀራና አርቲ ጉባታ ኦሀይነኖ ኖኔ ዎታ ምሲ አማለኮይ ሙራታ? አመን ሆሳተን።
\p
\v 13 “ኡሱና ፈላተ ካባራሮ ኮኔ ሃ አመ፥ ‘ካጌላታሮኬ! አን ኩን ሚራኣ ላኮጌግሰሮ፤ ጣጋራ ቶይ ፈልን አት ኢነ ዎታ ላኮኤካተያ? 
\v 14 ኩ ካገያሮ አታጉደ ሴ፥ ኩን ካስሰሮ ግታክ ዳንበኔ ካኤመተሮ እባዶትና ስስን ዶትሳራ። 
\v 15 ሀያ ማራጋደኬይ ካጌላየ ፈላይን አን ላኮዳንዳሮያ? ጎርቱን አን ካእዳን ማንኮፈለሮ ማራን ምጌ ታሜላን ኩ አብተ?’
\p
\v 16 “ሃንሱን የሱሳ፥ ካሃረ ካሌራ ካሆሬ፥ ካሆሬና ካሃረ ልናራ አመ።”\x - \xo 20፡16 \xo*\xt ማቶ. 19፡30፤ ማር. 10፡31፤ ሉቃ. 13፡30።\xt*\x*
\s1 የሱሳ ጎይኬሳና ጎይኮ ከያኖኬሳ ካሴድ አዬሳኖ
\r (ማር. 10፡32-34፤ ሉቃ. 18፡31-34)
\p
\v 17 የሱሳ ኢየሩሳለም ቶስ ሴታ ግራን፥ ቶሞንኮ ላማ ኡሱኮ ኦአጋልሳታረን ካለ ኣተ ቤጉረ፥ 
\v 18 “ጎርታኑ ኖን ኢየሩሳለም ቶስ ብያኖያ፥ ኤረ ካእባዶ ቱቃሞልኮክ ዎይቻሉና ሴራ ካሙሴ ኦአጋልስሳራኑን ሮር ስሳምናራ፥ እሶና ኡሱ ጎጎ ጎሮን ፍርድናራን። 
\v 19 ጎጎቃጭፋራዉን፥ ጎጎቦጭራዉና ጎጎሱይራዉን አይዛብዉን ሮርስ ስስናራን፥ ኡሱና ታሴድ አሪ ጎይኮ ኪናራ” አመ።
\s1 ካጎታ ዎኖናት ኦሮ ጦቂ ታአንተ ባንኤ ሄላታኖኮክ ሆሲን
\r (ማር. 10፡35-45)
\p
\v 20 ኤሰኮና ይስ ካዛብዶሳኮት ኣዎ ይስክሴነ ዎታ የሱሳ ቶስ ኤመተዴ ሆረ ግልቢሰ ሳጋዳ አየስ ኮ ኡሱ ኤሰን ጎጎፈሎ ኤባተ።
\p
\v 21 የሱሳና ኤሰነ፥ “መ ዶታታ?” አመ። ኤሰና፤ “ሂካ ይስኬ ላማ ዎኖናትካይ ኮ መርገታይ፥ ኮ በተታይ ጎጎሀማጺራዉን ፈኢ ስስ” አንተ።
\p
\v 22 የሱሳና፥ “እስን ካኤባታን ላኮካሳን፥” “አን ታጣምናሮ ታራኮ ጡጋ እስን ጣምን ዳንዴታነ?” አመ ሆሳተ። እሶና “እእ ዳንዴኖዋ!” አመን።
\p
\v 23 ኡሱና፥ “ታራኮ ጡጋቴኮ ጎሌና ጣንታንዋ፥ አየሱን ጎአመን መርገቴይና በተቴይ ሀማጻኖ ጎአመን ኣቦክ ካኮንኤካሰሮንያ ኳሬ አን ፈኢ ካስሳሮ አየስ ላኮዮ” አመ።
\p
\v 24 የሱሳኮ ኦአጋልሳታረን ቶሞኖና ሂካ ካኮማላረን ጎራታ አቢላል ላማ ጉት አማራቴን። 
\v 25 የሱሳና እሶ ዱባ ኡመጉረ፥ “አይዛብኮክ ሞትጆል ጎሳክሶ ጉት ሞት ጎጎሌራዉን ኦዶናት ኦባሪሳራና ሁናይ ካባርሳራን ላኖ ካሳንዋ። 
\v 26 እስን ኦሮ አደ ሂካማሌ ላኖ ላኮዶትሳሮ። አየሱን ጎአመን እስኒ ኦሮ ካንጂንክ ሊን ካዶታታራ እስኑን ካሀንዳሮ ሀሌዎ።\x - \xo 20፡26 \xo*\xt ሉቃ. 22፡25-26።\xt*\x* 
\v 27 እስንኮ መተ ሊን ካዶታታራና እስኑን ድይ ሀሌዎ።\x - \xo 20፡27 \xo*\xt ማቶ. 23፡11፤ ማር. 9፡35፤ ሉቃ. 22፡26።\xt*\x* 
\v 28 ኤረ ካእባዶ ካኮንኤመተራ ኖ ኡሱን ጎጎሀንዳይኖን አንሌኖን ግራን ሀንዳይና ኔፎቴሳ ካሞጋኑን ዎዶ የላይ ስሳይን ኤመተራ” አመ።
\s1 የሱሳ ኢልኦ ኦደያኖን እባዶጃ ላማ ፋይሳኖ
\r (ማር. 10፡46-52፤ ሉቃ. 18፡35-43)
\p
\v 29 የሱሳና ኡሱኮ ኦአጋልሳታረን እያርኮኮ ቤን ሴታ ግራን ጎሳ ካሞጋን ኡሱ ዴበ ሰሴተ። 
\v 30 ኤሴና ኢልኦ ኦደያኖን እባዶጃ ላማ ራድ ሀማጼን ግረን፥ የሱሳ ኤሰነ ሮራኖ ካኮማላረን ጎራታ፤ “ጎታ! ኤረ ካዳዉተ፤ ኖን ነኔኤይሳና” አማ እዬን።
\p
\v 31 ጎሳና እሶ ጫልኢ ጎጎአምራዉን ሀድሰ፥ እሶ ጎአመን፥ “ጎታ ኤረ ካዳዉተ ማጋኔ ኖን ነኔኤይሳና” አማ ኣሎ እዬን።
\p
\v 32 የሱሳና ታክ አመ አሌ እሶ ኡመ “አን እስኑን መ ጎጎየሎ ዶታታን?” አመ።
\p
\v 33 እሶና “ጎታ!” “ኖ ኢልኦኦታን ጎጎዴራዉን ዶታታና አመን።”
\p
\v 34 የሱሳና እሶን ነኔኤይሳተጉረ እልኦ ኦትሶ ድንድነጉረ ጎርሰዋ እልኦ ኦትሶ ዴንዴን፥ እሶና ኡሱ ዴበ ሰሴተን።
\c 21
\s1 የሱሳ ካባጃ ታአቲይ ኢየሩሳለም ቶስ ታባኖ
\r (ማር. 11፡1-11፤ ሉቃ. 19፡28-40፤ ያን. 12፡12-19)
\p
\v 1 ኢየሩሳለም ቶስ ጋባላማ ዛይቲ ካበያራ ጋ ታኮአላታሮ ዎዳም ጉት ካግሮ ማማን ካፋገ ታአማማቶ ባንኤ ጎጎጌይ የሱሳ ኡሱኮ ኦአጋልሳታረንኮ ላማ ፋረ። 
\v 2 ሃና አመ፥ “እስን ሆረ ካግሮ ማማን ቶስ ሴዬን፥ ጎጎጌቴን ደሜርትት ቶ ዳርሜነ ዎታ ታሻንተቶ እስን ሄልናታን፥ ፉራዴነ እን ቶስ አታ ኮዬን። 
\v 3 ማዮና እስኔ ሃ ሙን የላታን ጎአመ፥ ‘ጎታ ዶታታራ’ አማ። ጎርሰዋ ጋፋራንዋ።”
\p
\v 4 ሂክ ካኮንሌራ ካሄገሮይ ሃ አማመ ካሰጋመራ ጎጎጉዳሮንያ።
\q1
\v 5 “ጽዮን ታአማማቶ ታኢየሩሳለም ካታማዉን ሃ አም፥
\q2 ‘ሂክማ ዎኖካ ፋያንካ ሌጉረ፥
\q2 ደሜርትትና ዳርሜት ጉት ሀማጼጉረ ኩ ቶስ ኤመታራ’ አማዴን ኤሰን ሰጋ።”\x - \xo 21፡5 \xo*\xt ዛኪ. 9፡9።\xt*\x*
\p
\v 6 ኡሱኮ ኦአጋልሳታረና ሰተንጉረን የሱሳ አጃጃ እሶን ጎጎስሰሮክ ማለ የሌን። 
\v 7 ደሜርትትና ዳርሜት ኬነንጉረን ሳርስክሶ ካደሜሬ ባጋድ ጉት ካዬን፤ የሱሳና ኤሰ ጉት ሀማጼ። 
\v 8 ጎሳኮና ጋምሳ ሳርስክሶ ራድ ያዬን፤ ካካለና አደ ባላል ታታርሼን ኣተን ራድ ሉሉጉዴን። 
\v 9 ሆረሃየ ካሰሰታረና ሃሬ ኡሱ ዴበ ሰሴታ ካግረ ጎሳና፥
\q1 “ሆሳኢና ኤረ ካዳዉተ!”
\q1 “መገ ካዋይ ካኤመታራ ኡሱ ካሶማሳመያ፥”
\q1 “ሆሳኢና ኤለ ዳሩሪ ሃ አማ ኢያረን።”\f + \fr 21፡9 \fr*\fqa ሆሳኢና \fqa*\ft አማኖ ታኢብራይስጢ ህኢ ፋይና፥ ዋየ ኖ ፋይስና አማኖያ። \ft*\f*\x - \xo 21፡9 \xo*\xt ማዛ. 118፡25-26።\xt*\x*
\p
\v 10 ኢየሩሳለም ቶንሳ ካኮታባረ ጎራታ ካካታማ እባዶ ዱባ፥ “ሂክ አዮያ?” አማ ሻላጋመ። 
\v 11 ጎሳና፥ “ሂክ ጋሊላይ ታግቶ ታናዝሬት ካታማኮ ካኤመተሮ ካሄገሮ የሱሳያ” አመን።
\s1 የሱሳ ቁሉክ ምን ካዋይ ኦሮ ኦዳዳላታሬን ዴጉረ ሆሮረ
\r (ማር. 11፡15-19፤ ሉቃ. 19፡45-48፤ ያን. 2፡13-22)
\p
\v 12 ኤሰኮ የሱሳ ቁሉክ ምን ካዋ ታበጉረ ቁሉክ ምን ካዋይ ኦሮ ኢምናታና ዳዳላታ ኦግረን ቤሰ ሆሮረ፥ ማራጋደ ኦኢግልሳታረንኮክ ጣራጴዛልና አራበ ኦዳዳላታረን ካኮሀማጼራን ቦርቦኖ ምና ምና አባበ ሉጉደረ።
\p
\v 13 “ምን ካክ ካኤብ ምን አማማራ አማመ ማጻፋ ቁሉክ ጻፋመራ፥ እስን አዴን ካኮሳማራን ላጋ ካሽታ የልተታን” አመ።\x - \xo 21፡13 \xo*\xt ኢሳ. 56፡7፤ ኤር. 7፡11።\xt*\x* 
\v 14 ቁሉክ ምን ካዋይ ኦሮ ኢልኦ ኦድያኖና ናፋለሳል ኡሱ ቶስ ኤመተን፥ ኡሱና ፋይሰ። 
\v 15 አየሱን ጎአመን ቱቃሞልኮክ ዎይቻልና ሴራ ኦአጋልስሳራን የሱሳ ካፈላመሮ ባሳና፥ “ሆሳኢና ኤረ ካዳዉቴን” አማ ቁሉክ ምን ካዋ ኦሮ ካኢያረ ይስ ካኮደያረን ጎራታ ኣሎ አማራቴን።
\p
\v 16 እሶና የሱሳነ “ሂክ ይስ ታአማሮ ማላታ?” አመን። የሱሳና፦
\p “እ” ማላራ አመ፥
\q1 “ ‘ይስኮና ናስ ካኢላታሮ ይስኮት ህኢኮ
\q2 ጋላታ ኤካሰ ካአማሮ ሱረ ላኮናባብቴታንያ’?” አመ።\x - \xo 21፡16 \xo*\xt ማዛ. 8፡2።\xt*\x*
\p
\v 17 ካታማኮ ኢሰ ቤጉረ ብታንያ ካአማራን ማማኒ ሴተ ኤሰ ባሬ።
\s1 እል ካላይክ ጋ ካባላስ
\r (ማር. 11፡12-14፥20-24)
\p
\v 18 የሱሳ ባር ቡላነ ካታማ ቶስ አባባተ ሰታ ግራን ኡኤ፤ 
\v 19 ራድ ግርዲ ካግረ ጋ ካባላስ ኮ ዴጉረ ካኮሴሮ ጎራታ ባላሎ ኳሬ ኢል ቶና ሄላይን ዋተጉረ፤ “ጎርታ ጅሮማን ኩን ኢል አሮግኖ!” አመ። ጋ ካባላስና ጎርሰዋ አንጋገ።
\p
\v 20 ኡሱኮ ኦአጋልሳታረና ካሌሮ ዴጉረን ሳደን፥ “ጋ ካባላስ ምሲ ኮይክ አንጋግን ዳንዴ?” አመን።
\p
\v 21 የሱሳና፥ “አን ሩምና አማራ፤ አማኖ እስኑን ግረዋ ላኮሄዳታቴን፤ ጋ ካባላስ ጉት ካሌሮ ኣን ፈላኖ ካላል አንሌኖን ግራን ህታ ዎዳም ሂታኮ፥ ‘ታጋምጉደ በከ ኦሮዴ ታብ’ ጎአንቴን እስኑን ላረዋ።\x - \xo 21፡21 \xo*\xt ማቶ. 17፡20፤ 1 ቆሮ. 13፡2።\xt*\x* 
\v 22 አማናቴዴን ኤቢ ካኤባታን ዱባ አታይናታን።”
\s1 ኦዶናት ካየሱሳ ጉት ታኤመተቶ ሆሲን
\r (ማር. 11፡27-33፤ ሉቃ. 20፡1-8)
\p
\v 23 የሱሳ ቁሉክ ምን ካኤብ ቶስ ታበጉረ አጋልስሳ ግራን ቱቃሞልኮክ ዎይቻልና ካጎሳ ጃርሶለ ኤመተንጉረን፥ “ሂካ አየስ ዱባ ካኮፈላታ ኤክ ኦዶናትያ? ኦዶናትና ኩዬን ካስሰራ አዮያ?” አመን ሆሳተን።
\p
\v 24 የሱሳና፥ “አንና ሆሲን ቶ እስን ሆሳይናራ፥ አባብ ኢን ጎሰጊቴን አንና ሂካ አየስ ኤክ ኦዶናት አን ፈላሮ እስኑን ሰግናራ። 
\v 25 ካያንሳ ጥንቃታ ሀገኮ ኤመተራ? ዳሩርኮያ ሙ እባዶኮያ?” አመ ሆሳተ።
\p እሶና እስ እስ ኦሮ አዬሳ፥ “ኖ ‘ዳሩርኮያ’ ጎአምኔ ሀያ ‘ሙን አማናና ዋተታን?’ አምናራ። 
\v 26 ‘እባዶኮያ’ ጎአምኔ አደ ጎሳና ያንሳ ካሄገሮ አመ ማንኮአማናሮ ማራን ኖ ጎሳ አብሳታና” አመን።
\p
\v 27 ሃንሱን “ኖ ላኮካንሶ” አመን የሱሳን አባበን።
\p ኡሱና፥ አንና ሂካ አየስ ኤክ ኦዶናት አን ፈላሮ ላኮሰግናሮ አመ።
\s1 ይስ ላማኮክ ማሱሳ
\p
\v 28 የሱሳና፥ “መ ኣን ላራ? ባባር ላማ ካአባ እባዶት ኮ ግረ፤ ካሆሬ ኤረ ቶስ ሴተጉረ፥ ‘ኡኑኬ! ህታር ታዎይኒ ታአካክልተ ባንኤ ቶስ ሴጉዴ ፈሎ ፈልና አመ።’
\p
\v 29 “ ‘ኡኑና፥ ላኮዳግናሮ’ አመ። ባስኬሳ ማላባተረ አባባተ ሴተ።
\p
\v 30 “አደ ካላምክ ኤረ ቶስ ሴተጉረ ሂካማሌዋ አመ፥ ኡኑኬሳና፥ ‘እ ኣቦክ! ሴሮዋ’ አመ። አየሱን ጎአመን ሀሴኖን ሄሰ።
\p
\v 31 “እሶ ላማ ኦሮኮ ታኦዶ ፈኢ ካአማገራ ኤክያ?”
\p እሶና “ካሆሬ ኡኑያ” አመን። የሱሳና፥ “አን ሩምና አማራ ቃራጣ ኦኩኩይሳራና ኦሻርሙጣራን ዎኖናት ካዋ ቶስ ታብን እስንኮ ጣይናራን። 
\v 32 ካጣማቃራ ያንሳ ቁሉክ ራ ቱስን እስን ቶስ ኤመተራ። እስን አዴን ላኮአማንቴታን፥ ቃራጣ ኦኩኩይሳሬና ኦሻርሙጣራን ጎአመን አማነራን። እስን ሂካ ዴተን ግራን ዱዶ ጩቦኮ ጉላ ጋልቴን ላኮአማንቴታን አመ።
\s1 ካዎይኒ እራ ኦታተን ኦባራራንኮት ማሱሳ
\r (ማቶ. 21፡33-46፤ ማር. 12፡1-12፤ ሉቃ. 20፡9-19)
\p
\v 33 “ካካለ ማሱሳ ማላ፤ ካዎይኒ ኢራኮክ ኦዶ ኮ ግረ፥ እራ ማራሙርሰ ኦት ካተ፥ ዎይኒ ካኮሚጭራን ጉምቢና ኦሻተ፥ ዎይኒ ኦኦራራዉን ዴር ማዳረ፥ ኤሰኮ ኢራኬሳ ኦታተን ኦባራራዉን ክራይ ስሰጉረ ኡል ካካለ ኢሰ ሴተ።\x - \xo 21፡33 \xo*\xt ኢሳ. 5፡1-2።\xt*\x* 
\v 34 ካም ታኮኩኩይሳታራን ድግኒ ካኮግያተ ጎራታ ታዱባንተቶ ኢልኮ ቆባኬሳ አታይን ኡሱን ኦሀንዳረን ኦታተን ኦባራራን ቶስ ፋረ።
\p
\v 35 “ኦታተን ኦባራራና ኡሱን ኦሀንዳራን አቤንጉረን ኮ ቦጨን፥ ኮ ላጋዴን፥ ኮ አደን ኤኤሞይ ኤጌን። 
\v 36 ኡሱና ኦሆሬኮ ቶቶይ ኦሮራራን ኦካለ ኦሀንዳራን ፋረ፥ ኦታተን ኦባራራና ግዳና ኡሱማሌዋ የሌን። 
\v 37 ጎርታኑ ‘እሶ አድ ኡኑኬ ላካባጂራና፥’ አመረ ዳንበኔ ኡኑኬሳ ፋረ።
\p
\v 38 “አየሱን ጎአመን ኦታተን ኦባራራና ኡሱ ኡኑኬሳ ካኮድያረን ጎራታ ሂክ ካኤልናሮያ፥ ኮዬን ላጋድጉኔ ርቲቴሳ ኤልና” አመን እስኦሮ አዬሴን። 
\v 39 አቤንጉረን ካዎይኒ ኢራኮ ሳር ቤሰንጉሬን ኡሱ ላጋዴን።
\p
\v 40 “ሀያ ካዎይኒ ኢራኮክ ኦዶ ካኮኤሜተ ጎራታ ሀኑኡ ኦታተን ኦባራራን ኡሱ ምስ ካየልናሮ ኣን እስኑን ላራ?”
\p
\v 41 እሶና “ሀኑኡ ኦሜላን አካማሌ ላጋድጉረ ካዎይኒ ኢራኮ ታዶትሳቶ ኢልኮ ቆባ ጎራታይ ኦአባባራዉን ኦካለ ኦታተን ኦባራራዉን ክራይ ስስናራ” አመን።
\p
\v 42 የሱሳና፥
\q1 “ኦግንባራን ካቱፋተን ኤኤሞ፥
\q2 ምኑን ምና አፋሩን ካዶትሳሮ ሌ፥
\q1 ሂካና ካየለራ ዋያ፥
\q2 ኢልኦኦታኑን ባሳያ፤
\m አማመ ቁሉክ ማጻፋል ካጻፋመሮ ላኮናባብቴታንያ?” አመ።\x - \xo 21፡42 \xo*\xt ማዛ. 118፡22-23።\xt*\x*
\p
\v 43 “ሃንሱን አን ሃ አማራ፤ ዎኖናት ካዋ እስንኮ አታምጉረ ኢል ካየላታሮ ጎሳን ስሳምናራ። 
\v 44 ሂካ ኤኤሞ ጉት ካኢያራ ኤኤባራ፤ ኤኤሞና እሶ ጉት ካኮኢያራ እባዶ አደ ቡቱትናራ።”\f + \fr 21፡44 \fr*\ft ቶቶ ታጋልባ ጹፍል ቶቶ 44 አዳራን፤ ኡሱ ሃፉራና ሉቃ። 20፡18 ካግሮ ኣን ላራ። \ft*\f*
\p
\v 45 ቱኡቃሞልኮክ ዎይቻልና ፋራሳዊል፥ ሂካ ማሱሳጆል ካኮማላረን ጎራታ የሱሳ ካአዬሳራ ጋራክሶ ላኖ አዴሰን። 
\v 46 አየሱን ጎአመን አብ ሺን ጎዶቴና ጎሳ አደ የሱሳ ካሄገሮ አን ማንኮድያረ ማራን አብሳተን።
\c 22
\s1 ካሃስኖ አሞኮክ ማሱሳ
\r (ሉቃ. 14፡15-24)
\p
\v 1 የሱሳ አደ ማሱሳይ እባዶን ሰጋኖ ሀጋአበ፥ 
\v 2 ዎኖናት ካዳሩረ ኤረኬሳት ሃስኖን ኣሞ ካኤካሳተሮ ዎኖ ኣን ላራ፥ 
\v 3 ዎኖና ሃስኖን ካኮንሰጋተሮ እባዶ ከኬሲን ኦሀንዳረን ሀንዳ ፋራተ፥ እባዶ ጎአመን ላኮኤሜይናኖ አመ።
\p
\v 4 “አደና ኦካለ ኦሀንዳራን ፋረጉረ ኦኡማመራነ ጎርታ አራርና ካቃባን ‘ግድኬ ኤናኣየጉረ ኤካሳየራ ካመን ዱባ ማንኮኤካተሮ ማራን ሃስኖን ኮዬን፥ አማራ አማ ሰጋ።’
\p
\v 5 “ኦኡማሜራን ጎአመን ኡምት ዲደንጉሬን፤ ኮ እራ ቶስ፥ ካካለ ዶክ ዳዳላይን ሴተ፥ 
\v 6 ኦሄሴራን አደን ኦሀንዳራን አቤንጉረን አቦስሴን ላጋዴን። 
\v 7 ዎኖና አማራተጉረ ዎታዳራ ፋረጉረ ሀኑኡ ኦላጋዴራን ላጋዲስሰ፤ ካታማትሶና ኤለኒ ጉበ።
\p
\v 8 “ኤሰኮና ኦሀንዳሬነ ሃ አመ፥ ‘ካሃስኖ ኣሞ ኤካተራ፥ አየሱን ጎአመን ኦኡማሜራና አሞን ኦዶትሳራን ሌን ማንኮሙታናዋተራን ማራን፤ 
\v 9 ካኮሰሴታራን ራድ ብያጉደን ካሄልቴን እባዶ ዱባ ካጅላ ኣሞ ቶስ ኡማ’ አመ። 
\v 10 ኦሀንዳራና ራድ ቤንጉሬን ካሄሌን እባዶ ካኢዳና ካሜላን ዱባ ኩኩይሰንጉረን ካሃስኖ ምን ማርት አማጌን።
\p
\v 11 “ዎኖና ታኡማንተቶ ማርት ድን ምን ኦርድ ጎታብሮ እባዶት ኮ ካሃስኖ ሳርስ ሀሳርሳኖን ካግሮ ዴ። 
\v 12 ሃና አመ፤ ‘አን ካጌላታሮ!’ ካሃስኖ ሳርስ ሀሳርሳኖን ምሲ ሂታራ ታብን ዳንዴተ? እባዶትና ጎአመን ታአምአባብሮ ዋተ።
\p
\v 13 “ዎኖና ኦሀንዳራነ፤ ‘ገነና ሉቃና ሽያጉደን ሳሬ ካግሮ ጢልንጋክ ሙጉድ ቶስ ቤሳዴን ኡሱ ሻፋ፥ ኤሴና ኦታና ኢልኮ ፎጫኖ ልናራ’ አመ።\x - \xo 22፡13 \xo*\xt ማቶ. 8፡12፤ 25፡30፤ ሉቃ. 13፡28።\xt*\x*
\p
\v 14 ኤሰኮ የሱሳ፥ “ኦኡማሜራና ኦሞጋንያን፥ ኦአሳባሜራን ጎአመን ሁጫርያን” አመ።
\s1 ጊራ ሙራኖኮክ ጋራ
\r (ማር. 12፡13-17፤ ሉቃ. 20፡20-26)
\p
\v 15 ኤሰኮ ፋራሳዊል ቤን ሴታ ግራን ምስምሲ የሱሳ አዬስከሳይ ጦይ ታአም አብናራን ማካረን። 
\v 16 እሶኮ ኦአጋልሳታረና ታሄሮዶሳ ኡናነ ዎታ የሱሳ ቶስ ፋሬንጉሬን፥ “ካአጋልስሳቶ!” “አት ካሩም ላኖና ራ ካዋ ሩሚ ካአጋልስሳቶ ላኖ፥ እባዶ አብሳታ ካኡሉልሶን ዱባና ኢል ቶይ ካድያቶ ላኖ ኖ ካንሶዋ። 
\v 17 ካሮም ዎኖላልኮክ ዎኖዉን ጊራ ሙራኖ ዶትሳራ ሙ ላኮዶትሳሮያ አላ ኖን ሰጊ? አመን ሆሳተን።”
\p
\v 18 የሱሳና ምጌትሶ አዴሰረ፥ “እስን ኢፍሳዶለ መዉን አዬሲ እን ጫፍን ዶታታን? 
\v 19 ጊራ ታሙራታን ማራጋደ አላ ኢን ቱሳ?” እሶና ጣጋራ ቶ ከኔን። 
\v 20 ኡሱና፥ “ህታ ማራጋዴይ ጉት ታሙታታ ምዲ ታዮታ? ጹፍና አደ ታዮታ?” አመ።
\p
\v 21 እሶና አባበን “ካሮም ዎኖያ” አመን። ኡሱና አባበረ “ካሮም ዎኖኮክ ካሮም ዎኖን፥ ካዋና ዋዉን ስሳ” አመ።
\p
\v 22 እሶና ሂካ ማለንጉሬን አዬስኬሳ ሳዳ ኢሰን ሴተን።
\s1 ጎይኮ ክያኖኮክ ጋራ ታሆሳንተቶ ሆሲን
\r (ማር. 12፡18-27፤ ሉቃ. 20፡27-40)
\p
\v 23 ኤሰ አሪ ጎይኮ ክያኖ ላግሮ አመ ካአማናራ ካሶዶቃውል እባዶ የሱሳ ቶስ ኤሜተንጉረ ሃ አመ ሆሳተ፤\x - \xo 22፡23 \xo*\xt ኦፋ. ፈ. 23፡8።\xt*\x* 
\v 24 “ካአጋልስሳቶ!” ሙሴ፤ “እባዶት ኮ ኦርቴሳኮ ይስ ሀኡሙሎን ጎጎየ፥ ካጎየሮ አቢኬሳኮት ኦር አቢኬሳ አታይጉረ ኡሱን ሳኒ ሀካየ አመራ።\x - \xo 22፡24 \xo*\xt አዳ. 25፡5።\xt*\x* 
\v 25 አቢላል ቶዶባ ኖ ዶሌ ግታ፥ ካሆሬ ኦር አታተጉረ ይስ ሀኡሙሎን ካኮጎዋረ ጎራታ አቢኬሳና ኦር የላተ፤ 
\v 26 ሂካማሌ አደ ካሴድኮ ታ ቶዶባ ጌሮ ሂካማሌ ጎዬን። 
\v 27 ዱባንኮ ሃሬ ሄለልትቲና ጎተ። 
\v 28 ሃንሱን ኤሰ ዱባን ማንኮኬሳንተቶ ማራን ጎይኮ ታክያኖ አሪ እሶ አቢላል ቶዶባ ኦሮኮ ኤኪን ኦር ልናታ?”
\p
\v 29 የሱሳና እሶን አባበረ፥ “እስን ቁሉክ ማጻፋጆልና ሁና ካዋ ማንኮአዴሳናዋተታን ማራን ሽር አማታን። 
\v 30 ኦጎየራን ጎይኮ ኪ ጎአባባቴን ዳሩሪ ካግሮ ኤርግቻል ኣን ልናራን ኳሬ ላኮአታይናራን፤ ላኮናኬሳምናራን። 
\v 31 ኦጎየራን ጎይኮ ክያኖኮክ ጋራ ዋ እስኑን ካአዬሰሮ ላኮናባብቴታንያ? 
\v 32 ‘አን ካአብራመ ሄዶ፥ ካይሳቃ ሄዶ፥ ካያይቆባ ሄዶያ፥’ ሃንሱን ዋ አርዶክ ሄዶያ ኳሬ ላኮካጎይ ሄዶዮ።”\x - \xo 22፡32 \xo*\xt ብያ. 3፡6።\xt*\x*
\p
\v 33 ጎሳና ሂካ ካኮማላረ ጎራታ አጋልስስኬሳ ሳደን።
\s1 ዱባንኮ ካሮራሮ አጃጃ
\r (ማር. 12፡28-34፤ ሉቃ. 10፡25-28)
\p
\v 34 የሱሳ ሶዶቃውል አባብ ትር ጫልኢሳኖ ካኮማላረን ጎራታ ፋራሳዊል ራቶ ኩኩአመን። 
\v 35 እሶኮ ኮ ሴራ ካሙሴ ካአጋልስሳረ የሱሳ ጫፍን ዶተጉረ ሃ አመ፦\x - \xo 22፡35 \xo*\xt ሉቃ. 10፡25-28።\xt*\x*
\p
\v 36 “ካአጋልስሳቶ! ሴራል ካሙሴ ዱባኮ ካሮራራ ኤክ አጃጃያ?” 
\v 37 የሱሳና እሶን አባበረ፥ “ ‘ጎታ ሄዶካ ምግት ዎዳናይ፥ ምግት ኔፎይ፥ ምግት ቆፋይ ጌላ’።\x - \xo 22፡37 \xo*\xt አዳ. 6፡5።\xt*\x* 
\v 38 ሂክ አጃጃ ካሆራርጄና ዱባንኮ ካሮራሮ አጃጃያ። 
\v 39 ካላም አጃጃና ሂካ ኣን ላራ፤ ህክና ‘ኦላታ እስኦታ ኣን ጌላ’ ካአማሮያ።\x - \xo 22፡39 \xo*\xt ዎዩ. 19፡18።\xt*\x* 
\v 40 ሴራ ካሙሴና ካሄገሮልኮክ አጋልስስ ዱባ ሂካ አጃጃ ላማ ጉት ባቴን ግራን አመ።”
\s1 ክርስቶሳ ሳኒ ታዮያ?
\r (ማር. 12፡35-37፤ ሉቃ. 20፡41-44)
\p
\v 41 ፋራሳዊል ኩኩአመንጉረን የሱሳ ሃ አመ እሶ ሆሳተ፥ 
\v 42 “ጋራ ካክርስቶሳ መ ኣን ላራ? ሳኒ ታዮያ?” አመ እሶ ሆሳተ።
\p “እሶና ሳኒ ታዳዉተያ” አመን።
\p
\v 43 የሱሳና፥ “ሀያ ዳዉተ አያና ቁሉክና ሁናይ ሙን ኡሱ፥ ‘ጎታ!’ አማራ? አመ።
\q1
\v 44 “ ‘ጎታ ጎታኬዉን!
\q2 ዲናካ ሉክታ ሄገሊ ታዳዳራምሮ፤
\q2 “መርገቴይ ሀማጺ አመራ።” ’\x - \xo 22፡44 \xo*\xt ማዛ. 110፡1።\xt*\x*
\m
\v 45 ሃኑን ዳዉተ፥ ‘ጎታ!’ አም ጎኡምሮ ሀያ ክርስቶሳ ምሲ ሳኒቴሳ ሊን ዳንዳራ?” 
\v 46 ሃፉራ ኮና አባብን ካዳንዴራ ጎርቱን ኤሰ አርኮ ሀጋአበረ ሆሳይን ካጃባተ ማዮና ላግሮ።
\c 23
\s1 የሱሳ ፋራሳዊልና ሴራ ካሙሴ ኦአጋልስሳራን ቱፋታኖ
\r (ማር. 12፡38-39፤ ሉቃ. 11፡43-46፤ 20፡45-46)
\p
\v 1 ኤሰኮ የሱሳ ጎሳነና ኡሱኮ ኦአጋልሳታረነ ሃ አመ አዬሰ፥ 
\v 2 “ሴራ ካሙሴ ኦአጋልስሳራና ፋራሳዊል ሙሴ ኣን ሴራ ጎጎአጋልስስራዉን ኦዶናት እሶን ስሳመራ። 
\v 3 ሃኑን እሶ እስኑን ካሰጋራን ዱባ ፈላ፥ ኦራዬን፥ አየሱን ጎአመን ጎጎአዬሳራንክ ማለ ላኮፈላራን፥ እሶ ኦፈላራን ፈሎ አሮፈልቴን። 
\v 4 አደና ስዳሚን ታዳንዳሞን ስዳነ ታአቲ ሽዬንጉረን ሃን ካእባዶ ጉት ካራን፤ እሶ ጎአመን ፈሪና ዱዶ ድኒን ላኮዶታራን።
\p
\v 5 “እባዶን ሙትን አመንጉረን ፈሎኦትሶ እባዶ ሆረ ቱሳይን አመረነ፥ ሻሺ ኣን በቤድትሶይ ሻታራን፥ ማልድያ ኣን ገነትሶይ ሻታራን፥\f + \fr 23፡5 \fr*\fqa አሸንክታ አማኖ፦ \fqa*\ft ካላቻ ኣን በቤዲና ህስሊ ካሻማሮያ። \ft*\f* ጋሸኮት ሻርፍና ኤራሳታራን፤\x - \xo 23፡5 \xo*\xt ቶቶ 15፡38፤ አዳ. 6፡8።\xt*\x* 
\v 6 ታአሞ ባንኤ፥ ታካባጃንተ ባንኤ፥ አይሁድኮክ ምን ካኤብ ካሆራርጄ ባርጩማ ሀማጺን ጌላታራን። 
\v 7 ኡሱማለና ግያ ኦሮ ኖጎዳ አታኖና ህኢ ታእባዶኮ ‘ካአጋልስሳቶ!’ አማም ኡማምን ዶታታራን።
\p
\v 8 “እስን ጎአመን ‘ካአጋልስሳቶ!’ አማም ላኮኡማምናታን፥ እስን ካአጋልስሳራ ኮ ካላልያ፥ እስን ዱባና አቢላልታን። 
\v 9 ዳሩሪ ካግሮ ኣቦ ኮ ማንኮአብታን ማራን ኡሊ ማዮና ‘ኣቦ’ አም አሮኡንቴን። 
\v 10 እስኑን ባሊክስን ክርስቶሳ ማንኮሌሮ ማራን ‘ባሊ’ አማም አሮኡማንቴን። 
\v 11 እስን ኦሮኮ ዱባንኮ ካንጅንክ ካሌራ እስኑን ካሀንዳሮ ልናራ።\x - \xo 23፡11 \xo*\xt ማቶ. 20፡26-27፤ ማር. 9፡35፤ 10፡43-44፤ ሉቃ. 22፡26።\xt*\x* 
\v 12 እስኦቴሳ ጦቂ ጦቂሳታራ የራታራ እስኦቴሳ ካየራሳታራ አደ ካባጃማራ።\x - \xo 23፡12 \xo*\xt ሉቃ. 14፡11፤ 18፡14።\xt*\x*
\p
\v 13 “እስን ኢፍሳዶለ ሴራ ኦአጋልስሳታና ፋራሳዊል ዎኖናት ካዳሩረ ቶስ እባዶ ጎጎታቦንኮ ኡፋ ማንኮጩፋታን ማራን ኣኔ እስኑን! እስን መተክስኑን ላኮታብታን፤ ታብን ካዶታታሮና ላኮታብሳታን። [
\v 14 እስን ኢፍሳዶለ ሴራ ኦአጋልስሳታና ፋራሳዊል ኣኔ እስኑን! ምን ካጋልታንተል ሀዉአይ የላ፥ እባዶን ሙትን ኤብ ኤራሰን ማንኮኤባታን ማራን ካሜላን ፍርዳ እስን አታይናታን።]\f + \fr 23፡14 \fr*\ft ቶቶ ታጋልባ ጹፍል ቶቶ 14 አዳራን፤ ኡሱ ሃፉራና ማር። 12፡40 ካግሮ ኣን ላራ። \ft*\f*
\p
\v 15 “እስን ኢፍሳዶለ ሴራ ካሙሴ ኦአጋልስሳታና ፋራሳዊል፥ እስን እባዶት ኮ እስንኮ ካአጋልሳታሮ የልን በከይና ኡል ጉት ማንኮማራሙራታን ማራን እሶ ካኮታብሰን ጎራታ እስንኮ አምባ ካሮረ ታጋነም ኤለኒ ጎጎኢሮን ማንኮየላታን ማራን ኣኔ እስኑን!።
\p
\v 16 “እስን ጃማስ ጃማስ ሆረ ሀይቴን ኦገጌሳታን፤ ኣኔ እስኑን! ‘ማዮና ቁሉክ ምን ካዋይ ጎአማተ ኮና ላኮዮ፤ አየሱን ጎአመን ቁሉክ ምን ካዋ ኦሮ ካግሮ ዎርቂ ጉት ጎአማተ አደ አማቶ ግያራን’ አማታን። 
\v 17 እስን ጃማሲልና ጎዎሌ ዎርቂኮና ዎርቂ ካቁሎይሳሮ ቁሉክ ምንኮና ኤክያ ካሮራራ? 
\v 18 ኡሱማለና ታፋላ ባንኤ ካአማታሮ እባዶን ኮና ላኮግሮ፥ አየሱን ጎአመን ታፋላ ባንኤ ካግሮ ጃርሶይ ጉት ጎአማትራን አማቶ ሀኑኡ ግያራን አማታን። 
\v 19 እስን ጃማሌሳ ፋላኮና ታቁሎይሳቶ ታፋላ ባንኤኮ ኤክያ ካሮራራ? 
\v 20 ሃኑን ታፋላ ባንኤይ ካአማተራ ካኮፋላታራን ጉት ካግሮ ዱባይ አማታራ።\f + \fr 23፡20 \fr*\fqa ሜባ \fqa*\ft እባዶ ሄዶኬሳዉን ካስሳራ ካአመን ዱባ ሜባ አማማራ። \ft*\f* 
\v 21 ኡሱማለና ቁሉክ ምን ካዋይ ካአማተ ቁሉክ ምን ካዋይ ኦሮ ካግሮና አማታራ። 
\v 22 ዳሩሪ ካአማተ ኮርፍንጀ ካዋይ ጉት ካሀማጼሮይና አማታራ።\x - \xo 23፡22 \xo*\xt ኢሳ. 66፡1፤ ማቶ. 5፡34።\xt*\x*
\p
\v 23 “እስን ኢፍሳዶለ ሴራ ካሙሴ ኦአጋልስሳታና ፋራሳዊል ኣኔ እስኑን! አኑጋኮ፥ ዴቦኮና ኦካሸኮ ካሆራርጄ ሆራ ዋዉን ስሳታን፥ ሴራ ኦሮ ካግሮ መተክ አየስ ካሌሮ፤ ፍርዳ ካሩም፥ ሻጋና፥ አብዳማኖ አደን ቱፋተታን። ኣኒዕ ሀኢሶን ህናኣና ፈልቴንዋ ካእዳንየ።\x - \xo 23፡23 \xo*\xt ዎዩ. 27፡30።\xt*\x* 
\v 24 እስን ጃማሌሳ ጃማሌሳ ሆረ ሀይቴን ኦገጌሳታን! ቢንኢ ኣን ካላሮ አየስ አሳብቴን ሻፋታን፤ ጋላ ኣን ካለያሮ አየስ አዴን ኤኔጋታን።
\p
\v 25 “እስን ኢፍሳዶለ ሴራ ኦአጋልስሳታና ፋራሳዊል፤ ኣኔ እስኑን! ካፋላ ያላኣና ካጡጋ ሁ ምና ታሳሬ ታላል ሻሻካራታን፤ ኦሮኦትሶ ጎአመን ሳማኖይና እስአዎዳይዋቲ አማጋመራ። 
\v 26 አት ጃማክ ፋራሳውት ጣይ ሁ ካፋላ ያላኣና ካጡጋ ሁ ኦሮ ሙጭስ፤ ኤሰኮ ጉትክሶና ካሙጭመ ሌራ።
\p
\v 27 “እስን ኢፍሳዶለ ሴራ ኦአጋልስሳታና ፋራሳዊል ጉትክሶ ባርሳ ጣላላመ ካኢዳሮ፥ ኦሮኦትሶ ጎአመን ካጎየ እባዶኮክ ለፋልና ባቲክ አየስ ዱባ ካአማጋመ ሂዬል ኣን ማንኮላታን ማራን ኣኔ እስኑን።\x - \xo 23፡27 \xo*\xt ኦፋ. ፈ. 23፡3።\xt*\x* 
\v 28 እስና ሳሬ እባዶን ቁሉክ ኣን ላታን፥ ኦሮኦትስን ጎአመን ኢፍሳዳይና ሜላነይ ኦአማጋሜንያን።
\s1 ሴራ ካሙሴ ኦአጋልስሳራና ካፋራሳውል ሙርሳማኖ
\r (ሉቃ. 11፡47-51)
\p
\v 29 “እስን ኢፍሳዶለ፥ ሴራ ካሙሴ ኦአጋልስሳታና ፋራሳዊል ኣኔ እስኑን! ካሄገሮል ኮክ ቃማል ግምባ ካቁሎሌ ቃማል ኢሳድሳ፥ 
\v 30 ‘ካጣዎ ኦዶላልካንክ ጌሲ ካግነ ሌነዋ፥ ካሄገሮል ኮክ ኢግ ኡባኖይ እሶነ ዎታ ላኮላኔ’ አማታን። 
\v 31 ሂካኒና ካሄገሮል ላጋዴን ኦግረን ኦዶላልካንዉን ሳኒ ላኖክስን እስ ኦትስን ጉት አቶትናታን። 
\v 32 ጎርታኑን ኦዶላልክስን ፈልን ኦሀጋአቤረን ፈሎ ጉድሳ።
\p
\v 33 “እስን ሀበሳል! ይስ ካጃራ ታባኖን ታጋነም ኤሌንኮት ሙርትኮ ምሲ ሄሲን ዳንዴታን?\x - \xo 23፡33 \xo*\xt ማቶ. 3፡7፤ 12፡34፤ ሉቃ. 3፡7።\xt*\x* 
\v 34 ሃኑን ካሄገሮ፥ ቃሮሌልና ሴራ ኦአጋልስሳራን ፋርናራ፥ ህናኣኮ ኮኮ ላጋድናታን፥ ኮኮና ሱይናታን፥ ካካለና አይሁድኮክ ምን ካኤብ ኦሮ ቦጭናታን። ካታማ ቶኮ ካታማ ታካለ ቶስ እስን እሶ ሆሮርናታን። 
\v 35 ሃኑን ቁሉክ ካኣቤላ ኢግኮ ሀጋአበረ ቁሉክ ምኒና ፋላ ማንኮፈላታራን ጠኤ ካላጋዴታን ኤረ ካበራክዩኮ ታ ካዛክራሳ ኢግ ጌሮ ኡሊ ጉት ካኡባተሮ ቁሉክ ኢግ ዱባን እስን ኦሆሳማታንታን።\x - \xo 23፡35 \xo*\xt መጣ 4፡8፤ 2 ኦዱ 24፡20-21።\xt*\x* 
\v 36 አን ሩምና አማራ ካሮረሮ አየስ ዱባን ህት አላታን ሆሳማታ።
\s1 የሱሳ ኢየሩሳለም ማራን ኦታኖ
\r (ሉቃ. 13፡34-35)
\p
\v 37 “አት ኢየሩሳለም፥ ካሄገሮ ታላጋዳታ፥ ኩ ቶስ ኦፋራመራና ኤኤሞይ ታኤጋታ አት ኢየሩሳለም ሉካለ ጩጩተክሴ ባልክሰ ሄገሊ ጎጎኩኩይሳቶይ፥ እባዶካ ኩኩይስን ምያ ጋለ አን ዶተ፥ እስን ጎአመን እ ላኮአንተታን። 
\v 38 ጎርታ ቁሉክ ምን ካኤብካክስን ኦና ሊ ሄስናራ።\x - \xo 23፡38 \xo*\xt ኤር. 22፡5።\xt*\x* 
\v 39 ሃንሱን፥ ‘ካጎታ መገ ካኤመታራ ካሶማሳመያ’ ታ አንታኒ ጊን ሂካ ጎራታኮ ሀጋአብረ እስን ካላም እን ላኮዴታን።”\x - \xo 23፡39 \xo*\xt ማዛ. 118፡26።\xt*\x*
\c 24
\s1 ካጋቾ አላምኮክ ማላታል
\r (ማር. 13፡1-2፤ ሉቃ. 21፡5-6)
\p
\v 1 የሱሳ ቁሉክ ምን ካዋኮ ቤጉረ ሴታ ግራን ኡሱኮ ኦአጋልሳታረን ቁሉክ ምንኮክ ግምበ ቱስን ኡሱ ቶስ ኤመተን። 
\v 2 ኡሱ ጎአመን፥ “ሂካ ዱባ ድያታን?” “አን ሩምና አማራ ኤኤሞ ኤኤሞ ጉት ካግንባመራ ጎጎድያታኒ ሀዳርኣሞን ሂካማሌ ጎጎግሮይ ካሄስራ ኤኤሞ ኮና ላግሮ” አመ።
\p
\v 3 የሱሳ ዛይቲ ካበያራ ጋ ታኮአላታሮ ዎዳም ጉት ሀማጼ ግራን፤ ኡሱኮ ኦአጋልሳታረን ካለ ቤን ኡሱ ቶስ ሰተንጉረን “አላ ኖን ሰጊላ” “ሂክ አት ካአማታ ዱባ ጎረ ልናራ? ኤሜቶታና አላምኮት ጋቾን ማላታ መያ?” አመን። 
\v 4 የሱሳና አባበረ ሃ አመ፤ “ማዮና እስን ጎጎሶቦንኮ እስኦራዬን።” 
\v 5 ካሞጋና አን ክርስቶሳያ አማ መገኬይ ኤመይናራ ካሞጋና ሽርስናራን። 
\v 6 ጀሬና ጋራ ካጀረነ ታአዬሳማቶ ኦዱ እስን ማልናታን፤ ሂክ አየስ ላኖ ካሄሶንያ፥ ሀሌዎ ኳሬ ጋቾ ጋና ማንኮሌተ ማራን ሂካኒ እስን ጎጎነይኖኮ እስኦራዬን። 
\v 7 ጎሳ ጎሳይ ጉት፥ ዎኖና ዎኖ ጉት ኪናራ፥ ባንኤ ባንኤይ ኡኢና ኡልኮክ አኣኖ ልናራ። 
\v 8 ሂክ ዱባ ጎአመን ቃኒን ካኡሙላኮት ራኮኮ ታሆራርጄታ።
\p
\v 9 “ሀሱ ጎራታ እባዶ እስን ራኮዉን ሮርስ ስስናራ፥ ላጋድናራን፤ መገኬኮት ኣላንቲ ጎሳ ዱባ ዶሌ ኦዲዳንቴን ልናታን።\x - \xo 24፡9 \xo*\xt ማቶ. 10፡22።\xt*\x* 
\v 10 ሀሱ ጎራታ ካሞጋን አማኖክሶ እስናራ፥ ኮ ካካለ ሮርስ ስስናራ፤ እስ እስኦሮና ኮኮ ዲድናራን። 
\v 11 ካሞጋን ካጣራ ካሄገሮል ኪናራ፥ ካሞጋና ሶሶይስናራን። 
\v 12 ታሞጋን ሜላነኮ ካከይ ካሞጋን እባዶኮት ጌላንጀ አምባል ልናታ። 
\v 13 ታጋቾ አሪ ታ ጌሮን ካአታተ ሀሱ ፋይናራ። 
\v 14 ጎሳ ዱባን አቶ ጎጎሌሮን ሂክ ዎኖናት ካዋኮክ ዎንጋላ አላም ዱባይ ላላባምናራ፥ ኤሰኮና ታጋቾ አሪ ኤመይናታ።
\s1 ባይ ካኬናሮ ባቲክ ኮኮ
\r (ማር. 13፡14-23፤ ሉቃ. 21፡20-24)
\p
\v 15 “ጎርታኑን ካሄገሮ ዳነላን ጎጎሰጋመሮክ ማለ፥ ‘ካባቶይስራ ካሜላን አየስ ታቁሎይተቶ ባንኤ ካአሌሮ ካኮዴተን ጎራታ ካናባባራ ሀሻዶ!’\x - \xo 24፡15 \xo*\xt ዳኔ. 9፡27፤ 11፡31፤ 12፡11።\xt*\x* 
\v 16 ሀሱ ጎራታ ኡል ካይሁዳይ ካግራና ዎዳም ቶስ ሀባቃቶ፥ 
\v 17 ምኒ ፎቂ ጉት ካግራ ማምስክ እባዶና ሁ ምንኮ አታይን አሮዳጎ፥\x - \xo 24፡17 \xo*\xt ሉቃ. 17፡31።\xt*\x* 
\v 18 እራ ካግራ እባዶትና ሳርስኬሳ አታይን አሮአባባኖ። 
\v 19 ኤሰ አሪ ሄለል ካፋቶዉና ካኢልሳሮን ራኮ ታአቲ ለታ። 
\v 20 ጎርታኑ ባቃታኖክስን ባጠሳይ ጎርቱን አይሁድን ታፎልሲ አሪ ጎጎሌኖንኮ ኤባየን። 
\v 21 ሀሱ ጎራታ አላም ታኮመጣመሮ አርኮ ሀጋአበረ ታ ህታር ጌሮ ሊ ካካሶን ኤሰኮና ሆረንባን ኤሰ ራኮነ ዎታ ካኮኤካሮ ካላይት ራኮ ታአቲ ልናታ። 
\v 22 ሀሱ አሪል ጋባባይ ዋተና እባዶ ዱባ ላኮሄሳረ። ካአሳባመሮ ማራን ጎአመን ሀኑኡ አርጃ ጋባባቴን። 
\v 23 ሀሱ ጎራታ ማዮና ሂክማ ክርስቶሳ ህታኒ ግራ ጎርቱን ሀሴ ግራ ጎአመና አሮአብዳቴን። 
\v 24 ካጣራ ክርስቶሳልና ካጣራ ሄገሮል ኪናራን፥ እሶን ጎኤካተ ካአሳባመሮና ሽርሲን አምሬነ ካአቲ ባሳክ ማላታልና ቱስናራን።\x - \xo 24፡24 \xo*\xt ዳኔ. 12፡1፤ ራጋ 7፡14።\xt*\x* 
\v 25 ጎርታ አን እስኑን ጣየ ሰጋራ፦
\p
\v 26 “ሃንሱን ‘ኣንክማ ጋ ኦሮ ግራ፥’ ጎአመና ኤሰራ አሮቤተን፥ ሂክማ ምን ኦሮ ግርዲ ግራ ጎአመን አሮአብዳቴን።\x - \xo 24፡26 \xo*\xt ሉቃ. 17፡23-24።\xt*\x* 
\v 27 ሀንቃ ምና ታብያንኮ ቤጉረ ምና ታኢያን ቶስ ታጌሮ ጎጎሀንቃሮ ኤረ ካእባዶኮት ኤመቶ ሂካማሌ ልናታ። 
\v 28 ራቃ ታኮግሮ ባንኤ ዱባ አላትል ኩኩአማራ።\x - \xo 24፡28 \xo*\xt ሉቃ. 17፡37።\xt*\x*
\s1 ኤረ ካእባዶኮት ታላም ኤመቶ
\r (ማር. 13፡24-27፤ ሉቃ. 21፡25-28)
\p
\v 29 “ሀኑኡ ታራኮ አርጃኮ አባባይረ ጎርሰዋ
\q1 “ ‘አርት ሙጉድ ልናታ፥
\q2 ድግንና ኢፋክሴ ትራይናታ፥
\q1 ባራጃና ዳሩርኮ ኡባይናራ፥
\q2 ካዳሩረ ሁናና ሻላጋምናራ።’\x - \xo 24፡29 \xo*\xt ኢሳ. 13፡10፤ 34፡4፤ ሕዝ. 32፡7፤ ኢዩ. 2፡10፥31፤ 3፡15፤ ራጋ 6፡12-13፤ ዳኔ. 7፡13፤ ዛኪ. 12፡10-14፤ ራጋ 1፡7።\xt*\x*
\p
\v 30 “ሀሱ ጎራታ ኤረ ካእባዶ ማላታ ዳሩሪ ጉት ሙትናራ፥ ሀሱ ጎራታ ኡሊ ታግታ ኣኒ ዱባና ዎ ዎ አም ኦይናራ። ኤረ ካእባዶና ካዳሩረ ዱማንቻይ ኦሮ ሁናይና ታአቲ ካባጃይ ኤመታ ግራን ድናራን። 
\v 31 ኤርግቻልና ታአቲ ታማላካታ ያየነ ዎታ ፋራምናራ፥ እሶና ኦአሳባመራን አላም ምና አፋርኮ ዳሩርኮት ጋቾኮ ታ ዳሩርኮት ጋቾ ጌሮ እባዶ ኩኩይስናራን።
\s1 ካባላስ ጋኮክ ማሱሳ
\r (ማር. 13፡28-31፤ ሉቃ. 21፡29-33)
\p
\v 32 “ካባላስ ጋኮ ሂካ አጋልስስ አጋልሳዬን፥ ባላል ጎሁርስሮ ባላሎ ጎጫሪድራን ሀሱ ጎራታ ባጤሳ ጋባላማኖ አዴሳታን።\f + \fr 24፡32 \fr*\fqa ጊላል \fqa*\ft ሂክ ሰጋኖ ካቱሳራ ኡልክሶይ ጋ ካኮሁርሳራና ባላሎ ካኮጫሪዳራን ጊላል ጎጋባላምሮ ማንኮሌ ማራንያ። \ft*\f* 
\v 33 ሂካማሌና ሂካ ዱባ ጎዴተን ኤሰ አሪ ጎጫቲ ጋባላማኖ አዴሳ። 
\v 34 አን ሩምና አማራ ሂክ ዱባ ታጉዳሮ ህት አላታን ላኮሮርቶ። 
\v 35 ኡልና ዳሩርና ሮራንዋ ሃፉራክ ጎአመን ሱረ ላኮሮሮ።
\s1 ጎታ ታኮኤሜይናራ አሪ አዴሳማና ዋት
\r (ማር. 13፡32-37፤ ሉቃ. 17፡26-30፥34-36)
\p
\v 36 “ሀሴ አርና ሀሴ ሳቲ ጎአመን ኦዶ ኳሬ ካዳሩረ ኤርግቻል ጎሌና፥ ኤረ ጎሌና ኮና ላካሶ። 
\v 37 ካኖሄ ጌሲ ጎጎሌሮይ ኤረ ካእባዶኮት ኤመቶ ኡሱማሌ ልናታ።\x - \xo 24፡37 \xo*\xt መጣ 6፡5-8።\xt*\x* 
\v 38 ኡሱ ጌሲ በከ ሚራኣ ጌግሳናኮ ሆረነ ኖሄ ማርካፋ ቶስ ታኮታብናሮ አሪ ታ ጌሮን እባዶ አማና ጣማና፥ ኦር አታታና ኬሳታ ጎጎግሬንክ ማለ፥ 
\v 39 ሀሴ አሪ ታጌቶ መ ኤሜይናሮ ሀአዴሶን ሚራኣ ታበከይ ጎጎኤነጋመራን ኤረ ካእባዶኮት ኤመቶ ኡሱማሌ ልናታ። 
\v 40 ኡሱ ጎራታ እባዶጃ ላማ እራ ሀይናራን፥ ኮ አታምናራ ኮ ሄስናራ፥ 
\v 41 ሄለል ላማ ሪም ኮይ ሪታይናራን ቶ አታምናታ፥ ታካለ ሄሲናታ።
\p
\v 42 “ጎርታኑ ጎታክስን ታኮኤሜይናሮ አሪ እስን ማንኮካሶን ማራን ናባዳ ኦራዬን፥ 
\v 43 ሂካ ዎዳና አባዬን፥ ኦዶ ምኔ ሄቶ ሄመን ማጎራታ ኤሜይናቶ አዴስ ግረዋ ናባድ ምን ጎጎሳማሞንኮ ኦራታረዋ። 
\v 44 ኤረ ካእባዶና እስን ካኮሻዶን ጎራታ ማንኮኤሜይናሮ ማራን፥ እስና እስኤካሳዬን ኦራ።\x - \xo 24፡44 \xo*\xt ሉቃ. 12፡39-40።\xt*\x*
\s1 ካአብዳመና ካአብዳሞን ካሀንዳሮኮክ ማሱሳ
\r (ሉቃ. 12፡41-48)
\p
\v 45 “ባቦክሶ እሶን ካኮዶትሳሮ ጎራታ ጎጎስስሮ ጎታ ምንኬሳክ እባዶ ጉት ካሹማተራ ካአብዳመና ቃሮክ ካሃንዳራ አዮያ? 
\v 46 ጎታኬሳ አባባይ ካኮኤሜሮ ጎራታ ታስሳንተቶ ሀዳራ ፈለ ጉድሰ ግራን ካሄልናራ ሀሱ ካሃንዳራ ካሶማሳመያ። 
\v 47 አን ሩምና አማራ ኦግራን ኡራዎ ዱባይ ጉት ኡሱ ሾሚናራ። 
\v 48 አየሱን ጎአመን ካሃንዳራ ሀሱ እባዶት ካሜላን ጎሌና ኡሱ መተኬሳን፥ ‘ጎታ አዳላይናራ’ አማ፥ 
\v 49 ኪጉረ ካካለ ካሀንዳሮ ጃሌተሳ ቦጫኖ ጎሀጋአበ ጣሜን ኦሰታራነ ዎታ ጎኣመና ጎጣመ፥ 
\v 50 ሀሱ ካሀንዳሮኮክ ጎታ ኡሱ ታኦራኖን አሪና ታኮሻዶን ሳቲ ኤሜይጉረ፥ 
\v 51 ሀሱ ካሀንዳሮክ ጎታኬሳ ሙርስናራ፥ ኢጣተሳና ኢፍሳዶሌነ ዎታ የልናራ፥ ኤሰ ባንኤ ኦታና ኢልኮ ፎጫኖ ልናራ።
\c 25
\s1 ዴለልጃ ቶሞንኮክ ማሱሳ
\p
\v 1 “ሀሱ ጎራታ ዎኖናት ካዳሩረ ዳብ አባተንጉረን ማሻሸ ቆጳይን ኦቤራን ዴለልጃ ቶሞን ኣን ላራ።\x - \xo 25፡1 \xo*\xt ሉቃ. 12፡35።\xt*\x* 
\v 2 እሶ ኦሮኮ ዴለልጃ ከኖ ጎዋ፥ ዴለልጃ ከኖ አደን ቃሮሌየን። 
\v 3 ጎዎሌ ዳብ አባተንጉረን ላንባ ምንጃ ላኮአባቴረን፥ 
\v 4 ቃሮሌ ጎአመን ዳብክሶነ ዎታ ላንባ ምንጃ ጣርሙስይ አባተን ግረን። 
\v 5 ካማሻሸ ካኮአዳላተረ ጎራታ ዱባና ሁዱሮ ካኮዱትሳተ ጎራታ ሁዱረን።
\p
\v 6 “ኡል ሄመን ጠኤ ካኮላረ ጎራታ ‘ካማሻሸ ኤመታራ ብያ ቆጳዬን ታአማታ ኡምት ማልሳንተ።’
\p
\v 7 “ሀሱ ጎራታ ዴለልጃ ዱባ ኬንጉረን ዳብክሶ ሀንቃይሳተን ኤካሳቴን። 
\v 8 ጎዎሌ ቃሮሌነ ‘ዳብካን ባይናራ ላንባትስንኮ ኖን ስሳ፥’ አመን።
\p
\v 9 “ቃሮሌኒዕ ዴለልጃ ጎአመን አባበንጉረን ኖ ታአብና ላንባ ‘ኖዬና እስኑና ላናዋይን ዳንዳታ፥ ሰዬንዴነ ላንባ ካዳዳላታሮኮ ኡሱን ኢምናዬን’ አመን።
\p
\v 10 “ላንባ ኢምናይን ካኮብያረን ጎራታ ካማሻሸ ኤመተ፥ ኤካሳቴን ኦግረን ዴሌልጃና ካሃስኖ ኣሞ ታኮኤካተሮ ባንኤ ኡሱነ ዎታ ታቤን፥ ኡፋና ጩፋመ።
\p
\v 11 “አዳላተን ኦኤሜተራን ኦካለ ዴለልጃ፥ ‘ጎታ! ጎታ!’ ማጋኔ ‘ኖን ኡፋ ባንና’ አመን።
\p
\v 12 “ኡሱ ጎአመን፥ ‘አን ሩምና አማራ አን እስን ላካሶ’ አመ እሶን አባበ።\x - \xo 25፡12 \xo*\xt ሉቃ. 13፡25።\xt*\x*
\p
\v 13 “ጎርታኑ እስን አሪ ጎርቱን ሳቲ ማንኮካሶን ማራን እስኤካሳዬን ኦራ።
\s1 ኦሀንዳራን ሴድኮክ ማሱሳ
\r (ሉቃ. 19፡11-27)
\p
\v 14 “ዎኖናት ካዳሩረ እባዶት ኮ ኡሱን ኦሀንዳረን እስ ቶስ ኡመጉረ ኦአቦ ኡራዎኦቴሳ ሀዳራ ስሰጉረ ኡል ካካለ ሴይን ካኬሮ እባዶት ኣን ላራ።\x - \xo 25፡14 \xo*\xt ሉቃ. 19፡11-27።\xt*\x* 
\v 15 ኦዶ ኦዶ ፈሎኦትሶክ ማለ ኮዉን ጣጋራ ከን፥ ኮዉን ላማ፥ ኮዉን አደ ጣጋራ ቶ ስሰጉረ ጎርሰዋ ኡል ካካለ ኢሰ ሴተ። 
\v 16 ጣጋራ ከን ካአታተራ እባዶት ጎርሰዋ ዳዳላታኖ ሀጋአበረ ታካለ ጣጋራ ከን ዎረኤ ሄላተ። 
\v 17 ኡሱማለና ጣጋራ ላማ ካአታተረና ጣጋራ ላማ ዎረኤ ሄላተ። 
\v 18 ጣጋራ ቶ ካአታተራ ጎአመን ኡል ኦሸጉረ ማራጋደ ካጎታ ቃማለ።
\p
\v 19 “ኦሀንዳራንኮክ ጎታ ማንኮሴተሮ ታንጂን አዳላተ ኤመተረ ታስሰሮ ጣጋራ ቶታይ ድን ሀጋአበ። 
\v 20 ጣጋራ ከን ካአታተረ ታካለ ጣጋራ ከን ዎረኤ ሄላተ ኣተ ኤመተጉረ፥ ‘ጎታ!’ አት ኢን ጣጋራ ከን ስሰተ፥ ሂክማ ታካለ ጣጋራ ከን ዎረኤ ሄለራ አመ።
\p
\v 21 “ጎታኬሳና ‘ጎኢዳን ፈልተታ፥ አት ካእዳንክ ካአብዳንተ፥ ክጫርክ አዬሲ ካአብዳንተ ማንኮሌተ ማራን ካሞጋን አዬሲ አን ኩ ሹምናራ፥ ጎታካኒዕ ገጌሎ ቶስ ታብ’ አመ።
\p
\v 22 “ኡሱማለና ጣጋራ ላማ ካአታተራ ካሃንዳራ ኤመተጉረ ‘ጎታ!’ አት ኢን ጣጋራ ላማ ስሰተ፥ ሂክማ ጣጋራ ላማ ዳዳለጉረ ታካለ ጣጋራ ላማ ዎረኤ ሄለራ አመ።
\p
\v 23 “ጎታኬሳና ‘ጎኢዳን ፈልተታ፥ አት ካእዳንክና ካአብዳንተ ካሀንዳታ ክጫርኪን ካአብዳንተ ማንኮሌተ ማራን ካሞጋን አየስ ጉት አን ኩ ሹምናራ፥ ጎታካኒዕ ገጌሎ ቶስ ታብ’ አመ።
\p
\v 24 “ጣጋራ ቶ ካአታተረ ካሀንዳሮክና ኤመተጉረ ‘ጎታ!’ አት ካዉጣኖን ግቶ ካማጣራቶ፥ ካዳርኖን ግቶ ካኩኩይሳቶ ቦግካአቲ እባዶት ላኖ ካሶዋ፥ 
\v 25 ሃኑን አብሳየረ፥ ‘ጣጋራታ ኤሬ ቃማለራ፥ ሂክማ ማራጋደካ’ አመ።
\p
\v 26 “ጎታኬሳና አባበረ፥ ‘አት ካሜላንክና ቦዛክ ካሀንዳታ፥ ካዉጣኖን ግሮ ካማጣራታሮና፥ ካዳርኖን ግሮ ካኩኩይሳታሮ ላኖኬ ካሶ? 
\v 27 ሀያ አን ካኮአባባታሮ ጎራታ ጣጋራቴ ዎረኤነ ዎታ ጎጎአታሮ ኦዳዳላታራዉን ስሳኖ ዶትሳረ።
\p
\v 28 “ ‘ጎርታኑ ጣጋራ አታጉደን ጣጋራ ቶሞን ካአቦን ስሳ፥ 
\v 29 ካአቦን አዳማራ፥ ሞጋታራ፥ ካላይክኮ ጎአመን ሀሱ ካግራዋ አታማራ።\x - \xo 25፡29 \xo*\xt ማቶ. 13፡12፤ ማር. 4፡25፤ ሉቃ. 8፡18።\xt*\x* 
\v 30 ሂካ ላኦ ካላይክ ካሀንዳሮ ኦታና ኢልኮ ፎጫኖ ማንኮግሮ ሳሬ ካግሮ ጢልንጋክ ሙጉድ ቶስ ቤሳ ሻፋ’ አመ።\x - \xo 25፡30 \xo*\xt ማቶ. 8፡12፤ 22፡13፤ ሉቃ. 13፡28።\xt*\x*
\s1 አላምኮክ ካጋቾ ፍርዳ
\p
\v 31 “ኤረ ካእባዶ ኤርግቻልኬሳ ዱባነ ዎታ ካባጃ ጎኤመተ ካካባጃ ኮርፍንጄይ ጉት ሀማጺናራ።\x - \xo 25፡31 \xo*\xt ማቶ. 16፡27፤ 19፡28።\xt*\x* 
\v 32 ጎሳ ዱባ ኡሱ ሆረ ኩኩምናራ፥ ኡሱና፥ ካፎፌ እዳድ ኦሬንኮ ጎጎአሳባሮይ፥ ጎሳ ኮ ካካለኮ አሳብናራ። 
\v 33 እዳድ ምና ታመርገነ ኦሬን ምና ታበተነ አሊስናራ።
\p
\v 34 “ሀሱ ጎራታ ዎኖ ምና ታመርገነ ኦግራነ ሃ አምናራ፥ ‘እስን ኣቦክ ኦሶማሳተራ ኮዬን አላም ታኮመጣመሮኮ ሀጋአበረ እስኑን ካኤካተሮ ዎኖናት ኤላ። 
\v 35 ኣላንቲና አን ኡኤ አምሴታን፥ ሱጉባየ ጣምሰታን፥ አን ማርት ሌ ጎኤሜየ ቆጳቴታን፥ 
\v 36 አን ሀዉአይ ጎሌ ሳርስሴታን፥ አን ሀዉኣመ ዴተታን፥ ሻመ ጎሌ እን ቶስ ኤሜቴን ሆሳተታን።’
\p
\v 37 “ቁሎለና አባበን ሃ አመን፥ ‘ጎታ! አት ኡኢተ ዴነ ጎረ ኖ ኩ ኣምንሰ? ጎርቱን ሱጉባተ ዴነ ጎረ ኖ ኩ ጣምንሰ? 
\v 38 ማርት ሌተ ዴነ ጎረ ኖ ኩ ቆጳነ? ጎርቱን ሀዉአይ ሌተ ዴነ ጎረ ሳርስንሰ? 
\v 39 ኡሱማለና ሀዉኣንተ ጎርቱን ሻንተ ጎረ ሴነ ኖ ኩ ሆሳኔ?’
\p
\v 40 “ዎኖና አባበረ፥ ‘አን ሩምና አማራ ሂናኣ ሁጫር ኦሌራን አቢላልቴኮ ኮዉን ካየልቴታን ኢን ካፈልቴታን አንያ’ አመ አባበ።
\p
\v 41 “ኤሰኮና ምና ታበተነ ኦግራነ አደ ሃ አምናራ፥ ‘እስን ኦቃንጋንተታን፥ ዱርሳና ኤርግቻኬሳዉን ታኤካተቶ ጅሩ ጅሮማን ኤለን ቶስ እንኮ ካለ ብያደን ሴዬን። 
\v 42 ኣላንቲና አን ኡኤ ላኮኣምሴታን፥ አን ሱጉባየ ላኮጣምሰታን፥ 
\v 43 አን ማርት ሌ ጎኤሜየ ላኮቆጳተታን ሀዉአይ ሌ ላኮሳርስሰታን፥ አን ሀዉኣመና ሻመ ጎሌ እን ቶስ ኤሜቴን ላኮሆሳቴታን።’
\p
\v 44 “እሶና አባበሬን፥ ‘ጎታ! አት ኡኢተ ጎርቱን ሱጉባተ፥ አት ማርት ሌተ ጎርቱን ሀዉአይ ሌተ፥ ሀዉኣንተ ጎርቱን ሻንተ ዴነኔ ጎረ ጋርጋራና ዋኔ?’
\p
\v 45 “ሀሱ ጎራታ ዎኖ አባበረ፥ ‘አን ሩምና አማራ ሂናኣ ሁጫር ኦሌራንኮ ኮዉን ፈላና ዋቲ እና ላኮፈልተታን’ አምናራ።
\p
\v 46 “ሂናኣ ጅሩ ጅሮማት ሙሮ ቶስ፥ ቁሎለ አደን ጅሩ ጅሮማክ ግር ቶስ ሴይናራን።”\x - \xo 25፡46 \xo*\xt ዳኔ. 12፡2።\xt*\x*
\c 26
\s1 አይሁድል የሱሳ ላጋዲን ጦዬን
\r (ማር. 14፡1-2፤ ሉቃ. 22፡1-2፤ ያን. 11፡45-53)
\p
\v 1 የሱሳ ሂካ አየስ ዱባ አዬሰ ካኮጉድሳረ ጎራታ፥ ኡሱኮ ኦአጋልሳታረነ፥ 
\v 2 “አሪ ላማኮ አባባይረ ካፋስካ ባላ ካካባጃምናሮ ላኖ ካሳንዋ፥ ኤረ ካእባዶና ሱዋሚን ሮር ስሳምናራ” አመ።\x - \xo 26፡2 \xo*\xt ብያ. 12፡1-27።\xt*\x*
\p
\v 3 ኤሰኮ አባባተረ ካቱቃሞል ዎይቻልና ጃርሳ ካኡሌ ቀያፋ ካአማማሮ ቱቃሞሉን ኦዶናት ካአቦኮክ አዉዲ ኦሮ ኩኩአመንጉረን፥ 
\v 4 ሚጌይ የሱሳ አቢና ላጋድስስን ማካረን። 
\v 5 “አየሱን ጎአመን ጎሳ ኦሮ ሻላጎ ጎጎኬኖንኮ ታባላ አሪ አሮሌኖ” አመን ህኢ ቶ ሌን።
\s1 የሱሳ ጉት ሽቶ ታክብተቶ ሄለልትቲ
\r (ማር. 14፡3-9፤ ያን. 12፡1-8)
\p
\v 6 የሱሳ ብታንያይ ማሪ ባር ካአቦ ስሞናኮክ ምኒ ግራን፥ 
\v 7 ሄለልትቲ ቶ ዶክ ኣሎ አዉኣሎ ታሌተቶ ሽቶ ካአልባስጢሮስ ብልቃደ ኮይ ኣተ የሱሳ ቶስ ጋባላንተ፥ ባቦ አማ ሀማጼ ግራን መተኬሳ ጉት ሽቶ ክክብተ።
\p
\v 8 ኡሱኮ ኦአጋልሳታረን ሂካ ካኮድያረን ጎራታ አማራቴን ሃ አመን፥ “ሂክ ዱባ ዳርአኖ ሙንያ?” 
\v 9 “ህት ሽቶ ካሞጋን ማራጋዴይ ዳዳላምጉደ ህየሳን ስሳምን ዶትሳተ” አመን።
\p
\v 10 የሱሳና እሶ ካአመራን አዴሰረ፥ “ህታ ሄለልትቲ ሙን ራክሳታን? ኤሰ ኢን ፈሎ ኦኢዳን ፈልተታ አመ። 
\v 11 ህየሳል ማጎሬና እስኔ ዎታ ግራን፥ አን ጎአመን አርጌቶ እስኔ ዎታ ላኮግርናሮ፥ 
\v 12 ኤሰ ህታ ሽቶ ማርኬይ ጉት ክክባኖ እን ቃማልኬዉን ኤካሳኖያ። 
\v 13 አን ሩምና አማራ ሂክ ዎንጋላ ማንኮላላባማሮ አላም ዱባ፥ ማራሙር ማኤት ባንኤና ኤሰ ኢን ካፈልተታ ኤሰ ሻዳኖ ሊ ሰጋምናራ” አመ።
\s1 ይሁዳ የሱሳ ሮርስ ስስን ኤካተ
\r (ማር. 14፡10-11፤ ሉቃ. 22፡3-6)
\p
\v 14 ሀሱ ጎራታ ቶሞንኮ ላማኮ ኮ ካሌራ ካአስቆሮቱ ይሁዳ ካአማማራ ካቱቃሞል ዎይቻል ቶስ ሴተጉረ፥ 
\v 15 “አን የሱሳ እስኑን ሮርስ ጎስሰ እስን አዴን ኢን መ ስስናታን?” አመ፥ እሶና ብር ሶንዶም ኡሱን ቶቴን ስሰን። 
\v 16 ሀሱ ጎራታኮ ሀጋአበረ ይሁዳ የሱሳ ሮርስ ካኮስስሮ ካኤካሮ ጎራታ ዶታ ግረ።
\s1 የሱሳ ካፋስካ ክታ ኦፋራሜራነ ዎታ ኣማኖ
\r (ማር. 14፡12-21፤ ሉቃ. 22፡7-14፥21-23፤ ያን. 13፡21-30)
\p
\v 17 ካባቦ ባላን ታሆራርጄ አሪ የሱሳኮ ኦአጋልሳታረን ኡሱ ቶስ ኤመተንጉረን “አት ካፋስካ ክታ ካሄመነ ጎጎአንቶን ኤቲ ኖ ጎጎኤካንሶን ዶታታ?” አመን።
\p
\v 18 ኡሱና፥ “ካታማ ቶስ ሴየንጉዴን እስኔ ካኤሰለ እባዶት ኮኔ፥ ‘ካአጋልስሳራ ጎራታክ ጋባላመራ እንኮ ኦአጋልሳታራነ ዎታ ካፋስካ ባላ ምንካይ ካባጃይናራ አማራ አማ አመ።’ ” 
\v 19 የሱሳኮ ኦአጋልሳታራና ኡሱ ጎጎአጃጄሮክ ማለ ካፋስካ ባላኮክ ክታ ኤካሰን።
\p
\v 20 ኡል ሄመን ካኮላረ ጎራታ የሱሳ ቶሞንኮ ላማ ኦፋራሜራነ ዎታ ባቦ ኣምን ሀማጼ። 
\v 21 የሱሳ ኣሞ ጉት ግራን፥ “አን ሩምና አማራ እስን ኦሮኮ ኮ እን ሮርስ ስስናራ” አመ።
\p
\v 22 እሶና ኣሎ ያደንጉሬን ቶቶል “ጎታ! አን ሌዉና?” አመን።
\p
\v 23 የሱሳና አባበረ፥ “እን ሮርስ ካስስናራ ኢነ ዎታ ያላኣይ ገነ ካዳግሳተሮያ። 
\v 24 ኤረ ካእባዶ ኡሱ ማራን ጎጎጻፋመሮይ ጎይናራ፥ አየሱን ጎአመን ኤረ ካእባዶ ሮርሰ ካስሳሮን ሀሱ እባዶትን ኣኔ! ኡሱ እባዶት ሀኣላኖን ሄስ ግረዋ ካእዳንየ” አመ።
\p
\v 25 ሮርስ ካስስናራ ይሁዳና፥ “ካአጋልስሳቶ! አን ሌዉና?” አመ፥ የሱሳና፥ “አት ካአማታ” አመ።
\s1 ቁሉክ ባቦ ካዋክ ዎጋ
\r (ማር. 14፡22-26፤ ሉቃ. 22፡14-20፤ 1 ቆሮ. 11፡23-25)
\p
\v 26 እሶ አማ ግራና የሱሳ ባቦ ኬሰጉረ ሶማሳተ ኢብሰ ኣተጉረ ኡሱኮ ኦአጋልሳታራዉን ስሳ፥ “አህአይ አታዬን አማ፥ ሂኒዕ ሶኦተያን” አመ።
\p
\v 27 ኤሰኮ ጡጋ ኬሰ ዋ ጋላተጉረ፥ ኡሱኮ ኦአጋልሳታሬዉን ስሳ ሃ አመ፥ “እስን ዱባና ህታ ጡጋኮ ጣማ፥ 
\v 28 ካሞጋንኮክ ጩቦን ሻጋ ማራን ካኡባይናራ አማቶ ኦኡሱብ ካአዴስሳራ ኢግክ ሂካያ። 
\v 29 አን ጎአመን ሃ አማራ ኣቦኬክ ዎኖናቲ እስኔ ዎታ ሂካ ካኡሱብ ካዎይኒ ጣሞ ታኮጣምናሮ አሪ ታ ጌሮ ህታ ጡጋኮ ሆረንባን ካዎይኒ ጣሞ ላኮጣምናሮ።”
\p
\v 30 ማዛሙር ዛማሬን አባባቴንጉረን ዛይቲ ካበያራ ጋ ታኮአላታሮ ዎዳም ቶስ ቤን።
\s1 የሱሳ ጴጢሮሳኮክ ካካታኖ ጣየ አዬሰ
\r (ማር. 14፡27-31፤ ሉቃ. 22፡31-34፤ ያን. 13፡36-38)
\p
\v 31 የሱሳ አደ፥ “ህታ ሄመን እስን ዱባ እን ካካይናታን፥ ‘አን ካፎፌ ባስናራ ካፎፋማራ ኢዳንዳ ዳርአምናራ አማመ ቁሉክ ማጻፋ ጻፋመራ።’
\p
\v 32 “አየሱን ጎአመን አን ጎይኮ ካኮኬ ጎራታ እስንኮ ጣይ ጋሊላ ቶስ ሴይናራ።”
\p
\v 33 ጴጢሮሳና አባበረ፥ “ካካለ ዱባ ኣላንቲታይ ኩ እስ ጎሴተና አን ጎአመን ዱዶ ኩ እስ ላኮሴሮ” አመ። 
\v 34 የሱሳና ጴጢሮሳነ፥ “አን ሩምና አማራ ህታሜን ሉካለ ሀኦይኖን ግራን አት እን ሴድ ጋል ካካይናታ” አመ። 
\v 35 ጴጢሮሳ ጎአመን “አን ኩኔ ዎታ ጎይን ካዶትሳሮ ጎሌና ሱረ አን ኩ ላኮካካይናሮ” አመ። ኩኒዕ ኡሱኮ ኦአጋልሳታረን ዱባና ኡሱማሌዋ አመን።
\s1 የሱሳ ጌተሰማኒ ኤባታኖ
\r (ማር. 14፡32-42፤ ሉቃ. 22፡39-46)
\p
\v 36 ኤሰኮ አባባተረ የሱሳ ኡሱኮ ኦአጋልሳታረነ ዎታ ጌተሰማኒ ታአማማቶ ባንኤ ቶ ሴተ፥ እሶነ “አን ኣራ ሴይጉረ ታ ኤባሮይ እስን ህታኒ ግራ” አመ። 
\v 37 ሴታ ግራን ጴጢሮሳና ይስ ካዛብዶሳ ላማ ዎታ ኣተ ሴተ፥ ጋዳና ጫናቃማኖ ሀጋአበ። 
\v 38 ኤሰኮና “አን ታጎሮ ኣሎ ጫናቃመራ፥ ኢነ ዎታ ናባዳ ህታኒ ግራ” አመ።
\p
\v 39 አባራንቲ ሽጲመጉረ ሆረሆረ በቤዲ ኡል ኦየረ “ኣቦኬ! ህት ታራኮ ጡጋ እንኮ ሀቡይቶ፥ አየሱን ጎአመን ፈኢቴ ማለ ሀሌኖን ግራን ፈኢታ ማለ ሀሌዎ” አመ ኤባተ።
\p
\v 40 ኤሰኮ አባባተጉረ ኡሱኮ ኦአጋልሳታራን ቶስ ጎኤሜሮ ኦሁዱሬራን ዴጉረ ጴጢሮሳነ፥ “ዱዶ ኢነ ዎታ ሳቲ ቶና ናባድ ግራና ዋተን?” 
\v 41 “ጫፍት ኦሮድ ጎጎታቦንኮ ናባዳ ኤባየን፥ አያና ኤካተ ግራ፥ ሶ ጎአመን ሀራራን” አመ።
\p
\v 42 አደ ካላም ሴተጉረ “ኣቦኬ! ህት ታራኮ ጡጋ አን ሀጣሞን ግራን ታሮሮን ጎሌተ ፈኢታክ ማለ ሀሌቶ” አመ ኤባተ።
\p
\v 43 ካላም አባባይ ካኮኤሜሮ ጎራታ ሁዱሮ ማንኮጌተተ ማራን ሁዱረን ኦግራን ዴ። 
\v 44 ግዳና እሶ ኢሰጉረ አደ ካሴድ ሴተጉረ ሆረ ካኤባተረ ኤብ አደ ኤባተ።
\p
\v 45 ኤሰኮና ኡሱኮ ኦአጋልሳታረን ቶስ አባባተ ኤመተረ፥ “ግዳና ሀራፍንቴን ሁዱርቴታን? ህትማ ሳቲ ጋባላንተታ፥ ኤረ ካእባዶ ጩባለይኮት ገነይ ሮር ስሳምናራ። 
\v 46 ክያ ሴኖ፥ ሮርስ ካስስናራ ኤመታ ግራ!” አመ።
\s1 አባማኖ ካየሱሳ
\r (ማር. 14፡43-50፤ ሉቃ. 22፡47-53፤ ያን. 18፡3-12)
\p
\v 47 የሱሳ አዬሳ ግራን ቶሞንኮ ላማኮ ኮ ካሌራ ይሁዳ ካቱቃሞል ዎይቻልና ታኡሌ ጃርሶለኮ ኦፋራመራን ሺፋና ዱላ ካአበራ እባዶ ካሞጋና ዎታ ግረ። 
\v 48 የሱሳ ሮርሰ ካስሰራ ይሁዳና፥ “አን ካአንጋታራ ኡሱያ አባ” አመ ማላታ ስሰ ማንኮግረ ማራን፥ 
\v 49 ጎርሰዋ የሱሳ ቶስ ሴተጉረ፥ “ካአጋልስሳቶ! ኖጎዳ ኢደግቶ” አመ ኡሱ አንጋተ።
\p
\v 50 የሱሳና፥ “አን ካጌላታሮ! ታኮንኤመተቶ ሃጃ ጉሳ” አመ፥ ሀሱ ጎራታ እባዶ ጋባላመጉረ የሱሳ አበ ሽየ።
\p
\v 51 የሱሳነ ዎታ ካግረኮ ኮ ገነ ኬሰጉረ ሺፋይ ቱቃሞልኮክ ዎይቻቲን ካሀንዳረኮት ነበ ጎሰ።
\p
\v 52 የሱሳና፥ “ሺፋካ ኮፎ ኦሮ ታብስ፥” “ሺፋ ካምአታራ ሺፋይ ጎዋራ፥ 
\v 53 ጎዶትሰ አን ኣቦኬ ጎኤባየ ኩማ ካሞጋን ካቶታምሮ ኤርግቻል እን ካፋሮን ኣን ላራ? 
\v 54 ሂክ ሃ ጎሌ አደ ቁሉክ ማጻፋ ልናራ አማመ ካጻፋመራ ምሲ ጉዳታራ?” አመ።
\p
\v 55 ሀሱ ጎራታ የሱሳ ጎሳነ፥ “ሽታ አብን ካኤሜታሮ እባዶ ኣን ሺፋልና ዱላል አብቴንደን እን አብን ኤሜቴን? አርጌቶ ቁሉክ ምን ካኤብ ሀማጼ አን እስን ጎአጋልስሳረ ላኮአብተቴን። 
\v 56 አየሱን ጎአመን ሂክ ዱባ ካኮንሌራ ቁሉክ ካሄገሮልኮክ ማጻፋይ ካጻፋመራ ጎጎጉዳሮንያ” ሀሱ ጎራታ ኡሱኮ ኦአጋልሳታረን ዱባ ኡሱ ኢሰን ባቃተን።
\s1 የሱሳ አይሁድኮት ሾንጎይ ሆረ ኣላኖ
\r (ማር. 14፡53-65፤ ሉቃ. 22፡54-55፥63-71፤ ያን. 18፡13-14፥19-24)
\p
\v 57 ሀሱ ጎራታ የሱሳ ካአበራ እባዶ ሴራ ካሙሴ ኦአጋልስሳራና ጃርሳ ካኡሌ ኩኩመ ታኮግረ ቱቃሞልኮክ ዎይቻት ቀያፋ ቶስ ኡሱ ጌሰን። 
\v 58 አየሱን ጎአመን ጴጢሮሳ ፋክመጉረ ካቱቃሞል ዎይቻትኮክ አዉድ ታ ጌሮ ኡሱ ዴበ ሰሴታ ግረ፥ ኦሮዴ ታበጉረ አየስ ታልናሮ ድን ኦኦራኔነ ዎታ ሀማጼ።
\p
\v 59 ሀሱ ጎራታ ቱቃሞልኮክ ዎይቻትና ካአይሁድ ሾንጎ ዱባ የሱሳ ላጋድስስን ካጣራ አቶ ዶታ ግረን፥ 
\v 60 ካሞጋን ካጣራ አቶጆል ጎኤሜተና አቶ ካሌሮ ላኮሄላቴራን፥ ዳንበኔ ጎአመን እባዶ ላማ ጋባላመረ፥ 
\v 61 “ሂክ እባዶት ቁሉክ ‘ምን ካኤብ ባስጉረ አሪ ሴድ ኦሮ አባብ ማዳርን ዳንዳራ’ አመራ” አማ አዬሴን።
\p
\v 62 ሀሱ ጎራታ ቱቃሞልኮክ ዎይቻት ኬ አሌጉረ፥ “ሂክ እባዶ ካአቶቴሮ ዱባን ኮና አባብ ላኮአባባቶያ?” አመ። 
\v 63 የሱሳና ጎአመን ጫልኢ አመ። ቱኡቃሞልኮክ ዎይቻት የሱሳነ፥ “አን ኩ አርዶክ መገ ካዋይ አበራ፥ አት ክርስቶሳ ኤረ ካዋ ጎሌተ ኖን ሰጊ?” አመ።
\p
\v 64 የሱሳና፥ “አትዋ እሲ አንተታ፥ አየሱን ጎአመን እስን ዱባና ሰጊሮ ሂታኮ ሆረንባን ኤረ ካእባዶ ሁና ካዋኮት መርጌ ሀማጺረ ካዳሩረ ዱማንቻይ ኦሮ ኤመታ ግራን ድናታን” አመ።
\p
\v 65 ሀሱ ጎራታ ቱቃሞልኮክ ዎይቻት ሳርስኬሳ ፊለጉረ፥ “ሂክ ዋ ሀባረራ፤ ሂካኮ ካካለ ምስክ አቶ ዶትሳራ? ኡሱ ዋ ሀባራ አዬሳኖ እስንዋ ማልቴታን አመ። 
\v 66 መ አን እስኑን ላራ?” አመ።
\p “እሶና ጎይን ዶትሳራ” አመን አባበን።
\p
\v 67 ሀሱ ጎራታ በቤድቴሳ ሀንጩፈ ቱፋ ባላባንጆ ባሳ፥ 
\v 68 “ክርስቶሳ! አዮያ ኩ ካባሰ? አላ ሄገሮ አየስ” አመን።
\s1 ጴጢሮሳ የሱሳ ካካተ
\r (ማር. 14፡66-72፤ ሉቃ. 22፡56-62፤ ያን. 18፡15-18፥25-27)
\p
\v 69 ኤሰኮ አባባተረ ጴጢሮሳ ካቱቃሞል ዎይቻትኮክ አዉዲ ኦሮ ሀማጼ ግራን ድይት ቶ ኡሱ ቶስ ጋባላንተጉደ “አት ካጋሊላ የሱሳነ ዎታ ግቴዋ” አንተ።
\p
\v 70 ኡሱ ጎአመን፥ “አት ማመ አማቶ አን ላካሶ አማ ዱባይ ሆረ ካካተ።”
\p
\v 71 አዉድኮ ካኮበያራን ካራነ ብን ሴታ ግራን ታካለ ድይት ጴጢሮሳ ዴተጉዴ ኤሰ ካግረ እባዶዉን “ሂክ እባዶት ካናዝረት የሱሳነ ዎታ ግረ” አንተ።
\p
\v 72 ጴጢሮሳን ካአማቶ ሃፉራይ “ሂካ እባዶት አን ላካሶ” አማ ካላም ካካተ።
\p
\v 73 አባራን ጋጭመጉረ ኤሰ አሌ ካግረ እባዶ ጴጢሮሳ ቶስ ጋባላመንጉረን፥ “አዬስካዋ አዴስሳራ፥ ኦግራን አትና እሶኮ ኮታ” አመን።
\p
\v 74 ኡሱና አማታና ቃንጋ “አን ኡሱ እባዶት ላኮካሶ” አመ። ሀሱ ጎራታ ሉካለና ኦየ።
\p
\v 75 ጎርሰዋ፥ ጴጢሮሳ “ሉካለ ሀኦይኖን ግራን ሴድ ጋል አት እን ካካዪናታ” አመ። የሱሳ ካአዬሰራ ሃፉራ ኡሱን ቃል አመ። ጴጢሮሳና ሳርዴ ቤጉረ ዩሩሩ አመ ኦተ።
\c 27
\s1 የሱሳ ጲላጦሳ ቶስ ጌሳኖ
\r (ማር. 15፡1፤ ሉቃ. 23፡1-2፤ ያን. 18፡28-32)
\p
\v 1 ባር ባባርስ ካቱቃሞል ዎይቻልና ጃርሳ ካኡሌ ዱባ የሱሳ ታየል ላጋድራን ማካረን። 
\v 2 የሱሳ ሽዬን ጌሰንጉረን ካሮም ሞት ጲላጦሳን ሮርሰን ስሰን።
\s1 ይሁዳ እስኦቴሳ ሱዋተ
\r (ኦፋ. ፈ. 1፡18-19)
\p
\v 3 ሮርሰ ካስሰራ ይሁዳና የሱሳ ጎይን ፍርዳማኖ ካኮድያረ ጎራታ ጋቤ። ብር ሶንዶም ካቱቃሞል ዎይቻሉና ታኡሌ ጃርሶለዉን አባበ ስሰጉረ፥ 
\v 4 “አን ቁሉክ እባዶት ጎይን ሮርሰ ማንኮስሰሮ ማራን ባሰራ” አመ።
\p እሶና “ሀያ ኖ መ ካታብሳራ፥ ሀሱ ያዳካያ” አመን።
\p
\v 5 ሃኑን ይሁዳ ብር ቁሉክ ምን ካኤብ ኦሮ ሻፈ ኢሰ ቤጉረ እስ ሱላተ ጎየ።
\p
\v 6 ካቱቃሞል ዎይቻልና ኤሰ ብር አቴንጉረን፥ “ህት ብር ዶክ ካኢጌኮት ማንኮሌተቶ ማራን ምን ካዋዉን ሉጉድን ሴራካን ፈኢ ላኮስሳሮ” አመን። 
\v 7 ማካረንጉረን ማርት ታኮቃማላን ታቃማል ባንኤ ጎጎሌቶን ኡሱ ማራጋዴ ኤሬኮ ሁ ካመጣሮኮት ባንኤ ኢምኔን። 
\v 8 ሃኑን ሀሴ ባንኤ ህታር ታጌቶይ፥ “ኡል ካኢጌ” አማማተ ኡማማታ።\x - \xo 27፡8 \xo*\xt ኦፋ. ፈ. 1፡18-19።\xt*\x* 
\v 9 ሂካ ጋራይ ካሄገሮ ኤርማሳይ፥ ይሁዳን ሙራ ጎጎሌቶ፥
\p ጎሳ ካእስራኤል ታሄረገሮ “ብር ሶንዶም አታቴን። 
\v 10 ጎታና እን ጎጎአጃጄሮክ ማለ ኤሬኮ ሁ ካመጣሮኮት ባንኤን ሙሬን” አማመ ካሰጋመራ ጉዳተ።\x - \xo 27፡10 \xo*\xt ዛኪ. 11፡12-13።\xt*\x*
\s1 የሱሳ ጲላጦሳ ሆረ
\r (ማር. 15፡2-5፤ ሉቃ. 23፡3-5፤ ያን. 18፡33-38)
\p
\v 11 ሀሱ ጎራታ የሱሳ ካሮም ሞት ጲላጦሳ ሆረ አሌ፥ ካሮም ሞትና “አት ካአይሁድ ዎኖታ?” አመ ሆሳተ፥ የሱሳና “አት ጎጎአማቶያ” አመ አባበ።
\p
\v 12 ካቱቃሞል ዎይቻልና ጃርሶለ ጎሞተና ኡሱ አደ ኮና አባብ ላኮስሰ። 
\v 13 ሀሱ ጎራታ ጲላጦሳ “ምያ አቶ ከነን አቶቴራን ላኮማላቶያ?” አመ። 
\v 14 የሱሳ ጎአመን ካሮም ሞትና ኣሎ ታ ማምሮን ካሞታመሮ ሞቶን ሃፉራ ኮና ሱረ ላኮአባበ።
\s1 የሱሳ ካጎይ ፍርዳ ፍርዳማኖ
\r (ማር. 15፡6-15፤ ሉቃ. 23፡13-25፤ ያን. 18፡39፤ 19፡16)
\p
\v 15 ካሮም ሞትና ጎሳ ካፋስካ ታባላ አሪ ጎጎፉራምሮን ካዶታታሮ ኦዶ ኮ ሻኖኮ ካኮፉራሮ ዎጋ አባናየ። 
\v 16 ሀሱ ጎራታ ባስ ፈላኖይ ካአዴሳመረ ባርባነ ካአማማራ ካሽያመረ ኮ ግረ። 
\v 17 ጎሳ ኩኩ ካኮአማረ ጎራታ ጲላጦሳ፥ “ባርባነኮና፥ ክርስቶሳ ካአማማሮ የሱሳኮ፥ አዮ አን ጎጎፉሮን ዶታታን?” አመ። 
\v 18 ጲላጦሳና ሂካ ካኮንአመራ እሶ ቃናቴን ሮርሰን ካስሰራን ማንኮአዴሳረ ማራንያ።
\p
\v 19 ጲላጦሳ ካፍርዳ አርጃታ ጉት ሀማጼ ግራን ኦርቴሳ፥ “ኣላንቲ ቴሳ ሄመንካ ህስሎይ ራኮ ታሜላን አን ማንኮዴሮ ማራን ሀሱ ቁሉክ እባዶት ጉት ኮና አየስ ጎጎየሎንኮ ካአማሮ ሀንዳ ኡሱን ፋርተ።”
\p
\v 20 አየሱን ጎአመን ካቱቃሞል ዎይቻልና ታኡሌ ጃርሶለል ባርባነ ጎጎፉራምሮ የሱሳ አድ ጎጎ ጎሮን ጎሳ ጲላጦሳ ጎጎሆሳሮን ከኬሳ ግረን።
\p
\v 21 ካሮም ሞትና፥ “እሶ ላማኮ አዮ አን ጎጎፉሮ ዶታታን?” አመ ካላም ሆሳተ።
\p እሶና፥ “ባርባነ” አመን አባበን።
\p
\v 22 ጲላጦሳና፥ “ሀያ ክርስቶሳ ካአማማሮ የሱሳ ምስ የላ?” አመ።
\p እሶ ዱባና “ሀሱዋሞ” አመን።
\p
\v 23 ጲላጦሳና፥ “ሙን? መ ታሜላን ፈለራ?” አመ ሆሳተ።
\p እሶና አደን ኣሎ ኦካ፥ “ሀሱዋሞ” አመን።
\p
\v 24 ጲላጦሳና ኦኮ አዳማኖ ኳሬ ኮና አየስ ካጋርጋሮን ላኖ ዴጉረ “አን ሂካ እባዶትኮክ ኢግኮ ባልቻያ፥” እስን እስኦትስን ኦራዬን፥ “ጎርታኑ ኦዶናት ካክስንያ” አመጉረ በከ ኬንስሰጉረ ጎሳ ሆረ ገነኖኦቴሳ ኣለ።
\p
\v 25 ጎሳ ዱባና፥ “ኢግኬሳ ኖየና ይስካን ጉት ሀሌዎ” አመ አባበ።
\p
\v 26 ሀሱ ጎራታ ባርባነ ፉረ ጋፋረረ፥ የሱሳ አደ ቦጪሰረ ጎጎሱዋምሮ ሮርሰ ስሰ።
\s1 ካሮም ዎታዳራል የሱሳ ጉት ቃጭፋታኖ
\r (ማር. 15፡16-20፤ ያን. 19፡2-3)
\p
\v 27 ኤሰኮ ካሮም ሞቲኮክ ዎታዳራ የሱሳ ካሞትት አዉድ ቶስ ጌሰን፥ ዎታዳራል ዱባ የሱሳ ማራሙር ጎጎአልሮን ኩኩይሰ። 
\v 28 ሳርስኬሳና ቃረንጉሬን ሄላት ካባ ሳርስሴን፥ 
\v 29 ኤኤን ማማረን ካላቻ ፈሌንጉሬን መተኬሳይ ጉት ካዬን፥ ታሌማ ዳማ ገነ ታመርጌይ አብስሴን ሆረ ግልቢሰንጉሬን “አይሁድኮክ ዎኖ! ኖጎዳ ኩን ሀሌቶ” አማ ቃጭፋታረን። 
\v 30 ሀንጩፈ ኡሱ ጉት ቱፋ ታሌማ ዳማ ገነኮ ኣተንጉረን ታሌማ ዳማይ መተኬሳ አባበን አባበን ባሰን፥ 
\v 31 ቃጭፋቴን አባባቴንጉረን ሄላት ካባ ቃረንጉሬን ካሆሬ ሳርስኬሳ ኣተን ሳርስሴን፥ ሱይና አበን ሴተን።
\s1 ሱዋማኖ ካየሱሳ
\r (ማር. 15፡21-32፤ ሉቃ. 23፡26-43፤ ያን. 19፡17-27)
\p
\v 32 አበን ሴታ ግራን ስሞና ካአማማረ ካቀሬና ኡልኮክ እባዶት ሄሌንጉሬን፥ ማስቃሊ ጎጎስድሮ ሁኖመን። 
\v 33 ፉረንና፥ [ቡቀ ታመተ] ታሌተቶ ጎልጎታ ታአማንተቶ ባንኤ ካኮግያረን ጎራታ፥ 
\v 34 ካኦኮኮታሮ ኮኮነ ዎታ ካለዳመሮ ካዎይኒ ጣሞ ኡሱ ጎጎጣምሮ ስሰን፥ ኡሱ ጎአመን ህኢ አበ ዴረ ጣምን ላኮዶተ።\x - \xo 27፡34 \xo*\xt ማዛ. 69፡21።\xt*\x* 
\v 35 የሱሳ ሱዬን አባባቴንጉረን ኢጣ ቤሳተን ሳርስልኬሳና ሄዴዳመን፥\x - \xo 27፡35 \xo*\xt ማዛ. 22፡18።\xt*\x* 
\v 36 ኤሴና ሀማጼን ኦራ ግረን። 
\v 37 “ሂክ ካአይሁድ ዎኖ የሱሳያ” ታአማቶ ታሞቶ ጹፊ መተኬሳኮ ጉንቴ ካዬን። 
\v 38 ሽቶሌ ላማ ኮ ምና ታመርገነ፥ ኮ ምና ታበተነ ኡሱነ ዎታ ሱዬን። 
\v 39 ራኔ ካሮራራ እባዶ ኣሎ ኡሱ ሀባራ ቃጭፋታ፥\x - \xo 27፡39 \xo*\xt ማዛ. 22፡7፤ 109፡25።\xt*\x* 
\v 40 “ቁሉክ ምን ካኤብ ባስጉደ አሪ ሴድ ኦሮ ካማዳርናታ፥ አላ እስኦታ ሃሳ? ኤረ ካዋ ጎሌተ አላ ማስቃሊ ጉኮ ዳግ” አማ ግረን።\x - \xo 27፡40 \xo*\xt ማቶ. 26፡6፤ ያን. 2፡19።\xt*\x*
\p
\v 41 ኡሱማለና ቱቃሞልኮክ ዎይቻል፥ ሴራ ኦአጋልስሳራና ጃርሶለነ ዎታ ሌንጉረን ቃጭፋታ ሃ አማ ግረን፥ 
\v 42 “ካካለ ፋይሳራ” እስኦቴሳ አደ ፋይሳይን ላኮዳንዳሮ፥ ኡሱ ካእስራኤል ዎኖ ጎሌ ግዳ ማስቃሊኮ ሀዳገ፥ ኖና አማንናና። 
\v 43 ኡሱ ዋይ አማናታራ አን ኤረ ካዋያ አማ ማንኮግረ ማራን፥ አላ ዋ ኡሱ ካጌላታሮ ጎሌ ግዳ ሀሃሶ።\x - \xo 27፡43 \xo*\xt ማዛ. 22፡8።\xt*\x* 
\v 44 ኡሱነ ዎታ ኦሱዋሜሬን ሽቶሌና ኡሱማሌዋ ሀባር ካሞጋን ሀባራረን።
\s1 ጎይ ካየሱሳ
\r (ማር. 15፡33-41፤ ሉቃ. 23፡44-49፤ ያን. 19፡28-30)
\p
\v 45 ሳቲ ሌኮ ሀጋአበረ ታ ሳቲ ሳጋሊ ጌሮ ኡል ዱባ ጉት ሙጉድ ሌ። 
\v 46 ሳቲ ሳጋሊ የሱሳ ያየቴሳ ጦቂሰረ “ኤሎሄ ኤሎሄ ላማሰበቀታኒ?” አማ ኦኬ። ፉረንና “ሄዶኬ! ሄዶኬ! እን ሙን ኢሰ?” አማኖያ።\x - \xo 27፡46 \xo*\xt ማዛ. 22፡1።\xt*\x*
\p
\v 47 ኤሰ አሌን ኦግራንኮ ኮኮ ማለንጉሬን “ኤላሳ ኡማራ” አመን።
\p
\v 48 ጎርሰዋ እሶ ኦሮኮ ኮ ትያ ኤመተጉረ እስፎንጅ ኣተጉረ ካኦኮኮታሮ ጣሞ ካዎይኒ ኦሮዴሰ ናካረጉረ እስፎንጅ ሌማ ብርጠ ካየጉረ የሱሳ ጎጎጣምሮ ስሰ።\x - \xo 27፡48 \xo*\xt ማዛ. 69፡21።\xt*\x* 
\v 49 ኦካለና አደን “እሳጋ አላ ኤላሳ ኤሜይጉረ ኡሱ ጎሃስናሮ ድናና” አመን።
\p
\v 50 የሱሳ አደ ካላም ያየ ጦቂሰ ኦኬጉረ ኔፎ ቤተ።
\p
\v 51 ሀሱ ጎራታ ቁሉክ ምን ካዋኮት ጎጎሎ ኤለኮ ታ ሄገል ጌሮ ባንኤ ላማ ቤ ፊላመ፥ ኡልና ሻላጋመ፥ ኤኤሞልና በበልኤ፥\x - \xo 27፡51 \xo*\xt ብያ. 26፡31-33።\xt*\x* 
\v 52 ህየልና ባናመ፥ ጎየ ካግረ ካሞጋን ቁሎለና ኬን፥ 
\v 53 ህየልኮ ቤጉረን ጎይኮ ክያኖ ካየሱሳኮ አባባተረ ቁሉት ካታማ ኢየሩሳለም ቶስ ታቤንጉረን ካሞጋን እባዶን ሙተን።
\p
\v 54 ካቦሎ ዎይቻልና ኡሱነ ዎታ የሱሳ ኦራ ካግረ ዎታዳራል ኡል ሻላጋማኖና ካሌሮ አየስ ዱባ ካኮድያረን ጎራታ ኣሎ አብሳቴንጉረን፥ “ሂክ ኦግራን ኤረ ካዋየ” አመን።
\p
\v 55 ጋሊላኮ ኦኤሜተራና የሱሳን ካዶትሳሮ አየስ ሀንዳይን ዴበ ካሰሰታረ ሄለል ካሞጋን አየስ ታልናሮ ዲያ ፋክሜን ኡሱ ጎቦቢ ግረን። 
\v 56 እሶ ኦሮኮ ካመግደላ ኡልኮት ማይራመነ ታያይቆባና ታዮሴፋ አዬ ማይራመኔ ግረን። ኡሱማለና ኦር ታዛብዶሳነዬን።\x - \xo 27፡56 \xo*\xt ሉቃ. 8፡2-3።\xt*\x*
\s1 ቃማላማኖ ካየሱሳ
\r (ማር. 15፡42-47፤ ሉቃ. 23፡50-56፤ ያን. 19፡38-42)
\p
\v 57 ኡል ሄመን ካኮላረ ጎራታ ዮሴፋ ካአማማራ ዱሬሳት አርማትያስ ታአማና ካታማኮ ኤመተ፥ ኡሱና አደ የሱሳኮ ካአጋልሳታረየ፥ 
\v 58 ኡሱና ጲላጦሳ ቶስ ሴተጉረ ሬስ ካየሱሳ ኤባተ፥ ጲላጦሳና ኡሱን ጎጎስስራዉን አጃጄ። 
\v 59 ዮሴፋና ሬስ ኣተጉረ ጋሸ ታኡሱቢ ማረ ኢድሰ። 
\v 60 ኤኤሞኮ ቆራመ ካኦሻመረ ጉምቢ ኦሮ ቃማለ፥ ኤሰኮና ኤኤሞ ካንጂንክ ኦቶቶልሰጉረ ካቃማል ጉምቢኮት ህኢ ዱድሰ ሴተ። 
\v 61 ሀሱ ጎራታ ካመግደላ ኡልኮት ማይራመና ታካለ ማይራመ ቃማል ሆረ ሀማጼን ግረን።
\s1 ቃማል ካየሱሳኮክ ኦራማኖ
\p
\v 62 ታላም አሪ ታያሱማ ማንኮሌተ ማራን ካቱቃሞል ዎይቻልና ፋራሳውልነ ራቶ ጲላጦሳ ቶስ ሰተንጉረን ሃ አመን፥ 
\v 63 “ጎታ! ሀሱ ካሶሶይሳራ ጣየ ኔፎነ ግራን ‘ታሴድ አሪ ጎይኮ ኪናራ’ ካአማራ ኖን ቃል አመራ።\x - \xo 27፡63 \xo*\xt ማቶ. 16፡21፤ 17፡23፤ 20፡19፤ ማር. 8፡31፤ 9፡31፤ 10፡33-34፤ ሉቃ. 9፡22፤ 8፡31፤ 18፡31-33።\xt*\x* 
\v 64 ሃኑን የሱሳኮ ኦአጋልሳታረን ሬስ ሄት ኣትጉረን ጎሳነ፥ ጎይኮ ኬራ አም ጎጎአዬሶንኮ ቃማልኬሳ ታ አሪ ሴድ ጌሮ ጎጎኦራምሮ አጃጂ፥ ጎርቱን ካሃረ ሶሶዋኖ ካሆሬኮ ካሮረ ሌራ።”
\p
\v 65 ጲላጦሳና፥ “ካኦሮ እስን አብታንዋ ሴየንጉዴን ካካሳን ራድ ኦርስሳዬን” አመ። 
\v 66 እሶና ሰተንጉረን ቃማል ጉት ማታማ ካዬንጉሬን ካኦሮ ኣልሴን።
\c 28
\s1 ጎይኮ ክያኖ ካየሱሳ
\r (ማቶ. 28፡1-10፤ ማር. 16፡1-10፤ ሉቃ. 24፡1-12፤ ያን. 20፡1-10)
\p
\v 1 አይሁድን ታፎልሲ አርኮ አባባተረ ታዎጋ አሪ ባር ቡላነ ካመግደላ ኡልኮት ማይራመና ታካለ ማይራመ ቃማል ድን ሴተን።\f + \fr 28፡1 \fr*\ft አይሁድን ታፎልሲ አሪ ካአማራ፦ ታቄራ አሪ አማኖያ። ማጻፋ ኦሮ ሰንበት አማራ። ፉረንና ታፎልሲ አሪ አማኖያ \ft*\f*
\p
\v 2 ደራኣ ካአቲ ኡልኮክ አኣኖ ሌ፥ ካጎታ ኤርግቻትና ዳሩርኮ ዳገጉረ ቃማል ቶስ ሴተ ኤኤሞ ኦቶቶልሰጉረ ጉት ሀማጼ። 
\v 3 ታኤርግቻ በቤድቴሳና ሀንቃ ኣን ታሀንቃቶ፥ ሳርስኬሳና በለት አን ጉማራክየ። 
\v 4 ኦኦራኔና ኤርግቻት አብሳታናኮ ካከይ ሀረኤን ካጎየሮ እባዶ ኣን ሌን።
\p
\v 5 ኤርግቻትና ሄሌልጃነ ሃ አመ፥ “እስን አሮአብሳቴን እስን ካሱዋመረ የሱሳ ካዶታታን አን ካሶዋ፥ 
\v 6 ሃኑን ህታኒ ላኮግሮ፥ ጎጎአዬሰሮይ ኬራ፥ ኮዬን ኡሱ ታኮቃማላመረ ባንኤ ዲያ። 
\v 7 ግዳ ሳማ ሴየንጉዴን ኡሱኮ ኦአጋልሳታሬዉን የሱሳ ጎይኮ ኬራ፥ እስንኮ ጣይ ጋሊላ ቶስ ሴይናራ ጎርታኑን አን ሰገራ።”
\p
\v 8 ሄለልጃና አብሲና ገጌሎይ አማጋሜንጉሬን የሱሳኮ ኦአጋልሳታራዉን ሰግን ኣሎ ትያ ታቃማል ባንኤኮ ኢሰን ሴተን። 
\v 9 ጎርሰዋ የሱሳ እሶ ሄለጉረ፥ “ኖጎዳ ግታነ” አመ። እሶና የሱሳ ቶስ ጋባላመንጉረን ሉክቴሳ አባተን ሳጋደን። 
\v 10 የሱሳና “አሮአብሳቴን ሴየንጉዴን ጋሊላ ቶስ ጎጎሴራዉን አብላልቴዉን ሰጋ፥ ኤሰ እን ድናታን” አመ።
\s1 ኦኦራናንኮክ አቶታኖ
\p
\v 11 ሄለልጃና ራድ ሴቶ ጉት ግራን ኦኦራኔንኮ ኮኮ ካታማ ቶስ ቤንጉሬን ካሌሮ ዱባ ካቱቃሞል ዎይቻሉን ሰገን። 
\v 12 ካቱቃሞል ዎይቻልና ጃርሶለነ ዎታ ኩኩአመን ማካረንጉረን ዎታዳራን ማራጋደ ካሞጋን እሶ ስሳ ሃ አመን፤ 
\v 13 “ኖ ሁዱርነ ግራን ‘ኡሱኮ ኦአጋልሳታረን ሄመን ኤመተንጉረን ኖኮ ሄቴን አማ አመን።’ 
\v 14 ህት ኦዱ ሞቲ ዶሌ ጎማልሳንተና ሱረ ኖ ጋቾ አዴስንሳ፥ ኮና ካሜላን አየስ እስን ጎጎጌኖንኮ የልኖዋ” አመን። 
\v 15 ዎታዳራልና ማራጋደ አታቴንጉሬን ጎጎአጃጃመራን ማለ የሌን፥ ህት ጅርት ህታር ጊን አይሁድ ዶሌ ጋምባንተ ዳርኣንተ።
\s1 የሱሳ ኡሱኮ ኦአጋልሳታራዉን ሙታኖ
\r (ማር. 16፡14-18፤ ሉቃ. 24፡36-49፤ ያን. 20፡19-23፤ ኦፋ. ፈ. 1፡6-8፤ 1 ቆሮ. 15፡3-8)
\p
\v 16 ኤሰኮና ቶሞንኮ ኮ የሱሳኮ ኦአጋልሳታረን ጋሊላይ ታግቶ የሱሳ እሶን ታቱሰሮ ዎዳም ቶስ ሴተን። 
\v 17 ኡሱ ካኮድያረን ጎራታ ሳጋደን፥ ኮኮ አደን ሄዳቴን።
\s1 ካንጂንክ አጃጃ
\p
\v 18 የሱሳና ኡሱኮ ኦአጋልሳታረን ማንኮግሬን ቶስ ኤመተጉረ፥ “ኦዶናት ዱባ ዳሩርና ኡሊ ኢን ስሳመራ፥ 
\v 19 ሃኑን ሴዬንዴን ጎሳ ዱባ ኦዶይ፥ ኤረይና አያና ቁሉኮክ መገይ ጣማቃ እንኮ ኦአጋልሳታራን የላ።\x - \xo 28፡19 \xo*\xt ኦፋ. ፈ. 1፡8።\xt*\x* 
\v 20 አን እስኑን ካስሰሮ አጃጃ ዱባ ጎጎኦራናዉን አጋልስሳ፥ አንና አላምኮት ጋቾ ታ ጌሮ አርጌቶ እስኔ ዎታ ግራ” አመ።