\id HEB - Bayso New Testament
\ide UTF-8
\h እብራዊ
\toc1 ካኢብራዊ እባዶ ቶስ ካፋራመሮ ሀንዳ
\toc2 እብራዊ
\toc3 እብ.
\mt1 ካኢብራዊ እባዶ ቶስ ካፋራመሮ ሀንዳ
\imt ታባኖ
\ip ሂክ ሀንዳ ካኮንጻፋመራ እባዶ እሶ ጎዲደ አማኖክሶ እስን ካጋባላመሮ አማኒሉዉንየ፤ ጻፊት እብራዊጆሉን ካአዴስሰራ የሱሳ ክርስቶሳ ካሩሚና ካጋቾ ሙታኖ ካዋ ላኖ ቱስንያ። ሂክ አማኒል አማኖክሶይ ጎጎኣራራዉን አታይሳራ፤ ሂካ ካኮፈለ ጎራታ ሩም ሴድ አዴስሰ ቱሳራ፥
\ili1 1. ታአታተሮ ራኮ ኮት ጋራነ ካሩም ኦዶን ካአጃጃማሮ ካሌራ የሱሳ ጅሩ ጅሮማክ ኤረ ካዋያ፤ ኤረ ካዋ ላኖይ አማቶ ኦሆርኮክ ካሄገሮልኮ፥ ሙሴኮና ኤርግቻልኮ ኣሎ ካሮረያ።
\ili1 2. የሱሳ አማቶ ኦሆርኮ ኮክ ቱቃሞልኮ ኣሎ ካሮረ ጅሩ ጅሮማክ ቱቃሞ ላኖ ዋ እሲ አዬሰራ።
\ili1 3. ጋራ ካየሱሳነ አማኒል ጩቦኮ፥ አብስኮና ጎይኮ ፋይናራ፤ የሱሳ ቱቃሞልኮክ ዎይቻ ላኖይ ካኢብራዊ እባዶኮክ አማኖ ሴራና ካግድ ጃርሶ ሆስ ኣን ሙታ ካግረ ፋይና ሩም ጎጎሌሮን የለራ።
\ip ጻፍት ታእስራኤል ጅርት ካአዴሳመ እባዶኮክ አማኖ ማሱሳ የላተረያ፥ (ፎልሲ። 11) ኦናባባራን አማኖክሶይ ጎጎአታራዉን አዴስሳራ፤ ኡሱማለና (ፎልሲ። 12) አማና እልኦ ኦትሶ የሱሳ ጉት ካኖይ አማኖክሶይ ጎጎአታራዉና ማምስት ራኮና አቦሳ ጎጌና ጎጎኦብስራዉን ጎርሳራ፥ ጉድሳና ካጎርሳ ሃፉራ ስሳ ጉድሳራ።
\iot ራቶ ሂክ ማጻፋ ካአበራ
\io1 ታባኖ፥ ዋ ክርስቶሳይ ሙታኖ \ior 1፡1-3 \ior*
\io1 ክርስቶሳ ኤርግቻኮ ካሮራን ላኖ \ior 1፡4—2፡18 \ior*
\io1 ክርስቶሳ ሙሴኮና ኢያሱኮ ካሮረ ላኖ \ior 3፡1—4፡13 \ior*
\io1 ቱቃሞ ላኖ ካክርስቶሳ ዱባንኮ ካሮራሮ ላኖ \ior 4፡14—7፡28 \ior*
\io1 ካክርስቶሳ ሃፉራ አማቶኮ ካሮራሮ ላኖ \ior 8፡1—9፡22 \ior*
\io1 ካክርስቶሳ ጃርሳማኖኮክ ጂናን \ior 9፡23—10፡39 \ior*
\io1 አማኖኮክ ጂናን \ior 11፡1—12፡29 \ior*
\io1 ዋ ገጌላይሳኖ \ior 13፡1-19 \ior*
\io1 ካጩፋኖ ኤብ \ior 13፡20-21 \ior*
\io1 ጉድሳኖ \ior 13፡22-25 \ior*
\c 1
\s1 ዋ ኤረኬሳኮክ ጋራነ አዬሳኖ
\p
\v 1 ሆርኮስኮ ካየረ ዋ ራ ካሞጋንና ጎራታ ካሞጋኒ ጋራ ካሄገሮልነ ኦዶጆልካኑን አዬሰረ፤ 
\v 2 ግዳ ጎአመን ካጋቾ ጌሲ ካመን ዱባ ጎጎኤሎን ካየለሮ ኤረኬሳኮክ ጋራነ ኖን አዬሰራ፤ አላም ዱባ ካኮመጠራ ኡሱያ። 
\v 3 ኡሱ ካባጃ ታዋ ሀንቃይሰ ካቱሳሮያ፤ ያዳሊቴሳና ዋኔ ዎታ ታኤካቶታ፥ ሃፉራኮክ ሁናይ አላም ዱባ እስክሰ አበራ፥ እባዶ ጩቦኮ ቁሎይሰ አባባተረ ዳሩሪ ካአቲ ዋኮት መርጌ ሀማጼ።
\s1 ኤረ ካዋ ኤርግቻልኮ ካሮራሮ ላኖ
\p
\v 4 ኡሱን ካቤራ መገ ካኤርግቻ መገኮ ካሮራሮ ማንኮሌ ማራን፥ ኤረ ካዋ ኤርግቻኮ ኣሎ ካሮራሮያ።
\q1
\v 5 ዋ ዱዶ ኤርግቻል ኦሮ፥
\q1 “አት ኤረኬታ፥ አን ኩ ህታር ኡሙለራ”
\q2 ጎርቱን
\q1 “አን ኦዶ ሌሮዋ፥ ኡሱና ኤረኬ ልናራ”
\q2 ካኮንአመረ ማዮና ላግረ።\x - \xo 1፡5 \xo*\xt ማዛ. 2፡7፤ 2 ሳሜ. 7፡14፤ 1 ኦዱ 17፡13።\xt*\x*
\q1
\v 6 ዋ ባርክ ኤረኬሳ አላም ቶስ ካኮፋራረ ጎራታ፥
\q1 “ኤርግቻ ካዋ ዱባ ኡሱን ሀሳጋደ” አመራ።\x - \xo 1፡6 \xo*\xt አዳ. 32፡43።\xt*\x*
\q1
\v 7 ኤርግቻኮክ ጋራ፥
\q1 “ኤርግቻልና አምባል ኣን፥
\q2 ኦሀንዳራና ላጫ ካኤሌኔ ኣን የልናራ” አማራ።\x - \xo 1፡7 \xo*\xt ማዛ. 104፡4።\xt*\x*
\m
\v 8 ኤረኬሳኮክ ጋራ አደ፤
\q1 “ሄዶ! ኮርፍንጀካ ጅሩ ጅሮማኮ ታ ጅሩጅሮማ ጌሮን ግርናራ፤
\q2 ዎኖናትካና ሩሚ ባሪሳታ፤
\q1
\v 9 አት ቁሉማ ጌላታ፤ ሜላነና ዲዳታ፤
\q2 ሂካኮት ኣላንቲ ዋ ሄዶካ ኩ አሳባተ፤
\q2 ሳትላልታኮ ሮርሰ ገጌሎ ታስሳቶ ዛይት ኩን ሽግደ” አማራ።\x - \xo 1፡9 \xo*\xt ማዛ. 45፡6-7።\xt*\x*
\m
\v 10 ኡሱማለና፥
\q2 ጎታኬ! “አት ሆራርጀ ኡል መጢተ፤
\q1 ዳሩርጆልና ገነታይ መጢተ፤
\q1
\v 11 እሶ ዱባ ባይናራን፤
\q1 አት አደ ግርናታ፤
\q2 እሶ ዱባ ሳርስ ኣን ዶአይናራን።
\q1
\v 12 ጋሸ አንና አት ዱብናታ፤
\q2 እሶና ሳርስ ካዶአን ሳርስ ካኡሱቢ ጎጎኢግልሳማሮ ማለ ኢግልሳምናራን።
\q1 አት አርጌቶ አትታ፥
\q2 ጌስካዉን ጋቾ ላግቶ” አማራ።\x - \xo 1፡12 \xo*\xt ማዛ. 102፡25-27።\xt*\x*
\m
\v 13 ዋ ኤርግቻል ኦሮ፤
\q2 “ዲናካ ኦዶናትካ ሄገሊ ታ የሎይ
\q1 መርገቴይ ሀማጺ” ካኮንአመራ ማዮና ላግሮ።\x - \xo 1፡13 \xo*\xt ማዛ. 110፡1።\xt*\x*
\m
\v 14 ኤርግቻል ዱባ ዋ አማን ካፋይናሮ እባዶን ሀንዳይን ኦፋራማራን ዋዉን ኦሀንዳራን አያናልያን።
\c 2
\s1 ካአቲ ፋይና
\p
\v 1 ሃኑን ካማልነኖ አየስኮ ፋላዳይነ ጎጎኢኖንኮ ካማልነኖ አየሱን ኣሎ እስኦራታኖ ዶትሳራ። 
\v 2 ኤርግቻልኮክ ጋራነ ካሰጋመራ ሃፉራ ሩም ሌራ፤ ሂካ ሃፉራኮ ካሽርማራና ሂካ ሃፉራን ካአጃጃሞን ታዶትሳቶ ሙሮ አታታራ። 
\v 3 ሀያ ኖ ሂካ ካአቲ ፋይናን ዶና ኦላኖ ጎሌነ፥ ምሲ ሄሲን ዳንዳና? ሂካ ፋይና ኖን ካስሰራ ጎታ እሲያ፤ ኡሱኮና ካማለራ እባዶ ሂካዋ አዴስሰራ። 
\v 4 ዋ እሶን አደ ማላታል፥ ካሳድስሮ አየስ፥ ካሞጋን ባሳ ፈላኖዪና ፈኢቴሳክ ማለ ኦዳናባመራን አያና ቁሉክ እላቦልኮክ ጋራነ አቶታኖክሶ አታይሰራ።
\s1 የሱሳ ካፋይና ሶረሳ ላኖ
\p
\v 5 ዋ ሆረንባን ካኤሜይናሮን፥ ሂካ ግዳ ኖ ካኮአዬሳኖ አላም ኤርግቻ ኦዶናት ጎጎባርስሮ ላኮየለሮ። 
\v 6 ኡሱማለና ቁሉክ ማጻፋጆል ባንኤ ቶይ ሃ አማራ፤
\q1 “አት ጎጎቆፍቶን እባዶ መያ?
\q2 አት ኡሱን ጎጎማራርቶ ኤረ ካእባዶ መያ?
\q1
\v 7 አባራን ኤርግቻልኮ የራሰ፥
\q2 ካካባጃና ካሶማ ካላቻ ኡሱ ጉት ካይተ፤
\q2 ገነታ ኦፈልተቶ ፈሎ ጉት ሹሚተ፤\f + \fr 2፡7 \fr*\ft ፉሬን ቶቶይ “ገነታኮኒዕ ፈሎይ ሹምተ” ካአማሮ ላኮአዳራን። \ft*\f*
\q1
\v 8 ዱባና ኦዶናትኬሳ ሄገሊ ካይተ።”\x - \xo 2፡8 \xo*\xt ማዛ. 8፡4-6።\xt*\x*
\m ካመን ዱባ ኦዶናትኬሳኮ ሄገሌ ካኮካይተ ጎራታ፥ ኦዶናትኬሳኮ ሄገሊ አንካይኖን አት ካሃሴታ አየስ ኮና ላግሮ። አየሱን ጎአመን ግዳ ጎጎግሮይ ካመን ዱባ ኦዶናትኬሳ ሄገሊ ካግሮ ጋና ላኮዴነኔ። 
\v 9 ግዳ አዴ ኤርግቻልኮ ጎራታ ክጫሩን ሁስንተ ታግቴ፥ ታጎይ ራኮ አታታኖኮት ኣላንቲ ካካባጃና ካሶማ ካላቻ ካካተሮ የሱሳ ድናና፤ ኡሱና ስኖ ታዋይ ኖ ማራን ጎየራ። 
\v 10 ካመን ዱባ ኡሱይና ኡሱን ካመጣመራ ዋ ይስ ካሞጋን ካባጃ ቶስ ኬኒን ፋይናክሶክ ሶረሳ ካሌሮ የሱሳ ራኮ ኦሮማርሰ ሮርሳኖይ ዱዶክ ጎጎሌሮን ሂክ አየስ ካዶትሳሮ ማንኮሌ ማራን ዋ ፈለራ።
\p
\v 11 እባዶ ዋዉን ካቁሎይሳራና ጋራኬሳነ የሱሳ ኦቁሎዋራን ኦዶ ኮክ ይስያን፤ ሂካኮት ኣላንቲ ኡሱ እሶ፥ “አቢላልቴ” አም ኡምን ላኮሙላሮ። 
\v 12 ሃኑን ቁሉክ ማጻፋጆል
\q1 “መገካ አብላልቴዉን ሰጊናራ፥
\q2 ጎሳ ካዋ ኦሮ ህኢቴይ ጋላትናራ” አማራ፥\x - \xo 2፡12 \xo*\xt ማዛ. 22፡22።\xt*\x*
\m
\v 13 ኡሱማለና፥ “አብድቴና ኡሱ ጉት ካይናራ” አማራ፥
\m አደና፥ “ሂክማ አንና ዋ ኢን ካስሰራ ይንሳ ህታኒ ግና” አማራ።
\p
\v 14 ሃንሱን ይስኬሳ ሶና ኢግ ካአቦ እባዶ ማንኮሌራን ማራን የሱሳና እሶ ኣን እባዶ ሌ፥ ሂካ ካኮንየለራ ጎይኮክ ጋራነ ጎይ ጉት ኦዶናት ካአቦ ዱርሳ ባስንያ፤ 
\v 15 ኡሱማለና ጎይ አብሳታኖኮት ኣላንቲ ኡሊ ካኮግራን ጌስ ዱባይ ድዩማ ኢምናሜን ኦግሬኑን ዎዶ ሊንያ። 
\v 16 ኦግራን የሱሳ ካኮንኤመተራ ኤርግቻ ጋርጋርን አንሌኖን ግራን ታአብራመ ሳኒ ጋርጋርንያ፤ 
\v 17 ሃኑን ካመን ዱባይ አቢላል ኣን ላኖ ማንኮዶትሳሮ ማራን አቢላል ኣን ሌ፤ ሂካ ካኮንየለራ ጩቦ ካእባዶ ሀሄሶ አምን አመረ ዋዉን ሀንዳይን ካአብዳመና ካነኔኤይሳታሮ ቱቃሞልኮክ ዎይቻ ሌ። 
\v 18 ኡሱ እሲ ጫፋመረ ራኮ ማንኮአታተሮ ማራን ኦጫፋማራን ጋርጋርን ዳንዳራ።
\c 3
\s1 የሱሳ ሙሴኮ ካሮራሮ ላኖ
\p
\v 1 ሃኑን እስና አዴን ኡምት ታዋይ ኦኡማንተታን ቁሉኒዕ አማኒል! አማኖካኑን ካፋራመሮና ቱቃሞልኮክ ዎይቻ የሱሳ ሻዳ። 
\v 2 ሙሴ ምን ካዋ ዱባን ካአብዳመ ጎጎሌረክ ማለ የሱሳና ኡሱ ካሹመሮ ዋዉን ካአብዳመየ። 
\v 3 ምን ካማዳራራ ምንኮ ታሮርቴ ካባጃ ጎጎአቦ ማለ የሱሳና ሙሴኮ ታሮርተ ታአቲ ካባጃ ማንኮዶትሳሮ ማራን ካባጃመ።\x - \xo 3፡3 \xo*\xt ቶቶ 12፡7።\xt*\x* 
\v 4 ኦግራን ምን ዱባ መተመተይ ካማዳራሮ እባዶ አባ፤ ካመን ዱባ ካፈለራ አደ ዋያ። 
\v 5 ሆረንባዉን አማሚን ካዶትሳሮ አየስ ዱባን አቶታ ሙሴ ምን ካዋ ዱባይ ካሀንዳሮ ኣን ካአብዳመየ። 
\v 6 ክርስቶሳ አደ ምን ካዋይ ካአብዳመ ካኮሌራ ኤረ ኣን ሌጉረየ። ምንኬሳና ኖና፤ ምንኬሳ ካኮንሊናና ካኮአብዳታኖ አዬስና ታኮዳታኖ አብድ አታይሳይ ጎአባነያ።
\s1 አብዳታናዋትኮክ ጋራ ካስሳመሮ ሴርሳኖ
\p
\v 7 ሃኑን አያና ቁሉክ ጎጎአማሮ፥
\q1 “ህታር ያየቴሳ ጎማልቴን፥\x - \xo 3፡7 \xo*\xt ማዛ. 95፡7-11።\xt*\x*
\q2
\v 8-9 ቃሉላቶክ ኡሊ ኦዶላልክስን እን ጎጎጫፈራንክ ማሌና ሜላነ እን ጉት ጎጎኬራንክ ማለ
\q2 እስና ዎዳናትስን ታአጃጃሞን አሮየላቴን፤
\q1 ኤሰ እሶ እን ጫፌን፤ ኢነ ዎታ ታማጋተን፤
\q2 ጌስ አፋርታሙን አን ካፈለሮና ዴን” አማራ ዋ።
\q1
\v 10 ሃኑን አን ሀሴ አላታኒ አማራየጉረ፥
\q2 “ዎዳናትሶ አርጌቶ ሽርማታ፤
\q2 ራኬና ላኮአዴሴራን አመ።”
\p
\v 11 አደና
\q1 “ ‘አን ታስስናሮ ታፎልሲ ባንኤቴ ቶስ ላኮታብናራን!’ አመ
\q2 አማራንቴይ አን አማተራ።”
\m
\v 12 አቢላልቴ! እስን ኦሮኮ ማዮና አርዶክ ዋኮ ታፋክሶ ታሜላና ታአማኖን ዎዳና እስኑን ጎጎግኖንኮ እስኦራዬን። 
\v 13 አየሱን ጎአመን እስንኮ ጩቦይ ሶባምረ ዎዳናቴሳ ታአጃጃሞን ጎጎየላኖንኮ፥ “ህታር” አማመ ካኡማማራ ጎራታ ግራን አርጌቶ እስእስአታይሳየን። 
\v 14 ሆራርጀ ካአባነኖ አማኖካን ታጋቾ አሪ ታ ጌኖን አታይሳይ ጎአባነ ክርስቶሳነ ዎታ ኦኤልናኖ ልናና።
\p
\v 15 ህክና፥ “ህታር ያየቴሳ ካኮማልታን ጎራታ
\q2 አብጆላልክስን ሜላነ ካኮከኬሰረን ጎራታ ጎጎየለራን ማለ ዎዳናትስን ታአጃጃሞን አሮየላቴን” አማመ ጎጎጻፋመሮያ።
\p
\v 16 ጎሌና ሀኑኡ ያየቴሳ ማለን አባባተረን ኦሜልለረን አዮስዬን? እሶ ላ ሙሴ ሆረ ሀየ ቃጄልሳ ኡል ካግብጽኮ ኦቤሬንየና? 
\v 17 ጌስ አፋርታም ዱባ ዋ አማራይሳ ኦግረን አዮስዬን? ላሀኑኡ ጩቦ ኦፈለራና እሶ ጎየሬን ሬስክሶ ቃሉላቶክ ኡል እዬ ኦኮንሄሰሮየና? 
\v 18 አደና ሀኑኡ አጃጃማኖ ኦዲዴረን ኳሬ፥ “እስን ታፎልሲ ባንኤቴ ቶስ ላኮታብናታን” አመ ኡሱ ካኮንማተራ አዮስዬን? 
\v 19 ጎርታኑን እሶ ታብን ካኮዋተራን አማናናዋትኮት ኣላንቲ ላኖ አዴሳና።
\c 4
\p
\v 1 ሃንሱን ዋ ታስስናሮ ታፎልሲ ባንኤ ቶስ ታብን ኖ ታአታነኖ አብድ ጋና ታጣባተቶ ማንኮሌተ ማራን እስንኮ ማዮና ህታ ታፎልሲ ባንኤ ቶስ ታኮታብሮ ኢድሊ አንሄላኖን ጎጎሄሶንኮ ኖ ዱባና እስኦራና። 
\v 2 ዎንጋላ እሶን ጎጎላላባመሮ ኖና ላላባመራ፤ አየሱን ጎአመን እሶን ካላላባመሮ ሃፉራ አማኖይ አታታና ማንኮዋቴን ማራን እሶን ላኦ ላኮስሰ። 
\v 3 ፈሎኦቴሳ አላም ታኮመጣመሮኮ ሀጋአበረ ኦጉዳቴራን ጎሌና፥ “አን ታስሳሮ ታፎልሲ ባንኤ ቶስ ላኮታብራን አመ አማራየረ አማተራ” ጎጎአመሮ ግዳና ኖ ካአማናና ኤሰራ ዋ ኖን ታስሰሮ ታፎልሲ ባንኤ ቶስ ታብናና፤\x - \xo 4፡3 \xo*\xt ማዛ. 95፡11።\xt*\x* 
\v 4 ታቶዶብ አርኮት ጋራ ማጻፋ ቁሉክ ባንኤ ቶይ፥ “ዋ ፈሎኦቴሳኮ ታቶዶብ አሪ ፎልሳተ” አማመ ጻፋመራ።\x - \xo 4፡4 \xo*\xt መጣ 2፡2።\xt*\x* 
\v 5 ኡሱማለና ህታ ባንኤ አደ
\q1 “አን እሶን ታስስናሮ ታፎልሲ ባንኤ ቶስ ሱረ እሶ ላኮታብናራን” አማራ።\x - \xo 4፡5 \xo*\xt ማዛ. 95፡11።\xt*\x*
\m
\v 6 ሂካ ዎንጋላ ሆራርጀ ኦማሌራን አጃጃማና ዋትኮ ካከይ ዋ ታስስናሮ ታፎልሲ ባንኤ ቶስ ላኮታቤራን፤ ጎሌና ኤሰራ ጎጎታብራዉን ፈኢ ካኮንስሳንተታ እባዶ ኮኮ ግሮዋ። 
\v 7 ህክና ጣየ ጎጎአማመሮ
\q1 “ህታር ያየቴሳ ጎማልቴን፥
\q2 ዎዳናትስኒ ታአጃጃሞን አሮየላቴን።”
\m አማ ዋ ጌስ ካሞጋንኮ አባባተረ ጋራ ካዳዉተነ ካአዬሰሮ ሃፉራ አሪ “ህታር” አማም ጎጎኡማንቶ አዴስሰራ።\x - \xo 4፡7 \xo*\xt ማዛ. 95፡7-8።\xt*\x*
\p
\v 8 እያሱ ጎሳን ፎልሲ እሶን ካስሰ ሊ ግረዋ ዋ አድ፥ “ህታር” አማ አሪ ታካለኮክ ጋራ ላኮአዬሳረ።\x - \xo 4፡8 \xo*\xt አዳ. 31፡7፤ ኢያ. 22፡4።\xt*\x* 
\v 9 ጎርታኑን ጎሳ ካዋዉን ታአይሁድ ታፎልሲ አሪ ኣንትት ፎልሲ ጋና ግታ። 
\v 10 ዋ ፈሎኮ ጎጎፎልሳተሮ ኡሱማሌ ዋ ታስስናሮ ፎልሲ ቶስ ካታባራ ፈሎኮ ፎልሳታራ።\x - \xo 4፡10 \xo*\xt መጣ 2፡2።\xt*\x* 
\v 11 ሃኑን ሀሱ እባዶ አጃጃማና ዋትኮ ካከይ ጎጎኢየራንክ ማለ ማዮና ዴበ ሴይረ ጎጎኢኖንኮ ታዋ ታፎልሲ ባንኤ ቶስ ታብን አታና።
\p
\v 12 ሃፉራ ካዋ አርዶክና ካፈላሮያ፤ ምና ላማነ ኤነናን ካአቦ ማምስክ ሺፋኮና ሮረ ካኤነናተያ፥ ኔፎና አያና፥ ምክታልና ለፋል ካለካለ ታ ቤስሮ ካጎጎሳሮያ፤ ዎዳና ኦሮ ታግቶ ቆፋና ሀልቻ ቆቆረ ካፍርዳሮያ። 
\v 13 ሆረ ታዋኮ ታጎላተታ መጣ ቶና ላግቶ፤ ኢልቴሳ ሆረ ካመን ዱባ ዲዳ ቤ ሀዉአይ ሌ ካሙታሮያ፤ ኖና አባብ ስስን ካኮዳንዳና ኡሱ ሆሬያ።
\s1 የሱሳ ካአቲ ቱቃሞልኮክ ዎይቻያ
\p
\v 14 ጎርታ ዳሩርጆል ኦሮማረ ኤልዴ ካቤሮ ካአቲ ካቱቃሞል ዎይቻ ማንኮአብኖ ማራን ህኢታኒ ካአቶቲነኖ አማኖካን አታይሳይ አባና፤ ካቱቃሞል ዎይቻና ኤረ ካዋ የሱሳያ። 
\v 15 ኖ ካአብና ካቱቃሞል ዎይቻ ሀራኖካን ነኔኤይሳይን ካዳንዴኖን ላኮዮ፤ የሱሳ ጩቦ ላኮፈለሮ ኳሬ ካመን ዱባይ ኖ ኣን ጫፋመራ። 
\v 16 ጎርታ ኖ ሻጋ ሄላይና ጋርጋርሳ ኖን ካኮዶትሰ ጎራታ ስኖ ጎጎሄላኖን ስኖ ካኮሄላኖ ካዋ ኮርፍንጀ ሆረ አብስ ካላይ ጋባላሚና።
\c 5
\p
\v 1 ካቱቃሞል ዎይቻ ዱባ እባዶ ኦሮኮ አሳባመረ ዋኔ ዎታ ታኤሰልሳቶ ሃጃይ ባንኤ ታእባዶይ ሜባና ጃርሶ ዋዉን ስስን ሹማማራን። 
\v 2 ሀሱ ቱቃሞ ዎይቻት መተኬሳዉን ሀራኖ ካአቦ ማንኮሌሮ ማራን ኮና ኦካሶና ኦሽርአማራን ነኔኤይሳይ እሶ ድን ዳንዳራ። 
\v 3 ኡሱ መተኬሳዉን ሀራኖኮክ ኣላንቲ ጩቦኮ ሀሄሶ አማማኖ ካሄላምስሳሮ ጃርሶ ስስን ካዶትሳራ ጎሳ ካላሉን አንሌኖን ግራን እስኦቴሳነ አደረያ።\x - \xo 5፡3 \xo*\xt ዎዩ. 9፡7።\xt*\x* 
\v 4 አሮን ኣን ዋይ ካኡማመሮ እባዶ ጎሌ ኳሬ ማዮና ህታ ካባጃ እሲ መተኬሳይ ላኮሄላታሮ።\x - \xo 5፡4 \xo*\xt ብያ. 28፡1።\xt*\x*
\p
\v 5 ኡሱማለና ክርስቶሳ ካቱቃሞል ዎይቻ ላኖኮት ካባጃ እሲ መተኬሳይ ላኮአታተሮ፤ አየሱን ጎአመን ካቱቃሞል ዎይቻ ላኖኮት ካባጃ ካኮሄላተራ፥
\q1 “አት ኤረኬታ፤
\q2 አን ኩ ህታር ኡሙለራ” ካአመሮ ዋኮያ።\x - \xo 5፡5 \xo*\xt ማዛ. 2፡7።\xt*\x*
\p
\v 6 ቁሉክ ማጻፋ ባንኤ ታካለቲ ዋ፤
\q1 “ካመልከጸደቅ ቱቃሞልኮክ ሹማታ ኣን
\q2 አት ጅሩ ጅሮማን ዎይቻታ” አማራ።\x - \xo 5፡6 \xo*\xt ማዛ. 110፡4።\xt*\x*
\p
\v 7 የሱሳ እባዶ ሌ ሂካ ኡሊ ካኮግረ ጎራታ ጎይኮ ሃስን ካዳንዳሮ ዋ ቶስ ካአቲ ኢያኖይና ታንጂን ኢልሚ ኡባ ኤብ ኤባተ፤ እስ የራሳታኖይና ካአጃጃመ ማንኮሌ ማራን ዋ ኤብኬሳ ማለ።\x - \xo 5፡7 \xo*\xt ማቶ. 26፡36-46፤ ማር. 14፡32-42፤ ሉቃ. 22፡39-46።\xt*\x* 
\v 8 ኡሱ ማምሲ ኤረ ካዋ ጎሌና ታአታተሮ ራኮይ አጃጃማኖ አጋልሳተ። 
\v 9 ዱዶክ ሌ ካኮሙታረ ጎራታ ኡሱን ካአጃጃማሮ ዱባን ጅሩ ጅሮማኮክ ፋይናን እሶን ኣላንቲ ሌ። 
\v 10 ኡሱና ዋ ካመልከጸደቅ ሹማታ ኣን ቱቃሞልኮክ ዎይቻ የለ ሹመ።
\s1 አማኖክሶ ጎጎኢሶንኮ ካስሳመሮ ሴርሳኖ
\p
\v 11 ህታ ሃጃኮክ ጋራ ኖ ካአዬስናና ካሞጋን አየስ ግራ፤ አየሱን ጎአመን ቦግ ማላባ ግራን ዉደታማና ማንኮዋተ ማራን እስን አጋልስሳኖ ጥባራ። 
\v 12 ግዳ ጊን ካኮግቴን ጎራታይ እስን ካአጋልስሳሮ ሊ ግራቴን፤ ግዳ ጎአመን ሃፉራ ካዋ ካሆራርጄ አጋልስስ እባዶ ካካለ እስን ካላም ጎጎአጋልስስሮን ዶትሳራ፤ ህታ ኣላንቲ እስኑን ኦዶትሳራን ኤኖያን ኳሬ ካአቲ ባቦ ላኮዮ። 
\v 13 ኤኖ ኦላል ካጣማራ ዱባ ይስ ማንኮሌ ማራን ቁሉማኮክ ጋራ ጋና ላኮአጋልሳተሮ።\x - \xo 5፡13 \xo*\xt 1 ቆሮ. 3፡2።\xt*\x* 
\v 14 ካአቲ ባቦ ካኮንዶትሳራ አደ ካኢዳና ካሜላና ካለ ቤስ አዴስን ካእጻማሮ ካጂንጂን እባዶያ።
\c 6
\p
\v 1 ጎርታ ክርስቶሳ ማራን ካስሳመሮ ካሆራርጄ አጋልስስ አባብ አባብ ኬሳኖ እስጉነ አጋልስስ ዱባማኖ፤ ጎይ ቶስ ኦጌሳራን ፈሎ፥ ጩቦኮ ጉላ ጋላኖኮክና ዋ አማናኖኮክ ጋራ አባብ አባብ አጋልስሳ ካሆራርጄ ኡኩም ላኮጣቢንሶ። 
\v 2 ኡሱማለና ጥንቃታ፥ ገነ ጉት ካኖ፥ ጎይኮ ክያኖ፥ ካጅሩ ጅሮማ ፍርዳኮክ አጋልስስ አድ ላኮጣቢንሶ። 
\v 3 ዋ ኖን ፈኢ ጎስሰ ሆረንባን አጋልስሲ ዱባማኖ ቶስ ጂናይናና።
\p
\v 4 አማኖክሶ ካካተሮ እባዶ ጩቦኮ ጉላ ጋላኖ ቶስ አባብን ላኮዳንዳማሮ። ሂካ እባዶን ሂታኮ ሆረነ ኢፋ እሶን ሀንቃየ ግረ፥ ካዳሩረ እላቦና ቃማሰሬን፤ አያና ቁሉክኮ ቆባ ኦአታቴረን፥ 
\v 5 ካእዳንክ ሃፉራ ካዋና ኤመይን ካግሮ ጅሩ ጅሮማክ ቃላዳ ካዋኮክ ሁና ኦቃማሰሬን፥ 
\v 6 ሂካ ዱባኮ አባባይ አማኖክሶ ጎካካቴን እሶ መተክሶዉን ኤረ ካዋ አባበን ማንኮሱዋራን ማራና ዲዳ ቤሰን ማንኮየራሳናን ማራን እሶ ጩቦኮ ጉላ ጋልስን ላኮዳንዳማሮ።
\p
\v 7 አርጌቶ ኡሱ ጉት ካኡባታሮ ኢዳሞ ካጣማራ አካክልተ ካአባራተሮ እባዶትን ላኦ ታስሳታ ኤረ ዋኮ ኡሶ ሄላታ፤ 
\v 8 ኤኤንና ቂንጮና ጎአልሰ አደ ላኦ ካላይት ላታ፤ ኤነ ቃንጋምናታ፤ ኤሰኮ ኤለኒ ጉባምናታ።\x - \xo 6፡8 \xo*\xt መጣ 3፡17-18።\xt*\x*
\p
\v 9 አን ኦጌላታሮ ኦቴ! ኖ እስኑን ሂካ ጎአዬንሰና ሱረ ፋይናክስኑን ካሌሮ ካእዳንክ አየስ ጉት ግራኖክስን ኖ አብዳታና። 
\v 10 ዋ ታኢዳን ካፍርዳሮያ፤ ሃኑን ፈሎኦትስን ጣየና ሌረ ግዳና መገኬሳ ማራን አማኒል ጋርጋርን እስን ታቱሴታን ጌላንጀ ላኮኢሎሮ። 
\v 11 እስን ዱባ አብዲ ካኦራታን አየስ ታ ገነ ጌግሳታኒ አታንክስን ታ ጋቾ ጌታኒ ጎጎቱሳዉን ኖ ሀልቻና። 
\v 12 ኖ ካኮንሀልቻናና አማኖይና ኦብሲ አታይጉነ ዋ አብዲ ካስሰሮ አየስ ካኤልናሮ እባዶ ኣን ጎጎሌታኑን ኳሬ ላፋኒዕ ጎጎሌታኑን ላኮዮ።
\s1 አብድ ታዋ ታአብዳንተ ላኖ
\p
\v 13 ዋ አብራመን አብድ ካኮስሳረ ጎራታ ኡሱ ካኮአማትራ ኡሱኮ ካሮራራ ካካለ ማዮና ማንኮግኖን ማራን ሃ አማ ኡሱ እሲ አማተ። 
\v 14 “ኦግራን አን ኩ ሶማሳይናራ፥ ሳኒታና ሞጋስናራ አመ ዋ አዬሰ።”\x - \xo 6፡14 \xo*\xt መጣ 22፡16-17።\xt*\x* 
\v 15 አብራመ ኦብሴ ኦራተጉረ ዋ አብዲ ኡሱን ካታበሮ አየስ ሄላተ። 
\v 16 እባዶ አማቶ ጎታብሮ መተኬሳኮ ካሮረ መገይ አማታራ፤ አዬስክሶና አማቶይ አታይሳ እሶ ጠኤ ታግቶ ዶጋማ ዱባ ባሳራን። 
\v 17 ሂካማሌ ሙርት ታዋ ታኢግልሳሞን ላኖ ኣሎ አዴስስን ዶተጉረ አብዲ ኤልን አብድ አማቶይ እሶን አታይሰራ። 
\v 18 ሂካማሌና ዋ ኦኢግልሳሞና ካጣራ ካሌኖን አየስ ላማ፥ ህክና አብድና አማቶ ኖን ስሰራ፤ ሂካ አየስ ላማኮክ ጋራነ ኖ ሆረ ታግቶ አብድ አታይሳይ አባይን ጎጎዳንዴኖን ካኮእስካኖ ሄላይን ኡሱ ቶስ ኦኤሜነና ኖ ካአቲ ጎጎኢና ሄላነና፤ 
\v 19 ህት አብድ ግርካንዉን ካአኢኖን ካአብዳመ ማርካፋ ባዲ ታአሊሳቶ ማርጮ ኣንትትታ፤ የሱሳ ታአብና አብድ ጎጎሎኮ ሮርተ ቁሉክ ምን ቶስ ታባታ።\x - \xo 6፡19 \xo*\xt ዎዩ. 16፡2።\xt*\x* 
\v 20 ሂካ ቁሉክ ምን ቶስ የሱሳ ካመልከጸደቅ ቱቃሞኮክ ሹማታ ኣን ጅሩ ጅሮማን ካቱቃሞል ዎይቻ ሌ ኖ ማራን ጣየ ታበ።
\c 7
\s1 ቱቃሞት መልከጸደቅ
\p
\v 1 መልከጸደቅ ካሳለም ካታማኮክ ዎኖና ዱባንኮ ጦቂ ካአመ ቱቃሞ ካዋየ፤ ሂክ መልከጸደቅና፥ አብራመ ዎኖላል አዎደ አባባታ ግራን ራድ ኤሰለረ ሶማሳተ። 
\v 2 አብራመ ካአቦ ዱባኮ ኡሱን ሆራ ስሰ፤ መልከጸደቅኮት ፉሬን ታሆሬ፥ “ካቁሉማ ዎኖ” ካካለ አደ፥ “ታሳለም ካታማኮክ ዎኖ” ሃ አማኖ “ካኖጎዳ ዎኖ” አማኖያ። 
\v 3 መልከጸደቅ ካአዴሳመ ኦዶና ኣና ጎርቱን አላታንኮክ ህዲድ ላኮአቦ፤ ጌስኬሳዉን ሆራርጀ፥ ግርኬሳዉና ጋቾ ላኮአቦ፤ ሂክ መልከጸደቅ ኤረ ካዋ ኣን ማሱሳ ልጉረ ጅሩ ጅሮማን ቱቃሞ ሊ ግርናራ።
\p
\v 4 ሂክ እባዶት ምስክ ካአቲዮ ዲያ፤ ኣኒ ታእስራኤልን ኦዶ ካሌራ አብራመ ቦጄ ካኣተሮኮ ሆራ ቤሰ ኡሱን ስሰ። 
\v 5 ኣኒዕ ቱቃሞልኮኒዕ ፈሎ ኦሮ ኦካሜራን ታዎዮለ ሳኒ ጎሳኮና ታአብራመ ሳኒኮ ህክና አብላልትሶኮ ሆራ ጎጎአትራዉን ሴራይ አጃጄራ።\x - \xo 7፡5 \xo*\xt ቶቶ 18፡21።\xt*\x* 
\v 6 ሀሱ መልከጸደቅ ታዎዮለ ሳኒ ላና ጎዋተና አደ አብራመኮ ሆራ ኣተ፤ ካአብዲ ሃፉራ ካኮንስሳመረ አብራመ ሶማሳተ። 
\v 7 ክጫርክ ካንጂንክኮ ሶማ ካአታይናሮ ላኖ ሄዳታኖ ላግሮ። 
\v 8 ምና ቶነ ሆራ ኦአታራን ኦጎይናራንያን፤ ምና ታካለነ አደ ሆራ ካአታራ አርዶክ ሊ ግርናራ አማመ ካኮአቶታመራ መልከጸደቅያ። 
\v 9-10 ጎርታኑ መልከጸደቅ አብራመነ ዎታ ካኮኤሰላረ ጎራታ ዎዩት ኣቦኬሳ አብራመኮ ጋና ሀኣላኖን ማንኮግረ ማራን ሆራ ኣትን ካዶትሳራ ዎዩት መተኬሳዉን አብራመኮክ ጋራነ ሆራ ሙረራ አማኖያ።
\p
\v 11 ጎርታኑን ጎሳን ሴራ ካኮስሳመራ ካዎዩ ቱቃሞ ላኖክ ማሌያ፤ ሂካ ካዎዩል ቱቃሞ ልክ ላኖ ካሄላማሮ ሌና ካአሮን ቱቃሞ ላኖኮክ ሹማታ አሌኖን መልከጸደቅ ቱቃሞ ላኖኮክ ሹማታ ኣንክክ ካአቦ ካካለ ቱቃሞ ኤመታኖ ካዶትሶን ሊ ግራረ። 
\v 12 ፈሎ ኦቱቃሞል ጎኢግልሳምራን ሴራና ዎታ ኢግልሳማኖ ዶትሳራ። 
\v 13 ሂክ ዱባ ካኮንሰጋመራ ቱቃሞት ኣኒ ታካለኮያ። ህታ ኣኒኮ ማዮና ሁ ካፋላ ቶስ ጋባላመ ካሀንዳየራ ላግሮ። 
\v 14 ጎታካን ታይሁዳ ኣኒኮ ላኖ ካአዴሳመያ፤ ጎሌና ሙሴ ቱቃሞልኮክ ጋራ አዬሳ ግራን ታይሁዳ ኣኒኮክ ጋራ ካአዬሰራ አየስ ኮና ላግሮ።
\s1 ክርስቶሳ መልከጸደቅ ኣን ቱቃሞ ላኖ
\p
\v 15 ሂክ አየስ ኣሎ ሙት ካኮአዴሳምናራ መልከጸደቅ ኣንክክ ካካለ ቱቃሞ ካኮኬ ጎራታያ፤ 
\v 16 ክርስቶሳ ቱቃሞ ላኖኮክ ሹማታ ካኮአታተራ ግርኬሳ ሜሳ ካላይክ ማንኮሌ ማራንያ ኳሬ ሳኒ ታእባዶኮ ካኤመተሮ ዎጋና ሴራይ ላኮዮ። 
\v 17 “አት ካመልከጸደቅ ቱቃሞ ላኖኮክ ሹማታ ኣን ጅሩ ጅሮማን ቱቃሞታ” አማመ ቁሉክ ማጻፋል አቶታመራ።\x - \xo 7፡17 \xo*\xt ማዛ. 110፡4።\xt*\x* 
\v 18 ኡሱማለና ካጣዎ አጃጃ ላፋና ላኦ ካላይክ ማንኮሌ ማራን ሄሰራ፤ 
\v 19 ሴራ ካሙሴይ ኮና ልክኪ ሊን ላኮዳንዴ፤ ግዳ ጎአመን ኖ ዋ ቶስ ታኮጋባላምና ታካለኮ ታሮርተ አብድ ኖን ስሳንተታ።
\p
\v 20-21 ሂታኮ ሆረነ ቱቃሞ ኦሌረን አማቶ ካላይ ቱቃሞ ሌራን፤
\q1 “ዋ አደ የሱሳነ አት ካመልከጸደቅ ሹማታ
\q2 ‘አት ጅሩ ጅሮማን ቱቃሞታ፥’ አመ አማተ፤ ላኮጋቢሮ፤ አማመ ኡሱን ኦሰጋመራን አማቶነ ዎታ ቱቃሞ ሌራ፤”\x - \xo 7፡20-21 \xo*\xt ማዛ. 110፡4።\xt*\x*
\m
\v 22 ሂናኣ አማቶኮት ኣላንቲ የሱሳ ኦኢዳን ኦሃፉራ አማቶዉን ኖን ዋቢ ሌራ።
\p
\v 23 ቱቃሞል ማንኮጎዋሮ ማራን ቱቃሞ ኮ ሀኢግልሳሞን ፈሎ ጉት ጅሩ ጅሮማን ግርን ማንኮዳንዴኖን ማራን ኦሆሬ ቱቃሞልኮኒዕ ቶቶኦትሶ ኦንጂየን፤ 
\v 24 የሱሳ አደ ጅሩ ጅሮማን ካግራሮ ማንኮሌ ማራን ቱቃሞ ላኖኬሳ ካኢግልሳሞንያ። 
\v 25 ሃኑን ኦቴሳ ኦሌራዉን ካካለ ማራን ሆረ ሀይ አዬሳኖ ጅሩ ጅሮማን አርዶክ ሌ ማንኮግራሮ ማራን ጋራኬሳነ ዋ ቶስ ካኤሜታሮ እባዶ ዱባ ዱዶ ፋይስን ዳንዳራ። 
\v 26 ሂካ ኣንክክ ቁሉ፥ ካቱፋሞን፥ ካሙጭመ፥ ጩባለሳልኮ ዎዩ ካሌ፥ ዳሩርኮ ጦቂ ካአመ ካቱቃሞል ዎይቻ ኖን ዶትሳራ። 
\v 27 ኡሱ ካካለ ካቱቃሞል ዎይቻል ኣን ሆራርጀ ጩቦኬሳ ማራን፥ አባባይ ጩቦ ካጎሳ ማራን አርጌቶ ጃርሶ ስስን ላኮዶትሳሮ፤ እስኦቴሳ ጃርሶ የላተ ካኮስሳተረ ጎራታ ሂክ አየስ ካላም ታኮአዳሞት የለ ጉድሰራ።\x - \xo 7፡27 \xo*\xt ዎዩ. 9፡7።\xt*\x* 
\v 28 ሴራ ካቱቃሞል ዎይቻ የለ ካሹማራ ቱፋማኖ ካአቦ እባዶያ፤ ሴራኮ አባባተረ ካኤመታራ ካአማቶ ሃፉራ አደ ጅሩ ጅሮማን ቱፍ ካላይክ ካሌሮ ኤረ ካዋ ሹመራ።
\c 8
\s1 የሱሳ አማቶ ኦኡሱብኮክ ካቱቃሞል ዎይቻ ላኖ
\p
\v 1 ጎርታ ኖ ካአዬስናኖ አየስኮ ካሆሬ አየስ ሂካያ፤ ዳሩሪ ካአቲ ካዋኮክ ኮርፍንጄይ ምና ታመርጌ ካሀማጼሮ ሂካ ኣንክክ ካቱቃሞል ዎይቻ ኖ አብና።\x - \xo 8፡1 \xo*\xt ማዛ. 110፡1።\xt*\x* 
\v 2 ኡሱ ካኮሀንዳራ ታሩም ዱንካኒ ታሌተቶ ቁሉክ ምን ካዋይያ፤ ሂካ ምንኮክ ማዳራማኖ ገነ ታእባዶይ አሌኖን ግራን ጎታይያ። 
\v 3 መተመተይ ቱቃሞልኮክ ዎይቻ ካኮሹማማራ መባና ጃርሶ ዋዉን ስሲንያ፤ ሃኑን ሂክ ቱቃሞ ካስስናራ ኮኮ ኮ ግርን ዶትሳራ። 
\v 4 ሴራኮክ ማለ ሜባ ካስሳራ ቱቃሞል ማንኮግሮ ማራን ኡሱ ኡሊ ካግሮ ሊ ግረዋ ቱቃሞ ሊ ላኮግራረ፤ 
\v 5 ሂክ ቱቃሞል ታኮሀንዳራን ዱንካኒ ዳሩሪ ታግቶዉን ማሱሳና ሆስ ታላልታ፤ ህክና ካኮንሌራ ዋ ሙሴነ አት ምን ካኮማዳራቶ ጎራታ፥ “ዎዳሚ ጉት አን ኩን ጎጎቱሰሮክ ማለ ካመን ዱባ እስኦራ ፈል” አመ ጎጎአጃጄሮክ ማሌያ። 
\v 6 ግዳ አደ የሱሳ ዋይና እባዶና ጠኤ ታበ ህኢ ቶ ካየለሮ ካአማቶ ሃፉራ ኦዶአን አማቶኮ ታሮርተቶና ታኢዳንት አብድ ጉት ካጣባተሮ ማንኮሌሮ ማራን ኡሱማለና ኡሱን ኦስሳሜራን ፈሎ ዱባንኮ ኦሮራራንያን።
\p
\v 7 ኦሆሬ አማቶ ኦሃፉራ ኦቱፋሞን ሊ ግሬንዋ ካላም ካአማቶ ሃፉራ ላኮዶትሳረ። 
\v 8 ዋ ጎሳ ጉት ኦቱፋምራን ፈሎ ግራኖ ቱስን አመረ ሃ አማራ፥
\q1 “አን ካእስራኤል ጎሳነና ካይሁዳ ጎሳነ ዎታ
\q2 አማቶ ኦኡሱብኮክ ሃፉራ ካኮታብናራ ጎራታ ኤመይናራ አማራ ጎታ።”
\q1
\v 9 ሂኒዕ አማቶ አን እሶ ካግብጽ ኡልኮ ገነትሶ አበረ ካኮቤሳረ ጎራታ ኦዶጆላልክሶነ ዎታ ኦታበረ አማቶ ኣኒዕ ላኮያን፤ እሶና ሂናኣ አማቶ ኦሃፉራይ አታታና ማንኮዋቴን ማራን አንና እሶኮ ባጋጎለ፥ አማራ ጎታ።
\q1
\v 10 “ጎርታ አን ሂታኮ አባባይረ ካእስራኤል ጎሳነ ዎታ
\q2 አን ኦታብናራ ኦሃፉራ አማቶ ህናኣያን አማራ ጎታ፤
\q1 አን ሴራኬ ሳሙትስን ካይናራ፤
\q2 ዎዳናትሶይና ጻፍናራ፤
\q1 ዋክሶና ልናራ፥
\q2 እሶና ጎሳኬ ልናራን አመ።
\q1
\v 11 ‘ጎታ አዴስ’ አም ኦላቴሳና ሌረ
\q2 አቢኬሳ ማዮና ካአጋልስስሮ ላኮዶትሳሮ።
\q1 ክጫርኮ ሀጋአበረ ታ እባዶ ካጂንጂን ጌሮ ዱባና
\q2 እን አዴስሮዋ፤
\q1
\v 12 ባስክሶና ሀሄሶ አምናራ፤
\q2 ጩቦክሶና ሂታኮ ሆረንባን ላኮሻድናሮ።”\x - \xo 8፡12 \xo*\xt ኤር. 31፡31-34።\xt*\x*
\p
\v 13 ጎርታኑን “ኡሱብኒዕ አማቶ ኦሃፉራ” ጎአምሮ ኦሃፉራ አማቶ ኦሆሬ ላኦ ኦስሶን የለራ አማኖያ፤ ሃኑን ፈላ ካግረና ካዶአን ኮኮ ዱባ ካኮባይናራ ጎራታ ጋባላመራ።
\c 9
\s1 ካኡሌ ቁሉክ ምን ካኤብኮክ ሀንዳኖ
\p
\v 1 ኦሆሬ አማቶ ኦሃፉራ ዋ ሄዶይሳታኖኮክ ሴራና ካኡሌ ቁሉክ ምን ካዋ አባናየ፤ 
\v 2 ክፍሊ ላማ ካአባ ምን ግረ። ቦላንሶና ጣራጴዛ፥ ዋዉን ካስሳማራ ባቦ ታኮግረ ታሆራርጄ ክፍሊ “ቁልቲ” አማማተ። 
\v 3 ካላም ጎጎሎኮ ኦሮሀይተ ታግታ ታኦሮ ክፍሊ “ኣሎ ቁልቻት”\f + \fr 9፡3 \fr*\ft ኣሎ ቁሉት ባንኤ ታአማማታ፥ ቁሉክ ምን ካዋይ ኦሮ ታሴድ ክፍሊታ። ብያ. 26፡31-36። \ft*\f* አማማተ። 
\v 4 ህታ ክፍሊ ኦሮ ዎርቂኮ ካፈላመሮ ኢጣና ካኮኢዮሳራን ኤሰ ባንኤ ግረ፤ ዎርቂ ካኮሳርስሳመራ አማቶ ኦሃፉራኮክ ሳጢነ ኤሰ ኦሮ ግረ፤ ሂካ አማቶ ኦሃፉራኮክ ሳጢነ ኦሮ ማና ታኮግረ ታዎርቂ ኡላ፥ ሁርሰ ታግቴ ታአሮን ዳማ፥ አጃጃ ቶሞኖ ካኮጻፋመረ ጣልጳክ ኤኤሞ ግረ።\x - \xo 9፡4 \xo*\xt ብያ. 30፡1-6፤ 25፡10-16፤ 16፡33፤ ቶቶ 17፡8-10፤ ብያ. 25፡16፤ አዳ. 10፡3-5።\xt*\x* 
\v 5 ሃፉራ ካአማቶኮክ ካታቦታ ሳጢነ ጉት ካግሮ ጩቦ ሀሄሶ ካኮአማማሮ ኑብ ባላሎኦትሶይ ጎልሴን ኦአባራን ኦካባጃሜን ክሩቤል ኦአማማራን መጣጆልየን፤ አየሱን ጎአመን ሂካ አየስ ዱባኮክ ጋራ ግዳ ባላኣስ አዬስን ላኮዳንዳኖ።\x - \xo 9፡5 \xo*\xt ብያ. 25፡18-22።\xt*\x*
\p
\v 6 ካመን ዱባ ሂካማሌ ካኮኤካሮ ጎራታ ቱቃሞል ዋዉን ሀንዳይን አርጌቶ ምንኮ ታሆራርጄ ክፍሊ ቶስ ታባራን።\x - \xo 9፡6 \xo*\xt ቶቶ 18፡2-8።\xt*\x* 
\v 7 ታላም ታኦሮ ክፍሊ ቶስ ካታባራ አደ ቱቃሞልኮክ ዎይቻ ካላልያ፤ ካታባራና ጌስኮ አሪ ቶ ታላልያ፤ ኡሱና ጩቦኬሳዉና ጎሳ ሀአዴሶን ካፈለሮ ጩቦን ካስሳማሮ ኢግ ሀአቦን ላኮታባሮ።\x - \xo 9፡7 \xo*\xt ዎዩ. 16፡2-34።\xt*\x* 
\v 8 ዱንካኒ ታሆሬ ካኮግቶ ግታክ ቁሉ ኣሎ ቁሉት ታአማማቶ ቶስ ካታብሳራ ራ ጋና ሀሙቶን ካግሮ ላኖ አያና ቁሉክ ሂካማሌ ቱሳራ። 
\v 9 ህክና ሂካ ጎራታዉን ማሱሳያ፤ ሂካማሌ ካስሳማራ ሜባና ጃርሶ ካስሳሮ እባዶትኮት ሳሙይ ካማልሳማሮ ባስኮ ሱረ ቁሎይስን ላኮዳንዳሮ። 
\v 10 ሂክ ካሞጋን አየስ ካኮኡሱባይናራ ጎራታ ታ ኤሜሮ ፈሎይ ጉት ካግራ ካሳረ ካሙታሮ ዎጋልያ፤ እሶና አማኖና ጣማኖኮክ ጋራና ካለካለክ ካሙጭሳሮ ዎጋኮክ ጋራ ካላሉን ካፈላመሮያ።
\s1 ካክርስቶሳ ኢግ
\p
\v 11 አየሱን ጎአመን ክርስቶሳ ኤመታ ካግሮ ካእዳን አየሱን ካቱቃሞል ዎይቻ ሌ ሙተራ፤ ኡሱ ታኮታበራ ዱንካኒ ታጅንትና ዱዶትታ፤ ህት ዱንካኒ ገነ ታእባዶይ ታፈላሞንግቶና ሂካ አላም ኮት መጣ ላኮቶ።\f + \fr 9፡11 \fr*\ft ኤመታ ኦግራን ጉት ካአማሮ ኮኮ ማጻፋጆል፥ “ግዳ ኦግራዉን” አማራ። \ft*\f* 
\v 12 ኡሱ ኣሎ ቁሉት ታአማማቶ ባንኤ ቶስ ኮይክ ካላም ታኮአዳሞይ ኢግኬሳ አበረ ታበራ ኳሬ ካኦሬነና ካኮርጆሌ ኢግ አበ ላኮታበሮ፤ ሂካማሌ ጅሩ ጅሮማን ኖን ዎዶ ሌ። 
\v 13 ካኦሬነና ካኮርጆሌ ኢግ ጃርሶን ታጉባንተቶ ዳባሎኮክ ቡሉሎ ካባቶየሮ እባዶ ጉት ጎአራጭራን ባትናት ካሶየኮ ሙጭሜን ኦቁሎዋራን ጎሌ፥\x - \xo 9፡13 \xo*\xt ዎዩ. 15፡16፤ ቶቶ 19፡9፥17-19።\xt*\x* 
\v 14 ጅሩ ጅሮማክ አያናኮክ ጋራነ እስኦቴሳ ሙላ ካላይክ ጃርሶ የላተ ዋዉን ካስሳተራ ካክርስቶሳ ኢግ አርዶክ ዋዉን ኖ ጎጎሀንዳይኖን ሳሙታን ጎይ ቶስ ኦጌሳራን ፈሎኮ ኣሎ ኖ ሙጭስን ላኮዳንዳሮያ?
\p
\v 15 ኦኡማሜራን ሀኑኡ ዋ ታስሰሮ አብድ ጅሩ ጅሮማን ርቲ ጎጎአታናዉን ክርስቶሳ አማቶ ኦኡሱብኮክ ኢግ ኖ ህኢ ቶ ካየሎ ሌ፤ ህክና ካኮንሌራ ኡሱ ሆራርጀ አማቶ ኦሃፉራኮ ሄገሌ ሌረ እባዶ ህዲድኮ ኬስ ጩቦኮ ፋይስን ማንኮጎየ ማራንያ።
\p
\v 16 ባዛ ጎግረ ካባዛተሮኮክ ጎይ አዴሳኖ ዶትሳራ፤ 
\v 17 ካባዛ አየስ ፈሎ ካኮሃራ ካባዛተራ ካኮጎየ ጎራታያ፤ ካባዛተራ ኔፎነ ግራን ካባዛ አየስ ላኦ ላኮአቦ። 
\v 18 ሂካኮት ኣላንቲ ኦሆራርጄ አማቶ ኦሃፉራ ሱረ ኢግ ካላይ ኦአታቴራን ላኮያን። 
\v 19 ሆራርጀ ሙሴ ካሴራ አጃጃ ዱባ ጎሳ ዱባን ሰገ፤ ሂካኮ አባባተረ ኢግ ካኦሬነና ካኮርጆሌ በከነ ዎታ ለደረ ካሴራ ማጻፋና ጎሳ ዱባ ህሶጲ ኦአማማራን ባላሎይና ኦጎሮ ኦእዳድኮ ካፈላመሮ ክሪ አራጨ፤ 
\v 20 ካኮንአራጨራና፥ “ዋ እስኑን ካአጃጄራ አማቶ ኦሃፉራኮክ ኢግ ሂካያ” አመረያ።\x - \xo 9፡20 \xo*\xt ብያ. 24፡6-8።\xt*\x* 
\v 21 ኡሱማለና ዱንካኒ ኦሮና ካኮፈላታራን ሁ ዱባ ጉት ኢግ አራጨ።\x - \xo 9፡21 \xo*\xt ዎዩ. 8፡15።\xt*\x* 
\v 22 ኦግራን ሴራ ካሙሴ ማለ አየስ ክጫር ኳሬ ካመን ዱባ ኢግ ሙጭማራ፤ ኢግ ጎኡባኖን ጩቦ ሀሄሶ አማማኖ ላኮሄላማሮ።\x - \xo 9፡22 \xo*\xt ዎዩ. 17፡11።\xt*\x*
\p
\v 23 ጎርታኑን ሂክ ካዳሩረ አየስ ማሱሳ ካኮንሌራ ሂካ ኣንክክ ዎጋ ሙጭማኖ ዶትሳረ፤ ዳሩርኮ ካሌራ አየስ አደ ሂካኮ ካሮረ ጃርሶይ ሙጭማኖ ዶትሳራ። 
\v 24 ክርስቶሳ ካሩም ቁሉክ ምን ካዋዉን ማሱሳ ታሌተቶና ገነ ታእባዶይ ታፈላንተቶ ኣሎ ቁሉት ባንኤ ቶስ ላኮታበሮ፤ ግዳ ኡሱ ኖ ማራን ዋይ ሆረ ሙትን ዳሩር ቶስ ቤ ታበ። 
\v 25 ካአይሁድ ቱቃሞልኮክ ዎይቻ ካኬሳ ካሌኖን ኢግ አበረ ጌስ ጌሲ ኣሎ ቁሉት ባንኤ ቶስ ታበ ግረ፤ ክርስቶሳ አደ እስኦቴሳ ጃርሶ የላይ ስሳይን ጎራታ ካሞጋን ላኮታበሮ። 
\v 26 ሃ ካሌሮ ሊ ግረዋ አላም ታኮመጣመሮኮ ሀጋአብረ ጎራታ ካሞጋን ራኮ አታይን ካዶትሳሮ ሊ ግራረ፤ ግዳ ጎአመን ጌስጆልኮት ጋቾይ ጩቦ ኖኮ ባስን እስኦቴሳ ጃርሶ የላተ ኮክ ካላም ታኮአዳሞይ ሙተራ። 
\v 27 እባዶን ጎይ ኮያ፤ ጎይኮ አባባተረና ፍርዳ ግራ። 
\v 28 ኡሱማለና ክርስቶሳ ካሞጋንኮክ ጩቦ ባስን ጎይ ኮ ጎየራ፤ አደና ጩቦ ስዳይን አሌኖን ግራን ኡሱ ኦኦራታራን ፋይስን ካላም አድ ኤመይናራ።
\c 10
\s1 ጃርሶ ላኖ ካክርስቶሳ ካላም ታኮአዳሞት
\p
\v 1 ሴራ ካሙሴ ሆረንባን ካኤሜይናሮ ካእዳን አየሱን ማሱሳ ጎርቱን ሆስያ ኳሬ ታሩም ምዲ ላኮአባናየ፤ ሃኑን ጌስ ጌሲ አርጌቶ ካስሳማሮ ጃርሶጆል አባቴረን ዋ ቶስ ካኤሜታሮ እባዶ ዱዶክ የልን ሱረ ላኮዳንዳሮ። 
\v 2 ሴራ ካሙሴ እሶ ዱዶኒዕ የልን ካዳንዴሮ ሌዋ ዋ ሄዶይሳይን ካኤሜታሮ እባዶ ካላም ታኮአዳሞን ጩቦኮ ማንኮሙጭመራዉና ጩቦ ካላይኒዕ ኣን ሳሙትሶይ ባስ ማንኮማላሳማሮ ማራን ጃርሶ ስሳኖ እስ ግራኔን። 
\v 3 ሀሱ ጃርሶጆል አደ ጌስ ጌሲ እሶ ጩቦ ካሻድሳሮያ። 
\v 4 ኣላንቲና ካኮርጆልና ካኦሬን ኢግ ጩቦ ባስን ላኮዳንዳሮ።
\q1
\v 5 ሃኑን ክርስቶሳ አላም ቶስ ታኮኤመተሬ ሃ አመ፤
\q1 “ጃርሶና ሜባ አት እንኮ ላኮዶተቶ፤
\q2 ማርካ ጎአመን እን ኤካሰታ፤
\q1
\v 6 ካጉባታሮ ጃርሶና
\q1 ካጩቦ ሀሄሶ አማኖኮኪን ካኤናኣማሮ ጃርሶይ
\q2 አት ላኮገጌላተቶ፤
\q1
\v 7 ሀሱ ጎራታ አን
\q1 ‘ሄዶኬ! ማጻፋ ቁሉክ ጋራኬ ጎጎጻፋመሮ
\q2 ፈኢታ ጉድስን አን ኤመየራ’ ” አመ።\x - \xo 10፡7 \xo*\xt ማዛ. 40፡6-8።\xt*\x*
\m
\v 8 ሀኑኡ ሴራ ካአጃጃሮ ጎሌና፥ “ጃርሶና ሜባ፥ ካጉባታሮ ጃርሶና ጩቦኮ ሀሄሶ አማማኖ ካኤናኣማሮ ጃርሶ አት እንኮ ላኮዶተቶ፤ እሶና አደ አት ላኮገጌላተቶ” አመ፤ 
\v 9 ደቤና፥ “ሂክማ፥ አን ፈኢታ ፌልን ኤመየራ” አመ፤ ሂካማሌና ካላምክ ጃርሶኮት ባንኤ ጣቢስን ካሆሬ ጃርሶ ኢግልሰራ። 
\v 10 ሂካኒና “ፈኢ” ካአማሮ ሃፉራኮክ ማለ የሱሳ ክርስቶሳ ሶይ ኮኪ ካላም ታኮአዳሞት ጃርሶ ሌ እስ ስሳታኖኮት ኣላንቲ ኖ ቁሎይነና።
\p
\v 11 ቱቃሞ መተመተይ ጩቦ ባስን ካዳንዴኖን ኣኒዕ ጃርሶጆል አርጌቶ ስሳ አሪ አሪ አሌ ሀንዳራን።\x - \xo 10፡11 \xo*\xt ብያ. 29፡38።\xt*\x* 
\v 12 ክርስቶሳ አደ አርጌቶ ካሌሮ ጃርሶ ኮ ስሰ አባባተረ ዋ ኦዶኮት መርጌይ ሀማጼራ። 
\v 13 ሂታኮ ሆረንባን ዲናኬሳ ኦዶናትኬሳ ሄገሊ ታ ባርናኒ ኦራራ፤ 
\v 14 ህክና ካኮንሌራ ሀኑኡ ኦቁሎየራን ጃርሶ ኮኮክ ጋራነ ጅሩ ጅሮማን ዱዶኒዕ ማንኮየለሮ ማራንያ።
\p
\v 15 አያና ቁሉክ አደ ሂካ አየስ ኖን አቶታራ፤ ሆራርጀ፥
\q1
\v 16 “ሀኑኡ አርጆልኮ አባባይረ
\q1 እሶነ ዎታ አን ኦታብናራ አማቶ ኦሃፉራ ህናኣያን አማራ ጎታ፤
\q1 ሴራኬ ዎዳናትሶይ ካይናራ፤
\q2 ሳሙትሶይና ጻፍናራ።”
\q1
\v 17 አደና “ጩቦክሶና ኦሜላን ፈሎኦትሶ
\q2 ሂታኮ ሆረንባን አን ላኮሻድናሮ” አማራ።\x - \xo 10፡17 \xo*\xt ኤር. 31፡34።\xt*\x*
\p
\v 18 ሃኑን ጩቦ ዱባ ሀሄሶ ካኮአማመ ጎራታ ጩቦ ሀሄሶ አማኖኮክ ጋራን ካስሳማራ ጃርሶ ሂታኮ ሆረንባን ላግሮ።
\s1 ዋ ቶስ ጋባላማኖ ካዶትሳሮ ላኖ
\p
\v 19 ጎርታኑ አቢላልቴ! ኢግ ካየሱሳኮክ ጋራነ ኣሎ ቁሉት ባንኤ ቶስ ታብን ካኮዳንደኖ ካአብድስሮ ሄላነና። 
\v 20 ኖ ካኮታብናና ጎጎሎኬሳይያ፤ ሃ አማኖና ሶኦቴሳኮክ ጋራነ ኖን ካባነሮ ካኡሱብኪና አርዶክ ካሌሮ ራዲያ። 
\v 21 ዳሩሪ ካግሮ ምን ካዋይ ጉት ኦዶናት ካአቦ ካንጂንክ ቱቃሞ አብና። 
\v 22 ሃኑን ሳሙ ኦሮ ካማልሳማሮ ባስ ካሜላንኮ ጎጎሙጭምኖን ዎዳናታን ሙጭሳይነ፥ ማርካን በከ ኦሙጭሜኒ አልጉነ፥ ቱኩልት ዎዳናና ካሩም አማኖ አባይጉነ ዋ ቶስ ጋባላምኖ።\x - \xo 10፡22 \xo*\xt ዎዩ. 8፡30፤ ሕዝ. 36፡25።\xt*\x* 
\v 23 ካአብዲ ሃፉራ ኖን ካስሰራ ካአብዳመ ማንኮሌ ማራን ግዳ አማንኔ ካአቶቲናኖ አብዲ ሀጋቶላ አንሌኖኒ አታይሳይ አባና። 
\v 24 ጌላንጄይና ፈሎ ኦኢዳኒ አታይጉነ ጎጎግርኖን ኮ ካካለ ሀአታይሶ፤ 
\v 25 አርጌቶ ራቶ ኢንሰ ኤሴላ እስእስኦሮ እስእስ አታይሳና ኳሬ ኮኮ ኩኩአማኖ ጎጎኢሰራን ማለ ኖ አድ ኩኩአማኖካን ላኮኢንሶ፤ ሃ ላናኮ ጎታ ካኮኤሜይናራ አሪ ጋባላማኖ ሻዳ ሂካ አየስ ኣሎ ፈላ።
\p
\v 26 ሩም አዴንሰ ግራን አባባይነ ቦግ ማላባ ግራን ጩቦ ጎፈልነ ሂታኮ ሆረንባን ጩቦ ማራን ካስሳማራ ጃርሶ ኮና ላግሮ። 
\v 27 ጎርታ ኖ ካኦታራ አደ ሆረንባን ካሊናራ ካአብስሳሮ ፍርዳና፥ ካኔባታራ ታጉባቶ ታአብስሶ ኤሌንታ።\x - \xo 10፡27 \xo*\xt ኢሳ. 26፡11።\xt*\x* 
\v 28 ሴራ ካሙሴ ካባሰ ጉት እባዶ ላማ ጎርቱን ሴዶ ጎአቶቴ ሻጋ ካላይ ጎይን ሙርተሳማራ።\x - \xo 10፡28 \xo*\xt አዳ. 17፡6፤ 1፡15።\xt*\x* 
\v 29 ሀያ፥ ኤረ ካዋ ካቱፋተ፥ ካኮቁሎየሮ ካአማቶ ሃፉራኮክ ኢግ ካፋንቾይሳራና፥ ካስኖ አያና ካሀባራራ፥ ምስት ሂታኮ ታሮርተ ሙሮ አታይን ካዶትሳሮ ኣን ላራ!\x - \xo 10፡29 \xo*\xt ብያ. 24፡8።\xt*\x* 
\v 30 “ሀሎ ብያኖ ካኬያ፤ አን ታዶትሳቶ ሙራ ሙርናራ” ካአመራ ማዮዮ ኖ ካንሶዋ፤ ኡሱማለና፥ “ዋ ጎሳኬሳ ጉት ፍርድናራ” አማራ ጎታ።\x - \xo 10፡30 \xo*\xt አዳ. 32፡35-36።\xt*\x* 
\v 31 ሃኑን አርዶክ ዋኮት ገነ ኢያኖ ኣሎ ካአብስሳሮያ።
\p
\v 32 እፋ እስኑን ካኮሀንቃረ ጎራታ ራኮ ታሞጋን አታቴንዴን ታኮኦብስተቴን ሀሴ ታጣዎ አሪ ሻዳ። 
\v 33 አሪ ቶቶ እባዶ ሆረ ሀባራንቴታን፤ አቦሳንቴታን፤ ቶቶ ጎአንታን እስን ሂካ ኣንክክ አቦሳ ካኮጌሮ እባዶነ ዎታ ሳትላል ማንኮሌተታን ማራን ራኮ አታቴታን። 
\v 34 እስን ታኢዳንትና ታጉዳኖን ዱሩማ ዳሩሪ ግራኖ ማንኮካሳን ማራን ኦሻሜራዉን ኮኮ ስሳ፤ ኡራዎኦትስና እስንኮ ካኮአታመሬን ጎራታ ኦብሲተዴን ገጌሎይ አታቴን። 
\v 35 ጎርታ፥ ካአቲ ባርኣራ ካኮሄላይናታን ካኮአብዳታን አሮሻፋቴን። 
\v 36 ፈኢ ታዋ ጉድሳዴን ዋ እስኑን ስስን ካአማቶ ሃፉራይ ካታበሮ ኮኮ አታይን ኦብሲ ኦራታኖ ዶትሳራ። 
\v 37 ኣላንትና ሃ አማመ ጻፋመራ፥፤
\q1 “ኤመይን ካግራ ኡሱ ጎራታ ክጫርኮ አባባይረ ኤመይናራ፤
\q2 ላኮአዳላይናሮ፤
\q1
\v 38 ካኬ ካሌራ ቁሉክ እባዶት አደ አማኖይ ግር ሄላይናራ፤
\q2 ሃር ጎጋለ አን ኡሱ
\q2 ላኮገጌላይናሮ።”\x - \xo 10፡38 \xo*\xt እንባ. 2፡3-4።\xt*\x*
\p
\v 39 ኖ ጎአመን አማኔረ ካፋያሮነ ዎታ ኡናና ኳሬ ሃር ጋለጉረ ካባሮ እባዶኮት ኡና ላኮኖ።
\c 11
\s1 አማኖኮክ ጋራ
\p
\v 1 አማኖ አማኖ አብዲ ካኦራማሮ ኮኮ፥ “እ ሩምና ሌሮዋ” አም አታታኖያ፤ ኢልኦ ካሙቶን ኮኮ ካሙታሮ ኣን የል አታታኖያ። 
\v 2 ዋ ካሆርኮ እባዶን ካኮአቶቴራ አማኖኮክ ኣላንቲያ።
\p
\v 3 አላም ሃፉራ ካዋይ መጣማኖ ካኮአዴሳና አማኖያ። ሃኑን ካሙታራ ኮኮ ዱባ ካሙቶንኮ ካፈላመሮ ላኖ ካንሶዋ።\x - \xo 11፡3 \xo*\xt መጣ 1፡1፤ ማዛ. 33፡9፤ ያን. 1፡3።\xt*\x*
\p
\v 4 ኣቤላ ካቃዬል ጃርሶኮ ካሮረ ጃርሶ ዋዉን ካስሰራ አማኖያ፤ ዋ ካኣቤል ጃርሶ ገጌሎይ ካኮአታታረ ጎራታ ኣቤላ አማኖኬሳ ቁሉክ ላኖ አቶታመ። ኣቤላ ጎጎየና አማኖኬሳኮክ ጋራነ ግዳና አዬሳማራ።\x - \xo 11፡4 \xo*\xt መጣ 4፡10።\xt*\x*
\p
\v 5 ሄኖካ ጎይ ኡሱ ጎጎጌኖንኮ ዳሩር ቶስ ካኮአታመራ አማኖይያ፤ ዋ ማንኮአታተሮ ማራን ላኮሙተ፤ አታማኖኮ ጣየ አደ ዋ ገገላይሳኖኬሳ አቶታመራ።\x - \xo 11፡5 \xo*\xt መጣ 5፡24።\xt*\x* 
\v 6 አማኖ ካላይ ዋ ገጌላይስን ላኮዳንዳማሮ፤ ዋ ቶስ ካጋባላማራ እባዶ ዋ ግራኖና ኡሱ ኦዶታታራዉን እላቦ ካስሳሮ ላኖ አማናታኖ ዶትሳራ።
\p
\v 7 ኖሄ ጋና ኢልኦ ካሙቶን አየሱን ዋ ካኮሰርሰረ ጎራታ ኖሄ ዋ አብሳታ ካምነ እባዶኬሳ ሃሳይን ማርካፋ ካኮፈለራ አማኖየ፤ ኖሄና አማኖይ አላም ዱባ ጩባለሳ ላኖ ቱሰ፤ ኖሄና አማናኖይ ታሄላማቶ ቁሉማ ኤለ።\x - \xo 11፡7 \xo*\xt መጣ 6፡22።\xt*\x*
\p
\v 8 አብራመ ብጉረ ርቲ የላይ ታአታይናሮ ባንኤ ጎጎሴሮን ካኮኡማመረ ጎራታ ኤትራ ሴይናሮ ኮና ሱረ ጎአዴስዋተና ሴይን ካኮአጃጃመራ አማኖያ።\x - \xo 11፡8 \xo*\xt መጣ 12፡5።\xt*\x* 
\v 9 ኡሱነ ዎታ ካአብዲ ሃፉራ ኦኤሌራን ይሳቃነና ያይቆባነ ዎታ ካአብዲ ኡል ማርት ሌ ዱንካኒ ካኮሀማጼረ አማኖይየ። 
\v 10 ሂካና ኡሱ ካኮየለራ ካጣባመ ኡኩም ታአብቶ፥ ዋ ታኤካሰሮና ታማዳረሮ ካታማ ኦራታ ማንኮግረ ማራንያ።
\p
\v 11 ሳራና ኤሰን አብድ ካስሰራ ዋ ካአብዳመ ላኖ ማንኮአዴሰተ ማራን ጃሮማኖኮ ካከይ ሱረ ኡሙልን ታዳንዴኖን ጎሌተና ፋቶ ካኮቶታቶ ሁና ካኮሄላቴታ አማኖያ።\x - \xo 11፡11 \xo*\xt መጣ 18፡14፤ 21፡2።\xt*\x* 
\v 12 ሃኑን ካጎየሮ እባዶ ኣን ካቶታመረ አብራመ ኮኮ ካዳሩረ ባራጃ ኣን ካሞጋተረና ታላቡ ግርዴ ጨካለ ኣን ታቶታሞን ሳኒ ሄላንቴ።\x - \xo 11፡12 \xo*\xt መጣ 15፡5፤ 22፡17፤ 32፡12።\xt*\x*
\p
\v 13 ሂኒዕ ዱባ አማኖይ ጎጎግሬን ጎዬን፤ ዋ እሶን ስስን አማቶ ካታበረ አየስ ላኮአታቴን፤ አየሱን ጎአመን ኤባ ዴንጉሬን ካአታቴራን ኣን የላቴን ገጌሎይ አታቴን። ኡሊ ጉት ማርትና ኡሱ ኡልክ እባዶ ላናዋትክሶ ማላባቴን።\x - \xo 11፡13 \xo*\xt መጣ 33፡4፤ 1 ኦዱ 29፡15፤ ማዛ. 39፡12።\xt*\x* 
\v 14 ሂካማሌ ካአዬሳራ እባዶ ካክሶ ካሌሮ ኡል ካኦራታናን ላኖ አዴስሰ ቱሳራ። 
\v 15 ሀሱ እሶ ኢሰን ካቤራን ኡል ካሻደራን ሌና ኤሰራ አባባይን ዳንዳረንዋ። 
\v 16 ግዳ ጎአመን ሂካኮ ካሮረ ዳሩሪ ካግሮ ኡል ሀልቻራን፤ ሃኑን ዋ እሶን ካታማ ማንኮኤካሰሮ ማራን፥ “ሄዶክሶ” አማም ኡማምን እሶ ላኮሙላሮ።
\p
\v 17 አብራመ ካኮጫፋመረ ጎራታ ይሳቃ ጃርሶ የለ ዋዉን ካኮስሰራ አማኖያ፤ ሀሱ ካአብዲ ሃፉራ ካአታተራ አብራመ ኤረኬሳ ኮ ጃርሶ የልንየ።\x - \xo 11፡17 \xo*\xt መጣ 22፡14።\xt*\x* 
\v 18 ሀያ ዋ፥ “ሳኒታ ይሳቃይ ኡማምናታ” አመ ኡሱን ሰገረ።\x - \xo 11፡18 \xo*\xt መጣ 21፡12።\xt*\x*
\p
\v 19 ዋ ጎይኮ ኬስን ካዳንዳሮ ላኖ አብራመ አማናኖይ ጎይኮ ካኬሮ ኣን ይሳቃ ካላም ሄላተ። 
\v 20 ይሳቃ ሆረንባን ካሊናሮ አየስ ሄደጉረ ያይቆባና ኤሳዉ ካኮሶማሳተራ አማኖያ።\x - \xo 11፡20 \xo*\xt መጣ 27፡29፥40።\xt*\x*
\p
\v 21 ያይቆባ ካኮጎይናራ ጎራታ ካኮጋባላማረ ጎራታ ካዮሰፍ ይስ መተመተይ እሶ ካኮሶማሳተራና ዳማኮት ብርጠ እስካተረ ካኮሳጋደረ አማኖያ።\x - \xo 11፡21 \xo*\xt መጣ 47፡31—48፡20።\xt*\x*
\p
\v 22 ዮሴፋ ካኮጎይናራ ጎራታ ጋባላማ ካኮኤሜታረ ጎራታ ካእስራኤል እባዶ ግብጽኮ ጎጎብናራን ኡሱ ካአዬሰረ እሶ ለፋል ምስ የልን ዶትሳራን አጃጃ ካኮስሰራ አማኖይያ።\x - \xo 11፡22 \xo*\xt መጣ 50፡5፤ ብያ. 13፡1።\xt*\x*
\p
\v 23 ሙሴ ኦኡሙለራን ሙሴ ካኮአላታረ ጎራታ ምዲ ካእዳን ላኖ ማንኮአዴሰረን ማራን አጃጃ ካዎኖ ሀአብሳኖን ድግኒ ሴድ ካኮስያምሴረን አማኖያ።\x - \xo 11፡23 \xo*\xt ብያ. 2፡2፤ 1፡22።\xt*\x*
\p
\v 24 ሙሴና ካኮጂናታረ ጎራታ፥ “ኤረ ታፈርኦንኮክ ኤረ” አማም ኡማምን ፈኢ ስሳና ካኮዋተራ አማኖያ።\x - \xo 11፡24 \xo*\xt ብያ. 2፡2።\xt*\x* 
\v 25 ሃኑን ኡሱ ጩቦይ ኦሄላማራን ኦግዳኔ ገገሎኮ ሱረ ጎሳ ካዋኔ ዎታ ራኮ አታይን ዶታተ። 
\v 26 ኡሱ ሆረንባን ታአታይናሮ ሙራ ማንኮዴሮ ማራን ኡራዎ ኦግብጽኮ ሱረ ክርስቶሳ ማራን የራታኖ ካሮራሮ ላኖ ኣሎ ቆፔ።
\p
\v 27 ኡሱና ኤንገ ታዎኖ ሀአብሳኖን ግብጽኮ ካኮቤራ አማኖያ፤ ኢልኦ ካሙቶን ሄዶና ካዴሮ ኣን ሌ ሀልቻኬሳይ ጣባተ።\x - \xo 11፡27 \xo*\xt ብያ. 2፡15።\xt*\x* 
\v 28 ይስ ባርክ ላጋዲን ካአጃጃመረ ኤርግቻ ካእስራኤል ይስ ባርክ ጎጎ ጎኖንኮ አማ ሙሴ ካፋስካ ባላና ኢግ አራጫማኖኮክ ዎጋ ካኮፈለራ አማኖያ።\x - \xo 11፡28 \xo*\xt ብያ. 12፡30።\xt*\x*
\p
\v 29 ካእስራኤል እባዶ ኡል ካአንጋጌ ካሰሴተራን ኣን ሄላኒዕ በከኮ ጋማ ካኮናቄራን አማኖያ፤ ካግብጽ እባዶ አደ ሂካማሌ ሊን ካኮዶታረን ጎራታ እሶ ዱባ በከይ ኤነጋሜን።\x - \xo 11፡29 \xo*\xt ብያ. 14፡31።\xt*\x*
\p
\v 30 ካእስራኤል እባዶ ታኢያርኮ ኣል ታግምበ አሪ ቶዶባ ማራሙረንጉሬን ካኢያርኮ ግምበ ካኮኤኤብሴራን አማኖያ።\x - \xo 11፡30 \xo*\xt ኢያ. 6፡21።\xt*\x* 
\v 31 ታሻርሙጣተ ረአብ ካሳላላሮ እባዶ ኖጎዳ ማንኮቆጳተቶ ማራን ኦአጃጃሞነ ዎታ ጎዋኖኮ ካኮሄሰታ አማኖይያ።\x - \xo 11፡31 \xo*\xt ኢያ. 2፡21፤ 6፡25።\xt*\x*
\p
\v 32 ጎርታ ካካለ አን መ አምራ? ጌዶናኮት፥ ባራቅኮት፥ ሳምሶናኮት፥ ዮፍታሄኮት፥ ዳዉተኮት፥ ሳሜላኮትና ካሄገሮልኮት ማማኪን ጎራታ እን የራታራ።\x - \xo 11፡32 \xo*\xt ማሱ. 6፡11—8፡32፤ 4፡6—5፡21፤ 13፡2—16፡31፤ 11፡1—12፡7፤ 1 ሳሜ. 1፡1፤ 1 ዎኖ. 2፡11።\xt*\x* 
\v 33 እሶ አማኖ ዎኖላል አዎዴራን፤ ፍርዳ ካሩምቲ ጎሳ ባሪሴን፤ እሶን ታስሳንተቴ አብድ ሄላቴን፤ ታሉባን ህኢ ጩፌን፤\x - \xo 11፡33 \xo*\xt ዳኔ. 6፡27።\xt*\x* 
\v 34 ካኤሌኔ ሁና ባሰን፤ ካኤነናን ሺፋኮ ሄሴን፤ ላፉማትሶኮ አታን ቶስ ኢግልሳሜን፤ ጀሬን ሻፋይን ኦአቲ ሌራን፤ እሶነ ዎታ ጀሬን ካሻፋታረ ዲናኮክ ዎታዳራል ሆሮረናን፤\x - \xo 11፡34 \xo*\xt ዳኔ. 3፡30።\xt*\x* 
\v 35 ሄሌልጆል ካጎየሮ ፋልክሶ ጎይኮ ኬ ግራን ዴ። ኩክና ሂካኮ ካሮረ ጎይኮ ክያኖ ሄላይን ሄዴንጉሬን ራኮ ታሞጋንክ አቦሳ አታቴን፤ ሂካ ኣንክክ ሻኖኮ ባልቹማ ብን ላኮዶታቴን።\x - \xo 11፡35 \xo*\xt 1 ዎኖ. 17፡4፤ 2 ዎኖ. 2፡4።\xt*\x* 
\v 36 ኮኮ ካካለቱን ቃጭፋማኖ ሌን ቦጫሜን፥ ኩኒዕ አደን ታሉኬ ማርጮ ሽሻሜን ጉሬን ምን ካሻኖ ታቤን።\x - \xo 11፡36 \xo*\xt 1 ዎኖ. 22፡26-27፤ 2 ኦዱ 18፡25-26፤ ኤር. 20፡2፤ 37፡15።\xt*\x* 
\v 37 ኤኤሞ ኤጋሜን፥ ማጋዚና ኤካ በልኤን፥ ሺፋይ ጎዬን፥ ታእዳድና ታኦሬን ጫላ ሳርሳቴንጉረን ካፋፌን፤ ህየሳልና ኡል ካእባዶ እባዶ ሌን አቦሳሜን፤\x - \xo 11፡37 \xo*\xt 2 ኦዱ 24፡21።\xt*\x* 
\v 38 ጋዲ፥ ዎዳሚ፥ ኡሊ ካግሮ ላጋጆልና ማዳል ማራሙረን። ሂካ ጋራይ አላም እሶን ካዶትሳሮ ላኮየ።
\p
\v 39 ሂክ ዱባ አማኖክሶኮክ ጋራ ዋ ካአቶቴሮ ጎሌና እሶን ታስሳንቴቶ አብድ ጋና ላኮሄላቴራን። 
\v 40 ዋ ኖን ካእዳን ኮኮ ሀልቼራ፥ ሃኑን እሶ ኖኔ ዎታ ኳሬ ካለ ዱዶኒዕ ሊን ላኮዳንዳራን።
\c 12
\s1 ዋ ይስኬሳ ሙርሳራ
\p
\v 1 ዱማንቻ ኣን ኖ ማራሙረ ካአበሮ ሂካ ዱባ አቶጆል ኖ ማንኮአብኖ ማራን ስዳነ ኣን ኖን ካሌሮ አየስ ዱባ ኖ ጉት ካቁራናመሮ ጩቦ ባስጉነ ኖኮ ሆረነ ካግሮ ትያኖኮክ ለላማኖ ኦብሲ ቲኖ። 
\v 2 ኖ ካኮንትያናና አማኖካን ካሀጋአበሮና ካጉድሰሮ የሱሳ ድያኖይያ፤ ኡሱ ሆረቴሳ ኦግራን ገገሎኮት ኣላንቲ ማስቃሊ ጉት ጎዋኖኮክ የራን ኮና አን ሀቶትኖኒ ታማስቃሊ ራኮና ጎይ ኦብሴ፤ መርጌ ታዋይና ኮርፍንጀ ሀማጼ።
\p
\v 3 ጎርታኑ አህፋኖንና አብድ አንጎሳኖን ሂካ ዱባ ኡሱ ኦኔባታሬን ጩባለሳል ኡሱ ኔባታ ግራን እሶ ካኦብሴሮ የሱሳ ዲያ። 
\v 4 እስን ጩቦ ዲዳኖይ እባዶ እስን ታላጋድሮ ጊን ላኮኔባቴተን። 
\v 5 ዋ እስን ይስኬሳ አን ሃ አማ ካጎርሳተረ ኢሎቴታን፤
\q1 “ኤረኬ! ሀድሳኖ ካጎታ አሮየራሰ፤
\q2 ኡሱ ኩ ካኮሙርሰ ጎራታና አብድ አሮጎሳተ፤
\q1
\v 6 ጎታ ካጌላታሮኬሳ ሀድሳታራ፤
\q2 ኤረኬሳ ኣን የላተ ካድያታሮ ሙርሳታራ።”\x - \xo 12፡6 \xo*\xt ማሱ. 3፡11-12።\xt*\x*
\p
\v 7 ዋ እስን ይስኬሳ ኣን ማንኮቶታታሮ ማራን ሙሮኦቴሳ ኦብሳ፤ ኦዶ ካሙርሳኖን ኤረ አዮያ? 
\v 8 ይስ ካሌራ ዱባ ታአታታሮ ሙሮ እስና ጎአታኖን ኮስቻታን\f + \fr 12፡8 \fr*\ft ኮስቻ አማኖ ኦዶ ካአዴሳሞን ኤረ አማኖያ። \ft*\f* ኳሬ ይስኬ ላኮታን። 
\v 9 ሂካኮ ካካለ ኖ ዱባ ካሙርሳሮ ካኡሙለሮ ኦዶላል አብና፥ ኖና እሶ ካባጃ ግኔ፤ ሀያ፥ ኔፎ ግርን ካአያና ኦዶካኑን ምሲ ኣሎ አጃጃማና ዋታና! 
\v 10 እሶ ኢዳነ ኣን ሌን እስኦትሶዉን ጎጎሙቴ ጎራታ ክጫሩን ኖ ሙርሰራን፥ ዋ አደ ቁሉማቴሳ ኦሄዴዳማኖ ጎጎሌኖን ላኦታኑን ኖ ሙርሳራ። 
\v 11 ሙሮ ዱባ ካኮሙርሳማኖ አልማ ኦጋድስራንያን ኳሬ ኦገገላይሳራን ኣን ላኮላራን፤ ሃር አባባተረ አደ ሙሮ ካአጋልስሰራን እባዶን ኖጎዳ ታኮአማጋንተቶ ታቁሉማ ኢል ሄላምስሳራን።
\s1 ጎርሳና ሴርሳኖ
\p
\v 12 ሃኑን ኦሀርጋጨራን ገነኖኦትስና ኦሀረራን ግልቦኦትስን አታይሳዬን።\x - \xo 12፡12 \xo*\xt ኢሳ. 35፡3።\xt*\x* 
\v 13 ካኤሳራ ጎጎፋይሮን ኳሬ ምክታኮ ጎጎሽርሞንኮ ሉቃኦትስኑን ራ ካእዳን ኤካሳየን።\x - \xo 12፡13 \xo*\xt ማሱ. 4፡26።\xt*\x*
\p
\v 14 ቁሉማ ካላይ ማዮና ጎታ ድን ማንኮዳንዴኖን ማራን እባዶ ዱባነ ዎታ ኖጎዳ ግርን ካዳንደተን ዱባ ፈላ፤ ቁሉማቴሳና ግርን አታዬን፤ 
\v 15 እስንኮ ማዮና ስኖ ታዋ ጎጎሀንቃኖንኮ እስኦራዬን፤ ኡሱማለና ኮና ታኦኮካቶ ኢል ካዱባምስራ አካክልተ እስን ኦሮ ጎጎአላኖንኮና እስን ጎጎጢቦንኮ ካሞጋና እስን ጎጎባቶይሶንኮ እስኦራዬን።\x - \xo 12፡15 \xo*\xt አዳ. 29፡18።\xt*\x* 
\v 16 ካሻርሙጣሮ ጎርቱን ኮይክ ካአምናሮ ባቦን አመረ ባርክንተቴሳ ካዳዳለሮ ኤሳዉ ኣን ዋ ካአብሳኖን እባዶ እስን ኦርሮ ጎጎግኖንኮ እስኦራዬን።\x - \xo 12፡16 \xo*\xt መጣ 25፡9-34።\xt*\x* 
\v 17 ሃር አባባተረ ኤሳዉ ሶማ አታይን ካኮዶታሮ ጎራታ ሂኒዕ ሶማ ኡሱኮ ኦትራሜራን ካሳንዋ፤ ኦታ ሀኑኡ ሶማ አታይ ጎዶታተና ሱረ አታይን ላኮዳንዴ። ጩቦኮ ጉላ ጋልን ኢድሊ ሱረ ላኮሄላተ።\f + \fr 12፡17 \fr*\fqa ሄልን ላኮዳንዴ፦ \fqa*\ft አማኖ ጩቦኮ ጉላ ጋልን ኢድሊ ላኮሄላተ አማኖያ። \ft*\f*\x - \xo 12፡17 \xo*\xt መጣ 27፡30-40።\xt*\x*
\p
\v 18 እስን ገነ ካድናማሮ ጎርቱን ኤለኒ ታጉባቶ ታሲና ዎዳም ቶስ ላኮጌተታን፤ ኢዮቴ ቶስ፥ ሙጉድ ቶስ፥ ሁፎ ቶስና፥ 
\v 19 ታጡሩንባ ያየ ጎርቱን ካሰጋማራ ሃፉራ ታኮማልሳማሮ ቶስ ላኮጌተታን፤ ሀሱ ሃፉራ ካማለራ እባዶ፥ “ሂታኮ ሆረንባን ካካለ ሃፉራ ኖን አሮሰጋሞ” አማ ታ ኤባራኒ ጌራን።\x - \xo 12፡19 \xo*\xt ብያ. 19፡16-22፤ 20፡18-21፤ አዳ. 4፡11-12፤ 5፡22-27።\xt*\x*
\q1
\v 20 ኣላንቲና “ግድና ሱረ ዎዳም ጎዳዳረ
\q2 ኤኤሞይ ኤጋምረ ሀጎየ”
\m ካአማራ አጃጃ እሶን ማንኮእስላተ ማራን ኦራይን ላኮዳንዴን።\x - \xo 12፡20 \xo*\xt ብያ. 19፡12-13።\xt*\x*
\m
\v 21 ኤሰ ካዴሮ አየስኮ ካከይ ሙሴ ሱረ
\q1 “አን አብሳየራ፥ ሀረኤዋ” አመ።\x - \xo 12፡21 \xo*\xt አዳ. 9፡19።\xt*\x*
\p
\v 22 እስን ጎአመን ታጽዮን ዎዳም ቶስ ጋባላንቴታን። ኤሰና አርዶት ታዋ ካታማ ታሌተቶ ታዳሩረ ኢየሩሳለምታ፤ ገጌሎይ ካኩኩመሮ ካሞጋን ኩማይ ካቶታምሮ ኤርግቻል ቶስ ጋባላንቴታን። 
\v 23 መገክሶ ዳሩሪ ካኮንጻፋመሮ፥ ምን ካዋዉን ባርክ ኦሌራን አማኒልኮት ሀጋና፥ ዱባ ጉት ካፍርዳሮ ሄዶና ዱዶኒዕ ኦሌራን ቁሎሌኮት ኔፎል ቶስ ጋባላንቴታን። 
\v 24 አማቶ ኦኡሱቡን ጠኤ አሌ ካዎጋርሳሮ ካሌሮ የሱሳ ቶስ፥ ካኣቤላ ኢግኮ ካሮረ ካአዬሳሮና ካአራጫመሮ ኢግ ቶስ ጋባላንቴታን።\x - \xo 12፡24 \xo*\xt መጣ 4፡10።\xt*\x*
\p
\v 25 ሀሱ ካአዬሳሮ ኖ ላኮአታይናኖ ጎጎአሞንኮ እስኦትስን ኦራዬን፤ ሀኑኡ ዋ ጋራ እባዶነ ኡሉን ጎአዬስሮ ላኮማልናኖ ኦአመራን እሶ ጎሄሳናዋቴን፥ ሀያ ኖ ዳሩርኮ ካአዬሳሮ ጎአታታናዋኔ ምሲ ሄሲን ዳንዳና?\x - \xo 12፡25 \xo*\xt ብያ. 20፡22።\xt*\x* 
\v 26 ሀሱ ጎራታ ያየቴሳ ኡል አእሰቴ፤ ግዳ ጎአመን፥ “ኡል ካላል አሌኖን ግራን ኮይክ ዳሩርና አድረ አእስናራ” አመ አብድ ስሰራ።\x - \xo 12፡26 \xo*\xt ሃጌ 2፡6።\xt*\x* 
\v 27 ሂክ፥ “ኮይክ አድረ” ካአማራ ሃፉራ ካቱሳራ ካአኢኖን ኮኮ ጣባይ ጎጎግሮን ካአአራ ጎርቱን ካመጣመራ ኮኮ ባኖያ።
\p
\v 28 ጎርታ ኖ ካአኢኖን ዎኖናት ማንኮኤልናኖ ማራን ዋ ጋላቲና፤ ኡሱ ታኮገገላይሶ ካባጃይና አብሲ ሀንዳይና። 
\v 29 ኣላንቲና ሄዶካን ታጉባቶ ኤለን አንያ።\x - \xo 12፡29 \xo*\xt አዳ. 4፡24።\xt*\x*
\c 13
\s1 ዋ ካገጌላይስሮ ሀንዳኖ
\p
\v 1 አርጌቶ እስእስኦሮ ታአብላል ጌላንጀ እስኑን ሀግቴ፤ 
\v 2 ማርት ቆጳይዴን ማርትሳኖ አሮኢሎቴን፤ ሂካማሌ ማርት ቆጳታ እባዶ ኮኮ ሀአዴሶኒ ኤርግቻ ቆጳቴንጉሬን ማርትሴራን።\x - \xo 13፡2 \xo*\xt መጣ 18፡1-8፤ 19፡1-3።\xt*\x* 
\v 3 እሶነ ዎታ ካሻንተታን ኣን ላዴን ምን ካሻኖይ ኦሻሜራን ሻዳ፤ እስና እሶ ኣን ራኮ ካአታታን ኣን ላዴን ራኮ ኦአታታራን ሻዳ።
\p
\v 4 እስአታታኖ እባዶ ዱባ ዶሌ ካካባጃመ ሀሌዎ፤ ኦላይማራና ኦሻርሙጣራን ዋ ማንኮፍርድናሮ ማራን ኦርና ኤንተርና እስእሲ አብዳታና ዋትኮ ካከይ እስአታታኖክስን አሮባቶይሳቴን።
\p
\v 5 ታማራጋደ ጌላንጀኮ ፋክማ፤ እስን ካአብታንዋ እስኑን ሀሌዎ፤ ዋ “አን ኩ ሱረ ላኮሻፍሮ፥ ዱዶ ኩ ላኮእስሮ” አመራ።\x - \xo 13፡5 \xo*\xt አዳ. 31፡6፥8፤ ኢያ. 1፡5።\xt*\x* 
\v 6 ሃኑን አብዲ፥
\q1 “ጎታ ካጋርጋራሮያ አን ላኮአብሳታሮ፤
\q1 እባዶ እን መ የልን ዳንዳራ?” አማና።\x - \xo 13፡6 \xo*\xt ማዛ. 118፡6።\xt*\x*
\p
\v 7 ሃፉራ ካዋ ሆራርጀ እስኑን ኦሰጌራን ምን ካዋይ ሆረሃዬን ኦገጌሳራን አሮኢሎቴን፤ ግርክሶና ፈሎኦትሶኮት ላኦ ሻዳ አማኖክሶ አባዬን። 
\v 8 የሱሳ ክርስቶሳ ከለና ህታር ጅሩ ጅሮማን ኡሱ ኡሱያ፤ ላኮኢግልሳማሮ። 
\v 9 ካአዴሳሞን ካሞጋን ማርት ካላሮ አጋልስስ አሮቦጃንተን፤ ዎዳናታን ካአሞ ዎጋ ኦራታኖ ሀሌኖን ግራን ስኖይ አታታኖ ካእዳንክያ፤ ሂካ ካባቦ ዎጋይ ዴበ ካሰሴታራ እባዶ ላኦ ቶና ላኮአታተሮ።
\p
\v 10 ኖ ባንኤ ታፋላ አብና፤ ጎሌና ዱንካኒ ኦሮ ኦሀንዳራን ቱቃሞል ህታ ባንኤ ታፋላ ካግሮ ባቦ ኣት ኣምን እሶን ፈኢ ላኮስሳማቶ። 
\v 11 አይሁድኮክ ካቱቃሞል ዎይቻ ጩቦኮ ሀሄሶ አማማኖ ካሄላምሳሮ ካግድ ኢግ አቤንጉረን ኣሎ ቁሉት ባንኤ ቶስ ታባራ፤ ኡሱ ግድኮኒዕ ሶ አደን ዱንካኒ ታታንኮ ሳር ቤሰረን ኤለኒ ጉባራን፤\x - \xo 13፡11 \xo*\xt ዎዩ. 16፡27።\xt*\x* 
\v 12 ኡሱማለና የሱሳ ኢግኬሳይ ጎሳ ቁሎይሲን ካካታማ ካራኮ ሳሬ ራኮ አታተ ጎየ። 
\v 13 ኖና ዱንካኒ ታታንኮ ሳር ብጉነ ኡሱ ቶስ ሴኖ፤ የራንኬሳና ኦአታታኖ ሌና። 
\v 14 ኖ ጋና ታኤሜይናቶ ካታማ ኦራታና ኳሬ አታይ ታግርናታ ካታማ ሂካ ኡሊ ኖን ላኮግቶ። 
\v 15 ጎርታኑ የሱሳ ክርስቶሳኮክ ጋራነ ካሶማ ጃርሶ አርጌቶ ዋዉን ስንሶ፤ ህክና መገኬሳ ማራን ኡሱን ታአቶታቶ ህኢ ካስሳማሮ ካሶማ ጃርሶያ። 
\v 16 አየስ ካእዳን ፈላኖና ካአብታንኮ ካካለቱን ስሳኖ አሮኢሎቴን፤ ዋ ካገጌላይሳራ ሂካ ኣንክክ ጃርሶያ።
\p
\v 17 እስኑን ሆረሃዬን ኦፈላራዉን አጃጃማ፤ ኦዶናትክሶይ ሄገሊ ግራ፤ እሶ ካኮሆሳማራን ኦዶናት ማንኮአባን ማራን ግርክስን ማራን አታታራን፤ እስን እሶን ጎአጃጃንቴን እሶና ፈሎኦትሶ ገጌሎይ ፈልናራን፤ ጎርቱን እሶ ፈሎኦትሶ ቁቃማ ፈላራን፤ ህክና እስኑን ላኦ ካስስሮ ላኮዮ።
\p
\v 18 ኖን ኤባየን፤ ታሙጭንተ ባስ ታኮማልሳሞን ሳሙ ኖን ግራኖ አዴሳታና፤ ራ ዱባይ ታኢዳንት ያዳሊይ ግርን ሀልቻና፤ 
\v 19 ሀሱኮና እስን አታይ ጎጎኤባታኑን አን እስን አታይሰ ካኤባታራ አን እስን ቶስ ሳም ጎጎአባባሮንያ።
\s1 ካጋቾ ኤብ
\p
\v 20 ካአቲ እዳድ ካፎፋሮ ጎታካን የሱሳ ጅሩ ጅሮማኮክ ካአማቶ ሃፉራኮክ ኢጊ ጎይኮ ካኬሰራ ካኖጎዳ ሄዶ፥ 
\v 21 ፈኢቴሳ ፈሎ ሀይሲን ጎጎዳንዴታዉን አየስ ካእዳንክ ዱባ ኡሱ እስን ሀሙይሶ፤ ኖ ካገጌላይስሮ ጋራ ካየሱሳ ክርስቶሳነ ኖ ጉት ሀፈሎ፤ የሱሳ ክርስቶሳን ጅሩ ጅሮማኮ ታ ጅሩ ጅሮማ ጌሮን ካባጃ ሀሌቶ፤ ሀሚኒዕ።
\s1 ጉድሳኖ
\p
\v 22 አቢላልቴ! ሂክ አን እስኑን ካጻፈራ ሀንዳ ካጋባባን ማንኮሌሮ ማራን ሂካ ካጎርሳ ሃፉራ ኦብሲ ጎጎአታታዉን አታይሰ ኤባታራ። 
\v 23 አብካን ጢሞቶሳ ምን ካሻኖኮ ብያኖ እስን ጎጎአዴሳዉን ዶታራ፤ ኡሱ ሳም ሂታራ ካኮኤሜተ ጎራታ አን ኡሱነ ዎታ ኤመይረ እስን ድናራ።
\p
\v 24 ሆረሃዬን እስን ኦባሪሳራዉና ቁሎለ ዱባን ኖጎዳ ሰጋ፤ ካኢጣልያ ኡልኮ ኤመተን ህታኒ ኦግራን አማኒል ኖጎዳ እስኑን ፋራማራን።
\p
\v 25 ስኖ እስን ዱባነ ዎታ ሀሌቶ፤ ሀሚኒዕ።