\id 2TI - Bayso New Testament
\ide UTF-8
\h 2 ጢሞቶሳ
\toc1 ካፋራመሮ ጳዉሎሳኮክ ሀንዳ ካላሚ ጢሞቶሳ ቶስ
\toc2 2 ጢሞቶሳ
\toc3 2 ጢሞ.
\mt2 ካፋራመሮ ጳዉሎሳኮክ ሀንዳ ካላሚ
\mt1 ጢሞቶሳ ቶስ
\imt ታባኖ
\ip ጳዉሎሳ ጢሞቶሳን ካጻፈራ ሂክ ካላም ሀንዳ፥ ጳዉሎሳ ኡሱ ኤነ ካጋርጋራሮና ካፈሎ ሳቲ ካሌረ ዎዳላት ጢሞቶሳን ካስሰሮ ጎርሳ ካአበሮያ፥ ጋማካንጂና ካጎርሴረ ኦብሲ ጎጎአታሮንየ፥ ጢሞቶሳ ሃፉራ ካጎርሳና ካአታይሳሮ ካኮሄላተረ ጋራ ካየሱሳ ክርስቶሳ አማናማኖይ ጎጎአቶትሮን፥ ካገጌሎ ሃፉራና ቁሉክ ማጻፋጆልኮክ አጋልስስ ማዳራይ ጎጎአባሮና ማምሲ ራኮና ኔባንጀ ኡሱን ጎጂናተና፥ አጋልስሳኖይና ዎንጋላ ላላባኖኮኒዕ ፈሎይ ጎጎአታሮንየ።
\ip ጳዉሎሳ ጢሞቶሳን ካካለኮና ሴርሳኖ ካኮንስሰረ ጎዉማ ካክያሮ አዳክ ጎጋማኖኮ ኡሱ ጎጎፋክአምሮንየ፥ ሂካ ኣንክክ አየስ ኦማላራን ባሳኖ ኳሬ ካካለ ታስሳራ ላኦ ላኮግቶ።
\ip ሂካ ዱባ ጢሞቶሳ ሻዲን ካዶትሳረ ካጳዉሎሳ ግርና ባሪሳኖኦቴሳኮክ ሀልቻ ካካለኮና አማኖኬሳ፥ ኦብስቴሳ፥ ጌላንጀቴሳ፥ አታታኖና ሆሮራማኖይ ኡሱ ታጌተቶ ራኮ ማሱሳ የላይ ጎጎግሮንያ።
\iot ራቶ ሂክ ማጻፋ ካአበራ
\io1 ታባኖ \ior 1፡1-2 \ior*
\io1 ጢሞቶሳን ካስሳመሮ ጎርሳ \ior 1፡3—2፡13 \ior*
\io1 ካካካታኖ ጎራታ ካአብዳመ ል ሙታኖ \ior 2፡14—4፡5 \ior*
\io1 ኡሱ አልማ ካግረ አዬስኮክ ጋራና ካዶትሳሮ ሴራ \ior 4፡6-18 \ior*
\io1 ጉድሳኖ \ior 4፡19-22 \ior*
\c 1
\p
\v 1 የሱሳ ክርስቶሳ ታሄላንተቶ ታግር አብድክ ማለ ፈኢ ታዋይ የሱሳ ክርስቶሳን ካፋራመሮ ጳዉሎሳኮ ካፋራመሮ ሀንዳ።
\p
\v 2 አን ካጌላታሮ ኤረኬ፥ ጢሞቶሳ፤ ስኖ ሻጋና ኖጎዳ ዋ ኦዶኮ፥ ጎታካን የሱሳ ክርስቶሳኮ ኩን ሀሌቶ።
\s1 ጢሞቶሳን ካስሳመሮ ጎርሳ
\p
\v 3 አርጌቶ አሪኔ ሄመኔ ኤቢ ኩ ጎሻድሮ፥ ኦዶላል ካሆሬ ኣቦጆላልካን ጎጎየለናንክ ማለ ቁሉት ሳሙይ ካኮንሀንዳሮ ዋኬ ጋላታራ። 
\v 4 አን ኢልምታ ሻዳ ኣሎ ገጌላይን ኩ ድን ሀልቻራ። 
\v 5 ኢፍሳዳ ካልክ አማኖ ሻዳራ፤ ሂክ አማኖ አኮታ ሎይድና ኣየታ ኤዉኒቄ ዶሌ ግረ፤ አደ ኩና ግራኖ አዴሰራ። 
\v 6 ሃንሱን ገነኖኦቴ ኩ ጉት ካኮካየ ጎራታ አት ካአታተቶ ኩ ኦሮ ካግሮ እላቦ ካዋ ጎጎከኬሶን አን ኩ ሻድሳራ። 
\v 7 ዋ ካሁናና ካጌላንጄ፥ እስኦታ ካኮአዎዳቶ አያና ኳሬ ካአብሲ አያና ላኮዮ።
\p
\v 8 ጎርታ፥ ጎታካንኮት አቶቲን አሮሙልተ፤ ኡሱ ማራን ካሽያመሮ እዬ አሮሙልተ፤ አየሱን ጎአመን ሁና ካዋይ ዎንጋላ ማራን ኢነ ዎታ ራኮ አታ። 
\v 9 ኡሱ ኖ ኦፈልነኖ ፈሎ ኦኢዳኒ አንሌኖን ግራን ፈኢቴሳኮና ስኖቴሳኮ ካከይ ኡሱ ኖ ፋይሰ፤ ቁሉማዉና ኖ ኡመራ፤ ህት ስኖና ጌስ ካሞጋንኮ ሆረነ የሱሳ ክርስቶሳይ ኖን ስሳንተታ። 
\v 10 ጋራ ካዎንጋላነ ኔፎና ጎይ ካላይክ ካግር ኢፋ ቶስ ካቤሰሮ ዶብካን ጎይ ካአዎዳተሮ የሱሳ ክርስቶሳኮክ ጋራነ ህት ስኖ ኖን ሙተታ።
\p
\v 11 አንና ሂካ ዎንጋላ ካገጌሎ ካላላባሮና ካፋራመሮ፥ ካአጋልስሳሮ ሌ ሹማመራ። 
\v 12 አን ህታ ራኮ ካኮንአታታራና ሃኑንያ፤ ጎሌና አን ካኮአማነሮ ኡሱ ማንኮካሶ ማራን ላኮሙልናሮ፤ አን ኡሱን ታስሳየሮ ሀዳራና ኤሰ አሪ ታጌቶ ካኦርናሮ ላኖ አን አዴሰራ። 
\v 13 እንኮ ካማልተቶ ክርስቶሳ የሱሳ ካግሮ አማኖ ጌላንጄ፥ አጋልስስ ካእዳንክ ማሱሳ የላደ ኦራ። 
\v 14 ኖ ኦሮ ካግሮ ቁሉክ አያናኮክ ጋራነ ኩን ታስሳንተቶ ታኢዳንት ሀዳራ ኦራ።
\p
\v 15 ታእስያ አዉራጃይ ኦግራን ዱባ እን ሉጉደን ካኢሰራን ካሶዋ፤ እሶ ኦሮኮ ፈገሉስና ህረሞገነስ ግራን። 
\v 16 ጎታ ካኦነስፎር እባዶ ካምኔቱን ኢዳነ ሀየሎ። ኣላንቲና ካሞጋን ጎራታ ጎጎኢሰራን፤ ሻማኖኬይና አን ላኮሙሌሮ። 
\v 17 ኡሱማለና ኡል ካሮም ቶስ ካኮኤመዬረ ጎራታ ኣሎ ዶተን እን ሄሌራን። 
\v 18 ታጋቾ አሪ ጎታ ሻጋ ሀስሶ፤ ታኤፈሶን ካታማይ ታኮግረ ኤግታክ እዬን ሀንዳየሮ አት ኣሎ ካሳ።
\c 2
\s1 ክርስቶሳን ካአብዳመ ዎታዳራ
\p
\v 1 ጎርታ ኡኑኬ! አት የሱሳ ክርስቶሳ ታግቶ ስኖይ አታ። 
\v 2 ካሞጋን አቶ ሆረ እንኮ ካማልተቶ፥ ካካለ አጋልስስን ካዳንደሮ ካአብዳመ እባዶን ሀዳራ ስስ። 
\v 3 አትና ካየሱሳ ክርስቶሳ ካእዳንክ ዎታዳራ ኣን ኖኔ ዎታ ራኮ አታ። 
\v 4 ዎታዳራ ሌ ካፈላራ እባዶት ካጀረነ ዎይቻ ገጌላይስን እጻማራ ኳሬ ፈሎ ኦካለቲ ጎራታ ላኮባሳታሮ። 
\v 5 ኡሱማሌ ትያኖ ለላሚን ካታባራ እባዶት፥ ሴራ ካለላማኖ ኦራዪ ጎለላማናዋተ አዎዳኖኮክ ካላቻ ላኮሄላታሮ። 
\v 6 እራ አታተ ኦታተ ካባራረና ፈሎኦቴሳክ ዳፉርኮ ካሄላማሮ ዉጣ ሆራርጀ ሄላይን ዶትሳራ። 
\v 7 አን ካአማሮ ዎዳና አባ፤ ጎታ ዱባዉን ሻዳኖ ኩን ስስሮዋ።
\p
\v 8 ጎይኮ ካኬሮ፥ ሳኒ ታዳዉተኮ ካሌሮ የሱሳ ክርስቶሳ ሻድ፤ አን ካላላባራ ዎንጋላክና ሂካዋያ። 
\v 9 ሂካ ዎንጋላ ማራና ፈሎ ኦሜላን ካፈለሮ እባዶ ኣን ሳንሳላታ ሻመረ ራኮ አታታ ግራ፤ ሃፉራ ካዋ አደ ላኮሻማሮ። 
\v 10 ሃኑን የሱሳ ክርስቶሳ ካግሮ ፋይና ጅሩ ጅሮማት ካባጃ ዎታ እሶና ጎጎሄላራኑን፥ ዋዉን ኦአሳባሜራኑን አመረ ዱባና ኦብሲ አታይናራ። 
\v 11 ሃ ካአማራ ሃፉራ ካአብዳመያ፤ ኡሱነ ዎታ ጎጎነ፥ ኡሱነ ዎታ አድ ኔፎ ግርናና።
\q1
\v 12 ኦብሲ ጎአታነ፥ ኡሱነ ዎታ አድ ሬድናና።
\q2 ኖ ኡሱ ጎካካነ፥ ኡሱ አድ ኖ ካካይናራ፤
\q1
\v 13 ኖ ኦአብዳምነ ሊ ጎሙቶን፥
\q2 ኡሱ እስኦቴሳ ካካዪን ማንኮዳንዴኖን ማራን
\q2 ካአብዳመ ሌ ግራራ።
\s1 ካኮንአቶታመ አታተ ካፈላሮ
\p
\v 14 ሂካ አየስ ሻድስ፤ ህኢኮ ካበያሮ ሃፉራ ኮኮይ ጎጎዶጋሞንኮ ዋይ ሆረ ሴሪና፤ ሂክ ላኦ ካላይክ፥ ኦማላራና ካባሳሮያ። 
\v 15 ካሩም ሃፉራ ልክ ካአጋልስሳሮና ፈሎኦቴሳይና ሀሙልኖን ካኮንአቶታመ ካፈላታሮ ሌደ እስኦታ ዋይ ሆረ ስሳይን አታ። 
\v 16 አላምኮ ካሌሮ ሄንተፈለክ አየስኮ ፋክም፤ ሂካ አዬሲ ካአባመራ እባዶ ዋኮ ፋክማ ሴታራ። 
\v 17 አዬስክሶ ታፋይኖን ሜጋ ኣን ኣማራ፤ እሶ ኦሮኮ ሄመኖስነ ፍልጦሳኔ ግራን፤ 
\v 18 ሂክ እባዶ ሩምኮ ፋክመረ፥ “ጎይኮ ክያኖ ሂታኮ ሆረነ ሌራ፤” አማ እባዶ ኮኮክ አማኖ ሶሶይሳራን። 
\v 19 ሀሌዎ ኳሬ፥ “ጎታ ካኬሳ ካሌሮ ካሶዋ፤” አደ፥ “መገ ካጎታ ካኡማታራ ዱባ ሜላነኮ ሀፋክመ” ካአማሮ ማታማ ካአባ ካአኢኖን ኡኩም ካዋ አታተ ግራራ።
\p
\v 20 ምን ካንጂንክ ኦሮ ዎርቂኮና ብርኮ ካፈላመ ሁ ካላል አንሌኖን ግራን፥ ጋኮና ኤሬኮና ካፈላመራ ሁና ግራራ፤ ሂካስኮና ኮኮ ካባጃዉን ካካለና ካባጃ ካላይኒዕ ፈሎዉን ሃራ። 
\v 21 ጎርታ ማዮና እስኦቴሳ ሂካ ካሰጋመሮ አየስኮ ጎሙጭመ ካካባጃ ሀንዳዉን ካሌሮ፥ ካቁሎየ፥ ጎታኬሳዉን ላኦ ካስሳሮና፥ ፈሎ ኦኢዳነቱና ካኤካተ ሁ ልናራ።
\p
\v 22 ካዎዳሉማ ሀልቻ ካሜላንኮ ፋክም፤ ሙጭ ታአንተ ዎዳና ጎታ ኦኡማታራነ ዎታ ቁሉማ፥ አማኖ፥ ጌላንጄና ኖጎዳ ዶታ። 
\v 23 ካማድኖን ፉሬን ካሊክ ዶጋማኖኮ ፋክም፤ ኣላንቲና ሂክ ኤንገ ካኬናሮ ላኖ ካሶዋ። 
\v 24 ዋዉን ካሃንዳራ ኢንሰኢንጋምን ላኮዶትሳሮ፤ ሀሱኮ እባዶ ዱባን ካእዳንክ፥ አጋልስስን ካዳንደሮ፥ ካኦብሳሮ ልን ዶትሳራ፤ 
\v 25 ሩም ማላባኖ ቶስ ጎጎጌራኑን፥ ዋ ጩቦኮ ጉላ ጋላኖ እሶን ካስስናሮ አብድ የላታ ኡሱ ኦኔባታራን ኢዳነ ቱኩል ካኡምሳሮ ላኖ ዶትሳራ። 
\v 26 ህክና ሳሙትሶ ቶስ አባባራንዋ፤ ፈኢቴሳ ጉድስን ኦቦጃሜን የለ ካአበሮ ግቴ ካዱርሳኮ ፋላዳይ ሄስራንዋ አማያ።
\c 3
\s1 ካጉዳታሮ ጌስጆልኮት ሜላነ
\p
\v 1 አየሱን ጎአመን ጌሲ ካጉዳታሮ ካጫናቅስራ ጎራታ ኤመታኖ አዴስ። 
\v 2 እባዶ እስኦቴሳ ካጌላታሮ ልናራ፥ ማራጋዴ ካዮራሮ፥ እስኦቴሳ ካዳታሮ፥ ኮራሜሳል፥ እባዶ ካሀባራሮ፥ ኦኡሙለራዉን ካአጃጃሞን፥ ጋላታ ካላይኒዕ፥ ቁሉማ ካላይኒዕ፥ 
\v 3 ጌላንጀ ካላይኒዕ፥ ዎጋርስ ኦጌላኖን፥ ኦሀማታራን፥ እስካአዎዳኖን፥ ቦግካአቲ፥ ካእዳንክ ካሌ ካጌላኖን፥ 
\v 4 ኦካካታራን፥ ኦጀጀራራን፥ አዳ. ኮራይ ኦአማጋሜራን፥ ዋኮ ሮርሳተን ግር ካእዳን ኦጌላታራን ልናራን። 
\v 5 ዋ ኦሄዶይሳታራን ኣን ላራን፤ ዋ ሄዶይሳታኖኮክ ሁና አደን ካካቴራን። ሂካስኮ ፋክም። 
\v 6 ሂኒዕ እባዶጃ ምንጆላል ሉቄን ታቤን ጩቦ ካንጂን ካኮንግሮና ካሞጋን ሀልቻ ካሜላኒ ኦሮ ታቤን አያና ካሀረሮ ሄለል ኦሶሶይሳራንያን፤ 
\v 7 ሂካማሌክ ሄለል አርጌቶ አጋልሳታራን፤ አየሱን ጎአመን ሩም ማላባኖ ቶስ ጌግን ዱዶ ላኮዳንዳሮ። 
\v 8 እያነስና እያንበሬስ ሙሴ ጎጎዲደረኒ ህኒዕና ሳሙትሶ ካኮንባተና አማኖኮ ካኢየራ እባዶ አደ ሩም ኔባታራ። 
\v 9 ሀሌዎ ኳሬ ታኢያነስና ታኢያነበሬስ ጎዉማ ጎጎሙተቶ፥ ሂካ እባዶኮትና ዱባዉን ሙቶዋ።
\s1 ጳዉሎሳ ጢሞቶሳን ታስሰሮ ሀዳራ
\p
\v 10 አት ጎአመን አጋልስሳኖኬ፥ ግርኬ፥ ሀልቻኬ፥ አማኖኬ፥ ኦብስቴ፥ ጌላንጀቴና፥ አታንኬ ዱባ ካሶዋ፤ 
\v 11 ሆሮራማኖኬና ራኮቴይ፥ አንጾክያይ እቆንዮንና፥ ልስጢራይ ኢን ካጌሮ ሆሮራማኖና ኦብስቴ ዱባ ካሶዋ፤ ጎታ ጎአመን ሂካ ዱባኮ እን ሃሰ። 
\v 12 ኦግራን የሱሳ ክርስቶሳ ካሩም አያናኮክ ግር ግርን ኦዶታታራን ዱባ ሆሮራማናን። 
\v 13 ኦሜላና ኦሶባራን ጎአመን ኡሱን ሽርማና ሽርሳ፥ ሜላነ ጉት ሜላነ አዳ. ሴታራን። 
\v 14 አት ጎአመን ካአጋልሳተታ አዮኮዮ ማንኮካሶ ማራን ካአጋልሳተቶና ሩም ካኮአዴሰቶ አታ። 
\v 15 ይሱማኮ ሀጋአብተደ፥ የሱሳ ክርስቶሳ አማኖይ ፋይና ካኮሄላማሮ ቃሩማ ኩን ስስን ኦዳንዴራን ቁሉክ ማጻፋል አዴሰታ። 
\v 16 ቁሉክ ማጻፋጆል ዱባ ህኢ ታዋኮ ካቤሮ ሃፉራ ካዋያ፤ አጋልስስን፥ ሴርን፥ ቱኩል ኡምስን፥ ካሩም ራድ ጎርሲን ጋርጋራራ። 
\v 17 ህክና እባዶ ካዋ፥ ፈሎ ኦኢዳን ዱባን ካኤካሳተና ካአቲ ሊ ጎጎሙትሮንያ።
\c 4
\p
\v 1 ዋይ ሆረና፥ ዎኖናት ካኮኤሜታሮ ጎራታ ካጎየሮና ኔፎ ካግሮ ጉት ፍርድን ካግሮ የሱሳ ክርስቶሳ ሆረ አን ኩን ሀዳራ አማራ። 
\v 2 ሃፉራኬሳ ላላቢ፤ ጎራታ ኩን ጎኤካተና ጎኤካታናዋተና ካኤካሳተ ሌን። ኦብስ ታአቲትና አጋልስሳኖይና ቱኩል ኡምስ፤ ሀድሳኖና፥ አታይስ። 
\v 3 ኣላንቲና እባዶ ልክ ካሌሮ አጋልስስ ካኮአታኖን ጎራታ ኤመይናራ፤ ሂካኮ ሀልቻክሶዉን እስካአትሮ፥ ነበትሶይ ማልን ካኢዳሮ ካዶታታራን ጎጎሰግራኑን ኦአጋልስሳራን እሶ ማራሙረን ኩኩአማራን። 
\v 4 ሩም ማላናኮ ነበትሶ ጩፋታራን፥ ማማ ማልን አባባታራን። 
\v 5 አት ጎአመን ካመን ዱባዉን ካእስል ሌን፤ ራኮይ ኦብሲ፤ ኦዱ ታኢዳን ላላባኖኮኒዕ ፈሎ ፈል፤ ሀንዳካ ዱባ ፈል ጉድስ።
\p
\v 6 አን ጃርሶ ሊ ጎይ ሂካ አላምኮ ካለሊ ካኮቤራ ጎራታ ጌራ። 
\v 7 አን ሞአባታኖ ካእዳን አባየራ፤ ትያኖና ጉድሰራ፤ አማኖና ኦራዬራ። 
\v 8 ጎርታ ቁሉክ ካላቻ ኢን ኤካተራ፤ ሂካና ቁሉክ ካፍርዳሮ ካሌራ ጎታ ሀሴ አሪ እዬን ስስናራ፤ አደ እን ካላሉን አሌኖን ግራን፥ ኤመቶቴሳ ኦሀልቻራን ዱባዉንያ።
\s1 እስኮት ሃጃል
\p
\v 9 ሳም እን ቶስ ኤመይን ኩን ካዳንዳመ ዱባ ፈል። 
\v 10 ዴማስ ሂካ አላም ጌላተረ እን ኢሰረ ኡል ካተሰሎንቄ ቶስ ሴተራ። ቀርቅስ ኡል ካጋላትያ ቶስ፥ ቲቶና ኡል ካድልማጢያ ሰተራን። 
\v 11 ኢነ ዎታ ካግራ ሉቃሳ ካላልያ። ማርቆሳ ሀንዳኖኬይ እን ማንኮጋርጋራሮ ማራን ኤመታ ዎታ አት ኮያ። 
\v 12 ትክቆሳ ኡል ካኤፈሶን ፋረራ። 
\v 13 ኤመታ ግራን ኡል ካጢሮአዳ ካርፑሳ ዶሌ ታሉጉዳየሮ ካባ፥ ካዱባመ ካጋልባ ማጻፋ ካካለኮና ጋልባ ጉት ካጻፋመሮ ማጻፋና አት ኮይ።
\p
\v 14 ካናስ ማርጮ ካቱማራ እስክንድራ ታንጂን ሚራኣ እን ጌግሰ፤ ዋ ፈሎ ኦቴሳክ ማለ ኡሱን ስስሮዋ። 
\v 15 ኡሱ ሀንዳካን ኣሎ ማንኮዲደሮ ማራን፥ አትና ኡሱኮ እስኦታ ኦራ።
\p
\v 16 አን ካኮን ሞታመረ አየስ ካሆራርጄ አባብ ስስን ካኮሴየረ ጎራታ ማዮና እን ካጋርጋረ ኮና ላኮግሮ፤ አየሱን ጎአመን ዱባ እን ኢሰን ሴተን። ሂካና እሶን አሮቶትኖ። 
\v 17 አየሱን ጎአመን ሀንዳ ምናቴነ አንሀቃኖን አማጋመ ጎጎላላባምሮና አይዛብ ዱባ ጎጎማሎ ጎታ እን ዶሌ አሌረ አታይሰ፤ ህኢ ታሉባንኮና ሃሰ። 
\v 18 ጎታ ካሜላን አየስ ዱባኮ እን ሃስናራ፤ ዎኖናት ካዳሩረ ቶስ ኖጎዳ እን ጌግስናራ፤ ኡሱን ጅሩ ጅሮማኮ ታ ጅሩ ጅሮማን ጌሮ ካባጃ ሀሌቶ፤ ሀሚኒዕ።
\s1 ታጋቾ ኖጎዳ
\p
\v 19 ጲርስቂላና አቅላን፥ ካኦነስፎርም ካምነ እባዶን ኖጎዳ ጌግስ። 
\v 20 ኤርስጦሳ ኡል ካቆሮንቶሲ ሄሰራ፤ ጢሮፍሞሳና ማንኮሀዉአመ ማራን ኡል ካምልጢኒ ኢሳገራ። 
\v 21 ባጠሳኮ ሆረነ ሂታራ ኤመይን ኩን ካዳንዳመ ፈል። ኤዉቡሉስ፥ ጱዴስ፥ ልኖስ፥ ቅላዉድያና አማኒል ዱባ ኩን ኖጎዳ ፋራሜራን።
\p
\v 22 ጎታ ኩኔ ዎታ ሀሌዎ።
\p ስኖ ታዋ እስን ዎታ ሀሌቶ።