\id 2TH - Bayso New Testament
\ide UTF-8
\h 2 ተሰሎንቄ
\toc1 ካፋራመሮ ጳዉሎሳኮክ ሀንዳ ካላሚ ካተሰሎንቄ እባዶ ቶስ
\toc2 2 ተሰሎንቄ
\toc3 2 ተስ.
\mt2 ካፋራመሮ ጳዉሎሳኮክ ሀንዳ ካላሚ
\mt1 ካተሰሎንቄ እባዶ ቶስ
\imt ታባኖ
\ip ክርስቶሳ ካላም ኤሜታኖኮክ ጋራን ታኬተታ ሆስን ሻላጎ ኬሳ ሴታኖ ካተሰሎንቄ ምን ካዋይ ታግቴ ራኮ ባላኣተ፤ ጳዉሎሳ ካተሰሎንቄ እባዶን ካጻፈራ ካላምክ ሀንዳ፥ “ጎታ ታኮኤሜይናራ አሪ ጌተታ” ካአማሮ አማኖ ጉት ኢል ካካየረያ፤ ጳዉሎሳና ኤመቶ ታክርስቶሳኮ ሆረነ “ካሜላነ እባዶት” ካአማመሮ ክርስቶሳ ካኔባታራ ሆረሃይ ገጌይሳኖይ አላም ጉት ባስና ሜላነ ጂናታ ሴታታ አማ አማኖክሶ ኤካስን እጻማራ።
\ip ካፋራመሮክና ኦናባባራዉን ራኮና አቦሳ እሶን ጎጂናተና ሱረ አማኖክሶይ ጎጎአታራዉን ኡሱና ኦካለ ኡሱነ ዎታ ፈሎ ራቶ ኦፈላሬን ግርክሶዉን ካዶትሳሮ የላዪን አታይ ጎጎፈላዉን ኡሱማለና ፈሎ ኦኢዳን ፈላናኮ ጎጎቁሳኖንኮ አታይሰ እሶ ጎርሳራ።
\iot ራቶ ሂክ ማጻፋ ካአበራ
\io1 ታባኖ \ior 1፡1-2 \ior*
\io1 ጋላታና ሀዳራ \ior 1፡3-12 \ior*
\io1 ጋራ ካክርስቶሳኮክ ካላም ኤሜቶን ካስሳመሮ አጋልስስ \ior 2፡1-17 \ior*
\io1 አማኒልኮኒዕ ባሪሳኖዉን ካስሳመሮ ጎርሳ \ior 3፡1-15 \ior*
\io1 ጉድሳኖ \ior 3፡16-18 \ior*
\c 1
\p
\v 1 ዋ ኣቦካንኮና ጎታካን ካየሱሳ ክርስቶሳ ካሌሮ ታተሰሎንቄ ካታማይ ካግሮ ምን ካዋኮክ አማኒሉን ጳዉሎሳኮ፥ ስላሰኮና ጢሞቶሳኮ ካፋራመሮ ሀንዳ፤
\p
\v 2 ዋ ኦዶኮና፥ ጎታ የሱሳ ክርስቶሳኮ ስኖና ኖጎዳ እስኑን ሀሌቶ።
\s1 ክርስቶሳ ካላም ኤመታኖይ ካስሳምናሮ ፍርዳ
\p
\v 3 አቢላልቴ፤ አማኖክስን አርአሪ ጂናታ ማንኮሴታሮ ማራን እስእስኦሮት ጌላንጀ አዳማ ኤመታኖይ እስን ማራን ዋ አርጌቶ ኣሎ ኖ ጋላቲን ዶትሳራ። 
\v 4 ሃንሱን እስን ካጌሮ ባቃታኖይና ራኮ ዱባ አታታኖይ፥ ኖ መተካኑን ኦብስትስንክ ጋራና አማኖክስንክ ጋራ ካሞጋን ምን ካዋ ዱባ ኦሮ እስኒ ዳታና።
\p
\v 5 ሂክ ዱባ ፍርዳ ካዋ ቱኩልክ ላኖ ካቱሳሮያ፤ ሂካኮና ካከይ ራኮ ካኮንአታታን ዎኖናት ካዋዉን ኦኤካቴን ል ቶታምናታን። 
\v 6 ዋ ቱኩል ካፍርዳሮ ላኖይ ራኮ ካኮንኬናሮን ራኮ ሙራራ። 
\v 7 ራኮ ኦአታቴታን እስኑና ሌረ ኖዬን አደ ፎልሲ ስሳራ። ህክና ካኮንላራ ጎታ የሱሳ ባልዳባልዳ ታአማቶ ኤለኒ ካአቲ ኤርግቻልነ ዎታ ዳሩርኮ ካኮዳገ ጎራታያ። 
\v 8 ኡሱ ጎራታ ዋ ኦካሶና ጎታካንክ ካየሱሳ ዎንጋላን ኦአጃጃሞቱን ሀሎ ብናራ። 
\v 9 እሶና ጎታ ሆረኮና ካባጃቴሳክ ሁናኮ ትራምሬነ ጅሩ ጅሮማክ ባይ ሙርሳምናራን፤ 
\v 10 ኦሙርሳምናራና ቁሎለ ዶሌ ካባጃምና ኦአማናራን ዱባ ዶሌ ሳዳሚን ታኮኤሜታሮ ኤሰ አሪ ልናራ፤ እስና አቶታኖካን ማንኮአታቴን ማራን ካአማናሮ ኦሮኮታን።
\p
\v 11 ሂካ ሻዳ ሄዶካንኮት ኡምቱን ኦኤካተን የል ጎጎቶትሮን፥ ታኢዳን ፈልን ካአብታን ሀልቻና አማኖኮ ኦሌራን ፈሎኦትስን ዱባ ሁናኬሳ ጎጎፈሎ አርጌቶ እስን ማራን ኖ ዋ ኤባታና። 
\v 12 አደና ሄዶካን አንና ጎታ የሱሳኮት ስኖኮት ጅልባ ጎታካንክ ካየሱሳ መገ እስን ዶሌ ጎጎካባጃምሮና እስና ኡሱ ዶሌ ጎጎካባጃንታዉን ኖ ኤባታና።
\c 2
\s1 ካሜላነ እባዶት
\p
\v 1 አቢላልቴ፤ ጋራ ጎታካን የሱሳ ክርስቶሳኮት ኤሜቶና ኖ ኡሱ ቶስ ኩኩማኖኮክ ጋራ እስን ኤባታና፤ 
\v 2 አያናኮ ታሌተቶ ሙተን አን ጎርቱን ሃፉራይ ጎርቱን ኖኮ ካፋራመሮ ሀንዳ አን ታጎታ አሪ ጌተታ አምዴን ሳም ሳሙትስኒ አሮሻላጋንተን፤ አሮነይቴን። 
\v 3 ማዮና ማኤክ ራዲና እስን አሮሶቦ፤ ጣይ ካካታኖ ሀኤመኖኒ፥ ባይን ካኤካተራ ካሜላነ እባዶት ሀኤመኖን ግራን ሀሴ አሪ ላኮኤሜይናቶ። 
\v 4 ኡሱ ሄዶ ካአማመሮኮና ካሄዶይሳማሮ አየስ ዱባኮ ጉንተ እስኦቴሳ ካጦቂ ጦቂሳታሮና ካኔባታሮናያ፤ ኡሱና ቁሉክ ምን ካዋይ ሀማጺረ፥ “አን ሄዶያ” አማ አዋጂ አዋጅስናራ።
\p
\v 5 አን እስኔ ዎታ ታኮግረ ሂካ አየስ አን እስኑን ሰጋኖ ላኮሻዳታንያ? 
\v 6 ጎራታኬሳይ ታሙትሮን ግዳ ኡሱ መ ትራሮ ካሳንዋ። 
\v 7 ታሜላን ሆል ግዳ ጊን ፈላ ግታ፤ አየሱን ጎአመን ሂክ ካኮልናራ ካትራራ ራኮ ታ ትራምሮንያ። 
\v 8 ኤሰኮ አባባይረ ጎታ የሱሳ ህኢቴሳ ካትርናራና ኤሜቶተሳት ካባጃ ዱዶ ካባስናራ ካሜላን ኤመይናራ። 
\v 9 ካሜላንኮት ኤመቶ ፈሎ ኦጻላየይ ካባተ ጎሌሮ፥ ህክና ካጣራ ባሳና፥ ማላታልና ካማምስራ አየስ ዱባ ልናራ፤ 
\v 10 ኡሱማለና ካባሮ እባዶ ኦሶባራን ማምስክና ካሜላን ኮኮ ፈላኖዪያ። ሂክ እባዶ ኦባራን ሄሲን ካኮዳንደራን ሩም ጌላተን ማንኮአታታናዋተራን ማራንያ። 
\v 11 ህታ ኣላንቲ እሶ ጣራይ ጎጎአማናዉን ኦሶሶይስራን ፈሎ ኦሜላነ ዋ እሶን ፋርናራ፤ 
\v 12 ህክና ካኮንልናራ ሩም ኦአማኖን፥ አየሱን ጎአመን ሜላነ ገጌላታ ካግረ ዱባ ጎጎፍርዳምሮንያ።
\s1 አታዬን አላ
\p
\v 13 ጎታይ ኦጌላንተታን አቢላልቴ፤ ኖ አንዴ አርጌቶ እስን ማራን ዋ ጋላታኖ ዶትሳራ። ኣላንቲና ዋ እስን ሆራርጀኮ ሀጋአበረ አያና ቁሎይዴና ሩሚ አማንዴን ጎጎፋይታኑን እስን አሳበራ። 
\v 14 ጎታካንት ታየሱሳ ክርስቶሳ ካባጃ ኦአታይናታን ጎጎሌታዉን ጋራ ካዎንጋላነ እስን ኡመራ። 
\v 15 ጎርታ አቢላልቴ፤ አታዬን አላ፤ ህኢታንና ሌረ ሀንዳካን ኖ እስኑን ካሮርንሰኖ አጋልስስ አታይሳዬን አባዬን።
\p
\v 16 ኡሱ ጎታ የሱሳ ክርስቶሳ አደና ኖ ካጌላተራና ስኖቴሳ አርዶክ ጎጎኢሳኖና አብድ ታኢዳንት ኖን ካስሰራ ዋ ኣቦካን፥ 
\v 17 ዎዳናትስን ሀአታይሰ፤ ፈሎ ኦኢዳኒዕና ሃፉራ ዱባ ሀአታይሰ።
\c 3
\s1 ኤብ ዱባን ካዶትሳሮ ላኖ
\p
\v 1 ጎርታ አቢላልቴ፤ እስን ዶሌ ጎጎፈላመሮ ሃፉራ ካጎታ ሳም ጎጎጌሮና ጎጎካባጃምሮን ኖን ኤባየን። 
\v 2 አደና እባዶ ዱባ አማኖ ካላይክ ማንኮሌዉን ኦሜላንኮና ምጌ ካአቦ እባዶኮ ኖ ጎጎሄንሶን ኤባየን።
\p
\v 3 ጎታ ጎአመን ካአብዳመያ፤ ኡሱና እስን አታይስሮዋ፤ ካሜላንኮና እስን ኦራራ። 
\v 4 ኖ ካአጃጅነኖ ግዳ ፈልቴታን፤ ሆረንባና ፈላኖክስኑን ጎታይ እስኒ አብዳታና።
\p
\v 5 ጎታ ዎዳናትስን ጌላንጀ ታዋ ቶንሳ ክርስቶሳኮክ አታን ቶስ ሀጌግሶ።
\s1 ፈሎ ካላይ ጎጎግኖንኮ ካስሳመሮ አጃጃ
\p
\v 6 አቢላልቴ፤ ፈሎ ካላይክ እባዶኮና ኖኮ ካአታቴታን አጋልስስ ማለ ካግኖን አማኒልኮ ጎጎፋክንታኑን አጃጃና። 
\v 7 ማሱሳካኒ ምሲ ግርን ዶትሳሮ እስን መተክስኑን ካሳንዋ። እስነ ዎታ ካኮግኔ ፈሎ ካላይኒዕ ላኮሌነኔ፤ 
\v 8 አደና ካማካዮ ባቦና አዳ. ላኮአምነኖ፤ አየሱን ጎአመን ኖ እስን ጉት ማዮና ስዳነ ላኖኮ አሪና ሄመና ፈላታ ዳፉራ ግኔ። 
\v 9 ሂካ ኖ ካኮንየልነና ማሱሳካኒ እስን ጎጎግርታዉን አምነነያ ኳሬ እስንኮ ካዶትሳሮ ጋርጋርሳ እስንኮ አታይን ኦዶናት ዋነኔ ላኮዮ። 
\v 10 እስነ ዎታ ታኮግኔ፥ “ፈልን ካዶታኖን አሮኣሞ” አምነ ሂካ አጃጅነኔ።
\p
\v 11 እስንኮ እባዶ ኮኮ ፈሎ ካላይክ ላኖ ኖ ማልነና፤ እሶና ፈሎካላይ ማራሙራ ሃጃ ታእባዶቲ ጠኤ ኦታባራንያን። 
\v 12 ሂካ ኣንክክ እባዶ አታይ ፈሎኦትሶ ጎጎፈላራዉና ባቦክሶ ጎጎአምናዉን ጎታ የሱሳኮክ መገ አጃጃና፤ ጎርሳና።
\p
\v 13 እስን አድ አቢላልቴ፤ ፈሎ ኦኢዳኒዕ ፈላኖኮ ኢጂ ሃር አሮጋልቴን። 
\v 14 ሂካ ሀንዳ ጉት ካግሮ ሃፉራን ጎርሳ ካአታኖን ማዮና ጎግረ፥ ሂካ ኣንክክ እባዶ ማዳራ ዲያ፤ ኡሱ ፈሎኦቴሳ ጎጎሙልሮን ኡሱነ ዎታ አሮሌተን። 
\v 15 ጎሌና አቢ ኣን ሀድሳ ኳሬ ዲና ኣን አሮቶትቴን።
\s1 ታጋቾ ኖጎዳ
\p
\v 16 ካኖጎዳ ጎታ ኡሱዋ አየስ ዱባ አርጌቶ ኖጎዳ ሀስሶ፤ ጎታ እስን ዱባነ ዎታ ሀሌዎ።
\p
\v 17 ህታ ኖጎዳ ገነቴይ ካጻፈራ አን ጳዉሎሳያ፤ ሀንዳክ ሂካኒ አዴሳማራ፤ ጻፋኖክና ሂካማሌያ።
\p
\v 18 ጎታካን የሱሳ ክርስቶሳኮት ስኖ ዱባነ ዎታ ሀሌቶ።