\id 1TH - Bayso New Testament
\ide UTF-8
\h 1 ተሰሎንቄ
\toc1 ካፋራመሮ ጳዉሎሳኮክ ሀንዳ ካሆሬ ካተሰሎንቄ እባዶ ቶስ
\toc2 1 ተሰሎንቄ
\toc3 1 ተስ.
\mt2 ካፋራመሮ ጳዉሎሳኮክ ሀንዳ ካሆሬ
\mt1 ካተሰሎንቄ እባዶ ቶስ
\imt ታባኖ
\ip ተሰሎንቄ መቀዶንያ ታአማማቶ ካሮም ቃላዳኮት መተት ካታማተ፤ ጳዉሎሳ ካተሰሎንቄ ምን ካዋ ካአሊሰራ ታፍልጲስዮሳ ካታማ ኢሰ ታኮሴተሮኮ አባባተረያ፤ ሀሌዎ ኳሬ ካአይሁድ አማኖ አታይን ጋባላመ ካግረ አይዛብ ጳዉሎሳ ካአጋልስሰሮ ካአማኖ አጋልስስ ማንኮቦጃመረ ማራን አይሁድ ቃናቴጉረ ጳዉሎሳ ኔባታ ግረ፤ ሃንሱን ጳዉሎሳ ተሰሎንቄኮ እስረ ቤርያ ካታማ ቶስ ሴይን ጎሳተ፤ ጋጭመረ ኡል ካቆሮንቶሳ ጎጎጌይ ኡሱን ኤነክ ኡሱ ካጋርጋራረ ጢሞቶሳ ኡል ካተሰሎንቄ ሴተ ጎጎአባባተይ ምን ካዋይ ካግሮ አየስ ፉፉረ ሰሰጌ።
\ip ጳዉሎሳ ሀንዳ ካሆሬ ካተሰሎንቄ እባዶን ካኮንጻፈራ አማኒል አታይሲና ጎጎእስንየ፤ አማኖክሶኮክ ጋራና ጌላንጀትሶኮክ ጋራ ታኢዳን ኦዱ ማለጉረ ዋ ጋላታራ፤ ጳዉሎሳና እሶ ኦሮ ታኮግረ ምስክ ግር ግረ እሶ ሻድሳራ፤ ኤሰኮና ካክርስቶሳ ካላም ኤሜቶኮክ ጋራ ታኬተቶ ሆሲኑን አባብ ስሳራ፤ ህታ ሆሲንኮ ጋምሳ፤
\ip “ክርስቶሳ ካላም አባባይ ኤሜቶኮ ሆረነ ካጎየራ አማኒል ታክርስቶሳ ኤመቶ ታላሚ ካሄላምስሳቶ አርዶክ ግር ካሄዴዳምሮ ሌዉና? ክርስቶሳ ካላም አባባይ ካኮኤሜይናራ ጎሬያ?” ኦአማራንያን፤ ጳዉሎሳና ህታ ኤሴላ ኣላንቲ የላተረ፥ “ካክርስቶሳ ካላም ኤሜቶኮክ አጋልስስ አብዲ ኦራታ ኤሰ አሪ ታ ጌታኒ ጫልኢማዴን ፈሎኦትስን ፈላዬን” አማ ጎርሳራ።
\iot ራቶ ሂክ ማጻፋ ካአበራ
\io1 ታባኖ \ior 1፡1 \ior*
\io1 ኦጳዉሎሳ ገጌሎና ጋላታ \ior 1፡2—3፡13 \ior*
\io1 ካአማኒል ግርኮክ ሴራ \ior 4፡1-12 \ior*
\io1 ጋራ ካክርስቶሳ ካላም ኤሜታኖኮክ አጋልስስ \ior 4፡13—5፡11 \ior*
\io1 ታጋቾ ማርካ \ior 5፡12-22 \ior*
\io1 ጉድሳኖ \ior 5፡23-28 \ior*
\c 1
\p
\v 1 ጳዉሎሳኮ፥ ስላሰኮና ጢሞቶሳኮ፤ ካዋ ኦዶይና ጎታ የሱሳ ክርስቶሳ ኦግራዉና ካተሰሎንቄ ካታማይ ካግሮ ምን ካዋዉን፤ ዋ ኦዶካን ታጎታ የሱሳ ክርስቶሳኮ ስኖና ኖጎዳ እስኑን ሀሌቶ።\x - \xo 1፡1 \xo*\xt ኦፋ. ፈ. 17፡1።\xt*\x*
\s1 ካተሰሎንቄ እባዶኮክ ግርና አማኖ
\p
\v 2 ኤብካን እስን ሻዳ አርጌቶ እስን ዱባ ማራን ዋ ጋላታና። 
\v 3 አማኖኮ ኦሌራን ፈሎኦትስን፥ ጌላንጀኮ ካኬሮ ዳፉርክስን ጎታካን የሱሳ ክርስቶሳ ካአብታን አማኖ ካሄላመሮ አታንክስን ሄዶካንና ኣቦካን ኖ አርጌቶ ሻዳና። 
\v 4 ዋይ ኦጌላንቴታን አቢላልቴ፥ ኡሱ እስን አሳባኖ ካንሶዋ፤ 
\v 5 ኣላንቲና ዎንጋላካን እስን ቶስ ካኤመተራ ሁናይና አያና ቁሉክ ካሞጋን ማላባኖይ ኳሬ ሃፉራ ካላሊ ላኮዮ። አደ እስን ማራን አምነኔ እስን ኦሮ ኖ ምሲ ግኔ ካሳንዋ። 
\v 6 እስን ኖ ኣንና ጎታ ኣን ሌቴታን፤ ማምሲና ታአቲ ራኮ ጎጌተና ሃፉራ ካዋ አያና ቁሉክ ገጌሎይ አታቴታን።\x - \xo 1፡6 \xo*\xt ኦፋ. ፈ. 17፡5-9።\xt*\x* 
\v 7 ሂካኮና ካከይ ታመቀዶንያይና ታአካያ አዉራጃይ ካግሮ አማኒሉን ታኢዳንት ማሱሳ ሌቴታን። 
\v 8 ካጎታ ሃፉራ እስንኮ ቤረ ታመቀዶንያይና ታአካያይ አዉራጃይ ማላሳማኖ ካላ አንሌኖን ግራን እስን ዋይ ካአብታን አማኖ ባንኤ ዱባ አዴሳመራ፤ ሃንሱን ኖ ህታ ሃጃ ጉት ኮና አዬስን ላኮዶትሳሮ፤ 
\v 9 ምስክ አታታኖይ አታቴታን አርዶክና ካሩም ካሌሮ ሄዶን ሀንዳይን ቶልቻልኮ ዋ ቶስ ምሲ አባባቴታን እሶ መተክሶዉን አዬሳራን፤ 
\v 10 አደና ዋ ጎይኮ ካኬሰሮና ዳሩርኮ ካኤሜይናሮ ኤረኬሳ፥ ታኤማቶ ኤንገኮ ካሃስናሮ የሱሳ እስን ምሲ ኦራይናታን እሶ አዬሳራን።
\c 2
\s1 ጳዉሎሳኮክ ሀንዳኖ ኡል ካተሰሎንቄይ
\p
\v 1 አቢላልቴ! ኖ እስን ቶስ ካኮንኤሜነና ላኦ ካላይክ ላናዋት እስን መተክስኑዋ ካሳንዋ። 
\v 2 ጎጎካሳኒ ሂታኮ ሆረነ ታፍልጲስዮሳ ካታማይ ራኮ አታነ ማዳራምኔ፤ አየሱን ጎአመን ካአቲ ዲዳኖ ኖ ጎጌና ሱረ ዎንጋላ ካዋ እስኑን ሰግን ዋ ሄዶካንኮ ጃቡ ሄላነና።\x - \xo 2፡2 \xo*\xt ኦፋ. ፈ. 16፡19-24፤ 17፡1-9።\xt*\x* 
\v 3 ኖ ካኤባታና ኤብ ሽርማናኮ ጎርቱን ካሜላን ያዳኮ ጎርቱን እስን ሶቢን ዶታኖኮ ካከይ ላኮዮ። 
\v 4 አየሱን ጎአመን ዎንጋላ ሀዳራይ አታይን ዋ ካዶትሳሮ የለ ካቶተሮ እባዶ ኣን አዬሳና። ሂካና ካኮንፈላና ዎዳናታን ካቆቆራሮ ዋ ኳሬ እባዶ ገጌላይስን አምነኔ ላኮዮ። 
\v 5 ካሶሶይስሮ ሃፉራ ሱረ አዬስዋት ጎርቱን ጋጲጋጳኖካን ጎልሳዪን አምነኔ ካማሱሳኖ ልዋት ካሳንዋ፤ ሂካኑና ዋ አቶካንያ። 
\v 6 እስንኮና ሌረ ካካለ ማምስክ እባዶኮና ታሄላማቶ ካባጃ ላኮዶታነኖ። 
\v 7 ክርስቶሳኮ ኦፋራምነኖ ጎጎሌነኖ ማለ እስኑን ስዳነ ሊ ግራነ፤ አየሱን ጎአመን ኣዎ ኤረክሴ ጎጎድያቶ ማለ ኖና እስን ኦሮ አንጅሬ ሰሴነ።
\p
\v 8 ኡሱማለና ኣሎ ኖ እስን ማንኮጌላታኖ ማራ ዎንጋላ ካዋ እስኑን ሰጋኖ ካላል አንሌኖን ግራን ኔፎታንኔ እስን ማራን ስስን ኦኤካኔኖነ።
\p
\v 9 አቢላልቴ! ፈሎኦታንና ሀራኖካን ካሳንዋ፤ ማዮ ጉቲና ስዳነ ጎጎሌኖንኮ አሪና ሄመና ፈላታ ዎንጋላ ላላብነ።
\p
\v 10 እስን አማኒል ኦሮ ግራን ኖ ምሲ ቁሉማና ሙጭማኖይ አደና ቱፍካላይ ጎጎግኔ እስና ዋና አቶታን። 
\v 11 ኦዶ ይስኬሳን ጎጎላሮ ኖና እስኑን ጎጎሌነኖ እስን ካሳንዋ፤ 
\v 12 ዎኖናትኬሳ ቶስና ካባጃቴሳ ቶስ ካኡመሮ ዋዉን ጎጎዶትሳሮ ጎጎግርታኑን እስን አታይንሴና፤ ጎጎኢንሴና፤ ኣሎና እስኑን ኤባነና።
\p
\v 13 ኖኮ ካማልቴታን ሃፉራ ካዋ ካኮአታቴን ጎራታ፥ እስን አማኒል ዶሌ ኦግራን ካፈላሮ ሃፉራ ካዋ ኣን ኳሬ ሃፉራ ካእባዶ ኣን የላቴን ሀአታኖኒ ማንኮግታን ማራን ጎስ ሀኢሶን ዋ ጋላታና። 
\v 14 አቢላልቴ! ክርስቶሳ የሱሳ ኦግራን ይሁዳ ካግሮ ካሞጋን ምን ካዋ ኣን ሌቴታን፤ እሶ አይሁድኮክ ኡሊ ራኮ ጎጎአታቴራኒ፥ እስና ፋልክስንኮ ራኮ አታቴታን።\x - \xo 2፡14 \xo*\xt ኦፋ. ፈ. 17፡5።\xt*\x* 
\v 15 እሶ ጎታ የሱሳና ካሄገሮልና ላጋዴን፤ ኖና ሆሮረን፤ ዋና ላኮገጌላይሴን፤ እባዶ ዱባዉን ዲና ሌን።\x - \xo 2፡15 \xo*\xt ኦፋ. ፈ. 9፡23፥29፤ 13፡45፤ 14፡2፤ 5፤ 19፤ 17፡5፤ 13፤ 18፡12።\xt*\x* 
\v 16 ህክና አይዛብ ጎጎፋይሮን ኖ ጎጎአዬሶንኮ ትርንያ፤ ሂካማሌ ጩቦክሶ አርጌቶ እስኦትሶ ጉት ታጋቾ አሪ ታጌቶን ጩቦ እስ ጉት ጂናሳታ ሴታራን፤ ሃኑን ኤንገ ታዋ እሶ ጉት ኤመተ።
\s1 ጳዉሎሳ ካተሰሎንቄ እባዶ አድ ድን ካአባናየ ሀልቻ
\p
\v 17 አየሱን ጎአመን አቢላልቴ! ኖ ፈኢታን አንሌኖን ግራን ሶይ ጎራታ ክጫሩን እስንኮ ጎፋክምነና፥ እስኑን ካአብኖ ካንጅንክ ሀልቻኮ ካከይ በቤድታትስን ድን ታንጅን ዳፉርነኔ። 
\v 18 እስን ቶስ ኤመይን ዶንቴኔ፤ አደና አን ጳዉሎሳ ጎራታ ካሞጋን ሄደ ዋየራ፤ አየሱን ጎአመን ጻላየ ኖ አዳላይሰታ። 
\v 19 ጎታካን የሱሳ ጎኤመተ ኡሱ ሆረ አብድታን ጎርቱን ገጌሎኦታን ጎርቱን ካላቻካን አዮያ? ላኮእስንታንያ? 
\v 20 ኦግራን እስን ኖዬን ካባጃታንና ገገሎኦታንታን።
\c 3
\p
\v 1 ሃንሱን ጎራታ ክጫሩን ኦብሳና ማንኮዋኔን ታአቴና ካታማይ ካለ ሄሳኖካን ካእዳንክ ኣን ሌ ኖን ሙተ።\x - \xo 3፡1 \xo*\xt ኦፋ. ፈ. 17፡15።\xt*\x* 
\v 2 አማኖክስኒ ጎጎቢስሮና ጎጎአታይስሮን አብካንና ካክርስቶሳ ዎንጋላኮኒዕ ፈሎይ ኖኔ ዎታ ዋዉን ካሀንዳሮ ጢሞቶሳ ፋርነና፤ 
\v 3 ህክና ህታ ጫፍቲ ማዮና ጎጎሻላጋሞንኮያ። ኖና ሂካ አየሱን ኦኤካኔኖ ላኖ እስን መተክስኑን ካሳንዋ። 
\v 4 ኦግራን እስኔ ዎታ ታኮግኔ ራኮ ግያኖ ጎራታ ጎራታይ ሰጋ ግኔ፤ ጎጎካሳኒና ኡሱማሌዋ አደ ሌራ። 
\v 5 ሃንሱን ኮና ኦብሳና ካኮዋየ ጎራታ አማኖኮክ ጋራ አዴስን ፋረ፤ ሂካና ካኮንየለራ ዎዳሳ ካጫፋራ እስን ጫፍረ ሀራኖካን ዱባ አዳክ ሌራ አመ ማንኮአብሳየሮ ማራንያ።
\s1 ጢሞቶሳ ኣተ ኦኤሜተሮ ገጌሎ
\p
\v 6 ግዳ አደ ጢሞቶሳ እስን ዶለኮ ኖ ቶስ ኤመተረ አማኖኮክ ጋራና ጌላንጀትስንክ ጋራ ኦዱ ታኢዳን እን ማልስሰራ። አደ ኖና አርጌቶ ታኢዳን ሻዳኖክስና ኖ እስን ድን ካሀልቻኖ ግታክ እስና ኖ ድን ካሀልቻታን ኡሱ ኢን ሰገራ። 
\v 7 ሃንሱን አቢላልቴ፤ ጫናቃማኖካንና ራኮታን ዱባ አማኖክስንኮት ኣላንቲ እስኒ ጎጎኢነና። 
\v 8 እስን ዋይ አታቴን ማንኮአልተን ማራን ኦግራን ግዳ ኖ ኔፎነ ግና። 
\v 9 ኣላንቲ ትስኒ ሄዶካን ሆረ ኦሄላነኖ ገጌሎ ዱባን ዋዉን ኤግታክ ጋላታ ስስን ዳንዳና? 
\v 10 አድና ኖ እስን ዲና አማኖክስኒ ካሀንቃተሮ አማጊን አሪና ሄመን ኣሎ አታይ ኤባይናና።
\p
\v 11 ግዳና ኡሱ ሄዶካንና ኣቦካን፥ ጎታካን የሱሳ ክርስቶሳ ኖ እስን ቶስ ጎጎኤሜኖን ራካን ኡሱ ኖን ሀቃጀልሶ። 
\v 12 ኖ እስኑን ጌላንጀ ጎጎአብኖ እስን ዱባ እስእስኦሮ ታአብታን ጌላንጄና ካካለቱን ታአብታን ጌላንጀ ጎታ ሀጂናሶ፤ ሀባላኣሶ። 
\v 13 ጎታካን የሱሳ ክርስቶሳ ቁሎለ ዱባነ ዎታ ካኮኤሜታሮ ጎራታ ሄዶካንና ኣቦካን ሆረ ቱፍ ካላይኒዕና ቁሉኒዕ ሊ ጎጎሙታኑን ዎዳናትስን ሀአታይሶ።
\c 4
\s1 ዋ ካገጌላይስሮ ግር
\p
\v 1 ጎርታ አቢላልቴ! ዋ ገጌላይስን ምሲ ግራኖ ዶትሳሮ ኖ እስን አጋልስንሰና፤ ኦግራን እስን ኡሱማሌዋ ግታን። ጎሌና ጎታ የሱሳ ካኤባታናና ማርካ ካስሳና ሂካኮ ካሮረ ሂካኒ ጎጎሆረዴታኑንያ። 
\v 2 ካጎታ የሱሳ ኦዶናቲ ምስክ አጃጃ ኖ እስኑን ስንሰኖ እስን ካሳንዋ። 
\v 3 ፈኢ ታዋ እስን ሻርሙጡማኮ ፋክምዴን ጎጎቁሎይታዉንያ፤ 
\v 4 አደና መተ መተ እባዶ ማርኬሳ ቁሉማና ካባጃ አባይን ካዶትሳሮ ላኖ ጎጎአዴስሮንያ፤ 
\v 5 ህክና ዋ ካካሶን አይዛብ አን ዮራኖና ሀልቻ ካሶየ ኣን አሮሌኖ። 
\v 6 ሂካ አየስ ማዮና ባስረ አቢኬሳ አሮሶቦ፤ ኣላንትና ሂታኮ ሆረነ ኖ እስኑን ጎጎሰግነኖና ጎጎሀድንሰኖ ጎታ ሂካ ኣንክክ ጩቦ ካፈላሮ ዱባ ሀሎ ቤሮዋ፤ 
\v 7 ዋ ኖ ቁሉማ ጎጎሰሴኖን ኳሬ ጎጎባቶይኖን ላኮኡመሮ። 
\v 8 ጎርታ ህታ ማርካ ቱፋይረ ካአታኖን እባዶ፥ ቁሉክ አያናካኬሳ እሶን ካስሰሮ ዋ ቱፋተራ ኳሬ እባዶ ላኮዮ።
\p
\v 9 አቢላልኮት ጌላንጀ ማዮና ጎጎጻፍሮን ላኮዶትሳሮ፤ ኣላንቲና እስእስኦሮ እስ ጎጎጌላታዉን እስን መተክስኑን ዋኮ አጋልሳተታን። 
\v 10 ታመቆዶንያ አዉራጃ ዱባይ ታግቶ አቢላል ዱባ ጌላታኖክስን ካአዴሳመያ፥ አየሱን ጎአመን አቢላልቴ፤ ሂካኮ ካሮሬ ጎጎሆረዴታዉን ጎርሳራ። 
\v 11 ሂታኮ ሆረነ እስን ጎጎአጃጂነኖ ገነትስኒ ፈላዬን፤ ጫልኢ አማ ግራ፤ ሃጃ ታትስን ታላል ድያዬን። 
\v 12 ህክና አርአሪ ባርሳኖኦትስን ሳሬ ኦግራን ዶሌ ጎጎካባጅስሮና ማዮ ጉቲና ስዳነ ጎጎሌኖንኮያ።
\s1 ታጎታ ኤመቶ ታላም
\p
\v 13 አቢላልቴ፤ ጎየ ካግሮ እባዶኮክ ጋራ ሀአዴሶን ጎጎሄሳዉን ኖ ላኮዶታኖ፤ አደና አብድ ካላይኒዕ ካካለ እባዶ ኣን እስን ጎጎያዳዉን ኖ ላኮዶታኖ። 
\v 14 የሱሳ ጎዋኖና ጎይኮ ክያኖኬሳ ጎአማናኔ፥ የሱሳ ግሬነን ኦጎየራን ዋ የሱሳነ ዎታ ሂካማሌ ኬስናራ።
\p
\v 15 ካጎታ ሃፉራይ ኖ እስኑን ካአማና ሂካያ፤ ኔፎነ ኦግና ኖና ጎታ ታ ኤሜሮን ጊን ኦጎየራንኮ ላኮጣይናኖ፤ 
\v 16 ጎታ ኡሱ አጃጃ ካአቲቲ፥ ታኤርግቻ ዎይቻኮት ያየና ማላካታ ካዋኮት ያየ ዳሩርኮ ዳግናራ። ክርስቶሳ ኦጎየራና ጣይ ክናራን። 
\v 17 ኤሰኮ አባባይረ ኦሄንሰና ኖ፥ ኔፎነ ኦግና ጎታ ስስሊ ቆጳይን እሶነ ዋታ ዱማንቻይ አታምናና፤ ሂካማሌና ጅሩ ጅሮማን ጎታነ ዎታ ግርናና። 
\v 18 ሃንሱን ሂካ ሃፉራ እስእስኦሮ እስእስ ጎጎኢሳዬን።
\c 5
\s1 ኤመቶ ታጎታ ኤካሳየን ኦራዬን
\p
\v 1 አቢላልቴ፤ ጌስኮክ ጋራና ድግንኮክ ጋራ ጻፋኖ እስኑን ላኮዶትሳሮ። 
\v 2 ኣላንቲና ሄቶ ሄመን ጎጎኤማቶ ማለ ታጎታ አርና ኡሱማሌ ኤመታኖ እስን መተክስኑን ማዳርቴን ካሳን። 
\v 3 እባዶ፥ “ኖጎዳና ኢዳነታ” አማ ግራን፥ ኡሙላ ታፋቶ ሄለልትቲ ጎጎአባናኒ ኡሱማሌ ባይ ደራኣ ኤመይናራ፤ ኢጂ ላኮምልቅራን። 
\v 4 እስን ጎአመን፥ አቢላልቴ፤ ህት አሪ ሄቶ ኣን እስን ኔይስን እስን ላኮሙጉድ ኦሮ ግታን፤ 
\v 5 እስን ዱባና ይስ ካኢፋ፥ ይስ ካአርታን፤ ኖ ሄመንኮ ጎርቱን ታሙጉድ ኡናኮ ላኮኖ። 
\v 6 ጎርታ ኖ ናባንዶ፤ እስኦታንና ኦራና ኳሬ ካሁዱራሮ ካካለ ኣን ላኮሌኖ። 
\v 7 ካሁዱራራ እባዶና ሄመን ሁዱራራ፤ ካሴታራና ሄመን ሴታራ። 
\v 8 ኖ አንዴ ኦአሪ ማንኮሌነኖ ማራን፥ አማኖና ጌላንጀ ላላ ኣን አባይኔ፥ ታፋይና አብድ መተ ታካማቶ ጉሌ ኣን ካይነ እስኦታን ኦራታ ግርና፤ 
\v 9 ጎታካን የሱሳ ክርስቶሳኮክ ጋራነ ዋ ኖ ካኮንኡመራ ፋይና ጎጎሄላኖንያ ኳሬ ኤንጌን ሙርቴሰረ ላኮዮ። 
\v 10 ጎግነና ጎጎነና ኡሱነ ዎታ ኔፎነ ጎጎግርኖን ኡሱ ኖ ማራን ጎየራ። 
\v 11 ሃንሱን ኦግራን ግዳ ጎጎየላታን እስእስኦሮ ጎጎኢሳዬን፤ ኮ ካካለ ሀአታይሶ።
\s1 ካጋቾ ጎርሳና ኖጎዳ
\p
\v 12 ጎርታ አቢላልቴ፤ እስን ኦሮ አታቴን ኦፈላራን፥ ራ ካጎታ ኦቱሳራና እስን ኦጎርሳራን ጎጎካባጅታኑን ኤባታና፤ 
\v 13 ፈሎኦትሶ ማራን ጌላንጀ ኣሎ ካባጃ። እስእስሮና ኖጎዳ ግራ። 
\v 14 አቢላልቴ፤ ሂካ እስኑን ጎርሳና፤ ፈሎ ካፈላኖን ሀድሳ፤ ኦአብሳታራን አታይሳ፤ ላፋኒዕ ጋርጋራ፤ እባዶ ዱባ ኦብሳ። 
\v 15 ማዮና ሜላነ ሜላነ ጎጎአባቦንኮ እስኦራዬን፤ አየሱን ጎአመን እስእስሮና ሌረ እባዶ ካካለቱን አርጌቶ ካእዳንክ ካሌሮ አየስ ፈልን ዶታ።
\p
\v 16 አርጌቶ ገጌላየን፤ 
\v 17 ሀኢሶን ኤባየን፤ 
\v 18 ማምስክ አዬስና ዋ ጋላታ፤ ክርስቶሳ የሱሳ ካአብታን ግሪዉን ፈኢ ታዋ እስኑን ህታታ።
\p
\v 19 አያና ቁሉክኮኒዕ ፈሎ አሮባሰን፤ 
\v 20 ሄገሮኮክ እላቦ አሮቱፋቴን። 
\v 21 አየስ ዱባ ቆቆራ፤ ካእዳን አባዬን፤ 
\v 22 አየስ ካሜላንኮ ፋክማ።
\p
\v 23 ካኖጎዳ ሄዶ ኡሱዋ እስኦትስን ሀቁሎይሰ፤ አያናክስን፥ ኔፎትስና ማርክስን ጎታካን የሱሳ ክርስቶሳ ካኮኤሜታሮ ጎራታ ቱፍ ካላይ ኦራም ሀግሬን። 
\v 24 እስን ካኡማራ ካአብዳመያ፤ ኡሱና ፈልናራ።
\p
\v 25 አቢላልት፤ ኖ ማራና ኤባየን። 
\v 26 አቢላል ዱባ ቁሉክ እስአንጋታኖይ ኖጎዳ አታ። 
\v 27 ሂክ ሀንዳ አማኒል ዱባን ጎጎናባባምሮን መገ ካጎታይ አን እስኑን ሀዳራ አማራ።
\p
\v 28 ጎታካን የሱሳ ክርስቶሳኮት ስኖ እስኔ ዎታ ሀሌቶ።