\id 1CO - Bayso New Testament
\ide UTF-8
\h 1 ቆሮንቶሳ
\toc1 ካፋራመሮ ጳዉሎሳኮክ ሀንዳ ካሆሬ ካቆሮንቶሳ እባዶ ቶስ
\toc2 1 ቆሮንቶሳ
\toc3 1 ቆሮ.
\mt2 ካፋራመሮ ጳዉሎሳኮክ ሀንዳ ካሆሬ
\mt1 ካቆሮንቶሳ እባዶ ቶስ
\imt ታባኖ
\ip ጳዉሎሳ ካቆሮንቶሳ እባዶን ካጻፈሮ ካሆራርጄ ሀንዳኬሳ ካኮንጻፈራ ታቆሮንቶሳ ካታማይ ካአሊሰሮ ምን ካዋይ ኦሮ ግር ካአማኒና አማኖኮክ ጋራይ ታግቴ ራኮዉን ማላ ሄልን ቆፔረያ። ኡሱ ጎራታ ቆሮንቶሳ ካአላም ጎሳ ካሞጋን ታኮግረ ታግሪክ ካታማ ላኖኮ ካሮረ አካያ ካአማማረ ቃላዳ ካሮምዉን መተት ካታማተ። ህት ካታማ ካአቲ ካሌሮ ዳዳላይ ባራኖኮኒዕ ፈሎይ፥ ዎጋኮክ ጂናን፥ ኣሎ ባልአታ ካግረ ያዳሊ ታሜላንና አማኖልኮክ ሞጋን ታአዴሳንተተ።
\ip ካፋራመሮክና ካካለኮና ክንትቢ ኡሱ ካአባተረ ምን ካዋይ ኦሮ ካግረ ካለካለ ብያኖኮክ ጋራ፥ ታሜላን ያዳሊኮክ ግር፥ ሻርሙጡማኮክና እስአታታኖኮክ ጋራ፥ ምን ካዋክ ሴራልኮክ ጋራ፥ አያና ቁሉክ እላቦልኮክና ጎይኮ ክያኖኮክ ጋራነየ፤ ኡሱማለና ካፋራመሮክ ካገጌሎ ሃፉራ ሂናኣ ሆሲን ክንትቢ አባተረ እስኦረ ሰጋራ።
\ip “ጌላንጀ” ዋ ጎሳን ካስሰሮ እላቦልኮ ካሮረ ላኖ ካኮቱሰራ ታቶሞንኮሴድ ፎልሲ ሂካ ማጻፋይ ኣሎ ታአዴሳንተ ባንኤ ላኖ ሄዳማታ።
\iot ራቶ ሂክ ማጻፋ ካአበራ
\io1 ታባኖ \ior 1፡1-9 \ior*
\io1 አማኒል ኦሮ ካግረ ካለካለ ብያኖ \ior 1፡10—4፡21 \ior*
\io1 ያዳሊ ታሜላና ምን ኮክ እባዶኮክ ግር \ior 5፡1—7፡40 \ior*
\io1 አማኒልና ካክርስታና አማኖ ሀአታኖን ኦግራን \ior 8፡1—11፡1 \ior*
\io1 ምን ካዋኮክ ግርና ሄዶይሳታኖኮክ ዎጋ \ior 11፡2—14፡40 \ior*
\io1 ካክርስቶሳና ካአማኒል ጎይኮ ከያኖ \ior 15፡1-58 \ior*
\io1 ኡል ካይሁዳ ራካተ ካግሮ አማኒሉን ካስሳምናሮ ጋርጋርሳ \ior 16፡1-4 \ior*
\io1 ጉድሳኖ \ior 16፡5-24 \ior*
\c 1
\p
\v 1 ፈኢ ታዋይ የሱሳ ክርስቶሳን ካሀንዳሮ ጎጎሌሮን ካኡማመሮ ጳዉሎሳኮና፥ አብካን ሶስንተንስኮ፥
\p
\v 2 ታቆሮንቶሳ ካታማይ ካግራ ካዋ ምን ካኤብ ክርስቶሳ የሱሳይ ኦቁሎየራዉና ካክሶና ካካን ጎታ ካሌሮ ጎታካን የሱሳኮክ መገይ ባንኤ ባንኤይ ሌጉረ ካኡማሮ ዱባነ ዎታ ቁሎለ ሊን ኦኡማመራዉን፥
\p
\v 3 ዋ ኣቦካንኮና፥ ጎታካን፥ የሱሳ ክርስቶሳኮ ስኖና ኖጎዳ እስኑን ሀሌቶ።
\s1 ጋላታ ዋዉን
\p
\v 4 የሱሳ ክርስቶሳይ ታስሳንተቶ ስኖ አርጌቶ እስን ማራን አን ዋ ጋላታራ። 
\v 5 ኣላንቲና ማምስክ አየስ ህክና ካአዬሳማሮ ዱባን ቃሩማ ዱባ ኡሱይ ዱሩማቴታን። 
\v 6 ክርስቶሳ ማራን ካአቶቲነኔና እስን ዶሌ ባተራ፤ 
\v 7 ሃኑን ጎታካን የሱሳ ክርስቶሳ ሙታኖ ሀልቻይ እስን ኦራታ ግራን ማምስክና ካአያና እላቦ እስንኮ ላኮሀንቃሮ። 
\v 8 ጎታካን የሱሳ ክርስቶሳኮት ኤመቶ ቱፍ ካላይ ጎጎሙታኑን ኡሱ ታ ጋቾ ጌሮ እስን አታይሰ ኦራራ። 
\v 9 ኤረኬሳ ጎታካን የሱሳ ክርስቶሳኮክ ራቶ ላኖ ቶስ እስን ካኡመራ ዋ ካአብዳመያ።
\s1 ቆሮንቶሳኮክ ምን ካኤብ ኦሮ ካግሮ ካለካለ ብያኖ
\p
\v 10 አቢላልቴ! እስን ጠኤ ካለካለ ብያኖ ጎጎግኖንኮ ዎዳና ቶ፥ ያዳ ኮ እስኑን ጎጎግሮዉን እስእሲ ኦሮና እስኣት ህኢ ቶ ጎጎሌታዉን ጎታካን የሱሳ ክርስቶሳኮክ መገይ አን እስን ኤባታራ። 
\v 11 አቢላልቴ! እስን ኦሮ ዶጋማ ግራኖ ካቀሎኤ ካምነ እባዶኮ አን ማለራ። 
\v 12 አዬስና ሃያ፥ እስንኮ ኮ “አን ካጳዉሎሳያ” ጎአምሮ፥ ካካለ “አን ካአጲሎሳያ” አማራ፥ አደና ኮ “አን ካከፋያ” አማራ፥ ካካለ አደ “አን ካክርስቶሳያ” አማታን።\x - \xo 1፡12 \xo*\xt ኦፋ. ፈ. 18፡24።\xt*\x* 
\v 13 ሀያ ክርስቶሳ ኤካ በልኤራ? ጳዉሎሳ እስኑን ሱዋመራ? ጎርቱን ካጳዉሎሳ መገይ ጣማቃንቴታን? 
\v 14 ቀርስጶሳና ጋዮሳ ኳሬ እስንኮ አን ማዮና ማንኮጣማቂኖ ግሮ ማራን አን ዋ ጋላታራ።\x - \xo 1፡14 \xo*\xt ኦፋ. ፈ. 18፡8፤ 19፡29፤ ሮመ 16፡23።\xt*\x* 
\v 15 ሃኑን መገኬ ካጳዉሎሳይ ጣማቃመራ አመ ካአዬሳራ ማዮና ላግሮ። 
\v 16 ኦግራን ካእስጢፋኖሳ ካምነ እባዶ አን ጣማቄራ፥ ህናኣኮ ካካለ ጎአመን ጣማቃኖኬ አን ላኮሻዳሮ።\x - \xo 1፡16 \xo*\xt 1 ቆሮ. 16፡15።\xt*\x* 
\v 17 ክርስቶሳ እን ካኮንፋረራ ዎንጋላ ጎጎላላብሮን ኳሬ ጎጎጣማቅሮን ላኮዮ፥ ታክርስቶሳ ማስቃሊ ታማድኖን ጎጎሌኖንኮ እባዶኮ ታሄላንተቶ አዬስኮት ቃሩማ አን ላኮላላባሮ።
\s1 ክርስቶሳ ካዋ ሁናና ቃሩማ ላኖ
\p
\v 18 ካማስቃሊ ሃፉራ ካባሮዉን ጎዉማታ፥ ኖ ኦፋይናኖን ጎአመን ሁና ካዋያ።
\q1
\v 19 “ቃሮሌኮት ቃሩማ ባስናራ፥
\q2 ኦካሳንኮክ ማላባኖ ላኦ ካላይክ የልናራ” አማመ ጻፋመራ።\x - \xo 1፡19 \xo*\xt ኢሳ. 29፡14።\xt*\x*
\m
\v 20 ቃሮክ ሀጌ ግራ? ካካሳ ሀጌ ግራ? ሴራ ካካሳ ሀጌ ግራ? ሂካ አላም ካቆቆራራ ሀጌ ግራ? ዋ ታአላም ቃሩማ ጎዉማ ላኮየለያ?\x - \xo 1፡20 \xo*\xt ኢዮ. 12፡17፤ ኢሳ. 19፡12፤ 33፡18፤ 44፡25።\xt*\x*
\p
\v 21 ቃሩማ ታዋኮ ካከይ አላም እስኦቴሳኮት ቃሩማይ ዋ ማላባና ማንኮዋተ ማራን፤ ላላባኮት ጎዉማይ ዋ ኡሱ ኦአማናራን ፋይስን ታኢዳን ፈኢ ታዋ ሌተ። 
\v 22 ማጎሬና አይሁድ ባሳክ ማላታ ዶታራን፥ ካግርክ እባዶና ቃሩማ ዶታራን። 
\v 23 ኖ ጎአመን ካሱዋመሮ ክርስቶሳ ላላቢናና። ህክና አይሁድን ሀንዱዱፎ፥ አይዛብን አደ ጎዉማታ። 
\v 24 ዋ ካኡማተሮን አደ አይሁድና ሌረ ግርክጆሉን ክርስቶሳ ካዋ ሁናና ታዋ ቃሩማያ። 
\v 25 ኣላንቲና ታእባዶ ቃሩማኮ ሱረ ታዋ ጎዉማ ጂናታ፥ አታን ካእባዶኮ ሱረ ሀራኖ ካዋያ ካአታታራ።
\p
\v 26 አቢላልቴ! ካኮኡማንቴተን ጎራታ እስን ምስክ እባዶተን አላ ሻዳ፥ ሄዶ ኦእባዶት እስንኮ ኦሞጋን ኦካሳን ላኮቴን፥ ኦሞጋን እስና ኦአቲ ላኮቴን፥ ኦሞጋን እስና ምን ካአቲኮ ላኮኡሙላንተቴን፥ 
\v 27 አየሱን ጎአመን ዋ ቃሮሌ ሙሊስን አመጉረ ካአላም ጎዋክ አየስ አሳባራ፥ ዋ ኦአቲ ሙሊስን አመረ ካአላም ላፋክ አየስ አሳባተ፥ 
\v 28 ዋ ሂካ አላም ካካባጃመሮ አየስ ካካባጃሞን ግሮ ኣን የልን ሂካ አላምን ሁስ ካአመሮና ካቱፋመሮ ባንኤና ካኮስሳሞን አየስ አሳባተ፥ 
\v 29 ህክና ማምስክ እባዶና ኡሱ ሆረ ጎጎዳኖንኮያ። 
\v 30 ካክርስቶሳ የሱሳ ላኖ ኡሱኮ ካኬይያ። ኡሱ ዋ ዶለኮ ቃሩማታን፥ ቁሉማታን፥ ቃጄላካን ዎዶካን ሌራ። 
\v 31 ጎርታኑ ማጻፋይ ሃ አማመ ጎጎጻፋመሮይ “ካዳታራ ዱባ ዋይ ሀዳቶ።”\x - \xo 1፡31 \xo*\xt ኤር. 9፡24።\xt*\x*
\c 2
\s1 ካሱዋመሮ ክርስቶሳኮክ ጋራ አጋልስሳኖ
\p
\v 1 አቢላልቴ! አን እስን ቶስ ታኮኤመየሬ ሆል ታዋ አየስ ኦኖሞይስ አዬሳኖና ካሳኖ ጎርቱን ታሮርተ ቃሩማይ ላላብን ላኮኤሜየሮ።\f + \fr 2፡1 \fr*\fqa ካዋ ጋራ አቶታኖ፤ \fqa*\ft ቶቶ ታጋልባ ጹፍል፥ “ሆል ታዋኮክ ጋራ አጋልስሳኖ” አማራ። \ft*\f* 
\v 2 እስን ኦሮ ግራን የሱሳ ክርስቶሳ ሀሱና ካሱዋመሮ ኡሱ ካላል ኳሬ አን ጎጎአዴሶንኮ አን ሙርቴሳየ ግረ። 
\v 3 እስን ቶስ ካኮንኤሜየራ ሀራኖይና አብሲ፥ ኡሱማለና ካአቲ ሀርኣኖይየ። 
\v 4 ሃፉራክና ላላባኖክ ካአያና ሁናይ ቱሳኖይ ኳሬ ካሶሶብሮ ካቃሩማ ሃፉራ ላኮየ። 
\v 5 ህክና አማኖክስኒ ሁና ካዋይ ኳሬ ታእባዶ ቃሩማ ጉት ጎጎጣባኖንኮያ።
\s1 አያናኮ ታሄላንተቶ ቃሩማ
\p
\v 6 አያናይ ካዱባመ እባዶ ኦሮ ጎአመን ቃሩማ አዬስናና፥ ሀሌዎ ኳሬ ሂካ አላምኮት ቃሩማ ጎርቱን ታባይናቶ ሂካ ካአላም ሞትጆልኮት ቃሩማ ላኮዮ። 
\v 7 አየሱን ጎአመን ስያንተ ታግቴ ሆል ታዋ ቃሩማታ። ህት ቃሩማ ካሞጋን ጌስጆልኮ ሆረነ ካባጃታንዉን ጣይተ ታሙርተሳንተቶተ። 
\v 8 ሂካ አላም ካግሮ ሞትጆል ኦሮኮ ኮና ህታ ቃሩማ ላኮማላቤራን፥ ማላብ ግሬንዋ ካካባጃ ጎታ ላኮሱዋሬን። 
\v 9 ሀሌዎ ኳሬ ማጻፋይ፥
\q1 “እል ካዴኖን ግቶ፥
\q2 ነበ ታእባዶ ካማሎን ግቶ፥
\q2 ዎዳና ታእባዶ ካሻዶን፥
\q2 ዋ ኦጌላታሮን ኤካሰራ” አማመ ጻፋመራ።\x - \xo 2፡9 \xo*\xt ኢሳ. 64፡4።\xt*\x*
\m
\v 10 ዋ አደ ሂካ አያናኬሳክ ጋራነ ኖን ሙትሰራ፥ አያና ካዋ ስያንተ ታግቶ ሆል ታዋ አሃሶን ዱባ ቆቆራራ። 
\v 11 እባዶ ኦሮ ካግሮ ካአዴሳራ አያና ካእባዶ ኳሬ ያዳ ካእባዶ ካማላብራ አዮያ ካግራ? ኡሱማለና አያና ካዋ ኳሬ ታዋ ካአዴስራ ኮና ላኮግሮ። 
\v 12 ዋኮ ካሌሮ አያና ኳሬ ካአላም አያና ላኮአታነኖ። ህክና ዋ ኖን ዳናባ ካስሰሮ ጎጎማላብኖንያ።
\p
\v 13 ኖ ካአዬስናና ሂካያ፥ እባዶኮ ካአጋልሳነኖ ቃሩማኮክ ሃፉራይ ሀሌኖን አያናኮ ካአጋልሳነኖ ሃፉራ አዬስናና፥ ታአያና ሩም ካኮአዴስስናና ካአያና ሃፉራኮያ። 
\v 14 ካአያና ካሌኖን እባዶት አያና ካዋኮ ላኮሌሮ አዬስጆል አታይን ላኮዳንዳሮ፤ ኣላንቲና ሂካማሌክ አየስ ኡሱን ጎዉማታ፥ አያናይ ካቆቆራማሮ ማንኮሌሮ ማራን አዴስን ላኮዳንዳሮ። 
\v 15 ካአያና እባዶ አደ አየስ ዱባና ማራማራራ፥ ኡሱ አደ ማዮይና ላኮቆቆራማሮ።
\q1
\v 16 “ጎጎአጋልስስሮን፥ ታጎታ ዎዳና አዮያ ካአዴስራ፥
\q2 ኡሱ ጎርሲን ካዳንዴራ አዮያ?” አማመ ጎጎጻፋመሮያ።
\m ኖ አንዴ ታክርስቶሳ ዎዳና አብና።\x - \xo 2፡16 \xo*\xt ኢሳ. 40፡13።\xt*\x*
\c 3
\s1 ምን ካዋይ ኦሮ ካመጣመሮ ካለካለ ብያኖ
\p
\v 1 አቢላልቴ! ክርስቶሳይ ጋና ይስ ጎጎሌተታን ፈኢ ታሶየክ ማለ ኳሬ ፈኢ ታአያና ማለ አዬስን አን ላኮዳንዴሮ። 
\v 2 ጋና ሀአታኖን ማንኮግታን ማራን ኤኖ ኳሬ ካአቲ ባቦ አን እስን ላኮኣምስናሮ፥ ግዳና ጎአመን ጋናታን።\x - \xo 3፡2 \xo*\xt እብ. 5፡12-13።\xt*\x* 
\v 3 ግዳና ኦሶየታን፥ እስን ጠኤ ምጌና ዶጋማ ግታ፥ ሀያ ኦሶየ ላኖክስን ላኮዮያ? እስን ኦፈላታን ፈሎ ማዮና ኦፈላሮ ፈሎ ኣን ላኮያንያ? 
\v 4 ኣላንቲና ኮ “አን ካጳዉሎሳያ” ካካለ አደ፥ “አን ካአጲሎሳያ” ጎአምሮ መጣ ታእባዶ ታላል ኣን ላኮዮያ?\x - \xo 3፡4 \xo*\xt 1 ቆሮ. 1፡12።\xt*\x*
\p
\v 5 ጎሌና አጲሎሳ መያ? ጳዉሎሳና መያ? ጎታ እሶን መተመቴ ኦስሰሮ ፈሎኮክ ጅልባ ማለ ኦሀንዳራንያን፥ እስና አማኖ ቶስ ካኮኤሜተታን ጋራክሶነያ። 
\v 6 አን አባረራ፥ አጲሎሳ በከ ጣምሰራ፥ ካጂናሰራ አደ ዋያ።\x - \xo 3፡6 \xo*\xt ኦፋ. ፈ. 18፡4-11።\xt*\x* 
\v 7 ሃንሱን ካጂናሳራ ዋ ኳሬ ካአባረሮና ሌረ በከ ካጣምሰራ ኮና ላኮዮ። 
\v 8 ካአባረሮና ሌረ በከ ካጣምሰራና ኮያን፥ መተመቴይና ፈሎኦቴሳክ ጅልባ ማለ ባራኣራክሶ አታይናራን። 
\v 9 ኖ ራቶ ዋዉን ኦፈላኖ ኦዋና፥ እስና ካዋ ኢራታን፤ ምን ካዋክ ግንበታን። 
\v 10 ዋኮ ታስሳንተቶ ስኖኮት ጅልባይ ምን ካግንባሮ ቃሮክ እባዶት አን ኡኩም ጣቢሰ። ካካለና ጉት ማዳረራ፥ አየሱን ጎአመን መተመተይ ምስምሲ ማዳራይናሮ እስኦራታኖ ዶትሳራ። 
\v 11 ኣላንቲና ኮይክ ካጣቢሳመሮ ኡኩም ኳሬ ካካለ ኡኩምን ካዳንዳራ ማዮና ላኮግሮ፥ ሂክ ኡኩምና የሱሳ ክርስቶሳያ። 
\v 12 ማዮና ሂካ ኡኩሚ ጉት ዎርቂኮ ጎርቱን ብርኮ ካካባጃመ ኤኤሞኮ፥ ጎርቱን ጋ፥ ኤስኮ ጎርቱን አጋዳኮ፥ ጎቢሰ፥ 
\v 13 ፈሎ ኦእባዶ መተመተይ ታኮአዴሳምራን አሪ ኤመይናታ ኤሰ አሪ ቱስናታ፥ ኣላንቲና ኤሰ አሪ እባዶኮኒዕ ፈሎ ምስኒዕያን ኤለኒ ማንኮጫፋምናራን ማራን ኤለን ቱስናታ። 
\v 14 ማዮና ኦፈላተሮ ፈሎይ ጎአታተ ባርኣራ አታታራ። 
\v 15 ፈሎ ኤለኒ ካኮጉባተራን ጎአመን ባርኣራ ሄሳራ፤ ኡሱ ኡሱን አደ ፋይናራ፥ ሀሌዎ ኳሬ ካኮፋይናራ ኤለን ኦሮ ማረ ጫፋመረ ካሮራሮ አንያ።
\p
\v 16 እስን መተክስኑን ቁሉክ ምን ካዋ ላኖክስና አያና ካዋ እስኒ ኦሮ ግራኖ ላኮካሳንያ?\x - \xo 3፡16 \xo*\xt 1 ቆሮ. 6፡19፤ 2 ቆሮ. 6፡16።\xt*\x* 
\v 17 ሃንሱን ማዮና ቁሉክ ምን ካዋ ጎዲገ ዋና ኡሱ ዲግናራ፥ ምን ካዋ ቁሉክያ፥ ሀሱና ቁሉክ ምን ካዋ እስንታን።
\p
\v 18 ማዮና እስኦቴሳ አሮሶባኖ፥ እስንኮ ማዮና ሂካ አላም ቃሮ ኣን ጎሌ ቃሮ ሊን እስኦቴሳ ጎዋ ኣን ሀቶታቶ። 
\v 19 ሂካ አላምኮት ቃሩማ ዋይ ሆረ ጎዉማታ፥ ህክና “ዋ ቃሮሌል ምጌትሶኔ ዎታ አብናራ” አማመ ጎጎጻፋመሮይያ።\x - \xo 3፡19 \xo*\xt ኢዮ. 5፡13።\xt*\x* 
\v 20 ባንኤ ታካለይ አደ “ጎታ ቃሮሌልኮት ቆፋ ላኦ ካላይክ ላኖ ካሶዋ” አማመ ጻፋመራ።\x - \xo 3፡20 \xo*\xt ማዛ. 94፡11።\xt*\x*
\m
\v 21 ጎርታኑ ማዮና እባዶይ አሮዳኖ። ካመን ዱባ ካክስንያ። 
\v 22 ጳዉሎሳና ሌረ አጲሎሳ ጎርቱን ከፋ፥ አላምና ሌረ ግር ጎርቱን ጎይ፥ ግዳ ካግሮና ሌረ ሆረንባን ካኤሜይናራ ዱባ ካክስንያ። 
\v 23 እስን ኦክርስቶሳታን ክርስቶሳና ኤረ ካዋያ።
\c 4
\s1 ክርስቶሳ ኦፋራመራን
\p
\v 1 ጎርታኑ እባዶ ዱባ ኖ ክርስቶሳን ኦሀንዳኖ አንና ሆል ታዋ ቱሳኖኮት ሀዳራ ኦአታነኖ ኣን ኖ ሀቶቴን። 
\v 2 ሃ ጎሌ ሀዳራ ኦአታቴራና ኦአብዳሜራን ሊ ግራኖ ዶትሳራ። 
\v 3 እስኑና ሌረ እባዶይ ታፍርዳ ሾንጎይ ጎጎፍርድቶን አን ጋራኬነ ራኮ ላኮአቦ፥ አን ሱረ እስኦቴይ ጉት ላኮፍርዳይናሮ። 
\v 4 ሳሙት ቁሉታ፥ ሂክ ጎአመን ባስ ካላይክ ላኖኬ ላኮአዴስሳሮ፥ እን ጉት ካፍርዳራ ጎታያ። 
\v 5 ሃኑን ጎራታ ሀጌኖን ማምስክ አየስ ጉት አሮፍርድቴን። ጎታ ታኤሜሮይ ኦራ፥ ኡሱ ሙጉድ ኦሮ ካስያመሮ ኢፋ ቶስ ቤስናራ፥ ዎዳና ታእባዶይ ኦሮ ስያመ ካግሮ ያዳ ሙትስናራ፥ ሀሱ ጎራታ እባዶ መተመተኬሳይ ካዶትሳሮ ጋላታ ዋ ዶለኮ አታይናራ።
\p
\v 6 ጎርታኑ አባላልቴ! ላኦትስኑን አመጉረ ህታ ሃጃይ እስኦቴና አጲሎሳ ማሱሴ ኬነራ፥ ሂካና ካኮንየለራ “ካጻፋመሮኮ አሮሮርተ” ካአማመሮ ኖኮ ጎጎአጋልሳታዉንያ፥ ሃኑን እባዶት ኮይ ዳታ ካካለ አሮቱፋቴን። 
\v 7 ጎሌና አት ካካለኮ ጎጎሮርቶ ካየለራ አዮያ? ካካ ካሌሮ አየስኮ አት ሀአታኖን ካግታ መያ ካግራ? ሀያ አታተ ግራን ሀአታኖን ካግሮ ኣን ሙን ዳታ?
\p
\v 8 ግዳ ካዶትሳሮ ዱባ ሄላቴታን? ዱሬሳና ሌቴታን? ኖኮና ካለቤተዴን ሬዴታን? ኦግራን እስን ሬድ ግቴንዋ ኖና እስኔ ዎታ ሬድ ግራነ። 
\v 9 ኣላንቲና ዋ ኖ ኦፋራምነኖ ጎይን ካፍርዳመሮ እባዶ ታኮላጋድራን ባንኤ ቶስ ጌስን እባዶ ዱባኮ ሀርጫ ካኣልሰራን እባዶ ኣን ኢን ላራ። አላም ዱባ ኤርግቻና እባዶን ድራማ ኣን ደያምናና። 
\v 10 ኖ ክርስቶሳ ማራን ጎዎሌና፤ እስን ጎአመን ክርስቶሳይ ቃሮሌታን፥ ኖ ላፋና፥ እስን ጎአመን ኦአቲታን፥ እስን ኦካባጃንተታን፥ ኖ ጎአመን ኦየራነና። 
\v 11 ታ ህታ ሳቲ ጌኖን ኡአና፤ ሱጉባታና፤ ሀዉአይ ላና፥ ቦጫምናና፥ ምን ዋነኔ ካፋፋና፥ 
\v 12 ገነታን ፈላታ ሀራና፥ ጎቃንግናን ሶማሳታና፥ ጎሆሮራን ኦብሳና፤\x - \xo 4፡12 \xo*\xt ኦፋ. ፈ. 18፡3።\xt*\x* 
\v 13 መገካን ጎባስራን ታኢዳን አባባና፥ ታ ግዳ ጌኖ ካአላም ቡቡልና ካኡሌ ሻካር ሌነና።
\p
\v 14 ሂካ ካኮንጻፈራ ኦጌላንቴታን ይስኬ የላየ ማካርሳዪን ኳሬ ሙሊስን አመ ላኮዮ። 
\v 15 ኮና ሱረ ኩማ ቶሞኑን ካቶታምሮ ኦጂናሴራን ክርስቶሳይ እስኑን ጎግሬና ካሞጋን ኦዶላል አደን ላኮአብታን፥ ጋራ ካዎንጋላነ ክርስቶሳ የሱሳይ እስን ኡሙለራ። 
\v 16 ሃኑን እስን እን ኣን ጎጎሌታዉን ኤባታራ። 
\v 17 ጎርታኑ ካጌላታመራና ካአብዳመራ ጎታይ ኤረኬ ካሌሮ ጢሞቶሳ ካኮፋረራ ሂካኮት ኣላንቲያ፥ ኡሱና ባንኤ ባንኤይ ካሞጋን ምን ካኤብ ዱባይ አን ጎጎአጋልስሳሮ ክርስቶሳ የሱሳ ኮ ላኖይ ካሄላየሮ ካኡሱብ ግርኮክ ራ እስን ሻድሳራ።\x - \xo 4፡17 \xo*\xt 1 ቆሮ. 11፡1፤ ፍል. 3፡17።\xt*\x*
\p
\v 18 እስንኮ ኮኮ አን እስን ቶስ ካኤሜኖን ኣን ሌረ ኮራሜሳ ለራን። 
\v 19 ሀሌዎ ኳሬ ፈኢ ታጎታ ጎሌተ አን እስን ቶስ ሳሜ. ኤሜሮዋ፥ ኤሰኮና ሂኒዕ ኮራሜሳል ካአዬሳራን ካላሊ አሌኖን ግራን ኤግታክ ሁና አባን ድን ዶታራ፥ 
\v 20 ኣላንቲና ዎኖናት ካዋ አዬሲ አሌኖን ግራን ሁና ካዋይያ። 
\v 21 ጎሌና እስን ካዶታታን ኤክያ? ዳማ አባይ ኤሜዉ? ሙ ጌላንጄይና ካኢዳነ አያናይ ጎጎኤሜሮ ዶታታን?
\c 5
\s1 ባቲኒዕ ፈሎ ዋ ካአማንሮ እባዶ ኦሮ
\p
\v 1 እስን ኦሮ ኦሙልስራን ኦሻርሙጡማ ፈሎ ግራኖ ኦግራን አዬሳማራ፤ ሂካማሌኒዕ ባቲኒዕ ፈሎ ዋ ካአማኖን እባዶ ዶሌ ዱዶ ሙት ካካሶንያ፤ ኦራቦቴሳ ኦር ካየላተራ እባዶ ግራ።\x - \xo 5፡1 \xo*\xt አዳ. 22፡30።\xt*\x* 
\v 2 አደነ እስን ኮርቴታን፥ ሀሱኮ ሂካ አዬሲ ጋድጉዴን ሂካ ኣንክክ እባዶ እስን ኦሮኮ ቤስን ላኮዶትሳረያ? 
\v 3 ማምሲና ሱረ አን ሶይ እስኔ ዎታ ጎግራናዋየና አያናይ አደ እስኔ ዎታ ግራ፤ እስኔ ዎታ ካግሮ ኣን ሌረ ሂካ ካፈለሮ እባዶት ጉት ግዳዋ አን ፍርዴራ። 
\v 4 እስን ካኮኩኩአማታን ጎራታ አንና አያናይ እስኔ ዎታ ማንኮግሮ ማራን ጎታካን ካየሱሳ መገይና እስን ጠኤ ካሙታሮ ጎታካን የሱሳኮክ ሁናይ፥ 
\v 5 ሶ ባይጉረን አያና ታጎታ አሪ ጎጎፋይሮ፥ ሂካ ኣንክክ ጻላዬን ሀስሳሞ።
\p
\v 6 ዳታኖክስን ካእዳን ላኮዮ፥ ሁጫር ኢርሾ ካሙላመሮ ካም ካንጂን ካኬሳሮ ላኮካሳንያ?\x - \xo 5፡6 \xo*\xt ጋላ. 5፡9።\xt*\x* 
\v 7 ግዳ ሜላነ ካላይ ጎጎግታን ካኡሱብ ካሙላመሮ ካም ጎጎሌታዉን ታዶአን ኢርሾ ባሳ። ካፋስካ ኢዳዶካን ካሌራ ክርስቶሳ ኤናኣመራ። 
\v 8 ሃኑን ምጌና ሜላነ ታኮአማጋንተቶ ታዶአን ኢርሾይ ሀሌኖን ግራን፥ ኢርሾ ካልክ ካባቦ ባላካን ኢዳነና ሩሚ ካባጅኖ።\x - \xo 5፡8 \xo*\xt ብያ. 13፡3፤ አዳ. 16፡3።\xt*\x*
\p
\v 9 ካሻርሙጡማ አራዳ ኦአባነ ዎታ እስን ጎጎሌኖንኮ ሀንዳኬ አን እስኑን ጻፈረ። 
\v 10 ሂካ ሃ እስኑን አን ጎአምሮ ዋ ኦአማኖን ኦግራን ኦሻርሙጣራነ ጎርቱን ኦጋጲጋጳራነና ኦሳማራነ፥ ጎርቱን ምን ካሞሩ ሴተሬን ኦኤባታራነ ዎታ አሮሌተን አማኖ ላኮዮ፥ ሃ ጎሌ ሂካ አላምኮ ዱዶ ካለ ብያኖ ካዶትሳሮ ሊ ግራረ። 
\v 11 አየሱን ጎአመን ግዳ አን ካኮንጻፈራ “አማኒልና” አማ ኦሻርሙጣራን፥ ጎርቱን ኦጋጲጋጳራን፥ ጎርቱን ምን ካሞሩ ሴተ ኦሳጋዳራን፥ ጎርቱን ኦሰታራን፥ ጎርቱን ኦሳማራነ ዎታ ጎጎለለዳሞንኮያ። ሂካ ኣንክክ እባዶነ ዎታ ባቦ ሱረ አሮኣንቴን።
\p
\v 12 ምን ካዋኮ ሳሬ ካግሮ እባዶ ጉት ፍርድን እን መያ ካታብሰ? ምን ካዋይ ኦሮ ካግሮ እባዶ ጉት እስን ላኮፍርዳታንያ? 
\v 13 ምን ካዋኮ ሳሬ ኦግራን ጉት ካፍርዳራ አደ ዋያ፥ ጎርታኑ ቁሉክ ማጻፋ ጎጎአማሮ፥ “ካሜላን እባዶ እስን ኦሮኮ ቤሳ።”
\c 6
\s1 እስሮ እስ ሞታኖ እባዶ ካዋይ ኦሮ ሙታኖ
\p
\v 1 እስን ኦሮኮ እባዶት ኮ ካካለ ዋ ካአማንሮነ ዎታ ዶጋማ ጎግርተ፥ ሃጃተሳ ቁሎለ ሆረ ፍርዳምን ዶትሳ ግራን ዋ ካአማኖን እባዶ ሆረ ምሲ ፍርዳ ሰጋዪን ጃባታራ? 
\v 2 ቁሎሌል አላም ጉት ካፍርድናራን እስን ላኮካሳንያ? አላም ጉት ካፍርዳታን ጎሌተን ጎርታ አየስ ክጫር ጉት ፍርድን ላኮዳንዳታንያ? 
\v 3 ግር ካኡሌኮት ሃጃ ኢሳጋዴን ሱረ ኖ ኤርግቻል ጉት ካፍርድናኖ ላኮካሳንያ? 
\v 4 ጎርታኑ እስን እስእስ ኦሮ ኢንሰ ጎኢንጋቴን ዋ ካአማናሮ ማባራኮ ሳሬ ካግሮና ካቱፋመሮ እባዶን ሃጃትስን ሙን ሰጋታን? 
\v 5 ሂካና አን ካኮንአመራ እስን ሙሊስንያ። ጎሌና እስን ኦሮ ዋ ካአማናሮ ጃርሳ ሊ ዎጋርሲን ካሻዳራ እባዶ ላኮግሮያ? 
\v 6 አየሱን ጎአመን ዋ ካአማናራ ካአማናሮ ሞትን ምን ካፍርዲ ሴታራ፤ ህክና ዋ ካአማኖን እባዶ ሆረ!
\p
\v 7 ጎርታኑ እስሮ እስ ሞታኖ ኢያኖክስን ቱሳራ፥ ጎሚራንተን ላ ኢዳሮላ? ጎሶብቴን ላ ኢዳሮላ? 
\v 8 እስን አዴን እስኦትስን ሚራኣታን፥ ሶባታን፥ ሀኑኡና ኦአማናራን። 
\v 9 ኦሜላን ዎኖናት ካዋ ኤላናዋት ላኮካሳንያ? ሂካ አዬሲ አሮሶባንቴን፥ ኦላይማራን፥ ቶልቻ ኦሄዶይሳታራን፥ ኦሻርሙጣራን፥ ባባሩማ ኦዋተራን፥ ባባር ባባርነ ዎታ ኦሁዱራራን፥ 
\v 10 ሄቶጆል፥ ማራጋደ ኦጌላታራን፥ ኦሰታራን፥ ኦኢንጋማራና ኦሳማራን ዎኖናት ካዋ ላኮኤላራን። 
\v 11 እስንኮና ኮኮ ሂካማሌ ግቴን፥ ግዳ ጎአመን ጎታ የሱሳ ክርስቶሳኮክ መገይና ሄዶካንኮክ አያናይ ጩቦኮ አልሳንተታን፥ ሙጭአንተታን፥ ቁሎይቴታን።
\s1 ካሻርሙጡማ ጩቦ
\p
\v 12 “ካአመን ዱባን ኢን ፈኢ ስሳንተታ” ሀሌዎ ኳሬ አየስ ዱባና ላኦ ላኮአቦ፥ “አየስ ዱባን ኢን ፈኢ ስሳንተታ” ሀሌዎ ኳሬ ማመሱና ላኮኢምናምናሮ።\x - \xo 6፡12 \xo*\xt 1 ቆሮ. 10፡23።\xt*\x* 
\v 13 አደና “ባቦ ቦጉንያ፥ ቦግና ባቦንያ” ዋ ጎአመን ላማ ዱባና ባሳራ። ማር ጎታዉንያ ኳሬ ሻርሙጣኖን ላኮዮ፥ ጎታና ማሩንያ፥ 
\v 14 ዋ ጎታ ጎይኮ ጎጎኬሰሮይ ኖና አደ ሁናኬሳይ ጎይኮ ኬስናራ። 
\v 15 ማርክስን ካክርስቶሳ ምክታል ካሌሮ ላኮካሳንያ? ሀያ ካክርስቶሳ ምክታል ኣተጉረ ሻርሙጣኖይ ካባሬሮ ምክታልነ ዎታ ኮ የሉ? ሱረ ላኮዶትሳሮ። 
\v 16 ጎርቱን ሻርሙጡማ ካባሬሮነ ዎታ ካላራ እባዶት ኤሰ ዎታ ማር ኮ ላኖ ላኮካሳንያ? “እሶ ላማ ማር ኮ ላራን አማመ ጻፋመራ።”\x - \xo 6፡16 \xo*\xt መጣ 2፡24።\xt*\x* 
\v 17 አየሱን ጎአመን ጎታነ ዎታ ካላራ ኡሱነ ዎታ አያናይ ኮ ላራ።
\p
\v 18 ሻርሙጡማኮ ባቃዬን፥ እባዶ ካፈላራ ጩቦ ዱባ ማርኬሳኮ ሳረያ፥ ሻርሙጡማ ካፈላራ ጎአመን ማርኬሳ ጉት ጩቦ ፈላራ። 
\v 19 ጎሌና ማርክስን እስን ዋኮ ካአታቴታና እስኒ ኦሮ ካግሮ አያና ቁሉክኮክ ምን ካዋ ላኖ ላኮካሳንያ? ሂክ አያናና ዋኮ ካአታቴታንያ፥ እስና ኦዋታን ኳሬ ኦትስን ላኮታን።\x - \xo 6፡19 \xo*\xt 1 ቆሮ. 3፡16፤ 2 ቆሮ. 6፡16።\xt*\x* 
\v 20 እስን ማራጋዴይ ኢምናንቴታን፥ ሃኑን ማርክስን ዋ ካባጃ።
\c 7
\s1 ጋራ ካሃስኖ
\p
\v 1 እስን እን ታጻፍተታንኮት ሃጃዉን እባዶ ሄለልኔ ዎታ ሁዱራናዋተዋ ካእዳንክያ። 
\v 2 አየሱን ጎአመን ሻርሙጡማኮ እስኦራዪን መተመቴ ባባሩን ኦር ሀግርተ፥ ሄሌልትቲዉና መተመቴ ኤንተር ሀግረ። 
\v 3 ኤንተር ኦርቴሳን ካዶትሳሮ ታኦርና ታኤንተሬ ኤሴላ አሮትራኖ፤ ኦርና ኡሱማሌ ኤንተርክሴዉን ታዶትሳቶ ኤሴላ አሮትራኖ። 
\v 4 ማር ካኦሪ ካክሴ ካላል ላኮዮ፥ ካኤንተሬነያ። ኡሱማሌ ማር ካኤንተሬና ካኬሳ ካላል ላኮዮ ካኦርነያ። 
\v 5 ኤቢ አታይን እስአታጉዴን ጎራታ ክጫሩን ጎሌ ኳሬ ኢንሰ ኤሴላ አሮዲዴን፥ እስ አዎዳታናዋትኮ ካከይ ጻላየ ጎጎጫፎንኮ ግዳና ዎታ ላ።
\p
\v 6 ሂካ አን ካኮንአመራ አጃጃ ስሳኖ አንሌኖን ግራን እስኑን ማርካ ስሳኖያ። 
\v 7 እባዶ ዱባ እን ኣን ሌዋ ካእዳንየ፥ አየሱን ጎአመን እባዶ መተመተይ ዋኮ ካአታተሮ ካኬሳ ካሌ እላቦ አባ። ኮዉን ምዲ ኮክ እላቦ ጎግሮ፥ ካካለቱን አደ ምዲ ታካለክ ካስኖ እላቦ አባ።
\p
\v 8 ኦኬሳሞን ግራዉንና ኤንተርክሶ ኦኮንጎየሮ ሄለሉን አን ሃ አማራ፥ ኤንተሪ ሀኬሳሞና ኦር ሀአታኖን እን ኣን ግሬንዋ እሶን ካእዳንያ። 
\v 9 አየሱን ጎአመን እስኦትሶ አዎዳታና ጎዋቴን ሀአታተን፥ ሀልቻይ ጉባታናኮ አታታኖና ኬሳማኖ ካእዳንክያ።
\p
\v 10 ኦአታቴራዉና ኦኬሳሜራዉን አን ሂካ አጃጃ ስሳራ፥ ሂክ አጃጃና ካጎታያ ኳሬ ካኬ ላኮየ፥ ኦር ኤንተርክሴኮ አሮቤኖ። 
\v 11 ኤንተርኮ ጎቤተና አደ ሀኬሳሞን ሀግርተ፥ ጎርቱን ኤንተርክሰነ ዎታ ሀዎጋርተ፥ ኤንተርና ኦርቴሳ ኬልክም አሮቤሶ።\x - \xo 7፡11 \xo*\xt ማቶ. 5፡32፤ 19፡9፤ ማር. 10፡11-12፤ ሉቃ. 16፡18።\xt*\x*
\p
\v 12 ኦካለቱን አደ ሃ አማራ፥ ሂካና አንያ ካአማራ ኳሬ ላኮጎታዮ፥ ዋ ሀአማኖን ታግቶ ኦር ካአባ ዋ ካአማናራ እባዶት ኮ ግረ፥ ኦርቴሳ ኡሱነ ዎታ ግርን ታዶታቶ ጎሌተ፥ ከልክ አም ቤስን ላኮዶትሳሮ። 
\v 13 ዋ ሀአማኖን ካግሮ ኤንተር ታአብታ ዋ ታአማናታ ሄለልትቲ ጎግቴ ኡሱና ኤሰነ ዎታ ግርን ካዶታታሮ ጎሌ ኤንተርክሴ ጋፋር ብን ላኮዶትሳሮ። 
\v 14 ዋ ሀአማኖን ካግራ ኤንተር ዋ ታአማንተቶ ኦርቴሳኮክ ኣላንቲ ኡና ታዋ ላራ፥ ዋ ሀአማኖን ታግታ ኦርና ካአማኔሮ ኤንተርክሴይ ኡና ታዋ ላታ፥ ጎርቱን ይስክሶ ባቶሌ ልናራን፤ ግዳ ጎአመን ኡና ታዋ ሌራን፤ 
\v 15 አየሱን ጎአመን ዋ ሀአማኖን ታግታ ኡና ካለ ብን ጎዶታተ ሀቤቶ፥ ዋ ካአማነራ እባዶት ኮና ሄለልትቲ ቶ ጎርቱን ሂካ ጋራይ ኦሻሜራን ላኮያን፥ ዋ ኖ ኮኮንኡመራ ኖጎዳ ጎጎግርኖንያ። 
\v 16 አት ዋ ታአማንተታ ሄለልትቲ ኤንተርካ ካፋይሳይናቶ ላኖ መ ካሳ? ጎርቱን አት ዋ ካአማንተታ ባባርትት ኦርታ ካፋይሳይናቶ ላኖ ካሶ?
\s1 ዋ ጎጎኡመሮ አታይ ግራኖ
\p
\v 17 ጎርታኑን ጎታ እባዶን ካስሰሮ እላቦና መተመቴ ዋ ጎጎኡመሮ ኤሰ ሀግሮ፤ ካሞጋን ምን ካኤብ ዱባይና አን ካስሰራ ዎጋ ሂካያ። 
\v 18 እባዶት ኮ ሀማጽሳመ ግራን ካኡማመ ጎሌ፥ ሀሃማጽሳሞን ካግሮ እባዶት ኣን አሮቆፒኖ፥ ሀሃማጽሳሞን ግራን ካኡማመ ጎሌ አሮሀማጽሳሞ። 
\v 19 ሀማጽሳማኖና ሌረ ሀማጽሳናዋት ላኦ ላኮአቦ፥ መተክ አየስ አጃጃ ካዋ ኦራታኖያ። 
\v 20 እባዶ መተመተይ ጎጎኡማመሮክ ማለ አታይ ሀግረ። 
\v 21 ዋ ኩ ካኮኡመረ ጎራታ አት ድይተ? ሀሱ አሮያደ፥ ባልቹማታ ሄላታኖ ጎዳንደተ አደ ባልቹማታ አታ። 
\v 22 ኣላንቲና ድይ ሌ ግራን ጎታይ ካኡማመራ ካጎታ ባልቻክ እባዶትያ፥ ኡሱማለና ባልቻክ ሌ ካኡማመራ እባዶት ካክርስቶሳ ድይያ። 
\v 23 ዋ እስን ኤረኬሳክ ኢግ እምናተራ፥ ሃኑን ካእባዶ ድይ አሮሌተን። 
\v 24 ኣላንቲና አቢላልቴ! እባዶ መተመተይ ካኮኡማመሮ ዋኔ ዎታ አታይ ሀግረ።
\s1 ሀኬሳሞን ኦግራና ኤንተር ካኮጎዬሮ ሄለል
\p
\v 25 ሀአታኖንና ሀኬሳሞን ካግሮ እባዶኮክ ጋራ አን ጎታኮ ካአታዬራ አጃጃ ላግሮ፥ ሀሌዎ ኳሬ ካጎታ ሻጋኮ ካከይ ካአብዳመ እባዶ ኣን ማርካቴ ስሳራ።
\p
\v 26 ግዳ ታግቶ ራኮኮ ካከይ ታኮግታን ግቴንዋ ካእዳን ኣን ላራ፥ 
\v 27 ኦር ካአታተቶ ጎሌተ ኬልክምን አሮዶተ፥ ሀአታኖን ካግቶ ጎሌተና ኦር አታይን አሮዶተ። 
\v 28 አት ባባርትትና ኦር ጎአታተ አደ ጩቦ ላኮፈልተቶ፥ ዴሌልትትና ጎኬሳንተ ጩቦ ላኮፈልተቶ፥ አየሱን ጎአመን ካአታተሮና ካኬሳመሮ እባዶን ሂካ አላም ጉት ራኮ ታሞጋን ግያታ፥ አንና ሂክ እስን ጎጎጌኖንኮ ዶታራ።
\p
\v 29 አቢላልቴ! ያዳክ ሃያ፥ ጌስ ካጋባባንያ፥ ጎርታ ኦር ኦአታቴራና ኦር ካላይክ ኣን ሀግሬን። 
\v 30 ኦኦታራና ኦኦኖን አን፥ ኦገገላታራና ኦገገላኖን ኣን ሀሌን፥ ሁ ኦኢምናቴራና ካእምናተራን ሁ ካክሶ ካሌኖን አን ሀቶታቴን። 
\v 31 ሂካ አላም ላኦ ካስሳራ ኮኮ ላኦ ቶና ካስሶን ኣን ሀሌዎ፥ ሂካ አላምኮት ምዲ ታሮርቶታ።
\p
\v 32 አንና እስን ሀያዶን ጎጎግርታኑን ዶታራ፥ ኦር ሀአታኖን ካግራ እባዶ ጎታ ገጌላይስን ማንኮዶታሮ ማራን ካጎታ አየስ ሻዳራ፥ 
\v 33 ኦር ካአታተራ እባዶ ጎአመን ኦርቴሳ ገጌላይስን ሂካ አላምኮክ አየስ ሻዳራ። 
\v 34 ሂካኒ ዎዳናቴሳና ቆፋ ላማ ሌተ ሀኬሳሞን ታግታ ሄለልትቲ ጎርቱን ዴለልትቲ ጋራ ካጎታክ አየስ ሻዳታ። ፈሎኦትሰና ሶይና አያናክሴይ ጎታዉን ቁሎዋኖያ። ታኬሳንተታ ሄለልትቲ አደ ኤንተርክሴ ገጌላይስን ማንኮዶታቶ ማራን ሂካ አላምኮክ አየስ ሻዳታ።
\p
\v 35 አን ሂካ ካኮንአማራ እስኑን ካኤካሮ አየስ ሻዳኖይያ ኳሬ እስን ያድስን ላኮዮ፥ ፈሎኦት ዎዳናትስን ላማ ሀበልኤኖን ጎታይ አታይ ማራጌ ጎጎግርታኑያ።
\p
\v 36 እባዶት ኮ ታኤራተሮ ዴለልትቲ ማራጌይ ጎአባኖን ጌስክሰ ጂናታ ጎሴተ፥ አታይን ጎዶታተ ታጌላተ ሀየለ፥ ጩቦ ላኮአቦ ሀአታተ። 
\v 37 አየሱን ጎአመን ህታ ሃጃይ ዎዳናቴሳ አዳቦይሳይረ ሀሻላጋሞን እስ አዎዳይረ ዴለልትቲ አታታኖኮ እስኦቴሳ ካሙርቴሳተራ እባዶት ታኢዳን ፈለራ። 
\v 38 ሃኑን ዴለልትቲ ካአታተራ ታኢዳን ፈለራ፥ ሀአታኖን ካግራና ታሮርተ ታኢዳን ፈለራ።
\p
\v 39 ሄለልትቲ ቶ ኤንተርክሰ ኔፎነ ግራን ኡሱነ ዎታ ታሻንተታ፥ ኤንተርክሰ ጎጎየ አደ ካጌላተ እባዶትን ኬሳሚን ባልቹማ አብታ፥ እባዶት ጎአመን ጎታይ ካአማኔሮ ላኖ ዶትሳራ። 
\v 40 ቆፋተይ ጎሌ አደ ሀኬሳሞን ሂካማሌ ግቴና ሮር ካገገላተ ልናተ፥ አንና አደ አያና ካዋ እን ጉት ካግሮ ኣን ላራ።
\c 8
\s1 ቶልቻን ኦኤናኣመራን ሶኮክ ጋራ
\p
\v 1 ቶልቻን ኦኤናኣመራን ሶኮክ ጋራ አን ሃ አማራ፥ “ኖ ዱባና ማላባኖ” ማላባኖ ኮራሜሳ የላራ፥ ጌላንጀ አደ ቁሎይሳታ። 
\v 2 አን ካሶዋ ካአማራ እባዶ ማላቢን ካዶትሳሮ ግታክ ጋና ላኮማላበሮ። 
\v 3 ዋ ካጌላታራ እባዶ አደ ዋይ ዶሌ ካአዴሳመያ።
\p
\v 4 ጎርታኑን ቶልቻን ኦኤናኣመራን ሶ አማኖኮክ ጋራ አን ሃ አማራ፤ ሂካ አላም ቶልቻ ካማድኖን ላኖና ዋ ኮ ኳሬ ካካለ ሄዶ ግርዋት ካንሶዋ። 
\v 5 ማጎሬና ካሞጋን ሄዶል ሀሌኖን ግራን ዋልና ካሞጋን ጎታጆል ሀሌኖን ግራን፥ ጎታጆል አማሜን ኦኡማማራን ግራን፤ ዳሩርና ኡሊና ሀሱስ ኣንክክ ሄዶል ጎግረና፥ 
\v 6 ኖን አደ ካመን ዱባ ኡሱኮ ኦኮንሌራ፥ ኖና ኦቴሳ ኦሌነና ዋ ኦዶ ኮ አብና፤ አደና ካመን ዱባ ጋራኬሳነ ካኮሌራ፥ ኖና ጋራኬሳነ ኦሌነና ጎታ ኮ የሱሳ ክርስቶሳ አብና።
\p
\v 7 አየሱን ጎአመን ሂካ እባዶ ዱባ ላኮካሶ፤ እባዶ ኮኮ ህታር ጊን ቶልቻ ሄዶይሳታ ማንኮግሮ ማራን ሂካማሌኒዕ ሶ ጎአምራን ኦግራን ቶልቻን ኦኤናኣመራን ኣን ቆፓራን፥ ሳሙትሶና ላፋ ማንኮሌተቶ ማራን ባቶዋራን። 
\v 8 አየሱን ጎአመን ባቦ ዋ ቶስ ኖ ላኮጋባላሮ፥ ጎኣማናዋኔና ካሀንቃታራ አየስ ኮና ላግሮ፥ ጎአምነና ዎረኤ ካሄላታና አየስ ኮና ላግሮ።
\p
\v 9 አየሱን ጎአመን ባልቹማትስንኮ ካከይ እስን ካፈላታን አማኖ አታኖን ኦግራዉን ሀንዱዱፎ ጎጎሌኖንኮ እስኦትስን ኦራዬን። 
\v 10 አት ሂካ ኣንክክ ማላባኖ አባ ግራን፥ ላፋት ሳሙ ካአባተራ እባዶት ምን ካቶልቻይ አማ ግራን ኩ ጎዴ ቶልቻን ኦኤናኣመራን ሶ ጎጎአምሮ ሳሙቴሳ ኡሱ ላኮከኬሳቶያ? 
\v 11 ሃኑን ክርስቶሳ ካኮንጎየራ ሂካ አማኖ ካላፈሮ ዋ ካአማኔሮ አቢካ ማላባኖካኮት ኣላንቲ ባየራ አማኖያ። 
\v 12 ሂካ ራድ አቢላልትስን ሚራኣና ላፋት ሳሙትሶ ሜጋይሳ ክርስቶሳ ጉት ጩቦ ፈላታን። 
\v 13 ሃኑን አን ኦኣማራ ሶ አቢኬ ኦሀንዱዱፍሳራን ጎሌን አቢኬ ሀንዱዱፍሳናኮ አመረ ዱዶ ሶ ላኮአምናሮ።
\c 9
\s1 ኦፋራሜራንኮት ፈኢና ፈልን ካዶትሳሮ
\p
\v 1 አን ባልቻክ እባዶት ላኮዮያ? አደ ካፋራመሮ ላኮዮያ? ጎታካን የሱሳ አን ላኮዴሮያ? እስን አዴን ጎታይ ፈሎኦተኮኒዕ ኢል ላኮታንያ? 
\v 2 ካካለቱን ካፋራመሮ ጎላናዋየና ዱዶ እስኑን አደ ኦግራን ካፋራመሮያ፥ ኣላንቲና ጎታኮ ፋራማኖኬዉን ማታማ እስንታን።
\p
\v 3 አት ካፋራንተቶ ላኮቶ አመን እን ኦቆቆራራዉን አን ካስሳራ አባብ ሂካያ፤ 
\v 4 ኖ አማኖኮትና ጣማኖኮት ፈኢ ላኮአብኖያ? 
\v 5 ኦካለ ኦፋራመራን ኣን፥ ታጎታ አቢላል ኣንና፥ ከፋ ኣን፥ ዱባ ታአማናቶ ኦር አባይ ሰሴይን ፈኢ ላኮአብኖያ? 
\v 6 ሙ ዳፉር ፎጎሎይ ፈላይ ግርን ኦኮንዶትሳራ አንና ባርናባስ ኦላልና? 
\v 7 ጎሌና ማራጋደ ካከሳይዋ ዎታዳራ ሌ ካሃንዳራ አዮያ? ካዎይኒ ጋ አባራተጉረ ታዱባንተቶ ኢል ካአሞን አዮያ? ግድኬሳ ፎፋታ ግራን ግድኮ ኤኖ ካጣሞን አዮያ?
\p
\v 8 ሂካ አን ካኮንአዬሰራ ቆፋ ታእባዶ ማሌያ? ሴራ ካሙሴ ሂካ ላ አማ ግሮላ? 
\v 9 ሴራ ካሙሴይ፥ “እራ ካኦታሮ ኣር ፉና አሮሺቴን” አማመ ጻፋመራ። ሀያ ዋ ታአዬስሰታ ታአራሬ ሃጃታ?\x - \xo 9፡9 \xo*\xt አዳ. 25፡4፤ 1 ጢሞ. 5፡18።\xt*\x* 
\v 10 ዋ ሂካ ካኮንአዬሰራ ኦግራን ጋራ ካካን ላኮዮያ? ካኮንጻፋመራና ኦግራን ኖ ማራንያ። እራ ኦታተ ካባራረና ካኦታራ አርና ካኦታተሮ ዉጣኮ ሄዴዶ ካአቦ ላኖ አብድ የላታራ። 
\v 11 ኖ እስን ኦሮ ካአያና ዉጣ ካዉጣኖን ጎሌ፥ ሶዉን ካሌሮ ኮኮ ጎአታነ ካአቲ አዬስያ?\x - \xo 9፡11 \xo*\xt ሮመ 15፡27።\xt*\x* 
\v 12 ኦካለ ህታ ፈኢ እስንኮ ሄላታኖ ጎዳንዴን፥ ኖ ሮርሳይ ሄላይን ላኮዳንዳኖያ? ኖ ጎአመን ህታ ፈኢ ላኦ ላኮሀይሳነኖ። ሀሱኮና ካክርስቶሳ ዎንጋላን ሀንዱዱፎ ጎጎሌኖንኮ ካመን ዱባና ኦብሳና። 
\v 13 ቁሉክ ምን ካዋይ ኦሀንዳራን ባቦክሶ ቁሉክ ምን ካዋኮ ኦሄላታራን፥ ባንኤ ታፋላ ጉት ኦሀንዳራን ጃርሶኮ ሄዴዳመን ካአማራን ላኮካሳንያ?\x - \xo 9፡13 \xo*\xt አዳ. 18፡1።\xt*\x* 
\v 14 ሂካማሌና ዎንጋላ ኦላላባራን ግርክሶዉን ካዶትሳሮ ዎንጋላኮ ጎጎአታናዉን ጎታ አጃጄራ።\x - \xo 9፡14 \xo*\xt ማቶ. 10፡10፤ ሉቃ. 10፡7።\xt*\x*
\p
\v 15 አን ጎአመን ህታ ፈኢኮ ቶይና ሱረ ላኦ ላኮአታየሮ፤ ግዳና ሂካ ካኮንጻፈራ ሂካ ኣንክክ አየስ ፈልታንዋ ታአምሮ አብዲ ላኮዮ፥ ማዮና ዳታኖክኬ ላኦ ካላይክ ካየላሮኮ ኢን ጎይ ሆረክ። 
\v 16 ዎንጋላ ላላባኖክ ላኮጣድሳሮ፥ ካኮንላላባራ ካሄሶን ማንኮሌዉንያ። ዎንጋላ ጎላላባናዋየ ኣኔ ኢን! 
\v 17 ፈኢቴኮ ኪጉረ ዎንጋላ ጎላላበ ዳሞዛ አባ፥ ፈኢቴኮ ጎሌኖን አደ ኦፈላራ ፈሎ ታስሳንተቶ ሀዳራ ጉድሳኖ ካላል ላራ። 
\v 18 ሀያ ዳሞዛክ መያ? ዳሞዛ አደ ዎንጋላ ጎላላብሮ ፈኢቴኮት ላኦ ሀአታኖን ዎንጋላ ዳሞዛ ካላይ ላላባኖያ።
\p
\v 19 አን ባልቻክ እባዶትያ፥ ማዮና ድይ ላኮዮ፥ አየሱን ጎአመን ካሞጋን ዋ ቶስ አባብን እስኦተ እባዶ ዱባን ድይ ሌራ። 
\v 20 አይሁድ አባብን አመረ አይሁድነ ዎታ ካአይሁድ እባዶ ኣን ሌ። አን መተኬዉን ሴራኮ ሄገሌ ሀሌኖን ሴራኮ ሄገሌ ኦግራን አባብን አመረ ሴራኮ ሄገሌ ካግሮ ኣን ሌ። 
\v 21 አን መተኬዉን ሴራ ካዋኮ ባልቹማ ካሌኖና ሴራ ካክርስቶሳይ ካኢምናማሮ ጎሌና ሴራ ካላይክ እባዶ አባብን ሴራ ካላይክ እባዶት ኣን ሌ። 
\v 22 ላፋኒዕ ፋይስን አመረ ላፋኒዕነ ዎታ ላፋክ አን ሌ፤ ኢን ካዳንዳመ ግታክ ጅልባ ኮኮ ፋይስን አመረ ዱባነ ዎታ አየስ ዱባ ፈለራ።
\p
\v 23 ሂካ ዱባ ካኮንፈላራ ዎንጋላኮ ሶማ አታይን አመረ ዎንጋላ ማራንያ። 
\v 24 ትያኖኮክ ለላማኖይ ካትያራ ካሞጋን ጎሌሮ እላቦ ካአታታራ አደ ኮ ካላል ላኖ ላኮካሳንያ? ሃኑን እላቦ ካአታይናሮ እባዶት ኣን ትያ። 
\v 25 ለላሚን እስ ካኤካሳታራ እባዶት አየስ ዱባ እስኦቴሳ ኤካሳታራ፥ እሶ ሂካማሌ ካኮሀራናን ካሮራሮንና ካባሮ ካላቻ ሄላይን ሀራራን፥ ኖ ጎአመን ጅሩ ጅሮማክ ካባኖን ካላቻ ሄላይን ሀራና። 
\v 26 ሃኑን አን ላኦ ካላይክ እባዶት ኣን አዳ. ላኮቲናሮ፥ አደና አምባል ቶንቶሞ ካባሳሮ እባዶ ኣን አዳ. ላኮሞአባይናሮ። 
\v 27 አየሱን ጎአመን ካካለዉን ላላብ አባባይረ አን መተከዉን ካኢየ ሊ ጎጎሄሶንኮ እስኦቴ ሀድሳታራ።
\c 10
\s1 እስራኤል ታጌተታ ራኮ ኖ ጎጎጌኖንኮ እስኦራና
\p
\v 1 አቢላልቴ! ኦዶላልታን ዱባ ዱማንቻኮ ሄገሌ ግራኖና በከ ኦሮማሬን ካናቀራን ጎጎአዴሳኑን ዶታራ።\x - \xo 10፡1 \xo*\xt ብያ. 13፡21-22፤ 14፡22-29።\xt*\x* 
\v 2 እሶ ዱባ ሙሴነ ዎታ ሌንጉረን ዱማንቻይና በከይ ጣማቃመን። 
\v 3 ዱባና ካአያና ባቦ ኮ አመን፥\x - \xo 10፡3 \xo*\xt ብያ. 16፡35።\xt*\x* 
\v 4 ዱባና ካአያና ጣሞ ኮ ጣሜን። እሶ ዴበ ሰሴታ ካኮግረ ካአያና ኤኤሞኮ ጣሜራን፥ ሀሱ ኤኤሞና ክርስቶሳየ።\x - \xo 10፡4 \xo*\xt ብያ. 17፡6፤ ቶቶ 25፡1-18።\xt*\x* 
\v 5 ሀሌዎ ኳሬ ዋ ካሞጋኒ ማንኮገጌላታናዋተ ማራን ቃሉላቶክ ኡሊ እዬን ሄሴን።\x - \xo 10፡5 \xo*\xt ቶቶ 14፡29-30።\xt*\x*
\p
\v 6 እሶ ካሜላን ጎጎሀልቼረን ኖና አድ ጎጎሀልችኖንኮ ሂክ አየስ ኖን ማሱሳ ሌራ።\x - \xo 10፡6 \xo*\xt ቶቶ 11፡4።\xt*\x* 
\v 7 “ጎሳና አምና ጣምን ሀማጼ፤ ዱዱሪና ኬ” አማመ ጎጎጻፋመሮይ፥ እሶኮ ኮኮ ጎጎየለራን ቶልቻ ጎጎሄዶይሳታራን እስና አሮሄዶይሳቴን።\x - \xo 10፡7 \xo*\xt ብያ. 32፡6።\xt*\x* 
\v 8 እሶኮ ኮኮ ሻርሙጠንጉረን አሪ ቶይ ኩማ ላማታንኮ ሴዶ እባዶ ጎጎ ጎየሮይ ኖና ላኮሻርሙጢኖ።\x - \xo 10፡8 \xo*\xt ቶቶ 25፡1-18።\xt*\x* 
\v 9 እሶኮ ኮኮ ጎታ ጎጎጫፈራንና ሀበሳይ ኢዳሜን ጎጎባየራንክ ማለ ኖና ጎታ ላኮጫፍኖ።\f + \fr 10፡9 \fr*\fqa ጎታ፦ \fqa*\ft ኮኮ ካሆርኮ ማጻፋጆል “ክርስቶሳ” አማራ። \ft*\f*\x - \xo 10፡9 \xo*\xt ቶቶ 21፡5-6።\xt*\x* 
\v 10 እሶኮ ኮኮ ጉምጉመጉረ ካባሳሮ ኤርግቻይ ጎጎባየራን አን እስና አሮጉንጉምተን።\x - \xo 10፡10 \xo*\xt ቶቶ 16፡41-49።\xt*\x*
\p
\v 11 ሂክ ዱባ ማሱሳ ጎጎሌሮ እሶ ጉት ጌ፥ ጌስጆልኮክ ጉዳታኖይ ካጌሮ ኖ ሀድስን ጻፋመ።
\p
\v 12 ሃኑን አታየ አሌራ ካአማራ ጎግረ ጎጎኢኖንኮ እስኦቴሳ ሀኦራተ። 
\v 13 እባዶ ዱባ ጉት ታገያቶኮ ታካለ ጫፍት እስን ላኮጌተቶ፥ ዋ ካአብዳመያ፥ ሃኑን እስን ካዳንዳታንኮ ካሮረ ጎጎጫፋንታኑን ኡሱ እስን ላኮእስሮ፥ አየሱን ጎአመን ካኮጫፋማታን ጎራታ ካኮኦብስታን ሁና ስስረ ጫፍትኮ ካኮቤታን ራ ኡሱ እስኑን ኤካስሮዋ።
\s1 ቶልቻነ ዎታ አሮሌተን
\p
\v 14 ሃኑን አን ኦጌላታሮኦቴ! ቶልቻ ሄዶይሳታናኮ ባቃዬን። 
\v 15 አን ሂካ ካኮንአዬሰራ ካሻዳሮ እባዶንያ። ሂካ አን ካአዬሰሮ አዬስኮክ ጋራ እስንዋ እሲ ፍርዳ። 
\v 16 ኖ ካኮሶማሳምናና ታሶማ ጡጋ ካክርስቶሳ ኢግኔ ዎታ ራቶናት ካአቦ ላኮዮያ? ኖ ካአማና ባቦ ካዋ ሶ ኦክርስቶሳነ ዎታ ኤሴላ ካአቦ ላኮዮያ?\x - \xo 10፡16 \xo*\xt ማቶ. 26፡26-28፤ ማር. 14፡22-24፤ ሉቃ. 22፡19-20።\xt*\x* 
\v 17 ባቦ ካዋ ኮ ጎጎሌሮክ ማለ ኖና ኦሞጋን ሌነ ግራን ማር ኮና፥ ኖ ዱባ ባቦ ኮ ሄዴዳምናና።
\p
\v 18 አላ ካእስራኤል ጎሳ ቆፓ፥ ካስሳማሮ ጃርሶ ኦአማራን ባንኤ ታፋላነ ዎታ ራቶ ኮ ላኮያንያ?\x - \xo 10፡18 \xo*\xt ዎዩ. 7፡6።\xt*\x* 
\v 19 ሀያ ቶልቻን ካኤናኣመሮ ኮኮና ሌረ ቶልቻ መተኬሳዉን ላኦ ካአቦያ አማኖያ? 
\v 20 ላኮዮ! አይዛብ ካኮፋላታራ ዋዉን ሀሌኖን ዱርሳዉንያ፥ ዱርሳነ ዎታ ኮ ጎጎሌታዉን አን ላኮዶታሮ።\x - \xo 10፡20 \xo*\xt አዳ. 32፡17።\xt*\x* 
\v 21 ታጎታ ጡጋና ታዱርሳል ጡጋና ራቶ ጣምን ላኮዳንዳታን፤ ታጎታ ዱጉድኮ ባቦ አምጉደን ታዱርሳ ዱጉድኮ ኣምን ላኮዳንዳታን። 
\v 22 ኖ ሂካ ፈላኖይ ጎታ ሀልችንሶ? አታንካን ጎታኮ ሮራና?\x - \xo 10፡22 \xo*\xt አዳ. 32፡21።\xt*\x*
\s1 ዋ ኦአማናራንኮት ባልቹማ
\p
\v 23 “ካመን ዱባን ፈኢ ስሳንተታ” አየሱን ጎአመን ካመን ዱባ ላኦ ላኮአቦ፥ “ካመን ዱባን ፈኢ ስሳንተታ” አየሱን ጎአመን ካመን ዱባ ላኮቢሳሮ።\x - \xo 10፡23 \xo*\xt 1 ቆሮ. 6፡12።\xt*\x* 
\v 24 እባዶ መተመተይ ኦላቴሳት ላኦ ኳሬ ላኦቴሳ ታላል አሮዶታኖ።
\p
\v 25 ሳሙትስን አሄዳኖኒ ግያይ ኦዳዳላማራን ሶ ዱባ አማ፤ 
\v 26 “ኡልና ኡሊ ጉት ካአማጋመራ ዱባ ካጎታያ።”\x - \xo 10፡26 \xo*\xt ማዛ. 24፡1።\xt*\x*
\p
\v 27 ዋ ካአማኖን እባዶት ኮ ኩ ማርትና አምስን ጎኡማተ አሞን ሆረ ካሮረሮ ባቦ ዱባ ሳሙትስኒ አሄዳኖን አማ። 
\v 28 አየሱን ጎአመን እባዶት ኮ “ሂኒዕ ሶ ቶልቻን ኦኤናኣመራንያን” አም ጎሰጌ፥ ሂካ ካሰገሮ እባዶት ማራና ሳሙትስኑን አምጉዴን አሮኣንቴን። 
\v 29 ሂካ ካኮንአማራ ሂካ እባዶትኮት ሳሙ ማራን ኳሬ ሳሙታ ማራን ላኮዮ፥ ባልቹማት ካካለኮት ሳሙይ ሙን ሄሬጋማታ? 
\v 30 አን ዋ ጋላቴረ ባቦ ካአማሮ ጎሌ፥ ዋ ካኮሶማሳየሮ አየሱን ሙን ሀባራማራ?
\p
\v 31 ጎርታኑ አማና ሌረ ጣማ ጎርቱን ማምስክ አየስ ፈላ ግራን ካመን ዱባ ካባጃ ታዋዉን ፈላ። 
\v 32 አይሁድና ሌረ አይዛብን ጎርቱን ምን ካዋዉን ሀንዱዱፎ አሮሌተን። 
\v 33 አን እባዶ ዱባ ማምስክ አየስ ገገላይስና ጎጎእጻማሮይ እስና ሂካማሌ የላ፥ ካሞጋና ጎጎፋይሮ ኳሬ ኢን ላኦ ካስስሮ አሌኖን ግራን እሶን ላኦ ካስስሮ ዶታራ።
\c 11
\p
\v 1 አን ክርስቶሳ ኣን ጎጎላሮ እስና እን ኣን ላ።\x - \xo 11፡1 \xo*\xt 1 ቆሮ. 4፡16፤ ፍል. 3፡17።\xt*\x*
\s1 ዋ ሄዶይሳታኖኮክ ዎጋ
\p
\v 2 አርጌቶ እን ማንኮሻዳታን ማራና እንኮ ካአታቴታን ዎጋ አታይሳቴን ማንኮአባቴታን ማራን አን እስን ጋላታራ። 
\v 3 አየሱን ጎአመን ሂካ ጎጎአዴሳኑን ዶታራ፥ ባባር ዱባዉን መተ ክርስቶሳያ፥ ሄሌሉና መተ ባባርያ፥ ክርስቶሳዉና መተ ዋያ። 
\v 4 እስኦቴሳ ሆጎጋተረ ካኤባታራ ጎርቱን ሄገሮ ካአዬሳራ ማምስክ ባባርትት እስኦቴሳ የራሳታራ። 
\v 5 እስኦትሴ ሀሆጎጋኖን ታኤባታ ጎርቱን ሄገሮ ታአዬሳታ ማምስት ሄለልትቲና መተክሴ የራሳታ፤ መተክሴ ካሆላተቶ ኣን ቶታማታ። 
\v 6 ሄለልትቲ መተክሴ ታጎልሳኖን ጎሌተ፥ መተክሴ ሀጎሳተ፥ መተክሴ ጎሳታኖ ጎርቱን ሆላታኖ ካሙልሳሮ ኣን ሊ ኤሰን ጎሙተ አድ እስኦትሴ ሀጎልሳተ። 
\v 7 ባባርትት ምዲ ታዋና ካባጃ ታዋ ካኮንሙታቶ ማንኮሌተ ማራን እስኦቴሳ ሆጎግሳዪን ላኮዶትሳሮ፥ ሄለልትቲ ጎአመን ታባባርትቲ ካባጃታ። 
\v 8 ኣላንቲና ሄለልትቲ ባባርትትኮ ሄላንተታ ኳሬ ባባርትት ሄለልትቲኮ ላኮሄላመሮ። 
\v 9 አደና ሄለልትቲ ባባርትትዉን መጣንተታ ኳሬ ባባርትት ሄሌልትቲን ላኮመጣመሮ። 
\v 10 ህታ ኣላንቲና ኤርግቻኮት ኣላንቲ፥ ሄለልትቲ ኦዶናትኮ ሄገሌ ግራኖ ካቱስሮ ማላታ ካሌሮ ሆጎግ መተክሴ ጉት ሀካተ። 
\v 11 ጎታ ዶሌ ካአብኖ ግርዉን ሄለልትቲ ባባርትት ካሊ ላኮግራቶ፤ ባባርትትና ሄለልትቲ ካሊ ላኮግራሮ። 
\v 12 ሄለልትቲ ባባርትትኮ ጎጎሄላንተቶ፥ ባባርትትና ሄለልትቲኮ ኡሙላማራ፤ አየሱን ጎአመን ዱባዉን ሄላማኖ ዋያ።
\p
\v 13 አላ እስንዋ ፍርዳ፥ ሄለልትቲ እስኦትሴ ሀጎልሳኖን ዋ ቶስ ኤባታኖ ዶትሳራ? 
\v 14 ባባርትት መተኬሳ ጎኤራሳተ ህሎ ካላሮ መጣ ጡማ ላኮአጋልስሳቶያ? 
\v 15 ሄለልትቲ መተክሴ ጎኤራሳተ ላ ካባጃትሴቶላ? መተ ካኤር ካኮንስሳመራ ካባጃትሴዉን ሆጎግ ጎጎሌሮንያ። 
\v 16 ጎርታ ማዮና ህታ ሃጃ ጉት ዶጋምን ጎዶታተ፥ ኖና ሌነኔ ካሞጋን ምን ካዋ ሂካኮ ካለክ ዎጋ ላኮአብኖ።
\s1 ባቦ ካዋኮክ ጋራ
\r (ማቶ. 26፡26-29፤ ማር. 14፡22-25፤ ሉቃ. 22፡14-20)
\p
\v 17 አየሱን ጎአመን ካኮኩኩንታን ጎራታ ካፈላታን ሜላነ ኳሬ ካእዳንክ አየስ ማንኮላናዋተ ማራን ሂካ ግዳ አን እስኑን ካስስናሮ አጃጃዉን አን እስን ላኮሶማሳይናሮ። 
\v 18 ዱባንኮ ጣየ ምን ካዋይ ካኮኩኩንታን ጎራታ እስን ኦሮ ካለካለ ብያኖ ካግሮ ማለራ፤ ሂክ አን ካማለሮኮ ጋምሳ ሩም ላኖ አማናራ። [
\v 19 እስን ኦሮኮ ካሩም ካለ ብረ ጎጎአዴሳምሮ፥ ሂክ ካለካለ ብ ግራኖ እስን ኦሮ ካሄሶንያ።] 
\v 20 ራቶ ካኮኩኩንታን ጎራታ እስን ካአማታን ባቦ ካዋ ላኮዮ። 
\v 21 አማ ግራን ኮ ካካለ ሀኦሮን ካከሳካኬሳ አማራ፤ ሂካኮክ ጋራይ ኮ ጎኡኢሮ ካካለ አደ ባራሪ ሰታራ። 
\v 22 አፎ ካኮአንታና ካኮጣንታን ምን ላኮአብታን? ሙ ምን ካዋ ቱፋታን? ሙ ኮና ካልክ ራካታ ሙልሳታን? ጎርታ አን እስኔ መ አምራ? ሂካ አየሱን እስን ሶማሳዉ? ዱዶ ላኮሶማሳይናሮ!
\p
\v 23 አን ጎታኮ ካአታዬራ እስኑን ሮርሰ ካስሰራ ዎጋ ሂካያ፥ ጎታ የሱሳ ሮር ታኮስሳምናሮ ሄመኒ፥ ባቦ ኬሰጉረ፥ 
\v 24 ሶማሳተረ ኤካኤብሰረ፥ “ሂኒዕ እስን ማራን ኦልናራን ሶኦቴያን፤ እን ካኮሻዳን የላየነ” አመ። 
\v 25 ኡሱማለና ክታኮ አባባተረ ጡጋ ኬሰጉረ፥ “ህት ጡጋ ኢግኬይ ኦሌራን አማቶ ኦኡሱብያን፤ ሃንሱን ጡጋኮ ካኮጣንቴን ጎራታ ሂካ እን ካኮሻዳን የላዬነ” አመ።
\p
\v 26 ሂካ ባቦ ካዋ ካኮአንቴን ጎራታና፥ ህታ ጡጋኮ ካኮጣንቴን ጎራታ ጎታ ታ ኤሜሮ ጊን ጎይኬሳ አዬስናታን። 
\v 27 ጎርታ ማዮና ካዶትሶን ራድ፥ ሂካ ካጎታ ባቦ ጎኣመ ጎርቱን ጡጋኮ ጎጣመ፥ ሶ ኦጎታዉና ኢግ ካጎታዉን አንዛ አባ። 
\v 28 እባዶ ማዮና ሂካ ባቦ አማናኮና ህታ ጡጋ ጣማናኮ ሆረነ፥ እስኦቴሳ ሀቆቆራተ። 
\v 29 ኣላንቲና ማዮና ኦጎታ ሶ መያን አአዴሶኒ ጎኣመና ጡጋኮ ጎጣመ ፍድ መተኬሳዉን ካኬንስሳሮ አማራ፤ ጣማራ። 
\v 30 እስን ኦሮኮ ኦሞጋን ካኮንሀረናን፥ ካኮንሀዉአመራና ካኮንጎየራን ህታ ኣላንቲያ። 
\v 31 እስኦታን ደያነዋ አድ ላኮፍርዳማነ። 
\v 32 አየሱን ጎአመን ጎታ ኖ ጉት ካኮፍርድሮ ጎራታ ሙርሳምናና፤ ህክና አላም ዎታ ራቶ ጎጎባኖንኮያ።
\p
\v 33 ሃንሱን አቢላልቴ፥ ካጎታ ባቦ ኣምን ካኮኩኩንታን ጎራታ ዱባ ታኤሜሮ ኦራዬን። 
\v 34 ካኮኩኩንታን ጎራታ ፍርዳ እስኑን ጎጎሌኖንኮ ማዮና ካኡኤራ ጎግረ ምንኬሳይ ሀኣሞ። ካሄሰሮ አየስ አድ አን ካኮኤሜየ ጎራታ አዴስስናራ።
\c 12
\s1 ካአያና እላቦል
\p
\v 1 አቢላልቴ፥ ግዳ አዴነ ጋራ ካአያናኮክ እላቦል ጎጎአዴሳኑን ዶታራ። 
\v 2 አማኖ ካልኒዕ ሌተን ታኮግቴን ሀሴራና ህታራና ዎዳማ ህኢ ካዱደ ካአዬሶን ቶልቻል አን ጎጎአታንቴታን ካሶዋ። 
\v 3 ሃንሱን ማዮና አያና ካዋይ ካአዬሳራ፥ “የሱሳ ካቃንጋመያ” ካአማራ ላኮግሮ፤ ኡሱማለና አያና ቁሉክ ጎሌኖን ማዮና “የሱሳ ጎታያ” ካአማራ ግራናዋት አን ሰጋራ።
\p
\v 4 እላቦል ካለካለክ ጎሌሮ፥ አያና ጎአመን ኮያ፥ 
\v 5 ሀንዳኖና ካለካለክ ካሌሮ ጎታ ጎአመን ኮያ፤ 
\v 6 ፈሎና ካለካለኒዕ ጎሌን፥ ዱባና ዱባይ ካፈላራ አደ ኡሱ ኮ ዋያ። 
\v 7 አየሱን ጎአመን አያና ቁሉክኮት ሙተን መተመቴ ካኮንስሳማራ ራቶት ላኦንያ። 
\v 8 አያና ቁሉክ ኮዉን ቃሩማ አዬሳኖ ስሳራ፤ ካካለቱን ሀሱ አያና ማላብ አዬሳኖ ስሳራ። 
\v 9 ኮዉን ሀሱ አያናዋ አማኖ ስስናራ፥ ካካለዉን አደ ኤሰነዋ ካፋይሳሮ አያናኮክ እላቦጆል ስስናራ። 
\v 10 ኮዉን ባሳ ፈላኖ፥ ካካለቱን ሄገሮ አዬሳኖ፥ ካካለቱን አደ አያናጆል አሳባኖ፥ ኮዉን ካለካለት ታኡሱብት ሄኢ አዬሳኖ፥ ካካለቱን አደ ካለካለት ታኡሱብት ሄኢ ካአዬሳመሮ ፉራኖኮክ እላቦ ስሳራ። 
\v 11 ሂኒዕ ዱባ ሀሱ አያና ኮ ኮኒዕ እላቦጆል ጎሌራን፥ መተመቴ እባዶን ኡሱ እሲ ጎጎፈኤ ስሳራ።
\s1 ማር ኮይ ምክታ ካሞጋን
\p
\v 12 ማሪ ምክታ ካሞጋን ጎግረና ማር ኮያ፤ አየሱን ጎአመን ምክታጆል ካሞጋን ጎሌና ማር ኮያ። ክርስቶሳና ኡሱማሌዋያ። 
\v 13 አይሁድ ጎርቱን ካግርክ እባዶ ጎሌነ፥ ድይ ጎርቱን ባልቻክ እባዶ ጎሌነ፥ ኖ ዱባ ማር ኮ ጎጎሌኖ አያና ኮይ ጣማቃምነና፥ ኖ ዱባና አያና ኮኮ ጎጎጣምኖ ስሳመራ።
\p
\v 14 ማር ኮ ካኮመጣመራ ምክታ ካሞጋንኮ ኳሬ ምክታ ኮኮ ላኮዮ። 
\v 15 ሉክ “አን ገነ ማንኮሌኖን ማራን ካማሬ ምክታ ላኮዮ” አየሱን ጎአመን ሂካ አማኖይ ካማሬ ምክታ ላኖ ሄሳራ? 
\v 16 ነበና፥ “አን ኢል ማንኮሌኖ ማራን ካማሬ ምክታ ላኮዮ” ጎአንተ ሃ አማኖይ ካማሬ ምክታ ላኖ ሄሳራ? 
\v 17 ማር ዱባ ኢል ሊ ግረዋ፥ ማላኖ ሀየኮ ሄላምናረ? ማር ዱባ ነበ ሊ ግረዋ፥ ኡርሳታኖ ሀየኮ ሄላምናረ? 
\v 18 አየሱን ጎአመን ዋ ጎጎጌላታሮ መተመተይ ባንኤ ዱባ ካየራ። 
\v 19 ምክታ ዱባና ኮ ሊ ግረዋ ማር ሀየኮ ሄላምናረ? 
\v 20 ጎርታ ምክታል ካሞጋንያ፥ ማር ጎአመን ኮያ።
\p
\v 21 እል ገነኔ፥ “አት እን ላኮዶትሳቶ” አሚና ላኮዳንዳቶ፥ መተና ሉክነ፥ “አት ኢን ላኮዶትሳቶ” አምን ላኮዳንዳሮ። 
\v 22 ዱዶዋ ላፋክ ኣን ካላራ ካሞጋን ካማሬ ምክታጆል ኣሎ ኦዶትሳራንያን። 
\v 23 ካቱፋመ ኣን ካላሮ ምክታሉን ኣሎ ካባጃ ስሳና፥ አንደና ኦኮንሙላኖ ምክታል ኣሎ ኮኮባታና፤ 
\v 24 ካኮንሙሊኖን ምክታልካን አደ ሂክ ላኮዶትሳሮ። ዋ ጎአመን ካማሬ ምክታል ራቶ ኢንሰ ኤሰልሰ ካባጃ ኦኮንሀንቃተቶ ታሮርተ ካባጃ ስሰራ። 
\v 25 ሂካና ካኮንየለራ ካማሬ ምክታል ኦሮኮ ካለካለ ላኖ አግኖን፥ እስእስ ኦሮ ኮኮዉን ጎጎሻድናዉንያ። 
\v 26 ምክታ ኮ ጎአቦሳምሮ ምክታጆል ዱባ ራቶ አቦሳማራ፥ ምክታ ኮ ጎካባጃምሮ ካካለ ምክታልና ራቶ ገጌላታራ።
\p
\v 27 ጎርታ እስና ካክርስቶሳ ማርታን፥ መተመተክስኒ ማርኬሳክ ምክታልታን። 
\v 28 ሃንሱን ዋ መተመቴ እባዶን ምን ካኤብ ኦሮ ካለካለክ ሀንዳ ጎጎግሮ የለራ፥ ሂካ ጋራይ ሆራርጀ ኦፋራመራን፥ ካላም ኦሄገሮል፥ ካሴድ ኦአጋልስሳራን ሹመራ። ደቤና ባሳ ኦፈላራን፥ ደቤና አዳ. አዳክ ፋይሳኖኮክ እላቦ ኦአባን፥ እባዶ ጋርጋራኖኮክ እላቦ ኦአባን፥ ኦዶናቲ ካባሪሳሮና ካለካለት ሄኢ ካአዬሳሮ እባዶ ካየራ። 
\v 29 ዱባና ኦፋራሜራንያን? ዱባና አደን ኦሄገሮያን? ዱባና አደን ኦአጋልስሳራንያን? ዱባና አደን ባሳ ፈላራን? 
\v 30 ዱባና አደን ካኮፋይሳራን እላቦል አባኔ? ዱባና አደን ካለካለት ሄኢ አዬሳራን? ዱባና አደን ፉራናን? 
\v 31 አየሱን ጎአመን ዱባኮ ካሮራሮ እላቦ አታኒ ዶታዬን።
\p ግዳ አድ ዱባኮ ካሮራሮ ራ አን እስኑን ቱስናራ።
\c 13
\s1 ጌላንጀ ታሩም
\p
\v 1 እባዶይና ታኤርግቻ ሄኢ ጎአዬሰ፥ ጌላንጀ አድ ጎዋታንቴ ታኢያቶ ማርጮ ኣን ጎርቱን ቅልጩቅልጩ ካአማሮ ብልቢላያ። 
\v 2 ሄገሮኮክ እላቦ ግረዋ፥ ሆል ማላባኖ ዱባና አን አዴሰዋ፥ ዎዳም ባንኤኮ ካታክራ አማኖ ኢን ጎግረ፥ ጌላንጀ አድ ጎዋታንተ ላኦ ካሊክያ። 
\v 3 አን ካአቦ ዱባ ህየሳን ጎስሰ፥ ማርኬ ኤለኒ ጎጉባየና\f + \fr 13፡3 \fr*\ft ካሆርኮ ማጻፋይ ዳይን ማርኬ ሮርሳይ ጎስሳየ አማራ። \ft*\f*፥ ጌላንጀ አድ ጎዋታንተ ኮና ላኦ ላኮአቦ።
\p
\v 4 ጌላንጀ ታኦብሳቶታ፥ አደና ፋያንካትታ፥ ጌላንጀ ላኮጋባቶ፥ እስኦትሴይ ላኮዳቶ፥ ላኮኮራቶ። 
\v 5 ካዶትሶን አየስ ላኮፈላቶ፥ እስ ታጌላታቶ ላኮቶ፥ ላኮህፋቶ፥ ባስ ላኮቶታቶ። 
\v 6 ጌላንጀ ሩምነ ዎታ ኳሬ ሜላነነ ዎታ ላኮገጌላቶ። 
\v 7 ጌላንጀ ካአመን ዱባ ኦብሳታ፥ ካአመን ዱባ አብዳታ፥ ካአመን ዱባ አብድ የላታ፥ ካመን ዱባ አታቴ አላታ።
\p
\v 8 ጌላንጀ ዱዶ ላኮኢያቶ፥ አየሱን ጎአመን ሄገሮ ጎሌና ኢግልሳማናን፥ ሄኢ ታኡሱብ ጎሌተና ሄስናታ፥ ማላባኖ ጎሌና ኢግልሳምናራ። 
\v 9 ኣላንቲና ካማላባናና ጋምሳያ፤ ሄገሮ ካአዬሳናና ጋምሳያ። 
\v 10 አየሱን ጎአመን ልክ ካሌራ ጎኤመተ ልክ አሌኖን ካግረ ሄሰራ።
\p
\v 11 ይሱማ ግራን ይስ ኣን አዬሳረ፤ ይስ ኣን ሻዳረ፤ ይስ ኣንና ሄሬጋረ። ዎዳላ ካኮላረ ጎራታ ካይሱማ አየስ ሉጉደ ኢሰራ። 
\v 12 ግዳ ካደያና ዳዉኢቲ ኦሮ ካሙታሮ ኣን ድም ካአመያ፤ ሀሱ ጎራታ አደ ኢልታን ዲዳ ቤስ ድናና። ግዳ አን ካካሳ ጋምሳያ፤ ሀሱ ጎራታ አደ ዋ እን ካካሶ ግታክ ማላባኖ ዱባ ኢን ግርናራ።
\p
\v 13 ጎርታ አማኖነ፥ አብድነ፥ ጌላንጀነ፥ ሂኒዕ ሴዶ አታቴን ግራናን፤ ህናኣኮና ታሮራታ ጌላንጀታ።
\c 14
\s1 ካለካለት ሄኢ አዬሳኖና ሄገሮ አዬሳኖኮክ እላቦል
\p
\v 1 ጌላንጀ ዴበ ሰሴዬነ፤ አያናኮክ እላቦል፥ ካካለኮና ሄገሮ አዬሳኖኮክ እላቦ አታኒ ዶታዬን። 
\v 2 ካለካለት ሄኢ ካአዬሳራና ዋዉን ኳሬ እባዶን ላኮአዬሳሮ፤ ሆል ካሌሮ አየስ አያናይ ማንኮአዬሳሮ ማራን ካአዴሳራ ላግሮ። 
\v 3 ሄገሮ ካአዬሳራ አደ ቢስን፥ አታይሲና ጎጎእስን እባዶን አዬሳራ። 
\v 4 ሄኢ ካለካለት ካአዬሳራ እስኦቴሳ ኦላል ቢሳራ፥ ሄገሮ ካአዬሳራ አደ ምን ካዋ ቢሳራ።
\p
\v 5 እስን ዱባና ካለካለት ሄኢ አየሴንዋ ጌላታረንዋ፥ ሂካኮ አድ ሮር ሄገሮ አየሴንዋ ጌላታረንዋ፥ ምን ካዋ ጎጎቢስሮ ካለካለት ሄኢ ካአዬሰሮ እባዶ ጎፉሮን፥ ካለካለት ሄኢ ካአዬሳሮኮ ሄገር ካአዬሳራ ሮራራ። 
\v 6 ጎርታ አቢላልቴ! እስን ቶስ ካኮኤሜየ ጎራታ፥ ሆል ታዋ ቱሳኖይ ማላባኖ ጎርቱን ሄገር አዬሳኖይ ጎርቱን አጋልስሲ እስኑን ጎሰግኖን ካለካለት ሄኢ ጎአዬሰ መ እስኑን ላኦ አባ?
\p
\v 7 ሱሱሌ ኣንና ክራን ኣን ኦግራን ኔፎ ካላይኒዕና አደን ያየትሶ አዴሳማና ጎዋተ ማዳርክሶ ምሲ አዴስን ዳንዳራን? 
\v 8 አደ ማላካታ ልክ ታሌኖን ታኡምት ያየ ጎማልስሰ፥ ጀሬኑን አዮያ ካኤካሳታራ? 
\v 9 እስና ኡሱማሌዋታን፥ ህኢትስንኮ ፉሬን ካአባ ሃፉራ ጎቤኖን፥ ካአዬሰታና አዮያ ሻዲን ካዳንዳራ? አምባሉን ካአዬሳታን ኣን ሌታን። 
\v 10 አላም ጉት ካሞጋን ሄኢጆል ግራ፥ ፉሬን ካሊት ሄኢና ላግቶ። 
\v 11 ጎርታ እባዶት ኮ ታአዬሰሮ ሄኢ ፉሬን አን ካአዴሶን ጎሌ፥ ካአዬሰሮ እባዶትን አን ማርት ላራ፥ ኡሱና እዬን ማርት ላራ። 
\v 12 እስና ኡሱማሌታን፥ አያናኮክ እላቦል ሄላይን ኦዶታታን ማንኮሌቴን ማራን፥ ምን ካዋ ካኮባሮ እላቦል ሄላይን ኣሎ ዶታዬን።
\p
\v 13 ሃንሱን ካለካለት ሄኢ ካአዬሳራ እባዶ ካአዬሰሮ ፉርን ጎጎዳንዴሮ ሀኤባተ። 
\v 14 ካለካለት ሄኢ ጎኤባየ አያናክ ኤባታራ፥ ሳሙት አደ ኢል ካላይትታ። 
\v 15 ሀያ መ የልን ዶትሳራ? አያናይ ኤባይናራ፥ ሳሙቴይና ኤባታራ፥ አያናይና ዛማራራ፥ ሳሙቴይና አደ ዛማራራ። 
\v 16 ሃ ጎሌኖን አያናይ ዋ ካኮሶማሳቶ ጎራታ፥ አየሱን ማርት ካሌ እባዶት አት ካአዬሳቶ ጎአዴሶን፥ ምሲ ካሶማ ኤብካዉን፥ “ሀሚኒዕ” አምን ዳንዳራ? 
\v 17 አት ጎጎዶታቶ ካሶማሳቶ ለታ፥ ካካለ እባዶ ጎአመን ላኮቢሳሮ።
\p
\v 18 አን እስን ዱባንኮ ታሮርተ ካለካለት ሄኢ ማንኮአዬሳሮ ማራን ዋ ጋላታራ። 
\v 19 አየሱን ጎአመን ምን ካዋይ ኦሮ ካካለ አጋልስስን፥ ኩማ ቶሞን ሃፉራ ካለካለት ሄኢ ካአዬሳሮኮ ሱረ ሃፉራ ከን ሳሙቴኮ ጎአዬሰ ኢድራ።
\p
\v 20 አቢላልቴ፥ አየስ ካሜላኑን ይስ ላ ኳሬ ቆፋትስኒ ይስ አሮሌተን፤ ቆፋትስኒ ኦዱባንቴን ላ።
\q1
\v 21 “ሄኢ ካለካለት ካአዬሳሮ እባዶና
\q2 ካአላጋ እባዶኮት ሄኢ ሂካ ጎሳዉን አዬስናራ፥
\q2 ህክና ሌ ግራን እን ላኮማላራን” ሃ አማራ ዋ።
\m አማመ ሴራ ጻፋመራ።
\p
\v 22 ሃንሱን ካለካለት ሄኢ አዬሳኖ ዋ ካአማኖቱን ማላታ ጎጎሌሮን ኳሬ ካአማነሮን ላኮዮ።
\p
\v 23 ጎርታ ምን ካዋክ እባዶ ራቶ ኩኩ ታኮአማሮ፥ ዱባና ካለካለት ሄኢ አዬሳ ግራን፥ ማርት ጎርቱን ካአማኖን እባዶ ጎሳ ቶስ ጎታብሮ፥ ሂክ እባዶ ቆላመራ ላኮአማሮያ? 
\v 24 አየሱን ጎአመን ዱባና ሄገሮ አዬሳኖ ጉት ግራን፥ ማርት ጎርቱን ካአማኖን ጎርቱን ካካሶን እባዶት ጎታበ፥ ካማላሮ ሃፉራ ዱባ ዎቃሳማራ፥ ጩባለሳ ላኖኬሳ ኦማላራን ዱባ ዶሌ ፍርዳማራ። 
\v 25 ዎዳናቴሳይ ካስያመራ አየስ ሙትናራ፥ ኡሱማለና “ዋ ኦግራን እስን ኦሮ ግራ” አማ በቤዲ ሆረሆረ ኢየረ ዋዉን ሳጋዳራ።
\s1 ምን ካዋክ ዎጋ
\p
\v 26 አቢላልቴ፥ ጎርታ መ አምና? ካኮኩኩንታን ጎራታ እስንኮ ኮ ካማዛሙር እላቦ አባ፥ ካካለ አጋልስሳኖኮክ እላቦ አባ፥ ኮ ካጎላተሮ አየስ ቱሳኖኮክ እላቦ አባ፥ ኮ ካለካለት ሄኢ አዬሳኖኮክ እላቦ አባ፥ ካካለ ፉራኖኮክ እላቦ አባ፥ ሀያ፥ ሂክ ዱባ እላቦ ዋ ካአማናሮ እባዶ ካቢሳሮ ላኖ ዶትሳራ። 
\v 27 ካለካለት ሄኢ ኦአዬሳራን ጎግሬን ላማ ጎርቱን ጎጂናተ ሴድ ሊጉሬነ ጅግ ጅጊ ሀአየሰን፥ እሶ ካአዬሳራና ካካለ እባዶ ሀፉረ። 
\v 28 ካፉራ እባዶ ጎዋታመ አድ ካለካለት ሄኢ ካአዬሳራ ሀጋና ኦሮ ጫልኢ አምረ እስኦቴሳዉና ዋዉን ሀአዬሶ። 
\v 29 ሄገር ኦአዬሳራን ላማ ጎርቱን ሴድ ሊጉሬነ ሀአየሰን፥ ኦካለ አድ ካአዬሳመሮ ጫቃስጉሬነ እስኦራይሬን ሀቆቆሬን። 
\v 30 ኦሀማጼራን ኦሮኮ እባዶት ኮ ራጋ ኡሱን ጎሙተ ሆራርጀ ካአዬሳረ ጫልኢ ሀአመ። 
\v 31 እስን መተ መተክስኑን ጎጎአጋልሳታኑና ጎጎአታታኑን፥ ዱባና ጅግ ጅጊ ሄገር አዬስን ዳንዳታን። 
\v 32 ካሄገሮልኮክ አያናል ካሄገሮሉን ኢምናማራ። 
\v 33 ዋ ካኖጎዳ ሄዶ ኳሬ ካኢያ ሄዶ ላኮዮ። ቁሎለኮክ ምን ካኤብ ዱባና ኡሱማሌዋያ። 
\v 34 ሄለል ምን ካዋ ኦሮ ጫልኢ ሀኣሞ፤ ሴራ ጎጎአማሮ ጎጎአጃጃምሮን ኳሬ ጎጎአዬስሮ ፈኢ ላኮስሳንተቶ። 
\v 35 ሄለል አዴስን ካዶትሳራ ኮኮ አየስ ጎግረ፥ ኤንተርጆልክሶ ምኒ ሀሆሳተ፥ ኣላንቲና ሄለልትቲ ምን ካዋ ኦሮ ጎአዬሰ ካሙልስሮያ።
\p
\v 36 ሃፉራ ካዋ ካኮቤራ እስንኮያ? ሙ ካጌራ እስን ቶስ ካላልያ? 
\v 37 ማዮና አን ካሄገሮያ ካአማራ ጎግረ፥ ሂካ ካኮንጻፈራ ካጎታ አጃጃ ላኖ ሀማላቦ። 
\v 38 ሂካ ካአዴሶን ጎግረ አድ ኡሱና ላኮአዴሳማሮ።
\p
\v 39 ሃንሱን አቢላልቴ፥ ሄገር አዬስን አታኒ ዶታዬን፥ ካለካለት ሄኢ አዬሳኖና አሮትርቴን። 
\v 40 አየሱን ጎአመን ዱባና ጎጎዶትሳሮ ሴራና ዎጋ ሀሌዎ።
\c 15
\s1 ካክርስቶሳ ጎይኮ ክያኖ
\p
\v 1 ግዳና አቢላልቴ፥ አን እስን ካላላበሮና ካአታቴታና አታቴን ካኮአልቴታን ካዎንጋላ ሃፉራ ሻድሲን ዶታራ። 
\v 2 አን ካላላበሮ ሃፉራ አታይሳይ ጎአባቴን፥ ሂካ ዎንጋላይ ፋይናታን፥ ጎርቱን ካአማንቴታን አዳያ።
\p
\v 3 አን ካአታዬሮና ዱባንኮ ካጉተ ካሌሮ እስኑን ሮርሰራ፥ ቁሉክ ማጻፋል ጎጎአማሮ ክርስቶሳ ጩቦካን ማራን ጎየ፤ 
\v 4 ቃማላመ፥ ቁሉክ ማጻፋሊ ጎጎጻፋመሮ ታሴድ አሪ ጎይኮ ኬ። 
\v 5 ኤሰኮ ካፋን ሙተ፥ ደቤና ኦፋራመራን ቶሞንኮ ላማን ሙተ። 
\v 6 ኤሰኮ አባባተረ ከን ቦሌኮ ጉንተ ኦሌራን አቢላሉን ዱባዉን ኮክ ሙተ፥ እሶኮና ኦሞጋን ኔፎነ ግራን፤ ኮኮና አደን ጎዬራን። 
\v 7 ኤሰኮና ያይቆባን ሙተ፥ አባባተረና ኦፋራመራን ዱባን ሙተ፥
\p
\v 8 ዳንበኔ አደ ሳልኤሳ ኣን ካቶታማሮ እና አደ ሙተ። 
\v 9 አን ኦፋራመራን ዱባኮ ካየራታሮያ፤ ካፋራመሮ አማም ኡማምን ዱዶ ኢን ካዶትሶን አጣፋታ ካሌኖንያ፥ ኣላንቲና ምን ካዋ ሆሮረራ። 
\v 10 አየሱን ጎአመን አን ግዳ ታሌሮ ሌረ ካኮግራ ስኖ ታዋይያ፥ እዬን ታስሳንቴታ ስኖ ኢል ካሊ ላኮሄሰቶ፥ ሱረዋ ዱባኮና ሮረ ፈሎ ሀርጋጨራ፥ አየሱን ጎአመን ሂካና ታየልተታ ኢነታ ታግቶ ስኖ ታዋታ ኳሬ ላኮአንዮ። 
\v 11 ጎርታ አንና ሌረ እሶና ካአጋልስሳና ሂካያ፥ እስና ካአማንቴታን ሂካዋያ።
\s1 ጎይኮ ክያኖኮክ ጋራ
\p
\v 12 አየሱን ጎአመን ክርስቶሳ ጎይኮ ጎጎኬሮ ካአጋልስሳኖ ጎሌነ እስንኮ ኮኮ ጎይኮ ከያኖ ላግሮ ምሲ አማራ? 
\v 13 ካጎየራ ጎይኮ ካኬኖን ጎሌ፥ ክርስቶሳ ጎይኮ ላኮኬሮ አማኖያ፥ 
\v 14 ክርስቶሳ ጎይኮ ጎኬኖን ላላባኖካን ላኦ ካላይክያ፥ አማኖክስና ካማድኖንያ። 
\v 15 አደ ዋ ክርስቶሳ ጎይኮ ኬሰራ አምነ አጋልስሳኖካን ዋ ጉት ካጣራ አቶጆል ሌነና አማኖያ፥ ጎርታ ካጎየራ እባዶ ጎይኮ ጎኬኖን ዋ ክርስቶሳና ጎይኮ ላኮኬሰሮ አማኖያ። 
\v 16 ካጎየራ እባዶ ጎይኮ ካኬኖን ጎሌ ክርስቶሳና ጎይኮ ላኮኬሮ አማኖያ። 
\v 17 ክርስቶሳ ጎይኮ ካኬኖንግሮ ጎሌ አማኖክስን ካማድኖንያ፥ ግዳ ጊን ጩቦክስነ ዎታ ግታን አማኖያ። 
\v 18 ክርስቶሳ አማኔንጉሬነ ኦጎየራና ባየራን አማኖያ። 
\v 19 ክርስቶሳ አብድ ካኮንየላታና ሂካ አላምኮክ ግር ካላሉን ጎሌ እባዶ ዱባኮ ሮርነ እባዶ ዱባ ኦኮነኔኤይሳታሮና።
\p
\v 20 አየሱን ጎአመን ክርስቶሳ ካጎየሮ እባዶ ዱባን ባርክ ሌ ኦግራን ጎይኮ ኬራ። 
\v 21 ጎይ ካኮኤመተራ እባዶት ኮ አዳመኮት ኣላንቲ ጎጎሌሮ ጎይኮ ከያኖና ኮኮኤመተራ እባዶት ኮ ክርስቶሳኮት ኣላንቲያ። 
\v 22 አዳመኮት ኣላንቲ እባዶ ዱባ ጎጎ ጎዋሮ ኡሱማለና ክርስቶሳኮት ኣላንቲ እባዶ ዱባ ኔፎ ሄላታራ። 
\v 23 ህክና ካኮልናራ መተ መተ ጅግ ጅግኬሳያ፤ ክርስቶሳ ጎይኮ ከያኖ ካሆራርጄ ማሱሳያ፤ አባባይረ ክርስቶሳ ታኮኤመታሮ ኦቴሳ ኦሌራን ጎይኮ ክናራን። 
\v 24 ደቤና ኡሱ ቃላዳና ኦዶናት ሁና ዱባ ባስረ ዎኖናት ዋ ኦዶዉን ካኮሼጣሮ ጎራታ አላምኮክ ጉዳታኖ ልናራ። 
\v 25 ዋ ዲናጆል ዱባ ኦዶናትኬሳኮ ሄገሌ ኡሱን ታካይሮ ክርስቶሳ ሬዲን ዶትሳራ። 
\v 26 አዎዳምረ ካባይናራ ካጋቾ ዲና ጎይያ። 
\v 27 “ዋ ካአመን ዱባ ኦዶናትኬሳ ሄገሊ ካየራ” ካአማራ ጻፋመራ፤ አየሱን ጎአመን “ካአመን ዱባ ኦዶናትኬሳ ሄገሊ ካየራ” ጎአምሮ ካአመን ዱባ ክርስቶሳ ኦዶናትኬሳ ሄገሊ ካካየሮ ዋ ኦዶ ላኮአዳሮ። 
\v 28 ካአመን ዱባ ኦዶናት ካክርስቶሳ ሄገሊ ካኮሌ ጎራታ፥ ዋ ኦዶ ዱባና ዱባ ጎጎሌሮ ኤረ መተኬሳ ካአመን ዱባ ኦዶናትኬሳኮ ሄገሌ ኡሱን ካካየሮ ዋ ኦዶኮክ ኦዶናት ሄገሊ ግርናራ።
\p
\v 29 ጎርታ፥ ካጎየራ እባዶ ጎይኮ ካኬኖን ጎሌ፥ ካጎየሮ እባዶን አመረ ካጣማቃመሮ እባዶን ዎረኤ መያ? ካጎየራ እባዶ ዱዶ ጎይኮ ካኬኖን ጎሌ፥ እባዶ ባንኤትሶይ ሙን ጣማቃማራ? 
\v 30 ኖና አንዴ ሳት ሳቲ ባይን እስኦታን ሮርሳነ ስሳታ ካኮንግራና መዉንያ? 
\v 31 አቢላልቴ! አርጌቶ ጎይ ኢን ኤሰላራ፤ ሂካና እስኑን ካኮንሰጋራ ጎታካን የሱሳ ክርስቶሳኮክ ምናነ እስን ጉት አን ካአባ ዳታኖ ካአዴሳመ ማንኮሌ ማራንያ። 
\v 32 ያዳ ካእባዶ ማለ አን ታኤፈሶን ካታማይ ሱላለነ ዎታ ሞአባታኖኮት ላኦት መታ? ካጎየራ ጎይኮ ካኬኖን ጎሌ፥ “ጌባር ማንኮጎይናኖ ማራን ኮዬን አምና፥ ጣምና” ጎጎአማመሮ ላኖያ።
\p
\v 33 አሮሶባንቴን፤ “ሳትንቴ ታሜላን ታኢዳንት ያዳሊ ባሳታ።” 
\v 34 ታአዳቦቴ ዎዳናትስን ቶስ አባባዬን፤ ጩቦና አሮፈልቴን፤ እስን ኦሮ ኮኮ ዋ ካካሶን እባዶ ግራ። ሂካና አን ካኮንአማራ ጎጎሙልታኑን አመረያ።
\s1 ጎይኮ ካኬሮ ማር
\p
\v 35 አየሱን ጎአመን፥ እባዶት ኮ፥ “ካጎየራ እባዶ ጎይኮ ካኮክያራ ምሲያ? ጎይኮ ከያ ግራን ካግርናራ ማር ምስክያ?” አም ካሆሳሮ ሌራ፤ 
\v 36 አት ጎዋ! አት ካዉጣታ ዉጣ ጎጎኖን አላይ ብን ላኮዳንዳሮ። 
\v 37 አት ዉጣታ ግራን ታዳርጋማ ኢል ጎርቱን ካካለ ካምኮት ትጫርት ኢል ቶ ታላል ዉጣታ ኳሬ ዳንበኔ ካአላተሮ አካክልተ ላኮዮ። 
\v 38 አየሱን ጎአመን ዋ አደ ዉጣን ጎጎዶቴ ማር ስሳራ፤ መተመቴ ዉጣን ካለካለክ ማር ስሳራ።
\p
\v 39 ሶ ዱባ አማለ ኮ ላኮያን፤ ሶ ኦእባዶ ኮያን፤ ሶ ኦሱላለና ኦግድና ካለካለያን፤ ሶ ኦክምብር ካለያን፤ ሶ ኦኩኑኡቤ ካለያን።
\p
\v 40 ኡሱማለና ካዳሩረ ማር ግራ፤ ካኡሌ ማር ግራ፤ አየሱን ጎአመን ታዳሩረ ማርኮት ካባጃ አማለ ኮታ፤ ካኡሌ ማርኮት ካባጃ ምዲ ካለታ። 
\v 41 ካአሪቲ ኢፋ ምዲ ቶታ፤ ካድግኒ ኢፋ ምዲ ካለታ፤ ታባራጃና አደ ካለታ፤ ባራጃ ኮ ባራጃ ካካለኮ ኢፋ ካለክ አባ።
\p
\v 42 ጎይኮ ካከያራ እባዶ ሂካ ኣን ላራ፤ ካሻማሮ ማር ሌ ካዉጣመራ ካሻሞን አርዶክ ማር ሌ ከያራ። 
\v 43 የራን ካዉጣመራ ካባጃ ክናራ፤ ሀርጋጫ ዉጣማራ፤ ሁናይ ክናራ። 
\v 44 ካሶየ ማር ሌ ካዉጣመራ ካአያና ማር ሌ ክናራ፤ ካሶየ ማር ጎግረ ካአያና ማር ግራ። 
\v 45 ሃንሱን፥ “ካሆራርጄ አዳመ አርዶክ መጣ ሌ” አማመ ጻፋመራ፤ ካዳንቤ አዳመ ክርስቶሳ አደ ግር ካስሳሮ አያና ሌ። 
\v 46 አየሱን ጎአመን ሆራርጀ ካኤመተረ አዳመ ካሶየየ ኳሬ ካአያና ላኮየ፤ ካአያና ሌ ካኤመተረ ካሶየኮ ዳንበኔየ። 
\v 47 ካሆራርጄ እባዶት አዳመ ካኮመጣመረ ኤሬኮ ማንኮሌ ማራን ካኤሬየ፤ ካላም እባዶት ካኤመተራ ዳሩርኮያ። 
\v 48 ኤሬኮ ካሌራ ኤሬኮ ካመጣሮ አዳመ አንያን፤ ዳሩርኮ ካሌራ አደ ዳሩርኮ ካኤመተሮ ክርስቶሳ አንያን። 
\v 49 ሀሱ ታኡሌ ምዲ ኣን ጎጎሌነኖ ታዳሩረ እባዶትኮት ምዲ ኣን ላና።
\p
\v 50 አየሱን ጎአመን አቢላልቴ፤ አን ካሰጋራ ሂካያ፤ “ሶና ኢግና ዎኖናት ካዋ ላኮኤላራን፤ ኡሱማለና ካባራ ማር ካንባኖን አርዶክ ማር ላኮኤላሮ።”
\p
\v 51 ሂክማ፥ ሆል ቶ አን እስኑን ሰግናራ። ኖ ዱባና ላኮጎይናኖ፤ አየሱን ጎአመን ኖ ዱባና ኢግልሳምናና። 
\v 52 ካኮኢግልሳምናና ካጋቾ ማላካታ ካኮኡፉፋሮ ጎራታ ጉምባር ጢጲመረ ጎጎባናማሮ ኣን ኮይክያ። ማላካታ ኡፉፋምናራ፤ ካጎየራ እባዶና ካሻሞን ሊ ክናራ፤ ኖና ኢግልሳምናና። 
\v 53 ሂክ ካሻማራ ካሻሞን ካጎዋራና ካጎኖን ሳርሳይን ዶትሳራ። 
\v 54 ሂክ ካሻማራ ካሻሞን ካጎዋራና ካጎኖን ካኮሳርሳሮ ጎራታ፥ “ጎይ አዎዳመ” አማመ ካጻፋመራ ሃፉራ ጉዳይናራ። 
\v 55 ኡሱማለና፥
\q1 “ዎ ጎይ! አዎድ ክያኖካ ሀጌ ግራ?
\q2 ዎ ጎይ! አት እባዶ ካኮሚራታ ሁና ሀጌ ግራ?” አማመራ።
\p
\v 56 ጎይ ካኮኤጋራን ሁና ጩቦያ፤ ካጩቦ ሁናና ሴራያ። 
\v 57 አየሱን ጎአመን ጎታካን የሱሳ ክርስቶሳኮክ ጋራነ አዎዳኖ ኖን ካስሳሮ ዋዉን ጋላታ ሀጌዎ።
\p
\v 58 ሃንሱን ካጌላንቴታን አቢላልቴ፥ አታዬን አላ፥ ማምስክ አየሱና አሮሻላጋንተን፤ ፈሎ ኦዋዉን አርጌቶ ኦአታቴን ላ፤ ኣላንትና ጎታዉን ካኮንዳፉራታን ካማድኖን ላናዋት ካሳንዋ።
\c 16
\s1 ቁሎሌዉን ካቤሮ ማራጋደ
\p
\v 1 ጎርታ ዋ ካአማናሮ እባዶን ካበያሮ ማራጋደ ታጋላትያ አዉራጃይ ካሞጋን ምን ካኤቢን አን ካስሰሮ አጃጃክ ማለ እስና ኡሱማሌ ፈላ። 
\v 2 አን ካኮኤሜየ ጎራታ ማራጋደ ቤሳኖ ጎጎግኖንኮ አልማ አልማ አሪ ታዎጋ እስንኮ መተ መተ ካሄላታሮኮ ጅልባከሳክ ማለ ቤሳታ ካለ ቤስ ሀካየ። 
\v 3 አን እስን ቶስ ካኮኤሜታሮ ጎራታ እስን ኦአሳብቴታን እባዶጃ እስን ካቤሰታን ማራጋደ ኣትረ ኢየሩሳለም ጎጎሴራዉን ታሱሱካኖ ዳብዳቤነታ አን እሶ ፋርናራ። 
\v 4 ሴቶት ታዶትሳቶ ጎሌተ፥ እሶ ኢነ ዎታ ሴይናራን።
\s1 ሀልቻ ካጳዉሎሳ
\p
\v 5 መቀዶንያ ቶንሴ ሴይን ማንኮሄደሮ ማራን ኤሰነ ታኮሮራሮ ሉኪ እስን ቶስ ኤመይናራ። 
\v 6 ማንኮሴታሮ ማኤት ባንኤና ሰሴታንቴዉን ካሌሮ ጋርጋርሳ እን ጎጎየልታኑን ዎዳሳ እስን ዶሌ ካአዳላሮ ሌራ፥ ዎዳሳ ባጤሳ እስኔ ዎታ ካሮርሳሮ ሌራ። 
\v 7 ግዳ ታኮሮራሮ ሉክ ሮራ ግራን ድን ላኮዶታሮ፥ ፈኢ ታጎታ ጎሌተ ጎራታ ካኤር እስን ዶሌ አዳላይን አብድ የላታራ።
\p
\v 8 አየሱን ጎአመን ካጴንጠቆስጠ ባላ ታ ጌሮ ታኤፈሶን ካታማይ አዳላይናራ። 
\v 9 ፈሎ ኦሞጋን ካአባ ካባላኣን ኡፋ ኢን ባናመራ፥ ኦኔባታራን አደ ኦሞጋንያን።
\p
\v 10 ጢሞቶሳ እስን ቶስ ካኮኤሜተ ጎራታ አብስ ካሊ እስነታ ጎጎሀማጽሮን የላ፤ ኡሱና እን አን ፈሎ ኦዋ ፈላራ። 
\v 11 ሃንሱን ማዮና ኡሱ አሮቱፋኖ፤ ኡሱ አቢላልነ ዎታ እን ቶስ ጎጎኤሜሮ አን ማንኮሆሳየሮ ማራን እን ቶስ ኖጎዳ አባባይ ጎጎኤሜሮ ሰሴታንቴሳዉን ካዶትሳሮ ጋርጋራ።
\p
\v 12 አብካን አጲሎሳ አቢላል ታካለነ ዎታ እስን ጎጎዴሮ አታይሰ ኤባየረ፤ ኡሱ ጎአመን ግዳ እስን ቶስ ኤመይን ላኮዶታሮ፥ ኡሱን ጎኤካተ አድ ኤሜሮዋ።
\s1 ካጉድስ ጎርሳና ኖጎዳ
\p
\v 13 ናባዳ፥ አማኖ አታዬን አላ፥ ካአቲ እባዶ ላ፥ ጃባየን። 
\v 14 ካፈላታን ዱባ ጌላንጄ ፈላዬን።
\p
\v 15 አቢላልቴ! ካእስጢፋኖሳ ካምነ እባዶ ኡል ካአካያይ ሆራርጀ ዋ ካአማነሮና አማኒሉን ሀንዳይን እስኦትሶ ሮርሳተን ጎጎስሳተራን ካሳንዋ። 
\v 16 ሂካማለክ እባዶና እሶነ ዎታ ፈሎይ ኦዳፉራራን ዱባን ጎጎአጃጃንታኑን አታይሰ ሻድሳራ።
\p
\v 17 እስጢፋኖስኔ ፈርዶናጢስኔ አካይቆስነ ኤሜቶትሶ ኢን ገገላይሰታ፥ እስን ኢን ጎግርዋተና እሶ አደን ባንኤትስኒ ኢን ካሀንቃተሮ አማገራን። 
\v 18 እሶ አያና ካኬና አያና ካክስና ፎልሲሴራን፥ ሃንሱን ሂካ ኣንክክ እባዶ አዴስን ዶትሳራ።
\p
\v 19 ኡል ካእስያይ ካግራ ካሞጋን ምን ካኤብ ኖጎዳ እስኑን ፋራሜራን። አቅላና ጲርስቂላ፥ ምንክሶይ ካኩኩማራ ዋ ካአማናራ እባዶ ዱባ ዎዳናኮ መገ ካጎታይ ኖጎዳ ፋራማራን። 
\v 20 ህታኒ ኦግራን ዋ ኦአማናራን ዱባ ኖጎዳ ፋራማራን፥ ቁሉክ እስአንጋታኖይ ኖጎዳ አታ።
\p
\v 21 አን ጳዉሎሳ ህታ ኖጎዳ እሲ ገነቴይ ጻፈራ።
\p
\v 22 ጎታ ካጌላኖን ጎግረ ካቃንጋመ ሀሌዎ! ጎታካን፥ ኮያ!
\p
\v 23 ጎታ የሱሳ ክርስቶሳኮት ስኖ እስኔ ዎታ ሀሌቶ።
\p
\v 24 ጌላንጀት የሱሳ ክርስቶሳይ እስን ዱባነ ዎታ ሀሌቶ፤ ሀሚኒዕ።