\id ZEP 
\ide UTF-8
\h Sofoni
\toc1 SOFONI
\toc2 Sofoni
\mt1 SOFONI
\ip Sofoni u Yudɑbɑ kɑ Yerusɑlɛmugibu sɔ̃ɔmɔ mɑ Gusunɔ u koo bu sɛɛyɑsiɑ. Mɑ u mɑɑ tɔn tukobu kirɔ mɔ̀ be bɑ kɑ bu sikerenɛ u nɛɛ, Yinni Gusunɔn siribun tɔ̃rɑ wee. Tɔ̃ɔ te, nɔni swɑ̃ɑrugirɑ. Adɑmɑ ɑmɛn biru, Isirelibɑn sukum bɑ koo wurɑmɑ Gusunɔn mi kpɑ bu kpɑm Yerusɑlɛmu seeyɑ.
\is1 Tire ten kpunɑɑ
\iq1 1. Gusunɔ u koo Yudɑbɑ kɑ Yerusɑlɛmugibu siri, wiru 1:1n di sere wiru 2:3.
\iq1 2. Gusunɔ u koo bwese tukunu kpeerɑsiɑ, wiru 2:4-15.
\iq1 3. Yinni Gusunɔ u koo Yerusɑlɛmu seeyɑ, wiru 3:1-20.
\ie
\c 1
\p
\v 1 Gɑri yiniwɑ Yinni Gusunɔ u Sofoni, Kusin bii sɔ̃ɔwɑ Yosiɑsi, Amɔɔn bii, Yudɑbɑn sinɑ bokon bɑndun wɑɑti sɔɔ. Sofoni wi, u sɑ̃ɑwɑ Gedɑliɑn debubu, Amɑriɑn sikɑdobu, Esekiɑsin yɑ̃ɑsebu.
\s1 Yinni Gusunɔ
\s2 u koo hɑnduniɑ sɛɛyɑsiɑ
\q1
\v 2 Yinni Gusunɔ u nɛɛ,
\q1 kon kpuro kpeerɑsiɑ hɑnduniɑ sɔɔ.
\q1
\v 3 Kon tɔmbu kɑ yɛɛ kɑ gunɔsu kɑ swɛ̃ɛ kpeerɑsiɑ
\q1 kɑ sere mɑɑ tɔn kɔ̃sobu kɑ ye yɑ rɑ bu sokurɑsie.
\q1 Kon tɔmbu kpuro kpeerɑsiɑ hɑnduniɑ sɔɔ.
\q1 Nɛ, Yinni Gusunɔwɑ nɑ yeni geruɑ.
\s1 Yinni Gusunɔ u koo Yudɑbɑ
\s2 kɑ Yerusɑlɛmugibu sɛɛyɑsiɑ
\p
\v 4 Yinni Gusunɔ u mɑɑ nɛɛ,
\q1 kon Yudɑbɑ kɑ Yerusɑlɛmugibu kpuro nɔmɑ doke.
\q1 Kon bũu wi bɑ mɔ̀ Bɑɑlin sɑ̃ɑ yee ni nu tie kpeerɑsiɑ min di.
\q1 Kon yen wirugibu kɑ yen yɑ̃ku kowobun yĩsɑ go.
\q1
\v 5 Be bɑ dii tɛɛri wɔllɔ kperi kɑ suru sɑ̃ɑmɔ
\q1 kɑ be bɑ bɔ̃rumɔ kɑ nɛ, Yinni Gusunɔn yĩsiru,
\q1 mɑ bɑ wure bɑ bɔ̃rumɔ kɑ ben bũun yĩsiru,
\q1 be kpurowɑ kon go.
\q1
\v 6 Be bɑ mɑn biru kisi kɑ be bɑ ku rɑ mɑn kɑsu,
\q1 kɑ sere mɑɑ be bɑ ku rɑ mɑn ben gɑri sɑɑwɑrɑ ko,
\q1 be kpurowɑ kon go.
\q1
\v 7 I nɔɔ mɑrio wi, Yinni Gusunɔn wuswɑɑɔ.
\q1 Domi win tɔ̃ru tɑ turuku kuɑ.
\q1 U win yɑ̃kuru sɔɔru kuɑ.
\q1 U mɑɑ gɔsɑ be bɑ koo tu di.
\q1
\v 8 Wi, Yinni Gusunɔn yɑ̃ku ten tɔ̃ru sɔɔ,
\q1 u koo wirugibu kɑ sinɑ bokon bibu wɔri,
\q1 kɑ sere mɑɑ be bɑ tɔn tukobun komɑnu swĩi.
\q1
\v 9 Yen tɔ̃ɔ te, be bɑ ku rɑ sɑ̃ɑ yerun kɔnnɔ suuku tɑɑrɑm kɑ̃ nge bũu sɑ̃ɔbu,
\q1 kɑ sere be bɑ ben sunɔn yɛnu dukiɑ yibiɑmɔ
\q1 ye bɑ gurɑmɑ kɑ gbɛnɑ, kɑ dɑm dibu,
\q1 be kpurowɑ u koo wɔri.
\q1
\v 10 Yen tɔ̃ɔ te, bɑ koo wuri nɔ sere kɔnnɔwɔ ge bɑ mɔ̀ Swɛ̃ɛ,
\q1 kɑ mɑɑ wuun wɔɔ berɑ gɑɑn mi.
\q1 Mɛyɑ nɔni swɑ̃ɑ bɑkɑrɑ ko n wɑ̃ɑ guunu wɔllɔ.
\q1
\v 11 Bɛɛ Mɑkitɛsigibu, i wuri koowo.
\q1 Domi tenkubɑ kpuro bɑ koo kɑm ko.
\q1 Be bɑ gobi kɔsimɔ kpuro bɑ koo kpeerɑ.
\q1
\v 12 Yen tɔ̃ɔ te, u koo Yerusɑlɛmu bũuri kɑ fitilɑnu.
\q1 U koo tɔmbu wɔrimɑ be bɑ sɔ̃ kpɛtɛɛ nge tɑm kɔrɔnu.
\q1 Mɑ bɑ gerumɔ ben gɔ̃ruɔ bɑ mɔ̀,
\q1 wi, Yinni Gusunɔ u ǹ geɑ mɔ̀, u ǹ mɑɑ kɔ̃sɑ mɔ̀.
\q1
\v 13 Bɑ koo ben ɑrumɑni gurɑ kpɑ ben yɛnusu su ko bɑnsu.
\q1 Bɑ koo diɑ bɑni yè sɔɔ bɑ ǹ sinɑmɔ.
\q1 Bɑ koo resɛm duure, ɑdɑmɑ bɑ ǹ yen tɑm nɔrumɔ.
\s1 Yinni Gusunɔn tɔ̃ru
\q1
\v 14 Yinni Gusunɔn tɔ̃ɔ nɑnumgirɑ tɑ turuku kuɑ.
\q1 Te wee tɑ wee fuuku, tɑ nɔɔgiru sue.
\q1 Tɑbu durɔ dɑmgii u koo kuuki ko dɔmɑ te.
\q1
\v 15 Tɔ̃ɔ te, tɑ sɑ̃ɑwɑ mɔrun tɔ̃ru.
\q1 Tɔ̃ɔ te, tɑ sɑ̃ɑwɑ nuku sɑnkirɑnun tɔ̃ru.
\q1 Tɑ sɑ̃ɑwɑ kɑm kobun tɔ̃ru.
\q1 Tɔ̃ɔ te, yɑm wɔ̃kurɑ koo tu wukiriwɑ nge bukɔ kɑ guru winu.
\q1
\v 16 Yen tɔ̃ɔ te, tɑbu kowobu bɑ koo kɔbi so
\q1 kpɑ bu kuuki ko bu kɑ wuu si su gbɑ̃rɑnu mɔ wɔri.
\q1
\v 17 U koo tɔmbu nuku sɑnkirɑnu kpɛ̃ɛ
\q1 kpɑ bɑ n sĩimɔ nge wɔ̃kobu.
\q1 Domi Yinni Gusunɔwɑ bɑ torɑri.
\q1 U koo de ben yɛm mu n tɛrie nge tuɑ,
\q1 kpɑ ben gonu nu n sɑ̃ɑ nge kubɑnu.
\q1
\v 18 Yen dɔmɑ te, ben sii geesu ǹ kun mɛ ben wurɑ,
\q1 yen gɑɑ kun kpɛ̃ yu bu wɔrɑ Yinni Gusunɔn mɔru bɑkɑ yen min di.
\q1 Tem mɛ kpuro mu koo dɔ̃ɔ mwɑɑrɑ win mɔrun sɔ̃.
\q1 U koo mɛn tɔmbu kpuro gowɑ subɑru sɔɔ.
\c 2
\s1 I tii kɑwo
\q1
\v 1 Bɛɛ sekuru sɑribɑ,
\q1 i de i sinɑ i bwisiku,
\q1
\v 2 Yinni Gusunɔn himbɑ yu sere koorɑ.
\q1 Kpɑ tɔ̃ɔ te, tu ku rɑɑ bɛɛ sɑmbɑ ko
\q1 nge doo sɑko ge gɑ kɑ woo doonɔ.
\q1 I de i sinɑ i bwisiku
\q1 Yinni Gusunɔn mɔru bɑkɑ yen tɔ̃ru tu sere tunumɑ
\q1 tu bɛɛ deemɑ.
\q1
\v 3 Bɛɛ be i tii kɑwe kpuro tem mɛ sɔɔ,
\q1 i Yinni Gusunɔ kɑsuo.
\q1 Bɛɛ be i nùn mɛm nɔɔwɛ,
\q1 i gem kɑsuo, kpɑ i tii kɑwɑ.
\q1 Sɔrɔkudo i ko i yɑri Gusunɔn mɔrun tɔ̃ɔ te sɔɔn di.
\s1 Gusunɔn gɑri yi bɑ geruɑ
\s2 bwese tuku ni nu wɑ̃ɑ
\s2 sɔ̃ɔ duu yeru giɑn sɔ̃
\q1
\v 4 Gɑsɑn tem mu koo bɑnsu ko.
\q1 Kpɑ Asikɑloni yu yɔ̃rɑ dirɑ.
\q1 Bɑ koo Asidɔdun tɔmbu girɑ sɔ̃ɔ sɔɔ gbɑ̃ɑrɑ.
\q1 Kpɑ bu Ekoronin tɔmbu seeyɑ ben wuun di.
\q1
\v 5 Bɛɛ Keretin bweseru, bɛɛ be i wɑ̃ɑ nim wɔ̃kun goorɔ,
\q1 i kɑm kuɑwɑ.
\q1 Wunɛ mɑɑ Kɑnɑni, wunɛ wi ɑ sɑ̃ɑ Filisitibɑn tem,
\q1 Yinni Gusunɔ u nun gerusimɔ.
\q1 U nɛɛ, u koo nun kpeerɑsiɑ.
\q1 Goo kun mɑɑ sinɑmɔ wunɛ sɔɔ.
\q1
\v 6 Nim wɔ̃kun goo te, tɑ koo kowɑ kpɑrɑ yenu,
\q1 mi kpɑrobu bɑ ko n dɑ bɔsu bɑ n ben yɑ̃ɑnu kpɑrɑmɔ.
\q1
\v 7 Domi sɑɑ ye sɔɔ,
\q1 Gusunɔ, Yudɑbɑn Yinni u koo ben be bɑ tie kpɑrɑ
\q1 kpɑ u kɑ ben yobu wurɑmɑ.
\q1 Nim wɔ̃kun goo te, tɑ koo ko begiru.
\q1 Miyɑ bɑ ko n dɑ yɑɑ sɑbenu kpɑre,
\q1 kpɑ yokɑ bu kpunɑ Asikɑlonigibun diɑ mi.
\s1 Gusunɔn gɑri yi bɑ geruɑ
\s2 bwese tuku ni nu wɑ̃ɑ
\s2 sɔ̃ɔ yɑri yeru giɑn sɔ̃
\q1
\v 8 U Mɔɑbubɑ kɑ Amɔnibɑn wɔmɑ nuɑ ye bɑ kɑ win tɔmbu sekuru doke.
\q1 Mɑ bɑ tii suɑ bɑ ben tem nɔɔ burɑ yenu susisiɑ.
\q1
\v 9 Yen sɔ̃nɑ wi, Gusunɔ Isirelibɑn Yinni,
\q1 wi, wi u wɔllu kɑ tem mɔ,
\q1 u nɛɛ, sere kɑ win wɑ̃ɑru, u koo de Mɔɑbubɑ bu kɑm ko nge Sodomugibu,
\q1 kpɑ Amɔnibɑ bu mɑɑ kɑm ko nge Gomɔrɑgibu,
\q1 ben tem mu yɑkɑ kɔ̃susu kpi,
\q1 ǹ kun mɛ mu gɔsirɑ bɔru.
\q1 Gɑ̃ɑnu kun mɑɑ kpiimɔ mi sere kɑ bɑɑdommɑɔ.
\q1 Win tɔn be bɑ tie,
\q1 bɑ koo Mɔɑbu be, kɑ Amɔni be wɔri
\q1 bu ben yɑ̃nu gurɑ bu tem tubi di.
\q1
\v 10 Yeniwɑ Gusunɔ u koo de yu bu deemɑ ben tii suɑbun sɔ̃
\q1 kɑ sere mɑɑ ye bɑ wi, Gusunɔ wɔllu kɑ tem Yinnin tɔmbu wɔnwɑ
\q1 bɑ sekuru doke.
\q1
\v 11 Wi, Yinni Gusunɔ, u ǹ kɑ bu wɔnwɔndu mɔ̀.
\q1 U koo hɑnduniɑ kpuron bũnu kɑm koosiɑ.
\q1 Bɑɑ bwese ni nu wɑ̃ɑ tem burenɔ,
\q1 nu koo yiirɑ win wuswɑɑɔ nin wusɔ.
\s1 Gusunɔn gɑri yi bɑ geruɑ
\s2 bwese tuku ni nu wɑ̃ɑ
\s2 sɔ̃ɔ yɛ̃si yɛ̃sikɑ giɑn sɔ̃
\q1
\v 12 Bɛɛ Etiopigibu, bɑ koo mɑɑ bɛɛ sɔkiri kɑ win tɑkobi bu go.
\q1
\v 13 U koo win nɔmu dɛmiɛ sɔ̃ɔ yɛ̃sɑn nɔm geuɔ
\q1 u Asirigibu kɑm koosiɑ,
\q1 kpɑ Ninifu yu ko bɑnsu.
\q1 Gɑ̃ɑnu kun mɑɑ kpiimɔ mi.
\q1
\v 14 Yɑɑ sɑbenɑ nu koo sinɑ mi,
\q1 yɛɛ bwese bwesekɑ gesi.
\q1 Boorosu kɑ duuru bɛɛkunɑ nu koo kpunɑ furɔ si bɑ yen gberebɑ kuɑn sɔɔwɔ.
\q1 Bɑ koo kuuki nɔ sɑɑ fɛnɛntibɑn di.
\q1 Nɔni swɑ̃ɑrɑ ko n wɑ̃ɑ yen kɔnnɔwɔ.
\q1 Domi dirun burɑ te bɑ kuɑ kɑ sɛdurun dɑ̃ɑ tɑ koo kɛsikirɑ.
\q1
\v 15 Nge mɛyɑ wuu ge, gɑ koo ko,
\q1 ge, ge gɑ rɑɑ tii sue mi,
\q1 mɑ gɑ tɑmɑɑ gɑ wɑ̃ɑwɑ bɔri yɛndu sɔɔ,
\q1 mɑ gɑ tii sɔ̃ɔmɔ gɑ mɔ̀,
\q1 gerɑ gɑ kpuro kere.
\q1 Wee gɑ wɔrumɑ gɑ bɑnsu kuɑ.
\q1 Gɑ kuɑ yɛɛn wɑ̃ɑ yeru.
\q1 Wi u sɑrɔ mi, u koo wiɑ kowɑ u nɔmɑ kpɑrɑ.
\c 3
\s1 Yerusɑlɛmugibu
\s2 bɑ ǹ Gusunɔn gere wure
\q1
\v 1 Bɔ̃rurobɑ bɛɛ Yerusɑlɛmugibu.
\q1 Domi i sɑ̃ɑwɑ mɛm nɔɔ sɑribɑ,
\q1 mɑ i disi mɔ, i dɑm diinɑmɔ.
\q1
\v 2 I ku rɑ googii nɔ.
\q1 I ku rɑ mɑɑ sɛɛyɑsiɑbu wure.
\q1 I ku rɑ Gusunɔ bɛɛn Yinni nɑɑnɛ ko.
\q1 I ku rɑ mɑɑ nùn susi.
\q1
\v 3 Bɛɛn sinɑ ɑsɑkpɔbu bɑ sɑ̃ɑwɑ nge gbee sinɑn
\q1 si su kukirimɔ wuu ge sɔɔ.
\q1 Mɑ bɛɛn siri kowobu bɑ mɑɑ sɑ̃ɑ nge yokɑn purukɑ
\q1 ni nu ku rɑ dĩɑnu yi bururun sɔ̃.
\q1
\v 4 Gusunɔn sɔmɔbu bɑ sɑ̃ɑwɑ nɑɑnɛ sɑribɑ.
\q1 Bɑ ku rɑ gere ye Gusunɔ u bu sɔ̃ɔwɑ.
\q1 Bɛɛn yɑ̃ku kowobu bɑ Gusunɔn sɑ̃ɑru disi dokemɔ.
\q1 Bɑ ku rɑ woodɑbɑ mɛm nɔɔwɛ.
\q1
\v 5 Adɑmɑ kɑ mɛ, Yinni Gusunɔ u wɑ̃ɑ kɑ bɛɛ.
\q1 U sɑ̃ɑwɑ gemgii, u ku rɑ weesu ko.
\q1 U rɑ win gem terɑsiewɑ siribu sɔɔ bururu bɑɑtere.
\q1 U ku rɑ tɔ̃ru bure.
\q1 Adɑmɑ tɔn kɔ̃sobɑ bɑ kɔ̃sɑ mɔ̀, sekurɑ kun bu mɔ̀.
\q1
\v 6 Wi, Yinni Gusunɔ u nɛɛ,
\q1 u bwese girinu go,
\q1 mɑ u nin gbɑ̃rɑnu kɑ nin kuku yenu kɔsukɑ.
\q1 U derɑ goo ku rɑ mɑɑ sĩ nin swɛɛ sɔɔ.
\q1 U nin wusu kɔsukɑ, goo kun mɑɑ wɑ̃ɑ mi.
\q1
\v 7 Yerɑ u nɛɛ, bɛɛ Yerusɑlɛmugibu, ì n dɑɑ nùn nɑsie,
\q1 mɑ i win sɛɛyɑsiɑbu wurɑmɔ,
\q1 u ǹ dɑɑ bɛɛn wɑ̃ɑ yenu kɔsukumɔ.
\q1 U ǹ dɑɑ mɑɑ bɛɛ sɛɛyɑsiɑmɔ nge mɛ u kuɑ,
\q1 ɑdɑmɑ i rɑ n sɛndewɑ kɔ̃sɑn kobu sɔɔ.
\q1
\v 8 Yen sɔ̃, wi, Yinni Gusunɔ u nɛɛ,
\q1 i nùn mɑruo tɔ̃ɔ tè sɔɔ u koo se u bɛɛ wɔrimɑ.
\q1 Domi u gɔ̃ru doke u bwesenu kɑ nin sinɑmbu mɛnnɑ
\q1 u bu win mɔru sɔ̃ɔsi kɑ yen dɑm.
\q1 Kpɑ n sɑ̃ɑre nge bɑ tem mɛ kpuro dɔ̃ɔ doke win mɔrun sɔ̃.
\s1 Yinni Gusunɔ
\s2 u nɔɔ mwɛɛru kuɑ
\q1
\v 9 Sɑɑ ye sɔɔ, Yinni Gusunɔ u koo tɔmbun yɑri dɛɛrɑsiɑ
\q1 kpɑ bu win yĩsiru soku bu nùn sɑ̃ sɑnnu.
\q1
\v 10 Be bɑ nùn sɑ̃ɑmɔ bɑ yɑrinɛ bɑɑmɑ,
\q1 bɑ koo kɑ nùn kɛ̃nu nɑɑwɑ sɑɑ Etiopin dɑɑnun gurun di.
\q1
\v 11 Yen tɔ̃ɔ te, bɛɛ win tɔmbu Isirelibɑ,
\q1 i ǹ sekuru wɑsi bɛɛn dɑɑ kɔ̃sɑ kɑ bɛɛn torɑ ni i kuɑ sɔɔ.
\q1 Domi u koo be bɑ rɑ tii sue bɛɛn suunu sɔɔ wunɑ,
\q1 kpɑ bɛɛn tiin tɔn biɑru tu kpe win guu dɛɛrɑrun wɔllɔ.
\q1
\v 12 U koo de tɔmbu fiiko bɑ n wɑ̃ɑ bɛɛn suunu sɔɔ
\q1 be bɑ ǹ tii sue.
\q1 Bɑ koo win yĩsiru soku u kɑ bu kɔ̃su.
\q1
\v 13 Isireli be bɑ tie, bɑ ǹ mɑɑ kɔ̃sɑ mɔ̀.
\q1 Bɑ ǹ mɑɑ weesu mɔ̀.
\q1 Gɑri kɔ̃si yi ǹ ko n wɑ̃ɑ ben nɔsɔ.
\q1 Bɑ ko n wɛ̃rewɑ,
\q1 goo kun bu bɑɑsimɔ.
\s1 Yerusɑlɛmugibu
\s2 bɑ koo wurɑmɑ
\q1
\v 14 Bɛɛ Siɔnigibu, i gɔ̃ru dobun kuuki koowo.
\q1 Bɛɛ Isirelibɑ kpuro gesi, i nuku dobun kuuki koowo.
\q1 Bɛɛ Yerusɑlɛmugibu, i yɛ̃ɛrio
\q1 kpɑ i nɑsɑrɑn kuuki ko kɑ bɛɛn gɔ̃ru kpuro.
\q1
\v 15 Yinni Gusunɔ u bɛɛn sɛɛyɑsiɑbu kpeesiɑ bi u koo rɑɑ bɛɛ ko.
\q1 U bɛɛn yibɛrɛbɑ yɑrinɑsiɑ.
\q1 Gusunɔ sinɑ boko, bɛɛ Isirelibɑn Yinni, u wɑ̃ɑ bɛɛn suunu sɔɔ.
\q1 I ǹ mɑɑ kɔ̃sɑ gɑɑ wɑsi.
\q1
\v 16 Yen tɔ̃ɔ te, bɑ koo bɛɛ Yerusɑlɛmugibu sɔ̃ bu nɛɛ,
\q1 i ku bɛrum ko Siɔniɔ.
\q1 I ku de bɛɛn gɔmɑ dwiiyɑ.
\q1
\v 17 Gusunɔ bɛɛn Yinni u wɑ̃ɑ bɛɛn suunu sɔɔ.
\q1 U sɑ̃ɑwɑ nge tɑbu durɔ wi u rɑ fɑɑbɑ ko.
\q1 U koo nuku doo bɑkɑbu ko bɛɛn sɔ̃.
\q1 U ǹ mɑɑ gɑ̃ɑnu gerumɔ yèn sɔ̃ u bɛɛ kĩ.
\q1 U ko n nuku doo bɑkɑbu mɔ.
\q1
\v 18 Be bɑ wɑ̃ɑ nuku sɑnkirɑnu sɔɔ
\q1 yèn sɔ̃ bɑ kɑ Yerusɑlɛmu tondɑ,
\q1 bɑ wɑ̃ɑ sekuru sɔɔ te tɑ bu buniɛmɔ nge sɔmunu,
\q1 mɑ bɑ ku rɑ mɑɑ win tɔ̃ɔ bɑkɑnu di,
\q1 beyɑ u koo mɛnnɑmɑ.
\q1
\v 19 Yen tɔ̃ɔ te, u koo be bɑ bɛɛ dɑm dimɔ wɔri,
\q1 kpɑ u yɛmɔbu fɑɑbɑ ko.
\q1 U koo be bɑ rɑɑ girɑ mɛnnɑ
\q1 kpɑ u de bu tɔmbu nuku dobu wɛ̃
\q1 kpɑ bu yĩsiru yɑri tem kpuro sɔɔ
\q1 mi ben bɑɑwure u rɑɑ sekuru dimɔ.
\q1
\v 20 Yen tɔ̃ɔ te, u koo de i wurɑmɑ.
\q1 Sɑɑ ye sɔɔ, u koo bɛɛ mɛnnɑ.
\q1 Tɔmbu bɑ koo bɛɛ bɛɛrɛ wɛ̃
\q1 kpɑ i yĩsiru yɑri hɑnduniɑn bwesenu kpuron suunu sɔɔ
\q1 sɑnɑm mɛ u koo kɑ bɛɛn yobu wurɑmɑ i bu wɑ.
\q1 Wi, Yinni Gusunɔwɑ u yeni geruɑ.