\id ZEC 
\ide UTF-8
\h Sɑkɑri
\toc1 SAKARI
\toc2 Sɑkɑri
\mt1 SAKARI
\ip Sɑkɑri kɑ Asee, wɑɑti tiɑ sɔɔrɑ bɑ ben sɔmburu kuɑ. Adɑmɑ ben gɑri kun sɑ̃ɑ tiɑ. Asee u Isirelibɑ kirɔ kuɑwɑ bu kɑ Yinni Gusunɔn sɑ̃ɑ yeru bɑni. Mɑ Sɑkɑri u geruɑ ye yɑ siɑ wee ye yɑ kɑ hɑnduniɑgibu kpuro yɑ̃. Win kɑ̃si dɑbi ni u wɑn sɔ̃, u tɔmbu kirɔ kuɑ bu kɑ gɔ̃ru gɔsiɑ. U nɛɛ, sunɔ wìn nɔɔ mwɛɛru Gusunɔ u kuɑ, u koo nɑ u bɑndu di kpɑ u tɔmbu yɑkiɑ yorun di.
\ip Sɑ ko kpĩ su tire ten gɑri bɔnu ko yiru.
\is1 Tire ten kpunɑɑ
\iq1 1. Sɑkɑrin kɑ̃si ni u wɑ kɑ win kirɔbɑ, wiru 1n di sere wiru 8.
\iq1 2. Ye yɑ koo koorɑ siɑ, wiru 9n di sere wiru 14.
\ie
\c 1
\ms1 SAKARIN KÃSINU
\s1 Yinni Gusunɔ u win tɔmbu
\s2 sokumɔ bu wurɑmɑ
\p
\v 1 Dɑrusin bɑndun wɔ̃ɔ yirusen suru nɔɔbɑ itɑse sɔɔrɑ Yinni Gusunɔ u kɑ win sɔmɔ Sɑkɑri, Berekiɑn bii, Idon debubu gɑri kuɑ u nɛɛ, 
\v 2 nɛ, Yinni Gusunɔ nɑ kɑ bɛɛn bɑɑbɑbɑ mɔru kuɑ too. 
\v 3 Yen sɔ̃, nɑ bɛɛ sɔ̃ɔmɔ, i wurɑmɑ nɛn mi, kpɑ nɛ, Gusunɔ wɔllu kɑ tem Yinni n mɑɑ wurɑ bɛɛn mi. Nɛ, Yinni Gusunɔwɑ nɑ yeni geruɑ. 
\v 4 I ku kɑ bɛɛn bɑɑbɑbɑ weenɑ be nɛn sɔmɔ gbiikobu bɑ nɛn gɑri sɔ̃ɔwɑ bɑ nɛɛ, bu ben dɑɑ kɔ̃sɑ derio. Adɑmɑ bɑ ǹ sɔmɔ be swɑɑ dɑki bu sere mɑn mɛm nɔɔwɑ. 
\v 5 Mɑnɑ bɛɛn bɑɑbɑ be, bɑ wɑ̃ɑ tɛ̃. Sɔmɔ ben tii, bɑ wɑ̃ɑ sere kɑ tɛ̃? 
\v 6 Aɑwo, bɑ gu. Kɑ mɛ, woodɑ kɑ gɑri yi nɑ nɛn sɔmɔ be wɛ̃, bɑ yi bɛɛn bɑɑbɑbɑ sɔ̃ɔwɑ, mɑ bɑ gɔ̃ru gɔsiɑ bɑ nɛɛ, nɛ Gusunɔ wɔllu kɑ tem Yinni nɑ bu kuɑ nge mɛ nɑ gɔ̃ru doke ben dɑɑ kɔ̃sɑn sɔ̃.
\s1 Sɑkɑri u dumi wɑ kɑ̃siru sɔɔ
\p
\v 7 Dɑrusin bɑndun wɔ̃ɔ yirusen suru wɔkurɑ tiɑse, wi bɑ mɔ̀ Sebɑti, win sɔ̃ɔ yɛndɑ nnɛse sɔɔrɑ Yinni Gusunɔ u kɑ win sɔmɔ Sɑkɑri, Berekiɑn bii, Idon debubu gɑri kuɑ kɑ̃siru sɔɔ. 
\v 8 Wee ye u wɑ kɑ̃si te sɔɔ. Wɔ̃kuru, u durɔ goo wɑ u dum swɑ̃ɑ sɔni u kɑ yɔ̃ dɑ̃nu gɑnun suunuɔ, wɔwɑ gɑɑ sɔɔ. Mɑ dum swɛ̃ɛ kɑ dum bɛrɔ wurusu kɑ dum kɑɑbɑ yi wɑ̃ɑ win biruɔ. 
\v 9 Mɑ u bikiɑ u nɛɛ, nɛn Yinni, mbɑ dumi yin tubusiɑnu.
\p Mɑ Gusunɔn gɔrɑdo wi, u nùn sɔ̃ɔwɑ u nɛɛ, kon nun yi tubusiɑ. 
\v 10 Yerɑ u nùn sɔ̃ɔwɑ u nɛɛ, dumi yi, yi sɑ̃ɑwɑ yi Gusunɔ u gɔrimɑ yi kɑ tem bukiɑnɑ.
\p
\v 11 Mɑ dumi yin tii yi gɔrɑdo wi sɔ̃ɔwɑ yi nɛɛ, sɑ tem bukiɑnɑ sɑ wɑ mɛ kpuro mu wɑ̃ɑ bɔri yɛndu sɔɔ.
\p
\v 12 Mɑ gɔrɑdo wi, u nɛɛ, Gusunɔ wɔllu kɑ tem Yinni, sere sɑɑ yerɑ̀ kɑɑ Yerusɑlɛmu kɑ Yudɑbɑn wuu si su tien wɔnwɔndu wɑ, si ɑ kɑ mɔru sɑ̃ɑ sɑɑ wɔ̃ɔ wɑtɑ kɑ wɔkurun di.
\p
\v 13 Mɑ Yinni Gusunɔ u gɔrɑdo wi wisɑ kɑ gɑri dori yi yi nùn gɔ̃ru yɛmiɑ.
\s1 Yinni Gusunɔ
\s2 u koo kpɑm Yerusɑlɛmu gɔsi
\p
\v 14 Gɔrɑdo wi, u mɑɑ nùn sɔ̃ɔwɑ u nɛɛ, ɑ geruo ɑ nɛɛ, ɑmɛniwɑ wi, Yinni Gusunɔ u geruɑ.
\q1 U nɛɛ, u Yerusɑlɛmu kɑ Siɔnin kĩru mɔ tɑ kpɑ̃.
\q1
\v 15 Mɛyɑ u kɑ bwese ni nu tii sue mɔru mɔ̀.
\q1 Yellu u rɑɑ kɑ nu mɔru kuɑ fiiko.
\q1 Mɑ nu Yerusɑlɛmu kɔ̃sɑ kuɑ.
\q1
\v 16 Yen sɔ̃nɑ wi, Gusunɔ wɔllu kɑ tem Yinni u nɛɛ,
\q1 u koo Yerusɑlɛmun wɔnwɔndu ko.
\q1 Bɑ koo win sɑ̃ɑ yeru bɑni.
\q1 Kpɑ bu Yerusɑlɛmun kpɛɛkpɛɛku yĩire.
\q1
\v 17 Win wusu su koo dukiɑ yibu.
\q1 U koo mɑɑ Yerusɑlɛmu nukuru yɛmiɑsiɑ.
\q1 Kpɑ u mɑɑ ye gɔsi win tiin sɔ̃.
\q1 Wi, Gusunɔ, wɔllu kɑ tem Yinniwɑ u yeni geruɑ.
\s1 Sɑkɑri u kɔbi nnɛ
\s2 kɑ sekobu nnɛ wɑ kɑ̃siru sɔɔ
\p
\v 18 Sɑkɑri u nɔni seeyɑ mɑ u mɑɑ kɔbi nnɛ wɑ. 
\v 19 Mɑ u gɔrɑdo wi u kɑ nùn gɑri mɔ̀ bikiɑ u nɛɛ, kɔbi yirɑ̀ mini.
\p Mɑ u nùn wisɑ u nɛɛ, kɔbi yi yi Yudɑbɑ kɑ Isirelibɑ kɑ Yerusɑlɛmugibu yɑrinɑsiɑwɑ mi.
\p
\v 20 Yen biru, Yinni Gusunɔ u mɑɑ nùn sekobu nnɛ sɔ̃ɔsi. 
\v 21 Mɑ u nùn bikiɑ u nɛɛ, mbɑ seko be, bɑ kobu nɑ.
\p Mɑ u nùn wisɑ u nɛɛ, bɑ nɑwɑ bu kɑ kɔbi yi tɔ̃yɑ ko, kpɑ bu yi bɔɔku yi, yi yi Yudɑn tem wɔri yi mɛn tɔmbu yɑrinɑsiɑ sere ben goo kun kpĩɑ u kɑ tii yinɑ.
\c 2
\s1 Sɑkɑri u wɛ̃ɛ wɑ kɑ̃siru sɔɔ
\p
\v 1 Ye Sɑkɑri u mɑɑ mɛɛrɑ, yerɑ u durɔ goo wɑ u wɛ̃ɛ yĩirutii nɛni. 
\v 2 Mɑ u nùn bikiɑ u nɛɛ, mɑnɑ ɑ dɔɔ.
\p Mɑ u wisɑ u nɛɛ, nɑ dɔɔwɑ n Yerusɑlɛmu yĩire n kɑ yen dɛ̃ɛbu kɑ yen yɑsum wɑ.
\p
\v 3 Sɑnɑm mɛ Gusunɔn gɔrɑdo wi u kɑ nùn gɑri mɔ̀, u susim wee, yerɑ gɔrɑdo goo u mɑɑ nɑ u kɑ wiɔnɔ yinnɑ. 
\v 4 Mɑ u nùn sɔ̃ɔwɑ u nɛɛ, ɑ dukɑ doo ɑ ɑluwɑɑsi wi sɔ̃ ɑ nɛɛ, Yerusɑlɛmu yɑ koo ko wuu gè bɑ ǹ mɑɑ gbɑ̃rɑru toosimɔ. Domi gen tɔmbu kɑ gen yɑɑ sɑbenu koo dɑbiɑ. 
\v 5 Yinni Gusunɔ u mɑɑ nɛɛ, u ko n sɑ̃ɑ nge gbɑ̃rɑ dɔ̃ɔgiru Yerusɑlɛmu yen sɔ̃. Mɛyɑ u ko n mɑɑ sɑ̃ɑ yen bɛɛrɛ.
\s1 Yinni Gusunɔ u be bɑ rɑɑ
\s2 kpikiru dɑ soku
\p
\v 6 Sɑkɑri u nɛɛ,
\q1 Yinni Gusunɔ u geruɑ u nɛɛ,
\q1 bɛɛ be u rɑɑ yɑrinɑsiɑ hɑnduniɑn goonu nnɛ ye sɔɔ,
\q1 i wurɑmɑ.
\q1 I seemɑ i wurɑmɑ sɑɑ sɔ̃ɔ yɛ̃sɑn nɔm geu giɑn di.
\q1
\v 7 Bɛɛ Yerusɑlɛmugibu, bɛɛ be i yoru dimɔ Bɑbiloniɔ,
\q1 i kisirɑmɑ.
\p
\v 8 Domi wi, Gusunɔ wɔllu kɑ tem Yinni u nɛɛ,
\q1 yenibɑn biru,
\q1 Yerusɑlɛmun bɛɛrɛ yɑ koo wurɑmɑ.
\q1 Wee u mɑn gɔriɔ bwese ni nu bɛɛn yɑ̃nu gurɑn mi.
\q1 U nɛɛ, nù n mɑɑ bɛɛ bɑbɑ,
\q1 yɑ sɑ̃ɑwɑ nge win tiin nɔniyɑ nu bɑbɑ.
\q1
\v 9 Wee u koo nu nɔmɑ doke
\q1 kpɑ nu gɔsiɑ bɛɛn yobu.
\p Sɑɑ ye sɔɔrɑ nu koo giɑ mɑ Gusunɔ, wɔllu kɑ tem Yinniwɑ u mɑn gɔrimɑ.
\q1
\v 10 Wiyɑ u nɛɛ, bɛɛ Yerusɑlɛmugibu, i nuku dobun kuuki koowo.
\q1 Domi u koo nɑ u n kɑ bɛɛ wɑ̃ɑ.
\q1
\v 11 Bwese dɑbinɑ nu koo wurɑ wi, Yinni Gusunɔn mi giɑ yen tɔ̃ɔ te,
\q1 kpɑ nu ko win tɔmbu,
\q1 kpɑ u n wɑ̃ɑ kɑ be.
\m Sɑɑ ye sɔɔrɑ i ko i giɑ mɑ wi, Gusunɔ wɔllu kɑ tem Yinniwɑ u mɑn gɔrimɑ.
\q1
\v 12 U ko n mɑɑ Yudɑ mɔ tem dɛɛrɑm mɛ sɔɔ.
\q1 U koo mɑɑ Yerusɑlɛmu gɔsi.
\q1
\v 13 Bɑɑwure u koo nɔɔ mɑri Yinni Gusunɔn wuswɑɑɔ.
\q1 Domi u koo seemɑ win wɑ̃ɑ yee dɛɛrɑrun di.
\c 3
\s1 Sɑkɑri u yɑ̃ku kowo wɑ
\s2 kɑ̃siru sɔɔ
\p
\v 1 Sɑkɑri u Yosue yɑ̃ku kowo tɔnwero wɑ u yɔ̃ Yinni Gusunɔn gɔrɑdon\f + \fr 3:1 \fr*\fk Yinni Gusunɔn gɔrɑdo \fk*\ft - Kɑ Heberum bɑ yoruɑ Yinni Gusunɔ tɔnɑ.\ft*\f* wuswɑɑɔ. Mɑ Setɑm\f + \fr 3:1 \fr*\fk Setɑm \fk*\ft - Win sɔmburɑ u kɑ tɑɑrɛ dɑ Gusunɔn wuswɑɑɔ.\ft*\f* u yɔ̃ win nɔm geuɔ u kɑ nùn tɑɑrɛ wɛ̃. 
\v 2 Mɑ Yinni Gusunɔn gɔrɑdo u Setɑm sɔ̃ɔwɑ u nɛɛ, Gusunɔ u nun gerusi wi, wi u Yerusɑlɛmu gɔsɑ. A ǹ yɛ̃ mɑ Yosue u sɑ̃ɑwɑ nge dɑ̃ɑ nɔɔ ge bɑ wunɑ dɔ̃ɔn di?
\p
\v 3 N deemɑ yɑ̃ɑ disinuginɑ Yosue u sebuɑ u kɑ yɔ̃ gɔrɑdo win wuswɑɑɔ. 
\v 4 Mɑ gɔrɑdo wi, u be bɑ yɔ̃ win wuswɑɑɔ sɔ̃ɔwɑ u nɛɛ, bu Yosuen yɑ̃ɑ disinugii ni wunɔ. Mɑ u Yosue sɔ̃ɔwɑ u nɛɛ, wee nɑ nun wunɛn torɑnu wunɑ. Mɑ nɑ nun tɔ̃ɔ bɑkɑ yɑ̃nu sebusiɑ.
\p
\v 5 U mɑɑ woodɑ wɛ̃ u nɛɛ, bu nùn dɑwɑni ye yɑ dɛɛre bɔkusio. Mɑ bɑ nùn ye bɔkusiɑ. Mɑ bɑ nùn yɑ̃nu sebusiɑ. Sɑɑ ye sɔɔ, gɔrɑdo wi, u yɔ̃ mi. 
\v 6 U Yosue gɑri yini sɔ̃ɔwɑ u nɛɛ, 
\v 7 ɑmɛniwɑ wi, Gusunɔ wɔllu kɑ tem Yinni u geruɑ. U nɛɛ,
\q1 ɑ̀ n sĩimɔ win swɛɛ sɔɔ,
\q1 mɑ ɑ win woodɑbɑ mɛm nɔɔwɑmmɛ,
\q1 wunɑ kɑɑ win sɑ̃ɑ yeru kɑ ten yɑɑrɑn sɔmburu kpɑrɑ.
\q1 U koo nun kowɑ be bɑ win sɔmburu mɔ̀n turo.
\s1 Yinni Gusunɔ
\s2 u koo win sɔm kowo nɑɑwɑ
\q1
\v 8 Yosue, wunɛ yɑ̃ku kowo tɔnwero,
\q1 wunɛ kɑ wunɛn tɔn be bɑ sɔ̃ wunɛn wuswɑɑɔ,
\q1 i swɑɑ dɑkio i nɔ.
\q1 Tɔn be, bɑ ko n ginɑ sɑ̃ɑwɑ yĩreru wi u sisin sɔ̃.
\q1 Domi Yinni Gusunɔ u koo win sɔm kowo gɔrimɑ wi u sɑ̃ɑ kpii pɔturɑ.
\q1
\v 9 Wunɛ Yosuen wuswɑɑɔ, u kperu gɑru yiimɔ.
\q1 Wuswɛɛ nɔɔbɑ yiruwɑ tɑ mɔ.
\q1 Win tiiwɑ u koo yore te sɔɔ.
\q1 Kpɑ u tem mɛn torɑnu wunɑ sɔ̃ɔ teeru.
\q1
\v 10 Wi, Gusunɔ wɔllu kɑ tem Yinni u nɛɛ,
\q1 yen tɔ̃ɔ te, i ko i sokunɑ i nuku dobu ko bɔri yɛndun sɔ̃ bɛɛn dɑ̃ɑ gbɑɑnɔ.
\c 4
\s1 Sɑkɑri u dɑbu wurɑguu
\s2 kɑ dɑ̃ɑ ye bɑ mɔ̀ olifi wɑ
\s2 kɑ̃siru sɔɔ
\p
\v 1 Gusunɔn gɔrɑdo wi u kɑ Sɑkɑri gɑri mɔ̀ u nɑ u nùn yɑmiɑ nge mɛ bɑ rɑ tɔnu dom yɑmiɛ. 
\v 2 Mɑ u nùn bikiɑ u nɛɛ, mbɑ ɑ wɑɑmɔ mi.
\p Mɑ u nùn wisɑ u nɛɛ, wurɑn dɑbuwɑ nɑ wɑɑmɔ gèn wɔllɔ bɑ wekeru gɑru sɔndi. Weke te, tɑ kɑ̃ɑnu nɔɔbɑ yiru mɔ. Nin wɔllɔwɑ bɑ fitilɑnu sɔndi tiɑ tiɑ. Kɑ̃ɑ nin min diyɑ gum mu rɑ kɑ de fitilɑ nin mi. 
\v 3 Olifin dɑ̃nu yiru yɑ wɑ̃ɑ weke ten bɔkuɔ. Teeru nɔm dwɑru giɑ, teeru mɑɑ nɔm geu giɑ.
\p
\v 4 Mɑ Sɑkɑri u wure u gɔrɑdo wi bikiɑ u nɛɛ, yinni, mbɑ yenibɑ kpuron tubusiɑnu.
\p
\v 5 Mɑ Gusunɔn gɔrɑdo u nɛɛ, ɑ ǹ yen tubusiɑnu yɛ̃?
\p
\v 6-10 Mɑ Sɑkɑri u nɛɛ, ɑɑwo, yinni. Mɑ gɔrɑdo u nɛɛ, fitilɑ nɔɔbɑ yiru ye, yɑ sɑ̃ɑwɑ Yinni Gusunɔn nɔni yi yi tem bukiɑnɑmɔ.
\p
\v 11 Mɑ Sɑkɑri u mɑɑ nɛɛ, mbɑ olifin dɑ̃nu yiru ye yɑ wɑ̃ɑ dɑbu gen nɔm geuɔ kɑ gen nɔm dwɑrɔ min tubusiɑnu.
\p
\v 12 U mɑɑ bikiɑ u nɛɛ, mbɑ olifin kɑ̃ɑnu yiru yen tubusiɑnu ni nu wɑ̃ɑ dɑbun kɑ̃ɑnu yiru yen bɔkuɔ, mìn di gum kokumɔ nge wurɑ.
\p
\v 13 Yerɑ u wisɑ u nɛɛ, ɑ ǹ nin tubusiɑnu yɛ̃?
\p Mɑ u nɛɛ, ɑɑwo, Yinni.
\p
\v 14 U nùn wisɑ u nɛɛ, nu sɑ̃ɑwɑ tɔmbu yiru be nɑ gɔsɑ bɑ nɛ, tem kpuron Yinni sɑ̃ɑmɔ.
\s1 Nɔɔ mwɛɛnu Sorobɑbɛlin sɔ̃
\p \vp 6b\vp*Yerɑ u mɑɑ nɛɛ, wee ye Yinni Gusunɔ u Sorobɑbɛli sɔ̃ɔmɔ. U nɛɛ,
\q1 n ǹ mɔ kɑ wi, Sorobɑbɛlin dɑm
\q1 ǹ kun mɛ kɑ win yiikowɑ
\q1 u koo kpĩ u sɔmburu ko.
\q1 Adɑmɑ kɑ wi, Gusunɔn Hunden dɑmɑ.
\q1 Wi, wɔllu kɑ tem Yinniwɑ u yeni geruɑ.
\m \vp 7\vp* U mɑɑ nɛɛ,
\q1 Sɑkɑri, mbɑ n dɑ n guu bɑkɑ te tɑ wɑ̃ɑ Sorobɑbɛlin wuswɑɑɔ.
\q1 Sorobɑbɛli wi, u koo tu kɔrɑ
\q1 kpɑ u kpee geeru yɑrɑ
\q1 te bɑ koo sɔndi sɑ̃ɑ yerun wii kpiirɔ.
\q1 Sɑɑ ye sɔɔ, tɔmbu bɑ koo nuku dobun kuuki ko bɑ n mɔ̀
\q1 ɑnnɑ ɑ kpee burɑru wɑ.
\p \vp 8\vp* Yinni Gusunɔ u mɑɑ Sɑkɑri sɔ̃ɔwɑ u nɛɛ,
\q1 \vp 9\vp* Sorobɑbɛliwɑ u dii ten kpɛɛkpɛɛku swĩi.
\q1 Wiyɑ u koo mɑɑ ten bɑnɑ wiru go.
\p Sɑɑ ye sɔɔrɑ nɛn tɔmbu bɑ koo giɑ mɑ nɛ, Gusunɔ wɔllu kɑ tem Yinniwɑ nɑ nun gɔrimɑ.
\q1 \vp 10\vp* Yen sɔ̃, bu ku sɔmbu ten tore gɛm
\q1 bɑɑ tɑ̀ n sɑ̃ɑn nɑ piibu.
\q1 Bɑ koo nuku dobu ko
\q1 bɑ̀ n wɛ̃ɛ wɑ
\q1 yi bɑ rɑ kɑ gɑnɑn dɛndɑbu mɛɛri
\q1 Sorobɑbɛlin nɔmɑɔ.
\c 5
\s1 Sɑkɑri u tireru wɑ tɑ yɔ̃ɔwɑ
\p
\v 1 Sɑkɑri u mɑɑ nɔni seeyɑ kɑ̃siru sɔɔ mɑ u tire kureru gɑru wɑ tɑ yɔ̃ɔwɑ. 
\v 2 Mɑ Gusunɔn gɔrɑdo u nùn bikiɑ u nɛɛ, mbɑ ɑ wɑɑmɔ mi.
\p Mɑ u nùn wisɑ u nɛɛ, tire kureru gɑrɑ nɑ wɑɑmɔ tɑ yɔ̃ɔwɑ. Ten dɛ̃ɛbu sɑ̃ɑwɑ gɔm soonu yɛndu. Ten yɑsum mɑɑ gɔm soonu wɔkuru.
\p
\v 3 Yerɑ u nùn sɔ̃ɔwɑ u nɛɛ, bɔ̃riyɑ tɑ sɔɔwɑ yi yi koo yɑbi tem mɛ kpuro sɔɔ. Ten bee tiɑɔ, bɑ yoruɑwɑ mɑ bɑ koo gbɛnɔbu kpuro girɑ minin di. Bee tiɑɔ mɑɑ bɑ koo be bɑ rɑ bɔ̃ri weesugii ko girɑ. 
\v 4 Gusunɔ wɔllu kɑ tem Yinnin tiiwɑ u koo de bɔ̃ri yi, yi nɑ kpɑ yi gbɛnɔbun yɛnusu di kɑ sere be bɑ rɑ kɑ Yinni Gusunɔn yĩsiru bɔ̃re kɑm. Miyɑ yi koo sinɑ yi yin wɑ̃ɑ yeru ko kpɑ yi ben dirun kpɛɛkpɛɛku kɑ ten kpenu di.
\s1 Sɑkɑri u tɔn kurɔ goo wɑ
\s2 kɑ̃siru sɔɔ
\p
\v 5 Gusunɔn gɔrɑdo wi, u Sɑkɑri susi mɑ u nɛɛ, ɑ nɔni seeyo ɑ wɑ ye yɑ yɑrim wee.
\p
\v 6 Mɑ u nùn wisɑ u nɛɛ, mbɑ mi.
\p Mɑ u nɛɛ, birerɑ mi, tɑ yɑrim wee tè sɔɔ tem min tɔmbu kpuron torɑnu yibɑ.
\p
\v 7 Sɑnɑm mɛ bire ten wukiritiɑ ye bɑ kuɑ kɑ pɛɛrum yɑ wukiɑrɑ, yerɑ u kurɔ goo wɑ u sɔ̃ ten sɔɔwɔ. 
\v 8 Mɑ gɔrɑdo wi, u nɛɛ, kurɔ wi, u sɑ̃ɑwɑ torɑnu.
\p Mɑ u wure u kurɔ wi tɑɑre bire ten sɔɔwɔ, mɑ u wukiri. 
\v 9 Ye u mɑɑ nɔni seeyɑ wɔllɔ, yerɑ u kurɔbu yiru gɑbu wɑ kɑ̃siru sɔɔ. Kurɔ be, bɑ kɑsi mɔ nge kpɑkpɑyɛ, mɑ woo gɑ yi suɑmɔ. Mɑ bɑ nɑ bɑ bire te suɑ bɑ kɑ dɑ wɔllɔ. 
\v 10 Mɑ u gɔrɑdo wi bikiɑ u nɛɛ, mɑnɑ bɑ kɑ tu dɔɔ. 
\v 11 U nùn wisɑ u nɛɛ, bɑ kɑ tu dɔɔwɑ Bɑbilonin temɔ. Miyɑ bɑ koo tu diru bɑniɑ. Bɑ̀ n tu bɑnɑ bɑ kpɑ, kpɑ bire te, tɑ n wɑ̃ɑ mi.
\c 6
\s1 Sɑkɑri u tɑbu kɛkɛ nnɛ wɑ
\s2 kɑ̃siru sɔɔ yi dumi gɑwe
\p
\v 1 Sɑkɑri u mɑɑ nɔni seeyɑ mɑ u tɑbu kɛkɛ nnɛ wɑ yi dumi gɑwe yi yɑriɔ guunu yirun bɑɑn di. Guu ni, nu sɑ̃ɑwɑ sii gɑnduginu. 
\v 2 Tɑbu kɛkɛ gbiikɑɑ, dum swɛ̃ɛyɑ yi gɑwe. Yiruse, kɔnkɔrɔbɑ. 
\v 3 Itɑse, kɑɑbɑ. Nnɛse, dumi yi yi bɑu swɑ̃ɑsu mɔ. 
\v 4 Mɑ u gɔrɑdo wi u kɑ nùn gɑri mɔ̀ bikiɑ u nɛɛ, berɑ̀ mi nɛn Yinni.
\p
\v 5 U nùn wisɑ u nɛɛ, wɔllun goonu nnɛn wosɑ si su rɑɑ wɑ̃ɑ Gusunɔ, tem kpuron Yinnin bɔkuɔ. Siyɑ su tɛ̃ doonɔ.
\p
\v 6 Dum kɔnkɔrɔ be bɑ tɑbu kɛkɛ yen tiɑ gɑwe mi, bɑ dɔɔwɑ sɔ̃ɔ yɛ̃sɑn nɔm geu giɑ. Mɑ dum kɑɑ be, bɑ swĩi. Adɑmɑ dum bɑu swɑ̃ɑsugii yi, yi dɔɔwɑ sɔ̃ɔ yɛ̃sɑn nɔm dwɑru giɑ. 
\v 7 Dum swɛ̃ɛ yi, yi yɑrɑ mɑ yi kɑnɑ yi dɑ yi tem bukiɑnɑ. Mɑ gɔrɑdo wi, u yi sɔ̃ɔwɑ u nɛɛ, yi doo yi tem mɛ bukiɑnɑ.
\p Mɑ yi tem mɛ bukiɑnɑ. 
\v 8 Gɔrɑdo wi, u nùn sokɑ u nɛɛ, ɑ mɛɛrio ɑ wɑ. Dumi yi yi dɑ sɔ̃ɔ yɛ̃sɑn nɔm geu giɑ mi, yi Gusunɔn mɔru suresiɑwɑ berɑ mi.
\s1 Bɑ koo Yinni Gusunɔn
\s2 sɑ̃ɑ yeru seeyɑ
\p
\v 9 Yinni Gusunɔ u Sɑkɑri sɔ̃ɔwɑ u nɛɛ, 
\v 10 ɑ yoo beni, Hɛlidɑi kɑ Tobiyɑ kɑ Yedɑyɑn kɛ̃nu mɔɔ kpɑ ɑ dɑ Yosiɑsi, Sofonin biin yɛnuɔ mi yoo be, bɑ wɑ̃ɑ sɑnɑm mɛ bɑ tunumɑ Bɑbiloniɔ. 
\v 11 Kpɑ ɑ sii geesu kɑ wurɑ suɑ ɑ kɑ sinɑ furɔ ko ge kɑɑ doke Yosue, yɑ̃ku kowo tɔnwero, Yosɑdɑkin biin wirɔ. 
\v 12 Kpɑ ɑ nùn sɔ̃ ɑ nɛɛ, ɑmɛniwɑ nɛ, Gusunɔ wɔllu kɑ tem Yinni nɑ geruɑ. Nɑ nɛɛ,
\q1 goo wɑ̃ɑ wi bɑ mɔ̀ kpii pɔturɑ.
\q1 Sɑɑ win min diyɑ wɑ̃ɑrɑ koo yɑri
\q1 kpɑ u nɛn sɑ̃ɑ yee te bɑni.
\q1
\v 13 U koo sinɑ yɑ̃nu sebe,
\q1 kpɑ u sinɑ win sinɑ gɔnɑɔ u tɔmbu kpɑrɑ.
\q1 Yɑ̃ku kowo ko n wɑ̃ɑ win bɔkuɔ
\q1 kpɑ bɑ n nɔɔ tiɑ sɑ̃ɑ mɑm mɑm.
\p
\v 14 Sinɑ furɔ ge, gɑ ko n wɑ̃ɑwɑ nɛ, Yinni Gusunɔn sɑ̃ɑ yerɔ. Geyɑ gɑ koo de bu Helɛmu kɑ Tobiyɑ kɑ Yedɑyɑ kɑ Hɛni, Sofonin bii yɑɑyɑ.
\p
\v 15 Mɑ Sɑkɑri u nɛɛ, be bɑ wɑ̃ɑ n tomɑ, bɑ koo nɑ bu sɑ̃ɑ yee te bɑni. Sɑɑ ye sɔɔrɑ bɑ koo giɑ mɑ nɛ, Gusunɔ wɔllu kɑ tem Yinniwɑ nɑ nun gɔrimɑ.
\p Yeni kpuro yɑ koo koorɑwɑ ì n nɛ, Gusunɔ bɛɛn Yinnin gere mɛm nɔɔwɑ mɑm mɑm.
\c 7
\s1 Nɔɔ bɔku te bɑ kɑ
\s2 Yerusɑlɛmun bɑnsu yɑɑyɑmɔ
\p
\v 1 Dɑrusin bɑndun wɔ̃ɔ nnɛse sɔɔ, yen suru nɔɔbɑ nnɛse wi bɑ mɔ̀ Kisilun sɔ̃ɔ nnɛse sɔɔrɑ Yinni Gusunɔ u kɑ Sɑkɑri gɑri kuɑ u nɛɛ, 
\v 2 Betɛligibu bɑ rɑɑ Sɑrɛsɛɛ kɑ Regɛmu Mɛlɛki kɑ gɑbu gɔrɑ Gusunɔ wɔllu kɑ tem Yinnin sɑ̃ɑ yerɔ bu kɑ win durom kɑnɑ. 
\v 3 Kpɑ bu mɑɑ yɑ̃ku kowobu kɑ win sɔmɔbu bikiɑ bɑ̀ n ko bɑ n sumɔn nɑ, kpɑ bɑ n nɔɔ bɔkuɑ wɔ̃ɔn suru nɔɔbuse kpuro sɔɔ nge mɛ bɑ mɔ̀ tɛɛbun di.
\p
\v 4 Yerɑ Gusunɔ, wɔllu kɑ tem Yinni u Sɑkɑri sɔ̃ɔwɑ u nɛɛ, 
\v 5 ɑ yɑ̃ku kowobu kɑ tɔn be kpuro wisio ɑ nɛɛ,
\q1 sɑɑ wɔ̃ɔ wɑtɑ kɑ wɔkurun di, bɑ rɑ nɔɔ bɔke
\q1 kpɑ bɑ n wɑ̃ɑ nuku sɑnkirɑnu sɔɔ wɔ̃ɔn suru nɔɔbuse kɑ nɔɔbɑ yiruse sɔɔ.
\q1 Adɑmɑ bɑ ǹ ye mɔ̀ bu kɑ mɑn bɛɛrɛ wɛ̃.
\q1
\v 6 Bɑ̀ n mɑɑ dimɔ, bɑ nɔrumɔ, ben tiin sɔ̃nɑ.
\p
\v 7 Yellu, nɛ, Yinni Gusunɔ nɑ tɔmbu kirɔ kuɑ kɑ gɑri yinin bweseru nɛn sɔmɔ gbiikobun min di. Sɑɑ ye sɔɔ, Yerusɑlɛmu kɑ wuu si su kɑ ye sikerenɛn tɔmbu bɑ wɑ̃ɑ bɔri yɛndu sɔɔ, mɑ tɔmbɑ yibɑ sɔ̃ɔ yɛ̃sɑn nɔm dwɑru giɑ kɑ wɔwɑɔ.
\p
\v 8-9 Gusunɔ wɔllu kɑ tem Yinni u mɑɑ Sɑkɑri sɔ̃ɔwɑ u nɛɛ, ɑ tɔn be gɑri yini yɑɑyɑsio yi yi nɛɛ,
\q1 bu tɔmbu sirio dee dee,
\q1 kpɑ bɑ n tɔn geeru kɑ wɔnwɔndu mɔɔsinɛ.
\q1
\v 10 Bu ku gɔminibu kɑ gobekubɑ
\q1 kɑ sɔbu kɑ sɑ̃ɑrobu dɑm dɔre.
\q1 Bu ku mɑɑ ben winsim kɔ̃sɑ bwisikusi.
\p
\v 11 Adɑmɑ bɑ ǹ gɑri yi swɑɑ sue. Bɑ swɑɑ tɑɑyɑwɑ. 
\v 12 Mɑ bɑ ben gɔ̃rusu bɔbiɑsiɑ nge kpee kpikiru. Bɑ ǹ nɛ, Gusunɔ wɔllu kɑ tem Yinnin woodɑ ye swɑɑ dɑki, ye nɑ bu wɛ̃ sɑɑ nɛn sɔmɔbun min di, be nɛn Hunde u kɑ gɑri kuɑ. Mɑ ben swɑɑ tɑɑ bi, bu mɑn mɔru kuɑ too.
\q1
\v 13 Sɑnɑm mɛ nɑ bu sokɑ, bɑ ǹ wisɑ.
\q1 Yen sɔ̃nɑ nɛn tii nɑ ǹ mɑɑ bu wisɑ
\q1 sɑnɑm mɛ bɑ mɑn somiru kɑnɑ.
\q1
\v 14 Yen sɔ̃nɑ nɑ bu yɑrinɑsiɑ bwesenu kpuron suunu sɔɔ ni bɑ ǹ dɑɑ yɛ̃.
\q1 Mɑ bɑ ben tem deri dirum
\q1 goo ku rɑ mɑɑ sɑre mi.
\q1 Mɑ tem gem mɛ, mu kuɑ bɑnsu.
\q1 Nɛ, Gusunɔ wɔllu kɑ tem Yinniwɑ nɑ yeni geruɑ.
\c 8
\s1 Yinni Gusunɔ u koo
\s2 Yerusɑlɛmu wesiɑ nge yellu
\p
\v 1 Gusunɔ wɔllu kɑ tem Yinni u geruɑ u nɛɛ,
\q1
\v 2 nɛn nisinu kpɑ̃ Yerusɑlɛmun sɔ̃.
\q1 Domi nɑ ye kĩ gem gem.
\q1
\v 3 Yen sɔ̃nɑ nɑ nɛɛ, kon wurɑ Yerusɑlɛmu ye sɔɔ
\q1 kpɑ nɑ n wɑ̃ɑ mi.
\q1 Bɑ koo ye soku wuu gemguu.
\q1 Kpɑ bu mɑɑ nɛ, Gusunɔ wɔllu kɑ tem Yinnin guu te soku guu dɛɛrɑru.
\q1
\v 4 Durɔ tɔkɔnu kɑ kurɔ tɔkɔnu
\q1 nu koo kɑ dɛki sĩimɑ
\q1 kpɑ nu nɑ nu sinɑ yen bɑtumɑbɑ sɔɔ.
\q1
\v 5 Bii ɑluwɑɑsibɑ kɑ bii wɔndiɑbɑ
\q1 bɑ koo yibu yen bɑtumɑ be sɔɔ
\q1 bɑ n dweebu mɔ̀.
\q1
\v 6 Isireli be bɑ tien nɔni sɔɔ,
\q1 yɑ ko n sɑ̃ɑ nge ye yɑ kun kpɛ̃ yu koorɑ.
\q1 Adɑmɑ nɛ, Gusunɔ wɔllu kɑ tem Yinni,
\q1 kon kpĩ n mɑɑmɑɑki ye ko.
\q1 Nɛnɑ nɑ yeni geruɑ.
\q1
\v 7 Wee nɑ nɛn tɔmbu fɑɑbɑ mɔ̀
\q1 be bɑ wɑ̃ɑ sɔ̃ɔ yɑri yerɔ kɑ sɔ̃ɔ duu yerɔ.
\q1
\v 8 Kon kɑ bu wurɑmɑ kpɑ bu sinɑ Yerusɑlɛmuɔ
\q1 bɑ n sɑ̃ɑ nɛn tɔmbu
\q1 kpɑ nɑ n mɑɑ sɑ̃ɑ ben Yinni gemgii
\q1 wi u nɑɑnɛ mɔ.
\q1
\v 9 Wee ye nɛ, Gusunɔ wɔllu kɑ tem Yinni nɑ geruɑ.
\q1 Nɑ nɛɛ, i wɔrugɔru koowo
\q1 bɛɛ be i nuɑ gisɔ ye nɛn sɔmɔbu bɑ geruɑ
\q1 sɑnɑm mɛ bɑ nɛn sɑ̃ɑ yee ten kpɛɛkpɛɛku swĩi.
\q1
\v 10 Domi yellu, goo ku rɑ win sɔmburun kɔsiɑru wɑ.
\q1 Goo ku rɑ mɑɑ yɑɑ sɑbe ni nu nùn sɔmburu kuɑn kɔsiɑru wɛ̃.
\q1 Sɑɑ ye sɔɔ, goo ku rɑ yɑri.
\q1 Goo ku rɑ mɑɑ du kɑ bɔri yɛndu yibɛrɛbɑn sɔ̃.
\q1 Domi nɑ tɔmbu yɔ̃suwɑ bu kɑ wɔrinɑ.
\q1
\v 11 Adɑmɑ tɛ̃, nɑ ǹ mɑɑ Isireli be bɑ tie kuɑmmɛ nge mɛ nɑ kuɑ yellu.
\q1 Nɛ, Gusunɔ wɔllu kɑ tem Yinniwɑ nɑ yeni geruɑ.
\q1
\v 12 Kon de bɔri yɛndu tu duwɑ tem sɔɔ kpuro.
\q1 Resɛm yɑ koo mɑ.
\q1 Gurɑ yɑ koo nɛ
\q1 kpɑ tem mu dĩɑnu ko.
\q1 Domɑ nini kpurowɑ kon Isireli be bɑ tie kuɑ.
\q1
\v 13 Bɛɛ Yudɑbɑ kɑ Isirelibɑ,
\q1 wee i kuɑ bwese te nɑ bɔ̃rusi bwesenun suunu sɔɔ.
\q1 Adɑmɑ tɛ̃, kon bɛɛ fɑɑbɑ ko
\q1 kpɑ i n sɑ̃ɑ domɑrugibu tɔmbun suunu sɔɔ.
\q1 Yen sɔ̃, i ku bɛrum ko.
\q1 I de i n wɔrugɔru mɔ.
\q1
\v 14 Amɛniwɑ nɛ, Gusunɔ wɔllu kɑ tem Yinni nɑ geruɑ.
\q1 Nɑ nɛɛ, nɑ rɑɑ gɔ̃ru doke n bɛɛ kɔ̃sɑ kuɑ
\q1 yèn sɔ̃ bɛɛn bɑɑbɑbɑ bɑ nɛn mɔru seeyɑ.
\q1 Nɑ ǹ dɑɑ gɔ̃ru gɔsie n ye kɔbiɑ.
\q1
\v 15 Adɑmɑ tɛ̃, nɑ gɔ̃ru doke
\q1 n Yerusɑlɛmu kɑ Yudɑn tem kpuro geɑ kuɑ.
\q1 Yen sɔ̃, i ku bɛrum ko.
\q1
\v 16 I kɑ gɑri yini sɔmburu koowo.
\q1 Yiyɑ, bɑɑwure u n dɑ win winsim gem sɔ̃.
\q1 Kpɑ i n dɑ bɑɑwure siri gem sɔɔ
\q1 i n kɑ wɑ̃ɑ bɔri yɛndu sɔɔ.
\q1
\v 17 I ku goo kɔ̃sɑ kuɑ.
\q1 I ku bɔ̃ri weesugii ko.
\q1 Domi yenibɑ kpurowɑ nɑ tusɑ.
\q1 Nɛ, Yinni Gusunɔwɑ nɑ yeni geruɑ.
\s1 Nɔɔ bɔkurun tɔ̃ru tɑ koo
\s2 gɔsirɑ nuku dobun tɔ̃ru
\p
\v 18 Gusunɔ wɔllu kɑ tem Yinni u nɛɛ, 
\v 19 nɔɔ bɔku ni i rɑ ko suru nnɛse sɔɔ kɑ suru nɔɔbuse sɔɔ kɑ suru nɔɔbɑ yiruse sɔɔ kɑ suru wɔkuruse sɔɔ, nu koo gɔsirɑ nuku dobun tɔ̃nu Yudɑɔ. Ni sɔɔrɑ bɑ ko n dɑ tɔ̃ɔ bɑkɑnu di.
\p Adɑmɑ yebɑ kpuro sɔɔ, i de i gem kɑ bɔri yɛndu kĩɑ.
\p
\v 20 Nɑ mɑɑ wure nɑ nɛɛ,
\q1 tɔmbu bɑ koo nɑ Yerusɑlɛmuɔ
\q1 sɑɑ wusu dɑbinun di.
\q1
\v 21 Wusu gɑsun tɔmbu bɑ koo gɑsun tɔmbu sɔ̃ bu nɛɛ,
\q1 bu dɑ bu nɛ, Gusunɔ wɔllu kɑ tem Yinnin durom kɑsu Yerusɑlɛmuɔ
\q1 kpɑ bu mɑn sɑ̃.
\q1
\v 22 Geemɑ, bwese dɑbinu kɑ mɑɑ bwese ni nu dɑm mɔ
\q1 nu koo nɑ nu nɛn durom mɛ kɑsu
\q1 kpɑ nu mɑn sɑ̃.
\q1
\v 23 Nɛ, Gusunɔ wɔllu kɑ tem Yinni nɑ nɛɛ,
\q1 yen tɔ̃ɔ te, bweseru bɑɑtere sɔɔ,
\q1 tɔmbu wɔku wɔkubu bɑ ko n Yuu turon yɑbe soo nɛni
\q1 bɑ n mɔ̀, bɑ koo kɑ nùn dɑ.
\q1 Domi bɑ nuɑ mɑ nɛ, Gusunɔ nɑ wɑ̃ɑ kɑ wi.
\c 9
\ms1 ISIRELIBA KA BWESE TUKUNU
\s1 Yinni Gusunɔ
\s2 u koo bwese ni nu tie siri
\p
\v 1 Amɛniwɑ Yinni Gusunɔ u geruɑ Hɑdɑrɑkin tem sɔ̃ u nɛɛ,
\q1 kon wuu ge bɑ mɔ̀ Dɑmɑsi siri.
\q1 Domi nɛn nɔni wɑ̃ɑ tɔmbu sɔɔ
\q1 nge mɛ yi wɑ̃ɑ Isirelibɑn bwese kɛri kpuro sɔɔ.
\q1
\v 2 Kon mɑɑ Hɑmɑti ye yɑ wɑ̃ɑ Dɑmɑsin tem nɔɔ burɑ yerɔn tem siri
\q1 kɑ Tiri kɑ sere mɑɑ Sidoni,
\q1 bɑɑ mɛ wuu sin tɔmbu bɑ bwisi mɔ.
\q1
\v 3 Tiri ye, yɑ wɑ̃ɑ gbɑ̃rɑ dɑmgirun suunu sɔɔ.
\q1 Mɛyɑ yɑ gobi gurɑmɔ nge tuɑ.
\q1 Mɑ yɑ wurɑ gurɑmɔ nge pɔtɔkɔ.
\q1
\v 4 Adɑmɑ nɛ, Yinni Gusunɔ, kon ye kpuro mwɑ.
\q1 Kon yen dɑm sure nim wɔ̃ku sɔɔ
\q1 kpɑ n de yu dɔ̃ɔ mwɑɑrɑ.
\q1
\v 5 Asikɑlonigibu bɑ koo ye wɑ
\q1 kpɑ bu bɛrum duurɑ.
\q1 Kon de tem yiiri bɑkɑbu bu Gɑsɑ wɔri,
\q1 kpɑ Ekoronigibun yĩiyɔbu kpuro bu kɑm ko.
\q1 Gɑsɑ yɑ koo sunɔ biɑ.
\q1 Goo kun ko n mɑɑ wɑ̃ɑ Asikɑloniɔ.
\q1
\v 6 Sɔbu bɑ koo nɑ bu sinɑ Asidɔduɔ.
\q1 Kpɑ n Filisitibɑn tii suɑbu kpeerɑsiɑ.
\q1
\v 7 Bɑ ǹ mɑɑ yɛm dimɔ.
\q1 Bɑ ǹ mɑɑ bũu yɑ̃ku dĩɑnu dimɔ.
\q1 Bɑ koo kowɑ nɛ, Gusunɔn tɔmbu nge Yudɑbɑ
\q1 kpɑ Ekoronigibu bɑ n mɑɑ sɑ̃ɑ nɛn tɔmbu
\q1 nge mɛ Yebusibɑ bɑ kuɑ.
\q1
\v 8 Kon nɛn sɑnsɑni girɑ n kɑ nɛn sɑ̃ɑ yeru sikerenɑ.
\q1 Kpɑ yibɛrɛ be bɑ dɑɑmɔ bɑ wurɑmɑmɔ bu ku rɑɑ ye wɔri.
\q1 Dɑm diobɑ kun mɑɑ sɑrɔ mi.
\q1 Domi nɛn nɔni wɑ̃ɑ mi.
\s1 Sunɔ wi u kɑ bɔri yɛndu sisi
\q1
\v 9 Bɛɛ Siɔnigibu, i nuku dobun kuuki koowo.
\q1 Bɛɛ Yerusɑlɛmugibu, i yɛ̃ɛrio nuku dobun sɔ̃.
\q1 Wee bɛɛn sinɑ boko u sisi bɛɛn mi.
\q1 U sɑ̃ɑwɑ gemgii kɑ fɑɑbɑ kowo.
\q1 U ǹ tii sue.
\q1 Kɛtɛku buuwɑ u sɔni.
\q1
\v 10 Kon de tɑbu kɛkɛ yi kpe Efɑrɑimun temɔ
\q1 kpɑ dumi kɑ tɛn ni bɑ rɑɑ kɑ tɑbu kuɑ yu kpeerɑ Yerusɑlɛmuɔ.
\q1 Sunɔ wi, u koo kɑ bwesenu bɔri yɛndu nɑɑwɑ.
\q1 U ko n bɑndu diiwɑ nim wɔ̃ku geen di
\q1 sere kɑ nim wɔ̃ku giɔ,
\q1 sɑɑ mɑɑ dɑɑ te bɑ mɔ̀ Efɑrɑtin di n kɑ dɑ hɑnduniɑn goonu nnɛ sɔɔ.
\s1 Pirisɔmbɑn kɑrɑbu
\p
\v 11 Yinni Gusunɔ u nɛɛ,
\q1 nɛn ɑrukɑwɑni ye nɑ kɑ bɛɛ bɔkuɑn sɔ̃,
\q1 mɑ i ye sire kɑ yɑ̃ku yɑɑ yɛm,
\q1 kon bɛɛn yobu yɑrɑ dɔkɔ kpirirun di te tɑ ǹ nim mɔ.
\q1
\v 12 Bɛɛ yobu, bɛɛ be i yĩiyɔ bɑkɑbu mɔ,
\q1 i wuro bɛɛn wusɔ si su gbɑ̃rɑnu mɔ.
\q1 Nɑ mɑɑ bɛɛ nɔɔsiɑmɔ mɑ kon bɛɛ domɑru kuɑ
\q1 nge yellugirun nɔn yiru.
\q1
\v 13 Kon Yudɑ dendi nge tɛndu.
\q1 Kpɑ Efɑrɑimu yɑ n sɑ̃ɑ ten sɛ̃ɛnu.
\q1 Yerusɑlɛmu, kon wunɛn bibu suɑ bu Gɛrɛkibɑ tɑbu wɔri.
\q1 Kon bu kowɑ nge tɑbu durɔ dɑmgiin tɑkobi.
\q1
\v 14 Nɛ, Yinni Gusunɔ, kon tii sɔ̃ɔsi wɔllɔ.
\q1 Nɛn sɛ̃u gɑ koo doonɑ nge guru mɑɑkinu.
\q1 Kon kɔbɑ so,
\q1 kpɑ n sɑrɑmɑ guru woo bɔkɔ sɔɔ,
\q1 ge gɑ wee sɑɑ sɔ̃ɔ yɛ̃sɑn nɔm dwɑru giɑn di.
\q1
\v 15 Nɛ, Gusunɔ, wɔllu kɑ tem Yinni, kon nɛn tɔmbu kɔ̃su.
\q1 Bɑ koo ben yibɛrɛbɑ kɑmiɑ bu ben kpurɑntɛɛnun kpenu kɔsuku.
\q1 Kon de yibɛrɛ ben yɛm mu yɑri nge tɑm,
\q1 ǹ kun mɛ nge yɑ̃ku yɑɑ yɛm mɛ mu rɑ gbɛ̃ɛru yibu
\q1 bu yɛ̃kɑ yɑ̃ku yerun kɑ̃ɑnɔ.
\q1
\v 16 Yen tɔ̃ɔ te, kon nɛn tɔmbu fɑɑbɑ ko
\q1 nge mɛ yɑ̃ɑ kpɑro u rɑ win yɑ̃ɑnu fɑɑbɑ ko.
\q1 Bɑ koo bɑlli ben temɔ nge kpee gobigii
\q1 ni bɑ mɑni sinɑ furɔ sɔɔ.
\q1
\v 17 Tem miyɑ doo nɔɔru kɑ burɑm mu ko n wɑ̃ɑ.
\q1 Alikɑmɑ kɑ tɑm koo de ɑluwɑɑsibɑ kɑ wɔndiɑbɑ bɑ n dɑm mɔ.
\c 10
\s1 Gusunɔ turowɑ sɑ̃ɑ Yinni
\q1
\v 1 I Yinni Gusunɔ kɑnɔ u bɛɛ tom buruku gurɑ kɛ̃.
\q1 U koo de guru woo gu nɑ
\q1 kpɑ guru bɑkɑ yu nɛ.
\q1 Kpɑ yɑkɑsu su kpi bɑɑmɑ.
\q1
\v 2 Domi bũu nìn bwɑ̃ɑrokunu bɑ mɔ̀ Terɑfimu nu weesu mɔ̀.
\q1 Sɔrobu bɑ kɑ̃si weesuginu wɑɑmɔ.
\q1 Ben dosusu su sɑ̃ɑwɑ weesu.
\q1 Sin nuku yɛmiɑsiɑbu sɑ̃ɑwɑ kɑm dirum.
\q1 Yen sɔ̃nɑ bɑ sirenɛ nge yɑɑ sɑbenu.
\q1 Bɑ wɔnwɔndu soore,
\q1 domi bɑ ǹ kpɑro mɔ.
\s1 Yinni Gusunɔ
\s2 u koo win tɔmbu yɑkiɑ
\q1
\v 3 Yinni Gusunɔ u nɛɛ,
\q1 nɑ kɑ kpɑro tuko be bɑ nɛn tɔmbu kpɑre mɔru mɔ̀.
\q1 Be, be bɑ sɑ̃ɑ nge bonu mi, kon bu wɔrimɑ.
\q1 Domi nɛ, Gusunɔ wɔllu kɑ tem Yinni
\q1 nɑ nɛn tɔmbu Yudɑbɑ nɑɑwɑ.
\q1 Kon bu dendiwɑ tɑbu sɔɔ nge dum girimɑgiɑ.
\q1
\v 4 Ben min diyɑ sinɑmbu bɑ koo yɑri.
\q1 Kpɑ bɑ n dɑm mɔ nge gɑni gɔmburun kperu,
\q1 ǹ kun mɛ nge kuu bekurugirun gbere,
\q1 ǹ kun mɛ nge tɛn te bɑ rɑ kɑ tɑbu de.
\q1
\v 5 Bɑ ko n sɑ̃ɑwɑ nge tɑbu durɔ dɑmgii
\q1 be bɑ ben yibɛrɛbɑ tɑɑkumɔ swɛɛ sɔɔ nge pɔtɔkɔ.
\q1 Bɑ koo tɑbu ko yèn sɔ̃ nɛ, Yinni Gusunɔ ko nɑ n kɑ bu wɑ̃ɑ.
\q1 Ben yibɛrɛ be bɑ dumi yɔɔwɑ bɑ koo sekuru wɑ.
\q1
\v 6 Kon Yudɑbɑ tɑ̃sisiɑ,
\q1 kpɑ n Isirelibɑ wɔrɑ.
\q1 Kon kɑ bu wurɑmɑ,
\q1 domi nɑ ben wɔnwɔndu mɔ.
\q1 Bɑ ko n sɑ̃ɑwɑ nge be nɑ ǹ dɑɑ biru kisi.
\q1 Domi nɛnɑ nɑ sɑ̃ɑ Gusunɔ ben Yinni.
\q1 Kon ben kɑnɑru mwɑ.
\q1
\v 7 Efɑrɑimubɑ bɑ ko n sɑ̃ɑwɑ nge tɑbu durɔ dɑmgibu.
\q1 Bɑ ko n nuku dobu mɔ nge wi u tɑm nɔrɑ.
\q1 Ben bibu bɑ koo ye wɑ kpɑ bu nuku dobu ko.
\q1 Bɑ koo nuku dobu ko nɛ, Yinni Gusunɔn sɔ̃.
\q1
\v 8 Kon wiɑ ko bu kɑ mɛnnɑmɑ.
\q1 Domi nɛnɑ nɑ bu yɑkiɑmɔ.
\q1 Bɑ koo dɑbiɑ nge yellu.
\q1
\v 9 Kpɑ n de bɑ n pusɑ bwesenun suunu sɔɔ.
\q1 Mi bɑ wɑ̃ɑ n tomɑ mi,
\q1 bɑ ko n dɑ mɑn yɑɑye min di.
\q1 Kpɑ bɑ n wɑ̃ɑ mi kɑ ben bibu.
\q1 Yen biru, bɑ koo wurɑmɑ.
\q1
\v 10 Kon de bu wurɑmɑ sɑɑ Egibitin di.
\q1 Kon bu mɛnnɑmɑ sɑɑ Asirin di.
\q1 Kpɑ n de bu wurɑmɑ Gɑlɑdiɔ kɑ Libɑniɔ.
\q1 Bɑtumɑ kun bu turi.
\q1
\v 11 Bɑ koo nim wɔ̃ku tɔburɑ mi bɑ nuku sɑnkirɑru wɑ.
\q1 Gusunɔ u koo gen nim kurenu so,
\q1 kpɑ Nilun dɑɑrun nim mu gberɑ.
\q1 Asirigibun tii suɑbu koo kpe.
\q1 Kpɑ Egibitigibun bɑndu tu nɔru ko.
\q1
\v 12 Kon nɛn tɔmbu tɑ̃sisiɑ.
\q1 Kpɑ bɑ n sĩimɔ kɑ nɛn yĩsiru.
\q1 Nɛ, Yinni Gusunɔwɑ nɑ yeni geruɑ.
\c 11
\s1 Bɑ dɑmgibu kɔsukɑ
\q1
\v 1 Bɛɛ Libɑnigibu, i bɛɛn kɔnnɔsu kɛniɔ
\q1 kpɑ dɔ̃ɔ u bɛɛn dɑ̃ɑ ye bɑ mɔ̀ sɛduru di.
\q1
\v 2 Bɛɛ dɑ̃ɑ ye bɑ mɔ̀ sipɛrɛ, i weeweenu koowo.
\q1 Domi sɛdurubɑ bɑ wɔrukɑ.
\q1 Be bɑ tii sue mi, bɑ kpeerɑ.
\q1 Bɛɛ Bɑsɑnin dɑ̃ɑ bɑkɑnu, i weeweenu koowo.
\q1 Domi dɑ̃ɑ sɔ̃ɔ ge bɑ ǹ dɑɑ kpɛ̃ bu du gɑ wɔrukɑ.
\q1
\v 3 Kpɑrobu bɑ wuri mɔ̀,
\q1 domi ben bɛɛrɛ yɑ kpɑ.
\q1 Gbee sinɑnsu su kukirimɔ,
\q1 domi Yuudɛnin dɑ̃ɑ sɔ̃ɔn bɛɛrɛ yɑ kpɑ.
\s1 Kpɑrobu yiru
\p
\v 4 Amɛniwɑ Yinni Gusunɔ u Sɑkɑri sɔ̃ɔwɑ. U nɛɛ, ɑ yɑ̃ɑnu kpɑro ni bɑ koo go. 
\v 5 Be bɑ nu dwemɔ bɑ goomɔ bɑ ǹ bu sɛɛyɑsiɑmɔ. Be bɑ mɑɑ nu dɔrɑmɔ bɑ mɔ̀, bɑ nɛ, Gusunɔ siɑrɑ, domi bɑ gobi mɔ. Nin kpɑrobu bɑ ku rɑ mɑɑ kɑ nu yinɛ. 
\v 6 Nɛ, Yinni Gusunɔ nɑ ǹ mɑɑ tɔmbun wɔnwɔndu mɔ̀ tem mɛ sɔɔ. Kon bɑɑwure bɛriwɑ win winsim nɔmuɔ kɑ win sunɔn nɔmuɔ. Bɑ koo ben tem ɑrumɑni gurɑwɑ. Nɑ ǹ mɑɑ bu wɔrɑmɔ ben yibɛrɛbɑn nɔmun di.
\p
\v 7 Yerɑ Sɑkɑri u yɑ̃ɑnu kpɑrɑbu wɔri ni bɑ koo go. Yɑ̃ɑ niyɑ nu kɔ̃suru bo. Mɑ u kpɑrɑ dɛki yiru kɑsu. U tiɑ sokɑ durom, tiɑ mɑɑ nɔɔ tiɑ. Mɑ u dɑ u yɑ̃ɑ ni nɔɔri. 
\v 8 Suru tiɑn bɑɑ sɔɔ u nin kpɑrobu itɑ go. Mɑ u kɑ nu tii kpɑrɑ u tɛmɑnɑbu kpɑnɑ. Mɑ nin tii nu nùn tusɑ. 
\v 9 Mɑ u nɛɛ, nɑ ǹ mɑɑ nu kpɑrɑmɔ. Nin ni nu koo gbi, nu gbio. Ni nu koo mɑɑ tiɑrɑ nu tennɔ.
\p
\v 10 Mɑ u win dɛkɑ ye u sokɑ durom bɔɔkɑ u kɑ sɔ̃ɔsi mɑ u win ɑrukɑwɑni kusiɑ ye u rɑɑ kɑ bwesenu kpuro bɔkuɑ. 
\v 11 Yen tɔ̃ɔ terɑ u ɑrukɑwɑni ye kusiɑ. Mɑ yɑ̃ɑ kɔ̃su ni nu nùn mɛɛrɑ mi, nu giɑ mɑ Yinni Gusunɔn gɑriyɑ yi koorɑmɔ. 
\v 12 Mɑ u bu sɔ̃ɔwɑ u nɛɛ, yɑ̀ n bu wɛ̃re, bu nùn kɔsiɑru wɛ̃ɛyɔ, yɑ kun mɑɑ bu wɛ̃re, bu derio.
\p Yerɑ bɑ sii geesun gobi tɛnɑ yĩirɑ bɑ nùn kɔsiɑ. 
\v 13 Mɑ Yinni Gusunɔ u nùn sɔ̃ɔwɑ u nɛɛ, ɑ sii geesun gobi tɛnɑ ye bɑ mɛɛrɑ burɛ mi, mɔmɔ wɛ̃ɛyɔ.
\p Mɑ u gobi yi suɑ u yɑri Gusunɔn sɑ̃ɑ yerɔ yi kɑ ko mɔmɔgii. 
\v 14 Yen biru, u mɑɑ win kpɑrɑ dɛkɑ yiruse ye u sokɑ nɔɔ tiɑ mi, bɔɔkɑ u kɑ sɔ̃ɔsi mɑ Yudɑbɑ kɑ Isirelibɑn bɑɑ sɔɔ nɔɔ tiɑ mɑɑ sɑri. 
\v 15 Yinni Gusunɔ u mɑɑ nùn sɔ̃ɔwɑ u nɛɛ, ɑ kpɑro nge kpɑro gɑri bɔkɔ. 
\v 16 Domi kon kpɑro goo seeyɑ tem mɛ sɔɔ, wi u kun yɑ̃ɑnu nɔɔrimɔ ni nu gɔɔ dɔɔ. U ǹ nin binu kɑsum dɔɔ. U ǹ ni nu mɛɛrɑ wɑ tim kuɑmmɛ. Mɛyɑ u ǹ mɑɑ ni nu bwɑ̃ɑ do nɔɔrimɔ. Adɑmɑ u koo ni nu gum mɔn yɑɑ tem sere kɑ nin kɔ̃riɔ.
\q1
\v 17 Bɔ̃rurowɑ kpɑro gɑri bɔkɔ wi u yɑ̃ɑnu derimɔ.
\q1 Tɑkobi yu win gɑ̃seru kɑ win nɔm geun nɔnu kɔsukuo,
\q1 kpɑ gɑ̃se te, tu gberɑ kpɑ nɔnu ge, gu gbi.
\c 12
\s1 Yinni Gusunɔ
\s2 u koo Yerusɑlɛmu yɑkiɑ
\p
\v 1 Gɑri yi Yinni Gusunɔ u geruɑ Isirelibɑn sɔ̃ wee.
\q1 Wi, wi u wɔllu kɑ tem mɔmɑ,
\q1 mɑ u mɑɑ tɔnu hunde dokeɑ
\m
\v 2 u nɛɛ, nɑ Yerusɑlɛmu kuɑ nge nɔrɑ ye yɑ nɛn mɔru yibɑ nge tɑm. Yɑ koo bwese ni nu kɑ ye sikerenɛ woo tiro kpɛ̃ɛ. Woo tiro ge, gɑ koo Yudɑbɑ kpuro nɛnɛ bɑ̀ n Yerusɑlɛmu tɑrusi. 
\v 3 Tɔ̃ɔ te sɔɔ, kon ye gɔsiɑ nge kpee bɑkɑru. Be bɑ kĩ bu tu suɑ bɑ koo mɛɛrɑ wɑ. Hɑnduniɑn bwesenu kpuro nu koo mɛnnɑ nu tu wɔri. 
\v 4 Yen tɔ̃ɔ te, Yinni Gusunɔ u nɛɛ, kon ben dumi woo tiro kpɛ̃ɛ kpɑ n yin mɑɑsɔbu nɔni swɑ̃ɑru kpɛ̃ɛ, kpɑ n bwese tukunun dumi wɔ̃koru kpɛ̃ɛ. Adɑmɑ kon Yudɑbɑ kɔ̃su. 
\v 5 Yudɑn wirugibu bɑ koo nɛɛ, Yerusɑlɛmugibɑ bɑ sɑ̃ɑ ben dɑm nɛ, Gusunɔ ben Yinnin sɔ̃, nɛ wi nɑ wɔllu kɑ tem mɔ. 
\v 6 Yen tɔ̃ɔ te sɔɔ, kon Yudɑbɑn wirugibu kowɑ nge dɔ̃ɔ boko dɑ̃ɑ sɔ̃ɔwɔ, ǹ kun mɛ nge wii bɔn tèn dɔ̃ɔ bɑ sɔkɑ dĩɑ bɔkunu sɔɔ. Bɑ koo bwese ni nu kɑ bu sikerenɛ kɑmiɑwɑ mɑm mɑm. Adɑmɑ Yerusɑlɛmugibu bɑ ko n sɔ̃wɑ ben temɔ.
\p
\v 7 Nɛ, Yinni Gusunɔ kon Yudɑbɑn yɛnusu fɑɑbɑ ko, kpɑ Dɑfidin yɛnun bɛɛrɛ kɑ Yerusɑlɛmugibun bɛɛrɛ yu ku rɑɑ Yudɑ be bɑ tiegiɑ kerɑ. 
\v 8 Yen tɔ̃ɔ te, kon Yerusɑlɛmugibu kɔ̃su. Be sɔɔ, wi u kun dɑɑ dɑm mɔ, u koo dɑm kowɑ nge Dɑfidi. Kpɑ Dɑfidin yɛnugibu bɑ n sɑ̃ɑ nge Gusunɔn gɔrɑdo wi u yɔ̃ ben wuswɑɑɔ.
\s1 Bɑ gɔɔ wooru sɔ̃
\s2 tem mɛ kpuro sɔɔ
\p
\v 9 Yen tɔ̃ɔ te, kon kookɑri ko n bwese ni kpuro go ni nu Yerusɑlɛmu wɔrim wee. 
\v 10 Kon de Dɑfidin yɛnugibu kɑ Yerusɑlɛmugibu bɑ n wɔnwɔndu mɔ kpɑ bɑ n dɑ kɑnɑru ko, kpɑ bu gɔsirɑmɑ nɛn mi, nɛ wi bɑ yɑɑsɑ sɔkɑ. Bɑ koo mɑn swĩisi nge wìn bii teereru tɑ gu. Bɑ koo swĩwɑ kɑ nuku sɑnkirɑ bɑkɑnu nge wìn bii gbiikoo u gu. 
\v 11 Yen tɔ̃ɔ te, nuku sɑnkirɑru tɑ ko n kpɑ̃ Yerusɑlɛmuɔ nge te bɑ kuɑ Hɑdɑdirimɔɔn sɔ̃ Mɛgidon wɔwɑɔ. 
\v 12 Tem mɛ kpuro sɔɔ, bɑ ko n gɔɔ wooru sɔ̃wɑ yɛnu kɑ yɛnu. Dɑfidin yɛnugibu, kurɔbu kɑ durɔbu nɛnɛm. Nɑtɑnin yɛnugibu, kurɔbu kɑ durɔbu nɛnɛm. 
\v 13 Lefin yɛnugibu, kurɔbu kɑ durɔbu nɛnɛm. Simɛin yɛnugibu, kurɔbu kɑ durɔbu nɛnɛm. 
\v 14 Nge mɛyɑ yɛnu si su mɑɑ tien tɔmbu bɑ ko n gɔɔ wooru sɔ̃ nɛnnɛnkɑ, kurɔbu kɑ durɔbu nɛnɛm.
\c 13
\p
\v 1 Yen tɔ̃ɔ te, bwiɑ gɑɑ yɑ koo yɑri yu kɑ Dɑfidin yɛnugibu kɑ Yerusɑlɛmugibun torɑnu wɔkɑ.
\s1 Yinni Gusunɔ u koo
\s2 win sɔmɔ weesugibun
\s2 bwɑ̃ɑrokunu kɔsuku
\p
\v 2 Yen tɔ̃ɔ te, nɛ, Gusunɔ wɔllu kɑ tem Yinni kon bũnun yĩsinu kpeerɑsiɑ tem mɛ sɔɔ kpɑ bu ku rɑɑ mɑɑ nu yɑɑyɑ. Kon mɑɑ nɛn sɔmɔ weesugii be bɑ bũu sɑ̃ɑrun kĩru mɔ mi wunɑ. 
\v 3 Goo ù n gɑri weesugii mɔ̀, win tundo kɑ win mɛro bɑ koo nùn sɔ̃wɑ bu nɛɛ, kɑɑ gbi. Domi ɑ weesu mɔ̀wɑ kɑ Yinni Gusunɔn yĩsiru. Kpɑ tundo wi, kɑ mɛro wi, bu nùn tɑkobi sɔku bu go sɑnɑm mɛ u gɑri yi mɔ̀. 
\v 4 Yen tɔ̃ɔ te, Gusunɔn sɔmɔbu bɑ koo sekuru wɑ ben kɑ̃si weesuginun sɔ̃. Bɑ̀ n gɑri mɔ̀, bɑ ǹ mɑɑ yɑbe sɑnsuginu sebumɔ bu kɑ tɔmbu nɔni wɔ̃ke. 
\v 5 Ben bɑɑwure u koo nɛɛwɑ, u ǹ sɑ̃ɑ Gusunɔn sɔmɔ. Wi, gbɑɑ wukowɑ. Domi bɑ nùn dwɑwɑ sɑɑ win piiburun di. 
\v 6 Bɑ̀ n nùn bikiɑ bɑ nɛɛ, mɑnɑ u sere mɛɛrɑ yeni wɑ ye yɑ wɑ̃ɑ win nɔmɑɔ, kpɑ u wisi u nɛɛ, u ye wɑwɑ win bɔrɔ kĩnɑsibun yɛnuɔ.
\s1 Bɑ koo giɑ mɑ
\s2 Gusunɔwɑ u sɑ̃ɑ Yinni
\p
\v 7 Gusunɔ, wɔllu kɑ tem Yinni u nɛɛ,
\q1 tɑkobi, ɑ nɛn kpɑro wi nɑ kuɑ nɛn bɔ̃ɔ wɔrio.
\q1 A nùn goowo kpɑ yɑ̃ɑnu nu yɑrinɑ,
\q1 kpɑ n ni nu kun dɑm mɔ wɔri.
\p
\v 8 U mɑɑ nɛɛ, bɑ̀ n tem mɛn tɔmbu bɔnu kuɑ subɑ itɑ, yen subɑ yiru yɑ koo gbi kpɑ sube tee teni tu tiɑrɑ. 
\v 9 Kon sube tee te dɔ̃ɔ doke kpɑ n tu sɔwɑ nge mɛ bɑ rɑ sii geesu sɔwe. Kon tu sɔwɑwɑ nge mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.
\c 14
\s1 Yinni Gusunɔn tɔ̃ru
\q1
\v 1 Bɛɛ Yerusɑlɛmugibu, Yinni Gusunɔn tɔ̃rɑ wee.
\q1 Bɑ koo bɛɛn yɑ̃nu gurɑ bu bɔnu ko bɛɛn nɔni biru.
\q1
\v 2 U koo bwesenu kpuro mɛnnɑ nu kɑ Yerusɑlɛmu wɔri.
\q1 Bɑ koo ye mwɑ kpɑ bu yen yɛnusu dɔ̃ɔ sɔku.
\q1 Bɑ koo kɑ yen tɔn kurɔbu kpunɑ kɑ dɑm.
\q1 Kpɑ bu yen tɔmbun bɔnu yoru mwɛɛri bu kɑ doonɑ.
\q1 Adɑmɑ bɑ ǹ be bɑ tie goomɔ.
\q1
\v 3 Sɑɑ ye sɔɔrɑ Yinni Gusunɔ u koo tii sɔ̃ɔsi
\q1 kpɑ u kɑ bwese ni tɑbu ko nge mɛ u rɑ ko tɑbu sɔɔ.
\q1
\v 4 Yen tɔ̃ɔ te, u koo win nɑɑsu sɔndi Olifin guurɔ
\q1 te tɑ wɑ̃ɑ Yerusɑlɛmun dee deeru, sɔ̃ɔ yɑri yeru giɑ.
\q1 Olifin guu te, tɑ koo bɛsirɑ suunuɔ
\q1 sɑɑ sɔ̃ɔ yɑri yerun di sere sɔ̃ɔ duu yerɔ.
\q1 Wɔwi bɑkɑ yɑ koo yɑri ten suunu sɔɔ.
\q1 Guu ten bee tiɑ yɑ koo dɑ sɔ̃ɔ yɛ̃sɑn nɔm geu giɑ
\q1 kpɑ bee tiɑ yu mɑɑ dɑ sɔ̃ɔ yɛ̃sɑn mɔm dwɑru giɑ.
\q1
\v 5 Sɑɑ ye sɔɔ, i ko i duki dɑwɑ win guunun wɔwɑ sɔɔ.
\q1 Domi wɔwɑ ye, yɑ ko n wɑ̃ɑwɑ sere Atisɛliɔ.
\q1 I ko i duki suwɑ nge mɛ i rɑɑ kuɑ
\q1 sɑnɑm mɛ tem yĩiribu bɛɛ deemɑ
\q1 Osiɑsi Yudɑbɑn sinɑ bokon wɑɑti.
\q1 Sɑɑ ye sɔɔrɑ Gusunɔ nɛn Yinni u koo nɑ kɑ win tɔn dɛɛrobu.
\q1
\v 6 Yen tɔ̃ɔ te, yɑm bururɑm mu ǹ ko n mɑɑ wɑ̃ɑ.
\q1 Purɑ yɑ ko n wɑ̃ɑ kɑ sere mɑɑ nim mɛ mu gɔsirɑ nge kperu.
\q1
\v 7 Tɔ̃ɔ te, tɑ ko n sɑ̃ɑwɑ nɛnɛm te Yinni Gusunɔ u yɛ̃.
\q1 Bɑ ǹ wɔ̃kuru kɑ sɔ̃ɔ sɔɔ wunɑnɑmɔ.
\q1 Adɑmɑ yokɑ, yɑm bururɑm mu koo sɔ̃ɔsirɑ.
\q1
\v 8 Yen tɔ̃ɔ te, nim gem mu koo yɑri Yerusɑlɛmun di
\q1 kpɑ mɛn sukum mu koku mu dɑ nim wɔ̃kuɔ
\q1 ge gɑ wɑ̃ɑ sɔ̃ɔ yɑri yeru giɑ,
\q1 kpɑ sukum mu dɑ nim wɔ̃ku ge gɑ wɑ̃ɑ sɔ̃ɔ duu yeru giɑ.
\q1 Nge mɛyɑ n ko n sɑ̃ɑ sɔ̃ɔ sɑ̃reru kɑ gurɑn sɑɑ.
\q1
\v 9 Yinni Gusunɔwɑ u ko n sɑ̃ɑ tem kpuron sunɔ.
\q1 Wi turowɑ u ko n sɑ̃ɑ Yinni.
\q1 Win turon yĩsirɑ tɔmbu kpuro bɑ koo giɑ.
\q1
\v 10 Isirelibɑn tem kpuro mu koo gɔsiɑ wɔwɑ
\q1 sɑɑ Gebɑn di sɔ̃ɔ yɛ̃sɑn nɔm geu giɑ
\q1 n kɑ dɑ Rimɔɔwɔ Yerusɑlɛmun sɔ̃ɔ yɛ̃sɑn nɔm dwɑru giɑ.
\q1 Sɑɑ ye sɔɔ, Yerusɑlɛmu yɑ koo yĩsiru yɑri
\q1 kpɑ yɑ n wɑ̃ɑ yen ɑyerɔ.
\q1 Yɑ ko n wɑ̃ɑwɑ sɑɑ kɔnnɔ ge bɑ mɔ̀ Bɛnyɑmɛɛn di,
\q1 n kɑ dɑ kɔnnɔ gbiikuuɔ,
\q1 sere kɑ kɔnnɔwɔ ge bɑ mɔ̀ gɑni gɔmbunu.
\q1 Sɑɑ mɑɑ kɔ̃su yee te bɑ mɔ̀ Hɑnɑnɛɛlin di,
\q1 n kɑ girɑri sinɑ bokon resɛm gɑmɑ yerɔ.
\q1
\v 11 Tɔmbɑ koo sinɑ ye sɔɔ.
\q1 Bɑ ǹ mɑɑ ye kɑm koosiɑmɔ.
\q1 Yɑ ko n wɑ̃ɑwɑ bɔri yɛndu sɔɔ.
\q1
\v 12 Wee nɔni swɑ̃ɑ te Yinni Gusunɔ u koo tɔmbu kpɛ̃ɛ
\q1 be bɑ Yerusɑlɛmu tɑbu wɔri.
\q1 Ben wɑsi koo kɔ̃siwɑ bɑ n kɑ sĩimɔ.
\q1 Ben nɔni yi koo kɔ̃si ben nɔni wɔrusu sɔɔ,
\q1 kpɑ ben yɑri yi kɔ̃si ben nɔsɔ.
\q1
\v 13 Yen tɔ̃ɔ te, nɛ, Yinni Gusunɔ kon wɑhɑlɑ bɑkɑ doke ben suunu sɔɔ.
\q1 Kpɑ bu wɔrinɑ bu soonɑ.
\q1
\v 14 Yudɑbɑ bɑ koo tɑbu ko Yerusɑlɛmuɔ,
\q1 kpɑ bu bwese tuku ni nu kɑ bu sikerenɛn dukiɑ gurɑmɑ.
\q1 Yerɑ, wurɑ kɑ sii geesu kɑ yɑ̃ɑ dɑbinu.
\q1
\v 15 Nin dumi kɑ nin birɑkɔsu
\q1 kɑ nin yooyoosu kɑ nin kɛtɛkunu
\q1 kɑ sere mɑɑ yɑɑ sɑbe ni nu wɑ̃ɑ mi,
\q1 kpuro nu koo dumgbɛku mwɑɑrɑ.
\q1 Dumgbɛku tiɑ yerɑ yɑ koo nu deemɑ.
\q1
\v 16 Bwese ni nu rɑɑ Yerusɑlɛmu ye wɔri,
\q1 nin ni nu tie, nu ko n dɑ nɛwɑ wɔ̃ɔ bɑɑgere
\q1 nu yiirɑ Gusunɔ sinɑ bokon wuswɑɑɔ,
\q1 wi u sɑ̃ɑ wɔllu kɑ tem Yinni,
\q1 kpɑ nu Kunun tɔ̃ɔ bɑkɑru ko.
\q1
\v 17 Bweseru gɑru tɑ̀ kun de
\q1 tu Gusunɔ sinɑ boko wi u sɑ̃ɑ wɔllu kɑ tem Yinni yiirɑ
\q1 tu sɑ̃ Yerusɑlɛmuɔ,
\q1 gurɑ kun nɛmɔ ten temɔ.
\q1
\v 18 Egibitigibu bɑ̀ kun de Yerusɑlɛmuɔ
\q1 bu kɑ Kunun tɔ̃ɔ bɑkɑru ko,
\q1 gurɑ kun nɛmɔ ben temɔ.
\q1 U koo bu wɑhɑlɑ dokewɑ
\q1 nge bwese ni nu yinɑ nu dɑ
\q1 nu Kunun tɔ̃ɔ bɑkɑru ko.
\q1
\v 19 Nge mɛyɑ u koo Egibitigibu kɑ bwese ni nu yinɑ nu Kunun tɔ̃ɔ bɑkɑru dɑ Yerusɑlɛmuɔ kuɑ.
\q1
\v 20 Yen tɔ̃ɔ te, bɑ koo dumin yɑngirenu sɔɔ yore bu nɛɛ, Yinni Gusunɔgiɑ.
\q1 Sɑ̃ɑ yerun wekenu kpuro nu ko n sɑ̃ɑwɑ nge yɑ̃ku yerun gbɛ̃ɑ.
\q1
\v 21 Wekenu kpuro nu ko n sɑ̃ɑwɑ Gusunɔ, wɔllu kɑ tem Yinniginu Yerusɑlɛmuɔ kɑ Yudɑɔ.
\q1 Be bɑ koo yɑ̃kuru nɑ,
\q1 berɑ bɑ ko n dɑ nu sue
\q1 bu kɑ ben yɑ̃ku yɑɑ yike.
\q1 Yen tɔ̃ɔ te sɔɔ, bɑ ǹ mɑɑ tenkubɑ wɑsi sɑ̃ɑ yeru mi,
\q1 bɑ n yɑ̃nu dɔrɑmɔ.