\id SNG 
\ide UTF-8
\h Womu Duro
\toc1 WOMU GE GA DOBU BO
\toc2 Womu Duro
\mt1 WOMU GE GA DOBU BO
\ip Kɑ Heberum bɑ tire te sokɑwɑ Womu ge gɑ dobu bo. Kurɔ kɑ durɔn kĩrun gɑriyɑ tɑ mɔ̀.
\ip Yuubɑ bɑ tire ten gɑri weesinɑwɑ kɑ kĩi te Gusunɔ u win tɔmbu Isirelibɑ kĩɑ. Mɑ nɑɑnɛ dokeobu bɑ mɑɑ tu weesinɑ kɑ kĩi te Yesu Kirisi u win yigbɛru kĩɑ.
\is1 Tire ten kpunɑɑ
\iq1 1. Womu 1, wiru 1.1n di sere wiru 2.7.
\iq1 2. Womu 2, wiru 2.8-17.
\iq1 3. Womu 3, wiru 3.1n di sere wiru 5.1.
\iq1 4. Womu 4, wiru 5.2n di sere wiru 6.3.
\iq1 5. Womu 5, wiru 6.4n di sere wiru 7.11.
\iq1 6. Womu 6, wiru 7.12n di sere wiru 8.5ɑ.
\iq1 7. Womu 7, wiru 8.5b-14.
\ie
\c 1
\p
\v 1 Womu ge gɑ dobu bo wee. Sɑlomɔɔwɑ gɑ kɑ yɑ̃.
\s1 Kurɔ kɑ durɔn fɑɑgi
\sp Kurɔ u nɛɛ,
\q1
\v 2 ɑ mɑn sɔ̃suo kɑ wunɛn tiin nɔɔ.
\q1 Domi wunɛn kĩrun kookoosu su tɑm dobu kere.
\q1
\v 3 Wunɛn wɑni yi nuburu do.
\q1 A sɑ̃ɑwɑ nge turɑre ye yɑ pusɑ.
\q1 Yen sɔ̃nɑ wɔndiɑbɑ bɑ nun kĩ.
\q1
\v 4 A mɑn tii gɑwemɑ kpɑ su nun nɑɑ swĩi kɑ dukɑ.
\q1 A sɑ̃ɑwɑ nɛn sunɔ, ɑ kɑ mɑn doo wunɛn wɑ̃ɑ yerɔ.
\q1 Wunɛn sɑɑbuwɑ sɑ nuku dobu mɔ.
\q1 Wunɛn kĩru tɑ tɑm dobu kere.
\q1 Bɑ gem mɔ be bɑ nun kĩ.
\q1
\v 5 Yerusɑlɛmun wɔndiɑbɑ, i swɑɑ dɑkio i nɔ.
\q1 Nɑ tĩri, ɑdɑmɑ nɑ sɑ̃ɑ kurɔ burɔ.
\q1 Nɑ tĩri nge Kedɑɑn kuu bekuruginu,
\q1 ɑdɑmɑ nɑ wɑ̃wɑ nge beku kɑrenu ni nu wɑ̃ɑ Sɑlomɔɔn sinɑ kpɑɑrɔ.
\q1
\v 6 I ku mɑn gɛm yèn sɔ̃ nɑ tĩri.
\q1 Sɔ̃ɔwɑ u mɑn kuɑ mɛ.
\q1 Nɛn sesubu bɑ kɑ mɑn mɔru kuɑ.
\q1 Bɑ mɑn kuɑ ben reseɛm dɑ̃ɑ gbɑɑrun kɔ̃so.
\q1 Adɑmɑ nɑ ǹ nɛn tiigiru kɔ̃su.
\q1
\v 7 A mɑn sɔ̃ɔwɔ nɛn kĩnɑsi mi ɑ rɑ wunɛn sɑbenu kpɑre,
\q1 kɑ mi ɑ rɑ de nu sɔ̃ɔ sure.
\q1 Kpɑ nɑ kun mɑɑ sirenɛ wunɛn berusebun sɑbenun suunu sɔɔ.
\sp Yɑ̃ɑ kpɑrobɑ nɛɛ,
\q1
\v 8 wunɛ wi ɑ tɔn kurɔbu kpuro burɑm kere,
\q1 ɑ̀ kun yɑm mi yɛ̃, ɑ doo ɑ yɑ̃ɑ gɔ̃ɔn yirɑ swĩi.
\q1 Kpɑ ɑ wunɛn bonu kpɑrɑ kpɑrobun wɑ̃ɑ yerun bɔkuɔ.
\sp Durɔ u nɛɛ,
\q1
\v 9 nɛn kĩnɑsi, ɑ kɑ dum niɑ weenɛ
\q1 ye yɑ Egibitin sunɔn tɑbu kɛkɛ gɑwɑmɔ.
\q1
\v 10 Wunɛn burɑ yɑ̃nu nu rɑ de wunɛn bɑɑnu nu mɑn wɛ̃re.
\q1 Wunɛn wĩirɑ kɑ goonu wɑ̃.
\sp Yɑ̃ɑ kpɑrobɑ nɛɛ,
\q1
\v 11 sɑ ko nun sɑbɑ kuɑ ye yɑ wurɑ kɑ sii geesu mɛnnɛ.
\sp Kurɔ u nɛɛ,
\q1
\v 12 sɑnɑm mɛ sinɑ boko u sɔ̃ kɑ wigibu,
\q1 nɛn turɑren nuburɑ pusɑ.
\q1
\v 13 Nɛn kĩnɑsi u nuburu dowɑ nge turɑre ye bɑ mɔ̀ miru,
\q1 ye yɑ sure nɛn tororɔ.
\q1
\v 14 Nɛn kĩnɑsi u sɑ̃ɑwɑ nge dɑ̃ɑ wɛ̃ɛ burɑsu.
\q1 Su rɑ kpiwɑ resɛm dɑ̃ɑ gbɑɑrɔ Engɛdiɔ.
\sp Durɔ u nɛɛ,
\q1
\v 15 nɛn kĩnɑsi, ɑ sɑ̃ɑwɑ kurɔ burɔ.
\q1 Wunɛn nɔni yi bɑllimɔ nge wɑɑ bɑkɑgii.
\sp Kurɔ u nɛɛ,
\q1
\v 16 nɛn kĩnɑsi, ɑ sɑ̃ɑwɑ durɔ burɔ,
\q1 wunɑ ɑ mɑn wɛ̃re.
\q1 Bɛsɛn kpin yeru tɑ ko n nɔɔ nɛ nge yɑkɑ bekusu.
\q1
\v 17 Dɑ̃ɑ ye bɑ mɔ̀ sɛduru, yerɑ bɑ kɑ bɛsɛn dirun dɑ̃ɑ mwɑɑnɑtiɑ kuɑ.
\q1 Mɑ bɑ ten yɑri kuɑ kɑ dɑ̃ɑ ye bɑ mɔ sipɛrɛ.
\c 2
\q1
\v 1 Nɛnɑ nɑ sɑ̃ɑ nge gunɑrun biibii ye yɑ kpiɑ tem tɛɛrɑɔ.
\q1 Nɑ mɑɑ sɑ̃ɑ nge yɑkɑsun biibii ye yɑ wɑ̃ɑ wɔwɑɔ.
\sp Durɔ u nɛɛ,
\q1
\v 2 ɑ̀ n nɛn kĩnɑsi wɑ win wɔndiɑ kpɑɑsibun wuurɔ,
\q1 u rɑ n sɑ̃ɑwɑ nge biibii ye yɑ wɑ̃ɑ sɑ̃kin suunu sɔɔ.
\sp Kurɔ u nɛɛ,
\q1
\v 3 ɑ̀ n nɛn kĩnɑsi wɑ ɑluwɑɑsibɑn suunu sɔɔ,
\q1 u sɑ̃ɑwɑ nge dɑ̃ɑ te bɑ mɔ̀ pɔmiɛ dɑ̃nun suunu sɔɔ tèn mɑrum mu dibu do.
\q1 Nɑ rɑ kɑ̃ nɑ n sɔ̃ win sɑɑrɔ.
\q1
\v 4 U kɑ mɑn dɑ mi bɑ rɑ tɔ̃ɔ bɑkɑ dĩɑnu di.
\q1 Mɑ u mɑn nɛnuɑ kɑ kĩru.
\q1
\v 5 Wee kĩrɑ mɑn bɑrɔ kuɑ.
\q1 A mɑn dɑm kɛ̃ kɑ kirɑ duronu, kɑ pɔmiɛn mɑrum.
\q1
\v 6 Nɑ kĩ nɑ n nɛn wiru sɔndi win nɔm dwɑrɔ,
\q1 kpɑ win nɔm geu gu mɑn bɔkɑsi.
\sp Durɔ u nɛɛ,
\q1
\v 7 bɛɛ Yerusɑlɛmun wɔndiɑbɑ, nɑ bɛɛ sɔ̃ɔmɔ
\q1 kɑ yɛɛ kpiki kɑ nɛnnun yĩsinu,
\q1 i ku nɛn kĩnɑsi yɑmiɑ sɑɑ ye u ǹ kĩ u se.
\s1 Durɔ u wee
\sp Kurɔ u nɛɛ,
\q1
\v 8 nɑ nɛn kĩnɑsin nɔɔ nɔɔmɔ.
\q1 Wɔɔ u guunu sɑrikirɑmɔ u wee.
\q1
\v 9 U sɑ̃ɑwɑ nge yɑɑ kpiku ǹ kun mɛ nge gini kpɛmɑ.
\q1 Wi wee dirun biruɔ,
\q1 u mɑn mɛɛrimɑ fɛnɛntin di.
\q1
\v 10 Mɑ u kɑ mɑn gɑri kuɑ u nɛɛ,
\q1 ɑ seewo nɛn kĩnɑsi, kurɔ burɔ, ɑ nɑ.
\q1
\v 11 Wee purɑn sɑɑ yɑ doonɑ,
\q1 mɑ gurɑ yɑ yɔ̃rɑ.\f + \fr 2:11 \fr*\fk gurɑ yɑ yɔ̃rɑ \fk*\ft - Isirelibɑn temɔ, purɑn sɑɑ gurɑ rɑ nɛ.\ft*\f*
\q1
\v 12 Biibii yɑ kpiɑ yɑm kpuro.
\q1 Sɑ gunɔ bwese bwesekɑn swĩi nɔɔmɔ.
\q1 Kpɑrukonun swĩi yi nɔɔrɑ bɛsɛn tem sɔɔ.
\q1
\v 13 Dɑ̃ɑ te bɑ mɔ̀ figie tɑ mɑrum torumɔ,
\q1 mɑ resɛm tɔ̃kɑn wɛ̃sun nuburɑ pusɑ.
\q1 A seewo, ɑ nɑ nɛn kĩnɑsi, kurɔ burɔ,
\q1
\v 14 wunɛ wi ɑ sɑ̃ɑ nge sɑ̃kusɑ̃ ye yɑ wɑ̃ɑ kpee bɑɑ sɔɔ yɑ kukuɑ.
\q1 A mɑn wunɛn wuswɑɑ sɔ̃ɔsio.
\q1 A de n wunɛn nɔɔ nɔ.
\q1 Domi wunɛn dɔkɔrɑ nɔɔbu do.
\q1 Mɛyɑ mɑɑ wunɛn wuswɑɑ rɑ mɑn wɛ̃re.
\sp Kurɔn mɛro u nɛɛ,
\q1
\v 15 i sun dɛmɑku binu mwɛɛrio
\q1 ni nu bɛsɛn resɛm gbɑɑru sɑnkumɔ sɑɑ ye yɑ wɛ̃su sɑ̃ɑ.
\sp Kurɔ u nɛɛ,
\q1
\v 16 nɛn kĩnɑsi u sɑ̃ɑwɑ nɛgii,
\q1 nɑ mɑɑ sɑ̃ɑ wigii.
\q1 U win sɑbenu kpɑrɑmɔ yɑkɑsun biibiin suunu sɔɔ.
\q1
\v 17 A de ɑ gɔsirɑ, nɛn kĩnɑsi, ɑ n wɑ̃ɑ guunu wɔllɔ
\q1 ɑ n sɑ̃ɑ nge yɑɑ kpiku ǹ kun mɛ nge gini kpɛmɑ,
\q1 sere sɔ̃ɔ u kɑ du sɑɑru tu kpɛ̃ɑ.
\s1 Kurɔ u kɑ win kĩnɑsi dosimɔ
\sp Kurɔ u nɛɛ,
\c 3
\q1
\v 1 wɔ̃ku girirɑ nɑ kpĩ nɛn kpin yeru wɔllɔ.
\q1 Nɑ kɑsu wi nɛn gɔ̃ru gɑ kĩ.
\q1 Adɑmɑ nɑ ǹ nùn wɑ.
\q1
\v 2 Ǹ n mɛn nɑ, kon sewɑ n bɔsu wuu sɔɔ,
\q1 gen swɛɛɔ kɑ gen yɑburɔ nɑ n kɑsu wi nɛn gɔ̃ru gɑ kĩ.
\q1 Nɑ nùn kɑsu kɑsu, ɑdɑmɑ nɑ ǹ nùn wɑ.
\q1
\v 3 Ye wuu gen kɔ̃sobɑ bɔsu bɑ wuu mɛɛrimɔ, bɑ mɑn wɑ,
\q1 mɑ nɑ bu bikiɑ nɑ nɛɛ, i nɛn kĩnɑsi wɑ?
\q1
\v 4 Ye nɑ bu deri kese, yerɑ nɑ nɛn kĩnɑsi wi wɑ.
\q1 Nɑ nùn sɛ̃re, nɑ ǹ nùn yɔ̃su
\q1 sere nɑ kɑ nùn dɑ nɛn mɛro wi u mɑn mɑrɑn dirɔ.
\q1
\v 5 Bɛɛ Yerusɑlɛmun wɔndiɑbɑ,
\q1 nɑ bɛɛ sɔ̃ɔmɔ kɑ yɛɛ kpiki kɑ nɛnnun yĩsinu,
\q1 i ku nɛn kĩnɑsi yɑmiɑ sɑɑ ye u ǹ kĩ u se.
\sp Kurɔ u nɛɛ,
\q1
\v 6 wɑrɑ u sɑrɑm wee gbɑburun di mɛni nge wii tĩɑ.
\q1 U turɑre ye bɑ mɔ̀ miru kɑ turɑre dɛkɑgiɑ bwese bwesekɑn nuburu mɔ.
\q1
\v 7 Sɑlomɔɔn kpin yerɑ bɑ sɔɔwɑ bɑ kɑ wee,
\q1 Isirelibɑn tɑbu durɔ dɑmgibu wɑtɑ bɑ nùn swĩi bɑ wɑ̃ɑ gɔn gɔnkɑ.
\q1
\v 8 Be kpuro bɑ kɑ tɑkobi sɑnnɔ yɛ̃.
\q1 Bɑ sɑ̃ɑwɑ tɑbu durɔbu.
\q1 Ben bɑɑwure u win tɑkobi bɛki win yɛ̃sɑɔ
\q1 u kɑ sɔɔru sɑ̃ɑ bɑɑ yibɛrɛbɑ bɑ̀ n kurɑmɑ wɔ̃kuru.
\q1
\v 9 Sinɑ boko Sɑlomɔɔ u derɑ bɑ nùn ɑmɑkɛɛn kitɑru kuɑ kɑ dɑ̃ɑ ye bɑ kɑ nɑ Libɑnin di.
\q1
\v 10 Mɑ bɑ ten suɑtiɑn dɛki kuɑ kɑ sii geesu.
\q1 Bɑ mɑɑ ten gbɑllitiɑ kuɑ kɑ wurɑ.
\q1 Bɑ ten sin yerun leferi beku wunɔmgiru wukiri
\q1 te Yerusɑlɛmun wɔndiɑbɑ bɑ burɑru kuɑ kĩrun sɔ̃.
\q1
\v 11 I yɑrimɑ bɛɛ Siɔnin wɔndiɑbɑ, i sinɑ boko Sɑlomɔɔ wɑ.
\q1 U win furɔ doke ge win mɛro nùn dokeɑ sɑɑ ye u kurɔ kpɑɑru kuɑ.
\q1 Dɔmɑ te, u wɑ̃ɑ nuku dobu sɔɔ.
\sp Durɔ u nɛɛ,
\c 4
\q1
\v 1 ɑ sɑ̃ɑwɑ kurɔ burɔ, nɛn kĩnɑsi.
\q1 Wunɛn nɔni yi bɑllimɔ nge wɑɑ bɑkɑgii wunɛn sɔnditiɑn wɛ̃rin di.
\q1 Wunɛn seri yi sɑ̃ɑ nge boo wuuru te tɑ sɑrɑmɑmɔ Gɑlɑdin guuru wɔllun di.
\q1
\v 2 Wunɛn donnu nu buriri nge yɑ̃ɑ nìn sɑnsu bɑ bɔɔrɑ nu nim nɔrum wee.
\q1 Nu mɑɑ nɔɔ nɛwɑ swɛɛ swɛɛ, nin gɑrɑ kun kɑnde.
\q1
\v 3 Wunɛn nɔɔ gɑ swɛ̃riwɑ nge tom,
\q1 mɑ gɑ wɑɑbu wɑ̃.
\q1 Wunɛn bɑɑnu nu bɑllimɔwɑ nge dire sɔnsɔm biɑ wunɛn sɔnditiɑn wɛ̃rin di.
\q1
\v 4 Wunɛn wĩirɑ wɑ̃wɑ nge Dɑfidin dii bwereku gɑgu
\q1 mi bɑ rɑ tɑbu yɑ̃nu bere.
\q1 Wunɛn sɑbɑn bɑtɑnibɑ bɑ sɑ̃ɑ nge tɑbu yɑ̃ɑ ni bɑ bwɛ̃ mi.
\q1
\v 5 Wunɛn bwɑ̃su sɑ̃ɑ nge yɑɑ kpikun binu yiru ni nu yɑkɑsu dimɔ biibiin suunu sɔɔ.
\q1
\v 6 Sere sɔ̃ɔ u kɑ du sɑɑru tu kpɛ̃ɑ,
\q1 kon dɑ guuru wɔllɔ mi turɑre ye bɑ mɔ̀ miru kɑ turɑre dɛkɑgiɑ yɑ wɑ̃ɑ.
\q1
\v 7 A sɑ̃ɑwɑ kurɔ burɔ, nɛn kĩnɑsi.
\q1 A ǹ bɑu gɑgu mɔ.
\q1
\v 8 A nɑ su doonɑ sɑɑ Libɑnin guunun di
\q1 kɑ Seniri kɑ Hɛɛmɔɔn guurun di
\q1 mi gbee sinɑnsu kɑ musuku yɑmbɑrɔsu rɑ n wɑ̃ɑ.
\q1
\v 9 Bɛsɛn nɔni yì n yinnɑ, ǹ kun mɛ nɑ̀ n wunɛn sɑbɑn bɑtɑni tiɑ wɑ,
\q1 wunɛn kĩrɑ rɑ nɛn gɔ̃ru kpuro mwɛwɑ, nɛn sesu, nɛn kurɔ.
\q1
\v 10 Wunɛn kĩru tɑ nuku dobu mɔ nɛn sesu, nɛn kurɔ.
\q1 Wunɛn kĩru tɑ tɑm dobu kere.
\q1 Mɛyɑ mɑɑ wunɛn turɑren nuburu tɑ do tɑ turɑre kpuro kere.
\q1
\v 11 Wunɛn nɔɔ gɑ sɔ̃subu do nge tim bɑu.
\q1 Tim kɑ bom mu wɑ̃ɑ wunɛn nɔɔ sɔɔ.
\q1 Wunɛn yɑ̃nu nu nuburu dowɑ nge dɑ̃ɑ te bɑ mɔ̀ sɛduru Libɑniɔ.
\q1
\v 12 A sɑ̃ɑwɑ nge dɑ̃ɑ gbɑɑru te bɑ kɑrɑ koosi, nɛn sesu, nɛn kurɔ.
\q1 A sɑ̃ɑwɑ nge dɔkɔ ye bɑ kɛnuɑ, ǹ kun mɛ nge bwiɑ ye bɑ mɑrɑ.
\q1
\v 13 Wunɛn nim mu dɑ̃ɑ gbɑɑrun dɑ̃nu yɛ̃kɑmɔ.
\q1 Nin binu ni bɑ sokumɔ gerenɑdi nu do too.
\q1 Mɛyɑ lɑlle kɑ nɑɑdi yɑ mɑɑ kpiɑ mi,
\q1
\v 14 kɑ sɑfɑrɑni, kɑ yɑkɑ si su nuburu do, kɑ kɑnɛli,
\q1 kɑ dɑ̃ɑ ni bɑ rɑ kɑ turɑre dɛkɑgiɑ ko, kɑ miru, kɑ ɑloɛsi,
\q1 kɑ sere yɑkɑ si su nuburu dobu bo kpuro.
\q1
\v 15 Wunɛ ɑ sɑ̃ɑwɑ nge dɑ̃ɑ gbɑɑrun dɔkɔ
\q1 ǹ kun mɛ nge bwiɑ ye yɑ nim sumɔ
\q1 mɛ mu wee sɑɑ Libɑnin guunun di.
\sp Kurɔ u nɛɛ,
\q1
\v 16 sɔ̃ɔ yɛ̃si yɛ̃sikɑn wosu,
\q1 i seewo i nɛn dɑ̃ɑ gbɑɑrun dɑ̃nu kɔ̃,
\q1 kpɑ nin nubu duroru tu yɑri kpuro.
\q1 I de nɛn kĩnɑsi u du win dɑ̃ɑ gbɑɑru sɔɔ
\q1 kpɑ u yen dɑ̃ɑ bii geenu di.
\s1 Durɔ u wee
\sp Durɔ u nɛɛ,
\c 5
\q1
\v 1 nɑ duɑ nɛn dɑ̃ɑ gbɑɑru sɔɔ,
\q1 nɛn sesu, nɛn kurɔ.
\q1 Nɑ nɛn turɑre ye bɑ mɔ̀ mirun dɑ̃ɑ yorimɔ kɑ kiki si su nuburu do.
\q1 Nɑ nɛn tim bɑun tim dimɔ.
\q1 Nɑ nɛn tɑm kɑ nɛn bom nɔrumɔ.
\sp Yerusɑlɛmun wɔndiɑbɑ bɑ nɛɛ,
\q1 i dio, bɛɛ be i kĩɑnɛ.
\q1 I nɔruo kpɑ i n kĩru bɑrɔ.
\s1 Kurɔ u gɑmbo wukiɑ
\s2 ɑdɑmɑ n dɑ̃kuru kuɑ
\sp Kurɔ u nɛɛ,
\q1
\v 2 nɑ dò ɑdɑmɑ nɛn bwɛ̃rɑ yɑ ǹ kpĩ.
\q1 Nɑ kɑ nɛn kĩnɑsi dosimɔ u gɑmbo soomɔ.
\sp Durɔ u nɛɛ,
\q1 ɑ mɑn kɛniɔ, nɛn sesu, nɛn kĩnɑsi.
\q1 Wunɛ wi ɑ sɑ̃ɑ nge sɑ̃kusɑ̃, ɑ yibɑ.
\q1 Nɛn wirɑ nikererɑ.
\q1 Mɑ nɛn seri nim sɛ̃ɛrɑ.
\sp Kurɔ u nɛɛ,
\q1
\v 3 wee nɑ nɛn yɑberu potɑ.
\q1 Kon mɑɑ kpĩ n se n tu sebe?
\q1 Nɑ nɛn kɔ̃ri kpɑkiɑ kɔ, yerɑ kon mɑɑ se n yi disinu ko?
\q1
\v 4 Yerɑ nɛn kĩnɑsi wi, u win nɔmu kpɛ̃ɛmɑ gɑmbon wem di,
\q1 mɑ nɛn bwɛ̃rɑ wurɑ win mi.
\q1
\v 5 Nɑ seewɑ n kɑ nùn kɛniɑ.
\q1 Turɑre ye bɑ mɔ̀ miru yɑ dɑ̃ɑkumɔ nɛn nɔmɑn di gɑmbon nɛnutiɑ sɔɔ.
\q1
\v 6 Nɑ nɛn kĩnɑsi kɛniɑ,
\q1 ɑdɑmɑ nɑ deemɑ u doonɑ.
\q1 Nɛn bwɛ̃rɑ rɑɑ wurɑ win mi, sɑnɑm mɛ nɑ win nɔɔ nuɑ.
\q1 Nɑ nùn kɑsu kɑsu, nɑ ǹ nùn wɑ.
\q1 Nɑ nùn sokɑ, u ǹ wure.
\q1
\v 7 Wuu gen kɔ̃sobu bɑ kɑ mɑn yinnɑ.
\q1 Bɑ mɑn so bɑ mɛɛrɑ kuɑ.
\q1 Be bɑ gbɑ̃rɑru kɔ̃su, bɑ nɛn sɔnditiɑ mwɑ.
\q1
\v 8 Bɛɛ Yerusɑlɛmun wɔndiɑbɑ, nɑ bɛɛ kɑnɑmɔ,
\q1 ì n nɛn kĩnɑsi wɑ, i nùn sɔ̃ɔwɔ win kĩrɑ mɑn bɑrɔ kuɑ.
\sp Yerusɑlɛmun wɔndiɑbɑ bɑ nɛɛ,
\q1
\v 9 wunɛ wi ɑ kurɔbu kpuro burɑm kere,
\q1 mbɑ wunɛn kĩnɑsi wi, u mɔ ye goo kun mɔ ɑ kɑ sun sɔ̃ɔmɔ mɛ.
\sp Kurɔ u nɛɛ,
\q1
\v 10 nɛn kĩnɑsi, tɔn swɑ̃ɔwɑ, win wuswɑɑ bɑllimɔ.
\q1 Tɔmbu nɔrɔbun subɑ wɔkuru (10.000) sɔɔ, wiyɑ kɑɑ wɑɑbu gbi.
\q1
\v 11 Win wuswɑɑ yɑ bɑllimɔ nge wurɑ geɑ.
\q1 Win seri yi tĩriwɑ nge gunɔ mɔrɑn sɑnsu.
\q1
\v 12 Win nɔni yi sɑ̃ɑwɑ nge wɑɑ bɑkɑgii ye yɑ wɑ̃ɑ dɑɑrɔ.
\q1 Win nɔni kpiki yi sɑ̃ɑwɑ nge bom bekum.
\q1 Nɔni yi, yi kɑ kpee gobiginu weenɛ ni bɑ doke tɑɑbu sɔɔ.
\q1
\v 13 Win bɑɑnu nu wɑ̃wɑ nge turɑre bii yi yi kpiibu wee.
\q1 Win nɔɔ gɑ sɑ̃ɑwɑ nge biibii yèn min di turɑre yɑ dɑ̃ɑkumɔ.
\q1
\v 14 Win nɔmɑ yɑ kɑ wurɑn sumɑ weenɛ ye bɑ kpee gobiginu dokeɑ.
\q1 Win wɑsi yi wɔru nge suunu don te bɑ wɔriɑsiɑ
\q1 bɑ burɑru koosi kɑ kpee burɑnu ni nu nɔni boogu mɔ.
\q1
\v 15 Win kɔ̃ri yi sɑ̃ɑwɑ nge gbere yiru ye bɑ kuɑ kɑ kpee kpikiru.
\q1 Mɑ bɑ ye girɑ wurɑ geɑn wɔllɔ.
\q1 À n nùn mɛɛrɑ, u sɑ̃ɑwɑ nge Libɑnin dɑ̃ɑ ni bɑ mɔ̀ sɛduru.
\q1
\v 16 Win nɔɔn gɑri do.
\q1 Wi sɔɔrɑ nɛn bwɛ̃rɑ rɑ n wɑ̃ɑ mɑm mɑm.
\q1 Bɛɛ Yerusɑlɛmun wɔndiɑbɑ, mɛ nɛn bɔrɔ kĩnɑsi wi, u sɑ̃ɑwɑ mi.
\sp Yerusɑlɛmun wɔndiɑbɑ bɑ nɛɛ,
\c 6
\q1
\v 1 mɑnɑ wunɛn kĩnɑsi wi, u dɑ,
\q1 wunɛ wi ɑ kurɔbu kpuro burɑm kere.
\q1 Berɑ mɑnɑ u gɛre, kpɑ su kɑ nun wi kɑsu.
\sp Kurɔ u nɛɛ,
\q1
\v 2 nɛn kĩnɑsi u dɑwɑ win dɑ̃ɑ gbɑɑrɔ,
\q1 mi turɑre bii wɑ̃ɑ yi yi kpiibu wee,
\q1 u kɑ win sɑbenu kpɑrɑ kpɑ u biibii bɔɔri.
\q1
\v 3 Nɑ sɑ̃ɑwɑ nɛn kĩnɑsigii, mɑ u mɑɑ sɑ̃ɑ nɛgii.
\q1 U win sɑbenu kpɑrɑmɔ biibiin suunu sɔɔ.
\s1 Nge mɛ kurɔ win wɑsi sɑ̃ɑ
\sp Durɔ u nɛɛ,
\q1
\v 4 ɑ girimɑ mɔ nge wuu ge bɑ mɔ̀ Tirisɑ.
\q1 Nɛn kĩnɑsi, ɑ wɑ̃ nge Yerusɑlɛmu.
\q1 A nɑnum mɔ nge tɑbu sĩɑ kɑ yen gidi bɔrɑ.
\q1
\v 5 A ku mɑɑ mɑn mɛɛri.
\q1 Domi wunɛn nɔni yi nɛn kĩru seeyɑmɔ.
\q1 Wunɛn seri yi sɑ̃ɑ nge boo wuuru
\q1 te tɑ sɑrɑmɑmɔ Gɑlɑdin guurun wɔllun di.
\q1
\v 6 Wunɛn donnu nu buriri nge yɑ̃ɑ nìn sɑnsu bɑ bɔɔrɑ
\q1 nu nim nɔrum wee, nu mɑɑ nɔɔ nɛwɑ swɛɛ swɛɛ, nin gɑrɑ kun kɑnde.
\q1
\v 7 Wunɛn bɑɑnu nu bɑllimɔwɑ nge dire sɔnsɔm biɑ wunɛn sɔnditiɑn wɛ̃rin di.
\q1
\v 8 Sinɑnibun geerɑ sɑ̃ɑwɑ wɑtɑ,
\q1 sinɑ kurɔbu mɑɑ wɛnɛ.
\q1 Wɔndiɑbɑn geerɑ kun nɔru mɔ be.
\q1
\v 9 Adɑmɑ nɛn kĩnɑsi wi, u ǹ bɑu mɔ,
\q1 u sɑ̃ɑwɑ nɛnɛm be sɔɔ.
\q1 U sɑ̃ɑwɑ win mɛron bii wɔndiɑ teereru te u kĩ too.
\q1 Wɔndiɑ be bɑ nùn wɑ, bɑ nɛɛ,
\q1 u sɑ̃ɑwɑ domɑrugii.
\q1 Sinɑnibu kɑ bɑn sinɑ kurɔbu bɑ mɑɑ nùn siɑrɑ bɑ nɛɛ,
\q1
\v 10 wɑrɑ u yɑrimɑm wee nge buruku sɔ̃ɔ.
\q1 Wɑrɑ u wɑ̃ mɛ nge suru.
\q1 Wɑrɑ u bɑllimɔ nge sɔ̃ɔ.
\q1 U nɑnum mɔ nge tɑbu sĩɑ kɑ yen gidi bɔrɑ.
\q1
\v 11 Nɑ dɑ dɑ̃ɑ gbɑɑrɔ mi dɑ̃ɑ mɑrum wɑ̃ɑ,
\q1 n kɑ wɑ yɑkɑsu sù n kpiɑ wɔwɑɔ,
\q1 kpɑ n wɑ resɛm tɔ̃kɑ yɑ̀ n kpɑrɑ,
\q1 kpɑ n mɑɑ wɑ dɑ̃ɑ te bɑ mɔ̀ gerenɑdi tɑ̀ n wɛ̃su sɑ̃ɑ.
\q1
\v 12 Nɑ ǹ kɑ bɑɑru nɛn bwɛ̃rɑ mɑn suɑ,
\q1 yɑ mɑn doke nɛn tɔmbun tɑbu kɛkɛbɑn suunu sɔɔ yi dumi gɑwe.
\sp Kurɔbu kɑ wɔndiɑbɑ bɑ nɛɛ,
\q1
\v 13 ɑ gɔsirɑmɑ, ɑ gɔsirɑmɑ, Sunɛmun bii,
\q1 ɑ gɔsirɑmɑ su nun mɛɛri.
\q1 Mbɑn sɔ̃nɑ i nɛ Sunɛmun bii mɛɛrɑ
\q1 nge wi u yɑɑmɔ tɔn wuunu yirun bɑɑ sɔɔ.
\c 7
\sp Durɔ u nɛɛ,
\q1
\v 1 wɔndiɑ bɛɛrɛgii, wunɛn nɑɑsu su wɑ̃ sɑlubɑtɑ sɔɔ.
\q1 Wunɛn pɔrɑ yɑ wɑ̃wɑ nge sɑbɑ.
\q1 Wi u ye kuɑ mɔmɔn tiiwɑ.
\q1
\v 2 Wunɛn bwĩirun girɑ yerɑ sɑ̃ɑwɑ bwɛrɛrɛ nge nɔrɑn nɔɔ
\q1 ye yɑ ku rɑ tɑm kpe.
\q1 Wunɛn bɔsɔ gɑ swɛ̃ri nge ɑlikɑmɑ ye bɑ kɑ biibii sikerenɛ.
\q1
\v 3 Wunɛn bwɑ̃su sɑ̃ɑwɑ nge yɑɑ kpikun binu yiru.
\q1
\v 4 Wunɛn wĩiru tɑ buririwɑ nge suunu donnu.
\q1 Wunɛn nɔni yi dɛɛrewɑ nge Hɛsibonin yɛru
\q1 si su wɑ̃ɑ wuu bɔkɔ gen kɔnnɔn bɔkuɔ.
\q1 Wunɛn wɛ̃ru tɑ dɛndewɑ mɑm mɑm nge Libɑnin kɔ̃su yeru
\q1 te tɑ Dɑmɑsi mɛɛrɑ.
\q1
\v 5 Wunɛn wirɑ suɑrewɑ nge guu te bɑ mɔ̀ Kɑɑmɛli.
\q1 Mɑ wunɛn tɑrɑ yɑ bɑllimɔ nge beku gobigiru
\q1 sere yɑ sinɑ bokon bwɛ̃rɑ kpuro mwɑ.
\q1
\v 6 Wunɛn burɑm bɑndɑ, ɑ mɑn wɛ̃re too.
\q1 Wunɛ sɔɔrɑ nɛn kĩru kpuro wɑ̃ɑ.
\q1
\v 7 Wunɛn wɑsi yi dɛndewɑ nge kpɑkpɑ bɑ̃ɑ.
\q1 Wunɛn bwɑ̃su su sɑ̃ɑwɑ nge dɑ̃ɑ mɑrum swɑɑru.
\q1
\v 8 Nɑ nɛɛ, kon kpɑkpɑ yɔwɑ kpɑ n yen mɑrum nɛnɛ.
\q1 Wunɛn bwɑ̃su su sɑ̃ɑwɑ nge resɛm swɑɑru.
\q1 Wunɛn wɛ̃siɑru tɑ nuburu do nge dɑ̃ɑ mɑrum mɛ bɑ mɔ̀ pɔmu.
\q1
\v 9 Nɑ̀ n nun sɔ̃su, nɑ rɑ n nuku dobu mɔ nge wi u tɑm durom nɔrɑ.
\sp Kurɔ u nɛɛ,
\q1 tɑm mɛ, mu kokuo nɛn kĩnɑsin sɔ̃
\q1 mu du win nɔɔ sɔɔ ù n dweeyɑmɔ.
\q1
\v 10 Nɑ sɑ̃ɑwɑ nɛn kĩnɑsigii,
\q1 mɑ win kĩru kpuro wɑ̃ɑ nɛ sɔɔ.
\s1 Kĩɑnɑ sɔɔrɑ nuku dobɑ wɑ̃ɑ
\sp Kurɔ u nɛɛ,
\q1
\v 11 nɛn kĩnɑsi, ɑ yɑrimɑ su dɑ bɑru kpɑɑnɔ kpɑ sɑ n wɑ̃ɑ mi.
\q1
\v 12 Bururu sɑ ko se su dɑ dɑ̃ɑ gbɑɑrɔ,
\q1 su wɑ resɛm tɔ̃kɑ kɑ dɑ̃ɑ te bɑ mɔ̀
\q1 gerenɑdi yɑ̀ n kpɑre yɑ wɛ̃su sɑ̃ɑ.
\q1 Miyɑ kon nun kĩru sɔ̃ɔsi.
\q1
\v 13 Dɑ̃ɑ te bɑ mɔ̀ mɑndɑrɑgore tɑ ten turɑre yɛ̃kɑmɔ.
\q1 Bɛsɛn yɛnu kɔnnɔwɔ, sɑ dɑ̃ɑ mɑrum kpuro mɔ mɛ mu dobu bo,
\q1 ginɑkugim kɑ gisɔku gegim.
\q1 Nɑ mɛ kpuro yii wunɛn sɔ̃ nɛn kĩnɑsi.
\c 8
\q1
\v 1 À n dɑɑ sɑ̃ɑ nɛn sesu mɛro turosi, kon kɑ nun yinnɑ tɔɔwɔ,
\q1 kpɑ n nun bɔkɑsi, goo kun mɑɑ mɑn gɛmmɔ.
\q1
\v 2 Kon kɑ nun dɑ nɛn mɛron yɛnuɔ
\q1 kpɑ ɑ mɑn bwisi kɛ̃.
\q1 Kon nun tɑm nubu durorugim wɛ̃
\q1 mɛ nɑ kuɑ kɑ dɑ̃ɑ bii ni bɑ mɔ̀ gerenɑdi.
\q1
\v 3 Nɑ kĩ nɑ n nɛn wiru sɔndi win nɔm dwɑrɔ,
\q1 kpɑ win nɔm geu gu mɑn bɔkɑsi.
\q1
\v 4 Bɛɛ Yerusɑlɛmun wɔndiɑbɑ, nɑ bɛɛ sɔ̃ɔmɔ,
\q1 i ku nɛn kĩnɑsi yɑmiɑ sɑɑ ye u ǹ kĩ u se.
\sp Wɔndiɑbɑ bɑ nɛɛ,
\q1
\v 5 wɑrɑ u wee gbɑburun di u win kĩnɑsi gbɑlli.
\s1 Kĩrun dɑm
\sp Kurɔ u nɛɛ,
\q1 nɑ nun yɑmiɑ dɑ̃ɑ sɑɑrɔ wunɛn yɛnun bɔkuɔ,
\q1 mi wunɛn mɛro u wunɛn gurɑ suɑ u nun mɑrɑ.
\q1
\v 6 A de nɛ turon gɑri yi n wɑ̃ɑ wunɛn gɔ̃ruɔ.
\q1 A de ɑ n nɛ turo bɔkɑsi.
\q1 Domi kĩru tɑ dɑm mɔwɑ nge gɔɔ.
\q1 Nisinu nu mɑɑ sɑ̃ɑwɑ gɑ̃ɑ gɔbunu nge gɔribun wɑ̃ɑ yeru.
\q1 Nin dɑm mu sɑ̃ɑwɑ nge dɔ̃ɔ yɑri.
\q1 Yinni Gusunɔn min diyɑ yi wee.
\q1
\v 7 Nim wɔ̃kun nim kɑ mɛn kpɑ̃ɑru mu ǹ kpɛ̃ mu kĩrun dɔ̃ɔ go.
\q1 Mɛyɑ mɑɑ dɑɑnun nim yiburu tɑ ǹ kpɛ̃ tu kĩi te wukiri.
\q1 Tɔnu wi u win dukiɑ kpuro wɛ̃ bu kɑ nùn kĩɑn sɔ̃,
\q1 u ǹ kĩi te wɑsi.
\q1 Yen kɔkɔrɔ, bɑ koo nùn gɛmwɑ.
\sp Kurɔn sesubu bɑ nɛɛ,
\q1
\v 8 sɑ sesu piibu mɔ wi u kun ginɑ bwɑ̃ɑ kpiɑ.
\q1 Amɔnɑ sɑ ko nùn kuɑ sɑnɑm mɛ bɑ nùn kĩɑn nɑ.
\q1
\v 9 Ù n sɑ̃ɑ nge gbɑ̃rɑru,
\q1 sɑ ko tu tɑ̃sisiɑwɑ kɑ sii geesu.
\q1 Ù n mɑɑ sɑ̃ɑ nge kɔnnɔ,
\q1 sɑ ko ge kɔrewɑ kɑ dɑ̃ɑ ye bɑ mɔ̀ sɛdurun gɑmbo.
\sp Kurɔ u nɛɛ,
\q1
\v 10 nɑ sɑ̃ɑwɑ nge gbɑ̃rɑru,
\q1 mɑ nɛn bwɑ̃ɑ yɑ sɑ̃ɑ nge wuu kɔ̃sobun wɑ̃ɑ yeru.
\q1 Nɛn kĩnɑsi u yɛ̃ mɑ nɑ bɔri yɛndu mɔ win mi.
\sp Durɔ u nɛɛ,
\q1
\v 11 Sɑlomɔɔ u resɛm tɔ̃kɑn gbɑɑru mɔ Bɑɑli Hɑmɔɔwɔ.
\q1 Mɑ u gbɑɑ te kɔ̃sobu nɔmu sɔndiɑ.
\q1 Ben bɑɑwure u rɑ kɑ sii geesun gobi nɔrɔbu (1.000) nɛwɑ
\q1 bu sere gbɑɑ ten mɑrum sɔri.
\q1
\v 12 Sɑlomɔɔ u win sii geesun gobi nɔrɔbu (1.000) suo u n mɔ,
\q1 kpɑ u win gbɑɑ kɔ̃sobu yen goobu (200) wɛ̃.
\q1 Nɛnɑ nɑ nɛn tiin resɛm gbɑɑru mɔ,
\q1 mɑ nɑ tu kɔ̃su.
\q1
\v 13 A de n wunɛn nɔɔ nɔ nɛn kĩnɑsi,
\q1 wunɛ wi ɑ rɑ n wɑ̃ɑ dɑ̃ɑ gbɑɑru sɔɔ.
\q1 Kpɑɑsibɑ kĩ bu gu nɔ.
\sp Kurɔ u nɛɛ,
\q1
\v 14 ɑ wɑsi suo nɛn kĩnɑsi,
\q1 kpɑ ɑ n sɑ̃ɑ nge yɑɑ kpiku ǹ kun mɛ nge gini kpɛmɑ
\q1 ye yɑ wɑ̃ɑ guuru wɔllɔ mi yɑkɑ nubu durorugisu wɑ̃ɑ.