\id PSA Psalms in Busa, Ross Jones
\ide UTF-8
\h ZABURA
\toc1 ZABURA
\toc2 ZABURA
\mt1 ZABURA
\c 1
\ms1 TAKADA KAAKU
\mr Zabura 1-41
\s1 Arubarikade
\q1
\v 1 Arubarikaden gbɛ̃ kũ àdi gbɛ̃ vãninↄ lɛ́damma maro ũ,
\q1 àdi kifirinↄ zɛ́ sɛ́ro,
\q1 àdi vutɛ kũ gbɛ̃ foborinↄoro.
\q1
\v 2 Dikiri doka mɛ́ àdi káagu,
\q1 àdigↄ̃ laasun lɛ́a fãnantɛ̃ kũ gwãanio.
\q1
\v 3 À de lán lí kũ ò pɛ̀tɛ swa sarɛ bà,
\q1 a lá dì kori kɛro,
\q1 àdigↄ̃ nɛ́ i a gↄrↄa,
\q1 yã kũ àdi kɛ pínki karana vĩ.
\b
\q1
\v 4 À de lɛɛlɛ kũ gbɛ̃ vãninↄoro,
\q1 ò de lán ése ũkã kũ ĩa dì sɛ́tɛ bà.
\q1
\v 5 Gbɛ̃ vãninↄ ni bo mana yãkpatɛkɛgↄrↄ zĩro,
\q1 kifirinↄ ni zɛ gbɛ̃ mananↄ sarɛro.
\b
\q1
\v 6 Dikiri dì gbɛ̃ mananↄ zɛ́ dãkpãńnɛ,
\q1 gbɛ̃ vãninↄ zɛ́ sↄ̃ à mì pɛ́ kakatɛnaaa.
\c 2
\s1 Kína kũ Luda kà
\q1
\v 1 Bↄ́yãi burinↄ tɛn zuka káa?
\q1 À kɛ̀ dera òtɛn lɛ́ pã kpákũsũu?
\q1
\v 2 Andunia kínanↄ tɛn zĩ̀ soru kɛ,
\q1 kpatablerinↄ tɛn kakara Dikirii
\q1 kũ Kína kũ à kào.
\q1
\v 3 Òtɛn pi: Ò ń mↄ̀kakↄ̃ananↄ kɛ̃kɛ̃,
\q1 ò ń bàa porowá.
\b
\q1
\v 4 Dikiri tɛni ń fobo,
\q1 à vutɛna musu, àtɛni ń yáa dↄ.
\q1
\v 5 Àtɛn pataḿma kũ pↄfɛ̃o,
\q1 a pɛ̃tɛ̃ dì ń gba vĩna.
\q1
\v 6 À pì a a Kína kà a kpi Zaiↄ̃ musu.
\b
\q1
\v 7 Mani yã kũ Dikiri dìtɛmɛnɛ o kũ à pì:
\q1 Ma Nɛ́mɛ n ũ, gbãran ma n i.
\q1
\v 8 Ǹ wɛ́ kɛma,
\q1 mani buri sĩnda pínki kpámma n pↄ́ ũ,
\q1 mani n gba andunia kusuru siikↄ̃.
\q1
\v 9 Ĩni kí bleḿma kũ mↄ̀ gòoo,
\q1 ĩni ń wíwi lákũ òdi oro wíwi nà.
\b
\q1
\v 10 Kínanↄ, à lɛ́damma díkĩna ma,
\q1 andunia kpatablerinↄ, à ↄ̃ndↄ̃ kũ sà.
\q1
\v 11 À do Dikirii kũ vĩnao,
\q1 à pↄnna kɛo kũ lukanaao.
\q1
\v 12 À lɛ́ pɛ́ a Nɛ́a
\q1 de a pↄ sún fɛ̃ái à gaga zɛ́nlo,
\q1 zaakũ a pↄ dì fɛ̃ kãntomɛ.
\b
\q1 Arubarikaden gbɛ̃ kũ à nài ũ.
\c 3
\s1 Lɛ́zuna Ludai ibɛrɛnↄ yã musu
\r (2Sa 15:13-17)
\d Lɛ̀ kũ Dauda dà gↄrↄ kũ à bàa lɛ̀ a nɛ́ Abusalomunɛ.
\q1
\v 1 Dikiri, ma wɛtɛrinↄn dimmɛ fá,
\q1 gbɛ̃ kũ ò ibɛrɛɛ sɛ̀ kũmaonↄn dasi.
\q1
\v 2 Òtɛni ma yã o dasidasi,
\q1 òtɛn pi Luda ni ma sura baro.
\b
\q1
\v 3 Mↄkↄ̃n sↄ̃ Dikiri,
\q1 ndì ↄ likamai sɛ̃gbako ũ,
\q1 ma gakurimɛ n ũ,
\q1 ndì tó ma mì gↄ̃ dana íla.
\q1
\v 4 Madì wiki lɛ́ Dikiria,
\q1 àdi wema zaa a kúkia kpi musu.
\b
\q1
\v 5 Madì wútɛ mà i o mà vu,
\q1 zaakũ Dikirimɛ ma kũna ũ.
\q1
\v 6 Gbɛ̃nↄn dúbu kurinↄ tɛni ma wɛ kpa sĩnda pínkia,
\q1 ama madì vĩna kɛńnɛro.
\b
\q1
\v 7 Ǹ futɛ, Dikiri,
\q1 ǹ ma sura ba, ma Luda,
\q1 ǹ ma ibɛrɛnↄ sãn kɛkɛ,
\q1 ǹ gbɛ̃ vãninↄ saka ɛ́'ɛ.
\q1
\v 8 Dikiri mɛ́ àdi gbɛ̃ sura ba.
\q1 Ǹ arubarika da n gbɛ̃nↄgu.
\c 4
\s1 Ɔkↄsi aduakɛnaa
\d Dauda lɛ̀ɛ. Òdi sí kũ mↄrↄlɛnaaomɛ.
\q1
\v 1 Tó ma n sisi, ǹ wema Luda ma zɛkũnwode,
\q1 tó má kakũnna, ǹ ma gba ĩampaki,
\q1 ǹ ma wɛ̃nda gwa ǹ ma aduakɛna sí.
\b
\q1
\v 2 Gbɛ̃nↄ, áni gí àgↄ̃ wé'i da ma Luda gakuridea ari bↄrɛmɛɛ?
\q1 Ánigↄ̃ ye pↄ́ pãnↄi àgↄ̃ tɛ́ tãnanↄin yá?
\q1
\v 3 Àgↄ̃ dↄ̃ kũ Dikiri a gbɛ̃nↄ dìtɛ adona,
\q1 tó ma a sìsi, ani ma yã ma.
\b
\q1
\v 4 Tó a pↄ fɛ̃̀, àsun durunna kɛro,
\q1 à laasun lɛ́ á wutɛbↄ musu à yĩtɛ.
\b
\q1
\v 5 À sa kũ à de à o o,
\q1 à Dikiri náani kɛ.
\q1
\v 6 Parinↄ dì pi: Dí mɛ́ ani yã mana kɛwɛrɛɛ?
\q1 Ǹ ãn werewá, Dikiri, ǹ arubarika daógu.
\q1
\v 7 Bee tó pↄ́blewɛ kũ sèwɛ̃o dińyĩ,
\q1 pↄnna kũ ń dàmɛnɛ ma swɛ̃̀n de ń pↄ́la.
\q1
\v 8 Madì wútɛ mà i o nnanna,
\q1 zaakũ Dikiri, mↄkↄ̃mmɛ ndì tó màgↄ̃ kú ma laakariia.
\c 5
\s1 Kↄnkↄ aduakɛnaa
\d Dauda lɛ̀ɛ. Òdi sí kũ kutɛpɛnaaomɛ.
\q1
\v 1 Ǹ sã kpá ma yãi, Dikiri,
\q1 ǹ laakari dↄ ma ndanaaa.
\q1
\v 2 Ma Kína, ǹ ma ↄ́ↄdↄna ma,
\q1 ma Luda, matɛn wɛ́ kɛmma.
\q1
\v 3 Dikiri, ndì ma kòto ma gudↄo,
\q1 madì ma yãnↄ dↄdↄnnɛ kↄnkↄ,
\q1 ma wɛ́ dìgↄ̃ dↄnyĩ.
\b
\q1
\v 4 Mↄkↄ̃n Luda ń ye yã vãniiro,
\q1 ndìgↄ̃ kú lɛɛlɛ kũ gbɛ̃ vãnioro.
\q1
\v 5 Ĩadãrii dì le à zɛ n arɛro,
\q1 n zã yãvãnikɛrinↄi ń pínki.
\q1
\v 6 Dikiri, ndì ɛ́kɛdenↄ mì dɛ,
\q1 ń ye gbɛ̃dɛrinↄ kũ gbɛ̃blerinↄ kãiro.
\b
\q1
\v 7 Makũ sↄ̃, mani gɛ̃ n ↄnn n gbɛ̃kɛ zↄ̃kↄ̃ yãi,
\q1 mani kútɛ mà arɛ dↄ n kpɛ́a mà mì natɛnnɛ.
\q1
\v 8 Dikiri, ǹ ma da zɛ́n n náanikɛna yãi,
\q1 ǹ zɛ́ poromɛnɛ ma wɛtɛrinↄ yãi.
\b
\q1
\v 9 Zaakũ ń yãke náani vĩro,
\q1 ń nɛ̀sɛ de lán kaka bɛ bàmɛ,
\q1 ń kòto de lán mira wɛ̃naa bàmɛ,
\q1 òdi lɛ́nna kɛńnɛ.
\q1
\v 10 Ǹ tó yã vutɛḿma Luda,
\q1 ǹ tó yã vãni kũ òtɛn kpákpanↄ wí ń musu.
\q1 Ǹ pɛ́ḿma n arɛ ń taari dasinↄ yãi,
\q1 zaakũ ò gì n yã mai.
\b
\q1
\v 11 Ǹ tó gbɛ̃ kũ ò utɛna n kĩnaanↄ yáa dↄ,
\q1 ògↄ̃ lɛ̀ sí kũ pↄnnao gↄrↄ sĩnda pínki.
\q1 Ǹ ↄ kú gbɛ̃ kũ ò yenyĩnↄa,
\q1 de ò pↄnna kɛ n yã musu.
\q1
\v 12 Dikiri, ndì arubarika da gbɛ̃ mananↄgu,
\q1 ndì likańyĩ kũ yenyĩo lán sɛ̃gbako bà.
\c 6
\s1 Faaba wikilɛna Ludaa
\d Dauda lɛ̀. Òdi sí kũ mↄrↄlɛnaaomɛ.
\q1
\v 1 Dikiri, ǹsun patama kũ pɛ̃tɛ̃oro,
\q1 ǹsun ma toto kũ pↄfɛ̃oro.
\q1
\v 2 Ǹ ma wɛ̃nda gwa, Dikiri,
\q1 zaakũ ma gↄ̃ fɛ̃fɛ̃na,
\q1 ǹ ma gba aafiaa, Dikiri,
\q1 zaakũ ma wánↄ tɛn wímɛ.
\q1
\v 3 Ma pↄ yàka manamana,
\q1 Dikiri, ĩni kpámai bↄrɛmɛɛ?
\b
\q1
\v 4 Ǹ ɛra ǹ ma mì sí, Dikiri,
\q1 ǹ ma sura ba n gbɛ̃kɛ yãi.
\q1
\v 5 Zaakũ gɛ̀ ni le à n tↄ́ kpáro,
\q1 oni n sáabu kpá mira gũnlo.
\b
\q1
\v 6 Ma ndana ma kpasa,
\q1 ma mìbↄkↄↄ dì yaku kũ wɛ́'io,
\q1 ma wutɛbↄ dì yĩda kũ ari gu gɛ́ dↄo.
\q1
\v 7 Ma wɛ́ kakana kũ pↄsira ↄ́ↄdↄnaao,
\q1 àtɛn ga kũ ma ibɛrɛnↄn dasi yãi.
\b
\q1
\v 8 À go ma kĩnaa yãvãnikɛrinↄ,
\q1 zaakũ Dikiri ma ↄ́ↄ dↄ mà.
\q1
\v 9 Dikiri ma wikilɛnaa mà,
\q1 Dikiri ma aduakɛnaa sì.
\q1
\v 10 Wé'i ni ma ibɛrɛnↄ kũ ò gↄ̃ bídi gũn,
\q1 oni fua kãnto ò kpɛ li ń pínki.
\c 7
\s1 Ǹ yã nna kpáma, Dikiri!
\d Lɛ̀ kũ Dauda sì Dikirinɛ Biliaminu buri Kusu yã musu.
\q1
\v 1 Dikiri ma Luda, ma nanyĩ,
\q1 ǹ ma mì sí ǹ ma sura ba
\q1 gbɛ̃ kũ ò pɛ̀tɛmainↄ ↄĩ.
\q1
\v 2 Tó lɛnlo, oni ma kɛ yákiyaki
\q1 lán músuu dì kɛńnɛ nàmɛ,
\q1 oni ma kɛ̃kɛ̃kↄ̃rɛ,
\q1 gbɛ̃ke ni ma mì síro.
\b
\q1
\v 3 Dikiri ma Luda, tó ma taari ke kɛ̀,
\q1 tó ma ↄ kú yã vãnin,
\q1
\v 4 tó ma a vãni kɛ̀ ma gbɛ̃dakenɛ,
\q1 ke tó ma gbãna mↄ̀ ma ibɛrɛɛnɛ pã,
\q1
\v 5 ǹ tó ma ibɛrɛ pì pɛ́tɛmai à ma kũ,
\q1 à gɛ̀sɛ pɛ́tɛpɛtɛma zĩtɛ,
\q1 à ma vĩ bùsu'atɛ̃n.
\b
\q1
\v 6 Ǹ futɛ ǹ zɛ kũ pↄfɛ̃o, Dikiri,
\q1 ǹ futɛ ma ibɛrɛnↄi ń nɛ̀sɛ kpã̀kpã yãi.
\q1 Ǹ vu, ma Luda,
\q1 ǹ yã gↄ̃gↄ̃ a zɛ́a.
\q1
\v 7 Ǹ tó gbɛ̃nↄ kakaranyĩ,
\q1 ǹ kí bleḿma zaa musu.
\q1
\v 8 Dikiri, ndì yãkpatɛ kɛ kũ gbɛ̃nↄ.
\q1 Dikiri, ǹ tó yã bo kũmao nna ma yãzɛdekɛ lɛ́n.
\q1 Luda Musude, ǹ yã kɛmɛnɛ ma nɛ̀sɛpura lɛ́n.
\q1
\v 9 Luda, mↄkↄ̃mmɛ mana,
\q1 ndì nɛ̀sɛ kũ laasunnwo kpátɛ kɛ.
\q1 Ǹ gbɛ̃ vãninↄ pãsĩkɛnaa mì dɛ,
\q1 ǹ gbɛ̃ mananↄ gba zɛki.
\b
\q1
\v 10 Luda Musudemɛ ma sɛ̃gbako ũ,
\q1 àdi gbɛ̃ kũ ń nɛ̀sɛ mananↄ sura ba.
\q1
\v 11 Luda dì yãkpatɛ kɛ a zɛ́a,
\q1 àdi tó yã gↄ̃ vutɛḿma gↄrↄ sĩnda pínki.
\q1
\v 12 Tó gbɛ̃ dí a nɛ̀sɛ litɛro,
\q1 Luda dì a fɛ̃nɛda lɛ́ kɛkɛ
\q1 àdi a sá kú à kã.
\q1
\v 13 Àdi a gↄ̃kɛbↄ kũ àdi ga ińnɛnↄ kɛkɛ,
\q1 àdi a kà tɛ́denↄ kpá sála.
\b
\q1
\v 14 Ǹ gwa, yã vãni dì nↄ̀ dↄ gbɛ̃n,
\q1 akũ àdi wari nↄ̀ sí à nɛ́ i ɛ́kɛ ũ.
\q1
\v 15 Àdi wɛ̀ɛ yↄ̃ gbɛ̃nↄnɛ zã̀zã tankutɛ ũ,
\q1 akũ àdi zu wɛ̀ɛ kũ à yↄ̃̀ↄ pìi gũn.
\q1
\v 16 A àlesi pãsĩ dì doi,
\q1 a wɛ́tãna gbɛ̃nↄa dì wí a mìia.
\b
\q1
\v 17 Mani Dikiri sáabu kpá a manakɛ yãi,
\q1 mani Dikiri Musude tↄ́ bo kũ lɛ̀sinaao.
\c 8
\s1 Luda gakuri yã'onaa
\d Dauda lɛ̀ɛ.
\q1
\v 1 Dikiri ó Dikiri, n tↄ́ bò andunia gũn pínki,
\q1 n gakuri bò gupuraa musu.
\b
\q1
\v 2 N dà nɛ́ fítinↄnɛ kũ nɛ́kpãntɛ̃nↄ ò n sáabu kpá
\q1 de n ibɛrɛnↄ kũ n zãnguri mↄrakarinↄ yĩtɛ.
\q1
\v 3 Kũ ma n zĩ gwà musu,
\q1 mↄvura kũ susunɛ kũ n pɛ̀pɛ gwenↄ,
\q1
\v 4 ma pì bↄ́n bisãsiri ũ kũ a yã dìgↄ̃ dↄnguu?
\q1 Bↄ́mɛ a ũ kũ n laakari dↄaa?
\q1
\v 5 N a kɛ̀ kĩana malaikanↄi fíti,
\q1 n a kà kpatan kũ gakurio kũ bɛ̀ɛrɛɛo.
\q1
\v 6 N tò à kí blè pↄ́ kũ n kɛ̀nↄa,
\q1 n tò pↄ́ sĩnda pínki mì nàtɛnɛ,
\q1
\v 7 sãnↄ kũ zùnↄ kũ nↄ̀bↄsɛ̃ntɛnↄ pínki,
\q1
\v 8 bãnↄ kũ kpↄ̀nↄ kũ pↄ́ kũ ò kú ísira gũnnↄ.
\b
\q1
\v 9 Dikiri ó Dikiri, n tↄ́ bò andunia gũn pínki.
\c 9
\s1 Luda sáabukpana kũ àdi yã kɛkɛ gbɛ̃nↄnɛ yãi
\d Dauda lɛ̀ɛ.
\q1
\v 1 Dikiri, mani n sáabu kpá kũ nɛ̀sɛdoo,
\q1 mani n yãbonsarɛkɛnanↄ kpàkpa kɛńnɛ.
\q1
\v 2 Mani pↄnna kɛ mà ĩa dã n yã musu,
\q1 Luda Musude, mani n tↄ́ kpá kũ lɛ̀sinaao.
\b
\q1
\v 3 Ma ibɛrɛnↄ dì kpɛ li,
\q1 òdi lɛ́tɛ ò gaga n arɛ.
\q1
\v 4 Zaakũ n zɛ kũmao n yã nna kpàma,
\q1 vutɛna n tìntinnwa n yã gↄ̃̀gↄ̃ a zɛ́a.
\q1
\v 5 N kpãkɛ̃ burinↄi,
\q1 n gbɛ̃ vãninↄ kàkatɛ n ń tↄ́ dɛ̀dɛ míↄmiↄ.
\q1
\v 6 N kisira kũ àdi lákaro kpà ma zãngurinↄi,
\q1 n ń wɛ̃tɛnↄ gbòro, ń yã dↄ gbɛ̃kegu doro.
\b
\q1
\v 7 Dikiri dì kí ble gↄrↄ sĩnda pínki,
\q1 à a kpata dìtɛ yãkpatɛkɛna yãi.
\q1
\v 8 Ani yãkpatɛ kɛ kũ andunia gbɛ̃nↄ súsu,
\q1 ani kí ble burinↄa a zɛ́a.
\q1
\v 9 Dikirimɛ utɛki ũ gbɛ̃ kũ òtɛn gbãna mↄńnɛnↄnɛ,
\q1 à deńnɛ aafialeki ũ warikɛgↄrↄa.
\q1
\v 10 Dikiri, gbɛ̃ kũ ò n tↄ́ dↄ̃ↄnↄn n náani vĩ,
\q1 ndì n ki wɛtɛrinↄ zukũnaro.
\b
\q1
\v 11 À lɛ̀ sí Dikirinɛ, àtɛn kí ble zaa Zaiↄ̃,
\q1 à a yãkɛnanↄ kpàkpa kɛ buri sĩnda pínkinɛ.
\q1
\v 12 Zaakũ àdi mↄraa ká gbɛ̃dɛriia, yã dì sãnlo,
\q1 àdi takasidenↄ wikilɛna yã da.
\b
\q1
\v 13 Dikiri, ǹ gwa lákũ ma ibɛrɛnↄ tɛn wari dↄma nà,
\q1 ǹ ma wɛ̃nda gwa ǹ ma bo ga lɛ́i,
\q1
\v 14 de mà n tↄ́ kpá Zaiↄ̃ bĩnilɛa,
\q1 mà pↄnna kɛ kũ n ma sura bà yãi.
\q1
\v 15 Burinↄ sì wɛ̀ɛ kũ ò yↄ̃̀n,
\q1 ń gbá zù bà kũ ò kpàkpan.
\q1
\v 16 Ò Dikiri dↄ̃ kũ yãkpatɛkɛna a zɛ́aao,
\q1 àdi tó gbɛ̃ vãni yãkɛna ɛra a musu.
\b
\q1
\v 17 Gbɛ̃ vãninↄ dì tá gyãwãn,
\q1 buri kũ òdi Luda yã daro pìnↄ.
\q1
\v 18 Wɛ̃ndadenↄ yã ni sãagu zikiro,
\q1 takaside sↄ̃ à wɛ́dↄina lakana vĩro.
\b
\q1
\v 19 Ǹ futɛ Dikiri, ǹsun tó bisãsiri n gã̀ fĩro,
\q1 ǹ buri sĩnda pínki kakara ǹ yãkpatɛ kɛ kũńwo.
\q1
\v 20 Dikiri, ǹ tó vĩna burinↄ kũ,
\q1 de ò le ò dↄ̃ kũ bisãsirinↄmɛ ń ũ.
\c 10
\s1 Wɛ́kɛna Ludaa à yãkpatɛ kɛ bisãsirinↄnɛ
\q1
\v 1 Dikiri, bↄ́yãi ń zɛna zã̀zãa?
\q1 À kɛ̀ dera ndì n zĩda utɛ warikɛgↄrↄaa?
\b
\q1
\v 2 Gbɛ̃ vãni dì gbãnasaride wɛtɛ à dɛ zĩdabi gũn,
\q1 àdi manafiki kɛnɛ à a kũ.
\q1
\v 3 Gbɛ̃ vãni dì a pↄ́nidɛnanↄ ĩa dã,
\q1 àdi sãnkarade sáabu kpá àdi Dikiri tↄ́ yaka.
\q1
\v 4 Gbɛ̃ vãni zĩdabi mɛ́ à tò àdi Dikiri ki wɛtɛro,
\q1 à Luda laasun vĩro.
\q1
\v 5 Yã kũ àdi kɛ pínki dì bonɛ manamɛ,
\q1 àdi a zĩda kara, àdi n doka daro,
\q1 àdi lɛ́zuki kɛ a ibɛrɛnↄa.
\q1
\v 6 Àdi pi áni kpágularo,
\q1 ánigↄ̃ kú kũ pↄnnao warikɛnaa sari.
\q1
\v 7 Ɛ́kɛ kũ gbɛ̃kanaao kũ yã pãsĩo a lɛ́ pà,
\q1 àlesi pãsĩ kũ yã vãnio mɛ́ àdigↄ̃ da a lɛ́n.
\q1
\v 8 Àdi natɛ taarisaridenɛ lakutu kpɛ
\q1 de à le à a dɛ asiri gũn,
\q1 àdi àleside kpákpa gukpado.
\q1
\v 9 Àdi natɛ gbɛ̃nↄnɛ asiri gũn lán músu bà,
\q1 àdi natɛ lákpɛn de à le à gbãnasaride kũ.
\q1 Tó à a kũ̀, àdi a gátɛ kũ a bàao.
\q1
\v 10 Gbɛ̃ kũ à a lè à kũ̀ dìgↄ̃ wutɛna sùum,
\q1 gbãna mɛ́ à a nɛ̀.
\q1
\v 11 Gbɛ̃ vãni dì pi Luda dì yã tàasi káro,
\q1 àdi ↄ kú a wɛ́amɛ àdi gu ero.
\b
\q1
\v 12 Dikiri, ǹ futɛ ǹ su kũ n gbãnao,
\q1 Luda, ǹgↄ̃ takasidenↄ tàasi ká.
\q1
\v 13 Luda, bↄ́yãin gbɛ̃ vãni dì dↄkɛ kũnwo lɛɛ?
\q1 Àdi pi a swɛ̃̀ɛ gũn ĩni wari dↄáwaro.
\q1
\v 14 Bee kũ abireo ndì gbɛ̃nↄ yã'ũmmana e sãnsãn,
\q1 ndì ń pↄsira yã da de ǹ le ǹ ↄ daḿma.
\q1 Gbãnasaride dì a zĩda kpámma,
\q1 tonɛ kũ à gwàri vĩro kpànyĩriimɛ n ũ.
\q1
\v 15 Ǹ gbɛ̃ vãninↄ kũ gbɛ̃ pãsĩnↄ gã̀sã ɛ́ńnɛ,
\q1 ǹ ń yã vãni kũ òtɛn da ò dↄ̃ro ɛraḿma.
\b
\q1
\v 16 Dikiri dìgↄ̃ kí ble gↄrↄ sĩnda pínki,
\q1 a yãdarisarinↄ ni kakatɛ a bùsun.
\q1
\v 17 Dikiri dì takasidenↄ wɛ́kɛna sí,
\q1 àdi ń gba swɛ̃̀ɛ, àdi sã kpá ń ↄ́ↄ dↄi.
\q1
\v 18 Àdi zɛ kũ tonɛ kũ à gwàri vĩronↄ
\q1 kũ gbɛ̃ kũ òtɛn wɛ́ tãḿmanↄ,
\q1 de bisãsiri kũ à de bùsutiti ũ
\q1 sún tó swɛ̃̀ kɛ̃ gbɛ̃nↄgu doro yãi.
\c 11
\s1 Laakarikpatɛnaa
\d Dauda lɛ̀ɛ.
\q1
\v 1 Ma na Dikirii.
\q1 Bↄ́ yã mɛ́ à tò átɛn pimɛnɛ mà vura
\q1 mà tá kpi musu lán bã bàa?
\q1
\v 2 À yãvãnikɛrinↄ gwa, ò kàa kpà sála,
\q1 ò nàtɛ gusarɛ ò ń sá gà,
\q1 ò kàa dↄ̀dↄ nɛ̀sɛmanadenↄa.
\q1
\v 3 Tó futɛokarayã tɛn kakatɛ,
\q1 gbɛ̃ mananↄ ni kɛ deramɛɛ?
\b
\q1
\v 4 Dikiri kú a kpɛ́ kũ à kú adonaa gũn,
\q1 à vutɛna kpatan musu gwe.
\q1 Àdi wɛ́ pɛ́ bisãsirinↄla à ń tàasi ká.
\q1
\v 5 Dikiri dì gbɛ̃ mananↄ gwagwa,
\q1 ama à zã̀ yãvãnikɛrinↄgu
\q1 kũ gbɛ̃ kũ yã pãsĩ dì kɛńnɛ nnanↄ.
\q1
\v 6 Ani tɛ́yↄ̃ kũ ifãntɛ̃gbↄ̃ↄo kú yãvãnikɛrinↄa,
\q1 ĩa wãna mɛ́ anigↄ̃ de ń baka ũ.
\b
\q1
\v 7 Zaakũ Dikiri dì yã kɛ a zɛ́a,
\q1 yãmanakɛnaa dì kɛnɛ nna,
\q1 gbɛ̃ mananↄ ni wɛ́ kɛ kãao pla.
\c 12
\s1 Bisãsiri vãnikɛ
\d Dauda lɛ̀ɛ. Òdi sí kũ mↄrↄlɛnaaomɛ.
\q1
\v 1 Ǹ ma sura ba, Dikiri,
\q1 zaakũ gbɛ̃ mana ke kun doro,
\q1 náanide làka bisãsirinↄ tɛ́.
\q1
\v 2 Baadi dì ɛ́kɛ to a gbɛ̃dakenɛ,
\q1 àdi lɛ́nna kásańnɛ kũ nɛ̀sɛplao.
\b
\q1
\v 3 Dikiri, ǹ lɛ́nnade lɛ́ kↄ̀ ɛ́
\q1 kũ zĩdabiri pínki pↄ́o.
\q1
\v 4 Òdi pi ń lɛ́ mɛ́ ani tó ò zĩ̀ ble,
\q1 ò ń lɛ́ vĩ, dí mɛ́ ani kí bleḿmaa?
\b
\q1
\v 5 Wɛ́tãna gbɛ̃ busɛnↄa
\q1 kũ wɛ̃ndadenↄ ndanaao yãi
\q1 Dikiri pì áni futɛ sà
\q1 à ń gba zɛ́boki kũ òtɛni a ni dɛ.
\q1
\v 6 Dikiri yã mamberu vĩro,
\q1 à de lán andurufu kũ ò yↄ̀ tɛ́vuraa gũn
\q1 ò bàasa gɛ̃̀n suppla bà.
\q1
\v 7 Mↄkↄ̃n Dikiri, ĩnigↄ̃ ó dãkpã gↄrↄ sĩnda pínki,
\q1 ń ó sí gbɛ̃ bire takanↄa.
\q1
\v 8 Tó gbɛ̃nↄ yã bɛ̃̀nɛ kũ̀ ↄplapla,
\q1 gbɛ̃ vãninↄ dìgↄ̃ kure kũ zĩdabio gu sĩnda pínkia.
\c 13
\s1 Wikilɛna Ludaa
\d Dauda lɛ̀ɛ.
\q1
\v 1 Ari bↄrɛɛ, Dikiri?
\q1 Ma yã nigↄ̃ sãngu gↄrↄ sĩnda pínkin yá?
\q1 Ĩni kpɛ limɛnɛ ari bↄrɛmɛɛ?
\q1
\v 2 Manigↄ̃ ↄsi ká kũ ma laasunnↄ ari bↄrɛmɛɛ?
\q1 Ma pↄ dìgↄ̃ sira lákũ gu dìgↄ̃ dↄ nà,
\q1 ma ibɛrɛ nigↄ̃ gbãna blema ari bↄrɛmɛɛ?
\b
\q1
\v 3 Dikiri ma Luda, ǹ ma gwa ǹ ma yã ma,
\q1 ǹ ma ãn weremɛnɛ de màsun garo yãi,
\q1
\v 4 de ma ibɛrɛ sún pi a ma nɛro yãi,
\q1 de ma zãngurinↄ sún pↄnna kɛ ma fuana yã musuro.
\b
\q1
\v 5 Matɛni n gbɛ̃kɛ náani kɛ,
\q1 ma pↄ kɛ̀ nna kũ n ma sura bà.
\q1
\v 6 Mani lɛ̀ sí Dikirinɛ,
\q1 zaakũ à yã mana kɛ̀mɛnɛ.
\c 14
\s1 Yↄ̃nkↄ yã'onaa
\d Dauda lɛ̀ɛ.
\q1
\v 1 Yↄ̃nkↄ dì o a swɛ̃̀n Luda kunlo.
\q1 Gbɛ̃nↄ yàku kpà, ń yãkɛna vãni,
\q1 yãmanakɛri ke kú ń tɛ́ro.
\b
\q1
\v 2 Zaa musu Dikiri dì bisãsirinↄa tàasi ká
\q1 à gwa tó gbɛ̃ke ↄ̃ndↄ̃ kà à a ki wɛtɛ.
\q1
\v 3 Ò sã̀tɛ ń pínki ò gↄ̃̀ dↄ̀rↄↄ sari míↄmiↄ,
\q1 yãmanakɛri ke kú ń tɛ́ro, bee mɛ̀n do.
\b
\q1
\v 4 Vãnikɛrinↄn dↄ̃na vĩnloo?
\q1 Òdi ma gbɛ̃nↄ mↄ́mↄ lán ú bà,
\q1 òdi Dikiri sísiro.
\q1
\v 5 Gwen vĩna ń kũn manamana,
\q1 zaakũ Luda kú kũ gbɛ̃ mananↄ.
\q1
\v 6 Òdi kpá takasidenɛ a pↄyeinakɛnaa,
\q1 ama Dikirimɛ a utɛki ũ.
\b
\q1
\v 7 Luda, ǹ bo Zaiↄ̃ ǹ mↄ́ ǹ Isarailanↄ sura ba!
\q1 Tó Dikiri sù kũ a gbɛ̃nↄ ń gwena zĩn,
\q1 Yakubu burinↄ ni pↄnna kɛ,
\q1 Isarailanↄ ni yáa dↄ.
\c 15
\s1 Ludayãmari yã'onaa
\d Dauda lɛ̀ɛ.
\q1
\v 1 Dikiri, dí mɛ́ à zɛ́ vĩ à gɛ̃ n bɛ ↄnnn?
\q1 Dí mɛ́ ani fↄ̃ àgↄ̃ kú n kpi musuu?
\b
\q1
\v 2 Gbɛ̃ kũ àdigↄ̃ kun taari sari,
\q1 àdi yã kɛ a zɛ́a,
\q1 àdi yãpura o zaa a nɛ̀sɛn.
\q1
\v 3 Àdi yã di gbɛ̃kearo,
\q1 àdi taari kɛ a gbɛ̃dakenɛro,
\q1 àdi a gbɛ̃ do sↄ̃sↄ̃ro.
\q1
\v 4 Àdi ludayãdarisarinↄ gya bo,
\q1 àdi bɛ̀ɛrɛ li ludayãmarinↄnɛ.
\q1 Àdi a lɛ́gbɛ̃na papa, bee tó à kɛ̀nɛ zĩ'ũ.
\q1
\v 5 Àdi ↄgↄ sãkãńnɛ kũ a íoro,
\q1 àdi bo taarisaride kpɛ gusarɛgba yãiro.
\b
\q1 Gbɛ̃ kũ àdi kɛ lɛ ni kpágula zikiro.
\c 16
\s1 Nana Ludai aduaa
\d Dauda lɛ̀ɛ.
\q1
\v 1 Ǹ ma dãkpã Luda, mↄkↄ̃n ma nanyĩ.
\q1
\v 2 Ma pì Dikirinɛ: Mↄkↄ̃mmɛ ma Dikiri ũ,
\q1 n baasiro má pↄ́ mana ke vĩro.
\q1
\v 3 N gbɛ̃ kũ ò kú bùsu dí gũnnↄ,
\q1 mↄ́kↄ̃nↄmɛ gakuride kũ ò kàmagunↄ ũ.
\q1
\v 4 Gbɛ̃ kũ òdi wã ò gɛ́ tãna kĩnaanↄ
\q1 dì yã'ũmmana kpá ń zĩdaimɛ.
\q1 Mani sa'o'aru kↄ́tɛ kũńworo,
\q1 oni ń tãnanↄ tↄ́ ma ma lɛ́nlo.
\b
\q1
\v 5 Dikiri, mↄkↄ̃mmɛ má n vĩ ndo,
\q1 n ma ka ma bakaaa,
\q1 ma wɛ̃̀ndi kú n ↄĩmɛ.
\q1
\v 6 N zĩtɛ lɛ́zɛkinↄ dàmɛnɛ gu mana gũn,
\q1 gba kũ n dàmɛnɛ kàmagu.
\b
\q1
\v 7 Mani Dikiri sáabu kpá kũ àdi lɛ́ dama yãi,
\q1 bee gwãani àdi tó ma swɛ̃̀ ma gba laakarii.
\q1
\v 8 Madìgↄ̃ Dikiri e ma wɛ́n baala'i,
\q1 lákũ à kú ma ↄplai nà, pɛ́ke ni ma lukaro.
\b
\q1
\v 9 Abire yãi ma pↄ dìgↄ̃ nna,
\q1 ma nɛ̀sɛgũn pù.
\q1 Má tãmaa vĩ kũ ma mɛ̀ nigↄ̃ kun,
\q1
\v 10 zaakũ ĩni ma tó mira gũnlo,
\q1 ĩni we n gbɛ̃ kũ à kú adona yagi kũro.
\q1
\v 11 N ma da wɛ̃̀ndi zɛ́a,
\q1 ma pↄnna nigↄ̃ pana n kĩnaa,
\q1 pↄ́ mananↄ nigↄ̃ kú n ↄĩ gↄrↄ sĩnda pínki.
\c 17
\s1 Taarisaride aduakɛnaa
\d Dauda aduakɛnaa
\q1
\v 1 Dikiri, ǹ ma yãzɛde ma,
\q1 ǹ sã kpá ma wikilɛnaai,
\q1 ǹ ma wɛ́kɛna sí,
\q1 zaakũ matɛn kɛ kũ manafikioro.
\q1
\v 2 N kĩnaan mani yã nna len,
\q1 n wɛ́ tɛn yã kũ à zɛ́ vĩ e sãnsãn.
\q1
\v 3 N ma swɛ̃̀ɛ gwà, n wɛ́ tɛ́mai gwãani,
\q1 n ma tàasii kà, ńdi yãke emaro,
\q1 zaakũ ma zɛo kũ ma lɛ́ ni ma kari boro.
\q1
\v 4 Madì tɛ́ bisãsiri yãkɛnanↄiro,
\q1 madì gbɛ̃ pãsĩnↄ turuba sɛ́ro.
\q1
\v 5 Ma kure n zɛ́n súsu,
\q1 mádi pã n yãnɛro.
\b
\q1
\v 6 Matɛn lɛ́ zunyĩ, zaakũ ĩni wema.
\q1 Luda, ǹ sã kpá ma aduakɛnaai.
\q1
\v 7 Ǹ n gbɛ̃kɛ yãbonsarɛ kɛmɛnɛ,
\q1 ǹ gbɛ̃ kũ ò nànyĩnↄ bo ń ibɛrɛnↄ ↄĩ.
\q1
\v 8 Ǹ laakari dↄma lán n wɛ́nɛ bà,
\q1 ǹ ma sↄtↄ n orun.
\q1
\v 9 Ǹ ma sí gbɛ̃ pãsĩ kũ òdi wari dↄmanↄa,
\q1 ma ibɛrɛ kũ ò likanamai pìnↄ.
\q1
\v 10 Òdi gbɛ̃ke wɛ́ gwaro,
\q1 ń lɛ́ dì zĩda sɛna lei yã o.
\q1
\v 11 Ò pɛ̀tɛmai ò lìkamai,
\q1 ò wɛ́ pìtima de ò le ò ma pãtɛ zĩtɛ.
\q1
\v 12 Ò ye ò ma kɛ yákiyaki
\q1 lákũ músu nàdɛri dì kɛ nà,
\q1 lán músu kũ à natɛna gukpado bà.
\b
\q1
\v 13 Dikiri, ǹ futɛ ǹ dańlɛ ǹ ń nɛ,
\q1 ǹ ma sí gbɛ̃ pãsĩnↄa kũ n fɛ̃nɛdao.
\q1
\v 14 Ǹ ma bo ń ↄĩ kũ n gbãnao.
\q1 Ń baka kú andunia díkĩna gũn,
\q1 ń aruzɛkɛ dìgↄ̃ dińyĩ, ń nɛ́nↄ dì kã,
\q1 òdi pↄ́ kũ à dìńyĩnↄ kátɛ ń nɛ́nↄnɛ.
\q1
\v 15 Makũ sↄ̃, mani wɛ́ kɛ pla kũnwo ma nɛ̀sɛmana yãi,
\q1 tó ma n e ma vugↄrↄa, abirekũ ni ma kã.
\c 18
\s1 Zĩ̀ble sáabukpanaa
\r (2Sa 22:1-51)
\d Lɛ̀ kũ Dikiri zↄ̀bleri Dauda sìnɛ gↄrↄ kũ à a bò Solu kũ a ibɛrɛ kparanↄo ↄĩ.
\q1
\v 1 Má yenyĩ Dikiri, mↄkↄ̃mmɛ ma gbãna ũ.
\b
\q1
\v 2 Dikirimɛ ma gbɛ̀si ũ kũ ma zɛki gbãnao,
\q1 ma surabariimɛ.
\q1 Ma Ludamɛ ma zɛki gbãna ũ, madì nai.
\q1 Àkũmɛ ma sɛ̃gbako ũ,
\q1 ma surabari gbãna kũ ma guleio.
\q1
\v 3 Dikiri kà ò a sáabu kpá.
\q1 Madì a sísi, àdi ma bo ma ibɛrɛnↄ ↄĩ.
\b
\q1
\v 4 Gó'itɛ vlɛ̃̀ kũmao,
\q1 ípaka kũ àdi ń kakatɛ tɛni ma ble.
\q1
\v 5 Mira bànↄ lìkamai,
\q1 ga tankutɛ kpàkpamɛnɛ ma arɛ.
\q1
\v 6 Kũ má kakũnna, ma Dikiri sìsi,
\q1 ma wiki lɛ̀ ma Ludaa,
\q1 akũ à ma kòtoo mà zaa a bɛa,
\q1 ma wiki kà à kĩnaa, à gɛ̃̀ a sãn.
\b
\q1
\v 7 Zĩtɛ lùkaluka à yĩ̀gãyĩgã,
\q1 kpinↄ dègedege ari ń zĩnin.
\q1 Ò lùkaluka kũ à pↄ fɛ̃̀ yãi.
\q1
\v 8 Túsukpɛ bò a yĩn,
\q1 tɛ́ kũ àdi ń kpata bò a lɛ́n,
\q1 a yↄ̃̀nↄ tɛn tɛ́ kɛ a arɛ.
\q1
\v 9 À musu wɛ̃̀ à kìpa,
\q1 legũ sìsi a gɛ̀sɛ gbáru.
\q1
\v 10 Àtɛn vura dina kɛrubu kpɛ,
\q1 àtɛn yàa kɛ ĩala.
\q1
\v 11 À gusira dà a zĩdala,
\q1 ludambɛ sira kũ̀ a kúkila.
\q1
\v 12 Zaa a gakuri tɛ́kɛnaa gũn legũ tɛn sisi,
\q1 legũgbɛ tɛn kↄtɛ, legũ tɛn pi pãsĩpãsĩ.
\q1
\v 13 Dikiri pàta zaa musu,
\q1 Luda Musude kòto dↄ legũpũtãna ũ.
\q1
\v 14 À kàa fã̀ ma ibɛrɛnↄa à ń fãkↄ̃a,
\q1 à tò legũ pìḿma à pɛ̀ḿma.
\q1
\v 15 Kũ n pataḿma Dikiri,
\q1 kũ n pↄ́ bò n yĩn,
\q1 ísira zĩtɛ bò gupuraa,
\q1 andunia zĩni gↄ̃̀ katɛna punsi.
\b
\q1
\v 16 À ↄ bò zaa musu à ma kũ,
\q1 à ma bo swada gũn.
\q1
\v 17 À ma si ma ibɛrɛ gbãna ↄ̃i
\q1 kũ ma zãnguri kũ ń gbãna demalanↄ.
\q1
\v 18 Ò lɛ̀tɛma ma sunyĩkɛgↄrↄa,
\q1 ama Dikiri zɛ̀ kũmao.
\q1
\v 19 À ma bo à ma gba mɛ̀poroki,
\q1 à ma sura bà kũ à yemai yãi.
\b
\q1
\v 20 Dikiri yã kɛ̀mɛnɛ ma nɛ̀sɛmana lɛ́n,
\q1 à fĩna bòmɛnɛ ma gbãsĩsarikɛna lɛ́n.
\q1
\v 21 Zaakũ má Luda yãditɛnanↄ kũna,
\q1 mádi yã vãni kɛ ma a Luda tònlo.
\q1
\v 22 A dokayãnↄ dìgↄ̃ domɛnɛ arɛ pínki,
\q1 mádi kpɛ li yã kũ à dìtɛnↄnɛro.
\q1
\v 23 Ma kunna taari vĩ Dikirinɛro,
\q1 má a zĩda kũna durunna sari.
\q1
\v 24 Dikiri fĩna bòmɛnɛ ma nɛ̀sɛmana lɛ́n,
\q1 zaakũ à è má kun gbãsĩ sari.
\b
\q1
\v 25 Náanidemɛ n ũ náanidenↄnɛ,
\q1 taarisaridemɛ n ũ taarisaridenↄnɛ.
\q1
\v 26 Ń swáswa gbɛ̃ swáswanↄnɛ,
\q1 ama ndì kisira li gbɛ̃ dↄ̀rↄsaridenↄi.
\q1
\v 27 Ndì zĩdabusarinↄ sura ba,
\q1 ndì zĩdabirinↄ lago.
\q1
\v 28 Dikiri, ndì ma fitila tɛ́ tó nana,
\q1 ma Luda, ndì ma gusira litɛ gupura ũ.
\q1
\v 29 Kũ n gbãnao mani fↄ̃ mà kùsɛ kpá karaa,
\q1 ma Luda gãi mani fↄ̃ mà vĩ gbĩ̀la.
\b
\q1
\v 30 Luda díkĩna sↄ̃ a yãkɛna bↄtɛna.
\q1 Dikiri yã mamberu vĩro, à swáswa.
\q1 À de sɛ̃gbako ũ gbɛ̃ kũ ò nàinↄnɛ.
\q1
\v 31 Dikiri baasiro, dímɛ Luda ũu?
\q1 Ó Luda baasiro, dín gbɛ̀si ũu?
\q1
\v 32 Luda mɛ́ àdi ma gba gbãna,
\q1 àkũ mɛ́ àdi zɛ́ poromɛnɛ súsu.
\q1
\v 33 Àdi tó ma gbá kãi gↄ̃ nna lán zↄ̃ pↄ́ bà,
\q1 àdi tó màgↄ̃ táa o guleinↄ musu.
\q1
\v 34 Àdi zĩ̀kanaa dadamɛnɛ
\q1 ari ma gã̀sã ni fↄ̃ à mↄ̀gotɛ̃ sá gá.
\q1
\v 35 Ndì n zĩ̀blesɛ̃gbako kpáma,
\q1 ń ma kũna n ↄplaa,
\q1 ndì natɛ ǹ ma tↄ́ bo.
\q1
\v 36 Ndì ma zɛ́ yàasa kũmɛnɛ
\q1 de ma gbá sún sataro.
\b
\q1
\v 37 Ma pɛtɛ ma ibɛrɛnↄi ma ń kũkũ,
\q1 mádi ɛra ma suro, sé ma gɛ ma ń dɛdɛ.
\q1
\v 38 Ma ń zↄ̃zↄ̃, odi fↄ̃ ò fùtɛ doro,
\q1 ò lɛ̀tɛ ò gↄ̃̀ katɛna ma gbá lɛ́i.
\q1
\v 39 N ma gba gbãna ma zĩ̀i kào,
\q1 n tò ma ibɛrɛnↄ mìi nàtɛmɛnɛ.
\q1
\v 40 N tò ma zãngurinↄ kpɛ lì,
\q1 akũ ma a ibɛrɛ pìnↄ kàkatɛ.
\q1
\v 41 Ò wiki lɛ̀, gbɛ̃ke dí ń sura baro,
\q1 ò lɛ́ zù Dikirii, adi weḿmaro.
\q1
\v 42 Ma ń kɛ́ nɛ́kunɛku lán bùsutiti kũ ĩa sɛ̀tɛ bà,
\q1 ma táa òḿma lán zɛ́ gũn bↄkↄtↄ bà.
\b
\q1
\v 43 N ma bo gbɛ̃ kũ ò fùtɛ kũmaonↄ ↄĩ,
\q1 n ma kɛ buri kũ burio mìde ũ.
\q1 Buri kũ má ń dↄ̃ronↄ dì zↄ̀ blemɛnɛ,
\q1
\v 44 buri zĩ̀tↄnↄ dì kã natɛmɛnɛ.
\q1 Tó ò ma yã mà, òdi mì natɛmɛnɛ.
\q1
\v 45 Ń kã dì busa,
\q1 òdi bo kũ lukanaao ń zɛki gbãnanↄn.
\b
\q1
\v 46 Dikiri kun! Arubarikademɛ ma gbɛ̀si ũ!
\q1 Ò Luda ma surabari tↄ́ bo.
\q1
\v 47 Luda mɛ́ àdi mↄra káḿmamɛnɛ,
\q1 àdi tó burinↄ mì natɛmɛnɛ,
\q1
\v 48 àdi tó mà piti ma ibɛrɛnↄa.
\q1 N ma gba gbãna de ma zãngurinↄla,
\q1 n ma bo gbɛ̃ pãsĩnↄ ↄĩ.
\q1
\v 49 Abire yãi mani n sáabu kpá burinↄ tɛ́,
\q1 mani n tↄ́ kpá, Dikiri.
\q1
\v 50 Dikiri dì zĩ̀ zↄ̃kↄ̃ ble kína kũ à a sɛ̀ɛnɛ,
\q1 àdi gbɛ̃kɛ kɛ kína kũ à a kàanɛ,
\q1 makũ Dauda kũ ma burinↄo
\q1 ari gↄrↄ sĩnda pínki.
\c 19
\s1 Ludambɛ gakuri kũ Luda yã gakurio
\d Dauda lɛ̀ɛ.
\q1
\v 1 Musu dì Luda gakuri bo gupuraa,
\q1 sarapurapↄnↄ dì a ↄzĩ mↄńnɛ.
\q1
\v 2 Àdigↄ̃ yã o'ońnɛ lán gu dìgↄ̃ dↄ nà,
\q1 àdi dↄ̃na kpáńnɛ gwãani kũ gwãanio.
\q1
\v 3 Àdi yã oro, a yã'ona buri ke kunlo,
\q1 òdi a kĩni maro.
\q1
\v 4 A kòtoo dì da anduniala pínki,
\q1 a yã'onaa dì gɛ́ ari zĩtɛ lɛ́a.
\b
\q1 Luda kpɛ́ bò ifãntɛ̃nɛ gwe,
\q1
\v 5 àdi bo kpɛ́n à futɛ lán nↄsɛrii bà,
\q1 àdi futɛ táo kũ pↄnnao lán gↄ̃sa gbãna bà.
\q1
\v 6 Àdi futɛ ludambɛlɛa la,
\q1 àdi bikũ à gɛ́ ari a lɛ́a dire,
\q1 pↄ́ke dìgↄ̃ utɛna a puusuiro.
\b
\q1
\v 7 Dikiri doka papana,
\q1 àdi ń kunna kɛkɛ à kɛńnɛ dↄ.
\q1 Dikiri yã náani vĩ,
\q1 àdi lɛ́ da ↄ̃ndↄ̃saridenↄa.
\q1
\v 8 Dikiri dì ↄdↄki dↄńnɛ súsu,
\q1 àdi ń pↄ kɛ nna.
\q1 Dikiri yãditɛnanↄn gbãsĩ vĩro,
\q1 àdi ń ãn wereńnɛ.
\q1
\v 9 Mìnatɛna Dikirinɛ zɛ́ pì wɛ́bona,
\q1 onigↄ̃ tɛ́i gↄrↄ sĩnda pínki,
\q1 Dikiri yãkpatɛkɛna yãpura vĩ,
\q1 àdigↄ̃ mana swáswa.
\q1
\v 10 A mana de wurala, bee wura mana,
\q1 a nna de zↄ́'ila, bee zↄ́ búsu.
\q1
\v 11 Abire musu ndì lɛ́ da makũ n zↄ̀bleriia,
\q1 gbɛ̃ kũ à n yã kũnaa àree dìgↄ̃ zↄ̃kↄ̃.
\b
\q1
\v 12 Dí mɛ́ ani fↄ̃ à yã kũ à zã̀anↄ dↄ̃ↄ?
\q1 Ǹ sùru kɛ kũmao kũ ma taari kũ ò utɛnanↄ.
\q1
\v 13 Ǹsun tó makũ n zↄ̀bleri taari kɛnnɛ gbĩnigbĩniro,
\q1 ǹsun tó durunnanↄ kí blemaro,
\q1 manigↄ̃ kun swáswa taari zↄ̃kↄ̃ sari.
\b
\q1
\v 14 Ǹ tó yã kũ àtɛn bo ma lɛ́n kángu
\q1 kũ laasun kũ à kú ma swɛ̃̀ɛ gũnwo,
\q1 Dikiri, ma gbɛ̀si, ma surabarii.
\c 20
\s1 Zĩ̀ble wɛ́kɛnaa
\d Dauda lɛ̀ɛ.
\q1
\v 1 Dikiri sí kũnwo n warikɛgↄrↄa,
\q1 Yakubu Luda ↄ kúmma.
\q1
\v 2 À n sura ba bona a kúkia,
\q1 à kpáńyĩ bona zaa Zaiↄ̃.
\q1
\v 3 À n sa'ona sí pínki,
\q1 n sa'opↄ kũ òdi ká tɛ́n à tɛ́ kũnↄ dↄn.
\b
\q1
\v 4 À pↄ́ kũ n pↄ yei kpámma,
\q1 à tó ǹ pↄ́ kũ ntɛn pɛ́a le.
\q1
\v 5 Óni ayuwii kɛ zĩ̀ kũ n blè yã musu,
\q1 óni tuta dↄ musu kũ ó Luda tↄ́o.
\q1 Dikiri wɛ́kɛ kũ n kɛ̀ sí pínki.
\b
\q1
\v 6 Má dↄ̃ sà kũ Dikiri dì kína kũ à à kà sura ba,
\q1 àdi yã sí kãao zaa a bɛ kũ à kú adona,
\q1 àdi tó à zĩ̀ ble kũ a gã̀sã gbãnao.
\q1
\v 7 Gbɛ̃kenↄ dì sↄ̃gonↄ náani kɛ,
\q1 gbɛ̃kenↄ dì sↄ̃nↄ náani kɛ,
\q1 ókↄ̃nↄ sↄ̃, Dikiri ó Ludan odì náani kɛ.
\q1
\v 8 Oni sata ò lɛ́tɛ,
\q1 ókↄ̃nↄ sↄ̃ ónigↄ̃ zɛna gíngin.
\b
\q1
\v 9 Dikiri, ǹ tó kína zĩ̀ ble.
\q1 Tó o n sisi, ǹ wewá.
\c 21
\s1 Zĩ̀ble sáabukpana
\d Dauda lɛ̀ɛ.
\q1
\v 1 Dikiri, kína tɛn pↄnna kɛ kũ n gbãnao,
\q1 a pↄ nna manamana kũ n tò à zĩ̀i blè.
\q1
\v 2 N pↄ́ kũ a pↄ yeii kpàa,
\q1 ńdi gí a wɛ́kɛna síiro.
\q1
\v 3 N daalɛ kũ arubarika zↄ̃kↄ̃ↄo,
\q1 n wura fùraa kùnɛ.
\q1
\v 4 À wɛ̃̀ndii gbɛ̀kamma, akũ n kpàa,
\q1 n tò àgↄ̃ kun ari gↄrↄ sĩnda pínki.
\q1
\v 5 A gakuri zↄ̃kↄ̃ kũ n tò à zĩ̀i blè,
\q1 n bɛ̀ɛrɛ kũ zↄ̃kↄ̃kɛo kpàa.
\q1
\v 6 Ndìgↄ̃ arubarika daagu gↄrↄ sĩnda pínki,
\q1 n kunna kãao tò a pↄ kɛ̀ nna.
\q1
\v 7 Zaakũ kína Dikiri náani kɛ̀,
\q1 kunna Luda Musude gbɛ̃kɛn ani yĩgãro.
\b
\q1
\v 8 N ↄ ni n ibɛrɛnↄ kũ ń pínki,
\q1 ĩni n zãngurinↄ kũ kũ n ↄplao.
\q1
\v 9 Ĩni ń kɛ tãmatɛ yàka ũ n sugↄrↄa.
\q1 Dikiri ni ń kakatɛ a pↄfɛ̃gↄrↄa,
\q1 ani tó tɛ́ ń ble.
\q1
\v 10 Ĩni ń nɛ́nↄ dɛdɛ andunia gũn,
\q1 ĩni ń burinↄ kɛ̃ bisãsirinↄa.
\q1
\v 11 Bee tó ò lɛ́ kpàkũsũnyĩ,
\q1 ń pↄyeinayã ni zĩ kɛro.
\q1
\v 12 Ĩni kà dↄdↄ ń wɛ́a,
\q1 ĩni tó ò kpɛ li.
\b
\q1
\v 13 N gbãnakɛ gũn, Dikiri, ǹ n zĩda sɛ́ lei,
\q1 óni lɛ̀ sí ò n zↄ̃kↄ̃kɛ sáabu kpá.
\c 22
\s1 Ɔ́ↄdↄna Ludaa
\d Dauda lɛ̀ɛ.
\q1
\v 1 Ma Luda, ma Luda,
\q1 à kɛ̀ dera n ma tonn?
\q1 Ma wiki lɛ̀,
\q1 à kɛ̀ dera ńdi su ma sura baroo?
\q1
\v 2 Ma Luda,
\q1 ma lɛ́ zùnyĩ fãnantɛ̃, ama ńdi wemaro,
\q1 ma wiki lɛ̀mma gwãani dↄ, mádi yĩtɛro.
\b
\q1
\v 3 Ń kú adona ń vutɛna kpatan,
\q1 mↄkↄ̃n kũ Isarailanↄ dì n sáabu kpá.
\q1
\v 4 Mↄkↄ̃mmɛ ó dizinↄ náani kɛ̀,
\q1 ò n náani kɛ̀, akũ n ń mìi sì.
\q1
\v 5 Ò lɛ́ zùnyĩ, akũ ò boki lè,
\q1 ò n náani kɛ̀, akũ wé'i dí ń kũro.
\b
\q1
\v 6 Kↄ̀kↄ fítinnan ma ũ, bisãsirimɛ ma ũro,
\q1 òtɛni ma sↄ̃sↄ̃, òtɛni ma gya bo.
\q1
\v 7 Gbɛ̃ kũ òtɛni ma gwanↄ tɛni ma fobo,
\q1 òtɛn lɛ́zuki kɛma,
\q1 òtɛni ń mì kɛ dékũdekũ òtɛn pi:
\q1
\v 8 Lákũ àtɛn Dikiri náani kɛ nà, à a sura ba,
\q1 tó a yã kàagumɛ, à a mì sí.
\b
\q1
\v 9 Mↄkↄ̃mmɛ n ma bo ma da nɛ̀sɛn,
\q1 n ma gwa aafia ma yↄ̃migↄrↄ.
\q1
\v 10 Má na n ↄĩ zaa nɛ́'isↄmmɛ,
\q1 ma Ludamɛ n ũ zaade má kú ma da nɛ̀sɛn.
\q1
\v 11 Ǹsungↄ̃ kú kũmao zã̀ro,
\q1 zaakũ wari kɛ̀ kãni kũmao,
\q1 gbɛ̃ke kun à kpámairo.
\b
\q1
\v 12 Ò likamai dasidasi lán zùsanↄ bà,
\q1 ò ma kaguraa kɛ̀ lán Basã bùsu zùsa gbãnanↄ bà.
\q1
\v 13 Òtɛn lɛ́ atɛ̃ma lán músu ↄ́ↄdↄri
\q1 kũ òtɛn pↄ́ kɛ yákiyakinↄ bà.
\q1
\v 14 Ma gbãna tà lán í kↄtɛnaa bà,
\q1 ma mɛ̀ gupɛkinↄ bòkũn pínki,
\q1 ma mɛ̀ɛ yↄ̀ lán zↄ́saa bà.
\q1
\v 15 Ma kòto kori kɛ̀ lán kpɛ̃nɛ kaso bà,
\q1 ma nɛ́nɛ nà ma lɛ́ musu,
\q1 ò ma wutɛ lán gɛ̀ɛ bà lukutɛ̃n.
\q1
\v 16 Lɛwannanↄ gã̀ likanamai,
\q1 gbɛ̃ vãni pìnↄ nàkarama,
\q1 ò ma ↄnↄ kũ ma gbánↄ zↄ̃̀zↄ̃.
\q1
\v 17 Mani fↄ̃ mà a wánↄ naro pínki,
\q1 ò wɛ́ bìribiri, òtɛni ma gwa.
\q1
\v 18 Ò ma pↄ́kasanↄ kpàatɛkↄ̃nɛ,
\q1 ò kàpaa kpà ma uta yã musu.
\b
\q1
\v 19 Dikiri, ǹsungↄ̃ kú kũmao zã̀ro,
\q1 mↄkↄ̃mmɛ ma gbãna ũ,
\q1 ǹ mↄ́ ǹ kpámai likalika.
\q1
\v 20 Ǹ ma bo ń fɛ̃nɛda lɛ́i,
\q1 ǹ ma wɛ̃̀ndi sí lɛwanna pìnↄa.
\q1
\v 21 Ǹ ma bo músu pìnↄ lɛ́i,
\q1 ǹ ma si zùsɛ̃ntɛ pìnↄ bɛ̃nɛa.
\q1
\v 22 Mani n tↄ́ bo ma gbɛ̃nↄ tɛ́,
\q1 mani n sáabu kpá kↄ̃kakaranaa gũn.
\b
\q1
\v 23 Ákↄ̃nↄ Dikiri vĩnakɛrinↄ, à a sáabu kpá,
\q1 ákↄ̃nↄ Yakubu burinↄ, à a tↄ́ bo,
\q1 ákↄ̃nↄ Isarailanↄ, à mì natɛnɛ.
\q1
\v 24 Zaakũ adi takaside gya boro,
\q1 adi a wɛ̃ndakɛ foboro,
\q1 adi mìkpɛrɛ zunɛro,
\q1 à sã kpà a wikilɛnaai.
\b
\q1
\v 25 Mani n sáabu kpá pari kↄ̃kakaranaa gũn,
\q1 mani lɛ́ kũ ma gbɛ̃̀nnɛ papa n vĩnakɛrinↄ wára.
\q1
\v 26 Takasidenↄ ni pↄ́ ble ò kã,
\q1 Dikiri ki wɛtɛrinↄ ni a sáabu kpá,
\q1 onigↄ̃ kú kũ wɛ̃̀ndiio gↄrↄ sĩnda pínki.
\q1
\v 27 Andunia lɛ́zɛkidenↄ nigↄ̃ Dikiri dↄ̃ ò arɛ dↄa,
\q1 buri kũ ò kunnↄ ni kútɛnɛ ń pínki,
\q1
\v 28 zaakũ kíblena bi Dikiri pↄ́mɛ,
\q1 àdi kí ble buri sĩnda pínkia.
\b
\q1
\v 29 Andunia aruzɛkɛdenↄ ni donyĩ kɛnɛ ń pínki,
\q1 kũ gbɛ̃ kũ ò kú ga lɛ́inↄ,
\q1 gbɛ̃ kũ ò gɛ̀ɛ gɛ́kianↄ ni mì natɛnɛ ń pínki.
\q1
\v 30 Zia gbɛ̃nↄ ni donyĩ,
\q1 oni Dikiri yã baba gbɛ̃ kũ oni sunↄnɛ.
\q1
\v 31 Ò surabana yã o gbɛ̃ kũ òdi ń i kↄ̀ronↄnɛ,
\q1 zaakũ à gĩnakɛ à kɛ̀.
\c 23
\s1 Dikirimɛ ma dã̀ri ũ
\d Dauda lɛ̀ɛ.
\q1
\v 1 Dikirimɛ ma dã̀ri ũ,
\q1 pↄ́ke ni kĩamaro.
\q1
\v 2 Àdi ma wútɛ sɛ̃̀la bↄ̀tↄnↄn,
\q1 àdi gɛ́ kũmao í katɛna kítikiti sarɛ.
\q1
\v 3 Àdi ma kunna kɛkɛ dↄ,
\q1 àdi domɛnɛ arɛ zɛ́ mananↄ gũn a tↄ́bona yãi.
\q1
\v 4 Bee tó ma táa ò guvutɛ sira pãsĩn,
\q1 mani yã vãni vĩna kɛro, zaakũ ń kú kũmao,
\q1 n sári kũ n gòo dì ma laakari kpátɛmɛnɛ.
\b
\q1
\v 5 Ndì pↄ́ble kátɛ ma arɛ ma ibɛrɛnↄ wára,
\q1 ndì nísi gbĩnnade kú ma mìia,
\q1 ndì í ká ma tokon ari à pa yɛ́rɛrɛ.
\q1
\v 6 Yãpura Dikiri gbɛ̃kɛ kũ a yenyĩo nigↄ̃ kú kũmao gↄrↄ sĩnda pínki,
\q1 manigↄ̃ kú a ↄnn ari ma wɛ̃̀ndi lɛ́n.
\c 24
\s1 Dikiri gɛ̃na a kpɛ́ gũn
\d Dauda lɛ̀ɛ.
\q1
\v 1 Zĩtɛ kũ pↄ́ kũ ò kúnnↄ bi Dikiri pↄ́mɛ,
\q1 andunia kũ gbɛ̃ kũ ò kúnↄ ń pínki.
\q1
\v 2 À zĩtɛ zĩni pɛ̀tɛ ísiran,
\q1 à andunia kàtɛ kũ swanↄ.
\b
\q1
\v 3 Dí mɛ́ à zɛ́ vĩ à didi Dikiri kpiaa?
\q1 Dí mɛ́ ani fↄ̃ à gɛ̃ a ↄnnn?
\q1
\v 4 Gbɛ̃ kũ à taari vĩro akũsↄ̃ a nɛ̀sɛ mana,
\q1 gbɛ̃ kũ a laakari dì tá tãnanↄ kparo
\q1 akũsↄ̃ àdi sí kũ tãna tↄ́oro.
\q1
\v 5 Dikiri ni arubarika da adegu,
\q1 Luda a surabari ni tó yã bo kãao nna.
\q1
\v 6 Lɛn à de lɛ kũ a ki wɛtɛrinↄ,
\q1 Yakubu burinↄ Luda arɛ wɛtɛrinↄ.
\b
\q1
\v 7 À bĩnilɛnↄ wɛ̃wɛ̃,
\q1 à gbà zĩnↄ wɛ̃wɛ̃,
\q1 à tó Kína gakuride gɛ̃.
\q1
\v 8 Dímɛ Kína gakuride pì ũu?
\q1 Dikiri gbãnazↄ̃kↄ̃demɛ,
\q1 àkũmɛ Dikiri zĩ̀kari gbãnade pì ũ.
\q1
\v 9 À bĩnilɛnↄ wɛ̃wɛ̃,
\q1 à gbà zĩnↄ wɛ̃wɛ̃,
\q1 à tó Kína gakuride gɛ̃.
\q1
\v 10 Dín Kína gakuride pì ũu?
\q1 Dikiri Zĩ̀karidemɛ Kína gakuride pì ũ.
\c 25
\s1 Luda ó dãkpãrii
\d Dauda lɛ̀ɛ.
\q1
\v 1 Dikiri, ma a swɛ̃̀ɛ kpàmma,
\q1
\v 2 Ma Luda, matɛni n náani kɛ,
\q1 ǹsun tó wé'i ma kũro,
\q1 ǹsun tó ma ibɛrɛnↄ ma nɛro.
\q1
\v 3 Wé'i ni gbɛ̃ kũ ò wɛ́ dↄnyĩnↄ kũ zikiro,
\q1 sé gbɛ̃ kũ ò bò n kpɛ sèeda ke sarinↄ.
\b
\q1
\v 4 Dikiri, ǹ n zɛ́ mↄmɛnɛ,
\q1 ǹ n yã dadamɛnɛ.
\q1
\v 5 Ǹ ma da n yãpura zɛ́n,
\q1 ǹ a yã dadamɛnɛ,
\q1 zaakũ Luda ma surabariimɛ n ũ,
\q1 ma wɛ́ dìgↄ̃ dↄnyĩmɛ gↄrↄ sĩnda pínki.
\q1
\v 6 N wɛ̃nda kũ n yenyĩo gↄ̃ dↄngu,
\q1 zaakũ abirekũnↄ kú kũnwo zaa zĩ, Dikiri.
\q1
\v 7 Ǹsun taari kũ ma kɛ̀nↄ yã daro
\q1 ke durunna kũ ma kɛ̀ ma kɛfɛnnakɛgↄrↄanↄ.
\q1 Ǹ tó ma yã gↄ̃ dↄngu yenyĩ gũn,
\q1 kũ ń mana yãi, Dikiri.
\b
\q1
\v 8 Dikiri mana, àdi yã kɛ a zɛ́a,
\q1 abire yãi àdi a yã dada durunnakɛrinↄnɛ.
\q1
\v 9 Àdi zĩdabusarinↄ da a zɛ́a,
\q1 àdi yã mana dadańnɛ.
\q1
\v 10 Dikiri dìgↄ̃ yenyĩ kũ náanio vĩ
\q1 kũ gbɛ̃ kũ ò a bàka kunna kũńwo yã kũnanↄ.
\q1
\v 11 Bee kũ ma durunna zↄ̃kↄ̃ Dikiri,
\q1 ǹ kɛ̃ma n tↄ́bona yãi.
\q1
\v 12 Dí mɛ́ à Dikiri vĩna vĩi?
\q1 Dikiri dì ade da zɛ́ kũ à de à sɛ́a.
\q1
\v 13 Ade nigↄ̃ kú nnamanaa gũn,
\q1 a burinↄ mɛ́ onigↄ̃ ń bùsu vĩ.
\q1
\v 14 Dikiri nna kũ a vĩnakɛrinↄ,
\q1 àdi tó ògↄ̃ a bàka kunna kũńwo yã dↄ̃.
\q1
\v 15 Ma wɛ́ dìgↄ̃ dↄ Dikiria baala'i,
\q1 àkũ mɛ́ àdi ma gbá bo bàn.
\b
\q1
\v 16 Ǹ arɛ dↄma, ń ma wɛ̃nda gwa,
\q1 zaakũ má kú mado wɛ́tãmma gũn.
\q1
\v 17 Ma yã'ũmmananↄ kàra ma nɛ̀sɛɛ gũn,
\q1 ǹ ma bo ma wari pìn.
\q1
\v 18 Ǹ ma wɛ́tãmma kũ ma pↄsirao gwa,
\q1 ǹ ma durunnanↄ kɛ̃ma pínki.
\q1
\v 19 Ǹ gwa lákũ ma ibɛrɛnↄ dàgula nà,
\q1 ò zã̀magu pãsĩpãsĩ.
\q1
\v 20 Ǹ ma wɛ̃̀ndi dãkpã, ń ma sura ba,
\q1 ǹsun tó wé'i ma kũro, zaakũ ma nanyĩ.
\q1
\v 21 Ǹ tó yãpura kũ kunna manao gↄ̃ ma dãkpã,
\q1 zaakũ ma wɛ́ dìgↄ̃ dↄnyĩ.
\b
\q1
\v 22 Luda, ǹ Isarailanↄ bo ń warikɛnanↄn pínki.
\c 26
\s1 Gbɛ̃ mana aduakɛnaa
\d Dauda lɛ̀ɛ.
\q1
\v 1 Ǹ yã nna kpáma Dikiri,
\q1 zaakũ ma yã kɛ̀ a zɛ́a,
\q1 ma n náani kɛ̀ sikaa sari.
\q1
\v 2 Ǹ ma yↄ̃ ǹ ma gwa Dikiri,
\q1 ń ma nɛ̀sɛ kũ ma laasunnↄ gwa,
\q1
\v 3 zaakũ n yenyĩ dìgↄ̃ domɛnɛ arɛ,
\q1 madì zĩ kɛ n yãpuraa.
\q1
\v 4 Madì vutɛ kũ ɛ́kɛdenↄoro,
\q1 madì gɛ̃ manafikidenↄ tɛ́ro.
\q1
\v 5 Ma zã durunnakɛrinↄ kↄ̃kakaranan,
\q1 madì vutɛ kũ gbɛ̃ vãninↄoro.
\q1
\v 6 Ma ↄ pìpi ma taarisarikɛ sèeda ũ,
\q1 matɛn lika n gbagbakii, Dikiri,
\q1
\v 7 de mà le mà n sáabu kpá lɛ̀sinaa gũn,
\q1 mà n yãbonsarɛnↄ kpàkpa kɛ.
\q1
\v 8 Dikiri, má ye n kpɛ́ kũ ndìgↄ̃ kunyĩ,
\q1 gu kũ n gakuri dì kipan.
\b
\q1
\v 9 Ǹsun ma kakara kũ durunnakɛrinↄoro,
\q1 ǹsun ma baka kakara kũ gbɛ̃dɛrinↄ pↄ́oro.
\q1
\v 10 Laasun vãni mɛ́ àdigↄ̃ dońnɛ arɛ,
\q1 ń ↄ dìgↄ̃ pa kũ ↄdↄnkpɛgbanↄ.
\q1
\v 11 Makũ sↄ̃, madì yã kɛ a zɛ́a,
\q1 ǹ ma wɛ̃nda gwa, ń ma sura ba.
\b
\q1
\v 12 Ma zɛki è gu manan,
\q1 mani Dikiri sáabu kpá pari kↄ̃kakaranaa gũn.
\c 27
\s1 Dikirimɛ ma gupura ũ
\d Dauda lɛ̀ɛ.
\q1
\v 1 Dikirimɛ ma gupura ũ kũ ma surabariio,
\q1 dín mani vĩna kɛnɛɛ?
\q1 Dikirimɛ ma utɛki ũ,
\q1 dí vĩnan mani kɛɛ?
\q1
\v 2 Tó gbɛ̃ vãninↄ sìmagu de ò ma kɛ yákiyaki
\q1 ke tó ma ibɛrɛnↄ kũ ma zãngurinↄ lɛ̀tɛma,
\q1 ò gɛ̃̀ sí ò lɛ́tɛ.
\q1
\v 3 Bee tó zĩ̀karinↄ lìkamai,
\q1 ma kù ni vĩro,
\q1 bee tó gbɛ̃nↄ fùtɛma kũ zĩ̀io,
\q1 ma laakari nigↄ̃ kpatɛna.
\b
\q1
\v 4 Yã mɛ̀n don matɛn gbɛka Dikiria,
\q1 yã pìn matɛn wɛtɛ manamana.
\q1 Má ye màgↄ̃ kú Dikiri ↄnn ari ma wɛ̃̀ndi lɛ́n,
\q1 de mà le màgↄ̃ a arɛ wɛtɛ a kpɛ́n gwe,
\q1 má wɛ́ dↄ a manakɛnaai.
\q1
\v 5 Ani ma utɛ a kpɛ́n warikɛgↄrↄa,
\q1 ani ma gwa a bizakutan,
\q1 ani ma zɛ gbɛ̀ɛ musu aafia.
\q1
\v 6 Ma mì ni bo ma ibɛrɛ kũ ò likamainↄ pↄ́la,
\q1 má sa o Dikiri ↄnn kũ ayuwiikɛnaao,
\q1 má lɛ̀ sí mà a sáabu kpá.
\b
\q1
\v 7 Tó ma n sisi Dikiri, ǹ wema,
\q1 ǹ ma wɛ̃nda gwa, ń ma yã ma.
\q1
\v 8 Ma nɛ̀sɛ tɛn lɛ́ dama mà n arɛ wɛtɛ,
\q1 Dikiri, matɛni n arɛ wɛtɛ.
\q1
\v 9 Ǹsun n mìkpɛrɛ zu makũ n zↄ̀bleriinɛro,
\q1 ǹsun kpɛ dↄmɛnɛ kũ pↄfɛ̃oro.
\q1 Ma kpanyĩriimɛ n ũ, ǹsun ma zukũnaro,
\q1 Luda ma surabarii, ǹsun ma tónlo.
\q1
\v 10 Tó ma de kũ ma dao pã kpàmai,
\q1 Dikiri ni ↄ likamai.
\q1
\v 11 Dikiri, ǹ ma da n zɛ́a,
\q1 ǹ domɛnɛ arɛ zɛ́ súsu gũn ma wɛ́tãmmarinↄ yãi.
\q1
\v 12 Ǹsun tó ma ibɛrɛnↄ pↄyeina kɛmɛnɛro,
\q1 zaakũ sèeda ɛ́kɛdenↄ tɛn yã dima,
\q1 gbɛ̃ pãsĩnↄ tɛn yĩ fɛ̃ma.
\b
\q1
\v 13 Má yã díkĩna náanikɛna,
\q1 kũ Dikiri ni yã mana kɛmɛnɛ andunia díkĩna gũn.
\q1
\v 14 Ǹ wɛ́ dↄ Dikirii,
\q1 ǹ zɛ gbãna, ń laakari kpátɛ,
\q1 ǹ wɛ́ dↄ Dikirii.
\c 28
\s1 Wɛ́kɛna kũ sáabukpanaao
\d Dauda lɛ̀ɛ.
\q1
\v 1 Dikiri, mↄkↄ̃mmɛ ma gbɛ̀si ũ, matɛni n sísi,
\q1 ǹsun n sã tatamɛnɛro.
\q1 Tó n yĩtɛma dé,
\q1 mani gↄ̃ lán gbɛ̃ kũ ò sì gyãwãnnnↄ bàmɛ.
\q1
\v 2 Matɛn kpányĩ ↄ́ↄ dↄnnɛ,
\q1 ǹ sã kpámai,
\q1 matɛni ma ↄ sɛ́ n kúkia.
\b
\q1
\v 3 Ǹsun ma gátɛ lɛɛlɛ kũ gbɛ̃ bɛ̃̀nɛnↄ ke vãnikɛrinↄoro.
\q1 Òdi yã nna o ń gbɛ̃dakenↄnɛ,
\q1 ama zãngu mɛ́ à kú ń swɛ̃̀n.
\q1
\v 4 Ǹ kɛńnɛ ń yãkɛnaaa kũ ń vãnikɛnaao,
\q1 ǹ fĩna bońnɛ ń dàaa
\q1 de a gbɛ̀ wí ń musu.
\q1
\v 5 Òdi Dikiri yãkɛna kũ à zĩkɛnaao yã daro,
\q1 ani ń litɛ kpɛdangara, ani ń futɛ doro.
\b
\q1
\v 6 Arubarikademɛ Dikiri ũ,
\q1 zaakũ à sã kpà ma wɛ̃nda wikilɛnaai.
\q1
\v 7 Dikirimɛ ma gbãna ũ kũ ma sɛ̃gbakoo,
\q1 má a náani vĩ ma swɛ̃̀n.
\q1 Àdi kpámai, ma pↄ dì kɛ nna,
\q1 madì a sáabu kpá kũ lɛ̀sinaao.
\b
\q1
\v 8 Dikirimɛ a gbɛ̃nↄ gbãna ũ,
\q1 à de utɛki ũ kína kũ à kàanɛ, àdi a sura ba.
\q1
\v 9 Ǹ n gbɛ̃nↄ sura ba ǹ arubarika dańgu,
\q1 ǹ ń dãkpã ǹgↄ̃ ń kũna gↄrↄ sĩnda pínki.
\c 29
\s1 Dikiri yã'ona zàga'ĩa gũn
\d Dauda lɛ̀ɛ.
\q1
\v 1 Ákↄ̃nↄ malaikanↄ, à Dikiri tↄ́ kpá,
\q1 à gakuri kũ gbãnao dↄ̃ Dikirinɛ.
\q1
\v 2 À Dikiri tↄ́ kpá,
\q1 à kútɛ Dikirinɛ a kúadona gupuran.
\b
\q1
\v 3 Dikiri kòto kú ínↄ musu,
\q1 Luda Gakuride dì tó legũ pũtã,
\q1 Dikiri kòto kĩni dↄ ínↄ musu.
\q1
\v 4 Dikiri kòto gbãna dↄ,
\q1 Dikiri kòto gakuri vĩ.
\q1
\v 5 Dikiri kòtoo dì sida línↄ para,
\q1 Dikiri dì Lɛbana bùsu sida línↄ para.
\q1
\v 6 Àdi tó Lɛbana kpinↄ vĩvĩ lán zùnɛ bà,
\q1 Ɛmↄ gbɛ̀ sↄ̃ lán zùsanɛ bↄ̀rↄↄ bà.
\q1
\v 7 Dikiri kòtoo dì bo kũ legũpinanↄ,
\q1
\v 8 Dikiri kòtoo dì gbáranna yĩgãyĩgã,
\q1 Dikiri dì Kadɛsi gbáranna yĩgãyĩgã.
\q1
\v 9 Dikiri kòtoo dì línↄ yĩgãyĩgã,
\q1 àdi líkpɛnↄ pura kũ,
\q1 gbɛ̃ kũ ò kú à ↄnnↄ tɛn pinɛ,
\q1 Gakuridemɛ a ũ.
\q1
\v 10 Dikiri kú í kũ à da anduniala musu,
\q1 Dikiri vutɛna Kína ũ gↄrↄ sĩnda pínki.
\q1
\v 11 Dikiri dì a gbɛ̃nↄ gba gbãna,
\q1 Dikiri dì arubarika dańgu ògↄ̃ aafia.
\c 30
\s1 Dikiri sáabukpanaa
\d Lɛ̀ kũ Dauda dà Luda ↄn sakɛna yãi.
\q1
\v 1 Mani n tↄ́ sɛ́ lei Dikiri,
\q1 zaakũ n ma kara,
\q1 ńdi tó ma ibɛrɛnↄ ma nɛro.
\q1
\v 2 Dikiri ma Luda, ma ↄ́ↄ dↄ̀nnɛ,
\q1 akũ n ma gba aafia.
\q1
\v 3 Dikiri, n ma si miraa,
\q1 ńdi tó ma si gyãwãnnlo.
\q1
\v 4 Dikiri gbɛ̃nↄ, à a tↄ́ kpá,
\q1 à a tↄ́ kũ à kú adona sáabu kpá.
\q1
\v 5 Zaakũ a pↄfɛ̃naa dì la kũ lao lero,
\q1 à arubarika mɛ́ àdigↄ̃ kun ari gbɛ̃ wɛ̃̀ndi lɛ́n.
\q1 Ɔ́ↄdↄnaa dìgↄ̃ kun gwãani,
\q1 akũ gu dì dↄ kũ pↄnnao.
\q1
\v 6 Kũ má kú nnamanaa gũn ma pì:
\q1 Mani kpágula zikiro.
\q1
\v 7 Dikiri, kũ n arubarikaa dàmagu,
\q1 n ma zɛ gíngin lán kpi bà.
\q1 Ama kũ n kpɛ lìmɛnɛ,
\q1 ma gↄ̃ bídi gũn.
\b
\q1
\v 8 Mↄkↄ̃n Dikiri, ma n sisi,
\q1 ma kútɛ kɛ̀ ma dikiriinɛ ma pì:
\q1
\v 9 Bↄ́ àreen ma gana ke ma sina gyãwãn vĩi?
\q1 Ma mira ni n tↄ́ kpán yá?
\q1 Ani n náani kpàkpa kɛn yá?
\q1
\v 10 Ǹ ma yã ma Dikiri ǹ ma wɛ̃nda gwa,
\q1 Dikiri, ǹgↄ̃ de ma kpanyĩri ũ.
\b
\q1
\v 11 N ma ↄ́ↄdↄnaa lìtɛ ũwãna ũ,
\q1 n ma uta kasanↄ bↄ̀tɛma,
\q1 n pↄnna dàmɛnɛ pↄ́kasa ũ.
\q1
\v 12 Manigↄ̃ yĩtɛnaro, manigↄ̃ n tↄ́ kpámɛ,
\q1 Dikiri ma Luda,
\q1 manigↄ̃ n sáabu kpá gↄrↄ sĩnda pínki.
\c 31
\s1 Zĩdakpana Dikiria
\d Dauda lɛ̀ɛ.
\q1
\v 1 Dikiri, mↄkↄ̃nn ma nanyĩ,
\q1 ǹsun tó wé'i ma kũ zikiro.
\q1 Ǹ ma sura ba n manakɛna yãi.
\q1
\v 2 Ǹ sã kpámai ń ma faaba kɛ likalika,
\q1 ǹ gↄ̃ ma utɛki gbɛ̀ ũ,
\q1 zɛki gbãna kũ ani ma faaba kɛ ũ.
\q1
\v 3 Ma gbɛ̀si kũ ma zɛki gbãnaoomɛ n ũ,
\q1 ǹ domɛnɛ arɛ ń ma da zɛ́a n tↄ́ yãi.
\q1
\v 4 Ǹsun tó mà zu bà kũ ò kpàkpamɛnɛnlo,
\q1 zaakũ ma surabariimɛ n ũ.
\q1
\v 5 Ma a nini nànnɛ n ↄĩ,
\q1 ǹ ma sura ba Dikiri Luda yãpurade.
\b
\q1
\v 6 Ma zã gbɛ̃ kũ òdi na tãnanↄinↄn,
\q1 Dikirin ma náani kɛ̀.
\q1
\v 7 Mani yáa dↄ mà pↄnna kɛ kũ n yenyĩo,
\q1 zaakũ n ma yã'ũmmanaa è,
\q1 n ma warikɛnaa dↄ̃̀mɛnɛ.
\q1
\v 8 Ńdi ma na ma ibɛrɛnↄnɛ ń ↄĩro,
\q1 n ma gba mɛ̀poroki.
\b
\q1
\v 9 Ǹ ma wɛ̃nda gwa Dikiri,
\q1 zaakũ má kú wari gũmmɛ,
\q1 pↄsira tò ma wɛ́ gↄ̃̀ súkusuku,
\q1 ma pↄ sira kũ̀ ma nɛ̀sɛɛ yàka.
\q1
\v 10 Pↄsira tɛni ma swɛ̃̀ ble,
\q1 ndana tɛni ma wɛ̃̀ lago,
\q1 laasun tò má gbãna vĩ doro,
\q1 ma wánↄ bùsa.
\q1
\v 11 Ma gbɛ̃dakenↄ dì ma gya bo ma ibɛrɛnↄ yãi,
\q1 ma yã dì ma gbɛ̃nↄ gba vĩna manamana,
\q1 gbɛ̃ kũ odì dakarɛ batunↄ dì pãmɛnɛ.
\q1
\v 12 Ma yã dí dↄ gbɛ̃kegu doro,
\q1 ma gↄ̃ lán gɛ̀ɛ bà,
\q1 ma gↄ̃ńnɛ lán oro kaso bà.
\q1
\v 13 Madì ma kũ gbɛ̃nↄ tɛni ma pi dasi,
\q1 vĩnapↄnↄn likamai.
\q1 Òdi kakara ò lɛ́ kpákũsũmai,
\q1 òdi lɛ́dokↄ̃nↄ kɛ ma wɛ̃̀ndibona yãi.
\b
\q1
\v 14 Ama ma n náani kɛ̀ Dikiri,
\q1 madì pi ma Ludamɛ n ũ.
\q1
\v 15 Ma wɛ̃̀ndii dìgↄ̃ kú n ↄĩ gↄrↄ sĩnda pínki,
\q1 ǹ ma sí ma ibɛrɛ kũ òtɛni ma wɛtɛ
\q1 ò ma dɛnↄ ↄĩ.
\q1
\v 16 Ǹ ãn were makũ n zↄ̀bleriia,
\q1 ń ma sura ba n yenyĩ gũn.
\q1
\v 17 Dikiri, ǹsun tó wé'i ma kũro,
\q1 zaakũ ma wiki lɛ̀mma.
\q1 Ǹ tó wé'i yãvãnikɛrinↄ kũ,
\q1 ǹ tó ń lɛ́ gↄ̃ nakↄ̃ana gyãwãnn,
\q1
\v 18 ǹ tó ɛ́kɛtorii pìnↄ nɛ́nɛ natɛ.
\q1 Òdi dↄkɛ kũ gbɛ̃ mananↄ,
\q1 òdi ń gya bo kũ ĩadãnaao.
\b
\q1
\v 19 Aruzɛkɛ kũ n kàkara n vĩnakɛrinↄnɛ zↄ̃kↄ̃,
\q1 ndì arubarika da gbɛ̃ kũ ò nanyĩnↄgu
\q1 gbɛ̃ sĩnda pínki wára.
\q1
\v 20 Tó gbɛ̃nↄ lɛ́ kpàkũsũńyĩ, ndì ń utɛ n kuru,
\q1 tó òtɛn lɛ́kpakↄ̃a kɛ kũńwo, ndì ń dãkpã n kukia.
\b
\q1
\v 21 Arubarikademɛ Dikiri ũ,
\q1 zaakũ à yenyĩ zↄ̃kↄ̃ↄ mↄ̀mɛnɛ
\q1 wɛ̃tɛ kũ ò lìkaii gũn.
\q1
\v 22 Swɛ̃̀ɛ kɛ̃̀magu gwe,
\q1 akũ ma dà, n ma zukũnamɛ.
\q1 Kũ ma faaba lɛ́ zùnyĩ,
\q1 n ma wɛ̃nda ↄ́ↄdↄnaa mà.
\b
\q1
\v 23 Àgↄ̃ ye Dikirii, ákↄ̃nↄ á gbɛ̃nↄ.
\q1 Dikiri dì a náanikɛrinↄ dãkpã,
\q1 àdi fĩna bo zĩdabirinↄnɛ pãsĩpãsĩ.
\q1
\v 24 Ákↄ̃nↄ kũ á wɛ́ dↄ Dikiriinↄ,
\q1 àgↄ̃ gbãna à á swɛ̃̀ kpátɛ.
\c 32
\s1 Durunna'ona Ludanɛ
\d Dauda lɛ̀ɛ.
\q1
\v 1 Arubarikademɛ gbɛ̃ kũ Luda a taarinↄ tònɛ
\q1 à a durunnanↄ kɛ̃̀nɛ ũ.
\q1
\v 2 Arubarikademɛ gbɛ̃ kũ Dikiri dì a durunna yã daro ũ,
\q1 akũsↄ̃ manafiki kú à nɛ̀sɛɛ gũnlo.
\b
\q1
\v 3 Kũ ma yĩtɛ kũ ma durunnao, ma fɛ̃fɛ̃,
\q1 ma wiki dìgↄ̃ dↄ zaa kↄnkↄ ari ↄkↄsi.
\q1
\v 4 N ↄ dìgↄ̃ tↄ̃nama fãnantɛ̃ kũ gwãanio,
\q1 ma gbãna làka lákũ guwãnagↄrↄ ifãntɛ̃ ma lɛ bà.
\q1
\v 5 Akũ ma wennɛ ma durunnai,
\q1 mádi ma yã vãni utɛnnɛ doro.
\q1 Ma pì, mani ma taarinↄ o Dikirinɛ,
\q1 akũ a ma durunna kɛ̃̀mɛnɛ.
\b
\q1
\v 6 Abire yãi n náanikɛri wɛ́ kɛmma a gↄrↄa,
\q1 tó kisira tɛn su, ani a lero.
\q1
\v 7 Ma utɛkimɛ n ũ,
\q1 ndì ma bo wɛ́tãmmanaa gũn,
\q1 ndì likamai ǹ ma sura ba.
\b
\q1
\v 8 Mani yã dannɛ mà n da zɛ́ kũ à de ǹ sɛ́a,
\q1 mani lɛ́ damma, ma wɛ́ gↄ̃ tɛ́nyĩ.
\q1
\v 9 Ǹsungↄ̃ kun laasunn sari
\q1 lán sↄ̃ ke baragbãsↄ̃ bàro,
\q1 tó ńdi sↄ̃mↄ káńnɛ kũ a bàaoro,
\q1 òdi da n dↄ̀rↄↄaro.
\q1
\v 10 Yã'ũmmanaa dì da gbɛ̃ vãninↄla,
\q1 Dikiri yenyĩ dì lika a náanikɛrinↄa.
\b
\q1
\v 11 Gbɛ̃ mananↄ, à pↄnna kɛ Dikiri yãi,
\q1 nɛ̀sɛpuradenↄ, à ayuwii kɛ à yáa dↄ.
\c 33
\s1 Luda sáabukpanaa
\q1
\v 1 À ayuwii kɛ Dikirinɛ gbɛ̃ mananↄ,
\q1 à kũ̀ nɛ̀sɛpuradenↄ a sáabu kpá.
\q1
\v 2 À Dikiri tↄ́ kpá kũ gidigboo,
\q1 à lɛ̀ sínɛ kũ mↄrↄↄo.
\q1
\v 3 À lɛ̀ dufu sínɛ,
\q1 à pↄ́'ũborinↄ lɛ́ kũ dↄ̃naao kũ pↄnna wikio.
\b
\q1
\v 4 Zaakũ yã kũ Dikiri ò bi yãpuramɛ,
\q1 à náani vĩ a yãkɛnaa gũn pínki.
\q1
\v 5 À ye yã manai kũ yãzɛdeo,
\q1 Dikiri yenyĩ andunia pà.
\b
\q1
\v 6 Dikiri yã'ona mɛ́ à musu kɛ̀,
\q1 a lɛ́'ĩa mɛ́ à musupↄnↄ pɛ̀pɛ.
\q1
\v 7 À í kàtɛ gu dokↄ̃nↄ, à gↄ̃̀ ísira ũ,
\q1 à ínↄ kàkara, à gↄ̃̀ í lòkoto ũ.
\q1
\v 8 Andunia gbɛ̃ sĩnda pínki, à vĩna kɛ Dikirinɛ,
\q1 gbɛ̃ bɛ̃nɛnↄ pínki, à mì natɛnɛ.
\q1
\v 9 Zaakũ à yã ò, akũ andunia gↄ̃̀ katɛna,
\q1 à yã dìtɛ, akũ pↄ́ sĩnda pínki gↄ̃̀ kun.
\q1
\v 10 Dikiri dì lɛ́ kũ burinↄ kpàkũsũ kɛ pã,
\q1 àdi kpá bùsudenↄnɛ kũ pↄ́ kũ òtɛn pɛ́aao.
\q1
\v 11 Yã kũ Dikiri zɛ̀o dìgↄ̃ zɛna gíngin,
\q1 yã kũ à a pↄ gbà dìgↄ̃ kun gↄrↄ sĩnda pínki.
\b
\q1
\v 12 Arubarikaden buri kũ Dikiri de a Luda ũ ũ,
\q1 gbɛ̃ kũ à ń sɛ́ a pↄ́ ũnↄ.
\q1
\v 13 Zaa musu Dikiri dì gu gwa zĩtɛ,
\q1 àdi bisãsirinↄ e ń pínki.
\q1
\v 14 Zaa gu kũ à kun àdi wɛ́ pã
\q1 gbɛ̃ kũ ò kú andunia gũnnↄla ń pínki.
\q1
\v 15 Àkũ mɛ́ à gbɛ̃ sĩnda pínki swɛ̃̀ɛ kɛ̀,
\q1 àdi ń yãkɛnanↄ dↄ̃ pínki.
\q1
\v 16 Kína ke dì zĩ̀ ble a zĩ̀kari gbãnanↄ yãiro,
\q1 zĩ̀kari ke dì bo a gↄ̃sagbãnakɛ yãiro.
\q1
\v 17 Sↄ̃ náanikɛna à n mì sí bi ɛ́kɛmɛ,
\q1 bee kũ a gbãnakɛnao ani fↄ̃ à gbɛ̃ sura baro.
\q1
\v 18 Dikiri wɛ́ kú a vĩnakɛrinↄa,
\q1 gbɛ̃ kũ ń wɛ́ dↄ a yenyĩanↄ.
\q1
\v 19 Ani ń bo ga lɛ́i,
\q1 ani ń gwa nàgↄrↄ.
\b
\q1
\v 20 Ó wɛ́ dìgↄ̃ dↄ Dikirii,
\q1 àkũmɛ ó kpanyĩri ũ kũ ó sɛ̃gbakoo.
\q1
\v 21 Zaakũ Dikirin ó pↄ dìgↄ̃ nna kãao,
\q1 ó a tↄ́ kũ à kú adona náani vĩ.
\q1
\v 22 Dikiri, ǹ tó n yenyĩ gↄ̃ kú kũoo
\q1 lákũ ó wɛ́ dↄnyĩ nà.
\c 34
\s1 Dikiri manakɛnaa
\d Lɛ̀ kũ Dauda dà gↄrↄ kũ à a zĩda dìtɛ ĩade ũ Abimɛlɛki arɛ, ari Abimɛlɛki pɛ̀a à tà.
\q1
\v 1 Manigↄ̃ Dikiri tↄ́ sɛ́ lei lakanaa sari,
\q1 manigↄ̃ a tↄ́ kpá lákũ gu dìgↄ̃ dↄ nà.
\q1
\v 2 Manigↄ̃ ĩa dã Dikiri yã musu,
\q1 takasidenↄ ni ma ò pↄnna kɛ.
\q1
\v 3 À zↄ̃kↄ̃kɛ dↄ̃ Dikirinɛ kũmao,
\q1 ò a tↄ́ bo lɛɛlɛ.
\b
\q1
\v 4 Ma Dikiri ki wɛ̀tɛ, akũ à wèma,
\q1 à ma bo ma vĩnanↄ gũn.
\q1
\v 5 Gbɛ̃ kũ ń wɛ́ dↄinↄ ãn nigↄ̃ werena,
\q1 wé'i ni ń kũ zikiro.
\q1
\v 6 Gbɛ̃ takaside dí Dikiri sìsi, akũ à wèa,
\q1 à a bò a warinↄ gũn pínki.
\q1
\v 7 Dikiri Malaika dìgↄ̃ kú a vĩnakɛrinↄ sarɛ,
\q1 àdi ń mì sí.
\b
\q1
\v 8 À lɛ́ kɛ à gwa, áni dↄ̃ kũ Dikiri nna,
\q1 arubarikaden gbɛ̃ kũ à nài ũ.
\q1
\v 9 Dikiri gbɛ̃nↄ, à vĩna kɛnɛ,
\q1 pↄ́ke dì kĩa à vĩnakɛrinↄaro.
\q1
\v 10 Nà dì músunↄ dɛ, pↄ́ble dì kĩaḿma,
\q1 ama pↄ́ mana ke dì kĩa Dikiri ki wɛtɛrinↄaro.
\b
\q1
\v 11 Gbɛ̃nↄ, à mↄ́ à ma yã ma,
\q1 mà vĩnakɛna Dikirinɛɛ dadaárɛ.
\q1
\v 12 Ákↄ̃nↄ kũ á ye á wɛ̃̀ndi gↄ̃ mana
\q1 akũsↄ̃ á ye á kunna gↄ̃ nna,
\q1
\v 13 à á lɛ́ kũ kũ yãvãni'onaao,
\q1 àsun tó ɛ́kɛ bo á lɛ́nlo.
\q1
\v 14 À kpɛ li yã vãninɛ à yã mana kɛ,
\q1 à aafia zɛ́ wɛtɛ àgↄ̃ tɛ́i.
\b
\q1
\v 15 Dikiri dìgↄ̃ wɛ́ tɛ́ gbɛ̃ mananↄi,
\q1 àdi sã kpá ń ↄ́ↄdↄnaai.
\q1
\v 16 Dikiri dì kpɛ li yãvãnikɛrinↄnɛ,
\q1 de ń yã sún dↄ gbɛ̃keguro yãi.
\b
\q1
\v 17 Tó gbɛ̃ mananↄ lɛ́ zù Dikirii, àdi ma,
\q1 àdi ń bo ń warinↄ gũn pínki.
\q1
\v 18 Dikiri kãni kũ gbɛ̃ kũ ń pↄ yàkanↄ,
\q1 àdi kpá gbɛ̃ kũ ń ãn sisinanↄi.
\b
\q1
\v 19 Wari dìgↄ̃ gbɛ̃ mana le gɛ̃̀n baaakↄ̃,
\q1 ama Dikiri dì a bo a gũn pínki.
\q1
\v 20 Àdi a wánↄ dãkpã pínki,
\q1 a ke dì ɛ́ro, bee mɛ̀n do.
\b
\q1
\v 21 Kisira ni gbɛ̃ vãninↄ dɛdɛ,
\q1 yã ni vutɛ gbɛ̃ mana ibɛrɛnↄa.
\q1
\v 22 Dikiri dì a zↄ̀blerinↄ mì sí,
\q1 yã ni vutɛ gbɛ̃ kũ à naiaro.
\c 35
\s1 Gbɛ̃ mana ↄ́ↄdↄna Dikirinɛ
\d Dauda lɛ̀ɛ.
\q1
\v 1 Dikiri, ǹ íbɛrɛ sɛ́ kũ ma ibɛrɛnↄo,
\q1 ǹ zĩ̀ ká kũ gbɛ̃ kũ òtɛn zĩ̀ ká kũmaonↄ.
\q1
\v 2 Ǹ n sɛ̃gbako kũ n zĩ̀kabↄnↄ sɛ́tɛ,
\q1 ǹ futɛ ǹ kpámai.
\q1
\v 3 Ǹ n sári kũ n fɛ̃nɛdao sɛ́ dↄ,
\q1 ǹ gɛ́ ǹ da gbɛ̃ kũ òtɛn pɛ́tɛmainↄlɛ.
\q1 Ǹ omɛnɛ ma surabariimɛ n ũ.
\b
\q1
\v 4 Gbɛ̃ kũ òtɛni ma wɛtɛ ò ma dɛnↄ,
\q1 ǹ tó ò kpɛ li, wé'i ń kũ.
\q1 Gbɛ̃ kũ òtɛn kisira gↄ̃gↄ̃mainↄ,
\q1 ǹ tó ò fua, mà ń kpɛ e.
\q1
\v 5 Ògↄ̃ de lán ése ũkã kũ ĩa sɛ̀tɛ bà,
\q1 Dikiri Malaika pɛ́ḿma.
\q1
\v 6 Ń zɛ́ gↄ̃ gusira ũ kũ guzãrɛɛo,
\q1 Dikiri Malaika ↄ sↄ̃ńyĩ.
\q1
\v 7 Zaakũ ò wɛ̀ɛɛ yↄ̃̀mɛnɛ pã,
\q1 mádi yãke kɛńnɛro, akũ ò bàa kpàkpamɛnɛ.
\q1
\v 8 Ǹ tó kisira ń le kãnto,
\q1 ǹ tó bà kũ ò kpàkpamɛnɛ ń kũ
\q1 de ò lɛ́tɛ wɛ̀ɛ kũ ò yↄ̃̀ↄ pìi gũn.
\q1
\v 9 Ma pↄ ni gbasa à kɛ Dikiria nna,
\q1 mani pↄnna kɛ kũ à ma sura bà yãi.
\q1
\v 10 Mani pi kũ nɛ̀sɛdoo,
\q1 Dikiri, dí mɛ́ à de lán n bàa?
\q1 Ndì takasidenↄ sí gbãnamↄnnɛrinↄa,
\q1 ndì wɛ̃ndadenↄ bo ń wɛ́tãmmarinↄ ↄĩ.
\b
\q1
\v 11 Sèeda ɛ́kɛdenↄ dì futɛmai,
\q1 òdi yã kũ má a yã dↄ̃ro lalama.
\q1
\v 12 Òdi yã mana fĩna bomɛnɛ kũ yã vãnio,
\q1 akũ ma gↄ̃ boado ũ.
\q1
\v 13 Tó ò gyã kɛ̀ sↄ̃, ma uta kasa dà,
\q1 ma ma zĩda bùsa kũ lɛ́yĩnaao,
\q1 ma adua kɛ̀ńnɛ lakanaa sari,
\q1
\v 14 lákũ ò de ma gbɛ̃nna ke ma danɛ ũ bà.
\q1 Ma kure má mìpɛtɛna kũ pↄsirao,
\q1 lákũ ma dan matɛn wɛ̃nda kɛnɛɛ bà.
\q1
\v 15 Ama kũ ma gɛ̃̀ɛ sì,
\q1 ò lìkamai kũ pↄnnao,
\q1 ò ma kɛ pã ò lɛ̀tɛma,
\q1 ò ma yaka lakanaa sari.
\q1
\v 16 Ò ma fobò pãsĩpãsĩ,
\q1 ò saka pìtima.
\q1
\v 17 Dikiri, ĩnigↄ̃ ma gwa lɛ ari bↄrɛɛ?
\q1 Músu pìnↄ tɛni ma kɛ yákiyaki,
\q1 ǹ ma síḿma màgↄ̃ kú wɛ̃̀ndiio.
\q1
\v 18 Mani n sáabu kpá pari kↄ̃kakarana gũn,
\q1 mani n tↄ́ kpá gbɛ̃nↄ wára.
\b
\q1
\v 19 Ǹsun tó ma ibɛrɛnↄ ma yáa dↄro,
\q1 ǹsun tó gbɛ̃ kũ ò zã̀magu pãnↄ
\q1 ma gwa kũ wɛ́ vãnioro.
\q1
\v 20 Yã nna dì bo ń lɛ́nlo,
\q1 òdi yã di yãketesaridenↄa.
\q1
\v 21 Òdi lɛ́ atɛ̃ ò pi:
\q1 Ɛ̃hɛ̃, ɛ̃hɛ̃, ó wɛ́ è.
\b
\q1
\v 22 Dikiri, n wɛ́ è, ǹsungↄ̃ yĩtɛnaro,
\q1 ma Dikiri, ǹsungↄ̃ zã̀ kũmaoro.
\q1
\v 23 Ma Luda, ǹ futɛ ǹ zɛ kũmao,
\q1 ma Dikiri, ǹ tó yã bo kũmao nna.
\q1
\v 24 Ndì yã kɛ a zɛ́a,
\q1 Dikiri ma Luda, ǹ yã nna kpáma,
\q1 ǹsun tó ò ma yáa dↄro.
\q1
\v 25 Ǹsun tó ò o ń swɛ̃̀n ò ma nɛro,
\q1 ǹsun tó ò pi ò ma mↄ bɛ̃nɛro.
\b
\q1
\v 26 Lákũ òtɛn pↄnna kɛ ma wɛ́tãmmanaa musu nà,
\q1 ǹ tó wé'i ń kũ, mà ń kpɛ e.
\q1 Lákũ òtɛn zↄ̃kↄ̃kɛ mↄmɛnɛ nà,
\q1 ǹ wé'i daḿma ǹ ń kpe bo.
\q1
\v 27 Gbɛ̃ kũ ma bona mana dì kɛńnɛ nnanↄ
\q1 ǹ tó ò pↄnna kɛ ò ayuwii kɛ.
\q1 Gbɛ̃ kũ ma bona aafiaa dì káńgunↄ
\q1 ǹ tó ògↄ̃ pi baala'i, Dikiri mɛ́ à zↄ̃kↄ̃.
\q1
\v 28 Makũ sↄ̃, mani n náani yã o,
\q1 manigↄ̃ n sáabu kpá gↄrↄ sĩnda pínki.
\c 36
\s1 Bisãsiri vãni
\d Dikiri zↄ̀bleri Dauda lɛ̀ɛ.
\q1
\v 1 Gbɛ̃ vãni durunna yã dↄ ma swɛ̃̀ɛa,
\q1 à wɛ́ dìgↄ̃ Luda wé'i vĩro.
\q1
\v 2 Zaakũ àdigↄ̃ a zĩda e gbɛ̃ mana ũmɛ,
\q1 àdi a durunna dↄ̃ gbasa à zãnlo.
\q1
\v 3 Ɛ́kɛ kũ manafikio kú a lɛ́n,
\q1 à ↄ̃ndↄ̃ kũ manakɛnaaoo tò.
\q1
\v 4 Àdi yã vãni laasun lɛ́ a wútɛkia,
\q1 àdi gí yã pãsĩiro,
\q1 àdi a zĩda da zɛ́ fayasariden.
\b
\q1
\v 5 Dikiri, n yenyĩ zↄ̃kↄ̃ↄ kà ludambɛa,
\q1 ń náani vĩ manamana, à zↄ̃̀ susunɛnↄa.
\q1
\v 6 N manakɛna zↄ̃kↄ̃ lán kpinↄ bà,
\q1 n yãzɛdekɛ lɛ́ vĩro lán ísira lòkotoo bà.
\q1 Dikiri, ndì bisãsirinↄ kũ nↄ̀bↄnↄ bo pínki.
\q1
\v 7 Luda, n yenyĩ bɛ̀ɛrɛ vĩ fá,
\q1 bisãsirinↄ dì utɛ n orun.
\q1
\v 8 Òdi n ↄn pↄ́ble níside ble ò kã,
\q1 ndì n swa'i pↄnnade kpáḿma ò mi.
\q1
\v 9 Zaakũ mↄkↄ̃mmɛ wɛ̃̀ndiboki ũ,
\q1 ó kunna n gupuran mɛ́ à ó wɛ́ kɛ̃̀.
\b
\q1
\v 10 Ǹgↄ̃ yenyĩ mↄ gbɛ̃ kũ ò n dↄ̃nↄnɛ,
\q1 ǹgↄ̃ nɛ̀sɛpuradenↄ sura ba ǹgↄ̃ gɛ́.
\q1
\v 11 Ǹsun tó zĩdabirinↄ gɛ̀sɛ pɛ́tɛpɛtɛmaro,
\q1 ǹsun tó yãvãnikɛrinↄ ↄ sↄ̃mairo.
\q1
\v 12 Ǹ gwa, manafikide pìnↄ lɛ̀tɛ,
\q1 ò gↄ̃̀ wutɛna sↄ̀rↄrↄ, oni fↄ̃ ò futɛro.
\c 37
\s1 Gbɛ̃ mananↄ kũ gbɛ̃ vãninↄ ziakpɛ zĩ
\d Dauda lɛ̀ɛ.
\q1
\v 1 Ǹsun tó gbɛ̃ vãninↄ yã n kũ gbãnaro,
\q1 ǹsun yãvãnikɛrinↄ gwena ni dɛro,
\q1
\v 2 zaakũ ò kori kɛ tera lán sɛ̃̀ɛ bàmɛ,
\q1 ń manakɛna ni láka lán sɛ̃̀la ísi bà.
\q1
\v 3 Ǹ Dikiri náani kɛ, ǹgↄ̃ yã mana kɛ,
\q1 ǹgↄ̃ kú bùsu dín, ǹgↄ̃ nna ma.
\b
\q1
\v 4 Ǹ tó n pↄ gↄ̃ nna kũ Dikirio,
\q1 ani pↄ́ kũ n nɛ̀sɛ yei kpámma.
\b
\q1
\v 5 Ǹ zɛ kũ Dikirio ǹ a náani kɛ,
\q1 ani yã dínↄ kɛnnɛ.
\q1
\v 6 Ani tó yã bo kũnwo nna lán gudↄnaa bà,
\q1 ani tó ǹ bo mana lán fãnantɛ̃ gupurakũnaa bà.
\b
\q1
\v 7 Ǹ zɛ kũ mɛnao Dikiri arɛ ǹ a dã,
\q1 ǹsun tó aruzɛkɛde yã n kũ gbãna
\q1 gↄrↄ kũ à bò kũ a wɛ́zɛ̃ vãnioro.
\b
\q1
\v 8 Ǹ pↄfɛ̃ tó ǹ mì kɛ̃ pɛ̃tɛ̃a.
\q1 Ǹsun tó yã birenↄ n kũ gbãnaro,
\q1 àdi su kũ yãvãnikɛnaaomɛ.
\q1
\v 9 Zaakũ gbɛ̃ vãninↄ ni kakatɛ,
\q1 gbɛ̃ kũ ń wɛ́ dↄ Dikiriinↄ mɛ́ ògↄ̃ bùsu vĩ.
\b
\q1
\v 10 À gↄ̃̀ fíti kũ gbɛ̃ vãninↄ nigↄ̃ kun doro,
\q1 bee tó n ń wɛ́tɛ, ĩni ń lero.
\q1
\v 11 Zĩdabusarinↄ mɛ́ onigↄ̃ bùsu vĩ,
\q1 onigↄ̃ pↄnna kɛ kũ aafia zↄ̃kↄ̃ↄo.
\b
\q1
\v 12 Gbɛ̃ vãni dì yã vãni kpákpa gbɛ̃ mananɛ,
\q1 àdi sakaa pìtia.
\q1
\v 13 Ama Dikiri dìgↄ̃ a yáa dↄ,
\q1 zaakũ à dↄ̃ kũ a gↄrↄ ni papa.
\b
\q1
\v 14 Gbɛ̃ vãninↄ dì fɛ̃nɛda woto,
\q1 òdi ń kà kpá sála,
\q1 de ò le ò takasidenↄ kũ wɛ̃ndadenↄ dɛdɛo,
\q1 ò gbɛ̃ kũ ń yãkɛna mananↄ kakatɛ.
\q1
\v 15 Ń zĩda fɛ̃nɛda ni ń zↄ̃ ń swɛ̃̀n,
\q1 oni ń sánↄ ɛ́'ɛńnɛ.
\b
\q1
\v 16 Pↄ́ fíti kũ gbɛ̃ mana vĩ
\q1 de gbɛ̃ vãni dasinↄ aruzɛkɛla,
\q1
\v 17 zaakũ gbɛ̃ vãninↄ gbãna ni mì dɛ,
\q1 ama Dikirimɛ gbɛ̃ mananↄ kũna ũ.
\b
\q1
\v 18 Dikiri taarisaridenↄ yã dↄ̃,
\q1 ń bakaa dìgↄ̃ de ń pↄ́ ũ gↄrↄ sĩnda pínki.
\q1
\v 19 Wé'i ni ń kũ yã pãsĩ gↄrↄ zĩro,
\q1 bee tó nàa kà, onigↄ̃ kãna.
\b
\q1
\v 20 Gbɛ̃ vãninↄ sↄ̃ oni kakatɛ,
\q1 Dikiri ibɛrɛnↄ ni láka lán sɛ̃̀la bↄ̀tↄↄ bà,
\q1 ò gɛ̃tɛ lán túsukpɛ bà.
\b
\q1
\v 21 Gbɛ̃ vãni dì pↄ́ sãkãḿma à a fĩna boro,
\q1 gbɛ̃ mana sↄ̃ àdi gba da yↄ̃nkↄyↄ̃nkↄ.
\q1
\v 22 Gbɛ̃ kũ Dikiri arubarikaa dàńgunↄ mɛ́ ògↄ̃ bùsu vĩ,
\q1 gbɛ̃ kũ à lɛ́ kɛ̀ńnɛnↄ sↄ̃ oni kakatɛ.
\b
\q1
\v 23 Dikiri mɛ́ àdi zɛ́milɛ kũ gbɛ̃nɛ,
\q1 a pↄ dìgↄ̃ nna a kunnaaa.
\q1
\v 24 Bee tó à gɛ̃̀ɛ sì, ani lɛ́tɛ sↄrↄrↄro,
\q1 kũ Dikiri a kũna yãi.
\b
\q1
\v 25 Kɛfɛnnan ma ũ yã, akũ ma zĩ kũ̀,
\q1 mádi e Luda gbɛ̃ mana zùkũna zikiro,
\q1 mádi e à nɛ́nↄ tɛn bara kɛro.
\q1
\v 26 Àdigↄ̃ gba da gↄrↄ sĩnda pínki
\q1 àdigↄ̃ pↄ́ sãkãńnɛ,
\q1 a nɛ́nↄ nigↄ̃ de arubarikadenↄ ũ.
\b
\q1
\v 27 Ǹ kpɛ li yã vãninɛ ǹgↄ̃ yã mana kɛ,
\q1 ĩnigↄ̃ kú bùsu dín gↄrↄ sĩnda pínki.
\q1
\v 28 Zaakũ Dikiri ye yãzɛdei,
\q1 ani a náanikɛrinↄ zukũnaro.
\b
\q1 Onigↄ̃ kun aafia gↄrↄ sĩnda pínki,
\q1 gbɛ̃ vãninↄ sↄ̃ oni kakatɛ.
\q1
\v 29 Gbɛ̃ mananↄ mɛ́ ògↄ̃ bùsu vĩ,
\q1 onigↄ̃ kun gↄrↄ sĩnda pínki.
\b
\q1
\v 30 Ɔ̃ndↄ̃yã dì bo gbɛ̃ mana lɛ́n,
\q1 a lɛ́ dì yãzɛde o.
\q1
\v 31 A Luda doka kú a swɛ̃̀n,
\q1 a gbá dì sata pↄ́kearo.
\b
\q1
\v 32 Gbɛ̃ vãni dì gbɛ̃ mana kpákpa
\q1 de à le à a dɛ,
\q1
\v 33 ama Dikiri ni a tó a ↄĩro,
\q1 ani we yãkpatɛ a blero.
\b
\q1
\v 34 Ǹ Dikiri dã ǹgↄ̃ a yã kũna,
\q1 ani n kara de ǹgↄ̃ bùsu vĩ,
\q1 ĩni gbɛ̃ vãninↄ mìdɛna e.
\b
\q1
\v 35 Ma gbɛ̃ pãsĩ gbãnade ke è yã,
\q1 àtɛn ↄ tá lán lí kũ zĩtɛ kɛ̀nɛ nna bà.
\q1
\v 36 Kũ tá kà kũmao gwe, à kú gwe doro,
\q1 ma a wɛ̀tɛ, mádi a lero.
\b
\q1
\v 37 Ǹ taarisaride yã gwa,
\q1 ǹ wɛ́ pɛ́ gbɛ̃ mana yãi,
\q1 zaakũ nɛ̀sɛyĩdade burinↄ ni gↄ̃ buri ũ.
\q1
\v 38 Durunnakɛrinↄ sↄ̃ oni kakatɛ lɛɛlɛlɛɛlɛ,
\q1 gbɛ̃ vãninↄ buri ni mì dɛ.
\b
\q1
\v 39 Dikiri mɛ́ ani gbɛ̃ mananↄ sura ba,
\q1 anigↄ̃ deńnɛ utɛki ũ warikɛgↄrↄa.
\q1
\v 40 Dikiri ni kpáńyĩ à ń bo,
\q1 ani ń sí gbɛ̃ vãninↄa à ń sura ba
\q1 kũ ò nài yãi.
\c 38
\s1 Takaside aduakɛnaa
\d Dauda lɛ̀ɛ.
\q1
\v 1 Dikiri, ǹsun ma toto kũ pↄfɛ̃oro,
\q1 ǹsun ma sã fĩ kũ pɛ̃tɛ̃oro.
\q1
\v 2 N kànↄ ma papa,
\q1 n ↄ tↄ̃̀ma.
\q1
\v 3 Ma mɛ̀ gbãna làka n pɛ̃tɛ̃ yãi,
\q1 ma wá aafiaro ma durunna yãi.
\q1
\v 4 Ma taarinↄ dàmala,
\q1 ò tↄ̃̀ma lán aso tìkisii bà.
\b
\q1
\v 5 Ma bↄ̀nↄ lì fↄ̃nna ũ,
\q1 ò yagi kɛ̀ ma yↄ̃nkↄkɛ yãi.
\q1
\v 6 Má kuna, ma gↄ̃ zↄ̀lↄlↄ,
\q1 madìgↄ̃ tɛ́ ãnsisinamɛ gↄrↄ sĩnda pínki.
\q1
\v 7 Ma kpɛwa tɛn wí yãpura,
\q1 ma mɛ̀ gbãna vĩro.
\q1
\v 8 Má gbãna vĩro, ma mɛ̀ɛ kɛ̀ búgubugu,
\q1 matɛn wiki lɛ́ ma pↄyakana yãi.
\b
\q1
\v 9 Dikiri, ń pↄ́ kũ má yei dↄ̃ pínki,
\q1 ndì ma ndana ma sãnsãn.
\q1
\v 10 Ma kù tɛn vĩ gbì gbì, ma gbãna làka,
\q1 ma wɛ́ tɛn tɛ́ kɛ doro.
\q1
\v 11 Ma gbɛ̃nnanↄ kũ ma gbɛ̃nↄ dì gbãtɛmɛnɛ,
\q1 ma danɛnↄ dì bàa lɛ́mɛnɛ ma bↄ̀nↄ yãi.
\b
\q1
\v 12 Gbɛ̃ kũ ò wɛtɛ ò ma dɛnↄ dì bà kpákpamɛnɛ,
\q1 ma wɛtɛrinↄ dì yã vãni kpákũsũ kũmao,
\q1 òdigↄ̃ manafikiyã gwa kũ kↄ̃o gↄrↄ sĩnda pínki.
\b
\q1
\v 13 Ma gↄ̃ lán sãto bà, madì yã maro,
\q1 lán gbɛ̃ kũ a nɛ́nɛ nàtɛ bà, madì lɛ́ wɛ̃kↄ̃aro.
\q1
\v 14 Má de lán gbɛ̃ kũ àdi yã maro bà,
\q1 madì weḿmaro.
\q1
\v 15 Dikiri, mↄkↄ̃mmɛ ma wɛ́ dↄnyĩ,
\q1 ĩni ma yã ma, Dikiri ma Luda.
\q1
\v 16 Ma pì, ǹsun tó ò yↄ̃̀gↄ̃ kɛmaro,
\q1 ǹsun tó ò ĩa dã ma satana yãiro.
\b
\q1
\v 17 Ma ka lɛtɛna,
\q1 madìgↄ̃ kú yã'ũmmanaa gũn.
\q1
\v 18 Mani ma yã vãninↄ onnɛ sà,
\q1 zaakũ ma durunna yãin ma pↄ yakana.
\q1
\v 19 Ma ibɛrɛ pãsĩnↄn lɛ́ vĩro,
\q1 gbɛ̃ kũ ò zã̀magu pãpãnↄn dasi.
\q1
\v 20 Òdi yã mana fĩna bomɛnɛ kũ yã vãnio,
\q1 yã manan má tɛ́i, akũ ò ibɛrɛɛ sɛ̀ kũmao.
\b
\q1
\v 21 Dikiri, ǹsun ma zukũnaro,
\q1 ma Luda, ǹsungↄ̃ kú kũmao zã̀ro.
\q1
\v 22 Ǹ mↄ́ ǹ kpámai likalika,
\q1 ma Dikiri, ma surabarii.
\c 39
\s1 Takaside ↄ́ↄdↄna Ludanɛ
\d Dauda lɛ̀ɛ.
\q1
\v 1 Ma pì, manigↄ̃ ma zĩda kũna dↄ̃,
\q1 mani tó ma lɛ́ ma da durunnakɛnaa gũnlo.
\q1 Tó gbɛ̃ vãni kú kũmao, mani ma lɛ́ kũ.
\q1
\v 2 Ma lɛ́ nakↄ̃ana, ma yĩtɛ kítikiti,
\q1 mádi yãke oro, bee yã mana se,
\q1 akũ ma yã'ũmmanaa ɛ̀ra à kàra.
\q1
\v 3 Ma swɛ̃̀ɛ puusu bò ma gũn,
\q1 kũ ma laasunn lɛ̀, ma nɛ̀sɛɛ wã̀,
\q1 akũ ma lɛ́ bò ma pì:
\b
\q1
\v 4 Dikiri, ǹ tó mà a wɛ̃̀ndigↄrↄ lɛ́ dↄ̃
\q1 kũ ma gↄrↄ dasi lɛ́o.
\q1 Ǹ tó màgↄ̃ dↄ̃ lákũ ma wɛ̃̀ndii ni láka nà araga.
\q1
\v 5 N ma wɛ̃̀ndi lɛ́ yↄ̃̀ n ↄla lɛ́n,
\q1 ma kunna de wɛ́ kũ yĩola n kĩnaaro.
\q1 Gbɛ̃ sĩnda pínki dì gɛ̃tɛ lán ĩa bàmɛ,
\q1
\v 6 bisãsiri tɛna dìgↄ̃ de lán uraa bàmɛ.
\q1 Àdi kɛ gàragara à aruzɛkɛ kakara,
\q1 ama à dↄ̃ ke dín ani gↄ̃nɛro.
\b
\q1
\v 7 Tó lɛmɛ, bↄ́ tãmaan manigↄ̃ vĩi?
\q1 Mↄkↄ̃mmɛ ma wɛ́ donyĩ, Dikiri.
\q1
\v 8 Ǹ ma taarinↄ kɛ̃ma,
\q1 ǹsun tó yↄ̃nkↄnↄ ma foboro.
\q1
\v 9 Ma lɛ́ nakↄ̃ana, mádi ma lɛ́ wɛ̃kↄ̃aro,
\q1 zaakũ mↄkↄ̃n mɛ́ n yã bire kɛ̀.
\b
\q1
\v 10 Ǹsun ma lɛ́ doro,
\q1 n okũ tɛni ma ká gaa.
\q1
\v 11 Ndì gbɛ̃ toto ndì wɛ́ tãa a durunna yãi,
\q1 ndì a aruzɛkɛ ble lán blɛ́ bà.
\q1 Gbɛ̃ sĩnda pínki dì gɛ̃tɛ lán ĩa bàmɛ.
\b
\q1
\v 12 Ǹ ma aduakɛna sí Dikiri,
\q1 ǹ sã kpá ma wikilɛnaaa.
\q1 Ǹsun sã tata ma ↄ́ↄdↄnaanɛro,
\q1 zaakũ n nibↄↄn ma ũ,
\q1 má de gbɛ̃ zĩ̀tↄ ũ lán ma dizinↄ bà.
\q1
\v 13 Ǹ wɛ́ goma de ma pↄ le àgↄ̃ nna dↄ,
\q1 ari màgↄ̃ gɛ́ andunia tó.
\c 40
\s1 Dikiri sáabukpanaa
\d Dauda lɛ̀ɛ.
\q1
\v 1 Ma wɛ́ dↄ̀ Dikirii manamana,
\q1 akũ à arɛ dↄ̀ma à ma ↄ́ↄdↄnaa mà.
\q1
\v 2 À ma bo tↄ̃̀nↄwɛɛɛ gũn,
\q1 à ma bo fokon.
\q1 À ma gbá pɛ̀tɛ gbɛ̀si musu,
\q1 à ma zɛ gwe gíngin.
\q1
\v 3 À lɛ̀ dufu dàmɛnɛ ma lɛ́n
\q1 ó Luda sáabukpana pↄ́ ũ.
\q1 Gbɛ̃nↄ ni e dasi, vĩna ni ń kũ,
\q1 ò Dikiri náani kɛ.
\b
\q1
\v 4 Arubarikaden gbɛ̃ kũ à Dikiri náani vĩ ũ,
\q1 akũsↄ̃ àdi arɛ dↄ zĩdabirinↄ kũ tãnagbagbarinↄaro.
\q1
\v 5 Dikiri ma Luda, n yãbonsarɛkɛnanↄn dasi,
\q1 oni fↄ̃ ò yã kũ ntɛn pɛ́awɛrɛ dↄdↄro.
\q1 Tó matɛn babannɛ, à lɛ́ vĩro,
\q1 mani fↄ̃ mà o pínkiro.
\b
\q1
\v 6 Ń ye sa'opↄ ke gbairo,
\q1 akũ n ma gba sã mà yã mao.
\q1 Ńdi sa'opↄ kũ òdi ká tɛ́n à tɛ́ kũ
\q1 ke durunna kútɛkɛbↄ gbɛkaro.
\q1
\v 7 Akũ ma pì: Makũmɛ la,
\q1 ma su lákũ à kɛ̃na takadan ma yã musu nà.
\q1
\v 8 Má ye n pↄyenyĩna kɛmɛ, ma Luda,
\q1 n doka kú ma swɛ̃̀ɛ gũn.
\b
\q1
\v 9 Mani yãzɛde baaru kpá pari kↄ̃kakaranaa gũn,
\q1 mani ma lɛ́ nakↄ̃aro, lákũ ń dↄ̃ nà Dikiri.
\q1
\v 10 Mádi n yãzɛdekɛ utɛńnɛro,
\q1 ma n náani kũ n surabanaao yã ò.
\q1 Mádi gí n yenyĩ kũ n yãpurao oi
\q1 pari kↄ̃kakaranaa gũnlo.
\b
\q1
\v 11 Dikiri, ǹsun gí ma wɛ̃nda gwairo,
\q1 n yenyĩ kũ n yãpurao gↄ̃ ma dãkpã.
\q1
\v 12 Zaakũ yã vãni kũ à likanamai lɛ́ vĩro,
\q1 ma taarinↄ dàmala, matɛn gu ero,
\q1 à dasi de ma mìkãla, swɛ̃̀ɛ kɛ̃̀magu.
\b
\q1
\v 13 Dikiri, ǹ sùru kɛ ǹ ma sura ba,
\q1 Dikiri, ǹ kɛ likalika ǹ mↄ́ ǹ kpámai.
\q1
\v 14 Wé'i gbɛ̃ kũ òtɛn wɛtɛ ò ma dɛnↄ kũ,
\q1 ò ń mì pɛ́tɛ.
\q1 Gbɛ̃ kũ ò ye mà kisira enↄ kpɛ li,
\q1 ń ãn gↄ̃ sisina.
\q1
\v 15 Gbɛ̃ kũ òdi pimɛnɛ, taarɛ, taarɛnↄ,
\q1 wé'i ń kũ ò gↄ̃ gìri.
\q1
\v 16 Gbɛ̃ kũ òtɛni n ki wɛtɛnↄ,
\q1 ǹ tò ń pↄ kɛmma nna ò yáa dↄ.
\q1 Gbɛ̃ kũ ò ye n surabanainↄ
\q1 gↄ̃ pi Dikiri zↄ̃kↄ̃.
\b
\q1
\v 17 Takaside wɛ̃ndademɛ ma ũ,
\q1 ǹ laasun lɛ́ ma yãa, Dikiri.
\q1 Mↄkↄ̃mmɛ ma kpanyĩri ũ kũ ma mìsiriio,
\q1 ma Luda, ǹsun gì kɛro.
\c 41
\s1 Gyãre aduakɛnaa
\d Dauda lɛ̀ɛ.
\q1
\v 1 Arubarikaden gbɛ̃ kũ àdi gbãnasaride yã da ũ,
\q1 Dikiri dì a bo warikɛnagↄrↄa.
\q1
\v 2 Dikiri ni à dãkpã à a gba wɛ̃̀ndi gbã̀na,
\q1 ani arubarika daagu a bùsun,
\q1 ani a kpá a ibɛrɛnↄa ò ń pↄyeina kɛaro.
\q1
\v 3 Dikiri ni zɛ kãao tó à wutɛna gyãn,
\q1 ani tó à futɛ gyã pìn aafia.
\b
\q1
\v 4 Ma pì: Dikiri, ma durunna kɛ̀nnɛ,
\q1 ǹ ma wɛ̃nda gwa, ń ma gba aafiaa.
\q1
\v 5 Ma ibɛrɛnↄ tɛni ma wɛtɛ kũ gao ò pì:
\q1 Bↄrɛn ani ga de a tↄ́ sãtɛɛ?
\q1
\v 6 Tó ò sù ma gwa, yã pãn òdi omɛnɛ,
\q1 òdi baaru vãni wɛtɛ ma yã musu,
\q1 gbasa òdi futɛ ò gɛ́ ò yã pì fã bàai.
\b
\q1
\v 7 Ma zãngurinↄ dì ma kpákpa kũ yã vãnio,
\q1 ń pínki òdi àlesi vãni dↄma ò pi:
\q1
\v 8 Gagagyã mɛ́ à a lè,
\q1 ani futɛ a wutɛna bire gũn doro.
\q1
\v 9 Bee ma gbɛ̃nna kũ ma a náani kɛ̀,
\q1 kũ odì ↄ kakara ta dokↄ̃nↄ gũn bò ma kpɛ.
\b
\q1
\v 10 Mↄkↄ̃n sↄ̃ Dikiri, ǹ ma wɛ̃nda gwa,
\q1 ǹ ma gba aafiaa de mà fĩna bońnɛ.
\q1
\v 11 Tó ma ibɛrɛnↄ dí ma yↄ̃̀gↄ̃ kɛmaro,
\q1 manigↄ̃ dↄ̃ sà kũ ma yã kàngu.
\q1
\v 12 Ń ma kũna ma nɛ̀sɛmana yãi,
\q1 ń tò màgↄ̃ kú n arɛ gↄrↄ sĩnda pínki.
\b
\q1
\v 13 Arubarikade Dikiri, Isarailanↄ Luda
\q1 zaa káaku ari gↄrↄ sĩnda pínki!
\q1 Aami! Aami!
\ms1 TAKADA PLADE
\mr Zabura 42-72
\c 42
\s1 Zĩ̀zↄ ↄ́ↄdↄnaa
\d Kora burinↄ lɛ̀ɛ.
\q1
\v 1 Lákũ zↄ̃ dì swa sarɛ ni dɛ nà,
\q1 lɛn n ni dì ma dɛ lɛ, Luda.
\q1
\v 2 Ma nini tɛn Luda ni dɛ, Luda Wɛ̃̀ndide pìi.
\q1 Bↄrɛn mani le mà gɛ́ daalɛɛ?
\q1
\v 3 Wɛ́tɛ̃ mɛ́ à gↄ̃̀ ma pↄ́ble ũ
\q1 fãnantɛ̃ kũ gwãanio,
\q1 òdigↄ̃ pimɛnɛ gↄrↄ sĩnda pínki:
\q1 N Luda kú máa?
\q1
\v 4 Ma nɛ̀sɛɛ wɛ̃̀nnɛ, akũ yã díkĩnanↄ dↄ̀magu,
\q1 lákũ madì gɛ́ pari gũn nà ari Luda ↄnn,
\q1 gbɛ̃nↄ dìgↄ̃ tɛ́tɛ ma kpɛ kũ ayuwiio,
\q1 dikpɛkɛrinↄ dì dodomai kũ sáabukpanaao.
\b
\q1
\v 5 Bↄ́yãin ma nɛ̀sɛɛ yàkaa?
\q1 À kɛ̀ dera ma laakarii fùtɛɛ?
\q1 Séde màgↄ̃ wɛ́ dↄ Ludai,
\q1 zaakũ mani ɛra màgↄ̃ à sáabu kpá,
\q1 ma Surabari, ma Luda.
\b
\q1
\v 6 Ma nɛ̀sɛɛ yàka, akũ n yã dↄ̀magu
\q1 zaa Miza kpigɛrɛɛi ari Yoda mìia,
\q1 zaa Ɛmↄ kpinↄ musu.
\q1
\v 7 Ndì tó ísↄ̃kɛna kĩni gↄ̃ dↄ,
\q1 í lòkotonↄ tɛn lɛ́ zukↄ̃i.
\q1 N tò í tɛn damala,
\q1 a sↄ̃ tɛn tá kũmao.
\b
\q1
\v 8 Dikiri dì yenyĩ mↄmɛnɛ fãnantɛ̃,
\q1 a lɛ̀ɛ dìgↄ̃ dↄ ma lɛ́n gwãani,
\q1 matɛn wɛ́ kɛ Luda kũ à de ma wɛ̃̀ndi ũa.
\b
\q1
\v 9 Madì pi Luda ma gbɛ̀sinɛ:
\q1 Bↄ́yãin ma yã sã̀nguu?
\q1 À kɛ̀ dera n tò màgↄ̃ tɛ́ kũ pↄsirao
\q1 ma ibɛrɛ wɛ́tãmmana yãii?
\q1
\v 10 Ma waridↄmmarinↄ dì ma sↄ̃sↄ̃,
\q1 akũ ma wánↄ dìgↄ̃ wí,
\q1 òdigↄ̃ pimɛnɛ gↄrↄ sĩnda pínki:
\q1 N Luda kú máa?
\b
\q1
\v 11 Bↄ́yãin ma nɛ̀sɛɛ yàkaa?
\q1 À kɛ̀ dera ma laakarii fùtɛɛ?
\q1 Séde màgↄ̃ wɛ́ dↄ Ludai,
\q1 zaakũ mani ɛra màgↄ̃ a sáabu kpá,
\q1 ma Surabari, ma Luda.
\c 43
\q1
\v 1 Ǹ ma yã nna kpáma Luda,
\q1 ǹ zɛ kũmao buri ludadↄ̃risarinↄ yã musu,
\q1 ǹ ma bo gbɛ̃ vãni manafikidenↄ ↄĩ.
\q1
\v 2 Luda, mↄkↄ̃mmɛ ma utɛki ũ,
\q1 bↄ́yãin n gimaii?
\q1 À kɛ̀ dera n tò ma gↄ̃ tɛ́ kũ pↄsirao
\q1 ma ibɛrɛ wɛ́tãmmana yãii?
\q1
\v 3 Ǹ n gupura kũ n yãpurao zĩma,
\q1 à domɛnɛ arɛ n kpi musu,
\q1 à gɛ́ kũmao ari n kúkia gwe.
\q1
\v 4 Gbasa mà gɛ́ n gbagbakia Luda,
\q1 ma pↄ ni kɛmma nna, Luda ma pↄnna,
\q1 mani n tↄ́ kpá kũ mↄrↄↄo,
\q1 Luda ma Luda.
\b
\q1
\v 5 Bↄ́yãin ma nɛ̀sɛɛ yàkaa?
\q1 À kɛ̀ dera ma laakarii fùtɛɛ?
\q1 Manigↄ̃ wɛ́ dↄ Ludai,
\q1 zaakũ mani ɛra màgↄ̃ a sáabu kpá,
\q1 ma Surabari, ma Luda.
\c 44
\s1 Isarailanↄ faaba wɛ́kɛnaa
\d Kora burinↄ lɛ̀ɛ.
\q1
\v 1 Luda, yã kũ n kɛ̀ zaa gìkɛna ó dizinↄ gↄrↄa,
\q1 ò òwɛrɛ ó sã mà.
\q1
\v 2 N ↄ sↄ̃̀ burinↄi n wari dↄ̀ḿma,
\q1 n ó dizinↄ kàtɛ ń gbɛ̀n,
\q1 n ń kara ò dàgula.
\q1
\v 3 Adi kɛ ń fɛ̃nɛda mɛ́ à ń ká bùsu díaro,
\q1 ń gã̀sã gbãnan ò zĩ̀i blèoro.
\q1 N zĩda gã̀sã gbãna mɛ́ à tò,
\q1 n arɛ dↄ̀ḿma kũ ń yeńyĩ yãi.
\b
\q1
\v 4 Mↄkↄ̃mmɛ ma Kína ũ ma Luda,
\q1 ndì tó Yakubu burinↄ zĩ̀ ble.
\q1
\v 5 N gãin odì ↄ sↄ̃ ó ibɛrɛnↄi,
\q1 kũ n tↄ́on odì gbá pɛ́tɛpɛtɛ ó zãngurinↄa.
\q1
\v 6 Adi kɛ ma sá náanikɛnanlo,
\q1 adi kɛ ma fɛ̃nɛda mɛ́ àdi ma boro.
\q1
\v 7 Zaakũ mↄkↄ̃n mɛ́ ndì ó sí ó ibɛrɛnↄa,
\q1 ndì wé'i da ó zãngurinↄa.
\q1
\v 8 Luda, odìgↄ̃ n sáabu kpá gↄrↄ sĩnda pínki,
\q1 odìgↄ̃ n tↄ́ kpá lakanaa sari.
\b
\q1
\v 9 Bee kũ abireo n giwái n tò wé'i ó kũ,
\q1 ndì bo kũ ó zĩ̀karinↄ doro.
\q1
\v 10 N tò o boru kpɛ ó ibɛrɛnↄnɛ,
\q1 n tò ó zãngurinↄ ó pↄ́nↄ nàkↄ̃a.
\q1
\v 11 N ń gbá zɛ́ ò ó dɛdɛ lán sãnↄ bà,
\q1 n ó fãkↄ̃a burinↄ tɛ́.
\q1
\v 12 N n gbɛ̃nↄ yìa araga,
\q1 ńdi àre le a gũnlo.
\b
\q1
\v 13 N tò ó gbɛ̃dakenↄ ó sↄ̃sↄ̃,
\q1 gbɛ̃ kũ ò kú ó sarɛnↄ ó lalandii kɛ̀.
\q1
\v 14 N tò o gↄ̃ baaru pↄ́ ũ burinↄnɛ,
\q1 gbɛ̃nↄ dì ń mì yĩgãwɛrɛ.
\q1
\v 15 Madìgↄ̃ kú kũ wé'io gↄrↄ sĩnda pínki,
\q1 ma gasuu gↄ̃̀ kpá ma wɛ́i
\q1
\v 16 ma lalandikɛrinↄ kũ ma sↄ̃̀sↄ̃rinↄ yãi
\q1 kũ ma ibɛrɛ kũ ò ye ò fĩna bomanↄ yão.
\b
\q1
\v 17 Abirekũ ó lé pínki,
\q1 bee kũ n yã dí sãóguro,
\q1 ódi n bàka kunna kũoo yã gbororo.
\q1
\v 18 Ó laasun dí kɛ̃mmaro,
\q1 ódi kɛ̃ n zɛ́aro.
\q1
\v 19 N ó kɛ́ dúgudugu,
\q1 n ó bùsu kɛ̀ gbɛ̃gbonnↄ kureki ũ,
\q1 n gusira níkiniki dàóla.
\b
\q1
\v 20 Tó ó Dikiri tↄ́ sã̀ógu yã,
\q1 ke tó ó wɛ́ dↄ̀ buri zĩ̀tↄnↄ tãnanↄi,
\q1
\v 21 Luda ni gí ei yá?
\q1 Zaakũ àkũ mɛ́ à ó nɛ̀sɛgũnyãnↄ dↄ̃ pínki.
\q1
\v 22 N yãi ó kú ga lɛ́i zaa kↄnkↄ ari ↄkↄsi,
\q1 òdi ó ditɛ lán sã kũ oni ń kùtu kpánↄ bà.
\b
\q1
\v 23 Ǹ vu Dikiri! À kɛ̀ dera ntɛn i oo?
\q1 Ǹ futɛ! Ǹsun gíwái gↄrↄ sĩnda pínkiro.
\q1
\v 24 À kɛ̀ dera n kↄ̀kↄtↄↄ dↄ̀wɛrɛɛ?
\q1 Ó wɛ̃ndakɛ kũ ó wɛ́tãmmanaao sã̀ngun yá?
\b
\q1
\v 25 O gↄ̃ yĩna lukutɛ̃n,
\q1 o gↄ̃ wutɛna zĩtɛ.
\q1
\v 26 Ǹ futɛ ǹ kpáwái,
\q1 ǹ mↄ́ ǹ ó bo n yenyĩ yãi.
\c 45
\s1 Kína nↄsɛna lɛ̀ɛ
\d Yenyĩ lɛ̀ kũ Kora burinↄ dà.
\q1
\v 1 Yã nna tɛn pípi ma swɛ̃̀ɛ gũn,
\q1 lákũ matɛn lɛ̀ díkĩna da kínanɛ nà.
\q1 Ma lɛ́ nna lán takadakɛ̃ri mana takadakɛ̃bↄↄ bà.
\b
\q1
\v 2 N manakɛ de gbɛ̃ sĩnda pínkila,
\q1 n lɛ́gbɛɛ dìgↄ̃ nna,
\q1 arubarika kũ Luda dàngu lakana vĩro.
\q1
\v 3 Mↄkↄ̃n zĩ̀kari pãsĩ, ǹ n fɛ̃nɛda sɛ́
\q1 ǹ loko n kíkɛgakuri sèeda ũ.
\q1
\v 4 Ǹ di sↄ̃a ǹ gɛ́ zĩ̀ ble n gakurikɛ gũn
\q1 yãpura kũ nɛ̀sɛdoo kũ yãzɛdeo yãi,
\q1 ǹ yã náasidenↄ kɛ kũ n ↄpla gbãnao.
\q1
\v 5 Kí, n kànↄ lɛ́ sↄ̃ntɛ,
\q1 àdi gɛ̃ à n ibɛrɛnↄ swɛ̃̀ zↄ̃,
\q1 burinↄ dì lɛ́tɛ n gbá sarɛ.
\q1
\v 6 Luda, ĩnigↄ̃ vutɛna kpatan gↄrↄ sĩnda pínki,
\q1 ĩnigↄ̃ n kíkɛgo kũna yãzɛde ũ.
\q1
\v 7 Ń ye yãmanakɛnaai, n zã a yãvãnikɛnagu.
\q1 À yã mɛ́ à tò Luda, n Luda, n ka kín,
\q1 à pↄnna pìsimma de n gbɛ̃nↄla.
\q1
\v 8 Lí'ↄ gbĩ nnanna pìsi n pↄ́kasanↄa,
\q1 mↄrↄ'ũ dì n pↄ kɛ nna
\q1 n kpɛ́ kũ ò kɛ̀kɛ kũ wisa sakaao gũn.
\q1
\v 9 Kína nɛ́nↄgbɛ̃nↄn kú n nↄ yenyĩdenↄ tɛ́,
\q1 n nↄ dufu kú n ↄplai,
\q1 à Ofi bùsu wurapↄnↄ dana.
\b
\q1
\v 10 Nɛ́nↄkpare, ǹ sã kpá ǹ ma!
\q1 N de bɛ kũ n gbɛ̃nↄ yã sún donnɛ arɛro.
\q1
\v 11 N nↄmanakɛ tɛn kína mɛ̀ɛ luka,
\q1 ǹ mì natɛnɛ, zaakũ n dikirimɛ a ũ.
\q1
\v 12 Tayadenↄ ni su ò gba dannɛ,
\q1 aruzɛkɛdenↄ ni n wɛ́ wɛtɛ.
\q1
\v 13 Kína nɛ́nↄkpare vutɛna kpɛ́nɛ gũn kũ gakurio,
\q1 ò ↄzĩ kɛ̀ a pↄ́kasanↄa kũ wura bàao.
\q1
\v 14 Òtɛn su kãao kínanɛ
\q1 kũ a pↄ́kasa wãnzãndenↄo dana.
\q1 Nɛ́nↄkpare zɛnnɛrinↄ tɛ́i,
\q1 òtɛn su kãao a kĩnaa.
\q1
\v 15 Òtɛn gɛ̃ kũńwo kínabɛa,
\q1 òtɛn pↄnna kɛ kũ ayuwiikɛnaao.
\b
\q1
\v 16 N nɛ́gↄ̃gbɛ̃nↄ ni gↄ̃ n denↄ gɛ̃nɛ ũ,
\q1 ĩni ń ditɛditɛ kínanↄ ũ andunia gũn pínki.
\q1
\v 17 Mani tó n tↄ́ gↄ̃ dↄ gbɛ̃nↄgu lakanaa sari,
\q1 burinↄ nigↄ̃ n sáabu kpá gↄrↄ sĩnda pínki.
\c 46
\s1 Luda kú kũoo
\d Kora burinↄ lɛ̀ɛ.
\q1
\v 1 Ludan ó utɛki ũ kũ ó gbãnao,
\q1 àdigↄ̃ kpáwái gↄrↄ sĩnda pínki ó warikɛnaa gũn.
\q1
\v 2-3 A yã mɛ́ à tò bee tó andunia yàka
\q1 akũsↄ̃ kpinↄ lɛ̀tɛ ò sì ísiran,
\q1 bee tó í pì kĩni kà à fùtaa bò
\q1 akũsↄ̃ kpinↄ dège kũ kĩnio,
\q1 swɛ̃̀ ni kɛ̃óguro.
\b
\q1
\v 4 Swa ke kun kũ a í dì su kũ pↄnnao Luda wɛ̃tɛ gũn,
\q1 Luda Musude kúki kũ à kú adonaa pìi.
\q1
\v 5 Luda kú wɛ̃tɛ pìi gũn, ani gↄ̃ bɛzĩ ũro,
\q1 Luda ni kpái gudↄo.
\q1
\v 6 Burinↄ tɛn wiki lɛ́, kpatanↄ tɛn yĩgã,
\q1 Luda pũ̀tã, akũ andunia yↄ̀.
\b
\q1
\v 7 Dikiri Zĩ̀karide kú kũoo,
\q1 Yakubu Ludan ó utɛki ũ.
\b
\q1
\v 8 À mↄ́ à Dikiri yãkɛnanↄ gwa,
\q1 lákũ à yã yìa anduniaa nà.
\q1
\v 9 Àkũ mɛ́ àdi zĩ̀i mì dɛ ari andunia lɛ́n,
\q1 àdi sánↄ ɛ́'ɛ àdi sárinↄ dúgu zↄ̃,
\q1 àdi tɛ́ sↄ̃ sɛ̃gbakonↄa.
\q1
\v 10 À zɛ tɛɛnɛ àgↄ̃ dↄ̃ kũ makũmɛ Luda ũ.
\q1 Burinↄ ni ma tↄ́ sɛ́ lei,
\q1 oni ma tↄ́ kpá andunia gũn pínki.
\b
\q1
\v 11 Dikiri Zĩ̀karide kú kũoo,
\q1 Yakubu Ludan ó utɛki ũ.
\c 47
\s1 Ludamɛ andunia pínki kína ũ
\d Kora burinↄ lɛ̀ɛ.
\q1
\v 1 Buri sĩnda pínki, à ↄkpa lɛ́,
\q1 à pↄnna wiki lɛ́ Ludanɛ kũ ayuwiio.
\q1
\v 2 Zaakũ Dikiri Musude naasi vĩ,
\q1 andunia pínki Kína zↄ̃kↄ̃ↄmɛ a ũ.
\q1
\v 3 À tò o zĩ̀i blè burinↄa,
\q1 à tò o gɛ̀sɛɛ pɛ̀tɛ gbɛ̃nↄa.
\q1
\v 4 À ó zĩtɛ bakaa kpàwá,
\q1 a yenyĩde Yakubu burinↄ ĩadãbↄ ũ.
\b
\q1
\v 5 Luda fùtɛ, òtɛn ayuwii kɛ,
\q1 Dikiri zɛna, òtɛn kuru pɛ́.
\q1
\v 6 À lɛ̀ sí Ludanɛ, à lɛ̀ sínɛ,
\q1 à lɛ̀ sí ó Kínanɛ, à lɛ̀ sínɛ.
\b
\q1
\v 7 Zaakũ andunia pínki Kínamɛ a ũ,
\q1 à lɛ̀ sínɛ kũ dↄ̃naao.
\q1
\v 8 Luda tɛn kí ble burinↄa,
\q1 à vutɛna a kpata kũ à kú adonaaa.
\q1
\v 9 Burinↄ kpatablerinↄ tɛn kↄ̃ kakara
\q1 gbɛ̃ kũ ò de Ibrahĩ Luda gbɛ̃nↄ ũ,
\q1 zaakũ andunia kínanↄ bi Luda pↄ́mɛ.
\q1 À deńla ń pínki.
\c 48
\s1 Zaiↄ̃ bi Luda wɛ̃tɛmɛ
\d Kora burinↄ lɛ̀ɛ.
\q1
\v 1 Dikiri zↄ̃kↄ̃, à kà ò a sáabu kpá manamana
\q1 ó Luda wɛ̃tɛ gũn a kpi kũ à kú adonaa musu.
\q1
\v 2 Zaiↄ̃ gbɛ̀ katɛna mana,
\q1 à de andunia gbɛ̃ sĩnda pínkinɛ pↄnna ũ.
\q1 Kína zↄ̃kↄ̃ wɛ̃tɛ pì kú kpi gugbãnduru kpa.
\q1
\v 3 Luda kú a gudãkpãkinↄ gũn,
\q1 à tò ò a dↄ̃ aafialeki ũ.
\b
\q1
\v 4 Kũ kínanↄ lɛ́dokↄ̃nↄ kɛ̀
\q1 de ò su ò lɛ́tɛa lɛɛlɛ,
\q1
\v 5 kũ ò wɛ̃tɛ pìi è lɛ, akũ à bò ń sarɛ,
\q1 vĩna ń kũ, akũ ò bàa lɛ̀.
\q1
\v 6 Ò gↄ̃̀ kũ lukanaao
\q1 lán nↄgbɛ̃ nↄ̀wãwãkɛrii bà.
\q1
\v 7 N ń kɛ́ dúgudugu
\q1 lákũ ifãboki ĩa dì lagatarinↄ gó'itɛnↄ kakatɛ nà.
\b
\q1
\v 8 Yã kũ o màan ó wɛ́ è
\q1 Dikiri Zĩ̀karide ó Luda wɛ̃tɛ gũn.
\q1 Luda wɛ̃tɛ pìi kàtɛ àgↄ̃ kun gↄrↄ sĩnda pínki.
\b
\q1
\v 9 Luda, ó kú n kpɛ́ ↄnn,
\q1 ótɛn laasun lɛ́ n yenyĩkɛnaaa.
\q1
\v 10 Luda, lákũ n tↄ́ dàgula ari andunia lɛ́n nà,
\q1 lɛn n sáabukpanaa dàgula lɛ dↄ.
\q1 Ndì yã gↄ̃gↄ̃ n gbɛ̃nↄnɛ a zɛ́a.
\q1
\v 11 Zaiↄ̃ kpidenↄ tɛn pↄnna kɛ,
\q1 Yudanↄ bùsu wɛ̃tɛdenↄ pↄ kɛ̀ nna,
\q1 yãkpatɛ kũ n kɛ̀nↄ yãi.
\b
\q1
\v 12 À dↄdↄkↄ̃a à lika Zaiↄ̃i,
\q1 à a bĩni dãkpãki lei dasinↄ naro.
\q1
\v 13 À a bĩninↄ tàasi ká kũ a zɛki gbãnanↄ
\q1 de à le à baba ziadenↄnɛ.
\q1
\v 14 Zaakũ Luda dímɛ ó Luda ũ gↄrↄ sĩnda pínki,
\q1 àdi dowɛrɛ arɛ ari ò gɛ́ gao.
\c 49
\s1 Aruzɛkɛ náanikɛna bi yↄ̃nkↄyãmɛ
\d Kora burinↄ lɛ̀ɛ.
\q1
\v 1 Buri sĩnda pínki, à yã díkĩna ma,
\q1 andunia pínki, à sã kpá,
\q1
\v 2 kínanↄ kũ talakanↄ,
\q1 aruzɛkɛdenↄ kũ takasidenↄ á pínki.
\q1
\v 3 Ɔ̃ndↄ̃yã kú ma lɛ́n,
\q1 dↄ̃na kú ma swɛ̃̀n.
\q1
\v 4 Mani sã dↄ yáasi yãi
\q1 mà a bↄkↄtɛ kɛ kũ mↄrↄlɛnaao.
\b
\q1
\v 5 Mani vĩna kɛ yã pãsĩ gↄrↄnɛro,
\q1 bee tó ma zãngurinↄ likanamai.
\q1
\v 6 Ò ń aruzɛkɛ náani vĩ,
\q1 òdi ń ↄgↄda ĩa dã.
\q1
\v 7 Gbɛ̃ke ni fↄ̃ à gí a gbɛ̃dakenɛ ga kũ ani gairo,
\q1 ani le à pↄ́ke kpá Ludaa à a wɛ̃̀ndi booro.
\q1
\v 8 Zaakũ gbɛ̃ wɛ̃̀ndi bona zĩ'ũ,
\q1 aruzɛkɛ ni fↄ̃ à bo zikiro.
\q1
\v 9 Ani fↄ̃ à tó àgↄ̃ kun gↄrↄ sĩnda pínkiro,
\q1 ani fↄ̃ à gínɛ àsun wɛ́ kɛ pla kũ gyãwãnworo.
\b
\q1
\v 10 Zaakũ ò dↄ̃ kũ bee ↄ̃ndↄ̃rinↄ dì ga,
\q1 mìsaridenↄ kũ yↄ̃nkↄnↄ dì mì dɛ lɛ se,
\q1 òdi ń aruzɛkɛ tó gbɛ̃ pãndenↄnɛ.
\q1
\v 11 Bee kũ ò ń tↄ́nↄ kpà bùsunↄnɛ yã,
\q1 ń mira nigↄ̃ de ń bɛ ũmɛ gↄrↄ sĩnda pínki,
\q1 anigↄ̃ ń kúki ũ ari ń buria.
\b
\q1
\v 12 Bisãsiri kũ a bɛ̀ɛrɛkɛo
\q1 dìgↄ̃ kun gↄrↄ sĩnda pínkiro,
\q1 ani kakatɛ lán nↄ̀bↄnↄ bàmɛ.
\q1
\v 13 Mìsaridenↄ lakanaan gwe,
\q1 lɛmɛ à de lɛ dↄ kũ gbɛ̃ kũ ò tɛ́ ń ágbainↄ.
\q1
\v 14 Oni si gyãwãnn lán sãnↄ bà,
\q1 ga mɛ́ anigↄ̃ de ń dã̀ri ũ,
\q1 gbɛ̃ mananↄ ni kí bleḿma gudↄo.
\q1 Ń mɛ̀nↄ ni yagi kũ miran,
\q1 gyãwãn mɛ́ anigↄ̃ de ń bɛ ũ.
\q1
\v 15 Ama Luda ni ma wɛ̃̀ndi sí gyãwãnnwa
\q1 à gbãnakɛ kpámai.
\b
\q1
\v 16 Tó gbɛ̃ tɛn gↄ̃ aruzɛkɛde ũ
\q1 akũsↄ̃ a bɛ tↄ́ tɛn bo nna,
\q1 ǹsun tó à kɛnnɛ yãke ũro,
\q1
\v 17 zaakũ ani le à pↄ́ke sɛ́ à táo a gagↄrↄro,
\q1 a aruzɛkɛnↄ ni bo tɛ́iro.
\q1
\v 18 Bee tó à a zĩda dↄ̃̀ arubarikade ũ a wɛ̃̀ndi gↄrↄ
\q1 akũsↄ̃ ò a sáabu kpà a nnamana yãi,
\q1
\v 19 ani ká a dizinↄlamɛ,
\q1 ani wɛ́ kɛ pla kũ gupurao ziki doro.
\b
\q1
\v 20 Bisãsiri kũ a bɛ̀ɛrɛkɛo,
\q1 tó a wɛ́ dí kɛ̃ro,
\q1 ani gɛ̃tɛ lán nↄ̀bↄnↄ bàmɛ.
\c 50
\s1 Donyĩkɛna yãpura
\d Asafa lɛ̀ɛ.
\q1
\v 1 Dikiri Luda Gbãnasĩndapinkide tɛn yã o,
\q1 àtɛn lɛ́ zu andunia gbɛ̃nↄi
\q1 zaa ifãboki kpa ari a lɛ́tɛ kpa.
\q1
\v 2 Luda gakuri tɛn bi Zaiↄ̃,
\q1 wɛ̃tɛ kũ a manakɛ papana.
\q1
\v 3 Ó Luda tɛn su, anigↄ̃ yĩtɛnaro.
\q1 Tɛ́ kũ àdi ń ble kú a arɛ,
\q1 zàga'ĩa pãsĩ likai.
\q1
\v 4 Àtɛn musudenↄ sísi kũ zĩtɛdenↄo
\q1 de à le à yãkpatɛ kɛ kũ a gbɛ̃nↄ.
\q1
\v 5 À pì: À ma yãmarinↄ kakaramɛnɛ,
\q1 gbɛ̃ kũ ma bàka kú kũńwo sa'onaa gãinↄ.
\q1
\v 6 Ludamɛ yãkpatɛkɛri ũ,
\q1 musudenↄ dì a yãkɛna a zɛ́a kpàkpa kɛ.
\b
\q1
\v 7 À ma, ma gbɛ̃nↄ, má yã vĩ mà oárɛ,
\q1 Isarailanↄ, mani á dà bobo,
\q1 makũmɛ Luda á Luda ũ.
\q1
\v 8 Matɛn zuka káái á sa'ona yãiro,
\q1 ke sa'opↄ kũ adìgↄ̃ ká tɛ́n à tɛ́ kũ.
\q1
\v 9 Má zùsa kũ à kú á kpàsan ni vĩro,
\q1 kesↄ̃ blè kũ à kú á karaa gũn,
\q1
\v 10 zaakũ nↄ̀bↄsɛ̃ntɛnↄ bi ma pↄ́nↄmɛ
\q1 kũ pↄ́kãde kpàsa kũ ò kú sĩ̀sĩ dasinↄ musuo.
\q1
\v 11 Má kpi musu bãnↄ dↄ̃ pínki,
\q1 sɛ̃̀ntɛ pↄ́ ketenↄ kun ma pↄ́ ũmɛ.
\q1
\v 12 Tó nà tɛni ma dɛ, mani oárɛro,
\q1 zaakũ makũmɛ má andunia vĩ
\q1 kũ pↄ́ kũ ò kunnↄ pínki.
\q1
\v 13 Madì zùsa nↄ̀bↄ són yá?
\q1 Madì blèkofĩnii aru min yá?
\q1
\v 14 À sa oma kɛnnakũkↄ̃o pↄ́ ũ,
\q1 à lɛ́ kũ a gbɛ̃̀ makũ Luda Musudea fĩna bo.
\q1
\v 15 À ma sísi warikɛgↄrↄa,
\q1 mani á bo, áni bɛ̀ɛrɛ límɛnɛ.
\b
\q1
\v 16 Akũ Luda pì yãvãnikɛrinↄnɛ:
\q1 À kɛ̀ dera átɛni ma yãditɛnanↄ dↄdↄↄ?
\q1 Bↄ́yãi ma bàka kunna kũńwo yã da á lɛ́nn?
\q1
\v 17 Á ye ma yãdannɛnaairo,
\q1 a ma yãnↄ kpà kpɛ.
\q1
\v 18 Tó a kpãni è, adì a kɛ á gbɛ̃nna ũmɛ,
\q1 á bàkaa dìgↄ̃ kú kũ zinakɛrinↄ.
\q1
\v 19 Á lɛ́gbɛɛ vãni,
\q1 adì lɛ́nna kɛńnɛ.
\q1
\v 20 Adìgↄ̃ á gbɛ̃ndo pi,
\q1 adì á da nɛ́ ɛ́kɛ bo.
\q1
\v 21 A yã birenↄ kɛ̀, akũ má yĩtɛna.
\q1 Átɛn da má de lán á bàmɛ,
\q1 ama mani kpãkɛ̃ái mà á dà bobo.
\b
\q1
\v 22 Ákↄ̃nↄ kũ ma yã sã̀águnↄ, à yã pì ma.
\q1 Tó lɛn sↄ̃ro, mani á kɛ yákiyaki,
\q1 gbɛ̃ke ni fↄ̃ à á símaro.
\q1
\v 23 Gbɛ̃ kũ à kɛnnakũkↄ̃o sa òma zↄ̃kↄ̃kɛ dↄ̃̀mɛnɛ,
\q1 àtɛni ma gba zɛ́ mà mↄárɛ
\q1 lákũ madì gbɛ̃nↄ sura ba nà.
\c 51
\s1 Sùrukpana Ludaa
\d Lɛ̀ kũ Dauda dà gↄrↄ kũ annabi Natã gɛ̀ɛ a kĩnaa a zinakɛna kũ Basɛbao gbɛra
\q1
\v 1 Luda, ǹ ma wɛ̃nda gwa n yenyĩ gũn,
\q1 ǹ ma taarinↄ gogo n mana zↄ̃kↄ̃ yãi.
\q1
\v 2 Ǹ ma durunna kɛ̃ma mà gↄ̃ swáswa,
\q1 ǹ ma durunna kɛ̃ma míↄmiↄ.
\b
\q1
\v 3 Má a taarinↄ dↄ̃ sà,
\q1 ma durunna dìgↄ̃ sãmaguro.
\q1
\v 4 Mↄkↄ̃mmɛ ma durunna kɛ̀nnɛ,
\q1 ma yã kũ ń yeiro kɛ̀.
\q1 Tó n yã ò, n yã nigↄ̃ zɛ́ vĩ,
\q1 tó n yãkpatɛ kɛ̀ kũmao, n yã nigↄ̃ nna.
\q1
\v 5 Zaa ma da nɛ̀sɛn má vãni,
\q1 má durunna vĩ zaa ma ina gↄrↄmɛ.
\q1
\v 6 Nɛ̀sɛmana mɛ́ àdi kángu,
\q1 ǹ ↄ̃ndↄ̃ damɛnɛ ma swɛ̃̀ɛ gũn.
\b
\q1
\v 7 Ǹ ma zú o kũ sakoo mà pu swáswa,
\q1 ǹ ma nɛ̀sɛ pípimɛnɛ mà gↄ̃ púu táitai.
\q1
\v 8 Ǹ tó mà pↄnna kɛ kũ yáadↄnaao,
\q1 ǹ tó ma wá kũ n bùsanↄ were.
\q1
\v 9 Ǹsun ma durunnanↄ yã daro,
\q1 ǹ ma yã vãninↄ bo ǹ zukũna pínki.
\b
\q1
\v 10 Luda, ǹ nɛ̀sɛpura damɛnɛ,
\q1 ǹ ɛra ǹ tó ma laakari gↄ̃ kpatɛna.
\q1
\v 11 Ǹsun ma zukũnaro,
\q1 ǹsun n Nini símaro.
\q1
\v 12 Ǹ ɛra ǹ tó ma pↄ kɛ nna
\q1 kũ n ma sura bà yãi.
\q1 Ǹ ma nini gba màgↄ̃ n yã ma,
\q1
\v 13 gbasa mà n yã dada yãvãnikɛrinↄnɛ,
\q1 durunnakɛrinↄ ni ɛra ò arɛ dↄmma.
\b
\q1
\v 14 Ǹ ma bo gbɛ̃dɛna yãn,
\q1 Luda, Luda ma surabarii,
\q1 mani lɛ̀ sí n yãkɛna a zɛ́a musu.
\q1
\v 15 Dikiri, ǹ ma gba lɛ́
\q1 mà n sáabu kpá.
\q1
\v 16 Sa'onaa dì kɛnnɛ nnaro,
\q1 tó lɛnlo de ma ò.
\q1 Sa'opↄ kũ òdi ká tɛ́n à tɛ́ kũ dì kánguro.
\q1
\v 17 Sa kũ matɛn ommamɛ ma nɛ̀sɛyĩda ũ,
\q1 ndì wɛ̃ndade sùrude gya boro.
\b
\q1
\v 18 Luda, ǹ arubarika da Zaiↄ̃gu
\q1 n pↄyeina mana gũn,
\q1 ǹ Yurusalɛmu bĩni gba gbãna,
\q1
\v 19 gbasa sa'ona a zɛ́a ni kángu
\q1 kũ sa'opↄ kũ òdi ká tɛ́n à tɛ́ kũo,
\q1 oni sa o kũ zùsanɛnↄ n gbagbakia.
\c 52
\s1 Aruzɛkɛde ĩadãnaa
\d Lɛ̀ kũ Dauda dà gↄrↄ kũ à gɛ̀ɛ Aimɛlɛki bɛa, akũ Ɛdↄmu gbɛ̃ Doɛgi gɛ̀ɛ à ò Solunɛɛ
\q1
\v 1 Gↄ̃sa gbãna, Luda gbɛ̃kɛ kun gↄrↄ sĩnda pínki,
\q1 à kɛ̀ dera ntɛn ĩa dã kũ yã vãnioo?
\q1
\v 2 Ndìgↄ̃ lɛ́fↄtↄ kɛ kũ gbɛ̃nↄ gↄrↄ sĩnda pínki,
\q1 n lɛ́ nna lán gɛ̃ mìbobↄↄ bà,
\q1 ndì gbɛ̃nↄ gbákĩ zↄ̃o.
\q1
\v 3 Ń ye yã vãnii de a manala,
\q1 ɛ́kɛtonaa dì kɛnnɛ nna de yãpurala.
\q1
\v 4 Ń ye gbɛ̃kakatɛna yãi,
\q1 manafikiyã mɛ́ à da n lɛ́n.
\b
\q1
\v 5 Luda ni n gbãna kↄ̀ ɛ́ ari gↄrↄ sĩnda pínki,
\q1 ani n kũ à bo kũnwo n kpɛ́n,
\q1 ani n bo gbɛ̃ bɛ̃nɛnↄ tɛ́.
\q1
\v 6 Tó gbɛ̃ mananↄ è, vĩna ni ń kũ,
\q1 oni n lalandi kɛ ò pi:
\q1
\v 7 Gbɛ̃ kũ adi Luda kɛ a utɛki ũron dí!
\q1 À náani kpà a aruzɛkɛ zↄ̃kↄ̃ↄa,
\q1 à gↄ̃̀ gbãnade ũ gbɛ̃kakatɛnaa gũn.
\b
\q1
\v 8 Má de lán kù lásirade kũ à kú Luda ↄnn bà,
\q1 manigↄ̃ zɛ kũ Luda yenyĩo gↄrↄ sĩnda pínkimɛ.
\q1
\v 9 Manigↄ̃ n sáabu kpá gↄrↄ sĩnda pínki
\q1 yã kũ n kɛ̀ yãi,
\q1 mani n tↄ́ sɛ́ lei n yãmarinↄ wára,
\q1 kũ ń mana yãi.
\c 53
\s1 Yↄ̃nkↄ yã'onaa
\d Dauda lɛ̀ɛ.
\q1
\v 1 Yↄ̃nkↄ dì pi a swɛ̃̀n Luda kunlo.
\q1 Gbɛ̃nↄ yàka, ń yãkɛnaa vãni,
\q1 yãmanakɛri ke kú ń tɛ́ro.
\b
\q1
\v 2 Zaa musu Luda dì bisãsirinↄ tàasi ká
\q1 à gwa tó gbɛ̃ke ↄ̃ndↄ̃ kà à a kĩnaa wɛtɛ.
\q1
\v 3 Ò sã̀tɛ ń pínki ò gↄ̃̀ dↄ̀rↄↄ sari míↄmiↄ,
\q1 yãmanakɛri ke kú ń tɛ́ro, bee mɛ̀n do.
\b
\q1
\v 4 Yãvãnikɛrinↄↄ dↄ̃na vĩroo?
\q1 Òdi ma gbɛ̃nↄ mↄ́mↄ lán ú bà,
\q1 òdi Luda sísiro.
\q1
\v 5 Gwen vĩna ń kũn manamana,
\q1 vĩnapↄnↄn kú gwe sↄ̃ro.
\q1 Luda tò gbɛ̃ kũ ò lɛ̀tɛáwanↄ gↄ̃̀ katɛna gɛ̀nↄ ũ,
\q1 a wé'i dàḿma kũ Luda gìńyĩ yãi.
\b
\q1
\v 6 Luda, ǹ bo Zaiↄ̃ ǹ mↄ́ ǹ Isarailanↄ sura ba!
\q1 Tó Luda ɛ̀ra à sù kũ a gbɛ̃nↄ ń gwena zĩn,
\q1 Yakubu burinↄ ni pↄnna kɛ,
\q1 Isarailanↄ ni yáa dↄ.
\c 54
\s1 Gbɛ̃ kũ òtɛn wɛ́ tãa aduakɛnaa
\d Lɛ̀ kũ Dauda dà gↄrↄ kũ Zifidenↄ gɛ̀ɛ ò pì Solunɛ, Dauda utɛna ń bùsun.
\q1
\v 1 Luda, ǹ ma sura ba n tↄ́ yãi,
\q1 ǹ yã símɛnɛ kũ n gbãnao.
\q1
\v 2 Luda, ǹ ma aduakɛna ma,
\q1 ǹ sã kpá ma yã'onaai.
\b
\q1
\v 3 Zaakũ buri pãndenↄ fùtɛmai,
\q1 gbɛ̃ pãsĩnↄ tɛni ma wɛ ò ma dɛ,
\q1 òdi Luda yã daro.
\q1
\v 4 Ludamɛ ma kpanyĩri ũ,
\q1 Dikiri mɛ́ à ma kũna.
\b
\q1
\v 5 Ǹ ma zãngurinↄ vãni ɛraḿma,
\q1 ǹ ń dúgu zↄ̃ n náani yãi.
\b
\q1
\v 6 Mani sa omma kũ ma pↄyeinaao,
\q1 mani n tↄ́ bo Dikiri, zaakũ ń mana.
\q1
\v 7 À ma bo ma warinↄ gũn pínki,
\q1 à tò ma yↄ̃̀gↄ̃ kɛ̀ ma ibɛrɛnↄa.
\c 55
\s1 Aduakɛna kunna wɛ́tãmmanaa gũn
\d Dauda lɛ̀ɛ. Òdi sí kũ guruminↄmɛ.
\q1
\v 1 Luda, ǹ ma aduakɛna ma,
\q1 ǹsun lá kú ma yãlaro.
\q1
\v 2 Ǹ sã wɛ̃ ma yãi ǹ wema,
\q1 ma laasun ma likara ma gↄ̃ bídi gũn,
\q1
\v 3 ma ibɛrɛnↄ yã'ona yãi
\q1 kũ gbɛ̃ vãninↄ wɛ́birimanaao,
\q1 zaakũ òtɛn wari dↄmamɛ,
\q1 ò ma kũna kũ pↄfɛ̃o.
\b
\q1
\v 4 Swɛ̃̀ɛ kɛ̃̀magu,
\q1 ga vĩna gɛ̃̀magu.
\q1
\v 5 Vĩna ma kũ, matɛn lukaluka,
\q1 ma nini vùra.
\q1
\v 6 Tó má dɛ̀mbɛrɛ vĩ lán potɛ̃nɛ bà,
\q1 de mani vura mà gɛ́ kámma bo,
\q1
\v 7 mani bàa lɛ́ mà gɛ́ zã̀zã,
\q1 mani gɛ́ mà vutɛ gbárannan.
\q1
\v 8 Mani wã mà gɛ́ mà utɛki wɛtɛ,
\q1 de zàga'ĩa gbãna sún ma lero yãi.
\b
\q1
\v 9 Ǹ ń yã gboro, Dikiri, ǹ ń yã yãkatɛńnɛ,
\q1 zaakũ ma è zuka kũ fìtiio kú wɛ̃tɛ gũn.
\q1
\v 10 Òdi kpátɛ kɛ bĩni musu fãnantɛ̃ kũ gwãanio,
\q1 yã vãni kũ yã gbãnao di wɛ̃tɛ gũn.
\q1
\v 11 Gbɛ̃dɛdɛyã mɛ́ à wɛ̃tɛ pìi pà,
\q1 gbãnamↄnnɛna kũ manafikio dì kɛ̃ a batunlo.
\b
\q1
\v 12 Tó ma ibɛrɛ mɛ́ àtɛni ma sↄ̃sↄ̃ yã, mani mɛna,
\q1 tó ma zãnguri mɛ́ à fùtɛmai, mani utɛnɛ.
\q1
\v 13 Ama mↄkↄ̃n, mↄkↄ̃n kũ ó sára lɛ́lɛ,
\q1 ma gbɛ̃ndo, ma gbɛ̃nna!
\q1
\v 14 Odì fàai bo kũ kↄ̃o yã nnanna,
\q1 odìgↄ̃ tɛ́kↄ̃i pari tɛ́ Luda ↄnn.
\b
\q1
\v 15 Ga ni zãmba kɛ ma ibɛrɛnↄnɛ,
\q1 ò si gyãwãn ń gbãnagↄrↄ,
\q1 zaakũ vãni vutɛki è ń gũn.
\b
\q1
\v 16 Makũ sↄ̃, madì Luda sísi,
\q1 akũ Dikiri dì ma sura ba.
\q1
\v 17 Kↄnkↄ, fãnantɛ̃ kũ ↄkↄsio
\q1 madìgↄ̃ ma yã'ũmmananↄ bↄtɛnɛ kũ ndanaao,
\q1 akũ àdi ma yã ma.
\q1
\v 18 Bee kũ ma ibɛrɛnↄn dasi,
\q1 àdi ma sí à ma bo fìtin aafia.
\q1
\v 19 Luda dìgↄ̃ vutɛna kpatan gↄrↄ sĩnda pínki,
\q1 ani ma yã ma, ani wé'i daḿma,
\q1 zaakũ òdi ń dà litɛro, ò Luda vĩna vĩro.
\b
\q1
\v 20 Ma gbɛ̃ pìi fìti kɛ̀ kũ a gbɛ̃nↄo,
\q1 à bò lɛ́dokↄ̃nↄ kũ ò kɛ̀ kũ kↄ̃o kpɛ.
\q1
\v 21 Àdi yã nna o lán zↄ́ bà,
\q1 ama fìti laasun kú a swɛ̃̀n.
\q1 Àdi lɛ́nna kɛńnɛ páipai,
\q1 ama yáadↄmma bà da a bↄ̀kↄmmɛ.
\b
\q1
\v 22 Ǹ n yã'ũmmananↄ tó Dikirinɛ,
\q1 anigↄ̃ n kũna,
\q1 àdi tó gbɛ̃ mana fu zikiro.
\q1
\v 23 Gbɛ̃dɛri náanisaridenↄ ni ń gↄrↄ dagura lero,
\q1 Luda, ĩni tó ò si gyãwãn tↄ̃̀nↄwɛɛn.
\b
\q1 Makũ sↄ̃, manigↄ̃ n náani vĩ.
\c 56
\s1 Zĩdakpana Ludaa
\d Lɛ̀ kũ Dauda dà gↄrↄ kũ Filisitininↄ a kũ̀ zaa Gata.
\q1
\v 1 Ǹ ma wɛ̃nda gwa Luda, òtɛn pɛ́ma,
\q1 òdigↄ̃ zĩ̀ ká kũmao ògↄ̃ wɛ́ tãma gↄrↄ sĩnda pínki.
\q1
\v 2 Ma kpàkparinↄ dìgↄ̃ pɛ́ma gↄrↄ sĩnda pínki,
\q1 ń karambaani yãin òtɛn zĩ̀ ká kũmao.
\b
\q1
\v 3 Tó vĩna tɛni ma kũ, mani n náani kɛ.
\q1
\v 4 Mani Luda tↄ́ kpá yã kũ à ò yãi,
\q1 má Luda náani vĩ, mani vĩna kɛro.
\q1 Bↄ́n bisãsiri ni fↄ̃ à kɛmɛnɛɛ?
\b
\q1
\v 5 Òdigↄ̃ ma yã litɛ kpɛdangara gↄrↄ sĩnda pínki,
\q1 òdigↄ̃ ma kpákpa kũ yã vãnio.
\q1
\v 6 Òdi kↄ̃ kakaramai ò natɛmɛnɛ,
\q1 òdi ma kpákpa ògↄ̃ ye ò ma dɛ.
\b
\q1
\v 7 Luda, ǹsun tó ń gbɛ̃ke boro,
\q1 ǹ burinↄ nɛ kũ pↄfɛ̃o.
\q1
\v 8 Ǹ ma warikɛna yã da,
\q1 ǹ ma wɛ́tɛ̃kↄtɛna ká n tùruu gũn.
\q1 À kú n takada gũnloo?
\b
\q1
\v 9 Tó ma lɛ́ zù Ludai,
\q1 ma ibɛrɛnↄ ni boru kũ kpɛo,
\q1 manigↄ̃ dↄ̃ kũ à yã sìmɛnɛ.
\q1
\v 10 Mani Luda tↄ́ kpá yã kũ à ò yãi,
\q1 ee, mani Dikiri tↄ́ kpá yã pì ona yãi.
\q1
\v 11 Má Luda náani vĩ, mani vĩna kɛro.
\q1 Bↄ́n bisãsiri ni fↄ̃ à kɛmɛnɛɛ?
\b
\q1
\v 12 Luda, mani lɛ́ kũ ma gbɛ̃̀nnɛnↄ fĩna bo,
\q1 mani kɛnnakũkↄ̃o sa omma.
\q1
\v 13 Zaakũ n ma si ga lɛ́i,
\q1 ńdi tó ma gɛ̃̀ɛ sìro,
\q1 de màgↄ̃ kure kũnwo
\q1 gupura kũ àdi wɛ̃̀ndi kpáḿma gũn.
\c 57
\s1 Wikilɛna Luda Musudei
\d Lɛ̀ kũ Dauda dà gↄrↄ kũ à bàa lɛ̀ Solunɛ à ùtɛ gbɛ̀wɛɛn.
\q1
\v 1 Ǹ ma wɛ̃nda gwa Luda, ǹ ma wɛ̃nda gwa,
\q1 zaakũ mↄkↄ̃mmɛ ma nanyĩ.
\q1 Ǹ ma sↄtↄ n orun ari ma bo ga lɛ́i.
\b
\q1
\v 2 Matɛn wiki lɛ́ Luda Musudei,
\q1 Luda kũ àdi yã kũ à ò papamɛnɛ pìi.
\q1
\v 3 Ani tó kpányĩ bo zaa musu à ma sura ba,
\q1 ani wé'i da gbɛ̃ kũ òtɛn pɛ́manↄa,
\q1 ani a gbɛ̃kɛ kũ a náaniyão kɛmɛnɛ.
\b
\q1
\v 4 Má kú músunↄ tɛ́,
\q1 ma gↄ̃ wutɛna nↄ̀bↄ pãsĩnↄ dagura.
\q1 Gbɛ̃ pìnↄ nɛ́nɛ nna lán fɛ̃nɛda bà,
\q1 ń saka bi sárimɛ kũ kàao.
\q1
\v 5 Luda, ǹ n zĩda tↄ́ sɛ́ lei ari musumusu,
\q1 ǹ tó n gakuri da anduniala pínki.
\b
\q1
\v 6 Ò tankutɛ kpàkpamɛnɛ ma zɛ́n,
\q1 akũ ma gↄ̃ wari gũn,
\q1 ò wɛ̀ɛɛ yↄ̃̀ ma arɛ, akũ ò zù wɛ̀ɛɛ pìn.
\b
\q1
\v 7 Ma laakari kpatɛna Luda, ma laakari kpatɛna,
\q1 mani lɛ̀ sí mà n táaki lɛ́.
\q1
\v 8 Ǹ vu, ma swɛ̃̀!
\q1 Ma mↄrↄ kũ ma gidigboo kú máa?
\q1 Mani gudↄ pá mìio.
\b
\q1
\v 9 Dikiri, mani n sáabu kpá burinↄ tɛ́,
\q1 mani n táaki lɛ́ gbɛ̃nↄnɛ.
\q1
\v 10 Zaakũ n gbɛ̃kɛ zↄ̃kↄ̃ↄ kà n kĩnaa,
\q1 n náani ludambɛ luku lè.
\b
\q1
\v 11 Luda, ǹ n zĩda tↄ́ sɛ́ lei ari músumusu,
\q1 ǹ tó n gakuri da anduniala pínki.
\c 58
\s1 Gbɛ̃ vãninↄ tona kũ Ludao
\d Dauda lɛ̀ɛ.
\q1
\v 1 Gbãnadenↄ, adì yã o a zɛ́a sↄ̃ yá?
\q1 Adì yãkpatɛ kɛ kũ gbɛ̃nↄo súsu yá?
\q1
\v 2 Adì yã vãni laasun lɛ́ á swɛ̃̀ɛ gũn,
\q1 adì gbãna mↄ gbɛ̃nↄnɛ á bùsun.
\q1
\v 3 Gbɛ̃ vãninↄn sãtɛna zaa ń ina gↄrↄmɛ,
\q1 ɛ́kɛdenↄn yakana zaa ń da nɛ̀sɛn.
\q1
\v 4 Ń lɛ́gbɛ de lán mlɛ̃̀ sɛwɛ bà,
\q1 ò de lán káre kũ à a sã tàtaa bà,
\q1
\v 5 de mlɛ̃̀ɛ pì sún a kↄ̃kↄ̃'ori úra ũ maro,
\q1 de àsun a dabukɛri gonikɛ ero.
\b
\q1
\v 6 Luda, ǹ ń saka ɛ́'ɛńnɛ ń lɛ́n,
\q1 Dikiri, ǹ músuu pìnↄ saka sↄ̃ntɛnↄ ɛ́'ɛńnɛ.
\q1
\v 7 Ǹ tó ò gɛ̃tɛ lán í bàasinaa bà.
\q1 Tó ò sá gà, ǹ ń kànↄ ɛ́'ɛńnɛ.
\q1
\v 8 Ǹ tó ò kori kɛ zɛ́n lán kↄntↄ lɛ́'i bà,
\q1 ògↄ̃ de lán nↄ̀bↄtɛnɛ kũ adi ifãntɛ̃ ero bà.
\b
\q1
\v 9 Ari yàka tɛ́ gↄ̃ oro wã,
\q1 gbɛ̃ vãninↄ ni gɛ̃tɛ kũ ĩao.
\q1
\v 10 Gbɛ̃ mananↄ ni pↄnna kɛ
\q1 zĩ kũ Luda fĩna bòńnɛ gbɛ̃ vãninↄa,
\q1 kũ ò ń gbá pìpi ń aru gũn.
\q1
\v 11 Gbɛ̃nↄ ni pi: Gbɛ̃ mananↄn láada vĩ fá!
\q1 Luda kun, àdi yãkpatɛ kɛ andunia gũn.
\c 59
\s1 Ǹ ma sí ma ibɛrɛnↄa
\d Lɛ̀ kũ Dauda dà gↄrↄ kũ Solu gbɛ̃nↄ zĩ̀ ò a dãdã a bɛa ò a dɛ.
\q1
\v 1 Ma Luda, ǹ ma sí ma ibɛrɛnↄa,
\q1 ǹ ma bo gbɛ̃ kũ ò fùtɛmainↄ ↄĩ.
\q1
\v 2 Ǹ ma sí yãvãnikɛrinↄa,
\q1 ǹ ma bo gbɛ̃dɛrinↄ ↄĩ.
\b
\q1
\v 3 Ǹ gwa, òtɛni ma kpákpa,
\q1 gbɛ̃ pãsĩnↄ tɛn fìti kɛ kũmao.
\q1 Dikiri, mádi taari ke durunna kɛńnɛro,
\q1
\v 4 mádi zãńnɛ yãkearo,
\q1 akũ ò kú kũ soruo ò nakarama.
\q1 Ǹ ma wɛ̃nda gwa ǹ futɛ ǹ mↄ́ ǹ kpámai!
\q1
\v 5 Mↄkↄ̃n Dikiri Luda Zĩ̀karide, Isarailanↄ Luda,
\q1 ǹ futɛ ǹ wɛ́ tã buri kũ̀nↄa ń pínki.
\q1 Ǹsun bonkpɛde vãni kũ̀nↄ wɛ̃nda gwaro.
\b
\q1
\v 6 Òdi ɛra ò su ↄkↄsi dↄ,
\q1 òdi likara zↄ̃ wɛ̃tɛn,
\q1 òdi hũ̀u kɛma lán gbɛ̃nↄ bà.
\q1
\v 7 Ǹ gwa, ń lɛ́'i tɛn tↄ,
\q1 fɛ̃nɛ kpá ń lɛ́n,
\q1 òdi pi gbɛ̃ke tɛni ń maro.
\q1
\v 8 Mↄkↄ̃n sↄ̃ Dikiri, ndì ń yáa dↄ,
\q1 ndì buri pìnↄ lalandi kɛ ń pínki.
\b
\q1
\v 9 Luda ma gbãna, ma wɛ́ dↄnyĩ,
\q1 mↄkↄ̃mmɛ ma aafialeki ũ.
\q1
\v 10 Luda ni domɛnɛ arɛ a gbɛ̃kɛ gũn,
\q1 ani tó mà yↄ̃̀gↄ̃ kɛ ma zãngurinↄa.
\q1
\v 11 Dikiri ó sɛ̃gbako, ǹsun ń dɛdɛro,
\q1 de ń yã sún sã ma gbɛ̃nↄguro yãi.
\q1 Ǹ tó ò likara zↄ̃ ǹ ń kↄ́tɛ kũ n gbãnao.
\q1
\v 12 Yã kũ àdi bo ń lɛ́n bi durunna yãmɛ.
\q1 Ǹ tó ń karambaanikɛna ń kũ,
\q1 zaakũ òdi ɛ́kɛ to òdi gbɛ̃ ká.
\q1
\v 13 Ǹ ń kakatɛ kũ pↄfɛ̃o,
\q1 ǹ ń dúgu zↄ̃, òsungↄ̃ kun doro,
\q1 gbasa ògↄ̃ dↄ̃ ari andunia lɛ́a
\q1 kũ Luda tɛn kí ble Yakubu burinↄa.
\b
\q1
\v 14 Òdi ɛra ò su ↄkↄsi dↄ,
\q1 òdi likara zↄ̃ wɛ̃tɛ gũn,
\q1 òdi hũ̀u kɛ lán gbɛ̃nↄ bà.
\q1
\v 15 Òdi likara ògↄ̃ pↄ́ble wɛtɛ,
\q1 tó odi kãro, òdi wiki lɛ́.
\q1
\v 16 Makũ sↄ̃, mani lɛ̀ sí n gbãna yã musu,
\q1 mà ayuwii kɛ kↄnkↄ n gbɛ̃kɛ yãi,
\q1 zaakũ mↄkↄ̃mmɛ ma aafialeki ũ,
\q1 mↄkↄ̃mmɛ ma utɛki ũ warikɛgↄrↄa.
\b
\q1
\v 17 Luda ma gbãna, mani n táaki lɛ́,
\q1 zaakũ mↄkↄ̃mmɛ ma aafialeki ũ,
\q1 Luda kũ àdi gbɛ̃kɛ kɛmɛnɛ.
\c 60
\s1 Óni zĩ̀ ble kũ Luda gbãnao
\d Lɛ̀ kũ Dauda dà gↄrↄ kũ à zĩ̀i kà kũ Siria kũ ò kú Mɛsↄpↄtamia bùsun kũ Zoba bùsuu gũnnↄ, akũ Yoabu sù à Ɛdↄmunↄ dɛ̀dɛ Guvutɛ Wisiden gbɛ̃nↄn dúbu kuri awɛɛpla.
\q1
\v 1 Luda, n pↄ fɛ̃̀wái,
\q1 n ↄ gbàrɛwái n ó zukũna.
\q1 Ǹ ɛra ǹ arɛ dↄwá sà.
\q1
\v 2 N tò ó bùsuu yĩ̀gã ari à pàra.
\q1 Ǹ ɛra ǹ tata a gbɛ̀n,
\q1 zaakũ à gↄ̃̀ kpámmɛ.
\q1
\v 3 N tò yã zĩ'ũ sù n gbɛ̃nↄa,
\q1 n ó káka kũ í gbãnao,
\q1 akũ ótɛn tàtantatan kɛ.
\b
\q1
\v 4 Ama n tuta dↄ̀ n vĩnakɛrinↄnɛ,
\q1 de ò le ò bo gbɛ̃nↄ ságana lɛ́i.
\q1
\v 5 Ǹ wewá ǹ ó sura ba kũ n gã̀sã gbãnao
\q1 de ókↄ̃nↄ n gbɛ̃ yenyĩdenↄ le ò bo.
\q1
\v 6 Luda yã ò zaa a kúkia à pì:
\q1 Mani Sɛkɛmu kpaatɛ kũ kùwikio,
\q1 mani gba da kũ Suko guvutɛo.
\q1
\v 7 Giliada bùsu bi ma pↄ́mɛ,
\q1 Manase burinↄ bùsu bi ma pↄ́mɛ,
\q1 Ɛflaimu burinↄ bùsu bi ma mↄ̀furaamɛ,
\q1 Yudanↄ bùsu bi ma gòomɛ.
\q1
\v 8 Mↄabunↄ bùsu bi ma ↄpipibↄↄmɛ,
\q1 madì ma kyate kátɛ Ɛdↄmunↄ bùsun,
\q1 madì kùwiki dↄ Filisitininↄ bùsuua.
\b
\q1
\v 9 Dí mɛ́ ani gɛ̃ kũmao wɛ̃tɛ bĩnide gũnn?
\q1 Dí mɛ́ ani domɛnɛ arɛ ari Ɛdↄmunↄ bùsunn?
\q1
\v 10 Luda, à de mↄkↄ̃n mɛ́ n ↄ gbàrɛwái,
\q1 ndì bo kũ ó zĩ̀karinↄ doroo?
\q1
\v 11 Ǹ ↄ dawá ó ibɛrɛnↄ yãi,
\q1 zaakũ bisãsiri kpányĩ bi yã pãmɛ.
\q1
\v 12 Óni zĩ̀ ble kũ Luda gbãnao,
\q1 àkũ mɛ́ ani gɛ̀sɛ pɛ́tɛpɛtɛ ó ibɛrɛnↄa.
\c 61
\s1 Kína aduakɛnaa
\d Dauda lɛ̀ɛ.
\q1
\v 1 Luda, ǹ sã kpá ma wikilɛnaai,
\q1 ǹ ma aduakɛna ma.
\q1
\v 2 Kunna zaa andunialɛa ma wiki lɛ̀mma,
\q1 kũ ma wɛ̃̀ndii gↄ̃̀ lɛɛkɛɛ, akũ ma n sisi.
\q1 Ǹ gɛ́ kũmao gbɛ̀si kũ à lei demala kĩnaa.
\q1
\v 3 Zaakũ mↄkↄ̃mmɛ ma aafialeki ũ,
\q1 ma utɛki gbãna ũ ma ibɛrɛnↄ arɛ.
\b
\q1
\v 4 Má ye màgↄ̃ kú n ↄnn gↄrↄ sĩnda pínki,
\q1 màgↄ̃ sↄtↄna n orun.
\q1
\v 5 Luda, zaakũ n lɛ́ kũ ma gbɛ̃̀nnɛ mà,
\q1 n n vĩnakɛrinↄ bakaa kpàma.
\b
\q1
\v 6 Ǹ kína dↄ̃ kũ aafiaao,
\q1 ǹ tó à ká a gↄrↄa.
\q1
\v 7 Àgↄ̃ kpata ble n dↄ̃naa gũn gↄrↄ sĩnda pínki,
\q1 ǹ a dãkpã n gbɛ̃kɛ kũ n náanikɛnaao yãi,
\q1
\v 8 gbasa màgↄ̃ n táaki lɛ́ lákũ gu dìgↄ̃ dↄ nà,
\q1 manigↄ̃ lɛ́ kũ ma gbɛ̃̀nnɛ fĩna bo gↄrↄ sĩnda pínki.
\c 62
\s1 Ludamɛ utɛki ũ
\d Dauda lɛ̀ɛ.
\q1
\v 1 Luda ado mɛ́ à tò ma laakari kpátɛna,
\q1 àkũ mɛ́ àdi ma sura ba.
\q1
\v 2 Àkũmɛ ma gbɛ̀si ũ ma surabari ũ,
\q1 madì gbãna lea, mani yĩgã zikiro.
\b
\q1
\v 3 Gɛ̃̀n ũgban ánigↄ̃ futɛ gbɛ̃aa?
\q1 Áni a nɛ lán gbĩ̀ kũ à ɛ̀ à kpán
\q1 ke kara zĩ bàn yá?
\q1
\v 4 A gona a tía lɛ́n átɛn kpákũsũ,
\q1 ɛ́kɛtona mɛ́ àdi kɛárɛ nna.
\q1 Adì sa mana o gbɛ̃nɛ kũ lɛ́omɛ,
\q1 akũ adì ń ká á swɛ̃̀ɛ gũn.
\b
\q1
\v 5 Luda ado mɛ́ à tò ma laakari kpátɛna,
\q1 zaakũ àkũmɛ ma wɛ́ dↄi.
\q1
\v 6 Àkũmɛ ma gbɛ̀si ũ ma surabari ũ,
\q1 madì gbãna lea, mani yĩgã zikiro.
\q1
\v 7 Ma aafia kũ ma bɛ̀ɛrɛɛo dì bo a kĩnaamɛ,
\q1 àkũmɛ ma gbɛ̀si gbãna ũ, ma utɛki ũ.
\q1
\v 8 Gbɛ̃nↄ, àgↄ̃ a náani vĩ gↄrↄ sĩnda pínki,
\q1 à á swɛ̃̀ wɛ̃nɛ, àkũmɛ ó utɛki ũ.
\b
\q1
\v 9 Talakanↄn de lán lɛ́'ĩa bàmɛ,
\q1 gbãnadenↄn kú pↄ́ke lɛ́iro.
\q1 Tó ò ń yↄ̃ kilooa,
\q1 ń pínki nigↄ̃ de fáuunle.
\q1
\v 10 Àsun gbɛ̃ble'ↄgↄ náani kɛro,
\q1 àsun ĩa dã kũ kpãni pↄ́oro.
\q1 Tó á aruzɛkɛ tɛn kↄ̃,
\q1 àsun tó à á swɛ̃̀ blero.
\b
\q1
\v 11 Yã mɛ̀n don Luda ò,
\q1 yã mɛ̀n pla dínↄn ma mà:
\q1 Luda, mↄkↄ̃n mɛ́ ń gbãna vĩ,
\q1
\v 12 Dikiri, mↄkↄ̃n mɛ́ ń gbɛ̃kɛ vĩ,
\q1 akũ ndì fĩna bo baadinɛ a yãkɛnaaa.
\c 63
\s1 Luda nidɛnaa
\d Lɛ̀ kũ Dauda dà gↄrↄ kũ à kú Yuda gbárannan.
\q1
\v 1 Luda, ma Ludamɛ n ũ,
\q1 matɛni n arɛ wɛtɛ,
\q1 ma nini yenyĩ, matɛni lukanyĩ
\q1 lán zĩtɛ kori kũ à ye íi bà.
\b
\q1
\v 2 Ma n e n kúkia,
\q1 ma wɛ́ sì n gbãna kũ n gakuriolɛ.
\q1
\v 3 Zaakũ n gbɛ̃kɛ manamɛnɛ de wɛ̃̀ndila,
\q1 n sáabukpana nigↄ̃ da ma lɛ́n.
\q1
\v 4 Manigↄ̃ n tↄ́ kpá ari ma wɛ̃̀ndi lɛ́n,
\q1 mani ↄ sɛ́ musu mà n sísi.
\q1
\v 5 Ma nɛ̀sɛ ni kã lákũ òdi pↄ́ nna ble ò kã nà,
\q1 n táakilɛna nigↄ̃ da ma lɛ́n kũ ayuwiikɛnaao.
\q1
\v 6 N yã dì dↄmagu ma wútɛkia,
\q1 madì laasun lɛ́mma gwãani.
\q1
\v 7 Ma sↄtↄna n orun, matɛn lɛ̀ sí,
\q1 zaakũ mↄkↄ̃mmɛ ma kpanyĩri ũ.
\q1
\v 8 Ma nini namma,
\q1 ń ma kũna n ↄplan.
\b
\q1
\v 9 Gbɛ̃ kũ òtɛni ma wɛnↄ ni kakatɛ,
\q1 ò gɛ̃ zĩtɛ.
\q1
\v 10 Luda ni tó ò ń dɛdɛ kũ fɛ̃nɛdaomɛ,
\q1 ò gↄ̃ gbɛ̃gbonnↄ pↄ́ble ũ.
\b
\q1
\v 11 Kína sↄ̃ ani pↄnna kɛ kũ Ludao.
\q1 Gbɛ̃ kũ òdi la da kũ Ludaonↄ ni a sáabu kpá,
\q1 ɛ́kɛdenↄ sↄ̃, ń lɛ́ nigↄ̃ nakↄ̃ana.
\c 64
\s1 Ǹ ma sí gbɛ̃ vãninↄ ↄĩ
\d Dauda lɛ̀ɛ.
\q1
\v 1 Luda, ǹ ma ndana ma,
\q1 ǹ ma bo ma ibɛrɛ kũ òtɛni vĩna damainↄ ↄĩ.
\q1
\v 2 Ǹ ma utɛ gbɛ̃ vãni kũ ò lɛ́ kpàkũsũmainↄnɛ,
\q1 yãvãnikɛri zukade pìnↄ.
\b
\q1
\v 3 Òdi ń lɛ́ kɛkɛ lán fɛ̃nɛda bà,
\q1 yã pãsĩnↄ dì bo ń lɛ́n lán kà sɛwɛde bà.
\q1
\v 4 Òdi taarisaride dãdã ò a pá,
\q1 òdi a pá kãnto, vĩna dì ń kũro.
\b
\q1
\v 5 Òdi tɛ́ kákↄ̃gu ń vãnikɛnaa gũn,
\q1 òdi bàkpakpannɛna gusarɛ yã gↄ̃gↄ̃
\q1 òdi pi: Gbɛ̃ke ni ó ero.
\q1
\v 6 Òdi vãnikɛna yã gↄ̃gↄ̃ ò pi,
\q1 yã kũ o a lɛ́ kpàkũsũ papana.
\q1 Bisãsiri nɛ̀sɛgũnyãnↄ asiri zↄ̃kↄ̃.
\b
\q1
\v 7 Ama Luda ni ń pá kũ kàao,
\q1 ani ń kĩnna kãnto.
\q1
\v 8 Ani tó yã kũ ò ò wí ń musu,
\q1 gbɛ̃ kũ à ń é pínki nigↄ̃ mì kɛ dékũdekũ
\q1 ò pi taarɛ.
\b
\q1
\v 9 Vĩna ni gbɛ̃ sĩnda pínki kũ,
\q1 oni Luda yãkɛnanↄ baba,
\q1 onigↄ̃ yã kũ à kɛ̀nↄ laasun lɛ́.
\q1
\v 10 Gbɛ̃ mananↄ, àgↄ̃ pↄnna kɛ Dikiri gũn ò nai,
\q1 nɛ̀sɛpuradenↄ, àgↄ̃ a táaki lɛ́ ń pínki.
\c 65
\s1 Buri sĩnda pínki wɛ́ dↄ Ludai
\d Dauda lɛ̀ɛ.
\q1
\v 1 Luda, à kũ̀ ò n táaki lɛ́ Zaiↄ̃
\q1 ò lɛ́ kũ ò gbɛ̃̀nnɛnↄ fĩna bo.
\q1
\v 2 Mↄkↄ̃n kũ ndì aduakɛna ma,
\q1 n kĩnaan buri sĩnda pínki ni sun.
\q1
\v 3 Ó yã vãninↄ ó fú,
\q1 akũ n ó taarinↄ kɛ̃̀wá.
\q1
\v 4 Arubarikademɛ gbɛ̃ kũ n sɛ̀
\q1 n gɛ̃ kãao n ↄnn ũ.
\q1 N kpɛ́ pↄ́ mananↄ mↄ̀wá,
\q1 n kpɛ́ kũ à kú adona pìi.
\b
\q1
\v 5 Ndì wewá kũ yã mana naasidenↄ,
\q1 Luda ó Surabari.
\q1 Andunia lɛ́zɛkidenↄ kũ ísirabaradenↄ
\q1 wɛ́ dↄnyĩ ń pínki.
\q1
\v 6 N gbãna dànla,
\q1 n kpinↄ kɛ̀ kũ n ikoo.
\q1
\v 7 Ndì ísira kũ a sↄ̃nↄ kĩni kpátɛ,
\q1 ndì burinↄ zuka lákańnɛ.
\q1
\v 8 N daboyãnↄ dì swɛ̃̀ kɛ̃
\q1 gbɛ̃ kũ ò kú zĩtɛlɛanↄn,
\q1 òdi ayuwii dↄmma zaa ifãboki kpa
\q1 kũ a lɛ́tɛ kpao.
\b
\q1
\v 9 Ndì laakari dↄ anduniaa, ndì a gba í,
\q1 ndì taaki ká zĩtɛnɛ, n swanↄn pana kũ ío,
\q1 ndì tó pↄ́wɛnↄ kɛ, zaakũ lɛn n dìtɛ lɛ.
\q1
\v 10 Ndì í dagula ari búgbanↄ pa,
\q1 ndì gunↄ foko fↄ̃ kũ legũo,
\q1 ndì arubarika da pↄ́ kũ à bùtɛnↄgu.
\q1
\v 11 Ndì arubarika da burazĩn wɛ̃̀ kũ wɛ̃̀ɛo,
\q1 pↄ́ble níside dì kↄ́tɛ n ágban.
\q1
\v 12 Pↄ́dãdãkinↄ sɛ̃̀la bↄ̀tↄↄ kù sɛ̃̀ntɛ,
\q1 sĩ̀sĩnↄ pↄnna dà uta ũ.
\q1
\v 13 Pↄ́kãdenↄ dàgula ń dãdãkinↄa,
\q1 pↄ́wɛ dàgula sĩ̀sĩgɛrɛɛi.
\q1 Òtɛn pↄnna wiki lɛ́, òtɛn lɛ̀ sí.
\c 66
\s1 Luda sáabukpanaa
\q1
\v 1 Andunia gbɛ̃ sĩnda pínki,
\q1 à ayuwii kɛ Dikiria.
\q1
\v 2 À lɛ̀ sí a tↄ́ gakurikɛ musu,
\q1 à a táaki lɛ́ à a tↄ́ bo.
\q1
\v 3 À o Ludanɛ: N yãkɛnanↄn naasi vĩ,
\q1 n gbãna zↄ̃kↄ̃ↄ dì tó n ibɛrɛnↄ kã natɛ.
\q1
\v 4 Andunia pínki dì kútɛnnɛ,
\q1 òdi n táaki lɛ́ ò n tↄ́ bo.
\b
\q1
\v 5 À mↄ́ à Luda yãkɛnanↄ gwa,
\q1 yã kũ àdi kɛ bisãsirinↄnɛ naasi vĩ.
\q1
\v 6 À ísira lì gukori ũ,
\q1 ò swa bikũ̀ gɛ̀sɛ.
\q1 Ò pↄnna kɛ a yã musu.
\q1
\v 7 Àdigↄ̃ kí ble kũ a gbãnao gↄrↄ sĩnda pínki,
\q1 a wɛ́ dìgↄ̃ kú burinↄa.
\q1 Sãgbãnadenↄ sún dↄkɛ kãaoro.
\b
\q1
\v 8 Burinↄ, à ó Luda sáabu kpá,
\q1 a táakilɛna gↄ̃ dↄ á lɛ́n.
\q1
\v 9 À ó wɛ̃̀ndi dã̀kpãwɛrɛ,
\q1 adi tó ó gbá sàtaro.
\q1
\v 10 Luda, zaakũ n ó lɛ́ n ó gwá,
\q1 n ó baasa lán andurufuu bà.
\q1
\v 11 N ó ká kpɛ́siran,
\q1 n aso tìkisii dìwɛrɛ ó kpɛ.
\q1
\v 12 N tò ò dìwá lán sↄ̃ bà,
\q1 ó wɛ́ tɛ́ mà, í dàóla,
\q1 akũ n su kũoo nnamana kĩnaa.
\b
\q1
\v 13 Mani su n ↄnn mà sa'opↄ kũ òdi ká tɛ́n à tɛ́ kũ o,
\q1 mani lɛ́ kũ ma kɛ̀mmanↄ fĩna bo,
\q1
\v 14 yã kũ à bò ma lɛ́n ma warikɛgↄrↄa.
\q1
\v 15 Mani sa omma kũ pↄ́ mɛ̀kpananↄ,
\q1 mani sãkaronↄ kpátannɛ,
\q1 mani n gbagba kũ zùsanↄ kũ blèkofĩninↄo.
\b
\q1
\v 16 Ákↄ̃nↄ kũ á Luda vĩna vĩnↄ,
\q1 à mↄ́ à ma á pínki,
\q1 mani yã kũ à kɛ̀mɛnɛ oárɛ.
\q1
\v 17 Ma wiki lɛ̀a,
\q1 a táakilɛna da ma lɛ́n.
\q1
\v 18 Tó ma yã vãni dà ma swɛ̃̀n,
\q1 de Dikiri gì ma yã mai.
\q1
\v 19 Ama à ma yã mà,
\q1 akũ à ma aduakɛnaa sì.
\q1
\v 20 Arubarikademɛ Dikiri ũ,
\q1 adi gí ma aduakɛna mairo,
\q1 adi gí gbɛ̃kɛ kɛmɛnɛiro.
\c 67
\s1 Arubarika gbɛkana Ludaa
\d Lɛ̀ kũ òdi sí kũ guruminↄo.
\q1
\v 1 Luda, ǹ ó wɛ̃nda gwa,
\q1 ǹ ãn werewá ǹ arubarika daógu,
\q1
\v 2 de andunia pínki gↄ̃ n zɛ́ dↄ̃,
\q1 buri sĩnda pínki dↄ̃ lákũ ndì gbɛ̃ sura ba nà.
\b
\q1
\v 3 Ò n táaki lɛ́ Luda,
\q1 gbɛ̃ sĩnda pínki n táaki lɛ́.
\q1
\v 4 Burinↄ pↄnna kɛ à ayuwii kɛ,
\q1 zaakũ ndì yãkpatɛ kɛ kũ gbɛ̃nↄ a zɛ́a,
\q1 ndì do andunia burinↄnɛ arɛ.
\b
\q1
\v 5 Ò n táaki lɛ́ Luda,
\q1 gbɛ̃ sĩnda pínki n táaki lɛ́,
\q1
\v 6 gbasa zĩtɛ pↄ́ble kɛ,
\q1 Luda ó Luda ni arubarika daógu.
\q1
\v 7 Luda ni arubarika daógu,
\q1 andunia lɛ́zɛkidenↄ ni vĩna kɛnɛ ń pínki.
\c 68
\s1 Luda zↄ̃kↄ̃kɛ
\d Dauda lɛ̀ɛ.
\q1
\v 1 Luda futɛ, a ibɛrɛnↄ fãkↄ̃a,
\q1 a zãngurinↄ bàa lɛ́nɛ.
\q1
\v 2 Lákũ túsukpɛ dì gɛ̃tɛ kũ ĩao nà,
\q1 ǹ tó ò gɛ̃tɛ lɛ.
\q1 Lákũ zↄ́saa dì yↄ́ tɛ́ sarɛ nà,
\q1 yãvãnikɛrinↄ ni kakatɛ Luda arɛ lɛ.
\q1
\v 3 Gbɛ̃ mananↄ sↄ̃ ò pↄnna kɛ,
\q1 ò yáa dↄ Luda arɛ,
\q1 ò vĩvĩ kũ pↄnna zↄ̃kↄ̃ↄo.
\b
\q1
\v 4 À lɛ̀ sí Ludanɛ à lɛ́ maa,
\q1 à di ludambɛ lukua, à a tↄ́ bo,
\q1 a tↄ́n Dikiri, à pↄnna wiki lɛ́ a arɛ.
\q1
\v 5 Kunna a kpɛ́ kũ à kú adonaa gũn,
\q1 Luda bi tonɛnↄ demɛ,
\q1 gyaanↄnↄ zɛkũnwodemɛ.
\q1
\v 6 Luda dì bɛ kɛ gbɛ̃ kũ à gbɛ̃ vĩronɛ,
\q1 àdi purusunanↄ bↄtɛ à ń da nnamanan,
\q1 sãgbãnadenↄ sↄ̃ onigↄ̃ kú gu kori gũmmɛ.
\b
\q1
\v 7 Luda, kũ n do n gbɛ̃nↄnɛ arɛ,
\q1 gↄrↄ kũ n táa ò kũńwo gbárannan,
\q1
\v 8 zĩtɛ yĩ̀gãyĩgã, ludambɛ legũ gbàrɛ n arɛ,
\q1 mↄkↄ̃n Luda kũ n yã ò Sinai kpi musu,
\q1 Luda, Isarailanↄ Luda.
\b
\q1
\v 9 Luda, n mùsɛɛ pìsi ń bùsuua baala'i,
\q1 n n gbɛ̃ busananↄ gbà gbãna.
\q1
\v 10 N gbɛ̃nↄ vùtɛ a gũn Luda,
\q1 akũ n wɛ̃ndadenↄ gbà pↄ́ n manakɛ yãi.
\b
\q1
\v 11 Dikiri yã ò,
\q1 akũ nↄgbɛ̃nↄ gↄ̃̀ a baarukparinↄ ũ dasi.
\q1
\v 12 Kínanↄ kũ ń zĩ̀karinↄ tɛn bàa lɛ́ likalika,
\q1 nↄgbɛ̃ kũ ò gↄ̃̀ bɛnↄ tɛni ń pↄ́nↄ kpaatɛtɛ.
\q1
\v 13 Bee kũ a wutɛ a kpàsa guragura,
\q1 andurufu í kú ma potɛ̃nɛ dɛ̀mbɛrɛnↄa,
\q1 a kãnↄ tɛn tɛ́ kɛ lán wuraa bà.
\q1
\v 14 Kũ Gbãnasĩndapinkide kínanↄ fã̀kↄ̃a,
\q1 ò kↄ̀tɛ Zalamↄ kpia lán legũgbɛɛ bà.
\b
\q1
\v 15 Basã kpi gakuri vĩ,
\q1 Basã kpi mìsↄ̃ntɛnↄn dasi.
\q1
\v 16 Ákↄ̃nↄ kpi mìsↄ̃ntɛnↄ,
\q1 bↄ́yãi átɛn kpi kũ Luda sɛ̀
\q1 a kíbleki ũ gwa kũ nɛ̀sɛgↄ̃baaoo?
\q1 Gwen Dikiri nigↄ̃ kun gↄrↄ sĩnda pínki.
\q1
\v 17 Luda sↄ̃gonↄ lɛ́ vĩro,
\q1 à kà dúbu lɛu ũgbangba,
\q1 Dikiri bòo zaa Sinai,
\q1 à sù à kìpa a gu kũ à kú adonan.
\q1
\v 18 N futɛ n ta musu dona zĩ̀zↄnↄnɛ arɛ,
\q1 n gba sì gbɛ̃nↄa ari kũ sãgbãnadenↄ,
\q1 akũ n vutɛ gwe, Dikiri Luda.
\b
\q1
\v 19 Arubarikademɛ Dikiri Luda ó surabari ũ,
\q1 àkũmɛ àdigↄ̃ ó asonↄ sɛna lákũ gu dìgↄ̃ dↄ nà.
\q1
\v 20 Ó Luda bi Luda kũ àdi ń sura bamɛ,
\q1 Dikiri Luda mɛ́ àdi ó bo ga lɛ́i.
\b
\q1
\v 21 Luda ni a ibɛrɛnↄ mì wíwińnɛ,
\q1 bisãsiri mìkã dↄrɛ kũ ò tɛ́ ń durunnaanↄ.
\q1
\v 22 Dikiri pì: Mani ń bↄtɛ Basã bùsun,
\q1 mani ń bↄtɛ ísira lↄ̀n,
\q1
\v 23 de à á gbá ya á ibɛrɛnↄ arun,
\q1 á gbɛ̃danↄ ni nɛ́nɛ matɛn ò ń baka ble.
\b
\q1
\v 24 Luda, o n gbɛ̃nↄ è ò tɛ́tɛkↄ̃i,
\q1 ma Luda ma Kína, òtɛn su n kúkia.
\q1
\v 25 Lɛ̀sirinↄn tɛ́ arɛ, batanↄn tɛ́ ń kpɛ,
\q1 nↄkpare sɛ̃gɛ̃sɛ̃gɛ̃parinↄn tɛ́ ń guragura.
\q1
\v 26 À Luda tↄ́ bo pari kↄ̃kakaranaa gũn,
\q1 à Dikiri sáabu kpá ákↄ̃nↄ Isaraila burinↄ.
\q1
\v 27 Nɛ́ kpɛde Biliaminu burinↄn tɛ́ arɛ gwe,
\q1 abire gbɛra Yudanↄ kínɛnↄ kũ ń gbɛ̃nↄ
\q1 kũ Zɛbuluni buri kínɛnↄ
\q1 kũ Nafatali buri kínɛnↄo.
\b
\q1
\v 28 Luda, ǹ n gbãna mↄwɛrɛ,
\q1 Luda, ǹ bo kũ n gbãna kũ n mↄ̀wɛrɛ yão.
\q1
\v 29 Kínanↄ ni sunnɛ kũ ń gbanↄ
\q1 n kpɛ́ kũ à kú Yurusalɛmu yãi.
\q1
\v 30 Ǹ kpãkɛ̃ Misila ítɛnↄbↄↄi,
\q1 ǹ pata burinↄ zùsanↄa kũ ń gbɛ̃nↄo.
\q1 Ǹ andurufu gò tↄ̃ḿma,
\q1 ǹ gbɛ̃ kũ zĩ̀kanaa dì kɛńnɛ nnanↄ fãkↄ̃a.
\q1
\v 31 Misilanↄ ni zĩ̀rinↄ gbarɛmma,
\q1 Etiopianↄ ni ↄ dↄmma, Luda.
\b
\q1
\v 32 Andunia kpatablerinↄ, à lɛ̀ sí Ludanɛ,
\q1 à Dikiri táaki lɛ́,
\q1
\v 33 àkũ kũ à di ludambɛ kũ à kun zaa zĩzĩa.
\q1 À ma, àtɛn pũtã gbãnagbãna.
\q1
\v 34 À Luda gbãna kpàkpa kɛ,
\q1 ò a zↄ̃kↄ̃kɛ dↄ̃ Isarailanↄa,
\q1 a gbãna kú ludambɛa.
\q1
\v 35 Luda, ń naasi vĩ n kúkia,
\q1 Isarailanↄ Luda dì gbãna kũ ikooo kpá a gbɛ̃nↄa.
\b
\q1 Arubarikademɛ Luda ũ!
\c 69
\s1 Wɛ́tãmmana gũn aduakɛnaa
\d Dauda lɛ̀ɛ.
\q1
\v 1 Luda, ǹ ma sura ba,
\q1 zaakũ í ma kũ ma wakalɛ.
\q1
\v 2 Foko tɛni ma mↄ́ ma ka zã̀,
\q1 gɛ̀sɛpɛtɛki kunlo,
\q1 ma kpatɛ í lòkoton,
\q1 ísↄ̃ tɛn damala.
\q1
\v 3 Ma wiki lɛ̀ ma kpasa,
\q1 ma kòtoo nà,
\q1 ma wɛ́ dↄ̀ ma Ludai
\q1 ari ma wɛ́ tɛn sira kũ.
\q1
\v 4 Gbɛ̃ kũ ò zã̀magu pãnↄn
\q1 dasi de ma mìkãla.
\q1 Ma ibɛrɛnↄn lɛ́ vĩro,
\q1 ò ye ò ma dɛ pↄ́ke wíńnɛ sari.
\q1 Pↄ́ kũ mádi a kpãni oron
\q1 ò pì mà kpáḿma.
\b
\q1
\v 5 Luda, ń ma yↄ̃nkↄyãnↄ dↄ̃,
\q1 ma taarinↄn utɛnannɛro.
\b
\q1
\v 6 Dikiri Luda Zĩ̀karide,
\q1 gbɛ̃ kũ ń wɛ́ dↄnyĩnↄ
\q1 ǹsun tó wé'i ń kũ ma yãiro.
\q1 Isarailanↄ Luda,
\q1 gbɛ̃ kũ òdi n ki wɛtɛnↄ
\q1 ǹsun tó ń tↄ́ yaka ma yãiro.
\q1
\v 7 Zaakũ n yãin matɛn sↄ̃sↄ̃na fↄ̃,
\q1 akũ ma gasuu gↄ̃̀ kpá ma wɛ́i.
\q1
\v 8 Ma gↄ̃ zĩ̀tↄ ũ ma gbɛ̃nↄ tɛ́,
\q1 ma gↄ̃ boado ũ ma da bedenↄ tɛ́.
\q1
\v 9 N ↄn yã ma kũ gbãna manamana,
\q1 gbɛ̃nↄ dↄkɛna kũnwo gↄ̃̀mɛnɛ.
\q1
\v 10 Tó ma lɛ́ yĩ̀ pↄsira gũn,
\q1 òdigↄ̃ ma sↄ̃sↄ̃.
\q1
\v 11 Tó ma uta kasanↄ fĩ̀fĩma,
\q1 òdigↄ̃ ma lalandi kɛ.
\q1
\v 12 Gbɛ̃ kũ ò vutɛna gãnulɛanↄ dì ma pi,
\q1 ígbãnamirinↄ dì lɛ̀ da ma yãi.
\b
\q1
\v 13 Ama tó à gↄ̃̀ ma yãi, Dikiri,
\q1 mↄkↄ̃n manigↄ̃ wɛ́ kɛmma a gↄrↄa.
\q1 Ǹ wema Luda n gbɛ̃kɛ zↄ̃kↄ̃ yãi,
\q1 ǹ ma sura ba yãpura.
\q1
\v 14 Ǹ ma bo fokon,
\q1 ǹsun tó mà vlɛ̃nlo.
\q1 Ǹ ma bo í lòkoton,
\q1 ǹ ma sí ma zãngurinↄa.
\q1
\v 15 Ǹsun tó ísↄ̃ damalaro,
\q1 ǹsun tó mà kpátɛ í lòkotonlo,
\q1 ǹsun tó wɛ̀ɛ tatamalɛro.
\q1
\v 16 Ǹ wema Dikiri, zaakũ n gbɛ̃kɛ mana,
\q1 ǹ arɛ dↄma n sùru zↄ̃kↄ̃ↄ gũn.
\q1
\v 17 Ǹsun mìkpɛrɛ zu n zↄ̀bleriinɛro,
\q1 ǹ wema likalika,
\q1 zaakũ ma gↄ̃ kagura gũmmɛ.
\q1
\v 18 Ǹ namai ǹ ma mì sí,
\q1 ǹ ma sura ba ma ibɛrɛnↄa.
\b
\q1
\v 19 Ń ma sↄ̃sↄ̃na dↄ̃
\q1 kũ ma wé'idammanaao kũ ma kpebonaao,
\q1 ntɛn gbɛ̃ kũ ò ma kũna kũ yãonↄ e.
\q1
\v 20 Sↄ̃sↄ̃naa ma swɛ̃̀ɛ zↄ̃̀, ma gↄ̃ gbãna sari,
\q1 gbɛ̃ kũ ani ma wɛ̃nda gwan ma wɛ̀tɛ,
\q1 mádi lero,
\q1 gbɛ̃ kũ ani ma nɛ̀sɛ kpátɛmɛnɛn ma wɛ́ dↄ̀i,
\q1 à kunlo.
\q1
\v 21 Ò ɛzɛ vãni kàmɛnɛ pↄ́blen,
\q1 kũ ími ma kũ, ò sèwɛ̃ kpã̀kpãa kpàma mà mi.
\b
\q1
\v 22 Ń dikpɛkɛna gↄ̃ńnɛ tankutɛ ũ
\q1 à ń kũ à yã lúńnɛ.
\q1
\v 23 Ń wɛ́ sira kũ de òsun gu ero,
\q1 ń wó gↄ̃ kokona.
\q1
\v 24 Ǹ n pɛ̃tɛ̃ kipaḿma,
\q1 ǹ n pↄfɛ̃ pãsĩ pisiḿma.
\q1
\v 25 Ń bɛ gↄ̃ bɛzĩ ũmɛ,
\q1 ń gbɛ̃ke súngↄ̃ kun de à vutɛ ń kpɛ́n doro.
\q1
\v 26 Zaakũ òdi wɛ́ tã gbɛ̃ kũ n ń lɛ́nↄa,
\q1 òdi gbɛ̃ kũ n ń kĩnnanↄ wãwã yã o.
\q1
\v 27 Ǹ ń yã sĩnda pínki taari dińnɛ,
\q1 ń baka súngↄ̃ kú n surabanaa gũnlo.
\q1
\v 28 Ǹ ń tↄ́ gogo wɛ̃̀ndi takada gũn,
\q1 ń tↄ́ súngↄ̃ kú kũ gbɛ̃ mananↄ tↄ́oro.
\b
\q1
\v 29 Luda, má kú wãwã kũ yã'ũmmanaao gũn,
\q1 ǹ ma sɛ́ lei de mà bo aafia.
\b
\q1
\v 30 Mani Luda tↄ́ bo lɛ̀sinaa gũn,
\q1 mani a sáabu kɛ mà a tↄ́ sɛ́ lei.
\q1
\v 31 Abirekũ ni ká Dikirigu de sa'ona kũ zùuola,
\q1 bee zùsanɛ kũ à bɛ̃nɛ vĩ.
\q1
\v 32 Takasidenↄ ni e ò pↄnna kɛ,
\q1 ákↄ̃nↄ Luda ki wɛtɛrinↄ nigↄ̃ wɛ̃̀ndi vĩ.
\q1
\v 33 Zaakũ Dikiri dì wɛ̃ndadenↄ yã ma,
\q1 àdi a gbɛ̃ kũ ò de zĩ̀zↄ ũnↄ gya boro.
\b
\q1
\v 34 À a táaki lɛ́ musu kũ zĩtɛo,
\q1 ísira kũ pↄ́ kũ ò kú a gũnnↄ pínki.
\q1
\v 35 Zaakũ Luda ni Zaiↄ̃ sura ba,
\q1 ani ɛra à Yuda wɛ̃tɛnↄ kátɛ,
\q1 a gbɛ̃nↄ ni vutɛn ń pↄ́ ũ.
\q1
\v 36 A zↄ̀bleri nɛ́nↄ mɛ́ ògↄ̃ vĩ,
\q1 gbɛ̃ kũ ò ye a tↄ́ nnainↄ nigↄ̃ kún.
\c 70
\s1 Wikilɛna surabariii
\r (Zab 40:14-18)
\d Dauda lɛ̀ɛ.
\q1
\v 1 N yã nna Luda, ǹ ma mì sí,
\q1 Dikiri, ǹ kɛ likalika ǹ mↄ́ ǹ kpámai.
\q1
\v 2 Ǹ tó wé'i gbɛ̃ kũ òtɛni ma wɛ ò ma dɛnↄ kũ,
\q1 ò ń mì pɛ́tɛ.
\q1 Ǹ tó gbɛ̃ kũ ò ye mà sunyĩ lenↄ kpɛ li,
\q1 ń ãn gↄ̃ sisina.
\q1
\v 3 Gbɛ̃ kũ òdi omɛnɛ, taarɛ, taarɛnↄ,
\q1 ǹ tó ò ɛra kũ wé'iyão.
\q1
\v 4 Gbɛ̃ kũ òtɛni n ki wɛtɛnↄ pↄ kɛmma nna ò yáa dↄ,
\q1 gbɛ̃ kũ ò ye ǹ surabanaainↄ gↄ̃ pi Luda zↄ̃kↄ̃.
\b
\q1
\v 5 Takaside wɛ̃ndademɛ ma ũ,
\q1 Luda, ǹ kɛ likalika.
\q1 Mↄkↄ̃mmɛ ma kpanyĩri ũ kũ ma surabariio,
\q1 Dikiri, ǹsun gì kɛro.
\c 71
\s1 Mare zↄ̃kↄ̃ aduakɛnaa
\q1
\v 1 Dikiri, mↄkↄ̃nn ma nanyĩ,
\q1 ǹsun tó wé'i ma kũ zikiro.
\q1
\v 2 Ǹ ma bo ǹ ma mì sí n manakɛna yãi,
\q1 ǹ sã kpámai ǹ ma sura ba.
\q1
\v 3 Ǹgↄ̃ de ma utɛki gbɛ̀ kũ manigↄ̃ gɛ́ utɛn ũ.
\q1 N dìtɛ ǹ ma sura ba,
\q1 ma gbɛ̀si kũ ma zɛki gbãnaoomɛ n ũ fá!
\q1
\v 4 Ma Luda, ǹ ma bo yãvãnikɛrinↄ ↄĩ,
\q1 ǹ ma sí gbɛ̃ vãni pãsĩnↄa.
\b
\q1
\v 5 Mↄkↄ̃nn ma wɛ́ dↄnyĩ, Dikiri Luda,
\q1 mↄkↄ̃nn má n náani vĩ zaa ma kɛfɛnnakɛgↄrↄa.
\q1
\v 6 Ma gbãna lèmma zaa ma igↄrↄ,
\q1 mↄkↄ̃n mɛ́ n ma bo ma da nɛ̀sɛn.
\q1 N táakin madìgↄ̃ lɛ́.
\q1
\v 7 Ma kunna de yãbonsarɛ ũ gbɛ̃nↄnɛ dasi,
\q1 zaakũ mↄkↄ̃mmɛ ma utɛki gbãna ũ.
\q1
\v 8 N táakilɛna dìgↄ̃ da ma lɛ́n,
\q1 madìgↄ̃ n manakɛ bo kↄnkↄ kũ ↄkↄsio.
\b
\q1
\v 9 Ǹsun pã kpámai ma zĩkũkɛna yãiro,
\q1 ǹsun ma zukũna ma gbãna lakana yãiro.
\q1
\v 10 Zaakũ ma ibɛrɛnↄ tɛni ma pi,
\q1 ma wɛtɛrinↄ tɛn lɛ́ kpákũsũmai ma wɛ̃̀ndi bona yãi.
\q1
\v 11 Ò pì: Luda gìimɛ, ò pɛ́a ò kũ,
\q1 gbɛ̃ke kun kũ à a sura baro.
\q1
\v 12 Luda, ǹsungↄ̃ kú kũmao zã̀ro,
\q1 ma Luda, ǹ kɛ likalika ǹ mↄ́ ǹ kpámai.
\b
\q1
\v 13 Ǹ tó wé'i gbɛ̃ kũ òtɛn yã dimanↄ kũ
\q1 de ò kakatɛ,
\q1 ǹ tó sↄ̃sↄ̃na da gbɛ̃ kũ òtɛn wɛ́ tãmanↄla
\q1 de ń tↄ́ yaka.
\b
\q1
\v 14 Makũ sↄ̃, ma wɛ́ nigↄ̃ dↄnyĩ,
\q1 manigↄ̃ n táaki lɛ́ màgↄ̃ gɛ́.
\q1
\v 15 N manakɛna nigↄ̃ da ma lɛ́n gↄrↄ sĩnda pínki
\q1 kũ n surabana kũ má a lɛ́ dↄ̃roo.
\q1
\v 16 Mani su mà n zↄ̃kↄ̃kɛyãnↄ o Dikiri Luda
\q1 n mɛ̀n do manakɛn mani da gbɛ̃nↄnɛ.
\q1
\v 17 N yã dàmɛnɛ zaa ma kɛfɛnnakɛgↄrↄa,
\q1 Luda, ari tera matɛni n yãbonsarɛnↄ o'o.
\q1
\v 18 Bee kũ ma zĩ kũ̀, ma mìkã pura,
\q1 ǹsun ma tónlo, Luda,
\q1 de mà le mà n gbãna baba teradenↄnɛ,
\q1 mà n gbãnakɛyã da gbɛ̃ kũ òtɛn futɛnↄnɛ ń pínki.
\b
\q1
\v 19 Luda, n manakɛnaa zↄ̃̀ susunɛnↄa,
\q1 n yã zↄ̃kↄ̃ↄ kɛ̀, dín oni lɛkↄ̃a kũnwoo?
\q1
\v 20 N tò wari pãsĩ ma le dasidasi,
\q1 ama ĩni ɛra ǹ ma gba wɛ̃̀ndii dↄ,
\q1 ĩni ɛra ǹ ma bo zĩtɛ.
\q1
\v 21 Ĩni ma bɛ̀ɛrɛ karamɛnɛ,
\q1 ĩni ɛra ǹ ma laakari kpátɛmɛnɛ dↄ.
\b
\q1
\v 22 Ma Luda, mani n sáabu kpá
\q1 kũ mↄrↄↄo n náani yãi.
\q1 Isarailanↄ Luda kũ ń kú adona,
\q1 mani n táaki lɛ́ kũ gidigboo.
\q1
\v 23 Ayuwii nigↄ̃ dↄ ma lɛ́n,
\q1 makũ kũ n ma mìi sì mani n táaki lɛ́.
\q1
\v 24 Manigↄ̃ n manakɛna o gↄrↄ sĩnda pínki,
\q1 zaakũ wé'i gbɛ̃ kũ ò ma wɛtɛ kũ vãnionↄ kũ̀,
\q1 ò gↄ̃̀ bídi gũn.
\c 72
\s1 Aduakɛna kínanɛ
\d Sulemanu lɛ̀ɛ.
\q1
\v 1 Luda, ǹ dada kínanɛ à yãkpatɛ kɛ kũ yãpurao,
\q1 ǹ tó kína yã mana kɛ lákũ ndì kɛ nà,
\q1
\v 2 de à do n gbɛ̃nↄnɛ arɛ a zɛ́a,
\q1 à yã gↄ̃gↄ̃ talakanↄnɛ súsu,
\q1
\v 3 gbasa kpinↄ ni su gbɛ̃nↄnɛ kũ aafiaao,
\q1 sĩ̀sĩnↄ ni tó ògↄ̃ kú nnamanaa gũn.
\q1
\v 4 Kína ni tó yã bo kũ talakanↄ nna,
\q1 ani takaside nɛ́nↄ sura ba,
\q1 ani gbãnamↄnnɛrinↄ dúgu zↄ̃.
\b
\q1
\v 5 Anigↄ̃ kun lákũ ifãntɛ̃ dìgↄ̃ kun nà,
\q1 lán mↄvura dìgↄ̃ kun nà wɛ̃̀ kũ wɛ̃̀ɛo.
\q1
\v 6 Anigↄ̃ de lán kabura legũ bà,
\q1 lán mↄtↄ kũ àdi pisi zĩtɛaa bà.
\q1
\v 7 Gbɛ̃ mananↄ ni ↄ tá a gↄrↄa,
\q1 nnamana nigↄ̃ zↄ̃kↄ̃ ari mↄ súngↄ̃ kun doro.
\b
\q1
\v 8 Ani kí ble zaa ísira bara la kũ bara direo,
\q1 sɛna zaa Yuflati ari gɛna andunia lɛ́a.
\q1
\v 9 Buri kũ ò kú gbáranna gũnnↄ ni su ò kútɛnɛ,
\q1 a ibɛrɛnↄ ni wútɛ kũ kùaao a arɛ.
\q1
\v 10 Tasisi kína kũ ísira bara kínanↄ ni táfe bonɛ,
\q1 Seba kũ Sɛba kínanↄ ni su ò gba danɛ.
\q1
\v 11 Kínanↄ ni su ò kútɛ a arɛ ń pínki,
\q1 buri sĩnda pínki ni donyĩ.
\b
\q1
\v 12 Zaakũ ani wɛ̃ndade kũ ń wiki dↄnↄ bomɛ,
\q1 ani takaside kũ ò kpanyĩri vĩronↄ sura ba.
\q1
\v 13 Ani gbãnasaridenↄ wɛ̃nda gwa,
\q1 ani takasidenↄ bo ga lɛ́i.
\q1
\v 14 Ani ń bo gbãnamↄnnɛrinↄ kũ gbɛ̃ pãsĩnↄ ↄĩ,
\q1 zaakũ à ye ń arukↄtɛnaairo.
\b
\q1
\v 15 Luda kína dↄ̃ kũ aafiaao!
\q1 Ògↄ̃ a gba Seba bùsu wuraa,
\q1 ògↄ̃ wɛ́ kɛnɛ Ludaa lakanaa sari,
\q1 ògↄ̃ sa mana onɛ gↄrↄ sĩnda pínki.
\q1
\v 16 Ǹ tó burapↄnↄ kɛ a bùsun manamana,
\q1 a lánↄ gↄ̃ da sĩ̀sĩnↄ musu síi,
\q1 ò nɛ́ i ò pia lán Lɛbana lákpɛ bà,
\q1 ò gbã lán kàsapli bà sɛ̃̀ntɛ.
\q1
\v 17 Ǹ tó a tↄ́ gↄ̃ kun gↄrↄ sĩnda pínki
\q1 lán ifãntɛ̃ bà,
\q1 buri sĩnda pínki ni arubarika le a gãi,
\q1 oni a tↄ́ nna sí.
\b
\q1
\v 18 Arubarikaden Dikiri Luda, Isarailanↄ Luda!
\q1 Àkũ mɛ́ àdi yãbonsarɛnↄ kɛ ado.
\q1
\v 19 Ògↄ̃ a tↄ́ gakuride bo gↄrↄ sĩnda pínki!
\q1 À tó a gakuri da anduniala pínki!
\q1 Aami! Aami!
\b
\q1
\v 20 Yɛsɛ nɛ́ Dauda aduakɛna lɛ́n gwe.
\ms1 TAKADA AAKƆ̃DE
\mr Zabura 73-89
\c 73
\s1 Yãvãnikɛrinↄ nnamanaa
\d Asafa lɛ̀ɛ.
\q1
\v 1 Luda dì yã mana kɛ Isarailanↄnɛ yãpuramɛ,
\q1 atɛ̃nsa nɛ̀sɛpuradenↄ.
\b
\q1
\v 2 Makũ sↄ̃, ma ka kãni lɛtɛna,
\q1 ma gbá ye à satamɛ yã.
\q1
\v 3 Kũ ma yãvãnikɛrinↄ kunna mana è,
\q1 ma ĩadãrii pìnↄ gwena ni dɛ̀.
\b
\q1
\v 4 Yãke dì kpáńnɛro,
\q1 aafia mↄ̀ḿma akũsↄ̃ ò mɛ̀kpana.
\q1
\v 5 Òdi wari kɛ lán dakenↄ bàro,
\q1 òdi gyã kɛ lán dakenↄ bàro.
\q1
\v 6 Òdi ĩadãna da ń wakan lán mↄ̀wakarɛ bà,
\q1 òdi pãsĩkɛ da pↄ́kasa ũ.
\q1
\v 7 Ń swɛ̃̀ɛ kɛ̀ gbãna kũ yãvãnikɛnaao,
\q1 yã bɛ̃̀nɛ ń nɛ̀sɛɛ pà.
\q1
\v 8 Òdi gbɛ̃ lalandi kɛ òdi yã vãni liḿma,
\q1 òdi gbãna mↄńnɛ ń zↄ̃kↄ̃kɛ yãi.
\q1
\v 9 Òdi pi: Luda kipa ò ↄsi ká,
\q1 akũsↄ̃ ń yã mɛ́ àdi ble andunia gũn.
\q1
\v 10 Abire yãi òdi ɛra ń kpa,
\q1 òdi yã kũ ò ò pínki sí yãpura ũ.
\q1
\v 11 Òdi pi: Luda dↄ̃ mámɛɛ?
\q1 Luda Musude dↄ̃na kà lɛ yá?
\b
\q1
\v 12 Ǹ yãvãnikɛrinↄ gwa, òdi yãke damu kɛro,
\q1 ń gwenaa dìgↄ̃ kara gↄrↄ sĩnda pínki.
\b
\q1
\v 13 Ase ma nɛ̀sɛ pura pãn yá?
\q1 Ma a ↄ bↄ̀tɛ taarin swáswa pãmɛ yá?
\q1
\v 14 Ndìgↄ̃ ma gbɛ̃ gↄrↄ sĩnda pínki,
\q1 ndìgↄ̃ ma sã gágamɛnɛ lákũ gu dìgↄ̃ dↄ nà.
\q1
\v 15 Tó ma zɛ kũ yã dí taka onaao,
\q1 abirekũ nigↄ̃ de bona n gbɛ̃nↄ kpɛ yã ũmɛ.
\q1
\v 16 Kũ ma laasunn lɛ̀ yã pìia de mà dↄ̃,
\q1 à kɛ̀mɛnɛ zĩ'ũ.
\q1
\v 17 Sé kũ ma gɛ̃ Luda kúkia,
\q1 gbasa ma wɛ́ kɛ̃̀ lákũ oni láka nà.
\b
\q1
\v 18 N ń dá guzãrɛ kpa yãpura,
\q1 ndì ↄ sↄ̃ńyĩ ò lɛ́tɛ ò kakatɛ.
\q1
\v 19 Òdi gↄ̃ kakatɛna pↄ́ ũ kãnto,
\q1 vĩnapↄnↄ dì ń le ò láka.
\q1
\v 20 Lákũ nana dì gɛ̃tɛ kũ ĩao nà tó gbɛ̃ vù,
\q1 tó n futɛ Dikiri, ǹ tó ò gɛ̃tɛ lɛ.
\b
\q1
\v 21 Kũ ma nɛ̀sɛɛ yàka,
\q1 akũsↄ̃ ma pↄ sira kũ̀,
\q1
\v 22 ma kɛ yↄ̃nkↄ, má yãke dↄ̃ro,
\q1 ma gↄ̃nnɛ lán nↄ̀bↄsɛ̃ntɛ bà.
\b
\q1
\v 23 Bee kũ abireo madìgↄ̃ kú kũnwo,
\q1 ń ma kũna ma ↄplaa.
\q1
\v 24 Ndì domɛnɛ arɛ kũ n lɛ́dammao,
\q1 ĩni láka ǹ ma sí n gakuri gũn.
\q1
\v 25 Dín ma wɛ́ dↄi musu n baasii?
\q1 N baasiro pↄ́ke ni tɛni ma dɛ andunia gũnlo.
\q1
\v 26 Bee tó ma mɛ̀ kũ ma swɛ̃̀ɛo tɛn láka,
\q1 Ludamɛ ma swɛ̃̀ gbãnaleki ũ,
\q1 àkũmɛ ma baka ũ gↄrↄ sĩnda pínki.
\b
\q1
\v 27 Gbɛ̃ kũ ò kɛ̃̀mmanↄ ni láka,
\q1 ĩni gbɛ̃ kũ ò bò n kpɛnↄ kakatɛ.
\q1
\v 28 Luda, ma nanyĩna mɛ́ à kɛ̀mɛnɛ nna,
\q1 Dikiri Luda, ma n kɛ ma utɛki ũ,
\q1 mani n yãkɛnanↄ babańnɛ.
\c 74
\s1 Wikilɛna Ludai a kpɛ́ kũ ò wì yãi
\d Asafa lɛ̀ɛ.
\q1
\v 1 Luda, bↄ́yãi n giwái ari gↄrↄ sĩnda pínkii?
\q1 À kɛ̀ dera n pɛ̃tɛ̃ tɛn futɛ n kpàsa sãnↄii?
\q1
\v 2 Ǹ tó gbɛ̃ kũ n ń sí zaa zĩnↄ yã dↄngu,
\q1 buri kũ n bò ò gↄ̃̀ n pↄ́ ũnↄ
\q1 kũ Zaiↄ̃ kpi kũ n kɛ̀ n kúki ũo.
\q1
\v 3 N ibɛrɛnↄ n kúki wì ò dàtɛ mámmam,
\q1 ǹ dↄdↄi ǹ gwa, à gbòro pínki.
\b
\q1
\v 4 N zãngurinↄ zuka kàkara gu kũ odì danlɛn,
\q1 ò ń zĩda tutanↄ pɛ̀tɛ gwe sèeda ũ.
\q1
\v 5 O è, ń kpása dↄ musu,
\q1 òtɛn kɛ lákũ òdigↄ̃ dàko gbɛ̃ nà.
\q1
\v 6 Lí ana mana kũ ò nàna n kpɛ́ kpataaa,
\q1 ò gbɛ̃̀ ò gbòro kũ kpásao kũ adao.
\q1
\v 7 Ò tɛ́ sↄ̃̀ n kúkia à kↄ̀tɛ,
\q1 ò tò kpɛ́ kũ n tↄ́ kúaa pìi gbã̀a lɛ̀.
\q1
\v 8 Ò ò ń nɛ̀sɛn: Ò ↄ tↄ̃ḿma mámmam.
\q1 Ò tɛ́ sↄ̃̀ ó bùsu aduakɛkpɛnↄa.
\q1
\v 9 N kpɛ́ sèedanↄ kun doro,
\q1 annabi ke kun doro.
\q1 Ónigↄ̃ kun lɛ ari bↄrɛmɛɛ?
\q1 Ó gbɛ̃ke dↄ̃ro.
\b
\q1
\v 10 Luda, ĩni tó n ibɛrɛnↄ gↄ̃ n yáa dↄ ari bↄrɛmɛɛ?
\q1 N zãngurinↄ nigↄ̃ n gya bo lakanaa sarin yá?
\q1
\v 11 Bↄ́yãin n ↄ kakũnnaa?
\q1 Ǹ ↄ go n kùaaa ǹ ń dɛdɛ.
\b
\q1
\v 12 Ludamɛ ma kína ũ zaa káaku,
\q1 àkũ mɛ́ àdi gbɛ̃ sura ba andunia gũn.
\q1
\v 13 Mↄkↄ̃n mɛ́ n ísira zↄ̃̀kↄ̃rɛ kũ n gbãnao,
\q1 n kwã kàsaraa mìnↄ wìwi í gũn.
\q1
\v 14 N Misilanↄ kàkatɛ gwe,
\q1 n ń gɛ̀nↄ kpà gbáranna nↄ̀bↄnↄa pↄ́ble ũ.
\q1
\v 15 N swanↄ bò n zɛ́ wɛ̃̀ ísɛ̃bokinↄnɛ,
\q1 n swa kũ a í babana vĩro zↄ̃̀kↄ̃rɛ.
\q1
\v 16 Fãnantɛ̃ kũ gwãanio de n pↄ́ ũ,
\q1 n mↄvura kũ ifãntɛ̃o kúki kɛ̀ńnɛ.
\q1
\v 17 Mↄkↄ̃n mɛ́ n andunia lɛ́zɛkinↄ dà pínki,
\q1 n sakare kũ bunsirɛɛo gↄrↄ dìtɛ.
\b
\q1
\v 18 N yá kũ n ibɛrɛnↄ dↄ̀ yã dↄngu Dikiri,
\q1 yↄ̃nkↄnↄ n tↄ́ gya bò.
\q1
\v 19 Ǹsun n potɛ̃nɛ kpá nↄ̀bↄ pãsĩnↄaro,
\q1 n gbɛ̃ wɛ̃ndadenↄ yã sún sãnguro.
\q1
\v 20 Ǹ laakari dↄ n bàka kunna kũoooa,
\q1 zaakũ ó bùsu gusarɛnↄ pãsĩ kũ̀ pínki.
\q1
\v 21 Ǹsun tó ó gↄ̃nawɛ̃ndadenↄ boru kpɛ kũ wé'ioro,
\q1 ǹ tó wɛ̃ndadenↄ kũ takasidenↄ n táaki lɛ́.
\b
\q1
\v 22 Luda, ǹ futɛ ǹ gí kũ n zĩdao,
\q1 ǹ n yá kũ yↄ̃nkↄnↄ tɛn dↄ zɛnaa sari ma dé!
\q1
\v 23 Ǹsun zuka kũ n ibɛrɛnↄ tɛn kányĩ kpá sãkotoro,
\q1 n zãngurinↄ kĩni dìgↄ̃ dↄ lakanaa sari.
\c 75
\s1 Ludamɛ yãkpatɛkɛri ũ
\d Asafa lɛ̀ɛ.
\q1
\v 1 O n sáabu kɛ̀ Luda, o n sáabu kɛ̀.
\q1 Tó ò n yãbonsarɛnↄ bàba, ndìgↄ̃ kú kãni.
\b
\q1
\v 2 Luda pì: Ma gↄrↄ dìtɛ
\q1 kũ mani yãkpatɛ kɛ a zɛ́a.
\q1
\v 3 Tó andunia yĩ̀gã kũ gbɛ̃ kũ ò kunnↄ ń pínki,
\q1 makũ mɛ́ madì a gbɛ̀gbanↄ kũ gíngin.
\q1
\v 4 Madì o zĩdabirinↄnɛ òsun ĩa dãro,
\q1 madì o yãvãnikɛrinↄnɛ òsun kùa biriro.
\q1
\v 5 Àsun kùa biri ludambɛaro,
\q1 àsun waka nↄnↄmairo.
\b
\q1
\v 6 Zaakũ gbãna dì bo ifãboki kpa ke a lɛ́tɛ kparo,
\q1 àdi bo gbárannanlo,
\q1
\v 7 Ludamɛ yãkpatɛkɛri ũ,
\q1 àkũ mɛ́ àdi gbɛ̃ do lago à gbɛ̃ do kara.
\q1
\v 8 Toko kú Dikiri ↄĩ, í gbãna kán à pà,
\q1 àtɛn sɛ́n a pↄfɛ̃ ũ fùuu.
\q1 Àdi atɛ̃ andunia yãvãnikɛrinↄa ń pínki,
\q1 òdi mi à láka lái kũ a gbↄ̃̀ↄo.
\b
\q1
\v 9 Makũ sↄ̃, manigↄ̃ yã pì o gↄrↄ sĩnda pínki,
\q1 mani Yakubu Luda táaki lɛ́.
\q1
\v 10 Mani yãvãnikɛrinↄ bɛ̃nɛ ɛ́'ɛ,
\q1 gbɛ̃ mananↄ bɛ̃nɛ sↄ̃, mani sɛ́ musu.
\c 76
\s1 Ludamɛ zĩ̀blena gbãna ũ
\d Asafa lɛ̀ɛ. Òdi sí kũ guruminↄo.
\q1
\v 1 Ò Luda dↄ̃ Yudanↄ bùsummɛ,
\q1 a tↄ́ zↄ̃kↄ̃ Isarailanↄ tɛ́.
\q1
\v 2 A bizakuta kú Salɛmu,
\q1 a kúki kú Zaiↄ̃.
\q1
\v 3 Zaa gwen à kà wãnanↄ ɛ̀'ɛn
\q1 kũ sɛ̃gbakonↄ kũ fɛ̃nɛdanↄ kũ zĩ̀kabↄnↄo.
\b
\q1
\v 4 Ndì gu pu ndìgↄ̃ tɛ́ kɛ,
\q1 n zↄ̃kↄ̃kɛ de kpi kũ ò kun gↄrↄ sĩnda pínkinↄla.
\q1
\v 5 N kùgbãnadenↄ gↄ̃kɛbↄnↄ sìḿma,
\q1 ò wutɛna kũ ga'io,
\q1 gↄ̃ gbãna pìnↄ doke dí fↄ̃ à a ↄ sɛ̀ro.
\q1
\v 6 Yakubu Luda, n kpãkɛ̃ńyĩ,
\q1 akũ sↄ̃denↄ kũ ń sↄ̃nↄ gↄ̃̀ katɛna gɛ̀nↄ ũ.
\q1
\v 7 Mↄkↄ̃n mɛ́ ń naasi vĩ ndo,
\q1 tó n pↄ́ bò n yĩn,
\q1 dí mɛ́ ani fↄ̃ à zɛ n arɛɛ?
\q1
\v 8 Zaa musu n yãkpatɛ kɛ̀,
\q1 akũ vĩna andunia kũ̀, à yĩ̀tɛ kítikiti,
\q1
\v 9 zĩ kũ Luda, n futɛ ǹ yã gↄ̃gↄ̃ andunianɛ
\q1 de ǹ gbãnasaridenↄ sura ba.
\b
\q1
\v 10 N pↄfɛ̃na gbɛ̃nↄi dì n tↄ́ bo,
\q1 n pↄfɛ̃ kpara dìgↄ̃ dↄ n pi.
\b
\q1
\v 11 À lɛ́ kɛ Dikiri á Ludaa à a fĩna bo.
\q1 Ákↄ̃nↄ kũ á likanawáinↄ, à mↄ́
\q1 à Luda kũ à de ògↄ̃ a vĩna vĩ gba pↄ́.
\q1
\v 12 Àdi kpatablerinↄ kã kpátɛ,
\q1 àdi tó vĩna andunia kínanↄ kũ.
\c 77
\s1 Luda kpányĩ bɛgɛkɛna wari gũn
\d Asafa lɛ̀ɛ.
\q1
\v 1 Ma lɛ́ zù Ludai ma a sìsi,
\q1 ma wiki lɛ̀ Ludaa de à ma yã ma.
\q1
\v 2 Kũ má kú wari gũn ma Dikiri ki wɛ̀tɛ,
\q1 ma ↄ sɛ̀ musu gwãani kámmabonaa sari,
\q1 ma laakari gì kpátɛi.
\q1
\v 3 Kũ ma laasun tà Luda kĩnaa, akũ ma ã'ã,
\q1 kũ ma dↄ a yãn, ma gↄ̃ kpam lɛɛkɛɛ.
\q1
\v 4 N tò ma wɛ́ tɛ̃̀ i'onaa,
\q1 ma gↄ̃ bídi gũn má dↄ̃ deran ma ò nàro.
\q1
\v 5 Ma dↄ yã zĩnↄn
\q1 kũ wɛ̃̀ kũ ò gɛ̃̀tɛnↄ.
\q1
\v 6 Ma laasunn lɛ̀ ma swɛ̃̀ɛ gũn gwãani,
\q1 ma a zĩda là mà wɛtɛ mà dↄ̃.
\q1
\v 7 Ma pì: Dikiri gìwai sãnsãnn yá?
\q1 A pↄ ni kɛ nna kũoo doroo?
\q1
\v 8 A gbɛ̃kɛ làka mámmann yá?
\q1 A yã nigↄ̃ futɛna gↄrↄ sĩnda pínkin yá?
\q1
\v 9 Ó wɛ̃ndagwana yã sã̀ Ludagun yá?
\q1 A pↄ fɛ̃̀wái, ani wɛ̃nda kɛwɛrɛ doroo?
\q1
\v 10 Akũ ma pì: Yã kũ à ũ̀man dí.
\q1 Luda Musude ↄ bùsawɛrɛ.
\b
\q1
\v 11 Mani laasun lɛ́ Dikiri yãbonsarɛnↄa,
\q1 mani dↄ yã kũ à kɛ̀ yãnↄn.
\q1
\v 12 Mani n daboyãkɛnanↄ laasun lɛ́ pínki,
\q1 mani n yãzↄ̃kↄ̃kɛnanↄ da ma swɛ̃̀n.
\q1
\v 13 Luda, n zɛ́ kú adona.
\q1 Dikiri kpate zↄ̃kↄ̃ mɛ́ à kà lán ó Luda bàa?
\q1
\v 14 Mↄkↄ̃mmɛ Luda yãbonsarɛkɛri ũ,
\q1 n n gbãna mↄ̀ burinↄnɛ.
\q1
\v 15 N n gbɛ̃nↄ sura bà kũ n gã̀sã gbãnao,
\q1 ókↄ̃nↄ Yakubu kũ Yusufu burinↄ.
\b
\q1
\v 16 Kũ ísira wɛ́ sìnlɛ Luda,
\q1 kũ ísira wɛ́ sìnlɛ, akũ à kↄ́tↄ kpà,
\q1 à yĩ̀gãyĩgã ari a lòkoton.
\q1
\v 17 Ludambɛ í kↄ̀tɛ,
\q1 surapatana kĩni dↄ musu,
\q1 n kànↄ tɛn fã legũpina ũ.
\q1
\v 18 N pũtãna kĩni dↄ zàga'ĩa gũn,
\q1 n legũpinaa andunia pù pínki,
\q1 zĩtɛ kɛ̀ gìri à yĩ̀gãyĩgã.
\q1
\v 19 N zɛ́ dà ísiran,
\q1 n gɛ̃ki kɛ̀ í zↄ̃kↄ̃nↄ dagura,
\q1 odi n gɛ̀sɛgbɛ ero.
\q1
\v 20 N do n gbɛ̃nↄnɛ arɛ lán sã kpàsaa bà
\q1 Musa kũ Harunao gãi.
\c 78
\s1 Lɛ̀ kũ Isarailanↄ yã ó gbáo laakarii
\d Asafa lɛ̀ɛ.
\q1
\v 1 Ma gbɛ̃nↄ, à ma yãdannɛna ma,
\q1 à sã kpá ma yãi.
\q1
\v 2 Mani yã oárɛ kũ yáasio,
\q1 mani yã kũ à utɛna zaa zĩ bↄkↄtɛárɛ,
\q1
\v 3 yã kũ o mà akũsↄ̃ ó dↄ̃,
\q1 yã kũ ó denↄ bàbawɛrɛ.
\q1
\v 4 Óni yã pì utɛ ó nɛ́nↄnɛro,
\q1 óni Dikiri táakilɛna da ó daikorenↄnɛ,
\q1 a gbãna kũ yãbonsarɛ kũ à kɛ̀nↄ.
\q1
\v 5 À yã dìtɛ Yakubu burinↄnɛ,
\q1 à a doka dà Isarailanↄnɛ,
\q1 à dìtɛ ó dizinↄnɛ ò tó ń nɛ́nↄ dↄ̃,
\q1
\v 6 de à gↄ̃ ń buri kũ ò kpɛ́nↄnɛ futɛokarayã ũ,
\q1 gbasa ò futɛ ò dada ń nɛ́nↄnɛ se,
\q1
\v 7 de ò le ò Luda náani kɛ,
\q1 a yãkɛnanↄ sún sãńguro,
\q1 ama onigↄ̃ a yãditɛnanↄ kũna.
\q1
\v 8 Ògↄ̃ de lán ń dizinↄ bàro,
\q1 zaakũ ò sãgbãna kɛ̀ ò gì Luda yãi,
\q1 ń swɛ̃̀ kú Ludaaro, ò yãpura vĩnɛro.
\b
\q1
\v 9 Ɛflaimu burinↄ bi kàzurinↄmɛ,
\q1 akũ ò bòru kpɛ zĩ̀i gũn.
\q1
\v 10 Odi zɛ kũ Luda bàka kunna kũńwo yãoro,
\q1 ò gì tɛ́ a dokaiii.
\q1
\v 11 A yãkɛnanↄ sã̀ńgu
\q1 kũ yãbonsarɛ kũ à mↄ̀ńnɛnↄ.
\q1
\v 12 À daboyãnↄ kɛ̀ ń dizinↄ wára
\q1 Zoã wɛ̃tɛ gũn, Misila bùsun.
\q1
\v 13 À ísira zↄ̃̀kↄ̃rɛ à bikũ̀ kũńwo,
\q1 à tò í gↄ̃̀ zɛna lán bĩni bà.
\q1
\v 14 À dòńnɛ arɛ tɛ́luku gũn fãnantɛ̃,
\q1 gwãani sↄ̃ kũ tɛ́ gupurao.
\q1
\v 15 À gbɛ̀si pàra gbárannan,
\q1 à í kpàḿma zↄ̃kↄ̃ lán ísira'i bà.
\q1
\v 16 À tò í bòńnɛ gbɛ̀n,
\q1 à tò í bàa lɛ̀ lán sɛ̀bɛɛ bà.
\b
\q1
\v 17 Akũ ò kpɛ́ òtɛn durunna kɛnɛ,
\q1 ò gì Luda Musude yã mai gbárannan.
\q1
\v 18 Ò Luda lɛ̀ ò gwà kũ nɛ̀sɛ plao,
\q1 ò ń pↄyeina pↄ́ble gbɛ̀kaa.
\q1
\v 19 Ò Luda vãni bò ò pì:
\q1 Luda ni fↄ̃ à ó gbá pↄ́ble gbárannan la yá?
\q1
\v 20 Bee kũ à gbɛ̀ɛ lɛ̀, í bò à dàgula,
\q1 ani fↄ̃ à pↄ́ble ke nↄ̀bↄ kpáwá dↄ yá?
\q1
\v 21 Kũ Dikiri yã pìi mà, à pↄ fɛ̃̀,
\q1 akũ tɛ́ fùtɛ à dà Yakubu burinↄla,
\q1 à pↄfɛ̃ kìpa Isarailanↄa.
\q1
\v 22 Zaakũ odi Luda yã síro,
\q1 odi a surabana gbãna náani kɛro.
\q1
\v 23 Bee kũ abireo à yã dìtɛ ílukunɛ,
\q1 à musu zɛ́ wɛ̃̀,
\q1
\v 24 akũ à mana kↄ̀tɛńnɛ ò blè,
\q1 à pↄ́ble kũ à bò musu kpàḿma.
\q1
\v 25 Ò malaikanↄ pↄ́ble blè,
\q1 à zànaa kɛ̀ńnɛ, à gɛ̃̀ ↄla.
\q1
\v 26 À tò ĩa gbãna bò ifãboki kpa,
\q1 à pɛ̀ gɛ̀nↄmidↄki kpa ĩaa dↄ kũ a gbãnao,
\q1
\v 27 akũ à nↄ̀bↄↄ kↄ̀tɛńnɛ dasi lán lukutɛ̃ bà,
\q1 bãnↄ dàńla lán ísiralɛ bùsu'atɛ̃ bà.
\q1
\v 28 À tò ò kìpakipa ń bùran,
\q1 ò gↄ̃̀ kátɛ likana ń kpɛ́nↄi.
\q1
\v 29 Luda pↄ́ kũ òtɛni a ni dɛnↄ kpàḿma,
\q1 akũ ò blè ò kã̀ gíngin.
\q1
\v 30 De a ni kpɛ́ à boḿma,
\q1 gↄrↄ kũ pↄ́ble pì kpɛ́ da ń lɛ́n,
\q1
\v 31 Luda pↄfɛ̃ fùtɛńyĩ,
\q1 à Isaraila gↄ̃ gbãnanↄ dɛ̀dɛ,
\q1 à ń kɛfɛnnanↄ lɛ̀ à nɛ̀.
\b
\q1
\v 32 Bee kũ abireo ò kpɛ́ òtɛn durunna kɛ,
\q1 bee kũ a yãbonsarɛkɛnanↄ, odi a náani kɛro.
\q1
\v 33 Akũ à ń wɛ̃̀ndii kɛ̀ńnɛ pã lán lɛ́'ĩa bà,
\q1 à tò sunyĩ ń lé.
\q1
\v 34 Tó à ń gbɛ̃kenↄ dɛ̀dɛ, òdi a ki wɛtɛ,
\q1 òdi ɛra ò arɛ dↄa kũ wãnao.
\q1
\v 35 Akũ ò dↄ̀n sà kũ Ludamɛ ń gbɛ̀si ũ,
\q1 ò dↄ̃̀ kũ Luda Musudemɛ ń surabari ũ.
\q1
\v 36 Gↄrↄ kũ̀a sà òdi lɛ́ maa,
\q1 òdi ɛ́kɛ tonɛ,
\q1
\v 37 ń swɛ̃̀ kúaro,
\q1 ò a bàka kunna kũńwo yã gbòro.
\q1
\v 38 Àpi sↄ̃ à ń wɛ̃nda gwà,
\q1 à ń durunnanↄ kɛ̃̀ḿma, adi ń kakatɛro.
\q1 Àdigↄ̃ a zĩda milɛ ble baala'i,
\q1 àdi a pↄfɛ̃kipammana ↄ lago.
\q1
\v 39 À ń bisãsirikɛ dↄ̃̀ḿma,
\q1 kũ òdi gɛ̃tɛ sunaa sari lán ĩa bà.
\b
\q1
\v 40 Ò sãgbãna kɛ̀nɛ gbárannan gɛ̃̀n ũgbangbaa!
\q1 Ò a pↄ yàkanɛ sɛ̃̀ntɛ gwe à kɛ̀ dasi.
\q1
\v 41 Ò Luda lɛ̀ ò gwà, ò Luda lɛ̀ ò gwà,
\q1 ò Isarailanↄ Luda kũ à kú adonaa fɛ̃̀.
\q1
\v 42 A iko gbãna sã̀ńgu,
\q1 lákũ à ń sí ń ibɛrɛnↄa nà,
\q1
\v 43 lákũ à daboyãnↄ kɛ̀ Misila nà,
\q1 akũsↄ̃ à yãbonsarɛnↄ kɛ̀ Zoã bùsun.
\q1
\v 44 À ń swa ínↄ lì aru ũ,
\q1 akũ odi fↄ̃ ò a í mì doro.
\q1
\v 45 À ífĩninↄ kàńgu, ò ń soso,
\q1 kũ kaso kũ ò kisira kpàńyĩnↄ.
\q1
\v 46 À tò kwanↄ ń bú pↄ́blewɛnↄ blè,
\q1 à sutɛ̃nↄ kà ń burapↄnↄn.
\q1
\v 47 À tò legũgbɛ ń geepi líkpɛnↄ kɛ̀ búgubugu,
\q1 zàga'ĩa ń kaka línↄ ɛ̀'ɛ.
\q1
\v 48 À ń pↄ́kãdenↄ kàkatɛ kũ legũgbɛɛo,
\q1 sura pɛ̀tɛ ń kpàsanↄa.
\q1
\v 49 À a pↄfɛ̃ zↄ̃kↄ̃ↄ bòboḿma,
\q1 à kɛ̀ ĩni kũńwo kũ pↄfɛ̃o kũ pɛ̃tɛ̃o,
\q1 à malaika kisiradenↄ gbàrɛḿma.
\q1
\v 50 À a pↄfɛ̃ zɛ́ wɛ̃̀, adi gí ganɛ doro,
\q1 à gagagyã kàńgu.
\q1
\v 51 À Misila daudunↄ dɛ̀dɛ ń pínki,
\q1 Hamu buri nɛ́gↄ̃gbɛ̃ káakunↄ gàga.
\q1
\v 52 Ama à bò kũ a gbɛ̃nↄ lán sãnↄ bà,
\q1 à dòńnɛ arɛ gbárannan lán sã kpàsanↄ bà.
\q1
\v 53 À tɛ́ kũńwo kũ laakariio kpátɛna vĩna sari,
\q1 ń ibɛrɛnↄ sↄ̃, ísira dàńla.
\q1
\v 54 À kà kũńwo a bùsu lɛ́n,
\q1 gusĩsĩde kũ à sì kũ a gbãnaoo pìi.
\q1
\v 55 À pɛ̀ńnɛ burinↄa,
\q1 akũ à ń bùsuu kpàatɛtɛńnɛ ń pↄ́ ũ,
\q1 à ↄnn kpàkpa Isaraila burinↄa.
\b
\q1
\v 56 Akũ ò Luda yↄ̃̀ ò gwà ò gì a yã mai,
\q1 ò Luda Musude yãditɛnanↄ kũnaro.
\q1
\v 57 Ò ɛ̀ra ò bò a kpɛ lán ń denↄ bà,
\q1 ò náani vĩro lán sá kotinaa bà.
\q1
\v 58 Ò a pↄ fɛ̃̀ kũ ń sa'okinↄo,
\q1 ò a nɛ̀sɛgↄ̃ba fùtɛ kũ ń tãnanↄ.
\q1
\v 59 Kũ Luda dↄ̃̀ lɛ, akũ a pↄ fɛ̃̀,
\q1 à gì Isarailanↄi pãsĩpãsĩ.
\q1
\v 60 À a bizakuta tò zaa Silo gwe,
\q1 a bɛ kũ à dↄ̀ bisãsirinↄ tɛ́ pìi.
\q1
\v 61 À tò ń wɛtɛrinↄ sù ò a àkpatii sɛ̀,
\q1 àkũmɛ a gbãna kũ a gakuribokio ũ.
\q1
\v 62 À tò ò a gbɛ̃nↄ dɛ̀dɛ kũ fɛ̃nɛdao,
\q1 a pↄ fɛ̃̀ buri kũ ń sɛ́i.
\q1
\v 63 Ń kɛfɛnnanↄ tɛ́ kũ̀ zĩ̀i gũn,
\q1 ń nↄkparenↄ dí le ò zãkɛlɛɛ sì doro.
\q1
\v 64 Ò ń sa'orinↄ dɛ̀dɛ kũ fɛ̃nɛdao,
\q1 ń gyaanↄnↄ dí fↄ̃ ò ↄ́ↄ dↄ̀ro.
\b
\q1
\v 65 Akũ Dikiri fùtɛ sà lán i'orii bà,
\q1 lán gↄ̃sa kũ à vù kũ wɛ̃'io bà.
\q1
\v 66 À ń wɛtɛrinↄ gbɛ̃̀, ò bòru kpɛ,
\q1 à tò ò gↄ̃̀ kũ wé'io gↄrↄ sĩnda pínki.
\q1
\v 67 À gì Ɛflaimu burinↄi,
\q1 adi Yusufu buri pì sɛ́ doro.
\q1
\v 68 Yuda burin à sɛ̀ sà
\q1 kũ Zaiↄ̃ kpi kũ à yeiio.
\q1
\v 69 À a kúki bò musumusu gwe,
\q1 anigↄ̃ kun gↄrↄ sĩnda pínki lán andunia katɛnaa bà.
\q1
\v 70 Akũ à a zↄ̀bleri Dauda sɛ̀,
\q1 à a bò sãkpasan.
\q1
\v 71 À a bò sãdãnan, à dò Isarailanↄnɛ arɛ,
\q1 Luda gbɛ̃ Yakubu burinↄ kínamɛ.
\q1
\v 72 Dauda ń kpá a kpɛ kũ nɛ̀sɛdoo,
\q1 à dòńnɛ arɛ kũ a ↄ arubarikadeo.
\c 79
\s1 Ɔ́ↄdↄna Yurusalɛmu wina yã musu
\d Asafa lɛ̀ɛ.
\q1
\v 1 Luda, burinↄ sì n bùsun,
\q1 ò n kpɛ́ kũ à kú adona yàka,
\q1 ò Yurusalɛmu wìwi ò dàtɛ.
\q1
\v 2 Ò n zↄ̀blerinↄ gɛ̀ɛ kpà bãnↄa,
\q1 ò n yãmarinↄ mɛ̀ɛ tò nↄ̀bↄ pãsĩnↄnɛ pↄ́ble ũ.
\q1
\v 3 Ò ń aru kↄ̀tɛ lán í bà Yurusalɛmu bĩnikpɛ,
\q1 gbɛ̃ke kun à ń vĩro.
\q1
\v 4 O gↄ̃ sↄ̃sↄ̃na pↄ́ ũ ó sarɛdenↄnɛ,
\q1 o gↄ̃ lalandi pↄ́ ũ gbɛ̃ kũ ò likawáinↄnɛ.
\b
\q1
\v 5 Dikiri, ĩnigↄ̃ pↄ fɛ̃ kũoo ari bↄrɛmɛɛ?
\q1 N pɛ̃tɛ̃ tɛ́ nigↄ̃ kũ gↄrↄ sĩnda pínkin yá?
\q1
\v 6 Ǹ pↄfɛ̃ kipa buri kũ ò n dↄ̃ronↄa,
\q1 gbɛ̃ kũ òdi n sísironↄ bùsunↄa.
\q1
\v 7 Zaakũ ò Yakubu burinↄ blè,
\q1 ò ń bùsuu yàka.
\q1
\v 8 Ǹsun ó denↄ durunnanↄ wí ó musuro.
\q1 Ǹ wɛ̃nda dↄ̃wɛrɛ likalika,
\q1 zaakũ o busa o gↄ̃ búgubugu.
\b
\q1
\v 9 Ǹ kpáwái, Luda ó surabari,
\q1 ǹ ó sura ba de ǹ tↄ́ bo,
\q1 ǹ ó durunnanↄ kɛ̃wá n tↄ́ yãi.
\q1
\v 10 Bↄ́yãi ĩni tó burinↄ ó lá ò pi:
\q1 Ó Luda kú mámɛ sɛ́ɛ?
\q1 Ǹ tó burinↄ gↄ̃ dↄ̃ ó wára
\q1 kũ ndì n zↄ̀blerinↄ dɛdɛna fĩna boḿma.
\q1
\v 11 Ǹ tó zĩ̀zↄnↄ ↄ́ↄdↄna gɛ̃ n sãn,
\q1 ǹ gbɛ̃ kũ ò kú ga lɛ́inↄ bo
\q1 kũ n gã̀sã gbãnao.
\b
\q1
\v 12 Ǹ lalandi kũ buri kũ ò likawáinↄ kɛ̀nnɛ
\q1 fĩna boḿma gɛ̃̀n suppla, Dikiri.
\q1
\v 13 Ókↄ̃nↄ n gbɛ̃nↄ, n kpàsa sãnↄ,
\q1 ónigↄ̃ n sáabu kpá gↄrↄ sĩnda pínki,
\q1 ónigↄ̃ n tↄ́ babańnɛ ari ó buria.
\c 80
\s1 Isarailanↄ suna ń gwena zĩn aduakɛnaa
\d Asafa lɛ̀ɛ.
\q1
\v 1 Ǹ sã kpá, Isarailanↄ Don'arɛde,
\q1 mↄkↄ̃n kũ ndì Yusufu burinↄ dã lán sã bà.
\q1 Ǹ bo ǹ mↄ́, mↄkↄ̃n kũ ń vutɛna kɛrubunↄ dagura,
\q1
\v 2 ǹ do Ɛflaimu burinↄnɛ arɛ
\q1 kũ Biliaminu burinↄ kũ Manase burinↄ.
\q1 Ǹ futɛ kũ n gbãnao, ǹ mↄ́ ǹ ó sura ba!
\b
\q1
\v 3 Luda, ǹ tó ò ɛra ò su ó gwena zĩn,
\q1 ǹ ãn werewá, ń ó sura ba.
\b
\q1
\v 4 Dikiri Luda Zĩ̀karide,
\q1 ĩni fɛ̃ ǹ gí n gbɛ̃nↄ aduakɛna síi ari bↄrɛmɛɛ?
\q1
\v 5 N wɛ́'i dↄ̀ńnɛ ń pↄ́mina ũ,
\q1 n ń wɛ́'i yↄ̃̀ńnɛ a pↄ́ pà, ò mì.
\q1
\v 6 N tò o gↄ̃ fobona pↄ́ ũ ó sarɛdenↄnɛ,
\q1 ó ibɛrɛɛnↄ tɛni ó lalandi kɛ.
\b
\q1
\v 7 Luda Zĩ̀karide, ǹ tó ò su ó gwena zĩn,
\q1 ǹ ãn werewá ń ò sura ba.
\b
\q1
\v 8 N geepi lí wò Misila,
\q1 n pɛ burinↄa, akũ n lí pìi pɛ̀ ń gbɛ̀n.
\q1
\v 9 N gu kɛ̀kɛnɛ à zĩni pɛ̀tɛ,
\q1 akũ à ↄ tà à gu sì.
\q1
\v 10 A uraa dà kpinↄla,
\q1 a gã̀nↄ de sida lí zↄ̃kↄ̃nↄla.
\q1
\v 11 À ↄ tà à gɛ̀ɛ ari ísira lɛ́a,
\q1 a ↄnɛnↄ kà ari Yuflati.
\b
\q1
\v 12 Bↄ́yãin n a karaa gbòro
\q1 de gbɛ̃ kũ òtɛn gɛ̃tɛnↄ gↄ̃ ↄ mátɛ a nɛ́ii?
\q1
\v 13 Sàkpanↄ dì lɛ́ kái ò bi,
\q1 nↄ̀bↄsɛ̃ntɛnↄ dì su ò a lá ble.
\q1
\v 14 N yã nna! Luda Zĩ̀karide, ǹ ɛra ǹ arɛ dↄwá!
\q1 Zaa musu ǹ wɛ́ kpátɛ ǹ gwa!
\q1 Ǹ laakari dↄ geepi lí día,
\q1
\v 15 pↄ́ kũ n pɛ̀ kũ n ↄplao,
\q1 nɛ́ kũ n tùtuu kɛ̀ n zĩdanɛɛ.
\b
\q1
\v 16 Ò n geepi lí pìi zↄ̃̀ ò tɛ́ sↄ̃̀a,
\q1 ǹ wɛ́ tɛ̃ra pitiḿma de ò kakatɛ.
\q1
\v 17 Ǹ ↄ kú gbɛ̃ kũ à kú n ↄplaiia,
\q1 bisãsiri nɛ́ kũ n sɛ̀ n pↄ́ ũ pìi,
\q1
\v 18 óni kɛ̃mma doro.
\q1 Ǹ ó kunna kɛkɛ ǹ kɛwɛrɛ, óni n sísi.
\q1
\v 19 Dikiri Luda Zĩ̀karide,
\q1 ǹ tó ò su ó gwena zĩn,
\q1 ǹ ãn werewá ń ó sura ba.
\c 81
\s1 Isarailanↄ dikpɛ lɛ̀ɛ
\d Asafa lɛ̀ɛ.
\q1
\v 1 À ayuwii kɛ Luda ó gbãnaa,
\q1 à pↄnna wiki lɛ́ Yakubu burinↄ Ludaa.
\q1
\v 2 À lɛ̀ dↄ à bata lɛ́
\q1 kũ mↄrↄ'ũ nnao kũ gidigboo.
\b
\q1
\v 3 À kuru pɛ́ mↄ dufu bonaao,
\q1 à pɛ́ tó mↄ kɛ̀ papana ó dikpɛgↄrↄ,
\q1
\v 4 zaakũ à de doka ũ Isarailanↄnɛmɛ,
\q1 yã kũ Yakubu burinↄ Luda dìtɛn gwe.
\q1
\v 5 À yã pìi dà Yusufu burinↄnɛ
\q1 gↄrↄ kũ à vĩ̀ Misila bùsula.
\q1 Ò kòto kũ ò dↄ̃ro mà à pì:
\b
\q1
\v 6 Ma aso gò á gã̀aa,
\q1 ma á ↄ bò ɛ̃bona zĩn.
\q1
\v 7 A ↄ́ↄ dↄ̀mɛnɛ warikɛgↄrↄa, akũ ma á bó,
\q1 ma weáwa zaa legũvĩnaa gũn,
\q1 ma á lɛ́ ma á gwá zaa Mɛriba í kĩnaa.
\b
\q1
\v 8 À sã kpá ma gbɛ̃nↄ, mani lɛ́ daáwa,
\q1 ákↄ̃nↄ Isarailanↄ, tó áni ma yã ma dé!
\q1
\v 9 Àsungↄ̃ buri zĩ̀tↄnↄ tãna vĩ á tɛ́ro,
\q1 àsun kútɛ dikiri pãndenɛro.
\q1
\v 10 Makũmɛ Dikiri á Luda ũ,
\q1 ma á bↄ́tɛ Misila.
\q1 À á lɛ́ wɛ̃, mani tó à kã.
\b
\q1
\v 11 Ama Isarailanↄ gì ma yã mai,
\q1 ma gbɛ̃ pìnↄ dí mì natɛmɛnɛro.
\q1
\v 12 Akũ ma ń tó kũ ń sãgbãnakɛo,
\q1 ò tɛ́ ń zĩda pↄyeinaai.
\q1
\v 13 Tó ò pi Isarailanↄ ni ma yã ma,
\q1 tó ma gbɛ̃nↄn tɛ́ ma yãi,
\q1
\v 14 de mani ń ibɛrɛnↄ sↄ̃pɛtɛ gↄ̃̀nↄgↄ̃nↄ,
\q1 mani ↄ sↄ̃ ń zãngurinↄi.
\q1
\v 15 Ma zãngurinↄ ni kã natɛ ma arɛ,
\q1 ń wɛ́tãmmana nigↄ̃ lakana vĩro.
\q1
\v 16 Gbasa mà á gwa kũ pↄ́blewɛ manao,
\q1 mà ɛra mà gbɛ̀ zↄ́'i kpááwa à mↄ́awa.
\c 82
\s1 Yãkpatɛkɛna kũ gbãnadenↄ
\d Asafa lɛ̀ɛ.
\q1
\v 1 Luda vutɛna pari kↄ̃kakaranaa gũn,
\q1 àtɛn yãkpatɛ kɛ kũ Ludanↄ à pì:
\q1
\v 2 Ari bↄrɛn ánigↄ̃ yãkpatɛ kɛɛ a kpɛdangara
\q1 à yã sí yãvãnikɛrinↄnɛɛ?
\q1
\v 3 À yã nna kpá gbãnasaridenↄa kũ tonɛnↄo,
\q1 à zɛ kũ takasidenↄ kũ gbɛ̃ kũ òtɛn wɛ́ tãḿmanↄo.
\q1
\v 4 À gbãnasaridenↄ kũ wɛ̃ndadenↄ sura ba,
\q1 à ń bo yãvãnikɛrinↄ ↄĩ.
\b
\q1
\v 5 Ò yãke dↄ̃ro, ò a ke gbá dↄ̃ro,
\q1 ò kú gusira gũmmɛ,
\q1 akũ andunia yĩ̀gã ari a gɛ̃i.
\b
\q1
\v 6 Ma pì Ludanↄmɛ á ũ,
\q1 Luda Musude nɛ́nↄn á ũ á pínki.
\q1
\v 7 Bee kũ abireo áni ga bisãsiri gana ũmɛ,
\q1 áni kpágula lán gbãnade kparanↄ bàmɛ.
\q1
\v 8 Luda, ǹ futɛ ǹ yãkpatɛ kɛ kũ anduniao,
\q1 zaakũ buri sĩnda pínki bi n pↄ́mɛ.
\c 83
\s1 Ibɛrɛnↄ kpana Ludaa
\d Asafa lɛ̀ɛ.
\q1
\v 1 Luda, ǹsungↄ̃ yĩtɛnaro,
\q1 n lɛ́ súngↄ̃ nakↄ̃anaro,
\q1 ǹsungↄ̃ kun kítikitiro, Luda.
\q1
\v 2 Ǹ n ibɛrɛnↄ gwa lákũ ò fùtɛ ò zɛ̀ nà,
\q1 n zãngurinↄ tɛni ń mì zuzu.
\q1
\v 3 Òtɛn ↄ̃ndↄ̃ kɛ n gbɛ̃nↄnɛ,
\q1 òtɛn lɛ́ kpákũsũ n gbɛ̃ yenyĩdenↄi.
\q1
\v 4 Òtɛn pi: À mↄ́ ò ń buri bo,
\q1 de ń tↄ́ Isaraila súngↄ̃ dↄ gbɛ̃ken doro.
\b
\q1
\v 5 Ò lɛ́ kpàkũsũ, ń yã kↄ̃ sɛ̀,
\q1 ò lɛ́dokↄ̃nↄ kɛ̀ kũ kↄ̃o ò futɛnyĩ.
\q1
\v 6 Ɛdↄmunↄ kũ Sumaila burinↄ
\q1 kũ Mↄabunↄ kũ Hazara burinↄ
\q1
\v 7 kũ Gebalidenↄ kũ Amↄninↄ
\q1 kũ Amalɛkinↄ kũ Filisitininↄ kũ Tayadenↄo.
\q1
\v 8 Bee se Asirianↄ nàḿma dↄ,
\q1 de ò ↄ da Lutu burinↄa.
\b
\q1
\v 9 Ǹ kɛńnɛ lákũ n kɛ̀ Midiãnↄnɛ nà,
\q1 lákũ n kɛ̀ Sisera kũ Yabĩonɛ nà Kisↄ̃i.
\q1
\v 10 N ń kɛ́ búgubugu Ɛndↄ,
\q1 akũ ò gↄ̃̀ katɛna zĩtɛ lán bisaa bà.
\q1
\v 11 Ǹ kɛ ń wɛ̃nɛnↄnɛ
\q1 lákũ ò kɛ̀ Orɛbu kũ Zebuonɛ nà.
\q1 Ǹ kɛ ń kínanɛnↄnɛ
\q1 lákũ ò kɛ̀ Zɛba kũ Zalamunaonɛ nà.
\q1
\v 12 Mↄ́kↄ̃nↄ mɛ́ ò pì yã,
\q1 ò Luda sãdãki sɛ́ ń pↄ́ ũ.
\b
\q1
\v 13 Ma Luda, ǹ tó ò gↄ̃ lán sɛ̃̀'ĩampuruu bà,
\q1 lán ése ũkã kũ ĩa tɛn sɛ́ bà.
\q1
\v 14 Lákũ dàkoo dì tɛ́ kũ nà,
\q1 kesↄ̃ lákũ tɛ́ dì kpinↄ ble nà,
\q1
\v 15 ǹ pɛ́tɛńyĩ kũ n zàga'ĩao,
\q1 ǹ tó n ĩa pãsĩ swɛ̃̀ kɛ̃ńgu.
\q1
\v 16 Ǹ tó ń gasu gↄ̃ kpá ń wɛ́i,
\q1 de ò n gbãna dↄ̃ Dikiri.
\b
\q1
\v 17 Wé'i nigↄ̃ ń kũ gↄrↄ sĩnda pínki kũ bídio,
\q1 ò boru kpɛ ò mì dɛ.
\q1
\v 18 Ǹ tó ògↄ̃ dↄ̃ kũ n tↄ́n Dikiri,
\q1 mↄkↄ̃mmɛ Luda Musude ũ andunia gũn pínki.
\c 84
\s1 Luda ↄn bɛgɛkɛnaa
\d Kora burinↄ lɛ̀ɛ.
\q1
\v 1 N kúki mana fá, Dikiri Zĩ̀karide!
\q1
\v 2 Matɛn Dikiri ↄn bɛgɛ kɛ ari gu tɛn lima,
\q1 ma nini kũ ma mɛ̀ɛo tɛn luka Luda Wɛ̃̀ndidei.
\b
\q1
\v 3 Dikiri Zĩ̀karide ma Kína ma Luda,
\q1 bee bãntoro sàa dà n gbagbaki sarɛ,
\q1 Ludakibɛbã kpɛ́ bò gwe à a nɛ́nↄ kàn.
\q1
\v 4 Arubarikadenↄmɛ gbɛ̃ kũ ò kú n ↄnnnↄ ũ,
\q1 òdigↄ̃ n táaki lɛ́ gↄrↄ sĩnda pínki.
\q1
\v 5 Arubarikadenↄmɛ gbɛ̃ kũ ń gbãnan n ũnↄ ũ,
\q1 n ↄn gɛna yã kú ń swɛ̃̀ɛ gũn.
\q1
\v 6 Tó òtɛn gɛ̃tɛ Baka guvutɛa,
\q1 àdi gↄ̃ lán gu kũ à ísɛ̃bokinↄ vĩ bà,
\q1 pↄ́tↄ̃gↄrↄ legũ dì tó arubarika dagula.
\q1
\v 7 Ń gɛnaa gũn ń gbãna dìgↄ̃ karamɛ
\q1 ari ò gɛ́ káo n kĩnaa Zaiↄ̃.
\b
\q1
\v 8 Dikiri Luda Zĩ̀karide, ǹ ma aduakɛna sí,
\q1 ǹ sã kpá ma yãi, Yakubu Luda.
\q1
\v 9 Luda, ǹ kína kũ à de ó sɛ̃gbako ũ gwa,
\q1 ǹ wɛ́ pɛ́ kína kũ n kàai.
\b
\q1
\v 10 Kunna n ↄn gↄrↄ do manamɛnɛ
\q1 de kunna gu pãndea gↄrↄ wàa sↄↄrola.
\q1 Ma Luda ↄn zɛ́dãkpãrikɛ sì
\q1 de kunna ↄn dokↄ̃nↄ kũ yãvãnikɛrinↄola.
\q1
\v 11 Dikiri Luda deńnɛ ifãntɛ̃ kũ sɛ̃gbako ũ,
\q1 Dikiri dì gbɛ̃kɛ kɛńnɛ kũ bɛ̀ɛrɛɛo,
\q1 àdi gí pↄ́ mana kpá taarisaridenↄairo.
\b
\q1
\v 12 Dikiri Zĩ̀karide,
\q1 arubarikademɛ gbɛ̃ kũ àtɛni n náani kɛ ũ.
\c 85
\s1 Aafia wɛ́kɛna Ludaa
\d Kora burinↄ lɛ̀ɛ.
\q1
\v 1 N arubarikaa dà n bùsun, Dikiri,
\q1 n su kũ Yakubu burinↄ ń gwena zĩn.
\q1
\v 2 N n gbɛ̃nↄ taarinↄ gòḿma,
\q1 n ń durunnanↄ kɛ̃̀ḿma pínki.
\q1
\v 3 N n pↄ kpã̀kpãa tò pínki,
\q1 n n pↄfɛ̃ pãsĩ tò.
\b
\q1
\v 4 Ǹ su kũoo ó gwena zĩn, Luda ó Surabari,
\q1 ǹ pɛ̃tɛ̃ kũ n kɛ̀ kũoo lago.
\q1
\v 5 N pↄ nigↄ̃ fɛ̃nawái gↄrↄ sĩnda pínkin yá?
\q1 Ĩnigↄ̃ n pↄfɛ̃gↄrↄ gága wɛ̃̀ kũ wɛ̃̀ɛon yá?
\q1
\v 6 Ĩni ɛra ǹ n gbɛ̃nↄ kunna kɛkɛ ǹ kɛńnɛ dↄ,
\q1 de ń pↄ le à kɛmma nnaroo?
\q1
\v 7 Dikiri, ǹ n gbɛ̃kɛ mↄwɛrɛ,
\q1 ǹ ó sura ba kũ n gbãnao.
\b
\q1
\v 8 Ma sã dↄ Dikiri Luda yã'onaaa,
\q1 zaakũ àdi aafia lɛ́ sɛ́ a yãmarinↄnɛ,
\q1 tó odi ɛra ò sù ń yↄ̃̀nkↄyãnↄaro.
\q1
\v 9 A vĩnakɛrinↄ surabanaa gↄrↄ zã̀ro,
\q1 de a gakuri le àgↄ̃ kú ó bùsun yãi.
\b
\q1
\v 10 Gbɛ̃kɛ kũ náanio dì dakarɛ,
\q1 yãzɛde kũ aafiaao dì ↄ kpákↄ̃a.
\q1
\v 11 Náani dì ↄ poro musu,
\q1 yãzɛde dì ↄ nↄnↄ zĩtɛ.
\q1
\v 12 Dikiri ni yã mana kɛwɛrɛ,
\q1 ó zĩtɛ ni pↄ́ble kɛ.
\q1
\v 13 Yãzɛde dìgↄ̃ tɛ́ a arɛ,
\q1 àdi zɛ́ kɛkɛnɛ.
\c 86
\s1 Kpányĩ wɛ́kɛna Ludaa
\d Dauda lɛ̀ɛ.
\q1
\v 1 Dikiri, ǹ sã kpá ma yãi ǹ wema,
\q1 zaakũ takaside wɛ̃ndaden ma ũ.
\q1
\v 2 Ǹ ma wɛ̃̀ndi dãkpã,
\q1 zaakũ má a zĩda kpàmma.
\q1 Ǹ makũ n zↄ̀bleri sura ba,
\q1 zaakũ matɛni n náani kɛ,
\q1 mↄkↄ̃mmɛ ma Luda ũ.
\q1
\v 3 Ǹ sùru kɛ kũmao, Dikiri,
\q1 zaakũ madìgↄ̃ n sísi kↄnkↄ kũ ↄkↄsio.
\q1
\v 4 Ǹ makũ n zↄ̀bleri pↄ kɛ nna,
\q1 zaakũ ma laakarii tà n kĩnaa, Dikiri.
\q1
\v 5 Ń mana akũsↄ̃ ń sùru vĩ, Dikiri,
\q1 n gbɛ̃kɛ zↄ̃kↄ̃ n sìsirinↄnɛ.
\q1
\v 6 Dikiri, ǹ sã kpá ma wɛ́kɛnaai,
\q1 ǹ laakari dↄ ma wɛ̃nda wikia.
\q1
\v 7 Mani n sísi ma warikɛgↄrↄ zĩ,
\q1 zaakũ ndì wema.
\b
\q1
\v 8 Tãna ke ni sí lɛkↄ̃a kũnworo, Dikiri,
\q1 gbɛ̃ke dì fↄ̃ à n kɛna kɛro.
\q1
\v 9 Buri kũ n kɛ̀nↄ ni su ò kútɛnnɛ,
\q1 ò n tↄ́ bo ń pínki.
\q1
\v 10 Zaakũ ń zↄ̃kↄ̃ akũsↄ̃ ndì daboyãnↄ kɛ,
\q1 mↄkↄ̃mmɛ Luda ũ ndo.
\b
\q1
\v 11 Ǹ n zɛ́ mↄmɛnɛ, Dikiri, manigↄ̃ táa o n yãpura gũn,
\q1 ǹ ma laasun kɛmɛnɛ do, de màgↄ̃ n vĩna vĩ.
\q1
\v 12 Mani n sáabu kpá kũ nɛ̀sɛdoo,
\q1 Dikiri ma Luda, manigↄ̃ n tↄ́ bo gↄrↄ sĩnda pínki.
\q1
\v 13 Zaakũ gbɛ̃kɛ kũ n kɛ̀mɛnɛ zↄ̃kↄ̃,
\q1 n ma wɛ̃̀ndii sì gyãwãn lↄ̀n.
\b
\q1
\v 14 Luda, karambaanidenↄ tɛn futɛmai,
\q1 gbɛ̃ pãsĩnↄ tɛni ma wɛ, òdi n yã daro.
\q1
\v 15 Mↄkↄ̃n Dikiri, Luda wɛ̃ndadↄ̃nnɛrimɛ n ũ,
\q1 ń sùru vĩ akũsↄ̃ n pↄ dì fɛ̃ likalikaro,
\q1 n gbɛ̃kɛ kũ n náanio zↄ̃kↄ̃.
\q1
\v 16 Ǹ arɛ dↄma ǹ ma wɛ̃nda gwa,
\q1 ǹ n zↄ̀bleri gba gbãna,
\q1 ǹ makũ n zↄ̀nↄkpare nɛ́ sura ba.
\q1
\v 17 Ǹ yãmanakɛna sèeda kɛmɛnɛ
\q1 de ma zãngurinↄ e, wé'i ń kũ,
\q1 zaakũ Dikiri, n kpamai,
\q1 n ma laakarii kpàtɛmɛnɛ.
\c 87
\s1 Zaiↄ̃ bi Luda wɛ̃tɛmɛ
\d Kora burinↄ lɛ̀ɛ.
\q1
\v 1 Luda a wɛ̃tɛ kàtɛ
\q1 kpi kũ à kú adona musu,
\q1
\v 2 Dikiri ye Zaiↄ̃ bĩnilɛnↄi
\q1 de Yakubu burinↄ wɛ̃tɛ kparanↄla pínki.
\q1
\v 3 Luda wɛ̃tɛ,
\q1 Luda gakuriyã ò n musu à pì:
\q1
\v 4 Mani Misilanↄ kũ Babilↄnudenↄ da
\q1 gbɛ̃ kũ ò ma dↄ̃nↄ tɛ́.
\q1 Filisitininↄn kú a gũn dↄ
\q1 kũ Tayadenↄ kũ Etiopianↄ.
\q1 Oni pi, ò gbɛ̃ birenↄ ì gwemɛ.
\b
\q1
\v 5 Zaiↄ̃ yã musu oni pi:
\q1 Ò wãanɛ kũ wãanɛo ì gwemɛ,
\q1 Luda Musude mɛ́ àdi a zĩni pɛ́tɛ gíngin.
\q1
\v 6 Tó Dikiri tɛn gbɛ̃nↄ tↄ́ da takadan,
\q1 ani pi: Ò gbɛ̃ dí ì gwemɛ.
\q1
\v 7 Lɛ̀sirinↄ kũ ũwãrinↄ ń pínki ò pi:
\q1 Ó manakɛ pínki dì bo Zaiↄ̃mɛ.
\c 88
\s1 Kunna ga lɛ́i aduakɛnaa
\d Ɛzɛra buri Emani lɛ̀ɛ.
\q1
\v 1 Dikiri Luda ma Surabari,
\q1 matɛn wiki lɛ́mma fãnantɛ̃ kũ gwãanio.
\q1
\v 2 Ǹ tó ma aduakɛna kámma,
\q1 ǹ sã kpá ma ↄ́ↄdↄnaai.
\b
\q1
\v 3 Zaakũ yã'ũmmana ma nɛ̀sɛɛ pà,
\q1 ma wɛ̃̀ndii kú ga lɛ́i.
\q1
\v 4 Ò ma da gbɛ̃ kũ òtɛn si gyãwãnnnↄ tɛ́,
\q1 ma gↄ̃ gbãnasaride ũ.
\q1
\v 5 Ò pã kpàmai ò ma da gɛ̀nↄ tɛ́
\q1 lán gbɛ̃ kũ ò wutɛna miran sↄ̀rↄrↄnↄ bà,
\q1 lán gbɛ̃ kũ ń yã dↄngu doro
\q1 ń bàka kú kũnworonↄ bà.
\b
\q1
\v 6 N ma zu wɛ̀ɛ lòkoton
\q1 ari zĩtɛ tú tↄ̃̀nↄwɛɛ gusiran.
\q1
\v 7 N pↄfɛ̃ tↄ̃̀ma,
\q1 a ísↄ̃ dàmala.
\q1
\v 8 N tò ma gbɛ̃nↄ ma zukũna,
\q1 n tò ò ye ma kãiro.
\q1 Ò ma tata, boki kunlo,
\q1
\v 9 warikɛna ma wɛ́ sira kũ̀.
\b
\q1 Matɛni n sísi zaa kↄnkↄ ari ↄkↄsi,
\q1 ma ↄnↄ dↄnanyĩ.
\q1
\v 10 Gɛ̀nↄn ndì yãbonsarɛ kɛńnɛ yá?
\q1 Gyãwãndenↄ mɛ́ òdi futɛ ò n sáabu kpá yá?
\q1
\v 11 Òdi n gbɛ̃kɛ baba mira gũnn yá?
\q1 Òdi n náanikɛna yã o gyãwãnn yá?
\q1
\v 12 Ò n daboyãnↄ dↄ̃ gusira gũnn yá?
\q1 N yãmanakɛnanↄ dↄ̃na kú yãsãnguki gũnn yá?
\b
\q1
\v 13 Dikiri, matɛn ↄ́ↄ dↄnnɛ,
\q1 ma aduakɛna kↄnkↄ dì ká n kĩnaa.
\q1
\v 14 Bↄ́yãi ntɛn gímaii, Dikiri?
\q1 À kɛ̀ dera n mìkpɛrɛ zùmɛnɛɛ?
\q1
\v 15 Má kú ga lɛ́i wɛ̃ndawɛ̃nda zaa ma kɛfɛnnakɛgↄrↄa,
\q1 n yã pãsĩnↄ tↄ̃̀ma, ma gↄ̃ sã̀ii.
\q1
\v 16 N pↄfɛ̃namai dàmala,
\q1 n vĩnapↄnↄ ma kakatɛ.
\q1
\v 17 Ò dàmala lán í bà zaa kↄnkↄ ari ↄkↄsi,
\q1 ò lìkamai mámmam.
\q1
\v 18 N tò ma gbɛ̃nↄ kũ ma gbɛ̃nnanↄ ma zukũna,
\q1 gusira mɛ́ à gↄ̃̀ ma kpàasi ũ.
\c 89
\s1 Luda lɛ́sɛna Daudanɛ
\d Ɛzɛra buri Etani lɛ̀ɛ.
\q1
\v 1 Dikiri, manigↄ̃ lɛ̀ sí n gbɛ̃kɛ yã musu lakanaa sari,
\q1 manigↄ̃ n náanikɛna kpàkpa kɛ wɛ̃̀ kũ wɛ̃̀ɛo.
\q1
\v 2 Mani o kũ n gbɛ̃kɛ lakana vĩro,
\q1 n náanikɛna zĩni pɛtɛna n bɛa zaa musu.
\b
\q1
\v 3 N pì: Ma bàka kú kũ gbɛ̃ kũ ma sɛ̀ɛo,
\q1 ma lɛ́ sɛ̀ ma zↄ̀bleri Daudanɛ.
\q1
\v 4 Mani tó a buri gↄ̃ kí ble gↄrↄ sĩnda pínki,
\q1 mani a kpata gba gbãna ari a buria.
\b
\q1
\v 5 Musudenↄ dì n daboyãnↄ sáabu kpá, Dikiri,
\q1 malaikanↄ dì n náanikɛna yã o ń kↄ̃kakaranaa gũn.
\q1
\v 6 Zaakũ gbɛ̃ke kú musu kũ à kà Dikiri ũro,
\q1 malaika ke ni sí lɛkↄ̃a kãaoro.
\q1
\v 7 Luda vĩna dì malaikanↄ kũ ń kↄ̃kakaranan,
\q1 à naasi vĩ de gbɛ̃ kũ ò likainↄla.
\q1
\v 8 Dikiri Luda Zĩ̀karide, dí mɛ́ à lɛɛlɛ kũnwoo?
\q1 Ń gbãna kũ náanio vĩ yã sĩnda pínki gũn.
\b
\q1
\v 9 Ndì gbãna mↄ ísiranɛ,
\q1 tó à sↄ̃ fùtɛ kũ vĩvĩnaao, ndì a gbãna fↄ̃.
\q1
\v 10 N Misilanↄ dúgu zↄ̃̀, ò gↄ̃̀ gɛ̀nↄ ũ,
\q1 n n zãngurinↄ fã̀kↄ̃a kũ n gã̀sã gbãnao.
\q1
\v 11 Musu bi n pↄ́mɛ, zĩtɛ dↄ bi n pↄ́mɛ,
\q1 n andunia kàtɛ kũ pↄ́ kũ ò kú a gũnnↄ pínki.
\q1
\v 12 N gugbãnduru kũ gɛ̀nↄmidↄkio kɛ̀,
\q1 Tabo kũ Ɛmↄ gbɛ̀nↄ dì ayuwii kɛ kũ n tↄ́o.
\q1
\v 13 N gã̀sã bi gbãna pↄ́mɛ,
\q1 n ↄ gbãna akũsↄ̃ n ↄpla dↄ musu.
\b
\q1
\v 14 Yãmanakɛ kũ yãzɛdekɛoomɛ n kpata zĩni ũ,
\q1 gbɛ̃kɛ kũ náanio mɛ́ à donnɛ arɛ.
\q1
\v 15 Arubarikadenↄmɛ gbɛ̃ kũ ò ayuwiikɛmmanↄ ũ,
\q1 kũ òdigↄ̃ táa o gupura kũ à kú n kurunyĩ, Dikiri.
\q1
\v 16 Òdigↄ̃ pↄnna kɛ kũ n tↄ́o gↄrↄ sĩnda pínki,
\q1 òdi ĩa dã kũ n manakɛo.
\q1
\v 17 Zaakũ ń gakuri kũ ń gbãnaomɛ n ũ,
\q1 n zɛna kũoo dì ó sɛ́ lei.
\q1
\v 18 Ó kína bi Dikiri pↄ́mɛ,
\q1 ó sɛ̃gbako pì bi Isarailanↄ Luda pↄ́mɛ.
\b
\q1
\v 19 N yã ò n yãmarinↄnɛ yã wɛ́gupu'enaa gũn
\q1 n pì: Ma kpányĩ kɛ̀ gↄ̃saanɛ,
\q1 ma kɛfɛnna sɛ̀ musu a gbɛ̃nↄ tɛ́.
\q1
\v 20 Ma a zↄ̀bleri Dauda lè,
\q1 ma a nísi kùa ma a dìtɛ.
\q1
\v 21 Manigↄ̃ a kũna ma ↄĩ,
\q1 ma gã̀sã gbãna nigↄ̃ kú kãao.
\q1
\v 22 Ibɛrɛ ke ni fↄ̃ à táfe síaro,
\q1 gbɛ̃ vãni ke ni le à gbãna mↄnɛro.
\q1
\v 23 Mani a wɛtɛrinↄ mì dɛ a arɛ,
\q1 mani a zãngurinↄ nɛ.
\q1
\v 24 Mani gbɛ̃kɛ kɛnɛ kũ náanio,
\q1 oni a sɛ́ lei kũ ma tↄ́o.
\q1
\v 25 Mani ísira nanɛ a ↄĩ,
\q1 anigↄ̃ iko vĩ swanↄa.
\q1
\v 26 Ani ma sísi à pi,
\q1 má de a De ũ kũ a Ludao,
\q1 a gbɛ̀si ũ kũ a surabariio.
\q1
\v 27 Mani a kɛ ma daudu ũ,
\q1 anigↄ̃ de andunia kínanↄ mìde ũ.
\q1
\v 28 Manigↄ̃ gbɛ̃kɛ vĩ kãao gↄrↄ sĩnda pínki,
\q1 ma bàka kũ à kú kãao gborona vĩro.
\q1
\v 29 Mani tó a buri gↄ̃ kí ble gↄrↄ sĩnda pínki,
\q1 a kpata nigↄ̃ kun lákũ ludambɛ dìgↄ̃ kun nà.
\b
\q1
\v 30 Tó a burinↄ pã kpà ma dokai,
\q1 akũsↄ̃ odi tɛ́ ma yãditɛnanↄiro,
\q1
\v 31 tó ò bò ma yã kpɛ,
\q1 akũsↄ̃ ò ma yãdannɛnanↄ kũnaro,
\q1
\v 32 mani gò tↄ̃ḿma ń taarinↄ yãi,
\q1 mani ń kɛ búgubugu ń vãnikɛnaa musu.
\q1
\v 33 Ama gbɛ̃kɛ kũ má vĩ kãao ni lákaro,
\q1 mani fↄ̃ mà náanisariyã kɛro.
\q1
\v 34 Mani ma bàka kunna kãao yã gbororo,
\q1 mani yã kũ à bò ma lɛ́n litɛro.
\q1
\v 35 Ma sì kũ ma kunnaao gɛ̃̀n do,
\q1 mani ɛ́kɛ to Daudanɛro, kũ ma pì,
\q1
\v 36 a buri nigↄ̃ kun gↄrↄ sĩnda pínki,
\q1 a kpata nigↄ̃ kun ma wára lán ifãntɛ̃ bà.
\q1
\v 37 Lákũ mↄvura de sèeda náanide ũ musu nà,
\q1 lɛn a kpata nigↄ̃ kun gↄrↄ sĩnda pínki lɛ.
\b
\q1
\v 38 Bee kũ abireo n gi kína kũ n kài,
\q1 n ↄ gbàrɛi n pↄ fɛ̃̀ kãao manamana.
\q1
\v 39 N n bàka kunna kũ n zↄ̀bleriio yã gbòro,
\q1 n a kífura gya bò n pã̀tɛ zĩtɛ.
\q1
\v 40 N a wɛ̃tɛ bĩninↄ gbòro,
\q1 n a zɛki gbãnanↄ kↄ̀tɛ n dàtɛ.
\q1
\v 41 Gbɛ̃ kũ òtɛn gɛ̃tɛnↄ ń baka bòn ń pínki,
\q1 à gↄ̃̀ lalandi pↄ́ ũ a buri dakenↄnɛ.
\q1
\v 42 N a wɛtɛrinↄ gã̀a sɛ̀ lei,
\q1 n tò a ibɛrɛnↄ pↄnna kɛ̀.
\q1
\v 43 N a fɛ̃nɛda gbãna ɛ̀,
\q1 ńdi zɛ kãao zĩ̀i gũnlo.
\q1
\v 44 N a kíkɛgoo sìa,
\q1 n a kpataa nɛ̀.
\q1
\v 45 N tò à zĩ kũ̀ a gbãnan,
\q1 n wé'i dàa arukĩmba ũ.
\b
\q1
\v 46 Dikiri, ĩnigↄ̃ utɛnawɛrɛ ari bↄrɛmɛɛ?
\q1 N pↄfɛ̃ tɛ́ nigↄ̃ kũ gↄrↄ sĩnda pínkin yá?
\q1
\v 47 Ǹ laasun lɛ́ ma wɛ̃̀ndi kutukɛa.
\q1 N bisãsiri kɛ̀ pãn yá?
\q1
\v 48 Dí mɛ́ anigↄ̃ kun à gí gaii?
\q1 Dí mɛ́ ani fↄ̃ à a zĩda sí mira gbãnaaa?
\q1
\v 49 Dikiri, gbɛ̃kɛ kũ ń vĩ yã gɛ̀ɛ máa?
\q1 N yenyĩ kũ n a lɛ́ sɛ̀ Daudanɛ kũ náanio sↄ̃ bi?
\q1
\v 50 Ǹ tó n zↄ̀bleri fobona yã dↄngu,
\q1 burinↄ ma sↄ̃sↄ̃ ò ma nɛ̀sɛɛ yàka.
\q1
\v 51 N ibɛrɛnↄ kína kũ n kà lalandii kɛ̀
\q1 ari gu kũ a gɛ̀sɛɛ pɛ̀tɛn, Dikiri.
\b
\q1
\v 52 Arubarikaden Dikiri ũ ari gↄrↄ sĩnda pínki!
\q1 Aami! Aami!
\ms1 TAKADA SIIKƆ̃DE
\mr Zabura 90-106
\c 90
\s1 Luda kũ bisãsirio
\d Luda gbɛ̃ Musa aduakɛnaa.
\q1
\v 1 Dikiri, ó utɛkimɛ n ũ wɛ̃̀ kũ wɛ̃̀ɛo.
\q1
\v 2 De ń kpɛ́ ǹ kpinↄ kɛ,
\q1 de ń kpɛ́ ǹ zĩtɛ kũ anduniao kátɛ,
\q1 Ludamɛ n ũ zaa káaku ari gↄrↄ sĩnda pínki.
\b
\q1
\v 3 N dìtɛ kũ bisãsiri ɛra zĩtɛ,
\q1 ndì pińnɛ ò ɛra bùsun.
\q1
\v 4 Wɛ̃̀ wàa sↄↄro dennɛ lán gↄrↄ do bà,
\q1 à dennɛ lán gĩa ke gwãani zaka bà.
\q1
\v 5 Ndì bisãsiri sɛ́ kũ ga'io,
\q1 ò de lán sɛ̃̀ yĩda bà kↄnkↄ.
\q1
\v 6 Àdi butɛ kↄnkↄ à gbã,
\q1 àdi yitoro kũ ↄkↄsi à kori kɛ.
\b
\q1
\v 7 N pↄfɛ̃ dì ó kakatɛ,
\q1 n patammanaa dì swɛ̃̀ kɛ̃ógu.
\q1
\v 8 Ó yã vãninↄn katɛna n arɛ,
\q1 ó asiriyãnↄ bò gupuran n kùru.
\q1
\v 9 Ó gↄrↄ dì gɛ̃tɛ n pɛ̃tɛ̃ yãi,
\q1 ó wɛ̃̀ndii dì láka kũ ndanaao.
\q1
\v 10 Ó wɛ̃̀ɛ dì ká baaakↄ̃ akuri,
\q1 tó ó gbãna sↄ̃, basiikↄ̃.
\q1 Wari kũ pↄsiraoon wɛ̃̀ɛ pìnↄ dì suowɛrɛ,
\q1 òdi gɛ̃tɛ likalika, akũ odì kpágui.
\b
\q1
\v 11 Dí mɛ́ à n pↄfɛ̃ gbãna lɛ́ dↄ̃ↄ?
\q1 n pɛ̃tɛ̃ zↄ̃kↄ̃ↄ kà vĩna kũ à de ò kɛnnɛ ũ.
\q1
\v 12 Ǹ dadawɛrɛ ògↄ̃ ó wɛ̃̀ndi kutukɛ lɛ́ dↄ̃,
\q1 de ò ↄ̃ndↄ̃ le ó swɛ̃̀ɛ gũn.
\b
\q1
\v 13 Dikiri, bↄrɛn ĩni n pↄfɛ̃ kpátɛɛ?
\q1 Ǹ n zↄ̀blerinↄ wɛ̃nda gwa.
\q1
\v 14 Ǹ tó n gbɛ̃kɛ suwá lákũ gu dìgↄ̃ dↄ nà,
\q1 de ògↄ̃ pↄnna kɛ kũ ayuwiikɛnaao ari ó gↄrↄ lɛ́n.
\q1
\v 15 Ǹ ó pↄ kɛ nna ↄ kũ n tↄ̃̀wá gↄrↄ lɛ́n,
\q1 wari kũ o kɛ̀ wɛ̃̀ lɛ́n.
\q1
\v 16 Ǹ n yãkɛnanↄ mↄ ókↄ̃nↄ n zↄ̀blerinↄnɛ,
\q1 ǹ tó ó nɛ́nↄ n gbãna gakuri dↄ̃.
\b
\q1
\v 17 Dikiri ó Luda, ǹ tó ò n pↄnna le,
\q1 ǹ tó ó zĩ àre le,
\q1 ee, ǹ tó ó zĩ àre le.
\c 91
\s1 Ludamɛ ó dãkpãri ũ
\q1
\v 1 Gbɛ̃ kũ à utɛna Luda Musude ↄĩ
\q1 nigↄ̃ kú Gbãnasĩndapinkide uraai.
\q1
\v 2 Ani pi Dikirimɛ a zɛki gbãna ũ,
\q1 a Ludamɛ a utɛki ũ, á a náani vĩ.
\b
\q1
\v 3 Àkũ mɛ́ ani n sí kariia,
\q1 ani n sura ba kũ gagagyão.
\q1
\v 4 Ani n sↄtↄ a pↄtɛn, ĩnigↄ̃ utɛna a orun,
\q1 a náanikɛna mɛ́ ani n dãkpã lán sɛ̃gbako bà.
\q1
\v 5 Gwãani karinↄ kũ fãnantɛ̃ kà vĩnlanↄ
\q1 ń ke vĩna ni n kũro,
\q1
\v 6 ke gagagyã kũ àdigↄ̃ tɛ́ gusiran
\q1 ke gyãgɛ̃wɛ̃tɛ kũ àdi ń le fãnantɛ̃ gbãna.
\q1
\v 7 Bee tó gbɛ̃nↄn wàa sↄↄro tɛn lɛ́tɛ n sarɛ,
\q1 ke gbɛ̃nↄn dúbu kuri tɛn ga n ↄplai,
\q1 pↄ́ke ni n lero.
\q1
\v 8 Ĩni wɛ́ sɛ́ ǹ gwa,
\q1 ĩni e lákũ òdi wɛ́ tã yãvãnikɛrinↄa nà.
\b
\q1
\v 9 Tó n Luda Musude kɛ̀ n utɛki ũ,
\q1 tó n Dikiri kɛ̀ n kúki ũ,
\q1
\v 10 yã vãni ke ni n lero,
\q1 kisira ni gɛ̃ n ↄnnlo.
\q1
\v 11 Zaakũ ani n yã o a malaikanↄnɛ,
\q1 de ò n dãkpã gu kũ ntɛn gɛ́n pínki.
\q1
\v 12 Oni n sɛ́ ń ↄĩ
\q1 de ǹsun gɛ̃̀ sí gbɛ̀ɛaro yãi.
\q1
\v 13 Ĩni gɛ̀sɛ zɛ músuua kũ káreo,
\q1 ĩni gɛ̀sɛ pɛ́tɛpɛtɛ sàbooa kũ pitikoo.
\b
\q1
\v 14 Dikiri pì: Zaakũ à nàmai, mani a bo,
\q1 zaakũ à ma dↄ̃, mani ↄ kúa.
\q1
\v 15 Ani ma sísi, mani wea,
\q1 tó yã nàkaraa, manigↄ̃ kú kãao,
\q1 mani a sura ba mà a kpe ta.
\q1
\v 16 Mani a pↄ kɛ nna kũ wɛ̃̀ndi gbã̀nao,
\q1 mani tó à e lákũ madì gbɛ̃ sura ba nà.
\c 92
\s1 Luda sáabukpanaa
\d Kámmabogↄrↄ lɛ̀ɛ.
\q1
\v 1 À mana ò n sáabu kpá, Dikiri,
\q1 ò lɛ̀ sí ò n tↄ́ bo, Luda Musude,
\q1
\v 2 ò n gbɛ̃kɛ baba kↄnkↄ,
\q1 ò n náanikɛyã o gwãani,
\q1
\v 3 ò n táaki lɛ́ kũ mↄrↄↄo
\q1 kũ gidigboo kũ kontigiio.
\b
\q1
\v 4 N yãkɛnanↄ dì ma pↄ kɛ nna, Dikiri,
\q1 madì ayuwii kɛ n ↄzĩkɛnanↄa.
\q1
\v 5 Dikiri, n yãkɛnanↄn zↄ̃kↄ̃ manamana,
\q1 n laasunnↄn zã̀ à kɛ̀ zↄ̃kↄ̃.
\q1
\v 6 Yↄ̃nkↄ yã pì dↄ̃ro,
\q1 mìsaride ni fↄ̃ à dↄ̀rↄ dↄ̃ro.
\q1
\v 7 Bee tó gbɛ̃ vãninↄ fùtɛ ò gbã̀ lán sɛ̃̀ɛ bà
\q1 akũsↄ̃ yãvãnikɛrinↄ karana lè ń pínki,
\q1 ń zia bi kakatɛna lakanasarimɛ.
\b
\q1
\v 8 Mↄkↄ̃n sↄ̃ Dikiri,
\q1 ndìgↄ̃ kú musu gↄrↄ sĩnda pínki.
\b
\q1
\v 9 Ǹ gwa, n ibɛrɛnↄ tɛn láka,
\q1 vãnikɛrinↄ tɛn fãkↄ̃a ń pínki.
\q1
\v 10 N ma gba gbãna lán zùsɛ̃ntɛ bà,
\q1 n nísi mana kù ma mìia.
\q1
\v 11 Ma wɛ́ sì ma wɛtɛrinↄ lɛtɛnalɛ,
\q1 ma sã ma ibɛrɛ vãninↄ wikilɛnaa mà dↄ.
\b
\q1
\v 12 Gbɛ̃ mananↄ ni gbã lán domina línↄ bà,
\q1 oni kɛ zↄ̃kↄ̃ lán Lɛbana sida línↄ bà.
\q1
\v 13 Ò pɛna Dikiri bɛ gũn,
\q1 oni gbã ó Luda ↄnn.
\q1
\v 14 Bee kũ ń zĩkũkɛo onigↄ̃ nɛ́ imɛ,
\q1 ń lá nigↄ̃ tɛ́ kɛ síi plɛ̀plɛ.
\q1
\v 15 Ò pi, Dikirin mana,
\q1 àkũmɛ ó gbɛ̀si ũ, vãni ke kú a gũnlo.
\c 93
\s1 Dikirimɛ Kína ũ
\q1
\v 1 Dikiri mɛ́ àtɛn kí ble,
\q1 à zↄ̃kↄ̃kɛ dana uta ũ.
\q1 Dikiri zↄ̃kↄ̃kɛ dana,
\q1 à gbãna dↄ̀ a pi,
\q1 à andunia kàtɛ gíngin,
\q1 ani yĩgãro.
\q1
\v 2 N kpata pɛtɛna zaa zĩzĩ,
\q1 ń kun zaa káaku.
\q1
\v 3 Í zↄ̃kↄ̃ↄ dàgula Dikiri,
\q1 í zↄ̃kↄ̃ kĩni dↄ,
\q1 í zↄ̃kↄ̃ tɛn gã̀gã lɛ́.
\b
\q1
\v 4 Dikirin kú musu, à zↄ̃kↄ̃,
\q1 a zↄ̃kↄ̃ de í dasi kĩnila,
\q1 a gbãna de ísira sↄ̃ vĩvĩnala.
\b
\q1
\v 5 Dikiri, n yãditɛnanↄn gborona vĩro,
\q1 à kũ̀ n kpɛ́ gↄ̃ kú adona ari gↄrↄ sĩnda pínki.
\c 94
\s1 Ludamɛ yãkpatɛkɛri ũ
\q1
\v 1 Dikiri Luda Mↄrakari,
\q1 Luda Mↄrakari, ǹ bo gupuran!
\q1
\v 2 Andunia yãkpatɛkɛri, ǹ futɛ,
\q1 ǹ fĩna bo zĩdabirinↄa ń yãkɛnaaa.
\q1
\v 3 Gbɛ̃ vãninↄ nigↄ̃ pↄnna kɛ ari bↄrɛmɛɛ?
\q1 Ari bↄrɛmɛɛ, Dikiri?
\b
\q1
\v 4 Yãvãnikɛrinↄ dì gↄ̃sa yã o,
\q1 òdi yã bↄtɛ òdi ĩa dã ń pínki.
\q1
\v 5 Dikiri, òdi n gbɛ̃nↄ dúgu zↄ̃,
\q1 òdi gbãna mↄ gbɛ̃ kũ n ń sɛ́nↄnɛ.
\q1
\v 6 Òdi gyaanↄnↄ kũ bòasunↄ dɛdɛ,
\q1 òdi tonɛnↄ kakatɛ.
\q1
\v 7 Òdi pi Dikiri dí ń ero,
\q1 Yakubu burinↄ Luda laakari kúḿmaro.
\b
\q1
\v 8 Ákↄ̃nↄ yↄ̃nkↄnↄ, à laakari kɛ!
\q1 Ákↄ̃nↄ mìsaridenↄ, áni ↄ̃ndↄ̃ kũ bↄrɛmɛɛ?
\q1
\v 9 Luda mɛ́ à sã pɛ̀, ani gí yã mai yá?
\q1 À wɛ́ kɛ̀, ani gí gu ei yá?
\q1
\v 10 Àdi burinↄ toto, ani ń sã gágaro yá?
\q1 Àdi yã dańnɛ, à dↄ̃na vĩro yá?
\q1
\v 11 Dikiri bisãsiri laasun dↄ̃,
\q1 kũ yã pãmɛ.
\b
\q1
\v 12 Arubarikademɛ gbɛ̃ kũ ndì toto
\q1 ǹ n doka dadanɛ ũ, Dikiri.
\q1
\v 13 Ndì a laakari kpátɛnɛ warikɛgↄrↄa
\q1 ari ò gɛ́ wɛ̀ɛ yↄ̃ vãnikɛriinɛ.
\q1
\v 14 Dikiri ni pã kpá a gbɛ̃nↄiro,
\q1 ani gbɛ̃ kũ à ń sɛ́ a pↄ́ ũnↄ zukũnaro.
\q1
\v 15 Oni ɛra ò yãkpatɛ kɛ a zɛ́a,
\q1 nɛ̀sɛpuradenↄ ni zɛo.
\b
\q1
\v 16 Dí mɛ́ ani futɛmɛnɛ gbɛ̃ vãninↄaa?
\q1 Dí mɛ́ ani zɛ kũmao yãvãnikɛrinↄ yã musuu?
\q1
\v 17 Tó adi kɛ Dikiri kpányĩ kɛ̀mɛnɛnlo,
\q1 de má kú miran kítikiti kↄ̀.
\q1
\v 18 Kũ ma pì guzãrɛ tɛni ma sɛ́tɛ,
\q1 n ma kũ n gbɛ̃kɛ gũn, Dikiri.
\q1
\v 19 Kũ laasun pà ma swɛ̃̀n,
\q1 n ma laakarii kpàtɛmɛnɛ n ma pↄ kɛ̀ nna.
\b
\q1
\v 20 N bàka nigↄ̃ kú kũ yãlɛkpɛrɛgↄ̃gↄ̃rinↄ kpataao yá?
\q1 Ń yãditɛnanↄ dì suńnɛ kũ wario.
\q1
\v 21 Òdi lɛ́ kpákũsũ gbɛ̃ manai,
\q1 òdi yã da taarisaridela ò a dɛ.
\q1
\v 22 Dikirimɛ ma zɛki gbãna ũ,
\q1 ma Ludamɛ gbɛ̀si kũ madì utɛn ũ.
\q1
\v 23 Ani ń vãnikɛna ɛraḿma,
\q1 ani ń buri bo ń taarinↄ yãi.
\q1 Dikiri ó Luda ni ń buri bo.
\c 95
\s1 Luda táakilɛnaa
\q1
\v 1 À mↄ́ ò pↄnna lɛ̀ sí Dikirinɛ,
\q1 ò ayuwii dↄ Gbɛ̀si kũ àdi ó sura baa.
\q1
\v 2 Ò su a arɛ ò a sáabu kpá,
\q1 ò lɛ̀ sí ò a táaki lɛ́.
\b
\q1
\v 3 Zaakũ Dikiri bi Luda kũ à zↄ̃kↄ̃mɛ.
\q1 Kína zↄ̃kↄ̃ↄmɛ, à de dikiri sĩnda pínkila.
\q1
\v 4 Zĩtɛ lòkoto kú a ↄĩ,
\q1 kpi mìsↄ̃ntɛnↄ bi a pↄ́mɛ.
\q1
\v 5 Ísira bi a pↄ́mɛ, zaakũ à kɛ̀,
\q1 àkũ mɛ́ à zĩtɛ í kàsa kũ a ↄo.
\b
\q1
\v 6 À mↄ́ ò kútɛ ò donyĩ kɛ
\q1 ò wútɛ Dikiri ó Kɛ̀ri arɛ.
\q1
\v 7 Zaakũ àkũmɛ ó Luda ũ,
\q1 a kpàsa gbɛ̃nↄmɛ ó ũ,
\q1 a sã kũ àtɛni ń dãnↄ ũ.
\b
\q1 Tó a a kòtoo mà gbãra,
\q1
\v 8 àsun sãgbãna kɛ lákũ á dizinↄ kɛ̀ nà zaa Mɛribaro
\q1 ke Masa gↄrↄ kũ ò kú gbárannan.
\q1
\v 9 Bee kũ ò ma yãkɛnanↄ è,
\q1 ò ma lɛ ò ma gwa gwe.
\q1
\v 10 Akũ ma pↄ fɛ̃̀ gbɛ̃ pìnↄi ari wɛ̃̀ bupla,
\q1 ma pì gbɛ̃ sãsãnanↄmɛ ń ũ,
\q1 ò ma zɛ́nↄ dↄ̃ro.
\q1
\v 11 Akũ ma la dà ma pↄfɛ̃ gũn ma pì,
\q1 oni gɛ̃ ma kámmabokinlo.
\c 96
\s1 Dikirimɛ Kína zↄ̃kↄ̃ ũ
\q1
\v 1 À lɛ̀ dufu sí Dikirinɛ,
\q1 andunia gbɛ̃ sĩnda pínki, à lɛ̀ sí Dikirinɛ.
\q1
\v 2 À lɛ̀ sí Dikirinɛ à a tↄ́ bo,
\q1 àgↄ̃ a surabana baaru kpá lákũ gu dìgↄ̃ dↄ nà.
\q1
\v 3 À a gakurikɛyã o burinↄnɛ,
\q1 à a yãbonsarɛnↄ baba gbɛ̃ sĩnda pínkinɛ.
\b
\q1
\v 4 Dikirin zↄ̃kↄ̃, à kà ò a táaki lɛ́,
\q1 à kũ̀ ò vĩna kɛnɛ de tãnanↄla ń pínki.
\q1
\v 5 Burinↄ tãnanↄ bi pↄ́ ginanↄmɛ,
\q1 ama Dikiri mɛ́ à musu kɛ̀.
\q1
\v 6 Zↄ̃kↄ̃kɛ kũ bɛ̀ɛrɛɛo kúa,
\q1 gbãna kũ gakurio kú a kúkiamɛ.
\b
\q1
\v 7 À gakuri kũ gbãnao dↄ̃ Dikirinɛ,
\q1 bùsu sĩnda pínki gbɛ̃nↄ, à dↄ̃ Dikirinɛ.
\q1
\v 8 À Dikiri tↄ́ gakuri dↄ̃nɛ,
\q1 à mↄ́ kũ gbao à gɛ̃o a ↄnn.
\q1
\v 9 À donyĩ kɛ Dikirinɛ a kúadona manakɛn,
\q1 zĩtɛdenↄ, àgↄ̃ luka a arɛ á pínki.
\q1
\v 10 À o burinↄnɛ, Dikiri tɛn kí ble.
\q1 Andunia katɛna gíngin, à yĩgãna vĩro,
\q1 ani yãkpatɛ kɛ kũ gbɛ̃ sĩnda pínkio a zɛ́a.
\q1
\v 11 Musudenↄ, à pↄnna kɛ,
\q1 zĩtɛdenↄ, à vĩ kũ pↄnnao,
\q1 ísira kũ pↄ́ kũ ò kunnↄ, à kĩni kɛ.
\q1
\v 12 Sɛ̃̀ntɛ kũ pↄ́ kũ ò kunnↄ, à pↄnna wiki lɛ́,
\q1 lí kũ ò kú dàkoo gũnnↄ, à ayuwii kɛ á pínki.
\q1
\v 13 Oni pↄnna kɛ Dikiri arɛ, zaakũ àtɛn su,
\q1 àtɛn su yãkpatɛ kɛ kũ anduniao.
\q1 Ani yãkpatɛ kɛ kũ anduniao a zɛ́a,
\q1 à yã gↄ̃gↄ̃ gbɛ̃nↄnɛ kũ yãpurao.
\c 97
\s1 Dikiri sunaa
\q1
\v 1 Dikiri mɛ́ àtɛn kí ble,
\q1 zĩtɛdenↄ pↄnna kɛ,
\q1 ísirabaradenↄ gↄ̃ kú pↄnna gũn.
\b
\q1
\v 2 Legũ luku kũ gusira níkinikio likai,
\q1 manakɛ kũ yãzɛdeoomɛ a kpata zĩni ũ.
\q1
\v 3 Tɛ́ dìgↄ̃ kũ a arɛ,
\q1 àdi ibɛrɛ kũ ò likainↄ kpata.
\q1
\v 4 A legũpinaa dì zĩtɛ pu,
\q1 tó andunia è, àdi luka.
\q1
\v 5 Kpinↄ dì yↄ́ lán zↄ́saa bà Dikiri arɛ,
\q1 andunia pínki Dikiri arɛ.
\q1
\v 6 Musudenↄ dì a manakɛ kpàkpa kɛ,
\q1 buri sĩnda pínki dì a gakuri e.
\b
\q1
\v 7 Wé'i dì tãnagbagbarinↄ kũ ń pínki,
\q1 gbɛ̃ kũ òdi ĩa dã kũ pↄ́ ginanↄ.
\q1 Tãnanↄ ni donyĩ kɛnɛ ń pínki.
\b
\q1
\v 8 Zaiↄ̃denↄ mà ò pↄnna kɛ̀,
\q1 Yuda wɛ̃tɛdenↄn kú pↄnna gũn
\q1 n yãkpatɛkɛnanↄ yãi, Dikiri.
\q1
\v 9 Zaakũ ń kú musu de andunia pínkila,
\q1 Dikiri, ń de tãnanↄla ń pínki.
\b
\q1
\v 10 Dikiri ye gbɛ̃ kũ ò zã̀ yã vãninnↄi,
\q1 àdigↄ̃ a yãmarinↄ wɛ̃̀ndi dãkpã,
\q1 àdi ń bo yãvãnikɛrinↄ ↄĩ.
\q1
\v 11 Gu dì dↄ gbɛ̃ mananↄa,
\q1 nɛ̀sɛpuradenↄn pↄnna vĩ.
\q1
\v 12 Gbɛ̃ mananↄ, à pↄnna kɛ Dikiri gũn,
\q1 à a tↄ́ kũ à kú adona bo.
\c 98
\s1 Dikiri suna táakilɛnaa
\q1
\v 1 À lɛ̀ dufu sí Dikirinɛ,
\q1 zaakũ à yãbonsarɛnↄ kɛ̀,
\q1 à zĩ̀i blè kũ a ↄpla kũ à kú adona gbãnao.
\q1
\v 2 Dikiri tò ò a surabanaa dↄ̃̀,
\q1 à a manakɛnaa mↄ̀ burinↄnɛ.
\q1
\v 3 Gbɛ̃kɛ kũ náani kũ à vĩ kũ Isarailanↄo dↄ̀n,
\q1 andunia lɛ́zɛkidenↄ ó Luda surabanaa è ń pínki.
\b
\q1
\v 4 Andunia pínki, à pↄnna wiki lɛ́ Dikiria,
\q1 à kakũn kũ ayuwiikɛnaao.
\q1
\v 5 À mↄrↄlɛna ũ dↄ Dikirinɛ,
\q1 à mↄrↄ lɛ́nɛ kũ lɛ̀sinaao
\q1
\v 6 kũ kãkãkipɛnaao kũ kuru yĩsãmpanaao.
\q1 À pↄnna wiki lɛ́ Dikiri ó Kínanɛ.
\b
\q1
\v 7 Ísira kũ pↄ́ kũ ò kunnↄ kĩni kɛ,
\q1 andunia kũ gbɛ̃ kũ ò kunnↄ ń pínki.
\q1
\v 8 Swanↄ ↄkpa lɛ́ Dikiri arɛ,
\q1 kpinↄ ayuwii kɛ lɛɛlɛ,
\q1
\v 9 zaakũ àtɛn su yãkpatɛ kɛ zĩtɛmɛ,
\q1 ani yãkpatɛ kɛ kũ anduniao a zɛ́a,
\q1 ani yã gↄ̃gↄ̃ gbɛ̃nↄnɛ kũ yãpurao.
\c 99
\s1 Luda kũ à kú adonaa
\q1
\v 1 Dikiri tɛn kí ble, burinↄ luka,
\q1 à vutɛna kɛrubunↄ dagura,
\q1 andunia yĩgã
\q1
\v 2 Dikirin zↄ̃kↄ̃ Zaiↄ̃,
\q1 à de buri sĩnda pínkila.
\q1
\v 3 Ò a tↄ́ zↄ̃kↄ̃ à naaside bo,
\q1 à kú adona.
\b
\q1
\v 4 Kína pì gbãna vĩ, à ye yãzɛdei,
\q1 àkũ mɛ́ à yãkpatɛkɛna a zɛ́aa dà,
\q1 à yã gↄ̃̀gↄ̃ Yakubu burinↄnɛ a zɛ́a.
\q1
\v 5 À Dikiri ó Luda tↄ́ sɛ́ lei,
\q1 à kútɛ a tìntin arɛ,
\q1 à kú adona.
\b
\q1
\v 6 Musa kũ Harunao kú a gbàgbarinↄ tɛ́,
\q1 Samuɛlimɛ a sìsirinↄ doke ũ,
\q1 ò a sìsi, akũ à wèḿma.
\q1
\v 7 Zaa tɛ́luku gũnn à yã òńnɛ,
\q1 ò a doka kũ a yãdannɛnanↄ kũna.
\b
\q1
\v 8 Dikiri ó Luda, n weḿma,
\q1 mↄkↄ̃mmɛ Luda kũ àdi ń taari kɛ̃ḿma ũ,
\q1 bee kũ abireo n ń yã vãninↄ wì ń musu.
\q1
\v 9 À Dikiri ó Luda tↄ́ sɛ́ lei,
\q1 à donyĩ kɛnɛ a kpi kũ à kú adona musu,
\q1 zaakũ Dikiri ó Luda kú adona.
\c 100
\s1 Dikiri sáabukɛnaa
\d Sáabukɛna lɛ̀ɛ.
\q1
\v 1 Andunia pínki, à pↄnna wiki lɛ́ Dikiria.
\q1
\v 2 À donyĩ kɛ Dikirinɛ kũ pↄnnao,
\q1 à mↄ́ a kĩnaa kũ ayuwiikɛnaao.
\q1
\v 3 À dↄ̃ kũ Dikirimɛ Luda ũ,
\q1 àkũ mɛ́ à ó kɛ́, ó de a pↄ́ ũ,
\q1 ó de a gbɛ̃nↄ ũ, a kpàsa sãnↄ ũ.
\b
\q1
\v 4 À gɛ̃ a ↄnlɛn kũ sáabukɛnaao,
\q1 à gɛ̃ a ↄnn kũ a táakilɛnaao,
\q1 à a sáabu kɛ à a tↄ́ sɛ́ lei.
\q1
\v 5 Zaakũ Dikiri mana, a gbɛ̃kɛ lakana vĩro,
\q1 àdigↄ̃ náani vĩ gↄrↄ sĩnda pínki.
\c 101
\s1 Kína lɛ́sɛna Ludanɛ
\d Dauda lɛ̀ɛ.
\q1
\v 1 Mani lɛ̀ da gbɛ̃kɛ kũ yãzɛdeoo musu,
\q1 mani lɛ̀ sínnɛ, Dikiri.
\q1
\v 2 Mani laakari kɛ màgↄ̃ kun taari sari,
\q1 bↄrɛn ĩni sumaa?
\q1 Manigↄ̃ kú ma ↄnn kũ nɛ̀sɛpurao.
\q1
\v 3 Ma wɛ́ nigↄ̃ kú pↄ́ ginaaaro,
\q1 mani zã yãdↄrↄsarikɛnan, ani namaro.
\q1
\v 4 Ma nɛ̀sɛ nigↄ̃ manafiki vĩro,
\q1 ma bàka nigↄ̃ kú kũ yã vãnioro.
\q1
\v 5 Mani gbɛ̃ kũ àdi a gbɛ̃dake yaka a kpɛ kakatɛ,
\q1 mani sùru fↄ̃ kũ karambaanidenↄ kũ zĩdabirinↄoro.
\q1
\v 6 Ma wɛ́ nigↄ̃ kú ma bùsu náanidenↄa,
\q1 de ògↄ̃ kú kũmao,
\q1 gbɛ̃ kũ àdigↄ̃ kú taari sari nigↄ̃ de ma zĩkɛri ũ.
\q1
\v 7 Mani we gbɛ̃sãtɛri gↄ̃ kú ma bɛaro,
\q1 mani tó manafikide zɛ ma arɛro.
\q1
\v 8 Manigↄ̃ ma bùsu gbɛ̃ vãninↄ láka lákũ gu dìgↄ̃ dↄ nà,
\q1 manigↄ̃ yãvãnikɛrinↄ buri bo Dikiri wɛ̃tɛ gũn.
\c 102
\s1 Gbãnasaride aduakɛnaa
\d Wɛ̃ndade gbãnasaride kũ àtɛni a yã'ũmmananↄ bↄtɛ Dikirinɛɛ aduakɛnaa.
\q1
\v 1 Dikiri, ǹ ma aduakɛna ma,
\q1 ǹ tó ma wiki n ki le.
\q1
\v 2 Ǹsun wɛ́ utɛmɛnɛ ma warikɛgↄrↄaro,
\q1 ǹ sã kpámai,
\q1 tó ma n sisi, ǹ wema likalika.
\b
\q1
\v 3 Zaakũ ma gↄrↄ tɛn gɛ̃tɛ lán túsukpɛ bà,
\q1 ma mɛ̀ tɛn puusu bo lán tɛ́yↄ̃ↄ bà.
\q1
\v 4 Ma nɛ̀sɛɛ yàka, ma gↄ̃ lán sɛ̃̀ kori bà,
\q1 ma sã pↄ́bleyãn.
\q1
\v 5 Ma ndana gbãna mɛ́ à tò
\q1 ma gↄ̃ wàakuu ũ.
\q1
\v 6 Ma gↄ̃ lán gbáranna tiongo bà,
\q1 lán bɛzĩ kóro bà.
\q1
\v 7 I dì gɛ̃ ma wɛ́nlo,
\q1 ma gↄ̃ lán bã kũ à di kpɛ́ musu ado bà.
\q1
\v 8 Ma ibɛrɛnↄ dìgↄ̃ ma sↄ̃sↄ̃ gↄrↄ sĩnda pínki,
\q1 ma foborinↄ dì gbɛ̃ ká kũ ma tↄ́o.
\q1
\v 9 Túbumɛ ma pↄ́blee ũ,
\q1 ma wɛ́'i dì ká ma ímibↄn
\q1
\v 10 n pↄfɛ̃ kũ n pɛ̃tɛ̃o yãi,
\q1 zaakũ n ma sɛ n ma zukũna.
\q1
\v 11 Ma gↄrↄ tɛn gɛ̃tɛ lán uraa bà,
\q1 akũ matɛn kori kɛ lán sɛ̃̀ɛ bà.
\b
\q1
\v 12 Mↄkↄ̃n sↄ̃ Dikiri,
\q1 ndìgↄ̃ kú kpatan gↄrↄ sĩnda pínki,
\q1 n tↄ́ ni garo ari ó buria.
\q1
\v 13 Ĩni futɛ ǹ Zaiↄ̃ wɛ̃nda gwa, zaakũ gↄrↄ kà,
\q1 gↄrↄ kũ n dìtɛ kà, kũ ĩni a pↄnna wɛtɛ.
\q1
\v 14 A gbɛ̀nↄ kɛ̀ n zↄ̀blerinↄnɛ mana,
\q1 a gborona bùsuu dì kɛńnɛ wɛ̃nda.
\q1
\v 15 Buri sĩnda pínki ni vĩna kɛnnɛ, Dikiri,
\q1 andunia kínanↄ ni n kíkɛ dↄ̃ ń pínki.
\q1
\v 16 Zaakũ Dikiri ni Zaiↄ̃ kɛkɛ à bo dↄ,
\q1 ani bo à suḿma kũ gakurio.
\q1
\v 17 Ani takasidenↄ aduakɛna sí,
\q1 ani ń wɛ́kɛna kpá sãkotoro.
\b
\q1
\v 18 Ò yã dí kɛ̃ kpɛdenↄ yãi
\q1 de gbɛ̃ kũ ò kpɛ́nↄ Dikiri táaki lɛ́.
\q1
\v 19 Dikiri zĩtɛ gwà zaa a kúkia,
\q1 zaa musu à wɛ́ kpàtɛ zĩtɛ,
\q1
\v 20 de à gbɛ̃nↄ zↄ̀ble ↄ́ↄ dↄ ma
\q1 à ń bo ga lɛ́i yãi.
\q1
\v 21 Oni Dikiri tↄ́ bo Zaiↄ̃,
\q1 oni a táaki lɛ́ Yurusalɛmu,
\q1
\v 22 zĩ kũ bùsu sĩnda pínki gbɛ̃nↄ ni kↄ̃ kakara gwe,
\q1 kũ kpatablerinↄ ò donyĩ kɛnɛ.
\b
\q1
\v 23 À ma gbãna bùsa zɛ́gbãn,
\q1 à ma wɛ̃̀ndi kɛ̀ kutu,
\q1
\v 24 akũ ma pì: Ma Luda,
\q1 ǹsun ma wɛ̃̀ndi bo gugbãnlo,
\q1 mↄkↄ̃n kũ ń kun ari ó buria.
\q1
\v 25 N andunia zĩni pɛ̀tɛ zaa káaku,
\q1 musu bi n ↄzĩmɛ.
\q1
\v 26 Ń pínki ni gɛ̃tɛ, ama ĩnigↄ̃ kun,
\q1 oni zĩ kũ lán pↄ́kasa bà,
\q1 ĩni ń litɛ lán uta bà ǹ ń zukũna.
\q1
\v 27 Mↄkↄ̃n sↄ̃ n kunnaa dìgↄ̃ dokↄ̃nↄ,
\q1 n gↄrↄ lakana vĩro.
\q1
\v 28 N zↄ̀blerinↄ nɛ́nↄ nigↄ̃ kun aafia,
\q1 ń burinↄ ni zĩni pɛ́tɛ n kuru.
\c 103
\s1 Luda gbɛ̃kɛ
\d Dauda lɛ̀ɛ.
\q1
\v 1 Ma swɛ̃, ǹ Dikiri sáabu kpá,
\q1 ma gu sĩnda pínki, ǹ a tↄ́ kũ à kú adona bo.
\q1
\v 2 Ma swɛ̃̀, ǹ Dikiri sáabu kpá,
\q1 ǹsun sã a yãmanakɛna kenlo.
\q1
\v 3 Àdi ma taarinↄ kɛ̃ma pínki,
\q1 àdi ma werekↄ̃a kũ ma gyãnↄ pínki.
\q1
\v 4 Àdi ma wɛ̃̀ndi bo gyãwãn,
\q1 àdi a nna diramɛnɛ a gbɛ̃kɛ kũ a wɛ̃ndaoo gũn.
\q1
\v 5 Àdi tó pↄ́ mana kũ má yeinↄ mↄ́ma,
\q1 de ma kɛfɛnnakɛ le àgↄ̃ dufu lán vãu pↄ́ bà.
\b
\q1
\v 6 Dikiri dì yã kɛ a zɛ́a,
\q1 àdi tó yã bo gↄ̃nawɛ̃ndadenↄo nna.
\b
\q1
\v 7 À tò Musa a pↄyeina yã dↄ̃̀,
\q1 à a yãbonsarɛnↄ mↄ̀ Isarailanↄnɛ.
\q1
\v 8 Dikiri sùru vĩ kũ wɛ̃ndao,
\q1 a pↄ dì fɛ̃ likaro, a gbɛ̃kɛ dasi manamana.
\q1
\v 9 Ani ń taari le gɛ̃̀n baaakↄ̃ro,
\q1 ani pↄfɛ̃ da a nɛ̀sɛn gↄrↄ sĩnda pínkiro.
\q1
\v 10 Àdi yã kɛwɛrɛ lán ó durunnanↄn de nàro,
\q1 àdi fĩna bowá lán ó sãtɛnanↄn de nàro.
\q1
\v 11 Lákũ ludambɛ lei de nà kũ zĩtɛo,
\q1 lɛn à gbɛ̃kɛ zↄ̃kↄ̃ kũ a vĩnakɛrinↄo lɛ.
\q1
\v 12 Lákũ ifãboki zã̀kↄ̃nɛ kũ a lɛ́tɛ kpao nà,
\q1 lɛn àdi ó taarinↄ kɛ̃wá lɛ.
\q1
\v 13 Lákũ de dì a nɛ́nↄ wɛ̃nda gwa nà,
\q1 lɛn Dikiri dì wɛ̃nda dↄ̃ a vĩnakɛrinↄnɛ lɛ.
\q1
\v 14 Zaakũ à dↄ̃ pↄ́ kũ à ó kɛ́o,
\q1 à dↄ̀n kũ bùsuumɛ ó ũ.
\q1
\v 15 Bisãsiri wɛ̃̀ndi kutu lán sɛ̃̀ɛ bà,
\q1 àdigↄ̃ gakuri vĩ gↄrↄ pla lán lávu bà.
\q1
\v 16 Tó ĩa pàa, àdi gɛ̃tɛ,
\q1 gu kũ à kunn pìi dì dↄ a yãn doro.
\q1
\v 17 Dikiri dìgↄ̃ gbɛ̃kɛ vĩ kũ a vĩnakɛrinↄ
\q1 zaa káaku ari gↄrↄ sĩnda pínki,
\q1 àdi yã mana kɛ ń nɛ́nↄnɛ kũ ń daikorenↄ,
\q1
\v 18 gbɛ̃ kũ ò zɛ̀ kũ a bàka kunna kũńwo yão
\q1 akũsↄ̃ ò yã kũ à dìtɛnↄ kũnanↄ.
\b
\q1
\v 19 Dikiri a kpataa dìtɛ musu,
\q1 à gbãna vĩ gbɛ̃ sĩnda pínkia.
\q1
\v 20 À Dikiri sáabu kpá, ákↄ̃nↄ a malaikanↄ,
\q1 ákↄ̃nↄ gbãnade kũ adì a yã ma à zĩ kɛanↄ.
\q1
\v 21 À Dikiri sáabu kpá, ákↄ̃nↄ ludambɛ zĩ̀karinↄ á pínki,
\q1 ákↄ̃nↄ a zĩkɛri kũ adì a pↄyenyĩna yã kɛnↄ.
\q1
\v 22 À Dikiri sáabu kpá, ákↄ̃nↄ a pↄ́kɛnanↄ á pínki
\q1 gu kũ àtɛn kí blennↄ pínki.
\b
\q1 Ma swɛ̃̀, ǹ Dikiri sáabu kpá.
\c 104
\s1 Dikiri Pↄ́sĩndapinkikɛri táakilɛnaa
\q1
\v 1 Ma swɛ̃̀, ǹ Dikiri sáabu kpá.
\b
\q1 Dikiri ma Luda, ń zↄ̃kↄ̃ manamana,
\q1 ń gakuri dana pↄ́kasa ũ, àtɛn tɛ́ kɛ,
\q1
\v 2 n gupura kùnla lán biza bà,
\q1 n musu kpàtɛ lán pɛ̀ɛ bà,
\q1
\v 3 n bɛ bò ínↄla musu.
\q1 N ludambɛ luku kɛ̀ n sↄ̃go ũ,
\q1 ndì di ĩa ↄa.
\q1
\v 4 Ndì ĩa kɛ n zĩ̀rinↄ ũ,
\q1 ndì tɛ́vura kɛ n zĩkɛrinↄ ũ.
\b
\q1
\v 5 N andunia kàtɛ, n a zĩni pɛ̀tɛ,
\q1 à yĩgãna vĩ zikiro.
\q1
\v 6 N ísira kùa arukĩmba ũ,
\q1 í pìi dà kpinↄla.
\q1
\v 7 N kpãkɛ̃ í pìii, akũ à bàa lɛ̀,
\q1 n pataa, akũ à nàgui.
\q1
\v 8 Kpinↄ bò gupuran, guvutɛnↄ sìkũn,
\q1 akũ í tà gu kũ n dìtɛnɛn.
\q1
\v 9 N lɛ́zɛki kɛ̀ í pìinɛ, ani fↄ̃ à vĩalaro,
\q1 ani ɛra à da zĩtɛla ziki doro.
\b
\q1
\v 10 Ndì tó ísɛ̃bokinↄ í pisi swa'ↄnɛnↄa,
\q1 akũ a í dìgↄ̃ bàa lɛ́ kpinↄ dagura.
\q1
\v 11 Sɛ̃̀ntɛ pↄ́ sĩnda pínki dìgↄ̃ a í mi,
\q1 a í dì saginↄ ími kɛ̃ḿma.
\q1
\v 12 Bãnↄ dì sà da swanↄ sarɛ,
\q1 òdigↄ̃ kú a dàkoo gũn, ń wiki dìgↄ̃ dↄ.
\q1
\v 13 Zaa n bɛ musu ndì legũ gbarɛ kpinↄa,
\q1 n zĩ gbɛ̀ɛ dì andunia kã.
\q1
\v 14 Ndì tó sɛ̃̀ butɛ pↄ́kãdenↄnɛ,
\q1 ndì tó burapↄnↄ butɛ bisãsirinↄnɛ,
\q1 ndì pↄ́ble butɛńnɛ zĩtɛa,
\q1
\v 15 sèwɛ̃ kũ àdi ń pↄ kɛ nna
\q1 kũ nísi kũ àdi ń ãn tɛ́ kɛo
\q1 kũ pↄ́ble kũ àdi ń gba gbãnao.
\q1
\v 16 Dikiri línↄ dì mↄtↄ le manamana,
\q1 Sida lí kũ à bà Lɛbananↄ.
\q1
\v 17 Gwen bãnↄ dì sà dadan,
\q1 zùbaananↄ dì bɛ kɛ pini lí musu.
\q1
\v 18 Kpi leinↄ de kpasaranↄ kúki ũ,
\q1 gbɛ̀sↄkↄnↄ de gbɛ̀'ɛ̃nɛnↄ utɛki ũ.
\b
\q1
\v 19 N mↄvura kɛ̀ gↄrↄ tàasikabↄ ũ
\q1 kũ ifãntɛ̃ kũ à a gɛ̃na kpɛ́n gↄrↄ dↄ̃o.
\q1
\v 20 Ndì tó gu si, akũ gwãani dì kɛ,
\q1 lákpɛ pↄ́nↄ dì futɛ kũ táo ń pínki.
\q1
\v 21 Músunↄ dì nàdɛna ↄ́ↄ dↄ,
\q1 òdi pↄ́ble wɛtɛ Ludaa.
\q1
\v 22 Tó ifãntɛ̃ bò, òdi lↄↄtɛ
\q1 ò tá wútɛ ń tòn.
\q1
\v 23 Bisãsiri dì bo à gɛ́ zĩ kɛ,
\q1 àdigↄ̃ a zĩda yã ma ari ↄkↄsi.
\b
\q1
\v 24 Dikiri, n yãkɛnanↄn dasi fá!
\q1 A sĩnda pínki bò n ↄ̃ndↄ̃ gũmmɛ,
\q1 andunia pà kũ pↄ́ kũ n kɛ̀nↄ.
\q1
\v 25 Ísira kun, à zↄ̃kↄ̃ akũsↄ̃ à yàasa,
\q1 pↄ́ bɛ̃nɛ kũ ò kú a gũnnↄn lɛ́ vĩro,
\q1 a fíti kũ a zↄ̃kↄ̃ↄo pínki.
\q1
\v 26 Gó'itɛnↄ dìgↄ̃ táa on
\q1 kũ kwã zↄ̃kↄ̃ kũ n kɛ̀ à kↄ̃kↄ̃ o a gũnwo.
\b
\q1
\v 27 Pↄ́ pìnↄ dì wɛ́ dↄnyĩ ń pínki
\q1 de ǹ pↄ́ble kpáḿma a gↄrↄa.
\q1
\v 28 Ndì kpáḿma, òdi sɛ́tɛ,
\q1 ndì ↄ porońnɛ, akũ pↄ́ mananↄ dì mↄ́ḿma.
\q1
\v 29 Tó n mìkpɛrɛ zùńnɛ, òdi bídi kɛmɛ,
\q1 tó n wɛ̃̀ndii sìḿma, òdi ga ò ɛra ò tá bùsutitin.
\q1
\v 30 Tó n n Nini gbàrɛ, pↄ́nↄ dì wɛ̃̀ndi le,
\q1 ndì tó zĩtɛ ɛra à kɛ dufu.
\b
\q1
\v 31 Ò tó Dikiri gakuri gↄ̃ kun gↄrↄ sĩnda pínki,
\q1 ò tó Dikiri pↄ kɛ nna a yãkɛnanↄa.
\q1
\v 32 Àkũ mɛ́ àdi zĩtɛ gwa, akũ àdi yĩgã,
\q1 àdi ↄ na kpinↄa, akũ túsukpɛ dì bo.
\b
\q1
\v 33 Mani lɛ̀ sí Dikirinɛ ari ma wɛ̃̀ndi lɛ́n,
\q1 mani ma Luda táaki lɛ́ ari ma gↄrↄ lɛ́n.
\q1
\v 34 Ǹ tó ma laasun kánnɛ, Dikiri,
\q1 lákũ matɛn pↄnna kɛ kũnwo nà.
\q1
\v 35 Durunnakɛrinↄ mì dɛ andunia gũn,
\q1 yãvãnikɛrinↄ súngↄ̃ kun doro.
\b
\q1 Ma swɛ̃̀, ǹ Dikiri sáabu kpá.
\q1 Aleluya!
\c 105
\s1 Luda a gbɛ̃nↄ surabanaa
\q1
\v 1 À Dikiri sáabu kɛ à a tↄ́ kpá,
\q1 à tó burinↄ a yãkɛnanↄ dↄ̃.
\q1
\v 2 À lɛ̀ sí à a táaki lɛ́,
\q1 à a yãbonsarɛkɛnanↄ baba pínki.
\q1
\v 3 À ĩa dã kũ Dikiri tↄ́ kũ à kú adonaao,
\q1 ákↄ̃nↄ Dikiri kiwɛtɛrinↄ à pↄnna kɛ.
\q1
\v 4 À Dikiri ki wɛtɛ à gbãna wɛ́ kɛa,
\q1 àgↄ̃ a arɛ wɛtɛ lakanaa sari.
\b
\q1
\v 5 À tó yãbonsarɛ kũ à kɛ̀nↄ dↄágu,
\q1 a daboyãkɛnanↄ kũ a yãkpatɛkɛnanↄo,
\q1
\v 6 ákↄ̃nↄ Dikiri zↄ̀bleri Ibrahĩ burinↄ,
\q1 ákↄ̃nↄ Yakubu buri kũ à á sɛ́nↄ.
\q1
\v 7 Àkũmɛ Dikiri ó Luda ũ,
\q1 a yãkpatɛkɛna kú andunia gũn pínki.
\b
\q1
\v 8 A bàka kunna kũoo yã dì sãagu zikiro,
\q1 yã kũ à dìtɛ nigↄ̃ kun ari ó buria.
\q1
\v 9 A bàka kú kũ Ibrahĩo,
\q1 à ɛ̀ra à sì kũ a kunnaao Isaakunɛ dↄ.
\q1
\v 10 A yã pìi pàpa Yakubunɛ dokayã ũ,
\q1 akũ à kú kũ Isarailanↄo ari gↄrↄ sĩnda pínki.
\q1
\v 11 À pì áni Kanaanↄ bùsu kpáḿma,
\q1 anigↄ̃ de ń baka ũ kũ ògↄ̃ vĩ.
\b
\q1
\v 12 Gↄrↄ birea ò dasiro, òdi ń yã daro,
\q1 ò kú Kanaanↄ bùsun bòasunↄ ũmɛ.
\q1
\v 13 Òdigↄ̃ likara zↄ̃ buri kũ burionↄ tɛ́,
\q1 òdigↄ̃ kure bùsu kũ bùsuuo.
\q1
\v 14 Adi we ò gbãna mↄ̀ńnɛro,
\q1 à kpã̀kɛ̃ kínanↄi ń yã musu à pì,
\q1
\v 15 òsun ↄ na gbɛ̃ kũ a ń sɛ́nↄaro,
\q1 òsun wɛ́ tã a annabinↄaro.
\b
\q1
\v 16 Akũ à tò nàa gɛ̃̀ bùsuu pìn,
\q1 à tò ń zànaa làka pínki.
\q1
\v 17 Akũ à Yusufu gbàrɛ à dòńnɛ ń arɛ,
\q1 ò a yìa zↄ̀ ũ.
\q1
\v 18 Ò mↄ̀kpatii kpà a gbáa,
\q1 ò mↄ̀kakↄ̃anaa kà a wakalɛ
\q1
\v 19 ari yã kũ à gĩnakɛ à òo gɛ̀ɛ à pàpao,
\q1 akũ yã kũ Dikiri dànɛɛ tò yã bò kãao nna.
\q1
\v 20 Kũ kína gbɛ̃ zĩ̀, akũ ò a gbàrɛ,
\q1 bùsu gbɛ̃ zↄ̃kↄ̃ↄ pì a kɛ̃̀.
\q1
\v 21 À a dìtɛ a bùsu don'arɛde ũ,
\q1 à tò à iko vĩ a aruzɛkɛnↄa pínki.
\q1
\v 22 Yusufu a kínanɛnↄ tòto a pↄyeinaaa,
\q1 à ↄ̃ndↄ̃ dàda a ìbanↄnɛ.
\b
\q1
\v 23 Akũ Yakubu sù Misila,
\q1 Isarailanↄn kun nibↄnↄ ũ Hamu burinↄ bùsun.
\q1
\v 24 Dikiri tò a gbɛ̃nↄ kↄ̃̀ gwe manamana,
\q1 à tò ò dasi kũ̀ de ń ibɛrɛnↄla.
\q1
\v 25 À ń ibɛrɛɛ pìnↄ sã vùńnɛ, akũ ò zã̀ a gbɛ̃nↄgu,
\q1 de ò ↄ̃ndↄ̃ kɛ a zↄ̀blerinↄnɛ.
\q1
\v 26 À a zↄ̀bleri Musa zĩ̀ḿma
\q1 kũ Haruna kũ à a sɛ̀ɛo.
\q1
\v 27 Ò dabodabonↄ kɛ̀ Misilanↄnɛ,
\q1 ò yãbonsarɛnↄ kɛ̀ Hamu burinↄ bùsun.
\q1
\v 28 À gusira gbàrɛḿma, gu sì ń bùsun,
\q1 kũ ò gì a yã mai yãi.
\q1
\v 29 À ń ínↄ lì aru ũ,
\q1 akũ ń kpↄ̀nↄ gàga.
\q1
\v 30 Kasonↄ dà ń bùsula
\q1 kũ ń gbãnadenↄ wutɛkinↄ pínki.
\q1
\v 31 À yã ò, akũ ífĩninↄ dàńla,
\q1 sàanↄ sì ń tɛ́ ari ń bùsu lɛ́n pínki.
\q1
\v 32 À legũgbɛɛ kↄ̀tɛńnɛ legũ gɛ̃nɛ ũ,
\q1 surapatanaa dà ń bùsula pínki.
\q1
\v 33 À ń geepi línↄ ɛ̀'ɛ kũ ń kakapura línↄ,
\q1 à ń bùsu línↄ kɛ̀ búgubugu.
\q1
\v 34 À yã ò, akũ kwanↄ dàńla,
\q1 kwa zɛ̃kↄ̃nↄ kà ò lɛ́ vĩro.
\q1
\v 35 Ò ń bùsu sɛ̃̀ kũ láo blè ò nɛ̀,
\q1 ò ń burapↄnↄ blè pínki.
\q1
\v 36 À ń bùsu daudunↄ dɛ̀dɛ ń pínki,
\q1 ń nɛ́ daudu kũ ò ì ń kɛfɛnnakɛgↄrↄanↄ.
\b
\q1
\v 37 À bò kũ Isarailanↄ,
\q1 ò andurufu kũ wuraao sɛna,
\q1 ń buri gbɛ̃ke dí gɛ̃̀ sí zɛ́nlo.
\q1
\v 38 Kũ ò bↄ̀tɛ, Misilanↄ pↄ kɛ̀ nna,
\q1 kũ vĩna ń kũ Isarailanↄ yã musu.
\q1
\v 39 À tɛ́luku dà a gbɛ̃nↄla,
\q1 à kɛ̀ tɛ́ ũ gwãani à gu pùńnɛ.
\q1
\v 40 Ò wɛ́ kɛ̀a, akũ à sùńnɛ kũ kpɛkpɛrɛwinↄ,
\q1 à musu pↄ́ble kpàḿma, ò mↄ̀ḿma.
\q1
\v 41 À gbɛ̀si pàra, akũ í bòn,
\q1 í bàa lɛ̀ gbárannan gwe lán swa'i bà.
\q1
\v 42 Zaakũ à dↄ̀ lɛ́ kũ à sɛ̀
\q1 a zↄ̀bleri Ibrahĩnɛ yãn.
\b
\q1
\v 43 À bò kũ a gbɛ̃nↄ, òtɛn pↄnna kɛ,
\q1 gbɛ̃ kũ à ń sɛ́nↄ tɛn ayuwii dↄ.
\q1
\v 44 À burinↄ bùsuu kpàḿma,
\q1 ò zĩ kũ dakenↄ kɛ̀ɛ àree blè,
\q1
\v 45 de ò le ògↄ̃ a yãditɛnanↄ kũna,
\q1 ò a dokayãnↄ da.
\q1 Aleluya!
\c 106
\s1 Isarailanↄ ń durunnanↄ ona Ludanɛ
\q1
\v 1 Aleluya!
\q1 À Dikiri sáabu kɛ, zaakũ à mana,
\q1 a gbɛ̃kɛ lakana vĩro.
\q1
\v 2 Dí mɛ́ ani fↄ̃ à Dikiri yãzↄ̃kↄ̃kɛnanↄ oo?
\q1 Dí mɛ́ ani fↄ̃ à a táaki lɛ́ pínkii?
\q1
\v 3 Arubarikadenↄn gbɛ̃ kũ òdi yã kɛ a zɛ́anↄ ũ,
\q1 kũ òdi yã mana kɛ gↄrↄ sĩnda pínki.
\q1
\v 4 Tó ntɛni a nna kɛ n gbɛ̃nↄnɛ,
\q1 ǹ tó ma yã gↄ̃ dↄngu, Dikiri,
\q1 tó ntɛni ń sura ba, ǹ ma wɛ́ gwa,
\q1
\v 5 de ma baka le àgↄ̃ kú n gbɛ̃nↄ nnamanan,
\q1 mà pↄnna kɛ kũ buri kũ n ń sɛ́nↄo,
\q1 de mani n táaki lɛ́ n gbɛ̃ pìnↄ tɛ́.
\b
\q1
\v 6 O durunna kɛ̀ lán ó dizinↄ bà,
\q1 o taari kɛ̀ o yã vãni kɛ̀.
\q1
\v 7 Kũ ó dizinↄ kú Misila,
\q1 odi Dikiri daboyãkɛnanↄ yã daro,
\q1 gbɛ̃kɛyã dasi kũ à kɛ̀ńnɛnↄ sã̀ńgu,
\q1 akũ ò sãgbãna kɛ̀ Isira Tɛ̃ra sarɛ.
\q1
\v 8 Bee kũ abireo à ń sura bà a tↄ́ yãi,
\q1 de à a gbãna zↄ̃kↄ̃ mↄńnɛ.
\q1
\v 9 À kpã̀kɛ̃ Isira Tɛ̃rai, akũ gukori bò,
\q1 à gɛ̃̀ kũńwo a wɛ̀ɛn, ò bikũ̀ lán ò pi gbárannan bà.
\q1
\v 10 À ń bó ń ibɛrɛnↄ ↄĩ,
\q1 à ń sí ń zãngurinↄ gbãnaa.
\q1
\v 11 Í dà ń wɛtɛrinↄla,
\q1 bee ń gbɛ̃ mɛ̀n do adi boro.
\q1
\v 12 Akũ ò a yã kũ à òo sì,
\q1 ò a táaki lɛ̀.
\b
\q1
\v 13 Ama a yãkɛnanↄ sã̀ńgu gↄ̃̀nↄ,
\q1 akũ odi zɛ de à lɛ́ daḿmaro.
\q1
\v 14 Ò pↄ́ble pãnde ni dɛ̀ gbárannan,
\q1 akũ ò Dikiri lɛ̀ ò gwà sɛ̃̀ntɛ gwe.
\q1
\v 15 À pↄ́ kũ ò wɛ́ kɛ̀awa kpàḿma,
\q1 akũ à mɛ̀'ibabagyã zĩ̀ḿma.
\b
\q1
\v 16 Ò gↄ̃ba kpà kũ Musao bùran
\q1 kũ Haruna kũ à kú adona Dikirinɛɛo.
\q1
\v 17 Zĩtɛ pàra à Datani mↄ̀,
\q1 à nàkↄ̃a Abiramua kũ a gbɛ̃nↄo.
\q1
\v 18 Tɛ́ fùtɛ ń ìbanↄ tɛ́,
\q1 tɛ́vuraa kùtɛ gbɛ̃ vãninↄa à ń blé.
\b
\q1
\v 19 Ò mↄ̀ↄ pì zaa Orɛbu lán zùsanɛ bↄ̀rↄↄ bà,
\q1 ò donyĩ kɛ̀ ń tãna kũ ò pìinɛ.
\q1
\v 20 Ò Luda gakuride lilin kɛ̀
\q1 kũ zù sɛ̃̀sorii takao.
\q1
\v 21 Ò sã̀sã Luda ń surabari yãn,
\q1 kũ à yã zↄ̃kↄ̃nↄ kɛ̀ńnɛ zaa Misila,
\q1
\v 22 kũ à daboyãnↄ kɛ̀ Hamu burinↄ bùsun,
\q1 kũ à naasiyãnↄ kɛ̀ Isira Tɛ̃ra lɛ́a.
\q1
\v 23 Abire yãin à pì áni a gbɛ̃nↄ kakatɛ,
\q1 akũ Musa kũ à a sɛ̀ɛ kpànɛ,
\q1 à tò a pↄ kpàtɛ, adi ń kakatɛro.
\b
\q1
\v 24 Ò bùsu nide kũ̀ gya bò,
\q1 ò gì Dikiri yã náani kɛi.
\q1
\v 25 Ò yãvunu kà ń bizakutanↄ gũn,
\q1 odi do Dikiri yãiro.
\q1
\v 26 Akũ à ↄ pã̀tɛ à la dàńnɛ à pì,
\q1 áni tó ò gaga gbárannan,
\q1
\v 27 áni tó ń burinↄ gaga burinↄ tɛ́
\q1 áni ń fãkↄ̃a bùsunↄ gũn.
\b
\q1
\v 28 Ò dò Peo tãnai,
\q1 ò pↄ́ kũ ò sa òo pↄ́gɛnↄaa blè.
\q1
\v 29 Ń yãkɛnanↄ Dikiri pↄ fɛ̃̀,
\q1 akũ gagagyã gɛ̃̀ńgu.
\q1
\v 30 Finɛasi fùtɛ à yã pì tɛ́ dɛ̀,
\q1 akũ gyã pìi zɛ̀.
\q1
\v 31 Akũ Dikiri tò yã bò kãao nna,
\q1 a bàka kú kãao ari a buria.
\b
\q1
\v 32 Ò Dikiri pↄ fɛ̃̀ Mɛriba í kĩnaa,
\q1 akũ yã bò kũ Musao vãni ń yãi.
\q1
\v 33 Zaakũ ò a nɛ̀sɛɛ yàka,
\q1 akũ à yã ò laasunn sari.
\b
\q1
\v 34 Odi bùsupidenↄ kakatɛ
\q1 lákũ Dikiri dìtɛńnɛ nàro.
\q1
\v 35 Ò kɛ̀ kↄ̃ gbɛ̃nↄ ũ kũ buri pìnↄ,
\q1 ò ń futɛokara ágba sɛ̀.
\q1
\v 36 Ò dò ń tãnanↄi,
\q1 akũ yã pì gↄ̃̀ńnɛ tankutɛ ũ.
\q1
\v 37 Ò ń nɛ́gↄ̃gbɛ̃nↄ kɛ̀ sa'opↄ ũ,
\q1 ò sa ò tãnanↄa kũ ń nɛ́nↄgbɛ̃nↄo.
\q1
\v 38 Ò taarisaridenↄ kùtu kpàkpa,
\q1 ń nɛ́gↄ̃gbɛ̃nↄ kũ ń nɛ́nↄgbɛ̃ pìnↄ.
\q1 Ò sa ò kũńwo Kanaanↄ bùsu tãnanↄa,
\q1 akũ ń bùsuu pìi gbã̀a lɛ̀.
\q1
\v 39 Ò gbã̀a lɛ̀ ń yãkɛnanↄ yãi,
\q1 ò gↄ̃̀ náanisaridenↄ ũ ń yãkɛnanↄa.
\b
\q1
\v 40 Akũ Dikiri pↄfɛ̃ kìpaḿma,
\q1 à ye gbɛ̃ kũ à ń sɛ́nↄ kãi doro.
\q1
\v 41 À ń kpá burinↄa,
\q1 akũ ń zãngurinↄ kí blè ń musu.
\q1
\v 42 Ń ibɛrɛnↄ gbãna mↄ̀ńnɛ,
\q1 ò ↄ tↄ̃̀ḿma.
\q1
\v 43 Àdigↄ̃ ń bo gɛ̃̀n baaakↄ̃,
\q1 ama ò zɛ̀ kũ ń sãgbãnakɛnaao,
\q1 akũ ò vlɛ̃̀ ń durunna gũn.
\b
\q1
\v 44 Bee kũ abireo tó à ń wiki mà,
\q1 àdi ń warikɛna yã da.
\q1
\v 45 Ń yãi àdi dↄ a bàka kunna kũńwo yãn,
\q1 àdi a nɛ̀sɛ litɛ a gbɛ̃kɛ zↄ̃kↄ̃ yãi.
\q1
\v 46 À tò gbɛ̃ kũ ò ń kũkũ zĩ̀zↄ ũnↄ
\q1 ń wɛ̃nda gwà.
\b
\q1
\v 47 Dikiri ó Luda, ǹ ó sura ba,
\q1 ǹ ó bↄtɛ burinↄ tɛ́ ǹ ó kakara,
\q1 de ò n tↄ́ kũ à kú adona bo
\q1 ò ĩa dã kũ n táakilɛnaao.
\b
\q1
\v 48 Arubarikade Dikiri, Isarailanↄ Luda
\q1 zaa káaku ari gↄrↄ sĩnda pínki!
\q1 Gbɛ̃ sĩnda pínki pi aami!
\q1 Aleluya!
\ms1 TAKADA SƆƆRODE
\mr Zabura 107-150
\c 107
\s1 Dikiri sáabukɛnaa
\q1
\v 1 À Dikiri sáabu kɛ, zaakũ à mana,
\q1 a gbɛ̃kɛ lakana vĩro.
\q1
\v 2 Gbɛ̃ kũ Dikiri ń bónↄ o lɛ,
\q1 gbɛ̃ kũ à ń bó ń ibɛrɛnↄ ↄĩnↄ.
\q1
\v 3 Gbɛ̃ kũ à ń bó bùsu kũ bùsuuo à ń kakara
\q1 bona ifãboki kpa kũ a lɛ́tɛ kpao
\q1 kũ gugbãnduru kpao kũ gɛ̀nↄmidↄki kpaonↄ.
\b
\q1
\v 4 Ń gbɛ̃kenↄ likara zↄ̃̀ gbárannan,
\q1 odi wɛ̃tɛ kũ oni gɛ́ vutɛn zɛ́ dↄ̃ro.
\q1
\v 5 Nà ń dɛ́, ími ń kũ,
\q1 ǹ wɛ̃̀ndii gↄ̃̀ lɛɛkɛɛ.
\q1
\v 6 Akũ ò wiki lɛ̀ Dikiria ń warikɛnan,
\q1 akũ à ń bó ń wɛ́tɛ̃ra gũn.
\q1
\v 7 À ń dá zɛ́ súsun
\q1 ari ò kà wɛ̃tɛ kũ oni vutɛn.
\q1
\v 8 Ò Dikiri sáabu kɛ a gbɛ̃kɛ yãi
\q1 kũ yãbonsarɛ kũ àdi kɛ gbɛ̃nↄnɛɛo.
\q1
\v 9 Zaakũ àdi ímidɛrinↄ kòto yĩda kũńnɛ,
\q1 àdi pↄ́ mana kpá nàdɛrinↄa ò kã.
\b
\q1
\v 10 Ń gbɛ̃kenↄ kú ga gusiran,
\q1 òtɛn wari kɛ yĩna kũ mↄ̀kakↄ̃anaao.
\q1
\v 11 Zaakũ ò gì Luda yã mai,
\q1 ò Luda Musude lɛ́damma gya bò.
\q1
\v 12 À tò ò ń búsa kũ zĩ gbãnao,
\q1 ò gɛ̃̀ɛ sì ò lɛ̀tɛ, kpanyĩri kunlo.
\q1
\v 13 Akũ ò wiki lɛ̀ Dikiria ń warikɛnan,
\q1 akũ à ń bó ń wɛ́tɛ̃ra gũn.
\q1
\v 14 À ń bó ga gusiran,
\q1 à ń mↄ̀kakↄ̃ananↄ gà à kɛ̃̀kɛ̃.
\q1
\v 15 Ò Dikiri sáabu kɛ a gbɛ̃kɛ yãi
\q1 kũ yãbonsarɛ kũ àdi kɛ gbɛ̃nↄnɛɛo.
\q1
\v 16 Zaakũ àdi bĩnilɛ gbà kũ ò pì kũ mↄ̀gotɛ̃oo gboro,
\q1 àdi mↄ̀si gbãngo zɛ́tatabↄnↄ ɛ́'ɛ.
\b
\q1
\v 17 Ń gbɛ̃kenↄ lìkara ń sãgbãna yãi,
\q1 ò wɛ́tãmma lè ń taarinↄ yãi.
\q1
\v 18 Pↄ́ble ni bò ń pↄn,
\q1 ò kà gana.
\q1
\v 19 Akũ ò wiki lɛ̀ Dikiria ń warikɛnan,
\q1 akũ à ń bó ń wɛ́tɛ̃ra gũn.
\q1
\v 20 À a yã zĩ̀ḿma, akũ ò wèrekↄ̃a,
\q1 à ń bó ga lɛ́i.
\q1
\v 21 Ò Dikiri sáabu kɛ a gbɛ̃kɛ yãi
\q1 kũ yãbonsarɛ kũ àdi kɛ gbɛ̃nↄnɛɛo.
\q1
\v 22 Ò kɛnnakũkↄ̃o sa oa,
\q1 ò a yãkɛnanↄ baba kũ ayuwiikɛnaao.
\b
\q1
\v 23 Ń gbɛ̃kenↄ dì ísira musu gó gũn,
\q1 òtɛn laga tá í zↄ̃kↄ̃la.
\q1
\v 24 Ò Dikiri yãkɛnanↄ è,
\q1 kũ yãbonsarɛ kũ àdi kɛ í daguranↄo.
\q1
\v 25 À yã ò, akũ zàga'ĩa gbãna kàka,
\q1 ísira sↄ̃ à fùtɛ musumusu.
\q1
\v 26 Òtɛn futɛ musu, òtɛn su zĩtɛ,
\q1 ò kú kari lɛ́i, akũ swɛ̃̀ɛ kɛ̃̀ńgu.
\q1
\v 27 Gó yĩ̀gãyĩgã kũńwo,
\q1 ò tàtantatan kɛ̀ lán wɛ̃dɛrii bà,
\q1 ítɛ'ↄ̃ndↄ̃ sĩnda pínki làkaḿma.
\q1
\v 28 Akũ ò wiki lɛ̀ Dikiria ń warikɛnan,
\q1 akũ à ń bó ń wɛ́tɛ̃ra gũn.
\q1
\v 29 À ĩa gbãna zɛ̀, à gↄ̃̀ ĩa fɛɛɛ ũ,
\q1 à ísↄ̃ kpàtɛ, akũ í zɛ̀ kítikiti.
\q1
\v 30 Kũ gu yĩ̀, ń pↄ kɛ̀ nna,
\q1 akũ à gɛ̀ɛ kũńwo gódↄki kũ òtɛn wɛtɛ kpa.
\q1
\v 31 Ò Dikiri sáabu kɛ a gbɛ̃kɛ yãi
\q1 kũ yãbonsarɛ kũ àdi kɛ gbɛ̃nↄnɛɛo.
\q1
\v 32 Ò a tↄ́ bo dasi kↄ̃kakaranaa gũn,
\q1 ò a táaki lɛ́ don'arɛdenↄ kakaranan.
\b
\q1
\v 33 À swa ídenↄ kɛ̀ gbáranna ũ,
\q1 à tò ísɛ̃bokinↄ gↄ̃̀ gukori ũ.
\q1
\v 34 À zĩtɛ arubarikade lì guwiside ũ
\q1 gbɛ̃ kũ ò vutɛnↄ yãvãnikɛna yãi.
\q1
\v 35 À gbáranna lì sɛ̀bɛ ũ,
\q1 à tò gukori gↄ̃̀ ísɛ̃bokinↄ ũ.
\q1
\v 36 À nàdɛrinↄ kàtɛ gwe,
\q1 akũ ò wɛ̃tɛ kàtɛ ò vùtɛn.
\q1
\v 37 Ò burapↄnↄ tↄ̃̀, ò geepi línↄ bà,
\q1 akũ à nɛ́ ìńnɛ manamana.
\q1
\v 38 À arubarikaa dàńgu, ò kɛ̀ dasi manamana,
\q1 adi tó ń pↄ́kãdenↄ làgoro.
\b
\q1
\v 39 Akũ à ń lago dↄ, ò bùsa
\q1 gbãnamↄnnɛna kũ kisirao kũ pↄsirao yãi.
\q1
\v 40 À wé'i dà kínɛnↄa,
\q1 à tò ò likara zↄ̃̀ gukori zɛ́saride gũn.
\q1
\v 41 Ama à wɛ̃ndadenↄ bò takasikɛn à ń sɛ́ lei,
\q1 à tò ń ↄndenↄ kɛ̀ dasi lán kpàsapↄnↄ bà.
\q1
\v 42 Tó gbɛ̃ mananↄ è, òdi pↄnna kɛ,
\q1 gbɛ̃ vãninↄ sↄ̃ òdi ń lɛ́ nakↄ̃a.
\b
\q1
\v 43 Ɔ̃ndↄ̃de laakari dↄ yã pìnↄa,
\q1 à Dikiri gbɛ̃kɛ gwa lákũ à de nà.
\c 108
\s1 Luda mɛ́ àdi tó ò zĩ̀ ble
\d Dauda lɛ̀ɛ.
\q1
\v 1 Ma laakari kpatɛna, Luda,
\q1 mani lɛ̀ sí mà n táaki lɛ́ kũ nɛ̀sɛdoo.
\q1
\v 2 Ma mↄrↄ kũ ma gidigboo kú máa?
\q1 Mani gudↄ pá mìio.
\q1
\v 3 Dikiri, mani n sáabu kpá burinↄ tɛ́,
\q1 mani n táaki lɛ́ gbɛ̃nↄnɛ.
\q1
\v 4 Zaakũ n gbɛ̃kɛ zↄ̃kↄ̃ↄ kà n kĩnaa,
\q1 n náanikɛnaa ludambɛ luku lè.
\q1
\v 5 Luda, ò n tↄ́ sɛ́ lei ari n kukia,
\q1 ǹ tó n gakuri da anduniala pínki.
\b
\q1
\v 6 Ǹ wewá ǹ ó sura ba kũ n gã̀sã gbãnao,
\q1 de ókↄ̃nↄ n gbɛ̃ yenyĩdenↄ le ò bo.
\q1
\v 7 Luda yã ò zaa a kúkia à pì:
\q1 Mani Sɛkɛmu kpaatɛtɛ kũ kùwikio,
\q1 mani Suko guvutɛ kpáḿma.
\q1
\v 8 Giliada bùsu bi ma pↄ́mɛ,
\q1 Manase burinↄ bùsu bi ma pↄ́mɛ,
\q1 Ɛflaimu burinↄ bùsu bi ma mↄ̀furaamɛ,
\q1 Yuda bùsu bi ma gòomɛ.
\q1
\v 9 Mↄabunↄ bùsu bi ma ↄpipibↄↄmɛ,
\q1 madì ma kyate kátɛ Ɛdↄmunↄ bùsuua,
\q1 madì kùwiki dↄ Filisitininↄ bùsuua.
\b
\q1
\v 10 Dí mɛ́ ani gɛ̃ kũmao wɛ̃tɛ bĩnide gũnn?
\q1 Dí mɛ́ ani domɛnɛ arɛ ari Ɛdↄmunↄ bùsunn?
\q1
\v 11 Luda, à de mↄkↄ̃n mɛ́ n ↄ gbàrɛwái,
\q1 ndì bo kũ ó zĩ̀karinↄ doroo?
\q1
\v 12 Ǹ ↄ dawá ó ibɛrɛnↄ yãi,
\q1 zaakũ bisãsiri kpányĩ bi yã pãmɛ.
\q1
\v 13 Óni zĩ̀ ble kũ Luda gbãnao,
\q1 àkũ mɛ́ ani gɛ̀sɛ pɛ́tɛpɛtɛ ó ibɛrɛnↄa.
\c 109
\s1 Sa vãni ona ibɛrɛɛnɛ
\d Dauda lɛ̀ɛ.
\q1
\v 1 Luda, mↄkↄ̃nn madì n táaki lɛ́,
\q1 ǹsungↄ̃ yĩtɛnaro.
\q1
\v 2 Zaakũ gbɛ̃ vãni bonkpɛdenↄ dì ma yaka,
\q1 òdi lɛ́ bo ò ɛ́kɛyã dima.
\q1
\v 3 Òdi likamai kũ zãnguyão,
\q1 òdi fìti kɛ kũmao pↄ́ke wíwinnɛnaa sari.
\q1
\v 4 Òdi yenyĩ ɛramɛnɛ kũ yãdimmanaao,
\q1 bee kũ madì adua kɛńnɛ.
\q1
\v 5 Òdi yã mana fĩna bomɛnɛ kũ a vãnio,
\q1 yenyĩ sↄ̃, kũ zãnguo.
\b
\q1
\v 6 Ǹ Setan sùu kɛa,
\q1 ǹ a kpakũ kũ Ibilisio.
\q1
\v 7 Ǹ tó yãkpatɛ a nɛ,
\q1 ǹ tó a aduakɛna yã inɛ.
\q1
\v 8 A wɛ̃̀ndi gↄ̃ kutu,
\q1 gbɛ̃ pãnde gↄ̃ a gɛ̃nɛ ũ.
\q1
\v 9 Ǹ tó a nɛ́nↄ gↄ̃ de sari,
\q1 a nanↄ gↄ̃ gyaanↄ ũ.
\q1
\v 10 A nɛ́nↄ gↄ̃ likarazↄ̃rinↄ ũ ògↄ̃ bara kɛ,
\q1 ògↄ̃ ń kpakɛ ń bɛ zĩinↄ gũn.
\q1
\v 11 A fĩnade a pↄ́nↄ nakↄ̃a pínki,
\q1 buri zĩ̀tↄnↄ a zĩ àre sía.
\q1
\v 12 Gbɛ̃ke sún gbɛ̃kɛ kɛnɛro,
\q1 òsun wɛ̃nda dↄ̃ a nɛ́ kũ à tònↄnɛro.
\q1
\v 13 Ǹ tó a burinↄ láka,
\q1 ń tↄ́ súngↄ̃ kú buri kũ oni futɛnↄ tɛ́ro.
\q1
\v 14 A dizinↄ vãnikɛna yã gↄ̃ dↄngu, Dikiri,
\q1 ǹsun tó a da durunna kɛ̃a zikiro.
\q1
\v 15 Ń durunna gↄ̃ dↄngu, Dikiri,
\q1 ń yã sã gbɛ̃nↄgu andunia gũn.
\b
\q1
\v 16 Zaakũ adi dↄn à gbɛ̃kɛ kɛ gbɛ̃kenɛro,
\q1 àdi wɛ́ tã takasidenↄa kũ wɛ̃ndadenↄ
\q1 kũ pↄsiradenↄo ari gyãwãn.
\q1
\v 17 À ye sa vãni onnɛnaai,
\q1 ǹ tó à wí a musu.
\q1 Sa mana onnɛnaa dì kánɛro,
\q1 ǹ tó arubarika kɛ kãao zã̀.
\q1
\v 18 À lɛ́kɛnnɛnaa dà lán uta bà,
\q1 à a mɛ̀ɛ yàku lán í bà,
\q1 à gɛ̃̀ a wánↄn lán nísi bà.
\q1
\v 19 Kanaa pì gↄ̃ daala lán uta bà,
\q1 àgↄ̃ dↄ a pi lán asa bà.
\q1
\v 20 Dikiri fĩna bo ma yãdimmarinↄa lɛ
\q1 kũ gbɛ̃ kũ òdi yã vãni o ma musunↄo.
\b
\q1
\v 21 Dikiri Gbãnasĩndapinkide,
\q1 ǹ ma wɛ̃nda gwa n tↄ́ yãi,
\q1 ǹ ma bo n manakɛ kũ n gbɛ̃kɛo yãi.
\q1
\v 22 Zaakũ takaside wɛ̃ndademɛ ma ũ,
\q1 ma pↄ yàka búgubugu.
\q1
\v 23 Matɛn gɛ̃tɛ lán ↄkↄsi uraa bà,
\q1 má de lán kwa kũ ĩa tɛn sɛ́ bà.
\q1
\v 24 Lɛ́yĩnaa tò ma gbá dì sí sɛ́ doro,
\q1 ma fɛ̃fɛ̃ ma gↄ̃ wàakuu.
\q1
\v 25 Ma gↄ̃ yáadↄnapↄ ũ ma yãdimmarinↄnɛ,
\q1 òdi ma gwa ò mì gbãkɛ.
\b
\q1
\v 26 Ǹ kpámai, Dikiri ma Luda,
\q1 ǹ ma sura ba n gbɛ̃kɛ yãi,
\q1
\v 27 de ò dↄ̃ kũ n ↄ mɛ́ à kɛ̀,
\q1 mↄkↄ̃n Dikiri, n kɛnaamɛ.
\q1
\v 28 Bee tó ò ma ka, ĩni arubarika damagu,
\q1 tó ò fùtɛmai, wé'i ni ń kũ,
\q1 makũ n zↄ̀bleri mani pↄnna kɛ.
\q1
\v 29 Tↄ́ vãni ni gↄ̃ ma yãdimmarinↄnɛ uta ũ,
\q1 oni wé'i daḿma lán arukĩmbaa bà.
\b
\q1
\v 30 Mani Dikiri sáabu kpá kũ kòto gbãnao,
\q1 mani a táaki lɛ́ dasi kↄ̃kakaranaa gũn.
\q1
\v 31 Zaakũ àdi zɛ kũ wɛ̃ndadenↄ,
\q1 àdi ń sí gbɛ̃ kũ òdi yã vútɛḿmanↄa.
\c 110
\s1 Arumasihu kíkɛ
\d Dauda lɛ̀ɛ.
\q1
\v 1 Dikiri pì ma dikiriinɛ à vutɛ a ↄplai
\q1 ari àgↄ̃ a ibɛrɛnↄ kɛnɛ a tìntin ũ.
\b
\q1
\v 2 Dikiri ni tó n iko dagula,
\q1 ĩni kí ble n ibɛrɛnↄa zaa Zaiↄ̃.
\q1
\v 3 N gbɛ̃nↄ ni ń zĩda kpámma zĩ̀kagↄrↄ
\q1 kpi kũ à kú adona musu,
\q1 n kɛfɛnnanↄ ni su n kĩnaa lán gudↄ plíkpanaa bà.
\b
\q1
\v 4 Dikiri la dà, ani lɛ́ sukparo à pì:
\q1 Ĩnigↄ̃ de sa'ori ũ ari gↄrↄ sĩnda pínki
\q1 lán Mɛlɛkizɛdɛki bàmɛ.
\b
\q1
\v 5 Dikiri kú n ↄplai,
\q1 ani kínanↄ dúgu zↄ̃ a pↄfɛ̃gↄrↄ.
\q1
\v 6 Ani yãkpatɛ kɛ kũ burinↄo,
\q1 ń gɛ̀nↄ nigↄ̃ kpá,
\q1 ani andunia pínki kínanↄ dúgu zↄ̃.
\q1
\v 7 Ani í mi swai zɛ́ lɛ́a,
\q1 abire yãin a mì nigↄ̃ dana íla.
\c 111
\s1 Dikiri tↄ́bonaa
\q1
\v 1 Aleluya!
\q1 Mani Dikiri sáabu kpá kũ nɛ̀sɛdoo
\q1 gbɛ̃ mananↄ kↄ̃kakaranaa gũn.
\b
\q1
\v 2 Dikiri yãkɛnanↄn zↄ̃kↄ̃,
\q1 gbɛ̃ kũ a yã kɛ̀ńnɛ nnanↄ dì a laasun lɛ́.
\q1
\v 3 A yãkɛnanↄn bɛ̀ɛrɛ vĩ kũ gakurio,
\q1 a yãmanakɛna lakana vĩro.
\q1
\v 4 Dikiri tò a yãbonsarɛkɛnanↄ dↄ̀ógu,
\q1 à sùru vĩ kũ wɛ̃ndao.
\q1
\v 5 Àdi pↄ́ble kpá a vĩnakɛrinↄa,
\q1 àdigↄ̃ dↄ a bàka kunna kũńwo yãn.
\q1
\v 6 À a yãkɛnanↄ gbãna mↄ̀ a gbɛ̃nↄnɛ,
\q1 à buri pãndenↄ bùsunↄ sì à kpàḿma.
\q1
\v 7 A yãkɛnanↄn náani vĩ akũsↄ̃ à zɛ́ vĩ,
\q1 a yãdannɛnanↄn yãpura vĩ pínki.
\q1
\v 8 Yã pìnↄ zĩni pɛtɛna gↄrↄ sĩnda pínki,
\q1 àdi yã kɛ a zɛ́a kũ náanio.
\q1
\v 9 À surabarii zĩ̀ à a gbɛ̃nↄ bò,
\q1 a bàka kú kũńwo gↄrↄ sĩnda pínki.
\q1 A tↄ́ kú adona, à naasi vĩ.
\b
\q1
\v 10 Vĩnakɛna Dikirinɛɛmɛ ↄ̃ndↄ̃ zĩni ũ,
\q1 gbɛ̃ kũ ò a vĩna vĩnↄmɛ asãnsĩnidenↄ ũ.
\q1 A táakilɛna nigↄ̃ lakana vĩro.
\c 112
\s1 Gbɛ̃ kũ à Dikiri vĩna vĩ
\q1
\v 1 Aleluya!
\q1 Arubarikademɛ gbɛ̃ kũ à Dikiri vĩna vĩ ũ,
\q1 akũsↄ̃ Dikiri yãditɛnanↄ dì kánɛ manamana.
\b
\q1
\v 2 A nɛ́nↄ nigↄ̃ gbãnadenↄ ũ ń bùsun,
\q1 nɛ̀sɛpurade burinↄ nigↄ̃ de arubarikadenↄ ũ.
\q1
\v 3 Ɔgↄ kũ aruzɛkɛo di a bɛa,
\q1 a yãmanakɛna lakana vĩro.
\q1
\v 4 Bee gusiran gu dì pu gbɛ̃ mananɛ,
\q1 nɛ̀sɛpurade kũ à sùru kũ wɛ̃ndao vĩ.
\q1
\v 5 Gbɛ̃ kũ àdi ↄ poro, kũ àdi pↄ́ sãkãńnɛ,
\q1 akusↄ̃ àdi yã kɛ a zɛ́a, yã dì bo kãao nna.
\q1
\v 6 Pↄ́ke ni gbɛ̃ mana lá ble zikiro,
\q1 a yã nigↄ̃ dↄńgu gↄrↄ sĩnda pínki.
\q1
\v 7 Baaru vãni dì a vĩna kũro,
\q1 a laakarii dìgↄ̃ kpatɛna, àdigↄ̃ Dikiri náani vĩ.
\q1
\v 8 A kùu dì vĩro, vĩna dì a kũro
\q1 ari à gɛ́ à yↄ̃̀gↄ̃ kɛ a ibɛrɛnↄa.
\q1
\v 9 Àdi pↄ́ fã takasidenↄnɛ,
\q1 a yãmanakɛna lakana vĩro,
\q1 a gbãna dìgↄ̃ kara kũ bɛ̀ɛrɛɛo.
\b
\q1
\v 10 Gbɛ̃ vãni dì a e à pↄ fɛ̃,
\q1 àdi saka kakũn à nagui,
\q1 gbɛ̃ vãni pↄyeinaa dì kɛ pã.
\c 113
\s1 Dikiri táakilɛnaa
\q1
\v 1 Aleluya!
\q1 Dikiri zↄ̀blerinↄ, à a táaki lɛ́,
\q1 à Dikiri tↄ́ bo!
\q1
\v 2 Ò Dikiri sáabu kpá
\q1 zaa tera ari gↄrↄ sĩnda pínki.
\q1
\v 3 Ò Dikiri tↄ́ bo
\q1 zaa ifãboki kpa ari a lɛ́tɛ kpa.
\b
\q1
\v 4 Dikiri zↄ̃kↄ̃ de buri sĩnda pínkila,
\q1 a gakuri dana musula.
\q1
\v 5 Dí mɛ́ à kà Dikiri ó Luda ũu?
\q1 À vutɛna kpatan zaa musu,
\q1
\v 6 àdi wɛ́ zu zĩtɛ
\q1 à musu kũ zĩtɛo gwa.
\b
\q1
\v 7 Àdi gbãnasaridenↄ bo bùsu tɛ́ à ń futɛ,
\q1 àdi wɛ̃ndadenↄ bo tuburan à ń sɛ́ lei.
\q1
\v 8 Àdi ń da kínanɛnↄ tɛ́,
\q1 buri kũ à sɛ̀ kínanɛnↄ.
\q1
\v 9 Àdi para kara a bɛn,
\q1 àdi a kɛ nɛ́rande pↄnnade ũ.
\q1 Aleluya!
\c 114
\s1 Vĩnla dikpɛ lɛ̀ɛ
\q1
\v 1 Kũ Isarailanↄ bò Misila,
\q1 kũ Yakubu burinↄ bò gbɛ̃ zĩ̀tↄnↄ tɛ́,
\q1
\v 2 Yudanↄ bùsuu gↄ̃̀ Dikiri kúki ũ,
\q1 Isarailanↄ bùsuu gↄ̃̀ a kíbleki ũ.
\b
\q1
\v 3 Isira Tɛ̃ra wɛ́ sìńlɛ à bàa lɛ̀,
\q1 Yoda í ɛ̀ra kpɛ.
\q1
\v 4 Kpinↄ vĩ̀vĩ lán sãkaronↄ bà,
\q1 sĩ̀sĩnↄ kↄrↄ lɛ̀ lán sãnɛnↄ bà.
\b
\q1
\v 5 Ísira, bↄ́ mɛ́ à n le n bàa lɛ̀ɛ?
\q1 Yoda, à kɛ̀ dera n ɛ̀ra kpɛɛ?
\q1
\v 6 Kpinↄ, bↄ́yãin a vĩvĩ lán sãkaronↄ bàa?
\q1 Sĩ̀sĩnↄ, à kɛ̀ dera a kↄrↄ lɛ̀ lán sãnɛnↄ bàa?
\b
\q1
\v 7 Andunia, ǹ yĩgãyĩgã Dikiri arɛ,
\q1 Yakubu Luda arɛ.
\q1
\v 8 À gbɛ̀si kɛ̀ íkatɛki ũ,
\q1 à gbɛ̀pu lì ísɛ̃boki ũ.
\c 115
\s1 Dikiri mɛ́ àdi arubarika dańgu
\q1
\v 1 Adi kɛ ókↄ̃nↄnlo Dikiri,
\q1 adi kɛ ókↄ̃nↄnlo,
\q1 mↄkↄ̃mmɛ ń de ò n tↄ́ bo
\q1 n gbɛ̃kɛ kũ n náanio yãi.
\b
\q1
\v 2 À kɛ̀ dera burinↄ dì ó la
\q1 ò pi ó Luda kú máa?
\q1
\v 3 Ó Luda kú musu,
\q1 pↄ́ kũ à yein àdi kɛ.
\q1
\v 4 Ò ń tãnanↄ pì kũ andurufuuo kũ wuraao,
\q1 bisãsiri ↄzĩmɛ.
\q1
\v 5 Ò lɛ́ vĩ, ama òdi yã oro,
\q1 ò wɛ́ vĩ, ama òdi gu ero.
\q1
\v 6 Ò sã vĩ, ama òdi yã maro,
\q1 ò yĩ vĩ, ama òdi pↄ́ gbĩ maro.
\q1
\v 7 Ò ↄ vĩ, ama òdi pↄ́ kũro,
\q1 ò gbá vĩ, ama òdi táa oro,
\q1 òdi kòto kɛkɛro.
\q1
\v 8 Ń pìrinↄn lɛɛlɛ kũńwomɛ
\q1 kũ gbɛ̃ kũ òtɛni ń náani kɛnↄ ń pínki.
\b
\q1
\v 9 Isarailanↄ, à Dikiri náani kɛ!
\q1 Àkũmɛ á kpanyĩri ũ kũ á sɛ̃gbakoo.
\q1
\v 10 Haruna burinↄ, à Dikiri náani kɛ!
\q1 Àkũmɛ á kpanyĩri ũ kũ á sɛ̃gbakoo.
\q1
\v 11 Dikiri vĩnakɛrinↄ, à Dikiri náani kɛ!
\q1 Àkũmɛ á kpanyĩri ũ kũ á sɛ̃gbakoo.
\b
\q1
\v 12 Dikiri dↄ̀ ó yãn,
\q1 ani arubarika daógu.
\q1 Ani arubarika da Isaraila burinↄgu,
\q1 ani arubarika da Haruna burinↄgu,
\q1
\v 13 ani arubarika da a vĩnakɛrinↄgu,
\q1 nɛ́ fíti gbɛ̃ zↄ̃kↄ̃.
\b
\q1
\v 14 Dikiri á buri kara,
\q1 ákↄ̃nↄ kũ á nɛ́nↄ.
\q1
\v 15 Dikiri arubarika daágu,
\q1 musu kũ zĩtɛo Kɛ̀rii.
\b
\q1
\v 16 Musu bi Dikiri pↄ́mɛ,
\q1 ama à zĩtɛ nà bisãsirinↄnɛ ń ↄĩ.
\q1
\v 17 Adi kɛ gɛ̀nↄ mɛ́ òdi Dikiri táaki lɛ́ro,
\q1 kesↄ̃ gbɛ̃ kũ ń lɛ́ yĩtɛnↄ.
\q1
\v 18 Ókↄ̃nↄ, ónigↄ̃ Dikiri sáabu kpá
\q1 zaa tera ari gↄrↄ sĩnda pínki.
\q1 Aleluya!
\c 116
\s1 Gbɛ̃ kũ à bò ga lɛ́i Dikiri sáabukpanaa
\q1
\v 1 Má ye Dikirii, zaakũ à ma yã mà,
\q1 à ma wikilɛnaawa mà.
\q1
\v 2 Manigↄ̃ a sísi ari ma wɛ̃̀ndi lɛ́n,
\q1 kũ à sã kpàmai yãi.
\b
\q1
\v 3 Ga bàa fĩ̀kãmai yã,
\q1 mira wãwã tↄ̃̀ma,
\q1 wɛ́tãmmana kũ pↄsirao dàmala.
\q1
\v 4 Akũ ma Dikiri sìsi ma pì:
\q1 Dikiri, n yã nna, ǹ ma mì sí.
\q1
\v 5 Dikirin sùru vĩ akũsↄ̃ à mana,
\q1 ó Luda wɛ̃nda vĩ.
\q1
\v 6 Dikiri dì gbãnasaridenↄ dãkpã,
\q1 kũ ma busa, à ma sura bà.
\b
\q1
\v 7 Ma swɛ̃̀, ǹ kɛkɛ ǹ kpátɛ,
\q1 zaakũ Dikiri yã mana kɛ̀nnɛ.
\q1
\v 8 Dikiri, n ma bo ga lɛ́i,
\q1 n wɛ́'i wàramɛnɛ, ńdi tó ma gɛ̃̀ síro,
\q1
\v 9 de màgↄ̃ tɛ́ n arɛ gbɛ̃ bɛ̃nɛnↄ kukia la.
\q1
\v 10 Bee kũ wari tↄ̃̀ma ma gↄ̃ búgubugu,
\q1 má kpɛ́ a náanikɛna, akũ ma yã ò.
\q1
\v 11 Bídi ma kũ ma pì:
\q1 Gbɛ̃ sĩnda pínki bi ɛ́kɛdenↄmɛ.
\b
\q1
\v 12 Bↄ́n mani fĩna boo Dikirinɛ
\q1 yã mana kũ à kɛ̀mɛnɛ pínki musuu?
\q1
\v 13 Mani Dikiri surabana toko sɛ́ musu,
\q1 mani a sísio.
\q1
\v 14 Mani lɛ́ kũ ma kɛ̀ Dikirianↄ papa
\q1 a gbɛ̃nↄ wára ń pínki.
\b
\q1
\v 15 Dikiri yãmarinↄ gana bɛ̀ɛrɛ vĩnɛ.
\q1
\v 16 Dikiri, n yã nna, n zↄ̀bleriimɛ ma ũ,
\q1 nↄgbɛ̃ kũ à zↄ̀ↄ blènnɛ nɛ́mɛ ma ũ,
\q1 n ma bo bàn.
\b
\q1
\v 17 Mani kɛnnakũkↄ̃o sa omma,
\q1 mani n sísio, Dikiri.
\q1
\v 18 Mani lɛ́ kũ ma kɛ̀ Dikirianↄ papa
\q1 a gbɛ̃nↄ wára ń pínki
\q1
\v 19 a kpɛ́ ↄnn Yurusalɛmu gũn.
\q1 Aleluya!
\c 117
\s1 Dikiri táakilɛnaa
\q1
\v 1 Ákↄ̃nↄ buri sĩnda pínkinↄ à Dikiri tↄ́ kpá,
\q1 ákↄ̃nↄ bùsu sĩnda pínki gbɛ̃nↄ à a táaki lɛ́.
\q1
\v 2 Zaakũ gbɛ̃kɛ kũ à vĩ kũoo kɛ̀ zↄ̃kↄ̃,
\q1 Dikiri náani vĩ gↄrↄ sĩnda pínki.
\q1 Aleluya!
\c 118
\s1 Gɛna Dikiri ↄnn kũ sáabukɛnaao
\q1
\v 1 À Dikiri sáabu kɛ, zaakũ à mana,
\q1 a gbɛ̃kɛ lakana vĩro.
\b
\q1
\v 2 Isarailanↄ o:
\q1 A gbɛ̃kɛ lakana vĩro.
\q1
\v 3 Haruna burinↄ o:
\q1 A gbɛ̃kɛ lakana vĩro.
\q1
\v 4 A vĩnakɛrinↄ o:
\q1 A gbɛ̃kɛ lakana vĩro.
\b
\q1
\v 5 Ma lɛ́ zù Dikirii ma warikɛnaa gũn,
\q1 akũ à wèma à ma gba mɛ̀poroki.
\q1
\v 6 Dikiri kú kũmao, vĩna ni ma kũro.
\q1 Bↄ́n bisãsiri ni fↄ̃ à kɛmɛnɛɛ?
\q1
\v 7 Dikiri kú kũmao ma kpanyĩri ũ,
\q1 mani yↄ̃̀gↄ̃ kɛ ma ibɛrɛnↄa.
\b
\q1
\v 8 Nana Dikirii mana de
\q1 bisãsiri náanikɛnala.
\q1
\v 9 Nana Dikirii mana de
\q1 gbãnadenↄ náanikɛnala.
\b
\q1
\v 10 Buri sĩnda pínki lìkamai,
\q1 akũ ma ń kakatɛ kũ Dikiri tↄ́o.
\q1
\v 11 Ò lìkamai kpa sĩnda pínki,
\q1 akũ ma ń kakatɛ kũ Dikiri tↄ́o.
\q1
\v 12 Ò fĩ̀ma lán zↄ́nↄ bà,
\q1 akũ ò làka lán kãni tɛ́kũnaa bà,
\q1 ma ń kakatɛ kũ Dikiri tↄ́o.
\b
\q1
\v 13 Ò ↄ sↄ̃̀mai kpɛ, má ye mà lɛ́tɛ,
\q1 akũ Dikiri kpàmai.
\q1
\v 14 Dikiri mɛ́ à ma gbãna ũ, a táakin madì lɛ́,
\q1 àkũ mɛ́ à gↄ̃̀ ma surabari ũ.
\b
\q1
\v 15 À ma, pↄnna wiki dↄ gbɛ̃ mananↄ bùran,
\q1 Dikiri ↄpla zĩ zↄ̃kↄ̃ↄ kɛ̀.
\q1
\v 16 Dikiri ↄpla kú musu,
\q1 Dikiri ↄpla zĩ zↄ̃kↄ̃ↄ kɛ̀.
\b
\q1
\v 17 Mani garo, manigↄ̃ kun,
\q1 manigↄ̃ Dikiri yãkɛnanↄ baba.
\q1
\v 18 Dikiri ma toto manamana,
\q1 ama adi tó ga ma sɛro.
\b
\q1
\v 19 À zɛ́ mana gbànↄ wɛ̃mɛnɛ,
\q1 de mà gɛ̃ mà Dikiri sáabu kpá.
\q1
\v 20 Dikiri ↄn zɛ́n dí,
\q1 gbɛ̃ mananↄ mɛ́ òdi gɛ̃n.
\q1
\v 21 Ma n sáabu kɛ̀ Dikiri, zaakũ n wema,
\q1 n gↄ̃ ma surabari ũ.
\b
\q1
\v 22 Gbɛ̀ kũ kpɛ́borinↄ pã kpài
\q1 mɛ́ à gↄ̃̀ kpɛ́ kusuru gbɛ̀ mìde ũ.
\q1
\v 23 Dikiri mɛ́ à abirekũ kɛ̀,
\q1 akũ à kɛ̀wɛrɛ yãbonsarɛ ũ.
\q1
\v 24 Gↄrↄ kũ Dikiri dìtɛn dí,
\q1 ò pↄnna kɛn ó nɛ̀sɛ kɛ nna.
\b
\q1
\v 25 N yã nna Dikiri! Ǹ ó sura ba!
\q1 Ǹ sùru kɛ Dikiri! Ǹ tó ò sa'a le!
\q1
\v 26 Arubarikademɛ gbɛ̃ kũ àtɛn su kũ Dikiri tↄ́o ũ,
\q1 zaa Dikiri ↄnn ótɛn gbãnakɛ kpányĩ.
\q1
\v 27 Dikirimɛ Luda ũ, à gu pùwɛrɛ.
\q1 À zà lá kpákpa àgↄ̃ tɛ́o dikpɛkɛrinↄi
\q1 ari sa'oki bɛ̃nɛnↄ kĩnaa.
\b
\q1
\v 28 Ma Ludamɛ n ũ, mani n sáabu kɛ,
\q1 ma Luda, mani n tↄ́ sɛ́ lei.
\b
\q1
\v 29 À Dikiri sáabu kɛ, zaakũ à mana,
\q1 a gbɛ̃kɛ lakana vĩro.
\c 119
\s1 Luda yã sɛna lei
\q1
\v 1 Arubarikadenↄmɛ gbɛ̃ kũ ò kun taari sari
\q1 ò Dikiri doka kũnanↄ ũ.
\q1
\v 2 Arubarikadenↄmɛ gbɛ̃ kũ ò Dikiri yã kũna
\q1 ò a ki wɛtɛ kũ nɛ̀sɛdoonↄ ũ.
\q1
\v 3 Òdi yã kpɛdangara kɛro,
\q1 òdi táa o a zɛ́ gũn.
\q1
\v 4 N n ↄdↄki mↄ̀wɛrɛ,
\q1 de ògↄ̃ tɛ́i kũ laakariio.
\q1
\v 5 Má ye màgↄ̃ kú ma dↄ̀rↄↄa
\q1 màgↄ̃ n yãdannɛnanↄ kũna.
\q1
\v 6 Tó má n yãditɛnanↄ kũna pínki,
\q1 abirekũ ni tó wé'i ma kũro.
\q1
\v 7 Gↄrↄ kũ matɛni n dokayã mananↄ dada,
\q1 mani n sáabu kpá kũ nɛ̀sɛpurao.
\q1
\v 8 Manigↄ̃ n yãdannɛnanↄ kũna,
\q1 ǹsun ma tón sãnsãnlo.
\b
\q1
\v 9 Deran kɛfɛnna ni fↄ̃ àgↄ̃ kun gbãsĩ sari nàa?
\q1 Séde a yãkɛna kↄ̃ sɛ́ kũ n yão.
\q1
\v 10 Matɛni n ki wɛtɛ kũ nɛ̀sɛdoo,
\q1 ǹsun tó mà zã n yãditɛnanↄaro.
\q1
\v 11 Ma n yã dà ma swɛ̃̀ɛ gũn
\q1 de màsun durunna kɛnnɛro yãi.
\q1
\v 12 Arubarikademɛ mↄkↄ̃n Dikiri ũ,
\q1 ǹ n yãditɛnanↄ damɛnɛ.
\q1
\v 13 Dokayã kũ ò bò n lɛ́nnↄ pínki,
\q1 mani babańnɛ kũ ma lɛ́o.
\q1
\v 14 Madì pↄnna kɛ kũ n yãnↄ
\q1 lákũ òdi kɛ kũ aruzɛkɛ zↄ̃kↄ̃ↄo nà.
\q1
\v 15 Madì laasun lɛ́ n ↄdↄkia,
\q1 ma wɛ́ kú n zɛ́nↄa.
\q1
\v 16 Ma pↄ kɛ̀ nna n yãditɛnanↄa,
\q1 n yã ni sãmaguro.
\b
\q1
\v 17 Ǹ yã mana kɛ makũ n zↄ̀bleriinɛ
\q1 de màgↄ̃ kun kũ wɛ̃̀ndiio, mágↄ̃ n yã kũna.
\q1
\v 18 Ǹ ma wɛ́ kɛ̃mɛnɛ
\q1 de mà wɛ́ si yãbonsarɛnↄlɛ n dokan.
\q1
\v 19 Nibↄↄmɛ ma ũ andunia gũn,
\q1 ǹsun n yãditɛnanↄ utɛmɛnɛro.
\q1
\v 20 N dokayãnↄ nidɛna baala'i
\q1 ma swɛ̃̀ɛ blè.
\q1
\v 21 Ndì kpãkɛ̃ karambaanide kũ lɛ́ ń kũnↄi,
\q1 gbɛ̃ kũ ò zã̀ n yãditɛnanↄanↄ.
\q1
\v 22 Ǹ ma bo sↄ̃sↄ̃nan kũ gyabonaao,
\q1 zaakũ má n yãnↄ kũna.
\q1
\v 23 Bee kũ kínanɛnↄ vùtɛ ò lɛ́ kpàkũsũmai,
\q1 ma laasun nigↄ̃ kú n yãdannɛnanↄa.
\q1
\v 24 N yãnↄ dì ma pↄ kɛ nna,
\q1 n yã pì dì lɛ́ dama.
\b
\q1
\v 25 Ma gↄ̃ wutɛna zĩtɛ,
\q1 ǹ ma wɛ̃̀ndi dãkpã lákũ n ò nà.
\q1
\v 26 Ma a yãkɛnanↄ dↄ̀dↄnnɛ, akũ n wema,
\q1 ǹ n yãdannɛnanↄ damɛnɛ.
\q1
\v 27 Ǹ tó mà n ↄdↄkinↄ dↄ̃,
\q1 ma laasun nigↄ̃ kú n yãbonsarɛnↄa.
\q1
\v 28 Ma pↄ sira à kɛ̀ zↄ̃kↄ̃,
\q1 ǹ ma gba gbãna lákũ n ò nà.
\q1
\v 29 Ǹ ma bo manafiki zɛ́a,
\q1 ǹ ma gba zɛ́ mà zɛ kũ n dokao.
\q1
\v 30 Ma yãpura zɛ́ sɛ̀,
\q1 ma swɛ̃̀ɛ dìgↄ̃ kú n dokaa.
\q1
\v 31 Má n yãnↄ kũna ↄplapla,
\q1 ǹsun tó wé'i ma kũro, Dikiri.
\q1
\v 32 Madì wã n yãditɛnanↄ zɛ́i,
\q1 zaakũ n ma laakarii kpàtɛmɛnɛ.
\b
\q1
\v 33 Dikiri, ǹ n yãdannɛnanↄ zɛ́ mↄmɛnɛ
\q1 de màgↄ̃ kũna ari ma wɛ̃̀ndi lɛ́n.
\q1
\v 34 Ǹ ma gba ↄ̃ndↄ̃ màgↄ̃ n doka kũna,
\q1 màgↄ̃ zĩ kɛa kũ nɛ̀sɛdoo.
\q1
\v 35 Ǹ ma da n yãditɛnanↄ zɛ́n,
\q1 zaakũ abirekũ mɛ́ àdi kámagu.
\q1
\v 36 Ǹ tó ma swɛ̃̀ tá n yãnↄa,
\q1 àsun tá bĩni zɛ́nlo.
\q1
\v 37 Ǹ ma wɛ́ go pↄ́ pãnↄa,
\q1 ǹ ma wɛ̃̀ndi dãkpã lákũ n ò nà.
\q1
\v 38 Ǹ yã kũ n ò papa makũ n zↄ̀bleriinɛ,
\q1 lɛ́ kũ n sɛ̀ n vĩnakɛrinↄnɛɛ.
\q1
\v 39 Ǹ tó sↄ̃sↄ̃na kũ madì a vĩna kɛ goma,
\q1 zaakũ n dokayãnↄn mana.
\q1
\v 40 Má ye n ↄdↄkii fá,
\q1 ǹ ma wɛ̃̀ndi dãkpã n manakɛ gũn.
\b
\q1
\v 41 Dikiri, ǹ mↄ́ ǹ gbɛ̃kɛ kɛmɛnɛ,
\q1 ǹ ma sura ba lákũ n ò nà,
\q1
\v 42 gbasa mà yã we ma sↄ̃̀sↄ̃rinↄa,
\q1 zaakũ matɛni n yã náani kɛ.
\q1
\v 43 Ǹsun yãpura yã sí ma lɛ́nlo,
\q1 zaakũ n dokayãnↄn ma wɛ́ dↄi.
\q1
\v 44 Manigↄ̃ n doka kũna
\q1 ari gↄrↄ sĩnda pínki.
\q1
\v 45 Manigↄ̃ tɛ́ aafia,
\q1 zaakũ ma n ↄdↄki wɛ̀tɛ.
\q1
\v 46 Mani n yãnↄ o kínanↄ arɛ,
\q1 wé'i ni ma kũro.
\q1
\v 47 N yãditɛnanↄ dì ma pↄ gba,
\q1 zaakũ má yei.
\q1
\v 48 Ma gã̀a sɛ̀ n yãditɛna kũ má yeinↄnɛ,
\q1 madì laasun lɛ́ n yãdannɛnanↄa.
\b
\q1
\v 49 Ǹ dↄ yã kũ n ò n zↄ̀bleriinɛn,
\q1 zaakũ n tò ma wɛ́ dↄi.
\q1
\v 50 Yã kũ àdi ma laakari kpátɛ ma warikɛnan dí,
\q1 n lɛ́sɛna mɛ́ àdi ma wɛ̃̀ndi dãkpã.
\q1
\v 51 Karambaanidenↄ tɛni ma fobo lakanaa sari,
\q1 bee kũ abireo madì zã n dokaaro.
\q1
\v 52 Madì dↄ n dokayã kũ à kú zaa zĩnↄn,
\q1 akũ òdi ma nɛ̀sɛ yĩda kũmɛnɛ, Dikiri.
\q1
\v 53 Madì pↄ fɛ̃ manamana,
\q1 kũ yãvãnikɛrinↄ dì pã kpá n dokai yãi.
\q1
\v 54 Madì lɛ̀ sí n yãdannɛnanↄ musu
\q1 ma kunna andunia díkĩna gũn.
\q1
\v 55 N yã dìgↄ̃ dↄmagu gwãani, Dikiri,
\q1 madìgↄ̃ n dokayãnↄ kũna.
\q1
\v 56 Ma dↄ́nɛ kɛ̀ kũ yã birenↄo,
\q1 zaakũ madìgↄ̃ n ↄdↄki gwa.
\q1
\v 57 Dikiri, mↄkↄ̃mmɛ ma baka ũ,
\q1 ma lɛ́ sɛ̀ kũ mani n yã ma.
\b
\q1
\v 58 Madì kútɛ kɛnnɛ kũ nɛ̀sɛdoo,
\q1 ǹ sùru kɛ kũmao lákũ n ò nà.
\q1
\v 59 Ma a yãkɛnanↄ laasunn lɛ̀,
\q1 akũ ma ɛra n dokayãnↄa.
\q1
\v 60 Mani wã, mani zɛzɛro,
\q1 de mà n yãditɛnanↄ da.
\q1
\v 61 Bee kũ gbɛ̃ vãninↄ bàa fĩ̀kãmai,
\q1 n dokayãnↄ ni sãmaguro.
\q1
\v 62 Madì futɛ mà sáabu kɛnnɛ lizãndo
\q1 n dokayã mananↄ musu.
\q1
\v 63 N vĩnakɛri pínki gbɛ̃nnamɛ ma ũ,
\q1 gbɛ̃ kũ òdi n ↄdↄki gwanↄ.
\q1
\v 64 Dikiri, n gbɛ̃kɛ andunia pà,
\q1 ǹ n yãditɛnanↄ damɛnɛ.
\b
\q1
\v 65 N a mana kɛ̀ makũ n zↄ̀bleriinɛ,
\q1 lákũ n ò nà, Dikiri.
\q1
\v 66 Ǹ wɛ́zɛ̃ kũ dↄ̃naao damɛnɛ,
\q1 zaakũ ma n yãditɛnanↄ sì.
\q1
\v 67 De ń kpɛ́ ǹ ↄ tↄ̃ma, má sãtɛnamɛ,
\q1 ama tera sà má n yã kũna.
\q1
\v 68 Ń mana, akũsↄ̃ n yãkɛnanↄn mana,
\q1 ǹ n yãditɛnanↄ damɛnɛ.
\q1
\v 69 Bee kũ karambaanidenↄ yãsira nàma,
\q1 madìgↄ̃ n ↄdↄki gwa kũ nɛ̀sɛdoo.
\q1
\v 70 Ń sã dì, àdi yã maro,
\q1 makũ sↄ̃ ma pↄ nna n dokaa.
\q1
\v 71 N ↄtↄ̃manaa kɛ̀mɛnɛ mana,
\q1 de mà le mà n yãdannɛnanↄ dada.
\q1
\v 72 Doka kũ à bò n lɛ́n manamɛnɛ
\q1 de wura kũ andurufu mɛ̀n dúbu ũgbangbanↄla.
\b
\q1
\v 73 N ↄ ma í kàsa à ma kɛ,
\q1 ǹ ma gba ↄ̃ndↄ̃ mà n yãditɛnanↄ dada.
\q1
\v 74 N vĩnakɛrinↄ ni ma e ò pↄnna kɛ,
\q1 zaakũ n yãn ma wɛ́ dↄi.
\q1
\v 75 Dikiri, má dↄ̃ kũ n dokayãnↄn mana,
\q1 kũ ń náani vĩ yãin n ↄ tↄ̃̀ma.
\q1
\v 76 Ǹ gbɛ̃kɛ kɛmɛnɛ de ma nɛ̀sɛ le à yĩda kũ,
\q1 lákũ n ò makũ n zↄ̀bleriinɛ nà.
\q1
\v 77 Ǹ mↄ́ ǹ wɛ̃nda dↄ̃mɛnɛ de màgↄ̃ kun,
\q1 zaakũ n dokayãnↄmɛ ma pↄnna ũ.
\q1
\v 78 Ǹ tó wé'i karambaanide kũ ò taari kɛ̀mɛnɛ pãnↄ kũ,
\q1 makũ sↄ̃ mani laasun lɛ́ n ↄdↄkia.
\q1
\v 79 Ǹ tó n vĩnakɛrinↄ su ma kĩnaa,
\q1 gbɛ̃ kũ ò n yãnↄ dↄ̃nↄ.
\q1
\v 80 Ǹ tó ma nɛ̀sɛ gↄ̃ yãke vĩro n yãnↄ musu
\q1 de wé'i sún ma kũro yãi.
\b
\q1
\v 81 N surabana yã tɛni ma swɛ̃̀ ble,
\q1 n yãn ma wɛ́ dↄi.
\q1
\v 82 Ma wɛ́ dↄdↄna n lɛ́sɛnaai ari ma wɛ́ wò,
\q1 bↄrɛn ĩni ma nɛ̀sɛ yĩda kũmɛnɛɛ?
\q1
\v 83 Má de lán bára bↄ̀kↄ kũ à túsukpɛ màa bà,
\q1 bee kũ abireo n yãditɛnanↄ dì sãmaguro.
\q1
\v 84 Makũ n zↄ̀bleri manigↄ̃ n dã ari bↄrɛɛ?
\q1 Bↄrɛn ĩni wari dↄ ma wɛ́tãmmarinↄaa?
\q1
\v 85 Karambaanidenↄ dì wɛ̀ɛ yↄ̃mɛnɛ mà zun,
\q1 ń yã dì kↄ̃ sɛ́ kũ n dokaoro.
\q1
\v 86 N yãditɛnanↄ pínki náani vĩ,
\q1 ǹ kpámai, zaakũ òtɛn wɛ́ tãma pãmɛ.
\q1
\v 87 À gↄ̃̀ fíti kũ oni láka kũmao andunian,
\q1 makũ sↄ̃ mádi pã kpá n ↄdↄkinɛro.
\q1
\v 88 Ǹ ma wɛ̃̀ndi dãkpã n gbɛ̃kɛ yãi,
\q1 mani n yãnↄ da.
\b
\q1
\v 89 Dikiri, n yã dìgↄ̃ kun gↄrↄ sĩnda pínki,
\q1 a zĩni pɛtɛna zaa musu.
\q1
\v 90 Ń náani vĩ wɛ̃̀ kũ wɛ̃̀ɛo,
\q1 n andunia kàtɛ, akũ à kpɛ́ kun.
\q1
\v 91 Pↄ́ sĩnda pínki kpɛ́ kun gbãra n doka yãi,
\q1 zaakũ pↄ́ sĩnda pínki dì donyĩ.
\q1
\v 92 Tó n dokamɛ ma pↄnna ũ yãro,
\q1 de ma laka ma warikɛnaa gũn.
\q1
\v 93 N ↄdↄki ni sãmagu zikiro,
\q1 zaakũ a gãin n ma wɛ̃̀ndii dã̀kpã.
\q1
\v 94 N pↄ́mɛ ma ũ, ǹ ma sura ba,
\q1 zaakũ ma n ↄdↄki wɛ̀tɛ.
\q1
\v 95 Gbɛ̃ vãninↄ tɛni ma dã ò ma dɛ,
\q1 ama ma laakari kú n yãnↄa.
\q1
\v 96 Ma è kũ pↄ́ mana sĩnda pínki zaka lɛ́ kummɛ,
\q1 ama n yãditɛnanↄ zↄ̃kↄ̃ lɛ́ vĩro.
\b
\q1
\v 97 Má ye n dokai à kɛ̀ zↄ̃kↄ̃ fá,
\q1 madìgↄ̃ laasun lɛ́a zaa kↄnkↄ ari ↄkↄsi.
\q1
\v 98 N yãditɛnanↄ dì tó ma ↄ̃ndↄ̃ gↄ̃ de ma ibɛrɛnↄ pↄ́la,
\q1 zaakũ à kú ma swɛ̃̀n gↄrↄ sĩnda pínki.
\q1
\v 99 Ma wɛ́zɛ̃ de ma yãdannɛrinↄ pↄ́la ń pínki,
\q1 zaakũ ma laasun dìgↄ̃ kú n yãnↄamɛ.
\q1
\v 100 Ma ↄ̃ndↄ̃ de marenↄ pↄ́la,
\q1 zaakũ madìgↄ̃ n ↄdↄkinↄ gwa.
\q1
\v 101 Madì mì kɛ̃ zɛ́ vãni sĩnda pínkia
\q1 de mà le màgↄ̃ n yã kũna yãi.
\q1
\v 102 Mádi kɛ̃ n dokayãnↄaro,
\q1 zaakũ mↄkↄ̃n mɛ́ n dàmɛnɛ.
\q1
\v 103 N yãnↄn nnamɛnɛ à kɛ̀ zↄ̃kↄ̃,
\q1 à nna de zↄ́la ma lɛ́n.
\q1
\v 104 N ↄdↄki dì ma gba laakarii,
\q1 abire yãi ma zã sãtɛna zɛ́ sĩnda pínkin.
\b
\q1
\v 105 N yãmɛ fitila ũ ma gbánɛ,
\q1 àdi gu pumɛnɛ zɛ́n.
\q1
\v 106 Ma la dà ma zɛo
\q1 kũ manigↄ̃ tɛ́ n dokayã mananↄi.
\q1
\v 107 Ma wɛ́tãmmanaa kɛ̀ zↄ̃kↄ̃, Dikiri,
\q1 ǹ ma wɛ̃̀ndi dãkpã lákũ n ò nà.
\q1
\v 108 Ǹ ma sáabukpana sí,
\q1 gbasa ǹ n dokayãnↄ damɛnɛ, Dikiri.
\q1
\v 109 Madìgↄ̃ ma zĩda da karii gũn,
\q1 bee kũ abireo n dokayãnↄ dì sãmaguro.
\q1
\v 110 Yãvãnikɛrinↄ tankutɛ kpàkpamɛnɛ,
\q1 ama mádi zã n ↄdↄkiaro.
\q1
\v 111 N yãnↄmɛ ma túbi ũ ari gↄrↄ sĩnda pínki,
\q1 mↄ́kↄ̃nↄmɛ ma pↄnna ũ.
\q1
\v 112 Ma swɛ̃̀ kú n yãdannɛnanↄa
\q1 ari ma wɛ̃̀ndi lɛ́n.
\b
\q1
\v 113 Ma zã nɛ̀sɛpladenↄn,
\q1 má ye n dokai.
\q1
\v 114 Mↄkↄ̃mmɛ ma utɛki kũ ma sɛ̃gbakoo ũ,
\q1 n yãn ma wɛ́ dↄi.
\q1
\v 115 À gomala ákↄ̃nↄ yãvãnikɛrinↄ
\q1 de màgↄ̃ ma Luda yãditɛnanↄ kũna.
\q1
\v 116 Ǹgↄ̃ ma kũna lákũ n ò nà, manigↄ̃ kun,
\q1 ǹsun tó tãmaa ma nɛro.
\q1
\v 117 Ǹ ma sɛ́ musu de mà bo aafia,
\q1 ma wɛ́ nigↄ̃ pɛ́ n yãdannɛnanↄa.
\q1
\v 118 Ndì gí gbɛ̃ kũ ò zã̀ n yãdannɛnaaanↄi,
\q1 ń manafikikɛna bi pãmɛ.
\q1
\v 119 Ndì andunia yãvãnikɛrinↄ kↄ́tɛ lán mↄ̀gbↄ̃ↄ bà,
\q1 abire yãin má ye n yãnↄi.
\q1
\v 120 Ma mɛ̀ɛ dì futɛ n vĩna yãi,
\q1 n dokayãnↄn naasi vĩmɛ.
\b
\q1
\v 121 Ma yã kɛ̀ a zɛ́a súsu,
\q1 ǹsun ma tó ma wɛ́tãmmarinↄnɛro.
\q1
\v 122 Ǹ zɛnkpɛkɛ sɛ́ makũ n zↄ̀bleriinɛ de mà bo mana,
\q1 ǹsun tó karambaanidenↄ ma wɛ́ tãro.
\q1
\v 123 Ma wɛ́ dↄ n surabanaai ari ma kpasa,
\q1 matɛni n lɛ́sɛna mana dã.
\q1
\v 124 Ǹ yã kɛmɛnɛ n gbɛ̃kɛ gũn,
\q1 ǹ n yãdannɛnanↄ da makũ n zↄ̀bleriinɛ.
\q1
\v 125 N zↄ̀bleriimɛ ma ũ, ǹ ma gba laakarii
\q1 de mà n yãnↄ dↄ̀rↄ dↄ̃.
\q1
\v 126 Yãkɛna gↄrↄ kà, Dikiri,
\q1 zaakũ òtɛn bo n doka kpɛ.
\q1
\v 127 Má ye n yãditɛnanↄi de wurala,
\q1 bee wura baasanaa.
\q1
\v 128 Ma è n ↄdↄki mana,
\q1 abire yãi sãtɛna zɛ́ pínki dì kɛmɛnɛro.
\b
\q1
\v 129 N yãnↄn demɛnɛ yãbonsarɛ ũ,
\q1 abire yãi má kũna ma swɛ̃̀n.
\q1
\v 130 N yã bↄkↄtɛnaa dì gu puńnɛ,
\q1 àdi nɛ̀sɛdodenↄ gba laakarii.
\q1
\v 131 Ma lɛ́ wɛ̃na, matɛn wesa bo fɛ̀ɛkuu,
\q1 zaakũ n dokayãnↄ ni tɛni ma dɛ.
\q1
\v 132 Ǹ arɛ dↄma ǹ sùru kɛ kũmao,
\q1 lákũ ndì kɛ gbɛ̃ kũ ò ye n tↄ́inↄnɛ nà.
\q1
\v 133 Ǹ ma da zɛ́a lákũ n ò nà,
\q1 ǹsun tó yã vãni ke kí blemaro.
\q1
\v 134 Ǹ ma bo gbɛ̃ takikɛrinↄ ↄĩ
\q1 de mà n ↄdↄki gwa.
\q1
\v 135 Ǹ ãn were makũ n zↄ̀bleriia,
\q1 ǹ tó mà n yãdannɛnanↄ dↄ̃.
\q1
\v 136 Wɛ́'i tɛn pla ma wɛ́n
\q1 kũ ò n doka kũnaro yãi.
\b
\q1
\v 137 Dikiri, ń mana,
\q1 n dokayãnↄn zɛ́ vĩ.
\q1
\v 138 N n yãnↄ dìtɛ a zɛ́a,
\q1 ò náani vĩ manamana.
\q1
\v 139 Ma ibɛrɛnↄ sã̀ n yãn,
\q1 akũ ń yã ma kũ gbãna manamana.
\q1
\v 140 Ò n yã yↄ̃̀ ò gwà à sãnkara ke vĩro,
\q1 makũ n zↄ̀bleri, má yei manamana.
\q1
\v 141 Pↄ́ken ma ũro, òdi ma gya bo,
\q1 bee kũ abireo n ↄdↄki dì sãmaguro.
\q1
\v 142 N yãmanakɛna lakana vĩro,
\q1 n doka yãpura vĩ.
\q1
\v 143 Wari kũ yã'ũmmanaao ma le,
\q1 ama n yãditɛnanↄmɛ ma pↄnna ũ.
\q1
\v 144 N yãnↄn mana gↄrↄ sĩnda pínki,
\q1 ǹ ma gba laakari de màgↄ̃ kun.
\b
\q1
\v 145 Madì n sísi kũ nɛ̀sɛdoo Dikiri,
\q1 ǹ wema, manigↄ̃ n yãditɛnanↄ kũna.
\q1
\v 146 Madì lɛ́ zunyĩ ǹ ma sura ba,
\q1 manigↄ̃ n yãnↄ kũna.
\q1
\v 147 Madì futɛ gudↄo mà wiki lɛ́mma,
\q1 n yãn ma wɛ́ dↄi.
\q1
\v 148 I dì na ma wɛ́a gwãaniro
\q1 de mà le mà laasun lɛ́ n yãa yãi.
\q1
\v 149 Ǹ ma yã ma n gbɛ̃kɛ yãi, Dikiri,
\q1 ǹ ma wɛ̃̀ndi dãkpã lákũ n yãzɛdekɛ de nà.
\q1
\v 150 Gbɛ̃ kũ òdi lɛ́ kpákũsũmainↄ kãni kũmao,
\q1 ama ò zã̀ kũ n dokao.
\q1
\v 151 Ń kú kũmao kãni Dikiri,
\q1 n yãditɛnanↄ pínki yãpura vĩ.
\q1
\v 152 Zaa gìkɛna ma dↄ̃̀ n yãnↄa
\q1 kũ n dìtɛ àgↄ̃ kun gↄrↄ sĩnda pínki.
\b
\q1
\v 153 Ǹ ma warikɛna gwa ǹ ma sura ba,
\q1 zaakũ n doka dí sãmaguro.
\q1
\v 154 Ǹ zɛ kũmao ǹ ma bo,
\q1 ǹ ma wɛ̃̀ndi dãkpã lákũ n a lɛ́ sɛ̀ nà.
\q1
\v 155 N surabanaa zã̀ kũ yãvãnikɛrinↄ,
\q1 zaakũ òdi n yãdannɛnanↄ wɛtɛro.
\q1
\v 156 N wɛ̃nda zↄ̃kↄ̃, Dikiri,
\q1 ǹ ma wɛ̃̀ndi dãkpã lákũ n yãzɛdekɛ de nà.
\q1
\v 157 Ma ibɛrɛ kũ òdi wɛ́ tãmanↄn dasi,
\q1 ama mádi zã n yãnↄaro.
\q1
\v 158 Má ye n náanisaridenↄ kãiro,
\q1 kũ ò n yã kũnaro yãi.
\q1
\v 159 Ǹ gwa lákũ má ye n ↄdↄkii nà.
\q1 Dikiri, ǹ ma wɛ̃̀ndi dãkpã n gbɛ̃kɛ yãi.
\q1
\v 160 N yã sĩnda pínki bi yãpuramɛ,
\q1 n dokayãnↄn mana ò lakana vĩro.
\b
\q1
\v 161 Gbãnadenↄ dì wɛ́ tãma pã,
\q1 ama n yã vĩna dì ma kũ.
\q1
\v 162 Madì pↄnna kɛ kũ n lɛ́sɛnaao,
\q1 lákũ ma aruzɛkɛ zↄ̃kↄ̃ sɛ̀tɛ zĩ̀i gũn bà.
\q1
\v 163 Ma zã manafikin, má ye a yãiro,
\q1 n dokan má yei.
\q1
\v 164 Madìgↄ̃ n táaki lɛ́ gↄrↄ do gɛ̃̀n supplapla
\q1 kũ n dokayãnↄn mana yãi.
\q1
\v 165 Gbɛ̃ kũ ò ye n dokainↄ aafia zↄ̃kↄ̃,
\q1 yãke dì tó ò furo.
\q1
\v 166 Ma wɛ́ dↄi ǹ ma sura ba, Dikiri,
\q1 madì tɛ́ n yãditɛnanↄi.
\q1
\v 167 Má n yãnↄ kũna,
\q1 zaakũ má yei manamana.
\q1
\v 168 Madì n ↄdↄki gwa madì n yãnↄ ma,
\q1 zaakũ ma yãkɛna sĩnda pínki kú n ↄĩmɛ.
\b
\q1
\v 169 Ǹ tó ma wikilɛna n kĩnaa le, Dikiri,
\q1 ǹ ma gba laakari lákũ n ò nà.
\q1
\v 170 Ǹ tó ma aduakɛna n ki le,
\q1 ǹ ma sura ba lákũ n lɛ́ sɛ̀ nà.
\q1
\v 171 N táakilɛna gↄ̃ da ma lɛ́n,
\q1 zaakũ ndì n yãdannɛnanↄ damɛnɛ.
\q1
\v 172 Mani lɛ̀ sí n lɛ́sɛnaa musu,
\q1 zaakũ n yãditɛnanↄn mana pínki.
\q1
\v 173 Ǹgↄ̃ kú kũ soruo ǹ ↄ dama,
\q1 zaakũ ma zɛ kũ n ↄdↄkio.
\q1
\v 174 Matɛni a ni dɛ ǹ ma sura ba, Dikiri,
\q1 n dokamɛ ma pↄnna ũ.
\q1
\v 175 Ǹ tó màgↄ̃ kun, manigↄ̃ n táaki lɛ́,
\q1 ǹ tó n dokayãnↄ gↄ̃ ma kũna.
\q1
\v 176 Ma zã zɛ́a lán sã kũ à sã̀tɛ bà,
\q1 ǹ makũ n zↄ̀bleri wɛtɛ,
\q1 zaakũ n yãdannɛnanↄ dí sãmaguro.
\c 120
\s1 Kunna yãketedenↄ tɛ́
\d Gɛna Yurusalɛmu lɛ̀ɛ.
\q1
\v 1 Ma warikɛnaa gũn ma Dikiri sìsi,
\q1 akũ à wèma.
\q1
\v 2 Ǹ ma sí yãsiradenↄ ↄĩ
\q1 kũ manafikidenↄ lɛ́o.
\b
\q1
\v 3 Manafikide, deran Luda ni kɛ nà kũnwoo?
\q1 Ke bↄ́n ani kɛnnɛɛ?
\q1
\v 4 Ani wɛ́ tãma kũ gↄ̃sa kà lɛ́ nnanↄ
\q1 kũ sɛ̃ lí sĩsĩ wãnao.
\b
\q1
\v 5 Waiyoo makũ kũ má kú Mɛsɛkinↄ tɛ́,
\q1 má vutɛna Kedanↄ bizakutan.
\q1
\v 6 Ma vutɛ à gìi kɛ̀ manamana
\q1 kũ gbɛ̃ kũ ò zã̀ aafianↄ.
\q1
\v 7 Vutɛna aafiaan má yei,
\q1 ama tó ma yã ò, fìtiin òdi futɛomai.
\c 121
\s1 Dikiri ó Dãkpãrii
\d Gɛna Yurusalɛmu lɛ̀ɛ.
\q1
\v 1 Ma wɛ́ dↄ sĩ̀sĩnↄ kpa,
\q1 gu kũ ma kpányĩ dì bon.
\q1
\v 2 Ma kpányĩ dì bo Dikiri kĩnaamɛ,
\q1 àkũ mɛ́ à musu kũ zĩtɛoo kɛ̀.
\b
\q1
\v 3 Ani tó n gbá sataro,
\q1 n dãkpãri ni idekũ dɛro.
\q1
\v 4 Isarailanↄ dãkpãri ni idekũ dɛro fá,
\q1 ani i o sero.
\b
\q1
\v 5 Dikirimɛ n dãkpãri ũ,
\q1 Dikiri dennɛ ura ũ n ↄplai.
\q1
\v 6 Ifãntɛ̃ ni n lɛ́ fãnantɛ̃ro,
\q1 kesↄ̃ mↄvura gwãani.
\b
\q1
\v 7 Dikiri ni n sí kisira sĩnda pínkia,
\q1 ani n wɛ̃̀ndi dãkpãnnɛ.
\q1
\v 8 Dikiri ni n dãkpã n gɛnaa gũn kũ n sunaao
\q1 zaa tera ari gↄrↄ sĩnda pínki.
\c 122
\s1 Dauda aduakɛna Yurusalɛmunɛ
\d Gɛna Yurusalɛmu lɛ̀ɛ.
\q1
\v 1 Kũ ò pìmɛnɛ ò gɛ́ Dikiri ↄnn,
\q1 ma pↄ kɛ̀ nna.
\q1
\v 2 Ó zɛna n bĩnilɛa sà Yurusalɛmu.
\b
\q1
\v 3 Ò Yurusalɛmu kàtɛ nanakↄ̃ana gíngin.
\q1
\v 4 Gwen Isaraila burinↄ dì gɛ̃n,
\q1 buri kũ Dikiri sɛ̀ɛ pìnↄ.
\q1 Òdi gɛ́ Dikiri sáabu kpá
\q1 lákũ à dìtɛńnɛ nà.
\q1
\v 5 Gwen yãgↄ̃gↄ̃rinↄ gbànↄn kátɛn,
\q1 Dauda burinↄ kpata gbànↄ ũ.
\b
\q1
\v 6 À aafia wɛ́ kɛ Yurusalɛmunɛ à pi:
\q1 Luda tó gbɛ̃ kũ ò yenyĩnↄ arubarika le!
\q1
\v 7 Aafia gↄ̃ kú n bĩninↄ dagura,
\q1 n gudãkpãkinↄ gↄ̃ katɛna nna.
\q1
\v 8 Ma gbɛ̃nↄ kũ ma gbɛ̃nnanↄ yãi mani pi,
\q1 Luda n gba aafia.
\q1
\v 9 Dikiri ó Luda kpɛ́ yãi
\q1 mani yã mana wɛ́ kɛnnɛ.
\c 123
\s1 Wɛ́dↄna Ludai
\d Gɛna Yurusalɛmu lɛ̀ɛ.
\q1
\v 1 Ma wɛ́ sɛ̀, matɛni n ki gwa,
\q1 mↄkↄ̃n kũ n kpata kú zaa musu.
\q1
\v 2 Lákũ zↄ̀ wɛ́ dìgↄ̃ dↄ pↄ́i a bede ↄĩ nà
\q1 akũsↄ̃ zↄ̀nↄgbɛ̃ wɛ́ dìgↄ̃ dↄ a dai,
\q1 lɛn ó wɛ́ dìgↄ̃ dↄ Dikiri ó Ludai lɛ
\q1 ari à gɛ́ ó wɛ̃nda gwao.
\b
\q1
\v 3 Ǹ ó wɛ́ gwa, Dikiri, ǹ ó wɛ́ gwa,
\q1 zaakũ gbɛ̃nↄ ó gyabona ó kpasa manamana.
\q1
\v 4 O zĩdabirinↄ lalandikɛnaa fↄ̃̀ manamana
\q1 kũ karambaanidenↄ gyabonaao.
\c 124
\s1 Dikiri ó zɛkũnwode
\d Gɛna Yurusalɛmu lɛ̀ kũ Dauda dàa.
\q1
\v 1 Tó Dikiri kú kũoo yãro,
\q1 Isarailanↄ o:
\q1
\v 2 Tó Dikiri kú kũoo yãro
\q1 gↄrↄ kũ ò fùtɛwái,
\q1
\v 3 de ò ó mↄmↄ bɛ̃nɛ kũ ò pↄ fɛ̃̀wái,
\q1
\v 4 de ò dàóla lán í zↄ̃kↄ̃ↄ bà,
\q1 de ò ó sɛ́tɛ ò tà kũoo lán swa panaa bà,
\q1
\v 5 de ò ó wára lán swa'i kũ à fɛ̃̀ɛ bà.
\b
\q1
\v 6 Arubarikademɛ Dikiri ũ,
\q1 kũ adi tó ò ó kɛ yákiyakiro.
\q1
\v 7 O bo tankutɛn lán bã bà,
\q1 bàa kɛ̃̀, o pitiḿma.
\q1
\v 8 Ó kpányĩ dì bo Dikiri kĩnaamɛ,
\q1 àkũ mɛ́ à musu kũ zĩtɛoo kɛ̀.
\c 125
\s1 Luda gbɛ̃nↄ kunna aafia
\d Gɛna Yurusalɛmu lɛ̀ɛ.
\q1
\v 1 Dikiri náanikɛrinↄn de lán Zaiↄ̃ kpi bà,
\q1 à yĩgãyĩgãna vĩro, àdigↄ̃ kun gↄrↄ sĩnda pínki.
\q1
\v 2 Lákũ kpinↄn likana Yurusalɛmui nà,
\q1 lɛn Dikiri likana a gbɛ̃nↄi lɛ
\q1 zaa tera ari gↄrↄ sĩnda pínki.
\b
\q1
\v 3 Gbɛ̃ vãninↄ ni le ògↄ̃ kí ble
\q1 gbɛ̃ mananↄ bùsun ògↄ̃ gɛ́ro,
\q1 de gbɛ̃ mananↄ sún ↄ da vãnikɛnanlo yãi.
\b
\q1
\v 4 Dikiri, ǹ yã mana kɛ gbɛ̃ mananↄnɛ,
\q1 gbɛ̃ kũ ń nɛ̀sɛ puranↄ.
\q1
\v 5 Gbɛ̃ kũ ò zɛ́ kotinaa sɛ̀nↄ sↄ̃,
\q1 Dikiri ni ń wara kũ vãnikɛrinↄmɛ.
\b
\q1 Luda Isarailanↄ gba aafia!
\c 126
\s1 Isarailanↄ suna ń gwena zĩn
\d Gɛna Yurusalɛmu lɛ̀ɛ.
\q1
\v 1 Kũ Dikiri ó bó zↄ̀blen à sù kũoo Zaiↄ̃,
\q1 à dewɛrɛ lán nana bàmɛ.
\q1
\v 2 O vĩ kũ yáadↄo o ayuwii kɛ̀,
\q1 akũ burinↄ pìkↄ̃nɛ,
\q1 Dikiri yã zↄ̃kↄ̃ↄ kɛ̀wɛrɛ.
\q1
\v 3 Dikiri yã zↄ̃kↄ̃ↄ kɛ̀wɛrɛ,
\q1 akũ ótɛn pↄnna kɛ.
\b
\q1
\v 4 Dikiri, ǹ su kũoo ó gwena zĩn,
\q1 lákũ ndì su kũ ío gbárannan nà.
\q1
\v 5 Gbɛ̃ kũ ò pↄ́ tↄ̃̀ kũ wɛ́'ionↄ,
\q1 adenↄ ni kɛkɛ kũ ayuwiikɛnaaomɛ.
\q1
\v 6 Gbɛ̃ kũ à bò kũ ↄ́ↄdↄo kũ pↄ́wɛ burio kũna,
\q1 ade ni ɛra à su kũ ayuwiikɛnaao
\q1 kũ ése bàkaao sɛna.
\c 127
\s1 Pↄ́ sĩnda pínki bi Luda gbamɛ
\d Gɛna Yurusalɛmu lɛ̀ kũ Sulemanu dàa.
\q1
\v 1 Tó adi kɛ Dikiri mɛ́ à kpɛ́ bòro,
\q1 a bòrinↄ tɛn zĩ pã kɛmɛ.
\q1 Tó adi kɛ Dikiri mɛ́ à wɛ̃tɛ dã̀kpãro,
\q1 a dãkpãrinↄ tɛn ibɛ̃nɛ kɛ pãmɛ.
\q1
\v 2 Futɛna kↄnkↄkↄnkↄ, wutɛna lizãndo,
\q1 zĩkɛna bã̀mbãm pↄ́ble yãi bi pãmɛ,
\q1 zaakũ Dikiri dì a gbɛ̃ yenyĩdenↄ gba ĩampanaa.
\b
\q1
\v 3 Nɛ́gↄ̃gbɛ̃nↄ bi Dikiri gbamɛ,
\q1 nɛ́nↄ bi a láadamɛ.
\q1
\v 4 Lákũ kànↄn de nà zĩ̀kari ↄĩ,
\q1 lɛn kɛfɛnnakɛgↄrↄ nɛ́gↄ̃gbɛ̃nↄn de lɛ.
\q1
\v 5 Arubarikaden gbɛ̃ kũ a gbàta pana kũńwo ũ,
\q1 tó a ibɛrɛnↄ a lè gãnulɛa, wé'i ni a kũro.
\c 128
\s1 Yã mana kũ Dikiri vĩnakɛrii dì le
\d Gɛna Yurusalɛmu lɛ̀ɛ.
\q1
\v 1 Arubarikademɛ gbɛ̃ kũ à Dikiri vĩna vĩ
\q1 akũsↄ̃ à tɛ́ a zɛ́n ũ.
\q1
\v 2 Ĩni n zĩ àre ble,
\q1 ĩnigↄ̃ arubarika vĩ, ĩnigↄ̃ kun aafia.
\q1
\v 3 N nↄ nigↄ̃ kú n ↄnn
\q1 lán geepi lí nɛ́'irii bà,
\q1 n nɛ́gↄ̃gbɛ̃nↄ nigↄ̃ lika n teburuui
\q1 lán kù lí ketenↄ bà.
\q1
\v 4 Lɛn gbɛ̃ kũ à Dikiri vĩna vĩ
\q1 dìgↄ̃ arubarika vĩ lɛ.
\b
\q1
\v 5 Zaa Zaiↄ̃ Dikiri arubarika dangu
\q1 ari n wɛ̃̀ndi lɛ́n.
\q1 À tó ǹ wɛ́ sí Yurusalɛmu nnamanalɛ,
\q1
\v 6 à tó ǹ n daikorenↄ e kũ wɛ́o.
\b
\q1 Dikiri Isarailanↄ gba aafia!
\c 129
\s1 Isarailanↄ sa vãni ona ń ibɛrɛnↄnɛ
\d Gɛna Yurusalɛmu lɛ̀ɛ.
\q1
\v 1 Zaa ó nɛ́fitikɛgↄrↄ ò wɛ́ tã̀wá a lɛ́ vĩro.
\q1 Isarailanↄ o:
\q1
\v 2 Zaa ó nɛ́fitikɛgↄrↄ ò wɛ́ tã̀wá a lɛ́ vĩro,
\q1 ama òdi fↄ̃ ò ó fúro.
\q1
\v 3 Ò ó kpɛdagura bú kpàtɛ,
\q1 ò a dↄ̀rↄↄ kɛ̀ gbã̀nagbãna.
\q1
\v 4 Dikirin mana,
\q1 à gbɛ̃ vãninↄ bàa zↄ̃̀wɛrɛ.
\b
\q1
\v 5 Gbɛ̃ kũ ò zã̀ Zaiↄ̃nnↄ
\q1 ɛra kpɛ kũ wé'iyão.
\q1
\v 6 Ògↄ̃ de lán sɛ̃̀ kũ à bùtɛ kpɛ́ musu bà,
\q1 ari àgↄ̃ gbã à kori kɛ̀.
\q1
\v 7 Ani sɛ̃̀kɛ̃ri okũ paro,
\q1 ani bàka kɛ à sí yĩ ò da gã̀nlo.
\q1
\v 8 Gbɛ̃ kũ òtɛn gɛ̃tɛnↄ sún pi,
\q1 Dikiri arubarika dańguro,
\q1 ke ò arubarika dańgu kũ Dikiri tↄ́o.
\c 130
\s1 Wɛ́dↄna Dikirii
\d Gɛna Yurusalɛmu lɛ̀ɛ.
\q1
\v 1 Zaa í lòkoton ma wiki lɛ̀ Dikiria ma pì,
\q1
\v 2 Dikiri, ǹ ma yã ma,
\q1 ǹ sã kpá ma wikilɛnaai ǹ ma wɛ́ gwa.
\b
\q1
\v 3 Dikiri, tó ndì ó durunnanↄ kɛ̃ ǹ ditɛmɛ,
\q1 Dikiri, dí mɛ́ ani boo?
\q1
\v 4 Mↄkↄ̃n mɛ́ ń durunnakɛ̃mmana zɛ́ vĩ,
\q1 abire yãin òdi vĩna kɛnnɛ.
\b
\q1
\v 5 Ma wɛ́ dìgↄ̃ dↄ Dikirii, matɛni a dã,
\q1 a yã náanin má vĩ.
\q1
\v 6 Lákũ gudãkpãrinↄ wɛ́ dìgↄ̃ dↄ gudↄnaai nà,
\q1 ma wɛ́ dìgↄ̃ dↄ Dikirii deńla,
\q1 ee, à de gudãkpãrinↄ wɛ́dↄna gudↄnaaila.
\b
\q1
\v 7 Ákↄ̃nↄ Isarailanↄ, à wɛ́ dↄ Dikirii,
\q1 zaakũ Dikiri gbɛ̃kɛ vĩ,
\q1 à surabana gbãna vĩ papana.
\q1
\v 8 Àkũ mɛ́ ani Isarailanↄ bo
\q1 ń durunnanↄ gũn pínki.
\c 131
\s1 Nana Dikirii
\d Gɛna Yurusalɛmu lɛ̀ kũ Dauda dàa.
\q1
\v 1 Dikiri, madì ma zĩda biro,
\q1 madì wɛ́ matɛńyĩro,
\q1 madì ↄ ká yã kũ à demalairo
\q1 kesↄ̃ yã kũ à zĩ'ũmɛnɛ.
\q1
\v 2 Lɛnlo! Ma a nɛ̀sɛɛ dà dokↄ̃nↄ,
\q1 ma a laakarii kpàtɛ
\q1 lán nɛ́ yↄ̃miri kũ à kú a da ↄ̃i bà,
\q1 ma nɛ̀sɛ de lán nɛ́ yↄ̃miri pↄ́ bà.
\b
\q1
\v 3 Ákↄ̃nↄ Isarailanↄ, á wɛ́ gↄ̃ dↄ Dikirii
\q1 zaa tera ari gↄrↄ sĩnda pínki.
\c 132
\s1 Dauda burinↄ vutɛna kpatan Zaiↄ̃
\d Gɛna Yurusalɛmu lɛ̀ɛ.
\q1
\v 1 Dikiri, ǹ tó Dauda yã gↄ̃ dↄngu
\q1 kũ wari kũ à kɛ̀nↄ pínki.
\q1
\v 2 À la dà Dikirinɛ,
\q1 à lɛ́ sɛ̀ Yakubu Luda gbãnadenɛ à pì,
\q1
\v 3 áni gɛ̃ kpɛ́nlo,
\q1 áni wútɛ a gádoaro,
\q1
\v 4 áni we à idekũ dɛro,
\q1 áni tó i na a wɛ́aro,
\q1
\v 5 ari à gɛ́ gu leo Dikirinɛ
\q1 à kpɛ́ bo Yakubu Luda gbãnadenɛ.
\b
\q1
\v 6 O a baaruu mà Ɛflata bùsun,
\q1 o boa Yarimu bura.
\q1
\v 7 Ò gɛ́ a kúkia,
\q1 ò kútɛ a tìntin arɛ.
\q1
\v 8 Dikiri, ǹ futɛ ǹ su n kipakia,
\q1 mↄkↄ̃n kũ n gbãnakɛ àkpatiio.
\q1
\v 9 N gbàgbarinↄ manakɛ da uta ũ,
\q1 n yãmarinↄ ayuwii gↄ̃ dↄ.
\b
\q1
\v 10 Ǹsun mìkpɛrɛ zu kína kũ n kàanɛro
\q1 n zↄ̀bleri Dauda yãi.
\b
\q1
\v 11 Dikiri sì kũ a kunnaao Daudanɛ,
\q1 à náani vĩ, ani lɛ́ litɛro, à pì:
\q1 Mani n burinↄ doke ká n kpatan.
\q1
\v 12 Tó n burinↄ ma bàka kunna kũńwo yã dà,
\q1 tó ò yã kũ ma dàńnɛnↄ kũna,
\q1 ń burinↄ nigↄ̃ vutɛ n kpatan gↄrↄ sĩnda pínki.
\b
\q1
\v 13 Zaakũ Dikiri Zaiↄ̃ sɛ̀,
\q1 à ye àgↄ̃ de a vutɛki ũ, à pì:
\q1
\v 14 Gu dín manigↄ̃ kun gↄrↄ sĩnda pínki,
\q1 lan manigↄ̃ vutɛna, zaakũ à ma pↄ gbàmɛ.
\q1
\v 15 Mani arubarika dan manamana,
\q1 mani pↄ́ble kpá a takasidenↄa à mↄ́ḿma.
\q1
\v 16 Mani surabana da a sa'orinↄnɛ uta ũ,
\q1 ma yãmarinↄ ayuwii nigↄ̃ dↄ.
\b
\q1
\v 17 Gwen mani Dauda buri kína gbãnade bon,
\q1 gwen kína kũ ma kà tɛ́ nigↄ̃ kún.
\q1
\v 18 Mani wé'i da a ibɛrɛnↄa,
\q1 a kífura nigↄ̃ pí a mìia.
\c 133
\s1 Kunna kũ kↄ̃o kũ lɛ́dokↄ̃nↄo
\d Gɛna Yurusalɛmu lɛ̀ kũ Dauda dàa.
\q1
\v 1 À gwa lákũ à mana nà akũsↄ̃ à nna,
\q1 tó Luda gbɛ̃nↄ kun kũ kↄ̃o kũ lɛ́dokↄ̃nↄo.
\q1
\v 2 À de lán sakɛna nísi
\q1 kũ ò kù Haruna mìiaa bà,
\q1 kũ à plà a lɛ́kãsãi ari à kà a uta lɛ́a.
\q1
\v 3 À de lákũ ò pi
\q1 Ɛmↄ plí mɛ́ àtɛn kpá Zaiↄ̃ kpinↄa bà.
\q1 Gwen Dikiri a arubarikadangunaa dìtɛn
\q1 wɛ̃̀ndi lakanasari ũ.
\c 134
\s1 Dikiri sáabukpana gwãani
\d Gɛna Yurusalɛmu lɛ̀ɛ.
\q1
\v 1 Ákↄ̃nↄ Dikiri zĩkɛrinↄ,
\q1 à Dikiri sáabu kpá á pínki,
\q1 ákↄ̃nↄ kũ átɛn zĩ kɛ Dikiri ↄnn gwãaninↄ.
\q1
\v 2 À á ↄ sɛ́ musu Dikiri kúki kpa,
\q1 à a sáabu kpá.
\b
\q1
\v 3 Zaa Zaiↄ̃ Dikiri arubarika daágu,
\q1 àkũ mɛ́ à musu kũ zĩtɛoo kɛ̀.
\c 135
\s1 Dikiri táakilɛnaa
\q1
\v 1 Aleluya!
\q1 À Dikiri tↄ́ bo!
\q1 À Dikiri sáabu kpá, ákↄ̃nↄ a zĩkɛrinↄ!
\q1
\v 2 Ákↄ̃nↄ kũ adì zĩ kɛ Dikiri bɛanↄ,
\q1 á gbɛ̃ kũ adìgↄ̃ zɛna ó Luda ↄnnnↄ.
\b
\q1
\v 3 À Dikiri tↄ́ bo, zaakũ à mana,
\q1 à a táaki lɛ́, zaakũ abirekũ mɛ́ à nna.
\q1
\v 4 Dikiri Yakubu burinↄ sɛ̀ a pↄ́ ũ,
\q1 à Isarailanↄ dìtɛ a gbɛ̃ yenyĩdenↄ ũ.
\b
\q1
\v 5 Má dↄ̃ kũ Dikirin zↄ̃kↄ̃,
\q1 ó Luda mɛ́ à de tãnanↄla ń pínki.
\q1
\v 6 Dikiri dì yã kũ à yei kɛ
\q1 musu kũ zĩtɛo,
\q1 ísira gũn kũ a lↄ̀nↄo.
\q1
\v 7 Àdi tó legũ sisi ari andunia lɛ́zɛkia,
\q1 àdi tó legũ ma kũ a pinaao,
\q1 àdi bo kũ zàga'ĩao a pↄ́katɛkin.
\b
\q1
\v 8 À Misila daudunↄ dɛ̀dɛ
\q1 kũ pↄ́kãde nɛ́ káakunↄ pínki.
\q1
\v 9 À sèedanↄ kũ daboyãnↄ kɛ̀ Misila,
\q1 à wɛ́ tã̀ Firi'auna kũ a ìbanↄa ń pínki.
\q1
\v 10 À burinↄ làka dasi,
\q1 à kína gbãnadenↄ dɛ̀dɛ,
\q1
\v 11 Amↄrinↄ kína Siↄ̃
\q1 kũ Basã kína Oguo
\q1 kũ Kanaanↄ bùsu kínanↄ ń pínki.
\q1
\v 12 À ń bùsu sì à kpà
\q1 a gbɛ̃ Isarailanↄa túbi ũ.
\b
\q1
\v 13 Dikiri, n tↄ́ dìgↄ̃ kun gↄrↄ sĩnda pínki,
\q1 Dikiri, n yã nigↄ̃ dↄ gbɛ̃nↄgu ari ó buria.
\q1
\v 14 Zaakũ Dikiri ni tó a gbɛ̃nↄ bo mana,
\q1 ani a zↄ̀blerinↄ wɛ̃nda gwa.
\b
\q1
\v 15 Burinↄ ń tãnanↄ pì kũ andurufuuo kũ wuraao,
\q1 bisãsiri ↄzĩnↄmɛ.
\q1
\v 16 Ò lɛ́ vĩ, ama òdi yã oro,
\q1 ò wɛ́ vĩ, ama òdi gu ero,
\q1
\v 17 ò sã vĩ, ama òdi yã maro,
\q1 òdi wesa boro.
\q1
\v 18 Ń pìrinↄn lɛɛlɛ kũńwomɛ
\q1 kũ gbɛ̃ kũ òtɛni ń náani kɛnↄ ń pínki.
\b
\q1
\v 19 Isarailanↄ, à Dikiri sáabu kpá!
\q1 Haruna burinↄ, à Dikiri sáabu kpá!
\q1
\v 20 Levi burinↄ, à Dikiri sáabu kpá!
\q1 Dikiri vĩnakɛrinↄ, à Dikiri sáabu kpá!
\q1
\v 21 Arubarikademɛ Dikiri ũ zaa Zaiↄ̃,
\q1 àkũ kũ à kú Yurusalɛmu.
\q1 Aleluya!
\c 136
\s1 Dikiri sáabukɛnaa
\q1
\v 1 À Dikiri sáabu kɛ, zaakũ à mana,
\q1 a gbɛ̃kɛ lakana vĩro.
\q1
\v 2 À Luda kũ à de tãnanↄla sáabu kɛ,
\q1 a gbɛ̃kɛ lakana vĩro.
\q1
\v 3 À Dikiri kũ à de dikirinↄla sáabu kɛ,
\q1 a gbɛ̃kɛ lakana vĩro.
\q1
\v 4 Àkũ mɛ́ àdi daboyã zↄ̃kↄ̃nↄ kɛ ado,
\q1 a gbɛ̃kɛ lakana vĩro.
\q1
\v 5 À musu kɛ̀ kũ a ↄ̃ndↄ̃o,
\q1 a gbɛ̃kɛ lakana vĩro.
\q1
\v 6 À zĩtɛ kpàtɛ í musu,
\q1 a gbɛ̃kɛ lakana vĩro.
\q1
\v 7 À pↄ́gupuri zↄ̃kↄ̃nↄ kɛ̀,
\q1 a gbɛ̃kɛ lakana vĩro.
\q1
\v 8 À ifãntɛ̃ kɛ̀ à kí ble fãnantɛ̃,
\q1 a gbɛ̃kɛ lakana vĩro.
\q1
\v 9 À mↄvura kũ susunɛnↄ kɛ̀ ò kí ble gwãani,
\q1 a gbɛ̃kɛ lakana vĩro.
\q1
\v 10 À Misila daudunↄ dɛ̀dɛ,
\q1 a gbɛ̃kɛ lakana vĩro,
\q1
\v 11 À Isarailanↄ bↄ̀tɛ ń tɛ́,
\q1 a gbɛ̃kɛ lakana vĩro.
\q1
\v 12 À a gã̀a pòro kũ a iko gbãnao,
\q1 a gbɛ̃kɛ lakana vĩro.
\q1
\v 13 À Isira Tɛ̃ra zↄ̃̀kↄ̃rɛ pla,
\q1 a gbɛ̃kɛ lakana vĩro.
\q1
\v 14 À tò Isarailanↄ gɛ̃̀tɛ a dagura,
\q1 a gbɛ̃kɛ lakana vĩro.
\q1
\v 15 À Firi'auna kũ a zĩ̀karinↄ kà Isira Tɛ̃ran,
\q1 a gbɛ̃kɛ lakana vĩro.
\q1
\v 16 À dò a gbɛ̃nↄnɛ arɛ gbárannan,
\q1 a gbɛ̃kɛ lakana vĩro.
\q1
\v 17 À kína zↄ̃kↄ̃nↄ lɛ̀ à nɛ̀,
\q1 a gbɛ̃kɛ lakana vĩro.
\q1
\v 18 À kína gbãnadenↄ dɛ̀dɛ,
\q1 a gbɛ̃kɛ lakana vĩro.
\q1
\v 19 Amↄrinↄ kína Siↄ̃,
\q1 a gbɛ̃kɛ lakana vĩro.
\q1
\v 20 Kũ Basã kína Oguo,
\q1 a gbɛ̃kɛ lakana vĩro.
\q1
\v 21 À ń bùsuu sì à gba dào,
\q1 a gbɛ̃kɛ lakana vĩro.
\q1
\v 22 À kpà a zↄ̀bleri Isarailanↄa túbi ũ,
\q1 a gbɛ̃kɛ lakana vĩro.
\q1
\v 23 À dↄ̀ ó yãn ó gwena vãnin,
\q1 a gbɛ̃kɛ lakana vĩro.
\q1
\v 24 À ó bó ó ibɛrɛɛnↄ ↄĩ,
\q1 a gbɛ̃kɛ lakana vĩro.
\q1
\v 25 Àdi pↄ́ble kpá pↄ́ sĩnda pínkia,
\q1 a gbɛ̃kɛ lakana vĩro.
\q1
\v 26 À Luda Musude sáabu kɛ,
\q1 a gbɛ̃kɛ lakana vĩro.
\c 137
\s1 Zĩ̀zↄnↄ wikilɛnaa
\q1
\v 1 Kũ o vutɛ Babilↄnu swanↄ sarɛ,
\q1 Zaiↄ̃ yã dↄ̀ógu, akũ o ↄ́ↄ dↄ̀.
\q1
\v 2 O ó mↄrↄnↄ tò lokona luba línↄa gwe.
\q1
\v 3 Gwen gbɛ̃ kũ ò ó kũnanↄ pì ò lɛ̀ síńnɛ,
\q1 ó wɛ́tãmmarinↄ ye ò kↄ̃kↄ̃ ońnɛ,
\q1 ò Zaiↄ̃ lɛ̀nↄ doke síńnɛ.
\b
\q1
\v 4 Deran óni Dikiri lɛ̀nↄ sí nà
\q1 buri pãndenↄ bùsuu gũnn?
\q1
\v 5 Tó n yã sã̀magu Yurusalɛmu,
\q1 ma ↄpla ga.
\q1
\v 6 Tó Yurusalɛmu yã dí dↄmaguro,
\q1 tó mádi a ditɛ ma pↄnnakɛna mìde ũro,
\q1 ma nɛ́nɛ natɛ.
\b
\q1
\v 7 Dikiri, ǹ dↄ yã kũ Ɛdↄmunↄ kɛ̀n
\q1 zĩ kũ ò yã mↄ̀ Yurusalɛmunɛ
\q1 ò pì: À wíwi,
\q1 à wíwi à datɛ manamana.
\b
\q1
\v 8 Babilↄnudenↄ bi pↄ́ kakatɛnanↄmɛ!
\q1 Arubarikademɛ gbɛ̃ kũ ani yã kũ a kɛ̀wɛrɛ fĩna boárɛ ũ,
\q1
\v 9 kũ ani á nɛ́nↄ kũkũ à ń pápa gbɛ̀ɛa.
\c 138
\s1 Dikiri sáabukpana a gbɛ̃kɛ yãi
\d Dauda lɛ̀ɛ.
\q1
\v 1 Mani n sáabu kpá kũ nɛ̀sɛdoo,
\q1 mani n táaki lɛ́ gbãnadenↄ arɛ.
\q1
\v 2 Mani kútɛ mà arɛ dↄ
\q1 n kpɛ́ kũ à kú adona kpa,
\q1 mani n tↄ́ bo n gbɛ̃kɛ kũ n náanio yãi,
\q1 zaakũ n n tↄ́ kũ n yãoo sɛ̀ lei de pↄ́ sĩnda pínkila.
\q1
\v 3 Kũ ma n sisi, n wema,
\q1 ǹ ma kù kɛ gbãna, ǹ ma swɛ̃̀ kpátɛ.
\b
\q1
\v 4 Tó andunia kínanↄ yã kũ n òo mà,
\q1 oni n sáabu kpá ń pínki, Dikiri.
\q1
\v 5 Oni lɛ̀ sí Dikiri yãkɛnanↄ musu,
\q1 zaakũ Dikiri gakuri zↄ̃kↄ̃.
\b
\q1
\v 6 Bee kũ Dikiri kunnamusukɛo,
\q1 àdi gbɛ̃ kĩananↄ wɛ̃nda gwa,
\q1 àdi wɛ́ tá zĩdabirinↄla.
\q1
\v 7 Bee tó wɛ́tãmmanaa lìkamai,
\q1 ndì ma wɛ̃̀ndi dãkpã,
\q1 ndì ma ibɛrɛnↄ pↄfɛ̃ kpátɛ,
\q1 ndì ma sura ba kũ n gã̀ gbãnao.
\q1
\v 8 Dikiri ni yã kũ à ò papamɛnɛ.
\q1 Dikiri, n gbɛ̃kɛ lakana vĩro,
\q1 ǹsun makũ kũ n ma kɛ tóro.
\c 139
\s1 Dikiri yã sĩnda pínki dↄ̃
\d Dauda lɛ̀ɛ.
\q1
\v 1 Dikiri, n ma yã gwàgwa n dↄ̃̀,
\q1
\v 2 ń ma vutɛna kũ ma futɛnaao dↄ̃,
\q1 zaa zã̀zã ń ma laasunnↄ dↄ̃.
\q1
\v 3 Ndì ma táa'ona kũ ma wutɛnaao tàasi ká,
\q1 n kↄ̃ dↄ̃̀ kũ ma yãnↄ pínki.
\q1
\v 4 Ari yã gↄ̃ bo ma lɛ́n,
\q1 Dikiri, ń dↄ̃ sãnsãn.
\b
\q1
\v 5 Ń likamai kpɛ kũ arɛo,
\q1 n ↄ kúmala.
\q1
\v 6 Dↄ̃na bire demɛnɛ daboyã ũmɛ,
\q1 à demala, ma ↄ̃ndↄ̃ dí káaro.
\b
\q1
\v 7 Mán mani gɛ́n mà kɛ̃ n Niniaa?
\q1 Mán mani bàa sí mà gɛ́n mà kuranyĩi?
\q1
\v 8 Tó ma futɛ ma gɛ musu, ń kú gwe!
\q1 Tó ma wutɛki kɛ̀ gyãwãn, mↄkↄ̃mmɛ gwe!
\q1
\v 9 Tó ma futɛ ma gɛ ifãboki kpa,
\q1 tó ma gɛ vutɛ ísira bara ifãlɛtɛ kpa,
\q1
\v 10 bee gwemɛ má na n ↄĩ,
\q1 ĩnigↄ̃ ma kũna kũ n ↄplao.
\b
\q1
\v 11 Tó ma pì gusira damala,
\q1 ke gupura kũ à likamai li gwãani ũ,
\q1
\v 12 gu dìgↄ̃ sirannɛro,
\q1 gwãani dìgↄ̃ dennɛ lán fãnantɛ̃ bàmɛ,
\q1 gupura kũ gusirao dìgↄ̃ lɛɛlɛnnɛmɛ.
\b
\q1
\v 13 Mↄkↄ̃n mɛ́ n ma gũn kɛ̀,
\q1 n ma í kàsa ma da nɛ̀sɛn.
\q1
\v 14 Ma n sáabu kɛ̀ kũ ma kɛna naasi vĩ
\q1 akũsↄ̃ à yãbonsarɛ vĩ.
\q1 N yãkɛnanↄ dì bo ń sarɛ,
\q1 má dↄ̃ sãnsãn ma nɛ̀sɛn.
\q1
\v 15 Gↄrↄ kũ n ma í kàsa nɛ́'isↄↄ gũn,
\q1 ma wá ke utɛnannɛro.
\q1 Kũ ma mɛ̀ tɛn li asiri gũn gwe,
\q1
\v 16 n wɛ́ sì ma nɛ́gbĩnilɛ.
\q1 Lákũ n ma gↄrↄ dìtɛ nà pínki,
\q1 a lɛ́ kú n takadan
\q1 zaade a ke dí naaro.
\b
\q1
\v 17 Luda, n laasunn bɛ̀ɛrɛ vĩmɛnɛ manamana,
\q1 a lɛ́ vĩro fá!
\q1
\v 18 Tó má ye mà naro,
\q1 ń dasi de bùsu'atɛ̃la,
\q1 tó ma vu,
\q1 madìgↄ̃ kú kũnwo ari tera.
\b
\q1
\v 19 Luda, tó ĩni gbɛ̃ vãninↄ dɛdɛ dé?
\q1 À gomala, ákↄ̃nↄ gbɛ̃dɛrinↄ!
\q1
\v 20 N ibɛrɛnↄ dì n yã o kũ nɛ̀sɛ vãnio,
\q1 n tↄ́ bɛ̀ɛrɛ vĩ n lɛ́nlo.
\q1
\v 21 Dikiri, madì zã gbɛ̃ kũ ò zã̀ngunↄguroo?
\q1 Madì gí gbɛ̃ kũ ò fùtɛnyĩnↄ kãi.
\q1
\v 22 Má yãke vĩńnɛro, se zãngu,
\q1 madì ń ditɛ ma ibɛrɛnↄ ũmɛ.
\b
\q1
\v 23 Luda, ǹ ma gwagwa ǹ ma nɛ̀sɛ dↄ̃,
\q1 ǹ ma yↄ̃ ǹ ma gwa ǹ ma laasun dↄ̃.
\q1
\v 24 Ǹ gwa tó má laasun vãni ke vĩ,
\q1 ǹ ma da zɛ́ kũ àdigↄ̃ kun gↄrↄ sĩnda pínkiaa gũn.
\c 140
\s1 Aduakɛna gbɛ̃ vãninↄ musu
\d Dauda lɛ̀ɛ.
\q1
\v 1 Dikiri, ǹ ma sí gbɛ̃ vãninↄa,
\q1 ǹ ma dãkpã gbɛ̃ pãsĩnↄ yãi.
\q1
\v 2 Òdi yã vãni laasun lɛ́ ń swɛ̃̀ɛ gũn,
\q1 fìtiin òdigↄ̃ wɛtɛ gↄrↄ sĩnda pínki.
\q1
\v 3 Òdi ń lɛ́ kɛkɛ lán mlɛ̃̀ɛ bà,
\q1 ń lɛ́gbɛ bi pitiko sɛwɛmɛ.
\b
\q1
\v 4 Dikiri, ǹsun tó gbɛ̃ vãninↄ ↄ namaro,
\q1 ǹ ma sí gbɛ̃ pãsĩnↄa,
\q1 òdi lɛ́ kpákũsũ de ò ma pãtɛ.
\q1
\v 5 Zĩdabirinↄ wɛ̀ɛɛ yↄ̃̀mɛnɛ,
\q1 ò tankutɛ kpàkpamɛnɛ,
\q1 ò bàa kpàmɛnɛ zɛ́n.
\b
\q1
\v 6 Dikiri, ma pìnnɛ: Ma Ludamɛ n ũ,
\q1 ǹ sã kpá ma wɛ̃nda wikii, Dikiri.
\q1
\v 7 Dikiri Luda, ma surabari gbãna,
\q1 mↄkↄ̃n kũ ndì ↄ kúmala zĩ̀lan,
\q1
\v 8 ǹsun tó gbɛ̃ vãninↄ ń pↄyeina zɛ́ lero,
\q1 Dikiri, ǹsun tó ń lɛ́kpakũsũna kↄ̃ sɛ́ro.
\b
\q1
\v 9 Gbɛ̃ kũ ò likamainↄ,
\q1 ǹ tó yã vãni kũ òtɛni ma kpákpao wí ń musu.
\q1
\v 10 Ǹ tó tɛ́yↄ̃ wãna kúḿma, ǹ tó ò ń zu tɛ́n,
\q1 ǹ tó ò si wɛ̀ɛ kũ oni bonlo gũn.
\q1
\v 11 Ǹsun tó gbɛ̃yakarinↄ zɛki le andunia gũnlo,
\q1 ǹ tó kisira gↄ̃ gbɛ̃ pãsĩnↄ wɛ zɛnaa sari.
\b
\q1
\v 12 Má dↄ̃ kũ Dikiri dì yã nna kpá wɛ̃ndadenↄa,
\q1 àdi yã kɛkɛ takasidenↄnɛ a zɛ́a.
\q1
\v 13 Yãpura, gbɛ̃ mananↄ ni n tↄ́ bo,
\q1 nɛ̀sɛpuradenↄ nigↄ̃ kú n arɛ.
\c 141
\s1 Surabana aduakɛnaa
\d Dauda lɛ̀ɛ.
\q1
\v 1 Dikiri, matɛn wiki lɛ́nyĩ, ǹ kɛ likalika,
\q1 tó ma n sisi, ǹ sã kpá ma yãi.
\q1
\v 2 Ǹ tó ma aduakɛna ká n kĩnaa
\q1 lán turaretiti túsukpɛ bà.
\q1 Ǹ tó ma ↄ dↄna musu gↄ̃ dennɛ
\q1 sa ↄkↄsi ona ũ.
\b
\q1
\v 3 Dikiri, ǹ lɛ́sↄ damɛnɛ ma lɛ́nɛ,
\q1 ǹ tó mà a lɛ́ fↄ̃.
\q1
\v 4 Ǹsun tó yã vãni ma swɛ̃̀ gátɛro,
\q1 de màsun kakara kũ yãvãnikɛrinↄ
\q1 ń yãvãnikɛnaa gũnlo,
\q1 de màsun ń pↄ́ nnanↄ ble kũńworo.
\b
\q1
\v 5 Tó gbɛ̃ mana ma lɛ, à gbɛ̃kɛ kɛ̀mɛnɛmɛ!
\q1 Tó à kpã̀kɛ̃mai, mani gíiro,
\q1 nísi kũ a kpɛ̃̀oomɛ.
\b
\q1 Madìgↄ̃ adua kɛ baala'i
\q1 de gbɛ̃ vãninↄ yãkɛna gboro.
\q1
\v 6 Tó ò ń gbãnadenↄ kà sĩ̀sĩgororo wɛ̀ɛn,
\q1 yãvãnikɛrinↄ ni sí kũ ma yã mɛ́ à nna.
\q1
\v 7 Lákũ òdi yàkaa para a bùru fãkↄ̃a nà,
\q1 lɛn ń wá nigↄ̃ fãkↄ̃ana ń mira lɛ́a lɛ.
\b
\q1
\v 8 Dikiri Luda, mↄkↄ̃mmɛ ma wɛ́ dↄnyĩ,
\q1 ma nanyĩ, ǹsun ma kpá gairo.
\q1
\v 9 Ǹ ma bo tankutɛ kũ ò kpàkpamɛnɛnↄn,
\q1 bà kũ yãvãnikɛrinↄ kpàkpamɛnɛnↄ.
\q1
\v 10 Ǹ tó gbɛ̃ vãninↄ si ń zĩda bàa gũn,
\q1 makũ sↄ̃ mani gɛ̃tɛ aafia.
\c 142
\s1 Aduakɛna gbɛ̀wɛɛn
\d Dauda aduakɛna gↄrↄ kũ à kú gbɛ̀wɛɛn.
\q1
\v 1 Matɛn ↄ́ gbãna dↄ Dikirinɛ,
\q1 matɛn wɛ̃nda wiki lɛ́ Dikiria.
\q1
\v 2 Matɛni ma yã'ũmmana bↄtɛnɛ,
\q1 matɛni ma warikɛna gbãnɛ.
\q1
\v 3 Tó ma nɛ̀sɛɛ yàka manamana,
\q1 mↄkↄ̃n, ndìgↄ̃ ma gɛ̀sɛsɛna dↄ̃.
\q1 Ò tankutɛ kpàkpamɛnɛ ma zɛ́n.
\q1
\v 4 Ǹ wɛ́ sɛ́ ǹ ma ↄpla gwa,
\q1 gbɛ̃ke dì ma yã daro.
\q1 Má naki vĩ doro,
\q1 gbɛ̃ke dì ma aafiaa gbɛkaro.
\b
\q1
\v 5 Dikiri, matɛn wiki lɛ́mma ma pì:
\q1 Mↄkↄ̃mmɛ ma utɛki ũ,
\q1 mↄkↄ̃mmɛ ma baka ũ andunian.
\q1
\v 6 Ǹ sã kpá ma wikilɛnaai,
\q1 zaakũ ma gↄ̃ múkumukumɛ.
\q1 Ǹ ma sí gbɛ̃ kũ òtɛn pɛ́manↄa,
\q1 zaakũ ń gbãna demala.
\q1
\v 7 Ǹ ma bo kagura díkĩnan,
\q1 de mà n tↄ́ bo,
\q1 gbasa gbɛ̃ mananↄ likamai
\q1 kũ n yã mana kɛ̀mɛnɛ yãi.
\c 143
\s1 Kunna ibɛrɛnↄ ↄĩ aduakɛnaa
\d Dauda lɛ̀ɛ.
\q1
\v 1 Dikiri, ǹ ma aduakɛna sí,
\q1 ǹ sã kpá ma wɛ̃nda wikii,
\q1 ǹ wema n náani kũ n manao yãi.
\q1
\v 2 Ǹsun yãkpatɛ kɛ kũ makũ n zↄ̀bleriioro,
\q1 zaakũ gbɛ̃ke taari sari n kĩnaaro.
\b
\q1
\v 3 Ma ibɛrɛ pɛ̀tɛmai à ma nɛ,
\q1 à tò má kú gusiran
\q1 lán gbɛ̃ kũ à gà zaa gìkɛnaa bà.
\q1
\v 4 Akũ ma nɛ̀sɛɛ yàka manamana,
\q1 ma sↄ̃pɛ̀tɛ vãni.
\b
\q1
\v 5 Yã zĩzĩnↄ dↄ̀magu,
\q1 madì laasun lɛ́ n zĩkɛnanↄa,
\q1 madì n yãkɛnanↄ da.
\q1
\v 6 Ma a ↄ dↄnyĩ,
\q1 madì n ni dɛ lán gukori dì í ni dɛ nà.
\b
\q1
\v 7 Ǹ wema likalika Dikiri,
\q1 ma gbãna làka.
\q1 Ǹsun mìkpɛrɛ zumɛnɛro,
\q1 de màsun gↄ̃ lán gbɛ̃ kũ ò sì gyãwãnnↄ bàro.
\q1
\v 8 Ǹ n gbɛ̃kɛ mↄmɛnɛ kↄnkↄ,
\q1 zaakũ mↄkↄ̃mmɛ má n náani vĩ.
\q1 Ǹ ma da zɛ́ kũ à de mà sɛ́a,
\q1 zaakũ mↄkↄ̃mmɛ ma a swɛ̃̀ɛ kpàmma.
\q1
\v 9 Ǹ ma sí ma ibɛrɛnↄa, Dikiri,
\q1 mↄkↄ̃mmɛ ma nanyĩ.
\q1
\v 10 Mↄkↄ̃mmɛ ma Luda ũ,
\q1 ǹ n pↄyenyĩna yã damɛnɛ.
\q1 Ǹ tó n Nini mana domɛnɛ arɛ gusaran.
\q1
\v 11 Ǹ ma wɛ̃̀ndi dãkpã n tↄ́ yãi, Dikiri,
\q1 ǹ ma bo yã'ũmmanaa gũn n mana yãi.
\q1
\v 12 Ǹ ma ibɛrɛnↄ láka n gbɛ̃kɛ yãi,
\q1 ǹ ma zãngurinↄ dɛdɛ ń pínki,
\q1 zaakũ n zↄ̀bleriimɛ ma ũ.
\c 144
\s1 Aduakɛna surabana yã musu
\d Dauda lɛ̀ɛ.
\q1
\v 1 Arubarikademɛ Dikiri ma gbɛ̀si ũ,
\q1 àdi zĩ̀kana dadamɛnɛ,
\q1 àdi ma ↄ tùtu kɛ zĩ̀kana yãi.
\q1
\v 2 Àkũmɛ ma utɛki ũ, àdi gbɛ̃kɛ kɛmɛnɛ,
\q1 à de ma zɛki gbãna ũ, àdi ma sura ba.
\q1 À de ma sɛ̃ngbako ũ kũ madì nai,
\q1 àdi tó burinↄ mì natɛmɛnɛ.
\b
\q1
\v 3 Dikiri, bↄ́n bisãsiri ũ
\q1 kũ a yã dìgↄ̃ dↄnguu?
\q1 Bↄ́n a ũ kũ ndì laakari dↄaa?
\q1
\v 4 Bisãsiri de lán kàsa plí bàmɛ,
\q1 a wɛ̃̀ndii dì gɛ̃tɛ lán uraa bà.
\b
\q1
\v 5 Dikiri, ǹ musu natɛ ǹ kipa,
\q1 ǹ ↄ na kpinↄa de ò túsukpɛ bo.
\q1
\v 6 Ǹ tó legũ pí ǹ gbɛ̃nↄ fãkↄ̃a,
\q1 ǹ kà fã ń tɛ́ ò lɛkↄ̃a.
\q1
\v 7 Ǹ ↄ bo zaa musu ǹ ma kũ,
\q1 ǹ ma bo í zↄ̃kↄ̃ↄ gũn,
\q1 ǹ ma sí buri zĩ̀tↄnↄa.
\q1
\v 8 Ɛ́kɛtona ń lɛ́ pà,
\q1 òdi ↄ pãtɛ kũ lɛ́pãgbɛ̃naao.
\b
\q1
\v 9 Luda, mani lɛ̀ dufu sínnɛ,
\q1 mani n táaki lɛ́ kũ mↄrↄ bà mɛ̀n kurideo,
\q1
\v 10 mↄkↄ̃n kũ ndì tó kínanↄ zĩ̀ ble,
\q1 ndì n zↄ̀bleri Dauda bo fɛ̃nɛda pãsĩ lɛ́i.
\b
\q1
\v 11 Ǹ ma sí ǹ ma bo buri zĩ̀tↄnↄ ↄĩ,
\q1 ɛ́kɛtona ń lɛ́ pà,
\q1 òdi ↄ pãtɛ kũ lɛ́pãgbɛ̃naao.
\b
\q1
\v 12 Ó nɛ́gↄ̃gbɛ̃nↄ ni futɛ ń kɛfɛnnakɛgↄrↄa
\q1 lán lí kũ à nna màa bà,
\q1 ó nɛ́nↄgbɛ̃nↄ gↄ̃ de
\q1 lán kínabɛ gbɛ̀gba kũ ò zã blèaa bà.
\q1
\v 13 Ó dↄ̃̀nↄ ni pa kũ pↄ́ buri sĩnda pínkio.
\q1 Ó sãnↄ ni kↄ̃ lɛu wàa do,
\q1 oni ká ũgbangba ó kpàsan.
\q1
\v 14 Ó zùnↄ nigↄ̃ de nɛ́randenↄ ũ,
\q1 nↄ̀bↄtɛna nigↄ̃ kunlo,
\q1 lagona nigↄ̃ kunlo,
\q1 wɛ̃nda'ↄ́ↄdↄna nigↄ̃ kú gãnulɛaro.
\b
\q1
\v 15 Arubarikadenↄmɛ gbɛ̃ kũ ń kunna de lɛnↄ ũ,
\q1 arubarikadenↄmɛ gbɛ̃ kũ Dikiri de ń Luda ũnↄ ũ.
\c 145
\s1 Dikiri táakilɛna a manakɛna yãi
\d Dikiri táaki kũ Dauda lɛ̀ɛ.
\q1
\v 1 Mani n táaki lɛ́, ma Luda ma Kína,
\q1 manigↄ̃ n tↄ́ bo gↄrↄ sĩnda pínki.
\q1
\v 2 Manigↄ̃ n sáabu kpá lákũ gu dìgↄ̃ dↄ nà,
\q1 manigↄ̃ n táaki lɛ́ lakanaa sari.
\b
\q1
\v 3 Dikiri zↄ̃kↄ̃, à kà ò a táaki lɛ́,
\q1 a zↄ̃kↄ̃kɛ lɛ́ vĩro.
\q1
\v 4 Kpàinↄ ni n yãkɛnanↄ sáabu kpá Wurenↄnɛ,
\q1 oni n yãzↄ̃kↄ̃kɛnanↄ kpàkpa kɛ.
\q1
\v 5 Oni n manakɛ zↄ̃kↄ̃ gakuride yã o,
\q1 mani n yãbonsarɛkɛnanↄ laasun lɛ́.
\q1
\v 6 Oni n yãkɛna naasi gbãna yã o,
\q1 mani n zↄ̃kↄ̃kɛ gadi kɛńnɛ.
\q1
\v 7 Oni n manakɛ zↄ̃kↄ̃ baaru kpá,
\q1 oni ayuwii kɛ n yãzɛdekɛnanↄ yãi.
\b
\q1
\v 8 Dikiri sùru vĩ kũ wɛ̃ndao,
\q1 àdi pↄ fɛ̃ likaro, à gbɛ̃kɛ vĩ zↄ̃kↄ̃.
\q1
\v 9 Dikiri dì yã mana kɛ gbɛ̃ sĩnda pínkinɛ,
\q1 àdi a pↄ́ kũ à kɛ̀nↄ wɛ̃nda gwa ń pínki.
\q1
\v 10 Pↄ́ kũ n kɛ̀nↄ ni n sáabu kpá ń pínki,
\q1 n yãmarinↄ ni n tↄ́ sɛ́ lei, Dikiri.
\q1
\v 11 Oni n kpata gakuri gadi kɛ,
\q1 oni n iko gbãna yã o,
\q1
\v 12 de gbɛ̃ sĩnda pínki n yãzↄ̃kↄ̃kɛnanↄ dↄ̃
\q1 kũ n kpata mana gakuride yão.
\q1
\v 13 N kpata bi kpata lakanasarimɛ,
\q1 ĩnigↄ̃ de kína ũ ari ó buria.
\b
\q1 Dikirin náani vĩ yã kũ à ò musu pínki,
\q1 à sùru vĩ kũ pↄ́ kũ à kɛ̀nↄ ń pínki.
\q1
\v 14 Dikiri dì gbɛ̃ kũ òtɛn lɛ́tɛnↄ kũ,
\q1 àdi gbɛ̃ kũ wari tↄ̃̀ḿmanↄ futɛ.
\q1
\v 15 Pↄ́ sĩnda pínki wɛ́ dↄnyĩ,
\q1 ndì pↄ́ble kpáḿma a gↄrↄa.
\q1
\v 16 Ndì ↄ porońnɛ pↄ́ mↄ́ḿma,
\q1 ndì pↄ́ sĩnda pínki pↄyeina bↄkↄtɛnɛ.
\b
\q1
\v 17 Dikiri yãkɛnanↄn mana pínki,
\q1 à gbɛ̃kɛ vĩ a yã sĩnda pínki kɛnaa gũn.
\q1
\v 18 Dikiri kãni kũ a sìsirinↄ ń pínki,
\q1 gbɛ̃ kũ òdi a sísi kũ yãpuraonↄ.
\q1
\v 19 Àdi a vĩnakɛrinↄ pↄyeina bↄkↄtɛńnɛ,
\q1 àdi ń wikilɛna ma à ń sura ba.
\q1
\v 20 Dikiri dì gbɛ̃ kũ ò yeainↄ dãkpã ń pínki,
\q1 ama ani yãvãnikɛrinↄ kakatɛ.
\b
\q1
\v 21 Dikiri táakilɛna nigↄ̃ da ma lɛ́n,
\q1 pↄ́ sĩnda pínki gↄ̃ a tↄ́ kũ à kú adona bo
\q1 gↄrↄ sĩnda pínki.
\c 146
\s1 Dikiri laakaridↄna wɛ̃ndadenↄa
\q1
\v 1 Aleluya!
\q1 Ma swɛ̃̀, ǹ Dikiri táaki lɛ́.
\q1
\v 2 Manigↄ̃ Dikiri táaki lɛ́ ari ma wɛ̃̀ndi lɛ́a,
\q1 manigↄ̃ lɛ̀ sí ma Ludanɛ ari ma kunna lɛ́a.
\b
\q1
\v 3 Àsun náani kpá gbãnadenↄaro,
\q1 surabana kú bisãsiri kĩnaaro.
\q1
\v 4 Tó ń wɛ̃̀ndii tà, òdi ɛra ò gɛ̃ bùsun,
\q1 zĩ birean yã kũ òtɛn pɛ́a dì láka.
\b
\q1
\v 5 Arubarikademɛ gbɛ̃ kũ Yakubu Luda de a kpanyĩri ũ ũ,
\q1 kũ à wɛ́ dↄ Dikiri a Ludai.
\q1
\v 6 Àkũ mɛ́ à musu kũ zĩtɛo kɛ̀,
\q1 ísira kũ pↄ́ kũ ò kú a gũnnↄ pínki.
\q1 Dikiri náani vĩ gↄrↄ sĩnda pínki,
\q1
\v 7 àdi yã sí kũ gbɛ̃ kũ òtɛn gbãna mↄńnɛnↄo,
\q1 àdi pↄ́ble kpá nàdɛrinↄa.
\q1 Dikiri dì bàa poro gbɛ̃ kũ ò yĩnanↄa,
\q1
\v 8 Dikiri dì vĩ̀nanↄ wɛ́ wɛ̃ńnɛ,
\q1 Dikiri dì gbɛ̃ kũ wari tↄ̃̀ḿmanↄ futɛ,
\q1 Dikiri dìgↄ̃ ye gbɛ̃ mananↄi.
\q1
\v 9 Dikiri dì bòasunↄ gwa,
\q1 àdi ↄ da gyaanↄnↄa kũ tonɛnↄo,
\q1 ama àdi zɛ́ yãkatɛ gbɛ̃ vãninↄnɛ.
\b
\q1
\v 10 Dikiri dìgↄ̃ kí ble gↄrↄ sĩnda pínki,
\q1 Zaiↄ̃denↄ, á Luda dìgↄ̃ kun ari á buria.
\q1 Aleluya!
\c 147
\s1 Pↄ́ sĩnda pínki kú Luda ↄĩ
\q1
\v 1 Aleluya!
\q1 Lɛ̀sina ó Ludanɛ mana,
\q1 à nna akũsↄ̃ à kũ̀ ò a táaki lɛ́.
\b
\q1
\v 2 Dikiri tɛn Yurusalɛmu futɛ dↄ,
\q1 à Isaraila zĩ̀zↄnↄ kàkara àtɛn ɛra à su kũńwo.
\q1
\v 3 Àdi gbɛ̃ kũ ń nɛ̀sɛɛ yàkanↄ laakari kpátɛńnɛ,
\q1 àdi ń bↄ̀ pípińnɛ.
\q1
\v 4 À susunɛnↄ lɛ́ dↄ̃,
\q1 àdi ń baadi sísi a tↄ́a.
\q1
\v 5 Ó Dikiri zↄ̃kↄ̃, à iko vĩ manamana,
\q1 a ↄ̃ndↄ̃ lɛ́ vĩro.
\q1
\v 6 Dikiri dì zĩdabusarinↄ gba gbãna,
\q1 ama àdi ↄ tↄ̃ yãvãnikɛrinↄa ari zĩtɛ.
\b
\q1
\v 7 À lɛ̀ sí Dikirinɛ kũ a sáabukɛnaao,
\q1 à ó Luda táaki lɛ́ kũ mↄrↄↄo.
\q1
\v 8 Àdi tó legũ sisi,
\q1 àdi zĩtɛ gba legũ,
\q1 àdi tó sɛ̃̀ butɛ sĩ̀sĩnↄa.
\q1
\v 9 Àdi pↄ́ble kpá nↄ̀bↄnↄa
\q1 kũ kãakãanna nɛ́nↄ, tó òtɛn wiki pɛ́.
\b
\q1
\v 10 Adi kɛ sↄ̃ gbãnakɛ mɛ́ àdi kánɛro,
\q1 adi kɛ gↄ̃sagbãnakɛ mɛ́ àdi kɛnɛro.
\q1
\v 11 Gbɛ̃ kũ ò a vĩna vĩnↄ mɛ́ àdi kánɛ,
\q1 gbɛ̃ kũ ń wɛ́ dↄ a gbɛ̃kɛinↄ.
\b
\q1
\v 12 Yurusalɛmudenↄ, à Dikiri tↄ́ bo,
\q1 Zaiↄ̃denↄ, à á Luda táaki lɛ́.
\q1
\v 13 Zaakũ àdi arubarika daágu,
\q1 àdi á wɛ̃tɛ bĩnilɛnↄ gbãna karaárɛ.
\q1
\v 14 Àdi á gba aafia ari á bùsulɛ lɛ́n,
\q1 àdi pↄ́buri mana kpááwa à kã.
\b
\q1
\v 15 Àdi yã o à kpãzã zĩtɛnɛ,
\q1 a yã dì ká gↄ̃̀nↄgↄ̃nↄ.
\q1
\v 16 Àdi tó legũgbɛ kↄ́tɛ púu lán buu bà,
\q1 àdi tó plí kpá lán túbu bà,
\q1
\v 17 àdi legũgbɛ fã lán gbɛ̀kↄsↄↄ bà.
\q1 Dí mɛ́ ani fↄ̃ à zɛ a ĩa yĩdaii?
\q1
\v 18 Àdi yã o à kpãzã, legũgbɛɛ dì yↄ́,
\q1 àdi ĩa gbarɛ, a í dì bàa lɛ́.
\b
\q1
\v 19 Àdi tó Yakubu burinↄ gↄ̃ a yã dↄ̃,
\q1 àdi doka kũ à dìtɛnↄ da Isarailanↄnɛ.
\q1
\v 20 Adi abirekũ kɛ buri pãnde kenɛro,
\q1 ò a yãditɛnanↄ dↄ̃ro.
\q1 Aleluya!
\c 148
\s1 Dikiri pↄ́ kũ à kɛ̀nↄ a táakilɛnaa
\q1
\v 1 Aleluya!
\q1 À Dikiri táaki lɛ́, a bedenↄ!
\q1 À a táaki lɛ́ zaa musu!
\q1
\v 2 À a táaki lɛ́, a malaikanↄ á pínki!
\q1 À a táaki lɛ́, a ìbanↄ á pínki!
\q1
\v 3 À a táaki lɛ́, ifãntɛ̃ kũ mↄvuraao!
\q1 À a táaki lɛ́, susunɛ ínnanↄ pínki!
\q1
\v 4 À à táaki lɛ́, sarapura musumusu pↄ́nↄ
\q1 kũ í kũ à kú ludambɛlanↄ.
\q1
\v 5 Ò Dikiri tↄ́ bo,
\q1 zaakũ à yã ò, akũ ò kun.
\q1
\v 6 À ń pɛpɛ ń pɛ́pɛkia
\q1 de ògↄ̃ kú gwe gↄrↄ sĩnda pínki,
\q1 à doka dìtɛńnɛ, oni fↄ̃ ò vĩalaro.
\b
\q1
\v 7 À Dikiri táaki lɛ́, pↄ́ kũ ò kú zĩtɛnↄ,
\q1 kpↄ̀ gbɛ̃̀ntɛ̃nↄ kũ ísira lↄ̀nↄ
\q1
\v 8 kũ legũpinaao kũ legũgbɛɛo kũ legũsisinaao
\q1 kũ zàga'ĩa kũ àdi mìi natɛ a yãnɛɛo,
\q1
\v 9 kũ kpinↄ kũ sĩ̀sĩnↄ pínki
\q1 kũ lí nɛ́'irinↄ kũ sida línↄ pínki,
\q1
\v 10 kũ nↄ̀bↄsɛ̃ntɛnↄ kũ pↄ́kãdenↄ pínki
\q1 kũ pↄ́ kũ òdi táa o kũ kùaonↄ kũ bãnↄ,
\q1
\v 11 kũ andunia kínanↄ kũ burinↄ pínki
\q1 kũ kínanɛnↄ kũ bùsu gbãnadenↄ ń pínki,
\q1
\v 12 kũ kɛfɛnnanↄ kũ nↄkparenↄ ń pínki
\q1 kũ gbɛ̃ zↄ̃kↄ̃nↄ kũ nɛ́ fítinↄo.
\b
\q1
\v 13 Ò Dikiri tↄ́ bo,
\q1 zaakũ a mɛ̀n do tↄ́ mɛ́ à zↄ̃kↄ̃,
\q1 a gakuri de musu kũ zĩtɛola.
\q1
\v 14 À kína kà a gbɛ̃nↄnɛ,
\q1 kũ a yãmarinↄ dì a táaki lɛ́,
\q1 Isaraila kũ ò kãni kãaonↄ.
\q1 Aleluya!
\c 149
\s1 Dikiri gbɛ̃nↄ yãkpatɛkɛna kũ burinↄo
\q1
\v 1 Aleluya!
\q1 À lɛ̀ dufu sí Dikirinɛ,
\q1 à a táaki lɛ́ a gbɛ̃nↄ kↄ̃kakaranaa gũn.
\q1
\v 2 Isarailanↄ pↄ kɛ nna ń Kɛ̀riia,
\q1 Zaiↄ̃denↄ pↄnna kɛ kũ ń kínao.
\b
\q1
\v 3 Ò ũ wã ò a tↄ́ bo,
\q1 ò a táaki lɛ́ kũ mↄrↄↄo kũ sɛ̃gɛ̃sɛ̃gɛ̃o.
\q1
\v 4 Zaakũ Dikiri gbɛ̃nↄ yã dì káagu,
\q1 àdi surabana fùra kú zĩdabusarinↄnɛ.
\q1
\v 5 Dikiri yãmarinↄ pↄnna wiki lɛ́ ń zĩ̀blena yãi,
\q1 ò ayuwii kɛ ń wutɛbↄↄ musu.
\b
\q1
\v 6 Luda táakilɛna gↄ̃ da ń lɛ́n,
\q1 fɛ̃nɛda lɛ́kpaplade gↄ̃ na ń ↄĩ,
\q1
\v 7 de ò mↄra káo burinↄa,
\q1 ò bùsu sĩnda pínki gbɛ̃nↄ wɛ́ tão,
\q1
\v 8 de ò ń kínanↄ yĩyĩ kũ mↄ̀kakↄ̃ananↄ,
\q1 ò mↄ̀ ká ń kínɛnↄa,
\q1
\v 9 de ò yã dańla lákũ à kɛ̃na takada gũn nà.
\q1 Gakuri kũ Dikiri yãmarinↄ ni len gwe.
\q1 Aleluya!
\c 150
\s1 Dikiri táakilɛnaa
\q1
\v 1 Aleluya!
\q1 À Luda táaki lɛ́ a kúkia,
\q1 à a táaki lɛ́ sarapura zↄ̃kↄ̃ↄ gũn.
\q1
\v 2 À a táaki lɛ́ a gbãnakɛ yãi,
\q1 à a táaki lɛ́ kũ a zↄ̃kↄ̃ deńla yãi.
\q1
\v 3 À a táaki lɛ́ kũ kurupɛnaao,
\q1 à a táaki lɛ́ kũ mↄrↄↄo kũ gidigboo.
\q1
\v 4 À a táaki lɛ́ kũ gã̀gãao kũ ũwãnaao,
\q1 à a táaki lɛ́ kũ gugeo kũ úrao.
\q1
\v 5 À a táaki lɛ́ kũ sɛ̃̀gɛ̃panaao,
\q1 à a táaki lɛ́ kũ sɛ̃̀gɛ̃ ũ gbãnao.
\b
\q1
\v 6 Pↄ́ bɛ̃nɛ sĩnda pínki, à Dikiri táaki lɛ́!
\q1 Aleluya!