\id PHM Philemon in Busa, Ross Jones
\ide UTF-8
\h FILIMƆ
\toc1 FILIMƆ
\toc2 FILIMƆ
\mt1 FILIMƆ
\c 1
\s1 Pↄlu Filimↄ sáabukpanaa
\p
\v 1 Makũ Pↄlu kũ ò ma da kpɛ́siran Kirisi Yesu yãi kũ ó Yesude dake Timↄtio, ókↄ̃nↄ mɛ́ o takada díkĩna kɛ̃̀nnɛ, ó zĩkɛri dake yenyĩde Filimↄ 
\v 2 kũ sↄsi gbɛ̃ kũ òdi kↄ̃ kakara n bɛanↄ kũ ó nↄgbɛ̃ yenyĩde Afiao kũ ó zĩ̀kari dake Akipuo. 
\v 3 Luda ó De kũ Dikiri Yesu Kirisio gbɛ̃kɛ kɛnnɛ, à n gba aafiaa.
\p
\v 4 N yã dìgↄ̃ dↄmagu gↄrↄ sĩnda pínki ma aduakɛnaa gũn, madìgↄ̃ ma Luda sáabu kpá, 
\v 5 zaakũ ma Dikiri Yesu náani kũ ntɛn kɛ baaruu mà kũ yenyĩ kũ ń vĩ kũ Luda gbɛ̃nↄo ń pínki. 
\v 6 Madìgↄ̃ wɛ́ kɛ, de ó kunna kↄ̃o Yesu zɛ́n tó n wɛ́ kɛ̃ yã mana kũ ó vĩ kunna Kirisi gũn pínki musu. 
\v 7 Ma gbɛ̃, n yena Luda gbɛ̃nↄi ma pↄ kɛ̀ nna manamana, à ma laakarii kpàtɛmɛnɛ, zaakũ n ń laakarii kpàtɛńnɛ.
\s1 Pↄlu kutɛkɛna Filimↄnɛ Ɔnɛsimu yã musu
\p
\v 8 Abire yãi, bee kũ ma zɛ́ kà Kirisi gũn mà yã kũ à mana ǹ kɛ ditɛnnɛ, 
\v 9 bee kũ abireo ma kútɛ kɛ̀nnɛ kũ yenyĩo. Makũ Pↄlu, ma mare zↄ̃kↄ̃ ina kũ ma kunna kpɛ́siran tera Kirisi Yesu yãiio, 
\v 10 ma kútɛ kɛ̀nnɛ Ɔnɛsimu yã musu kũ à gↄ̃̀ ma nɛ́ ũ Yesu zɛ́ gũn kpɛ́siran la yãi. 
\v 11 À anfãni vĩnnɛ yãro, ama tera à anfãni vĩ makũ kũ mↄkↄ̃nwoonɛ. 
\v 12 Ma a gbàrɛmma, àkũmɛ ma swɛ̃̀ ũ. 
\v 13 Ma kunna kpɛ́siran baaru nna kpana yãi, má ye àgↄ̃ kú ma sarɛ, de àgↄ̃ kpámai n gɛ̃nɛ ũ, 
\v 14 ama má ye mà yãke kɛ n lɛ́ sariro, de ǹsun yã mana kɛmɛnɛ tilasiro, séde kũ n pↄyeinaao. 
\v 15 Ke anigↄ̃ Ɔnɛsimu kɛ̃mma yã gↄrↄ pla de à ɛra à summa àgↄ̃ kú kũnwo gↄrↄ sĩnda pínki yãimɛ. 
\v 16 À kun lán zↄ̀ↄ bà doro, zaakũ à de zↄ̀ la, à de n gbɛ̃ yenyĩde ũ kunna Kirisi gũn. Ma gbɛ̃ yenyĩdemɛ. Oni mↄkↄ̃n kũ à de n zↄ̀ ũ, akũsↄ̃ à gↄ̃̀ n gbɛ̃ ũ Dikiri gũn pↄ́ o dↄ yá?
\p
\v 17 Abire yãi tó n ma ditɛ n gbɛ̃ndo ũ, ǹ gbãnakɛ kpái, lákũ ĩni kpámai nà. 
\v 18 Tó à zã̀nnɛ yãkea ke tó à n fĩna kũna, abire gↄ̃̀ ma yã ũmɛ. 
\v 19 Makũ Pↄlu makũ mɛ́ ma yã díkĩna kɛ̃̀ kũ ma zĩda ↄo, mani n fĩna bonnɛ. Kũ ń ma fĩna kũna n zĩda wɛ̃̀ndi ũ, mani lɛ́ páaro. 
\v 20 Tↄ̀, ma gbɛ̃, kunna Dikiri gũn ǹ yã mana kɛmɛnɛ, ǹ ma laakari kpátɛmɛnɛ ó kunna Kirisi gũn yãi.
\p
\v 21 Ma takada dí kɛ̃̀nnɛ, kũ má dↄ̃ kũ ĩni ma yã ma, akũsↄ̃ ĩni kɛ de yã kũ ma ònnɛla. 
\v 22 Abire gbɛra ǹ kipaki kɛkɛmɛnɛ dↄ, zaakũ má wɛ́ dↄi Luda ni ma boárɛ wɛ́kɛ kũ átɛn kɛa yãi.
\s1 Lɛ́zammanaa
\p
\v 23 Ɛpafara kũ ó kú lɛɛlɛ kpɛ́siran Kirisi Yesu yãi fↄ kpàmma 
\v 24 kũ ma zĩkɛri dakenↄ Maaku kũ Arisitakuo kũ Demasio kũ Lukuo. 
\v 25 Dikiri Yesu Kirisi gbɛ̃kɛ kɛárɛ.