\id NAM 
\ide UTF-8
\h Nɑhumu
\toc1 NAHUMU
\toc2 Nɑhumu
\mt1 NAHUMU
\ip Nɑhumu u sɔ̃ɔsimɔ win tireru sɔɔ torɑ ni Ninifugibu bɑ mɔ̀. Yen sɔ̃nɑ u bu sɔ̃ɔmɔ mɑ bɑ koo ben wuu ge wɔri bu kpeerɑsiɑ. Yenibɑ kpuro sɔɔ, Gusunɔ u koo be bɑ nùn nɑɑnɛ sɑ̃ɑ wɔnwɔndu kɑ durom kuɑ sɑnɑm mɛ u koo Asirigibu siri.
\is1 Tire ten kpunɑɑ
\iq1 1. Gɑrin wiru, wiru 1:1.
\iq1 2. Gusunɔn yiiko, wiru 1:2-8.
\iq1 3. Gusunɔn siribu, wiru 1:9n di sere wiru 2:3.
\iq1 4. Ninifu yɑ koo kɑm ko, wiru 2:4n di sere wiru 3:19.
\ie
\c 1
\p
\v 1 Gɑri wee yi Yinni Gusunɔ u geruɑ wuu ge bɑ mɔ̀ Ninifun sɔ̃. Nɑhumu Ɛlikosigiiwɑ Gusunɔ u derɑ u yi wɑ kɑ̃siru sɔɔ mɑ u yoruɑ.
\s1 Yinni Gusunɔ u do u sɛ̃
\q1
\v 2 Yinni Gusunɔ u sɑ̃ɑwɑ nisinugii.
\q1 U rɑ mɔru kɔsie.
\q1 Win mɔru yɑ kpɑ̃.
\q1 U rɑ win yibɛrɛbɑ mɔru kɔsie.
\q1 U ku rɑ bu suuru kue.
\q1
\v 3 U ku rɑ toro deri u kun nùn sɛɛyɑsie.
\q1 Adɑmɑ u ku rɑ mɔru se fuuku.
\q1 Win dɑm mu kpɑ̃.
\q1 Ù n sĩimɔ, woo gunɑ yɑ rɑ n seewɑwɑ,
\q1 kpɑ guru winu nu n sɑ̃ɑ nge win nɑɑsun tuɑ.
\q1
\v 4 Ù n nim wɔ̃ku gbɑ̃re, gɑ rɑ gberewɑ.
\q1 U rɑ dɑɑnu kpuron nim gberɑsiewɑ,
\q1 kpɑ yɑkɑ si su wɑ̃ɑ Bɑsɑniɔ kɑ Kɑɑmɛlin gɑ̃ɑnɔ su gberɑ,
\q1 kpɑ dɑ̃ɑ wɛ̃ɛ si su wɑ̃ɑ Libɑniɔ su dɛllɑ.
\q1
\v 5 U derɑ guunu bɑ̃ɑrimɔ.
\q1 Mɑ gungunu diirimɔ.
\q1 Mɑ tem kɑ mɛn tɔmbu bɑ yiiyɑrɑmɔ win wuswɑɑɔ.
\q1
\v 6 Wɑrɑ u koo kpĩ u yɔ̃rɑ u win mɔru mɑ.
\q1 Wɑrɑ u koo kɑ win mɔru gɑbirinɑ.
\q1 Win mɔru yɑ rɑ pusiwɑ nge dɔ̃ɔ.
\q1 Wee yɑ kpenu bɛsukumɔ.
\q1
\v 7 Yinni Gusunɔ u sɑ̃ɑwɑ tɔn geo.
\q1 U sɑ̃ɑwɑ be bɑ wɑ̃ɑ wɑhɑlɑ sɔɔn kuku yeru.
\q1 Be bɑ nùn nɑɑnɛ sɑ̃ɑ, berɑ u rɑ nɔɔri.
\q1
\v 8 U koo Ninifu kpeerɑsiɑ mɑm mɑm kɑ nim bɑkɑm,
\q1 kpɑ u win yibɛrɛbɑ nɑɑ girɑ sere gɔribun wɑ̃ɑ yerɔ yɑm wɔ̃kuru sɔɔ.
\s1 Gɑri yi Gusunɔ u geruɑ
\s2 Yudɑ kɑ Ninifun sɔ̃
\q1
\v 9 Mbɑ i Yinni Gusunɔ bwisikusimɔ.
\q1 Wiyɑ u rɑ kɑm koosie mɑm mɑm.
\q1 Bɑ ku rɑ nɔni swɑ̃ɑru wɑ nɔn yiruse.
\q1
\v 10 Yibɛrɛ be, bɑ sɑ̃ɑ nge sɑ̃ki kɔkɔnu,
\q1 bɑ rɑ tɑm nɔ sere mu bu go.
\q1 Kɑ mɛ, bɑ koo dɔ̃ɔ mwɑɑrɑwɑ mɑm mɑm nge yɑkɑ gbebusu.
\q1
\v 11 Ninifu, wunɛn min diyɑ goo u yɑrɑ
\q1 wi u Gusunɔ kɔ̃sɑ bwisikusimɔ,
\q1 mɑ u kĩ u nùn seesi.
\q1
\v 12 Yinni Gusunɔ u Yudɑbɑ sɔ̃ɔwɑ u nɛɛ,
\q1 bɑɑ bɛɛn yibɛrɛbɑ bɑ̀ n dɑbi ɑmɔ,
\q1 mɑ bɑ dɑm mɔ ɑmɔ,
\q1 kɑ mɛ, kon bu gowɑ mɑm mɑm.
\q1 Nɑ bɛɛ sekuru doke.
\q1 Nɑ ǹ mɑɑ wuremɔ n bɛɛ kuɑ nge mɛ.
\q1
\v 13 Kon ben yoo te bɑ bɛɛ diisiɑmɔ kpeerɑsiɑ.
\q1 Kon ten yɔni kɑsuku.
\q1
\v 14 Bɛɛ Ninifugibu, wee ye nɛ, Yinni Gusunɔ nɑ geruɑ bɛɛn sɔ̃.
\q1 Nɑ nɛɛ, i ǹ bweseru wɑsi
\q1 te tɑ koo bɛɛn yĩsiru sɔbe.
\q1 Kon bɛɛn bwɑ̃ɑroku dɑ̃ɑginu kɑ sisuginu kpuro wunɑ bɛɛn bũu dirun di,
\q1 kpɑ n bɛɛn sikɑ sɔɔru ko.
\q1 Domi i ǹ sɑ̃ɑ gɑ̃ɑnu.
\q1
\v 15 Bɛɛ Yudɑbɑ, wee goo u nɑ guunu wɔllɔ
\q1 u bɔri yɛndun lɑbɑɑri geɑ kpɑrɑmɔ.
\q1 Yen sɔ̃, i bɛɛn tɔ̃ɔ bɑkɑ ni i rɑ rɑɑ di Yinni Gusunɔn sɔ̃ dio.
\q1 I bɛɛn nɔɔ mwɛɛnu yibio.
\q1 Domi tɔn kɔ̃so wi, u ǹ mɑɑ wee bɛɛn suunu sɔɔ.
\q1 Nɑ nùn kpeerɑsiɑwɑ mɑm mɑm.
\c 2
\q1
\v 1 Bɛɛ Ninifugibu, kɑm koosio u bɛɛ wɔrim wee.
\q1 Yen sɔ̃, i bɛɛn gbɑ̃rɑru mɑruo,
\q1 kpɑ i bɛɛn swɛɛ kɔ̃su.
\q1 I sɔɔru koowo,
\q1 kpɑ i wɔrugɔru sɔ̃ɔsi kɑ bɛɛn dɑm kpuro.
\q1
\v 2 Wee Yinni Gusunɔ u Yɑkɔbun bweseru, Isirelibɑ ben bɛɛrɛ wesiɑmɔ,
\q1 be, be yibɛrɛbɑ bɑ wɔri bɑ ben yɑ̃nu gurɑ
\q1 nge mɛ bɑ rɑ resɛm kɑ̃ɑsi yɑkiri.
\s1 Bɑ Ninifu wɔri
\s2 bɑ yen yɑ̃nu gurɑ
\q1
\v 3 Ninifun yibɛrɛbɑn tɑbu durɔ dɑmgibun tɛrɛnu nu sɔ̃ri.
\q1 Mɑ bɑ yɑ̃ɑ wunɔmginu doke.
\q1 Tɑbun tɔ̃ru tɑ̀ n turɑ,
\q1 ben tɑbu kɛkɛ be dumi gɑwe
\q1 yi rɑ kurɑmɛwɑ yi n bɑllimɔ nge dɔ̃ɔ buri,
\q1 kpɑ bɑ n yɑɑsi fĩɑmɔ.
\q1
\v 4 Bɑ tɑbu kɛkɛbɑ yɑkiɑmɔ swɛɛ sɔɔ nge wiirobu.
\q1 Bɑ dɑɑmɔ bɑtumɑ kpuro sɔɔ kɑ dɑm.
\q1 À n bu wɑ, ɑ rɑ n tɑmɑɑ dɔ̃ɔ yɑriyɑ.
\q1 Kpɑ bɑ n duki mɔ̀ nge guru mɑɑkinu.
\q1
\v 5 Ninifun sinɑ boko u win tɑbu durɔ dɑmgibu yɑɑyɑ u sokumɔ.
\q1 Adɑmɑ be wee, bɑ sĩimɔ bɑ bɑ̃ɑrimɔ.
\q1 Ben yibɛrɛbɑ bɑ sɛnde bɑ kɑ dɔɔ wuun gbɑ̃rɑru giɑ.
\q1 Mɑ bɑ tii kuku yenu kuɑ.
\q1
\v 6 Subɑru sɔɔ, bɑ dɑɑnun swɛɛ kɛniɑ,
\q1 mɑ sinɑ kpɑɑrɑ wɔrukɑ.
\q1
\v 7 Bɑ Ninifu ye mwɑ bɑ yen yɑ̃nu gurɑ bɑ kɑ doonɑ.
\q1 Yen tɔn kurɔbu bɑ sumɔ nge kpɑrukonu,
\q1 mɑ bɑ toronu soomɔ.
\q1
\v 8 Ninifu ye, yɑ sɑ̃ɑwɑ nge nim bwee bɑkɑru
\q1 tèn nim mu gɛ̃ɛrɑ mu doonɑ.
\q1 Mɑ nɔɔgirɑ nɔɔrɑmɔ tɑ mɔ̀,
\q1 i yɔ̃ro, i yɔ̃ro.
\q1 Adɑmɑ goo kun yɔ̃re.
\q1
\v 9 I sii geesu kɑ wurɑ guro.
\q1 Ben dukiɑ yɑ ǹ nɔru mɔ.
\q1 Dukiɑ bwese bwesekɑwɑ bɑ mɔ.
\q1
\v 10 Bɑ gurɑmɔ, bɑ goomɔ, bɑ sɑnkumɔ.
\q1 Tɔmbu kpuron gɔmɑ dwiiyɑ.
\q1 Ben dũunu soonɑmɔ, mɑ ben dɑm doonɑ.
\q1 Be kpuron wuswɑɑ burisinɛ.
\s1 Ninifu yɑ sɑ̃ɑwɑ
\s2 nge gbee sunɔ ge bɑ kɑmiɑ
\q1
\v 11 Mɑnɑ Ninifu ye, yɑ wɑ̃ɑ tɛ̃,
\q1 ye, ye yɑ rɑɑ sɑ̃ɑ nge gbee sinɑnsun wɑ̃ɑ yeru,
\q1 mi gbee sunɔ dwɑɑ kɑ ninu kɑ binu nu rɑ n bɔsu,
\q1 goo ku rɑ mɑɑ nu nɑre,
\q1
\v 12 kpɑ dwɑɑ ye, yu yen kurɔbu kɑ yen binu yɑɑ goowɑ,
\q1 kpɑ yu wɑ̃ɑ yee te yɑɑ yibiɑ.
\q1
\v 13 Gusunɔ wɔllu kɑ tem Yinni u nɛɛ, nɛ wee.
\q1 Nɛnɑ nɑ sɑ̃ɑ yen yibɛrɛ.
\q1 Kon de yen tɑbu kɛkɛbɑ bu dɔ̃ɔ mwɑɑrɑ.
\q1 Kon de bu yen bibu go tɑbu sɔɔ.
\q1 Kon de yu ku mɑɑ tɔmbun yɑ̃nu gurɑ.
\q1 Goo kun mɑɑ yen sɔmɔbun nɔɔ nɔɔmɔ.
\c 3
\s1 Bɑ Ninifu kɑm koosiɑ
\q1
\v 1 Ninifugibɑ kuɑ bɔ̃rurobu.
\q1 Domi bɑ sɑ̃ɑwɑ tɔn gowobu.
\q1 Bɑ weesu yibɑ.
\q1 Mɑ bɑ kuurɑmɔ kɑ gbɑnɑ.
\q1 Bɑ rɑ n tɔmbun yɑ̃nu gurɑmɔwɑ.
\q1
\v 2 Wee sɛnɑn dɑmusu nɔɔrɑmɔ wuu ge sɔɔ.
\q1 Wee tɑbu kɛkɛbɑn uruun wɔkinu nɔɔrɑmɔ,
\q1 mɑ dumi yi yi gɑwe yi yɔ̃ɔkumɔ.
\q1
\v 3 Mɑɑsɔbu bɑ wee,
\q1 bɑ tɑkobibɑ kɑ yɑɑsi nɛni yi bɑllimɔ.
\q1 Wee bɑ tɔmbu mɛɛrɑ kuɑ,
\q1 mɑ gonu tɛrie bɑɑmɑ, nu ǹ gɑrirɔ.
\q1 Mɑ bɑ nu wɔrikimɔ.
\s1 Bɑ Ninifu sekuru doke
\q1
\v 4 Ninifu yɑ sɑ̃ɑwɑ nge kurɔ sɑkɑrɑ kowo kpoko.
\q1 Yɑ bwese dɑbinu yoru diisiɑ yen burɑm kɑ yen sɔrorun sɔ̃.
\q1
\v 5 Yen sɔ̃nɑ nɛ Gusunɔ, wɔllu kɑ tem Yinni, kon ye wɔrimɑ.
\q1 Kon yen yɑberu gbɑbiɑ n kɑ yen wuswɑɑ wukiri,
\q1 kpɑ n yen tereru bwesenu sɔ̃ɔsi,
\q1 kpɑ yu sekuru wɑ.
\q1
\v 6 Kon ye kubɑnu sure, kpɑ tɔmbu bu ye kɑ.
\q1
\v 7 Sɑɑ yerɑ wi u ye wɑ u koo dukɑ su,
\q1 kpɑ u nɛɛ, Ninifu yɑ kuɑ bɑnsu.
\q1 Wɑrɑ u koo ye wɔnwɔndu kuɑ.
\q1 Mɑnɑ kon bu wɑ be bɑ koo ye nukuru yɛmiɑsiɑ.
\s1 Ninifu yɑ koo kowɑ
\s2 nge Tebɛsi
\q1
\v 8 Tebɛsi yɑ wɑ̃ɑ Nilun nim swɛɛ yi bɑ gbɑn bɔkuɔ.
\q1 Nim mu kɑ ye sikerenɛ.
\q1 Mɑ mu sɑ̃ɑ yen gbɑ̃rɑru.
\q1 Ninifu, ɑ tɑmɑɑ ɑ Tebɛsi ye sɑnɔ kere?
\q1
\v 9 Etiopigibu kɑ Egibitigibɑ bɑ sɑ̃ɑ yen dɑm.
\q1 Putigibu kɑ Libigibu bɑ sɑ̃ɑwɑ yen somiɔbu.
\q1
\v 10 Kɑ mɛ kpuro, yen tii yɑ yoru dɑ.
\q1 Bɑ ye mwɑ mɑ bɑ yen bibu go swɛɛ kpuro sɔɔ.
\q1 Bɑ yen wirugibu tɛtɛ toosi,
\q1 mɑ bɑ yen dɑmgibu mwɛɛrɑ bɑ yɔni doke.
\q1
\v 11 Wunɛ Ninifu, kɑɑ nɔni sɔ̃ɔrɑwɑ,
\q1 kpɑ ɑ n sɑ̃ɑ nge wi u tɑm goore,
\q1 kpɑ ɑ kuku yeru kɑsu yibɛrɛbɑn sɔ̃ ɑ kuke.
\q1
\v 12 Sɑɑ ye sɔɔ, wunɛn gbɑ̃rɑnu kpuro nu ko n sɑ̃ɑwɑ nge dɑ̃ɑ nìn mɑrum mu ye.
\q1 Bɑ̀ n mu sirɑ kpɑ mu wɔri wi u koo mu din nɔɔwɔ.
\q1
\v 13 Wee wunɛn tɔmbu bɑ sɑ̃ɑ nge tɔn kurɔbu wunɛn suunu sɔɔ.
\q1 Wunɛn tem wusun kɔnnɔsu su kɛniɑrɑ mɑm mɑm yibɛrɛbɑn wuswɑɑɔ.
\q1 Mɑ dɔ̃ɔ u sin kɔkɔrɔbɑ di.
\q1
\v 14 Bɛɛ Ninifugibu, i nim tɑkirio i yi.
\q1 Domi bɑ koo bɛɛn wuu tɑrusi.
\q1 I bɛɛn gbɑ̃rɑrun dɑm sosio.
\q1 I birikibɑ muro kpɑ i sɔndu tɑɑku i kɑ tu bɑni.
\q1
\v 15 Bɑɑ ì n yebɑ kpuro kuɑ,
\q1 kɑ mɛ, dɔ̃ɔ u koo nɑ u bɛɛ di,
\q1 ǹ kun mɛ bu bɛɛ go kɑ tɑkobi.
\q1 Bɑ koo bɛɛ kpeerɑsiɑwɑ nge mɛ twee yi rɑ dɑ̃ɑ wurusu di.
\s1 Bɑ Ninifun tɔmbu kpuro go
\q1 Wee, i dɑbiɑ nge twee.
\q1
\v 16 Bɛɛn tenkubɑ bɑ kperi dɑbiru kere.
\q1 Adɑmɑ be kpuro bɑ doonɑ
\q1 nge twee yi yi yɔ̃ɔwɑ.
\q1
\v 17 Bɛɛn kɔ̃sobu bɑ dɑbi nge gbɑbu swɛ̃ɛ.
\q1 Bɛɛn sɔm kowobu bɑ dɑbi nge twee
\q1 yi yi sinɑ dɑ̃ɑ kikisɔ bururu.
\q1 Adɑmɑ ye sɔ̃ɔ u yɑrɑ mɑ yi yɔ̃ɔwɑ yi doonɑ,
\q1 bɑ ǹ tubɑ mi yi dɑ.
\q1
\v 18 Wunɛ Asirin sinɑ boko,
\q1 wee wunɛn kpɑrobu bɑ dom yĩbirimɔ.
\q1 Wunɛn tɑbu durɔ dɑmgibu bɑ ǹ mɑɑ wɑsi.
\q1 Mɑ wunɛn tɔmbu bɑ yɑrinɛ yɑm kpuro guunu wɔllɔ,
\q1 goo sɑri wi u koo bu kpɑɑsinɑ.
\q1
\v 19 Goo kun wunɛn mɛɛrɑ ye nɔɔrimɔ.
\q1 Yɑ koo nun gowɑ.
\q1 Wi u nuɑ ye yɑ nun deemɑ, u koo tɑkɑ kowɑ nuku dobun sɔ̃.
\q1 Domi goo sɑri wi ɑ ǹ nɔni sɔ̃ɔwɑ.