\id HAG 
\ide UTF-8
\h Asee
\toc1 ASEE
\toc2 Asee
\mt1 ASEE
\ip Sɑɑ Bɑbilonin diyɑ Asee u wurɑmɑ yorun di Yerusɑlɛmuɔ kɑ Yudɑ gɑbu sɑnnu. Sɑɑ ye Yudɑ be, bɑ wurɑmɑ bɑ wɑ̃ɑ Yerusɑlɛmuɔ, yerɑ bɑ Yinni Gusunɔn sɑ̃ɑ yee ten bɑnɑ seewɑ. Adɑmɑ ben hɑniɑ ye, yɑ rɑ yɛmiɑ mɑ bɑ sɑ̃ɑ yee ten bɑnɑ deri wɑhɑlɑ ye bɑ wɑɑmɔn sɔ̃ sɑɑ Sɑmɑrigibun min di kɑ sere mɑɑ gɔ̃ɔ te tɑ duɑ ben suunu sɔɔn sɔ̃. Yerɑ be bɑ dukiɑ mɔ, bɑ tii dii geenu bɑniɑmmɛ. Sɑɑ ye sɔɔ, ben goo kun mɑɑ kĩru mɔ u kɑ Yinni Gusunɔn sɔmburu ko. Mɑ Asee u seewɑ u Yudɑbɑ gerusi.
\ip Yen biru u bu dɑm kɛ̃mɔ bu kɑ bɑnɑ ye se. Win gɑri yi sɔɔ, u nɛɛ, bu Gusunɔ mɛm nɔɔwɔ kpɑ bu win sɔmburu nɔni doke. Yerɑ yɑ burɑm bo n kere bɑ n ben tiin ɑrufɑɑni kɑsu.
\is1 Tire ten kpunɑɑ
\iq1 1. Sɑ̃ɑ yerun bɑnɑ, wiru 1.
\iq1 2. Sɑ̃ɑ yee kpɑɑ ten girimɑ, wiru 2.
\ie
\c 1
\s1 Sɑ̃ɑ yerun bɑnɑ
\p
\v 1 Dɑrusi Pɛɛsibɑn sinɑ bokon bɑndun wɔ̃ɔ yirusen suru nɔɔbɑ tiɑsen tɔ̃ɔ gbiikiru sɔɔrɑ Gusunɔ wɔllu kɑ tem Yinni u kɑ Sorobɑbɛli Seɑlitiɛlin bii, Yudɑbɑn kpɑro kɑ yɑ̃ku kowo tɔnwero Yosue, Yosɑdɑkin bii gɑri kuɑ sɑɑ win sɔmɔ Aseen nɔɔn di u nɛɛ, 
\v 2 bɛɛ Isirelibɑ i mɔ̀, sɑɑ kun turɑ i kɑ nɛn sɑ̃ɑ yeru bɑni. 
\v 3 Yen sɔ̃nɑ nɑ bɛɛ gɑri yini sɔ̃ɔmɔ nɑ nɛɛ, 
\v 4 n bɛɛ wɛ̃re i n wɑ̃ɑ dii burɑnu sɔɔ ni bɑ sɔmɑ kuɑ, kpɑ nɛn sɑ̃ɑ yeru tɑ n bɑnsu sɑ̃ɑ? 
\v 5 Yen sɔ̃nɑ nɛ, wɔllu kɑ tem Yinni nɑ nɛɛ, i bwisikuo bɛɛn dɑɑ ye i mɔ̀n sɔ̃. 
\v 6 Wee i dĩɑnu duurumɔ too, ɑdɑmɑ fiikowɑ i gɛ̃ɛmɔ. I dimɔ, ɑdɑmɑ i ǹ debumɔ. I nɔrumɔ, ɑdɑmɑ bɛɛn nɔru kun kpeemɔ. I yɑ̃nu dokemɔ, ɑdɑmɑ nu ǹ bɛɛ wooru girɑmmɛ. Ì n bɛɛn kɔsiɑru mwɑ, tɑ rɑ doonɛwɑ nge te bɑ doke bɔɔ gɛ̃ɛre sɔɔ. 
\v 7 Yen sɔ̃, nɛ, Gusunɔ wɔllu kɑ tem Yinni nɑ nɛɛ, i bwisikuo bɛɛn dɑɑ ye i mɔ̀n sɔ̃. 
\v 8 I seewo i dɑ guurɔ i dɑ̃ɑ kɑsumɑ i kɑ nɛn sɑ̃ɑ yee te bɑni, kpɑ i mɑn bɛɛrɛ wɛ̃. Ye sɔɔrɑ ko nɑ n nuku dobu mɔ. Nɛ, Yinni Gusunɔwɑ nɑ yeni geruɑ. 
\v 9 I tɑmɑɑ i ko i dĩɑnu wɑwɑ too bɛɛn gbeɑn di. Adɑmɑ wee fiikowɑ i wɑ. Fiiko ye i wɑ i kɑ dɑ yɛnuɔ mi, mɑ nɑ ye wom wure nɑ yɑrinɑsiɑ. Mbɑn sɔ̃. Yèn sɔ̃ i nɛn sɑ̃ɑ yeru deri tɑ kuɑ bɑnsu. Mɑ bɑɑwure u sɛnde u kɑ win tiin diru bɑni. Nɛ, Gusunɔ wɔllu kɑ tem Yinniwɑ nɑ yeni geruɑ. 
\v 10 Yen sɔ̃nɑ gurɑ kun mɑɑ nɛmɔ. Mɛyɑ tem kun mɑɑ bɛɛ dĩɑnu wɛ̃ɛmɔ nge mɛ n weenɛ. 
\v 11 Nɑ derɑ gbeburɑ kuɑ bɛɛn tem kpuro sɔɔ kɑ guunɔ. Mɑ ɑlikɑmɑ kɑ resɛm kɑ olifi kpuro yɑ gberɑ. Dĩɑ ni tem mu rɑ kpiisie gesi kpuro, nu gberɑwɑ. Mɑ tɔmbu kɑ yɑɑ sɑbenu nɔni sɔ̃ɔre. Mɑ bɛɛn sɔmɑ ye i mɔ̀ kpuro yɑ kuɑ kɑm.
\p
\v 12 Yerɑ Sorobɑbɛli, Seɑlitiɛlin bii, kɑ yɑ̃ku kowo tɔnwero Yosue, Yosɑdɑkin bii, kɑ Isireli be bɑ tie kpuro, bɑ Gusunɔ ben Yinnin gɑri yi mɛm nɔɔwɑ nge mɛ Gusunɔ u win sɔmɔ Asee sɔ̃ɔwɑ u bu sɔ̃. Mɑ bɑ nɑndɑ wi, Yinni Gusunɔn wuswɑɑɔ.
\p
\v 13 Asee, Yinni Gusunɔn gɔro u bu sɔ̃ɔwɑ ye Yinni Gusunɔ u nùn sɔ̃ɔwɑ. U nɛɛ, Yinni Gusunɔ u wɑ̃ɑ kɑ bɛɛ.
\p
\v 14 Mɑ u Sorobɑbɛli, Yudɑbɑn kpɑro kɑ Yosue, yɑ̃ku kowo tɔnwero kɑ sere Isireli be bɑ tie dom yɑmiɑ. Bɑ nɑ bɑ ben Yinni wi u wɔllu kɑ tem mɔn sɑ̃ɑ yee ten sɔmburu toruɑ, 
\v 15 Dɑrusin bɑndun wɔ̃ɔ yirusen suru nɔɔbɑ tiɑsen sɔ̃ɔ yɛndɑ nnɛse sɔɔ.
\c 2
\s1 Sɑ̃ɑ yee kpɑɑ ten girimɑ
\p
\v 1 Wɔ̃ɔn suru nɔɔbɑ yirusen sɔ̃ɔ yɛndɑ tiɑse sɔɔrɑ Yinni Gusunɔ u Asee sɔ̃ɔwɑ u nɛɛ, 
\v 2 ɑ Sorobɑbɛli, Seɑlitiɛlin bii, Yudɑbɑn kpɑro, kɑ yɑ̃ku kowo tɔnwero Yosue, Yosɑdɑkin bii, kɑ sere Isireli be bɑ tie sɔ̃ɔwɔ ɑ nɛɛ, 
\v 3 be, be bɑ tie sɔɔ, ben wɑrɑ u sɑ̃ɑ yee ten yellu yɛ̃ ten girimɑ gbiikɑɑ sɔɔ. Tɛ̃, ɑmɔnɑ bɑ tu wɑɑsinɛ. Nge mɛ tɑ sɑ̃ɑ mi, tɑ ǹ sɑ̃ɑre kɑm dirum ben nɔni sɔɔ? 
\v 4 Yen sɔ̃ tɛ̃, nɛ, Gusunɔ wɔllu kɑ tem Yinni, nɑ nɛɛ, Sorobɑbɛli, kɑ Yosue, kɑ Isireli be bɑ tie, bu tii dɑm kɛ̃ɛyɔ, kpɑ bu sɔmburu ko. Domi nɑ wɑ̃ɑ kɑ be. 
\v 5 Nge mɛ nɑ bu nɔɔ mwɛɛru kuɑ sɑnɑm mɛ nɑ bu yɑrɑmɑ Egibitin di, nge mɛyɑ nɑ mɑɑ bu sɔ̃ɔmɔ gisɔ mɑ nɛn Hunde wɑ̃ɑ kɑ be. Yen sɔ̃, bu ku bɛrum ko. 
\v 6 Nɛ, Gusunɔ wɔllu kɑ tem Yinni, nɑ ǹ mɑɑ tɛɛmɔ n kɑ wɔllu kɑ tem kɑ nim wɔ̃ku sirɑ. 
\v 7 Kon bwesenu kpuro sirɑ kpɑ n de bu nin dukiɑ geɑ kpuro gurɑmɑ bu kɑ nɑ nɛn sɑ̃ɑ yeru mini. Kpɑ n sɑ̃ɑ yee te girimɑ yibiɑ. Nɛ, Gusunɔ wɔllu kɑ tem Yinniwɑ nɑ yeni geruɑ. 
\v 8 Nɛnɑ nɑ sii geesu kɑ wurɑ mɔ. 
\v 9 Tɛ̃, dii ten girimɑ yɑ koo yellugiɑ kerɑ. Miyɑ kon tɔmbu bɔri yɛndu wɛ̃. Nɛ, Gusunɔ wɔllu kɑ tem Yinniwɑ nɑ yeni geruɑ.
\s1 Tɔn be bɑ ǹ dɛɛre
\p
\v 10 Dɑrusin bɑndun wɔ̃ɔ yirusen suru nɔɔbɑ nnɛsen sɔ̃ɔ yɛndɑ nnɛse sɔɔrɑ Yinni Gusunɔ u kɑ win sɔmɔ Asee gɑri kuɑ u nɛɛ, 
\v 11 ɑ yɑ̃ku kowobu woodɑn gɑri yini bikio ɑ nɛɛ, 
\v 12 goo ù n yɑ̃ku yɑɑ bɔkuɑ win yɑberun kɑsɑɔ, mɑ win yɑbe kɑsɑ ye, yɑ pɛ̃ɛ bɑbɑ, ǹ kun mɛ kpee, ǹ kun mɛ tɑm, ǹ kun mɛ gum, ǹ kun mɛ dĩɑnu gɑnu, bɑ tɑmɑɑ dĩɑ ni, nu kuɑ Yinni Gusunɔginu?
\p Ye Asee u bu bikiɑ mɛ, yerɑ bɑ wisɑ bɑ nɛɛ, ɑɑwo!
\p
\v 13 Mɑ Asee u mɑɑ bu bikiɑ u nɛɛ, goo ù n disi duurɑ yèn sɔ̃ u goru bɑbɑ, mɑ u seewɑ u mɑɑ dĩɑ ni bɑbɑ, dĩɑ nin tii nu kuɑ disiginu?
\p Mɑ yɑ̃ku kowo be, bɑ wisɑ bɑ nɛɛ, oo, dĩɑ nin tii nu disi duurɑwɑ mi.
\p
\v 14 Yerɑ Asee u mɑɑ nɛɛ, ɑmɛniwɑ Yinni Gusunɔ u geruɑ u nɛɛ, nge mɛyɑ bɛɛ Isirelibɑ i sɑ̃ɑ win nɔni sɔɔ. Mɛyɑ mɑɑ bɛɛn nɔmɑn sɔmɑ yɑ sɑ̃ɑ. Ye i nùn wɛ̃ɛmɔ kpuro, yɑ disi mɔ.
\s1 I lɑɑkɑri koowo sɑɑ tɛ̃n di
\p
\v 15 Ǹ n mɛn nɑ, i bwisikuo ye yɑ bɛɛ deemɑ n kɑ gisɔ girɑri i sere kpenu mɛnnɑ i kɑ sɑ̃ɑ yee te bɑni. 
\v 16 Wee bɛɛn goo ù n seewɑ u ɑlikɑmɑn sɑkɑku yɛndu kɑsum dɑ birɑrɔ, mɑ u ye so, wɔkurɑ u rɑ wɑ. Ù n mɑɑ seewɑ u tɑm ditiri weerɑɑkuru kɑsum dɑ resɛm gɑmɑ yerɔ, ditiri yɛndɑ u rɑ wɑ. 
\v 17 Nɛ, Gusunɔ nɑ bɛɛn sɔmburu kɑm koosiɑ. Nɑ derɑ guru kpenu bɛɛn dĩɑnu sɑnkɑ nu kɔ̃sɑ, nu bukusɑ duurɑ. Adɑmɑ kɑ mɛ, i ǹ wurɑmɛ nɛn mi. Nɛ, Yinni Gusunɔwɑ nɑ yeni geruɑ. 
\v 18 Yen sɔ̃, i bwisikuo ye yɑ bɛɛ deemɑ n kɑ gisɔ girɑri sɑɑ mìn di bɑ kɑ sɑ̃ɑ yee ten kpɛɛkpɛɛku swĩi bɑ deri. Gisɔn tɔ̃ru tɑ sɑ̃ɑwɑ wɔ̃ɔn suru nɔɔbɑ nnɛsen sɔ̃ɔ yɛndɑ nnɛseru. I de i bwisiku. 
\v 19 I mɑɑ dĩɑnu mɔ birɑnu sɔɔ? Bɛɛn gbeɑn dɑ̃ɑ binuginu mɑrɑ? Aɑwo, ɑdɑmɑ sɑɑ gisɔn di, kon bɛɛ durom kuɑ.
\s1 Nɔɔ mwɛɛ ni Yinni Gusunɔ
\s2 u Sorobɑbɛli kuɑ
\p
\v 20 Yinni Gusunɔ u kpɑm kɑ Asee gɑri kuɑ nɔn mɛɛruse suru win sɔ̃ɔ yɛndɑ nnɛse te sɔɔ u nɛɛ, 
\v 21 ɑ Sorobɑbɛli, Yudɑbɑn kpɑro sɔ̃ɔwɔ ɑ nɛɛ, nɛ, Yinni Gusunɔ kon wɔllu kɑ tem sirɑ. 
\v 22 Kon sinɑmbu kpuron bɑndu fukɑ kpɑ n ben dɑm kpeesiɑ. Kon bɛɛn tɑbu kɛkɛ yi dumi gɑwe kɑ be bɑ duɑ yi sɔɔ fukiri kɑ sere mɑɑ dumi kɑ yin mɑɑsɔbu. Ben tii tiinɛwɑ bɑ koo goonɑ kɑ tɑkobibɑ. 
\v 23 Yen tɔ̃ɔ te, kon nɛn sɔm kowo Sorobɑbɛli, Seɑlitiɛlin bii suɑ kpɑ n nùn ko nɛn yĩreru. Domi wiyɑ nɑ gɔsɑ. Nɛ, Gusunɔ wɔllu kɑ tem Yinniwɑ nɑ yeni geruɑ.