\id 1CH 
\ide UTF-8
\h Bɑndun Gɑri I
\toc1 ISIRELIBAN BANDUN GARI GBIIKII
\toc2 Bɑndun Gɑri I
\mt1 ISIRELIBAN BANDUN GARI GBIIKII
\ip À n ginɑ Isirelibɑn bɑndun gɑrin tire gbiikiru gɑrɑ kɑɑ nɛɛ, Sɑmuɛlin tirerɑ yɛ̃ro u suɑ u kɑ tu yoruɑ. Dɑfidin bɑndun gɑriyɑ u mɔ̀ te Gusunɔn tii u swĩi. Yɛ̃ro u kĩ u sun sɔ̃ɔsi mɑ Gusunɔ turowɑ u sɑ̃ɑ Isirelibɑn sinɑ boko. Mɑ ben sinɑm be u rɑ swĩi mi, bɑ sɑ̃ɑ win sɔm kowobu.
\ip Tɑ mɑɑ sun sɔ̃ɔmɔ mɑ Dɑfidiwɑ u sɑ̃ɑ yerun bɑnɑn himbɑ kɑ ten sɔmɑ kpuron sɔɔru kuɑ. Mɑ u Lefibɑ bɔnu kuɑ wuu wuukɑ sɑ̃ɑrun sɔ̃. Adɑmɑ Sɑlomɔɔwɑ u tu bɑnɑ.
\is1 Tire ten kpunɑɑ
\iq1 1. Bwese tɔ̃ki kɑ yin tɔmbun yĩsɑ, wiru 1n di sere wiru 9.
\iq1 2. Sɔɔlun gɔɔ, wiru 10.
\iq1 3. Dɑfidin bɑndun gɑri, wiru 11n di sere wiru 29.
\ie
\c 1
\ms1 ISIRELIBAN BWESE TƆ̃KI
\s1 Adɑmun bweserun tɔ̃kɑn di
\s2 n kɑ girɑri Esɑun bibun
\s2 bweserɔ
\p
\v 1 Adɑmuwɑ u sɑ̃ɑ Sɛtin tundo. Mɑ Sɛti u mɑɑ Enɔsi mɑrɑ. 
\v 2 Mɑ Enɔsi u Kenɑni mɑrɑ. Mɑ Kenɑni u Mɑhɑlɑlɛɛli mɑrɑ. Mɑ Mɑhɑlɑlɛɛli u mɑɑ Yerɛdi mɑrɑ. 
\v 3 Yerɛdiwɑ u Enɔku Mɑrɑ. Mɑ Enɔku u Mɛtuselɑ mɑrɑ. Mɑ Mɛtuselɑ u Lemɛki mɑrɑ. 
\v 4 Mɑ Lemɛki u mɑɑ Nɔwɛ mɑrɑ. Nɔwɛ wiyɑ u sɑ̃ɑ Sɛmu kɑ Kɑmu kɑ Yɑfɛtin tundo.
\p
\v 5 Be bɑ sɑ̃ɑ Yɑfɛtin bibu, berɑ Gomɛɛ, kɑ Mɑgɔgu, kɑ Mɑdɑi, kɑ Yɑfɑni, kɑ Tubɑli, kɑ Mɛsɛki, kɑ sere mɑɑ Tirɑsi. 
\v 6 Be bɑ sɑ̃ɑ Gomɛɛn bibu, berɑ Asikenɑsi, kɑ Rifɑti, kɑ Togɑɑmɑ. 
\v 7 Be bɑ sɑ̃ɑ Yɑfɑnin bibu, berɑ Elisɑ, kɑ Tɑɑsisɑ, kɑ Kitimu, kɑ sere Dodɑnimu.
\p
\v 8 Kɑmun bibɑ, Kusi, kɑ Misirɑimu, kɑ Puti, kɑ sere Kɑnɑni. 
\v 9 Kusin bibɑ mɑɑ, Sɑbɑ, kɑ Hɑfilɑ, kɑ Sɑbutɑ, kɑ Rɑemɑ, kɑ sere Sɑbutekɑ. Be bɑ sɑ̃ɑ Rɑemɑn bibu, berɑ Sebɑ kɑ Dedɑni. 
\v 10 Kusi u mɑɑ bii mɑrɑ wi bɑ sokumɔ Nimurodu. Wiyɑ u gbiɑ u kuɑ wɔrugɔ dɑmgii hɑnduniɑ sɔɔ. 
\v 11 Misirɑimuwɑ u Ludibɑ mɑrɑ kɑ Anɑnibɑ, kɑ Lehɑbubɑ, kɑ Nɑfitubɑ, 
\v 12 kɑ Pɑturusigibu, kɑ Kɑsulugibu, mìn di Filisitibɑn bweserɑ yɑrimɑ, kɑ sere Kɑfitorigibu. 
\v 13 Kɑnɑniwɑ u Sidoni kɑ Hɛti mɑrɑ. Sidoni wiyɑ u sɑ̃ɑ win bii gbiikoo. 
\v 14 Kɑnɑni win bibu gɑbɑ bɑ kuɑ Yebusibɑ, kɑ Amɔrebɑ, kɑ Girigɑsibɑ, 
\v 15 kɑ Hefibɑ, kɑ Aɑkibɑ, kɑ Sinibɑ, 
\v 16 kɑ mɑɑ Aɑfɑdibɑ, kɑ Semɑrigibu, kɑ Hɑmɑtibɑ.
\p
\v 17 Be bɑ sɑ̃ɑ Sɛmun bibun bweseru, berɑ Elɑmu, kɑ Asuri, kɑ Aɑpɑsɑdi, kɑ Ludi, kɑ Arɑmu, kɑ Usi, kɑ Uli, kɑ Getɛɛ, kɑ sere Mɛsɛki. 
\v 18 Aɑpɑsɑdiwɑ u Selɑ mɑrɑ. Mɑ Selɑ u mɑɑ Heberu mɑrɑ. 
\v 19 Bii tɔn durɔbu yiruwɑ Heberu u mɑrɑ. Gbiikoon yĩsirɑ Pelɛgi. Yĩsi ten tubusiɑnɑ, bɑ bɔnu kuɑ, yèn sɔ̃ win wɑɑti sɔɔrɑ duniɑgibɑ tem bɔnu kuɑ. Win wɔnɔn yĩsirɑ mɑɑ Yokutɑni. 
\v 20 Yokutɑniwɑ u Alimɔdɑdi mɑrɑ, kɑ Selɛfu, kɑ Hɑsɑmɑfɛti, kɑ Yerɑɑ, 
\v 21 kɑ Hɑdorɑmu, kɑ Usɑli, kɑ Dikilɑ, 
\v 22 kɑ Ebɑli kɑ Abimɑɛli, kɑ Sebɑ, kɑ Ofiri, kɑ Hɑfilɑ, kɑ Yobɑbu. 
\v 23 Beni kpurowɑ bɑ sɑ̃ɑ Yokutɑnin bibu.
\p
\v 24 Sɛmuwɑ u Aɑpɑsɑdi mɑrɑ. Mɑ Aɑpɑsɑdi u mɑɑ Selɑ mɑrɑ. 
\v 25 Selɑwɑ u Heberu mɑrɑ. Mɑ Heberu u Pelɛgi mɑrɑ. Mɑ Pelɛgi u mɑɑ Rehu mɑrɑ. 
\v 26 Rehuwɑ u Serugu mɑrɑ. Mɑ Serugu u Nɑkori mɑrɑ. Mɑ Nɑkori u mɑɑ Terɑ mɑrɑ. 
\v 27 Terɑwɑ u Aburɑmu mɑrɑ wi bɑ mɑɑ sokumɔ Aburɑhɑmu.
\p
\v 28 Aburɑhɑmun bibɑ, Isɑki kɑ Isimɛɛli. 
\v 29 Ben bibun bweseru wee.
\p Isimɛɛlin bii gbiikoowɑ Nɛbɑyɔtu. Win wɔnɔbɑ Kedɑɑ, kɑ Adibɛli, kɑ Mibusɑmu, 
\v 30 kɑ Mikimɑ, kɑ Dumɑ, kɑ Mɑsɑ, kɑ Hɑdɑdi, kɑ Temɑ, 
\v 31 kɑ Yeturi, kɑ Nɑfisi, kɑ sere Kɛdimɑ. Beniwɑ bɑ sɑ̃ɑ Isimɛɛlin bibu.
\p
\v 32 Aburɑhɑmun kurɔ wi bɑ mɔ̀ Keturɑ, win bibɑ Simurɑni, kɑ Yokusɑni, kɑ Mɛdɑni, kɑ Mɑdiɑni, kɑ Yisibɑku, kɑ sere Suɑ. Yokusɑnin bibɑ mɑɑ Sebɑ kɑ Dedɑni. 
\v 33 Mɑdiɑnin bibɑ Efɑ, kɑ Efɛɛ, kɑ Enɔku, kɑ Abidɑ, kɑ Ɛlidɑ. Beni kpurowɑ bɑ sɑ̃ɑ Keturɑn bibu kɑ win nikurɔminu.
\p
\v 34 Aburɑhɑmuwɑ u Isɑki mɑrɑ. Isɑkin bibɑ Esɑu kɑ Isireli. 
\v 35 Be bɑ sɑ̃ɑ Esɑun bibu, berɑ Elifɑsi, kɑ Rewɛli, kɑ Yeusi, kɑ Yɑlɑmu, kɑ sere Kore. 
\v 36 Be bɑ sɑ̃ɑ Elifɑsin bibu, berɑ Temɑni, kɑ Omɑɑ, kɑ Sefi, kɑ Gɑtɑmu, kɑ Kenɑsi, kɑ Tinnɑ, kɑ sere Amɑlɛki. 
\v 37 Be bɑ sɑ̃ɑ Rewɛlin bibu, berɑ Nɑhɑti, kɑ Serɑki, kɑ Sɑmɑ, kɑ sere Misɑ. 
\v 38 Seirin bibɑ Lotɑni, kɑ Sobɑli, kɑ Sibeoni, kɑ Anɑ, kɑ Disoni, kɑ Esɛɛ, kɑ sere Disɑni. 
\v 39 Be bɑ sɑ̃ɑ Lotɑnin bibu, berɑ Hori, kɑ Homɑmu. Lotɑnin sesuwɑ Tinnɑ. 
\v 40 Be bɑ sɑ̃ɑ Sobɑlin bibu, berɑ Aliɑni, kɑ Mɑnɑhɑti, kɑ Ebɑli, kɑ Sefi, kɑ sere Onɑmu. Sibeonin bibɑ mɑɑ Ayɑ kɑ Anɑ. 
\v 41 Anɑn biiwɑ Disoni. Disonin bibɑ mɑɑ Hɑmurɑni, kɑ Ɛsibɑni, kɑ Yitirɑni, kɑ sere Kerɑni. 
\v 42 Be bɑ sɑ̃ɑ Esɛɛn bibu, berɑ Bilɑni, kɑ Sɑfɑni, kɑ Yɑkɑni. Be bɑ mɑɑ sɑ̃ɑ Disɑnin bibu, berɑ Usi kɑ Arɑni.
\s1 Edɔmun sinɑmbu
\r (I mɑɑ mɛɛrio Torubu 36:31-43)
\p
\v 43 Sinɑm be bɑ bɑndu di Edɔmuɔ, Isirelibɑ bu sere mɑɑ bɑndu swĩi ben temɔ, berɑ Belɑ, Beorin bii. Win wuun yĩsirɑ Dinɑbɑ. 
\v 44 Ye Belɑ u gu, mɑ Yobɑbu, Serɑkin bii, Botisirɑgii u gɔnɑ kɔsire kuɑ. 
\v 45 Ye Yobɑbu u gu, mɑ Husɑmu, Temɑnigii u gɔnɑ kɔsire kuɑ. 
\v 46 Ye Husɑmu u gu, mɑ Hɑdɑdi, Bedɑdin bii u gɔnɑ kɔsire kuɑ. Wiyɑ u Mɑdiɑnibɑ go Mɔɑbun bɑru kpɑɑnɔ. Win wuuwɑ Afiti. 
\v 47 Ye Hɑdɑdi u gu, mɑ Sɑmulɑ, Mɑsirekɑgii u gɔnɑ kɔsire kuɑ. 
\v 48 Ye Sɑmulɑ u gu, mɑ Sɔɔlu, Rehobɔtugii u gɔnɑ kɔsire kuɑ. Rehobɔtu ye, yɑ wɑ̃ɑwɑ dɑɑ bɑkɑrun berɑ giɑ. 
\v 49 Ye Sɔɔlu u gu, mɑ Bɑɑli Hɑnɑni, Akɑborin bii, u gɔnɑ kɔsire kuɑ. 
\v 50 Ye Bɑɑli Hɑnɑni u gu, mɑ Hɑdɑri, Pɑigii, u gɔnɑ kɔsire kuɑ. Win kurɔn yĩsirɑ Mɛhetɑbɛli, Mɑtiredin bii, Mɛsɑɑbun debubu.
\p
\v 51 Hɑdɑrin gɔɔn biru, Edɔmubɑ bɑ bɑndu bɔnu kuɑwɑ bwese kɛrɑ kɑ bwese kɛrɑ. Be bɑ kuɑ wirugibu bwese kɛri yi sɔɔ, berɑ Tinnɑ, kɑ Alifɑ, kɑ Yetɛti, 
\v 52 kɑ Oholibɑmɑ, kɑ Elɑ, kɑ Pinɔni, 
\v 53 kɑ Kenɑsi, kɑ Temɑni, kɑ Mibisɑɑ, 
\v 54 kɑ Mɑdiɛli, kɑ Irɑmu. Be bɑ kuɑ ben bwese kɛrin wirugibu Edɔmuɔ, berɑ mi.
\c 2
\s1 Yudɑn bibun bweseru
\p
\v 1 Yɑkɔbu wi bɑ mɑɑ sokumɔ Isireli, win bibun yĩsɑ wee. Rubɛni, kɑ Simɛɔ, kɑ Lefi, kɑ Yudɑ, kɑ Isɑkɑri, kɑ Sɑbuloni, 
\v 2 kɑ Dɑnu, kɑ Yosɛfu, kɑ Bɛnyɑmɛɛ, kɑ Nɛfitɑli, kɑ Gɑdi, kɑ Asɛɛ.
\p
\v 3 Be bɑ mɑɑ sɑ̃ɑ Yudɑn bibu, berɑ Eri kɑ Onɑni, kɑ Selɑ. Ben mɛrowɑ Suɑ, Kɑnɑnigii. Eri, Yudɑn bii gbiikoo wi, u kɔ̃sɑ kuɑ Yinni Gusunɔn nɔni sɔɔ, mɑ Yinni Gusunɔ u derɑ u gu. 
\v 4 Tɑmɑɑ Yudɑn biigii kurɔwɑ u nùn Perɛsi kɑ Serɑki mɑruɑ. Mɑ Yudɑn bibu kpuro bɑ kuɑ tɔmbu nɔɔbu. 
\v 5 Be bɑ sɑ̃ɑ Perɛsin bibu, berɑ Hɛsironi, kɑ Hɑmulu. 
\v 6 Serɑkin bibɑ mɑɑ Simiri, kɑ Etɑni, kɑ Hemɑni, kɑ Kɑlikoli, kɑ sere Dɑrɑ. Be kpuro bɑ kuɑwɑ mi tɔmbu nɔɔbu. 
\v 7 Kɑɑmiwɑ u Akɑni mɑrɑ. Akɑni wiyɑ u Isirelibɑ nɔni swɑ̃ɑru kpɛ̃ɛ kɔ̃sɑ ye u kuɑn sɔ̃. U yɑ̃nu suɑ ni Gusunɔ u nɛɛ bu kpeerɑsiɑ mɑm mɑm. 
\v 8 Etɑnin biiwɑ Asɑriɑ. 
\v 9 Be bɑ mɑɑ sɑ̃ɑ Hɛsironin bibu, berɑ Yerɑmɛɛli, kɑ Rɑmu, kɑ Kɑlɛbu, wi bɑ mɑɑ sokumɔ Kelubɑi.
\p
\v 10 Rɑmuwɑ u Aminɑdɑbu mɑrɑ. Mɑ Aminɑdɑbu u mɑɑ Nɑsoni mɑrɑ, wi u kuɑ Yudɑbɑn wirugii. 
\v 11 Nɑsoni wiyɑ u Sɑlumɑ mɑrɑ. Mɑ Sɑlumɑ u mɑɑ Boɑsi mɑrɑ. 
\v 12 Boɑsiwɑ u Yobɛdi mɑrɑ. Mɑ Yobɛdi u mɑɑ Isɑi mɑrɑ. 
\v 13 Eliɑbuwɑ u sɑ̃ɑ Isɑin bii gbiikoo. Mɑ Abinɑdɑbu u sɑ̃ɑ yiruse. Mɑ Sɑmɑ u sɑ̃ɑ itɑse. 
\v 14 Mɑ Nɛtɑnɛɛli u sɑ̃ɑ nnɛse. Mɑ Rɑdɑi u sɑ̃ɑ nɔɔbuse. 
\v 15 Mɑ Osɛmu u sɑ̃ɑ nɔɔbɑ tiɑse. Mɑ Dɑfidi u sɑ̃ɑ nɔɔbɑ yiruse. 
\v 16 Ben sesubɑ Seruyɑ kɑ Abigɑli. Be bɑ sɑ̃ɑ Seruyɑn bibu, berɑ Abisɑi kɑ Yoɑbu kɑ Asɑɛli. Bɑ sɑ̃ɑwɑ mi, be itɑ. 
\v 17 Amɑsɑn mɛrowɑ Abigɑli. Win tundowɑ mɑɑ Yetɛɛ, Isimɛɛli.
\p
\v 18 Kɑlɛbu, Hɛsironin bii u tɔn durɔbu itɑ mɑrɑ kɑ win kurɔ Asubɑ. Berɑ Yesɛɛ kɑ Sobɑbu kɑ Aɑdoni. U mɑɑ kɑ Yeriɔtu mɑrɑ. 
\v 19 Ye Asubɑ u gu, mɑ Kɑlɛbu u Efɑrɑtɑ suɑ kurɔ. Mɑ Efɑrɑtɑ wi, u nùn Huri mɑruɑ. 
\v 20 Huri wiyɑ u Uri mɑrɑ. Mɑ Uri u mɑɑ Bɛsɑlɛli mɑrɑ.
\p
\v 21 Yen biru, ye Hɛsironi u kuɑ wɔ̃ɔ wɑtɑ, yerɑ u Mɑkiri, Gɑlɑdin tundon bii suɑ kurɔ. Mɑ u nùn Segubu mɑruɑ. 
\v 22 Segubu wiyɑ u Yɑiri mɑrɑ. Yɑiri wi, u wusu wɑwɑ yɛndɑ itɑ Gɑlɑdin temɔ. 
\v 23 Adɑmɑ Gesuribɑ kɑ Sirigibu bɑ Yɑirin wuu si wɔri bɑ mwɑ kɑ Kenɑtin wusu kɑ sin bɑru kpɑɑnu kpuro. Su sɑ̃ɑwɑ wusu wɑtɑ. Be bɑ wɑ̃ɑ wuu si sɔɔ kpuro, bɑ sɑ̃ɑwɑ Mɑkiri Gɑlɑdin tundon debuminu. 
\v 24 Hɛsironi, Abiɑn durɔn gɔɔn biru, Kɑlɛbu u mɑɑ kɑ Efɑrɑtɑ mɛnnɑ mɑ u nùn bii tɔn durɔ mɑruɑ wi bɑ sokumɔ Asuri. Asuri wiyɑ u sɑ̃ɑ Tekoɑgibun sikɑdo.
\p
\v 25 Yerɑmɛɛli, Hɛsironin bii gbiikoon bibɑ, Rɑmu, kɑ Bunɑ, kɑ Orɛni, kɑ Osɛmu, kɑ Akiyɑ. Rɑmuwɑ u sɑ̃ɑ ben gbiikoo. 
\v 26 Yerɑmɛɛli wi, u mɑɑ kurɔ goo suɑ wi bɑ sokumɔ Atɑrɑ, Onɑmun mɛro. 
\v 27 Rɑmu, Yerɑmɛɛlin bii gbiikoon bibɑ Mɑɑsi, kɑ Yɑmini, kɑ Ekɛɛ. 
\v 28 Be bɑ sɑ̃ɑ Onɑmun bibu, berɑ Sɑmɑi, kɑ Yɑdɑ. Be bɑ mɑɑ sɑ̃ɑ Sɑmɑin bibu, berɑ Nɑdɑbu kɑ Abisuri. 
\v 29 Abisurin kurɔn yĩsirɑ Abihɑili. Wiyɑ u nùn Akubɑni kɑ Mɔlidi mɑruɑ. 
\v 30 Be bɑ sɑ̃ɑ Nɑdɑbun bibu, berɑ Selɛdi kɑ Apɑimu. Selɛdi wi, u ǹ bii mɑrɑ u kɑ gu. 
\v 31 Apɑimuwɑ u Yisei mɑrɑ. Mɑ Yisei u Sesɑni mɑrɑ. Mɑ Sesɑni u mɑɑ Alɑi mɑrɑ. 
\v 32 Be bɑ sɑ̃ɑ Yɑdɑ, Sɑmɑin wɔnɔn bibu, berɑ Yetɛɛ kɑ Yonɑtɑm. Yetɛɛ wi, u ǹ bii mɑrɑ u kɑ gu. 
\v 33 Be bɑ sɑ̃ɑ Yonɑtɑm bibu, berɑ Pelɛti kɑ Sɑsɑ. Beni kpurowɑ bɑ sɑ̃ɑ Yerɑmɛɛlin bibun bweseru.
\p
\v 34 Sesɑni u ǹ bii tɔn durɔbu mɑrɑ. Bii tɔn kurɔbu tɔnɑwɑ u mɑrɑ. Sesɑni wi, u Egibitigii goo mɔ yoo, wi bɑ rɑ soku Yɑrɑ. 
\v 35 Mɑ Sesɑni u win bii tɔn kurɔ suɑ u Yɑrɑ win yoo Egibitigii wi wɛ̃ u suɑ kurɔ. Mɑ u nùn Atɑi mɑruɑ. 
\v 36 Atɑiwɑ u Nɑtɑni mɑrɑ. Mɑ Nɑtɑni u mɑɑ Sɑbɑdi mɑrɑ. 
\v 37 Sɑbɑdiwɑ u Efilɑli mɑrɑ. Mɑ Efilɑli u Obɛdi mɑrɑ. 
\v 38 Obɛdiwɑ u Yehu mɑrɑ. Mɑ Yehu u mɑɑ Asɑriɑ mɑrɑ. 
\v 39 Asɑriɑwɑ u Hɑlɛsi mɑrɑ. Mɑ Hɑlɛsi u mɑɑ Elɑsɑ mɑrɑ. 
\v 40 Elɑsɑwɑ u Sisimɑi mɑrɑ. Mɑ Sisimɑi u mɑɑ Sɑlumu mɑrɑ. 
\v 41 Sɑlumuwɑ u Yekɑmiɑ mɑrɑ. Mɑ Yekɑmiɑ u Elisɑmɑ mɑrɑ.
\p
\v 42 Kɑlɛbu, Yerɑmɛɛlin mɔɔn bii gbiikoowɑ Mɛsɑ, wi u sɑ̃ɑ Sifun tundo kɑ Mɑresɑ wi u sɑ̃ɑ Heboronin tundo. 
\v 43 Be bɑ sɑ̃ɑ Heboronin bibu, berɑ Kore, kɑ Tɑpuɑ kɑ Rekɛmu, kɑ Semɑ. 
\v 44 Semɑwɑ u Rɑkɑmu, Yɔɔkɑmun tundo mɑrɑ. Rekɛmuwɑ u mɑɑ Sɑmmɑi mɑrɑ. 
\v 45 Sɑmmɑiwɑ u Mɑoni mɑrɑ. Mɑ Mɑoni u Bɛti Suri mɑrɑ. 
\v 46 Efɑ, Kɑlɛbun kurɔ goo, wiyɑ u Hɑrɑni, kɑ Mɔsɑ, kɑ Gɑsɛsi mɑrɑ. Hɑrɑni wi, u mɑɑ bii mɑrɑ mɑ u nùn yĩsiru kɑ̃ Gɑsɛsi. 
\v 47 Be bɑ sɑ̃ɑ Yɑdɑin bibu, berɑ Regɛmu kɑ Yotɑmu, kɑ Gesɑni, kɑ Pelɛti, kɑ Efɑ, kɑ Sɑɑfu. 
\v 48 Mɑɑkɑ, Kɑlɛbun kurɔ goowɑ u Sebɛɛ kɑ Tirɑnɑ mɑrɑ. 
\v 49 Yen biru u mɑɑ Sɑɑfu, Mɑdimɑnɑn tundo mɑrɑ, kɑ Sefɑ, Mɑkibenɑ kɑ Gibeɑn tundo. Kɑlɛbu u bii tɔn kurɔ mɑrɑ. Wiyɑ bɑ mɔ̀ Akusɑ.
\p
\v 50 Win kurɔ Efɑrɑtɑn bii gbiikoowɑ Huri. Bibu itɑwɑ Huri u mɑrɑ. Berɑ Sobɑli wi u sɑ̃ɑ Kiriɑti Yɑrimun kɑbɑ wuko, 
\v 51 kɑ Sɑlumɑ, Bɛtelehɛmun kɑbɑ wuko, kɑ Hɑrɛfu, Bɛti Gedɛɛn kɑbɑ wuko. 
\v 52 Be bɑ sɑ̃ɑ Sobɑli, Kiriɑti Yɑrimun kɑbɑ wukon bweseru, berɑ Hɑroegibu, kɑ Mɛnuhɔtugibun sukum, 
\v 53 kɑ bwese kɛri yi yi wɑ̃ɑ Kiriɑti Yɑrimuɔ. Yiyɑ Yetɛɛbɑ, kɑ Putibɑ, kɑ Sumɑtibɑ, kɑ Misirɑibɑ. Bwese kɛri yin min diyɑ Soreɑgibu kɑ Ɛsitɑoligibu bɑ yɑrɑ.
\p
\v 54 Sɑlumɑn min diyɑ Bɛtelehɛmugibu bɑ yɑrɑ kɑ Nɛtofɑgibu, kɑ Atɑrɔtu Bɛti Yoɑbugibu, kɑ Mɑnɑhɑtigibun sukum, kɑ Soreɑgibu, 
\v 55 kɑ be bɑ rɑ tirenu yore bɑ kɑ wɑ̃ɑ Yɑbɛsiɔ. Berɑ Tireɑtigibu kɑ Simɛɑtigibu kɑ Sukɑtigibu. Bɑ sɑ̃ɑwɑ Kenibɑ be bɑ yɑrɑ Hɑmɑtin bweserun di wi u sɑ̃ɑ Rekɑbun bweserun sikɑdo.
\c 3
\s1 Dɑfidin bibun bweserun tɔ̃kɑ
\p
\v 1 Bii be Dɑfidi u mɑrɑ Heboroniɔ ben yĩsɑ wee. Amɔɔ, Akinɔɑmu Yisirɛɛligiin biiwɑ u sɑ̃ɑ gbiikoo. Mɑ Dɑniɛli, Abigɑli, Kɑɑmɛligiin bii u sɑ̃ɑ yiruse. 
\v 2 Mɑ Abusɑlɔmu, Mɑɑkɑn bii u sɑ̃ɑ itɑse. Mɑɑkɑ wi, u sɑ̃ɑwɑ Tɑlimɑi, Gesurin sinɑ bokon bii. Mɑ Adoniyɑ, Hɑgitin bii u sɑ̃ɑ nnɛse. 
\v 3 Mɑ Sefɑtiɑ, Abitɑlin bii u sɑ̃ɑ nɔɔbuse. Mɑ Yitireɑmu, Egilɑn bii u sɑ̃ɑ nɔɔbɑ tiɑse. Egilɑ wi, u mɑɑ sɑ̃ɑwɑ Dɑfidin kurɔbun turo. 
\v 4 Be nɔɔbɑ tiɑ yerɑ bɑ nùn mɑruɑ Heboroniɔ. Dɑfidi u bɑndu diwɑ Heboroni mi wɔ̃ɔ nɔɔbɑ yiru kɑ suru nɔɔbɑ tiɑ. Yen biruwɑ u mɑɑ bɑndu di Yerusɑlɛmuɔ wɔ̃ɔ tɛnɑ kɑ itɑ. 
\v 5 Bii be u mɑɑ mɑrɑ Yerusɑlɛmuɔ, berɑ Simɛɑ, kɑ Sobɑbu, kɑ Nɑtɑni kɑ Sɑlomɔɔ. Bibu nnɛ ye, yɑ sɑ̃ɑwɑ Bɑti Sebɑ, Amiɛlin biin bibu. 
\v 6 Dɑfidi u mɑɑ bibu gɑbu mɑrɑ. Berɑ Yibɑɑ, kɑ Elisuɑ, kɑ Elifelɛti, 
\v 7 kɑ Nɔgɑ, kɑ Nɛfɛgi, kɑ Yɑfiɑ, kɑ Elisɑmɑ, 
\v 8 kɑ Eliɑdɑ, kɑ Elifelɛti. Bɑ sɑ̃ɑwɑ mi be nɔɔbɑ nnɛ. 
\v 9 Be bɑ sɑ̃ɑ Dɑfidin bibu berɑ mi, win kurɔbu gɑbun bibu bɑɑsi. Ben sesuwɑ Tɑmɑɑ.
\p
\v 10 Sɑlomɔɔwɑ u Roboɑmu mɑrɑ. Mɑ Roboɑmu u Abiyɑ mɑrɑ. Mɑ Abiɑ u Asɑ mɑrɑ. Mɑ Asɑ u Yosɑfɑti mɑrɑ. 
\v 11 Mɑ Yosɑfɑti u Yorɑmu mɑrɑ. Mɑ Yorɑmu u Akɑsiɑ mɑrɑ. Mɑ Akɑsiɑ u Yoɑsi mɑrɑ. 
\v 12 Mɑ Yoɑsi u Amɑsiɑ mɑrɑ. Mɑ Amɑsiɑ u Asɑriɑ mɑrɑ. Mɑ Asɑriɑ u Yotɑmu mɑrɑ. 
\v 13 Mɑ Yotɑmu u Akɑsi mɑrɑ. Mɑ Akɑsi u Esekiɑsi mɑrɑ. Mɑ Esekiɑsi u Mɑnɑse mɑrɑ. 
\v 14 Mɑ Mɑnɑse u Amɔɔ mɑrɑ. Mɑ Amɔɔ u Yosiɑsi mɑrɑ. 
\v 15 Be bɑ sɑ̃ɑ Yosiɑsin bibu, be wee. Yohɑnɑniwɑ u sɑ̃ɑ gbiikoo. Mɑ Yoyɑkimu u sɑ̃ɑ yiruse. Mɑ Sedesiɑsi u sɑ̃ɑ itɑse. Mɑ Sɑlumu u sɑ̃ɑ nnɛse. 
\v 16 Be bɑ sɑ̃ɑ Yoyɑkimun bibu, berɑ Yekoniɑ kɑ Sedesiɑsi.
\p
\v 17 Be bɑ mɑɑ sɑ̃ɑ Yekoniɑn bibu, berɑ Asiri wi u Seɑlitiɛli mɑrɑ, 
\v 18 kɑ Mɑɑkirɑmu, kɑ Pedɑyɑ, kɑ Senɑsɑɑ, kɑ Yekɑmiɑ, kɑ Hosɑmɑ, kɑ Nɛdɑbiɑ. 
\v 19 Be bɑ sɑ̃ɑ Pedɑyɑn bibu, berɑ Sorobɑbɛli kɑ Simɛi. Be bɑ mɑɑ sɑ̃ɑ Sorobɑbɛlin bibu, berɑ Mɛsulɑmu kɑ Hɑnɑniɑ. Selomitiwɑ u sɑ̃ɑ ben sesu. 
\v 20 Pedɑyɑ wi, u mɑɑ bibu nɔɔbu gɑbu mɑrɑ. Berɑ Hɑsubɑ, kɑ Ohɛli, kɑ Berekiɑ, kɑ Hɑsɑdiɑ, kɑ Yusɑbu Hesɛdi.
\p
\v 21 Be bɑ sɑ̃ɑ Hɑnɑniɑn bibun bweseru, berɑ Pelɑtiɑ, kɑ Esɑi, kɑ Refɑyɑn bibu, kɑ Anɑnin bibu, kɑ Abudiɑsin bibu, kɑ Sekɑniɑn bibu. 
\v 22 Bibu nɔɔbɑ tiɑ Sekɑniɑ u mɑrɑ. Berɑ Semɑyɑ, kɑ Hɑtusi, kɑ Yigeɑli, kɑ Bɑriɑki, kɑ Nɛɑriɑ, kɑ Sɑfɑti. 
\v 23 Bibu itɑwɑ Nɛɑriɑ u mɑrɑ. Berɑ Elionɑi, kɑ Esekiɑsi, kɑ Asirikɑmu. 
\v 24 Be bɑ mɑɑ sɑ̃ɑ Elionɑin bibu, berɑ Hodɑfiɑ, kɑ Eliɑsibu, kɑ Pelɑyɑ, kɑ Akubu, kɑ Yokɑnɑni, kɑ Delɑyɑ, kɑ Anɑni. Bɑ mɑɑ sɑ̃ɑwɑ mi be nɔɔbɑ yiru.
\c 4
\s1 Yudɑn bibun bweseru
\p
\v 1 Be bɑ sɑ̃ɑ Yudɑn bibu, berɑ Perɛsi, kɑ Hɛsironi, kɑ Kɑɑmi, kɑ Huri, kɑ Sobɑli. 
\v 2 Reɑyɑ, Sobɑlin biiwɑ u Yɑsɑti mɑrɑ. Mɑ Yɑsɑti u Akumɑi kɑ Lɑhɑdi mɑrɑ. Berɑ bɑ sɑ̃ɑ Soreɑn bweserun tɔ̃kɑ.
\p
\v 3-4 Huri, Efɑrɑtɑn bii gbiikoo, Bɛtelehɛmun kɑbɑ wuko, u bibu mɑrɑ. Berɑ Etɑmu, kɑ Yisirɛɛli, kɑ Yisimɑ, kɑ Yidibɑsi, kɑ ben sesu Hɛsɛlɛponi, kɑ Penuɛli, Gedorin kɑbɑ wuko, kɑ Esɛɛ, Husɑn kɑbɑ wuko.
\p
\v 5 Kurɔbu yiruwɑ Asuri, Tekoɑn kɑbɑ wuko u mɔ. Berɑ Heleɑ kɑ Nɑɑrɑ. 
\v 6 Be Nɑɑrɑ u nùn mɑruɑ, berɑ Akusɑmu, kɑ Hefɛɛ, kɑ Temɛni, kɑ Akɑsitɑri. 
\v 7 Be bɑ sɑ̃ɑ Heleɑn bibu, berɑ Serɛti, kɑ Sokɑɑ, kɑ Ɛtinɑni.
\p
\v 8 Kɔsiwɑ u Anubu kɑ Sobebɑ mɑrɑ. Hosi win min diyɑ Akɑɑkɛli, Hɑrumun biin bwese tɔ̃kɑ yɑ yɑrɑ.
\p
\v 9 Yɑbɛsi u bɛɛrɛ mɔ n kere win wɔnɔbu. Win mɛro u nùn yĩsi te kɑ̃wɑ yèn sɔ̃ u wɑhɑlɑ kuɑ win mɑrubu sɔɔ. 
\v 10 Yɑbɛsi wi, u kɑnɑru kuɑ u nɛɛ, Gusunɔ, Isirelibɑn Yinni, ɑ de wunɛn domɑru tɑ n mɑn wɑ̃ɑsi. A nɛn tem kpɑ̃ɑru sosio. A wunɛn nɔmu dɛmiɔ ɑ mɑn kɔ̃su. Kpɑ ɑ de nɔni swɑ̃ɑru kɑ wɑhɑlɑ yu kɑ mɑn tondɑ.
\p Mɑ Gusunɔ u nùn kuɑ ye u bikiɑ.
\p
\v 11 Kelubu, Sukɑn mɔɔwɑ u Mɛkiri, Ɛsitonin tundo mɑrɑ. 
\v 12 Ɛsitoniwɑ u sɑ̃ɑ Rɑfɑ kɑ Pɑseɑki kɑ Tekinɑn yɛnugibun sikɑdo. Tekinɑ wiyɑ u wuu ge bɑ mɔ̀ Nɑkɑsi swĩi. Ben bibun bweserɑ tɑ sinɑ Rekɑɔ.
\p
\v 13 Be bɑ sɑ̃ɑ Kenɑsin bibu, berɑ Otiniɛli kɑ Serɑyɑ. Otiniɛlin biiwɑ mɑɑ Hɑtɑti. 
\v 14 Mɛnɔtɑiwɑ u Ofɑrɑ mɑrɑ. Mɑ Serɑyɑ u mɑɑ Yoɑbu mɑrɑ. Yoɑbu wiyɑ u sɑ̃ɑ sɔm kowobun sikɑdo be bɑ wɑ̃ɑ wɔwɑɔ ye bɑ mɔ̀ Nɔmɑn sɔm kowobun wɔwɑ.
\p
\v 15 Kɑlɛbu, Yɛfunɛn biiwɑ u Iru kɑ Elɑ kɑ Nɑɑmu mɑrɑ. Elɑwɑ u mɑɑ Kenɑsi mɑrɑ.
\p
\v 16 Be bɑ sɑ̃ɑ Yehɑlɛɛlin bibu, berɑ Sifu, kɑ Sifɑ, kɑ Tiriɑ, kɑ Asɑrɛli.
\p
\v 17-18 Ɛsidɑrɑsin bibɑ Yetɛɛ, kɑ Mɛrɛdi, kɑ Efɛɛ, kɑ Yɑloni. Mɛrɛdi u Bitiyɑ Egibiti sunɔn bii wɔndiɑ suɑ kurɔ, mɑ u nùn Mɑriɑmu kɑ Sɑmɑi kɑ Yisibɑ mɑruɑ. Yisibɑ wiyɑ u wuu ge bɑ mɔ̀ Ɛsitemɔɑ swĩi. Mɑ Mɛrɛdi wi, u mɑɑ kurɔ Yudɑ goo suɑ. Wiyɑ u Yerɛdi mɑrɑ, kɑ Hebɛɛ, kɑ Yekutiɛli. Yerɛdiwɑ u wuu ge bɑ mɔ̀ Gedori swĩi, mɑ Hebɛɛ u mɑɑ Soko swĩi, mɑ Yekutiɛli u mɑɑ Sɑnɔɑ swĩi.
\p
\v 19 Hodiyɑwɑ u Nɑkɑmun sesu suɑ kurɔ. Win bibun bweserɑ Gɑɑmibɑ be bɑ wɑ̃ɑ Keilɑɔ kɑ sere Mɑɑkɑgibu be bɑ wɑ̃ɑ Ɛsitemɔɑɔ.
\p
\v 20 Be bɑ sɑ̃ɑ Simɔɔn bibu, berɑ Amɔɔ, kɑ Rinɑ, kɑ Bɛni Hɑnɑni, kɑ Tiloni. Be bɑ mɑɑ sɑ̃ɑ Yisein bibun bweseru, berɑ Sokɛti kɑ win bii.
\p
\v 21 Be bɑ sɑ̃ɑ Selɑ, Yudɑn biin bweseru, berɑ Eri, wi u wuu ge bɑ mɔ̀ Lekɑ swĩi, kɑ Lɑdɑ, wi u mɑɑ Mɑresɑ swĩi, kɑ sere mɑɑ bwese te tɑ rɑ bekɑ wesi kɑ wɛ̃ɛ dɑmgii Bɛti Asibeɑɔ, 
\v 22 kɑ Yokimu kɑ tɔn be bɑ wɑ̃ɑ Kosebɑɔ kɑ Yoɑsi kɑ Sɑrɑfu be bɑ Mɔɑbubɑ suɑ kurɔbu, bɑ sere nɑ bɑ sinɑ Lesɛmuɔ. Yeni yɑ koorɑwɑ yee yellun di. 
\v 23 Ben bibun bweserɑ tɑ rɑ wekenu mɔm. Bɑ rɑ n wɑ̃ɑ dɑ̃ɑ gbɑɑnɔ kɑ kpɑrɑ yenɔ bɑ n sinɑ boko sɔmburu kuɑmmɛ.
\s1 Simɛɔn bibun bweseru
\p
\v 24 Be bɑ sɑ̃ɑ Simɛɔn bibun bweseru, berɑ Nɛmuɛli, kɑ Yɑmini, kɑ Yɑribu, kɑ Serɑki, kɑ Sɔɔlu. 
\v 25 Ye Sɔɔlu u seewɑ, yerɑ u Sɑlumu mɑrɑ. Mɑ Sɑlumu u mɑɑ seewɑ u Mibusɑmu mɑrɑ. Mɑ Mibusɑmu u mɑɑ Misɑmɑ mɑrɑ. 
\v 26 Ye Misɑmɑ u seewɑ, yerɑ u Hɑmuɛli mɑrɑ. Mɑ Hɑmuɛli u mɑɑ seewɑ u Sɑkuri mɑrɑ. Mɑ Sɑkuri u mɑɑ Simɛi mɑrɑ. 
\v 27 Bii tɔn durɔbu wɔkurɑ nɔɔbu kɑ tiɑ Simɛi u mɑrɑ kɑ sere bii tɔn kurɔbu nɔɔbɑ tiɑ. Ben bweseru tɑ ǹ mɑrɑ n dɑbi. Yen sɔ̃nɑ tɑ ǹ kuure too nge Yudɑn bweseru.
\p
\v 28-31 Wuu sì sɔɔ bɑ wɑ̃ɑ sere n kɑ girɑri Dɑfidin bɑndun wɑɑti sɔɔ, si kɑ sin bɑru kpɑɑnu, siyɑ Beri Sebɑ, kɑ Mɔlɑdɑ, kɑ Hɑsɑɑ Suɑli, kɑ Bilɑ, kɑ Ɛtisɛmu, kɑ Tolɑdi, kɑ Bɛtuɛli, kɑ Hɔɔmɑ, kɑ Sikilɑgi, kɑ Bɛti Mɑɑkɑbɔti, kɑ Hɑsɑɑ Susimu, kɑ Bɛti Bire, kɑ Sɑɑrɑimu, 
\v 32 kɑ mɑɑ wusu nɔɔbu yeni, Etɑmu, kɑ Aini, kɑ Rimɔɔ, kɑ Tokɛni, kɑ Asɑni, 
\v 33 kɑ sere mɑɑ wuu si su kɑ bu sikerenɛ kɑ sin bɑru kpɑɑnu n kɑ girɑri sere Bɑlɑtiɔ. Ye bɑ yoruɑ ben wɑ̃ɑ yenu kɑ ben bwese tɔ̃kɑn sɔ̃, yerɑ mi.
\p
\v 34 Be bɑ sɑ̃ɑ Simɛɔn bwese kɛrɑn wirugibu, berɑ Mɛsobɑbu, kɑ Yɑmulɛki, kɑ Yosɑ, Amɑsiɑn bii, 
\v 35 kɑ Yoɛli kɑ Yehu, Yosibiɑn bii, Serɑyɑn debubu, Asiɛlin sikɑdobu, 
\v 36 kɑ Elionɑi, kɑ Yɑɑkobɑ, kɑ Yesosɑyɑ, kɑ Asɑyɑ, kɑ Adiɛli, kɑ Yesimiɛli, kɑ Bɛnɑyɑ, 
\v 37 kɑ Sisɑ, Sifein bii, Alonin debubu, Yedɑyɑ kɑ Simuri kɑ Semɑyɑn sikɑdobu. 
\v 38 Beniwɑ bɑ sɑ̃ɑ wirugibu ben bwese kɛri sɔɔ. Mɑ ben bweserɑ mɑrurɑ bɑ dɑbiɑ. 
\v 39 Mɑ bɑ dɑ Gedorin berɑ giɑ n kɑ dɑ wɔwɑn sɔ̃ɔ yɑri yeru giɑ bu kɑ yɑkɑsu kɑsu ben yɑɑ sɑbenun sɔ̃. 
\v 40 Bɑ yɑkɑ geesu wɑ mi. Ben tem mɛ, mu kpɑ̃. Mɑ mu wɑ̃ɑ bɔri yɛndu sɔɔ. Domi be bɑ rɑɑ wɑ̃ɑ mi yellu bɑ sɑ̃ɑwɑ Kɑmun bweseru. 
\v 41 Esekiɑsi, Yudɑbɑn sinɑ bokon wɑɑti sɔɔrɑ tɔn be, bɑ nɑ tem mɛ sɔɔ, mɑ bɑ Mɑonibɑ kpeerɑsiɑ mɑm mɑm. Mɑ bɑ ben kunu wɔri bɑ kɔsukɑ. Mɑ bɑ sinɑ tem mɛ sɔɔ. Domi yɑkɑsu wɑ̃ɑ mi, ben yɑ̃ɑnun sɔ̃.
\p
\v 42 Simɛɔn bwese kɛrɑn tɔmbu gɑbu bɑ dɑ Seirin guurɔ. Ben geerɑ sɑ̃ɑwɑ tɔmbu nɛɛrɑ wunɔbu (500). Be bɑ mɑɑ sɑ̃ɑ ben wirugibu, berɑ Pelɑtiɑ, kɑ Nɛɑriɑ, kɑ Refɑyɑ, kɑ Usiɛli, Yisein bii. 
\v 43 Mɑ bɑ Amɑlɛki be bɑ tie mi go. Mɑ bɑ sinɑ mi, sere kɑ gisɔn gisɔ.
\c 5
\s1 Rubɛnin bwese kɛrɑn tɔmbu
\p
\v 1 Rubɛni u sɑ̃ɑwɑ Isirelin bii gbiikoo. N deemɑ Rubɛni wi, u kɑ win tundon kurɔ kpunɑ. Mɑ bɑ win yerumɑru mwɑ bɑ win wɔnɔ Yosɛfun bibu wɛ̃. Yen sɔ̃nɑ bɑ ǹ win bwese kɛrɑn tɔmbun yĩsɑ tireru doke yerumɑrun swɑɑ sɔɔ. 
\v 2 Isirelin bii be sɔɔ, Yudɑwɑ u dɑm bo. Win bwese kɛrɑn diyɑ kpɑro u yɑrɑ. Adɑmɑ Yosɛfun bibɑ bɑ yerumɑru wɛ̃.
\p
\v 3 Be bɑ sɑ̃ɑ Rubɛni, Isirelin bii gbiikoon bibu, berɑ Enɔku, kɑ Pɑɑlu, kɑ Hɛsironi, kɑ Kɑɑmi.
\p
\v 4 Yoɛliwɑ u Semɑyɑ mɑrɑ. Mɑ Semɑyɑ u seewɑ u Gɔgu mɑrɑ. Mɑ Gɔgu u mɑɑ seewɑ u Simɛi mɑrɑ. 
\v 5 Ye Simɛi u seewɑ, mɑ u Misee mɑrɑ, mɑ Misee u seewɑ u Reɑyɑ mɑrɑ. 
\v 6 Mɑ Reɑyɑ u seewɑ u Bɑɑli mɑrɑ. Mɑ Bɑɑli u seewɑ u Beerɑ mɑrɑ. Wiyɑ u sɑ̃ɑ Rubɛnibɑn wirugii. Wiyɑ Tigilɑti Pilesɛɛ, Asirin sinɑ boko u yoru mwɑ.
\p
\v 7 Beerɑn tɔmbun yĩsɑ wee nge mɛ bɑ kɑ bu tireru doke yɛnu kɑ yɛnu, bwese kɛrɑ kɑ bwese kɛrɑ, kɑ nge mɛ bɑ kɑ kerɑnɛ. Yeyɛliwɑ u sɑ̃ɑ ben gbiikoo. Mɑ Sɑkɑri u swĩi, 
\v 8 kɑ Belɑ, Asɑsin bii, Semɑn debubu, Yoɛlin sikɑdobu.
\p Belɑn temɑ Aroɛɛn di, n kɑ dɑ guu te bɑ mɔ̀ Nɛboɔ, sere kɑ Bɑɑli Mɛɔniɔ. 
\v 9 Sɔ̃ɔ yɑri yeru giɑ, win tem mu wɑ̃ɑwɑ sɑɑ Efɑrɑtin dɑɑrun di sere n kɑ dɑ gbɑburun duu yerɔ. Domi ben yɑɑ sɑbenu nu dɑbiɑ Gɑlɑdin tem mɛ sɔɔ. 
\v 10 Sɔɔlu, sinɑ bokon wɑɑti sɔɔ, bɑ kɑ Hɑgɑrenibɑ tɑbu kuɑ bɑ kɑmiɑ. Mɑ bɑ sinɑ ben wɑ̃ɑ yenɔ Gɑlɑdin sɔ̃ɔ yɑri yerun berɑ giɑ kpuro.
\s1 Gɑdin bwese kɛrɑn tɔmbu
\p
\v 11 Gɑdin bwese kɛrɑn tɔmbu bɑ sinɑ Rubɛnibɑn deedeeru sɔ̃ɔ yɛ̃sɑn nɔm geu giɑ, Bɑsɑnin temɔ sere n kɑ girɑri Sɑlikɑɔ sɔɔ yɑri yeru giɑ. 
\v 12 Yoɛlin bwese kɛrɑ yɑ kpɑ̃ɑru bo. Mɑ Sɑfɑmugiɑ yɑ sɑ̃ɑ yiruse. Mɑ Yɑnɑigiɑ kɑ Sɑfɑtigiɑ yɑ wɑ̃ɑ Bɑsɑniɔ. 
\v 13 Bwese kɛri nɔɔbɑ yiru gɛɛ mɑɑ wɑ̃ɑ. Yiyɑ Mikɑɛlin bwese kɛrɑ, kɑ Mɛsulɑmugiɑ, kɑ Sebɑgiɑ, kɑ Yorɑigiɑ, kɑ Yɑkɑnigiɑ, kɑ Siɑgiɑ, kɑ sere Ebɛɛgiɑ. 
\v 14 Be bɑ sɑ̃ɑ Abihɑilin bibun bweseru, berɑ Huri, kɑ Yɑroɑsi, kɑ Gɑlɑdi, kɑ Mikɑɛli, kɑ Yɛsisɑi, kɑ Yɑdo, kɑ sere Busi. 
\v 15 Aki, Abudiɛlin bii, Gunin debubuwɑ u sɑ̃ɑ ben wirugii. 
\v 16 Gɑdin bwese kɛrin tɔn be, bɑ wɑ̃ɑwɑ Gɑlɑdiɔ kɑ Bɑsɑniɔ kɑ yen bɑru kpɑɑnɔ kɑ yen kpɑrɑ yenɔ sɑɑ Sɑronin di n kɑ dɑ yen nɔɔ burɑ yenɔ.
\p
\v 17 Bɑ ben bwese kɛri yi kpuro tireru dokewɑ nge mɛ yi kɑ swĩinɛ, Yotɑmu Yudɑbɑn sinɑ boko kɑ Yeroboɑmu Isirelibɑn sinɑ bokon wɑɑti sɔɔ.
\p
\v 18 Rubɛnin bwese kɛrɑ kɑ Gɑdigiɑ kɑ sere Mɑnɑsen bwese kɛrɑn bɔnu bɑ tɑbu durɔ dɑmgibu mɔ be bɑ koo kpĩ bu tɛrɛru kɑ tɑkobi nɛnɛ kpɑ bu tɛndu to. Bɑ mɑɑ tɑbu tobu yɛ̃ gem gem. Ben geerɑ sɑ̃ɑwɑ tɔmbu nɔrɔbun subɑ weeru kɑ nnɛ kɑ tɔmbu nɑtɑ kɑ wunɔbu kɑ wɑtɑ (44.760). Bɑ mɑɑ sɔɔru sɑ̃ɑ bu kɑ tɑbu to. 
\v 19 Mɑ bɑ Hɑgɑrenibɑ kɑ Yeturigibu, kɑ Nɑfisigibu, kɑ Nɔdɑbugibu tɑbu wɔri. 
\v 20 Sɑnɑm mɛ bɑ tɑɑ bi mɔ̀, bɑ Yinni Gusunɔ somiru kɑnɑ domi bɑ ben nɑɑnɛ doke wi sɔɔ. Mɑ bɑ Hɑgɑrenigii be, kɑ be bɑ bu somiru nɑ kɑmiɑ. 
\v 21 Mɑ bɑ ben yɑɑ sɑbenu mwɛɛrɑ. Niyɑ yooyoosu nɔrɔbun subɑ weerɑɑkuru (50.000) kɑ yɑ̃ɑ ninu nɔrɔbun subɑ goobu kɑ weerɑɑkuru (250.000) kɑ kɛtɛkunu nɔrɔbun subɑ yiru (2.000) kɑ sere tɔmbu nɔrɔbun subɑ wunɔbu (100.000). 
\v 22 Tɔn be bɑ go tɑɑ bi sɔɔ, bɑ dɑbi. Domi Yinni Gusunɔwɑ u derɑ n koorɑ mɛ. Mɑ bɑ sinɑ tem mi sere n kɑ turɑ sɑɑ ye bɑ bu yoru mwɑ bɑ kɑ doonɑ.
\s1 Mɑnɑsen bwese kɛrɑ
\p
\v 23 Mɑnɑsen bwese kɛrɑn sukum mu nɑ mu sinɑwɑ tem mɛ mu wɑ̃ɑ Bɑsɑniɔ, n kɑ dɑ Bɑɑli Hɛɛmɔɔwɔ kɑ Seniriɔ, sere kɑ guu te bɑ mɔ̀ Hɛɛmɔɔ. Tɔn be, bɑ dɑbi. 
\v 24 Ben wirugibun yĩsɑ wee. Efɛɛ, kɑ Yisei, kɑ Eliɛli, kɑ Asiriɛli, kɑ Yeremi, kɑ Hodɑfiɑ, kɑ Yɑdiɛli. Bɑ sɑ̃ɑwɑ tɔn durɔ wɔrugɔbɑ, mɑ bɑ yĩsiru yɑrɑ.
\p
\v 25 Adɑmɑ bɑ Gusunɔ ben bɑɑbɑbɑn Yinni torɑri. Bɑ bwese tukunun bũnu sɑ̃wɑ ni u rɑɑ kɑm koosiɑ. 
\v 26 Yen sɔ̃nɑ wi, Gusunɔ Isirelibɑn Yinni u derɑ Asirin sinɑm beni, Pulu kɑ Tigilɑti Pilesɛɛ bɑ Rubɛnibɑ, kɑ Gɑdibɑ, kɑ Mɑnɑsen bwese kɛrɑn sukum yoru mwɛɛrɑ bɑ kɑ dɑ Sɑlɑsiɔ, kɑ Sɑboriɔ, kɑ Hɑrɑɔ, kɑ sere Gosɑnin dɑɑrun bɔkuɔ. Miyɑ bɑ wɑ̃ɑ sere kɑ gisɔ.
\c 6
\s1 Lefi be bɑ sɑ̃ɑ yɑ̃ku kowo
\s2 tɔnwerobu
\p
\v 1 Be bɑ sɑ̃ɑ Lefin bibu, berɑ Gɛɛsɔni, kɑ Kehɑti, kɑ Mɛrɑri. 
\v 2 Ye Kehɑti u seewɑ, mɑ u Amurɑmu kɑ Yisehɑri kɑ Heboroni kɑ Usiɛli mɑrɑ. 
\v 3 Ye Amurɑmu u seewɑ, mɑ u Aroni kɑ Mɔwisi kɑ Mɑriɑmu mɑrɑ. Mɑ Aroni u mɑɑ seewɑ u Nɑdɑbu kɑ Abihu kɑ Eleɑsɑɑ kɑ Itɑmɑɑ mɑrɑ. 
\v 4 Ye Eleɑsɑɑ u seewɑ, mɑ u Finɛɛsi mɑrɑ. Mɑ Finɛɛsi u seewɑ u Abisuɑ mɑrɑ. 
\v 5 Ye Abisuɑ u seewɑ mɑ u Buki mɑrɑ. Mɑ Buki u seewɑ u Usi mɑrɑ. 
\v 6 Ye Usi u seewɑ, mɑ u Serɑyɑ mɑrɑ. Mɑ Serɑyɑ u seewɑ u Mɛrɑyɔtu mɑrɑ. 
\v 7 Ye Mɛrɑyɔtu u seewɑ, mɑ u Amɑriɑ mɑrɑ. Mɑ Amɑriɑ u seewɑ u Akitubu mɑrɑ. 
\v 8 Ye Akitubu u seewɑ, mɑ u Sɑdɔku mɑrɑ. Mɑ Sɑdɔku u seewɑ u Akimɑsi mɑrɑ. 
\v 9 Ye Akimɑsi u seewɑ, mɑ u Asɑriɑ mɑrɑ. Mɑ Asɑriɑ u seewɑ u Yokɑnɑni mɑrɑ. 
\v 10 Ye Yokɑnɑni u seewɑ, mɑ u Asɑriɑ mɑrɑ. Asɑriɑ wiyɑ u rɑ yɑ̃kunu ko Yinni Gusunɔn sɑ̃ɑ yerɔ te Sɑlomɔɔ u bɑnɑ Yerusɑlɛmuɔ. 
\v 11 Ye Asɑriɑ wi, u seewɑ, mɑ u Amɑriɑ mɑrɑ. Mɑ Amɑriɑ u seewɑ u Akitubu mɑrɑ. 
\v 12 Ye Akitubu u seewɑ mɑ u Sɑdɔku mɑrɑ. Mɑ Sɑdɔku u seewɑ u Sɑlumu mɑrɑ. 
\v 13 Ye Sɑlumu u seewɑ, mɑ u Hilikiyɑ mɑrɑ. Mɑ Hilikiyɑ u seewɑ u Asɑriɑ mɑrɑ. 
\v 14 Ye Asɑriɑ u seewɑ mɑ u Serɑyɑ mɑrɑ. Mɑ Serɑyɑ u seewɑ u Yosɑdɑki mɑrɑ. 
\v 15 Sɑnɑm mɛ Yinni Gusunɔ u derɑ Nɛbukɑnɛsɑɑ u Yudɑbɑ kɑ Yerusɑlɛmugibu yoru mwɛɛrɑ u kɑ doonɑ, kɑ Yosɑdɑki wi sɑnnɑ mi.
\s1 Lefin bwese kɛrɑn
\s2 tɔmbu gɑbu
\p
\v 16 Lefiwɑ u Gɛɛsɔni kɑ Kehɑti kɑ Mɛrɑri mɑrɑ. 
\v 17 Ye Gɛɛsɔni u seewɑ, mɑ u Libini kɑ Simɛi mɑrɑ. 
\v 18 Be bɑ sɑ̃ɑ Kehɑtin bibu, berɑ Amurɑmu, kɑ Yisehɑri, kɑ Heboroni, kɑ Usiɛli. 
\v 19 Be bɑ mɑɑ sɑ̃ɑ Mɛrɑrin bibu, berɑ Mɑkili kɑ Musi. Beni kpurowɑ bɑ kuɑ wirugibu Lefin bwese kɛri sɔɔ.
\p
\v 20 Mɑ Gɛɛsɔni u seewɑ u Libini mɑrɑ. Mɑ Libini u seewɑ u Yɑsɑti mɑrɑ. Mɑ Yɑsɑti u seewɑ u Simmɑ mɑrɑ. 
\v 21 Mɑ Simmɑ u seewɑ u Yoɑsi mɑrɑ. Mɑ Yoɑsi u seewɑ u Ido mɑrɑ. Mɑ Ido u seewɑ u Serɑki mɑrɑ. Mɑ Serɑki u seewɑ u Yɑtɑrɑi mɑrɑ.
\p
\v 22 Kehɑtibɑ sɔɔ, Kehɑti u seewɑ u Aminɑdɑbu mɑrɑ. Mɑ Aminɑdɑbu u seewɑ u Kore mɑrɑ. Mɑ Kore u seewɑ u Asiri mɑrɑ. 
\v 23 Mɑ Asiri u seewɑ u Ɛlikɑnɑ mɑrɑ. Mɑ Ɛlikɑnɑ u seewɑ u Abiɑsɑfu mɑrɑ. Mɑ Abiɑsɑfu u seewɑ u Asiri mɑrɑ. 
\v 24 Mɑ Asiri u seewɑ u Tɑhɑti mɑrɑ. Mɑ Tɑhɑti u seewɑ u Uriɛli mɑrɑ. Mɑ Uriɛli u seewɑ u Osiɑsi mɑrɑ. Mɑ Osiɑsi u seewɑ u Sɔɔlu mɑrɑ.
\p
\v 25 Be bɑ sɑ̃ɑ Ɛlikɑnɑn bibu gɑbu, berɑ Amɑsɑi kɑ Akimɔti. 
\v 26 Ahimɔtin bweseru sɔɔ, Akimɔti u seewɑ u Ɛlikɑnɑ mɑrɑ. Mɑ Ɛlikɑnɑ u seewɑ u Sofɑi mɑrɑ. Mɑ Sofɑi u seewɑ u Nɑhɑti mɑrɑ. 
\v 27 Mɑ Nɑhɑti u seewɑ u Eliɑbu mɑrɑ. Mɑ Eliɑbu u seewɑ u Yeroɑmu mɑrɑ. Mɑ Yeroɑmu u seewɑ u Ɛlikɑnɑ goo mɑrɑ. 
\v 28 Sɑmuɛlin bibɑ mɑɑ sɑ̃ɑ Yoɛli kɑ Abiyɑ.
\p
\v 29 Mɛrɑrin bwese kɛrɑ sɔɔ, Mɛrɑri u seewɑ u Mɑkili mɑrɑ. Mɑ Mɑkili u seewɑ u Libini mɑrɑ. Mɑ Libini u seewɑ u Simɛi mɑrɑ. Mɑ Simɛi u seewɑ u Usɑ mɑrɑ. 
\v 30 Mɑ Usɑ u seewɑ u Simɛɑ mɑrɑ. Mɑ Simɛɑ u seewɑ u Hɑgiyɑ mɑrɑ. Mɑ Hɑgiyɑ u seewɑ u Asɑyɑ mɑrɑ.
\p
\v 31 Sɑnɑm mɛ bɑ Yinni Gusunɔn woodɑn kpɑkororu yii yeru wɑɑwɑ, sɑnɑm mɛyɑ Dɑfidi u Lefi ben gɑbu kuɑ wom kowobun wirugibu Yinni Gusunɔn sɑ̃ɑ yerɔ. 
\v 32 Berɑ bɑ rɑ wom kowobu kpɑre Yinni Gusunɔn kuu bekurugirun wuswɑɑɔ sere Sɑlomɔɔ u rɑ kɑ Yinni Gusunɔn sɑ̃ɑ yeru bɑnɑ Yerusɑlɛmuɔ. Bɑ ben sɔmburu kuɑwɑ dee dee nge mɛ bɑ bu ten woodɑ wɛ̃.
\p
\v 33 Be bɑ kuɑ wom kowobun wirugibu kɑ ben bibun bweseru wee.
\p Kehɑtin bweseru sɔɔ, Hemɑniwɑ u sɑ̃ɑ wom kowobun wirugii. Win sikɑdobɑrɑ Yoɛli kɑ Sɑmuɛli, 
\v 34 kɑ Ɛlikɑnɑ, kɑ Yeroɑmu, kɑ Eliɛli, kɑ Toɑ, 
\v 35 kɑ Sufu, kɑ Ɛlikɑnɑ, kɑ Mɑhɑti, kɑ Amɑsɑi, 
\v 36 kɑ mɑɑ Ɛlikɑnɑ goo, kɑ Yoɛli goo kɑ Asɑriɑ, kɑ Sofoni, 
\v 37 kɑ Tɑhɑti, kɑ Asiri, kɑ Abiɑsɑfu, kɑ Kore, 
\v 38 kɑ Yisehɑri, kɑ Kehɑti, kɑ Lefi, kɑ Isireli.
\p
\v 39 Asɑfu u mɑɑ sɑ̃ɑwɑ wom kowobun wirugii turo. Wiyɑ u rɑ n wɑ̃ɑ Hemɑnin nɔm geuɔ u n nùn somimɔ. Win sikɑdobɑrɑ Berekiɑ, kɑ Simɛɑ, 
\v 40 kɑ Mikɑɛli, kɑ Bɑɑseyɑ, kɑ Mɑɑkiyɑ, 
\v 41 kɑ Etini, kɑ Serɑki, kɑ Adɑyɑ, 
\v 42 kɑ Etɑni, kɑ Simmɑ, kɑ Simɛi, 
\v 43 kɑ Yɑsɑti, kɑ Gɛɛsɔni, kɑ Lefi.
\p
\v 44 Mɛrɑrin bweseru sɔɔ, be bɑ rɑ womusu ko, bɑ rɑ n wɑ̃ɑwɑ Hemɑnin nɔm dwɑru giɑ. Ben wirugiiwɑ Etɑni. Etɑni win sikɑdobɑrɑ Kisi, kɑ Abudi, kɑ Mɑluku, 
\v 45 kɑ Hɑsɑbiɑ, kɑ Amɑsiɑ, kɑ Hilikiyɑ, 
\v 46 kɑ Amusi, kɑ Sɑni, kɑ Semɛɛ, 
\v 47 kɑ Mɑkili, kɑ Musi, kɑ Mɛrɑri, kɑ Lefi.
\p
\v 48 Ben mɛro bisi be bɑ tie, berɑ bɑ rɑ sɔmɑ ko ye yɑ wɑ̃ɑ Yinni Gusunɔn sɑ̃ɑ yerɔ kpuro.
\p
\v 49 Aroni kɑ win bibun bweserɑ bɑ rɑ yɑ̃ku dɔ̃ɔ mwɑɑrɑruginu ko yɑ̃ku yeru wɔllɔ kpɑ bu mɑɑ turɑre dɔ̃ɔ doke mi. Berɑ bɑ rɑ sɔmɑ kpuro ko dii te tɑ dɛɛre gem gem sɔɔ kpɑ bu torɑrun yɑ̃kunu ko Isirelibɑn sɔ̃ nge mɛ Mɔwisi, Gusunɔn sɔm kowo u bu yiire. 
\v 50 Aronin bweserun tɔ̃kɑ wee. Aroni u seewɑ u Eleɑsɑɑ mɑrɑ. Mɑ Eleɑsɑɑ u seewɑ u Finɛɛsi mɑrɑ. Mɑ Finɛɛsi u seewɑ u Abisuɑ mɑrɑ. 
\v 51 Mɑ Abisuɑ u seewɑ u Buki mɑrɑ. Mɑ Buki u seewɑ u Usi mɑrɑ. Mɑ Usi u seewɑ u Serɑyɑ mɑrɑ. 
\v 52 Mɑ Serɑyɑ u seewɑ u Mɛrɑyɔtu mɑrɑ. Mɑ Mɛrɑyɔtu u seewɑ u Amɑriɑ mɑrɑ. Mɑ Amɑriɑ u seewɑ u Akitubu mɑrɑ. 
\v 53 Mɑ Akitubu u seewɑ u Sɑdɔku mɑrɑ. Mɑ Sɑdɔku u seewɑ u Akimɑsi mɑrɑ.
\s1 Wuu si bɑ Lefin bibun
\s2 bweseru wɛ̃
\p
\v 54 Ye bɑ tɛtɛ tobɑ, be bɑ gbiɑ bɑ tem wɛ̃ berɑ Kehɑtin bwese kɛrɑgibu, Aronin bweseru sɔɔ. Ben wɑ̃ɑ yenu kɑ ben kpɑrɑ yenu kɑ ben tem nɔɔ burɑ yenu wee. 
\v 55 Niyɑ Heboroni ye yɑ wɑ̃ɑ Yudɑn temɔ kɑ yen kpɑrɑ yenu ni nu kɑ ye sikerenɛ. 
\v 56 Adɑmɑ yen bɑru kpɑɑnu, Kɑlɛbu, Yɛfunɛn biiwɑ bɑ mi wɛ̃. 
\v 57 Wuu si bɑ Aronin bibun bweseru wɛ̃, siyɑ Heboroni mi bɑ ko n dɑ kpikiru de, kɑ Libinɑ kɑ yen kpɑrɑ yenu, kɑ Yɑtiri, kɑ Ɛsitemɔɑ kɑ yen kpɑrɑ yenu, 
\v 58 kɑ Hilɛni kɑ yen kpɑrɑ yenu, kɑ Debiri kɑ yen kpɑrɑ yenu, 
\v 59 kɑ Asɑni kɑ yen kpɑrɑ yenu, kɑ Bɛti Semɛsi kɑ yen kpɑrɑ yenu, 
\v 60 kɑ Bɛnyɑmɛɛn tem wuu sini, Gibeɑ kɑ yen kpɑrɑ yenu, kɑ Alemɛti kɑ yen kpɑrɑ yenu, kɑ Anɑtɔtu kɑ yen kpɑrɑ yenu. Wuu si kpuro su kuɑwɑ mi wɔkurɑ itɑ nge mɛ bwese kɛri yi, yi geeru nɛ.
\p
\v 61 Ye bɑ mɑɑ tɛtɛ tobɑ, Kehɑtin bibun bwese te tɑ tie, tɑ wusu wɔkuru wɑ Efɑrɑimun bwese kɛrɑn tem sɔɔ kɑ Dɑnun bwese kɛrɑgim sɔɔ, kɑ Mɑnɑsen bwese kɛrɑn sukumgim sɔɔ. 
\v 62 Gɛɛsɔnin bibun bweseru tɑ wusu wɑwɑ wɔkurɑ itɑ nge mɛ ben bwese kɛrin geerɑ nɛ. Wuu si, su wɑ̃ɑwɑ Isɑkɑrin bwese kɛrɑn tem sɔɔ kɑ Asɛɛn bwese kɛrɑgim sɔɔ, kɑ Nɛfitɑlin bwese kɛrɑgim sɔɔ kɑ Mɑnɑsen bwese kɛrɑgim sɔɔ Bɑsɑniɔ. 
\v 63 Ye bɑ mɑɑ wure bɑ tɛtɛ tobɑ, wusu wɔkurɑ yiruwɑ Mɛrɑrin bibun bweserɑ wɑ Rubɛnin bwese kɛrɑn tem sɔɔ, kɑ Gɑdigiɑn tem sɔɔ, kɑ Sɑbulonigiɑn tem sɔɔ nge mɛ ben bwese kɛrin geerɑ nɛ. 
\v 64 Isirelibɑ bɑ mɑɑ Lefibɑ wusu gɑsu wɛ̃ kɑ sin kpɑrɑ yenu. 
\v 65 Bɑ wuu si gɔsɑwɑ kɑ tɛtɛ Yudɑn bwese kɛrɑn temɔ, kɑ Simɛɔn bwese kɛrɑgim sɔɔ, kɑ Bɛnyɑmɛɛn bwese kɛrɑgim sɔɔ.
\p
\v 66 Kehɑtin bibun bwese te tɑ mɑɑ tie, tɑ wusu wɑwɑ Efɑrɑimun bwese kɛrɑn tem sɔɔ. 
\v 67 Wuu si bɑ bu wɛ̃, siyɑ Sikɛmu ye yɑ wɑ̃ɑ Efɑrɑimun guurɔ, kɑ yen kpɑrɑ yenu. Miyɑ bɑ ko n dɑ kpikiru de. Kɑ Gesɛɛ kɑ yen kpɑrɑ yenu, 
\v 68 kɑ Yokumɛɑmu kɑ yen kpɑrɑ yenu, kɑ Bɛti Horoni kɑ yen kpɑrɑ yenu, 
\v 69 kɑ Ayɑloni kɑ yen kpɑrɑ yenu, kɑ sere mɑɑ Gɑti Rimɔɔ kɑ yen kpɑrɑ yenu. 
\v 70 Wuu si Mɑnɑsen bwese kɛrɑn sukum mu mɑɑ wɑ, siyɑ Anɛɛ kɑ yen kpɑrɑ yenu, kɑ Bileɑmu kɑ yen kpɑrɑ yenu. Siyɑ bɑ Kehɑtin bwese kɛrɑgii be bɑ tie wɛ̃.
\p
\v 71 Bɑ mɑɑ Gɛɛsɔnin bwese kɛrɑn tɔmbu wusu wɛ̃. Wuu si bɑ wɑ Mɑnɑsen bwese kɛrɑn sukum min di, siyɑ Golɑni ye yɑ wɑ̃ɑ Bɑsɑniɔ kɑ yen kpɑrɑ yenu, kɑ Asitɑrɔtu kɑ yen kpɑrɑ yenu. 
\v 72 Wuu si bɑ wɑ Isɑkɑrin bwese kɛrɑn min di, siyɑ Kedɛsi kɑ yen kpɑrɑ yenu, kɑ Dɑbɑrɑti kɑ yen kpɑrɑ yenu, 
\v 73 kɑ Rɑmɔti kɑ yen kpɑrɑ yenu, kɑ sere Anɛmu kɑ yen kpɑrɑ yenu. 
\v 74 Wuu si bɑ wɑ Asɛɛn bwese kɛrɑn min di, siyɑ Mɑsikɑli kɑ yen kpɑrɑ yenu, kɑ Abudoni kɑ yen kpɑrɑ yenu, 
\v 75 kɑ Hukɔku kɑ yen kpɑrɑ yenu, kɑ sere Rehɔbu kɑ yen kpɑrɑ yenu. 
\v 76 Wuu si bɑ wɑ Nɛfitɑlin bwese kɛrɑn min di, siyɑ Kedɛsi ye yɑ wɑ̃ɑ Gɑlilen temɔ kɑ yen kpɑrɑ yenu, kɑ Hɑmɔɔ kɑ yen kpɑrɑ yenu, kɑ sere Kiriɑtɑimu kɑ yen kpɑrɑ yenu.
\p
\v 77 Bɑ Lefi be bɑ tie Mɛrɑrin bweseru sɔɔ wusu wɛ̃. Wuu si bɑ wɑ Sɑbulonin bwese kɛrɑn min di, siyɑ Rimɔnɔ kɑ yen kpɑrɑ yenu, kɑ Tɑbori kɑ yen kpɑrɑ yenu. 
\v 78 Wuu si bɑ wɑ Rubɛnin bwese kɛrɑn min di Yuudɛnin guru giɔ, Yerikon deedeeru sɔ̃ɔ yɑri yeru giɑ, siyɑ Beseri ye yɑ wɑ̃ɑ tem sɑɑrɑɔ kɑ yen kpɑrɑ yenu, kɑ Yɑsɑ kɑ yen kpɑrɑ yenu, 
\v 79 kɑ Kedemɔti kɑ yen kpɑrɑ yenu, kɑ sere Mɛfɑti kɑ yen kpɑrɑ yenu. 
\v 80 Wuu si bɑ mɑɑ wɑ Gɑdin bwese kɛrɑn min di, siyɑ Rɑmɔti, Gɑlɑdin temɔ kɑ yen kpɑrɑ yenu, kɑ Mɑhɑnɑimu kɑ yen kpɑrɑ yenu, 
\v 81 kɑ Hɛsiboni kɑ yen kpɑrɑ yenu, kɑ sere Yɑsɛɛ kɑ yen kpɑrɑ yenu.
\c 7
\s1 Isɑkɑrin bibun bweseru
\p
\v 1 Bibu nnɛwɑ Isɑkɑri u mɑrɑ. Berɑ Tolɑ, kɑ Puɑ, kɑ Yɑsubu, kɑ Simuroni. 
\v 2 Tolɑn bibɑ Usi, kɑ Refɑyɑ, kɑ Yeriɛli kɑ Yɑmɑi, kɑ Yibisɑmu, kɑ sere Sɑmuɛli. Berɑ bɑ sɑ̃ɑ wirugibu ben yɛnusɔ, Tolɑn bwese kɛrɑ sɔɔ. Bɑ sɑ̃ɑwɑ wɔrugɔbɑ ben wɑɑti ye sɔɔ. Dɑfidin wɑɑti sɔɔ, ben geerɑ sɑ̃ɑwɑ nɔrɔbun subɑ yɛndɑ yiru kɑ tɔmbu nɑtɑ (22.600). 
\v 3 Usin biiwɑ Yisirɑyɑ. Yisirɑyɑ kɑ win bibu bɑ sɑ̃ɑwɑ be wirugibu nɔɔbu. Win bii berɑ Mikɑɛli, kɑ Abudiɑsi, kɑ Yoɛli, kɑ Yisiyɑ. 
\v 4 Be bɑ wɑ̃ɑ kɑ be sɑnnu, tɔn kurɔbu kɑ bibu bɑ dɑbi sere bɑ koo kpĩ bu tɔn durɔbu nɔrɔbun subɑ tɛnɑ kɑ nɔɔbɑ tiɑ (36.000) wɑ be sɔɔ be bɑ koo kpĩ bu tɑbu ko.
\p
\v 5 Isɑkɑrin bwese kɛrɑ sɔɔ, be bɑ tireru doke, ben geerɑ sɑ̃ɑwɑ nɔrɔbun subɑ wɛnɛ kɑ nɔɔbɑ yiru (87.000). Be kpuro bɑ sɑ̃ɑwɑ wɔrugɔbɑ.
\s1 Bɛnyɑmɛɛ kɑ Nɛfitɑlin
\s2 bibun bweseru
\p
\v 6 Bibu itɑwɑ Bɛnyɑmɛɛ u mɑrɑ. Berɑ Belɑ, kɑ Bekɛɛ, kɑ Yediɛli. 
\v 7 Bibu nɔɔbuwɑ Belɑ u mɑrɑ. Berɑ Ɛsiboni, kɑ Usi, kɑ Usiɛli, kɑ Yerimɔti, kɑ mɑɑ Iri. Ben bɑɑwure u sɑ̃ɑwɑ win bwese kɛrɑn wirugii. Be kpuro mɑɑ wɔrugɔbɑrɑ. Bɑ bu tireru doke mɑ ben geerɑ kuɑ nɔrɔbun subɑ yɛndɑ yiru kɑ tɔmbu tɛnɑ kɑ nnɛ (22.034). 
\v 8 Bekɛɛn bibɑ Semirɑ, kɑ Yoɑsi, kɑ Ɛliesɛɛ, kɑ Elionɑi, kɑ Omiri, kɑ Yeremɔti, kɑ Abiyɑ, kɑ Anɑtɔtu, kɑ Alɑmɛti. Beni kpurowɑ bɑ sɑ̃ɑ Bekɛɛn bibu. 
\v 9 Mɑ bɑ bu tireru doke nge mɛ bɑ kɑ swĩinɛ bwese kɛrɑ ye sɔɔ. Be kpuro bɑ sɑ̃ɑwɑ yɛnu yɛ̃ro wɔrugɔbɑ. Mɑ ben geerɑ sɑ̃ɑ tɔnu nɔrɔbun subɑ yɛndu kɑ goobu (20.200). 
\v 10 Yediɛlin biiwɑ Bilihɑni. Bilihɑnin bibɑ mɑɑ Yeusi, kɑ Bɛnyɑmɛɛ, kɑ Ehudu, kɑ Kenɑɑnɑ, kɑ Setɑni, kɑ Tɑɑsisi, kɑ sere Akisɑsɑɑ. 
\v 11 Be kpuro bɑ sɑ̃ɑwɑ Yediɛlin bibun bweseru. Be kpuro mɑɑ wɔrugɔbɑrɑ. Mɑ ben bɑɑwure u sɑ̃ɑ wirugii win bwese kɛrɑ sɔɔ. Ben geerɑ sɑ̃ɑwɑ nɔrɔbun subɑ wɔkurɑ nɔɔbu kɑ yiru, kɑ tɔmbu goobu (17.200) be bɑ koo kpĩ bu tɑbu ko.
\p
\v 12 Supimu kɑ Hupimu bɑ sɑ̃ɑwɑ Irin bibu. Mɑ Husimu u mɑɑ sɑ̃ɑ Akɛɛn bii.
\p
\v 13 Nɛfitɑlin bibɑ Yɑsiɛli, kɑ Guni, kɑ Yesɛɛ, kɑ sere Sɑlumu. Beni kpuro bɑ sɑ̃ɑwɑ Bilihɑn nikurɔminu.
\s1 Mɑnɑsen bibun bweseru
\p
\v 14 Bii be Mɑnɑse u kɑ win kurɔ Sirigii mɑrɑ, berɑ Asiriɛli kɑ Mɑkiri wi u sɑ̃ɑ Gɑlɑdin tundo. 
\v 15 Mɑkiri wiyɑ u Hupimu kɑ Supimu kurɔbu suɑ. Win sesun yĩsirɑ Mɑɑkɑ. Win bii yirusen yĩsirɑ Selofɑdi. Bii tɔn kurɔbɑ Selofɑdi wi, u mɑrɑ. 
\v 16 Mɑɑkɑ, Mɑkirin kurɔ u bii tɔn durɔ mɑrɑ mɑ bɑ nùn yĩsiru kɑ̃ Perɛsi. U mɑɑ wure u bii tɔn durɔ mɑrɑ mɑ bɑ nùn yĩsiru kɑ̃ Serɛsi. Serɛsi wiyɑ u Ulɑmu kɑ Rekɛmu mɑrɑ. 
\v 17 Ulɑmun biiwɑ Bedɑni.
\p Beniwɑ bɑ sɑ̃ɑ Gɑlɑdi, Mɑkirin bii, Mɑnɑsen debubun bibun bweseru.
\p
\v 18 Hɑmɔlekɛti, Gɑlɑdin sesuwɑ u Isodu kɑ Abiesɛɛ kɑ Mɑlɑ mɑrɑ. 
\v 19 Be bɑ sɑ̃ɑ Semidɑn bibu, berɑ Akiyɑni kɑ Sikɛmu kɑ Likisi kɑ sere Aniɑmu.
\s1 Efɑrɑimun bibun bweseru
\p
\v 20 Efɑrɑimun bibun bweseru wee. Efɑrɑimu u Sutelɑki mɑrɑ. Mɑ Sutelɑki u Berɛdi mɑrɑ. Mɑ Berɛdi u Tɑhɑti mɑrɑ. Mɑ Tɑhɑti u Eleɑdɑ mɑrɑ. Mɑ Eleɑdɑ u Tɑhɑti mɑrɑ. 
\v 21 Mɑ Tɑhɑti u Sɑbɑdi mɑrɑ. Mɑ Sɑbɑdi u Sutelɑki mɑrɑ. Efɑrɑimu u mɑɑ bibu yiru mɑrɑ, Sutelɑki bɑɑsi, beyɑ Esɛɛ kɑ Eleɑdi. Berɑ bɑ Gɑtigibu wɔri bu kɑ sibun yɑɑ sɑbenu mwɑ. Adɑmɑ Gɑtigii be, sibɑ bu go. 
\v 22 Mɑ Efɑrɑimu u gɔɔ wooru sinɑ n kɑ tɛ. Mɑ win mɛro bisibu bɑ nɑ bɑ nùn nukuru yɛmiɑsiɑ. 
\v 23 Yen biruwɑ u kɑ win kurɔ mɛnnɑ, mɑ u gurɑ suɑ u bii tɔn durɔ mɑrɑ. Mɑ bɑ nùn yĩsiru kɑ̃ Beriɑ yèn sɔ̃ u nuku sɑnkirɑnu wɑ win yɛnuɔ. 
\v 24 U mɑɑ bii tɔn kurɔ mɑrɑ wi bɑ mɔ̀ Serɑki. Wiyɑ u Bɛti Horoni bɑnɑ ye yɑ wɑ̃ɑ wɔwɑɔ, kɑ ye yɑ wɑ̃ɑ gunguru wɔllɔ, kɑ mɑɑ Usɛni Seerɑ. 
\v 25 Mɑ Beriɑ wi, u seewɑ u Refɑ mɑrɑ. Mɑ Refɑ u seewɑ u Resɛfu mɑrɑ. Mɑ Resɛfu u seewɑ u Telɑki mɑrɑ. Mɑ Telɑki u seewɑ u Tɑkɑni mɑrɑ. 
\v 26 Mɑ Tɑkɑni u seewɑ u Lɑdɑni mɑrɑ. Mɑ Lɑdɑni u seewɑ u Amihudu mɑrɑ. Mɑ Amihudu u seewɑ u Elisɑmɑ mɑrɑ. 
\v 27 Mɑ Elisɑmɑ u seewɑ u Nuni mɑrɑ. Mɑ Nuni u seewɑ u Yosue mɑrɑ.
\p
\v 28 Tem mɛ bɑ wɑ bɑ sinɑ mɛyɑ Betɛli kɑ yen wuu si su kɑ ye sikerenɛ. Siyɑ Nɑɑrɑni ye yɑ wɑ̃ɑ sɔ̃ɔ yɑri yeru giɑ kɑ Gesɛɛ ye yɑ wɑ̃ɑ sɔ̃ɔ duu yeru giɑ kɑ yen bɑru kpɑɑnu, kɑ Sikɛmu kɑ yen bɑru kpɑɑnu, n kɑ girɑri Gɑsɑɔ kɑ yen bɑru kpɑɑnɔ.
\p
\v 29 Tem mɛ Mɑnɑsen bibun bweserɑ wɑ, mɛyɑ Bɛti Seɑni kɑ yen bɑru kpɑɑnu, kɑ Tɑɑnɑki kɑ yen bɑru kpɑɑnu, kɑ Mɛgido kɑ yen bɑru kpɑɑnu, kɑ sere Dori kɑ yen bɑru kpɑɑnu.
\p Wuu si sɔɔrɑ Yosɛfu, Isirelin biin bibun bweserɑ sinɑ.
\s1 Asɛɛn bibun bweseru
\p
\v 30 Be bɑ sɑ̃ɑ Asɛɛn bibu, berɑ Yiminɑ kɑ Yisifɑ kɑ Yisifi kɑ Beriɑ kɑ sere ben sesu Serɑki. 
\v 31 Be bɑ sɑ̃ɑ Beriɑn bibu, berɑ Hebɛɛ kɑ Mɑɑkiɛli. Mɑɑkiɛli wiyɑ u wuu ge bɑ mɔ̀ Biisɑfiti swĩi. 
\v 32 Hebɛɛwɑ u Yɑfilɛti mɑrɑ kɑ Somɛɛ kɑ Hotɑmu kɑ sere ben sesu Suɑ. 
\v 33 Be bɑ sɑ̃ɑ Yɑfilɛtin bibu, berɑ Pɑsɑki kɑ Bimɑli kɑ sere Asifɑti. Be bɑ sɑ̃ɑ Yɑfilɛtin bibu, berɑ mi. 
\v 34 Be bɑ sɑ̃ɑ Sɑmɛɛn bibu, berɑ Aki kɑ Rogɑ kɑ Hubɑ kɑ sere Arɑmu. 
\v 35 Be bɑ sɑ̃ɑ win wɔnɔ Helɛmun bibu, berɑ Sofɑki kɑ Yiminɑ kɑ Selɛsi kɑ sere Amɑli. 
\v 36 Be bɑ sɑ̃ɑ Sofɑkin bibu, berɑ Suɑ kɑ Hɑɑnɛfɛɛ kɑ Suɑli kɑ Beri kɑ Yimurɑ, 
\v 37 kɑ Beseri kɑ Hɔdu kɑ Sɑmmɑ kɑ Silisɑ kɑ Yitirɑni kɑ sere Beerɑ. 
\v 38 Be bɑ sɑ̃ɑ Yetɛɛn bibu, berɑ Yɛfunɛ kɑ Pisipɑ kɑ sere Arɑ.
\p
\v 39 Be bɑ sɑ̃ɑ Ulɑn bibu, berɑ Arɑ kɑ Hɑniɛli kɑ sere Risiɑ.
\p
\v 40 Be bɑ sɑ̃ɑ Asɛɛn bibun bweseru, berɑ mi. Ben bɑɑwure u sɑ̃ɑwɑ wirugii win berɑɔ. Be kpuro bɑ sɑ̃ɑwɑ wɔrugɔbɑ. Be bɑ tireru doke, ben geerɑ sɑ̃ɑwɑ nɔrɔbun subɑ yɛndɑ nɔɔbu kɑ tiɑ (26.000) be, be bɑ koo kpĩ bu tɑbu ko.
\c 8
\s1 Bɛnyɑmɛɛn bwese kɛrɑgii
\s2 be bɑ wɑ̃ɑ Yerusɑlɛmuɔ
\p
\v 1 Bibu nɔɔbuwɑ Bɛnyɑmɛɛ u mɑrɑ. Wee nge mɛ bɑ kɑ swĩinɛ, Belɑ kɑ Asibɛli 
\v 2 kɑ Arɑ kɑ Nɔkɑ kɑ sere Rɑfɑ. 
\v 3 Be bɑ sɑ̃ɑ Belɑn bibu, berɑ Adɑri kɑ Gerɑ kɑ Abihudu 
\v 4 kɑ Abisuɑ kɑ Nɑɑmɑ kɑ Akoɑsi 
\v 5 kɑ Gerɑ kɑ Sefufɑni kɑ sere Hurɑmu.
\p
\v 6 Ehudun bii be bɑ sɑ̃ɑ wirugibu Gebɑgibun suunu sɔɔ, mɑ bɑ kɑ bu dɑ Mɑnɑhɑtiɔ, 
\v 7 berɑ Nɑmɑni kɑ Akiyɑ kɑ sere Gerɑ. Gerɑ wi u kɑ bu dɑ mi, wiyɑ u Usɑ kɑ Ahihudu mɑrɑ.
\p
\v 8 Sɑɑrɑimu u win kurɔbu yiru beni girɑ. Berɑ Husimu kɑ Bɑɑrɑ. Yen biruwɑ u bibu gɑbu mɑrɑ Mɔɑbubɑn temɔ. 
\v 9 Bii be u kɑ win kurɔ Hodɛsi mɑrɑ, berɑ Yobɑbu kɑ Sibiyɑ kɑ Mɛsɑ kɑ Mɑlikɑmu, 
\v 10 kɑ Yeusi kɑ Sokiɑ kɑ sere Mirimɑ. Be kpuro bɑ sɑ̃ɑwɑ yɛnu yɛ̃robu. 
\v 11 Be u kɑ win kurɔ Husimu mɑrɑ, berɑ Abitubu kɑ Ɛlipɑli. 
\v 12 Be bɑ sɑ̃ɑ Ɛlipɑlin bibu, berɑ Ebɛɛ kɑ Miseɑmu kɑ sere Semɛɛ wi u wuu ge bɑ mɔ̀ Onɔɔ bɑnɑ kɑ sere mɑɑ Lodu kɑ yen bɑru kpɑɑnu.
\p
\v 13 Beriɑ kɑ Semɑ be bɑ sɑ̃ɑ wirugibu Ayɑlonigibun suunu sɔɔ, berɑ bɑ Gɑtigibu girɑ. 
\v 14-16 Be bɑ sɑ̃ɑ Beriɑn bibu, berɑ Akiyo kɑ Sɑsɑki kɑ Yeremɔti kɑ Sebɑdiɑ kɑ Arɑdi kɑ Edɛɛ kɑ Mikɑɛli kɑ Yisifɑ kɑ sere Yoɑsi.
\p
\v 17-18 Be bɑ sɑ̃ɑ Ɛlipɑlin bibu, berɑ Sebɑdiɑ kɑ Mɛsulɑmu kɑ Hisiki kɑ Hebɛɛ kɑ Yisimɛrɑi kɑ Yisiliɑ kɑ sere Yobɑbu.
\p
\v 19-21 Be bɑ sɑ̃ɑ Simɛin bibu, berɑ Yɑkimu kɑ Sikiri kɑ Sɑbidi kɑ Ɛlienɑi, kɑ Silitɑi kɑ Eliɛli kɑ Adɑyɑ kɑ Berɑyɑ kɑ Simurɑti.
\p
\v 22-25 Be bɑ sɑ̃ɑ Sɑsɑkin bibu, berɑ Yisipɑni kɑ Ebɛɛ kɑ Eliɛli kɑ Abudoni kɑ Sikiri kɑ Hɑnɑnu kɑ Hɑnɑniɑ kɑ Elɑmu kɑ Antotiɑ kɑ Yifideyɑ kɑ sere Penuɛli.
\p
\v 26-27 Be bɑ sɑ̃ɑ Yerohɑmun bibu, berɑ Sɑnserɑi kɑ Sehɑriɑ kɑ Atɑliɑ kɑ Yɑɑresiɑ kɑ Eliyɑ kɑ sere Sikiri.
\p
\v 28 Be bɑ sɑ̃ɑ wirugibu nge mɛ bɑ kɑ swĩinɛ, berɑ mi. Bɑ wɑ̃ɑwɑ Yerusɑlɛmuɔ.
\p
\v 29 Wi u Gɑbɑoni swĩi, u wɑ̃ɑ Gɑbɑoni mi. Win kurɔn yĩsirɑ Mɑɑkɑ. 
\v 30 Win bii gbiikoowɑ Abudoni. Be bɑ mɑɑ tie, berɑ Suri kɑ Kisi kɑ Bɑɑli kɑ Nɑdɑbu, 
\v 31 kɑ Gedori kɑ Akiyo kɑ Sekɛɛ, 
\v 32 kɑ sere Mikoloti, Simɛɑn tundo. Ben tii bɑ wɑ̃ɑwɑ Yerusɑlɛmuɔ, ben mɛro bisibun bɔkuɔ.
\s1 Sɔɔlun bibun bweseru
\r (I mɑɑ mɛɛrio 9:39-44)
\p
\v 33 Nɛriwɑ u Kisi mɑrɑ. Mɑ Kisi u Sɔɔlu mɑrɑ. Mɑ Sɔɔlu u Yonɑtɑm mɑrɑ kɑ Mɑɑkisuɑ kɑ Abinɑdɑbu kɑ sere Ɛsibɑɑli. 
\v 34 Yonɑtɑmwɑ u Mɛribu Bɑɑli mɑrɑ. Mɑ Mɛribu Bɑɑli u mɑɑ Misee mɑrɑ. 
\v 35 Be bɑ sɑ̃ɑ Miseen bibu, berɑ Pitoni kɑ Mɛlɛki kɑ Tɑreɑ kɑ sere Akɑsi. 
\v 36 Akɑsiwɑ u Yehoyɑdɑ mɑrɑ. Mɑ Yehoyɑdɑ u Alemɛti mɑrɑ kɑ Asimɑfɛti kɑ sere Simiri. Simiriwɑ u Mɔsɑ mɑrɑ. 
\v 37 Mɑ Mɔsɑ u Binɛɑ mɑrɑ. Mɑ Binɛɑ u Rɑfɑ mɑrɑ. Mɑ Rɑfɑ u Eleɑsɑɑ mɑrɑ. Mɑ Eleɑsɑɑ u Asɛli mɑrɑ. 
\v 38 Bibu nɔɔbɑ tiɑ Asɛli u mɑrɑ. Berɑ Asirikɑmu kɑ Bokuru kɑ Isimɛɛli kɑ Seɑriɑ kɑ Abudiɑsi kɑ sere Hɑnɑnu. Beni kpurowɑ bɑ sɑ̃ɑ Asɛlin bibu. 
\v 39 Asɛli wi, u wɔnɔ mɔ wi bɑ sokumɔ Esɛki. Bibu itɑwɑ Esɛki wi, u mɑrɑ. Berɑ Ulɑmu kɑ Yeusi kɑ Elifelɛti. 
\v 40 Ulɑmun bibu bɑ kuɑwɑ wɔrugɔbɑ kɑ tɛn towobu. Ben bibu kɑ ben debuminu dɑbi. Bɑ turɑ nge tɔmbu wunɑɑ weeru kɑ wɔkuru (150).
\p Be kpuro bɑ sɑ̃ɑwɑ Bɛnyɑmɛɛn bibun bweseru.
\c 9
\p
\v 1 Bɑ Isirelibɑ kpuron yĩsɑ yoruɑ ben gɑri gɑrin tireru sɔɔ nge mɛ bɑ kɑ swĩinɛ, bwese kɛrɑ kɑ bwese kɛrɑ.
\s1 Isireli be bɑ wurɑmɑ yorun di
\p N deemɑ bɑ Yudɑbɑ kpuro yoru mwɑ bɑ kɑ dɑ Bɑbiloniɔ kɔ̃sɑ ye bɑ kuɑn sɔ̃. 
\v 2 Be bɑ gbiɑ bɑ sinɑ ben tem wusu sɔɔ, berɑ Isirelibɑ kɑ yɑ̃ku kowobu kɑ Lefibɑ kɑ sere Nɛtinibɑ.
\p
\v 3 Be bɑ nɑ bɑ sinɑ Yerusɑlɛmuɔ, berɑ Yudɑn bweseru kɑ Bɛnyɑmɛɛn bweseru kɑ Efɑrɑimugiru kɑ Mɑnɑsegiru.
\p
\v 4 Kɑ sere Utɑi wi u wɑ̃ɑ Yudɑn bwese kɛrɑ sɔɔ. U sɑ̃ɑwɑ Amihudun bii. Amihudu wi, u sɑ̃ɑwɑ Omirin bii, Imirin debubu, Bɑnin sikɑdobu, Perɛsin bwese kɛrɑ sɔɔ. 
\v 5 Silonigibun bwese kɛrɑ sɔɔrɑ Asɑyɑ u wɑ̃ɑ kɑ win bibu. Asɑyɑ wiyɑ u sɑ̃ɑ win bii gbiikoo. 
\v 6 Serɑkin bwese kɛrɑ sɔɔrɑ Yewɛli kɑ wigibu bɑ wɑ̃ɑ. Ben geerɑ sɑ̃ɑwɑ nɑtɑ kɑ wɛnɛ kɑ wɔkuru (690).
\p
\v 7 Be bɑ wɑ̃ɑ Bɛnyɑmɛɛn bwese kɛrɑ sɔɔ, berɑ Sɑlu, Mɛsulɑmun bii, Hodɑfiɑn debubu, Asenuɑn sikɑdobu, 
\v 8 kɑ Yibinɛɑ, Yorɑmun bii, kɑ Elɑ, Usin bii, Mikirin debubu kɑ Mɛsulɑmu, Sefɑtiɑn bii, Rewɛlin debubu, Yibiniɑn sikɑdobu, kɑ sere ben tɔmbu gɑbu. 
\v 9 Tɔn be kpurowɑ bɑ sɑ̃ɑ wirugibu ben yɛnusɔ nge mɛ bɑ kɑ swĩinɛ. Ben geerɑ sɑ̃ɑwɑ nɛnɛ kɑ wunɔbu kɑ weerɑɑkuru kɑ nɔɔbɑ tiɑ (956).
\p
\v 10 Be bɑ sɑ̃ɑ yɑ̃ku kowobu, berɑ Yedɑyɑ kɑ Yoyɑribu kɑ Yɑkini, 
\v 11 kɑ Asɑriɑ. Win sikɑdobɑrɑ Hilikiyɑ kɑ Mɛsulɑmu kɑ Sɑdɔku kɑ Mɛrɑyɔtu kɑ sere Akitubu wi u sɑ̃ɑ Yinni Gusunɔn sɑ̃ɑ yerun wirugii. 
\v 12 Adɑyɑ u mɑɑ sɑ̃ɑ yɑ̃ku kowo. Win sikɑdobɑrɑ Yerohɑmu kɑ Pɑsuri kɑ Mɑɑkiyɑ kɑ Mɑsɑi kɑ Adiɛli kɑ Yɑsisiɑ kɑ Mɛsulɑmu kɑ Mɛsilemiti kɑ Imɛri. 
\v 13 Be kɑ begii be bɑ sɑ̃ɑ wirugibu ben yɛnusɔ, ben geerɑ sɑ̃ɑwɑ tɔmbu nɔrɔbu kɑ nɑtɑ kɑ wunɔbu kɑ wɑtɑ (1.760). Be kpuro bɑ sɑ̃ɑwɑ wɔrugɔbɑ. Berɑ bɑ rɑ sɔmburu ko Yinni Gusunɔn sɑ̃ɑ yerɔ.
\p
\v 14 Semɑyɑ u sɑ̃ɑwɑ Lefi. Win sikɑdobɑ wee, nge mɛ bɑ kɑ swĩinɛ. Berɑ Hɑsubu kɑ Asirikɑmu kɑ sere Hɑsɑbiɑ, Mɛrɑrin bwese kɛrɑ sɔɔ. 
\v 15 Be bɑ mɑɑ sɑ̃ɑ Lefibɑ, berɑ Bɑkibɑkɑɑ kɑ Herɛsi kɑ Gɑlɑli kɑ Mɑtɑniɑ. Mɑtɑniɑ win sikɑdobɑrɑ Misee kɑ Sikiri kɑ Asɑfu. 
\v 16 Abudiɑsin tii u sɑ̃ɑ wɑ Lefi. Win sikɑdobɑrɑ Semɑyɑ kɑ Gɑlɑli kɑ Yedutum. Berekiɑ, Asɑn bii, Ɛlikɑnɑn debubu wi u wɑ̃ɑ Nɛtofɑgibun temɔ, u mɑɑ sɑ̃ɑwɑ Lefi.
\p
\v 17 Be bɑ sɑ̃ɑ kɔnnɔ kɔ̃sobu, berɑ Sɑlumu kɑ Akubu kɑ Tɑlumɔɔ, kɑ Ahimɑni kɑ begibu. Sɑlumuwɑ u sɑ̃ɑ ben wirugii. 
\v 18 Wiyɑ u rɑ n wɑ̃ɑ sinɑ bokon kɔnnɔwɔ ge gɑ wɑ̃ɑ sɔ̃ɔ yɑri yeru giɑ sere kɑ gisɔ. Be bɑ sɑ̃ɑ kɔnnɔ kɔ̃sobu Lefin bweseru sɔɔ, berɑ mi. 
\v 19 Sɑlumu, Koren bii, Abiɑsɑfun debubu, Koren sikɑdobu kɑ wigii be bɑ tie, berɑ bɑ rɑ Yinni Gusunɔn kuu bekurugirun kɔnnɔ kɔ̃su. Ben sikɑdobɑrɑ bɑ rɑ rɑɑ sɔmbu te ko. 
\v 20 Finɛɛsi, Eleɑsɑɑn biiwɑ u sɑ̃ɑ ben wirugii. Mɑ Yinni Gusunɔ u wɑ̃ɑ kɑ wi. 
\v 21 Sɑkɑri, Mɛselemiɑn biiwɑ u rɑ kuu bekurugii ten kɔnnɔ kɔ̃su.
\p
\v 22 Be kpuron geerɑ sɑ̃ɑwɑ mi goobu kɑ wɔkurɑ yiru (212). Berɑ bɑ rɑ kɔnnɔsu kɔ̃su. Ben yĩsɑ bɑ mɑɑ doke tireru sɔɔ kɑ ben wusu. Dɑfidi kɑ Gusunɔn sɔmɔ Sɑmuɛliwɑ bɑ bu sɔmbu te nɔmu sɔndiɑ. 
\v 23 Be kɑ ben bibun bweserɑ bɑ rɑ Yinni Gusunɔn sɑ̃ɑ yee ten kɔnnɔ si kɔ̃su.
\p
\v 24 Be bɑ sɑ̃ɑ yerun kɔnnɔ si kɔ̃su mi, bɑ rɑ n wɑ̃ɑwɑ berɑ kɑ berɑ, sɔ̃ɔ yɑri yerɔ kɑ sɔ̃ɔ duu yerɔ, kɑ sɔ̃ɔ yɛ̃sɑn nɔm geuɔ kɑ yen nɔm dwɑrɔ. 
\v 25 Begibu gɑbu bɑ rɑ nɛ ben mi sɑɑ ben wusun di bu kɑ bu sinɑ mi ɑlusumɑ tiɑ. 
\v 26 Kɔnnɔ kɔ̃sobun wirugibu nnɛ be, bɑ sɑ̃ɑwɑ Lefibɑ. Bɑ rɑ n wɑ̃ɑwɑ ben sɔmburu sɔɔ bɑɑdommɑ. Berɑ bɑ rɑ mɑɑ sɑ̃ɑ yerun dii sɔsu kɑ sɑ̃ɑ yee ten ɑrumɑni kɔ̃su. 
\v 27 Bɑ rɑ kpunɛwɑ bu kɑ sɑ̃ɑ yee te sikerenɑ. Yɑm mù n sɑ̃rɑ, kpɑ bu ten kɔnnɔsu wukiɑ.
\p
\v 28 Kɔnnɔ kɔ̃so ben gɑbɑ bɑ rɑ yɑ̃kurun dendi yɑ̃nu kɔ̃su. Bɑ rɑ nu gɑriwɑ bɑ̀ n nu yɑrɑmɔ. Kpɑ bu mɑɑ nu gɑri bɑ̀ n nu duusiɑmɔ. 
\v 29 Ben gɑbɑ bɑ rɑ mɑɑ sɑ̃ɑ yerun dendi yɑ̃ɑ ni nu tie kɔ̃su kɑ sere mɑɑ som kɑ tɑm kɑ gum kɑ turɑre ye bɑ rɑ dɔ̃ɔ doke kɑ mɑɑ turɑre nubu durorugiɑ. 
\v 30 Yɑ̃ku kowobɑ bɑ rɑ turɑre nubu durorugiɑ ye ko.
\p
\v 31 Lefi ben turo, Mɑtitiɑ, Sɑlumun bii gbiikoo, Koren bweseru sɔɔ, wiyɑ u rɑ kirɑnu wɔ̃. 
\v 32 Wigibu gɑbu Kehɑtin bweseru sɔɔ, berɑ bɑ rɑ tɔ̃ɔ wɛ̃rɑrugiru bɑɑteren pɛ̃ɛ ko, ye bɑ rɑ Yinni Gusunɔ yiiye.
\p
\v 33 Berɑ bɑ sɑ̃ɑ Lefibɑn yɛnu yɛ̃robu. Berɑ bɑ rɑ mɑɑ wom kowobu kpɑre. Bɑ rɑ n wɑ̃ɑwɑ sɑ̃ɑ yerun dinu gɑnu sɔɔ. Bɑ ku rɑ mɑɑ sɔmɑ gɑɑ ko, yèn sɔ̃ bɑ rɑ n sɔmburu mɔ̀ sɔ̃ɔ sɔɔ kɑ wɔ̃kuru.
\p
\v 34 Berɑ bɑ sɑ̃ɑ Lefibɑn yɛnu yɛ̃robu nge mɛ bɑ kɑ swĩinɛ. Be, bɑ wɑ̃ɑwɑ Yerusɑlɛmuɔ.
\s1 Sɔɔlun bibun bweseru
\r (I mɑɑ mɛɛrio 8:29-38)
\p
\v 35 Yeyɛli wi u Gɑbɑoni swĩi, u wɑ̃ɑwɑ Gɑbɑoniɔ. Win kurɔn yĩsirɑ Mɑɑkɑ. 
\v 36 Win bii gbiikoowɑ Abudoni. Be bɑ mɑɑ tie, berɑ Suri kɑ Kisi kɑ Bɑɑli kɑ Nɛri kɑ Nɑdɑbu, 
\v 37 kɑ Gedori kɑ Akiyo kɑ Sɑkɑri kɑ sere Mikoloti. 
\v 38 Mikoloti wiyɑ u Simɛɑmu mɑrɑ. Be kpuro bɑ wɑ̃ɑwɑ Yerusɑlɛmuɔ begibun bɔkuɔ.
\p
\v 39 Nɛriwɑ u Kisi mɑrɑ. Mɑ Kisi u Sɔɔlu mɑrɑ. Mɑ Sɔɔlu u Yonɑtɑm mɑrɑ kɑ Mɑɑkisuɑ kɑ Abinɑdɑbu kɑ sere Ɛsibɑɑli. 
\v 40 Yonɑtɑmwɑ u Mɛribu Bɑɑli mɑrɑ. Mɑ Mɛribu Bɑɑli u mɑɑ Misee mɑrɑ. 
\v 41 Miseen bibɑ Pitoni kɑ Mɛlɛki kɑ sere Tɑreɑ. 
\v 42 Akɑsiwɑ u Yɑrɑ mɑrɑ. Mɑ Yɑrɑ u Alemɛti mɑrɑ kɑ Asimɑfɛti kɑ sere Simiri. Simiriwɑ u Mɔsɑ mɑrɑ. Mɑ Mɔsɑ u mɑɑ Binɛɑ mɑrɑ. 
\v 43 Binɛɑwɑ u Refɑyɑ mɑrɑ. Mɑ Refɑyɑ u Eleɑsɑɑ mɑrɑ. Mɑ Eleɑsɑɑ u Asɛli mɑrɑ. 
\v 44 Bibu nɔɔbɑ tiɑ Asɛli u mɑrɑ. Ben yĩsɑ wee, Asirikɑmu kɑ Bokuru kɑ Isimɛɛli kɑ Seɑriɑ kɑ Abudiɑsi kɑ sere Hɑnɑnu. Be bɑ sɑ̃ɑ Asɛlin bibu, berɑ mi.
\ms1 DAFIDI, ISIRELIBAN SINA BOKON GARI
\s1 Sɔɔlu kɑ win bibun gɔɔ
\r (I mɑɑ mɛɛrio Sɑmuɛli I, 31:1-13)
\c 10
\p
\v 1 Filisitibɑ bɑ Isirelibɑ tɑbu wɔri. Mɑ Isirelibɑn tɑbu kowobu bɑ duki suɑ. Filisiti be, bɑ bu nɑɑ girɑ bɑ go go Giliboɑn guurɔ. 
\v 2 Bɑ mɑɑ Sɔɔlun tii kɑ win bibu itɑ Yonɑtɑm kɑ Abinɑdɑbu kɑ Mɑɑkisuɑ nɑɑmwɛ. Mɑ bɑ bii be go. 
\v 3 Sɑnnɔ ge, gɑ Sɔɔlu swĩɛ. Tɛn towobu bɑ nùn sɛ̃ɛnu twee bɑ mɛɛrɑ kuɑ gem gem. 
\v 4 Yerɑ u win tɑbu yɑ̃ɑ sɔɔwo sɔ̃ɔwɑ u nɛɛ, u win tɑkobi womɔ u nùn ye sɔku kpɑ bɑngo sɑrirugii be, bu ku rɑɑ nùn sɔku bu yɑɑ kɑsiki.
\p Adɑmɑ durɔ wi, u yinɑ u ko mɛ, domi bɛrum nùn mwɑ gem gem. Mɑ Sɔɔlu u tɑkobi ye mwɑ u kɑ tii sɔkɑ u kibɑrisi u tɑɑre. 
\v 5 Ye win tɑbu yɑ̃ɑ sɔɔwo wi, u wɑ mɑ u gu, yerɑ u mɑɑ win tɑkobi suɑ u tii sɔkɑ nge mɛ Sɔɔlu u kuɑ. Mɑ bɑ gu yɑm tem mi.
\p
\v 6 Nge mɛyɑ Sɔɔlu u kɑ gu kɑ win bibu itɑ be, kɑ win tɑbu yɑ̃ɑ sɔɔwo kɑ sere mɑɑ win tɑbu kowobu kpuro sɑnnu. 
\v 7 Ye Isireli be bɑ wɑ̃ɑ Yisirɛɛlin wɔwɑɔ bɑ nuɑ mɑ ben tɑbu kowobɑ duki suɑ, Sɔɔlu kɑ win bii tɔn durɔbu bɑ mɑɑ gu, yerɑ bɑ ben wusu deri bɑ duki suɑ. Mɑ Filisitibɑ bɑ nɑ bɑ sinɑ wuu si sɔɔ.
\p
\v 8 Ye n kuɑ sisiru Filisitibɑ bɑ nɑ bɑ goo nin yɑ̃nu potirimɔ. Yerɑ bɑ Sɔɔlu kɑ win bibu itɑn gonu wɑ Giliboɑn guurɔ. 
\v 9 Mɑ bɑ Sɔɔlun wiru burɑ bɑ win tɑbu yɑ̃nu kpuro potirɑ. Yerɑ bɑ sɔmɔbu gɔrɑ bu yen lɑbɑɑri kpɑrɑ ben bũu diɑɔ kɑ ben tɔmbun mi, ben tem sɔɔ kpuro. 
\v 10 Yerɑ bɑ win tɑbu yɑ̃nu suɑ bɑ doke ben bũu dirɔ. Mɑ bɑ win wiru suɑ bɑ bwɛ̃ ben bũu wi bɑ mɔ̀ Dɑgonin dirɔ.
\p
\v 11 Sɑnɑm mɛ Yɑbɛsi ye yɑ wɑ̃ɑ Gɑlɑdin temɔ, yen tɔmbu bɑ nuɑ ye Filisitibɑ bɑ Sɔɔlu kuɑ, 
\v 12 yerɑ be bɑ sɑ̃ɑ tɑbu durɔ wɔrugɔbɑ bɑ seewɑ bɑ Sɔɔlu kɑ win bibun goo ni suɑ bɑ kɑ dɑ Yɑbɛsiɔ. Mɑ bɑ ben kukunu sikuɑ dɑ̃ru gɑrun nuurɔ Yɑbɛsi mi. Mɑ bɑ nɔɔ bɔkuɑ sɔ̃ɔ nɔɔbɑ yiru.
\p
\v 13 Sɔɔlu u guwɑ yèn sɔ̃ u Yinni Gusunɔ tɔnu kɑm kom kuɑ, u ǹ win woodɑbɑ mɛm nɔɔwɛ. U bikiɑru dɑwɑ be bɑ rɑ gɔribu sokun mi. 
\v 14 U ǹ Yinni Gusunɔ bikie. Mɑ Yinni Gusunɔ u derɑ u gu. Mɑ u win bɑndu suɑ u Isɑin bii, Dɑfidi wɛ̃.
\s1 Dɑfidi u kuɑ Isirelibɑn sunɔ
\r (I mɑɑ mɛɛrio Sɑmuɛli II, 5:1-3)
\c 11
\p
\v 1 Isirelibɑ kpuro bɑ mɛnnɑ bɑ nɑ Dɑfidin mi Heboroniɔ. Mɑ bɑ nùn sɔ̃ɔwɑ bɑ nɛɛ, bɛsɛ kɑ wunɛ, sɑ sɑ̃ɑwɑ yɛm tem. 
\v 2 Bɑɑ yellun di, sɑɑ ye Sɔɔlu u sɑ̃ɑ bɛsɛn sunɔ, wunɑ ɑ rɑ sun mɛnnɛ ɑ sun kpɑrɑ ɑ kɑ tɑbu dɑ, kpɑ ɑ kɑ mɑɑ sun wurɑmɑ. Gusunɔ wunɛn Yinni u mɑɑ nun sɔ̃ɔwɑ u nɛɛ, wunɑ kɑɑ ko bɛsɛn wirugii kpɑ ɑ bɛsɛ win tɔmbu kpɑrɑ.
\p
\v 3 Yerɑ Isirelibɑn guro gurobu kpuro bɑ nɑ Dɑfidi sinɑ bokon mi Heboroniɔ. Mɑ u kɑ bu ɑrukɑwɑni bɔkuɑ Yinni Gusunɔn wuswɑɑɔ Heboroni mi. Yerɑ bɑ nùn gum tɑ̃re wirɔ, bɑ nùn kuɑ be, Isirelibɑn sunɔ nge mɛ Yinni Gusunɔ u geruɑ sɑɑ Sɑmuɛlin nɔɔn di.
\s1 Dɑfidi u Yerusɑlɛmu wɔri
\s2 u mwɑ
\r (I mɑɑ mɛɛrio Sɑmuɛli II, 5:6-10)
\p
\v 4 Sɔ̃ɔ teeru, Dɑfidi kɑ Isirelibɑ kpuro bɑ Yerusɑlɛmu wɔri. Yerusɑlɛmu yerɑ bɑ mɑɑ sokumɔ Yebusi. Miyɑ Yebusibɑ bɑ wɑ̃ɑ. 
\v 5 Yerɑ bɑ Dɑfidi sɔ̃ɔwɑ bɑ bɛɛ, n ǹ koorɔ u duumɑ wuu ge sɔɔ.
\p Adɑmɑ Dɑfidi u bu wɔri u ben wuu gbɑ̃rɑruguu ge mwɑ. N deemɑ gerɑ bɑ mɑɑ sokumɔ Siɔni. Yen biru bɑ gu sokɑ Dɑfidin wuu. 
\v 6 N deemɑ Dɑfidi u rɑɑ win tɑbu kowobu sɔ̃ɔwɑ u nɛɛ, wi u gbiɑ u Yebusibɑ wɔri u kɑmiɑ, yɛ̃rowɑ u koo ko tɑbu kowobun wirugii. Mɑ Yoɑbu, Seruyɑn bii u gbiɑ u bu wɔri u kɑmiɑ. Mɑ u kuɑ wirugii.
\p
\v 7 Dɑfidi u dɑ u sinɑ wuu gbɑ̃rɑruguu gen mi. Yen sɔ̃nɑ bɑ gu sokɑ Dɑfidin wuu. 
\v 8 Mɑ u bɑni kuɑ u kɑ gu sikerenɑ. U bɑnɑwɑ sɑɑ Milon di u kɑ sikerenɑ. Mɑ Yoɑbu u mɑɑ gen mi n tie sɔnwɑ.
\p
\v 9 Mɑ Dɑfidin dɑm mu sosimɔ. Domi Gusunɔ wɔllu kɑ tem Yinni u wɑ̃ɑ kɑ wi.
\s1 Dɑfidin tɑbu kowobu
\r (I mɑɑ mɛɛrio Sɑmuɛli II, 23:8-39)
\p
\v 10 Wee be bɑ sɑ̃ɑ Dɑfidin tɑbu kowobun wirugibu. Be kɑ Isirelibɑ kpurowɑ bɑ nùn kuɑ sinɑ boko nge mɛ Yinni Gusunɔ u geruɑ win tɔmbun sɔ̃. Bɑ nùn mɛm nɔɔwɑwɑ mɑm mɑm win bɑndun wɑɑti ye kpuro sɔɔ.
\p
\v 11 Yɑsobeɑmu, Hɑkumɔnin bii u sɑ̃ɑ tɑbu kowobun wirugii ben turo. Wiyɑ u tɔmbu goobɑ wunɔbu (300) go kɑ yɑɑsɑ nɔn teerun tɑbu sɔɔ.
\p
\v 12 Yen biru Eleɑsɑɑ, Dodon bii, Akosigii, u sɑ̃ɑwɑ tɑbu kowobu itɑ yen turo. 
\v 13 U wɑ̃ɑ kɑ Dɑfidi Pɑsi Dɑmimuɔ, sɑnɑm mɛ Filisitibɑ bɑ mɛnnɑ bu kɑ bu tɑbu wɔri. Mɑ Isirelibɑ bɑ duki Filisitibɑn wuswɑɑn di. N deemɑ gberu gɑrɑ wɑ̃ɑ mi, tè sɔɔ bɑ ɔɔsu duurɑ. 
\v 14 Yerɑ Eleɑsɑɑ kɑ win tɔmbu bɑ yɔ̃rɑ gbee ten suunu sɔɔ bɑ kɑ tu yinɑ. Mɑ bɑ kɑ Filisitibɑ tɑbu kuɑ bɑ bu go. Yinni Gusunɔ u bu nɑsɑrɑ bɑkɑ wɛ̃ dɔmɑ te.
\p
\v 15 Sɔ̃ɔ teeru Dɑfidin tɑbu sinɑmbu tɛnɑ ye sɔɔ, ben itɑ bɑ dɑ bɑ nùn deemɑ Adulɑmun kpee wɔruɔ, sɑnɑm mɛ Filisitibɑn tɑbu kowobun wuuru gɑru tɑ nɑ tɑ ten sɑnsɑni girɑ Refɑbɑn wɔwɑɔ. 
\v 16 Sɑɑ ye sɔɔ, Dɑfidi u wɑ̃ɑ kpee wɔru ge sɔɔ, mɑ Filisitibɑn sɑnsɑni yɑ mɑɑ gire Bɛtelehɛmuɔ. 
\v 17 Mɑ Dɑfidi u Bɛtelehɛmun bɛkɛ kuɑ u nɛɛ, wɑrɑ u koo kɑ mɑn Bɛtelehɛmun gbɑ̃rɑ kɔnnɔn dɔkɔn nim nɑɑwɑ n nɔ.
\p
\v 18 Yerɑ win tɑbu durɔbu itɑ be, bɑ dɑ bɑ Filisitibɑn sɑnsɑni ye wɔri kɑ dɑm bɑ Dɑfidi nim mɛ tɑkɑmɑ bɑ kɑ nɑ. Adɑmɑ u ǹ mu nɔrɑ. U kɑ mu yɑ̃kuru kuɑwɑ, u Yinni Gusunɔ yɑriɑ. 
\v 19 U nɛɛ, Gusunɔ u mɑn gbɑrɑ bu nɛɛ, nɛnɑ nɑ nim mɛ nɔrɑ. Domi mɛn sɔ̃nɑ tɔn beni bɑ ben wɑ̃ɑru kɑri bɔrie. Nim mɛ, mu sɑ̃ɑwɑ nge ben yɛm mɛ mu koo rɑɑ yɑri.
\p Yen sɔ̃nɑ u yinɑ u mu nɔ.
\p Yenibɑ kpurowɑ Dɑfidin tɑbu kowobu itɑ be, bɑ kuɑ.
\p
\v 20 Abisɑi, Yoɑbun wɔnɔwɑ u sɑ̃ɑ tɑbu sinɑmbu tɛnɑ yen wirugii. Tɔmbu goobɑ wunɔbuwɑ (300) u go kɑ win yɑɑsɑ. Mɑ u yĩsiru yɑrɑ wigibun suunu sɔɔ. 
\v 21 Bɑ nùn bɛɛrɛ wɛ̃ too. Adɑmɑ u ǹ tɑbu durɔbu itɑ be turɑ.
\p
\v 22 Bɛnɑyɑ, Kɑbisɛɛligii, Yehoyɑdɑn bii, u sɑ̃ɑwɑ tɑbu durɔ wɔrugɔ. Mɑ u yĩsiru yɑrɑ nɑsɑrɑ dɑbi te u wɑn sɔ̃. Wiyɑ u Mɔɑbubɑn tɔmbu yiru gɑbu go, be bɑ sɛ̃ nge gbee sinɑnsu. Wiyɑ u mɑɑ duɑ dɔkɔ kpiriru sɔɔ u gbee sunɔ kɑ̃ɑsi mi, u go purɑn sɑɑ sɔɔ. 
\v 23 Mɑ u Egibitin tɑbu durɔ dɑmgii goo go. Win gunum mu sɑ̃ɑwɑ gɔm soonu nɔɔbu. Mɑ u yɑɑsɑ nɛni. Yen buru tɑ sɑ̃ɑwɑ nge weson dɛkɑ ye u rɑ beku yɑsɑ tɛ̃ke. Sɑɑ yè sɔɔ u nùn wɔrim dɔɔ, bokurɑ u nɛni. Ye u turɑ mi, mɑ u durɔ win yɑɑsɑ ye u nɛni mi wɔrɑ u kɑ nùn sɔkɑ u go. 
\v 24 Yenibɑ kpurowɑ Bɛnɑyɑ Yehoyɑdɑn bii u kuɑ. Mɑ u yĩsiru yɑrɑ tɑbu kowobu tɛnɑ ye sɔɔ. 
\v 25 U bɛɛrɛ bɑkɑ wɑ Dɑfidin tɑbu durɔbu tɛnɑ ye sɔɔ. Adɑmɑ yɑ ǹ tɑbu durɔ gbiikobu itɑ begiɑ turɑ. Mɑ Dɑfidi u nùn kuɑ win tiin kɔ̃sobun wirugii.
\p
\v 26 Dɑfidin tɑbu kowo ben gɑbun yĩsɑ wee, Asɑɛli, Yoɑbun wɔnɔ, kɑ Ɛlikɑnɑni, Dodon bii, Bɛtelehɛmugii, 
\v 27 kɑ Sɑmɔti, Hɑrorigii, kɑ Helɛsi, Pɑlonigii, 
\v 28 kɑ Irɑ, Ikɛsin bii, Tekoɑgii, kɑ Abiesɛɛ, Anɑtɔtugii, 
\v 29 kɑ Sibekɑi, Husɑgii, kɑ Ilɑi, Akoɑsigii, 
\v 30 kɑ Mɑhɑrɑi, Nɛtofɑgii, kɑ Helɛdi, Bɑɑnɑn bii, wi u mɑɑ sɑ̃ɑ Nɛtofɑgii, 
\v 31 kɑ Itɑi, Ribɑin bii, Gibeɑgii, ye yɑ wɑ̃ɑ Bɛnyɑmɛɛn temɔ, kɑ Bɛnɑyɑ, Pirɑtonigii, 
\v 32 kɑ Hurɑi, Nɑsɑle Gɑɑsigii, kɑ Abiɛli, Arɑbɑgii, 
\v 33 kɑ Asimɑfɛti, Bɑsɑrumugii, kɑ Eliɑbɑ, Sɑɑbonigii, 
\v 34 kɑ Bɛnɛ Hɑsɛmu, Gisonigii, kɑ Yonɑtɑm, Sɑgen bii, Hɑrɑrigii, 
\v 35 kɑ Akiɑmu, Sɑkɑɑn bii, Hɑrɑrigii, kɑ Elifɑli, Urun bii, 
\v 36 kɑ Hefɛɛ, Mɛkerɑgii, kɑ Akiyɑ, Pɑlonigii, 
\v 37 kɑ Hɛsiro, Kɑɑmɛligii, kɑ Nɑɑrɑi, Ɛsibɑin bii, 
\v 38 kɑ Yoɛli, Nɑtɑnin mɔɔ, kɑ Mibisɑɑ, Hɑgirin bii, 
\v 39 kɑ Selɛki, Amɔnigii, kɑ Nɑkɑrɑi, Berɔtugii wi u rɑ Yoɑbu, Seruyɑn biin tɑbu yɑ̃nu sɔbe, 
\v 40 kɑ Irɑ, kɑ Gɑrɛbu be bɑ sɑ̃ɑ Yetɛɛbɑ, 
\v 41 kɑ Uri, Hɛti, kɑ Sɑbɑdi, Alɑigii, 
\v 42 kɑ Adinɑ, Sisɑn bii, Rubɛnin bwese kɛrɑn wirugii turo, wi u tɑbu kowobu tɛnɑ mɔ, 
\v 43 kɑ Hɑnɑni, Mɑɑkɑn bii, kɑ Yosɑfɑti, Mitinigii, 
\v 44 kɑ Osiɑsi, Asitɑrɔtugii, kɑ Sɑmɑ, kɑ Yeyɛli be bɑ sɑ̃ɑ Hotɑmun bibu, Aroɛɛgibu, 
\v 45 kɑ Yediɛli, Simurin bii, kɑ win wɔnɔ Yokɑ, Tisigii, 
\v 46 kɑ Eliɛli, Mɑkɑfimugii, kɑ Yeribɑi, kɑ Yosɑfiɑ, Elinɑmun bibu, kɑ Yitimɑ, Mɔɑbu, 
\v 47 kɑ Eliɛli, kɑ Obɛdi, kɑ Yɑsiɛli, Sobɑgii.
\c 12
\s1 Tɑbu kowo be bɑ kɑ Dɑfidi
\s2 nɔɔ tiɑ kuɑ Sɔɔlun wɑɑti
\p
\v 1 Sɑnɑm mɛ Dɑfidi u kpikiru suɑ u dɑ Sikilɑgiɔ u kɑ Sɔɔlu Kisin bii tondɑ, yerɑ gɑbɑ seewɑ bɑ dɑ win mi. Bɑ sɑ̃ɑwɑ tɑbu durɔ wɔrugɔbɑ be bɑ sɔɔru sɑ̃ɑ bu kɑ nùn tɑbu somi. 
\v 2 Mɑ bɑ tɛnnu kɑ kpurɑntɛɛnu nɛni. Bɑ mɑɑ ye kpuron tobu yɛ̃wɑ nɔm geu kɑ nɔm dwɑru.
\p Be bɑ sɑ̃ɑ Bɛnyɑmɛɛbɑ, Sɔɔlun bwese kɛrɑ sɔɔ, 
\v 3 berɑ tɑbu sunɔ Akiesɛɛ kɑ Yoɑsi be bɑ sɑ̃ɑ Semɑ, Gibeɑgiin bibu, kɑ Yesiɛli, kɑ Pelɛti be bɑ sɑ̃ɑ Asimɑfɛtin bibu, kɑ Berɑkɑ kɑ Yehu be bɑ sɑ̃ɑ Anɑtɔtugibu, 
\v 4 kɑ Yisimɑyɑ, Gɑbɑonigii, wi u sɑ̃ɑ tɑbu sinɑmbu tɛnɑ yen wirugii turo, kɑ Yeremi kɑ Yɑsiɛli, kɑ Yokɑnɑni kɑ Yosɑbɑdi, Gederɑgii, 
\v 5 kɑ Elusɑi kɑ Yerimɔti kɑ Beɑliɑ kɑ Semɑriɑ kɑ Sefɑtiɑ, Hɑrɔfugii, 
\v 6 kɑ Ɛlikɑnɑ kɑ Yisiyɑ kɑ Asɑrɛli, kɑ Yoesɛɛ kɑ Yɑsobeɑmu, be bɑ sɑ̃ɑ Koren bwese kɛrɑgibu, 
\v 7 kɑ Yoelɑ kɑ Sebɑdiɑ be bɑ sɑ̃ɑ Yerohɑmun bibu, Gedorigibu.
\p
\v 8 Gɑdibɑ sɔɔ, tɑbu durɔ wɔrugɔbɑ bɑ nɑ Dɑfidin mi kpee wɔru gen mi, gbɑburɔ. Bɑ sɑ̃ɑwɑ be bɑ tɑbu tobu yɛ̃. Mɑ bɑ tɛrɛnu kɑ yɑɑsi nɛni. Bɑ dɑm mɔwɑ nge gbee sinɑnsu. Mɑ bɑ sɑ̃u nge nɛm ni nu wɑ̃ɑ guunu wɔllɔ. 
\v 9 Bɑ sɑ̃ɑwɑ tɔnu wɔkurɑ tiɑ. Berɑ tɑbu sunɔ Esɛɛ kɑ Abudiɑsi kɑ Eliɑbu kɑ Misimɑnɑ kɑ Yeremi kɑ Atɑi kɑ Eliɛli kɑ Yokɑnɑni kɑ Ɛlisɑbɑdi kɑ Yeremi kɑ Mɑkibɑnɑi. 
\v 14 Be bɑ sɑ̃ɑ Gɑdigibu bɑ kɑ sɑ̃ɑ tɑbu sinɑmbu, berɑ mi. Wi u piiburu bo be sɔɔ, wiyɑ u koo tɔmbu wunɔbu (100) tɑbu wɔri. Wi u mɑɑ bo, kpɑ u tɔmbu nɔrɔbu (1.000) tɑbu wɔri. 
\v 15 Berɑ bɑ Yuudɛni tɔburɑ wɔ̃ɔn suru gbiikoo sɔɔ, sɑnɑm mɛ yɑ nim yibɑ sere bɔ̃ɔwɔ. Berɑ bɑ mɑɑ tɔn be bɑ wɑ̃ɑ wɔwi sɔɔ girɑ yen sɔ̃ɔ yɑri yeru giɑ kɑ yen sɔ̃ɔ duu yeru giɑ.
\p
\v 16 Bɛnyɑmɛɛbɑ kɑ Yudɑbɑ ben tii bɑ mɑɑ nɑ Dɑfidin mi kpee wɔru mi. 
\v 17 Dɑfidi u bu sennɔ dɑ, mɑ u bu sɔ̃ɔwɑ u nɛɛ, ì n ween nɑ nɛn mi kɑ bwisiku geenu, i kɑ mɑn somi, kon kɑ bɛɛ nɔɔ tiɑ ko. Adɑmɑ ì n ween nɑ i kɑ mɑn sɑmbɑ ko, kpɑ nɛn yibɛrɛbɑ bu kɑ mɑn go sɑnɑm mɛ nɑ ǹ tɑɑrɛ gɑɑ kue, Gusunɔ bɛsɛn bɑɑbɑbɑn Yinni u ye wɑɑwo, kpɑ u sun siriɑ.
\p
\v 18 Yerɑ Yinni Gusunɔn Hunde u duɑ Amɑsɑi, tɑbu sinɑmbu tɛnɑ yen turo sɔɔ, mɑ u geruɑ u nɛɛ,
\q1 wunɑ sɑ kɑ yɔ̃rɑ,
\q1 wunɛ Dɑfidi, Isɑin bii.
\q1 Wunɛ kɑ be bɑ nun somimɔn bwɛ̃rɑ yu kpunɔ.
\q1 Domi Gusunɔ wunɛn Yinni u nun fɑɑbɑ kuɑ.
\p Mɑ Dɑfidi u bu mwɑ kɑ nuku dobu. Mɑ u derɑ bɑ duɑ win tɑbu sinɑmbun wuuru sɔɔ.
\p
\v 19 Mɑnɑsen bwese kɛrɑn tɔmbu bɑ Dɑfidi swĩi sɑnɑm mɛ wi kɑ Filisitibɑ bɑ dɔɔ bu kɑ Sɔɔlu tɑbu ko. Adɑmɑ bɑ ǹ Filisiti be somi. Domi ye Filisiti ben wirugibu bɑ wesiɑnɑ, bɑ Dɑfidi girɑwɑ bɑ nɛɛ, u ko n wɑ̃ɑwɑ Sɔɔlu win yinnin biruɔ kpɑ u rɑ bu wiru bɔɔri. 
\v 20 Mɑnɑsen bwese kɛrɑgii be bɑ Dɑfidi swĩimɑ sɑnɑm mɛ u gɔsirɑmɑ Sikilɑgiɔ, berɑ Adinɑ kɑ Yosɑbɑdi kɑ Yediɛli kɑ Mikɑɛli kɑ Yosɑbɑdi goo kɑ Elihu kɑ Silitɑi. Be kpuro bɑ sɑ̃ɑwɑ Mɑnɑsen bwese kɛrɑn tɑbu kowo wuunun wirugibu. 
\v 21 Berɑ bɑ Dɑfidi somi domi be kpuro bɑ sɑ̃ɑwɑ tɑbu durɔ wɔrugɔbɑ kɑ mɑɑ tɑbu sinɑmbu. 
\v 22 Tɔ̃ɔ bɑɑtere, tɔmbu bɑ rɑ n nɑɑmɔwɑ Dɑfidin mi bu kɑ nùn somi sere win tɑbu kowobu bɑ dɑbiɑ bɑ dɑm kuɑ nge Gusunɔn tɑbu kowobu.
\s1 Tɑbu sinɑm be bɑ Dɑfidi kuɑ
\s2 Isirelibɑ kpuron sunɔ
\p
\v 23 Tɑbu kowo be bɑ nɑ Dɑfidin mi Heboroniɔ bu kɑ nùn Sɔɔlun bɑndu wesiɑ nge mɛ Yinni Gusunɔ u geruɑ, ben geeru wee.
\p
\v 24 Yudɑn bwese kɛrɑ sɔɔ, tɑbu kowo be bɑ tɛrɛnu kɑ yɑɑsi nɛni, bɑ sɑ̃ɑwɑ tɔnu nɔrɔbun subɑ nɔɔbɑ tiɑ kɑ nɛnɛ (6.800). 
\v 25 Simɛɔn bwese kɛrɑ sɔɔ, be bɑ sɑ̃ɑ tɑbu durɔ wɔrugɔbɑ ben geerɑ sɑ̃ɑwɑ nɔrɔbun subɑ nɔɔbɑ yiru kɑ wunɔbu (7.100). 
\v 26 Lefibɑn bwese kɛrɑ sɔɔ, tɔmbu nɔrɔbun subɑ nnɛ kɑ nɑtɑ (4.600) bɑ wɑ̃ɑ, 
\v 27 kɑ Yehoyɑdɑ, Aronin yɛnun wirugii kɑ win tɔmbu nɔrɔbun subɑ itɑ kɑ nɑtɑ kɑ wunɔbu (3.700), 
\v 28 kɑ Sɑdɔku, ɑluwɑɑsi kpɛmbu wi u sɑ̃ɑ tɑbu durɔ wɔrugɔ kɑ wirugibu yɛndɑ yiru be bɑ sɑ̃ɑ win tundon yɛnugibu. 
\v 29 Bɛnyɑmɛɛn bwese kɛrɑ sɔɔ, be bɑ sɑ̃ɑ Sɔɔlun mɛro bisibu, bɑ sɑ̃ɑwɑ tɔmbu nɔrɔbun subɑ itɑ (3.000) domi ben dɑbirɑ bɑ kɑ Sɔɔlu yɔ̃rɑ n kɑ sɑɑ ye girɑri. 
\v 30 Efɑrɑimun bwese kɛrɑ sɔɔ bɑ sɑ̃ɑwɑ nɔrɔbun subɑ yɛndu kɑ nɛnɛ (20.800). Bɑ bu gɑrɑ yɛnu kɑ yɛnu. Bɑ sɑ̃ɑwɑ tɑbu durɔ wɔrugɔbɑ be bɑ yĩsiru yɑrɑ. 
\v 31 Mɑnɑsen bwese kɛrɑn sukumgibu bɑ sɑ̃ɑwɑ nɔrɔbun subɑ wɔkurɑ nɔɔbu kɑ itɑ (18.000). Berɑ bɑ sokɑ kɑ ben yĩsɑ bu kɑ dɑ bu Dɑfidi ko sunɔ. 
\v 32 Isɑkɑrin bwese kɛrɑ sɔɔ, bɑ sɑ̃ɑwɑ tɑbu sinɑmbu goobu (200) kɑ sere mɑɑ ben tɔn be bɑ kpɑre. Isɑkɑrin bwese kɛrɑgii be, bɑ ben wɑɑtin ɑsɑnsi yɛ̃ bu kɑ tubu ye Isirelibɑ bɑ koo ko. 
\v 33 Sɑbulonin bwese kɛrɑ sɔɔ, bɑ sɑ̃ɑwɑ tɔmbu nɔrɔbun subɑ weerɑɑkuru (50.000) be bɑ tɑbu yɛ̃, bɑ mɑɑ tɑbu yɑ̃ɑ bwese bwesekɑ nɛni, bɑ sɔɔru kpeere bu kɑ tɑbu ko kɑ gɔ̃ru tiɑ. 
\v 34 Nɛfitɑlin bwese kɛrɑ sɔɔ, bɑ sɑ̃ɑwɑ tɑbu sinɑmbu nɔrɔbu (1.000) kɑ sere mɑɑ tɑbu kowobu nɔrɔbun subɑ tɛnɑ kɑ nɔɔbɑ yiru (37.000) be bɑ tɛrɛnu kɑ yɑɑsi nɛni. 
\v 35 Dɑnun bwese kɛrɑ sɔɔ, be bɑ tɑbun sɔɔru kpeere, bɑ sɑ̃ɑwɑ tɔmbu nɔrɔbun subɑ yɛndɑ nɔɔbu kɑ itɑ kɑ tɔnu nɑtɑ (28.600). 
\v 36 Asɛɛn bwese kɛrɑ sɔɔ, be bɑ tɑbu yɛ̃ mɑ bɑ sɔɔru sɑ̃ɑ bu kɑ tɑbu ko, bɑ sɑ̃ɑwɑ tɔmbu nɔrɔbun subɑ weeru (40.000). 
\v 37 Be bɑ wɑ̃ɑ Yuudɛnin sɔ̃ɔ yɑri yeru giɑ, Rubɛnibɑ kɑ Gɑdigibu kɑ Mɑnɑsen bwese kɛrɑn sukumgibu bɑ sɑ̃ɑwɑ tɔmbu nɔrɔbun subɑ wunɑɑ teeru (120.000). Bɑ mɑɑ tɑbu yɑ̃ɑ bwese bwesekɑ mɔ.
\p
\v 38 Tɔn be bɑ tɑbun sɔɔru sɑ̃ɑ mi, be kpurowɑ bɑ nɑ Heboroniɔ kɑ gɔ̃ru tiɑ, kpɑ bu kɑ Dɑfidi ko Isirelibɑ kpuron sunɔ. Mɑ Isireli be bɑ tie bɑ kɑ bu nɔɔ tiɑ kuɑ. 
\v 39 Mɑ bɑ kuɑ sɔ̃ɔ itɑ Dɑfidin mi, bɑ dimɔ bɑ nɔrumɔ. Domi begibu bɑ dĩɑnun sɔɔru kuɑ ben sɔ̃. 
\v 40 Yen biru be bɑ wɑ̃ɑ ben bɔkuɔ n kɑ girɑri Isɑkɑribɑ, kɑ Sɑbulonibɑ kɑ sere Nɛfitɑlibɑ, bɑ rɑ ben kɛtɛkunu kɑ ben yooyoosu kɑ ben birɑkɔsu kɑ sere mɑɑ ben kɛtɛbɑ dĩɑnu sɔbimɛwɑ bu kɑ nɑ, kɑ mɑɑ som kɑ figi gbebi, kɑ resɛm gbebi, kɑ tɑm kɑ gum, kɑ kɛtɛbɑ kɑ yɑ̃ɑnu dɑbi dɑbinu, domi be kpuro bɑ wɑ̃ɑ nuku dobu sɔɔ.
\s1 Dɑfidi u Yinni Gusunɔn
\s2 woodɑn kpɑkororu yi
\s2 Obɛdi Edɔmun yɛnuɔ
\r (I mɑɑ mɛɛrio Sɑmuɛli II, 6:1-11)
\c 13
\p
\v 1 Sɔ̃ɔ teeru Dɑfidi u tɑbu kowobu nɔrɔm nɔrɔm kɑ wunɔm wunɔm wirugibu mɛnnɑ kɑ sere mɑɑ wirugii be bɑ tie. 
\v 2 Mɑ u be kpuro sɔ̃ɔwɑ u nɛɛ, yeni yɑ̀ n ween nɑ Gusunɔ bɛsɛn Yinnin min di, mɑ yɑ bɛɛ wɛ̃re, i de su sɔmɔbu gɔri bɛsɛgibun mi Isirelin tem kpuro sɔɔ, yɑ̃ku kowobu kɑ Lefibɑn mi be bɑ wɑ̃ɑ wuu mɑrosɔ kɑ kpɑrɑ yenɔ kpɑ bu mɛnnɑmɑ. 
\v 3 Kpɑ su kɑ Gusunɔ bɛsɛn Yinnin woodɑn kpɑkoro te wurɑmɑ. Domi sɑ ǹ ten gɑri kue Sɔɔlun wɑɑti sɔɔ.
\p
\v 4 Mɑ tɔn be kpuro bɑ wurɑ bu ko mɛ. Domi gɑri yi, yi kɑ bu nɑɑwɑ. 
\v 5 Mɑ Dɑfidi u Isirelibɑ kpuro mɛnnɑ sɑɑ Sikorin di ye yɑ wɑ̃ɑ Egibitiɔ sere kɑ Hɑmɑtin duu yerɔ kpɑ bu dɑ bu Yinni Gusunɔn woodɑn kpɑkoro te suɑmɑ Kiriɑti Yɑrimun di. 
\v 6 Yerɑ Dɑfidi u seewɑ kɑ Isireli be kpuro bɑ dɑ Bɑɑlɑɔ ye bɑ mɑɑ mɔ̀ Kiriɑti Yɑrimu, Yudɑn temɔ, bu kɑ Yinni Gusunɔn woodɑn kpɑkoro te tɑmɑ, tèn wuswɑɑɔ bɑ rɑ Yinni Gusunɔn yĩsiru soku, wi u rɑ n sɔ̃ ten wɔllɔ wɔllun kɔ̃sobun suunu sɔɔ. 
\v 7 Mɑ bɑ tu suɑ bɑ doke nɑɑ kɛkɛ kpɑɑ gɑɑ sɔɔ bɑ kɑ doonɑ Aminɑdɑbun yɛnun di. Usɑ kɑ Akiyowɑ bɑ nɑɑ kɛkɛ ye kpɑre. 
\v 8 Mɑ Dɑfidi kɑ Isirelibɑ kpuro bɑ bu swĩi bɑ mɔrɔkunu soomɔ kɑ gɔ̃ɔgenu, kɑ bɑrɑ kpɑ̃nu, kɑ sɛkɛtirɛnu, kɑ yɑnkokonu. Mɑ bɑ womusu mɔ̀ bɑ yɑɑmɔ kɑ ben dɑm kpuro bɑ kɑ Gusunɔ sɑ̃ɑmɔ. 
\v 9 Sɑɑ yè sɔɔ bɑ turɑ Kidonin doo soo yerɔ, yerɑ kpɑkoro te, tɑ wɔrumɑɑ dɔɔ, mɑ Usɑ u nɔmɑ dɛmiɑ u tu gɑbɑ. 
\v 10 Mii mii, Yinni Gusunɔ u kɑ nùn mɔru kuɑ. Mɑ u derɑ u wɔrumɑ kpɑkoro ten bɔkuɔ u gu, yèn sɔ̃ u tu bɑbɑ.
\p
\v 11 Dɑfidi u mɔru kuɑ too yèn sɔ̃ Yinni Gusunɔ u kɑ Usɑ sɛɛyɑsiɑ mɛ. Mɑ u yɑm mi yĩsiru kɑ̃ Perɛsi Usɑ. Yen tubusiɑnɑ Usɑn goo yeru. Yĩsi terɑ bɑ kɑ mu sokumɔ sere kɑ gisɔn gisɔ. 
\v 12 Mɑ Dɑfidi u Yinni Gusunɔ nɑsiɑ dɔmɑ te. Yerɑ n derɑ u kɑ nɛɛ, ɑmɔnɑ u koo ko u kɑ Yinni Gusunɔn woodɑn kpɑkoro te turi win yɛnuɔ.
\p
\v 13 U ǹ dere bu ginɑ kɑ tu dɑ win yɛnuɔ Yerusɑlɛmuɔ. U derɑ bɑ kɑ tu dɑwɑ Obɛdi Edɔmu Gɑtigiin yɛnuɔ. 
\v 14 Mɑ tɑ kuɑ mi suru itɑ. Mɑ Yinni Gusunɔ u durɔ wi kɑ win yɛnugibu kɑ mɑɑ ye u mɔ kpuro domɑru kuɑ.
\s1 Dɑfidi u wɑ̃ɑ Yerusɑlɛmuɔ
\r (I mɑɑ mɛɛrio 3:5-9; Sɑmuɛli II, 5:11-16)
\c 14
\p
\v 1 Sɔ̃ɔ teeru, Hirɑmu, Tirin sunɔ u Dɑfidi sɔmɔbu gɔriɑ kɑ dɑ̃ɑ geɑ ye bɑ sokumɔ sɛduru kɑ dɑ̃ɑ dɑ̃kobu kɑ be bɑ rɑ kpenu dɑ̃ku, kpɑ bu nùn sinɑ kpɑɑru bɑniɑ. 
\v 2 Dɑfidi u tubɑ mɑ Gusunɔwɑ u win bɑndun dɑm siremɔ. Wiyɑ u mɑɑ bɑn te wɔlle suɑmɔ win tɔmbu Isirelibɑn sɔ̃.
\p
\v 3 Yen biru Dɑfidi u mɑɑ kurɔbu gɑbu suɑ Yerusɑlɛmuɔ. Mɑ bɑ nùn bii tɔn durɔbu kɑ tɔn kurɔbu mɑruɑ. 
\v 4 Berɑ Sɑmuɑ kɑ Sobɑbu kɑ Nɑtɑni kɑ Sɑlomɔɔ 
\v 5 kɑ Yibɑɑ kɑ Elisuɑ kɑ Elifelɛti 
\v 6 kɑ Nɔgɑ kɑ Nɛfɛgi kɑ Yɑfiɑ 
\v 7 kɑ Elisɑmɑ kɑ Beliɑdɑ kɑ sere Elifelɛti goo.
\s1 Dɑfidi u Filisitibɑ kɑmiɑ
\r (I mɑɑ mɛɛrio Sɑmuɛli II, 5:17-25)
\p
\v 8 Ye Filisitibɑ bɑ nuɑ bɑ Dɑfidi gum tɑ̃re wirɔ u kuɑ Isirelibɑ kpuron sunɔ, yerɑ be kpuro bɑ seewɑ bɑ nùn wɔrim wee. Ye u nuɑ mɛ, yerɑ u sɑrɑ u dɑ u kɑ bu yinnɑ. 
\v 9 Sɑɑ ye sɔɔrɑ Filisiti be, bɑ tunumɑ bɑ tɛriɑ Refɑn wɔwɑɔ. 
\v 10 Mɑ Dɑfidi u Yinni Gusunɔ bikiɑ u nɛɛ, n doo n Filisiti be wɔri? Kɑɑ mɑn bu nɔmu bɛriɑ?
\p Mɑ Yinni Gusunɔ u nùn wisɑ u nɛɛ, ɑ doo, kon nun bu nɔmu bɛriɑ.
\p
\v 11 Mɑ bɑ seewɑ bɑ dɑ Bɑɑli Perɑsimuɔ. Miyɑ Dɑfidi u Filisiti be go go. Mɑ u geruɑ u nɛɛ, Yinni Gusunɔ u nɛn yibɛrɛbɑn wuuru gĩɑ nge mɛ nim torɑ yɑ rɑ gunɑ gĩɛ.
\p Yen sɔ̃nɑ bɑ yɑm mi yĩsiru kɑ̃ Bɑɑli Perɑsimu. 
\v 12 Yerɑ Filisiti be, bɑ duki suɑ bɑ ben bwɑ̃ɑrokunu deri mi. Mɑ Dɑfidi u win tɔmbu sɔ̃ɔwɑ bu nu guro bu dɔ̃ɔ mɛni.
\p
\v 13 Amɛn biru, Filisiti be, bɑ kpɑm nɑ bɑ tɛriɑ Refɑn wɔwɑ mi. 
\v 14 Mɑ Dɑfidi u Yinni Gusunɔ bikiɑ u nɛɛ, n mɑɑ doo n bu wɔri? Mɑ Yinni Gusunɔ u nùn wisɑ u nɛɛ, oo. Adɑmɑ ɑ ku dɑ sɔru sɔrum mɛ. A besiro kpɑ ɑ dɑ ɑ n wɑ̃ɑ dɑ̃ɑ ye bɑ mɔ̀ miren sɔ̃ɔwɔ. 
\v 15 Sɑnɑm mɛ ɑ nɑɑ dɑmu dɑmusu gɑsu nɔɔmɔ dɑ̃ɑ wɔllɔ, ɑ yɑrimɑ. Domi nɛ, Yinni Gusunɔwɑ nɑ nun gbiiye n kɑ ben sɑnsɑni ye wɔri.
\p
\v 16 Mɑ Dɑfidi u kuɑ nge mɛ Yinni Gusunɔ u nùn sɔ̃ɔwɑ. U dɑ u Filisiti be go go sɑɑ Gɑbɑonin di n kɑ dɑ Gesɛɛɔ. 
\v 17 Mɑ Dɑfidi u yĩsiru yɑrɑ tem bɑɑmɑ kpuro sɔɔ. Mɑ Yinni Gusunɔ u nùn dɑm wɛ̃ bwesenu kpuro sɔɔ.
\c 15
\s1 Dɑfidi u Yinni Gusunɔn
\s2 woodɑn kpɑkororu wɑ̃ɑ yeru
\s2 sɔɔru kuɑ
\p
\v 1 Yenibɑn biru, Dɑfidi u tii diɑ bɑniɑ Yerusɑlɛmuɔ. U mɑɑ Yinni Gusunɔn woodɑn kpɑkororu wɑ̃ɑ yeru kuɑ mi. 
\v 2 Mɑ u nɛɛ, Lefibɑ tɔnɑwɑ n weenɛ bu tu sɔbe. Domi berɑ Yinni Gusunɔ u gɔsɑ bu kɑ tu sɔbe, kpɑ bu mɑɑ ten sɔmburu ko sɑɑ kpuro sɔɔ.
\p
\v 3 Mɑ Dɑfidi u Isirelibɑ kpuro mɛnnɑ Yerusɑlɛmuɔ bu kɑ Yinni Gusunɔn woodɑn kpɑkoro te dɑ ten ɑyerɔ mi u sɔɔru kuɑ ten sɔ̃. 
\v 4 U mɑɑ yɑ̃ku kowobu Aronin bweserugibu kɑ Lefibɑ mɛnnɑ. 
\v 5 Kehɑtin bweseru sɔɔ, Uriɛliwɑ u sɑ̃ɑ wirugii kɑ wigibu tɔnu wunɑɑ teeru (120). 
\v 6 Mɛrɑrin bwese kɛrɑ sɔɔ, Asɑyɑwɑ u sɑ̃ɑ wirugii, kɑ wigibu tɔmbu goobu kɑ yɛndu (220). 
\v 7 Gɛɛsɔnin bwese kɛrɑ sɔɔ, Yoɛliwɑ u sɑ̃ɑ wirugii kɑ wigibu tɔmbu wunɑɑ teeru kɑ wɔkuru (130). 
\v 8 Elisɑfɑnin bwese kɛrɑ sɔɔ, Semɑyɑwɑ u sɑ̃ɑ wirugii kɑ wigibu tɔnu goobu (200). 
\v 9 Heboronin bwese kɛrɑ sɔɔ, Eliɛliwɑ u sɑ̃ɑ wirugii kɑ wigibu tɔnu wɛnɛ (80). 
\v 10 Usiɛlin bwese kɛrɑ sɔɔ, Aminɑdɑbuwɑ u sɑ̃ɑ wirugii kɑ wigibu tɔnu wunɔbu kɑ wɔkurɑ yiru (112). 
\v 11 Mɑ Dɑfidi u yɑ̃ku kowobu Sɑdɔku kɑ Abiɑtɑɑ sokɑ, kɑ sere mɑɑ Lefi beni, Uriɛli kɑ Asɑyɑ kɑ Yoɛli kɑ Semɑyɑ kɑ Eliɛli kɑ sere Aminɑdɑbu. 
\v 12 Mɑ u bu sɔ̃ɔwɑ u nɛɛ, bɛɛyɑ i sɑ̃ɑ wirugibu Isirelibɑn bwese kɛri sɔɔ. Yen sɔ̃, i tii dɛɛrɑsio bɛɛ kɑ bɛɛn yɛnugibu, kpɑ i dɑ i kɑ Gusunɔ bɛsɛ Isirelibɑn Yinnin woodɑn kpɑkororu suɑmɑ i kɑ nɑ yɑm mi nɑ tu wɑ̃ɑ yeru kuɑ sɔɔ. 
\v 13 Yellu, Gusunɔ bɛsɛn Yinni u sun sɛɛyɑsiɑ kɑ gɔɔ yèn sɔ̃ i ǹ dɑɑ wɑ̃ɑ mi, mɑ sɑ ǹ win woodɑ mɛm nɔɔwɛ.
\p
\v 14 Yerɑ yɑ̃ku kowo be, kɑ Lefi be, bɑ tii dɛɛrɑsiɑ bu wɑ bu kɑ Gusunɔ be Isirelibɑn Yinnin woodɑn kpɑkoro te suɑmɑ. 
\v 15 Mɑ Lefi be, bɑ kpɑkoro te suɑ bɑ seru sɔndi kɑ ten dɑ̃ɑ pɔɔsi yi bɑ rɑ kɑ tu sue nge mɛ Yinni Gusunɔ u rɑɑ yiire bu ko sɑɑ Mɔwisin nɔɔn di. 
\v 16 Mɑ Dɑfidi u mɑɑ Lefibɑn wirugii be sɔ̃ɔwɑ u nɛɛ, bu begibu sɔɔru koosio be bɑ koo womusu ko bɑ n guunu kɑ mɔrɔkunu kɑ sɛkɛtirɛnu soomɔ kɑ dɑm bu kɑ nuku dobu sɔ̃ɔsi. 
\v 17 Be Lefibɑ bɑ sɔɔru koosiɑ, berɑ Hemɑni, Yoɛlin bii kɑ win sɔm kowosii beni, Asɑfu, Berekiɑn bii kɑ sere mɑɑ Etɑni, Kusɑyɑn bii, Mɛrɑrin bwese kɛrɑgii. 
\v 18 Be bɑ mɑɑ swĩi, berɑ Sɑkɑri kɑ Bɛni kɑ Yɑɑsiɛli kɑ Semirɑmɔtu kɑ Yehiɛli kɑ Uni kɑ Eliɑbu kɑ Bɛnɑyɑ kɑ Mɑɑseyɑ kɑ Mɑtitiɑ kɑ Elifɛle kɑ Mikinɛyɑ kɑ Obɛdi Edɔmu kɑ sere Yeyɛli. N deemɑ beni kpuro bɑ sɑ̃ɑwɑ kɔnnɔ kɔ̃sobu. 
\v 19 Wom kowo be bɑ sɛkɛtirɛnu soomɔ ni bɑ kuɑ kɑ sii gɑndu, berɑ Hemɑni kɑ Asɑfu kɑ sere Etɑni. 
\v 20 Be bɑ mɑɑ guunu soomɔ ni nu gɔ̃ru yɑ̃kɑ mɔ, berɑ Sɑkɑri kɑ Asiɛli kɑ Semirɑmɔtu kɑ Yehiɛli kɑ Uni kɑ Eliɑbu kɑ Mɑɑseyɑ kɑ sere mɑɑ Bɛnɑyɑ. 
\v 21 Mɑtitiɑ kɑ Elifɛle kɑ Mikinɛyɑ kɑ Obɛdi Edɔmu kɑ Yeyɛli kɑ sere Asɑsiɑ, berɑ bɑ mɔrɔku sɛrum nɔɔbɑ itɑginu soomɔ bɑ kɑ womusu swĩi. 
\v 22 Lefi be sɔɔ, Kenɑniɑwɑ u sɑ̃ɑ wom kowo ben wirugii. Wiyɑ u bu womusu koosiɑmɔ domi u yɛ̃ru mɔ. 
\v 23 Be bɑ rɑ Yinni Gusunɔn woodɑn kpɑkoro te sɔbe, berɑ Berekiɑ kɑ Ɛlikɑnɑ 
\v 24 kɑ Obɛdi Edɔmu kɑ Yehiɑ. Yɑ̃ku kowo be bɑ rɑ kɔbi so Yinni Gusunɔn woodɑn kpɑkoro ten wuswɑɑɔ, berɑ Sebɑniɑ kɑ Yosɑfɑti kɑ Nɛtɑnɛɛli kɑ Amɑsɑi kɑ Sɑkɑri kɑ Bɛnɑyɑ kɑ sere Ɛliesɛɛ.
\s1 Yinni Gusunɔn
\s2 woodɑn kpɑkororu
\s2 tɑ turɑ Yerusɑlɛmuɔ
\r (I mɑɑ mɛɛrio Sɑmuɛli II, 6:12-19)
\p
\v 25 Dɑfidi kɑ Isirelibɑn guro gurobu kɑ tɑbu kowobu nɔrɔm nɔrɔm wirugibu bɑ swɑɑ wɔri bɑ kɑ Yinni Gusunɔn woodɑn kpɑkoro te wee Obɛdi Edɔmun yɛnun di kɑ nuku dobu. 
\v 26 Yinni Gusunɔ u wɑ̃ɑ kɑ Lefi be bɑ win woodɑn kpɑkoro te sɔɔwɑ. Mɑ bɑ kɛtɛ nɔɔbɑ yiru kɑ yɑ̃ɑ kinɛnu nɔɔbɑ yiru go bɑ kɑ yɑ̃kuru kuɑ. 
\v 27 Dɑfidi kɑ Lefi be bɑ woodɑn kpɑkoro te sɔɔwɑ kɑ wom kowobu, kɑ sere Kenɑniɑ wi u wom kowo be kpɑre, be kpuro bɑ yɑbenu sebuɑ ni bɑ kuɑ kɑ wɛ̃ɛ dɑmgii. Yen biru, Dɑfidi u mɑɑ yɑ̃ku kowon yɑbe tɑrɑkpe doke. 
\v 28 Isirelibɑ kpuro bɑ kɑ Yinni Gusunɔn woodɑn kpɑkoro te nɑ Yerusɑlɛmuɔ. Bɑ kuuki mɔ̀ nuku dobun sɔ̃, mɑ bɑ kɔbi kɑ sɛkɛtirɛnu kɑ guunu kɑ mɔrɔkunu soomɔ.
\p
\v 29 Ye bɑ kɑ Yinni Gusunɔn woodɑn kpɑkoro te duɔ Dɑfidin wuuɔ, yerɑ Mikɑli Sɔɔlun bii tɔn kurɔ u mɛɛrimɑ sɑɑ fɛnɛntin di. Ye u wɑ sinɑ boko Dɑfidi u yɔ̃ɔkumɔ u yɑɑmɔ, yerɑ u nùn gɛmɑ.
\c 16
\p
\v 1 Ye bɑ kɑ kpɑkoro te tunumɑ, yerɑ bɑ tu doke ten ɑyerɔ kuu bekurugiru sɔɔ te Dɑfidi u kuɑ ten sɔ̃. Yen biruwɑ u Yinni Gusunɔ yɑ̃ku dɔ̃ɔ mwɑɑrɑruginu kɑ siɑrɑbun yɑ̃kunu kuɑ. 
\v 2 Ye Dɑfidi u yɑ̃ku ni kuɑ u kpɑ, yerɑ u win tɔmbu Isirelibɑ domɑru kuɑ kɑ Yinni Gusunɔn yĩsiru. 
\v 3 Mɑ u be kpuro dĩɑnu bɔnu kuɑ, tɔn kurɔbu kɑ tɔn durɔbu. U bɑɑwure pɛ̃ɛ kɑ yɑɑ wɔ̃ɔrɑ wɛ̃ kɑ sere mɑɑ kirɑ te bɑ kuɑ kɑ resɛm gbebɑ.
\s1 Lefibɑ bɑ Yinni Gusunɔ
\s2 siɑrɑmɔ kɑ womusu
\r (I mɑɑ mɛɛrio Womu 105:1-15; 96; 106:1,47-48)
\p
\v 4 Mɑ Dɑfidi u Lefi ben gɑbu sɔmɑ wɛ̃ woodɑn kpɑkoro ten sɔ̃, kpɑ bu kɑ Gusunɔ be Isirelibɑn Yinni sɑ̃. Kpɑ bu nùn siɑrɑ, kpɑ bu nùn bɛɛrɛ wɛ̃. 
\v 5 Asɑfuwɑ u sɑ̃ɑ ben wirugii. Mɑ Sɑkɑri u sɑ̃ɑ win yiruse. Mɑ Yeyɛli kɑ Semirɑmɔtu kɑ Yehiɛli kɑ Mɑtitiɑ kɑ Eliɑbu kɑ Bɛnɑyɑ kɑ Obɛdi Edɔmu kɑ sere Yeyɛli bɑ guunu kɑ mɔrɔkunu soomɔ. Mɑ Asɑfu u mɑɑ sɛkɛtirɛnu soomɔ. 
\v 6 Mɑ yɑ̃ku kowo beni, Bɛnɑyɑ kɑ Yɑsiɛli bɑ kɔbi soomɔ tɑ̃ɑ tɑ̃ɑ Yinni Gusunɔn woodɑn kpɑkoro ten wuswɑɑɔ. 
\v 7 Tɔ̃ɔ terɑ Dɑfidi u derɑ Asɑfu kɑ wigibu bɑ Yinni Gusunɔ tɔmɑm toruɑ. Bɑ nɛɛ,
\q1
\v 8 i Yinni Gusunɔ siɑro, kpɑ i nùn sɑ̃,
\q1 kpɑ i bwesenu nɔɔsiɑ sɔm bɑkɑ ni u kuɑ.
\q1
\v 9 I nùn tɔmɔ.
\q1 I nùn siɑro kɑ womusu,
\q1 kpɑ i win sɔm mɑɑmɑɑkiginun gɑri kpɑrɑ.
\q1
\v 10 I yɛ̃ɛrio win yĩsi dɛɛrɑrun sɔ̃,
\q1 kpɑ i nuku dobu ko
\q1 bɛɛ bèn gɔ̃ru gɑ nùn kɑsu.
\q1
\v 11 I gɔsiro Yinni Gusunɔ Dɑm kpurogiin mi,
\q1 kpɑ i nùn kɑsu bɑɑdommɑ.
\q1
\v 12-13 Bɛɛ Isirelibɑ, Yɑkɔbu Gusunɔn sɔm kowon bweseru,
\q1 bɛɛ be u gɔsɑ,
\q1 i yɑɑyo sɔm mɑɑmɑɑkigii ni u kuɑ
\q1 kɑ gɑri yi u bɛɛ sɔ̃ɔwɑ.
\q1
\v 14 Gusunɔwɑ u sɑ̃ɑ bɛsɛn Yinni.
\q1 Wiyɑ u koo hɑnduniɑ kpuro siri.
\q1
\v 15-16 I ɑrukɑwɑni ye yɑɑyo bɑɑdommɑ
\q1 ye u kɑ Aburɑhɑmu bɔkuɑ
\q1 kɑ mɑɑ nɔɔ mwɛɛ te u Isɑki kuɑ.
\q1
\v 17 U kɑ ye Isirelibɑ, Yɑkɔbun bweseru bɔkuɑwɑ
\q1 yɑ n sɑ̃ɑ woodɑ sere kɑ bɑɑdommɑɔ.
\q1
\v 18 U nɛɛ, u koo bu Kɑnɑnin tem wɛ̃
\q1 bu tubi di.
\q1
\v 19 N deemɑ sɑnɑm mɛ,
\q1 Isirelibɑ bɑ ǹ dɑbi,
\q1 mɑ bɑ sɑ̃ɑ sɔbu tem mɛ sɔɔ.
\q1
\v 20 Bɑ rɑ n dɑɑmɔwɑ bwese tukunun mi
\q1 kɑ wuu tukusɔ.
\q1
\v 21 Adɑmɑ u ǹ dere goo u bu dɑm dɔre.
\q1 U mɑɑ sinɑmbu sɛɛyɑsiɑ ben sɔ̃.
\q1
\v 22 U nɛɛ, i ku nɛn tɔn be nɑ gɔsɑ bɑbɑ.
\q1 I ku mɑɑ nɛn sɔmɔbu kɔ̃sɑ kuɑ.
\q1
\v 23 Yen sɔ̃, bɛɛ hɑnduniɑgibu,
\q1 i Yinni Gusunɔ tɔmɔ.
\q1 I win fɑɑbɑn gɑri kpɑro tɔ̃ɔ bɑɑtere.
\q1
\v 24 I win yiikon girimɑ kɑ win sɔm mɑɑmɑɑkiginu kpɑro
\q1 bwesenun suunu sɔɔ.
\q1
\v 25 Domi Yinni Gusunɔ u kpɑ̃.
\q1 Wiyɑ n weenɛ bu siɑrɑ.
\q1 U bũnu kpuro nɑnum kere.
\q1
\v 26 Bwese tukunun bũnu nu sɑ̃ɑwɑ kɑm dirum.
\q1 Adɑmɑ Yinni Gusunɔwɑ u wɔllu kuɑ.
\q1
\v 27 Yiiko kɑ girimɑ yɑ wɑ̃ɑ win wuswɑɑɔ.
\q1 Mɑ dɑm kɑ nuku dobu wɑ̃ɑ win wɑ̃ɑ yerɔ.
\q1
\v 28 Bɛɛ bwesenu kpuro,
\q1 i Yinni Gusunɔ yiiko kɑ bɛɛrɛ wɛ̃ɛyɔ.
\q1
\v 29 I Yinni Gusunɔn yĩsiru yiiko wɛ̃ɛyɔ.
\q1 I kɑ nùn kɛ̃nu dɑɑwo win sɑ̃ɑ yerɔ.
\q1 Kpɑ i yiirɑ win wuswɑɑɔ
\q1 i nùn sɑ̃ win dɛɛrɑrun sɔ̃.
\q1
\v 30 Bɛɛ hɑnduniɑgibu kpuro,
\q1 i diirio win wuswɑɑɔ.
\q1 Tem mu dɑm mɔ,
\q1 mu ǹ bɑ̃ɑrimɔ.
\q1
\v 31 Wɔllu, ɑ yɛ̃ɛrio,
\q1 kpɑ tem mu nuku dobu ko.
\q1 I bwesenu kpuro sɔ̃ɔwɔ
\q1 mɑ Yinni Gusunɔ u bɑndu dii.
\q1
\v 32 Nim wɔ̃ku gu kuuki koowo,
\q1 kɑ ye yɑ wɑ̃ɑ ge sɔɔ.
\q1 Ye yɑ wɑ̃ɑ gen berɑ mi giɑ kpuro,
\q1 yu nuku dobu koowo.
\q1
\v 33 Dɑ̃nu, i nuku dobun kuuki koowo
\q1 Yinni Gusunɔn wuswɑɑɔ.
\q1 Domi u wee u hɑnduniɑgibu siri.
\q1
\v 34 I Yinni Gusunɔ siɑro win tɔn geerun sɔ̃.
\q1 Win kĩru tɑ ǹ nɔru mɔ.
\q1
\v 35 I nùn nɔɔgiru sueyo i nɛɛ,
\q1 Gusunɔ bɛsɛn Fɑɑbɑ kowo, ɑ sun fɑɑbɑ koowo.
\q1 A sun wɔro bwese tukunun nɔmɑn di,
\q1 kpɑ ɑ sun mɛnnɑ.
\q1 Sɑɑ yerɑ sɑ ko nun tɔmɑ
\q1 sɑ n wunɛn yĩsi dɛɛrɑru soku,
\q1 kpɑ sɑ n yɛ̃ɛrimɔ, sɑ n mɔ̀,
\q1
\v 36 Gusunɔ, Isirelibɑn Yinni,
\q1 wunɑ bɑ ko n siɑrɑmɔ sere kɑ bɑɑdommɑɔ.
\m Mɑ tɔmbu kpuro bɑ nɛɛ, ɑmi! I Yinni Gusunɔ siɑro.
\p
\v 37 Yen biru Dɑfidi u Asɑfu kɑ wigibu yiire bɑ n wɑ̃ɑ Yinni Gusunɔn woodɑn kpɑkoro ten mi, bɑ n sɔmburu mɔ̀ bɑɑdommɑ. 
\v 38 Mɑ u Obɛdi Edɔmu kɑ Hosɑ kɑ begibu gɔsɑ. Ben geerɑ sɑ̃ɑwɑ tɔmbu wɑtɑ kɑ nɔɔbɑ itɑ (68). Obɛdi Edɔmu, Yedutum bii, kɑ Hosɑ bɑ sɑ̃ɑwɑ kɔnnɔ kɔ̃sobu.
\p
\v 39 Mɑ Dɑfidi u yɑ̃ku kowo Sɑdɔku kɑ wigibu yiire bu sɔmburu ko gunguru wɔllɔ Gɑbɑoniɔ, mi bɑ rɑ Yinni Gusunɔ yɑ̃kuru kue, 
\v 40 bɑ n dɑ nùn yɑ̃ku dɔ̃ɔ mwɑɑrɑruginu kue bɑɑdommɑ yɑ̃ku yerɔ, bururu kɑ yokɑ, kpɑ bu mɑɑ ko kpuro ye yɑ wɑ̃ɑ woodɑ sɔɔ ye u Isirelibɑ wɛ̃. 
\v 41 Be sɔɔrɑ Hemɑni kɑ Yedutum kɑ sere be bɑ gɔsɑ bɑ ben yĩsɑ siɑ siɑ mi, bu kɑ Yinni Gusunɔ sɑ̃ bɑ wɑ̃ɑ. Domi wi, Yinni Gusunɔn tɔn geeru tɑ rɑ n wɑ̃ɑwɑ sere kɑ bɑɑdommɑɔ. 
\v 42 Hemɑni kɑ Yedutum, berɑ bɑ rɑ kɔbi kɑ sɛkɛtirɛnu kɑ sere mɑɑ yɑ̃ɑ ni nu tien wunɑnɔsu ko, ni bɑ rɑ kɑ womusu ko bɑ̀ n Yinni Gusunɔ sɑ̃ɑmɔ. Yedutum bibɑ bɑ mɑɑ sɑ̃ɑ kɔnnɔn kɔ̃sobu.
\p
\v 43 Yen biru, tɔmbu kpuro bɑ gɔsirɑ bɑ wurɑ ben yɛnusɔ. Mɑ Dɑfidi u mɑɑ dɑ win yɛnuɔ u kɑ win yɛnugibu domɑru kuɑ.
\s1 Nɔɔ mwɛɛ te Gusunɔ u Dɑfidi
\s2 kɑ win bibun bweseru kuɑ
\r (I mɑɑ mɛɛrio Sɑmuɛli II, 7:1-17)
\c 17
\p
\v 1 Ye Dɑfidi u dɑ u sinɑ win yɛnuɔ, yerɑ u Gusunɔn sɔmɔ Nɑtɑni sɔ̃ɔwɑ u nɛɛ, n weenɛ nɑ n wɑ̃ɑ diru sɔɔ te bɑ kuɑ kɑ dɑ̃ɑ geɑ ye bɑ mɔ̀ sɛduru, kpɑ Gusunɔn woodɑn kpɑkororu tɑ n wɑ̃ɑ kuu bekurugiru sɔɔ?
\p
\v 2 Mɑ Nɑtɑni u nùn wisɑ u nɛɛ, ɑ doo ɑ ko nge mɛ ɑ gɔ̃ru doke kpuro. Domi Yinni Gusunɔ u wɑ̃ɑ kɑ wunɛ.
\p
\v 3 Ye n kuɑ wɔ̃kuru, yerɑ Yinni Gusunɔ u Nɑtɑni sɔ̃ɔwɑ kɑ̃siru sɔɔ u nɛɛ, 
\v 4 ɑ doo ɑ nɛn sɔm kowo Dɑfidi sɔ̃ ɑ nɛɛ, nɛ, Yinni Gusunɔ nɑ nùn sɔ̃ɔmɔ mɑ n ǹ wi u koo mɑn diru bɑniɑ mi nɑ ko n wɑ̃ɑ. 
\v 5 Domi nɑ ǹ sinɑre diru gɑru sɔɔ sɑɑ mìn di nɑ kɑ Isirelibɑ yɑrɑmɑ Egibitin di sere n kɑ kuɑ gisɔ. Adɑmɑ nɑ rɑ n wɑ̃ɑwɑ kuu bekurugirɔ kpɑ bɑ n kɑ mɑn bɔsu. 
\v 6 Bɑɑmɑ mi sɑ dɑ nɛ kɑ Isirelibɑ, nɑ rɑ kpɑrobu gɔsiwɑ bɑ n be bɑ tie kpɑre. Adɑmɑ nɑ ǹ ben goo tɑɑrɛ wɛ̃ɛre n nɛɛ, mbɑn sɔ̃nɑ u ǹ mɑn diru bɑniɛ kɑ dɑ̃ɑ ye bɑ mɔ̀ sɛduru. 
\v 7 Yen sɔ̃, ɑ doo ɑ Dɑfidi nɛn sɔm kowo sɔ̃ ɑ nɛɛ, nɛ, Gusunɔ wɔllu kɑ tem Yinni, nɑ nɛɛ, yɑ̃ɑ kpɑrɑbun diyɑ nɑ nùn wunɑmɑ u n kɑ sɑ̃ɑ nɛn tɔmbu Isirelibɑn kpɑro. 
\v 8 Nɑ wɑ̃ɑ kɑ wi, bɑɑmɑ kpuro mi u dɑ. Mɛyɑ nɑ nùn win yibɛrɛbɑ dɛrɑ. Mɑ nɑ derɑ u yĩsiru yɑrɑ nge tɔn boko duniɑ sɔɔ. 
\v 9 Nɑ nɛn tɔmbu Isirelibɑ ɑyeru kuɑ nɑ bu sinɑsiɑ bɑ n kɑ wɑ̃ɑ mi kɑ bɔri yɛndu, kpɑ tɔn kɔ̃sobu bu ku rɑɑ mɑɑ se bu bu nɔni sɔ̃ 
\v 10 nge mɛ bɑ bu kuɑ yellu kpɑrobun wɑɑti sɔɔ. Nɑ win yibɛrɛbɑ kpuro sekuru doke. Nɛ, Yinni Gusunɔwɑ nɑ nùn sɔ̃ɔmɔ mɑ kon nùn ko bwese bɑkɑrun nuuru. 
\v 11 Win sɑɑ yɑ̀ n turɑ u gu, bɑ nùn sikɑ win bɑɑbɑbɑn sikɑɔ, kon win bii turo wunɑ u bɑndu di, kpɑ n bɑn ten dɑm sire. 
\v 12 Bii wiyɑ u koo mɑn diru bɑniɑ, kpɑ n win sinɑ gɔnɑ swĩi yɑ n dɑm mɔ sere kɑ bɑɑdommɑɔ. 
\v 13 Nɑ kon sɑ̃ɑ nge win tundo, kpɑ u n mɑɑ sɑ̃ɑ nge nɛn bii. Nɑ ǹ nùn nɛn durom wunɑrimɔ nge mɛ nɑ mu sunɔ wi u nùn gbiiye wunɑri. 
\v 14 Kon nùn ko nɛn tɔmbun sunɔ, kpɑ n win bɑn ten dɑm sire sere kɑ bɑɑdommɑɔ.
\p
\v 15 Ye Nɑtɑni u gɑri yi kpuro nuɑ u kpɑ, yerɑ u dɑ u yi Dɑfidi sɔ̃ɔwɑ nge mɛ Yinni Gusunɔ u nùn sɔ̃ɔsi kɑ̃si te sɔɔ.
\s1 Dɑfidi u kɑnɑru kuɑ
\r (I mɑɑ mɛɛrio Sɑmuɛli II, 7:18-29)
\p
\v 16 Mɑ Dɑfidi u seewɑ u dɑ Yinni Gusunɔn sɑ̃ɑ yerɔ. U geruɑ u nɛɛ, Yinni Gusunɔ, nɑ yɛ̃ mɑ nɑ ǹ sɑ̃ɑ gɑ̃ɑnu. Nɛn bweserɑ kun mɑɑ gɑ̃ɑnu turɑ. Kɑ mɛ, ɑ mɑn kuɑ sunɔ Yerusɑlɛmu mini. 
\v 17 Mɑ ɑ ye gɑrisi gɑ̃ɑ piiminu wunɛn mi. Domi ɑ kpɑm gerumɔ nge mɛ nɛn bweseru tɑ ko n sɑ̃ɑ siɑ. Mɑ wunɛ wi ɑ kpɑ̃, ɑ mɑn ye sɔ̃ɔmɔ nɛ wi nɑ sɑ̃ɑ tɔn diro. 
\v 18 Mbɑ kon mɑɑ gere bɛɛrɛ ye ɑ mɑn doke min sɔ̃. Domi ɑ mɑn yɛ̃ kɔ. 
\v 19 Yinni Gusunɔ, wunɛn gɑri kɑ mɑɑ wunɛn gɔ̃run kĩrun sɑɑbuwɑ ɑ kɑ mɑn gɑ̃ɑ bɑkɑ nini kpuro kuɑ. Mɑ ɑ mɑn nu sɔ̃ɔsi. 
\v 20 Gɑ̃ɑnu kpuro ye sɑ nuɑ ɑ kuɑ, yɑ sɔ̃ɔsi mɑ ɑ kpɑ̃. Goo sɑri wi u sɑ̃ɑ nge wunɛ. Wunɛ turowɑ ɑ sɑ̃ɑ Gusunɔ. 
\v 21 Bweseru gɑru mɑɑ sɑri nge bɛsɛ Isirelibɑ te tɑ koo nɛɛ, ten bũu u tu yɑkiɑmɑ yorun di, mɑ u tu yĩsiru kɑ̃ tɑ n kɑ sɑ̃ɑ wigiru. Kɑ geemɑ, gɑ̃ɑ bɑkɑnɑ ɑ sun kuɑ. A mɑɑ gɑ̃ɑ mɑɑmɑɑkiginu kuɑ bɛsɛn wuswɑɑɔ ye ɑ kɑ bwese tukunu girɑ bɛsɛn wuswɑɑn di, mɑ ɑ sun yɑkiɑmɑ Egibitigibun min di. 
\v 22 A wunɛn tɔmbu Isirelibɑ swĩi bɑ n kɑ sɑ̃ɑ wunɛgibu mɑm mɑm sere kɑ bɑɑdommɑɔ. Mɑ wunɛ Gusunɔ, ɑ kuɑ ben Yinni. 
\v 23 Ǹ n mɛn nɑ, gɑri yi ɑ geruɑ nɛ kɑ nɛn bweserun sɔ̃ ɑ de yi koorɑ sere kɑ bɑɑdommɑɔ. 
\v 24 A de wunɛn yĩsiru tu wɔlle suɑrɑ sere kɑ bɑɑdommɑɔ. Kpɑ bu nɛɛ, wunɛ Gusunɔ wɔllu kɑ tem Yinniwɑ ɑ sɑ̃ɑ Isirelibɑn Yinni. Kpɑ ɑ de nɛn bwese kɛrɑ yɑ n bɑndu dii wunɛn wuswɑɑɔ. 
\v 25 Yinni Gusunɔ, wunɛn tiiwɑ ɑ mɑn sɔ̃ɔwɑ ɑ nɛɛ, kɑɑ de nɛn bibun bweseru tu bɑndu di nɛn biru. Yen sɔ̃nɑ nɑ kɑ kɑ̃kɑ nɑ kɑnɑ teni mɔ̀. 
\v 26 Yinni, wunɑ ɑ sɑ̃ɑ Gusunɔ. Wunɑ ɑ mɑɑ nɛ wunɛn sɔm kowo durom mɛnin nɔɔ mwɛɛru kuɑ. 
\v 27 Ǹ n mɛn nɑ, ɑ nɛn bweseru domɑru kuo, kpɑ tɑ n bɑndu dii sere kɑ bɑɑdommɑɔ wunɛn wuswɑɑɔ. Ye ɑ domɑru kuɑ, yɑ ko n mɑɑ domɑru mɔwɑ sere kɑ bɑɑdommɑɔ.
\s1 Dɑfidi u bwese tukunu kɑmiɑ
\r (I mɑɑ mɛɛrio Sɑmuɛli II, 8:1-14)
\c 18
\p
\v 1 Yenibɑn biru, Dɑfidi u Filisitibɑ kɑmiɑ, u bu sekuru doke. Mɑ u Gɑti kɑ yen bɑru kpɑɑnu mwɑ. 
\v 2 Mɑ u Mɔɑbubɑ kɑmiɑ bɑ kuɑ win yobu. Mɑ bɑ nùn wɔ̃ɔ gobi kɔsiɑmɔ. 
\v 3 Yen biru u Hɑdɑdesɛɛ, Sobɑn sinɑ boko kɑmiɑ Hɑmɑtin berɑ giɑ, sɑnɑm mɛ wi, Hɑdɑdesɛɛ u dɔɔ u win tem yɑsiɑsiɑ dɑɑ te bɑ mɔ̀ Efɑrɑtiɔ. 
\v 4 Mɑ Dɑfidi u nùn tɑbu kɛkɛ nɔrɔbu (1.000) mwɑɑri ye dumi gɑwe, kɑ mɑɑsɔbu nɔrɔbun subɑ nɔɔbɑ yiru (7.000), kɑ nɑɑnɑɑkobu nɔrɔbun subɑ yɛndu (20.000). Mɑ u ben dumi kpuron nɑɑ sĩinu bɔɔrɑ mɑ n kun mɔ wunɔbu (100) yi u tii deriɑ. 
\v 5 Sirigii be bɑ wɑ̃ɑ Dɑmɑsiɔ bɑ nɑ bu kɑ Hɑdɑdesɛɛ, Sobɑn sinɑ boko somi. Mɑ Dɑfidi u ben tɔmbu nɔrɔbun subɑ yɛndɑ yiru (22.000) go. 
\v 6 Mɑ u bu kpɑrobu yiiyɑ. Mɑ Sirigii be, bɑ kuɑ win yobu, bɑ nùn wɔ̃ɔ gobi kɔsiɑmɔ. Yinni Gusunɔ u rɑ n Dɑfidi kɔ̃suwɑ bɑɑmɑ kpuro mi u dɑ. 
\v 7 Mɑ u Hɑdɑdesɛɛn sɔm kowobun tɛrɛnu mwɛɛrɑ ni bɑ kuɑ kɑ wurɑ. Mɑ u kɑ nu nɑ Yerusɑlɛmuɔ. 
\v 8 U mɑɑ sii gɑndu gurɑmɑ tɑ kpɑ̃ Tibusɑti kɑ Kunun di. Wusu yiru ye, yɑ sɑ̃ɑwɑ Hɑdɑdesɛɛgisu. Sii gɑn teyɑ Sɑlomɔɔ u kɑ boo kuɑ kɑ gen yɔ̃rɑtii kɑ mɑɑ sɑ̃ɑ yerun dendi yɑ̃nu.
\p
\v 9 Ye Tohu, Hɑmɑtin sinɑ boko u nuɑ mɑ Dɑfidi u Hɑdɑdesɛɛ, Sobɑn sinɑ boko kɑ win tɑbu kowobu kɑmiɑ, 
\v 10 yerɑ u win bii Hɑdorɑmu gɔrɑ Dɑfidin mi u nùn tɔbiri kpɑ u nùn siɑrɑ yèn sɔ̃ u Hɑdɑdesɛɛ tɑbu wɔri u kɑmiɑ. Domi Tohu u rɑɑ kɑ Hɑdɑdesɛɛ tɑbu mɔ̀wɑ. Mɑ u Dɑfidi gbɛ̃ɑ mɔrisiɑ bwese bwesekɑ ye bɑ kuɑ kɑ wurɑ kɑ sii geesu kɑ mɑɑ sii gɑndu. 
\v 11 Mɑ Dɑfidi u ye kpuro yi Yinni Gusunɔn sɔ̃, kɑ mɑɑ sii geesu, kɑ wurɑ ye u mwɛɛrɑ bwese tuku ninin min di. Niyɑ, Edɔmubɑ kɑ Mɔɑbubɑ kɑ Amɔnibɑ kɑ Filisitibɑ kɑ sere Amɑlɛkibɑ.
\p
\v 12 Abisɑi, Seruyɑn bii, u Edɔmubɑ kɑmiɑ wɔwɑɔ ye bɑ mɔ̀ Bɔru. Mɑ u ben nɔrɔbun subɑ yɛndu yiru sɑri (18.000) go. 
\v 13 Mɑ u kpɑrobu yi yi Edɔmu mi. Mɑ Edɔmu be kpuro bɑ kuɑ Dɑfidin yobu. Yinni Gusunɔ u rɑ n Dɑfidi kɔ̃suwɑ bɑɑmɑ kpuro mi u dɑ.
\s1 Dɑfidin sɔm kowobun yĩsɑ
\r (I mɑɑ mɛɛrio Sɑmuɛli II, 8:15-18)
\p
\v 14 Dɑfidi u bɑndu di Isirelibɑ kpuro sɔɔ. Mɑ u geɑ mɔ̀, u bu siriɑmmɛ dee dee. 
\v 15 Yoɑbu, Seruyɑn biiwɑ u tɑbu kowobu kpɑre. Mɑ Yosɑfɑti, Ahiludun bii u sɑ̃ɑ tirenun bero. 
\v 16 Sɑdɔku, Akitubun bii, kɑ Abimɛlɛki, Abiɑtɑɑn biiwɑ bɑ sɑ̃ɑ yɑ̃ku kowobu. Mɑ Sɑfusɑ u sɑ̃ɑ tire yoro. 
\v 17 Bɛnɑyɑ, Yehoyɑdɑn biiwɑ u sɑ̃ɑ Keretibɑ kɑ Pelɛtibɑn kpɑro. Mɑ Dɑfidin bibu bɑ sɑ̃ɑ win gerunɑsibu.
\s1 Bɑ Dɑfidin sinɑ ɑsɑkpɔbu
\s2 sekuru doke
\r (I mɑɑ mɛɛrio Sɑmuɛli II, 10:1-5)
\c 19
\p
\v 1 Yenibɑn biru Nɑkɑsi, Amɔnibɑn sinɑ boko u gu. Mɑ win bii u bɑndu kɔsire kuɑ. 
\v 2 Mɑ Dɑfidi u nɛɛ, kon Hɑnuni, Nɑkɑsin bii wi tɔn geeru kuɑ. Domi mɛyɑ win tundo u mɑn kuɑ. Yerɑ Dɑfidi u sɔmɔbu gɔrɑ bu nùn nukuru yɛmiɑsiɑ win tundon gɔɔn sɔ̃. Ye Dɑfidin sɔmɔ be, bɑ turɑ Hɑnuni win mi, Amɔnibɑn temɔ bu kɑ nùn nukuru yɛmiɑsiɑ, 
\v 3 yerɑ Amɔnibɑn wirugibu bɑ Hɑnuni sɔ̃ɔwɑ bɑ nɛɛ, ɑ tɑmɑɑ Dɑfidi u kɑ wunɛn tundo bɛɛrɛ wɛ̃n sɔ̃nɑ u sɔmɔbu gɔrimɑ bu nun nukuru yɛmiɑsiɑ? A ǹ yɛ̃ bu kɑ wuu ge bukiɑnɑ bu gen sɑriɑ giɑ kpɑ bu gu wɔrimɑ bu kɑm koosiɑn sɔ̃nɑ sɔmɔ beni bɑ nɑ wunɛn mi?
\p
\v 4 Yerɑ Hɑnuni u Dɑfidin sɔmɔ be mwɑ u ben tobɑ kɔnɑ mɑ u ben yɑbenu kɑrɑnɑ sɑɑ suunun di sere tɑɑnɔ. Mɑ u bu yɔ̃su bɑ doonɑ. 
\v 5 Ye Dɑfidi u nuɑ ye n tɔn be deemɑ mɑ u wɑ bɑ wɑ̃ɑ seku bɑkɑru sɔɔ, yerɑ u gɑbu gɔrɑ bu kɑ bu yinnɑ kpɑ bu bu sɔ̃ bu ginɑ doo bu sinɑ Yerikoɔ sere ben tobɑ ye, yɑ̀ n kpiɑ bu sere wurɑmɑ.
\s1 Dɑfidi u kɑ Amɔnibɑ
\s2 kɑ Sirigibu tɑbu kuɑ
\r (I mɑɑ mɛɛrio Sɑmuɛli II, 10:6-19)
\p
\v 6 Ye Amɔni be, bɑ wɑ mɑ bɑ Dɑfidin mɔru seeyɑwɑ, yerɑ Hɑnuni kɑ Amɔni be, bɑ sii geesun gobi nɔrɔbu (1.000) mɔrisiɑ Sirigibun mi be bɑ wɑ̃ɑ Mɛsopotɑmiɔ kɑ Mɑɑkɑɔ kɑ sere Sobɑɔ bu kɑ bu tɑbu kɛkɛbɑ kɑ mɑɑsɔbu wɛ̃ɛmɑ. 
\v 7 Mɑ bɑ bu tɑbu kɛkɛ nɔrɔbun subɑ tɛnɑ kɑ yiru (32.000) wɛ̃ɛmɑ, kɑ mɑɑ Mɑɑkɑn sunɔ kɑ win tɑbu kowobu. Mɑ bɑ nɑ bɑ ben sɑnsɑni girɑ Mɛdebɑɔ. Mɑ Amɔnibɑ bɑ mɑɑ yɑrimɑ ben wusun di bɑ mɛnnɑ kɑ tɑbun sɔɔru.
\p
\v 8 Ye Dɑfidi u nuɑ mɛ, yerɑ u bu Yoɑbu kɑ win tɑbu kowo dɑmgibu sure. 
\v 9 Mɑ Amɔnibɑ bɑ yɑrimɑ bɑ wɑ̃ɑ wuun duu yerɔ. Sinɑm be bɑ mɑɑ bu somiru nɑ, mɑ bɑ dɑ bɑ yɔ̃rɑ nɛnnɛnkɑ. 
\v 10 Mɑ Yoɑbu u deemɑ u koo tɑbu kowɑ biruɔ kɑ wuswɑɑɔ. Mɑ u Isirelibɑn tɑbu kowo dɑmgibu sɔɔ tɑbu kowo wuuru suɑ u Sirigibu kpɑre. 
\v 11 Mɑ u mɑɑ win wɔnɔ Abisɑi tɑbu kowo be bɑ tie wɛ̃ bu kɑ Amɔnibɑ wɔri. 
\v 12 Mɑ u nɛɛ, Sirigibu bɑ̀ n mɑn kɑmiɑmɔ, ɑ mɑn somiru nɑ. Amɔnibɑ bɑ̀ n mɑɑ nun kɑmiɑmɔ, kon nun somiru nɑ. 
\v 13 A de ɑ n wɔrugɔru mɔ, kpɑ su tɑɑ bi ko kɑ wɔrugɔru bɛsɛn tɔmbun sɔ̃ kɑ mɑɑ Gusunɔ bɛsɛn Yinnin wusun sɔ̃. Kpɑ Yinni Gusunɔ u ko ye n ko n nùn wɛ̃re.
\p
\v 14 Mɑ Yoɑbu kɑ win tɔmbu bɑ Sirigibu tɑbu wɔri. Mɑ Sirigii be, bɑ duki suɑ Yoɑbun wuswɑɑn di. 
\v 15 Ye Amɔnibɑ bɑ wɑ mɑ Sirigibu bɑ duki suɑ, yerɑ ben tii bɑ mɑɑ duki yɑrinɑ Abisɑi, Yoɑbun wɔnɔn wuswɑɑn di bɑ duɑ wuuɔ. Mɑ Yoɑbu u gɔsirɑmɑ Yerusɑlɛmuɔ.
\p
\v 16 Ye Sirigibu bɑ wɑ mɑ Isirelibɑ bɑ bu kɑmiɑwɑ, yerɑ bɑ sɔmɔbu gɔrɑ bu Sirigii be bɑ wɑ̃ɑ dɑɑrun guru giɔ sokumɑ. Sofɑki, Hɑdɑdesɛɛn tɑbu kowobun wirugii u bu gbiiye. 
\v 17 Mɑ bɑ ye Dɑfidi nɔɔsiɑ. Yerɑ u Isirelibɑn tɑbu kowobu kpuro mɛnnɑ, u kɑ bu Yuudɛni tɔburɑ, mɑ bɑ sĩɑ bɑ dɑ Sirigii ben berɑ giɑ bɑ bu tɑbu wɔri bɑ kɑmiɑ. Mɑ Sirigii be, bɑ duki suɑ Isirelibɑn wuswɑɑn di. 
\v 18 Dɑfidi u ben tɑbu kɛkɛ be dumi gɑwe nɔrɔbun subɑ nɔɔbɑ yiru (7.000) kɔsukɑ kɑ be bɑ wɑ̃ɑ be sɔɔ, kɑ nɑɑnɑɑkobu nɔrɔbun subɑ weeru (40.000), kɑ sere mɑɑ ben tɑbu sunɔ Sofɑki.
\p
\v 19 Ye Hɑdɑdesɛɛn sɔm kowobu bɑ wɑ mɑ Isirelibɑ bɑ bu kɑmiɑwɑ, yerɑ bɑ kɑ Dɑfidi nɔɔ tiɑ kuɑ bɑ nùn tii wɛ̃. Sɑɑ dɔmɑ ten di, Sirigibu bɑ ku rɑ mɑɑ kɑ̃ bu Amɔnibɑ somiru dɑ.
\s1 Yoɑbu u Rɑbɑ tɑbu wɔri
\s2 u mwɑ
\r (I mɑɑ mɛɛrio Sɑmuɛli II, 11:1; 12:26-31)
\c 20
\p
\v 1 Wɔ̃ɔ kpɔɔn sɑɑ yè sɔɔ sinɑmbu bɑ rɑ tɑbu yɑri, yerɑ Yoɑbu kɑ win tɑbu kowo dɑmgii be u kpɑre bɑ dɑ bɑ Amɔnibɑn tem wɔri bɑ kɔsukɑ. Mɑ bɑ Rɑbɑ tɑrusi bɑ mwɑ. N deemɑ sɑɑ ye sɔɔ, Dɑfidi u wɑ̃ɑwɑ win yɛnuɔ Yerusɑlɛmuɔ.
\p
\v 2 Yen biruwɑ Dɑfidi u wuu gen sunɔn furɔ wurɑguu mwɑ. Gen bunum mu sɑ̃ɑwɑ kilo tɛnɑ kɑ nnɛ. Mɑ bɑ gu kpee gobiginu gore. Mɑ bɑ gu suɑ bɑ Dɑfidi dokeɑ wirɔ. Yen dɔmɑ te, dukiɑ bɑkɑ Dɑfidi u gurɑ wuu gen min di u kɑ doonɑ. 
\v 3 Mɑ u gen tɔmbu yoo sɔmɑ koosiɑ. Ben gɑbɑ dɑ̃ɑ bɔɔrimɔ kɑ sii, gɑbu kɑ gbɛ̃ɛ, gɑbɑ kpenu dɑ̃kumɔ, mɑ gɑbɑ tem gbemɔ kɑ dɑ̃kunu. Nge mɛyɑ u mɑɑ Amɔnibɑn wusu kpuron tɔmbu yoo sɔmɑ koosiɑ. Yen biru, Dɑfidi u gɔsirɑmɑ Yerusɑlɛmuɔ kɑ win tɑbu kowobu.
\s1 Bɑ Filisitibɑ kɑmiɑ
\r (I mɑɑ mɛɛrio Sɑmuɛli II, 21:18-22)
\p
\v 4 Yenibɑn biru Isirelibɑ bɑ kɑ Filisitibɑ tɑbu kuɑ Gesɛɛɔ. Sɑɑ ye sɔɔrɑ Sibekɑi, Husɑgii u Sipɑi, Rɑfɑn bweserun turo go. Mɑ u Filisiti be sekuru doke. 
\v 5 Yen biru tɑbu mɑɑ seewɑ Isirelibɑ kɑ Filisitibɑn suunu sɔɔ. Yerɑ Ɛlikɑnɑni Yɑirin bii, u Lɑsimi, Goliɑti, Gɑtigiin wɔnɔ go. Lɑsimi win yɑɑsɑn buru tɑ bɔɔruwɑ nge weson beku tɛ̃ketiru. 
\v 6 Isirelibɑ bɑ mɑɑ kɑ Filisitibɑ tɑbu kuɑ Gɑti mi. Miyɑ tɑbu kowo goo wɑ̃ɑ u gunu too. Niki binu nɔɔbɑ tiɑ tiɑwɑ u mɔ nɔmɑɔ kɑ nɑɑsɔ. Mɑ ni kpuro nu kuɑ yɛndɑ nnɛ. Win tii u sɑ̃ɑwɑ Rɑfɑn bweserugii. 
\v 7 U Isirelibɑ nɔɔ kuurɑ, mɑ Yonɑtɑm, Dɑfidin mɔɔ, Simɛɑn bii, u nùn go.
\p
\v 8 Tɔn be kpuro bɑ sɑ̃ɑwɑ Rɑfɑn bweseru. Dɑfidi kɑ win tɑbu kowobɑ bɑ bu go Gɑtiɔ.
\s1 Dɑfidi u derɑ bɑ Isirelibɑ gɑrɑ
\r (I mɑɑ mɛɛrio Sɑmuɛli II, 24:1-9)
\c 21
\p
\v 1 Sɔ̃ɔ teeru Setɑm u Isirelibɑ seesi, mɑ u Dɑfidi bɔrie u kɑ bu gɑri. 
\v 2 Mɑ Dɑfidi u Yoɑbu kɑ tɑbu kowobun wirugii be bɑ tie sɔ̃ɔwɑ u nɛɛ, bu doo bu Isirelibɑ gɑri sɑɑ ben tem sɔ̃ɔ yɛ̃sɑn nɔm geu giɑn di sere mɛn sɔ̃ɔ yɛ̃sɑn nɔm dwɑrɔ, kpɑ bu nɑ bu nùn gɔrɑ tusiɑ. Nge mɛyɑ u koo kɑ ben geeru giɑ.
\p
\v 3 Yoɑbu u wisɑ u nɛɛ, Yinni Gusunɔ u de win tɔmbu bu dɑbiɑ wunɔm wunɔm subenu. Nɛn yinni sinɑ boko, tɔn beni kpurowɑ bɑ sɑ̃ɑ wunɛn sɔm kowobu. Mbɑn sɔ̃nɑ ɑ mɑɑ yeni bikiɑmɔ. Mbɑn sɔ̃nɑ kɑɑ bu torɑsiɑ.
\p
\v 4 Adɑmɑ sinɑ boko u yɔ̃rɑriwɑ win woodɑ ye sɔɔ dim dim, ye u Yoɑbu wɛ̃ mi. Mɑ Yoɑbu u dɑ u Isirelibɑn tem kpuro bukiɑnɑ. Mɑ u wurɑmɑ Yerusɑlɛmuɔ. 
\v 5 U Dɑfidi gɑri gɑri yi tusiɑ. Isireli be bɑ koo kpĩ bu tɑbu ko, ben geerɑ sɑ̃ɑwɑ yɑko tiɑ kɑ tɔmbu nɔrɔbun subɑ wunɔbu (1.100.000). Yudɑbɑn geerɑ sɑ̃ɑwɑ nɔrɔbun subɑ nɛɛru kɑ wɑtɑ kɑ wɔkuru (470.000).
\p
\v 6 Yoɑbu u ǹ Lefin bwese kɛrɑgibu kɑ Bɛnyɑmɛɛn bwese kɛrɑgibu gɑrɑ. Domi sinɑ bokon woodɑ ye, yɑ ǹ kɑ nùn nɑɑwɛ.
\s1 Yinni Gusunɔ u Dɑfidi
\s2 tɑɑrɛ wɛ̃
\r (I mɑɑ mɛɛrio Sɑmuɛli II, 24:10-17)
\p
\v 7 Dɑfidin woodɑ ye, yɑ ǹ Yinni Gusunɔ dore. Mɑ u Isirelibɑ sɛɛyɑsiɑ. 
\v 8 Mɑ Dɑfidi u Yinni Gusunɔ sɔ̃ɔwɑ u nɛɛ, ye nɑ kuɑ mi, torɑ bɑkɑrɑ. A de ɑ nɛ wunɛn sɔm kowo suuru kuɑ, domi wiirɑ kookoosɑ nɑ kuɑ mi.
\p
\v 9 Mɑ Yinni Gusunɔ u win sɔmɔ Gɑdi sɔ̃ɔwɑ u nɛɛ, 
\v 10 ɑ doo ɑ Dɑfidi sɔ̃ ɑ nɛɛ, ɑmɛniwɑ nɛ, Yinni Gusunɔ nɑ geruɑ. Nɑ nɛɛ, wee, nɑ nùn nɔni swɑ̃ɑnu itɑ yiiye. U gɔsio te u kĩ n kɑ nùn sɛɛyɑsiɑ.
\p
\v 11 Yerɑ Gɑdi u dɑ Dɑfidin mi, mɑ u nùn sɔ̃ɔwɑ u nɛɛ, ɑmɛniwɑ Yinni Gusunɔ u geruɑ. 
\v 12 U nɛɛ, gɔ̃ɔru tu wunɛn tem wɔri wɔ̃ɔ itɑ, ǹ kun mɛ wunɛn yibɛrɛbɑ bu kɑ nun tɑbu ko suru itɑ bu kɑmiɑ, ǹ kun mɛ Yinni Gusunɔ u de gɔɔn gɔrɑdo u kɛ̃si kɛ̃si bɑrɑru pusi Isirelibɑn tem kpuro sɔɔ u mu kpeerɑsiɑ. Nɔni swɑ̃ɑnu itɑ ye sɔɔ, ɑ gɔsio ye ɑ kĩ kpɑ n dɑ n ye Yinni Gusunɔ sɔ̃, wi u mɑn gɔrimɑ.
\p
\v 13 Dɑfidi u Gɑdi wisɑ u nɛɛ, nɑ wɑ̃ɑ nuku sɑnkirɑ bɑkɑnu sɔɔ. Adɑmɑ n burɑm bo n wɔri Yinni Gusunɔn nɔmuɔ ye kon kɑ wɔri tɔmbun nɔmɑɔ. Domi win wɔnwɔndɑ kpɑ̃.
\p
\v 14 Mɑ Yinni Gusunɔ u kɛ̃si kɛ̃si bɑrɑru sure Isirelibɑ sɔɔ. Mɑ tɔmbu nɔrɔbun subɑ wɑtɑ kɑ wɔkuru (70.000) bɑ gu. 
\v 15 Yinni Gusunɔ u win gɔrɑdo gɔrɑ Yerusɑlɛmuɔ u ye kpeerɑsiɑ. Sɑnɑm mɛ gɔrɑdo wi, u ye kpeerɑsiɑmɔ, Yinni Gusunɔ u mɛɛrɑ, mɑ u gɔ̃ru gɔsiɑ kɔ̃sɑ yen di. Mɑ u win gɔrɑdo wi u wuu ge kpeerɑsiɑmɔ mi, sɔ̃ɔwɑ u nɛɛ, n den turɑ mɛ, ɑ wunɛn nɔmu wunɔ.
\p N deemɑ gɔrɑdo wi, u wɑ̃ɑwɑ Ɔɔnɑni, Yebusin doo soo yerɔ. 
\v 16 Dɑfidi u nɔni seeyɑ u gɔrɑdo wi wɑ u wɑ̃ɑ wɔllu kɑ tem bɑɑ sɔɔ, u win tɑkobi sue Yerusɑlɛmun berɑ giɑ. Yerɑ Dɑfidi kɑ win tɔmbun guro gurobu bɑ sɑɑki dewɑ mɑ bɑ yiirɑ bɑ wuswɑɑ tem girɑri nuku sɑnkirɑnun sɔ̃. 
\v 17 Yerɑ Dɑfidi u Yinni Gusunɔ sɔ̃ɔwɑ u nɛɛ, nɛnɑ nɑ woodɑ wɛ̃ bu tɔn be gɑri. Ǹ n mɛn nɑ, nɛnɑ nɑ torɑ. Tɔn beni bɑ ǹ gɑ̃ɑnu kue. Yen sɔ̃, ɑ nɛ kɑ nɛn yɛnugibu nɔmɑ dokeo kpɑ ɑ wunɛn tɔmbu Isirelibɑ deri.
\s1 Dɑfidi u Yinni Gusunɔ
\s2 yɑ̃ku yeru bɑniɑ
\r (I mɑɑ mɛɛrio Sɑmuɛli II, 24:18-25)
\p
\v 18 Yinni Gusunɔn gɔrɑdo u Gɑdi sɔ̃ɔwɑ u nɛɛ, ɑ Dɑfidi sɔ̃ɔwɔ ɑ nɛɛ, u doo Ɔɔnɑni, Yebusin doo soo yeru mi, u Yinni Gusunɔ yɑ̃ku yeru bɑniɑ.
\p
\v 19 Mɑ Dɑfidi u seewɑ u dɑ nge mɛ Yinni Gusunɔ u Gɑdi sɔ̃ɔwɑ. 
\v 20 N deemɑ Ɔɔnɑni u wɑ̃ɑ win doo soo yerɔ kɑ win bibu nnɛ bɑ ɑlikɑmɑ soomɔ. Ye u sĩirɑ yerɑ u Gusunɔn gɔrɑdo wɑ mɑ bɑ dɑ bɑ kukuɑ. 
\v 21 Mɑ Dɑfidi u dɑ Ɔɔnɑnin mi. Ye Ɔɔnɑni u Dɑfidi wɑ, yerɑ u yɑrimɑ doo soo yee ten min di u yiirɑ win wuswɑɑɔ u siriru tem girɑri. 
\v 22 Mɑ Dɑfidi u nùn sɔ̃ɔwɑ u nɛɛ, ɑ mɑn wunɛn doo soo yee te derio n Yinni Gusunɔ yɑ̃ku yeru bɑniɑ mi. Kpɑ wɑhɑlɑ ye yɑ nɛn tɔmbu deemɑ mi, yu kpe. Kon tu dwe kɑ sii geesun gobi nge mɛ kɑɑ ten gobin geeru bure.
\p
\v 23 Mɑ u Dɑfidi sɔ̃ɔwɑ u nɛɛ, nɛn yinni sinɑ boko, ɑ tu suo ɑ kɑ ko ye ɑ kĩ. Kɛtɛbɑ wee, ɑ kɑ yɑ̃ku dɔ̃ɔ mwɑɑrɑrugiru ko. Nɑɑ kɛkɛbɑ wee yi ko yɑ̃ku dɑ̃ɑ. Alikɑmɑ wee ɑ kɑ kɛ̃run yɑ̃kuru ko. Ye kpuro nɑ nun kɑ̃wɑ.
\p
\v 24 Mɑ Dɑfidi sinɑ boko u nùn wisɑ u nɛɛ, ɑɑwo, kon tu dwewɑ nge mɛ kɑɑ ten gobin geeru burɑ. Nɑ ǹ Yinni Gusunɔ gɑ̃ɑnu wɛ̃ɛmɔ ni nu sɑ̃ɑ wunɛginu n kɑ nùn yɑ̃ku dɔ̃ɔ mwɑɑrɑrugiru kuɑ te tɑ ǹ mɑn gɑ̃ɑnu diiri.
\p
\v 25 Mɑ Dɑfidi u nùn wurɑn gobi nɑtɑ (600) wɛ̃ yɑm min sɔ̃. 
\v 26 Dɑfidi u Yinni Gusunɔ yɑ̃ku yeru bɑniɑ mi. Mɑ u yɑ̃ku dɔ̃ɔ mwɑɑrɑruginu kɑ siɑrɑbun yɑ̃kunu kuɑ. Yen biru u Yinni Gusunɔ kɑnɑ. Mɑ Yinni Gusunɔ u win kɑnɑru mwɑ, u derɑ dɔ̃ɔ u sɑrɑmɑ wɔllun di yɑ̃ku yeru wɔllu mi, u yɑ̃ku ni mwɑ. 
\v 27 Yinni Gusunɔ u kɑ win gɔrɑdo wi gɑri kuɑ, mɑ u win tɑkobi wesiɑ yen kɑrɑrɔ.
\p
\v 28 Sɑɑ yerɑ Dɑfidi u tubɑ mɑ Yinni Gusunɔ u win kɑnɑru mwɑ Ɔɔnɑni Yebusin doo soo yeru mi. Sɑɑ dɔmɑ ten diyɑ u rɑ nùn yɑ̃kuru kue mi. 
\v 29 Sɑɑ ye sɔɔ, Yinni Gusunɔn kuu bekurugii te Mɔwisi u kuɑ gbɑburɔ, tɑ wɑ̃ɑwɑ Gɑbɑonin gungurɔ kɑ yɑ̃ku yeru sɑnnu mi bɑ rɑ yɑ̃ku dɔ̃ɔ mwɑɑrɑruginu ko. 
\v 30 Dɑfidi kun kpɛ̃ u dɑ kuu bekurugii ten mi, u kɑ bikiɑru ko Yinni Gusunɔn mi, yèn sɔ̃ bɛrum nùn mwɑ gɔrɑdo win sɔ̃.
\c 22
\p
\v 1 Mɑ Dɑfidi u nɛɛ, yɑm miniwɑ bɑ koo Yinni Gusunɔn sɑ̃ɑ yeru bɑni. Miyɑ yɑ̃ku yerɑ ko n mɑɑ wɑ̃ɑ mi Isirelibɑ bɑ ko n dɑ yɑ̃ku dɔ̃ɔ mwɑɑrɑruginu ko.
\s1 Dɑfidi u Yinni Gusunɔn
\s2 sɑ̃ɑ yerun sɔɔru mɔ̀
\p
\v 2 Dɑfidi u derɑ bɑ sɔbu kpuro mɛnnɑ be bɑ wɑ̃ɑ Isireliɔ. Mɑ u bu yiire bu kpee bɑkɑnu dɑ̃ku bu kɑ Yinni Gusunɔn sɑ̃ɑ yeru bɑni. 
\v 3 U mɑɑ sisu sɔɔru kuɑ siki siki bu kɑ kulumbɑ seku gɑmbobɑn kɑdiribɑn sɔ̃ kɑ mɑɑ sɔretii. Sii gɑn te u mɛnnɑ, tɑ kpɑ̃ sere n ǹ koorɔ bu tu yĩire. 
\v 4 Mɛyɑ u mɑɑ dɑ̃ɑ geɑ ye bɑ mɔ̀ sɛdurubɑ mɛnnɑ siki siki sere bɑ ǹ kpɛ̃ bu ye gɑri. Sidonigibu kɑ Tirigibɑ bɑ kɑ nùn ye nɑɑwɑ. 
\v 5 Domi Dɑfidi u tii sɔ̃ɔwɑ u nɛɛ, win bii Sɑlomɔɔ u sɑ̃ɑwɑ bii piibu. U ǹ ginɑ bwisi mɔ. Wee sɑ̃ɑ yee te bɑ koo Yinni Gusunɔ bɑniɑ mi, tɑ ko n yĩsiru yɑrɑwɑ tem kpuro sɔɔ ten girimɑn kpɑ̃ɑrun sɔ̃. Yen sɔ̃nɑ u kĩ u nùn ten sɔɔru kuɑ. Mɑ Dɑfidi u sɔɔru dɑbinu kuɑ u sere gu.
\s1 Dɑfidi u Sɑlomɔɔ yiire
\s2 u Yinni Gusunɔn sɑ̃ɑ yee te
\s2 bɑni
\p
\v 6 Dɑfidi u win bii Sɑlomɔɔ sokɑ mɑ u nùn yiire u nɛɛ, ɑ Gusunɔ Isirelibɑn Yinni sɑ̃ɑ yeru bɑniɔ. 
\v 7 Nɛn bii, nɛn tiiwɑ nɑ rɑɑ gɔ̃ru doke n nùn tu bɑniɑ. 
\v 8 Adɑmɑ u mɑn sɔ̃ɔwɑ u nɛɛ, nɑ tɔmbun yɛm yɑri too win wuswɑɑɔ tɑɑ bɑkɑ bi nɑ kuɑn sɔ̃. Yen sɔ̃ n ǹ nɛ kon nùn sɑ̃ɑ yeru bɑniɑ mi bɑ ko n dɑ nùn sɑ̃. 
\v 9 Adɑmɑ kon bii mɑ. Bii wi, u ko n wɑ̃ɑwɑ bɔri yɛndu sɔɔ. U koo mɑɑ nùn wɔrɑ win yibɛrɛ be bɑ kɑ nùn sikerenɛn nɔmɑn di. Bɑ koo nùn sokuwɑ Sɑlomɔɔ. Yen tubusiɑnɑ bɔri yɛndu. Domi win bɑndun sɑɑ sɔɔ, u koo de Isirelibɑ bɑ n wɑ̃ɑ bɔri yɛndu sɔɔ. 
\v 10 Wiyɑ u koo nùn sɑ̃ɑ yeru bɑniɑ. U ko n sɑ̃ɑwɑ win bii, kpɑ wi, u n mɑɑ sɑ̃ɑ win tundo. Kpɑ u win bɑndun dɑm sire Isirelibɑn suunu sɔɔ sere kɑ bɑɑdommɑɔ. 
\v 11 Tɛ̃, nɛn bii, Gusunɔ wunɛn Yinni u ko n kɑ nun wɑ̃ɑ. Kpɑ wunɛn wɑ̃ɑru tu dɑkɑɑ dɑ. Kpɑ ɑ kpĩ ɑ nùn sɑ̃ɑ yee te bɑniɑ nge mɛ u nun yiire. 
\v 12 U de ɑ n bwisi kɑ yɛ̃ru mɔ sɑnɑm mɛ u koo de ɑ bɑndu di Isirelibɑ sɔɔ, kpɑ ɑ win woodɑbɑ mɛm nɔɔwɑ. 
\v 13 À n Yinni Gusunɔn woodɑ kɑ win yiirebu mɛm nɔɔwɑ bi u Mɔwisi wɛ̃ Isirelibɑn sɔ̃, sɑɑ yerɑ ye ɑ mɔ̀ kpuro yɑ koo nun koorɑ. A n gesi dɑm kɑ wɔrugɔru mɔ. A ku nɑndɑ, ɑ ku mɑɑ bɛrum ko. 
\v 14 Wee nɑ kookɑri kuɑ nɑ wurɑ sɔɔru kuɑ yɑ tɔnnu nɔrɔbun subɑ itɑ (3.000) kere Yinni Gusunɔn sɑ̃ɑ yee ten sɔ̃. Mɑ nɑ sii geesu sɔɔru kuɑ su tɔnnu nɔrɔbun subɑ tɛnɑ (30.000) kere. Nɑ sii gɑndu kɑ sii wɔ̃kusu sɔɔru kuɑ siki siki sere bɑ ǹ kpɛ̃ bu su yĩire. Mɛyɑ nɑ mɑɑ dɑ̃ɑ kɑ kpenu sɔɔru kuɑ. Adɑmɑ wunɛn tii kɑɑ kpĩ ɑ mɑɑ sosi mi sɔɔ. 
\v 15 Sɔm kowobɑ ko n wɑ̃ɑ wunɛn bɔkuɔ dɑbi dɑbinu. Berɑ be bɑ rɑ kpenu dɑ̃ku kɑ be bɑ rɑ dɑ̃ɑ dɑ̃ku kɑ sere be bɑ sɔm bwese bwesekɑn kobu yɛ̃. 
\v 16 Wee ɑ wurɑ kɑ sii geesu kɑ sii gɑndu kɑ sii wɔ̃kusu mɔ su ǹ geeru mɔ. Tɛ̃, ɑ seewo, kpɑ ɑ sɔmbu te ko. Kpɑ Yinni Gusunɔ u n kɑ nun wɑ̃ɑ.
\p
\v 17 Yen biru Dɑfidi u Isirelibɑn guro gurobu kpuro yiire bu win bii Sɑlomɔɔ somi sɔmbu te sɔɔ. 
\v 18 U mɑɑ bu sɔ̃ɔwɑ u nɛɛ, Gusunɔ bɛɛn Yinni u wɑ̃ɑ kɑ bɛɛ. Wiyɑ u derɑ i wɑ̃ɑ bɔri yɛndu sɔɔ beri berikɑ. Domi u mɑn tem mɛ nɔmu bɛriɑ. Mɑ mu kuɑ wi kɑ win tɔmbugim. 
\v 19 Tɛ̃ i Gusunɔ bɛɛn Yinni kɑsuo kɑ bɛɛn gɔ̃ru kpuro kɑ bɛɛn bwɛ̃rɑ kpuro. I seewo i win sɑ̃ɑ yeru bɑni, kpɑ i kɑ win woodɑn kpɑkororu kɑ win sɑ̃ɑrun dendi yɑ̃nu kpuro dɑ mi.
\c 23
\s1 Dɑfidi u derɑ bɑ Lefibɑ gɑrɑ
\p
\v 1 Ye Dɑfidi u tɔkɔ kuɑ, yerɑ u win bii Sɑlomɔɔ kuɑ Isirelibɑn sunɔ. 
\v 2 Mɑ u Isirelibɑn guro gurobu kɑ yɑ̃ku kowobu kɑ Lefibɑ mɛnnɑ.
\p
\v 3 Mɑ bɑ Lefibɑ gɑrɑ tiɑ tiɑ be bɑ wɔ̃ɔ tɛnɑ mɔ, kɑ be bɑ kere mɛ. Mɑ ben geerɑ kuɑ nɔrɔbun subɑ tɛnɑ kɑ nɔɔbɑ itɑ (38.000). 
\v 4 Mɑ Dɑfidi u tɔmbu nɔrɔbun subɑ yɛndɑ nnɛ (24.000) gɔsɑ be sɔɔ, be bɑ ko n dɑ Yinni Gusunɔn sɑ̃ɑ yee ten bɑnɑ nɔni doke, kɑ tɔmbu nɔrɔbun subɑ nɔɔbɑ tiɑ (6.000) be bɑ koo tɔmbu kpɑrɑ, kpɑ bɑ n dɑ bu sirie. 
\v 5 U mɑɑ tɔmbu nɔrɔbun subɑ nnɛ (4.000) gɔsɑ be bɑ tie sɔɔ, bɑ n dɑ sɑ̃ɑ yee ten kɔnnɔsu kɔ̃su, kpɑ tɔmbu nɔrɔbun subɑ nnɛ (4.000) be bɑ tie bɑ n dɑ Yinni Gusunɔ tɔmɛ kɑ dwee yɑ̃ɑ ni wi, Dɑfidi u derɑ bɑ kuɑ bu kɑ Yinni Gusunɔ siɑrɑ. 
\v 6 Mɑ u bu bɔnu kuɑ wuu wuukɑ nge mɛ bɑ kɑ wɑ̃ɑ Gɛɛsɔni kɑ Kehɑti kɑ Mɛrɑri, Lefin bibun bwese kɛri sɔɔ.
\p
\v 7 Gɛɛsɔnin bibɑ Lɑdɑni kɑ Simɛi. 
\v 8 Bibu itɑwɑ Lɑdɑni u mɑrɑ. Berɑ Yehiɛli kɑ Setɑmu kɑ Yoɛli. Yehiɛliwɑ u sɑ̃ɑ ben gbiikoo. 
\v 9 Bibu itɑwɑ Simɛi u mɑrɑ. Berɑ Selomiti kɑ Hɑsiɛli kɑ Hɑrɑni. Berɑ bɑ sɑ̃ɑ Lɑdɑnin bwese kɛrɑn wirugibu. 
\v 10 Simɛi u mɑɑ bibu nnɛ gɑbu mɑrɑ. Berɑ Yɑsɑti kɑ Sinɑ kɑ Yeusi kɑ Beriɑ. 
\v 11 Yɑsɑtiwɑ u sɑ̃ɑ ben gbiikoo. Mɑ Sinɑ u sɑ̃ɑ yiruse. Yeusi kɑ Beriɑ bɑ ǹ bibu mɑrɑ n dɑbi. Mɑ bɑ bu gɑrisi bwese kɛri tiɑ.
\p
\v 12 Bibu nnɛwɑ Kehɑti u mɑrɑ. Berɑ Amurɑmu kɑ Yisehɑri kɑ Heboroni kɑ Usiɛli. 
\v 13 Amurɑmun bibɑ Aroni kɑ Mɔwisi. Mɑ bɑ Aroni kɑ win bibun bweseru gɔsɑ bɑ yi nɛnɛm sere kɑ bɑɑdommɑɔ bɑ n dɑ kɑ Yinni Gusunɔ turɑre dɔ̃ɔ dokeye, kpɑ bɑ n dɑ mɑɑ sɑ̃ɑrun sɔmburu ko, kpɑ bɑ n dɑ mɑɑ tɔmbu domɑru kue kɑ Yinni Gusunɔn yĩsiru. 
\v 14 Adɑmɑ bɑ Mɔwisi Gusunɔn sɔm kowon bibu gɑrisiwɑ Lefin bwese kɛrɑ sɔɔ. 
\v 15 Mɔwisin bibɑ, Gɛɛsɔmu kɑ Ɛliesɛɛ. 
\v 16 Gɛɛsɔmun bii gbiikoowɑ Sebuɛli. 
\v 17 Ɛliesɛɛn biiwɑ Rehɑbiɑ. Bii turo win biru u ǹ mɑɑ goo mɑrɑ. Adɑmɑ Rehɑbiɑ u bibu mɑrɑ bɑ dɑbi. 
\v 18 Yisehɑrin bii gbiikoowɑ Selomiti. 
\v 19 Bibu nnɛwɑ Heboroni u mɑrɑ. Berɑ Yeriyɑ kɑ Amɑriɑ kɑ Yɑsiɛli kɑ Yekɑmɛɑmu. 
\v 20 Bibu yiruwɑ Usiɛli u mɑrɑ. Berɑ Misee kɑ Yisiyɑ.
\p
\v 21 Mɛrɑrin bibɑ Mɑkili kɑ Musi. Mɑkilin bibɑ mɑɑ Eleɑsɑɑ kɑ Kisi. 
\v 22 Eleɑsɑɑ u ǹ bii tɔn durɔbu mɑrɑ u kɑ gu. Bii tɔn kurɔbɑ u mɑrɑ. Berɑ ben mɛro bisibu Kisin bibu bɑ suɑ kurɔbu. 
\v 23 Bibu itɑwɑ Musi u mɑrɑ. Berɑ Mɑkili kɑ Edɛɛ kɑ Yeremɔti.
\p
\v 24 Be bɑ sɑ̃ɑ ben yɛnun wirugibu Lefin bibun bweseru sɔɔ nge mɛ bɑ kɑ bu tireru doke tiɑ tiɑ, berɑ mi. Berɑ bɑ ko n dɑ sɔmburu ko Yinni Gusunɔn sɑ̃ɑ yerɔ sɑɑ be bɑ wɔ̃ɔ yɛndu mɔn di n kɑ dɑ be bɑ mɛ kere. 
\v 25 Domi Dɑfidi u rɑɑ nɛɛ, Gusunɔ Isirelibɑn Yinni u win tɔmbu bɔri yɛndu wɛ̃. Yen biru u ko n wɑ̃ɑwɑ Yerusɑlɛmuɔ sere kɑ bɑɑdommɑɔ. 
\v 26 Sɑɑ ye sɔɔ, Lefibɑ bɑ ǹ mɑɑ Yinni Gusunɔn kuu bekurugiru kɑ ten dendi yɑ̃nu sɔɔmɔ. 
\v 27 Dɑfidin yiire dɑ̃ɑki bin biruwɑ bɑ Lefibɑ gɑrɑ sɑɑ be bɑ wɔ̃ɔ yɛndu mɔn di n kɑ girɑri be bɑ kere mɛ. 
\v 28 Bɑ bu dokewɑ Aronin bibun bweserun wuuru sɔɔ bu kɑ sɔmburu ko Yinni Gusunɔn sɑ̃ɑ yerun yɑɑrɑɔ kɑ ten dii sɔsɔ. Berɑ bɑ ko n dɑ sɑ̃ɑ yee ten dendi yɑ̃nu kpuro dɛɛrɑsie kpɑ bu mɑɑ sɔmɑ gɑɑ ko mi. 
\v 29 Berɑ bɑ ko n dɑ pɛ̃ɛ ye bɑ ko n dɑ Yinni Gusunɔ yiiye ko, kɑ sere mɑɑ som mɛ bɑ ko n dɑ kɑ kɛ̃nun yɑ̃kunu ko, kɑ pɛ̃ɛ ye bɑ ku rɑ seeyɑtiɑ doke, kɑ pɛ̃ɛ ye bɑ rɑ wɔ̃ pɛrɛnti sɔɔ, kɑ kirɑ ni bɑ rɑ sɔmɛ. Beyɑ bɑ ko n dɑ yebɑ kpuron kpɑ̃ɑru kɑ yen dɛ̃ɛbun sɑriɑ mɛɛri. 
\v 30 Bɑ ko n dɑ nɛwɑ sɑ̃ɑ yeru mi bururu kɑ yokɑ bu kɑ Yinni Gusunɔ tɔmɑ, kpɑ bu nùn bɛɛrɛ wɛ̃. 
\v 31 Mɛyɑ bɑ ko n dɑ mɑɑ nùn yɑ̃ku dɔ̃ɔ mwɑɑrɑruginu kue bɑɑdommɑ tɔ̃ɔ wɛ̃rɑrugiru sɔɔ, kɑ suru kpɑo ù n yɑrɑ, kɑ tɔ̃ɔ bɑkɑ ni nu tiɑ sɔɔ nge mɛ nin geerɑ nɛ kɑ nge mɛ bɑ nin woodɑ yi. 
\v 32 Berɑ bɑ ko n dɑ Yinni Gusunɔn kuu bekurugirun sɔmburu ko, kpɑ Aronin bibun bweseru tu mɑɑ win sɑ̃ɑ yerun sɔmburu ko.
\c 24
\s1 Yɑ̃ku kowobun wuunu
\p
\v 1 Bɑ Aronin bibun bweseru bɔnu kuɑ wuuru kɑ wuuru. Bibu nnɛwɑ Aroni wi, u mɑrɑ. Berɑ Nɑdɑbu kɑ Abihu kɑ Eleɑsɑɑ kɑ Itɑmɑɑ. 
\v 2 Nɑdɑbu kɑ Abihu bɑ gbiɑ bɑ guwɑ ben tundo u sere gu. Be, bɑ ǹ bibu mɑrɑ. Eleɑsɑɑ kɑ Itɑmɑɑ, be tɔnɑwɑ bɑ yɑ̃ku sɔmɑ kuɑ. 
\v 3 Dɑfidi u Aronin bibun bweseru bɔnu kuɑwɑ nge mɛ ben bɑɑwuren sɔmburɑ sɑ̃ɑ. Sɑdɔku u wɑ̃ɑwɑ Eleɑsɑɑn bibun bweseru sɔɔ. Mɑ Akimɛlɛki u mɑɑ wɑ̃ɑ Itɑmɑɑn bibun bweseru sɔɔ. 
\v 4 N deemɑ tɔmbɑ dɑbiru bo Eleɑsɑɑn bibun bweseru sɔɔ n kere Itɑmɑɑn bibugiru sɔɔ. Yen sɔ̃nɑ bɑ Eleɑsɑɑn bibun bweseru bɔnu kuɑ wuuru wɔkurɑ nɔɔbu kɑ tiɑ, nin bɑɑtere kɑ ten wirugii. Mɑ bɑ mɑɑ Itɑmɑɑn bibugiru bɔnu kuɑ wuuru nɔɔbɑ itɑ, nin bɑɑtere kɑ ten wirugii. 
\v 5 Bɑ bu bɔnu kuɑwɑ kɑ tɛtɛ. Domi be bɑ sɑ̃ɑ sɑ̃ɑ yerun wirugibu kɑ Yinni Gusunɔn sɑ̃ɑrun wirugibu, be kpuro bɑ sɑ̃ɑwɑ Eleɑsɑɑ kɑ Itɑmɑɑn bibun bweseru.
\p
\v 6 Tire yoro Semɑyɑ, Nɛtɑnɛɛlin bii, Lefin bwese kɛrɑ sɔɔ, wiyɑ u ben yĩsɑ tireru doke sinɑ boko kɑ wirugibu kɑ yɑ̃ku kowo Sɑdɔku kɑ Akimɛlɛki, Abiɑtɑɑn bii kɑ yɑ̃ku kowobun wirugibu kɑ Lefibɑn wirugibun wuswɑɑɔ. Bɑ Eleɑsɑɑ kɑ Itɑmɑɑn bibun bwese nin yĩsɑ tireru dokewɑ kɑ tɛtɛ. Bɑ rɑ ginɑ Eleɑsɑɑgibu gɔsiwɑ, yen biru kpɑ bu mɑɑ Itɑmɑɑgibu gɔsi. 
\v 7-18 Wuuru kɑ wuurun wirugii be bɑ gɔsɑ kɑ tɛtɛ, ben yĩsɑ wee.
\m Yehoyɑribuwɑ u sɑ̃ɑ gbiikoo.
\m Mɑ Yedɑyɑ u sɑ̃ɑ yiruse.
\m Mɑ Hɑrimu u sɑ̃ɑ itɑse.
\m Mɑ Seorimu u sɑ̃ɑ nnɛse.
\m Mɑ Mɑɑkiyɑ u sɑ̃ɑ nɔɔbuse.
\m Mɑ Miyɑmini u sɑ̃ɑ nɔɔbɑ tiɑse.
\m Mɑ Hɑkɔtu u sɑ̃ɑ nɔɔbɑ yiruse.
\m Mɑ Abiyɑ u sɑ̃ɑ nɔɔbɑ itɑse.
\m Mɑ Yosue u sɑ̃ɑ nɔɔbɑ nnɛse.
\m Mɑ Sekɑniɑ u sɑ̃ɑ wɔkuruse.
\m Mɑ Eliɑsibu u sɑ̃ɑ wɔkurɑ tiɑse.
\m Mɑ Yɑkimu u sɑ̃ɑ wɔkurɑ yiruse.
\m Mɑ Hupɑ u sɑ̃ɑ wɔkurɑ itɑse.
\m Mɑ Yesebɑbu u sɑ̃ɑ wɔkurɑ nnɛse.
\m Mɑ Biligɑ u sɑ̃ɑ wɔkurɑ nɔɔbuse.
\m Mɑ Imɛri u sɑ̃ɑ wɔkurɑ nɔɔbu kɑ tiɑse.
\m Mɑ Hesiri u sɑ̃ɑ wɔkurɑ nɔɔbu kɑ yiruse.
\m Mɑ Hɑpisɛsi u sɑ̃ɑ wɔkurɑ nɔɔbu kɑ itɑse.
\m Mɑ Petɑhiɑ u sɑ̃ɑ wɔkurɑ nɔɔbu kɑ nnɛse.
\m Mɑ Esekiɛli u sɑ̃ɑ yɛnduse.
\m Mɑ Yɑkini u sɑ̃ɑ yɛndɑ tiɑse.
\m Mɑ Gɑmulu u sɑ̃ɑ yɛndɑ yiruse.
\m Mɑ Delɑyɑ u sɑ̃ɑ yɛndɑ itɑse.
\m Mɑ Mɑɑsiɑ u sɑ̃ɑ yɛndɑ nnɛse.
\p
\v 19 Nge mɛyɑ bɑ kɑ bu yi yi bu kɑ sɔmburu ko Yinni Gusunɔn sɑ̃ɑ yerɔ. Bɑ rɑ ben sɔmburu kowɑ nge mɛ ben sikɑdo Aroni u bu yiire bu ko. N deemɑ Gusunɔ Isirelibɑn Yinnin tiiwɑ u Aroni woodɑ ye wɛ̃.
\s1 Lefi be bɑ tien yĩsɑ
\p
\v 20 Lefin bibun bweserun wirugii be bɑ tien yĩsɑ wee.
\p Amurɑmun bibun bweseru sɔɔ, Subɑɛliwɑ. Subɑɛlin bibun bweseru sɔɔ, Yesidiɑwɑ. 
\v 21 Rekɑbiɑn bibun bweseru sɔɔ, Yisiyɑwɑ u sɑ̃ɑ gbiikoo. 
\v 22 Yisehɑrin bibun bweseru sɔɔ, Selomɔtuwɑ. Selomɔtun bibun bweseru sɔɔ mɑɑ, Yɑsɑtiwɑ. 
\v 23 Heboronin bibun bweseru sɔɔ, Yeriyɑwɑ u sɑ̃ɑ gbiikoo. Mɑ Amɑriɑ u sɑ̃ɑ yiruse. Mɑ Yɑsiɛli u sɑ̃ɑ itɑse. Mɑ Yekɑmɛɑmu u sɑ̃ɑ nnɛse. 
\v 24 Usiɛlin bibun bweseru sɔɔ, Miseewɑ. Miseen bibun bweseru sɔɔ, Sɑmiriwɑ. 
\v 25 Yisiyɑ, Miseen mɔɔn bibun bweseru sɔɔ, Sɑkɑriwɑ. 
\v 26 Mɛrɑrin bibun bweseru sɔɔ, Mɑkili kɑ Musi kɑ Musin bii Yɑsiɑn bibɑ. 
\v 27 Yɑɑsiyɑ, Mɛrɑrin biin bibun bweseru sɔɔ, Sohɑmu kɑ Sɑkuri kɑ Ibiriwɑ. 
\v 28-29 Mɑkilin bibun bweseru sɔɔ, Eleɑsɑɑwɑ, wi u kun bibu mɑrɑ. Kisin bibun bweseru sɔɔ, Yerɑmɛɛliwɑ. 
\v 30 Musin bibun bweseru sɔɔ, Mɑkili kɑ Edɛɛ kɑ Yerimɔtiwɑ.
\p Be bɑ sɑ̃ɑ Lefin bibun bweserun kɛri, berɑ mi. 
\v 31 Ben tii bɑ tɛtɛ tobɑwɑ nge mɛ begibu Aronin bibun bweserugibu bɑ kuɑ sinɑ boko Dɑfidi kɑ Sɑdɔku kɑ Akimɛlɛki kɑ yɑ̃ku kowobun wirugibu kɑ Lefibɑn wirugibun wuswɑɑɔ. Kɑ woro tee teyɑ bɑ kɑ ben bɑɑwuren yĩsiru tireru doke, bɑ ǹ ben kerɑnɑɑ mɛɛrɑ.
\c 25
\s1 Wom kowobun wuunu
\p
\v 1 Dɑfidi kɑ tɑbu sinɑmbu bɑ Asɑfun bibun bweseru kɑ Hemɑnin bibugiru kɑ Yedutum bibugiru gɔsɑ bɑ yi nɛnɛm sɑ̃ɑrun sɔ̃. Gɑri yi Gusunɔ u bu sɔ̃ɔwɑ, yiyɑ bɑ rɑ kɑ womusu ko kɑ mɔrɔkunu kɑ guunu kɑ sɛkɛtirɛnu. Be bɑ sɔmɑ ye mɔ̀, ben yĩsɑ wee.
\p
\v 2 Asɑfun bibun bweseru sɔɔ, Sɑkuri kɑ Yosɛfu kɑ Nɛtɑniɑ kɑ Asɑrelɑ. Ben tundo Asɑfuwɑ u rɑ n bu kpɑre. Gɑri yi Gusunɔ u nùn sɔ̃ɔwɑ yiyɑ u rɑ n kɑ womu mɔ̀ nge mɛ sinɑ boko u nùn yiire.
\p
\v 3 Yedutum bibun bweseru sɔɔ, Gedɑliɑ kɑ Seri kɑ Esɑi kɑ Hɑsɑbiɑ kɑ Mɑtitiɑ kɑ Simɛiwɑ. Ben tundo Yedutumwɑ u rɑ n bu kpɑre. Gɑri yi Gusunɔ u nùn sɔ̃ɔwɑ, yiyɑ u rɑ n kɑ womu mɔ̀ kɑ mɔrɔku, u n kɑ Gusunɔ siɑrɑmɔ kpɑ u n nùn bɛɛrɛ wɛ̃ɛmɔ.
\p
\v 4 Hemɑnin bibun bweseru sɔɔ mɑɑ, Bukiɑ kɑ Mɑtɑniɑ kɑ Usiɛli kɑ Sebuɛli kɑ Yerimɔti kɑ Hɑnɑniɑ kɑ Hɑnɑni kɑ Eleɑtɑ kɑ Gidɑliti kɑ Romɑnti Esɛɛ kɑ Yosibekɑsɑ kɑ Mɑlɔti kɑ Hotiri kɑ Mɑkɑsiɔti. 
\v 5 Beni kpurowɑ bɑ sɑ̃ɑ Hemɑnin bibun bweseru. Hemɑni wiyɑ u rɑ Yinni Gusunɔn dɑm wɔlle sue kpɑ u sinɑ boko sɔ̃ ye Yinni Gusunɔ u geruɑ. Hemɑni wi, u bii tɔn durɔbu mɑrɑ wɔkurɑ nnɛ, bii tɔn kurɔbu mɑɑ itɑ.
\p
\v 6 Tɔn be kpurowɑ bɑ rɑ womusu ko Yinni Gusunɔn sɑ̃ɑ yerɔ kɑ sɛkɛtirɛnu kɑ guunu kɑ mɔrɔkunu kpɑ ben tundobu bɑ n bu kpɑre. Bɑ rɑ ben sɔmburu kowɑ kɑ sinɑ bokon woodɑ. Kpɑ Asɑfu kɑ Yedutum kɑ Hemɑni bɑ n bu gbiiye. 
\v 7 Be bɑ womusu yɛ̃ kɑ be bɑ bu swĩi, be kpuron geerɑ sɑ̃ɑwɑ goobu kɑ wɛnɛ kɑ nɔɔbɑ itɑ (288).
\p
\v 8 Bɑ tɛtɛ tobɑwɑ bu kɑ sɔmburun kpunɑɑ yi. Bɑ ǹ nɛɛ, bukurowɑ gee, ǹ kun mɛ biiwɑ gee. Mɛyɑ bɑ ǹ mɑɑ nɛɛ, be bɑ womusu yɛ̃wɑ gee, ǹ kun mɛ be bɑ torumɔwɑ gee.
\p
\v 9-31 Wuuru kɑ wuurun wirugii be bɑ gɔsɑ kɑ tɛtɛ, be wee.
\m Yosɛfu, Asɑfun bweseru sɔɔ, wiyɑ u sɑ̃ɑ gbiikoo.
\m Mɑ Gedɑliɑ u sɑ̃ɑ yiruse.
\m Mɑ Sɑkuri u sɑ̃ɑ itɑse.
\m Mɑ Yiseri u sɑ̃ɑ nnɛse.
\m Mɑ Nɛtɑniɑ u sɑ̃ɑ nɔɔbuse.
\m Mɑ Bukiɑ u sɑ̃ɑ nɔɔbɑ tiɑse.
\m Mɑ Yesɑrelɑ u sɑ̃ɑ nɔɔbɑ yiruse.
\m Mɑ Esɑi u sɑ̃ɑ nɔɔbɑ itɑse.
\m Mɑ Mɑtɑniɑ u sɑ̃ɑ nɔɔbɑ nnɛse.
\m Mɑ Simɛi u sɑ̃ɑ wɔkuruse.
\m Mɑ Asɑrɛli u sɑ̃ɑ wɔkurɑ tiɑse.
\m Mɑ Hɑsɑbiɑ u sɑ̃ɑ wɔkurɑ yiruse.
\m Mɑ Subɑɛli u sɑ̃ɑ wɔkurɑ itɑse.
\m Mɑ Mɑtitiɑ u sɑ̃ɑ wɔkurɑ nnɛse.
\m Mɑ Yeremɔti u sɑ̃ɑ wɔkurɑ nɔɔbuse.
\m Mɑ Hɑnɑniɑ u sɑ̃ɑ wɔkurɑ nɔɔbu kɑ tiɑse.
\m Mɑ Yosibekɑsɑ u sɑ̃ɑ wɔkurɑ nɔɔbu kɑ yiruse.
\m Mɑ Hɑnɑni u sɑ̃ɑ wɔkurɑ nɔɔbu kɑ itɑse.
\m Mɑ Mɑlɔti u sɑ̃ɑ wɔkurɑ nɔɔbu kɑ nnɛse.
\m Mɑ Eliɑtɑ u sɑ̃ɑ yɛnduse.
\m Mɑ Hotiri u sɑ̃ɑ yɛndɑ tiɑse.
\m Mɑ Gidɑliti u sɑ̃ɑ yɛndɑ yiruse.
\m Mɑ Mɑkɑsiɔti u sɑ̃ɑ yɛndɑ itɑse.
\m Mɑ Romɑnti Esɛɛ u sɑ̃ɑ yɛndɑ nnɛse.
\p Wuuru bɑɑteren wirugii kɑ win yɛnugibu bɑ rɑ n sɑ̃ɑwɑ wɔkurɑ yiru.
\c 26
\s1 Be bɑ rɑ sɑ̃ɑ yerun kɔnnɔsu
\s2 kɔ̃su
\p
\v 1 Bɑ be bɑ rɑ sɑ̃ɑ yerun kɔnnɔsu kɔ̃su bɔnu kuɑ wuu wuukɑ. Koren bweseru sɔɔ, Mɛselemiɑ, Koren bii, Asɑfun debubuwɑ bɑ gɔsɑ. 
\v 2 Bibu nɔɔbɑ yiruwɑ u mɑrɑ. Wee nge mɛ bɑ kɑ swĩinɛ. Sɑkɑri kɑ Yediɛli kɑ Sebɑdiɑ kɑ Yɑtiniɛli, 
\v 3 kɑ Elɑmu kɑ Yokɑnɑni kɑ sere Elionɑi.
\p
\v 4 Bɑ mɑɑ Obɛdi Edɔmu gɔsɑ. Mɑ Yinni Gusunɔ u nùn domɑru kuɑ, u bibu nɔɔbɑ itɑ mɑrɑ. Wee nge mɛ bɑ kɑ swĩinɛ. Semɑyɑ kɑ Yosɑbɑdi kɑ Yoɑsi kɑ Sɑkɑɑ kɑ Nɛtɑnɛɛli, 
\v 5 kɑ Amiɛli kɑ Isɑkɑri kɑ sere Pɛlitɑi. 
\v 6 Semɑyɑ, Obɛdi Edɔmun bii gbiikoo u bibu mɑrɑ be bɑ kuɑ dɑmgibu, begibun suunu sɔɔ. Domi bɑ sɑ̃ɑwɑ wɔrugɔbɑ. 
\v 7 Bii berɑ, Otini kɑ Refɑɛli kɑ Obɛdi kɑ Ɛlisɑbɑdi kɑ sere ben wɔnɔbu yiru beni, Elihu kɑ Semɑyɑ be bɑ sɑ̃ɑ wɔrugɔbɑ. 
\v 8 Tɔn be kpurowɑ bɑ sɑ̃ɑ Obɛdi Edɔmun bibun bweseru. Be kɑ ben bibu kɑ ben dusibu bɑ sɑ̃ɑwɑ wɔrugɔbɑ mɑ bɑ hɑniɑ mɔ sɔmburu sɔɔ. Bɑ sɑ̃ɑwɑ tɔmbu wɑtɑ kɑ yiru.
\p
\v 9 Mɛselemiɑn bibu kɑ win wɔnɔbu bɑ sɑ̃ɑwɑ tɔmbu wɔkurɑ nɔɔbu kɑ itɑ. Be kpuro bɑ sɑ̃ɑwɑ wɔrugɔbɑ.
\p
\v 10-11 Mɛrɑrin bweseru sɔɔ, Hosɑwɑ bɑ gɔsɑ. Bibu nnɛwɑ u mɑrɑ. Berɑ Simiri kɑ Hilikiyɑ kɑ Tebɑliɑ kɑ Sɑkɑri. Mɑ u Simuri kuɑ ben wirugii bɑɑ mɛ n ǹ wi u sɑ̃ɑ bii gbiikoo. Hosɑn bibu kɑ win wɔnɔbu bɑ sɑ̃ɑwɑ tɔmbu wɔkurɑ itɑ.
\p
\v 12 Kɔnnɔ kɔ̃sobun wuu ni, kɑ nin wirugibu kɑ ben mɛro bisibu, berɑ bɑ ko n dɑ kɔnnɔsu kɔ̃su Yinni Gusunɔn sɑ̃ɑ yerɔ. 
\v 13 Bɑ kɔnnɔsu bɔnu kuɑwɑ kɑ tɛtɛ, yɛnu kɑ yɛnu, bibu kɑ bukurobu, bɑɑwure u n kɑ yɛ̃ mi u koo kɔ̃su.
\p
\v 14 Ye bɑ tɛtɛ tobɑ, sɔ̃ɔ yɑri yeru giɑrɑ Selemiɑ u wɑ. Mɑ win bii Sɑkɑri wi u sɑ̃ɑ bwisi kɛ̃ɔ u mɑɑ sɔ̃ɔ yɛ̃sɑn nɔm geu giɑ tɛtɛ di. 
\v 15 Obɛdi Edɔmuwɑ u sɔ̃ɔ yɛ̃sɑn nɔm dwɑrugiɑ tɛtɛ di. Mɑ win bii u mɑɑ yɛnusu tɛtɛ di mi bɑ rɑ dĩɑnu bere. 
\v 16 Supimu kɑ Hosɑwɑ bɑ kɔnnɔ ge gɑ wɑ̃ɑ sɔ̃ɔ duu yeru giɑ tɛtɛ di, kɑ ge bɑ mɔ̀ Sɑlekɛti, gɑ mɛɛrɑ swɑɑɔ ye yɑ dɔɔ gunguru giɑ. Kɔ̃so be, bɑ mɛɛrinɛwɑ.
\p
\v 17 Tɔ̃ɔ bɑɑtere Lefibɑ nɔɔbɑ tiɑ bɑ rɑ n wɑ̃ɑ sɔ̃ɔ yɑri yeru giɑ, kpɑ tɔmbu nnɛ bɑ n wɑ̃ɑ sɔ̃ɔ yɛ̃sɑn nɔm geu giɑ, kpɑ nnɛ bɑ n wɑ̃ɑ sɔ̃ɔ yɛ̃sɑn nɔm dwɑrɔ kpɑ nnɛ bɑ n mɑɑ wɑ̃ɑ diɑɔ mi bɑ rɑ dĩɑnu bere. Adɑmɑ bɑ diɑgii be bɔnu sɑ̃ɑwɑ wuunu yiru, wuu teerɔ tɔmbu yiru. 
\v 18 Sɔ̃ɔ duu yeru giɑ, diɑ ye bɑ gɔri gɔri sɔɔ, tɔmbu yiru, swɑɑn berɑ giɑ, mɑɑ tɔmbu yiru.
\p
\v 19 Kɔnnɔ kɔ̃sobun wuu ni bɑ kuɑ Kore kɑ Mɛrɑrin bwese kɛri sɔɔ, niyɑ mi.
\s1 Sɔmɑ ye bɑ Lefi gɑbu wɛ̃
\p
\v 20 Lefibɑ sɔɔ, Akiyɑwɑ u rɑ Yinni Gusunɔn sɑ̃ɑ yerun ɑrumɑni bere kɑ sere mɑɑ kɛ̃ɛ ni bɑ kɑ Yinni Gusunɔ nɑɑwɑ. 
\v 21 Gɛɛsɔnin bweseru sɔɔ, Lɑdɑnin bibun bweserɑ bɑ sɑ̃ɑ yɛnu yɛ̃robu. Wee nge mɛ bɑ kɑ swĩinɛ. 
\v 22 Yeyɛli kɑ win bibu Setɑmu kɑ win wɔnɔ Yoɛli berɑ bɑ rɑ Yinni Gusunɔn sɑ̃ɑ yerun ɑrumɑni bere. 
\v 23 Amurɑmun bweseru sɔɔ kɑ Yisehɑrin bweseru sɔɔ, kɑ Heboronin bweseru sɔɔ kɑ Usiɛlin bweseru sɔɔ, 
\v 24 Sebuɛli, Gɛɛsɔmun bii, Mɔwisin debubuwɑ u sɑ̃ɑ ɑrumɑnin berobun wirugii. 
\v 25 Win bweseru sɔɔrɑ Ɛliesɛɛ, Gɛɛsɔmun wɔnɔn bibun bweserɑ wɑ̃ɑ. Rehɑbiɑ, Ɛliesɛɛn bii u Esɑi mɑrɑ. Mɑ Esɑi u Yorɑmu mɑrɑ. Mɑ Yorɑmu u Sikiri mɑrɑ. Mɑ Sikiri u Selomiti mɑrɑ. 
\v 26 Arumɑni ye sinɑ boko Dɑfidi kɑ yɛnu yɛ̃robu kɑ tɑbu kowobu nɔrɔm nɔrɔm kɑ wunɔm wunɔm wirugibu kɑ tɑbu sinɑmbu bɑ kɑ Yinni Gusunɔ nɑɑwɑ, yerɑ Selomiti kɑ wigibu bɑ kɔ̃su. 
\v 27 N deemɑ ɑrumɑni ye bɑ tɑbu di, yen sukumɑ bɑ kɑ Yinni Gusunɔ nɑɑwɑ bu kɑ win sɑ̃ɑ yeru sɔmɛ. 
\v 28 Arumɑni ye Gusunɔn sɔmɔ Sɑmuɛli kɑ Sɔɔlu, Kisin bii kɑ Abinɛɛ, Nɛrin bii kɑ Yoɑbu, Seruyɑn bii, bɑ kɑ Yinni Gusunɔ nɑɑwɑ, Selomiti kɑ wigii berɑ bɑ mɑɑ ye kpuro beruɑ.
\p
\v 29 Kenɑniɑ kɑ win bibu be bɑ wɑ̃ɑ Yisehɑrin bweseru sɔɔ, berɑ bɑ rɑ tɔmbun wunɑnɔsu kɑ siribu ko Isirelin temɔ.
\p
\v 30 Hɑsɑbiɑ kɑ tɔmbu nɔrɔbu kɑ nɑtɑ kɑ wunɔbu (1.700) gɑbu be bɑ sɑ̃ɑ wɔrugɔbɑ Yisehɑrin bweseru sɔɔ, berɑ bɑ Isirelibɑn tem kpɑre mɛ mu wɑ̃ɑ Yuudɛnin sɔ̃ɔ duu yeru giɑ. Berɑ bɑ rɑ mɑɑ Yinni Gusunɔn sɑ̃ɑ yerun sɔmburu ko kɑ mɑɑ sinɑ bokogiru. 
\v 31 Yeriyɑwɑ u sɑ̃ɑ wirugii Heboronin bweseru sɔɔ. Dɑfidin bɑndun wɔ̃ɔ weeruse sɔɔrɑ bɑ bwese ten tɔ̃kɑn kɑso kuɑ. Mɑ bɑ wɔrugɔbɑ wɑ be sɔɔ Yɑsɛɛɔ Gɑlɑdin temɔ. 
\v 32 Yeriɑn mɛro bisi be, bɑ sɑ̃ɑwɑ wɔrugɔbɑ. Be kpuro mɑɑ yɛnu yɛ̃robɑ. Ben geerɑ sɑ̃ɑwɑ nɔrɔbun subɑ yiru kɑ tɔmbu nɑtɑ kɑ wunɔbu (2.700). Berɑ bɑ Yinni Gusunɔn sɑ̃ɑ yerun sɔmburu kɑ mɑɑ sinɑ bokogiru nɔmu bɛriɑ berɑ mi Rubɛnibɑ kɑ Gɑdigibu kɑ Mɑnɑsen bwese kɛrɑn sukumgibɑ wɑ̃ɑ sɔ̃ɔ yɑri yeru giɑ.
\c 27
\s1 Tɑbu kowobun sɔmɑ
\p
\v 1 Wee Isireli be bɑ sinɑ bokon sɔmburu mɔ̀. Bɑ sɑ̃ɑwɑ yɛnu yɛ̃robu kɑ tɑbu kowobu nɔrɔm nɔrɔm kɑ wunɔm wunɔm wirugibu. Berɑ bɑ rɑ tɑbu kowobun wuunu kpɑre be bɑ rɑ n sɔmburu nɑɑmɔ suru kɑ suru, wɔ̃ɔ sɔɔ. Wuuru bɑɑtere tɑ sɑ̃ɑwɑ tɔmbu nɔrɔbun subɑ yɛndɑ nnɛ (24.000). 
\v 2-15 Wuu nin bɑɑtere tɑ ten wirugii mɔ.
\m Suru gbiikoo sɔɔ, Yɑsobeɑmu, Sɑbudiɛlin bii, Perɛsin bweseru sɔɔ, wiyɑ u wuu gbiikii ten tɑbu sinɑmbu kpɑrɑ.
\m Suru yiruse sɔɔ, Dodɑi, Akosigiiwɑ u wuuru yiruse kpɑrɑ. Mɑ Mikoloti u sɑ̃ɑ win yiruse.
\m Suru itɑse sɔɔ, Bɛnɑyɑ, yɑ̃ku kowo Yehoyɑdɑn biiwɑ u wuuru itɑse kpɑrɑ. U sɑ̃ɑwɑ tɑbu durɔ wɔrugɔbɑ tɛnɑn turo. Wiyɑ u mɑɑ sɑ̃ɑ ben wirugii. Win bii Amisɑbɑdiwɑ u nùn kɔsire kuɑ u wuu te kpɑrɑ.
\m Suru nnɛse sɔɔ, Asɑɛli, Yoɑbun mɔɔwɑ u wuuru nnɛse kpɑrɑ. Yen biruwɑ win bii Sebɑdiɑ u nùn kɔsire kuɑ.
\m Suru nɔɔbuse sɔɔ, Sɑmɛhutu Yisirɑgiiwɑ u wuuru nɔɔbuse kpɑrɑ.
\m Suru nɔɔbɑ tiɑse sɔɔ, Yirɑ, Ikɛsin bii, Tekoɑgiiwɑ u wuuru nɔɔbɑ tiɑse kpɑrɑ.
\m Suru nɔɔbɑ yiruse sɔɔ, Helɛsi Pɑlonigii, Efɑrɑimun bwese kɛrɑ sɔɔ, wiyɑ u wuuru nɔɔbɑ yiruse kpɑrɑ.
\m Suru nɔɔbɑ itɑse sɔɔ, Sibekɑi Husɑgii, Serɑkin bwese kɛrɑ sɔɔ, wiyɑ u wuuru nɔɔbɑ itɑse kpɑrɑ.
\m Suru nɔɔbɑ nnɛse sɔɔ, Abiesɛɛ Anɑtɔtugii, Bɛnyɑmɛɛn bwese kɛrɑ sɔɔ, wiyɑ u wuuru nɔɔbɑ nnɛse kpɑrɑ.
\m Suru wɔkuruse sɔɔ, Mɑrɑi Nɛtofɑgii, Serɑkin bwese kɛrɑ sɔɔ, wiyɑ u wuuru wɔkuruse kpɑrɑ.
\m Suru wɔkurɑ tiɑse sɔɔ, Bɛnɑyɑ Pirɑtonigii, Efɑrɑimun bwese kɛrɑ sɔɔ, wiyɑ u wuuru wɔkurɑ tiɑse kpɑrɑ.
\m Suru wɔkurɑ yiruse sɔɔ, Hɛlidɑi Nɛtofɑgii, Otiniɛlin bwese kɛrɑ sɔɔ, wiyɑ u wuuru wɔkurɑ yiruse kpɑrɑ.
\s1 Bwese kɛrin wirugibu
\p
\v 16 Wee be bɑ sɑ̃ɑ Isirelibɑn bwese kɛrin wirugibu.
\m Rubɛnin bwese kɛrɑ sɔɔ, Ɛliesɛɛ, Sikirin biiwɑ u sɑ̃ɑ wirugii.
\m Simɛɔn bwese kɛrɑ sɔɔ, Sefɑtiɑ, Mɑɑkɑn biiwɑ u sɑ̃ɑ wirugii.
\m
\v 17 Lefin bwese kɛrɑ sɔɔ, Hɑsɑbiɑ, Kemuɛlin biiwɑ u sɑ̃ɑ wirugii.
\m Aronin bibun bweseru sɔɔ, Sɑdɔkuwɑ u sɑ̃ɑ wirugii.
\m
\v 18 Yudɑn bwese kɛrɑ sɔɔ, Elihu, Dɑfidin mɛro bisibu sɔɔ, wiyɑ u sɑ̃ɑ wirugii.
\m Isɑkɑrin bwese kɛrɑ sɔɔ, Omiri, Mikɑɛlin biiwɑ u sɑ̃ɑ wirugii.
\m
\v 19 Sɑbulonin bwese kɛrɑ sɔɔ, Yisimɑyɑ, Abudiɑsin biiwɑ u sɑ̃ɑ wirugii.
\m Nɛfitɑlin bwese kɛrɑ sɔɔ, Yerimɔti, Asiriɛlin biiwɑ u sɑ̃ɑ wirugii.
\m
\v 20 Efɑrɑimun bibun bweseru sɔɔ, Hosee, Asɑsiɑn biiwɑ u sɑ̃ɑ wirugii.
\m Mɑnɑsen bwese kɛrɑn sukumgibu sɔɔ, be bɑ wɑ̃ɑ sɔ̃ɔ duu yeru giɑ, Yoɛli, Pedɑyɑn biiwɑ u sɑ̃ɑ wirugii.
\m
\v 21 Mɑnɑsen bwese kɛrɑn sukumgibu sɔɔ, be bɑ mɑɑ wɑ̃ɑ sɔ̃ɔ yɑri yeru giɑ, Gɑlɑdin temɔ, Ido, Sɑkɑrin biiwɑ u sɑ̃ɑ wirugii.
\m Bɛnyɑmɛɛn bwese kɛrɑ sɔɔ, Yɑɑsiɛli, Abunɛɛn biiwɑ u sɑ̃ɑ wirugii.
\m
\v 22 Dɑnun bwese kɛrɑ sɔɔ, Asɑrɛli, Yerohɑmun biiwɑ u sɑ̃ɑ wirugii.
\p Tɔn beni kpurowɑ bɑ sɑ̃ɑ Isirelibɑn bwese kɛrin wirugibu.
\p
\v 23 Dɑfidi u ǹ Isirelibɑ gɑrɑ be bɑ wɔ̃ɔ yɛndu mɔ kɑ be bɑ ǹ turɑ mɛ, yèn sɔ̃ Yinni Gusunɔ u nɔɔ mwɛɛru kuɑ mɑ u koo Isirelibɑ dɑbiɑsiɑ nge wɔllun kperi. 
\v 24 Yoɑbu, Seruyɑn biiwɑ u rɑɑ Isirelibɑ gɑribu toruɑ, mɑ yɑ Yinni Gusunɔ mɔru kuɑ. Yen sɔ̃nɑ u ǹ ye kurɑsie. Adɑmɑ bɑ ǹ tɔn be bɑ gɑrɑ min geeru yoruɑ sinɑ boko Dɑfidin wɑ̃ɑrun fɑɑgin tireru sɔɔ.
\s1 Dɑfidin sɔm kowobu gɑbu
\p
\v 25 Asimɑfɛti, Abudiɛlin biiwɑ u rɑ sinɑ bokon ɑrumɑni bere.
\p Yonɑtɑm, Osiɑsin biiwɑ u rɑ mɑɑ gbeɑn dĩɑnu bere, wuu mɑrosuginu kɑ bɑru kpɑɑnuginu, kɑ sere kɔ̃su yenuginu.
\p
\v 26 Ɛsiri, Kelubun bii wiyɑ u sɑ̃ɑ be bɑ gbeɑn sɔmɑ mɔ̀n wirugii.
\p
\v 27 Simɛi, Rɑmɑgii, wiyɑ u sɑ̃ɑ resɛm gbɑɑ sɔm kowobun wirugii.
\p Sɑbidi Sefɑmugii, wiyɑ u sɑ̃ɑ mi bɑ rɑ tɑm bere kpuron wirugii.
\p
\v 28 Bɑɑli Hɑnɑni, Gedɛɛgii, wiyɑ u rɑ dɑ̃ɑ ye bɑ mɔ̀ olifi kɑ sikɑmɔre ye yɑ wɑ̃ɑ wɔwɑ ye bɑ mɔ̀ Sefɑlɑɔn wunɑnɔsu ko.
\p Yoɑsi, wiyɑ u mɑɑ sɑ̃ɑ gum beru yenun wirugii.
\p
\v 29 Sitɑrɑi Sɑronigii, wiyɑ u rɑ kɛtɛ yi bɑ kpɑrɑmɔ Sɑroniɔn wunɑnɔsu ko.
\p Sɑfɑti, Adilɑin bii, wiyɑ u rɑ mɑɑ kɛtɛ yi bɑ kpɑrɑmɔ wɔwi sɔɔn wunɑnɔsu ko.
\p
\v 30 Obili, Isimɛɛli, wiyɑ u rɑ yooyoo si bɑ mɔn wunɑnɔsu ko.
\p Yesidiɑ Mɛronɔtugii, wiyɑ u rɑ mɑɑ kɛtɛku ninu ni bɑ mɔn wunɑnɔsu ko.
\p
\v 31 Yɑsisi Hɑgɑrenigii, wiyɑ u rɑ yɑ̃ɑ ni bɑ mɔn wunɑnɔsu ko.
\p Beni kpurowɑ bɑ sinɑ boko Dɑfidin ɑrumɑnin wunɑnɔsu mɔ̀.
\s1 Sinɑ bokon gerunɑsibu
\p
\v 32 Yonɑtɑm, Dɑfidin dusiwɑ u sɑ̃ɑ win bwisi kɛ̃ɔ. Yonɑtɑm wi, u bwisi kɑ yɛ̃ru mɔ too. Yehiɛli, Hɑkumɔnin bii wiyɑ u sɑ̃ɑ sinɑ bokon bibun keu koosio. 
\v 33 Ahitofɛli u mɑɑ sɑ̃ɑwɑ sinɑ bokon bwisi kɛ̃ɔ. Usɑi Aɑkigii, wiyɑ u sɑ̃ɑ sinɑ bokon bɔ̃ɔ kpɑɑsi. 
\v 34 Ahitofɛlin biru, Yehoyɑdɑ, Bɛnɑyɑn bii kɑ Abiɑtɑɑ, beyɑ bɑ mɑɑ kuɑ win bwisi kɛ̃ɔbu. Mɑ Yoɑbu u sɑ̃ɑ win tɑbu sunɔ.
\c 28
\s1 Dɑfidi u Sɑlomɔɔ yiire
\s2 u Yinni Gusunɔn sɑ̃ɑ yeru bɑni
\p
\v 1 Dɑfidi u Isirelibɑn guro gurobu kpuro mɛnnɑ Yerusɑlɛmuɔ kɑ ben bwese kɛrin wirugibu kɑ tɑbu kowo wuunun wirugibu kɑ tɑbu sinɑm be bɑ tɑbu kowobu nɔrɔm nɔrɔm kɑ wunɔm wunɔm kpɑre kɑ be bɑ sinɑ bokon ɑrumɑni kɑ win sɑbenun wunɑnɔsu mɔ̀n wirugibu, kɑ win bibun keu koosiobu kɑ win sinɑ kpɑɑrun sɔm kowobu kɑ win tɑbu durɔ wɔrugɔbɑ kɑ ben dɑmgibu kpuro gesi. 
\v 2 Yerɑ sinɑ boko Dɑfidi u seewɑ u yɔ̃rɑ u nɛɛ, bɛɛ nɛn mɛro bisibu, bɛɛ nɛn tɔmbu kpuro, i mɑn swɑɑ dɑkio i nɔ. Wee nɑ rɑɑ gɔ̃ru doke n Gusunɔ bɛsɛn Yinni diru bɑniɑ mi bɑ koo win woodɑn kpɑkororu yi te tɑ sɑ̃ɑ win nɑɑ sɔnditiru, mɑ nɑ sɔɔru sɑ̃ɑ n kɑ tu bɑni. 
\v 3 Adɑmɑ u mɑn sɔ̃ɔwɑ u nɛɛ, n ǹ nɛ kon tu bɑni. Domi nɑ sɑ̃ɑwɑ tɔnu wi u tɑbu kuɑ mɑ u yɛm yɑri. 
\v 4 Wi, Gusunɔ bɛsɛ Isirelibɑn Yinni u mɑn gɔsɑ nɛn tundon yɛnun di n kɑ ko bɛɛ Isirelibɑn sunɔ sere kɑ bɑɑdommɑɔ. Yellun di, Yudɑn bweserɑ u kuɑ wirugii. Yudɑn bwese te sɔɔ, mɑ u nɛn tundon yɛnu gɔsɑ. Nɛn tundon yɛnu ge sɔɔ, mɑ u mɑn gɔsɑ n kɑ bɑndu di bɛɛ Isirelibɑ sɔɔ. 
\v 5 Yinni Gusunɔ u mɑn bii dɑbiru kɑ̃. Be sɔɔrɑ u Sɑlomɔɔ gɔsɑ u swĩi bɛɛ Isirelibɑn sinɑ gɔnɑ sɔɔ, ye yɑ sɑ̃ɑ wi, Yinni Gusunɔgiɑ. 
\v 6 U mɑn sɔ̃ɔwɑ u nɛɛ, nɛn bii Sɑlomɔɔwɑ u koo nùn diru bɑniɑ kɑ ten yɑɑri mi bɑ ko n dɑ nùn sɑ̃. Domi wiyɑ u gɔsɑ u n kɑ sɑ̃ɑ nge win bii kpɑ wi, Yinni Gusunɔ u n mɑɑ sɑ̃ɑ nge win tundo. 
\v 7 U koo win bɑndun dɑm sire sere kɑ bɑɑdommɑɔ ù n win woodɑbɑ kɑ win yiirebu mɛm nɔɔwɑmmɛ nge mɛ u mɔ̀ gisɔ. 
\v 8 Tɛ̃, nɛgibu, nɑ bɛɛ yiiremɔ Isirelibɑ, Gusunɔn tɔmbun wuswɑɑɔ kɑ Gusunɔ bɛsɛn Yinnin tii wi u sun swɑɑ dɑkin wuswɑɑɔ, i de i win woodɑ mɛm nɔɔwɑ, i ye nɛnɛ bɛɛn gɔ̃rusɔ kpɑ i wɑ i n tem mɛ mɔ, kpɑ i mɑɑ bɛɛn bibu mu deriɑ bu tubi di sere kɑ bɑɑdommɑɔ.
\p
\v 9 Mɑ u mɑɑ nɛɛ, wunɛ mɑɑ Sɑlomɔɔ nɛn bii, ɑ Gusunɔ, nɛ wunɛn tundon Yinni gio kpɑ ɑ nùn sɑ̃ kɑ wunɛn gɔ̃ru kpuro kɑ wunɛn bwɛ̃rɑ kpuro. Domi wiyɑ u rɑ tɔmbun gɔ̃rusu kɑ ben bwisikunu wɛ̃ɛri. À n nùn kɑsu, u koo de ɑ nùn wɑ. Adɑmɑ ɑ̀ n nùn deri, u koo mɑɑ nun deriwɑ sere kɑ bɑɑdommɑɔ. 
\v 10 Tɛ̃, ɑ n yɛ̃ mɑ Yinni Gusunɔ u nun gɔsɑwɑ ɑ kɑ nùn diru bɑniɑ mi bɑ ko n dɑ nùn sɑ̃. Yen sɔ̃ ɑ de ɑ n wɔrugɔru mɔ kpɑ ɑ se ɑ sɔmburu ko.
\s1 Dɑfidi u Sɑlomɔɔ
\s2 sɑ̃ɑ yee ten kpunɑɑ wɛ̃
\p
\v 11 Yen biru Dɑfidi u win bii Sɑlomɔɔ sɑ̃ɑ yee ten kpunɑɑ wɛ̃ kɑ ten diɑ ye bɑ gɔri gɔrigiɑ, kɑ ten ɑrumɑni beru yerugiɑ, kɑ dii wɔrukinugiɑ, kɑ dii sɔɔkinugiɑ, kɑ dii tèn mi bɑ koo Yinni Gusunɔn woodɑn kpɑkororu yigiɑ. 
\v 12 Dii ten kpunɑɑ kpurowɑ u nùn wɛ̃ ye u rɑɑ himbɑ sɑ̃ɑ u ko kpuro. Yerɑ sɑ̃ɑ yerun yɑɑrin kpunɑɑ kɑ diɑ ye yɑ kɑ yi sikerenɛgiɑ kɑ diɑ yèn mi bɑ ko n dɑ sɑ̃ɑ yee ten ɑrumɑni beregiɑ, kɑ yèn mi bɑ ko n dɑ kɛ̃nu beregiɑ ni bɑ Gusunɔ wɛ̃, 
\v 13 kɑ nge mɛ bɑ yɑ̃ku kowobu kɑ Lefibɑ bɔnu kuɑ wuu wuukɑgiɑ, kɑ nge mɛ bɑ ko n dɑ ben sɔmburu koosinɛ Yinni Gusunɔn sɑ̃ɑ yerɔgiɑ, kɑ sere mɑɑ dendi yɑ̃ɑ ni bɑ ko n dɑ kɑ sɔmburu kogiɑ. 
\v 14 U nùn wurɑ sɔ̃ɔsi ye u koo kɑ dendi yɑ̃ɑ wurɑginu ko, nge mɛ nin bɑɑniren bunum nɛ. Mɑ u nùn sii geesu sɔ̃ɔsi si u koo kɑ dendi yɑ̃ɑ sii geesuginu ko, nge mɛ nin bɑɑniren bunum nɛ. Bɑ koo dendi yɑ̃ɑ ni kowɑ nin bɑɑnire kɑ nin sɔmburu. 
\v 15 Mɛyɑ u mɑɑ bu wurɑ kɑ sii geesun bunum sɑkɑ wɛ̃ ye bɑ koo kɑ dɑbu wurɑginu kɑ sii geesuginu ko, ni kpuro kɑ nin fitilɑbɑ. 
\v 16 U mɑɑ nùn wurɑ wɛ̃ mɛ̀n sɑkɑ bɑ koo kɑ tɑbulu wurɑgii ko mi bɑ ko n dɑ Yinni Gusunɔ pɛ̃ɛ yiiye, mɑ u mɑɑ nùn sii geesu wɛ̃ u kɑ tɑbulu gɛɛ ko. 
\v 17 Yen biru u mɑɑ nùn sɔ̃ɔsi nge mɛ bɑ koo kɑɑto donnuginu koosinɑ kɑ gbɛ̃ɑ kɑ nɔri yi bɑ kuɑ kɑ wurɑ geɑ kɑ sii geesugii, kɑ yin bɑɑyeren bunum, 
\v 18 kɑ yɑ̃ku yee wurɑgiru mi bɑ ko n dɑ turɑre dɔ̃ɔ doke kɑ ten bunum. U mɑɑ nùn sɔ̃ɔsi nge mɛ bɑ koo nɑɑ kɛkɛ kɑ wɔllun kɔ̃sobun weenɑsibu koosinɑ kɑ wurɑ. Yin kɑsi yi ko n dɛriewɑ yi n Yinni Gusunɔn woodɑn kpɑkororu wukiri. 
\v 19 Mɑ Dɑfidi u nɛɛ, Yinni Gusunɔn tiiwɑ u yenibɑ kpuron kpunɑɑ yoruɑ u mɑn wɛ̃. Mɑ u mɑn yen bwisi wɛ̃ n kɑ ye tubu.
\p
\v 20 Yen biru, Dɑfidi u win bii Sɑlomɔɔ sɔ̃ɔwɑ u nɛɛ, ɑ tii dɑm kɛ̃ɔ, kpɑ ɑ n wɔrugɔru mɔ, kpɑ ɑ se ɑ sɔmburu ko. A ku bɛrum ko, ɑ ku mɑɑ nɑndɑ. Domi Gusunɔ nɛn Yinni u ko n kɑ nun wɑ̃ɑ. U ǹ nun derimɔ, u ǹ mɑɑ nun biru kisimɔ sere win sɑ̃ɑ yee ten sɔmburu kpuro tu kɑ wiru goorɑ. 
\v 21 Yɑ̃ku kowobu kɑ Lefibɑ wee bɑ bɔnu sɑ̃ɑ wuu wuukɑ bu kɑ Yinni Gusunɔn sɑ̃ɑrun sɔmɑ ko. Ǹ n sɑ̃ɑ yee ten bɑnɑn sɔ̃n nɑ, tɔmbu wee be bɑ sɔm bwese bwesekɑn kobu yɛ̃ bɑ mɑɑ tii wɛ̃ kɑ kĩru. Be kɑ wirugibu kɑ Isirelibɑ kpuro bɑ koo nun wiru kpĩiyɑ.
\c 29
\s1 Kɛ̃ɛ ni bɑ wɛ̃
\s2 sɑ̃ɑ yee ten bɑnɑn sɔ̃
\p
\v 1 Sinɑ boko Dɑfidi u tɔn be bɑ mɛnnɛ mi kpuro sɔ̃ɔwɑ u nɛɛ, nɛn bii Sɑlomɔɔ wi Yinni Gusunɔ u gɔsɑ, u sɑ̃ɑwɑ bii piibu. U ǹ ginɑ tɔmbun kpɑrɑbun bwisi mɔ. Sɔmbu te u koo mɑɑ ko tɑ kpɑ̃, domi sɑ̃ɑ yee te, tɑ ǹ ko n sɑ̃ɑ tɔnugiru. Tɑ ko n sɑ̃ɑwɑ Yinni Gusunɔgiru. 
\v 2 Nɑ nɛn dɑm kpuro doke n kɑ Gusunɔ nɛn Yinni sɑ̃ɑ yee ten bɑnɑn sɔɔru ko. Dendi yɑ̃ɑ ni bɑ koo ko kɑ wurɑ, nɑ nin wurɑ yii. Ni bɑ koo mɑɑ ko kɑ sii geesu, nɑ nin sii geesu yii. Ni bɑ koo mɑɑ ko kɑ sii gɑndu, nɑ nin sii gɑndu yii. Ni bɑ koo mɑɑ kɑ sii wɔ̃kusu ko, nɑ nin sii wɔ̃kusu yii. Ni bɑ koo mɑɑ ko kɑ dɑ̃ɑ, nɑ nin dɑ̃ɑ yii. Ni bɑ koo mɑɑ ko kɑ kpee gobigii nɔni bwese bwesekɑginu, nɑ nin kpee gobiginu yii. Mɑ mɑɑ kpee kpiki burɑnu yii nu kpɑ̃. 
\v 3 Gusunɔ nɛn Yinnin sɑ̃ɑ yee ten kĩrun sɔ̃, wurɑ ye nɑ mɔ kɑ sii gee si nɑ mɔ, ye kpurowɑ nɑ wɛ̃ sɑ̃ɑ yee ten sɔ̃ ye nɑ rɑɑ sɔɔru kuɑ yellu bɑɑsi. 
\v 4 Yerɑ wurɑ ye yɑ nɑ Ofirin di tɔnnu wunɔbu (100), kɑ sii geesu tɔnnu goobu kɑ weeru (240) bu kɑ sɑ̃ɑ yee ten gɑni pote, 
\v 5 kɑ sere mɑɑ dendi yɑ̃ɑ ni bɑ koo kɑ wurɑ ko kɑ ni bɑ koo kɑ sii geesu ko, dendi yɑ̃ɑ ni sɔm kowo be, bɑ koo gesi ko kpuro. Tɛ̃, bɛɛ sɔɔ, wɑrɑ kĩ u Yinni Gusunɔ kɛ̃ru wɛ̃ kɑ nuku tiɑ, kpɑ sɔm kowobu bu kɑ ye gɑ̃ɑ wurɑginu kɑ sii geesuginu seku.
\p
\v 6 Yerɑ yɛnu yɛ̃robu kɑ Isirelibɑn bwese kɛrin wirugibu kɑ tɑbu kowobu nɔrɔm nɔrɔm kɑ wunɔm wunɔm wirugibu kɑ sinɑ bokon sɔm kowobun wirugibu bɑ kɛ̃nu wɛ̃ kɑ nuku tiɑ. 
\v 7 Ye bɑ wɛ̃ Yinni Gusunɔn sɑ̃ɑ yee ten sɔ̃, yerɑ wurɑn tɔnnu wunɑɑ wɑtɑ kɑ wɔkuru kɑ wurɑn gobi nɔrɔbun subɑ wɔkuru (10.000) kɑ sii geesun tɔnnu goobɑ wunɔbu (300) kɑ sii gɑndun tɔnnu nɑtɑ (600) kɑ sii wɔ̃kusun tɔnnu nɔrɔbun subɑ itɑ (3.000). 
\v 8 Be bɑ kpee gobiginu mɔ, bɑ nu Yeyɛli, Gɛɛsɔnin bweserugii wɛ̃ u doke Yinni Gusunɔn sɑ̃ɑ yerun ɑrumɑnin beru yerɔ. 
\v 9 Tɔn be kpuro bɑ nuku dobu kuɑ kɛ̃ɛ ni bɑ Yinni Gusunɔ wɛ̃n sɔ̃, domi bɑ nu wɛ̃wɑ kɑ nuku tiɑ. Mɑ sinɑ boko Dɑfidin tii u nuku doo bɑkɑbu kuɑ.
\s1 Dɑfidin kɑnɑru
\p
\v 10 Dɑfidi u Yinni Gusunɔ siɑrɑ tɔn be bɑ mɛnnɛ mi kpuron wuswɑɑɔ. U nɛɛ, i Gusunɔ bɛsɛn sikɑdo Yɑkɔbun Yinni siɑro sere kɑ bɑɑdommɑɔ. 
\v 11 Yinni Gusunɔ, wunɑ ɑ kpɑ̃, ɑ dɑm mɔ, ɑ mɑɑ yiiko mɔ. A ǹ nɔru mɔ. Domi wunɑ ɑ mɔ kpuro ye yɑ wɑ̃ɑ wɔllɔ kɑ ye yɑ wɑ̃ɑ temɔ. Wunɑ ɑ bɑndu dii, wunɑ ɑ kpuro kere. 
\v 12 Wunɛn min diyɑ dukiɑ kɑ bɛɛrɛ yɑ rɑ nɛ. Wunɑ ɑ bɑndu dii kpuron wɔllɔ. Wunɛn nɔmuɔrɑ dɑm kpuro mu wɑ̃ɑ. Wunɑ kɑɑ kpĩ ɑ gɑ̃ɑnu kpuro wɔlle suɑ kpɑ ɑ nu tɑ̃sisiɑ. 
\v 13 Tɛ̃, Gusunɔ bɛsɛn Yinni, sɑ nun siɑrɑmɔ, sɑ mɑɑ wunɛn yĩsirun kpɑ̃ɑru bɛɛrɛ wɛ̃ɛmɔ. 
\v 14 Nɛ kɑ nɛn tɔmbu sɑ ǹ gɑ̃ɑnu turɑ su kɑ nun kɛ̃nu wɛ̃. Gɑ̃ɑnu kpuro nɑɑmɔwɑ wunɛn min di. Ye sɑ mɑɑ nun wɛ̃ɛmɔ kpuro, wunɛn min diyɑ sɑ ye wɑɑmɔ. 
\v 15 Sɑ bɛsɛn wɑ̃ɑru dimɔwɑ wunɛn wuswɑɑɔ nge sɔbu nge mɛ bɛsɛn sikɑdobɑ bɑ kuɑ. Bɛsɛn wɑ̃ɑrun tɔ̃ru kpuro koo doonɑwɑ nge sɑɑru, yĩiyɔbu sɑri. 
\v 16 Gusunɔ bɛsɛn Yinni, wunɑ ɑ kpuro mɔ. Wunɛn min diyɑ ɑrumɑni yeni kpuro yɑ wee ye sɑ sɔɔru kuɑ su kɑ nun diru bɑniɑ te tɑ ko n wunɛn yĩsi dɛɛrɑru sɔɔwɑ. 
\v 17 Gusunɔ nɛn Yinni, nɑ yɛ̃ mɑ wunɑ ɑ rɑ tɔnun gɔ̃ru wɛ̃ɛri, ɑ rɑ mɑɑ gem kɑ̃. Wee nɑ kɑ nun kɛ̃ɛ nini nɑɑwɑ kɑ gɔ̃ru dɛɛrɔ. Nɑ mɑɑ wɑ wunɛn tɔn be bɑ wɑ̃ɑ mini, bɑ nun kɛ̃nu wɛ̃ɛmɔ kɑ nuku dobu. 
\v 18 Gusunɔ, bɛsɛn sikɑdobɑ Aburɑhɑmu kɑ Isɑki kɑ Yɑkɔbun Yinni, ɑ de wunɛn tɔmbun gɔ̃rusu kɑ ben bwisikunu nu n sɑ̃ɑ mɛni bɑɑdommɑ, kpɑ ben gɔ̃rusu su n tɑ̃sɑ wunɛ sɔɔ. 
\v 19 Kpɑ ɑ de nɛn bii Sɑlomɔɔn gɔ̃ru gɑ n sɔ̃, u kɑ wunɛn yiirebu kɑ wunɛn sɔ̃ɔsinu kɑ wunɛn woodɑbɑ mɛm nɔɔwɑ, u kɑ ye kpuro sɔmburu ko, kpɑ u sɑ̃ɑ yee te bɑni tèn sɔ̃ nɑ sɔɔru yeni kpuro kuɑ.
\p
\v 20 Dɑfidi u mɑɑ tɔn be bɑ mɛnnɛ mi kpuro sɔ̃ɔwɑ u nɛɛ, i Gusunɔ bɛɛn Yinni siɑro.
\p Mɑ be kpuro bɑ Gusunɔ ben sikɑdobɑn Yinni siɑrɑ, bɑ yiirɑ win wuswɑɑɔ kɑ mɑɑ sinɑ bokon wuswɑɑɔ.
\s1 Bɑ Sɑlomɔɔ kuɑ sinɑ boko
\p
\v 21 Yen sisiru, bɑ Yinni Gusunɔ siɑrɑbun yɑ̃kunu kɑ yɑ̃ku dɔ̃ɔ mwɑɑrɑruginu kuɑ kɑ kɛtɛ nɔrɔbu (1.000) kɑ yɑ̃ɑ kinɛnu nɔrɔbu (1.000) kɑ yɑ̃ɑ kpɛmminu nɔrɔbu (1.000), yɑ̃ku nin bɑɑtere kɑ ten tɑm. Mɑ bɑ mɑɑ yɑ̃ku dɑbinu gɑnu kuɑ Isirelibɑ kpuron sɔ̃. 
\v 22 Yen tɔ̃ɔ te, bɑ di bɑ nɔrɑ Yinni Gusunɔn wuswɑɑɔ kɑ nuku doo bɑkɑbu. Mɑ bɑ mɑɑ Sɑlomɔɔ Dɑfidin biin bɑndu dɑm sire bɑ nùn gum tɑ̃re wirɔ nɔn yiruse Yinni Gusunɔn wuswɑɑɔ, u kɑ ko kpɑro. Yen biru, bɑ mɑɑ Sɑdɔku gum tɑ̃re wirɔ bɑ nùn kuɑ yɑ̃ku kowo. 
\v 23 Sɑlomɔɔ u sinɑ Isirelibɑn sinɑ gɔnɑɔ ye yɑ mɑɑ sɑ̃ɑ Yinni Gusunɔgiɑ. U kuɑ sunɔ win tundo Dɑfidin ɑyerɔ. U kuurɑ, mɑ Isirelibɑ kpuro bɑ nùn wiru kpĩiyɑ. 
\v 24 Wirugibu kɑ tɑbu kowo dɑmgibu kɑ mɑm sinɑ boko Dɑfidin bii be bɑ tie kpuro, bɑ nùn wiru kpĩiyɑwɑ. 
\v 25 Yinni Gusunɔ u Sɑlomɔɔ wɔlle suɑ Isirelibɑ kpuron suunu sɔɔ. Mɑ u win bɑndu girimɑ doke n kere sinɑm be bɑ nùn gbiiye Isireliɔ.
\s1 Dɑfidin gɔɔ
\p
\v 26 Dɑfidi Isɑin bii u bɑndu di Isirelibɑ kpuro sɔɔ. 
\v 27 U bɑndu diwɑ wɔ̃ɔ weeru Isirelibɑ sɔɔ. Heboroniɔ wɔ̃ɔ nɔɔbɑ yiru, Yerusɑlɛmuɔ mɑɑ wɔ̃ɔ tɛnɑ kɑ itɑ. 
\v 28 Dɑfidi u dukiɑ kɑ girimɑ wɑ. U tɔkɔ kuɑwɑ kɔ̃ɔ kɔ̃ɔ. Mɑ u gu bɔri yɛndu sɔɔ. Mɑ win bii Sɑlomɔɔ u bɑndu kɔsire kuɑ.
\p
\v 29 Ye sinɑ boko Dɑfidi u gbiɑ u kuɑ, kɑ ye u kuɑ dɑ̃ku te, ye kpuron gɑri yi yoruɑ yɑm wɑo Sɑmuɛlin tireru sɔɔ kɑ Gusunɔn sɔmɔ Nɑtɑnin tireru sɔɔ, kɑ sere mɑɑ yɑm wɑo Gɑdin tireru sɔɔ. 
\v 30 Tire ni sɔɔrɑ bɑ mɑɑ win bɑndun gɑri yoruɑ kɑ win wɔrugɔru, kɑ ye n koorɑ Isirelibɑn temɔ kɑ tem tukumɔ win wɑɑti ye sɔɔ.