\id REV Revelation in Boko, Ross Jones 2/08
\ide UTF-8
\h Zia yã́
\toc1 Zia yã́
\toc2 Zia yã́
\toc3 Zia
\mt1 ZIA YÃ
\imt1 Yã́ pↄ́ kú láɛ bee guuↄ
\ip Zãa mɛ́ Bibeli lá gbɛzã kɛ̃̀. À yã́ dasi pↄ́ Yesu Kilisi bìiwàɛ bↄↄlɛkɛ̀wɛ̃ɛ (1.1), yã́ pↄ́ a è gↄↄ pↄ́ Lua Nisĩna dɛ̀dɛwà (1.10). Gↄↄ pↄ́ à lápi kɛ̃̀, a ku Patemↄ gũgũnaaɛ. Wàlɛ aà wɛtã kɛ́ àlɛ Yesu baona kpá yã́i (1.9), asa gↄↄ bee Lomadeↄ kía lɛ́ ĩada Yesudeↄwa. À lápi kɛ̃̀ Yesu gãli mɛ̀n sopla pↄ́ aa ku Azii bùsuuↄnɛɛ, gu pↄ́ wì mɛ tia Tuukii.
\ip Tó Yesudeↄ ku wɛtɛ̃a guu, kɛ́ Dii mɛ̀ndona Yesu Kilisi aa zɛ̀ò yã́iɛ. Kua yã'ĩa guu Zãa láɛ bee kɛ̃̀nɛ́ kɛ́ wà zɛ gbãa luanaaikɛa guu ń zia yã́ pↄ́ an wɛ́ dↄio. Lápi guu Zãa wɛ́pungu pↄ́ a èↄ yã'ò ń a lɛɛũaↄ dasi. Gbɛ̃́ pↄ́ aa luabaakuańnↄ káau taala dↄ̃ↄ fↄ̃ yãlɛɛũapiↄ gbadↄ̃, ãma dãↄ ń asii dↄ̃o. Wɛ́pungu pↄ́ Zãa èↄ yã́ↄ dodoa, ãma an yãmi doũɛ. Gbɛ̃eↄ ì asiiyãpiↄ bↄↄlɛkɛ dodoa, ãma yã́zĩnda pↄ́ lápi lɛ́ o ku wásawasaɛ: Vãi a kigↄↄsoplanable, ãma Lua ń a gbɛ̃́ↄ zĩ̀ gbɛzã ble Yesu Kilisi sabai, asa ↄ̃mɛ Dii ũ ado.
\ip A daalɛkĩi Zãa azĩa yã'ò Yesu Kilisi pↄ́ bↄ̀ gau zĩna ũ (1.1-8).
\ip Aà waaso sɛ̃́ia guu, à yã́ pↄ́ à wɛsìɛ a wɛ́pungu sɛ̃́ia ea guuↄ sɛ̀lɛ sìu. A guu Yesu òɛ̀ aà lákɛ̃ Yesude gãli mɛ̀n sopla pↄ́ ku Azii bùsuuↄnɛ (1.9-3.22).
\ip Bee gbɛa Zãa sù è á kú musu, we a wɛ́punguↄ è dasi: Luabɛdeↄ kúlɛa Luaɛ ń Yesu Kilisio (lɛɛ 4-5), lá kooa ń a kã́n'ↄ mɛ̀n soplaↄ (6.1-8.1), kãae mɛ̀n soplaↄ pɛa (8.2-11.19), dalagↄ̃ↄ ń wài mɛ̀n plaↄ (12.1-13.18), sã ń gbɛ̃́ pↄ́ à ń bóↄ, yã́kpalɛkɛgↄↄ pↄ́ malaikaↄ a baokpà (14.1-20), kìsia gbɛzã mɛ̀n sopla pↄ́ dɛ Lua pↄkũma ũↄ (15.1-16.21), Babɛli lɛ́lɛa, zĩblea wàiwa ń ãnabi ɛgɛnao ń Ibiisio (17.1-20.10), luabɛ dafu ń tↄↄlɛ dafuo ń Yelusalɛũ dafuo (21.1-22.5). Lápi láakĩi Yesu lɛgbɛ̃̀ à mɛ̀: Má mↄ́ tia (22.6-21).
\ip Gbɛ̃́ pↄ́ aalɛ lápi kyokɛↄ fↄ̃ yã́ↄ gbadↄ̃, tó aa wɛ̀ɛlɛ yã́pi wásawasa dↄ̃ yã'ĩa pↄ́ a su ń le zia yã́ musu. Zãa lɛ́ vĩadada Lua gbɛ̃́ↄzi no, àlɛ ń gba sↄ̃ ĩadamagↄↄ. Wɛ́pungu pↄ́ Zãa è lɛ́ ↄlↄnɛ́ yã́ pↄ́ a yã́i Yesu Kilisi gà a vùi, àizãna yã́ pↄ́ aaↄ kuò e gↄↄpii.
\c 1
\s1 Láɛ bee bↄkĩi
\p
\v 1 Lua yã́ pↄ́ lɛ́ mↄ́ kɛi dà Yesu Kilisiɛ aà biiwà a zↄ̀blenaↄnɛ, ↄ̃ à a malaika zĩ̀ ma Zãa a zↄ̀blenawa, a tò ma yã́pi dↄ̃̀. 
\v 2 Lua yã́ pↄ́ Yesu Kilisi dɛ a seelade ũ ↄ̃ má è, ↄ̃ málɛ o. 
\v 3 Gbɛ̃́ pↄ́ zia yã́ɛ bee kyokɛ̀ ń gbɛ̃́ pↄ́ aa a yãmà aa kũaↄá báaadeↄnɛ, asa a gↄↄ kãikũ̀.
\p
\v 4 Ma Zãa mámɛ ma láɛ bee kɛ̃̀ gãli sopla pↄ́ kú Azi bùsuuↄnɛ. Lua pↄ́ kú za yãa mɛ́ a ku tia mɛ́ àlɛ mↄ́ ń a Nisĩna mɛ̀n sopla pↄ́ kú a kpalabaa aɛↄ\f + \fr 1.4 \fr*\ft Zia 4.5\ft*\f* 
\v 5 ń Yesu Kilisi pↄ́ dɛ seelade náaide ũo aa gbɛ̃kɛkɛɛ́, aai á tó aafia. Yesupi mɛ́ gàbↄ sɛ̃́ia ũ, ↄ̃mɛ dṹnia kíaↄ gbãade ũ.\f + \fr 1.5 \fr*\ft Isa 55.4, Soũ 89.28\ft*\f* A yewázi à wá bↄ́ wá duunau ń a au gbãao, 
\v 6 à wá kpá kpalau Lua a Mae gbàgbanaↄ ũ.\f + \fr 1.6 \fr*\ft Bↄa 19.6, 1Piɛ 2.5\ft*\f* Ɔ̃mɛ gawi ń gbãao vĩ gↄↄpii! Ãmi.
\p
\v 7 Ma, àlɛ mↄ́ luabɛpuanau.\f + \fr 1.7 \fr*\ft Dan 7.13, Mat 24.30, 1Tɛs 4.17\ft*\f* Gbɛ̃́pii a wɛsiaàlɛ, baa gbɛ̃́ pↄ́ aa aà zↄ̃̀ↄ,\f + \fr 1.7 \fr*\ft Zkl 12.10, Zãa 19.34\ft*\f* dṹnia bui píi i ńzĩa gbɛ̃gbɛ̃ aà yã́ musu. Aà kɛ màa! Ãmi.
\p
\v 8 Dii Lua mɛ̀: Mámɛ má Alafa ń Omɛgao ũ.\f + \fr 1.8 \fr*\ft Zia 22.13\ft*\f* Ma Gbãapiide má kú yãa mɛ́ má kú tia mɛ́ málɛ mↄ́.
\s1 Yesu Kilisi bↄ mↄa Zãawa
\p
\v 9 Mámɛmaa Zãa á gbɛ̃do, naa Yesuwa guu kↄ̃gbɛ̃ↄn wá ũ wɛ́tɛ̃a guu, kpalablea guu, mɛnakɛa guu. Má kú ísia gũgũna pↄ́ wì mɛ Patemↄ guu luayã'oa ń Yesu seeladekɛo yã́i. 
\v 10 Dii gↄↄzĩ Lua Nisĩna dɛ̀dɛa, ↄ̃ ma lↄↄ gbãa mà ma kpɛ lán kã̀ae'ↄwa 
\v 11 à mɛ̀: Yã́ pↄ́ ń è kɛ̃ lá guu, ní kpã́sã gãli sopla pↄ́ kú wɛ̃́lɛɛ beeuↄnɛ: Ɛfɛsɛ, Simiina, Pɛɛgaũ, Tiatii, Saadi, Filadɛlifi ń Laodisio.
\p
\v 12 Ma lili mà gbɛ̃́ pↄ́ lɛ́ yã'omɛɛpi e. Kɛ́ ma lili màa, ma vua dau è mɛ̀n sopla. 
\v 13 Ma gbɛ̃e è daupiↄ zãnguo lán gbɛ̃nazĩn nɛ́wa. A ulatao daa, àlɛ gálɛ aà gbázĩ, mɛ́ vua asana dↄa aà kùawa. 
\v 14 Aà mikã dɛ púntaitai lán sãkã ge buawa, mɛ́ aà wɛ́ dɛ lán tɛ́vuawa. 
\v 15 Aà gbá lɛ́ tɛkɛ lán mↄgotɛ̃ pↄ́ wàlɛ baasa mua tɛ́ guuwa. Aà lↄↄ dɛ lán izↄ̃ↄsuka kↄ̃fĩwa.\f + \fr 1.15 \fr*\ft Dan 7.9, 13, 10.5-6\ft*\f* 
\v 16 A saana kũa a ↄplaau mɛ̀n sopla, mɛ́ fɛ̃nda lɛna kpɛpla\f + \fr 1.16 \fr*\ft Ɛbɛ 4.12\ft*\f* lɛ́ bↄ aà lɛ́u. Aà oa lɛ́ tɛkɛ lán ĩatɛ̃ gbãawa.
\p
\v 17 Kɛ́ ma aà è, ma lɛlɛ aà gbázĩ, ma gↄ̃ sã́ii. Ɔ̃ à ↄplaa nàa à mɛ̀: Ńsu to vĩa n kũo. Mámɛ má Dↄaana ń Gↄ̃zãnao ũ,\f + \fr 1.17 \fr*\ft Isa 44.6, 48.12\ft*\f* 
\v 18 gbɛ̃́ pↄ́ ìↄ ku ũ. Ma ga, ↄ̃ má kú kɛ́, mɛ́ máↄ ku e gↄↄpiiɛ. Má ga ń bɛdao kilinɛↄ kũa. 
\v 19 Yã́ pↄ́ ń è kɛ̃́, yã́ pↄ́ kúↄ ń yã́ pↄ́ a mↄ a kpɛↄ píi. 
\v 20 Saana mɛ̀n sopla pↄ́ ń è ma ↄplaaupiↄ ń vua dau mɛ̀n soplapiↄ asiin kɛ: Saana mɛ̀n soplapiↄá gãli mɛ̀n soplapiↄ dↄaanaↄnɛ, mɛ́ dau mɛ̀n soplapiↄá gãli mɛ̀n soplapiↄnɛ.
\c 2
\s1 Ɛfɛsɛ
\p
\v 1 Kɛ̃ Ɛfɛsɛ Yesudeↄ dↄaanaɛ: Ma gbɛ̃́ pↄ́ má saana mɛ̀n soplaↄ kũa ma ↄplaau, má bɛ vua dau mɛ̀n soplaↄ zãnguo, mámɛ ma yãɛ bee ò. 
\v 2 Má n yãkɛaↄ dↄ̃ ń zĩ pↄ́ ńlɛ kɛo ń n mɛnakɛao. Nili we gbɛ̃vãiↄ dìlɛo. Gbɛ̃́ pↄ́ aaì ńzĩa dilɛ Lua zĩnaↄ ũ mɛ́ aa dɛ a ũo, n ń yↄ̃́ ń è ɛɛdeↄn ń ũ. 
\v 3 N mɛnafↄ̃̀, n taasikɛ̀ ma yã́i, ni kpasao. 
\v 4 Kási má yãvĩnnↄ. Dafudafukɛlɛgɛ ń kɛ̀mɛɛ. 
\v 5 To n kua zi zadↄ̃ ni busao yã́ dↄngu. Nↄ̀sɛlilɛ, níↄ yã́ pↄ́ ni kɛ yãaↄ kɛ. Tó ni kɛ màao, má mↄma, mí n dau sɛ sↄ̃ò. 
\v 6 Ń beeo ń yã́ɛ bee vĩ, ń za Nikolaiↄ yãkɛau lá má zauwa. 
\v 7 Gbɛ̃́ pↄ́ nↄ̀sɛ vĩ, aà yã́ pↄ́ Lua Nisĩna lɛ́ o Yesudeↄnɛ ma: Má gbɛ̃́ pↄ́ zĩblè gba zɛ́ aà lí wɛ̃nide pↄ́ kú Lua lu guu bɛ ble.\f + \fr 2.7 \fr*\ft Daa 2.8-9, Zia 22.2\ft*\f*
\s1 Simiina
\p
\v 8 Kɛ̃ Simiina Yesudeↄ dↄaanaɛ: Ma gbɛ̃́ pↄ́ má dɛ Dↄaana ń Gↄ̃zãnao\f + \fr 2.8 \fr*\ft Zia 1.17\ft*\f* ũ, ma ga ma ɛa vu, mámɛ ma yã́ɛ bee ò. 
\v 9 Má wɛ́tɛ̃a pↄ́ wàlɛ mↄnɛ dↄ̃ ń n taasidekɛo. Ń beeo ↄden n ũ. Gbɛ̃́ pↄ́ aaì mɛ Yudaↄn ń ũ mɛ́ aa dɛ a ũo, an lousisikpɛ dɛ Setãu pↄ́ ũↄ, má dↄ̃ lá aaì yãdↄma. 
\v 10 Ńsu vĩakɛ taasi pↄ́ ńyↄ̃ kɛɛo. Ma, Ibiisi a á gbɛ̃eↄ ká kpɛ́u à á yↄ̃, i wɛ́tɛ̃amↄɛ́ gↄↄ kwi. Ǹyↄ̃ náai vĩ e n gɛ ǹ gaò, mí àizãna kɛnɛ yàae ũ. 
\v 11 Gbɛ̃́ pↄ́ nↄ̀sɛ vĩ, aà yã́ pↄ́ Lua Nisĩna lɛ́ o Yesudeↄnɛ ma: Ga plaade\f + \fr 2.11 \fr*\ft Zia 20.14, 21.8\ft*\f* a ĩakpa gbɛ̃́ pↄ́ zĩblèzio.
\s1 Pɛɛgaũ
\p
\v 12 Kɛ̃ Pɛɛgaũ Yesudeↄ dↄaanaɛ: Ma gbɛ̃́ pↄ́ má fɛ̃nda lɛna kpɛpla vĩ, mámɛ ma yã́ɛ bee ò. 
\v 13 Má n kúkĩi dↄ̃, gu pↄ́ Setãu kpalabaa kuuɛ. Ń ma yã́ kũa, ni lelekpamazio, baa gↄↄ pↄ́ wà ma seelade náaide Antipa dɛ̀ n wɛ̃́lɛu, gu pↄ́ Setãu kuupi. 
\v 14 Kási má yã́ yↄↄna vĩnnↄ. Ń gbɛ̃́ↄ vĩ we, aa Balaaũ yã́ kũa. Balaaũpi mɛ́ dà Balakiɛ, à kↄ̃nikɛ̀ Isailiↄnɛ aa sa'onↄↄ sò aa gbãsĩkɛ̀.\f + \fr 2.14 \fr*\ft Nao 22.5-7, 25.1-3\ft*\f* 
\v 15 Beewa lↄ ń gbɛ̃́ↄ vĩ we, aa Nikolaiↄ yã́ kũa. 
\v 16 A yã́i tò, nↄ̀sɛlilɛ. Tó ni kɛ màao, má mↄma tia, mí zĩkannↄ ń fɛ̃nda pↄ́ kú ma lɛ́uo. 
\v 17 Gbɛ̃́ pↄ́ nↄ̀sɛ vĩ, aà yã́ pↄ́ Lua Nisĩna lɛ́ o Yesudeↄnɛ ma. Má gbɛ̃́ pↄ́ zĩblè gba mana pↄ́ ulɛa,\f + \fr 2.17 \fr*\ft Bↄa 16.14-15, 33-34, Zãa 6.48-50\ft*\f* mí aà gba gbɛpua boolona pↄ́ wà tↄ́ dafu kɛ̃̀wà.\f + \fr 2.17 \fr*\ft Isa 62.2\ft*\f* Gbɛ̃e aↄ tↄ́pi dↄ̃o, sema gbɛ̃́ pↄ́ má kpàwàpi.
\s1 Tiatii
\p
\v 18 Kɛ̃ Tiatii Yesudeↄ dↄaanaɛ: Ma Lua Nɛ́ pↄ́ ma wɛ́ dɛ lán tɛ́vuawa, ma gbá dɛ lán mↄgotɛ̃wa, mámɛ ma yã́ɛ bee ò. 
\v 19 Má n yãkɛaↄ dↄ̃, n yea gbɛ̃́ↄzi, n luanaaikɛa, n zĩkɛa ń n mɛnakɛao, mɛ́ yã́ pↄ́ ńlɛ kɛ gbɛzã dɛ a káaua. 
\v 20 Kási má yãvĩnnↄ. N nↄɛ Zezabɛli\f + \fr 2.20 \fr*\ft 1Kia 16.31, 2Kia 9.22\ft*\f* pↄ́ azĩa dìlɛ ãnabi ũ gbà zɛ́. Álɛ ma zↄ̀blenaↄ sãsã, àlɛ danɛ́ aa gbãsĩkɛ aa sa'onↄↄ só. 
\v 21 Ma aà gbà zɛ́ aà nↄ̀sɛlilɛ, ãma a ye à nↄ̀sɛlilɛ à a káaluakaa too. 
\v 22 Ma, má kpaaàzi pɛwa, mí tó gbɛ̃́ pↄ́ gbãsĩkɛ̀aànↄↄ wɛ́tɛ̃a zↄ̃ↄ e, tó aai nↄ̀sɛlilɛ aa aà yã́ tòo. 
\v 23 Má aà ìwaↄ dɛdɛ ń gagyão, Yesudeↄ píi i dↄ̃ kɛ́ mámɛ mi gbɛ̃́ↄ làasoo ń ń sↄ̃o yↄɛ, mɛ́ má fĩabo á baadeɛ a yãkɛawa.\f + \fr 2.23 \fr*\ft Soũ 7.9, Zel 17.10\ft*\f* 
\v 24 Á Tiatii gbɛ̃́ kĩni pↄ́ á yã́pi kũao mɛ́ á yã́ pↄ́ wì mɛ Setãu asii zↄ̃ↄ dↄ̃oↄ, má aso pãle diɛ́o. 
\v 25 À ↄdidi yã́ pↄ́ á kũawa e màↄ mↄ́. 
\v 26 Gbɛ̃́ pↄ́ zĩblè mɛ́ a yã́ pↄ́ má yeiↄ kũa e a lɛ́wa, má aà gba zɛ́ aà gbãable buiↄwa. 
\v 27 A kiblemá ń mↄ̀ gopanao, a ń wíwi lá wì gĩ̀ oo wiwa,\f + \fr 2.27 \fr*\ft Soũ 2.8-9\ft*\f* lá ma Mae ma gba zɛ́wa. 
\v 28 Má aà gba gudↄlɛia saana lↄ.\f + \fr 2.28 \fr*\ft Nao 24.17, Zia 22.16\ft*\f* 
\v 29 Gbɛ̃́ pↄ́ nↄ̀sɛ vĩ, aà yã́ pↄ́ Lua Nisĩna lɛ́ o Yesudeↄnɛ ma.
\c 3
\s1 Saadi
\p
\v 1 Kɛ̃ Saadi Yesudeↄ dↄaanaɛ: Ma gbɛ̃́ pↄ́ má Lua Nisĩna mɛ̀n soplaↄ ń saana mɛ̀n soplaↄ kũa, mámɛ ma yã́ɛ bee ò. Má n yãkɛaↄ dↄ̃. Kua bɛ̃́ɛ tↄ́ mɛ́ dↄma, ãma gɛn n ũ. 
\v 2 Vu, gbɛ̃́ pↄ́ gↄ̃̀nɛↄ lɛ́ ń láo e aaↄ gɛ́ gai, asa má è n yã́e bↄlɛia ma Luaɛo. 
\v 3 A yã́i tò yã́ pↄ́ ń mà mɛ́ ń sì, to àↄ dↄngu, níↄ kũa, ní nↄ̀sɛlilɛ. Tó ni vuo, má mↄma lán kpã́iwa, mɛ́ ńyↄ̃ↄ zaa pↄ́ má mↄ́wà dↄ̃o.\f + \fr 3.3 \fr*\ft Luk 12.39-40, 1Tɛs 5.2, 2Piɛ 3.10, Zia 16.15\ft*\f* 
\v 4 Kási ń gbɛ̃́ↄ vĩ Saadi we yↄↄ aai ń pↄkasa gbãsĩkpao. Wá bɛbɛ sãnu ń pↄ́ puao, asa aa kà a lɛ́i. 
\v 5 Màa gbɛ̃́ pↄ́ zĩblè aↄ pↄkasa pua daa. Má aà tↄ́ dɛ àizãna taalau bauo.\f + \fr 3.5 \fr*\ft Bↄa 32.32-33, Soũ 69.28, Zia 20.15\ft*\f* Má zɛaànↄ ma Mae ń a malaikaↄ aɛ.\f + \fr 3.5 \fr*\ft Mat 10.32\ft*\f* 
\v 6 Gbɛ̃́ pↄ́ nↄ̀sɛ vĩ, aà yã́ pↄ́ Lua Nisĩna lɛ́ o Yesudeↄnɛ ma.
\s1 Filadɛlifi
\p
\v 7 Kɛ̃ Filadɛlifi Yesudeↄ dↄaanaɛ: Ma kuaadoade sĩande, má Davidi kilinɛ kũa, mi zɛwɛ̃ gbɛ̃e lí fↄ̃ tào, mi zɛta gbɛ̃e lí fↄ̃ wɛ̃̀o,\f + \fr 3.7 \fr*\ft Isa 22.22\ft*\f* mámɛ ma yã́ɛ bee ò. 
\v 8 Má n yãkɛaↄ dↄ̃. Ma, ma zɛwɛ̃̀nɛ n aɛ, gbɛ̃e a fↄ̃ tao. Baa tó n gbãa bílao, ń ma yã́ kũa, ni lelekpamazio. 
\v 9 Setãu lousisikpɛ gbɛ̃́ pↄ́ aaì ńzĩa dilɛ Yudaↄ ũ mɛ́ aa dɛ a ũoↄ, má tó ɛɛdepiↄ mↄ kúlɛnɛ, aai dↄ̃ kɛ́ má yenzi.\f + \fr 3.9 \fr*\ft Isa 49.23, 60.14\ft*\f* 
\v 10 Lá ń mɛna yã́ pↄ́ má dìlɛnɛ kũa, má n si taasi pↄ́ lɛ́ mↄ́ dṹnia bṹuwa à gbɛ̃́ pↄ́ aa ku tↄↄlɛↄ yↄ̃wa. 
\v 11 Má mↄ́ tia. Ɔdidi yã́ pↄ́ ń kũawa, kɛ́ gbɛ̃e su n ài simao yã́i. 
\v 12 Má gbɛ̃́ pↄ́ zĩblè kɛ ma Lua kpɛ́ gbapɛlɛ ũ. A bↄu bauo. Má a Lua tↄ́ kɛ̃́wà ń ma Lua wɛ̃́lɛ Yelusalɛũ dafu pↄ́ a bↄ aà kĩ́i musu tↄ́o\f + \fr 3.12 \fr*\ft Isa 62.2, Zia 21.2\ft*\f* ń ma tↄ́ dafuo. 
\v 13 Gbɛ̃́ pↄ́ nↄ̀sɛ vĩ, aà yã́ pↄ́ Lua Nisĩna lɛ́ o Yesudeↄnɛ ma.
\s1 Laodisi
\p
\v 14 Kɛ̃ Laodisi Yesudeↄ dↄaanaɛ: Ma gbɛ̃́ pↄ́ wì omɛɛ Ãmi, ma seelade náaide\f + \fr 3.14 \fr*\ft Zia 1.5\ft*\f* sĩande, ma gbɛ̃́ pↄ́ má dɛ pↄ́ pↄ́ Lua kɛ̀ↄ zĩ́na ũ, mámɛ ma yã́ɛ bee ò. 
\v 15 Má n yãkɛaↄ dↄ̃. Ń niɛo mɛ́ ń wãao. Má ye ǹyↄ̃ niɛ ge wãa. 
\v 16 Lá ń lↄ̀ↄlↄↄɛ, ń wãao mɛ́ ń niɛo, má n pisiɛ. 
\v 17 Ni mɛ ↄde àizɛɛde pↄ́ pↄe wɛ̃na vĩon n ũ. Ń dↄ̃ kɛ́ gbɛ̃pã pua baakɛna wɛ̃nade taaside vĩ̀an n ũo. 
\v 18 Málɛ lɛdama, vua baasaa lu ma kĩ́i, ní kɛ ↄde ũ. Pↄkasa pua lu ǹ da, ní n puizi ulɛ ǹ bↄ wíu. Wɛ́ ɛsɛ lu ǹ ka n wɛ́u, ní gu'e. 
\v 19 Mi gbɛ̃́ pↄ́ má yeńziↄ swã́gaga, mi ń toto.\f + \fr 3.19 \fr*\ft Yaa 3.12, Ɛbɛ 12.6\ft*\f* A yã́i tò, ãiakɛ, ní nↄ̀sɛlilɛ. 
\v 20 Gwa, má zɛa kpɛɛlɛ, málɛ ↄtaalɛ. Tó gbɛ̃́ ma lↄↄ mà mɛ́ à zɛwɛ̃̀mɛɛ, má gɛ̃ pↄbleaànↄ, i blemanↄ. 
\v 21 Má gbɛ̃́ pↄ́ zĩblè gba zɛ́ aà zↄ̃lɛmanↄ báawa, lá mapi ma zĩblè ma zↄ̃lɛ ń ma Maeo báawawa. 
\v 22 Gbɛ̃́ pↄ́ nↄ̀sɛ vĩ, aà yã́ pↄ́ Lua Nisĩna lɛ́ o Yesudeↄnɛ ma.
\c 4
\s1 Kúlɛa Luaɛ musu
\p
\v 1 A gbɛa ma zɛ è wɛ̃a luabɛ. Ɔ̃ ma lↄↄ pↄ́ má mà káau lán kã̀ae'ↄwa mà lↄ à mɛ̀: Mↄ la, mí yã́ pↄ́ a mↄ bee gbɛa ↄlↄnɛ. 
\v 2 Wegↄ̃ↄ Lua Nisĩna dɛ̀dɛa, ↄ̃ ma kpalabaa è luabɛ we, gbɛ̃e zↄ̃lɛwa. 
\v 3 Gbɛ̃́ pↄ́ zↄ̃lɛwapi lɛ́ tɛkɛ lán gbɛ̀ bɛɛɛde pↄ́ wì mɛ diamaa ń saadↄaniowa. Nàali liaa kpalabaapizi, a í dɛ búunnↄ lán ɛmɛlodiwa.\f + \fr 4.3 \fr*\ft Eze 1.26-28\ft*\f* 
\v 4 Kpalabaa mɛ̀n baasↄo mɛ̀ndosaiↄ liaai, gbɛ̃zↄ̃ↄ gbɛ̃ↄn baasↄo mɛ̀ndosaiↄ zↄ̃lɛzↄ̃lɛwà. Aa pↄ́ pua dadaa, aa vua fùa kpákpaa. 
\v 5 Lou lɛ́ pílɛ, àlɛ bↄ kpalabaapi kĩ́i, àlɛ pũna, àlɛ vĩ.\f + \fr 4.5 \fr*\ft Bↄa 19.16\ft*\f* Filia naa kpalabaapi aɛ mɛ̀n sopla\f + \fr 4.5 \fr*\ft Eze 1.13, Zkl 4.2\ft*\f* Lua Nisĩna mɛ̀n soplapiↄ ũ. 
\v 6 Díi da kpalabaapi aɛ lán ísiwa, a da wásawasa e a guu.\f + \fr 4.6 \fr*\ft Eze 1.22\ft*\f*
\p Kpalabaaↄ zãnguo pↄ́ bɛ̃́ɛ mɛ̀n síiↄ̃ↄ liaa kpalabaapizi. Wɛ́ fĩfĩmá kpɛ ń aɛo. 
\v 7 Pↄ́ bɛ̃́ɛpiↄ sɛ̃́ia bↄ̀ nↄ̀ↄmusuwa, a plaade bↄ̀ gáaewa, a àaↄ̃de oa bↄ̀ gbɛ̃nazĩna oawa, a síiↄ̃de bↄ̀ kúu pↄ́ lɛ́ vuawa.\f + \fr 4.7 \fr*\ft Eze 1.5-10\ft*\f* 
\v 8 Pↄ́ bɛ̃́ɛ mɛ̀n síiↄ̃piↄ baade gã̀sĩa vĩ mɛ̀n soolosoolo. Wɛ́ fĩfĩ an gã̀sĩapiↄwa a guu ń a kpɛo.\f + \fr 4.8 \fr*\ft Eze 1.18, 10.12\ft*\f* Fãanɛ ń gwãasĩnao aaìↄ o láasai:
\q1 Kuaadoade, kuaadoade, kuaadoade,
\q1 Dii Lua Gbãapiide.\f + \fr 4.8 \fr*\ft Isa 6.2-3\ft*\f*
\q1 A ku yãa, a ku tia, mɛ́ àlɛ mↄ́.
\m
\v 9 Tó pↄ́ bɛ̃́ɛ mɛ̀n síiↄ̃piↄ gbɛ̃́ pↄ́ zↄ̃lɛa báawa ìↄ ku gↄↄpiipi tↄbↄ̀ aa bɛɛɛ dↄ̃̀ɛ̀ aa aà sáaukpà, 
\v 10 gbɛ̃zↄ̃ↄ gbɛ̃ↄn baasↄo mɛ̀ndosaipiↄ ì wúlɛwulɛ aà aɛ aa misiilɛɛ̀, aaì ń fùa gogo kálɛ kpalabaapi aɛ, aaì mɛ:
\q1
\v 11 Dii wá Lua, n ka wà n tↄbↄ,
\q1 wí bɛɛɛ ń gbãao dↄ̃nɛ,
\q1 asa n pↄ́pii kɛ̀,
\q1 an kɛa ń ń kuao dɛ n pↄeã ũɛ.
\c 5
\s1 Sã ń taala kooao
\p
\v 1 Ɔ̃ ma taala kooa è na gbɛ̃́ pↄ́ zↄ̃lɛa báawapi ↄplaau, wà yãkɛ̃̀wà kpɛ pla píi, wà a lɛ́ kũ̀kũ ń kã́n'ↄo lɛɛ sopla.\f + \fr 5.1 \fr*\ft Isa 29.11, Eze 2.9-10\ft*\f* 
\v 2 Ɔ̃ ma malaika gbãade è, àlɛ kpàwakɛ ń lↄↄ gbãao à mɛ̀: Démɛ kà kã́n'ↄpiↄ gogoa à lápi pooi? 
\v 3 Asa gbɛ̃e ku luabɛ ge tↄↄlɛ ge tↄↄlɛ zíɛ a fↄ̃ lápi poo à gwao. 
\v 4 Ma ↄ́ↄlↄ̀ maamaaɛ, kɛ́ wi gbɛ̃e e à kà lápi poo gwaao. 
\v 5 Ɔ̃ gbɛ̃zↄ̃ↄpiↄ do òmɛɛ: Ńsu ↄ́ↄlↄo. Gwa, Yuda bui Nↄ̀ↄmusu\f + \fr 5.5 \fr*\ft Daa 49.9\ft*\f* pↄ́ dɛ Davidi kpala pↄ́ vlãpà Kía ũ\f + \fr 5.5 \fr*\ft Isa 11.1, 10\ft*\f* zĩblè. A fↄ̃ kã́n'ↄ mɛ̀n soplapiↄ gogo, i lápi poo. 
\v 6 Ɔ̃ ma Sã\f + \fr 5.6 \fr*\ft Isa 53.7\ft*\f* è zɛa báapi guo, pↄ́ bɛ̃́ɛ mɛ̀n síiↄ̃piↄ ń gbɛ̃zↄ̃ↄpiↄ zãnguo. A dɛ lá wà aà kòlokpawa. A kↄ́ba sopla ń wɛ́o sopla,\f + \fr 5.6 \fr*\ft Zkl 4.10\ft*\f* Lua Nisĩna mɛ̀n sopla pↄ́ à ń zĩ́ dṹnia gupiiuↄ ũ. 
\v 7 À gɛ̀ lápi sì gbɛ̃́ pↄ́ zↄ̃lɛa báawapi ↄzĩ. 
\v 8 Kɛ́ à lápi sì, pↄ́ bɛ̃́ɛ mɛ̀n síiↄ̃piↄ ń gbɛ̃zↄ̃ↄ gbɛ̃ↄn baasↄo mɛ̀ndosaipiↄ kùlɛkulɛ Sãpi aɛ. An baade mↄↄna kũa ń vua tùu pↄ́ tulaletika a paio. Tulaleti piá Lua gbɛ̃́ↄ wabikɛaↄɛ.\f + \fr 5.8 \fr*\ft Soũ 141.2\ft*\f* 
\v 9 Aalɛ lɛ̀ dafu\f + \fr 5.9 \fr*\ft Soũ 33.3, 98.1, Isa 42.10\ft*\f* sí aa mɛ̀:
\q1 N ka lápi sia ǹ kã́n'ↄpiↄ gogo,
\q1 asa wà n dɛ,
\q1 n gbɛ̃́ↄ bò Luaɛ ń n auo
\q1 bui píi guu, buiyã píi guu,
\q1 gbɛ̃́pii guu, bùsu píi guu.
\q1
\v 10 N ń kpá kpalau
\q1 wá Lua gbàgbanaↄ ũ,\f + \fr 5.10 \fr*\ft Bↄa 19.6, 1Piɛ 2.5, Zia 1.6\ft*\f*
\q1 aai kible tↄↄlɛ.
\m
\v 11 Ɔ̃ ma malaikaↄ è liaa báapizi ń pↄ́ bɛ̃́ɛpiↄ ń gbɛ̃zↄ̃ↄpiↄ dasidasi, an dasi kà ↄ̀aasↄsↄo lɛɛ ũma'ũma,\f + \fr 5.11 \fr*\ft Dan 7.10\ft*\f* wa fↄ̃ ń lɛ́ dↄ̃o. Ma ń kↄ̃fĩ mà, 
\v 12 aalɛ o ń lↄↄ gbãao:
\q1 Sã pↄ́ wa dɛ̀ kà wà iko dↄ̃ɛ̀
\q1 ń àizɛɛo ń ↄ̃nↄo ń gbãao ń bɛɛɛo
\q1 wí aà táasilɛ wà aà tↄbↄ.
\m
\v 13 Ɔ̃ pↄ́ pↄ́ Lua kɛ̀ musu ń tↄↄlɛo ń tↄↄlɛ zíɛo ń ísia guuo píi, pↄ́ pↄ́ kú baama píiↄ, má mà aa mɛ̀:
\q1 Wàↄ bɛɛɛ ń gbãao dↄ̃
\q1 gbɛ̃́ pↄ́ zↄ̃lɛa báawaɛ ń São,
\q1 wíↄ ń táasilɛ wàↄ ń tↄbↄ gↄↄpii.
\m
\v 14 Pↄ́ bɛ̃́ɛ mɛ̀n síiↄ̃piↄ mɛ̀, ãmi. Ɔ̃ gbɛ̃zↄ̃ↄpiↄ wùlɛwulɛ aa misìilɛɛ̀.
\c 6
\s1 Kã́n'ↄgogoa
\p
\v 1 Má è Sã kã́n'ↄ mɛ̀n soplapiↄ sɛ̃́ia gò. Ɔ̃ má mà pↄ́ bɛ̃́ɛ mɛ̀n síiↄ̃piↄ do yã'ò lán louvĩawa à mɛ̀: Mↄ́! 
\v 2 Ɔ̃ ma sↄ̃kaapua è, gbɛ̃́ pↄ́ di a kpɛ sá kũa. Wà kíafua kpàɛ̀, ↄ̃ à bↄ̀ zĩ̀blena ũ, à gɛ̀ zĩblei.
\p
\v 3 Kɛ́ à kã́n'ↄ plaade gò, má mà pↄ́ bɛ̃́ɛ plaade mɛ̀: Mↄ́! 
\v 4 Sↄ̃́ pãle bↄ̀ lↄ, a dɛ tɛ̃́nzoizoi. Wà gbɛ̃́ pↄ́ di a kpɛ gbà zɛ́ aà aafia sí dṹniawa, kɛ́ gbɛ̃́ↄ kↄ̃ dɛdɛ. Wà fɛ̃nda zↄ̃ↄ kpàwà.
\p
\v 5 Kɛ́ à kã́n'ↄ àaↄ̃de gò, má mà pↄ́ bɛ̃́ɛ àaↄ̃de mɛ̀: Mↄ́! Ɔ̃ ma sↄ̃́ sia è, gbɛ̃́ pↄ́ di a kpɛ zaa kũa.\f + \fr 6.5 \fr*\ft Zkl 1.8-11, 6.1-8\ft*\f* 
\v 6 Má mà lán lↄↄwa, à bↄ̀ pↄ́ bɛ̃́ɛ mɛ̀n síiↄ̃piↄ guu à mɛ̀: Ése zaa lɛ do mɛ́ gↄↄ do zĩ ↄ̃a ũ. Mase zaa lɛ àaↄ̃ mɛ́ gↄↄ do zĩ ↄ̃a ũ. Ńsu to nísi ń vɛ̃ɛo sàsakũo.
\p
\v 7 Kɛ́ à kã́n'ↄ síiↄ̃de gò, ma pↄ́ bɛ̃́ɛ síiↄ̃de lↄↄ mà à mɛ̀: Mↄ́! 
\v 8 Ɔ̃ ma sↄ̃kaasina è, gbɛ̃́ pↄ́ di a kpɛ tↄ́n Ga, mɛ́ Bɛda tɛaàzi. Wà ń gbá zɛ́ aaↄ iko vĩ dṹnia gbɛ̃́ↄ lɛɛ síiↄ̃dewa, aa ń dɛdɛ ń zĩo ń iminao ń gagyão ń wàiↄ.\f + \fr 6.8 \fr*\ft Eze 14.21\ft*\f*
\p
\v 9 Kɛ́ à kã́n'ↄ sↄode gò, ma gbɛ̃́ pↄ́ wà ń dɛdɛ luayã'oa ń Yesu seeladekɛo yã́iↄ gyaadeↄ è tulaletikatɛakĩi zíɛ. 
\v 10 Aa wii gbãa lɛ̀ aa mɛ̀: Dii Kuaadoade Sĩande, e bↄɛ ńyↄ̃ yã́kpalɛkɛ ń gbɛ̃́ pↄ́ aa ku tↄↄlɛↄ, ní wá dɛa tↄsimái? 
\v 11 Ɔ̃ wà ulatao pua dàda ń baadeɛ, wa ònɛ́ aa mɛnakɛ yↄↄ e an Yesude zↄ̀blen dee pↄ́ wa ń dɛdɛ láńwaↄ lɛ́ ká.
\p
\v 12 Kɛ́ à kã́n'ↄ soolode gò, má è tↄↄlɛ lùalua pãsĩpãsĩ, ĩatɛ̃ siakũ̀ níinii lán zwãa daa ùsiuwa, mↄvua tɛ̃akũ̀ lán auwa míↄmiↄ.\f + \fr 6.12 \fr*\ft Isa 13.10, Mat 24.29, Yoɛ 2.10, 3.4, 4.15\ft*\f* 
\v 13 Saanaↄ wòlo luabɛ aa kwɛ̀ tↄↄlɛ lán zàa'ĩana libɛ ísi woloawa. 
\v 14 Luabɛ kɛ̃̀aa à kòokoo lán pɛwa.\f + \fr 6.14 \fr*\ft Isa 34.4\ft*\f* Gbɛ̀sĩsĩↄ ń ísia gũgũnaↄ sↄ̃̀ píi.\f + \fr 6.14 \fr*\ft Zia 16.20\ft*\f* 
\v 15 Dṹnia kíaↄ ń kpalablenaↄ ń sosa gbɛ̃zↄ̃ↄↄ ń ↄdeↄ ń gbãadeↄ ń gbɛ̃́piio zↄↄ ge wɛ̃́ɛↄ ùlɛ gbɛ̀'ɛↄ ń gbɛ̀sↄↄnaↄ guu.\f + \fr 6.15 \fr*\ft Isa 2.19\ft*\f* 
\v 16 An lɛ́ dↄ:
\q1 Sĩ̀sĩↄ ń gbɛsiↄ à dawála
\q1 à wá ulɛ\f + \fr 6.16 \fr*\ft Oze 10.8, Luk 23.30\ft*\f* gbɛ̃́ pↄ́ zↄ̃lɛa báawaɛ,
\q1 à wá sí Sã pↄkũmawa.
\m
\v 17 Asa an pↄkũmabↄbↄmagↄↄ zↄ̃ↄ kà. Démɛ a fↄ̃ bↄui?\f + \fr 6.17 \fr*\ft Yoɛ 2.11, Mal 3.2\ft*\f*
\c 7
\s1 Seelakɛa Isailiↄwa
\p
\v 1 Bee gbɛa ma malaika gbɛ̃ↄn síiↄ̃ↄ è zɛzɛ dṹnia gola síiↄ̃wa, an baade a gola ĩ́ana kũa, kɛ́ ĩ́ana su pɛ tↄↄlɛ ge ísia ge líewao yã́i.\f + \fr 7.1 \fr*\ft Dan 7.2, Zkl 6.5\ft*\f* 
\v 2 Ɔ̃ ma malaika pãle è, à bↄ̀ gukpɛ oi, a Lua bɛ̃́ɛ seelakɛbↄ kũa. À lɛ́ gbãa zù malaika gbɛ̃ↄn síiↄ̃ pↄ́ wà ń gbá zɛ́ aa tↄↄlɛ ń ísiao ↄ̃̀ↄkpapiↄzi 
\v 3 à mɛ̀: Ásu tↄↄlɛ ge ísia ge líↄ ↄ̃̀ↄkpao e wà seelakɛ wá Lua zↄ̀blenaↄ mi'aɛwa.\f + \fr 7.3 \fr*\ft Eze 9.4-6\ft*\f* 
\v 4 Ɔ̃ wà gbɛ̃́ pↄ́ wà seelapi kɛ̀máↄ lɛ́ òmɛɛ, aa gbɛ̃ↄn ↄ̀aasↄsↄo lɛɛ basopla ń síiↄ̃oɛ (144.000). Aa bↄ̀ Isaili bui píi guu.
\q1
\v 5 Wà seelakɛ̀ Yuda buiↄwa gbɛ̃ↄn ↄ̀aasↄsↄo lɛɛ kuɛpla (12.000)
\q1 ń Lubɛni buiↄ gbɛ̃ↄn ↄ̀aasↄsↄo lɛɛ kuɛpla
\q1 ń Gada buiↄ gbɛ̃ↄn ↄ̀aasↄsↄo lɛɛ kuɛpla
\q1
\v 6 ń Asɛɛ buiↄ gbɛ̃ↄn ↄ̀aasↄsↄo lɛɛ kuɛpla
\q1 ń Nɛfatali buiↄ gbɛ̃ↄn ↄ̀aasↄsↄo lɛɛ kuɛpla
\q1 ń Manase buiↄ gbɛ̃ↄn ↄ̀aasↄsↄo lɛɛ kuɛpla
\q1
\v 7 ń Simɛↄ buiↄ gbɛ̃ↄn ↄ̀aasↄsↄo lɛɛ kuɛpla
\q1 ń Levii buiↄ gbɛ̃ↄn ↄ̀aasↄsↄo lɛɛ kuɛpla
\q1 ń Isakaa buiↄ gbɛ̃ↄn ↄ̀aasↄsↄo lɛɛ kuɛpla
\q1
\v 8 ń Zabulↄni buiↄ gbɛ̃ↄn ↄ̀aasↄsↄo lɛɛ kuɛpla
\q1 ń Yosɛfu buiↄ gbɛ̃ↄn ↄ̀aasↄsↄo lɛɛ kuɛpla
\q1 ń Bɛ̃yãmɛɛ buiↄ gbɛ̃ↄn ↄ̀aasↄsↄo lɛɛ kuɛpla.
\s1 Bui píi kãaaa luabɛ
\p
\v 9 Bee gbɛa ma gbɛ̃́ↄ è dasidasi, wa fↄ̃ ń naoo. Aa bↄ̀ bùsu píi guu, bui píi guu, gbɛ̃́pii guu, buiyã píi guu. Aa zɛzɛa kpalabaa ń São aɛ. Aa ulatao pua dadaa, kpakpa lá nanaa ń ↄzĩ. 
\v 10 Aalɛ wii gbãa lɛ́, aalɛ mɛ: Wá Lua pↄ́ zↄ̃lɛa báawa ń São mɛ́ ì ń suaba.
\p
\v 11 Malaikaↄ zɛzɛ aa lìa kpalabaazi ń gbɛ̃zↄ̃ↄↄ ń pↄ́ bɛ̃́ɛ mɛ̀n síiↄ̃ↄ ḿpii, ↄ̃ aa ń mi pɛ̀lɛpɛlɛ báapi aɛ, aa kùlɛ Luaɛ 
\v 12 aa mɛ̀:
\q1 Ãmi! Wá Lua mɛ́ tↄ́ vĩ ń gawio
\q1 ń ↄ̃nↄo ń sáabuo ń bɛɛɛo
\q1 ń ikoo ń gbãao gↄↄpii. Ãmi!
\p
\v 13 Ɔ̃ gbɛ̃zↄ̃ↄpiↄ do ma la à mɛ̀: Deↄn ulataopuadanapiↄ ũi? Aa bↄ̀ má ni? 
\v 14 Má òɛ̀: Baa, ḿmɛ ń dↄ̃. Ɔ̃ a òmɛɛ: Gbɛ̃́ pↄ́ aa bↄ̀ wɛ́tɛ̃a zↄ̃ↄ\f + \fr 7.14 \fr*\ft Dan 12.1, Mat 24.21\ft*\f* guuↄnɛ. Aa ń ulataopiↄ pì Sã au guu à puakũ̀. 
\v 15 Bee yã́i aa ku Lua kpalabaa aɛ, aaìↄ zↄbleɛ̀ aà kpɛ́u fãanɛ ń gwãasĩnao, mɛ́ gbɛ̃́ pↄ́ zↄ̃lɛa báawapi ì ↄkuńla. 
\v 16 Nↄana ge imi a ń dɛ lↄo, ĩatɛ̃ a ń lɛ́o, mɛ́ gu a wãmáo, 
\v 17 asa Sã pↄ́ zɛa báapiwa guoguo a ń dã́,\f + \fr 7.17 \fr*\ft Soũ 23.1-2\ft*\f* i dↄaanɛ́ e nibↄna í wɛ̃nidei,\f + \fr 7.17 \fr*\ft Isa 49.10\ft*\f* mɛ́ Lua a ń wɛ́'i gogonɛ́ píi.\f + \fr 7.17 \fr*\ft Isa 25.8\ft*\f*
\c 8
\s1 Kã́n'ↄ soplade goa
\p
\v 1 Kɛ́ Sã kã́n'ↄ soplade gò, luabɛ kɛ̀ kílikili lán mↄwɛn baakwi taawa. 
\v 2 Ɔ̃ ma malaika gbɛ̃ↄn sopla pↄ́ aaìↄ zɛa Lua aɛↄ è, wà kã̀ae kpàmá mɛ̀n sopla.
\p
\v 3 Ɔ̃ malaika pãle mↄ̀ zɛ̀ tulaletikatɛakĩi pↄ́ wa pì ń vuao saɛ, a tɛ́sibↄ pↄ́ wa pì ń vuao kũa. Wà tulaleti kpàwà zↄ̃ↄzↄ̃ↄ ń Lua gbɛ̃́ↄ píi wabikɛaↄ aà kátɛa, ↄ̃ a kàtɛa kpalabaa aɛ tulaletikatɛakĩipiwa. 
\v 4 Ɔ̃ tulaleti súɛlɛ ń Lua gbɛ̃́ↄ wabikɛaↄ fɛ̀lɛ malaikapi ↄzĩ Lua aɛ. 
\v 5 Ɔ̃ malaikapi tɛ́sibↄ sɛ̀ à tulaletikatɛakĩi tɛ́ sì a pai, a zù tↄↄlɛ. Lou lɛ́ vĩ, àlɛ pũna, àlɛ pílɛ, tↄↄlɛ lùalua.\f + \fr 8.5 \fr*\ft Bↄa 19.16, Zia 4.5, 11.19, 16.18\ft*\f*
\s1 Kã̀ae mɛ̀n soplaↄ pɛa
\p
\v 6 Malaika gbɛ̃ↄn sopla pↄ́ aa kã̀ae mɛ̀n sopla kũapiↄ a pɛa sↄukɛ̀.\f + \fr 8.6 \fr*\ft 1Tɛs 4.16\ft*\f* 
\v 7 A sɛ̃́ia a pↄ́ pɛ̀, ↄ̃ lougbɛ ń tɛ́o yãalɛa ń auo kwɛ̀ tↄↄlɛ.\f + \fr 8.7 \fr*\ft Bↄa 9.23-24\ft*\f* Tↄↄlɛ lɛɛ àaↄ̃de tɛkũ̀, líↄ lɛɛ àaↄ̃de tɛkũ̀, sɛ̃̀ ísi tɛkũ̀ míↄ.
\p
\v 8 Malaika plaade a pↄ́ pɛ̀, ↄ̃ pↄ́ tɛde bↄ̀ à sì ísiau lán gbɛ̀sĩsĩ zↄ̃ↄwa. Ísia lɛɛ àaↄ̃de lì au ũ, 
\v 9 ↄ̃ ísia pↄ́ bɛ̃́ɛↄ lɛɛ àaↄ̃de gàga, mɛ́ gó'ilɛnaↄ lɛɛ àaↄ̃de ↄ̃̀ↄkpà.
\p
\v 10 Malaika àaↄ̃de a pↄ́ pɛ̀, ↄ̃ saan zↄ̃ↄ pↄ́ lɛ́ tɛ́kũ lán sɛ̃tɛwa bↄ̀ luabɛ, à lɛ̀lɛ dà swaↄ ń nibↄnaↄ lɛɛ àaↄ̃dela. 
\v 11 Saanapi tↄ́n Gↄ̃i. Í lɛɛ àaↄ̃de lì gↄ̃i ũ, ↄ̃ gbɛ̃́ pↄ́ ípi mìↄ gàga dasi a kĩ̀sã yã́i.
\p
\v 12 Malaika síiↄ̃de a pↄ́ pɛ̀, ↄ̃ wà ĩatɛ̃ lɛɛ àaↄ̃de lɛ̀ ń mↄvua lɛɛ àaↄ̃deo ń saanaↄ lɛɛ àaↄ̃deo, kɛ́ an lɛɛ àaↄ̃de siakũ yã́i.\f + \fr 8.12 \fr*\ft Bↄa 10.22, Isa 13.10, Yoɛ 2.10\ft*\f* Ɔ̃ fãanɛ lɛɛ àaↄ̃de gↄ̃̀ gupuasai, màaɛ gwãasĩna lↄ. 
\v 13 Ɔ̃ ma kúu è, àlɛ vua musumusu. Má mà à wii gbãa lɛ̀ à mɛ̀: Waiyoo, waiyoo, waiyoo gbɛ̃́ pↄ́ kú tↄↄlɛↄ malaika gbɛ̃ↄn àaↄ̃ pↄ́ gↄ̃̀piↄ kã̀ae'ↄ pↄ́ a bↄ yã́i.
\c 9
\p
\v 1 Malaika sↄode a pↄ́ pɛ̀, ↄ̃ ma saana è, à bↄ̀ luabɛ à lɛ̀lɛ tↄↄlɛ.\f + \fr 9.1 \fr*\ft Isa 14.12\ft*\f* Ɔ̃ wà gbã́o zòolo kilinɛ kpàwà, 
\v 2 ↄ̃ saanapi gbã́o zòolopi zɛ́ wɛ̃̀. Súɛlɛ bↄ̀u lán mua zↄ̃ↄ súɛlɛwa,\f + \fr 9.2 \fr*\ft Daa 19.28\ft*\f* ↄ̃ gbã́opi súɛlɛ ĩatɛ̃ siakũ̀, gu kɛ̀ síii. 
\v 3 Kwaↄ bↄ̀lɛ súɛlɛpi guu aa lì tↄↄlɛa.\f + \fr 9.3 \fr*\ft Bↄa 10.13\ft*\f* Wà ń gbá iko lán dṹnia sóiↄ pↄ́wa. 
\v 4 Wa ònɛ́ aasu ĩada sɛ̃e ge láe ge líewao, sema gbɛ̃́ pↄ́ aa Lua seela vĩ ń mi'aɛwaoↄ.\f + \fr 9.4 \fr*\ft Zia 7.3\ft*\f* 
\v 5 Wi ń gba zɛ́ aa gbɛ̃́ↄ dɛdɛo. Aa wãwã kpáńzi e mↄ sↄoɛ. An wãwã dɛ lán sói gbɛ̃́paa wãwãwaɛ. 
\v 6 Gↄↄ beeↄ zĩ́ gbɛ̃́ↄ wɛɛlɛ ga mↄ́ ń sɛ́, a mↄo.\f + \fr 9.6 \fr*\ft Yob 3.21\ft*\f* Ga ni a ń dɛ, kási ga a bàalɛnɛ́ɛ.
\p
\v 7 Kwapiↄ dɛ lán sↄ̃́ pↄ́ an zĩkasↄu màↄwa. Aa pↄe kpákpaa lán vua fùawa, an oa bↄ̀ lán gbɛ̃nazĩna pↄ́wa. 
\v 8 An mikã dɛ gbã̀agbãa lán nↄɛ pↄ́wa, an swaaↄ dɛ lán nↄ̀ↄmusu pↄ́wa. 
\v 9 An kua dɛ lá aa mↄ̀ ula dadaawa, an gã̀sĩa kĩ́i dↄ lán gó dasi pↄ́ sↄ̃́ↄ lɛ́ gálɛ zĩ guuↄ kↄ̃fĩwa.\f + \fr 9.9 \fr*\ft Yoɛ 1.6, 2.4-5\ft*\f* 
\v 10 Aa vlã́ vĩ ń kao lán sóiwa. An iko kú ń vlã́piↄwa aa ĩadaò gbɛ̃́ↄwa e mↄ sↄo. 
\v 11 Gbã́o zòolo malaikapi mɛ́ ń kía ũ. Ń Ɛbɛlu yã́o aà tↄ́n Abadↄ̃. Ń Gɛlɛki yã́o sↄ̃ Apↄliↄ̃.\f + \fr 9.11 \fr*\ft Apii bↄↄlɛ mɛ̀ gbɛ̃kaalɛna.\ft*\f* 
\v 12 Wɛ̃na sɛ̃́ia gɛ̃̀, wɛ̃na mɛ̀n plaↄ lɛ́ mↄ́ a kpɛ lↄ.
\p
\v 13 Malaika soolode a kã̀ae pɛ̀. Ma lↄↄ mà à bↄ̀ Lua aɛ tulaletikatɛakĩi pↄ́ wa pì ń vuao a kↄ́ba síiↄ̃ↄ kĩ́i. 
\v 14 A ò malaika soolode pↄ́ kã̀ae kũaɛ à mɛ̀: Malaika gbɛ̃ↄn síiↄ̃ pↄ́ yeyea swa zↄ̃ↄ Uflata saɛↄ polo. 
\v 15 Ɔ̃ wà malaika gbɛ̃ↄn síiↄ̃ pↄ́ wà ń sↄukɛ̀ wɛ̃ bee, mↄ bee, gↄↄ bee, zaa bee yã́iↄ pòlo, kɛ́ aa gbɛ̃nazĩna lɛɛ àaↄ̃de dɛdɛ yã́i. 
\v 16 Ma sosa sↄ̃deↄ dasilɛ mà, aa miliↄ̃ ↄ̀aa doɛ. 
\v 17 Wɛ́pungu'eapi guu lá ma sↄ̃́piↄ ń ń dikpɛnaↄ èn kɛ: Aa mↄ̀ ulaↄ dadaa tɛ̃́ɛɛ lán tɛ́wa, búunnↄ lán bulawa, tɛ̃́ɛɛ lán kpà'iwa. Sↄ̃́piↄ mi dɛ lán nↄ̀ↄmusu miwa. Tɛ́ ń súɛlɛo ń ĩatɛ̃gbↄ̃o lɛ́ bↄ ń lɛ́u.\f + \fr 9.17 \fr*\ft Luk 17.29\ft*\f* 
\v 18 Ĩa mɛ̀n àaↄ̃ɛ beeↄ, tɛ́ ń súɛlɛo ń ĩatɛ̃gbↄ̃ pↄ́ lɛ́ bↄ ń lɛ́uo mɛ́ gbɛ̃nazĩna lɛɛ àaↄ̃deↄ dɛ̀dɛ. 
\v 19 Asa sↄ̃́piↄ iko kú ń lɛ́ guuɛ ń ń vlã́o lↄ. An vlã́ dɛ lán mlɛ̃wa, aa mi vĩ aaì ĩadaò gbɛ̃́ↄwa.
\p
\v 20 Gbɛ̃́ kĩni pↄ́ aai gaga ĩa bee musuoↄ, aai nↄ̀sɛlilɛ aa pↄ́ pↄ́ aa kɛ̀ yã́ tòo. Aa gì lɛ́ kúlɛ tã́aↄnɛ ń pↄ́ pↄ́ aa kɛ̀ ń vuao ń ã́nusuo ń mↄgotɛ̃o ń gbɛo ń líoↄnɛ. Pↄ́piↄ lí gu'eo, aali yãmao, aali táa'o sↄ̃o.\f + \fr 9.20 \fr*\ft Soũ 115.4-7, 135.15-17, Dan 5.23\ft*\f* 
\v 21 Aai nↄ̀sɛlilɛ aa ń gbɛ̃dɛa ge an gbɛ̃kↄↄlɛkɛa ge an gbãsĩkɛa ge an kpã́i'oa tòo.
\c 10
\s1 Malaika ń taala nɛ́nao
\p
\v 1 Ɔ̃ ma malaika gbãade pãle è à bↄ̀ luabɛ, àlɛ pila. A luabɛpuana daa, nàali liaa aà mii. Aà oa dɛ lán ĩatɛ̃wa, aà gbá dɛ lán zàmikulu tɛ́wa. 
\v 2 A taala nɛ́na kũa pooa. À ↄplaa gbá pɛ̀lɛ ísiaa, à ↄzɛɛ gbá pɛ̀lɛ tↄↄlɛ. 
\v 3 À wii gbãa lɛ̀ lán nↄ̀ↄmusu pũnaawa. Kɛ́ à wiilɛ̀, louvĩa mɛ̀n soplaↄ yã'ò. 
\v 4 Kɛ́ louvĩa mɛ̀n soplapiↄ yã'ò, má ye mà kɛ̃ lá guu, ↄ̃ ma lↄↄ mà à bↄ̀ luabɛ à mɛ̀: Ńyↄ̃ yã́ pↄ́ louvĩa mɛ̀n soplapiↄ ò kũa asii guu, ńsu kɛ̃o. 
\v 5 Malaika pↄ́ má è zɛa ísia ń tↄↄlɛowapi a ↄplaa sɛ dↄ̀ musu,\f + \fr 10.5 \fr*\ft Dan 12.7\ft*\f* 
\v 6 ↄ̃ a ò ń Lua pↄ́ kú gↄↄpii à musu ń tↄↄlɛo ń ísiao kɛ̀ ń pↄ́ pↄ́ kú ń guuↄ píi tↄ́o\f + \fr 10.6 \fr*\ft Bↄa 20.11\ft*\f* à mɛ̀: A gɛ̃gɛ̃ lↄo. 
\v 7 Malaika soplade kã̀aepɛzĩ tó àlɛ mↄ́ pɛ́i, Lua pↄeã pↄ́ ulɛa a kɛ sa, lá à a baokpà a zↄ̀blena ãnabiↄnɛwa.\f + \fr 10.7 \fr*\ft Amↄ 3.7\ft*\f*
\p
\v 8 Ɔ̃ ma lↄↄ pↄ́ má mà à bↄ̀ luabɛpi mà lↄ à mɛ̀: Gɛ ǹ lá nɛ́na pooa pↄ́ na malaika pↄ́ zɛa ísia ń tↄↄlɛowa ↄzĩpi sí. 
\v 9 Ɔ̃ ma gɛ malaikapi kĩ́i, má òɛ̀ aà lá nɛ́napi kpaa, ↄ̃ a òmɛɛ: Si ǹ só. Aↄ na n lɛ́u lán zↄ́wa, iↄ ĩ́i n nↄ̀sɛu. 
\v 10 Ɔ̃ ma lá nɛ́napi sì malaikapi ↄzĩ, má sò. A na ma lɛ́u lán zↄ́wa. Kɛ́ má mↄ̀, à ĩ́ikũ̀ ma nↄ̀sɛu.\f + \fr 10.10 \fr*\ft Eze 2.8-3.3\ft*\f* 
\v 11 Ɔ̃ wa òmɛɛ: Dↄaa ǹ ãnabikɛkɛ lↄ maamaa buiↄ ń bùsu gbɛ̃́ↄ ń buiyãↄ ń kíaↄ yã́ musu.
\c 11
\s1 Seelade gbɛ̃ↄn plaↄ
\p
\v 1 Ɔ̃ wà fee kpàa pↄyↄ̃bↄ ũ, wa òmɛɛ: Fɛlɛ Lua kpɛ́ yↄ̃ ń aà gbagbakĩio,\f + \fr 11.1 \fr*\ft Eze 40.5, Zkl 2.5-6\ft*\f* ní lousisina pↄ́ kú weↄ nao. 
\v 2 Ǹ a ua tó, ńsu yↄ̃o, asa wa kpà luayãdansaiↄwaɛ. Aa ↄ̃zↄ̃ Lua wɛ̃́lɛwa e mↄ bla ń plao.\f + \fr 11.2 \fr*\ft Luk 21.24\ft*\f* 
\v 3 Má a seelade gbɛ̃ↄn plaↄ gba zɛ́ aa ãnabikɛkɛ gↄↄ ↄ̀aa soolo ń bàaↄ̃opi (1.260) guu zwã̀nkasaↄ dadaa. 
\v 4 Gbɛ̃́piↄ mɛ́ kuli mɛ̀n plaↄ ń dau mɛ̀n pla pↄ́ zɛa dṹnia Dii aɛↄ ũ.\f + \fr 11.4 \fr*\ft Zkl 4.3, 11-14\ft*\f* 
\v 5 Tó gbɛ̃́ lɛ́ wɛɛlɛ ĩadamá, tɛ́ a bↄ ń lɛ́u à kṹ ń ibɛɛpiↄwa. Tó gbɛ̃́ su lɛ́ wɛɛlɛ ĩadamá, màa ade a ga. 
\v 6 Aa luabɛ zɛtaa iko vĩ,\f + \fr 11.6 \fr*\ft 1Kia 17.1\ft*\f* kɛ́ lou su ma gↄↄ pↄ́ aalɛ ãnabikɛkɛo yã́i. Aa í lilɛa au ũ iko vĩ lↄ.\f + \fr 11.6 \fr*\ft Bↄa 7.17-19\ft*\f* Aa kìsia bui píi kpá dṹniazi gↄↄ pↄ́ aa yeiwa.
\p
\v 7 Tó aa ń seeladekɛ kɛ̀ aa làa, wài pↄ́ a bↄ gbã́o zòolo guu\f + \fr 11.7 \fr*\ft Zia 17.8\ft*\f* a zĩkańnↄ, i zĩblemá à ń dɛdɛ.\f + \fr 11.7 \fr*\ft Dan 7.7, 21, Zia 13.7\ft*\f* 
\v 8 An gɛ aↄ kálɛa mɛɛwia zↄ̃ↄ pↄ́ wà ń Dii pàuliwa zɛa guu. Yáasi guu wì mɛ mɛɛwiapiɛ Sↄdↄũ\f + \fr 11.8 \fr*\ft Isa 1.9-10\ft*\f* ge Egipi. 
\v 9 Gbɛ̃́ↄ ń buiↄ ń buiyã'onaↄ ń bùsu gbɛ̃́ↄ aa ń gɛↄ gwagwa e gↄↄ àaↄ̃ ń kĩnio, aa we wà ń vĩo. 
\v 10 Gbɛ̃́ pↄ́ aa ku tↄↄlɛↄ pↄnakɛ, aai dikpɛkɛ, aai gbadakↄ̃ɛ, kɛ́ ãnabi gbɛ̃ↄn pla pↄ́ wãwã kpàńzipiↄ gàga yã́i. 
\v 11 Gↄↄ àaↄ̃ ń kĩniopi gbɛa Lua tò ĩ́an wɛ̃nide gɛ̃̀ńgu, ↄ̃ aa fɛ̀lɛ zɛ̀.\f + \fr 11.11 \fr*\ft Eze 37.10\ft*\f* Vĩa zↄ̃ↄ gbɛ̃́ pↄ́ ń éↄ kũ̀. 
\v 12 Ɔ̃ ãnabipiↄ lↄↄ gbãa mà à bↄ̀ luabɛ, a ònɛ́: À fɛlɛ mↄ́ la. Ɔ̃ aa fɛ̀lɛ tà musu luabɛpuana guu gↄↄ pↄ́ an ibɛɛↄ wɛ́ fĩ̀má.\f + \fr 11.12 \fr*\ft 2Kia 2.11\ft*\f* 
\v 13 Zĩbeezĩ tↄↄlɛ lùalua pãsĩpãsĩ, mɛɛwiapi lɛɛ kwide kwɛ̀, ↄ̃ gbɛ̃ↄn ↄ̀aasↄsↄo lɛɛ sopla (7.000) gàga tↄↄlɛlualuaapi guu. Vĩa gbɛ̃́ kĩniↄ kũ̀, ↄ̃ aa Lua Musude tↄbↄ̀. 
\v 14 Wɛ̃na plaade gɛ̃̀, a àaↄ̃de lɛ́ ká sa.
\s1 Kã̀ae soplade pɛa
\p
\v 15 Malaika soplade a kã̀ae pɛ̀. Lↄↄ gbãaↄ bↄ̀ luabɛ wà mɛ̀: Dṹnia kpala gↄ̃̀ wá Dii ń kía pↄ́ a kpào pↄ́ ũ, aↄ kible gↄↄpii.\f + \fr 11.15 \fr*\ft Bↄa 15.18, Dan 2.44, 7.14, 27\ft*\f* 
\v 16 Gbɛ̃zↄ̃ↄ gbɛ̃ↄn baasↄo mɛ̀ndosai pↄ́ zↄ̃lɛzↄ̃lɛa ń báawa Lua aɛpiↄ ń mi pɛ̀lɛpɛlɛ tↄↄlɛ aa kùlɛɛ̀ 
\v 17 aa mɛ̀:
\q1 Dii Lua Gbãapiide,
\q1 ń kú yãa mɛ́ ń kú tia,
\q1 wa n sáaukɛ̀,
\q1 asa n bↄ ń n gbãa zↄ̃ↄoɛ,
\q1 ↄ̃ n gbasa n na kibleawa.
\q1
\v 18 Bùsu píi gbɛ̃́ↄ za fɛ̃̀,
\q1 ↄ̃ n pↄkũmabↄ̀bↄmá.\f + \fr 11.18 \fr*\ft Soũ 2.1, 5\ft*\f*
\q1 N yã́kpalɛkɛa ń gyaadeↄ gↄↄ kà.
\q1 Ńyↄ̃ fĩabo n zↄ̀blena ãnabiↄnɛ
\q1 ń n gbɛ̃́ pↄ́ aalɛ vĩakɛnɛↄ,\f + \fr 11.18 \fr*\ft Soũ 115.13\ft*\f*
\q1 nɛ́fɛ̃nɛn gbɛ̃zↄ̃ↄ,
\q1 ní dṹniadɛnaↄ dɛdɛ.
\m
\v 19 Ɔ̃ wà Lua kpɛ́ pↄ́ kú musu wɛ̃̀, ↄ̃ ma Luabaakuańnↄ kpagolo è. Lou lɛ́ pílɛ, àlɛ vĩ, àlɛ pũna. Tↄↄlɛ lùalua, lougbɛ pãsĩ kwɛ̀.
\c 12
\s1 Nↄɛ ń kwãsao
\p
\v 1 Ɔ̃ ma seela zↄ̃ↄ è luabɛ. Nↄɛe ĩatɛ̃ yea zwãa ũ, mↄvua ku aà gbá zíɛ, a saana mɛ̀n kuɛplaↄ kpaa kía fala ũ.\f + \fr 12.1 \fr*\ft Daa 37.9\ft*\f* 
\v 2 A nↄsia, ↄ̃ nↄwãwã mↄ̀wà, àlɛ nɛ'iwãwã wii lɛ́. 
\v 3 Ɔ̃ ma seela pãle è luabɛ. Kwãsa tɛ̃a zóizoi kú we, a mi sopla, a kↄ́ba kwi.\f + \fr 12.3 \fr*\ft Dan 7.7\ft*\f* A kíafua mɛ̀n sopla kpákpaa. 
\v 4 À saana lɛɛ àaↄ̃de wòlo luabɛ ń a vlã́o a kwɛ̀ tↄↄlɛ,\f + \fr 12.4 \fr*\ft Dan 8.10\ft*\f* ↄ̃ à mↄ̀ zɛ̀ nↄɛ pↄ́ ye nɛ'ipi aɛ, kɛ́ à e nɛ́ pↄ́ a ipi so yã́i. 
\v 5 Ɔ̃ nↄɛpi nɛgↄ̃ɛ pↄ́ a kible bui píiwa ń mↄ̀ gopanao ì.\f + \fr 12.5 \fr*\ft Isa 66.7, Soũ 2.9\ft*\f* Ɔ̃ wà nɛ́pi sɛ̀ tàò Lua ń a kpalabaao kĩ́i. 
\v 6 Nↄɛpi bàalɛ̀ tà sɛ̃u, gu pↄ́ Lua kɛ̀kɛɛ̀ wà aà gwau gↄↄ ↄ̀aa soolo ń bàaↄ̃opi (1.260) guu.
\p
\v 7 Ɔ̃ zĩ fɛ̀lɛ luabɛ, Misɛli\f + \fr 12.7 \fr*\ft Dan 10.13, 21, 12.1, Yud 9\ft*\f* ń a malaikaↄ zĩkà ń kwã́pio, mɛ́ kwã́ ń a malaikaↄ zĩkàńnↄ. 
\v 8 Ɔ̃ an gbãa kɛ̃̀sã, aai zↄ̃lɛkĩi e luabɛ lↄo. 
\v 9 Wà kwãsapi ya bↄ̀. Ɔ̃mɛ mlɛ̃̀ zi\f + \fr 12.9 \fr*\ft Daa 3.1\ft*\f* pↄ́ wì mɛ Ibiisi ge Setãu, dṹnia bṹu sã̀sãna ũ. Wà aà bↄ zù tↄↄlɛ\f + \fr 12.9 \fr*\ft Luk 10.18\ft*\f* ń a ìwaↄ sãnu. 
\v 10 Ɔ̃ ma lↄↄ gbãa mà luabɛ à mɛ̀: Wá Lua zĩblè sa, aà gbãa ń aà kpalao bↄ̀ gupuau, à iko kpà kía pↄ́ á kpàwa. Asa wà gbɛ̃yaana pↄ́ ìↄ wá gbɛ̃́ↄ yaa wá Luaɛ fãanɛ ń gwãasĩnao ya bↄ̀.\f + \fr 12.10 \fr*\ft Yob 1.9-11, Zkl 3.1\ft*\f* 
\v 11 Wá gbɛ̃́ↄ zĩblèwà ń Sã au gbãao ń ń seeladekɛyão. Aa gì ń wɛ̃nii e aa gɛ̀ gàò. 
\v 12 A yã́i tò á gbɛ̃́ pↄ́ á kú luabɛↄ, à pↄnakɛ. Waiyoo tↄↄlɛ ń ísiao, asa Ibiisi pìlawá ń pↄkũma zↄ̃ↄoɛ, kɛ́ a dↄ̃ gↄↄ pↄ́ gↄ̃̀ɛ bílao yã́i.
\p
\v 13 Kɛ́ kwã́ è wà a zu tↄↄlɛ, ↄ̃ à pɛ̀lɛ nↄɛ pↄ́ nɛgↄ̃ɛ ìpizi. 
\v 14 Ɔ̃ wà kúu zↄ̃ↄ gã̀sĩa kpà nↄɛpiwa mɛ̀n pla, aà vuaò, i zãkũ ń mlɛ̃pio, à ta gu pↄ́ wa kɛ̀kɛɛu sɛ̃u, kɛ́ wà aà gwau wɛ̃̀ àaↄ̃ ń kĩniopi guu.\f + \fr 12.14 \fr*\ft Dan 7.25, 12.7\ft*\f* 
\v 15 Mlɛ̃pi í pìsi nↄɛpi kpɛ lán swawa, kɛ́ ísↄ̃ e aà sɛ́, 
\v 16 ↄ̃ tↄↄlɛ nↄɛpi mìsi, à a lɛ́ wɛ̃̀ à í pↄ́ bↄ̀ kwã́ lɛ́upi mì. 
\v 17 Ɔ̃ kwã́pi pↄ pà nↄɛpizi, à gɛ̀ zĩkai ń aà bui pↄ́ gↄ̃̀ↄ, gbɛ̃́ pↄ́ aa Lua yã́ kũa mɛ́ aaìↄ Yesu seeladekɛ kɛↄ. 
\v 18 A zɛa ísialɛ.
\c 13
\s1 Wài mɛ̀n plaↄ
\p
\v 1 Ɔ̃ ma wài è, àlɛ bↄ ísiapi guu, aà kↄ́ba kwi, aà mi sopla. Kↄ́ba mɛ̀n kwipiↄ kíafuaↄ kpákpaa. Dↄ́ɛa ń Luao tↄ́ kɛ̃a aà mipiↄwa.\f + \fr 13.1 \fr*\ft Zia 17.3, 7-13\ft*\f* 
\v 2 Wài pↄ́ má èpi bↄ̀ lán gbɛaanawa. Aà ↄ pãsĩ maamaaɛ, mɛ́ aà lɛ́ dɛ nↄ̀ↄmusu lɛ́wa. Kwã́ a gbãa kpàwà ń a kpalao ń a iko zↄ̃ↄo.\f + \fr 13.2 \fr*\ft Dan 7.3-6\ft*\f* 
\v 3 Aà mipiↄ do dɛ lá wà a kaikɛ̀ dɛadɛa a bↄ làawa. Aà yã́ bↄ̀ dṹnia gbɛ̃́pii saɛ, ↄ̃ aa tɛ̀aàzi. 
\v 4 Ɔ̃ aa kùlɛ kwã́piɛ, kɛ́ à a iko kpà wàipiwa yã́i. Aa kùlɛ wàipiɛ lↄ aa mɛ̀: Démɛ kà wàipiwai? Démɛ a fↄ̃ zĩkaaànↄi?
\p
\v 5 Wà walayã'olɛ dↄ̀ wàipiɛ aà Lua tↄbɛ̃ɛsiò, mɛ́ wà aà gbà zɛ́ aàↄ iko vĩ e mↄ bla ń plao. 
\v 6 Ɔ̃ à nà dↄ́ɛa ń Luaowa, à aà tↄbɛ̃ɛsì ń aà kúkĩio ń gbɛ̃́ pↄ́ kú weↄ. 
\v 7 Wà aà gbà zɛ́ aà zĩka ń Lua gbɛ̃́ↄ, i zĩblemá. Wà aà gbà zɛ́ lↄ aàↄ iko vĩ bui píiwa ń gbɛ̃́piio ń buiyãↄ píi ń bùsu píi gbɛ̃́ↄ.\f + \fr 13.7 \fr*\ft Dan 7.8, 25, 11.36\ft*\f* 
\v 8 Gbɛ̃́ pↄ́ aa ku tↄↄlɛↄ kúlɛ wàipiɛ ḿpii, mɛ́ i kɛ gbɛ̃́ pↄ́ an tↄ́ kú àizãna taalau\f + \fr 13.8 \fr*\ft Soũ 69.28\ft*\f* e Lua àↄ gɛ́ dṹnia kálɛi bàasio. Taala piá Sã pↄ́ wa dɛ̀ pↄ́ɛ. 
\v 9 Gbɛ̃́ pↄ́ nↄ̀sɛ vĩ, aà yã́ɛ bee ma.
\q1
\v 10 Gbɛ̃́ pↄ́ Lua dìlɛ wà kũ zĩ̀zↄ ũ,
\q1 wa kũ zĩ̀zↄ ũɛ.
\q1 Gbɛ̃́ pↄ́ Lua dìlɛ wà dɛ ń fɛ̃ndao,
\q1 fɛ̃nda wa dɛò.\f + \fr 13.10 \fr*\ft Zel 15.2\ft*\f*
\m Bee lɛ́ lɛda Lua gbɛ̃́ↄwa aaↄ mɛna vĩ, aaↄ aà náai vĩ.
\p
\v 11 Ɔ̃ ma wài pãle è, àlɛ bↄ tↄↄlɛu. Aà kↄ́ba vĩ mɛ̀n pla lán sãwa, ãma à yã'ò lán kwãsawaɛ.\f + \fr 13.11 \fr*\ft Mat 7.15\ft*\f* 
\v 12 À wài sɛ̃́ia iko píi kɛ̀ aà wáa. A tò tↄↄlɛ ń gbɛ̃́ pↄ́ aa kuwàↄ kùlɛ wài sɛ̃́ia pↄ́ wà aà kaikɛ̀ dɛadɛa a bↄ làaɛ. 
\v 13 À dabudabu zↄ̃ↄↄ kɛ̀, baa se a tò tɛ́ bↄ̀ luabɛ à lɛ̀lɛ tↄↄlɛ gbɛ̃nazĩnaↄ wáa. 
\v 14 À gbɛ̃́ pↄ́ aa ku tↄↄlɛↄ sã̀sã ń dabudabu pↄ́ wà aà gbà zɛ́ a kɛ̀ wài sɛ̃́ia wáaↄ. A ònɛ́ aa wài pↄ́ wà aà kaikɛ̀ ń fɛ̃ndao à gi ku taa kɛ. 
\v 15 Ɔ̃ wà wài plaadepi gbà zɛ́ à wɛ̃ni kpa wài taapiwa, ↄ̃ wài taapi fↄ̃̀ yã'ò a tò wà gbɛ̃́ pↄ́ gì kúlɛiɛↄ dɛ̀dɛ. 
\v 16 A tò wà seelakɛ̀ gbɛ̃́pii ↄplaawa ge an mi'aɛ, nɛ́fɛ̃nɛn gbɛ̃zↄ̃ↄ, ↄdeↄ ń taasideↄ, zↄↄ ń wɛ̃́ɛↄ, 
\v 17 kɛ́ gbɛ̃e su pↄ́ yíao ge à pↄ́ lúo, mɛ́ i kɛ a seela pↄ́ dɛ wàipi tↄ́ ũ ge aà tↄ́ nimɛloo vĩ bàasio. 
\v 18 Ɔ̃nↄyãn kɛ. Gbɛ̃́ pↄ́ wɛzɛ̃ vĩ, aà wàipi nimɛloo polo, asa gbɛ̃nazĩna tↄ́ nimɛlooɛ. Aà nimɛlooá ↄ̀aa àaↄ̃ ń bàaↄ̃ ń soolooɛ (666).
\c 14
\s1 Sã ń gbɛ̃́ pↄ́ à ń bóↄ
\p
\v 1 Ɔ̃ ma Sã è zɛa Siↄna gbɛ̀sĩsĩwa. Gbɛ̃ↄn ↄ̀aasↄsↄo lɛɛ basopla ń síiↄ̃o (144.000) kuaànↄ. Aà tↄ́ ń aà Mae tↄ́o kɛ̃a ń mi'aɛwa.\f + \fr 14.1 \fr*\ft Eze 9.4, Zia 7.3-4\ft*\f* 
\v 2 Ma kↄ̃fĩ mà à bↄ̀ luabɛ. A kĩ́i dↄ lán izↄ̃ↄsukaawa, lán louvĩa gbãawa. Kↄ̃fĩ pↄ́ má màpi dɛ lán mↄↄnlɛnaↄ mↄↄna ↄ́wa. 
\v 3 Gbɛ̃ↄn ↄ̀aasↄsↄo lɛɛ basopla ń síiↄ̃opiↄ (144.000) lɛ́ lɛ̀ dafu sí kpalabaa ń pↄ́ bɛ̃́ɛ mɛ̀n síiↄ̃ↄ ń gbɛ̃zↄ̃ↄↄ aɛ. Gbɛ̃e i fↄ̃ lɛpi dàdao, sema gbɛ̃́ pↄ́ wà ń bó dṹnia guupiↄ bàasio. 
\v 4 Aamɛ aa gbɛ̃́ pↄ́ aai gbãsĩkɛ ń nↄɛooↄ ũ, aa lɛ́soɛ. Aaìↄ tɛ Sãzi gu pↄ́ àlɛ gɛ́u píi. Gbɛ̃́ↄ guu ampiↄ ↄ̃ wà ń bó Luaɛ ń São pↄ́ káau pↄ́ wa kpàwàↄ ũ. 
\v 5 Wi ma zii aa ɛɛtòo, aa tàae vĩo.\f + \fr 14.5 \fr*\ft Sof 3.13\ft*\f*
\s1 Yã́kpalɛkɛgↄↄ baokpaa
\p
\v 6 Ɔ̃ ma malaika pãle è, àlɛ vua musumusu. A baona pↄ́ kú gↄↄpii kũa à kpa gbɛ̃́ pↄ́ aa ku tↄↄlɛↄnɛ, bùsu gbɛ̃́pii, bui píi, buiyã'ona píi ń gbɛ̃́piio. 
\v 7 A ò gbã́ugbãu: À vĩakɛ Luaɛ à aà tↄbↄ, asa aà yã́kpalɛkɛa ń gbɛ̃́ↄ gↄↄ kàɛ. À kúlɛ Lua pↄ́ musu ń tↄↄlɛo ń ísiao ń nibↄnaↄ kɛ̀piɛ.
\p
\v 8 Malaika plaade tɛ aà kpɛ à mɛ̀: Babɛli gà! Mɛɛwia zↄ̃ↄpi gà!\f + \fr 14.8 \fr*\ft Isa 21.9, Zel 51.7-8, Zia 18.2\ft*\f* A tò bui píi a vɛ̃ɛ gbãa pↄ́ dɛ a káaluakaa ũ mì.
\p
\v 9 Malaika àaↄ̃de tɛ́ ń kpɛ, a ò gbã́ugbãu à mɛ̀: Tó gbɛ̃́ kùlɛ wàiɛ ń aà taao, mɛ́ à aà seela kɛ̀ a mi'aɛ ge a ↄwa, 
\v 10 ↄ̃mɛ a Lua pↄkũma vɛ̃ɛ pↄ́ wa kà a pↄfɛ̃ imibↄu atɛ̃ɛ mi, i wãwãkɛ tɛ́ ń ĩatɛ̃gbↄ̃o\f + \fr 14.10 \fr*\ft Daa 19.24, Eze 38.22\ft*\f* guu Lua malaikaↄ ń São aɛ. 
\v 11 An ĩadama súɛlɛ aↄ bↄ gↄↄpiiɛ.\f + \fr 14.11 \fr*\ft Isa 34.10\ft*\f* Gbɛ̃́ pↄ́ kùlɛ wàipiɛ ń aà taao aa aà tↄ́ seela kɛ̀ↄ ĩ́ampaa vĩo fãanɛ ń gwãasĩnao. 
\v 12 Bee lɛ́ lɛda Lua gbɛ̃́ pↄ́ aa yã́ pↄ́ a dìlɛↄ kũa mɛ́ aa Yesu náai vĩↄwa aaↄ mɛna vĩ.
\p
\v 13 Ɔ̃ ma lↄↄ mà à bↄ̀ luabɛ à mɛ̀: Kɛ́ bee kɛ̃́. Báaadeↄ gbɛ̃́ pↄ́ aa ga naa Diiwa guu za tiaↄ. Lua Nisĩna mɛ̀: Ao! Aa kã́mabo ń ń zĩo, asa an maakɛa gbɛ tɛ́ńzi.
\s1 Tↄↄlɛ pↄ́ↄ kɛkɛa
\p
\v 14 Ɔ̃ ma luabɛpuana è, pↄe zↄ̃lɛwà à bↄ̀ lán gbɛ̃nazĩnawa.\f + \fr 14.14 \fr*\ft Dan 7.13\ft*\f* A vua fùa kpaa, a kↄma lɛna kũa. 
\v 15 Ɔ̃ malaika pãle bↄ̀ Lua kpɛ́u à lɛ́ gbãa zù gbɛ̃́ pↄ́ zↄ̃lɛa luabɛpuanawazi à mɛ̀: Kↄma ká pↄ́i ǹ kɛ̃́, asa tↄↄlɛ pↄ́ↄ mà à kà kɛkɛaɛ.\f + \fr 14.15 \fr*\ft Yoɛ 4.13\ft*\f* 
\v 16 Ɔ̃ gbɛ̃́ pↄ́ zↄ̃lɛa luabɛpuanawa a kↄma màlɛ tↄↄlɛ, à tↄↄlɛ pↄ́ↄ kɛ̀kɛ.
\p
\v 17 Malaika pãle bↄ̀ musu Lua kpɛ́u, a kↄma lɛna kũa lↄ. 
\v 18 Ɔ̃ malaika pãle pↄ́ tɛ́ iko vĩ bↄ̀ sa'okĩi. À lɛ́ gbãa zù gbɛ̃́ pↄ́ kↄma lɛna kũapizi à mɛ̀: Ǹ n kↄma lɛna ka tↄↄlɛ vɛ̃ɛ kↄ́ↄi ǹ zↄ̃, asa a bɛ màɛ. 
\v 19 Ɔ̃ malaikapi a kↄma màlɛ tↄↄlɛ, à tↄↄlɛ vɛ̃ɛ kↄ́ zↄ̃̀zↄ̃ a kà vɛ̃ɛfɛ̃kĩi zↄ̃ↄ pↄ́ dɛ Lua pↄkũmabↄbↄbↄ ũ guu. 
\v 20 Wà ↄ̃zↄ̃̀ vɛ̃ɛ kↄ́piↄwa\f + \fr 14.20 \fr*\ft Isa 63.1-6, Zia 19.15\ft*\f* wɛ̃́nkpɛ, ↄ̃ au bↄ̀lɛ vɛ̃ɛfɛ̃kĩi guu à dàgua e kiloo ↄ̀aa do ń basↄoo, a lɛsĩ kà sↄ̃́ ã̀asĩna lɛ́u.
\c 15
\s1 Kìsia gbɛzã mɛ̀n soplaↄ kpaańzi
\p
\v 1 Ɔ̃ ma seela pãle è luabɛ, a zↄ̃ↄ, à bↄ̀ ma saɛ. Malaika gbɛ̃ↄn soplaↄ kìsia gbɛzã mɛ̀n soplaↄ kũa. Bee Lua a a pↄkũmabↄbↄama midɛò.
\p
\v 2 Ɔ̃ ma pↄe è lán ísiwa, a da lán díiwa yãalɛa ń tɛ́o. Ma gbɛ̃́ pↄ́ aa zĩblè wàiwa ń aà taao ń aà tↄ́ nimɛloooↄ è zɛa díi pↄ́ da lán ísiwapi saɛ, aa mↄↄna pↄ́ Lua kpàmáↄ kũa. 
\v 3 Aalɛ Lua zↄ̀blena Mↄizi lɛ\f + \fr 15.3 \fr*\ft Bↄa 15.1\ft*\f* sí ń Sã pↄ́o aa mɛ̀:
\q1 Dii Lua Gbãapiide,
\q1 n yãkɛaↄ zↄ̃ↄ, aa bↄ̀ wá saɛ.
\q1 Bui píi Kía,
\q1 ni yãkɛ a zɛ́wa ń sĩanao.
\q1
\v 4 Dii, démɛ n vĩa vĩo ni?
\q1 Démɛ a gí n tↄbↄii?
\q1 Asa ndo n kua mɛ́ adoa.
\q1 Bui píi a mↄ kúlɛnɛ,\f + \fr 15.4 \fr*\ft Soũ 86.9\ft*\f*
\q1 asa n maakɛaↄ bↄ̀ gupuau.
\p
\v 5 Bee gbɛa ma Lua kpɛ́ è wɛ̃a musu, zwã̀akpɛ pↄ́ aà ikoyã kúu ũ.\f + \fr 15.5 \fr*\ft Bↄa 40.34\ft*\f* 
\v 6 Ɔ̃ malaika gbɛ̃ↄn sopla pↄ́ kìsia mɛ̀n sopla kũaↄ bↄ̀lɛ kpɛ́piu. Aa bàabaa pua táitai tɛkɛa dadaa, vua asana dↄdↄa ń kùawa. 
\v 7 Ɔ̃ pↄ́ bɛ̃́ɛ mɛ̀n síiↄ̃ↄ do vua tùu kpà malaika gbɛ̃ↄn soplapiↄwa ń miwa. Lua pↄ́ ìↄ bɛ̃́ɛ gↄↄpii pↄkũma ká ń pai. 
\v 8 Lua gawi ń a gbãao súɛlɛ kpɛ́pi pà.\f + \fr 15.8 \fr*\ft 1Kia 8.10-11, Isa 6.4\ft*\f* Gbɛ̃e a fↄ̃ gɛ̃uo e malaika gbɛ̃ↄn soplaↄ kìsia mɛ̀n soplapiↄ gɛ midɛò.
\c 16
\s1 Lua pↄkũmabↄbↄa dṹniawa.
\p
\v 1 Ɔ̃ ma lↄↄ gbãa mà à bↄ̀ Lua kpɛ́u, a ò malaika gbɛ̃ↄn soplapiↄnɛ: À gɛ́ Lua pↄkũma pↄ́ kú tùu mɛ̀n soplaↄ guu ɛ́lɛi dṹniawa.
\p
\v 2 A sɛ̃́ia gɛ̀ a pↄ́ ɛ̀lɛ dṹniawa. Ɔ̃ sã́nɛ vãi pãsĩↄ\f + \fr 16.2 \fr*\ft Bↄa 9.10\ft*\f* gbɛ̃́ pↄ́ wài seela vĩ aaì kúlɛ aà taaɛↄ lè.
\p
\v 3 A plaade a pↄ́ ɛ̀lɛ ísiawa. Ɔ̃ ísia í gↄ̃̀ lán gɛ̀ auwa, pↄ́ bɛ̃́ɛ pↄ́ kú a guuↄ gàga píi.
\p
\v 4 A àaↄ̃de a pↄ́ ɛ̀lɛ swaↄ ń nibↄnaↄwa, ↄ̃ an í lì au ũ.\f + \fr 16.4 \fr*\ft Bↄa 7.17-21\ft*\f* 
\v 5 Ɔ̃ má mà malaika pↄ́ í iko vĩ mɛ̀:
\q1 Kuaadoade, n gbɛ̃́ pↄ́ ń kú yãa,
\q1 mɛ́ ń kú tia,
\q1 n yã́kpalɛkɛ̀ńnↄ a zɛ́waɛ.
\q1
\v 6 Aa n gbɛ̃́ↄ ń n ãnabiↄ au bↄ̀lɛ,
\q1 ↄ̃ n aupi kpàmá aa mì.
\q1 À kↄ̃sìńnↄ màaɛ.
\m
\v 7 Ɔ̃ ma lↄↄ mà sa'okĩi à mɛ̀:
\q1 Ao, Dii Lua Gbãapiide,
\q1 n yã́kpalɛkɛ̀ńnↄ a zɛ́waɛ,
\q1 mɛ́ a sĩana vĩ.
\p
\v 8 A síiↄ̃de a pↄ́ ɛ̀lɛ ĩatɛ̃wa, a tò à gbɛ̃nazĩnaↄ tɛkũ̀. 
\v 9 A pusu gbãa ń lɛ́, ↄ̃ aa Lua pↄ́ kìsia beeↄ iko vĩ tↄbɛ̃ɛsì. Aai nↄ̀sɛlilɛ aa aà tↄbↄ̀o.
\p
\v 10 A sↄode a pↄ́ ɛ̀lɛ wài kpalabaawa, ↄ̃ gusia\f + \fr 16.10 \fr*\ft Bↄa 10.22\ft*\f* dà aà kpalaa. Gbɛ̃́ↄ lɛ́ ń lɛ́ fĩ wãwã guu, 
\v 11 ↄ̃ aa Lua Musude tↄbɛ̃ɛsì an wãwã ń ń sã́nɛo yã́i. Aai nↄ̀sɛlilɛ aa mikɛ̃̀ ń yãkɛaↄwao.
\p
\v 12 A soolode a pↄ́ ɛ̀lɛ swa zↄ̃ↄ Uflatawa,\f + \fr 16.12 \fr*\ft Isa 11.15\ft*\f* ↄ̃ swapi í bà à zɛbↄ̀ gukpɛ kíaↄnɛ. 
\v 13 Ɔ̃ ma tã́aↄ è mɛ̀n àaↄ̃ lán blↄↄↄwa, aalɛ bↄ kwã́ ń wàio ń ãnabi ɛgɛnao lɛ́u. 
\v 14 Tã́a dabudabukɛnaↄnɛ. Aalɛ gɛ́ dṹnia bṹu kíaↄ kĩ́i, kɛ́ aa ń kãaa zĩkaa Lua Gbãapiide gↄↄ zↄ̃ↄ zĩ́ yã́i. 
\v 15 Ma! Má mↄ́ lán kpã́iwaɛ.\f + \fr 16.15 \fr*\ft Zia 3.3\ft*\f* Báaaden gbɛ̃́ pↄ́ lɛ́ itɛ̃kɛ mɛ́ a a pↄkasaↄ daa, kɛ́ asu bↄ bṹu wà aà puizi eo yã́i ũ.\f + \fr 16.15 \fr*\ft Zia 3.18\ft*\f* 
\v 16 Ɔ̃ tã́apiↄ kíapiↄ kã̀aa gu pↄ́ wì mɛ ń Ɛbɛlu yã́o Aamagedↄ̃.
\p
\v 17 A soplade a pↄ́ ɛ̀lɛ ĩ́anawa. Ɔ̃ lↄↄ gbãa bↄ̀ kpalabaa kĩ́i Lua kpɛ́u à mɛ̀: A lɛ́ kà. 
\v 18 Lou lɛ́ pílɛ, àlɛ vĩ, àlɛ pũna. Tↄↄlɛ lùalua pãsĩpãsĩ. Zaa wà gbɛ̃nazĩna kàlɛ dṹnia guu, a taa i kɛo, a pãsĩ kɛ̀ zài. 
\v 19 Mɛɛwia zↄ̃ↄ kɛ̃̀aa lɛɛ àaↄ̃, mɛ́ bui píi mɛɛwiaↄ kwɛ̀. Mɛɛwia zↄ̃ↄ Babɛli yã́ dↄ̀ Luagu, ↄ̃ à a pↄkũma vɛ̃ɛ gbãa imibↄ kpàwà a mì.\f + \fr 16.19 \fr*\ft Isa 51.17\ft*\f* 
\v 20 Ísia gũgũnaↄ gɛ̃̀zɛa píi, wi wɛsi gbɛ̀sĩsĩↄlɛ lↄo. 
\v 21 Lougbɛ zↄ̃ↄↄ bↄ̀ luabɛ, aa kà kiloo bla. Aa kwɛ̀ gbɛ̃nazĩnaↄla,\f + \fr 16.21 \fr*\ft Bↄa 9.23, Zia 11.19\ft*\f* ↄ̃ aa Lua tↄbɛ̃ɛsì lougbɛ kìsia yã́i, asa kìsiapi pãsĩ maamaaɛ.
\c 17
\s1 Káalua pↄ́ di wài kpɛ
\p
\v 1 Malaika gbɛ̃ↄn sopla pↄ́ tùu mɛ̀n sopla kũapiↄ do òmɛɛ: Mↄ mà yã́ pↄ́ a wi káalua zↄ̃ↄ pↄ́ zↄ̃lɛa swa zↄ̃ↄↄwa ↄlↄnɛ. 
\v 2 Dṹnia kíaↄ gbãsĩkɛ̀aànↄ, mɛ́ dṹnia gbɛ̃́ↄ vɛ̃ɛ pↄ́ dɛ aà káaluakaa ũ mì aa kã̀.\f + \fr 17.2 \fr*\ft Zel 51.6-7, Zia 14.8\ft*\f* 
\v 3 Lua Nisĩna dɛdɛaapi guu malaikapi gɛ̀manↄ sɛ̃u. Ɔ̃ ma nↄɛe è di wài tɛ̃a kpɛ. Dↄ́ɛa ń Luao tↄ́ↄ fĩfĩwà, a mi sopla, a kↄ́ba kwi.\f + \fr 17.3 \fr*\ft Zia 13.1\ft*\f* 
\v 4 Nↄɛpi zwã̀a tɛ̃a ń a gàaluladeo yea, a vua nↄamblebↄↄ daa ń gbɛ̀ bɛɛɛdeↄ ń òsoↄ. A vua imibↄ kũa, bↄlↄↄ ń a káaluakaa gbãsĩↄ ka a pai. 
\v 5 Wà tↄ́ pↄ́ wa a asii dↄ̃o kɛ̃̀ aà mi'aɛwa wà mɛ̀: Mɛɛwia zↄ̃ↄ Babɛli, káaluaↄ ń dṹnia bↄlↄↄ da. 
\v 6 Má è nↄɛpi Lua gbɛ̃́ pↄ́ wà ń dɛdɛ Yesu seeladekɛ yã́iↄ au mì à kã̀, àlɛ aà dɛ lán wɛ̃wa.
\p Kɛ́ ma aà è, yã́pi dìa. 
\v 7 Ɔ̃ malaikapi ma la à mɛ̀: Bↄ́yãi yã́pi dìmai? Má nↄɛpi asii onɛ ń wài pↄ́ aà sɛa, a mi sopla, a kↄ́ba kwipi asiio. 
\v 8 Wài pↄ́ ń èpi ku yãa mɛ́ a ku lↄo. A bↄ gbã́o zòolo guu\f + \fr 17.8 \fr*\ft Dan 7.7, Zia 11.7\ft*\f* i mipɛ kaalɛwa. Gbɛ̃́ pↄ́ aa ku tↄↄlɛ an tↄ́ kú àizãna taalau za dṹnia daalɛgↄↄoↄ, tó aa wài pↄ́ kú yãa mɛ́ a ku lↄo mɛ́ a ɛa mↄpi è, a yã́ a dimá. 
\v 9 Làasoode pↄ́ ↄ̃nↄ vĩ yã́n kɛ. Mì mɛ̀n soplapiↄá sĩ̀sĩ mɛ̀n sopla pↄ́ nↄɛ zↄ̃lɛmáↄɛ. Kía gbɛ̃ↄn soplaↄnɛ lↄ. 
\v 10 An gbɛ̃ↄn sↄo lɛ̀lɛ, gbɛ̃do ku, gbɛ̃do kpɛ́. Tó à mↄ̀, a gɛ̃gɛ̃o. 
\v 11 Wài pↄ́ kú yãa mɛ́ a ku lↄo piá kía swaaↄ̃deɛ. Gbɛ̃ↄn soplapiↄ doɛ lↄ. Àlɛ mipɛ kaalɛwa. 
\v 12 Kↄ́ba mɛ̀n kwi pↄ́ ń èpiↄá kía gbɛ̃ↄn kwi\f + \fr 17.12 \fr*\ft Dan 7.24\ft*\f* pↄ́ aai kpalable yãaoↄnɛ. Aa kigↄↄsoplana ble ń wàio sãnu. 
\v 13 An gbɛ̃ↄn kwipiↄ píi lɛ́ doũɛ. Aa ń gbãa ń ń ikoo kpa wàipiwa. 
\v 14 Aa zĩka ń São, Sã i zĩblemá, asa diiↄ Diiɛ mɛ́ kíaↄ Kíaɛ. Aà gbɛ̃́ náaide pↄ́ à ń sisi à ń sɛ́ↄ kuaànↄ. 
\v 15 Ɔ̃ malaikapi òmɛɛ: Swa pↄ́ ń è káalua zↄ̃lɛmápiↄá buiↄ ń bílaↄ ń bùsu gbɛ̃́ↄ ń buiyã'onaↄnɛ. 
\v 16 Wài ń kↄ́ba mɛ̀n kwi pↄ́ ń èpiↄ za káalua pigu. Aa aà kɛ yáiyai, aai aà to puizi. Aa aà so aai tɛsↄ̃wà. 
\v 17 Asa Lua a pↄeã dànɛ́ ń sↄ̃u aa lɛdoũkɛɛ, aai ń kpala kpa wàipiwa e Lua yã́ gɛ paò. 
\v 18 Nↄɛ pↄ́ ń è piá mɛɛwia zↄ̃ↄ pↄ́ iko vĩ dṹnia kíaↄwaɛ.
\c 18
\s1 Babɛli gaa
\p
\v 1 Bee gbɛa ma malaika pãle è à bↄ̀ luabɛ. A iko zↄ̃ↄ vĩ mɛ́ aà gawi dṹnia pù. 
\v 2 À wii gbãa lɛ̀ à mɛ̀: Babɛli gà, mɛɛwia zↄ̃ↄpi gà.\f + \fr 18.2 \fr*\ft Isa 21.9\ft*\f* À gↄ̃̀ zeeↄ kúkĩi ũ, tã́a bui píi tòo ũ, bã pↄ́ wì ń tɛ̃bo wa ye ń gĩyãioↄ bɛ ũ.\f + \fr 18.2 \fr*\ft Zia 14.8, Zel 50.39\ft*\f* 
\v 3 Asa bui píi aà vɛ̃ɛ gbãa pↄ́ dɛ aà káaluakaa ũ mìɛ.\f + \fr 18.3 \fr*\ft Zel 51.7, Zia 17.2\ft*\f* Dṹnia kíaↄ gbãsĩkɛ̀aànↄ, mɛ́ dṹnia laatanaↄ kɛ̀ ↄdeↄ ũ aà lalasikɛa zↄ̃ↄ guu.
\p
\v 4 Ɔ̃ ma lↄↄ pãle mà à bↄ̀ luabɛ à mɛ̀:
\q1 À bↄlɛ a guu ma gbɛ̃́ↄ,
\q1 kɛ́ á ↄ su àↄ ku aà duuna guu,
\q1 yã́ pↄ́ wa yíawàↄ á leo yã́i.\f + \fr 18.4 \fr*\ft Zel 51.6\ft*\f*
\q1
\v 5 Asa aà duuna gbã̀ zↄ̃̀ luawaɛ,
\q1 mɛ́ aà vãikɛaↄ dↄ̀ Luagu.
\q1
\v 6 À fĩaboɛ̀ yã́ pↄ́ a kɛ̀ɛ́wa,
\q1 à kɛɛ̀ aà yãkɛawa lɛɛ pla.
\q1 À pↄkũma í káuɛ̀ a imibↄu
\q1 dɛ pↄ́ pↄ́ a kàunɛ́la lɛɛ pla.
\q1
\v 7 À wãwã ń wɛ̃nao kpaaàzi,
\q1 lá à tↄbↄ̀ kua lalasikɛa guu lɛ́u.
\q1 Asa ì o a sↄ̃ guu,
\q1 nↄɛ kían a ũ zↄ̃lɛa a báawaɛ,
\q1 gyaa gbɛ̃andon a ũo,
\q1 a wɛ̃nakɛ bauo.\f + \fr 18.7 \fr*\ft Isa 47.7-9\ft*\f*
\q1
\v 8 A yã́i tò kìsiaɛ beeↄ aà le gↄↄ do,
\q1 gagyã ń wɛ̃nao ń nↄanao.
\q1 Tɛ́ mɛ́ a kũwà,
\q1 asa Dii Lua aà yã́kpalɛkɛna gbãa.
\p
\v 9 Dṹnia kía pↄ́ aa gbãsĩkɛ̀aànↄ aa lalasikɛ̀aànↄↄ, tó aa a tɛ́kũa lu è, aa ↄ́ↄlↄ aa ńzĩa gbɛ̃gbɛ̃. 
\v 10 Aa zɛ kãaa vĩa guu wãwã pↄ́ wa kpài yã́i aa mɛ:
\q1 Waiyoo, waiyoo, mɛɛwia zↄ̃ↄ!
\q1 Mɛɛwia ikode Babɛli!
\q1 Yã́ mↄ̀ zↄ̃̀lɛma gↄↄ do gↄ̃̀ↄa!
\p
\v 11 Dṹnia laatanaↄ ↄ́ↄlↄ sↄ̃,\f + \fr 18.11 \fr*\ft Eze 27.31\ft*\f* aa wɛ̃nakɛɛ̀, kɛ́ gbɛ̃e a ń laaɛ beeↄ lúmá lↄo yã́i: 
\v 12 Vua, ã́nusu, gbɛ̀ bɛɛɛdeↄ, òsoↄ, zwã̀a ↄdeↄ, zwã̀a tɛ̃a ń a gàaluladeↄ, siliki, lí maa bui píi, pↄ́ pↄ́ wì kɛ ń wesa swaaↄ ń lí bɛɛɛdeo ń mↄgotɛ̃o ń mↄsio ń gbɛpuao píi, 
\v 13 dopↄↄ, nísi gĩnanaↄ, tulaletiↄ, zↄ̃go lí'ↄↄ, vɛ̃ɛ, nísi, pɛ̃ɛti, pↄ́wɛna, zuↄ, sãↄ, sↄ̃́ↄ ń a góↄ, zↄↄ ń gbɛ̃nazĩna wɛ̃niↄ. 
\v 14 Wa oɛ̀: Pↄ maa pↄ́ ni a nidɛↄ làama píi. N nama ń n gawio pìlima píi, wa e bau lↄo.
\p
\v 15 Laatana pↄ́ aa kɛ̀ ↄdeↄ ũ mɛɛwiapi sabaiↄ zɛ kãaa vĩa guu wãwã pↄ́ wa kpài yã́i. Aa ↄ́ↄlↄ aa wɛ̃nakɛ 
\v 16 aa mɛ:
\q1 Waiyoo, waiyoo mɛɛwia zↄ̃ↄ!
\q1 À bàabaa yè yãa
\q1 ń zwã̀a gàaluladeo ń a tɛ̃ao.
\q1 À vua nↄamblebↄↄ dà yãa
\q1 ń gbɛ̀ bɛɛɛdeↄ ń òsoↄ.
\q1
\v 17 Aà àizɛɛ píi músikɛ̀ gↄↄ do gↄ̃̀ↄ.
\p Gó'ilɛna diiↄ ń tagɛnaↄ ń ígbɛ̃ↄ ń gbɛ̃́ pↄ́ aaì zĩkɛ ísiaaↄ zɛ kãaa ḿpii. 
\v 18 Tó aa mɛɛwiapi tɛ́kũa lu è, aa wiilɛ aa mɛ: Mɛɛwiae ku yãa, a zↄ̃ↄ kà mɛɛwiaɛ beewao. 
\v 19 Aa ↄ́ↄlↄ aa ńzĩa gbɛ̃gbɛ̃, aa wɛ̃nakɛ aa wiilɛ aa mɛ:
\q1 Waiyoo, waiyoo mɛɛwia zↄ̃ↄ!
\q1 Gbɛ̃́ pↄ́ aa gó'ilɛna vĩ ísiaaↄ píi
\q1 kɛ̀ ↄdeↄ ũ ń àizɛɛ pↄ́ pàlawào,\f + \fr 18.19 \fr*\ft Eze 27.33\ft*\f*
\q1 ↄ̃ à gↄ̃̀ bɛzia ũ gↄↄ do gↄ̃̀ↄ.
\p
\v 20 À pↄnakɛ a yã́ musu luabɛdeↄ ń Lua gbɛ̃́ↄ ń aà zĩnaↄ ń aà ãnabiↄ, asa Lua mɛ́ tↄsìwàɛ́.
\p
\v 21 Ɔ̃ malaika gbãade gbɛ pↄ́ kà wísilↄgbɛ gbɛ̃̀nɛwa sɛ zù ísia guu à mɛ̀: Màa wa mɛɛwia zↄ̃ↄ Babɛli zu ń gbãao, wa mɛɛwiapi e bau lↄo.\f + \fr 18.21 \fr*\ft Zel 51.63-64\ft*\f*
\q1
\v 22 Wa mↄↄna ge gã̀a'ↄ ge kulɛ
\q1 ge kã̀ae'ↄ ma n guu bau lↄo.
\q1 Wa ↄzĩkɛnae e n guu bau lↄo.
\q1 Wa wísilↄgbɛ kↄ̃fĩ ma n guu bau lↄo.
\q1
\v 23 Wa filia gupua e n guu bau lↄo.
\q1 Wa nↄsɛkↄ̃fĩ ma n guu bau lↄo.
\q1 N laatanaↄá dṹnia gbɛ̃́ gbiaↄnɛ yãa,
\q1 n pↄdà bui píiwa, n ń mi lìaa.
\q1
\v 24 Wà ãnabiↄ ń Lua gbɛ̃́ↄ au è a guu
\q1 ń gbɛ̃́ pↄ́ wà ń dɛdɛ dṹnia guuↄ píi.\f + \fr 18.24 \fr*\ft Zel 51.49\ft*\f*
\c 19
\s1 Pↄnakɛa luabɛ
\p
\v 1 Bee gbɛa ma lↄↄ gbãa mà luabɛ lán dasi yã'owa à mɛ̀:
\q1 Àleluya! Wá Lua mɛ́ zĩblè!
\q1 Ɔ̃mɛ gawi ń gbãao vĩ,
\q1
\v 2 asa ì yã́kpalɛkɛńnↄ a zɛ́wa ń sĩanaoɛ.
\q1 À yã́kpalɛkɛ̀ ń káalua zↄ̃ↄ pↄ́ dṹnia ↄ̃̀ↄkpà ń a káaluakaaopio.
\q1 À a zↄ̀blenaↄ dɛdɛa tↄsìwà.
\m
\v 3 Aa ò lↄ:
\q1 Àleluya!
\q1 A súɛlɛ aↄ dↄ gↄↄpiiɛ.\f + \fr 19.3 \fr*\ft Isa 34.10, Zia 14.11\ft*\f*
\m
\v 4 Gbɛ̃zↄ̃ↄ gbɛ̃ↄn baasↄo mɛ̀ndosaiↄ ń pↄ́ bɛ̃́ɛ mɛ̀n síiↄ̃ↄ wùlɛwulɛ aa misìilɛ Luaɛ zↄ̃lɛa a báawa aa mɛ̀:
\q1 Ãmi! Àleluya!
\m
\v 5 Ɔ̃ ma lↄↄ mà báapi kĩ́i à mɛ̀:
\q1 À wá Lua táasilɛ
\q1 aà zↄ̀blenaↄ píi,
\q1 á gbɛ̃́ pↄ́ á aà vĩa vĩↄ,
\q1 nɛ́fɛ̃nɛn gbɛ̃zↄ̃ↄ.\f + \fr 19.5 \fr*\ft Soũ 115.13\ft*\f*
\m
\v 6 Ɔ̃ ma lↄↄ mà lán dasi yã'owa, lán izↄ̃ↄsukaawa, lán louvĩa gbãawa à mɛ̀:
\q1 Àleluya!
\q1 Dii wá Lua Gbãapiide nà kibleawa.
\q1
\v 7 Wà pↄnakɛ wà yáalↄ wà aà tↄbↄ,
\q1 asa Sã nↄsɛgↄↄ kà, aà nↄ sↄu mà.
\q1
\v 8 Wà bàabaa pua táitai tɛkɛa kpàwà aà ye.
\q1 Bàabaa piá Lua gbɛ̃́ↄ maakɛaↄɛ.
\p
\v 9 Malaika òmɛɛ: Kɛ̃́. Báaadeↄn gbɛ̃́ pↄ́ wà ń sisi Sã nↄsɛblɛble guuↄ ũ.\f + \fr 19.9 \fr*\ft Mat 22.2\ft*\f* A òmɛɛ lↄ: Lua yã́ sĩanan we. 
\v 10 Ma wulɛ aà gbázĩ mà misiilɛɛ̀, ↄ̃ a òmɛɛ: Bee tó. Kúlɛ Luaɛ. N zↄ̀blen deen ma ũ ń n gbɛ̃́ pↄ́ aaì Yesu seeladekɛ kɛↄ.\f + \fr 19.10 \fr*\ft Zia 22.8-9\ft*\f* Yesu seeladekɛkɛa mɛ́ ãnabikɛmi ũ.
\s1 Kilisi mↄa dia sↄ̃kaapua kpɛ
\p
\v 11 Ɔ̃ ma luabɛ è a wɛ̃a, ↄ̃ sↄ̃kaapua bↄ̀, gbɛ̃́ pↄ́ di a kpɛ tↄ́n Náaide Sĩande. Ì yã́kpalɛkɛńnↄ, ì zĩkańnↄ a zɛ́wa.\f + \fr 19.11 \fr*\ft Soũ 96.13\ft*\f* 
\v 12 Aà wɛ́ dɛ lán tɛ́vuawa, kíafua pↄ́ a kpaa dasi. Tↄ́e kɛ̃a aà mi'aɛwa, gbɛ̃e tↄ́pi yáasi dↄ̃o, aà bàasio. 
\v 13 A ula pↄ́ tã̀ ń auo daa.\f + \fr 19.13 \fr*\ft Isa 63.3\ft*\f* Aà tↄ́n Lua Yã́.\f + \fr 19.13 \fr*\ft Zãa 1.1\ft*\f* 
\v 14 Luabɛ zĩgↄ̃ↄ tɛaàzi, aa di sↄ̃kaapuaↄ kpɛ, aa bàabaa pua táitai dadaa. 
\v 15 Fɛ̃nda lɛna lɛ́ bↄ aà lɛ́u à buiↄ lɛò, i kiblemá ń mↄ̀ gopanao,\f + \fr 19.15 \fr*\ft Soũ 2.9\ft*\f* i ↄ̃zↄ̃ vɛ̃ɛbɛↄwa vɛ̃ɛfɛ̃kĩi guu Lua Gbãapiide pↄkũma pãsĩ ũ.\f + \fr 19.15 \fr*\ft Zia 14.19-20\ft*\f* 
\v 16 Wà tↄ́ɛ bee kɛ̃̀ aà ulawa ń aà gbalao:
\pc Kíaↄ Kía, diiↄ Dii.
\p
\v 17 Ɔ̃ ma malaikae è zɛa kpaa ĩatɛ̃i. À lɛ́ gbãa zù bã pↄ́ aalɛ vua musumusuↄzi píi à mɛ̀: À mↄ kãaa à blɛ zↄ̃ↄ pↄ́ Lua kɛ̀ɛ́ ble, 
\v 18 í kíaↄ gɛ só ń sosa gbɛ̃zↄ̃ↄↄ ń gbãadeↄ ń sↄ̃́ↄ ń ń dikpɛnaↄ ń gbɛ̃́piio, wɛ̃́ɛↄ ń zↄↄ, nɛ́fɛ̃nɛn gbɛ̃zↄ̃ↄ.\f + \fr 19.18 \fr*\ft Eze 39.17-20\ft*\f* 
\v 19 Ɔ̃ ma wài è ń dṹnia kíaↄ ń ń zĩgↄ̃ↄ, aa kↄ̃ kã̀aa aa zĩka ń gbɛ̃́ pↄ́ di sↄ̃́ kpɛpio ń aà zĩgↄ̃ↄ. 
\v 20 Wà wàipi kũ̀ sãnu ń ãnabi ɛgɛna pↄ́ dabudabuↄ kɛ̀ aà aɛo. Dabudabupiↄ ↄ̃ à gbɛ̃́ pↄ́ aa wài seela vĩ aa kùlɛ a taaɛↄ sã̀sãò.\f + \fr 19.20 \fr*\ft Zia 13.1, 11-16\ft*\f* Wà ń zú tɛ́ ísida pↄ́ lɛ́ kṹ ń ĩatɛ̃gbↄ̃o guu bɛ̃́ɛ an pla ḿpii. 
\v 21 Gbɛ̃́ pↄ́ di sↄ̃́ kpɛ gbɛ̃́ kĩniↄ dɛ̀dɛ ń fɛ̃nda pↄ́ bↄ̀ a lɛ́uo,\f + \fr 19.21 \fr*\ft 2Tɛs 2.8\ft*\f* ↄ̃ bãↄ píi ń gɛ sòso aa kã̀.
\c 20
\s1 Kilisi kiblea tↄↄlɛ wɛ̃̀ ↄ̀aa sↄo
\p
\v 1 Ɔ̃ ma malaikae è à bↄ̀ luabɛ, a gbã́o zòolo kilinɛ kũa\f + \fr 20.1 \fr*\ft Zia 9.1\ft*\f* ń mↄdaona gèeleo. 
\v 2 À kwã́ pↄ́ dɛ mlɛ̃̀ zi\f + \fr 20.2 \fr*\ft Daa 3.1, Zia 12.9\ft*\f* ũ, wì mɛ Ibiisi ge Setãu kũ̀, ↄ̃ à mↄkàwà e wɛ̃̀ ↄ̀aa sↄo. 
\v 3 Malaikapi aà zù gbã́o zòolopi guu, à zɛtàaàlɛ à kilidàu, kɛ́ asu buiↄ sã́são e wɛ̃̀ ↄ̀aa sↄopi pa. Bee gbɛa wa aà gbaɛ yↄↄ.
\p
\v 4 Ɔ̃ ma kpalabaaↄ è ń gbɛ̃́ pↄ́ zↄ̃lɛzↄ̃lɛwaↄ.\f + \fr 20.4 \fr*\ft Dan 7.9, 22\ft*\f* Wà ń gbá zɛ́ aa yã́kpalɛkɛ ń gbɛ̃́ↄ. Ma gbɛ̃́ pↄ́ wà ń mi zↄ̃̀ luayã'oa ń Yesu seeladekɛo yã́iↄ è. Aai kúlɛ wài ge aà taaɛo. Aai aà seela kɛ ń mi'aɛ ge ń ↄwao. Aa vù wà kpalablè ń Kilisio wɛ̃̀ ↄ̀aa sↄo.\f + \fr 20.4 \fr*\ft Dan 7.22\ft*\f* 
\v 5 Gɛↄ vua sɛ̃́ian we. Gɛ̀ kĩniↄ i vuo e wɛ̃̀ ↄ̀aa sↄopi gɛ̀ pàò. 
\v 6 Báaadeↄn gbɛ̃́ pↄ́ an baa ku gɛↄ vua sɛ̃́ia guuↄ ũ, an kua adoa. Ga plaade iko vĩmáo. Aaↄ dɛ Lua ń Kilisio gbàgbanaↄ ũɛ, mɛ́ aaↄ kibleaànↄ e wɛ̃̀ ↄ̀aa sↄo.
\s1 Setãu zua tɛ́u
\p
\v 7 Tó wɛ̃̀ ↄ̀aa sↄopi pà, wa Setãu bↄ gbaɛ, 
\v 8 i gɛ́ bui pↄ́ kú dṹnia gola síiↄ̃waↄ sã́sãi, Gↄgu ń Magↄguo, i ń kãaa zĩ musu. Aaↄ dasi lán ísialɛ ũfãawa.\f + \fr 20.8 \fr*\ft Eze 38.16\ft*\f* 
\v 9 Aa lì dṹniaa, aa koezↄ̃̀ Lua gbɛ̃́ↄ bòoi ń wɛ̃́lɛ pↄ́ Lua yeio, ↄ̃ tɛ́ bↄ̀ luabɛ à kũ̀má. 
\v 10 Wa Ibiisi pↄ́ ń sãsã sɛ zù tɛ́ ísida pↄ́ lɛ́ kṹ ń ĩatɛ̃gbↄ̃o guu, gu pↄ́ wài ń ãnabi ɛgɛnao kuu. Aaↄ wãwãkɛ fãanɛ ń gwãasĩnao gↄↄpiiɛ.
\s1 Yã́kpalɛ gbɛzã
\p
\v 11 Ɔ̃ ma kpalabaa pua zↄ̃ↄ è ń gbɛ̃́ pↄ́ zↄ̃lɛuo. Tↄↄlɛ ń musuo gusikɛ̀ aà aɛ, wi ń gbɛ e lↄo. 
\v 12 Ɔ̃ ma gbɛ̃zↄ̃ↄↄ ń nɛ́fɛ̃nɛnaↄ gyaadeↄ è zɛa báapi aɛ. Wà taalaↄ wɛ̃̀wɛ̃, ↄ̃ wà lá pãle wɛ̃̀ lↄ àizãna taala ũ. Wà yã́kpalɛkɛ̀ ń gyaadeↄ an yãkɛawa, lá a ku lápiↄ guuwa.\f + \fr 20.12 \fr*\ft Dan 7.9-10\ft*\f* 
\v 13 Ísia gyaade pↄ́ kú a guuↄ kpà. Ga ń bɛdao gyaade pↄ́ kú a guuↄ kpà lↄ. Ɔ̃ wà yã́kpalɛkɛ̀ ń baadeo a yãkɛawa.\f + \fr 20.13 \fr*\ft Mat 16.27\ft*\f* 
\v 14 Wà ga ń bɛdao zù tɛ́ ísida guu. Tɛ́ ísida piá ga plaadeɛ. 
\v 15 Gbɛ̃́ pↄ́ wi ń tↄ́ e àizãna taalauoↄ ↄ̃ wà ń zú tɛ́ ísidapiu.
\c 21
\s1 Yelusalɛũ dafu
\p
\v 1 Ɔ̃ ma tↄↄlɛ dafu ń musu dafuo è,\f + \fr 21.1 \fr*\ft Isa 65.17, 66.22, 2Piɛ 3.13\ft*\f* asa tↄↄlɛ sɛ̃́ia ń musu sɛ̃́iao gɛ̃̀, mɛ́ ísia ku lↄo. 
\v 2 Ɔ̃ ma Lua wɛ̃́lɛ Yelusalɛũ dafu è à bↄ̀ musu Lua kĩ́i, àlɛ pila. Wa kɛ̀kɛ lán nↄɛ pↄ́ a zãkɛsↄu màwa.\f + \fr 21.2 \fr*\ft Isa 52.1, 61.10\ft*\f* 
\v 3 Ɔ̃ ma lↄↄ gbãa mà kpalabaa kĩ́i à mɛ̀: Lua zↄ̃̀lɛ ń gbɛ̃nazĩnaↄ sa, aↄ kúńnↄ, aaↄ dɛ aà gbɛ̃́ↄ ũ. Lua dee aↄ kúńnↄ ń Lua ũ.\f + \fr 21.3 \fr*\ft Lev 26.12, Eze 37.27\ft*\f* 
\v 4 A ń wɛ́'i gogonɛ́ píi.\f + \fr 21.4 \fr*\ft Isa 25.8, 35.10, 65.19\ft*\f* Ga aↄ ku lↄo ge wɛ̃na ge ↄↄlↄ ge wãwã, asa yãziↄ gɛ̃̀.
\p
\v 5 Gbɛ̃́ pↄ́ zↄ̃lɛa báapiwa mɛ̀: Ma! Málɛ pↄ́pii kɛ dafu. Ɔ̃ a òmɛɛ: Kɛ̃́, asa yã́ beeↄ náai vĩ mɛ́ sĩanaɛ. 
\v 6 Ɔ̃ a òmɛɛ: Yã́ làa. Mámɛ má Alafa ń Omɛgao ũ, Dàalɛna ń Mìdɛnao ũ. Gbɛ̃́ pↄ́ imi lɛ́ dɛ, má aà gba nibↄna í wɛ̃nide.\f + \fr 21.6 \fr*\ft Isa 55.1\ft*\f* 
\v 7 Gbɛ̃́ pↄ́ zĩblè gban we. Máↄ dɛ aà Lua ũ, iↄ dɛ ma nɛ́ ũ.\f + \fr 21.7 \fr*\ft 2Sam 7.14, Soũ 89.27-28\ft*\f* 
\v 8 Ãma vĩakɛnaↄ ń náaisaideↄ ń yãbɛ̃ɛkɛnaↄ ń gbɛ̃dɛnaↄ ń gbãsĩkɛnaↄ ń ɛsɛdeↄ ń tã́agbagbanaↄ ń mↄafilideↄ píi, an baa aↄ dɛ tɛ́ ísida pↄ́ lɛ́ kṹ ń ĩatɛ̃gbↄ̃o ũɛ. Ga plaaden we.
\p
\v 9 Malaika gbɛ̃ↄn sopla pↄ́ tùu mɛ̀n sopla kũa, kìsia gbɛzã mɛ̀n sopla ká ń paipiↄ gbɛ̃do mↄ òmɛɛ: Mↄ mà Sã nↄ dafu ↄlↄnɛ. 
\v 10 Lua Nisĩna dɛdɛaapi guu malaikapi ma sɛ gɛ̀manↄ gbɛ̀sĩsĩ zↄ̃ↄ lɛsĩ musu. À Lua wɛ̃́lɛ Yelusalɛũ ↄ̀lↄmɛɛ, à bↄ̀ musu Lua kĩ́i, àlɛ pila.\f + \fr 21.10 \fr*\ft Eze 40.2\ft*\f* 
\v 11 A Lua gawi vĩ, a pípia lán gbɛ̀ bɛɛɛdewa, àlɛ tɛkɛ lán diamaawa. 
\v 12 A bĩ́i zↄ̃ↄ lɛsĩ vĩ. A bↄlɛ kuɛpla, malaika gbɛ̃ↄn kuɛplaↄ zɛzɛu. Isaili bui kuɛplaↄ tↄ́ kɛ̃a bↄlɛpiↄwa. 
\v 13 Bↄlɛ mɛ̀n àaↄ̃ ku gukpɛ oi, àaↄ̃ gugbãntoo oi, àaↄ̃ gɛↄmidↄkĩi oi, àaↄ̃ bɛ'aɛ oi.\f + \fr 21.13 \fr*\ft Eze 48.30-35\ft*\f* 
\v 14 Wà bĩ́ipi dàalɛ gbɛ̀ mɛ̀n kuɛplaↄwa. Sã zĩna gbɛ̃ↄn kuɛplaↄ tↄ́ kɛ̃a gbɛpiↄwa.
\p
\v 15 Malaika pↄ́ lɛ́ yã'omɛɛ pↄyↄ̃bↄ pↄ́ wa pì ń vuao kũa, kɛ́ à wɛ̃́lɛpi yↄ̃ò ń a bↄlɛↄ ń a bĩ́io.\f + \fr 21.15 \fr*\ft Eze 40.3\ft*\f* 
\v 16 Wɛ̃́lɛpi gola síiↄ̃ɛ, a gbã̀a ń a yàasao sáaɛ. Ɔ̃ à wɛ̃́lɛpi yↄ̃̀ ń pↄyↄ̃bↄpio. A gbã̀a kiloo ↄ̀aa kuɛplaɛ (2.400). A gbã̀a ń a yàasao ń a lɛsĩo píi sáaɛ. 
\v 17 À a bĩ́i yↄ̃̀ lↄ, a lɛsĩ gã̀sĩsuu basoplasↄo mɛ̀ndosaiɛ. Malaikapi yↄ̃̀ gbɛ̃nazĩna gã̀sĩsuu gbã̀a lɛ́uɛ. 
\v 18 Wà bĩ́ipi kɛ̀ ń diamaao, mɛ́ wɛ̃́lɛ piá vua tɛ̃ɛtɛ̃ɛɛ íkɛa lán díiwa. 
\v 19 Wà gbɛ pↄ́ wà wɛ̃́lɛpi bĩ́i dàalɛò kɛ̀kɛ ń gbɛ̀ bɛɛɛde bui píio.\f + \fr 21.19 \fr*\ft Isa 54.11-12\ft*\f* Wà gbɛ̀ sɛ̃́ia kɛ̀kɛ ń diamaao, a plaade ń safiio, a àaↄ̃de ń agatao, a síiↄ̃de ń ɛmɛlodio, 
\v 20 a sↄode ń onisio, a soolode ń saadↄanio, a soplade ń kisolitio, a swaaↄ̃de ń belilio, a kɛ̃okwide ń topazao, a kwide ń kisopazao, a kuɛdode ń tiikↄazio, a kuɛplade ń amɛtisio. 
\v 21 Bↄlɛ mɛ̀n kuɛplapiↄá òso mɛ̀n kuɛplaↄɛ. Wà ḿpii kɛ̀ ń òsoo mɛ̀ndodoɛ. Wɛ̃́lɛpi zɛaá vua tɛ̃ɛtɛ̃ɛɛ, wì gu'eu lán díiwa.
\p
\v 22 Mi Lua kpɛ́ e wɛ̃́lɛpi guuo, asa Dii Lua Gbãapiide ń São mɛ́ a kpɛ́pi ũ. 
\v 23 Wɛ̃́lɛpi bàa kú ń ĩatɛ̃ ń mↄvuao gupuaɛ̀oo. Lua gawi mɛ́ lɛ́ wɛ̃́lɛpi pu, mɛ́ Sã dɛ a filia ũ.\f + \fr 21.23 \fr*\ft Isa 60.19-20\ft*\f* 
\v 24 Buiↄ táa'o a gupuai, mɛ́ dṹnia kíaↄ gɛ̃u ń ń àizɛɛↄ.\f + \fr 21.24 \fr*\ft Isa 60.3\ft*\f* 
\v 25 A bↄlɛↄ aaↄ taa fãanɛ bauo, mɛ́ gwãasĩna aↄ ku we sↄ̃o. 
\v 26 Wa gɛ̃u ń buiↄ àizɛɛↄ ń ń pↄ́ ↄdeↄ.\f + \fr 21.26 \fr*\ft Isa 60.11\ft*\f* 
\v 27 Ãma pↄ́ gbãlɛae a gɛ̃uo\f + \fr 21.27 \fr*\ft Isa 52.1\ft*\f* ge yãbɛ̃ɛkɛna ge mↄafilide, sema gbɛ̃́ pↄ́ Sã ń tↄ́ kɛ̃̀ àizãna taalauↄ bàasio.
\c 22
\p
\v 1 Ɔ̃ malaikapi swa'i wɛ̃nide pↄ́ lɛ́ bↄ Lua ń São kpalabaa kĩ́i ↄ̀lↄmɛɛ,\f + \fr 22.1 \fr*\ft Zkl 14.8\ft*\f* àlɛ tɛkɛ lán díiwa. 
\v 2 Àlɛ bàalɛ wɛ̃́lɛpi zɛa guo. Lí wɛ̃nide\f + \fr 22.2 \fr*\ft Daa 2.9\ft*\f* ku a baale ń a baalao, ì nɛ'i wɛ̃̀ do gɛ̃n kuɛplaɛ, mↄ ń mↄo gɛ̃n dodo. Lípi láↄá buiↄ gbã́gbãbↄɛ.\f + \fr 22.2 \fr*\ft Eze 47.12\ft*\f* 
\v 3 Pↄ́ pↄ́ Lua lɛkɛ̀ɛ̀e aↄ ku lↄo.\f + \fr 22.3 \fr*\ft Zkl 14.11, Daa 3.17\ft*\f* Lua ń São kpalabaa aↄ ku wɛ̃́lɛpi guu, mɛ́ aà zↄ̀blenaↄ zↄbleɛ̀. 
\v 4 Aa wɛsiaàlɛ, mɛ́ aà tↄ́ aↄ kú ń mi'aɛwa. 
\v 5 Gwãasĩna aↄ ku lↄo, gbɛ̃e baa aↄ kú ń filia ge ĩatɛ̃ gupuaoo, kɛ́ Dii Lua a gupunɛ́ yã́i.\f + \fr 22.5 \fr*\ft Isa 60.19\ft*\f* Aaↄ kible e gↄↄpiiɛ.\f + \fr 22.5 \fr*\ft Dan 7.18\ft*\f* 
\v 6 Ɔ̃ a òmɛɛ: Yã́ beeↄ náai vĩ mɛ́ sĩanaɛ. Dii Lua pↄ́ ì dↄaa ãnabiↄnɛ mɛ́ a malaika zĩ̀, kɛ́ a zↄ̀blenaↄ yã́ pↄ́ a mↄ tia dↄ̃.
\s1 Yesu a mↄ tia
\p
\v 7 Gwa, má mↄ́ tia. Báaaden gbɛ̃́ pↄ́ zia yã́ taalaɛ bee yã́ kũa ũ.
\p
\v 8 Ma Zãa mámɛ ma yã́ beeↄ mà mɛ́ má è. Kɛ́ má mà mɛ́ má è, ma wulɛ malaika pↄ́ yã́piↄ ↄ̀lↄmɛɛ gbázĩ mà kúlɛɛ̀. 
\v 9 Ɔ̃ a òmɛɛ: Bee tó. Kúlɛ Luaɛ. N zↄ̀blen deen ma ũ ń n gbɛ̃ ãnabiↄ ń gbɛ̃́ pↄ́ aa láɛ bee yã́ kũaↄ. 
\v 10 Ɔ̃ a òmɛɛ: Ńsu pↄ́ kúlɛ zia yã́ pↄ́ kú lápiuwao, asa a gↄↄ kãikũ̀. 
\v 11 Gbɛ̃vãi wɛtã àↄ yãvãikɛ. Gbãsĩde wɛtã àↄ gbãsĩ. Gbɛ̃maa wɛtã àↄ yãmaakɛ. Kuaadoade wɛtã a kua àↄ adoa.\f + \fr 22.11 \fr*\ft Dan 12.10\ft*\f*
\p
\v 12 Gwa, má mↄ́ tia, máↄ asea kũa, mí fĩabo baadeɛ a yãkɛawa.\f + \fr 22.12 \fr*\ft Isa 40.10, 62.11\ft*\f* 
\v 13 Alafa ń Omɛgaon ma ũ, Dↄaana ń Gↄ̃zãnao, Dàalɛna ń Mìdɛnao.\f + \fr 22.13 \fr*\ft Isa 44.6, 48.12, Zia 1.8, 17\ft*\f* 
\v 14 Báaadeↄn gbɛ̃́ pↄ́ aa ń ulataopiↄ ũ. Aaↄ zɛvĩ wà gɛ̃ wɛ̃́lɛpi bↄlɛↄu, aai lí wɛ̃nide\f + \fr 22.14 \fr*\ft Daa 2.9, 3.22\ft*\f* bɛ ble. 
\v 15 Ãma gↄ̃ɛ blesanaↄ ń ɛsɛdeↄ ń gbãsĩkɛnaↄ ń gbɛ̃dɛnaↄ ń tã́agbagbanaↄ ń gbɛ̃́ pↄ́ ye mↄafiliyãkɛaiↄ aaↄ ku bàasiɛ.
\p
\v 16 Ma Yesu ma a malaika zĩ̀ aàↄ dɛ yã́piↄ seelade ũ ma gãlideↄnɛ. Mámɛ má Davidi Bui, aà kpala pↄ́ vlãpà Kía ũ,\f + \fr 22.16 \fr*\ft Isa 11.1, 10, Zia 5.5\ft*\f* Gudↄlɛia saan'ina ũ.\f + \fr 22.16 \fr*\ft Zia 2.28\ft*\f* 
\v 17 Lua Nisĩna ń Sã nↄ dafuo ì mɛ, mↄ́. Gbɛ̃́ pↄ́ bee mà sↄ̃, aà o, mↄ́. Gbɛ̃́ pↄ́ imi lɛ́ dɛ, aà mↄ́. Gbɛ̃́ pↄ́ ye í wɛ̃nidei, aà si gba ũ.\f + \fr 22.17 \fr*\ft Isa 55.1\ft*\f*
\p
\v 18 Málɛ o gbɛ̃́ pↄ́ ãnabikɛlaɛ bee yãmàↄnɛ píi, tó gbɛ̃́ yãe kã̀fĩ a guu, Lua a kìsia pↄ́ a yã́ kú láɛ bee guuↄ kã́fĩ adeɛɛ. 
\v 19 Tó gbɛ̃́ yãe bↄ̀ taalaɛ bee guu, Lua a ade baa bↄ a wɛ̃́lɛ ń lí wɛ̃nide pↄ́ a yã́ kú láɛ bee guuo guuɛ.\f + \fr 22.19 \fr*\ft Iko 4.2\ft*\f*
\p
\v 20 Gbɛ̃́ pↄ́ dɛ yã́piↄ seelade ũ mɛ̀: Sĩanaɛ, má mↄ́ tia.
\p Ãmi! Dii Yesu mↄ́!
\p
\v 21 Dii Yesu aàↄ gbɛ̃kɛ vĩ ń a gbɛ̃́ↄ píi.