\id PSA Psalms in Boko, Ross Jones 2/08
\ide UTF-8
\h Soũↄ
\toc1 Soũↄ
\toc2 Soũↄ
\toc3 Soũ
\mt1 SOŨƆ
\imt1 Yã́ pↄ́ kú láɛ bee guuↄ
\ip Soũↄá wabi mɛ̀n basoplakwi pↄ́ Isailiↄ kɛ̀ Luawaↄnɛ, mɛ́ aaì si lɛ ũ ń pↄ́ʼↄbↄna, mɛ́ Yesudeↄ lɛ́ zĩkɛò e ń a gbão.
\ip Soũ lá kpaalɛa lɛɛ sↄoɛ. Lɛ pↄ́ Davidi dàↄ ku we dasi (51-65, 67-71) bee gbɛa Kole buiↄ lɛↄ (42-49, 84-88), Asafa lɛↄ (73-83), kíablea lɛↄ (93-99), gɛa Yelusalɛũ lɛↄ (120-134).
\ip Soũↄ buiↄ dasi maamaaɛ:
\imq Lɛ pↄ́ aaì Dii tↄbↄ aà zↄ̃ↄkɛ ń aà maakɛo yã́ musuↄ: 8, 19, 33, 100, 103-105, 111, 113-114, 117, 135-136, 145-149
\imq Dii kiblea lɛↄ: Dii mɛ́ kía ũ: 47, 93, 96-99
\imq Kíablea Soũↄ, wabikɛa kíaɛ ge kía wabikɛa: 2, 18, 20-21, 45, 72, 89, 101, 110, 144
\imq Gɛ̃a Dii kpɛ́u lɛↄ: 15, 24
\imq Gɛa Yelusalɛũ lɛ pↄ́ Isailiↄ ì si gↄↄ pↄ́ aalɛ gɛ́ dikpɛkɛi we: 84, 91, 121, 122
\imq Siↄna lɛↄ, aalɛ gu pↄ́ Dii sɛ̀ wà a kpɛ́ dↄu Yelusalɛũ tↄbↄ: 46, 48, 76, 87, 132
\imq Waaso Soũↄ: 14, 50, 53, 75, 81, 95
\imq Soũ pↄ́ ì yãdada luanaaikɛnaↄnɛ: 1, 37, 49, 73, 78, 112, 119, 127, 133
\imq Gbɛ̃́ pↄ́ aalɛ pↄsia kɛ aalɛ Lua sisi ń yã'ↄ̃ma guuↄ Soũↄ: 12, 44, 58, 60, 74, 79, 80, 83, 85, 90, 94, 106, 108, 123, 126, 137
\imq Lua gbɛ̃́ↄ wiilɛawa yã'ĩa ge ĩadama ge gudɛ ge gyã ge zĩ̀zↄkɛ yã́ musu lɛↄ: 5-7, 13, 17, 22, 25-26, 28, 31, 35, 38-39, 41-43, 51, 54, 57, 59, 61, 63-64, 69-71, 86, 88, 102, 109, 120, 130, 140-143
\imq Lua sáaukpaa kɛ́ ì ń suaba ge ì duunakɛ̃má yã́i: 9-10, 30, 32, 34, 40.1-12, 92, 107, 116, 118
\imq Pↄna ń aafia pↄ́ luanaaikɛnaↄ vĩ lɛↄ: 3, 4, 11, 16, 23, 62, 131, 139
\ip Yesu Soũ lɛsì Maaku 14.26 guu, mɛ́ à Soũ yã'ò a yãdanɛↄ guu (Maa 12.10, 36) ń aà wabikɛaↄ guuo (Maa 15.34, Luku 23.46).
\ip Soũↄ guu wà dↄ̀aa wà Kilisi yã'ò ń taasi pↄ́ a kɛↄ (22, 69). Wà aà bↄa gau yã'ò lↄ ń aà taa luabɛ yã́o (16, 110, 118). Wà Soũ lá yã́ↄ ò Lua bàakuańnↄ gbɛzã láↄ guu dɛ gɛ̃n basↄola.
\ip Isailiↄ wabikɛa, Yesu wabikɛa, Yesude káauↄ wabikɛa (Zĩn 4.24-26), Soũↄ dɛ lá pↄ́ Yesudeↄ ì lousisiò ũ e ń a gbão.
\c 1
\ms1 LÁ SƐ̃IA
\mr Soũↄ 1-41
\s1 Báaade
\q1
\v 1 Báaaden gbɛ̃́ pↄ́ lí gbɛ̃vãiↄ lɛdama mao ũ.
\q1 Ìli duunkɛnaↄ zɛ́ sɛo,
\q1 ìli zↄ̃lɛ ń gbɛ̃́ àlafiikɛnaↄo.
\q1
\v 2 Dii ikoyã mɛ́ ì kaaàgu,
\q1 ìↄ làasookɛwà fãanɛ ń gwãasĩnao.
\q1
\v 3 A dɛ lán lí pↄ́ wa bà swa saɛwa,\f + \fr 1.3 \fr*\ft Zel 17.8\ft*\f*
\q1 a lá lí giigagao, ìↄ nɛ'i a gↄↄwa,
\q1 yã́ pↄ́ ì kɛ píi kã́fĩa vĩ.
\b
\q1
\v 4 A dɛ màa ń gbɛ̃vãiↄo.
\q1 Aa dɛ lán ése ṹa pↄ́ ĩ́ana ì sɛ́lɛwaɛ.
\q1
\v 5 Beewa gbɛ̃vãiↄ bↄ maa yã́kpalɛkɛgↄↄzĩo,
\q1 duunkɛnaↄ zɛ gbɛ̃maaↄ saɛo.
\q1
\v 6 Dii ì zɛmikũ gbɛ̃maaↄnɛ,
\q1 gbɛ̃vãiↄ sↄ̃, an zɛ́ mipɛ̀ kaalɛwa.
\c 2
\s1 Kía pↄ́ Lua kpà
\q1
\v 1 Bↄ́yãi bui ń buio lɛ́ zↄakai?
\q1 Àkɛa wàlɛ lɛ́ pã kpaaĩi?
\q1
\v 2 Dṹnia kíaↄ lɛ́ zĩ̀ sↄukɛ,
\q1 kpalablenaↄ lɛ́ kãaa Dii
\q1 ń Kía pↄ́ a kpàozi.\f + \fr 2.2 \fr*\ft Zĩn 4.25-26\ft*\f*
\q1
\v 3 Aalɛ mɛ: Wà ń mↄdaonaↄ kɛ̃́kɛ̃,
\q1 wà ń ba polowá.
\b
\q1
\v 4 Dii lɛ́ ń àlafiikɛ,
\q1 zↄ̃lɛa musu àlɛ ń yáalↄ.
\q1
\v 5 A palamá ń pↄfɛ̃o,
\q1 aà kpɛ̃nɛ ì to vĩa ń kṹ.
\q1
\v 6 À mɛ̀ a a Kía kpà
\q1 a gbɛ̀sĩsĩ Siↄna musu.
\b
\q1
\v 7 Má yã́ pↄ́ Dii dìlɛmɛɛ o à mɛ̀:
\q1 Ma nɛ́n n ũ, n Maen ma ũ gbã.\f + \fr 2.7 \fr*\ft 2Sam 7.14, Mat 3.17, Zĩn 13.33, Ɛbɛ 1.5, 5.5\ft*\f*
\q1
\v 8 Wabikɛa, mí n gba bui píi,
\q1 mí dṹnia gola síiↄ̃ kpama n pↄ́ ũ.
\q1
\v 9 Ńyↄ̃ kiblemá ń mↄ̀ gopanao,
\q1 ńyↄ̃ ń wíwi lá wì gĩ̀ oo wiwa.\f + \fr 2.9 \fr*\ft Zia 2.26-27, 12.5, 19.15\ft*\f*
\b
\q1
\v 10 Kíaↄ, à lɛdamaɛ bee ma,
\q1 dṹnia kpalablenaↄ, à ↄ̃nↄkũ sa.
\q1
\v 11 À zↄble Diiɛ ń vĩakɛaɛ̀o,
\q1 à kúlɛ bùsu sɛɛ̀ ń lualuao,
\q1
\v 12 kɛ́ aà pↄ su fɛ̃́ázi à gaga zɛ́uo,
\q1 asa aà pↄ ì pa kã́ndoɛ.
\b
\q1 Báaaden gbɛ̃́ pↄ́ nàaàzi ũ.
\c 3
\s1 Lɛzua Luazi ibɛɛↄ yã́ musu
\r (2Sam 15.13-17)
\d Lɛ pↄ́ Davidi dà gↄↄ pↄ́ à bàalɛ̀ a nɛ́ Abisaloũɛ.
\q1
\v 1 Dii, ma wɛ̀lɛↄ diɛ fá,
\q1 gbɛ̃́ pↄ́ íbɛlɛsɛ̀manↄↄ dasi.
\q1
\v 2 Wàlɛ ma yã'o dasi,
\q1 wàlɛ mɛ Lua a ma suabao.
\q1
\v 3 Mpi sↄ̃ Dii,
\q1 ńlɛ ↄliamazi sɛ̀ngbao ũ,
\q1 ma gawin n ũ,
\q1 ni to ma mi àↄ daa ía.
\b
\q1
\v 4 Mi lɛzu Diizi,
\q1 ì wea za a kpɛ́u gbɛ̀sĩsĩ musu.
\q1
\v 5 Mi wúlɛ i'o ń a nao,
\q1 mi vu aafia, asa Dii mɛ́ ma ũ.
\q1
\v 6 Gbɛ̃ↄn ↄ̀aasↄsↄo lɛɛ kwi lɛ́ ma wɛ,
\q1 kási mili vĩakɛnɛ́o.
\b
\q1
\v 7 Fɛlɛ Dii,
\q1 ní ma ibɛɛↄ lɛgbeomble,
\q1 ma suaba ma Lua,
\q1 ní gbɛ̃vãipiↄ swaa ɛ́'ɛ.
\q1
\v 8 Dii mɛ́ ì gbɛ̃́ suaba.
\q1 Báaada n gbɛ̃́ↄgu.
\c 4
\s1 Wabi oosi kɛa
\d Davidi lɛ. Wì sí ń mↄↄnlɛaoɛ.
\q1
\v 1 Tó ma n sisi, wea Lua ma Zɛnnↄde.
\q1 Tó má yeelɛa, ni ma gba dɛ̀ɛpookĩi.
\q1 Wɛ̃nadↄ̃mɛɛ, ní ma wabikɛa ma.
\b
\q1
\v 2 Gbɛ̃́ↄ, á zɛ widaa ma Lua gawidewaɛ bↄɛ ni?
\q1 Iↄ ye pↄpãↄzi, iↄ tɛ tã́aↄzi.
\q1
\v 3 Àↄ dↄ̃ kɛ́ Dii a gbɛ̃́ↄ dìlɛ adoa,
\q1 tó ma aà sìsi, a ma yãma.
\q1
\v 4 À kpakpanaga, ásu duunakɛo,
\q1 à làasookɛ á wúlɛkĩi, í nílɛ.
\q1
\v 5 À sa pↄ́ dɛ à o o,
\q1 í Dii náaikɛ.
\b
\q1
\v 6 Dasi ì mɛ: Démɛ a ɛ̀fãaikɛwɛ̃ɛi?
\q1 Wá wɛgwa Dii, báaadawágu.
\q1
\v 7 Baa tó pↄ́wɛna ń vɛ̃ɛo dińzi,
\q1 pↄna pↄ́ ń dàmɛɛ ma sↄ̃u dɛ ń pↄ́a.
\q1
\v 8 Mi wúlɛ i'o ń a nao kau,
\q1 asa Dii, ḿmɛ ni to màↄ ku dↄdↄa.
\c 5
\s1 Wabi kↄↄ kɛa
\d Davidi lɛ. Wì sí ń kulɛpɛaoɛ.
\q1
\v 1 Swã́kpa ma yã́i Dii,
\q1 laaidↄ ma yãwaaipaawa.
\q1
\v 2 Ma Kía, málɛ wiilɛma,
\q1 ma Lua, málɛ wabikɛma.
\q1
\v 3 Dii, ni ma yãma gufɛ̃nɛ,
\q1 mi a yã́ↄ dↄdↄnɛ kↄↄ,
\q1 ma wɛ́ iↄ dↄnzi.
\b
\q1
\v 4 Luan n ũ, ń ye vãizio,
\q1 nili gbɛ̃vãi dilɛo.
\q1
\v 5 Zĩakãfĩna lí e zɛ̀ n aɛo,
\q1 ń za vãikɛnaↄgu píiɛ.
\q1
\v 6 Dii, ni ɛɛdeↄ midɛ,
\q1 ń ye gbɛ̃dɛnaↄ ń gbɛ̃blenaↄ gĩyãio.
\b
\q1
\v 7 Mapi má gɛ̃ n ua n gbɛ̃kɛ zↄ̃ↄ yã́i,
\q1 má kúlɛ n kpɛɛlɛ mà misiilɛnɛ.
\q1
\v 8 Dii, dↄaamɛɛ n náai yã́i,
\q1 zɛpoomɛɛ ma dã̀dãnaↄ yã́i.
\q1
\v 9 Asa an yãe náai vĩo,
\q1 aaì lɛnakasa gbɛ̃́ↄnɛ.
\q1 An nↄ̀sɛ dɛ lán kaadↄɛmbɛwaɛ,
\q1 gbɛ̃́ ↄ̃̀ↄkpaa yã́ kↄ̃̀ ń sↄ̃u.\f + \fr 5.10 \fr*\ft Lom 3.13\ft*\f*
\q1
\v 10 To yã́ zↄ̃lɛmá Lua,
\q1 to aa ↄzu ńzĩa wɛ́u.
\q1 Ǹ ń yá n aɛ an tàae dasiↄ yã́i,
\q1 asa aa gì n yãmaiɛ.
\b
\q1
\v 11 To gbɛ̃́ pↄ́ nà n kpɛↄ yáalↄ,
\q1 aaiↄ wiilɛ ń pↄnao gↄↄpii.
\q1 Ɔku gbɛ̃́ pↄ́ yenziↄla,
\q1 aai vĩ aaↄ kɛ̃aa n yã́ musu.
\q1
\v 12 Dii, ni báaada gbɛ̃maaↄgu,
\q1 n yeańzi ì kàedańzi.
\c 6
\s1 Wiilɛa Luawa
\d Davidi lɛ. Wì sí ń kúulɛaoɛ.
\q1
\v 1 Dii, ńsu ma lele ń kpɛ̃nɛoo,
\q1 ńsu ma toto ń pↄkũmaoo.
\q1
\v 2 Wɛ̃nadↄ̃mɛɛ Dii,
\q1 ma gↄ̃ déedeennↄɛ,
\q1 ma gbã́gbã Dii, asa ma wá lɛ́ wíɛ.
\q1
\v 3 Ma pↄ yà dúuduuɛ, Dii,
\q1 ńyↄ̃ dↄmalɛ bↄɛ ni?
\q1
\v 4 Ɛa ǹ ma misi, Dii,
\q1 ma suaba n gbɛ̃kɛ yã́i.
\q1
\v 5 Asa gɛ lí e lɛmàma lↄo,
\q1 wìli n táasilɛ miauo.
\b
\q1
\v 6 Ma wɛ̃nakɛ̀ ma kpasa,
\q1 ma mìbↄↄ ì gá ń wɛ́'io,
\q1 ma wúlɛkĩi ìↄ niɛɛ e gu gɛ dↄò.
\q1
\v 7 Ma wɛ́ ìↄ bↄbↄ ń pↄsiao,
\q1 ìↄ wo, kɛ́ ma ibɛɛↄ dasi yã́i.
\b
\q1
\v 8 À go ma kĩ́i vãikɛnaↄ,\f + \fr 6.9 \fr*\ft Mat 7.23, Luk 13.27\ft*\f*
\q1 asa Dii ma ↄↄlↄ mà.
\q1
\v 9 Dii ma wiilɛa mà,
\q1 Dii ma wabikɛa sì.
\q1
\v 10 Wí a ma ibɛɛↄ kũ píi,
\q1 aa gↄ̃ bíli guu,
\q1 aa fua kã́ndo, aai kpɛkpa.
\c 7
\s1 Yãnakpaa, Dii!
\d Lɛ pↄ́ Davidi sì Diiɛ Bɛ̃yãmɛɛ bui Kusi yã́ musu.
\q1
\v 1 Dii ma Lua, ma nanziɛ,
\q1 ma suaba ǹ ma bↄ gbɛ̃́ pↄ́ pɛ̀lɛmaziↄ ↄzĩ.
\q1
\v 2 Tó màa no,
\q1 aa ma taitai lán nↄ̀ↄmusuwaɛ,
\q1 aa ma kɛ̃́kɛ̃kↄ̃ɛɛ,
\q1 gbɛ̃e a ma misio.
\b
\q1
\v 3 Dii ma Lua, tó ma tàaekɛ̀ɛ sↄ̃,
\q1 tó ma ↄ ku yãvãiu,
\q1
\v 4 tó ma vãikɛ̀ ma gbɛ̃́deeɛ,
\q1 ge tó ma gbãamↄ̀ ma wɛ̀lɛɛ pã,
\q1
\v 5 ma ibɛɛpi pɛ́lɛmazi aà ma kṹ,
\q1 i ↄ̃zↄ̃a tↄↄlɛ,
\q1 i ma tↄ́ vĩlɛ bùsu'ũfãau.
\b
\q1
\v 6 Fɛlɛ zɛ ń pↄfɛ̃o Dii,
\q1 fɛlɛ kpɛ̃nɛbↄbↄ ma ibɛɛↄwa.
\q1 Ǹ n mɛ sɛ́, ma Lua,
\q1 ní yã́gↄ̃gↄ̃ a zɛ́wa.
\q1
\v 7 To gbɛ̃́ↄ kãaanzi,
\q1 ní kiblemá kua za musu.
\q1
\v 8 Dii, ni yã́kpalɛkɛ ń gbɛ̃́ↄ.
\q1 Dii, to yã́ bↄmanↄ na ma yã́zɛde lɛ́u,
\q1 Musude, kɛmɛɛ ma nↄ̀sɛpua lɛ́u.
\q1
\v 9 Lua, ḿmɛ ń maa,
\q1 ni nↄ̀sɛ ń làasooo yↄɛ.\f + \fr 7.10 \fr*\ft Zia 2.23\ft*\f*
\q1 Gbɛ̃vãiↄ pãsĩkɛa midɛ,
\q1 ní gbɛ̃maaↄ gba zɛkĩi.
\b
\q1
\v 10 Lua Musude mɛ́ ma sɛ̀ngbao ũ,
\q1 ì nↄ̀sɛmaadeↄ suaba.
\q1
\v 11 Lua ì yã́kpalɛkɛ a zɛ́wa,
\q1 ì to yã́ àↄ zↄ̃lɛmá gↄↄpii.
\b
\q1
\v 12 Tó gbɛ̃́ i nↄ̀sɛlilɛo,
\q1 Lua ì a fɛ̃nda lɛkɛ, ì a sá kã́.
\q1
\v 13 Ì a ka gbaɛ̀,
\q1 ì a gↄ̃kɛbↄ pↄ́ ì ga inɛ́ↄ kɛkɛ.
\q1
\v 14 Gwa, vãi ì nↄdↄ gbɛ̃́piu,
\q1 ì yãdↄnwɛia nↄsi à nɛ'iɛ̀ ɛgɛ ũ.
\q1
\v 15 Ì ɛyↄ̃ gbɛ̃́ↄnɛ zã̀zã bai ũ,
\q1 ↄ̃ ì zu ɛ pↄ́ a yↄ̃̀pi guu.
\q1
\v 16 Aà yãdↄnwɛia a wi aà musu,
\q1 aà gbɛ̃́ↄ wɛtãa a sↄaa aà miwa.
\b
\q1
\v 17 Má Dii sáaukpa aà maakɛ yã́i,
\q1 má Dii Musude tↄbↄ ń lɛsiao.
\c 8
\s1 Lua zↄ̃ↄkɛ oa
\d Davidi lɛ.
\q1
\v 1 Dii wá Dii, n tↄbↄ̀ dṹnia guu,
\q1 n gawi bↄ̀ gupuau musu.
\q1
\v 2 Ń dà nɛ́fɛ̃nɛnaↄnɛ ń nɛ́ yↄ̃minaↄ
\q1 aa n táasilɛ,\f + \fr 8.3 \fr*\ft Mat 21.16\ft*\f*
\q1 kɛ́ n ibɛɛↄ ń n wɛ̀lɛↄ nílɛ yã́i,
\q1 n mↄakanaↄ lɛ́ i gↄ̃ kpaaũa.
\b
\q1
\v 3 Kɛ́ ma n zĩ gwà musu,
\q1 mↄvua ń saana pↄ́ ń pɛ̀pɛ weↄ,
\q1
\v 4 ma mɛ̀ bↄ́n gbɛ̃nazĩna ũ an yã́ ìↄ dↄngui?
\q1 Bↄ́n ń ũ ni laaidↄmái?\f + \fr 8.5 \fr*\ft Soũ 144.3, Ɛbɛ 2.6-8\ft*\f*
\q1
\v 5 N aà kɛ̀ kɛ̃́sãa malaikaↄzi gↄↄpla,
\q1 n aà kpà kpalau ń gawio ń bɛɛɛo.
\q1
\v 6 Ń tò à iko vĩ pↄ́ pↄ́ ń kɛ̀ↄwa,
\q1 ń tò pↄ́pii misìilɛɛ̀,\f + \fr 8.7 \fr*\ft 1Kln 15.27, Ɛfɛ 1.22, Ɛbɛ 2.8\ft*\f*
\q1
\v 7 sãↄ ń zuↄ ń sɛ̃̀anↄbↄↄ píi,
\q1
\v 8 bãↄ ń kpↄↄ ń pↄ́ pↄ́ kú ísia guuↄ.
\b
\q1
\v 9 Dii wá Dii, n tↄbↄ̀ dṹnia guu.
\c 9
\s1 Lua sáaukpaa kɛ́ ì yãkɛkɛ gbɛ̃́ↄnɛ yã́i
\d Davidi lɛ.
\q1
\v 1 Dii, má n táasilɛ ń nↄ̀sɛmɛndoo,
\q1 má n yãbↄnsaɛkɛaↄ kpàwakɛnɛ́.
\q1
\v 2 Má pↄnakɛ, má yáalↄ n yã́ musu,
\q1 Musude, má n tↄbↄ ń lɛsiao.
\b
\q1
\v 3 Ma ibɛɛↄ ì kpɛkpa,
\q1 aaì gɛ̃mbↄlɛ aa gaga n aɛ.
\q1
\v 4 Asa n zɛmanↄ, n yãnakpàa,
\q1 zↄ̃lɛa n gĩ́naa n yãgↄ̃̀gↄ̃ a zɛ́wa.
\b
\q1
\v 5 N buipãleↄ lèle,
\q1 n gbɛ̃vãipiↄ míↄnzↄ̃,
\q1 n ń tↄ́ dɛ̀ míↄmiↄ.
\q1
\v 6 N músi láasai kpà ma wɛ̀lɛↄzi,
\q1 n ń wɛ̃́lɛↄ kwɛ̀,
\q1 an yã́ dↄ gbɛ̃egu lↄo.
\b
\q1
\v 7 Dii ì kible gↄↄpii,
\q1 à a kpala dìlɛ yã́kpalɛkɛa yã́i.
\q1
\v 8 A yã́kpalɛkɛ ń dṹnia gbɛ̃́ↄ súsu,
\q1 a kible buiↄwa a zɛ́wa.
\b
\q1
\v 9 Dii mɛ́ ulɛkĩi ũ
\q1 gbɛ̃́ pↄ́ wàlɛ gbãamↄnɛ́ↄnɛ,
\q1 a dɛnɛ́ aafia'ekĩi ũ taasikɛgↄↄ.
\q1
\v 10 Dii, gbɛ̃́ pↄ́ n tↄ́ dↄ̃ↄ n náai vĩ,
\q1 nili n aɛyanaↄ vũaao.
\b
\q1
\v 11 À lɛsi Diiɛ, àlɛ kible Siↄna,
\q1 à aà yãkɛaↄ kpàwakɛ bui píiɛ.
\q1
\v 12 Asa yã́ lí sãaaguo,
\q1 ì tↄsi gbɛ̃dɛnawa,
\q1 ì taasideↄ wiilɛa yãda.
\b
\q1
\v 13 Gwa lá ma ibɛɛↄ lɛ́ ĩadaa, Dii,
\q1 wɛ̃nadↄ̃mɛɛ, ní ma bↄ ga lɛ́zĩ,
\q1
\v 14 mí lɛ́mama Siↄna bĩ́ibↄlɛu,
\q1 mí pↄnakɛ kɛ́ n ma suabà yã́i.
\b
\q1
\v 15 Buiↄ sì ɛ pↄ́ aa yↄ̃̀u,
\q1 an gbá zù ba pↄ́ aa kpàu.
\q1
\v 16 Wa Dii dↄ̃ ń yã́kpalɛkɛa a zɛ́waoɛ,
\q1 ì to gbɛ̃vãi yãkɛa labadaaàla.
\b
\q1
\v 17 Gbɛ̃vãiↄ ì ta bɛdau,
\q1 bui pↄ́ aali Lua yãdaopiↄ.
\q1
\v 18 Wɛ̃nadeↄ yã́ a sãaàgu bauo,
\q1 taaside wɛdↄaaàzi láaa vĩo.
\b
\q1
\v 19 Fɛlɛ Dii,
\q1 ńsu to gbɛ̃nazĩna n gã fĩo,
\q1 bui píi kãaa, ní yã́kpalɛkɛńnↄ.
\q1
\v 20 Dii, to vĩa buiↄ kṹ,
\q1 kɛ́ aa e dↄ̃ wa dɛ gbɛ̃nazĩnaↄ ũ.
\c 10
\s1 Lua yã́gↄ̃gↄ̃a ń gbɛ̃́ↄ wabikɛa
\q1
\v 1 Dii, bↄ́yãi ń zɛa zã̀zãi?
\q1 Àkɛa ni ulɛnɛ́ taasikɛgↄↄzĩi?
\q1
\v 2 Gbɛ̃vãi ì gbãasaide wɛ wala guu,
\q1 ì kↄ̃nikɛɛ̀, ì aà kṹ.
\q1
\v 3 Gbɛ̃vãi ì a pↄnidɛaↄ ĩ́anadã,
\q1 ì bĩide sáaukpa, ì Dii tↄbɛ̃ɛsi.
\q1
\v 4 Gbɛ̃vãi wala mɛ́ tò ìli Dii aɛyao,
\q1 a Lua làasoo vĩo.
\q1
\v 5 Yã́ pↄ́ ì kɛ píi ì bↄɛ̀ maaɛ,
\q1 ì azĩa kã́fĩ, ìli n ikoyã dao,
\q1 ì lɛsuikɛ a ibɛɛↄwa.
\q1
\v 6 Ì mɛ á kpaguao,
\q1 áↄ ku pↄnau taasikɛsai gↄↄpiiɛ.
\b
\q1
\v 7 Ɛɛ ìↄ dↄ aà lɛ́u
\q1 ń gbɛ̃́kaao ń yãpãsĩo,
\q1 yãdↄnwɛia ń yãvãio mɛ́ aà lɛ́ pà.\f + \fr 10.7 \fr*\ft Lom 3.14\ft*\f*
\q1
\v 8 Ì naalɛ yãesaideɛ wɛ̃́nkpɛ,
\q1 kɛ́ à e aà dɛ asii guu,
\q1 ì mi'ĩide kpákpa gusaɛna.
\q1
\v 9 Ì naalɛ gbɛ̃́ↄnɛ asii guu lán nↄ̀ↄmusuwa,
\q1 ì naalɛ lákpɛu à e yɛ̃̀ɛɛsaide kṹ.
\q1 Tó à aà kũ̀, ì aà gálɛ ń a bao.
\q1
\v 10 Gbɛ̃́ pↄ́ a le a kũ̀ gↄ̃̀ wúlɛa yɛ̃̀mɛɛ,
\q1 gbãa mɛ́ aà nɛ̀.
\q1
\v 11 Gbɛ̃vãipi ì mɛ Lua a yã́ fãn vĩo,
\q1 ì ↄku a wɛ́waɛ, ìli gu'eo.
\b
\q1
\v 12 Dii, fɛlɛ mↄ́ ń n gbãao,
\q1 Lua, ǹyↄ̃ yɛ̃̀ɛɛsaideↄ fãnkɛ.
\q1
\v 13 Lua, bↄ́yãi gbɛ̃vãi ì dↄ́ɛnnↄi?
\q1 Ì o a sↄ̃ guu ńyↄ̃ ĩadawao.
\b
\q1
\v 14 Ń beeo ni e sã́asã,
\q1 ni gbɛ̃́ↄ yã'ↄ̃ma ń ń pↄsiao yãda,
\q1 kɛ́ ǹ e ↄdaumá.
\q1 Yɛ̃̀ɛɛsaide ì azĩa kpama,
\q1 tonɛ pↄ́ gwana vĩo dↄnlɛden n ũ.
\q1
\v 15 Gbɛ̃vãi ń gbɛ̃́ pãsĩo gã̀sĩ ɛ́nɛ́,
\q1 an vãi pↄ́ aalɛ e wa dↄ̃o wí ń musu.
\q1
\v 16 Dii ìↄ kible gↄↄpii,
\q1 aà yãdansaiↄ midɛ aà bùsuu.
\b
\q1
\v 17 Dii ì yɛ̃̀ɛɛsaideↄ wabikɛa ma,
\q1 ì ń gba sↄ̃, ì swãdↄ ń yã́i.
\q1
\v 18 Ì zɛ ń tonɛ pↄ́ gwana vĩoↄ
\q1 ń gbɛ̃́ pↄ́ wàlɛ ĩadamáↄ,
\q1 kɛ́ gbɛ̃nazĩna pↄ́ dɛ bùsuti ũ su to sↄ̃ kɛ̃́ńgu lↄo yã́i.
\c 11
\s1 Sↄ̃dilɛa
\d Davidi lɛ.
\q1
\v 1 Ma na Diizi.
\q1 Bↄ́yãi álɛ omɛɛ mà vua
\q1 mà ta gbɛ musu lán bãwai?
\q1
\v 2 À vãikɛnaↄ gwa, aa kakpà sáa,
\q1 aa gusaɛ yèmá aa sá gà,
\q1 aa kakpàlɛ nↄ̀sɛmaadeↄwa.
\q1
\v 3 Tó fɛlɛkaa yãmikpalɛ gbòo,
\q1 gbɛ̃maaↄ kɛa ni?
\b
\q1
\v 4 Dii ku a kpɛ́u,
\q1 a zↄ̃lɛa báawa musu we.
\q1 Ì wɛpã gbɛ̃nazĩnaↄla,
\q1 ì wɛ́kpalɛńzi.
\q1
\v 5 Dii ì gbɛ̃maaↄ tàasika,
\q1 ãma a za vãikɛnaↄgu
\q1 ń gbɛ̃́ pↄ́ yãpãsĩ ì kɛnɛ́ naↄ.
\q1
\v 6 A tɛyↄ̃ ń ĩatɛ̃gbↄ̃o kwɛ vãikɛnaↄwa,
\q1 ĩ́an wãa mɛ́ aↄ dɛ ń baa ũ.
\q1
\v 7 Asa Dii ì yãkɛ a zɛ́wa,
\q1 yãkɛa a zɛ́wa ì kɛɛ̀ na,
\q1 gbɛ̃maaↄ wɛsiaàlɛ.
\c 12
\s1 Gbɛ̃nazĩna bɛ̃̀ɛboa
\d Davidi lɛ. Wì sí ń kúulɛaoɛ.
\q1
\v 1 Ma suaba Dii!
\q1 Asa gbɛ̃maa ku lↄo,
\q1 náaide làa gbɛ̃nazĩnaↄ guu.
\q1
\v 2 Baade ì ɛɛto a gbɛ̃́deeɛɛ,
\q1 ì lɛna kɛɛ̀ ń nↄ̀sɛmɛmplao.
\q1
\v 3 Dii, lɛnade gyawi
\q1 ń gbɛ̃́ pↄ́ ì azĩa sɛ lɛsĩo.
\q1
\v 4 Aaì mɛ ń lɛ́ mɛ́ a tidↄ gbɛ̃́a,
\q1 wa mɛ́ wa ń lɛ́ vĩ,
\q1 démɛ a kiblemái?
\b
\q1
\v 5 Gbɛ̃́ busɛↄ wɛtãa
\q1 ń wɛ̃nadeↄ aaukɛao yã́i,
\q1 Dii mɛ̀ á fɛlɛ sa,
\q1 á ń gba bↄkĩi pↄ́ aalɛ a nidɛ.
\b
\q1
\v 6 Dii yã́ sãa vĩo,
\q1 a dɛ lán ã́nusu pↄ́ wa yↄ̀ mua tɛ́u
\q1 wa bàasa gɛ̃n soplawa.
\q1
\v 7 Mpi Dii, ńyↄ̃ↄ wá dↄ̃́a gↄↄpii,
\q1 ńyↄ̃ wá sí gbɛ̃́ bee taaↄwa.
\q1
\v 8 Tó gbɛ̃́ↄ yãbɛ̃ɛ kũ̀ ↄplapla,
\q1 gbɛ̃vãiↄ ìↄ bɛ ń yↄ̃̀ↄo gupiiuɛ.
\c 13
\s1 Lɛzua Luazi
\d Davidi lɛ.
\q1
\v 1 E bↄɛ, Dii?
\q1 Ma yã́ aↄ sãangu gↄↄpii yã̀?
\q1 N mikpɛ aↄ dↄamɛɛ e bↄɛ ni?
\q1
\v 2 Máↄ dɛ̃ɛka ń ma làasooↄ e bↄɛ ni?
\q1 Ma pↄ ìↄ sia lá gu lɛ́ dↄ,
\q1 ma ibɛɛ aↄ gbãablea e bↄɛ ni?
\b
\q1
\v 3 Dii ma Lua, ma gwa ní ma yãma.
\q1 Ma oa weemɛɛ,
\q1 kɛ́ másu ga i oo yã́i,
\q1
\v 4 kɛ́ ma ibɛɛ su mɛ a tidↄ̀malao,
\q1 kɛ́ ma wɛ̀lɛↄ su pↄnakɛ ma fua yã́ musuo.
\b
\q1
\v 5 Málɛ n gbɛ̃kɛ náaikɛ,
\q1 ma pↄ na kɛ́ ńyↄ̃ ma suaba.
\q1 Má lɛsi Diiɛ,
\q1 asa à yãmaakɛ̀mɛɛ.
\c 14
\s1 Mìsaide yã'oa
\r (Soũ 53)
\d Davidi lɛ.
\q1
\v 1 Mìsaideↄ ì o ń sↄ̃ guu Lua kuo.
\q1 Aa ↄ̃̀ↄkpà, an yãkɛa vãi,
\q1 yãmaakɛna kú ń guuo.
\q1
\v 2 Za musu Dii ì wɛ́tɛ gbɛ̃nazĩnaↄzi,
\q1 ì gwa tó gbɛ̃e ↄ̃nↄ kà a kĩ́i wɛɛlɛa.
\q1
\v 3 Aa sã̀sã píi, aa gↄ̃̀ dↄ̀ↄsai míↄmiↄ,
\q1 yãmaakɛna kuo, baa do.\f + \fr 14.3 \fr*\ft Lom 3.10-12\ft*\f*
\b
\q1
\v 4 Vãikɛna wɛ́ lí gu'eo lé?
\q1 Aaì ma gbɛ̃́ↄ mↄ́mↄ lán úwa,
\q1 aali lɛzu Diizio.
\b
\q1
\v 5 Gwa, vĩa a ń kṹ we maamaa,
\q1 asa Lua a zɛ ń gbɛ̃maaↄ.
\q1
\v 6 Vãikɛna ì kpa taasideɛ a pↄeãu,
\q1 kási sↄ̃ Dii mɛ́ taaside ulɛkĩi ũ.
\b
\q1
\v 7 Lua, bↄ Siↄna mↄ ǹ Isailiↄ bↄ!
\q1 Tó Dii sù ń a gbɛ̃́ↄ ń pá ziu,
\q1 Yakↄbu buiↄ pↄnakɛ,
\q1 Isailiↄ yáalↄ.
\c 15
\s1 Luayãmana yã'oa
\d Davidi lɛ.
\q1
\v 1 Dii, démɛ zɛvĩ à gɛ̃ n uai?
\q1 Démɛ a fↄ̃ àↄ ku n gbɛ̀sĩsĩ musui?
\q1
\v 2 Gbɛ̃́ pↄ́ ìↄ ku tàaesai,
\q1 mɛ́ ì yãkɛ a zɛ́wa,
\q1 mɛ́ ì sĩana'o ń nↄ̀sɛmɛndoo.
\q1
\v 3 Ìli yãdↄ gbɛ̃ewao,
\q1 ìli tàaekɛ a gbɛ̃́deeɛo,
\q1 ìli a gbɛ̃do sↄ̃́sↄ̃o.
\q1
\v 4 Ì saka luayãdansaiↄgu,
\q1 ì luayãmanaↄ kpɛla.
\q1 Ìli a lɛgbɛ̃a lilɛo,
\q1 baa tó à kɛ̀ɛ̀ zĩ'ũ.
\q1
\v 5 Ìli ↄ̃a sɛ̃anɛ́ à a igbào,
\q1 ìli bↄ gbɛ̃́ pↄ́ a yã́ kú kpɛ ↄsãsãa yã́io.
\b
\q1 Gbɛ̃́ pↄ́ ì kɛ màa a kpagua bauo.
\c 16
\s1 Naa Luazi
\d Davidi lɛ.
\q1
\v 1 Ma dↄ̃́a Lua,
\q1 ḿmɛ ma nanzi.
\q1
\v 2 Má ò Diiɛ ma diin n ũ,
\q1 ḿmɛ ń ma aafia ũ.
\q1
\v 3 N gbɛ̃́ pↄ́ kú ma bùsuuↄ
\q1 mɛ́ dɛ gawide pↄ́ ì kamaguↄ ũ.
\q1
\v 4 Gbɛ̃́ pↄ́ aaì wã gɛ́ tã́a kĩ́iↄ
\q1 aaì yã'ↄ̃ma kpá ńzĩaziɛ.
\q1 Má sa'o'i tↄ̃́lɛńnↄo,
\q1 wa ń tã́aↄ tↄ́ ma ma lɛ́uo.
\q1
\v 5 Dii, n ma ka ma baawa,
\q1 ma wɛ̃ni ku n ↄzĩɛ.
\q1
\v 6 N kↄↄ dàmɛɛ gumaau,
\q1 gba pↄ́ ń dàmɛɛ kàmagu.
\b
\q1
\v 7 Má Dii táasilɛ kɛ́ ì lɛdaa,
\q1 baa gwã́ ì to ma sↄ̃ ma gba laai.
\q1
\v 8 Miↄ Dii e ma wɛ́u gↄↄpii,
\q1 lá a kumanↄ, má kpaguao.
\q1
\v 9 Bee yã́i ma pↄ ìↄ na,
\q1 ma nↄ̀sɛ ìↄ yáalↄ,
\q1 ma wɛ́ dↄi lↄ ma mɛ aↄ ku aafia.
\q1
\v 10 Asa ńyↄ̃ ma to miauo,
\q1 ńyↄ̃ we n yãmana yaikɛo.\f + \fr 16.10 \fr*\ft Zĩn 13.35\ft*\f*
\q1
\v 11 N ma ka wɛ̃ni zɛ́wa,
\q1 n kĩ́i pↄna ìↄ pɛɛau,
\q1 pↄmaaↄ ku n ↄzĩ gↄↄpii.\f + \fr 16.11 \fr*\ft Zĩn 2.25-31\ft*\f*
\c 17
\s1 Wabikɛa
\d Davidi wabikɛa.
\q1
\v 1 Dii, ma yãma,
\q1 asa ma yã́ naɛ,
\q1 swãdↄ ma wiilɛai,
\q1 ma wabikɛa ma,
\q1 asa málɛ kɛ ń mↄafilioo.
\q1
\v 2 N kĩ́i má yãna eu,
\q1 n wɛ́ lɛ́ yã́ pↄ́ zɛvĩ e sã́asã.
\q1
\v 3 N ma sↄ̃ gwà, n wɛ́tɛmazi gwã́,
\q1 n ma tàasikà, ni yãe eao,
\q1 asa ma zɛò ma lɛ́ a ma kalikɛ̃o.
\q1
\v 4 Mili tɛ́ gbɛ̃nazĩna yãkɛaↄzio,
\q1 mili gbɛ̃́ pãsĩↄ ↄlɛsɛo.
\q1
\v 5 Ma bɛ n zɛ́u súsu,
\q1 mi pãalɛ n yã́ɛo.
\b
\q1
\v 6 Málɛ lɛzunzi, asa ńyↄ̃ wea.
\q1 Lua, swã́sɛ ma wabikɛai.
\q1
\v 7 Ǹ n gbɛ̃kɛ bↄnsaɛ kɛmɛɛ,
\q1 gbɛ̃́ pↄ́ nànziↄ bↄ ń ibɛɛↄ ↄzĩ.
\q1
\v 8 Laaidↄa lá ń wɛ́bɛsianawa,
\q1 ní ma sↄlↄ n kúlukulunau.
\q1
\v 9 Ma si gbɛ̃vãi pↄ́ aaì ĩadaaↄwa,
\q1 ma ibɛɛ pↄ́ liaamazipiↄ.
\q1
\v 10 Aali gbɛ̃e wɛgwao,
\q1 an lɛ́ ì yↄ̃̀ↄ yã'o.
\q1
\v 11 Aa pɛ̀lɛmazi aa lìamazi,
\q1 aa wɛbìia kɛ́ aa e ma pã́lɛ zĩ́lɛ.
\q1
\v 12 Aa ye ma taitai
\q1 lán nↄ̀ↄmusu nↄandɛnawa,
\q1 lán nↄ̀ↄkusi pↄ́ naalɛa gusaɛnawa.
\b
\q1
\v 13 Dii, fɛlɛ dańlɛ, ní ń kwɛ́,
\q1 ma si gbɛ̃vãipiↄwa ń n fɛ̃ndao,
\q1
\v 14 ma bↄ gbɛ̃́piↄ ↄzĩ ń n gbãao.
\q1 An baa ku dṹniaɛ bee guu,
\q1 an àizɛɛ ìↄ dińzi, an nɛ́ↄ ì kã́,
\q1 aaì pↄ́ pↄ́ fɛ̃̀ↄ kálɛ ń nɛ́piↄnɛ.
\q1
\v 15 Má wɛsinlɛ ma nↄ̀sɛmaa yã́i,
\q1 tó ma n e ma vugↄↄ, bee a mↄa.
\c 18
\s1 Zĩblea sáaukpaa
\r (2Sam 22.1-51)
\d Lɛ pↄ́ Dii zↄ̀blena Davidi sìɛ̀ gↄↄ pↄ́ à aà bↄ̀ Saulu ń aà ibɛɛ kĩniↄ ↄzĩ.
\q1
\v 1 Má yenzi Dii,
\q1 ḿmɛ ń ma gbãa ũ.
\b
\q1
\v 2 Lua mɛ́ ma gbɛsi ũ,
\q1 mi naaàzi,
\q1 ma Lua mɛ́ ma zɛgikĩi ũ,
\q1 ì ma misi.
\q1 A dɛ ma sɛ̀ngbao ũ,
\q1 má aà náai vĩ,
\q1 a dɛ ma suaban gbãa ũ,
\q1 ì ma dↄ̃́a.
\q1
\v 3 Dii kà wà aà sáaukpa.
\q1 Mi lɛzuaàzi,
\q1 ì ma bↄ ma ibɛɛↄ ↄzĩ.
\q1
\v 4 Gó kpàlɛmanↄ,
\q1 kaalɛ swa lɛ́ ma ble.
\q1
\v 5 Mia baↄ galakpàmɛɛ,
\q1 ga baikpàmɛɛ ma aɛ.
\q1
\v 6 Ma yeelɛa guu màa ma Dii sìsi,
\q1 ma lɛzù ma Luazi,
\q1 ↄ̃ à ma lↄↄ mà za a bɛ,
\q1 ma wii kàwà, à gɛ̃̀ aà swã́u.
\b
\q1
\v 7 Tↄↄlɛ lùalua à zĩ̀azĩa,
\q1 gbɛ̀sĩsĩↄ dèedee ń zĩ́nau,
\q1 aa lùalua kɛ́ aà pↄ pà yã́i.
\q1
\v 8 Súɛlɛ bↄ̀ aà níu,
\q1 tɛ́ pↄ́ ì kṹmá bↄ̀ aà lɛ́u,
\q1 a yↄ̃ↄ lɛ́ pipi aà aɛ.
\q1
\v 9 À gu kɛ̃̀aa musu à pìla,
\q1 lou sìsi aà gbá zíɛ.
\q1
\v 10 Àlɛ vua dia malaika gã̀sĩade kpɛ,
\q1 àlɛ yàakpa ń ĩ́anao.
\q1
\v 11 À gusia kù azĩala,
\q1 à luabɛsiana kɛ̀ a kúkĩi ũ.
\q1
\v 12 Lousisia dↄ̀aa aà gawi pílɛaɛ,
\q1 lougbɛ kwɛ̀, lou pìlɛpilɛ pãsĩpãsĩ.
\q1
\v 13 Dii Musude pàla za musu,
\q1 aà lↄↄ dↄ louvĩa ũ.
\q1
\v 14 À ka fã̀ ma ibɛɛↄgu à ń fãaa,
\q1 Lua sùmá à ń yá.
\q1
\v 15 Kɛ́ n palamá Dii,
\q1 ísia tↄↄlɛ bↄ̀ gupuau,
\q1 kɛ́ n pↄbↄ̀ n níu,
\q1 dṹnia zĩ́na bↄ̀ puizi.
\b
\q1
\v 16 À ↄbↄ̀ za musu à ma kũ,
\q1 à ma bↄ ísiu.
\q1
\v 17 À ma si ma ibɛɛ gbãawa
\q1 ń ma wɛ̀lɛ pↄ́ an gbãa dɛmalaↄ.
\q1
\v 18 Aa ã̀naa ma wɛ̃nakɛgↄↄ,
\q1 ↄ̃ Dii zɛ̀manↄ.
\q1
\v 19 À ma bↄ à ma gba dɛ̀ɛpookĩi,
\q1 à ma mìsi kɛ́ a yemazi yã́i.
\b
\q1
\v 20 Dii yãkɛ̀mɛɛ ma nↄ̀sɛmaa lɛ́u,
\q1 à fĩabòmɛɛ ma gbãsĩsai lɛ́u.
\q1
\v 21 Asa má Dii yãdilɛaↄ kũa,
\q1 mi vãikɛ ma a Lua tò weo.
\q1
\v 22 Aà ikoyãↄ ìↄ dↄaaamɛɛ,
\q1 mi bↄ yã́ pↄ́ a dìlɛↄ kpɛo.
\q1
\v 23 Ma kua tàae vĩ Diiɛo,
\q1 má azĩa kũa duunasai.
\q1
\v 24 Dii fĩabòmɛɛ ma nↄ̀sɛmaa lɛ́u,
\q1 asa a è má kú gbãsĩsaiɛ.
\b
\q1
\v 25 Ń náai vĩ náaideↄnɛ,
\q1 tàaesaiden n ũ tàaesaideↄnɛ.
\q1
\v 26 Ń wásawasa gbɛ̃́ wásawasaↄnɛ,
\q1 ãma ni kↄ̃nikɛ gbɛ̃́ dↄ̀ↄsaiↄnɛ.
\q1
\v 27 Ni zĩabusanaↄ suaba,
\q1 ni gbɛ̃́ pↄ́ aaì ńzĩa sɛ lɛsĩↄ busa.
\q1
\v 28 Dii, ni ma filia tɛfɛlɛ,
\q1 ma Lua, ni ma gusia lilɛ gupua ũ.
\q1
\v 29 Ń n gbãao má fↄ̃ kuadi kaawa,
\q1 ń ma Lua dↄnlɛo má fↄ̃ vĩ gĩa.
\b
\q1
\v 30 Luapi sↄ̃, aà yãkɛa bↄ̀lɛi.
\q1 Dii yã́ sãa vĩo.
\q1 A dɛ sɛ̀ngbao ũ gbɛ̃́ pↄ́ nàaziↄnɛ.
\q1
\v 31 Dii bàasio, démɛ Lua ũi?
\q1 Wá Lua bàasio, démɛ gbɛsi ũi?
\q1
\v 32 Lua mɛ́ ì ma gba gbãa,
\q1 ↄ̃mɛ ì zɛpoomɛɛ súsu.
\q1
\v 33 Ì to ma wá nakũ lán tuewa,
\q1 ì to màↄ bɛ bùsu gulɛsĩↄ musu.
\q1
\v 34 Ì zĩkaa dadamɛɛ
\q1 e ma gã̀sĩ fↄ̃ mↄgotɛ̃ sá gá.
\b
\q1
\v 35 Ni n zĩblesɛ̀ngbao kpaa,
\q1 ń ma kũa ń n ↄplaao,
\q1 ni naalɛ ǹ ma tↄbↄ.
\q1
\v 36 Ni ma zɛ́ yàasa kũmɛɛ,
\q1 ↄ̃ ma gbá lí gbãlɛo.
\q1
\v 37 Ma pɛlɛ ma wɛ̀lɛↄzi ma ń kũkũ,
\q1 mi kpɛkpao e ma gɛ ń dɛdɛò.
\q1
\v 38 Ma ń wiwi, aai e fɛ̀lɛo,
\q1 aa kwɛ̀ gↄ̃̀ kálɛa ma gbá zíɛ.
\q1
\v 39 N ma gba gbãa, ma zĩkàò,
\q1 ń tò ma ibɛɛↄ mikpàa.
\q1
\v 40 Ń tò ma wɛ̀lɛↄ kpɛkpà,
\q1 ↄ̃ ma a zangudepiↄ mìdɛ.
\q1
\v 41 Aa wiilɛ̀, gbɛ̃e i ń suabao,
\q1 aa lɛzù Diizi, i yãmamáo.
\q1
\v 42 Ma ń kɛ́ búɛbuɛ
\q1 lán luutɛ̃ pↄ́ ĩ́ana sɛ̀wa,
\q1 ma táa'òmá lán zɛ́ guu pɛ̀lɛawa.
\b
\q1
\v 43 N ma bↄ gbɛ̃́ pↄ́ fɛ̀lɛmanↄↄ ↄzĩ,
\q1 n ma kɛ buiↄ mide ũ.
\q1 Gbɛ̃́ pↄ́ má ń dↄ̃oↄ lɛ́ zↄblemɛɛ.
\q1
\v 44 Bui zĩ̀loↄ ì vlãnaumɛɛ,
\q1 tó aa ma yãmà, aaì misiilɛmɛɛ.
\q1
\v 45 Buipãleↄ kúsu ì kwɛ́,
\q1 aaì bↄ ń zɛgikĩiↄu ń lualuao.
\b
\q1
\v 46 Dii ku! Báaaden ma gbɛsi ũ!
\q1 Wà Lua ma Suabana tↄbↄ.
\q1
\v 47 Lua mɛ́ ì tↄsimɛɛ,
\q1 ì buiↄ totomɛɛ.
\q1
\v 48 Ń tò ma pili ma ibɛɛↄwa,
\q1 n ma gba gbãa dɛ ma wɛ̀lɛↄla,
\q1 n ma bↄ gbɛ̃́ pãsĩↄ ↄzĩ.
\q1
\v 49 A yã́i má n sáaukpa buiↄnɛ,
\q1 má n táasilɛ, Dii.\f + \fr 18.50 \fr*\ft Lom 15.9\ft*\f*
\q1
\v 50 Dii ì zĩ̀ zↄ̃ↄ ble kía pↄ́ á sɛ̀ɛ,
\q1 ì gbɛ̃kɛkɛ kía pↄ́ á kpàpiɛ,
\q1 ma Davidi ń ma buiↄ e gↄↄpii.
\c 19
\s1 Luabɛ gawi ń Lua yã gawio
\d Davidi lɛ.
\q1
\v 1 Musu ì Lua gawi bↄ gupuau,
\q1 bàluma pↄ́ↄ ì aà zĩ ↄlↄnɛ́.
\q1
\v 2 Ìↄ yãdanɛ́ lá gu lɛ́ dↄ,
\q1 ì dↄ̃a kpámá gwã́ ń gwã́o.
\q1
\v 3 Ìli yã'oo, aà yã'oa bui kuo,
\q1 wìli a kĩ́a mao.
\q1
\v 4 Aà lↄↄ ì gɛ́ dṹnia guu píi,
\q1 aà yã'oa ì gɛ́ e tↄↄlɛ lɛ́wa.\f + \fr 19.5 \fr*\ft Lom 10.18\ft*\f*
\b
\q1 Lua kpɛdↄ̀ ĩatɛ̃ɛ we,
\q1
\v 5 ì bↄ kpɛ́u à bilɛ lán nↄsɛnawa,
\q1 ì fɛlɛ ń táo ń pↄnao lán nɛgↄ̃nawa.
\q1
\v 6 Ì fɛlɛ luabɛ lɛ́la,
\q1 ì pãa gɛ́ e a lɛ́le,
\q1 pↄe líↄ ulɛa a pusuio.
\b
\q1
\v 7 Dii ikoyã paɛa,
\q1 ì ń nↄ̀sɛ níninɛ́.
\q1 Dii yã́ náai vĩ,
\q1 ì lɛda ↄ̃nↄsaideↄwa.
\q1
\v 8 Dii ì ↄtona dↄnɛ́ súsu,
\q1 ì ń pↄ kɛ na.
\q1 Dii yãdilɛaↄ gbãsĩ vĩo,
\q1 ì ń oa weenɛ́.
\q1
\v 9 Misiilɛa Diiɛ zɛ́pi wɛbↄa,
\q1 waↄ tɛi gↄↄpii,
\q1 Dii yã́kpalɛkɛa sĩana vĩ,
\q1 yã́pi ìↄ maa wásawasa.
\q1
\v 10 Aà yãmaa dɛ vuaa, baa vua maa,
\q1 a na dɛ zↄ́'ia, baa zↄ́ bùsu.
\q1
\v 11 Ni lɛda mapi n zↄ̀blenawa,
\q1 gbɛ̃́ pↄ́ n yã́ kũa ài ìↄ zↄ̃ↄ.
\b
\q1
\v 12 Démɛ a fↄ̃ yã́ pↄ́ álɛ zãwàↄ dↄ̃i?
\q1 Sùuukɛmanↄ ń ma tàae pↄ́ ulɛaↄ.
\q1
\v 13 Ńsu to mapi n zↄ̀blena dↄ́ɛnnↄo,
\q1 duuna su gbãableao,
\q1 míↄ kú wásawasa tàae zↄ̃ↄ sai.
\b
\q1
\v 14 To yã́ pↄ́ lɛ́ bↄ ma lɛ́u
\q1 ń làasoo pↄ́ kú ma sↄ̃uo kangu
\q1 Dii, ma gbɛsi, ma Suabana.
\c 20
\s1 Zĩblea wabikɛa
\d Davidi lɛ.
\q1
\v 1 Dii sinnↄ n yeelɛa guu,
\q1 Yakↄbu buiↄ Lua n sɛ lɛsĩ.
\q1
\v 2 Kua za aà kúkĩi a n suaba,
\q1 kua za Siↄna a dↄnlɛ.
\q1
\v 3 Aà n sa'oa píi sí,
\q1 n sa'obↄↄ i dↄaàgu.
\q1
\v 4 Aà pↄ́ pↄ́ n pↄ gbà kpama,
\q1 aà to ǹ yã́ pↄ́ ńlɛ yá le,
\q1
\v 5 wí gulakɛ zĩ pↄ́ ń blè yã́ musu,
\q1 wí dàlapoo da ń wá Lua tↄ́o.
\q1 Dii wabi pↄ́ ń kɛ̀ sinnↄ píi.
\b
\q1
\v 6 Má dↄ̃̀ sa Dii ì kía pↄ́ a kpà suaba,
\q1 ì siaànↄ za a bɛ pↄ́ a kua adoau,
\q1 i to aà zĩble ń a gã̀sa gbãao.
\q1
\v 7 Gbɛ̃eↄ ì zĩkasↄ̃goↄ náaikɛ,
\q1 gbɛ̃eↄ ì sↄ̃́ↄ náaikɛ,
\q1 wápiↄ sↄ̃, Dii wá Lua náai wi kɛ.
\q1
\v 8 Ampiↄ, aa kúlɛ aa lɛ́lɛ,
\q1 wápiↄ sↄ̃ wáↄ zɛa gíũgiũɛ.
\b
\q1
\v 9 Dii, to kí zĩble,
\q1 tó wa lɛzùnzi, síwanↄ.
\c 21
\s1 Zĩblea sáaukpaa
\d Davidi lɛ.
\q1
\v 1 Dii, kí lɛ́ pↄnakɛ ń n gbãao,
\q1 aà pↄ na maamaa kɛ́ ń tò à zĩblè.
\q1
\v 2 N pↄ́ pↄ́ aà pↄ gbà kpàwà,
\q1 ni gí aà wabikɛa síiaànↄo.
\q1
\v 3 N danlɛ kɛ̀ɛ̀ ń ɛ̀fãai zↄ̃ↄo,
\q1 n vua fùa kpàɛ̀.
\q1
\v 4 À wɛ̃ni gbɛ̀ama, ↄ̃ ń kpàwà,
\q1 ń tò a ku e gↄↄpii.
\q1
\v 5 Aà gawi zↄ̃ↄ kɛ́ ń tò à zĩblè,
\q1 n gawi ń zↄ̃ↄkɛo kpàwà.
\q1
\v 6 Niↄ báaadaaàgu gↄↄpii,
\q1 n kuaaànↄ tò aà pↄ kɛ̀na.
\q1
\v 7 Asa kí Dii náai vĩ,
\q1 kua Musude gbɛ̃kɛu a kpaguao.
\b
\q1
\v 8 Ńyↄ̃ ↄdiɛ n ibɛɛↄwa,
\q1 ńyↄ̃ n wɛ̀lɛↄ kṹ ń n ↄplaao.
\q1
\v 9 Ńyↄ̃ ń kɛ mua yàa ũ n mↄgↄↄ,
\q1 Dii a ń míↄnzↄ̃ a pↄfɛ̃gↄↄ,
\q1 i to tɛ́kũmá.
\q1
\v 10 Ńyↄ̃ ń nɛ́ↄ midɛ dṹnia guu,
\q1 ní ń buiↄ kɛ̃ gbɛ̃nazĩnaↄwa.
\q1
\v 11 Baa tó aa lɛkpàaĩnzi,
\q1 an pↄeã a fↄ̃ zĩkɛo.
\q1
\v 12 Ńyↄ̃ ka dↄdↄ ń wɛ́wa,
\q1 ńyↄ̃ to aa kpɛkpa.
\b
\q1
\v 13 N gbãa guu, Dii, ǹ nzĩa kã́fĩ,
\q1 wí lɛsi wà n gↄ̃sakɛ táasilɛ.
\c 22
\s1 Wiilɛa Luawa
\d Davidi lɛ.
\q1
\v 1 Ma Lua, ma Lua,
\q1 bↄ́yãi n ma to wei?\f + \fr 22.2 \fr*\ft Mat 27.46, Maa 15.34\ft*\f*
\q1 Ma wiilɛ̀,
\q1 àkɛa ńlɛ mↄ́ ma suabaio ni?
\q1
\v 2 Ma Lua, ma lɛzùnzi fãanɛ,
\q1 ni weao,
\q1 ma wiilɛ̀ma gwãasĩna,
\q1 ↄ̃ ń nílɛ.
\b
\q1
\v 3 N kua adoa, ń zↄ̃lɛa báawa,
\q1 ↄ̃ Isailiↄ ì ń táasilɛ.
\q1
\v 4 Ḿmɛ wá deziↄ n náaikɛ̀,
\q1 aa n náaikɛ̀ ↄ̃ n ń mìsi.
\q1
\v 5 Aa lɛzùnzi ↄ̃ aa bↄkĩi è,
\q1 aa n náaikɛ̀ ↄ̃ wí i ń kũo.
\b
\q1
\v 6 Kↄ̀ↄtɛ̃n ma ũ, gbɛ̃nazĩnan ma ũo,
\q1 wàlɛ ma sↄ̃sↄ̃, wàlɛ sakamagu.
\q1
\v 7 Gbɛ̃́ pↄ́ lɛ́ ma gwaↄ lɛ́ ma yáalↄ,
\q1 aalɛ lɛsuikɛa,
\q1 aalɛ mikɛ déũdeũ aalɛ mɛ:\f + \fr 22.8 \fr*\ft Mat 27.39, Maa 15.29, Luk 23.35\ft*\f*
\q1
\v 8 Lá àlɛ Dii náaikɛ, aà aà bↄ,
\q1 tó aà yã́ kàaàguɛ, aà aà misi.\f + \fr 22.9 \fr*\ft Mat 27.43\ft*\f*
\q1
\v 9 Ḿmɛ n ma bↄ ma da nↄ̀sɛu,
\q1 n ma dↄ aà yↄ̃́wa.
\q1
\v 10 Má na n ↄzĩ za nɛasakpɛuɛ,
\q1 ń dɛ ma Lua ũ za ma da nↄ̀sɛu.
\q1
\v 11 Ńsu ǹyↄ̃ kumanↄ zã̀o,
\q1 asa taasi lɛ́ mɛkpa,
\q1 mɛ́ gbɛ̃e ku à dↄmalɛo.
\b
\q1
\v 12 Wa liaamazi dasidasi lán zugaaeↄwa,
\q1 wa pooamazi lán Basana zuswanaↄwa.
\q1
\v 13 Wàlɛ lɛdↄdↄa lán nↄ̀ↄmusu ↄↄlↄna pↄ́ aalɛ pↄ́ taitaiↄwa.
\q1
\v 14 Ma gbãa gɛ̃̀zɛa lán í kↄ́lɛawa,
\q1 ma guↄ bↄ̀ↄũ píi,
\q1 ma mɛ yↄ̀ lán zↄsawa.
\q1
\v 15 Ma kòlo giigàga lán pɛ̃nkasowa,
\q1 ma lɛ́na nàalɛ ma lɛ́ musu.\f + \fr 22.16 \fr*\ft Zãa 19.28\ft*\f*
\q1 Wà ma wulɛ lán gɛwa bùsutiu.
\b
\q1
\v 16 Gbɛ̃́ↄ liaamazi dasidasi lán gbɛ̃ↄwa,
\q1 gbɛ̃vãipiↄ nↄ̀nↄaamazi,
\q1 aa ma ↄↄ ń ma gbáↄ fↄ̃̀fↄ̃.\f + \fr 22.17 \fr*\ft Zãa 20.27\ft*\f*
\q1
\v 17 Má fↄ̃ mà a wáↄ nao píi.
\q1 Wà wɛbìibii, wàlɛ ma gwa,
\q1
\v 18 wàlɛ ma pↄkasaↄ kpaalɛ,
\q1 wàlɛ tɛ́lɛpa ma ulatao yã́ musu.\f + \fr 22.19 \fr*\ft Mat 27.35, Maa 15.24, Luk 23.34, Zãa 19.24\ft*\f*
\b
\q1
\v 19 Dii, ńsu ǹyↄ̃ kumanↄ zã̀o,
\q1 ḿmɛ ń ma gbãa ũ,
\q1 mↄ dↄmalɛ kpakpa,
\q1
\v 20 ma bↄ an fɛ̃nda lɛ́zĩ,
\q1 ma wɛ̃ni si gbɛ̃piↄ swaawa,
\q1
\v 21 ma bↄ nↄ̀ↄmusupiↄ lɛ́zĩ,
\q1 ma si zùsɛ̃lɛpiↄ kↄ́bawa,
\q1
\v 22 mí n tↄbↄ ma gbɛ̃́ↄnɛ,
\q1 mí n táasilɛ kↄ̃kãaa guu.\f + \fr 22.23 \fr*\ft Ɛbɛ 2.12\ft*\f*
\b
\q1
\v 23 Á Dii vĩakɛnaↄ, à aà táasilɛ,
\q1 á Yakↄbu buiↄ, à aà tↄbↄ,
\q1 á Isailiↄ, à misiilɛɛ̀.
\q1
\v 24 Asa i saka taasideguo,
\q1 i aà wɛ̃nadekɛ yaboo,
\q1 i mikpɛdↄɛ̀o,
\q1 à swãkpà aà wiilɛai.
\b
\q1
\v 25 Má n táasilɛ balu guu,
\q1 má lɛ́ pↄ́ má kɛ̀ma fĩabo n vĩakɛnaↄ wáa.
\q1
\v 26 Taasideↄ pↄble aa kã́,
\q1 Dii kĩ́i wɛ̀ɛlɛnaↄ aa aà táasilɛ,
\q1 aaiↄ ku gↄↄpii.
\b
\q1
\v 27 Dṹnia bṹu gbɛ̃́ↄ Dii dↄ̃, aai zɛaànↄ,
\q1 bui pↄ́ kúuↄ kúlɛɛ̀ píi,
\q1
\v 28 asa kpalableaá Dii yã́ɛ,
\q1 ì kible bui píiwa.
\q1
\v 29 Dṹnia gbãadeↄ kúlɛɛ̀ píi,
\q1 gbɛ̃́ pↄ́ gɛ̀ gɛ́kĩiↄ misiilɛɛ̀ píi.
\q1
\v 30 An buiↄ zↄbleɛ̀,
\q1 aa Dii yã́ dau siu ziadeↄnɛ,
\q1
\v 31 aai o gbɛ̃́ pↄ́ wi ń i yãaoↄnɛ
\q1 lá à yãnakpàmá,
\q1 asa a kɛ̀.
\c 23
\s1 Dii mɛ́ ma dãna ũ
\d Davidi lɛ.
\q1
\v 1 Dii mɛ́ ma dãna ũ,\f + \fr 23.1 \fr*\ft Zãa 10.11, 1Piɛ 2.25\ft*\f*
\q1 pↄe a kɛ̃́sãao.
\q1
\v 2 Ì ma wúlɛ sɛ̃̀bↄlↄkĩi,
\q1 ì gɛmanↄ í kílikili saɛ.\f + \fr 23.2 \fr*\ft Zia 7.17\ft*\f*
\q1
\v 3 Ì ma nↄ̀sɛ nínimɛɛ,
\q1 ì dↄaamɛɛ zɛ́ maaↄ guu a tↄ́ yã́i.
\b
\q1
\v 4 Baa tó má bɛ gusisi pãsĩu,
\q1 má vãi vĩakɛo, asa ń kumanↄ,
\q1 n sↄ̃na ń n goo ì ma gba sↄ̃.
\b
\q1
\v 5 Ni blɛkalɛ ma aɛ ma ibɛɛↄ wáa,
\q1 ni nísidↄↄ ma miwa,
\q1 ni íka ma toona pai yɛlɛlɛ.
\q1
\v 6 Nama ń gbɛ̃kɛo aↄ kumanↄ gↄↄpiiɛ,
\q1 míↄ ku Dii ua e ma wɛ̃ni lɛ́u.
\c 24
\s1 Dii gɛ̃a a kpɛ́u
\d Davidi lɛ.
\q1
\v 1 Tↄↄlɛ ń pↄ́ pↄ́ kuwàↄá Dii pↄ́ɛ,\f + \fr 24.1 \fr*\ft 1Kln 10.26\ft*\f*
\q1 dṹnia ń gbɛ̃́ pↄ́ kú a guuↄ píi.
\q1
\v 2 À tↄↄlɛ zĩ́napɛ̀lɛ ísiau,
\q1 a kàlɛ ń swaↄ.
\b
\q1
\v 3 Démɛ zɛvĩ à dɛdɛ Dii sĩ̀sĩwai?
\q1 Démɛ a fↄ̃ gɛ̃ aà uai?
\q1
\v 4 Gbɛ̃́ pↄ́ tàae vĩo mɛ́ aà nↄ̀sɛ pua,\f + \fr 24.4 \fr*\ft Mat 5.8\ft*\f*
\q1 mɛ́ ìli zɛ ń tã́aↄo,
\q1 mɛ́ ìli lɛgbɛ̃ ń mↄafilioo.
\q1
\v 5 Dii a báaada adegu,
\q1 Lua aà Suabana a to yã́ bↄaànↄ na.
\q1
\v 6 Màa a dɛ ń aà kĩ́i wɛ̀ɛlɛnaↄ,
\q1 Yakↄbu buiↄ Lua aɛyanapiↄ.
\b
\q1
\v 7 À bĩ́ibↄlɛↄ wɛ̃wɛ̃,
\q1 à gbà ziↄ wɛ̃wɛ̃,
\q1 í tó Kía gawide\f + \fr 24.7 \fr*\ft 1Kln 2.8\ft*\f* gɛ̃.
\q1
\v 8 Démɛ Kía gawidepi ũi?
\q1 Dii nɛgↄ̃n gbãaɛ,
\q1 Dii zĩ̀kan gbãaɛ.
\q1
\v 9 À bĩ́ibↄlɛↄ wɛ̃wɛ̃,
\q1 à gbà ziↄ wɛ̃wɛ̃,
\q1 í tó Kía gawide gɛ̃.
\q1
\v 10 Démɛ Kía gawidepi ũi?
\q1 Dii Zĩgↄ̃de mɛ́ Kía gawidepi ũ.
\c 25
\s1 Lua wá dↄ̃̀ana
\d Davidi lɛ.
\q1
\v 1 Dii, ma azĩa kpàmaɛ,
\q1
\v 2 ma Lua, málɛ n náaikɛ.
\q1 Ńsu to wí ma kũo,
\q1 ńsu to ma ibɛɛↄ tidↄmalao.
\q1
\v 3 Wí a gbɛ̃́ pↄ́ an wɛ́ dↄnziↄ kũo,
\q1 sema gbɛ̃́ pↄ́ bↄ̀ n kpɛ pãↄ.
\b
\q1
\v 4 Dii, ǹ n zɛ́ ↄlↄmɛɛ,
\q1 ní n yã́ dadamɛɛ.
\q1
\v 5 Gɛmanↄ n sĩanau, ní dadamɛɛ,
\q1 asa Lua ma Suabanan n ũ,
\q1 ma wɛ́ ìↄ dↄnziɛ gↄↄpii.
\q1
\v 6 N sùuu ń n gbɛ̃kɛo aↄ dↄngu,
\q1 asa ń vĩ za káauɛ, Dii.
\q1
\v 7 Ńsu tàae pↄ́ má kɛ̀ↄ yãdao
\q1 ge duuna pↄ́ má kɛ̀ ma ɛ̀waasogↄↄ.
\q1 Ma yã́ àↄ dↄngu gbɛ̃kɛ guu,
\q1 kɛ́ ń maa yã́i, Dii.
\b
\q1
\v 8 Dii maa, ì yãkɛ a zɛ́wa,
\q1 bee yã́i ì a yãdada duunkɛnaↄnɛ.
\q1
\v 9 Ì zĩabusanaↄ da a zɛ́wa,
\q1 ì yãmaa dadanɛ́.
\q1
\v 10 Dii ìↄ gbɛ̃kɛ ń náaio vĩ
\q1 ń gbɛ̃́ pↄ́ zɛ̀ ń a bàakuańnↄ yã́o.
\q1
\v 11 Baa kɛ́ ma duuna zↄ̃ↄ Dii,
\q1 sùuukɛmanↄ n tↄ́ yã́i.
\q1
\v 12 Démɛ Dii vĩa vĩi?
\q1 Dii ì ade da zɛ́ pↄ́ dɛ aà sɛwa.
\q1
\v 13 Ade aↄ ku nama guu,
\q1 aà buiↄ mɛ́ aa gↄ̃ ń bùsu vĩ.
\q1
\v 14 Dii gbɛ̃kɛ vĩ ń a vĩakɛnaↄ,
\q1 ì to aaↄ a bàakuańnↄ yã́ dↄ̃.
\q1
\v 15 Ma wɛ́ ìↄ pɛ Diiwa gↄↄpii,
\q1 asa ↄ̃mɛ ì ma gbá bↄ bau.
\b
\q1
\v 16 Ma wɛgwa, wɛ̃nadↄ̃mɛɛ,
\q1 asa má kú mado ń taasio.
\q1
\v 17 Ma yã'ↄ̃maↄ kↄ̃̀ ma nↄ̀sɛ guu,
\q1 ma bↄ ma wɛ́tɛ̃api guu.
\q1
\v 18 Ma taasi ń ma pↄsiao gwa,
\q1 ní ma duuna woloa píi.
\q1
\v 19 Gwa lá ma ibɛɛↄ lìgua,
\q1 aa zamagu pãsĩpãsĩ.
\q1
\v 20 Ma wɛ̃ni dↄ̃́a, ní ma misi,
\q1 ńsu to wí ma kũo, asa ma nanziɛ.
\q1
\v 21 To sĩana ń kua maao àↄ ma dↄ̃́a,
\q1 asa ma wɛ́ ìↄ dↄnziɛ.
\b
\q1
\v 22 Lua, Isailiↄ bↄ ń taasikɛaↄu píi.
\c 26
\s1 Gbɛ̃maa wabikɛa Diiwa
\d Davidi lɛ.
\q1
\v 1 Yãnakpaa Dii,
\q1 asa ma yãkɛ̀ a zɛ́wa,
\q1 ma n náaikɛ̀ seasai.
\q1
\v 2 Ma lɛ ǹ ma gwa Dii,
\q1 ní ma nↄ̀sɛ ń ma làasooↄ gwa.
\b
\q1
\v 3 N gbɛ̃kɛ ìↄ dↄaamɛɛ,
\q1 mi zĩkɛ n sĩanawa.
\q1
\v 4 Mili zↄ̃lɛ ń ɛɛdeↄo,
\q1 mili bɛbɛ ń mↄafilideↄo.
\q1
\v 5 Má za duunkɛnaↄ kãaaau,
\q1 mili zↄ̃lɛ ń gbɛ̃vãiↄo.
\b
\q1
\v 6 Ma a ↄ pìpi tàaesai seela ũ,\f + \fr 26.6 \fr*\ft Iko 21.6-7, Mat 27.24\ft*\f*
\q1 málɛ lia n gbagbakĩizi, Dii,
\q1
\v 7 kɛ́ mà e n sáaukpa lɛsia guu,
\q1 mí n yãbↄnsaɛↄ kpàwakɛ.
\q1
\v 8 Dii, má ye n kpɛ́ pↄ́ niↄ kuuzi,
\q1 gu pↄ́ n gawi ì pilau.
\b
\q1
\v 9 Ńsu ǹ ma naaa ń duunkɛnaↄo,
\q1 ńsu ǹ ma baa daaa ń gbɛ̃dɛnaↄo.
\q1
\v 10 Vãi làasoo mɛ́ ìↄ dↄaanɛ́,
\q1 an ↄ ìↄ pai ń gbagusaɛↄ.
\q1
\v 11 Mapi sↄ̃ mi yãkɛ a zɛ́wa,
\q1 wɛ̃nadↄ̃mɛɛ ní ma suaba.
\q1
\v 12 Ma zɛkĩi è gumaau,
\q1 má Dii sáaukpa balu guu.
\c 27
\s1 Dii mɛ́ ma gupua ũ
\d Davidi lɛ.
\q1
\v 1 Dii mɛ́ ma gupua ũ, ma Suabana ũ,
\q1 dé má vĩakɛɛ̀i?
\q1 Dii mɛ́ ma ulɛkĩi ũ,
\q1 dé vĩa mɛ́ a ma kṹi?
\q1
\v 2 Tó gbɛ̃vãiↄ sìmazi ma taitaia yã́i,
\q1 ge tó ma ibɛɛↄ ń ma wɛ̀lɛↄ ã̀naa,
\q1 aa gɛ̃mbↄlɛ aa lɛ́lɛ.
\q1
\v 3 Baa tó zĩgↄ̃ↄ koezↄ̃̀mazi,
\q1 ma sↄ̃ a vĩo.
\q1 Baa tó gbɛ̃́ↄ fɛ̀lɛa ń zĩo,
\q1 ma sↄ̃ aↄ dilɛaɛ.
\q1
\v 4 Yã́ mɛ̀ndo málɛ a wabikɛ Diiwa,
\q1 yã́pi málɛ wɛɛlɛ maamaa.
\q1 Má ye màↄ ku Dii ua e ma gↄↄ lɛ́waɛ,
\q1 kɛ́ màↄ aà aɛya aà kpɛ́u we,
\q1 mí wɛ́pɛ aà kɛfɛnkɛwa.
\q1
\v 5 A ma ulɛ a kpɛ́u taasikɛgↄↄ,
\q1 a ma gwa a zwã̀akpɛu,
\q1 i ma zɛ gbɛ musu aafia.
\q1
\v 6 Ma mi a fu ma ibɛɛ pↄ́ liaamaziↄla,
\q1 mí sa'o Dii ua ń gulakɛao,
\q1 mí lɛsi mà aà táasilɛ.
\b
\q1
\v 7 Tó ma lɛzùnzi Dii, wea.
\q1 Ma wɛ̃nagwa ní ma yãma.
\q1
\v 8 Ma nↄ̀sɛ lɛ́ lɛdaa mà n aɛya,
\q1 Dii, málɛ n aɛya.
\q1
\v 9 Ńsu mikpɛdↄ mapi n zↄ̀blenaɛo,
\q1 ńsu bↄ ma kpɛ ń pↄfɛ̃oo.
\q1 Ma Dↄnlɛden n ũ, ńsu ma vũaao,
\q1 Lua ma Suabana, ńsu ma to weo.
\q1
\v 10 Tó ma de ń ma dao pãkpàmazi,
\q1 Dii a ↄliamazi.
\q1
\v 11 Dii, ma da n zɛ́wa,
\q1 dↄaamɛɛ zɛ́ súsu guu ma kpàkpanaↄ yã́i.
\q1
\v 12 Ńsu to ma ibɛɛↄ ń pↄeã kɛao,
\q1 asa seelade ɛgɛnaↄ lɛ́ yãdↄa,
\q1 mɛ́ gbɛ̃́ pãsĩↄ lɛ́ pↄbↄ ń níu.
\q1
\v 13 Má yã́ɛ bee náai vĩ kɛ́ má e:
\q1 Dii a maakɛmɛɛ dṹniaɛ bee guu.
\q1
\v 14 Wɛdↄ Diizi.
\q1 Zɛ gbãa, ní sↄ̃dilɛ.
\q1 Wɛdↄ Diizi.
\c 28
\s1 Wabikɛa ń sáaukpaao
\d Davidi lɛ.
\q1
\v 1 Dii ma gbɛsi, málɛ lɛzunzi,
\q1 ńsu ǹ n swã́ kákamɛɛo.
\q1 Tó ń nílɛ,
\q1 má gↄ̃ lán gbɛ̃́ pↄ́ aa sì bɛdauↄwaɛ.
\q1
\v 2 Málɛ wɛ̃na wii lɛma, swã́sɛmazi,
\q1 málɛ ma ↄ sɛ n kúkĩi oi.
\b
\q1
\v 3 Ńsu ma gálɛ ń gbɛ̃́ bɛ̃̀ɛↄ ge vãikɛnaↄ sãnuo.
\q1 Aaì yãna o ń gbɛ̃́deeɛ,
\q1 ãma an zaa gbɛ̃́ↄu kɛ̀ zài.
\q1
\v 4 Kɛnɛ́ ń yãkɛa ń ń vãikɛaowa,
\q1 fĩabonɛ́ ń dàawa,
\q1 a gbɛ i wí ń musu.\f + \fr 28.4 \fr*\ft 2Tim 4.14\ft*\f*
\q1
\v 5 Aali Dii yãkɛa ń aà zĩkɛao yãdao,
\q1 a ń fuangba, a ń zɛdↄo.
\b
\q1
\v 6 Ma Dii sáaukpà,
\q1 asa à swãsɛ̀ ma wɛ̃na wiilɛai.
\q1
\v 7 Dii mɛ́ ma gbãa ń ma sɛ̀ngbaoo ũ,
\q1 má aà náai vĩ ma sↄ̃u.
\q1 Ì dↄmalɛ, ma nↄ̀sɛ ì yáalↄ,
\q1 mi aà sáaukpa ń lɛsiao.
\q1
\v 8 Dii mɛ́ a gbɛ̃́ↄ gbãa ũ,
\q1 a dɛ ulɛkĩi ũ kía pↄ́ a kpàɛ,
\q1 ì aà suaba.
\q1
\v 9 Ǹ n gbɛ̃́ↄ suaba, ní báaadańgu.
\q1 Ǹ ń dã́dã, níↄ ń kũa gↄↄpii.
\c 29
\s1 Dii yã'oa zàa'ĩana guu
\d Davidi lɛ.
\q1
\v 1 Malaikaↄ, à Dii tↄbↄ,
\q1 à gawi ń gbãao dↄ̃ Diiɛ.
\q1
\v 2 À Dii tↄbↄ,
\q1 à kúlɛ Diiɛ ń lousisi'ulaↄ daa.
\b
\q1
\v 3 Dii lↄↄ kú lousisia kpɛ,
\q1 Dii gawide ì to lou pũna,
\q1 Dii ku lousisia musu.
\q1
\v 4 Dii lↄↄ gbãa dↄ,
\q1 Dii lↄↄ gawi vĩ.
\q1
\v 5 Dii lↄↄ ì sɛdɛ líↄ paa,
\q1 Dii ì Libã bùsu sɛdɛ líↄ paa.
\q1
\v 6 Ì to Libã gbɛ̀sĩsĩↄ vĩvĩ lán zunɛwa,
\q1 ì to Ɛɛmↄ gbɛ vĩvĩ lán gáaenawa.
\b
\q1
\v 7 Dii lↄↄ ì bↄ ń loupilɛaↄ.
\q1
\v 8 Dii lↄↄ ì gbáa dee,
\q1 Dii ì Kadɛsi guwaiwai dee.
\q1
\v 9 Dii lↄↄ ì líↄ zĩa,
\q1 ì líkpɛ puakũ,
\q1 gbɛ̃́ pↄ́ kú aà uaↄ i oɛ̀, Gawideɛ.
\q1
\v 10 Dii ku í pↄ́ daa dṹniaa musu,
\q1 Dii ìↄ zↄ̃lɛa Kía ũ gↄↄpii.
\q1
\v 11 Dii ì a gbɛ̃́ↄ gba gbãa,
\q1 Dii ì báaadańgu aaↄ aafia.
\c 30
\s1 Dii sáaukpaa
\d Lɛ pↄ́ Davidi dà Lua kpɛ́ sakɛ̃pↄ ũ.
\q1
\v 1 Má n kã́fĩ Dii, asa n ma sɛ lɛsĩ,
\q1 ni to ma ibɛɛↄ tidↄ̀malao.
\b
\q1
\v 2 Dii ma Lua, ma wiilɛ̀ma,
\q1 ↄ̃ n ma gbãgbã.
\q1
\v 3 Dii, n ma si miawa,
\q1 ni to ma si bɛdauo.
\b
\q1
\v 4 Dii náaikɛnaↄ, à aà táasilɛ,
\q1 à aà tↄbↄ, asa a kua adoaɛ.
\q1
\v 5 Asa aa pↄfɛ̃a lí la ń lao leo,
\q1 aà ɛ̀fãai mɛ́ ìↄ ku e gbɛ̃́ wɛ̃ni lɛ́u.
\q1 Ɔ́ↄlↄa ìↄ ku gwã́,
\q1 ↄ̃ gu ì dↄ ń pↄnao.
\q1
\v 6 Kɛ́ má kú nama guu, ma mɛ̀:
\q1 Má kpagua bauo.
\q1
\v 7 Dii, kɛ́ n ɛ̀fãaikɛ̀mɛɛ,
\q1 n ma zɛ gíũgiũ lán gbɛsiwa.
\q1 Kɛ́ n mikpɛdↄ̀mɛɛ,
\q1 ma gↄ̃ bíli guu.
\q1
\v 8 Ḿmɛ ma lɛzùnzi Dii,
\q1 ma kulɛkɛ̀ ma diiɛ ma mɛ̀:
\q1
\v 9 Bↄ́ ài ma gaa ge ma sia bɛdau vĩi?
\q1 Ma papa a n tↄbↄe?
\q1 A n náai kpàwakɛe?
\q1
\v 10 Ma yãma Dii, wɛ̃nadↄ̃mɛɛ.
\q1 Dii, ǹyↄ̃ dɛ ma Dↄnlɛde ũ.
\b
\q1
\v 11 N ma ↄ́ↄlↄa lìlɛ ↄ̃wãa ũ,
\q1 n ma zwã̀nkasaↄ wòloa,
\q1 n pↄna dàmɛɛ pↄkasa ũ.
\q1
\v 12 Máↄ nílɛo, máↄ n táasilɛɛ,
\q1 Dii ma Lua, máↄ n sáaukpa láasaiɛ.
\c 31
\s1 Zĩakpaa Diiwa
\d Davidi lɛ.
\q1
\v 1 Dii, ḿmɛ ma nanzi,
\q1 ńsuli tó wí ma kũo.
\q1 Lá ni yãkɛ a zɛ́wa, ma misi.
\q1
\v 2 Swãdↄmazi, ní ma bↄ kpakpa.
\q1 Gↄ̃mɛɛ ma misigbɛ ũ,
\q1 zɛgikĩi pↄ́ a ma suaba ũ.
\q1
\v 3 Ma gbɛsi ń ma ulɛkĩion n ũ,
\q1 dↄaamɛɛ, ní gɛmanↄ n tↄ́ yã́i.
\q1
\v 4 Ńsu to mà zu ba pↄ́ wa kpàmɛɛuo,
\q1 asa ma Mìsinan n ũ.
\q1
\v 5 Ma a wɛ̃ni nànɛ n ↄzĩ,\f + \fr 31.6 \fr*\ft Luk 23.46\ft*\f*
\q1 ma bↄ, Dii Lua Sĩande.
\q1
\v 6 Má za tã́a gbàgbanaↄgu,
\q1 Dii má aà náai vĩ.
\b
\q1
\v 7 Má yáalↄ má pↄnakɛ ń n gbɛ̃kɛo,
\q1 asa n ma gwa ma taasikɛa guu,
\q1 ń dↄ̃̀manↄ ma yooyea guu.
\q1
\v 8 Ni ma na ma ibɛɛↄnɛ ń ↄzĩo,
\q1 n ma gba dɛ̀ɛpookĩi.
\b
\q1
\v 9 Ma wɛ̃nagwa Dii, asa má yooyeaɛ,
\q1 pↄsia tò ma wɛ́ gↄ̃̀ sùii,
\q1 ma pↄ yà, ma nↄ̀sɛ ↄ̃̀ↄkpà.
\q1
\v 10 Pↄsia lɛ́ ma wɛ̃ni mↄsↄ,
\q1 aaukɛa lɛ́ ma wɛ̃ lao,
\q1 làasoo tò má yɛ̃̀ɛɛ vĩ lↄo,
\q1 ma wáↄ kɛ̀ múumuunnↄ.
\q1
\v 11 Ma gbɛ̃́deeↄ ì sakamagu ma ibɛɛↄ yã́i,
\q1 ma yã́ ì ma gbɛ̃́ↄ vĩakũ maamaaɛ,
\q1 gbɛ̃́ pↄ́ lɛ́ kpaaũmanↄ gãaɛↄ ì pãalɛmɛɛ.
\q1
\v 12 Ma yã́ i dↄ gbɛ̃egu lↄo
\q1 ma gↄ̃ lán gɛwa,
\q1 ma gↄ̃nɛ́ lán oogboowa.
\q1
\v 13 Miↄ ma gbɛ̃́ dasiↄ lɛ́ ma pe,
\q1 vĩa pↄ́ↄ liaamazi.
\q1 Aaì kãaa aa lɛkpaaĩmazi,
\q1 aaì lɛdoũkɛ ma wɛ̃nibↄa yã́i.
\b
\q1
\v 14 Mapi sↄ̃, ḿmɛ má n náai vĩ, Dii,
\q1 mi mɛ ma Luan n ũ.
\q1
\v 15 Ma wɛ̃ni ìↄ ku n ↄzĩ gↄↄpiiɛ,
\q1 ma si ma ibɛɛ pↄ́ lɛ́ ma wɛↄwa.
\q1
\v 16 Mapi n zↄ̀blenawa wɛgwa,
\q1 ma suaba n gbɛ̃kɛ yã́i.
\q1
\v 17 Dii, ńsu to wí ma kũo,
\q1 asa ma lɛzùnzi.
\q1 To wí vãikɛnaↄ kṹ,
\q1 to an lɛ́ àↄ kpaaũa tɛ̃́ɛnau,
\q1
\v 18 to an lɛ́na ɛɛtonaↄ naalɛ.
\q1 Aaì dↄ́ɛ ń gbɛ̃maaↄ,
\q1 aaì sakańgu ń ĩ́andãao.
\q1
\v 19 Àizɛɛ pↄ́ ń kã̀aa n vĩakɛnaↄnɛ zↄ̃ↄ,
\q1 ni ɛ̀fãaikɛ gbɛ̃́ pↄ́ nanziↄnɛ gbɛ̃́pii wáa.
\q1
\v 20 Tó gbɛ̃́ↄ lɛkpàaĩńzi,
\q1 ni ↄkuńla,
\q1 tó wàlɛ lɛkpaakɛńnↄ,
\q1 ni ń ulɛ n guu.
\b
\q1
\v 21 Ma Dii sáaukpà,
\q1 asa a yemazi zↄ̃ↄ
\q1 wɛ̃́lɛ pↄ́ wà koezↄ̃̀i guu.
\q1
\v 22 Gili gɛ̃̀magu we,
\q1 ↄ̃ ma mɛ̀: N ma vũaaɛ.
\q1 Kɛ́ ma suabalɛ zùnzi,
\q1 n ma wɛ̃na wiilɛa mà.
\b
\q1
\v 23 Dii yãmanaↄ, àↄ yeaàzi.
\q1 Dii ì a náaikɛnaↄ dↄ̃́a,
\q1 ì fĩabo zĩakãfĩnaↄnɛ a lɛ́ gbɛu.
\q1
\v 24 Á gbɛ̃́ pↄ́ á wɛ́ dↄ Diiziↄ,
\q1 àↄ gbãa à á sↄ̃dilɛ.
\c 32
\s1 Duuna'oa Luaɛ
\d Davidi lɛ.
\q1
\v 1 Báaaden gbɛ̃́ pↄ́ Dii aà tàae wòlowà
\q1 à aà duuna kɛ̃̀wà ũ.
\q1
\v 2 Báaaden gbɛ̃́ pↄ́ Dii lí aà tàae yãda lↄo
\q1 mɛ́ mↄafili kú aà nↄ̀sɛ guuo ũ.\f + \fr 32.2 \fr*\ft Lom 4.7-8\ft*\f*
\b
\q1
\v 3 Kɛ́ má nílɛ ń ma duunao, ma ibàba,
\q1 ma wii ìↄ dↄ za kↄↄ e oosi.
\q1
\v 4 N ↄtↄ̃ↄlɛaa fãanɛ ń gwãasĩnao,
\q1 ma yɛ̃̀ɛɛ làa lá guantɛ̃na ĩatɛ̃ ma gbɛ̃wa.
\q1
\v 5 Ɔ̃ ma wenɛ ma duunai,
\q1 mi a yãvãi ulɛnɛ lↄo.
\q1 Ma mɛ̀ má a tàaeↄ onɛ Dii,
\q1 ↄ̃ n ma duuna kɛ̃̀a.
\b
\q1
\v 6 N náaikɛna wabikɛma a gↄↄwa,
\q1 tó yã'ĩa lɛ́ mↄ́, a aà le lↄo.
\q1
\v 7 Ma ulɛkĩin n ũ,
\q1 ni ma bↄ wɛ́tɛ̃a guu,
\q1 ni liamazi ǹ ma suaba.
\b
\q1
\v 8 Dii òmɛɛ à mɛ̀: Má yãdanɛ,
\q1 mí n da zɛ́ pↄ́ dɛ ǹ sɛwa,
\q1 má lɛdama, míↄ wɛ́tɛnzi.
\q1
\v 9 Ńsu ǹyↄ̃ ku làasoosai
\q1 lán sↄ̃́ ge sↄ̃baonawao.
\q1 Tó ni ã̀asĩna kánɛ́ ge kpío,
\q1 aali n dↄ̀ↄ sɛo.
\b
\q1
\v 10 Yã'ↄ̃ma ì li gbɛ̃vãiↄla,
\q1 Dii gbɛ̃kɛ ì li aà náaikɛnaↄla.
\q1
\v 11 Gbɛ̃maaↄ, à pↄnakɛ ń Diio,
\q1 nↄ̀sɛpuadeↄ, à gulakɛ, í yáalↄ.
\c 33
\s1 Lua táasilɛa
\q1
\v 1 À gulakɛ Diiɛ gbɛ̃maaↄ,
\q1 à kũ̀ nↄ̀sɛpuadeↄ aà táasilɛɛ.
\q1
\v 2 À Dii tↄbↄ ń domao,
\q1 à lɛsiɛ̀ ń mↄↄnao.
\q1
\v 3 À lɛ̀ dafu siɛ̀,
\q1 à pↄ́ lɛ́ ń dↄ̃ao ń pↄna wiio.
\q1
\v 4 Asa yã́ pↄ́ Dii ò sĩana vĩ,
\q1 a náai vĩ a yãkɛa píi guu.
\q1
\v 5 A ye yãmaai ń yã́zɛdeo,
\q1 Dii gbɛ̃kɛ dṹnia pà.
\q1
\v 6 Dii yã'oa mɛ́ musu kɛ̀,
\q1 aà lɛ́'ĩana mɛ́ musupↄↄ pɛ̀pɛ.
\q1
\v 7 À ikàlɛ gudoũ, à gↄ̃̀ ísia ũ,
\q1 à íↄ kã̀aa, à gↄ̃̀ ísi ũ.
\q1
\v 8 Dṹnia gbɛ̃́pii, à vĩakɛ Diiɛ,
\q1 gbɛ̃́ bɛ̃́ɛↄ píi, à misiilɛɛ̀.
\q1
\v 9 Asa à yã'ò ↄ̃ dṹnia kɛ̀,
\q1 à yãdìlɛ ↄ̃ à gↄ̃̀ kálɛa.
\b
\q1
\v 10 Dii ì lɛ́ pↄ́ buiↄ kpàaĩ gboo,
\q1 ì kpa bùsudeↄnɛ ń yã́ pↄ́ aalɛ yáo.
\q1
\v 11 Yã́ pↄ́ Dii zɛ̀ò ìↄ zɛa gíũgiũ,
\q1 yã́ pↄ́ aà pↄ gbà ìↄ ku gↄↄpii.
\q1
\v 12 Báaaden bui pↄ́ Dii dɛ ń Lua ũ
\q1 à ń sɛ́ a pↄ́ ũↄ ũ.
\b
\q1
\v 13 Za musu Dii ì gugwa zĩ́lɛ,
\q1 ì gbɛ̃nazĩnaↄ e píi.
\q1
\v 14 Za aà kúkĩi ì wɛpã
\q1 gbɛ̃́ pↄ́ kú dṹnia guuↄla píi.
\q1
\v 15 Aàpi mɛ́ sↄ̃ dↄ̀ baadeɛ,
\q1 ì wɛsi ń yãkɛaↄlɛ píi.
\b
\q1
\v 16 Kía lí zĩble a zĩgↄ̃ dasikɛ yã́io,
\q1 zĩ̀kanae lí bↄ a gↄ̃sakɛ yã́io.
\q1
\v 17 Sↄ̃́ náaikɛa à ń bↄ ɛɛ vĩ,
\q1 baa ń a gbãakɛo a fↄ̃ gbɛ̃́ suabao.
\q1
\v 18 Dii wɛ́ pɛa a vĩakɛnaↄwa,
\q1 gbɛ̃́ pↄ́ an wɛ́ dↄ aà gbɛ̃kɛziↄ.
\q1
\v 19 A ń bↄ ga lɛ́zĩ,
\q1 a ń gwa aafia nↄana gↄↄ.
\q1
\v 20 Wá wɛ́ ìↄ dↄ Diizi,
\q1 ↄ̃mɛ wá Dↄnlɛde ũ, wá sɛ̀ngbao ũ.
\q1
\v 21 Asa Dii ↄ̃ wá pↄ ì kɛwà na,
\q1 wá aà tↄ́ pↄ́ a kua adoa náai vĩ.
\q1
\v 22 Dii, n gbɛ̃kɛ àↄ kúwanↄ
\q1 lá wá wɛ́ dↄnziwa.
\c 34
\s1 Dii maakɛa
\d Lɛ pↄ́ Davidi dà gↄↄ pↄ́ à azĩa dìlɛ ĩ́ande ũ Abimɛlɛki aɛ, ↄ̃ Abimɛlɛki aà yà, à tà.\f + \fr 34.1 \fr*\ft 1Sam 21.13-15\ft*\f*
\q1
\v 1 Máↄ Dii sáaukpa gↄↄpiiɛ,
\q1 míↄ aà táasilɛ lá gu lɛ́ dↄ.
\q1
\v 2 Máↄ ĩ́anadã Dii yã́ musu,
\q1 taasideↄ i ma, aai pↄnakɛ.
\q1
\v 3 À zↄ̃ↄkɛ dↄ̃ Diiɛmanↄ,
\q1 wí aà tↄbↄ sãnu.
\b
\q1
\v 4 Ma Dii kĩ́i wɛ̀ɛlɛ ↄ̃ a wèa,
\q1 à ma bↄ ma sↄ̃̀deedee guu.
\q1
\v 5 Gbɛ̃́ pↄ́ aà wɛ́ dↄaàzi a yáalↄ,
\q1 aà gɛɛ a gↄ̃ kpa aà wɛ́i bauo.
\q1
\v 6 Ma taasidekɛ guu ma lɛzù Diizi,
\q1 ↄ̃ à ma yãmà à ma bↄ ma yooyea píi guu.
\q1
\v 7 Dii Malaika ìↄ ku a vĩakɛnaↄ saɛ,
\q1 ì ń bↄ.
\b
\q1
\v 8 À iɛ àↄ dↄ̃ lá Dii maa,\f + \fr 34.9 \fr*\ft 1Piɛ 2.3\ft*\f*
\q1 báaaden gbɛ̃́ pↄ́ nàaàzi ũ.
\q1
\v 9 Dii gbɛ̃́ↄ, à vĩakɛɛ̀,
\q1 pↄe lí kɛ̃́sã aà vĩakɛnaↄwao.
\q1
\v 10 Nↄana ì nↄ̀ↄmusu dɛ, pↄblea ì kɛ̃́sãwà,
\q1 ãma pↄmaae lí kɛ̃́sã Dii kĩ́i wɛ̀ɛlɛnaↄwao.
\b
\q1
\v 11 Gbɛ̃́ↄ, à mↄ ma yãma,
\q1 mí vĩakɛa Diiɛ dadaɛ́.
\q1
\v 12 Gbɛ̃́ pↄ́ ye a wɛ̃ni àↄ maa,
\q1 mɛ́ a ye a kua àↄ na,
\q1
\v 13 aà a lɛ́ fↄ̃́ ń yãvãi oao,
\q1 asu to ɛɛ bↄ a lɛ́uo.
\q1
\v 14 Aà mikɛ̃ vãiwa, i maakɛ,
\q1 aà aafia zɛ́ wɛɛlɛ, iↄ tɛi.
\b
\q1
\v 15 Dii ìↄ wɛ́tɛ gbɛ̃maaↄzi,
\q1 ì swã́kpa ń wiilɛai.
\q1
\v 16 Dii ì mikpɛdↄ vãikɛnaↄnɛ,\f + \fr 34.17 \fr*\ft 1Piɛ 3.10-12\ft*\f*
\q1 kɛ́ an yã́ su dↄ gbɛ̃egu lↄo yã́i.
\q1
\v 17 Tó wà lɛzù Diizi, ì ma,
\q1 ì ń bↄ ń yooyea píi guu.
\q1
\v 18 Dii kãi ń gbɛ̃́ pↄ́ an pↄ yàↄ,
\q1 ì dↄ gbɛ̃́ pↄ́ an kã́ gàↄlɛ.
\b
\q1
\v 19 Taasi ìↄ gbɛ̃maa le mↄ̀ↄmↄↄ,
\q1 ãma Dii ì aà bↄ a guu píi.
\q1
\v 20 Ì aa wáↄ dↄ̃́aɛ̀ píi,
\q1 ìli ɛ́o, baa mɛ̀ndo.\f + \fr 34.21 \fr*\ft Zãa 19.36\ft*\f*
\q1
\v 21 Kìsia a gbɛ̃vãiↄ dɛdɛ,
\q1 yã́ a zↄ̃lɛ gbɛ̃maa ibɛɛↄwa.
\q1
\v 22 Dii ì a zↄ̀blenaↄ suaba,
\q1 yã́ a zↄ̃lɛ gbɛ̃́ pↄ́ nàaàziwao.
\c 35
\s1 Gbɛ̃maa wiilɛa Diiwa
\d Davidi lɛ.
\q1
\v 1 Dii, íbɛlɛsɛ ń ma ibɛɛↄ,
\q1 zĩka ń gbɛ̃́ pↄ́ aalɛ kamanↄↄ.
\q1
\v 2 Ǹ n sɛ̀ngbao ń n gↄ̃kɛbↄↄ sɛ́lɛ,
\q1 ní fɛlɛ dↄmalɛ.
\q1
\v 3 Ǹ n sↄ̃na ń n fɛ̃ndao sɛ dↄ,
\q1 gɛ da gbɛ̃́ pↄ́ pɛ̀lɛmaziↄlɛ.
\q1 Omɛɛ ma Suabanan n ũ.
\b
\q1
\v 4 To gbɛ̃́ pↄ́ lɛ́ ma wɛↄ kpɛkpa,
\q1 wí i ń kṹ.
\q1 To gbɛ̃́ pↄ́ lɛ́ vãikpaaĩmanↄↄ fua,
\q1 mí ń kpɛ e.
\q1
\v 5 Aaↄ dɛ lán ése ṹa pↄ́ ĩ́ana sɛ̀lɛwa,
\q1 Dii Malaika i pɛ́lɛńzi.
\q1
\v 6 An zɛ́ àↄ gusia vĩ ń zãanao,
\q1 Dii Malaika i ↄzↄ̃ńzi.
\q1
\v 7 Asa aa ɛyↄ̃̀mɛɛ pãɛ,
\q1 mi yãe kɛnɛ́o, ↄ̃ aa ba kpàmɛɛ.
\q1
\v 8 To músi ń le, i kɛnɛ́ zãma ũ.
\q1 To ba pↄ́ aa kpàmɛɛ ń kṹ,
\q1 aai lɛ́lɛ ɛ pↄ́ aa yↄ̃̀pi guu.
\b
\q1
\v 9 Ma pↄ i gbasa kɛ Diiwa na,
\q1 mí pↄnakɛ kɛ́ à ma suabà yã́i.
\q1
\v 10 Má o ń nↄ̀sɛmɛndoo,
\q1 Dii, démɛ kànwai?
\q1 Ni taasideↄ si gbãamↄnɛdeↄwa,
\q1 ni wɛ̃nadeↄ bↄ ń wɛtãnaↄ ↄzĩ.
\b
\q1
\v 11 Seelade ɛgɛnaↄ ì fɛlɛmanↄ,
\q1 aaì yã́ pↄ́ má a yã́ dↄ̃o lalaa.
\q1
\v 12 Aaì maa fĩabomɛɛ ń vãio,
\q1 ↄ̃ ma gↄ̃ gbɛ̃ando ũ.
\q1
\v 13 Tó aalɛ gyãkɛ yãa sↄ̃,
\q1 mi zwã̀nkasa daɛ,
\q1 mi azĩa kɛ̃́sã ń lɛyeao,
\q1 mi wabikɛnɛ́ láasai,
\q1
\v 14 lá aa dɛ ma gbɛ̃na ge ma gbɛ̃́ ũwa.
\q1 Miↄ bɛ mipɛlɛa ń oosisio,
\q1 lá ma da málɛ wɛ̃nakɛɛ̀wa.
\b
\q1
\v 15 Ãma kɛ́ ma gɛ̃mbↄlɛ,
\q1 aa kã̀aamazi ń pↄnao,
\q1 aa ma zãmakɛ̀ aa ã̀naa,
\q1 aa ĩadàa láasai.
\q1
\v 16 Aa ma àlafiikɛ̀ pãsĩpãsĩ,
\q1 aa lɛ́sakã̀mazi.
\b
\q1
\v 17 Dii, ńyↄ̃ↄ ma gwa màa e bↄɛ ni?
\q1 Nↄ̀ↄmusupiↄ lɛ́ ma taitai,
\q1 ma símá màↄ ku.
\q1
\v 18 Má n tↄbↄ balu guu,
\q1 má n táasilɛ dasi guu.
\b
\q1
\v 19 Ńsu to ma ibɛɛↄ tidↄmalao,
\q1 ńsu to gbɛ̃́ pↄ́ zamagu pãↄ\f + \fr 35.19 \fr*\ft Zãa 15.25\ft*\f* ma gwa ń wɛdooo.
\q1
\v 20 Yãna lí bↄ ń lɛ́uo,
\q1 aaì yãdↄ yãkelesaideↄwa.
\q1
\v 21 Aaì lɛ́ ɛlɛa aa mɛ:
\q1 Ɛ̃hɛ̃, ɛ̃hɛ̃, wá wɛ́ mɛ́ è.
\b
\q1
\v 22 Dii, n wɛsìɛ, ńsu ǹyↄ̃ nílɛao,
\q1 ma Dii, ńsu ǹyↄ̃ zã̀manↄo.
\q1
\v 23 Ma Lua, fɛlɛ zɛmanↄ,
\q1 ma Dii, tó yã́ bↄmanↄ na.
\q1
\v 24 Ni yãkɛ a zɛ́wa Dii, yãnakpaa,
\q1 ma Lua, ńsu to aa tidↄmalao.
\q1
\v 25 Ńsu to aa o ń sↄ̃u wa ma nɛo,
\q1 ńsu to aa o wa ma mↄ bɛ̃̀ɛo.
\q1
\v 26 Lá aalɛ pↄnakɛ ma yã'ea musu,
\q1 to wí ń kṹ, mí ń kpɛ e.
\q1 Lá aalɛ zↄ̃ↄkɛ blea,
\q1 widamá, ní ń kpɛbↄ.
\b
\q1
\v 27 To gbɛ̃́ pↄ́ ma bↄa maa ì kɛnɛ́ naↄ pↄnakɛ, aai wiidↄi.
\q1 To gbɛ̃́ pↄ́ ma bↄa aafia ì káńguↄ o gↄↄpii, Dii mɛ́ zↄ̃ↄ.
\q1
\v 28 Mapi sↄ̃ má n náaiyã'ò,
\q1 míↄ n táasilɛ gↄↄpii.
\c 36
\s1 Gbɛ̃nazĩna vãi, Lua maa
\d Dii zↄ̀blena Davidi lɛ.
\q1
\v 1 Gbɛ̃vãi duuna yã́ dↄ ma sↄ̃wa,
\q1 aà wɛ́ líↄ Lua wí vĩo,\f + \fr 36.2 \fr*\ft Lom 3.18\ft*\f*
\q1
\v 2 asa ìↄ e gbɛ̃maan a ũ,
\q1 ìli a duuna dↄ̃ à gbasa zauo.
\q1
\v 3 Ɛɛ ń mↄafilio ku aà lɛ́u,
\q1 à ↄ̃nↄ ń maakɛao tò.
\q1
\v 4 Ì yãvãi wàaipa a wúlɛkĩi,
\q1 ìli gí yãpãsĩio,
\q1 ì azĩa pɛ́lɛ zɛ́ faasai guu.
\b
\q1
\v 5 Dii, n gbɛ̃kɛ zↄ̃ↄ kà saanaↄwa,
\q1 ń náai vĩ maamaa à zↄ̃̀ Luawa.
\q1
\v 6 N maakɛa zↄ̃ↄ lán gbɛ̀sĩsĩↄwa,
\q1 n yã́gↄ̃gↄ̃a lɛ́ vĩo lán ísia ɛwa.
\q1 Dii, ni gbɛ̃nazĩnaↄ ń nↄ̀bↄↄ bↄ píi.
\q1
\v 7 Lua, n gbɛ̃kɛ bɛɛɛ vĩ fá,
\q1 gbɛ̃nazĩnaↄ ì sↄlↄ ń kúlukulunau.
\q1
\v 8 Aaì n ua blɛ níside ble aa kã́,
\q1 ni n swa'i pↄnade kpámá aa mi.
\q1
\v 9 Asa ḿmɛ ń wɛ̃ni mi ũ,
\q1 kua ń gupuau mɛ́ wá wɛ́ kɛ̃̀.
\b
\q1
\v 10 Ǹyↄ̃ gbɛ̃kɛkɛ gbɛ̃́ pↄ́ aa n dↄ̃ↄnɛ ǹyↄ̃ gɛ́,
\q1 gi ǹyↄ̃ nↄ̀sɛpuadeↄ suaba.
\q1
\v 11 Ńsu to zĩakãfĩnaↄ ↄ̃zↄ̃ao,
\q1 ńsu to vãikɛnaↄ ↄkɛmɛɛ yàayaao.
\q1
\v 12 Gwa, mↄafilidepiↄ lɛ̀lɛ,
\q1 aa gↄ̃̀ kálɛa sↄlↄlↄ, aa fↄ̃ fɛlɛo.
\c 37
\s1 Gbɛ̃maaↄ ń gbɛ̃vãiↄ zia
\d Davidi lɛ.
\q1
\v 1 Ńsu to gbɛ̃vãiↄ yã́ n kũ gbãao,
\q1 ńsu vãikɛnaↄ gwea nidɛo,
\q1
\v 2 asa aa giigaga gↄ̃̀ↄ lán sɛ̃waɛ,
\q1 an maa a láa lán sɛ̃la ísiwa.
\b
\q1
\v 3 Dii náaikɛ, níↄ yãmaakɛ.
\q1 Zɛ n bùsuu, níↄ inamiu.
\q1
\v 4 To n pↄ kɛ Diiwa na,
\q1 i n gba pↄ́ pↄ́ n nↄ̀sɛ yei.
\b
\q1
\v 5 Zɛ ń Diio,
\q1 ǹ aà náaikɛ, i yã́ɛ beeↄ kɛnɛ:
\q1
\v 6 A tó yã́ bↄnnↄ na lán gudↄawa,
\q1 a to ǹ bↄ maa lán fãanɛwa.
\b
\q1
\v 7 Lɛkpaaũ Dii aɛ, ní sↄ̃́aaàzi,
\q1 ńsu to saasɛna yã́ n kũ gbãa
\q1 gↄↄ pↄ́ aà yã́ lɛ́ bↄlɛiɛo.
\b
\q1
\v 8 Pↄkũma tó, mikɛ̃ pↄpaawa.
\q1 Ńsu to yã́ lí n kũ gbãao,
\q1 ì mↄ́ ń vãikɛaoɛ.
\q1
\v 9 Asa gbɛ̃vãiↄ midɛ,
\q1 gbɛ̃́ pↄ́ an wɛ́ dↄ Diiziↄ mɛ́ aa gↄ̃ bùsu vĩ.
\q1
\v 10 À gↄ̃̀ yↄↄ kɛ́ gbɛ̃vãiↄ aaↄ ku lↄo,
\q1 baa tó n ń wɛɛlɛ, ńyↄ̃ ń eo.
\q1
\v 11 Zĩabusanaↄ mɛ́ aaↄ bùsu vĩ,\f + \fr 37.11 \fr*\ft Mat 5.5\ft*\f*
\q1 aaiↄ pↄnakɛò ń aafia zↄ̃ↄo.
\b
\q1
\v 12 Gbɛ̃vãi ì vãikpaaĩ ń gbɛ̃maao,
\q1 ì lɛ́sakãaàzi.
\q1
\v 13 Ãma Dii ìↄ aà yáalↄ,
\q1 asa a dↄ̃ aà gↄↄ a pa.
\b
\q1
\v 14 Gbɛ̃vãiↄ ì fɛ̃nda wo,
\q1 aaì ń kakpa sáa,
\q1 kɛ́ aa e taasideↄ ń wɛ̃nadeↄ kwɛò,
\q1 aai gbɛ̃́ pↄ́ an yãkɛa maaↄ dɛdɛ.
\q1
\v 15 An zĩa fɛ̃nda a ń zↄ̃ ń sↄ̃u,
\q1 wa ń sáↄ ɛ́'ɛnɛ́.
\b
\q1
\v 16 Yↄↄna pↄ́ gbɛ̃maa vĩ
\q1 dɛ gbɛ̃vãi dasiↄ àizɛɛa.
\q1
\v 17 Asa gbɛ̃vãiↄ gbãa a midɛ,
\q1 ãma Dii ìↄ gbɛ̃maaↄ kũa.
\b
\q1
\v 18 Dii tàaesaideↄ yã́ dↄ̃,
\q1 an kpaalɛ ìↄ dɛ ń pↄ́ ũ gↄↄpiiɛ.
\q1
\v 19 Wí a ń kṹ yãpãsĩgↄↄo,
\q1 baa tó nↄana kà, aaↄ kãaɛ.
\b
\q1
\v 20 Ãma gaga a gɛ̃ gbɛ̃vãiↄgu,
\q1 Dii ibɛɛↄ láa lá sɛ̃̀bↄlↄ ì láawa,
\q1 aa gɛ̃lɛ lán súɛlɛwa.
\b
\q1
\v 21 Gbɛ̃vãi ì pↄ́ sɛ̃amá,
\q1 ìli a fĩaboo,
\q1 gbɛ̃maa sↄ̃ ì gbada sↄũsↄũ.
\q1
\v 22 Gbɛ̃́ pↄ́ Dii báaadàńguↄ mɛ́ aa gↄ̃ bùsu vĩ,
\q1 gbɛ̃́ pↄ́ à lɛkɛ̀nɛ́ↄ sↄ̃ aa midɛ.
\b
\q1
\v 23 Dii mɛ́ ì zɛmikũ gbɛ̃́ɛ,
\q1 aà pↄ ìↄ na aà kuawa.
\q1
\v 24 Baa tó àlɛ lɛlɛ, a lɛ́lɛ sↄlↄlↄo,
\q1 kɛ́ Dii aà kũa yã́i.
\b
\q1
\v 25 Ɛ̀waason ma ũ yãa, ↄ̃ ma zikũ̀,
\q1 mi e Lua gbɛ̃maa vũ̀aa bauo,
\q1 mi e aà nɛ́ↄ lɛ́ baakɛo.
\q1
\v 26 Ìↄ gbada gↄↄpii ìↄ pↄ́ sɛ̃anɛ́,
\q1 aà nɛ́ↄ aaↄ dɛ báaadeↄ ũɛ.
\b
\q1
\v 27 Mikɛ̃ yãvãiwa, níↄ yãmaakɛ,
\q1 ní e ǹyↄ̃ ku gↄↄpii.
\q1
\v 28 Asa Dii ye maakɛai,
\q1 a a náaikɛnaↄ vũaao.
\b
\q1 Aaↄ ku aafiaɛ gↄↄpii,
\q1 gbɛ̃vãiↄ sↄ̃ aa midɛ.
\q1
\v 29 Gbɛ̃maaↄ mɛ́ aa gↄ̃ bùsu vĩ,
\q1 aaiↄ ku we gↄↄpii.
\b
\q1
\v 30 Ɔ̃nↄyã ì bↄ gbɛ̃maa lɛ́u,
\q1 aà lɛ́ ì yã́zɛde o.
\q1
\v 31 Aà Lua ikoyã dↄ aà sↄ̃wa,
\q1 aà gbá lí tii pↄewao.
\b
\q1
\v 32 Gbɛ̃vãi ì gbɛ̃maa kpákpa
\q1 kɛ́ à e aà dɛ.
\q1
\v 33 Dii a gbɛ̃maapi to aà ↄzĩo,
\q1 a we yã́kpalɛ aà bleo.
\b
\q1
\v 34 Sↄ̃́a Diizi, níↄ aà yã́ kũa,
\q1 i n kã́fĩ, ní gↄ̃ bùsu vĩ,
\q1 ní gbɛ̃vãiↄ midɛa e.
\b
\q1
\v 35 Ma gbɛ̃vãi gbãadee è yãa,
\q1 àlɛ ↄta lán lí pↄ́ gu kɛ̀ɛ̀ nawa.
\q1
\v 36 Kɛ́ tá ma kpa we, a ku we lↄo,
\q1 ma aà wɛ̀ɛlɛ, mi aà eo.
\b
\q1
\v 37 Tàaesaide yã́ gwa,
\q1 wɛ́tɛ gbɛ̃maa yã́i,
\q1 asa nↄ̀sɛniɛde buiↄ gↄ̃ bui ũ.
\q1
\v 38 Ãma duunkɛnaↄ bãdɛ sãnusãnu,
\q1 gbɛ̃vãiↄ bui a midɛ.
\b
\q1
\v 39 Dii mɛ́ a gbɛ̃maaↄ suaba,
\q1 aↄ dɛnɛ́ ulɛkĩi ũ taasikɛgↄↄ.
\q1
\v 40 Dii a dↄńlɛ, i ń bↄ,
\q1 a ń sí gbɛ̃vãiↄwa, i ń suaba
\q1 kɛ́ aa nàaàzi yã́i.
\c 38
\s1 Taaside wabikɛa
\d Davidi lɛ.
\q1
\v 1 Dii, ńsu ma toto ń pↄfɛ̃oo,
\q1 ńsu ma lele ń pↄkũmaoo.
\q1
\v 2 N ka ma kũ maa,
\q1 n ↄtↄ̃̀ↄlɛa.
\b
\q1
\v 3 Ma mɛ dáamavĩo n kpɛ̃nɛ yã́i,
\q1 ma wá aafiao ma duuna yã́i.
\q1
\v 4 Ma tàaeↄ dàmala,
\q1 aa tↄ̃̀a lán aso gbiawa.
\b
\q1
\v 5 Ma bↄↄ lì fↄ̃na ũ,
\q1 aa yaikɛ̀ ma sↄũkɛ yã́i.
\q1
\v 6 Má kooa ma gↄ̃ dↄ̀lↄlↄ,
\q1 miↄ bɛ oosisiaɛ gↄↄpii.
\b
\q1
\v 7 Ma wó lɛ́ wí sĩana,
\q1 ma mɛ dáamavĩo.
\q1
\v 8 Má yɛ̃̀ɛɛ vĩo, ma mɛ kɛ̀ múɛmuɛ,
\q1 málɛ wiilɛ ma sↄ̃̀ pusubↄa yã́i.
\b
\q1
\v 9 Dii, ń pↄ́ pↄ́ má yei dↄ̃ píi,
\q1 ni ma wea fɛ̀ɛɛ ma sã́asã.
\q1
\v 10 Ma sↄ̃ lɛ́ vĩ gbò gbò, ma gbãa yã̀a,
\q1 ma wɛ́ lɛ́ tɛkɛ lↄo.
\b
\q1
\v 11 Ma gbɛ̃naↄ ń ma gbɛ̃́ↄ ì ɛ̃mɛɛɛ,
\q1 ma daɛↄ ì zɛmɛɛ zã̀zã ma bↄ yã́i.
\q1
\v 12 Gbɛ̃́ pↄ́ ye ma kaikɛↄ ì ma pá,
\q1 ma wɛnaↄ ì vãikpaaĩmanↄ,
\q1 aaìↄ mↄafiliyã gwa ń kↄ̃o gↄↄpii.
\b
\q1
\v 13 Ma gↄ̃ lán swãdowa,
\q1 mili yãmao,
\q1 ma gↄ̃ lán lɛ́nanaalɛadewa,
\q1 mili lɛwɛ̃aao.
\q1
\v 14 Má dɛ lán gbɛ̃́ pↄ́ lí yãmaowa,
\q1 mili yã́zãsimáo.
\b
\q1
\v 15 Dii, ḿmɛ ma wɛ́ dↄnzi,
\q1 ńyↄ̃ ma yãma, Dii ma Lua.
\q1
\v 16 Ma mɛ̀ ńsu to aa tidↄmalao,
\q1 ńsu to aa ĩ́anadã ma tiia guwa yã́io.
\b
\q1
\v 17 Ma ka lɛ́lɛa,
\q1 miↄ ku yã'ↄ̃mauɛ gↄↄpii.
\q1
\v 18 Má a yãvãiↄ siunɛ sa,
\q1 asa ma duuna yã́i ma pↄ yaa.
\b
\q1
\v 19 Ma ibɛɛↄ gbãa mɛ́ aa aafia,
\q1 gbɛ̃́ pↄ́ zamagu pãↄ dasi.
\q1
\v 20 Aaì maa fĩabomɛɛ ń vãio,
\q1 maa má tɛ́i, ↄ̃ aa íbɛlɛsɛ̀manↄ.
\b
\q1
\v 21 Dii, ńsu ma vũaao,
\q1 ma Lua, ńsu ǹyↄ̃ kumanↄ zã̀o.
\q1
\v 22 Mↄ dↄmalɛ kpakpa,
\q1 ma Dii, ma Suabana.
\c 39
\s1 Taaside wiilɛa Luawa
\d Davidi lɛ.
\q1
\v 1 Ma mɛ̀ máↄ azĩa kũa dↄ̃ɛ,
\q1 má tó ma lɛ́ ma da duunauo.
\q1 Tó gbɛ̃vãiↄ kumanↄ, má a lɛ́ fↄ̃́.
\q1
\v 2 Ma lɛ́ kpaaũa, má kú kílikili,
\q1 mi yãe oo, baa yãmaa,
\q1 ↄ̃ ma yã'ↄ̃ma ɛ̀a kã̀fĩ.
\q1
\v 3 Ma sↄ̃ pusu bↄ̀ ma guu,
\q1 kɛ́ ma làasookɛ̀, ma nↄ̀sɛ tɛ́ bↄ̀,
\q1 ↄ̃ ma yã'ò ma mɛ̀:
\b
\q1
\v 4 Dii, to mà a kua lɛ́ dↄ̃,
\q1 ń ma gↄↄ dasilɛo.
\q1 To mà dↄ̃ lá ma wɛ̃ni ì gɛ̃zɛa àa.
\q1
\v 5 N ma wɛ̃ni lɛ́ yↄ̃̀ n ↄtão,
\q1 ma kua dɛ wɛ́ ń níola n kĩ́io.
\q1 Gbɛ̃́pii ì gɛ̃zɛa lán ĩ́anawaɛ,
\q1
\v 6 gbɛ̃nazĩna bɛa ìↄ dɛ lán uenawaɛ.
\q1 Ì kɛ bã̀abãa ì àizɛɛ kãaa,
\q1 ãma a dↄ̃ dé a gↄ̃ɛ̀o.
\b
\q1
\v 7 Lá màaɛ, bↄ́ má wɛ́ aↄ dↄi lↄi?
\q1 Ḿmɛ ma wɛ́ dↄnzi, Dii.
\q1
\v 8 Ma tàaeↄ kɛ̃a,
\q1 ńsu to mìsaideↄ ma àlafiikɛo.
\q1
\v 9 Ma lɛ́ kpaaũa, mi a lɛ́ wɛ̃aao,
\q1 asa ḿmɛ n yã́pi kɛ̀.
\q1
\v 10 Ńsu ma gbɛ̃ lↄo,
\q1 n ↄgbala lɛ́ ma kãsãnkɛ.
\q1
\v 11 Ni gbɛ̃́ toto,
\q1 ni aà wɛtã aà duuna yã́i,
\q1 ni aà àizɛɛ sóso lán blɛ́wa.
\q1 Gbɛ̃́pii ì gɛ̃zɛa lán ĩ́anawaɛ.
\b
\q1
\v 12 Ma wabikɛa si Dii,
\q1 swã́kpa ma wiilɛai.
\q1 Ńsu swã́kaka ma ↄ́ↄlↄaɛo,
\q1 asa n nibↄn ma ũ,
\q1 má dɛ bↄ̀mↄ ũ lán ma deziↄwaɛ.
\q1
\v 13 Wɛwoa kɛ́ mà e màↄ weea,
\q1 e màↄ kɛsai.
\c 40
\s1 Dii sáaukpaa
\d Davidi lɛ.
\q1
\v 1 Ma wɛdↄ̀ Diizi maamaa,
\q1 ↄ̃ à ma wɛgwà à ma wiilɛa mà.
\q1
\v 2 À ma bↄ gbã́o kↄ̃fĩde guu,
\q1 à ma si dɛɛwa.
\q1 À ma gbá pɛ̀lɛ gbɛsi musu,
\q1 à ma zɛ we gíũgiũ.
\q1
\v 3 À lɛ̀ dafu dà ma lɛ́u,
\q1 wá Lua táasilɛa pↄ́ ũ.
\q1 Gbɛ̃́ↄ e dasi, vĩa i ń kṹ,
\q1 aai Dii náaikɛ.
\q1
\v 4 Báaaden gbɛ̃́ pↄ́ Dii náai vĩ
\q1 mɛ́ ìli zɛ ń waladeↄ ń tã́agbagbanaↄo ũ.
\b
\q1
\v 5 Dii ma Lua, n yãbↄnsaɛkɛaↄ dasi,
\q1 wa fↄ̃ yã́ pↄ́ ńlɛ yáwanↄↄ dↄdↄo.
\q1 Tó má dàu lɛ́ siunɛ́,
\q1 a lɛ́ vĩo, má fↄ̃ o píio.
\b
\q1
\v 6 Ń ye sa'obↄ ge gbaio,
\q1 ↄ̃ ń tò ma swã́ mà.
\q1 Ni sa pↄ́ wì a pↄ́ kátɛu à tɛ́kũ
\q1 ge duun awakpabↄ gbɛao.
\q1
\v 7 Ɔ̃ ma mɛ̀: Má kɛ́!
\q1 Lá a ku lá guu ma yã́ musuwa.
\q1
\v 8 Má ye n pↄeã kɛaiɛ, ma Lua,
\q1 n ikoyã ku ma sↄ̃ guu.\f + \fr 40.9 \fr*\ft Ɛbɛ 10.5-7\ft*\f*
\b
\q1
\v 9 Má yã́zɛde baokpa balu guu,
\q1 má a lɛ́ kpaaũo lá ń dↄ̃wà Dii.
\q1
\v 10 Lá ni yãnakpámá, má nílɛo,
\q1 má n náai ń n gbɛ̃suabaao yã'o.
\q1 Má gí n gbɛ̃kɛ ń n sĩandekɛo oi balu guuo.
\q1
\v 11 Dii, ńsu gí ma wɛ̃nagwaio,
\q1 to n gbɛ̃kɛ ń n sĩandekɛo ma dↄ̃́a.
\b
\q1
\v 12 Asa vãi pↄ́ liaamazi lɛ́ vĩo,
\q1 ma tàaeↄ dàmala, má fↄ̃ gu'eo,
\q1 a dasi dɛ ma mikãa, sↄ̃ kɛ̃̀magu.
\b
\q1
\v 13 Dii, suɛ, ma misi,
\q1 Dii, kɛ kpakpa, mↄ dↄmalɛ.
\q1
\v 14 To wí ma wɛnaↄ kṹ,
\q1 aa ń mi pɛlɛ.
\q1 To gbɛ̃́ pↄ́ ye mà yã'eↄ kpɛkpa,
\q1 an gɛɛ gↄ̃ kpá ń wɛ́i.
\q1
\v 15 Gbɛ̃́ pↄ́ aaì omɛɛ, tàalɛ, tàalɛↄ,
\q1 to wí gↄ̃ ń ú ũ.
\q1
\v 16 Gbɛ̃́ pↄ́ aalɛ n kĩ́i wɛɛlɛↄ,
\q1 to an pↄ kɛma na aa yáalↄ.
\q1 Gbɛ̃́ pↄ́ an wɛ́ dↄi ǹ ń suabaↄ,
\q1 aaↄ o láasai Dii zↄ̃ↄ.
\b
\q1
\v 17 Taaside wɛ̃naden ma ũ,
\q1 làasookɛ ma yã́wa, Dii.
\q1 Ḿmɛ ń ma Dↄnlɛde ũ,
\q1 ma Mìsina ũ.
\q1 Ma Lua, ńsu gɛ̃gɛ̃o.
\c 41
\s1 Gyãe wabikɛa
\d Davidi lɛ.
\q1
\v 1 Báaaden gbɛ̃́ pↄ́ ì yɛ̃̀ɛɛsaide yãda ũ,
\q1 Dii ì aà bↄ taasikɛgↄↄ.
\q1
\v 2 Dii a aà dↄ̃́a, a aà gba wɛ̃ni,
\q1 a báaadaaàgu aà bùsuu,
\q1 a aà kpa aà ibɛɛↄwa aa ń pↄeã daɛ̀o.
\q1
\v 3 Dii a zɛaànↄ aà gyãkɛa guu,
\q1 a to aà gyãpi ble.
\b
\q1
\v 4 Ma mɛ̀: Dii, ma duunakɛ̀nɛ,
\q1 ma wɛ̃nagwa, ní ma gbã́gbã.
\q1
\v 5 Ma ibɛɛↄ lɛ́ ga kpaaĩmanↄ aa mɛ̀:
\q1 A ga bↄɛ ni? Bↄɛ aà tↄ́ a midɛi?
\q1
\v 6 Tó aa mↄ̀ ma gwai,
\q1 yãyaaa aaì bↄlɛmɛɛ,
\q1 aaì bao vãi wɛɛlɛ ma yã́ musu,
\q1 ↄ̃ aaì fɛlɛ gɛ fãaa bàasi.
\b
\q1
\v 7 Ma zangudeↄ ì vãikpaaĩmanↄ,
\q1 aaì àsi bɛ̃̀ɛ dↄa aaì mɛ:
\q1
\v 8 Gagyã mɛ́ aà lè,
\q1 a fɛlɛ a wúlɛkĩi beeu lↄo.
\q1
\v 9 Baa ma kpàasia pↄ́ má aà náai vĩ
\q1 wi pↄble sãnu bↄ̀ ma kpɛ.\f + \fr 41.10 \fr*\ft Mat 26.23, Maa 14.18, Luk 22.21, Zãa 13.18\ft*\f*
\b
\q1
\v 10 Mpi sↄ̃ Dii, ma wɛ̃nagwa,
\q1 ma gbã́gbã, mí fĩabonɛ́.
\q1
\v 11 Tó ma ibɛɛↄ i kúkua dↄao,
\q1 máↄ dↄ̃ sa kɛ́ ma yã́ kàngu.
\q1
\v 12 Ń ma kũa ma nↄ̀sɛmaa yã́i,
\q1 n aɛ ìↄ dↄa gↄↄpii.
\q1
\v 13 Báaade Dii, Isailiↄ Lua
\q1 za asĩnizĩ e gↄↄpii!
\q1 Ãmi! Ãmi!
\c 42
\ms1 LÁ PLAADE
\mr Soũↄ 42-72
\s1 Zĩ̀zↄ ↄ́ↄlↄa
\d Kole buiↄ lɛ.
\q1
\v 1 Lá tue ì swa saɛ nidɛ,
\q1 màa n ni ku ma sↄ̃u, Lua.
\q1
\v 2 Lua ni lɛ́ ma dɛ, Lua bɛ̃́ɛpi.
\q1 Bↄɛ má e gɛ wɛsiaàlɛi?
\q1
\v 3 Wɛ́'i mɛ́ gↄ̃̀ ma pↄblea ũ fãanɛ ń gwãasĩnao.
\q1 Wìↄ omɛɛ gↄↄpii:
\q1 N Lua ku máɛ la?
\q1
\v 4 Yã́ɛ beeↄ dↄ̀magu,
\q1 ↄ̃ málɛ ma nↄ̀sɛ yã́ↄ bↄlɛ.
\q1 Miↄ gɛ́ yãa bíla guu e Lua ua,
\q1 gbɛ̃́ↄ ì dↄdↄkↄ̃wa ma kpɛ ń gulao,
\q1 dikpɛkɛnaↄ ì nↄnↄaa ń táasilɛao.
\b
\q1
\v 5 Bↄ́yãi ma sↄ̃ ↄ̃̀ↄkpài?
\q1 Bↄ́yãi ma nↄ̀sɛ yài?
\q1 Sema màↄ wɛdↄ Luazi,
\q1 asa má ɛa màↄ aà táasilɛ,
\q1 ma Suabana, ma Lua.
\b
\q1
\v 6 Ma sↄ̃ ↄ̃̀ↄkpà ↄ̃ n yã́ dↄ̀magu
\q1 za Mizaa gbɛpↄlɛu Yuudɛ̃ mii,
\q1 za Ɛɛmↄ gbɛ̀sĩsĩↄ sↄ̀ↄu.
\q1
\v 7 Ni to isukaa kↄ̃fĩ àↄ dↄ,
\q1 ísiↄ lɛ́ lɛzukↄ̃i,
\q1 ń tò í lɛ́ damala,
\q1 a sↄ̃́ lɛ́ tamanↄ.
\b
\q1
\v 8 Dii ì gbɛ̃kɛkɛmɛɛ fãanɛ,
\q1 aà lɛ ìↄ dↄ ma lɛ́u gwãasĩna
\q1 wabikɛa Lua pↄ́ ma wɛ̃ni ũwa.
\q1
\v 9 Mi o Lua ma gbɛsiɛ:
\q1 Bↄ́yãi ma yã́ sã̀ngui?
\q1 Bↄ́yãi ń tò miↄ bɛ oosisia
\q1 wɛ́tɛ̃a pↄ́ ma ibɛɛ lɛ́ mↄmɛɛ yã́ii?
\q1
\v 10 Ma ĩadamadeↄ ì ma sↄ̃́sↄ̃,
\q1 ma wá ìↄ wí,
\q1 aaìↄ omɛɛ gↄↄpii:
\q1 N Lua ku máɛ la?
\b
\q1
\v 11 Bↄ́yãi ma sↄ̃ ↄ̃̀ↄkpài?
\q1 Bↄ́yãi ma nↄ̀sɛ yài?
\q1 Sema màↄ wɛdↄ Luazi,
\q1 asa má ɛa màↄ aà táasilɛ,
\q1 ma Suabana, ma Lua.
\c 43
\q1
\v 1 Ma yãnakpaa Lua,
\q1 zɛmanↄ bui gbɛ̃kɛsaide yã́ musu,
\q1 ma bↄ gbɛ̃vãi koleapiↄ ↄzĩ.
\q1
\v 2 Lua, ḿmɛ ń ma ulɛkĩi ũ,
\q1 bↄ́yãi n gimazii?
\q1 Bↄ́yãi ń tò miↄ bɛ oosisia
\q1 wɛ́tɛ̃a pↄ́ ma ibɛɛ lɛ́ mↄmɛɛ yã́ii?
\q1
\v 3 Ǹ n gupua ń n sĩanao zĩa,
\q1 i dↄaamɛɛ e n gbɛ̀sĩsĩ musu,
\q1 i gɛmanↄ e n kúkĩi we.
\q1
\v 4 Mí gɛ́ n gbagbakĩi Lua,
\q1 ma pↄ i kɛma na, Lua ma pↄna,
\q1 mí n tↄbↄ ń mↄↄnao, Lua ma Lua.
\b
\q1
\v 5 Bↄ́yãi ma sↄ̃ ↄ̃̀ↄkpài?
\q1 Bↄ́yãi ma nↄ̀sɛ yài?
\q1 Máↄ wɛdↄ Luazi,
\q1 asa má ɛa màↄ aà táasilɛ,
\q1 ma Suabana, ma Lua.
\c 44
\s1 Isailiↄ wɛ̃nakɛa
\d Kole buiↄ lɛ.
\q1
\v 1 Lua, yã́ pↄ́ ń kɛ̀ wá deziↄ gↄↄ,
\q1 aa òwɛ̃ɛ wá swã́ mà.
\q1
\v 2 N ↄpɛ̀ buipãleↄwa n ĩadàmá,
\q1 n wá deziↄ kàlɛ ń gbɛu aa ↄtàu.
\q1
\v 3 An fɛ̃nda mɛ́ ń ká bùsupiwao,
\q1 an gã̀sa gbãa ↄ̃ aa zĩblèòo.
\q1 N zĩa gã̀sa gbãa mɛ́ kɛ̀,
\q1 n kuańnↄ gupùnɛ́, kɛ́ ń yeńzi yã́i.
\b
\q1
\v 4 Ḿmɛ ń ma kía ũ ma Lua,
\q1 ni to Yakↄbu buiↄ zĩble.
\q1
\v 5 Ń n báaao wi ↄpɛ wá ibɛɛↄwa,
\q1 ń n tↄ́o wi ↄ̃zↄ̃ wá wɛ̀lɛpiↄwa.
\q1
\v 6 I kɛ ma sá málɛ a náaikɛo,
\q1 i kɛ ma fɛ̃nda mɛ́ ì ma bↄo.
\q1
\v 7 Asa ḿmɛ ni wá sí wá ibɛɛↄwa,
\q1 ni wida wá zangudeↄwa.
\q1
\v 8 Lua, wiↄ n táasilɛ gↄↄpii,
\q1 wiↄ n tↄbↄ láasai.
\b
\q1
\v 9 Ń beeo n ↄpɛ̀wá ń tò wí wá kṹ,
\q1 nili bↄ ń wá zĩgↄ̃ↄ lↄo.
\q1
\v 10 Ń tò wa pↄ̀ↄbↄzãkɛ̀ wá ibɛɛↄnɛ,
\q1 ń tò wá zangudepiↄ wá pↄ́ↄ nàaa.
\q1
\v 11 N ń gbá zɛ́ aa wá dɛdɛ lán sãↄwa,
\q1 n wá fãaa buipãleↄ guu.
\q1
\v 12 N n gbɛ̃́ↄ yìa àa'aa,
\q1 ni ài'e ń yíaa yã́ musuo.
\q1
\v 13 Ń tò wá saɛdeↄ wá sↄ̃sↄ̃,
\q1 gbɛ̃́ pↄ́ liaawáziↄ wá láanikɛ̀.
\q1
\v 14 Ń tò wa gↄ̃ yãa ũ buipãleↄnɛ,
\q1 gbɛ̃́ↄ ìↄ midɛwɛ̃ɛ.
\q1
\v 15 Miↄ kú ń wío gↄↄpiiɛ,
\q1 ma gɛɛ gↄ̃̀ kpa ma wɛ́i,
\q1
\v 16 ma láanikɛnaↄ ń ma sↄ̃̀sↄ̃naↄ yã́i
\q1 ń ma ibɛɛ pↄ́ aa ye tↄsiaↄ yã́o.
\b
\q1
\v 17 Bee wá lé píi,
\q1 baa kɛ́ n yã́ i sã́wáguo,
\q1 mɛ́ wi ń bàakuawanↄ yã́ gbooo.
\q1
\v 18 Wá nↄ̀sɛ i liaamao,
\q1 wi kɛ̃ n zɛ́wao.
\q1
\v 19 N wá wiwi n wá ká gu gbɛ̃gbondeu,
\q1 n gusia zↄ̃ↄ kũ̀aawá.
\b
\q1
\v 20 Tó wá Lua tↄ́ sã̀wágu,
\q1 ge tó wa wɛdↄ̀ dii zĩ̀lozi yãaɛ,
\q1
\v 21 Lua a gí eie?
\q1 Asa ↄ̃mɛ wá nↄ̀sɛ yã́ dↄ̃ píi.
\q1
\v 22 N yã́i wá kú ga lɛ́zĩ gↄↄpii,
\q1 wì wá dilɛ lán sã pↄ́ wa ń kòlokpaↄwa.\f + \fr 44.23 \fr*\ft Lom 8.36\ft*\f*
\b
\q1
\v 23 Vu, Dii! Àkɛa ńlɛ i'oi?
\q1 Fɛlɛ! Ńsu wá vũaa gↄↄpiio.
\q1
\v 24 Àkɛa n mikpɛlìwɛ̃ɛi?
\q1 Wá wɛ̃nakɛa ń wá wɛtãao sã̀ngu yã̀?
\q1
\v 25 Wa gↄ̃ ye bùsutiu,
\q1 wa gↄ̃ wúlɛa tↄↄlɛ.
\q1
\v 26 Fɛlɛ dↄwálɛ!
\q1 Mↄ ǹ wá misi n gbɛ̃kɛ yã́i.
\c 45
\s1 Kía nↄsɛlɛ
\d Gbɛ̃́ yenzide lɛ pↄ́ Kole buiↄ dà.
\q1
\v 1 Yãna lɛ́ pipi ma sↄ̃ guu,
\q1 ↄ̃ málɛ lɛɛ bee da ń kío.
\q1 Ma lɛ́ na lán ladↄ̃n maa lákɛ̃bↄwa.
\b
\q1
\v 2 N kɛfɛnkɛ dɛ gbɛ̃́piia,
\q1 n lɛgbɛ'i ìↄ na,
\q1 báaa pↄ́ Lua dàngu láaa vĩo.
\q1
\v 3 Zĩgↄ̃ pãsĩ, ǹ ń fɛ̃nda sɛ ǹ loo
\q1 n kíakɛgawi seela ũ.
\q1
\v 4 Di sↄ̃́ kpɛ gɛ zĩble n gawi guu
\q1 sĩana ń yã́zɛdeo yã́i.
\q1 Yã́ pↄ́ ì dimá kɛ ń n ↄplaa gbãao.
\q1
\v 5 Kí, n kaↄ lɛ́ sↄ̃́nɛ,
\q1 a gɛ̃ n ibɛɛↄ sↄ̃ kṹ,
\q1 buiↄ kwɛ n gbázĩ.
\q1
\v 6 Lua, ńyↄ̃ↄ zↄ̃lɛa báawa gↄↄpiiɛ,
\q1 niↄ n kíakɛ lípana kũa yã́zɛde ũ.
\q1
\v 7 Ń ye yã́zɛdei, ń za vãigu.
\q1 A yã́i tò Lua, n Lua, n kpa kpalau,
\q1 à pↄna pìsima dɛ n gbɛ̃́ↄla.\f + \fr 45.8 \fr*\ft Ɛbɛ 1.8-9\ft*\f*
\q1
\v 8 Lí'ↄ gĩnana pìsi ń pↄkasaↄwa,
\q1 mↄↄna'ↄ a n pↄ kɛ na
\q1 n kpɛ́ pↄ́ wa kɛ̀kɛ ń wesa swaao guu.
\q1
\v 9 Kí nɛnↄɛↄ ku n nↄ yenzideↄ guu,
\q1 n nↄ dafu kú n ↄplaai,
\q1 a Ofii bùsu vua zãblebↄↄ daa.
\b
\q1
\v 10 Nɛnↄɛna, swã́kpa ǹ ma!
\q1 N mae bɛ ń n gbɛ̃́ↄ yã́ su dↄaanɛo.
\q1
\v 11 N kɛfɛnkɛ lɛ́ kí mɛ lua,
\q1 misiilɛɛ̀, asa n diin aà ũ.
\q1
\v 12 Tiideↄ mↄ gbadanɛ,
\q1 ↄdeↄ n aɛ wɛɛlɛ.
\b
\q1
\v 13 Kí nɛnↄɛpi zↄ̃lɛ kpɛa ń gawio,
\q1 wà vua ba kɛ̃̀ aà pↄkasaↄwa.
\q1
\v 14 Wàlɛ mↄaànↄ kípiɛ
\q1 ń aà pↄkasa wɛ̃̀sãdeↄ daa.
\q1 Nɛ́ wɛ̃́ndiapi mↄtɛnziↄ tɛaàzi,
\q1 aalɛ mↄaànↄ aà kĩ́i.
\q1
\v 15 Wàlɛ gɛ̃ńnↄ kibɛ,
\q1 wàlɛ pↄnakɛ ń gulakɛao.
\b
\q1
\v 16 N nɛgↄ̃ɛↄ gↄ̃ n maeↄ gɛ̃ɛ ũ,
\q1 ńyↄ̃ ń dilɛdilɛ kíaↄ ũ dṹnia guu píi.
\q1
\v 17 Má tó n tↄ́ àↄ dↄ gbɛ̃́ↄgu láasai,
\q1 bui píi iↄ n sáaukpa gↄↄpii.
\c 46
\s1 Lua kúwanↄ
\d Kole buiↄ lɛ.
\q1
\v 1 Lua mɛ́ wá ulɛkĩi ń wá gbãao ũ,
\q1 ìↄ dↄwálɛ gↄↄpii wá yooyeau.
\q1
\v 2 A yã́i tò sↄ̃ lí kɛ̃́wáguo,
\q1 baa tó dṹnia yà,
\q1 mɛ́ gbɛ̀sĩsĩↄ kwɛ̀ ísiau,
\q1
\v 3 baa tó ípi sùka a fùlabↄ̀,
\q1 mɛ́ gbɛ̀sĩsĩↄ dèe ń kↄ̃fĩo.
\b
\q1
\v 4 Swa ku a í ì mↄ́ ń pↄnao Lua wɛ̃́lɛu,
\q1 Musude kúkĩi pↄ́ a kua adoapi.
\q1
\v 5 Lua ku wɛ̃́lɛpiu, a gↄ̃ bɛzia ũo,
\q1 Lua a dↄaàlɛ gudↄlɛia.
\q1
\v 6 Bui píi lɛ́ wiilɛ,
\q1 kpalaↄ lɛ́ bãdɛ.
\q1 Lua pũ̀na ↄ̃ dṹnia yↄ̀.
\q1
\v 7 Dii Zĩgↄ̃de kúwanↄ,
\q1 Yakↄbu buiↄ Lua mɛ́ wá ulɛkĩi ũ.
\b
\q1
\v 8 À mↄ Dii yãkɛaↄ gwa,
\q1 lá à yãyìa dṹniawa.
\q1
\v 9 Ɔ̃mɛ ì zĩ midɛ e dṹnia lɛ́u,
\q1 ì sáↄ ɛ́'ɛ ì sↄ̃naↄ suumpa,
\q1 ì tɛsↄ̃ sɛ̀ngbaoↄwa.
\q1
\v 10 À zɛ tɛɛɛ, íↄ dↄ̃ mámɛmaa Lua.
\q1 Bui píi a ma kã́fĩ,
\q1 wa ma tↄbↄ dṹnia guu píi.
\q1
\v 11 Dii Zĩgↄ̃de kúwanↄ,
\q1 Yakↄbu buiↄ Lua mɛ́ wá ulɛkĩi ũ.
\c 47
\s1 Lua mɛ́ dṹnia gbɛ̃́pii kía ũ
\d Kole buiↄ lɛ.
\q1
\v 1 Bui píi, à ↄtaalɛ,
\q1 à kúkuakɛ Luaɛ ń gulao.
\q1
\v 2 Asa Dii Musude kà wàↄ aà vĩa vĩ,
\q1 dṹnia gbɛ̃́pii Kía zↄ̃ↄn aà ũ.
\q1
\v 3 A tò wa zĩblè buiↄwa,
\q1 a tò wa ↄ̃zↄ̃̀ gbɛ̃́piↄwa.
\q1
\v 4 À kpaalɛsɛ̀wɛ̃ɛ,
\q1 wápiↄ aà yenzide Yakↄbu buiↄ ĩ́andãbↄ ũ.
\b
\q1
\v 5 Lua fɛ̀lɛ, wàlɛ gulakɛ,
\q1 Dii zɛa, wàlɛ kã̀aepɛ.
\q1
\v 6 À lɛsi Luaɛ, à lɛsiɛ̀,
\q1 à lɛsi wá Kíaɛ, à lɛsiɛ̀.
\q1
\v 7 Asa dṹnia píi Kían aà ũ.
\q1 À lɛsiɛ̀ ń dↄ̃ao.
\b
\q1
\v 8 Lua lɛ́ kible bui píiwa,
\q1 a zↄ̃lɛa a báa pↄ́ a kua adoawa.
\q1
\v 9 Bui píi kpalablenaↄ lɛ́ kãaa
\q1 ń gbɛ̃́ pↄ́ dɛ Ablahaũ Lua gbɛ̃́ↄ ũↄ,
\q1 asa dṹnia kíaↄá Lua pↄ́ɛ.
\q1 A dɛńla píi.
\c 48
\s1 Siↄnaá Lua wɛ̃́lɛɛ
\d Kole buiↄ lɛ.
\q1
\v 1 Dii zↄ̃ↄ,
\q1 à kà wà aà táasilɛ maamaa
\q1 wá Lua wɛ̃́lɛ guu,
\q1 aà gbɛ̀sĩsĩ pↄ́ a kua adoa musu.
\q1
\v 2 Siↄna gbɛ kálɛa maa,
\q1 a dɛ dṹnia gbɛ̃́piiɛ pↄna ũ.
\q1 Kía zↄ̃ↄ wɛ̃́lɛpi\f + \fr 48.3 \fr*\ft Mat 5.35\ft*\f* ku Siↄna gugbãntoo oi.
\q1
\v 3 Lua ku a gudↄ̃akĩiↄ guu,
\q1 a tò wa a dↄ̃ aafia'ekĩi ũ.
\b
\q1
\v 4 Kɛ́ kíaↄ lɛdoũkɛ̀,
\q1 kɛ́ aa mↄ̀ lɛ́lɛiwà sãnu,
\q1
\v 5 kɛ́ aa è màa, ↄ̃ à dìmá,
\q1 iwãa kà ń pↄa ↄ̃ aa tilɛ̀.
\q1
\v 6 Aa gↄ̃̀ ń lualuao
\q1 lán nↄɛ nↄwãwãkɛnawa.
\q1
\v 7 N ń wiwi
\q1 lá gukpɛ ĩ́ana ì laatanaↄ gó'ilɛnaↄ wíwiwa.
\b
\q1
\v 8 Yã́ pↄ́ wá mà ↄ̃ wa wɛsìɛ
\q1 Dii Zĩgↄ̃de wá Lua wɛ̃́lɛ guu.
\q1 Lua wɛ̃́lɛpi kàlɛ àↄ ku gↄↄpiiɛ.
\b
\q1
\v 9 Lua, wá kú n kpɛ́u,
\q1 wálɛ làasookɛ n gbɛ̃kɛwa.
\q1
\v 10 Lua, lá n tↄ́ fã̀aa e dṹnia lɛ́u,
\q1 màa n táasilɛa fã̀aa lↄ.
\q1 Ni yã́gↄ̃gↄ̃ n gbɛ̃́ↄnɛ a zɛ́wa.
\q1
\v 11 Siↄna gbɛ̀sĩsĩdeↄ lɛ́ pↄnakɛ,
\q1 Yuda bùsu wɛ̃́lɛdeↄ pↄ kɛ̀na
\q1 yã́kpalɛ pↄ́ ń kɛ̀ↄ yã́i.
\b
\q1
\v 12 À dↄdↄkↄ̃wa à lia Siↄnai,
\q1 í a bĩ́i musu gudↄ̃akĩi dasiↄ nao.
\q1
\v 13 À a bĩ́iↄ tàasika ń a zɛgikĩiↄ,
\q1 kɛ́ à e dau à siu ziadeↄnɛ.
\q1
\v 14 Asa Lua dee dɛ wá Lua ũ gↄↄpii,
\q1 ì dↄaawɛ̃ɛ e wà gɛ gɛò gɛ́kĩiɛ.
\c 49
\s1 Àizɛɛ náaikɛaá mìsaiyãɛ
\d Kole buiↄ lɛ.
\q1
\v 1 Bui píi, à yã́ɛ bee ma,
\q1 dṹnia gbɛ̃́pii, à swã́kpa,
\q1
\v 2 kíaↄ ń táaaↄ,
\q1 ↄdeↄ ń taasideↄ píi.
\q1
\v 3 Ɔ̃nↄyã kú ma lɛ́u,
\q1 dↄ̃a ku ma sↄ̃u.
\q1
\v 4 Má swãdↄ yáasi yã́i,
\q1 mí polo mↄↄnlɛa guu.
\b
\q1
\v 5 Má vĩakɛ yãpãsĩgↄↄo,
\q1 baa tó ma wɛ̀lɛↄ liaamazi.
\q1
\v 6 Aa ń àizɛɛ náai vĩ,
\q1 aaì ń ↄda ĩ́anadã.
\q1
\v 7 Gbɛ̃e a fↄ̃ gí ń a dee wɛ̃nioo,
\q1 a e pↄe kpa Luawa à aà wɛ̃ni boòo.
\q1
\v 8 Asa gbɛ̃́ wɛ̃ni boa zĩ'ũ,
\q1 àizɛɛ a fↄ̃ bo bauo.
\q1
\v 9 A fↄ̃ to aàↄ ku gↄↄpiio,
\q1 a fↄ̃ giɛ̀ aà wɛsi bɛdalɛo.
\q1
\v 10 Asa wa dↄ̃ baa ↄ̃nↄnaↄ ì ga,
\q1 mìsaideↄ ń sↄũↄ ì midɛ màa píi,
\q1 aaì ń àizɛɛ tó gbɛ̃pãleↄnɛ.
\q1
\v 11 Baa kɛ́ wà ńzĩa tↄ́ kpà bùsuↄnɛ yãa,
\q1 an mia aↄ dɛ ń bɛ ũɛ gↄↄpii,
\q1 an kúkĩi ũ e ń buiwa.
\q1
\v 12 Gbɛ̃nazĩna ń a bɛɛɛkɛo
\q1 ìliↄ ku gↄↄpiio,
\q1 a ta lán nↄ̀bↄↄwaɛ.
\b
\q1
\v 13 Mìsaideↄ láaan we,
\q1 màaɛ lↄ ń gbɛ̃́ pↄ́ tɛ́ ń iaiↄ.
\q1
\v 14 Aa si bɛdau lán sãↄwa,
\q1 ga mɛ́ aↄ dɛ ń dã̀dãna ũ,
\q1 mɛ́ gbɛ̃maaↄ kiblemá zia.
\q1 An mɛↄ yaikɛ miau,
\q1 aaↄ kpɛ́ vĩ lↄo.
\q1
\v 15 Ãma Lua a ma wɛ̃ni si bɛdawa,
\q1 i gbãakpamazi.
\b
\q1
\v 16 Tó gbɛ̃́ lɛ́ gↄ̃ ↄde ũ,
\q1 mɛ́ aà bɛ tↄ́ lɛ́ nakṹ,
\q1 ńsu to à kɛnɛ yãe ũo,
\q1
\v 17 asa a a kee e sɛ taò a gagↄↄo,
\q1 aà àizɛɛↄ e pɛ́lɛaàzio.
\q1
\v 18 Baa tó à azĩa dↄ̃̀ ɛ̀fãaide ũ a wɛ̃nigↄↄ,
\q1 mɛ́ wà aà sáaukpà aà namablea yã́i,
\q1
\v 19 a ta a deziↄ kĩ́i,
\q1 a wɛsi gupualɛ bau lↄo.
\q1
\v 20 Gbɛ̃nazĩna ń a bɛɛɛkɛo,
\q1 tó aà wɛ́ i kɛ̃o,
\q1 a ta lán nↄ̀bↄↄwaɛ.
\c 50
\s1 Lousisia sĩana
\d Asafa lɛ.
\q1
\v 1 Dii Lua Gbãapiide lɛ́ yã'o,
\q1 àlɛ lɛzu dṹnia gbɛ̃́ↄzi
\q1 za ĩatɛ̃bilɛkĩi e a gɛ̃kpɛukĩi.
\q1
\v 2 Lua gawi bìlɛ Siↄna,
\q1 wɛ̃́lɛ pↄ́ a kɛfɛnkɛ bↄlɛi.
\q1
\v 3 Wá Luapi lɛ́ mↄ́, aↄ ku kílikilio.
\q1 Tɛ́ pↄ́ ì kṹmá kú aà aɛ,
\q1 zàa pãsĩ liaaaàzi.
\q1
\v 4 Àlɛ lɛzu musudeↄ ń zĩ́lɛdeↄzi,
\q1 kɛ́ à e yã́kpalɛkɛ ń a gbɛ̃́ↄ.
\q1
\v 5 À mɛ̀: À ma yãmanaↄ kãaamɛɛ,
\q1 gbɛ̃́ pↄ́ ma bàa kúńnↄ sa'oaa yã́iↄ.
\q1
\v 6 Lua mɛ́ yã́kpalɛkɛna ũ,
\q1 musudeↄ ì aà yãkɛa a zɛ́wa kpàwakɛ.
\b
\q1
\v 7 À ma ma gbɛ̃́ↄ, má yãvĩ mà oɛ́,
\q1 Isailiↄ, má bↄbↄánↄ,
\q1 mámɛmaa Lua á Lua.
\q1
\v 8 Málɛ zↄadↄwá á sa'oa yã́io,
\q1 asa i sa pↄ́ wì a pↄ́ kátɛu à tɛ́kũ oa kↄ̃sↄ̃kↄ̃sↄ̃.
\q1
\v 9 Má zuswana pↄ́ kú á kpàsau ni vĩo,
\q1 ge ble pↄ́ kú á kaau,
\q1
\v 10 asa sɛ̃̀anↄbↄↄá ma pↄ́ↄnɛ
\q1 ń pↄtuo wai pↄ́ kú sĩ̀sĩ píi musuↄ.
\q1
\v 11 Má gbɛ̀ musu bãↄ dↄ̃ píi,
\q1 mɛ́ sɛ̃sao pↄkelenaↄ ku ma pↄ́ ũɛ.
\q1
\v 12 Tó nↄa lɛ́ ma dɛ, má oɛ́o,
\q1 asa mámɛ má dṹnia vĩ ń a pↄ́ↄ píi.
\q1
\v 13 Mi zuswana nↄ̀ↄ so yã̀?
\q1 Mi blesana au mi yã̀?
\q1
\v 14 À sa'oa ma sáaukpaa ũ,
\q1 à lɛ́ pↄ́ á kɛ̀ ma Musudewa fĩabo.
\q1
\v 15 À lɛzumazi taasikɛgↄↄ,
\q1 mí á bↄu, í ma kpɛla.
\b
\q1
\v 16 Ɔ̃ Lua ò vãikɛnaↄnɛ:
\q1 Àkɛa álɛ ma yãdilɛaↄ dↄdↄi,
\q1 mɛ́ ma bàakuańnↄ yã́ dↄ á lɛ́ui?
\q1
\v 17 Á ye ma yãdanɛio,
\q1 a ma yã́ↄ kpà kpɛ.
\q1
\v 18 Tó a kpã́i è, i aà kɛ á gbɛ̃́ ũɛ,
\q1 mɛ́ á bàa ìↄ kú ń gbãsĩkɛnaↄ.
\q1
\v 19 Á lɛgbɛ'i vãi,
\q1 mɛ́ i lɛnakasanɛ́.
\q1
\v 20 I zↄ̃lɛ ń á gbɛ̃do tↄ́o,
\q1 mɛ́ i á da nɛ́ bɛ̃̀ɛbo.
\q1
\v 21 A yã́ beeↄ kɛ̀ ↄ̃ má nílɛ.
\q1 Álɛ e má dɛáwaɛ,
\q1 ãma má zↄadↄwá, mí bↄbↄánↄ.
\b
\q1
\v 22 Á gbɛ̃́ pↄ́ ma yã́ sã̀águↄ
\q1 à yã́pi ma.
\q1 Tó màan sↄ̃o, má á taitai,
\q1 gbɛ̃e a e á siao.
\q1
\v 23 Gbɛ̃́ pↄ́ sa'òa ma sáaukpaa ũ
\q1 ade ma kpɛlàɛ,
\q1 àlɛ ma gba zɛ́ mà ↄlↄɛ
\q1 lá mi gbɛ̃́ↄ suabaɛ.
\c 51
\s1 Sùuugbɛaa Luawa
\d Lɛ pↄ́ Davidi dà gↄↄ pↄ́ ãnabi Natã gɛ̀ aà kĩ́i aà gbãsĩkɛa ń Basɛbao gbɛa.\f + \fr 51.1-2 \fr*\ft 2Sam 12.1-15\ft*\f*
\q1
\v 1 Lua, wɛ̃nadↄ̃mɛɛ n gbɛ̃kɛ guu,
\q1 ma tàaeↄ midɛ n maa zↄ̃ↄ yã́i.
\q1
\v 2 Ma gbãsĩ woloa mà gↄ̃ wásawasa,
\q1 ma duuna kɛ̃a míↄmiↄ.
\b
\q1
\v 3 Má a tàaeↄ dↄ̃ sa,
\q1 ma duuna lí sãmaguo.
\q1
\v 4 Ḿmɛ ma duunakɛ̀nɛ,
\q1 ma yã́ pↄ́ ń yeio kɛ̀.
\q1 Tó n fɛlɛa ń yã́o, n yã́ aↄ naɛ,
\q1 tó n yãdàmala, n yã́ aↄ zɛvĩ.\f + \fr 51.6 \fr*\ft Lom 3.4\ft*\f*
\q1
\v 5 Za ma da nↄ̀sɛu má vãi,
\q1 má duuna vĩ za ma igↄↄɛ.
\q1
\v 6 Nↄ̀sɛmaa mɛ́ ì kangu,
\q1 ↄ̃nↄ damɛɛ ma sↄ̃ guu.
\b
\q1
\v 7 Ma zu'o ń saoo mà zɛ̃ wásawasa,
\q1 ma nↄ̀sɛ pípi mà gↄ̃ púnvlãvlã.
\q1
\v 8 To mà pↄnakɛ ń yaalↄo,
\q1 to ma wá pↄ́ ń bùsa wee.
\q1
\v 9 Ńsu ma duuna yãdao,
\q1 ma yãvãiↄ bↄ dilɛ píi.
\b
\q1
\v 10 Lua, nↄ̀sɛpua damɛɛ,
\q1 ɛa to ma sↄ̃ àↄ dilɛa.
\q1
\v 11 Ńsu ma vũaao,
\q1 ńsu ǹ n Nisĩna siao.
\q1
\v 12 Ɛa to ma pↄ kɛ na
\q1 kɛ́ n ma suabà yã́i.
\q1 To pↄeã maa dↄaamɛɛ,
\q1
\v 13 mí n yã́ dada vãikɛnaↄnɛ,
\q1 duunkɛnapiↄ i ɛa zɛnnↄ.
\b
\q1
\v 14 Lua, ma bↄ gbɛ̃dɛa yã́u,
\q1 mí lɛsi n yãkɛa a zɛ́wa musu,
\q1 Lua ma Suabana.
\q1
\v 15 Dii, ma gba lɛ́,
\q1 mí n táasilɛ.
\b
\q1
\v 16 Sa'oa lí kɛnɛ nao,
\q1 tó bee no, dↄ̃ má ò.
\q1 Sa pↄ́ wì a pↄ́ kátɛu à tɛ́kũ lí kánguo.
\q1
\v 17 Sa pↄ́ málɛ oma mɛ́ nↄ̀sɛniɛ ũ,
\q1 nili saka nↄ̀sɛniɛ sùuudeguo.
\b
\q1
\v 18 Lua, ɛ̀fãaikɛ Siↄnaɛ n pↄeã maa guu.
\q1 Yelusalɛũ bĩ́i gba gbãa.
\q1
\v 19 A gbɛa sa'oa a zɛ́wa a kangu
\q1 ń sa pↄ́ wì a pↄ́ kátɛu à tɛ́kũo,
\q1 wi sa'o ń swanaↄ n gbagbakĩiwa.
\c 52
\s1 Ɔde ĩ́andãa
\d Lɛ pↄ́ Davidi dà gↄↄ pↄ́ à gɛ̀ Aimɛlɛki bɛ, ↄ̃ Ɛdↄũ gbɛ̃́ Doegu gɛ ò Sauluɛ.\f + \fr 52.1-2 \fr*\ft 1Sam 22.9-10\ft*\f*
\q1
\v 1 Nɛgↄ̃na, Lua gbɛ̃kɛ ku gↄↄpiiɛ,
\q1 àkɛa ńlɛ ĩ́anadã ń yãvãioi?
\q1
\v 2 Niↄ lɛkↄↄlɛka gbɛ̃́ↄzi gↄↄpii,
\q1 n lɛ́ na lán gɛ̃ mibobↄwa,
\q1 ni gbɛ̃́ↄ gbázĩna zↄ̃ò.
\q1
\v 3 Ń ye vãii dɛ maala,
\q1 ɛɛtoa ì kɛnɛ na dɛ sĩanaa.
\q1
\v 4 Ń ye gbɛ̃kaalɛa yã́i,
\q1 mↄafili mɛ́ dↄ n lɛ́u.
\b
\q1
\v 5 Lua a n kↄ'ɛ e gↄↄpiiɛ,
\q1 a n kũ bↄnnↄ n kpɛ́u,
\q1 a n wo, i n kɛ̃ gbɛ̃́ bɛ̃́ɛↄwa.
\q1
\v 6 Tó gbɛ̃maaↄ è, vĩa a ń kṹ,
\q1 aai n láanikɛ aa mɛ:
\q1
\v 7 Gbɛ̃́ pↄ́ i Lua si a mìsina ũo gwa!
\q1 À a àizɛɛ zↄ̃ↄ náaikɛ̀,
\q1 à gↄ̃̀ gbãade ũ gbɛ̃kaalɛa yã́ musu.
\b
\q1
\v 8 Mapi sↄ̃ má dɛ lán kù lásiade pↄ́ kú Lua uawa,
\q1 má zɛ ń Lua gbɛ̃kɛo gↄↄpiiɛ.
\q1
\v 9 Máↄ n sáaukpa gↄↄpii yã́ pↄ́ ń kɛ̀ yã́i,
\q1 má n tↄbↄ n yãmanaↄ wáa kɛ́ ń maa yã́i.
\c 53
\s1 Mìsaide yã'oa
\r (Soũ 14)
\d Davidi lɛ.
\q1
\v 1 Mìsaideↄ ì o ń sↄ̃ guu Lua kuo,
\q1 aa ↄ̃̀ↄkpà, an yãkɛa vãi,
\q1 yãmaakɛna kú ń guuo.
\q1
\v 2 Za musu Lua ì wɛ́tɛ gbɛ̃nazĩnaↄzi,
\q1 ì gwa tó gbɛ̃e ↄ̃nↄ kà a kĩ́i wɛɛlɛa.
\q1
\v 3 Aa sã̀sã píi aa gↄ̃̀ dↄ̀ↄsai míↄmiↄ,
\q1 yãmaakɛna kú ń guuo, baa do.\f + \fr 53.4 \fr*\ft Lom 3.10-12\ft*\f*
\b
\q1
\v 4 Vãikɛnaↄ wɛ́ lí gu'eo lé?
\q1 Aaì ma gbɛ̃́ↄ mↄ́mↄ lán úwa,
\q1 aali lɛzu Luazio.
\q1
\v 5 Vĩa ń kṹ maamaa,
\q1 vĩa pↄ́ↄ ku we sↄ̃o.
\q1 Lua tò gbɛ̃́ pↄ́ lɛ̀lɛwáↄ gↄ̃̀ kálɛa gɛↄ ũ,
\q1 a widàmá kɛ́ Lua gìńzi yã́i.
\b
\q1
\v 6 Lua, bↄ Siↄna mↄ ǹ Isailiↄ suaba!
\q1 Tó Lua sù ń a gbɛ̃́ↄ ń pá ziu,
\q1 Yakↄbu buiↄ pↄnakɛ,
\q1 Isailiↄ yáalↄ.
\c 54
\s1 Gbɛ̃́ pↄ́ wàlɛ ĩadawà wabikɛa
\d Lɛ pↄ́ Davidi dà gↄↄ pↄ́ Zifideↄ gɛ ò Sauluɛ aa mɛ̀ Davidi ulɛa ń bùsuu.\f + \fr 54.1-2 \fr*\ft 1Sam 23.19, 26.1\ft*\f*
\q1
\v 1 Lua, ma suaba n tↄ́ yã́i,
\q1 yã́simanↄ ń n gbãao.
\q1
\v 2 Lua, ma wabikɛama ma,
\q1 swã́kpa ma yã'oai.
\b
\q1
\v 3 Asa buipãleↄ fɛ̀lɛmanↄɛ,
\q1 gbɛ̃́ pãsĩpiↄ lɛ́ ma wɛ,
\q1 aali Lua yãdao.
\b
\q1
\v 4 Lua mɛ́ ma dↄnlɛde ũ,
\q1 Dii mɛ́ ma wɛ̃nikũna ũ.
\q1
\v 5 Gbɛ̃́ pↄ́ lɛ́ ma wɛↄ vãi sↄaamá,
\q1 ǹ ń bãdɛ n náai yã́i.
\q1
\v 6 Má sa'oma ń ma pↄeãoɛ,
\q1 má n tↄbↄ Dii, asa ń maa.
\q1
\v 7 À ma bↄ ma yooyea píi guu,
\q1 a tò ma tidↄ̀ ma ibɛɛↄla.
\c 55
\s1 Wabikɛa Luawa kua ĩadama guu
\d Davidi lɛ. Wì sí ń kúuↄɛ.
\q1
\v 1 Lua, ma wabikɛama ma,
\q1 ńsu láka ma yã́ao.
\q1
\v 2 Swã́sɛ ma yã́i, ní wea,
\q1 ma làasoo lìaa ma gↄ̃ bíli guu,
\q1
\v 3 ma ibɛɛↄ yã'oa ń gbɛ̃vãiↄ wɛbiiaao yã́i.
\q1 Asa aalɛ taasi daaɛ,
\q1 aa ma kũa ń kpɛ̃nɛo.
\q1
\v 4 Sↄ̃ kɛ̃̀magu,
\q1 ga tòlobi zùmagu.
\q1
\v 5 Vĩa ma kũ ń lualuaao,
\q1 iwãa pãsĩ kà ma pↄa.
\q1
\v 6 Tó má gã̀sĩa vĩ lán felenawa,
\q1 má vua gɛ́ kã́maboiɛ.
\q1
\v 7 Má bàalɛ gɛ́ zã̀zãɛ,
\q1 mí gɛ zↄ̃lɛ guwaiwaiu.
\q1
\v 8 Má wã gɛ ulɛkĩi wɛɛlɛ,
\q1 kɛ́ zàa'ĩan gbãa su ma leo yã́i.
\q1
\v 9 Ǹ ń fu Dii, ǹ ń yã́ yãalɛnɛ́,
\q1 asa má è zↄa ń sòleo kú wá wɛ̃́lɛuɛ.
\q1
\v 10 Aaì kpálɛkɛ bĩ́i musu fãanɛ ń gwãasĩnao,
\q1 yãvãi ń yã́ gbãao di wɛ̃́lɛpiuɛ.
\q1
\v 11 Gbɛ̃dɛdɛa yã́ mɛ́ wɛ̃́lɛpi pà,
\q1 gbãamↄanɛ́ ń mↄafilio lí kɛ̃́lɛ a gãaɛo.
\b
\q1
\v 12 Tó ibɛɛ mɛ́ lɛ́ ma wɛ yãa, a sã̀ↄ,
\q1 tó ma wɛ̀lɛ mɛ́ fɛ̀lɛmanↄ, má ulɛɛ̀ɛ.
\q1
\v 13 É'e mpi! N gbɛ̃́ pↄ́ wá sáa,
\q1 ma gbɛ̃do pↄ́ dɛ ma gbɛ̃na ũɛa?
\q1
\v 14 Wi faaibo ń kↄ̃o yãa nana,
\q1 wiↄ tɛkↄ̃i dasi guu Lua uaa?
\b
\q1
\v 15 Ga a zãmakɛ ma ibɛɛↄnɛ,
\q1 aai si bɛdau ń gbãagↄↄ,
\q1 asa vãi zↄ̃lɛkĩi è ń guuɛ.
\q1
\v 16 Mapi sↄ̃ mi lɛzu Luazi,
\q1 ↄ̃ Dii ì ma suaba.
\q1
\v 17 Kↄↄ, fãanɛ ń oosio
\q1 miↄ a yã'ↄ̃maↄ bↄlɛɛ̀ ń aauo,
\q1 ↄ̃ ì ma yãma.
\q1
\v 18 Baa kɛ́ ma ibɛɛↄ dasi, aali ma leo,
\q1 Lua ì ma bↄ sòleu aafia.
\q1
\v 19 Luapi ìↄ zↄ̃lɛa báawa gↄↄpiiɛ,
\q1 a ma yãma, i widamá.
\q1 Aali nↄ̀sɛlilɛo, aaliↄ aà vĩa vĩo.
\b
\q1
\v 20 Gbɛ̃́pi ↄ wãa ń a gbɛ̃́ↄ,
\q1 à bↄ̀ lɛdoũ pↄ́ aa kɛ̀ ń kↄ̃o kpɛ.
\q1
\v 21 Ì na o ń wáa lán zↄ́wa,
\q1 ãma sòle làasoo mɛ́ kú aà sↄ̃u.
\q1 Ì lɛnakasanɛ́ páipai,
\q1 ãma yaalↄma ba da bↄ̀ↄuɛ.
\b
\q1
\v 22 Ɔzↄ̃ Diiɛ n yã'ↄ̃maↄi, iↄ n kũa,\f + \fr 55.23 \fr*\ft 1Piɛ 5.7\ft*\f*
\q1 ìli tó gbɛ̃maa fù bauo.
\b
\q1
\v 23 Gbɛ̃dɛna náaisaidepiↄ ń gↄↄ guo leo.
\q1 Lua, ńyↄ̃ to aa si bɛda gbã́ou.
\b
\q1 Mapi sↄ̃ máↄ n náai vĩ.
\c 56
\s1 Zĩakpaa Luawa
\d Lɛ pↄ́ Davidi dà gↄↄ pↄ́ Filitɛ̃ↄ aà kũ̀ Gata.\f + \fr 56.1 \fr*\ft 1Sam 21.13-15\ft*\f*
\q1
\v 1 Ma wɛ̃nagwa Lua, wàlɛ pɛa,
\q1 wìↄ zĩkamanↄ wàↄ ĩadaa gↄↄpiiɛ.
\q1
\v 2 Ma kpàkpanapiↄ ìↄ pɛa gↄↄpiiɛ,
\q1 an wala yã́i aalɛ zĩkaimanↄ.
\q1
\v 3 Tó vĩa lɛ́ ma kṹ, má n náai vĩ.
\q1
\v 4 Má Lua táasilɛ yã́ pↄ́ a ò yã́i,
\q1 má Lua náai vĩ, má vĩakɛo.
\q1 Bↄ́ gbɛ̃nazĩna a fↄ̃ kɛmɛɛi?
\b
\q1
\v 5 Aaìↄ ma yã́ kpaanlabo gↄↄpiiɛ,
\q1 aaì vãi lɛkpaaĩmazi.
\q1
\v 6 Aaì sòle da, aaì ulɛmɛɛ,
\q1 aaì ma kpákpa, aaìↄ ye ma dɛ.
\q1
\v 7 Lua, ńsu to an gbɛ̃e bↄo,
\q1 gbɛ̃́piↄ nɛ ń pↄkũmao.
\b
\q1
\v 8 Ma bàalɛ̀ liaaliaaaↄ yãda,
\q1 ma wɛ́'ika n tùuna guu.
\q1 A ku n taala guuo lé?
\q1
\v 9 Tó ma lɛzù Luazi,
\q1 ma ibɛɛↄ kpɛkpa,
\q1 míↄ dↄ̃ kɛ́ à yãsìmanↄ.
\q1
\v 10 Má Lua táasilɛ yã́ pↄ́ a ò yã́i,
\q1 ao, má Dii táasilɛ yã́pi oa yã́i.
\q1
\v 11 Má Lua náai vĩ, má vĩakɛo.
\q1 Bↄ́ gbɛ̃nazĩna a fↄ̃ kɛmɛɛi?
\b
\q1
\v 12 Lua, má lɛ́ pↄ́ má kɛ̀maↄ fĩabo,
\q1 má sáaukpa sa'oma.
\q1
\v 13 Asa n ma si gawa,
\q1 n ma gbá vĩ̀ lí miↄn pãsĩa,
\q1 kɛ́ màↄ bɛnnↄ gupua pↄ́ ì wɛ̃ni kpámáu.
\c 57
\s1 Wiilɛa Lua Musudewa
\d Lɛ pↄ́ Davidi dà gↄↄ pↄ́ à bàalɛ̀ Sauluɛ à ùlɛ gbɛ̀'ɛu.\f + \fr 57.1 \fr*\ft 1Sam 22.1, 24.3\ft*\f*
\q1
\v 1 Wɛ̃nadↄ̃mɛɛ, Lua, wɛ̃nadↄ̃mɛɛ,
\q1 asa ḿmɛ mi nanzi.
\q1 Ma sↄlↄ n kúlukulunau
\q1 mi bↄ ga lɛ́zĩ.
\b
\q1
\v 2 Málɛ wiilɛ Lua Musudewa,
\q1 Lua ì ma yã́ píi bↄↄlɛkɛmɛɛ.
\q1
\v 3 A to dↄnlɛ bↄ za musu à ma suaba,
\q1 a zↄadↄ gbɛ̃́ pↄ́ aalɛ pɛaↄwa.
\q1 A a gbɛ̃kɛ ń a náaiyão kɛmɛɛ.
\b
\q1
\v 4 Má kú nↄ̀ↄmusuↄ sↄ̀ↄu,
\q1 ma gↄ̃ wúlɛa wàiↄ guu.
\q1 Gbɛ̃́piↄ lɛ́na na lán fɛ̃ndawa,
\q1 an swaa dɛ lán sↄ̃naↄ ge kaↄwa.
\q1
\v 5 Lua, ǹ ńzĩa tↄbↄ e a zↄ̃ma,
\q1 to n gawi li dṹniaa píi.
\b
\q1
\v 6 Aa baikpàmɛɛ ma táa'ozɛu
\q1 ↄ̃ ma gↄ̃ yeelɛa,
\q1 aa ɛyↄ̃̀ ma aɛ ↄ̃ aa zù ɛpiu.
\b
\q1
\v 7 Ma sↄ̃ dilɛa Lua, ma sↄ̃ dilɛa,
\q1 má lɛsi mà n táasilɛ.
\q1
\v 8 Ma nisĩna, su!
\q1 Ma mↄↄna ń ma domao, vu!
\q1 Mí gbãakpa gudↄazi.
\q1
\v 9 Dii, má n sáaukpa buiↄ guu,
\q1 má n táasilɛ gbɛ̃́ↄnɛ.
\q1
\v 10 Asa n gbɛ̃kɛ zↄ̃ↄ zↄ̃̀ma,
\q1 mɛ́ n náai zↄ̃̀ luabɛpuanawa.
\q1
\v 11 Lua, ǹ nzĩa tↄbↄ e a zↄ̃ma,
\q1 to n gawi li dṹniaa píi.\f + \fr 57.12 \fr*\ft Soũ 108.2-6\ft*\f*
\c 58
\s1 Gbɛ̃vãiↄ kaa Luawa
\d Davidi lɛ.
\q1
\v 1 Gbãadeↄ, i yã'o a zɛ́waa?
\q1 I yã́kpalɛkɛ ń gbɛ̃́ↄ a zɛ́waa?
\q1
\v 2 I yã́ kolea wàaipa á sↄ̃ guu,
\q1 i gbãamↄ gbɛ̃́ↄnɛ á bùsuu.
\b
\q1
\v 3 Gbɛ̃vãiↄ sã́sãa za ń igↄↄɛ,
\q1 ɛɛdeↄ ↄ̃̀ↄkpaa za ń da nↄ̀sɛuɛ.
\q1
\v 4 An lɛgbɛ'i dɛ lán mlɛ̃̀ sɛwɛwa,
\q1 aa dɛ lán kyã́ pↄ́ a swã́ kàkawa,
\q1
\v 5 asa ìli a kↄ̃̀ↄ'ona kulɛ'ↄ mao,
\q1 ìli a wɛliaanɛde gↄ̃i eo.
\b
\q1
\v 6 Lua, ǹ ń swaa ɛ́'ɛnɛ́ ń lɛ́u,
\q1 Dii, nↄ̀ↄmusupiↄ kãnkãnaↄ wolo,
\q1
\v 7 aai gɛ̃zɛa lán í bàalɛawa.
\q1 Tó aa sagòlɛ, ǹ ń kaↄ ɛ́'ɛ.
\q1
\v 8 Aa giigaga zɛ́u lán kòlo lɛ́'iwa,
\q1 aaↄ dɛ lán nɛ́ pↄ́ wa ì gɛ̀, i ĩatɛ̃ eowa.
\q1
\v 9 E lɛ̀ yàa miↄn tɛ́ àↄ gɛ́ oo wãi,
\q1 gbɛ̃vãiↄ gɛ̃zɛa ń ĩ́anaoɛ.
\b
\q1
\v 10 Tó gbɛ̃maaↄ è Lua tↄsìnɛ́ gbɛ̃vãipiↄwa,
\q1 mɛ́ aa ń gbá pìpi ń ń auo,
\q1 an pↄ a kɛ na.
\q1
\v 11 Gbɛ̃́ↄ i mɛ: Gbɛ̃maaↄ ài vĩ fá!
\q1 Lua ku, ì yã́kpalɛkɛ dṹniau.
\c 59
\s1 Ma si ma ibɛɛↄwa
\d Lɛ pↄ́ Davidi dà gↄↄ pↄ́ Saulu gbɛ̃́ↄ zĩ̀ aa aà dã́dã aà bɛ aa aà dɛ.\f + \fr 59.1 \fr*\ft 1Sam 19.11\ft*\f*
\q1
\v 1 Ma Lua, ma si ma ibɛɛↄwa,
\q1 ma bↄ gbɛ̃́ pↄ́ fɛ̀lɛmanↄↄ guu.
\q1
\v 2 Ma si vãikɛnaↄwa,
\q1 ma bↄ gbɛ̃dɛnaↄ ↄzĩ.
\q1
\v 3 Gwa, aalɛ ma kpakpaɛ,
\q1 gbɛ̃́ pãsĩↄ lɛ́ sòlekɛmanↄ.
\q1 Dii, mi tàae ge duunakɛnɛ́o,
\q1
\v 4 mi zãnɛ́ yãewao,
\q1 ↄ̃ aa kú ń naaamanↄ sↄuo.
\q1 Ma wɛgwa! Fɛlɛ mↄ dↄmalɛ!
\q1
\v 5 Mpi Dii Lua Zĩgↄ̃de, Isailiↄ Lua,
\q1 fɛlɛ ĩada bui píiwa.
\q1 Ńsu bↄnkpɛde vãipiↄ wɛ̃nagwao.
\b
\q1
\v 6 Aaì ɛa su oosi lↄ, aaì wɛ̃́lɛ kɛɛlɛ,
\q1 aaì hɛ̃̀ɛkɛa lán gbɛ̃ↄwa.
\q1
\v 7 Gwa, an lɛ́'i lɛ́ tↄ̃́,
\q1 fɛ̃na kpá ń lɛ́u.
\q1 Aaì mɛ ńlɛ ń yãmao.
\b
\q1
\v 8 Mpi sↄ̃ Dii, ni ń yáalↄ,
\q1 ni bui píi láanikɛ.
\q1
\v 9 Lua ma gbãa, ma wɛ́ dↄnzi,
\q1 ḿmɛ ń ma aafia'ekĩi ũ.
\b
\q1
\v 10 Lua a dↄaamɛɛ a gbɛ̃kɛ guu,
\q1 a to mà tidↄ ma wɛ̀lɛpiↄla.
\q1
\v 11 Dii wá sɛ̀ngbao, ńsu ǹ ń dɛdɛo,
\q1 kɛ́ an yã́ su sã ma gbɛ̃́ↄguo yã́i.
\q1 To aa olo'olobo,
\q1 ní ń kwɛ́ ń n gbãao.
\q1
\v 12 Yã́ pↄ́ ì bↄ ń lɛ́uá duunaɛ.
\q1 To an tòe ń pui,
\q1 asa aaì lɛgbɛ̃ pãɛ aaì gbɛ̃́ ká.
\q1
\v 13 Ǹ ń midɛ ń pↄkũmao,
\q1 ǹ ń bãdɛ, aasu wàↄ ku lↄo.
\q1 Gbɛ̃́ pↄ́ kú e tↄↄlɛ lɛ́waↄ i dↄ̃
\q1 Lua mɛ́ lɛ́ kible Yakↄbu buiↄwa.
\b
\q1
\v 14 Aaì ɛa su oosi, aaì wɛ̃́lɛ kɛɛlɛ,
\q1 aaì hɛ̃̀ɛkɛa lán gbɛ̃ↄwa.
\q1
\v 15 Aaì liaaliaa wàↄ pↄblea wɛɛlɛ,
\q1 tó aai kão, aaì gbokɛɛ.
\q1
\v 16 Mapi sↄ̃ má lɛsi n gbãa yã́ musu,
\q1 má gulakɛ kↄↄ n gbɛ̃kɛ yã́ musu,
\q1 asa ḿmɛ ń ma aafia'ekĩi ũ,
\q1 ḿmɛ ń ma ulɛkĩi ũ taasikɛgↄↄzĩ.
\q1
\v 17 Lua ma gbãa, má n táasilɛ,
\q1 asa ḿmɛ ń ma aafia'ekĩi ũ,
\q1 ni gbɛ̃kɛkɛmɛɛ.
\c 60
\s1 Wá zĩble ń Lua gbãao
\d Lɛ pↄ́ Davidi dà gↄↄ pↄ́ à zĩkà ń Sili pↄ́ kú Mɛsↄpↄtami bùsuu ń Zoba bùsuuↄ, ↄ̃ Yoabu sù à Ɛdↄũↄ dɛ̀dɛ Guzulɛ Wisideu gbɛ̃ↄn ↄ̀aasↄsↄo lɛɛ kuɛpla (12.000).\f + \fr 60.1-2 \fr*\ft 2Sam 8.13\ft*\f*
\q1
\v 1 Lua, n pↄ pàwázi,
\q1 n ↄpɛ̀wá n wá vũaa,
\q1 ɛa ↄkawázi sa.
\q1
\v 2 Ń tò wá bùsu lùa e à pàa,
\q1 ɛa ǹ a gbɛ tata, asa à gↄ̃̀ looaɛ.
\q1
\v 3 Ń tò n gbɛ̃́ↄ yã́ zĩ'ũ è,
\q1 n í gbãa kàkawɛ̃ɛ ↄ̃ wa pãpãzɛa.
\b
\q1
\v 4 N dàlapoo dà n vĩakɛnaↄnɛ
\q1 kɛ́ aa e bↄ gbɛ̃́ↄ ka lɛ́zĩ.
\q1
\v 5 Wewá, wá suaba ń n gã̀sa gbãao,
\q1 kɛ́ wápiↄ n gbɛ̃́ yenzideↄ wá e bↄ.
\b
\q1
\v 6 Lua yã'ò za a kúkĩi à mɛ̀:
\q1 Má Sikɛũ kpaalɛ ń tidↄańlao,
\q1 mí Suko guzulɛ kpámá.
\q1
\v 7 Galada bùsuá ma pↄ́ɛ,
\q1 Manase buiↄ bùsuá ma pↄ́ɛ,
\q1 Ɛflaiũ buiↄ bùsuá ma mↄ̀ fùaɛ,
\q1 Yuda bùsuá ma lípanaɛ.
\q1
\v 8 Mↄabuↄ bùsuá ma zion zu'obↄɛ,
\q1 mi a kyale kálɛ Ɛdↄũↄ bùsuwa,
\q1 mi kúkua dↄ Filitɛ̃ↄ bùsuwa.
\b
\q1
\v 9 Démɛ a gɛ̃manↄ wɛ̃́lɛ bĩ́ideui?
\q1 Démɛ a dↄaamɛɛ e Ɛdↄũↄ bùsuui?
\q1
\v 10 Lua, mɛ́ i kɛ n gbɛ̃́ pↄ́ n wá vũaa
\q1 nili bↄ ń wá zĩgↄ̃ↄ lↄo bàasio.
\q1
\v 11 Ɔdawá wá ibɛɛↄ yã́ musu,
\q1 asa gbɛ̃nazĩna gbɛ̃suabaaá pãɛ.
\q1
\v 12 Wá zĩble ń Lua gbãao,
\q1 ↄ̃mɛ a ↄ̃zↄ̃ wá ibɛɛↄwa.\f + \fr 60.14 \fr*\ft Soũ 108.7-14\ft*\f*
\c 61
\s1 Kía wabikɛa Luawa
\d Davidi lɛ.
\q1
\v 1 Lua, swã́sɛ ma wiilɛai,
\q1 laaidↄ ma wabikɛawa.
\q1
\v 2 Kua za tↄↄlɛ lɛ́wa ma lɛzùnzi.
\q1 Ma sↄ̃ lɛ́ wo ↄ̃ ma n sisi.
\q1 Gɛmanↄ gbɛsi pↄ́ a lɛsĩ dɛmala kĩ́i.
\q1
\v 3 Asa ḿmɛ ń ma aafia'ekĩi ũ,
\q1 ma kalanga gbãa ũ ma ibɛɛↄ aɛ.
\q1
\v 4 Má ye màↄ ku n ua gↄↄpiiɛ,
\q1 míↄ sↄlↄa n kúlukulunau.
\q1
\v 5 Lua, asa n ma lɛgbɛ̃anɛ mà,
\q1 ↄ̃ n gba pↄ́ ni da n vĩakɛnaↄnɛ dàmɛɛ.
\b
\q1
\v 6 Kía wɛ̃ni dↄɛ̀ ń mↄgalao,
\q1 to aà ka a gↄↄwa.
\q1
\v 7 Aàↄ kpalable n dↄ̃a guu gↄↄpii,
\q1 ǹ aà dↄ̃́a n gbɛ̃kɛ ń n náaio yã́i,
\q1
\v 8 míↄ n táasilɛ lá gu lɛ́ dↄ,
\q1 míↄ lɛ́ pↄ́ má kɛ̀ma fĩabo gↄↄpii.
\c 62
\s1 Lua mɛ́ ulɛkĩi ũ
\d Davidi lɛ.
\q1
\v 1 Lua ado mɛ́ tò ma sↄ̃ dilɛa,
\q1 ↄ̃mɛ ì ma suaba.
\q1
\v 2 Ɔ̃mɛ ma gbɛsi ũ, ma Suabana ũ.
\q1 Mi gbãa'ewà, má fu bauo.
\b
\q1
\v 3 Gɛ̃n ũma áↄ ãna'ãna gbɛ̃́wai?
\q1 Á aà nɛ lán gĩ̀ yɛɛlɛa ge kaa ziwa yã̀?
\q1
\v 4 Aà goa a tía lɛ́ ↄ̃ álɛ kpaaĩ,
\q1 ɛɛtoa mɛ́ ì kɛɛ́ na.
\q1 I samaa'o gbɛ̃́ɛ ń lɛ́oɛ,
\q1 ↄ̃ i ń ká á sↄ̃ guu.
\b
\q1
\v 5 Lua ado mɛ́ tò ma sↄ̃ dilɛa,
\q1 asa aàpi ma wɛ́ dↄi.
\q1
\v 6 Ɔ̃mɛ ma gbɛsi ũ, ma Suabana ũ.
\q1 Mi gbãa'ewà, má fu bauo,
\q1
\v 7 Ma aafia ń ma bɛɛɛo ì bↄ aà kĩ́iɛ,
\q1 ↄ̃mɛ ma gbɛsi gbãa ũ,
\q1 ↄ̃mɛ ma ulɛkĩi ũ.
\q1
\v 8 Gbɛ̃́ↄ, àↄ aà náai vĩ gↄↄpii,
\q1 à á sↄ̃ wɛ̃ɛ̀, ↄ̃mɛ wá ulɛkĩi ũ.
\b
\q1
\v 9 Gbɛ̃nazĩnaↄ dɛ lán lɛ́'ĩanawaɛ,
\q1 an kee náai vĩo.
\q1 Tó wà ń yↄ̃́ kiloowa,
\q1 ampii aaↄ dɛ fauunnↄɛ.
\q1
\v 10 Ásu gbɛ̃ble'ↄ̃a náaikɛo,
\q1 ásu ĩ́anadã ń kpã́i pↄ́oo.
\q1 Tó á àizɛɛ lɛ́ kↄ̃́,
\q1 ásu to à á sↄ̃ bleo.
\b
\q1
\v 11 Yã́ mɛ̀ndo Lua ò,
\q1 yã́ mɛ̀n plaɛ beeↄ má mà:
\q1 Lua mɛ́ gbãa vĩ,
\q1
\v 12 mɛ́ mpi Dii, ḿmɛ ń gbɛ̃kɛ vĩ,
\q1 ↄ̃ ni fĩaboò baadeɛ a yãkɛawa.\f + \fr 62.13 \fr*\ft Mat 16.27, Lom 2.6, Zia 2.23\ft*\f*
\c 63
\s1 Lua nidɛa
\d Lɛ pↄ́ Davidi dà gↄↄ pↄ́ a ku Yuda gbáau.\f + \fr 63.1 \fr*\ft 1Sam 23.14\ft*\f*
\q1
\v 1 Lua, ma Luan n ũ,
\q1 málɛ n aɛya,
\q1 ma nisĩna yenzi,
\q1 málɛ n nidɛ
\q1 lán guwaiwai pↄ́ lɛ́ í nidɛwa.
\q1
\v 2 Ma n e n kúkĩi,
\q1 ma n gbãa ń n gawio gwà.
\q1
\v 3 N gbɛ̃kɛ maamɛɛ dɛ wɛ̃nia,
\q1 a yã́i n táasilɛa aↄ dↄ ma lɛ́u.
\q1
\v 4 Máↄ n sáaukpa e ma wɛ̃ni lɛ́u,
\q1 má ↄsɛ musu mà n sísi.
\q1
\v 5 Má kã́ lá wì nↄ̀ↄ bↄ́ↄ gbɛ̃ wà kãwa,
\q1 n táasilɛa aↄ dↄ ma lɛ́u ń gulakɛao.
\b
\q1
\v 6 N yã́ ì dↄmagu ma wúlɛkĩi,
\q1 mi làasookɛma gwãasĩna.
\q1
\v 7 Málɛ lɛsi sↄlↄa ń kúlukulunau,
\q1 asa ḿmɛ ń ma dↄnlɛde ũ.
\q1
\v 8 Ma nisĩna yenzi,
\q1 ń ma kũa n ↄplaau.
\b
\q1
\v 9 Gbɛ̃́ pↄ́ aalɛ ma wɛↄ midɛ,
\q1 aa si tↄↄlɛ nↄnau.
\q1
\v 10 Lua a to wà ń dɛdɛ ń fɛ̃ndaoɛ,
\q1 aai gↄ̃ gbɛ̃gbonaↄ blɛ ũ.
\q1
\v 11 Kí sↄ̃ a pↄ a kɛ ń Luawa nao.
\q1 Gbɛ̃́ pↄ́ mɛ̀ amↄↄma Lua á sìò
\q1 aↄ vĩvĩ ń pↄnaoɛ,
\q1 ɛɛdeↄ sↄ̃ an lɛ́ a gↄ̃ kpaaũaɛ.
\c 64
\s1 Ma si gbɛ̃vãiↄwa
\d Davidi lɛ.
\q1
\v 1 Lua, ma aaukɛa wii ma,
\q1 ma bↄ ma ibɛɛ pↄ́ má ń vĩa vĩↄ ↄzĩ.
\q1
\v 2 Ma si gbɛ̃vãiↄ lɛkpaaĩamaziwa,
\q1 ma bↄ vãikɛnaↄ zↄau.
\q1
\v 3 Aaì ń lɛ́ kɛkɛ lán fɛ̃ndawa,
\q1 aaì yãpãsĩↄ o lán kazuawa.
\q1
\v 4 Aaì ye láu aa tàaesaide gbã́,
\q1 aaì aà pá kã́ndo, vĩa lí ń kũo.
\q1
\v 5 Aaì tɛ́kpakↄ̃u ń vãikɛa guu,
\q1 aaì bai pↄ́ aalɛ kpánɛ́ↄ yã'o.
\q1 Aaì mɛ: Gbɛ̃e a wá eo.
\q1
\v 6 An vãi lɛkpaaĩa kↄ̃sɛ̀ aa mɛ̀,
\q1 lɛ́ pↄ́ wá kpàaĩ bↄ̀lɛi.
\q1 Gbɛ̃nazĩna nↄ̀sɛ guu yã́ↄ asii zↄ̃ↄ.
\b
\q1
\v 7 Ãma Lua a ń gbã́ ń kao,
\q1 a ń kɛ'ĩa kã́ndo.
\q1
\v 8 A tó yã́ pↄ́ aa ò wí ń musu,
\q1 gbɛ̃́ pↄ́ ń é píi iↄ mikɛ déũdeũ.
\q1
\v 9 Vĩa a gbɛ̃́pii kṹ,
\q1 aai Lua yãkɛaↄ galikɛ,
\q1 aaiↄ zĩ pↄ́ a kɛ̀ↄ tàasi kũa.
\q1
\v 10 Gbɛ̃maaↄ pↄ a kɛ Diiwa na,
\q1 aa naaàzi,
\q1 nↄ̀sɛpuadeↄ aà táasilɛ ḿpii.
\c 65
\s1 Bui píi wɛ́ dↄ Luazi
\d Davidi lɛ.
\q1
\v 1 Lua, à kũ̀ wà n táasilɛ Siↄnaɛ,
\q1 wi lɛ́ pↄ́ wa kɛ̀maↄ fĩabo.
\q1
\v 2 Lá ni gbɛ̃́ wabikɛa ma,
\q1 bui píi a wi danlaɛ.
\q1
\v 3 Wá yãvãiↄ làasoo wá kṹ gbãa,
\q1 ↄ̃ n wá tàaeↄ kɛ̃̀wá.
\q1
\v 4 Báaaden gbɛ̃́ pↄ́ ń sɛ̀
\q1 n gɛ̃aànↄ n ua ũ.
\q1 N kpɛ́ pↄmaaↄ wá kã́,
\q1 n kpɛ́ pↄ́ a kua adoapi.
\q1
\v 5 Ni wewá a zɛ́wa ń yãbↄnsaɛkɛao,
\q1 Lua wá Suabana.
\q1 Za dṹnia lɛ́wa ń ísia baaleo
\q1 gbɛ̃́ↄ wɛ́ dↄnzi.
\b
\q1
\v 6 Ń gbãa daa ula ũ,
\q1 n gbɛ̀sĩsĩↄ kɛ̀ ń n ikoo.
\q1
\v 7 Ni ísia ń a ísↄ̃ↄ kↄ̃fĩo kpálɛ,
\q1 ni buipãleↄ zↄa midɛ.
\q1
\v 8 N dabudabukɛa dì gbɛ̃́ pↄ́ kú tↄↄlɛ lɛ́ↄwa,
\q1 wì guladↄma za ĩatɛ̃bilɛkĩi ń a gɛ̃kpɛukĩio.
\b
\q1
\v 9 Ni laaidↄ dṹniawa,
\q1 ni táaekɛ tↄↄlɛɛ.
\q1 Ni aà gba í, n swaↄ pai ń ío,
\q1 ni to blɛwɛna kɛ, asa màa n zɛò.
\q1
\v 10 Ni idagua e bugbaanaↄ pa,
\q1 ni guↄ foofↄ̃ ń louo,
\q1 ni báaada pↄ́ pↄ́ bↄ̀lɛu.
\q1
\v 11 Ni ɛ̀fãaida buazĩu wɛ̃ ń wɛ̃o,
\q1 blɛ níside ì kwɛ n iau.
\q1
\v 12 Sɛ̃sao dã́dãkɛkĩiↄ sɛ̃̀bↄlↄ kɛ̀,
\q1 sĩ̀sĩↄ pↄna ula dà.
\q1
\v 13 Pↄtuoↄ lì dã́dãkɛkĩiↄla,
\q1 blɛwɛna daa gua sĩ̀sĩpↄlɛu.
\q1 Wàlɛ wiilɛ ń pↄnao, wàlɛ lɛsi.
\c 66
\s1 Lua sáaukpaa
\q1
\v 1 Dṹnia gbɛ̃́pii, à guladↄ Diiwa,
\q1
\v 2 à lɛsi aà tↄ́ gawi yã́ musu,
\q1 à aà táasilɛ à aà tↄbↄ.
\q1
\v 3 À o Luaɛ: N yãkɛaↄ ì dimá,
\q1 n gbãa zↄ̃ↄ ì to n ibɛɛↄ vlãnau.
\q1
\v 4 Dṹnia gbɛ̃́pii ì kúlɛnɛ,
\q1 aaì n táasilɛ aa n tↄbↄ.
\b
\q1
\v 5 À mↄ Lua yãkɛaↄ gwa,
\q1 yã́ pↄ́ a kɛ̀ gbɛ̃nazĩnaↄnɛ i diwá.
\q1
\v 6 À ísia lì gugii ũ\f + \fr 66.6 \fr*\ft Bↄa 14.21\ft*\f*
\q1 aa bùa swawa kɛ̀sɛ.\f + \fr 66.6 \fr*\ft Yoz 3.14-17\ft*\f*
\q1 Wà pↄnakɛ aà yã́ musu.
\q1
\v 7 Ìↄ kible ń a gbãao gↄↄpii,
\q1 aà wɛ́ ìↄ ku bui píiwa.
\q1 Swã́gbãadeↄ su dↄ́ɛaànↄo.
\b
\q1
\v 8 Buipãleↄ, à wá Lua sáaukpa,
\q1 aà táasilɛa àↄ dↄ á lɛ́u.
\q1
\v 9 Ìↄ wá wɛ̃ni dↄ̃́awɛ̃ɛ,
\q1 ìli tó wa kpaguao.
\q1
\v 10 Lua, asa n wá yↄ̃́,
\q1 n wá baasa lán ã́nusuwa.
\q1
\v 11 N gɛwanↄ gukpaoloonau,
\q1 n wá wó wì ń aso gbiao.
\q1
\v 12 Ń tò wà ↄzↄ̃̀zↄ̃ wá mikpɛi,
\q1 wà tɛ́ dìwɛ̃ɛ, í wá kṹ wá nↄɛ,
\q1 ↄ̃ n mↄwanↄ gu namadeɛ beeu.
\b
\q1
\v 13 Má mↄ́ n ua ń sa pↄ́ wì a pↄ́ kátɛu à tɛ́kũ obↄo,
\q1 má lɛ́ pↄ́ má kɛ̀maↄ fĩabo,
\q1
\v 14 yã́ pↄ́ bↄ̀ ma lɛ́u ma taasikɛgↄↄ.
\q1
\v 15 Má sa'oma ń pↄ́ mɛkpaaↄ,
\q1 má sãsakaoↄ kpasanɛ,
\q1 mí n gbagba ń zuswanaↄ ń blesanaↄ.
\b
\q1
\v 16 Á gbɛ̃́ pↄ́ á Lua vĩa vĩↄ, à mↄ ma,
\q1 mí yã́ pↄ́ a kɛ̀mɛɛ oɛ́.
\q1
\v 17 Ma wiilɛ̀wà,
\q1 aà táasilɛa dↄ ma lɛ́u.
\q1
\v 18 Tó má yãvãi kũa ma sↄ̃u,
\q1 dↄ̃ Dii gì ma yãmai.
\q1
\v 19 Ãma à ma yãmà,
\q1 ↄ̃ à ma wabikɛa sì.
\q1
\v 20 Má Lua sáaukpa,
\q1 i gí ma wabikɛa maio,
\q1 i gí gbɛ̃kɛkɛimɛɛo.
\c 67
\s1 Báaa gbɛaa Luawa
\d Lɛ pↄ́ wì sí ń kúuↄɛ.
\q1
\v 1 Lua, wá wɛ̃nagwa,
\q1 wá wɛgwa, ní báaadawágu,
\q1
\v 2 kɛ́ dṹnia gbɛ̃́pii n zɛ́ dↄ̃,
\q1 bui píi i dↄ̃ lá ni gbɛ̃́ suaba.
\q1
\v 3 Wa n táasilɛ Lua,
\q1 gbɛ̃́pii a n táasilɛ.
\q1
\v 4 Bui píi a pↄnakɛ, i gulakɛ,
\q1 asa ni yã́kpalɛkɛ ń gbɛ̃́ↄ a zɛ́wa,
\q1 ni dↄaa buiↄnɛ píi.
\q1
\v 5 Wa n táasilɛ Lua,
\q1 gbɛ̃́pii a n táasilɛ.
\b
\q1
\v 6 Tↄↄlɛ a blɛkɛ,
\q1 Lua wá Lua a báaadawágu.
\q1
\v 7 Lua a báaadawágu,
\q1 gbɛ̃́pii i vĩakɛɛ̀ e dṹnia lɛ́wa.
\c 68
\s1 Lua zↄ̃ↄkɛ
\d Davidi lɛ.
\q1
\v 1 Lua lɛ́ fɛlɛ, aà ibɛɛↄ lɛ́ fãaa,
\q1 aà zangudeↄ lɛ́ bàalɛɛ̀.
\q1
\v 2 Lá súɛlɛ ì gɛ̃ ń ĩ́anao,
\q1 kɛnɛ́ màa, Lua,
\q1 lá zↄ́ nísi ì yↄ tɛ́ saɛ,
\q1 vãikɛnaↄ midɛ n aɛ màa.
\q1
\v 3 Gbɛ̃maaↄ sↄ̃ aa pↄnakɛ,
\q1 aa yáalↄ Lua aɛ,
\q1 aa vĩvĩ ń pↄna zↄ̃ↄo.
\b
\q1
\v 4 À lɛsi Luaɛ à lɛ́mawà.
\q1 A di luabɛpuana kpɛ, à aà tↄbↄ.
\q1 Aà tↄ́n Dii, à kúkuakɛ aà aɛ.
\q1
\v 5 Kua aà gu pↄ́ a kua adoa guu,
\q1 Luaá tonɛↄ maeɛ,
\q1 gyaaↄ zɛnnↄdeɛ.
\q1
\v 6 Lua ì bɛkpa zĩ̀loↄnɛ,
\q1 ì zĩ̀zↄↄ bↄlɛ à ń da namau.
\q1 Swã́gbãadeↄ sↄ̃ aaↄ ku gugiiuɛ.
\b
\q1
\v 7 Lua, kɛ́ n dↄaa n gbɛ̃́ↄnɛ,
\q1 kɛ́ n bɛɛlɛńnↄ guwaiwaiu,
\q1
\v 8 tↄↄlɛ lùalua, lou kwɛ̀ n aɛ,
\q1 n Lua pↄ́ n yã'ò Sinai gbɛ musu,\f + \fr 68.9 \fr*\ft Bↄa 19.18\ft*\f*
\q1 Lua, Isailiↄ Lua.
\q1
\v 9 Lua, n ɛ̀fãai pìsinɛ́ kↄ̃sↄ̃kↄ̃sↄ̃,
\q1 ↄ̃ n ń bùsu kpɛɛna gbà gbãa.
\q1
\v 10 N gbɛ̃́ↄ zↄ̃̀lɛ a guu Lua,
\q1 n wɛ̃nadeↄ gbà pↄ́ n maakɛa yã́i.
\b
\q1
\v 11 Dii yã'ò,
\q1 ↄ̃ bíla gↄ̃̀ aà baokpanaↄ ũ.
\q1
\v 12 Kíaↄ ń ń zĩgↄ̃ↄ lɛ́ tílɛ kpakpa,
\q1 gↄ̃ɛ pↄ́ gↄ̃̀ bòouↄ lɛ́ ń pↄ́ↄ kpaalɛ.
\q1
\v 13 Baa kɛ́ a i sã kaaↄ sↄ̀ↄu,
\q1 ã́nusu kú ma felena gã̀sĩaa,
\q1 a kã́ↄ lɛ́ tɛkɛ lán vuawa.
\q1
\v 14 Kɛ́ Gbãapiide kíaↄ fã̀aa,
\q1 aa lì tↄↄlɛa lán Zalamↄ gbɛ̀ nɛɛziwa.
\b
\q1
\v 15 Basana gbɛ̀sĩsĩ dɛ a kĩniↄla,
\q1 Basana gbɛ̀sĩsĩ misonaↄ dasi.
\q1
\v 16 Á gbɛ̀ misonaↄ, bↄ́yãi álɛ wɛbii
\q1 gbɛ pↄ́ Lua sɛ̀ a kiblekĩi ũwai?
\q1 Dii mɛ́ aↄ ku we gↄↄpii.
\q1
\v 17 Dii sↄ̃́goↄ lɛ́ vĩo, à kà miliↄ̃ do.
\q1 Dii bↄ̀ò za Sinai,
\q1 à mↄ̀ pìla a gu pↄ́ a kua adoau.
\q1
\v 18 N dɛdɛ musu ń zĩ̀zↄↄ,\f + \fr 68.19 \fr*\ft Ɛfɛ 4.8\ft*\f*
\q1 n gba sì gbɛ̃́ↄwa falu ũ,
\q1 baa swã́gbãadeↄ,
\q1 ↄ̃ n zↄ̃lɛ we, Dii Lua.
\b
\q1
\v 19 Wà Dii sáaukpa, Lua wá Suabana,
\q1 ìↄ wá aso kũawɛ̃ɛ lá gu lɛ́ dↄɛ.
\q1
\v 20 Wá Luaá Lua pↄ́ ì gbɛ̃́ suabaɛ,
\q1 Dii Lua mɛ́ ì wá bↄ ga lɛ́zĩ.
\q1
\v 21 Lua a a ibɛɛↄ mi wíwinɛ́,
\q1 gbɛ̃nazĩn mikã dↄ̀ɛ pↄ́ aa tɛ́ ń duunawaↄ.
\q1
\v 22 Dii mɛ̀: Má á bↄlɛ Basana bùsuu,
\q1 má á bↄlɛ ísia títiu,
\q1
\v 23 kɛ́ à á gbáↄ pípi ń á ibɛɛↄ auo,
\q1 á gbɛ̃ↄ lɛ́naↄ i ń baa ewà.
\b
\q1
\v 24 Lua, wa n gbɛ̃́ↄ è aa dↄ̀dↄkↄ̃wa,
\q1 ma Lua ma Kía, aalɛ mↄ́ n kúkĩi.
\q1
\v 25 Lɛ̀sinaↄ dↄaaa, pↄlɛnaↄ tɛ zã́,
\q1 wɛ̃́ndia sɛ̃́sɛ̃mpanaↄ ku guo.
\q1
\v 26 À Lua tↄbↄ balu guu,
\q1 à Dii kpɛla Isailiↄ kↄ̃kãaau.
\q1
\v 27 Nɛ́ gↄ̃zãna Bɛ̃yãmɛɛ buiↄ mɛ́ dↄaaa,
\q1 bee gbɛa Yuda kíaↄ ń ń gbɛ̃́ↄ
\q1 ń Zabulↄni bui kíaↄ ń Nɛfatali bui kíaↄ.
\b
\q1
\v 28 Á Lua dìlɛɛ́ àↄ gbãa.
\q1 Lua, bↄ ń n gbãa pↄ́ ń ↄ̀lↄwɛ̃ɛo.
\q1
\v 29 Kíaↄ mↄnɛ ń ń gbaↄ
\q1 n kpɛ́ pↄ́ kú Yelusalɛũ yã́i.
\q1
\v 30 Zↄa dↄ ílɛnↄbↄ Egipiwa,
\q1 zↄadↄ buiↄ swanaↄ ń ń gbɛ̃́ↄwa.
\q1 Ãnusu gopana tↄ̃́má,
\q1 gbɛ̃́ pↄ́ zĩkaa ì kɛnɛ́ naↄ fãaa.
\q1
\v 31 Egipiↄ gbɛ̃́ↄ zĩma,
\q1 Etiopiↄ wã aa ↄdↄnzi, Lua.
\b
\q1
\v 32 Dṹnia kpalablenaↄ, à lɛsi Luaɛ,
\q1 à Dii táasilɛ.
\q1
\v 33 A di lounaa kpɛ musumusu za zizi,
\q1 à ma, àlɛ pũna gbã́ugbãu.
\q1
\v 34 À Lua gbãa galikɛ,
\q1 wa aà zↄ̃ↄkɛ dↄ̃ Isailiↄwa,
\q1 aà gbãa ku luabɛpuanau.
\q1
\v 35 Lua, kua n kúkĩi ń zↄ̃ↄ,
\q1 Isailiↄ Lua ì gbãa ń ikoo kpa a gbɛ̃́ↄwa.
\q1 Wà Lua sáaukpa!
\c 69
\s1 Wabikɛa Luawa kua ĩadama guu
\d Davidi lɛ.
\q1
\v 1 Lua, ma suaba,
\q1 asa í ma kũ ma nↄɛɛ.
\q1
\v 2 Dɛɛ lɛ́ ma mↄ́, ma ka zã̀,
\q1 tepɛkĩi kuo.
\q1 Ma kpalɛ ísiu,
\q1 ísↄ̃ lɛ́ damala.
\q1
\v 3 Ma wiilɛ̀ ma kpasa,
\q1 ma kòlo nàaa,
\q1 ma wɛdↄ̀ ma Luazi
\q1 e ma wɛ́ gɛ̀ lɛ́ wo.
\q1
\v 4 Gbɛ̃́ pↄ́ aa zamagu pãↄ\f + \fr 69.5 \fr*\ft Zãa 15.25\ft*\f* dasi dɛ ma mikãa,
\q1 ma ibɛɛ pↄ́ aa ye ma dɛ pↄewiwinɛ́saiↄ lɛ́ vĩo.
\q1 Pↄ́ pↄ́ mi a kpã́i'oo ↄ̃ aa mɛ̀ mà a nɛ'i mà kpá.
\b
\q1
\v 5 Lua, ń ma mìsaiyãↄ dↄ̃,
\q1 ma tàaeↄ ulɛanɛo.
\q1
\v 6 Dii Lua Zĩgↄ̃de, gbɛ̃́ pↄ́ an wɛ́ dↄnziↄ
\q1 ńsu to wí ń kṹ ma yã́io.
\q1 Isailiↄ Lua, gbɛ̃́ pↄ́ aaì n kĩ́i wɛɛlɛↄ
\q1 ńsu to an tↄ́ ↄ̃̀ↄkpa ma yã́io.
\q1
\v 7 Asa n yã́i mi sↄ̃́sↄ̃a fↄ̃i,
\q1 ↄ̃ ma gɛɛ gↄ̃̀ kpa ma wɛ́i.
\q1
\v 8 Ma gↄ̃ zĩ̀lo ũ ma gbɛ̃́ↄ guu,
\q1 ma gↄ̃ gbɛ̃ando ũ ma da bɛdeↄ guu.
\q1
\v 9 N kpɛ́ yã́ ma kũ gbãa,
\q1 àlɛ ma ibaba,\f + \fr 69.10 \fr*\ft Zãa 2.17\ft*\f*
\q1 n sↄ̃̀sↄ̃naↄ n sↄ̃́sↄ̃a gↄ̃̀mɛɛ.\f + \fr 69.10 \fr*\ft Lom 15.3\ft*\f*
\q1
\v 10 Mi lɛye pↄsia guu,
\q1 ↄ̃ wìↄ ma sↄ̃sↄ̃.
\q1
\v 11 Mi zwã̀nkasaↄ fĩfĩa,
\q1 ↄ̃ wìↄ ma kɛ pↄ́ↄpↄↄ.
\q1
\v 12 Gbɛ̃́ pↄ́ zↄ̃lɛ gãaɛↄ ì ma pe,
\q1 ígbãaminaↄ ì lɛdamanↄ.
\b
\q1
\v 13 Dii, málɛ wabikɛma,
\q1 ńsu to à bↄ n pↄ kpɛo,
\q1 wea Lua, n gbɛ̃kɛ zↄ̃ↄ yã́i,
\q1 ní ma suaba sĩana.
\q1
\v 14 Ma bↄ bɛ̀lɛu,
\q1 ńsu to mà kpálɛuo.
\q1 Ma bↄ ísiu,
\q1 ma si ma zangudeↄwa.
\q1
\v 15 Ńsu to ísↄ̃ damalao,
\q1 ńsu to mà kpálɛ ísiuo,
\q1 ńsu to wà tɛ̃́ɛna kamalao.
\q1
\v 16 Wea Dii, asa n gbɛ̃kɛ maa,
\q1 ma wɛgwa n sùuu zↄ̃ↄ guu.
\q1
\v 17 Ńsu mikpɛli n zↄ̀blenaɛo,
\q1 wea kpakpa, asa ma gↄ̃ yeelɛaɛ.
\q1
\v 18 Sↄ̃mazi, ma misi,
\q1 ma suaba ma ibɛɛↄ yã́i.
\b
\q1
\v 19 Ń ma sↄ̃́sↄ̃a ń widaaao ń ma kpɛbↄao dↄ̃,
\q1 ńlɛ gbɛ̃́ pↄ́ aa yã́kũamanↄↄ e.
\q1
\v 20 Sↄ̃́sↄ̃a ma sↄ̃ zↄ̃̀, ma gↄ̃ yɛ̃̀ɛɛsai,
\q1 gbɛ̃́ pↄ́ a ma wɛgwa ↄ̃ má wɛ̀ɛlɛ, mi eo,
\q1 gbɛ̃́ pↄ́ a ma nↄ̀sɛ nínimɛɛ ↄ̃ ma wɛdↄ̀i, a kuo.
\q1
\v 21 Aa ɛsɛ vãi kàmɛɛ blɛu,
\q1 kɛ́ imi ma kũ gbãa, aa vɛ̃ɛ kũ̀ma kpàa.\f + \fr 69.22 \fr*\ft Mat 27.48, Maa 15.36, Luk 23.36, Zãa 19.28-29\ft*\f*
\b
\q1
\v 22 To an dikpɛkɛa gↄ̃nɛ́ bai ũ, wà ń kṹ,
\q1 to an kua aafia yã'inɛ́.
\q1
\v 23 To an wɛ́ siakũ, kɛ́ aasu gu'eo,
\q1 to an wó gↄ̃ koolonnↄ gↄↄpii.\f + \fr 69.24 \fr*\ft Lom 11.9-10\ft*\f*
\q1
\v 24 Ǹ n kpɛ̃nɛmuu bↄbↄmá,
\q1 ǹ n pↄkũma pãsĩ pisimá.
\q1
\v 25 An bòo gↄ̃ bòo zia ũ,
\q1 an gbɛ̃e su àↄ ku kɛ́ à zↄ̃lɛ ń kpɛ́u lↄo,\f + \fr 69.26 \fr*\ft Zĩn 1.20\ft*\f*
\q1
\v 26 asa aaì ĩada gbɛ̃́ pↄ́ ń gbɛ̃̀waɛ,
\q1 aaì gbɛ̃́ pↄ́ ń zↄ̃̀ wãwã galikɛ.
\q1
\v 27 Ǹ ń yã́ píi tàaeↄ dańla,
\q1 an baa su àↄ ku n gbɛ̃suabaa guuo.
\q1
\v 28 Ǹ ń tↄ́ waa wɛ̃ni taala guu,\f + \fr 69.29 \fr*\ft Bↄa 32.32, Zia 3.5, 13.8, 17.8\ft*\f*
\q1 an tↄ́ su àↄ ku lá doũ guu ń gbɛ̃maaↄ tↄ́oo.
\b
\q1
\v 29 Lua, má kú taasi ń yã'ↄ̃mao guu,
\q1 ma sɛ lɛsĩ mà bↄu aafia.
\q1
\v 30 Má Lua tↄbↄ lɛsia guu,
\q1 má aà sáaukpa mà aà kã́fĩ.
\q1
\v 31 Bee a ka Diigu dɛ sa'oa ń zuoa,
\q1 a kɛɛ̀ na dɛ zugaaena kↄ́badea.
\q1
\v 32 Taasideↄ e, aai pↄnakɛ,
\q1 á luakĩiwɛɛlɛnaↄ á sↄ̃ i níni.
\q1
\v 33 Asa Dii ì wɛ̃nadeↄ yãma,
\q1 ìli saka a gbɛ̃́ pↄ́ dɛ zĩ̀zↄ ũↄguo.
\q1
\v 34 À aà táasilɛ musu ń tↄↄlɛo,
\q1 ísia ń pↄ́ pↄ́ kú a guuↄ píi.
\q1
\v 35 Asa Lua a Siↄna suaba,
\q1 a ɛa Yuda wɛ̃́lɛↄ kálɛ,
\q1 aà gbɛ̃́ↄ i zↄ̃lɛu ń pↄ́ ũ.
\q1
\v 36 Aà zↄ̀blenaↄ nɛ́ↄ mɛ́ aa gↄ̃ vĩ,
\q1 gbɛ̃́ pↄ́ ye aà tↄ́ naipiↄ iↄ ku a guu.
\c 70
\s1 Wiilɛa Suabanai
\r (Soũ 40.14-18)
\d Davidi lɛ.
\q1
\v 1 Lua, ma misi,
\q1 Dii, kɛ kpakpa mↄ dↄmalɛ.
\q1
\v 2 To wí gbɛ̃́ pↄ́ lɛ́ ma wɛↄ kṹ,
\q1 aa ń mi pɛlɛ.
\q1 To gbɛ̃́ pↄ́ ye mà taasikɛↄ kpɛkpa,
\q1 an gɛɛ gↄ̃ kpá ń wɛ́i.
\q1
\v 3 Gbɛ̃́ pↄ́ aaì omɛɛ, tàalɛ tàalɛↄ,
\q1 to aa ɛa ń wío.
\q1
\v 4 Gbɛ̃́ pↄ́ aalɛ n kĩ́i wɛɛlɛↄ,
\q1 to an pↄ kɛma na aa yáalↄ.
\q1 Gbɛ̃́ pↄ́ an wɛ́ dↄi ǹ ń suabaↄ,
\q1 aa o láasai Lua zↄ̃ↄ.
\q1
\v 5 Taaside wɛ̃naden ma ũ,
\q1 Lua, kɛ kpakpa.
\q1 Ḿmɛ ń ma Dↄnlɛde ũ,
\q1 ḿmɛ ń ma Mìsina ũ,
\q1 Dii, ńsu gɛ̃gɛ̃o.
\c 71
\s1 Mae zↄ̃ↄ wabikɛa Luawa
\q1
\v 1 Dii, ma nanziɛ,
\q1 ńsu to wí ma kũ bauo.
\q1
\v 2 Ma misi, ma bↄ n maakɛa yã́i,
\q1 swã́kpamazi, ma suaba.
\q1
\v 3 Ma gbɛsi pↄ́ máli gɛ́ ulɛi a guun n ũ.
\q1 Ń dìlɛ ǹ ma suaba,
\q1 asa ma gbɛsi ń ma zɛgikĩion n ũ.
\q1
\v 4 Ma Lua, ma bↄ vãikɛnaↄ ↄzĩ,
\q1 ma si gbɛ̃́ bɛ̃̀ɛ pãsĩↄwa.
\b
\q1
\v 5 Ḿmɛ ma wɛ́ dↄnzi, Dii Lua,
\q1 ḿmɛ má n náai vĩ za ma ɛ̀waasogↄↄ.
\q1
\v 6 Ma sↄ̃ kpálɛanzi za nɛasakpɛuɛ,
\q1 ḿmɛ n ma bↄ ma da nↄ̀sɛu.
\q1 N táasi miↄ lɛ gↄↄpii.
\q1
\v 7 Ma kua dɛ yãbↄnsaɛ ũ gbɛ̃́ dasideɛ,
\q1 asa ḿmɛ ń ma ulɛkĩi gbãa ũ.
\q1
\v 8 N táasilɛa ìↄ dↄ ma lɛ́u,
\q1 miↄ n maabo kↄↄ ń oosio.
\q1
\v 9 Ńsu pãkpamazi ma zikũa yã́io,
\q1 ńsu ma vũaa ma gbãa láaa yã́io.
\q1
\v 10 Asa ma ibɛɛↄ lɛ́ ma yã'o,
\q1 ma wɛ̀lɛↄ lɛ́ lɛkpaaĩ ma wɛ̃nibↄai.
\q1
\v 11 Aa mɛ̀: Lua gìaàziɛ,
\q1 wà aà ya kṹ,
\q1 gbɛ̃e ku à aà suabao.
\q1
\v 12 Lua, ńsu ǹyↄ̃ kumanↄ zã̀o,
\q1 ma Lua, kɛ kpakpa mↄ dↄmalɛ.
\q1
\v 13 To wí gbɛ̃́ pↄ́ lɛ́ yãdↄaↄ kṹ,
\q1 aa midɛ,
\q1 to sↄ̃́sↄ̃a da gbɛ̃́ pↄ́ lɛ́ ĩadaaↄla,
\q1 an tↄ́ ↄ̃̀ↄkpa.
\q1
\v 14 Mapi sↄ̃, ma wɛ́ ìↄ dↄnzi láasaiɛ,
\q1 miↄ n táasilɛ màↄ gɛ́.
\q1
\v 15 N maakɛa aↄ dↄ ma lɛ́u gↄↄpiiɛ
\q1 ń n gbɛ̃suabaa pↄ́ má a lɛ́ dↄ̃oo.
\q1
\v 16 Má mↄ mà Dii Lua gↄ̃sakɛyãↄ galikɛ,
\q1 n mɛ̀ndo maakɛa má dↄ gbɛ̃́ↄgu.
\b
\q1
\v 17 N yãdàdamɛɛ za ma ɛ̀waasogↄↄ,
\q1 Lua, e tia málɛ n yãbↄnsaɛↄ o'o.
\q1
\v 18 Baa kɛ́ ma zikũ̀, ma mikã pua,
\q1 ńsu ma to weo, Lua,
\q1 kɛ́ mà e n gbãa galikɛ tiadeↄnɛ,
\q1 mí n gↄ̃sakɛyã dau siu gbɛ̃́ pↄ́ aalɛ fɛlɛↄnɛ.
\q1
\v 19 Lua, n maakɛa zↄ̃̀ma,
\q1 n yãzↄ̃ↄkɛ̀, démɛ muaannↄi?
\q1
\v 20 Ń tò taasi pãsĩ ma le dasidasi,
\q1 ãma ńyↄ̃ ɛa ǹ ma gba wɛ̃ni,
\q1 ńyↄ̃ ɛa ǹ ma bↄ tↄↄlɛ nↄnau.
\q1
\v 21 Ńyↄ̃ ma bɛɛɛ kã́fĩmɛɛ,
\q1 ńyↄ̃ ɛa ma nↄ̀sɛ nínimɛɛ lↄ.
\q1
\v 22 Ma Lua, má n sáaukpa ń mↄↄnao n náai yã́i.
\q1 Isailiↄ Lua pↄ́ n kua adoa, má n táasilɛ ń kúuo.
\q1
\v 23 Gula aↄ dↄ ma lɛ́u.
\q1 Ma gbɛ̃́ pↄ́ n ma mìsi,
\q1 má n táasilɛ.
\q1
\v 24 Máↄ n maakɛa o gↄↄpiiɛ,
\q1 asa wí gbɛ̃́ pↄ́ lɛ́ ma vãi wɛɛlɛↄ kũ̀,
\q1 an gɛɛ gↄ̃̀ kpá ń wɛ́i.
\c 72
\s1 Wabikɛa Luawa
\d Salomↄↄ lɛ.
\q1
\v 1 Lua, ǹ n iko kpa kíawa,
\q1 ǹ n maakɛ kpa kíabuipiwa,
\q1
\v 2 kɛ́ aà dↄaa n gbɛ̃́ↄnɛ a zɛ́wa,
\q1 i yã́gↄ̃gↄ̃ táaaↄnɛ a zɛ́wa,
\q1
\v 3 gbɛ̀sĩsĩↄ i mↄ gbɛ̃́ↄnɛ ń aafiao,
\q1 sĩ̀sĩↄnaↄ i to aaↄ ku nama guu.
\q1
\v 4 Kía a to yã́ bↄ ń táaaↄ na,
\q1 a taaside nɛ́ↄ suaba,
\q1 i gbãamↄnɛdeↄ wíwi.
\b
\q1
\v 5 Aↄ ku lá ĩatɛ̃ ìↄ ku gↄↄpiiwa,
\q1 lán mↄvua kua wɛ̃ ń wɛ̃owa.
\q1
\v 6 Aↄ dɛ lán zuↄ louwa,
\q1 lán mↄ̀sɛ pↄ́ ì pisi tↄↄlɛwawa.
\q1
\v 7 Gbɛ̃maaↄ ↄta aà gↄↄ,
\q1 nama a kɛ zài e mↄ gɛ midɛò.
\b
\q1
\v 8 A kible za ísialɛ la ń a lɛ́leo,
\q1 za Uflata e dṹnia lɛ́wa.\f + \fr 72.8 \fr*\ft Zkl 9.10\ft*\f*
\q1
\v 9 Bui pↄ́ kú guwaiwaiuↄ mↄ kúlɛɛ̀,
\q1 aà ibɛɛↄ wúlɛ ń gbɛɛu aà aɛ.
\q1
\v 10 Taasisi ń ísia baa kíaↄ falubↄɛ̀,
\q1 Seba ń Saba kíaↄ mↄ gbadaɛ̀.
\q1
\v 11 Kíaↄ mↄ kúlɛɛ̀ ḿpii,
\q1 bui píi a misiilɛɛ̀.
\b
\q1
\v 12 Asa a wɛ̃nade pↄ́ an wii dↄↄ bↄɛ,
\q1 a taaside pↄ́ dↄnlɛde vĩoↄ misi.
\q1
\v 13 A yɛ̃̀ɛɛsaideↄ wɛ̃nagwa,
\q1 a taasideↄ bↄ ga lɛ́zĩ.
\q1
\v 14 A ń bↄ gbãamↄnɛdeↄ ń gbɛ̃́ pãsĩↄ ↄzĩ,
\q1 asa an kua bɛɛɛ vĩɛ̀.
\b
\q1
\v 15 Lua kía dↄ̃ ń aafiao!
\q1 Wiↄ aà gba Seba bùsu vua,
\q1 wiↄ wabikɛɛ̀ Luawa gↄↄpii,
\q1 wiↄ samaa'oɛ̀ láasai.
\q1
\v 16 Bua pↄ́ↄ kɛ aà bùsuu maamaa,
\q1 a láↄ aↄ da sĩ̀sĩↄ musu síii,
\q1 aa nɛ'i aa pia lán Libã lákpɛwa,
\q1 aa gbã lán kàsapuwa sɛ̃saou.
\q1
\v 17 Aà tↄ́ aↄ ku gↄↄpii lán ĩatɛ̃waɛ,
\q1 bui píi a báaa e aà sabai, aai aà tↄnasi.
\q1
\v 18 Wà Dii Lua, Isailiↄ Lua sáaukpa!
\q1 Ɔ̃mɛ ì yãbↄnsaɛↄ kɛ ado.
\q1
\v 19 Wàↄ Lua gawidepi tↄbↄ gↄↄpii,
\q1 aà gawi i li dṹniaa píi.
\q1 Ãmi! Ãmi!
\b
\m
\v 20 Yɛse nɛ́ Davidi wabikɛa lɛ́n we.
\ms1 LÁ ÀAƆ̃DE
\mr Soũↄ 73-89
\c 73
\s1 Vãikɛnaↄ kã́fĩa'ea yã́
\d Asafa lɛ.
\q1
\v 1 Lua ì ɛ̀fãaikɛ Isailiↄnɛ sĩanaɛ,
\q1 ì maakɛ nↄ̀sɛpuadeↄnɛ.
\q1
\v 2 Mapi sↄ̃ ma kãikũ̀ ń lɛ́lɛao,
\q1 ma gbá ye zãi guwa yãaɛ.
\q1
\v 3 Kɛ́ ma vãikɛnaↄ kua maa è,
\q1 ma ĩ́andãnapiↄ gwea nidɛ̀.
\q1
\v 4 Yãe lí kpàlikpanɛ́o,
\q1 aa aafia mɛ́ aa mɛkpaa.
\q1
\v 5 An wá lí wã lán dãↄwao,
\q1 aali gyãkɛ lán deↄwao.
\q1
\v 6 Aaì ĩ́andãa da ń nↄɛ yàbaa ũ,
\q1 aaì pãsĩ nańzi pↄkasa ũ.
\q1
\v 7 An oa ìↄ nísi bↄ,
\q1 an kàamai dɛ ń pia.
\q1
\v 8 Aa gbɛ̃́laani vĩ,
\q1 aaì boo gbɛ̃̀nɛ onɛ́,
\q1 aaì naɛnaɛmá ń zↄ̃ↄkɛ yã́i.
\q1
\v 9 Aaì mɛ: Lua pila wà dɛ̃ɛka,
\q1 mɛ́ an yã́ ì li dṹniaa.
\q1
\v 10 Ayãmɛto wì kɛnɛ́ kɛ̀kɛ,
\q1 wì yã́ pↄ́ aa ò píi sí sĩana ũ.
\q1
\v 11 Aaì mɛ: Lua a dↄ̃ má ni?
\q1 Musude dↄ̃a kà màae?
\q1
\v 12 Vãikɛnapiↄ gwa, aa yãe kã̀a vĩo,
\q1 an gwea ìↄ kã́fĩ gↄↄpiiɛ.
\q1
\v 13 Asi ma nↄ̀sɛ pua pã yã̀?
\q1 Ma a ↄbↄ̀lɛ tàaeu wásawasa pãɛa?
\q1
\v 14 Niↄ ma gbɛ̃ gↄↄpiiɛ,
\q1 niↄ ma swã́gaga lá gu lɛ́ dↄ.
\q1
\v 15 Tó ma zɛ ń yã́ bee taa oaoɛ,
\q1 bee aↄ dɛ bↄa n gbɛ̃́ↄ kpɛ ũɛ.
\q1
\v 16 Kɛ́ ma làasookɛ̀ yã́piwa mà dↄ̃,
\q1 à kɛ̀mɛɛ zĩ'ũɛ,
\q1
\v 17 e ma gɛ gɛ̃ò Lua kúkĩi,
\q1 ↄ̃ ma wɛ́ gbàsa kɛ̃̀ an láaa yã́ musu.
\b
\q1
\v 18 Ni ń da gu zãandeu,
\q1 ni ↄzↄ̃ńzi aa gↄ̃ ń liaao.
\q1
\v 19 Aaì gↄ̃ kaalɛpↄ ũ kã́ndo,
\q1 vĩa pↄ́ↄ ì ń le, aa midɛ.
\q1
\v 20 Lá nana ì gɛ̃zɛa, tó gbɛ̃́ vù,
\q1 tó n fɛlɛ Dii, ńyↄ̃ to aa gɛ̃ ń ĩ́anao màaɛ.
\b
\q1
\v 21 Kɛ́ ma nↄ̀sɛ ↄ̃̀ↄkpà,
\q1 mɛ́ ma pↄ yà,
\q1
\v 22 ma sↄũkũ̀, má yãe dↄ̃o,
\q1 ma gↄ̃ n kĩ́i lán nↄ̀bↄwa.
\q1
\v 23 N beeo má kunnↄ gↄↄpiiɛ,
\q1 n ma kũ ma ↄplaawa.
\q1
\v 24 Ni dↄaamɛɛ ń n lɛdaaao,
\q1 bee gbɛa ńyↄ̃ ma ka àizãnawa.
\q1
\v 25 Ma wɛ́ dↄ gbɛ̃ezi musuo, n bàasio,
\q1 kuannↄ guu pↄe ni lɛ́ ma dɛ tↄↄlɛo.
\q1
\v 26 Baa tó ma mɛ ń ma sↄ̃o yɛ̃̀ɛɛ lɛ́ láa,
\q1 Lua mɛ́ ì to ma sↄ̃ gbãakũ,
\q1 ↄ̃mɛ ma baa ũ gↄↄpii.
\q1
\v 27 Asa gbɛ̃́ pↄ́ kɛ̃̀maↄ midɛɛ,
\q1 ńyↄ̃ n gbɛ̃́ pↄ́ bↄ̀ n kpɛↄ bãdɛ.
\q1
\v 28 Lua, sↄ̃́aanzi mɛ́ kɛ̀mɛɛ na,
\q1 Dii Lua, ma n kɛ ma ulɛkĩi ũɛ.
\q1 Má n yãkɛaↄ dau mà siunɛ́.
\c 74
\s1 Wiilɛa Luai aà kpɛ́ wia yã́ musu
\d Asafa lɛ.
\q1
\v 1 Lua, bↄ́yãi n giwázi e gↄↄpiii?
\q1 Àkɛa ńlɛ pↄbↄ n níu n kpàsa sãↄ yã́ musui?
\q1
\v 2 Gbɛ̃́ pↄ́ n ń sí za ziↄ yã́ dↄngu,
\q1 bui pↄ́ ń bò aa gↄ̃̀ ń pↄ́ ũↄ
\q1 ń Siↄna gbɛ̀sĩsĩ pↄ́ ń kɛ̀ n kúkĩi ũo.
\b
\q1
\v 3 N ibɛɛↄ n kúkĩi dàaĩ míↄmiↄ.
\q1 Dɛdɛ ń laaio, à ↄ̃̀ↄkpà píi.
\q1
\v 4 N wɛ̀lɛↄ kã̀aa gu pↄ́ ni dauwálɛ,
\q1 aa ńzĩa seelaↄ pɛ̀lɛ we.
\q1
\v 5 Wá è, an mↄona dↄ musu,
\q1 aalɛ kɛ lá wìↄ dào gbɛ̃wa.
\q1
\v 6 Lí yↄↄa kɛfɛna pↄ́ wa kpà a gĩwa,
\q1 aa gbɛ̃̀ wa gbòo ń mↄoo ń fɛ̃nkĩnio.
\q1
\v 7 Aa tɛsↄ̃̀ n kúkĩiwa, à kwɛ̀,
\q1 aa tò kpɛ́ pↄ́ n tↄ́ kuwàpi gbãlɛ̀.
\q1
\v 8 Aa ò ń nↄ̀sɛu: Wà ↄtↄ̃má míↄmiↄ.
\q1 Aa tɛsↄ̃̀ wá bùsu lousisikpɛↄwa.
\q1
\v 9 N kpɛ́ lousisibↄↄ gɛ̃̀zɛa,
\q1 ãnabie ku lↄo.
\q1 Wáↄ ku màa e bↄɛn yã̀?
\q1 Wá gbɛ̃e dↄ̃o.
\q1
\v 10 Lua, ńyↄ̃ to n ibɛɛↄ aaↄ n yáalↄ e bↄɛ ni?
\q1 N wɛ̀lɛↄ aaↄ sakangu láasai yã̀?
\q1
\v 11 Bↄ́yãi n ↄ kpaaũai?
\q1 Ɔgo n kùɛ, ní ń dɛdɛ.
\b
\q1
\v 12 Lua mɛ́ ma kía ũ za asĩnizĩ,
\q1 ↄ̃mɛ ì gbɛ̃́ suaba dṹniau.
\q1
\v 13 Ḿmɛ n ísia zↄ̃̀ɛ ń n gbãao,\f + \fr 74.13 \fr*\ft Bↄa 14.21\ft*\f*
\q1 n kwãsa mi wì í guu.
\q1
\v 14 N Egipiↄ mìdɛ we,
\q1 n ń gɛↄ kpà wàiↄwa pↄblea ũ.
\q1
\v 15 N swaↄ bↄ̀, n zɛwɛ̃̀ nibↄnaↄnɛ,
\q1 n swa pↄ́ a í baa vĩo zↄ̃̀ɛ.
\q1
\v 16 Fãanɛ ń gwãasĩnao dɛ n pↄ́ ũɛ,
\q1 n mↄvua ń ĩatɛ̃o kúkĩi dìlɛnɛ́.
\q1
\v 17 Ḿmɛ n kↄↄ dàda bùsu píiu,
\q1 n saɛ ń buziɛo gↄↄ dìlɛ.
\b
\q1
\v 18 Yá pↄ́ n ibɛɛↄ dↄ̀ yã́ dↄngu Dii,
\q1 mìsaidepiↄ sakà n tↄ́uɛ.
\q1
\v 19 Ńsu ǹ n felena kpá wàiↄwao,
\q1 n wɛ̃nadeↄ yã́ su sãnguo.
\q1
\v 20 Laaidↄ n bàakuawanↄwa,
\q1 asa wá bùsu gbɛ̀'ɛↄ pãsĩkũ̀ píiɛ.
\q1
\v 21 Wá gbɛ̃́ pↄ́ wàlɛ gbãamↄwɛ̃ɛↄ,
\q1 ńsu to wà kpɛkpa ń wíoo.
\q1 To wɛ̃nadeↄ ń taasideↄ n táasilɛ.
\q1
\v 22 Lua, fɛlɛ gí ń nzĩao.
\q1 N yá pↄ́ mìsaideↄ lɛ́ dↄ zɛsai màé!
\q1
\v 23 Ńsu zↄa pↄ́ n ibɛɛↄ lɛ́ kánzi kpa swã́ao,
\q1 n wɛ̀lɛpiↄ kↄ̃fĩ dↄ gↄↄpiiɛ.
\c 75
\s1 Lua mɛ́ yã́kpalɛkɛna ũ
\d Asafa lɛ.
\q1
\v 1 Wa n sáaukɛ̀ Lua,
\q1 wa n sáaukɛ̀.
\q1 Tó wà n yãbↄnsaɛↄ galikɛ̀,
\q1 ń kú kãi.
\b
\q1
\v 2 Lua mɛ̀: Ma gↄↄdìlɛ,
\q1 má yã́kpalɛkɛ a zɛ́wa.
\q1
\v 3 Tó dṹnia dèe, a gbɛ̃́ↄ lɛ́ kɛ sèee,
\q1 mámɛ mi a gbapɛlɛ kṹ gíũgiũ.
\q1
\v 4 Mi o yↄ̃̀ↄdeↄnɛ aasu ń gasa fɛlɛo,
\q1 mi o vãikɛnaↄnɛ aasu káakuo.
\q1
\v 5 Ásu à á gasa fɛlɛao,
\q1 ásu kàamai kɛmanↄo.
\q1
\v 6 Asa gbãa lí bↄ gukpɛ ge bɛ'aɛo,
\q1 ìli bↄ guwaiwai guu no,
\q1
\v 7 Lua mɛ́ yã́kpalɛkɛna ũ,
\q1 ↄ̃mɛ ì gbɛ̃do sↄ̃ↄlɛ, ì gbɛ̃do fɛlɛ.
\q1
\v 8 Imibↄ ku Dii ↄzĩ, í gbãa ka a pai,
\q1 àlɛ pí aà pↄkũma ũ.
\q1 Ì kↄ́lɛ dṹnia vãikɛnaↄwa píi,
\q1 ↄ̃ aaì mi wesai ń a gbↄ̃ↄ.
\b
\q1
\v 9 Mapi sↄ̃ máↄ yã́pi o gↄↄpiiɛ,
\q1 mí Yakↄbu Lua táasilɛ.
\q1
\v 10 Má vãikɛnaↄ gasa kwɛ́,
\q1 gbɛ̃maaↄ gasa iↄ ku musu.
\c 76
\s1 Lua mɛ́ zĩblea gbãa ũ
\d Asafa lɛ. Wì sí ń kúuↄɛ.
\q1
\v 1 Wa Lua dↄ̃ Yuda bùsuuɛ,
\q1 aà tↄ́ gbãa Isailiↄnɛ.
\q1
\v 2 Aà zwã̀akpɛ kú Salɛma,
\q1 aà kúkĩi kú Siↄna.
\q1
\v 3 Kua we à kà wãaↄ ɛ̀'ɛ
\q1 ń sɛ̀ngbaoↄ ń fɛ̃ndaↄ ń zĩkabↄↄ.
\b
\q1
\v 4 Ni gupu, niↄ tɛkɛ,
\q1 n zↄ̃ↄ dɛ gbɛ̀sĩsĩ pↄ́ kú gↄↄpiia.
\q1
\v 5 N gbãa dɛnla kɛ̀ gↄ̃sa gbãaↄnɛ,
\q1 aa wúlɛa ń ń i gbɛzão,
\q1 gↄ̃ gɛ̀bɛɛpiↄ gbɛ̃e i fↄ̃ ↄsɛ̀o.
\q1
\v 6 Yakↄbu Lua, n ń lele,
\q1 ↄ̃ sↄ̃deↄ ń ń sↄ̃́ↄ gↄ̃̀ kálɛa ń izↄ̃ↄo.
\q1
\v 7 Ḿmɛ ń gbɛ̃́ pↄ́ dɛ wà vĩakɛɛ̀ ũ,
\q1 tó n pↄbↄ̀ n níu,
\q1 démɛ a fↄ̃ zɛ n aɛi?
\q1
\v 8 Kua musu n yã́kpalɛkɛ̀,
\q1 ↄ̃ vĩa dṹnia kũ̀, à gↄ̃̀ kílikili.
\q1
\v 9 Lua, n fɛlɛ n yãgↄ̃̀gↄ̃ dṹniaɛ,
\q1 n yɛ̃̀ɛɛsaideↄ suabà.
\q1
\v 10 Gbɛ̃nazĩna pↄkũma ì n tↄbↄ,
\q1 n pↄkũma kĩni ìↄ dↄa n piɛ.
\b
\q1
\v 11 À lɛkɛ Dii á Luawa, í a fĩabo.
\q1 Á gbɛ̃́ pↄ́ á liaawáziↄ,
\q1 à mↄ Lua pↄ́ dɛ wàↄ aà vĩa vĩ gba pↄ́.
\q1
\v 12 Ì kpalablenaↄ kãdɛ,
\q1 ì to vĩa dṹnia kíaↄ kṹ.
\c 77
\s1 Lua dↄnlɛ bɛɛkɛa taasi guu
\d Asafa lɛ.
\q1
\v 1 Ma lɛzù Luazi,
\q1 ma wiilɛ̀wà,
\q1 ma lɛzù Luazi aà ma yãma.
\q1
\v 2 Kua taasi guu ma Dii kĩ́i wɛ̀ɛlɛ,
\q1 ma ↄ dↄa Luazi gwã́ kpasasai,
\q1 ma nↄ̀sɛ i nínio.
\q1
\v 3 Kɛ́ ma làasoo tà Lua kĩ́i,
\q1 ↄ̃ málɛ kãsãnkɛ,
\q1 kɛ́ ma aà wàaipà,
\q1 ma nisĩna vùa.
\q1
\v 4 Ń ma wɛ́ kũa, mi e i'òo,
\q1 ma gↄ̃ bíli guu, mi dↄ̃ lá má oo.
\q1
\v 5 Ma làasookɛ̀ yãawa
\q1 ń wɛ̃̀ zizi pↄ́ gɛ̃̀ↄ yã́o.
\q1
\v 6 Lɛ pↄ́ má dà yãa dↄ̀magu gwã́,
\q1 ma làasookɛ̀wà mà wɛɛlɛ dↄ̃.
\q1
\v 7 Ma mɛ̀: Dii wá vũaa gↄↄpii yã̀?
\q1 Wá yã́ a kaaàgu lↄoa?
\q1
\v 8 Aà gbɛ̃kɛ mìdɛ míↄmiↄ yã̀?
\q1 Aà yã́ aↄ gbooa gↄↄpii yã̀?
\q1
\v 9 Wá wɛ̃nagwaa yã́ sã̀ Luagu yã̀?
\q1 Aà pↄ pàwázi, a wá wɛgwa lↄoa?
\q1
\v 10 Ɔ̃ ma mɛ̀: Yã́ pↄ́ má kũan kɛ:
\q1 Musude ↄzɛɛdↄ̀wɛ̃ɛɛ.
\b
\q1
\v 11 Má làasookɛ Dii yãbↄnsaɛↄwa,
\q1 mí aà yã́ pↄ́ a kɛ̀ yãaↄ dↄ gbɛ̃́ↄgu.
\q1
\v 12 Má n dabudabukɛaↄ wàaipa píi,
\q1 mí n yãzↄ̃ↄkɛaↄ onɛ́.
\q1
\v 13 Lua, n zɛ́ gbãsĩ vĩo.
\q1 Dii kpele mɛ́ zↄ̃ↄ lán Luawai?
\q1
\v 14 Ḿmɛ ń Lua dabudabukɛna ũ,
\q1 n n gbãa ↄ̀lↄ buiↄnɛ.
\q1
\v 15 N n gbɛ̃́ↄ mìsi ń n gã̀sa gbãao,
\q1 wá Yakↄbu ń Yosɛfuo buiↄ.
\b
\q1
\v 16 Ísia wɛsìnlɛ Lua,
\q1 ísia wɛsìnlɛ ↄ̃ à kↄ̃dɛ̀,
\q1 à lùalua za a ɛu.
\q1
\v 17 Lou kwɛ̀, a pũnaa kↄ̃fĩ dↄ̀ luabɛ,
\q1 n kà tɛdeↄ kpa loupilɛa ũ.
\q1
\v 18 N pũnaa kↄ̃fĩ dↄ zàa'ĩana guu,
\q1 loupilɛa dṹnia pù píi.
\q1 Tↄↄlɛ gbãlɛ à lùalua.
\q1
\v 19 N zɛ́ dà ísiau,
\q1 n gɛ̃kĩi bↄ̀ í zↄ̃ↄ guu,
\q1 wi n kɛ̀sɛgbɛ eo.
\q1
\v 20 N dↄaa n gbɛ̃́ↄnɛ lán sã waiwa
\q1 Mↄizi ń Aalonao sabai.
\c 78
\s1 Lɛdaawá Isailiↄ yã́ musu
\d Asafa lɛ.
\q1
\v 1 Ma gbɛ̃́ↄ, à ma lɛdama ma,
\q1 à swã́kpa ma yã́i.
\q1
\v 2 Má yã'oɛ́ ń yáasio,
\q1 má yã́ pↄ́ ulɛa za zi bↄↄlɛkɛɛ́,\f + \fr 78.2 \fr*\ft Mat 13.35\ft*\f*
\q1
\v 3 yã́ pↄ́ wá mà mɛ́ wá dↄ̃,
\q1 yã́ pↄ́ wá maeↄ a galikɛ̀wɛ̃ɛ.
\q1
\v 4 Wá yã́pi ulɛ wá nɛ́ↄnɛo,
\q1 wá Dii táasilɛa da wá tↄũnaↄnɛ
\q1 ń aà gbãao ń yãbↄnsaɛ pↄ́ a kɛ̀ↄ.
\q1
\v 5 À yãdìlɛ Yakↄbu buiↄnɛ,
\q1 à a ikoyã dà Isailiↄnɛ.
\q1 A ò wá deziↄnɛ aa tó ń nɛ́ↄ dↄ̃,
\q1
\v 6 i gↄ̃ ń bui pↄ́ kpɛ́ↄnɛ fɛlɛkaa ũ,
\q1 aai fɛlɛ dada ń nɛ́ↄnɛ sↄ̃,
\q1
\v 7 kɛ́ aa e Lua náaikɛ,
\q1 kɛ́ Lua yãkɛaↄ su sã́ńguo,
\q1 aaiↄ aà yãdilɛaↄ kũa,
\q1
\v 8 kɛ́ aasu wàↄ dɛ lán ń deziↄwao,
\q1 asa aa swã́gbãakɛ̀ aa gì Lua yã́i,
\q1 an sↄ̃ ku Luawao, aa náai vĩɛ̀o.
\b
\q1
\v 9 Ɛflaiũ buiↄá kàzunaↄnɛ,
\q1 ↄ̃ aa kpɛkpà zĩ guu.
\q1
\v 10 Aai zɛ ń Luabaakuańnↄoo,
\q1 aa gì tɛ́i aà ikoyãi.
\q1
\v 11 Aà yãkɛaↄ sã̀ńgu
\q1 ń aà yãbↄnsaɛ pↄ́ a ↄ̀lↄnɛ́ↄ.
\q1
\v 12 À dabudabuↄ kɛ̀ an deziↄ wáa
\q1 Zoã wɛ̃́lɛu, Egipi bùsuu.\f + \fr 78.12 \fr*\ft Bↄa 7.8-12.32\ft*\f*
\q1
\v 13 À ísia zↄ̃̀ɛ à bùańnↄ,
\q1 à í bĩ́ibò.\f + \fr 78.13 \fr*\ft Bↄa 14.21-22\ft*\f*
\q1
\v 14 À dↄ̀aanɛ́ tɛlu guu fãanɛ,
\q1 gwãasĩna sↄ̃ ń tɛ́ gupuao.\f + \fr 78.14 \fr*\ft Bↄa 13.21-22\ft*\f*
\q1
\v 15 À gbɛsi pàa guwaiwaiu,
\q1 à í kpàmá zↄ̃ↄ lán ísia íwa.
\q1
\v 16 A tò í bↄ̀nɛ́ gbɛu,
\q1 ípi bàalɛ̀ lán swadawa.\f + \fr 78.16 \fr*\ft Bↄa 17.1-7, Nao 20.2-13\ft*\f*
\q1
\v 17 Ɔ̃ aa gì tɛ duunawa,
\q1 aa gì Musude yãmai guwaiwaiu.
\q1
\v 18 Aa gí kɛ̀ aa Lua lɛwɛ,
\q1 aa ń pↄeã blɛ gbɛ̀awà.\f + \fr 78.18 \fr*\ft Bↄa 16.3, Nao 11.4-5\ft*\f*
\q1
\v 19 Aa Lua bɛ̃̀ɛbò aa mɛ̀:
\q1 A fↄ̃ ↄpi'i dilɛwɛ̃ɛ sɛ̃u lae?
\q1
\v 20 Gwa, à gbɛ lɛ̀, í bↄ̀ dàgua mɛ!
\q1 A fↄ̃ blɛ ge nↄ̀ↄ kpáwá sↄ̃a?
\q1
\v 21 Kɛ́ Dii yã́pi mà, aà pↄ pà,
\q1 ↄ̃ tɛ́ kũ̀ Yakↄbu buiↄwa,
\q1 à pↄkũmabↄ̀bↄ Isailiↄwa.
\q1
\v 22 Asa aai Lua yã́ sio,
\q1 aa aà gbɛ̃́ suabaa gbãa náai vĩo.
\q1
\v 23 À yãdà bàlumaɛ,
\q1 à zɛwɛ̃̀ musu,
\q1
\v 24 ↄ̃ mana kwɛ̀nɛ́ blɛ ũ,\f + \fr 78.24 \fr*\ft Bↄa 16.14-15, Nao 11.7-9, Zãa 6.31\ft*\f*
\q1 à musu pↄ́wɛna gbↄ̃ yònɛ́.
\q1
\v 25 Aa malaikaↄ blɛ blè,
\q1 à kũ̀sũakɛ̀nɛ́, à dìńla.
\q1
\v 26 A tò ĩ́an gbãa bↄ̀ gukpɛ,
\q1 ń aà gbãao à bↄ̀ gɛↄmidↄkĩi oi lↄ,
\q1
\v 27 ↄ̃ à nↄ̀ↄ kwɛ̀nɛ́ lán luutɛ̃wa,
\q1 bãↄ lìńla lán ísialɛ ũfãawa.\f + \fr 78.27 \fr*\ft Bↄa 16.13, Nao 11.31-32\ft*\f*
\q1
\v 28 A tò aa kwɛ̀ ń bòou,
\q1 aa gↄ̃̀ kálɛa liaa ń kpɛ́ↄi.
\q1
\v 29 Lua pↄ́ pↄ́ aa a ni vĩ kpàmá,
\q1 ↄ̃ aa sò aa kã̀ pã́upãu.
\q1
\v 30 E a ni àↄ gɛ́ bↄińla,
\q1 gↄↄ pↄ́ blɛpi da ń lɛ́u,
\q1
\v 31 Lua fɛ̀lɛ fɛ̃̀ńnↄ,
\q1 à Isaili gↄ̃gbãaↄ dɛ̀dɛ,
\q1 à ń ɛ̀waasoↄ kwɛ̀.\f + \fr 78.31 \fr*\ft Nao 11.33\ft*\f*
\b
\q1
\v 32 Gia ń beeo aa gì tɛ duunawaɛ,
\q1 ń aà yãbↄnsaɛkɛaↄ aai aà náaikɛo.
\q1
\v 33 Ɔ̃ à ń wɛ̃ni kɛ̀nɛ́ lán lɛ́'ĩanawa,
\q1 a tò ↄ̃̀ↄnɛkɛa ń mìdɛ.
\q1
\v 34 Tó à ń pisabò, aaì aà aɛya,
\q1 aaì ɛa wà aà kĩ́i wɛɛlɛ ń wãao.
\q1
\v 35 Aa dↄ̃̀ sa Lua mɛ́ ń gbɛsi ũ,
\q1 Lua Musude mɛ́ ń Mìsina ũ.
\q1
\v 36 Ãma aaì lɛ́mawà,
\q1 aaì ɛɛtoɛ̀,
\q1
\v 37 an sↄ̃ kuwào,
\q1 aa aà bàakuańnↄ yã́ gbòo.
\q1
\v 38 Aàpi sↄ̃ à ń wɛ̃nagwà,
\q1 à ń duuna kɛ̃̀má, i ń midɛo.
\q1 Ìↄ azĩa zùukɛ mↄ̀ↄmↄↄɛ,
\q1 i a pↄkũmabↄbↄmá píio.
\q1
\v 39 À ń gbɛ̃nazĩnkɛ dↄ̃̀má,
\q1 asa aaì gɛ̃zɛa susai lán ĩ́anawaɛ.
\b
\q1
\v 40 Aa swã́gbãakɛ̀ guwaiwaiu gɛ̃n ũma'ũma!
\q1 Aa aà pↄ yàɛ̀ sɛ̃u we à kɛ̀ zài.
\q1
\v 41 Aa Lua lɛwɛ,
\q1 aa Lua lɛwɛ,
\q1 aa Isailiↄ Lua pↄ́ a kua adoa fɛ̃̀.
\q1
\v 42 Aà iko gbãa sã̀ńgu,
\q1 lá à ń sí ń ibɛɛↄwa,
\q1
\v 43 lá à dabudabuↄ kɛ̀ Egipi,
\q1 mɛ́ à yãbↄnsaɛↄ kɛ̀ Zoã bùsuu.
\q1
\v 44 À ń swa'iↄ lìlɛ au ũ,\f + \fr 78.44 \fr*\ft Bↄa 7.17-21\ft*\f*
\q1 ↄ̃ aai fↄ̃ aa a imì lↄo.
\q1
\v 45 À ũsĩnaↄ kàńgu, aa ń soso,\f + \fr 78.45 \fr*\ft Bↄa 8.20-24\ft*\f*
\q1 ń blↄↄↄ lↄ, aa yãyìamá.\f + \fr 78.45 \fr*\ft Bↄa 8.1-6\ft*\f*
\q1
\v 46 A tò kwaↄ ń pↄ́wɛnaↄ blè,
\q1 à kwasutɛ̃ kà ń buapↄ́ↄu.\f + \fr 78.46 \fr*\ft Bↄa 10.12-15\ft*\f*
\q1
\v 47 A tò lougbɛ ń vɛ̃ɛbuↄ kɛ̀ kɛ́lɛkɛlɛ,
\q1 a zàa'ĩana ń kaa líↄ ɛ̀'ɛ.
\q1
\v 48 À ń pↄtuoↄ músikɛ̀ ń lougbɛpio,
\q1 lua sù ń kpàsaↄwa.\f + \fr 78.48 \fr*\ft Bↄa 9.22-25\ft*\f*
\q1
\v 49 À a pↄkũma zↄ̃ↄ bↄ̀bↄmá,
\q1 à ĩ́isɛ̀ńnↄ ń pↄfɛ̃o ń kpɛ̃nɛo,
\q1 à músi malaikaↄ gbàɛmá.
\q1
\v 50 À a pↄkũma gbà zɛ́,
\q1 i zɛzↄ̃ gaɛ lↄo, à gagyãkàńgu.
\q1
\v 51 À Egipi nɛgↄ̃ɛ sɛ̃́iaↄ dɛ̀dɛ píi,\f + \fr 78.51 \fr*\ft Bↄa 12.29\ft*\f*
\q1 Haũ bui gↄ̃sakɛ nɛ́piↄ gàga.
\q1
\v 52 À bↄ̀ ń a gbɛ̃́ↄ lán sãↄwa,
\q1 à dↄ̀aanɛ́ guwaiwaiu lán sã waiↄwa.\f + \fr 78.52 \fr*\ft Bↄa 13.17-22\ft*\f*
\q1
\v 53 A bɛńnↄ, aa ku dↄdↄa vĩasai,
\q1 an ibɛɛↄ sↄ̃, ísia kũ̀aamá.\f + \fr 78.53 \fr*\ft Bↄa 14.26-28\ft*\f*
\q1
\v 54 À kàńnↄ a bùsu zↄ̃lɛu,\f + \fr 78.54 \fr*\ft Yoz 3.14\ft*\f*
\q1 gusĩsĩde pↄ́ a sì ń a gbãaopiu.
\q1
\v 55 À buipãleↄ yànɛ́,
\q1 ↄ̃ à ń bùsu kpaalɛ̀nɛ́ ń pↄ́ ũ,
\q1 à uakpàkpa Isaili buipiↄnɛ.\f + \fr 78.55 \fr*\ft Yoz 11.16-23\ft*\f*
\b
\q1
\v 56 Ɔ̃ aa Lua lɛwɛ aa gì aà yãmai,
\q1 aa Musude yãdilɛaↄ kũao.\f + \fr 78.56 \fr*\ft Dↄa 2.11-15\ft*\f*
\q1
\v 57 Aa kpɛkpà aa bↄ̀ aà kpɛ lán ń maeↄwa,
\q1 aa náai vĩo lán sá gia baiwa.
\q1
\v 58 Aa aà pↄ fɛ̀lɛɛ̀ ń ń sa'okĩio,
\q1 aa aà zafɛ̃̀ɛ̀ ń ń tã́aↄ.
\q1
\v 59 Kɛ́ Lua è màa, ↄ̃ aà pↄ pà,
\q1 à ↄzↄ̃̀ Isailiↄzi pãsĩpãsĩ.
\q1
\v 60 À a zwã̀akpɛ tò Silo\f + \fr 78.60 \fr*\ft Yoz 18.1, Zel 7.12\ft*\f* we,
\q1 aà bɛ pↄ́ a kpà gbɛ̃nazĩnaↄ guupi.
\q1
\v 61 A tò an wɛ̀lɛↄ mↄ̀ a kpagolo sɛ̀,\f + \fr 78.61 \fr*\ft 1Sam 4.4-22\ft*\f*
\q1 ↄ̃mɛ aà gbãa ń aà gawio kúkĩi ũ.
\q1
\v 62 A tò wà a gbɛ̃́ↄ dɛ̀dɛ ń fɛ̃ndao,
\q1 aà pↄ pà bui pↄ́ a sɛ̀pizi.
\q1
\v 63 An ɛ̀waasoↄ tɛkũ̀ zĩ guu,
\q1 an wɛ̃́ndiaↄ i zãkɛlɛ dↄ̃ lↄo.
\q1
\v 64 Wà ń sa'onaↄ dɛ̀dɛ ń fɛ̃ndao,
\q1 an gyaaↄ i fↄ̃ ↄ́ↄlↄ̀o.
\b
\q1
\v 65 Ɔ̃ Dii vù ń io sa,
\q1 lán gↄ̃sa pↄ́ vù ń wɛ̃'iowa.
\q1
\v 66 À ń wɛ̀lɛↄ gbɛ̃̀, aa kpɛkpà,
\q1 a tò aa gↄ̃̀ ń wío gↄↄpii.
\q1
\v 67 Ɔ̃ à gì Ɛflaiũ buiↄzi,
\q1 i Yosɛfu buipi sɛ lↄo.
\q1
\v 68 Yuda bui ↄ̃ a sɛ̀ sa
\q1 ń Siↄna gbɛ̀sĩsĩ pↄ́ á yeio.
\q1
\v 69 À a kúkĩi dↄ̀ musumusu we,
\q1 aↄ ku gↄↄpii lán dṹnia kálɛawa.
\q1
\v 70 Ɔ̃ à a zↄ̀blena Davidi sɛ̀,\f + \fr 78.70 \fr*\ft 1Sam 16.11-12\ft*\f*
\q1 à aà bↄ̀ sã kaau.
\q1
\v 71 À aà bↄ̀ sãdãu, à dↄ̀aa Isailiↄnɛ,\f + \fr 78.71 \fr*\ft 2Sam 7.8\ft*\f*
\q1 Lua gbɛ̃́ Yakↄbu buipiↄ kíaɛ.
\q1
\v 72 Davidi ń kpá a kpɛ ń nↄ̀sɛmɛndoo,
\q1 à dↄ̀aanɛ́ ń a ↄ báaadeo.
\c 79
\s1 Yelusalɛũ dɛɛlɛa wii
\d Asafa lɛ.
\q1
\v 1 Lua, buipãleↄ sì ń bùsuu,
\q1 aa n kpɛ́ pↄ́ a kua adoa ↄ̃̀ↄkpà,
\q1 aa Yelusalɛũ dɛ̀ɛlɛ.\f + \fr 79.1 \fr*\ft 2Kia 25.8-10, Zel 52.12-14\ft*\f*
\q1
\v 2 Aa n zↄ̀blenaↄ dɛ̀dɛ aa ń gɛ kpà bãↄwa,
\q1 aa n yãmanaↄ gɛ tò wàiↄnɛ blɛ ũ.
\q1
\v 3 An au bàalɛ̀ lán íwa Yelusalɛũ bĩ́i kpɛ,
\q1 gbɛ̃e ku à ń vĩo.
\q1
\v 4 Wa gↄ̃ pↄ́ yáalↄaↄ ũ wá saɛdeↄnɛ,
\q1 láanipↄ ũ gbɛ̃́ pↄ́ liaawáziↄnɛ.
\b
\q1
\v 5 Dii, n pↄ aↄ paawázi e bↄɛ ni?
\q1 N kpɛ̃nɛ tɛ́ aↄ kũ gↄↄpii yã̀?
\q1
\v 6 Pↄkũma bↄbↄ bui pↄ́ aa n dↄ̃oↄwa,
\q1 gbɛ̃́ pↄ́ aali ń sísioↄ bùsuↄwa.
\q1
\v 7 Asa aa Yakↄbu buiↄ blè,
\q1 aa ń bùsu ↄ̃̀ↄkpàɛ.
\q1
\v 8 Ńsu wá maeↄ duuna wi wá musuo.
\q1 Wɛ̃nadↄ̃wɛ̃ɛ kpakpa,
\q1 asa wa busa dúuduuɛ.
\b
\q1
\v 9 Dↄwálɛ, Lua wá Suabana.
\q1 Wá misi, kɛ́ ǹ tↄbↄ,
\q1 wá duuna kɛ̃́wá n tↄ́ yã́i.
\q1
\v 10 Bↄ́yãi ńyↄ̃ to buipãleↄ wá lá:
\q1 Wá Lua ku máɛ la?
\q1 To buipãleↄ dↄ̃ wá aɛ,
\q1 kɛ́ ni n zↄ̀blenaↄ dɛdɛa tↄsimá.
\q1
\v 11 To zĩ̀zↄↄ ↄↄlↄ gɛ̃ n swã́u,
\q1 gbɛ̃́ pↄ́ kú ga lɛ́zĩpiↄ bↄ
\q1 ń n gã̀sa gbãao.
\q1
\v 12 Láani pↄ́ wá saɛdeↄ zĩ̀ma,
\q1 fĩabonɛ́ gɛ̃n sopla, Dii.
\b
\q1
\v 13 Wápiↄ n gbɛ̃́ↄ, n kpàsa sãↄ,
\q1 wíↄ n sáaukpa gↄↄpii,
\q1 wíↄ n tↄ́ galikɛ e wá buiwa.
\c 80
\s1 Isailiↄ sua ń pá ziu wabikɛa
\d Asafa lɛ.
\q1
\v 1 Swã́kpa Isailiↄ Dↄaana,
\q1 n gbɛ̃́ pↄ́ ni Yosɛfu buiↄ dã lán sãↄwa.
\q1 Bↄ gupuau, n gbɛ̃́ pↄ́ ń zↄ̃lɛa malaika gã̀sĩadeↄ zãnguo,\f + \fr 80.2 \fr*\ft Bↄa 25.22\ft*\f*
\q1
\v 2 ní dↄaa Ɛflaiũ buiↄnɛ
\q1 ń Bɛ̃yãmɛɛ buiↄ ń Manase buiↄ.
\q1 Fɛlɛ ń n gbãao, mↄ ǹ wá suaba!
\q1
\v 3 Lua, to wà ɛa su wá pá ziu.
\q1 Wá wɛgwa wà aafiaʼe.
\b
\q1
\v 4 Dii Lua Zĩgↄ̃de,
\q1 ńlɛ pↄbↄ n níu e tia,
\q1 ńyↄ̃ n gbɛ̃́ↄ wabikɛa mamá bↄɛ ni?
\q1
\v 5 N wɛ́'i kpàmá blɛ ũ,
\q1 n ń wɛ́'i yↄ̃̀nɛ́ pↄ́ pai aa mì.
\q1
\v 6 Ń tò wa gↄ̃ láanipↄ ũ wá saɛdeↄnɛ,
\q1 wá ibɛɛpiↄ lɛ́ wá kɛ pↄ́ↄpↄↄ.
\q1
\v 7 Lua Zĩgↄ̃de, to wà su wá pá ziu,
\q1 wá wɛgwa wà aafiaʼe.
\b
\q1
\v 8 N vɛ̃ɛli wò Egipi,
\q1 n buipãleↄ yà ↄ̃ ń pɛ̀ ń gbɛu.
\q1
\v 9 N gukɛ̀kɛɛ̀, à zĩ́napɛ̀lɛ,
\q1 ↄ̃ à ↄtà à a bùsu pà.
\q1
\v 10 A uedà gbɛ̀sĩsĩↄla,
\q1 a gↄ̃naↄ dɛ sɛdɛ lí zↄ̃ↄↄla.
\q1
\v 11 À ↄtà à gɛ̀ e ísialɛ,
\q1 a ↄnɛↄ gɛ̀ e Uflatai.
\b
\q1
\v 12 Bↄ́yãi n a kaa gbòo,
\q1 gbɛ̃́ pↄ́ lɛ́ gɛ̃zɛaↄ ìↄ ↄmalɛii?
\q1
\v 13 Dào sàwa ì lɛ́ kái,
\q1 sɛ̃̀anↄbↄↄ ì mↄ a lá blei.
\q1
\v 14 N yã́ na! Lua Zĩgↄ̃de, wá wɛgwa!
\q1 Kua za musu wɛzu ǹ gwa!
\q1 Laaidↄ vɛ̃ɛlipiwa,
\q1
\v 15 bui pↄ́ ń pɛ̀ nzĩa,
\q1 nɛ́ pↄ́ ń sì n pↄ́ ũpi.
\q1
\v 16 Wà n vɛ̃ɛlipi zↄ̃̀ wà tɛsↄ̃̀wà.
\q1 Wɛpãsĩ biimá aa midɛ.
\q1
\v 17 Ɔda gbɛ̃́ pↄ́ kú n ↄplaaiwa,
\q1 gbɛ̃nazĩn nɛ́ pↄ́ ń sì n pↄ́ ũ.
\q1
\v 18 Wá kɛ̃ma lↄo.
\q1 Wá lɛ́ ń láo, wí n sísi.
\q1
\v 19 Dii Lua Zĩgↄ̃de,
\q1 to wà su wá pá ziu,
\q1 wá wɛgwa wà aafiaʼe.
\c 81
\s1 Isailiↄ dikpɛ lɛ
\d Asafa lɛ.
\q1
\v 1 À guladↄ Lua wá gbãawa.
\q1 À kúkuakɛ Yakↄbu buiↄ Luaɛ.
\q1
\v 2 À bↄ ń lɛo, í bala lɛ́
\q1 ń mↄↄna'ↄ nao ń domao.
\q1
\v 3 À kuupɛ mↄbↄzĩ,\f + \fr 81.4 \fr*\ft Nao 10.10\ft*\f*
\q1 í pɛ́ a vua zã́ wá dikpɛgↄↄ,
\q1
\v 4 asa a dɛ ikoyã ũ Isailiↄnɛɛ.
\q1 Yã́ pↄ́ Yakↄbu buiↄ Lua dìlɛn we.
\q1
\v 5 À yã́pi dà Yosɛfu buiↄnɛ
\q1 gↄↄ pↄ́ à ã̀na Egipiↄwa.
\b
\q1 Aa lↄↄ pↄ́ aai ma yãao mà à mɛ̀:
\q1
\v 6 Ma aso gò á gã̀u,
\q1 ma á ↄ bↄ̀ ɛ̃u.
\q1
\v 7 A wiilɛ̀a taasikɛgↄↄ, ↄ̃ ma á bↄ́,
\q1 má wèwá asii guu ń louvĩao.
\q1 Ma á lɛ́ ma á gwá Mɛliba í kĩ́i.\f + \fr 81.8 \fr*\ft Bↄa 17.7, Nao 20.13\ft*\f*
\q1
\v 8 À swã́kpa ma gbɛ̃́ↄ, mí lɛdawá.
\q1 Á Isailiↄ, à ma yãma lé!
\q1
\v 9 Ásu àↄ dii pãle vĩo,
\q1 ásu kúlɛ dii zĩ̀loɛo.\f + \fr 81.10 \fr*\ft Bↄa 20.2-3\ft*\f*
\q1
\v 10 Mámɛ má Dii á Lua ũ,
\q1 ma á bↄ́lɛ Egipiɛ.
\q1 À á lɛ́ ɛlɛ, mí tó à kã́.
\b
\q1
\v 11 Ɔ̃ Isailiↄ i ma yãmao,
\q1 ma gbɛ̃́piↄ i misiilɛmɛɛo.
\q1
\v 12 Ɔ̃ ma ń tó ń ń swã́gbãao,\f + \fr 81.13 \fr*\ft Lom 1.24\ft*\f*
\q1 aa tɛ́ ńzĩa pↄeãi.
\q1
\v 13 Tó Isailiↄ sↄ̃́amazi,
\q1 tó ma gbɛ̃́piↄ tɛ ma yã́i,
\q1
\v 14 dↄ̃ ma ń ibɛɛↄ bùsanɛ́ gↄ̃̀ↄgↄ̃ↄ,
\q1 ma ↄzↄ̃̀ ń wɛ̀lɛpiↄzi.
\q1
\v 15 Ma zangudeↄ i vlãnau ma aɛ,
\q1 an ĩadama aↄ láaa vĩo.
\q1
\v 16 Mí á gwa ń pↄ́wɛn gawideo,
\q1 mí gbɛ̀ zↄ́'i kpáwá à kã́.
\c 82
\s1 Yã́kpalɛkɛa ń gbãadeↄ
\d Asafa lɛ.
\q1
\v 1 Lua zↄ̃lɛa balu guu,
\q1 àlɛ yã́gↄ̃gↄ̃ gbãadeↄnɛ à mɛ̀:
\q1
\v 2 Bↄɛ á yã́kpalɛkɛ a zɛ́wai?
\q1 Áↄ kɛ vãikɛnaↄnɛ kɛ̀kɛ gↄↄpii yã̀?
\q1
\v 3 À yãnakpa yɛ̃̀ɛɛsaideↄwa
\q1 ń tonɛ pↄ́ gwana vĩoↄ.
\q1 À zɛ ń taasideↄ
\q1 ń gbɛ̃́ pↄ́ wàlɛ ĩadamáↄ.
\q1
\v 4 À yɛ̃̀ɛɛsaideↄ ń wɛ̃nadeↄ misi
\q1 à ń bↄ vãikɛnaↄ ↄzĩ.
\b
\q1
\v 5 Gbãadepiↄ yãe dↄ̃o,
\q1 aa a kee gbáɛo.
\q1 Aa ku gusiauɛ,
\q1 ↄ̃ dṹnia zĩ́na lɛ́ fu.
\q1
\v 6 Ma mɛ̀ luaↄn á ũ,\f + \fr 82.6 \fr*\ft Zãa 10.34\ft*\f*
\q1 Musude nɛ́ↄn á ũ ápii.
\q1
\v 7 Ń beeo á ga gbɛ̃nazĩna ũɛ,
\q1 á kpagua lán kía pãleↄwaɛ.
\b
\q1
\v 8 Lua, fɛlɛ yã́kpalɛkɛ ń dṹniao,
\q1 asa bui píiá n pↄ́ɛ.
\c 83
\s1 Isailiↄ ń ibɛɛↄ kaa Luawa
\d Asafa lɛ.
\q1
\v 1 Lua, ńsu ǹyↄ̃ nílɛao,
\q1 ń lɛ́ su àↄ kpaaũao,
\q1 ńsu ǹyↄ̃ ku kílikilio, Lua.
\q1
\v 2 Ǹ ń ibɛɛↄ gwa, asa aalɛ kãa,
\q1 n wɛ̀lɛpiↄ lɛ́ ń mi fu.
\q1
\v 3 Aalɛ ↄ̃nↄsↄpɛ́lɛ n gbɛ̃́ↄnɛ,
\q1 aalɛ lɛkpaaĩ ń yenzideↄzi.
\q1
\v 4 Aalɛ mɛ: À mↄ wà ń buibↄ,
\q1 an tↄ́ Isaili su àↄ dↄ gbɛ̃egu lↄo.
\q1
\v 5 Aa lɛkpàaĩ, an lɛ́ kↄ̃sɛ̀,
\q1 aa lɛdoũkɛ̀ ń kↄ̃o aa fɛlɛnnↄ.
\q1
\v 6 Ɛdↄũↄ ń Isimaɛla buiↄ
\q1 ń Mↄabuↄ ń Hagaa buiↄ
\q1
\v 7 ń Gebalideↄ ń Amↄniↄ
\q1 ń Amalɛkiↄ ń Filitɛ̃ↄ ń Tiideↄ.
\q1
\v 8 Baa se Asiliↄ nàmá lↄ,
\q1 aalɛ ↄda Lↄtu buipiↄwa.
\b
\q1
\v 9 Kɛnɛ́ lá ń kɛ̀ Madiãↄnɛwa,\f + \fr 83.10 \fr*\ft Dↄa 7.1-23\ft*\f*
\q1 lá ń kɛ̀ Sisela ń Yabɛ̃oɛ Kisↄ̃i.\f + \fr 83.10 \fr*\ft Dↄa 4.6-22\ft*\f*
\q1
\v 10 N ń kɛ́ kɛ́lɛkɛlɛ Ɛndoo,
\q1 aa gↄ̃̀ kálɛa tↄↄlɛ lán pↄgbↄ̃wa.
\q1
\v 11 Kɛ ń gbɛ̃zↄ̃ↄↄnɛ
\q1 lá wa kɛ̀ Olebu ń Zeebuoɛwa.\f + \fr 83.12 \fr*\ft Dↄa 7.25\ft*\f*
\q1 Kɛ ń kíaↄnɛ
\q1 lá wa kɛ̀ Zɛba ń Zalemunaoɛwa.\f + \fr 83.12 \fr*\ft Dↄa 8.12\ft*\f*
\q1
\v 12 Ampiↄ mɛ́ ò yãa aa mɛ̀,
\q1 wà Lua dã́dãkɛkĩi sɛ́ ń pↄ́ ũ.
\q1
\v 13 Ma Lua, to aa gↄ̃ lakɛɛ ũ
\q1 lán ése ṹa pↄ́ ĩ́ana ì sɛ́lɛwa.
\q1
\v 14 Lá dào ì tɛ́kũ,
\q1 ge lá tɛ́ ì gbɛ̀sĩsĩ sãsã,
\q1
\v 15 pɛ́lɛńzi ń n zàao màa,
\q1 n ĩ́an pãsĩ i to sↄ̃ kɛ̃́ńgu.
\q1
\v 16 To an gɛɛ gↄ̃ kpá ń wɛ́i,
\q1 aai n gbãa dↄ̃ Dii.
\q1
\v 17 Wí líↄ ń kṹ gↄↄpii ń bílio,
\q1 aa kpɛbↄ aa midɛ,
\q1
\v 18 kɛ́ aa e dↄ̃ kɛ́ n tↄ́n Dii,
\q1 ḿmɛ ń Musude ũ dṹniau píi.
\c 84
\s1 Lua ua bɛɛkɛa
\d Kole buiↄ lɛ.
\q1
\v 1 N kúkĩi maa fá, Dii Zĩgↄ̃de!
\q1
\v 2 Málɛ Dii ua bɛɛkɛ e gu gɛ̀ lɛ́ lia,
\q1 ma nisĩna ń ma mɛo lɛ́ lua Lua bɛ̃́ɛi.
\q1
\v 3 Dii Zĩgↄ̃de, ma Kía, ma Lua,
\q1 gòlegolena kpɛ́ è ń gbagbakĩi saɛ,
\q1 luakibãna sakpɛdà we à a nɛ́ↄ kàu.
\q1
\v 4 Báaadeↄn gbɛ̃́ pↄ́ kú n ua
\q1 aaìↄ n táasilɛ gↄↄpiiↄ ũ.
\q1
\v 5 Báaadeↄn gbɛ̃́ pↄ́ an gbãa bↄ̀ n kĩ́i
\q1 mɛ́ n kpɛ́ gɛa yã́ kú ń sↄ̃ guuↄ ũ.
\q1
\v 6 Tó aalɛ pã Baka guzulɛa,
\q1 aaì to à gↄ̃ lán gu nibↄnadewa,
\q1 káabuan lou ì to ɛ̀fãai ligua.
\q1
\v 7 An gɛa guu an gbãa ìↄ kã́fĩɛ
\q1 e aa gɛ kaò n kĩ́i Siↄna.
\b
\q1
\v 8 Dii Lua Zĩgↄ̃de, ma wabikɛa sí,
\q1 swã́sɛ ma yã́i, Yakↄbu buiↄ Lua.
\q1
\v 9 Lua, kía wá sɛ̀ngbao gwa,
\q1 wɛ́tɛ kía pↄ́ ń kpài.
\b
\q1
\v 10 Kua n kpɛ́ kpɛɛlɛ gↄↄ do maa
\q1 dɛ kua gupãlei gↄↄ ↄ̀aa sↄola.
\q1 Ma Lua ua bĩ́ibↄlɛdↄ̃anakɛ sì
\q1 dɛ kua ua doũ ń vãikɛnaↄla.
\q1
\v 11 Dii Lua dɛnɛ́ ĩatɛ̃\f + \fr 84.12 \fr*\ft Mal 4.2, Zia 21.23\ft*\f* ń sɛ̀ngbaoo ũ.
\q1 Dii ì báaadańgu ń kã́fĩao,
\q1 ìli gí maakɛi tàaesaideɛo.
\q1
\v 12 Dii Zĩgↄ̃de,
\q1 báaaden gbɛ̃́ pↄ́ lɛ́ n náaikɛ ũ.
\c 85
\s1 Isailiↄ aafia wabikɛa
\d Kole buiↄ lɛ.
\q1
\v 1 N báaadà n bùsuu, Dii,
\q1 n su ń Yakↄbu buiↄ ń pá ziu.
\q1
\v 2 N n gbɛ̃́ↄ tàaeↄ wòlomá,
\q1 n ń duuna kɛ̃̀má píi.
\q1
\v 3 N pↄ wèemá,
\q1 n n pↄkũma pãsĩ kpà kpɛ.
\b
\q1
\v 4 Suwanↄ wá pá ziu,
\q1 Lua wá Suabana,
\q1 kpɛ̃nɛ pↄ́ ń kɛ̀wanↄ suumpa.
\q1
\v 5 N pↄ aↄ paawázi gↄↄpii yã̀?
\q1 Ńyↄ̃ↄ n pↄfɛ̃gↄↄ gága wɛ̃ ń wɛ̃o yã̀?
\q1
\v 6 Ńyↄ̃ ɛa ǹ n gbɛ̃́ↄ lɛ́ ń láo
\q1 kɛ́ an pↄ e kɛma nao lé?
\q1
\v 7 Dii, ǹ n gbɛ̃kɛ ↄlↄwɛ̃ɛ,
\q1 wá suaba ń n gbãao.
\b
\q1
\v 8 Ma swã́ dↄ Dii Lua yã'oai,
\q1 asa ì aafia lɛgbɛ̃ a yãmanaↄnɛɛ,
\q1 tó aai ɛa sù ń mìsaiyãↄwao.
\q1
\v 9 Aà vĩakɛnaↄ suabaa zã̀o,
\q1 kɛ́ aà gawi e àↄ kú wá bùsuu yã́i.\f + \fr 85.10 \fr*\ft Zãa 1.14\ft*\f*
\q1
\v 10 Gbɛ̃kɛ ń náaio kpàaũ,
\q1 yã́zɛde ń aafiao dàkↄ̃lɛ.
\q1
\v 11 Náai ì ↄ poo musu,
\q1 yã́zɛde ì ↄnↄnↄ zĩ́lɛi.
\q1
\v 12 Dii a maakɛwɛ̃ɛ,
\q1 wá tↄↄlɛ i blɛkɛ.
\q1
\v 13 Yã́zɛde ìↄ bɛ aà aɛ,
\q1 ì zɛkɛkɛɛ̀.
\c 86
\s1 Kowɛkɛa Luaɛ
\d Davidi lɛ.
\q1
\v 1 Dii, swã́kpa ma yã́i, ní wea,
\q1 asa taaside wɛ̃naden ma ũ.
\q1
\v 2 Ma wɛ̃ni dↄ̃́a, asa má n yã́ↄ kũaɛ.
\q1 Ǹ n zↄ̀blena suaba,
\q1 ḿmɛ ń ma Lua ũ, málɛ n náaikɛ.
\q1
\v 3 Sùuukɛmanↄ, Dii,
\q1 asa miↄ lɛzunzi kↄↄ ń oosioɛ.
\q1
\v 4 Ǹ n zↄ̀blena pↄ kɛ na,
\q1 asa ma laai tà n kĩ́i, Dii.
\q1
\v 5 Ń maa mɛ́ ń sùuu vĩ, Dii,
\q1 n gbɛ̃kɛ zↄ̃ↄ n sìsinaↄnɛ.
\q1
\v 6 Dii, swã́kpa ma wabikɛai,
\q1 laaidↄ ma wɛ̃na wiiwa.
\q1
\v 7 Má lɛzunzi ma taasikɛgↄↄzĩ,
\q1 asa ni wea.
\b
\q1
\v 8 Tã́ae muaannↄo, Dii,
\q1 gbɛ̃e lí fↄ̃ n kɛa kɛ̀o.
\q1
\v 9 Bui pↄ́ ń kɛ̀ↄ mↄ́ kúlɛnɛ,\f + \fr 86.9 \fr*\ft Zia 15.4\ft*\f*
\q1 aa n tↄbↄ ḿpii.
\q1
\v 10 Asa ń zↄ̃ↄ mɛ́ ni dabudabuↄ kɛ,
\q1 ḿmɛ ń Lua ũ ndo.
\b
\q1
\v 11 Ǹ n zɛ́ ↄlↄmɛɛ Dii,
\q1 míↄ bɛ n sĩana guu.
\q1 Ma sↄ̃ damɛɛ doũ, míↄ n vĩa vĩ.
\q1
\v 12 Má n sáaukpa ń nↄ̀sɛmɛndoo,
\q1 Dii ma Lua, máↄ n tↄbↄ gↄↄpiiɛ.
\q1
\v 13 Asa gbɛ̃kɛ pↄ́ ń kɛ̀mɛɛ zↄ̃ↄ,
\q1 n ma wɛ̃ni sì bɛda ɛ̀ títiwa.
\b
\q1
\v 14 Lua, kàamaideↄ lɛ́ fɛlɛmanↄ,
\q1 gbɛ̃́ pãsĩↄ lɛ́ ma wɛ, aali n yãdao.
\q1
\v 15 Mpi Dii, Lua sósobiden n ũ,
\q1 ń sùuu vĩ mɛ́ n pↄ lí pa kpaao,
\q1 ń gbɛ̃kɛ ń náaio vĩ zↄ̃ↄ.
\q1
\v 16 Ma wɛgwa, wɛ̃nadↄ̃mɛɛ.
\q1 Ǹ n zↄ̀blena gba gbãa,
\q1 mapi n nↄɛ zĩkɛna nɛ́ suaba.
\q1
\v 17 Maakɛamɛɛ seela kɛ,
\q1 ma wɛ̀lɛↄ i e, wí i ń kṹ,
\q1 asa Dii, n dↄmalɛ,
\q1 n ma nↄ̀sɛ nìnimɛɛ.
\c 87
\s1 Siↄnaá Lua wɛ̃́lɛɛ
\d Kole buiↄ lɛ.
\q1
\v 1 Lua a wɛ̃́lɛ kàlɛ gbɛ̀sĩsĩ pↄ́ a kua adoa musu,
\q1
\v 2 Dii ye Siↄna bĩ́ibↄlɛↄi
\q1 dɛ Yakↄbu buiↄ wɛ̃́lɛ kĩniↄla píi.
\q1
\v 3 Lua gawi yã'ò wɛ̃́lɛpi musu à mɛ̀:
\b
\q1
\v 4 Má Egipiↄ ń Babɛlideↄ da gbɛ̃́ pↄ́ aa ma dↄ̃ↄ guu.
\q1 Filitɛ̃ↄ ku a guu lↄ ń Tiideↄ ń Etiopiↄ.
\q1 Wa mɛ wà gbɛ̃́ beeↄ ì weɛ.\f + \fr 87.4 \fr*\ft Gal 4.26\ft*\f*
\q1
\v 5 Wa o Siↄna yã́ musu:
\q1 Wà wã́anɛ ń wã́anɛo ì weɛ,
\q1 Musude mɛ́ ì a zɛdↄ gíũgiũ.
\q1
\v 6 Tó Dii lɛ́ gbɛ̃́ↄ tↄ́ dalau,
\q1 a mɛ: Wà gbɛ̃́ beeↄ ì weɛ.
\q1
\v 7 Lɛ̀sinaↄ ń ↄ̃wãnaↄ píi aa mɛ:
\q1 Wá maa píi ì bↄ Siↄnaɛ.
\c 88
\s1 Kua ga lɛ́zĩ wiilɛa
\d Ɛzala bui Emani\f + \fr 88.1 \fr*\ft 1Kia 5.11\ft*\f* lɛ.
\q1
\v 1 Dii Lua ma Suabana,
\q1 málɛ wiilɛma fãanɛ ń gwãasĩnao.
\q1
\v 2 To ma wabikɛa kama,
\q1 swã́kpa ma wiilɛai.
\q1
\v 3 Asa yã'ↄ̃ma kↄ̃̀ ma nↄ̀sɛuɛ,
\q1 ma wɛ̃ni sↄ̃̀ ɛ̀ lɛ́i.
\q1
\v 4 Wà ma da gbɛ̃́ pↄ́ aalɛ si bɛdauↄu,
\q1 ma gↄ̃ lán yɛ̃̀ɛɛsaidewa.
\q1
\v 5 Wà ma ya ma kpa gɛↄ guu
\q1 lán gbɛ̃́ pↄ́ wúlɛa miau sↄlↄlↄↄwa.
\q1 An yã́ dↄngu lↄo, aa bↄ̀ n ↄu.
\q1
\v 6 N ma zu ɛ̀ zòolo guu
\q1 e tↄↄlɛ nↄna gbã́o gusiau.
\q1
\v 7 N pↄkũma tↄ̃̀a,
\q1 a ísↄ̃ lɛ́ ma lɛ́.
\q1
\v 8 Ń tò ma gbɛ̃́ↄ ma vũaa,
\q1 ń tò aa ye ma gĩyãio.
\q1 Wà ma kaka, bↄkĩi kuo.
\q1
\v 9 Ĩadama ma wɛ́ siakũ̀,
\q1 málɛ lɛzunzi za kↄↄ e oosi,
\q1 ma ↄↄ dↄanzi.
\b
\q1
\v 10 Gɛↄ ni yãbↄnsaɛkɛnɛ́a?
\q1 Gyaadeↄ mɛ́ aaì fɛlɛ n sáaukpaa?
\q1
\v 11 Wì n gbɛ̃kɛ galikɛ miau yã̀?
\q1 Wì n náaiyã'ò kaalɛu yã̀?
\q1
\v 12 Wa n dabudabuↄ dↄ̃ a gusiau yã̀?
\q1 N maakɛaↄ dↄ̃a ku wɛ́sia guu yã̀?
\b
\q1
\v 13 Dii, mi wiilɛma,
\q1 ma wabikɛa kↄↄ ì ka n kĩ́i.
\q1
\v 14 Bↄ́yãi ńlɛ gímazii, Dii?
\q1 Àkɛa n mikpɛlìmɛɛi?
\q1
\v 15 Má kú ga lɛ́zĩ wɛ̃nannↄ za ma ɛ̀waasogↄↄ,
\q1 n wɛ́tɛ̃amↄanɛ́ tↄ̃̀a, ma gↄ̃ sã̀ii.
\q1
\v 16 N pↄpaamazi mà ma mia,
\q1 n vĩa pↄ́ↄ lɛ́ ma midɛ.
\q1
\v 17 A daamala lán íwa za kↄↄ e oosi,
\q1 à kũ̀aaa míↄmiↄ.
\q1
\v 18 Ń tò ma gbɛ̃́ yenzideↄ ma vũaa,
\q1 gusia mɛ́ gↄ̃̀ ma gbɛ̃na ũ.
\c 89
\s1 Lua lɛgbɛ̃a Davidiɛ
\d Ɛzala bui Etani\f + \fr 89.1 \fr*\ft 1Kia 5.11\ft*\f* lɛ.
\q1
\v 1 Dii, máↄ lɛsi n gbɛ̃kɛ yã́ musu láasaiɛ,
\q1 máↄ n náaiyã kpàwakɛ wɛ̃ ń wɛ̃o.
\q1
\v 2 Má o n gbɛ̃kɛ líↄ kpálɛa vĩo,
\q1 n náaidekɛ zĩ́napɛlɛa musu n bɛ.
\b
\q1
\v 3 N mɛ̀ n bàa kú ń gbɛ̃́ pↄ́ ń sɛ̀o,
\q1 n lɛgbɛ̃̀ n zↄ̀blena Davidiɛ.
\q1
\v 4 Ńyↄ̃ to aà bui àↄ kible gↄↄpiiɛ,
\q1 ńyↄ̃ aà kpala gba gbãa e aà buiwa.\f + \fr 89.5 \fr*\ft 2Sam 7.12-16, Soũ 132.11, Zĩn 2.30\ft*\f*
\b
\q1
\v 5 Musudeↄ n dabuyãↄ sáaukpa, Dii,
\q1 malaikaↄ n náaiyã'ò balu guu.
\q1
\v 6 Asa gbɛ̃e ku musu à kà Diiwao,
\q1 malaikae muaaaànↄo.
\q1
\v 7 Baa malaikaↄ kã̀aa, Lua mɛ́ fuańla,
\q1 gbɛ̃́ pↄ́ liaaaàziↄ mɛ ì seena ta.
\q1
\v 8 Dii Lua Zĩgↄ̃de, démɛ muaannↄi?
\q1 Ń gbãa ń náaio vĩ yã́pii guu.
\q1
\v 9 Ni gbãamↄ ísiaɛ,
\q1 tó à fɛ̀lɛ ń vĩvĩao, ni a zùukɛ.
\q1
\v 10 N Egipiↄ suumpà aa gↄ̃̀ gɛↄ ũ,
\q1 n n wɛ̀lɛpiↄ fã̀aa ń n gã̀sa gbãao.
\q1
\v 11 Musu ń zĩ́lɛoá n pↄ́ɛ,
\q1 n dṹnia kàlɛ ń pↄ́ pↄ́ kú a guuↄ.
\q1
\v 12 N gugbãntoo ń gɛↄmidↄkĩio kɛ̀,
\q1 Taboo ń Ɛɛmↄ gbɛↄ ì guladↄma.
\q1
\v 13 N gã̀saá gↄ̃sa pↄ́ɛ,
\q1 n ↄ gbãa mɛ́ n ↄplaa dↄ musu.
\q1
\v 14 Yãmaa ń yã́zɛdeo mɛ́ n gĩ́na ɛ̃kpalɛ ũ,
\q1 gbɛ̃kɛ ń náaio mɛ́ dia n aɛwa.
\q1
\v 15 Báaadeↄn gbɛ̃́ pↄ́ aa guladↄama dↄ̃,
\q1 aaìↄ bɛ n aɛ gupuauↄ ũ, Dii.
\q1
\v 16 Aaìↄ pↄnakɛ ń n tↄ́o gↄↄpii,
\q1 aaì ĩ́anadã ń n maakɛao.
\q1
\v 17 Asa an gawi ń ń gbãaon n ũ,
\q1 n zɛawanↄ yã́i wá mi daa ía.
\q1
\v 18 Wá sɛ̀ngbaoá Dii pↄ́ɛ,
\q1 wá kíapiá wá Isailiↄ Lua pↄ́ɛ.
\b
\q1
\v 19 N yã'ò n yãmanaↄnɛ yãa
\q1 wɛ́pungu'ea guu n mɛ̀:
\q1 Ma dↄnlɛkɛ̀ nɛgↄ̃naɛ,
\q1 ma ɛ̀waasopi sɛ̀ lɛsĩ a gbɛ̃́ↄ guu.
\q1
\v 20 Ma a zↄ̀blena Davidi è,
\q1 ma a nísikàwà ma aà dìlɛ.
\q1
\v 21 Máↄ aà kũa ma ↄzĩɛ,
\q1 ma gã̀sa gbãa aↄ kuaànↄ.
\q1
\v 22 Ibɛɛ a fↄ̃ falusiwào,
\q1 gbɛ̃vãi a e ↄnaalɛwào.
\q1
\v 23 Má aà wɛ̀lɛↄ wíwi aà aɛ,
\q1 má aà zangudeↄ kwɛ́.
\q1
\v 24 Máↄ náai vĩɛ̀ ń gbɛ̃kɛo,
\q1 aà mi iↄ daa ía ń ma tↄ́o.
\q1
\v 25 Má ísia naɛ̀ a ↄzĩɛ,
\q1 iↄ iko vĩ swaↄwa.
\q1
\v 26 A lɛzumazi à mɛ,
\q1 má dɛ a Mae ń a Luao ũ,
\q1 a gbɛsi ń a Suabanao ũ.
\q1
\v 27 Má aà kɛ ma yoa ũ,
\q1 iↄ dɛ dṹnia kíaↄ mide ũ.\f + \fr 89.28 \fr*\ft Zia 1.5\ft*\f*
\q1
\v 28 Máↄ gbɛ̃kɛ vĩaànↄ gↄↄpiiɛ,
\q1 ma bàa pↄ́ kuaànↄ gbooa vĩo.
\q1
\v 29 Má tó aà bui àↄ kible gↄↄpiiɛ,
\q1 aà kpala iↄ ku e dṹnia gɛ láaò.
\b
\q1
\v 30 Tó aà buiↄ pãkpà ma ikoyãi,
\q1 mɛ́ aai tɛ ma yãdilɛaↄzio,
\q1
\v 31 tó aa bↄ̀ ma yã́ kpɛ,
\q1 mɛ́ aa ma yãdanɛↄ kũao,
\q1
\v 32 má gotↄ̃má an tàaeↄ yã́iɛ,
\q1 mí ń kɛ búubuu an vãi yã́ musu,
\q1
\v 33 ãma gbɛ̃kɛ pↄ́ má vĩaànↄ a midɛo,
\q1 má fↄ̃ náaisaiyãkɛo.
\q1
\v 34 Má a bàa pↄ́ kuaànↄ yã́ gbooo,
\q1 má lɛ́ pↄ́ má gbɛ̃̀ɛ̀ lilɛo.
\q1
\v 35 Ma lɛgbɛ̃̀ ń mazĩa kuao gɛ̃n do,
\q1 má ɛɛto Davidiɛo, ma mɛ̀,
\q1
\v 36 aà bui aↄ ku gↄↄpiiɛ,
\q1 aà kpala aↄ ku ma aɛ lán ĩatɛ̃wa.
\q1
\v 37 Lá mↄvua dɛ seela náaide ũ musu,
\q1 màa aà kpala aↄ ku gↄↄpii.
\b
\q1
\v 38 Ń beeo n gi kía pↄ́ ń kpài,
\q1 n ↄkpàaàzi, n kolokɛ̀aànↄ.
\q1
\v 39 N n bàa kua ń n zↄ̀blenao yã́ gbòo,
\q1 n sakà aà kíafuau, ń zù zĩ́lɛ.
\q1
\v 40 N aà wɛ̃́lɛ bĩ́iↄ gbòo,
\q1 n aà zɛgikĩiↄ kwɛ̀ ń dàaĩ.
\q1
\v 41 Gɛ̃zɛadeↄ lɛ́ ń baa sɛu,
\q1 à gↄ̃̀ láanipↄ ũ a saɛdeↄnɛ.
\q1
\v 42 Ń tò aà wɛ̀lɛↄ gã gbã̀ɛ,
\q1 ń tò aà ibɛɛↄ pↄnakɛ̀.
\q1
\v 43 N aà fɛ̃nda lɛ́ dɛ̀,
\q1 ni zɛaànↄ zĩ guuo.
\q1
\v 44 N aà gawi kↄ'ɛ̀,
\q1 n aà báa bↄ̀aàla.
\q1
\v 45 Ń tò à zikũ̀ a gbãau,
\q1 n widàwà.
\b
\q1
\v 46 Dii, ńyↄ̃ↄ ulɛawɛ̃ɛ gↄↄpii yã̀?
\q1 N pↄkũma tɛ́ aↄ kũ e bↄɛ ni?
\q1
\v 47 Làasookɛ ma wɛ̃ni kulunkɛwa,
\q1 n gbɛ̃nazĩna kɛ̀ pã yã̀?
\q1
\v 48 Gↄ̃sa kpele mɛ́ aↄ ku à gí gaii?
\q1 Démɛ a fↄ̃ azĩa si mia ikowai?
\q1
\v 49 Dii, gbɛ̃kɛ pↄ́ ń vĩ yãa gɛ̀ má ni?
\q1 Lɛ́ pↄ́ ń gbɛ̃̀ Davidiɛ ń náaio sↄ̃ bɛ?
\q1
\v 50 To n zↄ̀blena láanikɛa yã́ dↄngu,
\q1 buiↄ ma kɛa pↄ́ↄpↄↄ ma sↄ̃ zↄ̃̀.
\q1
\v 51 N ibɛɛↄ kía pↄ́ ń kpà láanikɛ̀,
\q1 e gu pↄ́ aà kɛ̀sɛ zɛ̀u, Dii.
\q1
\v 52 Wà Dii sáaukpa gↄↄpii!
\q1 Ãmi! Ãmi!
\ms1 LÁ SÍIƆ̃DE
\mr Soũↄ 90-106
\c 90
\s1 Lua ń gbɛ̃nazĩnao
\d Lua gbɛ̃́ Mↄizi wabikɛa.
\q1
\v 1 Dii, wá ulɛkĩin n ũ wɛ̃ ń wɛ̃o.
\q1
\v 2 E ǹyↄ̃ gɛ́ gbɛ̀sĩsĩↄ kɛi,
\q1 e ǹyↄ̃ gɛ́ tↄↄlɛ ń dṹniao kálɛi,
\q1 Luan n ũ za asĩnizĩ e gↄↄpii.
\b
\q1
\v 3 Ni dilɛ gbɛ̃nazĩnaɛ aà gɛ̃ tɛ̃́ɛnau,
\q1 ni to aà ɛa gↄ̃ bùsuti ũ.
\q1
\v 4 Wɛ̃̀ ↄ̀aa sↄo dɛnɛ lán gↄↄ dowa,\f + \fr 90.4 \fr*\ft 2Piɛ 3.8\ft*\f*
\q1 ì gɛ̃nɛ lán gĩa ge gwãasĩnawa.
\q1
\v 5 Ni to i dańla aai gaga,
\q1 aa dɛ lán sɛ̃ pↄ́ ì bↄlɛ kↄↄwa,
\q1
\v 6 ì bↄlɛ kↄↄ, i gbã́,
\q1 ì i'o oosi, i giigaga.\f + \fr 90.6 \fr*\ft Zaa 1.11\ft*\f*
\b
\q1
\v 7 N pↄkũma ì wá suumpa,
\q1 n kòlokɛa ì gili gɛ̃wágu.
\q1
\v 8 Wá yãvãiↄ kálɛa n aɛ,
\q1 wá asiiyãↄ bↄ̀ gupuau n kuu.
\q1
\v 9 Wá gↄↄ ì gɛ̃kↄ̃u n kpɛ̃nɛ yã́i,
\q1 wá wɛ̃ni ì midɛ wá wea dóũdoũnau.
\q1
\v 10 Wá wɛ̃ ì ka bàaↄ̃kwi taawa,
\q1 tó wá gbãa sↄ̃, basiiↄ̃.
\q1 Wɛ̃piↄ guu baa a pↄ́ pↄ́ na
\q1 ì mↄ́ ń taasio ń pↄsiaoɛ,
\q1 ì gɛ̃zɛa kpakpa, ↄ̃ wi kpagui.
\q1
\v 11 Démɛ n pↄkũma gbãa lɛ́ dↄ̃i?
\q1 Démɛ n kpɛ̃nɛ lɛ́ dↄ̃ à vĩakɛɛ̀i?
\q1
\v 12 Dadawɛ̃ɛ wàↄ wá wɛ̃ni dↄ̃ màa,
\q1 kɛ́ wà ↄ̃nↄ e wá sↄ̃ guu.
\b
\q1
\v 13 Dii, ńyↄ̃ ɛa wá wɛgwa bↄɛ ni?
\q1 Wɛ̃nadↄ̃ n zↄ̀blenaↄnɛ.
\q1
\v 14 Tó gu dↄ̀, to n gbɛ̃kɛ mↄ́wá,
\q1 wíↄ pↄnakɛ ń gulakɛao gↄↄpii.
\q1
\v 15 Wá gba pↄna ↄ pↄ́ ń tↄ̃̀wá gↄↄ lɛ́u,
\q1 taasi pↄ́ wá kɛ̀ wɛ̃̀ lɛ́u.
\q1
\v 16 Ǹ n yãkɛaↄ ↄlↄ n zↄ̀blenaↄnɛ,
\q1 ní tó wá nɛ́ↄ n iko gbãa dↄ̃.
\q1
\v 17 Dii wá Lua, báaadawágu nana,
\q1 ɛ̀fãaida wá zĩu wàↄ kã́fĩakɛ,
\q1 ao, ɛ̀fãaida wá zĩu wàↄ kã́fĩakɛ.
\c 91
\s1 Lua mɛ́ wá dↄ̃̀ana ũ
\q1
\v 1 Gbɛ̃́ pↄ́ ulɛa Musude ↄ guu,
\q1 mɛ́ a ku Gbãapiide uei,
\q1
\v 2 ì mɛ Dii mɛ́ a zɛgikĩi ũ,
\q1 a Lua mɛ́ a ulɛkĩi ũ, á aà náai vĩ.
\b
\q1
\v 3 A n si kaiwa,
\q1 a n suaba ń gagyão.
\q1
\v 4 A n sↄlↄ a pↄlɛu,
\q1 ńyↄ̃ↄ ulɛa aà kúlukulunau.
\q1 Aà náai mɛ́ aↄ dɛ n sɛ̀ngbao ũ.
\q1
\v 5 Gwãasĩn pↄ́ↄ ń fãanɛ kà kpán'ãaↄ
\q1 an kee vĩa a n kũo,
\q1
\v 6 ge gagyã pↄ́ ìↄ bɛ gusiau
\q1 ge gyãkawɛ̃lɛ pↄ́ ì ń le fãanɛ gbãa.
\q1
\v 7 Baa tó gbɛ̃ↄn ↄ̀aa sↄo lɛ́ kwɛ́ n saɛ,
\q1 ge gbɛ̃ↄn ↄ̀aasↄsↄo lɛɛ kwi lɛ́ fu n ↄplaai,
\q1 pↄe a n leo.
\q1
\v 8 Wɛzu ǹ gwa,
\q1 ńyↄ̃ e lá wì ĩada vãikɛnaↄwa.
\q1
\v 9 Tó n Musude dìlɛ n ulɛkĩi ũ,
\q1 mɛ́ n Dii dìlɛ n kúkĩi ũ,
\q1
\v 10 vãie a sↄ̃nzio,
\q1 músi a gɛ̃ n uao.
\q1
\v 11 Asa a n yã'o a malaikaↄnɛ
\q1 aa n dↄ̃́a gu pↄ́ ńlɛ gɛ́u píiɛ.
\q1
\v 12 Aa ↄdama,
\q1 kɛ́ ńsu gɛ̃nalɛ gbɛwao yã́i.\f + \fr 91.12 \fr*\ft Mat 4.6, Luk 4.10-11\ft*\f*
\q1
\v 13 Ńyↄ̃ táa'o nↄ̀ↄmusuwa ń kyã́o,
\q1 ńyↄ̃ ↄ̃zↄ̃ nↄ̀ↄkusiwa ń mlɛ̃̀ pãsĩo.\f + \fr 91.13 \fr*\ft Luk 10.19, Lom 16.20\ft*\f*
\b
\q1
\v 14 Dii mɛ̀: Lá à nàmazi, má aà bↄ,
\q1 lá a ma dↄ̃, má aà sɛ musu.
\q1
\v 15 A lɛzumazi, mí wewà.
\q1 Tó yã́ nàɛwà, máↄ kuaànↄ,
\q1 má aà suaba, mí aà kpɛla.
\q1
\v 16 Má báaadaaàgu ń wɛ̃ni gbã̀ao,
\q1 má aà suaba, i pↄnakɛò.
\c 92
\s1 Lua sáaukpaa
\d Kã́mabogↄↄ lɛ.
\q1
\v 1 A maa wà n sáaukpaɛ, Dii,
\q1 wá lɛsi wà n tↄbↄ, Musude,
\q1
\v 2 wí n gbɛ̃kɛ galikɛ kↄↄ,
\q1 wí n náaiyã'ò gwã́,
\q1
\v 3 wí n táasilɛ ń mↄↄnao
\q1 ń domao ń kotilio.
\q1
\v 4 N yãkɛaↄ ì ma pↄ kɛ na, Dii,
\q1 mi guladↄ n ↄzĩkɛaↄwa.
\q1
\v 5 Dii, n yãkɛaↄ zↄ̃ↄ maamaaɛ,
\q1 n làasooↄ gbia à kɛ̀ zài.\f + \fr 92.6 \fr*\ft Lom 11.34\ft*\f*
\q1
\v 6 Sↄũ yã́pi dↄ̃o,
\q1 mìsaide a fↄ̃ mao.
\q1
\v 7 Baa tó gbɛ̃vãiↄ ↄtà lán kàewa,
\q1 mɛ́ vãikɛnaↄ kã́fĩa è ḿpii,
\q1 an zia dɛ kaalɛ láasai ũɛ.
\q1
\v 8 Mpi sↄ̃ Dii, ńyↄ̃ↄ kã́fĩa gↄↄpiiɛ.
\q1
\v 9 Ǹ n ibɛɛↄ gwa, aalɛ midɛ,
\q1 vãikɛnaↄ lɛ́ fãaa píi.
\b
\q1
\v 10 N ma gba gbãa lán zùsɛ̃lɛwa,
\q1 n nísi ↄde kà ma miwa.
\q1
\v 11 Ma wɛsì ma wɛ̀lɛↄ fualɛ,
\q1 ma swã́ ma ibɛɛ vãiↄ wii mà.
\q1
\v 12 Gbɛ̃maaↄ gbã lán daminaliↄwa,
\q1 aa zↄ̃ↄkũ lán Libã sɛdɛ líↄwa.
\q1
\v 13 Pɛ́lɛa Dii kpɛ́ kpɛɛlɛ
\q1 aa gbã wá Lua ua.
\q1
\v 14 Ń ń zikũakɛo aaↄ nɛ'iɛ,\f + \fr 92.15 \fr*\ft Zãa 15.2\ft*\f*
\q1 an lá aↄ nísi bↄɛ si plɛ̀plɛ.
\q1
\v 15 Aa mɛ Dii maa,
\q1 ↄ̃mɛ wá gbɛsi ũ,
\q1 vãie ku aà guuo.
\c 93
\s1 Dii mɛ́ Kía ũ
\q1
\v 1 Dii mɛ́ lɛ́ kible,
\q1 a zↄ̃ↄkɛ daa ula ũ.
\q1 Dii zↄ̃ↄkɛ daa, à gbãa dↄ̀ a pi,
\q1 à dṹnia kàlɛ gíũgiũ, a deeo.
\b
\q1
\v 2 Ń zↄ̃lɛa báawa za gↄↄpi,
\q1 ń kú za asĩnizĩ.
\q1
\v 3 Swaↄ pà Dii,
\q1 swaↄ kↄ̃fĩ dↄ,
\q1 swaↄ lɛ́ gã̀alɛ.
\q1
\v 4 Dii ku musu, a zↄ̃ↄ,
\q1 aà zↄ̃ↄ dɛ í zↄ̃ↄ kↄ̃fĩa,
\q1 aà gbãa dɛ ísia í vĩvĩaa.
\b
\q1
\v 5 Dii, n yãdilɛaↄ gbooa vĩo,
\q1 à kũ̀ n kpɛ́ àↄ ku adoa e gↄↄpiiɛ.
\c 94
\s1 Lua mɛ́ yã́kpalɛkɛna ũ
\q1
\v 1 Dii á Lua pↄ́ ì tↄsimáɛ.
\q1 Lua pↄ́ ì tↄsimá, bↄ gupuau!
\q1
\v 2 Dṹnia yã́kpalɛkɛna, fɛlɛ!
\q1 Fĩa bo ĩ́andãnaↄnɛ ń yãkɛawa.
\q1
\v 3 Gbɛ̃vãiↄ aaↄ pↄnakɛ e bↄɛ ni?
\q1 Aaↄ tidↄwála e bↄɛ ni, Dii?
\b
\q1
\v 4 Vãikɛnapiↄ ì gↄ̃sagↄ̃sa yã'o,
\q1 aaì yãbↄlɛ, aaì ĩ́anadã ḿpii.
\q1
\v 5 Dii, aaì táa'o n gbɛ̃́ↄwa,
\q1 aaì gbãamↄ gbɛ̃́ pↄ́ n ń sɛ́piↄnɛ.
\q1
\v 6 Aaì gyaa gbɛ̃andoↄ ń bↄ̀mↄↄ dɛdɛ,
\q1 aaì tonɛ pↄ́ gwana vĩoↄ suumpa.
\q1
\v 7 Aaì mɛ Dii lɛ́ ń eo,
\q1 Yakↄbu buiↄ Lua laai kúmáo.
\b
\q1
\v 8 Á sↄũↄ, à laaika!
\q1 Á mìsaideↄ, á ↄ̃nↄkũ bↄɛɛ la?
\q1
\v 9 Lua swã́ pɛ̀, ìli yãmao lé?
\q1 À wɛ́ kàsa, ìli gu'eo lé?
\q1
\v 10 Ì bui píi toto, a ń swã́gagaoa?
\q1 Ì yãdanɛ́, a dↄ̃a vĩoa?
\q1
\v 11 Dii gbɛ̃nazĩna làasooↄ dↄ̃,
\q1 a dↄ̃ kɛ́ aa yãfũu lán gbɛ́ tíwa.\f + \fr 94.11 \fr*\ft 1Kln 3.20\ft*\f*
\b
\q1
\v 12 Báaaden gbɛ̃́ pↄ́ ni toto,
\q1 ni n ikoyã dadaɛ ũ, Dii.
\q1
\v 13 Ni aà nↄ̀sɛ daɛ̀ doũ taasikɛgↄↄ,
\q1 e wà gɛ ɛyↄ̃ vãikɛnaɛ.
\q1
\v 14 Dii a pãkpa a gbɛ̃́ↄzio,
\q1 a gbɛ̃́ pↄ́ á sɛ̀ a pↄ́ ũↄ vũaao.
\q1
\v 15 Wa ɛa yã́kpalɛkɛ a zɛ́wa,
\q1 nↄ̀sɛpuadeↄ i zɛò.
\b
\q1
\v 16 Démɛ a fɛlɛmɛɛ gbɛ̃vãiↄwai?
\q1 Démɛ a zɛmanↄ vãikɛnaↄ musui?
\q1
\v 17 Mɛ́ i kɛ Dii dↄnlɛkɛ̀mɛɛ yãa no,
\q1 dↄ̃ má kú miau kílikili gↄ̃̀ↄ.
\q1
\v 18 Kɛ́ ma mɛ̀ zãana lɛ́ ma sɛ́lɛ,
\q1 n ma kũ n gbɛ̃kɛ guu, Dii.
\q1
\v 19 Kɛ́ ma làasoo kↄ̃̀ ma sↄ̃u,
\q1 n ma sↄ̃ nìnimɛɛ n ma pↄ kɛ̀na.
\b
\q1
\v 20 N lɛ́ líↄ ku yã́gↄ̃gↄ̃n koleaↄ yã́uo,
\q1 an yãdilɛaↄ ì mↄnɛ́ ń taasio.
\q1
\v 21 Aaì lɛkpaaĩ gbɛ̃maazi,
\q1 aaì yãda tàaesaidea wà aà dɛ.
\q1
\v 22 Dii mɛ́ ma zɛgikĩi ũ,
\q1 ma Lua mɛ́ gbɛsi pↄ́ mi ulɛu ũ.
\q1
\v 23 A ń vãikɛa sↄaamáɛ,
\q1 i ń buibↄ an tàaeↄ yã́i,
\q1 Dii wá Lua a ń buibↄ.
\c 95
\s1 Lua táasilɛa
\q1
\v 1 À mↄ wà pↄna wii dↄ Diiwa,
\q1 wà guladↄ gbɛsi pↄ́ ì wá bↄwa.
\q1
\v 2 Wà gɛ́ aà aɛ wà aà sáaukpa,
\q1 wà lɛsi wà aà táasilɛ.
\q1
\v 3 Asa Dii mɛ́ Lua zↄ̃ↄde ũ.
\q1 Kía zↄ̃ↄɛ, a dɛ dii píia.
\q1
\v 4 Tↄↄlɛ nↄna ku aà ↄzĩɛ,
\q1 gbɛ̀sĩsĩ misonaↄá aà pↄ́ɛ.
\q1
\v 5 Ísiaá aà pↄ́ɛ, ↄ̃mɛ kɛ̀,
\q1 ↄ̃mɛ tↄↄlɛ ikàsa ń a ↄo.
\q1
\v 6 À mↄ wà wúlɛ wá gbɛɛu
\q1 wà kúlɛ Dii wá Kɛna aɛ.
\q1
\v 7 Asa aàpi mɛ́ wá Lua ũ,
\q1 wá dɛ aà kpàsa gbɛ̃́ↄ ũɛ,
\q1 aà sã pↄ́ àlɛ ń dãↄ ũ.
\b
\q1 Tó a aà lↄↄ mà gbã,
\q1
\v 8 ásu swã́gbãakɛ lá á deziↄ kɛ̀ Mɛliba
\q1 gↄↄ pↄ́ aa ku Masa guwaiwaiuwao.\f + \fr 95.8 \fr*\ft Ɛbɛ 3.15\ft*\f*
\q1
\v 9 Baa kɛ́ aa ma yãkɛaↄ è,
\q1 aa ma yↄ̃ aa ma gbãa lɛgwà.\f + \fr 95.9 \fr*\ft Bↄa 17.1-7, Ɛbɛ 3.7-11\ft*\f*
\q1
\v 10 Ɔ̃ má ye ń gĩyãio e wɛ̃̀ bla,
\q1 ma mɛ̀ gbɛ̃́ sã́sãaↄnɛ,
\q1 aa ma yãkɛaↄ dↄ̃o.
\q1
\v 11 Má ò ń mazĩao ń pↄfɛ̃o ma mɛ̀,
\q1 aa gɛ̃ ma kã́mabokĩiuo.\f + \fr 95.11 \fr*\ft Nao 14.20-23, Ɛbɛ 4.3, 5\ft*\f*
\c 96
\s1 Dii mɛ́ Kía zↄ̃ↄ ũ
\r (1Lad 16.23-33)
\q1
\v 1 À lɛ̀ dafu sí Diiɛ,
\q1 dṹnia gbɛ̃́pii, à lɛsi Diiɛ.
\q1
\v 2 À lɛsi Diiɛ, í aà tↄbↄ,
\q1 àↄ aà zĩblea baokpa lá gu lɛ́ dↄ.
\q1
\v 3 À aà gawi yã'o buiↄnɛ,
\q1 à aà yãbↄnsaɛↄ galikɛ gbɛ̃́piiɛ.
\q1
\v 4 Dii zↄ̃ↄ, à kà wà aà táasilɛ,
\q1 à kà wà vĩakɛɛ̀ dɛ diiↄla píi.
\q1
\v 5 Buipãleↄ diiↄá pↄ́ gianaↄnɛ,
\q1 Dii mɛ́ musu kɛ̀.
\q1
\v 6 Zↄ̃ↄkɛ ń bɛɛɛo kuwà,
\q1 gbãa ń gawio ku aà kĩ́iɛ.
\b
\q1
\v 7 À gawi ń gbãao dↄ̃ Diiɛ,
\q1 bùsu píi gbɛ̃́ↄ, à dↄ̃ Diiɛ.
\q1
\v 8 À Dii tↄ́ gawi dↄ̃ɛ̀,
\q1 à mↄ aà ua, í aà gba pↄ́.
\q1
\v 9 À kúlɛ Diiɛ ń lousisi'ulaↄ daa,
\q1 zĩ́lɛdeↄ, à tó á mɛ àↄ kukɛ aà aɛ,
\q1
\v 10 í o bui píiɛ, Dii mɛ́ lɛ́ kible.
\q1 À dṹnia kàlɛ gíũgiũ, a deea vĩo.
\q1 A yã́kpalɛkɛ ń gbɛ̃́piio a zɛ́wa.
\q1
\v 11 Musudeↄ, à pↄnakɛ,
\q1 zĩ́lɛdeↄ, à vĩ àↄ kɛ̃aa,
\q1 ísia ń pↄ́ pↄ́ kúuↄ, à kↄ̃fĩkɛ.
\q1
\v 12 Sɛ̃̀a ń pↄ́ pↄ́ kúuↄ, à kúkuakɛ,
\q1 lí pↄ́ kú lákpɛuↄ i gulakɛ píi.
\q1
\v 13 Aa pↄnakɛ Dii aɛ, asa àlɛ mↄ́,
\q1 àlɛ mↄ́ yã́kpalɛkɛi ń dṹniaoɛ.
\q1 A yã́kpalɛkɛ ń dṹniao a zɛ́wa,
\q1 a yã́gↄ̃gↄ̃ gbɛ̃́ↄnɛ ń sĩanao.
\c 97
\s1 Dii mↄa
\q1
\v 1 Dii mɛ́ lɛ́ kible!
\q1 Dṹnia gbɛ̃́ↄ, à pↄnakɛ,
\q1 ísiabaadeↄ, àↄ ku pↄna guu.
\q1
\v 2 Luabɛpuana ń a sianao liaaaàzi,
\q1 yã́zɛde ń yãmaao mɛ́ aà kpala zĩ́na ũ.
\q1
\v 3 Tɛ́ ìↄ dↄaaaɛ̀,
\q1 ì kũ aà ibɛɛ pↄ́ liaaaàziↄwa.
\q1
\v 4 Aà loupilɛaↄ ì tↄↄlɛ pu,
\q1 tó dṹnia è, ì lualua.
\q1
\v 5 Gbɛ̀sĩsĩↄ ì yↄ lán zↄ́nisiwa Dii aɛ,
\q1 dṹnia gbɛ̃́pii Diipi aɛ.
\q1
\v 6 Musudeↄ ì aà maakɛa kpàwakɛ,
\q1 bùsu píi gbɛ̃́ↄ ì aà gawi e.
\b
\q1
\v 7 Wí ì tã́agbagbanaↄ kṹ,
\q1 gbɛ̃́ pↄ́ aaì ĩ́anadã ń tã́apiↄ.
\q1 Diipiↄ kúlɛ aà aɛ ḿpiiɛ.
\b
\q1
\v 8 Tó Siↄnadeↄ mà, aa pↄnakɛ,
\q1 Yuda wɛ̃́lɛdeↄ aaↄ ku pↄna guu
\q1 n yã́kpalɛkɛaↄ yã́i, Dii.
\q1
\v 9 Dii Musuden n ũ dṹnia gbɛ̃́piiɛ,
\q1 n zↄ̃ↄ dɛ diiↄla píi.
\b
\q1
\v 10 Gbɛ̃́ pↄ́ ye Diiziↄ, à za vãigu.
\q1 Ìↄ a yãmanaↄ wɛ̃ni kũanɛ́,
\q1 ì ń bↄ vãikɛnaↄ ↄu.
\q1
\v 11 Ì gupu gbɛ̃maaↄnɛ ń zɛ́u,
\q1 ì pↄna tↄ̃ nↄ̀sɛpuadeↄ guu.
\q1
\v 12 Gbɛ̃maaↄ, à tó á pↄ kɛ Diiwa na,
\q1 à aà tↄbↄ, asa a ku adoa.
\c 98
\s1 Dii mↄa táasilɛa
\q1
\v 1 À lɛ̀ dafu sí Diiɛ,
\q1 asa à yãbↄnsaɛↄ kɛ̀,
\q1 à zĩblè ń a gã̀sa pↄ́ a kua adoa gbãao.
\q1
\v 2 Dii tò wa dↄ̃̀ a zĩblè,
\q1 à a gbɛ̃suabaa gbãa ↄ̀lↄ bui píiɛ.
\q1
\v 3 Gbɛ̃kɛ ń náai pↄ́ a vĩ ń wá Isailiↄ dↄaàgu.
\q1 E dṹnia lɛ́wa wa è lá wá Lua zĩblè.
\b
\q1
\v 4 Dṹnia gbɛ̃́pii, à pↄna wii dↄ Diiwa,
\q1 à vĩ ń wiio, à gulakɛ à lɛ̀ sí.
\q1
\v 5 À lɛsi Diiɛ ń mↄↄnlɛao,
\q1 ń mↄↄnlɛao ń lɛtɛ̃dↄawao
\q1
\v 6 ń kã̀aepɛao ń kuu'ↄo,
\q1 à pↄna wii dↄ Dii wá Kíawa.
\q1
\v 7 Ísia ń pↄ́ pↄ́ kúuↄ, à kↄ̃fĩkɛ,
\q1 ń tↄↄlɛo ń gbɛ̃́ pↄ́ kuwàↄ píi.
\q1
\v 8 Swaↄ, à gã̀alɛ Dii aɛ.
\q1 Gbɛ̀sĩsĩↄ, à gulakɛ sãnusãnu,
\q1
\v 9 asa àlɛ mↄ́ yã́kpalɛkɛi tↄↄlɛɛ.
\q1 A yã́kpalɛkɛ ń dṹniao a zɛ́wa,
\q1 a yã́gↄ̃gↄ̃ gbɛ̃́ↄnɛ ń sĩanao.
\c 99
\s1 Lua kuaadoade
\q1
\v 1 Dii mɛ́ lɛ́ kible,
\q1 bui píi lɛ́ lualua,
\q1 a zↄ̃lɛa malaika gã̀sĩadeↄ zãnguo,\f + \fr 99.1 \fr*\ft Bↄa 25.22\ft*\f*
\q1 dṹnia lòo.
\q1
\v 2 Dii zↄ̃ↄ Siↄna,
\q1 a ku musu, a dɛ bui píila.
\q1
\v 3 Aa aà tↄ́ zↄ̃ↄ pↄ́ ì to vĩa ń kṹ bↄ,
\q1 asa aà kua adoaɛ.
\b
\q1
\v 4 Wá Kía gbãa vĩ, a ye yã́zɛdei,
\q1 Ɔ̃mɛ yã́kpalɛkɛa a zɛ́wa dà,
\q1 à yãgↄ̃̀gↄ̃ Yakↄbu buiↄnɛ a zɛ́wa.
\q1
\v 5 À Dii wá Lua tↄbↄ,
\q1 à kúlɛ aà gbadibↄ saɛ,
\q1 aà kua adoaɛ.
\b
\q1
\v 6 Mↄizi ń Aalonao mɛ́ aà gbàgbanaↄ ũ,
\q1 Samuɛli mɛ́ aà sìsinaↄ do ũ.
\q1 Aa lɛzùaàzi, ↄ̃ a wèmá.
\q1
\v 7 Kua tɛlu guu à yã'ònɛ́,\f + \fr 99.7 \fr*\ft Bↄa 33.9\ft*\f*
\q1 aa aà ikoyã ń aà yãdilɛnɛↄ kũa.
\b
\q1
\v 8 Dii wá Lua, ń wèmá,
\q1 Lua sùuuden n ũ.
\q1 Ń beeo n ń yãvãiↄ wìnɛ́ ń musu.
\q1
\v 9 À Dii wá Lua tↄbↄ,
\q1 à kúlɛɛ̀ aà gbɛ̀sĩsĩ pↄ́ a kua adoa musu,
\q1 asa Dii wá Lua kua adoaɛ.
\c 100
\s1 Dii sáaukpaa
\d Sáaukpaa lɛ.
\q1
\v 1 Dṹnia gbɛ̃́pii, à kúkuakɛ Diiɛ.
\q1
\v 2 À zↄble Diiɛ ń pↄnao,
\q1 à mↄ aà kĩ́i ń gulakɛao.
\q1
\v 3 Àↄ dↄ̃ kɛ́ Dii mɛ́ Lua ũ,
\q1 ↄ̃mɛ wá kɛ́, wá dɛ aà pↄ́ ũɛ.
\q1 Wá dɛ aà gbɛ̃́ↄ ũ, aà kpàsa sãↄ ũ.
\q1
\v 4 À gɛ̃ aà ua lɛ́u ń sáaukpaao,
\q1 à gɛ̃ aà ua ń aà táasilɛao,
\q1 à aà sáau kpa à aà tↄbↄ.
\q1
\v 5 Asa Dii maa, aà gbɛ̃kɛ láaa vĩo,
\q1 ìↄ náai vĩ gↄↄpiiɛ.
\c 101
\s1 Kía lɛgbɛ̃a a kiblea yã́ musu
\d Davidi lɛ.
\q1
\v 1 Má lɛsi gbɛ̃kɛ ń yã́zɛdeo musu,
\q1 má soũ dannↄ, Dii.
\b
\q1
\v 2 Má laaidↄ kua tàaesaiwa,
\q1 bↄɛ ńyↄ̃ mↄai?
\q1 Máↄ ku ma ua ń nↄ̀sɛpuao,
\q1
\v 3 má pↄvãi dↄ ma wɛ́io.
\q1 Má za yãdↄↄsaikɛau, a naao.
\q1
\v 4 Má yãdↄↄsai fↄ̃o,
\q1 ma bàa aↄ kú ń yãvãioo.
\q1
\v 5 Má gbɛ̃́ pↄ́ ì a gbɛ̃́dee pe suumpaɛ,
\q1 má yↄ̃̀ↄdeↄ ń ĩ́andãnaↄ fↄ̃o.
\q1
\v 6 Ma wɛ́ dↄ ma bùsu náaideↄzi aaↄ kumanↄ,
\q1 gbɛ̃́ pↄ́ ìↄ bɛ tàaesai mɛ́ aↄ dɛ ma zĩkɛna ũ.
\q1
\v 7 Má we gbɛ̃sãsãna àↄ ku ma bɛo,
\q1 má tó mↄafilide àↄ ku ma saɛo.
\q1
\v 8 Máↄ a bùsu gbɛ̃vãiↄ suumpa lá gu lɛ́ dↄ,
\q1 máↄ vãikɛnaↄ midɛ Dii wɛ̃́lɛ guuɛ.
\c 102
\s1 Yɛ̃̀ɛɛsaide wabikɛa
\d Wɛ̃nade yɛ̃̀ɛɛsaide pↄ́ lɛ́ a yã'ↄ̃maↄ bↄlɛ Diiɛ wabikɛa.
\q1
\v 1 Dii, ma wabikɛa ma,
\q1 to ma wiilɛama ká.
\q1
\v 2 Ńsu bↄ ma kpɛ ma taasikɛgↄↄo,
\q1 swã́kpamazi.
\q1 Tó ma lɛzùnzi, wea kpakpa,
\q1
\v 3 asa ma gↄↄ lɛ́ gɛ̃ lán súɛlɛwaɛ,\f + \fr 102.4 \fr*\ft Zaa 4.14\ft*\f*
\q1 ma mɛ lɛ́ pusu bↄ lán tɛyↄ̃wa.
\q1
\v 4 Ma sↄ̃ lɛ́ wo,
\q1 málɛ ibaba lán sɛ̃wa,
\q1 blɛblea yã́ lí dↄmagu mà bleo.
\q1
\v 5 Ma aaukɛa mɛ́ tò
\q1 ma gↄ̃ wákambaau ũ.
\b
\q1
\v 6 Ma gↄ̃ lán gbáa gbaonawa,
\q1 lán bɛzia koowa.
\q1
\v 7 I lí gɛ̃ ma wɛ́uo
\q1 lán bã mɛ̀ndona pↄ́ pɛ́ kpɛ́ musuwa.
\q1
\v 8 Ma ibɛɛↄ ìↄ ma sↄ̃sↄ̃ gↄↄpiiɛ,
\q1 ma láanikɛnaↄ ì gbɛ̃́ ká ń ma tↄ́o.
\q1
\v 9 Túfu mi ble blɛ ũ,
\q1 ma wɛ́'i ì ka ma imia guu
\q1
\v 10 n pↄkũma ń n kpɛ̃nɛo yã́i,
\q1 asa n ma sɛ n ma pãlɛɛ.
\q1
\v 11 Ma wɛ̃ni lɛ́ gɛ̃zɛa lán uenawa,
\q1 ↄ̃ málɛ giigaga lán sɛ̃wa.
\b
\q1
\v 12 Mpi Dii, ń zↄ̃lɛa báawa gↄↄpii,
\q1 ńyↄ̃ↄ dɛ tↄde ũɛ e wá buiwa.
\q1
\v 13 Ńyↄ̃ fɛlɛ wɛ̃nadↄ̃ Siↄnaɛ,
\q1 asa n sùuukɛaaànↄ gↄↄ kà sa.
\q1
\v 14 Aà gbɛↄ kɛ̀ n zↄ̀blenaↄnɛ maa,
\q1 aà daaĩa ìↄ kɛwɛ̃ɛ wɛ̃naɛ.
\q1
\v 15 Bui píi a vĩakɛnɛ, Dii,
\q1 dṹnia kíaↄ gawi dↄ̃nɛ ḿpii.
\q1
\v 16 Asa Dii a ɛa Siↄna kálɛ lↄ,
\q1 i bↄ mↄ́má we ń gawio.\f + \fr 102.17 \fr*\ft Isa 60.1-2\ft*\f*
\q1
\v 17 A gbɛ̃́ pↄ́ gↄ̃̀ yↄ́ↄyↄↄↄ wabikɛa sí,
\q1 a ń wiilɛawa kpa swã́ao.
\b
\q1
\v 18 Wa yã́pi kɛ̃ ziadeↄ yã́iɛ,\f + \fr 102.19 \fr*\ft 1Kln 10.11\ft*\f*
\q1 gbɛ̃́ pↄ́ kuopiↄ i Dii táasilɛ.
\q1
\v 19 Dii wɛkpàlɛ zĩ́lɛ za a kúkĩi,
\q1 kua za musu à wɛzù tↄↄlɛ,
\q1
\v 20 kɛ́ à e gbɛ̃́ↄ zↄblewii ma,
\q1 i ń bↄ ga lɛ́zĩ yã́i,
\q1
\v 21 wi Dii tↄbↄ Siↄna,
\q1 wi aà táasilɛ Yelusalɛũ.
\q1
\v 22 Gↄↄ bee bùsu píi gbɛ̃́ↄ kãaa we,
\q1 bùsu píi gbɛ̃́ↄ mↄ misiilɛiɛ̀.
\b
\q1
\v 23 Kua ma sápaagↄↄ à ma busa,
\q1 à ma wɛ̃ni kulun kṹ.
\q1
\v 24 Ɔ̃ ma mɛ̀: Ma Lua,
\q1 ńsu ma sɛ kpóoo,
\q1 n gbɛ̃́ bee, n wɛ̃ni láaa vĩo.
\q1
\v 25 N tↄↄlɛ kàlɛ za asĩnizĩ,
\q1 musuá n ↄzĩkɛaɛ.
\q1
\v 26 Ampii a gɛ̃, ãma ńyↄ̃ↄ kuɛ.
\q1 Aa zikũ lán pↄkasawa píiɛ,\f + \fr 102.27 \fr*\ft Isa 51.6\ft*\f*
\q1 ńyↄ̃ ń lilɛ lán ulawa aa gɛ̃lɛ.\f + \fr 102.27 \fr*\ft Zia 20.11, 21.1\ft*\f*
\q1
\v 27 Mpi sↄ̃ ńyↄ̃ↄ doũ gↄↄpiiɛ,
\q1 n gↄↄ láaa vĩo.\f + \fr 102.28 \fr*\ft Ɛbɛ 1.10-12, 13.8\ft*\f*
\q1
\v 28 N zↄ̀blenaↄ nɛ́ↄ zɛdↄ,
\q1 an buiↄ aaↄ ku n aɛ.
\c 103
\s1 Lua gbɛ̃kɛ
\d Davidi lɛ.
\q1
\v 1 Má Dii sáaukpa,
\q1 má aà tↄ́ pↄ́ kú adoa bↄ ń nↄ̀sɛmɛndoo.
\q1
\v 2 Má Dii sáaukpa,
\q1 aà maakɛae a sãmaguo.
\q1
\v 3 Ì sùuukɛmanↄ ń ma tàaeↄ píi,
\q1 ì ma gbã́gbã ń ma gyãↄ píi.\f + \fr 103.3 \fr*\ft Bↄa 15.26\ft*\f*
\q1
\v 4 Ì ma bↄ ga lɛ́zĩ,
\q1 ì maakɛmɛɛ a gbɛ̃kɛ guu.
\q1
\v 5 Ì to pↄmaaↄ mↄa,
\q1 mí ɛa su ɛ̀waaso ũ lán kúuwa.
\b
\q1
\v 6 Dii ì yãkɛ a zɛ́wa,
\q1 ì to yã́ bↄ ń gbɛ̃́ pↄ́ wàlɛ gbãamↄnɛ́ↄnɛ na.
\q1
\v 7 A tò Mↄizi a pↄeã dↄ̃̀,
\q1 à a yãkɛaↄ ↄ̀lↄ Isailiↄnɛ.
\q1
\v 8 Dii sùuu vĩ ń sósobio,
\q1 aà pↄ́ lí pa kpaao,
\q1 a gbɛ̃kɛ vĩ maamaaɛ.\f + \fr 103.8 \fr*\ft Bↄa 34.6, Yon 4.2, Yoɛ 2.13, Zaa 5.11\ft*\f*
\q1
\v 9 Ìliↄ zↄadↄmá láasaio,
\q1 aà pↄ líↄ fɛ̃a gↄↄpiio.
\q1
\v 10 Ìli yãkɛwɛ̃ɛ wá duunawao,
\q1 ìli ĩadawá wá vãikɛawao.
\q1
\v 11 Lá luabɛ lɛsĩ dɛ ń tↄↄlɛo,
\q1 màa a gbɛ̃kɛ vĩ zↄ̃ↄ ń a vĩakɛnaↄ.
\q1
\v 12 Lá gukpɛ zã̀ kↄ̃ɛ ń bɛ'aɛo,
\q1 màa ì wá tàaeↄ kɛ̃́wá.
\q1
\v 13 Lá mae ì a nɛ́ↄ wɛ̃nagwa,
\q1 màa Dii ì wɛ̃nadↄ̃ a vĩakɛnaↄnɛ,
\q1
\v 14 asa a wá kɛbↄ dↄ̃,
\q1 wá dɛa bùsuti ũ dↄaàgu.\f + \fr 103.14 \fr*\ft Daa 3.19\ft*\f*
\b
\q1
\v 15 Gbɛ̃nazĩna wɛ̃ni dɛ lán sɛ̃waɛ,
\q1 ìↄ gawi vĩ gↄↄpla lán lávuwaɛ.\f + \fr 103.15 \fr*\ft Isa 40.6-7, 1Piɛ 1.24, Zaa 1.10-11\ft*\f*
\q1
\v 16 Tó ĩ́anapɛ̀wà, ì gɛ̃lɛɛ,
\q1 a kúkĩi líↄ dↄ gbɛ̃egu lↄo.
\q1
\v 17 Dii ìↄ gbɛ̃kɛ vĩ ń a vĩakɛnaↄ
\q1 za asĩnizĩ e gↄↄpii,
\q1 ì maakɛ ń nɛ́ↄnɛ ń ń tↄũnaↄ,\f + \fr 103.17 \fr*\ft Bↄa 20.6\ft*\f*
\q1
\v 18 gbɛ̃́ pↄ́ zɛ̀ ń aà bàakuańnↄ yã́o
\q1 aa yã́ pↄ́ a dìlɛↄ kũaↄ.
\b
\q1
\v 19 Dii a kpalabaa kpàlɛ musu,
\q1 a iko vĩ gbɛ̃́piiwa.
\q1
\v 20 À Dii sáaukpa aà malaikaↄ,
\q1 ikode pↄ́ i aà yã'onɛ ma à zĩkɛwàↄ.
\q1
\v 21 À Dii sáaukpa, aà ìwaↄ píi,
\q1 aà zĩkɛna pↄ́ i aà pↄeã kɛↄ.\f + \fr 103.21 \fr*\ft Luk 2.13\ft*\f*
\q1
\v 22 À Dii sáaukpa, aà pↄkɛaↄ píi
\q1 gu pↄ́ àlɛ kibleuↄ píi.
\q1 Má Dii sáaukpa.
\c 104
\s1 Dii Pↄ́piikɛna táasilɛa
\q1
\v 1 Má Dii sáaukpa.
\q1 Dii ma Lua, ń zↄ̃ↄ maamaaɛ,
\q1 ń gawi daa pↄkasa ũ, àlɛ tɛkɛ,
\q1
\v 2 gupua fĩfĩama zwãa ũ.
\q1 N musu kpàlɛ lán pɛwa,
\q1
\v 3 n bɛkpà lousisiaa.
\q1 N luabɛpuana kɛ̀ ń sↄ̃́go ũ,
\q1 niↄ bɛ ń ĩ́anao.
\q1
\v 4 Ni ĩ́ana gbaɛ n zĩnaↄ ũ,
\q1 ni tɛ́ zĩ n zĩkɛnaↄ ũ.\f + \fr 104.4 \fr*\ft Ɛbɛ 1.7\ft*\f*
\q1
\v 5 N dṹnia kàlɛ, n a zĩ́napɛ̀lɛ,
\q1 a deea vĩ bauo.
\q1
\v 6 N ísia lɛ̀aàla pↄkasa ũ,\f + \fr 104.6 \fr*\ft Daa 1.1-2\ft*\f*
\q1 í kù gbɛ̀sĩsĩↄla.
\q1
\v 7 N ípi lèle ↄ̃ à bàasi,\f + \fr 104.7 \fr*\ft Daa 1.9\ft*\f*
\q1 n pũnawà ↄ̃ gili gɛ̃̀u.
\q1
\v 8 Gbɛ̀sĩsĩↄ lɛsĩ kũ̀, gusalalaↄ ɛɛnkũ,
\q1 ↄ̃ í tà gu pↄ́ ń dìlɛɛ̀u.
\q1
\v 9 N kↄↄ dà ípiɛ, a e vĩao,
\q1 a e ɛa da tↄↄlɛa bau lↄo.
\b
\q1
\v 10 Ń tò nibↄnaↄ ì í pisi swa'ↄnaↄu,
\q1 ↄ̃ a í ìↄ bàalɛ gbɛ̀sĩsĩↄ zãnguo.
\q1
\v 11 Sɛ̃̀a pↄ́pii ìↄ a imi,
\q1 a í ì sɛ̃̀a zàa'ĩnaↄ imi bↄ.
\q1
\v 12 Bãↄ ìↄ ka swapiↄ saɛ,
\q1 aaìↄ pɛa a dào guu, an wii ìↄ dↄu.
\q1
\v 13 Za n bɛ ni lou gbaɛ gbɛ̀sĩsĩↄwa,
\q1 n zĩ gbɛ ì dṹnia kã́.
\q1
\v 14 Ni to sɛ̃ bↄlɛ pↄtuoↄnɛ,\f + \fr 104.14 \fr*\ft Daa 1.11\ft*\f*
\q1 ni blɛ bui kpa sɛ̃̀wanaↄwa.
\q1 Ni blɛ bↄlɛ tↄↄlɛ, aai ble.
\q1
\v 15 Vɛ̃ɛ pↄ́ ì ń pↄ kɛ na
\q1 ń nísi pↄ́ ì ń lɛkpɛ yↄo
\q1 ń blɛ pↄ́ ì ń gba gbãao.
\q1
\v 16 Dii líↄ ì mↄ̀sɛ e maamaa,
\q1 sɛdɛ lí pↄ́ a bà Libãpiↄ.
\q1
\v 17 We bãↄ ì sakpɛdadau,
\q1 wàalianaↄ ì bɛkpa pɛ̃li láu.
\q1
\v 18 Gbɛ̀sĩsĩ lɛsĩↄ dɛ tueↄ kúkĩi ũ,
\q1 gbɛtↄↄↄ dɛ ɛ̃́n'ui'uinaↄ ulɛkĩi ũ.
\b
\q1
\v 19 N mↄvua kɛ̀ gↄↄ tàasikabↄ ũ\f + \fr 104.19 \fr*\ft Daa 1.14\ft*\f*
\q1 ń ĩatɛ̃ pↄ́ a gɛ̃a kpɛ́u gↄↄ dↄ̃o.
\q1
\v 20 Ni to gu si, ↄ̃ gwãasĩna ì kɛ,
\q1 ↄ̃ lákpɛ pↄ́ↄ ì fɛlɛ ń táo píi.
\q1
\v 21 Nↄ̀ↄmusuↄ ì ↄ́ↄlↄ maafɛi,
\q1 aaì pↄblea wɛɛlɛ Luawa.
\q1
\v 22 Tó ĩatɛ̃ bìlɛ, aaì lↄ̀ↄ gá,
\q1 aaì ta wúlɛi ń tòou.
\q1
\v 23 Gbɛ̃nazĩna ì bↄ gɛ́ zĩkɛi,
\q1 ìↄ yãma azĩawa e oosi.
\b
\q1
\v 24 Dii, n yãkɛaↄ dasi fá!
\q1 Apii bↄ̀ n ↄ̃nↄ guuɛ.
\q1 Dṹnia pà ń pↄ́ pↄ́ ń kɛ̀ↄ.
\q1
\v 25 Ísia ku, a zↄ̃ↄ mɛ́ a yàasa,
\q1 pↄ́ bɛ̃́ɛ pↄ́ kú a guuↄ lɛ́ vĩo,
\q1 a nɛ́na a zↄ̃ↄ píi.
\q1
\v 26 Gó'ilɛnaↄ ìↄ bɛu
\q1 ń kwãsa pↄ́ ń kɛ̀ à kↄ̃̀ↄ'ouo.
\b
\q1
\v 27 Pↄ́piↄ wɛ́ dↄnzi ḿpii,
\q1 kɛ́ ǹ blɛ kpámá a gↄↄwa.
\q1
\v 28 Ni kpámá, aaì sɛ́lɛ,
\q1 ni ↄ poonɛ́ ↄ̃ pↄmaaↄ ì ń kã́.
\q1
\v 29 Tó n mikpɛlìnɛ́, bíli ì ń kũɛ,
\q1 tó n wɛ̃ni sìmá,
\q1 aaì ga aa ɛa ta tɛ̃́ɛnauɛ.
\q1
\v 30 Tó n n Nisĩna gbàɛ,
\q1 pↄ́ bɛ̃́ɛↄ ì bↄ,
\q1 ni to tↄↄlɛ ɛa dafukũ.
\b
\q1
\v 31 Dii gawipi aↄ ku gↄↄpiiɛ,
\q1 Dii pↄ i kɛ na a yãkɛaↄwa.
\q1
\v 32 Ì dṹnia gwa ↄ̃ dṹnia ì lua,
\q1 ì ↄkã gbɛ̀sĩsĩↄwa ↄ̃ súɛlɛ ì bↄ.
\b
\q1
\v 33 Má lɛsi Diiɛ e ma wɛ̃ni lɛ́uɛ,
\q1 má a Lua táasilɛ e ma kua lɛ́uɛ.
\q1
\v 34 To ma làasoo kangu,
\q1 mí pↄnakɛnnↄ, Dii.
\q1
\v 35 To duunkɛnaↄ midɛ dṹnia guu,
\q1 vãikɛnaↄ su aaↄ ku lↄo.
\b
\q1 Má Dii sáaukpa.
\q1 Àleluya!
\c 105
\s1 Lua a gbɛ̃́ↄ suabaa
\r (1Lad 16.8-22)
\q1
\v 1 À Dii sáaukpa, í lɛ́mawà,
\q1 à to bui píi aà yãkɛaↄ dↄ̃.
\q1
\v 2 À lɛsi, í aà táasilɛ,
\q1 à aà yãbↄnsaɛkɛaↄ galikɛ píi.
\q1
\v 3 À ĩ́anadã ń Dii tↄ́ pↄ́ kú adoao.
\q1 Á Dii kĩ́i wɛ̀ɛlɛnaↄ à pↄnakɛ,
\q1
\v 4 à gɛ Dii le à gbãa gbɛawà,
\q1 íↄ aà aɛya gↄↄpii.
\q1
\v 5 À to yãbↄnsaɛ pↄ́ a kɛ̀ↄ dↄágu,
\q1 aà dabudabukɛaↄ ń ikoyã pↄ́ a òↄ,
\q1
\v 6 á Dii zↄ̀blena Ablahaũ buiↄ,
\q1 á Yakↄbu bui pↄ́ à á sɛ́ↄ.
\b
\q1
\v 7 Dii mɛ́ wá Lua ũ,
\q1 ↄ̃mɛ ì yãdilɛ gbɛ̃́piiɛ.
\b
\q1
\v 8 Aà bàakuawanↄ yã́ lí sãaaguo,
\q1 yã́ pↄ́ a òpi aↄ kuɛ e wá buiwa.
\q1
\v 9 Aà bàa kú ń Ablahaũo,\f + \fr 105.9 \fr*\ft Daa 12.7, 17.8\ft*\f*
\q1 à ɛ̀a à a lɛgbɛ̃̀ Izaakiɛ lↄ.\f + \fr 105.9 \fr*\ft Daa 26.3\ft*\f*
\q1
\v 10 Aà bàa ɛ̀a kú ń Yakↄbuo iko ũ,
\q1 ↄ̃ a kú ń Isailiↄ e gↄↄpii.
\q1
\v 11 À mɛ̀ á Kanaa bùsu kpámá,
\q1 aↄ dɛ pↄ́ pↄ́ aa sɛ kpaalɛ guu ũ.\f + \fr 105.11 \fr*\ft Daa 28.13\ft*\f*
\b
\q1
\v 12 Gↄↄ bee aa dasio, wìli ń yãdao,
\q1 aa ku Kanaa bùsuu bↄ̀mↄↄ ũɛ.
\q1
\v 13 Aaìↄ liaaliaa bui ń buioↄ guu,
\q1 aaìↄ bɛbɛ bùsu ń bùsuo.
\q1
\v 14 I we wà ń wɛtã̀o,
\q1 à kíaↄ lèle an yã́ musu à mɛ̀
\q1
\v 15 aasu ↄkã gbɛ̃́ pↄ́ a ń sɛ́piↄwao,
\q1 aasu ĩada a ãnabipiↄwao.\f + \fr 105.15 \fr*\ft Daa 20.3-7\ft*\f*
\b
\q1
\v 16 Ɔ̃ a tò nↄana kà bùsupiu,
\q1 a tò an kũ̀sũa làa píi.\f + \fr 105.16 \fr*\ft Daa 41.53-57\ft*\f*
\q1
\v 17 Ɔ̃ à Yosɛfu gbàɛ à dↄ̀aanɛ́,
\q1 wà aà yìa zↄ ũ.\f + \fr 105.17 \fr*\ft Daa 37.28, 45.5\ft*\f*
\q1
\v 18 Wà mↄkà aà gbáwa,
\q1 wà mↄ dↄ̀ aà nↄɛ\f + \fr 105.18 \fr*\ft Daa 39.20\ft*\f*
\q1
\v 19 e yã́ pↄ́ à dↄ̀aa ò gɛ̀ kɛ̀ò,
\q1 ↄ̃ yã́ pↄ́ Dii dàɛ̀ tò yã́ bↄ̀aànↄ na.\f + \fr 105.19 \fr*\ft Daa 37.6-9\ft*\f*
\q1
\v 20 Kɛ́ kía gbɛ̃́ zĩ̀, ↄ̃ wà aà gbàɛ,
\q1 bùsu gbɛ̃zↄ̃ↄpi aà kɛ̃̀.\f + \fr 105.20 \fr*\ft Daa 41.14\ft*\f*
\q1
\v 21 À aà dìlɛ a bùsu dↄaana ũ,
\q1 a tò aàↄ iko vĩ a àizɛɛↄwa píi.\f + \fr 105.21 \fr*\ft Daa 41.39-41\ft*\f*
\q1
\v 22 Yosɛfu aà kíaↄ tòto a pↄeãwa,
\q1 à ↄ̃nↄ dà aà ìwaↄnɛ.
\b
\q1
\v 23 Ɔ̃ Yakↄbu buiↄ mↄ̀ Egipi,\f + \fr 105.23 \fr*\ft Daa 46.6\ft*\f*
\q1 Isailiↄ ku nibↄↄ ũ Haũ buiↄ bùsuu.\f + \fr 105.23 \fr*\ft Daa 47.11\ft*\f*
\b
\q1
\v 24 Dii tò a gbɛ̃́ↄ kↄ̃̀ we maamaa,
\q1 a tò aa dasikũ̀ dɛ ń ibɛɛↄla.
\q1
\v 25 Ɔ̃ à ń ibɛɛpiↄ swãfɛ̃̀, ↄ̃ aa zà aà gbɛ̃́piↄu,
\q1 aa ↄ̃nↄsↄpɛ̀lɛ aà zↄ̀blenapiↄnɛ.\f + \fr 105.25 \fr*\ft Bↄa 1.7-14\ft*\f*
\q1
\v 26 À a zↄ̀blena Mↄizi zĩ̀má\f + \fr 105.26 \fr*\ft Bↄa 3.10\ft*\f*
\q1 ń Aalona pↄ́ a sɛ̀o.\f + \fr 105.26 \fr*\ft Bↄa 4.14-16\ft*\f*
\q1
\v 27 Aa yãkɛ̀ Egipiↄnɛ seela ũ,
\q1 aa dabudabukɛ̀ Haũ buipiↄ bùsuu.
\q1
\v 28 À gusia gbàɛmá, gu sì ń bùsuu,\f + \fr 105.28 \fr*\ft Bↄa 10.21-23\ft*\f*
\q1 kɛ́ aa gì aà yãmai yã́i.
\q1
\v 29 À ń swa'i lìlɛ à gↄ̃̀ au ũ,
\q1 ↄ̃ a kpↄↄ gàga.\f + \fr 105.29 \fr*\ft Bↄa 7.17-21\ft*\f*
\q1
\v 30 Blↄↄ lì ń bùsua
\q1 ń ń gbãadeↄ wúlɛkĩiↄ píi.\f + \fr 105.30 \fr*\ft Bↄa 8.1-6\ft*\f*
\q1
\v 31 À yã'ò ↄ̃ ũsĩnaↄ kàńgu,\f + \fr 105.31 \fr*\ft Bↄa 8.20-24\ft*\f*
\q1 gã́i kàńgu e an bùsu lɛ́ lɛ́u píi.\f + \fr 105.31 \fr*\ft Bↄa 8.12-15\ft*\f*
\q1
\v 32 À lougbɛ kàńgu lou ũ,
\q1 loupilɛa lì ń bùsua gupiiu.\f + \fr 105.32 \fr*\ft Bↄa 9.22-25\ft*\f*
\q1
\v 33 À ń vɛ̃ɛliↄ ɛ̀'ɛ ń ń kaadↄɛnliↄ,
\q1 à ń bùsu líↄ kɛ̀ kɛ́lɛkɛlɛ píi.
\q1
\v 34 À yã'ò ↄ̃ kwaↄ kàńgu,
\q1 kwasutɛ̃ↄ kà, aa lɛ́ vĩo.
\q1
\v 35 Aa ń bùsu sɛ̃ ń láo nɛ̀,
\q1 aa ń buapↄ́ↄ blè píi.\f + \fr 105.35 \fr*\ft Bↄa 10.12-15\ft*\f*
\q1
\v 36 À ń bùsu nɛgↄ̃ɛ sɛ̃́iaↄ dɛ̀dɛ píi,
\q1 nɛ́ woode pↄ́ aa ń í ń ɛ̀waasogↄↄpiↄ.\f + \fr 105.36 \fr*\ft Bↄa 12.29\ft*\f*
\b
\q1
\v 37 À bↄ̀lɛ ń a gbɛ̃́ↄ,
\q1 aa ã́nusu ń vuao kũa,
\q1 an bui gbɛ̃e i gɛ̃nalɛ zɛ́uo.
\q1
\v 38 Kɛ́ aa bↄ̀lɛ, Egipiↄ pↄ kɛ̀na,
\q1 kɛ́ vĩa ń kṹ Isailiↄ yã́ musu yã́i.\f + \fr 105.38 \fr*\ft Bↄa 12.33-36\ft*\f*
\q1
\v 39 À tɛlu pɛ̀lɛ kpà a gbɛ̃́ↄzi,
\q1 à kɛ̀ tɛ́ ũ gwã́, à gupùnɛ́.\f + \fr 105.39 \fr*\ft Bↄa 13.21-22\ft*\f*
\q1
\v 40 Aa wabikɛ̀wà, ↄ̃ à mↄ̀nɛ́ ń bùuↄ,
\q1 à musu blɛ kpàmá aa kã̀.\f + \fr 105.40 \fr*\ft Bↄa 16.2-15\ft*\f*
\q1
\v 41 À gbɛsi pàa, ↄ̃ í bↄ̀u,\f + \fr 105.41 \fr*\ft Bↄa 17.1-7, Nao 20.2-13\ft*\f*
\q1 ípi bàalɛ̀ guwaiwaiu we lán swawa.
\q1
\v 42 Asa lɛ́ pↄ́ a gbɛ̃̀ yã́ dↄaàguɛ,
\q1 yã́ pↄ́ a ò a zↄ̀blena Ablahaũɛpi.
\b
\q1
\v 43 À bↄ̀ ń a gbɛ̃́ↄ, aalɛ pↄnakɛ,
\q1 gbɛ̃́ pↄ́ a sɛ̀piↄ guladↄ.
\q1
\v 44 À buipãleↄ bùsu kpàmá,\f + \fr 105.44 \fr*\ft Yoz 11.16-23\ft*\f*
\q1 zĩ pↄ́ gbɛ̃́piↄ kɛ̀ↄ ài gↄ̃̀nɛ́.
\q1
\v 45 Bee kɛ̀ píi kɛ́ aa e wàↄ a yãdilɛaↄ kũa,
\q1 aai a ikoyãↄ da.
\b
\q1 Àleluya!
\c 106
\s1 Isailiↄ ń duunaↄ oa Luaɛ
\q1
\v 1 Àleluya!
\b
\q1 À Dii sáaukpa, asa a maa,
\q1 aà gbɛ̃kɛ láaa vĩo.
\q1
\v 2 Démɛ a fↄ̃ Dii yãzↄ̃ↄkɛaↄ oi?
\q1 Démɛ a fↄ̃ à aà táasilɛ píii?
\q1
\v 3 Báaadeↄn gbɛ̃́ pↄ́ aaìↄ yãmaa kũa
\q1 aaìↄ yãkɛ a zɛ́wa gↄↄpiiↄ ũ.
\q1
\v 4 Tó ńlɛ na kɛ n gbɛ̃́ↄnɛ,
\q1 ma yã́ aↄ dↄngu, Dii.
\q1 Tó ńlɛ ń suaba, ma wɛgwa,
\q1
\v 5 kɛ́ ma baa e àↄ ku n gbɛ̃́ↄ namau,
\q1 mí pↄnakɛ ń bui pↄ́ ń sɛ̀ↄ,
\q1 mí ń táasilɛ n gbɛ̃́piↄ guu.
\b
\q1
\v 6 Wa duunakɛ̀ lán wá deziↄwa,
\q1 wa tàaekɛ̀ wa yãvãikɛ̀.
\q1
\v 7 Kɛ́ wá deziↄ ku Egipi,
\q1 aai Dii dabudabukɛaↄ yãdao,
\q1 yãmaa dasi pↄ́ a kɛ̀nɛ́ↄ sã̀ńguɛ,
\q1 ↄ̃ aa swã́gbãakɛ̀ Ísia Tɛ̃a saɛ.\f + \fr 106.7 \fr*\ft Bↄa 14.10-12\ft*\f*
\q1
\v 8 Ń beeo à ń suabà a tↄ́ yã́i,
\q1 kɛ́ wà e a gbãa dↄ̃.
\q1
\v 9 À gbãamↄ̀ Ísia Tɛ̃aɛ ↄ̃ gugii bↄ̀,
\q1 à sìńnↄ a ɛu, aa bùawà guwaiwai ũ.\f + \fr 106.9 \fr*\ft Bↄa 14.21-22\ft*\f*
\q1
\v 10 À ń bↄ́ ń ibɛɛↄ ↄzĩ,
\q1 à ń sí ń zangudeↄ gbãawa.
\q1
\v 11 Í dà ń wɛ̀lɛpiↄla,
\q1 baa an gbɛ̃́ mɛ̀ndo i bↄo.\f + \fr 106.11 \fr*\ft Bↄa 14.21-22\ft*\f*
\q1
\v 12 Ɔ̃ aa yã́ pↄ́ a ò sì,
\q1 aa aà táasilɛ̀.\f + \fr 106.12 \fr*\ft Bↄa 15.1\ft*\f*
\b
\q1
\v 13 Ɔ̃ aà yãkɛaↄ sã̀ńgu gↄ̃̀ↄ,
\q1 aai aà dã aà lɛdamáo.
\q1
\v 14 Aalɛ ń pↄblea bɛɛkɛ guwaiwaiu,
\q1 ↄ̃ aa Dii lɛwɛ sɛ̃gbãu we.\f + \fr 106.14 \fr*\ft Nao 11.4-6\ft*\f*
\q1
\v 15 À pↄ́ pↄ́ aa gbɛ̀awa kpàmá,
\q1 ↄ̃ à mɛ'ibabagyã zĩ̀má.\f + \fr 106.15 \fr*\ft Nao 11.31-33\ft*\f*
\b
\q1
\v 16 Aa ĩ́isɛ̀ ń Mↄizio bòou
\q1 ń Aalona pↄ́ Dii aà dìlɛo.\f + \fr 106.16 \fr*\ft Nao 16.1-3\ft*\f*
\q1
\v 17 Tↄↄlɛ wɛ̃̀aa à Datani mↄ̀,
\q1 à kũ̀aa Abilaũ ń a gbɛ̃́ↄwa.\f + \fr 106.17 \fr*\ft Nao 16.31-33\ft*\f*
\q1
\v 18 Tɛ́ sù an ìwaↄwa,
\q1 tɛ́vua kùlɛ gbɛ̃vãipiↄwa.\f + \fr 106.18 \fr*\ft Nao 16.35\ft*\f*
\b
\q1
\v 19 Aa mↄ pì Olebu lán gáaenawa,
\q1 ↄ̃ aa kùlɛ ń dii pↄ́ aa kàsapiɛ.\f + \fr 106.19 \fr*\ft Bↄa 32.1-6\ft*\f*
\q1
\v 20 Aa Lua gawide lɛũkpakɛ̀
\q1 ń zù sɛ̃̀sona taao.\f + \fr 106.20 \fr*\ft Lom 1.23\ft*\f*
\q1
\v 21 Lua ń suabà ↄ̃ aà yã́ sã̀ńgu.
\q1 À yãzↄ̃ↄkɛ̀nɛ́ Egipi,
\q1
\v 22 à dabudabuↄ kɛ̀ Haũ buiↄ bùsuu,
\q1 à yã́ pↄ́ ì to vĩa ń kṹ kɛ̀ Ísia Tɛ̃ai.
\q1
\v 23 À mɛ̀ á a gbɛ̃́piↄ midɛ,
\q1 ↄ̃ aà gbɛ̃́ Mↄizi aà zùukɛ̀,
\q1 a tò aà pↄ wèe, ↄ̃ i ń midɛo.\f + \fr 106.23 \fr*\ft Bↄa 32.10-14\ft*\f*
\b
\q1
\v 24 Aa pãkpà ń pↄeã bùsui,
\q1 aa gì Dii yã́ síi.
\q1
\v 25 Aa yã́kũtɛ̃kà ń zwã̀akpɛↄ guu,
\q1 aai swã́sɛ Dii yã́io.\f + \fr 106.25 \fr*\ft Nao 14.1-4\ft*\f*
\q1
\v 26 Ɔ̃ à ↄlɛ̀lɛnɛ́ à mɛ̀
\q1 á tó aa kwɛ guwaiwaiuɛ,
\q1
\v 27 á tó an buiↄ lɛ́lɛ buiↄ guu,
\q1 í ń fãaa bùsu ń bùsuo.\f + \fr 106.27 \fr*\ft Nao 14.26-35\ft*\f*
\b
\q1
\v 28 Aa nà tã́a Peoowa,
\q1 aa pↄ́ pↄ́ wà sa'òò pↄgɛↄwa sò.\f + \fr 106.28 \fr*\ft Nao 25.1-3\ft*\f*
\q1
\v 29 An yãkɛaↄ Dii pↄ fɛ̃̀,
\q1 ↄ̃ gaga gɛ̃̀ńgu.
\q1
\v 30 Finɛasi fɛ̀lɛ yã́pi tɛdɛ̀,
\q1 ↄ̃ gagapi zɛ̀nɛ́.\f + \fr 106.30 \fr*\ft Nao 25.7-8\ft*\f*
\q1
\v 31 Ɔ̃ Dii tò yã́ bↄ̀aànↄ na,
\q1 aà bàa kuaànↄ e aà buiwa.\f + \fr 106.31 \fr*\ft Nao 25.10-13\ft*\f*
\b
\q1
\v 32 Aa Dii zafɛ̃̀ Mɛliba í kĩ́i,
\q1 ↄ̃ Mↄizi yã'ì azĩaɛ an yã́i.
\q1
\v 33 Asa aa aà nↄ̀sɛ ↄ̃̀ↄkpàɛ̀ɛ,
\q1 ↄ̃ à yã'ò làasoosai.\f + \fr 106.33 \fr*\ft Nao 20.10-12\ft*\f*
\b
\q1
\v 34 Aai bùsupideↄ kɛ kɛ́lɛkɛlɛ,
\q1 lá Dii dìlɛnɛ́wao.\f + \fr 106.34 \fr*\ft Iko 7.2\ft*\f*
\q1
\v 35 Aa gↄ̃̀ kↄ̃gbɛ̃ↄ ũ ń buipiↄ,
\q1 aa ń ↄlɛsɛ̀.
\q1
\v 36 Aa zↄblè ń diiↄnɛ,
\q1 ↄ̃ yã́pi ń sↄ̃ blè.\f + \fr 106.36 \fr*\ft Dↄa 3.5-6\ft*\f*
\q1
\v 37 Aa ń nɛgↄ̃ɛnaↄ dɛ̀dɛ sa'obↄ ũ,
\q1 aa sa'ò tã́aↄwa ń ń nɛnↄɛnaↄ.\f + \fr 106.37 \fr*\ft 2Kia 17.17\ft*\f*
\q1
\v 38 Aa yãesaideↄ kòlokpakpa,
\q1 an nɛgↄ̃ɛↄ ń ń nɛnↄɛpiↄ.
\q1 Aa sa'òńnↄ Kanaa bùsu tã́aↄwa,
\q1 ↄ̃ an bùsupi gbãlɛ̀.\f + \fr 106.38 \fr*\ft Nao 35.33-34\ft*\f*
\q1
\v 39 An yãkɛaↄ mɛ́ tò aa gbãlɛ̀,
\q1 an dàaↄ tò aa gↄ̃̀ Luaɛ káaluaↄ ũ.
\b
\q1
\v 40 Ɔ̃ Dii pↄkũmabↄ̀bↄmá,
\q1 a ye gbɛ̃́ pↄ́ a ń sɛ́piↄ gĩyãi lↄo.
\q1
\v 41 À ń kpá buiↄwa,
\q1 an zangudepiↄ ikokɛ̀má.
\q1
\v 42 An ibɛɛↄ wɛ́tɛ̃amↄ̀nɛ́,
\q1 aa ↄtↄ̃̀ↄlɛmá.\f + \fr 106.42 \fr*\ft Dↄa 2.14\ft*\f*
\q1
\v 43 Ìↄ ń bↄ mↄ̀ↄmↄↄ,
\q1 ãma aa zɛ̀ ń ń swã́gbãaoɛ,
\q1 ↄ̃ an duuna dàńla.
\q1
\v 44 Tó à ń wii mà,
\q1 ì taasi dↄ̃nɛ́ɛ.\f + \fr 106.44 \fr*\ft Dↄa 2.18\ft*\f*
\q1
\v 45 Aà bàakuańnↄ yã́ i sãaàguo,
\q1 ↄ̃ à nↄ̀sɛlìlɛ a gbɛ̃kɛ zↄ̃ↄ guu.
\q1
\v 46 A tò gbɛ̃́ pↄ́ aa ń kũkũ zĩ̀zↄↄ ũↄ wɛ̃nadↄ̃̀nɛ́.
\b
\q1
\v 47 Dii wá Lua, wá suaba!
\q1 Wá bↄlɛ buiↄ guu, ní wá kãaa,
\q1 wí n tↄ́ pↄ́ kú adoa bↄ,
\q1 wí ĩ́anadã ń n táasilɛao.
\b
\q1
\v 48 Wà Dii, Isailiↄ Lua sáaukpa
\q1 za asĩnizĩ e gↄↄpii!
\q1 Gbɛ̃́pii mɛ, ãmi!
\q1 Àleluya!
\ms1 LÁ SƆODE
\mr Souↄ̃ 107-150
\c 107
\s1 Lua sáaukpaa aà maa yã́i
\q1
\v 1 À Dii sáaukpa, asa a maa,
\q1 aà gbɛ̃kɛ láaa vĩo.
\q1
\v 2 Gbɛ̃́ pↄ́ Dii ń bóↄ o màa,
\q1 gbɛ̃́ pↄ́ à ń bↄ́ ń ibɛɛↄ ↄzĩↄ.
\q1
\v 3 À ń bↄ́ bùsu ń bùsuo à ń kãaa
\q1 za gukpɛ oi ń bɛ'aɛ oio,
\q1 za gugbãntoo oi ń gɛↄmidↄkĩi oio.
\b
\q1
\v 4 An gbɛ̃eↄ bɛ sã́sãa guwaiwaiu ń sɛ̃gbão,\f + \fr 107.4 \fr*\ft Nao 14.33\ft*\f*
\q1 aai wɛ̃́lɛ pↄ́ aa zↄ̃lɛu zɛ́ dↄ̃o.
\q1
\v 5 Nↄana ń imio lɛ́ ń dɛ,
\q1 an wɛ̃ni gↄ̃̀ lɛɛnnↄ.
\q1
\v 6 Ɔ̃ aa wiilɛ̀ Diizi ń taasikɛau,
\q1 ↄ̃ à ń bↄ́ ń wɛ́tɛ̃a guu.
\q1
\v 7 À ń dá zɛ́ súsuwa,
\q1 ↄ̃ aa kà wɛ̃́lɛ pↄ́ aa zↄ̃lɛu.
\q1
\v 8 Aa Dii sáaukpa aà gbɛ̃kɛ yã́i
\q1 ń yãbↄnsaɛ pↄ́ ì kɛnɛ́o.
\q1
\v 9 Asa ì imidɛnaↄ kòlo níninɛ́,
\q1 ì pↄmaa kpa nↄandɛnaↄwa aa kã́.\f + \fr 107.9 \fr*\ft Luk 1.53\ft*\f*
\b
\q1
\v 10 An gbɛ̃eↄ ku gusiau ga lɛ́zĩ,\f + \fr 107.10 \fr*\ft Luk 1.79\ft*\f*
\q1 aalɛ taasikɛ yea ń mↄdaonao.
\q1
\v 11 Asa aa gì Lua yãmai,
\q1 aa sakà Musude lɛdamauɛ.
\q1
\v 12 A tò wà ń busa ń zĩ gbãao,
\q1 aalɛ lɛ́ gálɛ, gbɛ̃e ku à dↄńlɛo.
\q1
\v 13 Ɔ̃ aa wiilɛ̀ Diizi ń taasikɛa guu,
\q1 ↄ̃ à ń bↄ́ ń wɛ́tɛ̃api guu.
\q1
\v 14 À ń bↄ́ gusiau ń gao lɛ́zĩ,
\q1 à ń mↄdaonapiↄ kɛ̃̀kɛ̃má.
\q1
\v 15 Aa Dii sáaukpa aà gbɛ̃kɛ yã́i,
\q1 ń yãbↄnsaɛ pↄ́ ì kɛnɛ́o.
\q1
\v 16 Asa ì bĩ́ibↄlɛ gba pↄ́ wa pì ń mↄgotɛ̃o gbooɛ,
\q1 ì mↄsi gbãa zɛ́kakabↄↄ ɛ́'ɛ.
\b
\q1
\v 17 An gbɛ̃eↄ lìaa ń swã́gbãa yã́i,
\q1 aa gↄ̃̀ suuunnↄ ń tàaeↄ yã́i.
\q1
\v 18 Aa ye pↄblea gĩyãio,
\q1 aa kà gaa.
\q1
\v 19 Ɔ̃ aa wiilɛ̀ Diizi ń taasikɛau,
\q1 ↄ̃ à ń bↄ́ ń wɛ́tɛ̃api guu.
\q1
\v 20 Aà lɛ́kpãsã ń gbãgbã,\f + \fr 107.20 \fr*\ft Luk 7.7\ft*\f*
\q1 à ń sí mia'ɛwa.
\q1
\v 21 Aa Dii sáaukpa aà gbɛ̃kɛ yã́i,
\q1 ń yãbↄnsaɛ pↄ́ ì kɛnɛ́o.
\q1
\v 22 Aa sáaukpa sa'owa,
\q1 aai aà yãkɛaↄ galikɛ ń gulakɛao.
\b
\q1
\v 23 An gbɛ̃eↄ gɛ̃̀ gó'ilɛnaↄu,
\q1 aa dàzɛu ísiaa,
\q1 aaìↄ bɛ í zↄ̃ↄpia aaↄ gɛ́ laatai.
\q1
\v 24 Gbɛ̃́piↄ Dii yãkɛaↄ è,
\q1 ń yãbↄnsaɛ pↄ́ ì kɛ í guoↄ.
\q1
\v 25 À yã'ò ↄ̃ zàa'ĩan gbãa kàka,
\q1 ísia fɛ̀lɛ ń bútɛ̃mbaao.\f + \fr 107.25 \fr*\ft Yon 1.4\ft*\f*
\q1
\v 26 Aa gɛ̀ musu aa sù zĩ́lɛ,
\q1 kua kaipi lɛ́zĩ sↄ̃ kɛ̃̀ńgu.
\q1
\v 27 Aa dèedee,
\q1 aa tàlaatalaabò lán wɛ̃dɛnawa,
\q1 an ílɛ'ↄ̃nↄ mìdɛ.
\q1
\v 28 Aa wiilɛ̀ Diizi ń taasikɛau,
\q1 ↄ̃ à ń bↄ́ ń wɛ́tɛ̃api guu.
\q1
\v 29 À ĩ́an gbãa zɛ̀ à gↄ̃̀ ĩ́an fɛɛɛna ũ,
\q1 à í zùukɛ̀ à kɛ̀ kílikili.\f + \fr 107.29 \fr*\ft Luk 8.24\ft*\f*
\q1
\v 30 Kɛ́ gu nìni gↄ̃̀ↄ, an pↄ kɛ̀na,
\q1 ↄ̃ à gɛ̀ńnↄ godↄkĩi pↄ́ aalɛ yáu.
\q1
\v 31 Aa Dii sáaukpa aà gbɛ̃kɛ yã́i,
\q1 ń yãbↄnsaɛ pↄ́ ì kɛnɛ́o.
\q1
\v 32 Aa aà tↄbↄ balu guu,
\q1 aa aà táasilɛ dↄaanaↄ kãaa guu.
\b
\q1
\v 33 À swaↄ zↄ̃̀ɛ à gↄ̃̀ gugii ũ,\f + \fr 107.33 \fr*\ft Yoz 3.13\ft*\f*
\q1 a tò nibↄnaↄ gↄ̃̀ tↄↄlɛ inidɛnaↄ ũ.
\q1
\v 34 À tↄↄlɛ báaade lìlɛ gu wiside ũ
\q1 gbɛ̃́ pↄ́ zↄ̃lɛuↄ vãi yã́i.\f + \fr 107.34 \fr*\ft Daa 13.10, 19.24-26\ft*\f*
\q1
\v 35 À guwaiwai lìlɛ dã̀na ũ,
\q1 a tò gugii gↄ̃̀ nibↄna ũ.\f + \fr 107.35 \fr*\ft Bↄa 17.6\ft*\f*
\q1
\v 36 À nↄandɛnaↄ dìlɛ we,
\q1 ↄ̃ aa wɛ̃́lɛ kàlɛ aa zↄ̃̀lɛu.
\q1
\v 37 Aa buapↄ́ↄ tↄ̃̀ aa vɛ̃ɛliↄ bà,
\q1 ↄ̃ à nɛ'ìnɛ́ maamaa.
\q1
\v 38 À báaadàńgu,
\q1 ↄ̃ aa dasikũ̀ à kɛ̀ zài,
\q1 i to an pↄtuoↄ làoo.
\b
\q1
\v 39 Ɔ̃ à ń láo lↄ, aa gↄ̃̀ yↄↄnnↄ
\q1 gbãamↄanɛ́ ń músio ń pↄsiao yã́i.
\q1
\v 40 Lua ì saikɛ kpalablenaↄwa,
\q1 ì to aa liaaliaa gugii pↄ́ zɛvĩo guu.
\q1
\v 41 Ì wɛ̃nadeↄ bↄ taasiu à ń sɛ́ lɛsĩ,
\q1 ì to an uadeↄ dasikũ.
\q1
\v 42 Tó gbɛ̃maaↄ è, aaì pↄnakɛ,
\q1 gbɛ̃vãiↄ sↄ̃ aaì ń lɛ́ kpaaũ.
\q1
\v 43 Nↄ̀sɛde laaidↄ yã́piↄwa,
\q1 i Dii gbɛ̃kɛ gwa lá a dɛ.
\c 108
\s1 Lua mɛ́ ì to wà zĩble
\d Davidi lɛ.\f + \fr 108.1 \fr*\ft Soũ 57.8-12, 60.7-14\ft*\f*
\q1
\v 1 Ma sↄ̃ dilɛa, Lua,
\q1 má lɛsi mà ń táasilɛ ń nↄ̀sɛmɛndoo.
\q1
\v 2 Ma mↄↄna ń ma domao, vu!
\q1 Mí gbãakpa gudↄazi.
\q1
\v 3 Dii, má ń sáaukpa buiↄ guu,
\q1 má ń táasilɛ gbɛ̃́ↄnɛ.
\q1
\v 4 Asa n gbɛ̃kɛ zↄ̃ↄ zↄ̃̀maɛ,
\q1 mɛ́ n náai zↄ̃̀ luabɛpuanawa.
\q1
\v 5 Lua, tↄbↄ e à zↄ̃ma,
\q1 to n gawi li dṹniaa píi.
\b
\q1
\v 6 Wea, wá suaba ń n gã̀sa gbãao,
\q1 kɛ́ wápiↄ n gbɛ̃́ yenzideↄ e bↄ.
\q1
\v 7 Lua yã'ò za a kúkĩi à mɛ̀:
\q1 Má Sikɛũ kpaalɛ ń tidↄanlaoɛ,
\q1 mí Suko guzulɛ kpámá.
\q1
\v 8 Galada bùsuá ma pↄ́ɛ,
\q1 Manase buiↄ bùsuá ma pↄ́ɛ,
\q1 Ɛflaiũ buiↄ bùsuá ma mↄ̀ fùaɛ,
\q1 Yuda bùsuá ma lípanaɛ.
\q1
\v 9 Mↄabuↄ bùsuá ma zion zu'obↄɛ,
\q1 mi a kyale kálɛ Ɛdↄũↄ bùsuwa,
\q1 mi kúkua dↄ Filitɛ̃ↄ bùsuwa.
\b
\q1
\v 10 Démɛ a gɛ̃manↄ wɛ̃́lɛ bĩ́ideui?
\q1 Démɛ a dↄaamɛɛ e Ɛdↄũↄ bùsuui?
\q1
\v 11 Lua, mɛ́ i kɛ n gbɛ̃́ pↄ́ n wá vũaa
\q1 nili bↄ ń wá zĩgↄ̃ↄ lↄo bàasio.
\q1
\v 12 Ɔdawá wá ibɛɛↄ yã́i,
\q1 asa gbɛ̃nazĩna gbɛ̃suabaaá pãɛ.
\q1
\v 13 Wá zĩble ń Lua gbãao,
\q1 ↄ̃mɛ a ↄ̃zↄ̃ wá ibɛɛↄwa.
\c 109
\s1 Sa bɛ̃̀ɛ oa ibɛɛɛ
\d Davidi lɛ.
\q1
\v 1 Lua, ḿmɛ mi n táasilɛ,
\q1 ńsu ǹyↄ̃ nílɛao.
\q1
\v 2 Asa gbɛ̃vãi bↄnkpɛdeↄ ì ma yaa,
\q1 aaì lɛkↄↄlɛkamazi ń ɛɛo.
\q1
\v 3 Aaì liamazi ń yã́'ĩio,
\q1 aaì sòlekɛmanↄ pↄewiwinɛsai.
\q1
\v 4 Aaì ma yeańzi fĩabomɛɛ ń yãdↄmao,
\q1 mapi sↄ̃ miↄ wabikɛma.
\q1
\v 5 Aaì maa fĩabomɛɛ ń vãio,
\q1 ma yeańzi sↄ̃ ń zaamaguo.
\b
\q1
\v 6 Gbɛ̃vãi sóikɛ ń dↄaanawa,
\q1 ǹ aà na gudɛnaɛ a ↄzĩ.
\q1
\v 7 To yã́kpalɛ bↄaànↄ vãi,
\q1 to aà wabikɛa yã'iɛ̀.
\q1
\v 8 Aà wɛ̃ni su àↄ gbã̀ao,
\q1 gbɛ̃pãle i zↄ̃lɛ aà gbɛu.\f + \fr 109.8 \fr*\ft Zĩn 1.20\ft*\f*
\q1
\v 9 Aà nɛ́ↄ gↄ̃ desai,
\q1 aà na i gↄ̃ gyaa ũ.
\q1
\v 10 Aà nɛ́ↄ gↄ̃ lìaanaↄ ũ aaↄ baakɛ,
\q1 aaↄ pↄ́ wɛɛlɛwɛɛlɛ pↄ́kↄlɛkĩi.
\q1
\v 11 Aà fĩade aà pↄ́ↄ naaa píi,
\q1 buipãleↄ aà zĩ ài siwà.
\q1
\v 12 Gbɛ̃e su gbɛ̃kɛkɛɛ̀o,
\q1 wasu wɛ̃nadↄ̃ aà nɛ́ pↄ́ a tòↄnɛo.
\q1
\v 13 Aà buiↄ midɛ,
\q1 an tↄ́ ga gbɛ̃́ pↄ́ lɛ́ fɛlɛↄ guu.
\q1
\v 14 Aà deziↄ vãikɛa yã́ dↄngu, Dii,
\q1 ńsu ǹ aà da duuna kɛ̃wà bauo.
\q1
\v 15 An duuna aↄ dↄngu gↄↄpii, Dii,
\q1 an yã́ i sã gbɛ̃́ↄgu dṹniau,
\q1
\v 16 kɛ́ ìli làasookɛ gbɛ̃kɛwao yã́i,
\q1 ì ĩada taasideↄ ń wɛ̃nadeↄ
\q1 ń gbɛ̃́ pↄ́ an kã́ gàↄwa e aa ga.
\q1
\v 17 A ye savãi'oa gbɛ̃́ɛi,
\q1 to à wi aà musu.
\q1 Sa maa oa gbɛ̃́ɛ lí kaaàguo,
\q1 a kɛ báaa vĩ sↄ̃o.
\q1
\v 18 À lɛkɛanɛ́ ula dà,
\q1 à gɛ̃̀ aà nↄ̀sɛu lán íwa,
\q1 à tàalɛaàgu lán nísiwa.
\q1
\v 19 Àↄ fĩwà gↄↄpii zwãa ũɛ,
\q1 iↄ dↄ aàpi asana ũ.
\b
\q1
\v 20 Dii fĩabo ma yãdↄmadeↄnɛ màa
\q1 ń gbɛ̃́ pↄ́ aaì vãi o ma musuↄ.
\b
\q1
\v 21 Dii Gbãapiide, ma wɛgwa n tↄ́ yã́i,
\q1 ma bↄ n maa ń n gbɛ̃kɛo yã́i.
\q1
\v 22 Asa taaside wɛ̃naden ma ũ,
\q1 ma pↄ yà dúuduu.
\q1
\v 23 Málɛ sãalɛ lán oosi uenawa,
\q1 málɛ gɛ̃zɛa lán ĩ́ana kwasɛawa.
\q1
\v 24 Lɛye tò ma gbá lɛ́ sɛ́ lↄo,
\q1 ma fɛ̃fɛ̃ e ma gↄ̃ wákambaau ũ.
\q1
\v 25 Ma gↄ̃nɛ́ pↄ́sↄ̃sↄ̃a ũ,
\q1 aaì ma gwa aa mikɛ déũdeũ.\f + \fr 109.25 \fr*\ft Mat 27.39\ft*\f*
\b
\q1
\v 26 Dↄmalɛ Dii ma Lua,
\q1 ma suaba n gbɛ̃kɛ yã́i,
\q1
\v 27 aai dↄ̃ kɛ́ n ↄdàa,
\q1 kɛ́ ḿmɛ ń kɛ̀mɛɛ, Dii.
\q1
\v 28 Tó aa ma ka, ńyↄ̃ báaadamagu,
\q1 tó aa fɛ̀lɛmanↄ, wí a ń kṹ,
\q1 mapi n zↄ̀blena mí pↄnakɛ.
\q1
\v 29 Tↄ́ ĩ́i a gↄ̃ ma yãdↄmadeↄnɛ ula ũ,
\q1 aa wida ńzĩawa lán gomusuwa.
\b
\q1
\v 30 Má Dii sáaukpa ń lↄↄ gbãao,
\q1 má aà táasilɛ balu guu.
\q1
\v 31 Asa ì zɛ ń wɛ̃nadeↄɛ,
\q1 ì ń sí gbɛ̃́ pↄ́ lɛ́ yãdańlaↄwa.
\c 110
\s1 Mɛsii kíakɛ
\d Davidi lɛ.
\q1
\v 1 Dii ò ma diiɛ aà zↄ̃lɛ a ↄplaai
\q1 e aà aà ibɛɛↄ kɛɛ̀ aà gbadibↄ ũ.\f + \fr 110.1 \fr*\ft Mat 22.44, Zĩn 2.34-35, 1Kln 15.25, Ɛfɛ 1.20-22, Ɛbɛ 1.13, 8.1, 10.12-13\ft*\f*
\q1
\v 2 Dii a to n iko ligua,
\q1 ńyↄ̃ kible n ibɛɛↄwa Siↄna.
\q1
\v 3 N gbɛ̃́ↄ ńzĩa kpama n ikokɛgↄↄ
\q1 ń lousisi'ulaↄ daa.
\q1 N ɛ̀waasoↄ mↄ n kĩ́i gudↄlɛia lán fíiwa.
\b
\q1
\v 4 Dii lɛgbɛ̃̀, a lɛ́ lilɛa vĩo à mɛ̀:
\q1 Ńyↄ̃ↄ dɛ sa'ona ũ gↄↄpii
\q1 lán Mɛkizɛdɛwaɛ.\f + \fr 110.4 \fr*\ft Ɛbɛ 5.6, 6.20, 7.17, 21\ft*\f*
\b
\q1
\v 5 Dii ku n ↄplaai,
\q1 a kíaↄ míↄnzↄ̃ a pↄfɛ̃gↄↄ.
\q1
\v 6 A tↄsi buiↄwa, an gɛↄ gupa,
\q1 a dṹnia bṹu kíaↄ míↄnzↄ̃,
\q1
\v 7 i swa'i mi zɛ́ lɛ́.
\q1 Bee yã́ mɛ́ tò aà mi aↄ daa ía.
\c 111
\s1 Dii tↄbↄa
\q1
\v 1 Àleluya!
\b
\q1 Má Dii sáaukpa ń nↄ̀sɛmɛndoo
\q1 ń gbɛ̃maaↄ sãnu balu guu.
\q1
\v 2 Dii yãkɛaↄ zↄ̃ↄ,
\q1 gbɛ̃́ pↄ́ à kàńguↄ ì a wàaipa.
\q1
\v 3 Aà yãkɛaↄ bɛɛɛ ń gawio vĩ,
\q1 aà yãkɛa a zɛ́wa láaa vĩo.
\q1
\v 4 Dii tò a yãbↄnsaɛkɛaↄ dↄ̀wágu,
\q1 a sùuu ń sósobio vĩ.
\q1
\v 5 Ì blɛ kpa a vĩakɛnaↄwa,
\q1 aà bàakuańnↄ yã́ lí sãaaguo.
\q1
\v 6 À a gbãa ↄ̀lↄ a gbɛ̃́ↄnɛ yãkɛa guu,
\q1 à buipãleↄ bùsuↄ kpàmá.
\q1
\v 7 Yã́ pↄ́ a kɛ̀ↄ náai vĩ mɛ́ a zɛvĩ,
\q1 yã́ pↄ́ a dìlɛↄ sĩana vĩ píiɛ.
\q1
\v 8 Yã́piↄ zĩ́naↄ pɛ́lɛa gↄↄpii,
\q1 ì yãkɛ a zɛ́wa náai guu.
\q1
\v 9 À suabana zĩ̀ à a gbɛ̃́ↄ bò,
\q1 aà bàa kúńnↄ gↄↄpii.
\q1 Aà tↄ́ kua adoa mɛ́ ì to vĩa ń kṹ.
\q1
\v 10 Vĩakɛa Diiɛ mɛ́ ↄ̃nↄ zĩ́na ũ,\f + \fr 111.10 \fr*\ft Yaa 1.7, 9.10\ft*\f*
\q1 gbɛ̃́ pↄ́ ì vĩakɛɛ̀ wɛzɛ̃ gbãa.
\q1 Aà táasilɛa aↄ láaa vĩo.
\c 112
\s1 Gbɛ̃́ pↄ́ Dii vĩa vĩ
\q1
\v 1 Àleluya!
\b
\q1 Báaaden gbɛ̃́ pↄ́ Dii vĩa vĩ,
\q1 mɛ́ Diipi yãdilɛaↄ ì kaaàgu ũ.
\q1
\v 2 Aà nɛ́ↄ gↄ̃ gbãadeↄ ũ ń bùsuu,
\q1 asa nↄ̀sɛpuade buiↄá báaadeↄnɛ.
\q1
\v 3 Pↄ́mↄama ń àizɛɛo di aà bɛɛ,
\q1 aà yãkɛa a zɛ́wa láaa vĩo.
\q1
\v 4 Baa gusiau gu ì pu gbɛ̃maaↄnɛɛ,
\q1 nↄ̀sɛpuade pↄ́ sùuu ń sósobio vĩↄ.
\q1
\v 5 Gbɛ̃́ pↄ́ gbɛ̃kɛ vĩ ì pↄ́ sɛ̃anɛ́,
\q1 ì a yã́ↄ kɛ a zɛ́wa, yã́ ì bↄɛ̀ maaɛ.
\q1
\v 6 Gbɛ̃maa lí fu bauo,
\q1 aà yã́ aↄ dↄńguɛ gↄↄpii.
\q1
\v 7 Bao ĩ́i lí aà vĩakũo,
\q1 aà sↄ̃ ìↄ dilɛa, ìↄ Dii náai vĩ.
\q1
\v 8 Aà sↄ̃ lí vĩo, vĩa lí aà kũo,
\q1 e à gɛ tidↄò a ibɛɛↄla.
\q1
\v 9 Ì pↄ́ fã́ɛ taasideↄnɛ,
\q1 aà yãkɛa a zɛ́wa láaa vĩo.\f + \fr 112.9 \fr*\ft 2Kln 9.9\ft*\f*
\q1 Aà mi ìↄ daa ía ń gawioɛ.
\q1
\v 10 Gbɛ̃vãi líↄ ye aà ea yã́io,
\q1 ì lɛ́sakãaàzi, ì lↄ̀ↄ gá.
\q1 Yã́ pↄ́ vãikɛna wɛ́ dↄi ì midɛwàɛ.
\c 113
\s1 Dii táasilɛa
\q1
\v 1 Àleluya!
\b
\q1 Dii zↄ̀blenaↄ, à aà táasilɛ,
\q1 í aà tↄbↄ!
\q1
\v 2 Gbɛ̃́pii Dii sáaukpa
\q1 za gbã e gↄↄpii.
\q1
\v 3 Gbɛ̃́pii Dii tↄbↄ
\q1 sɛa za ĩatɛ̃bilɛa e a gɛ̃kpɛukĩi.
\q1
\v 4 Dii ku musu, a dɛ bui píila,
\q1 à tↄbↄ̀ e à mà musua.
\q1
\v 5 Gbɛ̃e i ka Dii wá Luawao,
\q1 a zↄ̃lɛa báawa musu.
\q1
\v 6 Ì wɛ́kpalɛ zĩ́lɛ,
\q1 ì musu ń tↄↄlɛo gwa.
\q1
\v 7 Ì yɛ̃̀ɛɛsaideↄ bↄ bùsutiu, ì ń fɛlɛ,
\q1 ì wɛ̃nadeↄ bↄ túfuu, ì ń sɛ́ lɛsĩ.
\q1
\v 8 Ì ń da kíabuiↄ guu,
\q1 anzĩa gbɛ̃́ kíabuiↄ guu.
\q1
\v 9 Ì to fĩi nɛ́ bↄbↄ,
\q1 i gↄ̃ nɛade pↄnade ũ.
\b
\q1 Àleluya!
\c 114
\s1 Gɛ̃amusu dikpɛ lɛ
\q1
\v 1 Kɛ́ Isailiↄ bↄ̀ Egipi,
\q1 kɛ́ Yakↄbu buiↄ bↄ̀ bui zĩ̀loↄ guu,\f + \fr 114.1 \fr*\ft Bↄa 12.51\ft*\f*
\q1
\v 2 Yuda bùsu gↄ̃̀ Dii kúkĩi ũ,
\q1 Isaili bùsu gↄ̃̀ aà kiblekĩi ũ.
\b
\q1
\v 3 Ísia Tɛ̃a è ↄ̃ à bàalɛ̀,\f + \fr 114.3 \fr*\ft Bↄa 14.21\ft*\f*
\q1 Yuudɛ̃ í kpɛkpà.\f + \fr 114.3 \fr*\ft Yoz 3.16\ft*\f*
\q1
\v 4 Gbɛ̀sĩsĩↄ vĩ̀vĩ lán sãↄwa,
\q1 sĩ̀sĩↄ ↄyaayè lán bleↄwa.
\b
\q1
\v 5 Ísia, bↄ́mɛ n le n bàalɛ̀i?
\q1 Yuudɛ̃, àkɛa n kpɛkpài?
\q1
\v 6 Gbɛ̀sĩsĩↄ, bↄ́yãi a vĩvĩ lán sãↄwai?
\q1 Sĩ̀sĩↄ, àkɛa a ↄyaayè lán bleↄwai?
\b
\q1
\v 7 Dṹnia, lualua Dii mↄa guu,
\q1 dee Yakↄbu Luapi aɛ.
\q1
\v 8 À gbɛsi kɛ̀ ibↄkĩi ũ,\f + \fr 114.8 \fr*\ft Bↄa 17.1-6, Nao 20.10-11\ft*\f*
\q1 à gbɛkão lìlɛ nibↄna ũ.
\c 115
\s1 Dii mɛ́ ì báaadańgu
\q1
\v 1 I kɛ wá tↄ́ mɛ́ a bↄo Dii,
\q1 i kɛ wá tↄ́ mɛ́ a bↄo.
\q1 Ǹ nzĩa tↄbↄ n gbɛ̃kɛ ń n náaio yã́i.
\b
\q1
\v 2 Àkɛa buipãleↄ ì wá la aa mɛ
\q1 wá Lua kú má niɛi?
\q1
\v 3 Wá Lua ku musu,
\q1 yã́ pↄ́ a yei ì kɛɛ.
\q1
\v 4 Aa ń diiↄ pì ń ã́nusuo ń vuao,
\q1 gbɛ̃nazĩna ↄgbɛɛ.\f + \fr 115.4 \fr*\ft Zia 9.20\ft*\f*
\q1
\v 5 Aa lɛ́ vĩ, aali yã'oo,
\q1 aa wɛ́ vĩ, aali gu'e sↄ̃o.
\q1
\v 6 Aa swã́ vĩ, aali yãmao,
\q1 aa ní vĩ, kási aali pↄ́ gĩmao.
\q1
\v 7 Aa ↄ vĩ, aali kã́ pↄ́wao,
\q1 aa gbá vĩ, kási aali táa'oo.
\q1 Aali kolokɛkɛo.
\q1
\v 8 An pinaↄ gↄ̃ńwaɛ
\q1 ń gbɛ̃́ pↄ́ lɛ́ ń náaikɛↄ.\f + \fr 115.8 \fr*\ft Soũ 135.15-18\ft*\f*
\b
\q1
\v 9 Isailiↄ, à Dii náaikɛ!
\q1 Ɔ̃mɛ á sɛ̀ngbao ũ, ì dↄálɛ.
\q1
\v 10 Aalona buiↄ, à Dii náaikɛ!
\q1 Ɔ̃mɛ á sɛ̀ngbao ũ, ì dↄálɛ.
\q1
\v 11 Dii vĩakɛnaↄ, à Dii náaikɛ!
\q1 Ɔ̃mɛ á sɛ̀ngbao ũ, ì dↄálɛ.
\b
\q1
\v 12 Wá yã́ lí sã́ Diiguo,
\q1 a báaadawágu.
\q1 A báaada Isaili buiↄgu,
\q1 a báaada Aalona buiↄgu.
\q1
\v 13 Dii a báaada a vĩakɛnaↄgu,
\q1 nɛ́fɛ̃nɛn gbɛ̃zↄ̃ↄ.\f + \fr 115.13 \fr*\ft Zia 11.18, 19.5\ft*\f*
\q1
\v 14 Dii kã́fĩakɛɛ́,
\q1 ápiↄ ń á nɛ́ↄ.
\q1
\v 15 Dii mɛ́ a báaadaágu,
\q1 musu ń tↄↄlɛo Kɛnapi.
\b
\q1
\v 16 Musuá Dii bɛɛ,
\q1 ↄ̃ à tↄↄlɛ nà gbɛ̃nazĩnaↄnɛ ń ↄzĩ.
\q1
\v 17 I kɛ gɛↄ mɛ́ lí Dii táasilɛo,
\q1 gbɛ̃́ pↄ́ kú bɛdauↄ ìↄ ku kílikiliɛ.
\q1
\v 18 Wápiↄ, wáↄ Dii sáaukpa
\q1 za gbã e gↄↄpiiɛ.
\b
\q1 Àleluya!
\c 116
\s1 Gbɛ̃́ pↄ́ bↄ̀ ga lɛ́zĩ Dii sáaukpaa
\q1
\v 1 Má ye Diizi,
\q1 asa à ma yãmàɛ,
\q1 à ma wiilɛawa mà.
\q1
\v 2 Máↄ aà sísi e ma wɛ̃ni lɛ́uɛ,
\q1 kɛ́ à swãdↄ̀mazi yã́i.
\b
\q1
\v 3 Ga fùa kpàmɛɛ yãa,
\q1 má kú yeelɛa zↄ̃ↄ guu,
\q1 taasi ń pↄsiao tↄ̃̀a.
\q1
\v 4 Ɔ̃ ma lɛzù Diizi ma mɛ̀:
\q1 Dii, n yã́ na, ma misi.
\q1
\v 5 Dii sùuu vĩ mɛ́ a maa,
\q1 wá Lua sósobi vĩ.
\q1
\v 6 Dii ì yɛ̃̀ɛɛsaideↄ dↄ̃́a.
\q1 Kɛ́ ma gↄ̃ dↄ̀lↄlↄ, à ma suabà.
\b
\q1
\v 7 Ma nↄ̀sɛ aↄ nínia sa,
\q1 asa Dii yãmaakɛ̀mɛɛ.
\q1
\v 8 Dii ma bↄ ga lɛ́zĩ,
\q1 à wɛ́'i gògomɛɛ,
\q1 i to ma gɛ̃nalɛ̀o,
\q1
\v 9 kɛ́ màↄ ku dṹnia guu,
\q1 míↄ bɛ aà aɛ.
\b
\q1
\v 10 Kɛ́ taasi tↄ̃̀a, ma gↄ̃ búɛbuɛ.
\q1 Ma aà náaikɛ̀, ↄ̃ ma yã'ò.\f + \fr 116.10 \fr*\ft 2Kln 4.13\ft*\f*
\q1
\v 11 Gili gɛ̃̀magu ma mɛ̀:
\q1 Gbɛ̃e mↄafilisaio.
\b
\q1
\v 12 Bↄ́ má fĩaboò Diiɛ
\q1 maa pↄ́ a kɛ̀mɛɛ píi yã́ musui?
\q1
\v 13 Má Dii gbɛ̃́ suabaa imibↄ sɛ musu,
\q1 mí aà sísiò.
\q1
\v 14 Má lɛ́ pↄ́ má kɛ̀ Diiwaↄ fĩabo
\q1 aà gbɛ̃́ↄ wáa píi.
\b
\q1
\v 15 Dii yãmanaↄ gaa gbiaɛ̀.
\q1
\v 16 Dii, n yã́ na, n zↄ̀blenan ma ũ.
\q1 Nↄɛ pↄ́ zↄblènɛ nɛ́n ma ũ,
\q1 n ma bↄ bau.
\q1
\v 17 Má sáaukpa sa'oma,
\q1 mí ń sísiò, Dii.
\b
\q1
\v 18 Má lɛ́ pↄ́ má kɛ̀ Diiwaↄ fĩabo
\q1 aà gbɛ̃́ↄ wáa píi.
\q1
\v 19 Má fĩaboɛ̀ aà ua Yelusalɛũ.
\b
\q1 Àleluya!
\c 117
\s1 Dii táasilɛa
\q1
\v 1 Bui píi, à Dii táasilɛ,
\q1 bùsu píi gbɛ̃́ↄ, à aà tↄbↄ,\f + \fr 117.1 \fr*\ft Lom 15.11\ft*\f*
\q1
\v 2 asa a gbɛ̃kɛ vĩwanↄ à kɛ̀ zài.
\q1 Dii náai vĩ gↄↄpiiɛ.
\b
\q1 Àleluya!
\c 118
\s1 Gɛa Dii ua ń sáaukpaao
\q1
\v 1 À Dii sáaukpa, asa a maa,
\q1 aà gbɛ̃kɛ láaa vĩo.
\q1
\v 2 Isailiↄ o,
\q1 aà gbɛ̃kɛ láaa vĩo.
\q1
\v 3 Aalona buiↄ o,
\q1 aà gbɛ̃kɛ láaa vĩo.
\q1
\v 4 Aà vĩakɛnaↄ o,
\q1 aà gbɛ̃kɛ láaa vĩo.
\b
\q1
\v 5 Ma lɛzù Diizi ma yeelɛa guu,
\q1 ↄ̃ a wèa à ma gba dɛ̀ɛpookĩi.
\q1
\v 6 Dii kumanↄ, vĩa a ma kũo,
\q1 bↄ́ gbɛ̃nazĩna a fↄ̃ kɛmɛɛi?\f + \fr 118.6 \fr*\ft Ɛbɛ 13.6\ft*\f*
\q1
\v 7 Dii kumanↄ ma dↄnlɛde ũ,
\q1 má tidↄ ma ibɛɛↄlaɛ.
\q1
\v 8 Naa Diizi maa dɛ
\q1 gbɛ̃nazĩna náaikɛala.
\q1
\v 9 Naa Diizi maa dɛ
\q1 gbãadeↄ náaikɛala.
\b
\q1
\v 10 Bui píi lìamazi,
\q1 ↄ̃ ma ń kwɛ́ ń Dii tↄ́o.
\q1
\v 11 Aa lìamazi ↄplaai ń zɛɛo,
\q1 ↄ̃ ma ń kwɛ́ ń Dii tↄ́o.
\q1
\v 12 Aa fĩ̀a lán zↄdaↄwa,
\q1 ↄ̃ aa mìdɛ lán sɛ̃̀ tɛ́kũawa,
\q1 ma ń kwɛ́ ń Dii tↄ́o.
\b
\q1
\v 13 Aa ↄzↄ̃̀mazi pãsĩpãsĩ,
\q1 má ye lɛ́lɛi, ↄ̃ Dii dↄ̀malɛ.
\q1
\v 14 Dii mɛ́ ma gbãa ũ, aà táasi mi lɛ́,
\q1 à gↄ̃̀ ma Suabana ũ.
\b
\q1
\v 15 À ma, kúkua dↄ gbɛ̃maaↄ bòou,
\q1 Dii ↄplaa gbãa zĩkɛ̀.
\q1
\v 16 Dii ↄplaa dↄa musu,
\q1 Dii ↄplaa gbãa zĩkɛ̀.
\b
\q1
\v 17 Má gao, máↄ kuɛ,
\q1 míↄ Dii yãkɛaↄ galikɛ.
\q1
\v 18 Dii ma swãgàga maamaa,
\q1 ãma i to ga ma sɛo.
\b
\q1
\v 19 À gbɛ̃́ suabaa bↄlɛ gbaↄ wɛ̃mɛɛ
\q1 mà gɛ̃ mà Dii sáaukpa.
\q1
\v 20 Dii ua bↄlɛ kɛ,
\q1 gbɛ̃maaↄ mɛ́ ì gɛ̃u.
\q1
\v 21 Ma n sáaukɛ̀ Dii, asa ń wèa,
\q1 n gↄ̃ ma Suabana ũ.
\b
\q1
\v 22 Gbɛ pↄ́ ɛ̃bonaↄ pãkpài
\q1 mɛ́ gↄ̃̀ gbɛↄ mide ũ.\f + \fr 118.22 \fr*\ft Luk 20.17, Zĩn 4.11, 1Piɛ 2.7\ft*\f*
\q1
\v 23 Dii mɛ́ bee kɛ̀,
\q1 ↄ̃ à kɛ̀wɛ̃ɛ yãbↄnsaɛ ũ.\f + \fr 118.23 \fr*\ft Mat 21.42, Maa 12.10-11\ft*\f*
\q1
\v 24 Gↄↄ pↄ́ Dii dìlɛn kɛ.
\q1 Wà pↄnakɛu wà yáalↄ.
\b
\q1
\v 25 N yã́ na Dii! Wá suaba!
\q1 Suɛ Dii! Wá daɛ ń gòmio!
\q1
\v 26 Báaaden gbɛ̃́ pↄ́ lɛ́ mↄ́ ń Dii tↄ́o ũ,
\q1 kua Dii ua wálɛ gbãakpanzi.\f + \fr 118.26 \fr*\ft Mat 21.9, Maa 11.9, Luk 19.38, Zãa 12.13\ft*\f*
\q1
\v 27 Dii mɛ́ Lua ũ, à gupùwɛ̃ɛ.
\q1 À ba dↄdↄ sa'obↄↄwa,
\q1 í poo gbagbakĩizi.
\b
\q1
\v 28 Ma Luan n ũ, má n sáaukpa,
\q1 ma Lua, má n tↄbↄ.
\b
\q1
\v 29 À Dii sáaukpa, asa a maa,
\q1 aà gbɛ̃kɛ láaa vĩo.
\c 119
\s1 Gbãakpaa Lua yã́wa
\q1
\v 1 Báaadeↄn gbɛ̃́ pↄ́ aa ku tàaesai
\q1 aa Dii ikoyã kũaↄ ũ.
\q1
\v 2 Báaadeↄn gbɛ̃́ pↄ́ aaì Dii yã'onɛ ma
\q1 aaì aà kĩ́i wɛɛlɛ ń nↄ̀sɛmɛndooↄ ũ.
\q1
\v 3 Aali yãkpaanlakɛo,
\q1 aaì aà dↄ̀ↄ sɛ́.
\q1
\v 4 N n ↄtondↄkĩi ↄ̀lↄwɛ̃ɛ,
\q1 kɛ́ wàↄ tɛi ń laaio.
\q1
\v 5 Má ye màↄ ku ma dↄ̀ↄwaɛ,
\q1 míↄ n yãdilɛnɛↄ kũa.
\q1
\v 6 Tó má n yãdilɛaↄ kũa píi,
\q1 bee a to wí ma kũo.
\q1
\v 7 Gↄↄ pↄ́ málɛ n yãmaapiↄ dada,
\q1 má n sáaukpa ń nↄ̀sɛpuaoɛ.
\q1
\v 8 Máↄ n yãdilɛnɛↄ kũaɛ,
\q1 ńsu ma to we míↄmiↄo.
\b
\q1
\v 9 Kpelewa ɛ̀waaso a kɛ àↄ ku gbãlɛsaii?
\q1 Sema aà yãkɛa kpaaĩ ń n yã́o.
\q1
\v 10 Málɛ n kĩ́i wɛɛlɛ ń nↄ̀sɛmɛndoo,
\q1 ńsu to mà pãalɛ n yãdilɛaↄnɛo.
\q1
\v 11 Ma n yã́ dà ma sↄ̃ guu,\f + \fr 119.11 \fr*\ft Luk 2.19\ft*\f*
\q1 kɛ́ másu duunakɛnɛo yã́i.
\q1
\v 12 Ma n sáaukɛ̀, Dii,
\q1 ǹ n yãdilɛnɛↄ damɛɛ.
\q1
\v 13 N ikoyã pↄ́ bↄ̀ ń lɛ́uↄ píi,
\q1 má dau siu nɛ́ɛ.
\q1
\v 14 Málɛ pↄnakɛ ń n yã'onɛↄ
\q1 lá wì kɛ ń àizɛɛowa.
\q1
\v 15 Málɛ n ↄtondↄkĩi wàaipa,
\q1 ma làasoo ku n kɛkɛáↄwa.
\q1
\v 16 Ma pↄ kɛ̀na n yãdilɛaↄwa,
\q1 n yã́ a sãmaguo.
\b
\q1
\v 17 Yãmaakɛ mapi n zↄ̀blenaɛ,
\q1 mí e màↄ ku màↄ n yã́ kũa.
\q1
\v 18 Ma wɛ́ kɛ̃́mɛɛ,
\q1 kɛ́ mà wɛsi n ikoyã bↄnsaɛↄlɛ.
\q1
\v 19 Bↄ̀mↄn ma ũ dṹnia guu,\f + \fr 119.19 \fr*\ft Ɛbɛ 11.13\ft*\f*
\q1 ńsu ǹ n yãdilɛaↄ ulɛmɛɛo.
\q1
\v 20 N ikoyãↄ nidɛa gↄↄpii
\q1 mɛ́ tò ma nisĩna vùa.
\q1
\v 21 Ni waladeↄ lele, ni láaikɛmá,
\q1 gbɛ̃́ pↄ́ pã̀alɛ n yãdilɛaↄnɛpiↄ.
\q1
\v 22 Ma bↄ sↄ̃́sↄ̃a ń sa pↄ́ aaì kamaguou,
\q1 asa má n yã'onɛↄ kũaɛ.
\q1
\v 23 Baa kɛ́ kíaↄ zↄ̃̀lɛ lɛkpàaĩmazi,
\q1 ma làasoo aↄ ku n yãdilɛnɛↄwaɛ.
\q1
\v 24 N yã'onɛↄ mɛ́ ì ma pↄ kɛ na,
\q1 n yã́pi mɛ́ ì lɛdaa.
\b
\q1
\v 25 Ma nisĩna naa líwa.
\q1 Ma misi lá ń òwa.
\q1
\v 26 Ma a yãkɛaↄ dↄ̀dↄnɛ, ↄ̃ ń wèa.
\q1 Ǹ n yãdilɛnɛↄ damɛɛ.
\q1
\v 27 To mà n ↄtondↄkĩiↄ dↄ̃,
\q1 ma làasoo iↄ ku n yãbↄnsaɛↄwa.
\q1
\v 28 Kua pↄsiau ma nↄ̀sɛ ↄ́ↄlↄ̀.
\q1 Ma gba gbãa lá ń òwa.
\q1
\v 29 Ma kɛ̃ sã́sãzɛwa,
\q1 ní ma gba zɛ́ mà zɛ ń n ikoyão.
\q1
\v 30 Ma sĩana zɛ́ sɛ̀,
\q1 ma sↄ̃ ìↄ ku n ikoyãwa.
\q1
\v 31 Má n yã'onɛↄ kũa ↄplapla.
\q1 Dii, ńsu to wí ma kũo.
\q1
\v 32 Má wãa ń n yãdilɛaↄ,
\q1 asa n ma sↄ̃ dàmɛɛ doũɛ.
\b
\q1
\v 33 Dii, ǹ n yãdilɛnɛↄ zɛ́ ↄlↄmɛɛ
\q1 màↄ kũa e ma wɛ̃ni lɛ́u.
\q1
\v 34 Ma gba ↄ̃nↄ màↄ n ikoyã kũa,
\q1 míↄ zĩkɛwà ń nↄ̀sɛmɛndoo.
\q1
\v 35 Ma da n yãdilɛaↄ zɛ́u,
\q1 asa bee mɛ́ ì kamagu.
\q1
\v 36 To ma sↄ̃ ta n yã'onɛↄwa,
\q1 asu tá gbɛ̃ble'aiwao.
\q1
\v 37 To ma wɛma pↄ́ gianaↄla,
\q1 ma lɛ́ ń láo n zɛ́ guu.
\q1
\v 38 Yã́ pↄ́ ń ò kɛ mapi n zↄ̀blenaɛ,
\q1 lɛ́ pↄ́ ń gbɛ̃̀ n vĩakɛnaↄnɛpi.
\q1
\v 39 To sↄ̃́sↄ̃a pↄ́ má a vĩa vĩ gɛ̃ ma swã́ kpɛ,
\q1 asa n yãkɛkɛa maaɛ.
\q1
\v 40 Má ye n ↄtondↄkĩii fá,
\q1 ma lɛ́ ń láo n maakɛa guu.
\b
\q1
\v 41 Dii, mↄ gbɛ̃kɛkɛmɛɛ,
\q1 ma suaba lá ń òwa,
\q1
\v 42 mí yã́zãsi ma sↄ̃̀sↄ̃nawa,
\q1 asa málɛ n yã́ náaikɛ.
\q1
\v 43 Ńsu to màↄ ku sĩana'oanɛ́ saio,
\q1 asa n ikoyãↄ ↄ̃ ma wɛ́ dↄi.
\q1
\v 44 Máↄ n ikoyãↄ kũa
\q1 za gbã e gↄↄpiiɛ,
\q1
\v 45 míↄ bɛ ma laaiwa,
\q1 asa ma n ↄtondↄkĩi wɛ̀ɛlɛɛ.
\q1
\v 46 Má n yã'onɛↄ o kíaↄnɛ,
\q1 wí a ma kũo.
\q1
\v 47 N yãdilɛaↄ ì ma pↄ kɛ na,
\q1 asa má ye yã́piↄiɛ.
\q1
\v 48 Má ye n yãdilɛaↄi ↄ̃ ma ↄdↄi,
\q1 mi làasookɛ n yãdilɛnɛↄwa.
\b
\q1
\v 49 To yã́ pↄ́ ń ò n zↄ̀blenaɛ dↄngu,
\q1 asa ń tò ma wɛ́ dↄiɛ.
\q1
\v 50 Ma nↄ̀sɛ ì níni ma taasikɛa guu,
\q1 asa n yã́ mɛ́ ì ma lɛ́ ń láo.
\q1
\v 51 Waladeↄ lɛ́ ma yáalↄ maamaaɛ,
\q1 ń beeo má pãalɛ n ikoyãɛo.
\q1
\v 52 Mi làasookɛ n ikoyã yãaↄwa,
\q1 ↄ̃ aaì ma nↄ̀sɛ nínimɛɛ, Dii.
\q1
\v 53 Ma pↄ ì pa maamaa
\q1 vãikɛnaↄ pãkpaa n ikoyãi yã́i.
\q1
\v 54 Mi lɛsi n yãdilɛnɛↄ musu
\q1 ma kua dṹniau bↄ̀mↄ ũ guu.
\q1
\v 55 N yã́ ìↄ dↄmagu gwã́, Dii,
\q1 ↄ̃ miↄ n ikoyãↄ kũa.
\q1
\v 56 Má yã́ beeↄ dↄ́ɛ dↄ̃,
\q1 asa miↄ n ↄtondↄkĩi gwaɛ.
\b
\q1
\v 57 Dii mɛ́ ma baa ũ,
\q1 ma lɛgbɛ̃̀ ma mɛ̀ má n yãma.
\q1
\v 58 Mi awakpanɛ ń nↄ̀sɛmɛndoo,
\q1 sùuukɛmanↄ lá ń òwa.
\q1
\v 59 Ma a yãkɛaↄ gwà,
\q1 ↄ̃ ma n yã́zɛ sɛ̀.
\q1
\v 60 Máↄ wãa, má zɛzɛo,
\q1 má n yãdilɛaↄ da.
\q1
\v 61 Baa tó gbɛ̃vãiↄ ba lìamazi,
\q1 n ikoyãↄ sãmaguo.
\q1
\v 62 Mi fɛlɛ mà n sáaukpa wɛɛdo
\q1 n ikoyã maapiↄ musu.
\q1
\v 63 N vĩakɛnaↄ gbɛ̃nan ma ũ,
\q1 gbɛ̃́ pↄ́ aaì n ↄtondↄkĩi gwaↄ.
\q1
\v 64 Dii, n gbɛ̃kɛ dṹnia pà.
\q1 Ǹ n yãdilɛnɛↄ damɛɛ.
\b
\q1
\v 65 N maakɛ̀ mapi n zↄ̀blenaɛ,
\q1 lá ń òwa, Dii.
\q1
\v 66 Wɛzɛ̃ ń dↄ̃ao damɛɛ,
\q1 asa ma n yãdilɛaↄ sìɛ.
\q1
\v 67 E ǹyↄ̃ gɛ́ ↄtↄ̃ↄlɛia, má sã́sãaɛ,
\q1 ãma tiasa má n yã́ kũa.
\q1
\v 68 Ń maa mɛ́ ni yãmaakɛ.
\q1 Ǹ n yãdilɛnɛↄ damɛɛ.
\q1
\v 69 Baa kɛ́ waladeↄ yã́sia lì wa nànaa,
\q1 miↄ n ↄtondↄkĩi gwa ń nↄ̀sɛmɛndooɛ.
\q1
\v 70 An swã́ yìaa, aa sↄũkũ̀,
\q1 mapi sↄ̃ ma pↄ na n ikoyãwa.
\q1
\v 71 N ↄtↄ̃ↄlɛaa kɛ̀ maaɛ,
\q1 asa ma e ma n yãdanɛↄ dàdaɛ.
\q1
\v 72 Ikoyã pↄ́ lɛ́ bↄ n lɛ́u maamɛɛ
\q1 dɛ vua ń ã́nusu ↄwatɛ̃ ↄ̀aa sↄoↄla.
\b
\q1
\v 73 N ↄ mɛ́ ma ikàsa, ↄ̃ n ma kɛ.
\q1 Ma gba ↄ̃nↄ mà n yãdilɛaↄ dada.
\q1
\v 74 Tó n vĩakɛnaↄ ma e, an pↄ ì kɛ na,
\q1 asa n yã́ ↄ̃ ma wɛ́ dↄi.
\q1
\v 75 Dii, má dↄ̃ kɛ́ n ikoyãↄ maa,
\q1 kɛ́ ń náai vĩ yã́i ↄ̃ n ↄtↄ̃̀ↄlɛa.
\q1
\v 76 Gbɛ̃kɛkɛmɛɛ, ma nↄ̀sɛ i níni,
\q1 lá ń ò mapi n zↄ̀blenaɛwa.
\q1
\v 77 Mↄ ǹ wɛ̃nadↄ̃mɛɛ màↄ ku aafia,
\q1 asa n ikoyãↄ mɛ́ ma pↄnakɛbↄ ũ.
\q1
\v 78 To wí waladeↄ kṹ, asa aa yãdↄ̀aɛ,
\q1 mí làasookɛ n ↄtondↄkĩiwa.
\q1
\v 79 To n vĩakɛnaↄ mↄ ma kĩ́i,
\q1 gbɛ̃́ pↄ́ aa n yã'onɛ dↄ̃piↄ.
\q1
\v 80 To màↄ ku tàaesai n yã́ↄ musu,
\q1 kɛ́ wí su ma kũo yã́i.
\b
\q1
\v 81 Ma sↄ̃anzi ǹ ma suaba e ma nisĩna lòo,
\q1 n yã́ ↄ̃ ma wɛ́ dↄi.
\q1
\v 82 Ma wɛdↄ̀dↄ n lɛgbɛ̃ai e ma wɛ́ wò,
\q1 bↄɛ ńyↄ̃ ma nↄ̀sɛ nínimɛɛi?
\q1
\v 83 Má dɛ lán báa bↄ̀ↄ pↄ́ tɛ́zãna màwaɛ,
\q1 ń beeo n yãdilɛnɛↄ lí sãmaguo.
\q1
\v 84 Mapi n zↄ̀blena máↄ n dã e bↄɛ ni?
\q1 Bↄɛ ńyↄ̃ ĩada ma wɛ̀lɛↄwai?
\q1
\v 85 Waladeↄ ì ɛyↄ̃mɛɛ,
\q1 an yã́ lí kↄ̃'e ń n ikoyãoo.
\q1
\v 86 N yãdilɛaↄ píi náai vĩ.
\q1 Dↄmalɛ, asa wàlɛ ĩadaa pãɛ.
\q1
\v 87 À gↄ̃̀ yↄↄ aa ma bↄ dṹniauɛ,
\q1 mapi sↄ̃ mi n ↄtondↄkĩi tó weo.
\q1
\v 88 Ma lɛ́ ń láo n gbɛ̃kɛ yã́i,
\q1 mí n yã'onɛ ma.
\b
\q1
\v 89 Dii, n yã́ ìↄ ku gↄↄpiiɛ,\f + \fr 119.89 \fr*\ft Mat 24.35, 1Piɛ 1.25\ft*\f*
\q1 a zĩ́napɛlɛa musu n bɛ.
\q1
\v 90 Ń náai vĩ wɛ̃ ń wɛ̃o,
\q1 n dṹnia kàlɛ, ↄ̃ a ku.
\q1
\v 91 N ikoyãↄ mɛ́ tò pↄ́pii kú gbã,
\q1 asa pↄ́pii misiilɛanɛ.
\q1
\v 92 Tó n ikoyã mɛ́ ma pↄnakɛbↄ ũo,
\q1 dↄ̃ ma mìdɛ ma taasikɛa guu.
\q1
\v 93 N ↄtondↄkĩi a sãmagu bauo,
\q1 asa a sabai ↄ̃ n ma lɛ ń láo.
\q1
\v 94 N pↄ́n ma ũ, ma suaba,
\q1 asa miↄ n ↄtondↄkĩi wɛɛlɛɛ.
\q1
\v 95 Gbɛ̃vãiↄ lɛ́ ma wɛ,
\q1 ↄ̃ ma laai ku n yã'onɛↄwa.
\q1
\v 96 Má è pↄ́pii maa lɛ́ kuɛ,
\q1 ãma n yãdilɛaↄ zↄ̃ↄ lɛ́ vĩo.
\b
\q1
\v 97 Má ye n ikoyãi à kɛ̀ zài,
\q1 miↄ làasookɛwà gↄↄpiiɛ.
\q1
\v 98 N yã́ tò ma ↄ̃nↄ dɛ ma ibɛɛↄla,
\q1 asa a ku ma sↄ̃u gↄↄpiiɛ.
\q1
\v 99 Ma wɛzɛ̃ dɛ ma yãdanɛdeↄla,
\q1 asa ma làasoo ìↄ ku n yã'onɛↄwaɛ.
\q1
\v 100 Ma ↄ̃nↄ dɛ maezↄ̃ↄↄla,
\q1 asa miↄ n ↄtondↄkĩiↄ gwaɛ.
\q1
\v 101 Mi gbápɛlɛ zɛ́ vãie guuo,
\q1 kɛ́ mà e màↄ n yã́ kũa yã́i.
\q1
\v 102 Mi kɛ̃ n ikoyãↄwao,
\q1 asa ḿmɛ ń dàmɛɛ.
\q1
\v 103 N yã́ↄ namɛɛ à kɛ̀ zài,
\q1 a na dɛ zↄ́a ma lɛ́u.
\q1
\v 104 N ↄtondↄkĩi ì ma gba ↄ̃nↄ,
\q1 a yã́i tò má za sã́sãzɛ píiu.
\b
\q1
\v 105 N yã́ mɛ́ filia ũ ma gbázĩ,\f + \fr 119.105 \fr*\ft Yaa 6.23\ft*\f*
\q1 ì gupumɛɛ zɛ́u.
\q1
\v 106 Ma lɛgbɛ̃̀ ↄ̃ ma kpalɛ ma siwà,
\q1 ma mɛ̀ máↄ zĩkɛ n ikoyãↄwaɛ.
\q1
\v 107 Ma taasikɛa kɛ̀ zài, Dii.
\q1 Ma lɛ́ ń láo lá ń òwa.
\q1
\v 108 To n sáau pↄ́ málɛ kpá kángu,\f + \fr 119.108 \fr*\ft Ɛbɛ 13.15\ft*\f*
\q1 ní n ikoyãↄ damɛɛ, Dii.
\q1
\v 109 Gↄↄpii miↄ ku ga lɛ́zĩɛ,
\q1 ń beeo n ikoyãↄ lí sãmaguo.
\q1
\v 110 Vãikɛnaↄ baikpàmɛɛ,
\q1 kási mi zã n ↄtondↄkĩiwao.
\q1
\v 111 N yã'onɛↄá ma pↄ́ɛ gↄↄpii,
\q1 aaì to ma pↄ kɛ na.
\q1
\v 112 Ma a sↄ̃ kpà n yãdilɛnɛↄwa,
\q1 máↄ kũa gↄↄpii e ma wɛ̃ni lɛ́uɛ.
\b
\q1
\v 113 Má za nↄ̀sɛmɛmpladeↄgu,
\q1 má ye n ikoyãi.
\q1
\v 114 Ḿmɛ ń ma ulɛkĩi ń ma sɛ̀ngbaoo ũ,
\q1 n yã́ ↄ̃ ma wɛ́ dↄi.
\q1
\v 115 À gomala vãikɛnaↄ,
\q1 kɛ́ mà zĩkɛ ma Lua yãdilɛaↄwa.
\q1
\v 116 Ǹyↄ̃ ma kũa lá ń òwa, míↄ ku,
\q1 ńsu to tãmaa ma nɛo.\f + \fr 119.116 \fr*\ft Lom 5.5\ft*\f*
\q1
\v 117 Ǹyↄ̃ dɛ ma gbãa ũ, míↄ aafia,
\q1 ma wɛ́ iↄ pɛ n yãdilɛnɛwa láasai.
\q1
\v 118 Ɔzↄ̃ gbɛ̃́ pↄ́ pã̀alɛ n yãdilɛnɛɛi,
\q1 an mↄafiliyã a àikɛnɛ́o.
\q1
\v 119 Ni dṹnia vãikɛnaↄ waa bìsa ũ,
\q1 a yã́i tò má ye n yã'onɛi.
\q1
\v 120 Má n vĩa vĩ, ma mɛ ì seenata,
\q1 n ikoyãↄ ì to vĩa ma kũ.
\b
\q1
\v 121 Ma yãkɛ̀ a zɛ́wa wásawasaɛ,
\q1 ńsu ma to ma ĩadamadeↄnɛo.
\q1
\v 122 Kpɛ́gaausi mapi n zↄ̀blenaɛ,
\q1 ńsu to waladeↄ ma wɛtão.
\q1
\v 123 Ma wɛ́ dↄ n dↄnlɛi e ma wɛ́ wò,
\q1 má sↄ̃́anzi ǹ ma suaba lá ń òwa.
\q1
\v 124 Yãkɛmɛɛ n gbɛ̃kɛ guu,
\q1 ní n yã́ da mapi n zↄ̀blenaɛ.
\q1
\v 125 N zↄ̀blenan ma ũ, ma gba ↄ̃nↄ,
\q1 kɛ́ mà n yã'onɛↄ yáasi dↄ̃.
\q1
\v 126 N yãkɛgↄↄ kà, Dii,
\q1 wàlɛ bↄ n ikoyã kpɛ.
\q1
\v 127 Má ye n yãdilɛaↄi dɛ vuaa,
\q1 baa vua baasaa.
\q1
\v 128 Má è n ↄtondↄkĩi maa,
\q1 a yã́i má za sã́sãzɛ píiu.
\b
\q1
\v 129 N yã'onɛↄ dɛmɛɛ yãbↄnsaɛ ũ,
\q1 Ayãmɛto má dà ma sↄ̃u.
\q1
\v 130 N yã́ bↄↄlɛkɛa ì gupunɛ́,
\q1 ì nↄ̀sɛdoũdeↄ gba ↄ̃nↄ.
\q1
\v 131 Ma lɛ́ ɛlɛa, málɛ we fòofoo,
\q1 asa n ikoyãↄ ni lɛ́ ma dɛɛ.
\q1
\v 132 Ma wɛgwa, sùuukɛmanↄ,
\q1 lá ni kɛ gbɛ̃́ pↄ́ ye n tↄ́iↄnɛwa.
\q1
\v 133 Ma dazɛwa lá ń òwa,
\q1 ńsu to yãvãie kibleao.
\q1
\v 134 Ma bↄ gbɛ̃́ taiinkɛnaↄ ↄzĩ,
\q1 kɛ́ màↄ n ↄtondↄkĩi gwa.
\q1
\v 135 Mapi n zↄ̀blena wɛgwa,
\q1 ní tó mà n yãdilɛnɛↄ dↄ̃.
\q1
\v 136 Wɛ́'i lɛ́ bàalɛ ma kùawa,
\q1 kɛ́ wa n ikoyã kũao yã́i.
\b
\q1
\v 137 Dii, ń maa,
\q1 n yãkɛkɛaↄ zɛvĩ.
\q1
\v 138 N n yã́ↄ dìlɛ a zɛ́wa,
\q1 aa náai vĩ maamaaɛ.
\q1
\v 139 N yã́ lɛ́ kɛ ma ibɛɛↄnɛ yãe ũo,
\q1 ↄ̃ a yã́ lɛ́ ma dɛ.
\q1
\v 140 Wa è n yã́ sãa vĩo,
\q1 mapi n zↄ̀blena, má yei maamaaɛ.
\q1
\v 141 Pↄen ma ũo, wì sakamagu,
\q1 ń beeo n ↄtondↄkĩi lí sãmaguo.
\q1
\v 142 N yã́ ìↄ zɛvĩ gↄↄpiiɛ,
\q1 n ikoyã sĩana vĩ.
\q1
\v 143 Taasi n yã'ↄ̃mao ma le,
\q1 ãma n yãdilɛaↄ mɛ́ ma pↄnakɛbↄ ũ.
\q1
\v 144 N yã'onɛↄ maa gↄↄpiiɛ,
\q1 ma gba ↄ̃nↄ kɛ́ màↄ ku.
\b
\q1
\v 145 Mi n sísi ń nↄ̀sɛmɛndoo,
\q1 wea Dii, míↄ n yãdilɛnɛↄ kũa.
\q1
\v 146 Mi lɛzunzi,
\q1 ma suaba, míↄ n yã'onɛↄ kũa.
\q1
\v 147 Mi fɛlɛ gudↄsai mà wiilɛma,
\q1 n yã́ ma wɛ́ dↄi.
\q1
\v 148 I lí na ma wɛ́u gwãasĩnao,
\q1 kɛ́ mà e làasookɛ n yã́wa yã́i.
\q1
\v 149 Ma yãma n gbɛ̃kɛ yã́i, Dii,
\q1 ma lɛ́ ń láo lá n ikoyã'òwa.
\q1
\v 150 Gbɛ̃́ pↄ́ lɛ́ lɛkpaaĩmaziↄ kãi,
\q1 aa zã̀ ń n ikoyão.
\q1
\v 151 Ń kumanↄ kãi, Dii,
\q1 n ikoyã píi sĩana vĩ.
\q1
\v 152 Má dↄ̃̀ n yã'onɛↄwa à gɛ̃̀gɛ̃,
\q1 kɛ́ ń dìlɛ àↄ ku gↄↄpii yã́i.
\b
\q1
\v 153 Ma taasi gwa, ní ma suaba,
\q1 asa n ikoyã i sãmaguo.
\q1
\v 154 Zɛmanↄ, ní ma bↄ,
\q1 ma lɛ́ ń láo lá n a lɛgbɛ̃̀wa.
\q1
\v 155 N dↄnlɛ zã̀ ń vãikɛnaↄ,
\q1 asa aali n yãdilɛnɛↄ wɛɛlɛo.
\q1
\v 156 Ń sósobi vĩ zↄ̃ↄ, Dii,
\q1 ma lɛ́ ń láo lá n ikoyã'òwa.
\q1
\v 157 Ma ĩadamadeↄ ń ma wɛ̀lɛↄ dasi,
\q1 ãma mi pãalɛ n yã'onɛↄnɛo.
\q1
\v 158 Má ye n náaikɛnsaiↄ gĩyãio,
\q1 kɛ́ aaliↄ n yã́ kũao yã́i.
\q1
\v 159 Gwa lá má ye n ↄtondↄkĩii.
\q1 Dii, ma lɛ́ ń láo n gbɛ̃kɛ yã́i.
\q1
\v 160 N yã́pii zĩ́naá sĩanaɛ,
\q1 n ikoyãↄ maa, aa láaa vĩo.
\b
\q1
\v 161 Gbãadeↄ ì ĩadaa pã,
\q1 ãma n yã́ ↄ̃ má a vĩa vĩ.
\q1
\v 162 Mi pↄnakɛ ń n lɛgbɛ̃ao,
\q1 lán gbɛ̃́ pↄ́ àizɛɛ zↄ̃ↄ kↄ̃mpawa.
\q1
\v 163 Má za mↄafiliu, má ye a yã́io,
\q1 n ikoyã má yei.
\q1
\v 164 Miↄ n táasilɛ gↄↄ do gɛ̃n soplapla
\q1 kɛ́ n ikoyãↄ maa yã́i.
\q1
\v 165 Gbɛ̃́ pↄ́ ye n ikoyãiↄ aafia zↄ̃ↄ,
\q1 yãe lí tó aa fùo.\f + \fr 119.165 \fr*\ft 1Zãa 2.10\ft*\f*
\q1
\v 166 Ma wɛ́ dↄi ǹ ma suaba, Dii,
\q1 mi zĩkɛ n yãdilɛaↄwa.
\q1
\v 167 Má n yã'onɛↄ kũa ń nↄ̀sɛo,
\q1 má yei maamaaɛ.
\q1
\v 168 Mi n ↄtondↄkĩi gwa, mi n yãma,
\q1 asa ma kɛkɛá píi kú n ↄzĩɛ.
\b
\q1
\v 169 To ma wiilɛa kama, Dii,
\q1 ma gba ↄ̃nↄ lá ń òwa.
\q1
\v 170 To ma wabikɛa n le,
\q1 ma suaba lá n a lɛgbɛ̃̀wa.
\q1
\v 171 N táasilɛa aↄ dↄ ma lɛ́uɛ,
\q1 asa ni n yãdilɛnɛↄ damɛɛ.
\q1
\v 172 Má lɛsi n lɛgbɛ̃a musu,
\q1 asa n yãdilɛaↄ maa píiɛ.
\q1
\v 173 Ǹyↄ̃ kú ń dↄamalɛ sↄuo,
\q1 asa ma zɛ ń n ↄtondↄkĩioɛ.
\q1
\v 174 Málɛ a nidɛ ǹ ma suaba, Dii,
\q1 n ikoyã mɛ́ ma pↄnakɛbↄ ũ.
\q1
\v 175 To màↄ ku, míↄ n táasilɛ,
\q1 to n ikoyãↄ aaↄ ma kũa.
\q1
\v 176 Ma liaa lán sã pↄ́ sã̀sãwa,
\q1 mapi n zↄ̀blena, ma wɛɛlɛ,\f + \fr 119.176 \fr*\ft Luk 15.4\ft*\f*
\q1 asa n yã́ↄ i sãmaguo.
\c 120
\s1 Kua yãkeledeↄ guu
\d Gɛa Yelusalɛũ lɛ.
\q1
\v 1 Ma kua yeelɛa guu ma wiilɛ̀ Diizi,
\q1 ↄ̃ à ma yãmà.
\q1
\v 2 Ma si yã́siadeↄ yãdↄmawa
\q1 ń mↄafilide yã́o.
\b
\q1
\v 3 Mↄafilide, kpelewa Lua a sɛnnↄi?
\q1 Bↄ́ a fĩaboonɛi?
\q1
\v 4 Gↄ̃sa gbãa kà lɛnaↄ
\q1 ń sɛ̃́ sĩsĩ wãao.
\b
\q1
\v 5 Waiyoo mapi kua Mɛsɛkiↄ guu,\f + \fr 120.5 \fr*\ft Daa 10.2, Eze 38.2-3\ft*\f*
\q1 zↄ̃lɛa Kedaaↄ zwã̀akpɛu.\f + \fr 120.5 \fr*\ft Daa 25.13, Isa 21.16-17\ft*\f*
\q1
\v 6 Ma zↄ̃lɛ gbɛ̃́ pↄ́ za aafiauↄ guu à gɛ̃̀gɛ̃.
\q1
\v 7 Yãkelesaiden ma ũ,
\q1 tó ma a yã'ò, sòle aaì fɛlɛò.
\c 121
\s1 Dii wá dↄ̃̀ana
\d Gɛa Yelusalɛũ lɛ.
\q1
\v 1 Ma wɛ́ dↄ gbɛ̀sĩsĩↄ kĩ́i oi,
\q1 gu pↄ́ ma dↄnlɛ ì bↄu.
\q1
\v 2 Ma dↄnlɛ ì bↄ Dii kĩ́iɛ,
\q1 aàpi mɛ́ musu ń zĩ́lɛo kɛ̀.
\q1
\v 3 A to à gɛ̃nalɛo,
\q1 i lí kpá á dↄ̃̀analao.
\q1
\v 4 I lí Isailiↄ dↄ̃̀ana lɛo,
\q1 ìli i'oo.
\q1
\v 5 Dii mɛ́ á dↄ̃̀ana ũ,
\q1 Dii dɛɛ́ ue ũ á ↄplaai.
\q1
\v 6 Ĩatɛ̃ a á lɛ́ fãanɛo,\f + \fr 121.6 \fr*\ft Zia 7.16\ft*\f*
\q1 mↄvua a dↄwá gwã́o.
\q1
\v 7 Dii a á sí vãi píiwa,
\q1 a á wɛ̃ni dↄ̃́aɛ́.
\q1
\v 8 Dii a á dↄ̃́a á gɛa guu ń á suao
\q1 za gbã e gↄↄpii.
\c 122
\s1 Davidi wabikɛa Yelusalɛũɛ
\d Gɛa Yelusalɛũ lɛ.
\q1
\v 1 Kɛ́ wa òmɛɛ wà gɛ́ Dii ua,
\q1 ma pↄ kɛ̀na.
\q1
\v 2 Wa ka Yelusalɛũ sa,
\q1 wá zɛa a bĩ́ibↄlɛu.
\q1
\v 3 Wà Yelusalɛũ kàlɛ,
\q1 wa nànakↄ̃wa gíũgiũ.
\q1
\v 4 Wekĩi Isaili buiↄ ì gɛ̃u,
\q1 bui pↄ́ Dii sɛ̀piↄ.
\q1 Aaì gɛ́ Dii sáaukpai,
\q1 lá a dìlɛnɛ́wa.
\q1
\v 5 We wà kía yã́gↄ̃gↄ̃baaↄ kpàlɛu
\q1 Davidi buiↄ báaↄ ũ.
\b
\q1
\v 6 À wabikɛ Lua à Yelusalɛũ gba aafia à mɛ:
\q1 Gbɛ̃́ pↄ́ yeiↄ aaↄ ku niɛniɛ,
\q1
\v 7 aafia iↄ ku a bĩ́i guu,
\q1 a gudↄ̃akĩiↄ iↄ ku yãkelesai.
\q1
\v 8 Ma gbɛ̃́ↄ ń ma gbɛ̃naↄ yã́i má o,
\q1 Lua Yelusalɛũ gba aafia.
\q1
\v 9 Dii wá Lua kpɛ́ yã́i
\q1 má maa wabikɛɛ̀.
\c 123
\s1 Wɛdↄa Luazi
\d Gɛa Yelusalɛũ lɛ.
\q1
\v 1 Ma wɛsɛ̀ málɛ n kĩ́i gwa
\q1 gu pↄ́ ń zↄ̃lɛau báawa musu.
\q1
\v 2 Lá zↄ wɛ́ ìↄ dↄ pↄ́i a dii ↄzĩ,
\q1 mɛ́ zↄnↄɛna wɛ́ ìↄ dↄ nↄɛ pↄ́ a vĩzi,
\q1 màa wá wɛ́ ìↄ dↄ Dii wá Luazi,
\q1 e aà gɛ wá wɛgwaò.
\q1
\v 3 Wá wɛgwa Dii, wá wɛgwa,
\q1 asa gbɛ̃́ↄ sakaawágu wá wã́ maamaaɛ.
\q1
\v 4 Namablenaↄ wá láanikɛ̀,
\q1 waladeↄ sakàwágu,
\q1 wá pↄ yà dúuduu.
\c 124
\s1 Dii wá Zɛnnↄde
\d Gɛa Yelusalɛũ lɛ pↄ́ Davidi dà.
\q1
\v 1 Tó Dii kúwanↄ yãao,
\q1 Isailiↄ o:
\q1
\v 2 Tó Dii kúwanↄ yãa
\q1 gↄↄ pↄ́ wà fɛ̀lɛwanↄo,
\q1
\v 3 dↄ̃ wà wá mↄmↄ bɛ̃́ɛ,
\q1 kɛ́ an pↄ pàwázi,
\q1
\v 4 dↄ̃ aa dàwála lán í zↄ̃ↄwa,
\q1 aa wá sɛ́lɛ tàwanↄ lán swa paawa,
\q1
\v 5 aa kùwála lán í pↄ fɛ̃̀wa.
\b
\q1
\v 6 Wà Dii sáaukpa,
\q1 kɛ́ i to aa wá kɛ̃́kɛ̃kↄ̃ɛo.
\q1
\v 7 Wa bↄ fíiu lán bãwa.
\q1 Fíi zↄ̃̀wá, wa pilimá.
\q1
\v 8 Wá dↄnlɛ ì bↄ Dii kĩ́iɛ,
\q1 aàpi mɛ́ musu ń zĩ́lɛo kɛ̀.
\c 125
\s1 Lua gbɛ̃́ↄ kua aafia
\d Gɛa Yelusalɛũ lɛ.
\q1
\v 1 Dii náaikɛnaↄ dɛ lán Siↄna gbɛ̀sĩsĩ pↄ́ deea vĩo aↄ ku gↄↄpiiwaɛ.
\q1
\v 2 Lá gbɛ̀sĩsĩↄ liaa Yelusalɛũzi,
\q1 màa Dii liaa a gbɛ̃́ↄzi
\q1 za gbã e gↄↄpii.
\q1
\v 3 Gbɛ̃vãiↄ e wàↄ kible gbɛ̃maaↄ bùsuwa aaↄ gɛo,
\q1 kɛ́ gbɛ̃maaↄ su ↄda vãikɛauo yã́i.
\q1
\v 4 Dii, maakɛ gbɛ̃maaↄnɛ,
\q1 gbɛ̃́ pↄ́ an nↄ̀sɛ puaↄ.
\q1
\v 5 Gbɛ̃́ pↄ́ aa tɛ zɛ́ koleaiↄ sↄ̃,
\q1 Dii a ń waa ń vãikɛnaↄɛ.
\b
\q1 Lua Isailiↄ gba aafia!
\c 126
\s1 Isailiↄ sua ń pá ziu
\d Gɛa Yelusalɛũ lɛ.
\q1
\v 1 Kɛ́ Dii wá bↄ́ zↄbleu à sùwanↄ Siↄna,
\q1 à kɛ̀wɛ̃ɛ lán nanawaɛ.
\q1
\v 2 Wa vĩ ń yáo, wá guladↄ,
\q1 ↄ̃ buiↄ òkↄ̃ɛ, Dii yãzↄ̃ↄkɛ̀nɛ́.
\q1
\v 3 Sĩanaɛ, Dii yãzↄ̃ↄkɛ̀wɛ̃ɛ,
\q1 ↄ̃ wálɛ pↄnakɛ.
\b
\q1
\v 4 Dii, suwanↄ wá pá ziu,
\q1 lá ni su ń ío gbáauwa.
\q1
\v 5 Gbɛ̃́ pↄ́ pↄtↄ̃̀ ń wɛ́'io,
\q1 a kɛkɛ ń gulaoɛ.
\q1
\v 6 Gbɛ̃́ pↄ́ bↄ̀ bɛ ń ↄↄlↄo pↄbui kũa,
\q1 a ɛa su ń gulao ése bàaa sɛa.
\c 127
\s1 Luakpama yãdaa
\d Gɛa Yelusalɛũ lɛ pↄ́ Salomↄↄ dà.
\q1
\v 1 Mɛ́ i kɛ Dii mɛ́ lɛ́ kpɛdↄo,
\q1 kpɛdↄnaↄ lɛ́ zĩ pã kɛɛ.
\q1 Mɛ́ i kɛ Dii mɛ́ lɛ́ wɛ̃́lɛ dↄ̃́ao,
\q1 gudↄ̃anaↄ lɛ́ itɛ̃kɛ pãɛ.
\q1
\v 2 Fɛlɛa káaukaau, wúlɛa wɛɛdo,
\q1 zĩkɛa ń leeleo blɛ yã́iá pãɛ,
\q1 asa Dii mɛ́ ì a yenzideↄ gba ĩ́ampaa.
\b
\q1
\v 3 Nɛgↄ̃ɛnaↄá Dii gbaɛ,
\q1 nɛ́ píiá aà kpámaɛ.
\q1
\v 4 Lá ka ìↄ ka gↄ̃sa gbãa ↄu,
\q1 màa ɛ̀waasogↄↄ nɛgↄ̃ɛnaↄ dɛ.
\q1
\v 5 Báaaden gbɛ̃́ pↄ́ aà gbàla pàò ũ.
\q1 Tó aà ibɛɛↄ aà lè gãaɛ,
\q1 wí a aà kũo.
\c 128
\s1 Maa pↄ́ Dii vĩakɛna ì e
\d Gɛa Yelusalɛũ lɛ.
\q1
\v 1 Báaaden gbɛ̃́ pↄ́ Dii vĩa vĩ
\q1 a aà yã́ↄ kũa ũ.
\q1
\v 2 Ńyↄ̃ n zĩkɛa baa ble,
\q1 ńyↄ̃ ɛ̀fãai e, níↄ aafia.
\q1
\v 3 N nↄ aↄ dɛ lí nɛ'ina ũ n ua,
\q1 n nɛgↄ̃ɛnaↄ aaↄ liaa n keenai
\q1 lán kuli keleↄwa.
\q1
\v 4 Màa gbɛ̃́ pↄ́ Dii vĩa vĩ aↄ báaa vĩ.
\b
\q1
\v 5 Kua Siↄna Dii a báaadangu,
\q1 ńyↄ̃ Yelusalɛũ nama e e n wɛ̃ni lɛ́u,
\q1
\v 6 ńyↄ̃ n tↄũnaↄ e.
\b
\q1 Dii Isailiↄ gba aafia!
\c 129
\s1 Isailiↄ savãi'oa ń ibɛɛↄnɛ
\d Gɛa Yelusalɛũ lɛ.
\q1
\v 1 Za wá ɛ̀waasogↄↄ
\q1 wà íbɛlɛsɛ̀wanↄ maamaaɛ.\f + \fr 129.1 \fr*\ft Bↄa 1.11\ft*\f*
\q1 Isailiↄ o:
\q1
\v 2 Za wá ɛ̀waasogↄↄ
\q1 wà íbɛlɛsɛ̀wanↄ maamaaɛ,
\q1 kási wi fↄ̃ wà wá fúo.\f + \fr 129.2 \fr*\ft 2Kln 4.8-9\ft*\f*
\q1
\v 3 Wà wá gbɛ̃́ wá kpɛnanguo bì
\q1 wèlelewelele lán sàdↄↄwa.
\q1
\v 4 Dii maa,
\q1 à gbɛ̃vãipiↄ ba zↄ̃̀wá.
\b
\q1
\v 5 Gbɛ̃́ pↄ́ za Siↄnaguↄ kpɛkpa ń wíoɛ.
\q1
\v 6 Aaↄ dɛ lán sɛ̃ pↄ́ bↄ̀lɛ kpɛ́ musu
\q1 à giigàga, i e gbã̀owaɛ.
\q1
\v 7 A sɛ̃̀kɛ̃na ↄkũ pao,
\q1 a ka bàaa ũ wà ye wà da ń gã̀uo.
\q1
\v 8 Gbɛ̃́ pↄ́ lɛ́ gɛ̃ↄ mɛ Dii báaadanguo
\q1 ge wa báaadàngu ń Dii tↄ́oo.
\c 130
\s1 Wɛdↄa Diizi
\d Gɛa Yelusalɛũ lɛ.
\q1
\v 1 Kɛ́ í ma kũa ma nↄɛ
\q1 ma lɛzù Diizi ma mɛ̀,
\q1
\v 2 Dii, ma yãma,
\q1 swã́kpa ma wɛ̃na wiii.
\q1
\v 3 Tó n wá duuna yãdà,
\q1 Dii, démɛ a bↄi?\f + \fr 130.3 \fr*\ft Mal 3.2, Zia 6.17\ft*\f*
\q1
\v 4 Ḿmɛ ń duunakɛ̃ama zɛ́ vĩ,
\q1 Ayãmɛto wìↄ n vĩa vĩ.\f + \fr 130.4 \fr*\ft 1Kia 8.39-40\ft*\f*
\b
\q1
\v 5 Ma wɛ́ ìↄ dↄ Diizi,
\q1 málɛ aà dã́, má sↄ̃́a aà yã́i.
\q1
\v 6 Lá gudↄ̃anaↄ wɛ́ ìↄ dↄ gudↄai,
\q1 ma wɛ́ ìↄ dↄ Diizi dɛńla,
\q1 ao, a dɛ gudↄ̃anaↄ wɛdↄa gudↄaia.
\q1
\v 7 Isailiↄ, àↄ wɛdↄ Diizi,
\q1 asa a gbɛ̃kɛ vĩ à kɛ̀ zài,
\q1 gbɛ̃suabaa gbãa pɛɛwà maamaaɛ.\f + \fr 130.7 \fr*\ft Lom 3.24\ft*\f*
\q1
\v 8 Aàpi mɛ́ a Isailiↄ suaba
\q1 an duuna yã́ musu píi.\f + \fr 130.8 \fr*\ft Mat 1.21, Tit 2.14\ft*\f*
\c 131
\s1 Sↄ̃kpalɛa Diizi
\d Gɛa Yelusalɛũ lɛ pↄ́ Davidi dà.
\q1
\v 1 Dii, ĩ́andãa ku ma sↄ̃uo,
\q1 mili wɛ́ kũaa gbɛ̃́wao,
\q1 mili laaidↄ yã́ pↄ́ dɛmala
\q1 ge yã́ pↄ́ zĩ'ũ mɛɛwao.
\q1
\v 2 Aawo! Ma a nↄ̀sɛ dɛ̀,
\q1 ma a sↄ̃ dàdoũ,
\q1 lán nɛ́ kɛ̃a pↄ́ kú ń a daowa,
\q1 ma nↄ̀sɛ dɛ lán nɛ́ kɛ̃a pↄ́waɛ.\f + \fr 131.2 \fr*\ft Mat 18.3\ft*\f*
\b
\q1
\v 3 Isailiↄ, àↄ wɛdↄ Diizi
\q1 za gbã e gↄↄpii.
\c 132
\s1 Davidi buiↄ zↄ̃lɛa báawa Siↄna
\d Gɛa Yelusalɛũ lɛ.
\q1
\v 1 Dii, ńsu to Davidi yã́ sãngu
\q1 ń taasi pↄ́ a kɛ̀o píi.
\q1
\v 2 À lɛkɛ̀ Yakↄbu Lua gbãadewa,
\q1 à lɛgbɛ̃̀ Diiɛ à mɛ̀,
\q1
\v 3 á tá kpɛ́uo,
\q1 á wúlɛ a liiwao,
\q1
\v 4 á we i a wɛ́baa gbiakũo,
\q1 á tó i na a wɛ́uo,
\q1
\v 5 e à gɛ uakpaò Diiɛ,
\q1 i kpɛdↄ Yakↄbu Lua gbãadepiɛ.\f + \fr 132.5 \fr*\ft 1Kia 8.17, Zĩn 7.46\ft*\f*
\b
\q1
\v 6 Wá mà a ku Ɛflata bùsuu,
\q1 wá è Kiliayaaliũdeↄ bua.
\q1
\v 7 Wà gɛ́ aà kúkĩi,
\q1 wà kúlɛ aà gbadibↄ aɛ.
\q1
\v 8 Dii, fɛlɛ su n pilakĩi,
\q1 mpi ń n kpagolo ikodeo.\f + \fr 132.8 \fr*\ft Nao 10.35-36\ft*\f*
\q1
\v 9 N gbàgbanaↄ gbɛ̃suabaa da ula ũ,
\q1 n yãmanaↄ gula iↄ dↄ.
\q1
\v 10 Ńsu mikpɛdↄ kía pↄ́ ń kpàɛo
\q1 n zↄ̀blena Davidi yã́i.
\b
\q1
\v 11 Dii lɛgbɛ̃̀ Davidiɛ,
\q1 a náai vĩ, a lɛ́ lilɛo, à mɛ̀:
\q1 Má n bui zↄ̃lɛ n kpalabaawa.\f + \fr 132.11 \fr*\ft 2Sam 7.12-16, Luk 1.32-33, Zĩn 2.30\ft*\f*
\q1
\v 12 Tó n buiↄ ma bàakuańnↄ yãdà,
\q1 mɛ́ aa yã́ pↄ́ má dànɛ́ↄ kũa,
\q1 an buiↄ aaↄ zↄ̃lɛ n kpalabaawa gↄↄpiiɛ.
\q1
\v 13 Asa Dii Siↄna sɛ̀,
\q1 a ye àↄ dɛ a zↄ̃lɛkĩi ũ à mɛ̀:
\q1
\v 14 Guɛ bee máↄ kuu gↄↄpii,
\q1 la máↄ zↄ̃lɛau, asa à ma pↄ́ gbàɛ.
\q1
\v 15 Má báaadau, mí kũ̀sũa diɛ̀,
\q1 má blɛ kpa a wɛ̃nadeↄwa aa kã́.
\q1
\v 16 Má gbɛ̃suabaa da sa'onaↄnɛ ula ũ,
\q1 ma yãmanaↄ lɛtɛ̃ iↄ dↄ ń pↄnao.
\q1
\v 17 We má Davidi bui kía gbãade bↄu,\f + \fr 132.17 \fr*\ft Luk 1.69\ft*\f*
\q1 we kía pↄ́ má kpà filia aↄ dↄu.\f + \fr 132.17 \fr*\ft 1Kia 11.36, 2Kia 8.19\ft*\f*
\q1
\v 18 Má wida aà ibɛɛↄwa,
\q1 aà kíafua iↄ pipi aà musu.
\c 133
\s1 Kua ń lɛdoũo
\d Gɛa Yelusalɛũ lɛ pↄ́ Davidi dà.
\q1
\v 1 Gwa lá a maa mɛ́ a na
\q1 tó kↄ̃gbɛ̃ↄ ku gudoũ ń lɛdoũo.
\q1
\v 2 A dɛ lán sakɛ̃nisi pↄ́ wa kà Aalona miwawaɛ.\f + \fr 133.2 \fr*\ft Bↄa 29.7\ft*\f*
\q1 À bàalɛ̀ pìla aà lɛkãnawa
\q1 e à gɛ̀ pìla aà ula lɛ́wa.
\q1
\v 3 A dɛ lán Ɛɛmↄ fíi mɛ́ lɛ́ kpá Siↄna gbɛ̀sĩsĩↄwawa.
\q1 Wekĩi Dii báaadangu dìlɛu wɛ̃ni láasai ũ.
\c 134
\s1 Dii sísia a ua gwã́
\d Gɛa Yelusalɛũ lɛ.
\q1
\v 1 Á Dii zĩkɛnaↄ,
\q1 à Dii sáaukpa ápii,
\q1 á gbɛ̃́ pↄ́ álɛ zĩkɛ Dii ua gwã́ↄ.
\q1
\v 2 À á ↄ sɛ musu Dii kúkĩi oi,
\q1 í aà sáaukpa.
\q1
\v 3 Kua Siↄna Dii báaadaágu,
\q1 aàpi mɛ́ musu ń zĩ́lɛo kɛ̀.
\c 135
\s1 Dii táasilɛa
\q1
\v 1 Àleluya!
\b
\q1 À Dii tↄbↄ!
\q1 À Dii táasilɛ aà zĩkɛnaↄ!
\q1
\v 2 Á gbɛ̃́ pↄ́ i zĩkɛ wá Lua uaↄ,
\q1 á gbɛ̃́ pↄ́ iↄ sĩ Dii kpɛ́ kpɛɛlɛↄ,
\q1
\v 3 à Dii tↄbↄ, asa a maaɛ,
\q1 à lɛ́mawà, asa bee mɛ́ na.
\q1
\v 4 Dii Yakↄbu buiↄ sɛ̀ a pↄ́ ũ,
\q1 à Isailiↄ dìlɛ a gbɛ̃́ yenzideↄ ũ.
\b
\q1
\v 5 Má dↄ̃ kɛ́ Dii zↄ̃ↄ,
\q1 wá Lua mɛ́ dɛ diiↄla píi.
\q1
\v 6 Dii ì yã́ pↄ́ kàagu kɛ musu ń zĩ́lɛo,
\q1 ísia guu ń tↄↄlɛ nↄnauo.
\q1
\v 7 Ɔ̃mɛ ì to lou sisi tↄↄlɛ lɛ́wa,
\q1 ì to lou ma ń pílɛao,
\q1 ì bↄ ń zàa'ĩanao a làasiu.
\b
\q1
\v 8 À Egipiↄ yoaↄ dɛ̀dɛ\f + \fr 135.8 \fr*\ft Bↄa 12.29\ft*\f*
\q1 ń pↄtuo nɛ́ sɛ̃́iaↄ píi.
\q1
\v 9 À seelaↄ ń dabudabuↄ kɛ̀ Egipi,\f + \fr 135.9 \fr*\ft Bↄa 7.3\ft*\f*
\q1 à Falaↄ̃ↄ ń a gbɛ̃́ↄ fù píi.
\q1
\v 10 À buiↄ mìdɛ dasi,
\q1 à kía gbãadeↄ dɛ̀dɛ.
\q1
\v 11 Amↄleↄ kí Siↄ̃ ń Basana kí Oguo\f + \fr 135.11 \fr*\ft Nao 21.21-24, 33-35\ft*\f*
\q1 ń Kanaa bùsu kíaↄ píi.
\q1
\v 12 À gbadà ń ń bùsuo,
\q1 a kpà a gbɛ̃́ Isailiↄwa.
\q1
\v 13 Dii, n tↄ́ gaa vĩo,
\q1 Dii, n yã́ aↄ dↄ gbɛ̃́ↄgu gↄↄpiiɛ.
\q1
\v 14 Asa Dii a yãkɛkɛ a gbɛ̃́ↄnɛ,
\q1 i a zↄ̀blenapiↄ wɛ̃nagwa.
\b
\q1
\v 15 Buipãleↄ ń diiↄ pì ń ã́nusuo ń vuaoɛ,
\q1 gbɛ̃nazĩna ↄgbɛↄnɛ.\f + \fr 135.15 \fr*\ft Soũ 115.4-8, Zia 9.20\ft*\f*
\q1
\v 16 Aa lɛ́ vĩ, aali yã'oo,
\q1 aa wɛ́ vĩ, aali gu'e sↄ̃o.
\q1
\v 17 Aa swã́ vĩ, aali yãmao,
\q1 an lɛ́ ĩ́ana vĩo.
\q1
\v 18 An pinaↄ gↄ̃ńwaɛ
\q1 ń gbɛ̃́ pↄ́ lɛ́ ń náaikɛↄ píi.
\b
\q1
\v 19 Isailiↄ, à Dii sáaukpa!
\q1 Aalona buiↄ, à Dii sáaukpa!
\q1
\v 20 Levii buiↄ, à Dii sáaukpa!
\q1 Dii vĩakɛnaↄ, à Dii sáaukpa!
\q1
\v 21 Wà Dii sáaukpa Siↄna,
\q1 à bɛkpà Yelusalɛũ.
\b
\q1 Àleluya!
\c 136
\s1 Dii sáaukpaa
\q1
\v 1 À Dii sáaukpa, asa a maaɛ,
\q1 aà gbɛ̃kɛ láaa vĩo.
\q1
\v 2 À luaↄ Lua sáaukpa,
\q1 aà gbɛ̃kɛ láaa vĩo.
\q1
\v 3 À diiↄ Dii sáaukpa,
\q1 aà gbɛ̃kɛ láaa vĩo.
\q1
\v 4 Ɔ̃mɛ ì dabudabu zↄ̃ↄↄ kɛ ado,
\q1 aà gbɛ̃kɛ láaa vĩo.
\q1
\v 5 Ɔ̃mɛ musu kɛ̀ ń a ↄ̃nↄo,
\q1 aà gbɛ̃kɛ láaa vĩo.
\q1
\v 6 Ɔ̃mɛ tↄↄlɛ pòo ía,\f + \fr 136.6 \fr*\ft Daa 1.1-2\ft*\f*
\q1 aà gbɛ̃kɛ láaa vĩo.
\q1
\v 7 Ɔ̃mɛ gupuakũna zↄ̃ↄↄ kɛ̀,
\q1 aà gbɛ̃kɛ láaa vĩo.
\q1
\v 8 À ĩatɛ̃ kɛ̀ à kible fãanɛ,
\q1 aà gbɛ̃kɛ láaa vĩo.
\q1
\v 9 Mↄvua ń saanaↄ ì kible gwã́,\f + \fr 136.9 \fr*\ft Daa 1.16\ft*\f*
\q1 aà gbɛ̃kɛ láaa vĩo.
\b
\q1
\v 10 Ɔ̃mɛ Egipiↄ nɛgↄ̃ɛ sɛ̃́iaↄ dɛ̀dɛ,
\q1 aà gbɛ̃kɛ láaa vĩo,
\q1
\v 11 À Isailiↄ bↄ̀lɛ ń guu,\f + \fr 136.11 \fr*\ft Bↄa 12.29-31\ft*\f*
\q1 aà gbɛ̃kɛ láaa vĩo.
\q1
\v 12 À a gã̀sĩ pòo ń a iko gbãao,
\q1 aà gbɛ̃kɛ láaa vĩo.
\q1
\v 13 À Ísia Tɛ̃a zↄ̃̀ɛ pla,
\q1 aà gbɛ̃kɛ láaa vĩo.
\q1
\v 14 A tò Isailiↄ gɛ̃̀ ípi zãnguo,
\q1 aà gbɛ̃kɛ láaa vĩo.
\q1
\v 15 A tò ípi dà Falaↄ̃ↄ ń a zĩgↄ̃ↄla,\f + \fr 136.15 \fr*\ft Bↄa 14.21-29\ft*\f*
\q1 aà gbɛ̃kɛ láaa vĩo.
\q1
\v 16 Ɔ̃mɛ dↄ̀aa a gbɛ̃́ↄnɛ guwaiwaiu,
\q1 aà gbɛ̃kɛ láaa vĩo.
\q1
\v 17 Ɔ̃mɛ kía zↄ̃ↄↄ tↄ̀lↄzↄ̃̀,
\q1 aà gbɛ̃kɛ láaa vĩo.
\q1
\v 18 À kía gawideↄ dɛ̀dɛ,
\q1 aà gbɛ̃kɛ láaa vĩo.
\q1
\v 19 Amↄleↄ kí Siↄ̃,
\q1 aà gbɛ̃kɛ láaa vĩo.
\q1
\v 20 Ń Basana kí Oguo,\f + \fr 136.20 \fr*\ft Nao 21.21-35\ft*\f*
\q1 aà gbɛ̃kɛ láaa vĩo.
\q1
\v 21 À gbadà ń ń bùsuo,
\q1 aà gbɛ̃kɛ láaa vĩo.
\q1
\v 22 A kpà a zↄ̀blena Isailiↄwa,
\q1 aà gbɛ̃kɛ láaa vĩo.
\q1
\v 23 Ibɛɛↄ ↄnaalɛawá i sãaàguo,
\q1 aà gbɛ̃kɛ láaa vĩo.
\q1
\v 24 À wá bↄ́lɛ wá ibɛɛpiↄ guu,
\q1 aà gbɛ̃kɛ láaa vĩo.
\q1
\v 25 Ɔ̃mɛ ì blɛ kpa pↄ́piiwa,
\q1 aà gbɛ̃kɛ láaa vĩo.
\q1
\v 26 À Lua Musude sáaukpa,
\q1 aà gbɛ̃kɛ láaa vĩo.
\c 137
\s1 Zĩ̀zↄↄ ↄ́ↄlↄa
\q1
\v 1 Zↄ̃lɛa Babɛli bùsu swaↄ saɛ\f + \fr 137.1 \fr*\ft Eze 1.1, 3\ft*\f*
\q1 Siↄna yã́ dↄ̀wágu, ↄ̃ wa ↄ́ↄlↄ̀.
\q1
\v 2 Wa wá mↄↄnaↄ tò looa swagbalaliↄwa we.
\q1
\v 3 Gbɛ̃́ pↄ́ aa wá kũaↄ lɛ gbɛ̀awá,
\q1 wá wɛtãnaↄ mɛ̀ wà ń pↄna yá,
\q1 wà Siↄna lɛe sínɛ́.
\q1
\v 4 Kpelewa wá Dii lɛↄ si
\q1 kua buipãleↄ bùsu guui?
\q1
\v 5 Tó Yelusalɛũ yã́ sã̀magu,
\q1 to ma ↄplaa imi.
\q1
\v 6 Tó Yelusalɛũ yã́ lí dↄmaguo,
\q1 mɛ́ mi aà dilɛ ma pↄnakɛbↄ mide ũo,
\q1 to ma lɛ́na naalɛ.
\b
\q1
\v 7 Dii, tó yã́ pↄ́ Ɛdↄũↄ kɛ̀ Yelusalɛũ wãgↄↄ dↄngu aa mɛ̀:
\q1 À wíwi, à wíwi, à daaĩ míↄmiↄ.
\q1
\v 8 Pↄ́kaalɛaↄá Babɛli bùsudeↄ!
\q1 Báaaden gbɛ̃́ pↄ́ a yã́ pↄ́ á kɛ̀wɛ̃ɛ fĩaboɛ́ ũ.\f + \fr 137.8 \fr*\ft Zia 18.6\ft*\f*
\q1
\v 9 Báaaden gbɛ̃́ pↄ́ a á nɛ́ↄ kṹkũ
\q1 à ń wíwi gbɛsiwa ũ.\f + \fr 137.9 \fr*\ft Isa 13.16\ft*\f*
\c 138
\s1 Dii sáaukpaa aà gbɛ̃kɛ yã́i
\d Davidi lɛ.
\q1
\v 1 Má n sáaukpa ń nↄ̀sɛmɛndoo,
\q1 má n táasilɛ gbãadeↄ aɛ.
\q1
\v 2 Má kúlɛ n kpɛ́ pↄ́ a kua adoa aɛ,\f + \fr 138.2 \fr*\ft 1Kia 8.29\ft*\f*
\q1 má n tↄbↄ n gbɛ̃kɛ ń n náaio yã́i,
\q1 asa ḿmɛ ń tò n tↄ́ ń n yã́o zↄ̃ↄ dɛ pↄ́piia.
\q1
\v 3 Gↄↄ pↄ́ ma lɛzùnzi, ń wèa,
\q1 n ma gba wↄ́ↄ ń gbãao.
\b
\q1
\v 4 Tó dṹnia kíaↄ yã́ pↄ́ ń ò mà,
\q1 aa n sáaukpa ń píi, Dii.
\q1
\v 5 Aa lɛsi Dii kɛkɛáↄ yã́ musu,
\q1 asa Dii gawi zↄ̃ↄɛ.
\q1
\v 6 Baa ń Dii kuamusukɛo,
\q1 ì gbɛ̃́ kɛ̃́sãanaↄ wɛgwa,\f + \fr 138.6 \fr*\ft Luk 1.48\ft*\f*
\q1 ì wɛvĩ gbɛ̃́ pↄ́ aalɛ e wà kàↄla.\f + \fr 138.6 \fr*\ft Zaa 4.6\ft*\f*
\b
\q1
\v 7 Baa tó má yooyea, ni ma bↄ,
\q1 ni ma ibɛɛↄ pↄkũma kpálɛ,
\q1 ni ma suaba ń n gã̀sa gbãao.
\q1
\v 8 Dii a ma yã́ píi lɛkpaaĩmɛɛ,\f + \fr 138.8 \fr*\ft Flp 1.6\ft*\f*
\q1 Dii, n gbɛ̃kɛ láaa vĩo.
\q1 Ńsu zĩ pↄ́ n ↄkpàwà too.
\c 139
\s1 Dii yã́pii dↄ̃a
\d Davidi lɛ.
\q1
\v 1 Dii, n ma tàasikà ń dↄ̃̀,
\q1
\v 2 ń ma zↄ̃lɛa ń ma fɛlɛao dↄ̃.
\q1 Ń n zãkɛo ń yã́ pↄ́ málɛ yáↄ kũa.
\q1
\v 3 Ni ma táa'oa ń ma wúlɛao gwa,
\q1 ma kɛkɛá píi dↄ́ɛkɛ̀nnↄ.
\q1
\v 4 E yã́ àↄ gɛ́ bↄi ma lɛ́u,
\q1 Dii, ń dↄ̃ sã́asã.
\q1
\v 5 Ń liaamazi kpɛ ń aɛo,
\q1 n ↄ kumala.
\q1
\v 6 Dↄ̃a bee dɛmɛɛ dabuyã ũɛ,
\q1 a dɛmala, ma ↄ̃nↄ i kawào.
\b
\q1
\v 7 Má má gɛ́u mà pili n Nisĩnawai?
\q1 Má má bàalɛ tau, ńyↄ̃ↄ ku weo ni?
\q1
\v 8 Tó ma fɛlɛ gɛ́ musu, ń kú we!
\q1 Tó ma tòo sↄ̀ miau, ń kɛ́!
\q1
\v 9 Tó ma fɛlɛ gɛ ĩatɛ̃bilɛkĩi gukpɛ,
\q1 tó ma gɛ zↄ̃lɛ ísia baale bɛ'aɛ,
\q1
\v 10 baa wekĩi má naa n ↄzĩɛ,
\q1 ńyↄ̃ↄ ma kũa n ↄplaauɛ.
\q1
\v 11 Tó ma mɛ̀ gusia kumala,
\q1 ge gupua pↄ́ má kúu li gwã́ ũ,
\q1
\v 12 gu líↄ sianɛo,\f + \fr 139.12 \fr*\ft Dan 2.22\ft*\f*
\q1 gwã́ ìↄ puanɛ lán fãanɛwaɛ,
\q1 asa gupua ń gusiao doũ nɛɛ.
\b
\q1
\v 13 Ḿmɛ n ma sↄ̃ pɛ̀mɛɛ,
\q1 n ma ikàsa ma da nↄ̀sɛu.
\q1
\v 14 Ma n sáaukɛ̀, n yãkɛa ì dia,
\q1 ma kɛa dɛ dabuyã ũ, à bↄ̀ ma saɛ,
\q1 a yã́ ma kũa gbãa.
\q1
\v 15 Gↄↄ pↄ́ ma daalɛ nɛasakpɛ guu,
\q1 ma wáe ulɛanɛo.
\q1 Kɛ́ ma mɛ lɛ́ i asii guu we,
\q1
\v 16 n wɛsìmalɛ nↄ'itɛ̃na ũ.
\q1 Lá n ma gↄↄ dìlɛ píi,
\q1 a lɛ́ kú n taalau
\q1 zadↄ̃ a kee i daalɛo.
\b
\q1
\v 17 Lua, n làasoo gbiamɛɛ maamaaɛ,
\q1 a naoa zↄ̃ↄ fá!
\q1
\v 18 Tó má ye nao, an dasi dɛ ũfãaa.
\q1 Tó ma vu, miↄ kunnↄɛ e tia.
\b
\q1
\v 19 Lua, bↄ́ ńlɛ dã́ ń gbɛ̃vãiↄi?
\q1 À gomala gbɛ̃dɛnaↄ!
\q1
\v 20 N ibɛɛↄ ì n yã'o ń nↄ̀sɛvãioɛ,
\q1 n tↄ́ gbia ń lɛ́uo.
\q1
\v 21 Dii, má za n zangudeↄguo lé?
\q1 Má ye gbɛ̃́ pↄ́ fɛ̀lɛnnↄↄ gĩyãio.
\q1
\v 22 Má zańgu vãivãi,
\q1 ma ń dílɛ ma ibɛɛↄ ũɛ.
\b
\q1
\v 23 Lua, ma gwagwa, ní ma nↄ̀sɛ dↄ̃,
\q1 ma tàasika, níↄ ma asiiↄ kũa.
\q1
\v 24 Gwa tó má dↄ́ɛ'ĩi vĩ,
\q1 ní dↄaamɛɛ n zɛ́ gasai guu.
\c 140
\s1 Wabikɛa gbɛ̃vãiↄ yã́ musu
\d Davidi lɛ.
\q1
\v 1 Dii, ma si gbɛ̃vãiↄwa,
\q1 ma dↄ̃́a gbɛ̃́ pãsĩpiↄ yã́i.
\q1
\v 2 Aaì yãvãi wàaipa ń sↄ̃ guu,
\q1 sòle lɛ́ ↄ̃ aaìↄ wɛ́ gↄↄpii.
\q1
\v 3 Aaì ń lɛ́ kɛkɛ lán mlɛ̃wa,
\q1 an lɛgbɛ'iá sↄ̀gbala sɛwɛɛ.\f + \fr 140.4 \fr*\ft Lom 3.13\ft*\f*
\q1
\v 4 Dii, ńsu to gbɛ̃vãiↄ ↄkãao,
\q1 ma si gbɛ̃́ pãsĩpiↄwa,
\q1 aaì ↄzↄ̃amazi lɛkpaaĩ.
\q1
\v 5 Waladepiↄ ɛyↄ̃̀mɛɛ,
\q1 aa filifilimbakpàmɛɛ,
\q1 aa baikpàmɛɛ zɛ́u.
\b
\q1
\v 6 Má ò Diiɛ: Ma Luan n ũ,
\q1 swã́kpa ma wɛ̃na wiii, Dii.
\q1
\v 7 Dii Lua, ma Suabana gbãa,
\q1 ni ↄkumala zĩ guu.
\q1
\v 8 Ńsu to gbɛ̃vãiↄ pↄeã zɛkɛo,
\q1 Dii, ńsu to an lɛkpaaĩ kↄ̃sɛo.
\b
\q1
\v 9 To gbɛ̃́ pↄ́ liaamaziↄ midɛ,
\q1 to vãi pↄ́ aalɛ o wí ń musu.
\q1
\v 10 To tɛyↄ̃ wãa ɛ́lɛmá,
\q1 to aa si ɛ pↄ́ aa fↄ̃ bↄuo guu.
\q1
\v 11 Ńsu to yã́siade zɛkĩi e dṹniauo,
\q1 to vãi aↄ gbɛ̃́ pãsĩ wɛ zɛsaiɛ.
\b
\q1
\v 12 Má dↄ̃ Dii ì yãnakpa wɛ̃nadeↄwa,
\q1 ì yãkɛkɛ taasideↄnɛ a zɛ́wa.
\q1
\v 13 Gbɛ̃maaↄ mɛ́ aa n tↄbↄ,
\q1 nↄ̀sɛpuadeↄ mɛ́ aaↄ ku n kĩ́i.
\c 141
\s1 Suabaa wabikɛa
\d Davidi lɛ.
\q1
\v 1 Dii, málɛ wiilɛnzi, kɛ kpakpa,
\q1 tó ma lɛzùnzi, swã́kpa ma yã́i.
\q1
\v 2 Ma wabikɛa a kama
\q1 lán tulaleti súɛlɛwa,\f + \fr 141.2 \fr*\ft Zia 5.8, 8.3\ft*\f*
\q1 ma ↄ dↄa musu iↄ dɛnɛ sa oosi oa ũ.
\b
\q1
\v 3 Dii, ma lɛ́na dↄ̃́amɛɛ.
\q1 To mà a lɛ́ fↄ̃́.
\q1
\v 4 Ńsu to ma nↄ̀sɛ ta yãvãiwa
\q1 mà gↄ̃ dàade ũ ń vãikɛnaↄ,
\q1 mà ↄdaaańnↄ ń blɛnablea guuo.
\q1
\v 5 Tó gbɛ̃maa ma gbɛ̃, gbɛ̃kɛkɛaɛ!
\q1 Tó à ma swãgàga, má gíio,
\q1 à nísikà ma miwa.
\q1 Miↄ wabikɛ kɛ́ gbɛ̃vãiↄ yãkɛaↄ su zɛkɛo.
\b
\q1
\v 6 Tó wà ń gbɛ̃zↄ̃ↄↄ kwɛ̀ yãtɛ̃u,
\q1 wa si sa kɛ́ ma yã́ mɛ́ na.
\q1
\v 7 Lá wì yàa paa a fɛ́ɛnaↄ fãaa,
\q1 màa an wá aↄ kálɛ ń mia'ɛlɛ.
\b
\q1
\v 8 Dii Lua, ḿmɛ ma wɛ́ pɛ́ma,
\q1 ma nanziɛ, ńsu ma kpámáo.
\q1
\v 9 Ma suaba ń mↄ pↄ́ aa kpàmɛɛo,
\q1 to mà zã bai pↄ́ vãikɛnaↄ kpàmɛɛi.
\q1
\v 10 To gbɛ̃vãipiↄ si ńzĩa bai guu,
\q1 mapi sↄ̃ mí dↄi aafia.
\c 142
\s1 Wabikɛa gbɛ̀'ɛu
\d Davidi wabikɛa gↄↄ pↄ́ a ku gbɛ̀'ɛu.\f + \fr 142.1 \fr*\ft 1Sam 22.1\ft*\f*
\q1
\v 1 Málɛ ↄ́ gbãa dↄ Diiɛ,
\q1 málɛ wɛ̃na wii lɛ Diiwa.
\q1
\v 2 Málɛ a yã'ↄ̃ma bↄlɛɛ̀,
\q1 málɛ a taasikɛa siuɛ̀.
\q1
\v 3 Tó ma wɛ̃ni gↄ̃̀ lɛɛ,
\q1 ḿmɛ niↄ ma kua dↄ̃.
\q1 Wà baikpàmɛɛ ma táa'ozɛu.
\q1
\v 4 Wɛ́sɛ ǹ ma ↄplaa gwa,
\q1 gbɛ̃e lɛ́ ma yãdao.
\q1 Ulɛkĩi làaa,
\q1 gbɛ̃e lɛ́ ma aafia gbɛao.
\b
\q1
\v 5 Dii, málɛ wiilɛma ma mɛ̀:
\q1 Ḿmɛ ń ma ulɛkĩi ũ,
\q1 ḿmɛ ń ma baa ũ dṹniaɛ beeu.
\q1
\v 6 Swãdↄ ma wiilɛai,
\q1 asa ma gↄ̃ mugɛɛnnↄɛ.
\q1 Ma si ma gbɛ̀sɛlɛnaↄwa,
\q1 asa an gbãa dɛmalaɛ.
\q1
\v 7 Ma bↄ yooyeaɛ beeu,
\q1 kɛ́ mà n tↄbↄ,
\q1 gbɛ̃maaↄ i kãaamazi,
\q1 kɛ́ n maakɛ̀mɛɛ yã́i.
\c 143
\s1 Kua ibɛɛↄ ↄzĩ wabikɛa
\d Davidi lɛ.
\q1
\v 1 Dii, ma wabikɛa sí,
\q1 swãdↄ ma wɛ̃na wiii.
\q1 Wea n náai ń n maao yã́i.
\q1
\v 2 Ńsu yã́kpalɛkɛ ń mapi n zↄ̀blenaoo,
\q1 asa gbɛ̃e kunɛ tàaesaio.
\b
\q1
\v 3 Ma ibɛɛ ma gbɛsɛ̀lɛ à ↄ̃zↄ̃̀a,
\q1 a tò má kú gusiau
\q1 lán gbɛ̃́ pↄ́ gà à gɛ̃̀gɛ̃wa.
\q1
\v 4 Ɔ̃ ma wɛ̃ni gↄ̃̀ lɛɛ,
\q1 ma pↄ yà dúuduu.
\q1
\v 5 Gĩa dↄ̀magu,
\q1 málɛ làasookɛ n zĩkɛaↄwa,
\q1 málɛ n yãkɛaↄ wàaipa.
\q1
\v 6 Ma ↄ dↄnzi,
\q1 málɛ n mↄ̀sɛ nidɛ lán gugiiwa.
\b
\q1
\v 7 Wea kpakpa Dii, ma yɛ̃̀ɛɛ làa.
\q1 Ńsu bↄ ma kpɛ mà gↄ̃
\q1 lán gbɛ̃́ pↄ́ sì bɛdauↄwao.
\q1
\v 8 Ǹ n gbɛ̃kɛ ↄlↄmɛɛ kↄↄ,
\q1 asa ḿmɛ má n náai vĩ.
\q1 Ma da zɛ́ pↄ́ dɛ mà sɛwa,
\q1 asa ḿmɛ ma azĩa kpàma.
\q1
\v 9 Ma si ma ibɛɛↄwa, Dii,
\q1 ḿmɛ ma nanzi.
\q1
\v 10 Ḿmɛ ń ma Lua ũ,
\q1 ǹ n pↄeãkɛa damɛɛ.
\q1 N Nisĩna maa dↄaamɛɛ gusalalau.
\q1
\v 11 Ma lɛ́ ń láo n tↄ́ yã́i, Dii,
\q1 ma bↄ taasi guu n maa yã́i.
\q1
\v 12 Ma ibɛɛↄ midɛ n gbɛ̃kɛ yã́i,
\q1 ma wɛ̀lɛↄ dɛdɛ píi,
\q1 asa n zↄ̀blenan ma ũ.
\c 144
\s1 Wabikɛa misia yã́ musu
\d Davidi lɛ.
\q1
\v 1 Má Dii ma gbɛsi sáaukpa,
\q1 ì zĩkaa ↄ na damɛɛ,
\q1 ì to ma ↄ àↄ kai vĩ zĩ guu.
\q1
\v 2 Ɔ̃mɛ ma ulɛkĩi ũ, ì gbɛ̃kɛkɛmɛɛ,
\q1 ↄ̃mɛ ma zɛgikĩi ũ, ì ma suaba.
\q1 Ɔ̃mɛ ma sɛ̀ngbao pↄ́ mi mikpai ũ,
\q1 ì to buiↄ mikpaa.
\b
\q1
\v 3 Dii, bↄ́n gbɛ̃nazĩna ũ an yã́ ìↄ dↄngui?
\q1 Bↄ́n ń ũ, ni laaidↄmái?\f + \fr 144.3 \fr*\ft Soũ 8.4, Ɛbɛ 2.6\ft*\f*
\q1
\v 4 Gbɛ̃nazĩna dɛ lán kàsafiiwaɛ,
\q1 aà wɛ̃ni ì gɛ̃zɛa lán uenawaɛ.
\b
\q1
\v 5 Dii, ǹ n bɛ siilɛ ǹ pila,
\q1 ↄkã gbɛ̀sĩsĩↄwa aa súɛlɛbↄ.
\q1
\v 6 To lou pílɛpilɛ ǹ gbɛ̃́ↄ fãaa,
\q1 ka fã́ńgu, gili i gɛ̃ńgu.
\q1
\v 7 Ɔbↄ za musu ǹ ma kṹ.
\q1 Ma bↄ í zↄ̃ↄ guu,
\q1 ma si bui zĩ̀loↄwa.
\q1
\v 8 Yã pã oa mɛ́ ń lɛ́ pà,
\q1 aaì ↄlɛlɛ ń lɛ́ pã gbɛ̃ao.
\b
\q1
\v 9 Lua, má lɛ̀ dafu sínɛ,
\q1 má n táasilɛ ń kúu bakwio.
\q1
\v 10 Ni to kíaↄ zĩble,
\q1 ni n zↄ̀blena Davidi bↄ fɛ̃n'ↄↄ lɛ́zĩ.
\q1
\v 11 Ma kũ ǹ ma bↄ bui zĩ̀loↄ guu,
\q1 yãpã oa mɛ́ ń lɛ́ pà,
\q1 aaì ↄlɛlɛ ń lɛ́ pã gbɛ̃ao.
\b
\q1
\v 12 Wá nɛgↄ̃ɛↄ pɛ́lɛ ń ɛ̀waasokɛu lán lí pɛawa,
\q1 wá nɛnↄɛↄ aaↄ dɛ lán kibɛ gbɛ̀pɛlɛ kɛfɛnawa.
\q1
\v 13 Wá dↄ̃ↄ pa, aaↄ pↄ́pii vĩ,
\q1 wá pↄtuoↄ kↄ̃ lɛɛ ↄ̀aa sↄo,
\q1 aa ka ↄ̀aasↄsↄo lɛɛ kwi wá kpàsau.
\q1
\v 14 Wá zuↄ aso zↄ̃ↄ sɛ́sɛ.
\q1 Bĩ́igbooa aↄ kuo, lala'oa aↄ kuo,
\q1 búbuapɛa aↄ ku gãaɛ lↄo.
\q1
\v 15 Báaadeↄn gbɛ̃́ pↄ́ an kua dɛ màaↄ ũ.
\q1 Báaadeↄn gbɛ̃́ pↄ́ Dii dɛ ń Lua ũↄ ũ.
\c 145
\s1 Dii táasilɛa aà maakɛa yã́i
\d Dii táasi pↄ́ Davidi lɛ.
\q1
\v 1 Má n táasilɛ ma Lua, ma Kía,
\q1 máↄ n tↄbↄ gↄↄpiiɛ.
\q1
\v 2 Máↄ n sáaukpa lá gu lɛ́ dↄ,
\q1 máↄ n táasilɛ láasaiɛ.
\q1
\v 3 Dii zↄ̃ↄ, à kà wà aà táasilɛ,
\q1 aà zↄ̃ↄkɛ lɛ́ vĩo.\f + \fr 145.3 \fr*\ft Lom 11.33\ft*\f*
\q1
\v 4 Kpàiↄ n yãkɛaↄ sáaukpa Wueↄnɛ,
\q1 aa n yãzↄ̃ↄkɛaↄ galikɛ.
\q1
\v 5 Aa n maa zↄ̃ↄ gawide yã'o,
\q1 má n yãbↄnsaɛkɛaↄ wàaipa.
\q1
\v 6 Aa n dabudabukɛa gbãa yã'o,
\q1 mí n zↄ̃ↄkɛ dau siunɛ́.
\q1
\v 7 Aa n maakɛa zↄ̃ↄ baokpa,
\q1 aai gulakɛ n yã́zɛdekɛaↄ yã́i.
\b
\q1
\v 8 Dii sùuu vĩ ń sósobio,
\q1 aà pↄ lí pa kpaao, a gbɛ̃kɛ vĩ zↄ̃ↄ.
\q1
\v 9 Dii ì maakɛ gbɛ̃́piiɛ,
\q1 ì a pↄkɛaↄ wɛ̃nagwa píi.
\q1
\v 10 Dii, n pↄkɛaↄ n sáaukpa píi,
\q1 n yãmanaↄ n tↄbↄ.
\q1
\v 11 Aa n kpala gawi faai bo,
\q1 aa n iko gbãa yã'o.
\q1
\v 12 Aa n yãzↄ̃ↄkɛaↄ da gbɛ̃́ↄnɛ
\q1 ń n kpala maa gawide yã́o.
\q1
\v 13 N kpalaá kpala láasaiɛ,
\q1 ńyↄ̃ↄ dɛ kía ũ wɛ̃̀ píiɛ.
\q1 Dii náai vĩ a yã́pii musu,
\q1 a sùuu vĩ ń a pↄkɛaↄ píi.
\b
\q1
\v 14 Dii ì gbɛ̃́ pↄ́ lɛ́ lɛ́lɛↄ kṹ,
\q1 ì gbɛ̃́ pↄ́ taasi tↄ̃̀máↄ fɛlɛ.
\q1
\v 15 Pↄ́pii wɛ́ dↄnzi,
\q1 ni blɛ kpámá a gↄↄwa.
\q1
\v 16 Ni ↄ poonɛ́, pↄ́ mↄ́má,
\q1 ni pↄ́ bɛ̃́ɛ píi pↄeã bↄↄlɛkɛɛ̀.
\q1
\v 17 Dii kɛkɛáↄ maa píi,
\q1 a gbɛ̃kɛ vĩ a yã́pii kɛa guu.
\q1
\v 18 Dii kãi ń a sìsinaↄ píi,
\q1 gbɛ̃́ pↄ́ aaì aà sísi ń sĩanaoↄ.\f + \fr 145.18 \fr*\ft Zãa 4.24\ft*\f*
\q1
\v 19 Ì a vĩakɛnaↄ pↄeã bↄↄlɛnɛ́,
\q1 ì ń wiilɛa ma, i ń suaba.
\q1
\v 20 Dii ì gbɛ̃́ pↄ́ yeaziↄ dↄ̃́a píi,
\q1 ãma a vãikɛnaↄ míↄnzↄ̃ɛ.
\q1
\v 21 Dii táasilɛa aↄ dↄ ma lɛ́uɛ.
\q1 Pↄ́pii aaↄ aà tↄbↄgↄↄ píi, asa a kua adoaɛ.
\c 146
\s1 Dii laaidↄa wɛ̃nadeↄwa
\q1
\v 1 Àleluya!
\b
\q1 Mapi, má Dii táasilɛ,
\q1
\v 2 máↄ Dii táasilɛ e ma wɛ̃ni lɛ́uɛ,
\q1 máↄ lɛsi ma Luaɛ ma kua lɛ́uɛ.
\q1
\v 3 Ásu sↄ̃kpalɛ gbãadeↄzio,
\q1 gbɛ̃suabaa ku gbɛ̃nazĩna kĩ́io.
\q1
\v 4 Tó an wea làa, aaì ɛa gɛ̃ tíuɛ,
\q1 zĩbeezĩ yã́ pↄ́ aalɛ yá ì midɛ.
\b
\q1
\v 5 Báaaden gbɛ̃́ pↄ́ Yakↄbu Lua mɛ́ aà dↄnlɛde ũ ũ,
\q1 aà wɛ́ ìↄ dↄ Dii a Luazi.
\q1
\v 6 Ɔ̃mɛ musu ń zĩ́lɛo kɛ̀,
\q1 ísia ń pↄ́ pↄ́ kú a guuↄ píi.\f + \fr 146.6 \fr*\ft Zĩn 4.24, 14.15\ft*\f*
\q1
\v 7 Ì yãnakpa gbɛ̃́ pↄ́ wàlɛ gbãamↄnɛ́ↄwa,
\q1 ì blɛ kpa nↄandɛnaↄwa.
\q1 Dii ì babↄ gbɛ̃́ pↄ́ yeelɛaↄwa,
\q1
\v 8 Dii ì vĩ̀aↄ wɛ́ wɛ̃nɛ́,\f + \fr 146.8 \fr*\ft Mat 9.30, Zãa 9.7\ft*\f*
\q1 Dii ì gbɛ̃́ pↄ́ taasi tↄ̃̀máↄ fɛlɛ,
\q1 Dii ìↄ ye gbɛ̃maaↄzi.
\q1
\v 9 Dii ì bↄ̀mↄↄ gwa,
\q1 ì ↄda gyaaↄ ń tonɛↄwa,
\q1 ↄ̃ ì zɛ́ kaaũ gbɛ̃vãiↄnɛ.
\b
\q1
\v 10 Dii ìↄ kible gↄↄpiiɛ.
\q1 Siↄnadeↄ, á Lua ìↄ ku e á buiwaɛ.
\q1 Àleluya!
\c 147
\s1 Pↄ́pii kua Lua ↄzĩ
\q1
\v 1 Àleluya!
\b
\q1 Lɛsia wá Luaɛ maa mɛ́ a na,
\q1 à kũ̀ wà aà táasilɛɛ.
\q1
\v 2 Dii lɛ́ Yelusalɛũ fɛlɛ lↄ,
\q1 à Isaili zĩ̀zↄↄ nàaa lɛ́ suńnↄ.
\q1
\v 3 Ì gbɛ̃́ pↄ́ an pↄ yàↄ nↄ̀sɛ níninɛ́,
\q1 ì nísidↄↄ ń gu'ĩaↄwa.
\q1
\v 4 Ì saanaↄ nao,
\q1 a ń baade dↄ̃ ń a tↄ́o.\f + \fr 147.4 \fr*\ft Isa 40.26\ft*\f*
\q1
\v 5 Wá Dii zↄ̃ↄ, a iko vĩ maamaaɛ,
\q1 aà ↄ̃nↄ lɛ́ vĩo.
\q1
\v 6 Dii ì zĩabusanaↄ gba gbãa,
\q1 ↄ̃ ì ↄtↄ̃ vãikɛnaↄwa e zĩ́lɛ.
\b
\q1
\v 7 À lɛsi Diiɛ ń aà sáaukpaao,
\q1 à wá Lua táasilɛ ń mↄↄnao.
\q1
\v 8 Ì to lou sisi,
\q1 ì tↄↄlɛ gba lou,
\q1 ì to sɛ̃ bↄlɛ sĩ̀sĩa.
\q1
\v 9 Ì blɛ kpa nↄ̀bↄↄwa
\q1 ń gbagbaa nɛ́ↄ, tó aalɛ wiipɛ.
\q1
\v 10 I kɛ sↄ̃́ gbãaↄ mɛ́ ì kaaàguo,
\q1 i kɛ gↄ̃sagbãakɛ mɛ́ ì kɛɛ̀o.\f + \fr 147.10 \fr*\ft 1Sam 16.7\ft*\f*
\q1
\v 11 Gbɛ̃́ pↄ́ aa aà vĩa vĩↄ mɛ́ ì kaaàgu,
\q1 gbɛ̃́ pↄ́ an wɛ́ dↄ aà gbɛ̃kɛipiↄ.
\b
\q1
\v 12 Yelusalɛũdeↄ, à Dii tↄbↄ,
\q1 Siↄnadeↄ, à á Lua táasilɛ.
\q1
\v 13 Asa ì báaadaáguɛ,
\q1 ì á wɛ̃́lɛ bↄlɛ gbã́aↄ gba gbãa.
\q1
\v 14 Ì á gba aafiaʼe á bùsu lɛ́ lɛ́u,
\q1 ì pↄbui maa kpáwá à kã́.
\q1
\v 15 Ì yã'o kpã́sã tↄↄlɛ,
\q1 aà yã́ ì ká ń bao.
\q1
\v 16 Ì nɛɛzi kwɛ púuu lán sãkãwa,
\q1 ì to fíi kpá lán túfuwa.
\q1
\v 17 Ì lougbɛ fã́ɛ lán gbɛ̀kↄsↄwa.
\q1 Démɛ a fↄ̃ zɛ a ĩ́anaii?
\q1
\v 18 Ì yã'o kpã́sã, ↄ̃ lougbɛpi ì yↄ́,
\q1 ì ĩ́ana gbaɛ, a í ì bàalɛ.
\q1
\v 19 Ì to Yakↄbu buiↄ a yã́ dↄ̃,
\q1 ì ikoyã pↄ́ á dìlɛↄ da Isailiↄnɛ.
\q1
\v 20 I bee kɛ buipãleↄnɛo,
\q1 aa aà yãdilɛaↄ dↄ̃o.
\b
\q1 Àleluya!
\c 148
\s1 Dii pↄkɛaↄ aà táasilɛa
\q1
\v 1 Àleluya!
\b
\q1 À Dii táasilɛ aà bɛdeↄ!
\q1 À aà táasilɛ za musu!
\q1
\v 2 À aà táasilɛ aà malaikaↄ píi!
\q1 À aà táasilɛ aà ìwaↄ píi!
\q1
\v 3 À aà táasilɛ ĩatɛ̃ ń mↄvuao!
\q1 À aà táasilɛ saan'inaↄ píi!
\q1
\v 4 Bàluma kpɛle pↄ́ↄ
\q1 ń í pↄ́ kú luabɛpuanaaↄ,\f + \fr 148.4 \fr*\ft Daa 1.7\ft*\f*
\q1 à aà táasilɛ.
\q1
\v 5 Aa Dii tↄbↄ,
\q1 asa ↄ̃mɛ yã'ò, ↄ̃ aa kɛ̀.\f + \fr 148.5 \fr*\ft Daa 1.1, 3\ft*\f*
\q1
\v 6 À ń pɛpɛ ń pɛ́pɛkĩi,
\q1 aaↄ ku we gↄↄpii,\f + \fr 148.6 \fr*\ft Daa 1.14\ft*\f*
\q1 à kↄↄ dànɛ́, aa fↄ̃ vĩao.
\b
\q1
\v 7 Pↄ́ pↄ́ kú tↄↄlɛↄ, à Dii táasilɛ,
\q1 ń kpↄ̀ gbɛ̃̀nɛↄ ń ísia í títiuↄ\f + \fr 148.7 \fr*\ft Daa 1.21\ft*\f*
\q1
\v 8 ń loupilɛao ń lousisiao
\q1 ń lou'io ń a gbɛo
\q1 ń zàa'ĩana pↄ́ ì misiilɛ aà yã́ɛo
\q1
\v 9 ń gbɛ̀sĩsĩↄ ń sĩ̀sĩↄnaↄ píi
\q1 ń lí nɛ'inaↄ ń sɛdɛ líↄ píi
\q1
\v 10 ń sɛ̃̀anↄbↄↄ ń pↄtuoↄ píi
\q1 ń pↄ́taa'onkuawaↄ ń bãↄ
\q1
\v 11 ń dṹnia kíaↄ ń buiↄ píi
\q1 ń kíaↄ ń bùsu gbãadeↄ píi
\q1
\v 12 ń ɛ̀waasoↄ ń wɛ̃́ndiaↄ píi
\q1 ń gbɛ̃zↄ̃ↄↄ ń nɛ́fɛ̃nɛnaↄ.
\q1
\v 13 À Dii tↄbↄ,
\q1 asa aà tↄ́ mɛ́ dɛńla,
\q1 aà zↄ̃ↄkɛ dɛ musu ń zĩ́lɛo pↄ́a.
\q1
\v 14 À kía gbãade kpà a gbɛ̃́ↄnɛ
\q1 gbɛ̃́ pↄ́ Isailiↄ ì aà táasilɛ ũ,
\q1 aà yãmana pↄ́ kãiaànↄpiↄ.
\b
\q1 Àleluya!
\c 149
\s1 Dii yãmanaↄ yã́kpalɛkɛa ń dṹniao
\q1
\v 1 Àleluya!
\b
\q1 À lɛ̀ dafu sí Diiɛ aà yãmanaↄ!
\q1 À aà táasilɛ balu guu!
\q1
\v 2 Isailiↄ, à vĩ àↄ kɛ̃aa á Kɛna yã́ musu.
\q1 Siↄnadeↄ, à pↄnakɛ ń á kíao.
\q1
\v 3 À ↄ̃wã à aà tↄbↄ,
\q1 à aà táasilɛ ń mↄↄnao ń gã̀ao.
\q1
\v 4 Asa Dii gbɛ̃́ↄ yã́ ì kaaàguɛ,
\q1 ì zĩabusanaↄ kpɛla à ń suaba.
\q1
\v 5 Dii yãmanaↄ kúkuakɛ ń gawipiu,
\q1 an gula aↄ dↄ ń lii musu.
\q1
\v 6 Lua táasilɛa aↄ dↄ ń lɛ́u,
\q1 fɛ̃nda lɛ́ pla aↄ naa ń ↄzĩ,
\q1
\v 7 aa tↄsiò buiↄwa,
\q1 aai bùsu píi gbɛ̃́ↄ wɛtãò,
\q1
\v 8 aai ń kíaↄ yeye ń mↄdaonaↄ,
\q1 aai galakpa ń kíabuiↄnɛ,
\q1
\v 9 aai sɛ́ńnↄ lá Lua yãdàńlawa.
\q1 Dii yãmanaↄ tↄbↄ a guu.
\b
\q1 Àleluya!
\c 150
\s1 Dii táasilɛa
\q1
\v 1 Àleluya!
\b
\q1 À Lua táasilɛ aà kúkĩi,
\q1 à aà táasilɛ bàluma zↄ̃ↄ guu.
\q1
\v 2 À aà táasilɛ aà gↄ̃sakɛ yã́i,
\q1 à aà táasilɛ aà zↄ̃ↄ dɛńla yã́i.
\b
\q1
\v 3 À aà táasilɛ ń kuupɛao,
\q1 à aà táasilɛ ń mↄↄnao ń domao.\f + \fr 150.3 \fr*\ft 2Sam 6.5\ft*\f*
\q1
\v 4 À aà táasilɛ ń gã̀ao ń ↄ̃wãao,\f + \fr 150.4 \fr*\ft 2Sam 6.14\ft*\f*
\q1 à aà táasilɛ ń goeo ń kulɛo.
\q1
\v 5 À aà táasilɛ ń sɛ̃́sɛ̃napaao,
\q1 à aà táasilɛ ń sɛ̃́sɛ̃n'ↄ gbãao.
\q1
\v 6 Pↄ́ bɛ̃́ɛ píi, à Dii táasilɛ!
\b
\q1 Àleluya!