\id PHP Philippians in Boko, Ross Jones 2/08
\ide UTF-8
\h Filipideↄ
\toc1 Filipideↄ
\toc2 Filipideↄ
\toc3 Flp
\mt1 FILIPIDEƆ
\imt1 Yã́ pↄ́ kú láɛ bee guuↄ
\ip Báapua bùsu wɛ̃́lɛ sɛ̃́ia pↄ́ Pↄlu baonakpàu ↄ̃ wì mɛ Filipi, Lomadeↄ bùsu zi pↄ́ wì mɛ Masedoni guu. Bùsupi ku Gɛlɛsi bùsu gugbãntoo oiɛ. Pↄlu wɛ̃́lɛgɛa gɛ̃n plaade guu ↄ̃ à Yesu gãlipi dàalɛu (Zĩn 16.12-40). Wɛ̃̀ dasiↄ gbɛa, gↄↄ pↄ́ a dɛ dakpɛuna ũ, ↄ̃ à lápi kɛ̃̀ Filipideↄnɛ ń nↄ̀sɛmɛndoo. Àlɛ ń sáaukpa an gba pↄ́ aa kpã̀sãɛ gↄↄ pↄ́ Ɛpafↄdi lɛ́ mↄ́ a gwai. À mↄ lè gↄↄ bee sↄ̃ a ku yã'ĩa guuɛ. Àlɛ onɛ́ lá aa dɛ náaideↄ ũ Kilisiɛ, aasu to ãnabi ɛgɛna pↄ́ aa kú ń guuↄ yã́ↄ ń sã́são.
\ip Pↄlu yã́ dàalɛ à mɛ̀ (1.1-11) tó a làasookɛ̀ Filipi Yesudeↄ yã́wa, a pↄ ì kɛ naɛ, i Lua sáaukpa ń yã́ musu. Bee gbɛa à yã́ pↄ́ a leↄ bↄↄlɛkɛ̀nɛ́. A yã́ pↄ́ a su a le dↄ̃o, ãma àlɛ Lua náaikɛ naa Yesu Kilisiwa (1.12-26). À lɛdà Yesudeↄwa aa zɛ gbãa, aaiↄ Lua náaikɛ, an lɛ́ iↄ doũ, aa ńzĩa busakↄ̃ɛ, aai zↄble Luaɛ lá Yesu Kilisi a zɛ́ ↄ̀lↄnɛ́wa (1.27-2.18). Wà Yesu Kilisi kua ń aà zĩo yã'ò lɛ pↄ́ Yesudeↄ ì si guu (2.6-11). Ɛpafↄdi pↄ́ Filipideↄ aà zĩ̀ ń gbao Pↄluɛ ń Timↄteeo tò lɛdoũ pↄ́ Pↄlu vĩ ń Filipideↄ lɛ́ dɛdɛɛ (2.19-30).
\ip Bee gbɛa Pↄlu ònɛ́ aa laaika gbɛ̃́ pↄ́ aalɛ baonakpa a zɛ́waoↄzi. A ònɛ́ aali a kɛa kɛ, aali dɛ̃ɛka aa yã́ pↄ́ aalɛ yá le. Aa gↄ̃ lán Yesu Kilisiwa (lɛɛ 3). Lápi mìdɛ ń lɛdaamáo ń sáaukpaao ń fↄkpaamáↄɛ.
\ip Wì mɛ lápiɛ pↄna lá, asa wà pↄna yã'ò lápiu sɛa a daalɛkĩi e a láakĩiwaɛ. Pↄna ì bↄ Kilisi náaikɛa kĩ́iɛ. Ń ye ǹyↄ̃ pↄnapi vĩ sↄ̃a?
\c 1
\s1 Pↄlu wabikɛa Filipideↄnɛ
\p
\v 1 Ma Pↄlu ń Timↄteeo, wá Kilisi Yesu zↄ̀blenaↄ wámɛ wa láɛ bee kɛ̃̀ Lua gbɛ̃́ pↄ́ kú Filipi\f + \fr 1.1 \fr*\ft Zĩn 16.12\ft*\f* naa Kilisi Yesuwaↄnɛ ń ń gbɛ̃zↄ̃ↄↄ ń ń dↄnlɛdeↄ. 
\v 2 Lua wá Mae ń Dii Yesu Kilisio gbɛ̃kɛkɛɛ́, aai á gba aafia.
\p
\v 3 Gↄↄ pↄ́ á yã́ dↄ̀magu píi, miↄ ma Lua sáaukpaɛ. 
\v 4 Ma wabikɛa guu píi miↄ wabikɛɛ́ ápii ń pↄnao, 
\v 5 kɛ́ á ↄ kumanↄ baonakpaa guu za gↄↄ pↄ́ á mà e ń a gbão yã́i. 
\v 6 Má dↄ̃ sã́asã, lá Lua zĩ maa dàalɛ á guu, aↄ kɛ, i a midɛ Kilisi Yesu mↄ́zĩ. 
\v 7 A maa kɛ́ máↄ á yã́ kũa ápii màa, asa á yã́ dↄ ma sↄ̃wa. Ma daakpɛun nò, ma zɛa ń baonapio a sĩana bↄa yã́in nò, ápii á ↄ ku zĩ pↄ́ Lua dàmɛɛ a gbɛ̃kɛu guu. 
\v 8 Málɛ á bɛɛkɛ ápii, lá má kú Kilisi Yesu sↄ̃ guuwa. Lua mɛ́ ma seelade ũ. 
\v 9 Mi wabikɛɛ́ á yeakↄ̃i àↄ kã́fĩ àↄ gɛ́ dↄ̃a ń wɛ́kɛ̃a wásawasao guu, 
\v 10 kɛ́ à e yã́ pↄ́ maa àↄ kɛ dↄ̃, íↄ ku nↄ̀sɛdoũdeↄ ũ tàaesai Kilisi mↄ́zĩ.\f + \fr 1.10 \fr*\ft 1Kln 1.8\ft*\f* 
\v 11 Beewa maakɛa pↄ́ Yesu Kilisi ì mↄònɛ́ a liála, wi Lua tↄbↄ, wi aà sáaukpa.
\s1 Kilisi mɛ́ Pↄlu wɛ̃ni ũ
\p
\v 12 Gbɛ̃́ↄ, má ye àↄ dↄ̃ kɛ́ yã́ pↄ́ ma le tɛkpà baona gɛa aɛuɛ, 
\v 13 ↄ̃ sosa kibɛdↄ̃anaↄ píi ń gbɛ̃́ kĩniↄ dↄ̃̀ kɛ́ Kilisi yã́i wà ma dai kpɛ́u.\f + \fr 1.13 \fr*\ft Zĩn 28.30\ft*\f* 
\v 14 Ma daakpɛu yã́i wá gbɛ̃́ dasideↄ Dii náaikɛ̀ dɛ yãala, ↄ̃ an sↄ̃dilɛa kã̀fĩ, aalɛ Lua yã'o gbɛ̃́ↄnɛ vĩasai.
\p
\v 15 Sĩanaɛ, an gbɛ̃eↄ ì Kilisi yã́ waasokɛ dɛnla ń wɛdↄakↄ̃ɛo yã́iɛ, gbɛ̃eↄ sↄ̃ ń nↄ̀sɛmaao. 
\v 16 Gbɛ̃́ beeↄ ì kɛ ń yeamazioɛ, asa aa dↄ̃ kɛ́ zɛa ń Yesu baokpaao yã́i ma yeò kpɛ́u la. 
\v 17 Wɛdↄnɛdepiↄ sↄ̃ aaì Kilisi yã́ waasokɛ dɛnlawɛɛlɛa yã́iɛ, i kɛ ń nↄ̀sɛpuao no. Aalɛ e wàlɛ ma kua kpɛ́u taasi kã́fĩmɛɛɛ. 
\v 18 Yãe yã̀? Mↄafili guun nò, sĩana guun nò, apii lé, wàlɛ Kilisi yã́ waasokɛɛ. Ma pↄ na ń beeo, mɛ́ ma pↄ a ɛa kɛ na lↄ, 
\v 19 asa má dↄ̃ kɛ́ wabi pↄ́ álɛ kɛmɛɛ ń Yesu Kilisi Nisĩna dↄnlɛo a to mà bↄ. 
\v 20 Ma wɛ́ dↄi mɛ́ má a náai vĩ maamaa, kɛ́ wí a ma kũ yãe guuo. Asa máↄ Kilisi tↄbↄ ma kuau ń sↄ̃o dilɛa gↄↄpiiɛ, atɛ̃sa tia, má kún nò, ma gan nò. 
\v 21 Asa Kilisi yã́i má kúi, mɛ́ ga dɛmɛɛ ài ũ. 
\v 22 Ãma tó má kú wɛ̃ni guu, bee dɛmɛɛ zĩ àide ũ. Má dↄ̃ lá má sɛo, 
\v 23 má kú plaplaɛ. Má ye ta màↄ kú ń Kilisio, we maamɛɛ dɛ lakĩia zã̀zã. 
\v 24 Ãma à kũ̀ màↄ ku wɛ̃ni guu á yã́iɛ. 
\v 25 Bee fɛ̃a vĩo. Má dↄ̃ kɛ́ má gↄ̃ màↄ kúánↄ ápii, kɛ́ à e gɛ́ aɛ ń pↄnao luanaaikɛa guu. 
\v 26 Beewa gↄↄ pↄ́ má ɛa mↄ á gwai, á á naa Kilisi Yesuwa ĩ́andãa zɛ́ e maamaa ma yã́i.
\p
\v 27 Apii lé, tó ma mↄ á gwai ge mi mↄon nò, à tó á kua kpaaĩ ń Kilisi baona yã́o, kɛ́ tó málɛ á bao ma, mà ma á zɛa gíũgiũ ń lɛdoũo, álɛ dɛ̃ɛka ń nↄ̀sɛmɛndoo baonapi zɛ́ yã́i. 
\v 28 Ásu tó á ibɛɛↄ yãe iwãa ká á pↄao. Bee aↄ dɛnɛ́ seela ũ kɛ́ aa mipɛ̀ kaalɛwa, ápiↄ sↄ̃ bↄa maa. Bee bↄ̀ Lua kĩ́iɛ. 
\v 29 Asa Lua á gbá zɛ́ à taasikɛ Kilisiɛ, i kɛ aà náaikɛa ado no. 
\v 30 Dɛ̃ɛ pↄ́ á è málɛ ká yãa\f + \fr 1.30 \fr*\ft Zĩn 16.19-24\ft*\f* mɛ́ á mà málɛ ká e tia, á kú dɛ̃ɛ doũpi guu.
\c 2
\s1 Zĩabusaa
\p
\v 1 Lá á naa Kilisiwa kã́fĩa vĩɛ́, lá aà yeaázi lɛ́ tɛ́kpaágu, lá á lɛ́ doũ ń aà Nisĩnao, lá á kↄ̃ wɛ̃na vĩ ń sósobio, 
\v 2 à làasoo doũ kɛ, á yeakↄ̃i iↄ doũ lɛdoũdeↄ ũ, pↄeãdoũdeↄ ũ. Bee a ma pↄ kɛ na à kɛ zài. 
\v 3 Ásu yãe kɛ dɛnla ge yↄ̃̀ↄkɛa yã́io. Zĩabusaa guu àli kↄ̃ da gbia dɛ ázĩala. 
\v 4 Gbɛ̃e su làasookɛ azĩa mɛ̀ndo yã́wao, aà gbɛ̃pãleↄ pↄ́ kɛ lↄ. 
\v 5 Àↄ nↄ̀sɛ pↄ́ Kilisi Yesu vĩ vĩ sↄ̃.
\q1
\v 6 Aà lua'ia, i gbãa'e a sáaa ń Luaokɛwao,
\q1
\v 7 ↄ̃ à azĩa gwea tò à zↄkɛ sɛ̀,
\q1 à gↄ̃̀ gbɛ̃nazĩna ũ à gbɛ̃nazĩnkɛ sɛ̀.
\q1
\v 8 À azĩa bùsa à misìilɛ e à gɛ̀ gàò,
\q1 e gaa lipãakↄ̃awa se.
\q1
\v 9 Ayãmɛto Lua aà sɛ̀ lɛsĩ,
\q1 à tↄ́ pↄ́ dɛ tↄ́ píila kpàɛ̀,
\q1
\v 10 kɛ́ tó wà Yesu tↄ́ sì,
\q1 gbɛ̃́pii a kúlɛ\f + \fr 2.10 \fr*\ft Isa 45.23\ft*\f* luabɛ ń tↄↄlɛo ń tↄↄlɛ zíɛo,
\q1
\v 11 gbɛ̃́pii i o Yesu Kilisi mɛ́ Dii ũ
\q1 Mae Lua tↄbↄa yã́i.
\p
\v 12 Bee yã́i ma gbɛ̃́ yenzideↄ, lá i ma yãma gↄↄ pↄ́ má kúánↄ, atɛ̃sa lá má kúánↄ tiao, àↄ á bↄa maa lɛpapa ń vĩakɛa Luaɛo ń lualuao. 
\v 13 Asa Lua mɛ́ lɛ́ zĩkɛ á guu, àlɛ á gba a pↄeãkɛa ni ń a kɛa zɛ́o. 
\v 14 À yã́pii kɛ yã́kũtɛ̃ ń zↄao sai, 
\v 15 kɛ́ à gↄ̃ tàaesai yãesaideↄ ũ, Lua nɛ́ sãasaiↄ ũ gbãgbɛ̃ sã́sãa dↄ̀ↄsaiↄ guu.\f + \fr 2.15 \fr*\ft Iko 32.5\ft*\f* À gupunɛ́ dṹniau lán saanaↄwa, 
\v 16 íↄ wɛ̃ni yã́ kũa, kɛ́ mà e ĩ́anadã á yã́ musu Kilisi mↄ́zĩ. Tó álɛ kɛ màa, mi bà pã lɛo, mi zĩkɛ pão. 
\v 17 Baa tó ma au a tↄ̃́lɛ á luanaaikɛa sa'o'i ũ, ma pↄ na, mɛ́ málɛ pↄnakɛánↄ ápii. 
\v 18 Ápiↄ sↄ̃ à pↄnakɛ màa, wí kɛ sãnu.
\s1 Timↄtee ń Ɛpafↄdio
\p
\v 19 Ń Dii Yesu báaao má ye mà Timↄtee zĩwá tia, kɛ́ mà e á bao ma, ma sↄ̃ i níni. 
\v 20 Gbɛ̃́ pↄ́ wá làasoo doũ á yã́ↄ dↄ aà sↄ̃wa sĩana kuo, aà bàasio. 
\v 21 Gbɛ̃́pii zĩa yã́ mɛ́ ì dↄaaɛ̀, i kɛ Yesu Kilisi yã́ no. 
\v 22 Á dↄ̃ lá Timↄtee náai vĩ, à zĩkɛ̀manↄ baona yã́ musu lá nɛ́ ì zĩkɛ ń a maeowa. 
\v 23 Tó má a zɛa dↄ̃ súsu, má ye mà aà zĩwá gↄ̃̀ↄ. 
\v 24 Ń Dii báaao málɛ e má mↄ́ á gwai tia mazĩa.
\p
\v 25 Wá gbɛ̃do Ɛpafↄdi, ma zĩkɛndeeɛ, mɛ́ ma zĩgↄ̃ dee pↄ́ a aà zĩ̀ dↄimalɛ ń pↄ́ pↄ́ málɛ a nidɛↄ, má è a maa mà aà gbaɛwáɛ. 
\v 26 Àlɛ á bɛɛkɛ ápii mɛ́ aà pↄ yà, kɛ́ a aà gyãkɛa bao mà yã́i. 
\v 27 À gyãkɛ̀ sĩana e à kà gaa, ↄ̃ Lua aà wɛ̃nagwà. I kɛ aàpi ado no, ń mapioɛ lↄ, kɛ́ ma pↄsia su zↄ̃ↄkũo yã́i. 
\v 28 Ayãmɛto málɛ kɛ kpakpa mà aà gbaɛwá, kɛ́ à wɛsikↄ̃lɛ, á pↄ i kɛ na, ma nↄ̀sɛ i níni. 
\v 29 À gbãakpaaàzi ń pↄna zↄ̃ↄo naa Diiwa guu. À gbɛ̃́ bee taa kpɛla. 
\v 30 À gↄ̃̀ lɛɛ aà ga Kilisi zĩ yã́iɛ. À gì a wɛ̃nii, kɛ́ à e dↄnlɛ pↄ́ á fↄ̃ kɛmɛɛo kɛmɛɛ yã́i.
\c 3
\s1 Kilisi dↄ̃a
\p
\v 1 Ma gbɛ̃́ↄ, yã́ pↄ́ gↄ̃̀n kɛ: À tó á pↄ àↄ na Diiwa. Yã doũ ɛa oaɛ́ zĩ'ũmanↄo, mɛ́ a dɛ á aafia ũ. 
\v 2 À laaika gbɛ̃nazĩn àwalɛwanaↄzi. À laaika vãikɛna pↄ́ aaì ń taitaipiↄzi!\f + \fr 3.2 \fr*\ft Gal 6.12-13\ft*\f* 
\v 3 Wá gbɛ̃́ pↄ́ wi Lua sísi ń aà Nisĩna gbãao, wi ĩ́anadã Kilisi Yesu guu, mɛ́ wiliↄ wázĩa yã́ náai vĩoↄ, wámɛ wá tↄ̃̀zↄ̃n sĩandeↄ ũ. 
\v 4 Mapi, má zɛvĩ màↄ mazĩa náaikɛ. Tó gbɛ̃́ lɛ́ e á azĩa náai vĩ, má vĩ dɛaàla. 
\v 5 Ma tↄ̃zↄ̃̀ ma gↄↄ swaaↄ̃de zĩ́ɛ. Isailin ma ũ ia guu, Bɛ̃yãmɛɛ bui, Ɛbɛlu bui zálala.\f + \fr 3.5 \fr*\ft Lom 11.1\ft*\f* Mↄizi ikoyã musu má kú Falisiↄ gãli guu.\f + \fr 3.5 \fr*\ft Zĩn 23.6\ft*\f* 
\v 6 Má ãiavĩ, ma ĩadà Yesudeↄwa.\f + \fr 3.6 \fr*\ft Zĩn 8.3\ft*\f* Yãkɛa a zɛ́wa Mↄizi ikoyã guu gbɛ̃e i fↄ̃ ma tàae èo. 
\v 7 Ãma yã́ pↄ́ má kũa ài ũ yãa beeↄ gↄ̃̀mɛɛ yã́ àisai ũ tia Kilisi yã́i. 
\v 8 Azaiasa ma yã́pii dìlɛ àisai ma Dii Kilisi Yesu dↄ̃a pↄ́ dɛ a píia yã́i. Kilisipi yã́i ma ↄkpà yã́piizi bìsa ũ, kɛ́ màↄ aà vĩ, 
\v 9 míↄ naawà, mà e màↄ na ń Luao Kilisipi náaikɛa yã́i. Asa Lua lí tó yã́ bↄńnↄ na ikoyãdaa yã́i no, ì to yã́ bↄńnↄ na Kilisi náaikɛa yã́iɛ. 
\v 10 Yã́ pↄ́ má yei mɛ́ dɛ mà Kilisi dↄ̃ ń gbãa pↄ́ à bↄ̀ò gauo, mí taasikɛaànↄ, mí gↄ̃ laaàwa aà ga guu 
\v 11 mí gbasa gↄ̃ gàbↄ ũ.
\s1 Pↄ́ pↄ́ ńlɛ yá lea
\p
\v 12 I kɛ má lè má kũ̀ à pɛ̀ɛa no, málɛ yáɛ kɛ́ mà yã́ pↄ́ Kilisi Yesu ma si a pↄ́ ũ yã́i sí ma pↄ́ ũ. 
\v 13 Gbɛ̃́ↄ, mi e má sì gĩao. Yã́ mɛ̀ndo málɛ kɛ, mi nↄnↄ pↄ́ pↄ́ kú ma aɛↄi, pↄ́ pↄ́ kú ma kpɛↄ làasookɛsai. 
\v 14 Málɛ pↄ́ pↄ́ ma wɛ́ dↄi ya mà ài pↄ́ Lua wá sisiwà musu e naa Kilisi Yesuwa guu. 
\v 15 Wá gbɛ̃́ kàsaaↄ wàↄ làasoo bee vĩ. Tó á làasoo pãle vĩ, Lua a á wɛ́ kɛ̃́ɛ́ yã́ bee musu. 
\v 16 Apii lé, lá wá kua kà a lɛ́u, wà gɛ́ aɛ zɛ́ doũpi guu.
\p
\v 17 Gbɛ̃́ↄ, à ma kɛa kɛ\f + \fr 3.17 \fr*\ft 1Kln 4.16, 11.1\ft*\f* lá wa a taa kɛ̀ɛ́, í wɛ́tɛ gbɛ̃́ pↄ́ an kua kpàaĩòↄzi. 
\v 18 Miↄ oɛ́ yãa mↄ̀ↄmↄↄ, mɛ́ ma ɛa málɛ oɛ́ tia lↄ ń wɛ́'io, gbɛ̃́ↄ ku dasi, an yãkɛa tò aa dɛ Kilisi gaa líwa ibɛɛↄ ũ. 
\v 19 Aa mipɛ̀ kaalɛwa, an gbɛɛ mɛ́ ń dii ũ, wíyã mɛ́ ń ĩ́andãbↄ ũ, dṹnia yã́ an làasoo ìↄ kuwà. 
\v 20 Wápiↄ sↄ̃, luabɛ gbɛ̃́ↄn wá ũ, wá wɛ́ dↄ Suabana pↄ́ a bↄ wezi, ↄ̃n Dii Yesu Kilisi ũ. 
\v 21 A wá mɛ̀ gbãasaiↄ li lá a mɛ̀ gawidewa ń a gbãa pↄ́ a fↄ̃ to pↄ́pii misiilɛɛo.
\c 4
\s1 Lɛdaama
\p
\v 1 Ayãmɛto ma gbɛ̃́ yenzideↄ, á gbɛ̃́ pↄ́ málɛ á bɛɛkɛ á dɛ ma ĩ́andãbↄ pↄ́ mi pↄnakɛò ũↄ, àↄ zɛa gíũgiũ naa Diiwa guu màa.
\p
\v 2 Ma awakpà Ɛvↄdiɛ ń Sɛntisio aaↄ lɛdoũ vĩ naa Diiwa guu. 
\v 3 Mpi sↄ̃ ma zĩkɛndee náaide, ma wabikɛ̀ma, dↄ nↄɛpiↄlɛ, asa aa taasikɛ̀manↄ baonakpaa guu ń Kelemaao ń ma zĩkɛndeeↄ. An tↄ́ kú àizãna taalau.\f + \fr 4.3 \fr*\ft Bↄa 32.32-33, Soũ 69.28, Dan 12.1, Zia 3.5\ft*\f*
\p
\v 4 À tó á pↄ àↄ na Diiwa gↄↄpii. Má òɛ́ lↄ, à tó á pↄ àↄ nawà. 
\v 5 À ázĩa busa gbɛ̃́piiɛ. Dii kãi. 
\v 6 Ásuli yãe kã̀akɛo.\f + \fr 4.6 \fr*\ft Mat 6.25\ft*\f* Yã́pii guu à wabikɛ Luawa, í yãgbɛawà, í aà sáaukpa, í á yã'ↄ̃maↄ oɛ̀, 
\v 7 Lua i á nↄ̀sɛ ń á làasooo daɛ́ doũ naa Kilisi Yesuwa guu. Nↄ̀sɛdaadoũpi kɛ̀ zài, a dɛ gbɛ̃nazĩna dↄ̃aa.
\p
\v 8 Gbɛ̃́ↄ, yã́ pↄ́ gↄ̃̀ɛ́n kɛ: Yã́ pↄ́ sĩana vĩ mɛ́ a gbia, yã́ pↄ́ zɛvĩ mɛ́ a gbãsĩ vĩo, yã́ pↄ́ na mɛ́ a báaa vĩ, yã́ pↄ́ maa mɛ́ wì a sáaukpa, àli làasookɛ yã́ beeↄwa. 
\v 9 Yã́ pↄ́ má dàdaɛ́ á sì, yã́ pↄ́ á màa mɛ́ á èa, à yã́ beeↄ kɛ, Lua Aafiade iↄ kúánↄ.
\s1 Pↄlu Filipideↄ sáaukpaa
\p
\v 10 Ma pↄ na Diiwa à kɛ̀ zài, asa á làasoo ɛ̀a sùa sa. Á ma yãdaa yãa fá, zɛ́ i eo. 
\v 11 Mi o màa kɛ́ málɛ taasikɛ yã́i no, asa má dàda baa lá a dɛ píi, ma kua kamaguɛ. 
\v 12 Má taasi dↄ̃ mɛ́ má nama dↄ̃. Gↄↄpii gupiiu kãa ge nↄana, pↄdinzi ge pↄ́kɛ̃sãma, a yãe vĩmɛɛ lↄo. 
\v 13 Má yã́pii fↄ̃ naa Kilisi pↄ́ ì ma gba gbãawa. 
\v 14 Ń beeo kɛ́ á bàa kú ń ma taasikɛao, a yãmaakɛ̀.
\p
\v 15 Filipideↄ, á dↄ̃ ázĩawa, ma baonakpaaɛ́ káau guu ma bↄa á Masedoni bùsuu, Yesu gãlie ↄ kú ń dↄamalɛoo, á bàasio. 
\v 16 Baa gↄↄ pↄ́ má kú Tɛsaloni,\f + \fr 4.16 \fr*\ft Zĩn 17.1\ft*\f* a pↄ́ pↄ́ málɛ a nidɛↄ kpã̀sãmɛɛ dɛ gɛ̃n doa.\f + \fr 4.16 \fr*\ft 2Kln 11.9\ft*\f* 
\v 17 I kɛ gba málɛ wɛɛlɛo, á ài kã́fĩa Lua kĩ́i málɛ wɛɛlɛ. 
\v 18 Ma pↄ́ pↄ́ á kpã̀sãmɛɛ è, à pà e à dìa. Ɛpafↄdi á gbaↄ kpàa, pↄ́ mↄ̀a sa. A dɛ sa'obↄ pↄ́ a gĩ na Luaɛ\f + \fr 4.18 \fr*\ft Bↄa 29.18\ft*\f* ì kaaàgu à si ũ. 
\v 19 Ma Lua a pↄ́ pↄ́ á a ni vĩ kpáwá píi naa Kilisi Yesuwa guu a àizɛɛ gawide lɛ́u. 
\v 20 Wàↄ wá Lua wá Mae tↄbↄ gↄↄpii! Ãmi.
\p
\v 21 À fↄkpa Lua gbɛ̃́ↄwa píi naa Kilisi Yesuwa. Ma Yesude dee pↄ́ wá sãnuↄ fↄkpàwá. 
\v 22 Lua gbɛ̃́ↄ fↄkpàwá ḿpii, atɛ̃sa an gbɛ̃́ pↄ́ kú Sezaa bɛↄ. 
\v 23 Dii Yesu Kilisi gbɛ̃kɛkɛɛ́ á nisĩnau.