\id HEB Hebrews in Boko, Ross Jones 2/08
\ide UTF-8
\h Ɛbɛluↄ
\toc1 Ɛbɛluↄ
\toc2 Ɛbɛluↄ
\toc3 Ɛbɛ
\mt1 ƐBƐLUƆ
\imt1 Yã́ pↄ́ kú láɛ bee guuↄ
\ip Kɛ́ wà íbɛlɛsɛ̀ ń Yesudeↄ, bee mɛ́ tò an gbɛ̃eↄ ye fu, ↄ̃ lápi kɛ̃na lɛ́ tɛ́kpańgu aa zɛ gbãa Dii náaikɛa guu. À mɛ̀ Kilisi zↄ̃ↄ dɛ malaikaↄ ń ãnabiↄla píi, mɛ́ zĩ pↄ́ a kɛ̀ gbɛ̃́pii yã́ musu dɛ an pↄ́la píi. Za lápi daalɛawa à mɛ̀ Lua azĩa ↄ̀lↄwɛ̃ɛ a nɛ́ Yesu Kilisi ũ (1.1-3). Lápi kpaalɛa lɛɛ pla:
\imq A sɛ̃́ia (1.4-10.18) lɛ́ Kilisi dɛa pↄ́piia yã́ bↄↄlɛkɛ. Ãnabiↄ ↄ̃ a dɛńla adoo (1.1), a dɛ malaikaↄla lↄɛ (1.4-2.18), a dɛ Mↄizi ń Yozueeola (3.1-4.13). A dɛ luabaakuańnↄ káau sa'onkiaↄla (4.14-7.28). À azĩa kpà sa'obↄ ũ à gà lipãakↄ̃awa gbɛ̃́piiɛ, ↄ̃ bee dɛ sa dasi pↄ́ Isailiↄ ò yãala píi (8.1-10.18). À zɛwɛ̃̀wɛ̃ɛ wà sↄ̃ Luazi, zɛ́ pↄ́ sa'oa pãle i e wɛ̃̀ yãao.
\imq A plaade (10.19-13.17) lɛ́ tɛ́kpawágu wà zɛ gbãa Yesu náaikɛa guu (10.19-39). Wekĩi luabaakuańnↄ káau luanaaikɛnaↄ yã́ kúu (lɛɛ 11). Àlɛ lɛdawá wà wɛ́pɛ Yesu Kilisiwa, kɛ́ wà e íbɛlɛsɛawanↄ fↄ̃ laaàwa (12.1-11). Lɛdama gbɛzãↄ ń gbɛ̃́ↄ gbaa laaio gbɛa (12.12-13.19), lápi kɛ̃na fↄkpàmá à báaadàńgu (13.20-25).
\c 1
\s1 Lua Nɛ́ dɛ malaikaↄla
\p
\v 1 Lua dↄ̀aa ãnabiↄnɛ yãa dodo dasi, ↄ̃ aa yã́zɛ ò wá deziↄnɛ dasi, 
\v 2 ãma aà Nɛ́ mɛ́ yã'òwɛ̃ɛ gↄↄ gbɛzãɛ beeↄ zĩ́ sa. Nɛ́pi sabai ↄ̃ Lua dṹnia kɛ̀, a dìlɛ ↄ̃mɛ a gↄ̃ pↄ́pii vĩ. 
\v 3 Ɔ̃mɛ Lua gawi tɛkɛa ũ, aà kua ũ zálala. Ɔ̃mɛ pↄ́pii kũa ń a yã'oa gbãao. Gbɛ̃́ↄ duunawoloa gbɛa à gɛ̀ zↄ̃̀lɛ musu Zↄ̃ↄde ↄplaai. 
\v 4 Lá tↄ́ pↄ́ a blè gbia dɛ malaikaↄ pↄ́a, màa aà zↄ̃ↄ dɛńla lↄ. 
\v 5 Lua yã́ɛ bee ò malaikaeɛ yãae?
\q1 Ma Nɛ́n n ũ, n Maen ma ũ gbã,\f + \fr 1.5 \fr*\ft Soũ 2.7\ft*\f*
\q1 ge mámɛ máↄ dɛ aà Mae ũ,
\q1 aàpi iↄ dɛ ma Nɛ́ ũ.\f + \fr 1.5 \fr*\ft 2Sam 7.14\ft*\f*
\m
\v 6 Kɛ́ Lua tò a yoa mↄ̀ dṹnia guu, à mɛ̀ a malaikaↄ kúlɛɛ̀ píi. 
\v 7 Malaikaↄ yã́ musu à mɛ̀,
\q1 i a ìwaↄ li ĩ́ana ũ,
\q1 i a zĩkɛnapiↄ li tɛ́vua ũ.\f + \fr 1.7 \fr*\ft Soũ 104.4\ft*\f*
\m
\v 8 Aà Nɛ́ yã́ musu sↄ̃, à mɛ̀:
\q1 Lua, ńyↄ̃ↄ zↄ̃lɛa báawa gↄↄpiiɛ,
\q1 niↄ n kíakɛ lípana kũa yã́zɛde ũ.
\q1
\v 9 Ń ye maakɛai, ń za vãikɛau.
\q1 A yã́i tò Lua, n Lua, n kpa kpalau,
\q1 à pↄna pìsima dɛ n gbɛ̃́ↄla.\f + \fr 1.9 \fr*\ft Soũ 45.7-8\ft*\f*
\m
\v 10 Wa ò lↄ:
\q1 Dii, n tↄↄlɛ kàlɛ asĩnizĩ,
\q1 musuá n ↄzĩkɛaɛ.
\q1
\v 11 Ampii aa gɛ̃, kási ńyↄ̃ↄ kuɛ.
\q1 Aa zikũ lán pↄkasawa,
\q1
\v 12 ní ń koo lán pɛwa,
\q1 ní ń lilɛ lán pↄkasawa.
\q1 Mpi sↄ̃ ńyↄ̃ↄ doũ gↄↄpiiɛ,
\q1 n gↄↄ láaa vĩo.\f + \fr 1.12 \fr*\ft Soũ 102.25-27\ft*\f*
\m
\v 13 À yã́ɛ bee ò malaikaeɛ yãae?
\q1 Zↄ̃lɛ ma ↄplaai
\q1 e màↄ n ibɛɛↄ kɛnɛ n gbadibↄ ũ.\f + \fr 1.13 \fr*\ft Soũ 110.1\ft*\f*
\m
\v 14 Malaikaↄá zĩkɛnaↄnɛ ḿpii, nisĩna pↄ́ Lua ì ń zĩ dↄi gbɛ̃́ pↄ́ aa bↄ ziaↄlɛɛ.
\c 2
\s1 Yesu gↄ̃a gbɛ̃nazĩna ũ láwáwa
\p
\v 1 Ayãmɛto wà yã́ pↄ́ wá mà kũ ↄplapla, kɛ́ wásu zã zɛ́wao yã́i. 
\v 2 Asa lá ikoyã pↄ́ malaikaↄ òá sĩanaɛ,\f + \fr 2.2 \fr*\ft Gal 3.19\ft*\f* mɛ́ wà fĩabò gbɛ̃́ pↄ́ gì mai aa pã̀aↄnɛ a zɛ́wa, 
\v 3 tó wi suabaa zↄ̃ↄpi yãda sao, wá bↄe? Suabayãpi bↄ̀ Dii kĩ́iɛ, ↄ̃ gbɛ̃́ pↄ́ màↄ a sĩanapìliwàwɛ̃ɛ. 
\v 4 Lua suabayãpi seela ↄ̀lↄnɛ́ yãbↄnsaɛↄ ń dabudabu dasi kɛaↄ guu ń a Nisĩna gba pↄ́ a bìilɛwɛ̃ɛ a pↄeãwao.
\p
\v 5 I kɛ malaikaↄ ↄ̃ Lua dṹnia zia pↄ́ wálɛ a yã'o nànɛ́ ń ↄzĩo. 
\v 6 A ku guei wà mɛ̀:
\q1 Bↄ́n gbɛ̃nazĩna ũ kɛ́ aà yã́ ìↄ dↄngui?
\q1 Bↄ́n aà ũ kɛ́ ni laaidↄwài?
\q1
\v 7 N aà kɛ̃̀sã malaikaↄzi gↄↄpla,
\q1 n aà kpà kpalau ń gawio ń bɛɛɛo.
\q1
\v 8 Ń tò pↄ́pii misìilɛɛ̀.\f + \fr 2.8 \fr*\ft Soũ 8.4-6\ft*\f*
\m Kɛ́ Lua tò pↄ́pii misìilɛɛ̀, i a kee to misiilɛaɛ̀ saio. Tia kɛ́wa, wi e pↄ́pii misìilɛɛ̀ gĩao, 
\v 9 wá è Yesu yã́ɛ. Lua aà kɛ̃̀sã malaikaↄzi gↄↄpla, kɛ́ Lua gbɛ̃kɛ guu aà ga gbɛ̃́pii gɛ̃ɛ ũ, ↄ̃ à aà kpà kpalau ń gawio ń bɛɛɛo ga taasi pↄ́ a kɛ̀ yã́i.
\p
\v 10 Lá pↄ́pii bↄ̀ Lua kĩ́i mɛ́ pↄ́pii dɛ aà pↄ́ ũ, kɛ́ a ye gɛ̃ ń gbɛ̃́ↄ a gawi guu dasi a nɛ́ↄ ũ, à kũ̀ aà to an Suabanki gↄ̃ wásawasa taasikɛa guuɛ. 
\v 11 Gbɛ̃́ pↄ́ lɛ́ gↄ̃ Lua pↄ́ ũↄ ń gbɛ̃́ pↄ́ lɛ́ ń kɛ Luapi pↄ́ ũo an de doũɛ. A yã́i tò aà ń sísia a dãunaↄ ũ lí aà wí kũo. 
\v 12 À mɛ̀:
\q1 Má n yã'o ma dãunaↄnɛ,
\q1 má n táasilɛ kↄ̃kãaa guu.\f + \fr 2.12 \fr*\ft Soũ 22.23\ft*\f*
\m
\v 13 À mɛ̀ lↄ:
\q1 Má aà náai vĩ.\f + \fr 2.13 \fr*\ft Isa 8.17\ft*\f*
\m À mɛ̀ lↄ:
\q1 Má kɛ́, ń nɛ́ pↄ́ Lua kpàaↄ.\f + \fr 2.13 \fr*\ft Isa 8.18\ft*\f*
\p
\v 14 Lá nɛ́piↄá gbɛ̃nazĩnaↄnɛ, màa aàpi sↄ̃ à gↄ̃̀ gbɛ̃nazĩna ũ láńwa, kɛ́ à ga, i Ibiisi pↄ́ ì ga gba zɛ́ kaalɛ, 
\v 15 i gbɛ̃́ pↄ́ aalɛ vĩakɛ gaɛ aa gↄ̃̀ a zↄↄ ũ e ń wɛ̃ni lɛ́uↄ bo. 
\v 16 Sĩana guu malaikaↄ ↄ̃ àlɛ ↄdamáo, Ablahaũ buiↄnɛ. 
\v 17 À kũ̀ aà gↄ̃ lá a dãunaↄwa yã́pii guuɛ, kɛ́ à gↄ̃ Sa'onkia sùuude náaide ũ Lua zĩ guu, i gbɛ̃́ↄ duuna kɛ̃́má. 
\v 18 Lá à taasikɛ̀ à yↄ̃a fↄ̃̀, a fↄ̃ dↄ gbɛ̃́ pↄ́ wàlɛ ń yↄ̃ↄlɛ.
\c 3
\s1 Yesu dɛ Mↄizila
\p
\v 1 Bee yã́i ma gbɛ̃́ↄ, á gbɛ̃́ pↄ́ Lua á sisi a mↄ aà kĩ́iↄ, à làasookɛ Yesu pↄ́ Lua aà zĩ̀ wá lousisizɛ Sa'onkia ũwa. 
\v 2 A náai vĩ Lua a dìlɛnaɛ, lá Mↄizi kuò Lua uawa.\f + \fr 3.2 \fr*\ft Nao 12.7\ft*\f* 
\v 3 Lá uakpana bɛɛɛ ìↄ dɛ uaa, màa Yesu gawi zↄ̃ↄ dɛ Mↄizi pↄ́a. 
\v 4 Ua píi a kpana vĩɛ, mɛ́ pↄ́pii Kalɛnan Lua ũ. 
\v 5 Mↄizi náai vĩ Lua ua zĩkɛna ũ yã́ pↄ́ a mↄ seela ũ. 
\v 6 Kilisi sↄ̃, uabelepi nɛ́ɛ. Luapi a ua nàɛ̀ aà ↄzĩɛ. Wámɛ wá uapi ũ, tó wá pↄ́ pↄ́ wá wɛ́ dↄi yã́ kũa ń sↄ̃o dilɛa ń pↄnao.
\s1 Lua gbɛ̃́ↄ kã́mabokĩi
\p
\v 7 A yã́i lá Lua Nisĩna òwa,
\q1 tó a Lua lↄↄ mà gbã,
\q1
\v 8 ásu swã́gbãakɛ lá á deziↄ kɛ̀ aa ma yↄ̃
\q1 gↄↄ pↄ́ aa bↄ̀ ma kpɛ guwaiwaiuwao.
\q1
\v 9 Baa kɛ́ aa ma yãkɛaↄ è wɛ̃̀ bla,
\q1 aa ma yↄ̃ we, aa ma gbãa lɛgwà.
\q1
\v 10 Ɔ̃ ma pↄ pà gbɛ̃́piↄzi,
\q1 ma mɛ̀ aaìↄ pãalɛmɛɛ gↄↄpiiɛ,
\q1 aa ma yã́ kũao.
\q1
\v 11 Ɔ̃ má ò ń mazĩao ń pↄfɛ̃o ma mɛ̀,
\q1 aa gɛ̃ ma kã́mabokĩiuo fá.\f + \fr 3.11 \fr*\ft Soũ 95.7-11\ft*\f*
\p
\v 12 Ma gbɛ̃́ↄ, à laaika á gbɛ̃e su àↄ sↄ̃̀ vãi luanaaikɛsai vĩ e aà gɛ kɛ̃ò Lua bɛ̃́ɛwao. 
\v 13 Gu pↄ́ ì dↄ, i mɛ gbã píi, àↄ lɛdakↄ̃wa, kɛ́ duuna su á gbɛ̃e sã́sã aà swã́ gbãakũo yã́i. 
\v 14 Asa Kilisi gbɛ̃́ↄn wá ũ, tó wá zɛa gbãa mɛ́ wá aà náai vĩ lá wá vĩ káauwa e a lɛ́wa. 
\v 15 Lá wa òwa,
\q1 tó a Lua lↄↄ mà gbã,
\q1 ásu swã́gbãakɛ lá á deziↄ kɛ̀
\q1 gↄↄ pↄ́ aa bↄ̀ ma kpɛwao.
\p
\v 16 Deↄ mɛ́ gbɛ̃́ pↄ́ aa Lua lↄↄ mà aa bↄ̀ aà kpɛↄ ũi, mɛ́ i kɛ gbɛ̃́ pↄ́ Mↄizi ń bↄ́lɛ Egipiↄ bàasio? 
\v 17 Deↄ Lua pↄ pàńzi e wɛ̃̀ blai, mɛ́ i kɛ gbɛ̃́ pↄ́ aa duunakɛ̀, an gɛ gↄ̃̀ kálɛ guwaiwaiuↄ bàasio? 
\v 18 Deↄ a ònɛ́ ń azĩao aa gɛ̃ a kã́mabokĩiuo ni, mɛ́ i kɛ gbɛ̃́ pↄ́ gì aà yãmaiↄ bàasio?\f + \fr 3.18 \fr*\ft Nao 14.26-35\ft*\f* 
\v 19 Wá è aai e gɛ̃̀uo an luanaaikɛsai yã́i.
\c 4
\p
\v 1 Lá gɛ̃a kã́mabokĩiu lɛ́ pↄ́ Lua gbɛ̃̀ gì ku, wà laaika kɛ́ wá gbɛ̃e su kuawào. 
\v 2 Asa wa baona mà láńwaɛ. Yã́ pↄ́ aa màpi i àikɛnɛ́o, kɛ́ aai ma ń luanaaikɛaoo yã́i. 
\v 3 Wá gbɛ̃́ pↄ́ wa yã́pi sìↄ, wi gɛ̃ kã́mabokĩi pↄ́ Lua a yã'ò guu à mɛ̀:
\q1 Má ò ń mazĩao ń pↄfɛ̃o ma mɛ̀,
\q1 aa gɛ̃ ma kã́mabokĩiuo.\f + \fr 4.3 \fr*\ft Soũ 95.11\ft*\f*
\m À yã́ bee ò, baa kɛ́ à a zĩ mìdɛ za dṹniakalɛgↄↄ, 
\v 4 asa wà gↄↄ soplade yã'ò guei wà mɛ̀, gↄↄ soplade zĩ́ Lua kã́mabò ń zĩ pↄ́ á kɛ̀o píi.\f + \fr 4.4 \fr*\ft Daa 2.2\ft*\f* 
\v 5 Wá mà tia à mɛ̀, aa gɛ̃ a kã́mabokĩiuo. 
\v 6 Lá gbɛ̃́ pↄ́ aa baonapi mà káauↄ i gɛ̃uo kɛ́ aai sio yã́i, ↄ̃ a gɛ̃a gↄ̃̀ gbɛ̃pãleↄnɛ. 
\v 7 Ɔ̃ Lua ɛ̀a gↄↄdìlɛ lↄ wì mɛ gbã, asa à gɛ̃̀gɛ̃ a gbɛa ↄ̃ à Davidi gbà lɛ́ a ò lá wa ò tiawa,
\q1 tó a Lua lↄↄ mà gbã,
\q1 ásu swã́gbãakɛo.
\p
\v 8 Tó Yozuee gɛ̃̀ńnↄ kã́mabokĩipiu yãa,\f + \fr 4.8 \fr*\ft Iko 31.7, Yoz 22.4\ft*\f* dↄ̃ Lua i gↄↄ pãle yã'o gbɛzão. 
\v 9 A yã́i tò kã́mabokĩi gↄ̃̀ Lua gbɛ̃́ↄnɛ. 
\v 10 Asa gbɛ̃́ pↄ́ gɛ̃̀ Lua kã́mabokĩiu kã́mabò ń a zĩoɛ, lá Lua kã́mabò ń a zĩowa. 
\v 11 Lá màaɛ, wà wɛtã wà gɛ̃ kã́mabokĩipiu, kɛ́ wá gbɛ̃e su gí Lua yãmai aà fu láńwao yã́i. 
\v 12 Lua yã́ bɛ̃́ɛ mɛ́ a gbãa, a lɛ́ na dɛ fɛ̃nda lɛkpɛplaa. Ì ń zↄ̃ à gɛ̃ nↄ̀sɛkpɛau e nisĩnau, ì gɛ̃ gupɛɛkĩiu e bↄ́ↄu, ì làasoo ń nↄ̀sɛ yã́o gwa. 
\v 13 Lua pↄkɛae ulɛaɛ̀o, a kee kpaaɛ̀ guio. Lua pↄ́ wá wá yã́ↄ sɛ́lɛ siuɛ̀, ì pↄ́pii e e a biwà.
\s1 Yesu dɛ sa'onkiaↄla
\p
\v 14 Lá wá Sa'onkia zↄ̃ↄ pↄ́ luabɛ kɛ̃̀aa e Lua kĩ́iu vĩ Lua Nɛ́ Yesu ũ, wàↄ zɛ́ pↄ́ wá sɛ̀ yã́ kũa gíũgiũ. 
\v 15 Asa wá Sa'onkia pↄ́ a fↄ̃ wɛ̃nadↄ̃wɛ̃ɛ wá gbãasaikɛ guu vĩ. Wà aà yↄ̃̀ láwáwa yã́pii guu, i duunakɛo. 
\v 16 Ayãmɛto wà sↄ̃ Lua gbɛ̃kɛkɛnɛde kpalabaai ń sↄ̃o dilɛa, kɛ́ aà wá wɛgwa, i gbɛ̃kɛkɛwɛ̃ɛ a gↄↄwa.
\c 5
\p
\v 1 Wì Lua ua sa'onkia píi sɛ́ gbɛ̃́ↄ guuɛ, wì aà dilɛ ń yãkɛkɛna ũ Lua kĩ́i, iↄ mↄɛ̀ ń gbaↄ, iↄ aà gbagbanɛ́ ń duuna yã́i. 
\v 2 A fↄ̃ dↄ̃ ń gbɛ̃́ pↄ́ aa sã̀sã an dↄ̃saikɛ guuↄ, asa aàpi kú ń gbãasaikɛo sↄ̃ɛ. 
\v 3 A yã́i sema aà sa'o azĩa duuna yã́ musu, lá ì o gbɛ̃́ kĩniↄ pↄ́ yã́ musuwa lↄ.\f + \fr 5.3 \fr*\ft Lev 9.7\ft*\f* 
\v 4 Gbɛ̃e lí azĩa kpa kpalapiuo. Lua mɛ́ ì aà kpá lá à Aalona kpàwa.\f + \fr 5.4 \fr*\ft Bↄa 28.1\ft*\f*
\p
\v 5 Màa sↄ̃ Kilisi i azĩa kpa sa'onkia kpalauo, Lua mɛ́ aà kpàu à mɛ̀:
\q1 Ma Nɛ́n n ũ, n Maen ma ũ gbã.\f + \fr 5.5 \fr*\ft Soũ 2.7\ft*\f*
\m
\v 6 A ò guei lↄ:
\q1 Ńyↄ̃ↄ dɛ sa'ona ũ gↄↄpii
\q1 lán Mɛkizɛdɛwaɛ.\f + \fr 5.6 \fr*\ft Soũ 110.4\ft*\f*
\p
\v 7 Gↄↄ pↄ́ Yesu kú dṹnia guu, à wabikɛ̀ ń wii gbãao ń wɛ́'io,\f + \fr 5.7 \fr*\ft Mat 26.36-46\ft*\f* à kulɛkɛ̀ Lua pↄ́ a fↄ̃ à a si gawaɛ, ↄ̃ Luapi aà yãmà, kɛ́ ì a yã́ da yã́i. 
\v 8 Baa ń aà luanɛkɛo, à misiilɛa Luaɛ dàda a taasikɛa guu. 
\v 9-10 Kɛ́ maa pɛ̀ɛwà à làa, Lua aà kpà Sa'onkia ũ lán Mɛkizɛdɛwa, ↄ̃ à gↄ̃̀ suabaa láasai mi ũ gbɛ̃́ pↄ́ aalɛ a yãmaↄnɛ píi.
\s1 Laaikaa fuai
\p
\v 11 Yã́ bee musu wá yãvĩ dasi wà oɛ́, ãma a bↄↄlɛkɛa zĩ'ũɛ, asa ili yã́zɛdↄ̃ kpaa lↄo. 
\v 12 Á gbɛ̃́ pↄ́ a gɛ̃gɛ̃u kɛ́wa, a maa àↄ dɛ yãdanɛdeↄ ũɛ, ãma e tia á dɛ wà ɛa Lua yã́ pↄ́ wì dada gbɛ̃́ dafuↄnɛ daɛ́ lↄɛ. Yↄ̃́ mɛ́ kↄ̃sìánↄ, i ka yↄ̃unableao.\f + \fr 5.12 \fr*\ft 1Kln 3.2\ft*\f* 
\v 13 Asa yↄ̃mina píiá nɛ́ɛ, i ka guei yã́zɛde guuo. 
\v 14 Yↄ̃una sↄ̃, gbɛ̃́ kàsaa pↄ́ aa dↄ́ɛkɛ̀òↄ pↄ́ɛ. Aa maa dↄ̃akↄ̃ɛ ń vãio dàda.
\c 6
\p
\v 1 Ayãmɛto wà Kilisi yã́ sɛ̃́iaↄ kpa saalo, wí gɛ́ aɛ e wà gↄ̃ gbɛ̃́ kàsaaↄ ũ. I kɛ wá ɛa mikɛ̃a yã́ gianaↄwa ge luanaaikɛa daalɛ lↄ no 
\v 2 ge da'ilɛ yãdadaa ge ↄnaama ge gɛↄ vua ge zia yã́kpalɛkɛa. 
\v 3 Wà yã́ beeↄ kpa saalo, wí gɛ́ aɛ, tó Lua wèi. 
\v 4 Asa tó gbɛ̃́ wɛ́ kɛ̃̀ à Lua gba è, mɛ́ à baa è Lua Nisĩna guu, 
\v 5 tó à Lua yã́ ń dṹnia pↄ́ lɛ́ mↄ́ gbãao ìɛ à a na dↄ̃̀, 
\v 6 tó à gbàsa fù, a zɛ́ kú à ɛa nↄ̀sɛlilɛ lↄo, asa àlɛ Lua Nɛ́ páliwa azĩa lↄɛ, àlɛ widawà gupuauɛ. 
\v 7 Tó lou lɛ́ ma tↄↄlɛwa mↄ̀ↄmↄↄ, àlɛ mↄ̀sɛ e, mɛ́ à pↄ́ pↄ́ àikɛ̀ sɛ̃̀wanaↄnɛ bↄ̀lɛ, Lua ì báaadau. 
\v 8 Tó lɛ ń lɛaao ì bↄlɛ sↄ̃, a giaɛ, a zã̀ ń lɛkɛaɛoo.\f + \fr 6.8 \fr*\ft Daa 3.17-18\ft*\f* A midɛ ń tɛ́oɛ.
\p
\v 9 Ápiↄ sↄ̃ ma gbɛ̃́ yenzideↄ, baa kɛ́ wá ò màa, wá dↄ̃ kɛ́ á kua dɛ beea, á kú suabazɛ guu. 
\v 10 Lua ì yãkɛ a zɛ́wa, á yãkɛaↄ ń á yeaaàzio a sãaàguo, asa a dↄnlɛkɛ̀ aà gbɛ̃́ↄnɛ, mɛ́ álɛ kɛ e tia. 
\v 11 Wá ye á baade àↄ ãiavĩ màa e a lɛ́wa, kɛ́ ásu seakɛ pↄ́ pↄ́ á wɛ́ dↄi yã́ musuo. 
\v 12 Ásu tó á mɛ kɛ kpɛ̀lɛo. À gbɛ̃́ pↄ́ aalɛ Lua náaikɛ ń mɛnao aalɛ pↄ́ pↄ́ Lua a lɛgbɛ̃̀ eↄ ↄlɛsɛ́.
\s1 Lɛ́ pↄ́ Lua gbɛ̃̀ sea vĩo
\p
\v 13 Gↄↄ pↄ́ Lua lɛ́ lɛgbɛ̃ Ablahaũɛ, lá gbɛ̃e ku dɛaàla aà lɛgbɛ̃ ń aà tↄ́oo, a yã́i a gbɛ̃̀ ń azĩa tↄ́o, 
\v 14 a òɛ̀ faaisai à mɛ̀ á báaadaaàgu, í to aà bui kↄ̃́.\f + \fr 6.14 \fr*\ft Daa 22.16-17\ft*\f* 
\v 15 Ablahaũ mɛnakɛ̀, ↄ̃ à pↄ́ pↄ́ Lua a lɛgbɛ̃̀ è. 
\v 16 Wì lɛgbɛ̃ ń gbɛ̃́ pↄ́ dɛńla tↄ́oɛ. Lɛgbɛ̃a mɛ́ ì to wà yã́ sĩana dↄ̃, mɛ́ ì lɛkpaa bↄaanɛ́. 
\v 17 Kɛ́ Lua ye ↄlↄ gbɛ̃́ pↄ́ a lɛgbɛ̃a a gↄ̃ ń pↄ́ ũↄnɛ wásawasa a lɛ́ lilɛa vĩo, ↄ̃ a ò ń azĩao. 
\v 18 Beewa yã́ mɛ̀n pla ku a lilɛa vĩo, Lua a fↄ̃ ɛɛto a musuo. Yã́piↄ lɛ́ wá gbɛ̃́ pↄ́ wa naaàziↄ gba sↄ̃ maamaaɛ wàↄ yã́ pↄ́ wá wɛ́ dↄi kũa seasai. 
\v 19 Bee ↄ̃ wá wɛ́ dↄi wá wɛ̃nidↄbↄ ũ. A náai vĩ mɛ́ a gbãa, ì zwãa pↄ́ daa Lua kpɛ́u\f + \fr 6.19 \fr*\ft Lev 16.2\ft*\f* baavĩwanↄ, 
\v 20 gu pↄ́ Yesu dↄ̀aa gɛ̃̀uwɛ̃ɛ à gↄ̃̀ Sa'onkia ũ e gↄↄpii lán Mɛkizɛdɛwa.
\c 7
\s1 Sa'onkia Mɛkizɛdɛ
\p
\v 1 Mɛkizɛdɛpi dɛ yãa Salɛma kía, Lua Musude sa'ona ũɛ. Gↄↄ pↄ́ Ablahaũ zĩblè kíaↄwa, àlɛ su, ↄ̃ Mɛkizɛdɛ gɛ̀ dàaàlɛ, à báaadàaàgu.\f + \fr 7.1 \fr*\ft Daa 14.17-20\ft*\f* 
\v 2 Ablahaũ àizɛɛ pↄ́ àlɛ suò píi kwide kpàwà. Mɛkizɛdɛ tↄ́ bee mɛ̀ yãmaa kía. Bee gbɛa Salɛma kía bee mɛ̀, aafia kía. 
\v 3 A de ń dao ń deziↄ vĩo, aà wɛ̃ni daalɛa ge midɛa vĩo. À bↄ̀ lán Lua Nɛ́waɛ, sa'onan aà ũ gↄↄpii.
\p
\v 4 À gwa lá a zↄ̃ↄ. Wá dezi káau Ablahaũ àizɛɛ pↄ́ a sɛ̀lɛ zĩ guu kwide kpàwà. 
\v 5 Mↄizi ikoyã dìlɛ Levii bui pↄ́ dɛ sa'ona ũↄnɛ aa pↄ́ kwide sí ń Isaili deeↄwa,\f + \fr 7.5 \fr*\ft Nao 18.21\ft*\f* baa ń ń Ablahaũ buikɛo. 
\v 6 Mɛkizɛdɛá Levii bui no. Ń beeo à Ablahaũ pↄ́ↄ kwide sì à samaa'ò Ablahaũ pↄ́ Lua lɛgbɛ̃̀ɛ. 
\v 7 Seasai gbɛ̃́ pↄ́ samaa'ò gbɛ̃́ɛ zↄ̃ↄ dɛ gbɛ̃́ pↄ́ à samaa'òɛlaɛ. 
\v 8 Sa'ona pↄ́ aaì pↄ́ kwide sipiↄá gbɛ̃́ pↄ́ ì gaↄnɛ. Mɛkizɛdɛ sↄ̃, gbɛ̃́ pↄ́ wà mɛ̀ ìↄ ku gↄↄpiin aà ũ. 
\v 9-10 Gↄↄ pↄ́ Mɛkizɛdɛ gɛ̀ dà Ablahaũlɛ, wi Levii i yãao, a ku a dezi mae Ablahaũ plɛuɛ. Ayãmɛto wa fↄ̃ o se, gↄↄ pↄ́ Ablahaũ pↄ́ kwidepi kpà, Levii bui pↄ́ wì pↄ́ kwide kpámáↄ mɛ́ kpà.
\p
\v 11 Levii bui sa'onapiↄ mɛ́ Mↄizi ikoyã zĩ́na ũ. Tó aa fↄ̃ to gbɛ̃́ↄ gↄ̃ wásawasa, an bàa àↄ kú ń sa'on pãleo lán Mɛkizɛdɛwa lↄe? Mɛ́ i kɛ Aalona bui bàasio. 
\v 12 Tó sa'onaↄ lìlɛ, sema ikoyã lilɛ. 
\v 13 Gbɛ̃́ pↄ́ wà yã́ beeↄ ò aà yã́ musuá Isaili bui pↄ́ a gbɛ̃e i sa'ozĩ kɛ yãaoɛ. 
\v 14 Asa wá dↄ̃ sã́asã kɛ́ wá Dii bↄ̀ Yuda bui guuɛ. Wi ma Mↄizi sa'oyã'ò buipi musuo. 
\v 15 Yã́ pↄ́ yã́pi zu'òn kɛ: Sa'on pãle bↄ̀ lán Mɛkizɛdɛwaɛ. 
\v 16 Aà dilɛaá ikoyã ge buikɛyã no. Aà wɛ̃ni láasai gbãa yã́iɛ. 
\v 17 Asa wà mɛ̀:
\q1 Ńyↄ̃ↄ dɛ sa'ona ũ gↄↄpii
\q1 lán Mɛkizɛdɛwaɛ.\f + \fr 7.17 \fr*\ft Soũ 110.4\ft*\f*
\m
\v 18 Màa wà yã́ káau bãdɛ̀, kɛ́ a gbãao mɛ́ a ku a kee lɛ́io. 
\v 19 Asa Mↄizi ikoyã i to gbɛ̃e gↄ̃̀ wásawasao. Ɔ̃ wà suabayã pↄ́ dɛ a káaula zɛbↄ̀wɛ̃ɛ wà sↄ̃ò Luazi.
\p
\v 20 Bee gbɛa Lua i bee kɛ lɛgbɛ̃saio. Gbɛ̃́ kĩniↄ gↄ̃̀ sa'onaↄ ũ lɛgbɛ̃saiɛ, 
\v 21 ãma Yesu gↄ̃̀ sa'ona ũ ń lɛgbɛ̃aoɛ, asa wà mɛ̀:
\q1 Dii lɛgbɛ̃̀, a lɛlilɛo,
\q1 à mɛ̀ ńyↄ̃ↄ dɛ sa'ona ũ gↄↄpiiɛ.\f + \fr 7.21 \fr*\ft Soũ 110.4\ft*\f*
\m
\v 22 Beewa Yesu kpɛ́gaausìwɛ̃ɛ kɛ́ Lua bàa kua ń gbɛ̃́ↄ tia maa dɛ a káaua. 
\v 23 Bee gbɛa sa'onaↄ dasi yãa, kɛ́ ga lí to aaↄ kú ń zĩ guu gↄↄpiio yã́i. 
\v 24 Ãma lá Yesu ìↄ ku gↄↄpii, aà sa'onkɛ gɛ̃ɛblea vĩo. 
\v 25 A yã́i tò a fↄ̃ gbɛ̃́ pↄ́ aaì sↄ̃ Luazi ń a gbãaoↄ suaba wásawasa, asa ìↄ ku gↄↄpiiɛ, ìↄ kulɛkɛnɛ́ Luaɛ.
\p
\v 26 Sa'onkia bee taa mɛ́ kↄ̃sìwanↄ. Aà kua adoaɛ. A yãvãi ge gbãsĩ vĩo. Lua aà kɛ̃̀ duunkɛnaↄwa, à aà sɛ̀ musumusu e a kĩ́i. 
\v 27 Aà bàa kú ń sa'oa lá gu lɛ́ dↄo lán sa'onkia kĩniↄwao. Gbɛ̃́piↄ ì sa'o ńzĩa duuna yã́i ń ń gbɛ̃́ↄ pↄ́ↄ.\f + \fr 7.27 \fr*\ft Lev 9.7\ft*\f* Aàpi sↄ̃ a kɛ̀ gɛ̃n doɛ, kɛ́ à azĩa kpà. 
\v 28 Mↄizi ikoyã ì gbɛ̃́ↄ kpa sa'onkiaↄ ũ an gbãasaikɛ guuɛ, ãma kɛ́ Lua lɛgbɛ̃̀ ikoyãpi dilɛa gbɛa, ↄ̃ à a Nɛ́ pↄ́ gↄ̃̀ wásawasa e gↄↄpii kpà.
\c 8
\s1 Yesu mɛ́ wá Sa'onkia ũ
\p
\v 1 Yã́ pↄ́ wálɛ o min kɛ: Wá sa'onkia bee taa vĩ zↄ̃lɛa báawa musu Lua Zↄ̃ↄde ↄplaai.\f + \fr 8.1 \fr*\ft Zĩn 2.32-33\ft*\f* 
\v 2 Ì zĩkɛ luakukĩi zwã̀akpɛ sĩana pↄ́ Dii dↄ̀u, i kɛ pↄ́ pↄ́ gbɛ̃nazĩnaↄ dↄ̀ no. 
\v 3 Lá mↄa ń gbaↄ ń sa'oao yã́i wì sa'onkia píi kpái, a maa aàpi aàↄ pↄ́ vĩ à kpa sↄ̃ɛ. 
\v 4 Tó a ku dṹniau, àↄ dɛ sa'ona ũo, asa sa'ona pↄ́ aaì mↄ́ ń gbaↄ lá ikoyã dìlɛwaↄ ku kↄ̀. 
\v 5 Zĩ pↄ́ aalɛ kɛá pↄ́ pↄ́ kú musu taaɛ, a zↄzↄnaɛ. A yã́i tò, kɛ́ Mↄizi ye zwã̀akpɛ dↄ, Lua òɛ̀ aà pↄ́ pↄ́ a a taa kɛ̀ɛ̀ gbɛ musu kɛ màa píi.\f + \fr 8.5 \fr*\ft Bↄa 25.40\ft*\f* 
\v 6 Yesuá Lua bàakuawanↄ kↄ́ↄɛ. Lá Lua bàakuawanↄpi gbia dɛ aà bàa kua ń gbɛ̃́ↄ káaua, zĩ pↄ́ wa dàɛ̀ gbia dɛ sa'onkiapiↄ pↄ́a. Lua bàakuawanↄpi lɛgbɛ̃a dɛ a zia lↄ. 
\v 7 Tó Luabaakuańnↄ káaupi papaa yãaɛ, a plaade a zɛkɛo. 
\v 8 Kɛ́ Dii Isailiↄ tàae è, à mɛ̀:
\q1 A gↄↄ lɛ́ mↄ́ kɛ́ má yã́ dafu dilɛ
\q1 ma bàa kua ń Isailiↄ ń Yudaↄ musu.
\q1
\v 9 Aↄ dɛ lán yã́ pↄ́ má dìlɛ an deziↄnɛ
\q1 gↄↄ pↄ́ ma ń kṹ ń ↄwa ma ń bↄ́lɛ Egipiwao.
\q1 Asa aai zɛ ń yã́ pↄ́ má dìlɛnɛ́oo,
\q1 ↄ̃ ma ń tó we.
\q1
\v 10 Ma bàa kua ń Isailiↄ gↄↄ beeↄ gbɛa yã́n kɛ:
\q1 Má a ikoyãↄ danɛ́ ń nↄ̀sɛ guu,
\q1 má kɛ̃́ ń sↄ̃wa.
\q1 Máↄ dɛ ń Lua ũ,
\q1 aaiↄ dɛ ma gbɛ̃́ↄ ũ.
\q1
\v 11 An gbɛ̃e a yãdada a deeɛo,
\q1 an gbɛ̃e a ma dↄ̃a da a gbɛ̃́ɛo,
\q1 asa ampii aaↄ ma dↄ̃ɛ,
\q1 nɛ́fɛ̃nɛn gbɛ̃zↄ̃ↄ píi.
\q1
\v 12 Má sùuukɛńnↄ ń ń tàaeↄ,
\q1 má ń duuna yãda lↄo.\f + \fr 8.12 \fr*\ft Zel 31.31-34\ft*\f*
\m
\v 13 Kɛ́ Lua yã́ dafupi ò, à a káau zibòɛ. Pↄ́ pↄ́ zikũ̀ a í kↄ̀lɛ, a kpaa gui zã̀o.
\c 9
\s1 Luabaakuańnↄ káau sa'oa
\p
\v 1 Luabaakuańnↄ káau yãdilɛaↄ vĩ aà sísia ń aà sísikĩi pↄ́ kú tↄↄlɛo yã́ musu. 
\v 2 Filia ń táabũnu pↄ́ wì kàa kálɛwà Luaɛo\f + \fr 9.2 \fr*\ft Bↄa 25.33-40\ft*\f* ku kpɛɛlɛ pↄ́ wì mɛ gu pↄ́ a kua adoau. 
\v 3 Kpɛa pↄ́ wì mɛ luakukĩipi ku zwã̀a plaade kpɛ.\f + \fr 9.3 \fr*\ft Bↄa 26.33\ft*\f* 
\v 4 A guu tulaletikatɛakĩi\f + \fr 9.4 \fr*\ft Bↄa 30.1-6\ft*\f* pↄ́ wa pì ń vuao kuu ń Luabaakuańnↄ kpagolo pↄ́ vua kúlɛwà búlubuluo.\f + \fr 9.4 \fr*\ft Bↄa 25.10-16\ft*\f* Vua lo pↄ́ mana ku a guu ku kpagolopi guu\f + \fr 9.4 \fr*\ft Bↄa 16.33\ft*\f* ń Aalona go pↄ́ labↄ̀o\f + \fr 9.4 \fr*\ft Nao 17.18-20\ft*\f* ń Lua yãdilɛa gbɛ̀ pɛ̀pɛɛↄ.\f + \fr 9.4 \fr*\ft Iko 10.3-5\ft*\f* 
\v 5 Kpagolopi musu malaika gã̀sĩade gawideↄ kua duunkɛ̃makĩia.\f + \fr 9.5 \fr*\ft Bↄa 25.18-22\ft*\f* Pↄ́piↄ bↄↄlɛkɛa dodo gↄↄn lao.
\p
\v 6 An kálɛa màa guu, sa'onaↄ ìↄ gɛ̃ a kpɛɛlɛ mↄ̀ↄmↄↄ ń sa'ozĩ kɛi.\f + \fr 9.6 \fr*\ft Nao 18.2-6\ft*\f* 
\v 7 Sa'onkia mɛ́ ì gɛ̃ a kpɛa wɛ̃̀ do gɛ̃n do, mɛ́ ìli gɛ̃ ausaio.\f + \fr 9.7 \fr*\ft Lev 16.2-34\ft*\f* Ì aupi fã́fã azĩa duuna yã́i ń a gbɛ̃́ↄ pↄ́ pↄ́ aa kɛ̀ dↄ̃saikɛ guuo. 
\v 8 Lua Nisĩna lɛ́ ↄlↄwɛ̃ɛ gↄↄ pↄ́ kpɛ́pi kpɛɛlɛ yã́ kú, luakukĩi zɛ́ wɛ̃ao. 
\v 9 Bee lɛ́ yãlɛɛũwɛ̃ɛ ń tia yã́o à mɛ̀, pↄ́ pↄ́ wì Lua gbaↄ ń sa'obↄ pↄ́ wì kpaↄ lí fↄ̃ ń nↄ̀sɛ dànɛ́ doũ wásawasao. 
\v 10 Yã́ beeↄá mɛkaa yã́ɛ. Pↄblea ń imiao ń gbãbↄa bui dasio yã́ɛ. Wa dìlɛ e zɛ́ dafu gↄↄ àↄ kaɛ.
\p
\v 11 Ɔ̃ Kilisi mↄ̀ yãmaa pↄ́ kà tia sa'onkia ũ. À vĩ̀ zwã̀akpɛ pↄ́ zↄ̃ↄ mɛ́ a wásawasa dɛ a káaua kpɛɛlɛa. Gbɛ̃nazĩna mɛ́ i dↄo, dṹniaɛ bee pↄ́ no. 
\v 12 I gɛ̃ luakukĩi ń ble ge zu auoo, à gɛ̃̀ ń azĩa auo gɛ̃n doɛ, à gbɛ̃́ↄ bòò e gↄↄpii. 
\v 13 Lá wì ble ń zuswanao au\f + \fr 9.13 \fr*\ft Lev 16.15-16\ft*\f* ń zununu túfuo\f + \fr 9.13 \fr*\ft Nao 19.9, 17-19\ft*\f* fã gbɛ̃́ pↄ́ gbãlɛ̀ↄwa wà gbãbↄnɛ́, 
\v 14 wa Kilisi pↄ́ o lↄe? À azĩa kpà Luawa sãasai ń Nisĩna pↄ́ ìↄ ku gↄↄpii gbãao. Aà au ì wá sↄ̃ pípiwɛ̃ɛ yã́ gianaↄ làasoo musu, kɛ́ wà zĩkɛ Lua bɛ̃́ɛɛ.
\s1 Luabaakuańnↄ gbɛzã sa'oa
\p
\v 15 Ayãmɛto Kilisiá Lua bàa kua ń gbɛ̃́ↄ gbɛzã kↄ́ↄɛ, kɛ́ gbɛ̃́ pↄ́ Lua ń sisiↄ àizãna pↄ́ à a lɛgbɛ̃̀ e yã́i. À gà kɛ́ à ń bo, i tàae pↄ́ aa kɛ̀ Luabaakuańnↄ káau yã́ musuↄ kɛ̃́má. 
\v 16 Tó wa ye zĩkɛ lɛgbɛ pↄ́ gbɛ̃́ dilɛwa, sema wà dↄ̃ kɛ́ ade ku lↄo, 
\v 17 asa ga gbɛa ↄ̃ lɛgbɛ ìↄ gbãa vĩ. Tó lɛgbɛdilɛna bɛ̃́ɛ, lɛgbɛ líↄ gbãao. 
\v 18 Ayãmɛto wà yã́ pↄ́ Lua dìlɛnɛ́ káaupi sakɛ̃̀ ń auo. 
\v 19 Kɛ́ Mↄizi ikoyã pↄ́ Lua dìlɛↄ ò gbɛ̃́pii wáa, à sãkã tɛ̃a ń ése ṹao sɛ zↄ̃̀ gáaena ń blesanao au yãalɛa ń íowa, a fã̀ Mↄizi ikoyãwa ń gbɛ̃nazĩnaↄ píi 
\v 20 à mɛ̀ bee mɛ́ Luabaakuańnↄ yã́ sa'o'au ũ.\f + \fr 9.20 \fr*\ft Bↄa 24.6-8\ft*\f* 
\v 21 Màa Mↄizi au fã̀ zwã̀akpɛwa ń sa'o zĩkɛbↄↄ píi.\f + \fr 9.21 \fr*\ft Lev 8.15\ft*\f* 
\v 22 Ikoyã guu au mɛ́ ì gbãbↄ pↄ́ daside píiɛ. Aubↄlɛsai duunakɛ̃amá kuo.\f + \fr 9.22 \fr*\ft Lev 17.11\ft*\f*
\s1 Kilisi duuna midɛa azĩa kpaa sa'obↄ ũ guu
\p
\v 23 Lá à kũ̀ wà gbãbↄ pↄ́ pↄ́ kú luabɛ taapiↄnɛ beewa, sa'obↄ pↄ́ a maa dɛ beea kↄ̃sì ń luabɛ pↄ́piↄɛ. 
\v 24 Asa Kilisi i gɛ̃ luakukĩi taa pↄ́ gbɛ̃nazĩna dↄ̀uo, à gɛ̃̀ a sĩanau luabɛɛ, kɛ́ àↄ ku tia wá Zɛnnↄde ũ Lua kĩ́iɛ. 
\v 25 Sa'onkia ì gɛ̃ luakukĩi ń pↄtuo auo wɛ̃ ń wɛ̃oɛ, ãma Kilisi i gɛ̃ azĩa kpaa mↄ̀ↄmↄↄ yã́io. 
\v 26 Tó beewaɛ, dↄ̃ àlɛ taasikɛ mↄ̀ↄmↄↄ za dṹniakalɛgↄↄ. Sĩana guu à mↄ̀ gɛ̃n doɛ gↄↄ pↄ́ dṹnia kà a kákĩi, à azĩa kpà sa'obↄ ũ à duuna mìdɛò. 
\v 27 Lá Lua dìlɛ gbɛ̃nazĩna lí ga gɛ̃n do, i gbasa yã́kpalɛkɛaànↄ, 
\v 28 màa Kilisi azĩa kpà gɛ̃n do, à dasi duuna dì a miwa.\f + \fr 9.28 \fr*\ft Isa 53.12\ft*\f* A ɛa mↄ a gɛ̃n plaadei, i kɛ duuna yã́n lↄo, kɛ́ à gbɛ̃́ pↄ́ an wɛ́ dↄaziↄ suaba yã́iɛ.
\c 10
\p
\v 1 Mↄizi ikoyãá yãmaa pↄ́ lɛ́ mↄ́ nisĩnaɛ, i kɛ yã́piɛ súsuo. A yã́i tò sa doũpi oa mↄ̀ↄmↄↄ wɛ̃ ń wɛ̃o lí fↄ̃ gbɛ̃́ pↄ́ lɛ́ sↄ̃ Luaziↄ gↄ̃̀ wásawasa bauo. 
\v 2 Tó sa bee oa gbãbↄ̀ lousisinaↄnɛ gɛ̃n do e gↄↄpiiɛ, dↄ̃ an nↄ̀sɛ dàdoũ, aa a oa tò. 
\v 3 Sĩana guu sa'oapi mɛ́ ìↄ gbɛ̃́ↄ duuna yã́ dↄńgu wɛ̃ ń wɛ̃o. 
\v 4 Asa zuswana ń blesanao au lí fↄ̃ duunakɛ̃̀má bauo. 
\v 5 A yã́i tò, kɛ́ Kilisi lɛ́ mↄ́ dṹnia guu, a ò Luaɛ:
\q1 Ń ye sa'oa ge gbaio,
\q1 ↄ̃ n mɛ dↄ̀mɛɛ.
\q1
\v 6 Sa pↄ́ wì a pↄ́ kátɛu à tɛ́kũ
\q1 ń sa pↄ́ wì o duuna yã́ musuo lí kánguo.
\q1
\v 7 Ɔ̃ ma mɛ̀, má kɛ́!
\q1 Lua, ma mↄ n pↄeã kɛiɛ,
\q1 lá wa kɛ̃̀ Mↄizi ikoyãu ma yã́ musuwa.\f + \fr 10.7 \fr*\ft Soũ 40.7-9\ft*\f*
\m
\v 8 A ò gĩa, sa'oa ń gbao ń sa pↄ́ wì a pↄ́ kátɛu à tɛ́kũo ń sa pↄ́ wì o duuna yã́ musuo lí ká Luaguo, a yeio, baa kɛ́ ikoyã mɛ́ dìlɛ. 
\v 9 Ɔ̃ à gbàsa mɛ̀, á kɛ́, a mↄ aà pↄeã kɛiɛ. Màa à a káau bãdɛ̀ a plaade dilɛa yã́i. 
\v 10 Lua pↄeãpi kɛa guu Yesu Kilisi azĩa kpà sa'obↄ ũ gɛ̃n do, a tò wá kua adoa Lua gbɛ̃́ↄ ũ.
\p
\v 11 Gↄↄpii sa'onaↄ ìↄ kú ń zĩ guuɛ, aaↄ sa doũ pↄ́ lí fↄ̃ duunakɛ̃̀má bauo o mↄ̀ↄmↄↄ.\f + \fr 10.11 \fr*\ft Bↄa 29.38\ft*\f* 
\v 12 Kilisi sↄ̃ à sa'ò duuna yã́ musu gɛ̃n doɛ e gↄↄpii, ↄ̃ à gɛ̀ zↄ̃̀lɛ Lua ↄplaai. 
\v 13 Za gↄↄ bee àlɛ dã́ we e Lua àↄ a ibɛɛↄ kɛɛ aà gbadibↄ ũ.\f + \fr 10.13 \fr*\ft Soũ 110.1\ft*\f* 
\v 14 Asa sa gɛ̃n do oapi guu, a tò gbɛ̃́ pↄ́ a gbãbↄ̀nɛ́ↄ gↄ̃̀ wásawasa e gↄↄpii. 
\v 15 Lua Nisĩna lɛ́ yã́pi owɛ̃ɛ lↄ à mɛ̀:
\q1
\v 16 Ma bàakuańnↄ gↄↄ beeↄ gbɛa yã́n kɛ:
\q1 Má a ikoyãↄ danɛ́ ń nↄ̀sɛ guu,
\q1 má kɛ̃́ ń sↄ̃wa.\f + \fr 10.16 \fr*\ft Zel 31.33\ft*\f*
\m
\v 17 Ɔ̃ à gbàsa mɛ̀:
\q1 Má ń duuna ń ń tàaeↄ yãda lↄo.\f + \fr 10.17 \fr*\ft Zel 31.34\ft*\f*
\m
\v 18 Lá à ń duuna kɛ̃̀má, sa'oa ń yã́i zɛvĩ lↄo.
\s1 Sↄ̃a Luazi
\p
\v 19 A yã́i tò ma gbɛ̃́ↄ, ń Yesu au gbãao wá gɛ̃a luakukĩi zɛ́ vĩ ń sↄ̃o dilɛa. 
\v 20 À wɛ̃ni zɛ́ dafu pↄ́ Lua kpɛ́ zwãa baa vĩ̀ bↄ̀wɛ̃ɛ a mɛ guu. 
\v 21 Lá wá sa'on zↄ̃ↄ vĩ Lua uakũna ũ, 
\v 22 wà sↄ̃ Luazi ń nↄ̀sɛmɛndoo ń aà náaikɛa seasaio ń sↄ̃ pↄ́ wa pìpi wà làasoo vãi bↄ̀uo ń mɛ pↄ́ wà a zu'ò ń í wásawasaoo.\f + \fr 10.22 \fr*\ft Lev 8.30, Eze 36.25\ft*\f* 
\v 23 Wàↄ zia'ea yã́ pↄ́ wa zɛò kũa sↄ̃̀deedeesai, asa Lua a lɛgbɛ̃̀, mɛ́ náaideɛ. 
\v 24 Wà laaidↄkↄ̃wa, wí tɛ́kpakↄ̃u yeakↄ̃i ń maakɛao yã́ musu. 
\v 25 Wásu pãkpa wá kↄ̃kãaakɛai lá gbɛ̃eↄ ì kɛwao. Wà lɛdakↄ̃wa, atɛ̃sa lá á è Dii mↄgↄↄ lɛ́ kãikũ.
\p
\v 26 Tó wa sĩana mà mɛ́ wá dↄ̃̀, tó wa gi lɛ́ duunakɛ, sa'oae ku à duunakɛ̃wá lↄo. 
\v 27 Pↄ́ pↄ́ gↄ̃̀wɛ̃ɛ mɛ́ dɛ yã́kpalɛ ń sↄ̃kɛ̃nguo ń tɛ́ gbãa pↄ́ a Lua ibɛɛↄ kaalɛo dãa ũ.\f + \fr 10.27 \fr*\ft Isa 26.11\ft*\f* 
\v 28 Wì gbɛ̃́ pↄ́ gì Mↄizi ikoyã dai dɛ aà wɛgwasai gbɛ̃ↄn pla ge àaↄ̃ seeladekɛ musu.\f + \fr 10.28 \fr*\ft Iko 19.15\ft*\f* 
\v 29 Tó gbɛ̃́ ↄ̃zↄ̃̀ Lua Nɛ́wa mɛ́ à Luabaakuańnↄ au\f + \fr 10.29 \fr*\ft Bↄa 24.8\ft*\f* pↄ́ gbãbↄ̀ɛ gwà foooũ, mɛ́ à Nisĩn gbɛ̃kɛkɛnɛde sↄ̃̀sↄ̃, àↄ dↄ̃ kɛ́ wa ĩadawà zↄ̃ↄ dɛ beea maamaa. 
\v 30 Asa wá yã́ɛbee'ona dↄ̃ à mɛ̀, ámɛ á tↄsimá, ámɛ á fĩabonɛ́. Wa ò lↄ, Dii a yã́kpalɛkɛ ń a gbɛ̃́ↄ.\f + \fr 10.30 \fr*\ft Iko 32.35-36\ft*\f* 
\v 31 Lɛ́lɛ daa Lua bɛ̃́ɛ ↄuá yãpãsĩɛ.
\p
\v 32 À làasookɛ á kua yãawa. Á wɛ́kɛ̃a gbɛa a taasi fↄ̃̀ á dɛ̃ɛ zↄ̃ↄ kaa guu. 
\v 33 Zĩeↄ wì á sↄ̃́sↄ̃, wì á wɛtã dasi guu. Zĩeↄ i zɛ ń gbɛ̃́ pↄ́ wàlɛ ń wɛtã màaↄ. 
\v 34 A wɛ̃nadↄ̃̀ dakpɛunaↄnɛ. Kɛ́ wà á pↄ́ↄ sìwá, a zɛò ń pↄnao, asa á dↄ̃ kɛ́ á àizɛɛ maa pↄ́ ìↄ ku gↄↄpii vĩ. 
\v 35 A yã́i tò ásu to sea gɛ̃ wↄ́ↄ pↄ́ ài vĩɛ́ zↄ̃ↄ guuo. 
\v 36 Sema àↄ mɛna vĩ, í pↄ́ pↄ́ Lua a lɛgbɛ̃̀ e aà pↄeã kɛa gbɛa.
\q1
\v 37 Asa à gↄ̃̀ yↄↄɛ, a gɛ̃gɛ̃o,
\q1 kɛ́ gbɛ̃́ pↄ́ lɛ́ mↄ́ pila.
\q1
\v 38 Gbɛ̃́ pↄ́ má tò yã́ bↄ̀aànↄ na
\q1 ma náai pↄ́ àlɛ kɛ yã́i aↄ ku,
\q1 ãma tó à pↄ̀ↄbↄzãkɛ̀,
\q1 a kamaguo.\f + \fr 10.38 \fr*\ft Abk 2.3-4\ft*\f*
\m
\v 39 Gbɛ̃́ pↄ́ aaì pↄ̀ↄbↄzãkɛ aa ńzĩa kaalɛↄn wá ũo. Gbɛ̃́ pↄ́ aalɛ Lua náaikɛ aa àizãna eↄn wá ũ.
\c 11
\s1 Gbɛ̃́ káauↄ luanaaikɛa
\p
\v 1 Luanaaikɛa mɛ́ wɛdↄaaàzi seasai ũ. A dɛ yã́ pↄ́ wìli wɛsiɛo sia sĩana ũ ũɛ. 
\v 2 Gbɛ̃́ káauↄ luanaaikɛa mɛ́ tò Lua ń sáaukpà.
\p
\v 3 Wá luanaaikɛa mɛ́ tò wá dↄ̃ kɛ́ aà yã'oa mɛ́ dṹnia kàlɛ. Pↄ́ pↄ́ wìli wɛsiɛo ↄ̃ à pↄ́ pↄ́ wì wɛsiɛ kɛ̀ò.\f + \fr 11.3 \fr*\ft Daa 1.1, Soũ 33.6, 9, Zãa 1.3\ft*\f*
\p
\v 4 Abɛli luanaaikɛa mɛ́ tò aà sa'oa Luawa maa dɛ̀ Kainu pↄ́a.\f + \fr 11.4 \fr*\ft Daa 4.3-10\ft*\f* Aà luanaaikɛa yã́i Lua aà sáaukpà, à aà dìlɛ gbɛ̃maa ũ, ↄ̃ à aà gba sì. Baa ń aà gaao, àlɛ yã'owɛ̃ɛ e tia Lua náai pↄ́ a kɛ̀pi yã́i.
\p
\v 5 Ɛnↄki luanaaikɛa mɛ́ tò Lua aà sɛ̀, kɛ́ asu gao yã́i.\f + \fr 11.5 \fr*\ft Daa 5.21-24\ft*\f* Wi aà e lↄo, kɛ́ Lua aà sɛ̀ yã́i. E Lua àↄ aà sɛ́, à aà sáaukpà à mɛ̀ aà yã́ kàagu. 
\v 6 Gbɛ̃e yã́ lí ká Luagu aà náaikɛsaio. Sema gbɛ̃́ pↄ́ lɛ́ sↄ̃aàzi si kɛ́ a ku, mɛ́ ì fĩabo a kĩ́i wɛ̀ɛlɛnaↄnɛ.
\p
\v 7 Kɛ́ Lua lɛdà Nↄeewa yã́ pↄ́ wi e yãao musu, ↄ̃ à Lua náaikɛ̀ à aà yãmà, à gó'ilɛna kɛ̀ à a uadeↄ mìsiò.\f + \fr 11.7 \fr*\ft Daa 6.13-22\ft*\f* Aà luanaaikɛa mɛ́ tò yã́ zↄ̃̀lɛ dṹniawa, mɛ́ Lua tò yã́ bↄ̀aànↄ na a náai pↄ́ a kɛ̀pi yã́i.
\p
\v 8 Kɛ́ Lua Ablahaũ sìsi aà gɛ́ bùsu pↄ́ á kpawà aàↄ vĩ guu,\f + \fr 11.8 \fr*\ft Daa 12.1-5\ft*\f* ↄ̃ Ablahaũ Lua náaikɛ̀ à Lua yã́pi sì. Kɛ́ à bↄ̀ bɛ, a gu pↄ́ àlɛ gɛ́upi dↄ̃ zio. 
\v 9 À Lua náaikɛ̀, ↄ̃ à bɛkpà bùsu pↄ́ Lua a lɛgbɛ̃̀ɛpiu nibↄ ũ\f + \fr 11.9 \fr*\ft Daa 13.18\ft*\f* zwã̀akpɛde ũ. Màa Izaaki ń Yakↄbuo lↄ, asa Lua lɛgbɛ̃api gↄ̃̀ ń pↄ́ ũɛ. 
\v 10 Asa wɛ̃́lɛ pↄ́ Lua dɛ a kũna ũ a kalɛna ũ ìↄ zɛdↄa ↄ̃ Ablahaũ wɛ́ dↄi.
\p
\v 11 Sala luanaaikɛa mɛ́ tò a è nↄsì,\f + \fr 11.11 \fr*\ft Daa 18.11-14, 21.2\ft*\f* baa kɛ́ fĩiɛ mɛ́ à zikũ̀, asa a dↄ̃̀ Lua pↄ́ lɛgbɛ̃̀ɛpi náai vĩ. 
\v 12 Baa kɛ́ à zikũ̀, gↄ̃ɛ mɛ̀ndopi buikɛ̀ dasi lán saanaↄ ge ísialɛ ũfãawa, wa fↄ̃ dↄdↄo.\f + \fr 11.12 \fr*\ft Daa 15.5, 22.17, 32.13\ft*\f*
\p
\v 13 Gbɛ̃́piↄ gàga píi ń luanaaikɛa guu pↄ́ pↄ́ à a lɛgbɛ̃̀nɛ́ↄ esai. Aa è kãaa aa gbãakpài. Aa mɛ̀ nibↄ bↄ̀mↄↄn ń ũ tↄↄlɛ la.\f + \fr 11.13 \fr*\ft Daa 23.4, Soũ 39.13\ft*\f* 
\v 14 Gbɛ̃́ pↄ́ lɛ́ o màaↄ lɛ́ ↄlↄwɛ̃ɛ wàlɛ ń de bɛ nidɛɛ. 
\v 15 Tó bùsu pↄ́ aa bↄ̀u bɛɛ aalɛ kɛ, dↄ̃ aa zɛ'è aa ɛ̀a tà we. 
\v 16 Sĩana guu aalɛ bùsu pↄ́ a maa dɛ beea ya luabɛɛ. A yã́i tò, tó wà mɛ̀ Lua dɛ ń Lua ũ, ìli kɛ Luapiɛ wí ũo, asa à wɛ̃́lɛ kɛ̀kɛnɛ́.
\p
\v 17-18 Kɛ́ Lua Ablahaũ lɛ̀ a gwà, ↄ̃ Ablahaũ Lua náaikɛ̀ à Izaaki kpà sa'obↄ ũ.\f + \fr 11.17-18 \fr*\ft Daa 22.1-14\ft*\f* Lua lɛgbɛ̃̀ɛ̀ yãa à mɛ̀ Izaaki kĩ́i aà bui a bↄu.\f + \fr 11.17-18 \fr*\ft Daa 21.12\ft*\f* Ń beeo à zɛ̀ ń a nɛ́ mɛ̀ndonapi kpaao. 
\v 19 A è Lua gbãa a fↄ̃ gɛↄ vu, ↄ̃ à ɛ̀a Izaaki è a yáasi ũ. 
\v 20 Izaaki Lua náaikɛ̀, ↄ̃ à Yakↄbu ń Esauo gbà sa'olɛ.\f + \fr 11.20 \fr*\ft Daa 27.27-29, 39-40\ft*\f* 
\v 21 Yakↄbu Lua náaikɛ̀. Kɛ́ à kà gaa, ↄ̃ à gbãa'è a gopanawa, à kùlɛ Yosɛfu nɛ́ↄ gbà sa'olɛ.\f + \fr 11.21 \fr*\ft Daa 47.31, 48.1-20\ft*\f* 
\v 22 Yosɛfu Lua náaikɛ̀. Kɛ́ a ye gai, ↄ̃ à Isailiↄ bↄa Egipi yã'ò ń lá aa kɛ ń a gɛoo.\f + \fr 11.22 \fr*\ft Daa 50.24-25, Bↄa 13.19\ft*\f*
\p
\v 23 Mↄizi de ń aà dao Lua náaikɛ̀, ↄ̃ aa aà ùlɛ e mↄ àaↄ̃ aà ia gbɛa, kɛ́ aa è a kɛfɛũ yã́i.\f + \fr 11.23 \fr*\ft Bↄa 1.22, 2.2\ft*\f* Aai vĩakɛ iko pↄ́ kía dìlɛɛo. 
\v 24 Mↄizi Lua náaikɛ̀. Kɛ́ à zↄ̃ↄkũ̀, ↄ̃ à gì wà a dilɛ Falaↄ̃ↄ nɛnↄɛ nɛ́ ũ.\f + \fr 11.24 \fr*\ft Bↄa 2.10-12\ft*\f* 
\v 25 A sì wà a wɛtã ń Lua gbɛ̃́ↄ dɛ kua ń pↄnao duuna guu gↄↄplala. 
\v 26 A dìlɛ kɛ́ wí pↄ́ wì damá Kilisi yã́i dɛ Egipi àizɛɛa, asa zia asea aà wɛ́ pɛ́wà. 
\v 27 Aà luanaaikɛa mɛ́ tò à bↄ̀ Egipi,\f + \fr 11.27 \fr*\ft Bↄa 2.15\ft*\f* i vĩakɛ kía pↄkũmaɛo, à zɛ̀ gíũgiũ lá à Lua pↄ́ wìli e ń wɛ́oo èwa. 
\v 28 Aà luanaaikɛa mɛ́ tò à Gɛ̃amusu dikpɛ dìlɛ ń aumamaa kpɛɛlɛ gĩↄwao, kɛ́ gbɛ̃dɛna su ↄkã ń nɛgↄ̃ɛ sɛ̃́iaↄwao yã́i.\f + \fr 11.28 \fr*\ft Bↄa 12.21-30\ft*\f* 
\v 29 Isailiↄ Lua náaikɛ̀ aa bùa Ísia Tɛ̃awa lán tↄↄlɛ giiwa. Kɛ́ Egipiↄ yↄ̃̀wà màa, ↄ̃ í kũ̀aamá.\f + \fr 11.29 \fr*\ft Bↄa 14.21-31\ft*\f* 
\v 30 Isailiↄ Lua náaikɛ̀ aa lìa Yelikoi e gↄↄ sopla, ↄ̃ a bĩ́i kwɛ̀.\f + \fr 11.30 \fr*\ft Yoz 6.12-21\ft*\f* 
\v 31 Káalua Lahabu Lua náaikɛ̀ à zãmadeↄ dìlɛ niɛniɛ, ↄ̃ i kaalɛ ń luanaaikɛnsaiↄo.\f + \fr 11.31 \fr*\ft Yoz 2.1-21, 6.22-25\ft*\f*
\p
\v 32 Má o kpelewa lↄ ni? Má zɛ'e mà Gedeↄ̃ↄ\f + \fr 11.32 \fr*\ft Dↄa 6.11\ft*\f* yã'oo ge Balaku\f + \fr 11.32 \fr*\ft Dↄa 4.6\ft*\f* ge Sãusↄ̃ↄ\f + \fr 11.32 \fr*\ft Dↄa 14.1\ft*\f* ge Zɛfɛte\f + \fr 11.32 \fr*\ft Dↄa 11.1\ft*\f* ge Davidi\f + \fr 11.32 \fr*\ft 1Sam 17.12\ft*\f* ge Samuɛli\f + \fr 11.32 \fr*\ft 1Sam 3.1\ft*\f* ge ãnabiↄ. 
\v 33 Aa Lua náaikɛ̀, ↄ̃ aa zĩblè kíaↄwa, aa yãgↄ̃̀gↄ̃ gbɛ̃́ↄnɛ a zɛ́wa, aa lɛ́ pↄ́ Lua gbɛ̃̀nɛ́ gbɛ'è, aa nↄ̀ↄmusuↄ lɛ́ nàaa,\f + \fr 11.33 \fr*\ft Dan 6.1-27\ft*\f* 
\v 34 aa tɛ́ pãsĩ dɛ̀,\f + \fr 11.34 \fr*\ft Dan 3.1-30\ft*\f* aa bↄ̀ fɛ̃nda lɛ́zĩ, aa gbãa'è ń yɛ̃̀ɛɛsaikɛ guu, aa pãsĩkũ̀ zĩ guu, aa buipãle zĩgↄ̃ↄ yà, 
\v 35 aa nↄɛↄ nɛ́ gɛↄ vù aa kpàmá.\f + \fr 11.35 \fr*\ft 1Kia 17.17-24, 2Kia 4.25-37\ft*\f* Wà ĩakpà ń gbɛ̃eↄzi, ↄ̃ aa gì bↄkĩi wɛɛlɛi, kɛ́ aa vu, aai bↄ maa yã́i. 
\v 36 Wà ń gbɛ̃eↄ kɛ̀ pↄ́ↄpↄↄ wà ń gbɛ̃́ ń flàalao. Wà mↄkà ń gbɛ̃eↄwa wà ń ká kpɛ́u.\f + \fr 11.36 \fr*\ft 1Kia 22.26-27, Zel 20.2, 37.15-16, 38.6\ft*\f* 
\v 37 Wà ń papa ń gbɛo wà ń dɛdɛ, wà ń zↄ̃ɛ pla ń siio, wà ń dɛdɛ ń fɛ̃ndao. Aa bɛ̀bɛ sã báa ń blè báao daa. Aa gↄ̃̀ gii, wà ń wɛtã̀ wà ĩadàmá. 
\v 38 Dṹnia i ká ń ũo. Aa lìaaliaa sɛ̃u ń gbɛ̀sĩsĩↄ musuo, aa ku gbɛ̀'ɛↄ ń tↄ̃ↄↄ guu. 
\v 39 Baa kɛ́ Lua gbɛ̃́piↄ sáaukpà ḿpii a náai pↄ́ aa kɛ̀ yã́i, aai pↄ́ pↄ́ à a lɛgbɛ̃̀nɛ́ eo, 
\v 40 kɛ́ aasu gↄ̃ wásawasa wá saio yã́i. Lua dↄ̀aa dìlɛ wà yã́ pↄ́ a maa dɛ ń pↄ́a eɛ.
\c 12
\s1 Lua a gbɛ̃́ↄ totoa
\p
\v 1 Ayãmɛto wápiↄ sↄ̃, lá seeladeↄ gupàwázi dasi màa, wà ↄkpa pↄ́ pↄ́ ì kpáwɛ̃ɛzi ń duuna pↄ́ ì kpàlikpawɛ̃ɛ àannↄo píi, wí bakpaaĩ pↄ́ Lua dìlɛwɛ̃ɛ kɛ ń mɛnao. 
\v 2 Wà wɛ́pɛ Yesuwa. Ɔ̃mɛ bↄ̀ ń wá luanaaikɛa zɛ́o mɛ́ à bↄ̀lɛi. À gaa líwa fↄ̃̀, i a wíyã dao pↄna pↄ́ dilɛaɛ ea yã́i, ↄ̃ à gɛ̀ zↄ̃̀lɛ báawa Lua ↄplaai. 
\v 3 À làasookɛ aà yã́wa, lá à mɛnakɛ̀ ń duunkɛna pↄ́ íbɛlɛ bee taa sɛ̀anↄↄ, kɛ́ ásu kpasa á kúsu kwɛ́o yã́i. 
\v 4 Asa á dɛ̃ɛkaa ń duunao guu, i zɛ gi e a gɛ gaò yãao. 
\v 5 Nↄ̀sɛ níniyã pↄ́ wa òɛ́ lá á dɛ nɛ́ↄ ũwaɛ bee sã̀águ yã̀? Wà mɛ̀:
\q1 Ma nɛ́, tó Dii lɛ́ n toto,
\q1 ńsu dilɛ pão.
\q1 Tó àlɛ n gba laai,
\q1 ńsu to n kã́ gao.
\q1
\v 6 Asa gbɛ̃́ pↄ́ Dii yei ↄ̃ ì toto,
\q1 ì gbɛ̃́ pↄ́ a sì a nɛ́ ũ swã́gaga.\f + \fr 12.6 \fr*\ft Yaa 3.11-12\ft*\f*
\m
\v 7 À ĩadama dilɛ totoa ũ. Lua mɛ́ lɛ́ bee kɛɛ́, kɛ́ á dɛ aà nɛ́ↄ ũ yã́i. Nɛ́e ku aà mae gì aà totoia? 
\v 8 Tó i á toto lá a nɛ́ kĩniↄwao, á dɛ aà nɛ́ↄ ũo, gĩnasↄↄnɛↄn á ũ. 
\v 9 Wá dṹnia la maeↄ vĩ aa wá toto, ↄ̃ wa ń yãmà. Lá màaɛ, wà misiilɛ wá Mae pↄ́ kú musuɛ dɛ beea, wíↄ ku. 
\v 10 Wá maeↄ wá toto gↄↄpla pↄ́ ũ an ↄ̃nↄ lɛ́u. Lua ì wá toto wá kã́fĩa yã́iɛ, kɛ́ wá kua e àↄ adoa láawa. 
\v 11 Totoae líↄ pↄna vĩ a gↄↄo, pↄsia bàasio, ãma gbɛ̃́ pↄ́ totoapi ń kɛkɛↄ ì a gbɛ'e zã́ bↄa maa ń nↄ̀sɛdaadoũo ũ.
\p
\v 12 Ayãmɛto à á ↄ pↄ́ gↄ̃̀ dↄáziↄ ń á gbá pↄ́ gↄ̃̀ tèeeↄ gba gbãa,\f + \fr 12.12 \fr*\ft Isa 35.3\ft*\f* 
\v 13 í zɛ́sɛ súsu,\f + \fr 12.13 \fr*\ft Yaa 4.26\ft*\f* kɛ́ á gbɛ̃́ pↄ́ lɛ́ tↄ̃ↄlɛↄ su pãalɛo, aai e gↄ̃ ń aafiao.
\p
\v 14 À wɛɛlɛ àↄ na ń gbɛ̃́piio, á kua iↄ adoa, asa tó gbɛ̃́ kua adoao, a Dii eo. 
\v 15 À laaika á gbɛ̃e su kua Lua gbɛ̃kɛkɛanɛ́wa aà gↄ̃ á guu kona ũ,\f + \fr 12.15 \fr*\ft Iko 29.18\ft*\f* i ĩada gbɛ̃́ dasiↄwa à ń ↄ̃̀ↄkpao. 
\v 16 Á gbɛ̃e su àↄ dɛ gbãsĩkɛna ũ ge luayãdansai ũ lán Esauwao. À a yoakɛzɛ yìa blɛ gɛ̃n do blea yã́i.\f + \fr 12.16 \fr*\ft Daa 25.29-34\ft*\f* 
\v 17 Á dↄ̃ kɛ́ à sa'olɛ wɛ̀ɛlɛ a maewa gbɛzã, ↄ̃ Lua gìɛ̀. Baa kɛ́ a wɛ̀ɛlɛ ń wɛ́'io, i zɛ'e à yã́ pↄ́ á kɛ̀ lìlɛo.\f + \fr 12.17 \fr*\ft Daa 27.30-40\ft*\f*
\s1 Luabaakuańnↄ káau ń a gbɛzão
\p
\v 18 I sↄ̃ Sinai gbɛ̀sĩsĩ pↄ́ wa fↄ̃ ↄkãwàzio. Àlɛ tɛ́kũ, a gusia vĩ ń guduuduuo ń zàao\f + \fr 12.18 \fr*\ft Bↄa 19.16-19, 20.18-19\ft*\f* 
\v 19 ń kã̀ae'ↄo ń Lua lↄↄ gbãao. Kɛ́ Isailiↄ lↄↄpi mà, aa awakpàɛ̀ aa mɛ̀, asu yãe onɛ́ lↄo, 
\v 20 asa aa yã́ pↄ́ a dìlɛnɛ́ɛ bee fↄ̃o à mɛ̀: Baa pↄtuo kã̀ gbɛ̀sĩsĩpiwa, wà pápa ń gbɛo wà dɛ.\f + \fr 12.20 \fr*\ft Bↄa 19.12-13\ft*\f* 
\v 21 Lua pilaapiá vĩa yã́ɛ maamaa e Mↄizi mɛ̀ vĩa a kũ, álɛ lualua.\f + \fr 12.21 \fr*\ft Iko 9.19\ft*\f*
\p
\v 22 A sↄ̃ Siↄna gbɛ̀sĩsĩi ń Lua bɛ̃́ɛ wɛ̃́lɛ Yelusalɛũ pↄ́ kú musuo ń a malaika dasidasi pↄ́ kãaaa weↄ 
\v 23 ń Lua nɛgↄ̃ɛ sɛ̃́ia pↄ́ an tↄ́ kɛ̃a weↄ ń Lua pↄ́ dɛ gbɛ̃́pii yã́kpalɛkɛna ũo ń gbɛ̃maa pↄ́ aa gↄ̃̀ wásawasa gyaadeↄ 
\v 24 ń Yesu pↄ́ dɛ Luabaakuańnↄ gbɛzã kↄ́ↄ ũo ń aà au fã́fãa\f + \fr 12.24 \fr*\ft Mat 26.28\ft*\f* pↄ́ lɛ́ yã́ gbia o dɛ Abɛli\f + \fr 12.24 \fr*\ft Daa 4.10\ft*\f* pↄ́ao.
\p
\v 25 À laaika, ásu gí yã́pi maio. Lá gbɛ̃́ pↄ́ aa gì Lua lɛdama mai tↄↄlɛ lapiↄ i bↄo, wápiↄ sↄ̃, lá Lua lɛ́ lɛdawá kua za musu,\f + \fr 12.25 \fr*\ft Bↄa 20.22\ft*\f* tó wa bↄ aà kpɛ, wa wá pↄ́ o lↄe? 
\v 26 Aà lↄↄ tↄↄlɛ lùalua yãa, ↄ̃ à lɛgbɛ̃̀ à mɛ̀ á gu lualua gɛ̃n do lↄ, i kɛ tↄↄlɛ ado no, ń musuoɛ sa.\f + \fr 12.26 \fr*\ft Age 2.6\ft*\f* 
\v 27 Kɛ́ à mɛ̀ gɛ̃n do lↄ, bee lɛ́ owɛ̃ɛ Lua pↄkɛa pↄ́ a lualuapiↄ gɛ̃zɛaɛ, kɛ́ pↄ́ pↄ́ lí luaoↄ e gↄ̃. 
\v 28 A yã́i tò, lá wálɛ kpala pↄ́ lí deeo ble, wà Lua sáaukpa, wíↄ kúlɛɛ̀ lá a yeiwa, wíↄ misiilɛɛ̀ vĩakɛaɛ̀ guu. 
\v 29 Asa wá Luaá tɛ́ pↄ́ ì kṹmáɛ.\f + \fr 12.29 \fr*\ft Iko 4.24\ft*\f*
\c 13
\s1 Lɛdaamá
\p
\v 1 À wɛtã àↄ gbɛ̃kɛ vĩ ń kↄ̃o. 
\v 2 À laaidↄ nibↄyaaekɛawa, asa beewa gbɛ̃eↄ malaikaↄ dìlɛ dↄ̃sai.\f + \fr 13.2 \fr*\ft Daa 18.1-8, 19.1-3\ft*\f* 
\v 3 À to gbɛ̃́ pↄ́ wà ń ká kpɛ́uↄ yã́ dↄágu lá á kúńnↄ kpɛ́uwa, ń gbɛ̃́ pↄ́ wàlɛ ĩadamáↄ lá ámɛ wàlɛ ĩadawáwa. 
\v 4 Baade lí gↄ̃ɛ ń a nↄo kua ń kↄ̃o yãda gbia. Gↄ̃ɛ ń a nao su ń wúlɛkĩi gbãlɛo, asa Lua a yã́kpalɛkɛ ń káaluaↄ ń gbãsĩkɛnaↄɛ. 
\v 5 Yea ↄ̃ai su dↄaaɛ́o. À zɛ ń pↄ́ pↄ́ á vĩo, asa Lua mɛ̀:
\q1 Má n tó weo,
\q1 má pãkpanzi bauo.\f + \fr 13.5 \fr*\ft Iko 31.6, 8, Yoz 1.5\ft*\f*
\m
\v 6 A yã́i tò, wi sↄ̃dilɛ wà mɛ:
\q1 Dii mɛ́ ma Mìsina ũ,
\q1 vĩa a ma kũo.
\q1 Bↄ́ gbɛ̃nazĩna a fↄ̃ kɛmɛɛi?\f + \fr 13.6 \fr*\ft Soũ 118.6\ft*\f*
\s1 Sasĩana'oa
\p
\v 7 À tó á dↄaana pↄ́ aa Lua yã'òɛ́ↄ yã́ dↄágu. À ń kua tàasika e a lɛ́wa, í Lua náaikɛ láńwa. 
\v 8 Yesu Kilisi doũ gĩa ń gbão e gↄↄpii. 
\v 9 Ásu to wà á sã́sã ń yã́kanla dasi daanɛ́ↄo. A maa wá sↄ̃ gbãa'e Lua gbɛ̃kɛ guuɛ, i kɛ sa'oblɛ pↄ́ lí àie kɛ gbɛ̃́ pↄ́ zɛ̀oↄnɛo no. 
\v 10 Zwã̀akpɛ sa'onaↄ zɛvĩ aa sa'okĩi pↄ́ wá vĩ blɛ bleo. 
\v 11 Sa'onkia ì gɛ̃ luakukĩi ń pↄtuo auo duunakɛ̃ama yã́i, ↄ̃ wì a gɛ tɛ́kũ bòo kpɛ.\f + \fr 13.11 \fr*\ft Lev 16.27\ft*\f* 
\v 12 Ayãmɛto Yesu gà wɛ̃́nkpɛ sↄ̃, à gbãbↄ̀ gbɛ̃́ↄnɛ ń azĩa auo. 
\v 13 Wà bↄ wà gɛ́ aà kĩ́i bòo kpɛ, wí i wá kũaànↄ sↄ̃. 
\v 14 Asa wá wɛ̃́lɛ pↄ́ ìↄ ku vĩ lao, wɛ̃́lɛ pↄ́ lɛ́ mↄ́ ↄ̃ wá wɛ́ dↄi. 
\v 15 Ayãmɛto wàↄ Lua sáaukpa láasai ń Yesu gbãao wá sa'oa ũ. Gba pↄ́ aà sìsinaↄ ì mↄòn we. 
\v 16 À laaidↄ maakɛa ń gbɛ̃kɛkɛakↄ̃ɛowa. Sa bee taa oa mɛ́ ì ka Luagu. 
\v 17 À á dↄaanaↄ yãma, í misiilɛnɛ́, kɛ́ aa e zĩkɛ ń pↄnao, asa aa dɛ gbɛ̃́ pↄ́ aa ń zĩ yã́ sɛ́lɛ siu Luaɛↄ ũɛ. Tó aalɛ zĩkɛ ń lɛ́suuo, a àikɛɛ́o.
\s1 Lɛzaamá
\p
\v 18 À wabikɛwɛ̃ɛ. Yãe lɛ́ wá sↄ̃ vĩo, wi wɛɛlɛ wàↄ kú wá dↄ̀ↄwa yã́pii guuɛ. 
\v 19 Má gbɛ̀awá, à wabikɛmɛɛ, atɛ̃sa mà e suwá kpakpa.
\p
\v 20 Lua aafiade pↄ́ wá Dii Yesu bↄ̀ gau Sãdãnki ũ a bàakuawanↄ gↄↄpii au sabai, 
\v 21 aà á kɛkɛ ń maa píio, kɛ́ à a pↄeã kɛ, i yã́ pↄ́ kàagu kɛ wá guu ń Yesu Kilisi gbãao. Ɔ̃mɛ gawi vĩ gↄↄpii, ãmi.
\p
\v 22 Ma gbɛ̃́ↄ, ma wabikɛ̀wá, àↄ lɛdama yã́pi kũa ń mɛnao, asa lá pↄ́ má kɛ̃̀ɛ́ bílao. 
\v 23 Àↄ dↄ̃ kɛ́ wà wá gbɛ̃do Timↄtee gbàɛ. Tó à kà la tia, wá mↄ́ á gwai sãnu. 
\v 24 À fↄkpa á dↄaanaↄwa píi ń Lua gbɛ̃́ↄ píi. Itali bùsudeↄ fↄkpàwá. 
\v 25 Lua gbɛ̃kɛkɛɛ́ ápii.