\id HAG Haggai in Boko, Ross Jones 2/08
\ide UTF-8
\h Age
\toc1 Age
\toc2 Age
\toc3 Age
\mt1 AGE
\imt1 Yã́ pↄ́ kú láɛ bee guuↄ
\ip Ãnabi Age yã́ɛ beeↄ ò Lua kpɛ́ kɛkɛ dↄa Yelusalɛũ yã́ musu Yudaↄ sua ń Babiloni zↄbleo gbɛaɛ. Lua yã́piↄ dàɛ̀, ↄ̃ a ò e wàↄ gɛ́ Yesu Kilisi ii wɛ̃̀ 520.
\ip À kũ̀ Yuda pↄ́ aa bↄ̀ zↄbleu sɛ̃́iaↄ Lua kpɛ́ pↄ́ Babiloniↄ wìwi wɛ̃̀ 587 guu kɛkɛ wà dↄɛ, ↄ̃ an kúsu kwɛ̀ gↄ̃̀ↄgↄ̃ↄ. Ayãmɛto ãnabi nàɛ dↄaanaↄwa aa ↄkpa zĩpiwa, ↄ̃ aa ↄkpàwà wɛ̃̀ 520 guu. Age tɛkpàńgu à mɛ̀ taasi pↄ́ aalɛ kɛ ń ń bua pↄ́ↄ kɛsaio bↄ̀ an Lua kpɛ́ kɛkɛsai kĩ́iɛ (1.1-14). À mɛ̀ Lua kpɛ́ dafu gawi aↄ dɛ a káau pↄ́ ↄ̃̀ↄkpà pↄ́la (2.1-9) mɛ́ a dↄa a to gbãsĩ pↄ́ kú ń guu láa ń taasi pↄ́ Lua gbɛ̃́ↄ lɛ́ kɛo (2.10-20). Bee gbɛa Lua zia maa lɛgbɛ̃̀ dↄaana Zolobabɛli Davidi bui pↄ́ á sɛ̀ɛ (2.20-23).
\ip Lua gbɛ̃́ pↄ́ aa sù ń zↄbleo dafuↄ wɛ́ aↄ dↄa Lua kpɛ́ pↄ́ a gawi aↄ dɛ a káauai ń Lua zĩkɛna pↄ́ Lua sɛ̀ àlɛ mↄ́ dↄińlɛo. Bee yã́i ãnabi Age lɛdà gbɛ̃́ↄwa aa ń làasooↄ lilɛ, aai laaidↄ zĩwà yã́ dafu pↄ́ Lua lɛ́ kɛnɛ́ yã́i.
\c 1
\s1 Yudaↄ Lua kpɛ́ dↄa
\p
\v 1 Kí Daliusi kpalablea wɛ̃̀ plaade guu,\f + \fr 1.1 \fr*\ft Ɛza 4.24\ft*\f* a mↄ soolode gↄↄ sɛ̃́ia zĩ́, Dii yã'ò ãnabi Ageɛ,\f + \fr 1.1 \fr*\ft Ɛza 5.1\ft*\f* ↄ̃ a ò bùsu gbãade Zolobabɛli, Salatiɛli nɛ́ɛ ń sa'onkia Yesua, Yozada nɛ́o\f + \fr 1.1 \fr*\ft Ɛza 5.2\ft*\f* à mɛ̀: 
\v 2 Ma Dii Zĩgↄ̃de ma mɛ̀, á gbɛ̃eↄ lɛ́ mɛ kpɛdↄamɛɛ gↄↄ i ka yãao.
\p
\v 3 Dii yã́ ɛ̀a dɛ̀dɛ ãnabi Agewa lↄ à mɛ̀: 
\v 4 Á kua á kpɛ́ kɛkɛa wásawasaↄ guu gↄↄ pↄ́ ma kpɛ́ gↄ̃̀ kpɛzĩ ũ maan wea? 
\v 5 Ma Dii Zĩgↄ̃de ma mɛ̀, à làasookɛ á yãkɛaↄwa à gwa. 
\v 6 A pↄtↄ̃̀ maamaa, i nɛ'iɛ́ bílao. I pↄble, ili kã́o. I imi, ìli ká à á dɛo. I pↄkasa da, ìli ĩ́anakũɛ́o. I ↄ̃a sɛ́lɛ, kási á bↄ̀ↄ ìↄ fↄ̃aɛ.
\p
\v 7 Ma Dii Zĩgↄ̃de ma mɛ̀: À làasookɛ á yãkɛaↄwa à gwa. 
\v 8 À gbɛ̀sĩsĩkũ à su ń lío, í kpɛ́pi dↄ, ma pↄ i kɛwà na, mí tↄbↄ. Ma Dii mámɛ má ò. 
\v 9 Á wɛ́ dↄi à pↄ́ e zↄ̃ↄ, i e bílao. Pↄ́ pↄ́ a suò bɛ, má tò à gɛ̃̀ ń ĩ́anao. Bↄ́yãi ni? Ma Dii Zĩgↄ̃de mámɛ málɛ á la. Kɛ́ á baade lɛ́ laaidↄ a kpɛ́wa, mɛ́ ma kpɛ́ kú kpɛzĩ ũ yã́iɛ. 
\v 10 Á yã́pi mɛ́ tò luabɛ gì mↄ̀sɛpisii, ↄ̃ tↄↄlɛ gì blɛkɛi. 
\v 11 Ma iminapi sìsi buaↄ ń sĩ̀sĩↄwa pↄ́wɛna ń vɛ̃ɛo ń nísio yã́ musu ń pↄ́ pↄ́ ì bↄlɛ tↄↄlɛwaↄ píi ń gbɛ̃nazĩnaↄ ń pↄtuoↄ ń zĩ pↄ́ álɛ kɛↄ píi.
\p
\v 12 Ɔ̃ Salatiɛli nɛ́ Zolobabɛli ń sa'onkia Yesua, Yozada nɛ́o ń gbɛ̃́ kↄ̃napiↄ píi Dii ń Lua yã́ pↄ́ ãnabi Age òpi mà, asa Dii an Lua mɛ́ aà zĩ̀. Gbɛ̃́ↄ Dii vĩa vĩ. 
\v 13 Ɔ̃ Dii zĩna Age lɛ́ pↄ́ Dii dìlɛɛ bee ònɛ́ à mɛ̀: Dii mɛ̀ á kúánↄ. 
\v 14 Ɔ̃ Dii tɛkpà Yuda bùsu gbãade Zolobabɛligu ń sa'onkia Yesuao ń gbɛ̃́ kↄ̃napiↄ píi, ↄ̃ aa mↄ̀ nà Dii Zĩgↄ̃de ń Lua kpɛ́ zĩwa 
\v 15 kí Daliusi kpalablea wɛ̃̀ plaade guu, a mↄ soolode gↄↄ baasↄo mɛ̀ndosaidezĩ.
\c 2
\s1 Kpɛ́ dafu gawi
\p
\v 1 Mↄ soplade gↄↄ bao ń mɛ̀ndoode zĩ́ Dii yã'ò ãnabi Ageɛ à mɛ̀: 
\v 2 Yã'o Yuda bùsu gbãade Zolobabɛliɛ ń sa'onkia Yesuao ń gbɛ̃́ kↄ̃napiↄ píi, ǹ ń la ǹ mɛ: 
\v 3 Á démɛ kú tia a ma kpɛ́ dↄ̃ ń a gawi káauoi?\f + \fr 2.3 \fr*\ft Ɛza 3.12\ft*\f* A tia pↄ́ɛ bee dɛɛ́ kpelewai? Á ea guu a dɛɛ́ pↄe ũo yã̀? 
\v 4 Ma Dii má ò Zolobabɛliɛ, sↄ̃dilɛ! Má ò sa'onkia Yesuaɛ, sↄ̃dilɛ! Má ò bùsu gbɛ̃́ kĩniↄnɛ píi, à sↄ̃dilɛ! Ma Dii mámɛ má ò. À zĩpi kɛ, asa má kúánↄ. Ma Dii Zĩgↄ̃de mámɛ má ò. 
\v 5 Lɛ́ pↄ́ má gbɛ̃̀ɛ́ á bↄa Egipi gↄↄn we. Ma Nisĩna gi kúánↄɛ, ásu vĩakɛo. 
\v 6 Ma Dii Zĩgↄ̃de ma mɛ̀, à gↄ̃̀ yↄↄ kɛ́ mà musu ń zĩ́lɛo lualua gɛ̃n do lↄ,\f + \fr 2.6 \fr*\ft Ɛbɛ 12.26\ft*\f* ísia ń tↄↄlɛo píi. 
\v 7 Ma Dii Zĩgↄ̃de ma mɛ̀, má buiↄ zĩazĩa, wi mↄ́ ń bui píi àizɛɛo, mí tó ma kpɛ́ pa ń gawio. 
\v 8 Ma Dii Zĩgↄ̃de ma mɛ̀, ã́nusuá ma pↄ́ɛ, vuaá ma pↄ́ɛ. 
\v 9 Ma Dii Zĩgↄ̃de ma mɛ̀, kpɛ́ɛ bee gawi gbɛzã zↄ̃ↄ aↄ dɛ a káaua. Ma Dii Zĩgↄ̃de ma mɛ̀, má aafia pisi guɛ beewa.
\s1 Dii a báaada Yudaↄgu
\p
\v 10 Daliusi kpalablea wɛ̃̀ plaade guu, a mↄ kɛ̃okwide gↄↄ baasↄo mɛ̀ndosaide zĩ́, Dii yã́ ɛ̀a dɛ̀dɛ ãnabi Agewa à mɛ̀: 
\v 11 Ma Dii Zĩgↄ̃de ma mɛ̀, à sa'onaↄ la: Ikoyã mɛ̀ kpelewa ni? 
\v 12 Tó gbɛ̃́ nↄ̀ↄ pↄ́ gↄ̃̀ ma pↄ́ ũ kũa a ula lɛ́u, mɛ́ aà ulapi zↄ̃̀ pɛ̃ɛ ge do ge vɛ̃ɛ ge nísi ge blɛ pãlewa, pↄ́piↄ ì gↄ̃ ma pↄ́ ũ yã̀? Sa'onaↄ mɛ̀: Aawo! 
\v 13 Ɔ̃ Age ɛ̀a ń lá à mɛ̀: Tó gbɛ̃́ pↄ́ kú ń ↄnaa pↄgɛwa gbãlɛao ↄnà pↄ́piwa, aaì gbãlɛ yã̀? Sa'onaↄ wèwà aa mɛ̀: Aaì gbãlɛɛ.\f + \fr 2.13 \fr*\ft Nao 19.11-22\ft*\f* 
\v 14 Ɔ̃ Age mɛ̀: Ma Dii ma mɛ̀, màa á bui dɛmɛɛ. Yã́ pↄ́ i kɛ ń pↄ́ pↄ́ i ma gba weↄ píi gbãlɛaɛ. 
\v 15 À làasookɛ maamaa à gwa za gbã, lá á dɛ yãa zadↄ̃ i ma kpɛ́ gbɛe dio. 
\v 16 Tó gbɛ̃́ gɛ̀ pↄ́wɛna dã́i zaa bao, kwi ali e. Tó à gɛ̀ vɛ̃ɛ tↄ́i tùu blakwi, bao ali e. 
\v 17 Má tò á buapↄ́ↄ ↄ̃̀ↄkpà ń gbↄ̃sio ń fukpaao ń lougbɛo, kási i suao. 
\v 18 À làasookɛ à gwa za gbã, mↄ kɛ̃okwide gↄↄ baasↄo mɛ̀ndosaidezĩ. À làasookɛ à gwa yã́ pↄ́ lɛ́ kɛ za ma kpɛ́ ɛ̃daalɛgↄↄ e gbãwa. 
\v 19 Pↄ́wɛna kú dↄ̃u tiaa? Vɛ̃ɛ ń kaadↄɛnao ń gbɛafuo ń kuo i nɛ'io e gbã. Za tia má báaadaágu sa.
\s1 Dii lɛgbɛ̃a Yuda bùsu gbãadeɛ
\p
\v 20 Dii yã'ò Ageɛ lↄ mↄgↄↄ baasↄo mɛ̀ndosaidepi zĩ́ à mɛ̀: 
\v 21 O Yuda bùsu gbãade Zolobabɛliɛ, má musu ń zĩ́lɛo lualua.\f + \fr 2.21 \fr*\ft Ɛbɛ 12.26\ft*\f* 
\v 22 Má kpalabaaↄ fuangba, mí buipãleↄ kpalaↄ midɛ. Má zĩkasↄ̃goↄ fuangba ń gbɛ̃́ pↄ́ ká a guuↄ, sↄ̃́ↄ ń sↄ̃́godepiↄ kwɛ́, aai kↄ̃ dɛdɛ ń fɛ̃ndao. 
\v 23 Ma Dii Zĩgↄ̃de ma mɛ̀, gↄↄ bee má n sɛ, ma zↄ̀blena Zolobabɛli. Ma Dii mámɛ má ò. Má n kɛ lán ma tãana seelakɛbↄwa, asa ma n sɛɛ. Ma Dii Zĩgↄ̃de mámɛ má ò.