\id 2JN 2 John in Boko, Ross Jones 2/08
\ide UTF-8
\h 2 Zãa
\toc1 Zãa lá plaade
\toc2 2 Zãa
\toc3 2Zãa
\mt1 ZÃA LÁ PLAADE
\imt1 Yã́ pↄ́ kú láɛ bee guuↄ
\ip Lápi kɛ̃naá gbɛ̃zↄ̃ↄɛ, ↄ̃mɛ Lua zĩna Zãa ũ. A ò Yesudeↄnɛ aaↄ ku sĩana guu ń yeakↄ̃zio (1-6). À lɛzàmá gbɛ̃sãsãnaↄ yã́ musu, ↄ̃ à a mↄa ń gwai baokpànɛ́ à fↄkpàmá (12-13). Apii guu a gbɛ̀amá aa laaika aa zɛ gbãa ń Lua zɛ́ sĩande guu.
\c 1
\s1 Sĩana ń yeakↄ̃io
\p
\v 1-2 Ma gbɛ̃zↄ̃ↄ, mámɛ ma láɛ bee kɛ̃̀ gãli pↄ́ Lua dìlɛ gbɛ̃́ↄnɛ. Má yeázi sĩana guu, sĩana pↄ́ kú wá vĩ mɛ́ wáↄ kuò gↄↄpii yã́i. Mámɛ má adoo, ń gbɛ̃́ pↄ́ aa sĩanapi dↄ̃ↄ píiɛ. 
\v 3 Mae Lua ń a Nɛ́ Yesu Kilisio gbɛ̃kɛkɛɛ́ ń sùuuo ń aafiao sĩana ń yeakↄ̃io guu.
\p
\v 4 Kɛ́ má è á gbɛ̃eↄ ku sĩana guu lá Mae Lua dìlɛwɛ̃ɛwa, ma pↄ kɛ̀na maamaa. 
\v 5 Tiasa ma gbɛ̃́ↄ, málɛ wabikɛwáɛ. I kɛ yã́ dafu málɛ oɛ́o, yã́ pↄ́ wá vĩ za káauɛ. Wàↄ yekↄ̃i.\f + \fr 1.5 \fr*\ft Zãa 13.34\ft*\f* 
\v 6 Yeakↄ̃in kɛ: Wàↄ yã́ pↄ́ Lua dìlɛↄ kũa. Yã́ pↄ́ Lua dìlɛpi mɛ́ dɛ wàↄ yekↄ̃i lá á mà za káauwa.
\p
\v 7 Gbɛ̃sãsãna dasiↄ lìgua dṹnia guu, aaì mɛ Yesu Kilisi i mↄ gbɛ̃nazĩna ũo. Gbɛ̃́ bee taaá gbɛ̃sãsãnaɛ, Kilisi ibɛɛɛ. 
\v 8 À laaika, ásu to zĩ pↄ́ wá kɛ̀ kɛ pão. À to à ài'e a lɛ́ gbɛu. 
\v 9 Gbɛ̃́ pↄ́ vĩ̀ Kilisi yãdanɛ lɛ́a Lua dↄ̃o. Gbɛ̃́ pↄ́ zɛ̀ ń yã́pio Mae Lua vĩ ń aà Nɛ́o an píi. 
\v 10 Tó gbɛ̃́ mↄ̀ yãdadaiɛ́ mɛ́ a yã́ bee kũao, ásu à aà dilɛo. Ásu gbãakpaaàzi seo. 
\v 11 Asa gbɛ̃́ pↄ́ gbãakpàaàzi lɛ́ kú aà vãikɛaↄ guuɛ.
\p
\v 12 Má yãvĩ dasi mà oɛ́, ãma má ye mà kɛ̃́ɛ́ láuo. Ma wɛ́ dↄi mà mↄ á gwaiɛ, wí bↄ kↄ̃ lɛ́u,\f + \fr 1.12 \fr*\ft 3Zãa 13-14\ft*\f* kɛ́ wá pↄna e kɛ zài. 
\v 13 Gãli pↄ́ Lua dìlɛ la gbɛ̃́ↄ fↄkpàwá.