\id 1JN 1 John in Boko, Ross Jones 2/08
\ide UTF-8
\h 1 Zãa
\toc1 Zãa lá sɛ̃́ia
\toc2 1 Zãa
\toc3 1Zãa
\mt1 ZÃA LÁ SƐ̃IA
\imt1 Yã́ pↄ́ kú láɛ bee guuↄ
\ip Láɛ bee guu Zãa lɛ́ tɛ́kpa Yesudeↄgu aaↄ naa Yesu Kilisiwa sĩana, aai yãkɛ a zɛ́wa wàↄ yekↄ̃zi ń Lua gbãao. A ònɛ́ lↄ aa gi yãdanɛ bɛ̃̀ɛ pↄ́ ì kpánɛ́ wà Lua yã́ kũa súsui.
\ip Lápi daalɛkĩi (1.1-4) Zãa nà yã́ pↄ́ álɛ yáwaɛ: Sema Yesudeↄ aaↄ kↄ̃gbɛ̃ↄ ũ ń Mae Luao ń aà Nɛ́ Yesu Kilisio. A gbɛ̀amá aa zɛ ń Lua zĩna pↄ́ aa wɛsì Yesu Kilisilɛ mɛ́ aa swãdↄ̀ aà yãdanɛiↄ seeladekɛo, aaiↄ ku gupua guu, asa Luaá gupuaɛ. Bee yã́i, sema aaↄ yekↄ̃zi (1.5-2.17). Bee gbɛa à lɛkã̀ Kilisi ibɛɛↄ mↄa yã́wa, ɛɛde pↄ́ aaì mɛ Yesuá Kilisi no (2.18-29). Bee gbɛa à yã́ pↄ́ ì to wà Lua nɛ́ sĩandeↄ dↄ̃ ò: Yã́zɛdekɛa, yeakↄ̃i, Yesu Kilisi náaikɛa (3.1-24). À yã́ pↄ́ ì to wà sĩana dↄ̃kↄ̃ɛ ń ɛɛo ò (4.1-6), ↄ̃ à ɛ̀a sù yeakↄ̃zi yã́wa. Dɛa Lua gbɛ̃́ ũá yeakↄ̃i yã́ɛ, asa Lua ìↄ yeńziɛ (4.1-21). Lápi láakĩi à luanaaikɛa pↄ́ ì ń ká zĩbleawa yã'ò (5.1-21).
\ip Lápi ì dɛa Yesude sĩande ũ yã́ bↄↄlɛkɛwɛ̃ɛ. Ì Yesudeↄ gba làasoo maa kɛ́ aa e bↄ yãdanɛ ɛɛde pↄ́ ì ń sↄ̃ bleↄ guu, aai Yesu Kilisi náaikɛ ń yeakↄ̃zio.
\c 1
\s1 Yã́ wɛ̃nide
\p
\v 1 Gbɛ̃́ pↄ́ kú za asĩnizĩ\f + \fr 1.1 \fr*\ft Zãa 1.1\ft*\f* wa aà yãmà, wa aà è ń wɛ́o, wa aà gwà, wa ↄkã̀wà, Yã́ wɛ̃nidepi bao wálɛ kpáɛ́. 
\v 2 Wɛ̃nidepi bↄ̀ gupuau, wa aà è, aà seeladeↄn wá ũ. Wɛ̃nidepi ku yãa Mae Lua kĩ́iɛ, ↄ̃ à bↄ̀wá.\f + \fr 1.2 \fr*\ft Zãa 1.14\ft*\f* Aà bao wálɛ kpáɛ́. 
\v 3 Yã́ pↄ́ wá mà wá è ↄ̃ wálɛ oɛ́, kɛ́ ápiↄ á lɛ́ e àↄ doũwanↄ, asa wá lɛ́ doũ ń Mae Luaoɛ ń aà Nɛ́ Yesu Kilisipio.\f + \fr 1.3 \fr*\ft Zãa 17.3\ft*\f* 
\v 4 Wálɛ yã́ɛ beeↄ oɛ́ kɛ́ wá pↄna e pɛɛwáɛ.
\s1 Luaá gupuaɛ
\p
\v 5 Bao pↄ́ wá màwà wálɛ kpáɛ́n kɛ: Luaá gupuaɛ, gusia ku aà kĩ́io, baa yↄↄ. 
\v 6 Tó wa mɛ̀ wá lɛ́ doũaànↄɛ mɛ́ wá kú gusiau, ɛɛ wálɛ tó, wálɛ zĩkɛ sĩanawao. 
\v 7 Tó wá kú gupuau lá Lua ku gupuauwa sↄ̃, ↄ̃ wá lɛ́ aↄ doũ, aà Nɛ́ Yesu au ì wá duuna píi wolowá.
\p
\v 8 Tó wa mɛ̀ wá duuna vĩo, wálɛ wázĩa sãsãɛ, wá sĩana vĩo. 
\v 9 Tó wa wá duunaↄ ò Luaɛ, Lua dee náai vĩ, ì yãkɛ a zɛ́wa, a wá duunapiↄ kɛ̃́wá, a yãvãi wolowá píi.\f + \fr 1.9 \fr*\ft Soũ 32.5\ft*\f* 
\v 10 Tó wa mɛ̀ wi duunakɛo, wa Lua dìlɛ ɛɛde ũɛ, wá aà yã́ kũao.
\c 2
\p
\v 1 Ma nɛ́ↄ, málɛ yã́ bee oɛ́, kɛ́ ásu duunakɛo yã́iɛ. Ãma tó á gbɛ̃e duunakɛ̀, wá Zɛnnↄde vĩ Mae Lua kĩ́i tàaesaide Yesu Kilisi ũ. 
\v 2 Ɔ̃mɛ wá duuna awakpabↄ ũ.\f + \fr 2.2 \fr*\ft Lom 3.25\ft*\f* I kɛ wá duuna ado no, dṹnia bṹu gbɛ̃́ↄ pↄ́ɛ.
\p
\v 3 Tó wá yã́ pↄ́ a dìlɛↄ kũa, beewa wá dↄ̃ sĩana kɛ́ wá aà dↄ̃. 
\v 4 Tó gbɛ̃́ mɛ̀ á aà dↄ̃, mɛ́ a yã́ pↄ́ a dìlɛↄ kũao, ɛɛdeɛ, ade sĩana vĩo. 
\v 5 Gbɛ̃́ pↄ́ aà yã́ kũa sↄ̃, aà yea Luazi papaa sĩanaɛ. Pↄ́ pↄ́ a to wà dↄ̃ kɛ́ wá naawàn kɛ: 
\v 6 Gbɛ̃́ pↄ́ mɛ̀ á naawà, sema ade kua àↄ dɛ lá Kilisi ku yãawa.
\s1 Yã́ dafu dilɛa
\p
\v 7 Ma gbɛ̃́ yenzideↄ, i kɛ yã́ dafu ma a lakɛ̃̀ɛ́o, yãzi pↄ́ wa dìlɛɛ́ za káauɛ.\f + \fr 2.7 \fr*\ft Zãa 13.34\ft*\f* Yãzipi mɛ́ Lua yã́ pↄ́ á mà ũ. 
\v 8 Ń beeo yã́ pↄ́ málɛ a lákɛ̃ɛ́ dafu lↄɛ, wì a sĩana e aàpi ń ápiↄwa, asa gusia lɛ́ gɛ̃, ↄ̃ gupua sĩande\f + \fr 2.8 \fr*\ft Zãa 1.9\ft*\f* lɛ́ bii sa.
\p
\v 9 Gbɛ̃́ pↄ́ mɛ̀ á kú gupuau, mɛ́ a za a gbɛ̃́deegu, ade ku gusiauɛ e tia. 
\v 10 Gbɛ̃́ pↄ́ ye a gbɛ̃́deezi ku gupuau, aà yãe lí tó gbɛ̃e fuo. 
\v 11 Gbɛ̃́ pↄ́ za a gbɛ̃́deegu ku gusiauɛ, a bɛ gusiau, a dↄ̃ gu pↄ́ álɛ gɛ́uo, kɛ́ gusiapi aà vĩ̀akũ̀ yã́i.
\q1
\v 12 Ma nɛ́ↄ, má láɛ bee kɛ̃̀ɛ́
\q1 kɛ́ á duuna kɛ̃̀wá aà tↄ́ yã́ musu yã́i.
\q1
\v 13 Maeↄ, ma láɛ bee kɛ̃̀ɛ́
\q1 kɛ́ á gbɛ̃́ pↄ́ kú za asĩnizĩpi\f + \fr 2.13 \fr*\ft 1Zãa 1.1\ft*\f* dↄ̃.
\q1 Ɛ̀waasoↄ, ma láɛ bee kɛ̃̀ɛ́
\q1 kɛ́ a zĩblè Setãuwa.
\q1
\v 14 Ma nɛ́ↄ, ma láɛ bee kɛ̃̀ɛ́
\q1 kɛ́ á Mae Lua dↄ̃.
\q1 Maeↄ, ma láɛ bee kɛ̃̀ɛ́
\q1 kɛ́ á gbɛ̃́ pↄ́ kú za asĩnizĩ dↄ̃.
\q1 Ɛ̀waasoↄ, ma láɛ bee kɛ̃̀ɛ́
\q1 kɛ́ á gbãa mɛ́ á Lua yã́ kũa,
\q1 ↄ̃ a zĩblè Setãuwa.
\b
\p
\v 15 Ásu àↄ ye dṹniazio, ge pↄ́ pↄ́ kú a guuↄ. Tó gbɛ̃́ ye dṹniazi, a ye Mae Luazio. 
\v 16 Asa yã́ pↄ́ kú dṹnia guu píi, dↄ́ɛ'ĩi ń wɛtonlaao ń àizɛɛ ĩ́andãao, i bↄ Mae Lua kĩ́io, à bↄ̀ dṹnia kĩ́iɛ. 
\v 17 Dṹnia lɛ́ gɛ̃ ń a pↄ́ pↄ́ wì a nidɛↄ, ãma luapↄeãkɛna aↄ ku gↄↄpiiɛ.
\s1 Kilisi ibɛɛ
\p
\v 18 Ma nɛ́ↄ, gↄↄ gbɛzã wá kuwà. Lá á mà Kilisi ibɛɛ lɛ́ mↄ́, aà ibɛɛↄ dasikũ̀ sa. Beewa wá dↄ̃ kɛ́ wá kú gↄↄ gbɛzãwa. 
\v 19 Gbɛ̃́piↄá wá gbɛ̃́ↄ no, a yã́i aa bↄ̀lɛ wá guu. Tó wá gbɛ̃́ↄnɛ yãa dↄ̃ aa kúwanↄ. Aa kɛ̃̀wá kɛ́ wà e dↄ̃ an gbɛ̃e dɛ wá gbɛ̃́ ũo yã́iɛ.
\p
\v 20 Ápiↄ sↄ̃, Lua Nisĩna dìɛ́, ↄ̃ a sĩana dↄ̃̀ ápii. 
\v 21 Ma láɛ bee kɛ̃̀ɛ́, kɛ́ a sĩana dↄ̃̀ yã́iɛ, i kɛ á dↄ̃o no. Á dↄ̃ kɛ́ ɛɛe lí bↄ sĩana guuo. 
\v 22 Démɛ dɛ ɛɛde ũi? Gbɛ̃́ pↄ́ gì Yesu Mɛsiikɛiɛ. Gbɛ̃́ beeá Kilisi ibɛɛɛ, à gì Mae Luazi ń aà Nɛ́oɛ. 
\v 23 Gbɛ̃́ pↄ́ gì Lua Nɛ́zi gì Mae Luazi lↄ. Gbɛ̃́ pↄ́ zɛ̀ ń Lua Nɛ́o zɛ̀ ń Mae Luao lↄ.\f + \fr 2.23 \fr*\ft Zãa 5.23, 15.23\ft*\f*
\p
\v 24 Àↄ yã́ pↄ́ á mà za káau kũa. Tó á yã́ pↄ́ á mà za káaupi kũa, áↄ naa Lua Nɛ́wa ń aà Maeo. 
\v 25 Pↄ́ pↄ́ Kilisi a lɛgbɛ̃̀wɛ̃ɛ mɛ́ wɛ̃ni láasai ũ.
\p
\v 26 Ma láɛ bee kɛ̃̀ɛ́ gbɛ̃́ pↄ́ aalɛ á sãsãↄ yã́ musuɛ. 
\v 27 Ápiↄ sↄ̃, Nisĩna pↄ́ á è Kilisiwa kú á guu. Á bàa kú ń gbɛ̃e yãdadaaɛ́oo, asa aà Nisĩna lɛ́ yã́pii dadaɛ́, mɛ́ a sĩana vĩ, ɛɛ ku aà guuo. Lá àlɛ dadaɛ́, àↄ naa Kilisiwa màa.
\p
\v 28 Tiasa ma nɛ́ↄ, àↄ naawà àↄ gɛ́, kɛ́ gↄↄ pↄ́ à mↄ̀, wá sↄ̃ iↄ dilɛa. Wá gɛɛ a gↄ̃ kpá wá wɛ́i aà mↄgↄↄo. 
\v 29 Lá á dↄ̃ a maa, àↄ dↄ̃ kɛ́ yãmaakɛna píiá aà nɛ́ɛ.
\c 3
\s1 Lua nɛ́ↄ
\p
\v 1 À gwa lá Mae Lua yewázi zↄ̃ↄ, kɛ́ ì wá sísi a nɛ́ↄ,\f + \fr 3.1 \fr*\ft Zãa 1.12\ft*\f* mɛ́ wá a ũ sↄ̃! Dṹnia wá dↄ̃o, kɛ́ i aà dↄ̃o yã́i. 
\v 2 Ma gbɛ̃́ yenzideↄ, Lua nɛ́ↄn wá ũ tia, mɛ́ lá wáↄ dɛ i bↄ gupuau yãao. Wá dↄ̃ kɛ́ gↄↄ pↄ́ à mↄ̀, wáↄ dɛ laaàwa, asa wá wɛsiaàlɛ, wí aà e lá a dɛ. 
\v 3 Gbɛ̃́ pↄ́ a wɛ́ dↄaàzi màa, aàↄ ku gbãsĩsai lá Kilisi ku gbãsĩsaiwa.
\p
\v 4 Gbɛ̃́ pↄ́ duunakɛ̀ bↄ̀ Lua yã́ kpɛɛ, asa duunaá bↄa Lua ikoyã kpɛɛ. 
\v 5 Á dↄ̃ kɛ́ Kilisi mↄ̀ duunawoloa yã́iɛ, mɛ́ a duuna vĩo.\f + \fr 3.5 \fr*\ft 2Kln 5.21\ft*\f* 
\v 6 Gbɛ̃́ pↄ́ naawà líↄ tɛ duunawao. Duunkɛnae i aà eo, a aà dↄ̃o.
\p
\v 7 Ma nɛ́ↄ, ásu to gbɛ̃e á sã́são, yãmaakɛna mɛ́ maa lá Kilisi maawa. 
\v 8 Gbɛ̃́ pↄ́ ì duunakɛá Ibiisi gbɛ̃́, asa Ibiisi duunakɛ̀ za asĩnizĩɛ. Ibiisi yã́ↄ midɛa yã́i Lua Nɛ́ mↄ̀i. 
\v 9 Gbɛ̃́ pↄ́ Lua aà ì líↄ tɛ duunawao, asa Lua kɛkɛá kú aà guuɛ. A fↄ̃ líↄ tɛ duunawao, kɛ́ Lua aà ì yã́i. 
\v 10 Lá wá Lua nɛ́ↄ dↄ̃kↄ̃ɛ ń Ibiisi nɛ́ↄn kɛ: Gbɛ̃́ pↄ́ lí yãmaakɛo ge gbɛ̃́ pↄ́ ye a gbɛ̃́deezio, adeá Lua nɛ́ no.
\s1 Yeakↄ̃i
\p
\v 11 Yã́ pↄ́ á mà za káaun kɛ: Wàↄ yekↄ̃i.\f + \fr 3.11 \fr*\ft Zãa 13.34\ft*\f* 
\v 12 Ásu àↄ dɛ lán Kainuwao. A dɛ Setãu pↄ́ ũɛ, ↄ̃ à a dãuna dɛ̀.\f + \fr 3.12 \fr*\ft Daa 4.8\ft*\f* Bↄ́yãi à aà dɛ̀ii? Kɛ́ aà yãkɛa vãi mɛ́ aà dãuna pↄ́ maa yã́iɛ. 
\v 13 Ma gbɛ̃́ↄ, tó dṹnia zaágu,\f + \fr 3.13 \fr*\ft Zãa 15.18\ft*\f* ásu to à bↄ á saɛo. 
\v 14 Wá dↄ̃ wa bↄ gau wa gɛ̃ wɛ̃ni guu,\f + \fr 3.14 \fr*\ft Zãa 5.24\ft*\f* kɛ́ wá ye wá Yesude deeↄzi yã́i. Gbɛ̃́ pↄ́ ye gbɛ̃́io, adeá gɛɛ e tia. 
\v 15 Gbɛ̃́ pↄ́ za a gbɛ̃́deeguá gbɛ̃dɛnaɛ. Á dↄ̃ kɛ́ gbɛ̃dɛnae líↄ wɛ̃ni láasai vĩo.
\p
\v 16 Yã́ɛ bee mɛ́ a to wà dↄ̃ lá yeakↄ̃i dɛ. Kilisi azĩa kpà wá yã́i. Wápiↄ sↄ̃, sema wà wázĩa kpá wá Yesude deeↄ yã́i màa. 
\v 17 Tó gbɛ̃́ dɛ pↄde ũ, mɛ́ a è a gbɛ̃́dee lɛ́ wɛ̃nakɛ, tó i wɛ̃nadↄ̃ɛ̀o, a ye gbɛ̃́i lá Lua yeiwae? 
\v 18 Ma nɛ́ↄ, wásu wàↄ yekↄ̃i ń lɛ́òo. Wàↄ yekↄ̃i sĩana ń yãkɛao. 
\v 19 Beewa wá dↄ̃ kɛ́ sĩana gbɛ̃́ↄn wá ũ, màa wá sↄ̃ aↄ daa doũ Lua aɛ. 
\v 20 Tó yãe sù lɛ́ wá sↄ̃ vĩ sↄ̃, wá dↄ̃ kɛ́ Lua zↄ̃ↄ dɛ wá làasooa, a yã́pii dↄ̃.
\p
\v 21 Ma gbɛ̃́ yenzideↄ, tó wá làasoo lɛ́ wá dayãuo, wá sↄ̃ aↄ dilɛa Lua aɛɛ, 
\v 22 wí pↄ́ pↄ́ wá gbɛ̀awà e, kɛ́ wá yã́ pↄ́ a dìlɛↄ kũa mɛ́ wi yã́ pↄ́ ì kaaàgu kɛ yã́i. 
\v 23 Yã́ pↄ́ a dìlɛwɛ̃ɛn kɛ: Wà aà Nɛ́ Yesu Kilisi náaikɛ,\f + \fr 3.23 \fr*\ft Zãa 6.29\ft*\f* wíↄ yekↄ̃i lá a dìlɛwɛ̃ɛwa.\f + \fr 3.23 \fr*\ft Zãa 13.34\ft*\f* 
\v 24 Gbɛ̃́ pↄ́ yã́ pↄ́ a dìlɛↄ kũa naawà, mɛ́ Luapi ku ade guu. Wá dↄ̃ kɛ́ a kú wá guu aà Nisĩna pↄ́ a kpàwá yã́i.
\c 4
\s1 Nisĩnaↄ dↄ̃akↄ̃ɛ
\p
\v 1 Ma gbɛ̃́ yenzideↄ, ásu gbɛ̃́ pↄ́ aa mɛ̀ wa Lua Nisĩna vĩↄ yã́ sí ḿpiio. À ń tàasika à gwa tó nisĩna pↄ́ aa vĩ bↄ̀ Lua kĩ́iɛ, asa ãnabi ɛgɛnaↄ dasikũ̀ dṹniau. 
\v 2 Yã́ pↄ́ a to à fↄ̃ dↄ̃ tó Lua Nisĩna aa vĩn kɛ: Gbɛ̃́ pↄ́ mɛ̀ Yesu Kilisi mↄ̀ gbɛ̃nazĩna ũ, nisĩna pↄ́ a vĩ bↄ̀ Lua kĩ́iɛ. 
\v 3 Gbɛ̃́ pↄ́ Yesu dↄ̃ màao, nisĩna pↄ́ a vĩ i bↄ Lua kĩ́io. Kilisi ibɛɛ pↄ́ á mà àlɛ mↄ́n we. A ku dṹnia guu kↄ̀.
\p
\v 4 Ma nɛ́ↄ, Lua gbɛ̃́ↄn á ũ, a zĩblè ãnabi ɛgɛnapiↄwa, asa Lua Nisĩna pↄ́ kú á guu zↄ̃ↄ dɛ nisĩna pↄ́ kú dṹnia guula. 
\v 5 Dṹnia gbɛ̃́ↄn ń ũ. Bee yã́i aaì dṹnia yã'o, ↄ̃ dṹnia gbɛ̃́ↄ ì ń yãma. 
\v 6 Lua gbɛ̃́ↄn wá ũ. Gbɛ̃́ pↄ́ Lua dↄ̃ ì wá yãma, gbɛ̃́ pↄ́ dɛ Lua pↄ́ ũo lí wá yãmao. Beewa ↄ̃ wá Nisĩn sĩande dↄ̃kↄ̃ɛ ń nisĩn ɛgɛnao.
\s1 Lua ìↄ yeńzi
\p
\v 7 Ma gbɛ̃́ yenzideↄ, wàↄ yekↄ̃i, asa yeakↄ̃i ì bↄ Lua kĩ́iɛ. Gbɛ̃́ pↄ́ ìↄ ye gbɛ̃́i mɛ́ Lua nɛ́ ũ, a Lua dↄ̃. 
\v 8 Gbɛ̃́ pↄ́ líↄ ye gbɛ̃́io Lua dↄ̃o, asa Lua ìↄ yeńziɛ. 
\v 9 Lá Lua yeawázi bↄ̀ gupuaun kɛ: À a Nɛ́ mɛ̀ndona zĩ̀ dṹnia guu,\f + \fr 4.9 \fr*\ft Zãa 3.16\ft*\f* kɛ́ wà wɛ̃ni e ń aà gbãaoɛ. 
\v 10 Aà yeawázipin kɛ: I kɛ wámɛ wá ye Luazio, Lua mɛ́ yewázi, ↄ̃ à a Nɛ́ zĩ̀ wá duuna awakpabↄ ũ. 
\v 11 Ma gbɛ̃́ yenzideↄ, lá Lua yewázi màa, sema wàↄ yekↄ̃i sↄ̃. 
\v 12 Gbɛ̃e i wɛsi Lualɛ yãao,\f + \fr 4.12 \fr*\ft Zãa 1.18\ft*\f* ãma tó wá yekↄ̃i, Lua kú wá guu, mɛ́ aà yeawázipi papaa wá guu.
\p
\v 13 Wá dↄ̃ kɛ́ wá naawà mɛ́ a kú wá guu, kɛ́ à a Nisĩna kpàwá yã́i. 
\v 14 Wá è, a seeladeↄn wá ũ, Mae Lua a Nɛ́ zĩ̀ dṹnia Suabana ũɛ.\f + \fr 4.14 \fr*\ft Zãa 3.17\ft*\f* 
\v 15 Gbɛ̃́ pↄ́ ò Yesuá Lua Nɛ́ɛ, Lua ku aà guu, mɛ́ ade ku Lua guu. 
\v 16 Wá dↄ̃̀ kɛ́ Lua yewázi mɛ́ wá a náai vĩ.
\p Lua ìↄ yewázi. Gbɛ̃́ pↄ́ ìↄ ye gbɛ̃́i naa Luawa, mɛ́ Lua naawà. 
\v 17 Lá Lua yeawázi pɛɛwán kɛ: Wá sↄ̃ aↄ dilɛa yã́kpalɛkɛgↄↄzĩɛ. Asa lá Kilisi dɛ, wápiↄ sↄ̃, màa wá dɛ dṹniaɛ bee guu. 
\v 18 Gbɛ̃e lí vĩakɛ gbɛ̃́ pↄ́ yeaziɛo. Tó Lua yewázi wásawasa, wáↄ vĩakɛ aà yã́ musuo, asa wì vĩakɛ gbɛ̃́ pↄ́ wàlɛ e a ĩadamáɛ. Vĩade líↄ dↄ̃ Lua yewázi wásawasao.
\p
\v 19 Wápiↄ, wiↄ ye gbɛ̃́i, kɛ́ Lua dↄ̀aa yewázi yã́i.\f + \fr 4.19 \fr*\ft Lom 5.8\ft*\f* 
\v 20 Tó gbɛ̃́ mɛ̀ á ye Luazi, mɛ́ a za a gbɛ̃́deegu, ɛɛdeɛ. Asa gbɛ̃́ pↄ́ ye a gbɛ̃́dee pↄ́ ì ezio, a fↄ̃ àↄ ye Lua pↄ́ i eozio. 
\v 21 Yã́ pↄ́ a dìlɛwɛ̃ɛn kɛ: Gbɛ̃́ pↄ́ ye Luazi, sema aàↄ ye a gbɛ̃́deezi sↄ̃.\f + \fr 4.21 \fr*\ft Mat 22.37-39\ft*\f*
\c 5
\s1 Lua Nɛ́ náaikɛa
\p
\v 1 Gbɛ̃́ pↄ́ Yesu náai vĩ Mɛsii ũ, Lua mɛ́ ade ì. Gbɛ̃́ pↄ́ ye dei ye nɛ́iɛ lↄ. 
\v 2 Tó wá ye Luazi mɛ́ wá yã́ pↄ́ a dìlɛↄ kũa, beewa wá dↄ̃ kɛ́ wá ye Lua nɛ́ↄzi. 
\v 3 Asa yea Luazi mɛ́ yã́ pↄ́ a dìlɛↄ kũa ũ.\f + \fr 5.3 \fr*\ft Zãa 14.15\ft*\f* Yã́ pↄ́ a dìlɛpiↄ zĩ'ũ sↄ̃o,\f + \fr 5.3 \fr*\ft Mat 11.30\ft*\f* 
\v 4 asa gbɛ̃́ pↄ́ Lua aà ì ì zĩble dṹniawaɛ. Wá luanaaikɛa mɛ́ ì to wà zĩble dṹniawa. 
\v 5 Démɛ ì zĩble dṹniawai? Gbɛ̃́ pↄ́ sì Yesuá Lua Nɛ́ɛ bàasio.
\p
\v 6 Yesu Kilisipi mɛ́ gbɛ̃́ pↄ́ mↄ̀ à da'ilɛkɛ̀, aà au bↄ̀lɛ ũ. I kɛ da'ilɛɛ adoo, à da'ilɛkɛ̀, aà au bↄ̀lɛ lↄ. Lua Nisĩna mɛ́ aà seelade ũ, asa ↄ̃mɛ sĩande ũ. 
\v 7 Seelaↄ ku àaↄ̃ɛ: 
\v 8 Lua Nisĩna ń ípio ń aupio, mɛ́ an àaↄ̃ píi an yã́ doũɛ. 
\v 9 Lá wi gbɛ̃nazĩna seeladekɛ sí, Lua seeladekɛ dɛ beea, asa Lua yã́pi ò a Nɛ́ yã́ musuɛ. 
\v 10 Gbɛ̃́ pↄ́ Lua Nɛ́ náai vĩ seelapi vĩ a sↄ̃ guu. Gbɛ̃́ pↄ́ i Lua yã́ sio, ade Luapi dìlɛ ɛɛde ũɛ, asa i yã́ pↄ́ Lua ò a Nɛ́ musu sio. 
\v 11 Yã́ pↄ́ a òn kɛ: Lua wá gbá wɛ̃ni láasai, mɛ́ wɛ̃nipi ku aà Nɛ́ kĩ́iɛ. 
\v 12 Gbɛ̃́ pↄ́ Lua Nɛ́ vĩ wɛ̃ni láasai vĩ. Gbɛ̃́ pↄ́ Nɛ́pi vĩo wɛ̃nipi vĩo.\f + \fr 5.12 \fr*\ft Zãa 3.36\ft*\f*
\p
\v 13 Ma yã́ beeↄ òɛ́, á gbɛ̃́ pↄ́ álɛ Lua Nɛ́ náaikɛↄ, kɛ́ àↄ dↄ̃ á wɛ̃ni láasai vĩ. 
\v 14 Lá wá sↄ̃ ìↄ dilɛa Lua aɛn kɛ: Tó wa pↄ́ wabikɛ̀wà lá a yeiwa, ì wá yãmaɛ. 
\v 15 Lá wá dↄ̃ ì wá wabikɛa ma, wá dↄ̃ kɛ́ wa pↄ́ pↄ́ wa a wabikɛ̀wà è kↄ̀.
\p
\v 16 Tó gbɛ̃́ a gbɛ̃́dee è, àlɛ duuna pↄ́ lí ń kaalɛo kɛ, aà wabikɛɛ̀, Lua i aà gba wɛ̃ni. Duuna pↄ́ lí ń kaalɛo má ò. Duuna pↄ́ ì ń kaalɛ kú, i kɛ bee má ò aà a wabikɛo. 
\v 17 Yãvãikɛa píiá duunaɛ, ãma duuna pↄ́ lí ń kaalɛo ku.
\p
\v 18 Wá dↄ̃ kɛ́ gbɛ̃́ pↄ́ Lua aà ì líↄ tɛ duunawao, asa Lua Nɛ́ ì aà dↄ̃́a, Setãu lí fↄ̃ ↄkã̀wào. 
\v 19 Wá dↄ̃ Lua gbɛ̃́ↄn wá ũ, mɛ́ dṹnia bṹu kú Setãu ↄzĩɛ. 
\v 20 Wá dↄ̃ kɛ́ Lua Nɛ́ mↄ̀, ↄ̃ à wá wɛ́ kɛ̃̀, kɛ́ wà e Sĩande dↄ̃. Wá kú Sĩandepi guu ń aà Nɛ́ Yesu Kilisio. Ɔ̃mɛ Lua sĩandepi ũ. Ɔ̃mɛ wɛ̃ni láasai ũ.
\p
\v 21 Ma nɛ́ↄ, à laaika dii ɛgɛnaↄzi.