\id ROM - NTB བོད་འགྱུར་གསར་མ། 
\h རོ་མཱ་པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\mt1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག  
\imt1 རོ་མཱ་པ་རྣམས་ལ་སྤྲིངས་པའི་འཕྲིན་ཡིག་གི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi འཕྲིན་ཡིག་འདི་ཡི་གེར་འགོད་དུས་ཕོལ་ལོལ་ཁོང་ཉིད་ཀོ་རིན་ཐུ་གྲོང་ཁྱེར་དུ་བཞུགས་ཡོད་པ་དང་། དེ་ནི་ཁོང་ཉིད་ཐེངས་གསུམ་པར་ཆོས་སྤེལ་དུ་བསྐྱོད་པའི་སྐབས་ཡིན་པར་དགོངས། ཁོང་གིས་ས་དབུས་རྒྱ་མཚོའི་ཤར་ཕྱོགས་ཀྱི་ལས་འགན་རྣམས་བསྒྲུབས་ནས་འགྲུབ་ལ་ཉེ་བ་དང་། རོ་མཱ་གྲོང་ཁྱེར་གྱི་ཆོས་ཚོགས་ལ་གཟིགས་སྐོར་དུ་འགྲོ་བའི་འདུན་པ་ཚད་མེད་སྐྱེས་ནའང་། སྐབས་དེར་ཁོང་རོ་མཱ་གྲོང་ཁྱེར་ལ་འགྲོ་མ་ནུས་པས་འཕྲིན་ཡིག་འདི་སྤྲིངས་པ་ཡིན། མ་འོངས་པར་སི་ཕེན་ཡཱ་ལ་ཆོས་སྤེལ་བར་འགྲོ་བའི་ལམ་ནས་ཁོང་རོ་མཱ་གྲོང་ཁྱེར་ལ་གཟིགས་སྐོར་དུ་འགྲོ་བརྩིས་ཡོད། འཕྲིན་ཡིག་འདི་ལས་ཆོས་ཀྱི་གཞུང་ལུགས་ངོ་སྤྲོད་བྱས་ཡོད་པ་དང་། ཕྱིས་སུ་ཁོང་གིས་དེ་དག་ལ་ཆོས་ཀྱི་ཞབས་ཕྱི་བསྒྲུབ་འདོད་པའི་རེ་བའང་བརྗོད་ཡོད།  
\is1 ཡི་གེར་འགོད་མཁན་དང་འགོད་དུས།  
\ipi འཕྲིན་ཡིག་འདི་ཡི་གེར་འགོད་མཁན་ནི་སྐུ་ཚབ་པ་ཕོལ་ལོལ་ཡིན་པ་དང་། འཕྲིན་ཡིག་འདི་ནི་སྤྱི་ལོ་57ལོའི་དཔྱིད་ཚུགས་དུས་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi རོ་མཱ་པའི་འཕྲིན་ཡིག་ནང་ཕོལ་ལོལ་གྱི་བརྗོད་བྱའི་སྙིང་པོ་ནི་འཕྲིན་བཟང་ཡིན་པ་སྟེ། དཀོན་མཆོག་གི་ཐུགས་དགོངས་བཞིན་ཁོང་གི་ཐར་པ་དང་རྣམ་པར་དག་པ་དེ་ཡ་ཧུ་དཱ་དང་ཕྱི་ཕྱོགས་པ་ཚུད་པའི་འཇིག་རྟེན་གྱི་མི་ཐམས་ཅད་ལ་གནང་བ་ཡིན། དཀོན་མཆོག་གི་འཕྲིན་བཟང་ནི་དད་པ་བརྒྱུད་ནས་མི་རྣམ་དག་ཏུ་བརྩིས་པའི་ཆོས་གཞུང་ཞིག་ཡིན་པར་མ་ཟད། མི་ཚང་མ་སྡིག་ཅན་ཡིན་པ་དང་དད་ལྡན་རྣམས་དམ་པར་འགྱུར་བ་སོགས་ཀྱི་གཞུང་ལུགས་ཤིག་ཀྱང་ཡིན། རོ་མཱ་པའི་འཕྲིན་ཡིག་འདི་ནི་དམ་པའི་གསུང་རབ་ནང་དུ་ཆེས་གསལ་ཞིང་གོ་རིམ་ལྡན་པའི་ཡེ་ཤུའི་ཆོས་ལུགས་ཀྱི་གསུང་འཕྲིན་ཞིག་ཡིན།  
\is1 འཆར་ཟིན།  
\ipi 1. ངོ་སྤྲོད། ༼1:1-15༽  
\ipi 2. བརྗོད་བྱའི་སྙིང་པོ་སྟེ། དཀོན་མཆོག་ནས་བྱུང་བའི་རྣམ་པར་དག་པ། ༼1:16-17༽  
\ipi 3. མིའི་རིགས་ཀྱི་ཁྲོད་དུ་གཞུང་རྒྱུད་དྲང་བའི་མི་གཅིག་ཀྱང་མེད་པའི་སྐོར། ༼1:18-3:20༽  
\ipi 4. མི་རྣམ་དག་ཏུ་བརྩི་བའི་སྐོར། ༼3:21-5:21༽  
\ipi 5. དམ་པར་འགྱུར་བའི་སྐོར། ༼6:1-8:39༽  
\ipi 6. ཡེས་ར་ཨེལ་མི་རིགས་ཀྱི་དོན་རྣམས་བརྗོད་པ། ༼9:1-11:36༽  
\ipi 7. དད་ལྡན་རྣམས་ཀྱིས་ཆོས་ལག་ལེན་དུ་འདེབས་པ། ༼12:1-15:13༽  
\ipi 8. མཇུག་སྡོམ། ༼15:14-33༽  
\ipi 9. བསྔགས་བརྗོད་དང་ཁམས་འདྲི། ༼16:1-27༽  
\c 1
\cl ལེའུ་དང༌པོ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 འཕྲིན་ཡིག་བསྐུར༌ཡུལ།  
\p
\v 1 དེ་ཡང་ཕོལ་ལོལ་ང་རང་ནི་མཱ་ཤི་ཀ་ཡེ་ཤུའི་ཞབས་ཕྱི་པ་ཞིག་ཡིན༌ཞིང༌། སྐུ་ཚབ་པར་ཞལ་འབོད་གནང་སྟེ་དཀོན་མཆོག་གི་འཕྲིན་བཟང་བསྒྲག་པར་ཆེད་དུ་བསྐོས་པ་ལགས།  
\v 2 འཕྲིན་བཟང་འདི་ནི་དཀོན་མཆོག་གིས་སྔོན་ཆད་རང་ཉིད་ཀྱི་ལུང་སྟོན་པ་རྣམས་བརྒྱུད་ནས་དམ་པའི་གསུང་རབ་ཏུ་ཞལ་བཞེས་གནང༌ཞིང་།  
\v 3 ཁོང་གི་སྲས་ཀྱི་སྐོར་ཡང་ཡིན་ལ། ལུས་ཕུང་ལྟར་སྨྲས་ན། ཁོང་ནི་དཱ་བིད་ཀྱི་གདུང་རྒྱུད་ནས་སྐུ་འཁྲུངས་ཤིང་།  
\v 4 དམ་པའི་ཐུགས་ཉིད་ལྟར་སྨྲས་ན། གྲོངས་པ་ནས་སླར་གསོན་པར་གྱུར་པའི་རྐྱེན་གྱིས། མཐུ་སྟོབས་ཆེན་པོའི་ངང་ནས་དཀོན་མཆོག་གི་སྲས་ཡིན་པར་བསྟན༌ཅིང་། ཁོང་ཉིད་ནི་བདག་ཅག་གི་གཙོ་བོ་ཡེ་ཤུ་མཱ་ཤི་ཀ་ལགས་སོ༎  
\v 5 ངེད་ཅག་ལ་ཁོང་ཉིད་བརྒྱུད་ནས་ཐུགས་རྗེ་དང་སྐུ་ཚབ་པའི་འགན་འཁྲི་ཐོབ༌ཅིང་། དེ་ནི་ཁོང་གི་མཚན་གྱི༌ཕྱིར་ཕྱི་ཕྱོགས་ཀྱི་མི་རིགས་ཐམས་ཅད་ཀྱི་ཁྲོད་དུ། ཁོ་རྣམས་དད་པའི་བཀའ་ལ་མཉན་དུ་འཇུག་པའི་ཆེད་ཡིན།  
\v 6 དེ་ལས་ཡེ་ཤུ་མཱ་ཤི་ཀར་གཏོགས་པར་ཞལ་འབོད་ཐོབ་མཁན་ཁྱོད་རྣམས་ཀྱང་མཆིས།  
\v 7 བདག་གིས་འཕྲིན་ཡིག་འདི་ནི་དཀོན་མཆོག་གིས་གཅེས་ཤིང་དད་ལྡན་དམ་པར་ཞལ་འབོད་གནང་བའི་རོ་མཱའི་མི་རྣམས་ལ་འདི་ལྟར་སྤྲིངས་པ༌སྟེ། བདག་ཅག་གི་ཡབ་དཀོན་མཆོག་དང་གཙོ་བོ་ཡེ་ཤུ་མཱ་ཤི་ཀ་ནས་ཁྱོད་རྣམས་ལ་ཐུགས་རྗེ་དང་ཞི་བདེ་འཐོབ་པར༌སྨོན།   
\s1 རོ་མཱ་གྲོང་ཁྱེར་དུ་ཕོལ་ལོལ་ཕེབས་པར་རྩོམ༌པ།  
\p
\v 8 དེ་ཡང་ཐོག་མར་ཁྱོད་ཅག་གི་དད་པ་ནི་འཇིག་རྟེན་ཡོངས་ལ་ཁྱབ་ཡོད༌པས། བདག་གིས་ཡེ་ཤུ་མཱ་ཤི་ཀར་བརྟེན་ནས་ཁྱོད་ཅག་ཐམས་ཅད་ཀྱི་ཆེད་དུ་རང་གི་དཀོན་མཆོག་ལ་བཀའ་དྲིན་ཞུའོ།།  
\v 9 ངས་ཁོང་གི་སྲས་ཀྱི་འཕྲིན་བཟང་སྒྲོག་ཅིང་དེ་ལ་བརྟེན་ནས། སེམས་གཏིང་ནས་བསྙེན་བཀུར་བྱེད་པའི་དཀོན་མཆོག་ནི་བདག་གིས་གསོལ་བ་འདེབས་པའི་དུས༌སུ་རྒྱུན་ཆད་མེད་པར་ཁྱོད་ཅག་གླེང་བའི་དོན་དེར་བདེན་དཔང་མཛད་མཁན་ཡིན་ལ།  
\v 10 ངས་རྟག་ཏུ་ཞུ་བ་བྱེད་པ་དེ་དཀོན་མཆོག་གི་དགོངས་པ་ལྟར་ཡིན༌ན། ང་རང་མཐའ་མར་ཁྱོད་ཅག་གི་གམ་དུ་འགྲོ་བར་ལམ་བདེ་མོ་ཞིག་ཡོད་པར་འགྱུར།  
\v 11 ང་ལ་ཁྱོད་རྣམས་མཐོང་འདོད་ཆེན་པོ་ཡོད་དེ། དམ་པའི་ཐུགས་ཉིད་ཀྱི་གནང་སྦྱིན་གང་ཞིག་ཁྱོད་ཅག་ལ་སྦྱིན་པ༌དང༌། ཁྱོད་ཅག་གི་དད་པ་ཇེ་བརྟན་དུ་གཏོང༌བའི་ཕྱིར་ཡིན།  
\v 12 དེ་ལྟར་བྱས༌ན། ང་ནི་ཁྱོད་ཅག་གི་ཁྲོད་དུ་གནས༌ཤིང༌། བདག་ཅག་ཕན་ཚུན་བར་གྱི་དད་སེམས་ཀྱི་རྐྱེན༌གྱིས། བདག་ཅག་ལ་མཉམ་དུ་སེམས་གསོ་འཐོབ་པར་འགྱུར་རོ།།  
\v 13 སྤུན་ཟླ༌རྣམས། ངས་ཁྱོད་རྣམས་ལ་གང་ཞིག་ཤེས་སུ་འཇུག་འདོད་པ༌ནི། ང་རང་ཁྱོད་ཅག་གི་གམ་དུ་ཡང་ཡང་འགྲོ་བར་རྩོམ༌ཞིང༌། ཁྱོད་རྣམས་ཀྱི་ཁྲོད་ནས་འབྲས་བུ་འགའ་རེ་འཐོབ་འདོད་ཅིང་། དེ་ནི་ཕྱི་ཕྱོགས་པ་གཞན་དག་ལས་འཐོབ་འདོད་པ་དང་མཚུངས་ནའང་ད་ལྟའི་བར་དུ་བཀག་རྒྱ༌ཡོད་པ་ཡིན།  
\v 14 གྷི་རིག་པ་དང་མཐའ་འཁོབ༌པ། རིག་པ་ཅན་དང་རིག་རྟུལ་ཅན་བཅས་གང་ཡིན༌ཡང༌། བདག་གིས་དེ་དག་ལ་འགན་འཁུར་དགོས༌པས།  
\v 15 ངས་རང་ནུས་ཅི་ལྕོགས་ཀྱིས་རོ་མཱ་རུ་ཡོད་པ་ཁྱོད་རྣམས་ལའང་དཀོན་མཆོག་གི་འཕྲིན་བཟང་བསྒྲག་འདོད་དོ༎   
\p
\v 16 རྒྱུ་མཚན་ནི་བདག་གིས་འཕྲིན་བཟང་ངོ་ཚ་ཞིག་ཏུ་མི་བརྩིའོ།། འཕྲིན་བཟང་ནི་ཐོག་མར་ཡ་ཧུ་དཱ་པ་དང་ཕྱིས་སུ་གྷི་རིག་པ་སྟེ། དད་པ་ཅན་ཐམས་ཅད་སྐྱོབ་པར་བྱེད་པའི་དཀོན་མཆོག་གི་ནུས་མཐུ་ཆེན་པོ་ཡིན༌པའི་ཕྱིར་རོ།།  
\v 17 དེ་ནི་དཀོན་མཆོག་གི་རྣམ་པར་དག་པ་ནི་འཕྲིན་བཟང་ལ་བརྟེན་ནས་མངོན་པ་ཡིན༌ཞིང་། དད་པ་ལས་བྱུང་ཞིང་སླར་ཡང་དད་པ་ལ་བརྟེན་པའི་ཕྱིར་ཡིན། དེ་ལ་གསུང་རབ་ཀྱི་མདོ་ལས་ཇི་སྐད༌དུ། མི་རྣམ་དག་ནི་དད་པའི་སྒོ་ནས་འཚོ་བར་འགྱུར་ \f + \ft མི་རྣམ་དག་ནི་དད་པའི་སྒོ་ནས་འཚོ་བར་འགྱུར་ཞེས་པ་ལ། མི་རྣམ་དག་ནི་དད་པའི་རྐྱེན་གྱིས་འཚོ་བར་འགྱུར་ཞེས་ཀྱང་གོ་རུང་བར་གསུངས། \f*ཞེས་བཀོད་ཡོད་པ་བཞིན༌ནོ།།   
\s1 དཀོན་མཆོག་མིའི་རིགས་ལ་ཐུགས་ཁྲོ་བ།  
\p
\v 18 དེ་ཡང་དཀོན་མཆོག་གི་ཐུགས་ཁྲོ་ནི་ནམ་མཁའི་ཞིང་ཁམས་ནས་དད་གུས་མེད་པ་དང་རང་གཤིས་མི་དྲང་བ་ཐམས་ཅད་ཀྱི་སྟེང་དུ་མངོན་པར་བྱེད་པ་ཡིན་ནོ།། དེ་དག་ནི་ལས་ངན་པ་བྱས་ནས་དཀོན་མཆོག་གི་བདེན་པ་ཉིད་མར་གནོན་མཁན་ཡིན།  
\v 19 རྒྱུ་མཚན་ནི་དཀོན་མཆོག་གི་སྐོར་ཤེས་ཐུབ་པ་ནི་མི་དེ་དག་གི་སེམས་ཁོང་དུ་མངོན་ཡོད་པ་ཡིན༌ལ། དེ་ནི་དཀོན་མཆོག་གིས་མི་དེ་དག་ལ་མངོན་པར་མཛད་ཡོད་པའི་ཕྱིར་ཡིན་ཞིང་།  
\v 20 འཇིག་རྟེན་ཁམས་བསྐྲུན་པའི་ཚུན༌ལ། དཀོན་མཆོག་གི་ཐོག་མཐའ་མེད་པའི་མཐུ་སྟོབས་དང་ཁྱད་དུ་འཕགས་པའི་རང་གཤིས་ནི་མཐོང་དུ་མེད་ནའང་། དངོས་གནས་གསལ་པོར་ཤེས་ཐུབ༌སྟེ། དངོས་པོ་བསྐྲུན་ཡོད་པ་དེ་དག་ལ་བལྟས་ནས་ཤེས་ཐུབ་པས་མི་དེ་ཐམས་ཅད་ལ་ཁག་དཀྲི་ས་མེད་དོ།།  
\v 21 ཅིའི་ཕྱིར་ཞེ་ན། མི་དེ་དག་གིས་དཀོན་མཆོག་ངོ་ཤེས་ནའང་། ཁོང་ནི་དཀོན་མཆོག་ཏུ་མ་བརྩིས་ཤིང་ཁོང་ལ་འབུལ་འོས་པའི་བསྟོད་པ་མ་ཕུལ་བ་དང་བཀའ་དྲིན་ཡང་མ་ཞུས་པ་རེད། ཁོ་རྣམས་ཀྱི་དྲན་ཚུལ་ནི་སྟོང་བར་གྱུར་པ་དང་བླུན་པོའི་སེམས་ལའང་མུན་པས་ཁེངས་ཡོད་པའི་ཕྱིར༌རོ།།  
\v 22 རང་ཉིད་རིག་པ་ཅན་དུ་རློམ་ནའང་དོན་དུ་བླུན་པོ་རུ་གྱུར་པ༌དང༌།  
\v 23 རྟག་པའི་དཀོན་མཆོག་གི་གཟི་བརྗིད་རིང་དུ་སྤངས་ཏེ། དེའི་ཚབ་ཏུ་མི་རྟག་པའི་མི༌དང༌། འདབ༌ཆགས། སུག་བཞི་ཅན་གྱི་སྲོག་ཆགས། ལྟོ་འགྲོ་སོགས་ཀྱི་གཟུགས་བརྙན་ལ་བརྟེན་པའོ།།   
\p
\v 24 དེའི༌ཕྱིར། མི་དེ་དག་གིས་སེམས་ནང་གི་འདོད་ཆགས་ལྟར་མི་གཙང་བ་བྱེད་པ་དང༌། ཐ་ན་ཁོ་རྣམས་ཀྱིས་ཕན་ཚུན་གྱི་ལུས་པོ་བཙོག་པར་བཟོས་པའང་དཀོན་མཆོག་གིས་སྣང་མེད་དུ་བསྐྱུར་ཏོ།།  
\v 25 དེ་ནི་ཁོ་རྣམས་ཀྱིས་དཀོན་མཆོག་གི་བདེན་པ་ཉིད་སྤངས༌ཏེ། དེའི་ཚབ་ཏུ་རྫུན་ལ་བརྟེན་ནས་དཀོན་མཆོག་གིས་བསྐྲུན་པའི་དངོས་པོ་ལ་བསྙེན་བཀུར་བྱེད་པ༌ལས། འཇིག་རྟེན་ཁམས་འགོད་མཁན་དཀོན་མཆོག་ལ་དད་པ་མི་བྱེད་པའི་ཕྱིར༌ཡིན། དཀོན་མཆོག་ལ་ནམ་ཡང་བསྔགས་བརྗོད་བྱ་འོས༌སོ།། ཨ༌མེན།   
\p
\v 26 དེ་བས་ན་མི་དེ་རྣམས་ཀྱིས་ངོ་གནོང་བའི་འདོད་ཆགས་བག་མེད་དུ་སྤྱོད་པའང་དཀོན་མཆོག་གིས་སྣང་མེད་དུ་བསྐྱུར་ཏོ།། མི་དེ་དག་གི་བུད་མེད་རྣམས་ཀྱིས་ལས་སུ་རུང་བ་སྤངས་ཏེ། དེའི་ཚབ་ཏུ་ལས་མི་རུང་བ་སྤྱོད༌པ་རེད།  
\v 27 སྐྱེས་པ་རྣམས་ཀྱང་དེ་བཞིན༌ཏེ། བུད་མེད་སྤྱོད་འོས་པ་རིང་དུ་སྤངས་ནས། འདོད་ཆགས་ཀྱི་མེ་ལྕེ་སེམས་སུ་འབར་ཞིང་། སྐྱེས་པ་ཕན་ཚུན་ལ་ཞེན་ཆགས་པ༌དང༌། སྐྱེས་པས་སྐྱེས་པ་ལ་ངོ་གནོང་དགོས་པའི་ལས་བྱས་པས། རང་གི་ལུས་སྟེང་དུ་ལོག་སྤྱོད་དེ་ལྟ་བུ་བྱེད་པ་ལ་ཉེས་ཆད་བྱུང༌ངོ༌།།   
\p
\v 28 མི་དེ་དག་གིས་བསམ་བཞིན་དཀོན་མཆོག་ཤེས་མི་འདོད༌པས། ཁོང་གིས་དེ་དག་གི་སེམས་སུ་ལོག་སེམས་བཅངས་པ་དང་ལུགས་དང་འགལ་བའི་ལས་བྱེད་པའང་སྣང་མེད་དུ་བསྐྱུར་ཏོ།།  
\v 29 མི་དེ་དག་གི་སེམས་སུ་དྲང་བདེན་མ་ཡིན་པ༌དང༌། སྡིག༌པ། བརྣབ༌སེམས། ངན༌སེམས། ཕྲག༌དོག མི་གསོད་པ། འགྲན༌རྩོད། གཡོ༌སྒྱུ། གདུག་རྩུབ་བཅས་སྣ་ཚོགས་ཀྱིས་བཀང་བ༌དང༌། ཡང་མི་དེ་དག་ནི་ཕྲ་མ་བྱེད་མཁན༌དང༌།  
\v 30 ལྐོག་ནས་གཏམ་ངན་སྨྲ༌མཁན། དཀོན་མཆོག་ལ་སྡང༌མཁན། བརྙས་བཅོས་བྱེད༌མཁན། ང་རྒྱལ༌ཅན། རང་བསྟོད༌མཁན། ལས་ངན་པ་བཟོ༌མཁན། ཕ་མའི་ངག་ལ་མི་ཉན་པ།  
\v 31 ཤེས་པས་རྨོངས་ཤིང་ཡིད་རྟོན་མེད་པ། བརྩེ་སེམས་དང་སྙིང་རྗེ་མེད་པ་བཅས་ཡིན་ནོ།།  
\v 32 དེ་རྣམས་ཀྱིས་སྡིག་པའི་ལས་དེ་ལྟ་བུ་བྱེད་མཁན་ནི་འཆི་འོས་པ་ཡིན་ཞེས་དཀོན་མཆོག་གི་བཀའ་ལས་གསུངས་ཡོད་པ་ཤེས༌ནའང༌། རང་རང་གིས་སྡིག་པའི་ལས་བྱེད་པར་མ༌ཟད། མི་གཞན་གྱིས་དེ་བཞིན་བྱེད་པ་ལའང༌དགའོ།།   
\c 2
\cl ལེའུ་གཉིས༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 དཀོན་མཆོག་གིས་ཁྲིམས་ཐག་གཅོད་པར་འགྱུར་བའི་སྐོར།  
\p
\v 1 དེ་བས་ན་མི་ལ་ཁ་ཚོན་གཅོད་མཁན་ཁྱོད་ནི་སུ་ཡིན་ཡང་ཁག་དཀྲི་ས་མེད༌དེ། ཁྱོད་ཀྱིས་དོན་གང་གི་ཆ་ནས་མི་ལ་ཁ་ཚོན་བཅད༌ན། དོན་དེའི་སྟེང་ནས་ཁྱོད་ཀྱིས་རང་གིས་རང་ལའང་ཉེས་ཆད་བཅད༌དོ།། ཅིའི་ཕྱིར་ཞེ་ན། ཁྱོད་ཀྱིས་མི་ལ་ཁ་ཚོན་གཅོད་ནའང་། རང་གི་སྤྱོད་པ་ནི་མི་གཞན་དང་མཚུངས་པའི་ཕྱིར༌རོ།།  
\v 2 དཀོན་མཆོག་གིས་ལས་དེ་ལྟར་བྱེད་མཁན་ལ་ཁྲིམས་ཐག་གཅོད་པ་ནི་བདེན་པ་དང་མཐུན་པ་བདག་ཅག་གིས་ཤེས༌སོ།།  
\v 3 ཀྱེ་ཧོ། ཁྱོད་ཀྱིས་ལས་དེ་ལྟར་བྱེད་མཁན་ལ་ཁ་ཚོན་བཅད༌ནའང༌། རང་གི་སྤྱོད་པ་ནི་མི་གཞན་དང་མཚུངས༌པས། ཁྱོད་ནི་དཀོན་མཆོག་གི་ཁྲིམས་ཐག་ལས་ཤོར་ཐུབ་པར་འདོད་དམ།  
\v 4 ཡང་ན་ཁྱོད་ཀྱིས་དཀོན་མཆོག་གི་ཐུགས་རྗེ་ཆེན་པོ༌དང༌། བཟོད་སྒོམ། ངང་རྒྱུད་རིང་པོ་བཅས་ལ་མཐོང་ཆུང་བྱེད་པ༌དང༌། ཁོང་གི་ཐུགས་རྗེ་ཡིས་ཁྱོད་ནི་འགྱོད་བཤགས་ཀྱི་ལམ་དུ་ཁྲིད་པའང་མི་ཤེས༌སམ།  
\v 5 འོན༌ཀྱང༌། ཁྱོད་ཀྱིས་རང་གི་རྒྱུད་གྱོང་ཞིང་འགྱོད་བཤགས་མི་བྱེད་པའི་སེམས་རྒྱ་ཡན་དུ་བཏང་བས། དཀོན་མཆོག་གི་ཐུགས་ཁྲོའི་ཉིན་མོའི་ཆེད༌དུ། རང་གིས་རང་ལ་ཐུགས་ཁྲོ་གསོག་པར་བྱེད་ཅིང་། ཉིན་དེར་དཀོན་མཆོག་གི་དྲང་བདེན་གྱི་ཁྲིམས་ཐག་མངོན་པར་འགྱུར་ངེས༌ཤིང༌།  
\v 6 ཁོང་གིས་མི་རེ་རེའི་སྤྱོད་པ་བཞིན་དུ་ལན་གནང་བར་འགྱུར༌ཏེ།  
\v 7 སྙིང་རུས་ལ་བརྟེན་ནས་དོན་ལེགས་པོ་སྒྲུབ་ཅིང༌། གཟི་བརྗིད་དང་བཀུར༌བསྟི། འཇིག་པ་མེད་པ་བཅས་འཚོལ་མཁན་རྣམས་ལ་མཐའ་མེད་པའི་ཚེ་སྲོག་གནང་བར་འགྱུར་མོད།  
\v 8 འོན༌ཀྱང༌། སྒེར་སེམས་བཅངས་ནས་བདེན་པ་ཉིད་ལ་བློ་མི་བསྟུན༌པར། དྲང་བདེན་མ་ཡིན་པར་བློ་བསྟུན་མཁན་རྣམས་ལ་ཐུགས་ཁྲོ་དང་ཁྲོ་གཏུམ་འཕོག་པར་འགྱུར་རོ།།  
\v 9 དེ་ཡང་དཀའ་སྡུག་དང་དཀའ་ངལ་ནི་ངན་པའི་ལས་བྱེད་མཁན་ཐམས་ཅད༌དེ། ཐོག་མར་ཡ་ཧུ་དཱ་པ་དང་ཕྱིས་སུ་གྷི་རིག་པ་རྣམས་ལ་སྦྱོར་བར་འགྱུར༌མོད།  
\v 10 འོན༌ཀྱང༌། གཟི་བརྗིད་དང་བཀུར༌བསྟི། ཞི་བདེ་བཅས་ནི་ལས་བཟང་པོ་བྱེད་མཁན་ཐམས་ཅད༌དེ། ཐོག་མར་ཡ་ཧུ་དཱ་པ་དང་ཕྱིས་སུ་གྷི་རིག་པ་རྣམས་ལ་གནང་བར་འགྱུར།  
\v 11 རྒྱུ་མཚན་ནི་དཀོན་མཆོག་ལ་ཕྱོགས་རིས་མེད་པའི་ཕྱིར༌རོ།།   
\p
\v 12 བཀའ་ཁྲིམས་མེད་པར་ཉེས་པ་བྱེད་མཁན་ཐམས་ཅད་ནི་བཀའ་ཁྲིམས་དང་བྲལ་ནས་འཇིག་པར་འགྱུར་བ༌དང༌། བཀའ་ཁྲིམས་ཡོད་ཀྱང་ཉེས་པ་བྱེད་མཁན་ཐམས་ཅད་ལ་བཀའ་ཁྲིམས་ལྟར་ཉེས་ཆད་གཅོད་པར་འགྱུར།  
\v 13 ཅིའི་ཕྱིར་ཞེ་ན། དཀོན་མཆོག་གི་དྲུང་ནས་བཀའ་ཁྲིམས་ཐོས་པ་རྣམས་མི་རྣམ་དག་ཏུ་བརྩི་བ་མིན༌ལ། བཀའ་ཁྲིམས་ལྟར་བྱེད་པ་རྣམས་མི་རྣམ་དག་ཏུ་བརྩི་བར་འགྱུར་བའི་ཕྱིར་རོ།།  
\v 14 སྤྱིར་བཀའ་ཁྲིམས་མེད་པའི་ཕྱི་ཕྱོགས་པ་རྣམས་ཀྱིས་བཀའ་ཁྲིམས་ཀྱི་ནང་དོན་དག་རང་བཞིན་གྱིས་བསྒྲུབས་པ༌ན། མི་དེ་དག་ལ་བཀའ་ཁྲིམས་མེད༌ནའང༌། མི་རང་རང་ནི་རང་ཉིད་ཀྱི་བཀའ་ཁྲིམས་ཡིན་ལ།  
\v 15 མི་དེ་རྣམས་ཀྱིས་རང་གི་སེམས་སུ་བཀའ་ཁྲིམས་ཀྱི་ཕན་ནུས་བརྐོས་ཡོད་པ་མངོན་ཞིང་། ཁོ་རྣམས་ཀྱི་བསམ་པས་རང་ཉིད་ལ་བདེན་དཔང་བྱེད་ཅིང་། ཁོ་རྣམས་ཀྱི་དྲན་པས་སྐབས་འགར་རང་ལ་རང་སྐྱོན་བརྗོད་པ་དང་སྐབས་འགར་རང་ལ་དག་འབུད་བྱེད་པ་ཡིན་ནོ།།  
\v 16 བདག་གིས་སྒྲོག་པའི་འཕྲིན་བཟང༌བཞིན། དཀོན་མཆོག་གིས་མཱ་ཤི་ཀ་ཡེ་ཤུ་བརྒྱུད་ནས་མིའི་རིགས་ཀྱི་གསང་བའི་ལས་ལ་ཁྲིམས་ཐག་གཅོད་པའི་ཉིན་མོར་དེ་ལྟར་མཛད་པར་འགྱུར༌རོ།།   
\s1 ཡ་ཧུ་དཱ་པ་དང་བཀའ་ཁྲིམས་ཀྱི༌སྐོར།  
\p
\v 17 ཁྱོད་ཀྱིས་རང་ཉིད་ལ་ཡ་ཧུ་དཱ་པ་ཟེར་བ་དང་བཀའ་ཁྲིམས་ལ་བརྟེན༌ཅིང༌། ངག་ལས་དཀོན་མཆོག་གི་ཕྱོགས་ནས་ཁ་ཕོ་བརྗོད་པ་དང་།  
\v 18 ཁྱོད་ལ་བཀའ་ཁྲིམས་ལས་བསླབ་བྱ་ཐོབ་ཅིང་། དཀོན་མཆོག་གི་དགོངས་པ་ཤེས་ཤིང་ཡིན་མིན་བདེན་རྫུན་ཡང་ཤེས༌པ་དང་།  
\v 19 ཡང་རང་ཉིད་ནི་ལོང་བ་རྣམས་ཀྱི་ལམ་ཁྲིད་པ་དང་། མུན་ནག་ནང་དུ་སྡོད་པའི་མི་རྣམས་ཀྱི་འོད་ཟེར༌དང༌།  
\v 20 བླུན་པོ་དག་གི་སློབ༌དཔོན། བྱིས་པ་རྣམས་ཀྱི་དགེ༌རྒན། བཀའ་ཁྲིམས་ཀྱི་ཐད་ནས་ཤེས་ཡོན་ཕུན་སུམ་ཚོགས་པ་ལྡན་པ་དང་བདེན་པ་ཉིད་ཀྱི་མིག་དཔེ་བཅས་ཡིན་པར་ཡིད་ཆེས་བརྟན་པོ་ཡོད།  
\v 21 དེས་ན། ཁྱོད་ཀྱིས་མི་གཞན་ལ་ཁྲིད་སྟོན་བྱེད་ཀྱང་རང་ལ་ཁྲིད་སྟོན་མི་བྱེད་པ༌ཅི། ཁྱོད་ཀྱིས་མི་གཞན་ལ་རྐུ་མ་བྱེད་ཅེས་སྒྲོག་ཀྱང་རང་གིས་རྐུ་བྱེད་པ༌ཅི།  
\v 22 ཁྱོད་ཀྱིས་མི་གཞན་ལ་ལོག་གཡེམ་མ་བྱེད་ཅེས་སྨྲས་ཀྱང་རང་གིས་ལོག་གཡེམ་བྱེད་པ༌ཅི། ཁྱོད་ནི་ལྷ་སྐུར་ཞེན་པ་ལོག་ཀྱང་ལྷ་ཁང་ལས་དངོས་པོ་རྐུ་བ༌ཅི།  
\v 23 ཁྱོད་ཀྱིས་ངག་ལས་བཀའ་ཁྲིམས་ཀྱི་ཕྱོགས་ནས་ཁ་ཕོ་བརྗོད་ཀྱང་། བཀའ་ཁྲིམས་དང་འགལ་བའི་ལས་བྱས་ནས་དཀོན་མཆོག་ལ་དམའ་འབེབས་བྱེད་པ་ཡིན་ནམ།  
\v 24 དེ་ལ་གསུང་རབ་ཀྱི་མདོ་ལས་ཇི་སྐད༌དུ། ཁྱོད་ཅག་གི་རྐྱེན་གྱིས་ཕྱི་ཕྱོགས་པ་རྣམས་ཀྱིས་དཀོན་མཆོག་གི་མཚན་ལ་སྐུར་བ་བཏབ་པ་ཡིན་ཞེས༌བཀོད་ཡོད་པ་བཞིན༌ནོ།།   
\p
\v 25 གལ༌ཏེ། ཁྱོད་ཀྱིས་བཀའ་ཁྲིམས་ལྟར་བྱེད་ན་མཚན་སྐྱི་གཅོད་པ་ནི་ཁྱོད་ལ་ཕན་ཐོགས་ཡོད༌ལ། ཁྱོད་ཀྱིས་བཀའ་ཁྲིམས་དང་འགལ་བར་བྱེད་ན། ཁྱོད་ཀྱིས་མཚན་སྐྱི་བཅད་པ་ནི་མཚན་སྐྱི་གཅོད་པ་དངོས་མིན།  
\v 26 དེའི༌ཕྱིར། མཚན་སྐྱི་མ་བཅད་པ་ཞིག་གིས་བཀའ་ཁྲིམས་ཀྱི་ནང་དོན་བསྲུངས༌ན། མི་དེ་ཡིས་མཚན་སྐྱི་མ་བཅད་ནའང་མཚན་སྐྱི་བཅད་པ་ཞིག་ཏུ་བརྩི་བ་མ་ཡིན༌ནམ།  
\v 27 གལ༌ཏེ། མཚན་སྐྱི་མ་བཅད་པ་ཞིག་གིས་བཀའ་ཁྲིམས་བསྲུངས༌ན། ཁྲིམས་ཡིག་ཡོད་པ་དང་མཚན་སྐྱི་གཅོད་པའི་ལུགས་སྲོལ་ཡོད་བཞིན༌དུ། ད་དུང་བཀའ་ཁྲིམས་དང་འགལ་བར་བྱེད་མཁན་ཁྱོད་ལ་མི་དེ་ཡིས་ཁྲིམས་ཐག་གཅོད་པར་འགྱུར་བ་མ་ཡིན༌ནམ།  
\v 28 ཅིའི་ཕྱིར་ཞེ་ན། ཕྱིའི་རྣམ་པ་ཡ་ཧུ་དཱ་པ་ཡིན་ན་ཡ་ཧུ་དཱ་པ་དངོས་མིན༌ལ། ཕྱིའི་ལུས་ཕུང་ལ་མཚན་སྐྱི་གཅོད་པ་ནི་མཚན་སྐྱི་བཅད་པ་དངོས་མིན་པའི་ཕྱིར༌རོ།།  
\v 29 འོན༌ཀྱང༌། ནང་སེམས་ནས་ཡ་ཧུ་དཱ་པ་ཡིན་པ་ནི་ད་གཟོད་ཡ་ཧུ་དཱ་པ་དངོས་ཡིན༌ལ། མཚན་སྐྱི་གཅོད་པའང་ནང་སེམས་དང་དམ་པའི་ཐུགས་ཉིད་ལ་བརྟེན་པ་ལས་ཁྲིམས་ཡིག་ལ་བརྟེན་པ་མ་ཡིན་པས། མི་དེའི་རིགས་ཀྱི་བསྟོད་པ་ནི་མི་ལས་བྱུང་བ་མ་ཡིན་པར་དཀོན་མཆོག་ནས་བྱུང་བའོ།།   
\c 3
\cl ལེའུ་གསུམ༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 དཀོན་མཆོག་ནི་ཡིད་རྟོན་རུང་བ་ཡིན་པ།  
\p
\v 1 དེས་ན་ཡ་ཧུ་དཱ་པ་རྣམས་ལ་བཟང་ཆ་ཅི་ཡོད་པ༌དང༌། མཚན་སྐྱི་གཅོད་པ་ལ་ཕན་ཡོན་ཅི་ཡོད་ཅེ༌ན།  
\v 2 ཕྱོགས་གང་གི་ཆ་ནས་ཀྱང་ཕན་ནུས་ཆེན་པོ་ཡོད༌དེ། ཕན་ནུས་གཙོ་བོ་ནི་དཀོན་མཆོག་གི་གསུང་མོལ་ཡ་ཧུ་དཱ་པ་རྣམས་ལ་བཅོལ་བ༌དེ་ཡིན་ནོ།།  
\v 3 དཀོན་མཆོག་ལ་དད་པ་མི་བྱེད་པ་འགའ་ཤས་ཡོད་ན་མི་འགྲིག་པ་ཅི་ཡོང་། མི་དེ་རྣམས་ལ་དད་པ་མེད་པའི་རྐྱེན་གྱིས་དཀོན་མཆོག་གི་ལྷག་བསམ་ཡང་མེད་པར་བཟོའམ་ཞེ༌ན།  
\v 4 གཏན་ནས་མི་བཟོ༌སྟེ། དཀོན་མཆོག་ནི་དངོས་གནས་བདེན་པ་ཡིན༌ཞིང་མིའི་རིགས་ཐམས་ཅད་ནི་རྫུན་བཤད་མཁན་ཡིན་པར་ངེས་སོ།། དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 ཁྱེད་ཀྱིས་བཀའ་བཀྱོན་གནང་བའི་དུས།།  
\q1 ལྷག་བསམ་རྣམ་དག་མངོན་པར༌འགྱུར།།  
\q1 ཁྱེད་ལ་ཁ་ཚོན་གཅོད་པའི༌དུས།།  
\q1 ཁྱེད་ནི་རྣམ་པར་རྒྱལ་བར༌འགྱུར།།  
\m ཞེས༌བཀོད་པའོ།།  
\v 5 བདག་གིས་མིའི་བཤད་སྲོལ་ལྟར་སྨྲ་བར་བྱ༌སྟེ། བདག་ཅག་གི་རང་གཤིས་མི་དྲང་བ་འདིས་དཀོན་མཆོག་གི་རྣམ་པར་དག་པ་མངོན་པར་གྱུར༌ན། བདག་ཅག་གིས་ཅི་ལྟར༌སྨྲའམ། ཐུགས་ཁྲོ་འབེབ་པར་མཛད་པའི་དཀོན་མཆོག་ནི་རྣམ་དག་མིན་ནམ་ཞེ་ན།  
\v 6 དེ་ལྟར་གཏན་ནས་སྨྲ་མི་རུང༌། གལ་ཏེ་རྣམ་དག་མིན་ཚེ། དཀོན་མཆོག་གིས་འཇིག་རྟེན་ཡོངས་ལ་ཁྲིམས་ཆད་ཅི་ལྟར་གཅོད༌དམ།  
\v 7 གལ་ཏེ་ངའི་རྫུན་གྱི་སྒོ་ནས་དཀོན་མཆོག་གི་བདེན་པ་ལྷག་ཏུ་མངོན་ཞིང་ཁོང་གི་གཟི་བརྗིད་ཀྱང་འཕེལ་བར་བྱེད༌ན། ཅིའི་ཕྱིར་བདག་ལ་ཉེས་ཅན་བཞིན་དུ་ཉེས་ཆད་གཅོད༌དམ།  
\v 8 ཅིའི་ཕྱིར་ངེད་ཅག་གིས་དོན་བཟང་འབྱུང་བའི་ཕྱིར་དོན་ངན་སྒྲུབ་པ་ཡིན་ཞེས་མི༌སྨྲའམ། དེ་ནི་ཕྲ་མ་བྱེད་མཁན་དུ་མས་ངེད་ཅག་ལ་དེ་ལྟར་སྨྲས་པ་ཡིན༌ལ། མི་དེ་ལྟ་བུ་རྣམས་ལ་ཁྲིམས་ཆད་འཕོག་འོས༌སོ།།   
\s1 མི་གཞུང་དྲང་གཅིག་ཀྱང་མེད་པ།  
\p
\v 9 དེས་ན་ཅི་ལྟར་ཡིན་ནམ། བདག་ཅག་ནི་ཁོ་རྣམས་ལས་ཀྱང་བཟང་པོ་ཡིན་ནམ་ཞེ༌ན། གཏན་ནས་མ་ཡིན་ནོ།། རྒྱུ་མཚན་ནི་ངེད་ཅག་གིས་བདེན་དཔང་བྱས་ཟིན༌ཏེ། ཡ་ཧུ་དཱ་པ་དང་གྷི་རིག་པ་ཐམས་ཅད་སྡིག་པའི་འོག་ཏུ་ཡོད་པ་ཡིན།  
\v 10 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 གཞུང་དྲང་མི་ནི་ཡོད་པ་མ་ཡིན་ལ༎  
\q1 དེ་འདྲ་གཅིག་ཀྱང༌ཡོད་པ་མ་ཡིན་ནོ༎   
\q1
\v 11 གོ་བ་ཡོད་པའི་མི་ནི་གཅིག་ཀྱང་མེད།།  
\q1 དཀོན་མཆོག་འཚོལ༌མཁན་མི་ཡང་གཅིག་ཀྱང་མེད།།   
\q1
\v 12 ཐམས་ཅད་ཁོང་དང་བྲལ་ནས་ལོག་ལམ༌ཞུགས།།  
\q1 དེ་འདྲའི་སྐྱེ་བོ་ཚང་མ་མཁོ་མེད་གྱུར།།  
\q1 ལས་བཟང་སྒྲུབ་མཁན་ཡོད་པ་མ་ཡིན་ལ༎  
\q1 དེ་འདྲ་གཅིག་ཀྱང༌ཡོད་པ་མ་ཡིན་ནོ།།   
\q1
\v 13 སྐྱེ་བོ་དེ་ཡི་མིད་ཐག་ཕྲ་མོ༌ནི།།  
\q1 སྒོ་ཆེན་ཕྱེ་བའི་དུར་ཁུང་དང༌མཚུངས་ཤིང་།།  
\q1 ལྕེ་ལ་བརྟེན་ནས་གཡོ་སྒྱུའི་སྦྱོར་བ༌སྤེལ།།  
\q1 ཁ་ཡི་ནང་དུ་དུག་སྦྲུལ་རླངས་པ༌འཕྱུར།།   
\q1
\v 14 ངག་ཏུ་སྡིགས་དམོད་དང་ནི་ཚིག་རྩུབ་གང་།།   
\q1
\v 15 དམར་གསོད་ལས་ལ་རྐང་པ་ཕྱོགས་བཞིར༌བྲེལ།།   
\q1
\v 16 བརྒྱུགས་ཤུལ་ཀུན་ཏུ་དྲག་རྩུབ་སྡུག་གིས༌ཁྱབ།།   
\q1
\v 17 ཞི་བདེའི་ལམ་ནི་དེ་ཚོས་མི་རྟོགས་ཤིང་།།   
\q1
\v 18 དེ་ཚོའི་མིག་མདུན་དཀོན་མཆོག་འཇིགས་པ་མེད།།  
\m ཅེས་བཀོད་པའོ།།   
\p
\v 19 དེ་ཡང་བཀའ་ཁྲིམས་ཀྱི་གསུང་མོལ་ཐམས་ཅད་ནི་བཀའ་ཁྲིམས་འོག་ཏུ་གནས་པ་རྣམས་ལ་གསུངས་པ་བདག་ཅག་གིས་ཤེས༌ཤིང་། དེ་ནི་མི་རེ་རེའི་སྨྲ་སྒོ་བཅད་ནས་འཇིག་རྟེན་པ་ཐམས་ཅད་དཀོན་མཆོག་གི་ཉེས་ཁྲིམས་འོག་ཏུ་འཇུག་པའི་ཕྱིར༌ཡིན།  
\v 20 དེ་བས་བཀའ་ཁྲིམས་ནི་མི་ལ་སྡིག་པ་ཤེས་སུ་འཇུག་པའི་ཕྱིར་ཡིན༌པས། མི་སུ་ཡིན་ཡང་བཀའ་ཁྲིམས་ལྟར་བསྒྲུབས༌པ་ལ་བརྟེན་ནས། དཀོན་མཆོག་གི་སྤྱན་སྔར་རྣམ་དག་ཏུ་བརྩི་ཐུབ་པ་གཅིག་ཀྱང་མེད༌དོ།།   
\s1 དད་པའི་དབང་གིས་མི་རྣམ་དག་ཏུ་བརྩི༌བ།  
\p
\v 21 འོན་ཀྱང་། ད་ལྟ་དཀོན་མཆོག་གི་རྣམ་པར་དག་པ་ནི་བཀའ་ཁྲིམས་ལ་མི་བརྟེན་པ་གསལ་པོར་མངོན་པ༌དང༌། བཀའ་ཁྲིམས་དང་ལུང་སྟོན་པའི་མདོ་རྣམས་ཀྱིས་ཀྱང་བདེན་དཔང་བྱེད༌དེ།  
\v 22 དཀོན་མཆོག་གི་རྣམ་པར་དག་པ་ནི་ཡེ་ཤུ་མཱ་ཤི་ཀར་དད་པ་བྱས་པ་བརྒྱུད་ནས་ཐོབ་ཅིང་། དད་པ་བྱེད་མཁན་ཐམས་ཅད་ལ་ཁྱད་པར་མེད་པར་གནང༌ངོ་༎  
\v 23 ཅིའི་ཕྱིར་ཞེ་ན། མི་ཐམས་ཅད་ཀྱིས་སྡིག་པ་བྱས་ཏེ་དཀོན་མཆོག་གི་གཟི་བརྗིད་དང་བྲལ༌ནའང༌།  
\v 24 ད་ལྟ་ཁོང་གི་ཐུགས་རྗེའི་རྐྱེན་དང་། མཱ་ཤི་ཀ་ཡེ་ཤུས་བླུས་པ་ལ་བརྟེན་ནས་རིན་མེད་དུ་མི་རྣམ་དག་ཏུ་བརྩིས་པའི་ཕྱིར༌ཡིན།  
\v 25 དཀོན་མཆོག་གིས་སྐྱབས་མགོན་ཡེ་ཤུའི་སྐུ་ཁྲག་ལ་བརྟེན་ཅིང་མིའི་དད་པ་བརྒྱུད་ནས། སྐྱབས་མགོན་ཡེ་ཤུ་ནི་མིའི་མིག་མདུན་དུ་ཉེས་ཆད་བསལ་བའི་མཆོད་རྫས་སུ་གསལ་པོར་བཤམས་སོ།། དེ་ནི་དཀོན་མཆོག་གི་རྣམ་པར་དག་པ་གསལ་པོར་མངོན༌པའི་ཕྱིར་ཡིན། རྒྱུ་མཚན་ནི་དཀོན་མཆོག་གིས་བཟོད་པ་བསྒོམས་ནས་མིས་སྔར་བྱས་ཀྱི་སྡིག་པར་གུ་ཡངས་གནང་བ་སྟེ།  
\v 26 ད་ལྟ་ཁོང་གི་རྣམ་པར་དག་པ་གསལ་པོར་མངོན་པ་དང་། མི་རྣམས་ལ་ཁོང་ཉིད་ནི་རྣམ་པར་དག་པ་ཡིན་ཞིང༌། སྐྱབས་མགོན་ཡེ་ཤུ་ལ་དད་པ་བྱེད་མཁན་རྣམས་མི་རྣམ་དག་ཏུ་བརྩི་མཁན་ཡང་ཡིན་པ་ཤེས་སུ་འཇུག་པའི་ཕྱིར༌རོ།།   
\p
\v 27 དེ་འདྲ་ཡིན་ན་རང་གིས་རང་ལ་བསྟོད་འོས་པ་ཅི་ཡོད་དམ་ཞེ༌ན། རང་བསྟོད་བྱ་འོས་པ་ཅི་ཡང་མེད་དོ།། འོ་ན་རང་བསྟོད་བྱ་མི་འོས་པ་ཐབས་གང་ཞིག་ལ་བརྟེན་པ་ཡིན༌ནམ། རང་བྱས་ཀྱི་ལས་ལ་བརྟེན་པའི་ཐབས་བཀོལ་བ་ཡིན་ནམ་ཞེ༌ན། དེ་ཡང་མིན༌ཏེ། དད་པ་ལ་བརྟེན་པའི་ཐབས་བཀོལ་བ་ཡིན།  
\v 28 དེའི༌ཕྱིར། ངེད་ཅག་གིས་མཐའ་གཅིག་ཏུ་ངོས་བཟུང་བ་ནི། མི་རྣམ་དག་ཏུ་བརྩི་བ་ཐམས་ཅད་དད་པ་ལ་བརྟེན་པ་ལས་བཀའ་ཁྲིམས་བརྩི་སྲུང་བྱས་པར་རག་ལས་པ་མ་ཡིན་ནོ།།  
\v 29 དེ་ཡང་དཀོན་མཆོག་ནི་ཡ་ཧུ་དཱའི་མི་རིགས་ཁོ་ནའི་དཀོན་མཆོག་ཡིན༌ནམ། ཁོང་ནི་ཕྱི་ཕྱོགས་པ་རྣམས་ཀྱི་དཀོན་མཆོག་ཀྱང་མ་ཡིན་ནམ་ཞེ༌ན། ཁོང་ནི་ཕྱི་ཕྱོགས་པ་རྣམས་ཀྱི་དཀོན་མཆོག་ཀྱང་ཡིན་ནོ།།  
\v 30 དཀོན་མཆོག་ནི་གཅིག་རང་ཡིན་པས། ཁོང་གིས་མཚན་སྐྱི་བཅད་པ་རྣམས་དད་པའི་དབང་གིས་མི་རྣམ་དག་ཏུ་བརྩི༌ཞིང༌། མཚན་སྐྱི་མ་བཅད་པ་རྣམས་ཀྱང་དད་པའི་དབང་གིས་མི་རྣམ་དག་ཏུ་བརྩི་ངེས༌ཡིན་ནོ།།  
\v 31 དེས་ན་བདག་ཅག་གིས་དད་པ་བརྒྱུད་ནས་བཀའ་ཁྲིམས་མེད་པར་བཟོའམ་ཞེ༌ན། གཏན་ནས་མི་བཟོ་སྟེ། བཀའ་ཁྲིམས་དེ་ལས་ཀྱང་བརྟན་པོར་བྱེད་པ་ཡིན༌ནོ།།   
\c 4
\cl ལེའུ་བཞི༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 མེས་པོ་ཨབ་ར་ཧམ་དད་པའི་དབང་གིས་མི་རྣམ་དག་ཏུ་བརྩིས༌པ།  
\p
\v 1 དེས་ན་ངེད་ཅག་གིས་ཅི་ཞིག་སྨྲའམ། ལུས་པོའི་ཆ་ནས་བདག་ཅག་གི་མེས་པོ་ཡིན་པའི་ཨབ་ར་ཧམ་ལ་ཅི་ཞིག་ཐོབ་བམ།  
\v 2 གལ༌ཏེ། ཨབ་ར་ཧམ་ནི་བྱ་སྤྱོད་ལ་བརྟེན་ནས་མི་རྣམ་དག་ཏུ་བརྩིས་པ་ཡིན༌ན། ཁོང་ལ་བསྟོད་འོས་པ་ཡིན། འོན༌ཀྱང༌། དཀོན་མཆོག་གི་སྤྱན་སྔར་བསྟོད་འོས་པ་ཅི་ཡང་མེད་དོ།།  
\v 3 གསུང་རབ་ཀྱི་མདོ་ལས་ཇི་ལྟར་གསུངས་སམ་ཞེ༌ན། འདི་སྐད༌དུ། ཨབ་ར་ཧམ་གྱིས་དཀོན་མཆོག་ལ་དད་པ་བྱས་པ༌དང༌། དཀོན་མཆོག་གིས་ཀྱང་ཁོང་ནི་མི་རྣམ་དག་ཏུ་བརྩིས་པ་ཡིན་ཞེས་གསུངས་སོ།།  
\v 4 སྤྱིར་ལས་ཀ་བྱེད་མཁན་ལ་གླ་ཆ་འཐོབ་འོས་པ༌དང༌། དེ་ནི་བཀའ་དྲིན་མ་ཡིན་པར་ལས་ཀ་ལྟར་གླ་ཆ་འཐོབ་འོས་པ་ཡིན།  
\v 5 འོན༌ཀྱང༌། ངལ་དུབ་མི་བྱེད་ཅིང་དད་གུས་མེད་པ་ཞིག་མི་རྣམ་དག་ཏུ་བརྩི་བའི་དཀོན་མཆོག་ལ་དད་པ་བྱས༌ན། དད་པའི་དབང་གིས་ཁོ་ནི་མི་རྣམ་དག་ཏུ་བརྩིས་པ་ཡིན་ནོ།།  
\v 6 དེ་ཡང་དཀོན་མཆོག་གིས་བྱ་སྤྱོད་ལ་མ་གཟིགས༌པར། རྣམ་དག་ཏུ་བརྩིས་ཤིང་བྱིན་གྱིས་བརླབས་པའི་མི་ཡི་སྐོར་ལ་དཱ་བིད་ཀྱིས་ཀྱང་འདི་སྐད༌དུ།   
\q1
\v 7 གང་གི་ཉེས་པ་བསལ་བས་བྱིན་རླབས༌ཆེ།།  
\q1 གང་གི་སྡིག་པ་བཀབ་པས་མི་དེ༌བདེ།།   
\q1
\v 8 དཀོན་མཆོག་ཉིད་ཀྱིས་སྡིག་པར་མི་བརྩི༌བའི།།  
\q1 མི་དེ་རྣམས་ནི་བྱིན་རླབས༌ཆེ་བ་ཡིན།།  
\m ཞེས་པའོ།།  
\v 9 དེས༌ན། བྱིན་རླབས་དེ་ནི་མཚན་སྐྱི་བཅད་པའི་མི་རྣམས་ཁོ་ནར་གནང༌ངམ། མཚན་སྐྱི་མ་བཅད་པའི་མི་རྣམས་ལའང་གནང་བ་མ་ཡིན༌ནམ། ངེད་ཅག་གིས། ཨབ་ར་ཧམ་གྱི་དད་པས་ཁོང་ནི་མི་རྣམ་དག་ཏུ་བརྩིས་པ་ཡིན་ཞེས་སྨྲ་བས་སོ།།  
\v 10 དེ་ནི་ཅི་ལྟར་བརྩིས༌སམ། ཁོང་ལ་མཚན་སྐྱི་གཅོད་པའི་དུས་ཡིན༌ནམ། ཡང་ན་ཁོང་ལ་མཚན་སྐྱི་མ་བཅད་པའི་དུས་ཡིན་ནམ་ཞེ༌ན། མཚན་སྐྱི་གཅོད་པའི་དུས་མ་ཡིན་པར་མཚན་སྐྱི་མ་བཅད་པའི་དུས་ཡིན་ལ།  
\v 11 ཁོང་ལ་མཚན་སྐྱི་བཅད་པའི་དཔང་རྟགས་ཐོབ་པ་ཡིན། དེ་ནི་མཚན་སྐྱི་མ་བཅད་པའི་དུས་སུ་དད་པ་ལ་བརྟེན་ནས་མི་རྣམ་དག་ཏུ་བརྩིས་པའི་རྟགས་མཚན་ཞིག་ཡིན་ཏེ། ཁོང་ནི་མཚན་སྐྱི་མ་བཅད་ཅིང་དད་པ་ཡོད་པའི་མི་ཐམས་ཅད་ཀྱི་མེས་པོར་གྱུར་པ༌དང༌། མི་དེ་རྣམས་ཀྱང་མི་རྣམ་དག་ཏུ་བརྩི་བར་མཛད་པའི་ཕྱིར༌ཡིན།  
\v 12 ཡང་ཁོང་ནི་མཚན་སྐྱི་བཅད་པ་རྣམས་ཀྱི་མེས་པོར་གྱུར་ཏེ། མཚན་སྐྱི་བཅད་ཟིན་པར་མ༌ཟད། ཁོང་གི་དད་པའི་རྗེས་སུ་འབྲངས་པའི་མི་རྣམས་ཀྱི་མེས་པོ་ཡང་ཡིན་ལ། བདག་ཅག་གི་མེས་པོ་ཨབ་ར་ཧམ་ལ་མཚན་སྐྱི་མ་བཅད་པའི་དུས་སུ་དད་པ་དེ་ཡོད་པའོ།།   
\p
\v 13 རྒྱུ་མཚན་ནི་དཀོན་མཆོག་གིས་ཨབ་ར་ཧམ་དང་ཁོང་གི་རིགས་རྒྱུད་ཕྱི་མ་རྣམས་ལ་འཇིག་རྟེན་གྱི་རྒྱུན་འཛིན་མཁན་དུ་འགྱུར་བའི་ཞལ་བཞེས་གནང༌ཞིང༌། དེ་ནི་བཀའ་ཁྲིམས་ལ་བརྟེན་པ་མ་ཡིན་པར། དད་པའི་དབང་གིས་མི་རྣམ་དག་ཏུ་བརྩིས་པ་དེ་ལ་བརྟེན་པའི་ཕྱིར༌རོ།།  
\v 14 གལ༌ཏེ། བཀའ་ཁྲིམས་ལ་གཏོགས་པའི་མི་དེ་ད་བཟོད་རྒྱུན་འཛིན་མཁན་ཡིན༌ན། དད་པ་ནི་སྟོང་བར་འགྱུར་ཞིང་ཞལ་བཞེས་ཀྱང་མེད་པར་འགྱུར།  
\v 15 ཅིའི་ཕྱིར་ཞེ་ན། བཀའ་ཁྲིམས་ནི་ཁྲོ་བའི་རྒྱུ་ཡིན༌ཏེ། བཀའ་ཁྲིམས་མེད་ན་དེ་དང་འགལ་བའི་ལས་ཀྱང་མེད་པའི་ཕྱིར༌རོ།།   
\p
\v 16 དེ་བས་རྒྱུན་འཛིན་མཁན་དུ་གྱུར་པ་ནི་དད་པའི་དབང་གིས་ཡིན༌ཏེ། ཐུགས་རྗེ་ལ་གཏོགས་པའི་ཕྱིར༌རོ།། དེ་ནི་རིགས་རྒྱུད་ཕྱི་མ་ཐམས་ཅད་ལས་བཀའ་ཁྲིམས་ལ་གཏོགས་པའི་མི་རྣམས་ལ་ཞལ་བཞེས་གནང་ངེས་པར་མ༌ཟད། ཨབ་ར་ཧམ་གྱི་དད་པ་ལྟར་དད་པ་བྱེད་མཁན་ལའང་ཞལ་བཞེས་གནང༌བ་ཡིན། ཨབ་ར་ཧམ་ནི་བདག་ཅག་ཐམས་ཅད་ཀྱི་མེས་པོ་ཡིན་ནོ།།  
\v 17 དེ་ལ་གསུང་རབ་ཀྱི་མདོ་ལས་ཇི་སྐད༌དུ། བདག་གིས་ཁྱོད་ནི་མི་རིགས་མང་པོའི་མེས་པོར་བྱེད་ཅེས་བཀོད་པ་བཞིན། ཁོང་ཉིད་ནི་དཀོན་མཆོག་གི་སྤྱན་སྔ་ནས་བདག་ཅག་གི་མེས་པོར་མཛད༌པ་དང་། ཁོང་གི་དད་ཡུལ་ནི་འཆི་བ་ལ་ཚེ་སྲོག་གནང་བ་དང་། མེད་པ་ནི་ཡོད་པར་མཛད་པའི་དཀོན་མཆོག་ཡིན།  
\v 18 ཁོང་ལ་རེ་སྒུག་མེད་པའི་དུས༌སུ། དད་པའི་དབང་གིས་རེ་སྒུག་བྱེད༌ཅིང༌། དེ་སྔར་ཁྱོད་ཀྱི་རིགས་རྒྱུད་ཀྱང་དེ་བཞིན་དུ་འབྱུང་བར་འགྱུར་ཞེས་གསུངས་པ་ལྟར་མི་རིགས་མང་པོའི་མེས་པོར་གྱུར་ཏོ།།  
\v 19 ཁོང་ཉིད་དགུང་ལོ་བརྒྱ་ཙམ་དུ་སོན་པའི་དུས༌སུ། རང་གི་ལུས་པོ་ནི་འཆི་བ་དང་མཚུངས་པར་བསམས༌ཏེ། སཱ་ར་ལ་མངལ་སྦྲུམ་མཚམས་ཆད་འདུག༌ནའང༌། ཁོང་གི་དད་པ་ནི་ད་དུང་བརྟན་པོ་ཡིན༌ལ།  
\v 20 དཀོན་མཆོག་གི་ཞལ་བཞེས་ལ་རེ་སྒུག་བྱེད་ཅིང་དད་པ་མེད་པའི་དབང་གིས་དེ་ལ་ཐེ་ཚོམ་སྐྱེས་པ༌མིན། དད་སེམས་བརྟན་པོར་གྱུར་ནས་དཀོན་མཆོག་ལ་བསྟོད་བསྔགས་བརྗོད༌ཅིང་།  
\v 21 སེམས་གཏིང་ནས་དཀོན་མཆོག་གིས་ཞལ་བཞེས་གནང་བ་ལྟར་མཛད་ནུས་པར་ཡིད་ཆེས༌པ་ཡིན་ནོ།།  
\v 22 དེའི༌ཕྱིར། དད་པའི་རྐྱེན་གྱིས་དཀོན་མཆོག་གིས་ཁོང་ནི་མི་རྣམ་དག་ཏུ་བརྩིས་པ་ཡིན།  
\v 23 དེ་ལྟར་བརྩིས་པ་ཡིན་ཞེས་པའི་ཚིག་ནི་ཁོང་ཉིད་ཁོ་ནའི་ཕྱིར་ཡི་གེར་བཀོད་པ་མིན༌པར།  
\v 24 བདག་ཅག་གི་ཆེད་དུའང་ཡི་གེར་བཀོད་པ་ཡིན༌ཏེ། རང་རེའི་གཙོ་བོ་ཡེ་ཤུ་གྲོངས་པ་ནས་སླར་གསོན་པར་མཛད་མཁན་དཀོན་མཆོག་ལ་དད་པ་བྱེད་པ་དང་། ཕྱིས་སུ་མི་རྣམ་དག་ཏུ་བརྩི་བར་འགྱུར་བ་ནི་བདག་ཅག་ཡིན།  
\v 25 གཙོ་བོ་ཡེ་ཤུ་ནི་བདག་ཅག་གི་སྡིག་པའི་ཕྱིར་མི་གཞན་ལ་སྤྲད༌ཅིང༌། ཁོང་ཉིད་སླར་གསོན་པའང་བདག་ཅག་མི་རྣམ་དག་ཏུ་བརྩི་བའི་ཕྱིར་ཡིན༌ནོ།།   
\c 5
\cl ལེའུ་ལྔ༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 འདུམ་འགྲིག་དང༌དགའ་སྤྲོ།  
\p
\v 1 དེ་བས་ན། བདག་ཅག་དད་པའི་དབང་གིས་མི་རྣམ་དག་ཏུ་བརྩིས༌པས། བདག་ཅག་གི་གཙོ་བོ་ཡེ་ཤུ་མཱ་ཤི་ཀ་བརྒྱུད་ནས་དཀོན་མཆོག་ལ་འདུམ་འགྲིག་བྱུང་ངོ༌།།  
\v 2 ཡང་བདག་ཅག་ཁོང་ལ་བརྟེན་ནས་དད་པའི་དབང་གིས་ད་ལྟ་ཐུགས་རྗེའི་ནང་དུ་ལངས་ནས་སྡོད་ཅིང་། དགའ་དགའ་སྤྲོ་སྤྲོའི་ངང་དཀོན་མཆོག་གི་གཟི་བརྗིད་ལ་རེ་སྨོན་བྱེད༌པ་ཡིན།  
\v 3 དེ་ལས༌གཞན། དཀའ་སྡུག་ལ་ཕྲད་པའི་དུས་སུའང་དགའ་སྤྲོས་ཁེངས༌ཏེ། དཀའ་སྡུག་གི་དབང་གིས་བཟོད་པ་དང༌།  
\v 4 བཟོད་པའི་དབང་གིས་ཚོད་བགམ་ཐེག་ཐུབ་པ། ཚོད་བགམ་ཐེག་ཐུབ་པའི་དབང་གིས་རེ་བ་འབྱུང་བ་བཅས་ཡིན།  
\v 5 རེ་བ་ཡིས་ངོ་གནོང་བར་མི་བྱེད༌པ་བདག་ཅག་གིས་ཤེས་ཤིང་། དེ་ནི་བདག་ཅག་ལ་གནང་བའི་དམ་པའི་ཐུགས་ཉིད་ཀྱིས་དཀོན་མཆོག་གི་བྱམས་པ་བདག་ཅག་གི་སེམས་སུ་ལྷག་པར་བླུགས་པའི་ཕྱིར༌རོ།།   
\p
\v 6 དེ་ཡང་བདག་ཅག་ཉམ་ཐག་པའི་དུས༌སུ། སྐྱབས་མགོན་མཱ་ཤི་ཀ་ནི་དུས་བཅད་ལྟར་སྡིག་ཅན་རྣམས་ཀྱི་དོན་དུ་སྐུ་གྲོངས༌པ་ཡིན་ནོ།།  
\v 7 སྤྱིར་མི་གཞུང་དྲང་གི་དོན་དུ་འཆི་བ་ཉུང་ཞིང་མི་བཟང་པོའི་དོན་དུ་འཆི་ཕོད་པ་ཡོད་སྲིད་མོད།  
\v 8 འོན་ཀྱང་སྐྱབས་མགོན་མཱ་ཤི་ཀ་ནི་བདག་ཅག་ད་དུང་སྡིག་ཅན་ཡིན་པའི་དུས༌སུ། བདག་ཅག་གི་དོན་དུ་སྐུ་གྲོངས༌པ་ཡིན། དེ་ལས་དཀོན་མཆོག་གིས་ཁོང་གི་བྱམས་པ་ནི་བདག་ཅག་ལ་མངོན་པར་མཛད༌དོ།།   
\p
\v 9 ད་ལྟ་བདག་ཅག་ནི་སྐྱབས་མགོན་ཡེ་ཤུའི་སྐུ་ཁྲག་བརྒྱུད་ནས་མི་རྣམ་དག་ཏུ་བརྩིས་ཡོད༌པས། དེ་ལས་ལྷག་པར་ཁོང་ལ་བརྟེན་ནས་དཀོན་མཆོག་གི་ཐུགས་ཁྲོ་ལས་བདག་ཅག་ཐར་བར་འགྱུར་རོ།།  
\v 10 ཅིའི་ཕྱིར་ཞེ་ན། བདག་ཅག་དགྲ་བོ་ཡིན་པའི་དུས༌སུ། དཀོན་མཆོག་གི་སྲས་སྐུ་གྲོངས་པ་བརྒྱུད་ནས་དཀོན་མཆོག་དང་འདུམ་འགྲིག་བྱུང༌བས་ན། དེ་ལས་ལྷག་པར་ཁོང་ཉིད་སླར་གསོན་པ་ལ་བརྟེན་ནས་བདག་ཅག་ཐར་བར་མཛད་ངེས་ཡིན།  
\v 11 དེར་མ་ཟད། བདག་ཅག་ནི་རང་རེའི་གཙོ་བོ་ཡེ་ཤུ་མཱ་ཤི་ཀ་བརྒྱུད་ནས་དཀོན་མཆོག་ལ་འདུམས་པ་དང་། ཡང་ཁོང་ཉིད་བརྒྱུད་ནས་བདག་ཅག་དཀོན་མཆོག་ལ་དགའ་མགུ་བྱུང་ངོ་།།   
\s1 ཨ་དམ་ལས་འཆི་བ་དང་སྐྱབས་མགོན་མཱ་ཤི་ཀ་ལས་མཐའ་མེད་པའི་ཚེ་སྲོག་བྱུང༌བ།  
\p
\v 12 དེའི༌ཕྱིར། སྡིག་པ་ནི་མི་གཅིག་བརྒྱུད་ནས་འཇིག་རྟེན་འདིར་བྱུང་བ་དང་འཆི་བའང་སྡིག་པ་ལས་བྱུང་བ༌ལྟར། མི་ཐམས་ཅད་ཀྱིས་སྡིག་པ་བྱས་པའི་དབང་གིས་མི་ཀུན་ལ་འཆི་བ་བྱུང་ངོ༌།།  
\v 13 བཀའ་ཁྲིམས་མ་གནང་བའི་སྔོན་ལ་འཇིག་རྟེན་དུ་སྡིག་པ་ཡོད༌ནའང༌། བཀའ་ཁྲིམས་མེད་པའི་རྐྱེན་གྱིས་སྡིག་པའང་སྡིག་པ་རུ་མ༌བརྩིས་སོ།།  
\v 14 འོན༌ཀྱང༌། ཨ་དམ་ནས་མོ་ཤེའི་བར༌དུ། ཨ་དམ་ལྟ་བུའི་སྡིག་པ་མ་བྱས་པ་རྣམས་ཀྱང་འཆི་བའི་དབང་འོག་ཏུ་ལྷུང༌། ཨ་དམ་ནི་ཁོའི་རྗེས་སུ་ཕེབས་པར་འགྱུར་བ་དེ་ཉིད་ཀྱི་དཔེ་གཞི་ཡིན།  
\v 15 འོན༌ཀྱང༌། སྡིག་པ་ནི་ཐུགས་རྗེའི་གནང་སྦྱིན་དང་མི་མཚུངས༌པར། མི་གཅིག་གི་སྡིག་པའི་རྐྱེན་གྱིས་མི་ཐམས་ཅད་འཆི་བ་ཡིན༌ན། མི་གཅིག་སྟེ་ཡེ་ཤུ་མཱ་ཤི་ཀའི་ཐུགས་རྗེའི་དབང་གིས་དཀོན་མཆོག་གི་ཐུགས་རྗེ་དང་གནང་སྦྱིན་ནི་དེ་ལས་ལྷག་པར་མི་རྣམས་ལ་འཐོབ་པ་མ་ཡིན༌ནམ།  
\v 16 ཡང་གནང་སྦྱིན་ནི་མི་གཅིག་གི་སྡིག་པའི་འབྲས་བུ་དང་མི་འདྲ༌སྟེ། ཁྲིམས་ཐག་གཅོད་པ་ནི་མི་གཅིག་གི་རྐྱེན་གྱིས་ཉེས་ཆད་ཕོག་པ་ཡིན༌ལ། ཐུགས་རྗེའི་གནང་སྦྱིན་ནི་ཉེས་པ་མང་པོའི་ཁྲོད་ནས་བྱུང་ཞིང་མཇུག་མཐར་མི་རྣམ་དག་ཏུ་མཛད་པ་ཡིན་ནོ།།  
\v 17 ཡང་མི་གཅིག་གི་ཉེས་པའི་རྐྱེན་གྱིས་འཆི་བའི་དབང་འོག་ཏུ་ལྷུང༌ན། ཐུགས་རྗེ་ཆེན་པོ་དང་གནང་སྦྱིན་རྣམ་པར་དག་པ་ཐོབ་པ་རྣམས་ཀྱིས་དེ་ལས་ལྷག་པར་ཡེ་ཤུ་མཱ་ཤི་ཀ་ཁོ་ན་བརྒྱུད་ནས་ཚེ་སྲོག་ལ་དབང་བསྒྱུར༌བའོ།།  
\v 18 དེའི༌ཕྱིར། ཉེས་པ་ཐེངས་གཅིག་བྱས་པའི་རྐྱེན་གྱིས་མི་ཐམས་ཅད་ལ་ཉེས་ཆད་ཕོག་པ༌དང༌། དེ་བཞིན་དུ་སྤྱོད་བཟང་ཐེངས་གཅིག་གིས་མི་ཐམས་ཅད་རྣམ་དག་ཏུ་བརྩིས་ནས་ཚེ་སྲོག་ཐོབ་པ་ཡིན།  
\v 19 མི་གཅིག་གིས་བཀའ་མ་བརྩིས་པས་མི་མང་པོ་སྡིག་ཅན་དུ་གྱུར་པ༌དང༌། དེ་བཞིན༌དུ། མི་གཅིག་གིས་བཀའ་ལ་མཉན་པས་མི་མང་པོ་མི་རྣམ་དག་ཏུ་འགྱུར༌བ་ཡིན།  
\v 20 བཀའ་ཁྲིམས་ནི་ཉེས་པ་མང་དུ་མངོན་པའི་ཕྱིར་བསྣན་པ༌སྟེ། གང་ནས་སྡིག་པ་མང་དུ་མངོན་ན། ཐུགས་རྗེའང་དེ་ལས་མང༌དུ་མངོན་ནོ།།  
\v 21 དེའི་ཕྱིར། སྡིག་པས་དབང་བཟུང་སྟེ་མི་རྣམས་འཆི་རུ་བཅུག་པ༌དང༌། དེ་བཞིན་དུ་ཐུགས་རྗེས་ཀྱང་རྣམ་པར་དག་པ་བརྒྱུད་ནས་དབང་བཟུང༌ཞིང༌། བདག་ཅག་གི་གཙོ་བོ་ཡེ་ཤུ་མཱ་ཤི་ཀ་བརྒྱུད་ནས་མི་རྣམས་ལ་མཐའ་མེད་པའི་ཚེ་སྲོག་འཐོབ་པར་མཛད་པའོ།།   
\c 6
\cl ལེའུ་དྲུག༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 སྡིག་པའི་ཕྱོགས་སུ་འཆི་དགོས་པ་དང་སྐྱབས་མགོན་མཱ་ཤི་ཀའི་ནང་དུ་གསོན་པ།  
\p
\v 1 དེས་ན་ངེད་ཅག་གིས་ཅི་ཞིག༌སྨྲའམ། ཐུགས་རྗེ་སྔར་ལས་མང་དུ་འཐོབ་ཕྱིར་བདག་ཅག་ནི་སྔར་བཞིན་སྡིག་པའི་ནང་དུ་གནས་པར་བྱེད་དམ་ཞེ༌ན།  
\v 2 གཏན་ནས་མི་བྱེད༌དེ། བདག་ཅག་ནི་སྡིག་པའི་ཆ་ནས་ཤི་ཟིན་པ་ཡིན༌པས། སྔར་བཞིན་སྡིག་པའི་ནང་དུ་འཚོ་ག་ལ༌རུང་།  
\v 3 མཱ་ཤི་ཀ་ཡེ་ཤུའི་ནང་དུ་ཁྲུས་གསོལ་ལ་ཞུགས་མཁན་བདག་ཅག་ཐམས་ཅད་ནི། ཁོང་གི་སྐུ་གྲོངས་པའི་ཁྲུས་གསོལ་ལའང་ཞུགས་པ་ཁྱོད་ཅག་གིས་མི་ཤེས་སམ།  
\v 4 དེའི༌ཕྱིར། བདག་ཅག་ཁོང་གི་སྐུ་གྲོངས་པའི་ཁྲུས་གསོལ་བརྒྱུད་ནས་ཁོང་དང་མཉམ་དུ་དུར་ལ་བཅུག ཅིའི་ཕྱིར་ཞེ་ན། སྐྱབས་མགོན་མཱ་ཤི་ཀ་ནི་ཡབ་ཀྱི་གཟི་བརྗིད་བརྒྱུད་ནས་སྐུ་གྲོངས་པ་ལས་སླར་གསོན་པ༌བཞིན། བདག་ཅག་གིས་ཀྱང་མི་ཚེ་གསར་པ་ཞིག་རོལ་དགོས་པའི་ཕྱིར་ཡིན།  
\v 5 གལ༌ཏེ། བདག་ཅག་ནི་ཁོང་ཉིད་སྐུ་གྲོངས་པ་དང་མཚུངས་པར་ཁོང་དང་མཉམ་འབྲེལ་བྱས་པ་ཡིན༌ན། ཁོང་ཉིད་སླར་གསོན་པ་དང་མཚུངས་པར་ཡང་ཁོང་དང་མཉམ་འབྲེལ་བྱེད་ངེས་ཡིན།  
\v 6 བདག་ཅག་སྡིག་པའི་བྲན་དུ་མི་ཚུད་པ་དང་སྡིག་པ་ཅན་གྱི་ལུས་པོ་དབང་མེད་པར་བཟོ་བའི༌ཕྱིར། རང་གཤིས་རྙིང་པ་ནི་ཁོང་དང་མཉམ་དུ་ཤིང་རྒྱ་གྲམ་གྱི་སྟེང་དུ་བརྡབས་ཟིན་པ་བདག་ཅག་གིས་ཤེས༌ཏེ།  
\v 7 ཤི་ཟིན་པ་རྣམས་སྡིག་པ་ལས་ཐར་བའི་ཕྱིར༌རོ།།   
\p
\v 8 བདག་ཅག་སྐྱབས་མགོན་མཱ་ཤི་ཀ་དང་ལྷན་དུ་ཤི་བ་ཡིན༌པས་ན། ཁོང་དང་མཉམ་དུ་གསོན་པོར་གནས་པ་ལའང་ཡིད་ཆེས༌ཡོད།  
\v 9 ཅིའི་ཕྱིར་ཞེ་ན། སྐྱབས་མགོན་མཱ་ཤི་ཀ་སྐུ་གྲོངས་པ་ནས་སླར་གསོན་པ་ཡིན་པས། སླར་ཡང་སྐུ་གྲོངས་པར་མི་འགྱུར༌ཞིང༌། འཆི་བས་ཀྱང་ཡང་བསྐྱར་ཁོང་ལ་དབང་བསྒྱུར་མི་ནུས་པ་བདག་ཅག་གིས་ཤེས་པའི་ཕྱིར༌ཡིན།  
\v 10 ཁོང་ཉིད་སྐུ་གྲོངས་པ་ནི་སྡིག་པའི་ཕྱོགས་སུ་ཐེངས་གཅིག་ལ་སྐུ་གྲོངས་ཤིང་། ཁོང་ཉིད་སྐུ་གསོན་པོར་བཞུགས་པ་ནི་དཀོན་མཆོག་གི་ཕྱོགས་སུ་གནས་པ་ཡིན༌ནོ།།   
\p
\v 11 དེ་ལྟར་ཁྱོད་ཅག་གིས་ཀྱང་སྡིག་པའི་ཕྱོགས་ནས་རང་ཉིད་ཤི་ཟིན་པར་བརྩི་དགོས་པ༌དང༌། དཀོན་མཆོག་གི་ཕྱོགས་ནས་ཁྱོད་ཅག་ནི་མཱ་ཤི་ཀ་ཡེ་ཤུའི་ནང་དུ་གནས་པས་རང་ཉིད་གསོན་པོ་ཡིན་པར་བརྩི་དགོས་སོ།།  
\v 12 དེའི༌ཕྱིར། ལུས་ཀྱི་འདོད་པའི་དབང་དུ་མི་འགྲོ་བའི་ཕྱིར། ཁྱོད་ཅག་གི་འཆི་བར་འགྱུར་བའི་ལུས་སྟེང་དུ་སྡིག་པས་གང་འདོད་དུ་དབང་མི་བསྒྱུར་བར༌གྱིས།  
\v 13 དྲང་བདེན་མིན་པའི་ལས་བྱེད་པ་ལ་ཁྱོད་ཅག་གི་ཡན་ལག་རྣམས་སྡིག་པའི་ཡོ་བྱད་དུ་མི་སྤྲོད༌པར། ཤི་ནས་སླར་གསོན་པ་ལྟར་རང་ཉིད་ནི་དཀོན་མཆོག་ལ་འབུལ་དགོས་པར་མ༌ཟད། ཡན་ལག་རྣམས་ཀྱང་དྲང་བདེན་གྱི་ལས་བྱེད་པའི་ཡོ་བྱད་དུ་དཀོན་མཆོག་ལ་འབུལ་དགོས།  
\v 14 རྒྱུ་མཚན་ནི་ཁྱོད་རྣམས་བཀའ་ཁྲིམས་ཀྱི་འོག་ཏུ་མི་འདུག་པར་ཐུགས་རྗེའི་འོག་ཏུ་ཡོད་པའི་རྐྱེན༌གྱིས། སྡིག་པས་ཁྱོད་རྣམས་ལ་དབང་བསྒྱུར་མི་ནུས་པའི་ཕྱིར༌རོ།།   
\p
\v 15 དེས་ན་ཅི་ལྟར་ཡིན་ནམ། བདག་ཅག་ནི་ཐུགས་རྗེའི་འོག་ཏུ་ཡོད་པ༌ལས། བཀའ་ཁྲིམས་ཀྱི་འོག་ཏུ་མི་འདུག་པས་སྡིག་པ་བྱེད་རུང་ངམ་ཞེ༌ན། གཏན་ནས་མི་རུང༌སྟེ།  
\v 16 ཁྱོད་རྣམས་ཀྱིས་རང་ཉིད་གཡོག་པོ་བྱེད་པར་འབུལ༌ཞིང༌། སུ་ཡི་བཀའ་ལ་མཉན་ན་དེའི་གཡོག་པོ་ཡིན་པ་མི་ཤེས༌སམ། སྡིག་པའི་གཡོག་པོ་བྱས་ན་འཆི་བར་འགྱུར་བ༌དང༌། བཀའ་ལ་ཉན་པའི་གཡོག་པོ་བྱས་ན་མི་རྣམ་དག་ཏུ་འགྱུར༌བ་ཡིན་ནོ།།  
\v 17 སྔོན་ཆད་ཁྱོད་རྣམས་ནི་སྡིག་པའི་གཡོག་པོ་ཡིན༌ཡང༌། ད་ལྟ་ཁྱོད་ཅག་ལ་བསྟན་པའི་ཆོས་དེ་སེམས་གཏིང་ནས་ཁས་བླངས་པའི་རྐྱེན་གྱིས་དཀོན་མཆོག་ལ་བཀའ་དྲིན་ཞུ་བར༌བྱའོ།།  
\v 18 ཁྱོད་རྣམས་སྡིག་པ་ནས་ཐར་ཏེ་རྣམ་པར་དག་པའི་གཡོག་པོར་གྱུར༌པ་ཡིན།  
\v 19 ཁྱོད་ཅག་གི་ཤ་གཟུགས་ཀྱི་ཕུང་བོར་ནུས་ཤུགས་ཞན་པས། བདག་གིས་མིའི་བཤད་སྲོལ་ལྟར་ཁྱོད་ཅག་ལ་སྨྲ་བར་བྱ་སྟེ། ཁྱོད་ཅག་གིས་སྔོན་ཆད་རང་གི་ཡན་ལག་རྣམས་ཇི་ལྟར་མི་གཙང་བ༌དང༌། ཁྲིམས་མེད་ལུགས་མེད་ཀྱི་གཡོག་པོ་བྱེད་པར་སྤྲད་པས་ཁྲིམས་མེད་ལུགས་མེད་དུ་གྱུར་པ༌བཞིན། ད་ལྟ་དམ་པར་འགྱུར་བའི༌ཕྱིར། ཡང་རང་གི་ཡན་ལག་རྣམས་རྣམ་པར་དག་པའི་བྲན་གཡོག་ཏུ་ཕུལ༌ཞིག  
\v 20 ཅིའི་ཕྱིར་ཞེ་ན། ཁྱོད་རྣམས་སྡིག་པའི་བྲན་གཡོག་ཡིན་དུས། རྣམ་དག་གིས་གཅུན་པར་མཛད་མེད་དོ།།  
\v 21 དེས་ན་ད་ལྟ་ཁྱོད་ཅག་གིས་ངོ་ཚར་བརྩིས་པའི་དོན་རྣམས་མཐོང༌དུས། འབྲས་བུ་ཅི་ཡོད་ཅེ༌ན། དོན་དེ་དག་གི་མཇུག་འབྲས་ནི་འཆི་བ་ཡིན་ནོ།།  
\v 22 འོན༌ཀྱང༌། ད་ལྟ་ཁྱོད་རྣམས་སྡིག་པ་ལས་ཐར་ཞིང་དཀོན་མཆོག་གི་གཡོག་པོར་གྱུར༌པས། ཁྱོད་རྣམས་ལ་དམ་པར་འགྱུར་བའི་འབྲས་བུ་ཐོབ༌པ་དང་། དེའི་མཇུག་འབྲས་ནི་མཐའ་མེད་པའི་ཚེ་སྲོག་ཡིན་ནོ།།  
\v 23 དེས་ན་སྡིག་པའི་གླ་ཆ་འཆི་བ་ཡིན༌ཡང༌། དཀོན་མཆོག་གི་ཐུགས་རྗེའི་གནང་སྦྱིན་ནི་བདག་ཅག་གི་གཙོ་བོ་མཱ་ཤི་ཀ་ཡེ་ཤུའི་ནང་དུ་ཡོད༌པའི་མཐའ་མེད་པའི་ཚེ་སྲོག་དེ་ཡིན་ནོ།།   
\c 7
\cl ལེའུ་བདུན༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 ཁྱོ་ཤུག་གི༌དཔེ།  
\p
\v 1 སྤུན་ཟླ༌རྣམས། བདག་གིས་ད་ལྟ་བཀའ་ཁྲིམས་ཀྱི་དོན་རྟོགས་མཁན་རྣམས་ལ་སྨྲ་བར་བྱ༌སྟེ། བཀའ་ཁྲིམས་ཀྱིས་མི་གསོན་པའི་དུས་སུ་བདག་སྐྱོང་མཛད་པ་ནི་ཁྱོད་ཅག་གིས་མི་ཤེས༌སམ།  
\v 2 དཔེར༌ན། བུད་མེད་ཅིག་ལ་ཁྱོ་ག་ཡོད་པ་དང་ཁྱོ་ག་གསོན་པའི་དུས༌སུ། ཁོ་མོ་ནི་བཀའ་ཁྲིམས་ཀྱིས་གཅུན་པ་དང༌། གལ་ཏེ་ཁྱོ་ག་ཚེ་ལས་འདས༌ན། བུད་མེད་དེ་ནི་ཁྱོ་གའི་སྐོར་གྱི་བཀའ་ཁྲིམས་དང་ཁ་བྲལ་བ་དང་འདྲའོ།།  
\v 3 དེའི༌ཕྱིར། ཁྱོ་ག་གསོན་པའི་དུས་སུ་ཁོ་མོ་སྐྱེས་པ་གཞན་དང་འགྲོགས༌ན། བུད་མེད་དེ་ལ་གཡེམ་མ་ཟེར། གལ༌ཏེ་ཁྱོ་ག་ཚེ་ལས་འདས་ན་ཁོ་མོ་ནི་ཁྱོ་གའི་སྐོར་གྱི་བཀའ་ཁྲིམས་དང་ཁ་བྲལ་བས་སྐྱེས་པ་གཞན་དང་འགྲོགས༌ནའང༌། བུད་མེད་དེ་ལ་གཡེམ་མ་མི་ཟེར༌རོ།།   
\p
\v 4 དེའི་ཕྱིར། བདག་གི་སྤུན་ཟླ༌རྣམས། དེ་ལྟར་སྨྲས༌ན། སྐྱབས་མགོན་མཱ་ཤི་ཀའི་སྐུ་ལུས་ལ་བརྟེན་ནས་ཁྱོད་རྣམས་ཀྱང་བཀའ་ཁྲིམས་ཀྱི་ཆ་ནས་ཤི༌བ་ཡིན་ནོ།། དེ་ནི་ཁྱོད་རྣམས་གཞན་ལ་གཏོགས་པ་དང་། ངེད་ཅག་ལ་འབྲས་བུ་བྱུང་ནས་དཀོན་མཆོག་ལ་འབུལ་བའི༌ཕྱིར། སྐུ་གྲོངས་པ་ནས་སླར་གསོན་པ་དེ་ཉིད་ལ་གཏོགས་སོ།།  
\v 5 ཅིའི་ཕྱིར་ཞེ་ན། བདག་ཅག་ནི་ཤ་གཟུགས་ཀྱི་ཕུང་བོར་གཏོགས་པའི་དུས༌སུ། བཀའ་ཁྲིམས་ཀྱི་རྒྱུ་རྐྱེན་ལས་བྱུང་བའི་འདོད་ངན་གྱིས་བདག་ཅག་གི་ཡན་ལག་ལ་སྐུལ་སློང་བྱས་ཏེ་འཆི་བའི་འབྲས་བུ་བསྐྱེད༌པའི་ཕྱིར་ཡིན།  
\v 6 འོན༌ཀྱང༌། བདག་ཅག་འཆིང་བར་བྱེད་པའི་བཀའ་ཁྲིམས་སྟེང་ནས་ཤི་བར་གྱུར༌ཏེ། ད་ལྟ་བཀའ་ཁྲིམས་ལས་གྲོལ་བ་ཡིན༌པས། བདག་ཅག་གིས་དམ་པའི་ཐུགས་ཉིད་ཀྱི་སྲོལ་གསར་པ་ལྟར་ཞབས་ཕྱི་བསྒྲུབ་པ༌ལས། ཁྲིམས་ཡིག་གི་སྲོལ་རྙིང་པ་ལྟར་ཞབས་ཕྱི་བསྒྲུབ་པར་མི༌བྱའོ།།   
\s1 སྡིག་པར་འཐབ་པ།  
\p
\v 7 དེས་ན་ངེད་ཅག་གིས་ཅི་ཞིག༌སྨྲའམ། བཀའ་ཁྲིམས་ནི་སྡིག་པ་ཡིན་ནམ་ཞེ༌ན། གཏན་ནས་མིན༌ནོ།། འོན་ཀྱང་བཀའ་ཁྲིམས་མེད་ན་ངས་སྡིག་པ་ནི་ཅི་ཞིག་ཡིན་པ་མི་ཤེས། བཀའ་ཁྲིམས་ལས་ཇི་སྐད༌དུ། འདོད་ཧམ་བཅང་མི་རུང་ཞེས་གསུངས་པ་མིན༌ན། བདག་གིས་འདོད་ཧམ་ནི་ཅི་ཞིག་ཡིན་པ་མི་ཤེས་སོ།།  
\v 8 འོན༌ཀྱང༌། སྡིག་པས་གོ་སྐབས་དང་བསྟུན་ཞིང་བཀའ་དེ་ལ་བརྟེན༌ནས། བདག་གི་སེམས་ནང་དུ་འདོད་ཧམ་སྣ་ཚོགས་སྐྱེ་བར་སྐུལ་སློང་བྱས་པ་ཡིན། ཅིའི་ཕྱིར་ཞེ་ན། བཀའ་ཁྲིམས་མེད་ན་སྡིག་པ་ནི་ཤི༌བ་ཡིན་པའི་ཕྱིར་རོ།།  
\v 9 སྔོན་ཆད་བཀའ་ཁྲིམས་མེད་པའི་དུས་སུ་བདག་ནི་གསོན་པོར་འཚོ༌ཡང༌། བཀའ་དེ་ཉིད་བྱུང་བ་དང་སྡིག་པ་ནི་གསོན་པར་གྱུར་པ་དང་། བདག་ནི་ཤི༌བར་གྱུར།  
\v 10 མ་གཞི་མི་གསོན་དུ་འཇུག་པའི་བཀའ་དེ་ཡིས་བདག་ནི་འཆི་བར་མཛད་དོ།།  
\v 11 རྒྱུ་མཚན་ནི་སྡིག་པས་གོ་སྐབས་དང་བསྟུན་ཞིང་བཀའ་དེ་ལ་བརྟེན་ནས་ང་རང་བསླུས་ཏེ་བསད༌པ་ཡིན།  
\v 12 དེ་ལྟར་བལྟས༌ན། བཀའ་ཁྲིམས་ནི་དམ་པ་ཡིན༌ལ། བཀའ་དེ་ཡང་དམ་པ༌དང༌བདེན༌དྲང༌། ལེགས་པོ་བཅས་ཡིན༌ནོ།།   
\p
\v 13 དེ་འདྲ་ཡིན༌ན། ལེགས་པོ་ཡིན་པ་དེ་ཉིད་ནི་ང་རང་འཆི་བའི་རྒྱུ་རྐྱེན་ཡིན་ནམ་ཞེ༌ན། གཏན་ནས་མིན༌ཏེ། ང་རང་འཆི་བར་བྱེད་པའི་རྒྱུ་རྐྱེན་ནི་སྡིག་པ་ཡིན་ནོ།། འོན༌ཀྱང༌། སྡིག་པས་ལེགས་པོ་ཡིན་པ་དེ་ཉིད་བརྒྱུད་ནས་ང་རང་འཆི་བར་བྱས༌པས། དེ་ནི་སྡིག་པ་ཡིན་པ་དངོས་སུ་བསྟན༌ཞིང༌། བཀའ་དེ་ཡིས་སྔར་ལས་ཀྱང་སྡིག་པ་ནི་ཤིན་ཏུ་ངན་པ་ཡིན་པར་མཚོན༌པའོ།།   
\p
\v 14 བདག་ཅག་གིས་བཀའ་ཁྲིམས་ནི་ཐུགས་ཉིད་ལ་གཏོགས་པ་ཤེས༌ནའང༌། བདག་ནི་ཤ་གཟུགས་ཀྱི་ཕུང་བོར་གཏོགས་ཤིང་སྡིག་པའི་བྲན་གཡོག་ཏུ་བཙོངས་པ་ཡིན་ནོ།།  
\v 15 རྒྱུ་མཚན་ནི་ངས་ཅི་བྱེད་པ་རང་གིས་ཀྱང་མི་ཤེས༌ཏེ། ངས་རང་གིས་བྱེད་འདོད་པའི་ལས་དེ་མི་བྱེད༌པར། རང་ཉིད་སྡང་བའི་ལས་དེ་བྱེད་དོ།།  
\v 16 གལ༌ཏེ། ངས་བྱས་པའི་ལས་དེ་ནི་རང་གིས་བྱེད་མི་འདོད་པ་ཡིན༌ན། ངས་བཀའ་ཁྲིམས་ནི་ལེགས་པོ་ཡིན་པ་ཁས་བླངས༌པ་ཡིན།  
\v 17 དེ་བས། དེ་ལྟར་བྱེད་མཁན་ནི་ང་རང་མིན༌ཏེ། ངའི་སེམས་ནང་དུ་གནས་པའི་སྡིག་པས་བྱས་པ་ཡིན་ནོ།།  
\v 18 ངས་དོན་བཟང་བསྒྲུབ་པའི་སེམས་ཐག་གཅོད་ནུས་ཀྱང་དེ་ལྟར་བསྒྲུབ་མི་ཐུབ༌པས། ངའི་ཤ་གཟུགས་ཀྱི་ཕུང་བོའི་ནང་དུ་ལེགས་པོ་ཅི་ཡང་མེད་པ་བདག་གིས་ཤེས་སོ།།  
\v 19 དེའི༌ཕྱིར། ངས་རང་གིས་བསྒྲུབ་འདོད་པའི་དོན་བཟང་མི་བསྒྲུབ༌པར། བསྒྲུབ་མི་འདོད་པའི་དོན་ངན་བསྒྲུབ་པར་བྱེད།  
\v 20 གལ༌ཏེ། ངས་རང་གིས་བསྒྲུབ་མི་འདོད་པའི་ལས་ཤིག་བསྒྲུབས༌ན། ལས་དེ་ནི་བདག་གིས་བྱས་པ་མ་ཡིན༌པར། ངའི་སེམས་ནང་དུ་གནས་པའི་སྡིག་པས་བྱས་པ་ཡིན༌ནོ།།   
\p
\v 21 དེའི༌ཕྱིར། ངས་ཆོས་ཉིད་ཅིག་ཡོད་པ་ཤེས༌ཏེ། ངས་དོན་བཟང་བསྒྲུབ་འདོད་པའི་དུས༌སུ། ངན་པའང་བདག་དང་མཉམ་དུ་གནས་སོ།།  
\v 22 ངའི་ནང་གི་བསམ་པ་ལྟར༌ན། བདག་ནི་དཀོན་མཆོག་གི་ཆོས་ཉིད་ལ༌དགའ་བ་ཡིན།  
\v 23 འོན༌ཀྱང༌། བདག་གི་ཡན་ལག་ཁྲོད་དུ་ཆོས་ཉིད་གཞན་ཞིག་ཡོད༌དེ། ངའི་སེམས་ནང་གི་ཆོས་ཉིད་དང་འཐབ་སྟེ། ང་ནི་ཡན་ལག་ནང་གི་སྡིག་པའི་ཆོས་ཉིད་ཀྱི་དབང་དུ་གྱུར་པ་དང་། དེས་ང་རང་བཙན་བཟུང་བྱས་པ་བདག་གིས་ཤེས་སོ།།  
\v 24 བདག་ནི་ཇི་འདྲའི་ཐ་ཤལ་བ་ཞིག་རེད་ཨང་། སུ་ཞིག་གིས་ང་རང་འཆི་བར་འགྱུར་བའི་ལུས་པོ་འདི་ལས་སྐྱོབ་པར་བྱེད༌དམ་ཞེ་ན།  
\v 25 བདག་ཅག་གི་གཙོ་བོ་ཡེ་ཤུ་མཱ་ཤི་ཀར་བརྟེན་ནས་དཀོན་མཆོག་ལ་ཐུགས་རྗེ༌ཆེ་ཞུའོ།། མདོར་ན། བདག་གི་སེམས་སུ་དཀོན་མཆོག་གི་ཆོས་ཉིད་ལ་བསྟུན་ན་ཡང༌། བདག་གི་ཤ་གཟུགས་ཀྱི་ཕུང་བོས་སྡིག་པའི་ཆོས་ཉིད་ལ་བསྟུན་པའོ།།   
\c 8
\cl ལེའུ་བརྒྱད༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 དམ་པའི་ཐུགས་ཉིད་ལ་བརྟེན་པའི་ཚེ༌སྲོག  
\p
\v 1 དེ་བས་ན། ད་ལྟ་མཱ་ཤི་ཀ་ཡེ་ཤུའི་ནང་དུ་གནས་པ་རྣམས་ལ་ཉེས་ཆད་ཕོག་པ་ཅི་ཡང་མེད་དོ།།  
\v 2 ཅིའི་ཕྱིར་ཞེ་ན། མཱ་ཤི་ཀ་ཡེ་ཤུའི་ནང་དུ་ཡོད་པའི་ཚེ་སྲོག་གནང་མཁན་ཏེ་དམ་པའི་ཐུགས་ཉིད་ཀྱི་ཆོས་ཉིད་ཀྱིས། ཁྱོད་རང་ \f + \ft ཁྱོད་རང་ཞེས་པར་མ་ཕྱི་ལ་ལར་ང་རང་ཞེས་བཀོད་ཡོད།\f*སྡིག་པ་དང་འཆི་བའི་ཆོས་ཉིད་ལས་ཐར་བར་མཛད་པའི་ཕྱིར༌ཡིན།  
\v 3 ཤ་གཟུགས་ཀྱི་ཕུང་བོའི་ནུས་ཤུགས་ཞན་པའི་དབང་གིས་བཀའ་ཁྲིམས་ཀྱིས་བསྒྲུབ་མ་ཐུབ་པ་དེ་དཀོན་མཆོག་གིས་བསྒྲུབས་ཏེ། ཁོང་གིས་རང་གི་སྲས་ནི་སྡིག་པའི་ལུས་ཀྱི་རྣམ་པ་དང་འདྲ་བའི་སྡིག་པའི་བཤགས་མཆོད་དུ་མངགས༌ཤིང་། ཤ་གཟུགས་ཀྱི་ཕུང་བོའི་ནང་དུ་སྡིག་པར་ཉེས་ཆད་བཅད་དོ།།  
\v 4 དེ་ནི་བཀའ་ཁྲིམས་ཀྱིས་བཏོན་པའི་རྣམ་པར་དག་པའི་བླང་བྱ་ནི་བདག་ཅག་གིས་ཤ་གཟུགས་ཀྱི་ཕུང་བོ་དང་མི་བསྟུན་པར། དམ་པའི་ཐུགས་ཉིད་ལ་བསྟུན་ནས་སྐྱོད་མཁན་རྣམས་ཀྱི་སྟེང་དུ་འགྲུབ་པར་མཛད་པའི་ཕྱིར༌ཡིན།  
\v 5 ཅིའི་ཕྱིར་ཞེ་ན། ཤ་གཟུགས་ཀྱི་ཕུང་བོར་བསྟུན་མཁན་གྱིས་ཤ་གཟུགས་ཀྱི་ཕུང་བོའི་དོན་བསམ༌ཞིང༌། དམ་པའི་ཐུགས་ཉིད་ལ་བསྟུན་མཁན་གྱིས་དམ་པའི་ཐུགས་ཉིད་ཀྱི་དོན་བསམ་པས༌སོ།།  
\v 6 ཡང་ཤ་གཟུགས་ཀྱི་ཕུང་བོ་བསམ་པའི་མཇུག་འབྲས་ནི་འཆི་བ༌དང༌། དམ་པའི་ཐུགས་ཉིད་བསམ་པའི་མཇུག་འབྲས་ནི་ཚེ་སྲོག་དང་ཞི་བདེ་ཡིན།  
\v 7 མ་གཞི་ཤ་གཟུགས་ཀྱི་ཕུང་བོ་བསམ་པ་རྣམས་ཀྱིས་དཀོན་མཆོག་གི་བཀའ་ཁྲིམས་ལ་མི་བསྟུན་པ་དང་བསྟུན་ཡང་མི་ནུས་པས་དཀོན་མཆོག་ནི་དགྲ་རུ་བཟུང༌བ་ཡིན་ནོ།།  
\v 8 དེར་མ༌ཟད། ཤ་གཟུགས་ཀྱི་ཕུང་བོར་གཏོགས་པ་རྣམས་ཀྱིས་དཀོན་མཆོག་གི་ཐུགས་དགྱེས་པར་བྱ་མི་ནུས་སོ།།   
\p
\v 9 འོན་ཀྱང་། དཀོན་མཆོག་གི་ཐུགས་ཉིད་ནི་དངོས་གནས་ཁྱོད་ཅག་གི་ནང་དུ་བཞུགས་པ་ཡིན༌ན། ཁྱོད་ཅག་ཤ་གཟུགས་ཀྱི་ཕུང་བོར་མི་གཏོགས་པར་དམ་པའི་ཐུགས་ཉིད་ལ་གཏོགས༌ཤིང་། མི་ཞིག་ལ་སྐྱབས་མགོན་མཱ་ཤི་ཀའི་ཐུགས་ཉིད་མི་ལྡན༌ན། མི་དེ་ནི་ཁོང་ལ་མི་གཏོགས༌པ་ཡིན་ནོ།།  
\v 10 སྐྱབས་མགོན་མཱ་ཤི་ཀ་ཁྱོད་ཅག་གི་ནང་དུ་བཞུགས༌ན། ཁྱོད་ཅག་གི་ལུས་པོ་ནི་སྡིག་པའི་རྐྱེན་གྱིས་ཤི་ཡང༌། ཁྱོད་ཅག་གི་སེམས་ནི་རྣམ་པར་དག་པའི་དབང་གིས་གསོན༌པ་ཡིན་ནོ།།  
\v 11 འོན༌ཀྱང༌། མཱ་ཤི་ཀ་ཡེ་ཤུ་སྐུ་གྲོངས་པ་ནས་སླར་གསོན་པར་མཛད་མཁན༌དཀོན་མཆོག་གི་ཐུགས་ཉིད་ནི་ཁྱོད་ཅག་གི་ནང་དུ་བཞུགས་པ་ཡིན༌ན། ཁོང་གིས་ཀྱང་ཁྱོད་ཅག་གི་ནང་དུ་བཞུགས་པའི་དམ་པའི་ཐུགས་ཉིད་བརྒྱུད༌ནས། ཁྱོད་ཅག་གི་འཆི་བར་འགྱུར་བའི་ལུས་པོ་དེ་སླར་ཡང་གསོན་པར་མཛད་ངེས༌སོ།།   
\p
\v 12 སྤུན་ཟླ༌རྣམས། འདི་ལྟར་བལྟས༌ན། བདག་ཅག་གིས་ཤ་གཟུགས་ཀྱི་ཕུང་བོར་བུ་ལོན་ཆད་པ་མ་ཡིན་ལ་དེར་བསྟུན་ནས་འཚོ་བའང་མིན་ནོ།།  
\v 13 གལ༌ཏེ། ཁྱོད་རྣམས་ཤ་གཟུགས་ཀྱི་ཕུང་བོར་བསྟུན་ནས་འཚོ་བ་ཡིན་ན་ངེས་པར༌འཆི་བ་དང་། གལ༌ཏེ། དམ་པའི་ཐུགས་ཉིད་ལ་བརྟེན་ནས་ལུས་པོའི་སྤྱོད་ངན་བཅོམ་ན་གསོན་པར་འགྱུར་རོ།།  
\v 14 རྒྱུ་མཚན་ནི་དཀོན་མཆོག་གི་ཐུགས་ཉིད་ཀྱིས་ཁྲིད་པར་མཛད་པའི་མི་ཐམས་ཅད་ནི་དཀོན་མཆོག་གི་བུ་དང་བུ་མོ་ཡིན་པའི་ཕྱིར༌རོ།།  
\v 15 ཁྱོད་རྣམས་ལ་སྔར་བཞིན་འཇིགས་སྣང་དུ་འཇུག་པའི་བྲན་གཡོག་གི་སེམས་ཐོབ་པ་མ་ཡིན་པས། ཁྱོད་རྣམས་ལ་དཀོན་མཆོག་གི་བུ་སྐལ་དུ་གྱུར་པའི་སེམས་ཐོབ་ཅིང་དེ་ལ་བརྟེན་ནས། བདག་ཅག་གིས་དཀོན་མཆོག་ལ་ཨབ་བཱ་ལགས། ཡབ་ལགས་ཞེས་འབོད་པའོ།།  
\v 16 དམ་པའི་ཐུགས་ཉིད་ཀྱིས་བདག་ཅག་གི་སེམས་དང་མཉམ་འབྲེལ་བྱས་ནས་བདག་ཅག་ནི་དཀོན་མཆོག་གི་བུ་ཕྲུག་ཡིན་པར་བདེན་དཔང་མཛད།  
\v 17 ཡང་བུ་ཕྲུག་ཡིན་ན་ཕྱིས་སུ་རྒྱུན་འཛིན་མཁན་ཡང་ཡིན་ཏེ། དཀོན་མཆོག་གི་རྒྱུན་འཛིན་མཁན་ཡིན༌ཞིང་། སྐྱབས་མགོན་མཱ་ཤི་ཀ་དང་མཉམ་དུ་རྒྱུན་འཛིན་མཁན་ཡིན། བདག་ཅག་ལ་ཁོང་དང་མཉམ་དུ་གཟི་བརྗིད་འཐོབ་པར་འགྱུར་ན། བདག་ཅག་གིས་ཁོང་དང་མཉམ་དུ་སྡུག་བསྔལ་མྱང་དགོས་སོ།།   
\s1 མ་འོངས་པའི་གཟི༌བརྗིད།  
\p
\v 18 བདག་གིས་བསམས༌ན། ད་ལྟའི་སྡུག་བསྔལ་འདི་ནི་མ་འོངས་པའི་དུས་སུ་བདག་ཅག་ལ་མངོན་པར་འགྱུར་བའི་གཟི་བརྗིད་དང་བསྡུར་མི་འོས་སོ།།  
\v 19 བསྐྲུན་པའི་དངོས་པོ་ཐམས་ཅད་ཀྱིས་དཀོན་མཆོག་གི་བུ་ཕྲུག་རྣམས་མངོན་པར་རེ་བ་ཆེན་པོས་སྒུག་འདུག  
\v 20 རྒྱུ་མཚན་ནི་བསྐྲུན་པའི་དངོས་པོ་རྣམས་སྙིང་པོ་མེད་པའི་དབང་དུ་ཚུད་པ་ནི་རང་ཉིད་ཀྱི་འདོད་པ་ལྟར་མ་ཡིན༌པར། དེ་ལྟར་མཛད་མཁན་དཀོན་མཆོག་གི་ཐུགས་དགོངས་བཞིན་ཡིན་པས༌སོ།།  
\v 21 འོན༌ཀྱང༌། བསྐྲུན་པའི་དངོས་པོ་དག་གིས་ངན་རུལ་གྱི་དབང་ཤེད་ལས་ཐར་ནས། དཀོན་མཆོག་གི་བུ་ཕྲུག་རྣམས་ཀྱི་ཐར་པའི་གཟི་བརྗིད་ལོངས་སུ་སྤྱོད་ཐུབ་པར་རེ་སྒུག་བྱེད༌དོ།།   
\p
\v 22 ད་ལྟའི་བར་དུ་དངོས་པོ་བསྐྲུན་པ་ཐམས་ཅད་ཀྱིས་ལྷན་དུ་དབུགས་རིང་ཕྱུང་ཞིང་དཀའ་སྡུག་མྱངས་པ་བདག་ཅག་གིས་ཤེས་སོ།།  
\v 23 དེར་མ༌ཟད། དམ་པའི་ཐུགས་ཉིད་ཀྱི་འབྲས་བུ་ཐོག་མ་ཡོད་པ་བདག་ཅག་གིས་ཀྱང་སེམས་སུ་དབུགས་རིང་འབྱིན༌པ་དང༌། བུ་སྐལ་འཐོབ་པར་རེ་སྒུག་བྱེད་ཅིང་། དེ་ནི་བདག་ཅག་གི་ལུས་པོ་ཐར་བ་ཡིན་ནོ།།  
\v 24 ཡང་བདག་ཅག་ནི་རེ་བ་ལ་བརྟེན་ནས་ཐར༌ཞིང་། མིག་གིས་མཐོང་བའི་རེ་བ་ནི་རེ་བ་མིན༌ཏེ། སུ་ཞིག་གིས་མིག་གིས་མཐོང་བ་དེ་ལ་རེ་བ་བྱེད༌དམ།  
\v 25 འོན༌ཀྱང༌། བདག་ཅག་གིས་མིག་གིས་མི་མཐོང་བ་དེ་ལ་རེ་བ་བྱེད༌ན། ངང་རྒྱུད་རིང་པོས་སྒུག་པ་ཡིན་ནོ།།   
\p
\v 26 དེ་བཞིན༌དུ། དམ་པའི་ཐུགས་ཉིད་ཀྱིས་བདག་ཅག་གི་ཉམས་ཞན་ཡིན་པའི་ཆ་ལ་རོགས་སྐྱོར་གནང༌སྟེ། བདག་ཅག་གིས་ཅི་ལྟར་གསོལ་བ་འདེབས་པ་མི་ཤེས༌ཀྱང་། དམ་པའི་ཐུགས་ཉིད་ཀྱིས་དངོས་སུ་སྨྲ་མི་ནུས་པའི་དབུགས་རིང་ལ་བརྟེན་ནས་བདག་ཅག་གི་ཚབ་ཏུ་གསོལ་བ་འདེབས་པ་ཡིན་ནོ།།  
\v 27 དམ་པའི་ཐུགས་ཉིད་ཀྱིས་དཀོན་མཆོག་གི་ཐུགས་དགོངས་བཞིན་དུ་དད་ལྡན་དམ་པ་རྣམས་ཀྱི་ཚབ་ཏུ་གསོལ་བ་བཏབ༌པས། མིའི་སེམས་ལ་རྟོག་དཔྱོད་མཛད་མཁན་གྱིས་དམ་པའི་ཐུགས་ཉིད་ཀྱི་དགོངས་པ་མཁྱེན༌ནོ།།   
\s1 རྣམ་པར་རྒྱལ་བ་ལས་ལྷག་པ།  
\p
\v 28 དཀོན་མཆོག་ལ་གཅེས་པའི་མི་སྟེ་ཁོང་གི་ཐུགས་དགོངས་བཞིན་ཞལ་འབོད་ཐོབ་པའི་མི་རྣམས་ཀྱི་དོན་ཐམས་ཅད་ནི། དཀོན་མཆོག་གིས་ཕན་ཚུན་ལ་ཕན་ཐོགས་པར་མཛད་ཡོད་པ་བདག་ཅག་གིས་ཤེས་སོ།།  
\v 29 རྒྱུ་མཚན་ནི་དཀོན་མཆོག་གིས་སྔར་ནས་མཁྱེན་པའི་མི་རྣམས་རང་གི་སྲས་ཀྱི་སྣང་བརྙན༌དང་འདྲ་བར་འགྱུར༌ཆེད་སྔ་མོ་ནས་ཐག་གིས་བཅད་ཅིང༌། སྲས་དེ་ཉིད་སྤུན་ཟླ་མང་པོའི་ཁྲོད་དུ་སྐྱེས་འགོ་རུ་མཛད་པའི་ཕྱིར༌ཡིན།  
\v 30 ཡང་སྔ་མོ་ནས་ཐག་གིས་བཅད་པ་རྣམས་ལའང་ཞལ་འབོད་གནང༌ཞིང༌། ཞལ་འབོད་གནང་བ་རྣམས་ཀྱང་རྣམ་པར་དག་པར་བརྩིས་པ༌དང༌། རྣམ་པར་དག་པར་བརྩིས་པ་རྣམས་ཀྱང་གཟི་བརྗིད་དང་ལྡན་པར་མཛད༌དོ།།   
\p
\v 31 དེ་འདྲ་ཡིན༌ན། ད་དུང་ཅི་ཞིག་སྨྲ་བར༌བྱའམ། དཀོན་མཆོག་ནི་བདག་ཅག་གི་ཕྱོགས་ཡིན༌ན། སུ་ཞིག་གིས་བདག་ཅག་ལ་རྒོལ་ནུས༌སམ།  
\v 32 དཀོན་མཆོག་གིས་རང་ཉིད་ཀྱི་སྲས་ལ་མ་ཕངས་པར་བདག་ཅག་ཐམས་ཅད་ཀྱི་ཆེད་དུ་བློས་བཏང་བས་ན། དངོས་པོ་ཐམས་ཅད་དང་སྲས་ཁོང་ཉིད་དང་བཅས་པ་བདག་ཅག་ལ་ཕངས་མེད་དུ་གནང་བར་འགྱུར་བ་མ་ཡིན༌ནམ།  
\v 33 སུ་ཞིག་གིས་དཀོན་མཆོག་གི་བདམས་པ་རྣམས་ཁྲིམས་ལ་སྦྱོར་ནུས༌སམ། དཀོན་མཆོག་ནི་མི་རྣམ་དག་ཏུ་བརྩི་མཁན་ཡིན་ནོ།།  
\v 34 མཱ་ཤི་ཀ་ཡེ་ཤུ་སྐུ་གྲོངས་པར་མ་ཟད། སླར་ཡང་གསོན༌ཞིང༌ད་ལྟ་དཀོན་མཆོག་གི་གཡས་ཕྱོགས་སུ་བཞུགས༌ཏེ། བདག་ཅག་གི་དོན་དུ་གསོལ་བ་འདེབས་བཞིན་ཡོད༌པས། སུ་ཞིག་གིས་བདག་ཅག་ལ་ཉེས་ཆད་གཅོད་ནུས༌སམ།  
\v 35 ཡང་སུ་ཞིག་གིས་བདག་ཅག་སྐྱབས་མགོན་མཱ་ཤི་ཀའི་བྱམས་པ་དང་ཕྲལ་ནུས༌སམ། དེ་ནི་དཀའ་སྡུག་ཡིན༌ནམ། ཡང་ན་སེམས་ཁྲལ་ཡིན༌ནམ། ཡང་ན་བཙན་གནོན་ཡིན༌ནམ། ཡང་ན་བཀྲེས་ལྟོགས་ཡིན༌ནམ། ཡང་ན་གོས་མེད་གཅེར་བུ་ཡིན༌ནམ། ཡང་ན་ཉེན་ཁ་ཡིན༌ནམ། ཡང་ན་རལ་གྲི་ཡིན་ནམ།  
\v 36 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 ཁྱེད་ཀྱི་རྐྱེན་གྱིས་ངེད་རྣམས་ཉིན་རྒྱུན་གསོད༎  
\q1 གཞན་གྱིས་ངེད་རྣམས་བཤས་ལུག་ལྟ་བུར་བརྩིས།།  
\m ཞེས་བཀོད་པ་བཞིན༌ནོ།།   
\p
\v 37 འོན༌ཀྱང༌། བདག་ཅག་གཅེས་སུ་འཛིན་མཁན་ཁོང་ཉིད་ལ་བརྟེན་ནས། དོན་འདི་ཐམས་ཅད་ཀྱི་སྟེང་ནས་བདག་ཅག་རྣམ་པར་རྒྱལ༌བ་ལས་ཀྱང་ལྷག་པ་ཡིན་ནོ།།  
\v 38 ཅིའི་ཕྱིར་ཞེ་ན། བདག་ལ་ཡིད་ཆེས་བརྟན་པོ་ཡོད་པ༌ནི། འཆི་བ༌དང༌། གསོན༌པ། ནམ་མཁའི་ཕོ༌ཉ། དབང་འཛིན༌མཁན། ད་ལྟའི༌དོན་རྣམས། མ་འོངས་པའི༌དོན་དག མཐུ་སྟོབས༌ཅན།  
\v 39 མཐོ་སར་གནས༌པ། དམའ་སར་གནས༌པ། བསྐྲུན་པའི་དངོས་པོ་གཞན་གང་གིས༌ཀྱང༌། བདག་ཅག་དཀོན་མཆོག་གི་བྱམས་པ་དང་ཕྲལ་མི་ནུས༌ཏེ། བྱམས་པ་འདི་ནི་བདག་ཅག་གི་གཙོ་བོ་མཱ་ཤི་ཀ་ཡེ་ཤུའི་ནང་དུ་གནས་པས་སོ།།   
\c 9
\cl ལེའུ་དགུ༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 དཀོན་མཆོག་ལ་ཐག་གིས་གཅོད་པའི་དབང་ཐམས་ཅད་མངའ་བ།  
\p
\v 1 བདག་གིས་སྐྱབས་མགོན་མཱ་ཤི་ཀའི་ནང་དུ་བདེན་གཏམ་བརྗོད་པ་ལས་རྫུན་མི་སྨྲ༌ཞིང༌། བདག་གི་སེམས་ཀྱིས་དམ་པའི་ཐུགས་ཉིད་ལ་བརྟེན་ནས་བདག་ལ་བདེན་དཔང་བྱེད་པ་ཡིན་ཏེ།  
\v 2 བདག་གི་སེམས་སུ་སྡུག་བསྔལ་ཆེ་ཞིང་རྟག་ཏུ༌སྐྱོའོ།།  
\v 3 བདག་དང་རིགས་རྒྱུད་གཅིག་པའི་སྤུན་ཟླའི་དོན༌དུ། རང་ཉིད་ལ་དམོད་པ་ཐེབས་ཞིང་སྐྱབས་མགོན་མཱ་ཤི་ཀ་དང་བྲལ་ནའང་བདག་ལ་འགྱོད་པ་མེད༌དེ།  
\v 4 མི་དེ་རྣམས་ནི་ཡེས་ར་ཨེལ་གྱི་མི་རིགས་ཡིན༌ཞིང༌། བུ་སྐལ་གྱི་མིང་དང་། གཟི༌བརྗིད། ཞལ༌ཆད་རྣམས། བཀའ༌ཁྲིམས་གཏན་ལ་འབེབས་པ། གུས་སྲོལ། ཞལ་བཞེས་ཐམས་ཅད་དེ་དག་གི་ཡིན༌ལ།  
\v 5 མེས་པོ་རྣམས་ཀྱང་དེ་དག་གི་མེས་པོ་ཡིན། ལུས་ཕུང་གི་ཆ་ནས་སྨྲས༌ནའང༌། སྐྱབས་མགོན་མཱ་ཤི་ཀ་ཡང་དེ་རྣམས་ལས་བྱུང༌ཞིང༌། ཁོང་ནི་ཀུན་ལས་བླ་ན་འཕགས་པ་དང་དུས་རྟག་ཏུ་བསྔགས་པར་འོས་པའི་དཀོན་མཆོག་ལགས༌སོ། །ཨ༌མེན།   
\p
\v 6 དེ་ལྟར་སྨྲས་པ་ནི་དཀོན་མཆོག་གི་བཀའ་སྟོང་བར་གྱུར་པ་མ་ཡིན་ནོ།། རྒྱུ་མཚན་ནི་ཡེས་ར་ཨེལ་ནས་སྐྱེས་པ་ཐམས་ཅད་ཡེས་ར་ཨེལ་གྱི་མི་ཡིན་པའི་ངེས་པ་མེད༌ལ།  
\v 7 ཨབ་ར་ཧམ་གྱི་རིགས་རྒྱུད་ཡིན་པ་ཐམས་ཅད་ཀྱང་ཁོང་གི་བུ་ཕྲུག་ཡིན་པར་མ་ངེས་པའི་ཕྱིར༌རོ། །དེ་ལ་ཇི་སྐད༌དུ། ཨི་སཱག་བརྒྱུད་ནས་ཁྱོད་ཀྱི་རིགས་རྒྱུད་ཀྱི་མིང་ཐོན་པར་འགྱུར་ཞེས་གསུངས་སོ།།  
\v 8 དེ་ནི་ལུས་ཕུང་ལས་སྐྱེས་པའི་བུ་དང་བུ་མོ་རྣམས་དཀོན་མཆོག་གི་བུ་ཕྲུག་མ་ཡིན༌ཞིང༌། ཞལ་བཞེས་ཐོབ་པ་རྣམས་ནི་ད་གཟོད་རིགས་རྒྱུད་དུ་བརྩིས༌པ་ཡིན།  
\v 9 ཅིའི་ཕྱིར་ཞེ་ན། ཞལ་བཞེས་གནང་བའི་བཀའ་ནི་འདི་ལྟ༌སྟེ། སང་ལོའི་དུས་འདི༌ལ་ང་རང་ཡོང་ངེས༌ཤིང༌། སཱ་ར་ལ་བུ་ཞིག་སྐྱེ་བར་འགྱུར་ཞེས་གསུངས་པའི་ཕྱིར༌རོ།།  
\v 10 གཞན༌ཡང༌། རིབ་ཀཱ་ནི་བདག་ཅག་གི་མེས་པོ་ཨི་སཱག་གཅིག་པུ་ལས་མངལ་ཆགས༌ཏེ།  
\v 11 སྐབས་དེར་བུ་མཚེ་མ་སྐྱེས་མེད་ཅིང་ལས་བཟང་ངན་གང་ཡང་མ་བྱས་པའི་སྔོན་ལ། དཀོན་མཆོག་གིས་བདམས་པར་མཛད་པའི་ཐུགས་དགོངས་མངོན་ཞིང་བརྟན་པོར་གནས་པའི༌ཕྱིར། མིའི་བྱ་སྤྱོད་ལ་འབྲེལ་བ་མེད་ཅིང་མི་ལ་ཞལ་འབོད་གནང་མཁན་དཀོན་མཆོག་ལ་རག་ལས༌པ་ཡིན་ལ།  
\v 12 དཀོན་མཆོག་གིས་རིབ་ཀཱ་ལ་འདི་སྐད༌དུ། མ་འོངས་པར་བུ་ཆེ་བས་བུ་ཆུང་བ་ལ་ཞབས་ཕྱི་བྱེད་པར་འགྱུར་ཞེས་གསུངས་སོ།།  
\v 13 དེ་ལ་གསུང་རབ་ཀྱི་མདོ་ལས་ཇི་སྐད༌དུ། ཡ་ཀོབ་ནི་བདག་གིས་གཅེས་སུ་འཛིན་པ༌དང༌། ཨེ་སཱབ་ནི་བདག་གིས་འཁོན་དུ་འཛིན་པ་ཡིན་ཞེས་བཀོད་ཡོད་པ་བཞིན༌ནོ།།   
\p
\v 14 དེས་ན་ངེད་ཅག་གིས་ཅི་ཞིག་སྨྲའམ། དཀོན་མཆོག་ལ་དྲང་བདེན་མ་ཡིན་པ་ཡོད་དམ་ཞེ༌ན། གཏན་ནས་མེད་དོ།།  
\v 15 ཅིའི་ཕྱིར་ཞེ་ན། དཀོན་མཆོག་གིས་མོ་ཤེ་ལ་འདི་སྐད༌དུ། ངས་སུ་ཞིག་ལ་སྙིང་རྗེ་བར་འདོད་ན་དེ་ལ་སྙིང་རྗེ་བར༌བྱའོ།། ཡང་སུ་ཞིག་ལ་བརྩེ་བར་བསམ་ན་དེ་ལ་བརྩེ་བར་བྱའོ་ཞེས་གསུངས་པས༌སོ།།  
\v 16 དེའི༌ཕྱིར། དོན་དེ་ནི་ཐུགས་རྗེ་གནང་མཁན་དཀོན་མཆོག་ལ་རག་ལས་པ༌ལས། མིའི་འདོད་པའམ་རྩོལ་བ་ལ་རག་མི་ལས་པ་ཡིན།  
\v 17 རྒྱུ་མཚན་ནི་གསུང་རབ་ཀྱི་མདོ༌ལས། ཕཱར་ཨོལ་ལ་འདི་སྐད༌དུ། ཁྱོད་ཀྱི་སྟེང་ནས་བདག་གི་མཐུ་སྟོབས་མངོན་པར་བྱེད༌ཅིང༌། བདག་གི་མིང་ནི་གནམ་འོག་ཀུན་ཏུ་བསྒྲག་པའི་ཕྱིར་བདག་གིས་ཁྱོད་དར་བར་བྱས༌པ་ཡིན་ཞེས་གསུངས་པའི་ཕྱིར༌རོ།།  
\v 18 དེ་བས༌ན། དཀོན་མཆོག་གིས་སུ་ཞིག་ལ་ཐུགས་རྗེ་གནང་བར་དགོངས་ན་དེ་ལ་ཐུགས་རྗེ་གནང་བ༌དང༌། སུ་ཞིག་གི་སེམས་རྒྱུད་གྱོང་པོར་མཛད་པར་དགོངས༌ན་དེའི་སེམས་རྒྱུད་གྱོང་པོར་མཛད༌པའོ།།   
\p
\v 19 དེ་ལྟར༌ཡིན་ན། དཀོན་མཆོག་གིས་ཅིའི་ཕྱིར་ད་དུང་མི་ལ་སྐྱོན་བརྗོད་གནང་བ་ཡིན༌ནམ། སུ་ཞིག་གིས་ཁོང་གི་ཐུགས་དགོངས་ལ་རྒོལ་ནུས་སམ་ཞེས་ཁྱོད་ཀྱིས་བདག་ལ་སྨྲ་ངེས་པ་ཡིན་ནོ།།  
\v 20 འོན་ཀྱང་། ཁྱོད་ནི་མི་སུ་ཞིག་ཡིན༌འདོད་དམ། ཁྱོད་ཀྱིས་དཀོན་མཆོག་ལ་ཚིག་ལོག་བརྗོད་ནུས༌སམ། དཔེར་ན། བསྐྲུན་པའི་དངོས་པོ་དེས་སྐྲུན་མཁན༌ལ། ཁྱེད་ཀྱིས་ཅིའི་ཕྱིར་ང་རང་འདི་ལྟར་བཟོས་སམ་ཞེས༌སྨྲའམ།  
\v 21 ཡང་ན་རྫ་ཆས་བཟོ་མཁན་གྱིས་འདམ་ཉུང་ཙམ་བླངས་ནས་སྣོད་ཆས་བཟོས་ཏེ་མཆོག་དམན་གང་ཞིག་ཏུ་བཀོལ་བའི་དབང་ཆ་ཁོ་ལ་མེད༌དམ།  
\v 22 འོན་ཀྱང་། དཀོན་མཆོག་གིས་རང་ཉིད་ཀྱི་ཐུགས་ཁྲོ་དང་ནུས་མཐུ་མངོན་པར་དགོངས༌ན། ཐུགས་ཁྲོ་བར་རུང་ཞིང་འཇིག་པར་འགྱུར་བར་སྟ་གོན་མཛད་པའི་སྣོད་ཆས་དག་ལ་ངང་རྒྱུད་རིང་པོས་བཟོད་སྒོམ་ཆེན་པོ་གནང་བ༌དང༌།  
\v 23 ཡང་ཁོང་གིས་ཕུན་སུམ་ཚོགས་པའི་གཟི་བརྗིད་དེ་ནི་ཐུགས་རྗེ་འཐོབ་པར་འགྱུར་བའི་སྣོད་ཆས་དག་གི་སྟེང་དུ་མངོན་པའི་ཕྱིར་དེ་ལྟར་མཛད༌ཅིང༌། ཁོང་གིས་སྔ་མོ་ནས་དེ་དག་གཟི་བརྗིད་ལྡན་པར་འགྱུར་བའི་ཕྱིར་སྟ་གོན་མཛད༌པ་ཡིན་ཏེ།  
\v 24 སྣོད་ཆས་དེ་ནི་དཀོན་མཆོག་གིས་ཡ་ཧུ་དཱ་པ་ཙམ་མ༌ཟད། ཕྱི་ཕྱོགས་ཀྱི་མི་རིགས་དག་ལས་བདག་ཅག་ལ་ཞལ་འབོད་གནང་བ་ཡིན༌པས། དེ་ལ་མི་རུང་བ་ཅི་ཡོད་དམ་ཞེ༌ན།  
\v 25 དཀོན་མཆོག་གིས་ཧོ་ཤེ་ཨ་ཡི་མདོ་ལས་འདི་སྐད༌དུ།  
\q1 གཞི་ནས་བདག་གི་མི་སྡེ་མིན༌པ་རྣམས།།  
\q1 བདག་གི་མི་སྡེ་ཡིན་ཞེས་བདག་གིས༌སྒྲོག །  
\q1 གཞི་ནས་བརྩེ་བ་མེད་པའི་ཁོ་མོ༌ལ།།  
\q1 བདག་གིས་བརྩེ་བས་སྐྱོང་ཞེས་བདག་ནི༌སྨྲ།།   
\q1
\v 26 ཁྱོད་རྣམས་བདག་གི་མི་སྡེ་མ་ཡིན༌ཞེས།།  
\q1 སྔོན་ཆད་ཡུལ་སྡེ་གང་ནས་སྨྲས་གྱུར་ན།།  
\q1 རྟག་བརྟན་དཀོན་མཆོག་ཁོང་གི་བུ་ཡིན༌ཞེས།།  
\q1 མ་འོངས་པར་ཡང་ཡུལ་དེར་དེ་ལྟར༌སྨྲ།།  
\m ཞེས༌པའོ།།   
\p
\v 27 དེ་ཡང་ཡེ་ཤ་ཡཱ་ཡིས་ཡེས་ར་ཨེལ་གྱི་མི་རྣམས་ལ་སྐད་ཆེན་པོས་འདི་སྐད༌དུ། ཡེས་ར་ཨེལ་གྱི་བུ་རྒྱུད་ནི་མཚོ་འགྲམ་གྱི་བྱེ་མ་ལྟར་མང༌ནའང༌། དེ་རྣམས་ལས་ཐར་པ་ཐོབ་མཁན་ནི་ལྷག་འཕྲོ་ཙམ༌ཡིན།  
\v 28 ཅིའི་ཕྱིར་ཞེ་ན། གཙོ་བོས་འཇིག་རྟེན་སྟེང་དུ་རང་ཉིད་ཀྱི་བཀའ་ཡོངས་སུ་རྫོགས་ཤིང་མྱུར་བ་མྱུར་དུ་ལག་བསྟར་མཛད༌ངེས་ཡིན་ཞེས་གསུངས་པའི་ཕྱིར༌རོ།།  
\v 29 དེ་ལ་ཡང་ཡེ་ཤ་ཡཱ་ཡིས་དེ་སྔར་འདི་སྐད༌དུ།  
\q1 དཔུང་ཚོགས་ཀུན་གྱི་གཙོ་བོས་བདག་ཅག༌ལ།།  
\q1 རྒྱུད་ཀྱི་ས་བོན་བསྐྱུར་བ་མ་ཡིན༌ན།།  
\q1 སཱ་དོམ་དང་ནི་གཱ་མོ་ར་ཇི་བཞིན།།  
\q1 བདག་ཅག་ཀྱང་ནི་དེ་བཞིན་གྱུར་པ༌ཡིན།།  
\m ཞེས་གསུངས༌པའོ།།   
\s1 ཡེས་ར་ཨེལ་མི་རིགས་ཀྱི་དད༌པ།  
\p
\v 30 དེས་ན་ངེད་ཅག་གིས་ཅི་ཞིག་སྨྲའམ། གཏན་ནས་རྣམ་དག་ལ་བརྩོན་པར་མི་བྱེད་པའི་ཕྱི་ཕྱོགས་པ་རྣམས་ལ་དད་པ་ལས་བྱུང་བའི་རྣམ་དག་ཐོབ༌ཀྱང༌།  
\v 31 ཡེས་ར་ཨེལ་གྱི་མི་རིགས་ཀྱིས་བཀའ་ཁྲིམས་ཀྱི་རྣམ་དག་དེ་ཉིད་བརྩོན་ལེན་བྱས་ནའང་རྣམ་དག་དེ་ཉིད་མ་ཐོབ་བོ།།  
\v 32 རྒྱུ་མཚན་ཅི་ཞེ༌ན། དེ་དག་གིས་དད་པ་ལ་བརྟེན་ནས་བརྩོན་ལེན་མི་བྱེད༌པར། མིའི་ལས་ཁོ་ནར་བརྟེན་ནས་བརྩོན་ལེན་བྱེད་པ་ཡིན༌པས། མི་དེ་རྣམས་ཀྱི་རྐང་པ་ནི་འདྲེད་པའི་རྡོ་དེར་ཐོགས༌པ་ཡིན་ནོ།།  
\v 33 དེ་ལ་གསུང་རབ་ཀྱི་མདོ་ལས་ཇི་སྐད༌དུ། ལྟོས་དང་།  
\q1 བདག་གིས་ཛ་ཡན་ཡུལ་དུ་རྡོ་ཞིག༌བཞག །  
\q1 དེ་ནི་རྐང་པ་འདྲེད་པའི་རྡོ་ཞིག༌དང༌།།  
\q1 ས་ལ་སྒྱེལ་བའི་ཕ་བོང་ཡང་ཡིན་ཏེ།།  
\q1 ཁོང་ལ་བརྟེན་ཅིང་དད་པ་བྱེད་མཁན༌ཀུན།།  
\q1 ཁ་ནི་མི་སྐྱེངས་ངོ་ཡང་མི་གནོང༌ངོ༌།།  
\m ཞེས་བཀོད་པ་བཞིན༌ནོ།།   
\c 10
\cl ལེའུ་བཅུ༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 ཐར་པ་ཐོབ་པའི་རྒྱུ༌རྐྱེན།  
\p
\v 1 སྤུན་ཟླ༌རྣམས། ངའི་སེམས་ཀྱི་འདོད་མོས་དང་དཀོན་མཆོག་ལ་གསོལ་བ་འདེབས་པ་ནི་ཡེས་ར་ཨེལ་གྱི་མི་རིགས་ལ་ཐར་པ་འཐོབ་རྒྱུ་དེ་ཡིན་ནོ།།  
\v 2 མི་དེ་རྣམས་དཀོན་མཆོག་ལ་སྤྲོ་སེམས་ཆེ་ནའང་ཤེས་བྱ་བཞིན་དུ་མ་ཡིན་པ་ནི་བདག་གིས་བདེན་དཔང་བྱེད་དོ།།  
\v 3 རྒྱུ་མཚན་ནི་དཀོན་མཆོག་གི་རྣམ་དག་མ་ཤེས་པར་རང་ཉིད་ཀྱི་རྣམ་དག་གཏན་ལ་འབེབ་འདོད་པས་དཀོན་མཆོག་གི་རྣམ་དག་ལ་མི་བསྟུན་པའི་ཕྱིར༌རོ།།  
\v 4 བཀའ་ཁྲིམས་ཀྱི་མཐར་ཐུག་ནི་སྐྱབས་མགོན་མཱ་ཤི་ཀ་ཡིན༌ཞིང༌། ཁོང་ལ་དད་པ་བྱེད་མཁན་ཐམས་ཅད་རྣམ་དག་ཏུ་བརྩི་བར་འགྱུར་རོ།།   
\p
\v 5 དེ་ལ་མོ་ཤེ་ཡིས་འདི་ལྟར་བྲིས་ཡོད་དེ། སུ་ཞིག་གིས་བཀའ་ཁྲིམས་ལས་བྱུང་བའི་རྣམ་དག་བཞིན་དུ་བྱེད༌ན། མི་དེའང་དེ་ལ་བརྟེན་ནས་སྲོག་འཚོ་བར་ངེས་ཞེས་པའོ།།  
\v 6 འོན༌ཀྱང༌། དད་པ་ལས་བྱུང་བའི་རྣམ་དག་གིས་འདི་སྐད༌དུ་གསུངས་པ་སྟེ། ཁྱོད་ཀྱིས་རང་གི་སེམས་ནང༌དུ། སུ་ཞིག་ནམ་མཁའི་ཞིང་ཁམས་སུ་འཕགས་པར་འགྱུར་རམ་ཞེས་སྨྲ་བར་མི་བྱའོ༎ དེ་ནི་སྐྱབས་མགོན་མཱ་ཤི་ཀ་མར་སྤྱན་དྲངས་ཡོང༌བ་ཡིན་ཞེས་པ་དང་།  
\v 7 ཡང་ན་འདི་སྐད་དུ། སུ་ཞིག་མར་ཞབས་མེད་པའི་དོང་དུ་འགྲོ་བར་འགྱུར་རམ་ཞེས་སྨྲ་བར་མི་བྱའོ༎ དེ་ནི་སྐྱབས་མགོན་མཱ་ཤི་ཀ་གཤིན་པོའི་ཡུལ་ནས་ཡར་སྤྱན་དྲངས་ཡོང་བ་ཡིན་ཞེས་པའོ།།  
\v 8 དོན་དམ་དུ་ཇི་ལྟར་གསུང་ངམ་ཞེ༌ན། བཀའ་དེ་ནི་ཁྱོད་དང་ཉེ༌ཞིང༌། ཁྱོད་ཀྱི་སྨྲ་སྒོ་དང་ཡ་ཆུང་སེམས་ཀྱི་ནང་དུ་བཞུགས་ཞེས་གསུངས་སོ།། དེ་ནི་ངེད་ཅག་གིས་སྒྲོག་པའི་དད་པའི་བཀའ་ཡིན༌ཏེ།  
\v 9 ཁྱོད་ཀྱིས་ངག་ནས་སྐྱབས་མགོན་ཡེ་ཤུ་ནི་གཙོ་བོ་ཡིན་པར་ཁས་ལེན༌ཞིང༌། དཀོན་མཆོག་གིས་ཁོང་ཉིད་གྲོངས་པ་ནས་སླར་གསོན་པར་མཛད་པ་ལ་སེམས་ནས་དད་པ་བྱེད་ན་ཁྱོད་རང་ཐར་བར་འགྱུར་རོ།།  
\v 10 ཅིའི་ཕྱིར་ཞེ་ན། སེམས་ནས་དད་པ་བྱས་ན་རྣམ་དག་ཏུ་བརྩི༌ཞིང༌། ངག་ནས་ཁས་བླངས་ན་ཐར་པ་འཐོབ་ངེས་པའི་ཕྱིར༌རོ།།  
\v 11 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 ཁོང་ལ་བརྟེན་ཅིང་དད་པ་བྱེད་མཁན༌ཀུན།།  
\q1 ཁ་ནི་མི་སྐྱེངས་ངོ་ཡང་མི་གནོང༌ངོ༌།།  
\m ཞེས་གསུངས༌པའོ།།  
\v 12 རྒྱུ་མཚན་ནི་ཡ་ཧུ་དཱའི་མི་རིགས་དང་གྷི་རིག་གི་མི་རིགས་གཉིས་ལ་ཁྱད་པར་མེད༌དེ། མི་ཐམས་ཅད་ལ་གཙོ་བོ་གཅིག་ཁོ་ན་ཡོད༌ཅིང༌། ཁོང་གིས་རང་ཉིད་ལ་ཞུ་བ་འབུལ་མཁན་ཀུན་ལ་དཔག་ཏུ་མེད་པ་གནང་བའི་ཕྱིར་རོ༎  
\v 13 དེ་ནི་ཇི་སྐད་དུ། གཙོ་བོའི་མཚན་ནས་འབོད་མཁན་ཐམས་ཅད་ཐར་བར་འགྱུར་ཞེས་གསུངས་པས་སོ།།   
\p
\v 14 འོ་ན། ཁོང་ལ་དད་པ་མ་བྱས་པ་རྣམས་ཀྱིས་ཁོང་ལ་ཞུ་བ་ཇི་ལྟར༌འབུལ་ལམ། ཁོང་ཉིད་ཐོས་མ་མྱོང་བ་རྣམས་ཀྱིས་ཁོང་ལ་དད་པ་ཇི་ལྟར་བྱེད༌དམ། བཀའ་སྒྲོག་མཁན་མེད་ན་ཇི་ལྟར་ཐོས༌སམ།  
\v 15 མངགས་པ་མིན༌ན་འཕྲིན་བཟང་ཇི་ལྟར་སྒྲོག༌གམ། དེ་ལ་གསུང་རབ་ཀྱི་མདོ་ལས་ཇི་སྐད༌དུ། དོན་ལེགས་པོའི་འཕྲིན་བཟང་སྒྲོག་མཁན་གྱི་རྐང་པ་ནི་ཇི་འདྲའི་མཛེས་ཤིང་སྡུག་པ་ལ་ཨང་ཞེས་བཀོད་པ་ལྟར༌རོ།།   
\p
\v 16 འོན༌ཀྱང༌། ཡེ་ཤ་ཡཱ་ཡིས་འདི་སྐད༌དུ།  
\q1 གཙོ་བོ་ལགས་ཀྱིས༌འདི་ལ་གསན་རོགས་གནང་།།  
\q1 ངེད་ཚོས་བསྒྲགས་པའི་གཏམ་ལ་སུ་ཡིས་དད།།  
\m ཞེས་གསུངས་པས། མི་དེ་རྣམས་ལས་ཐམས་ཅད་ཀྱིས་འཕྲིན་བཟང་ལ་ཉན༌པ་མ་ཡིན།  
\v 17 དེའི༌ཕྱིར། དད་པ་ནི་ཐོས་པ་ལས་འབྱུང་ཞིང༌། ཐོས་པ་དེ་ནི་སྐྱབས་མགོན་མཱ་ཤི་ཀའི་བཀའ་ལས་འབྱུང༌བ་ཡིན་ནོ།།   
\p
\v 18 འོན༌ཀྱང༌། བདག་གིས་འདི་ལྟར་སྨྲ་བར་བྱ༌སྟེ། མི་དེ་རྣམས་ཀྱིས་འཕྲིན་བཟང་མ་ཐོས་སམ་ཞེ༌ན། ཁོ་རྣམས་ཀྱིས་ཐོས་མྱོང་བར་གདོན་མི་ཟ༌སྟེ།  
\q1 དེ་ཚོའི་སྐད་གདངས་གནམ་འོག་ཀུན་ཏུ༌ཁྱབ།།  
\q1 དེ་ཚོའི་སྨྲ་བརྗོད་ས་མཐའི་བར་དུ༌སླེབས།།  
\m ཞེས་གསུངས་པ་བཞིན༌ནོ།།  
\v 19 ཡང་བདག་གིས་འདི་ལྟར་སྨྲ་བར་བྱ༌སྟེ། ཡེས་ར་ཨེལ་མི་རིགས་ཀྱིས་དོན་དེ་མི་ཤེས་སམ་ཞེ༌ན། དེ་ལ་སྔར་ནས་མོ་ཤེ་ཡིས་འདི་སྐད༌དུ།  
\q1 དེ་བས་བདག་གིས་འབངས་མི་མ་ཡིན་པའི།།  
\q1 རིགས་ལ་བརྟེན་ནས་ཁྱོད་ཚོར་ཕྲག་དོག༌སློང་།།  
\q1 བླུན་རྨོངས་མི་རིགས་རྣམས་ཀྱིས་ཁོང་ཁྲོ་སློང་།།  
\m ཞེས་གསུངས་པ་བཞིན༌ནོ།།  
\v 20 ཡང་ཡེ་ཤ་ཡཱ་ཡིས་སྤོབས་པ་ཆེན་པོས་འདི་སྐད༌དུ།  
\q1 ང་རང་མི་འཚོལ་མཁན་གྱིས་བདག་ནི་རྙེད།།  
\q1 ང་ལ་མི་ཞུ་མཁན་ལ་བདག་ནི༌མངོན།།  
\m ཞེས་གསུངས༌པའོ།།  
\v 21 འོན༌ཀྱང༌། ཁོང་གིས་ཡེས་ར་ཨེལ་གྱི་མི་རིགས་ཀྱི་སྐོར་ལ་འདི་སྐད༌དུ།  
\q1 བཀའ་དང་འགལ་བའི་གྱེན་ལྡོག༌དང༌།།  
\q1 གཉའ་རེངས་ཅན་གྱི་མི་སྡེ་ལ།།  
\q1 བདག་གིས་ཉིན་རྒྱུན་ལག་ཟུང་བརྐྱངས།།  
\m ཞེས་གསུངས༌པའོ།།   
\c 11
\cl ལེའུ་བཅུ་གཅིག༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 ཡེས་ར་ཨེལ་གྱི་མི་རིགས་འཕྲོ་མ་སྐོར།  
\p
\v 1 བདག་གིས་འདི་ལྟར་སྨྲ་བར་བྱ༌སྟེ། དཀོན་མཆོག་གིས་རང་ཉིད་ཀྱི་མི་རྣམས་སྤངས་སམ་ཞེ༌ན། གཏན་ནས་མ་སྤངས༌ཏེ། ང་རང་ཡང་ཡེས་ར་ཨེལ་གྱི་མི་ཡིན་པ་དང་ཨབ་ར་ཧམ་གྱི་རིགས་རྒྱུད་ཡིན༌ལ། པེན་ཡཱ་མེན་གྱི་ཚོ་པ་ལ་གཏོགས་པའི་ཕྱིར༌རོ།།  
\v 2 དཀོན་མཆོག་གིས་སྔར་ནས་མཁྱེན་པའི་རང་ཉིད་ཀྱི་མི་རྣམས་མ་སྤངས་སོ།། ཁྱོད་ཅག་གིས་གསུང་རབ་ལས་ཨེ་ལི་ཡཱའི་སྐོར་ལ་ཇི་ལྟར་གསུངས་པ་མི་ཤེས༌སམ། ཁོང་གིས་དཀོན་མཆོག་གི་སྤྱན་སྔ་ནས་ཡེས་ར་ཨེལ་པ་རྣམས་འདི་ལྟར་གཏུགས་བཤེར་བྱས་མྱོང་བ༌སྟེ།  
\v 3 གཙོ་བོ༌ལགས། ཁོ་རྣམས་ཀྱིས་ཁྱེད་ཀྱི་ལུང་སྟོན་པ་རྣམས་བསད་པ༌དང༌། ཁྱེད་ཀྱི་མཆོད་ཁྲི་དག་ཀྱང་བཤིགས་ཏེ་ང་རང་གཅིག་པུར༌ལུས། ད་ལྟ་བདག་གི་སྲོག་ཀྱང་ལེན་པར་འདོད་པ་རེད་ཅེས་ཞུས་པ༌ལ།  
\v 4 དཀོན་མཆོག་གིས་ལན་ཇི་ལྟར་བཏབ་བམ་ཞེ༌ན། འདི་སྐད་དུ། ངས་པཱ་ཨལ་ལ་ཕྱག་མ་བཙལ་བའི་མི་བདུན་སྟོང་རང་ཉིད་ཀྱི་དོན་དུ་བསྐྱུར་ཡོད་ཅེས་གསུངས་སོ།།  
\v 5 ད་ལྟའང་དེ་བཞིན་དུ་ཐུགས་རྗེ་ཡིས་བདམས་པ་འཕྲོ་མའང་ཡོད༌པ་ཡིན།  
\v 6 ཐུགས་རྗེ་ལས་བྱུང་བ་ཡིན་ན་མིའི་ལས་ལ་རག་ལས་པ་མིན། དེ་ལྟར་མིན་ཚེ་ཐུགས་རྗེ་ནི་ཐུགས་རྗེ་མ་ཡིན་ནོ།།  
\v 7 དེས་ན་ཅི་ལྟར་ཡིན་ནམ། ཡེས་ར་ཨེལ་པ་རྣམས་ཀྱིས་བརྩོན་ལེན་བྱས་ཀྱང་མ་ཐོབ༌པར། ཐུགས་རྗེ་ཡིས་བདམས་པའི་མི་དེ་དག་ཁོ་ནར་ཐོབ་པ༌དང༌། གཞན་དག་ནི་སེམས་རྒྱུད་གྱོང་པོར་མཛད་དོ།།  
\v 8 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 དཀོན་མཆོག་གིས་ནི་དེ་རྣམས༌ལ།།  
\q1 རྨོངས་པའི་བློ་དང་མིག་ལོང༌བ།།  
\q1 རྣ་བས་མི་ཐོས་འོན་པ༌བཅས།།  
\q1 ད་ལྟའི་བར་དུ་འདི་ལྟར༌མཛད།།  
\m ཅེས་བཀོད༌པ་བཞིན༌ནོ།།  
\v 9 དེ་ལ་དཱ་བིད་ཀྱིས་ཀྱང་འདི་སྐད༌དུ།  
\q1 དེ་རྣམས་གསོལ་ལྕོག་དེ་ཚོར་རྙི་རྒྱ༌དང༌།།  
\q1 ལྕགས་ཀྱུ་དང་ནི་ས་རུ་འགྱེལ་བ༌ཡི།།  
\q1 བཀག་རྡོར་གྱུར་ཅིང་ངན་འབྲས་ཐོབ་པ་དང་།།   
\q1
\v 10 དེ་རྣམས་མིག་ནི་ལོང་སྟེ་མི་མཐོང༌ཞིང༌།།  
\q1 རྟག་ཏུ་སྒལ་ཚིགས་སྨད་དུ་བསྒུར་བར༌མཛོད།།  
\m ཅེས་གསུངས༌པའོ།།   
\s1 ཡལ་ག་མཐུད་པའི༌དཔེ།  
\p
\v 11 བདག་གིས་འདི་ལྟར་སྨྲ་བར་བྱ༌སྟེ། ཡེས་ར་ཨེལ་པ་རྣམས་ཀྱི་རྐང་པ་འདྲེད་པ་ནི་ས་ལ་འགྱེལ་བའི་ཕྱིར་ཡིན་ནམ་ཞེ༌ན། གཏན་ནས་མིན༌ཏེ། ཁོ་རྣམས་ཀྱི་ཉེས་སྐྱོན་གྱི་དབང་གིས་ཕྱི་ཕྱོགས་པ་རྣམས་ལ་ཐར་པ་འཐོབ་པའི་གོ་སྐབས་བྱུང་བ༌དང༌། ཁོ་རྣམས་ལ་ཕྲག་དོག་བསྐྱེད་པའི་ཕྱིར༌ཡིན།  
\v 12 ཁོ་རྣམས་ཀྱི་ཉེས་སྐྱོན་ནི་འཇིག་རྟེན་ལ་ཐོབ་པའི་ནོར་བུ་དང༌། ཁོ་རྣམས་ཀྱི་གྱོང་གུད་ནི་ཕྱི་ཕྱོགས་པ་རྣམས་ལ་ཐོབ་པའི་ནོར་བུ་ཡིན༌ན། ཁོ་རྣམས་ཁ་ཚང་བར་ཡོང་བ་ནི་ལྟ་ཅི༌སྨོས།  
\v 13 ངས་ཁྱོད་ཅག་ཕྱི་ཕྱོགས་པ་རྣམས་ལ་འདི་ལྟར་སྨྲ་བ༌ནི། ང་རང་ཡང་ཕྱི་ཕྱོགས་པ་རྣམས་ཀྱི་ཆེད་དུ་སྐུ་ཚབ་པ་ཡིན༌པས། ངས་རང་གི་ལས་འགན་ལ་བརྩི་འཇོག་བྱེད་པ་ཡིན༌ལ།  
\v 14 ང་དང་ཤ་རུས་གཅིག་པའི་སྤུན་ཟླ་རྣམས་ལ་འགྲན་སེམས་བསྐྱེད་དུ་བཅུག་སྟེ། ཁོ་རྣམས་ལས་མི་ཁ་ཤས་སྐྱོབ་ནུས་ཀྱང་སྲིད།  
\v 15 ཁོ་རྣམས་སྤངས་པ་ནི་འཇིག་རྟེན་གྱི་མི་ཐམས་ཅད་དཀོན་མཆོག་དང་འདུམ་པའི་རྒྱུ་ཡིན༌ན། ཁོ་རྣམས་ཁས་ལེན་པ་ནི་འཆི་བ་ལས་སླར་གསོན་པ་མ་ཡིན༌ནམ།  
\v 16 བག་ཕྱེ་ཐོག་མ་ནི་དམ་པ་ཡིན༌ན་བག་ཕྱེ་ཐམས་ཅད་ཀྱང་དམ་པ་ཡིན། ཤིང་སྡོང་གི་རྩ་བ་དམ་པ་ཡིན༌ན་ཡལ་གའང་དམ་པ་ཡིན་ནོ།།   
\p
\v 17 འོན་ཀྱང་། ཡལ་ག་ཁ་ཤས་བཅད་པ་དང་། དེའི་ཤུལ་དུ་རི་སྐྱེས་སྐྱུ་རུ་ར་ཁྱོད་རང་ནི་ཁོ་རྣམས་དང་མཐུད་པ་དང་། ཁོ་རྣམས་དང་ལྷན་དུ་སྐྱུ་རུ་རའི་ཤིང་གི་རྩ་བའི་བཅུད་བཟང་ཐོབ་པ་ཡིན་ན།  
\v 18 ཁྱོད་ཀྱིས་ཡལ་ག་རྣམས་ལ་ཁ་ཕོ་མ་བྱེད་ཅིག གལ་ཏེ་ཁ་ཕོ་བྱེད་ན། ཁྱོད་རང་རྩ་བར་བརྟེན་པ་ལས་རྩ་བ་ཁྱོད་ལ་བརྟེན་པ་མ་ཡིན་པ་ཤེས་དགོས་སོ།།  
\v 19 ཁྱོད་ན་རེ། ང་རང་དེའི་ཤུལ་དུ་མཐུད་པའི་ཕྱིར་ཡལ་ག་དེ་རྣམས་བཅད་པ་ཡིན་ཟེར་ན།  
\v 20 དེ་ནི་བདེན་པ་ཡིན། ཁོ་རྣམས་ཀྱིས་དད་པ་མ་བྱས་པའི་རྐྱེན་གྱིས་བཅད་པ་དང་། ཁྱོད་ཀྱིས་དད་པ་བྱེད་པའི་དབང་གིས་བརྟན་པོར་ཚུགས་པ་ཡིན་པས། ཁྱོད་ཀྱིས་ང་རྒྱལ་མི་བྱེད་པར་དཀོན་མཆོག་ལ་འཇིགས་པར་གྱིས་ཤིག  
\v 21 དཀོན་མཆོག་གིས་ཡལ་ག་དངོས་མ་དེ་རྣམས་མ་བསྐྱུར་བར་བཅད་པ་ཡིན་ན། ཁྱོད་རང་ཡང་མི་བསྐྱུར་བར་གཅོད་ཀྱང་སྲིད།  
\v 22 ལྟོས་དང་། དཀོན་མཆོག་གི་བྱམས་སྙིང་རྗེ་དང་དྲག་རྩུབ་ནི་འདི་ལྟ་སྟེ། ས་རུ་འགྱེལ་པ་རྣམས་ལ་དྲག་རྩུབ་ཡིན་པ་དང་། ཁྱོད་ནི་རྟག་ཏུ་ཁོང་གི་བྱམས་སྙིང་རྗེའི་ནང་དུ་གནས་ན། ཁྱོད་ལ་བྱམས་སྙིང་རྗེ་ལྡན་པར་འགྱུར། དེ་ལས་ལྡོག་ན་ཁྱོད་རང་ཡང་གཅོད་པར་འགྱུར་རོ།།  
\v 23 གལ་ཏེ། ཡེས་ར་ཨེལ་གྱི་མི་རིགས་ནི་རྟག་ཏུ་དད་པ་མེད་པར་བསྡད་པ་མ་ཡིན་ན། དཀོན་མཆོག་གིས་ཁོ་རྣམས་ཡང་བསྐྱར་མཐུད་ནུས་པས་སྔར་བཞིན་མཐུད་པར་འགྱུར།  
\v 24 ཁྱོད་ནི་རང་བཞིན་གྱི་རི་སྐྱེས་སྐྱུ་རུ་རའི་ཤིང་ལས་བཅད་ནས། རང་བཞིན་ལས་ལྡོག་སྟེ་བདག་གཉེར་བྱེད་པའི་སྐྱུ་རུ་རའི་ཤིང་ལ་མཐུད་པ་ཡིན་ན། ཡལ་ག་དངོས་མ་དེ་ནི་ལྷག་པར་རང་གི་རིགས་ཀྱི་སྐྱུ་རུ་རའི་ཤིང་ལ་མཐུད་ངེས་སོ།།   
\s1 ཡེས་ར་ཨེལ་གྱི་མི་ཐམས་ཅད་སྐྱོབ་པར་འགྱུར་བའི༌སྐོར།  
\p
\v 25 སྤུན་ཟླ༌རྣམས། ཁྱོད་ཅག་གིས་རང་ཉིད་གྲུང་པོ་ཡིན་པར་མི་བསམ་པའི༌ཕྱིར། བདག་གིས་གསང་བ་འདི་ཁྱོད་རྣམས་ལ་ཤེས་སུ་འཇུག་པར་འདོད་དེ། ནང་དུ་ཡོང་བའི་ཕྱི་ཕྱོགས་པའི་གྲངས་ཀ་ཚང་བའི་བར༌དུ། ཡེས་ར་ཨེལ་མི་རིགས་ལས་སྐོར་ཞིག་གི་སེམས་རྒྱུད་གྱོང་པོ་ཡིན༌ནའང་།  
\v 26 ཕྱིས་སུ་ཡེས་ར་ཨེལ་གྱི་མི་ཐམས་ཅད་ཐར་བར་འགྱུར་རོ།། དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 ཛ་ཡན་ཡུལ་ནས་སྐྱབས་མགོན་ཕེབས་ངེས༌ཤིང༌།།  
\q1 ཡ་ཀོབ་ཚང་གི་དད་གུས་མེད་པ་བསལ།།  
\m ཞེས༌དང༌། ཡང་ཇི་སྐད༌དུ།   
\q1
\v 27 བདག་གིས་དེ་དག་སྡིག་པ་བསལ་བའི༌དུས།།  
\q1 དེ་ནི་ཁོ་ཚོའི་བར་གྱི་ཁ་ཆད༌ཡིན།།  
\m ཞེས་བཀོད་པ་བཞིན༌ནོ།།   
\p
\v 28 འཕྲིན་བཟང་གི་གསུང་ཚུལ་ལྟར་སྨྲས༌ན། ཁོ་རྣམས་ནི་ཁྱོད་ཅག་གི་ཕྱིར་དུ་དགྲ་རུ་གྱུར་པ༌དང༌། དཀོན་མཆོག་གིས་བདམས་པའི་གསུང་ཚུལ་ལྟར་སྨྲས༌ན། ཁོ་རྣམས་ནི་མེས་པོ་རྣམས་ཀྱི་ཕྱིར་དུ་གཅེས་སུ་འཛིན༌པ་ཡིན་ནོ།།  
\v 29 ཅིའི་ཕྱིར་ཞེ་ན། དཀོན་མཆོག་གིས་རང་གི་གནང་སྦྱིན་དང་ཞལ་འབོད་མཛད་པ་ནི་ཕྱིར་མི་ལེན་པའི་ཕྱིར༌རོ།།  
\v 30 སྔོན་ཆད་ཁྱོད་ཅག་གིས་དཀོན་མཆོག་གི་བཀའ་ལ་མ་མཉན་ཞིང༌། ད་ལྟ་ཁོ་རྣམས་ཀྱིས་མ་མཉན་པའི་རྐྱེན་གྱིས་ཁྱོད་ཅག་ལ་ཐུགས་རྗེ་གནང་བ༌བཞིན།  
\v 31 དེ་དག་གིས་ཀྱང་ཁོང་གི་བཀའ་ལ་མི་ཉན༌ཞིང༌། ཁྱོད་རྣམས་ལ་ཐུགས་རྗེ་གནང་བའི་རྐྱེན་གྱིས། ཁོ་རྣམས་ལའང་ཐུགས་རྗེ་གནང་བར་འགྱུར་རོ།།  
\v 32 རྒྱུ་མཚན་ནི་དཀོན་མཆོག་གིས་མི་ཐམས་ཅད་ལ་ཐུགས་རྗེ་གནང་བའི༌ཕྱིར། མི་ཐམས་ཅད་ནི་བཀའ་ལ་མི་ཉན་པའི་གྲས་སུ་བཞག༌པའོ།།   
\s1 བསྟོད་བསྔགས་བརྗོད་པ།  
\q1
\v 33 ཀྱེ་ཀྱེ་བླ་མེད་དཀོན་མཆོག༌གི།  
\q1 མཁྱེན་རབ་དང་ནི་ཡོན་ཏན༌དེ།།  
\q1 ཇི་འདྲའི་ཕུན་སུམ་ཚོགས་པ༌དང༌།།  
\q1 རྒྱ་ནི་ཆེ་ཞིང་གཏིང་ནི་ཟབ།།  
\q1 ཁོང་གི་དཔྱད་ཁྲ་དཔག་དཀའ༌ཞིང༌།།  
\q1 ཁོང་གི་འཕྲིན་ལས་བསམ་མི་ཁྱབ།།   
\q1
\v 34 སུ་ཡིས་ཁོང་གི་ཐུགས་རྟོགས༌ཤིང༌།།  
\q1 སུ་ཡིས་ཁོང་ལ་བློ་བཏོན༌ནམ།།   
\q1
\v 35 ཁོང་གིས་མི་ལ་སྐྱིན་ཚབ་གནང་བའི༌ཕྱིར།།  
\q1 སྔོན་དུ་ཁོང་ལ་ཕུལ་བ་སུ་ཡོད་དམ།།   
\q1
\v 36 ཅི་ཡོད་ཐམས་ཅད་ཁོང་ལས་བྱུང་བ༌དང༌།།  
\q1 ཁོང་ལ་བརྟེན་ཅིང་ཁོང་ལ་དབང་བའི༌ཕྱིར།།  
\q1 གཏན་དུ་ཁོང་ལ་བསྟོད་བསྔགས་བརྗོད་པར༌སྨོན།།  
\m ཨ༌མེན།།   
\c 12
\cl ལེའུ་བཅུ་གཉིས༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 གསོན་མཆོད།  
\p
\v 1 སྤུན་ཟླ༌རྣམས། དེ་ལྟར་ཡིན་པས། ངས་དཀོན་མཆོག་གི་ཐུགས་རྗེ་ལ་བརྟེན་ནས་ཁྱོད་རྣམས་ལ་བསྐུལ་བར་བྱ༌སྟེ། ཁྱོད་ཅག་གིས་རང་གི་ལུས་པོ་ནི་གསོན་མཆོད་དུ་ཕུལ༌ཞིག དེ་ནི་དམ་པ་ཡིན་ཞིང་དཀོན་མཆོག་ཐུགས་མཉེས༌པ་དང་། ཁྱོད་ཅག་གི་སེམས་ཉིད་ཀྱི་བསྙེན་བཀུར་ཡིན་ནོ།།  
\v 2 དཀོན་མཆོག་གི་ཐུགས་དགོངས་བཟང་པོ༌དང༌། ཡིད་དུ་འོང༌བ། ཕུན་སུམ་ཚོགས་པ་བཅས་རྟོགས་པའི༌ཕྱིར། འཇིག་རྟེན་འདིའི་ལུགས་བཞིན་མི་བྱེད་པར། སེམས་གསར་པར་བསྒྱུར་པ་ལ་བརྟེན་ནས་གཤིས་སྤྱོད་ཀྱང་སྒྱུར་ཅིག  
\v 3 ངས་རང་ཉིད་ལ་གནང་བའི་ཐུགས་རྗེར་བརྟེན་ནས་ཁྱོད་ཅག་མི་རེ་རེར་འདི་ལྟར་སྨྲ་བར་བྱ༌སྟེ། མི་སུས་ཀྱང་རང་ཉིད་ཇི་འདྲ་ཡིན་པར་བསམ་འོས་པ་ལས་མཐོ་བར་མི་བསམ་པར། དཀོན་མཆོག་གིས་མི་རེ་རེར་གནང་བའི་དད་པའི་ཆེ་ཆུང་བཞིན་ཚད་དང་མཐུན་པར་བསམ་དགོས་སོ།།  
\v 4 དཔེར༌ན། བདག་ཅག་གི་ལུས་པོ་གཅིག་ལ་ཡན་ལག་མང་པོ་ཡོད་པ༌དང༌། ཡན་ལག་ཐམས་ཅད་ཀྱི་བྱེད་ནུས་མི་མཚུངས་པ་བཞིན།  
\v 5 བདག་ཅག་མི་མང་པོ་ནི་སྐྱབས་མགོན་མཱ་ཤི་ཀའི་ནང་དུ་སྐུ་ལུས་གཅིག་ཡིན་ཞིང་ཡན་ལག་ཕན་ཚུན་ལ་འབྲེལ༌བ་ཡིན་ནོ།།  
\v 6 བདག་ཅག་མི་རེ་རེར་ཐུགས་རྗེ་གནང་བ་བཞིན་དུ་གནང་སྦྱིན་ཡང་མི་འདྲ༌སྟེ། ལུང་སྟོན་པས་དད་པ་བཞིན་ལུང་བསྟན་གནང་བ༌དང༌།  
\v 7 ཞབས་ཕྱི་པས་ཞབས་ཕྱི་བྱེད་པ༌དང༌། སློབ་སྟོན་པས་བསླབ་བྱ་གནང་བ༌དང༌།  
\v 8 སྐུལ་མ་གནང་མཁན་གྱིས་སྐུལ་བར་བྱེད་པ༌དང༌། སྦྱིན་པ་གཏོང་མཁན་གྱིས་ལྷག་བསམ་རྣམ་དག་གིས་སྦྱིན་པ་གཏོང་བ༌དང༌། འགོ་དཔོན་གྱིས་ཧུར་བརྩོན་བྱེད་པ༌དང༌། སྙིང་རྗེ་བྱེད་མཁན་གྱིས་དགའ་མགུའི་ངང་ནས་སྙིང་རྗེ་བྱེད་དགོས་པ་བཅས༌སོ།།   
\s1 བྱམས་བརྩེའི༌སྐོར།  
\p
\v 9 བྱམས་པ་ནི་བཅོས་མ་ཡིན་མི་རུང༌ལ། ངན་པར་ཞེ་མེར་ཞིང་བཟང་པོར་ཉེ་འབྲེལ་བྱེད་དགོས་སོ།།  
\v 10 སྤུན་ཟླའི་གཅེས་སེམས་ཀྱིས་ཕན་ཚུན་ལ་སྙིང་ཉེ་བ་དང་། མི་གཞན་ལ་བཀུར་ཏེ་ཕན་ཚུན་ལ་བག་ཡོད་པར་བྱ་དགོས་སོ།།  
\v 11 སྒྱིད་ལུག་མི་བྱེད་པར་ཡིད་སེམས་སྤྲོ་བའི་ངང་ནས་རྟག་ཏུ་གཙོ་བོ་ལ་བསྙེན་བཀུར་བྱེད་དགོས།  
\v 12 རེ་སྒུག་གི་ཁྲོད་ནས་དགའ་བ་དང་དཀའ་སྡུག་གི་ཁྲོད་དུ་བཟོད་བསྲན་ཡོད་པ༌དང༌། གསོལ་བ་འདེབས་པར་བརྩོན་འགྲུས་ཡོད་དགོས།  
\v 13 དད་ལྡན་དམ་པ་རྣམས་ཀྱི་དགོས་མཁོ་སྐོང་ཞིང་མགྲོན་ལ་སྣེ་ལེན་བྱེད་པར་བརྩོན་དགོས༌སོ།།   
\p
\v 14 ཁྱོད་ཅག་ལ་བཙན་གནོན་བྱེད་མཁན་དག་གི་ཆེད་དུ་བྱིན་རླབས་ཞུས་ཤིག་དང་། བྱིན་རླབས་ཞུ་བ་ཁོ་ན་ལས་སྡིགས་དམོད་མ་བྱེད༌ཅིག  
\v 15 སེམས་སྤྲོ་བ་རྣམས་དང་མཉམ་དུ་སྤྲོ་བར་བྱེད༌ཅིང༌། ཡིད་སྐྱོ་ནས་ངུ་བ་རྣམས་དང་མཉམ་དུ་ངུ་བར༌བྱའོ།།  
\v 16 ཕན་ཚུན་བློ་སེམས་གཅིག་ཏུ་མཐུན་ཞིང་ང་རྒྱལ་མི་བྱེད་པར། གོ་གནས་དམའ་བའི་མི་ལ་བསྟུན་དགོས་པ༌ལས། རང་ཉིད་གྲུང་པོ་ཡིན་པར་མ་སེམས༌ཤིག  
\v 17 ངན་ལན་ངན་འཇལ་མ་བྱེད༌ཅིག མི་ཀུན་གྱིས་ལེགས་པར་སྙམ་པའི་དོན་དེ་གཟབ་གཟབ་ཀྱིས་བསྒྲུབ་དགོས།  
\v 18 གལ༌ཏེ། རང་གིས་བསྒྲུབ་ནུས་པ་ཡིན་ན། གང་ནུས་ཅི་ཐུབ་ཀྱིས་མི་ཐམས་ཅད་ལ་འགྲིག་མཐུན་ཡོང་བར་བྱ༌དགོས།  
\v 19 སྙིང་ཉེ་བའི་སྤུན་ཟླ༌རྣམས། ཁྱོད་ཅག་གིས་གནོད་ལན་གནོད་འཇལ་མི་བྱེད་པར། བཟོད་པ་བསྒོམས་ནས་དཀོན་མཆོག་གི་ཐུགས་ཁྲོ་བའི་བར་དུ་སྒུགས་ཤིག ཅིའི་ཕྱིར་ཞེ་ན། གསུང་རབ་ཀྱི་མདོ༌ལས། གཙོ་བོས་འདི་སྐད༌དུ། གནོད་ལན་གནོད་འཇལ་ནི་བདག་ལ་རག་ལས་ཤིང་ངས་ལན་འཇལ་ངེས་ཡིན་ཞེས་གསུངས་པ་བཀོད་ཡོད་པའི་ཕྱིར༌རོ།།  
\v 20 དེ་ལས་ལྡོག་སྟེ་ཇི་སྐད༌དུ།  
\q1 དགྲ་ཟླ་བཀྲེས་ཤིང་ལྟོགས་པ༌ན།།  
\q1 དེ་ལ་ཁ་ཟས་གནང་བར༌གྱིས།།  
\q1 དགྲ་ཟླ་སྐོམ་ཞིང་གདུང་བ༌ན།།  
\q1 དེ་ལ་བཏུང་བ་གནང་བར༌གྱིས།།  
\q1 ཅིའི་ཕྱིར་དེ་ལྟར་བསྒྲུབ་ཟེར༌ན།།  
\q1 མགོ་ལ་སོལ་མེ་སྤུངས་པ་\f + \ft མགོ་ལ་སོལ་མེ་སྤུངས་པ་ཞེས་པ་ནི་དགྲ་ཟླ་ངོ་ཚར་སྦྱོར་བའི་དོན་ཡིན། \f*བཞིན།།  
\m ཞེས༌པའོ།།   
\p
\v 21 ཁྱོད་ནི་ངན་པས་ཕམ་དུ་མི་འཇུག་པར། ལས་བཟང་པོར་བརྟེན་ནས་ངན་པ་ལས་རྒྱལ་བར༌བྱའོ།།   
\c 13
\cl ལེའུ་བཅུ་གསུམ༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 མངའ་བདག་གི་བཀའ་ལ་མཉན་དགོས་པའི༌སྐོར།  
\p
\v 1 མི་ཀུན་གྱིས་མངའ་བདག་གི་བཀའ་བརྩི་དགོས༌ཏེ། དབང་ཆ་གང་ཞིག་ཡིན་ཡང་དཀོན་མཆོག་ལས་མ་བྱུང་བ་མེད༌ལ། མངའ་བདག་ཐམས་ཅད་ནི་དཀོན་མཆོག་གིས་བསྐོས་པའི་ཕྱིར༌ཡིན།  
\v 2 དེའི༌ཕྱིར། སུ་ཞིག་གིས་མངའ་བདག་ལ་ངོ་རྒོལ་བྱེད༌ན། དེས་དཀོན་མཆོག་གི་ཁྲིམས་ལ་ངོ་རྒོལ་བྱེད་པ་ཡིན༌ལ། རང་གིས་རང་ལ་ཉེས་ཆད་སློང་བའང་ཡིན་ནོ།།  
\v 3 སྤྱིར་ལས་ངན་པ་བྱེད་མཁན་མ༌གཏོགས། ལས་བཟང་པོ་བྱེད་མཁན་ནི་དཔོན་རིགས་ལ་འཇིགས་མི་དགོས། ཁྱོད་རང་མངའ་བདག་ལ་འཇིགས་མི་འདོད༌དམ། ཁྱོད་ཀྱིས་ལས་བཟང་པོ་བྱས༌ན་ཁོང་གིས་ཁྱོད་ལ་གཟེངས་བསྟོད་བྱེད་པར་འགྱུར་རོ།།  
\v 4 ཅིའི་ཕྱིར་ཞེ་ན། དཔོན་རིགས་དེ་ནི་དཀོན་མཆོག་གི་ཞབས་ཕྱི་པ་ཡིན་ཞིང་ཁྱོད་ལ་ཕན་ཐོགས་པ༌དང༌། ཁྱོད་ཀྱིས་ལས་ངན་པ་བྱེད་ན་འཇིགས་འོས༌ཏེ། ཁོང་ནི་དོན་མེད་དུ་རལ་གྲི་འདོགས་མཁན་མ་ཡིན༌པར། དེ་ནི་དཀོན་མཆོག་གི་ཞབས་ཕྱི་པ༌དང༌། གནོད་ལན་གནོད་འཇལ་བྱེད་མཁན་ཏེ་ལས་ངན་པ་བྱེད་མཁན་ལ་ཉེས་ཆད་གཅོད་མཁན་བཅས་ཡིན་པའི་ཕྱིར༌རོ།།  
\v 5 དེའི༌ཕྱིར། ཁྱོད་ཀྱིས་ངེས་པར་དཔོན་རིགས་ཀྱི་བཀའ་བརྩི་དགོས༌ཤིང༌། དེ་ནི་ཉེས་ཆད་ཁོ་ནའི་ཆེད་དུ་མ་ཡིན༌པར། སེམས་ཀྱི་ཆེད་དུའང་ཡིན།  
\v 6 ཁྱོད་ཅག་གིས་མངའ་བདག་ལ་ཁྲལ་འཇལ་བའང་འདིའི་རྐྱེན་ཡིན༌ཏེ། ཁོང་རྣམས་ནི་དཀོན་མཆོག་གི་ཞབས་ཕྱི་པ་ཡིན་པས་རྟག་པར་ཆེད་དུ་དོན་དེ་གཉེར༌བ་ཡིན།  
\v 7 མི་སུ་ཞིག་ལ་འཐོབ་འོས་ན་འབུལ་བ༌དང༌། ཁྲལ་འཐོབ་འོས་ན་ཁྲལ་འཇལ་བ༌དང༌། ཚོང་ཁྲལ་འཐོབ་འོས་ན་ཚོང་ཁྲལ་འཇལ་བ༌དང༌། འཇིགས་འོས་ན་འཇིགས་པ༌དང༌། བཀུར་འོས་ན་བཀུར་བར༌བྱའོ།།   
\s1 ཕན་ཚུན་གཅེས་སུ་འཛིན་འོས༌པ།  
\p
\v 8 སྤྱིར་ཕན་ཚུན་གཅེས་སུ་འཛིན་པ་ལས༌གཞན། དོན་གང་གི་ཆ་ནས་ཀྱང་མི་གཞན་ལ་བུ་ལོན་ཆད་མི་རུང༌། རྒྱུ་མཚན་ནི་མི་གཞན་ལ་བྱམས་ཤིང་གཅེས་མཁན་གྱིས་བཀའ་ཁྲིམས་བསྒྲུབས་པའི་ཕྱིར༌རོ།།  
\v 9 དེ་ནི་ཇི་སྐད༌དུ། ལོག་གཡེམ་མ༌བྱེད། མི་མ་གསོད། རྐུ་མ༌བྱེད། འདོད་ཧམ་མ་བཅང་ཞེས་གསུངས༌པ་དང་། ཡང་ན་བཀའ་ཁྲིམས་གཞན་གང་ཡོད་པ་ཐམས་ཅད༌ནི། ཁྱོད་ཀྱིས་ཁྱིམ་མཚེས་ལ་རང་དང་འདྲ་བར་གཅེས་ཤིག་ཅེས་པའི་བཀའ་འདིའི་ནང་དུ་འདུས༌ཡོད།  
\v 10 བྱམས་པས་ཁྱིམ་མཚེས་ལ་གནོད་པ་མི་བྱེད༌པས། བྱམས་པས་བཀའ་ཁྲིམས་འགྲུབ་པར་བྱས༌སོ།།   
\p
\v 11 གཞན༌ཡང༌། ཁྱོད་ཅག་གིས་ད་ནི་སྔ་མོ་ནས་གཉིད་ལས་སད་འོས་པའི་དུས་ཡིན་པ་ཤེས་དགོས༌ཏེ། ད་ལྟ་ནི་ཐོག་མར་དད་པའི་དུས་ལས་བརྒལ་ནས་ཐར་པའི་དུས་དེ་ཉེ་བར་སླེབས་པས༌སོ།།  
\v 12 མཚན་མོ་འདས་ཤིང་ཉིན་མོ་སླེབས་ལ་ཉེ༌བས། བདག་ཅག་གིས་མུན་ནག་གི་བྱ་སྤྱོད་སྤངས་ནས་འོད་ཟེར་གྱི་གོ་མཚོན་སྤྲ་དགོས།  
\v 13 ཉིན་མོར་བགྲོད་པ་བཞིན་སྤྱོད་ལམ་དྲང་པོ་ཡིན་དགོས་ལ། བག་མེད་དང་ར༌བཟི། གཡེམ་སྦྱོར་དང་འདོད་ཆགས། རྩོད་གླེང་དང་ཕྲག་དོག་བཅས་མི་བྱེད༌པར།  
\v 14 གཙོ་བོ་ཡེ་ཤུ་མཱ་ཤི་ཀ་ནི་གོས་བཞིན་དུ་ལུས་ལ་གྱོན༌ཏེ། ཤ་གཟུགས་ཀྱི་ཕུང་བོའི་འདོད་པ་ཚིམ་པར་བྱེད་པའི་བསམ་པ་སྤོངས་ཤིག།།   
\c 14
\cl ལེའུ་བཅུ་བཞི༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 སྤུན་ཟླའི་དོན་ལ་ཁ་ཚོན་གཅོད་མི་རུང་བའི་སྐོར།  
\p
\v 1 ཁྱོད་ཅག་གིས་དད་སེམས་ཆུང་བ་རྣམས་རང་གི་གྲས་སུ་ལོངས༌དང༌། འོན༌ཀྱང༌། བསམ་ཚུལ་མི་འདྲ་བ་ལ་རྩོད་པ་མ་བྱེད༌ཅིག  
\v 2 མི་ལ་ལ་དངོས་པོ་མཐའ་དག་ཟ་རུང་བར་ཡིད་ཆེས༌ནའང༌། དད་སེམས་ཆུང་བ་རྣམས་ཀྱིས་སྔོ་ཚལ་ལས་གཞན་ཅི་ཡང་མི༌ཟའོ།།  
\v 3 ཅི་ཡང་ཟ་བའི་མི་དག་གིས་མི་ཟ་བའི་མི་ལ་མཐོང་ཆུང་བྱེད་མི་རུང༌ལ། མི་ཟ་བའི་མི་དེ་ཡིས་ཅི་ཡང་ཟ་བའི་མི་ལ་ཁ་ཚོན་ཡང་གཅོད་མི་རུང༌སྟེ། རྒྱུ་མཚན་ནི་དཀོན་མཆོག་སྔར་ནས་མི་དེ་ལ་དགྱེས་པའི་ཕྱིར༌རོ།།  
\v 4 ཁྱོད་ནི་སུ་ཞིག་ཡིན༌འདོད་དམ། ཁྱོད་ཀྱིས་མི་གཞན་གྱི་ཞབས་ཕྱི་པ་ལ་ཁ་ཚོན་གཅོད༌དམ། ཁོ་ནི་བརྟན་པོར་སྡོད་པའམ་ས་རུ་འགྱེལ་ནའང་ཁོ་ལ་བདག་པོ་ཡོད༌པ་དང་། ཁོ་ནི་བརྟན་པོར་སྡོད་སྲིད༌དེ། གཙོ་བོས་ཁོ་རང་བརྟན་པོར་མཛད་ནུས་པས་ཁོ་ནི་བརྟན་པོར་སྡོད་ངེས༌སོ།།   
\p
\v 5 མི་ལ་ལས་ཉིན་མོ་འདི་ནི་ཉིན་མོ་དེ་ལས་ལེགས་པར་འདོད༌ཅིང༌། ཡང་མི་ལ་ལས་ཉིན་མོ་ཐམས་ཅད་གཅིག་མཚུངས་ཡིན་པར་འདོད༌པ་རེད། འོན༌ཀྱང་མི་རེ་རེའི་སེམས་པ་བརྟན་པོ་ཡིན་དགོས།  
\v 6 ཉིན་མོ་སྲུང་མཁན་གྱིས་གཙོ་བོའི་དོན་དུ་སྲུང༌ཞིང༌། ཟས་ཟ་མཁན་གྱིས་དཀོན་མཆོག་ལ་བཀའ་དྲིན་ཞུ་བ་ཡིན་པས་གཙོ་བོའི་དོན་དུ་ཟ་བ༌དང༌། ཟས་མི་ཟ་བ་དེས་ཀྱང་གཙོ་བོའི་དོན་དུ་མི་ཟ་ཞིང་དཀོན་མཆོག་ལ་བཀའ་དྲིན་ཞུ་བའོ།།  
\v 7 བདག་ཅག་ལས་རང་གི་དོན་དུ་འཚོ་བ་ནི་གཅིག་ཀྱང་མེད༌ལ། རང་གི་དོན་དུ་འཆི་བའང་གཅིག་ཀྱང་མེད།  
\v 8 བདག་ཅག་འཚོ་ན་གཙོ་བོའི་དོན་དུ་འཚོ༌ཞིང༌། ཤི་ནའང་གཙོ་བོའི་དོན་དུ་ཤི་བ་ཡིན༌པས། བདག་ཅག་ནི་ཤི་གསོན་གང་ཡིན་ཡང་གཙོ་བོའི་མི་ཡིན་ནོ།།  
\v 9 དེའི༌ཕྱིར། གསོན་པོ་དང་གཤིན་པོ་གཉིས་ཀྱི་གཙོ་བོར་འགྱུར་བའི༌ཕྱིར། སྐྱབས་མགོན་མཱ་ཤི་ཀ་ནི་སྐུ་གྲོངས་པ་ནས་སླར་གསོན༌པ་ཡིན།  
\v 10 དེས་ན། ཁྱོད་ཀྱིས་ཅིའི་ཕྱིར་སྤུན་ཟླ་ལ་ཁ་ཚོན་གཅོད༌དམ། ཡང་ཅིའི་ཕྱིར་སྤུན་ཟླ་ལ་མཐོང་ཆུང་བྱེད༌དམ། རྒྱུ་མཚན་ནི་བདག་ཅག་ཐམས་ཅད་དཀོན་མཆོག་གི་ལེགས་ཉེས་ཀྱི་ཁྲིམས་ཐག་གཅོད་པའི་བཞུགས་ཁྲིའི་མདུན་དུ་ལངས་ནས་སྡོད་ངེས་སོ།།  
\v 11 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 གཙོ་བོ་དཀོན་མཆོག་གིས་ནི་འདི་སྐད༌དུ།།  
\q1 བདག་གིས་རང་གི་ཚེ་སྲོག་དཔངས་བཙུགས་ནས།།  
\q1 དམ་བཅའ་འདི་ལྟར་བཞག་པ་ཡིན་ལགས་ཏེ།།  
\q1 པུས་མོ་ཀུན་གྱིས་བདག་ལ་ཕྱག་འཚལ༌ཞིང༌།།  
\q1 ཀུན་གྱི་ངག་ནས་བདག་ནི་ཁས་ལེན༌བྱེད།།  
\m ཅེས༌བཀོད་པའོ།།  
\v 12 དེའི༌ཕྱིར། བདག་ཅག་མི་རེ་རེས་རང་གི་དོན་རྣམས་དཀོན་མཆོག་གི་དྲུང་དུ་རྒྱུ་མཚན་གསལ་པོར་བཤད་པར་ངེས་སོ།།   
\p
\v 13 དེ་ལྟར་ཡིན་པས། ཕྱིན་ཆད་བདག་ཅག་གིས་ཕན་ཚུན་ལ་ཁ་ཚོན་གཅོད་མི་རུང༌ལ། སུས་ཀྱང་སྤུན་ཟླའི་མདུན་དུ་བཀག་རྒྱའམ་ས་ལ་འགྱེལ་བྱེད་ཀྱི་དངོས་པོ་ཅི་ཡང་མི་འཇོག་པར་སེམས་ཐག་ཆོད༌ཅིག  
\v 14 མི་གཙང་བའི་དངོས་པོ་གཞི་ནས་མེད་པ་ནི་བདག་གིས་གཙོ་བོ་ཡེ་ཤུར་བརྟེན་ནས་ཤེས་ཤིང་དོན་དེར་ཡིད་ཆེས་བརྟན་པོ་ཡོད་དོ།། འོན༌ཀྱང༌། སུ་ཞིག་གིས་དངོས་པོ་གང་ཞིག་མི་གཙང་བར་བསམས༌ན། མི་དེའི་རྐྱེན་གྱིས་དངོས་པོ་དེ་ནི་མི་གཙང་བ་ཡིན།  
\v 15 གལ༌ཏེ། ཁྱོད་ཀྱི་ཁ་ཟས་ཀྱིས་སྤུན་ཟླའི་ཡིད་སྐྱོ་བར་བྱེད༌ན། དེ་ནི་བྱམས་པ་བཞིན་དུ་སྤྱད་པ་སྤྱོད་པ་མ་ཡིན། སྐྱབས་མགོན་མཱ་ཤི་ཀ་ནི་ཁོའི་དོན་དུ་སྐུ་གྲོངས༌པས། ཁྱོད་ཀྱི་ཁ་ཟས་ཀྱིས་སྤུན་ཟླ་དེ་ནི་འཕུང་དུ་འཇུག་མི་རུང་ངོ༌།།  
\v 16 དེའི་ཕྱིར། མི་གཞན་ལ་ཁྱོད་ཀྱི་བཟང་དེར་དམའ་འབེབས་བྱེད་དུ་འཇུག་མི་རུང༌སྟེ།  
\v 17 དཀོན་མཆོག་གི་རྒྱལ་སྲིད་ནི་བཟའ་བཏུང་ལ་བརྟེན་པ་མིན༌པར། དེ་ནི་དྲང༌བདེན་དང་ཞི༌བདེ། དམ་པའི་ཐུགས་ཉིད་ནང་གི་དགའ་སྤྲོ་བཅས་ལ་རག་ལས་པའི་ཕྱིར༌ཡིན།  
\v 18 དོན་འདི་ལྟ་བུའི་སྟེང་ནས་སྐྱབས་མགོན་མཱ་ཤི་ཀར་ཞབས་ཕྱི་བྱས་ན། དཀོན་མཆོག་གི་ཐུགས་དགྱེས་ཤིང་མི་རྣམས་ཀྱིས་ཀྱང་ཁས་ལེན་ནོ།།   
\p
\v 19 དེའི༌ཕྱིར། བདག་ཅག་གིས་ངེས་པར་འགྲིག་མཐུན་ཡོང་བ་དང་ཕན་ཚུན་ཡར་བསྐྱེད་པའི་དོན་དེར་བརྩོན་དགོས་པ༌ལས།  
\v 20 ཁ་ཟས་ཀྱི་དབང་གིས་དཀོན་མཆོག་གི་མཛད་འཕྲིན་ལ་གཏོར་བརླག་གཏོང་མི་རུང་ངོ༌།། དངོས་པོ་ཐམས་ཅད་གཙང་བ་ནི་སྨོས་མ་དགོས༌ཀྱང༌། སུ་ཞིག་གིས་ཁ་ཟས་ཀྱི་རྐྱེན་གྱིས་མི་གཞན་སར་འགྱེལ་དུ་འཇུག་པ་ཡིན༌ན། དེ་ནི་ཁོའི་ཉེས་སྐྱོན་ཡིན་ནོ།།  
\v 21 ཡང་ན་ཤ་ཟ་བ་དང་ཆང་འཐུང་བ་སོགས་དོན་གཞན་གང་ཡིན༌ཡང༌། སྤུན་ཟླ་སར་འགྱེལ་དུ་འཇུག་པ་ཡིན༌ན། དོན་དེ་ཐམས་ཅད་སྤང་ན་ལེགས།  
\v 22 ཁྱོད་ལ་ཡོད་པའི་དད་པ་དེ་དཀོན་མཆོག་གི་དྲུང་ནས་སེམས་སུ་ཟུངས༌ཤིག སུས་ཀྱང་རང་ཉིད་ཀྱིས་སྒྲུབ་ཆོག་པར་འདོད་པའི་དོན་གྱི་ཆ༌ནས། རང་གིས་རང་ལ་ཉེས་སྐྱོན་མི་འཛུགས་མཁན་ལ་བྱིན་རླབས་ཐོབ༌པ་ཡིན་ནོ།།  
\v 23 གལ༌ཏེ། དོགས་པ་ཅན་གྱིས་ཟོས་ན། དེ་ནི་དད་པའི་སྒོ་ནས་ཟོས་པ་མ་ཡིན་པས་ཉེས་སྐྱོན་ཡོད་ངེས༌ལ། དད་པ་ལས་བྱུང་བ་མིན་པ་ཐམས་ཅད་ནི་སྡིག་པ་ཡིན༌ནོ།།   
\c 15
\cl ལེའུ་བཅོ་ལྔ༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 རང་ཉིད་དགའ་བར་བྱེད་མི་འོས་པའི༌སྐོར།  
\p
\v 1 དེ་ཡང་བདག་ཅག་བརྟན་པོ་རྣམས་ཀྱིས་བརྟན་པོ་མིན་པ་རྣམས་ཀྱི་ཉམས་ཞན་ལ་བཟོད་བསྲན་བྱེད་འོས་པ༌ལས། རང་ཉིད་དགའ་བར་མི༌བྱའོ།།  
\v 2 བདག་ཅག་མི་རེ་རེས་རང་གི་ཁྱིམ་མཚེས་ལ་ཕན་འདོགས་པ་དང་ཡར་སྐྱེད་ཡོང་བའི༌ཕྱིར། ཁྱིམ་མཚེས་དགའ་བར་གྱིས༌ཤིག  
\v 3 ཅིའི་ཕྱིར་ཞེ་ན། སྐྱབས་མགོན་མཱ་ཤི་ཀས་ཀྱང་རང་ཉིད་དགའ་བར་མ་མཛད་པའི་ཕྱིར༌རོ།། དེ་ལ་གསུང་རབ་ཀྱི་མདོ་ལས་ཇི་སྐད༌དུ། ཁྱོད་ལ་དམའ་འབེབས་བྱེད་མཁན་གྱི་སྨྲ་བརྗོད་མཐའ་དག་ནི་བདག་ལ་ཕོག་པ་ཡིན་ཞེས་བཀོད་པ༌བཞིན་ནོ།།  
\v 4 རྒྱུ་མཚན་ནི་སྔོན་ཆད་ཡི་གེར་བཀོད་པ་ཐམས་ཅད་བདག་ཅག་ལ་བསླབ་བྱ་གནང་བའི་ཕྱིར་ཡིན༌ཏེ། བཟོད་པ་དང་གསུང་རབ་ལས་བྱུང་བའི་སེམས་གསོ་བརྒྱུད་ནས་བདག་ཅག་ལ་རེ་བ་ཐོབ་པའི་ཕྱིར༌རོ།།   
\p
\v 5 དེ་ཡང་བཟོད་པ་དང་སེམས་གསོ་གནང་མཁན་དཀོན་མཆོག་གིས་མཱ་ཤི་ཀ་ཡེ་ཤུ་བཞིན་དུ་ཁྱོད་རྣམས་ཕན་ཚུན་མཐུན་པར་མཛད་པར༌སྨོན།  
\v 6 དེ་ནི་ཁྱོད་ཅག་གིས་ཁ་ཞེ་གཉིས་མེད་སྒོས་བདག་ཅག་གི་གཙོ་བོ་ཡེ་ཤུ་མཱ་ཤི་ཀའི་ཡབ་དཀོན་མཆོག་ལ་བསྟོད་བསྔགས་བརྗོད་པའི་ཕྱིར༌རོ།།   
\p
\v 7 དེའི༌ཕྱིར། སྐྱབས་མགོན་མཱ་ཤི་ཀས་ཁྱོད་རྣམས་བསུས་པ༌བཞིན། ཁྱོད་ཅག་གིས་ཀྱང་ཕན་ཚུན་བསུས་ནས་དཀོན་མཆོག་གི་གཟི་བརྗིད་མངོན་པར༌བྱའོ།།  
\v 8 བདག་གིས་སྨྲ་བར་བྱ༌སྟེ། སྐྱབས་མགོན་མཱ་ཤི་ཀ་ནི་དཀོན་མཆོག་གི་བདེན་པ་ཉིད་ཀྱི༌ཆེད་དུ། མཚན་སྐྱི་བཅད་པ་རྣམས་ལ་ཞབས་ཕྱི་སྒྲུབ་མཁན་དུ་གྱུར་ཅིང་། དེ་ནི་ཕ་མེས་ཡང་མེས་རྣམས་ལ་གནང་བའི་ཞལ་བཞེས་ཀྱི་བཀའ་རྣམས་ལ་བདེན་དཔང་མཛད༌པའི་ཕྱིར་དང་།  
\v 9 ཕྱི་ཕྱོགས་པ་རྣམས་ཀྱིས་དཀོན་མཆོག་གི་ཐུགས་རྗེའི་རྐྱེན་གྱིས་ཁོང་ལ་བསྟོད་བསྔགས་བརྗོད་པའི་ཕྱིར་ཡང་ཡིན་ནོ།། དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 དེ་ཡི་ཕྱིར་ན་བདག་གིས༌ནི།།  
\q1 ཕྱི་ཕྱོགས་པ་ཡི་ནང་ཁུལ༌དུ།།  
\q1 ཁྱོད་ལ་བསྔགས་བརྗོད་བྱེད་པ་དང་།།  
\q1 ཁྱོད་མཚན་བསྟོད་དབྱངས་འབུལ་བར་བྱ།།   
\m
\v 10 ཡང་ཇི་སྐད༌དུ།  
\q1 ཁྱོད་ཅག་ཕྱི་ཕྱོགས་མི་རྣམས༌ནི།།  
\q1 གཙོ་བོ་དཀོན་མཆོག༌ཁོང་ཉིད་ཀྱི།།  
\q1 འབངས་མི་རྣམས་དང་ལྷན་ཅིག༌ཏུ།།  
\q1 དགའ་ཞིང་སྤྲོ་བར་གྱུར་ཅིག༌གུ།།   
\m
\v 11 ཡང་ཇི་སྐད༌དུ།  
\q1 ཕྱི་མི་ཚང་མས་གཙོ་བོ༌ལ།།  
\q1 བསྟོད་ཅིང་བསྔགས་པར་འོས་སོ༌ལོ།།  
\q1 མི་རིགས་ཀུན་གྱིས་གཙོ་བོ༌ལ།།  
\q1 བསྟོད་ཅིང་བསྔགས་པར་འོས་སོ༌ལོ།།   
\q1
\v 12 ཡང་ཡེ་ཤ་ཡཱ་ཡིས་འདི་སྐད༌དུ།  
\q1 མ་འོངས་པ་ན་ཡེ་སེ༌ཡི།།  
\q1 རྩ་བ་དེ་ཡིས་ཕྱི་ཕྱོགས༌པར།།  
\q1 དབང་སྒྱུར་བྱེད་ཅིང་དེ་རྣམས༌ཀྱིས།།  
\q1 ཁོང་ལ་རེ་བ་འཛིན་པར༌ངེས།།  
\m ཞེས༌གསུངས་པའོ།།  
\v 13 ཁྱོད་ཅག་ལ་དམ་པའི་ཐུགས་ཉིད་ཀྱི་མཐུ་སྟོབས་བརྒྱུད་ནས་རེ་བ་ཆེན་པོ་འཐོབ་པའི༌ཕྱིར། ད་ནི་རེ་བ་གནང་མཁན་དཀོན་མཆོག་གིས་ཁྱོད་རྣམས་ཀྱི་དད་པ་བརྒྱུད་ནས་ཁྱོད་ཅག་ལ་དགའ་སྤྲོ་དང་ཞི་བདེ་ཕུན་སུམ་ཚོགས་པ་གནང་བར༌སྨོན།   
\s1 ཕོལ་ལོལ་ཁོང་ཉིད་ཕྱི་ཕྱོགས་པ་རྣམས་ཀྱི་ཞབས་ཕྱི་པར་གྱུར༌པ།  
\p
\v 14 སྤུན་ཟླ༌རྣམས། ཁྱོད་ཅག་ནི་བཟང་པོས་བལྟམས་ཤིང་། ཤེས་ཡོན་ཀུན་གྱིས་ཁྱབ་པ་དང་། ཕན་ཚུན་ལ་སྐུལ་མའང་གཏོང་ཐུབ་པར་བདག་ལ་ཡིད་ཆེས་བརྟན་པོ་ཡོད༌མོད།  
\v 15 འོན་ཀྱང་ངས་ཁྱོད་ཅག་ལ་དྲན་སྐུལ་བྱེད་པའི༌ཕྱིར། དོན་ཁ་ཤས་ཀྱི་ཆེད་དུ་སྤོབས་པ་བསྐྱེད་ནས་འཕྲིན་ཡིག་འདི་བྲིས་པ༌དང༌། ཁྱད་པར་དཀོན་མཆོག་གིས་ང་རང་ལ་ཐུགས་རྗེ་གནང་བ་བཞིན༌དུ།  
\v 16 མཆོད་དཔོན་ལྟར་དཀོན་མཆོག་གི་འཕྲིན་བཟང་ལ་ཞབས་ཕྱི་བྱས་ནས། བདག་ནི་ཕྱི་ཕྱོགས་པ་རྣམས་ཀྱི་དོན་དུ་མཱ་ཤི་ཀ་ཡེ་ཤུའི་ཞབས་ཕྱི་པ་ཡིན་ལ། དེ་ནི་ཕྱི་ཕྱོགས་པ་རྣམས་དམ་པའི་ཐུགས་ཉིད་ཀྱི་སྒོ་ནས་དམ་པར་མཛད༌དེ། དཀོན་མཆོག་ཐུགས་མཉེས་པའི་མཆོད་རྫས་སུ་འགྱུར་བའི་ཕྱིར་རོ།།  
\v 17 དེ་བས་དཀོན་མཆོག་གི་མཛད་དོན་སྐོར་གླེང༌ན། མཱ་ཤི་ཀ་ཡེ་ཤུའི་ནང་དུ་བདག་ལ་ངོམ་ཆོག་པ་ཞིག་ཡོད་ལ།  
\v 18 སྐྱབས་མགོན་མཱ་ཤི་ཀས་ང་རང་བརྒྱུད་ནས་མཛད་པའི་དོན་དག་ལས༌གཞན། ངས་ཅི་ཡང་གླེང་མི་ཕོད༌དེ། ཁོང་གིས་ངའི་སྨྲ་བརྗོད་དང་བྱ་སྤྱོད་བརྒྱུད༌ནས།  
\v 19 གྲུབ་རྟགས་དང་ངོ་མཚར་ཅན་གྱི་དོན་རྣམས་ཀྱི་ནུས་མཐུ་དང༌། དམ་པའི་ཐུགས་ཉིད་ཀྱི་ནུས་མཐུའི་སྒོ་ནས། ཕྱི་ཕྱོགས་པ་རྣམས་དཀོན་མཆོག་གི་བཀའ་ལ་བསྟུན་པར་མཛད། ཐ་ན་བདག་གིས་ཡེ་རུ་སཱ་ལེམ་ནས་ཨིལ་ལི་རི་ཀུམ་ཡུལ་བར་དུ་སྐྱབས་མགོན་མཱ་ཤི་ཀའི་འཕྲིན་བཟང་ཡོངས་སུ་བསྒྲགས་སོ།།  
\v 20 ཡང་མི་གཞན་གྱིས་བཙུགས་པའི་རྨང་གཞིའི་སྟེང་དུ་མི་བརྩིག་པའི༌ཕྱིར། བདག་གིས་སྐྱབས་མགོན་མཱ་ཤི་ཀའི་མཚན་ཐོས་མ་མྱོང་བའི་ཡུལ་གྲུར་འཕྲིན་བཟང་བསྒྲག་རྒྱུའི་བློ་ཐག་བཅད་པ་ཡིན།  
\v 21 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 ཁོང་ལ་རྒྱུས་མེད་རྣམས་ཀྱིས་མཐོང་འགྱུར༌ཞིང༌།།  
\q1 གོ་ཐོས་མེད་པ་རྣམས་ཀྱིས་རྟོགས་པར༌འགྱུར།།  
\m ཞེས་བཀོད་པ་བཞིན༌ནོ།།   
\p
\v 22 ང་རང་ཐེངས་མང་པོར་བཀག་བྱུང་བས། ཁྱོད་ཅག་གི་མདུན་དུ་གཏན་ནས་འགྲོ་མ་ནུས༌སོ།།   
\s1 རོ་མཱ་གྲོང་ཁྱེར་དུ་འགྲོ་བའི་འཆར༌གཞི།  
\p
\v 23 འོན་ཀྱང་། ད་ལྟ་ཡུལ་འདི་དག་ཏུ་ང་ལ་ལས་དོན་སྒྲུབ་ས་གཞན་མེད༌དེ། ལོ་དུ་མའི་རིང༌ལ། བདག་ནི་སི་ཕེན་ཡཱ་ཡུལ་དུ་འགྲོ་བའི་དུས་སུ་ཁྱོད་ཅག་གི་མདུན་དུ་ཡོང་འདོད་པ༌དང༌།  
\v 24 ཁྱོད་ཅག་གི་ཡུལ་དེ་བརྒྱུད་ནས་ཁྱོད་རྣམས་ལ་འཕྲད་པར་འགྱུར་བ་དང༌། ཐོག་མར་ཕན་ཚུན་འབྲེལ་འདྲིས་བྱས་ཏེ་ཅུང་ཙམ་ཡིད་ཚིམས༌རྗེས། ཁྱོད་རྣམས་ཀྱིས་ང་རང་ལ་སྐྱེལ་མ་བྱེད་པར་རེ་བ་བྱེད།  
\v 25 འོན༌ཀྱང༌། ད་ནི་ང་རང་ཡེ་རུ་སཱ་ལེམ་དུ་དད་ལྡན་དམ་པ་རྣམས་ལ་རོགས་རམ་བྱེད་དུ༌འགྲོའོ།།  
\v 26 ཅིའི་ཕྱིར་ཞེ་ན། མ་ཀེ་དོན་ཡཱ་དང་ཨ་ཀ་ཡཱ་ཡུལ་གཉིས་ཀྱི་མི་རྣམས་ཀྱིས་ཡེ་རུ་སཱ་ལེམ་དུ་ཡོད་པའི་དད་ལྡན་དམ་པ་རྣམས་ཀྱི་ཁྲོད་ནས་དབུལ་པོ་རྣམས་ལ་སྦྱིན་པ་གཏོང་འདོད་པའི་ཕྱིར༌རོ།།  
\v 27 དེ་ནི་ཁོ་རྣམས་དགའ་བར་གྱུར་པ་སྨོས་མ་དགོས༌ཏེ། དོན་ལ་དེ་ནི་བུ་ལོན་ལྟ་བུའང་ཡིན། ཅིའི་ཕྱིར་ཞེ་ན། ཕྱི་ཕྱོགས་པ་རྣམས་ལ་ཡ་ཧུ་དཱ་པའི་སེམས་ཉིད་ཀྱི་བགོ་སྐལ་བཟང་པོ་ཐོབ་ཡོད༌ན། དེ་ཚོས་ཀྱང་ཡ་ཧུ་དཱ་པ་རྣམས་ལ་འཚོ་བྱེད་ཀྱི་དངོས་པོ་སྦྱིན་པ་གཏོང་འོས་སོ།།  
\v 28 དེའི༌ཕྱིར། བདག་གིས་དོན་འདི་བསྒྲུབས་ཏེ་ཞལ་འདེབས་འདི་ཁོ་རྣམས་ལ་རྩིས་གསལ་པོར་སྤྲད༌རྗེས། ང་རང་ཁྱོད་ཅག་གི་ཡུལ་བརྒྱུད་ནས་སི་ཕེན་ཡཱ་ཡུལ་དུ་འགྲོ་བར༌བྱ།  
\v 29 ང་རང་ཁྱོད་ཅག་གི་ཡུལ་དེར་ཡོང་བའི་དུས༌སུ། སྐྱབས་མགོན་མཱ་ཤི་ཀའི་ཕུན་སུམ་ཚོགས་པའི་བྱིན་རླབས་དང་བཅས་ཏེ་ཡོང་ངེས་པ་ནི་བདག་གིས་ཤེས༌སོ།།   
\p
\v 30 སྤུན་ཟླ༌རྣམས། ངས་བདག་ཅག་གི་གཙོ་བོ་ཡེ་ཤུ་མཱ་ཤི་ཀ་དང་དམ་པའི་ཐུགས་ཉིད་ཀྱི་བྱམས་པར་བརྟེན༌ནས། ཁྱོད་རྣམས་ཀྱིས་བདག་གི་དོན༌དུ། བདག་དང་ལྷན་དུ་དཀོན་མཆོག་ལ་གསོལ་བ་འདེབས་པར་བརྩོན་དགོས་ཞེས་བསྐུལ༌ཏེ།  
\v 31 བདག་ནི་ཡ་ཧུ་དཱའི་ཡུལ་གྱི་བཀའ་ལ་མི་ཉན་པའི་མི་རྣམས་ལས་ཐར་བ༌དང༌། ངས་ཡེ་རུ་སཱ་ལེམ་གྱི་དོན་དུ་བསྡུས་པའི་ཞལ་འདེབས་དེ་དད་ལྡན་དམ་པ་རྣམས་ཀྱིས་དགའ་སྤྲོའི་ངང་ནས་ལེན་པ༌དང༌།  
\v 32 བདག་ནི་དཀོན་མཆོག་གི་ཐུགས་དགོངས་བཞིན༌དུ། དགའ་དགའ་སྤྲོ་སྤྲོའི་ངང་ཁྱོད་ཅག་གི་ཡུལ་དེར་ཡོང་སྟེ། ཁྱོད་རྣམས་དང་མཉམ་དུ་ངལ་གསོ་འཐོབ་པ་བཅས་ཀྱི་ཕྱིར་གསོལ་བ་འདེབས་པར༌གྱིས།  
\v 33 ཞི་བདེ་གནང་མཁན་དཀོན་མཆོག་ནི་ཁྱོད་ཅག་ཐམས་ཅད་དང་མཉམ་དུ་བཞུགས་པར༌སྨོན། ཨ༌མེན།   
\c 16
\cl ལེའུ་བཅུ་དྲུག༌པ། 
\toc1 ༄༅། །རོ་མཱ་པ་རྣམས་ལ་སྤྲིངས་པའི་འཕྲིན་ཡིག 
\toc2 རོ་མཱ་པ། 
\s1 ཕོལ་ལོལ་གྱིས་འཚམས་འདྲི་ཞུ༌བ།  
\p
\v 1 བདག་གིས་ཁྱོད་རྣམས་ལ་ངེད་ཅག་གི་ལྕམ་སྲིང་ཕོའོ་པེ་མཚམས་སྦྱོར་བྱ་སྟེ། ཁོ་མོ་ནི་ཀེན་གྲེའི་ཆོས་ཚོགས་ཀྱི་ལས་འཛིན་མཁན་ཡིན༌ལ།  
\v 2 ཁྱོད་ཅག་གིས་དད་ལྡན་དམ་པའི་ལུགས་དང་མཐུན་པར་ཁོ་མོར་གཙོ་བོའི་ནང་དུ་སྣེ་ལེན་བྱེད་པར༌འཚལ། ཁོ་མོས་སྔར་ནས་མི་མང་པོ་དང་ང་རང་ལའང་རོགས་རམ་བྱས༌པས། ཁོ་མོར་ཕྱོགས་གང་ནས་རོགས་རམ་བྱེད་དགོས༌ན། ཁྱོད་རྣམས་ཀྱིས་ཁོ་མོར་རོགས་རམ་གྱིས༌ཤིག།   
\p
\v 3 ཕུར་སི་ལཱ་དང་ཨ་ཀུ་ལཱ་གཉིས་ལ་འཚམས་འདྲི༌ཞུའོ།། ཁོ་གཉིས་ནི་མཱ་ཤི་ཀ་ཡེ་ཤུའི་ནང་དུ་བདག་གི་ཆོས་གྲོགས་ཡིན༌ལ།  
\v 4 ཁོ་གཉིས་ཀྱིས་བདག་གི་དོན་དུ་རང་སྲོག་བློས་གཏོང་བར་ཡང་འཛེམས་མ་མྱོང༌། བདག་གིས་ཁོ་གཉིས་ལ་བཀའ་དྲིན་ཞུ་བར་མ༌ཟད། ཕྱི་ཕྱོགས་པ་རྣམས་ཀྱི་ཆོས་ཚོགས་དག་གིས་ཀྱང་ཁོ་གཉིས་ལ་བཀའ་དྲིན༌ཞུས་སོ།།  
\v 5 དེ་ནས་ཁོ་གཉིས་ཀྱི་ཁྱིམ་དུ་ཡོད་པའི་ཆོས་ཚོགས་ལའང་འཚམས་འདྲི༌ཞུའོ།། བདག་གིས་གཅེས་སུ་འཛིན་པའི་ཨེ་པེ་ནེ་ཐུ་ལ་འཚམས་འདྲི་བྱོས་ཤིག ཁོ་རང་ནི་ཨེ་ཞི་ཡཱ་ཡུལ་ནས་སྐྱབས་མགོན་མཱ་ཤི་ཀར་དད་པ་བྱེད་མཁན་ཐོག་མ་ཡིན།  
\v 6 མིར་ཡམ་ལའང་འཚམས་འདྲི༌ཞུའོ།། ཁོ་མོས་ཁྱོད་རྣམས་ཀྱི་དོན་དུ་དཀའ་ཚེགས་མང་པོ་མྱངས༌པ་ཡིན།  
\v 7 བདག་གི་ཡུལ་མི་སྟེ་བཙོན་གྲོགས་ཨན་དྲོ་ནེ་ཀུ་དང་ཡུན་ཡཱ་གཉིས་ལའང་འཚམས་འདྲི༌ཞུའོ།། ཁོ་གཉིས་ནི་སྐུ་ཚབ་པ་རྣམས་ཀྱི་ཁྲོད་དུ་མིང་གྲགས་ཆེ༌ཞིང༌། བདག་གི་སྔོན་དུ་སྐྱབས་མགོན་མཱ་ཤི་ཀའི་ནང་དུ་ཡོད་པ་ཡིན།  
\v 8 བདག་གིས་གཙོ་བོའི་ནང་དུ་སྙིང་ནས་གཅེས་པའི་ཨམ་པིལ་ཨ་ལའང་འཚམས་འདྲི༌བྱོས་ཤིག  
\v 9 སྐྱབས་མགོན་མཱ་ཤི་ཀའི་ནང་གི་བདག་ཅག་གི་ཆོས་གྲོགས་ཨུར་པཱ་ནོ་སི༌དང༌། བདག་གིས་གཅེས་སུ་འཛིན་པའི་སིར་ཏི་གཉིས་ལའང་འཚམས་འདྲི༌ཞུའོ།།  
\v 10 སྐྱབས་མགོན་མཱ་ཤི་ཀའི་ནང་དུ་ཚོད་བགམ་ཐེག་མཁན་ཨ་པེལ་ལེ་ལའང་འཚམས་འདྲི༌ཞུའོ།། ཨ་རིས་ཏོ་བུལ་གྱི་ཁྱིམ་མི་རྣམས་ལ་འཚམས་འདྲི༌ཞུའོ།།  
\v 11 བདག་གི་ཡུལ་མི་ཧེ་རོད་ཡོན་ལའང་འཚམས་འདྲི༌ཞུའོ།། གཙོ་བོའི་ནང་དུ་ནར་ཀིས་ཀྱི་ཁྱིམ་མི་རྣམས་ལ་འཚམས་འདྲི༌ཞུའོ།།  
\v 12 གཙོ་བོའི་ནང་དུ་དཀའ་སྡུག་མྱོང་མཁན་ཏྲི་ཕེ་ནཱ་དང་ཏྲི་ཕོ་སཱ་གཉིས་ལའང་འཚམས་འདྲི༌ཞུའོ།། གཅེས་སུ་འོས་ཤིང་གཙོ་བོའི་ནང་དུ་དཀའ་ཚེགས་མང་པོ་མྱངས་མཁན་པེར་སི་ལའང་འཚམས་འདྲི༌ཞུའོ།།  
\v 13 གཙོ་བོའི་ནང་དུ་བདམས་པའི་རུ་ཕུ་དང་ཁོའི་ཡུམ་གཉིས་ལའང་འཚམས་འདྲི༌ཞུའོ།། ཁོའི་ཡུམ་ནི་བདག་གི་ཡུམ་ལྟ་བུའང་ཡིན༌ནོ།།  
\v 14 ཨ་སིན་ཀྲི་ཏི༌དང༌། ཕི་ལེ༌ཀོན། ཧུར༌མེ། པ་ཏྲོ༌པཱ། ཧེར་མཱ་བཅས༌དང༌། ཁོ་རྣམས་དང་མཉམ་དུ་ཡོད་པའི་སྤུན་ཟླ་རྣམས་ལའང་འཚམས་འདྲི༌ཞུའོ།།  
\v 15 ཕི་ལོ་ལོ་ཀི་དང་ཡུ་ལེ༌ཡཱ། ནེ་རེ་དང་ཁོའི་སྲིང༌མོ། ཨོ་ལིམ་པཱ་བཅས༌དང༌། ཁོ་རྣམས་དང་མཉམ་དུ་ཡོད་པའི་དད་ལྡན་དམ་པ་རྣམས་ལའང་འཚམས་འདྲི༌ཞུའོ།།  
\v 16 ཁྱོད་རྣམས་ཀྱིས་ཕན་ཚུན་ལ་དམ་པའི་འོ་བྱས་ནས་འཚམས་འདྲི་བྱེད་པར༌གྱིས། སྐྱབས་མགོན་མཱ་ཤི་ཀའི་ཆོས་ཚོགས་ཐམས་ཅད་ཀྱིས་ཁྱོད་རྣམས་ལའང་འཚམས་འདྲི༌ཞུ་བའོ།།   
\p
\v 17 སྤུན་ཟླ༌རྣམས། བསླབས་པའི་བཀའ་དང་འགལ་བའི་མི་རྣམས་ཀྱིས་ཁྱོད་ཅག་ལ་དབྱེན་བྱེད་པ་དང་སར་འགྱེལ་དུ་འཇུག༌པས། ཁྱོད་ཅག་གིས་མི་དེ་རྣམས་ལ་དོགས་ཟོན་བྱས་ནས་གཡོལ་དགོས་པར་བདག་གིས་བསྐུལ༌བ་ཡིན་ནོ།།  
\v 18 རྒྱུ་མཚན་ནི་མི་དེ་ལྟ་བུ་རྣམས་ཀྱིས་བདག་ཅག་གི་སྐྱབས་མགོན་མཱ་ཤི་ཀ་ལ་ཞབས་ཕྱི་མི་བྱེད༌པར། རང་ཉིད་ཀྱི་འདོད་བློ་ཁོ་ནར་ཞབས་ཕྱི་བྱེད་ཅིང་ཁ་ཡག་ཚིག་སྙན་གྱིས་གཡོ་སྒྱུ་མེད་པ་རྣམས་བསླུ་བར་བྱེད་པ་ཡིན།  
\v 19 ཁྱོད་ཅག་གིས་བཀའ་ལ་ཉན་པའི་གཏམ་ནི་མི་ཐམས་ཅད་ལ་ཁྱབ་པར་གྱུར༌པས། བདག་ནི་ཁྱོད་ཅག་གི་ཕྱིར་སྤྲོ་བར་གྱུར་ཏོ།། འོན༌ཀྱང༌། བདག་གི་སེམས་སུ་ཁྱོད་རྣམས་དོན་བཟང་པོའི་ཆ་ནས་གྲུང་པོ༌དང༌། དོན་ངན་པའི་ཆ་ནས་བླུན་པོ་ཡིན་པར་འདོད༌དོ།།   
\p
\v 20 ཞི་བདེ་གནང་མཁན་དཀོན་མཆོག་གིས་མི་འགྱང་བར་བདུད་སཱ་ཏན་ནི་ཁྱོད་ཅག་གི་རྐང་འོག་ཏུ་བརྫི་བར་འགྱུར༌ཞིང༌། བདག་ཅག་གི་གཙོ་བོ་ཡེ་ཤུའི་ཐུགས་རྗེ་ནི་ནམ་ཡང་ཁྱོད་ཅག་དང་མཉམ་དུ་བཞུགས་པར༌སྨོན།   
\p
\v 21 བདག་གི་ཆོས་གྲོགས་ཐི་མོ་ཐེ༌དང༌། བདག་གི་ཡུལ་མི་ལོ་ཀེ༌ཨོ༌དང༌། ཡཱ༌སོན། སོ་སི་པཱ་ཏེར་བཅས་ཀྱིས་ཁྱོད་རྣམས་ལ་འཚམས་འདྲི༌ཞུ་བ་ཡིན་ནོ།།   
\p
\v 22 འཕྲིན་ཡིག་འབྲི་མཁན་ཏེར་ཏི་ང་ཡིས་ཀྱང་གཙོ་བོའི་ནང་དུ་ཁྱོད་རྣམས་ལ་འཚམས་འདྲི༌ཞུ་བ་ཡིན།   
\p
\v 23 བདག་དང་ཆོས་ཚོགས་ཡོངས་ལ་སྣེ་ལེན་བྱེད་མཁན་ཀེ་ཡུ་ཡིས་ཀྱང་ཁྱོད་ཅག་ལ་འཚམས་འདྲི༌ཞུའོ།།   
\p
\v 24 གྲོང་ཁྱེར་ནང་གི་དངུལ་མཛོད་ལ་དོ་དམ་བྱེད་མཁན་ཨེ་རས་ཏི་དང་སྤུན་ཟླ་ཁིར་ཐི་གཉིས་ཀྱིས་ཁྱོད་རྣམས་ལ་འཚམས་འདྲི༌ཞུའོ།།   
\s1 བསྟོད་པ་འབུལ༌བ།  
\p
\v 25 དེ་ཡང་བདག་གིས་སྒྲོག་པའི་འཕྲིན་བཟང་དང་ཡེ་ཤུ་མཱ་ཤི་ཀ་སྒྲོག་པ་བཞིན་དང་། གནའ་ནས་གབ་པའི་གསང་བ་དེ་ཉིད་བསྟན་པ་བཞིན། དཀོན་མཆོག་ཁོང་ཉིད་ཀྱིས་ཁྱོད་ཅག་གི་སེམས་ཀྱང་བརྟན་པོར་མཛད་ནུས༌པ་དང་།  
\v 26 གསང་བ་དེ་ནི་ད་ལྟ་མངོན་པར་གྱུར་པ༌དང༌། ཐོག་མཐའ་མེད་པའི་དཀོན་མཆོག་གི་བཀའ་བཞིན་དང་ལུང་སྟོན་པ་དག་གི་མདོ་རྣམས་བརྒྱུད་ནས་མི་རིགས་ཀུན་ལ་བསྟན༌ཞིང༌། དེ་ནི་མི་རིགས་དེ་རྣམས་ཀྱིས་དད་པའི་ཁས་ལེན་བྱེད་དགོས་པའི་ཕྱིར༌རོ།།  
\v 27 ཡེ་ཤུ་མཱ་ཤི་ཀ་བརྒྱུད་ནས་ཀུན་མཁྱེན་དཀོན་མཆོག་ཁོ་ན་ལ་ཇི་སྲིད་བར་དུ་བསྟོད་བསྔགས་བརྗོད་པར༌སྨོན། ཨ༌མེན།། །།