\id REV - NTB བོད་འགྱུར་གསར་མ། 
\h མངོན་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\mt1 ༄༅། །མངོན་པའི་མདོ།  
\imt1 མངོན་པའི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi སྐབས་དེར་རོ་མཱ་བཙན་རྒྱལ་གྱིས་རོ་མཱའི་གོང་མ་རྒྱལ་པོར་བསྙེན་བཀུར་བྱེད་དགོས་པའི་བཙན་སྐུལ་གྱི་འགོ་ཚུགས་པ་དང་། སྐྱབས་མགོན་ཡེ་ཤུ་ནི་གཙོ་བོ་ཡིན་པར་དད་པ་བྱེད་པ་ལས། རོ་མཱ་གོང་མའི་རྒྱལ་ཁབ་ཀྱི་སེ་བཟིར་རྒྱལ་པོ་གཙོ་བོ་མིན་པར་འདོད་པའི་ཡེ་ཤུའི་ཆོས་ལུགས་ཀྱི་དད་ལྡན་པ་རྣམས་ལ་མནར་གཅོད་དེ་ལས་དྲག་པོ་ཐེབས་པ་རེད། ཆོས་ཚོགས་ཀྱི་དད་ལྡན་པ་ལ་ལས་སེ་བཟིར་རྒྱལ་པོ་གཙོ་བོ་ཡིན་ཞེས་ཁས་ལེན་མི་བྱེད་ཐབས་མེད་ཡིན་ཞེས་རང་གི་བསམ་ཚུལ་བསྒྲགས་པར་བརྟེན། མ་འོངས་པར་འཇིགས་སུ་རུང་བའི་ཉེན་ཁ་འབྱུང་བའི་ཚེ་ནའང་དད་པ་བརྟན་པོ་ཡོང་ཆེད། ཐབས་དེ་ལས་ཐོན་པའི་ཤན་ཞུགས་ངན་པ་དག་ལ་སྔོན་འགོག་དང་ཡོ་བསྲང་བྱེད་དགོས་པ་རེད།  
\is1 ཡི་གེར་འགོད་མཁན་དང་འགོད་དུས།  
\ipi ཡི་གེར་འགོད་མཁན་གྱིས་འཕྲིན་ཡིག་གི་གཞུང་དུ་རང་ཉིད་ཡོ་ཧ་ནན་ཡིན་པར་ཐེངས་བཞི་ལ་བརྗོད་པ་དང་། དུས་རབས་གཉིས་པའི་དུས་ནས་བཟུང་ཡོ་ཧ་ནན་ཁོང་ཉིད་ནི་གཞུང་འདི་ཡི་གེར་འགོད་མཁན་ཡིན་པར་གསུངས། དམ་པའི་གསུང་རབ་ཀྱི་མཁས་པ་མང་ཤོས་ཞིག་གི་བཞེད་ཚུལ་ལྟར་ན་གཞུང་འདི་ནི་སྤྱི་ལོ་95ལོར་ཡི་གེར་བཀོད་པ་ཡིན་པར་དགོངས།  
\is1 བརྗོད་སྙིང་དང་གསུང་འཕྲིན།  
\ipi ཡོ་ཧ་ནན་གྱིས་དད་ལྡན་རྣམས་ལ་གོང་མ་རྒྱལ་པོར་བསྙེན་བཀུར་བྱེད་པར་མཐའ་གཅིག་ཏུ་འགོག་རྒོལ་གཏོང་དགོས་པར་སྐུལ་མ་བྱས་པ་དང་། དཀོན་མཆོག་དང་བདུད་སཱ་ཏན་གཉིས་ཀྱི་མཐའ་མཇུག་གི་འཐབ་འཁྲུག་མྱུར་དུ་སླེབ་རྒྱུ་ཡིན་པར་གསུངས། སྤྱིར་བདུད་སཱ་ཏན་གྱིས་དད་ལྡན་རྣམས་ལ་མནར་གཅོད་དེ་ལས་དྲག་པོ་གཏོང་སྲིད་པ་དང་། དད་ལྡན་རྣམས་ཀྱིས་རང་གི་སྲོག་ལ་བབས་ཀྱང་མཇུག་མཐའི་བར་དུ་བཟོད་བསྲན་བྱས་ནས་དད་པ་བརྟན་པོ་བྱེད་དགོས་པ་ཡིན། དད་ལྡན་རྣམས་ཀྱི་དད་པ་ལ་གནོད་འཚེ་ཐེབས་ཀྱང་དཀོན་མཆོག་གིས་ནམ་རྒྱུན་ཁོ་ཚོ་བསྲུང་བར་འགྱུར་བ་དང་། སྐྱབས་མགོན་ཡེ་ཤུ་སླར་ཕེབས་དུས་དཀོན་མཆོག་གིས་དད་ལྡན་རྣམས་ལ་ཉེས་པ་མེད་པར་དག་གསལ་མཛད་ངེས་ལ། སྤྱོད་ངན་ཐམས་ཅད་རྒྱུན་ནས་རྒྱུན་དུ་འཇོམས་པར་མཛད་ངེས་ཤིང་། དཀོན་མཆོག་ལ་དད་པ་བྱེད་མཁན་རྣམས་ནི་མཐའ་མེད་པའི་ཚེ་སྲོག་གི་གཟི་བརྗིད་དང་བཅས་ནམ་མཁའི་ཞིང་ཁམས་ཀྱི་བདེ་སྐྱིད་ནང་དུ་ཞུགས་པར་འགྱུར།  
\is1 འཆར་ཟིན།  
\ipi 1. གསེར་གྱི་སྒྲོན་སྟེགས་བདུན་གྱི་དཀྱིལ་དུ་མིའི་བུ་མངོན་པར་གྱུར་པ། ༼ 1:1-20 ༽  
\ipi 2. ཆོས་ཚོགས་བདུན་པོར་སྤྲིངས་པའི་འཕྲིན་ཡིག་རྣམས། ༼ 2:1-3:22 ༽  
\ipi 3. བཞུགས་ཁྲི་དང་ཤོག་དྲིལ། ལུ་གུ་བཅས་ཀྱི་སྐོར། ༼ 4:1-5:14 ༽  
\ipi 4. ཐམ་ག་བདུན་པོ། ༼ 6:1-8:1 ༽  
\ipi 5. དུང་དཀར་བདུན་པོ། ༼ 8:2-11:19༽  
\ipi 6. ངོ་མཚར་བའི་ལྟས་སྣ་ཚོགས་དང་དོན་རྐྱེན་རྣམས། ༼ 12:1-14:20 ༽  
\ipi 7. ཕོར་བ་བདུན། ༼ 15:1-16:21 ༽  
\ipi 8. སྨད་འཚོང་མ་ཆེན་མོ་སྟེ་པཱ་པེལ་ལོན། ༼ 17:1-19:5 ༽  
\ipi 9. ལུ་གུའི་གཉེན་སྟོན། ༼ 19:6-10 ༽  
\ipi 10. སྐྱབས་མགོན་ཡེ་ཤུ་ཕྱིར་ཕེབས་པ། ༼ 19:11-21 ༽  
\ipi 11. ལོ་ངོ་ཆིག་སྟོང་རིང་ལ་རྒྱལ་སྲིད་བསྐྱངས་པ། ༼ 20:1-6 ༽  
\ipi 12. བདུད་སཱ་ཏན་གྱི་མཐའ་འབྲས། ༼ 20:7-10 ༽  
\ipi 13. མདོག་དཀར་པོ་ཅན་གྱི་བཞུགས་ཁྲིའི་མདུན་དུ་ལེགས་ཉེས་ཀྱི་ཁྲིམས་ཐག་གཅོད་པ། ༼ 20:11-15 ༽  
\ipi 14. གནམ་ས་གསར་པ་དང་ཡེ་རུ་སཱ་ལེམ་གསར་པའི་སྐོར། ༼ 21:1-22:5 ༽  
\ipi 15. མཇུག་སྡོམ། ༼ 22:6-21 ༽  
\c 1
\cl ལེའུ་དང་པོ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 སྔོན་འགྲོ།  
\p
\v 1 དེ་ཡང་ཡེ་ཤུ་མཱ་ཤི་ཀའི་མངོན་པ་ནི་དཀོན་མཆོག་གིས་ཁོང་ལ་གནང་ཞིང་། དེ་ནི་མྱུར་དུ་འགྲུབ་ངེས་པའི་དོན་རྣམས་ཁོང་གི་ཞབས་ཕྱི་པ་རྣམས་ལ་སྟོན་པར་མཛད་པའི་ཕྱིར་ཡིན་ལ། ཁོང་གིས་ཕོ་ཉ་མངགས་པ་བརྒྱུད་ནས་རང་ཉིད་ཀྱི་ཞབས་ཕྱི་པ་ཡོ་ཧ་ནན་ལ་གསལ་པོར་སྟོན་པར་མཛད་དོ།།  
\v 2 ཡོ་ཧ་ནན་གྱིས་དཀོན་མཆོག་གི་བཀའ་དང་ཡེ་ཤུ་མཱ་ཤི་ཀའི་བདེན་དཔང་ལ་རང་གིས་ཅི་མཐོང་བ་ཐམས་ཅད་བཞིན་ར་སྤྲོད་བྱས་པ་ཡིན།  
\v 3 ལུང་བསྟན་འདིའི་ཚིག་རྣམས་ཀློག་མཁན་དང་། དེའི་ནང་དུ་ཅི་བཀོད་ཡོད་པ་ཐོས་ཤིང་ཇི་བཞིན་སྲུང་མཁན་རྣམས་ནི་བྱིན་རླབས་ཅན་ཡིན་ཏེ། རྒྱུ་མཚན་ནི་དུས་དེ་སླེབས་ལ་ཉེ་བའི་ཕྱིར་རོ།།   
\s1 འཚམས་ཞུ་དང་བསྔགས་བརྗོད་ཀྱི་སྐོར།  
\p
\v 4 ཡོ་ཧ་ནན་གྱིས་ཨེ་ཞི་ཡཱ་ཡུལ་དུ་ཡོད་པའི་ཆོས་ཚོགས་བདུན་ལ་འདི་ལྟར་སྨྲས་པ་སྟེ། ད་ལྟ་བཞུགས་པ་དང་། སྔར་མཆིས་པ། ཕེབས་པར་ངེས་པའི་དཀོན་མཆོག་དང་། ཁོང་གི་བཞུགས་ཁྲིའི་དྲུང་དུ་ཐུགས་ཉིད་བདུན་པོ་དང་།  
\v 5 གཞུང་དྲང་གིས་བདེན་དཔང་མཛད་ཅིང་གཤིན་པོ་རྣམས་ལས་ཐོག་མར་སླར་གསོན་པ།\f + \ft གཤིན་པོ་རྣམས་ལས་ཐོག་མར་སླར་གསོན་པ་ཞེས་པ་ནི་སྐྱབས་མགོན་ཡེ་ཤུ་གྲོངས་པ་ནས་ཐོག་མར་གཏན་དུ་སླར་གསོན་པ་དེ་ལ་གོ་བ་ཡིན།\f* འཇིག་རྟེན་གྱི་རྒྱལ་པོ་རྣམས་ཀྱི་མངའ་བདག་སྟེ་ཡེ་ཤུ་མཱ་ཤི་ཀ་བཅས་ནས་ཁྱོད་རྣམས་ལ་ཐུགས་རྗེ་དང་ཞི་བདེ་འཐོབ་པར་སྨོན། ཁོང་གིས་བདག་ཅག་ལ་བྱམས་ཤིང་ཉིད་ཀྱི་སྐུ་ཁྲག་གིས་བདག་ཅག་སྡིག་པ་ལས་ཐར་བར་མཛད་པ་དང་།  
\v 6 ཡང་བདག་ཅག་ནི་རྒྱལ་སྲིད་ཅིག་དང་ཁོང་གི་ཡབ་དཀོན་མཆོག་ལ་མཆོད་དཔོན་དུ་མཛད་དོ།། ཁོང་ལ་ནམ་ཡང་གཟི་བརྗིད་དང་མངའ་ཐང་ལྡན་པར་སྨོན། ཨ་མེན།།   
\p
\v 7 ལྟོས་དང་། ཁོང་ཉིད་སྤྲིན་དང་བཅས་ཕེབས་ཡོང་བ་དང་། མིག་ལྡན་ཐམས་ཅད་ཀྱིས་མཐོང་བར་འགྱུར་ཞིང་། ཐ་ན་ཁོང་ལ་མདུང་གིས་སྣུན་མཁན་རྣམས་ཀྱིས་ཀྱང་མཐོང་བར་འགྱུར་ལ། ས་སྟེང་གི་མི་རིགས་ཐམས་ཅད་ཀྱིས་ཁོང་གི་ཕྱིར་དུ་ངུ་འབོད་བྱེད་པར་འགྱུར་རོ།། དེ་བདེན་ནོ། །ཨ་མེན།   
\p
\v 8 གཙོ་བོ་དཀོན་མཆོག་གིས་འདི་སྐད་དུ། བདག་ནི་ཨལ་ཕཱ་དང་ཨོ་མེ་ཀ་ཡིན་ལ། \f + \ft ཨལ་ཕཱ་དང་ཨོ་མེ་ཀ་ཞེས་པ་ནི་གྷི་རིག་པའི་ཡི་གེའི་གསལ་བྱེད་ཐོག་མ་དང་མཐའ་མ་ཡིན་ལ་དོན་དུ་སྐྱབས་མགོན་ཡེ་ཤུ་ནི་ཐོག་མ་དང་མཐའ་མ་ཡིན་པར་གོ\f* ད་ལྟ་བཞུགས་པ་དང་། སྔར་མཆིས་པ། ཕེབས་པར་ངེས་པའི་ཀུན་དབང་དེ་ཉིད་ཡིན་ཞེས་གསུངས་སོ།།   
\s1 མིའི་བུ་དང་མཚུངས་པ་ཞིག  
\p
\v 9 ཡོ་ཧ་ནན་ང་རང་ནི་ཁྱོད་ཅག་གི་སྤུན་ཟླ་ཡིན་ཞིང་། སྐྱབས་མགོན་ཡེ་ཤུའི་ནང་དུ་ཡོད་པའི་དཀའ་སྡུག་དང་། རྒྱལ་སྲིད། བཟོད་བསྲན་བཅས་སུ་མཉམ་འགྲོགས་ཡིན་ལ། དཀོན་མཆོག་གི་བཀའ་དང་སྐྱབས་མགོན་ཡེ་ཤུའི་དོན་དུ་བདེན་དཔང་བྱས་པའི་རྐྱེན་གྱིས། སྔར་པེད་མོ་ཟེར་བའི་གླིང་ཕྲན་དུ་བསྡད་མྱོང་ངོ་༎  
\v 10 གཙོ་བོའི་ཉིན་མོ་ལ། ང་རང་དམ་པའི་ཐུགས་ཉིད་ཀྱི་ནང་དུ་དྲངས་ཏེ། ངའི་རྒྱབ་ཕྱོགས་སུ་དུང་སྐད་ལྟ་བུའི་སྒྲ་ཆེན་པོ་ཞིག་གྲགས་པ་ཐོས་ཤིང་འདི་སྐད་དུ།  
\v 11 ཁྱོད་ཀྱིས་ཅི་མཐོང་བ་ཐམས་ཅད་ཤོག་དྲིལ་སྟེང་དུ་བྲིས་ཏེ། ཨེ་ཕེ་སི་དང་། སི་མིར་ནཱ། ཕེར་ག་མུ། ཐི་ཨ་ཏེ་རཱ། སཱར་དི། ཕི་ལཱ་དེལ་ཕི་ཨ། ལའོ་དི་ཀེ་ཡཱ་བཅས་ཆོས་ཚོགས་བདུན་ལ་སྐུར་ཅིག་ཅེས་གསུངས་སོ།།   
\p
\v 12 དེ་ནས་ངས་ཁ་ཕྱིར་འཁོར་ནས་བདག་ལ་སྐད་སྒྲ་སྒྲོག་པ་དང་གསུང་གནང་མཁན་སུ་ཡིན་པར་བལྟ་འདོད་དེ། ཁ་ཕྱིར་འཁོར་ནས་བལྟས་པ་ལ། གསེར་གྱི་སྒྲོན་སྟེགས་བདུན་མཐོང་ངོ་།།  
\v 13 སྒྲོན་སྟེགས་དེ་དག་གི་དཀྱིལ་དུ་མིའི་བུ་དང་མཚུངས་པ་ཞིག་བཞུགས་ཡོད་པ་མཐོང་སྟེ། ན་བཟའ་རིང་པོ་ཞབས་ངོས་སུ་ཐུག་པ་ཞིག་མནབས་ཤིང་། བྲང་ཁ་རུ་གསེར་གྱི་སྐེད་ཆིངས་བཅིངས་ཡོད།  
\v 14 ཁོང་གི་དབུ་དང་སྐྲ་ནི་ལུག་བལ་དཀར་པོ་དང་ཁ་བ་དཀར་པོ་དང་འདྲ། སྤྱན་ཟུང་ནི་མེ་ལྕེ་དང་མཚུངས།  
\v 15 ཞབས་ནི་བཞུ་ཐབ་ནང་དུ་བཙོ་སྦྱང་བྱས་ཤིང་འོད་ཟེར་འཕྲོ་བའི་ལི་དང་འདྲ། གསུང་སྐད་ནི་ཆུ་མང་པོའི་སྒྲ་དང་མཚུངས།  
\v 16 ཁོང་གི་ཕྱག་གཡས་པས་སྐར་མ་བདུན་བཟུང་ཡོད་ཅིང་། ཞལ་ནས་རལ་གྲི་རྣོན་པོ་ཁ་གཉིས་ཅན་ཞིག་ཐོན། ཞལ་རས་ནི་ཉི་ཟེར་དྲག་པོ་འཕྲོ་བ་དང་མཚུངས་སོ།།   
\p
\v 17 ངས་ཁོང་ཉིད་མཐོང་བ་དང་ཁོང་གི་ཞབས་དྲུང་དུ་སར་འགྱེལ་ཏེ་བེམ་པོ་བཞིན་དུ་གྱུར་ཏོ།། དེ་ནས་ཁོང་གིས་ཕྱག་གཡས་པ་བདག་གི་ལུས་སྟེང་དུ་བཞག་སྟེ་འདི་སྐད་དུ། འཇིགས་པར་མི་བྱའོ།། བདག་ནི་ཐོག་མ་ཡིན་ལ་མཐའ་མའང་ཡིན།  
\v 18 གསོན་པོར་བཞུགས་པ་དེ་ཉིད་ཀྱང་ཡིན། བདག་ནི་དེ་སྔར་ཚེ་ལས་འདས་ནའང་། ལྟོས་དང་། ད་ལྟ་ང་རང་སླར་གསོན་ཏེ། ཇི་སྲིད་བར་དུ་གསོན་པོར་གནས་པར་མ་ཟད། འཆི་བ་དང་གཤིན་པོའི་གནས་ཀྱི་ལྡེ་མིག་རྣམས་བདག་གིས་བཟུང་ཡོད།  
\v 19 དེའི་ཕྱིར། ཁྱོད་ཀྱིས་མཐོང་བྱུང་བ་རྣམས་དང་། ད་ལྟའི་དོན་རྣམས་དང་། དོན་དེ་དག་གི་རྗེས་སུ་འབྱུང་བར་འགྱུར་བའི་དོན་རྣམས་ཡིག་ཐོག་ཏུ་འགོད་པར་བྱའོ།།  
\v 20 ཁྱོད་ཀྱི་མཐོང་ལམ་དུ་གྱུར་པའི་བདག་གི་ཕྱག་གཡས་ཀྱི་སྐར་མ་བདུན་དང་། གསེར་གྱི་སྒྲོན་སྟེགས་བདུན་གྱི་གསང་བ་བརྗོད་ན་འདི་ལྟ་སྟེ། སྐར་མ་བདུན་པོ་ནི་ཆོས་ཚོགས་བདུན་གྱི་ཕོ་ཉ་ཡིན་ལ། སྒྲོན་སྟེགས་བདུན་པོ་ནི་ཆོས་ཚོགས་བདུན་ཡིན་ཞེས་གསུངས་སོ།།   
\c 2
\cl ལེའུ་གཉིས་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཨེ་ཕེ་སི་གྲོང་ཁྱེར་གྱི་ཆོས་ཚོགས་ལ་སྤྲིངས་པའི་འཕྲིན་ཡིག  
\p
\v 1 ཡང་ཁོང་གིས་འདི་སྐད་དུ། ཁྱོད་ཀྱིས་ཨེ་ཕེ་སིའི་ཆོས་ཚོགས་ཀྱི་ཕོ་ཉ་ལ་འཕྲིན་ཡིག་བྲིས་ཏེ་འདི་ལྟར་སྨྲ་བར་བྱའོ།། ཕྱག་གཡས་པར་སྐར་མ་བདུན་ཐོགས་ཤིང་། གསེར་གྱི་སྒྲོན་སྟེགས་བདུན་གྱི་ཁྲོད་དུ་བགྲོད་མཁན་གྱིས་འདི་སྐད་དུ།  
\v 2 ཁྱོད་ཀྱིས་བྱས་པའི་ལས་དང་། དཀའ་ངལ། བཟོད་བསྲན་བཅས་ངས་ཤེས་པར་མ་ཟད། ཁྱོད་ཀྱིས་མི་ངན་ལ་བཟོད་པ་སྒོམ་མི་ཐུབ་པ་ཡང་ཤེས། ཁྱོད་ཀྱིས་དེ་སྔར་རང་ཉིད་སྐུ་ཚབ་པ་ཡིན་ཟེར་ཡང་སྐུ་ཚབ་པ་དངོས་མིན་པ་རྣམས་ལ་ཚོད་བགམས་ཏེ། ཁོ་རྣམས་རྫུས་མ་ཡིན་པ་རྟོགས་པའང་ཤེས།  
\v 3 དེ་སྔར་ཁྱོད་ཀྱིས་བཟོད་བསྲན་བྱས་ནས། བདག་གི་མིང་གི་ཆེད་དུ་དཀའ་སྡུག་མྱངས་ཀྱང་ཐང་མ་ཆད་པའང་བདག་གིས་ཤེས་སོ།།   
\p
\v 4 འོན་ཀྱང་། ཁྱོད་ཀྱིས་ཐོག་མར་ཡོད་པའི་བྱམས་པ་སྤངས་པས། བདག་གིས་ཁྱོད་ལ་སྐྱོན་འགེལ་བར་བྱའོ།།  
\v 5 དེའི་ཕྱིར། ཁྱོད་ནི་ཇི་ལྟར་ཉམས་པར་གྱུར་པ་ལ་ཕྱིར་དྲན་བྱ་འོས་པར་མ་ཟད། འགྱོད་བཤགས་བྱས་ཏེ་ཐོག་མར་ཅི་ལྟར་བྱས་པ་བཞིན་བྱེད་དགོས། གལ་ཏེ་ཁྱོད་ཀྱིས་འགྱོད་བཤགས་མི་བྱེད་ན། ང་རང་ཁྱོད་ཀྱི་གམ་དུ་ཡོང་ནས་སྒྲོན་སྟེགས་དེ་རང་གནས་ལས་ལེན་པར་བྱའོ།།  
\v 6 འོན་ཀྱང་། ཁྱོད་ལ་བཟང་ཆ་གཅིག་རང་ཡོད་པ་ནི། ཁྱོད་རང་ནེ་ཀོ་ལཱ་པ་རྣམས་ཀྱི་སྤྱོད་ལམ་ལ་སྡང་སེམས་ཆེ། ང་རང་ཡང་དེ་ལ་སྡང་བའོ།།   
\p
\v 7 རྣ་བ་ཡོད་པ་ཐམས་ཅད་ཀྱིས་དམ་པའི་ཐུགས་ཉིད་ཀྱིས་ཆོས་ཚོགས་ཡོངས་ལ་གསུངས་པའི་བཀའ་ལ་མཉན་པར་བྱའོ།། བདག་གིས་རྒྱལ་ཁ་ལེན་མཁན་རྣམས་ལ་དཀོན་མཆོག་གི་དགའ་བདེའི་ལྡུམ་རར་ཡོད་པའི་ཚེ་སྲོག་གི་ལྗོན་ཤིང་ལས་བཟའ་བྱར་གནང་བར་ངེས་ཞེས་གསུངས་སོ།།   
\s1 སི་མིར་ནཱ་གྲོང་ཁྱེར་གྱི་ཆོས་ཚོགས་ལ་སྤྲིངས་པའི་འཕྲིན་ཡིག  
\p
\v 8 ཡང་ཁོང་གིས་འདི་སྐད་དུ། ཁྱོད་ཀྱིས་སི་མིར་ནཱའི་ཆོས་ཚོགས་ཀྱི་ཕོ་ཉ་ལ་འཕྲིན་ཡིག་བྲིས་ཏེ་འདི་ལྟར་སྨྲ་བར་བྱའོ།། ཐོག་མ་དང་མཐའ་མ་ཡིན་ལ། སྔར་གྲོངས་ནའང་སླར་གསོན་པ་དེ་ཉིད་ཀྱིས་འདི་སྐད་དུ།  
\v 9 ངས་ཁྱོད་ཀྱི་དཀའ་སྡུག་དང་དབུལ་ཕོངས་ཤེས་ལ། དོན་དམ་དུ་ཁྱོད་ནི་ཕྱུག་པོ་ཡིན། ཡང་རང་ཉིད་ཡ་ཧུ་དཱ་པ་ཡིན་ཟེར་བ་དག་གིས་སྐུར་འདེབས་ཀྱི་གཏམ་སྨྲས་པའང་བདག་གིས་ཤེས། དོན་དངོས་སུ་དེ་དག་ནི་ཡ་ཧུ་དཱ་པ་མ་ཡིན་པར། བདུད་སཱ་ཏན་གྱི་ཚོགས་ཁག་ལ་གཏོགས་པ་ཡིན།  
\v 10 ཁྱོད་ནི་སྡུག་བསྔལ་མྱང་བར་འགྱུར་བ་ལ་འཇིགས་པར་མི་བྱའོ།། ལྟོས་དང་། བདུད་ཀྱིས་ཁྱོད་ཅག་ལས་འགའ་ཞིག་བཙོན་དུ་བཅུག་ནས་ཁྱོད་རྣམས་ལ་ཚོད་བརྟག་བྱེད་ཅིང་། ཁྱོད་ཅག་གིས་ཉིན་བཅུའི་རིང་ལ་དཀའ་སྡུག་མྱང་ངེས་ཡིན། འོན་ཀྱང་འཆི་བའི་བར་དུ་བློ་སེམས་བརྟན་པར་གྱིས་དང་། བདག་གིས་ཁྱོད་ལ་ཚེ་སྲོག་གི་ཅོད་པན་གནང་བར་བྱའོ།།   
\p
\v 11 རྣ་བ་ཡོད་པ་ཐམས་ཅད་ཀྱིས་དམ་པའི་ཐུགས་ཉིད་ཀྱིས་ཆོས་ཚོགས་ཡོངས་ལ་གསུངས་པའི་བཀའ་ལ་མཉན་པར་བྱའོ།། རྒྱལ་ཁ་ལེན་མཁན་རྣམས་ལ་འཆི་བ་ཐེངས་གཉིས་པའི་གནོད་འཚེ་ཐེབས་སུ་མི་འཇུག་པ་ཁག་ཐེག་ཡིན་ཞེས་གསུངས་སོ།།   
\s1 ཕེར་ག་མུ་གྲོང་ཁྱེར་གྱི་ཆོས་ཚོགས་ལ་སྤྲིངས་པའི་འཕྲིན་ཡིག  
\p
\v 12 ཁྱོད་ཀྱིས་ཕེར་ག་མུའི་ཆོས་ཚོགས་ཀྱི་ཕོ་ཉ་ལ་འཕྲིན་ཡིག་བྲིས་ཏེ་འདི་ལྟར་སྨྲ་བར་བྱའོ།། རལ་གྲི་རྣོན་པོ་ཁ་གཉིས་ཅན་ཐོགས་མཁན་གྱིས་འདི་སྐད་དུ།  
\v 13 ཁྱོད་ཀྱི་སྡོད་གནས་ནི་བདུད་སཱ་ཏན་གྱི་ཁྲི་ཡོད་ས་ཡིན་ཞིང་། བདག་གི་བློ་སེམས་དཀར་པོའི་དཔང་པོ་ཨན་ཏི་པཱ་ནི་ཁྱོད་ཅག་ཁྲོད་དུ་བདུད་སཱ་ཏན་སྡོད་སར་བཀྲོངས་པའི་ཉིན་མོ་དག་ལ། ཁྱོད་ཀྱིས་ད་དུང་བདག་གི་མིང་བརྟན་པོར་བསྲུངས་ཤིང་། བདག་ལ་དད་ལོག་མ་བྱས་པ་བདག་གིས་ཤེས་སོ།།   
\p
\v 14 འོན་ཀྱང་། དོན་འགའ་ཤས་ཀྱི་ཆ་ནས། བདག་གིས་ཁྱོད་ལ་སྐྱོན་འགེལ་བར་བྱའོ།། རྒྱུ་མཚན་ནི་ཁྱོད་ཅག་གི་ཁྲོད་དུ་པེལ་ཨམ་གྱི་བསླབ་བྱར་བསྟུན་མཁན་ཡོད། པེལ་ཨམ་གྱིས་སྔོན་ཆད་པཱ་ལག་ལ་ཡེས་ར་ཨེལ་གྱི་བུ་རྒྱུད་ཀྱི་མདུན་དུ་བཀག་རྡོ་བཞག་ནས། ཁོ་རྣམས་ལ་སྐུ་འདྲར་ཕུལ་བའི་མཆོད་རྫས་ཟ་བ་དང་ལོག་གཡེམ་བྱེད་པའི་བསླབ་བྱ་གནང་ཞིང་།  
\v 15 ཡང་དེ་བཞིན་དུ་ཁྱོད་ཅག་གི་ཁྲོད་དུ་མི་ཁ་ཤས་ཀྱིས་ནེ་ཀོ་ལཱ་པ་རྣམས་ཀྱི་བསླབ་བྱར་བསྟུན་པ་རེད།  
\v 16 དེའི་ཕྱིར། ཁྱོད་ཀྱིས་འགྱོད་བཤགས་བྱོས་ཤིག གལ་ཏེ་འགྱོད་བཤགས་མི་བྱེད་ན། བདག་ནི་མྱུར་བ་མྱུར་བར་ཁྱོད་ཀྱི་གམ་དུ་ཡོང་སྟེ། བདག་གི་ཁ་ནས་ཐོན་པའི་རལ་གྲིས་ཁོ་རྣམས་ལ་རྒོལ་བར་བྱའོ།།   
\p
\v 17 རྣ་བ་ཡོད་པ་ཐམས་ཅད་ཀྱིས་དམ་པའི་ཐུགས་ཉིད་ཀྱིས་ཆོས་ཚོགས་ཡོངས་ལ་གསུངས་པའི་བཀའ་ལ་མཉན་པར་བྱའོ།། རྒྱལ་ཁ་ལེན་མཁན་རྣམས་ལ་སྦས་ཤིང་གབ་པའི་མཱན་ནཱ་དེ་ལས་གནང་ངེས་པར་མ་ཟད། རྡོ་དཀར་པོ་ཞིག་ཀྱང་གནང་བར་འགྱུར་ལ། རྡོའི་ཐོག་ཏུ་མིང་གསར་པ་བརྐོས་ཤིང་། ཐོབ་མཁན་ལས་གཞན་སུས་ཀྱང་རྟོགས་པར་མི་འགྱུར་ཞེས་གསུངས་སོ།།   
\s1 ཐི་ཨ་ཏེ་རཱ་གྲོང་ཁྱེར་གྱི་ཆོས་ཚོགས་ལ་སྤྲིངས་པའི་འཕྲིན་ཡིག  
\p
\v 18 ཁྱོད་ཀྱིས་ཐི་ཨ་ཏེ་རཱ་ཡི་ཆོས་ཚོགས་ཀྱི་ཕོ་ཉ་ལ་འཕྲིན་ཡིག་བྲིས་ཏེ་འདི་ལྟར་སྨྲ་བར་བྱའོ།། སྤྱན་ཟུང་ནི་མེ་ལྕེ་དང་མཚུངས་ཤིང་ཞབས་ནི་འོད་འཕྲོ་བའི་ལི་དང་འདྲ་བའི་དཀོན་མཆོག་གི་སྲས་ཀྱིས་འདི་སྐད་དུ།  
\v 19 ཁྱོད་ཀྱིས་བྱས་པའི་ལས་དང་། བྱམས་པ། དད་སེམས། ལས་བརྩོན། བཟོད་བསྲན་བཅས་བདག་གིས་ཤེས་པར་མ་ཟད། ཁྱོད་ཀྱིས་ཕྱིས་སུ་བྱས་པའི་ལས་རྣམས་སྔར་ལས་ཀྱང་ལྷག་ཏུ་མང་བའང་ཤེས་སོ།།   
\p
\v 20 འོན་ཀྱང་། དོན་འདིའི་ཆ་ནས་བདག་གིས་ཁྱོད་ལ་སྐྱོན་འགེལ་ཏེ། རང་ཉིད་ལུང་སྟོན་པ་ཡིན་ཟེར་བའི་བུད་མེད་ཡེ་ཟི་བེལ་གྱིས་བདག་གི་ཞབས་ཕྱི་པ་རྣམས་ལ་ཁྲིད་སྟོན་དང་བསླུ་བྲིད་བྱས་ཤིང་། དེ་དག་གིས་ལོག་གཡེམ་བྱེད་པ་དང་སྐུ་འདྲར་ཕུལ་བའི་མཆོད་རྫས་ཟོས་ཀྱང་ཁྱོད་ཀྱིས་ཁོ་མོ་ལ་བཟོད་པ་སྒོམ་པའི་ཕྱིར་རོ།།  
\v 21 བདག་གིས་ཁོ་མོར་འགྱོད་བཤགས་བྱེད་པའི་གོ་སྐབས་སྤྲད་ནའང་། ཁོ་མོས་ལོག་གཡེམ་ལས་འགྱོད་བཤགས་བྱེད་པར་མི་འདོད།  
\v 22 ལྟོས་དང་། བདག་གིས་ཁོ་མོ་མལ་སར་ལྷུང་བར་བྱེད་པ་དང་། ཁོ་མོ་དང་མཉམ་དུ་ལོག་གཡེམ་བྱེད་མཁན་རྣམས་ཀྱིས་ཁོ་མོའི་སྤྱོད་ལམ་ལས་འགྱོད་བཤགས་མི་བྱེད་ན། བདག་གིས་དེ་རྣམས་ལའང་དཀའ་སྡུག་ཆེན་པོ་མྱང་དུ་འཇུག་པ་ཡིན།  
\v 23 ཡང་བདག་གིས་ཁོ་མོའི་བུ་ཕྲུག་རྣམས་འཆི་ལམ་དུ་བརྫང་བར་བྱེད་ཅིང་། བདག་ནི་མིའི་སེམས་དང་བསམ་པར་རྟོག་དཔྱོད་བྱེད་མཁན་ཡིན་པར་མ་ཟད། ཁྱོད་རྣམས་ཀྱིས་ལས་ཅི་བྱས་པ་རེ་རེ་ལ་ལན་སློག་མཁན་ཡིན་པའང་ཆོས་ཚོགས་ཡོངས་ཀྱིས་ཤེས་པར་འགྱུར་རོ།།  
\v 24 ཡང་ཁྱོད་ཅག་ཐི་ཨ་ཏེ་རཱ་ཡི་མི་གཞན་དག་སྟེ། དེ་དག་གི་བསླབ་བྱ་ལ་མི་ཉན་པ་དང་། གཞན་རྣམས་གྱིས་རྒྱུན་དུ་གླེང་བའི་བདུད་སཱ་ཏན་གྱི་གསང་བ་ཟེར་བ་མི་རྟོགས་པ་ཐམས་ཅད་ལ། བདག་གིས་ཁུར་བོ་གཞན་ཞིག་ཁྱོད་ཅག་གི་ཕྲག་ལ་མི་འགེལ་ཞེས་སྨྲ་བ་ཡིན།  
\v 25 འོན་ཀྱང་། ཁྱོད་ཅག་ལ་ཅི་ཞིག་ཡོད་པ་དེ་ང་རང་ཡོང་བའི་བར་དུ་བརྟན་པོར་བསྲུང་བར་བྱའོ།།   
\p
\v 26 རྒྱལ་ཁ་ལེན་ཞིང་བདག་གི་འཕྲིན་ལས་རྣམས་མཐར་ཐུག་བར་དུ་སྲུང་མཁན་ལ། བདག་གིས་རྒྱལ་ཁབ་ཁག་ལ་དབང་བསྒྱུར་བའི་མངའ་ཐང་གནང་བར་བྱ་སྟེ།  
\v 27 བདག་ལ་རང་གི་ཡབ་ལས་དབང་ཐང་ཐོབ་པ་བཞིན། ཁོས་ལྕགས་དབྱུག་བཟུང་ནས་དེ་རྣམས་ལ་དབང་བསྒྱུར་ཅིང་དེ་དག་རྫ་ཆས་རྡུལ་དུ་བརླག་པ་བཞིན་དུ་འགྱུར་ཞིང་།  
\v 28 ཡང་བདག་གིས་ཐོ་རེངས་སྐར་ཆེན་ཁོ་ལ་གནང་བར་བྱའོ།།  
\v 29 རྣ་བ་ཡོད་པ་ཐམས་ཅད་ཀྱིས་དམ་པའི་ཐུགས་ཉིད་ཀྱིས་ཆོས་ཚོགས་ཡོངས་ལ་གསུངས་པའི་བཀའ་ལ་མཉན་པར་བྱའོ་ཞེས་གསུངས་སོ།།   
\c 3
\cl ལེའུ་གསུམ་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 སཱར་དི་གྲོང་ཁྱེར་གྱི་ཆོས་ཚོགས་ལ་སྤྲིངས་པའི་འཕྲིན་ཡིག  
\p
\v 1 ཡང་ཁོང་གིས་འདི་སྐད་དུ། ཁྱོད་ཀྱིས་སཱར་དིའི་ཆོས་ཚོགས་ཀྱི་ཕོ་ཉ་ལ་འཕྲིན་ཡིག་བྲིས་ཏེ་འདི་ལྟར་སྨྲ་བར་བྱའོ།། དཀོན་མཆོག་གི་ཐུགས་ཉིད་བདུན་དང་སྐར་མ་བདུན་ཡོད་པ་དེ་ཉིད་ཀྱིས་འདི་སྐད་དུ། ངས་ཁྱོད་ཀྱི་སྤྱོད་ལམ་ཤེས་ཏེ། མིང་གི་ཆ་ནས་ཁྱོད་ནི་གསོན་པོ་ཡིན་ཡང་དོན་གྱིས་ཁྱོད་ནི་ཤི་ཟིན་ཏོ།།  
\v 2 ཁྱོད་ཀྱིས་དོགས་ཟོན་གྱིས་ཏེ། ཉམས་པར་འགྱུར་ལ་ཉེ་བའི་དོན་དག་ལྷག་ལུས་རྣམས་བརྟན་པར་བྱའོ།། ཅིའི་ཕྱིར་ཞེ་ན། ངའི་དཀོན་མཆོག་གི་སྤྱན་སྔར་ཁྱོད་ཀྱི་སྤྱོད་ལམ་ལས་ཡོངས་སུ་རྫོགས་པ་བདག་གིས་མ་མཐོང་བས་སོ།།  
\v 3 དེའི་ཕྱིར། ཁྱོད་ཀྱིས་ཇི་ལྟར་དང་དུ་བླངས་ཤིང་ཇི་ལྟར་ཐོས་པ་བཅས་ནི་ཕྱིར་དྲན་བྱས་ནས་བསྲུང་དགོས་པར་མ་ཟད། འགྱོད་བཤགས་བྱེད་པར་བྱའོ།། གལ་ཏེ་ཁྱོད་ཀྱིས་དོགས་ཟོན་མ་བྱས་ན། བདག་ནི་རྐུན་པོ་གློ་བུར་སླེབས་པ་ལྟར་ཁྱོད་ཀྱི་གམ་དུ་ཡོང་ངེས་ཤིང་། བདག་ནི་དུས་ནམ་ཞིག་ལ་ཡོང་བ་ཁྱོད་ཀྱིས་གཏན་ནས་ཤེས་མི་སྲིད་དོ།།   
\p
\v 4 འོན་ཀྱང་། ཁྱོད་ལ་སཱར་དི་རུ་ད་དུང་རང་གི་གྱོན་གོས་བཙོག་པར་མ་བཟོས་པའི་མི་འགའ་ཡོད་ལ། ཁོ་རྣམས་ཀྱིས་གོས་དཀར་པོ་གྱོན་ནས་བདག་དང་མཉམ་དུ་བསྐྱོད་པར་ངེས། རྒྱུ་མཚན་ནི་དེ་དག་འོས་ཤིང་འཚམ་པའོ།།  
\v 5 རྒྱལ་ཁ་ལེན་མཁན་རྣམས་ཀྱིས་དེ་ལྟར་གོས་དཀར་པོ་གྱོན་པར་འགྱུར་ཞིང་། བདག་གིས་ཀྱང་ཚེ་སྲོག་གི་གླེགས་བམ་ལས་དེ་རྣམས་ཀྱི་མིང་གསུབ་པར་མི་བྱེད་ལ། བདག་གི་ཡབ་དང་ཁོང་གི་ཕོ་ཉའི་ཚོགས་ཀྱི་སྤྱན་དྲུང་དུ། མི་དེའི་མིང་ཡང་ཁས་ལེན་པར་འགྱུར་རོ།།  
\v 6 རྣ་བ་ཡོད་པ་ཐམས་ཅད་ཀྱིས་དམ་པའི་ཐུགས་ཉིད་ཀྱིས་ཆོས་ཚོགས་ཡོངས་ལ་གསུངས་པའི་བཀའ་ལ་མཉན་པར་བྱའོ་ཞེས་གསུངས་སོ།།   
\s1 ཕི་ལཱ་དེལ་ཕི་ཨ་གྲོང་ཁྱེར་གྱི་ཆོས་ཚོགས་ལ་སྤྲིངས་པའི་འཕྲིན་ཡིག  
\p
\v 7 ཡང་ཁོང་གིས་འདི་སྐད་དུ། ཁྱོད་ཀྱིས་ཕི་ལཱ་དེལ་ཕི་ཨའི་ཆོས་ཚོགས་ཀྱི་ཕོ་ཉ་ལ་འཕྲིན་ཡིག་བྲིས་ཏེ་འདི་ལྟར་སྨྲ་བར་བྱའོ།། དམ་པ་དང་། བདེན་པ། དཱ་བིད་ཀྱི་ལྡེ་མིག་ཕྱག་ཏུ་ཐོགས་པ། ཕྱེ་བར་མཛད་ན་རྒྱག་ཐུབ་མཁན་མེད་པ། བརྒྱབ་པར་མཛད་ན་འབྱེད་ཐུབ་མཁན་མེད་པ་དེ་ཉིད་ཀྱིས་འདི་སྐད་དུ།  
\v 8 ཁྱོད་ཀྱིས་བྱས་པའི་ལས་བདག་གིས་ཤེས་སོ།། ལྟོས་དང་། ཁྱོད་ལ་སྟོབས་ཤུགས་ཉུང་ཙམ་ལས་མེད་ནའང་། ཁྱོད་ཀྱིས་བདག་གི་བཀའ་བརྩིས་པ་དང་། བདག་གི་མིང་ཡང་ཁས་བླངས་པས། བདག་གིས་ཁྱོད་ཀྱི་མདུན་དུ་སྒོ་ཕྱེས་པ་ཞིག་གནང་སྟེ། སྒོ་དེ་ནི་སུས་ཀྱང་རྒྱག་མི་ནུས་སོ།།  
\v 9 ལྟོས་དང་། བདུད་སཱ་ཏན་གྱི་ཚོགས་ཁག་ལ་གཏོགས་པ་རྣམས་ཀྱིས་རང་ཉིད་ནི་ཡ་ཧུ་དཱ་པ་ཡིན་ཟེར་ཡང་། དོན་དམ་དུ་ཡ་ཧུ་དཱ་པ་མ་ཡིན་པར་རྫུན་སྨྲ་མཁན་ཡིན། ངས་ཁོ་རྣམས་ཁྱོད་ཀྱི་ཞབས་དྲུང་དུ་ཡོང་ནས་ཕྱག་འཚལ་བ་དང་། བདག་གིས་ཁྱོད་ལ་གཅེས་པ་ནི་ཁོ་རྣམས་ལ་ཤེས་སུ་འཇུག་པར་ངེས།  
\v 10 ཁྱོད་ཀྱིས་བདག་གི་བཟོད་བསྲན་དགོས་པའི་བཀའ་བསྲུངས་པས། འཇིག་རྟེན་ཡོངས་སུ་ཚོད་བརྟག་དང་འཕྲད་པའི་དུས་ཏེ། ས་སྟེང་དུ་གནས་པའི་མི་རྣམས་ལ་ཚོད་བརྟག་ཐེབས་པའི་དོན་དེ་ལས་བདག་གིས་ཁྱོད་རང་བསྲུང་བར་འགྱུར་རོ།།   
\p
\v 11 བདག་ནི་མྱུར་བ་མྱུར་དུ་ཡོང་ངེས་ལ། ཁྱོད་ཀྱི་ཅོད་པན་མི་གཞན་གྱིས་མི་འཕྲོག་པའི་ཕྱིར། ཁྱོད་ཀྱིས་རང་ལ་ཅི་ཡོད་པ་ཐམས་ཅད་བརྟན་པོར་བསྲུང་དགོས་སོ།།  
\v 12 བདག་གིས་རྒྱལ་ཁ་ལེན་མཁན་གང་ཞིག་ནི་ངའི་དཀོན་མཆོག་གི་མཆོད་ཁང་དུ་ཀ་བར་བསྐོ་བ་དང་། ཁོ་རང་ནམ་ཡང་དེ་ནས་ཕྱིར་འགྲོ་བར་མི་བྱའོ།། ཡང་ངས་རང་ཉིད་ཀྱི་དཀོན་མཆོག་གི་མཚན་དང་། ངའི་དཀོན་མཆོག་གི་གྲོང་ཁྱེར་གྱི་མིང་སྟེ། ནམ་མཁའི་ཞིང་ཁམས་དང་ངའི་དཀོན་མཆོག་ལས་མར་འབབ་པའི་ཡེ་རུ་སཱ་ལེམ་གསར་པ། བདག་གི་མིང་གསར་པ་བཅས་ནི་མི་དེའི་ལུས་སྟེང་དུ་འབྲི་བར་འགྱུར་རོ།།  
\v 13 རྣ་བ་ཡོད་པ་ཐམས་ཅད་ཀྱིས་དམ་པའི་ཐུགས་ཉིད་ཀྱིས་ཆོས་ཚོགས་ཡོངས་ལ་གསུངས་པའི་བཀའ་ལ་མཉན་པར་བྱའོ་ཞེས་གསུངས་སོ།།   
\s1 ལའོ་དི་ཀེ་ཡཱ་གྲོང་ཁྱེར་གྱི་ཆོས་ཚོགས་ལ་སྤྲིངས་པའི་འཕྲིན་ཡིག  
\p
\v 14 ཡང་ཁོང་གིས་འདི་སྐད་དུ། ཁྱོད་ཀྱིས་ལའོ་དི་ཀེ་ཡཱའི་ཆོས་ཚོགས་ཀྱི་ཕོ་ཉ་ལ་འཕྲིན་ཡིག་བྲིས་ཏེ་འདི་ལྟར་སྨྲ་བར་བྱའོ།། ཨ་མེན་ཞེས་འབོད་ཅིང་། ཡིད་རྟོན་རུང་ཞིང་དྲང་བདེན་གྱི་དཔང་པོ། དཀོན་མཆོག་གིས་བསྐྲུན་པའི་དངོས་པོ་ཐམས་ཅད་ཀྱི་འབྱུང་ཁུངས་ཡིན་པ་དེ་ཉིད་ཀྱིས་འདི་སྐད་དུ།  
\v 15 ཁྱོད་ཀྱིས་བྱས་པའི་ལས་བདག་གིས་ཤེས་ཏེ། ཁྱོད་ནི་གྲང་བ་མིན་ལ་ཚ་བའང་མིན། ངས་ཁྱོད་ནི་གྲང་བའམ་ཡང་ན་ཚ་བ་ཡིན་ན་ཅི་མ་རུང་སྙམ།  
\v 16 ཁྱོད་ནི་ཆུ་དྲོད་འཇམ་ཞིག་དང་འདྲ་སྟེ། གྲང་བ་མ་ཡིན་ལ་ཚ་བའང་མིན་པས། བདག་གིས་རང་གི་ཁ་ནས་ཁྱོད་རང་བསྐྱུག་ངེས་ཡིན།  
\v 17 ཁྱོད་ན་རེ། ང་ནི་ཕྱུག་ཅིང་རྒྱུ་ནོར་འཛོམས་པས་ཅི་ཡང་མི་མཁོ་ཞེས་ཟེར་ཡང་། དོན་དམ་དུ་ཁྱོད་ནི་ཐ་ཤལ་བ་དང་། ཉམ་ང་བ། དབུལ་ཕོངས། ལོང་བ། གཅེར་བུ་བཅས་ཡིན་པ་ཁྱོད་ཀྱིས་མི་ཤེས་སོ།།  
\v 18 བདག་གིས་ཁྱོད་ལ་བློ་འདོན་པར་བྱ་སྟེ། ཁྱོད་ནི་ཕྱུག་པོར་འགྱུར་བའི་ཕྱིར། བདག་ལས་མེས་བཙོ་སྦྱང་བྱས་པའི་གསེར་ཉོ་བར་གྱིས། ཡང་ཁྱོད་ཀྱི་ལུས་པོ་གཅེར་བུ་ཡིན་པའི་ངོ་ཚ་དེ་མི་མངོན་པའི་ཕྱིར། གོས་དཀར་པོ་ཉོས་ནས་གྱོན་ཞིག ཡང་ཁྱོད་ཀྱི་མིག་གིས་མཐོང་བའི་ཕྱིར། མིག་སྨན་ཉོས་ནས་མིག་ལ་བྱུག་པར་བྱའོ།།   
\p
\v 19 བདག་གིས་གཅེས་སུ་འཛིན་པ་རྣམས་ལ་གཤེ་གཤེ་གཏོང་ཞིང་བསླབ་བྱ་གནང་བ་ཡིན་པས། ཁྱོད་ཀྱིས་ངར་ཤུགས་བསྐྱེད་པ་དང་འགྱོད་བཤགས་ཀྱང་བྱེད་དགོས་སོ།།  
\v 20 ལྟོས་དང་། བདག་ནི་སྒོ་ཁར་འགྲེང་ཞིང་སྒོ་རྡུང་བཞིན་ཡོད། གལ་ཏེ། སུ་ཞིག་གིས་ངའི་སྐད་ཐོས་པ་དང་སྒོ་ཕྱེས་པ་ཡིན་ན། ང་རང་དེའི་ནང་དུ་ཞུགས་ཏེ་ཁོ་དང་མཉམ་དུ་ཁ་ཟས་ལ་རོལ་བར་བྱའོ།།   
\p
\v 21 ངས་རྒྱལ་ཁ་ལེན་མཁན་རྣམས་རང་གི་བཞུགས་ཁྲིའི་སྟེང་ང་དང་མཉམ་དུ་སྡོད་པར་བྱའོ།། དེ་ནི་བདག་ལ་རྒྱལ་ཁ་ཐོབ་སྟེ་རང་གི་ཡབ་ཀྱི་བཞུགས་ཁྲིའི་སྟེང་ཁོང་དང་མཉམ་དུ་བསྡད་པ་བཞིན་ཡིན་ནོ།།  
\v 22 རྣ་བ་ཡོད་པ་ཐམས་ཅད་ཀྱིས་དམ་པའི་ཐུགས་ཉིད་ཀྱིས་ཆོས་ཚོགས་ཡོངས་ལ་གསུངས་པའི་བཀའ་ལ་མཉན་པར་བྱའོ་ཞེས་གསུངས་སོ།།   
\c 4
\cl ལེའུ་བཞི་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ནམ་མཁའི་ཞིང་ཁམས་ཀྱི་བཞུགས་ཁྲི།  
\p
\v 1 དོན་དེ་དག་བྱུང་བའི་རྗེས་སུ་བདག་གིས་ཕར་བལྟས་པ་ན། ལྟོས་དང་། ནམ་མཁའི་ཞིང་ཁམས་སུ་སྒོ་ཞིག་ཕྱེས་འདུག་པ་མཐོང་ངོ་།། བདག་གིས་ཐེངས་དང་པོར་དུང་སྐད་ལྟ་བུའི་སྒྲ་ཞིག་ཐོས་ཤིང་བདག་ལ་འདི་སྐད་དུ། ཁྱོད་རང་ཡར་ཤོག་དང་། བདག་གིས་དོན་དེ་དག་གི་རྗེས་སུ་འབྱུང་བར་འགྱུར་བའི་དོན་རྣམས་ཁྱོད་ལ་སྟོན་པར་བྱའོ་ཞེས་གསུངས།  
\v 2 དེ་མ་ཐག་ཏུ། ང་རང་དམ་པའི་ཐུགས་ཉིད་ཀྱི་ནང་དུ་དྲངས་ཤིང་། ལྟོས་དང་། ནམ་མཁའི་ཞིང་ཁམས་སུ་བཞུགས་ཁྲི་ཞིག་འདུག་ལ། བཞུགས་ཁྲི་དེའི་སྟེང་དུ་གང་ཞིག་བཞུགས་ཡོད་པ་མཐོང་ངོ་༎  
\v 3 བཞུགས་འདུག་པ་དེ་ཉིད་ཕར་བལྟས་ན་གཡང་ཊི་སྔོན་པོ་དང་པད་མ་རཱ་ག་དམར་པོ་དང་མཚུངས་ཤིང་། བཞུགས་ཁྲིའི་མཐའ་འཁོར་དུ་འཇའ་ཚོན་ཡང་ཤར་ཡོད་ལ། དེ་ནི་མ་རྒད་ལྗང་ཁུའི་མདངས་དང་མཚུངས།  
\v 4 བཞུགས་ཁྲིའི་མཐའ་འཁོར་དུ་ཁྲི་གཞན་ཉེར་བཞི་ཡོད་ལ། ཁྲི་དེ་དག་གི་སྟེང་དུ་རྒན་པོ་ཉེར་བཞི་བཞུགས་ཡོད་པ་མཐོང་ཞིང་། གོས་དཀར་པོ་མནབས་པ་དང་དབུ་ལ་གསེར་གྱི་ཅོད་པན་གསོལ་ཡོད།  
\v 5 བཞུགས་ཁྲི་དེ་ལས་གློག་དམར་འཁྱུག་ཅིང་ལྡིར་སྒྲ་སྒྲོག་པ་དང་འབྲུག་སྒྲ་གྲགས། ཡང་བཞུགས་ཁྲིའི་མདུན་དུ་དཔལ་འབར་བདུན་སྦར་ཡོད་ལ། དེ་དག་ནི་དཀོན་མཆོག་གི་ཐུགས་ཉིད་བདུན་ཡིན་ནོ།།  
\v 6 བཞུགས་ཁྲིའི་མདུན་དུ་ཤེལ་གྱི་རྒྱ་མཚོ་ལྟ་བུ་ཞིག་ཡོད་ལ། དེ་ནི་ཆུ་ཤེལ་དང་མཚུངས། བཞུགས་ཁྲིའི་དཀྱིལ་དབུས་དང་བཞུགས་ཁྲིའི་མཐའ་འཁོར་དུ་སེམས་ཅན་བཞི་ཡོད་ལ། དེ་དག་ནི་ལུས་པོའི་མདུན་རྒྱབ་ཡོངས་ལ་མིག་གིས་གང་འདུག་གོ།  
\v 7 སེམས་ཅན་དང་པོ་ནི་སེང་གེ་དང་མཚུངས། སེམས་ཅན་གཉིས་པ་ནི་བ་ཕྲུག་དང་མཚུངས། སེམས་ཅན་གསུམ་པའི་ཞལ་རས་ནི་མིའི་ངོ་གདོང་དང་མཚུངས། སེམས་ཅན་བཞི་པ་ནི་ནམ་འཕང་སྐྱོད་པའི་གླག་དང་མཚུངས།  
\v 8 སེམས་ཅན་བཞི་པོ་རེ་རེ་ལ་གཤོག་པ་དྲུག་རེ་ཡོད་པ་དང་། ལུས་པོའི་ཕྱི་ནང་ཀུན་ལ་མིག་གིས་གང་ཞིང་། དེ་དག་གིས་ཉིན་མཚན་མེད་པར་འདི་སྐད་དུ།  
\q1 དམ་པ་དམ་པ་དམ་པ་སྟེ།།  
\q1 གཙོ་བོ་ཀུན་དབང་དཀོན་མཆོག་ནི།།  
\q1 ད་ལྟ་བཞུགས་ཤིང་སྔར་མཆིས་པ།།  
\q1 ཕེབས་པར་ངེས་པ་ཉིད་ལགས་སོ།།  
\m ཞེས་གསུངས་སོ།།  
\v 9 དེ་ནས་ཡང་སེམས་ཅན་བཞི་པོས་བཞུགས་ཁྲི་སྟེང་དུ་བཞུགས་ཤིང་ཇི་སྲིད་བར་དུ་གསོན་པོར་བཞུགས་པ་དེ་ཉིད་ལ་བསྟོད་བསྔགས་དང་། བསྙེན་བཀུར། བཀའ་དྲིན་བཅས་འབུལ་བའི་སྐབས་སུ།  
\v 10 རྒན་པོ་ཉེར་བཞིས་བཞུགས་ཁྲིའི་སྟེང་དུ་བཞུགས་པ་དེ་ཉིད་ཀྱི་དྲུང་དུ་ཕྱག་འཚལ་ཞིང་། ཇི་སྲིད་བར་དུ་གསོན་པོར་བཞུགས་པ་དེ་ཉིད་ལ་བསྟོད་བསྔགས་བརྗོད་པ་དང་། ཡང་ཁོང་རྣམས་ཀྱིས་རང་གི་ཅོད་པན་བཞུགས་ཁྲིའི་མདུན་དུ་བཞག་སྟེ་འདི་སྐད་དུ།   
\q1
\v 11 ཀྱེ་ཀྱེ་ང་ཚོའི་གཙོ་བོ་དང་༎  
\q1 ང་ཚོའི་དཀོན་མཆོག་ཁྱེད་རང་ལགས།།  
\q1 བསྟོད་བསྔགས་དང་ནི་བསྙེན་བཀུར་དང་།།  
\q1 དབང་ཐང་ཁྱེད་ལ་འོས་ཤིང་འབྱོར།།  
\q1 ཅིའི་ཕྱིར་ཞེ་ན་འདི་ལྟ་སྟེ།།  
\q1 ཁྱེད་ཀྱིས་ཐམས་ཅད་བསྐྲུན་པ་ནི།།  
\q1 ཐུགས་དགོངས་བཞིན་དུ་གྲུབ་ཅིང་གནས།།  
\m ཞེས་གསུངས་སོ།།   
\c 5
\cl ལེའུ་ལྔ་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཤོག་དྲིལ་དང་ལུ་གུ  
\p
\v 1 དེ་ནས་བདག་གིས་བཞུགས་ཁྲིའི་སྟེང་དུ་བཞུགས་པ་དེ་ཉིད་ཀྱི་ཕྱག་གཡས་པར་ཤོག་དྲིལ་ཐོགས་ཤིང་། ཤོག་དྲིལ་གྱི་ཕྱི་ནང་གཉིས་ཀར་ཡི་གེ་བྲིས་ཏེ་ཐམ་ག་བདུན་བཀོད་ནས་སྦྱར་ཡོད་པ་མཐོང་ངོ་༎  
\v 2 ཡང་ཕོ་ཉ་ནུས་མཐུ་ཅན་ཞིག་གིས་སྐད་ཆེན་པོས་འདི་སྐད་དུ། ཤོག་དྲིལ་འདིའི་ཁ་འབྱེད་པ་དང་ཐམ་ག་བདུན་པོ་འགོག་པར་འོས་པ་སུ་ཡོད་ཅེས་སྒྲོག་པ་བདག་གིས་མཐོང་།  
\v 3 ཡང་ནམ་མཁའི་ཞིང་ཁམས་དང་། ས་སྟེང་། ས་འོག་བཅས་ནས་ཤོག་དྲིལ་གྱི་ཁ་འབྱེད་པ་དང་དེར་བལྟ་ནུས་མཁན་གཅིག་ཀྱང་མ་བྱུང་ངོ་༎  
\v 4 དེ་ནས་ཤོག་དྲིལ་གྱི་ཁ་འབྱེད་འོས་མཁན་དང་བལྟ་འོས་མཁན་མ་རྙེད་པས་བདག་ནི་རབ་ཏུ་ངུས་ཤིང་།  
\v 5 རྒན་པོ་རྣམས་ལས་གཅིག་གིས་བདག་ལ་འདི་སྐད་དུ། ངུ་བར་མི་བྱའོ།། ལྟོས་དང་། ཡ་ཧུ་དཱའི་ཚོ་ཁག་གི་སེངྒེ་དང་དཱ་བིད་རིགས་རྒྱུད་ཀྱི་རྩ་བས་རྒྱལ་ཁ་བླངས་ཟིན་པས། ཁོང་གིས་ཤོག་དྲིལ་གྱི་ཁ་འབྱེད་པ་དང་དེའི་ཐམ་ག་བདུན་པོ་འགོག་ནུས་པ་ཡིན་ཞེས་གསུངས་སོ།།   
\p
\v 6 དེ་ནས་ཡང་བདག་གིས་བཞུགས་ཁྲི་དང་སེམས་ཅན་བཞི་པོ། རྒན་པོ་བཅས་ཀྱི་ཁྲོད་དུ་ལུ་གུ་ཞིག་ཡར་ལངས་འདུག་པ་མཐོང་ཞིང་། ལུ་གུ་དེ་ནི་བསད་མྱོང་བ་ཞིག་དང་མཚུངས་སོ།། དེ་ལ་རྭ་ཅོ་བདུན་དང་མིག་བདུན་ཡོད་ལ། མིག་བདུན་པོ་ནི་འཇིག་རྟེན་ཡོངས་ལ་མངགས་པའི་དཀོན་མཆོག་གི་ཐུགས་ཉིད་བདུན་ཡིན་ནོ༎  
\v 7 དེ་ནས་ལུ་གུ་ཕར་སོང་ནས་བཞུགས་ཁྲིའི་སྟེང་དུ་བཞུགས་པ་དེ་ཉིད་ཀྱི་ཕྱག་གཡས་པ་ནས་ཤོག་དྲིལ་ཚུར་བླངས་པ་དང་།  
\v 8 ཁོང་གིས་ཤོག་དྲིལ་ཕྱག་ཏུ་བཟུང་བ་ན། སེམས་ཅན་བཞི་པོ་དང་རྒན་པོ་ཉེར་བཞིས་ལུ་གུའི་མདུན་དུ་ཕྱག་བཙལ་ཞིང་། དེ་དག་སོ་སོས་ཕྱག་ཏུ་རྒྱུད་མངས་ཐོགས་པ་དང་སྤོས་ཀྱིས་གང་བའི་གསེར་གྱི་ཕོར་བ་བཟུང་བ་དང་། སྤོས་ནི་དད་ལྡན་དམ་པ་རྣམས་ཀྱི་སྨོན་ལམ་ཡིན་ལ།  
\v 9 ཁོང་རྣམས་ཀྱིས་བསྟོད་དབྱངས་གསར་པ་ལེན་བཞིན་འདི་སྐད་དུ།  
\q1 ཁྱེད་ནི་ཤོག་དྲིལ་ལེན་ལ་འོས་ཤིང་འབྱོར།།  
\q1 ཁྱེད་ནི་དེ་ཡི་ཐམ་ག་འགོག་ལ་འཚམ།།  
\q1 ཁྱེད་ནི་དེ་སྔར་སྐུ་བཀྲོངས་མྱོང་བ་དང་།།  
\q1 ཁྱེད་ཀྱིས་རང་གི་སྐུ་ཁྲག་བཞུར་བ་ལས།།  
\q1 ཚོ་པ་སྐད་རིགས་མི་སྡེ་སོ་སོ་དང་།།  
\q1 མི་རིགས་སོ་སོ་ནས་ཀྱང་མི་རྣམས་ནི༎  
\q1 དཀོན་མཆོག་ཁོང་ཉིད་དོན་དུ་བླུས་པས་སོ།།   
\q1
\v 10 གཞན་ཡང་དེ་རྣམས་རང་རེའི་དཀོན་མཆོག་གི།  
\q1 རྒྱལ་སྲིད་དང་ནི་མཆོད་དཔོན་དུ་མཛད་ཅིང་།།  
\q1 ས་གཞིའི་སྲིད་འཛིན་མཁན་དུ་འགྱུར་བ་འོ།།  
\m ཞེས་པའོ།།   
\p
\v 11 ཡང་བདག་གིས་ཕར་བལྟས་པ་ན། བཞུགས་ཁྲི་དང་སེམས་ཅན། རྒན་པོ་བཅས་མཐོང་ཞིང་། དེ་དག་གི་མཐའ་འཁོར་དུ་ཕོ་ཉ་མང་པོའི་གསུང་སྐད་ཐོས་པ་དང་། ཕོ་ཉའི་གྲངས་ཀ་ནི་ཁྲི་ཁྲི་འབུམ་འབུམ་མཆིས་སོ།།  
\v 12 དེ་རྣམས་ཀྱིས་སྐད་ཆེན་པོས་འདི་སྐད་དུ།  
\q1 དེ་སྔར་སྐུ་སྲོག་བཀྲོངས་པའི་ལུ་གུ་ནི།།  
\q1 དབང་ཐང་ཁྱད་ནོར་མཁྱེན་རབ་ནུས་མཐུ་དང་།།  
\q1 བསྙེན་བཀུར་གཟི་བརྗིད་བསྟོད་བསྔགས་འབུལ་བ་བཅས།།  
\q1 ཁྱེད་ལ་འོས་ཤིང་འབྱོར་བ་ཡིན་ལགས་སོ།།  
\m ཞེས་གསུངས་སོ།།  
\v 13 ཡང་ནམ་མཁའི་ཞིང་ཁམས་དང་། ས་སྟེང་། ས་འོག རྒྱ་མཚོ་བཅས་དང་། དེ་རྣམས་ཀྱི་ནང་དུ་ཡོད་པའི་བསྐྲུན་པའི་དངོས་པོ་ཐམས་ཅད་ན་རེ།  
\q1 བསྔགས་བརྗོད་བསྙེན་བཀུར་གཟི་བརྗིད་མངའ་ཐང་བཅས།།  
\q1 བཞུགས་ཁྲིར་བཞུགས་མཁན་ཁོང་དང་ལུ་གུ་ལ།།  
\q1 ཇི་སྲིད་བར་དུ་ཕུལ་ཞིང་འབུལ་བར་སྨོན།།  
\m ཞེས་སྨྲས་པ་བདག་གིས་ཐོས་སོ།།  
\v 14 དེ་ནས་སེམས་ཅན་བཞི་པོས་འདི་སྐད་དུ། ཨ་མེན་ཞེས་གསུངས་ཤིང་། རྒན་པོ་རྣམས་ཀྱིས་ཀྱང་ཕྱག་བཙལ་ནས་བསྟོད་བསྔགས་བརྗོད་དོ༎   
\c 6
\cl ལེའུ་དྲུག་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཐམ་གའི་སྐོར།  
\p
\v 1 དེ་ནས་ལུ་གུས་ཐམ་ག་བདུན་པོ་ལས་གཅིག་གི་ཁ་འབྱེད་བཞིན་པ་བདག་གིས་མཐོང་བ་དང་། སེམས་ཅན་བཞི་པོ་ལས་སེམས་ཅན་གཅིག་གིས་འདི་སྐད་དུ། ཤོག་དང་ཞེས་གསུངས་པ་ཐོས་ཤིང་། ཁོང་གི་སྐད་ནི་འབྲུག་སྒྲ་དང་མཚུངས་སོ།།  
\v 2 དེ་ནས་བདག་གིས་ཕར་བལྟས་པ་ན། ལྟོས་དང་། རྟ་དཀར་པོ་ཞིག་མཐོང་ཞིང་། རྟ་ལ་ཞོན་མཁན་གྱིས་ལག་ཏུ་གཞུ་བཟུང་ཡོད་ལ། དེ་ལ་ཅོད་པན་ཡང་བསྩལ་ཡོད། དེ་ནི་རྒྱལ་ཞིང་རྣམ་པར་རྒྱལ་བའི་ཕྱིར་ཕྱི་རོལ་ཏུ་ཐོན་ནོ།།   
\p
\v 3 དེ་ནས་ལུ་གུས་ཐམ་ག་གཉིས་པ་ཁ་འབྱེད་པའི་དུས་སུ། སེམས་ཅན་གཉིས་པས་འདི་སྐད་དུ། ཤོག་དང་ཞེས་གསུངས་པ་བདག་གིས་ཐོས་སོ༎  
\v 4 དེ་ནས་རྟ་གཞན་ཞིག་ཕྱི་རོལ་ཏུ་ཐོན་པ་དང་། དེ་ནི་རྟ་རྐྱང་རྐྱང་ཞིག་ཡིན། རྟ་ལ་ཞོན་མཁན་དེར་ས་སྟེང་གི་ཞི་བདེ་ལེན་པར་བྱེད་པ་དང་། མི་རྣམས་ཕན་ཚུན་གསོད་རེས་བྱེད་དུ་འཇུག་པའི་དབང་ཤུགས་བསྩལ་ཡོད་ལ། རལ་གྲི་ཆེན་པོ་ཞིག་ཀྱང་གནང་ངོ་།།   
\p
\v 5 དེ་ནས་ལུ་གུས་ཐམ་ག་གསུམ་པ་ཁ་འབྱེད་པའི་དུས་སུ། སེམས་ཅན་གསུམ་པས་འདི་སྐད་དུ། ཤོག་དང་ཞེས་གསུངས་པ་བདག་གིས་ཐོས་སོ༎ དེ་ནས་བདག་གིས་ཕར་བལྟས་པ་ན། ལྟོས་དང་། རྟ་ནག་པོ་ཞིག་མཐོང་ཞིང་། རྟ་ལ་ཞོན་མཁན་གྱིས་ལག་ཏུ་རྒྱ་སྲང་ཞིག་བཟུང་ཡོད།  
\v 6 སེམས་ཅན་བཞི་པོའི་ཁྲོད་ནས་སྐད་སྒྲ་ལྟ་བུ་ཞིག་གྲགས་ཏེ་འདི་སྐད་དུ། གྲོ་བྲེ་གང་གི་རིན་གོང་ནི་དངུལ་སྒོར་གཅིག་དང་། ནས་བྲེ་གསུམ་གྱི་རིན་གོང་ནི་དངུལ་སྒོར་གཅིག་ཡིན། སྣུམ་དང་རྒུན་ཆང་ནི་འཕྲོ་བརླག་ཏུ་གཏོང་མི་རུང་ཞེས་གསུངས་པ་བདག་གིས་ཐོས་སོ།།   
\p
\v 7 དེ་ནས་ལུ་གུས་ཐམ་ག་བཞི་པ་ཁ་འབྱེད་པའི་དུས་སུ། སེམས་ཅན་བཞི་པས་འདི་སྐད་དུ། ཤོག་དང་ཞེས་གསུངས་པ་བདག་གིས་ཐོས་སོ༎  
\v 8 དེ་ནས་བདག་གིས་ཕར་བལྟས་པ་ན། ལྟོས་དང་། རྟ་སྐྱ་བོ་ཞིག་མཐོང་ཞིང་། རྟ་ལ་ཞོན་མཁན་གྱི་མིང་ལ་འཆི་བ་ཟེར། གཤིན་པོའི་གནས་ཀྱང་དེའི་རྗེས་སུ་འབྲང་ཡོད། དེ་རྣམས་ལ་རལ་གྲི་དང་། མུ་གེ ནད་ཡམས། གཅན་གཟན་བཅས་བཀོལ་ནས། ས་སྟེང་གི་མི་རྣམས་ལས་བཞི་ཆའི་གཅིག་གསོད་པའི་དབང་ཤུགས་བསྩལ་ཡོད་དོ།།   
\p
\v 9 དེ་ནས་ལུ་གུས་ཐམ་ག་ལྔ་པ་ཁ་འབྱེད་པའི་དུས་སུ། མཆོད་ཁྲིའི་འོག་ཏུ་དཀོན་མཆོག་གི་བཀའ་ཡི་ཆེད་དང་ཁོང་ལ་བདེན་དཔང་བྱེད་པའི་ཕྱིར་བཀྲོངས་པ་རྣམས་ཀྱི་རྣམ་ཤེས་བདག་གིས་མཐོང་ངོ་།།  
\v 10 དེ་དག་གིས་སྐད་ཆེན་པོས་འདི་ལྟར་སྨྲས་པ། ཀྱེ། དམ་པ་དང་བདེན་པ་ཡི་བདག་པོ་ལགས། ཁྱེད་ཀྱིས་ས་སྟེང་གི་མི་རྣམས་ལ་ཉེས་ཆད་མི་གཅོད་ཅིང་། ངེད་ཅག་གི་ཁྲག་བཞུར་བ་ལ་སྲོག་ལན་ཡང་མི་འཇལ་ལམ། ངེད་ཅག་གིས་དུས་ནམ་ཞིག་གི་བར་དུ་སྒུག་དགོས་སམ་ཞེས་ཞུས་སོ།།  
\v 11 དེ་ནས་དེ་དག་རེ་རེ་ལ་ལྭ་རིང་དཀར་པོ་རེ་གནང་ཞིང་། མཉམ་དུ་ཞབས་ཕྱི་པར་གྱུར་པ་དག་དང་ཁོ་རྣམས་ཀྱི་སྤུན་ཟླ་རྣམས་ཀྱང་ཁོ་རྣམས་བཞིན། སྐུ་བཀྲོངས་ཏེ་གྲངས་ཀ་ལོང་བའི་བར་དུ། ད་དུང་རེ་ཞིག་ལ་སྒུག་དགོས་པའི་བཀའ་གནང་ངོ་།།   
\p
\v 12 དེ་ནས་ལུ་གུས་ཐམ་ག་དྲུག་པ་ཁ་འབྱེད་པའི་དུས་སུ། བདག་གིས་ཕར་བལྟས་པ་ན། ས་འགུལ་ཆེན་པོ་བྱུང་བ་དང༌། ཉི་མ་ནི་རྩིད་རས་བཞིན་ནག་པོར་གྱུར་པ། ཟླ་བ་ཡོངས་སུ་ཁྲག་ལྟར་དམར་པོར་གྱུར་པ།  
\v 13 ནམ་མཁའི་སྐར་ཚོགས་ས་ལ་ལྷུང་ཞིང་། དེ་ནི་དྲག་རླུང་གིས་བསེ་ཡབ་ཤིང་བསྒུལ་ནས་འབྲས་བུ་མ་སྨིན་པ་རྣམས་ས་ལ་ཐོར་བ་ལྟ་བུའོ།།  
\v 14 ནམ་མཁའ་ནི་ཤོག་དྲིལ་སྒྲིལ་བ་བཞིན་ཡལ་བ་དང་། རི་དང་གླིང་ཕྲན་ཐམས་ཅད་ཀྱང་གཡོ་བར་གྱུར་ཏེ་རང་ས་ནས་སྤར་བ་མཐོང་ངོ་།།   
\p
\v 15 དེ་ནས་ས་སྟེང་གི་རྒྱལ་པོ་དང་། བློན་ཆེན་དང་། དམག་དཔོན་དང་། ཕྱུག་པོ་དང་། སྟོབས་ཅན་རྣམས་དང་། གཡོག་པོ་དང་རང་དབང་ཅན་ཐམས་ཅད་རི་ཕུག་དང་རིའི་བྲག་སྐྱིབས་སུ་སོང་ནས་སྦས་ཏེ།  
\v 16 རི་དང་བྲག་ལ་འདི་ལྟར་སྨྲས་པ། བཞུགས་ཁྲིའི་སྟེང་དུ་བཞུགས་མཁན་གྱི་ཞལ་རས་དང་ལུ་གུའི་ཐུགས་ཁྲོ་ལ་གཡོལ་བའི་ཕྱིར། ངེད་ཅག་གི་སྟེང་དུ་བསྙིལ་ནས་ངེད་རྣམས་སྦ་བར་མཛོད།  
\v 17 ཁོང་རྣམ་གཉིས་ཐུགས་ཁྲོ་བའི་ཉིན་དྲག་པོ་དེ་ནི་སླེབས་ཟིན་པས། སུ་ཞིག་ལངས་ནས་སྡོད་ཐུབ་བམ་ཞེས་པའོ།།   
\c 7
\cl ལེའུ་བདུན་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 མི་ཆིག་འབུམ་བཞི་ཁྲི་བཞི་སྟོང་ལ་ཐམ་ག་བརྒྱབ་པ།  
\p
\v 1 དོན་དེའི་རྗེས་སུ། ཕོ་ཉ་བཞི་ནི་ས་གཞིའི་ཟུར་བཞི་རུ་བཞེངས་ཡོད་དེ། ས་གཞི་དང་། རྒྱ་མཚོ། ཤིང་སྡོང་བཅས་ཀྱི་སྟེང་དུ་རླུང་མི་གཡུག་པའི་ཕྱིར། ས་སྟེང་གི་ཕྱོགས་བཞིའི་རླུང་དབང་དུ་བསྒྱུར་འདུག་པ་བདག་གིས་མཐོང་ངོ་༎  
\v 2 ཡང་ཕོ་ཉ་གཞན་ཞིག་ཤར་ཕྱོགས་ནས་ཡར་འོངས་ཤིང་གཏན་དུ་གསོན་པོར་བཞུགས་པའི་དཀོན་མཆོག་གི་ཐམ་ག་ཕྱག་ཏུ་ཐོགས་པ་བདག་གིས་མཐོང་། ཕོ་ཉ་དེས་ས་གཞི་དང་རྒྱ་མཚོ་ལ་གནོད་པ་བྱེད་པའི་དབང་ཐོབ་མཁན་གྱི་ཕོ་ཉ་བཞི་པོ་ལ་སྐད་ཆེན་པོས་འདི་སྐད་དུ།  
\v 3 ངེད་ཅག་གིས་རང་རེའི་དཀོན་མཆོག་གི་ཞབས་ཕྱི་པ་རྣམས་ཀྱི་དཔྲལ་བར་ཐམ་ག་བཀོད་རེག་བར་དུ། ཁྱོད་ཅག་གིས་ས་གཞི་དང༌། རྒྱ་མཚོ། ཤིང་སྡོང་དག་ལ་གནོད་འཚེ་མ་བྱེད་ཅེས་གསུངས་སོ།།  
\v 4 དེ་ནས་བདག་གིས་ཡེས་ར་ཨེལ་བུ་རྒྱུད་ཀྱི་ཚོ་པ་ཐམས་ཅད་ལས་ཐམ་ག་བཀོད་པའི་མི་གྲངས་ཆིག་འབུམ་བཞི་ཁྲི་བཞི་སྟོང་ཡོད་པ་ཐོས་ཤིང་།  
\v 5 དེ་དག་ནི་འདི་ལྟ་སྟེ། ཡ་ཧུ་དཱ་ཚོ་པ་ལས་ཐམ་ག་བཀོད་པའི་མི་ཆིག་ཁྲི་ཉིས་སྟོང་དང་། རུ་བེན་ཚོ་པ་ལས་མི་ཆིག་ཁྲི་ཉིས་སྟོང་དང་། གཱ་རྡུ་ཚོ་པ་ལས་མི་ཆིག་ཁྲི་ཉིས་སྟོང་དང་།  
\v 6 ཨ་ཤེར་ཚོ་པ་ལས་མི་ཆིག་ཁྲི་ཉིས་སྟོང་དང་། ནཱབ་ཐ་ལི་ཚོ་པ་ལས་མི་ཆིག་ཁྲི་ཉིས་སྟོང་དང་། མཱ་ན་ཤེ་ཚོ་པ་ལས་མི་ཆིག་ཁྲི་ཉིས་སྟོང་དང་།  
\v 7 སི་མུ་ཨོན་ཚོ་པ་ལས་མི་ཆིག་ཁྲི་ཉིས་སྟོང་དང་། ལེ་ཝི་ཚོ་པ་ལས་མི་ཆིག་ཁྲི་ཉིས་སྟོང་དང་། ཡེས་སི་ཀཱར་ཚོ་པ་ལས་མི་ཆིག་ཁྲི་ཉིས་སྟོང་དང༌།  
\v 8 ཟེ་བུ་ལུན་ཚོ་པ་ལས་མི་ཆིག་ཁྲི་ཉིས་སྟོང་དང་། ཡོ་སེབ་ཚོ་པ་ལས་མི་ཆིག་ཁྲི་ཉིས་སྟོང་དང་། པེན་ཡཱ་མེན་ཚོ་པ་ལས་མི་ཆིག་ཁྲི་ཉིས་སྟོང་ཡོད་པ་བཅས་སོ།།   
\s1 ལྭ་རིང་དཀར་པོ་གྱོན་པའི་མི་ཚོགས་ཀྱི་སྐོར།  
\p
\v 9 དོན་དེའི་རྗེས་སུ། ཡང་བདག་གིས་ཕར་བལྟས་པ་ན། ལྟོས་དང་། མི་ཤིན་ཏུ་མང་པོ་བགྲང་གིས་མི་ལང་བ་ཞིག་མཐོང་ཞིང་། དེ་རྣམས་ནི་མི་རིགས་སོ་སོ་དང་། ཚོ་པ་སོ་སོ། མི་སྡེ་སོ་སོ། སྐད་རིགས་སོ་སོ་བཅས་ནས་ཐོན་པ་དང་། བཞུགས་ཁྲི་དང་ལུ་གུའི་མདུན་དུ་ཡར་འགྲེང་ཞིང་། ལུས་ལ་ལྭ་རིང་དཀར་པོ་གྱོན་པ་དང་ལག་ཏུ་ཏ་ལའི་ཤིང་གི་ཡལ་ག་བཟུང་སྟེ།  
\v 10 སྐད་ཆེན་པོས་འདི་ལྟར་དུ་སྨྲས་པ།  
\q1 བཞུགས་ཁྲིའི་སྟེང་དུ་བཞུགས་པའི་རང་རེའི་དཀོན་མཆོག་དང་།།  
\q1 ལུ་གུ་ལ་ནི་ཐར་པའི་དབང་དེ་གཏོགས་པ་ལགས།།  
\m ཞེས་པའོ།།  
\v 11 དེ་ནས་ཕོ་ཉ་ཐམས་ཅད་བཞུགས་ཁྲི་དང་། རྒན་པོ་རྣམས། སེམས་ཅན་བཞི་པོ་བཅས་ཀྱི་མཐའ་འཁོར་དུ་ཡར་འགྲེངས་ནས་སྡོད་པ་དང་། ཡང་བཞུགས་ཁྲིའི་མདུན་དུ་ཕྱག་བཙལ་ནས་དཀོན་མཆོག་ལ་འདི་ལྟར་བསྟོད་བསྔགས་བརྗོད་པ་སྟེ།   
\q1
\v 12 ཨ་མེན་བསྟོད་བསྔགས་གཟི་བརྗིད་མཁྱེན་རབ་དང་།།  
\q1 ཐུགས་རྗེ་བསྙེན་བཀུར་དབང་ཐང་ནུས་མཐུ་བཅས།།  
\q1 ཐམས་ཅད་ཇི་སྲིད་བར་དུ་བདག་ཅག་གི །  
\q1 དཀོན་མཆོག་ཁོང་ལ་ཡོད་པར་གྱུར་ཅིག་ཨང་༎  
\m ཨ་མེན་ཞེས་སོ།།   
\p
\v 13 དེ་ནས་རྒན་པོ་རྣམས་ལས་གཅིག་ན་རེ། ལྭ་རིང་དཀར་པོ་གྱོན་མཁན་འདི་རྣམས་སུ་ཡིན་ནམ། གང་ནས་ཡོང་བ་ཡིན་ནམ་ཞེས་བདག་ལ་དྲིས་པ་ན།  
\v 14 ངས་ཁོང་ལ་འདི་ལྟར་སྨྲས་པ་སྟེ། བདག་པོ་ལགས། ཁྱེད་ཀྱིས་མཁྱེན་ནོ་ཞེས་པ་ལ། ཡང་ཁོང་གིས་འདི་སྐད་དུ། མི་འདི་རྣམས་ནི་དཀའ་སྡུག་ཆེན་པོའི་ཁྲོད་ནས་ཡོང་བ་ཡིན་ཞིང་། ལུ་གུའི་སྐུ་ཁྲག་གིས་ལྭ་རིང་པོ་གཙང་མར་བཀྲུས་ནས་དཀར་པོར་གྱུར་པ་ཡིན།  
\v 15 དེའི་ཕྱིར་ཁོ་རྣམས་ཀྱིས་དཀོན་མཆོག་གི་བཞུགས་ཁྲིའི་མདུན་དང་། ཁོང་གི་མཆོད་ཁང་ནང་དུ་ཉིན་མཚན་མེད་པར་ཁོང་ལ་བསྙེན་བཀུར་ཞུ་བ་དང་། བཞུགས་ཁྲིའི་སྟེང་དུ་བཞུགས་མཁན་གྱིས་མི་དེ་རྣམས་ཀྱི་སྟེང་དུ་རང་ཉིད་ཀྱི་གུར་འགེབས་པར་འགྱུར་ཞིང་།  
\v 16 མི་དེ་རྣམས་ཀྱིས་དུས་ནམ་ཡང་བཀྲེས་སྐོམ་མི་མྱོང་ཞིང་། དེ་རྣམས་ལ་ཉི་ཟེར་དང་ཚ་ཟེར་གང་གིས་ཀྱང་གནོད་འཚེ་བྱེད་པར་མི་འགྱུར་རོ།།  
\v 17 ཅིའི་ཕྱིར་ཞེ་ན། བཞུགས་ཁྲིའི་དཀྱིལ་དུ་བཞུགས་པའི་ལུ་གུས་མི་དེ་རྣམས་འཚོ་སྐྱོང་མཛད་ནས། ཁོ་རྣམས་ཚེ་སྲོག་གི་ཆུ་མིག་རྣམས་ཀྱི་དྲུང་དུ་འཁྲིད་པར་མཛད་པ་དང་། དཀོན་མཆོག་གིས་ཀྱང་ཁོ་རྣམས་ཀྱི་མིག་ཆུ་ཐམས་ཅད་ཕྱི་བར་འགྱུར་ཞེས་སྨྲས་སོ།།   
\c 8
\cl ལེའུ་བརྒྱད་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཐམ་ག་བདུན་པ་དང་གསེར་གྱི་སྤོས་ཕོར།  
\p
\v 1 ལུ་གུས་ཐམ་ག་བདུན་པ་ཁ་འབྱེད་པའི་དུས་སུ། ནམ་མཁའི་ཞིང་ཁམས་ནི་ཆུ་ཚོད་ཕྱེད་ཀའི་རིང་ལ་ལྷིང་འཇགས་སུ་གྱུར་ཏོ།།  
\v 2 དེ་ནས་དཀོན་མཆོག་གི་མདུན་དུ་ཡར་འགྲེངས་ནས་བསྡད་ཡོད་པའི་ཕོ་ཉ་བདུན་པོ་བདག་གིས་མཐོང་ཞིང་། དེ་དག་ལ་དུང་བདུན་གནང་ཡོད་དོ།།   
\p
\v 3 དེ་ནས་ལག་ཏུ་གསེར་གྱི་སྤོས་ཕོར་ཐོགས་པའི་ཕོ་ཉ་གཞན་ཞིག་མཆོད་ཁྲིའི་གམ་དུ་ཕེབས་ཏེ་ཡར་འགྲེངས་ནས་སྡོད་ཅིང་། དེ་ལ་སྤོས་མང་པོ་གནང་ཡོད་དོ།། དེ་ནི་དད་ལྡན་དམ་པ་ཐམས་ཅད་ཀྱི་སྨོན་ལམ་དང་ལྷན་དུ། བཞུགས་ཁྲིའི་མདུན་དུ་ཡོད་པའི་གསེར་གྱི་མཆོད་ཁྲིའི་སྟེང་དུ་འབུལ་བའི་ཕྱིར་ཡིན།  
\v 4 དེ་ནས་སྤོས་ཀྱི་དུ་བ་དང་དད་ལྡན་དམ་པ་རྣམས་ཀྱི་སྨོན་ལམ་ནི་མཉམ་དུ་ཕོ་ཉའི་ཕྱག་ནས་ཡར་དཀོན་མཆོག་གི་དྲུང་དུ་སླེབས་སོ།།  
\v 5 ཕོ་ཉས་ཕྱག་ཏུ་སྤོས་ཕོར་ཐོགས་ཤིང་། སྤོས་ཕོར་ནང་དུ་མཆོད་ཁྲིའི་སྟེང་གི་མེས་གང་བར་བྱས་ཤིང་ས་གཞིར་གཏོར་བ་ན། འབྲུག་སྒྲ་གྲགས་པ་དང་། ལྡིར་སྒྲ་སྒྲོག་པ། གློག་དམར་འཁྱུག་པ། ས་འགུལ་ཡོང་བ་བཅས་བྱུང་བར་གྱུར་ཏོ།།   
\s1 དུང་དཀར་བདུན་པོའི་སྐོར།  
\p
\v 6 དེ་ནས་དུང་བདུན་ཕྱག་ཏུ་ཐོགས་པའི་ཕོ་ཉ་བདུན་པོས་དུང་འབུད་པར་སྟ་གོན་བྱས་སོ།།   
\p
\v 7 ཕོ་ཉ་དང་པོས་དུང་བུས་པ་ན། ཁྲག་འདྲེས་པའི་སེར་བ་དང་མེ་ཕུང་དག་ས་སྟེང་དུ་འཕངས་ཏེ། ས་གཞིའི་གསུམ་ཆའི་གཅིག་དང་ཤིང་སྡོང་གི་གསུམ་ཆའི་གཅིག་མེར་བསྲེགས་པ་དང་། རྩྭ་སྔོན་ཐམས་ཅད་ཀྱང་མེར་བསྲེགས་སོ།།   
\p
\v 8 ཕོ་ཉ་གཉིས་པས་དུང་བུས་པ་ན། མེ་འབར་བ་ལྟ་བུའི་རི་ཆེན་པོ་རྒྱ་མཚོའི་ནང་དུ་འཕངས་ཏེ། རྒྱ་མཚོའི་གསུམ་ཆའི་གཅིག་ཁྲག་ཏུ་གྱུར་པ་དང་།  
\v 9 རྒྱ་མཚོའི་སེམས་ཅན་ལས་གསུམ་ཆའི་གཅིག་ཤི་བ་དང་། གྲུ་གཟིངས་ལས་གསུམ་ཆའི་གཅིག་ཀྱང་བརླག་པར་གྱུར་ཏོ།།   
\p
\v 10 ཕོ་ཉ་གསུམ་པས་དུང་བུས་པ་ན། སྐར་ཆེན་ནི་དཔལ་འབར་བཞིན་ནམ་མཁའ་ནས་སར་ལྷུང་ཞིང་། གཙང་པོའི་གསུམ་ཆའི་གཅིག་དང་ཆུ་མིག་གི་སྟེང་དུ་ལྷུང་ངོ་།།  
\v 11 སྐར་མ་དེའི་མིང་ལ་མཁན་པ་ཟེར་ཞིང་། ཆུའི་གསུམ་ཆའི་གཅིག་ཁ་མོར་གྱུར་པ་དང་། ཆུ་ཁ་མོར་གྱུར་པའི་རྐྱེན་གྱིས་མི་མང་པོ་ཤིའོ༎   
\p
\v 12 ཕོ་ཉ་བཞི་པས་དུང་བུས་པ་ན། ཉི་མའི་གསུམ་ཆའི་གཅིག་དང་། ཟླ་བའི་གསུམ་ཆའི་གཅིག སྐར་མའི་གསུམ་ཆའི་གཅིག་བཅས་ལ་ཕོགས་པས། ཉི་ཟླ་སྐར་གསུམ་གྱི་གསུམ་ཆའི་གཅིག་མུན་ནག་ཏུ་གྱུར་ཅིང་། ཉིན་མོའི་གསུམ་ཆའི་གཅིག་ལ་འོད་མ་འཕྲོས་པ་དང་། མཚན་མོའང་དེ་བཞིན་ནོ།།   
\p
\v 13 དེ་ནས་ཡང་བདག་གིས་ཕར་བལྟས་པ་ན། གླག་ཅིག་མཁའ་དབྱིངས་སུ་འཕུར་བཞིན་ཡོད་ཅིང་། དེས་སྐད་ཆེན་པོས་འདི་སྐད་དུ། ཕོ་ཉ་གཞན་གསུམ་པོས་དུང་འཕྲོ་མ་རྣམས་འབུད་རྒྱུ་ཡིན་པས། ས་སྟེང་དུ་སྡོད་པའི་མི་རྣམས་ལ་ཆག་སྒོ་འབྱུང་ངོ་།། ཆག་སྒོ་འབྱུང་ངོ་།། ཆག་སྒོ་འབྱུང་ངོ་ཞེས་བརྗོད་པའང་བདག་གིས་ཐོས་སོ།།   
\c 9
\cl ལེའུ་དགུ་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\p
\v 1 ཕོ་ཉ་ལྔ་པས་དུང་བུས་པ་ལ། སྐར་མ་ཞིག་ནམ་མཁའི་ཞིང་ཁམས་ནས་ས་སྟེང་དུ་ལྷུང་ཡོད་པ་བདག་གིས་མཐོང་ངོ་༎ ཞབས་མེད་པའི་དོང་གི་ལྡེ་མིག་ནི་སྐར་མ་དེ་ལ་གནང་བ་དང་།  
\v 2 ཁོས་ཞབས་མེད་པའི་དོང་གི་ཁ་ཕྱེས་པ་ལ། དོང་ལས་དུ་བ་འཕྱུར་ཅིང་དེ་ནི་མེ་ཐབ་ཆེན་པོའི་དུ་བ་དང་འདྲ། ཉི་མ་དང་མཁའ་དབྱིངས་ཐམས་ཅད་དུ་བའི་རྐྱེན་གྱིས་མུན་ནག་ཏུ་གྱུར་ཏོ།།  
\v 3 དེ་ནས་དུ་བ་ལས་འབུ་ཆ་ག་པ་ཕྱིར་ཐོན་ཏེ་ས་སྟེང་དུ་འཕུར་ཡོང་བ་དང་། ས་ཐོག་གི་སྡིག་པ་རྭ་ཙ་ལ་ཡོད་པའི་ནུས་མཐུ་ལྟ་བུ་ནི་དེ་རྣམས་ལ་གནང་ཡོད་པར་མ་ཟད།  
\v 4 ས་སྟེང་གི་རྩྭ་དང་། རྩི་ཤིང་སྣ་ཚོགས། ཤིང་སྡོང་གང་ལའང་གནོད་འཚེ་མི་བྱེད་པར། དཔྲལ་བར་དཀོན་མཆོག་གི་ཐམ་ག་བཀོད་མེད་པའི་མི་ཁོ་ནར་གནོད་འཚེ་བྱེད་པའི་བཀའ་གནང་ཡོད།  
\v 5 འོན་ཀྱང་སྡིག་པ་རྭ་ཙས་དུག་གིས་བསྣུན་པ་ལྟ་བུའི་མནར་གཅོད་ནི་ཟླ་བ་ལྔའི་རིང་ལ་མི་དེ་རྣམས་ལ་མྱོང་བར་བྱེད་པ་ལས། འབུ་ཆ་ག་པར་མི་དེ་རྣམས་གསོད་པའི་དབང་ནི་གནང་མེད།  
\v 6 ཉིན་དེ་དག་གི་རིང་ལ། མི་རྣམས་ཀྱིས་ཤི་བར་རེ་བ་བཅངས་ནའང་གཏན་ནས་ཤི་བར་མི་འགྱུར་ལ། འཆི་བར་འདོད་ཀྱང་འཆི་བ་ནི་དེ་རྣམས་དང་རིང་དུ་གྱེས་སོ།།   
\p
\v 7 འབུ་ཆ་ག་པའི་ཚུགས་ཀ་ནི་གཡུལ་འཐབ་ལ་ཞུགས་པར་སྟ་གོན་བྱས་པའི་དམག་རྟ་དང་མཚུངས་ཏེ། མགོ་ལ་གསེར་གྱི་ཅོད་པན་ལྟ་བུ་བསྐོན་ཡོད་ལ། གདོང་ནི་སྐྱེས་པའི་གདོང་དང་འདྲ།  
\v 8 སྐྲ་ནི་བུད་མེད་ཀྱི་སྐྲ་དང་མཚུངས། སོ་ནི་སེང་གེའི་མཆེ་བ་དང་འདྲ།  
\v 9 དེ་དག་གི་བྲང་ཁར་ཁྲབ་ཡོད་ཅིང་དེ་ནི་ལྕགས་ཀྱི་གོ་ཁྲབ་དང་མཚུངས། གཤོག་པའི་འུར་སྒྲ་ནི་ཤིང་རྟ་དང་རྟ་མང་པོ་གཡུལ་སར་ཞུགས་པའི་སྒྲ་དང་མཚུངས།  
\v 10 དེ་དག་གི་རྔ་མ་ནི་སྡིག་པ་རྭ་ཙའི་རྔ་མ་དང་འདྲ་ཞིང་དུག་མདུང་ཐོགས་ཡོད་ལ། རྔ་མའི་ནང་དུ་ཟླ་བ་ལྔའི་རིང་མི་ལ་གནོད་འཚེ་བྱེད་པའི་ནུས་པ་ཡོད།  
\v 11 ཞབས་མེད་པའི་དོང་གི་ཕོ་ཉ་ནི་འབུ་ཆ་ག་པ་དེ་དག་གི་རྒྱལ་པོ་ཡིན་ཞིང་། ཨིབ་རིའི་མི་རིགས་ཀྱི་སྐད་དུ་ཨ་བད་ཏོན་དང་། གྷི་རིག་སྐད་དུ་ཨ་པོལ་ལི་ཨོན་ཞེས་ཟེར་རོ།།   
\p
\v 12 ཆག་སྒོ་དང་པོ་མཇུག་རྫོགས་ཤིང་། ལྟོས་དང་། དོན་དེ་དག་གི་རྗེས་སུ་ད་དུང་ཆག་སྒོ་གཉིས་འབྱུང་བར་འགྱུར་རོ།།   
\p
\v 13 དེ་ནས་ཕོ་ཉ་དྲུག་པས་དུང་བུས་པ་ན། དཀོན་མཆོག་གི་མདུན་དུ་ཡོད་པའི་གསེར་གྱི་མཆོད་ཁྲིའི་ཟུར་བཞི་ཡི་རུ་ཐུར་ནས་སྒྲ་གྲགས་ཏེ།  
\v 14 དུང་ཐོགས་པའི་ཕོ་ཉ་དྲུག་པ་ལ་འདི་སྐད་དུ། གཙང་པོ་ཆེན་པོ་ཕི་རཱད་དུ་བཅིངས་ཡོད་པའི་ཕོ་ཉ་བཞི་པོ་ཁྲོལ་ཅིག་ཅེས་བཀའ་བསྒྲགས་པ་བདག་གིས་ཐོས་སོ༎  
\v 15 དེ་ནས་ཕོ་ཉ་བཞི་པོ་བཀྲོལ་བར་གྱུར་ཏོ།། མ་གཞི་ཕོ་ཉ་བཞི་པོ་ནི་ལོ་ཟླ་དང་། ཉིན་དང་ཆུ་ཚོད་ངེས་ཅན་ཞིག་ལ་མིའི་རིགས་ཀྱི་གསུམ་ཆའི་གཅིག་གསོད་པའི་ཕྱིར་སྟ་གོན་བྱས་ཡོད།  
\v 16 རྟ་དམག་དུང་ཕྱུར་གཉིས་ཡོད་ལ། དེའི་གྲངས་ཀ་ནི་བདག་གིས་ཐོས་སོ།།   
\p
\v 17 བདག་གིས་ཞལ་གཟིགས་ནང་དུ་མཐོང་བའི་རྟ་དང་རྟ་ལ་ཞོན་མཁན་རྣམས་འདི་ལྟ་སྟེ། རྟ་ལ་ཞོན་མཁན་རྣམས་ཀྱི་བྲང་ཁར་མེ་དམར་པོ་དང་། རྟ་ཀླད་དམར་སྨུག མུ་ཟི་སེར་པོ་བཅས་དང་མཚུངས་པའི་གོ་ཁྲབ་ཡོད་ལ། རྟའི་མགོ་ནི་སེང་གེའི་མགོ་དང་མཚུངས་ཤིང་། རྟའི་ཁ་ནས་མེ་དང་། དུ་བ། མུ་ཟི་བཅས་ཕྱིར་ཐོན་ནོ།།  
\v 18 རྟའི་ཁ་ནས་ཐོན་པའི་མེ་དང་། དུ་བ། མུ་ཟི་བཅས་པའི་ཆག་སྒོ་རིགས་གསུམ་གྱིས་མིའི་གསུམ་ཆའི་གཅིག་བསད་པ་རེད།  
\v 19 རྟ་དེ་དག་གི་ནུས་པ་ཁ་ནང་དང་རྔ་མའི་སྟེང་དུ་ཡོད་ལ། རྔ་མ་ནི་སྦྲུལ་དང་མཚུངས་ཤིང་མགོ་ཡོད་པ་དང་གཞན་ལ་གནོད་འཚེ་བྱེད་པའོ།།   
\p
\v 20 ཆག་སྒོ་དེ་ལས་མ་བསད་པའི་མིའི་རིགས་ཀྱིས་རང་གི་ལག་པས་ཅི་བཟོས་པ་དག་ལས་འགྱོད་བཤགས་མི་བྱེད་པར། སྔར་བཞིན་དུ་གདོན་འདྲེ་ལ་དད་གུས་བྱེད་པ་དང་། མིག་གིས་མི་མཐོང་བ་དང་། རྣ་བས་མི་ཐོས་པ། འགྲོ་མི་ནུས་པ། གསེར། དངུལ། ཟངས། ཤིང་། རྡོ་བཅས་ཀྱིས་བཟོས་པའི་སྐུ་འདྲ་དག་ལ་ཕྱག་འཚལ་བ་དང་།  
\v 21 ཡང་དེ་རྣམས་ཀྱིས་མི་གསོད་པ་དང་། ངན་སྔགས་པ། ལོག་གཡེམ་བྱེད་པ། རྐུ་བྱེད་པ་བཅས་ལས་འགྱོད་བཤགས་མ་བྱས་སོ།།   
\c 10
\cl ལེའུ་བཅུ་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཕོ་ཉ་དང་ཤོག་དྲིལ་ཆུང་བའི་སྐོར།  
\p
\v 1 ཡང་བདག་གིས་ནུས་མཐུ་ཆེན་པོ་ལྡན་པའི་ཕོ་ཉ་གཞན་ཞིག་ནམ་མཁའི་ཞིང་ཁམས་ནས་མར་ཕེབས་པ་མཐོང་ངོ་།། ཁོང་ནི་སྤྲིན་ཕུང་གིས་གཡོགས་ཤིང་། དབུ་ལ་འཇའ་ཚོན་ཤར་བ་དང་། ཞལ་རས་ནི་ཉི་མ་དང་མཚུངས། ཞབས་ཟུང་ནི་མེའི་ཀ་བ་དང་འདྲ།  
\v 2 ཕྱག་ཏུ་ཁ་ཕྱེས་ཡོད་པའི་ཤོག་དྲིལ་ཆུང་བ་ཞིག་ཐོགས་ཤིང་། ཁོང་གིས་ཞབས་གཡས་པ་རྒྱ་མཚོ་དང་ཞབས་གཡོན་པ་ས་སྟེང་དུ་བཅགས་ཏེ།  
\v 3 གསུང་སྐད་ཆེན་པོ་བསྒྲགས་པ་ནི་སེང་གེས་ངར་སྐད་སྒྲོག་པ་ལྟ་བུ་ཡིན། གསུང་སྐད་བསྒྲགས་ཚར་བ་དང་འབྲུག་སྐད་བདུན་གྲགས།  
\v 4 འབྲུག་སྐད་བདུན་གྲགས་རྗེས་བདག་གིས་ཡི་གེར་འགོད་པར་རྩོམ་པ་ལ། ནམ་མཁའི་ཞིང་ཁམས་ནས་སྐད་སྒྲ་ཞིག་གིས་འདི་སྐད་དུ། འབྲུག་སྐད་བདུན་གྱིས་གསུངས་པ་ནི་ཁྱོད་ཀྱིས་གསང་དགོས་པ་ལས་ཡི་གེར་འགོད་མི་རུང་ཞེས་གསུངས་སོ།།   
\p
\v 5 དེ་ནས་བདག་གིས་མཐོང་བའི་རྒྱ་མཚོ་དང་ས་སྟེང་ལ་ཞབས་ཀྱིས་བཅགས་པའི་ཕོ་ཉ་དེ་ཉིད་ཀྱིས་ནམ་མཁའི་ཞིང་ཁམས་ཀྱི་ཕྱོགས་སུ་ཕྱག་གཡས་པ་ཡར་བཀྱགས་ཏེ།  
\v 6 ནམ་མཁའ་དང་ནམ་མཁར་ཡོད་པའི་དངོས་པོ་དང་། ས་གཞི་དང་ས་གཞིར་ཡོད་པའི་དངོས་པོ། རྒྱ་མཚོ་དང་རྒྱ་མཚོར་ཡོད་པའི་དངོས་པོ་ཐམས་ཅད་སྐྲུན་མཁན་དང་། ཇི་སྲིད་བར་དུ་གསོན་པོར་བཞུགས་པ་ཁོང་ཉིད་ལ་བརྟེན་ནས་འདི་སྐད་དུ། ད་ནི་དུས་འགྱང་མི་རུང་ངོ་།།  
\v 7 འོན་ཀྱང་ཕོ་ཉ་བདུན་པས་དུང་སྐད་བསྒྲག་པའི་ཉིན་མོ་དག་ལ། དཀོན་མཆོག་གིས་རང་ཉིད་ཀྱི་ཞབས་ཕྱི་ལུང་སྟོན་པ་རྣམས་ལ་འཕྲིན་བཟང་བསྒྲགས་པ་བཞིན། ཁོང་གི་གསང་བ་འགྲུབ་པར་འགྱུར་ཞེས་དམ་བཅས་སོ།།   
\p
\v 8 དེ་ནས་བདག་གིས་དེ་སྔར་ཐོས་པའི་ནམ་མཁའི་ཞིང་ཁམས་ནས་གྲགས་པའི་སྐད་སྒྲ་དེས་ཡང་བསྐྱར་བདག་ལ་འདི་སྐད་དུ། ཁྱོད་ཕར་སོང་ནས་རྒྱ་མཚོ་དང་ས་སྟེང་དུ་ཞབས་ཀྱིས་བཅགས་པའི་ཕོ་ཉའི་ཕྱག་ལས་ཁ་ཕྱེས་ཡོད་པའི་ཤོག་དྲིལ་ཆུང་བ་དེ་ཚུར་ལོངས་ཤིག་ཅེས་བཀའ་གནང་བས།  
\v 9 ང་རང་ཕོ་ཉའི་དྲུང་དུ་སོང་སྟེ། ཤོག་དྲིལ་ཆུང་བ་དེ་བདག་ལ་གནང་བར་མཛོད་ཅེས་ཞུས་པ་ན། ཁོང་གིས་འདི་སྐད་དུ། ཁྱོད་ཀྱིས་འདི་བླངས་ནས་བཟའ་བར་གྱིས། ཁྱོད་ཀྱི་ཕོ་བ་ནི་ཁ་མོར་འགྱུར་ཡང་། ཁྱོད་ཀྱི་ཁ་རུ་སྦྲང་རྩི་ལྟར་མངར་མོ་ཡིན་ཞེས་གསུངས་སོ།།  
\v 10 བདག་གིས་ཕོ་ཉའི་ཕྱག་ལས་ཤོག་དྲིལ་ཆུང་བ་ཚུར་བླངས་ཏེ་ཟོས་པ་དང་། བདག་གི་ཁ་ནང་དུ་དངོས་གནས་སྦྲང་རྩི་ལྟར་མངར་མོ་ཡིན་མོད། འོན་ཀྱང་ཟོས་པའི་རྗེས་སུ་ཕོ་བ་ནི་ཁ་མོར་གྱུར་ཏོ།།  
\v 11 ཡང་བདག་ལ་འདི་སྐད་དུ། ཁྱོད་ཀྱིས་ངེས་པར་མི་རིགས་དང་། རྒྱལ་ཁབ། སྐད་རིགས། རྒྱལ་པོ་བཅས་མང་པོ་ལ་ཡང་བསྐྱར་མ་འོངས་ལུང་བསྟན་གནང་དགོས་ཞེས་གསུངས་སོ།།   
\c 11
\cl ལེའུ་བཅུ་གཅིག་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 དཔང་པོ་གཉིས་ཀྱི་སྐོར།  
\p
\v 1 དེ་ནས་བདག་ལ་རིང་ཐུང་འཇལ་བྱེད་ཀྱི་དབྱུག་པ་ལྟ་བུའི་འདམ་རྩྭ་ཞིག་གནང་སྟེ་འདི་སྐད་དུ། ཡར་ལོངས་དང་། དཀོན་མཆོག་གི་མཆོད་ཁང་དང་། མཆོད་ཁྲི། མཆོད་ཁང་ནང་གི་བསྙེན་བཀུར་བྱེད་མཁན་ཐམས་ཅད་ལ་ཚད་ཐིག་ལོངས་དང་།  
\v 2 མཆོད་ཁང་ཕྱིའི་ར་སྐོར་ལ་ཚད་ཐིག་མི་ལེན་པར་བསྐྱུར་བར་བྱའོ།། འདི་ནི་ཕྱི་ཕྱོགས་པ་རྣམས་ལ་གནང་བ་ཡིན་པས། དེ་དག་གིས་ཟླ་བ་ཞེ་གཉིས་རིང་ལ་གྲོང་ཁྱེར་དམ་པ་ལ་རྡོག་བརྫིས་གཏོང་བར་འགྱུར།  
\v 3 ངས་རང་ཉིད་ཀྱི་དཔང་པོ་གཉིས་ལ་དབང་གནང་ཞིང་དེ་གཉིས་ཀྱིས་རྩིད་རས་གྱོན་ནས་ཉིན་ཆིག་སྟོང་ཉིས་བརྒྱ་དྲུག་ཅུའི་རིང་ལ་ལུང་སྟོན་པར་ངེས་ཞེས་གསུངས་སོ།།  
\v 4 ཁོང་གཉིས་ནི་སྐྱུ་རུ་རའི་ཤིང་གཉིས་དང་སྒྲོན་སྟེགས་གཉིས་ཡིན་ལ། ས་གཞིའི་བདག་པོའི་དྲུང་དུ་འགྲེངས་ནས་བཞུགས་ཡོད།  
\v 5 གལ་ཏེ། སུ་ཞིག་གིས་ཁོང་གཉིས་ལ་གནོད་འཚེ་བྱ་འདོད་ན། དེ་གཉིས་ཀྱི་ཞལ་ནས་མེ་ཐོན་ཏེ་དགྲ་བོ་རྣམས་བསྲེགས་ནས་མེད་པར་བཟོ་བ་དང་། དེ་གཉིས་ལ་གནོད་འཚེ་བྱ་འདོད་མཁན་སུ་ཡིན་ཡང་དེ་བཞིན་དུ་གསོད་དགོས་སོ།།  
\v 6 མི་དེ་གཉིས་ལ་ལུང་བསྟན་བརྗོད་པའི་ཉིན་དེ་དག་གི་རིང་ལ། ནམ་མཁར་བཀའ་གནང་སྟེ་ཆར་བ་འགོག་པའི་དབང་ཡོད་པ་དང་། ཆུ་ནི་ཁྲག་ཏུ་བསྒྱུར་བའི་དབང་དང་། རང་ཉིད་ཀྱི་འདོད་མོས་བཞིན་རྟག་ཏུ་ཆག་སྒོ་སྣ་ཚོགས་ཀྱིས་འཇིག་རྟེན་ལ་རྒོལ་བའི་དབང་ཡང་ཡོད་དོ།།   
\p
\v 7 ཁོང་གཉིས་ཀྱིས་བདེན་དཔང་བྱས་ཚར་བའི་རྗེས་སུ། ཞབས་མེད་པའི་དོང་ནས་ཡར་འོངས་པའི་གཅན་གཟན་གྱིས་ཁོང་གཉིས་ལ་འཐབ་ཅིང་། གཅན་གཟན་གྱིས་རྒྱལ་ཁ་བླངས་ཏེ་ཁོང་གཉིས་གསོད་པར་འགྱུར་རོ།།  
\v 8 དེ་གཉིས་ཀྱི་བེམ་པོ་ནི་གྲོང་ཁྱེར་ཆེན་པོའི་སྲང་ལམ་དུ་བསྐྱུར་བ་དང་། གྲོང་ཁྱེར་དེ་ལ་དོན་གྱི་སྙིང་པོ་ལྟར་ན་སཱ་དོམ་མམ། ཡང་ན་ཨེ་ཅིབ་ཅེས་འབོད་ཅིང་། དེ་ནི་ཁོང་གཉིས་ཀྱི་གཙོ་བོ་དེ་ཉིད་ཤིང་རྒྱ་གྲམ་གྱི་སྟེང་དུ་བརྡབས་སའི་གནས་ཡིན་ནོ།།  
\v 9 དེ་ནས་མི་སྡེ་སོ་སོ་དང་། ཚོ་པ་སོ་སོ། སྐད་རིགས་སོ་སོ། མི་རིགས་སོ་སོ་བཅས་ལས། མི་སྐོར་ཞིག་གིས་ཉིན་གསུམ་དང་ཕྱེད་ཀའི་རིང་ལ། ཁོང་གཉིས་ཀྱི་བེམ་པོ་ལ་བལྟས་ནས་བེམ་པོ་དུར་ལ་སྦ་རུ་མི་འཇུག  
\v 10 ཁོང་གཉིས་ཀྱི་ཕྱིར་ས་སྟེང་གི་མི་རྣམས་དགའ་ཞིང་སྤྲོ་བར་འགྱུར་བ་དང་ཕན་ཚུན་ལ་ལེགས་སྐྱེས་འབུལ་བར་འགྱུར་རོ།། རྒྱུ་མཚན་ནི་སྔར་ལུང་སྟོན་པ་དེ་གཉིས་ཀྱིས་ས་སྟེང་གི་མི་རྣམས་ལ་མནར་གཅོད་བཏང་བའི་ཕྱིར་རོ།།   
\p
\v 11 དེ་ནས་ཉིན་གསུམ་དང་ཕྱེད་ཀ་འགོར་རྗེས། དཀོན་མཆོག་ལས་བྱུང་བའི་ཚེ་སྲོག་གི་དབུགས་ནི་ཁོང་གཉིས་ཀྱི་བེམ་པོའི་ནང་དུ་ཞུགས་པ་དང་ཁོང་གཉིས་ཡར་འགྲེངས་པ་ལ། མཐོང་མཁན་རྣམས་འཇིགས་སྐྲག་ཆེན་པོ་སྐྱེས་སོ།།  
\v 12 ནམ་མཁའི་ཞིང་ཁམས་ནས་སྐད་ཆེན་པོ་ཞིག་གྲགས་པ་ཁོང་གཉིས་ཀྱིས་ཐོས་ཤིང་། སྐད་དེས་ཁོང་གཉིས་ལ་འདི་སྐད་དུ། འདིར་ཡར་ཤོག་ཅིག་ཅེས་གསུངས་པ་ལ། ཁོང་གཉིས་སྤྲིན་གྱི་ནང་ནམ་མཁའི་ཞིང་ཁམས་སུ་ཕེབས་པ་དང་། ཁོང་གཉིས་ཀྱི་དགྲ་བོ་དག་གིས་ཀྱང་དོན་དེ་མཐོང་ངོ་།།   
\p
\v 13 དུས་དེ་ཉིད་ལ། ས་འགུལ་ཆེན་པོ་བྱུང་སྟེ་གྲོང་ཁྱེར་གྱི་བཅུ་ཆའི་གཅིག་བརྡིབས་པར་གྱུར་པ་དང་མི་བདུན་སྟོང་ཤི་བས། མི་གཞན་ཐམས་ཅད་འཇིགས་ཏེ་ནམ་མཁའི་ཞིང་ཁམས་ཀྱི་དཀོན་མཆོག་ལ་བསྔགས་བརྗོད་བྱས་སོ།།   
\p
\v 14 ཆག་སྒོ་གཉིས་པ་མཇུག་རྫོགས་པ་ཡིན། ལྟོས་དང་། ཆག་སྒོ་གསུམ་པ་མྱུར་དུ་འབྱུང་བར་འགྱུར་རོ།།   
\s1 དུང་བདུན་པའི་སྐོར།  
\p
\v 15 དེ་ནས་ཕོ་ཉ་བདུན་པས་དུང་བུས་པ་ལ། ནམ་མཁའི་ཞིང་ཁམས་སུ་སྐད་ཆེན་པོ་དག་གྲགས་ཏེ་འདི་སྐད་དུ། འཇིག་རྟེན་གྱི་རྒྱལ་སྲིད་ནི་བདག་ཅག་གི་གཙོ་བོ་དང་ཁོང་གི་མཱ་ཤི་ཀའི་རྒྱལ་སྲིད་དུ་གྱུར་ཅིང་། ཁོང་ནི་ཇི་སྲིད་བར་དུ་རྒྱལ་པོར་བཞུགས་པར་འགྱུར་ཞེས་གསུངས་སོ།།  
\v 16 དེ་ནས་དཀོན་མཆོག་གི་དྲུང་དུ་རང་རང་གི་ཁྲིར་བཞུགས་པའི་རྒན་པོ་ཉེར་བཞིས་ཁོང་ལ་ཕྱག་བཙལ་ནས་འདི་ལྟར་བསྟོད་བསྔགས་བརྗོད་པ་སྟེ།  
\v 17 ད་ལྟ་བཞུགས་ཤིང་སྔར་མཆིས་པའི་ཀུན་དབང་གཙོ་བོ་དཀོན་མཆོག་ལགས། ཁྱེད་ཀྱིས་ཉིད་ཀྱི་དབང་ཐང་ཆེན་པོ་བཞེས་ནས་རྒྱལ་པོར་བཞུགས་པས། ངེད་ཅག་གིས་ཁྱེད་ལ་བཀའ་དྲིན་ཞུའོ།།  
\v 18 ཕྱི་ཕྱོགས་པ་རྣམས་ཁོང་ཁྲོ་ལངས་པ་དང་། ཁྱེད་ཀྱི་ཐུགས་ཁྲོ་འཕོག་པའི་དུས་ཀྱང་སླེབས། གཤིན་པོ་རྣམས་ལ་ལེགས་ཉེས་ཀྱི་ཁྲིམས་ཐག་གཅོད་པའི་དུས་ཀྱང་སླེབས། ཁྱེད་ཀྱི་ཞབས་ཕྱི་ལུང་སྟོན་པ་དང་། དད་ལྡན་དམ་པ། ཁྱེད་ཀྱི་མཚན་ལ་གུས་ཤིང་འཇིགས་མཁན་བཅས་མཆོག་དམན་ཀུན་ལ་བྱ་དགའ་གནང་བའི་དུས་ཀྱང་སླེབས། ཁྱེད་ཀྱིས་འཇིག་རྟེན་ལ་གཏོར་བརླག་བྱེད་མཁན་ཐམས་ཅད་མེད་པར་བཟོ་བའི་དུས་ཀྱང་སླེབས་ཞེས་པའོ།།   
\p
\v 19 སྐབས་དེར། དཀོན་མཆོག་གི་ནམ་མཁའི་ཞིང་ཁམས་ཀྱི་མཆོད་ཁང་གི་སྒོ་ཕྱེས་ཤིང་། ཁོང་གི་མཆོད་ཁང་ནང་དུ་ཁོང་ཉིད་ཀྱི་ཞལ་ཆད་ཀྱི་ཤུར་སྒམ་མངོན་ནོ།། དེ་ནས་གློག་དམར་འཁྱུག་པ་དང་། ལྡིར་སྒྲ་སྒྲོག་པ། འབྲུག་སྒྲ་གྲགས་པ། ས་འགུལ་བྱུང་བ། སེར་བ་དྲག་པོ་འབབ་པ་བཅས་བྱུང་ངོ་།།   
\c 12
\cl ལེའུ་བཅུ་གཉིས་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 བུད་མེད་དང་འབྲུག་གི་སྐོར།  
\p
\v 1 ནམ་མཁའ་རུ་ངོ་མཚར་བའི་ལྟས་ཆེན་པོ་བྱུང་སྟེ། བུད་མེད་ཅིག་ཡོད་པ་དེས་ལུས་ལ་ཉི་མ་གྱོན་ཞིང་ཟླ་བ་རྐང་འོག་ཏུ་མནན་པ་དང་། མགོ་ལ་སྐར་མ་བཅུ་གཉིས་ཀྱི་ཅོད་པན་གྱོན་ལ།  
\v 2 ཁོ་མོར་མངལ་སྦྲུམ་པ་དང་ཕྲུ་གུ་བཙའ་བའི་དཀའ་སྡུག་ཁྲོད་ཟུག་གཟེར་གྱི་འཁུན་སྒྲ་འབྱིན་ནོ།།  
\v 3 ཡང་ནམ་མཁའ་ནས་ངོ་མཚར་བའི་ལྟས་གཞན་ཞིག་བྱུང་སྟེ། ལྟོས་དང་། འབྲུག་ཆེན་དམར་པོ་ཞིག་ཡོད་པ་ལ་མགོ་བདུན་དང་རྭ་ཅོ་བཅུ་ཐོགས་པ་དང་། མགོ་བོ་བདུན་པོར་ཅོད་པན་རེ་གྱོན་ཡོད།  
\v 4 འབྲུག་གི་རྔ་མས་ནམ་མཁའི་སྐར་མ་རྣམས་ཀྱི་གསུམ་ཆའི་གཅིག་དྲུད་ནས་ས་གཞིར་གཡུགས་ཤིང་། བུད་མེད་ཀྱིས་ཕྲུ་གུ་བཙས་རྗེས་ཁོ་མོའི་ཕྲུ་གུ་ཁྱུར་མིད་གཏོང་ཕྱིར། འབྲུག་དེ་ནི་ཕྲུ་གུ་བཙའ་རན་པའི་བུད་མེད་དེའི་མདུན་དུ་འགྲེངས་ནས་བསྡད་དོ།།  
\v 5 དེ་ནས་བུད་མེད་ཀྱིས་བུ་ཞིག་བཙས་ཤིང་བུ་དེ་ནི་མ་འོངས་པར་ལྕགས་ཀྱི་དབྱུག་པས་རྒྱལ་ཁབ་ཐམས་ཅད་སྐྱོང་མཁན་ཡིན་ལ། ཁོ་མོའི་བྱིས་པ་ནི་དཀོན་མཆོག་དང་ཁོང་ཉིད་ཀྱི་བཞུགས་ཁྲིའི་གནས་སུ་ཡར་དྲངས་པ་རེད།  
\v 6 བུད་མེད་དབེན་སྟོང་དུ་བྲོས་ཤིང་། གནས་དེ་རུ་དཀོན་མཆོག་གིས་ཁོ་མོར་ས་ཆ་ཞིག་སྟ་གོན་མཛད་ཡོད་དེ། ཉིན་ཆིག་སྟོང་ཉིས་བརྒྱ་དྲུག་ཅུ་ལ་ཁོ་མོ་སྐྱོང་བར་མཛད་པའི་ཕྱིར་རོ།།   
\p
\v 7 དེ་ནས་ནམ་མཁའི་ཞིང་ཁམས་སུ་འཐབ་འཁྲུག་བྱུང་བ་སྟེ། ཕོ་ཉ་མེའ་ཀཱ་ཨེལ་དང་ཁོང་གི་འཁོར་རྣམས་འབྲུག་ལ་འཐབ་ཅིང་། འབྲུག་གིས་ཀྱང་ཁོའི་འཁོར་རྣམས་ལ་ལྷན་དུ་རྒོལ་བ་དང་།  
\v 8 རྒྱལ་ཁ་མ་ལོན་ཞིང་དུས་དེ་ནས་བཟུང་ནམ་མཁའི་ཞིང་ཁམས་སུ་དེ་རྣམས་ལ་སྡོད་ས་མེད་དོ།།  
\v 9 འབྲུག་ཆེན་ནི་གནའ་བོའི་སྦྲུལ་དེ་ཡིན་པ་དང་མིང་ལ་བདུད་དང་། ཡང་ན་སཱ་ཏན་ཞེས་ཀྱང་ཟེར་ཏེ། འཇིག་རྟེན་ཡོངས་ལ་སླུ་བྲིད་གཏོང་མཁན་ཡིན། འབྲུག་ཆེན་དེ་ས་གཞིར་གཡུགས་ཤིང་ཁོའི་འཁོར་རྣམས་ཀྱང་ལྷན་དུ་སར་གཡུགས་པའོ།།   
\p
\v 10 དེ་ནས་ནམ་མཁའི་ཞིང་ཁམས་ནས་སྐད་ཆེན་པོ་ཞིག་གིས་འདི་སྐད་དུ་གསུངས་པ་བདག་གིས་ཐོས་ཏེ།  
\q1 བདག་ཅག་དཀོན་མཆོག་ཉིད་ཀྱི་ཐར་པ་དང་།།  
\q1 ནུས་མཐུ་དང་ནི་རྒྱལ་སྲིད་བཅས་པ་དང་།།  
\q1 ད་དུང་ཁོང་གི་མཱ་ཤི་ཀ་ཉིད་ཀྱི།།  
\q1 དབང་ཐང་ཐམས་ཅད་ད་ལྟ་སླེབས་ཟིན་ཏོ།།  
\q1 དེ་ནི་བདག་ཅག་དཀོན་མཆོག་ཞབས་དྲུང་དུ།།  
\q1 ཉིན་མཚན་མེད་པར་བདག་ཅག་སྤུན་ཟླ་ལ།།  
\q1 སྐྱོན་འཛུགས་མཁན་དེ་ས་ལ་གཡུགས་པས་སོ།།   
\q1
\v 11 སྤུན་ཟླ་རྣམས་ནི་དེ་ལས་རྒྱལ་བ་ཡང་།།  
\q1 ལུ་གུའི་ཟུངས་ཁྲག་དང་ནི་རང་ཉིད་ཀྱི།།  
\q1 བདེན་དཔང་ཚིག་ལ་བརྟེན་ནས་རྒྱལ་བ་འོ།།  
\q1 ཁོ་རྣམས་འཆི་བའི་ལམ་དུ་འགྲོ་དགོས་ཀྱང་།།  
\q1 རང་སྲོག་ལ་ནི་ཡེ་ནས་མ་འཛེམས་སོ།།   
\q1
\v 12 དེའི་ཕྱིར་ནམ་མཁའ་དང་ནི་གནས་དེ་རུ།།  
\q1 བདེ་བར་སྡོད་པ་ཐམས་ཅད་སྤྲོ་བར་གྱིས།།  
\q1 འོན་ཀྱང་ས་གཞི་དང་ནི་རྒྱ་མཚོ་ལ།།  
\q1 ཆག་སྒོ་འབྱུང་བ་རྒྱུ་མཚན་ཅི་ཞེ་ན།།  
\q1 བདུད་ཀྱིས་རང་ལ་དུས་ཡུན་མང་པོ་ཞིག །  
\q1 མེད་པར་ཤེས་ནས་ཁོང་ཁྲོ་ཆེན་པོ་བཅས།།  
\q1 ཁྱོད་ཅག་གམ་དུ་མར་ལ་ཡོང་བ་ཡིན།།  
\m ཞེས་པའོ།།   
\p
\v 13 འབྲུག་གིས་རང་ཉིད་སར་གཡུགས་པ་མཐོང་སྟེ། བུ་བཙའ་མཁན་བུད་མེད་དེ་ལ་མནར་གཅོད་བཏང་ངོ་།།  
\v 14 དེ་ནས་བུད་མེད་ལ་གླག་ཆེན་པོའི་གཤོག་ཟུང་གནང་སྟེ། ཁོ་མོ་དབེན་སྟོང་དུ་འཕུར་ཞིང་རང་གི་ས་ཆར་སོང་ནས་སྦྲུལ་དེ་ལ་གཞའ་ཐུབ་པའི་ཕྱིར་ཡིན། གནས་དེ་རུ་ཁོ་མོ་ལོ་གཅིག་དང་ལོ་གཉིས། ལོ་ཕྱེད་ཀ་བཅས་ལ་སྐྱོང་བར་མཛད་དོ།།  
\v 15 སྦྲུལ་གྱིས་བུད་མེད་ཀྱི་རྒྱབ་ཏུ་ཁ་ནས་ཆུ་བསྐྱུགས་ཤིང་། དེ་ནི་གཙང་པོ་དང་འདྲ་ཞིང་ཆུས་བུད་མེད་འཁུར་བའི་ཕྱིར་ཡིན་མོད།  
\v 16 འོན་ཀྱང་ས་གཞི་ཡིས་བུད་མེད་ལ་རོགས་བྱས་ཤིང་། ས་གཞིས་ཁ་གདངས་ཏེ་འབྲུག་གི་ཁ་ནས་བསྐྱུགས་པའི་གཙང་པོ་མིད་དོ།།  
\v 17 དེ་ནས་འབྲུག་བུད་མེད་ལ་རབ་ཏུ་ཁྲོས་ཏེ་ཁོ་མོའི་བུ་ཕྲུག་གཞན་རྣམས་ལ་འཐབ་ཏུ་སོང་ཞིང་། བུ་ཕྲུག་དེ་དག་ནི་དཀོན་མཆོག་གི་བཀའ་ཁྲིམས་བསྲུངས་ཤིང་སྐྱབས་མགོན་ཡེ་ཤུར་བདེན་དཔང་བྱེད་མཁན་རྣམས་ཡིན་ལ།  
\v 18 དེའི་དུས་སུ་འབྲུག་ནི་རྒྱ་མཚོའི་འགྲམ་གྱི་བྱེ་ཐང་དུ་འགྲེངས་ནས་བསྡད་ཡོད་དོ།།   
\c 13
\cl ལེའུ་བཅུ་གསུམ་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 རྒྱ་མཚོ་ལས་ཐོན་པའི་གཅན་གཟན།  
\p
\v 1 ཡང་བདག་གིས་གཅན་གཟན་ཞིག་རྒྱ་མཚོ་ལས་ཡར་འཐོན་པ་མཐོང་ཞིང་། དེ་ལ་རྭ་ཅོ་བཅུ་དང་མགོ་བོ་བདུན་ཡོད་ལ། རྭ་ཅོ་བཅུའི་སྟེང་དུ་ཅོད་པན་བཅུ་གྱོན་པ་དང་། མགོ་རེ་རེའི་སྟེང་དུ་སྐུར་འདེབས་ཀྱི་མིང་ཡོད་དོ།།  
\v 2 བདག་གིས་མཐོང་བའི་གཅན་གཟན་དེ་ནི་གཟིག་དང་མཚུངས་ཞིང་། རྐང་པ་ནི་དོམ་གྱི་རྐང་པ་དང་འདྲ། ཁ་ནི་སེང་གེའི་ཁ་དང་འདྲ། འབྲུག་དེས་རང་གི་ནུས་མཐུ་དང་། ཁྲི། དབང་ཐང་ཆེན་པོ་བཅས་དེ་ལ་སྤྲད་པ་ཡིན།  
\v 3 ཡང་བདག་གིས་གཅན་གཟན་དེའི་མགོ་བདུན་པོ་ལས་གཅིག་ལ་འཆི་བར་ཐུག་པའི་རྨས་སྐྱོན་བྱུང་བ་འདྲ་མཐོང་མོད། འོན་ཀྱང་རྨས་སྐྱོན་དེ་སོས་པ་ན། འཇིག་རྟེན་གྱི་མི་ཐམས་ཅད་ཧ་ལས་ཤིང་གཅན་གཟན་དེའི་རྗེས་སུ་འབྲངས་པ་དང་།  
\v 4 འབྲུག་གིས་རང་གི་དབང་ཐང་གཅན་གཟན་དེ་ལ་སྤྲད་པས། མི་དེ་རྣམས་ཀྱིས་འབྲུག་དེ་ལ་བསྟོད་བསྔགས་བརྗོད་ཅིང་། ཡང་གཅན་གཟན་དེ་ལའང་བསྟོད་བསྔགས་འདི་ལྟར་བརྗོད་པ་སྟེ། གཅན་གཟན་འདི་ལ་འགྲན་ཟླ་སུ་ཡོད་དམ།། གཅན་གཟན་འདི་ལ་འཐབ་ཡ་སུ་ཡང་མེད།། ཅེས་པའོ།།   
\p
\v 5 ཡང་གཅན་གཟན་དེ་ལ་ཁ་ཕོ་དང་སྐུར་འདེབས་ཀྱི་སྨྲ་སྒོ་སྤྲད་ཅིང་། ཟླ་བ་བཞི་བཅུ་ཞེ་གཉིས་ཀྱི་རིང་ཁོ་ལ་སྲིད་བྱེད་པའི་དབང་སྤྲད་དོ།།  
\v 6 གཅན་གཟན་གྱིས་ཁ་གདངས་ནས་དཀོན་མཆོག་ལ་སྐུར་འདེབས་ཀྱི་ཚིག་སྨྲས་ཤིང་། དཀོན་མཆོག་གི་མཚན་དང་ཁོང་གི་གུར་མཆོག་སྟེ། ནམ་མཁའི་ཞིང་ཁམས་སུ་བཞུགས་མཁན་རྣམས་ལ་སྐུར་བ་བཏབ་བོ།།  
\v 7 ཡང་དེ་ལ་དད་ལྡན་དམ་པ་རྣམས་དང་འཐབ་ནས་རྒྱལ་ཁ་ལེན་པ་དང་། ཚོ་པ་སོ་སོ་དང་མི་སྡེ་སོ་སོ། སྐད་རིགས་སོ་སོ། མི་རིགས་སོ་སོ་བཅས་འདུལ་བའི་དབང་ཡང་སྤྲད།  
\v 8 འཇིག་རྟེན་བཀོད་པའི་ཚུན་ལ། བཀྲོངས་ཟིན་པའི་ལུ་གུའི་ཚེ་སྲོག་གི་གླེགས་བམ་ནང་དུ་མིང་ཐོ་བཀོད་མེད་པའི་མི་རྣམས་ཏེ། ས་སྟེང་དུ་སྡོད་པ་ཐམས་ཅད་ཀྱིས་གཅན་གཟན་དེ་ལ་ཕྱག་འཚལ་བར་འགྱུར་རོ།།   
\p
\v 9 རྣ་བ་ཡོད་པ་ཐམས་ཅད་ཀྱིས་ཉོན་ཅིག  
\v 10 བཙོན་དུ་འཇུག་དགོས་པ་རྣམས་ནི་བཙོན་དུ་འཇུག་པར་འགྱུར་ལ། རལ་གྲིས་གསོད་དགོས་པ་རྣམས་ནི་རལ་གྲིའི་ཁ་ནས་གསོད་པར་འགྱུར་རོ།། འདི་ནི་དད་ལྡན་དམ་པ་རྣམས་ཀྱི་བཟོད་བསྲན་དང་དད་སེམས་ཡིན་ནོ།།   
\s1 ས་གཞི་ནས་ཡར་ཐོན་པའི་གཅན་གཟན།  
\p
\v 11 ཡང་བདག་གིས་གཅན་གཟན་གཞན་ཞིག་ས་གཞི་ནས་ཡར་འཐོན་པ་མཐོང་སྟེ། ལུ་གུ་དང་འདྲ་བར་རྭ་ཅོ་གཉིས་ཡོད་ཅིང་། འབྲུག་ལྟར་གཏམ་སྨྲས་སོ།།  
\v 12 དེ་ཡིས་གཅན་གཟན་སྔ་མའི་མདུན་ནས་དེའི་དབང་ཐམས་ཅད་སྤྱོད་པར་མ་ཟད། ས་གཞི་དང་ས་གཞིའི་སྟེང་དུ་སྡོད་པ་ཐམས་ཅད་ལ་འཆི་བར་ཐུག་པའི་རྨས་སྐྱོན་བྱུང་ཞིང་སོས་པར་གྱུར་པའི་གཅན་གཟན་སྔ་མ་དེར་ཕྱག་འཚལ་དུ་བཅུག་པ་དང་།  
\v 13 ཡང་གྲུབ་རྟགས་ཆེན་པོ་རྣམས་སྟོན་ཞིང་། ཐ་ན་མིའི་མདུན་དུ་ནམ་མཁའ་ནས་ས་གཞིར་མེ་འབབ་ཏུ་བཅུག་པའོ༎  
\v 14 དེ་ལ་གཅན་གཟན་སྔ་མའི་མདུན་དུ་གྲུབ་རྟགས་རྣམས་སྟོན་པའི་དབང་སྤྲད་ཡོད་པས། ས་སྟེང་དུ་སྡོད་པ་རྣམས་ལ་འདི་ལྟར་སླུ་བྲིད་བྱས་པ་སྟེ། རལ་གྲིའི་རྨས་སྐྱོན་ཐེབས་ཀྱང་གསོན་པོར་གནས་པའི་གཅན་གཟན་དེ་ལ་གཟུགས་བརྙན་བཟོ་བར་བྱའོ་ཞེས་སྨྲས་ཤིང་།  
\v 15 གཅན་གཟན་སྔ་མའི་གཟུགས་བརྙན་ལ་སྲོག་དང་ལྡན་པར་བྱེད་པའི་དབང་ཡང་དེ་ལ་གནང་ངོ་༎ དེ་ནི་གཅན་གཟན་སྔ་མའི་གཟུགས་བརྙན་ལ་གཏམ་སྨྲ་རུ་འཇུག་པ་དང་། དེ་ལ་ཕྱག་མི་འཚལ་བ་ཐམས་ཅད་གསོད་པའི་ཕྱིར་རོ།།  
\v 16 ཡང་གཅན་གཟན་ཕྱི་མ་དེས་མི་ཆེ་ཆུང་དང་། དབུལ་ཕྱུག བདག་པོ། གཡོག་པོ་བཅས་གང་ཡིན་ཐམས་ཅད་ཀྱི་གཡས་ལག་གམ། ཡང་ན་དཔྲལ་བའི་སྟེང་དུ་རྟགས་རྒྱག་ཏུ་བཅུག་ནས།  
\v 17 དེ་ནི་རྟགས་ཐོབ་པ་སྟེ་གཅན་གཟན་གྱི་མིང་ཡོད་པའམ། ཡང་ན་གཅན་གཟན་གྱི་མིང་གྲངས་ཡོད་པ་ལས་གཞན་སུ་ཞིག་གིས་ཀྱང་ཉོ་འཚོང་བྱེད་མི་ནུས་པའི་ཕྱིར་རོ།།   
\p
\v 18 འདི་རུ་ཤེས་རབ་ཡོད་དེ། བློ་གྲོས་ལྡན་པ་སུས་ཀྱང་གཅན་གཟན་གྱི་གྲངས་ཀ་བརྩི་རུང་། ཅིའི་ཕྱིར་ཞེ་ན། དེ་ནི་མིའི་གྲངས་ཀ་ཡིན་ཏེ། དེའི་གྲངས་ཀ་ནི་དྲུག་བརྒྱ་དྲུག་ཅུ་རེ་དྲུག་ཡིན་པའི་ཕྱིར་རོ།།   
\c 14
\cl ལེའུ་བཅུ་བཞི་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ལུ་གུ་དང་མི་གྲངས་ཆིག་འབུམ་བཞི་ཁྲི་བཞི་སྟོང་།  
\p
\v 1 ཡང་བདག་གིས་ཕར་བལྟས་པ་ལ། ལྟོས་དང་། ལུ་གུ་རི་བོ་ཛ་ཡན་སྟེང་དུ་འགྲེང་འདུག་པ་མཐོང་ཞིང་། ཁོང་དང་ལྷན་དུ་མི་གྲངས་ཆིག་འབུམ་བཞི་ཁྲི་བཞི་སྟོང་ཡོད་ལ། དེ་ཐམས་ཅད་ཀྱི་དཔྲལ་བའི་སྟེང་དུ་ཁོང་གི་མཚན་དང་ཁོང་གི་ཡབ་ཀྱི་མཚན་བཀོད་ཡོད་དོ།།  
\v 2 ཡང་ནམ་མཁའི་ཞིང་ཁམས་ནས་ཆུ་མང་པོའི་སྒྲ་དང་འབྲུག་སྒྲ་ལྡིར་བ་ལྟ་བུའི་སྒྲ་གྲགས་པ་བདག་གིས་ཐོས་ཤིང་། སྒྲ་དེ་ནི་རོལ་མོ་པ་རྣམས་ཀྱིས་དཀྲོལ་བའི་རྒྱུད་མངས་ཀྱི་དབྱངས་དང་མཚུངས་སོ།།  
\v 3 དེ་རྣམས་ཀྱིས་བཞུགས་ཁྲི་དང་། སེམས་ཅན་བཞི་པོ། རྒན་པོ་བཅས་ཀྱི་དྲུང་དུ་བསྟོད་དབྱངས་གསར་པ་ཕུལ་ཞིང་། ས་སྟེང་ནས་བླུས་པའི་མི་གྲངས་ཆིག་འབུམ་བཞི་ཁྲི་བཞི་སྟོང་ལས་གཞན། བསྟོད་དབྱངས་གསར་པ་འདི་སློབ་ཐུབ་མཁན་མེད།  
\v 4 མི་དེ་རྣམས་ནི་བུད་མེད་དང་འགྲོགས་མ་མྱོང་བའི་སྐྱེས་པ་གཙང་མ་ཡིན་ལ། ལུ་གུ་གང་དུ་ཕེབས་ན་དེ་རྣམས་ཀྱང་ཁོང་གི་རྗེས་སུ་འབྲངས་པའོ།། ཁོ་ཚོ་ནི་མི་རྣམས་ལས་བླུས་ཤིང་འབྲས་བུ་ཐོག་མ་སྨིན་པ་ལྟར་དཀོན་མཆོག་དང་ལུ་གུ་ལ་ཕུལ་བ་དང་།  
\v 5 དེ་རྣམས་ཀྱི་ངག་ལས་རྫུན་མི་རྙེད་ཅིང་། དེ་རྣམས་ལ་སྐྱོན་གྱི་དྲི་མས་མ་གོས་པའོ།།   
\s1 ཕོ་ཉ་གསུམ་གྱི་སྐོར།  
\p
\v 6 ཡང་བདག་གིས་ཕོ་ཉ་གཞན་ཞིག་བར་སྣང་དུ་འཕུར་བ་མཐོང་ཞིང་། མི་རིགས་སོ་སོ་དང་ཚོ་པ་སོ་སོ། སྐད་རིགས་སོ་སོ། མི་སྡེ་སོ་སོ་བཅས་ས་སྟེང་དུ་སྡོད་པའི་མི་རྣམས་ལ་སྒྲོག་ཕྱིར་མཐའ་མེད་པའི་འཕྲིན་བཟང་ཡོད་དེ།  
\v 7 ཁོང་གིས་སྐད་ཆེན་པོས་འདི་སྐད་དུ། དཀོན་མཆོག་གིས་ལེགས་ཉེས་ཀྱི་ཁྲིམས་ཐག་གཅོད་པའི་དུས་ནི་སླེབས་ཟིན་པས། ཁོང་ཉིད་ལ་འཇིགས་ཤིང་བསྟོད་པར་བྱའོ།། ནམ་མཁའ་དང་ས་གཞི། རྒྱ་མཚོ་དང་ཆུ་མིག་བཅས་འགོད་མཁན་ཁོང་ཉིད་ལ་བསྟོད་བསྔགས་བརྗོད་པར་གྱིས་ཞེས་གསུངས་སོ།།   
\p
\v 8 ཡང་ཕོ་ཉ་གཉིས་པས་མུ་མཐུད་ནས་འདི་སྐད་དུ། རྒྱལ་ཁབ་ཐམས་ཅད་ལ་ལོག་གཡེམ་དང་འདོད་ཆགས་ཀྱི་རྒུན་ཆང་འཐུང་དུ་བཅུག་པའི་པཱ་པེལ་ལོན་ཆེན་པོ་དེ་ནི་འཇིག་སོང་ངོ་།། འཇིག་སོང་ངོ་ཞེས་གསུངས་སོ།།   
\p
\v 9 ཡང་ཕོ་ཉ་གསུམ་པས་དེ་གཉིས་ཀྱི་མུ་མཐུད་ནས་སྐད་ཆེན་པོས་འདི་སྐད་དུ། གལ་ཏེ་སུ་ཞིག་གིས་གཅན་གཟན་དང་གཅན་གཟན་གྱི་གཟུགས་བརྙན་ལ་ཕྱག་འཚལ་བ་དང་། དཔྲལ་བའམ་ལག་པའི་སྟེང་དུ་རྟགས་བརྒྱབ་ཡོད་ན།  
\v 10 མི་དེས་ཀྱང་དཀོན་མཆོག་གི་ཐུགས་ཁྲོའི་རྒུན་ཆང་འཐུང་བར་འགྱུར་ཏེ། རྒུན་ཆང་དེ་ནི་དཀོན་མཆོག་གི་ཐུགས་ཁྲོའི་ཕོར་བ་ནང་དུ་བླུགས་ཡོད་པའི་ལྷད་མེད་རྒུན་ཆང་ཡིན། ཕོ་ཉ་དམ་པ་རྣམས་དང་ལུ་གུའི་དྲུང་དུ། མི་དེས་མེ་དང་མུ་ཟིའི་ཁྲོད་ནས་མནར་གཅོད་མྱོང་བར་འགྱུར་རོ།།  
\v 11 མི་དེ་རྣམས་ཀྱིས་མནར་གཅོད་མྱོང་བའི་དུ་བ་ནི་ཇི་སྲིད་བར་དུ་དགུང་ལ་འཕྱུར་ཞིང༌། གཅན་གཟན་དང་གཅན་གཟན་གྱི་གཟུགས་བརྙན་ལ་ཕྱག་འཚལ་བ་དང་། གཅན་གཟན་གྱི་མིང་གི་རྟགས་བརྒྱབ་ཡོད་པ་རྣམས་ལ་ཉིན་མཚན་ཀུན་ཏུ་བདེ་བ་མེད་ཅེས་གསུངས་སོ།།  
\v 12 འདི་ནི་དད་ལྡན་དམ་པ་རྣམས་ཀྱི་བཟོད་བསྲན་ཡིན་ཏེ། ཁོ་རྣམས་ནི་དཀོན་མཆོག་གི་བཀའ་རྣམས་དང་སྐྱབས་མགོན་ཡེ་ཤུ་ལ་བཅངས་པའི་དད་པ་སྲུང་མཁན་ཡིན་ནོ།།   
\p
\v 13 ནམ་མཁའི་ཞིང་ཁམས་ནས་སྐད་སྒྲ་ཞིག་གིས་འདི་སྐད་དུ། དུས་ད་ནས་བཟུང་། གཙོ་བོའི་ནང་དུ་ཚེ་ལས་འདས་པ་རྣམས་བདེའོ་ཞེས་ཁྱོད་ཀྱིས་ཡི་གེར་འགོད་པར་གྱིས་ཤིག་ཅེས་གསུངས་པ་བདག་གིས་ཐོས་སོ༎ དམ་པའི་ཐུགས་ཉིད་ཀྱིས་འདི་སྐད་དུ། ལགས་སོ༎ ཁོ་རྣམས་རང་གི་ངལ་དུབ་ལས་ངལ་གསོ་བར་ངེས་ཤིང་། རྩོལ་བའི་འབྲས་བུ་ཡང་ཁོ་རྣམས་དང་ལྷན་དུ་ཡོད་ཅེས་གསུངས་སོ།།   
\s1 ས་སྟེང་གི་སྟོན་ལས་སྐོར།  
\p
\v 14 ཡང་བདག་གིས་ཕར་བལྟས་པ་ན། ལྟོས་དང་། སྤྲིན་དཀར་ཞིག་དང་སྤྲིན་གྱི་བང་རིམ་དུ་མིའི་བུ་དང་མཚུངས་པ་ཞིག་བཞུགས་པ་མཐོང་ཞིང་། ཁོང་གི་དབུ་ལ་གསེར་གྱི་ཅོད་པན་མནབས་ཤིང་ཕྱག་ཏུ་ཟོར་བ་རྣོན་པོ་ཐོགས་ཡོད།  
\v 15 ཡང་ཕོ་ཉ་གཞན་ཞིག་མཆོད་ཁང་ནས་ཐོན་ཏེ་སྤྲིན་གྱི་བང་རིམ་དུ་བཞུགས་མཁན་དེ་ཉིད་ལ་སྐད་ཆེན་པོས་འདི་སྐད་དུ། སྟོན་བསྡུ་བའི་དུས་ལ་སླེབས་ཤིང་ས་སྟེང་གི་ལོ་ཏོག་སྨིན་ཟིན་པས། ཁྱེད་ཀྱིས་ཟོར་བ་བསྲིངས་ནས་སྟོན་བསྡུ་བར་མཛོད་ཅེས་ཞུས་པ་ལ།  
\v 16 སྤྲིན་གྱི་བང་རིམ་དུ་བཞུགས་མཁན་དེ་ཉིད་ཀྱིས་ཟོར་བ་ས་སྟེང་དུ་གཡུགས་ཏེ་ས་སྟེང་གི་སྟོན་བསྡུ་བར་མཛད་དོ།།   
\p
\v 17 ཡང་ཕོ་ཉ་གཞན་ཞིག་ནམ་མཁའི་ཞིང་ཁམས་ཀྱི་མཆོད་ཁང་ནས་ཐོན་ཞིང་། ཕྱག་ཏུ་ཡང་ཟོར་བ་རྣོན་པོ་ཐོགས་ཡོད་དོ།།  
\v 18 ཡང་ཕོ་ཉ་གཞན་ཞིག་མཆོད་ཁྲི་ལས་ཐོན་ཞིང་། དེ་ནི་མེ་ལ་དབང་སྒྱུར་མཁན་ཡིན་ལ། དེས་ཟོར་བ་རྣོན་པོ་འཛིན་མཁན་དེ་ལ་སྐད་ཆེན་པོས་འདི་སྐད་དུ། ས་སྟེང་གི་རྒུན་འབྲུམ་སྨིན་ཟིན་པས་ཟོར་བ་རྣོན་པོ་སྲོངས་ལ་རྒུན་འབྲུམ་ཤིང་གི་འབྲས་བུ་སྡུས་ཤིག་ཅེས་སྨྲས་པ་ན།  
\v 19 ཕོ་ཉས་ཟོར་བ་ས་སྟེང་དུ་གཡུགས་ཏེ་ས་སྟེང་གི་རྒུན་འབྲུམ་བསྡུས་ཤིང་། དཀོན་མཆོག་གི་ཐུགས་ཁྲོའི་རྒུན་འབྲུམ་འཚིར་གཞོང་ཆེན་པོ་ནང་དུ་གཡུགས་སོ།།  
\v 20 གྲོང་ཁྱེར་ཕྱི་རོལ་ཏུ་ཡོད་པའི་རྒུན་འབྲུམ་འཚིར་གཞོང་གི་ནང་དུ་རྒུན་འབྲུམ་རྡོག་བརྫིས་བཏང་བས། གཞོང་བ་ལས་ཁྲག་བཞུར་ཏེ་མཐོ་ཚད་རྟའི་སྲབ་ལ་ཐུག་པ་དང་། རིང་ཚད་རྒྱང་གྲགས་ཆིག་སྟོང་དྲུག་བརྒྱ་ཙམ་དུ་སླེབས་སོ།།   
\c 15
\cl ལེའུ་བཅོ་ལྔ་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཆག་སྒོ་བདུན་ལ་དབང་བསྒྱུར་བའི་ཕོ་ཉ་བདུན་གྱི་སྐོར།  
\p
\v 1 ཡང་བདག་གིས་ནམ་མཁའ་ནས་ལྟས་ངོ་མཚར་ཅན་གཞན་ཞིག་ཡོད་པ་མཐོང་བ་དང་། དེ་ནི་ཆེ་ཞིང་ཆེ་ལ་ཤིན་ཏུ་ངོ་མཚར་རོ།། ཕོ་ཉ་བདུན་པོས་མཐའ་མའི་ཆག་སྒོ་བདུན་ལ་དབང་བསྒྱུར་ཏོ།། ཅིའི་ཕྱིར་ཞེ་ན། དཀོན་མཆོག་གི་ཐུགས་ཁྲོ་ནི་ཆག་སྒོ་བདུན་ལས་རྫོགས་པར་འགྱུར་བའི་ཕྱིར་རོ།།  
\v 2 བདག་གིས་ཤེལ་གྱི་རྒྱ་མཚོ་མེ་དང་འདྲེས་མ་ལྟ་བུ་ཞིག་མཐོང་ཞིང་། ཡང་གཅན་གཟན་དང་གཅན་གཟན་གྱི་གཟུགས་བརྙན། དེའི་མིང་གི་གྲངས་ཀ་བཅས་ལས་རྣམ་པར་རྒྱལ་བའི་མི་ཐམས་ཅད་ཤེལ་གྱི་རྒྱ་མཚོའི་སྟེང་དུ་འགྲེང་ཞིང་། ལག་ཏུ་དཀོན་མཆོག་གི་རྒྱུད་མངས་ཐོགས་པ་དང་།  
\v 3 དཀོན་མཆོག་གི་ཞབས་ཕྱི་པ་མོ་ཤེའི་མགུར་དང་ལུ་གུའི་མགུར་འདི་ལྟར་བླངས་པ།  
\q1 ཀྱེ་ཀྱེ་གཙོ་བོ་ཀུན་དབང་དཀོན་མཆོག་ལགས།།  
\q1 ཁྱེད་ཀྱི་འཕྲིན་ལས་ཆེ་ཞིང་ངོ་མཚར་ལྡན།།  
\q1 རྒྱལ་ཁབ་ཀུན་གྱི་རྒྱལ་པོ་ཆེན་པོ་ལགས།།  
\q1 ཁྱེད་ཀྱི་ལམ་ནི་དྲང་ཞིང་བདེན་པ་ཡིན།།   
\q1
\v 4 གཙོ་བོ་ཁྱེད་རང་གཅིག་པུ་དམ་པ་ལགས།།  
\q1 ཁྱེད་ལ་གུས་ཞུམ་མི་བྱེད་ཁྱེད་མཚན་ལ།།  
\q1 བསྟོད་བསྔགས་མི་འབུལ་བ་ནི་སུ་ཞིག་ཡོད།།  
\q1 ཁྱེད་ཀྱི་དྲང་བདེན་མཛད་འཕྲིན་མངོན་གྱུར་པས།།  
\q1 མི་རིགས་ཐམས་ཅད་ཁྱེད་ཀྱི་སྤྱན་དྲུང་དུ།།  
\q1 ཡོང་ནས་ཁྱེད་ལ་བསྟོད་བསྔགས་བརྗོད་པར་འགྱུར།།  
\m ཞེས་པའོ།།   
\p
\v 5 དོན་དེ་དག་གི་རྗེས་སུ། བདག་གིས་ཕར་བལྟས་པ་ན། ནམ་མཁའི་ཞིང་ཁམས་སུ་ཡོད་པའི་དཔང་པོའི་གུར་མཆོག་གི་མཆོད་ཁང་གི་སྒོ་ཕྱེས་པ་མཐོང་ངོ་།།  
\v 6 ཆག་སྒོ་བདུན་ལ་དབང་བསྒྱུར་བའི་ཕོ་ཉ་བདུན་པོ་མཆོད་ཁང་ནས་ཐོན་ཅིང་། ལུས་ལ་དྭངས་ཤིང་གཙང་ལ་འོད་སྣང་འཕྲོ་བའི་སོ་རས་གྱོན་པ་དང་། བྲང་ཁར་གསེར་གྱི་སྐ་རགས་བཅིངས་ཡོད་དོ།།  
\v 7 དེ་ནས་སེམས་ཅན་བཞི་པོ་དེ་ལས་གཅིག་གིས། ཇི་སྲིད་བར་དུ་གསོན་པོར་བཞུགས་པའི་དཀོན་མཆོག་གི་ཐུགས་ཁྲོས་གང་བའི་གསེར་གྱི་ཕོར་བ་བདུན་པོ་དེ་ཕོ་ཉ་བདུན་ལ་གནང་ཞིང་།  
\v 8 མཆོད་ཁང་ནང་དུ་དཀོན་མཆོག་གི་གཟི་བརྗིད་དང་ནུས་མཐུའི་དབང་གིས་བྱུང་བའི་དུ་བས་ཁེངས་ཏེ། ཕོ་ཉ་བདུན་པོས་ཆག་སྒོ་བདུན་བཏང་ཚར་བའི་བར་དུ་གནས་དམ་མཆོག་ཏུ་འགྲོ་ཐུབ་མཁན་གཅིག་ཀྱང་མེད་དོ།།   
\c 16
\cl ལེའུ་བཅུ་དྲུག་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 དཀོན་མཆོག་གི་ཐུགས་ཁྲོ་ཆེན་པོ་བླུགས་པའི་ཕོར་བ་བདུན་གྱི་སྐོར།  
\p
\v 1 དེ་ནས་བདག་གིས་མཆོད་ཁང་ནས་སྐད་ཆེན་པོ་ཞིག་གྲགས་ཡོང་བ་ཐོས་ཤིང་། སྐད་དེས་ཕོ་ཉ་བདུན་པོ་ལ་འདི་སྐད་དུ། ཁྱོད་རྣམས་ཕར་སོང་སྟེ་དཀོན་མཆོག་གི་ཐུགས་ཁྲོའི་ཕོར་བ་བདུན་པོ་ས་སྟེང་དུ་བླུགས་ཤིག་ཅེས་གསུངས་སོ།།   
\p
\v 2 ཕོ་ཉ་དང་པོ་ཕར་སོང་ནས་རང་གི་ཕོར་བ་ས་སྟེང་དུ་བླུགས་ཏེ། གཅན་གཟན་གྱི་རྟགས་བརྒྱབ་ཡོད་པ་དང་གཅན་གཟན་གྱི་གཟུགས་བརྙན་ལ་ཕྱག་འཚལ་མཁན་རྣམས་ཀྱི་ལུས་སྟེང་དུ་སྐྱུག་བྲོ་ཞིང་དུག་གིས་ཁེངས་པའི་རྨ་ནད་བྱུང་ངོ་།།   
\p
\v 3 ཕོ་ཉ་གཉིས་པས་རང་གི་ཕོར་བ་རྒྱ་མཚོ་ནང་དུ་བླུགས་ཏེ། རྒྱ་མཚོ་ནི་ཁྲག་ཏུ་གྱུར་པ་དང་། ཤི་བོའི་ཁྲག་ལྟར་གྱུར་ཏེ། རྒྱ་མཚོ་ནང་གི་སྲོག་ལྡན་ཐམས་ཅད་ཤི་བའོ།།   
\p
\v 4 ཕོ་ཉ་གསུམ་པས་རང་གི་ཕོར་བ་གཙང་པོ་དང་ཆུ་མིག་གི་ནང་དུ་བླུགས་པ་དང་། ཆུ་ནི་ཁྲག་ཏུ་གྱུར་ཏོ།།  
\v 5 ཆུ་ལ་དབང་སྒྱུར་མཁན་གྱི་ཕོ་ཉས་འདི་སྐད་གསུངས་པ་བདག་གིས་ཐོས་ཏེ།  
\q1 འདས་དང་ད་ལྟར་བཞུགས་པའི་དམ་པ་ཁྱེད།།  
\q1 དེ་ལྟར་ཉེས་ཆད་བཅད་པས་དྲང་བདེན་ལགས།།   
\q1
\v 6 དེ་རྣམས་ཀྱིས་ནི་དད་ལྡན་དམ་པ་དང་།།  
\q1 ལུང་སྟོན་པ་ཚོའི་སྐུ་ཁྲག་བཞུར་བྱས་པས།།  
\q1 ད་ལྟ་ཁྱེད་ཀྱིས་སྐྱེ་བོ་དེ་རྣམས་ལ།།  
\q1 ཁྲག་ལན་འཐུང་བར་མཛད་པ་འཐོབ་འོས་སོ།།  
\m ཞེས་པའོ།།  
\v 7 ཡང་མཆོད་ཁྲི་ནས་སྒྲ་ཞིག་གྲགས་ཤིང་འདི་སྐད་གསུངས་པ་བདག་གིས་ཐོས་ཏེ།  
\q1 ལགས་སོ་གཙོ་བོ་ཀུན་དབང་དཀོན་མཆོག་ལགས།།  
\q1 ཁྱེད་ཀྱིས་ཉེས་ཆད་བཅད་པ་དྲང་བདེན་ལགས།།  
\m ཞེས་པའོ།།   
\p
\v 8 ཕོ་ཉ་བཞི་པས་རང་གི་ཕོར་བ་ཉི་མའི་སྟེང་དུ་བླུགས་ཏེ། ཉི་མར་མི་རྣམས་མེས་བསྲེག་པའི་དབང་གནང་ངོ་།།  
\v 9 མི་རྣམས་ཚ་བ་དྲག་པོས་བསྲེགས་པ་ན། དེ་རྣམས་ཀྱིས་ཆག་སྒོ་འདི་དག་ལ་དབང་སྒྱུར་མཁན་དཀོན་མཆོག་གི་མཚན་ལ་སྨད་པ་ལས། འགྱོད་བཤགས་བྱས་ནས་ཁོང་ལ་བསྟོད་བསྔགས་མ་བརྗོད་དོ།།   
\p
\v 10 ཕོ་ཉ་ལྔ་པས་རང་གི་ཕོར་བ་གཅན་གཟན་གྱི་ཁྲིའི་སྟེང་དུ་བླུགས་ཏེ། གཅན་གཟན་གྱི་རྒྱལ་སྲིད་མུན་ནག་ཏུ་གྱུར་ཏོ།། མི་རྣམས་ཀྱིས་ཟུག་གཟེར་མ་བཟོད་པས་རང་གི་ལྕེ་བལྡད་པ་དང་།  
\v 11 ཡང་ཟུག་གཟེར་དང་རྨ་ནད་མ་བཟོད་པའི་རྐྱེན་གྱིས། ནམ་མཁའི་ཞིང་ཁམས་ཀྱི་དཀོན་མཆོག་ལ་སྐུར་བ་བཏབ་ཅིང་། རང་གིས་ཅི་བྱས་ལ་འགྱོད་བཤགས་མ་བྱས་སོ།།   
\p
\v 12 ཕོ་ཉ་དྲུག་པས་རང་གི་ཕོར་བ་གཙང་པོ་ཆེན་པོ་ཕི་རཱད་ནང་དུ་བླུགས་ཏེ། ཤར་ཕྱོགས་ནས་ཡོང་བའི་རྒྱལ་པོ་རྣམས་ལ་བགྲོད་ལམ་སྟ་གོན་བྱེད་པའི་ཕྱིར་ཆུ་སྐམ་པར་གྱུར་ཏོ།།  
\v 13 ཡང་བདག་གིས་གདོན་མི་གཙང་བ་གསུམ་མཐོང་ཞིང་། དེ་ནི་སྦལ་བ་དང་འདྲ་ལ། འབྲུག་དང་གཅན་གཟན། ལུང་སྟོན་པ་རྫུས་མ་བཅས་ཀྱི་ཁ་ནས་ཐོན་ནོ།།  
\v 14 དེ་དག་ནི་མ་གཞི་གདོན་འདྲེ་དག་གི་སེམས་ཉིད་ཡིན་ཞིང་གྲུབ་རྟགས་སྟོན་པ་དང་། གནམ་འོག་གི་རྒྱལ་པོ་རྣམས་ཀྱི་གམ་དུ་འགྲོ་ཞིང་། དེ་རྣམས་ཀུན་དབང་དཀོན་མཆོག་གི་ཉིན་མོ་ཆེན་པོར་མཉམ་དུ་འདུས་ནས་འཐབ་འཁྲུག་ལ་ཞུགས་པར་བསྐུལ་བའི་ཕྱིར་རོ།།   
\p
\v 15 ལྟོས་དང་། རྐུན་པོ་གློ་བུར་སླེབས་པ་ལྟར་ང་རང་ཡོང་བར་ངེས། དོགས་ཟོན་བྱེད་པ་དང་ལུས་ལ་གོས་གྱོན་པའི་མི་ནི་བདེའོ།། དེ་ལྟར་མ་བྱས་ན་ལུས་གཅེར་བུར་འགྲོ་ཞིང་། མི་རྣམས་ཀྱིས་ཁོའི་ངོ་ཚ་མཐོང་བར་འགྱུར་རོ།།   
\p
\v 16 གདོན་འདྲེ་དེ་གསུམ་པོས་རྒྱལ་པོ་རྣམས་ཨིབ་རིའི་མི་རིགས་ཀྱི་སྐད་དུ་ཧཱར་མ་གེ་དོན་ཟེར་བའི་ས་ཆར་བསྡུས་སོ།།   
\p
\v 17 ཕོ་ཉ་བདུན་པས་རང་གི་ཕོར་བ་བར་སྣང་དུ་བླུགས་ཏེ། སྐད་སྒྲ་ཆེན་པོ་ཞིག་མཆོད་ཁང་གི་ཁྲིའི་སྟེང་ནས་ཐོན་ཅིང་རྫོགས་པར་གྱུར་ཟིན་ཞེས་གསུངས་སོ།།  
\v 18 དེ་ནས་གློག་དམར་འཁྱུག་པ་དང་། ལྡིར་སྒྲ་སྒྲོག་པ། འབྲུག་སྒྲ་གྲགས་པ། ས་འགུལ་ཆེན་པོ་བཅས་བྱུང་ཞིང་། ས་སྟེང་དུ་མི་ཡོད་པ་ནས་བཟུང་། འདི་ལྟ་བུའི་ས་འགུལ་ཆེན་པོ་དང་ས་འགུལ་དྲག་པོ་བྱུང་མ་མྱོང་ངོ་།།  
\v 19 གྲོང་ཁྱེར་ཆེན་པོ་དེ་དུམ་བུ་གསུམ་དུ་གས་པ་དང་། རྒྱལ་ཁབ་སོ་སོའི་གྲོང་ཁྱེར་ཐམས་ཅད་ཀྱང་བརྡིབས། དཀོན་མཆོག་གིས་ཀྱང་རང་ཉིད་ཀྱི་ཐུགས་ཁྲོ་ཆེན་པོ་ཡོད་པའི་རྒུན་ཆང་གི་ཕོར་བ་དེ་པཱ་པེལ་ལོན་ཆེན་པོར་སྤྲོད་རྒྱུ་ཐུགས་ལ་དྲན།  
\v 20 གླིང་ཕྲན་ཐམས་ཅད་བྲོས་ཤིང་རི་བོ་དག་ཀྱང་ཡལ་བར་གྱུར།  
\v 21 ཡང་ནམ་མཁའ་ནས་སེར་བ་ཆེན་པོ་མིའི་སྟེང་དུ་བབས་པ་དང་། སེར་རྡོག་རེ་རེའི་ལྗིད་ཚད་ལ་སྤྱི་རྒྱ་ཞེ་ལྔ་ཙམ་ཡོད། སེར་བའི་ཆག་སྒོ་ཡི་རྐྱེན་གྱིས་མི་རྣམས་ཀྱིས་དཀོན་མཆོག་ལ་སྐུར་བ་བཏབ་པའོ༎ རྒྱུ་མཚན་ནི་ཆག་སྒོ་དེ་ཆེས་དྲགས་པས་སོ།།   
\c 17
\cl ལེའུ་བཅུ་བདུན་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 གཅན་གཟན་ལ་བཞོན་པའི་བུད་མེད།  
\p
\v 1 ཕོར་བ་བདུན་བཟུང་བའི་ཕོ་ཉ་རྣམས་ལས་གཅིག་ཡོང་སྟེ་བདག་ལ་འདི་སྐད་དུ། ཤོག་དང་། ཆུ་མང་པོའི་སྟེང་དུ་སྡོད་པའི་སྨད་འཚོང་མ་ཆེན་མོར་འཕོག་ངེས་པའི་ཉེས་ཆད་དེ་བདག་གིས་ཁྱོད་ལ་སྟོན་པར་བྱའོ།།  
\v 2 ས་སྟེང་གི་རྒྱལ་པོ་རྣམས་ཀྱིས་ཁོ་མོར་ལོག་གཡེམ་བྱས་ཤིང་། ས་སྟེང་དུ་སྡོད་པའི་མི་རྣམས་ཀྱིས་ཁོ་མོའི་ལོག་གཡེམ་གྱི་རྒུན་ཆང་འཐུང་ནས་ར་བཟི་བ་ཡིན་ཞེས་གསུངས་སོ།།  
\v 3 དེ་ནས་ཕོ་ཉས་ང་རང་དམ་པའི་ཐུགས་ཉིད་ཀྱི་ངང་ནས་དབེན་སྟོང་ཞིག་ཏུ་ཁྲིད་པ་དང་། ངས་བུད་མེད་ཅིག་གཅན་གཟན་དམར་པོ་ཞིག་ལ་བཞོན་ཡོད་པ་མཐོང་ཞིང་། གཅན་གཟན་དེ་ལ་མགོ་བོ་བདུན་དང་རྭ་ཅོ་བཅུ་ཡོད་པ་དང་། ལུས་ཧྲིལ་པོར་སྐུར་འདེབས་ཀྱི་མིང་རྟགས་ཀྱིས་ཁྱབ་འདུག  
\v 4 བུད་མེད་དེས་ལུས་ལ་ཁ་དོག་རྒྱ་སྨུག་དང་དམར་པོ་ཅན་གྱི་གོས་གྱོན་ཞིང་། གསེར་དང་། རིན་པོ་ཆེ། མུ་ཏིག་གི་རྒྱན་ཆ་བཏགས་པ་དང་། ལག་ཏུ་གསེར་གྱི་ཕོར་བ་བཟུང་ཡོད་ལ། ཕོར་བའི་ནང་དུ་སྐྱུག་བྲོ་བའི་དོན་དག་དང་ཁོ་མོས་ལོག་གཡེམ་བྱས་པའི་མི་གཙང་བས་གང་ངོ་།།  
\v 5 ཁོ་མོའི་དཔྲལ་བར་མིང་ལྐོག་གྱུར་པ་ཞིག་བཀོད་ཡོད་དེ། པཱ་པེལ་ལོན་ཆེན་པོ་དང་། འཇིག་རྟེན་གྱི་སྨད་འཚོང་མ། སྐྱུག་བྲོ་བའི་དོན་ཐམས་ཅད་ཀྱི་མ་ཞེས་པའོ།།  
\v 6 ཡང་བུད་མེད་དེས་དད་ལྡན་དམ་པ་རྣམས་ཀྱི་ཁྲག་དང་སྐྱབས་མགོན་ཡེ་ཤུར་བདེན་དཔང་བྱེད་མཁན་རྣམས་ཀྱི་ཁྲག་འཐུང་ནས་ར་བཟི་བ་བདག་གིས་མཐོང་ངོ་།། ངས་ཁོ་མོ་མཐོང་བ་དང་ཡ་མཚན་ཆེན་པོ་སྐྱེས་སོ།།  
\v 7 ཕོ་ཉས་བདག་ལ་འདི་སྐད་དུ། ཁྱོད་ནི་ཅིའི་ཕྱིར་ཡ་མཚན་སྐྱེས་སམ། ངས་བུད་མེད་དེ་དང་ཁོ་མོ་བཞོན་པའི་མགོ་བོ་བདུན་དང་རྭ་ཅོ་བཅུ་ཅན་གྱི་གཅན་གཟན་གྱི་གསང་བ་ཁྱོད་ལ་འཆད་པར་བྱའོ།།  
\v 8 སྔར་ཁྱོད་ཀྱིས་མཐོང་བའི་གཅན་གཟན་དེ་ནི་སྔོན་ཆད་ཡོད་ལ་ད་ལྟ་མེད་དེ། ཕྱིས་སུ་ཞབས་མེད་པའི་དོང་ནས་འཐོན་ངེས་ཤིང་འཇིག་པར་འགྱུར། ཡང་ས་སྟེང་དུ་སྡོད་ཅིང་འཇིག་རྟེན་བཀོད་པའི་ཚུན་ལ་ཚེ་སྲོག་གི་གླེགས་བམ་ནང་དུ་མིང་ཐོ་མ་བཀོད་པ་རྣམས་ཀྱིས། གཅན་གཟན་དེ་མཐོང་བའི་ཚེ་ངོ་མཚར་བར་འགྱུར་ཏེ། ཁོ་རང་སྔོན་ཆད་ཡོད་ལ་ད་ལྟ་མེད་ཀྱང་ཕྱིས་སུ་ཡོང་བར་འགྱུར་བའི་ཕྱིར་རོ༎   
\p
\v 9 འདི་རུ་ཤེས་རབ་ལྡན་པའི་བློ་ཡོད་དེ། མགོ་བོ་བདུན་པོ་ནི་བུད་མེད་སྡོད་སའི་རི་བོ་བདུན་ཡིན་ལ།  
\v 10 དེ་ནི་རྒྱལ་པོ་བདུན་ཡང་ཡིན་ཏེ། རྒྱལ་པོ་ལྔ་ནི་འགྱེལ་ཟིན་པ་དང་། གཅིག་ནི་ད་ལྟ་ཡོད། གཅིག་ནི་ད་དུང་མ་ཡོང་ལ། དེ་ཉིད་ཡོང་ཚེ་རེ་ཞིག་ལ་སྡོད་དགོས།  
\v 11 སྔོན་ཆད་ཡོད་ཅིང་ད་ལྟ་མེད་པའི་གཅན་གཟན་དེ་ནི་ཨང་བརྒྱད་པ་ཡིན་ལ། བདུན་པོ་དེའི་ཡ་གྱལ་དུ་གཏོགས་ཤིང་དེ་ཡང་འཇིག་པར་འགྱུར་རོ།།   
\p
\v 12 ཁྱོད་ཀྱིས་དེ་སྔར་མཐོང་བའི་རྭ་ཅོ་བཅུ་པོ་ནི་རྒྱལ་པོ་བཅུ་ཡིན་ལ། དེ་རྣམས་ལ་རྒྱལ་སྲིད་ད་དུང་ཐོབ་མེད་མོད། འོན་ཀྱང་དེ་རྣམས་ལ་དུས་ཚོད་གཅིག་གི་རིང་ལ་གཅན་གཟན་དེ་དང་མཉམ་དུ་རྒྱལ་པོའི་དབང་འཐོབ་པར་འགྱུར་རོ།།  
\v 13 དེ་རྣམས་ཀྱིས་བློ་སེམས་གཅིག་མཐུན་ངང་ནས་རང་གི་ནུས་མཐུ་དང་དབང་ཐང་ཐམས་ཅད་གཅན་གཟན་དེ་ལ་སྤྲོད་པ་ཡིན།  
\v 14 དེ་རྣམས་ལུ་གུ་དང་འཐབ་ཅིང་། ཁོང་ནི་གཙོ་བོ་རྣམས་ཀྱི་གཙོ་བོ་དང་རྒྱལ་པོ་རྣམས་ཀྱི་རྒྱལ་པོ་ཡིན་པས། དེ་དག་ལས་རྣམ་པར་རྒྱལ་བར་འགྱུར། ལུ་གུ་དང་མཉམ་དུ་ཡོད་པ་ནི་ཞལ་འབོད་ཐོབ་པ་དང་བདམས་པར་མཛད་པ། བློ་སེམས་དཀར་བ་བཅས་རྣམས་ཡིན་ཞེས་སྨྲས་སོ།།   
\p
\v 15 ཡང་ཕོ་ཉས་བདག་ལ་འདི་སྐད་དུ། ཁྱོད་ཀྱིས་མཐོང་བའི་སྨད་འཚོང་མ་སྡོད་པའི་ཆུ་རྣམས་ནི་མི་སྡེ་དང་། མི་ཚོགས། མི་རིགས། སྐད་རིགས་བཅས་ཡིན་ནོ།།  
\v 16 ཁྱོད་ཀྱིས་མཐོང་བའི་རྭ་ཅོ་བཅུ་པོ་དང་གཅན་གཟན་ནི་སྨད་འཚོང་མ་ལ་ངེས་པར་སྡང་སྟེ། ཁོ་མོ་སྟོངས་པར་བྱེད་ཅིང་གཅེར་བུར་བསྐྱུར་བ་དང་། ཡང་ཁོ་མོའི་ཤ་ཟ་བ་དང་ཁོ་མོ་མེར་བསྲེགས་ནས་ཚར་བར་འགྱུར།  
\v 17 རྒྱུ་མཚན་ནི་དཀོན་མཆོག་གིས་རྒྱལ་པོ་རྣམས་ལ་བློ་སེམས་གཅིག་མཐུན་ངང་ཁོང་གི་དགོངས་པ་བཞིན་དུ་སྒྲུབ་པར་མཛད་དེ། ཁོང་གི་བཀའ་རྣམས་འགྲུབ་པའི་བར་དུ། རྒྱལ་པོ་དེ་རྣམས་ཀྱིས་རང་གི་རྒྱལ་སྲིད་གཅན་གཟན་དེ་ལ་སྤྲོད་པར་འགྱུར་བའི་ཕྱིར་རོ།།  
\v 18 ཁྱོད་ཀྱིས་མཐོང་བའི་བུད་མེད་དེ་ནི་ས་སྟེང་གི་རྒྱལ་པོ་རྣམས་ལ་དབང་བསྒྱུར་བའི་གྲོང་ཁྱེར་ཆེན་པོ་ཡིན་ཞེས་སྨྲས་སོ།།   
\c 18
\cl ལེའུ་བཅོ་བརྒྱད་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 པཱ་པེལ་ལོན་འཇིག་པ།  
\p
\v 1 དེའི་རྗེས་སུ། བདག་གིས་དབང་ཐང་ཆེན་པོའི་ཕོ་ཉ་གཞན་ཞིག་ནམ་མཁའི་ཞིང་ཁམས་ནས་མར་ཕེབས་པ་མཐོང་ཞིང་། ཁོང་གི་གཟི་བརྗིད་ཆེན་པོའི་གཟི་འོད་ས་གཞི་ཡོངས་ལ་ཁྱབ་བོ།།  
\v 2 ཁོང་གིས་གསུང་སྐད་དྲག་པོས་འདི་སྐད་དུ།  
\q1 འཇིག་པར་གྱུར་ཏོ་པཱ་པེལ་ལོན།།  
\q1 ཆེན་པོ་དེ་ནི་འཇིག་པར་གྱུར།།  
\q1 དེ་ནི་གདོན་གྱི་སྡོད་གནས་དང་།།  
\q1 མི་གཙང་གདོན་དང་བྱེའུ་ཚང་དང་།།  
\q1 མི་གཙང་སྐྱུག་བྲོ་སྣ་ཚོགས་ཀྱི།།  
\q1 གཅན་གཟན་འགྲོ་སའི་གནས་སུ་གྱུར།།   
\q1
\v 3 རྒྱལ་ཁབ་སོ་སོས་ཁོ་མོ་\f + \ft འདིར་བརྗོད་པའི་ཁོ་མོ་ཞེས་པ་ནི་གོང་གི་པཱ་པེལ་ལོན་ཞེས་པའི་གྲོང་ཁྱེར་ལ་གོ་དགོས། གཤམ་དུ་འབྱུང་བའང་དེ་བཞིན་ཡིན། \f*ཡི།།  
\q1 གཡེམ་གྱི་འདོད་ཆགས་ཆེན་པོའི་ཆང་།།  
\q1 འཐུང་ཞིང་ས་སྟེང་རྒྱལ་པོ་རྣམས།།  
\q1 ཁོ་མོ་ལ་ནི་ལོག་གཡེམ་བྱས།།  
\q1 ས་སྟེང་ཚོང་པ་དག་གིས་ཀྱང་།།  
\q1 ཁོ་མོར་ལོག་གཡེམ་བྱས་པའི་ཕྱིར།།  
\q1 ས་སྟེང་ཚོང་པ་ཐམས་ཅད་ནི།།  
\q1 ཁོ་མོའི་འདོད་ཡོན་ལོངས་སྤྱོད་ལ།།  
\q1 བརྟེན་པའི་དབང་གིས་འབྱོར་བ་རྒྱས།།  
\m ཞེས་གསུངས་སོ།།   
\p
\v 4 ཡང་བདག་གིས་ནམ་མཁའི་ཞིང་ཁམས་ནས་སྐད་གཞན་ཞིག་གིས་འདི་སྐད་གསུངས་པ་ཐོས་ཏེ།  
\q1 ཀྱེ་ཀྱེ་ང་ཡི་མི་སྡེ་རྣམས།།  
\q1 ཁོ་མོ་མཉམ་དུ་སྡིག་པ་དང་།།  
\q1 ཁོ་མོས་མྱོང་བའི་ཆག་སྒོ་དེ།།  
\q1 ཁྱོད་ལ་འབྱུང་བར་མི་བྱ་ཕྱིར།།  
\q1 གྲོང་ཁྱེར་དེ་ནས་ཕྱིར་ཐོན་ཤོག །   
\q1
\v 5 ཁོ་མོའི་སྡིག་ཕུང་ནམ་མཁར་གཏུགས༎  
\q1 དཀོན་མཆོག་ཉིད་ཀྱིས་ཁོ་མོ་ཡི།།  
\q1 སྡིག་པ་དག་ནི་ཐུགས་ལ་དྲན།།   
\q1
\v 6 ཁོ་མོས་མི་ལ་ཅི་བྱས་ན།།  
\q1 ཁོ་མོ་ལ་ཡང་དེ་ལྟར་བྱ།།  
\q1 ཁོ་མོས་ཅི་ལྟར་བྱས་པ་ལ།།  
\q1 ཁོ་མོར་ཡ་ལན་ལྡབ་གཉིས་སྩོལ།།  
\q1 ཁོ་མོས་བསྡེབས་པའི་ཕོར་བ་ལ།།  
\q1 ཁོ་མོར་ལྡབ་གཉིས་བསྡེབ་པར་གྱིས།།   
\q1
\v 7 ཁོ་མོས་ཇི་ལྟར་རང་བསྟོད་དང་།།  
\q1 འདོད་ཡོན་ལོངས་སྤྱོད་རྫོགས་པ་བཞིན།།  
\q1 དེ་ལྟར་ཁོ་མོར་མནར་གཅོད་དང་།།  
\q1 མྱ་ངན་ཆེན་པོ་མྱང་བར་གྱིས།།  
\q1 ཁོ་མོའི་སེམས་སུ་འདི་བཞིན་དུ།།  
\q1 ང་ནི་བཙུན་མོའི་ཁྲི་ལ་བསྡད།།  
\q1 ཡུགས་མོ་ལ་ནི་མ་ཡིན་ཏེ།།  
\q1 མྱ་ངན་གནས་སུ་མི་ལྷུང་སྙམ།།   
\q1
\v 8 དེའི་ཕྱིར་ཉིན་གཅིག་དུས་ཡུན་ལ།།  
\q1 འཆི་བ་མྱ་ངན་མུ་གེ་བཅས།།  
\q1 ཁོ་མོའི་ཆག་སྒོ་མཉམ་དུ་འབྱུང་།།  
\q1 མེ་ཡིས་ཁོ་མོ་བསྲེག་འགྱུར་ཞིང་།།  
\q1 ཁོ་མོར་ཉེས་ཆད་གཅོད་མཁན་ཏེ།།  
\q1 གཙོ་བོ་དཀོན་མཆོག་ཁོང་ཉིད་ལ།།  
\q1 ནུས་མཐུ་ཆེན་པོ་ལྡན་པས་སོ།།  
\m ཞེས་པའོ།།   
\p
\v 9 ཡང་འདི་སྐད་དུ། ཁོ་མོར་ལོག་གཡེམ་བྱེད་ཅིང་མཉམ་དུ་འདོད་ཡོན་ལོངས་སྤྱོད་ལ་རོལ་བའི་ས་སྟེང་གི་རྒྱལ་པོ་རྣམས་ཀྱིས། ཁོ་མོ་མེར་བསྲེག་པའི་དུ་བ་མཐོང་སྟེ་ཁོ་མོའི་ཆེད་དུ་ངུ་ཞིང་མྱ་ངན་བྱེད་པར་འགྱུར་བ་དང་།  
\v 10 ཁོ་མོའི་མནར་གཅོད་ལ་འཇིགས་པས་རྒྱང་རིང་དུ་ལངས་བསྡད་དེ་ན་རེ།  
\q1 ཆག་སྒོ་བྱུང་ངོ་ཆག་སྒོ་བྱུང་།།  
\q1 སྲ་མཁྲེགས་ལྡན་པའི་པཱ་པེལ་ལོན།།  
\q1 གྲོང་ཁྱེར་ཆེན་པོ་ཁྱོད་ཉིད་ལ།།  
\q1 ཆུ་ཚོད་གཅིག་གི་དུས་ཡུན་དུ།།  
\q1 ཁྱོད་ཀྱི་ཉེས་ཆད་སླེབས་ཟིན་ཏོ།།  
\m ཞེས་སྨྲས་པའོ།།   
\p
\v 11 ཡང་འདི་སྐད་དུ། ཁོ་རྣམས་ཀྱི་ཚོང་ཟོག་ཉོ་མཁན་མེད་པས། ས་སྟེང་གི་ཚོང་པ་ཡང་ཁོ་མོའི་ཕྱིར་ངུ་ཞིང་མྱ་ངན་བྱེད་པའོ།།  
\v 12 ཚོང་ཟོག་ནི་གསེར་དང་། དངུལ། རིན་པོ་ཆེ། མུ་ཏིག སོ་རས་སྲབ་བུ། རས་རྒྱ་སྨུག དར་སིལ། རས་དམར་པོ། ཤིང་དྲི་ཞིམ་ཅན་སྣ་ཚོགས། བ་སོའི་སྣོད་ཅ་ལག་སྣ་ཚོགས། རིན་ཐང་ཤིན་ཏུ་ཆེ་བའི་ཤིང་དང་ལི། ལྕགས། རྡོ་ཀ་མ་རུའི་སྣོད་ཅ་ལག་སྣ་ཚོགས།  
\v 13 ཤིང་ཚ། བསུང་རྫས། བདུག་སྤོས། གུ་གུལ། སྤོས་དཀར། རྒུན་ཆང་། སྐྱུ་རུ་རའི་འཚིར་སྣུམ། ཕྱེ་ཡག་པོ། གྲོ། བ་གླང་། ལུག རྟ། ཤིང་རྟ། གཡོག་པོ། མིའི་སྲོག་དང་བཅས་སོ།།   
\p
\v 14 ཀྱེ་པཱ་པེལ་ལོན། ཁྱོད་རང་ཞེན་ཆགས་པའི་འབྲས་བུ་ཁྱོད་དང་བྲལ་ཞིང་། ཁྱོད་ཀྱི་རོ་བརྒྱའི་ཟས་མཆོག་དང་ཡིད་དུ་འོང་བའི་དངོས་པོ་དག་ཀྱང་ཁྱོད་ལས་རྩ་མེད་བཏང་བས་ནམ་ཡང་སླར་མཐོང་བར་མི་འགྱུར་རོ།།  
\v 15 ཚོང་རྫས་འདི་རྣམས་འཚོང་མཁན་ཏེ། ཁོ་མོར་བརྟེན་ནས་ཕྱུག་པོར་གྱུར་པའི་ཚོང་པ་རྣམས་ཁོ་མོའི་མནར་གཅོད་ལ་འཇིགས་པའི་རྐྱེན་གྱིས། རྒྱང་རིང་དུ་ལངས་ནས་བསྡད་དེ་ངུ་ཞིང་མྱ་ངན་བྱས་ཏེ་ན་རེ།   
\q1
\v 16 ཆག་སྒོ་བྱུང་ངོ་ཆག་སྒོ་བྱུང་།།  
\q1 གྲོང་ཁྱེར་ཆེན་པོ་འདི་ལ་བྱུང་།།  
\q1 སོ་རས་སྲབ་བུ་གྱོན་པ་དང་།།  
\q1 ཁ་དོག་རྒྱ་སྨུག་དམར་པོ་ཡི།།  
\q1 གོས་ནི་གྱོན་ཞིང་གསེར་རྒྱན་དང་།།  
\q1 རིན་པོ་ཆེ་དང་མུ་ཏིག་གི །  
\q1 རྒྱན་ཆས་ལེགས་པར་བརྒྱན་པ་འོ།།   
\q1
\v 17 ཆུ་ཚོད་གཅིག་གི་དུས་ཡུན་ལ།།  
\q1 དེ་འདྲའི་འབྱོར་ཕྱུག་ཆེན་པོ་ཞིག །  
\q1 ཅི་ཡང་མེད་པར་གྱུར་པ་འོ།།  
\m ཞེས་སྨྲས་པའོ།། ཡང་འདི་སྐད་དུ། གྲུ་དཔོན་དང་གྲུ་གཟིངས་ལ་བསྡད་ནས་ཕྱོགས་བཞིར་འགྲིམ་མཁན་དང་། གྲུ་པ་དང་། རྒྱ་མཚོར་བརྟེན་ནས་འཚོ་བ་རོལ་མཁན་ཐམས་ཅད་རྒྱང་རིང་དུ་ལངས་ནས་བསྡད་དེ།  
\v 18 ཁོ་མོ་མེ་ལ་བསྲེག་པའི་དུ་བ་མཐོང་ནས་སྐད་ཆེན་པོས་འདི་ལྟར་སྨྲས་པ། གྲོང་ཁྱེར་གང་ཞིག་གྲོང་ཁྱེར་ཆེན་པོ་འདི་དང་བསྡུར་ནུས་སམ་ཞེས་པའོ།།  
\v 19 ཡང་དེ་རྣམས་ཀྱིས་རང་གི་མགོ་ལ་ས་རྡུལ་གཏོར་བ་དང་། ངུ་ཞིང་མྱ་ངན་བྱེད་ཀྱིན་སྐད་ཆེན་པོས།  
\q1 ཆག་སྒོ་བྱུང་ངོ་ཆག་སྒོ་བྱུང་།།  
\q1 གྲོང་ཁྱེར་ཆེན་པོ་འདི་ལ་བྱུང་།།  
\q1 རྒྱ་མཚོར་གྲུ་གཟིངས་ཡོད་པ་དང་།།  
\q1 ཁོ་མོའི་རིན་པོ་ཆེ་རྣམས་ལ།།  
\q1 བརྟེན་མཁན་ཐམས་ཅད་ཕྱུག་པོར་གྱུར།།  
\q1 ཆུ་ཚོད་གཅིག་གི་དུས་ཡུན་ལ།།  
\q1 ཁོ་མོ་གཞི་ནས་མེད་པར་གྱུར།།  
\m ཞེས་སྨྲས་སོ།།  
\v 20 ཡང་འདི་སྐད་དུ། ཀྱེ་ནམ་མཁའི་ཞིང་ཁམས་དང་། དད་ལྡན་དམ་པ། སྐུ་ཚབ་པ། ལུང་སྟོན་པ་རྣམས། ཁོ་མོའི་དབང་གིས་དགའ་བར་གྱིས། ཅིའི་ཕྱིར་ཞེ་ན། དཀོན་མཆོག་གིས་ཁྱོད་རྣམས་ཀྱི་ཆེད་དུ་ཁོ་མོར་ཉེས་ཆད་བཅད་པས་སོ་ཞེས་གསུངས་སོ།།   
\p
\v 21 ཡང་ཕོ་ཉ་སྟོབས་ཆེན་ཞིག་གིས་རྡོ་ཕ་བོང་རང་འཐག་གི་རྡོ་ཆེན་པོ་དང་འདྲ་བ་ཞིག་ཡར་བཀྱགས་ནས་རྒྱ་མཚོར་འཕངས་ཏེ་འདི་སྐད་དུ།  
\q1 གྲོང་ཁྱེར་ཆེན་པོ་པཱ་པེལ་ལོན།།  
\q1 འདི་བཞིན་ཤུགས་ཀྱིས་གཡུག་པར་ངེས།།  
\q1 སླར་ཡང་མཐོང་བར་མི་འགྱུར་རོ།།   
\q1
\v 22 རོལ་དབྱངས་ཀྱང་ནི་དཀྲོལ་བ་དང་།།  
\q1 གླུ་གཞས་ཀྱང་ནི་གཏོང་བ་དང་།།  
\q1 གླིང་བུ་ཡང་ནི་འབུད་པ་དང་།།  
\q1 དུང་དཀར་ཡང་ནི་འབུད་པ་བཅས།།  
\q1 ཁྱོད་ཀྱི་ཁྲོད་ནས་ཐོས་མི་འགྱུར།།  
\q1 ལས་རིགས་སོ་སོའི་ལག་རྩལ་ཡང་།།  
\q1 ཁྱོད་ཀྱི་ཁྲོད་ནས་མཐོང་མི་འགྱུར།།  
\q1 རང་འཐག་སྒྲ་ནི་ཁྱོད་ཀྱི་ཁྲོད།།  
\q1 ནམ་ཡང་ཐོས་པར་མི་འགྱུར་རོ།།   
\q1
\v 23 སྒྲོན་མེའི་འོད་ནི་ཁྱོད་ཀྱི་ཁྲོད།།  
\q1 ནམ་ཡང་འཕྲོ་བར་མི་འགྱུར་རོ།།  
\q1 མག་པ་བག་མའི་སྐད་སྒྲ་ཡང་།།  
\q1 ཁྱོད་ཀྱི་ཁྲོད་དུ་ཐོས་མི་འགྱུར།།  
\q1 དེ་ནི་ཁྱོད་ཀྱི་ཚོང་པ་རྣམས།།  
\q1 ས་སྟེང་འདི་ཡི་མི་ཆེན་ཡིན།།  
\q1 འཇིག་རྟེན་རྒྱལ་ཁབ་སོ་སོ་ཡང་།།  
\q1 ཁྱོད་ཀྱི་སྒྱུ་མས་བསླུས་ཕྱིར་རོ།།   
\q1
\v 24 ལུང་སྟོན་པ་དང་དད་ལྡན་དམ་པ་དང་།།  
\q1 ས་སྟེང་འདི་ནས་བསད་པའི་མི་ཚང་མའི།།  
\q1 ཁྲག་དམར་གྲོང་ཁྱེར་འདི་རུ་རྙེད་པ་ཡིན།།  
\m ཞེས་གསུངས་སོ།།   
\c 19
\cl ལེའུ་བཅུ་དགུ་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཧ་ལེ་ལོའུ་ཡཱ།  
\p
\v 1 དེའི་རྗེས་སུ། བདག་གིས་ནམ་མཁའི་ཞིང་ཁམས་ནས་འདུ་ཚོགས་ཆེན་པོའི་སྐད་སྒྲ་ལྟ་བུ་ཞིག་ཐོས་ཏེ་འདི་སྐད་དུ།  
\q1 ཧ་ལེ་ལོའུ་ཡཱ་\f + \ft ཧ་ལེ་ལོའུ་ཡཱ་ཞེས་པ་ནི་སྒྲ་སྒྱུར་ཏེ། དོན་ནི་དཀོན་མཆོག་ལ་བསྟོད་བསྔགས་བརྗོད་པར་ཤོག་ཅེས་པ་ཡིན། \f*ཐར་པ་དང་།།  
\q1 གཟི་བརྗིད་དབང་ཐང་ཐམས་ཅད་པོ།།  
\q1 བདག་ཅག་དཀོན་མཆོག་ཉིད་ལ་གཏོགས།།   
\q1
\v 2 ཁོང་གིས་བཅད་པའི་ཉེས་ཆད་ནི།།  
\q1 བདེན་ཅིང་དྲང་པོ་ཡིན་ལགས་པས།།  
\q1 ཁོང་གིས་སྨད་འཚོང་ཆེན་མོ་ལ།།  
\q1 ཉེས་ཆད་བཅད་པ་ཡིན་ལགས་སོ།།  
\q1 ཁོ་མོས་ལོག་གཡེམ་ལ་བརྟེན་ནས།།  
\q1 འཇིག་རྟེན་འདི་ནི་རྫོབ་པར་བྱས།།  
\q1 དཀོན་མཆོག་གིས་ནི་ཁོང་ཉིད་ཀྱི།།  
\q1 ཞབས་ཕྱི་རྣམས་ཀྱི་བཞུར་བའི་ཁྲག །  
\q1 སྨད་འཚོང་མ་ལས་ཁྲག་ལན་བླངས།།  
\m ཞེས་གསུངས་སོ།།  
\v 3 ཡང་འདི་སྐད་དུ།  
\q1 ཀྱེ་ཀྱེ་ཧ་ལེ་ལོའུ་ཡཱ་ཀྱེ།།  
\q1 ཁོ་མོ་བསྲེག་པའི་དུ་བ་ནི།།  
\q1 ནམ་ཞར་དགུང་ལ་རྟག་ཏུ་འཕྱུར།།  
\m ཞེས་གསུངས་སོ།།  
\v 4 རྒན་པོ་ཉེར་བཞི་དང་སེམས་ཅན་བཞི་པོས་ཕྱག་བཙལ་ནས་ཁྲི་ལ་བཞུགས་པའི་དཀོན་མཆོག་ལ་བསྟོད་བསྔགས་ཕུལ་ཏེ་ན་རེ། ཨ་མེན། ཧ་ལེ་ལོའུ་ཡཱ་ཞེས་བརྗོད་དོ།།  
\v 5 དེ་ནས་བཞུགས་ཁྲི་ནས་གསུང་སྐད་ཅིག་ཐོན་ཏེ་འདི་སྐད་དུ།  
\q1 ཀྱེ་ཀྱེ་དཀོན་མཆོག་ཉིད་ཀྱི་ཞབས་ཕྱི་ཀུན།།  
\q1 ཁོང་ལ་གུས་ཤིང་འཇིགས་པར་བྱེད་མཁན་དང་།།  
\q1 མི་སྣ་ཆེ་ཆུང་དབྱེ་བ་མེད་པ་ཡི།།  
\q1 ཀུན་གྱིས་བདག་ཅག་དཀོན་མཆོག་བསྟོད་པར་ཤོག །  
\m ཅེས་གསུངས་སོ།།  
\v 6 ཡང་བདག་གིས་འདུ་ཚོགས་ཆེན་པོའི་སྐད་སྒྲ་ལྟ་བུ་ཞིག་ཐོས་ཤིང་། དེ་ནི་ཆུ་མང་པོའི་སྒྲ་དང་འབྲུག་སྒྲ་ལྡིར་བ་དང་མཚུངས་པར་འདི་སྐད་དུ།  
\q1 རང་རེའི་གཙོ་བོ་དཀོན་མཆོག་ཀུན་དབང་ཉིད༎  
\q1 རྒྱལ་པོར་བཞུགས་པས་ཧ་ལེ་ལོའུ་ཡཱ་ཀྱེ།།   
\q1
\v 7 ལུ་གུའི་བག་སྟོན་དུས་ལ་བབས་པ་དང་།།  
\q1 ཁོང་གི་བག་མས་སྟ་གོན་བྱས་ཚར་ཕྱིར།།  
\q1 བདག་ཅག་དགའ་མགུ་རང་ཞིང་སྤྲོ་བ་དང་།།  
\q1 ཁོང་ལ་བསྟོད་བསྔགས་བརྗོད་པར་འོས་སོ་ལོ།།   
\q1
\v 8 དྭངས་ཤིང་གཙང་ལ་འོད་སྣང་འཕྲོ་བ་ཡི།།  
\q1 སོ་རས་སྲབ་བུའི་གྱོན་གོས་ཁོ་མོར་གནང་།།  
\m ཞེས་བརྗོད་པ་དང་། སོ་རས་སྲབ་བུའི་གྱོན་གོས་དེ་ནི་དད་ལྡན་དམ་པ་དག་གིས་བྱས་པའི་དྲང་བདེན་གྱི་ལས་རྣམས་ཡིན་ནོ།།   
\p
\v 9 དེ་ནས་ཕོ་ཉ་དེས་བདག་ལ་འདི་སྐད་དུ། ལུ་གུའི་གཉེན་སྟོན་ལ་གདན་ཞུ་གནང་བ་ཐམས་ཅད་བདེའོ་ཞེས་ཁྱོད་ཀྱིས་ཡི་གེར་འགོད་པར་བྱའོ་ཞེས་གསུངས་པ་དང་། ཡང་ཁོང་གིས་བདག་ལ་འདི་སྐད་དུ། འདི་རྣམས་ནི་དཀོན་མཆོག་གི་བདེན་པའི་བཀའ་ཡིན་ཞེས་གསུངས་སོ།།  
\v 10 བདག་གིས་ཁོང་གི་ཞབས་དྲུང་དུ་ཕྱག་བཙལ་ནས་བསྟོད་བསྔགས་བརྗོད་པར་བརྩམས་པ་ན། ཁོང་གིས་དེ་ལྟར་ཡེ་ནས་བྱ་མི་རུང་སྟེ། ང་རང་ཡང་སྐྱབས་མགོན་ཡེ་ཤུར་བདེན་དཔང་བྱེད་མཁན་ཁྱོད་དང་ཁྱོད་ཀྱི་སྤུན་ཟླ་བཞིན་དུ་ཞབས་ཕྱི་པ་ཡིན། ཁྱོད་ཀྱིས་དཀོན་མཆོག་ལ་བསྟོད་པ་འབུལ་འོས་ཏེ། རྒྱུ་མཚན་སྐྱབས་མགོན་ཡེ་ཤུར་བདེན་དཔང་བྱེད་པ་ནི་ལུང་བསྟན་འཆད་པའི་སེམས་ཉིད་ཡིན་ཞེས་གསུངས་སོ།།   
\s1 རྟ་དཀར་པོར་བཅིབ་མཁན།  
\p
\v 11 དེ་ནས་བདག་གིས་ནམ་མཁའི་ཞིང་ཁམས་ཕྱེས་ཡོད་པ་མཐོང་བ་དང་། ལྟོས་དང་། དེ་རུ་རྟ་དཀར་པོ་ཞིག་ཡོད་ཅིང་། རྟ་དེར་བཅིབ་མཁན་ལ་བློ་གཏད་རུང་བ་དང་བདེན་པ་ལགས་སོ་ཞེས་གསོལ་བ་དང་། ཁོང་གིས་དྲང་བདེན་གྱི་ངང་ནས་ཉེས་ཆད་གཅོད་པ་དང་དམག་འདྲེན་ནོ།།  
\v 12 ཁོང་གི་སྤྱན་ཟུང་ནི་མེ་ལྕེ་དང་མཚུངས་ལ། ཁོང་གི་དབུ་ལ་ཅོད་པན་མང་པོ་མནབས་པ་དང༌། ཁོང་གི་སྐུ་ལུས་ཀྱི་སྟེང་དུ་རང་ལས་གཞན་སུས་ཀྱང་མི་ཤེས་པའི་མཚན་ཞིག་བཀོད་ཡོད།  
\v 13 ཁྲག་ལ་སྦངས་པའི་ན་བཟའ་ཁོང་གིས་མནབས་ཤིང་། ཁོང་གི་མཚན་ལ་དཀོན་མཆོག་གི་བཀའ་ཞེས་གསོལ།  
\v 14 ནམ་མཁའི་ཞིང་ཁམས་སུ་ཡོད་པའི་དམག་དཔུང་རྟ་དཀར་པོར་བཞོན་པ་དང་། ལུས་ལ་དཀར་ཞིང་གཙང་བའི་སོ་རས་སྲབ་བུ་གྱོན་ནས་ཁོང་གི་རྗེས་སུ་འབྲང་ངོ་།།  
\v 15 རྒྱལ་ཁབ་རྣམས་ལ་རྡེག་པའི་ཕྱིར་ཁོང་གི་ཞལ་ལས་རལ་གྲི་རྣོན་པོ་ཐོན་ཞིང་། ཁོང་གིས་ལྕགས་ཀྱི་དབྱུག་པས་ཁོ་རྣམས་འཚོ་སྐྱོང་བྱེད་པར་འགྱུར་ཞིང་། ཀུན་དབང་དཀོན་མཆོག་གི་ཐུགས་ཁྲོ་དྲག་པོའི་རྒུན་འབྲུམ་འཚིར་གཞོང་ལ་རྡོག་བརྫིས་གཏོང་བར་མཛད།  
\v 16 ཁོང་གི་ལྭ་རིང་དང་བརླའི་སྟེང་དུ། རྒྱལ་པོ་རྣམས་ཀྱི་རྒྱལ་པོ་དང་། གཙོ་བོ་རྣམས་ཀྱི་གཙོ་བོ་ཞེས་པའི་མིང་རྟགས་བཀོད་འདུག་གོ།   
\p
\v 17 དེ་ནས་བདག་གིས་ཕོ་ཉ་ཞིག་ཉི་མའི་ནང་དུ་འགྲེངས་ནས་བསྡད་ཡོད་པ་མཐོང་ཞིང་། ཁོང་གིས་བར་སྣང་དུ་འཕུར་བའི་འདབ་ཆགས་རྣམས་ལ་སྐད་ཆེན་པོས་འདི་སྐད་དུ། ཁྱོད་རྣམས་ལྷན་དུ་འདུས་ནས་དཀོན་མཆོག་གི་སྟོན་ཆེན་ལ་ཞུགས་པར་གྱིས།  
\v 18 རྒྱལ་པོ་དང་། དམག་དཔོན། སྟོབས་ཅན་བཅས་ཀྱི་ཤ་དང་། རྟ་དང་རྟ་དམག་གི་ཤ གཞན་ཡང་རང་དབང་ཅན་དང་གཡོག་པོ། མི་མཆོག་དམན་ཐམས་ཅད་ཀྱི་ཤ་བཅས་བཟའ་རུང་ཞེས་གསུངས་སོ།།   
\p
\v 19 ཡང་བདག་གིས་གཅན་གཟན་དེ་དང་ས་སྟེང་གི་རྒྱལ་པོ། དེ་དག་གི་དམག་དཔུང་ཐམས་ཅད་འདུས་པ་མཐོང་ངོ་།། དེ་ནི་རྟ་ལ་བཅིབ་མཁན་དང་ཁོང་གི་དམག་དཔུང་ལ་འཐབ་པའི་ཕྱིར་ཡིན།  
\v 20 འོན་ཀྱང་གཅན་གཟན་དེ་ནི་བཟུང་ཞིང་། དེའི་མིག་སྔར་གྲུབ་རྟགས་རྣམས་བསྟན་ཏེ། གཅན་གཟན་གྱི་རྟགས་བརྒྱབ་ཡོད་པ་དང་གཅན་གཟན་གྱི་གཟུགས་བརྙན་ལ་ཕྱག་འཚལ་བའི་མི་རྣམས་བསླུ་མཁན་གྱི་ལུང་སྟོན་པ་རྫུས་མ་ཡང་གཅན་གཟན་དང་མཉམ་དུ་བཟུང་ཞིང་། དེ་གཉིས་ཀ་མུ་ཟི་འབར་བའི་མེ་མཚོའི་ནང་དུ་གསོན་པོར་གཡུགས་སོ།།  
\v 21 འཕྲོ་མ་རྣམས་རྟ་དཀར་པོར་བཅིབ་མཁན་གྱི་ཞལ་ནས་ཐོན་པའི་རལ་གྲིས་བསད་པ་དང་། བྱ་ཐམས་ཅད་ཀྱིས་དེ་དག་གི་ཤ་ཟོས་ནས་ལྟོ་བ་འགྲངས་པར་གྱུར་ཏོ།།   
\c 20
\cl ལེའུ་ཉི་ཤུ་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ལོ་ངོ་ཆིག་སྟོང་རིང་ལ་རྒྱལ་སྲིད་བསྐྱངས་པ།  
\p
\v 1 ཡང་བདག་གིས་ཕོ་ཉ་ཞིག་ནམ་མཁའི་ཞིང་ཁམས་ནས་མར་ཕེབས་པ་མཐོང་ཞིང་། ཁོང་གི་ཕྱག་ཏུ་ཞབས་མེད་པའི་དོང་གི་ལྡེ་མིག་དང་ལྕགས་ཐག་ཆེན་པོ་ཞིག་བཟུང་ཡོད་དོ།།  
\v 2 ཁོང་གིས་འབྲུག་སྟེ་གནའ་བོའི་སྦྲུལ་དང་མིང་གཞན་ལ་བདུད་དང་སཱ་ཏན་ཞེས་ཟེར་བ་དེ་བཟུང་ནས་ལོ་ངོ་ཆིག་སྟོང་ལ་བཀྱིགས་ཤིང་།  
\v 3 རྒྱལ་ཁབ་རྣམས་སླར་ཡང་མི་བསླུ་བའི་ཕྱིར། ཞབས་མེད་པའི་དོང་ནང་དུ་གཡུགས་ཏེ། ལོ་ངོ་ཆིག་སྟོང་ལོང་བའི་བར་དུ་དོང་ཁ་བཅད་ཅིང་རྟགས་ཐམ་བརྒྱབས་སོ།། དེའི་རྗེས་སུ། བདུད་དེ་གནས་སྐབས་སུ་གློད་བཀྲོལ་གཏོང་དགོས་པ་ཡིན་ནོ།།   
\p
\v 4 ཡང་བདག་གིས་བཞུགས་ཁྲི་འགའ་ཡོད་པ་མཐོང་ཞིང་། ཁྲིའི་སྟེང་དུ་བཞུགས་མཁན་རྣམས་ལ་ལེགས་ཉེས་ཀྱི་ཁྲིམས་ཐག་གཅོད་པའི་དབང་ཐང་གནང་ཡོད་དོ།། ཡང་བདག་གིས་སྐྱབས་མགོན་ཡེ་ཤུར་བདེན་དཔང་བྱས་པའི་རྐྱེན་དང་། དཀོན་མཆོག་གི་བཀའ་ཡི་ཆེད་དུ་མགོ་བོ་བཅད་པ་རྣམས་ཀྱི་རྣམ་ཤེས་དང་། གཅན་གཟན་དང་གཅན་གཟན་གྱི་གཟུགས་བརྙན་ལ་ཕྱག་འཚལ་མ་མྱོང་བ་དང༌། དཔྲལ་བ་དང་ལག་པའི་སྟེང་དུ་རྟགས་བརྒྱབ་མེད་པ་རྣམས་ཀྱི་རྣམ་ཤེས་ནི་མཐོང་ངོ་༎ དེ་དག་ཐམས་ཅད་སླར་གསོན་ཞིང་སྐྱབས་མགོན་མཱ་ཤི་ཀ་དང་ལྷན་དུ་ལོ་ངོ་ཆིག་སྟོང་གི་རིང་ལ་རྒྱལ་སྲིད་བསྐྱངས་པ་ཡིན།  
\v 5 འདི་ནི་སླར་གསོན་ཐེངས་དང་པོ་ཡིན་ལ། ལོ་ངོ་ཆིག་སྟོང་ལོང་བའི་བར་དུ། གཞན་རྣམས་ད་དུང་སླར་གསོན་པར་མ་གྱུར་ཏོ།།  
\v 6 སླར་གསོན་ཐེངས་དང་པོའི་ནང་སྐལ་བ་ལྡན་པ་རྣམས་ནི་བདེ་ཞིང་དམ་པ་ཡིན། དེ་རྣམས་ཀྱི་སྟེང་དུ་འཆི་བ་ཐེངས་གཉིས་པར་དབང་ཐང་མེད་ལ། འོན་ཀྱང་དེ་རྣམས་ནི་དཀོན་མཆོག་དང་སྐྱབས་མགོན་མཱ་ཤི་ཀའི་མཆོད་དཔོན་བྱེད་པར་མ་ཟད། སྐྱབས་མགོན་མཱ་ཤི་ཀ་དང་ལྷན་དུ་ལོ་ངོ་ཆིག་སྟོང་རིང་ལ་རྒྱལ་སྲིད་བསྐྱང་བར་འགྱུར་རོ།།   
\s1 བདུད་སཱ་ཏན་གྱི་མཐའ་འབྲས།  
\p
\v 7 ལོ་ངོ་ཆིག་སྟོང་ལོངས་པའི་དུས་སུ། བདུད་སཱ་ཏན་བཙོན་ལས་གཏོང་ངེས་ཞིང་།  
\v 8 ཁོ་རང་ཕྱིར་ཐོན་ནས་ས་གཞིའི་ཕྱོགས་བཞིར་གནས་པའི་རྒྱལ་ཁབ་རྣམས་ཏེ། གཱོག་དང་མ་གཱོག་ཟེར་བ་བསླུས་ནས་འཐབ་འཁྲུག་རྒྱག་ཕྱིར་དེ་རྣམས་བསྡུ་བར་འགྱུར་ཞིང་། དེ་དག་གི་མི་གྲངས་ནི་མཚོ་འགྲམ་གྱི་བྱེ་མ་ལྟར་མང་ངོ་།།  
\v 9 དེ་རྣམས་ཡར་ཐོན་ཞིང་ས་གཞི་ཡོངས་ལ་ཁྱབ་སྟེ། དད་ལྡན་དམ་པ་རྣམས་ཀྱི་སྒར་དང་གཅེས་སུ་འཛིན་པའི་གྲོང་ཁྱེར་དེ་བསྐོར་བ་ལ། ནམ་མཁའ་ནས་མེ་ཆར་བབས་ཏེ། དེ་རྣམས་རྩ་བ་ནས་བསྲེག་པར་གྱུར་ཏོ།།  
\v 10 དེ་རྣམས་བསླུ་མཁན་བདུད་ནི་གཅན་གཟན་དང་ལུང་སྟོན་པ་རྫུས་མ་ཡོད་སའི་གནས་ཏེ། མུ་ཟི་འབར་བའི་མེ་མཚོའི་ནང་དུ་གཡུགས་ཤིང་། དེ་དག་གིས་ཉིན་མཚན་མེད་པར་ནམ་ཡང་མནར་གཅོད་མྱང་བར་འགྱུར་རོ།།   
\s1 གཤིན་པོ་རྣམས་ལ་ལེགས་ཉེས་ཀྱི་ཁྲིམས་ཐག་གཅོད་པ།  
\p
\v 11 ཡང་བདག་གིས་མདོག་དཀར་པོ་ཅན་གྱི་བཞུགས་ཁྲི་ཆེན་པོ་ཞིག་དང་ཁྲིའི་སྟེང་དུ་བཞུགས་མཁན་ཡང་མཐོང་ཞིང་། གནམ་ས་གཉིས་ཁོང་གི་མདུན་ནས་བྲོས་ཤིང་རང་གི་གནས་མ་རྙེད་དོ།།  
\v 12 ཡང་བདག་གིས་གཤིན་པོ་རྣམས་མཐོང་ཞིང་། མཆོག་དམན་སུ་ཡིན་ཡང་ཐམས་ཅད་བཞུགས་ཁྲིའི་མདུན་དུ་ཡར་ལངས་ནས་བསྡད་ཡོད་ལ། གླེགས་བམ་དག་གི་ཁ་ཕྱེས་པར་མ་ཟད། ཡང་གླེགས་བམ་གཞན་ཞིག་གི་ཁ་ཕྱེས་ཤིང་། དེ་ནི་ཚེ་སྲོག་གི་གླེགས་བམ་ཡིན། གཤིན་པོ་ཐམས་ཅད་ལ་གླེགས་བམ་དེ་དག་གི་ནང་དུ་ཅི་ཞིག་བཀོད་ཡོད་པ་གཞིར་བཟུང་སྟེ། དེ་རྣམས་ཀྱིས་ཅི་བྱས་བཞིན་ལེགས་ཉེས་ཀྱི་ཁྲིམས་ཐག་བཅད་པའོ།།  
\v 13 དེའི་ཕྱིར། རྒྱ་མཚོས་མཚོ་ནང་གི་གཤིན་པོ་རྣམས་ཕྱིར་སྤྲད་པ་དང་། འཆི་བ་དང་གཤིན་པོའི་གནས་ཀྱིས་ཀྱང་དེའི་གཤིན་པོ་རྣམས་ཕྱིར་སྤྲད་ཅིང་། དེ་དག་ལ་རང་རང་གིས་ཅི་བྱས་བཞིན་ལེགས་ཉེས་ཀྱི་ཁྲིམས་ཐག་བཅད་པ་ཡིན།  
\v 14 དེ་ནས་འཆི་བ་དང་གཤིན་པོའི་གནས་དེ་ཡང་མེ་མཚོའི་ནང་དུ་གཡུགས་ཏེ། མེ་མཚོ་དེ་ནི་འཆི་བ་ཐེངས་གཉིས་པ་ཡིན།  
\v 15 སུ་དག་གི་མིང་དེ་ཚེ་སྲོག་གི་གླེགས་བམ་ནང་དུ་བཀོད་མེད་པ་ཡིན་ན། མི་དེ་དག་མེ་མཚོའི་ནང་དུ་གཡུགས་པའོ།།   
\c 21
\cl ལེའུ་ཉེར་གཅིག་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཡེ་རུ་སཱ་ལེམ་གསར་པ།  
\p
\v 1 ཡང་བདག་གིས་གནམ་ས་གསར་པ་ཞིག་མཐོང་ངོ་།། རྒྱུ་མཚན་གནམ་ས་སྔ་མ་ནི་འདས་ཤིང་རྒྱ་མཚོ་ཡང་མེད་པར་གྱུར་པའི་ཕྱིར་རོ།།  
\v 2 ཡང་གྲོང་ཁྱེར་དམ་པ་སྟེ་ཡེ་རུ་སཱ་ལེམ་གསར་པ་ནི་དཀོན་མཆོག་ནས་བྱུང་ཞིང་ནམ་མཁའི་ཞིང་ཁམས་ལས་བབས་པ་བདག་གིས་མཐོང་ངོ་།། དེ་ནི་སྟ་གོན་བྱས་ཚར་བའི་བག་གསར་གྱིས་གཟབ་མཆོར་སྤྲས་ནས་མག་པར་སྒུག་པ་དང་མཚུངས།  
\v 3 དེ་ནས་བདག་གིས་བཞུགས་ཁྲི་ནས་སྐད་ཆེན་པོ་ཞིག་གྲགས་ཡོང་བ་ཐོས་ཤིང་འདི་སྐད་དུ། ལྟོས་དང༌། དཀོན་མཆོག་གི་གུར་མཆོག་ནི་མི་རྣམས་ཀྱི་དབུས་སུ་མཆིས་ཤིང་། ཁོང་མི་རྣམས་དང་མཉམ་དུ་བཞུགས་ཏེ། མི་རྣམས་ཁོང་གི་འབངས་མི་རུ་འགྱུར་བ་དང་། དཀོན་མཆོག་ནི་སྐུ་དངོས་སུ་ཁོ་རྣམས་དང་མཉམ་དུ་བཞུགས་ཤིང་ཁོ་རྣམས་ཀྱི་དཀོན་མཆོག་ཡིན་པར་འགྱུར།  
\v 4 དཀོན་མཆོག་གིས་ཁོ་རྣམས་ཀྱི་མིག་ཆུ་ཐམས་ཅད་དབྱི་བར་འགྱུར་ཞིང་། སྔོན་གྱི་དོན་རྣམས་འདས་ཟིན་པས། ད་ནི་འཆི་བ་ཡོད་མི་སྲིད་ལ། མྱ་ངན་དང་། ངུ་འབོད། ཟུག་གཟེར་བཅས་ཀྱང་ཡོད་མི་སྲིད་དོ།།   
\p
\v 5 བཞུགས་ཁྲིའི་སྟེང་དུ་བཞུགས་མཁན་གྱིས་འདི་སྐད་དུ། ལྟོས་དང་། བདག་གིས་ཐམས་ཅད་གསར་དུ་སྐྲུན་པ་ཡིན་ཞེས་དང་། ཡང་འདི་སྐད་དུ། བཀའ་འདི་རྣམས་ནི་ཡིད་རྟོན་རུང་བ་དང་བདེན་པ་ཡིན་པས། ཁྱོད་ཀྱིས་ཡི་གེར་འགོད་པར་བྱའོ་ཞེས་གསུངས་སོ།།   
\p
\v 6 ཡང་ཁོང་གིས་བདག་ལ་འདི་སྐད་དུ། ལེགས་པར་གྲུབ་འདུག ང་ནི་ཨལ་ཕཱ་དང་ཨོ་མེ་ཀ་སྟེ། ཐོག་མ་དང་མཐའ་མ་ཡིན་ནོ།། ངས་ཚེ་སྲོག་གི་ཆུ་མིག་ལས་ཁ་སྐོམ་པ་རྣམས་ལ་རིན་མི་དགོས་པར་གནང་བར་ངེས།  
\v 7 རྣམ་པར་རྒྱལ་པ་རྣམས་ལ་དོན་འདི་དག་འཐོབ་པར་འགྱུར་བ་དང་། བདག་ནི་ཁོ་རྣམས་ཀྱི་དཀོན་མཆོག་ཡིན་ཞིང་། དེ་རྣམས་ནི་བདག་གི་བུ་ཡིན་པར་འགྱུར་རོ།།  
\v 8 འོན་ཀྱང་། སྡར་མ་དང་། དད་པ་མེད་པ། ཞེན་ལོག་པ། ལག་དམར། ལོག་གཡེམ་པ། སྒྱུ་འཕྲུལ་པ། སྐུ་འདྲར་བརྟེན་མཁན། རྫུན་སྨྲ་མཁན་ཐམས་ཅད་ལ་འཐོབ་པའི་སྐལ་ནི་མུ་ཟི་འབར་བའི་མེ་མཚོ་ནང་དུ་ཡོད་ཅིང་། དེ་ནི་འཆི་བ་ཐེངས་གཉིས་པ་ཡིན་ཞེས་གསུངས་སོ།།   
\p
\v 9 དེ་ནས་མཐའ་མའི་ཆག་སྒོ་བདུན་གྱིས་གང་བའི་ཕོར་བ་བདུན་བཟུང་ཡོད་པའི་ཕོ་ཉ་བདུན་ལས་གཅིག་ཡོང་སྟེ་བདག་ལ་འདི་སྐད་དུ། ཁྱོད་འདིར་ཤོག་དང་། བདག་གིས་ཁྱོད་ལ་བག་གསར་སྟོན་པར་བྱའོ།། དེ་ནི་ལུ་གུའི་ཆུང་མ་ཡིན་ཞེས་གསུངས་སོ།།  
\v 10 དེ་ནས་ཕོ་ཉ་དེས་ང་རང་དམ་པའི་ཐུགས་ཉིད་ཀྱི་ངང་ནས་མཐོ་ཞིང་ཆེ་བའི་རི་ཞིག་ཏུ་ཁྲིད་དེ། དཀོན་མཆོག་ནས་བྱུང་ཞིང་ནམ་མཁའི་ཞིང་ཁམས་ལས་བབས་པའི་གྲོང་ཁྱེར་དམ་པ་ཡེ་རུ་སཱ་ལེམ་བདག་ལ་བསྟན།  
\v 11 གྲོང་ཁྱེར་དེ་ལ་དཀོན་མཆོག་གི་གཟི་བརྗིད་ལྡན་པ་དང་། གྲོང་ཁྱེར་གྱི་གཟི་འོད་ནི་རིན་ཐང་ཆེ་བའི་རྡོ་དང་མཚུངས་ཤིང་གཡང་ཊི་སྔོན་པོ་དང་འདྲ་བ། ཆུ་ཤེལ་ལྟར་དྭངས་པ་ཡིན།  
\v 12 དེ་ལ་མཐོ་ཞིང་ཆེ་བའི་མཁར་གྱང་དང་། མཁར་སྒོ་བཅུ་གཉིས། མཁར་སྒོ་རུ་ཕོ་ཉ་བཅུ་གཉིས་བཅས་མཆིས། མཁར་སྒོའི་སྟེང་དུ་ཡེས་ར་ཨེལ་བུ་རྒྱུད་ཀྱི་ཚོ་པ་བཅུ་གཉིས་པོའི་མིང་བཀོད་ཡོད་དོ།།  
\v 13 ཤར་ཕྱོགས་སུ་མཁར་སྒོ་གསུམ་དང་། བྱང་ཕྱོགས་སུ་མཁར་སྒོ་གསུམ། ལྷོ་ཕྱོགས་སུ་མཁར་སྒོ་གསུམ། ནུབ་ཕྱོགས་སུ་མཁར་སྒོ་གསུམ་བཅས་མཆིས།  
\v 14 གྲོང་ཁྱེར་གྱི་མཁར་གྱང་ལ་རྟིང་རྡོ་བཅུ་གཉིས་ཡོད་ལ། རྟིང་རྡོ་བཅུ་གཉིས་ཀྱི་སྟེང་དུ་ལུ་གུའི་སྐུ་ཚབ་པ་བཅུ་གཉིས་ཀྱི་མིང་བཀོད་ཡོད་དོ།།   
\p
\v 15 བདག་ལ་གཏམ་སྨྲ་མཁན་གྱིས་ཕྱག་ཏུ་གསེར་གྱི་ཐིག་ཤིང་བཟུང་སྟེ་གྲོང་ཁྱེར་དང་། མཁར་སྒོ། མཁར་གྱང་བཅས་ཀྱི་ཚད་ཐིག་འཇལ་བའི་ཕྱིར་རོ།།  
\v 16 གྲོང་ཁྱེར་དེ་ནི་གྲུ་བཞི་མ་སྟེ་སྲིད་ཞེང་གཉིས་འདྲའོ།། ཕོ་ཉས་ཕྱག་ཏུ་ཐིག་ཤིང་བཟུང་ནས་གྲོང་ཁྱེར་གྱི་ཚད་ཐིག་འཇལ་བ་ལ་རྒྱང་གྲགས་ཆིག་ཁྲི་ཉིས་སྟོང་ལྷག་ཡིན། སྲིད་ཞེང་མཐོ་གསུམ་འདྲའོ།།  
\v 17 ཡང་ཁོང་གིས་གྲོང་ཁྱེར་གྱི་མཁར་གྱང་གི་ཚད་ཐིག་འཇལ་བ་ལ། མིའི་ཚད་གཞི་བཞིན་ཏེ་ཕོ་ཉའི་ཚད་གཞི་ལྟར་ན་ཁྲུ་བརྒྱ་དང་ཞེ་བཞི་མཆིས།  
\v 18 མཁར་གྱང་ནི་གཡང་ཊི་སྔོན་པོས་བཟོས་ཤིང་། གྲོང་ཁྱེར་ནི་གསེར་སྦྱངས་བཙོ་མས་བཟོས་པ་དང་ཆུ་ཤེལ་ལྟར་དྭངས་ཤིང་གསལ།  
\v 19 མཁར་གྱང་གི་རྟིང་གཞི་ནི་རིན་པོ་ཆེ་སྣ་ཚོགས་ཀྱིས་བརྒྱན་ཞིང་། རྟིང་གཞི་དང་པོ་ནི་གཡང་ཊི་སྔོན་པོ་དང་། གཉིས་པ་ནི་ཨིནྡྲ་ནཱི་ལ། གསུམ་པ་ནི་པད་མ་རཱ་ག བཞི་པ་ནི་མ་རྒད།  
\v 20 ལྔ་པ་ནི་མཆོང་། དྲུག་པ་ནི་པདྨ་རཱ་ག བདུན་པ་ནི་བཻཌཱུརྱ་སུ་ག་ཏ། བརྒྱད་པ་ནི་བཻཌཱུརྱ་ལྗང་སེར། དགུ་པ་ནི་སྤྲིན་རྡོ། བཅུ་པ་ནི་བཻཌཱུརྱ་ལྗང་དཀར། བཅུ་གཅིག་པ་ནི་རྟ་ཀླད་སྨུག་པོ། བཅུ་གཉིས་པ་ནི་མུ་མེན་བཅས་ཡིན།  
\v 21 མཁར་སྒོ་བཅུ་གཉིས་ནི་མུ་ཏིག་བཅུ་གཉིས་ཡིན་ཞིང་། མཁར་སྒོ་རེ་རེ་མུ་ཏིག་རེ་རེས་བཟོས་པ་དང་། གྲོང་ཁྱེར་ནང་གི་སྲང་ལམ་ནི་གསེར་སྦྱངས་བཙོ་མས་བཟོས་པ་དང་ཆུ་ཤེལ་ལྟར་དྭངས་ཤིང་གསལ་ལོ།།   
\p
\v 22 བདག་གིས་གྲོང་ཁྱེར་ནང་དུ་མཆོད་ཁང་ཡོད་པ་མ་མཐོང་ངོ་།། རྒྱུ་མཚན་ནི་གཙོ་བོ་དཀོན་མཆོག་སྟེ་ཀུན་དབང་དེ་ཉིད་དང་ལུ་གུ་ནི་གྲོང་ཁྱེར་གྱི་མཆོད་ཁང་ཡིན་པའི་ཕྱིར་རོ།།  
\v 23 དཀོན་མཆོག་གི་གཟི་བརྗིད་ཀྱིས་འོད་ཟེར་འཕྲོ་བ་དང་ལུ་གུ་ནི་གྲོང་ཁྱེར་གྱི་སྒྲོན་མེ་ཡིན་པས། གྲོང་ཁྱེར་ནང་དུ་ཉི་ཟླའི་འོད་ཟེར་མཁོ་བ་མེད།  
\v 24 རྒྱལ་ཁབ་ཐམས་ཅད་ནི་གྲོང་ཁྱེར་གྱི་འོད་ཟེར་ལ་བརྟེན་ནས་སྐྱོད་ཅིང་། ས་སྟེང་གི་རྒྱལ་པོ་ཐམས་ཅད་ཀྱིས་རང་གི་གཟི་བརྗིད་གྲོང་ཁྱེར་དེ་ལ་འབུལ་ངེས་ཡིན།  
\v 25 གྲོང་ཁྱེར་གྱི་མཁར་སྒོ་ནི་ཉིན་མོར་ཅིས་ཀྱང་མི་གཏན་ཏེ། གནས་དེར་མཚན་མོ་མེད་པའི་ཕྱིར་རོ།།  
\v 26 མི་རྣམས་ཀྱིས་རྒྱལ་ཁབ་ཐམས་ཅད་ཀྱི་གཟི་བརྗིད་དང་གུས་བཀུར་བཅས་གྲོང་ཁྱེར་དེ་ལ་འབུལ་ངེས་ཡིན།  
\v 27 མི་གཙང་བའམ། ཡང་ན་ཞེན་ལོག་པ་དང་རྫུན་གྱི་ལས་བྱེད་མཁན་སུ་ཡིན་ཡང་གྲོང་ཁྱེར་དེའི་ནང་དུ་འགྲོ་མི་ནུས་ཏེ། ལུ་གུའི་ཚེ་སྲོག་གི་གླེགས་བམ་ནང་དུ་མིང་ཐོ་བཀོད་ཡོད་པ་ཁོ་ན་དེའི་ནང་དུ་འགྲོ་ནུས་སོ།།   
\c 22
\cl ལེའུ་ཉེར་གཉིས་པ། 
\toc1 ༄༅། །མངོན་པའི་མདོ། 
\toc2 མངོན་པ། 
\s1 ཚེ་སྲོག་གི་གཙང་པོ།  
\p
\v 1 དེ་ནས་ཕོ་ཉས་ཚེ་སྲོག་དང་ལྡན་པའི་ཆུ་ཡི་གཙང་པོ་ཞིག་བདག་ལ་བསྟན་ཅིང་། དེ་ནི་ཆུ་ཤེལ་ལྟར་དྭངས་ཤིང་གསལ་བ་དང་། དཀོན་མཆོག་དང་ལུ་གུའི་བཞུགས་ཁྲི་ནས་བཞུར་ཡོང་བ་དང་།  
\v 2 གྲོང་ཁྱེར་ནང་གི་སྲང་ལམ་གྱི་དཀྱིལ་དུ་བཞུར་ཅིང་། གཙང་པོའི་འགྲམ་གཉིས་སུ་ཚེ་སྲོག་གི་ལྗོན་ཤིང་ཡོད་ལ། འབྲས་བུ་སྣ་ཁ་བཅུ་གཉིས་ཐོགས་པ་དང་། ཟླ་བ་རེ་རེར་འབྲས་བུ་སྨིན་པ་དང་། སྡོང་ལོ་ནི་མི་རིགས་ཐམས་ཅད་གསོ་བའི་ཕྱིར་ཡིན་ནོ།།  
\v 3 ཡང་དུས་དེ་ནས་བཟུང་དམོད་པ་མེད་པར་གྱུར་པ་ཡིན། གྲོང་ཁྱེར་ནང་དུ་དཀོན་མཆོག་དང་ལུ་གུའི་བཞུགས་ཁྲི་ཡོད་པ་དང་། ཁོང་གི་ཞབས་ཕྱི་པ་རྣམས་ཀྱིས་ཁོང་ལ་བསྙེན་བཀུར་འབུལ་ཞིང་།  
\v 4 ཁོང་གི་ཞལ་རས་ཀྱང་མཐོང་བར་འགྱུར་བ་དང་། དེ་རྣམས་ཀྱི་དཔྲལ་བར་ཁོང་གི་མཚན་འགོད་པ་ཡིན་ནོ།།  
\v 5 མཚན་མོ་ཡོད་པར་མི་འགྱུར་ཏེ། གཙོ་བོ་དཀོན་མཆོག་གིས་ཁོ་རྣམས་ལ་འོད་ཟེར་སྤྲོ་བར་འགྱུར་བས། ཁོ་རྣམས་ལ་སྒྲོན་མེའི་འོད་ཟེར་དང་ཉི་འོད་མི་མཁོའོ།། ཁོ་རྣམས་ཀྱིས་ནམ་ཡང་སྲིད་དབང་བསྐྱང་བར་འགྱུར་རོ།།   
\p
\v 6 ཡང་ཕོ་ཉས་བདག་ལ་འདི་སྐད་དུ། བཀའ་འདི་རྣམས་ནི་ཡིད་རྟོན་རུང་བ་དང་བདེན་པ་ཡིན་ནོ།། གཙོ་བོ་སྟེ་ལུང་སྟོན་པ་དག་གི་སེམས་ཉིད་ཀྱི་དཀོན་མཆོག་གིས་ཁོང་གི་ཕོ་ཉ་མངགས་ཏེ། མྱུར་དུ་འབྱུང་དགོས་པའི་དོན་རྣམས་ཁོང་ཉིད་ཀྱི་ཞབས་ཕྱི་པ་རྣམས་ལ་སྟོན་པའི་ཕྱིར་ཡིན་ཞེས་གསུངས་སོ།།   
\s1 སྐྱབས་མགོན་ཡེ་ཤུ་མྱུར་དུ་ཕེབས་ངེས་པ།  
\p
\v 7 ལྟོས་དང་། བདག་ནི་མྱུར་དུ་ཡོང་ངེས་སོ།། མདོ་འདིའི་ལུང་བསྟན་སྲུང་མཁན་རྣམས་བྱིན་རླབས་ཅན་ཡིན་ཞེས་གསུངས་སོ།།   
\p
\v 8 དོན་འདི་དག་ནི་ཡོ་ཧ་ནན་ངས་ཐོས་ཤིང་མཐོང་བ་རྣམས་ཡིན་ནོ།། བདག་གིས་མཐོང་ཐོས་སུ་གྱུར་ཏེ་རང་ལ་སྟོན་མཁན་ཕོ་ཉའི་ཞབས་དྲུང་དུ་ཕྱག་བཙལ་ནས་ཁོང་ལ་བསྟོད་བསྔགས་བརྗོད་པར་རྩོམ་པ་ན།  
\v 9 ཁོང་གིས་བདག་ལ་འདི་སྐད་དུ། དེ་ལྟར་བྱེད་ག་ལ་རུང་། ང་ནི་ཁྱོད་དང་ཁྱོད་ཀྱི་སྤུན་ལུང་སྟོན་པ་རྣམས་དང་། མདོ་འདིའི་བཀའ་སྲུང་མཁན་ཐམས་ཅད་ལྷན་ཅིག་ཞབས་ཕྱི་པ་ཡིན་པས། ཁྱོད་ཀྱིས་དཀོན་མཆོག་ལ་བསྟོད་བསྔགས་བརྗོད་པར་བྱའོ་ཞེས་གསུངས་སོ།།   
\p
\v 10 ཡང་ཁོང་གིས་བདག་ལ་འདི་སྐད་དུ། དུས་དེ་སླེབས་ལ་ཉེ་བས། མདོ་འདིའི་ལུང་བསྟན་རྣམས་ལ་ཐམ་ག་རྒྱག་པར་མི་བྱའོ།།  
\v 11 དྲང་བདེན་མ་ཡིན་པར་ད་དུང་ཁོ་ལ་དྲང་བདེན་མིན་པ་བྱེད་དུ་ཆུག མི་གཙང་བ་ནི་ད་དུང་ཁོ་རང་མི་གཙང་བར་ལུས་སུ་ཆུག དྲང་བདེན་བྱེད་མཁན་ལ་ད་དུང་ཁོ་ལ་དྲང་བདེན་བྱེད་དུ་ཆུག དམ་པ་ནི་ད་དུང་ཁོ་རང་དམ་པར་ལུས་སུ་ཆུག་ཅེས་གསུངས་སོ།།   
\p
\v 12 ལྟོས་དང་། བདག་ནི་མྱུར་དུ་ཡོང་ངེས་ཡིན། མི་རེ་རེའི་ཅི་བྱས་བཞིན་ལན་འཇལ་བའི་ཕྱིར་ངས་རྔན་པ་འཁྱེར་འོང་ངོ་།།  
\v 13 ང་ནི་ཨལ་ཕཱ་དང་ཨོ་མེ་ཀ་སྟེ། སྔ་མ་དང་ཕྱི་མ་ཡིན་ལ། ཐོག་མ་དང་མཐའ་མའོ༎   
\p
\v 14 རང་གི་ལྭ་རིང་པོ་གཙང་མར་བཀྲུ་མཁན་རྣམས་བདེའོ།། དེ་རྣམས་ལ་ཚེ་སྲོག་གི་ལྗོན་ཤིང་དྲུང་དུ་འགྲོ་བའི་དབང་འཐོབ་ཅིང་། མཁར་སྒོ་བརྒྱུད་ནས་གྲོང་ཁྱེར་ནང་དུ་འགྲོ་ཡང་ནུས་སོ།།  
\v 15 གྲོང་ཁྱེར་གྱི་ཕྱི་རོལ་ཏུ་ཁྱི་སྤྱང་ངན་པ་དང་། སྒྱུ་འཕྲུལ་པ། ལོག་གཡེམ་པ། ལག་དམར། སྐུ་འདྲར་བརྟེན་མཁན། རྫུན་ལ་དགའ་ཞིང་རྫུན་སྨྲ་མཁན་ཐམས་ཅད་ཡོད་དོ།།   
\p
\v 16 ཡེ་ཤུ་བདག་གིས་ཆོས་ཚོགས་དག་གི་ཆེད་དུ་ཁྱོད་རྣམས་ལ་དོན་འདི་དག་བདེན་དཔང་བྱེད་པའི་ཕྱིར་རང་གི་ཕོ་ཉ་མངགས་པ་ཡིན་ལ། བདག་ནི་དཱ་བིད་ཀྱི་རྩ་བ་ཡིན་ལ་ཁོང་གི་རིགས་རྒྱུད་ཀྱང་ཡིན། བདག་ནི་ཐོ་རངས་ཀྱི་སྐར་ཆེན་ཡིན་ཞེས་གསུངས་སོ།།   
\p
\v 17 དམ་པའི་ཐུགས་ཉིད་དང་བག་གསར་གྱིས་ཕེབས་ཤོག་དང་ཞེས་ཞུས་པ་དང་། ཐོས་མཁན་རྣམས་ཀྱིས་ཀྱང་ཕེབས་ཤོག་དང་ཞེས་ཞུ་འོས་སོ།། ཁ་སྐོམ་པ་རྣམས་ཡོང་འོས་པ་དང་འཐུང་འདོད་པ་རྣམས་ཀྱིས་ཀྱང་རིན་མི་དགོས་པར་ཚེ་སྲོག་དང་ལྡན་པའི་ཆུ་འཐུང་རུང་ངོ་།།   
\p
\v 18 བདག་གིས་མདོ་འདིའི་ལུང་བསྟན་ཐོས་མཁན་ཐམས་ཅད་ལ་བདེན་དཔང་བྱེད་པར་བྱ་སྟེ། སུ་ཞིག་གིས་ལུང་བསྟན་འདི་ལ་གང་ཞིག་སྣོན་པ་ཡིན་ན། དཀོན་མཆོག་གིས་མདོ་འདིའི་ནང་དུ་བཀོད་པའི་ཆག་སྒོ་ཐམས་ཅད་ཁོའི་སྟེང་དུ་འགེལ་བར་འགྱུར་རོ།།  
\v 19 ཡང་སུ་ཞིག་གིས་མདོ་འདིའི་ནང་གི་ལུང་བསྟན་ལས་གང་ཞིག་འཕྲི་བ་ཡིན་ན། དཀོན་མཆོག་གིས་ཀྱང་མདོ་འདིའི་ནང་དུ་བཀོད་པའི་ཚེ་སྲོག་གི་ལྗོན་ཤིང་དང་དམ་པའི་གྲོང་ཁྱེར་གྱི་སྐལ་ནི་མི་དེ་ལས་ཕྱིར་ལེན་པར་འགྱུར་རོ།།   
\p
\v 20 དོན་འདི་རྣམས་ལ་བདེན་དཔང་མཛད་མཁན་གྱིས་འདི་སྐད་དུ། ལགས་སོ༎ ང་ནི་མྱུར་དུ་ཡོང་ངེས་ཡིན་ཞེས་གསུངས་སོ།།  
\p ཨ་མེན། གཙོ་བོ་ཡེ་ཤུ་ལགས། ཁྱེད་ཉིད་ཕེབས་པར་ཞུའོ།།   
\p
\v 21 གཙོ་བོ་ཡེ་ཤུའི་ཐུགས་རྗེ་ནི་དད་ལྡན་དམ་པ་རྣམས་དང་མཉམ་དུ་གནས་པར་སྨོན། ཨ་མེན།། །།