\id PSA – NTB 
\h གསུང༌མགུར། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\mt1 ༄༅།།གསུང་མགུར་གྱི༌མདོ།  
\imt1 གསུང་མགུར་གྱི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi གསུང་མགུར་ཞེས་བྱ་བའི་ཁ་བྱང་འདི་ནི་གྷི་རིག་གི་སྐད་དུ་བསྒྱུར་བའི་དམ་པའི་གསུང་རབ་ཞལ་ཆད་རྙིང་པའི་སིབ་ཐུ་ཨ་ཀྱན་ཏི་༼Septuagint༽ཞེས་པ་ལས་བྱུང་བ་ཡིན། ཨིབ་རི་པའི་སྲོལ་རྒྱུན་ལྟར་ན་ཁ་བྱང་འདི་བསྟོད་བསྔགས་ཞེས་པའི་དོན་ཡིན་མོད། འོན་ཀྱང་གསུང་མགུར་ཕལ་ཆེ་བ་གསོལ་འདེབས་ཀྱི་སྐོར་ཡིན་པ་རེད།  
\is1 ཡི་གེར་འགོད་མཁན་དང་འགོད་དུས།  
\ipi གསུང་མགུར་བརྒྱ་དང་ལྔ་བཅུ་ལས་གསུང་མགུར་བརྒྱ་ཡི་གེར་འགོད་མཁན་ནི་གཤམ་གྱི་མི་འདི་དག་ཡིན། དཱ་བིད་ཀྱིས་གསུང་མགུར་བདུན་ཅུ་དོན་གསུམ་ཡི་གེར་བཀོད་པ་དང་། ཨ་སབ་ཀྱིས་གསུང་མགུར་བཅུ་གཉིས་ཡི་གེར་བཀོད། ཀོ་རཱག་གི་བུ་རྒྱུད་ཀྱིས་གསུང་མགུར་བཅུ་ཡི་གེར་བཀོད། མོ་ཤེ་ཡིས་གསུང་མགུར་གཅིག་ཡི་གེར་བཀོད། ཨེས་རཱ་པ་ཧེ་མཱན་གྱིས་གསུང་མགུར་གཅིག་ཡི་གེར་བཀོད། ཨེས་རཱ་པ་ཨེ་ཐན་གྱིས་གསུང་མགུར་གཅིག་ཡི་གེར་བཀོད། སོ་ལོ་མོན་གྱིས་གསུང་མགུར་གཉིས་ཡི་གེར་བཀོད་ཡོད་པ་རེད། གསུང་མགུར་ལྔ་བཅུ་ལ་ཡི་གེར་འགོད་མཁན་གྱི་མིང་བཀོད་མི་འདུག གསུང་མགུར་གྱི་མཐའ་མའི་བསྡུ་རུབ་དང་བཀོད་སྒྲིག་གནང་མཁན་ནི་བཙན་ཁྲིད་བྱས་པའི་ཡ་ཧུ་དཱའི་མི་རིགས་ཕྱིར་སླེབས་རྗེས་ཀྱི་མཆོད་ཁང་གི་ཆེད་ལས་མི་སྣ་ཡིན། དོན་དེ་ནི་ཧ་ལམ་སྤྱི་ལོ་སྔོན་གྱི་དུས་རབས་གསུམ་པའི་ནང་བྱུང་བ་ཞིག་རེད། སྤྱི་ལོའི་དུས་རབས་དང་པོའི་སྐབས་སུ་མི་རྣམས་ཀྱིས་གཞུང་འདི་ལ་གསུང་མགུར་ཞེས་འབོད། དེའི་སྐོར་༼ལོ་ཀུའི་འཕྲིན་བཟང་གི་ལེའུ་ཉི་ཤུ་པའི་ཚིག་རྐང་ཞེ་གཉིས་པ་དང་མཛད་འཕྲིན་གྱི་ལེའུ་དང་པོའི་ཚིག་རྐང་ཉི་ཤུ་བཅས་སུ་གསལ།༽  
\is1 བརྗོད་སྙིང་དང་གསུང་འཕྲིན།  
\ipi གསུང་མགུར་འདི་ནི་དྲི་བ་དྲིས་ལན་གྱི་ཆོས་ཀྱི་ལྟ་བའི་གཞུང་མ་ཡིན་པར། མང་ཤོས་གསོལ་འདེབས་དང་བསྟོད་བསྔགས་ཀྱི་གཞུང་ཡིན། གསུང་མགུར་གྱི་ནང་དུ་དཀོན་མཆོག་ལ་གསོལ་བ་བཏབ་ནས་ཁ་བརྡ་བྱེད་པ་དང་། ཡིད་ཆེས་དང་དད་པ་རྣམ་དག་ངང་དཀོན་མཆོག་ལ་བསྟོད་བསྔགས་བརྗོད་ཡོད། གསུང་མགུར་ལས་དཀོན་མཆོག་གི་ལྟ་གྲུབ་རིག་པའི་སྙིང་པོ་འདི་ལྟ་སྟེ། ལྡོག་མེད་ཀྱི་ཡིད་ཆེས་ལ་བརྟེན་ནས་དཀོན་མཆོག་ནི་མི་ཚེའི་འབྱུང་ཁུངས་ཡིན་པར་མ་ཟད། ལོ་རྒྱུས་ཀྱི་བྱུང་རབས་དང་འཇིག་རྟེན་ཧྲིལ་པོའི་སྙིང་པོ་ཡིན་པར་རྟོགས་དགོས། ཁོང་ནི་ཡོད་ཚད་ཀྱི་རྒྱལ་པོ་ཆེན་པོ་དང་ཐམས་ཅད་ལ་དབང་བྱེད་མཁན་གཅིག་པུ་ལགས་སོ། །  
\is1 འཆར་ཟིན།  
\ipi 1. སྡེ་ཚན་དང་པོ། གསུང་མགུར་དང་པོ་ནས་ཞེ་གཅིག་བར།  
\ipi 2. སྡེ་ཚན་གཉིས་པ། གསུང་མགུར་ཞེ་གཉིས་ནས་བདུན་ཅུ་དོན་གཉིས་བར།  
\ipi 3. སྡེ་ཚན་གསུམ་པ། གསུང་མགུར་བདུན་ཅུ་དོན་གསུམ་ནས་གྱ་དགུ་བར།  
\ipi 4. སྡེ་ཚན་བཞི་པ། གསུང་མགུར་དགུ་བཅུ་ནས་བརྒྱ་དང་དྲུག་བར།  
\ipi 5. སྡེ་ཚན་ལྔ་པ། གསུང་མགུར་བརྒྱ་དང་བདུན་ནས་བརྒྱ་དང་ལྔ་བཅུ་བར།  
\c 1
\cd སྡེ་ཚན་དང་པོ།  
\cl གསུང་མགུར་དང༌པོ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དོན་དམ་གྱི་བདེ་བ།  
\p
\v 1 སྡིག་སྤྱོད་མི་ཡི་ཇུས་བཞིན་མི་འགྲུལ༌ཞིང༌། །སྡིག་ཅན་དག་གི་ལམ་ནང་མི་འགྲེང༌བར། །འཕྱ་མཁན་གྲལ་དུ་མི་འདུག་པ་ནི༌བདེ།།  
\v 2 ཡ་ཝཱེའི་བཀའ་ཁྲིམས་ལ་ནི་ཡི་རང༌ཞིང༌། །ཉིན་མཚན་ཀུན་ཏུ་བཀའ་ཁྲིམས་སྒོམ་མཁན༌ནི།།  
\v 3 ཆུ་རྒྱུན་འགྲམ་དུ་བཙུགས་པའི་ལྗོན་ཤིང༌བཞིན། །དུས་དང་མཐུན་པར་འབྲས་བུ་བསྐྱེད་བྱེད༌ཅིང༌། །ལོ་མ་དག་ཀྱང་ནམ་ཡང་མི་རྙིད༌ལ། །མི་དེས་ཅི་བྱེད་དོན་ཀུན་འགྲུབ་པར༌འགྱུར།།  
\v 4 འོན་ཀྱང་སྡིག་སྤྱོད་མི་ནི་ཆ་མི༌མཚུངས། །དེ་ནི་རླུང་གིས་ཁྱེར་བའི་ཕུབ་མ༌འདྲ།།  
\v 5 ཁྲིམས་ཐག་གཅོད་དུས་སྡིག་སྤྱོད་ཚུགས་མི༌ཐུབ། །དྲང་པོའི་ཚོགས་ནང་སྡིག་ཅན་དེ་བཞིན༌ཡིན།།  
\v 6 ཡ་ཝཱེས་དྲང་པོ་རྣམས་ཀྱི་ལམ་གཟིགས༌ཤིང༌། །སྡིག་སྤྱོད་དག་གི་ལམ་ནི་འཇིག་པར༌འགྱུར།།   
\c 2
\cl གསུང་མགུར་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གིས་བདམས་པའི་རྒྱལ་པོ།  
\p
\v 1 ཕྱི་ཕྱོགས་པ་རྣམས་ཁོང་ཁྲོ་ཅི་ལ༌ལངས། །མི་རྣམས་དོན་མེད་ཇུས་ངན་ཅི་ལ༌བཤམས།།  
\v 2 ཡ་ཝཱེ་དང་ནི་ཁོང་གིས་བྱུགས་པ༌\f + \ft ཚིག་རྐང་འདིར་དཀོན་མཆོག་གིས་འཇིག་རྟེན་དུ་མངགས་པའི་སྐྱབས་མགོན་ཡེ་ཤུ་མཱ་ཤི་ཀ་ལ་འཇུག་པ་ཡིན།\f*ལ། །ས་གཞིའི་རྒྱལ་པོ་རྣམས་ནི་རྒོལ་བར༌བྱེད། །བློན་ཆེན་རྣམས་ནི་འདུས་ནས་གྲོས་འདེབས༌ཤིང༌།།  
\v 3 ཤོག་དང་ང་ཚོས་ཁོང་གི་འཆིང་ཐག༌གཅོད། །ཁོང་གི་ཐག་པ་རྣམས་ནི་གཡུག་ཅེས༌ཟེར།།  
\v 4 ནམ་མཁར་བཞུགས་པ་ཁོང་ཉིད་བཞད་པར༌འགྱུར། །གཙོ་བོས་མི་བུ་དེ་རྣམས་སྨད་པར༌མཛད།།  
\v 5 དེའི་དུས་ཁྲོས་ཤིང་ཁོ་ཚོར་གསུང་གླེང༌མཛད། །ཁྲོ་གཏུམ་དང་བཅས་ཁོ་རྣམས་དངངས་པར་བྱ།།  
\v 6 བདག་གི་རི་བོ་དམ་པ་ཛ་ཡན༌སྟེང༌། །བདག་གིས་རང་གི་རྒྱལ་པོ་བསྐོས་ \f + \ft འདིར་བསྐོས་ཞེས་པ་ནི་ཡ་ཧུ་དཱ་མི་རིགས་ཀྱི་གོམས་སྲོལ་ལ་རྒྱལ་པོ་ཞིག་ཁྲི་སར་འགོད་པའི་དུས་སུ་དབུ་ལ་སྣུམ་གྱིས་བྱུགས་ནས་རྒྱལ་པོར་བསྐོ་བའི་མཛད་སྒོ་ཡོད་ཅིང་དེར་གོ་བ༌ཡིན།\f*ཞེས༌གསུངས།།  
\v 7 བཀའ་བསྩལ་དེ་ནི་ང་ཡིས་སྒྲོག་པར༌བྱ། །ཡ་ཝཱེས་ང་ལ་འདི་སྐད་གསུངས་པ༌སྟེ། །ཁྱོད་ནི་ངའི་སྲས་དེ་རིང་བདག་ལ་འཁྲུངས།།  
\v 8 བདག་ལ་ཞུས་དང་བདག་གིས་མི་རིགས༌རྣམས། །ཁྱོད་ཀྱི་ནོར་སྐལ་དུ་ནི་ངས་གནང༌ཞིང༌། །ས་གཞི་ཡོངས་སུ་ཁྱོད་ལ་དབང་བར༌མཛད།།  
\v 9 ལྕགས་ཀྱི་དབྱུག་པས་ཁྱོད་ཀྱིས་དེ་རྣམས༌གཅག །རྫ་ཆས་ནང་བཞིན་དེ་རྣམས་དུམ་བུར༌གཅག།  
\v 10 དེའི་ཕྱིར་རྒྱལ་པོ་ཁྱེད་རྣམས་མཁས་པར༌མཛོད། །ས་གཞིའི་ཁྲིམས་དཔོན་ཁྱེད་ཚོས་གདམས་ངག༌ལོངས།།  
\v 11 ཡ་ཝཱེར་གུས་ཤིང་འཇིགས་པས་ཞབས་ཕྱི༌སྒྲུབས། །སྐྲག་འདར་དང་བཅས་དགའ་མགུ་རངས་པར༌གྱིས།།  
\v 12 སྲས་ཀྱི་ཐུགས་ཁྲོ་མྱུར་དུ་འབར་འོང༌ཞིང༌། །ཁྱོད་རྣམས་ལམ་ཁར་མེད་པར་མི་མཛད༌ཕྱིར། །ཁྱོད་ཚོས་ཁོང་གི་ཞབས་ལ་མཆུ་སྒྲོས༌གློན། །ཁོང་ལ་སྐྱབས་སུ་འགྲོ་བ་ཀུན༌ནི་བདེ།།   
\c 3
\cl གསུང་མགུར་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཞོགས་པའི་སྐྱབས་གསོལ་སྨོན་ལམ།  
\p
\v 1 ༼དཱ་བིད་ཀྱིས་རང་གི་སྲས་ཨབ་ཤཱ་ལོམ་ལས་བྲོས་བྱོལ་བྱེད་དུས་བཀོད་པའི་མགུར༌མ།༽ ཀྱེ་ཀྱེ་ཡ་ཝཱེ་ངའི་དགྲ་ག་ཙམ༌འཕེལ། །ང་ལ་རྒོལ་མཁན་ཅི་འདྲ་མང་བ༌ཨང༌།།  
\v 2 དཀོན་མཆོག་ཕྱོགས་ནས་ཁོ་ལ་སྐྱབས་མི༌འབྱུང༌། །དེ་ལྟར་ངའི་སྲོག་སྐོར་ལ་མང་པོས༌སྨྲ།། ༼ སེ༌ལཱ། \f + \ft སེ་ལཱ་ཞེས་པ་ནི་དོན་ཚན་མཇུག་རྫོགས་པའི་རྟགས་ཏེ་རེ་ཞིག་རྫོགས་པའི་དོན༌ཡིན།\f* ༽  
\v 3 ཡ་ཝཱེ་ཁྱེད་ནི་ང་ཡི་ཕྱོགས་བཞིའི༌ཕུབ། །ང་ཡི་དཔལ་དང་མགོ་བོ་འདེགས་མཁན༌ལགས།།  
\v 4 སྐད་གསང་མཐོན་པོས་ཡ་ཝཱེ་ཞེས་འབོད༌དུས། །ཁོང་གིས་དམ་པའི་རི་ནས་བཀའ་ལན༌གནང༌།། ༼ སེ༌ལཱ། ༽  
\v 5 ང་རང་ཉལ་ཞིང་གཉིད་དུ་ཡུར་བ༌དང༌། །ང་རང་གཉིད་ལས་སད་པ་འདི་ཐམས༌ཅད། །ཡ་ཝཱེས་ང་ལ་གཟིགས་སྐྱོང་གནང་བས༌ཡིན།།  
\v 6 བདག་གི་མཐའ་ནས་བསྐོར་ཅིང་རྒོལ་བ༌ཡི། །སྐྱེས་པ་ཁྲི་འབུམ་དེ་ལ་ང་མི༌འཇིགས།།  
\v 7 ཀྱེ་ཀྱེ་ཡ་ཝཱེ་ཡར་ལ་བཞེང་བར་མཛོད། །ང་ཡི་དཀོན་མཆོག་ང་རང་སྐྱོབ་པར༌མཁྱེན། །ཁྱེད་ཀྱིས་ང་ཡི་དགྲ་བོར་འགྲམ་ལྕག༌གཞུས། །མི་ངན་དག་གི་སོ་རྣམས་དུམ་བུར༌བཅག།  
\v 8 ཡ་ཝཱེ་ཁོང་ནས་ཐར་པ་འབྱུང་བ༌དང༌། །ཁྱེད་ཀྱི་འབངས་མི་ལ་ནི་བྱིན་རླབས༌མཛོད།། ༼ སེ༌ལཱ། ༽   
\c 4
\cl གསུང་མགུར་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དགོང་ཁའི་སྐྱབས་གསོལ་སྨོན་ལམ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར་སྒྲ་སྙན་སྤེལ༌མ།༽ ང་རང་རྣམ་དག་མཛད་པའི་དཀོན་མཆོག༌ལགས། །ང་ཡིས་འབོད་དུས་བཀའ་ལན་གནང་བར༌མཛོད། །དཀའ་སྡུག་དུས་སུ་ང་རང་སྐྱོབ་མཁན༌ཁྱེད། །ཐུགས་རྗེས་གཟིགས་ཤིང་སྨོན་ལམ་གསན་རོགས༌གནོངས།།  
\v 2 ཀྱེ་ཀྱེ་ཁྱོད་ཚོས་ང་ཡི་བརྗིད་ཉམས༌ནི། །ངོ་ཚར་བསྒྱུར་ནས་ནམ་དུས་བར་དུ༌ལུས། །ཁྱོད་ཚོ་འཁྲུལ་སྣང་ཙམ་ལ་ཆགས་པ༌དང༌། །རྫུན་གཏམ་བཙལ་ནས་ནམ་དུས་བར་དུ༌ལུས།། ༼ སེ༌ལཱ། ༽  
\v 3 ཡ་ཝཱེས་དད་གུས་ཅན་ནི་ཁོང་ཉིད༌ཕྱིར། །ལོགས་སུ་བཀར་བ་ཁྱོད་ཚོས་རྟོགས་པར༌གྱིས། །བདག་གིས་འབོད་དུས་ཡ་ཝཱེས་གསན་པར༌འགྱུར།།  
\v 4 ཁོང་ཁྲོ་འབར་ཡང་སྡིག་པ་མ་བྱེད༌ཅིག ། མལ་ཁྲིར་མནོ་བསམ་བཏང་སྟེ་ཁ་རོག༌སྡོད།། ༼ སེ༌ལཱ། ༽  
\v 5 དྲང་བདེན་མཆོད་པ་འབུལ་བར་རིགས་པ༌དང༌། །ཡ་ཝཱེ་ལ་ནི་ཁྱོད་ཀྱིས་བློ་གཏོད༌དགོས།།  
\v 6 བདག་ཅག་ལ་ནི་ཕན་པ་འཐོབ་པའི༌ཕྱིར། །སུ་ཡིས་བཀའ་སློབ་མཛད་འོང་མང་པོས༌འདྲི། །ཡ་ཝཱེ་ཁྱེད་ཀྱི་ཞལ་རས་ཡར་བཏེགས༌ནས། །ངེད་ཅག་སྟེང་དུ་འོད་ཟེར་སྤྲོ་བར༌མཛོད།།  
\v 7 འབྲུ་དང་རྒུན་ཆང་མོད་པའི་མི་ལས༌ཀྱང༌། །ལྷག་པའི་དགའ་སྤྲོ་ཁྱེད་ཀྱིས་ང་ལ༌བསྩལ།།  
\v 8 ང་ནི་ཡ་ཝཱེ་ཁྱེད་ཉིད་འབའ་ཞིག༌གིས། །བདེ་བར་བཀོད་པས་ཉལ་ཞིང་གཉིད་སྐྱིད༌ཁུག།   
\c 5
\cl གསུང་མགུར་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེར་སྐྱབས་སུ་འགྲོ་བ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར་གླིང་བུ་སྤེལ༌མ།༽ ཡ་ཝཱེ་ང་ཡི་གཏམ་རྣམས་སྙན་དུ༌ཟུངས། །ང་ཡིས་ཤུགས་རིང་འབྱིན་པར་ཐུགས་བསམ༌བཞེས།།  
\v 2 བདག་གི་རྒྱལ་པོ་བདག་གི་དཀོན་མཆོག༌ལགས། །ང་ཡིས་ཁྱེད་ལ་གསོལ་བ་འདེབས་པས༌ན། །ང་ཡི་འོ་དོད་ལ་ནི་གསན་དུ༌གསོལ།།  
\v 3 ཀྱེ་ཀྱེ་ཡ་ཝཱེ་ཁྱེད་ཀྱིས་ནངས་སྔ༌མོར། །ང་ཡི་སྐད་ནི་གསན་འོང་ཞོགས་པའི༌དུས། །བདག་གིས་ཁྱེད་ལ་ཞུ་ཞིང་སྒུག་པར༌བྱ།།  
\v 4 ངན་པར་དགྱེས་པའི་དཀོན་མཆོག་ཁྱེད་མིན༌པས། །ངན་པ་ཁྱེད་དང་མཉམ་དུ་སྡོད་མི༌ཚུགས།།  
\v 5 ང་རྒྱལ་ཅན་རྣམས་ཁྱེད་དྲུང་ཚུགས་མི༌ནུས། །སྡིག་སྤྱོད་ཅན་ལ་ཁྱེད་རང་སྡང་བ༌ཡིན།།  
\v 6 ཁྱེད་ཀྱིས་རྫུན་གཏམ་སྨྲ་མཁན་ཚར་གཅོད༌ཅིང༌། །ལག་དམར་དང་ནི་གཡོ་སྒྱུ་ཅན་རྣམས༌ལ། །ཡ་ཝཱེའི་ཐུགས་ནས་ཞེན་པ་ལོག་པ༌འོ།།  
\v 7 ཁྱེད་ཀྱི་བྱམས་བརྩེ་ཆེན་པོར་བདག་བརྟེན༌ནས། །ཁྱེད་ཀྱི་བཞུགས་གནས་ནང་དུ་འགྲོ་བར༌བྱ། །ཁྱེད་ལ་གུས་ཤིང་འཇིགས་པའི་སེམས་དང༌བཅས། །དམ་པའི་མཆོད་ཁང་དེ་ལ་ཕྱག་འཚལ༌ལོ།།  
\v 8 ཀྱེ་ཀྱེ་ཡ་ཝཱེ་བདག་གི་དགྲའི་རྐྱེན༌གྱིས། །དྲང་བདེན་ངང་ནས་ང་རང་འཁྲིད་པར༌མཛོད། །བདག་མདུན་ཁྱེད་ཀྱི་ཕེབས་ལམ་སྙོམས་པར༌མཛོད།།  
\v 9 དེ་ཚོའི་ངག་ཏུ་བདེན་པ་ཅི་ཡང༌མེད། །དེ་ཚོའི་སེམས་པ་གཏོར་བཤིག་དོན་ལ༌ཕྱོགས། །དེ་ཚོའི་མིད་པ་དུར་ཁུང་ཁ་ཕྱེས༌འདྲ། །དེ་ཚོའི་ལྕེ་ཡིས་མི་ལ་ངོ་སོ༌བསྟོད།།  
\v 10 དེ་དག་ཉེས་ཅན་མཛོད་ཅིག་དཀོན་མཆོག༌ལགས། །དེ་རྣམས་རང་གི་གཡོ་སྒྱུས་འགྱེལ་བར༌ཤོག །དེ་ཚོས་ཁྱེད་ལ་ངོ་ལོག་བྱས་པས༌ན། །དེ་ཚོའི་ཉེས་སྐྱོན་མང་བས་སྐྲོད་པར༌གྱིས།།  
\v 11 ཁྱེད་ལ་སྐྱབས་སུ་མཆི་བ་མགུ་བར༌ཤོག །དུས་རྒྱུན་དགའ་སྤྲོའི་འབོད་སྒྲ་སྒྲོག་གྱུར༌ཅིག །ཁྱེད་མཚན་གཅེས་སུ་འཛིན་པའི་མི་རྣམས༌ནི། །ཁྱེད་ནང་དགའ་མགུ་རངས་ཕྱིར་བསྲུང་བར༌མཛོད།།  
\v 12 ཡ་ཝཱེས་དྲང་པོར་བྱིན་རླབས་མཛད་འོང༌བས། །ཁྱེད་ཀྱི་ཐུགས་རྗེས་ཕུབ་ལྟར་ཁོ་ཚོ༌འགེབ།།   
\c 6
\cl གསུང་མགུར་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀའ་སྡུག་ཁྲོད་དུ་སྐྱབས་གསོལ་བའི་སྨོན་ལམ།  
\p
\v 1 ༼གཞས་གདངས་བརྒྱད་པའི་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར་སྒྲ་སྙན་སྤེལ༌མ།༽ ཀྱེ་ཀྱེ་ཡ་ཝཱེ་ཁྱེད་ཀྱིས་ང་རང༌ལ། །ཐུགས་ཁྲོ་དང་བཅས་བཀའ་བཀྱོན་མི་མཛད༌རོགས། །ཁྲོ་གཏུམ་ནང་དུ་ཉེས་ཆད་མི་གཅོད༌རོགས།།  
\v 2 ང་རང་རྒུད་པས་སྙིང་རྗེས་གཟིགས་སུ༌གསོལ། །རུས་པར་ན་ཟུག་ལངས་པས་གསོ་བར༌མཛོད།།  
\v 3 ཀྱེ་ཀྱེ་ཡ་ཝཱེ་ངའི་སེམས་ཤིན་ཏུ༌འཁྲུགས། །ནམ་ཞིག་ཁྱེད་ཀྱིས་ང་རང་བསྐྱབ་མཛད༌དམ།།  
\v 4 ཁྱེད་ཕྱིར་འཁོར་ནས་ང་རང་སྐྱོབ་པར༌མཛོད། །ཉིད་ཀྱི་བྱམས་བརྩེའི་དབང་གིས་སྐྱོབ་པར༌མཛོད།།  
\v 5 འདས་པོས་ཁྱེད་ཉིད་མི་དྲན་གཤིན་ཡུལ༌དུ། །ཁྱེད་ལ་གཏང་རག་འབུལ་མཁན་སུ་ཡོད༌དམ།།  
\v 6 ང་ནི་འཁུན་སྒྲ་ཕྱུང་ནས་ཐང་ཆད༌ཅིང༌། །ཞག་མ་རེ་རེར་མཆི་མ་བཞུར་ནས༌ནི། །མལ་ཁྲི་གཡེངས་ཤིང་མལ་སྟན་སྦངས༌པ་འོ།།  
\v 7 སྐྱོ་གདུང་དབང་གིས་ང་ཡི་མིག་ཟུང༌བསྒྲིབས། །དགྲ་བོ་ཀུན་པོའི་རྐྱེན་གྱིས་མིག་དབང༌ཉམས།།  
\v 8 ཡ་ཝཱེས་ང་ཡི་འོ་དོད་གསན་ཟིན༌པས། །སྡིག་སྤྱོད་ཅན་རྣམས་ང་དང་འབྲལ་བར༌གྱིས།།  
\v 9 ཡ་ཝཱེས་ང་ཡི་ཞུ་བར་གསན་ཟིན༌པས། །ཁོང་གིས་ང་ཡི་གསོལ་འདེབས་ཐུགས་སུ༌བཞེས།།  
\v 10 ང་ཡི་དགྲ་ཀུན་ནོངས་ཤིང་འཚབ་པ༌དང༌། །ཕྱི་བསྣུར་བྱེད་ཅིང་གློ་བུར་སྐྱེངས་པར༌འགྱུར།།   
\c 7
\cl གསུང་མགུར་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དྲང་བདེན་གྱི་ཆེད་དུ་ཞུས་པའི་སྨོན་ལམ།  
\p
\v 1 ༼པེན་ཡཱ་མེན་པ་གུ་ཤའི་ཚིག་ལ་བརྟེན་ནས་དཀོན་མཆོག་ཡ་ཝཱེ་ལ་ཕུལ་བའི་དཱ་བིད་ཀྱི་ཤིས་ག་ཡོན་ཞིག༽ ཀྱེ་ཀྱེ་ \f + \ft གོང་གི་ཤིས་ག་ཡོན་ཞེས་པ་ནི་རྩོམ་ལུས་སམ་ཡང་ན་དབྱངས་རྟ་ཡི་དོན་ཡིན་པར༌གསུངས། སཱ་མུ་ཨེལ་གཉིས༌པའི་ལེའུ་བཅོ་བརྒྱད་ཀྱི་ཚིག་རྐང་བཅུ་དགུ་ནས་སོ་གསུམ་བར་དུ་གཟིགས༌རོགས། \f*ང་ཡི་དཀོན་མཆོག༌ཡ་ཝཱེ་ལགས། །བདག་ནི་ཁྱེད་ལ་སྐྱབས་སུ་འགྲོ་བར༌བྱ། །འདེད་མཁན་ཀུན་ལས་བསྐྱབས་ནས་སྒྲོལ་བར༌མཛོད།།  
\v 2 དེ་ལྟར་མིན་ཚེ་ཁོ་ཚོས་སེང་གེ༌བཞིན། །ང་རང་གཤགས་ནས་དུམ་བུར་ཕྲལ༌ན་ཡང་། །སྐྱོབ་མཁན་སུ་ཡང་འབྱུང་བར་མི་འགྱུར༌རོ།།  
\v 3 ཀྱེ་ཀྱེ་ང་ཡི་དཀོན་མཆོག༌ཡ་ཝཱེ་ལགས། །གལ་སྲིད་བདག་གིས་ལས་འདི་བྱས་ཡོད༌ན། །བདག་གི་ལག་ཏུ་ཉེས་པ་གང་ཡོད༌ན།།  
\v 4 ཞི་མཐུན་མི་ལ་བཟང་ལན་ངན་འཇལ༌ལམ། །དོན་མེད་དགྲ་ལས་འཕྲོག་བཅོམ་བྱས་ཡོད༌ན།།  
\v 5 དེ་ནས་དགྲ་བོས་ང་རང་ཟིན་ནས༌ནི། །ང་ཡི་སྲོག་ནི་རྐང་པས་སར་བརྫི༌ཞིང༌། །ང་ཡི་གཟི་དཔལ་རྡུལ་དུ་བརླག་པའི༌བར། །ཇི་ལྟར་འདེད་ན་དེ་བཞིན་འདེད་དུ༌ཆུགས།། ༼ སེ༌ལཱ། ༽  
\v 6 ཁྱེད་ཉིད་ཐུགས་ཁྲོའི་ནང་དུ་བཞེང་བར་མཛོད། །དགྲ་བོའི་ཁོང་ཁྲོར་རྒོལ་དུ་བཞེང་བར་མཛོད། །བདག་དོན་སད་ནས་དྲང་པོའི་ཁྲིམས་གཅོད༌རོགས།།  
\v 7 མི་སྡེ་ཐམས་ཅད་འདུས་ནས་ཁྱེད་བསྐོར༌ཅིང༌། །ཡང་བསྐྱར་མཐོ་སར་བཞུགས་ཏེ་དབང་སྒྱུར༌ཤོག།  
\v 8 ཡ་ཝཱེས་མི་སྡེ་རྣམས་ལ་ཁྲིམས་གཅོད༌མཛད། །ཀྱེ་ཀྱེ་ཡ་ཝཱེས་ང་ཡི་དྲང་བདེན༌དང༌། །རྣམ་དག་སེམས་ལ་བསྟུན་ནས་ཁྲིམས་གཅོད༌རོགས།།  
\v 9 དཀོན་མཆོག་དྲང་པོས་མི་ཡི་བསམ་པ༌དང༌། །སྙིང་ཁོང་རུས་པའི་གཏིང་ལ་དཔྱད་པས༌ན། །ངན་པའི་གདུག་རྩུབ་རྦད་དེ་ཚར་གཅོད༌ཅིང༌། །དྲང་བདེན་མི་རྣམས་བདེ་ལ་བཀོད་གྱུར༌ཅིག།  
\v 10 དཀོན་མཆོག་ཁོང་ཉིད་བདག་གི་ཕུབ་ཡིན༌ཞིང༌། །ཁོང་གིས་སེམས་རྒྱུད་དྲང་བའི་མི་རྣམས༌སྐྱོབ།།  
\v 11 དཀོན་མཆོག་ཁོང་ཉིད་ཁྲིམས་དཔོན་དྲང་པོ༌ལགས། །ཉིན་རེར་ངན་པར་ཁྲོ་བའི་དཀོན་མཆོག༌ལགས།།  
\v 12 གལ་ཏེ་མི་ཡིས་འགྱོད་བཤགས་མི་བྱེད༌ན། །ཁོང་གིས་རལ་གྲི་རྣོན་པོར་བརྡར་བ༌དང༌། །མདའ་མོ་གཞུ་ལ་བཀུག་ནས་འཕེན་རྐྱང༌བྱ།།  
\v 13 ཁོང་གིས་སྲོག་ལེན་མཚོན་ཆ་བཤམས་ནས༌ཡོད། །འཕེན་པའི་མདའ་རྣམས་མེ་ཡི་མདའ་རུ༌མཛད།།  
\v 14 ལྟོས་དང་རང་གི་སྡིག་ཉེས་རྐྱེན་དབང༌གིས། །ངན་པས་ཕྲུ་གུ་བཙའ་བའི་ཟུག་གཟེར༌མྱོང༌། །གདུག་རྩུབ་ཡིད་ལ་བཅངས་ནས་འཕྲུལ་སྣང༌བསྐྱེད།།  
\v 15 མི་དེས་གཏིང་ཟབ་ས་དོང་འབྲུ་བ༌དང༌། །རང་གིས་བྲུས་པའི་དོང་ལ་རང་ཉིད༌ལྷུང༌།།  
\v 16 ཁོ་ཡི་གདུག་རྩུབ་རང་གི་མགོ་ལ༌འོང༌། །ཁོ་ཡི་གཏུམ་དྲག་རང་གི་སྤྱི་བོར༌འབབ།།  
\v 17 ཡ་ཝཱེའི་དྲང་བདེན་དང་ནི་འཚམ་པ༌ཡི། །བདག་གིས་ཁོང་ལ་བཀའ་དྲིན་ཞུ་བར༌བྱ། །བླ་མེད་ཡ་ཝཱེའི་མཚན་ལ་བསྟོད་བསྔགས༌བརྗོད།།   
\c 8
\cl གསུང་མགུར་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གི་གཟི་བྱིན་དང་མི་ཡི་མཆོག་གྱུར།  
\p
\v 1 ༼གཱད་ཀྱི་དབྱངས་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཀྱེ་ཀྱེ་ཡ་ཝཱེ་ངེད་ཀྱི་གཙོ་བོ༌ལགས། །ཁྱེད་ཀྱི་མཚན་སྙན་ས་གཞི་ཡོངས་སུ༌ཁྱབ། །ཁྱེད་ཀྱིས་རང་གི་གཟི་བརྗིད་ཆེན་པོ༌ནི། །ནམ་མཁའི་དབྱིངས་ལས་མཐོ་ཞིང་མངོན་པར༌མཛད།།  
\v 2 ཁྱེད་ཀྱིས་ཕ་རོལ་དགྲ་བོའི་རྐྱེན་ལ༌བརྟེན། །བྱིས་པ་དང་ནི་ཕྲུ་གུ་འོ་འཐུང་གི །ངག་ལས་སྟོབས་ཤུགས༌མངོན་པར་མཛད་པ་ཡིན། །དགྲ་དང་འཁོན་ལན་སློག་པའི་གཏམ་སྤྱོད༌བཀག།  
\v 3 ཁྱེད་ཀྱི་ཕྱག་\f + \ft འདིར་ཕྱག་ཅེས་པར་མ་ཕྱི་ལས་ཕྱག་མཛུབ་ཅེས༌མཐོང༌།\f*གིས་བཀོད་པའི་ནམ་མཁའ༌དང༌། །ཟླ་བ་སྐར་ཚོགས་བཤམས་པ་ངས་མཐོང༌སྟེ།།  
\v 4 མི་ནི་ཅི་ཡིན་ཁྱེད་ཀྱིས་ཐུགས་ཁུར༌མཛད། །མིའི་བུ་ཅི་ཡིན་ཁྱེད་ཀྱིས་གཟིགས་སྐྱོང༌གནང༌།།  
\v 5 ཁྱེད་ཀྱིས་ཕོ་ཉ་\f + \ft འདིར་ཕོ་ཉ་ཞེས་པ་ནི་འགྱུར་ལ་ལར་དཀོན་མཆོག་ཅེས༌མཐོང༌།\f*དང་ནི་བསྡུར་བ༌ན། །ཁོང་ནི་ཅུང་ཙམ་དམའ་བར་མཛད་པ༌དང༌། །ཁོང་ལ་གཟི་བྱིན་གནང་སྟེ་གཙུག་རྒྱན༌གྱུར།།  
\v 6 ཁྱེད་ཀྱིས་དངོས་སུ་མཛད་པའི་དངོས་པོ༌སྟེ།།  
\v 7 གླང་དང་ར་ལུག་སྤང་གི་རི་དྭགས༌དང༌།།  
\v 8 ནམ་མཁའི་བྱ་དང་རྒྱ་མཚོའི་ཉ་རིགས༌དང༌། །མཚོ་ལམ་བརྒྱུད་ནས་འགྲོ་བ་ལ་སོགས༌པ། །འཇིག་རྟེན་མི་ཡི་རྐང་འོག་གནོན་པར༌མཛད།།  
\v 9 ཀྱེ་ཀྱེ་ཡ་ཝཱེ་ངེད་ཀྱི་གཙོ་བོ༌ལགས། །ཁྱེད་ཀྱི་མཚན་སྙན་ས་གཞི་ཡོངས་སུ༌ཁྱབ།།   
\c 9
\cl གསུང་མགུར་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་དྲང་བདེན་ལ་བསྟོད་པ།  
\p
\v 1 ༼བུ་ཤི་བ་ཞེས་པའི་དབྱངས་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཡ་ཝཱེར་རྩེ་གཅིག་གིས་ནི་གཏང་རག༌འབུལ། །ཁྱེད་ཀྱི་མཛད་པ་ངོ་མཚར་ཅན་ཀུན༌བརྗོད།།  
\v 2 ཁྱེད་ཕྱིར་ང་རང་དགའ་མགུ་ཡི་རང༌འགྱུར། །བླ་མེད་ཁྱེད་ཀྱི་མཚན་ལ་བསྟོད་དབྱངས༌འབུལ།།  
\v 3 བདག་གི་དགྲ་རྣམས་ཁ་ཕྱིར་འཁོར་ནས༌ནི། །འབྲོ་བའི་དུས་སུ་ཁྱེད་ཀྱི་ཞལ་དྲུང༌དུ། །ས་རུ་འགྱེལ་ཞིང་མེད་པར་འགྱུར་བ༌འོ།།  
\v 4 རྒྱུ་མཚན་ཁྱེད་ཀྱིས་ང་ལ་དཀར་འདོན༌གནང༌། །ཁྱེད་ཀྱིས་ང་ཡི་རྩོད་པའི་ཕྱོགས་མཛད༌བྱུང༌། །རྒྱལ་ཁྲིར་བཞུགས་ནས་དྲང་པོའི་ཁྲིམས་བཅད༌དོ།།  
\v 5 ཁྱེད་ཀྱིས་མི་རིགས་རྣམས་ལ་བཀའ་བཀྱོན༌གནང༌། །མི་ངན་གཏན་མེད་བཏང་ཞིང་དེ་དག༌གི །མིང་ནི་ཇི་སྲིད་བར་དུ་བསུབས་པ༌འོ།།  
\v 6 དགྲ་བོ་རྣམས་ཀྱི་མཇུག་འབྲས་སླེབས་བྱུང༌སྟེ། །དེ་རྣམས་རྒྱུན་ནས་རྒྱུན་དུ་བརླག་པར༌འགྱུར། །དེ་ཚོའི་གྲོང་ཁྱེར་དག་ནི་རྩ་ནས༌བཤིགས། །དེ་དག་གྲགས་པ་ཡང་ནི་གཏན་མེད༌མཛད།།  
\v 7 འོན་ཀྱང་ཡ་ཝཱེ་རྟག་ཏུ་རྒྱལ་ཁྲིར༌བཞུགས། །ཁྲིམས་ཐག་གཅོད་ཕྱིར་ཁོང་གིས་རྒྱལ་ཁྲི༌བཙུགས།།  
\v 8 འཇིག་རྟེན་ཡོངས་ལ་ཁྲིམས་ཐག་དྲང་པོར༌གཅོད། །མི་སྡེ་ཀུན་ནི་དྲང་གཞག་ངང་ནས༌སྐྱོང༌།།  
\v 9 གཉའ་གནོན་འོག་ཏུ་གདུང་བའི་མི་ལ༌ནི། །ཡ་ཝཱེ་ཁོང་ཉིད་མཁར་རྫོང་མཐོན་པོ༌དང༌། །དཀའ་སྡུག་གནས་སུ་ལྷུང་དུས་སྐྱབས་གནས༌ཡིན།།  
\v 10 ཀྱེ་ཀྱེ་ཡ་ཝཱེ་ཁྱེད་ཉིད་འཚོལ་མཁན༌ནི། །ཁྱེད་ཀྱིས་ནམ་ཡང་དོར་བ་མེད་པས༌ན། །ཁྱེད་མཚན་རྟོགས་པའི་མི་ནི་ཁྱེད་ལ༌བརྟེན།།  
\v 11 ཛ་ཡན་རི་བོའི་ཡ་ཝཱེར་བསྟོད་དབྱངས༌ཕུལ། །ཁོང་གི་མཛད་འཕྲིན་མི་སྡེའི་དཀྱིལ་ནས༌སྒྲོགས།།  
\v 12 ཡ་ཝཱེས་སྐྱོ་བོ་རྣམས་ནི་ཐུགས་སུ༌འཇགས། །དེ་དག་སྨྲེ་སྔགས་བརྗེད་པར་མི་འགྱུར༌ཞིང་། །ཁོང་གིས་དེ་ཚོའི་སྲོག་ལན་འཇལ་ཡོང༌ངོ༌།།  
\v 13 ཀྱེ་ཀྱེ་ཡ་ཝཱེ་ང་ལ་སྙིང་རྗེ༌མཛོད། །སྡང་མཁན་རྣམས་ཀྱི་བཙན་གནོན་གཟིགས་ནས༌ནི། །ང་རང་འཆི་བའི་སྒོ་ལས་འཐེན་པར༌མཛོད།།  
\v 14 དེ་ནས་ཁྱེད་ཀྱི་བསྔགས་པ་བདག་གིས༌བརྗོད། །ཛ་ཡན་བུ་མོའི་ \f + \ft ཛ་ཡན་བུ་མོ་ཞེས་པ་ནི་ཡེ་རུ་སཱ་ལེམ་གྲོང་ཁྱེར་ཡིན༌ལ། དེ་ནི་ཛ་ཡན་རི་ལ་ཆགས་ཡོད་པས་མིང་ལ་དེ་ལྟར་ཐོགས་པ༌ཡིན། \f*མཁར་སྒོ་རྣམས༌སུ་ཡང་། །ཁྱེད་ཀྱི་ཐར་པའི་དབང་གིས་དགའ་མགུ༌རངས།།  
\v 15 མི་རིགས་རྣམས་ནི་རང་བརྐོས་དོང་ལ༌ལྷུང༌། །རྐང་པ་རང་གིས་བཙུགས་པའི་རྙི་རུ༌ཚུད།།  
\v 16 ཡ་ཝཱེས་ཁྲིམས་ཐག་བཅད་ནས་རང་ཉིད༌མངོན། །མི་ངན་རང་བྱས་ལས་ཀྱིས་བཅིངས་པ༌ཡིན།། ༼ སེ༌ལཱ། ༽  
\v 17 མི་ངན་རྣམས་དང་དཀོན་མཆོག་བརྗེད་པའི༌རྒྱུད། །ཐམས་ཅད་གཤིན་པོའི་ཡུལ་དུ་ལོག་པར༌འགྱུར།།  
\v 18 དབུལ་ཕོངས་རྣམས་ནི་རྟག་ཏུ་བརྗེད་མི༌འགྱུར། །ཉམ་ཐག་རེ་བ་གཏན་དུ་ཟད་པ༌མིན།།  
\v 19 མི་ལ་རྒྱལ་ཁ་ལོན་པར་མི་མཛད༌ཕྱིར། །ཀྱེ་ཀྱེ་ཡ་ཝཱེ་ཁྱེད་ཉིད་བཞེང་བར་མཛོད། །ཁྱེད་དྲུང་མི་རིགས་རྣམས་ལ་ཁྲིམས་ཐག་གཅོད།།  
\v 20 ཀྱེ་ཀྱེ་ཡ་ཝཱེ་ཁྱེད་ཀྱིས་མི་རིགས༌རྣམས། །འཇིགས་ཤིང་སྐྲག་པར་མཛོད་ཅིག་ཁོ་རྣམས༌ཀྱིས། །རང་ཉིད་མི་ཙམ་ཡིན་པ་རྟོགས་གྱུར༌ཅིག། ༼ སེ༌ལཱ། ༽   
\c 10
\cl གསུང་མགུར་བཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ངན་པར་ཁྲིམས་ཐག་གཅོད་པའི་ཆེད་དུ་ཞུ་བའི་སྨོན་ལམ།  
\p
\v 1 ཀྱེ་ཀྱེ་ཡ་ཝཱེ་རྒྱང་ནས་བཞེངས་དོན༌ཅི། །དཀའ་སྡུག་དུས་སུ་ཡིབས་ནས་བཞུགས་པ༌ཅི།།  
\v 2 ངན་པས་ང་རྒྱལ་དང་བཅས་ཉམ་ཐག༌འདེད། །རང་གིས་བཤམས་པའི་ཇུས་ནང་ཚུད་གྱུར༌ཅིག།  
\v 3 ངན་པས་རང་གི་སེམས་ཀྱི་འདོད་པ༌ངོམ། །ནོར་རྔམ་ཅན་ལ་བསྟོད་ཅིང་ཡ་ཝཱེར༌སྨད།།  
\v 4 ངན་པས་ཁེངས་དྲེགས་བསྐྱེད་ཅིང་ཁོང་མི༌འཚོལ། །དེ་ཡི་བསམ་བློ་ཀུན་ཏུ་དཀོན་མཆོག༌མེད།།  
\v 5 ངན་པའི་ལམ་རྣམས་རྟག་ཏུ་བརྟན་པོར༌ལུས། །ཁྱེད་ཀྱི་བཀའ་ཁྲིམས་ཁྱད་འཕགས་ཁོས་མི༌མཐོང༌། །རང་གི་དགྲ་བོ་རྣམས་ལ་ཁྲེལ་དགོད༌བྱེད།།  
\v 6 དེ་ཡི་སེམས་སུ་ང་རང་གཡོ་འགུལ༌མེད། །མི་རབས་ཀུན་ཏུ་ཆག་སྒོ་མི་འབྱུང༌སྙམ།།  
\v 7 དེ་ཡི་ཁ་རུ་དམོད་མོ་གཡོ་སྒྱུ༌དང༌། །འཇིགས་སྐུལ་བཅས་ཀྱིས་གང་ཞིང་ལྕེའི་འོག༌ཏུ། །དུག་སྐྱོན་དང་ནི་གནོད་འཚེ་རྐྱང་རྐྱང༌ཡིན།།  
\v 8 གྲོང་ཚོ་དག་གི་ཉེ་འགྲམ་འཇབ་སྒུག༌བྱེད། །ལྐོག་གྱུར་གནས་སུ་ཉེས་མེད་སྲོག་དང༌ཕྲལ། །མིག་གིས་གོད་ཆག་ཅན་ལ་ལྐོག་ལྟ༌བགྱི།།  
\v 9 ནགས་ཀྱི་སེང་གེ་བཞིན་དུ་ཁོ་འཇབ༌ཅིང༌། །སྐྱོ་བོ་འཛིན་པའི་ཆེད་དུ་འཇབ་སྒུག༌བྱེད། །སྐྱོ་བོ་རང་གི་རྙི་རུ་བཟུང་ནས༌འཁྱེར།།  
\v 10 རྒྱབ་བརྟེན་མེད་པ་རྡུལ་དུ་བརླགས་པ༌དང༌། །ས་རུ་འགྱེལ་ཞིང་དེ་ཡི་ལག་ཏུ༌ལྷུང༌།།  
\v 11 དེ་ཡི་སེམས་སུ་དཀོན་མཆོག་གིས་བརྗེད༌ཅིང༌། །ཞལ་ངོ་བཀབ་ནས་ནམ་ཡང་མི་གཟིགས༌ཟེར།།  
\v 12 ཀྱེ་ཀྱེ་ཡ་ཝཱེ་ཁྱེད་ཉིད་བཞེང་བར་མཛོད། །ཀྱེ་ཀྱེ་དཀོན་མཆོག་ཁྱེད་ཕྱག་ཡར་བཏེགས༌ནས། །ཉམ་ཆུང་མི་རྣམས་ཐུགས་སུ་འཛིན་དུ༌གསོལ།།  
\v 13 མི་ངན་སེམས་སུ་དཀོན་མཆོག་ཁྱད་བསད༌དེ། །ཁྱེད་ཀྱིས་རྩད་གཅོད་མི་མཛད་ཟེར་དོན༌ཅི།།  
\v 14 དོན་དུ་ཁྱེད་ཀྱིས་དེ་ནི་གཟིགས་པ༌དང༌། །དུག་སྐྱོན་ཁོང་ཁྲོ་མཐའ་དག་གཟིགས་ནས༌ནི། །དེ་ལ་ཉིད་ཀྱི་ཕྱག་གིས་ལན་འཇལ༌ལོ། །རྒྱབ་བརྟེན་མེད་པས་རང་ཉིད་ཁྱེད་ལ༌བཅོལ། །ཕ་མེད་རྣམས་ལ་སྐྱབས་མཛད་ཁྱེད་གཅིག༌ལགས།།  
\v 15 ངན་པ་དག་གི་དཔུང་པ་གཅོག་པར༌མཛོད། །དེ་ཚོའི་སྡིག་སྤྱོད་མཐའ་དག་རྩད་གཅོད༌གནོངས།།  
\v 16 རྒྱུན་ནས་རྒྱུན་དུ་ཡ་ཝཱེ་རྒྱལ་པོ༌ལགས། །ཕྱི་ཕྱོགས་པ་རྣམས་ཁོང་གི་ཡུལ་ནས༌ཡལ།།  
\v 17 ཡ་ཝཱེ་ཁྱེད་ཀྱིས་སྐྱོ་བོའི་ཡིད་སྨོན༌གསན། །དེ་ཚོར་བློ་སྟོབས་བསྐྱེད་ཅིང་གསན་པར༌མཛད།།  
\v 18 ཕ་མེད་དང་ནི་གཉའ་གནོན་འོག་ཏུ༌ནི། །གདུང་བ་རྣམས་ལ་དག་འབུད་གནང་བ༌དང༌། །ས་སྟེང་མི་ཡི་འཇིགས་སྐུལ་བཟློག་ཕྱིར༌རོ།།   
\c 11
\cl གསུང་མགུར་བཅུ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་ནང་དུ་ངལ་གསོ་ཐོབ་པ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཡ་ཝཱེ་ཁོང་ཉིད་ང་ཡི་སྐྱབས་གནས༌ཡིན། །དེས་ན་ཁྱོད་ཚོས་བདག་ལ་འདི་ལྟར༌དུ། །ཁྱོད་ནི་བྱ་ལྟར་རང་གི་རི་ལ༌ཕྲོས།།  
\v 2 ལྐོག་ནས་སེམས་རྒྱུད་དྲང་པོར་བསྣུན་པའི༌ཕྱིར། །ལྟོས་ཤིག་ངན་པའི་གཞུ་ཐིག་འཐེན་པ༌དང༌། །དེ་ཡི་སྟེང་དུ་མདའ་མོ་བསྐྱིལ་ནས༌ཡོད།།  
\v 3 རྩིག་རྨང་བཤིགས་པ་ཡིན་ན་དྲང་པོ༌ཡིས། །གང་ཞིག་བྱ་ནུས་ཞེས་སུ་སྨྲ་བ༌ཅི།།  
\v 4 ཡ་ཝཱེ་ཉིད་ཀྱི་མཆོད་ཁང་དམ་པར༌བཞུགས། །ཁོང་གི་རྒྱལ་ཁྲི་ནམ་མཁའི་ཡང་སྟེང༌དུ། །སྤྱན་གྱིས་མི་བུ་རྣམས་ལ་གཟིགས་པ༌དང༌། །སྤྱན་ཟུང་ \f + \ft སྤྱན་ཟུང་ཞེས་པར་མ་ཕྱི་ལས་མིག་ལྕིབས་ཞེས་མཐོང་བ་དང་འདིར་དོན་སྒྱུར་བྱས་པ་ཡིན།\f*གིས་ནི་མི་ལ་བརྟག་དཔྱོད༌མཛད།།  
\v 5 ཡ་ཝཱེས་དྲང་པོ་ངན་པ་གཉིས་ཀར༌བརྟག །གཏུམ་སྤྱོད་ལ་ནི་དགའ་བར་ཁོང་ཉིད༌སྡང༌།།  
\v 6 མི་ངན་སྟེང་དུ་རྙི་རྒྱ་འབེབ་པ༌དང༌། །དེ་ཚོའི་ཕོར་པའི་ནང་གི་ཐོབ་སྐལ༌ནི། །མེ་དང་མུ་ཟི་ཚད་རླུང་བཅས་ཡིན༌ནོ།།  
\v 7 གང་ལ་ཞེ་ན་ཡ་ཝཱེ་དྲང་བདེན༌ཡིན། །ཁོང་ཉིད་སྤྱོད་པ་དྲང་པོར་ཐུགས་མཉེས༌ཤིང༌། །གཞུང་དྲང་མི་ཡིས་ཁོང་གི་ཞལ་ངོ༌མཇལ།།   
\c 12
\cl གསུང་མགུར་བཅུ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 སྐྱབས་གསོལ་བའི་སྨོན་ལམ།  
\p
\v 1 ༼གཞས་གདངས་བརྒྱད་པའི་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ དད་གུས་ཅན་ནི་ཟད་ཅིང་མི་བུ༌ཁྲོད། །བློ་དཀར་ཚར་བས་ཡ་ཝཱེ་སྐྱབས་མཛོད༌ཅིག།  
\v 2 ཁོ་ཚོས་ཕན་ཚུན་བར་དུ་རྫུན་སྨྲ༌ཞིང༌། །ངོ་བསྟོད་མཆུ་ཡིས་གཡོ་སྒྱུའི་སྦྱོར་བ༌སྤེལ།།  
\v 3 ཡ་ཝཱེས་ངོ་བསྟོད་བརྗོད་པའི་མཆུ་སྒྲོས༌དང༌། །འུད་གཏམ་ཤོད་པའི་ལྕེ་ནི་གཅོད་པར༌ཤོག།  
\v 4 དེ་ཚོས་རང་རེའི་ལྕེ་ཡིས་རྒྱལ་ཁ༌ལོན། །རང་གི་མཆུ་སྒྲོས་རང་ལ་དབང་བ༌ཡིན། །རང་ཅག་བདག་པོ་སུ་ཡོད་ཅེས་སྨྲས༌སོ།།  
\v 5 སྐྱོ་བོ་རྣམས་ལ་ཐེབས་པའི་གཏོར་བརླག༌དང༌། །དབུལ་པོས་ཕྱུང་བའི་འཁུན་སྒྲ་དེའི་རྐྱེན༌གྱིས། །ད་ལྟ་ང་རང་ལངས་ནས་ཁོ་རྣམས༌ནི། །ཡིད་སྨོན་འཆོར་བའི་བདེ་ལ་འགོད་ཅེས༌གསུངས།།  
\v 6 ཡ་ཝཱེའི་བཀའ་ནི་ལྷད་མེད་བཀའ་ཡིན༌ཞིང༌། །ས་ཡི་བཞུ་ཐབ་ནང་དུ་ལན་བདུན༌ལ། །བཙོ་སྦྱང་བྱས་པའི་དངུལ་དང་གཅིག་མཚུངས༌ཡིན།།  
\v 7 ཡ་ཝཱེ་ཁྱེད་ཀྱིས་ཁོ་རྣམས་སྐྱོབ་པར༌མཛོད། །འཇིག་རྟེན་མི་ལས་གཏན་དུ་སྐྱབས་སུ༌གསོལ།།  
\v 8 མི་ཡི་དཀྱིལ་དུ་ངན་ལ་བསྟོད་ཙ༌ན། །སྡིག་སྤྱོད་ཅན་རྣམས་ཕྱོགས་བཞིར་འཁོར་བ༌ཡིན།།   
\c 13
\cl གསུང་མགུར་བཅུ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་གཟིགས་སྐྱོང་འཚོལ་བ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཀྱེ་ཀྱེ་ཡ་ཝཱེ་རྒྱུན་ནས་རྒྱུན༌དུ་འམ། །ནམ་ཞིག་བར་དུ་ང་ནི་བརྗེད་པར༌བྱ། །ཁྱེད་ཀྱིས་ཉིད་ཀྱི་ཞལ་ངོ་བཀབ་ནས༌ནི། །ང་ལ་མི་གཟིགས་ག་དུས་བར་དུ༌གནས།།  
\v 2 བདག་སེམས་འཁྲུགས་ཤིང་ཉི་མ་རེ་རེ༌བཞིན། །ཡིད་སེམས་སྐྱོ་ནས་ནམ་དུས་བར་དུ༌གནས། །དགྲ་བོ་བདག་ལས་རྒྱལ་ནས་ག་དུས༌བར།།  
\v 3 སྟུག་པོ་གཉིད་དང་བཅས་ཏེ་མི་འཆི༌ཕྱིར། །ཀྱེ་ཀྱེ་ང་ཡི་དཀོན་མཆོག༌ཡ་ཝཱེ་ལགས། །བདག་ལ་གཟིགས་ཤིང་བཀའ་ལན་གནང་བར༌མཛོད། །བདག་གི་མིག་ཟུང་གསལ་པོར་མཛད་དུ༌གསོལ།།  
\v 4 དེ་མིན་ང་ཡི་དགྲ་བོས་འདི་ལྟར༌དུ། །བདག་ནི་ཁོ་ལས་རྣམ་པར་རྒྱལ་སོང༌ཟེར། །ང་རང་འགྱེལ་དུས་དགྲ་རྣམས་སྤྲོ་བར༌འགྱུར།།  
\v 5 འོན་ཀྱང་བདག་ནི་ཁྱེད་ཀྱི་བྱམས་བརྩེར༌བརྟེན། །ཁྱེད་ཀྱི་ཐར་པའི་དབང་གིས་ངའི་སེམས༌སྤྲོ།།  
\v 6 ཡ་ཝཱེས་ང་རང་དྲིན་གྱིས་བསྐྱངས་པས༌ན། །བདག་གིས་ཁོང་ལ་བསྟོད་པའི་མགུར་མ༌ལེན།།   
\c 14
\cl གསུང་མགུར་བཅུ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 མི་ཡི་མ་རུངས་པ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ གླེན་པས་སེམས་སུ་དཀོན་མཆོག་མེད་ཅེས༌སྨྲ། །དེ་རྣམས་ཉམས་ནས་ཞེན་ལོག༌ཉེས་པ་བྱས། །བཟང་པོ་བྱེད་མཁན་གཅིག་ཀྱང་ཡོད་མ༌ཡིན།།  
\v 2 གོ་བ་ཅན་དང་དཀོན་མཆོག་འཚོལ་བའི༌མི། །ཡོད་དང་མེད་པར་གཟིགས་པའི་ཆེད་དུ༌ནི། །ཡ་ཝཱེས་གནམ་ནས་མི་བུ་རྣམས་ལ༌གཟིགས།།  
\v 3 ཐམས་ཅད་དྲང་པོའི་ལམ་དང་བྲལ་ནས༌ནི། །ལྷན་ཅིག་བཙོག་པར་གྱུར་ཅིང་དེ་རྣམས༌ལས། །ལས་བཟང་སྒྲུབ་མཁན་ཡོད་པ་མ་ཡིན་ལ། །དེ་འདྲ་གཅིག་ཀྱང༌ཡོད་པ་མ་ཡིན་ནོ།།  
\v 4 ང་ཡི་འབངས་མི་བག་ལེབ་བཞིན་མིད༌ཅིང༌། །ཡ་ཝཱེའི་མཚན་ནི་མི་འབོད་ལས་ངན༌པ། །བྱེད་མཁན་ཀུན་ལ་བློ་གྲོས་ཡེ་མེད༌དམ།།  
\v 5 དཀོན་མཆོག་དྲང་པོའི་ཚོགས་སུ་བཞུགས་པས༌ན། །འཇིགས་སྐྲག་ཆེན་པོ་དེ་རྣམས་སྟེང་དུ༌བབས།།  
\v 6 ཁྱོད་ཚོས་དབུལ་པོའི་ཐབས་ཇུས་ཕམ་བྱེད༌ཀྱང༌། །ཡ་ཝཱེ་དེ་ཚོའི་སྐྱབས་གནས་ཡིན་ལགས༌སོ།།  
\v 7 ཀྱེ་ཀྱེ་ཡེས་ར་ཨེལ་གྱི་ཐར་པ༌ནི། །ཛ་ཡན་ཡུལ་ནས་བྱུང་ན་ཅི་མ༌རུང༌། །ཡ་ཝཱེས་ཉིད་ཀྱི་མི་རྣམས་བཙོན་ལས༌ནི། །ཕྱིར་ཁྲིད་འོང་དུས་ཡ་ཀོབ་དགའ་བ༌དང༌། །ཡེས་ར་ཨེལ་ནི་མགུ་བར་འགྱུར་བ༌འོ།།   
\c 15
\cl གསུང་མགུར་བཅོ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རི་བོ་དམ་པར་གནས་མཁན་གྱི་ཀུན་སྤྱོད།  
\p
\v 1 ༼དཱ་བིད་ཀྱི་མགུར༌མ།༽ ཡ་ཝཱེ་ཁྱེད་ཀྱི་གུར་ནང་སུ་གནས༌ཐུབ། །ཁྱེད་ཀྱི་དམ་པའི་རི་སྟེང་སུ་འདུག༌ནུས།།  
\v 2 སྤྱོད་པ་སྐྱོན་བྲལ་དྲང་པོར་སྤྱོད་མཁན༌དང༌། །སྙིང་ནས་བདེན་པ་སྨྲ་བའི་མི་ཡིན༌ཞིང༌།།  
\v 3 དེས་ནི་ལྕེ་ཡིས་མི་ལ་ངན་མི༌སྨྲ། །རང་གི་གྲོགས་ལ་གནོད་འཚེ་མི་བྱེད༌ཅིང༌། །ཁྱིམ་མཚེས་ལ་ཡང་གཏམ་ངན་མི་གཏོང༌ངོ༌།།  
\v 4 དེ་ཡི་མིག་ལམ་ངན་པ་ཁྱད་དུ༌གསོད། །ཡ་ཝཱེར་གུས་ཤིང་འཇིགས་པའི་མི་ལ༌བཀུར། །རང་ལ་གནོད་ཀྱང་མནའ་ལས་མི་འགལ༌ཞིང༌།།  
\v 5 རང་གི་དངུལ་ནི་སྐྱེད་ཀའི་ཕྱིར་མི༌གཏོང༌། །ཉེས་མེད་གནག་པའི་ལྐོག་རྔན་དེས་མི༌ལེན། །དེ་བཞིན་བྱེད་མཁན་ནམ་ཡང་བརྟན་པོར༌ཚུགས།།   
\c 16
\cl གསུང་མགུར་བཅུ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དད་པ་བརྟན་པོ་ཡོང་བའི་སྨོན་ལམ།  
\p
\v 1 ༼དཱ་བིད་ཀྱི་མེག་ཏཱམ་ཞིག༽ བདག་ནི་ \f + \ft གོང་གི་མེག་ཏཱམ་ཞེས་པ་ནི་རྩོམ་ལུས་སམ་ཡང་ན་དབྱངས་རྟ་ཡིན་པར༌གསུངས།\f*ཁྱེད་ལ་སྐྱབས་སུ་མཆི་བས༌ན། །ཀྱེ་ཀྱེ་དཀོན་མཆོག་ང་རང་སྐྱོབ་པར༌མཛོད།།  
\v 2 ཡ་ཝཱེ་ལ་ནི་བདག་གིས་འདི་ལྟར༌ཞུས། །ཁྱེད་ནི་ང་ཡི་གཙོ་བོ་ཡིན་ལགས༌ཤིང༌། །ཁྱེད་མིན་བདག་ལ་ལེགས་པོ་ཅི་ཡང༌མེད།།  
\v 3 ས་གཞིའི་སྟེང་གི་སྐྱེས་བུ་དམ་པ༌རྣམས། །ཐམས་ཅད་བརྗིད་ཅིང་ང་རང་ཤིན་ཏུ༌དགའ།།  
\v 4 ཡ་ཝཱེའི་ཚབ་ཏུ་གཞན་པའི་ལྷ་བསྙེགས༌ན། །དེ་ཡི་སྡུག་བསྔལ་ཆེས་ཆེར་འཕེལ་བ༌ཡིན། །དེ་ཚོའི་ཁྲག་གི་སྐྱེམས་མཆོད་ངས་མི༌འབུལ། །གཞན་པའི་ལྷ་ཡི་མིང་ཡང་ངས་མི༌གླེང༌།།  
\v 5 ཡ་ཝཱེ་ཁྱེད་ཉིད་བདག་གི་ནོར་སྐལ༌དང༌། །ང་ཡི་ཕོར་པའི་ནང་གི་ཟ་སྐལ༌ཡིན། །ང་ཡི་ཐོབ་སྐལ་ཁྱེད་ཀྱིས་སྲུང་བར་མཛད།།  
\v 6 མཐའ་མཚམས་དག་ནི་སྐྱིད་པའི་གནས་སུ༌ཆགས། །སྙིང་དུ་སྡུག་པའི་བགོ་སྐལ་ང་ལ༌ཐོབ།།  
\v 7 ང་ལ་སློབ་སྟོན་མཛད་པའི་ཡ་ཝཱེར༌བསྟོད། །མཚན་མོར་བདག་གི་སེམས་ཀྱིས་གདམས་ངག༌གནང༌།།  
\v 8 དུས་རྒྱུན་ཡ་ཝཱེ་ང་ཡི་མདུན་དུ༌བཞག །ཁོང་ངའི་གཡས་སུ་བཞུགས་པས་ང་མི༌གཡོ།།  
\v 9 དེའི་ཕྱིར་ངའི་སེམས་དགའ་ཞིང་ཡིད་སྤྲོ༌ལ། །ང་ཡི་ལུས་ཀྱང་བདེ་བར་གནས་འགྱུར༌རོ།།  
\v 10 ང་ཡི་རྣམ་ཤེས་གཤིན་ཡུལ་དུ་མི་བསྐྱུར། །ཁྱེད་ཀྱི་སྐྱེས་བུ་དམ་པའང་རུལ་མི༌འཇུག།  
\v 11 ཁྱེད་ཀྱིས་ང་ལ་སྲོག་གི་ལམ་སྟོན༌མཛད། །ཁྱེད་ཀྱི་དྲུང་དུ་དགའ་སྤྲོ་མཐའ་ཡས༌མཆིས། །ཁྱེད་ཀྱི་གཡས་སུ་གཏན་གྱི་བདེ་བ༌ཡོད།།   
\c 17
\cl གསུང་མགུར་བཅུ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཉེས་མེད་ཀྱི་གསོལ་འདེབས།  
\p
\v 1 ༼དཱ་བིད་ཀྱི་གསོལ༌འདེབས།༽ ཀྱེ་ཀྱེ་ཡ་ཝཱེ་བདེན་པར་གསན་དུ༌གསོལ། །བདག་གི་འོ་དོད་ལ་ནི་གསན་དུ༌གསོལ། །ལྕེ་གཉིས་མཆུ་ལས་བྱུང་བ་མ་ཡིན༌པའི། །བདག་གི་གསོལ་འདེབས་ལ་ནི་སྙན་གཏོད༌མཛོད།།  
\v 2 ཁྱེད་དྲུང་བདག་གི་ཁྲིམས་ཐག་གཅོད་པར༌ཤོག །ཁྱེད་ཀྱི་སྤྱན་གྱིས་དྲང་པོར་གཟིགས་པར༌མཛོད།།  
\v 3 ཁྱེད་ཀྱིས་ང་ཡི་སེམས་ལ་དཔྱད་པ༌དང༌། །མཚན་གྱི་དུས་སུ་ང་ལ་བརྟགས་པ༌ཡིན། །བདག་ལ་ཚོད་བགམ་བྱས་ཀྱང་ཅང་མི༌རྙེད། །སྨྲ་སྒོ་མི་འཆུག་སེམས་ཐག་བཅད་ནས༌ཡོད།།  
\v 4 འཇིག་རྟེན་མི་ཡི་བྱ་སྤྱོད་གླེང་ན༌ནི། །ཁྱེད་ཀྱི་ཞལ་ནས་ཐོན་པའི་བཀའ་ལ༌བརྟེན། །གདུག་རྩུབ་ཅན་གྱི་ལམ་ལས་རང་ཉིད༌བསྲུངས།།  
\v 5 ཁྱེད་ཀྱི་ལམ་ནང་བདག་གི་གོམ་སྟབས༌བརྟན། །ང་ཡི་རྐང་པ་འགྲེད་པར་མ་གྱུར༌ཏོ།།  
\v 6 ཀྱེ་ཀྱེ་དཀོན་མཆོག་ཁྱེད་ཀྱིས་ང་རང༌ལ། །བཀའ་ལན་གནང་བས་བདག་གིས་ཁྱེད་ལ༌ཞུ། །ང་ཡི་གསོལ་འདེབས་སྙན་གྱིས་གསན་དུ༌གསོལ།།  
\v 7 བྱམས་བརྩེ་ཆེན་པོའི་ངོ་མཚར་སྟོན་པར༌མཛོད། །ཁྱེད་ལ་སྐྱབས་སུ་འོང་བ་ཕྱག་གཡས༌པས། །ཁོ་ཚོའི་དགྲ་ལས་སྐྱོབ་པར་མཛད་པ༌འོ།།  
\v 8 བདག་ནི་མིག་འབྲས་བཞིན་དུ་བསྲུང་བར༌མཛོད། །གཤོག་པའི་གྲིབ་བསིལ་འོག་ཏུ་སྦ་བར༌གནོངས།།  
\v 9 ང་རང་བཙན་གནོན་བྱེད་པའི་མི་ངན༌དང༌། །མཐའ་ནས་བསྐོར་ཅིང་སྲོག་ལ་རྔམ་པ༌ཡི། །བདག་གི་དགྲ་བོ་རྣམས་ལས་ཐར་བར༌མཛོད།།  
\v 10 དེ་ཚོའི་སྙིང་ནི་ཚིལ་གྱིས་བཏུམས་པ་\f + \ft འདིར་སྙིང་ཚིལ་གྱིས་བཏུམས་པ་ཞེས་པ་ནི་སེམས་ཀྱི་སྙིང་རྗེ་དགག་པར༌འཇུག\f*དང༌། །ཁ་རུ་ཁེངས་དྲེགས་གཏམ་རྣམས་སྨྲ་བ༌འོ།།  
\v 11 དེ་ཚོས་ངེད་རྣམས་དེད་ཅིང་མཐའ་ནས༌བསྐོར། །སྡང་མིག་བགྲད་ཀྱིན་ས་རུ་བརྡབ་རྩིས༌བྱེད།།  
\v 12 དེ་དག་དབྲལ་བར་རྔམ་པའི་སེང་གེ༌བཞིན། །ཕག་ཏུ་འཇབ་པའི་སེང་གེ་དར་མ༌འདྲ།།  
\v 13 ཀྱེ་ཀྱེ་ཡ་ཝཱེ་ཁྱེད་ཉིད་ཡར་བཞེངས༌ནས། །དགྲ་ལ་འཐབ་ནས་དེ་རྣམས་སར་བརྡབ༌རོགས། །རལ་གྲིས་ངའི་སྲོག་ངན་ལས་སྐྱོབ་པར་མཛོད།།  
\v 14 ཀྱེ་ཀྱེ་ཡ་ཝཱེ་ཁྱེད་ཀྱི་ཕྱག་གིས༌ནི། །ཚེ་འདི་ཁོ་ནར་སྐལ་བ་ལྡན་པ༌ཡི། །འཇིག་རྟེན་མི་ལས་ང་རང་ཐར་བར༌མཛོད། །གཏེར་གྱིས་དེ་རྣམས་ལྟོ་བ་འགྲང་བར༌མཛོད། །དེ་ཚོ་བུ་ཕྲུག་མང་པོས་ཡིད་ཚིམ༌ཅིང༌། །རྒྱུ་ནོར་ལྷག་མ་བུ་རྒྱུད་རྣམས་ལ༌བཞག།  
\v 15 ང་ཡིས་དྲང་བདེན་ནང་དུ་ཁྱེད་མཇལ༌འོང༌། །གཉིད་ལས་སད་དུས་ཁྱེད་ཀྱི་སྣང་བརྙན༌མཇལ། །དེ་བས་ང་རང་ཀུན་ནས་ཚིམ་པར༌འགྱུར།།   
\c 18
\cl གསུང་མགུར་བཅོ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཱ་བིད་རྣམ་པར་རྒྱལ་བའི་མགུར་མ།  
\p
\v 1 ༼དབུ་མཛད་ལ་སྤྲད་པའི་དཀོན་མཆོག་ཡ་ཝཱེའི་ཞབས་ཕྱི་དཱ་བིད་ཀྱི་མགུར་མ༌སྟེ། དཀོན་མཆོག་ཡ་ཝཱེས་ཁོང་སོ་ལོ་དང་དགྲ་བོ་ཐམས་ཅད་ཀྱི་ལག་ནས་བསྐྱབས་པའི་ཉིན༌མོར། ཁོང་གིས་དཀོན་མཆོག་ཡ་ཝཱེ་ལ་མགུར་འདིའི་ཚིག་རྣམས་ཞུས༌པ།༽ ཀྱེ་ཀྱེ་ཡ་ཝཱེ་ང་ཡི་སྟོབས་ཤུགས༌ལགས། །ང་ཡིས་ཁྱེད་ཉིད་གཅེས་སུ་འཛིན་པ༌འོ།།  
\v 2 ང་ཡི་བྲག་རྡོ་དང་ནི་རི་རྫོང༌དང༌། །ང་ཡི་སྲོག་སྐྱོབ་ཡ་ཝཱེ་ཁོང་ཉིད༌ཡིན། །ང་ཡི་དཀོན་མཆོག་བདག་གི་ཕ་བོང༌ལགས། །ཁོང་ནི་ང་རང་སྐྱབས་སུ་འགྲོ་ས༌ཡིན། །ང་ཡི་ཕུབ་དང་ཐར་པའི་རྭ་དུང་ \f + \ft འདིར་རྭ་དུང་ཞེས་པ་ནི་དཀོན་མཆོག་ཡ་ཝཱེའི་མཐུ་སྟོབས་ལ་གོ་བ༌ཡིན།\f*དང༌། །བདག་གི་བཙན་རྫོང་ཡང་ནི་ཁོང་ལགས༌སོ།།  
\v 3 བསྟོད་པར་འོས་པའི་ཡ་ཝཱེ་ང་ཡིས༌འབོད། །དེ་ནས་ང་རང་དགྲ་བོ་ཀུན་ལས༌ཐར།།  
\v 4 འཆི་བའི་ཐག་པས་ང་ནི་བཅིངས་པ༌དང༌། །འཇོམས་བྱེད་དྲག་བཞུར་ཆུ་བོས་ང་རང༌བསྣུབས།།  
\v 5 གཤིན་པོའི་ཡུལ་གྱི་ཐག་པས་བདག་ནི༌འཁྲིས། །འཆི་བའི་རྙི་རྒྱ་ང་ཡི་སྟེང་དུ༌བབས།།  
\v 6 དཀའ་སྡུག་མྱོང་དུས་བདག་གིས་ཡ་ཝཱེ༌བོས། །རང་གི་དཀོན་མཆོག་ཉིད་ལ་ཆོ་ངེ༌བཏོན། །མཆོད་ཁང་ནང་དུ་བདག་གི་སྐད་གསན༌ཅིང༌། །ཁོང་དྲུང་བོས་པའི་འོ་དོད་སྙན་དུ༌ཆུད།།  
\v 7 དེའི་དུས་ས་གཞི་འགུལ་ཞིང་འདར་བ༌དང༌། །རི་བོ་དག་གི་རྩ་བ་གཡོས་པ༌སྟེ། །ཡ་ཝཱེ་ཁོང་ཉིད་ཁྲོས་པའི་རྐྱེན་ལས༌བྱུང༌།།  
\v 8 ཁོང་གི་ཤངས་ནས་དུ་བ་སྟུག་པོ༌འཕྱུར། །ཁོང་གི་ཞལ་ལས་འཇོམས་བྱེད་མེ་དཔུང་འབར། །ཐ་ན་སོལ་བ་ཡང་ནི་མེ་ལ༌སྦར།།  
\v 9 ཁོང་གིས་ནམ་མཁའ་དཔྱངས་ནས་མར་ཕེབས༌ཤིང༌། །ཁོང་གི་ཞབས་འོག་སྤྲིན་ནག་སྟུག་པོ༌འཁྲིགས།།  
\v 10 ཁོང་ཉིད་ཀེ་རུབ་\f + \ft ཀེ་རུབ་ཅེས་པ་ནི་དཀོན་མཆོག་གི་ཕོ་ཉའི་རིགས་སུ་གཏོགས་པ་དང་ནུས་པ་ཁྱད་པར་ཅན་ཞིག༌ཡིན།\f*ཅིག་ལ་བཅིབས་ནས༌འཕུར། །རླུང་གི་གཤོག་པར་བརྟེན་ནས་ནམ་འཕང༌བཅད།།  
\v 11 ཁོང་གིས་སྨག་རུམ་ཉིད་ཀྱི་ཡིབ་ས༌བྱས། །ཆར་སྤྲིན་ནག་པོ་ཕྱོགས་བཞིའི་ཡོལ་བར༌མཛད།།  
\v 12 ཁོང་གི་ཞལ་ངོའི་མདངས་ཀྱིས་སྤྲིན་ནག༌ཁྲོད། །སེར་བ་དང་ནི་སོལ་མེ་ཐོན་བྱུང༌ངོ༌།།  
\v 13 ཡ་ཝཱེས་ནམ་མཁར་འབྲུག་སྒྲ་ལྡིར་དུ༌བཅུག །བླ་ན་མེད་པ་ཁོང་གི་གསུང་སྐད༌ཀྱིས། །སེར་བ་དང་ནི་སོལ་མེ་བྱུང་བ༌འོ།།  
\v 14 མདའ་མོ་འཕངས་ནས་དགྲ་རྣམས་ཕྱོགས་བཞིར༌གཏོར། །གློག་དམར་ཡང་ཡང་འཁྱུགས་ནས་དེ་རྣམས༌བཅོམ།།  
\v 15 ཀྱེ་ཀྱེ་ཡ་ཝཱེས་བཀའ་བཀྱོན་གནང་བ༌དང༌། །ཁྱེད་ཀྱི་ཤངས་ལས་ཐོན་པའི་དབུགས་གཅིག༌གིས། །རྒྱ་མཚོའི་མཐིལ་དང་ས་གཞིའི་རྨང་ཡང༌ཕྱུང༌།།  
\v 16 སྟེང་ནས་ཕྱག་ཟུང་བརྐྱངས་ཏེ་ང་ནི༌ཟིན། །གཏིང་ཟབ་ཆུ་ལས་ང་རང་ཡར་དྲངས༌སོ།།  
\v 17 ཁོང་གིས་ང་ནི་དགྲ་བོ་སྟོབས་ཆེན༌དང༌། །ང་ལ་སྡང་བ་རྣམས་ལས་བསྐྱབས་པ༌སྟེ། །རྒྱུ་མཚན་དེ་རྣམས་ང་ལས་སྟོབས་ཆེ༌འོ།།  
\v 18 ཆག་སྒོའི་ཉིན་མོར་ཁོ་རྣམས་ང་ལ༌རུབས། །འོན་ཀྱང་ཡ་ཝཱེ་བདག་གི་སྐྱབས་གནས༌ཡིན།།  
\v 19 ཁོང་གིས་ང་རང་ས་ཁོད་ཡངས་སར༌ཁྲིད། །ཁོང་ནི་བདག་ལ་མཉེས་པས་བདག་ནི༌བསྐྱབས།།  
\v 20 བདག་གི་དྲང་བདེན་བཞིན་དུ་གསོལ་རས་བསྩལ། །ལག་པ་གཙང་བ་ལྟར་དུ་ཨ་ལན་གནང་། །  
\v 21 རྒྱུ་མཚན་བདག་གིས་ཡ་ཝཱེའི་ལམ་རྣམས༌བསྲུངས། །ངན་པར་སྤྱད་ནས་དཀོན་མཆོག་བསྐྱུར་པ༌མེད།།  
\v 22 ཁོང་གི་ཁྲིམས་སྲོལ་ཐམས་ཅད་ངའི་མདུན༌མཆིས། །ཁོང་གི་སྒྲིག་ཁྲིམས་ནམ་ཡང་སྤངས་པ༌མིན།།  
\v 23 ཁོང་གི་ཞལ་དྲུང་ང་རང་སྐྱོན་དང༌བྲལ། །རང་ཉིད་ཉེས་སྐྱོན་རྣམས་ལས་བསྲུངས་པ༌ཡིན།།  
\v 24 དེ་བས་ཡ་ཝཱེས་ང་ཡི་དྲང་བདེན༌དང༌། །ཁོང་གི་སྤྱན་སྔར་ལག་པ་གཙང་བ༌བཞིན། །དེ་དང་མཐུན་པའི་གསོལ་རས་ང་ལ༌གནང༌།།  
\v 25 བྱམས་བརྩེ་ཅན་ལ་ཁྱེད་ཀྱིས་བྱམས་བརྩེས༌སྐྱོང་། །ཉེས་མེད་མི་ལ་ཁྱེད་རང་ཕུལ་བྱུང་ལགས།།  
\v 26 དྭངས་གཙང་མི་ལ་ཁྱེད་ཀྱིས་རྣམ་དག༌མངོན། །གཡོ་སྒྱུ་ཅན་ལ་ཁྱེད་ཀྱིས་མཁས་མཛངས་སྤྱོད།།  
\v 27 ཉམ་ཐག་མི་རྣམས་ཁྱེད་ཀྱིས་སྐྱོབ་ངེས༌ཤིང༌། །དྲེགས་ཉམས་ལྡན་པའི་མིག་རྣམས་དམའ་སར༌དབབ།།  
\v 28 ཀྱེ་ཀྱེ་ང་ཡི་དཀོན་མཆོག༌ཡ་ཝཱེ་ཡིས། །ང་ཡི་སྒྲོན་མེ་སྦར་ཞིང་མུན་པ༌སེལ།།  
\v 29 ཁྱེད་ལ་བརྟེན་ནས་དགྲ་བོའི་དམག་དཔུང་གཏོར། །དཀོན་མཆོག་མཉམ་དུ་ལྕགས་རིར་རྒྱང་མཆོང༌བྱེད།།  
\v 30 དཀོན་མཆོག་ཁོང་གི་ལམ་ནི་རྣམ་དག༌ཡིན། །ཡ་ཝཱེའི་བཀའ་ནི་དྲི་མ་མེད་པ༌ལགས། །སྐྱབས་བཅོལ་རྣམས་ཀྱི་ཕུབ་ནི་ཁོང་ཉིད༌ཡིན།།  
\v 31 ཡ་ཝཱེ་མ་གཏོགས་དཀོན་མཆོག་གཞན་སུ༌ཡོད། །དཀོན་མཆོག་ལས་གཞན་བྲག་རྡོ་སུ་ཡིན༌ནམ།།  
\v 32 ཁོང་གིས་སྟོབས་ཀྱི་སྐ་རགས་ང་ལ༌འཆིང༌། །བདག་གི་སྤྱོད་ལམ་ཕུལ་དུ་བྱུང་བར༌མཛད།།  
\v 33 ཁོང་གིས་བདག་ལ་ཤྭ་མོའི་བདེ་མྱུར༌བསྩལ། །མཐོན་པོའི་གནས་སུ་བརྟན་པོར་ཚུགས་པར༌མཛད།།  
\v 34 འཐབ་མོ་འགྱེད་ལུགས་བདག་གི་ལག་པར༌བསླབ། །དཔུང་པས་ལི་གཞུ་འགུག་ཀྱང་ནུས་པར༌མཛད།།  
\v 35 ཁྱེད་ཀྱི་ཐར་པའི་ཕུབ་ནི་ང་ལ༌གནང༌། །ཉིད་ཀྱི་ཕྱག་གཡས་ཀྱིས་ནི་ང་རང༌སྐྱོར། །ཁྱེད་ཀྱི་ཞི་བས་ང་ནི་ཆེན་པོར༌མཛད།།  
\v 36 གོམ་པ་སྤོ་སའི་ལམ་ནི་ཡངས་པར༌མཛད། །བདག་གི་རྐང་པ་ནམ་ཡང་འདྲེད་མ༌གྱུར།།  
\v 37 བདག་གིས་དགྲ་རྣམས་དེད་ནས་ཟིན་པ༌དང༌། །ཚར་གཅོད་བྱེད་པའི་བར་དུ་ཕྱིར་མ༌ལོག།  
\v 38 ཁོ་རྣམས་ཤིན་ཏུ་རྨས་ཏེ་ལང་མི༌ནུས། །ཐམས་ཅད་བདག་གི་རྐང་འོག་འགྱེལ་བ༌ཡིན།།  
\v 39 འཐབ་ཕྱིར་ང་ལ་སྟོབས་ཀྱི་སྐ་རགས༌བཅིངས། །དགྲ་རུ་ལང་མཁན་ང་ཡི་རྐང་འོག༌བཅུག།  
\v 40 དགྲ་རྣམས་ང་ཡི་མདུན་ནས་འབྲོ་མཛད་པས། །ང་ལ་སྡང་བའི་མི་རྣམས་བཅོམ་པ་ཡིན།།  
\v 41 དེ་ཚོས་ཆོ་ངེ་བཏོན་ཡང་སྐྱོབ་མཁན༌མེད། །ཡ་ཝཱེ་བོས་ཀྱང་ཁོང་གིས་ལན་མ༌གནང༌།།  
\v 42 རླུང་ཁའི་རྡུལ་བཞིན་དེ་རྣམས་ངས་བཏགས༌ཤིང༌། །ལམ་ཁའི་འདམ་རྫབ་ལྟར་དུ་ཕྱི་རུ༌གཡུགས།།  
\v 43 མི་སྡེའི་འཐབ་རྩོད་ལས་ང་ཁྱེད་ཀྱིས༌བསྐྱབས། །མི་རིགས་རྣམས་ཀྱི་མགོན་དུ་ང་རང་མཛད། །རྒྱུས་མེད་མི་སྡེས་ང་ལ་ཞབས་ཕྱི༌སྒྲུབ།།  
\v 44 ཐོས་པ་ཙམ་གྱིས་དེ་ཚོས་ང་ཉན༌ཞིང་། །མཐའ་མི་རྣམས་ནི་ང་ཡི་མདུན་དུ༌འཁུམས།།  
\v 45 ཁོ་རྣམས་ཐམས་ཅད་ཉམས་རྒུད་དུ་གྱུར༌ཅིང༌། །སྐྲག་ནས་འདར་གྱིན་བཙན་རྫོང་དག་ནས༌ཐོན།།  
\v 46 ཡ་ཝཱེ་ཁོང་ཉིད་གཏན་དུ་གསོན་པོར༌བཞུགས། །ང་ཡི་བྲག་རྡོ་བསྟོད་པར་འོས་སོ༌ལོ། །ང་ཡི་སྲོག་སྐྱོབ་ལགས་པའི་དཀོན་མཆོག༌ནི། །ཁོང་ལ་བཀུར་བསྟི་འབྱུང་བར་གྱུར་ཅིག་ཨང་།།  
\v 47 དཀོན་མཆོག་ང་ཡི་དགྲ་ཤ་ལེན་མཁན༌ཡིན། །མི་སྡེ་རྣམས་ནི་ང་ཡི་དབང་དུ༌བཀོད།།  
\v 48 ཁོང་གིས་ང་རང་དགྲ་ལས་ཐར་བར༌མཛད། །བདག་གི་དགྲ་ཟླ་རྣམས་ལས་ཁྱེད་ཀྱིས༌བཏེགས། །གདུག་རྩུབ་ཅན་ལས་ང་ནི་བསྐྱབས་པ༌འོ།།  
\v 49 ཀྱེ་ཀྱེ་ཡ་ཝཱེ་དེའི་ཕྱིར་བདག་གིས༌ནི། །མི་རིགས་རྣམས་ཀྱི་དཀྱིལ་ནས་ཁྱེད་ལ༌བསྔགས། །ཁྱེད་ཀྱི་མཚན་ལ་བསྟོད་པའི་མགུར་མ༌འབུལ།།  
\v 50 ཡ་ཝཱེས་མཆོག་ཏུ་གྱུར་པའི་ཐར་པ༌ནི། །ཁོང་གིས་བསྐོས་པའི་རྒྱལ་པོར་གནང་བ༌དང༌། །སྣུམ་གྱིས་བྱུགས་པར་བྱམས་བརྩེ་དཔག་མེད༌མཛད། །དཱ་བིད་དང་ནི་ཁོང་གི་བུ་རྒྱུད༌རྣམས། །རྒྱུན་ནས་རྒྱུན་དུ་བྱམས་བརྩེས་སྐྱོང་བ༌འོ།།   
\c 19
\cl གསུང་མགུར་བཅུ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བཀོད་པར་མཛད་པའི་གཟི་བརྗིད།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ནམ་མཁའི་མཐོངས་ཀྱིས་དཀོན་མཆོག་གཟི་དཔལ༌མངོན། །ཨ་སྔོན་དབྱིངས་ཀྱིས་ཁོང་གི་མཛད་པ༌སྒྲོག།  
\v 2 ཉིན་རེ་བཞིན་དུ་ངག་ནས་གཏམ་གླེང༌ཞིང༌། །མཚན་མོ་རེ་ལ་ཤེས་བྱ་སྤེལ་བ༌ཡིན།།  
\v 3 སྐད་ཆ་དང་ནི་ཚིག་གི་སྦྱོར་བ༌མེད། །མི་ཡིས་དེ་རྣམས་སྐད་སྒྲ་མི་ཐོས༌ཀྱང༌།།  
\v 4 དེ་ཚོའི་སྐད་གདངས་གནམ་འོག་ཀུན་ཏུ༌ཁྱབ། །དེ་ཚོའི་སྨྲ་བརྗོད་ས་མཐའི་བར་དུ༌སླེབས། །ཁོང་གིས་དེའི་ནང་ཉི་མར་གུར་ཞིག༌ཕུབ།།  
\v 5 མག་གསར་བཞིན་དུ་ཉི་མ་གཟིམས་ལས་ཐོན། །དཔའ་རྒོད་དགའ་སྤྲོས་ལམ་ལ་རྒྱུག་དང༌མཚུངས།།  
\v 6 དེ་ནི་ནམ་མཁའི་ཕྱོགས་གཅིག་ནས་འཆར༌ཞིང་། །བསྐོར་ནས་ནམ་མཁའི་ཕྱོགས་གཞན་དུ་སླེབ༌བོ། །དེ་ཡི་ཚ་དྲོད་ལས་ནི་བསྐུངས་པ༌མེད།།  
\v 7 ཡ་ཝཱེའི་བཀའ་ཁྲིམས་ཁྱད་དུ་འཕགས་པ༌ལགས། །དེས་ནི་མི་ཡི་དྲན་པ་གསོ་བ༌ཡིན། །ཡ་ཝཱེའི་དཔང་ཡིག་བློ་གཏད་ཁེལ་བ༌ཡིན། །དེས་ནི་གླེན་པ་མཁས་པར་མཛད་པ༌འོ།།  
\v 8 ཡ་ཝཱེའི་བཀའ་སློབ་དྲང་པོ་ཡིན་པ༌དང༌། །དེས་ནི་མི་ཡི་སེམས་ལ་དགའ་སྤྲོ༌གནང༌། །ཡ་ཝཱེའི་བཀའ་ནི་དྭངས་ཤིང་གཙང་བ༌ཡིན། །དེས་ནི་མི་ཡི་མིག་ལ་འོད་མདངས༌སྦྱིན།།  
\v 9 ཡ་ཝཱེར་གུས་ཤིང་འཇིགས་པ་རྣམ་དག༌ཡིན། །དེ་ནི་རྒྱུན་ནས་རྒྱུན་དུ་གནས་པར༌འགྱུར། །ཡ་ཝཱེའི་སྒྲིག་སྲོལ་བདེན་ཞིང་ཡོངས་སུ༌དྲང༌།།  
\v 10 དེ་རྣམས་གསེར་ལས་རིན་ཐང་ཆེ་བ༌སྟེ། །ལྷད་མེད་གསེར་རྐྱང་མོད་པོ་ལས་ཀྱང༌ལྷག །དེ་རྣམས་སྦྲང་རྩི་ལས་ཀྱང་མངར་བ༌སྟེ། །སྦྲང་བུའི་ཚང་གི་སྦྲང་རྩི་ལས་ཀྱང༌མངར།།  
\v 11 ཁྱེད་ཀྱི་ཞབས་ཕྱིར་དེ་ལས་དྲན་སྐུལ༌ཐོབ། །དེ་རྣམས་སྲུང་བར་རྔན་པ་ཆེན་པོ༌ཡོད།།  
\v 12 རང་སྐྱོན་རང་གིས་རྟོགས་པ་སུ་ཡོད༌དམ། །མངོན་མེད་ཉེས་སྐྱོན་རྣམས་ལ་གུ་ཡངས༌མཛོད།།  
\v 13 གང་བྱུང་སྤྱོད་པའི་སྡིག་ཉེས་མི་བསག༌ཆེད། །ཁྱེད་ཀྱིས་ཉིད་ཀྱི་ཞབས་ཕྱི་བསྲུང་བར༌མཛོད། །ང་རང་དེ་རྣམས་དབང་དུ་འགྲོར་མི༌བྱ། །དེ་ནས་ང་རང་སྐྱོན་དང་བྲལ་བ༌དང༌། །སྡིག་པ་ཆེན་པོ་ལས་ནི་ཐར་བར༌འགྱུར།།  
\v 14 ཡ་ཝཱེ་ང་ཡི་བྲག་རྡོ་སྲོག་སྐྱོབ༌ལགས། །བདག་གི་སྨྲ་སྒོའི་གཏམ་དང་སེམས་ཀྱི༌བློ། །ཁྱེད་ཀྱི་དྲུང་དུ་ཐུགས་སུ་འབབ་པར༌ཤོག།   
\c 20
\cl གསུང་མགུར་ཉི་ཤུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་ཁའི་ཆེད་དུ་ཞུ་བའི་སྨོན་ལམ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ སྡུག་དུས་ཡ་ཝཱེས་བཀའ་ལན་གནང་བར༌ཤོག །ཡ་ཀོབ་དཀོན་མཆོག་མཚན་གྱིས་འདེགས་གྱུར༌ཅིག།  
\v 2 ཁོང་གིས་གནས་ཀྱི་མཆོག་ནས་རོགས་མཛད་ཅིང་། །ཛ་ཡན་ཡུལ་ནས་ཁྱོད་རང་སྐྱོར་བར༌ཤོག།  
\v 3 ཁྱོད་ཀྱི་མཆོད་པ་ཐམས་ཅད་དྲན་པ༌དང༌། །སྦྱིན་སྲེག་ཀྱང་ནི་ཁོང་གིས་བཞེས་གྱུར༌ཅིག། ༼ སེ༌ལཱ། ༽  
\v 4 སེམས་ཀྱི་འདོད་མོས་ཁོང་གིས་བསྐངས་ནས༌ནི། །ཁྱོད་ཀྱི་འཆར་བཀོད་ཐམས་ཅད་བསྒྲུབ་པར༌ཤོག།  
\v 5 ཁྱེད་ཀྱི་རྒྱལ་ཁའི་རྐྱེན་གྱིས་དགའ་འབོད༌བྱེད། །དཀོན་མཆོག་མཚན་ནང་དར་ཆ་མཐོ་རུ༌བསྒྲེང༌། །ཡ་ཝཱེས་ཞུ་བ་ཐམས་ཅད་བསྐང་བར༌ཤོག།  
\v 6 ཡ་ཝཱེས་ཁོང་གིས་བྱུགས་པར་མཛད་པ༌ནི། །སྐྱོབ་པར་བྱེད་པ་ད་ལྟ་བདག་གིས༌རྟོགས། །ཁོང་གིས་དམ་པའི་གནམ་ནས་བཀའ་ལན༌གནང༌། །ཕྱག་གཡས་མཐུ་སྟོབས་ཀྱིས་ནི་ཁོ་རང༌སྐྱོབ།།  
\v 7 ཁ་ཅིག་ཤིང་རྟ་ཁ་ཅིག་དམག་རྟར༌བརྟེན། །རང་ཅག་བརྟེན་ཡུལ་དཀོན་མཆོག་ཡ་ཝཱེའི༌མཚན།།  
\v 8 དེ་དག་བསྒུར་ནས་ས་རུ་འགྱེལ༌ན་ཡང་། །རང་ཅག་ལངས་ནས་བརྟན་པོར་ཚུགས་པ༌ཡིན།།  
\v 9 ཀྱེ་ཀྱེ་ཡ་ཝཱེས་རྒྱལ་པོ་སྐྱོབ་པར༌མཛོད། །ང་ཚོས་འབོད་དུས་བཀའ་ལན་གནང་བར༌ཤོག།   
\c 21
\cl གསུང་མགུར་ཉེར་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྣམ་པར་རྒྱལ་བའི་བསྟོད་པ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཡ་ཝཱེ་ཁྱེད་ཀྱི་སྟོབས་ནང་རྒྱལ་པོ༌དགའ། །ཁྱེད་ཀྱི་རྒྱལ་ཁའི་དབང་གིས་རབ་ཏུ༌སྤྲོ།།  
\v 2 དེ་ཡི་སེམས་ཀྱི་འདོད་སྨོན་ཁྱེད་ཀྱིས༌བསྐངས། །ཁ་ནས་ཅི་ཞུས་ཀུན་ལ་བཀའ་ལན༌གནང༌།།༼ སེ༌ལཱ། ༽  
\v 3 ཡིད་འོང་བྱིན་རླབས་དང་བཅས་ཁོ་རང༌བསུས། །ལྷད་མེད་གསེར་གྱི་ཅོད་པན་དེའི་མགོར༌བསྐོན།།  
\v 4 དེ་ཡིས་འཚོ་ཡུན་ཕྱིར་དུ་ཞུས་པ༌ན། །ཁྱེད་ཀྱིས་གཏན་དུ་ཚེ་ཐག་རིང་བར༌མཛད།།  
\v 5 ཁྱེད་ཀྱི་རྒྱལ་ཁའི་དབང་གིས་གཟི་དཔལ༌ཆེ། །ཟིལ་ཤུགས་བརྗིད་ཉམས་ཀྱིས་ནི་ཁོ་རང༌བརྒྱན།།  
\v 6 ཁྱེད་ཀྱིས་ཁོ་ལ་གཏན་གྱི་བྱིན་རླབས༌གནང༌། །ཁྱེད་དྲུང་ཁོ་རང་དགའ་ཞིང་སྐྱིད་པར༌མཛད།།  
\v 7 རྒྱལ་པོས་ཡ་ཝཱེར་ཡིད་རྟོན་བྱེད་པ༌དང༌། །བླ་ན་མེད་པ་ཉིད་ཀྱི་མཐའ་ཡས༌པའི། །བྱམས་བརྩེའི་དབང་གིས་ཁོ་ནི་གཡོ་བ༌མེད།།  
\v 8 ཁྱེད་ཀྱི་ཕྱག་གིས་དགྲ་བོ་ཐམས་ཅད༌རྙེད། །ཁྱེད་ཕྱག་གཡས་པས་དགྲ་ཟླ་འཛིན་པར༌འགྱུར།།  
\v 9 ཁྱེད་ཉིད་མངོན་སུམ་བྱོན་པའི་དུས་དེ༌ལ། །དེ་རྣམས་རབ་ཚའི་མེ་ཐབ་བཞིན་དུ༌མཛད། །ཡ་ཝཱེས་ཐུགས་ཁྲོ་དང་བཅས་ཁོ་རྣམས༌མིད། །མེ་ཡིས་དེ་རྣམས་འཇོམས་པར་བྱེད་པ་འོ།།  
\v 10 དེ་ཚོའི་བུ་རྒྱུད་ས་ནས་མེད་པར༌བྱེད། །དེ་རྣམས་ས་བོན་མི་ཡི་གྲས་ནས༌འཇོམས།།  
\v 11 དེ་ཚོས་ཁྱེད་ལ་ངན་སེམས་བཅངས༌ན་ཡང་། །ཁོ་ཚོས་སྤེལ་བའི་གཡོ་ཐབས་འགྲུབ་མ༌གྱུར།།  
\v 12 དེ་རྣམས་གདོང་ལ་གཏད་ནས་གཞུ་འཐེན༌དུས། །ཁོ་ཚོ་ཁ་ཕྱིར་འཁོར་ནས་འབྲོ་བར༌འགྱུར།།  
\v 13 ཀྱེ་ཀྱེ་ཡ་ཝཱེ་ཁྱེད་ཉིད་མཐུ་སྟོབས༌ནང༌། །ཁྱད་དུ་འཕགས་པར་གྱུར་དང་ངེད་རྣམས༌ཀྱིས། །ཁྱེད་ཀྱི་དབང་ལ་བསྟོད་ཅིང་མགུར་གླུ༌ལེན།།   
\c 22
\cl གསུང་མགུར་ཉེར་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 སྡུག་བསྔལ་ཁྲོད་ཀྱི་གསོལ་འདེབས་དང་བསྟོད་བསྔགས།  
\p
\v 1 ༼ཐོ་རངས་ཤྭ་ཡུ་མོའི་དབྱངས་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ བདག་གི་དཀོན་མཆོག་བདག་གི་དཀོན་མཆོག༌ལགས། །ཁྱེད་ཀྱིས་ང་རང་རྒྱབ་ཏུ་བསྐྱུར་དོན༌ཅི། །རྒྱང་རིང་གནས་སུ་བཞུགས་ནས་མི་སྐྱོབ༌ཅིང༌། །འཁུན་སྒྲ་ཕྱུང་ཡང་མི་གསན་རྒྱུ་མཚན༌ཅི།།  
\v 2 ཀྱེ་ཀྱེ་ང་ཡི་དཀོན་མཆོག་ཉིན་མོའི༌དུས། །འོ་དོད་བོས་ཀྱང་བཀའ་ལན་གནང་མ༌བྱུང༌། །མཚན་མོའི་དུས་ཀྱང་ཞུ་བའི་མཚམས་མ༌བཞག།  
\v 3 འོན་ཀྱང་ཁྱེད་ནི་དམ་པ་ཉིད་ལགས༌ཤིང༌། །ཡེས་ར་ཨེལ་གྱི་བསྟོད་པའི་ཁྲི་ལ༌བཞུགས།།  
\v 4 ངེད་ཅག་མེས་པོས་ཁྱེད་ལ་བློ་གཏད༌བཅོལ། །ཁོ་རྣམས་ཁྱེད་ལ་བརྟེན་ནས་ཁྱེད་ཀྱིས༌བསྐྱབས།།  
\v 5 ཁྱེད་ལ་འོ་དོད་བོས་ཤིང་ཐར་བར༌གྱུར། །ཁྱེད་ལ་བློ་གཏད་བཅོལ་བས་ཕངས་མ༌གྱུར།།  
\v 6 ང་ནི་འབུ་ཙམ་ཡིན་ཞིང་མི་མ༌ཡིན། །མི་ཡིས་སྨད་ནས་མཐོང་ཆུང་བྱས་པ༌འོ།།  
\v 7 ང་རང་མཐོང་མཁན་ཀུན་གྱིས་འཕྱ་སྨོད༌བྱེད། །མཆུ་སྒྲོས་བསེགས་ནས་མགོ་བོ་གཡུག་བཞིན༌དུ།།  
\v 8 ཁོས་ནི་རང་ཉིད་ཡ་ཝཱེར་བཅོལ་བས༌ན། །ཡ་ཝཱེ་ལ་ནི་ཁོ་རང་སྐྱོབ་ཏུ༌ཆུག །ཡ་ཝཱེས་ཁོ་རང་གཅེས་སུ་འཛིན་པས༌ན། །ཁོང་ལ་དེ་ནི་སྒྲོལ་དུ་ཆུག་ཅེས༌སྨྲ།།  
\v 9 འོན་ཀྱང་ཁྱེད་ཀྱིས་ང་རང་མངལ་ལས༌ཕྱུང༌། །འོ་འཐུང་དུས་ནས་ཁྱེད་ལ་བརྟེན་པ༌བསླབས།།  
\v 10 སྐྱེས་པའི་ཚུན་ནས་ང་རང་ཁྱེད་ལ༌བཅོལ། །མངལ་ནས་ཁྱེད་ནི་ང་ཡི་དཀོན་མཆོག༌ཡིན།།  
\v 11 ཆག་སྒོ་ཉེ་ཞིང་སྡོངས་གྲོགས་མེད་པས༌ན། །ཁྱེད་རང་ང་དང་རིང་དུ་མི་གྱེས༌རོགས།།  
\v 12 གླང་གོག་མང་པོས་ང་རང་བསྐོར་བ༌དང༌། །པཱ་ཤན་གླང་གོག་སྟོབས་ཆེན་མཐའ་ནས༌རུབས།།  
\v 13 སྡེར་བགྲད་ང་རོ་སྒྲོག་པའི་སེང་གེ༌བཞིན། །དེ་ཚོས་ང་ཡི་ཕྱོགས་སུ་ཁ་ཆེར༌གདང༌།།  
\v 14 ང་ནི་ཆུ་བཞིན་ཕྱི་རུ་ཕོས་པ༌དང༌། །ལུས་ཀྱི་རུས་ཚིགས་ཐམས་ཅད་ཐོར་ནས༌ནི། །ངའི་སེམས་སྤྲ་ཚིལ་བཞིན་དུ་ཁོག་ནས༌བཞུས།།  
\v 15 ང་ཡི་སྟོབས་ཤུགས་རྫ་ཆག་ལྟར་དུ༌བསྐམས། །བདག་གི་ལྕེ་ནི་རྐན་གྱི་ངོས་ལ༌འབྱར། །ཁྱེད་ཀྱིས་ང་རང་འཆི་བའི་ཐལ་ནང༌བཞག།  
\v 16 ཁྱི་སྤྱང་ངན་པས་ང་རང་མཐའ་ནས༌བསྐོར། །མི་ངན་ཚོགས་ཀྱིས་ང་ཡི་ཕྱོགས་བཞིར༌རུབས། །བདག་གི་རྐང་ལག་བཞི་པོར་བུ་ག༌བརྟོལ།།  
\v 17 བདག་གིས་རུས་པ་ཀུན་གྱི་གྲངས་བརྩི༌ནུས། །ཁོ་ཚོའི་མིག་གིས་བདག་ལ་ཅེར་རེ༌བལྟས།།  
\v 18 ང་ཡི་ཕྱི་གོས་དེ་ཚོས་བགོ་བཤའ༌བརྒྱབ། །ང་ཡི་གྱོན་གོས་ཕྱིར་དུ་རྒྱན་འཕངས༌སོ།།  
\v 19 ཡ་ཝཱེ་ཁྱེད་ཉིད་རྒྱང་རིང་མི་བཞུགས༌རོགས། །ཁྱེད་ངའི་སྟོབས་ཡིན་མྱུར་དུ་རོགས་རམ༌མཛོད།།  
\v 20 ཁྱེད་ཀྱིས་ངའི་སྲོག་གཅིག་པུ་རལ་གྲི༌དང༌། །ཁྱི་སྤྱང་ངན་པའི་དབང་ལས་སྐྱོབ་པར༌མཛོད།།  
\v 21 ང་རང་སེང་གེའི་ཁ་ལས་ཐར་བར༌མཛོད། །ཞལ་བཞེས་བཞིན་དུ་གླང་རྒོད་རྭ་ལས༌སྐྱོབ།།  
\v 22 ང་ཡིས་རང་གི་སྤུན་ཟླར་ཁྱེད་མཚན༌བརྗོད། །ཚོགས་ཀྱི་ནང་དུ་ཁྱེད་ལ་བསྟོད་པ༌འབུལ།།  
\v 23 ཀྱེ་ཀྱེ་ཡ་ཝཱེར་གུས་ཤིང་འཇིགས་པ༌རྣམས། །ཁྱོད་ཅག་ཀུན་པོས་ཁོང་ལ་བསྟོད་པར༌གྱིས། །ཡ་ཀོབ་བུ་རྒྱུད་ཀུན་གྱིས་ཁོང་ལ༌བཀུར། །ཡེས་ར་ཨེལ་གྱི་རྒྱུད་རྣམས་གུས་འདུད༌ཞུས།།  
\v 24 རྒྱུ་མཚན་སྡུག་གིས་མནར་བའི་མི་རྣམས༌ལ། །ཁོང་གིས་མ་སྨད་ཞེ་ཡང་ལོག་པ༌མིན། །ཁོང་གིས་དེ་ལ་ཞལ་ངོ་བཀབ་པ༌མེད། །འོ་དོད་འབོད་དུས་ཁོང་གིས་གསན་པ༌ཡིན།།  
\v 25 མི་ཚོགས་ཆེན་པོའི་དཀྱིལ་དུ་ངས་ཁྱེད༌ལ། །ཕུལ་བའི་བསྟོད་ཚིག་ཁྱེད་ནས་འབྱུང་བ༌ཡིན། །ཡ་ཝཱེར་གུས་ཤིང་འཇིགས་པ་རྣམས་ཀྱི༌མདུན། །ང་ཡིས་རང་གི་དམ་བཅའ་བསྒྲུབ་པར༌བྱ།།  
\v 26 སྙེམས་ཆུང་རྣམས་ཀྱིས་བཟའ་ཞིང་ཚིམ་པར༌འགྱུར། །ཡ་ཝཱེ་འཚོལ་མཁན་རྣམས་ཀྱིས་ཁོང་ལ༌བསྟོད། །ཁྱོད་ཚོའི་སེམས་ནི་གཏན་དུ་འཚོ་བར༌ཤོག།  
\v 27 སའི་མཐའ་ཀུན་གྱིས་ཡ་ཝཱེ་དྲན་ནས༌ནི། །ཐམས་ཅད་ཁོང་གི་དྲུང་དུ་ལོག་པར༌འགྱུར། །མི་རིགས་ཀུན་གྱི་རིགས་རུས་མཐའ་དག༌གིས། །ཁྱེད་ཀྱི་དྲུང་དུ་གུས་པས་ཕྱག་འཚལ༌བགྱི།།  
\v 28 གང་ལ་ཞེ་ན་རྒྱལ་སྲིད་ཡ་ཝཱེའི༌ཡིན། །མི་རིགས་རྣམས་ཀྱི་མངའ་བདག་ཁོང་ཉིད༌དོ།།  
\v 29 ས་གཞིའི་སྟེང་གི་འབྱོར་ལྡན་ཐམས་ཅད༌ཀྱིས། །བཟའ་བཏུང་སྤྱོད་ཅིང་བསྙེན་བཀུར་བྱེད་པར༌འགྱུར། །གསོན་པར་མ་ནུས་ས་རུ་ཐིམ་པ༌རྣམས། །ཁོང་གི་དྲུང་དུ་པུས་མོ་ས་རུ༌འཛུགས།།  
\v 30 ཁོང་ལ་ཞབས་ཏོག་སྒྲུབ་པའི་བུ་རྒྱུད༌འབྱུང༌། །གཙོ་བོའི་འཕྲིན་ལས་མི་རབས་རྗེས་མར༌སྒྲོག།  
\v 31 ཁོ་ཚོས་སྐྱེ་བར་འགྱུར་བའི་མི་རྣམས༌ལ། །ཁོང་གི་དྲང་བདེན་བསྒྲག་ཅིང་འཕྲིན་ལས༌འདི། །ཁོང་གི་མཛད་པ་ཡིན་པར་གསལ་པོར་སྟོན།།   
\c 23
\cl གསུང་མགུར་ཉེར་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཡ་ཝཱེ་ང་ཡི་རྫི་བོ་ཡིན།  
\p
\v 1 ༼དཱ་བིད་ཀྱི་མགུར༌མ།༽ ཡ་ཝཱེ་ང་ཡི་རྫི་བོ་ཡིན་པ༌དང༌། །བདག་ལ་མི་འདང་བ་ནི་ཅི་ཡང༌མེད།།  
\v 2 ཁོང་གིས་ནེའུ་གསིང་སྤང་ཁར་བདག་བསྙལ༌ཞིང༌། །ཆུ་ཕྲན་ལྷིང་འཇགས་འགྲམ་དུ་བདག་ཁྲིད༌དོ།།  
\v 3 བདག་གི་སེམས་ནི་སླར་ཡང་སོས་སུ༌མཛད། །ཁོང་གི་མཚན་སྙན་ལ་ནི་བསྔགས་པའི༌ཕྱིར། །བདག་ནི་དྲང་ཕྱོགས་ལམ་དུ་ལེགས་པར༌ཁྲིད།།  
\v 4 ཁྱེད་ནི་བདག་དང་ལྷན་དུ་བཞུགས་པའི༌ཕྱིར། །འཆི་བའི་ \f + \ft འདིར་འཆི་བ་ཞེས་པར་མ་ཕྱི་ལས་འཆི་བའི་སྨག་རུམ་ཞེས་མཐོང༌སྟེ། དོན་ལ་འཆི་བ་ནི་སྨག་རུམ་སྟུག་པོ་དང་འདྲ་བའི་དོན་ལ༌འཇུག \f*གཅོང་རོང་བརྒྱུད་ནས་སོང་ན༌ཡང༌། །ང་རང་ངན་པར་འཇིགས་སྣང་ཡོད་མ༌ཡིན། །ཁྱེད་ཀྱི་འཁར་བ་དང་ནི་དབྱུག་པས༌ཀྱང༌། །བདག་གི་ཡིད་སེམས་ལ་ནི་གསོ་བར༌མཛད།།  
\v 5 ཁྱེད་ཀྱིས་ཕ་རོལ་དགྲ་བོའི་མིག་མདུན༌ནས། །བདག་གི་ཆེད་དུ་གསོལ་ལྕོག་རྒྱས་པར༌བཤམས། །བདག་གི་མགོ་བོར་སྣུམ་གྱིས་ཡོངས་སུ༌བྱུགས། །བདག་གི་འཐུང་བའི་ཕོར་པ་ལྟེམས་པར༌མཛད།།  
\v 6 བདག་གི་ཚེ་གཅིག་ལུས་གཅིག་དུས་ཀུན༌ཏུ། །ཁྱེད་ཀྱི་བྱམས་དང་སྙིང་རྗེ་བདག་ལ༌འགྲོགས། །བདག་ནི་ཡ་ཝཱེའི་བཞུགས་གནས་ནང་དུ༌ནི། །ཇི་སྲིད་བར་དུ་སྡོད་པར་འགྱུར་བ༌འོ།།   
\c 24
\cl གསུང་མགུར་ཉེར་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་པོ་རླབས་བོ་ཆེ།  
\p
\v 1 ༼དཱ་བིད་ཀྱི་མགུར༌མ།༽ ས་གཞི་དང་ནི་སྣོད་བཅུད་མ་ལུས༌པ། །འཇིག་རྟེན་དང་ནི་དེར་གནས་ཡ་ཝཱེའི༌ཡིན།།  
\v 2 ས་ཡི་རྨང་གཞི་རྒྱ་མཚོའི་སྟེང་དུ༌བཏིངས། །ཆུ་ཆེན་སྟེང་དུ་བརྟན་པོར་མཛད་པས༌སོ།།  
\v 3 སུ་ཞིག་ཡ་ཝཱེའི་རི་བོར་འཛེག་ནུས༌སམ། །སུ་ཞིག་ཁོང་གི་དམ་པའི་གནས་སུ༌ཚུགས།།  
\v 4 ལག་པ་གཙང་ཞིང་བསམ་པ་རྣམ་དག༌ཅན། །སྙིང་པོ་མེད་པའི་ཕྱོགས་སུ་མི་འཁོར༌བ། །གཡོ་སྒྱུའི་མནའ་ཡང་མི་བསྐྱལ་བ་རྣམས༌སོ།།  
\v 5 དེ་ཡིས་ཡ་ཝཱེ་ཁོང་ནས་བྱིན་རླབས༌དང༌། །སྐྱབས་མཛད་དཀོན་མཆོག་ཉིད་ནས་དྲང་བདེན༌རྙེད།།  
\v 6 འདི་ནི་ཡ་ཝཱེ་འཚོལ་བའི་རིགས་རྒྱུད༌དང༌། །ཁྱེད་ཀྱི་ཞལ་ངོ་འཚོལ་མཁན་ཡ་ཀོབ༌ཡིན།།༼ སེ༌ལཱ། ༽  
\v 7 མཁར་སྒོ་དག་གིས་སྒོ་མོ་ཡར་ཕྱེ་དང་། །གནའ་བོའི་སྒོ་རྣམས་ཡར་ལ་འདེགས་པར༌གྱིས། །དེ་ནས་དཔལ་ལྡན་རྒྱལ་པོ་འབྱོན་པར༌འགྱུར།།  
\v 8 དཔལ་ལྡན་རྒྱལ་པོ་དེ་ཉིད་སུ་ལགས༌སམ། །སྟོབས་དང་ནུས་མཐུ་ལྡན་པའི་ཡ་ཝཱེ༌ཡིན། །གཡུལ་སར་མཐུ་སྟོབས་མངའ་བའི་ཡ་ཝཱེ༌ཡིན།།  
\v 9 མཁར་སྒོ་དག་གིས་སྒོ་མོ་ཡར་ཕྱེ་དང་། །གནའ་བོའི་སྒོ་རྣམས་ཡར་ལ་འདེགས་པར༌གྱིས། །དེ་ནས་དཔལ་ལྡན་རྒྱལ་པོ་འབྱོན་པར༌འགྱུར།།  
\v 10 དཔལ་ལྡན་རྒྱལ་པོ་དེ་ཉིད་སུ་ལགས༌སམ། །དཔུང་ཚོགས་ཡ་ཝཱེ་དཔལ་ལྡན་རྒྱལ་པོ༌ལགས།།   
\c 25
\cl གསུང་མགུར་ཉེར་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་ལམ་སྟོན་དང་སྲུང་སྐྱོབ་འཚོལ་བ།  
\p
\v 1 ༼དཱ་བིད་ཀྱི་མགུར༌མ།༽ ང་ཡི་རེ་སྨོན་ཡ་ཝཱེ་ཁྱེད་ལ༌བཅངས།།  
\v 2 ང་ཡི་དཀོན་མཆོག་ང་རང་ཁྱེད་ལ༌བརྟེན། །ཁྱེད་ཀྱིས་ང་རང་སྐྱེངས་སུ་མི་འཇུག༌ཅིང༌། །དགྲ་རྣམས་ང་ལས་རྒྱལ་དུ་མི་འཇུག༌མཁྱེན།།  
\v 3 ཁྱེད་ལ་སྒུག་མཁན་ནམ་ཡང་སྐྱེངས་མི༌འགྱུར། །དོན་མེད་གཡོ་སྒྱུ་བྱེད་མཁན་ངོ་ཚར༌སྦྱོར།།  
\v 4 ཡ་ཝཱེ་ཁྱེད་ཀྱི་ཕེབས་ལམ་ང་ལ༌སྟོན། །ཁྱེད་ཀྱི་ལམ་བུ་ང་ལ་སྟོན་པར༌མཛོད།།  
\v 5 ཁྱེད་ནི་ང་ཡི་སྲོག་སྐྱོབ་དཀོན་མཆོག༌ཡིན། །བདག་གིས་ཉིན་གང་ཁྱེད་ལ་སྒུག་པ༌ཡིན། །བདེན་པ་ཉིད་ནང་འཁྲིད་ཅིང་སྟོན་པར༌མཛོད།།  
\v 6 ཀྱེ་ཀྱེ་ཡ་ཝཱེ་གདོད་ནས་ཡོད་པ༌ཡི། །བྱམས་དང་སྙིང་རྗེ་ཐུགས་སུ་དྲན་དུ༌གསོལ།།  
\v 7 ང་རང་གཞོན་ནུའི་དུས་ཀྱི་སྡིག་པ༌དང༌། །ཉེས་སྐྱོན་རྣམས་ནི་དྲན་པར་མི་མཛད༌ཅིང༌། །ཡ་ཝཱེ་ཁྱེད་ཀྱི་བཀའ་དྲིན་དབང་གིས༌ནི། །བྱམས་བརྩེ་བཞིན་དུ་ང་རང་ཐུགས་སུ༌ཟུངས།།  
\v 8 ཡ་ཝཱེ་ལེགས་ཤིང་དྲང་པོ་ཡིན་པས༌ན། །སྡིག་ཅན་རྣམས་ལ་ལམ་སྟོན་མཛད་པ༌འོ།།  
\v 9 ཁེངས་སྐྱུང་ཅན་རྣམས་དྲང་གཞག་ནང་དུ༌འཁྲིད། །ཉིད་ཀྱི་གཤེགས་ལམ་དེ་ཚོར་སྟོན་བྱེད༌དོ།།  
\v 10 ཡ་ཝཱེའི་ཞལ་ཆད་སྒྲིག་ཁྲིམས་སྲུང་མཁན༌ལ། །ཁོང་ནི་བྱམས་ཤིང་ཡིད་རྟོན་རུང་བ༌ཡིན།།  
\v 11 བདག་གི་སྡིག་ཉེས་ཤིན་ཏུ་ཚབས་ཆེ༌བས། །ཀྱེ་ཀྱེ་ཡ་ཝཱེ་ཁྱེད་ཀྱི་མཚན་གྱི༌ཕྱིར། །ང་ཡི་སྡིག་ཉེས་ཁྱེད་ཀྱིས་སེལ་བར༌མཛོད།།  
\v 12 ཡ་ཝཱེར་གུས་ཤིང་འཇིགས་པ་སུ་ཡོད༌དམ། །ཁོང་གིས་དེ་ལ་འདེམས་འོས་ལམ་ཕྱོགས་སྟོན།།  
\v 13 དེས་ནི་དགའ་བདེའི་དཔལ་ལ་རོལ་བ༌དང༌། །བུ་རྒྱུད་རྣམས་ལ་ས་གཞི་འཐོབ་པར༌འགྱུར།།  
\v 14 ཡ་ཝཱེས་ཉིད་ཀྱི་ཐུགས་དགོངས་ཅི་ཡིན༌པ། །ཁོང་ལ་གུས་ཤིང་འཇིགས་པའི་མི་ལ༌མངོན། །ཁོང་གི་ཞལ་ཆད་ཀྱང་ནི་སྟོན་པར༌འགྱུར།།  
\v 15 ཡ་ཝཱེས་བདག་གི་རྐང་པ་རྙི་ལས༌དགྲོལ། །ང་ཡི་མིག་གིས་དུས་རྒྱུན་ཁོང་ལ༌བལྟ།།  
\v 16 ང་རང་གྲོགས་མེད་ཉམ་ཐག་ཡིན་པས༌ན། །ངའི་ཕྱོགས་འཁོར་ནས་དྲིན་གྱིས་སྐྱོང་བར༌མཛོད།།  
\v 17 ང་ཡི་སེམས་ཀྱི་སྐྱོ་གདུང་རབ་ཏུ༌འཕེལ། །ཁྱེད་ཀྱིས་སྡུག་བསྔལ་ལས་ང་སྐྱབས་སུ༌གསོལ།།  
\v 18 ང་ཡི་སྐྱོ་གདུང་དཀའ་ངལ་ལ་གཟིགས༌ཤིང༌། །བདག་གི་སྡིག་པ་ཐམས་ཅད་སེལ་བར༌མཛོད།།  
\v 19 བདག་གི་དགྲ་བོ་ཤིན་ཏུ་མང་བ༌དང༌། །ང་ལ་ཚད་མེད་སྡང་བས་གཟིགས་སུ༌གསོལ།།  
\v 20 ངའི་སྲོག་བསྲུངས་ནས་ང་རང་སྐྱོབ་པར༌མཛོད། །ཁྱེད་ལ་སྐྱབས་སུ་འགྲོ་བས་སྐྱེངས་མ༌འཇུག།  
\v 21 བདག་གི་རེ་བ་ཁྱེད་ལ་བཅོལ་བས༌ན། །རྣམ་དག་དྲང་པོས་ང་རང་སྐྱོབ་གྱུར༌ཅིག།  
\v 22 ཀྱེ་ཀྱེ་དཀོན་མཆོག་ཁྱེད་ཀྱིས་ཡེས་ར༌ཨེལ། །དེ་ཚོའི་དཀའ་སྡུག་ཀུན་ནས་ཐར་བར༌མཛོད།།   
\c 26
\cl གསུང་མགུར་ཉེར་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དྲང་བདེན་མི་ཡི་གསོལ་འདེབས།  
\p
\v 1 ༼དཱ་བིད་ཀྱི་མགུར༌མ།༽ བདག་གིས་སྔར་ནས་སྤྱོད་པ་དྲང་པོར༌སྤྱད། །གཡོ་བ་མེད་པར་ཁྱེད་ལ་བློ་གཏད༌པས། །ཀྱེ་ཀྱེ་ཡ་ཝཱེ་ང་ལ་དཀར་འདོན༌མཛོད།།  
\v 2 བདག་ལ་ཚོད་ལྟ་དང་ནི་བརྟག་པར༌མཛོད། །སེམས་ \f + \ft འདིར་སེམས་ཞེས་པར་མ་ཕྱི་ལས་མཁལ་མ་ཞེས༌མཐོང༌།\f*དང་སྙིང་ཁོང་རུས་པའི་གཏིང་ལ༌དཔྱོད།།  
\v 3 ཁྱེད་ཀྱི་བྱམས་བརྩེ་ནམ་རྒྱུན་མིག་མདུན༌དུ། །ཁྱེད་ཀྱི་བདེན་པའི་ལམ་ནང་འགྲུལ་བར༌བྱ།།  
\v 4 གཡོ་སྒྱུ་ཅན་གྱི་གྲལ་དུ་ང་མི༌འདུག །ཚུལ་འཆོས་ཅན་དང་འགྲོ་འོང་ངས་མི༌བྱེད།།  
\v 5 ངན་པའི་ཚོགས་ལ་ང་རང་སྡང་བ༌དང༌། །ངན་སྤྱོད་མཉམ་དུ་ང་རང་སྡོད་པ༌མིན།།  
\v 6 ཡ་ཝཱེ་བདག་གིས་ཉེས་མེད་མཚོན་ཕྱིར༌དུ། །ལག་ཟུང་བཀྲུས་ \f + \ft ལག་ཟུང་བཀྲུ་བ་ཞེས་པ་ནི་ཡ་ཧུ་དཱའི་མི་རིགས་ཀྱི་གོམས་སྲོལ་ཞིག་ཡིན་པ༌སྟེ། བློ་སེམས་དཀར་བ་དང་ཉེས་པ་མེད་པའི་མཚོན་རྟགས་ཡིན། \f*ནས་ཁྱེད་ཀྱི་མཆོད་ཁྲིར༌སྐོར།།  
\v 7 གཏང་རག་འབུལ་བའི་འབོད་སྒྲ་བསྒྲག་པ༌དང༌། །ངོ་མཚར་མཛད་པ་ཐམས་ཅད་བརྗོད་ཕྱིར༌རོ།།  
\v 8 ཡ་ཝཱེ་ཁྱེད་ཉིད་བཞུགས་སའི་གནས༌མཆོག་དང༌། །ཁྱེད་ཀྱི་གཟི་བརྗིད་གདན་སར་ང༌རང་དགའ།།  
\v 9 སྡིག་ཅན་ཁོངས་སུ་བདག་སེམས་མི་འཁྱེར༌ཞིང་། །ལག་དམར་ཁོངས་སུ་བདག་སྲོག་མི་ལེན༌རོགས།།  
\v 10 དེ་རྣམས་ལག་ཏུ་གཡོ་འཕྲུལ་ཡོད་པ༌དང༌། །གཡས་ལག་རྣམས་སུ་ལྐོག་རྔན་གྱིས་གང༌ངོ༌།།  
\v 11 འོན་ཀྱང་ང་རང་དྲང་པོར་འགྲུལ་བར༌བྱ། །ང་རང་བསྐྱབས་ནས་དྲིན་གྱིས་སྐྱོང་བར༌མཛོད།།  
\v 12 བདག་གི་རྐང་པ་བདེ་སྙོམས་ས་རུ༌ཚུགས། །ང་ཡིས་ཚོགས་ནང་ཡ་ཝཱེར་བསྟོད་པར༌བྱ།།   
\c 27
\cl གསུང་མགུར་ཉེར་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བསྟོད་བསྔགས་བརྗོད་པའི་གསོལ་འདེབས།  
\p
\v 1 ༼དཱ་བིད་ཀྱི་མགུར༌མ།༽ ཡ་ཝཱེ་བདག་གི་འོད་དང་ཐར་པ༌ཡིན། །དེའི་ཕྱིར་ང་རང་སུ་ལ་འཇིགས་དགོས༌སམ། །ཡ་ཝཱེ་ང་ཡི་སྲོག་གི་སྟོབས་ཡིན༌པས། །ང་ནི་སུ་དང་གང་ལའང་སྐྲག་དོན༌མེད།།  
\v 2 ང་ལ་སྡང་བའི་ངན་སྤྱོད་དགྲ་རྣམས༌ནི། །ངའི་ཤ་བཟའ་བར་རུབས་དུས་ཐོགས་ཏེ༌འགྱེལ།།  
\v 3 དཔུང་གིས་ང་ལ་འཐབ་ཏུ་སྒར་བཏབ༌ཀྱང༌། །ང་ཡི་སེམས་ལ་འཇིགས་སྣང་གང་ཡང༌མེད། །ངའི་སྟེང་དམག་དཔུང་དྲངས་ཀྱང་བརྟན་པོར༌ཚུགས།།  
\v 4 བདག་གིས་ཡ་ཝཱེར་དོན་ཞིག་ཞུས་མྱོང༌ལ། །ད་ལྟ་ད་དུང་ང་ཡིས་འཚོལ་བ༌སྟེ། །ཚེ་གང་ཡ་ཝཱེའི་བཞུགས་གནས་སུ་བསྡད༌ནས། །ཁོང་གི་བཟང་པོ་མཇལ་བར་ཡར་བལྟ༌ཞིང༌། །ཁོང་གི་མཆོད་ཁང་ནང་དུ་བཀའ་འདྲི༌ཞུ།།  
\v 5 དེ་ནས་སྡུག་བསྔལ་འབྱུང་བའི་ཉིན་མོ༌ལ། །གུར་ཁང་ནང་དུ་སྦས་ནས་བསྲུང་བར༌འགྱུར། །གུར་མཆོག་ཕག་ཏུ་ང་རང་སྦ་བར༌མཛད། །བྲག་རྡོའི་སྟེང་དུ་ང་རང་འདེགས་པར༌བྱ།།  
\v 6 ད་ལྟ་བདག་གི་མགོ་བོ་ཡར་བཀྱགས༌ནས། །ང་རང་བསྐོར་བའི་དགྲ་ལས་མཐོ་བར༌མཛད། །ཁོང་གི་གུར་མཆོག་ནང་དུ་དགའ་སྤྲོས༌མཆོད། །མགུར་གླུ་ལེན་བཞིན་ཡ་ཝཱེར་བསྟོད་པ༌འབུལ།།  
\v 7 ཀྱེ་ཀྱེ་ཡ་ཝཱེ་བདག་གིས་འབོད་དུས༌སུ། །ཁྱེད་ཀྱིས་ང་ཡི་སྐད་ལ་གསན་པར༌མཛོད། །ང་ལ་སྙིང་རྗེ་མཛད་ཅིང་བཀའ་ལན༌གནོངས།།  
\v 8 ངའི་གདོང་ཚོལ་ཞིག་གསུངས་དུས་བདག་སེམས༌ཀྱིས། །ཡ་ཝཱེའི་ཞལ་ངོ་ང་ཡིས་འཚོལ་ཞེས༌ཞུ།།  
\v 9 ཁྱེད་ཀྱི་ཞལ་རས་བདག་ལ་མི་སྦ༌ཞིང༌། །ཐུགས་ཁྲོ་དང་བཅས་ཞབས་ཕྱི་མི་སྐྲོད་རོགས། །ཁྱེད་ཉིད་གདོད་ནས་ང་ཡི་སྡོངས་གྲོགས༌ཡིན། །བདག་གི་སྲོག་སྐྱོབ་ལགས་པའི་དཀོན་མཆོག༌ཀྱེ། །ང་རང་མ་སྤོང་བསྐྱུར་བར་མི་མཛད༌རོགས།།  
\v 10 བདག་གི་ཕ་མས་ང་རང་བསྐྱུར་ན༌ཡང༌། །ཡ་ཝཱེས་ང་ལ་སྣེ་ལེན་མཛད་པར༌འགྱུར།།  
\v 11 ཡ་ཝཱེ་ཁྱེད་ཀྱི་གཤེགས་ལམ་ང་ལ༌སྟོན། །དགྲ་ཡི་རྐྱེན་གྱིས་བདེ་སྙོམས་ལམ་དུ༌འཁྲིད།།  
\v 12 རྫུན་གྱི་དཔང་པོ་ལངས་ནས་ང་རྒོལ༌ཞིང༌། །ཁ་རུ་གདུག་རྩུབ་གཏམ་ངན་སྨྲ་བས༌ན། །ང་ནི་དགྲ་བོས་ཅི་མོས་བྱེད་མ༌འཇུག།  
\v 13 ཡ་ཝཱེའི་བཀའ་དྲིན་གསོན་ཡུལ་དུ་མཇལ༌བར། །ང་ལ་ཡིད་ཆེས་བརྟན་པོ་ཡོད་པ༌ཡིན།།  
\v 14 ཡ་ཝཱེར་སྒུགས་དང་ངར་ཤུགས་ཆེན་པོའི༌ངང༌། །སྙིང་རུས་བསྐྱེད་ནས་ཡ་ཝཱེར་སྒུག་པར༌གྱིས།།   
\c 28
\cl གསུང་མགུར་ཉེར་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་རོགས་རམ་འཚོལ་བ།  
\p
\v 1 ༼དཱ་བིད་ཀྱི་མགུར༌མ།༽ ཀྱེ་ཀྱེ་ཡ་ཝཱེ་ཁྱེད་ལ་འོ་དོད༌འབོད། །ང་ཡི་བྲག་རྡོ་ང་ལ་གསན་པར༌མཛོད། །གལ་ཏེ་ཁྱེད་ཉིད་ཞལ་རོག་བཞུགས་གྱུར༌ན། །ང་ནི་དུར་དུ་སྦས་པའི་མི་དང༌མཚུངས།།  
\v 2 བདག་གིས་ཁྱེད་ལ་འོ་དོད་འབོད་པ༌དང༌། །དམ་མཆོག་གནས་ཕྱོགས་ལག་པ་འདེགས་དུས༌སུ། །ཞུ་བ་འབུལ་བའི་སྐད་ལ་གསན་པར༌ཞུ།།  
\v 3 མི་ངན་སྡིག་སྤྱོད་མཉམ་དུ་ང་མ༌འདྲུད། །ཁྱིམ་མཚེས་རྣམས་ལ་དེ་ཚོས་ཚིག་འཇམ༌སྨྲ། །འོན་ཀྱང་སེམས་སུ་བསམ་ངན་བཅངས་ནས༌ཡོད།།  
\v 4 དེ་ཚོའི་ལས་དང་སྤྱད་པའི་དོན་ངན༌དང༌། །ལག་པས་ཅི་བྱས་བཞིན་དུ་ལན་གནང༌རོགས། །འོས་ཤིང་འཚམ་པའི་ལས་འབྲས་དེ་ཚོར༌གནོངས།།  
\v 5 དེ་ཚོས་ཡ་ཝཱེ་ཁོང་གི་མཛད་འཕྲིན༌དང༌། །ཕྱག་ལས་རྣམས་ལ་དོ་སྣང་མི་བྱེད༌པས། །ཁོང་གིས་དེ་རྣམས་བརླག་ཅིང་བསླང་མི༌བྱ།།  
\v 6 ཡ་ཝཱེ་ཁོང་ཉིད་བསྟོད་པར་འོས་པ༌སྟེ། །ཁོང་གིས་ང་ཡི་ཞུ་བར་གསན་པས༌སོ།།  
\v 7 ཡ་ཝཱེ་བདག་གི་སྟོབས་དང་ཕུབ་ཡིན༌ཏེ། །ངའི་སེམས་ཁོང་ལ་བརྟེན་ནས་སྐྱབས་མཛད༌པས། །ང་ཡི་ཡིད་སེམས་དགའ་བ་འབུམ་གྱིས༌མཉེས། །མགུར་མ་དང་བཅས་ཁོང་ལ་བསྟོད་བསྔགས༌འབུལ།།  
\v 8 ཡ་ཝཱེ་འབངས་མི་རྣམས་ཀྱི་སྟོབས་ཡིན༌ཞིང༌། །ཉིད་ཀྱིས་བྱུགས་པར་མཛད་པའི་ཐར་པའི༌རྫོང༌།།  
\v 9 ཁྱེད་ཀྱིས་ཉིད་ཀྱི་འབངས་མི་སྐྱོབ་པ༌དང༌། །ཁྱེད་ཀྱི་ནོར་སྐལ་ལ་ནི་བྱིན་གྱིས༌རློབས། །དེ་རྣམས་རྟག་ཏུ་སྐྱོང་ཞིང་འཁུར་དུ༌གསོལ།།   
\c 29
\cl གསུང་མགུར་ཉེར་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཆར་རླུང་དྲག་པོ་ཁྲོད་ཀྱི་དཀོན་མཆོག་ཡ་ཝཱེའི་གསུང་སྐད།  
\p
\v 1 ༼དཱ་བིད་ཀྱི་མགུར༌མ།༽ ཀྱེ་ཀྱེ་ལྷ་ཡི་སྲས་རྣམས་ཡ་ཝཱེ༌ཡི། །གཟི་བརྗིད་ནུས་མཐུ་ལ་ནི་བསྔགས་པར༌གྱིས།།  
\v 2 ཡ་ཝཱེའི་མཚན་ལ་འབྱོར་བའི་བསྟོད་པ༌ཕུལ། །གཟབ་གོས་དམ་པ་གྱོན་ནས་ཡ་ཝཱེར༌ཐུད།།  
\v 3 ཡ་ཝཱེའི་གསུང་སྐད་ཆུ་རྣམས་སྟེང་དུ༌མཆིས། །དཔལ་ལྡན་དཀོན་མཆོག་གསུང་སྐད་འབྲུག་སྒྲར༌མཚུངས། །ཡ་ཝཱེས་ཆུ་ཆེན་རྣམས་སྟེང་འབྲུག་སྒྲ༌ལྡིར།།  
\v 4 ཡ་ཝཱེའི་གསུང་སྐད་མཐུ་སྟོབས་ལྡན་པ༌འོ། །ཡ་ཝཱེའི་གསུང་སྐད་ཟིལ་ཤུགས་ཀྱིས་ཁྱབ༌བོ།།  
\v 5 ཡ་ཝཱེའི་གསུང་སྐད་ཀྱིས་ནི་ཐང་ཤིང༌བཅག །ཡ་ཝཱེས་ལེ་པཱ་ནོན་གྱི་ཐང་ཤིང༌བཅག།  
\v 6 ཁོང་གིས་ལེ་པཱ་ནོན་ནི་བ་ཕྲུག་དང༌། །སིར་ཡོན་ \f + \ft སིར་ཡོན་ནི་ཡེས་ར་ཨེལ་ཡུལ་གྱི་ཆེས་མཐོ་བའི་རི་བོ་ཞིག༌ཡིན། མིང་གཞན་དུ་ཧེར་མོན་ཞེས་ཀྱང༌བྱ། \f*གླང་རྒོད་ཕྲུག་ལྟར་མཆོང་བར༌མཛད།།  
\v 7 ཡ་ཝཱེའི་གསུང་སྐད་གློག་དམར་བཞིན་དུ༌འཁྱུག།  
\v 8 ཡ་ཝཱེའི་གསུང་སྐད་ཀྱིས་ནི་དབེན་སྟོང༌སྒུལ། །ཡ་ཝཱེས་ཀཱ་དེའི་ཤཱ་ཡི་དབེན་སྟོང༌གཡོ།།  
\v 9 ཡ་ཝཱེའི་གསུང་སྐད་ཀྱིས་ནི་ཤྭ་མོ༌དཀྲོག །དེ་ལ་ཤ་ཕྲུག་བཙའ་བའི་ཟུག་གཟེར༌བསྐྱེད། །ནགས་ཀྱི་ལྗོན་ཤིང་གཅེར་བུར་བཤུ་མཛད༌ཅིང༌། །ཁོང་གི་མཆོད་ཁང་ནང་གི་མི་ཀུན༌གྱིས། །ཇི་འདྲའི་གཟི་བརྗིད་ཆེ་ཨང་ཞེས་བརྗོད༌དོ།།  
\v 10 ཆུ་ལོག་འབྱུང་དུས་ཡ་ཝཱེ་རྒྱལ་ཁྲིར༌བཞུགས། །ཁོང་ཉིད་རྒྱུན་ནས་རྒྱུན་དུ་རྒྱལ་ཁྲིར༌བཞུགས།།  
\v 11 ཡ་ཝཱེས་འབངས་མི་ལ་ནི་སྟོབས་ཤུགས༌བསྩལ། །ཞི་བདེའི་བྱིན་རླབས་དེ་རྣམས་ལ་གནང༌ངོ༌།།   
\c 30
\cl གསུང་མགུར་སུམ་ཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དྲིན་ཚོར་སྨོན་ལམ།  
\p
\v 1 ༼དཱ་བིད་ཀྱི་མགུར་མ༌ཞིག བཞུགས་གནས་བསྔོ་བའི་མགུར༌མ།༽ ཀྱེ་ཀྱེ་ཡ་ཝཱེ་ཁྱེད་ཀྱིས་ང་ཡར༌འཐེན། །དགྲ་བོར་བདག་ལ་ངོམ་བཟོ་སྟོན་མ༌མཛད། །དེ་བས་བདག་གིས་ཁྱེད་ལ་བསྟོད་བསྔགས༌བརྗོད།།  
\v 2 ཀྱེ་ཀྱེ་ང་ཡི་དཀོན་མཆོག༌ཡ་ཝཱེ་ལགས། །ཁྱེད་ལ་འོ་དོད་བོས་པས་དྲག་སྐྱེད་གནང༌།།  
\v 3 ཡ་ཝཱེས་ང་རང་གཤིན་པོའི་ཡུལ་ནས༌བསྐྱབས། །དུར་ནང་མི་ལྷུང་ཕྱིར་དུ་གསོན་པོར༌བཞག།  
\v 4 ཀྱེ་ཀྱེ་ཡ་ཝཱེའི་དད་གུས་ལྡན་པ༌རྣམས། །ཁྱོད་ཚོས་ཡ་ཝཱེར་བསྟོད་དབྱངས་འབུལ་བར༌གྱིས། །ཁོང་གི་དམ་པའི་མཚན་ལ་བསྟོད་བསྔགས་ཕུལ།།  
\v 5 ཁོང་ཉིད་ཐུགས་དགོངས་ཚོམ་ཡང་ཡུད་ཙམ༌ལགས། །གང་ཉིད་ཐུགས་རྗེ་མི་ཚེ་གང་པོར་གནས། །མཚན་མོར་མིག་ཆུ་བཞུར་དགོས་བྱུང༌ན་ཡང་། །ཞོགས་པར་དགའ་མགུ་ཡི་རང་འབྱུང་བར༌འགྱུར།།  
\v 6 ང་རང་བདེ་བར་གནས་པའི་དུས་སྐབས༌སུ། །བདག་ནི་ནམ་ཡང་གཡོ་བར་མི་འགྱུར༌སྨྲས།།  
\v 7 ཀྱེ་ཀྱེ་ཡ་ཝཱེ་ཁྱེད་ཀྱི་ཐུགས་རྗེ༌ཡིས། །ང་རང་རི་རབ་བཞིན་དུ་བརྟན་པོར༌མཛད། །ཁྱེད་ཀྱི་ཞལ་རས་སྦས་པས་ང་རང༌ཞེད།།  
\v 8 ཡ་ཝཱེ་ཁྱེད་ལ་བདག་གིས་འོ་དོད༌བོས། །བདག་གིས་ཁྱེད་ལ་ཞུ་བ་ཡང་ནི༌ཕུལ།།  
\v 9 ང་རང་ཤི་ནས་དུར་སྦས་ཅི་ལ༌ཕན། །ཐལ་བས་ཁྱེད་ལ་བསྟོད་བསྔགས་བརྗོད་འོང༌ངམ། །ཁྱེད་ཉིད་ཡིད་རྟོན་རུང་བ་བསྒྲག་ནུས༌སམ།།  
\v 10 ཡ་ཝཱེ་བདག་ལ་གསན་ཞིང་སྙིང་རྗེ༌མཛོད། །ཁྱེད་ཀྱིས་ང་ལ་རོགས་རམ་མཛད་དུ༌གསོལ།།  
\v 11 ང་ཡི་མྱ་ངན་ཁྱེད་ཀྱིས་གར་དུ༌བསྒྱུར། །བདག་གི་རྩིད་རས་སྡུག་གོས་ཕུད་མཛད༌ཅིང༌། །ང་རང་དགའ་སྤྲོའི་གོས་ཀྱིས་གཡོགས་སོ༌ལོ།།  
\v 12 དེ་ནི་ང་ཡི་སེམས་ཀྱིས་མཚམས་མེད༌པར། །ཁྱེད་ལ་བསྟོད་དབྱངས་འབུལ་བའི་ཕྱིར་ཡིན༌ཞིང༌། །ཀྱེ་ཀྱེ་ང་ཡི་དཀོན་མཆོག༌ཡ་ཝཱེ་ལགས། །བདག་གིས་རྟག་ཏུ་ཁྱེད་ལ་གཏང་རག༌འབུལ།།   
\c 31
\cl གསུང་མགུར་སོ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ལ་བརྟེན་པའི་གསོལ་འདེབས།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཡ་ཝཱེ་བདག་གིས་ཁྱེད་ལ་སྐྱབས་སུ༌བཅོལ། །ང་རང་ནམ་ཡང་ངོ་ཚར་མི་སྦྱོར༌མཁྱེན། །ཁྱེད་ཀྱི་དྲང་བདེན་ངང་ནས་ང་སྐྱོབ༌རོགས།།  
\v 2 སྙན་གྱིས་གསན་ཏེ་མྱུར་དུ་ང་སྐྱོབས༌ཤིག །ཁྱེད་ཉིད་བདག་གི་བྲག་རི་བརྟན་པོ༌དང༌། །སྐྱོབ་པར་བྱེད་པའི་སྐྱབས་སུ་འགྱུར་བར༌ཤོག།  
\v 3 ཁྱེད་ནི་ང་ཡི་བྲག་དང་རྫོང་ཡིན༌པས། །ཁྱེད་མཚན་ཕྱིར་དུ་འཁྲིད་ཅིང་ལམ་སྣ༌དྲོངས།།  
\v 4 ཁྱེད་ཉིད་བདག་གི་སྐྱབས་གནས་ཡིན་པས་ན། །མི་ཡིས་བཙུགས་པའི་རྙི་ལས་ཐར་བར༌མཛོད།།  
\v 5 རང་གི་རྣམ་ཤེས་ཁྱེད་ཀྱི་ཕྱག་ཏུ༌བཅོལ། །བདེན་པའི་དཀོན་མཆོག་ཡ་ཝཱེས་ང་རང༌བསྐྱབས།།  
\v 6 འཕྲུལ་སྣང་ཙམ་གྱི་ལྷ་སྐུར་བརྟེན་པ་ཡི། །མི་རྣམས་ལ་ནི་ང་རང་སྡང༌བ་དང་། །བདག་གིས་ཡ་ཝཱེ་ཁོང་ལ་བློ་གདེང༌བསྐྱེད།།  
\v 7 ང་ཡི་སྡུག་བསྔལ་ཁྱེད་ཀྱིས་གཟིགས་པ༌དང༌། །ང་ཡི་སེམས་སྡུག་ཁྱེད་ཀྱིས་མཁྱེན་ཡོད༌པས། །ཁྱེད་ཀྱི་བྱམས་བརྩེའི་ནང་དུ་དགའ་ཞིང༌མགུ།  
\v 8 ཁྱེད་ཀྱིས་ང་རང་དགྲའི་ལག་མ་གཏད༌པར། །བདག་གི་རྐང་པ་ཡངས་པའི་སར་བཞག༌གོ།  
\v 9 བདག་ནི་དཀའ་སྡུག་གནས་སུ་ལྷུང་བས༌ན། །ཀྱེ་ཀྱེ་ཡ་ཝཱེ་སྙིང་རྗེས་གཟིགས་སུ༌གསོལ། །སེམས་སྡུག་དབང་གིས་མིག་ཟུང་རབ་རིབ་གྱུར། །ཐ་ན་ལུས་དང་སེམས༌ཀྱི་ཤུགས་ཀྱང་ཉམས།།  
\v 10 ང་ཡི་ཚེ་སྲོག་སྐྱོ་གདུང་དབང་གིས༌ཟད། །བདག་གི་ལོ་ཟླ་འཁུན་སྒྲ་དང་བཅས༌བཞུད། །ཉེས་པའི་རྐྱེན་གྱིས་ཤེད་ཟད་རུས་པ༌བསྐམས།།  
\v 11 དགྲ་རྣམས་དབང་གིས་ཀུན་གྱིས་བརྙས་པར༌བྱ། །ཁྱིམ་མཚེས་མདུན་དུ་དེ་ལས་ཐུ་བ༌ཡིན། །ངོ་ཤེས་ཐམས་ཅད་བདག་ལ་འཇིགས་པ༌དང༌། །ཕྱི་ནས་ང་རང་མཐོང་མཁན་བྱོལ་ནས༌འགྲོ།།  
\v 12 གཤིན་པོ་ལྟར་དུ་ང་རང་གཞི་ནས༌བརྗེད། །བདག་ནི་རྫ་ཆག་ལྟ་བུར་གྱུར་པ༌ཡིན།།  
\v 13 མང་པོས་གཏམ་ངན་སྒྲོག་པ་བདག་གིས༌ཐོས། །འཇིགས་སྣང་ཕྱོགས་བཞིར་ཁྱབ་ནས་འདུག་པ༌འོ། །དེ་རྣམས་ཕྱོགས་གཅིག་འདུས་ཏེ་གྲོས་བྱས༌ནས། །བདག་གི་ཚེ་སྲོག་གཅོད་པའི་ཇུས་འགོད༌ཀྱང༌།།  
\v 14 ཡ་ཝཱེ་བདག་གིས་ཁྱེད་ལ་བློ་གཏོད༌ཅིང༌། །ཁྱེད་ཉིད་ང་ཡི་དཀོན་མཆོག་ཡིན་ཞེས༌སྨྲ།།  
\v 15 བདག་གི་མི་ཚེ་ཁྱེད་ཀྱི་ཕྱག་ཏུ༌ཡོད། །དགྲ་དང་འཚེ་མཁན་རྣམས་ལས་བདག་སྐྱོབ་རོགས།།  
\v 16 ཁྱེད་ཀྱི་ཞབས་ཕྱིར་ཞལ་མདངས་སྣང་བར༌མཛོད། །ཁྱེད་ཀྱི་བྱམས་བརྩེའི་ངང་ནས་སྐྱབས་སུ༌གསོལ།།  
\v 17 ཀྱེ་ཀྱེ་ཡ་ཝཱེ་བདག་གིས་ཁྱེད་ལ༌ནི། །འོ་དོད་བོས་པས་ངོ་ཚར་མི་སྦྱོར༌མཁྱེན། །སྡིག་སྤྱོད་ངོ་ཚར་སྦྱར་ནས་ཁོ་རྣམས༌ནི། །གཤིན་པོའི་ཡུལ་དུ་གྲགས་འགུལ་མེད་པར༌མཛོད།།  
\v 18 ང་རྒྱལ་མཐོང་ཆུང་དང་བཅས་དྲང་པོ༌ལ། །ཁེངས་གཏམ་སྨྲ་ཞིང་རྒོལ་བར་བྱེད་པ༌ཡི། །རྫུན་གྱི་མཆུ་སྒྲོས་ལྐུགས་པར་གྱུར་ཅིག༌གུ།  
\v 19 ཁྱེད་ལ་གུས་ཤིང་འཇིགས་པ་རྣམས་ཀྱི༌ཕྱིར། །བཞག་པའི་བཀའ་དྲིན་ཇི་ལྟར་ཆེ་བ༌ལ། །དེ་ནི་ཁྱེད་ལ་སྐྱབས་སུ་འགྲོ་མཁན༌ཕྱིར། །འཇིག་རྟེན་མི་བུ་རྣམས་ཀྱི་མཐོང་ངོར༌བཤམས།།  
\v 20 མི་ཡི་བྱུས་ངན་དག་ལས་དེ་རྣམས༌ནི། །ཁྱེད་དྲུང་ལྐོག་གྱུར་གནས་སུ་སྦ་བར༌འགྱུར། །ཁ་རྩོད་དག་ལས་གུར་ཁང་ནང་དུ༌སྲུང༌།།  
\v 21 དགྲ་ཡིས་བསྐོར་བའི་མཁར་ནང་ང་རང༌ལ། །བྱམས་བརྩེ་ཧང་སང་བསྟན་པས་ཡ་ཝཱེར༌བསྟོད།།  
\v 22 ཞེད་སྣང་ཁྲོད་དུ་བདག་གིས་འདི་ལྟར༌དུ། །ང་རང་ཁྱེད་ཀྱི་དྲུང་ནས་ཕྲལ་ཞེས༌སྨྲས། །འོན་ཀྱང་བདག་གིས་འོ་དོད་འབོད་དུས༌སུ། །ཁྱེད་ཀྱིས་ང་ཡི་ཞུ་བར་གསན་པ༌འོ།།  
\v 23 ཀྱེ་ཀྱེ་ཡ་ཝཱེའི་དད་གུས་ལྡན་པ༌རྣམས། །ཐམས་ཅད་ཁོང་ལ་དགའ་བར་གྱིས་ཤིག༌ཨང༌། །ཡ་ཝཱེས་དྲང་པོ་རྣམས་ནི་བསྲུང་མཛད༌ཅིང༌། །ང་རྒྱལ་ཅན་ལ་བཀའ་ཆད་ནན་མོ༌གནང༌།།  
\v 24 ཡ་ཝཱེར་རེ་ལྟོས་བྱེད་མཁན་ཐམས་ཅད༌ནི། །སྙིང་སྟོབས་བསྐྱེད་ནས་བློ་རྩ་བརྟན་པར༌གྱིས།།   
\c 32
\cl གསུང་མགུར་སོ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 འགྱོད་བཤགས་དང་སྡིག་བསལ།  
\p
\v 1 ༼དཱ་བིད་ཀྱི་བསླབ་བྱའི་མགུར༌མ།༽ གང་གི་ཉེས་པ་བསལ་བས་བྱིན་རླབས༌ཆེ། །གང་གི་སྡིག་པ་བཀབ་པས་མི་དེ༌བདེ།།  
\v 2 སེམས་སུ་གཡོ་སྒྱུ་མེད་ཅིང་ཡ་ཝཱེ༌ཡིས། །སྡིག་པ་ཅན་དུ་མི་བརྩི་བ་དེ༌བདེ།།  
\v 3 བདག་གིས་སྡིག་པ་ཁས་ལེན་མི་བྱེད༌པར། །ཁ་རོག་འདུག་དུས་ཉིན་གང་འཁུན་སྒྲ༌འབྱིན། །སྡུག་བསྔལ་ཆེ་བས་རུས་ཟུངས་ཡོངས་སུ༌ཤོར།།  
\v 4 ཁྱེད་ཕྱག་ངའི་སྟེང་ཉིན་མཚན་ཀུན་ཏུ༌མནན། །བདག་ནི་སྟོབས་ཟད་དབྱར་གྱི་ཐན་པ༌བཞིན།།༼ སེ༌ལཱ། ༽  
\v 5 བདག་གིས་སྦ་གསང་ཅི་ཡང་མེད་པའི༌ངང༌། །སྡིག་པ་ཐམས་ཅད་མཐོལ་ནས་འདི་ལྟར༌དུ། །ཡ་ཝཱེར་ཉེས་སྐྱོན་ཁས་ལེན་བྱ་ཞེས༌སྨྲས། །ཁྱེད་ཀྱིས་བདག་གི་སྡིག་པའི་མཇུག་འབྲས༌བསལ།། ༼ སེ༌ལཱ། ༽  
\v 6 དེའི་ཕྱིར་དད་གུས་ཅན་གྱིས་རྩེ་གཅིག༌གིས། །ཁྱེད་རྙེད་ཐུབ་དུས་གསོལ་བ་འདེབས་པར༌སྨོན། །ཆུ་ལོག་ཆེན་པོ་འོང་བའི་དུས་དེ༌ལ། །དེ་ནི་ཁོ་ཡི་གམ་དུ་བཞུར་མི༌སྲིད།།  
\v 7 ཁྱེད་ནི་བདག་གི་སྦས་ས་ཡིན་པ༌དང༌། །ཁྱེད་ཀྱིས་ང་རང་དཀའ་སྡུག་རྣམས་ལས༌བསྲུང༌། །ཐར་པའི་མགུར་མས་ཕྱོགས་བཞིར་ང་རང༌བསྐོར།།༼ སེ༌ལཱ། ༽  
\v 8 ང་ཡིས་ཁྱོད་ལ་བསླབ་བྱ་སྦྱིན་པ༌དང༌། །འགྲུལ་བར་འོས་པའི་ལམ་ཡང་སྟོན་པར༌བྱ། །བལྟ་སྐྱོང་བྱེད་ཅིང་གྲོས་ཀྱང་འདེབས༌པ་འོ།།  
\v 9 གོ་མེད་རྟ་དྲེལ་བཞིན་དུ་མ་གྱུར༌ཅིག །དེ་རྣམས་སྲབ་མཐུར་བསྐོན་ནས་འདུལ་དགོས༌ཤིང༌། །དེ་བཞིན་མ་བྱས་ཉེ་བར་བཏུད་པ༌མིན།།  
\v 10 སྡིག་སྤྱོད་ཅན་ལ་སྡུག་བསྔལ་མང་དུ༌འབྱུང༌། །འོན་ཀྱང་ཡ་ཝཱེར་སྐྱབས་སུ་འགྲོ་བ༌རྣམས། །བྱམས་བརྩེ་ཆེན་པོས་ངེས་པར་མཐའ་ནས༌བསྐོར།།  
\v 11 གཞུང་དྲང་ཡ་ཝཱེར་བརྟེན་ནས་དགའ་བར༌གྱིས། །ཡིད་སེམས་དྲང་བ་རྣམས་ཀྱིས་ཀི་སྒྲ༌སྒྲོགས།།   
\c 33
\cl གསུང་མགུར་སོ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བསྟོད་པའི་མགུར་མ།  
\p
\v 1 དྲང་པོས་ཡ་ཝཱེར་བརྟེན་ནས་དགའ་འབོད༌བྱོས། །བསྟོད་དབྱངས་འབུལ་བ་ཁྱེད་ཚོར་འཚམ་པ༌ཡིན།།  
\v 2 ཡ་ཝཱེར་པི་ཝང་དཀྲོལ་ནས་གཏང་རག༌ཕུལ། །རྒྱུད་བཅུའི་རྒྱུད་མངས་འཁྲོལ་ཞིང་མགུར་དབྱངས༌ཕུལ།།  
\v 3 ཁོང་ལ་མགུར་མ་གསར་པ་ལེན་པ༌དང༌། །དགའ་འབོད་བྱེད་ཅིང་བྱང་ཆ་ལྡན་པར༌དཀྲོལ།།  
\v 4 ཁོང་གི་བཀའ་ནི་དྲང་ཞིང་བདེན་པ༌དང༌། །འཕྲིན་ལས་མཐའ་དག་ཐུགས་རྒྱུད་དྲང་པོས༌མཛད།།  
\v 5 དྲང་བདེན་དྲང་གཞག་ལ་ནི་ཡ་ཝཱེ༌མཉེས། །ཁོང་གི་བྱམས་བརྩེ་ས་གཞི་ཡོངས་སུ༌ཁྱབ།།  
\v 6 ཁོང་གི་བཀའ་ཡིས༌ནམ་མཁའ་མཛད་པ་དང་། །ཞལ་དབུགས་ཀྱིས་ནི་སྐར་ཚོགས་མཐའ་དག༌བཀོད།།  
\v 7 རྒྱ་མཚོའི་ཆུ་རྣམས་བསྡུས་ནས་རགས་སུ༌གྲུབ། །གཏིང་ཟབ་ཆུ་རྣམས་བང་མཛོད་ནང་དུ༌བཅུག།  
\v 8 ས་གཞི་ཡོངས་སུ་ཡ་ཝཱེར་འཇིགས་པ༌དང༌། །འཇིག་རྟེན་མི་ཀུན་ཁོང་ལ་གུས་པར༌ཤོག།  
\v 9 ཁོང་གིས་གསུངས་པར་མཛད་པས་དེ་ལྟར༌བྱུང༌། །བཀའ་བསྒོ་གནང་བ་ཇི་བཞིན་སྣང་གྱུར༌ཏོ།།  
\v 10 ཡ་ཝཱེས་ཕྱི་པའི་གྲོས་རྣམས་འཇིག་པར༌མཛད། །མི་སྡེ་རྣམས་ཀྱི་བསམ་སྦྱོར་འཆོལ་བར༌མཛད།།  
\v 11 ཡ་ཝཱེའི་ཐུགས་བཀོད་དུས་རྒྱུན་བརྟན་པ༌དང༌། །ཁོང་གི་ཐུགས་དགོངས་མི་རབས་ཀུན་ཏུ༌གནས།།  
\v 12 ཡ་ཝཱེ་དཀོན་མཆོག་ལགས་པའི་མི་རིགས༌བདེ། །ཁོང་གིས་བདག་ཕྱིར་བདམས་པའི་མི་རྣམས་བདེ།།  
\v 13 ཡ་ཝཱེས་ནམ་མཁའི་མཐོངས་ནས་གཟིགས་པ༌དང༌། །འཇིག་རྟེན་མིའི་རིགས་ཀུན་ལ་གཟིགས་པར༌མཛད།།  
\v 14 ཁོང་གིས་ཉིད་ཀྱི་བཞུགས་པའི་གནས་དེ༌ནས། །ས་གཞིའི་སྟེང་གི་ཡུལ་མི་ཀུན་ལ༌གཟིགས།།  
\v 15 ཀུན་པོའི་སྙིང་གི་མཛད་པོ་ཁོང་ཉིད༌ཡིན། །མི་ཡི་བྱ་གཞག་ཐམས་ཅད་མཁྱེན་པ༌འོ།།  
\v 16 དམག་དཔུང་ཆེ་བས་རྒྱལ་པོ་ཐར་མི༌འགྱུར། །སྟོབས་ཤུགས་ཆེ་བས་གྱད་མི་འཆོར་མི༌འགྱུར།།  
\v 17 རྟ་ནི་སྲོག་སྐྱོབ་ཕྱིར་དུ་ཕན་མེད༌ཡིན། །རྟ་མཆོག་སྟོབས་ཤུགས་ཆེ་ཡང་སྐྱོབ་མི༌ནུས།།  
\v 18 ཀྱེ་ཧོ་ཡ་ཝཱེར་གུས་ཤིང་འཇིགས་པ༌དང༌། །ཁོང་གི་བྱམས་བརྩེར་རེ་ལྟོས་བྱེད་མཁན༌ལ། །ཁོང་གི་སྤྱན་གྱིས་གཟིགས་སྐྱོང་མཛད་པ༌ཡིན།།  
\v 19 དེ་རྣམས་སྲོག་ནི་འཆི་བ་ལས་སྒྲོལ༌ཞིང༌། །མུ་གེའི་དུས་སུ་གསོན་པོར་འཇོག་པ༌ཡིན།།  
\v 20 བདག་ཅག་སེམས་ཀྱིས་ཡ་ཝཱེར་སྒུག་པ༌ཡིན། །ཁོང་ནི་ང་ཚོའི་སྐྱབས་དང་ཕུབ་ཡིན༌ནོ།།  
\v 21 ཁོང་གི་དམ་པའི་མཚན་ལ་བློ་གཏོད༌པས། །རང་ཅག་སྙིང་ནི་ཁོང་ལ་བརྟེན་ནས༌མགུ།  
\v 22 ཀྱེ་ཀྱེ་ཡ་ཝཱེ་ངེད་ཅག་རེ་ལྟོས༌བཞིན། །ཉིད་ཀྱི་བྱམས་བརྩེ་ང་ཚོར་གནང་བར༌ཤོག།   
\c 34
\cl གསུང་མགུར་སོ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཡ་ཝཱེ་ཇི་འདྲ་ལེགས་པར་བསྟོད་པ།  
\p
\v 1 ༼ཨ་བི་མེ་ལེག་གི་གམ་དུ་དཱ་བིད་ཀྱིས་སྨྱོ་ཁུལ་བྱས་ཤིང་དེས་ཁོ་བསྐྲད་ནས་ཆས་པའི་དུས་ཀྱི་མགུར༌མ།༽ ཡ་ཝཱེར་ང་ཡིས་རྒྱུན་དུ་བསྟོད་བསྔགས༌བརྗོད། །ཁོང་གི་བསྟོད་ཚིག་རྟག་ཏུ་ངའི་ཁར༌གནས།།  
\v 2 ཡ་ཝཱེའི་དབང་གིས་བདག་སེམས་ཡིད་ཆེས༌ཁེངས། །ཉམ་ཆུང་རྣམས་ཀྱིས་ཐོས་པས་དགའ་བར༌འགྱུར།།  
\v 3 ང་དང་ལྷན་ཅིག་ཡ་ཝཱེའི་ཆེ་བ༌བརྗོད། །ང་ཚོས་མཉམ་དུ་ཁོང་གི་མཚན་ལ༌བསྟོད།།  
\v 4 ང་ཡིས་ཁོང་ལ་ཞུས་པས་བཀའ་ལན༌གནང༌། །འཇིགས་པ་ཀུན་ལས་ང་རང་ཐར་བར༌མཛད།།  
\v 5 ཁོང་ལ་རེ་ལྟོས་འཆང་མཁན་འཛུམ་མདངས༌རྒྱས། །དེ་ཚོའི་གདོང་ནི་ནམ་ཡང་ནོངས་མི༌འགྱུར།།  
\v 6 ཉམ་ཆུང་མི་འདིའི་འོ་དོད་ཡ་ཝཱེས༌གསན། །དཀའ་སྡུག་ཀུན་ལས་ཁོང་གིས་ཐར་བར༌མཛད།།  
\v 7 ཡ་ཝཱེར་གུས་ཤིང་འཇིགས་པའི་མཐའ་སྐོར༌དུ། །ཁོང་གི་ཕོ་ཉས་དམག་སྒར་བཏབ་ནས༌སྐྱོབ།།  
\v 8 ཡ་ཝཱེ་ཇི་འདྲ་ལེགས་པ་ཉམས་སུ༌མྱོངས། །ཁོང་ལ་སྐྱབས་སུ་འགྲོ་བའི་མི་རྣམས༌བདེ།།  
\v 9 ཡ་ཝཱེར་གུས་ཤིང་འཇིགས་པར་ཕོངས་པ༌མེད། །དེའི་ཕྱིར་ཁོང་གི་སྐྱེས་བུ་དམ་པ༌རྣམས། །ཁྱོད་རྣམས་ཁོང་ལ་གུས་ཤིང་འཇིགས་པར༌གྱིས།།  
\v 10 སེང་དར་ཡིན་ཡང་རྒུད་ཅིང་ལྟོགས་ངེས༌མོད། །ཡ་ཝཱེ་འཚོལ་མཁན་མི་ལ་ཅང་མི༌ཆད།།  
\v 11 ཕྲུ་གུ་ཁྱོད་རྣམས་ཤོག་དང་ང་ལ༌ཉོན། །ཡ་ཝཱེར་གུས་ཤིང་འཇིགས་པའི་ལུགས་བསླབ༌ཡོང༌།།  
\v 12 ཚེ་སྲོག་གཅེས་སུ་འཛིན་ཞིང་ཚེ་རིང༌ནས། །སྐྱིད་ལ་རོལ་བར་འདོད་པ་སུ་ཡོད༌ན།།  
\v 13 ཚིག་ངན་སྨྲ་བའི་ལྕེ་ནི་བསྡམ་དགོས་ཤིང་། །མཆུ་ཏོའི་གཡོ་སྒྱུ་རྣམས་ཀྱང་བསྲུང་བར་གྱིས།།  
\v 14 ངན་པ་སྤངས་ནས་བཟང་པོའི་ལས་བྱེད༌ཅིང༌། །ཞི་མཐུན་འཚོལ་ཞིང་རྩེ་གཅིག་གིས་ནི༌སྙེགས།།  
\v 15 ཡ་ཝཱེའི་སྤྱན་གྱིས་དྲང་བདེན་མི་ལ༌གཟིགས། །ཁོང་གི་སྙན་གྱིས་དེ་ཚོའི་འོ་དོད༌གསན།།  
\v 16 སྡིག་སྤྱོད་རྗེས་ཤུལ་ས་ལས་ཡལ་བའི༌ཕྱིར། །དེ་རྣམས་ལ་ནི་ཡ་ཝཱེའི་ཞལ་རས༌འགྱུར།།  
\v 17 དྲང་པོའི་འོ་དོད་ཡ་ཝཱེས་གསན་པ༌དང༌། །དེ་རྣམས་དཀའ་སྡུག་ཀུན་ལས་ཐར་བར༌མཛད།།  
\v 18 ཡ་ཝཱེ་ཡིད་སེམས་སྐྱོ་བའི་མི་ལ༌བཅར། །སེམས་ཁམས་སྡུག་གིས་མནར་བ་ཁོང་གིས༌བསྐྱབ།།  
\v 19 དྲང་བདེན་མི་ལ་དཀའ་སྡུག་མང་ན༌ཡང༌། །ཡ་ཝཱེས་དེ་ནི་ཡོངས་སུ་སྐྱོབ་པ༌ཡིན།།  
\v 20 ཁོང་གིས་མི་དེའི་རུས་པ་ཐམས་ཅད༌བསྲུང༌། །རུས་རྐང་གཅིག་ཀྱང་འཆག་པར་མི་འགྱུར༌རོ།།  
\v 21 མི་དགེས་སྡིག་སྤྱོད་སྲོག་ནི་གཅོད་པར༌བྱེད། །དྲང་པོར་སྡང་མཁན་ཉེས་ཅན་དུ་བརྩི༌འོ།།  
\v 22 ཡ་ཝཱེས་ཉིད་ཀྱི་ཞབས་ཕྱིའི་སྲོག་སྐྱོབ༌ཅིང༌། །ཁོང་ལ་སྐྱབས་སུ་འགྲོ་ཀུན་ཉེས་མེད༌བརྩི།།   
\c 35
\cl གསུང་མགུར་སོ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 སྐྱབས་གསོལ་བའི་སྨོན་ལམ།  
\p
\v 1 ༼དཱ་བིད་ཀྱི་མགུར༌མ།༽ ང་དང་རྩོད་པའི་མི་རྣམས༌ལ། །ཡ་ཝཱེ་ཁྱེད་ཀྱིས་རྩོད་པར༌མཛོད། །ང་དང་འཐབ་པའི་མི་རྣམས༌ལ། །ཁྱེད་ཀྱིས་འཐབ་མོ་མཛད་དུ༌གསོལ།།  
\v 2 ཕུབ་དང་ཕ་ལི་བསྣམས་མཛད༌དེ། །ང་ཡི་གྲོགས་སུ་བཞེང་བར་ཞུ།།  
\v 3 མདུང་དང་དགྲ་སྟ་བཏོན་ནས༌ནི། །ང་རང་འདེད་མཁན་འགོག་པར༌མཛོད། །ཁྱོད་ཀྱི་སྐྱབས་ནི་ང་ཡིན༌ཞེས། །བདག་གི་སེམས་ལ་གསུང་དུ༌གསོལ།།  
\v 4 ང་ཡི་སྲོག་ལ་རྔམ་མཁན༌རྣམས། །སྐྱེངས་ཤིང་ངོ་ནི་ཚ་བར༌ཤོག །ང་ལ་གནོད་སྐྱེལ་གྲོས་བྱེད༌རྣམས། །ཕམ་པར་གྱུར་ཏེ་ནོངས་པར་ཤོག།  
\v 5 དེ་དག་རླུང་འཁྱེར་ཕུབ་མ༌ལྟར། །ཁོང་གི་ཕོ་ཉས་སྐྲོད་པར༌ཤོག།  
\v 6 ལམ་ནི་མུན་ཞིང་འདྲེད་གྱུར༌ཅིག །ཁོང་གི་ཕོ་ཉས་འདེད་པར༌ཤོག།  
\v 7 དེ་ཚོས་དོན་མེད་ང་ཡི༌ཕྱིར། །རྙི་རྒྱ་བཙུགས་ཤིང་རྒྱུ་མེད༌པར། །ངའི་སྲོག་ལེན་ཕྱིར་དོང་བྲུས༌མྱོང༌།།  
\v 8 དེ་ཚོར་ཆག་སྒོ་ཐོལ་གྱིས༌འབྱུང༌། །རང་གིས་བཙུགས་པའི་རྙི་རུ༌འཚུད། །དེའི་ནང་ལྷུང་ནས་འཕུང་གྱུར༌ཅིག།  
\v 9 ངའི་སེམས་ཡ་ཝཱེའི་ནང་དགའ༌ཞིང༌། །ཁོང་གི་སྐྱབས་ནང་སྤྲོ་བར༌འགྱུར།།  
\v 10 སྟོབས་ལྡན་དག་ནས་དབུལ་པོ༌སྐྱོབ། །དབུལ་ཕོངས་ནོར་མེད་ཇག་པ༌ལས། །ཐར་བར་མཛད་མཁན་ལགས་པ༌ཡི། །ཡ་ཝཱེ་ཁྱེད་འདྲ་སུ་ཡོད༌ཅེས། །ང་ཡི་རུས་པ་ཀུན་གྱིས༌ཞུ།།  
\v 11 དཔང་པོ་གདུག་རྩུབ་ཅན་ལངས༌ནས། །ང་ལ་རྒྱུས་མེད་གཏམ་དག༌འདྲི།།  
\v 12 དེ་ཚོས་བཟང་ལན་ངན་འཇལ༌གྱིས། །ངའི་སེམས་ཕམ་ཞིང་ཁེར་རྐྱང༌ལུས།།  
\v 13 ཁོ་རྣམས་ན་དུས་ང་ཡིས༌ནི། །སྡུག་གོས་གྱོན་ཏེ་སྨྱུང་གནས༌བསྲུངས། །རང་སེམས་བཏུལ་ཞིང་སྨོན་ལམ༌ནི། །ཡང་ནས་ཡང་དུ་བཏབ་པ༌ཡིན།།  
\v 14 དེ་ཚོར་གྲོགས་དང་སྤུན་ལྟར༌བྱམས། །མའི་ཕྱིར་མྱ་ངན་བྱེད་པ༌ལྟར། །མགོ་བོ་བསྒུར་ནས་སྡུག་བསྔལ༌བྱས།།  
\v 15 འོན་ཀྱང་ང་རང་འཁྱོར་དུས༌སུ། །དེ་རྣམས་སྤྲོ་ཞིང་ལྷན་དུ༌འཚོགས། །རྒྱུས་མེད་འདུས་ནས་ང་ལ༌རྒོལ། །རྒྱུན་ཆད་མེད་པར་བརྙས་བཅོས༌བཏང༌།།  
\v 16 མགྲོན་དུ་རྩུབ་མོ་ཚིག་གིས༌འཕྱས། །དེ་ཚོས་ང་ལ་སོ་ཡང༌འཆོས།།  
\v 17 གཙོ་བོ་ནམ་ཞིག་བར་དུ༌གཟིགས། །བདག་སེམས་དེ་ཚོའི་གནོད་འཚེ༌དང༌། །གཅེས་སྲོག་སེང་དར་ལས་སྐྱོབ༌རོགས།།  
\v 18 ཚོགས་ཆེན་ནང་དུ་གཏང་རག༌འབུལ། །མི་མང་ཁྲོད་དུ་ཁྱེད་ལ༌བསྟོད།།  
\v 19 དོན་མེད་ངའི་དགྲར་གྱུར་པ༌རྣམས། །ཁྲེལ་དགོད་བྱེད་པར་མ་གནང༌ཞིག །རྐྱེན་མེད་བདག་ལ་སྡང་བ༌དག །ང་ལ་སྡང་མིག་བགྲད་མ༌འཇུག།  
\v 20 དེ་ཚོས་ཞི་མཐུན་མི་གླེང༌ཁར། །ཡུལ་དེའི་ཞི་འཇམ་མི་རྣམས༌ལ། །འཚེ་ཕྱིར་གཡོ་སྒྱུའི་སྦྱོར་བ༌སྤེལ།།  
\v 21 ཁ་ཆེར་གདངས་ཏེ་ང་ལ་རྒོལ། །ཨ་ཧ་ཨ་ཧ་ངེད་ཅག༌གི །མིག་གིས་མཐོང་བྱུང་ཞེས་སྨྲས༌སོ།།  
\v 22 ཡ་ཝཱེ་ཁྱེད་ཀྱིས་དེ་གཟིགས༌ཡོད། །ཁྱེད་རང་ཞལ་རོག་མི་བཞུགས༌མཁྱེན། །ང་དང་ཉེ་བར་བཞུགས་པར༌མཛོད།།  
\v 23 ང་ཡི་དཀོན་མཆོག་ངའི་གཙོ༌བོ། །ཐུགས་མཉམ་བཞག་ནས་ཡར་བཞེངས༌ཏེ། །དག་འབུད་དང་ནི་ཁྲིམས་གཅོད༌གནོངས།།  
\v 24 ང་ཡི་དཀོན་མཆོག༌ཡ་ཝཱེ་ལགས། །དྲང་བདེན་ངང་ནས་ཁྲིམས་གཅོད༌རོགས། །ངོམ་སོ་སྟོན་པར་མི་མཛད༌རོགས།།  
\v 25 དེ་ཚོའི་སེམས་སུ་ཀྱེ་མ༌ཧོ། །ཏག་ཏག་ང་ཡི་འདོད་སྟེང༌བབས། །ཞེས་སུ་སྙམ་དུ་མི་མཛད༌རོགས། །ང་ཚོས་ཁོ་རང་ཁྱུར་མིད༌བཏང༌། །ཞེས་ཀྱང་སྨྲ་བར་མི་འཇུག༌མཁྱེན།།  
\v 26 ང་རང་སྡུག་དུས་དགའ་མཁན༌རྣམས། །ངོ་ནི་ཚ་ཞིང་ནོངས་པར་ཤོག །བདག་ལ་ངོམ་སོ་སྟོན་མཁན༌རྣམས། །དམའ་འབེབས་ངོ་ཚས་ཁེབས་གྱུར༌ཅིག།  
\v 27 ང་ཡི་དག་འབུད་ལ་དགའ༌མཁན། །སྤྲོ་ཞིང་ཀི་སྒྲ་བསྒྲག་པར༌ཤོག །ཉིད་ཀྱི་ཞབས་ཕྱི་བདེ་བ༌ལ། །མཉེས་པའི་ཡ་ཝཱེར་བསྟོད་ཅིག༌ཅེས། །དེ་ཚོས་དུས་རྒྱུན་སྨྲ་བར༌ཤོག།  
\v 28 དེ་ནས་བདག་གི་ལྕེ་ཡིས༌ནི། །ཁྱེད་ཀྱི་དྲང་བ་གཏམ་དུ༌བྱེད། །ཉི་མ་གང་པོར་ཁྱེད་ལ༌བསྟོད།།   
\c 36
\cl གསུང་མགུར་སོ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གི་བྱམས་བརྩེ་ཡིས་མི་གཞུང་དྲང་རྣམས་སྲུང་བ།  
\p
\v 1 ༼དཀོན་མཆོག་ཡ་ཝཱེའི་ཞབས་ཕྱི་དཱ་བིད་ཀྱི་མགུར༌མ། དབུ་མཛད་ལ་སྤྲད༌པ།༽ སྡིག་ཅན་མི་ཡི་ཉེས་སྐྱོན༌གྱིས། །དེ་ཡི་སེམས་གཏིང་གཏམ་སྨྲ༌ཞིང༌། །མིག་མདུན་དཀོན་མཆོག་འཇིགས་པ༌མེད།།  
\v 2 རང་གི་སྡིག་ཉེས་མི་མངོན༌ཞིང༌། །གཞན་རྣམས་སྡང་བར་མི་འགྱུར༌ཞེས། །མཐོང་སྣང་དེ་བཞིན་ཡིན་པས༌ན། །རང་གིས་རང་ལ་བསྟོད་ར༌བྱེད།།  
\v 3 དེ་ཡི་ངག་གི་ཚིག་ཐམས༌ཅད། །ངན་པ་དང་ནི་གཡོ་སྒྱུ༌ཡིན། །ཤེས་རབ་སྤྱོད་བཟང་གཞི་ནས༌སྤངས།།  
\v 4 མལ་ཁྲིའི་སྟེང་དུ་གྲོས་ངན༌འདེབས། །བཟང་པོ་མིན་པའི་ལམ་དུ༌འཇུག །ངན་པར་ཞེན་པ་ཁོ་མི༌ལོག།  
\v 5 ཡ་ཝཱེའི་བྱམས་བརྩེ་ནམ་མཁར༌ཟུག །ཐུགས་རྒྱུད་དྲང་པོ་སྤྲིན་པར༌ཐུག།  
\v 6 ཁྱེད་ཀྱི་དྲང་བདེན་རི་རབ༌བཞིན། །དྲང་གཞག་གཏིང་ཟབ་རྒྱ་མཚོ༌ཡིན། །ཀྱེ་ཀྱེ་ཡ་ཝཱེ་ཁྱེད་ཉིད༌ཀྱིས། །མི་ཕྱུགས་གཉིས་ཀ་སྲུང་བ༌ཡིན།།  
\v 7 དཀོན་མཆོག་ཁྱེད་ཀྱི་བྱམས་བརྩེ༌ནི། །ཇི་འདྲའི་རིན་ཐང་བྲལ་བ༌ཡིན། །ཁྱེད་ཀྱི་འདབ་གཤོག་བསིལ་གྲིབ༌འོག །མི་རྣམས་སྐྱབས་སུ་འགྲོ་བ༌ལགས།།  
\v 8 ཁྱེད་ཀྱི་བཞུགས་གནས་སྣུམ་རྩི༌ཡིས། །དེ་རྣམས་ཤིན་ཏུ་འགྲང་བར༌འགྱུར། །ཁྱེད་ཀྱིས་དགའ་སྤྲོའི་གཙང་པོ༌ལས། །ཁོ་ཚོར་བཏུང་བ་གནང་ངེས༌ཡིན།།  
\v 9 ཁྱེད་དྲུང་སྲོག་གི་འབྱུང་གནས༌ཡོད། །ཁྱེད་ཀྱི་འོད་ནང་ངེད་འོད༌མཐོང༌།།  
\v 10 ཁྱེད་ཉིད་ཤེས་པར་དུས་རྟག༌ཏུ། །བྱམས་བརྩེ་མཛོད་ཅིག་གཞུང་དྲང༌ལ། །རྒྱུན་དུ་དྲང་བདེན་གནང་བར༌མཛོད།།  
\v 11 ང་རྒྱལ་ཅན་གྱི་རྐང་པ༌ལ། །རྡོག་བརྫིས་རྒྱག་ཏུ་མི་འཇུག༌མཁྱེན། །སྡིག་ཅན་མི་ཡི་ལག་པར༌ཡང༌། །ང་རང་ཕྱི་རུ་འདོན་མ༌འཇུག།  
\v 12 སྡིག་སྤྱོད་ཅན་རྣམས་དེར་འགྱེལ༌ཞིང༌། །ས་རུ་བསྒྱེལ་ནས་ལང་མི༌ཐུབ།།   
\c 37
\cl གསུང་མགུར་སོ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 མི་དྲང་བདེན་དང་མི་ངན་པ་གཉིས་ཀྱི་མཇུག་འབྲས།  
\p
\v 1 ༼དཱ་བིད་ཀྱི་མགུར༌མ།༽ མི་ངན་རྐྱེན་གྱིས་འཚིག་པ་ཁྱོད་མ༌ཟ། །སྡིག་སྤྱོད་ཅན་ལ་ཕྲག་དོག་ཀྱང་མ༌བྱེད།།  
\v 2 དེ་རྣམས་རྩྭ་ལྟར་མགྱོགས་པོར་བསྐམ་པ༌དང༌། །རྩྭ་སྔོན་བཞིན་དུ་རྙིད་པར་འགྱུར་བ༌ཡིན།།  
\v 3 ཡ་ཝཱེར་བརྟེན་ནས་དོན་བཟང་སྤྱོད་དགོས༌ཤིང༌། །ས་སྟེང་གནས་ཤིང་དྲང་བ་ཟས་སུ༌སྤྱོད།།  
\v 4 ཡ་ཝཱེའི་ནང་དུ་དགའ་བར་གྱིས་ཤིག༌དང༌། །ཁྱོད་ཀྱི་རེ་འདུན་ཁོང་གིས་གནང་བར༌འགྱུར།།  
\v 5 སོ་སོའི་བགྲོད་ལམ་ཡ་ཝཱེར་གཏོད་པ༌དང༌། །ཁོང་ལ་བློ་གཏོད་ཁོང་གིས་བསྒྲུབ་པར༌མཛད།།  
\v 6 ཁྱོད་ཀྱི་དྲང་བདེན་སྐྱ་རེངས་ཤར་བ༌དང༌། །དྲང་གཞག་ཉིན་གུང་ཉི་མ་བཞིན་དུ༌མཛད།།  
\v 7 ཡ་ཝཱེའི་དྲུང་དུ་ཁ་ཁུ་སིམ་པོར༌སྡོད། །སྡུག་རུས་བསྐྱེད་ནས་ཁོང་ལ་སྒུག་པར༌གྱིས། །དོན་ཀུན་འགྲུབ་ཅིང་བྱུས་ངན་སྒྲུབ་པ༌ཡི། །མི་རྣམས་དབང་གིས་འཚིག་པ་ཁྱོད་མ༌ཟ།།  
\v 8 ཁོང་ཁྲོ་བསྐྱུར་ཞིང་གཏུམ་དྲག་སྤང་བར༌གྱིས། །འཚིག་པ་མ་ཟ་དེས་ནི་ངན་པར༌འདྲེན།།  
\v 9 སྡིག་སྤྱོད་ཅན་རྣམས་ཚར་གཅོད་བྱེད་པ༌དང༌། །ཡ་ཝཱེར་སྒུག་པ་རྣམས་ལ་ས་གཞི༌འཐོབ།།  
\v 10 ཡུད་ཙམ་རྗེས་སུ་མི་ངན་མེད་པར༌འགྱུར། །དེ་རྣམས་སྡོད་སར་བཙལ་ཡང་རྙེད་མི༌འགྱུར།།  
\v 11 འོན་ཀྱང་སྙེམས་ཆུང་དག་ལ་ས་གཞི༌འཐོབ། །ཞི་བདེ་ཆེན་པོའི་སྐྱིད་ལ་རོལ་བར༌འགྱུར།།  
\v 12 ངན་པས་དྲང་པོར་གནོད་འཚེ་སྐྱེལ་བ༌དང༌། །དེ་ཡི་སྟེང་ལ་ཁོ་ཚོས་སོ་འཆའ༌འོ།།  
\v 13 གཙོ་བོས་དེ་ཚོའི་དུས་ནི་སླེབས་གཟིགས༌པས། །དེ་རྣམས་རྐྱེན་གྱིས་ཁོང་ཉིད་བཞད་པར༌མཛད།།  
\v 14 སྐྱོ་བོ་དང་ནི་དབུལ་པོ་སར་བསྒྱེལ༌ཞིང༌། །སྤྱད་པ་དྲང་པོར་སྤྱོད་མཁན་གསོད་པའི༌ཆེད། །སྡིག་སྤྱོད་རལ་གྲི་བཏོན་ནས་གཞུ་འཐེན༌ནོ།།  
\v 15 དེ་ཚོའི་རལ་གྲིས་རང་གི་སྙིང་བརྟོལ༌ཞིང༌། །མི་དེ་རྣམས་ཀྱི་གཞུ་མོ་གཅོག་པར༌འགྱུར།།  
\v 16 སྡིག་སྤྱོད་མང་པོའི་རྒྱུ་ནོར་མོད་པོ༌ལས། །དྲང་བདེན་མི་ལ་ཉུང་ངུ་ཡོད་པས༌ལེགས།།  
\v 17 སྡིག་སྤྱོད་མི་ཡི་དཔུང་པ་གཅོག་པར༌འགྱུར། །ཡ་ཝཱེས་དྲང་བདེན་མི་ལ་རོགས་སྐྱོར༌མཛད།།  
\v 18 སྐྱོན་བྲལ་མི་ཡི་ཚེ་ཚད་ཡ་ཝཱེས༌མཁྱེན། །དེ་ཚོའི་ནོར་སྐལ་རྟག་ཏུ་གནས་པ༌ཡིན།།  
\v 19 དཀའ་སྡུག་དུས་སུ་དེ་དག་སྐྱེངས་པ༌མིན། །མུ་གེའི་དུས་ཀྱང་དེ་དག་འགྲང་བར༌འགྱུར།།  
\v 20 ངན་པ་འཇིག་ཅིང་ཡ་ཝཱེའི་དགྲ་བོ༌རྣམས། །རྩྭ་ཁའི་མཛེས་སྡུག་ཇི་བཞིན་མེད་པར༌འགྱུར། །དེ་རྣམས་དུ་བ་བཞིན་དུ་ཡལ་ནས༌འགྲོ།།  
\v 21 ངན་པས་བུ་ལོན་གཡར་ནས་མི་འཇལ༌ཡང༌། །དྲང་པོས་གཏོང་ཕོད་ངང་ནས་སྦྱིན་པ༌གཏོང༌།།  
\v 22 ཡ་ཝཱེས་བྱིན་རླབས་གནང་བར་ས་གཞི༌འཐོབ། །ཁོང་གིས་དམོད་པ་རྣམས་ནི་རྩ་མེད༌གཏོང༌།།  
\v 23 ཁོང་གིས་མི་ཡི་གོམ་པ་བརྟན་པོར༌མཛད། །དེ་ཡི་ལམ་ལ་ཁོང་ནི་ཐུགས་དགྱེས༌སོ།།  
\v 24 ཡ་ཝཱེའི་ཕྱག་གིས་ཁོ་རང་སྐྱོར་བས༌ན། །དེ་ནི་རྐང་འདྲེད་ཤོར་ཡང་འགྱེལ་མི༌སྲིད།།  
\v 25 དེ་སྔ་གཞོན་ཞིང་ད་ཆ་རྒས༌ན་ཡང་། །དྲང་པོ་སྤངས་ཤིང་དེ་ཡི་རྒྱུད་རྣམས༌ཀྱིས། །བག་ལེབ་སློང་བ་བདག་གིས་མཐོང་མ༌མྱོང༌།།  
\v 26 ཉིན་གང་གཏོང་ཕོད་ངང་ནས་བུ་ལོན༌གཏོང༌། །དེ་ཡི་བུ་རྒྱུད་རྣམས་ལ་བྱིན་རླབས༌འཐོབ \f + \ft འདིར་བྱིན་རླབས་འཐོབ་ཅེས་པ༌ནི་བུ་རྒྱུད་རྣམས་ཀྱང་གཞན་པའི་བྱིན་རླབས་སུ་འགྱུར་བའི་དོན༌ཡིན།\f*།།  
\v 27 མི་དགེ་བ་ལས་གཡོལ་ཞིང་བཟང་པོ༌བྱོས། །རྒྱུན་ནས་རྒྱུན་དུ་བདེ་བར་གནས་འགྱུར༌རོ།།  
\v 28 ཡ་ཝཱེ་དྲང་གཞག་ལ་ནི་ཐུགས་མཉེས༌ཤིང༌། །ཁོང་གི་དད་ལྡན་རྣམས་ནི་བསྐྱུར་མི༌སྲིད། །ཁོང་གིས་དེ་རྣམས་རྟག་ཏུ་བསྲུང་བ༌དང༌། །སྡིག་སྤྱོད་ཅན་གྱི་བུ་རྒྱུད་གཅོད་པར༌འགྱུར།།  
\v 29 དྲང་བདེན་མི་ལ་ས་གཞི་འཐོབ་པ༌དང༌། །རྒྱུན་ནས་རྒྱུན་དུ་དེ་རུ་གནས་པར༌འགྱུར།།  
\v 30 དྲང་པོའི་ཞལ་གྱིས་ཤེས་རབ་གླེང་བ༌དང༌། །ལྗགས་ཀྱིས་དྲང་གཞག་གཏམ་རྣམས་གླེང་བར༌མཛད།།  
\v 31 སོ་སོའི་དཀོན་མཆོག་ཉིད་ཀྱི་བཀའ་ཁྲིམས༌དེ། །སེམས་ལ་ཡོད་པས་གོམ་པ་འཁྱོར་མི༌སྲིད།།  
\v 32 ངན་པས་དྲང་བདེན་མི་ལ་འཇབ་སྒུག༌བྱེད། །དེ་ཡི་ཚེ་སྲོག་ལེན་ཕྱིར་གོ་སྐབས་འཚོལ།།  
\v 33 ཡ་ཝཱེས་ངན་པའི་ལག་ཏུ་དེ་མི༌བསྐྱུར། །ཁྲིམས་གཅོད་དུས་ཀྱང་དེ་ལ་ཉེས་འགེལ༌མེད།།  
\v 34 ཡ་ཝཱེར་རེ་ཞིང་ཁོང་གི་ལམ་ནང༌འགྲུལ། །ཁྱོད་ལ་ས་གཞི་འཐོབ་ཕྱིར་ཡར་འདེགས༌ཤིང༌། །ངན་པ་ཚར་གཅོད་བྱེད་དུས་ཁྱོད་མཐོང༌འོང༌།།  
\v 35 ལྗོན་ཤིང་སྔོན་པོ་རང་སར་རྒྱས་པ༌ལྟར། །ངན་པ་འཇིགས་རུང་དར་བ་ངས་མཐོང༌ཡང༌།།  
\v 36 ཁོ་རང་ལམ་སང་འདས་ཤིང་མེད་པར༌གྱུར། །བདག་གིས་ཁོ་རང་བཙལ་ཡང་རྙེད་མ༌བྱུང༌།།  
\v 37 ཁྱོད་ཀྱིས་སྐྱོན་བྲལ་མི་ལ་ཞིབ་ཏུ༌ལྟོས། །དྲང་བདེན་མི་ལ་གསལ་པོར་ལྟོས་ཤིག༌དང༌། །ཞི་ཞིང་བདེ་བའི་མི་ལ་རིགས་རྒྱུད༌འབྱུང༌།།  
\v 38 འོན་ཀྱང་སྡིག་ཅན་ཐམས་ཅད་ཚར་བར༌འགྱུར། །ངན་པ་དག་གི་རིགས་རྒྱུད་རྩ་མེད༌གཏོང༌།།  
\v 39 དྲང་པོའི་ཐར་པ་ཡ་ཝཱེའི་ཕྱོགས་ནས༌འབྱུང༌། །སྐྱོ་དུས་ཁོང་ནི་དེ་ཚོའི་བཙན་རྫོང༌ཡིན།།  
\v 40 དེ་རྣམས་ཡ་ཝཱེར་སྐྱབས་སུ་འགྲོ་བས༌ན། །དེ་ཚོར་རོགས་རམ་མཛད་ཅིང་སྐྱོབ་པར༌བྱེད། །སྡིག་སྤྱོད་མི་ལས་སྐྱོབ་ཅིང་ཐར་བར༌མཛད།།   
\c 38
\cl གསུང་མགུར་སོ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 སྡུག་བསྔལ་གྱིས་མནར་བ་རྣམས་ཀྱི་གསོལ་འདེབས།  
\p
\v 1 ༼དཱ་བིད་ཀྱི་དྲན་གསོའི་མགུར༌མ།༽ ཐུགས་ཁྲོས་བཀའ་བཀྱོན་མ་གནང་ཀྱེ་ཡ༌ཝཱེ། །གཏུམ་དྲག་ནང་དུ་ང་རང་མི་གཅུན༌རོགས།།  
\v 2 ཁྱེད་ཀྱི་མདའ་མོས་ང་ཡི་ལུས་བརྟོལ༌ཞིང༌། །ཁྱེད་ཀྱི་ཕྱག་ནི་ངའི་སྟེང་ལྗིད་པར༌གནོན།།  
\v 3 ཁྱེད་ཉིད་ཁྲོས་པས་བདག་གི་ལུས་སྟོབས༌ཉམས། །སྡིག་པའི་རྐྱེན་གྱིས་རུས་པ་བདེ་མ༌བྱུང༌།།  
\v 4 བདག་གི་ཉེས་པས་ང་རང་བསྣུབས་པ༌དང༌། །ཁུར་ཆེན་བཞིན་དུ་ང་ལ་རབ་ཏུ༌ལྕི།།  
\v 5 ང་རང་གླེན་པས་བདག་གི་རྨ་ཁ༌རྣམས། །རྣག་གིས་ཟོས་ཤིང་དྲི་ངན་འཐུལ་ནས༌འོང༌།།  
\v 6 ཟུག་གཟེར་ལངས་ནས་ལུས་པོ་རབ་ཏུ༌བསྒུར། །ཉི་མ་གང་པོར་སྡུག་བསྔལ་གནས་སུ༌ལྷུང༌།།  
\v 7 ང་ཡི་རྐེད་པར་མེ་ཡི་ན་ཟུག༌བྱུང༌། །ལུས་སྟེང་ན་ཚ་མེད་ས་ཡོད་མ༌ཡིན།།  
\v 8 བདག་ནི་ཞ་ཞིང་སྟོབས་ཤུགས་རབ་ཏུ༌ཟད། །སེམས་ཀྱི་སྡུག་བསྔལ་རྐྱེན་གྱིས་སྨྲེ་སྔགས༌བཏོན།།  
\v 9 གཙོ་བོ་ཁྱེད་དྲུང་ང་ཡི་བསམ་འདུན༌བཤམས། །ང་ཡི་འཁུན་སྒྲ་ཁྱེད་ལ་སྦས་པ༌མེད།།  
\v 10 ངའི་སྙིང་འདར་ཞིང་ལུས་སྟོབས་ཟད་པ༌དང༌། །ང་ཡི་མིག་གི་མདངས་ཀྱང་ཡལ་བར༌གྱུར།།  
\v 11 བདག་གི་གྲོགས་མཆོག་དང་ནི་མཛའ་བོ༌རྣམས། །ང་ཡི་ན་ཚའི་རྐྱེན་གྱིས་གཡོལ་བ༌དང༌། །ཤ་ཉེ་གཉེན་འབྲེལ་རྣམས་ \f + \ft འདིར་ཤ་ཉེ་གཉེན་འབྲེལ་རྣམས་ན་ཚ་ཡོད་པའི་མི་ལ་རྒྱང་བཀྱེད་ནས་སྡོད་པའི་རྒྱུ་མཚན་ནི་ཁོ་ཚོས་ན་ཚ་དེ་དཀོན་མཆོག་གི་ཉེས་ཆད་ཡིན་པར་འདོད་པ༌རེད།\f*ཀྱང་རྒྱང་ནས༌སྡོད།།  
\v 12 བདག་གི་སྲོག་ལ་རྔམ་པས་རྙི་འཛུགས༌ཤིང༌། །གནོད་འཚེ་བྱ་འདོད་རྣམས་ཀྱིས་བརླག་པར༌སྨྲ། །དེ་ཚོས་ཉིན་གང་གཡོ་སྒྱུའི་གྲོས་བྱེད༌མོད།།  
\v 13 འོན་པ་བཞིན་དུ་ང་ཡིས་མི་ཐོས༌ཤིང༌། །ལྐུགས་པའི་ཚུལ་གྱིས་བདག་གིས་ཅང་མི༌སྨྲ།།  
\v 14 དེའི་ཕྱིར་ང་ནི་རྣ་བས་མི་ཐོས༌ཤིང༌། །ངག་ཏུ་ཨ་ལན་འདེབས་རྒྱུ་མེད་མཁན༌འདྲ།།  
\v 15 ཡ་ཝཱེ་བདག་གིས་ཁྱེད་ལ་རེ་ལྟོས༌བཅངས། །ང་ཡི་དཀོན་མཆོག་ཁྱེད་ཀྱིས་བཀའ་ལན༌གནང༌།།  
\v 16 དེ་ཚོས་ང་ལ་ངོམ་སོ་སྟོན་པ༌དང༌། །བདག་གི་རྐང་པ་འདྲེད་དུས་དེ་དག༌གིས། །རང་རློམ་བྱེད་པར་མ་གནང་ཞེས་ངས༌སྨྲས།།  
\v 17 ང་ནི་ནམ་ཡང་འགྱེལ་ལ་ཁད་ཡོད༌པས། །ང་ཡི་ན་ཟུག་ནམ་རྒྱུན་ངའི་མདུན༌ལྷགས།།  
\v 18 བདག་གིས་རང་གི་ཉེས་པ་མཐོལ་བཤགས༌བྱ། །རང་གི་སྡིག་པའི་རྐྱེན་གྱིས་སེམས་འཚེར༌ཡང༌།།  
\v 19 བདག་གི་ངར་ཤུགས་ཆེ་བའི་དགྲ་ནི༌མང་། །དོན་མེད་ང་ལ་སྡང་མཁན་བགྲང་ལས༌འདས།།  
\v 20 བཟང་ལན་ངན་འཇལ་བྱེད་མཁན་དེ་ཚོ༌ཡིས། །ང་ཡིས་བཟང་པོ་བསྙེགས་ཕྱིར་ངའི་དགྲར༌ལངས།།  
\v 21 ཀྱེ་ཀྱེ་ཡ་ཝཱེ་བདག་ནི་མི་འདོར༌ཞིང་། །ང་ཡི་དཀོན་མཆོག་རིང་དུ་མི་གྱེས༌རོགས།།  
\v 22 ཀྱེ་ཀྱེ་གཙོ་བོ་ང་ཡི་མགོན་སྐྱབས༌ལགས། །མྱུར་དུ་ཕེབས་ནས་ང་རང་སྐྱབས་སུ༌གསོལ།།   
\c 39
\cl གསུང་མགུར་སོ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 སྡུག་བསྔལ་གྱིས་མནར་བ་རྣམས་ཀྱི་འགྱོད་བཤགས།  
\p
\v 1 ༼དབུ་མཛད་ཡེ་དུ་ཐུན་ལ་སྤྲད་པའི་དཱ་བིད་ཀྱི་མགུར༌མ།༽ ངའི་ལྕེས་སྡིག་པ་མི་བྱེད༌ཕྱིར། །སོ་སོའི་སྤྱོད་པར་ཟོན་བྱེད༌ཅིང༌། །སྡིག་སྤྱོད་ངའི་མདུན་ཡོད་རིང༌དུ། །ཁ་རུ་སྲབ་ཅིག་བསྐོན་འོང༌སྨྲས།།  
\v 2 ང་ནི་ལྐུགས་ཤིང་ཁ་རོག༌བསྡད། །ཡིན་ཡང་དེ་ཡིས་ཅང་མ༌ཕན། །སྐྱོ་གདུང་རབ་ཏུ་ཆེ་རུ༌གྱུར།།  
\v 3 སེམས་ནི་རབ་ཏུ་འཚིག་པ༌དང༌། །ཞིབ་འདང་རྒྱག་དུས་མེ་འབར༌བྱུང༌། །དེ་ནས་ལྕེ་ཡིས་འདི་སྐད༌ཞུས།།  
\v 4 ང་ཡི་ཚེ་མཇུག་དང་ཚེ༌ཚད། །ཅི་ཡིན་ཡ་ཝཱེ་མངོན་པར༌མཛོད། །མི་ཚེ་ཐུང་བ་ཤེས་སུ༌གསོལ།།  
\v 5 ཁྱེད་ཀྱིས་བདག་གི་ཚེ་ལོ༌ནི། །མཐོ་གང་ཙམ་དུ་མཛད་པ༌དང༌། །ང་ཡི་མི་ཚེ་ཁྱེད་དྲུང༌དུ། །ཅི་ཡང་མིན་པའི་ཚུལ་དུ༌སྣང༌། །མི་རྣམས་བརྟན་འཇགས་ཡིན་དུས༌ཀྱང༌། །དབུགས་ཐེངས་གཅིག་ལས་མ་འདས༌སོ།།༼ སེ༌ལཱ། ༽  
\v 6 མི་ནི་འཕྲུལ་སྣང་བཞིན་དུ༌འགྲུལ། །བྲེལ་འཚུབ་ཆེ་ཡང་སྙིང་པོ་དབེན། །རྒྱུ་ནོར་བསོག་ཀྱང་སུས་ཁྱེར་མེད།།  
\v 7 གཙོ་བོ་ད་ངས་ཅི་ལ༌སྒུག །ཁྱེད་གཅིག་ཁོ་ནར་རེ་བ༌བྱེད།།  
\v 8 ང་ཡི་འགལ་སྐྱོན་ཀུན་ལས༌སྒྲོལ། །གླེན་པས་འཕྱ་བར་བདག་མ༌མཛད།།  
\v 9 ཁྱེད་ཀྱིས་དེ་བཞིན་མཛད་པས༌ན། །བདག་ནི་ལྐུགས་ཤིང་ཁ་མི༌གྲགས།།  
\v 10 ཁྱེད་ཀྱི་ལྕག་ཚན་ང་ནས༌ལོངས། །ཕྱག་གིས་རྡུང་བས་ང་ཚར༌རོ།།  
\v 11 ཉེས་པའི་ཕྱིར་དུ་མི་ལ༌ནི། །ཁྱེད་ཀྱིས་བཀྱོན་ཞིང་འཇུན་པ༌དང༌། །དེ་ཚོས་མཆོག་ཏུ་འཛིན་པ༌རྣམས། །མུག་པས་བཟས་པའི་གོས་ལྟར༌མཛད། །མི་ནི་དབུགས་ཐེངས་གཅིག་ཙམ༌མོ།།༼ སེ༌ལཱ། ༽  
\v 12 ཀྱེ་ཀྱེ་ཡ་ཝཱེ་ང་ཡི༌ནི། །སྨོན་ལམ་ལ་ནི་གསན་པར༌ཞུ། །འོ་དོད་འབོད་པ་གསན་པར༌མཛོད། །མཆི་མར་གཟིགས་ཤིང་ཞལ་མ༌རོག །ཕ་མེས་ནང་བཞིན་ང་རང༌ནི། །ཁྱེད་དྲུང་མགྲོན་དང་བྱེས་པ༌ཡིན།།  
\v 13 འདས་ནས་མེད་པར་མ་གྱུར༌སྔོན། །ང་རང་ཡང་བསྐྱར་སྤྲོ་བའི༌ཕྱིར། །ཐུགས་ཁྲོའི་སྤྱན་གྱིས་མི་གཟིགས༌རོགས།།   
\c 40
\cl གསུང་མགུར་བཞི་བཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ལ་ངང་སྒུག་བྱས་ན་ཁོང་གི་བྱམས་སྙིང་རྗེ་འཐོབ་ངེས་པ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ བདག་གིས་ཡ་ཝཱེ་ལ་ནི་ངང་གིས༌བསྒུགས། །ཁོང་གིས་བདག་ལ་གཟིགས་ཤིང་འོ་དོད༌གསན།།  
\v 2 འཇིགས་རུང་དོང་དང་འདམ་ལས་བདག་དྲངས༌ཏེ། །བདག་ནི་ཕ་བོང་སྟེང་དུ་འགྱིང་བ༌དང༌། །ང་ཡི་གོམ་སྟབས་ཀྱང་ནི་བརྟན་པར༌མཛད།།  
\v 3 བདག་ཅག་དཀོན་མཆོག་བསྟོད་པའི་མགུར་གསར༌ཞིག །བདག་གི་ཁ་རུ་ལེན་པར་མཛད་པ༌ན། །མང་པོས་མཐོང་ནས་གུས་ཤིང་འཇིགས་པ༌དང༌། །ཡ་ཝཱེ་ཁོང་ལ་བརྟེན་པའི་འདུན་པ༌ཆེ།།  
\v 4 རྫུན་དང་ང་རྒྱལ་ཅན་ལ་མ་འཁོར༌བར། །ཡ་ཝཱེར་བརྟེན་པའི་མི་ལ་བདེ་བ༌འཐོབ།།  
\v 5 ཀྱེ་ཀྱེ་ང་ཡི་དཀོན་མཆོག༌ཡ་ཝཱེ་ལགས། །ཁྱེད་ཀྱིས་མཛད་པའི་ངོ་མཚར་འཕྲིན་ལས༌དང༌། །ངེད་ཅག་དོན་དུ་ཐུགས་བསྐྱེད་ཤིན་ཏུ༌མང༌། །ཁྱེད་ལ་དོ་ཟླ་སུ་དང་གང་ཡང༌མེད། །བདག་ལ་ཇི་བཞིན་བརྗོད་པའི་ནུས་པ༌བྲལ། །གལ་ཏེ་བརྗོད་པར་འདོད་ན་མཐའ་ཡས༌སོ།།  
\v 6 མཆོད་པ་དང་ནི་འབུལ་བར་ཁྱེད་མི༌དགྱེས། །ཁྱེད་ཀྱིས་བདག་གི་རྣ་བ་ཕྱེས་པར༌མཛད། །སྦྱིན་སྲེག་དང་ནི་སྡིག་བཤགས་མཆོད་པ༌སོགས། །ཁྱེད་ཀྱིས་ནམ་ཡང་མཁོ་བར་གསུངས་པ༌མེད།།  
\v 7 དེ་ནས་བདག་གིས་འདི་ལྟར་ཞུས་པ༌སྟེ། །ལྟོས་དང་བདག་ནི་སླེབས་ཤིང་ངའི་དོན༌རྣམས། །ཤོག་སྒྲིལ་མདོ་ནང་སྔར་ནས་བཀོད་འདུག༌གོ།  
\v 8 ཀྱེ་ཀྱེ་བདག་གི་དཀོན་མཆོག་ང་རང༌ནི། །ཁྱེད་ཀྱི་ཐུགས་དགོངས་ཇི་བཞིན་སྒྲུབ་པར༌དགའ། །ཁྱེད་ཀྱི་བཀའ་ཁྲིམས་ནམ་རྒྱུན་སེམས་སུ༌མཆིས།།  
\v 9 ཚོགས་ཆེན་ནང་དུ་དྲང་བདེན་འཕྲིན་བཟང༌སྒྲོག །བདག་གིས་རང་གི་མཆུ་སྒྲོས་འཚུམ་མི༌བྱ། །ཡ་ཝཱེ་ཁྱེད་ཀྱིས་འདི་རྣམས་མཁྱེན་པ༌འོ།།  
\v 10 ཁྱེད་ཀྱི་དྲང་བདེན་སེམས་སུ་སྦས་པ༌མིན། །ཁྱེད་ཀྱི་དམ་ཚིག་ཐར་པ་ངས་བཤད༌ཡོད། །ཁྱེད་ཀྱི་བྱམས་བརྩེ་དང་ནི་བདེན་པ༌ཉིད། །ང་ཡིས་ཚོགས་ཆེན་ནང་དུ་མ་སྦས༌སོ།།  
\v 11 ཡ་ཝཱེས་ང་ལ་སྙིང་རྗེ་མི་འཕྲི༌རོགས། །ཁྱེད་ཀྱི་བྱམས་དང་བདེན་པས་རྟག་ཏུ༌སྲུངས།།  
\v 12 གྲངས་མེད་ཆག་སྒོས་ང་རང་བསྐོར་བ༌དང༌། །བདག་གི་ཉེས་པས་ང་ནི་བཟུང་བས༌ན། །མིག་ཀྱང་བསྒྲིབས་ཤིང་ཉེས་པ་དེ་དག༌ནི། །རང་གི་སྐྲ་ལས་མང་བས་སྙིང་རྩ༌འདར།།  
\v 13 ཀྱེ་ཀྱེ་ཡ་ཝཱེ་ཐུགས་རྗེས་སྐྱབས་སུ༌གསོལ། །མགྱོགས་པོར་ང་ལ་རོགས་རམ་གནང་བར༌མཛོད།།  
\v 14 ངའི་སྲོག་གཅོད་ཕྱིར་ང་རང་འཚོལ་མཁན༌རྣམས། །ལྷན་ཅིག་སྐྱེངས་ཤིང་ངོ་ཡང་ནོངས་གྱུར༌ཅིག །ང་ལ་གནོད་པ་འབྱུང་བར་དགའ་བ༌རྣམས། །ངོ་ཚ་དང་བཅས་ཕམ་པར་གྱུར་ཅིག༌གུ།  
\v 15 ང་ལ་ཨ་ཧ་ཨ་ཧ་ཟེར་མཁན༌རྣམས། །རང་གི་ངོ་ཚའི་རྐྱེན་གྱིས་སྟོངས་པར༌ཤོག།  
\v 16 ཁྱེད་རང་འཚོལ་མཁན་དགའ་ཞིང་མགུ་བ༌དང༌། །ཁྱེད་ཀྱི་སྐྱབས་ལ་དགའ་བས་དུས་རྒྱུན༌དུ། །ཡ་ཝཱེར་བསྟོད་འོས་ཞེས་སུ་སྨྲ་གྱུར༌ཅིག།  
\v 17 འོན་ཀྱང་ང་ནི་དབུལ་ཞིང་ཕོངས་ན༌ཡང༌། །གཙོ་བོས་ང་རང་ཐུགས་སུ་འཛིན་པར༌སྨོན། །ང་ཡི་རོགས་རམ་དང་ནི་སྲོག་སྐྱོབ༌ཁྱེད། །ཀྱེ་ཀྱེ་དཀོན་མཆོག་ཐུགས་གཡེལ་མ་མཛད༌ཅིག།   
\c 41
\cl གསུང་མགུར་ཞེ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ན་ཚ་ཕོག་དུས་ཀྱི་གསོལ་འདེབས།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ དབུལ་པོར་ལྟ་སྐྱོང་བྱེད་པའི་མི་དེ༌བདེ། །རྐྱེན་ངན་དུས་སུ་ཡ་ཝཱེས་ཁོ་བསྐྱབ༌འོང༌།།  
\v 2 ཡ་ཝཱེས་ཁོ་རང་བསྲུངས་ནས་གསོན་པར༌མཛད། །ས་གཞིའི་སྟེང་དུ་མི་དེ་བདེ་བར༌བརྗོད། །དགྲ་བོར་ཅི་འདོད་བྱེད་པར་ཁོ་མ༌གནང༌།།  
\v 3 མལ་སར་ལྷུང་དུས་ཡ་ཝཱེས་ཁོ་སྐྱོང༌ཞིང༌། །ན་བའི་དུས་སུ་ཁྱེད་ཀྱིས་དྲག་སྐྱེད༌གནང༌།།  
\v 4 ཀྱེ་ཀྱེ་ཡ་ཝཱེ་བདག་ལ་སྙིང་རྗེས༌གཟིགས། །བདག་གིས་ཁྱེད་ལ་སྡིག་པ་བྱས་པས༌ན། །ང་རང་དྲག་སྐྱེད་གནང་བར་མཛོད་ཅེས༌ཞུས།།  
\v 5 ཁོ་ནམ་འཆི་ཞིང་མིང་ནི་མེད་པར༌འགྱུར། །དེ་སྐད་དགྲ་རྣམས་བདག་ལ་གཏམ་ངན༌སྨྲ།།  
\v 6 འཕྲད་དུ་འོང་དུས་སྨྲ་བ་རྫུན་གཏམ༌ཡིན། །ཁོས་ནི་རང་གི་སེམས་ནང་གཡོ་སྒྱུ༌གསོག །ཕྱི་རོལ་སླེབས་དུས་དེ་རྣམས་བསྒྲག་པ༌ཡིན།།  
\v 7 ང་ལ་སྡང་མཁན་ཀུན་གྱིས་ཤབ་ཤུབ༌བྱེད། །གནོད་པ་བསྐྱལ་ཕྱིར་ངན་ཇུས་བཤམས་ནས༌ནི།།  
\v 8 ཁོ་རང་ན་ཚ་ལྗིད་མོས་མནར་བ་དང༌། །མལ་སར་ལྷུང་བས་ནམ་ཡང་མི་ལང༌ཟེར།།  
\v 9 ཐ་ན་ང་ཡི་བློས་ཐུབ་མཛའ་གྲོགས་ཏེ། །བདག་དང་མཉམ་དུ་ཁ་ཟས་སྤྱོད་མཁན༌གྱིས། །བདག་ལ་རྐང་པའི་ཕྱི་རྟིང་བསྟན་པ་ཡིན \f + \ft འདིར་རྐང་པའི་ཕྱི་རྟིང་བསྟན་པ་ཡིན་ཞེས་པ་ནི་ངོ་ལོག་བྱས་པར་འཇུག\f*།།  
\v 10 འོན་ཀྱང་ཡ་ཝཱེ་ཁྱེད་ཀྱིས་སྙིང་རྗེ༌མཛོད། །དེ་ཚོའི་དགྲ་ཤ་ལེན་ཕྱིར་ང་བསླང༌རོགས།།  
\v 11 དགྲ་བོས་བདག་ལ་རྒྱལ་ཁའི་འུད་མ༌བརྒྱབ། །དེ་བས་ཁྱེད་ཉིད་བདག་ལ་དགྱེས་པ༌ཤེས།།  
\v 12 ང་རང་རྣམ་པར་དག་པས་ཁྱེད་ཀྱིས༌བསྐྱོར། །རྒྱུན་དུ་ཁྱེད་དྲུང་འགྲེང་བར་མཛད་པ༌ཡིན།།  
\v 13 ཡེས་ར་ཨེལ་གྱི་དཀོན་མཆོག་ཡ་ཝཱེ༌ལ། །རྟག་ཏུ་བསྟོད་འོས་ཨ་མེན་ཨ་མེན༌བརྗོད།།   
\c 42
\cd སྡེ་ཚན་གཉིས་པ།  
\cl གསུང་མགུར་ཞེ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཡུལ་འཁྱར་པའི་གསོལ་འདེབས་དང་པོ།  
\p
\v 1 ༼དབུ་མཛད་ལ་སྤྲད་པའི་ཀོ་རཱག་གི་བུ་རྣམས་ཀྱི་བསླབ་བྱའི་མགུར༌མ།༽ ཆུ་ཕྲན་ལ་ནི་ཤྭ་བ་གདུང་བ༌ལྟར། །དཀོན་མཆོག་ཁྱེད་ལ་ངའི་སེམས་རབ་ཏུ༌གདུང༌།།  
\v 2 ང་ཡི་སེམས་ཀྱིས་དཀོན་མཆོག་ཁོང་ཉིད༌དེ། །གཏན་དུ་གསོན་པོར་བཞུགས་པའི་དཀོན་མཆོག་དྲན། །དཀོན་མཆོག་དྲུང་དུ་ང་རང་ནམ་ཞིག༌བསླེབ།།  
\v 3 ཁྱོད་ཀྱི་དཀོན་མཆོག་གང་དུ་ཡོད་ཅེས༌ཏེ། །མི་ཡིས་ཉིན་གང་བདག་ལ་ཟེར་བས༌ན། །ཉིན་མཚན་གཉིས་པོར་མཆི་མ་ཟས་སུ༌གྱུར།།  
\v 4 སྔོན་ཆད་ནམ་རྒྱུན་མི་ཚོགས་དང་མཉམ༌དུ། །དགའ་སྤྲོའི་ཀི་སྒྲ་དང་ནི་བསྟོད་དབྱངས༌བཅས། །དེ་རྣམས་ཁྲིད་ནས་དཀོན་མཆོག་བཞུགས་གནས༌སུ། །དུས་ཆེན་གཏོང་བར་ཕྱིན་ཚུལ་དྲན་པ༌ལ། །བདག་གི་སེམས་ནི་རབ་ཏུ་སྐྱོ་བར༌གྱུར།།  
\v 5 ང་ཡི་སེམས་ནི་ཅི་ལ་ཕམ་པ༌ཡིན། །བདག་གི་སྙིང་ཁོང་འཁྲུགས་དོན་ཅི་ཡིན༌ནམ། །ང་ཡི་མགོན་སྐྱབས་ང་ཡི་དཀོན་མཆོག༌ལ། །བདག་གིས་ད་དུང་བསྟོད་བསྔགས་བརྗོད་པས༌ན། །ཁྱོད་ཀྱིས་ཁོང་ལ་རེ་ལྟོས་བཅང་འོས༌སོ།།  
\v 6 ཀྱེ་ཀྱེ་ང་ཡི་དཀོན་མཆོག་ངའི་སེམས༌ནི། །ང་ཡི་ནང་ནས་རབ་ཏུ་ཕམ་པས༌ན། །ཡོར་དན་ཡུལ་དང་ཧེར་མོན་རི་བོ༌དང༌། །རྨི་ཙར་རི་བོ་བཅས་ནས་ཁྱེད་དྲན༌ནོ།།  
\v 7 ཁྱེད་ཀྱི་རྦབ་ཆུས་སྐད་སྒྲ་བསྒྲགས་པ༌ན། །གཏིང་ཟབ་རྒྱ་མཚོ་གཅིག་གིས་གཅིག་ལ༌གླེང༌། །ཁྱེད་ཀྱི་རྦ་ཀློང་རྦ་རླབས་དྲག་པོ༌ཡིས། །ང་རང་ཀུན་ནས་གཡོགས་ཏེ་ཁྱེར་པ༌འོ།།  
\v 8 ཉིན་མོར་ཡ་ཝཱེས་བདག་ལ་བྱམས་བརྩེ༌གནང༌། །མཚན་མོར་ང་ཡིས་ཁོང་ལ་བསྟོད་དབྱངས༌འབུལ། །ཚེ་སྲོག་སྩོལ་བའི་དཀོན་མཆོག་ཁོང་ལ༌གསོལ།།  
\v 9 ང་ཡི་བྲག་རི་ལགས་པའི་དཀོན་མཆོག༌ལ། །ཁྱེད་ཀྱིས་ང་རང་བརྗེད་དོན་ཅི་ཡིན༌ནམ། །དགྲ་བོའི་གཉའ་གནོན་དབང་གིས་ང་རང༌ནི། །མྱ་ངན་ནང་དུ་འགྲུལ་བ་ཅི་ཞེས༌ཞུ།།  
\v 10 དགྲ་བོས་ཉིན་གང་བདག་ལ་སྨད་ནས༌ནི། །ཁྱོད་ཀྱི་དཀོན་མཆོག་གང་དུ་བཞུགས་ཟེར༌དུས། །ང་ཡི་རུས་པ་རལ་གྲིས་གཏོར་བ༌འདྲ།།  
\v 11 ང་ཡི་སེམས་ནི་ཅི་ལ་ཕམ་པ༌ཡིན། །བདག་གི་སྙིང་ཁོང་འཁྲུགས་དོན་ཅི་ཡིན༌ནམ། །ང་ཡི་མགོན་སྐྱབས་ང་ཡི་དཀོན་མཆོག༌ལ། །བདག་གིས་ད་དུང་བསྟོད་བསྔགས་བརྗོད་པས༌ན། །ཁྱོད་ཀྱིས་ཁོང་ལ་རེ་ལྟོས་བཅང་འོས༌སོ།།   
\c 43
\cl གསུང་མགུར་ཞེ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཡུལ་འཁྱར་པའི་གསོལ་འདེབས་གཉིས་པ།  
\p
\v 1 ཀྱེ་ཀྱེ་དཀོན་མཆོག་ང་ལ་དག་འབུད༌མཛོད། །བདག་གི་གྱོད་དོན་དད་མེད་མི་རིགས༌ལ། །རྩོད་པར་མཛོད་ཅིག་གཡོ་སྒྱུ་ཅན་རྣམས༌དང༌། །ལོག་ལྟ་ཅན་ལས་ང་རང་བསྐྱབ་ཏུ༌གསོལ།།  
\v 2 ཁྱེད་ནི་ང་ཡི་སྐྱབས་གནས་དཀོན་མཆོག༌ཡིན། །ཁྱེད་ཀྱིས་ང་རང་སྤངས་དོན་ཅི་ཡིན༌ནམ། །དགྲ་བོའི་གཉའ་གནོན་དབང་གིས་ང་རང༌ནི། །མྱ་ངན་ནང་དུ་འགྲུལ་བ་ཅིའི་ཕྱིར༌ཡིན།།  
\v 3 ཁྱེད་ཀྱིས་ཉིད་ཀྱི་འོད་དང་བདེན་པ༌སྩོལ། །དེ་ཡིས་ང་ལ་ལམ་སྟོན་མཛད་ནས༌ནི། །དམ་པའི་རི་དང་བཞུགས་གནས་དེར་འཁྲིད༌རོགས།།  
\v 4 དེ་ནས་དཀོན་མཆོག་མཆོད་ཁྲིའི་རྩར་བཏུད༌ནས། །བདག་གི་དགའ་སྤྲོའི་མཆོག་སྟེ་དཀོན་མཆོག༌དྲུང༌། །ཀྱེ་ཀྱེ་དཀོན་མཆོག་ང་ཡི་དཀོན་མཆོག༌ལགས། །པི་ཝང་དཀྲོལ་ཞིང་ཁྱེད་ལ་བསྟོད་བསྔགས༌བརྗོད།།  
\v 5 ང་ཡི་སེམས་ནི་ཅི་ལ་ཕམ་པ༌ཡིན། །བདག་གི་སེམས་ཁོང་འཁྲུགས་དོན་ཅི་ཡིན༌ནམ། །ང་ཡི་མགོན་སྐྱབས་ང་ཡི་དཀོན་མཆོག༌ལ། །བདག་གིས་ད་དུང་བསྟོད་བསྔགས་བརྗོད་པས༌ན། །ཁྱོད་ཀྱིས་ཁོང་ལ་རེ་ལྟོས་བཅང་འོས༌སོ།།   
\c 44
\cl གསུང་མགུར་ཞེ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེར་སྐྱབས་གསོལ་བའི་སྨོན་ལམ།  
\p
\v 1 ༼དབུ་མཛད་ལ་སྤྲད་པའི་ཀོ་རཱག་གི་བུ་རྣམས་ཀྱི་བསླབ་བྱའི་མགུར༌མ།༽ དཀོན་མཆོག་ཁྱེད་ཀྱིས་གནའ་སྔ༌མོར། །ངེད་ཀྱི་ཕ་མེས་རྣམས་ཀྱི༌དུས། །མཛད་པའི་འཕྲིན་ལས་རྣ་བས༌ཐོས། །མེས་པོས་བདག་ལ་སྨྲས་བྱུང༌ངོ༌།།  
\v 2 ཁྱེད་ཀྱི་ཕྱག་གིས་མི་རིགས༌རྣམས། །བསྐྲད་ཀྱང་ཕ་མེས་གསོ་སྐྱོང༌མཛད། །ཁྱེད་ཀྱིས་མི་སྡེ་རྣམས་གཏོར༌ཡང༌། །ཕ་མེས་རྣམས་ནི་དར་བར༌མཛད།།  
\v 3 དེ་ཚོའི་རལ་གྲིས་ཡུལ་ཁམས༌ནི། །བཟུང་བ་མ་ཡིན་རྒྱལ་ཁ༌ཡང༌། །རང་གི་དཔུང་པས་བླངས་པ༌མིན། །ཁྱེད་ཀྱིས་དེ་ཚོར་གཅེས་པས༌ན། །ཁྱེད་ཕྱག་གཡས་དང་དཔུང་པ་དང༌། །ཞལ་རས་འོད་མདངས་བཅས་ལ༌བརྟེན། །ཡུལ་ནི་བཟུང་བ་ཡིན་ལགས༌སོ།།  
\v 4 དཀོན་མཆོག་ཁྱེད་ངའི་རྒྱལ་པོ༌ལགས། །ཡ་ཀོབ་རྒྱལ་བའི་བཀའ་གནོངས༌ཤིག།  
\v 5 ཁྱེད་ལ་བརྟེན་ནས་དགྲ་བཟློག༌ཅིང༌། །ངེད་ལ་སྡང་བའི་མི་རྣམས༌ནི། །ཁྱེད་མཚན་ནང་དུ་རྡོག་རྫིས༌གཏོང༌།།  
\v 6 རང་གི་གཞུ་ལ་བློ་གཏད༌མེད། །རལ་གྲིས་ང་རང་རྒྱལ་མི༌འགྱུར།།  
\v 7 འོན་ཀྱང་ངེད་རྣམས་དགྲ་ལས༌བསྐྱབས། །སྡང་མཁན་རྣམས་ཀྱང་ནོངས་པར༌མཛད།།  
\v 8 ངེད་ཀྱིས་ཉིན་གང་དཀོན་མཆོག༌བསྔགས། །རྒྱུན་དུ་ཁྱེད་ཀྱི་མཚན་ལ༌བསྟོད།།༼ སེ༌ལཱ། ༽  
\v 9 འོན་ཀྱང་ད་ལྟ་ཁྱེད་ཉིད༌ཀྱིས། །ངེད་རྣམས་དོར་ནས་དམའ་སར༌ཕབ། །དམག་དཔུང་མཉམ་དུ་ཁྱེད་མི༌གཤེགས།།  
\v 10 དགྲ་ལས་ངེད་རྣམས་ཕམ་པར༌མཛད། །སྡང་མཁན་རྣམས་ཀྱིས་གང་འདོད༌བཅོམ།།  
\v 11 བཤས་ལུག་བཞིན་དུ་ཁྱེད་ཀྱིས༌མཛད། །མི་རིགས་ཁྲོད་དུ་ངེད་རྣམས༌གཏོར།།  
\v 12 ཉིད་ཀྱི་མི་སྡེ་རིན་མེད༌བཙོངས། །རིན་དེས་ཁྱེད་ཀྱི་ནོར་མ༌སྤེལ།།  
\v 13 ཁྱིམ་མཚེས་དག་གི་སྨད་ར༌དང༌། །ཉེ་འཁོར་མི་ཡི་ཟུར་ཟ༌དང༌། །ཁྲེལ་དགོད་བྱེད་སར་ཁྱེད་ཀྱིས༌མཛད།།  
\v 14 མི་རིགས་རྣམས་ཀྱི་ངག་རྒྱུན༌དང༌། །མི་སྡེ་རྣམས་ཀྱིས་མགོ་གཡུག༌པའི། །གནས་སུ་ཁྱེད་ཀྱིས་ངེད་རྣམས༌མཛད།།  
\v 15-16 དགྲ་དང་དགྲ་ཤ་ལེན་མཁན༌དང༌། །འཕྱ་སྨོད་དམའ་འབེབ་ཚིག་གི༌རྐྱེན། །ཉིན་གང་ངོ་ཚ་མདུན་དུ༌ལྷགས། །འཚེར་བས་གདོང་ཡང་བཏུམས་པར༌བྱས།།  
\v 17 འདི་རྣམས་ངེད་སྟེང་བབས་ན༌ཡང༌། །ཁྱེད་ཉིད་བརྗེད་པར་མ་གྱུར༌ཅིང༌། །ཞལ་ཆད་ལ་ཡང་འགལ་བ༌མེད།།  
\v 18 སེམས་ནི་མ་འཁྱོར་གོམ་སྟབས༌ཀྱང༌། །ཁྱེད་ཀྱི་ཕེབས་ལམ་ལས་མ༌འཆོལ།།  
\v 19 འོན་ཀྱང་ཁྱི་སྤྱང་གནས་སུ༌ནི། །ཁྱེད་ཀྱིས་ངེད་རྣམས་རབ་ཏུ༌བརྫིས། །འཆི་བའི་གྲིབ་མས་ཡོངས་སུ༌བཀབ།།  
\v 20 རང་གི་དཀོན་མཆོག་མཚན་བརྗེད༌ཅིང༌། །གཞན་ལྷར་ལག་པ་བརྐྱངས་ཡོད༌ན།།  
\v 21 སེམས་ཀྱི་གསང་བ་དཀོན་མཆོག༌གིས། །མཁྱེན་པས་དེ་རྩད་མི་ཆོད༌དམ།།  
\v 22 ཁྱེད་ཉིད་རྐྱེན་གྱིས་གཞན་དག་གིས། །ངེད་རྣམས་ཉིན་རེར་གསོད་པ་དང་། །ངེད་ཅག་བཤས་ལུག་ལྟ་བུར་བརྩིས།།  
\v 23 ཀྱེ་ཀྱེ་གཙོ་བོ་སད་རོགས༌གནོངས། །ད་དུང་གཟིམས་ནས་བཞུགས་པ༌ཅི། །ཁྱེད་ཉིད་ཡར་ལ་བཞེངས་པར་མཛོད། །ངེད་རྣམས་རྟག་ཏུ་མི་སྤང༌རོགས།།  
\v 24 ཁྱེད་ཀྱི་ཞལ་རས་སྦས་ནས༌ནི། །ངེད་རྣམས་འཕྲད་པའི་སྡུག་བསྔལ༌དང༌། །གཉའ་གནོན་བརྗེད་པ་ཅི་ཡིན༌ནམ།།  
\v 25 ངེད་རྣམས་བཏུད་ནས་ཐལ་བར༌འདྲེས། །ལུས་ཀྱང་ས་ལ་འབྱར་བར༌གྱུར།།  
\v 26 ཁྱེད་ཉིད་བཞེངས་ནས་གྲོགས་མཛོད༌དང་། །བྱམས་བརྩེའི་དབང་གིས་ངེད་སྒྲོལ༌ཅིག།   
\c 45
\cl གསུང་མགུར་ཞེ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་པོ་ཚང་གི་གསོལ་སྟོན་གྱི་མགུར་མ།  
\p
\v 1 ༼མེ་ཏོག་ཀུ་མུད་ཀྱི་དབྱངས་ནང༌དུ། ཀོ་རཱག་གི་བུ་རྣམས་ཀྱིས་གདུང་སེམས་དང་བཅས་དབུ་མཛད་ལ་བླངས་པའི་བསླབ་བྱའི་མགུར༌མ།༽ ཚིག་སྦྱོར་སྙན་མོས་བདག་གི་སེམས་བསྒུལ༌ཞིང༌། །རྒྱལ་པོ་ལ་ནི་ང་ཡིས་ཅི་བྱས༌བརྗོད། །བདག་གི་ལྕེ་ནི་མཁས་པའི་འབྲི་སྨྱུག༌ཡིན།།  
\v 2 མི་བུ་རྣམས་ལས་ཁྱེད་ནི་ལྷག་པར༌མཛེས། །ཁྱེད་ཀྱི་མཆུ་ལ་ཐུགས་རྗེ་ཕྱུག་པའི༌སྟབས། །དཀོན་མཆོག་གིས་ནི་གཏན་དུ་བྱིན་གྱིས༌བརླབས།།  
\v 3 དཔལ་དང་གཟི་བྱིན་ལགས་པའི་རལ་གྲི༌དེ། །ཀུན་དབང་ཁྱེད་ཀྱི་སྐུ་རྐེད་འདོགས་པར༌མཛོད།།  
\v 4 བདེན་པ་ཉིད་དང་ཁེངས་སྐྱུང་དྲང་བདེན༌ཕྱིར། །ཉིད་ཀྱི་གཟི་བྱིན་ཁྲོད་དུ་རྒྱལ་ཁའི༌ངང༌། །ཆིབས་ཁ་བསྒྱུར་ནས་མདུན་དུ་བསྐྱོད་པར༌མཛོད། །ཕྱག་གཡས་འཇིགས་རུང་དོན་རྣམས་མཛད་གྱུར༌ཅིག།  
\v 5 རྒྱལ་པོའི་རྣོ་ཞིང་མྱུར་བའི་མདའ་མོ༌ནི། །ཉིད་ཀྱི་དགྲ་ཡི་སྙིང་ལ་ཕོག་པ༌དང༌། །མི་སྡེ་ཐམས་ཅད་ཁྱེད་ཀྱི་ཞབས་འོག༌འགྱེལ།།  
\v 6 དཀོན་མཆོག་ཁྱེད་ཀྱི་བཞུགས་ཁྲི་རྟག་ཏུ༌གནས། །འཁར་བ་དྲང་པོ་ཁྱེད་ཀྱི་སྲིད་འཁར་ཡིན།།  
\v 7 ཁྱེད་ནི་དྲང་པོར་མཉེས་ཤིང་ངན་པར༌སྡང༌། །དེའི་ཕྱིར་དཀོན་མཆོག་ཁྱེད་ཀྱི་དཀོན་མཆོག༌གིས། །ཁྱེད་ཀྱི་གྲོགས་པོ་རྣམས་ལས་ལྷག་པར༌དུ། །ཁྱེད་ལ་དགའ་སྤྲོའི་སྣུམ་གྱིས་བྱུགས་པར༌མཛད།།  
\v 8 ན་བཟའ་རྣམས་ལས་བྱུགས་རྫས་གུ་གུལ༌དང༌། །ཨ་ག་རུ་དང་ཤིང་ཚའི་དྲི་བསུང༌འཐུལ། །བ་སོའི་མཁར་གྱི་རོལ་མོ་ལས་འབྱུང༌བའི། །སྙན་པའི་སྒྲ་ཡིས་ཁྱེད་ལ་སྤྲོ་བ༌བསྐྱེད།།  
\v 9 ཁྱེད་ཀྱི་བཀུར་འོས་བཞིན་བཟང་རྣམས་ཀྱི༌ཁྲོད། །རྒྱལ་པོའི་སྲས་མོ་བཞུགས་ཤིང་ཕྱག་གཡས༌སུ། །ཨོ་ཕིར་གསེར་རྒྱན་བཏགས་པའི་རྒྱལ་མོ༌བཞེངས།།  
\v 10 ཀྱེ་ཀྱེ་བུ་མོ་ཁྱེད་ཀྱིས་མཉན་པར༌གྱིས། །བསམ་བློ་ཐོངས་ལ་རྣ་བ་གཏད་ནས༌ཉོན། །རང་གི་རྒྱུད་དང་ཕ་གཞིས་བརྗེད་གྱུར༌ཅིག །  
\v 11 ཁྱེད་ཀྱི་མཛེས་སྡུག་ལ་ནི་རྒྱལ་པོ༌གདུང༌། །རང་གི་གཙོ་བོ་ཁོང་ལ་ཕྱག་ཕུལ༌ཞིག།  
\v 12 ཐཱར་གྱི་བུ་མོས་ཕྱག་རྟེན་འབུལ་བ༌དང༌། །མི་སྡེའི་ཕྱུག་པོས་ཁྱེད་ཀྱི་ཐུགས་རྗེ༌བསྙེག།  
\v 13 ཁབ་ཏུ་རྒྱལ་པོའི་སྲས་མོ་ཤིན་ཏུ༌མཛེས། །ན་བཟའ་གསེར་གྱི་སྐུད་པས་བཏགས་པ༌འོ།།  
\v 14 ཚེམ་དྲུབ་གསོལ་ཏེ་རྒྱལ་པོའི་དྲུང་བསྐྱལ༌འོང༌། །ཁོ་མོའི་བག་རོགས་ན་ཆུང་བུ་མོ༌རྣམས། །དེ་བཞིན་ཁྱེད་ཀྱི་སྐུ་དྲུང་བསྐྱལ་བར༌འགྱུར།།  
\v 15 དགའ་མགུ་ཡི་རངས་དང་བཅས་བསྐྱལ་བ༌དང༌། །དེ་རྣམས་རྒྱལ་པོའི་ཁབ་ནང་འཇུག་པར༌འགྱུར།།  
\v 16 བུ་རྒྱུད་རྣམས་ཀྱིས་ཡབ་མེས་རྒྱུན་འཛིན༌ཞིང་། །ས་གཞི་ཡོངས་སུ་རྗེ་བོར་ཁྱེད་ཀྱིས༌བསྐོ།།  
\v 17 ཁྱེད་མཚན་མི་རབས་ཀུན་ལ་དྲན་པར༌བྱ། །མི་སྡེ་ཡོངས་ཀྱིས་རྟག་ཏུ་ཁྱེད་ལ༌བསྟོད།།   
\c 46
\cl གསུང་མགུར་ཞེ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ང་ཚོ་དང་མཉམ་དུ་བཞུགས་པ།  
\p
\v 1 ༼དབུ་མཛད་ལ་སྐྱེས་མའི་གཞས་གདངས་མཐོན་པོར་བླངས་པའི་ཀོ་རཱག་གི་བུ་རྣམས་ཀྱི་མགུར༌མ།༽ དཀོན་མཆོག་རང་ཅག་སྐྱབས་གནས་སྟོབས་ཤུགས༌ཡིན། །སྡུག་བསྔལ་ནང་དུ་ང་ཚོའི་སྐྱབས་ལགས༌སོ།།  
\v 2 དེའི་ཕྱིར་ས་གཞི་འགུལ་ཞིང་རི་བོ༌རྣམས། །བརྡིབས་ནས་རྒྱ་མཚོའི་གཏིང་དུ་ནུབ་པ༌དང༌།།  
\v 3 རྒྱ་མཚོའི་རྦ་རླབས་དྲག་ཏུ་འཕྱུར་ནས༌ནི། །རི་རྣམས་བསྒུལ་ཡང་ང་ཚོར་འཇིགས་པ༌མེད།།༼ སེ༌ལཱ། ༽  
\v 4 དེ་རུ་གཙང་པོ་ཞིག་ཀྱང་ཡོད་པ༌དང༌། །ཆུ་ཕྲན་མང་པོས་བླ་མེད་དཀོན་མཆོག༌གི །བཞུགས་གནས་དམ་པའི་གྲོང་ཁྱེར་སྐྱིད་པར༌བྱེད།།  
\v 5 དཀོན་མཆོག་དབུས་སུ་བཞུགས་པས་གཡོ་མི༌འགྱུར། །ཐོ་རངས་དཀོན་མཆོག་གིས་ནི་དེར་གྲོགས༌མཛད།།  
\v 6 ཕྱི་ཕྱོགས་མི་རྣམས་འུར་སྒྲོག་རྒྱལ་ཁམས༌གཡོ། །ཁོང་གིས་གསུང་སྐད་བཏོན་པས་ས་གཞི༌ཞུ།།  
\v 7 དཔུང་ཚོགས་ཡ་ཝཱེ་རང་ཅག་མཉམ་དུ༌བཞུགས། །ཡ་ཀོབ་དཀོན་མཆོག་ང་ཚོའི་སྐྱབས་གནས༌ལགས།།༼ སེ༌ལཱ། ༽  
\v 8 ས་གཞི་ཇི་ལྟར་སྟོངས་སུ་བཅུག་པ༌ཡི། །ཡ་ཝཱེའི་མཛད་པ་རྣམས་ལ་བལྟ་རུ༌ཤོག།  
\v 9 ཁོང་གིས་ས་མཐའི་བར་དུ་དམག་འཁྲུག༌སེལ། །གཞུ་བཅག་མདུང་གཏུབ་ཤིང་རྟ་མེར་བསྲེགས༌སོ།།  
\v 10 དཀོན་མཆོག་ང་ཡིན་རྟོགས་ནས་ལྷོད་ལྷོད༌གྱིས། །མི་རིགས་རྣམས་ཀྱི་ཁྲོད་དུ་བདག་ལ༌བསྟོད། །ས་གཞི་ཡོངས་སུ་བདག་ལ་བསྟོད་པ༌འབྱུང༌།།  
\v 11 དཔུང་ཚོགས་ཡ་ཝཱེ་རང་ཅག་མཉམ་དུ༌བཞུགས། །ཡ་ཀོབ་དཀོན་མཆོག་ང་ཚོའི་སྐྱབས་གནས༌ལགས།།༼ སེ༌ལཱ། ༽   
\c 47
\cl གསུང་མགུར་ཞེ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བླ་ན་མེད་པའི་དཀོན་མཆོག་ཡ་ཝཱེ།  
\p
\v 1-2 ༼དབུ་མཛད་ལ་སྤྲད་པའི་ཀོ་རཱག་གི་བུ་རྣམས་ཀྱི་མགུར༌མ།༽ བླ་མེད་ཡ་ཝཱེ་གུས་པར་འོས་པ་དང༌། །ས་གཞི་ཡོངས་ཀྱི་རྒྱལ་ཆེན་ཡིན་པས༌ན། །མི་རིགས་ཀུན་གྱིས་ཐལ་མོ་བརྡབས་ནས༌ནི། །དཀོན་མཆོག་ཉིད་ལ་དགའ་སྤྲོའི་ཀི་སྒྲ༌སྒྲོགས།།  
\v 3 ཁོང་གིས་སྡེ་རྣམས་རང་ཅག་འོག་ཏུ༌བསྡུས། །མི་རིགས་རྣམས་ཀྱང་ང་ཚོའི་རྐང་འོག༌བཅུག།  
\v 4 ཁོང་གིས་གཅེས་སུ་འཛིན་པའི་ཡ་ཀོབ༌ཀྱི། །གཟི་དཔལ་ཡིན་པའི་ནོར་སྐལ་ང་ཚོར༌བདམས།།༼ སེ༌ལཱ། ༽  
\v 5 ཀི་སྒྲའི་ཁྲོད་དུ་དཀོན་མཆོག་ཡར་འཕགས༌ཤིང༌། །དུང་སྐད་དང་བཅས་ཡ་ཝཱེ་ཡར་འཕགས༌སོ།།  
\v 6 ཁྱོད་ཚོས་དཀོན་མཆོག་ཁོང་ལ་བསྟོད་དབྱངས༌ཕུལ། །ང་ཚོའི་རྒྱལ་པོར་བསྟོད་པའི་མགུར་མ༌ཕུལ།།  
\v 7 དཀོན་མཆོག་ས་གཞི་ཡོངས་ཀྱི་རྒྱལ་པོ༌ཡིན། །དེའི་ཕྱིར་གོ་རྟོགས་དང་བཅས་ཁོང་ལ༌བསྟོད།།  
\v 8 དཀོན་མཆོག་ཉིད་ཀྱིས་མི་རྣམས་དབང་དུ༌བསྒྱུར། །ཁོང་ནི་དམ་པའི་རྒྱལ་ཁྲིར་བཞུགས་པ༌ལགས།།  
\v 9 ཨབ་ར་ཧམ་གྱི་དཀོན་མཆོག་འབངས་མི༌བཞིན། །མི་སྡེའི་སྐུ་དྲག་རྣམས་ཀྱང་མཉམ་དུ༌འདུ། །ས་གཞིའི་ཕུབ་རྣམས་དཀོན་མཆོག་ཉིད་ཀྱི༌ཡིན། །ཁོང་ཉིད་རབ་ཏུ་འཕགས་པ་ལགས་པས༌སོ།།   
\c 48
\cl གསུང་མགུར་ཞེ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གི་གྲོང་ཁྱེར་ཛ་ཡན།  
\p
\v 1 ༼ཀོ་རཱག་གི་བུ་རྣམས་ཀྱི་མགུར༌མ།༽ རང་རེའི་དཀོན་མཆོག་ཉིད་ཀྱི་གྲོང་ཁྱེར༌ཏེ། །རི་བོ་དམ་པར་ཡ་ཝཱེ་ཁྱད་དུ༌འཕགས། །ཁོང་ནི་རབ་ཏུ་བསྟོད་པར་འོས་ལགས༌སོ།།  
\v 2 རྒྱལ་པོ་ཆེན་པོའི་གྲོང་ཁྱེར་བྱང་ངོས༌ཀྱི། །ཛ་ཡན་རི་བོ་མཐོན་པོའི་གནས་སུ༌མཛེས། །ས་གཞི་ཡོངས་ཀུན་དགའ་བའི་གནས་མཆོག༌ཡིན།།  
\v 3 དཀོན་མཆོག་དེ་ཡི་མཁར་རྫོང་ནང་དུ༌བཞུགས། །ཁོང་ཉིད་སྐྱབས་གནས་ཡིན་པ་གསལ་ལེར༌མངོན།།  
\v 4 ལྟོས་དང་རྒྱལ་པོ་རྣམས་ནི་མཉམ་དུ༌འདུས། །ཁོ་རྣམས་ལྷན་ཅིག་མདུན་དུ་སྐྱོད་པ༌ཡིན།།  
\v 5 ཁོ་ཚོས་གྲོང་ཁྱེར་དེ་ཉིད་མཐོང་མ༌ཐག །ཡ་མཚན་སྐྱེས་ཤིང་འཇིགས་ནས་བྲོས༌པ་འོ།།  
\v 6 ཁོ་རྣམས་དེ་རུ་སྐྲག་ནས་འདར་བ༌དང༌། །ཕྲུ་གུ་བཙའ་བའི་བུད་མེད་བཞིན་དུ༌གདུང༌།།  
\v 7 ཤར་རླུང་དང་བཅས་ཐཱར་ཞིས་གྲུ་རྣམས༌གཅོག།  
\v 8 ང་ཚོས་དཔུང་ཚོགས་ཡ་ཝཱེའི་གྲོང་ཁྱེར༌ཏེ། །རང་ཅག་དཀོན་མཆོག་ཉིད་ཀྱི་གྲོང་ཁྱེར༌དུ། །ཇི་ལྟར་ཐོས་བཞིན་ང་ཚོས་མཐོང་བ༌ཡིན། །ཁོང་གིས་གྲོང་ཁྱེར་རྟག་ཏུ་བརྟན་པོར༌མཛད།།༼ སེ༌ལཱ། ༽  
\v 9 ཀྱེ་ཀྱེ་དཀོན་མཆོག་ཁྱེད་ཀྱི་མཆོད་ཁང༌དུ། །ང་ཚོས་ཉིད་ཀྱི་བྱམས་བརྩེ་སྒོམ་པར༌བྱེད།།  
\v 10 ཀྱེ་ཀྱེ་དཀོན་མཆོག་ཁྱེད་ཀྱི་མཚན་ནང༌བཞིན། །ཁྱེད་ལ་ཕུལ་བའི་བསྟོད་བསྔགས་ས་མཐར༌སླེབས། །ཁྱེད་ཕྱག་གཡས་པར་དྲང་བདེན་ཁྱབ་ནས༌ཡོད།།  
\v 11 ཁྱེད་ཀྱི་ཁྲིམས་གཅོད་རྣམས་ཀྱི་དབང་གིས༌ནི། །རི་བོ་ཛ་ཡན་དགའ་ཞིང་ཡ་ཧུ༌དཱའི། །བུ་མོ་ཐམས་ཅད་མགུ་བར་འོས་སོ༌ལོ།།  
\v 12 ཁྱོད་རྣམས་ཛ་ཡན་ཡུལ་ལ་འགྲིམ་པ༌དང༌། །སྐོར་བ་བྱས་ནས་ལྕོག་མཁར་རྣམས་རྩིས༌ཤིག།  
\v 13 མི་རབས་ཕྱི་མ་རྣམས་ལ་འཆད་ཐུབ༌ཕྱིར། །ཁོང་གི་ལྕགས་རིར་མཉམ་པར་འཇོག་པ་དང་། །ཁོང་གི་ཕོ་བྲང་ལ་ནི་ཞིབ་ལྟ༌གྱིས།།  
\v 14 གང་ལ་ཞེ་ན་དཀོན་མཆོག་འདི་ཉིད༌ནི། །རྒྱུན་ནས་རྒྱུན་དུ་རང་རེའི་དཀོན་མཆོག༌ཡིན། །འཆི་བའི་བར་དུ་ང་ཚོར་ལམ་སྟོན༌མཛད།།   
\c 49
\cl གསུང་མགུར་ཞེ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱུ་ནོར་ལ་བརྟེན་པའི་བླུན་རྨོངས།  
\p
\v 1 ༼དབུ་མཛད་ལ་སྤྲད་པའི་ཀོ་རཱག་གི་བུ་རྣམས་ཀྱི་མགུར༌མ།༽ མི་སྡེ་ཡོངས་ཀྱིས་བདག་གི་གཏམ་ལ༌གསོན། །རྣ་བ་གཏོད་ཅིག་འཇིག་རྟེན་སྐྱེ་དགུ༌ཀུན།།  
\v 2 མཆོག་དམན་དབུལ་ཕྱུག་གང་ཡིན་ཉོན་ཅིག༌ཀྱེ།།  
\v 3 བདག་གི་ངག་ལས་ཤེས་རབ་གཏམ་སྨྲ༌ཞིང༌། །བདག་གི་སེམས་ནས་དོན་ཟབ་བསམ་བློ༌གཏོང༌།།  
\v 4 བདག་གིས་ལེགས་བཤད་ཅིག་ལ་རྣ་བ༌གཏད། །པི་ཝང་སྒྲ་དང་སྦྲགས་ནས་གབ་ཚིག༌འགྲེལ།།  
\v 5 སྡུག་བསྔལ་མང་དུ་འབྱུང་བའི་ཉིན་མོ༌ལ། །མི་ངན་བདག་གི་རྐང་བའི་རྗེས་འབྲངས༌ཏེ། །ཕྱོགས་བཞི་མཚམས་བརྒྱད་ཀུན་ནས་མཐའ་བསྐོར༌ཡང༌། །བདག་ནི་འཇིགས་པའི་སྐལ་བ་ཡོད་དམ༌ཅི།།  
\v 6 དེ་ཚོས་རྒྱུ་ལ་བརྟེན་ནས་འབྱོར་ཕྱུག༌ངོམས།།  
\v 7 འོན་ཀྱང་དེ་ལས་རང་གི་སྤུན་ཟླ༌ནི། །སྐྱོབ་པར་ནུས་པ་གཅིག་ཀྱང་ཡོད་མ༌ཡིན། །ཡང་ན་དེ་ཡི་ཚབ་ཏུ་དཀོན་མཆོག༌ལ། །བླུ་རིན་འབུལ་བར་ནུས་པ་ཡོད་མ༌ཡིན།།  
\v 8-9 དུར་ལ་མི་འཇུག་རྟག་ཏུ་གསོན་པའི༌ཕྱིར། །ཚེ་སྲོག་ཉོ་བའི་བླུ་རིན་རྫོགས་མེད༌པས། །འཇལ་བའི་བསམ་པ་རྟག་ཏུ་འདོར་དགོས༌བྱུང༌།།  
\v 10 སུས་ཀྱང་ཤེས་རབ་ལྡན་པ་འཆི་བ༌མཐོང༌། །བླུན་ཞིང་རྨོངས་པ་མཉམ་དུ་འཆི་བ༌མཐོང༌། །དེ་ཡི་རྒྱུ་ནོར་ཐམས་ཅད་གཞན་ལ༌འཐོབ།།  
\v 11 དེ་ཚོའི་སེམས་སུ་རང་གི་ཁྱིམ་གཞིས༌ཀུན། །རྟག་ཏུ་གནས་ཤིང་ཕྱི་མར་དབང་བར༌སྙམ། །ས་ལ་རང་གི་མིང་ཡང་འདོགས་པར༌བྱེད།།  
\v 12 འོན་ཀྱང་རྙེད་བཀུར་ནང་དུ་སྡོད་མི༌རིང༌། །འཆི་བར་འགྱུར་བའི་དུད་འགྲོ་ནང་བཞིན༌ཡིན།།  
\v 13 དེ་ཚོའི་བྱེད་ལུགས་གླེན་པ་ཡིན་ན༌ཡང༌། །མི་རབས་རྗེས་མ་དེ་ཚོའི་གཏམ་ལ༌མོས།།༼ སེ༌ལཱ། ༽  
\v 14 དེ་རྣམས་གཤིན་ཡུལ་མངགས་པའི་ལུག་ཁྱུ༌བཞིན། །འཆི་བ་དངོས་ནི་རྫི་བོ་ཤ་སྟག༌ཡིན། །ཞོགས་པའི་དུས་སུ་གཞུང་དྲང་མི་རྣམས༌ཀྱིས། །དེ་རྣམས་དབང་ཤེད་དྲག་པོས་གནོན་པར༌བྱེད། །གཤིན་པོའི་གནས་ཀྱིས་དེ་དག་ལུས་གཟུགས༌འཇོམས། །དེ་ལ་སྡོད་པའི་གནས་ཀྱང་མེད་པར༌བྱས།།  
\v 15 འོན་ཀྱང་བདག་གི་རྣམ་ཤེས་དཀོན་མཆོག༌གིས། །གཤིན་པོའི་གནས་ཀྱི་དབང་ཤུགས་ནས་བླུས༌ཏེ། །བདག་ནི་ཁོང་གི་དྲུང་དུ་འདྲེན་པར༌སྲིད།།༼ སེ༌ལཱ། ༽  
\v 16 སུ་ཞིག་རྒྱུ་ནོར་འཛོམས་ཤིང་དཔལ་རྒྱས༌དུས། །ཁྱོད་ཀྱི་སེམས་ནི་འཁྲུགས་པར་མི༌བྱ་འོ།།  
\v 17 གང་ལ་ཞེ་ན་ཁོ་རང་འཆི་བའི༌དུས། །རྒྱུ་ནོར་ལ་སོགས་ཅི་ཡང་འཁྱེར་མི༌ནུས། །གཟི་དཔལ་ཁོ་ཡི་རྗེས་སུ་འབྲང་བ༌མིན།།  
\v 18 དེ་ཡང་ཁོ་རང་གསོན་པོར་འཚོ་དུས༌སུ། །རང་ཉིད་བྱིན་རླབས་ཅན་ཡིན་ཞེས་སྨྲ༌ཞིང༌། །རང་ཕན་ཅན་ལ་གཞན་གྱིས་བསྟོད་ར༌བྱེད།།  
\v 19 ཁོ་ནི་མེས་པོའི་གྲས་སུ་འགྲོ་བ༌དང༌། །འོད་ཟེར་དངོས་ནི་ནམ་ཡང་མཐོང་བ༌མེད།།  
\v 20 རྙེད་བཀུར་ནང་དུ་གོ་རྟོགས་མ་བྱུང༌ན། །འཆི་བར་འགྱུར་བའི་དུད་འགྲོ་ལས་མ༌མཆིས།།   
\c 50
\cl གསུང་མགུར་ལྔ་བཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཁྲིམས་ཐག་གཅོད་པའི་དཀོན་མཆོག  
\p
\v 1 ༼ཨ་སབ་ཀྱི་མགུར༌མ།༽ ཀུན་དབང་དཀོན་མཆོག་ཡ་ཝཱེས་གསུང་གནང༌སྟེ། །ཤར་ནས་ནུབ་ལ་ཐུག་པའི་ས་གཞི༌བོས།།  
\v 2 མཛེས་སྡུག་ཡོངས་སུ་རྫོགས་པའི་ཛ་ཡན༌ལས། །དཀོན་མཆོག་གིས་ནི་ཉིད་ཀྱི་གཟི་འོད༌མངོན།།  
\v 3 རང་ཅག་དཀོན་མཆོག་ཕེབས་ཤིང་ཞལ་མི༌རོག །ཁོང་གི་དྲུང་དུ་མེ་ཡིས་འཇོམས་བྱེད༌ཅིང༌། །ཁོང་གི་ཕྱོགས་བཞིར་རླུང་དམར་དྲག་ཏུ༌གཡུག།  
\v 4 ཉིད་ཀྱི་མི་སྡེར་ཁྲིམས་ཐག་གཅོད་པའི༌ཕྱིར། །སྟེང་གི་གནམ་དང་ས་གཞིར་ཞལ་འབོད༌གནང༌།།  
\v 5 མཆོད་པ་ཕུལ་ནས་ཁ་ཆད་བཞག་པ༌ཡི། །དད་གུས་ཅན་རྣམས་ངའི་དྲུང་སྡུས་ཤིག༌གསུངས།།  
\v 6 དཀོན་མཆོག་ཉིད་ཀྱིས་དངོས་སུ་ཁྲིམས་གཅོད༌པས། །ནམ་མཁའི་དབྱིངས་རྣམས་ཁོང་གི་དྲང་བདེན༌སྒྲོག།༼ སེ༌ལཱ། ༽  
\v 7 ང་ཡི་བུ་རྒྱུད་ཉོན་ཅིག་བདག་གིས༌གསུང༌། །ཡེས་ར་ཨེལ་ཁྱོད་བདག་གིས་ནག་ཉེས༌འཛུགས། །ང་ནི་དཀོན་མཆོག་ཁྱོད་ཀྱི་དཀོན་མཆོག༌ཡིན།།  
\v 8 ཁྱོད་ཀྱི་མཆོད་པའི་ཕྱིར་དུ་བཀའ་མི༌བཀྱོན། །ཁྱོད་ཀྱི་སྦྱིན་སྲེག་རྟག་ཏུ་ངའི་མདུན༌གནས།།  
\v 9 ཁྱོད་ཀྱི་ཁྱིམ་ནས་གླང་ཐུག་ངས་མི༌ལེན། །ཁྱོད་ཀྱི་ལྷས་ནས་ར་ཕོ་ངས་མི༌འཁྱེར།།  
\v 10 རྒྱ་རྫོང་ནགས་ཀྱི་རི་དྭགས་ཐམས་ཅད་དང༌། །སྟོང་ཕྲག་རི་བོའི་ཕྱུགས་རྣམས་ཁོ་བོའི༌ཡིན།།  
\v 11 རི་ཡི་འདབ་ཆགས་ཐམས་ཅད་ངས་ཤེས༌ཤིང༌། །ཐང་གི་རི་དྭགས་མཐའ་དག་ང་ཡི༌ཡིན།།  
\v 12 འཇིག་རྟེན་དང་ནི་དེ་རུ་ཡོད་པ༌ཀུན། །བདག་གི་ཡིན་པས་ང་རང་བཀྲེས༌ན་ཡང་། །ཁྱོད་ལ་སྨྲ་བའི་དགོས་པ་ཡེ་མ༌མཆིས།།  
\v 13 ང་ཡིས་གླང་གི་ཤ་ནི་བཟའ་འགྱུར༌རམ། །དེ་བཞིན་ར་ཕོའི་ཁྲག་ཀྱང་ངས་བཏུང༌ངམ།།  
\v 14 དཀོན་མཆོག་ལ་ནི་གཏང་རག་མཆོད་པར༌ཕུལ། །བླ་མེད་ཁོང་ལ་དམ་བཅའ་རྣམས་སྒྲུབས༌ཤིག།  
\v 15 དཀའ་སྡུག་དུས་སུ་ང་ལ་འོ་དོད༌བོས། །ངས་ཁྱོད་སྒྲོལ་ཞིང་ཁྱོད་ཀྱིས་ང་ལ༌བསྟོད།།  
\v 16 འོན་ཀྱང་ངན་པར་ཁོང་གིས་འདི་སྐད༌གསུངས། །ང་ཡི་སྒྲིག་ཁྲིམས་ཁྱོད་ཀྱིས་ཅི་ལ༌འཆད། །ང་ཡི་ཞལ་ཆད་ཁ་རུ་ཅི་ལ༌གླེང༌།།  
\v 17 དོན་དུ་ཁྱོད་ནི་བསླབ་བྱར་སྡང་བ༌དང༌། །ང་ཡི་བཀའ་རྣམས་རྒྱབ་ཏུ་བསྐྱུར་པ༌འོ།།  
\v 18 ཇག་རྐུན་མཐོང་དུས་ཁྱོད་ནི་ཁོ་དང༌འགྲོགས། །ལོག་གཡེམ་བྱེད་མཁན་ལ་ཡང་ཁྱོད་རང༌འདྲེས།།  
\v 19 ཁྱོད་ཀྱི་ཁ་ཡིས་གཏམ་ངན་གང་བྱུང༌སྨྲ། །ཁྱོད་ཀྱི་ལྕེ་ཡིས་གཡོ་སྒྱུ་རྩོམ༌པ་འོ།།  
\v 20 ཁྱོད་ཀྱིས་རྒྱུན་དུ་རང་གི་སྤུན་ལ༌སྨད། །རང་གི་མ་ཡི་བུ་ལ་སྙད་འདོགས༌བྱེད།།  
\v 21 དེ་བཞིན་བྱས་ཀྱང་བདག་གིས་ཅང་མ༌སྨྲས། །ཁྱོད་ཀྱིས་ང་རང་ཁྱོད་དང་འདྲ་བར༌བསམས། །དོན་དུ་ང་ཡིས་ཁྱོད་ལ་བཀྱོན་ནས༌ནི། །ཁ་རི་ཁ་ཐུག་ཁྱོད་ཀྱི་སྐྱོན་བརྗོད༌དོ།།  
\v 22 སྐྱོབ་མཁན་མེད་པར་ངས་ཁྱོད་དབྲལ་ལས༌ཆེ། །དཀོན་མཆོག་བརྗེད་མཁན་ཁྱོད་རྣམས་མནོ༌བསམ་ཐོངས།།  
\v 23 གཏང་རག་མཆོད་པར་འབུལ་མཁན་ཐམས་ཅད༌ཀྱིས། །དོན་དུ་ང་ལ་བསྟོད་པ་ཕུལ་བ༌ཡིན། །སྤྱོད་ལམ་ཚགས་སུ་ཆུད་པར་བྱེད་མཁན༌ལ། །དཀོན་མཆོག་ང་ཡི་ཐར་པ་བདག་གིས༌སྟོན།།   
\c 51
\cl གསུང་མགུར་ང་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 སྡིག་བསལ་གནང་བར་ཞུ་བ།  
\p
\v 1 ༼དཱ་བིད་པད་ཤེ་བཱ་དང་འགྲོགས་པའི་རྗེས༌སུ། ལུང་སྟོན་པ་ནཱ་ཐན་ཁོང་གི་དྲུང་དུ་འོངས་པའི་ཚེ་ཁོང་གིས་མགུར་འདི་བརྩམས་ནས་དབུ་མཛད་ལ་སྤྲད༌པ།༽ ཀྱེ་ཀྱེ་དཀོན་མཆོག་ཁྱེད་ཀྱི་བྱམས་བརྩེ༌བཞིན། །བདག་ལ་སྙིང་རྗེས་གཟིགས་པར་མཛད་དུ༌གསོལ། །ཁྱེད་ཀྱི་ཐུགས་རྗེ་ཆེན་པོ་ལ་བརྟེན༌ནས། །བདག་གི་ཉེས་སྐྱོན་མཐའ་དག་སེལ་བར༌མཛོད།།  
\v 2 བདག་གི་ཉེས་སྐྱོན་ཡོངས་སུ་འདག་པར༌མཛོད། །བདག་གི་སྡིག་པ་ཡོངས་སུ་སེལ་རོགས༌གནོངས།།  
\v 3 དེ་ནི་རང་སྐྱོན་རང་གིས་ཤེས་པ༌དང༌། །རང་གི་སྡིག་པ་ནམ་རྒྱུན་མཐོང་ཕྱིར༌རོ།།  
\v 4 བདག་གིས་ཁྱེད་ཉིད་གཅིག་པུར་འགལ་བ་ཡི། །སྡིག་པ་བྱས་ཤིང་ཁྱེད་ཀྱི་སྤྱན་དྲུང་དུ། །ངན་པར་གཟིགས་པའི་སྤྱོད་ངན་འདི་སྤྱད་པས། །ཁྱེད་ཀྱིས་བཀའ་བཀྱོན་གནང་དུས་དྲང་བདེན༌མངོན། །ཉེས་ཆད་གཅོད་དུས་གསལ་ཞིང་ཡང་དག༌གོ།  
\v 5 གཟིགས་དང་ང་རང་སྡིག་པའི་ནང་དུ༌སྐྱེས། །མ་ཡི་མངལ་དུ་ཆགས་དུས་སྡིག་པ༌ཡོད།།  
\v 6 གཟིགས་དང་ཁྱེད་ནི་སེམས་རྒྱུད་དྲང་པོར༌དགྱེས། །ཁྱེད་ཀྱིས་བདག་གི་ཕུགས་སུ་ཤེས་རབ༌བསྩལ།།  
\v 7 ཨི་སོབ་རྩྭ་ཡིས་ང་རང་གཙང་བར་མཛོད། །དེ་ནས་ང་རང་གཙང་མར་འགྱུར་འོང༌ངོ༌། །ཁྱེད་ཀྱིས་ང་རང་གཙང་མར་འཁྲུ་བར༌མཛོད། །བདག་ནི་ཁ་བ་ལས་ཀྱང་དཀར་པོར༌འགྱུར།།  
\v 8 དགའ་མགུ་རངས་པའི་སྐད་སྒྲ་ཐོས་སུ༌གསོལ། །ཁྱེད་ཀྱིས་བཅག་པའི་རུས་པ་སྤྲོ་བར༌མཛོད།།  
\v 9 ཁྱེད་ཀྱིས་བདག་གི་ཉེས་པར་མི་གཟིགས༌པར། །ང་ཡི་སྡིག་ཉེས་ཐམས་ཅད་འདག་པར༌མཛོད།།  
\v 10 ཀྱེ་ཀྱེ་དཀོན་མཆོག་ཁྱེད་ཀྱིས་ང་རང༌ལ། །ཡིད་སེམས་གཙང་མ་ངེས་པར་མཛད་དུ༌གསོལ། །སླར་ཡང་ཡིད་སེམས་བརྟན་པོར་གནང་བར༌མཛོད།།  
\v 11 ཁྱེད་ཀྱི་དྲུང་ནས་ང་རང་མི་སྐྲོད་ཅིང༌། །དམ་པའི་ཐུགས་ཉིད་ང་ནས་མི་ལེན༌རོགས།།  
\v 12 ཁྱེད་ཀྱིས་བདག་ལ་ཐར་པའི་དགའ་སྤྲོ༌དང༌། །དགའ་བའི་སེམས་ཉིད་སླར་ཡང་གནང་སྟེ༌སྐྱོངས།།  
\v 13 བདག་གིས་ཁྱེད་ཀྱི་བཀའ་ཁྲིམས་རྣམས་ལ༌ནི། །བརྟེན་ནས་ཉེས་ཅན་རྣམས་ལ་བསླབ་བྱ༌སྟོན། །སྡིག་ཅན་དག་ནི་ཁྱེད་ཕྱོགས་འཁོར་དུ༌འཇུག།  
\v 14 ཀྱེ་ཀྱེ་དཀོན་མཆོག་ང་ཡི་སྐྱབས་མགོན༌ལགས། །མི་ཁྲག་བཞུར་བའི་སྡིག་ཉེས་ལས་སྐྱོབ༌རོགས། །དེ་ནས་ངའི་ལྕེས་སྐད་གསང་མཐོན་པོའི༌ངང༌། །ཁྱེད་ཀྱི་དྲང་བདེན་ལ་ནི་བསྟོད་བསྔགས༌བརྗོད།།  
\v 15 ང་ཡི་མཆུ་སྒྲོས་ཕྱེས་དང་ཀྱེ་གཙོ༌བོ། །བདག་གི་ཁ་ཡིས་ཁྱེད་ལ་བསྔགས་པར༌བྱ།།  
\v 16 གང་ལ་ཞེ་ན་མཆོད་པར་ཁྱེད་མི༌མཉེས། །མཉེས་པ་ཡིན་ན་བདག་གིས་འབུལ་བར༌བྱ། །སྦྱིན་སྲེག་ལ་ཡང་ཁྱེད་ཉིད་ཐུགས་མི༌དགྱེས།།  
\v 17 དཀོན་མཆོག་མཉེས་པའི་མཆོད་པ་སྡུག་པའི༌སེམས། །སྡུག་གིས་མནར་ཞིང་གནོང་འགྱོད་ཅན་གྱི༌སེམས། །དཀོན་མཆོག་ཁྱེད་ཀྱིས་བརྙས་པར་མི་མཛད༌དོ།།  
\v 18 ཐུགས་དགོངས་ཡག་པོས་ཛ་ཡན་དྲིན་གྱིས༌སྐྱོང༌། །ཡེ་རུ་སཱ་ལེམ་ལྕགས་རི་བརྩིག་པར༌མཛོད།།  
\v 19 དུས་དེར་དྲང་བདེན་མཆོད་པ་སྦྱིན་སྲེག༌དང༌། །སྦྱིན་སྲེག་མཆོད་པ་ཧྲིལ་པོར་ཁྱེད་ནི༌མཉེས། །གླང་ཐུག་རྣམས་ཀྱང་མཆོད་ཁྲིར་འབུལ་བར༌འགྱུར།།   
\c 52
\cl གསུང་མགུར་ང་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གི་ཁྲིམས་གཅོད་དང་བཀའ་དྲིན།  
\p
\v 1 ༼ཨེ་དོམ་པ་དོ་ཨེག་སོང་ནས་སོ་ལོ་ལ་དཱ་བིད་ནི་ཨ་ཧི་མེ་ལེག་གི་ཁྱིམ་དུ་འཛུལ་སོང་ཞེས་སྨྲས་པའི༌ཚེ། དཱ་བིད་ཀྱིས་བསླབ་བྱའི་མགུར་མ་འདི་བརྩམས་ནས་དབུ་མཛད་ལ་སྤྲད༌པ།༽ དཔའ་རྒོད་ཁྱོད་ཀྱིས་སེམས་ངན་ཅི་ལ༌ངོམ། །དཀོན་མཆོག་ཁོང་གི་བྱམས་བརྩེ་དུས་རྒྱུན༌གནས།།  
\v 2 ཁྱོད་ཀྱི་ལྕེ་ཡིས་ངན་ཇུས་གཤོམ་པ༌དང༌། །སྤུ་གྲི་རྣོན་པོ་བཞིན་དུ་གཡོ་སྒྱུ༌སྤེལ།།  
\v 3 ཁྱོད་རང་བཟང་པོ་ལས་ནི་ངན་པར༌དགའ། །དྲང་པོའི་གཏམ་ལས་རྫུན་ལ་ལྷག་ཏུ༌གདུང༌།།༼ སེ༌ལཱ། ༽  
\v 4 གཡོ་ཅན་ལྕེ་ཁྱོད་སྲོག་ལེན་གཏམ་ལ༌དགའ།།  
\v 5 དཀོན་མཆོག་གིས་ཀྱང་ཁྱོད་ནི་གཏན་དུ༌གཞོམ། །ཁོང་གིས་བཟུང་ནས་གུར་སྒོར་བསྐྲད་པ༌དང༌། །གསོན་པོའི་ཡུལ་དུ་རྩ་ནས་བརླག་པར༌བྱེད།།༼ སེ༌ལཱ། ༽  
\v 6 དྲང་པོས་མཐོང་ཞིང་འཇིགས་པར་འགྱུར་བ༌དང༌། །དེ་ལ་ཁྲེལ་དགོད་བྱེད་ཅིང་འདི་བཞིན༌དུ།།  
\v 7 ལྟོས་དང་དཀོན་མཆོག་སྟོབས་སུ་མ་བཟུང༌བར། །རང་གི་རྒྱུ་ནོར་མང་པོར་བློ་གཏད༌དེ། །གཞན་པ་བརླག་ནས་རང་ལ་ཤེད་བཅུག༌སྨྲ།།  
\v 8 འོན་ཀྱང་བདག་ནི་དཀོན་མཆོག་བཞུགས་གནས༌ནང༌། །ལོ་འདབ་རྒྱས་པའི་སྐྱུ་རུ་ཤིང་དང༌འདྲ། །དུས་རྒྱུན་དཀོན་མཆོག་བྱམས་བརྩེར་བློ་གདེང༌བསྐྱེད།།  
\v 9 ཁྱེད་ཀྱིས་དེ་ལྟར་འཕྲིན་ལས་མཛད་པས་ན། །ང་ཡིས་རྟག༌ཏུ་ཁྱེད་ལ་གཏང་རག་འབུལ། །ཁྱེད་ཀྱི༌མཚན་སྙན་མཆོག་ཏུ་གྱུར་པས་ན། །དད་ལྡན་མདུན་དུ་བདག་གིས་དེ་ལ་རེ། །   
\c 53
\cl གསུང་མགུར་ང་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བློ་རྨོངས་གཉའ་རེངས་རྣམས་དཀོན་མཆོག་གིས་འདོར་བ།  
\p
\v 1 ༼མ་ཧ་ལཱད་ཀྱི་དབྱངས་ནང་དུ་དབུ་མཛད་ལ་སྤྲད་པའི་དཱ་བིད་ཀྱི་བསླབ་བྱའི་མགུར༌མ།༽ གླེན་པས་སེམས་སུ་དཀོན་མཆོག་མེད་ཅེས༌སྨྲ། །དེ་རྣམས་ཉམས་ནས་ཞེན་ལོག་ཉེས་པ༌བྱས། །བཟང་པོ་བྱེད་མཁན་གཅིག་ཀྱང་ཡོད་མ༌ཡིན།།  
\v 2 གོ་བ་ཅན་དང་དཀོན་མཆོག་འཚོལ་བའི༌མི། །ཡོད་དམ་མེད་ལ་གཟིགས་ཕྱིར་དཀོན་མཆོག༌གིས། །གནམ་ནས་འཇིག་རྟེན་མི་ལ་མར་གཟིགས༌སོ།།  
\v 3 ཐམས་ཅད་ཁོང་དང་བྲལ་ནས་ལོག་ལམ༌ཞུགས། །དེ་འདྲའི་སྐྱེ་བོ་ཚང་མ་བཙོག་པར༌གྱུར། །ལས་བཟང་སྒྲུབ་མཁན་ཡོད་པ་མ་ཡིན་ལ། །དེ་འདྲ་གཅིག་ཀྱང༌ཡོད་པ་མ་ཡིན་ནོ།།  
\v 4 ང་ཡི་འབངས་མི་བག་ལེབ་ལྟར་མིད༌ཅིང༌། །དཀོན་མཆོག་མཚན་ལ་འོ་དོད་མི་འབོད༌པར། །སྡིག་སྤྱོད་ཅན་རྣམས་བློ་གྲོས་ཅང་མེད༌དམ།།  
\v 5 སྒར་ནི་བཏབ་ཅིང་ཁྱེད་ལ་རྒོལ་བ༌ཡི། །དགྲ་ཡི་རུས་པ་དཀོན་མཆོག་གིས་གཏོར༌བས། །འཇིགས་པ་མེད་སར་དེ་རྣམས་ཤིན་ཏུ༌དངངས། །དཀོན་མཆོག་ཉིད་ཀྱིས་ཁོ་ཚོ་སྤངས་པས༌ན། །ཁྱེད་ཀྱིས་དེ་རྣམས་ངོ་ཚར་སྦྱར་བ༌ཡིན།།  
\v 6 ཀྱེ་ཀྱེ་ཡེས་ར་ཨེལ་གྱི་ཐར་པ༌ནི། །ཛ་ཡན་ཡུལ་ནས་བྱུང་ན་ཅི་མ༌རུང༌། །ཁོང་གིས་མི་སྡེ་བཙོན་ལས་བསྐྱབས་འོང༌དུས། །ཡ་ཀོབ་དགའ་ཞིང་ཡེས་ར་ཨེལ་ནི༌མགུ།།   
\c 54
\cl གསུང་མགུར་ང་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དགྲ་བོའི་གནོད་འཚེ་ཁྲོད་དུ་དཀོན་མཆོག་ཡ་ཝཱེའི་སྲུང་སྐྱོབ་འཚོལ་བ།  
\p
\v 1 ༼ཟིབ་པ་རྣམས་འོངས་ནས་སོ་ལོ་ལ་དཱ་བིད་ནི་ངེད་རྣམས་ཀྱི་ཁྲོད་དུ་ཡིབ་ཡོད་པ་མ་ཡིན་ནམ་ཞེས་སྨྲས་པའི༌ཚེ། དཱ་བིད་ཀྱིས་རྒྱུད་མང་རོལ་ཆས་སྤེལ་མའི་བསླབ་བྱའི་མགུར་མ་འདི་བརྩམས་ཏེ་དབུ་མཛད་ལ་སྤྲད༌པ།༽ དཀོན་མཆོག་ཁྱེད་ཀྱི་མཚན་གྱིས་ང་སྐྱོབ༌རོགས། །མཐུ་སྟོབས་ཆེན་པོས་ང་ལ་དག་འབུད༌མཛོད།།  
\v 2-3 ཕྱི་ཕྱོགས་མི་རྣམས་བདག་གི་དགྲ་རུ༌ལངས། །གདུག་རྩུབ་ཅན་རྣམས་ང་ཡི་སྲོག་ལ༌རྔམ། །དེ་ཚོས་དཀོན་མཆོག་མིག་ནང་མི་འཇོག༌པས། །ང་ཡི་སྨོན་ལམ་གསན་རོགས་ཀྱེ་དཀོན༌མཆོག །བདག་གི་སྨྲ་སྒོའི་གཏམ་ལ་གསན་པར་མཛོད།།༼ སེ༌ལཱ། ༽  
\v 4 ལྟོས་དང་ང་ཡི་གྲོགས་སུ་དཀོན་མཆོག༌ཡོད། །ང་ཡི་ཚེ་སྲོག་སྐྱོར་མཁན་གཙོ་བོ༌ཡིན།།  
\v 5 དགྲ་རྣམས་སྟེང་ལ་ཆག་སྒོ་བཟློག་གྱུར༌ཅིག །དྲང་བདེན་བཞིན་དུ་དེ་རྣམས་ཚར་ཆོད༌ཅིག།  
\v 6 དཀའ་སྡུག་ཀུན་ལས་ཁོང་གིས་ང་བསྐྱབས་ཤིང་། །དགྲ་རྣམས་ཕམ་པ་མིག་གིས་མཐོང་བས༌ན།།  
\v 7 རང་མོས་མཆོད་པ་བདག་གིས་ཁྱེད་ལ༌འབུལ། །ཀྱེ་ཀྱེ་ཡ་ཝཱེ་ཁྱེད་མཚན་ཡིད་དུ༌འོང༌། །བདག་གིས་ཁྱེད་ཀྱི་མཚན་ལ་བསྟོད་བསྔགས༌བརྗོད།།   
\c 55
\cl གསུང་མགུར་ང་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 གྲོགས་པོའི་ངོ་ལོག་ཐེབས་པ་རྣམས་ཀྱི་གསོལ་འདེབས།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་བསླབ་བྱའི་མགུར་རྒྱུད་མང་རོལ་ཆས་སྤེལ༌མ།༽ ཀྱེ་ཀྱེ་དཀོན་མཆོག་བདག་གི་སྨོན་ལམ༌གསོན། །ང་ཡི་ཞུ་འབོད་སྣང་མེད་མི་བསྐྱུར༌རོགས།།  
\v 2 བདག་ལ་གསན་ཞིང་བཀའ་ལན་གནང་བར༌མཛོད། །སྡུག་ནང་སེམས་འཁྲུག་སྨྲེ་སྔགས་འདོན་པ༌ཡིན།།  
\v 3 དེ་དག་ཐམས་ཅད་དགྲ་ཡི་སྐད་སྒྲ༌དང༌། །ངན་པའི་གཉའ་གནོན་ལས་བྱུང་ཁོ་རྣམས༌ཀྱིས། །ང་ཡི་སྟེང་ལ་ཆག་སྒོ་འབབ་བཅུག༌སྟེ། །ཁོང་ཁྲོ་དང་བཅས་བདག་ལ་འཚེ་བར༌བྱེད།།  
\v 4 ང་ཡི་ཁོག་ཏུ་སྙིང་ལ་ཟུག་གཟེར༌ལངས། །འཆི་བའི་འཇིགས་པ་བདག་གི་སྟེང་ལ༌བབས།།  
\v 5 འཇིགས་སྣང་དང་ནི་འདར་ཡམ་ང་ལ༌བྱུང༌། །དངངས་སྐྲག་གིས་ནི་ང་རང་འགེབས་པར༌བྱས།།  
\v 6 དེ་ནས་བདག་གིས་འདི་ལྟར་སྨྲས་པ༌སྟེ། །བདག་ལ་ཕུག་རོན་གཤོག་ཟུང་ལྡན་གྱུར༌ན། །ནམ་འཕང་བཅད་དེ་བདེ་བར་སྡོད༌བྱ་འོ།།  
\v 7 ལྟོས་དང་ང་ནི་རྒྱང་རིང་ཡུལ་དུ༌འབྲོ། །དབེན་སྟོང་གནས་སུ་སྡོད་པར་འགྱུར༌བ་འོ།།༼ སེ༌ལཱ། ༽  
\v 8 ང་རང་མྱུར་དུ་སྐྱབས་གནས་སུ་ཕྱིན༌ཏེ། །རླུང་འཚུབ་དྲག་ཆར་ལ་ནི་གཡོལ་བར༌བྱ།།  
\v 9 གདུག་རྩུབ་འགྲན་རྩོད་གྲོང་ཁྱེར་ནང་མཐོང༌བས། །ཀྱེ་ཀྱེ་གཙོ་བོ་དེ་རྣམས་ཚར་གཅོད༌ཅིང༌། །དེ་དག་སྐད་ཆ་རབ་ཏུ་འཁྲུག་པར༌མཛོད།།  
\v 10 ངན་པ་ཉིན་མཚན་མེད་པར་ལྕགས་རིར༌འཁོར། །གྲོང་ཁྱེར་ནང་དུ་སྡིག་ཉེས་ཆག་སྒོས༌གང༌།།  
\v 11 གཏོར་བཤིག་གཏོང་བའི་དོན་ཡང་དེའི་ནང༌མཆིས། །གཉའ་གནོན་གཡོ་སྒྱུ་ཐང་ཆེན་དང་སྦྲེལ༌ལོ།།  
\v 12 དོན་དུ་ང་ལ་སྨད་མཁན་དགྲ་བོ༌མིན། །དགྲ་བོ་ཡིན་ན་བདག་གིས་བཟོད་ནུས༌ཡིན། །སྡང་མཁན་གྱིས་ནི་ཁེངས་དྲེགས་སྟོན་པའང༌མིན། །དེ་འདྲ་ཡིན་ཚེ་ང་རང་གཡོལ་ཐུབ༌བོ།།  
\v 13 འོན་ཀྱང་ཁྱོད་ནི་བདག་དང་ཆ་མཚུངས༌ཤིང༌། །ང་ཡི་ཟླ་བོ་ང་ཡི་མཛའ་གྲོགས༌ཡིན།།  
\v 14 དུས་རྒྱུན་མཉམ་དུ་གཏམ་གླེང་ཟབ་མོ༌བྱས། །ཚོགས་མཉམ་དཀོན་མཆོག་བཞུགས་གནས་ནང་དུ༌སྐྱོད།།  
\v 15 དེ་ཚོ་སྡོད་པའི་གནས་དང་སེམས་ནང༌དུ། །ཏག་ཏག་མ་རུངས་པ་ཡིས་ཁེངས་འདུག༌པས། །འཆི་བ་གློ་བུར་དེ་ཚོར་འབབ་གྱུར༌ཅིག །དེ་རྣམས་གསོན་པོར་གཤིན་ཡུལ་ལྷུང་བར༌ཤོག།  
\v 16 འོན་ཀྱང་ང་ཡིས་དཀོན་མཆོག་འབོད་པར༌བྱ། །ཡ་ཝཱེས་ང་རང་སྐྱོབ་པར་གདོན་མི༌ཟ།།  
\v 17 ནངས་དང་དགོང་མོ་ཉི་མའི་གུང་བཅས༌ལ། །འོ་དོད་དང་ནི་སྨྲེ་སྔགས་འདོན་འགྱུར༌བས། །བདག་གི་ངུ་སྐད་ཁོང་གིས་གསན་པར༌འགྱུར།།  
\v 18 ང་ལ་འཐབ་མཁན་ཤིན་ཏུ་མང་ན༌ཡང༌། །ང་ལ་རྒོལ་བར་བྱེད་པའི་མི་རྣམས༌ལས། །ཁོང་གིས་ངའི་སྲོག་སྐྱོབ་ཅིང་བདེ་བར༌འགོད།།  
\v 19 གདོད་ནས་རྒྱལ་ཁྲིར་བཞུགས་པའི་དཀོན་མཆོག༌གིས། །གསན་ཞིང་ཁོ་རྣམས་སྡུག་ལ་སྦྱོར་བར༌ངེས། །༼ སེ༌ལཱ། ༽ གང་ལ་ཞེ་ན་དེ་རྣམས་འགྱུར་མི༌འདོད། །དཀོན་མཆོག་ལ་ཡང་གུས་ཤིང་འཇིགས་པ༌མེད།།  
\v 20 མི་དེས་རང་གི་དམ་ཚིག་བརླགས་ནས༌ནི། །སེམས་མཐུན་ཕྱོགས་སུ་ལག་པ་བརྐྱངས་ནས༌རྒོལ།།  
\v 21 སྨྲ་སྒོའི་གཏམ་ནི་སྣུམ་ལས་འཇམ་ན༌ཡང༌། །སེམས་ཀྱི་ནང་དུ་འཐབ་འཛིང་ཉར་ནས༌ཡོད། །ཁ་ཡི་གཏམ་རྣམས་སྣུམ་ལས་མཉེན༌ན་ཡང་། །དོན་དུ་ཤུབས་ནས་བཏོན་པའི་རལ་གྲི༌ཡིན།།  
\v 22 ཁྱོད་ཀྱིས་རང་གི་ཁུར་བོ་ལྕི་མོ༌རྣམས། །ཡ་ཝཱེར་འཆོལ་དང་ཁོང་གིས་ཁྱོད་རང༌སྐྱོར། །ཁོང་གིས་དྲང་པོ་ནམ་ཡང་འགྱེལ་མི༌བྱ།།  
\v 23 ཀྱེ་ཀྱེ་དཀོན་མཆོག་ཁྱེད་ཀྱིས་མི་ངན༌རྣམས། །འཇིག་པའི་དོང་རིང་ནང་དུ་འབེབས་པར༌བྱ། །ལག་དམར་དང་ནི་གཡོ་སྒྱུ་སྤེལ་མཁན༌རྣམས། །ཚེ་ཕྱེད་ཙམ་ཡང་གསོན་པར་མི་འགྱུར༌མོད། །འོན་ཀྱང་བདག་གིས་ཁྱེད་ལ་བློ་གཏད༌བྱ།།   
\c 56
\cl གསུང་མགུར་ང་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ལ་བརྟེན་པའི་གསོལ་འདེབས།  
\p
\v 1 ༼ཕེ་ལེ་ཤེད་པས་གཱད་ནས་དཱ་བིད་བཟུང་དུས༌སུ། རྒྱང་རིང་བེ་ཤིང་རྩེ་མོའི་ཕུག་རོན་བྱ་བའི་དབྱངས་ནང་དཱ་བིད་ཀྱིས་བརྩམས་ནས་དབུ་མཛད་ལ་སྤྲད་པའི་མགུར་མ་སྟེ། དཱ་བིད་ཀྱི་མེག་ཏཱམ་ཞིག༽ མི་ཡིས་ཁོ་བོ་རྡོག་བརྫིས་གཏོང་འདོད༌ཅིང༌། །ཉིན་གང་ང་ལ་རྒོལ་ཞིང་མནར་བས༌ན། །ཀྱེ་ཀྱེ་དཀོན་མཆོག་ང་ལ་སྙིང་རྗེ༌མཛོད།།  
\v 2 དགྲ་ཡིས་ཉིན་གང་ང་ལ་རྡོག་བརྫིས༌རྒྱག །ང་རྒྱལ་བསྐྱེད་ཅིང་བདག་ལ་རྒོལ་མཁན༌མང༌།།  
\v 3 འཇིགས་དུས་བདག་གིས་ཁྱེད་ལ་བློ་གཏད༌བྱ།།  
\v 4 དཀོན་མཆོག་ནང་དུ་ཁོང་གི་བཀའ་ལ༌བསྔགས། །བདག་གིས་དཀོན་མཆོག་ཉིད་ལ་བློ་གཏོད༌པས། །བདག་ལ་འཇིགས་པའི་དོན་ནི་ཡོད་མི༌སྲིད། །འཇིག་རྟེན་མི་ཡིས་བདག་ལ་ཅི་བྱེད༌ནུས།།  
\v 5 དེ་ཚོས་ཉིན་གང་ངའི་གཏམ་སྐྱོག་ལ༌འཁྱེར། །རྟག་ཏུ་ང་ལ་འཚེ་བའི་ངན་ཇུས༌གཤོམ།།  
\v 6 དེ་རྣམས་ཕྱོགས་གཅིག་འདུས་ནས་འཇབ་པར༌བྱེད། །གར་འགྲོ་བལྟས་ནས་ངའི་སྲོག་གཅོད་པར༌སྒུག།  
\v 7 སྡིག་ཉེས་བྱེད་པས་དེ་རྣམས་ཐར་འགྱུར༌རམ། །ཀྱེ་ཀྱེ་དཀོན་མཆོག་ཉིད་ཀྱི་ཐུགས་ཁྲོ༌ཡིས། །མི་སྡེ་འདི་རྣམས་ཕམ་པར་མཛད་དུ༌གསོལ།།  
\v 8 ང་རང་འཁྱམ་པའི་རྩིས་གྲངས་ཁྱེད་ཀྱིས༌བླངས། །བདག་གི་མཆི་མ་སྐྱི་ཁུག་ནང་དུ༌བསགས། །ཁྱེད་ཀྱི་ཕྱག་དཔེ་ནང་དུ་བཀོད་མེད༌དམ།།  
\v 9 བདག་གིས་འོ་དོད་འབོད་དུས་དགྲ་རྣམས༌ཕམ། །དཀོན་མཆོག་ངའི་ཕྱོགས་ཡིན་པ་དེ་ནས༌རྟོགས།།  
\v 10 དཀོན་མཆོག་ནང་དུ་ཁོང་གི་བཀའ་ལ༌བསྔགས། །ཡ་ཝཱེར་བརྟེན་ནས་ཁོང་གི་བཀའ་ལ༌བསྟོད།།  
\v 11 བདག་གིས་དཀོན་མཆོག་ཉིད་ལ་བློ་གཏོད༌པས། །བདག་ལ་འཇིགས་པའི་དོན་ནི་ཡོད་མི༌སྲིད། །འཇིག་རྟེན་མི་ཡིས་བདག་ལ་ཅི་བྱེད༌ནུས།།  
\v 12 ཀྱེ་ཀྱེ་དཀོན་མཆོག་བདག་གིས་དམ་བཅའ༌བསྒྲུབ། །ང་ཡིས་གཏང་རག་མཆོད་པ་ཁྱེད་ལ༌འབུལ།།  
\v 13 གང་ལ་ཞེ་ན་ང་རང་དཀོན་མཆོག༌དྲུང༌། །སྲོག་གི་འོད་ནང་འགྲུལ་བའི་ཕྱིར་དུ༌ནི། །ཁྱེད་ཀྱིས་ངའི་སྲོག་འཆི་བ་ལས་བསྐྱབས༌ཤིང༌། །ང་ཡི་གོམ་པ་འཁྱོར་བར་མ་མཛད༌དོ།།   
\c 57
\cl གསུང་མགུར་ང་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་རོགས་སྐྱོར་འཚོལ་བ།  
\p
\v 1 ༼དཱ་བིད་ཁོང་ཉིད་སོ་ལོའི་དྲུང་ནས་བྲག་ཕུག་ཏུ་འབྲོ་དུས༌སུ། འཕུང་མ་འཇུག་ཅེས་པའི་དབྱངས་ནང་མགུར་འདི་བརྩམས་ནས་དབུ་མཛད་ལ་སྤྲད༌པ་སྟེ། དཱ་བིད་ཀྱི་མེག་ཏཱམ་ཞིག༽ དཀོན་མཆོག་སྙིང་རྗེ་མཛོད་ཅིག་སྙིང་རྗེ༌མཛོད། །བར་ཆད་འདི་དག་མེད་པར་འགྱུར་བའི༌བར། །ཁྱེད་ལ་སྐྱབས་སུ་མཆི་ཞིང་ཁྱེད་ཉིད༌ཀྱི། །གཤོག་པའི་གྲིབ་བསིལ་འོག་ཏུ་འཛུལ་བར༌བྱ།།  
\v 2 བདག་གིས་བླ་ན་མེད་པའི་དཀོན་མཆོག༌སྟེ། །ཉིད་ཀྱི་ཐུགས་དགོངས་བཞིན་དུ་ང་རང༌ལ། །ཐམས་ཅད་གནང་བ་ཁོང་ལ་འོ་དོད༌འབོད།།  
\v 3 ཁོང་གིས་གནམ་ནས་ང་རང་སྐྱོབ་ངེས༌ཤིང༌། །ང་ལ་རྡོག་བརྫིས་གཏོང་མཁན་རྣམས་ལ༌བཀྱོན། །༼ སེ༌ལཱ། ༽ བྱམས་དང་དྲང་བདེན་ཁོང་གིས་ང་ལ༌གནང༌།།  
\v 4 ང་ཡི་ཚེ་སྲོག་སེང་གེའི་ཁྲོད་དུ༌ཡོད། །རྩ་མེད་གཏོང་མཁན་གསེབ་ཏུ་ང་རང༌ཉལ། །དེ་ཚོའི་སོ་ནི་མདུང་དང་མདའ་མོ༌ཡིན། །དེ་ཚོའི་ལྕེ་ནི་རལ་གྲི་རྣོན་པོ༌ཡིན།།  
\v 5 ཀྱེ་ཀྱེ་དཀོན་མཆོག་ཁྱེད་ཉིད་ནམ་མཁའ་ལས། །བླ་ན་འཕགས་ཤིང་ཁྱེད་ཀྱི་གཟི་བརྗིད་ཀྱང་། །ས་གཞིའི་སྟེང་ལ་ཡོངས་སུ་ཁྱབ་གྱུར་ཅིག།  
\v 6 དེ་ཚོས་ང་ཡི་རྐང་འོག་རྙི་བཙུགས༌ཤིང༌། །མནར་གཅོད་བཏང་ནས་ང་ཡི་སེམས་ཀྱང༌འཁུམས། །ང་ཡི་མདུན་དུ་ས་དོང་བྲུས་མོད༌ཀྱང༌། །ཁོ་ཚོ་རང་ཉིད་དེ་ཡི་ནང་དུ༌ལྷུང༌།།༼ སེ༌ལཱ། ༽  
\v 7 ཀྱེ་ཀྱེ་དཀོན་མཆོག་ང་ཡི་སེམས་ནི༌བརྟན། །ང་ཡི་སེམས་ལ་གཡོ་འགུལ་ཅི་ཡང༌མེད། །བདག་གིས་མགུར་མ་དང་ནི་བསྟོད་དབྱངས༌འབུལ།།  
\v 8 ཀྱེ་ཀྱེ་ང་ཡི་སེམས་ཉིད་སད་པར༌གྱིས། །ཀྱེ་མ་རྒྱུད་མངས་པི་ཝང་སད་པར༌གྱིས། །བདག་གིས་སྐྱ་རེངས་གཉིད་ལས་བསླང་བར༌བྱ།།  
\v 9 ཀྱེ་ཀྱེ་གཙོ་བོ་མི་རིགས་ཀུན་གྱི༌ཁྲོད། །ང་ཡིས་ཁྱེད་ལ་གཏང་རག་འབུལ་བར༌བྱ། །མི་རྣམས་དབུས་སུ་ཁྱེད་ལ་བསྟོད་དབྱངས༌འབུལ།།  
\v 10 ཁྱེད་ཀྱི་བྱམས་བརྩེ་ཆེ་ཞིང་ནམ་མཁར༌ཟུག །ཁྱེད་ཀྱི་དྲང་བདེན་ནམ་མཁའི་སྤྲིན་དང༌མཉམ།།  
\v 11 ཀྱེ་ཀྱེ་དཀོན་མཆོག་ཁྱེད་ཉིད་ནམ་མཁའ་ལས། །བླ་ན་འཕགས་ཤིང་ཁྱེད་ཀྱི་གཟི་བརྗིད་ཀྱང་། །ས་གཞིའི་སྟེང་ལ་ཡོངས་སུ་ཁྱབ་གྱུར་ཅིག།   
\c 58
\cl གསུང་མགུར་ང་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གིས་ངན་པར་ཉེས་ཆད་གཅོད་པར་ཞུ་བ།  
\p
\v 1 ༼དཱ་བིད་ཀྱིས་འཕུང་མ་འཇུག་ཅེས་པའི་དབྱངས་ནང་མགུར་འདི་བརྩམས་ནས་དབུ་མཛད་ལ་སྤྲད༌པ་སྟེ། དཱ་བིད་ཀྱི་མེག་ཏཱམ་ཞིག༽ ཀྱེ་ཀྱེ་ཁྱོད་ཅག་དབང་སྒྱུར་རྣམས་ཀྱིས༌ནི། །དངོས་གནས་དྲང་བདེན་གླེང་བ་ཡིན་ནམ༌ཅི། །དྲང་གཞག་སྒོ་ནས་མི་ལ་ཁྲིམས་གཅོད༌དམ།།  
\v 2 དེ་བཞིན་མ་ཡིན་སེམས་སུ་ངན་རྩོམ༌ཞིང༌། །ལག་པས་ས་སྟེང་གདུག་རྩུབ་སྤྱོད་པ༌འོ།།  
\v 3 མི་ངན་མངལ་ལས་ཐོན་དུས་ལོག་ལམ༌ཞུགས། །སྐྱེས་མ་ཐག་ནས་ལམ་འཛོལ་རྫུན་ཡང༌སྨྲ།།  
\v 4 དེ་ཚོའི་རླངས་པ་སྦྲུལ་གྱི་དུག་རླངས༌འདྲ། །རྣ་བ་བཀག་པའི་དུག་སྦྲུལ་ \f + \ft འདིར་དུག་སྦྲུལ་ཞེས་པ་ནི་དུག་སྦྲུལ་གདེངས་ཀ་ཅན་ལ་འཇུག\f*དང་མཚུངས༌པར།།  
\v 5 སྔགས་རྒྱག་སྔགས་པའི་སྒྲ་སྐད་མི་ཐོས༌ཤིང༌། །ངན་སྔགས་ཆེན་མོ་ཡིན་ཡང་གོ་མི༌ཆོད།།  
\v 6 དཀོན་མཆོག་དེ་ཚོའི་ཁ་ཡི་སོ་རྣམས༌ཆོགས། །ཡ་ཝཱེས་སེང་དར་མཆེ་བ་གཅོག་པར༌མཛོད།།  
\v 7 དེ་རྣམས་བཞུར་ཆུ་བཞིན་དུ་མེད་པར༌མཛོད། །གཞུ་མོ་འཐེན་དུས་མདའ་རྩེ་ཆག་གྱུར༌ཅིག །  
\v 8 སྐྱོགས་འབུ་བཞིན་དུ་ནུར་ནས་བཞུ་བར༌ཤོག །ཉི་མ་མ་མཐོང་མངལ་ཤོར་ཕྲུ་གུར༌མཛོད།།  
\v 9 ཁྱོད་ཚོའི་སླ་ང་ཚེར་མས་མ་ངར༌གོང༌། །མེ་ཡིས་འཚིག་དང་མ་འཚིག་ཁྱད་མེད༌པར། །འཁྱིལ་རླུང་ཞིག་ལ་འཁུར་བར་མཛད་འགྱུར༌རོ།།  
\v 10 དགྲ་བོ་རྣམས་ལ་འཁོན་ལན་སློག་པ༌དེ། །དྲང་པོ་རྣམས་ཀྱིས་མཐོང་དུས་དགའ་བར༌འགྱུར། །སྡིག་སྤྱོད་ཁྲག་ནང་དེ་ཡིས་རྐང་པ༌བཀྲུ།།  
\v 11 དེ་ནས་མི་ཚོས་འདི་ལྟར་སྨྲ་ངེས༌ཏེ། །དྲང་བདེན་མི་ལ་དངོས་གནས་རྔན་པ༌ཐོབ། །ས་གཞི་ཡོངས་ལ་ཁྲིམས་ཐག་གཅོད་པ༌ཡི། །དཀོན་མཆོག་ཅིག་ནི་དངོས་གནས་བཞུགས༌པ་འོ།།   
\c 59
\cl གསུང་མགུར་ང་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བདེ་འཇགས་ཡོང་བའི་ཆེད་དུ་དཀོན་མཆོག་ཡ་ཝཱེར་སྐྱབས་སུ་འགྲོ་བ།  
\p
\v 1 ༼སོ་ལོ་ཡིས་དཱ་བིད་གསོད་པར་མི་མངགས་ནས་ཁོང་གི་ཁང་པར་ལྐོག་ལྟ་བྱེད་པའི༌ཚེ། དཱ་བིད་ཀྱིས་འཕུང་མ་འཇུག་ཅེས་པའི་དབྱངས་ནང་མགུར་འདི་བརྩམས་ནས་དབུ་མཛད་ལ་སྤྲད༌པ་སྟེ། དཱ་བིད་ཀྱི་མེག་ཏཱམ་ཞིག༽ ཀྱེ་ངའི་དཀོན་མཆོག་དགྲ་ལས་སྐྱོབ་པར༌མཛོད། །དགྲ་རུ་ལང་མཁན་རྣམས་ལས་འདེགས་སུ༌གསོལ།།  
\v 2 ཉེས་པ་བྱེད་མཁན་རྣམས་ལས་སྒྲོལ་བ་དང༌། །ཁྲག་ལ་རྔམ་པའི་མི་ལས་ང་སྐྱོབ༌རོགས།།  
\v 3 ཀྱེ་ཀྱེ་ཡ་ཝཱེ་བདག་གི་ཉེས་སྐྱོན༌དང༌། །སྡིག་པའི་རྐྱེན་གྱིས་མ་ཡིན་དེ་རྣམས༌ནི། །ང་ཡི་སྲོག་ལ་འཇབ་ཅིང་སྟོབས་ཅན༌དག །ང་ཡི་དགྲ་རུ་ཕྱོགས་གཅིག་འདུས་པར༌གཟིགས།།  
\v 4 དེ་རྣམས་ཉེས་མེད་ངའི་ཐོག་རྒྱུག་རྐྱང༌ཡིན། །ང་ཡི་གྲོགས་སུ་བཞེངས་ནས་གཟིགས་སུ༌གསོལ།།  
\v 5 ཀྱེ་ཀྱེ་ཡ་ཝཱེ་དཔུང་ཚོགས་ཀྱི་དཀོན་མཆོག །ཁྱེད་ནི་ཡེས་ར་ཨེལ་གྱི་དཀོན་མཆོག༌ཡིན། །མི་རིགས་ཀུན་ལ་ཉེས་ཆད་གཅོད་པའི༌ཕྱིར། །ཁྱེད་ཉིད་བཞེང་བར་མཛོད་དང་མི་ངན༌ཏེ། །ངོ་ལོག་བྱེད་མཁན་དག་ལ་སྙིང་མ༌རྗེ།།༼ སེ༌ལཱ། ༽  
\v 6 ཁོ་རྣམས་དགོང་མོ་རེ་རེར་ལོག་འོང༌སྟེ། །ཁྱི་ལྟར་རྨུག་ཅིང་གྲོང་ཁྱེར་བསྐོར་ནས༌སྐྱོད།།  
\v 7 དེ་ཚོའི་ཁ་ནས་གཏམ་ངན་འཕྱུར་བ༌དང༌། །མཆུ་སྒྲོས་བར་ནས་རལ་གྲི་ཐོན་པ༌ཡིན། །དེ་ཚོའི་སེམས་ནས་ཐོས་མཁན་སུ་ཡོད༌ཟེར།།  
\v 8 འོན་ཀྱང་ཡ་ཝཱེས་དེ་ཚོར་ཁྲེལ་དགོད༌མཛད། །མི་རིགས་ཀུན་ལ་འཕྱ་དམོད་མཛད་འགྱུར༌རོ།།  
\v 9 དཀོན་མཆོག་ང་ཡི་བཙན་རྫོང་ཡིན་པས༌ན། །ང་ཡི་སྟོབས་ཤུགས་ཁྱེད་ལ་རེ་ལྟོས༌བྱ།།  
\v 10 ང་ཡི་བརྩེ་བའི་དཀོན་མཆོག་ངའི་མདུན༌བསུ། །དགྲ་རྣམས་ལ་ཡོགས་ང་ལ་མཐོང་བར༌མཛད།།  
\v 11 བདག་གི་མི་སྡེས་བརྗེད་པར་མི་འགྱུར༌ཕྱིར། །ཀྱེ་ཀྱེ་གཙོ་བོ་ང་ཚོའི་ཕུབ་ལགས༌པ། །ཁྱེད་ཀྱིས་དགྲ་རྣམས་གསོད་པར་མི་བྱེད་རོགས། །ནུས་མཐུ་ཆེན་པོས་གཏོར་ནས་དམན་སར༌ཕོབ།།  
\v 12 སྨྲ་སྒོའི་སྡིག་པ་མཆུ་སྒྲོས་ཚིག་དང༌ནི། །རྫུན་དང་སྨོན་ལོག་འདེབས་པའི་རྒྱུ་རྐྱེན༌གྱིས། །རང་གི་ང་རྒྱལ་གྱིས་ནི་ཟིན་གྱུར༌ཅིག །  
\v 13 དཀོན་མཆོག་ཉིད་ཀྱིས་ཡ་ཀོབ་སྲིད་སྐྱོང༌ཞིང༌། །ས་མཐའི་བར་དུ་སླེབས་པ་ཤེས་པའི༌ཕྱིར། །ཐུགས་ཁྲོ་དང་བཅས་དེ་རྣམས་ཚར་གཅོད༌ཅིང༌། །ཤུལ་ལུས་མེད་པར་རྦད་དེ་ཚར་གཅོད༌རོགས།།༼ སེ༌ལཱ། ༽  
\v 14 ཁོ་རྣམས་དགོང་མོ་རེ་རེར་ལོག་འོང༌སྟེ། །ཁྱི་ལྟར་རྨུག་ཅིང་གྲོང་ཁྱེར་བསྐོར་ནས༌སྐྱོད།།  
\v 15 ཕྱོགས་བཞིར་འཁྱམས་ནས་ཁ་ཟས་འཚོལ་བ༌དང༌། །འགྲང་བའི་བར་དུ་ངར་སྐད་སྒྲོག་པ༌ཡིན།།  
\v 16 ཁྱེད་ནི་བདག་གི་བཙན་རྫོང་ཡིན་པ༌དང༌། །དཀའ་སྡུག་ཉིན་མོའི་སྐྱབས་གནས་སུ་གྱུར༌པས། །ང་ཡིས་ཁྱེད་ཀྱི་ནུས་མཐུར་བསྟོད་དབྱངས༌འབུལ། །ཞོགས་པར་ཁྱེད་ཀྱི་བྱམས་བརྩེའི་གླུ་གཞས༌ལེན།།  
\v 17 ང་ཡི་སྟོབས་ཤུགས་ཁྱེད་ལ་བསྟོད་དབྱངས༌འབུལ། །དཀོན་མཆོག་ཁྱེད་ཉིད་ང་ཡི་བཙན་རྫོང༌ཡིན། །ང་ལ་བྱམས་བརྩེ་གནང་བའི་དཀོན་མཆོག༌ཡིན།།   
\c 60
\cl གསུང་མགུར་དྲུག་ཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཉེན་ཁ་ལས་ཐར་བའི་ཆེད་དུ་དཀོན་མཆོག་ཡ་ཝཱེར་ཞུ་བ།  
\p
\v 1 ༼དཱ་བིད་ཀྱིས་མེ་སོ་པོ་ཐེམ་ཡཱ་དང་ཨ་རམ་ཙོ་བཱ་ལ་འཐབ་མོ་བྱས༌ཤིང༌། ཡོ་ཨབ་ཕྱིར་ལོག་ནས་ཚྭའི་ལུང་པར་ཨེ་དོམ་པ་ཆིག་ཁྲི་ཉིས་སྟོང་བསད་པའི༌ཚེ། དཱ་བིད་ཀྱིས་མེ་ཏོག་ཀུ་མུད་ཀྱི་དཔང་པོ་བྱ་བའི་དབྱངས་ནང་བརྩམས་ནས་དབུ་མཛད་ལ་སྤྲད་པའི་བསླབ་བྱའི་མགུར༌མ་སྟེ། དཱ་བིད་ཀྱི་མེག་ཏཱམ་ཞིག༽ ཀྱེ་ཀྱེ་དཀོན་མཆོག་ཁྱེད་ཀྱིས་ངེད་རྣམས༌སྤངས། །ངེད་རྣམས་རྩ་ནས་གཏོར་ཅིང་ཐུགས་ཁྲོས༌སོ། །ད་ནི་ངེད་ཅག་ཡང་བསྐྱར་དར་བར༌མཛོད།།  
\v 2 ཁྱེད་ཀྱིས་ས་ནི་འགུལ་ཞིང་གས་པར༌མཛད། །ས་གཞི་འགུལ་བས་སྲུབས་ཀ་གསབ་པར༌མཛོད།།  
\v 3 ཁྱེད་ཀྱིས་ཉིད་ཀྱི་མི་སྡེ་སྡུག་ལ༌གཏད། །ཁྱར་ཁྱོར་བྱེད་པའི་རྒུན་ཆང་ང་ཚོར༌བླུད།།  
\v 4 བདེན་པའི་དོན་དུ་ཡར་ལ་འདེགས་པའི༌ཕྱིར། །ཁྱེད་ལ་གུས་ཤིང་འཇིགས་པར་དར་ཆ༌གནང༌།།༼ སེ༌ལཱ། ༽  
\v 5 ཁྱེད་ཀྱིས་གཅེས་པའི་མི་རྣམས་ཐར་བའི༌ཕྱིར། །ཕྱག་གཡས་ང་རང་སྐྱོབ་ཅིང་བཀའ་ལན༌གནོངས།།  
\v 6 གནས་ཀྱི་མཆོག་ནས་དཀོན་མཆོག་འདི་སྐད༌གསུངས། །བདག་གིས་རྒྱལ་ཁ་དང་བཅས་སི་ཀེམ༌བགོ །སོའུ་ཀོད་ལུང་པའི་ཚད་ཀྱང་འཇལ་བར༌བྱ།།  
\v 7 གིལ་ཨད་དང་ནི་མཱ་ན་ཤེ་ངའི༌ཡིན། །ཨེ་ཕཱར་ཡིམ་ནི་བདག་གི་རྨོག་ཞྭ་ཡིན། །ཡ་ཧུ་དཱ་ནི་ང་ཡི་སྲིད་འཁར་ཡིན།།  
\v 8 མོ་ཨབ་བདག་གི་ཁྲུས་གཞོང་ཡིན་པ༌དང༌། །ཨེ་དོམ་ཕྱོགས་སུ་བདག་གིས་བསིལ་ལྷམ༌གཡུག ། \f + \ft འདིར་བསིལ་ལྷམ་གཡུག་ཅེས་པ་ནི་ཡུལ་ཞིག་གི་བདག་དབང་བསྒྱུར་བའི་བྱ་སྤྱོད༌ཡིན།\f* ། ཕེ་ལེ་ཤེད་པར་རྒྱལ་ཁའི་ཀི་སྒྲ༌སྒྲོག།  
\v 9 གྲོང་ཁྱེར་བརྟན་པོར༌ང་རང་སུ་ཡིས་བསྐྱལ། །ཨེ་དོམ་ཡུལ་དུ༌ང་རང་སུ་ཡིས་འཁྲིད།།  
\v 10 དཀོན་མཆོག་ཁྱེད་ཀྱིས་ངེད་རྣམས་མ་སྤངས༌སམ། །ཀྱེ་ཀྱེ་དཀོན་མཆོག་ཁྱེད་ཉིད་ངེད་ཅག༌གི །དམག་དཔུང་མཉམ་དུ་གཤེགས་པ་མ་ཡིན༌ནམ།།  
\v 11 མི་ཡི་རོགས་སྐྱོར་ཕན་མེད་ཡིན་པས༌ན། །དགྲ་བོ་འགོག་ཕྱིར་ང་ཚོར་རོགས་རམ༌མཛོད།།  
\v 12 དཀོན་མཆོག་ཁོང་གིས་དགྲ་རྣམས་བརྫི་འོང༌བས། །ཁོང་ལ་བརྟེན་ནས་ང་ཚོས་དཔའ་རྩལ་ངོམ།།   
\c 61
\cl གསུང་མགུར་རེ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་སྲུང་སྐྱོབ་འཚོལ་བ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར་མ་རྒྱུད་མང་རོལ་ཆས་སྤེལ༌མ།༽ དཀོན་མཆོག་ང་ཡི་འོ་དོད་གསན་པར༌མཛོད། །བདག་གི་གསོལ་འདེབས་ལ་ནི་སྙན་གཏོད༌རོགས།།  
\v 2 ངའི་སེམས་ཕམ་པའི་དུས་སུ་ས་མཐའ༌ནས། །བདག་གིས་ཁྱེད་ལ་འོ་དོད་འབོད་པ༌ཡིན། །ང་ལས་མཐོ་བའི་བྲག་སྟེང་འདྲེན་པར༌མཛོད།།  
\v 3 གང་ལ་ཞེ་ན་ཁྱེད་ངའི་སྐྱབས་གནས༌དང༌། །དགྲ་ལས་ཐར་བའི་མཁར་རྫོང་ཡིན་ཕྱིར༌རོ།།  
\v 4 ང་རང་གཏན་དུ་ཁྱེད་ཀྱི་གུར་ནང༌གནས། །ཁྱེད་ཀྱི་འདབ་གཤོག་གྲིབ་བསིལ་འོག་ཏུ༌ཡིབ།།༼ སེ༌ལཱ། ༽  
\v 5 དཀོན་མཆོག་ཁྱེད་ཀྱིས་ང་ཡི་དམ་བཅར༌གསན། །ཁྱེད་ཀྱི་མཚན་ལ་གུས་ཤིང་འཇིགས་པ༌ཡི། །མི་ལ་ཁྱེད་ཀྱིས་ནོར་སྐལ་གནང་བ༌ཡིན།།  
\v 6 ཁྱེད་ཀྱིས་རྒྱལ་པོ་སྐུ་ཚེ་རིང་བར༌མཛོད། །མི་རབས་མང་པོར་ཚེ་ལོ་བརྟན་པར༌ཤོག།  
\v 7 ཁྱེད་དྲུང་གཏན་དུ་རྒྱལ་ཁྲིར་བཞུགས་པར༌མཛོད། །བྱམས་བརྩེ་དྲང་བདེན་བསྩལ་ནས་བསྲུང་བར༌ཞུ།།  
\v 8 དེ་ནས་རྟག་ཏུ་ཁྱེད་ཀྱི་མཚན་ལ༌བསྟོད། །ཉིན་རེ་བཞིན་དུ་དམ་བཅའ་བསྒྲུབ་པར༌བྱ།།   
\c 62
\cl གསུང་མགུར་རེ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གི་སྲུང་སྐྱོབ་འོག་ཏུ་བདེ་ལ་བབས་པ།  
\p
\v 1 ༼ཡེ་དུ་ཐུན་གྱི་ལུགས་སུ་དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ དཀོན་མཆོག་གཅིག་པུར་སྒུག་དུས་བདག་སེམས༌བདེ། །ང་ཡི་ཐར་པ་ཁོང་ནས་འབྱུང་བ༌ཡིན།།  
\v 2 ཁོང་ཉིད་གཅིག་པུ་བྲག་དང་སྲོག་སྐྱོབ༌ཡིན། །ཁོང་ཉིད་བཙན་རྫོང་ཡིན་པས་ང་མི༌གཡོ།།  
\v 3 ཁྱོད་ཅག་ཀུན་པོས་མི་ཞིག་གསོད་པའི༌ཕྱིར། །བསེགས་པའི་རྩིག་པ་འགྱེལ་ལ་ཉེ་བའི༌གྱང༌། །བཤིག་པ་བཞིན་དུ་ནམ་ཞིག་བར་དུ༌རྒོལ།།  
\v 4 ཁོང་ཉིད་གོ་ས་མཐོན་པོ་ནས་འབབ་ཕྱིར། །དེ་ཚོས་གྲོས་བསྡུར་བྱེད་ཅིང་རྫུན་ལ༌དགའ། །ཁ་ནས་ཤིས་ཚིག་བརྗོད་ཀྱང་ཁོག་ནས༌དམོད།།༼ སེ༌ལཱ། ༽  
\v 5 བདག་གི་རེ་བ་དཀོན་མཆོག་ནས་འོང༌བས། །ཁོང་ཉིད་གཅིག་པུར་སྒུག་པའི་དུས་སྐབས༌སུ། །ཀྱེ་མ་བདག་སེམས་བདེ་ལ་འབབ་པར༌གྱིས།།  
\v 6 ཁོང་ཉིད་གཅིག་པུ་བྲག་དང་སྲོག་སྐྱོབ༌ཡིན། །ཁོང་ཉིད་བཙན་རྫོང་ཡིན་པས་ང་མི༌གཡོ།།  
\v 7 ཐར་པ་གཟི་དཔལ་དཀོན་མཆོག་ཁོ་ནར༌བརྟེན། །སྟོབས་ཀྱི་བྲག་དང་སྐྱབས་གནས་དཀོན་མཆོག༌ལགས།།  
\v 8 དཀོན་མཆོག་ང་ཚོའི་སྐྱབས་གནས་ཡིན་པས༌ན། །མི་རྣམས་དུས་རྒྱུན་ཁོང་ལ་བློ་གཏོད༌ཅིག །ཁོང་གི་དྲུང་དུ་སྙིང་གཏམ་ལྷུག་པོར༌བརྗོད།།༼ སེ༌ལཱ། ༽  
\v 9 ཐ་ཤལ་བ་རྣམས་ཅི་ཡང་མིན་པ༌དང༌། །མཆོག་གྱུར་རྣམས་ཀྱང་རྫུས་མ་རྐྱང་རྐྱང༌ཡིན། །སྲང་ལ་འཇལ་དུས་དེ་རྣམས་ཡར་འདེགས༌ཤིང༌། །ཁོ་ཚོ་མཉམ་དུ་མཁའ་དབུགས་ལས་ཀྱང༌ཡང༌།།  
\v 10 བཙན་དབང་བཀོལ་ནས་ཐོབ་པའི་རྒྱུར་མ༌བརྟེན། །འཕྲོག་བཅོམ་བྱས་པའི་ནོར་ལ་བསྙེམ་མི༌རུང༌། །རང་ནོར་འཕེལ་ན་དེ་ལ་སེམས་མ༌ཆགས།།  
\v 11 དཀོན་མཆོག་ཉིད་ཀྱིས་ཐེངས་གཅིག་ཐེངས་གཉིས༌ལ། །གསུངས་པ་བདག་གིས་ཡང་ཡང་ཐོས་པ༌སྟེ། །ནུས་མཐུ་ཡོད་ཚད་དཀོན་མཆོག་ལ་དབང༌ངོ༌།།  
\v 12 མི་རེའི་སྤྱོད་པ་བཞིན་དུ་ལན་གནང༌བས། །བྱམས་བརྩེ་ཡང་ནི་གཙོ་བོ་ཁྱེད་ཀྱི༌ཡིན།།   
\c 63
\cl གསུང་མགུར་རེ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ལ་ཡིད་སྨོན་འཆོར་བ།  
\p
\v 1 ༼དཱ་བིད་ཀྱིས་ཡ་ཧུ་དཱའི་དབེན་སྟོང་དུ་བརྩམས་པའི་མགུར༌མ།༽ ཀྱེ་ཀྱེ་དཀོན་མཆོག་ཁྱེད་ངའི་དཀོན་མཆོག༌ཡིན། །བདག་གིས་སྙིང་རུས་བསྐྱེད་ནས་ཁྱེད་རང༌བཙལ། །ས་ཆ་སྐམ་ཞིང་ཉམ་ཐག་ཆུ་མེད༌སར། །བདག་གི་ལུས་སེམས་གཉིས་ཀ་ཁྱེད་ལ༌གདུང༌།།  
\v 2 ཁྱེད་ཀྱི་སྟོབས་དང་གཟི་དཔལ་མཇལ་བའི༌ཕྱིར། །གནས་མཆོག་ནང་དུ་བདག་གིས་ཁྱེད་ལ༌བལྟས།།  
\v 3 ཁྱེད་ཀྱི་བྱམས་བརྩེ་ཚེ་སྲོག་ལས་ཀྱང༌ལྷག །དེའི་ཕྱིར་བདག་གི་ངག་ནས་ཁྱེད་ལ༌བསྟོད།།  
\v 4 བདག་གིས་མི་ཚེ་གང་པོར་ཁྱེད་ལ༌བསྟོད། །ཁྱེད་མཚན་བརྗོད་ཅིང་ལག་ཟུང་ཡར་འདེགས༌འོང༌།།  
\v 5 ཚིལ་དང་རྐང་གིས་ང་རང་འགྲང་པ༌ལྟར། །ང་ཡི་སེམས་ཀྱང་དེ་བཞིན་ཚིམ་པར༌འགྱུར། །དགའ་མགུ་རངས་པའི་ངག་གིས་ཁྱེད་ལ༌བསྟོད།།  
\v 6 མལ་དུ་ཉལ་དུས་བདག་གིས་ཁྱེད་དྲན༌ཞིང་། །མཚན་མོ་གང་པོར་ཁྱེད་རང་སྒོམ་པ༌ཡིན།།  
\v 7 ཁྱེད་ཀྱིས་ང་ལ་རོགས་རམ་གནང་བས༌ན། །འདབ་གཤོག་འོག་ཏུ་དགའ་སྤྲོའི་ཀི་སྒྲ༌སྒྲོག།  
\v 8 ངའི་སེམས་ཁྱེད་ཀྱི་རྗེས་སུ་དམ་པོར༌སྙེག །ཁྱེད་ཕྱག་གཡས་པས་ང་རང་སྐྱོར༌བ་འོ།།  
\v 9 ཡིན་ཡང་ང་ཡི་ཚེ་སྲོག་སྙེག་མཁན༌རྣམས། །ས་ཡི་མཐིལ་ལ་འགྲོ་བར་གདོན་མི༌ཟ།།  
\v 10 དེ་རྣམས་རལ་གྲིའི་འོག་ཏུ་གཏོད་བྱེད༌ཅིང༌། །དེ་རྣམས་ཁྱི་སྤྱང་ཁ་ཡི་ཟས་སུ༌འགྱུར།།  
\v 11 རྒྱལ་པོ་དཀོན་མཆོག་ནང་དུ་དགའ་བར༌འགྱུར། །དཀོན་མཆོག་དཔང་དུ་འཛུགས་མཁན་ཐམས་ཅད༌འཕར། །རྫུན་གཏམ་སྨྲ་བའི་ཁ་རྣམས་དགག་པར༌བྱ།།   
\c 64
\cl གསུང་མགུར་རེ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དགྲ་བོའི་ལྐོག་གཡོ་ལས་སྐྱོབ་པར་ཞུ་བ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཀྱེ་ཀྱེ་དཀོན་མཆོག་སྡུག་ཡུས་འདོན་དུས༌སུ། །ཁྱེད་ཀྱིས་བདག་གི་སྐད་ལ་གསན་པར༌མཛོད། །ངའི་སྲོག་དགྲ་ཡི་འཇིགས་སྐུལ་ལས་བསྲུང༌རོགས།།  
\v 2 དོན་ངན་སྤྱོད་མཁན་རྣམས་ཀྱི་ལྐོག་གྲོས༌དང༌། །ཉེས་པ་གསོག་མཁན་རྣམས་ཀྱི་ཟིང་ཆ༌ལས། །ཁྱེད་ཀྱིས་ང་རང་ཡིབ་ཅིང་བསྐྱབ་ཏུ༌གསོལ།།  
\v 3 དེ་ཚོས་ལྕེ་ནི་རལ་གྲི་བཞིན་བརྡར༌ཞིང༌། །ཚིག་རྩུབ་མདའ་མོ་རྣོན་པོ་བཞིན་དུ༌འཕེན།།  
\v 4 ཉེས་མེད་རྣམས་ལ་ལྐོག་ནས་མདའ་འཕེན༌ཞིང༌། །འཇིགས་སྣང་མེད་པར་གློ་བུར་མདའ་ཡིས༌རྒྱག།  
\v 5 ཕན་ཚུན་སྙིང་ཕུར་རྡེབ་ཅིང་ཇུས་ངན༌འགོད། །ལྐོག་ཏུ་རྙི་རྒྱ་འཛུགས་པར་གྲོས་བྱས༌ནས། །སུ་ཡིས་འདི་རྣམས་མཐོང་བར་འགྱུར་ཞེས༌སྨྲ།།  
\v 6 དེ་ཚོས་གཡོ་སྒྱུའི་སྦྱོར་བ་སྤེལ་ནས༌ནི། །ང་ཚོས་ཇུས་ལེགས་དཔེ་མེད་བཤམས་ཡོད༌སྨྲ། །མི་ཡི་སེམས་དང་བསམ་པ་གཏིང་མི༌ལོན།།  
\v 7 འོན་ཀྱང་དཀོན་མཆོག་དེ་ཚོར་མདའ་འཕེན༌ཞིང༌། །ཁོ་རྣམས་གློ་བུར་ཉིད་དུ་རྨས་པར༌འགྱུར།།  
\v 8 རང་རང་ལྕེ་ཡིས་དེ་རྣམས་འཕུང་བར༌བྱ། །ཚུལ་དེ་མཐོང་བའི་མི་རྣམས་མགོ་བོ༌གཡུག།  
\v 9 འཇིག་རྟེན་མི་བུ་ཐམས་ཅད་འཇིགས་པ༌དང༌། །དཀོན་མཆོག་ཁོང་གི་འཕྲིན་ལས་བསྒྲགས་ནས༌ནི། །ཁོང་གི་མཛད་པར་བསམ་བློ་ཞིབ་ཏུ༌གཏོང༌།།  
\v 10 དྲང་བདེན་མི་རྣམས་ཡ་ཝཱེའི་ནང་དགའ་ཞིང་། །ཁོང་ལ་བློ་གདེང་བསྐྱེད་པར་གྱུར་ཅིག༌གུ །གཞུང་དྲང་རྣམས་ཀྱིས་ངོམ་སོ་སྟོན་པར༌ཤོག།   
\c 65
\cl གསུང་མགུར་རེ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་ཐུགས་རྗེ་ལ་བསྟོད་པ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཀྱེ་ཀྱེ་དཀོན་མཆོག་ཛ་ཡན་གྲོང་ཁྱེར༌དུ། །མི་རྣམས་ཁྱེད་ལ་བསྟོད་ཕྱིར་བསྒུགས་ནས༌ཡོད། །དམ་བཅའ་ཡང་ནི་ཁྱེད་ལ་བསྒྲུབ་པར༌འགྱུར།།  
\v 2 ཀྱེ་མ་གསོལ་འདེབས་གསན་པའི་གཙོ་བོ༌ལགས། །མི་བུ་ཐམས་ཅད་ཁྱེད་དྲུང་འོང་བར༌འགྱུར།།  
\v 3 སྡིག་ཉེས་ངེད་ལས་རྒྱལ་བར་གྱུར་ན༌ཡང༌། །ངེད་རྣམས་ཉེས་སྐྱོན་མ་ལུས་ཁྱེད་ཀྱིས༌བསལ།།  
\v 4 ཁྱེད་ཀྱིས་བདམས་ཤིང་ཉེ་བར་དྲངས་ནས༌ནི། །ཉིད་ཀྱི་སྒོ་རར་གནས་པར་མཛད་པ༌ཡི། །སྐྱེ་བོ་དེ་རྣམས་བྱིན་རླབས་ཆེ་བ༌ལ། །ཁྱེད་ཀྱི་བཞུགས་གནས་མཆོད་ཁང་དམ་པ༌ཡི། །གཡང་གིས་ངེད་རྣམས་འདོད་བློ་ཚིམ་གྱུར༌ཅིག།  
\v 5 ཀྱེ་ཀྱེ་ང་ཚོའི་མགོན་སྐྱབས་དཀོན་མཆོག༌ལགས། །ཁྱེད་ཀྱིས་ངོ་མཚར་ཆེ་བའི་མཛད་པ་དང༌། །དྲང་བདེན་ངང་ནས་ང་ཚོར་བཀའ་ལན༌གནང༌། །ཁྱེད་ནི་ས་མཐའ་ཀུན་དང་རྒྱ་མཚོ༌ཡི། །རྒྱང་རིང་གནས་པ་ཡོངས་ཀྱི་རྒྱབ་བརྟེན༌ཡིན།།  
\v 6 མཐུ་སྟོབས་ཆེན་པོའི་སྐ་རགས་བཅིངས་པ༌དང༌། །སྟོབས་ཀྱིས་རི་རྣམས་བརྟན་པོར་ཚུགས་པར༌མཛད།།  
\v 7 རྒྱ་མཚོའི་འུར་སྒྲ་རྦ་རླབས་དྲག་པོ༌དང༌། །མི་སྡེའི་ཀི་སྒྲ་བཅས་ནི་ཞི་བར༌མཛད།།  
\v 8 དེའི་ཕྱིར་ས་མཐར་གནས་པའི་མི་རྣམས༌ནི། །ཁྱེད་ཀྱི་གྲུབ་རྟགས་མཐོང་བས་གུས་ཤིང་འཇིགས། །ཤར་ནས་ནུབ་བར་མི་རྣམས་དགའ་བར༌མཛད།།  
\v 9 ཁྱེད་ཀྱིས་ས་ལ་གཟིགས་ཤིང་ཆར་ཆུ༌གནང༌། །ས་ལ་ས་བཅུད་ཤིན་ཏུ་འཛོམས་པར༌མཛད། །མི་ལ་འབྲུ་རིགས་སྟ་གོན་མཛད་པའི༌ཕྱིར། །དཀོན་མཆོག་ཉིད་ཀྱི་གཙང་པོར་ཆུ་ཡིས༌བཀང༌། །དེ་བཞིན་ཁོང་གིས་ས་གཞི་གྲ་སྒྲིག༌མཛད།།  
\v 10 ས་ཡི་ཤུར་མོ་རྣམས་ལ་ཆུ་བཏང༌ཞིང༌། །སྒལ་གཞུང་རྣམས་ཀྱང་བདེ་བར་བསྙམས་པ༌དང༌། །ཆར་ཟིམ་གནང་ནས་ས་ཞིང་སོབ་སོབ༌བྱས། །ས་ལས་རྡོལ་བ་རྣམས་ལ་བྱིན་གྱིས༌རླབས།།  
\v 11 ཁྱེད་ཀྱིས་ལོ་ཟླར་ཐུགས་རྗེའི་ཅོད་པན༌བསྐོན། །ཁྱེད་ཀྱི་ཕེབས་ལམ་རྣམས་སུ་སྣུམ་རྩི༌ཐིགས།།  
\v 12 འབྲོག་གི་རྩྭ་སར་སྣུམ་དེས་ཁྱབ་པ༌དང༌། །རི་སྒང་རྣམས་ཀྱིས་དགའ་སྤྲོའི་སྐ་རགས༌བཅིངས།།  
\v 13 ལུག་གི་ཁྱུ་ཡིས་རྩྭ་ཁ་ཁེབས་པ༌དང༌། །ལུང་པ་རྣམས་ནི་འབྲུ་ཡིས་ཁེངས་ནས༌ནི། །ཐམས་ཅད་དགའ་འབོད་བྱེད་ཅིང་གླུ་གཞས༌ལེན།།   
\c 66
\cl གསུང་མགུར་རེ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བསྟོད་པ་དང་བཀའ་དྲིན་དྲན་པའི་མགུར་མ།  
\p
\v 1 ༼དབུ་མཛད་ལ་སྤྲད་པའི་མགུར༌མ།༽ ཀྱེ་ཀྱེ་ས་གཞི་ཡོངས་ཀྱིས་དཀོན་མཆོག༌ལ། །དགའ་མགུ་རངས་པའི་ཀུ་ཅོ་སྒྲོགས་ཤིག༌དང༌།།  
\v 2 ཁོང་གི་སྙན་གྲགས་ལ་ནི་བསྟོད་དབྱངས༌ཕུལ། །གཟི་བརྗིད་བསྟོད་བསྔགས་ཁོང་ལ་འབུལ་བར༌གྱིས།།  
\v 3 དཀོན་མཆོག་ལ་ནི་འདི་ལྟར་ཞུ་བར༌གྱིས། །ཁྱེད་ཀྱི་མཛད་པ་ཅི་འདྲའི་ཁྱད་དུ་འཕགས། །ཁྱེད་ཀྱི་མཐུ་སྟོབས་ཤིན་ཏུ་ཆེ་བས༌ན། །དགྲ་རྣམས་ཁྱེད་ཀྱི་དྲུང་དུ་འཁུམ་པར༌འགྱུར།།  
\v 4 ས་གཞི་ཡོངས་ཀྱིས་ཁྱེད་ལ་ཕྱག་འཚལ༌ཞིང༌། །ཁྱེད་ཀྱི་མཚན་ལ་བསྟོད་དབྱངས་འབུལ་བར༌བྱ།།༼ སེ༌ལཱ། ༽  
\v 5 ཁྱོད་རྣམས་ཤོག་ལ་དཀོན་མཆོག་མཛད་པར༌ལྟོས། །མི་ལ་མཛད་པའི་དོན་རྣམས་ངོ་མཚར་ཆེ།།  
\v 6 ཁོང་གིས་རྒྱ་མཚོ་སྐམ་སར་མཛད་པ༌དང༌། །མི་རྣམས་རྐང་ཐང་གཙང་པོ་བརྒལ་ནས༌ཕྱིན། །བདག་ཅག་ཁོང་གི་ནང་དེར་དགའ་བར༌བྱ།།  
\v 7 ཁོང་གི་དབང་གིས་རྟག་ཏུ་སྲིད་སྐྱོང༌ཞིང༌། །ཐུགས་རྗེའི་སྤྱན་གྱིས་མི་རིགས་ཀུན་ལ༌གཟིགས། །གྱེན་ལོག་མི་རྣམས་ཁེངས་དྲེགས་མ་བསྐྱེད༌ཅིག།༼ སེ༌ལཱ། ༽  
\v 8 མི་སྡེ་རྣམས་ཀྱིས་ང་ཚོའི་དཀོན་མཆོག༌ལ། །བསྟོད་པ་ཕུལ་ཞིག་བསྔགས་སྒྲ་ཐོས་སུ༌ཆུགས།།  
\v 9 ཁོང་གིས་རང་ཅག་ཚེ་སྲོག་སྲུང་བར༌མཛད། །རང་རེའི་རྐང་པ་འཁྱོར་དུ་མ་བཅུག༌གོ།  
\v 10 དཀོན་མཆོག་ཁྱེད་ཀྱིས་ང་ཚོར་ཚོད་བགམས༌ཤིང༌། །དངུལ་ལ་བཙོ་སྦྱང་བྱེད་ལྟར་ངེད་ལ༌བརྟག།  
\v 11 ཁྱེད་ཀྱིས་ངེད་རྣམས་རྙི་རྒྱའི་ནང་དུ༌བཅུག །ཁུར་པོ་ལྕི་མོ་ངེད་ཅག་རྒྱབ་ཏུ༌བཀལ།།  
\v 12 མི་རྣམས་ང་ཚོའི་མགོ་བོར་ཞོན་དུ༌བཅུག །ངེད་རྣམས་མེ་ཆུ་བརྒྱུད་ནས་སོང་ན༌ཡང༌། །ལོངས་སྤྱོད་འཛད་མེད་གནས་སུ་ཁྱེད་ཀྱིས༌དྲངས།།  
\v 13 སྦྱིན་སྲེག་ཁྱེར་ནས་ཁྱེད་ཀྱི་མཆོད་ཁང༌དུ། །ང་རང་ཡོང་ནས་དམ་བཅའ་བསྒྲུབ་པར༌བྱ།།  
\v 14 དཀའ་སྡུག་དུས་སུ་ང་ཡི་མཆུ་སྒྲོས༌ཀྱིས། །དམ་བཅའ་བཞག་ཅིང་ཁ་ཡིས་སྨྲས་པ༌ལྟར།།  
\v 15 ཕྱུགས་ཟོག་ཤ་ཤེད་ཅན་རྣམས་སྦྱིན་སྲེག༌དང༌། །ལུག་ཐུག་རྣམས་ནི་དྲི་ཞིམ་མཆོད་པར༌འབུལ། །དེ་མིན་གླང་དང་ར་ཡང་འབུལ་བར༌བྱ།།༼ སེ༌ལཱ། ༽  
\v 16 དཀོན་མཆོག་ལ་ནི་གུས་ཤིང་འཇིགས་པ༌ཀུན། །ཤོག་ལ་ཉོན་ཅིག་བདག་གིས་ཁྱོད་རྣམས༌ལ། །ཁོང་གིས་ངའི་དོན་ཅི་མཛད་འཆད་པར༌བྱ།།  
\v 17 བདག་གི་སྨྲ་སྒོས་ཁོང་ལ་འོ་དོད༌བོས། །བདག་གི་ལྕེ་ཡིས་ཁོང་ལ་བསྟོད་བསྔགས༌ཕུལ།།  
\v 18 གལ་ཏེ་ངའི་སེམས་སྡིག་པར་དགའ་ན༌ནི། །གཙོ་བོས་བདག་ལ་གསན་པར་མི་འགྱུར༌རོ།།  
\v 19 འོན་ཀྱང་ཁོང་གིས་དངོས་གནས་གསན་པ༌དང༌། །ང་ཡི་གསོལ་འདེབས་སྐད་ལ་སྙན་གཏད༌དོ།།  
\v 20 ང་ཡི་སྨོན་ལམ་ལ་ནི་གསན་པ༌དང༌། །ཉིད་ཀྱི་བྱམས་བརྩེ་ང་ལས་མ་ཕྲལ༌བའི། །དཀོན་མཆོག་ཁོང་ཉིད་བསྟོད་པར་འོས་སོ༌ལོ།།   
\c 67
\cl གསུང་མགུར་རེ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བཀའ་དྲིན་དྲན་པའི་མགུར་མ།  
\p
\v 1 ༼དབུ་མཛད་ལ་སྤྲད་པའི་མགུར་རྒྱུད་མང་རོལ་ཆས་སྤེལ༌མ།༽ ངེད་ལ་སྙིང་རྗེས་གཟིགས་དང་དཀོན་མཆོག༌ལགས། །བྱིན་རླབས་གནོངས་དང་ཞལ་རས་འཛུམ་པའི༌འོད། །ངེད་ཅག་ལ་ནི་འཕྲོ་བར་མཛད་དུ༌གསོལ།།༼ སེ༌ལཱ། ༽  
\v 2 ས་གཞི་ཡོངས་ཀྱིས་ཁྱེད་ཀྱི་ཕེབས་ལམ༌དང༌། །མི་རིགས་ཀུན་གྱིས་ཉིད་ཀྱི་ཐར་པ༌ནི། །ཤེས་པའི་ཕྱིར་དུ་དེ་བཞིན་མཛད་དུ༌གསོལ།།  
\v 3 ཀྱེ་ཀྱེ་དཀོན་མཆོག་མི་སྡེ་ཐམས་ཅད༌དང༌། །མི་རིགས་ཀུན་གྱིས་ཁྱེད་ལ་བསྟོད་པར༌ཤོག།  
\v 4 འཇིག་རྟེན་མི་ཀུན་དགའ་ཞིང་སྤྲོ་བ༌དང༌། །བསྟོད་པའི་གླུ་ཡིས་ཁྱེད་ལ་བསྟོད་པར༌ཤོག །ཁྱེད་ཀྱིས་ངེས་པར་འཇིག་རྟེན་མི་ཀུན༌ལ། །བདེན་པའི་ཁྲིམས་ཀྱིས་ལེགས་ཉེས་འབྱེད་པ༌དང༌། །མི་རིགས་ཐམས་ཅད་བདེ་བར་སྐྱོང་ངེས༌སོ།།༼ སེ༌ལཱ། ༽  
\v 5 ཀྱེ་ཀྱེ་དཀོན་མཆོག་མི་སྡེ་ཐམས་ཅད༌དང༌། །མི་རིགས་ཀུན་གྱིས་ཁྱེད་ལ་བསྔགས་པར༌ཤོག།  
\v 6 ས་ལས་འབྲུ་དང་ཤིང་ཏོག་སྣ་ཚོགས༌བྱུང༌། །དཀོན་མཆོག་ཉིད་ནི་ངེད་ཀྱི་དཀོན་མཆོག༌སྟེ། །རང་ཅག་ལ་ནི་བྱིན་རླབས་གནང་བར༌འགྱུར།།  
\v 7 ཁོང་གིས་ང་ཚོར་བྱིན་རླབས་གནང་བར༌འགྱུར། །འཇིག་རྟེན་ཡོངས་ཀུན་ཁོང་ལ་གུས་ཤིང་འཇིགས།།   
\c 68
\cl གསུང་མགུར་རེ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྣམ་པར་རྒྱལ་བའི་མགུར་མ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ དཀོན་མཆོག་བཞེངས་ནས་དགྲ་རྣམས་འཐོར་བར༌ཤོག །ཁོང་ལ་སྡང་མཁན་ཁོང་ནས་འབྲོ་གྱུར༌ཅིག།  
\v 2 དུ་བ་རླུང་གིས་ཁྱེར་བ་ནང་བཞིན༌དུ། །དེ་རྣམས་ཁྱེད་ཀྱིས་ཕྱོགས་བཞིར་སྐྲོད་པར༌ཤོག །སྤྲ་ཚིལ་མེ་དང་ཕྲད་ན་བཞུ་བ༌ལྟར། །མི་ངན་དཀོན་མཆོག་དྲུང་དུ་ཡལ་གྱུར༌ཅིག།  
\v 3 འོན་ཀྱང་དྲང་བདེན་མི་རྣམས་དཀོན་མཆོག༌དྲུང༌། །དགའ་བ་འབུམ་གྱིས་མཉེས་ཤིང་སྤྲོ་བར༌ཤོག།  
\v 4 དཀོན་མཆོག་ཁོང་ལ་མགུར་གླུ་ལེན་པར༌གྱིས། །ཁོང་གི་མཚན་ལ་བསྟོད་དབྱངས་འབུལ་བར༌གྱིས། །སྤྲིན་པར་བཅིབས་ནས་ཕེབས་མཁན་བསྟོད་པས་འདེགས། །ཁོང་གི་མཚན་ལ་ཡ་ཝཱེ་ཞེས་ཞུ༌ཞིང༌། །ཁྱོད་རྣམས་ཁོང་གི་དྲུང་དུ་དགའ་བར༌གྱིས།།  
\v 5 དཀོན་མཆོག་ཉིད་ཀྱི་བཞུགས་གནས་དམ་པ༌རུ། །དྭ་ཕྲུག་རྣམས་ཀྱི་ཡབ་དང་ཡུགས་མོ༌ཡི། །དཀར་འདོན་མཁན་ནི་ཁོང་ཉིད་ཡིན་ལགས༌སོ།།  
\v 6 ཁོང་གིས་ཁེར་རྐྱང་ལ་ནི་ཁྱིམ་གཞིས༌གནང༌། །བཙོན་པ་བསྒྲལ་ནས་དར་རྒྱས་ཡུལ་དུ༌ཁྲིད། །གྱེན་ལོག་འབའ་ཞིག་ཐན་པའི་གནས་སུ༌ལུས།།  
\v 7 ཀྱེ་ཀྱེ་དཀོན་མཆོག་ཁྱེད་ཀྱིས་འབངས་མི༌རྣམས། །ཕྱི་རུ་ཁྲིད་ནས་དབེན་སྟོང་བརྒྱུད་དུས༌སུ།།༼ སེ༌ལཱ། ༽  
\v 8 ས་ནི་གཡོས་ཤིང་ཆར་ཡང་ཁྱེད་དྲུང༌བརྡིབས། །ཡེས་ར་ཨེལ་གྱི་དཀོན་མཆོག་མདུན་དྲུང༌དུ། །སི་ནཱ་རི་བོ་ཡང་ནི་གཡོས༌པ་འོ།།  
\v 9 དཀོན་མཆོག་ཁྱེད་ཀྱིས་ཆར་ཆེན་འབབ་མཛད༌དེ། །ཉམས་ཤིང་རྒུད་པའི་ནོར་སྐལ་གསོ་བར༌མཛད།།  
\v 10 ཁྱེད་ཀྱི་མི་རྣམས་ཡུལ་དེར་གནས་པ༌ཡིན། །ཀྱེ་ཀྱེ་དཀོན་མཆོག་ཁྱེད་ནི་ཤིན་ཏུ༌བཟང༌། །དབུལ་ཕོངས་རྣམས་ཀྱི་དོན་དུ་གྲ་སྒྲིག༌མཛད།།  
\v 11 གཙོ་བོ་ལགས་ཀྱིས་བཀའ་གསུང་གནང་བ༌དང༌། །འཕྲིན་བཟང་སྒྲོག་པའི་བུད་མེད་ཚོགས་སུ༌གྲུབ།།  
\v 12 དམག་དཔུང་རྣམས་ཀྱི་རྒྱལ་པོ་བྲོས་པ༌དང༌། །ཁྱིམ་པ་བུད་མེད་རྣམས་ཀྱིས་བཅོམ་ནོར༌བགོ།  
\v 13 ཁྱོད་རྣམས་ལུག་རའི་ནང་དུ་ཉལ་བའི༌དུས། །ཕུག་རོན་འདབ་གཤོག་དངུལ་གྱིས་བཏུམས་པ༌དང༌། །བྱ་སྒྲོ་སེར་པོ་གསེར་གྱིས་བྱུགས་འདྲ༌ཡིན།།  
\v 14 ཀུན་དབང་ཉིད་ཀྱིས་རྒྱལ་པོ་རྣམས་གཏོར༌དུས། །ཙལ་མོན་རི་ལ་ཁ་བ་བབས་འདྲ༌ཡིན།།  
\v 15 རི་བོ་པཱ་ཤན་ལྷ་རྣམས་གནས་རི༌ཡིན། །རི་བོ་པཱ་ཤན་རི་རྩེ་མང་པོ༌ཅན།།  
\v 16 ཀྱེ་ཀྱེ་རྩེ་མོ་མང་བའི་རི་བོ༌ལགས། །དཀོན་མཆོག་བཞུགས་པར་མཉེས་པའི་རི་བོ༌ལ། །ཁྱོད་རྣམས་སྡང་མིག་བགྲད་དོན་ཅི་ཡིན༌ནམ། །ཡ་ཝཱེ་རྒྱུན་ནས་རྒྱུན་དུ་དེར་བཞུགས༌འོང༌།།  
\v 17 དཀོན་མཆོག་ཤིང་རྟ་ཁྲི་ཁྲི་འབུམ་འབུམ༌ཡོད། །རི་བོ་དམ་པ་སི་ནཱར་བཞུགས་བཞིན༌དུ། །གཙོ་བོ་དེ་དག་ཁྲོད་དུ་བཞུགས་པ༌ཡིན།།  
\v 18 ཁྱེད་ཉིད་ནམ་མཁར་འཕགས་ཤིང་བཙོན་པ༌ཁྲིད། །དཀོན་མཆོག་ཡ་ཝཱེ་མི་མཉམ་བཞུགས་པའི༌ཕྱིར། །མི་དང་གཉའ་རེངས་ལས་ཀྱང་ལག་རྟགས༌བཞེས།།  
\v 19 ཉིན་རེར་རང་ཅག་ཁུར་བོ་འཁུར་བ༌ཡི། །བདག་ཅག་སྐྱོབ་པར་མཛད་པའི་དཀོན་མཆོག༌སྟེ། །གཙོ་བོ་ཁོང་ཉིད་བསྟོད་པར་འོས་སོ༌ལོ།།༼ སེ༌ལཱ། ༽  
\v 20 རང་རེའི་དཀོན་མཆོག་སྒྲོལ་མཛད་དཀོན་མཆོག༌ཡིན། །འཆི་ལས་ཐར་བ་གཙོ་བོ་ཡ་ཝཱེར་རག།  
\v 21 དཀོན་མཆོག་ཉིད་ཀྱིས་དགྲ་བོའི་མགོ་བོ༌སྟེ། །རྒྱུན་ཆད་མེད་པར་སྡིག་པ་བྱེད་པ༌ཡི། །མི་རྣམས་སྤྱི་བོ་དུམ་བུར་གཅོག་པར༌འགྱུར།།  
\v 22 ཞབས་ཟུང་དེ་རྣམས་ཁྲག་ནང་བརྡབ་པ༌དང༌། །དགྲ་རྣམས་ཁྲག་ནི་ཁྱི་ཡིས་བལྡག་པའི༌ཕྱིར།།  
\v 23 གཙོ་བོས་འདི་སྐད་གསུངས་ཏེ་བདག་གིས༌ནི། །ཁོ་རྣམས་པཱ་ཤན་ཡུལ་ནས་ཕྱིར་འཁྲིད༌འོང༌། །རྒྱ་མཚོའི་གཏིང་ནས་བདག་གིས་ཕྱིར་འདོན༌འོང༌།།  
\v 24 དཀོན་མཆོག་མི་ཚོས་ཁྱེད་ཀྱི་བསྟར་ཕྲེང༌མཇལ། །ང་ཡི་དཀོན་མཆོག་ང་ཡི་རྒྱལ་པོ༌ཡི། །བསྟར་ཕྲེང་གནས་མཆོག་ནང་དུ་འབྱོན་པ༌མཇལ།།  
\v 25 གླུ་བ་རྣམས་ནི་མདུན་དུ་སྐྱོད་པ༌དང༌། །རོལ་མོ་པ་རྣམས་དེ་དག་རྗེས་སུ༌འབྲངས། །དེའི་ཁྲོད་སིལ་རྔ་རྡུང་བའི་བུ་མོ༌མཆིས།།  
\v 26 ཁྱོད་ཚོས་ཚོགས་ཆེན་དཀྱིལ་དུ་དཀོན་མཆོག༌བསྟོད། །ཀྱེ་ཀྱེ་ཡེས་ར་ཨེལ་གྱི་བུ་རྒྱུད༌རྣམས། །ཁྱོད་ཚོས་ཡ་ཝཱེ་ཁོང་ལ་བསྟོད་བསྔགས༌བརྗོད།།  
\v 27 དེ་རྣམས་རྗེ་བོ་ཚོ་ཆུང་པེན་ཡཱ༌མེན། །ཡ་ཧུ་དཱ་ཡི་འགོ་དཔོན་ཁྱུ་ཚོགས༌ཡོད། །ཟེ་བུ་ལུན་དང་ནཱབ་ཐ་ལི་ཡི༌ནི། །འགོ་དཔོན་རྣམས་ཀྱང་དེ་རུ་ཡོད༌པ་འོ།།  
\v 28 ཀྱེ་ཀྱེ་དཀོན་མཆོག་ནུས་མཐུ་མངོན་པར༌མཛོད། །ང་ཚོར་མཛད་པའི་དོན་རྣམས་བརྟན་པོར༌མཛོད།།  
\v 29 ཡེ་རུ་སཱ་ལེམ་ཡུལ་དུ་གནས་པ༌ཡི། །ཁྱེད་ཀྱི་མཆོད་ཁང་ཕྱིར་དུ་རྒྱལ་པོ༌རྣམས། །ཕྱག་རྟེན་ཁྱེར་ནས་ཁྱེད་ལ་འབུལ་བར༌འགྱུར།།  
\v 30 ཁྱེད་ཀྱིས་འདམ་རྩྭའི་ཁྲོད་ཀྱི་གཅན་གཟན་དང༌། །གླང་གི་ཁྱུ་དང་མི་སྡེའི་བ་ཕྲུག༌རྣམས \f + \ft འདིར་འདམ་རྩྭའི་ཁྲོད་ཀྱི་གཅན་གཟན་ཞེས་པ་ཨེ་ཅིབ༌དང༌། གླང་གི་ཁྱུ་ཞེས་པ་ཨེ་ཅིབ་ཀྱི་སྐུ་དྲག་རྣམས༌དང༌། མི་སྡེའི་བ་ཕྲུག་རྣམས་ཞེས་པ་ཨེ་ཅིབ་ཀྱི་འགོ་དཔོན་རྣམས་བཅས་ལ་གོ་བ༌ཡིན། \f*། །དངུལ་གྱི་དོང་ཙེར་ཆགས་རྣམས་བརྫི་བར༌མཛོད། །དམག་འཁྲུག་ལ་དགའི་མི་རིགས་གཏོར་གྱུར༌ཅིག།  
\v 31 ཨེ་ཅིབ་ཡུལ་ནས་སྐུ་དྲག་རྣམས་འོང༌ཞིང༌། །གུ་ཤས་དཀོན་མཆོག་ཉིད་ལ་ཕྱག་རྟེན༌དབུལ།།  
\v 32 ཀྱེ་མ་ས་གཞི་ཡོངས་ཀྱི་རྒྱལ་ཁམས༌རྣམས། །ཁྱོད་ཚོས་དཀོན་མཆོག་ཁོང་ལ་གླུ་གཞས༌ཕུལ། །ཁྱོད་ཚོས་གཙོ་བོར་བསྟོད་དབྱངས་འབུལ་བར༌གྱིས།།༼ སེ༌ལཱ། ༽  
\v 33 གདོད་མའི་ནམ་མཁའི་དབྱིངས་དག་འཆིབ་པ༌ཡི། །གཙོ་བོ་ཁོང་ལ་བསྟོད་པའི་མགུར་མ༌ལེན། །ལྟོས་དང་ཁོང་གིས་སྟོབས་ལྡན་གསུང་སྐད༌འདོན།།  
\v 34 དཀོན་མཆོག་ཉིད་ཀྱི་མཐུ་སྟོབས་བསྒྲག་པར༌གྱིས། །ཁོང་གི་བརྗིད་ཉམས་ཡེས་ར་ཨེལ་སྟེང༌གནས། །ནམ་མཁའི་དབྱིངས་སུ་ཁོང་གི་དབང་ཐང༌མངོན།།  
\v 35 ཀྱེ་ཀྱེ་དཀོན་མཆོག་གནས་མཆོག་ནང་དུ་ནི། །ཁྱེད་རང་གུས་ཤིང་འཇིགས་པར་མངོན་པ༌དང༌། །ཡེས་ར་ཨེལ་གྱི་དཀོན་མཆོག་ཉིད་ཀྱིས༌ནི། །མཐུ་སྟོབས་དབང་ཐང་རང་གི་མི་ལ༌གནང༌། །དཀོན་མཆོག་ཁོང་ཉིད་བསྟོད་པར་འོས་སོ༌ལོ།།   
\c 69
\cl གསུང་མགུར་རེ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རོགས་རམ་འཚོལ་བའི་གསོལ་འདེབས།  
\p
\v 1 ༼མེ་ཏོག་ཀུ་མུད་ཀྱི་དབྱངས་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཆུ་ཆེན་རྣམས་ཀྱིས་ང་རང་བསྣུབ་ལ༌ཉེ། །ཀྱེ་ཀྱེ་དཀོན་མཆོག་ང་ནི་སྐྱོབ་པར༌མཛོད།།  
\v 2 ང་རང་གཏིང་ཟབ་འདམ་ནང་ཟུག་པ༌དང༌། །དེ་རུ་རྐང་པ་འཛུགས་སའི་གནས་ཀྱང༌མེད། །ང་རང་གཏིང་ཟབ་ཆུ་ཡི་ནང་དུ༌སླེབས། །ང་ཡི་སྟེང་དུ་ཆུ་ལོག་བརྒྱུགས༌པ་འོ།།  
\v 3 འོ་དོད་བོས་ནས་ཆད་ཅིང་མགྲིན་པ༌བསྐམས། །དཀོན་མཆོག་ཉིད་ལ་བསྒུགས་ནས་མིག་ཤེད༌ཉམས།།  
\v 4 དོན་མེད་བདག་ལ་སྡང་བའི་མི་གྲངས༌ནི། །བདག་གི་མགོ་ཡི་སྐྲ་ལས་མང་བ༌ཡིན། །རྒྱུ་རྐྱེན་མེད་པར་ང་ཡི་དགྲར་ལངས༌ཤིང༌། །ང་རང་གསོད་པར་འདོད་པ་ཤིན་ཏུ༌མང༌། །མ་འཕྲོག་མ་བཅོམ་དེ་ཡང་འཇལ་དགོས༌བྱུང༌།།  
\v 5 དཀོན་མཆོག་ཁྱེད་ཀྱིས་ང་ཡི་གླེན་རྟགས༌མཁྱེན། །ང་ཡི་ཉེས་པ་ཁྱེད་ལ་སྦས་པ༌མེད།།  
\v 6 ཀྱེ་ཀྱེ་གཙོ་བོ་དཔུང་ཚོགས་ཀྱི་ཡ་ཝཱེ། །ཁྱེད་ལ་རེ་སྒུག་བྱེད་པའི་མི་རྣམས༌ནི། །ང་ཡི་རྐྱེན་གྱིས་ནོངས་པར་མི༌བྱ་འོ། །ཀྱེ་ཀྱེ་ཡེས་ར་ཨེལ་གྱི་དཀོན་མཆོག༌ལགས། །ཁྱེད་ཉིད་འཚོལ་མཁན་མི་རྣམས་ང་ཡི༌རྐྱེན། །བརྙས་བཅོས་འཁེལ་བར་མི་མཛད་ཁྱེད་ལ༌མཁྱེན།།  
\v 7 ཅི་ལ་ཞེ་ན་བདག་གིས་ཁྱེད་དོན༌དུ། །སྨད་པ་བཟོད་ཅིང་གདོང་ཡང་ངོ་ཚས༌བཏུམས།།  
\v 8 རང་གི་སྤུན་ཟླ་ང་དང་རིང་དུ༌གྱེས། །མ་གཅིག་སྤུན་ལ་ང་རང་ཕྱི་མིར༌གྱུར།།  
\v 9 ཁྱེད་ཀྱི་བཞུགས་གནས་དོན་དུ་ང་རང༌ནི། །སེམས་པ་ཤིན་ཏུ་འཚབ་ནས་མེ་ལྟར༌འབར། །ཁྱེད་ལ་སྨད་པའི་སྨད་སྒྲ་ང་ལ༌ཕོག།  
\v 10 ང་རང་ངུ་ཞིང་ཟས་ཀྱང་མི་སྤྱོད་སྐབས། །ཐ་ན་དེ་ཡང་བདག་གི་ངོ་ཚར༌གྱུར།།  
\v 11 བདག་གིས་ལུས་ལ་རྩིད་རས་གྱོན་པ༌ན། །ཁོ་ཚོས་འཕྱ་དགོད་བྱེད་པའི་ཡུལ་དུ༌གྱུར།།  
\v 12 མཁར་སྒོར་བསྡད་པས་ང་ཡི་སྐོར་གླེང༌ཞིང༌། །ང་རང་ཆང་རྐྱལ་རྣམས་ཀྱི་གླུ་རུ༌གྱུར།།  
\v 13 འོན་ཀྱང་ཀྱེ་ཀྱེ་ཡ་ཝཱེ་བདག་གིས༌ནི། །ཁྱེད་ཐུགས་མཉེས་དུས་ཁྱེད་ལ་སྨོན་ལམ༌འདེབས། །དཀོན་མཆོག་ཁྱེད་ཀྱི་བྱམས་བརྩེ་ཆེན་པོ༌དང༌། །བློས་ཐུབ་ཐར་པའི་ནང་དུ་བཀའ་ལན༌གནོངས།།  
\v 14 འདམ་གྱི་ནང་ནས་ང་རང་སྐྱོབ་པར༌ཞུ། །ང་རང་དེའི་ནང་ནུབ་ཏུ་མི་འཇུག༌རོགས། །ང་ལ་ཞེ་འཁོན་འཛིན་པའི་མི་རྣམས༌དང༌། །གཏིང་ཟབ་ཆུ་ལས་ང་རང་སྐྱོབ་པར༌མཛོད།།  
\v 15 ང་རང་ཆུ་ལོག་ལ་ནི་བསྣུབ་མ༌འཇུག །གཏིང་ཟབ་ཆུ་ལ་མིད་དུ་ཡང་མ༌འཇུག །ངའི་སྟེང་དོང་ཁ་བཙུམ་པར་མི་མཛད༌རོགས།།  
\v 16 ཀྱེ་ཀྱེ་ཡ་ཝཱེ་ཁྱེད་ཀྱི་བྱམས་བརྩེ༌ནི། །གཞི་ནས་ལེགས་པས་བདག་ལ་བཀའ་ལན༌གནོངས། །ཁྱེད་ཀྱིས་ཉིད་ཀྱི་སྙིང་རྗེ་ཆེན་པོ༌བཞིན། །ཞལ་རས་ང་ཡི་ཕྱོགས་སུ་འཁོར་བར༌མཛོད།།  
\v 17 ཁྱེད་ཀྱི་ཞབས་ཕྱིར་ཞལ་ངོ་མི་སྦ༌བར། །ང་རང་སྡུག་པས་མྱུར་དུ་བཀའ་ལན༌གནོངས།།  
\v 18 ང་ཡི་ཉེ་སར་ཕེབས་ཏེ་ང་སྐྱོབ༌རོགས། །དགྲ་རྣམས་རྐྱེན་གྱིས་ང་ནི་བླུ་བར༌མཛོད།།  
\v 19 ང་ལ་ཕོག་པའི་འཕྱ་དམོད་བརྙས་བཅོས༌དང༌། །དམའ་འབེབས་བཅས་ནི་ཁྱེད་ཀྱིས་ཀུན་ནས༌མཁྱེན། །བདག་གི་དགྲ་བོ་ཐམས་ཅད་ཁྱེད་མཁྱེན༌ནོ།།  
\v 20 འཕྱ་དམོད་ཚིག་ནི་བདག་གི་སེམས་ལ༌ཕོག །ང་རང་སྐྱོ་ཞིང་སྡུག་བསྔལ་གནས་སུ༌ལྷུང༌། །སྙིང་རྗེ་བྱེད་མཁན་བཙལ་ཡང་གཅིག་ཀྱང༌མེད། །སེམས་གསོ་ཨེ་འཐོབ་སྙམ་ཡང་ཐོབ་མ༌བྱུང༌།།  
\v 21 ང་ཡི་ཟས་སུ་མཁྲིས་ཁུ་བསྲེས་པ༌དང༌། །སྐོམ་པ་སེལ་ཕྱིར་ང་ལ་སྐྱུར་ཁུ༌བླུགས།།  
\v 22 དེ་རྣམས་གསོལ་ལྕོག་དེ་ཚོར་རྙི་རྒྱ༌དང༌། །བདེ་བའི་དུས་ཀྱི་ལྕགས་ཀྱུ་རུ་གྱུར༌ཅིག།  
\v 23 དེ་རྣམས་མིག་དབང་ཉམས་ནས་མི་མཐོང༌ཞིང༌། །རྐེད་པ་རྒྱུན་ཆད་མེད་པར་གཡོ་བར༌ཤོག།  
\v 24 ཁྱེད་ཀྱི་ཐུགས་ཁྲོ་དེ་ཚོའི་སྟེང་བླུགས༌ནས། །ཁྲོ་གཏུམ་གྱིས་ནི་ཁོ་རྣམས་ཟིན་གྱུར༌ཅིག།  
\v 25 དེ་ཚོའི་སྡོད་གནས་སྟོངས་ཤིང་སྟོང་པར༌ཤོག །གུར་ནང་སུ་ཡང་གནས་པར་མ་གྱུར༌ཅིག།  
\v 26 ཁྱེད་ཀྱིས་བརྡུངས་པར་དེ་ཚོས་འཚེ་བ༌དང༌། །ཁྱེད་ཀྱིས་རྨས་པར་མཛད་པའི་མི་དེ༌ཡི། །ཟུག་གཟེར་ལ་ཡང་དེ་ཚོས་འཕྱ་བས༌སོ།།  
\v 27 ཉེས་ཆད་སྟེང་ལ་ཉེས་ཆད་བསྣན་ནས༌ནི། །ཁྱེད་ཀྱི་དྲང་བདེན་ནང་དུ་མི་འཇུག༌རོགས།།  
\v 28 དེ་རྣམས་སྲོག་གི་གླེགས་བམ་ལས་བསུབས༌ནས། །དྲང་བདེན་ཁྲོད་དུ་འབྲི་བར་མི་མཛད༌རོགས།།  
\v 29 འོན་ཀྱང་ང་ནི་སྐྱོ་ཞིང་སྡུག་བསྔལ༌ཅན། །ཀྱེ་ཀྱེ་དཀོན་མཆོག་སྐྱབས་ཀྱིས་བསྲུང་བར༌མཛོད།།  
\v 30 དཀོན་མཆོག་མཚན་ལ་བསྟོད་པའི་མགུར་མ༌ལེན། །གཏང་རག་ཕུལ་ནས་ཁོང་གི་ཆེ་བ༌བརྗོད།།  
\v 31 འདི་ལ་ཡ་ཝཱེ་གླང་གོག་ཕུལ༌བ་འམ། །ཡང་ན་གླང་ཐུག་རྭ་དང་རྨིག་པ༌ཅན། །ཕུལ་བ་ལས་ཀྱང་རབ་ཏུ་དགྱེས་པ༌ཡིན།།  
\v 32 སྙེམས་ཆུང་རྣམས་ཀྱིས་མཐོང་ནས་དགའ་བར༌འགྱུར། །ཀྱེ་མ་དཀོན་མཆོག་འཚོལ་བའི་མི་རྣམས༌ལགས། །ཁྱོད་ཅག་སེམས་ནི་གསོན་པོར་གནས་གྱུར༌ཅིག།  
\v 33 ཡ་ཝཱེས་དབུལ་པོ་རྣམས་ལ་གསན་པ༌དང༌། །ཉིད་ཀྱི་བཙོན་པར་མཐོང་ཆུང་མི་མཛད༌དོ།།  
\v 34 གནམ་དང་ས་དང་རྒྱ་མཚོ་ཆེན་པོའི༌ནང༌། །འགྲུལ་བ་ཀུན་གྱིས་ཁོང་ལ་བསྟོད་པར༌ཤོག།  
\v 35 དཀོན་མཆོག་ཉིད་ཀྱིས་ཛ་ཡན་སྐྱོབ་པར༌མཛད། །ཡ་ཧུ་དཱ་ཡི་གྲོང་ཁྱེར་བརྩིག་པར༌འགྱུར། །ཁོང་གི་མི་རྣམས་དེའི་ནང་གནས་པ༌དང༌། །ཡུལ་དེ་བདག་ཏུ་འཛིན་པར་འགྱུར༌བ་འོ། །  
\v 36 ཁོང་གི་ཞབས་ཕྱི་དག་གི་བུ་རྒྱུད༌རྣམས། །ཐམས་ཅད་ཡུལ་དེའི་བདག་པོར་འགྱུར་བ༌དང༌། །ཁོང་མཚན་གཅེས་སུ་འཛིན་པ་དེ་རུ༌གནས།།   
\c 70
\cl གསུང་མགུར་བདུན་ཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དགྲ་རྣམས་ངོ་ཚ་དང་བཅས་ཕམ་པར་རེ་བ།  
\p
\v 1 ༼དཱ་བིད་ཀྱི་དྲན་གསོའི་མགུར་མ་དབུ་མཛད་ལ་སྤྲད༌པ།༽ ཀྱེ་ཀྱེ་དཀོན་མཆོག་ང་རང་མྱུར་དུ༌སྐྱོབས། །ཡ་ཝཱེ་མགྱོགས་པོར་ང་ལ་རོགས་རམ༌མཛོད།།  
\v 2 ངའི་སྲོག་གཅོད་ཕྱིར་ང་རང་འཚོལ་མཁན༌རྣམས། །ལྷན་ཅིག་སྐྱེངས་ཤིང་ངོ་ཡང་ནོངས་གྱུར༌ཅིག །ང་ལ་གནོད་པ་འབྱུང་བར་དགའ་བ༌རྣམས། །ངོ་ཚ་དང་བཅས་ཕམ་པར་གྱུར་ཅིག༌གུ།  
\v 3 ང་ལ་ཨ་ཧ་ཨ་ཧ་ཟེར་མཁན༌རྣམས། །རང་གི་ངོ་ཚའི་རྐྱེན་གྱིས་ཕམ་པར༌ཤོག།  
\v 4 ཁྱེད་རང་འཚོལ་མཁན་དགའ་ཞིང་མགུ་བ༌དང༌། །ཁྱེད་ཀྱི་སྐྱབས་ལ་དགའ་བས་དུས་རྒྱུན༌དུ། །དཀོན་མཆོག་བསྟོད་འོས་ཞེས་སུ་སྨྲ་གྱུར༌ཅིག།  
\v 5 འོན་ཀྱང་ང་ནི་དབུལ་ཞིང་ཕོངས་པས༌ན། །དཀོན་མཆོག་ལམ་སེང་ངའི་རྩར་ཕེབས་པར༌མཛོད། །ང་ཡི་རོགས་རམ་དང་ནི་སྲོག་སྐྱོབ༌ཁྱེད། །ཀྱེ་ཀྱེ་ཡ་ཝཱེ་ཐུགས་གཡེལ་མ་མཛད༌ཅིག།   
\c 71
\cl གསུང་མགུར་དོན་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བགྲེས་པོའི་གསོལ་འདེབས།  
\p
\v 1 ཀྱེ་ཀྱེ་ཡ་ཝཱེ་ཁྱེད་ལ་སྐྱབས་སུ༌བཅོལ། །ང་རང་ནམ་ཡང་ངོ་ཚར་མི་སྦྱོར༌རོགས།།  
\v 2 ཁྱེད་ཀྱི་དྲང་བདེན་ངང་ནས་སྐྱོབ་ཅིང༌སྒྲོལ། །སྙན་གྱིས་གསན་ཞིང་ང་རང་ཐར་བར༌མཛོད།།  
\v 3 རྟག་ཏུ་གཡོལ་སའི་བྲག་ཏུ་ཁྱེད་གྱུར༌ཅིག །བདག་གི་བྲག་དང་བཙན་རྫོང་ཁྱེད་ལགས༌པས། །ཁྱེད་ཀྱིས་ང་རང་སྐྱོབ་པའི་བཀའ་གནང༌ངོ༌།།  
\v 4 ཀྱེ་ཀྱེ་དཀོན་མཆོག་སྡིག་སྤྱོད་ལག་པ༌དང༌། །མི་ངན་དང་ནི་གདུག་རྩུབ་ཅན་རྣམས༌ཀྱི། །སྦར་མོ་ལས་ང་སྐྱོབ་པར་མཛོད་ཅིག༌གུ།  
\v 5 གཙོ་བོ་ཡ་ཝཱེ་ཁྱེད་ངའི་རེ་བ༌དང༌། །ཆུང་ངུའི་དུས་ནས་བློ་གཏད་བཅོལ་ས༌ཡིན།།  
\v 6 སྐྱེས་པའི་ཚུན་ནས་ང་རང་ཁྱེད་ལ༌བརྟེན། །མ་ཡི་མངལ་ལས་ཁྱེད་ཀྱིས་ང་ཕྱུང༌བས། །བདག་གིས་དུས་རྒྱུན་ཁྱེད་ལ་བསྟོད་པར༌བྱ།།  
\v 7 མང་པོས་ང་རང་ཡ་མ་གཟུགས་སུ༌མཐོང༌། །འོན་ཀྱང་ཁྱེད་ངའི་སྐྱབས་གནས་བརྟན་པོ༌ཡིན།།  
\v 8 བདག་གི་སྨྲ་སྒོས་ནམ་ཡང་ཁྱེད་ལ༌བསྟོད། །ཉིན་གང་ཁྱེད་ཀྱི་གཟི་དཔལ་བརྗོད་པར༌བྱ།།  
\v 9 རྒས་པའི་དུས་སུ་ང་རང་མི་བསྐྱུར༌རོགས། །སྟོབས་ཤུགས་ཉམས་དུས་སྤང་བར་མི༌བྱའོ།།  
\v 10 ཅི་ལ་ཞེ་ན་དགྲ་ཡིས་ངའི་སྐོར༌གླེང༌། །ང་རང་གསོད་པར་འཇབ་མཁན་གྲོས་བྱས༌ནས།།  
\v 11 དཀོན་མཆོག་ཉིད་ཀྱིས་ཁོ་ནི་སྤངས་པ༌དང༌། །ཁོ་རང་སྐྱོབ་མཁན་སུ་ཡང་མེད་པས༌ན། །ང་ཚོས་ཁོ་རང་དེད་ནས་གཟུང་ཞེས༌སྨྲ།།  
\v 12 ཀྱེ་ཀྱེ་དཀོན་མཆོག་ང་དང་རིང་མ༌གྱེས། །ང་ཡི་དཀོན་མཆོག་མགྱོགས་པོར་སྐྱབས་སུ༌ཕེབས།།  
\v 13 ང་ལ་ནག་ཉེས་འཛུགས་པའི་མི་རྣམས༌ནི། །ཐམས་ཅད་སྐྱེངས་ཤིང་རྩ་མེད་འགྲོ་བར༌ཤོག །ང་ལ་གནོད་འཚེ་བྱེད་པར་འདོད་པ༌རྣམས། །འཕྱ་དམོད་དང་ནི་དམའ་འབེབས་ཕོག་གྱུར༌ཅིག །  
\v 14 འོན་ཀྱང་ང་ཡིས་དུས་རྒྱུན་ཁྱེད་ལ༌རེ། །ཁྱེད་ལ་བསྟོད་པ་མང་དུ་འབུལ་བར༌བྱ།།  
\v 15 ཁྱེད་ཀྱི་དྲང་བ་ཉིད་དང་སྐྱབས་མཛད༌པའི། །གྲངས་ཀ་བདག་གིས་བརྗོད་པར་མི་ནུས༌ཀྱང༌། །བདག་གི་སྨྲ་སྒོས་ཉིན་གང་དེ་རྣམས༌བརྗོད།།  
\v 16 གཙོ་བོ་ཡ་ཝཱེའི་མཛད་པ་སྟོབས་ལྡན༌རྣམས། །བདག་གིས་བརྗོད་པར་བྱ་ཞིང་ཁྱེད་གཅིག༌པུའི། །དྲང་བ་ཉིད་ཀྱི་སྐོར་ཡང་གླེང་བར༌བྱ།།  
\v 17 ང་རང་ལོ་ན་ཕྲ་བའི་དུས་ནས༌བཟུང༌། །དཀོན་མཆོག་ཁྱེད་ཀྱིས་ང་ལ་སློབ་སྟོན༌གནང༌། །ང་ཡིས་ད་ལྟའི་བར་དུ་ཁྱེད་ཉིད༌ཀྱི། །མཛད་པ་ངོ་མཚར་ཅན་རྣམས་སྒྲོག༌པ་འོ།།  
\v 18 མི་རབས་རྗེས་མར་ཁྱེད་ཀྱི་ནུས་མཐུ༌དང༌། །ཕྱིས་འབྱུང་ཀུན་ལ་ཁྱེད་སྟོབས་སྟོན་པའི༌ཕྱིར། །ང་རང་རྒས་ཤིང་མགོ་དཀར་ཡིན་དུས༌སུ། །དཀོན་མཆོག་ཁྱེད་ཀྱིས་ང་ནི་མི་སྤང༌རོགས།།  
\v 19 དཀོན་མཆོག་ཁྱེད་ཀྱི་དྲང་བདེན་ནམ་མཁར༌སླེབས། །ཁྱེད་ཀྱིས་འཕྲིན་ལས་ཆེན་པོ་རྣམས་མཛད༌ཅིང༌། །ཀྱེ་ཀྱེ་དཀོན་མཆོག་ཁྱེད་འདྲ་སུ་ཡོད༌དམ།།  
\v 20 ང་རང་སྡུག་བསྔལ་གང་མང་བརྒྱུད་པར༌མཛད། །ཁྱེད་ཀྱིས་ང་ནི་སླར་ཡང་གསོན་པར༌མཛད། །ས་གཞིའི་གཏིང་ནས་ང་རང་སྐྱོབ་པར༌འགྱུར།།  
\v 21 བདག་གི་ཆེ་བ་ཁྱེད་ཀྱིས་སྤེལ་བར༌མཛོད། །ངའི་ཕྱོགས་འཁོར་ནས་སླར་ཡང་སེམས་གསོ༌གནོངས།།  
\v 22 ཀྱེ་ཀྱེ་དཀོན་མཆོག་བདག་གིས་རྒྱུད་མངས༌ཀྱིས། །ཁྱེད་ཀྱི་བདེན་པ་ཉིད་ལ་བསྟོད་པར༌བྱ། །ཀྱེ་ཀྱེ་ཡེས་ར་ཨེལ་གྱི་དམ་པ༌ཉིད། །པི་ཝང་དཀྲོལ་ནས་ཁྱེད་ལ་བསྟོད་དབྱངས༌འབུལ།།  
\v 23 ཁྱེད་ལ་བསྟོད་དབྱངས་འབུལ་བའི་དུས་དེ༌ལ། །བདག་གི་མཆུ་ཡིས་དགའ་སྤྲོའི་ཀི་སྒྲ༌སྒྲོག །ངའི་སེམས་ཁྱེད་ཀྱིས་བླུས་པ་རབ་ཏུ༌དགའ།།  
\v 24 ང་ལ་གནོད་འཚེ་གཏོང་བར་འདོད་པ༌རྣམས། །ངོ་ཚར་སྦྱར་ཅིང་ཕམ་པར་གྱུར་པས༌ན། །བདག་གི་ལྕེ་ཡིས་ཉིན་གང་ཁྱེད་ཉིད༌ཀྱི། །དྲང་བ་ཉིད་ཀྱི་སྐོར་ནི་གླེང་བར༌བྱ།།   
\c 72
\cl གསུང་མགུར་དོན་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་པོའི་ཆེད་དུ་ཞུས་པའི་སྨོན་ལམ།  
\p
\v 1 ༼སོ་ལོ་མོན་གྱི་མགུར༌མ།༽ དཀོན་མཆོག་ཁྱེད་ཀྱི་དྲང་གཞག་རྒྱལ་པོ༌དང༌། །དྲང་བདེན་རྒྱལ་སྲས་ལ་ནི་གནང་བར༌མཛོད།།  
\v 2 དྲང་བདེན་ངང་ནས་ཁྱེད་ཀྱི་མི་རྣམས༌དང༌། །ཁྱེད་ཀྱི་དབུལ་པོར་ཁྲིམས་ཐག་དྲང་གཞག༌གཅོད།།  
\v 3 དྲང་བདེན་དབང་གིས་རི་རབ་རི་ཕྲན༌ལས། །མི་རྣམས་ལ་ནི་ཞི་བདེ་འཐོབ་གྱུར༌ཅིག།  
\v 4 ཁོང་གིས་མི་རྣམས་ཁྲོད་ཀྱི་སྐྱོ་བོ༌ལ། །དག་འབུད་མཛད་ཅིང་དབུལ་ཕོངས་བུ་ཕྲུག༌སྐྱོབ། །མི་ལ་གཉའ་གནོན་བྱེད་མཁན་རྡུལ་དུ༌བརླག།  
\v 5 ཉི་མ་ཟླ་བ་གནས་པའི་དུས་ཡུན༌རིང༌། །མི་རབས་མི་རབས་ཁྱེད་ལ་གུས་ཤིང་འཇིགས།།  
\v 6 བརྔས་པའི་རྩྭ་སའི་སྟེང་ལ་ཆར་ཆུ༌དང༌། །ས་གཞི་བརླན་པའི་ཆར་བཞིན་ཁོང་འབྱོན༌ཡོང༌།།  
\v 7 ཁོང་གི་སྐུ་རིང་དྲང་པོ་དར་བ༌དང༌། །ཟླ་བ་གནས་རིང་ཕྱོགས་བཞི་བདེ་ལ༌བཀོད།།  
\v 8 མཚོ་ནས་མཚོ་ཡི་བར་དང་ཆུ་བོ་\f + \ft འདིར་ཆུ་བོ་ཞེས་པ་ནི་ཆུ་བོ་ཆེན་པོ་ཕི་རཱད༌ཡིན།\f*ནས། །ས་མཐའི་བར་དུ་ཁོང་གིས་རྒྱལ་སྲིད༌སྐྱོང༌།།  
\v 9 དབེན་སྟོང་གནས་པས་ཁོང་དྲུང་ཕྱག་འཚལ༌ཞིང༌། །ཁོང་གི་དགྲ་རྣམས་ས་རྡུལ་ལྡག་པར༌འགྱུར།།  
\v 10 ཐཱར་ཞིས་དང་ནི་གླིང་ཕྲན་རྒྱལ་པོ༌ཚོས། །འབུལ་ཚན་འབུལ་ཞིང་ཤེ་བཱ་དང་སེ༌བཱའི། །རྒྱལ་པོ་རྣམས་ཀྱིས་ཕྱག་རྟེན་འབུལ་བར༌འགྱུར།།  
\v 11 རྒྱལ་པོ་ཀུན་གྱིས་ཁོང་ལ་ཕྱག་འཚལ༌ཞིང༌། །མི་རིགས་ཀུན་གྱིས་ཁོང་ལ་གཡོག་བྱེད༌དོ།།  
\v 12 དབུལ་པོས་འོ་དོད་འདོན་དུས་ཁོང་གིས༌སྐྱོབ། །སྐྱབས་མེད་སྐྱོ་བོ་ཁོང་གིས་སྒྲོལ་བར༌མཛད།།  
\v 13 ཉམ་ཆུང་དབུལ་པོར་ཁོང་གིས་སྙིང་རྗེས༌གཟིགས། །དབུལ་པོ་རྣམས་ཀྱི་སྲོག་ཀྱང་སྐྱོབ་པར༌བྱ།།  
\v 14 ཁོ་རྣམས་བརྙས་བཅོས་གདུག་རྩུབ་ལས་སྐྱོབ༌ཅིང༌། །ཁོང་གི་སྤྱན་སྔར་དེ་ཚོའི་ཁྲག་རྩ༌ཆེ།།  
\v 15 ཁོང་ཉིད་ཡུན་རིང་གནས་ཤིང་མི་རྣམས༌ཀྱིས། །ཤེ་བཱའི་གསེར་རྣམས་ཁོང་ལ་འབུལ་བར༌ཤོག །ཁོང་དོན་ཆད་མེད་སྨོན་ལམ་འདེབས་གྱུར༌ཅིག །ཉིན་རེ་བཞིན་དུ་བྱིན་རླབས་འཐོབ་པར༌ཤོག།  
\v 16 ས་གཞིའི་སྟེང་དུ་འབྲུ་རིགས་མོད་པ༌དང༌། །རི་རྩེ་རྣམས་སུ་ལོ་ལེགས་འབྱུང་བར༌ཤོག །ས་སྟེང་ལོ་འདབ་ཤིན་ཏུ་རྒྱས་ནས༌ནི། །ལེ་པཱ་ནོན་གྱི་ནགས་བཞིན་གྱུར་ཅིག༌གུ །གྲོང་ཁྱེར་པ་རྣམས་རྩྭ་ལྟར་དར་བར༌ཤོག།  
\v 17 ཁོང་གི་མཚན་ནི་དུས་རྒྱུན་གནས་པ༌དང༌། །ཉི་མ་ཡོད་རིང་མཚན་སྙན་ལུས་གྱུར༌ཅིག །ཁོང་རྐྱེན་མི་རིགས་ཀུན་ལ་བྱིན་རླབས༌འཐོབ། །ཀུན་གྱིས་ཁོང་ལ་བདེ་ལེགས་ཞུ་བར༌ཤོག།  
\v 18 ངོ་མཚར་དོན་རྣམས་མཛད་མཁན་འབའ་ཞིག༌སྟེ། །ཡེས་ར་ཨེལ་གྱི་དཀོན་མཆོག་ཡ་ཝཱེ༌ནི། །བསྟོད་ཅིང་བསྔགས་པར་འོས་པ་ཡིན་ལགས༌སོ།།  
\v 19 ཁོང་གི་གཟི་དཔལ་ལྡན་པའི་མཚན་ལ༌ནི། །རྒྱུན་ནས་རྒྱུན་དུ་བསྟོད་པ་འབུལ་འོས༌ཤིང༌། །ཁོང་གི་གཟི་བརྗིད་ས་གཞིར་གང་བར༌ཤོག །ཨ་མེན་ཨ་མེན་ཞེས་སུ་ཡང་ཡང༌བརྗོད།།  
\v 20 ཡེ་སེའི་བུ་སྟེ་དཱ་བིད་ཁོང་ཉིད༌ཀྱི། །སྨོན་ལམ་འདི་ནས་རེ་ཞིག་རྫོགས༌པ་འོ།།   
\c 73
\cd སྡེ་ཚན་གསུམ་པ།  
\cl གསུང་མགུར་དོན་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གི་དྲང་གཞག  
\p
\v 1 ༼ཨ་སབ་ཀྱི་མགུར༌མ།༽ ཡེས་ར་ཨེལ་དང་སེམས་པ་རྣམ་དག༌ལ། །དཀོན་མཆོག་བཟང་པོ་ལགས་པར་གདོན་མི༌ཟ།།  
\v 2 འོན་ཀྱང་ང་ཡི་རྐང་པ་འདྲེད་ལ༌ཉེ། །གོམ་སྟབས་དོན་མེད་འགྱེལ་ལ་ཁད་ཙམ༌བྱུང༌།།  
\v 3 རྒྱུ་མཚན་མི་ངན་དར་ལུགས་ངས་མཐོང༌ཞིང༌། །ང་རྒྱལ་ཅན་ལ་བདག་ནི་ཕྲག་དོག༌སྐྱེས།།  
\v 4 དེ་རྣམས་འཆི་བའི་དུས་སུ་ཟུག་གཟེར༌མེད། །ཁོག་པ་རྒྱགས་ཤིང་སྟོབས་ཀྱང་རྒྱས་པ༌ཡིན།།  
\v 5 དེ་ཚོར་གཞན་ལྟར་དཀའ་སྡུག་མི་འབྱུང༌ལ། །གཞན་པ་ནང་ལྟར་རྐྱེན་ངན་ཡང་མི༌འཕྲད།།  
\v 6 དེའི་ཕྱིར་ང་རྒྱལ་དེ་ཚོའི་མགུལ་རྒྱན༌ཡིན། །གདུག་རྩུབ་གོས་བཞིན་དེ་ཚོས་གྱོན་བྱེད༌དོ།།  
\v 7 ལུས་ཕུང་རྒྱགས་པས་མིག་ཟུང་འབུར་དུ༌ཐོན། །དེ་ཚོའི་ངན་སེམས་བསམ་ཡུལ་ལས་ཀྱང༌འདས།།  
\v 8 མི་ལ་འཕྱ་ཞིང་སེམས་ངན་བཅངས་ནས༌ནི། །གཉའ་གནོན་གཏམ་རྣམས་སྨྲ་ཞིང་ཁ་ཕོ༌ཆེ།།  
\v 9 དེ་ཚོའི་ངག་གིས་ནམ་མཁར་སྐུར་བ་འདེབས། །དེ་ཚོའི་སྨྲ་བརྗོད་ས་གཞི་ཡོངས་ལ༌སླེབས།།  
\v 10 དེའི་ཕྱིར་ཁོང་གི་མི་རྣམས་དེའི་ཕྱོགས༌ལོག །མོད་པོ་ཆུ་ནི་ངོམ་པར་བཏུང་བ༌འོ།།  
\v 11 དེ་ཚོས་དཀོན་མཆོག་གིས་ནི་ཇི་ལྟར༌མཁྱེན། །བླ་ན་མེད་པར་ཤེས་ཡོན་ཡོད་དམ༌ཟེར།།  
\v 12 མི་ངན་འདི་ཚོར་ལྟོས་དང་ཁོ་རྣམས༌ནི། །རྟག་ཏུ་བདེ་བར་གནས་ཤིང་ནོར་ཡང༌འཕེལ།།  
\v 13 བདག་གིས་དོན་མེད་རང་སེམས་གཙང་མར༌བྱས། །ཉེས་མེད་མཚོན་ཕྱིར་ལག་ཟུང་བཀྲུས་པ༌སྟོང༌།།  
\v 14 རྒྱུ་མཚན་ང་ལ་ཉིན་གང་རྐྱེན་ངན༌བྱུང༌། །ཞོགས་པ་རེ་རེར་ང་ལ་ཉེས་ཆད༌ཕོག།  
\v 15 བདག་གིས་འདི་ལྟར་སྨྲ་འོང་ཞེས་བརྗོད༌ན། །ཁྱེད་ཀྱི་བུ་རྒྱུད་དག་ལ་ངོ་ལོག༌བྱས།།  
\v 16-17 དཀོན་མཆོག་གནས་མཆོག་ནང་དུ་ང་སོང༌སྟེ། །དེ་ཚོའི་མཐའ་མར་བསམ་བློ་བཏང་བའི༌བར། །ཇི་ལྟར་རྟོགས་ཕྱིར་བསམ་བློ་བསྐོར་དུས༌སུ། །ང་ཡི་མཐོང་ངོར་དེ་ནི་ཤིན་ཏུ༌དཀའ།།  
\v 18 ཁྱེད་ཀྱིས་དངོས་གནས་དེ་རྣམས་འདྲེད་སར༌བཞག །སྟོངས་ཕྱིར་དེ་དག་ཐུར་དུ་གཡུགས་མཛད༌དོ།།  
\v 19 དེ་རྣམས་སྐད་ཅིག་ཉིད་ལ་ཇི་ལྟར༌སྟོངས། །འཇིགས་སྣང་གིས་ནི་ཡོངས་སུ་མེད་པར༌བྱས།།  
\v 20 གཉིད་སད་རྨི་ལམ་ཇི་ལྟར་ཡིན་ན༌ནི། །ཀྱེ་ཀྱེ་གཙོ་བོ་ཁྱེད་ཉིད་མནལ་སད༌དུས། །དེ་ཚོའི་འཆར་སྣང་ལ་ནི་དེ་བཞིན༌སྨད།།  
\v 21 བདག་སེམས་འཚེར་ཞིང་སྙིང་ཁུང་ཕུག་དུས༌སུ།།  
\v 22 ང་ནི་ཅི་འདྲའི་གླེན་ཞིང་རྨོངས་པ༌ལ། །ཁྱེད་དྲུང་ང་རང་དུད་འགྲོ་ནང་བཞིན༌ཡིན།།  
\v 23 འོན་ཀྱང་ང་རང་ནམ་ཡང་ཁྱེད་དང༌འགྲོགས། །ཁྱེད་ཀྱིས་བདག་གི་གཡས་ལག་ནས་བཟུང༌ངོ༌།།  
\v 24 ཁྱེད་ཀྱིས་བཀའ་སློབ་གནང་ནས་ལམ་སྣ༌དྲངས། །ཕྱིས་སུ་གཟི་བརྗིད་ནང་དུ་བདག་འཁྲིད༌འོང༌།།  
\v 25 ནམ་མཁར་ཁྱེད་ལས་ང་ལ་གཞན་སུ༌ཡོད། །ས་གཞིར་ཁྱེད་མིན་ཅི་ཡང་ངས་མི༌འདོད།།  
\v 26 ང་ཡི་ལུས་དང་ང་ཡི་སེམས་རྒུད༌ཀྱང༌། །དཀོན་མཆོག་ང་ཡི་སེམས་ཀྱི་སྟོབས་ཡིན༌ལ། །བདག་གི་གཏན་མའི་ནོར་སྐལ་ཡང་ཡིན༌ནོ།།  
\v 27 གཟིགས་ཤིག་ཁྱེད་དང་གྱེས་པ་མེད་པར༌འགྱུར། །ཁྱེད་དང་བྲལ་ནས་ལོག་གཡེམ་སྤྱོད་པ༌རྣམས། །ཐམས་ཅད་ཁྱེད་ཀྱིས་རྨེག་མེད་མཛད་མོད༌ཀྱང༌།།  
\v 28 དཀོན་མཆོག་ཉེ་སར་བཏུད་པ་བདག་ལ༌ཕན། །ཁྱེད་ཀྱི་མཛད་པ་ཐམས་ཅད་བརྗོད་པའི༌ཆེད། །གཙོ་བོ་ཡ་ཝཱེ་ང་ཡི་སྐྱབས་གནས༌བྱས།།   
\c 74
\cl གསུང་མགུར་དོན་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་ཁམས་སྐྱོབ་ཕྱིར་དཀོན་མཆོག་ཡ་ཝཱེར་ཞུ་བ།  
\p
\v 1 ༼ཨ་སབ་ཀྱི་བསླབ་བྱའི་མགུར༌མ།༽ ཀྱེ་ཀྱེ་དཀོན་མཆོག་ཁྱེད་ཀྱིས་དུས་གཏན༌དུ། །ངེད་རྣམས་སྤངས་པའི་རྒྱུ་མཚན་ཅི་ཡིན༌ནམ། །ཁྱེད་ཉིད་རང་གི་རྩྭ་རའི་ལུག་ཁྱུ༌ལ། །ཐུགས་ཁྲོ་དུ་བ་བཞིན་དུ་འཕྱུར་བ༌ཅི།།  
\v 2 གནའ་དུས་ཁྱེད་ཀྱིས་ཉོས་པའི་མི་ཚོགས༌ཏེ། །ཁྱེད་ཀྱིས་བླུས་ཤིང་ནོར་སྐལ་ཡིན་པའི༌སྡེ། །ཉིད་ཀྱི་གདན་ས་ཛ་ཡན་རི་དྲན༌མཛོད།།  
\v 3 ཡུན་རིང་ཞིག་རོར་ལུས་པའི་ཡུལ་རྣམས༌དང༌། །དགྲ་ཡིས་གནས་མཆོག་ནང་དུ་བྱས་པ༌ཡི། །གཏོར་བརླག་ཀུན་ལ་གཟིགས་ཕྱིར་ཕེབས་པར༌མཛོད།།  
\v 4 ཁྱེད་ཀྱི་ཚོགས་དཀྱིལ་དགྲ་ཡིས་ཀུ་ཅོ༌བསྒྲགས། །དེ་ཚོས་རང་གི་དར་ཆ་རྟགས་སུ༌བསླངས།།  
\v 5 དེ་དག་ནགས་ཚལ་སྟུག་པོའི་ཤིང་སྡོང༌རྣམས། །སྟ་རེ་འཕྱར་ནས་གཅོད་པའི་མི་དང༌མཚུངས།།  
\v 6 ད་ནི་གནས་མཆོག་ནང་གི་བརྐོས་རིས༌རྣམས། །དེ་ཚོས་སྟ་རེ་ཐོ་བས་རྡུལ་དུ༌བརླགས།།  
\v 7 ཁྱེད་ཀྱི་གནས་མཆོག་ཉིད་ནི་མེ་རུ༌བསྲེགས། །ཁྱེད་མཚན་གདན་སར་དམོད་ཅིང་ཁྱོན་ནས༌བརླགས།།  
\v 8 དེ་ཚོའི་སེམས་སུ་ང་ཚོས་བཙན་གནོན༌བྱ། །ཞེས་སུ་སྙམ་ཞིང་ཡུལ་ཕྱོགས་ཐམས་ཅད༌དུ། །དཀོན་མཆོག་ཆོས་ཁང་ཡོད་ཚད་རྩད་ནས༌བསྲེགས།།  
\v 9 ང་ཚོས་ངོ་མཚར་རྟགས་རྣམས་མི་མཐོང༌ཞིང༌། །ལུང་སྟོན་མེད་ལ་འདི་བཞིན་ནམ་དུས༌བར། །ལུས་འོང་ཤེས་མཁན་རང་ཅག་ཁྲོད་དུ་མེད།།  
\v 10 དགྲ་བོས་ནམ་བར་སྨད་འོང་ཀྱེ་དཀོན༌མཆོག །དགྲ་ཡིས་རྟག་ཏུ་ཁྱེད་མཚན་སྨད་འགྱུར༌རམ།།  
\v 11 ཁྱེད་ཀྱིས་ཕྱག་གཡས་བསྐུམས་པ་ཅི་ཡིན༌ནམ། །ཕྱག་གཡས་བཏོན་ནས་ཁོ་རྣམས་ཚར་ཆོད༌ཅིག།  
\v 12 ས་གཞིའི་སྟེང་དུ་ཐར་ལམ་གནང་བ༌ཡི། །དཀོན་མཆོག་གནའ་ནས་བདག་གི་རྒྱལ་པོ༌ཡིན།།  
\v 13 ཁྱེད་ཀྱི་སྟོབས་ཀྱིས་རྒྱ་མཚོ་ཁག་གཉིས༌བཤགས། །ཆུ་ནང་སྲིན་པོའི་མགོ་བོ་གཅོག་པར༌མཛད།།  
\v 14 ཁྱེད་ཀྱིས་ཆུ་སྲིན་\f + \ft འདིར་ཆུ་སྲིན་ཞེས་པར་མ་ཕྱི་ལས་ལེ་ཝི་ཡ་ཐན་ཞེས་བཀོད༌ཡོད།\f*རྣམས་ཀྱི་མགོ་བོ༌གཏུབས། །དབེན་སྟོང་གནས་པའི་མི་ལ་ཟས་སུ༌གནང༌།།  
\v 15 ཁྱེད་ཀྱིས་ཆུ་མིག་ཆུ་ཕྲན་ཕྱེས་པ༌དང༌། །བཞུར་རྒྱུན་གཙང་པོ་རྣམས་ནི་བསྐམས་པར༌མཛད།།  
\v 16 ཉིན་དང་མཚན་མོ་གཉིས་ཀ་ཁྱེད་ཀྱི༌ཡིན། །འོད་དང་ཉི་མ་ཁྱེད་ཀྱིས་བཤམས་པ༌འོ།།  
\v 17 ས་གཞིའི་མཐའ་མཚམས་ཐམས་ཅད་ཁྱེད་ཀྱིས༌མཛད། །དབྱར་དགུན་གཉིས་ཀ་ཁྱེད་ཀྱིས་མཛད་པ༌ཡིན།།  
\v 18 ཀྱེ་ཀྱེ་ཡ་ཝཱེ་དགྲ་ཡི་འཕྱ་སྨོད༌དང༌། །གླེན་པས་ཁྱེད་མཚན་སྐུར་བཏབ་དྲན་པར༌མཛོད།།  
\v 19 ཁྱེད་ཀྱི་ཕུག་རོན་གཅན་གཟན་ལ་མ༌སྤྲོད། །གཏན་དུ་ཁྱེད་ཀྱི་དབུལ་པོའི་སྲོག་མ༌བརྗེད།།  
\v 20 ས་སྟེང་མུན་ཁམས་གདུག་རྩུབ་གནས་ཀྱིས༌ཁེངས། །དེའི་ཕྱིར་ཞལ་ཆད་ཐུགས་སུ་འཛིན་པར༌འཚལ།།  
\v 21 བཙན་གནོན་ཐེབས་པ་སྐྱེངས་ནས་ཕྱིར་མ༌མངག །ནོར་མེད་དབུལ་པོས་ཁྱེད་མཚན་བསྟོད་པར༌ཤོག།  
\v 22 ཀྱེ་ཀྱེ་དཀོན་མཆོག་ཁྱེད་ཉིད་ཡར་བཞེངས༌ནས། །རང་གི་ཆེད་དུ་དག་འབུད་མཛད་པར༌ཞུ། །གླེན་པས་ཉིན་གང་སྨད་པ་དྲན་དུ༌གསོལ།།  
\v 23 ཁྱེད་ཀྱི་སྡང་དགྲའི་སྐད་ཅོར་ཚ་པོ༌དང༌། །དགྲ་བོའི་ཆད་མེད་འུར་སྒྲ་དྲན་པར༌མཛོད།།   
\c 75
\cl གསུང་མགུར་དོན་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ནི་ཁྲིམས་ཐག་གཅོད་མཁན་ཡིན་པ།  
\p
\v 1 ༼འཕུང་མ་འཇུག་ཅེས་པའི་དབྱངས་སྤྱད་ནས་བླངས་ཤིང་དབུ་མཛད་ལ་སྤྲད་པའི་ཨ་སབ་ཀྱི་མགུར༌མ།༽ དཀོན་མཆོག་ང་ཚོས་ཁྱེད་ལ་གཏང་རག༌འབུལ། །ཁྱེད་མཚན་ཉེ་བར་བཞུགས་པས་གཏང་རག༌འབུལ། །ཁྱེད་ཀྱི་ངོ་མཚར་མཛད་པ་མི་ཡིས༌གླེང་།།  
\v 2 བདག་གིས་གཏན་ལ་ཕབ་པའི་དུས་དེ༌ལ། །དྲང་གཞག་ངང་ནས་ཁྲིམས་ཐག་གཅོད་པར༌བྱ།།  
\v 3 ས་དང་དེ་ཡི་མི་རྣམས་འཕུང་གྱུར༌ཏོ། །ས་གཞིའི་ཀ་བ་རྣམས་ནི་ངས་བཙུགས༌སོ།།༼ སེ༌ལཱ། ༽  
\v 4 ང་རྒྱལ་ཅན་ལ་རང་མཐོང་མ་ཆེ༌དང༌། །ངན་པར་རྭ་དུང་བསྒྲེང་བར་མ་བྱེད༌ཅིག།  
\v 5 ཁྱོད་ཚོའི་རྭ་དུང་ནམ་མཁར་མ་བསྒྲེང༌ཞིག །མགོ་བོ་བཏེགས་ནས་གཏམ་གླེང་མ་བྱེད༌གསུངས།།  
\v 6 ཅིའི་ཕྱིར་ཞེ་ན་གོང་དུ་བཀུར་བ༌ནི། །ཤར་ནུབ་དབེན་སྟོང་གང་ནས་ཀྱང་མ༌བྱུང༌།།  
\v 7 དཀོན་མཆོག་གཅིག་པོས་དཔྱད་ཁྲ་གཏོང་བ༌སྟེ། །སུ་ཞིག་མར་འབེབས་ཡར་འཐེན་ཁོང་གིས༌མཁྱེན།།  
\v 8 ཡ་ཝཱེའི་ཕྱག་ཏུ་མཆོད་ཞལ་བསྣམས་ཡོད༌ཅིང༌། །དེའི་ནང་རྒུན་ཆང་འདྲེས་མས་གང་བ༌དང༌། །རྒུན་ཆང་དེ་ལས་ལྦུ་བ་སོབ་སོབ༌འཕྱུར། །ཁོང་གིས་དེ་ཡི་ནང་ནས་བླུགས་པར༌མཛད། །ས་གཞིའི་མི་ངན་ཀུན་གྱིས་དེའི་སྙིགས༌རོ། །ངེས་པར་བཏུང་ཞིང་ཚར་བའི་བར་དུ༌འཐུང༌།།  
\v 9 འོན་ཀྱང་བདག་གིས་རྟག་ཏུ་ཁྱབ་བསྒྲགས༌བྱ། །ཡ་ཀོབ་དཀོན་མཆོག་ཁོང་ལ་བསྟོད་དབྱངས༌འབུལ།།  
\v 10 ངན་པའི་རྭ་དུང་ཐམས་ཅད་བདག་གིས༌གཅོག །དྲང་བདེན་རྣམས་ཀྱི་རྭ་དུང་འདེགས་ངེས༌ཡིན།།   
\c 76
\cl གསུང་མགུར་དོན་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་རྣམ་པར་རྒྱལ་བ།  
\p
\v 1 ༼རྒྱུད་ལྡན་གྱི་རོལ་ཆས་སྤྱད་ནས་དབུ་མཛད་ལ་སྤྲད་པའི་ཨ་སབ་ཀྱི་མགུར༌མ།༽ ཡ་ཧུ་དཱ་རུ་དཀོན་མཆོག་ཀུན་གྱིས༌ཤེས། །ཡེས་ར་ཨེལ་ནང་ཁོང་ཉིད་སྙན་གྲགས༌ཆེ།།  
\v 2 སཱ་ལེམ་ཡུལ་དུ་ཁོང་གི་གུར་མཆོག༌ཡོད། །ཛ་ཡན་ལ་ནི་ཁོང་གི་བཞུགས་གནས༌མངའ།།  
\v 3 དེ་རུ་ཁོང་གིས་གཞུ་ཡི་མེ་མདའ༌དང༌། །ཕུབ་དང་རལ་གྲི་དམག་ཆས་རྣམས་བཅག༌གོ།༼ སེ༌ལཱ། ༽  
\v 4 ཁྱེད་ཉིད་གཟི་དཔལ་ལྡན་ཞིང་རི་རྣམས༌ཏེ། །རྔོན་ཤ་ \f + \ft འདིར་རྔོན་ཤ་ཞེས་པ་ནི་དཀོན་མཆོག་གིས་ཕམ་པར་བརྒྱབ་པའི་དགྲ་བོ་རྣམས་ལ༌གོ\f*མོད་པོ་རྣམས་ལས་བརྗིད་ཉམས༌ཆེ།།  
\v 5 དཔའ་སེམས་ཅན་ཀུན་བཅོམས་པས་གཏན་དུ༌གཉིད། །དཔའ་བོ་སུས་ཀྱང་ལག་པ་འདེགས་མ༌ནུས།།  
\v 6 ཀྱེ་ཀྱེ་ཡ་ཀོབ་དཀོན་མཆོག་ཁྱེད་ཉིད༌ཀྱི། །བཀའ་བཀྱོན་གྱིས་ནི་རྟ་དང་ཤིང་རྟ༌གཉིས། །སྟུག་པོ་གཉིད་ལ་ཡུར་བར་བྱས་པ༌དང༌།།  
\v 7 འཇིགས་པར་འོས་པ་ཁྱེད་ཉིད་གཅིག་པུ་ཡིན། །ཁྱེད་ཐུགས་ཁྲོ་དུས་ཁྱེད་དྲུང་སུ་འགྲེང༌ནུས།།  
\v 8 ས་གཞིའི་ཉམ་ཆུང་ཐམས་ཅད་སྐྱོབ་པའི༌ཕྱིར། །ཁྲིམས་ཐག་གཅོད་དུ་དཀོན་མཆོག་བཞེངས་པའི༌དུས།།  
\v 9 ཁྱེད་ཀྱིས་གནམ་ནས་དཔྱད་ཁྲ་ཁྱབ་བསྒྲགས༌མཛད། །ས་གཞི་འཇིགས་ཏེ་ཁ་ཁུ་སིམ་པོར༌གྱུར།།༼ སེ༌ལཱ། ༽  
\v 10 ཁོང་ཁྲོ་མི་ཡིས་ཁྱེད་ལ་བསྟོད་པ༌འབུལ། །ཐུགས་ཁྲོ་ལྷག་མ་ཁྱེད་ཀྱིས་འགོག་པར༌འགྱུར།།  
\v 11 རང་གི་དཀོན་མཆོག་ཡ་ཝཱེར་དམ་བཅས༌ནས། །བསྒྲུབ་པར་གྱིས་ཤིག་ཁོང་གི་འཁོར་ཀུན༌གྱིས། །འཇིགས་འོས་ཁོང་ལ་ཕྱག་རྟེན་འབུལ་འོས༌སོ།།  
\v 12 ཁོང་གིས་མི་ཆེན་རྣམས་ཀྱི་ང་རྒྱལ༌བཅག །ས་གཞིའི་རྒྱལ་པོར་ཁོང་ཉིད་འཇིགས་རུང༌ཡིན།།   
\c 77
\cl གསུང་མགུར་དོན་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀའ་སྡུག་ཁྲོད་ཀྱི་སེམས་གསོ།  
\p
\v 1 ༼ཡེ་དུ་ཐུན་གྱི་ལུགས་སུ་དབུ་མཛད་ལ་སྤྲད་པའི་ཨ་སབ་ཀྱི་མགུར༌མ།༽ དཀོན་མཆོག་དྲུང་དུ་སྐད་གསང་མཐོན་པོས༌འབོད། །དཀོན་མཆོག་བོས་པས་ཁོང་གིས་གསན་པར༌འགྱུར།།  
\v 2 དཀའ་སྡུག་ཉིན་མོར་ང་ཡིས་ཡ་ཝཱེ༌བཙལ། །མཚན་གྱི་དུས་སུ་ལག་པ་ཡར་བཏེགས༌ནས། །རྒྱུན་ཆད་མེད་པར་ཁོང་ལ་གསོལ་བ༌བཏབ། །བདག་གི་སེམས་ཀྱིས་སེམས་གསོ་མ་འདོད༌དོ།།  
\v 3 ང་ཡིས་དཀོན་མཆོག་དྲན་ཞིང་འཁུན་སྒྲ༌ཕྱུང༌། །འོ་དོད་འབོད་དུས་བདག་སེམས་རྒུད་པར༌གྱུར།།༼ སེ༌ལཱ། ༽  
\v 4 ཁྱེད་ཀྱིས་བདག་གི་མིག་ལྕིབས་ཕྱེ་བར་མཛད། །བདག་སེམས་འཁྲུགས་ནས་གཏམ་ཡང་སྨྲ་མ༌ནུས།།  
\v 5 སྔར་གྱི་ཉིན་མོ་རྣམས་དང་གནའ་སྔ༌མོའི། །ལོ་ཟླ་རྣམས་ལ་ང་ཡིས་བསམ་བློ༌བཏང༌།།  
\v 6 རང་གི་མཚན་མོའི་མགུར་མ་དྲན་པ༌དང༌། །སྙིང་དུ་བསྒོམས་ཤིང་སེམས་ཀྱིས་ཞིབ་དཔྱོད༌བྱས།།  
\v 7 གཙོ་བོས་ང་རང་རྟག་ཏུ་སྤངས་ནས༌ནི། །ཕྱིན་ཆད་ནམ་ཡང་ཐུགས་རྗེ་མི་མཛད༌དམ།།  
\v 8 ཁོང་གི་བྱམས་བརྩེ་གཏན་དུ་ཡལ་བ༌དང༌། །ཁོང་གི་ཞལ་བཞེས་དུས་རྒྱུན་མི་འགྲུབ༌བམ།།  
\v 9 དཀོན་མཆོག་ཉིད་ཀྱིས་སྙིང་རྗེ་བརྗེད་གྱུར༌རམ། །ཐུགས་ཁྲོས་ཁོང་གི་བྱམས་བརྩེའི་བར་བཅད༌དམ།།༼ སེ༌ལཱ། ༽  
\v 10 བླ་ན་མེད་པ་ཁོང་གི་ཕྱག༌གཡས་པས། །ང་ལ་སྔར་བཞིན་འཕྲིན་ལས་མི་མཛད༌པ། །འདི་ནི་བདག་གི་སྐྱོ་གདུང་ཡིན་པར༌བསམས།།  
\v 11 བདག་གིས་ཡ་ཝཱེའི་མཛད་པ་རྣམས་བརྗོད༌ཅིང༌། །ཁྱེད་ཀྱི་གནའ་བོའི་ངོ་མཚར་དོན་རྣམས༌དྲན།།  
\v 12 ཁྱེད་ཀྱི་འཕྲིན་ལས་ཀུན་ནི་བསྒོམ་བྱ༌ཞིང༌། །ཁྱེད་ཀྱི་མཛད་པ་རྣམས་ལ་བསམ་བློ༌གཏོང༌།།  
\v 13 དཀོན་མཆོག་ཁྱེད་ཀྱི་ཐབས་ལམ་རྣམ་དག༌ཡིན། །དཀོན་མཆོག་ལྟ་བུ་ཆེན་པོའི་ལྷ་སུ༌ཡོད།།  
\v 14 ངོ་མཚར་མཛད་མཁན་དཀོན་མཆོག་ཁྱེད་ལགས༌ཏེ། །མི་སྡེའི་ནང་དུ་ཁྱེད་ཀྱིས་སྟོབས་ཀྱང༌བསྟན།།  
\v 15 ཁྱེད་ཀྱིས་ཕྱག་དཔུང་བརྐྱངས་ནས་མི་རྣམས༌ཏེ། །ཡ་ཀོབ་དང་ནི་ཡོ་སེབ་བུ་རྣམས༌བསྐྱབས།།༼ སེ༌ལཱ། ༽  
\v 16 ཀྱེ་ཀྱེ་དཀོན་མཆོག་ཆུ་རྣམས་ཁྱེད་མཇལ༌ཞིང༌། །མཇལ་བ་ཙམ་གྱིས་ཤིན་ཏུ་འཚབ་པ༌དང༌། །མཚོ་འོག་རྣམས་ཀྱང་ཐམས་ཅད་འདར་བ༌འོ།།  
\v 17 སྤྲིན་ཕུང་གིས་ནི་ཆར་ཆུ་བྱོ་བ་དང༌། །ནམ་མཁའི་དབྱིངས་ཀྱིས་སྐད་སྒྲ་འུར་འུར༌བསྒྲགས། །ཁྱེད་ཀྱི་ཕྱག་མདའ་རྣམས་ཀྱང་ཕྱོགས་བཞིར༌འཁྱུགས།།  
\v 18 རླུང་འཁོར་འཚུབ་མའི་ནང་དུ་ཐོག་སྐད༌གྲགས། །གློག་དམར་འཁྱུགས་ནས་འཇིག་རྟེན་འོད་ལ༌ཁྱེར། །ས་གཞི་འདར་ཞིང་འགུལ་ནས་ཡོམ་ཡོམ༌བྱས།།  
\v 19 ཁྱེད་ཀྱི་ཕེབས་ལམ་རྒྱ་མཚོའི་ནང་དུ༌མཆིས། །ཆུ་ཆེན་རྣམས་སུ་གཤེགས་པའི་ལམ་ཡང༌ཡོད། །ཁྱེད་ཀྱི་ཞབས་རྗེས་མཐོང་མཁན་སུ་ཡང༌མེད།།  
\v 20 མོ་ཤེ་དང་ནི་ཨ་རོན་ལག་པ༌མཉམ། །ཁྱེད་ཀྱི་འབངས་མི་ལུག་གི་ཁྱུ་ལྟར༌ཁྲིད།།   
\c 78
\cl གསུང་མགུར་དོན་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་དང་ཁོང་གི་མི་རྣམས།  
\p
\v 1 ༼ཨ་སབ་ཀྱི་བསླབ་བྱའི་མགུར༌མ།༽ ཀྱེ་ངའི་མི་རྣམས་ང་ཡི་བསླབ་བྱར༌ཉོན། །བདག་གི་སྨྲ་སྒོའི་གཏམ་ལ་རྣ་བ༌གཏོད།།  
\v 2 དཔེ་དང་བཅས་ཏེ་བདག་གིས་ངག་ཕྱེ་ཞིང༌། །གནའ་བོའི་གབ་ཚིག་རྣམས་ནི་ང་ཡིས༌བརྗོད།།  
\v 3 དེ་རྣམས་ང་ཚོས་ཐོས་ཤིང་ཤེས་པ༌སྟེ། །མེས་པོ་རྣམས་ཀྱིས་ང་ཚོར་སྨྲས་པ༌ལགས།།  
\v 4 དེ་ཚོའི་བུ་རྒྱུད་རྣམས་ལ་མི་གསང༌ཞིང༌། །ཡ་ཝཱེའི་བསྟོད་པར་འོས་པའི་མཛད་པ༌དང༌། །མཐུ་སྟོབས་དང་ནི་ངོ་མཚར་འཕྲིན་ལས༌རྣམས། །མི་རབས་རྗེས་མ་དག་ལ་འཆད་པར༌བྱ།།  
\v 5 ཁོང་གིས་ཡ་ཀོབ་ལ་ནི་དཔང་ཡིག་བཙུགས། །ཡེས་ར་ཨེལ་ནང་བཀའ་ཁྲིམས་གཏན་ལ༌ཕབ། །དེའི་སྐོར་ཁོང་གིས་རང་ཅག་ཕ་མེས༌ལ། །བུ་རྒྱུད་རྣམས་ལ་སློབ་པའི་བཀའ་ཡང༌གནང༌།།  
\v 6 དེ་ནི་སྐྱེ་བར་ངེས་པའི་མི་རབས༌ཏེ། །བུ་རྒྱུད་རྣམས་ཀྱིས་ཤེས་ནས་ཡར་ལངས༌ཏེ། །བུ་ཕྲུག་རྣམས་ལ་དེ་རྣམས་འཆད་ཕྱིར༌དང༌།།  
\v 7 དེ་ཚོས་དཀོན་མཆོག་ལ་ནི་རེ་བ༌བསྐྱེད། །དཀོན་མཆོག་མཛད་པ་རྣམས་ནི་མི་བརྗེད༌ཅིང༌། །ཁོང་གི་བཀའ་རྒྱ་རྣམས་ཀྱང་བསྲུང་བ༌དང༌།།  
\v 8 དཀོན་མཆོག་དྲུང་དུ་དད་པ་མི་བརྟན༌པའི། །ཕ་མེས་ལྟར་དུ་གཤིས་གྱོང་ངོ་ལོག༌ཅིང༌། །དཀོན་མཆོག་ཉིད་ལ་བློ་གཏད་མི་བཅོལ༌བའི། །མི་རབས་ཤིག་ལ་འགྱུར་བར་མི་བྱ༌ཕྱིར།།  
\v 9 ཨེ་ཕཱར་ཡིམ་གྱི་བུ་རྒྱུད་དམག་ཆས༌སྤྲས། །གཞུ་མོ་ཁུར་ཡང་འཐབ་མོའི་ཉིན་སླེབས༌དུས། །ཁ་ཕྱིར་འཁོར་ནས་ཕྱི་བསྣུར་རྒྱག་པ༌ཡིན།།  
\v 10 དེ་ཚོས་དཀོན་མཆོག་ཞལ་ཆད་མ་བསྲུངས༌ཏེ། །ཁོང་གི་བཀའ་ཁྲིམས་ཀྱང་ནི་བསྲུང་བ༌མེད།།  
\v 11 ཁོང་གིས་དེ་ཚོར་བསྟན་པའི་འཕྲིན་ལས༌དང༌། །མཛད་པ་ངོ་མཚར་ཅན་རྣམས་བརྗེད་གྱུར༌ཏོ།།  
\v 12 ཨེ་ཅིབ་ཡུལ་དང་ཚོ་ཨན་མངའ་ཁོངས༌སུ། །མེས་པོའི་མདུན་དུ་ངོ་མཚར་ཅན་རྣམས༌མཛད།།  
\v 13 རྒྱ་མཚོ་གཤགས་ནས་དེ་རྣམས་ཕ་རོལ༌དྲངས། །ཆུ་རྣམས་རྩིག་པ་ལྟར་དུ་ཀྲོང་ངེར༌བསླངས།།  
\v 14 ཁོང་གིས་དེ་རྣམས་ཉིན་དཀར་སྤྲིན་པ༌དང༌། །མཚན་གང་མེ་འོད་ཀྱིས་ནི་ལམ་སྟོན༌མཛད།།  
\v 15 དབེན་སྟོང་གནས་སུ་བྲག་རྡོ་གཤགས་མཛད༌ཅིང༌། །མཚོ་ལས་ཐོན་འདྲའི་ཆུ་མང་དེ་ཚོར༌གནང༌།།  
\v 16 ཁོང་གིས་བྲག་རྡོའི་གསེབ་ནས་ཆུ་བོ༌བཏོན། །ཆུ་རྣམས་གཙང་པོ་ནང་ལྟར་བཞུར་བར༌མཛད།།  
\v 17 འོན་ཀྱང་དེ་ཚོས་སྔར་བཞིན་ཁོང་ཉིད༌དང༌། །འགལ་བའི་སྡིག་པ་བྱེད་ཀྱིན་དབེན་སྟོང༌དུ། །བླ་ན་མེད་པ་ཉིད་ལ་གྱེན་ལོག༌བྱས།།  
\v 18 དེ་ཚོའི་སེམས་སུ་དཀོན་མཆོག་ཐུགས་ནི༌སད། །རང་འདོད་བཞིན་དུ་ཁ་ཟས་གནང་བར༌ཞུས།།  
\v 19 དཀོན་མཆོག་ཁོང་ལ་སྐུར་བ་བཏབ་ནས༌ནི། །དབེན་སྟོང་ཡུལ་དུ་གསོལ་ལྕོག་བཤམ་ནུས༌སམ།།  
\v 20 ལྟོས་ཤིག་ཁོང་གིས་བྲག་ལ་བརྡུངས་པ༌དང༌། །ཆུ་རྣམས་ཐོན་ཏེ་ཆུ་རྒྱུན་འབབ་པར༌གྱུར། །ཁོང་གིས་ད་དུང་བག་ལེབ་གནང་ནུས༌སམ། །འབངས་ལ་ཤ་ནི་གནང་ངམ་ཞེས་སྨྲས༌པར།།  
\v 21 ཡ་ཝཱེས་གསན་ནས་ཐུགས་ནི་རབ་ཁྲོས༌ཏེ། །ཁོང་གི་མེ་དཔུང་ཡ་ཀོབ་ཕྱོགས་སུ༌འབར། །ཁོང་གི་ཐུགས་ཁྲོ་ཡེས་ར་ཨེལ་སྟེང༌བབས།།  
\v 22 རྒྱུ་མཚན་དཀོན་མཆོག་ཉིད་ལ་མ་དད༌ཅིང༌། །ཁོང་གི་སྐྱབས་ལ་བློ་ཡང་མ་གཏད༌དོ།།  
\v 23 འོན་ཀྱང་ཁོང་གིས་གནམ་ལ་བཀའ་བསྩལ༌ཅིང༌། །ནམ་མཁའི་སྒོ་རྣམས་ཕྱེ་བར་མཛད་པ༌དང༌།།  
\v 24 བཟའ་ཕྱིར་དེ་ཚོར་མཱན་ན་ཆར་བཞིན༌ཕབ། །ནམ་མཁའི་འབྲུ་རྣམས་དེ་ཚོར་གནང་བ་ཡིན།།  
\v 25 མི་ཡིས་ཕོ་ཉ་རྣམས་ཀྱི་བག་ལེབ༌ཟོས། །ཁ་ཟས་གནང་ནས་ཁོ་རྣམས་འགྲང་བར༌མཛད།།  
\v 26 ཁོང་གིས་ནམ་མཁར་ཤར་རླུང་གཡུག་ཏུ༌བཅུག །ཁོང་གི་སྟོབས་ཀྱིས་ལྷོ་རླུང་འདྲེན་པར༌མཛད།།  
\v 27 ཐང་གི་ས་རྡུལ་བཞིན་དུ་ཤ་ཕབ༌ཅིང༌། །རྒྱ་མཚོའི་བྱེ་མ་ལྟ་བུར་འདབ་ཆགས༌ཕབ།།  
\v 28 ཁོང་གིས་དེ་རྣམས་སྒར་གྱི་ནང་རོལ༌དང༌། །གུར་གྱི་ཕྱོགས་བཞིར་ཕབ་པར་མཛད་པ༌ལགས།།  
\v 29 དེ་ལྟར་དེ་ཚོས་ཟོས་ནས་ཤིན་ཏུ༌འགྲངས། །དེ་ཚོའི་འདོད་པ་ཁོང་གིས་བསྐངས་པ༌ཡིན།།  
\v 30 དེ་ཚོའི་འདོད་པ་མ་གང་སྔོན་རོལ༌ལ། །ཁ་རུ་ད་དུང་ཁ་ཟས་ཡོད་པའི༌ཚེ།།  
\v 31 དཀོན་མཆོག་དེ་ཚོར་རབ་ཏུ་ཐུགས་ཁྲོས༌ནས། །དེ་ཚོའི་ཤེད་ཤུགས་ཅན་རྣམས་བསད་པ༌དང༌། །ཡེས་ར་ཨེལ་གྱི་ན་གཞོན་རྣམས་བརྡབས༌སོ།།  
\v 32 དེ་ཀུན་སྟེང་དུ་སྡིག་པ་བྱེད་ཀྱིན༌དུ། །ཁོང་གི་ངོ་མཚར་མཛད་པར་མ་དད༌དོ།།  
\v 33 དེའི་ཕྱིར་དེ་རྣམས་མི་ཚེ་དོན་མེད༌དང༌། །ལོ་རྣམས་འཇིགས་སྐྲག་ནང་དུ་རྫོགས་པར༌མཛད།།  
\v 34 ཁོང་གིས་གསོད་དུས་དེ་ཚོས་ཁོང་འཚོལ༌ཞིང༌། །བློ་ཁ་ཕྱོགས་ཏེ་སེམས་ནས་དཀོན་མཆོག༌བཙལ།།  
\v 35 ཁོང་ཉིད་རང་གི་བྲག་རྡོ་ཡིན་པ༌དང༌། །བླ་མེད་དཀོན་མཆོག་སྐྱོབ་མཁན་ཡིན་པ༌དྲན།།  
\v 36 འོན་ཀྱང་ཁ་ནས་ཁོང་ལ་ངོ་བསྟོད༌བྱེད། །ལྕེ་ཡིས་ཁོང་ལ་རྫུན་གཏམ་ཞུ་བ༌སྟེ།།  
\v 37 དེ་རྣམས་དཀོན་མཆོག་ལ་ནི་སེམས་མི༌བརྟན། །ཁོང་གི་ཞལ་ཆད་ལ་ཡང་བློ་མི༌དཀར།།  
\v 38 འོན་ཀྱང་ཁོང་ནི་སྙིང་རྗེ་ཅན་ལགས༌པས། །སྡིག་ཉེས་བསལ་ཞིང་ཁོ་རྣམས་ཚར་མ༌བཅད། །ལན་མང་རང་གི་ཐུགས་ཁྲོ་བཟོད་བསྲན༌གྱིས། །ཉིད་ཀྱི་ཐུགས་ཁྲོ་ཡོངས་རྫོགས་ཐོན་མ༌བཅུག།  
\v 39 རླུང་ནི་གཡུག་ཅིང་ཕྱིར་ལོག་མེད་པ༌ལྟར། །དེ་རྣམས་ལུས་ཅན་འབའ་ཞིག་ཡིན་པ༌དྲན།།  
\v 40 རེབ་ཐེངས་ཅི་ཙམ་དེ་ཚོས་དབེན་སྟོང༌དུ། །ཁོང་ལ་གྱེན་ལོག་བྱས་ཤིང་ཐང་སྟོང༌དུ། །ཁོང་གི་ཐུགས་དགོངས་ག་ཙམ་དཀྲུགས་པ༌ཡིན།།  
\v 41 དེ་ཚོས་དཀོན་མཆོག་ཐུགས་ནི་ཡང་ཡང༌སད། །ཡེས་ར་ཨེལ་གྱི་དམ་པར་ཐུགས་ཁྲོ༌བསླངས།།  
\v 42 ཁོང་གི་ནུས་མཐུ་དྲན་པར་མ་གྱུར༌ཏེ། །ཁོ་རྣམས་དགྲ་ལས་ཐར་བར་མཛད་པའི༌ཉིན།།  
\v 43 ཁོང་གིས་རང་གི་གྲུབ་རྟགས་ཨེ་ཅིབ༌དང༌། །ཚོ་ཨན་ཐང་དུ་ངོ་མཚར་དོན་རྣམས༌མཛད།།  
\v 44 དེ་ཚོའི་གཙང་པོ་རྣམས་ནི་ཁྲག་ཏུ༌བསྒྱུར། །ཆུ་བོ་རྣམས་ལས་དེ་ཚོས་འཐུང་མ༌ནུས།།  
\v 45 སྦྲང་ནག་དེ་ཚོར་བཏང་ནས་ཁོ་རྣམས༌ཟོས། །སྦལ་བ་བཏང་ནས་དེ་དག་རྩ་ནས༌བརླགས།།  
\v 46 དེ་ཚོའི་སྟོན་ཐོག་ཨ་ཚག་ཚག་པར༌གནང༌། །དེ་ཚོའི་འཐོབ་བྱ་ཆ་ག་འབུ་ལ༌སྤྲད།།  
\v 47 དེ་ཚོའི་རྒུན་ཤིང་སེར་བས་བརྡུངས་པ༌དང༌། །འོ་སེ་ཤིང་རྣམས་སད་ཀྱིས་འཇོམས་པར༌མཛད།།  
\v 48 ཁོང་གིས་དེ་ཚོའི་ཕྱུགས་རྣམས་སེར་བ༌དང༌། །ལུག་གི་ཁྱུ་རྣམས་གློག་དམར་དབང་དུ༌བཏང༌།།  
\v 49 ཁོང་གིས་ཐུགས་ཁྲོ་ཆེན་པོ་གཏུམ་དྲག༌དང༌། །ཞེ་སྡང་དང་ནི་སྡུག་བསྔལ་ལ་སོགས༌པ། །གནོད་པའི་ཕོ་ཉའི་དཔུང་དུ་ཕབ་པར༌མཛད།།  
\v 50 ཁོང་གི་ཐུགས་ཁྲོའི་ཕྱིར་དུ་ལམ་ཡང༌མཛད། །དེ་རྣམས་འཆི་བ་ལས་ཀྱང་མ་བསྐྱབས༌པར། །དེ་ཚོའི་སྲོག་ནི་ནད་ཡམས་ལ་གཏད༌དོ།།  
\v 51 ཨེ་ཅིབ་ཡུལ་དུ་སྐྱེས་འགོ་ཐམས་ཅད༌བསད། །ཧཱམ་ \f + \ft འདིར་ཧཱམ་ཞེས་པ་ནི་ཨེ་ཅིབ་པ་རྣམས་ཀྱི་མེས་པོ༌ཡིན།\f*གྱི་གུར་རྣམས་ནང་དུ་དེ་དག༌གི །སྟོབས་ཀྱི་ཐོག་མ་ \f + \ft འདིར་སྟོབས་ཀྱི་ཐོག་མ་ཞེས་པ་ནི་བུ་སྐྱེས་འགོ་ལ་གོ་བ༌ཡིན།\f*ཡིན་པ་གསོད་པར༌མཛད།།  
\v 52 འོན་ཀྱང་ཉིད་ཀྱི་མི་རྣམས་ལུག་ལྟར༌ཁྲིད། །དབེན་སྟོང་ཡུལ་དུ་ཕྱུགས་ཁྱུ་བཞིན་དུ༌ཁྲིད།།  
\v 53 བདེ་བར་ཁྲིད་པས་དེ་དག་མ་འཇིགས༌ཤིང༌། །དགྲ་བོ་རྣམས་ནི་རྒྱ་མཚོས་བསྣུབས་པར༌མཛད།།  
\v 54 ཁོང་གིས་དེ་རྣམས་ཁྲིད་ནས་ཁོང་ཉིད༌ཀྱི། །དམ་པའི་གནས་ཀྱི་ས་མཚམས་དག་ལ༌སླེབས། །ཕྱག་གཡས་ཀྱིས་ནི་བླངས་པའི་རི་ཁུལ༌ཡིན།།  
\v 55 དེ་དག་མདུན་ནས་ཕྱི་ཕྱོགས་མི་རྣམས༌བསྐྲད། །ཐག་པས་འཇལ་ནས་ས་སྐལ་དེ་ཚོར༌བགོས། །ཡེས་ར་ཨེལ་གྱི་ཚོ་པ་ཁག་གི༌མི། །རང་རང་གུར་ནང་གནས་སུ་བཅུག་མོད༌ཀྱང༌།།  
\v 56 དེ་ཚོས་སྔར་བཞིན་དཀོན་མཆོག་ཐུགས་སད༌ནས། །བླ་ན་མེད་པ་ཁོང་ལ་གྱེན་ལོག༌བྱས། །ཁོང་གི་སྒྲིག་ཁྲིམས་ཡང་ནི་མ་བརྩིས༌པར།།  
\v 57 ཕྱི་བསྣུར་བྱས་ནས་གཡོ་སྒྱུ་སྤེལ་བ༌སྟེ། །རང་གི་ཕ་མེས་རྣམས་དང་འདྲ་བར༌བྱས། །གཞུ་མོ་སྐྱོན་ཅན་བཞིན་དུ་དེ་རྣམས༌གྱུར།།  
\v 58 ཁོ་ཚོའི་མཐོ་གླིང་རྣམས་དང་བརྐོས་སྐུ༌ཡིས། །ཁོང་ལ་ཐུགས་ཁྲོ་བསླངས་ཤིང་ཕྲག་དོག༌བསྐྱེད།།  
\v 59 དཀོན་མཆོག་ཉིད་ཀྱིས་གསན་དུས་ཐུགས་ཁྲོས༌ཤིང༌། །ཡེས་ར་ཨེལ་ནི་གཞི་ནས་དོར་བར༌མཛད།།  
\v 60 དེ་ལྟར་མིའི་ཁྲོད་ཕུབ་པའི་གཟིམ་གུར༌རམ། །ཞི་ལོའི་གདན་ས་ཁོང་གིས་སྤངས་མཛད༌དེ།།  
\v 61 ཁོང་གིས་ཉིད་ཀྱི་མཐུ་སྟོབས་མཚོན་པ༌ཡི། །ཞལ་ཆད་ཤུར་སྒམ་བཙོན་པར་བཏང་བ༌དང༌། །ཉིད་ཀྱི་གཟི་དཔལ་དགྲ་བོའི་ལག་ཏུ༌གཏད།།  
\v 62 ཁོང་གི་འབངས་མི་རལ་གྲིར་གཏད་པ༌དང༌། །ཉིད་ཀྱི་ནོར་སྐལ་ལ་ཡང་ཐུགས་ཁྲོས༌སོ།།  
\v 63 དེ་ཚོའི་གཞོན་ནུ་རྣམས་ནི་མེས་བསྲེགས་ཤིང༌། །ན་ཆུང་རྣམས་ལ་སྟོན་མོའི་མགུར་ཡང༌མེད།།  
\v 64 མཆོད་དཔོན་རྣམས་ནི་རལ་གྲིས་བསད་ན༌ཡང༌། །ཡུགས་མོ་རྣམས་ཀྱིས་མྱ་ངན་མ་བྱས༌སོ།།  
\v 65 དེ་ནས་གཙོ་བོ་མནལ་ལས་བཞེངས་འདྲ༌འམ། །རྒུན་ཆང་དབང་གིས་དཔའ་བོས་ཀི་སྒྲོག༌བཞིན།།  
\v 66 དགྲ་བོ་རྣམས་ལ་བརྡུངས་ནས་བཟློགས་པ༌དང༌། །དེ་རྣམས་གཏན་གྱི་ངོ་ཚའི་ནང་དུ༌བཅུག།  
\v 67 ཡོ་སེབ་གུར་རྣམས་ཁོང་གིས་བསྐྱུར་བར༌བྱས། །ཨེ་ཕཱར་ཡིམ་གྱི་ཚོ་པ་མ་འདེམ་པར།།  
\v 68 གཅེས་པར་འཛིན་པའི་ཛ་ཡན་རི་བོ༌སྟེ། །ཡ་ཧུ་དཱ་ཡི་ཚོ་པ་འདེམ་པར༌མཛད།།  
\v 69 རྟག་ཏུ་གནས་པར་བཀོད་པའི་ས་གཞི༌ལྟར། །རི་རྣམས་འདྲ་བར་གནས་ཀྱི་མཆོག་བཞེངས༌སོ།།  
\v 70 ཉིད་ཀྱི་ཞབས་ཕྱི་དཱ་བིད་འདེམ་པར༌མཛད། །ལུག་ར་དག་ལས་དེ་ལ་ཞལ་འབོད༌གནང༌།།  
\v 71 ཉིད་ཀྱི་འབངས་མི་ལགས་པའི་ཡ་ཀོབ༌དང༌། །ནོར་སྐལ་ཡིན་པའི་ཡེས་ར་ཨེལ་འཚོ༌ཕྱིར། །མ་མོ་འོ་མ་ཅན་གྱི་རྗེས་ནས༌བླངས།།  
\v 72 སེམས་རྒྱུད་དྲང་པོས་དེ་རྣམས་འཚོས་པ༌དང༌། །ལག་གི་རྩལ་གྱིས་དེ་ཚོར་ཁྲིད་སྟོན༌བྱས།།   
\c 79
\cl གསུང་མགུར་དོན་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་ཁམས་སྐྱོབ་ཕྱིར་དཀོན་མཆོག་ཡ་ཝཱེར་ཞུ་བ།  
\p
\v 1 ༼ཨ་སབ་ཀྱི་མགུར༌མ།༽ ཀྱེ་ཀྱེ་དཀོན་མཆོག་ཕྱི་ཕྱོགས་མི་རྣམས༌ནི། །ཁྱེད་ཀྱི་ཡུལ་དུ་བཙན་འཛུལ་བྱས་པ༌དང༌། །ཉིད་ཀྱི་མཆོད་ཁང་དམ་པ་བཙོག་པར༌བྱས། །ཡེ་རུ་སཱ་ལེམ་ཞིག་རོར་བཏང་བ༌ཡིན།།  
\v 2 ཁྱེད་ཀྱི་ཞབས་ཕྱི་རྣམས་ཀྱི་བེམ་པོ་ནི། །ནམ་མཁའི་བྱ་ཡི་ཟས་སུ་གཏད་པ༌དང༌། །ཁྱེད་ལ་དད་གུས་ལྡན་པ་རྣམས་ཀྱི༌ཤ །ཐང་གི་གཅན་གཟན་རྣམས་ལ་བཏང་བ༌འོ།།  
\v 3 ཡེ་རུ་སཱ་ལེམ་ཡུལ་གྱི་ཕྱོགས་བཞི༌རུ། །དེ་ཚོའི་ཁྲག་ནི་ཆུ་ལྟར་ཕོས་པ༌དང༌། །བེམ་པོ་སྐུང་མཁན་སུ་ཡང་མེད་པར༌ལུས།།  
\v 4 ངེད་རྣམས་ཁྱིམ་མཚེས་དག་གི་སྨད་ར༌དང༌། །མི་རྣམས་འཕྱ་དམོད་ཁྲེལ་དགོད་བྱེད་སར༌གྱུར།།  
\v 5 ཀྱེ་ཀྱེ་ཡ་ཝཱེ་འདི་བཞིན་ག་དུས༌བར། །ཁྱེད་ཉིད་ཇི་སྲིད་བར་དུ་ཐུགས༌ཁྲོ་འམ། །ཁྱེད་ཀྱི་ཕྲག་དོག་མེ་ལྟར་འབར་ཡོང༌ངམ།།  
\v 6 ཁྱེད་ལ་རྒྱུས་མེད་ཡིན་པའི་ཕྱི་ཕྱོགས༌དང༌། །ཁྱེད་ཀྱི་མཚན་ལ་ཞུ་བ་མི་འབུལ༌བའི། །རྒྱལ་ཁམས་རྣམས་ལ་ཁྱེད་ཉིད་ཁྲོ་བར༌མཛོད།།  
\v 7 རྒྱུ་མཚན་དེ་ཚོས་ཡ་ཀོབ་ཁྱུར་མིད༌བཏང༌། །དེ་ཡི་ཁྱིམ་གཞིས་རྩད་ནས་བརླགས་པས༌སོ།།  
\v 8 ངེད་ཅག་ཕ་མེས་སྡིག་ཉེས་མི་དྲན༌རོགས། །ངེད་རྣམས་འུ་ཐུག་གནས་སུ་ལྷུང་བས༌ན། །ཁྱེད་ཀྱིས་མགྱོགས་པོར་སྙིང་རྗེས་གཟིགས་པར༌མཛོད།།  
\v 9 ཀྱེ་ཀྱེ་ང་ཚོའི་སྲོག་སྐྱོབ་དཀོན་མཆོག༌ལགས། །ཁྱེད་མཚན་དཔལ་གྱི་ཕྱིར་དུ་སྐྱབས་མཛོད༌ཅིག །ཉིད་ཀྱི་མཚན་ཕྱིར་ངེད་རྣམས་ཐར་བར༌མཛོད། །ང་ཚོའི་སྡིག་པ་རྣམས་ཀྱང་བསལ་དུ༌གསོལ།།  
\v 10 ཁོ་ཚོའི་དཀོན་མཆོག་གང་དུ་བཞུགས་ཡོད༌ཅེས། །ཕྱི་ཕྱོགས་མི་ལ་ཟེར་དུ་འཇུག་དོན༌ཅི། །ཁྱེད་ཀྱི་ཞབས་ཕྱི་རྣམས་ཀྱི་ཁྲག་ཕོས༌པའི། །ཤ་འཁོན་ཁྱེད་ཀྱིས་ལེན་པ་མི་རྣམས༌ལ། །ང་ཚོའི་མིག་མདུན་ཤེས་སུ་འཇུག་ཏུ༌གསོལ།།  
\v 11 བཙོན་པའི་འཁུན་སྒྲ་ཁྱེད་དྲུང་བསླེབ་པར༌ཤོག །འཆི་ཁར་ཡོད་པ་ཁྱེད་ཀྱི་མཐུ་ཡིས༌སྐྱོབས།།  
\v 12 ཀྱེ་ཀྱེ་གཙོ་བོ་ཁྱིམ་མཚེས་འཕྱ་སྨོད༌ཚིག །དེ་ཚོའི་སྟེང་ལ་ལྡབ་བདུན་འབབ་པར༌མཛོད།།  
\v 13 ངེད་རྣམས་ཁྱེད་ཀྱི་མི་དང་རྩྭ་རའི༌ལུག །ཇི་སྲིད་བར་དུ་ཁྱེད་ལ་གཏང་རག༌འབུལ། །ཁྱེད་ཀྱི་བསྟོད་པ་མི་རབས་ཀུན་ལ༌སྟོན།།   
\c 80
\cl གསུང་མགུར་བརྒྱད་ཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་ཁམས་བསྐྱར་གསོ་མཛད་པའི་ཆེད་དུ་དཀོན་མཆོག་ཡ་ཝཱེར་ཞུ་བ།  
\p
\v 1 ༼མེ་ཏོག་ཀུ་མུད་ཀྱི་དཔང་པོ་ཞེས་པའི་དབྱངས་ནང་དབུ་མཛད་ལ་སྤྲད་པའི་ཨ་སབ་ཀྱི་མགུར༌མ།༽ ཀྱེ་ཀྱེ་ཡེས་ར་ཨེལ་གྱི་རྫི་བོ༌དང༌། །ཡོ་སེབ་ལུག་ཁྱུ་བཞིན་དུ་ཁྲིད་མཁན༌ལགས། །ཁྱེད་ཀྱིས་སྙན་དུ་གསོལ་བར་གསན་རོགས༌གནང༌། །ཀྱེ་ཀྱེ་ཀེ་རུབ་སྟེང་དུ་བཞུགས་མཁན༌ལགས། །ཁྱེད་ཀྱིས་འོད་ཟེར་འཕྲོ་རུ་མཛད་དུ༌གསོལ།།  
\v 2 ཨེ་ཕཱར་ཡིམ་དང་པེན་ཡཱ་མེན་དང༌ནི། །མཱ་ན་ཤེ་བཅས་གསུམ་གྱི་མཐོང་ས༌རུ། །ཁྱེད་ཀྱིས་ཉིད་ཀྱི་མཐུ་སྟོབས་ཆེར་བསྐྱེད༌ནས། །ངེད་རྣམས་སྐྱོབ་ཕྱིར་འབྱོན་པར་མཛོད་ཅིག༌གུ།  
\v 3 ཀྱེ་ཀྱེ་དཀོན་མཆོག་ངེད་རྣམས་བསྐྱར་གསོ༌མཛོད། །ཁྱེད་ཀྱི་ཞལ་ངོའི་འོད་མདངས་འཕྲོ་བར༌མཛོད། །དེ་ནས་ངེད་རྣམས་ཐར་བར་འགྱུར་བ༌འོ།།  
\v 4 ཀྱེ་ཀྱེ་ཡ་ཝཱེ་དཔུང་ཚོགས་ཀྱི་དཀོན་མཆོག །ཁྱེད་ཉིད་ནམ་དུས་བར་དུ་འབངས་མི༌ཡི། །སྨོན་ལམ་རྐྱེན་གྱིས་ཐུགས་ནི་ཁྲོ་བར༌བྱ།།  
\v 5 དེ་ཚོར་མཆི་མ་ཟས་སུ་གནང་བ༌དང༌། །མིག་ཆུ་མང་མང་དེ་ཚོར་འཐུང་བར༌མཛད།།  
\v 6 ཁྱིམ་མཚེས་ངེད་རྣམས་རྐྱེན་གྱིས་རྩོད་པར༌མཛད། །དགྲ་བོ་རྣམས་ཀྱིས་ང་ཚོར་འཕྱ་སྨོད༌བྱེད།།  
\v 7 དཔུང་ཚོགས་དཀོན་མཆོག་ངེད་རྣམས་བསྐྱར་གསོ༌མཛོད། །ཁྱེད་ཀྱི་ཞལ་ངོའི་འོད་མདངས་འཕྲོ་བར༌མཛོད། །དེ་ནས་ངེད་རྣམས་ཐར་བར་འགྱུར་བ༌འོ།།  
\v 8 ཨེ་ཅིབ་ཡུལ་ནས་རྒུན་འབྲུམ་ཤིང་གཅིག༌དྲངས། །ཕྱི་ཕྱོགས་མི་རྣམས་བསྐྲད་ནས་ཤུལ་དུ༌བཙུགས།།  
\v 9 ཁྱེད་ཀྱིས་ཤིང་དེར་ས་ཞིག་སྟ་གོན༌མཛད། །དེ་ཡི་རྩ་བ་རྒྱས་ནས་ཡུལ་གྲུར༌ཁྱབ།།  
\v 10 དེ་ཡི་གྲིབ་བསིལ་རི་བོ་རྣམས་ལ༌ཁེབས། །ཡན་ལག་གིས་ནི་ཐང་ཤིང་མཐོན་པོ༌གཡོགས།།  
\v 11 རྒྱ་མཚོའི་བར་དུ་ཡལ་འདབ་རྒྱས་པ༌དང༌། །ཆུ་བོའི་བར་དུ་ལྕུག་གསར་བརྐྱངས་པ༌ཡིན།།  
\v 12 ཁྱེད་ཀྱིས་ཤིང་དེའི་མཐའ་གྱང་ཅི་ལ༌བཤིགས། །ལམ་འགྲོ་ཚང་མར་བཏོག་ཏུ་འཇུག་དོན༌ཅི།།  
\v 13 ནགས་ཀྱི་ཕག་པས་དེ་ནི་རྩ་ནས༌སློག །ཐང་གི་རི་དྭགས་ཀྱིས་ནི་དེ་ཟ༌འོ།།  
\v 14 ཀྱེ་ཀྱེ་དཔུང་ཚོགས་དཀོན་མཆོག་ཕྱིར་འཁོར༌ཏེ། །གནམ་ནས་རྒུན་ཤིང་འདི་ལ་གཟིགས་པར༌མཛོད།།  
\v 15 ཁྱེད་ཕྱག་གཡས་པས་བཙུགས་ཤིང་ཁྱེད་ཉིད༌ཕྱིར། །བརྟན་པོར་མཛད་པའི་ཡལ་ག་ \f + \ft འདིར་ཡལ་ག་ཞེས་པར་མ་ཕྱི་ལས་བུ་ཞེས༌མཐོང༌།\f*བསྲུང་བར༌མཛོད།།  
\v 16 ཤིང་དེ་མེ་ཡིས་བསྲེགས་ཤིང་གྲི་ཡིས༌གཏུབ། །ཁྱེད་ཀྱི་ཁྲོ་བའི་ཉམས་ཀྱིས་དེ་རྣམས༌འདས།།  
\v 17 ཁྱེད་ཉིད་ཕྱིར་དུ་བརྟན་པོར་མཛད་པ༌ཡི། །མི་ཡི་བུ་སྟེ་ཁྱེད་ཀྱི་གཡས་ཕྱོགས༌སུ། །གནས་པའི་མི་དེ་ཕྱག་གིས་སྐྱོར་བར༌མཛོད།།  
\v 18 དེ་ནས་ངེད་རྣམས་ཁྱེད་ལས་ཕྱིར་མི༌བསྣུར། །ཁྱེད་ཀྱིས་ངེད་རྣམས་གསོན་པོར་མཛད་དུ༌གསོལ། །ང་ཚོས་ཁྱེད་ཀྱི་མཚན་ལ་ཞུ་བ༌འབུལ།།  
\v 19 ཀྱེ་ཀྱེ་ཡ་ཝཱེ་དཔུང་ཚོགས་ཀྱི་དཀོན་མཆོག །ཁྱེད་ཀྱིས་ངེད་རྣམས་བསྐྱར་གསོ་མཛད་དུ༌གསོལ། །ཁྱེད་ཀྱི་ཞལ་ངོའི་འོད་མདངས་འཕྲོ་བར༌མཛོད། །དེ་ནས་ངེད་རྣམས་ཐར་བར་འགྱུར་བ༌འོ།།   
\c 81
\cl གསུང་མགུར་གྱ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 མགུར་མཆོག  
\p
\v 1 ༼གཱད་པའི་དབྱངས་ནང་དབུ་མཛད་ལ་སྤྲད་པའི་ཨ་སབ་ཀྱི་མགུར༌མ།༽ ང་ཚོའི་སྟོབས་ཤུགས་ཡིན་པའི་དཀོན་མཆོག༌ལ། །དགའ་སྤྲོའི་སྐད་སྒྲ་སྒྲོགས་དང་ཡ་ཀོབ༌ཀྱི། །དཀོན་མཆོག་དྲུང་དུ་དགའ་མགུའི་སྐད་སྒྲ༌སྒྲོགས།།  
\v 2 མགུར་གླུ་ལོངས་ཤིག་སིལ་རྔ་སྐད་སྙན༌པོའི། །པི་ཝང་དང་ནི་རྒྱུད་མངས་དཀྲོལ་བར༌གྱིས།།  
\v 3 ཚེས་གཅིག་དང་ནི་ཉ་གང་རང་ཅག༌གི །དུས་ཆེན་སྐབས་སུ་རྭ་དུང་འབུད་པར༌གྱིས།།  
\v 4 འདི་ནི་ཡེས་ར་ཨེལ་ཕྱིར་སྒྲིག་ཁྲིམས༌དང༌། །ཡ་ཀོབ་དཀོན་མཆོག་ཉིད་ཀྱི་སྲོལ་ཡིག༌ཡིན།།  
\v 5 ཁོང་གིས་ཨེ་ཅིབ་ཡུལ་ལ་རྒོལ་དུས༌སུ། །ཡོ་སེབ་ཕྱིར་དུ་དཔང་ཡིག་འདི་བཙུགས༌སོ། །བདག་གིས་ཆ་རྒྱུས་མེད་པའི་སྐད་ཅིག༌ཐོས།།  
\v 6 དཀོན་མཆོག་ཉིད་ཀྱིས་འདི་སྐད་གསུངས་པ༌སྟེ། །བདག་གིས་དེ་ཡི་ཕྲག་པའི་ཁུར་པོ༌ཕབ། །སླེ་པོ་ཡང་ནི་ཁོ་ཡི་ལག་པར༌ཕྲལ།།  
\v 7 དཀའ་སྡུག་ཁྲོད་ནས་འོ་དོད་བོས་པ༌ན། །ང་ཡིས་ཁྱོད་རང་བསྐྱབས་ཤིང་འབྲུག་གྲགས༌པའི། །སྤྲིན་ནག་ཁྲོད་དུ་ཁྱོད་ལ་ལན་བཏབ༌ཅིང༌། །མེ་རི་བཱ་ \f + \ft མེ་རི་བཱ་ཞེས་པ་ནི་འཐབ་འཛིང་དང་རྩོད་པའི་དོན༌ཡིན།\f*ཡི་ཆུ་འགྲམ་ཁྱོད་ལ༌བརྟག།༼ སེ༌ལཱ། ༽  
\v 8 ཉོན་དང་ང་ཡི་མི་རྣམས་ཉེན་བརྡར༌ཉོན། །ཡེས་ར་ཨེལ་གྱིས་མཉན་ན་ཅི་མ༌རུང༌།།  
\v 9 ཁྱོད་ནང་རྒྱུས་མེད་ལྷ་ནི་ཡོད་མི༌རུང༌། །ཕྱི་པའི་ལྷ་ལ་ཕྱག་ཀྱང་འཚལ་མི༌རུང༌།།  
\v 10 ཁྱོད་རང་ཨེ་ཅིབ་ཡུལ་ནས་ཕྱིར་ཁྲིད༌པའི། །ཁྱོད་ཀྱི་དཀོན་མཆོག་ཡ་ཝཱེ་ང་ཡིན༌ནོ། །ཁ་ཆེར་གདོངས་ཤིག་བདག་གིས་འགེང་བར༌བྱ།།  
\v 11 ངའི་འབངས་ང་ཡི་སྐད་ལ་མ་མཉན༌ཞིང༌། །ཡེས་ར་ཨེལ་གྱིས་ང་ལ་མ་བསྟུན༌པས།།  
\v 12 དེ་རྣམས་སེམས་རྒྱུད་གྱོང་པོར་བསྐྱུར་ནས༌ནི། །རང་གི་གྲོས་བཞིན་སྤྱད་པ་སྤྱོད་དུ༌བཅུག།  
\v 13 ང་ཡི་འབངས་ཀྱིས་ང་ལ་མཉན་པ༌དང༌། །ཡེས་ར་ཨེལ་ངའི་ལམ་དུ་འགྲུལ་ན༌ནི།།  
\v 14 བདག་གིས་མྱུར་དུ་དགྲ་རྣམས་འདུལ་བྱ༌ཞིང༌། །ཕྱི་ལག་བྱས་ནས་དེ་ཚོའི་དགྲ་ལ༌རྒོལ།།  
\v 15 ཡ་ཝཱེར་སྡང་མཁན་ཟོལ་གྱིས་ཁོང་ལ༌བསྟུན། །དེ་ཚོའི་ཉེས་ཆད་ཁུར་ཡུན་རྫོགས་མཐའ༌མེད།།  
\v 16 ཁོང་གིས་དེ་ཚོར་གྲོའི་ཕུད་གནང་བ༌དང༌། །བྲག་ནས་ཐོན་པའི་སྦྲང་རྩིས་ཚིམ་པར༌མཛད།།   
\c 82
\cl གསུང་མགུར་གྱ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ས་གཞིར་ཁྲིམས་ཐག་གཅོད་མཁན་གྱི་བླ་ན་མེད་པའི་དཀོན་མཆོག  
\p
\v 1 ༼ཨ་སབ་ཀྱི་མགུར༌མ།༽ དཀོན་མཆོག་ནུས་མཐུ་ཅན་གྱི་ཚོགས་དཀྱིལ༌བཞེངས། །འགོ་དཔོན་ \f + \ft འདིར་འགོ་དཔོན་ཞེས་པ་འགྱུར་ལ་ལར་ལྷ་རྣམས་ཞེས་མཐོང་།\f*ཁྲོད་དུ་ཁྲིམས་ཐག་འདི་སྐད༌གཅོད།།  
\v 2 ཁྱོད་ཚོས་ཁྲིམས་གཅོད་དྲང་གཞག་མི་བྱེད༌ཅིང༌། །ངན་པར་ཕྱོགས་རིས་བཟུང་ནས་ནམ་དུས༌བར།།༼ སེ༌ལཱ། ༽  
\v 3 དབུལ་ཕོངས་དྭ་ཕྲུག་རྣམས་ལ་བདག་སྐྱོང༌བྱོས། །སྡུག་བསྔལ་ཅན་དང་རྒུད་པོར་དྲང་བདེན༌སྐྱོངས།།  
\v 4 དགོས་མཁོ་ཅན་དང་དབུལ་པོ་སྐྱོབ་པར༌གྱིས། །སྡིག་སྤྱོད་ལག་ནས་དེ་རྣམས་ཐར་དུ༌ཆུགས།།  
\v 5 དེ་ཚོར་ཤེས་བྱ་མི་ལྡན་གོ་བའང༌མེད། །མུན་ནག་ཁྲོད་ནས་ཕར་འགྲོ་ཚུར་འོང༌བྱེད། །ས་གཞིའི་གཏིང་གཞི་ཐམས་ཅད་འགུལ་གྱུར༌ཏོ།།  
\v 6 བདག་གིས་སྔར་ནས་འདི་ལྟར་སྨྲས་མྱོང༌སྟེ། །ཁྱོད་རྣམས་ཐམས་ཅད་ལྷ་རྣམས་ \f + \ft འདིར་ལྷ་ཞེས་པ་ནི་ཡེས་ར་ཨེལ་གྱི་འགོ་དཔོན་དང་ཁྲིམས་དཔོན་སོགས་དབང་དང་ནུས་མཐུ་ལྡན་པ་རྣམས་ལ་གོ་བ་སྟེ། ཡེས་ར་ཨེལ་པ་རྣམས་ཀྱིས་མཚམས་རེར་རང་གི་འགོ་དཔོན་དང་ཁྲིམས་དཔོན་སོགས་ལ་ལྷ་ཞེས་འབོད་པ་ཡིན། འདིར་ཡང་དེ་བཞིན་གོ་བ་ལས་ལྷ་རྣམས་ལ་གོ་མི་རུང་། \f*ཡིན༌པ་དང༌། །བླ་ན་མེད་པ་ཉིད་ཀྱི་སྲས་རྣམས༌ཡིན།།  
\v 7 འོན་ཀྱང་མི་རྣམས་ལྟར་དུ་ཁྱོད་འཆི༌ཞིང༌། །སྐུ་དྲག་ཅིག་དང་འདྲ་ལ་འགྱེལ་བར༌འགྱུར།།  
\v 8 མི་རིགས་ཐམས་ཅད་ཁྱེད་ཀྱི་ནོར་སྐལ༌ཡིན། །ཀྱེ་ཀྱེ་དཀོན་མཆོག་དེའི་ཕྱིར་ཡར་བཞེངས༌ནས། །ས་གཞིར་ཁྲིམས་ཐག་གཅོད་པར་མཛད་དུ༌གསོལ།།   
\c 83
\cl གསུང་མགུར་གྱ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དགྲ་བོ་ཕམ་པར་བརྒྱག་ཕྱིར་དཀོན་མཆོག་ཡ་ཝཱེར་ཞུ་བ།  
\p
\v 1 ༼ཨ་སབ་ཀྱི་མགུར༌མ།༽ ཀྱེ་ཀྱེ་དཀོན་མཆོག་ཞལ་རོག་མི་བཞུགས༌རོགས། །ཀྱེ་ཀྱེ་དཀོན་མཆོག་གསུང་ངག་མི་བསྡམ༌རོགས། །ལྷོད་དལ་ངང་ནས་བཞུགས་པར་མི་མཛད༌རོགས།།  
\v 2 གཟིགས་དང་ཁྱེད་ཀྱི་དགྲ་རྣམས་འུར་སྐད༌སྒྲོག །ཁྱེད་ལ་སྡང་བ་རྣམས་ཀྱིས་གྱེན་ལོག༌བྱེད།།  
\v 3 ཁྱེད་ཀྱི་འབངས་མི་ལ་ནི་འཚེ་བའི༌ཕྱིར། །དེ་ཚོས་གཡོ་སྒྱུའི་ཇུས་ངན་འདེབས་པ༌དང༌། །ཁྱེད་ཀྱི་སྦས་པའི་མི་ལ་གནོད་པའི༌ཕྱིར། །དེ་ཚོས་ཕན་ཚུན་བར་ལ་ངན་ཇུས༌ཤོམ།།  
\v 4 དེ་ཚོས་ཤོག་དང་ང་ཚོས་ཁོ་རྣམས༌ནི། །མི་རིགས་གཅིག་ཏུ་ལུས་པར་མི་བྱ༌ཞིང༌། །ཕྱིན་ཆད་ཡེས་ར་ཨེལ་གྱི་མིང་ཙམ༌ཡང༌། །མི་དྲན་ཕྱིར་དུ་ཚར་གཅོད་བྱ་ཞེས༌ཟེར།།  
\v 5 དེ་རྣམས་འགྲིག་མཐུན་ངང་ནས་གྲོས་བྱེད༌ཅིང༌། །ཁྱེད་ཉིད་འགོག་པར་ཕན་ཚུན་མནའ་འབྲེལ༌བྱེད།།  
\v 6 དེ་ནི་གུར་ནང་སྡོད་པའི་ཨེ་དོམ༌པ། །ཡེས་མ་ཨེལ་པ་དང་ནི་མོ་ཨབ༌པ། །ཧ་གར་པ་དང་བཅས་རྣམས་ཡིན་པ༌དང༌།།  
\v 7 གེ་བལ་དང་ནི་ཨམ་མོན་ཨ་མཱད༌ལེག །ཕེ་ལེ་ཤེད་དང་ཐཱར་གྱི་ཡུལ་མི༌བཅས།།  
\v 8 དེའི་ཁྲོད་ཨ་སུར་པ་ཡང་འདྲེས་ནས༌ནི། །ལོད་ཐུའི་བུ་ཚོའི་གྲོགས་སུ་གྱུར་པ༌འོ།།༼ སེ༌ལཱ། ༽  
\v 9 སི་སེ་རཱ་དང་ཡཱ་བིན་གཉིས་ལ༌ནི། །ཁི་ཤོན་གཙང་པོར་ཇི་ལྟར་མཛད་པ༌དང༌། །མིད་ཡཱན་པ་ལ་ཇི་ལྟར་མཛད་པ༌བཞིན། །ཁྱེད་ཀྱིས་དེ་ཚོར་དེ་བཞིན་མཛད་དུ༌གསོལ།།  
\v 10 དེ་རྣམས་ཨེན་དོར་ཡུལ་དུ་མེད་པར༌གྱུར། །ཐང་གི་ལྕི་བ་ལྟ་བུར་གྱུར་པ་འོ།།  
\v 11 ཁྱེད་ཀྱིས་དེ་ཚོའི་འགོ་འཛིན་པ་རྣམས༌ནི། །ཨོ་རེབ་དང་ནི་ཟེབ་ལྟར་མཛད་པ༌དང༌། །དེ་ཚོའི་རྒྱལ་སྲས་ཐམས་ཅད་ཟེ་བཱ༌དང༌། །ཚལ་མུན་ནཱ་དང་འདྲ་བར་མཛད་དུ༌གསོལ།།  
\v 12 དེ་ཚོས་འདི་བཞིན་སྨྲས་ཏེ་རང་ཅག༌གིས། །དཀོན་མཆོག་སྤང་ཐང་བདག་ཏུ་འཛིན་ཞེས༌སོ།།  
\v 13 ཀྱེ་ཀྱེ་ང་ཡི་དཀོན་མཆོག་མི་དེ༌རྣམས། །རླུང་འཚུབ་ནང་གི་ས་རྡུལ་འདྲ་བ༌དང༌། །རླུང་མདུན་ལྷགས་པའི་ཕུབ་མ་ལྟར་དུ༌མཛོད།།  
\v 14 མེ་ཡིས་ནགས་ཚལ་ཇི་ལྟར་སྲེག་པ༌དང༌། །མེ་ལྕེས་རི་རྣམས་ཇི་ལྟར་སྦར་བ༌བཞིན།།  
\v 15 ཁྱེད་ཀྱིས་དྲག་པོ་རླུང་གིས་དེ་རྣམས༌དེད། །རླུང་འཚུབ་ཆེན་པོས་དེ་རྣམས་འཇིགས་སུ༌ཆུགས།།  
\v 16 དེ་ཚོས་ཡ་ཝཱེ་ཁྱེད་ཀྱི་མཚན་འཚོལ༌ཕྱིར། །དེ་ཚོའི་གདོང་ལ་ངོ་ཚས་གང་བར༌མཛོད།།  
\v 17-18 ཡ་ཝཱེ་མཚན་ཅན་ཁྱེད་ཉིད་གཅིག་པུ༌དང༌། །ས་གཞི་ཀུན་ཏུ་བླ་མེད་ཁྱེད་ཡིན༌པ། །དེ་ཚོས་ཤེས་པར་འགྱུར་བའི་དོན་ཆེད༌དུ། །དེ་རྣམས་རྟག་ཏུ་སྐྱེངས་ཤིང་དངངས་པ༌དང༌། །ངོ་ཚ་དང་བཅས་ཁོ་རྣམས་སྟོངས་གྱུར༌ཅིག།   
\c 84
\cl གསུང་མགུར་གྱ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་གདན་སར་ཡིད་སྨོན་འཆོར་བ།  
\p
\v 1 ༼བྱིན་རླབས་དང་བསྟོད༌བསྔགས། གཱད་པའི་དབྱངས་ནང་དབུ་མཛད་ལ་སྤྲད་པའི་ཀོ་རཱག་གི་བུ་རྣམས་ཀྱི་མགུར༌མ།༽ ཀྱེ་ཀྱེ་ཡ་ཝཱེ་དཔུང་ཚོགས་ཀྱི་ཡ་ཝཱེ། །ཁྱེད་ཀྱི་གདན་ས་ཇི་འདྲའི་མཛེས་པ༌ལ།།  
\v 2 བདག་སེམས་ཡ་ཝཱེའི་ཁྱམས་རར་དུངས་ནས་བརྒྱལ། །གཏན་དུ་གསོན་པོར་བཞུགས་པའི་དཀོན་མཆོག༌ལ། །ང་ཡི་ལུས་སེམས་གཉིས་ཀྱིས་དགའ་འབོད༌བྱེད།།  
\v 3 ཀྱེ་ཀྱེ་ཡ་ཝཱེ་དཔུང་ཚོགས་ཀྱི་ཡ་ཝཱེ། །ང་ཡི་རྒྱལ་པོ་ང་ཡི་དཀོན་མཆོག༌ལགས། །ཁྱེད་ཀྱི་མཆོད་ཁྲིའི་གམ་དུ་ཁང་བྱེའུ༌དང༌། །ཁུག་རྟ་སོགས་ཀྱིས་བྱེའུ་ཚང་བཟོ་བ༌བཞིན།།  
\v 4 ཁྱེད་ཀྱི་གདན་ས་གང་དུ་སྡོད་མཁན༌ཀུན། །བྱིན་རླབས་ཆེ་ཞིང་རྟག་ཏུ་ཁྱེད་ལ༌བསྟོད།།༼ སེ༌ལཱ། ༽  
\v 5 ཁྱེད་ལ་བརྟེན་ནས་སྟོབས་ཤུགས་མངའ་བ༌དང༌། །སེམས་སུ་ཛ་ཡན་ལམ་རྣམས་ཡོད་པ༌ནི། །བྱིན་རླབས་ཆེ་ཞིང་དགའ་སྤྲོའི་བདེ་བས༌ཁྱབ།།  
\v 6 མཆི་མའི་ལུང་པ་བརྒྱུད་ནས་འགྲོ་བ༌ན། །དེ་ནི་ཆུ་མིག་གནས་སུ་བསྒྱུར་བ༌དང༌། །སྟོན་ཁའི་ཆར་བས་ལུང་པ་ཡོངས་སུ༌བརྒྱན།།  
\v 7 ཛ་ཡན་ཡུལ་དུ་སྐྱོད་ཅིང་སྟོབས་ཤུགས༌རྒྱས། །དཀོན་མཆོག་ཞལ་རས་མཇལ་བའི་སྐལ་བ༌ཐོབ།།  
\v 8 ཀྱེ་ཀྱེ་ཡ་ཝཱེ་དཔུང་ཚོགས་ཀྱི་དཀོན་མཆོག །བདག་གི་གསོལ་འདེབས་ལ་ནི་གསན་པར༌ཞུ། །ཀྱེ་ཀྱེ་ཡ་ཀོབ་ཉིད་ཀྱི་དཀོན་མཆོག༌ལགས། །ཁྱེད་ཀྱིས་བདག་ལ་སྙན་དབང་གཏོད་པར༌མཛོད།།༼ སེ༌ལཱ། ༽  
\v 9 ཀྱེ་ཀྱེ་དཀོན་མཆོག་ང་ཚོའི་ཕུབ་དང༌ནི། །ཁྱེད་ཀྱིས་བྱུགས་པའི་གདོང་ལ་གཟིགས་པར༌མཛོད།།  
\v 10 ཁྱེད་ཀྱི་ར་བར་ཉིན་གཅིག་བསྡད་ན༌ཡང༌། །གཞན་དུ་ཉིན་ཞག་སྟོང་ཕྲག་བསྡད་པས༌ལེགས། །བདག་ནི་ངན་པའི་གུར་དུ་འདུག་པ༌ལས། །ཁྱེད་ཀྱི་གདན་སའི་སྒོ་ཁར་སྡོད་པ༌དགའ།།  
\v 11 ཅི་ལ་ཞེ་ན་ཡ་ཝཱེ་དཀོན་མཆོག༌ཉིད། །ཁྲི་གདུགས་ཉི་མ་དང་ནི་ཕུབ་ཀྱང༌ཡིན། །ཁོང་གིས་ཐུགས་རྗེ་གཟི་དཔལ་གནང་བ༌དང༌། །ཁོང་གིས་དྲང་པོར་སྤྱོད་པའི་མི་རྣམས༌ལ། །ཕན་ཡོན་གཅིག་ཀྱང་མ་ལུས་གནང་བ༌ཡིན།།  
\v 12 ཀྱེ་ཀྱེ་ཡ་ཝཱེ་དཔུང་ཚོགས་ཀྱི་ཡ་ཝཱེ། །ཁྱེད་ལ་ཡིད་རྟོན་བྱེད་མཁན་བྱིན་རླབས༌ཆེ།།   
\c 85
\cl གསུང་མགུར་གྱ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་ཁམས་ལ་བྱིན་རླབས་གནང་བར་ཞུ་བ།  
\p
\v 1 ༼དབུ་མཛད་ལ་སྤྲད་པའི་ཀོ་རཱག་གི་བུ་རྣམས་ཀྱི་མགུར༌མ།༽ ཀྱེ་ཀྱེ་ཡ་ཝཱེས་རང་ཡུལ་དྲིན་གྱིས༌བསྐྱངས། །ཡ་ཀོབ་བཙོན་པ་ཁྱེད་ཀྱིས་ཕྱིར་དྲངས༌སོ།།  
\v 2 ཁྱེད་ཀྱི་འབངས་མི་ཉེས་པ་བཤགས་པར༌མཛད། །དེ་ཚོའི་སྡིག་པ་ཐམས་ཅད་བཀབ་པ༌འོ།།༼ སེ༌ལཱ། ༽  
\v 3 ཁྱེད་ཀྱི་ཐུགས་ཁྲོ་ཡོངས་སུ་བསྐྱུར་བ༌དང༌། །ཉིད་ཀྱི་ཐུགས་ཁྲོ་དྲག་པོ་ཞི་བར༌མཛད།།  
\v 4 ཀྱེ་ཀྱེ་ངེད་རྣམས་སྐྱོབ་པའི་དཀོན་མཆོག༌ལགས། །ཁྱེད་ཀྱིས་ང་ཚོ་ཡང་བསྐྱར་དར་བར༌མཛོད། །ཁྱེད་ཀྱི་ཐུགས་ཁྲོ་ངེད་ལས་མེད་པར༌མཛོད།།  
\v 5 དུས་རྒྱུན་ངེད་ཅག་ལ་ནི་ཐུགས་ཁྲོ༌འམ། །མི་རབས་ཀུན་ལ་ཐུགས་ཁྲོ་བསྐྱེད་འོང༌ངམ།།  
\v 6 ཁྱེད་ཀྱི་འབངས་མི་ཁྱེད་ནང་སྐྱིད་པའི༌ཕྱིར། །ངེད་རྣམས་སླར་ཡང་གསོན་པོར་མི་མཛད༌དམ།།  
\v 7 ཁྱེད་ཀྱི་ཐུགས་རྗེ་སྟོན་མཛོད་ཡ་ཝཱེ་ཀྱེ། །ཁྱེད་ཀྱི་ཐར་པ་ང་ཚོར་གནང་བར༌མཛོད།།  
\v 8 ཁྱེད་ཀྱི་དད་གུས་ཅན་དང་འབངས་མི༌ལ། །ཞི་བདེ་གནང་བའི་དམ་བཅའ་ཡོད་པས༌ན། །དཀོན་མཆོག་ཡ་ཝཱེས་ཅི་གསུང་བདག་གིས༌མཉན། །འོན་ཀྱང་དེ་རྣམས་གླེན་ཕྱོགས་འཁོར་མི༌རུང༌།།  
\v 9 གཟི་བརྗིད་རང་ཅག་ཡུལ་དུ་གནས་པའི༌ཕྱིར། །ཁོང་ལ་གུས་ཤིང་འཇིགས་པའི་མི་རྣམས༌ལ། །ཁོང་གི་ཐར་པ་དངོས་གནས་ཉེ་བ༌ཡིན།།  
\v 10 བྱམས་བརྩེ་དང་ནི་གཞུང་དྲང་མཉམ་དུ༌འཕྲད། །བདེན་དྲང་ཞི་བདེ་ཕན་ཚུན་མཛའ་བོར༌འགྱུར།།  
\v 11 ས་ལས་དྲང་བདེན་རྡོལ་ཞིང་ནམ་མཁའ༌ནས། །དྲང་བ་ཉིད་ཀྱིས་ཐུར་ལ་བལྟ་བར༌བྱེད།།  
\v 12 ཡ་ཝཱེས་ང་ཚོར་གང་བཟང་གནང་བ༌ཡིན། །རང་ཅག་ས་ལས་ལོ་ཏོག་བསྐྱེད་པར༌འགྱུར།།  
\v 13 ཁོང་གི་སྔོན་དུ་དྲང་བ་ཉིད་སྐྱོད༌ཅིང༌། །ཁོང་གི་ཞབས་ལ་ཕེབས་ལམ་སྟ་གོན༌མཛད།།   
\c 86
\cl གསུང་མགུར་གྱ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་སྐྱབས་འཚོལ་བ།  
\p
\v 1 ༼དཱ་བིད་ཀྱི་གསོལ༌འདེབས།༽ ང་ནི་འཕོངས་ཤིང་ཉམ་ཐག་ཅན་ཡིན༌པས། །གསན་ཞིང་བཀའ་ལན་གནོངས་ཤིག་ཀྱེ་ཡ༌ཝཱེ།།  
\v 2 དད་གུས་ལྡན་པས་ངའི་སྲོག་བསྲུང་བར༌མཛོད། །ཀྱེ་ཀྱེ་དཀོན་མཆོག་ཁྱེད་ལ་བློ་གཏོད༌པའི། །ཁྱེད་ཀྱི་ཞབས་ཕྱི་ང་རང་སྐྱབས་སུ༌གསོལ།།  
\v 3 ཉིན་གང་ཁྱེད་ལ་འོ་དོད་ངས་འབོད༌པས། །ང་ལ་སྙིང་རྗེ་མཛོད་ཅིག་ཀྱེ་གཙོ༌བོ།།  
\v 4 སེམས་ཀྱི་རེ་སྨོན་ཁྱེད་ལ་བཅངས་པས༌ན། །ཁྱེད་ཀྱི་ཞབས་ཕྱིའི་སེམས་པ་སྐྱིད་པར༌མཛོད།།  
\v 5 ཀྱེ་ཀྱེ་གཙོ་བོ་ཁྱེད་ནི་བཟང་བ༌དང༌། །མི་ལ་དགོངས་ཡངས་གནང་བ་ཡིན་ལགས༌ཤིང༌། །ཁྱེད་མཚན་འབོད་པར་བྱམས་བརྩེ་དཔག་མེད༌མངའ།།  
\v 6 ང་ཡི་སྨོན་ལམ་གསན་རོགས་ཀྱེ་ཡ༌ཝཱེ། །བདག་གི་ཞུ་བའི་སྐད་ལ་གསན་མཛོད༌ཅིག།  
\v 7 ཁྱེད་ཀྱིས་ང་ལ་བཀའ་ལན་གནང་འོང༌བས། །དཀའ་སྡུག་ཉིན་མོར་ང་ཡིས་ཁྱེད་འབོད༌དོ།།  
\v 8 གཙོ་བོ་ཁྱེད་འདྲ་ལྷ་ཡི་ཁྲོད་དུ༌མེད། །ཁྱེད་ཀྱི་མཛད་པ་དཔེ་ཟླ་དང་བྲལ༌ཏོ།།  
\v 9 གཙོ་བོ་ཁྱེད་ཀྱིས་མཛད་པའི་མི་རིགས༌ཀུན། །ཁྱེད་དྲུང་འོངས་ནས་གུས་ཕྱག་འཚལ་བ༌དང༌། །ཁྱེད་ཀྱི་མཚན་ལ་བསྟོད་བསྔགས་བརྗོད་པར་འགྱུར།།  
\v 10 ཁྱེད་གཅིག་དཀོན་མཆོག་ལགས་ཏེ་ཁྱེད་ཆེ༌ཞིང༌། །ངོ་མཚར་རྨད་བྱུང་དོན་རྣམས་ཁྱེད་ཀྱིས༌མཛད།།  
\v 11 ཁྱེད་ཀྱི་ལམ་ནི་ང་ལ་སྟོན་པར༌མཛོད། །ཁྱེད་ཀྱི་བདེན་པའི་ནང་དུ་འགྲུལ་བར༌བྱ། །ཁྱེད་ཀྱི་མཚན་ལ་བློ་སེམས་རྩེ་གཅིག༌གིས། །གུས་ཤིང་འཇིགས་པར་མཛོད་ཅིག་ཀྱེ་ཡ༌ཝཱེ།།  
\v 12 ཀྱེ་ཀྱེ་གཙོ་བོ་ང་ཡི་དཀོན་མཆོག༌ལགས། །བདག་གིས་ཡིད་སེམས་ཧྲིལ་པོས་ཁྱེད་ལ༌བསྟོད། །རྟག་ཏུ་ཁྱེད་ཀྱི་མཚན་ལ་བསྟོད་བསྔགས་འབུལ།།  
\v 13 ཁྱེད་ཀྱིས་ང་ལ་སྙིང་རྗེ་ཆེར་བསྐྱེད༌ཅིང༌། །གཤིན་པོའི་ཡུལ་གྱི་མཐིལ་ནས་ངའི་སྲོག༌བསྐྱབས།།  
\v 14 ཀྱེ་ཧོ་དཀོན་མཆོག་ང་རྒྱལ་ཅན་རྣམས༌ནི། །དགྲ་རུ་ལངས་ཤིང་གདུག་རྩུབ་ཅན་རྣམས༌ཀྱིས། །བདག་གི་སྲོག་ལ་བསྙེགས་ནས་དེ་དག༌གིས། །ཁྱེད་ཉིད་མིག་གི་ནང་དུ་མི་འཇོག༌གོ།  
\v 15 འོན་ཀྱང་གཙོ་བོ་ཁྱེད་ནི་སྙིང་རྗེ༌དང༌། །ཐུགས་རྗེ་ཅན་གྱི་དཀོན་མཆོག་ལགས་པས༌ན། །ཁྱེད་ཉིད་རང་དགར་ཐུགས་ནི་མི་ཁྲོ༌ཞིང༌། །བྱམས་བརྩེ་དྲང་བདེན་དཔག་ཏུ་མེད་པ༌ཡོད།།  
\v 16 ངའི་ཕྱོགས་འཁོར་ནས་ང་རང་དྲིན་གྱིས༌སྐྱོངས། །ཁྱེད་ཀྱི་ཞབས་ཕྱིར་ཉིད་ཀྱི་མཐུ་སྟོབས༌གནོངས། །ཁྱེད་ཀྱི་གཡོག་མོའི་བུ་ནི་སྐྱོབ་པར༌མཛོད།།  
\v 17 ཡ་ཝཱེ་ཁྱེད་ཀྱིས་བདག་ལ་གྲོགས་མཛད༌ཅིང༌། །སེམས་གསོ་གནང་བ་དགྲ་བོས་མཐོང་ནས༌ནི། །སྐྱེངས་ཕྱིར་ང་ལ་བཟང་བའི་རྟགས་སྟོན༌རོགས།།   
\c 87
\cl གསུང་མགུར་གྱ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཛ་ཡན་གྱི་བསྔགས་བརྗོད།  
\p
\v 1 ༼ཀོ་རཱག་གི་བུ་རྣམས་ཀྱི་མགུར༌མ།༽ རི་བོ་དམ་པར་ཡ་ཝཱེའི་རྟེན་གཞི༌ཡོད།།  
\v 2 ཡ་ཀོབ་ཁོང་གི་སྡོད་གནས་ཡོད་ཚད༌ལས། །ཛ་ཡན་སྒོ་རྣམས་ཡ་ཝཱེས་གཅེས་སུ༌འཛིན།།  
\v 3 ཀྱེ་མ་དཀོན་མཆོག་ཉིད་ཀྱི་གྲོང་ཁྱེར༌ལགས། །གཟི་བརྗིད་ལྡན་པའི་དོན་རྣམས་ཁྱེད་ལ༌སྨྲ།།༼ སེ༌ལཱ། ༽  
\v 4 ང་རང་ཤེས་པ་རྣམས་ལས་ར་ཧབ་\f + \ft འདིར་ར་ཧབ་ཅེས་པ་ནི་ཨེ་ཅིབ་ཡུལ་ལ་འཇུག༌ཅིང༌། ཡེས་ར་ཨེལ་ཁྱུར་མིད་གཏོང་བའི་སྲིན་པོ་ཞིག་གི་མིང་ལ་ཡང༌འཇུག \f*དང༌། །པཱ་པེལ་ལོན་གཉིས་བདག་གིས་གླེང་བར༌བྱ། །ཕེ་ལེ་ཤེད་དང་ཐཱར་དང་གུ་ཤར༌ལྟོས། །འདི་ནི་དེ་རུ་སྐྱེས་ཞེས་བདག་གིས༌སྨྲ།།  
\v 5 འདི་དང་དེ་གཉིས་ཡུལ་དེར་སྐྱེས་པ༌ཞེས། །ཛ་ཡན་སྐོར་ལ་དེ་སྐད་སྨྲ་བར༌འགྱུར། །བླ་མེད་ཁོང་གིས་དེ་ནི་བརྟན་པོར༌མཛད།།  
\v 6 ཡ་ཝཱེས་མི་སྡེ་རྣམས་ཀྱི་གྲངས་ལེན༌དུས། །མི་འདི་དེ་རུ་སྐྱེས་ཞེས་འབྲི་བར༌འགྱུར།།༼ སེ༌ལཱ། ༽  
\v 7 ང་ཡི་ཆུ་མིག་ཐམས་ཅད་ཁྱེད་ནང༌ཡོད། །དེ་སྐད་གླུ་པ་གར་མཁན་རྣམས་ཀྱིས༌ཞུ།།   
\c 88
\cl གསུང་མགུར་གྱ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་རོགས་སྐྱོར་འཚོལ་བ།  
\p
\v 1 ༼ཀོ་རཱག་གི་བུ་རྣམས་ཀྱིས་མ་ཧ་ལད་ལེ་ཨན་ནོད་ཀྱི་དབྱངས་ནང་དབུ་མཛད་ལ་སྤྲད་པའི་ཨེས་རག་པ་ཧེ་མཱན་གྱི་བསླབ་བྱའི་མགུར༌མ།༽ བདག་གི་སྲོག་སྐྱོབ་དཀོན་མཆོག་ཡ་ཝཱེ༌ཀྱེ། །ང་ཡིས་ཉིན་མཚན་མེད་པར་ཁྱེད་དྲུང༌ཞུས།།  
\v 2-3 ང་ཡི་སེམས་སུ་སྡུག་གིས་གང་བ༌དང༌། །རང་སྲོག་གཤིན་ཡུལ་ཉེ་སར་སླེབས་གྱུར༌པས། །ང་ཡི་སྨོན་ལམ་ཁྱེད་དྲུང་བསླེབ་པར༌ཤོག །བདག་གི་འོ་དོད་ལ་ནི་ཁྱེད་གསན༌རོགས།།  
\v 4 དུར་ནང་འབབ་མཁན་མིའི་ཁྲོད་ང་རང༌འདུས། །ང་ནི་བྱ་ཐབས་ཟད་པའི་མི་དང༌འདྲ།།  
\v 5 བསད་ནས་དུར་ཁུང་ནང་དུ་ཉལ་འདྲ༌བར། །ང་རང་གཤིན་པོའི་ཁྲོད་དུ་བསྐྱུར་བར༌མཛད། །ཁྱེད་ཀྱིས་དེ་རྣམས་ཐུགས་སུ་མི་དྲན༌ཞིང༌། །ཁོ་རྣམས་ཁྱེད་ཀྱི་ཕྱག་དང་ཡོངས་སུ༌བྲལ།།  
\v 6 ཁྱེད་ཀྱིས་ང་རང་གཏིང་ཟབ་དོང་རིང༌སྟེ། །མུན་ནག་གཤིན་ཁམས་མཐིལ་དུ་བཞག་པར༌མཛད།།  
\v 7 ཁྱེད་ཀྱི་ཐུགས་ཁྲོ་ངའི་སྟེང་རབ་ཏུ༌ལྕི། །ཁྱེད་ཀྱི་རྦ་རླབས་ཀུན་གྱིས་ང་རང༌བསྣུབས།།༼ སེ༌ལཱ། ༽  
\v 8 ཁྱེད་ཀྱིས་བདག་གི་མཛའ་གྲོགས་ང་ལས༌ཕྲལ། །ཁྱེད་ཀྱིས་དེ་ཚོར་ང་རང་ཞེན་ལོག༌མཛད། །ནང་དུ་བཀག་པས་ཕྱི་རོལ་འཐོན་མི༌ནུས།།  
\v 9 སྡུག་བསྔལ་དབང་གིས་ངའི་མིག་བསྒྲིབས་པར༌གྱུར། །ཀྱེ་ཀྱེ་ཡ་ཝཱེ་བདག་གིས་ཉིན་རེ༌བཞིན། །ཁྱེད་རང་འབོད་ཅིང་ཁྱེད་ཕྱོགས་ལག་པ༌བརྐྱངས།།  
\v 10 གཤིན་པོར་ཁྱེད་ཀྱིས་ངོ་མཚར་བསྟན༌བྱ་འམ། །འདས་པོ་ལངས་ནས་ཁྱེད་ལ་བསྟོད་འགྱུར༌རམ།།༼ སེ༌ལཱ། ༽  
\v 11 དུར་གྱི་ནང་དུ་ཁྱེད་ཀྱི་བྱམས་བརྩེ༌དང༌། །དམྱལ་བར་ཁྱེད་ཀྱི་དྲང་བདེན་འཆད་འགྱུར༌རམ།།  
\v 12 མུན་ནག་ཁྲོད་དུ་ཁྱེད་ཀྱི་ངོ་མཚར༌དང༌། །བརྗེད་པའི་གནས་སུ་དྲང་ལུགས་རྟོགས་འགྱུར༌རམ།།  
\v 13 འོན་ཀྱང་ཡ་ཝཱེ་ང་ཡིས་ཁྱེད་འབོད༌ཅིང༌། །ང་ཡི་གསོལ་འདེབས་ཞོགས་པར་ཁྱེད་དྲུང༌བསླེབ།།  
\v 14 ཀྱེ་ཀྱེ་ཡ་ཝཱེ་ང་རང་ཅི་ལ༌གཡུགས། །ཁྱེད་ཀྱི་ཞལ་རས་ང་ལ་ཅིའི་ཕྱིར༌སྦས།།  
\v 15 ཆུང་ངུའི་དུས་ནས་སྡུག་ཅིང་འཆི་བར༌ཉེ། །ཁྱེད་ཀྱི་འཇིགས་པས་ང་ཡི་རེ་བ༌ཟད།།  
\v 16 ཁྱེད་ཀྱི་ཐུགས་ཁྲོ་དྲག་པོས་ང་རང༌བསྣུབས། །ཁྱེད་ཀྱི་འཇིགས་པས་ང་ནི་མེད་པར༌བྱས།།  
\v 17 ཆུ་ལྟར་དེ་ཚོས་ཉིན་གང་ངའི་མཐའ༌བསྐོར། །དེ་ཚོས་ལྷན་ཅིག་ང་རང་འགོག་པར༌བྱས།།  
\v 18 ཁྱེད་ཀྱིས་མཛའ་བའི་གྲོགས་རྣམས་ང་ལས༌ཕྲལ། །མུན་ནག་ང་ཡི་མཛའ་གྲོགས་སུ་བསྐྱུར༌ཏོ།།   
\c 89
\cl གསུང་མགུར་གྱ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀའ་སྡུག་ཁྲོད་ཀྱི་མགུར་མཆོག  
\p
\v 1 ༼ཨེས་རག་པ་ཨེ་ཐན་གྱི་བསླབ་བྱའི་མགུར༌མ།༽ དུས་རྒྱུན་ཡ་ཝཱེའི་བྱམས་བརྩེའི་གླུ་ལེན༌ཞིང༌། །མི་རབས་ཀུན་ཏུ་ཁྱེད་ཀྱི་དྲང་བདེན༌བརྗོད།།  
\v 2 ཁྱེད་ཀྱི་བྱམས་བརྩེ་རྒྱུན་ནས་རྒྱུན་དུ༌བརྟན། །དྲང་བདེན་ནམ་མཁར་བརྟན་ཞེས་བདག་གིས༌སྨྲ།།  
\v 3 བདག་གིས་བདམས་པའི་མི་ལ་ཞལ་ཆད༌བཞག །ང་ཡི་ཞབས་ཕྱི་དཱ་བིད་ལ་མནའ༌བསྐྱལ།།  
\v 4 ང་ཡིས་ཁྱོད་ཀྱི་བུ་རྒྱུད་དུས་གཏན༌དུ། །གནས་པར་བྱ་ཞིང་མི་རབས་ཀུན་ལ༌ནི། །ཁྱོད་ཀྱི་རྒྱལ་ཁྲི་བརྟན་པར་བྱ་ཞེས༌གསུངས།།༼ སེ༌ལཱ། ༽  
\v 5 ཀྱེ་ཀྱེ་ཡ་ཝཱེ་ནམ་མཁའི་དབྱིངས་རྣམས༌ཀྱིས། །ཁྱེད་ཀྱི་ངོ་མཚར་དོན་རྣམས་སྒྲོག་བྱེད༌ཅིང༌། །དམ་པའི་ཚོགས་ནང་ཁྱེད་ཐུགས་དྲང་བར༌བསྟོད།།  
\v 6 ནམ་མཁར་ཡ་ཝཱེའི་མཚུངས་ཟླ་སུ་ཞིག༌ཡོད། །དམ་པ་རྣམས་ཀྱི་ཁྲོད་དུའང་ཁོང་འདྲ༌མེད།།  
\v 7 དམ་པའི་ཚོགས་ནང་དཀོན་མཆོག་བརྗིད་ཉམས༌ཆེ། །ཕྱོགས་བཞིར་ཡོད་པ་ཀུན་ལས་གུས་པར་འོས།།  
\v 8 ཀྱེ་ཀྱེ་དཔུང་ཚོགས་དཀོན༌མཆོག་ཡ་ཝཱེ་ལགས། །མཐུ་ལྡན་རྣམས་ལས་ཁྱེད་ཀྱི་མཚུངས་ཟླ༌སུ། །ཁྱེད་ཀྱི་ཕྱོགས་བཞིར་ཉིད་ཀྱི་དྲང་བདེན༌ཡོད།།  
\v 9 རྒྱ་མཚོའི་རྦ་རླབས་ཆེན་པོ་དབང་དུ༌བསྒྱུར། །རྦ་ཀློང་འཕྱུར་དུས་ཁྱེད་ཀྱིས་ཞི་བར༌མཛད།།  
\v 10 བསད་པའི་མི་ལྟར་ཁྱེད་ཀྱིས་ར་ཧབ་གཏུབ། །མཐུ་ལྡན་དཔུང་པས་དགྲ་རྣམས་གཏོར་བར༌མཛད།།  
\v 11 གནམ་ས་གཉིས་ཀ་ཁྱེད་ཀྱི་ཡིན་ལགས༌ཤིང༌། །འཇིག་རྟེན་སྣོད་བཅུད་མ་ལུས་ཁྱེད་ཀྱིས༌བཙུགས།།  
\v 12 བྱང་དང་ལྷོ་ཕྱོགས་གཉིས་པོ་ཁྱེད་ཀྱིས༌བཀོད། །ཐ་པོར་དང་ནི་ཧེར་མོན་གཉིས་པོ༌ཡིས། །ཁྱེད་ཀྱི་མཚན་ཕྱིར་དགའ་འབོད་བྱེད་པ༌འོ།།  
\v 13 ཁྱེད་ལ་མཐུ་སྟོབས་ལྡན་པའི་དཔུང་པ༌ཡོད། །ཕྱག་ཤེད་ཆེ་ཞིང་ཕྱག་གཡས་མཐོན་པོར༌སྒྲེང༌།།  
\v 14 དྲང་པོ་དྲང་གཞག་རྒྱལ་ཁྲིའི་རྨང་གཞི༌ཡིན། །བྱམས་བརྩེ་དྲང་བདེན་ཁྱེད་ཀྱི་དྲུང་དུ༌སྐྱོད།།  
\v 15 ཁྱེད་ཕྱོགས་དགའ་འབོད་བྱེད་ཤེས་མི་རྣམས༌བདེ། །ཁྱེད་ཀྱི་ཞལ་ངོའི་མདངས་ནང་དེ་རྣམས༌འགྲུལ།།  
\v 16 ཉིན་གང་ཁྱེད་ཀྱི་མཚན་ཕྱིར་དགའ་འབོད༌བྱེད། །ཁྱེད་ཀྱི་དྲང་བ་ཉིད་ཀྱིས་དེ་རྣམས༌འདེགས།།  
\v 17 དེ་ཚོའི་གཟི་དཔལ་སྟོབས་ཤུགས་ཁྱེད་རང༌ཡིན། །ཁྱེད་ཀྱི་ཐུགས་རྗེས་ངེད་ཀྱི་རྭ་དུང་འདེགས།།  
\v 18 ཅི་ལ་ཞེ་ན་ཡ་ཝཱེ་ང་ཚོའི༌ཕུབ། །ཡེས་ར་ཨེལ་གྱི་དམ་པ་རྒྱལ་པོ༌ཡིན།།  
\v 19 དེའི་ཚེ་ཞལ་གཟིགས་ནང་དུ་ཁྱེད་ཉིད༌ཀྱིས། །དད་ལྡན་རྣམས་ལ་འདི་སྐད་གསུངས་པ༌སྟེ། །ང་ཡིས་དཔའ་རྒོད་ཅིག་ལ་རོགས་བྱས༌ཤིང༌། །མི་རྣམས་ཁྲོད་ནས་བདམས་པ་མཐོ་རུ༌བཏེགས།།  
\v 20 བདག་གིས་ང་ཡི་ཞབས་ཕྱི་དཱ་བིད༌རྙེད། །ཁོ་བོའི་དམ་པའི་སྣུམ་གྱིས་དེར་བྱུགས༌སོ།།  
\v 21 ང་ཡི་ལག་པས་ཁོ་ནི་སྐྱོར་བྱེད༌ཅིང༌། །ང་ཡི་དཔུང་པས་ཁོ་ནི་བརྟན་པར༌བྱ།།  
\v 22 དགྲ་ཡིས་དེ་ལ་བསླུ་བར་བྱེད་མི༌ནུས། །ངན་པས་དེ་ལ་གཉའ་གནོན་བྱེད་མི༌འགྱུར།།  
\v 23 དེ་ཡི་མཐོང་ངོར་དགྲ་རྣམས་རྡུལ་དུ༌བརླག །དེ་ལ་སྡང་བའི་མི་རྣམས་ས་རུ༌བརྡབ།།  
\v 24 ང་ཡི་དྲང་བདེན་བྱམས་བརྩེ་དེ་མཉམ༌གནས། །ང་ཡི་མིང་གིས་དེ་ཡི་རྭ་དུང༌འདེགས།།  
\v 25 བདག་གིས་དེ་ཡི་གཡོན་ལག་རྒྱ་མཚོ༌དང༌། །གཡས་ལག་གཙང་པོའི་བར་དུ་བརྐྱང་བར༌བྱ།།  
\v 26 དེ་ཡིས་ང་རང་འབོད་ཅིང་འདི་བཞིན༌དུ། །ཁྱེད་ནི་ང་ཡི་ཡབ་དང་དཀོན་མཆོག༌དང༌། །ང་ཡི་སྲོག་སྐྱོབ་བྲག་རི་ཡིན་ཞེས༌ཞུ།།  
\v 27 ངས་ཀྱང་དེ་ནི་རང་གི་སྐྱེས་འགོ༌དང༌། །ས་གཞིའི་རྒྱལ་པོ་རྣམས་ཀྱི་མཆོག་ཏུ༌མཛད།།  
\v 28 ང་ཡི་བྱམས་བརྩེ་དེ་ལ་རྟག་ཏུ༌བསྐྱུར། །དེ་ལ་བཞག་པའི་ཁ་ཆད་བརྟན་པར༌བྱ།།  
\v 29 དེ་ཡི་བུ་རྒྱུད་གཏན་དུ་གནས་པ༌དང༌། །རྒྱལ་ཁྲི་ནམ་མཁའ་བཞིན་དུ་ཡུན་རིང༌བྱ།།  
\v 30 དེ་ཡི་བུ་ཚོས་ང་ཡི་བཀའ་སྤང༌ཞིང༌། །ང་ཡི་ཁྲིམས་རྣམས་བཞིན་དུ་མི་སྤྱོད༌པར།།  
\v 31 ང་ཡི་སྒྲིག་ཁྲིམས་རྣམས་ཀྱང་དོར་ནས༌ནི། །ང་ཡི་བཀའ་རྒྱ་བསྲུང་བར་མི་བྱེད༌ན།།  
\v 32 དེ་ཚོའི་ཉེས་སྐྱོན་ཕྱིར་དུ་དབྱུག་པ༌དང༌། །སྡིག་ཉེས་ཕྱིར་དུ་ལྕག་གིས་བརྡུང་བར༌བྱ།།  
\v 33 ང་ཡི་བྱམས་བརྩེ་ཁོ་ལས་ཕྱིར་མི༌ལེན། །ང་ཡི་དྲང་བདེན་ཡང་ནི་བསྐྱུར་མི༌སྲིད།།  
\v 34 ང་ཡི་ཁ་ཆད་དང་ནི་བདག་མི༌འགལ། །བདག་གི་སྨྲ་སྒོའི་ཚིག་ཀྱང་བསྒྱུར་མི༌སྲིད།།  
\v 35 གཏན་དུ་བདག་གིས་རང་གི་དམ་པ༌ཉིད། །དཔང་དུ་བཙུགས་ནས་འདི་བཞིན་མནའ་བསྐྱལ༌ཏེ། །ང་ཡིས་དཱ་བིད་ལ་ནི་རྫུན་མི༌སྨྲ།།  
\v 36 དེ་ཡི་བུ་རྒྱུད་གཏན་དུ་གནས་པ༌དང༌། །རྒྱལ་ཁྲི་ཉི་མ་བཞིན་དུ་ངའི་གམ༌གནས།།  
\v 37 ཟླ་བ་ནང་བཞིན་རྟག་ཏུ་གནས་འགྱུར༌ཞིང༌། །གནམ་གྱི་དཔང་པོ་བདེན་པ་ལྟར་དུ༌འགྱུར།།༼ སེ༌ལཱ། ༽  
\v 38 འོན་ཀྱང་ཁྱེད་ཉིད་ཁྱེད་ཀྱིས་བྱུགས་པ༌ལ། །རབ་ཏུ་ཁྲོས་ནས་གཡུགས་ཏེ་སྤངས་པར༌མཛད།།  
\v 39 ཞབས་ཕྱིར་བཞག་པའི་ཞལ་ཆད་བསྐྱུར་བ༌དང༌། །དེ་ཡི་ཅོད་པན་ས་རུ་རྫོབ་པར༌མཛད།།  
\v 40 དེ་ཡི་ར་སྐོར་ཐམས་ཅད་བཤིགས་པ༌དང༌། །དེ་ཡི་མཁར་རྫོང་རྣམས་ནི་ཞིག་རོར༌མཛད།།  
\v 41 ལམ་འགྲོ་ཀུན་གྱིས་དེ་ལས་འཕྲོག་བཅོམ༌བྱས། །ཁྱིམ་མཚེས་རྣམས་ཀྱིས་འཕྱ་བའི་གནས་སུ༌བཏང༌།།  
\v 42 ཁྱེད་ཀྱིས་དེ་ཡི་དགྲ་བོའི་གཡས་ལག༌བཏེགས། །དེ་ཡི་དགྲ་བོ་ཐམས་ཅད་དགའ་རུ༌བཅུག།  
\v 43 ཁྱེད་ཀྱིས་དེ་ཡི་རལ་གྲིའི་ཁ་ནི༌བཟློགས། །འཐབ་མོའི་ནང་དུ་དེ་ནི་ཚུགས་དཀའ༌བྱས།།  
\v 44 ཁྱེད་ཀྱིས་དེ་ཡི་གཟི་དཔལ་ཡལ་བར༌མཛད། །དེ་ཡི་རྒྱལ་ཁྲི་ཡང་ནི་ས་རུ༌བརྡབས།།  
\v 45 དེ་ཡི་ན་གཞོན་དུས་ཡུན་ཕྲི་བ་དང༌། །དེ་ནི་ངོ་ཚས་གཡོགས་པར་མཛད་པ༌འོ།།༼ སེ༌ལཱ། ༽  
\v 46 ཀྱེ་ཀྱེ་ཡ་ཝཱེ་འདི་བཞིན་ནམ་དུས༌བར། །ཁྱེད་ཀྱིས་རང་ཉིད་དུས་རྒྱུན་ཡིབ་བམ༌ཅི། །ཐུགས་ཁྲོ་མེ་ལྟར་འབར་ནས་ནམ་དུས༌བར།།  
\v 47 ངའི་ཚེ་ཇི་ལྟར་ཐུང་བ་དྲན་པར༌མཛོད། །ཁྱེད་ཀྱིས་བཀོད་པའི་མི་ཀུན་སྙིང་པོ༌མེད།།༼ སེ༌ལཱ། ༽  
\v 48 གསོན་ཞིང་འཆི་བ་མི་མཐོང་བ་ནི༌སུ། །གཤིན་ཡུལ་དབང་ལས་རང་སྲོག་སྐྱོབ་པ༌སུ།།༼ སེ༌ལཱ། ༽  
\v 49 གཙོ་བོ་ཁྱེད་ཀྱིས་སྔར་ནས་དཱ་བིད༌ལ། །ཉིད་ཀྱི་དྲང་བདེན་ངང་ནས་མནའ་བཞེས༌པའི། །བྱམས་བརྩེ་དེ་ནི་ད་ལྟ་གང་དུ༌ཡོད།།  
\v 50 གཙོ་བོ་ཞབས་ཕྱིའི་ངོ་ཚ་དྲན་དུ༌གསོལ། །མི་རིགས་ཀུན་གྱི་འཕྱ་དམོད་ཁོག་ལ༌བཅུག།  
\v 51 ཀྱེ་ཀྱེ་ཡ་ཝཱེ་ཁྱེད་ཀྱི་དགྲ་རྣམས༌ཀྱིས། །ཚིག་ངན་བཏང་ནས་ཁྱེད་ཀྱི་ཞབས་ཕྱིར་སྨད། །ཁྱེད་ཀྱི་བྱུགས་པའི་གོམ་སྟབས་རེ་རེར༌སྨད།།  
\v 52 ཡ་ཝཱེ་ཁོང་ཉིད་གཏན་དུ་བསྟོད་འོས༌སོ། །ཨ་མེན་ཨ་མེན་ཞེས་སུ་ཡང་ཡང༌བརྗོད།།   
\c 90
\cd སྡེ་ཚན་བཞི་པ།  
\cl གསུང་མགུར་དགུ་བཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཐོག་མཐའ་མེད་པའི་དཀོན་མཆོག་དང་མིའི་རིགས་ཀྱི་ཁྱད་པར།  
\p
\v 1 ༼དཀོན་མཆོག་གི་སྐྱེས་བུ་མོ་ཤེའི་གསོལ༌འདེབས།༽ ཀྱེ་ཀྱེ་གཙོ་བོ་ཁྱེད་ཉིད་ངེད་རྣམས༌ཀྱི། །མི་རབས་ཀུན་ཏུ་སྐྱབས་གནས་ཡིན་ལགས༌སོ།།  
\v 2 རི་བོ་དག་ནི་མ་བྱུང་སྔོན་རོལ༌དང༌། །ས་དང་འཇིག་རྟེན་མ་བཀོད་ཡར་སྔོན༌ལ། །ཁྱེད་ཉིད་ཐོག་མཐའ་མེད་པའི་དཀོན་མཆོག༌ལགས།།  
\v 3 ཁྱེད་ཀྱིས་མི་རྣམས་རྡུལ་དུ་ཕྱིར་ལོག༌མཛད། །མི་ཡི་བུ་རྣམས་ཕྱིར་ལོག་ཅེས་སུ༌གསུངས།།  
\v 4 ཁྱེད་ཀྱི་གཟིགས་ངོར་ལོ་ངོ་སྟོང་ཕྲག༌ཅིག །ཉེ་ཆར་འདས་པའི་ཉིན་མོ་གཅིག་དང༌ནི། །མདང་གི་མཚན་ཐུན་གཅིག་དང་ཆ་མཚུངས༌སོ།།  
\v 5 ཁྱེད་ཀྱིས་ཁོ་རྣམས་ཆུ་ལོག་འཁུར་བཞིན༌མཛད། །ཁོ་རྣམས་རྨི་ལམ་ཞིག་དང་མཚུངས་པ༌དང༌། །ཞོགས་པར་གསར་དུ་སྐྱེས་པའི་རྩྭ་སྔོན༌འདྲ།།  
\v 6 ཞོགས་པར་མྱུ་གུ་འབུས་ནས་སྐྱེས་པ༌དང༌། །མཚན་མོའི་དུས་སུ་རྙིད་ནས་བསྐམས་པ༌འོ།།  
\v 7 ཁྱེད་ཉིད་ཐུགས་ཁྲོས་རྐྱེན་གྱིས་ངེད་རྣམས༌རྫོགས། །ཁྱེད་ཀྱི་ཐུགས་ཁྲོ་དབང་གིས་ངེད་རྣམས༌འཇིགས།།  
\v 8 ང་ཚོའི་ཉེས་སྐྱོན་ཁྱེད་ཀྱི་སྤྱན་སྔར༌བཤམས། །གསང་བའི་སྡིག་པ་ཞལ་མདངས་འོད་ལ༌དྲངས།།  
\v 9 ཁྱེད་ཀྱི་ཐུགས་ཁྲོའི་ནང་དུ་མི་ཚེ༌འདས། །ངེད་ཅག་མི་ཚེ་ཤུགས་རིང་འབྱིན་པ༌ཙམ།།  
\v 10 ངེད་རྣམས་ཚེ་ཚད་བགྲང་བྱ་བདུན་ཅུ༌འམ། །གཟུགས་སྟོབས་ཆེ་ན་བརྒྱད་ཅུའི་བར་དུ༌འཚོ། །མྱུར་དུ་ཡལ་ཞིང་ངེད་རྣམས་འཕུར་འགྲོ༌བས། །དཀའ་ལས་སྐྱོ་སྡུག་ཙམ་ལས་ངོམ་རྒྱུ༌མེད།།  
\v 11 ཁྱེད་ཀྱི་ཐུགས་ཁྲོའི་མཐུ་སྟོབས་སུ་ཡིས༌ཤེས། །ཁྱེད་ཉིད་གུས་ཤིང་འཇིགས་པར་འོས་པ༌བཞིན། །ཉིད་ཀྱི་ཐུགས་ཁྲོ་རྟོགས་མཁན་སུ་ཞིག༌ཡོད།།  
\v 12 རང་གི་ཚེ་ཚད་བརྩི་ཚུལ་སློབ་པར༌མཛོད། །ངེད་ཅག་སེམས་ལ་ཤེས་རབ་འཐོབ་ཀྱང་སྲིད།།  
\v 13 ནམ་དུས་བར་དུ་སྒུག་དགོས་ཀྱེ་ཡ༌ཝཱེ། །ཁྱེད་ཐུགས་འགྱོད་ཅིང་ཞབས་ཕྱིར་སྙིང་རྗེས༌གཟིགས།།  
\v 14 ཚེ་གང་དགའ་འབོད་བྱེད་ཅིང་སྐྱིད་པའི༌ཕྱིར། །ཁྱེད་ཀྱི་བྱམས་བརྩེས་ཞོགས་པར་ངེད་ཚིམ༌མཛོད།།  
\v 15 ངེད་རྣམས་སྡུག་ལ་སྦྱར་བའི་ཉིན་གྲངས༌དང༌། །དཀའ་ལས་མྱངས་པར་མཛད་པའི་ལོ་ཟླ༌བཞིན། །ཁྱེད་ཀྱིས་ངེད་ཅག་དགའ་མགུ་ཡི་རངས༌མཛོད།།  
\v 16 ཁྱེད་ཀྱི་འཕྲིན་ལས་ཉིད་ཀྱི་ཞབས་ཕྱི་དང༌། །གཟི་དཔལ་ཁོ་ཚོའི་བུ་རྒྱུད་རྣམས་ལ༌སྟོན།།  
\v 17 རང་རེའི་གཙོ་བོ་དཀོན་མཆོག་ཁོང་ཉིད༌ཀྱི། །གཟི་བྱིན་རང་ཅག་སྟེང་ལ་འབབ་གྱུར༌ཅིག །ངེད་རྣམས་ལག་གི་ལས་ཀ་གཏན་ཆགས༌མཛོད། །ལག་གི་ལས་ཀ་ཁྱེད་ཀྱིས་གཏན་ཆགས༌མཛོད།།   
\c 91
\cl གསུང་མགུར་གོ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རང་ཅག་ལ་སྲུང་སྐྱོབ་གནང་མཁན་དཀོན་མཆོག  
\p
\v 1 བླ་མེད་དཀོན་མཆོག་སྐྱབས་སུ་འགྲོ་མཁན༌ནི། །ཀུན་དབང་ཉིད་ཀྱི་གྲིབ་བསིལ་འོག་ཏུ༌སྡོད།།  
\v 2 ཡ་ཝཱེའི་སྐོར་ལ་བདག་གིས་འདི་ལྟར༌སྨྲ། །ཁོང་ནི་བདག་གི་སྐྱབས་གནས་རི་རྫོང༌དང༌། །ང་ཡི་དཀོན་མཆོག་ང་ཡི་རྟེན་གཞི༌ཡིན།།  
\v 3 ཁོང་གིས་ཁྱོད་རང་བྱ་པའི་རྙི་རྒྱ༌དང༌། །འཆི་བྱེད་རིམས་ནད་སོགས་ལས་སྐྱོབ་པར༌འགྱུར།།  
\v 4 ཁོང་གིས་ཉིད་ཀྱི་གཤོག་སྒྲོས་ཁྱོད་འགེབས༌ཤིང༌། །ཁོང་གི་འདབ་གཤོག་འོག་ཏུ་སྐྱབས་གནས༌རྙེད། །ཁོང་གི་བདེན་པ་ཕུབ་དང་ལྕགས་རི༌ཡིན།།  
\v 5 ཁྱོད་ནི་མཚན་མོའི་འཇིགས་སྣང་གང་ཞིག༌དང༌། །ཉིན་མོར་འཕུར་བའི་མདའ་ལ་སྐྲག་མི༌དགོས།།  
\v 6 ཡང་ན་མཚན་མོར་རྒྱུ་བའི་རིམས་ནད༌དང༌། །ཉིན་གུང་འཇོམས་བྱེད་ནད་ལའང་འཇིགས་མི༌དགོས།།  
\v 7 ཁྱོད་ཀྱི་ལོགས་སུ་མི་གྲངས་ཆིག་སྟོང༌དང༌། །གཡས་སུ་མི་གྲངས་ཆིག་ཁྲི་འགྱེལ་ན༌ཡང༌། །ཆག་སྒོ་དེ་ནི་ཁྱོད་ལ་ཐེབས་མི༌འགྱུར།།  
\v 8 མི་ངན་དག་ལ་ཉེས་ཆད་ཕོག་པ༌ནི། །ཁྱོད་ཀྱི་མིག་གིས་དངོས་སུ་མཐོང་བར༌འགྱུར།།  
\v 9 བདག་གི་སྐྱབས་གནས་ལགས་པའི་ཡ་ཝཱེ༌སྟེ། །བླ་ན་མེད་པའི་དཀོན་མཆོག་ཁོང་ཉིད༌ནི། །ཁྱོད་ཀྱིས་རང་གི་སྡོད་སའི་གནས་བྱས༌པས།།  
\v 10 ཁྱོད་ལ་བར་ཆད་གང་ཡང་འབྱུང་མི༌སྲིད། །གནོད་པ་ཁྱོད་ཀྱི་གུར་ལ་བཏུད་མི༌ནུས།།  
\v 11 ཁོང་གིས་ཉིད་ཀྱི་ཕོ་ཉར་བཀའ་གནང༌སྟེ། །བགྲོད་ལམ་ཀུན་ཏུ་ཁྱོད་རང་བསྲུང་བར༌འགྱུར།།  
\v 12 ཁྱོད་ཀྱི་རྐང་པ་རྡོ་ལ་མི་ཐོགས༌ཕྱིར། །ཕོ་ཉའི་ཕྱག་གིས་ཁྱོད་རང་འདེགས་པར༌བྱ།།  
\v 13 ཁྱོད་རང་སེང་གེ་དུག་སྦྲུལ་སྟེང་དུ༌སྤོ། །སེང་དར་དང་ནི་དུག་སྦྲུལ་བརྫི་བར༌བྱ།།  
\v 14 དཀོན་མཆོག་ཉིད་ཀྱིས་འདི་སྐད་གསུངས་པ༌སྟེ། །ཁོ་ནི་བདག་ལ་རྩེ་གཅིག་གིས་དུངས༌པས། །བདག་གིས་ཁོ་ནི་སྐྱོབ་པར་བྱེད་པ༌དང༌། །ཁོ་ཡིས་བདག་གི་མིང་ཡང་ཤེས་པས༌ན། །བདག་གིས་ཁོ་ནི་ནམ་ཡང་བསྲུང་བར༌འགྱུར།།  
\v 15 ཁོ་ཡིས་བདག་ལ་ཞུས་ན་ལན་འདེབས་ཤིང་། །དཀའ་སྡུག་ཁྲོད་དུ་ཁོ་དང་མཉམ་དུ༌ཡོད། །ཁོ་རང་བསྐྱབས་ནས་བཀུར་སྟི་འཐོབ་པར༌བྱ།།  
\v 16 བདག་གིས་ཁོ་ནི་ཚེ་ཐག་རིང་བར༌བྱ། །བདག་གི་ཐར་པ་ཁོ་ལ་སྟོན་པར༌བྱ།།   
\c 92
\cl གསུང་མགུར་གོ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གི་དྲང་གཞག་དང་བྱམས་བརྩེ་ལ་བསྟོད་པ།  
\p
\v 1 ༼ངལ་གསོ་བའི་ཉིན་མོའི་གསུང༌མགུར།༽ ཡ་ཝཱེར་གཏང་རག་འབུལ་བ༌དང༌། །བླ་ན་མེད་པའི་ཁྱེད་མཚན༌ལ། །བསྟོད་དབྱངས་འབུལ་བ་ཤིན་ཏུ༌ལེགས།།  
\v 2-3 རྒྱུད་བཅུའི་རོལ་ཆས་རྒྱུད་མངས༌དང༌། །པི་ཝང་བཅས་ཀྱི་དབྱངས་རྟ༌ཡིས། །ཞོགས་པར་ཁྱེད་ཀྱི་བྱམས་བརྩེ༌དང༌། །མཚན་མོར་ཉིད་ཀྱི་ཐུགས་དྲང༌པོར། །བསྟོད་པར་བྱེད་པ་འོས་སོ༌ལོ།།  
\v 4 ཡ་ཝཱེས་ཉིད་ཀྱི་འཕྲིན་ལས༌ཀྱིས། །ང་རང་དགའ་བར་བཅུག་པས༌ན། །ཁྱེད་ཀྱི་ཕྱག་གི་མཛད་པའི༌རྐྱེན། །ང་ཡིས་དགའ་འབོད་བྱེད་པར༌བྱ།།  
\v 5 ཀྱེ་ཀྱེ་ཡ་ཝཱེ་ཁྱེད་ཉིད༌ཀྱི། །འཕྲིན་ལས་ཇི་ལྟར་རླབས་ཆེ༌ཞིང༌། །ཁྱེད་ཀྱི་དགོངས་པ་རབ་ཏུ༌ཟབ།།  
\v 6 དུད་འགྲོ་ལྟ་བུས་མི་རྟོགས༌ཤིང༌། །གླེན་པ་རྣམས་ཀྱིས་གོ་བ༌མིན།།  
\v 7 མི་ངན་རྩྭ་སྔོན་བཞིན་དུ༌སྐྱེ། །སྡིག་སྤྱོད་ཐམས་ཅད་དར་ན༌ཡང༌། །ཁོ་ཚོ་གཏན་དུ་རྒུད་པར༌འགྱུར།།  
\v 8 ཡ་ཝཱེ་ཁྱེད་རང་གཅིག་པུ་ནི། །རྟག་ཏུ་བླ་ན་མཐོ་བ༌ཡིན།།  
\v 9 ཀྱེ་ཀྱེ་ཡ་ཝཱེ་ཁྱེད་ཉིད༌ཀྱི། །དགྲ་བོ་ཐམས་ཅད་རྩ་མེད༌འགྲོ། །སྡིག་སྤྱོད་ཅན་ཀུན་གཏོར་བར༌འགྱུར།།  
\v 10 འོན་ཀྱང་ང་ཡི་རྭ་དུང༌ནི། །གླང་རྒོད་རྭ་བཞིན་ཁྱེད་ཀྱིས༌བཏེགས། །གསར་ཐོན་སྣུམ་གྱིས་ང་རང༌བྱུགས།།  
\v 11 ང་ཡི་མིག་གིས་དགྲ་རྣམས༌ལ། །ངན་ལན་ཕོག་པ་མཐོང་བ༌དང༌། །ང་ལ་རྒོལ་བའི་མི་ངན༌ལ། །ཉེས་ཆད་ཕོག་པ་རྣ་ལམ༌ཐོས།།  
\v 12 གཞུང་དྲང་ཏ་ལའི་ཤིང་ལྟར༌རྒྱས། །ལེ་པཱ་ནོན་གྱི་ཐང་ཤིང༌བཞིན། །དེ་རྣམས་སྐྱེ་བར་འགྱུར་བ༌འོ།།  
\v 13 ཡ་ཝཱེའི་བཞུགས་གནས་སུ་བཙུགས༌ཤིང༌། །རང་ཅག་རྣམས་ཀྱི་དཀོན་མཆོག༌གི །ཁྱམས་རའི་ནང་དུ་དར་ཞིང༌རྒྱས།།  
\v 14 རྒས་པའི་དུས་ཀྱང་འབྲས་བུ༌བསྐྱེད། །རྩི་བཅུད་ལྡན་ཞིང་སྔོ་ལྗང༌ལྗང༌།།  
\v 15 དེ་ནི་ཡ་ཝཱེ་ཐུགས་དྲང༌ཞིང༌། །ཁོང་ངའི་བྲག་རི་ཡིན་པ༌དང༌། །ཁོང་གི་ནང་དུ་མ་རུངས་པ། །གང་ཡང་མེད་པ་སྒྲོག་ཕྱིར༌རོ།།   
\c 93
\cl གསུང་མགུར་གོ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གི་གཟི་བྱིན་ཆེན་པོའི་འབྲས་བུ།  
\p
\v 1 ཡ་ཝཱེས་སྲིད་སྐྱོང་གཟི་བྱིན་ན་བཟའ་གསོལ། །ཡ་ཝཱེས་མཐུ་ཡི་སྐ་རགས་ན་བཟའ༌གསོལ། །དེའི་ཕྱིར་འཇིག་རྟེན་མི་གཡོ་བརྟན་པོར༌གནས།།  
\v 2 གནའ་བོའི་དུས་ནས་ཁྱེད་ཀྱི་རྒྱལ་ཁྲི༌བརྟན། །ཐོག་མ་མེད་པའི་དུས་ནས་ཁྱེད་ཉིད༌བཞུགས།།  
\v 3 ཀྱེ་ཀྱེ་ཡ་ཝཱེ་ཆུ་བོ་ཆེན་པོ༌འཁྲུགས། །དེ་ཡིས་འུར་སྒྲ་བསྒྲགས་ཤིང་རྦ་རླབས༌བསླངས།།  
\v 4 ཆུ་བོའི་སྒྲ་དང་རྒྱ་མཚོའི་དྲག་རླབས༌ལས། །ཡ་ཝཱེ་མཐོ་ཞིང་མཐུ་སྟོབས་ལྡན་པ༌ལགས།།  
\v 5 ཡ་ཝཱེ་ཁྱེད་ཀྱི་སྒྲིག་ཁྲིམས་ཤིན་ཏུ༌བདེན། །ཁྱེད་ཀྱི་བཞུགས་གནས་གཏན་དུ་དམ་པ༌ཡིན། །དེ་བཞིན་རྟག་ཏུ་བསྔགས་པར་འོས་སོ༌ལོ།།   
\c 94
\cl གསུང་མགུར་གོ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གིས་མི་ཐམས་ཅད་ལ་ཁྲིམས་ཐག་གཅོད་པ།  
\p
\v 1 དགྲ་ཤ་ལེན་པའི་དཀོན་མཆོག་ཀྱེ་ཡ༌ཝཱེ། །དགྲ་ཤ་ལེན་པའི་དཀོན་མཆོག་འོད་སྣང༌མཛོད།།  
\v 2 ས་གཞིའི་ཁྲིམས་དཔོན་ཁྱེད་ཉིད་ཡར་བཞེང་མཛོད། །ང་རྒྱལ་ཅན་ཚོར་དགྲ་ལན་འོས་པ༌མཛོད།།  
\v 3 ཀྱེ་ཀྱེ་ཡ་ཝཱེ་ནམ་དུས་བར་དུ༌ནི། །མི་ངན་རྣམས་ཀྱིས་རྒྱལ་ཁ་ངོམ་བྱེད༌དམ།།  
\v 4 དེ་ཚོའི་ཁ་ནས་ང་རྒྱལ་གཏམ་རྡོལ༌ཞིང༌། །སྡིག་སྤྱོད་ཚང་མས་རང་མཐོང་སྐྱེད་བྱེད༌དོ།།  
\v 5 ཀྱེ་ཀྱེ་ཡ་ཝཱེ་ཁྱེད་ཀྱི་འབངས་མི༌ལ། །དེ་ཚོས་གཉའ་གནོན་བྱེད་ཅིང་ཁྱེད་ཉིད༌ཀྱི། །ནོར་སྐལ་ཡིན་པ་རྣམས་ལ་གནོད་འཚེ༌སྐྱེལ།།  
\v 6 དེ་ཚོས་ཡུགས་མོ་དང་ནི་བྱེས་པ༌གསོད། །ཕ་མེད་དྭ་ཕྲུག་རྣམས་ཀྱི་སྲོག་ཀྱང༌གཅོད།།  
\v 7 དེ་ཚོས་ཡ་ཝཱེས་མི་གཟིགས་ཡ་ཀོབ༌ཀྱི། །དཀོན་མཆོག་ཐུགས་སྣང་མི་མཛད་ཅེས༌སྨྲ་འོ།།  
\v 8 མི་སྡེའི་ནང་གི་གླེན་ཤོས་མནོ༌བསམ་ཐོངས། །བླུན་པོ་ཁྱོད་རྣམས་མཁས་པར་ནམ་འགྱུར༌རམ།།  
\v 9 རྣ་བ་མཛད་མཁན་ཁོང་གིས་མི་གསན༌ནམ། །མིག་གི་བྱེད་པོས་གཟིགས་པར་མི་འགྱུར༌རམ།།  
\v 10 མི་རིགས་ཀུན་ལ་འཇུན་མཁན་ཁོང་ཉིད༌ཀྱིས། །ཉེས་ཆད་གཅོད་པར་འགྱུར་བ་མ་ཡིན༌ནམ། །ཁོང་ཉིད་མི་ལ་རིག་པ་སློབ་མཁན༌ཡིན།།  
\v 11 ཡ་ཝཱེས་མི་ཡི་བསམ་ཚུལ་ཐམས་ཅད༌ནི། །སྟོང་པ་ཡིན་པ་མངོན་པར་མཁྱེན་པ༌ལགས།།  
\v 12 ཀྱེ་ཀྱེ་ཡ་ཝཱེ་ཁྱེད་ཀྱིས་འཇུན་བྱེད༌ཅིང༌། །བཀའ་ཁྲིམས་བསླབ་པའི་མི་དེ་བདེ་བ༌འོ།།  
\v 13 མི་ངན་ཕྱིར་དུ་དོང་བྲུས་ཚར་བའི༌བར། །དཀའ་སྡུག་ཉིན་མོར་ཁོ་རང་བདེ་བར༌བཀོད།།  
\v 14 ཡ་ཝཱེས་ཉིད་ཀྱི་འབངས་མི་སྤང་མི༌བྱ། །ཁོང་གི་ནོར་སྐལ་ནམ་ཡང་འདོར་མི༌འགྱུར།།  
\v 15 ཁྲིམས་གཅོད་དྲང་བདེན་ཕྱོགས་སུ་འཁོར་བ༌དང༌། །སེམས་རྒྱུད་དྲང་པོ་ཐམས་ཅད་དེའི་རྗེས༌འབྲང༌།།  
\v 16 སུ་ཞིག་ངའི་ཕྱིར་ལངས་ནས་མི་ངན༌རྒོལ། །སུ་ཞིག་ངའི་ཕྱིར་འགྲེང་ནས་སྡིག་སྤྱོད༌འགོག།  
\v 17 ཡ་ཝཱེས་ང་ལ་རོགས་རམ་མ་མཛད༌དུས། །སྔར་ནས་གྲགས་འགུལ་མེད་པའི་གནས་སུ༌ལུས།།  
\v 18 ང་རང་རྐང་འདྲེད་ཤོར་སོང་ཞུས་པའི༌ཚེ། །ཡ་ཝཱེ་ཁྱེད་ཀྱི་བྱམས་བརྩེས་ང་རང༌སྐྱོར།།  
\v 19 ང་ཡི་སེམས་ལ་སེམས་ཁྲལ་གང་དུས༌སུ། །ཁྱེད་ཀྱི་སེམས་གསོས་བདག་ལ་དགའ་སྤྲོ༌བསྩལ།།  
\v 20 རྒྱལ་ཁྲིམས་ཐབས་ཀྱིས་ཇུས་ངན་རྩོམ་མཁན༌གྱི། །ངན་པའི་ཁྲི་དང་ཁྱེད་ལ་འབྲེལ་བ༌ཅི།།  
\v 21 གཞུང་དྲང་སྲོག་ལེན་ཕྱིར་དུ་དེ་རྣམས༌འདུ། །ཉེས་མེད་རྣམས་ལ་སྲོག་ཆད་གཅོད་བྱེད༌དོ།།  
\v 22 འོན་ཀྱང་ཡ་ཝཱེ་ང་ཡི་བཙན་རྫོང༌ཡིན། །ང་ཡི་དཀོན་མཆོག་སྐྱབས་གནས་བྲག་རི༌ཡིན།།  
\v 23 དེ་ཚོའི་སྡིག་ཉེས་རང་རང་མགོ་ལ༌འབབ། །སྡིག་སྤྱོད་ཕྱིར་དུ་དེ་རྣམས་རྩ་མེད༌གཏོང༌། །རང་ཅག་དཀོན་མཆོག་ཡ་ཝཱེས་དེ་རྣམས༌འཇོམས།།   
\c 95
\cl གསུང་མགུར་གོ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 སྐྱོབ་པར་མཛད་པའི་དཀོན་མཆོག་ལ་བསྟོད་པ།  
\p
\v 1 ཤོག་དང་ང་ཚོས་ཡ་ཝཱེར་བསྟོད་དབྱངས༌འབུལ། །རང་ཅག་སྐྱོབ་པའི་བྲག་རིར་དགའ་འབོད༌བྱེད།།  
\v 2 རང་ཅག་རྣམས་ཀྱིས་ཁོང་ལ་བཀའ་དྲིན༌ཞུ། །གླུ་སྐད་ཆེན་པོས་ཁོང་ལ་བསྔགས་བརྗོད༌བྱ།།  
\v 3 ཡ་ཝཱེ་ཁོང་ཉིད་དཀོན་མཆོག་ཆེན་པོ༌དང༌། །ལྷ་ཚོགས་ཀུན་ལས་བླ་ན་འཕགས་པ༌ཡི། །རྒྱལ་པོ་ཆེན་པོ་ངོ་མཚར་ཆེ་ཕྱིར༌རོ།།  
\v 4 ས་གཞིའི་ནང་སྙིང་ཁོང་གི་ཕྱག་ཏུ༌མཆིས། །རི་རྩེ་མཐོན་པོ་དག་ཀྱང་ཁོང་ལ༌དབང༌།།  
\v 5 རྒྱ་མཚོ་ཆེན་པོ་ཁོང་ལ་དབང་བ༌སྟེ། །དེ་ནི་ཁོང་གིས་དངོས་སུ་བསྐྲུན་པ༌ལགས། །སྐམ་ས་སོགས་ཀྱང་ཁོང་གི་ཕྱག་གིས༌མཛད།།  
\v 6 ཤོག་དང་ལུས་སར་བཏུད་ནས་ཕྱག་འཚལ༌བགྱི། །རང་ཅག་མཛད་མཁན་ཡ་ཝཱེའི་སྐུ་དྲུང་དུ། །པུས་མོ་ས་ལ་བཙུགས་ནས་ཕྱག་འཚལ་བགྱི། །  
\v 7 ཁོང་ཉིད་ང་ཚོའི་དཀོན་མཆོག་ཡིན་ལགས༌ཤིང༌། །རང་ཅག་ཁོང་གི་རྩྭ་ཁའི་ལུག་ཁྱུ༌དང༌། །ཁོང་གིས་བདག་སྐྱོང་མཛད་པའི་མི་ཡིན༌ཏེ། །དེ་རིང་ཁྱོད་ཚོས་ཁོང་གི་བཀའ་ཐོས་ན།།  
\v 8 ཉིན་མོ་དེ་ལ་མེ་རི་བཱ་ཡུལ༌ཏེ། །དབེན་སྟོང་ཡུལ་གྱི་མཱ་སཱར་བྱས་པ༌ལྟར། །ཁྱོད་ཚོས་སེམས་རྒྱུད་གྱོང་པོ་མ་བྱེད༌ཅིག།  
\v 9 ཁྱོད་ཚོའི་མེས་པོས་ང་ཡི་འཕྲིན་ལས༌མཐོང༌། །ཡིན་ཡང་ང་ལ་ཚོད་བགམ་བྱས་ཤིང༌བརྟག།  
\v 10 མི་རབས་དེ་ལ་བགྲང་བྱ་བཞི་བཅུའི༌རིང༌། །ང་རང་ཞེན་པ་ལོག་ཅིང་འདི་བཞིན༌དུ། །འདི་ནི་ལོག་ལམ་ཞུགས་པའི་འབངས་མི༌སྟེ། །བདག་གི་སྤྱོད་ལམ་མི་ཤེས་ཞེས་སུ༌སྨྲས།།  
\v 11 དེའི་ཕྱིར་བདག་ནི་ཁྲོས་ནས་དམ་བཅས་ཤིང༌། །ཁོ་རྣམས་བདག་གི་ངལ་གསོ་དེའི་ནང༌དུ། །གཏན་ནས་ཞུགས་པར་མི་བྱ་ཞེས་པ་འོ།།   
\c 96
\cl གསུང་མགུར་གོ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ནི་བླ་ན་མེད་པའི་རྒྱལ་པོ་ཡིན་པ།  
\p
\v 1 ཀྱེ་ཀྱེ་ཁྱོད་ཚོས་ཡ་ཝཱེར་བསྟོད་དབྱངས་གསར་པ་ཕུལ། །ས་གཞི་ཡོངས་ཀྱིས་ཁོང་ལ་བསྟོད་དབྱངས་ཕུལ་ཞིག༌ཀྱེ།།  
\v 2 ཡ་ཝཱེར་བསྟོད་དབྱངས་ཕུལ་ནས་ཁོང་གི་མཚན་ལ༌བསྟོད། །ཉིན་ནས་ཉིན་དུ་ཁོང་གི་ཐར་པའི་འཕྲིན་བཟང༌སྒྲོགས།།  
\v 3 མི་རིགས་ཡོངས་ལ་ཁོང་གི་གཟི་བརྗིད་བསྒྲག་པར༌གྱིས། །མི་རྣམས་ཡོངས་ལ་ཁོང་གི་ངོ་མཚར་འཕྲིན་ལས༌སྒྲོགས།།  
\v 4 ཡ་ཝཱེ་ཆེན་པོ་ལས་ཀྱང་རབ་ཏུ་ཆེ་བའི༌ཕྱིར། །ཁོང་ལ་རྟག་ཏུ་བསྟོད་བསྔགས་ཆེན་པོ་བརྗོད་པར༌འོས། །ཁོང་ནི་ལྷ་ཚོགས་ལས་ཀྱང་བླ་ན་མཐོ་བས་ན། །མི་རིགས་ཐམས་ཅད་ཁོང་ལ་གུས་ཤིང་འཇིགས་འོས༌སོ།།  
\v 5 ཕྱི་ཕྱོགས་མི་ཡི་ལྷ་ནི་སྟོངས་ཤིང་སྟོང་པ་ཡིན། །ཡ་ཝཱེ་ཁོང་ཉིད་ཁོ་ནས་ནམ་མཁའ་དངོས་སུ༌བཀོད།།  
\v 6 ཁོང་གི་དྲུང་དུ་གཟི་དཔལ་དང་ནི་བརྗིད་ཉམས༌ཡོད། །ཁོང་གི་གནས་ཀྱི་མཆོག་ཏུ་མཐུ་དང་མཛེས་སྡུག༌ལྡན།།  
\v 7 ཀྱེ་ཀྱེ་མི་རིགས་ཀུན་གྱི་ཁྱིམ་རྒྱུད་ཐམས་ཅད༌ཀྱིས། །གཟི་བརྗིད་དང་ནི་མཐུ་སྟོབས་ཡ་ཝཱེར་འབུལ་བར༌ཤོག།  
\v 8 ཡ་ཝཱེའི་མཚན་ལ་འབྱོར་བའི་གཟི་བརྗིད་ཁོང་ལ༌ཕུལ། །མཆོད་རྫས་བཟུང་ནས་ཁོང་གི་ར་བར་སོང་ཞིག༌ཀྱེ།།  
\v 9 དམ་པའི་གཟི་རྔམ་དང་བཅས་ཁོང་ལ་བསྟོད་པར༌ཤོག །ས་གཞི་ཡོངས་ནི་ཁོང་གི་དྲུང་དུ་གཡོ་བར༌གྱིས།།  
\v 10 མི་རིགས་རྣམས་ཀྱི་ཁྲོད་དུ་འདི་ལྟར་སྨྲ་བར་གྱིས། །དཀོན་མཆོག་ཡ་ཝཱེ་ཁོང་གིས་རྒྱལ་སྲིད་སྐྱོང་བས་ན། །འཇིག་རྟེན་བརྟན་པོར་ཚུགས་ཤིང་དེ་ལ་གཡོ་བ༌མེད། །ཁོང་གིས་ཕྱོགས་རིས་མེད་པའི་ཁྲིམས་ཐག་གཅོད་ཅེས༌སོ།།  
\v 11 ནམ་མཁའ་དང་ནི་ས་གཞི་དགའ་ཞིང་སྤྲོ་བར༌ཤོག །རྒྱ་མཚོ་དང་ནི་དེའི་ནང་ཡོངས་སུ་ཁེངས་པ༌ཡིས། །ང་རོའི་སྐད་སྒྲ་སིང་སིང་བསྒྲག་པར་གྱུར་ཅིག༌གུ།  
\v 12 ས་ཞིང་དང་བཅས་ཐམས་ཅད་དགའ་ཞིང་སྤྲོ་བར༌ཤོག །ནགས་ཚལ་ཐམས་ཅད་ཁོང་གི་དྲུང་དུ་དགའ་འབོད༌བྱེད།།  
\v 13 དེ་ནི་ཁྲིམས་ཐག་གཅོད་པར་ཁོང་ཉིད་ཕེབས་པའི༌ཕྱིར། །འཇིག་རྟེན་ཡོངས་ལ་བདེན་པའི་དཔྱད་ཁྲ་གཏོང་བ༌དང༌། །མི་རྣམས་ཡོངས་ལ་ཁྲིམས་ཐག་ཡང་དག་གཅོད་པར༌འགྱུར།།   
\c 97
\cl གསུང་མགུར་གོ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ནི་བླ་ན་མེད་པའི་དབང་སྒྱུར་མཁན་ཡིན་པ།  
\p
\v 1 ཡ་ཝཱེས་རྒྱལ་སྲིད་སྐྱོང་བས་ས་གཞི་སྐྱིད་པར༌གྱིས། །གླིང་ཕྲན་རྣམས་ཀྱི་ཚོགས་ཀྱང་དགའ་ཞིང་སྤྲོ་བར༌ཤོག།  
\v 2 ཁོང་གི་མཐའ་འཁོར་སྤྲིན་དང་སྨག་རུམ་གྱིས་བསྐོར༌ཞིང༌། །དྲང་གཞག་འདྲ་མཉམ་ཁོང་གི་རྒྱལ་ཁྲིའི་གཞི་རྩ༌ཡིན།།  
\v 3 ཁོང་གི་སྔོན་དུ་མེ་ཞིག་འགྲོ་བར་བྱེད་པ༌དང༌། །ཉིད་ཀྱི་ཕྱོགས་བཞིའི་དགྲ་རྣམས་བསྲེགས་ནས་རྩ་མེད༌གཏོང༌།།  
\v 4 ཁོང་གི་གློག་གིས་འཇིག་རྟེན་འོད་དུ་འཁྱེར་བ༌དང༌། །ས་གཞིས་དེ་ཉིད་མཐོང་སྟེ་འདར་ཞིང་གཡོ་བ༌ཡིན།།  
\v 5 ས་གཞི་ཡོངས་ཀྱི་བདག་པོ་ཡ་ཝཱེའི་སྤྱན་དྲུང༌དུ། །རི་བོ་རྣམས་ཀྱང་སྤྲ་ཚིལ་བཞིན་དུ་བཞུས་པ༌ཡིན།།  
\v 6 ནམ་མཁའི་དབྱིངས་རྣམས་ཁོང་གི་དྲང་བདེན་སྒྲོག་པ༌དང༌། །མི་སྡེ་ཀུན་གྱིས་ཁོང་གི་གཟི་བྱིན་མཐོང་བ༌འོ།།  
\v 7 སྙིང་པོ་མེད་པའི་སྐུ་འདྲ་ངོམ་པར་བྱེད་པ༌དང༌། །བརྐོས་སྐུ་རྣམས་ལ་སྟེན་མཁན་མི་རྣམས་སྐྱེངས་པར༌ཤོག །ལྷ་ཡི་ཚོགས་རྣམས་ཁོང་ལ་བཏུད་ཅིང་ཕྱག་འཚལ༌བགྱིས།།  
\v 8 ཀྱེ་ཀྱེ་ཡ་ཝཱེ་ཁྱེད་ཀྱི་ཁྲིམས་གཅོད་ཐོས་ནས༌ནི། །ཛ་ཡན་དགའ་ཞིང་ཡ་ཧུ་དཱ་ཡི་སྡེ་རྣམས༌སྐྱིད།།  
\v 9 ཡ་ཝཱེ་ཁྱེད་ཉིད་ས་གཞི་ཀུན་ཏུ་བླ་ན་མེད། །ལྷ་ཡི་ཚོགས་ལས་ཁྱེད་ཉིད་ཤིན་ཏུ་མཐོ་བས༌སོ།།  
\v 10 ཡ་ཝཱེར་དགའ་བ་ཁྱོད་རྣམས་ངན་པར་སྡང་འོས༌ཤིང༌། །ཁོང་གིས་ཉིད་ཀྱི་དད་ལྡན་རྣམས་ཀྱི་སེམས་སྲུང༌ཞིང༌། །དེ་རྣམས་ངན་པའི་ལག་ནས་སྐྱོབ་ཅིང་ཐར་བར༌མཛད།།  
\v 11 དྲང་བདེན་རྣམས་ཀྱི་དོན་དུ་འོད་ཟེར་འཕྲོ་བ་དང༌། །གཞུང་དྲང་རྣམས་ཀྱི་ཕྱིར་དུ་དགའ་སྤྲོ་སྟ་གོན༌མཛད།།  
\v 12 དྲང་བདེན་རྣམས་ནི་ཡ་ཝཱེའི་ནང་དུ་དགའ་བར༌ཤོག །ཁོང་གི་དམ་པའི་མཚན་ལ་གཏང་རག་འབུལ་བར༌གྱིས།།   
\c 98
\cl གསུང་མགུར་གོ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གིས་འཇིག་རྟེན་ལ་བདག་སྐྱོང་མཛད་པ།  
\p
\v 1 ༼མགུར༌མ་ཞིག༽ ཡ་ཝཱེས་ངོ་མཚར་རྨད་བྱུང་དོན་རྣམས༌མཛད། །ཕྱག་གཡས་དང་ནི་དཔུང་ངར་དམ་པ༌ཡིས། །ཉིད་ཀྱི་ཕྱིར་དུ་ཐར་ལམ་མཛད་པས༌ན། །ཁོང་ལ་མགུར་གླུ་གསར་པ་འབུལ་བར༌གྱིས།།  
\v 2 ཡ་ཝཱེས་ཉིད་ཀྱི་ཐར་པ་སྟོན་མཛད༌ཅིང༌། །མི་རིགས་ཀུན་གྱི་མཐོང་ངོར་དྲང་བདེན༌མངོན།།  
\v 3 ཁོང་གིས་ཡེས་ར་ཨེལ་པར་བསྟན་པ༌ཡི། །བྱམས་བརྩེ་དང་ནི་དྲང་བདེན་ཐུགས་སུ༌དྲན། །ས་མཐའ་ཀུན་གྱིས་རང་ཅག་དཀོན་མཆོག༌གི །ཐར་པ་དེ་ནི་མཐོང་བར་འགྱུར་བ༌འོ།།  
\v 4 ས་གཞི་ཡོངས་ཀྱིས་ཡ་ཝཱེར་དགའ་འབོད༌བྱེད། །སྐད་གསང་མཐོན་པོས་དགའ་སྤྲོའི་བསྟོད་དབྱངས༌འབུལ།།  
\v 5 པི་ཝང་དང་བཅས་ཡ་ཝཱེར་བསྟོད་དབྱངས༌ཕུལ། །པི་ཝང་གླུ་སྐད་བཅས་ཀྱིས་ཁོང་ལ༌བསྟོད།།  
\v 6 དུང་དང་རྭ་དུང་གཉིས་ཀྱི་སྐད་སྒྲ༌ཡིས། །རྒྱལ་ཆེན་ཡ་ཝཱེའི་དྲུང་དུ་དགའ་འབོད༌བྱེད།།  
\v 7 རྒྱ་མཚོ་དང་ནི་དེའི་ནང་ཡོད་པ༌དང༌། །འཇིག་རྟེན་དང་ནི་དེ་རུ་ཆགས་པ༌སོགས། །ཀུན་གྱིས་ང་རོའི་སྐད་སྒྲ་བསྒྲག་གྱུར༌ཅིག།  
\v 8 གཙང་པོ་རྣམས་ཀྱིས་ཐལ་མོ་བརྡབ་པ༌དང༌། །རི་བོ་རྣམས་ཀྱིས་ལྷན་ཅིག་དགའ་འབོད༌གྱིས།།  
\v 9 ཀུན་གྱིས་ཡ་ཝཱེའི་དྲུང་དུ་དགའ་འབོད༌གྱིས། །ས་གཞིར་ཁྲིམས་ཐག་གཅོད་དུ་ཁོང་ཕེབས༌ཡོང༌། །འཇིག་རྟེན་ལ་ནི་དྲང་པོའི་དཔྱད་ཁྲ༌གཏོང༌། །མི་སྡེ་རྣམས་ལ་ཁྲིམས་གཅོད་དྲང་གཞག༌མཛད།།   
\c 99
\cl གསུང་མགུར་གོ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་དམ་པ་ཉིད་ལ་བསྟོད་པར་སྐུལ་བ།  
\p
\v 1 ཡ་ཝཱེས་སྲིད་དབང་བཟུང་བས་མི་སྡེ་འདར་ཞིག་ཨང་། །ས་གཞི་གཡོས་དང་ཁོང་ཉིད་ཀེ་རུབ་སྟེང་དུ༌བཞུགས།།  
\v 2 ཛ་ཡན་ཡུལ་དུ་ཡ་ཝཱེ་ཆེན་པོ་ཡིན་ལགས༌ཤིང༌། །མི་སྡེ་ཡོད་དོ་ཅོག་ལས་ཁོང་ཉིད་རབ་ཏུ༌མཐོ།།  
\v 3 དེ་ཚོས་ཁོང་གི་མཆོག་ཏུ་གྱུར་ཅིང་གུས་འོས་པའི། །མཚན་ལ་བསྟོད་པར་འོས་ཏེ་ཁོང་ཉིད་དམ་པ༌ལགས།།  
\v 4 རྒྱལ་པོར་མཐུ་སྟོབས་ལྡན་ཞིང་དྲང་བདེན་ལ་དགྱེས༌ཤིང༌། །ཁྱེད་ཀྱིས་དྲང་གཞག་བརྟན་པོར་གནས་པར་མཛད་པ༌དང༌། །ཡ་ཀོབ་ཁྱིམ་དུ་དྲང་གཞག་དྲང་བདེན་ལག་ལེན༌བཏབ།།  
\v 5 ཁྱོད་ཚོས་ངེད་ཀྱི་དཀོན་མཆོག་ཡ་ཝཱེར་བསྟོད་པར༌གྱིས། །དམ་པ་ཉིད་ཀྱི་ཞབས་སྟེགས་དྲུང་དུ་ཕྱག་ཕུལ༌ཞིག།  
\v 6 ཁོང་གི་མཆོད་དཔོན་ཁྲོད་དུ་མོ་ཤེ་ཨ་རོན༌ཡོད། །ཁོང་མཚན་ཞུ་མཁན་གྲས་སུ་སཱ་མུ་ཨེལ་ཡོད༌ཅིང༌། །དེ་ཚོས་ཡ་ཝཱེར་ཞུས་པས་ཁོང་གིས་བཀའ་ལན༌གནང༌།།  
\v 7 སྤྲིན་གྱི་ཀ་བའི་ནང་དུ་ཁོ་ཚོར་གསུང་གླེང༌མཛད། །དཔང་ཡིག་སྒྲིག་ཁྲིམས་གནང་བ་དེ་ཚོས་བསྲུངས་པ༌ཡིན།།  
\v 8 ཀྱེ་ཀྱེ་དཀོན་མཆོག་ཡ་ཝཱེ་ང་ཚོའི་དཀོན་མཆོག༌ལགས། །ཁྱེད་ཀྱིས་དེ་ཚོར་བཀའ་ལན་གནང་བར་མཛད་པ༌དང༌། །དེ་ཚོར་ཅི་བྱས་བཞིན་དུ་ཉེས་ཆད་བཅད༌ན་ཡང་། །ཁྱེད་ཉིད་མི་ལ་སྡིག་སེལ་གནང་བའི་དཀོན་མཆོག༌ཡིན།།  
\v 9 ཁྱོད་ཚོས་ངེད་ཀྱི་དཀོན་མཆོག་ཡ་ཝཱེར་བསྟོད་པར༌གྱིས། །ངེད་ཀྱི་དཀོན་མཆོག་ཡ་ཝཱེ་དམ་པ་ཡིན་པས༌ན། །ཁྱོད་ཚོས་ཁོང་གི་རི་བོ་དམ་པར་ཕྱག་ཕུལ༌ཞིག།   
\c 100
\cl གསུང་མགུར་བརྒྱ་ཐམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བསྙེན་བཀུར་ཞུ་བའི་མགུར་མ།  
\p
\v 1 ༼གཏང་རག་འབུལ་བའི་གསུང༌མགུར།༽ གནམ་འོག་ཀུན་གྱིས་ཡ་ཝཱེར་དགའ་འབོད༌གྱིས།།  
\v 2 དགའ་སྣང་དང་བཅས་ཡ་ཝཱེར་ཞབས་ཏོག༌སྒྲུབས། །དགའ་སྤྲོའི་མགུར་མ་ལེན་བཞིན་ཁོང་དྲུང༌ཤོག།  
\v 3 ཡ་ཝཱེ་དཀོན་མཆོག་ལགས་པ་ཤེས་གྱུར༌ཅིག །རང་ཅག་ཁོང་གིས་མཛད་ཅིང་ཁོང་ལ༌གཏོགས། །ཁོང་གི་རྩྭ་ཁའི་ལུག་དང་མི་སྡེ་ཡིན།།  
\v 4 བཀའ་དྲིན་དྲན་བཞིན་ཁོང་གི་རྒྱལ་སྒོ༌དང༌། །བསྟོད་པ་དང་བཅས་ཁོང་གི་ཁྱམས་རར༌ཞུགས། །གཏང་རག་འབུལ་ཞིང་ཁོང་གི་མཚན་ལ༌བསྟོད།།  
\v 5 ཡ་ཝཱེ་ཡོངས་སུ་ལེགས་ཤིང་ཁོང་ཉིད༌ཀྱི། །བྱམས་དང་བརྩེ་བ་རྒྱུན་ནས་རྒྱུན་དུ༌གནས། །ཁོང་གི་དྲང་བདེན་མི་རབས་ཀུན་ལ༌གནས།།   
\c 101
\cl གསུང་མགུར་བརྒྱ་དང༌གཅིག 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་པོའི་དམ་བཅའ།  
\p
\v 1 ༼དཱ་བིད་ཀྱི་མགུར་མ།༽ བྱམས་བརྩེ་དྲང་བདེན་མགུར་གླུ་ང་ཡིས༌ལེན། །ཀྱེ་ཀྱེ་ཡ་ཝཱེ་ཁྱེད་ལ་བསྟོད་དབྱངས༌འབུལ།།  
\v 2 མཁས་མཛངས་ཐབས་ཀྱིས་སྐྱོན་བྲལ་ལམ་དུ༌སྤྱོད། །ང་རང་ནམ་ཞིག་ཡོངས་སུ་རྫོགས་འགྱུར༌རམ། །རང་གི་ཁྱིམ་དུ་གཞུང་དྲང་སེམས་ཀྱིས༌འགྲུལ།།  
\v 3 ཕན་མེད་དོན་རྣམས་མིག་མདུན་འཇོག་པ༌མིན། །ཕྱིན་ལོག་རྣམས་ཀྱི་ལས་ལ་ང་རང༌སྡང༌། །དེ་དག་ང་ལ་འགོས་པར་ཡེ་མི༌བྱ།།  
\v 4 གཡོ་སྒྱུའི་སེམས་ལ་ང་རང་རྒྱང་འགྱེད༌ཅིང༌། །ངན་པའི་ལས་ལ་ང་རང་ཞུགས་མི༌འགྱུར།།  
\v 5 ལྐོག་ནས་རང་གི་ཁྱིམ་མཚེས་རྣམས་ལ༌ནི། །གཏམ་ངན་གཏོང་མཁན་བདག་གིས་ཚར་གཅོད༌ཅིང༌། །ཁེངས་དྲེགས་མིག་ཅན་ང་རྒྱལ་སེམས་བཅངས༌པ། །སུ་ཡང་བདག་གིས་བཟོད་པར་མི་འགྱུར༌རོ།།  
\v 6 ངའི་མཉམ་ཡུལ་མི་དྲང་པོ་རྣམས་གནས༌ཕྱིར། །ང་ཡི་མིག་གིས་དེ་ཚོར་བལྟ་བར༌བྱ། །སྤྱོད་པ་སྐྱོན་བྲལ་རྣམས་ཀྱིས་ངའི་གཡོག༌བྱེད།།  
\v 7 གཡོ་སྒྱུའི་སྦྱོར་བ་སྤེལ་མཁན་སུ་ཡིན༌ཡང༌། །བདག་གི་ཁྱིམ་དུ་གནས་པར་མི་བྱ༌ཞིང༌། །རྫུན་གཏམ་སྨྲ་བ་ངའི་མདུན་ཚུགས་མི༌ཐུབ།།  
\v 8 ནངས་རེར་ཡུལ་གྱི་ངན་པ་ཐམས་ཅད༌འཇོམས། །ཡ་ཝཱེའི་གྲོང་ནས་སྡིག་སྤྱོད་འཕྲལ་ཕྱིར༌རོ།།   
\c 102
\cl གསུང་མགུར་བརྒྱ་དང་གཉིས། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀའ་སྡུག་ཁྲོད་ཀྱི་གསོལ་འདེབས།  
\p
\v 1 ༼མི་ཉམ་ཆུང་གིས་དཀོན་མཆོག་ཡ་ཝཱེའི་དྲུང་དུ་རང་གི་སྡུག་བསྔལ་ལྷུག་པོར་ཞུ་བའི་སྨོན༌ལམ།༽ ང་ཡི་སྨོན་ལམ་གསན་མཛོད་ཀྱེ་ཡ༌ཝཱེ། །བདག་གི་ཞུ་བ་ཁྱེད་དྲུང་བསླེབ་པར༌ཤོག།  
\v 2 ང་རང་དཀའ་སྡུག་འཕྲད་པའི་ཉིན་མོ༌ལ། །ཁྱེད་ཀྱི་ཞལ་རས་ང་ལ་མི་སྦེད༌རོགས། །བདག་གིས་འབོད་དུས་ཁྱེད་ཀྱིས་སྙན་གཏད་ནས། །མྱུར་དུ་ང་ལ་བཀའ་ལན་གནང་དུ༌གསོལ།།  
\v 3 ང་ཡི་མི་ཚེ་དུ་བ་ནང་བཞིན༌ཡལ། །བདག་གི་རུས་པ་བུད་ཤིང་ལྟར་དུ་འཚིག།  
\v 4 ངའི་སེམས་བསྣད་ཅིང་རྩྭ་ལྟར་བསྐམས་ནས༌ནི། །ཐ་ན་རང་གི་ཁ་ཟས་སྤྱོད་པའང༌བརྗེད།།  
\v 5 བདག་གིས་འཁུན་སྒྲ་ཕྱུང་བའི་རྐྱེན་དབང༌གིས། །ང་ཡི་ལུས་ཕུང་ཤ་ཟད་རུས་པར༌ཐུག།  
\v 6 ང་ནི་དབེན་སྟོང་ཡུལ་གྱི་འུག་ཆུང༌དང༌། །ཞིག་རལ་གནས་ཀྱི་འུག་པ་ལྟ་བུ༌ཡིན།།  
\v 7 ང་རང་མལ་དུ་ཉལ་ཡང་གཉིད་མི༌ཁུག །ཁང་ཐོག་ལུས་པའི་བྱེའུ་ཆུང་ཁེར་རྐྱང༌བཞིན།།  
\v 8 དགྲ་ཚོས་ཉིན་གང་ང་ལ་དམའ་འབེབ༌བྱེད། །སྨྱོས་པ་བཞིན་དུ་ང་ལ་རྒོལ་བ༌ཚོས། །བདག་གི་མིང་ནས་ང་ལ་དམོད་པ༌གཏོང༌།།  
\v 9 ང་ཡིས་གོ་ཐལ་ཟས་སུ་སྤྱད་པ༌དང༌། །མཆི་མ་འདྲེས་པའི་བཏུང་བྱ་འཐུང་བ་ཡིན།།  
\v 10 དེ་ནི་ཉིད་ཀྱི་ཐུགས་ཁྲོ་གཏུམ༌དྲག་རྐྱེན། །ཁྱེད་ཀྱིས་ང་རང་བཀྱགས་ཏེ་ས་རུ༌འཕངས།།  
\v 11 ང་ཡི་མི་ཚེ་ནུབ་ཁའི་ཉི་མ༌འདྲ། །ང་ནི་རྩྭ་དང་འདྲ་བར་བསྐམས་གྱུར༌ཏོ།།  
\v 12 ཡ་ཝཱེ་ཁྱེད་ཉིད་གཅིག་པུ་རྟག་ཏུ༌བཞུགས། །ཁྱེད་མཚན་མི་རབས་ཀུན་ཏུ་གནས་པར༌འགྱུར།།  
\v 13 ཛ་ཡན་ཡུལ་ལ་སྙིང་རྗེ་བསྐྱེད་པ༌ཡི། །ཐུགས་ཐག་བཅད་པའི་དུས་སུ་སླེབས་པས༌ན། །ཁྱེད་རང་ཡར་ལ་བཞེངས་ནས་སྙིང་རྗེ༌མཛོད།།  
\v 14 ཁྱེད་ཀྱི་ཞབས་ཕྱི་དེ་ཡི་རྡོ་ལ༌དགའ། །དེ་ཡི་རྡུལ་ཕྲན་ལ་ཡང་སྙིང་རྗེ༌བསྐྱེད།།  
\v 15 མི་རིགས་རྣམས་ནི་ཡ་ཝཱེའི་མཚན་ལ༌དང༌། །ས་གཞིའི་རྒྱལ་པོ་ཐམས་ཅད་ཁོང་ཉིད༌ཀྱི། །གཟི་བྱིན་ལ་ནི་གུས་ཤིང་འཇིགས་བྱེད༌དེ།།  
\v 16 ཅི་ལ་ཞེ་ན་ཡ་ཝཱེས་ཛ་ཡན༌བརྩིགས། །ཉིད་ཀྱི་གཟི་བྱིན་ནང་དུ་མངོན་པར༌མཛད།།  
\v 17 དབུལ་ཕོངས་རྣམས་ཀྱི་གསོལ་བར་གསན་པ༌དང༌། །དེ་ཚོའི་སྨོན་ལམ་སྣང་མེད་མ་བསྐྱུར༌ཏོ།།  
\v 18 ཕྱིས་འབྱུང་མི་རབས་ཕྱིར་དུ་ཡི་གེར༌འགོད། །འབྱུང་འགྱུར་མི་སྡེ་རྣམས་ཀྱིས་ཡ་ཝཱེར༌བསྟོད།།  
\v 19 ཡ་ཝཱེས་དམ་པའི་གནས་ཀྱི་མཐོ་ས༌ནས། །མར་ལ་གཟིགས་ཤིང་གནམ་ནས་ས་གཞིར༌གཟིགས།།  
\v 20 དེ་ནི་བཙོན་པའི་ཤུགས་རིང་གསན་པ༌དང༌། །འཆི་ཁའི་མི་རྣམས་བསྒྲལ་བའི་ཕྱིར་ཡིན༌ཏེ།།  
\v 21 ཛ་ཡན་ཡུལ་དུ་ཡ་ཝཱེའི་མཚན་བརྗོད༌ཅིང༌། །ཡེ་རུ་སཱ་ལེམ་ཡུལ་དུ་ཁོང་ལ༌བསྟོད།།  
\v 22 མི་སྡེ་རྒྱལ་ཁམས་ཀུན་པོ་ལྷན་འཛོམས༌ཏེ། །ཡ་ཝཱེར་བསྙེན་བཀུར་འབུལ་དུས་དེ་བཞིན༌འབྱུང༌།།  
\v 23 དར་མའི་དུས་སུ་ངའི་སྟོབས་ཉམས་མཛད༌ཅིང༌། །བདག་གི་མི་ཚེ་ཁོང་གིས་ཐུང་ངུར༌མཛད།།  
\v 24 དེའི་ཕྱིར་བདག་གིས་ཁོང་ལ་འདི་སྐད༌ཞུས། །ཀྱེ་ཀྱེ་ང་ཡི་དཀོན་མཆོག་ཁྱེད་ཉིད༌ཀྱིས། །ང་རང་དར་མ་ཡིན་དུས་འཁྱེར་མ༌འགྲོ། །ཁྱེད་ཀྱི་ལོ་ཟླ་མི་རབས་ཀུན་ཏུ༌གནས།།  
\v 25 ཁྱེད་ཀྱིས་ཐོག་མར་ས་གཞིའི་རྨང་བཏིངས༌ཤིང༌། །ནམ་མཁའ་ཁྱེད་ཀྱི་ཕྱག་གིས་བཀོད་པ༌ཡིན།།  
\v 26 གནམ་ས་འཇིག་ཀྱང་ཁྱེད་ནི་རྟག་ཏུ༌བཞུགས། །གནམ་དང་ས་ནི་གོས་ལྟར་རྙིང་པར༌འགྱུར། །གནམ་ས་གོས་བཞིན་བརྗེས་པས་དེ་རྣམས༌ཡལ།།  
\v 27 ཁྱེད་ཉིད་ཁོ་ན་ནམ་ཡང་འགྱུར་བ༌མེད། །ཁྱེད་ཀྱི་ལོ་ཟླ་འཛད་མཐའ་མེད་པ༌ཡིན།།  
\v 28 ཁྱེད་ཀྱི་ཞབས་ཕྱིའི་བུ་རྣམས་རྟག་ཏུ༌གནས། །ཁོ་ཚོའི་བུ་རྒྱུད་ཁྱེད་དྲུང་བརྟན་པོར༌ཚུགས།།   
\c 103
\cl གསུང་མགུར་བརྒྱ་དང་གསུམ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་བྱམས་བརྩེ།  
\p
\v 1 ༼དཱ་བིད་ཀྱི་མགུར་མ།༽ ཀྱེ་ཀྱེ་ང་ཡི་སེམས་ཀྱིས་ཡ་ཝཱེར༌བསྟོད། །ང་ཡི་སེམས་སུ་ཅི་ཡོད་ཐམས་ཅད༌ཀྱིས། །ཁོང་གི་དམ་པའི་མཚན་ལ་བསྟོད་པར༌ཤོག །  
\v 2 ཀྱེ་ཀྱེ་ང་ཡི་སེམས་ཀྱིས་ཡ་ཝཱེར༌བསྟོད། །ཁོང་གི་བཀའ་དྲིན་མཐའ་དག་བརྗེད་མི༌རུང༌།།  
\v 3 ཁོང་གིས་ཁྱོད་ཀྱི་སྡིག་ཉེས་ཀུན་སེལ༌ཞིང༌། །ཁྱོད་ཀྱི་ནད་གཞི་ཐམས་ཅད་གསོ་བར༌མཛད།།  
\v 4 ཁྱོད་ཀྱི་ཚེ་སྲོག་འཆི་བ་ལས་བསྐྱབས༌ཤིང༌། །བྱམས་བརྩེ་ཐུགས་རྗེའི་ཅོད་པན་ཁྱོད་ལ༌བསྐོན།།  
\v 5 ཁྱོད་ཀྱི་འདོད་པ་ཡིད་འོང་རྫས་ཀྱིས༌བསྐངས། །ཁྱོད་རང་གླག་ལྟར་སླར་ཡང་གཞོན་པར༌མཛད།།  
\v 6 གཉའ་གནོན་འོག་གི་མི་ལ་དཀར་འདོན༌ཕྱིར། །ཡ་ཝཱེས་དྲང་བདེན་ངང་ནས་འཕྲིན་ལས༌མཛད།།  
\v 7 ཉིད་ཀྱི་གཤེགས་ལམ་རྣམས་ནི་མོ་ཤེ༌དང༌། །ཁོང་གི་འཕྲིན་ལས་ཡེས་ར་ཨེལ་པར༌བསྟན།།  
\v 8 ཡ་ཝཱེར་སྙིང་རྗེ་ཆེ་ཞིང་ཐུགས་རྗེ༌ལྡན། །རང་དགར་མི་ཁྲོ་བྱམས་བརྩེ་ཕུན་སུམ༌ཚོགས།།  
\v 9 ཡུན་རིང་མི་བཀྱོན་རྟག་ཏུ་ཁྲོ་བའང༌མིན།།  
\v 10 ང་ཚོའི་སྡིག་པ་བཞིན་དུ་མཛད་མ༌བྱུང༌། །རང་ཅག་ཉེས་པར་འོས་པའི་ལན་མ༌གནང༌།།  
\v 11 ས་ལས་ནམ་མཁའ་ཇི་ལྟར་མཐོ་བ༌བཞིན། །ཁོང་ལ་གུས་ཤིང་འཇིགས་པའི་མི་རྣམས༌ལ། །ཁོང་གི་བྱམས་བརྩེ་ཡང་ནི་དེ་བཞིན༌ཆེ།།  
\v 12 ཤར་ནུབ་རྒྱང་ཐག་ཅི་ཙམ་རིང་བ༌བཞིན། །ང་ཚོའི་ཉེས་སྐྱོན་དེ་ལྟར་རིང་དུ༌མཛད།།  
\v 13 ཕ་ཡིས་བུ་ལ་སྙིང་རྗེ་བསྐྱེད་པ༌བཞིན། །ཡ་ཝཱེར་གུས་ཤིང་འཇིགས་པའི་མི་རྣམས༌ལ། །ཁོང་གིས་དེ་བཞིན་སྙིང་རྗེས་གཟིགས་པ༌ཡིན།།  
\v 14 ང་ཚོ་ཇི་ལྟར་གྲུབ་པ་ཁོང་གིས༌མཁྱེན། །ས་རྡུལ་ཙམ་ལས་མ་འདས་ཁོང་གིས༌དྲན།།  
\v 15 འཇིག་རྟེན་མི་ཡི་ལོ་ཟླ་རྩྭ་དང༌འདྲ། །ཐང་གི་མེ་ཏོག་བཞིན་དུ་སྐྱེས་ན༌ཡང༌།།  
\v 16 དེ་ལ་ལྷགས་པ་བརྒྱབ་པས་ཡལ་གྱུར༌ཅིང༌། །དེ་ཡི་ཤུལ་གྱིས་དེ་ནི་དྲན་མི༌འགྱུར།།  
\v 17 འོན་ཀྱང་ཡ་ཝཱེའི་བྱམས་བརྩེ་དུས་རྒྱུན༌དུ། །ཁོང་ལ་གུས་ཤིང་འཇིགས་པའི་མི་ལ༌ཡོད། །ཁོང་གི་དྲང་བདེན་མི་རབས་ཕྱི་མར༌གནས།།  
\v 18 ཁོང་གི་ཞལ་ཆད་སྲུང་ཞིང་བཀའ་སློབ༌བཞིན། །སྤྱད་པ་སྤྱོད་པ་དྲན་པའི་མི་རྣམས༌སོ།།  
\v 19 ཡ་ཝཱེས་ནམ་མཁར་རྒྱལ་ཁྲི་བརྟན་པོར༌མཛད། །ཉིད་ཀྱི་དབང་གིས་ཀུན་ལ་སྲིད་མཛད༌དོ།།  
\v 20 ཁོང་གི་བཀའ་ལ་ཉན་ཞིང་དེ་སྒྲུབ༌པའི། །མཐུ་ལྡན་ཕོ་ཉ་ཀུན་གྱིས་ཡ་ཝཱེར༌བསྟོད།།  
\v 21 ཀྱེ་ཀྱེ་ཡ་ཝཱེའི་དཔུང་ཚོགས་ཡོད་དོ༌ཅོག །ཁོང་གི་ཐུགས་དགོངས་བཞིན་དུ་སྒྲུབ་པའི༌བྲན། །ཁྱོད་ཅག་ཀུན་གྱིས་ཡ་ཝཱེར་བསྟོད་གྱུར༌ཅིག།  
\v 22 ཡ་ཝཱེས་འགོད་པར་མཛད་པ་ཐམས་ཅད༌ཀྱིས། །ཁོང་གི་མངའ་འོག་ཀུན་ཏུ་ཁོང་ལ༌བསྟོད། །ཀྱེ་ཀྱེ་ང་ཡི་སེམས་ཀྱིས་ཡ་ཝཱེར༌བསྟོད།།   
\c 104
\cl གསུང་མགུར་བརྒྱ་དང་བཞི། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 འཇིག་རྟེན་བྱེད་པོའི་བསྟོད་པ།  
\p
\v 1 ཀྱེ་ཀྱེ་ང་ཡི་སེམས་ཀྱིས་ཡ་ཝཱེར༌བསྟོད། །ང་ཡི་དཀོན་མཆོག་ཡ་ཝཱེ་ཤིན་ཏུ༌ཆེ། །ཁྱེད་ཀྱིས་དཔལ་དང་གཟི་བྱིན་ན་བཟའ་གསོལ།།  
\v 2 འོད་ཟེར་ན་བཟའ་བཞིན་དུ་གསོལ་བ༌དང༌། །ནམ་མཁའི་དབྱིངས་རྣམས་གུར་བཞིན་ཐར་བརྐྱངས༌སོ།།  
\v 3 སྟེང་ཁང་རྣམས་ཀྱི་གདུང་མ་ཆུ་སྟེང༌འཛུགས། །གནམ་གྱི་ཆུ་འཛིན་ཉིད་ཀྱི་ཤིང་རྟར༌མཛད། །རླུང་གི་འདབ་གཤོག་རྣམས་ཀྱི་སྟེང་ནས༌ཕེབས།།  
\v 4 ཁོང་གིས་རླུང་རྣམས་ཉིད་ཀྱི་ཕོ་ཉར༌མཛད། །མེ་ལྕེ་ཉིད་ཀྱི་ཞབས་ཕྱིར་མཛད་པ༌འོ།།  
\v 5 གཞི་གདན་སྟེང་དུ་ས་གཞི་བཞག་ནས༌ནི། །དེ་ནི་གཏན་དུ་གཡོ་བ་མེད་པར༌མཛད།།  
\v 6 གཏིང་ཟབ་ཆུ་ཡིས་ས་གཞི་གོས་ལྟར༌གཡོགས། །ཆུ་རྣམས་རི་རྩེ་དག་ལས་བརྒལ་བར༌གྱུར།།  
\v 7 ཁྱེད་ཀྱིས་བཀའ་བཀྱོན་གནང་བས་ཆུ་རྣམས༌བྲོས། །ཉིད་ཀྱི་འབྲུག་སྒྲ་དབང་གིས་ཆུ་རྣམས༌བྱོལ།།  
\v 8 རི་རྣམས་འབུར་ཞིང་ལུང་པ་བརྡིབས་ནས༌ནི། །ཁྱེད་ཀྱིས་བཤམས་པའི་གནས་སུ་སླེབས་པ༌ཡིན།།  
\v 9 ཆུ་རྣམས་ཕར་ལ་བརྒལ་ནས་ས་གཞི༌ནི། །འགེབ་པར་མི་བྱ་ཆེད་དུ་ས་མཚམས༌བཅད།།  
\v 10 ཡ་ཝཱེས་གྲོག་མོར་ཆུ་མིག་འབབ་བཅུག༌ཅིང༌། །དེ་རྣམས་རི་བོའི་གསེབ་ནས་བཞུར་བར༌མཛད།།  
\v 11 ཐང་གི་རི་དྭགས་རྣམས་ཀྱིས་དེ་འཐུང༌ཞིང༌། །རྐྱང་གིས་རང་གི་སྐོམ་པ་དེ་ཡིས༌སེལ།།  
\v 12 དེ་ཡི་ཉེ་འཁོར་ནམ་མཁའི་བྱ་རྣམས༌གནས། །ཡལ་གའི་གསེབ་ནས་དེ་དག་མགུར་མ༌ལེན།།  
\v 13 སྟེང་ཁང་རྣམས་ནས་རི་ལ་ཆུ་གཏོང༌ཞིང༌། །ཁོང་གི་མཛད་པའི་འབྲས་བུས་ས་གཞི༌ཚིམས།།  
\v 14 ཕྱུགས་ཀྱི་ཕྱིར་དུ་རྩྭ་སྔོན་སྐྱེས་པར༌མཛད། །མི་ཡིས་སྤྱོད་ཕྱིར་སྔོ་ཚོད་བསྐྱེད་ནས༌ནི། །ས་ནས་མི་ལ་ཁ་ཟས་འཐོབ་པ༌དང༌།།  
\v 15 མི་སེམས་དགའ་བར་བྱེད་པའི་རྒུན་ཆང༌དང༌། །གདོང་ལ་འོད་མདངས་སྦྱིན་པའི་སྣུམ་རྩི༌དང༌། །ལུས་ཤུགས་བསྐྱེད་པའི་འབྲུ་རིགས་ཐོབ་པར༌མཛད།།  
\v 16 ཡ་ཝཱེས་བཙུགས་པའི་ཡིད་འོང་ཤིང་སྡོང༌སྟེ། །ལེ་པཱ་ནོན་གྱི་ཐང་ཤིང་ཚིམ་པར༌མཛད།།  
\v 17 འདབ་ཆགས་བྱ་ཡིས་དེའི་སྟེང་ཚང་བཟོ༌ཞིང༌། །ཁྲུང་ཁྲུང་དཀར་མོའི་ཚང་ནི་གསོམ་ཤིང༌ཡིན།།  
\v 18 རི་བོ་མཐོན་པོ་གནའ་ཡི་གནས་གཞི༌ཡིན། །བྲག་རྣམས་འཕྱི་བ་དག་གི་སྐྱབས་གནས༌ཡིན།།  
\v 19 དུས་ཚིགས་འབྱེད་ཕྱིར་ཁྱེད་ཀྱིས་ཟླ་བ༌བཞག །ཉི་མས་ནམ་ཞིག་ནུབ་དགོས་ཤེས་པ༌ཡིན།།  
\v 20 ཁྱེད་ཀྱིས་མུན་པ་མཛད་པས་མཚན་མོར༌གྲུབ། །ནགས་ཀྱི་རི་དྭགས་ཐམས་ཅད་ཕྱི་རུ༌ཐོན།།  
\v 21 སེང་གེས་ང་རོ་དང་བཅས་བརྔོན་ཤ༌འཚོལ། །དཀོན་མཆོག་ལས་ནི་རང་ལ་ཁ་ཟས༌སློང༌།།  
\v 22 ཉི་མ་ཤར་བ་ཙམ་གྱིས་དེ་རྣམས༌ནི། །རང་གི་ཚང་ལ་ཡིབས་ནས་ཉལ་བ༌ཡིན།།  
\v 23 མི་ནི་ལས་ཀ་བྱེད་དུ་ཕྱི་རོལ༌ཐོན། །དགོང་མོའི་བར་དུ་ངལ་ལས་བྱེད་པ༌ཡིན།།  
\v 24 ཡ་ཝཱེ་ཁྱེད་ཀྱི་འཕྲིན་ལས་ཇི་ལྟར༌མང༌། །ཁྱེད་ཀྱིས་དེ་ཀུན་ཤེས་རབ་ལམ་ནས༌བཀོད། །ས་གཞི་ཡོངས་ལ་ཁྱེད་ཀྱི་བཀོད་པས༌ཁེངས།།  
\v 25 ཡངས་ཤིང་ཆེ་བའི་རྒྱ་མཚོ་ཕ་རོལ་གནས། །སྲོག་ཆགས་ཆེ་ཆུང་གྲངས་མེད་འཕྱོ་བར༌བྱེད།།  
\v 26 དེ་རུ་གྲུ་གཟིངས་ཕར་འགྲོ་ཚུར་འོང༌བྱེད། །ཁྱེད་ཀྱིས་བཀོད་པའི་ཆུ་སྲིན་དེ་རུ༌རྩེ།།  
\v 27 དུས་ཐོག་ཁྱེད་ཀྱིས་ཁ་ཟས་གནང་བའི༌ཆེད། །དེ་རྣམས་ཀུན་གྱིས་ཁྱེད་ལ་སྒུག་བྱེད༌དོ།།  
\v 28 ཁྱེད་ཀྱིས་ཅི་གནང་དེ་ཚོས་སྡུད་པ༌དང༌། །ཁྱེད་ཕྱག་ཕྱེས་པར་དེ་རྣམས་བཟང་པོས༌ཚིམས།།  
\v 29 ཁྱེད་ཀྱི་ཞལ་རས་སྦ་དུས་དེ་རྣམས༌དངངས། །ཁྱེད་ཀྱིས་དེ་ཚོའི་དབུགས་ནི་འཁྱེར་མཛད༌པས། །དེ་རྣམས་འཆི་ཞིང་སླར་ཡང་རྡུལ་དུ༌འགྱུར།།  
\v 30 ཁྱེད་ཀྱིས་ཐུགས་ཉིད་མངགས་ཤིང་དེ་རྣམས༌བཀོད། །ས་གཞིའི་ངོས་ནི་ཡང་བསྐྱར་གསར་དུ༌བསྒྱུར།།  
\v 31 ཡ་ཝཱེའི་གཟི་བྱིན་གཏན་དུ་གནས་པར༌ཤོག །ཡ་ཝཱེ་ཉིད་ཀྱི་མཛད་པར་དགྱེས་གྱུར༌ཅིག།  
\v 32 ཁོང་གིས་ས་གཞིར་གཟིགས་པས་ས་གཞི༌འདར། །རི་བོར་རེག་པས་རི་ལས་དུ་བ༌འཕྱུར།།  
\v 33 བདག་གིས་ཚེ་གང་ཡ་ཝཱེར་མགུར་མ༌ལེན། །གསོན་པའི་རིང་ལ་ང་ཡི་དཀོན་མཆོག༌བསྟོད།།  
\v 34 ང་ཡི་བསམ་བློར་ཁོང་ཉིད་མཉེས་པར༌ཤོག །ཡ་ཝཱེའི་ནང་དུ་ང་རང་དགའ་མགུ༌རངས།།  
\v 35 སྡིག་ཅན་མི་རྣམས་ས་ནས་ཡལ་བ༌དང༌། །སྡིག་སྤྱོད་ཅན་རྣམས་རྩ་མེད་འགྲོ་བར༌ཤོག །ཀྱེ་ཀྱེ་ང་ཡི་སེམས་ཀྱིས་ཡ་ཝཱེར༌བསྟོད། །ཡ་ཝཱེ་ཁོང་ལ་བསྟོད་པར་གྱིས་ཤིག༌ཨང༌།།   
\c 105
\cl གསུང་མགུར་བརྒྱ་དང་ལྔ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་དང་ཁོང་གི་མི་རྣམས།  
\p
\v 1 ཁྱོད་ཚོས་ཡ་ཝཱེར་གཏང་རག་འབུལ་བ༌དང༌། །ཁོང་གི་མཚན་ལ་ཞུ་བ་ཕུལ་ཞིག༌དང༌། །མི་རྣམས་ཁྲོད་དུ་ཁོང་གི་འཕྲིན་ལས༌བརྗོད།།  
\v 2 ཁོང་ལ་མགུར་གླུ་ལེན་བཞིན་བསྟོད་བསྔགས་ཕུལ། །ཁོང་གི་ངོ་མཚར་མཛད་པ་ཐམས་ཅད༌གླེངས།།  
\v 3 ཁོང་གི་དམ་པའི་མཚན་ལ་བསྟོད་བསྔགས་བརྗོད། །ཡ་ཝཱེ་འཚོལ་མཁན་སེམས་ནང་དགའ་བར༌ཤོག།  
\v 4 ཡ་ཝཱེ་ཁོང་དང་ཁོང་གི་མཐུ་སྟོབས་དང་། །ཁོང་གི་ཞལ་རས་རྒྱུན་དུ་བཙལ་བར་གྱིས།།  
\v 5 ཁོང་གི་མཛད་པ་ངོ་མཚར་གྲུབ་རྟགས་དང་། །ཞལ་གྱི་ཁྲིམས་གཅོད་བཅས་རྣམས་དྲན་པར༌གྱིས།།  
\v 6 ཁོང་གི་ཞབས་ཕྱི་ཨབ་ར་ཧམ་གྱི༌རྒྱུད། །ཁོང་གིས་བདམས་པའི་ཡ་ཀོབ་བུ་རྒྱུད༌ཀྱེ།།  
\v 7 ཁོང་ནི་ང་ཚོའི་དཀོན་མཆོག༌ཡ་ཝཱེ་ཡིན། །ས་གཞི་ཡོངས་སུ་ཁོང་གི་ཁྲིམས་གཅོད༌ཡོད།།  
\v 8 ཁོང་གི་ཞལ་ཆད་གཏན་དུ་ཐུགས་སུ༌འཇགས། །ཁོང་གི་བཀའ་རྣམས་མི་རབས་སྟོང་ལ༌གནས།།  
\v 9 ཨབ་ར་ཧམ་ལ་མཛད་པའི་ཞལ་ཆད༌ཡིན། །ཨི་སཱག་ལ་ནི་བཞེས་པའི་དབུ་མནའ༌ཡིན།།  
\v 10 ཁོང་གིས་ཞལ་ཆད་འདི་ནི་ཡ་ཀོབ༌ལ། །སྒྲིག་ཁྲིམས་བྱས་ནས་གཏན་ལ་ཕབ་པ༌དང༌། །ཡེས་ར་ཨེལ་ལ་གཏན་གྱི་ཞལ་ཆད༌གནང༌།།  
\v 11 བདག་གིས་ཀ་ན་ཨན་གྱི་ཡུལ་དེ་ནི། །ཁྱོད་ལ་གནང་ཞིང་ཁྱོད་ཀྱི་ས་སྐལ་ཡིན།།  
\v 12 དེ་དུས་ཁོ་རྣམས་མི་གྲངས་ཉུང་བ༌དང༌། །ཉུང་བར་མ་ཟད་ཡུལ་དེར་བྱེས་པ༌ཡིན།།  
\v 13 དེ་རྣམས་མི་རིགས་གཅིག་ནས་གཅིག་བརྒྱུད༌ཅིང༌། །རྒྱལ་ཁམས་གཅིག་ནས་གཅིག་ལ་ཉུལ་ནས༌བསྡད།།  
\v 14 དེ་ཚོར་གཉའ་གནོན་སུ་ལའང་བྱེད་མ༌གནང༌། །ཁོ་ཚོའི་ཆེད་དུ་རྒྱལ་པོར་བཀའ་བཀྱོན༌མཛད།།  
\v 15 ཁོ་བོས་བྱུགས་པ་རྣམས་ལ་མི་རེག༌ཅིང༌། །ལུང་སྟོན་རྣམས་ལ་གནོད་པ་མ་བསྐྱལ་གསུངས།།  
\v 16 ཁོང་གིས་ཡུལ་དེར་མུ་གེ་འབྱུང་བར་མཛད། །ཟས་ཀྱི་གཏད་སོ་མཐའ་དག་མེད་པར༌མཛད།།  
\v 17 ཁོ་ཚོའི་སྔོན་ལ་མི་ཞིག་བརྫངས་པ༌སྟེ། །གཡོག་པོར་བཙོངས་པའི་ཡོ་སེབ་ཡིན་ལགས༌ཤིང༌།།  
\v 18 དེ་ཡི་རྐང་པ་སྒྲོག་གིས་བསྣད་པ༌དང༌། །མཇིང་པ་ལྕགས་སྒྲོག་རྣམས་ཀྱིས་བཅིངས་པ༌འོ།།  
\v 19 ཁོང་གིས་གསུངས་པའི་བཀའ་རྣམས་འགྲུབ་པའི༌བར། །ཡ་ཝཱེའི་བཀའ་ཡིས་ཁོང་ལ་ཚོད་བགམ༌མཛད།།  
\v 20 རྒྱལ་པོས་གཡོག་པོ་བཏང་ནས་ཁོང་བཀྲོལ༌ཞིང༌། །མི་སྡེ་ཁག་གི་བདག་པོས་ཐར་དུ༌བཅུག།  
\v 21 རྒྱལ་པོའི་ཁབ་ཀྱི་བདག་པོར་ཁོང་བཞག༌ཅིང༌། །རྒྱུ་ནོར་ཐམས་ཅད་ཁོང་གི་དབང་ལ༌བཅུག།  
\v 22 རྒྱལ་པོའི་འཁོར་གཡོག་རང་དགར་འཆིང་བ༌དང༌། །རྒན་པ་རྣམས་ལ་ཤེས་རབ་བསླབ་ཏུ༌བཅུག།  
\v 23 ཡེས་ར་ཨེལ་ཡང་ཨེ་ཅིབ་ཡུལ་དུ༌སླེབས། །ཧཱམ་གྱི་ཡུལ་དུ་ཡ་ཀོབ་བྱེས་པར༌ལུས།།  
\v 24 ཡ་ཝཱེས་ཉིད་ཀྱི་འབངས་མི་མང་དུ༌སྤེལ། །ཁོ་རྣམས་དགྲ་ལས་ཤིན་ཏུ་དར་བར༌མཛད།།  
\v 25 དགྲ་རྣམས་སེམས་ནི་འབངས་མིར་སྡང་གྱུར༌ཏེ། །ཁོང་གི་ཞབས་ཕྱིར་གཡོ་སྒྱུའི་སྦྱོར་བ༌སྤེལ།།  
\v 26 ཁོང་གིས་ཉིད་ཀྱི་ཞབས་ཕྱི་མོ་ཤེ༌དང༌། །ཉིད་ཀྱིས་བདམས་པའི་ཨ་རོན་བརྫངས་ནས༌ནི།།  
\v 27 དགྲ་བོའི་ཁྲོད་དུ་ངོ་མཚར་རྟགས་རྣམས༌བསྟན། །ཧཱམ་གྱི་ཡུལ་དུ་ཡ་མཚན་དོན་རྣམས༌མངོན།།  
\v 28 ཁོང་གིས་སྨག་རུམ་མངགས་པས་སྨག་རུམ༌འཐིབས། །ཁོང་གི་བཀའ་ལ་ཟློག་ཐབས་ཡེ་མ༌ཡོད།།  
\v 29 ཁོང་གིས་ཨེ་ཅིབ་ཆུ་རྣམས་ཁྲག་ཏུ༌བསྒྱུར། །དེ་ཚོའི་ཉ་རྣམས་སྲོག་དང་ཕྲལ་བར༌མཛད།།  
\v 30 དེ་ཚོའི་ཡུལ་དང་རྒྱལ་པོའི་གཟིམ་ཆུང༌དུ། །ག་ས་གང་ལ་སྦལ་བས་གང་བར༌བྱས།།  
\v 31 ཁོང་གིས་བཀའ་ཞིག་གནང་བར་སྦྲང་ནག༌སླེབས། །སྲིན་བུ་ཤིག་ཀྱང་ཁོ་ཚོའི་ཕྱོགས་བཞིར༌ཐོན།།  
\v 32 ཆར་བའི་ཚབ་ཏུ་དེ་ཚོར་སེར་བ༌ཕབ། །དེ་རྣམས་ཡུལ་དུ་གནམ་ལྕགས་ཐོག་མདའ༌འཕངས།།  
\v 33 ཁོང་གིས་དེ་ཚོའི་རྒུན་འབྲུམ་ཤིང་རྣམས༌དང༌། །སེ་ཡབ་ཤིང་ལ་བརྡབས་ཤིང་དེ་དག༌གི །རྒྱལ་ཁམས་ནང་གི་ལྗོན་ཤིང་རྩ་ནས༌བརླག།  
\v 34 ཁྱེད་ཀྱིས་བཀའ་ཞིག་གནང་བར་གྲངས་མེད༌པའི། །ཆ་ག་འབུ་དང་སྲིན་འབུ་ཡར་ཐོན༌ཞིང༌།།  
\v 35 དེ་རྣམས་ཡུལ་གྱི་སྔོ་ཚོད་སྣ་ཚོགས༌དང༌། །ཞིང་གི་ལོ་ཏོག་མ་ལུས་ཟོས་པ༌ཡིན།།  
\v 36 དེ་རྣམས་ཡུལ་གྱི་སྐྱེས་འགོ་ཐམས་ཅད༌དེ། །ཁོ་རྣམས་ལུས་སྟོབས་རྒྱས་དུས་སྐྱེས་པ༌ཡི། །སྐྱེས་འགོ་མཐའ་དག་ཁོང་གིས་བསད་པ༌ཡིན།།  
\v 37 ཁོང་གི་འབངས་མི་གསེར་དངུལ་དང་བཅས༌བཏོན། །ཉིད་ཀྱི་ཚོ་པ་ཁག་ལས་རྒུད་པ༌མེད།།  
\v 38 ཨེ་ཅིབ་མི་རྣམས་ཁོ་ཚོར་འཇིགས་པའི༌རྐྱེན། །ཁོ་ཚོ་ཕྱི་རུ་ཐོན་དུས་དེ་རྣམས༌སྤྲོ།།  
\v 39 ཁོང་གིས་སྤྲིན་ཞིག་ཁེབས་ཀྱི་ཚུལ་དུ༌བཀྲམ། །མཚན་མོར་འོད་སྣང་སྤྲོ་བར་མེ་ཡང༌བསྩལ།།  
\v 40 དེ་ཚོས་ཞུ་བར་ཁོང་གིས་སྲེག་པ༌དྲངས། །ནམ་མཁའི་ཟས་ཀྱིས་དེ་རྣམས་འགྲང་བར༌མཛད།།  
\v 41 ཁོང་གིས་བྲག་རྡོ་ཕྱེས་ནས་ཆུ་བརྡོལ༌ཞིང༌། །མྱ་ངམ་ཐང་དུ་གཙང་པོ་ནང་བཞིན༌བརྒྱུགས།།  
\v 42 ཁོང་གིས་ཞབས་ཕྱི་ཨབ་ར་ཧམ་ལ༌ནི། །གནང་བའི་ཞལ་བཞེས་དམ་པ་དྲན་པས༌སོ།།  
\v 43 ཁོང་གི་འབངས་མི་དགའ་སྤྲོའི་ངང་ནས༌བཏོན། །བདམས་པའི་མི་རྣམས་དགའ་འབོད་དང་བཅས༌ཁྲིད།།  
\v 44 མི་རིགས་སོ་སོའི་ཡུལ་རྣམས་དེ་ཚོར༌གནང༌། །གཞན་གྱི་ངལ་བའི་འབྲས་བུ་དེ་ཚོར༌ཐོབ།།  
\v 45 དེ་ཚོས་ཁོང་གི་ཁྲིམས་སྲོལ་བཞིན་བྱ༌ཞིང༌། །ཉིད་ཀྱི་བཀའ་ཁྲིམས་བསྲུང་བའི་ཆེད་དུ༌ཡིན། །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 106
\cl གསུང་མགུར་བརྒྱ་དང་དྲུག 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་གིས་ཁོང་གི་མི་རྣམས་དྲིན་གྱིས་བསྐྱངས་པ།  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ཡ་ཝཱེ་ལེགས་པས་ཁོང་ལ་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 2 ཡ་ཝཱེའི་མཐུ་ལྡན་ཕྱག་ལས་སུས་བརྗོད༌ནུས། །ཡང་ན་བསྟོད་པ་ཁ་ཚང་སུས་འབུལ༌ཐུབ།།  
\v 3 སུ་ཡིས་དྲང་གཞག་སྐྱོང་ཞིང་དུས་རྟག༌ཏུ། །དྲང་བདེན་བཞིན་དུ་སྤྱོད་པའི་མི་དེ༌བདེ།།  
\v 4 ཁྱེད་ཀྱི་འབངས་མི་དྲིན་གྱིས་སྐྱོང་དུས༌སུ། །ང་ཡང་ཐུགས་སུ་འཛིན་རོགས་ཀྱེ་ཡ༌ཝཱེ། །ཁོ་རྣམས་སྐྱོབ་དུས་ང་ཡང་གཟིགས་པར༌མཛོད།།  
\v 5 ཁྱེད་ཀྱིས་བདམས་པ་རྣམས་ཀྱི་བྱིན་རླབས༌མཐོང༌། །ཁྱེད་ཀྱི་འབངས་མིའི་དགའ་སྐྱིད་དཔལ་ལ༌རོལ། །ཁྱེད་ཀྱི་ནོར་སྐལ་མཉམ་དུ་བསྟོད་པ༌འབུལ།།  
\v 6 ངེད་དང་མེས་པོ་ཀུན་གྱིས་སྡིག་པ༌བྱས། །ཉེས་པ་བསགས་ཤིང་ངན་པར་སྤྱད་པ༌ཡིན།།  
\v 7 ཨེ་ཅིབ་ཡུལ་དུ་རང་རེའི་མེས་པོ༌རྣམས། །ཁྱེད་ཀྱི་ངོ་མཚར་དོན་རྣམས་རྟོགས་པ༌མེད། །ཁྱེད་ཀྱི་དཔག་མེད་བྱམས་བརྩེ་མ་དྲན༌ཞིང༌། །རྒྱ་མཚོ་དམར་པོའི་འགྲམ་ནས་ངོ་ལོག༌བྱས།།  
\v 8 འོན་ཀྱང་ཁོང་གིས་ནུས་མཐུ་སྟོན་པ༌དང༌། །མཚན་གྱི་ཕྱིར་དུ་དེ་རྣམས་ཐར་བར༌མཛད།།  
\v 9 རྒྱ་མཚོ་དམར་པོར་བཀྱོན་ནས་མཚོ་ཡང༌བསྐམས། །དེ་རྣམས་ཁྲིད་དེ་ཐང་སྟོང་བརྒྱུད་པ༌བཞིན། །མཚོ་ཡི་གཞུང་རྣམས་བརྒལ་ནས་ཕེབས་པ༌ཡིན།།  
\v 10 དེ་ཚོར་སྡང་བ་རྣམས་ཀྱི་ལག་ནས༌བསྒྲལ། །དགྲ་བོའི་ལག་ནས་ཁོ་རྣམས་སྐྱོབ་པར༌མཛད།།  
\v 11 དེ་ནས་ཁོ་ཚོའི་དགྲ་རྣམས་ཆུ་ཡིས༌བསྣུབས། །ཤུལ་དུ་ལུས་པ་གཅིག་ཀྱང་ཡོད་མ༌ཡིན།།  
\v 12 དེ་ནས་ཁོ་རྣམས་ཁོང་གི་གསུང་ལ༌དད། །མགུར་གླུ་བླངས་ནས་ཁོང་ལ་བསྟོད་པ༌ཕུལ།།  
\v 13 འོན་ཀྱང་དུས་ཡུན་རིང་པོ་མ་འགོར༌བར། །དེ་ཚོས་ཁོང་གི་འཕྲིན་ལས་བརྗེད་གྱུར༌ཅིང༌། །ཁོང་གི་སློབ་སྟོན་ལ་ནི་མ་སྒུག༌པར།།  
\v 14 འདོད་པ་ཚད་མེད་དབེན་སྟོང་དུ་སྐྱེས༌ཏེ། །མྱ་ངམ་ཐང་དུ་དཀོན་མཆོག་ཐུགས་ཀྱང༌སད།།  
\v 15 དེའི་ཕྱིར་ཁོ་ཚོའི་ཞུ་བ་བཞིན་དུ༌གནང༌། །འོན་ཀྱང་ཁོ་ཚོའི་སྟེང་དུ་ནད་ཡམས༌ཕབ།།  
\v 16 དེ་ཚོས་སྒར་གྱི་ནང་དུ་མོ་ཤེ༌དང༌། །ཡ་ཝཱེའི་སྐྱེས་བུ་དམ་པ་ཨ་རོན༌ཏེ། །ཁོང་གཉིས་ལ་ནི་ཕྲག་དོག་བྱས་པ༌འོ།།  
\v 17 ས་ཡིས་ཁ་གདངས་དཱ་ཐན་ཁྱུར་མིད༌བཏང༌། །ཨ་བི་རཱམ་གྱི་ཕྱོགས་རྣམས་སས་བསྣུབས༌སོ།།  
\v 18 དེ་ཚོའི་ཚོགས་ནང་མེ་ཡང་འབར་གྱུར༌ནས། །མེ་ལྕེས་སྡིག་སྤྱོད་ཅན་རྣམས་བསྲེགས་པར༌བྱས།།  
\v 19 དེ་ཚོས་ཧོ་རེབ་རི་བོར་བ་ཕྲུག་བཟོས། །བླུགས་པའི་སྐུ་ལ་བཏུད་ནས་ཕྱག་བཙལ༌ཏོ།།  
\v 20 ཁོ་ཚོས་གཟི་བརྗིད་ལྡན་པའི་དཀོན་མཆོག༌ནི། །རྩྭ་གཟན་གླང་གི་གཟུགས་སུ་བསྒྱུར་པ༌ཡིན།།  
\v 21 ཁོ་རྣམས་སྐྱོབ་པའི་དཀོན་མཆོག་བརྗེད་གྱུར༌ཏེ། །ཁོང་གིས་ཨེ་ཅིབ་ཡུལ་ནས་དོན་ཆེན༌མཛད།།  
\v 22 ཧཱམ་གྱི་ཡུལ་དུ་ངོ་མཚར་དོན་རྣམས༌མཛད། །རྒྱ་མཚོ་དམར་པོར་འཇིགས་རུང་དོན་རྣམས༌བྱས།།  
\v 23 དེའི་ཕྱིར་ཁོང་གིས་དེ་རྣམས་འཇོམས་དགོས༌གསུངས། །གལ་ཏེ་ཁོང་གིས་བདམས་པའི་མོ་ཤེ༌ནི། །ཁོང་གི་དྲུང་དུ་བར་མིར་ལངས་བསྡད༌ནས། །ཉིད་ཀྱི་ཐུགས་ཁྲོ་ཞི་བར་མ་བྱས༌ཚེ། །ཁོང་གིས་དེ་རྣམས་རྩད་ནས་བརླག་ཉེན༌ཆེ།།  
\v 24 ཁོ་ཚོས་སྐྱིད་པའི་ཡུལ་དེར་མཐོང་ཆུང༌བྱས། །ཁོང་གི་བཀའ་ལ་ཡིད་ཆེས་ཀྱང་མ༌བྱས།།  
\v 25 རང་རང་གུར་ནང་འཁང་ར་བྱས་པ༌དང༌། །ཡ་ཝཱེའི་གསུང་སྐད་ལ་ཡང་མ་མཉན༌ཏོ།།  
\v 26 དེའི་ཕྱིར་ཁོང་གིས་དེ་ཚོར་མནའ་བཞེས་ཏེ\f + \ft འདིར་མནའ་བཞེས་ཏེ་ཞེས་པར་མ་ཕྱི་ལས་ཕྱག་ཡར་བཀྱགས་ནས་ཞེས་མཐོང༌སྟེ། དོན་ལ་མནའ་བཞེས་པར་འཇུག་པས་འདིར་དོན་སྒྱུར་བྱས་པ༌ཡིན། \f*། །ཁོ་རྣམས་དབེན་སྟོང་ཡུལ་དུ་སར་བསྒྱེལ༌ཞིང༌།།  
\v 27 ཁོ་ཚོའི་བུ་རྒྱུད་མི་རྣམས་ཁྲོད་འགྱེལ༌ནས། །ས་ཕྱོགས་ཀུན་ཏུ་ཐོར་བར་བྱ་ཞེས༌གསུངས།།  
\v 28 དེ་ཚོས་པཱ་ཨལ་ཕེ་ཨོར་སྐྱབས་སུ༌བསྟེན། །སྲོག་མེད་ལྷ་ལ་མཆོད་པའི་རྫས་རྣམས༌ཟོས།།  
\v 29 དེ་བཞིན་བྱས་ནས་ཡ་ཝཱེར་ཐུགས་ཁྲོ༌བསླངས། །དེ་དག་ནང་དུ་རིམས་ནད་ཐོན་པར༌གྱུར།།  
\v 30 དེ་དུས་ཕི་ནེ་ཧེ་ཁོང་ཡར་ལངས༌ནས། །ངན་པར་ཉེས་ཆད་བཅད་པས་རིམས་ནད༌ཆད།།  
\v 31 རྒྱུན་ནས་རྒྱུན་དུ་མི་རབས་ཐམས་ཅད༌ལ། །ལས་དེ་ཁོའི་ཕྱིར་དྲང་བདེན་དུ་བརྩིས་སོ།།  
\v 32 དེ་ཚོས་མེ་རི་བཱ་ཡི་ཆུ་འགྲམ༌དུ། །ཡང་བསྐྱར་ཡ་ཝཱེར་ཐུགས་ཁྲོ་བསླངས་པ༌དང༌། །ཐ་ན་མོ་ཤེ་ལ་ཡང་ཉེས་ཆད༌ཕོག།  
\v 33 དེ་ཚོས་དཀོན་མཆོག་ཐུགས་ལ་གྱེན་ཟློག༌བྱས\f + \ft འདིར་དེ་ཚོས་དཀོན་མཆོག་ཐུགས་ལ་གྱེན་ཟློག་བྱས་ཞེས་པ་ནང་དོན་གཞན་ལའང་འཇུག་པ་ནི་དེ་ཚོས་མོ་ཤེའི་སེམས་ཁམས་དཀྲུགས་ཞེས༌པའི་དོན་ཡིན།\f*། །མོ་ཤེའི་ཁ་ནས་བསམ་མེད་གཏམ་ཡང༌ཤོར།།  
\v 34 ཡ་ཝཱེས་གནང་བའི་བཀའ་བཞིན་དེ་རྣམས༌ཀྱིས། །ཕྱི་ཕྱོགས་མི་རྣམས་ཚར་དུ་མ་བཅད༌པར།།  
\v 35 དེ་རྣམས་དང་ནི་ཡོངས་སུ་འདྲེས་གྱུར༌ཏེ། །དེ་ཚོའི་ཡུལ་སྲོལ་གོམས་འདྲིས་བསླབ་པ༌དང༌།།  
\v 36 དེ་ཚོའི་སྐུ་འདྲ་རྣམས་ལ་བསྙེན་བཀུར༌ཞུས། །དེ་ནི་ཁོ་ཚོའི་རྙི་རུ་གྱུར་པ༌ཡིན།།  
\v 37 བུ་དང་བུ་མོ་གདོན་འདྲེར་མཆོད་པ༌བྱས།།  
\v 38 དེ་ཚོས་ཉེས་མེད་རྣམས་ཀྱི་ཁྲག་བཞུར༌ཏེ། །རང་གི་བུ་དང་བུ་མོའི་ཁྲག་གིས༌ནི། །ཀ་ན་ཨན་གྱི་སྐུ་ལ་མཆོད་པ༌ཕུལ། །ཁྲག་གིས་ཡུལ་ཁམས་དེ་ཡང་བཙོག་པར༌བཟོས།།  
\v 39 རང་བྱས་ལས་ཀྱིས་རང་ཉིད་བཙོག་པར༌བཟོས། །སྤྱོད་པའི་ཐད་ནས་ལོག་གཡེམ་སྤེལ་བས༌ན།།  
\v 40 ཡ་ཝཱེ་འབངས་མིའི་སྟེང་ལ་ཐུགས་ཁྲོས༌ཤིང༌། །ཉིད་ཀྱི་ནོར་སྐལ་ལ་ནི་ཞེན་ལོག༌སྟེ།།  
\v 41 ཁོ་རྣམས་ཕྱི་ཕྱོགས་མི་ཡི་ལག་ཏུ༌སྤྲད། །ཁོ་ཚོར་སྡང་བ་དག་གིས་དབང་དུ༌བསྒྱུར།།  
\v 42 དགྲ་བོས་ཁོ་ཚོར་གཉའ་གནོན་བྱས་པ༌དང༌། །ཁོ་རྣམས་དགྲ་བོའི་ལག་ཏུ་ཚུད་པ༌ཡིན།།  
\v 43 ཁོང་གིས་དེ་རྣམས་ལན་མང་ཐར་བཅུག༌ཀྱང༌། །དེ་ཚོས་བསམ་བཞིན་གྱེན་ཟློག་བྱས་པས༌ན། །རང་གི་ཉེས་པས་རང་ཉིད་དམན་སར༌ཕབ།།  
\v 44 འོན་ཀྱང་དེ་ཚོའི་ངུ་འབོད་གསན་པ༌དང༌། །ཁོང་གིས་དེ་ཚོའི་སྡུག་བསྔལ་གཟིགས་པར༌གྱུར།།  
\v 45 ཁོང་གི་ཞལ་ཆད་དེ་རྣམས་དོན་དུ༌དྲན། །དཔག་མེད་བྱམས་བརྩེ་བཞིན་དུ་ཐུགས་ཀྱང༌འགྱོད།།  
\v 46 དེ་རྣམས་བཙན་གནོན་བྱེད་མཁན་ཀུན་གྱི༌མདུན། །དེ་ཚོར་ཁོང་གི་སྙིང་རྗེ་ཐོབ་པར༌མཛད།།  
\v 47 ཁྱེད་མཚན་དམ་པར་གཏང་རག་འབུལ་བ༌དང༌། །ཁྱེད་ལ་བསྟོད་པ་གཟི་བརྗིད་དུ་བརྩི༌ཕྱིར། །ང་ཚོའི་དཀོན་མཆོག་ཡ་ཝཱེས་ངེད་རྣམས༌སྐྱོབ། །ཕྱི་ཕྱོགས་མི་རྣམས་ཁྲོད་ནས་ངེད་བསྡུ༌རོགས།།  
\v 48 ཡེས་ར་ཨེལ་གྱི་དཀོན་མཆོག་ཡ་ཝཱེ༌ནི། །རྒྱུན་ནས་རྒྱུན་དུ་བསྟོད་པར་འོས་སོ༌ལོ། །མི་སྡེ་ཀུན་གྱིས་ཨ་མེན་ཞུ་བར༌ཤོག །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 107
\cd སྡེ་ཚན་ལྔ་པ།  
\cl གསུང་མགུར་བརྒྱ་དང་བདུན། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བླུས་པའི་འབངས་རྣམས་ཀྱིས་དཀོན་མཆོག་ཡ་ཝཱེར་གཏང་རག་འབུལ་བ།  
\p
\v 1 ཡ་ཝཱེ་ལེགས་པས་ཁོང་ལ་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 2 དེ་ལྟར་ཡ་ཝཱེས་བླུས་པ་རྣམས་ཀྱིས༌ཞུས། །འབངས་འདི་ཁོང་གིས་དགྲ་ཡི་ལག་ནས༌བསྒྲལ།།  
\v 3 ཤར་ལྷོ་ནུབ་བྱང་ཡུལ་ཕྱོགས་ཀུན་ནས༌བསྡུས།།  
\v 4 ཁོ་ཚོ་ས་སྟོང་ལུང་སྟོང་དག་ཏུ༌ཉུལ། །གནས་སའི་གྲོང་ཁྱེར་གང་ཡང་མ་རྙེད༌པར།།  
\v 5 བཀྲེས་སྐོམ་མྱངས་ནས་སེམས་ཀྱང་རྒུད་པར༌གྱུར།།  
\v 6 སྡུག་བསྔལ་ཁྲོད་དུ་ཡ་ཝཱེར་འོ་དོད༌བོས། །ཁོང་གིས་དེ་རྣམས་དཀའ་སྡུག་དག་ལས༌བསྐྱབས།།  
\v 7 ཁོ་རྣམས་གཞིས་ཆགས་གྲོང་དུ་བསླེབ་པའི༌ཕྱིར། །ཁོང་གིས་དེ་རྣམས་དྲང་པོའི་ལམ་དུ༌ཁྲིད།།  
\v 8 ཡ་ཝཱེའི་བྱམས་བརྩེ་དང་ནི་མི་བུ༌ཚོར། །མཛད་པའི་ངོ་མཚར་དོན་ཕྱིར་བསྟོད་པར༌ཤོག །  
\v 9 ཁོང་གིས་སྐོམ་པའི་མི་རྣམས་ངོམས་མཛད༌ཅིང༌། །བཀྲེས་པ་རྣམས་ཀྱང་བཟང་པོས་ཚིམ་པར༌བཅུག།  
\v 10 འགའ་ཤས་མུན་ནག་འཆི་བའི་སྨག་རུམ༌དུ། །སྡུག་བསྔལ་དང་ནི་ལྕགས་སྒྲོག་གིས་བཅིངས༌ཏེ།།  
\v 11 ཁོ་རྣམས་དཀོན་མཆོག་བཀའ་ལས་འགལ་བ༌དང༌། །བླ་མེད་ཞལ་གདམས་སྣང་མེད་བསྐྱུར་བས༌སོ།།  
\v 12 དེའི་ཕྱིར་ཁོང་གིས་དཀའ་བའི་ལས་ལ༌བརྟེན། །དེ་རྣམས་སེམས་ནི་བཏུལ་ཞིང་སར་འགྱེལ༌ཡང༌། །རོགས་རམ་བྱེད་མཁན་སུ་ཡང་ཡོད་མ་ཡིན།།  
\v 13 སྡུག་བསྔལ་ཁྲོད་དུ་ཡ་ཝཱེར་འོ་དོད༌བོས། །ཁོང་གིས་དེ་རྣམས་དཀའ་སྡུག་དག་ལས༌བསྐྱབས།།  
\v 14 མུན་ནག་དང་ནི་འཆི་བའི་སྨག་རུམ༌ལས། །ཕྱི་རུ་བཏོན་ཞིང་དེ་ཚོའི་སྒྲོག་རྣམས༌བཅད།།  
\v 15 ཡ་ཝཱེའི་བྱམས་བརྩེ་དང་ནི་མི་བུ༌ཚོར། །མཛད་པའི་ངོ་མཚར་དོན་ཕྱིར་བསྟོད་པར༌ཤོག །  
\v 16 ཁོང་གིས་ལི་ཡི་རྒྱ་སྒོ་བཅག་ནས༌ནི། །ལྕགས་ཀྱི་སྒོ་གཏན་རྣམས་ཀྱང་བཅད་ཕྱིར༌རོ།།  
\v 17 གླེན་པ་རྣམས་ཀྱིས་རང་གི་ཉེས་སྐྱོན༌དང༌། །སྡིག་པའི་ལས་ཀྱི་ཕྱིར་དུ་སྡུག་བསྔལ༌མྱོང༌།།  
\v 18 ཁ་ཟས་ཀུན་ལ་ཁོ་རྣམས་སྐྱུག་མེར༌ལངས། །འཆི་བའི་སྒོ་ལ་ཉེ་བར་སླེབས་པ༌དང༌།།  
\v 19 སྡུག་བསྔལ་ཁྲོད་དུ་ཡ་ཝཱེར་འོ་དོད༌བོས། །ཁོང་གིས་དེ་རྣམས་དཀའ་སྡུག་དག་ལས༌བསྐྱབས།།  
\v 20 བཀའ་གསུང་གནང་ནས་དེ་རྣམས་གསོས་པ༌དང༌། །འཆི་བ་ལས་ཀྱང་དེ་རྣམས་བསྒྲལ་བ༌ཡིན།།  
\v 21 ཡ་ཝཱེའི་བྱམས་བརྩེ་དང་ནི་མི་བུ༌ཚོར། །མཛད་པའི་ངོ་མཚར་དོན་ཕྱིར་བསྟོད་པར༌ཤོག།  
\v 22 ཁོང་ལ་གཏང་རག་མཆོད་པར་འབུལ་བ༌དང༌། །སྤྲོ་གླུས་ཁོང་གི་མཛད་འཕྲིན་འཆད་གྱུར༌ཅིག།  
\v 23 འགའ་ཤས་གྲུ་གཟིངས་བསྡད་ནས་རྒྱ་མཚོར༌བསྐྱོད། །ཆུ་ཆེན་སྟེང་ནས་ཉོ་འཚོང་ལས་ལ༌བྲེལ།།  
\v 24 དེ་ཚོས་རྒྱ་མཚོར་ཡ་ཝཱེའི་མཛད་པ༌དང༌། །ཉིད་ཀྱི་ངོ་མཚར་དོན་རྣམས་མཐོང་གྱུར༌ཏེ།།  
\v 25 ཁོང་གིས་བཀའ་ཞིག་བབས་པར་རླུང་དམར༌གཡུགས། །རྒྱ་མཚོའི་རྦ་རླབས་གྱེན་དུ་འཕྱུར་བར༌མཛད།།  
\v 26 དེ་རྣམས་ནམ་མཁར་འཛེགས་ཤིང་གཏིང་ལ༌བབས། །ཉེན་ཚབ་རྐྱེན་གྱིས་དེ་ཚོའི་སྙིང་སྟོབས་ཞུམ།།  
\v 27 ཆང་གིས་བཟི་བའི་མི་ལྟར་འཁྱོར་བ༌དང༌། །ཕར་གཡོ་ཚུར་གཡོ་བྱེད་ཅིང་དེ་དག༌གི །རིག་པ་ཡོད་ཚད་ཕན་ཐོགས་མེད་པར༌གྱུར།།  
\v 28 སྡུག་བསྔལ་ཁྲོད་དུ་ཡ་ཝཱེར་འོ་དོད༌བོས། །ཁོང་གིས་དེ་རྣམས་དཀའ་སྡུག་དག་ལས༌བསྐྱབས།།  
\v 29 ཁོང་གིས་རླུང་དམར་གཡུགས་མཚམས་བཅད་པ༌དང༌། །རྒྱ་མཚོའི་རྦ་རླབས་ཞི་བར་གྱུར་པ༌འོ།།  
\v 30 ཞི་འཇགས་འོངས་པས་ཁོ་རྣམས་དགའ་གྱུར༌ཅིང་། །ཡིད་སྨོན་འཆོར་བའི་གྲུ་ཁར་སྐྱེལ་མ༌མཛད།།  
\v 31 ཡ་ཝཱེའི་བྱམས་བརྩེ་དང་ནི་མི་བུ༌ཚོར། །མཛད་པའི་ངོ་མཚར་དོན་ཕྱིར་བསྟོད་པར༌ཤོག།  
\v 32 དེ་ཚོས་མི་སྡེའི་ཚོགས་ནང་ཁོང་བསྟོད༌ཅིང༌། །རྒན་པའི་ཚོགས་ནང་ཁོང་ལ་བསྔགས་པར༌ཤོག།  
\v 33 ཁོང་གིས་གཙང་པོ་རྣམས་ནི་ཐང་སྟོང༌མཛད། །ཆུ་མིག་རྣམས་ཀྱང་སྐམ་སར་བསྒྱུར་པ༌ཡིན།།  
\v 34 བཅུད་བཟང་ཡུལ་གྱི་མི་རྣམས་ངན་པའི༌ཕྱིར། །ཁོང་གིས་ཡུལ་དེ་བ་ཚྭའི་ཐང་དུ༌མཛད།།  
\v 35 ཁོང་གིས་ཐང་སྟོང་རྫིང་བུར་བསྒྱུར་པ༌དང༌། །སྐམ་ས་ཡང་ནི་ཆུ་མིག་རྣམས་སུ༌མཛད།།  
\v 36 ཁོ་རྣམས་གནས་སའི་གྲོང་ཞིག་བརྩིག་པའི༌ཕྱིར། །ཁོང་གིས་བཀྲེས་པའི་མི་རྣམས་གནས་དེར༌བཀོད།།  
\v 37 ཞིང་རྣམས་རྨོས་ཤིང་རྒུན་ཚལ་བཙུགས་པ༌དང༌། །ལོ་ཡག་སྟོན་ཐོག་དེ་ཚོར་ཐོབ་གྱུར༌ཏོ།།  
\v 38 ཁོང་གིས་དེ་ཚོར་བྱིན་རླབས་གནང་ནས༌ནི། །དེ་ཚོའི་མི་གྲངས་མང་དུ་སྤེལ་བ༌དང༌། །དེ་ཚོའི་སྒོ་ཟོག་ཀྱང་ནི་འཕྲི་མ༌མཛད།།  
\v 39 ཕྱིས་སུ་དེ་རྣམས་གཉའ་གནོན་དཀའ་སྡུག༌དང༌། །སེམས་ཁྲལ་བཅས་ཀྱིས་མི་གྲངས་བྲི་ཞིང༌རྒུད།།  
\v 40 ཁོང་གིས་སྐུ་དྲག་རྣམས་ནི་ངོ་ཚར༌སྦྱར། །དེ་རྣམས་ལམ་མེད་ཐང་སྟོང་རྒྱུ་བར༌མཛད།།  
\v 41 དབུལ་པོ་སྡུག་ལས་བསྒྲལ་ཞིང་མཐོ་སར༌བཞག །དེ་ཚོའི་ཁྱིམ་རྒྱུད་ལུག་ཁྱུ་བཞིན་དུ༌སྤེལ།།  
\v 42 དྲང་པོས་མཐོང་ནས་དགའ་མགུ་ཡི་རངས༌ཤིང༌། །མི་ངན་ཐམས་ཅད་ངག་མེད་ལྐུགས་པར༌ལུས།།  
\v 43 ཤེས་རབ་ཅན་གྱིས་འདི་ལ་མཉམ་འཇོག༌ཅིང༌། །ཡ་ཝཱེའི་བྱམས་བརྩེ་ལ་ནི་བསམ་བློ༌ཐོངས།།   
\c 108
\cl གསུང་མགུར་བརྒྱ་དང་བརྒྱད། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དགྲ་འགོག་དུས་སྐྱབས་འཚོལ་བ།  
\p
\v 1 ༼དཱ་བིད་ཀྱི་གསུང་མགུར་ཏེ་མགུར་མ༌ཞིག༽ ཀྱེ་ཀྱེ་དཀོན་མཆོག་ངའི་སེམས་བརྟན་པོར༌གནས། །ཡིད་སེམས་ཀུན་ནས་གླུ་ལེན་བསྟོད་དབྱངས༌བྱ།།  
\v 2 ཀྱེ་མ་རྒྱུད་མངས་པི་ཝང་སད་པར་གྱིས། །བདག་གིས་སྐྱ་རེངས་གཉིད་ལས་བསླང་བར༌བྱ།།  
\v 3 ཀྱེ་ཀྱེ་ཡ་ཝཱེ་མི་རིགས་ཀུན་གྱི༌ཁྲོད། །ང་ཡིས་ཁྱེད་ལ་གཏང་རག་འབུལ་བར༌བྱ། །མི་རྣམས་དབུས་སུ་ཁྱེད་ལ༌བསྟོད་དབྱངས༌འབུལ།།  
\v 4 ཁྱེད་ཀྱི་བྱམས་བརྩེ་ཆེན་པོ་གནམ་ལས༌མཐོ། །ཁྱེད་ཀྱི་དྲང་བདེན་ནམ་མཁའི་སྤྲིན་དང་མཉམ།།  
\v 5 ཀྱེ་ཀྱེ་དཀོན་མཆོག་ཁྱེད་ཉིད་ནམ་མཁའ་ལས། །བླ་ན་འཕགས་ཤིང་ཁྱེད་ཀྱི་གཟི་བརྗིད་ཀྱང་། །ས་གཞིའི་སྟེང་ལ་ཡོངས་སུ་ཁྱབ་གྱུར་ཅིག།  
\v 6 ཁྱེད་ཀྱིས་གཅེས་པའི་མི་རྣམས་ཐར་བའི༌ཕྱིར། །ཕྱག་གཡས་ང་རང་སྐྱོབ་ཅིང་བཀའ་ལན༌གནོངས།།  
\v 7 གནས་ཀྱི་མཆོག་ནས་དཀོན་མཆོག་འདི་སྐད༌གསུངས། །བདག་གིས་རྒྱལ་ཁ་དང་བཅས་སི་ཀེམ༌བགོ །སོའུ་ཀོད་ལུང་པའི་ཚད་ཀྱང་འཇལ་བར༌བྱ།།  
\v 8 གིལ་ཨད་དང་ནི་མཱ་ན་ཤེ་ངའི༌ཡིན། །ཨེ་ཕཱར་ཡིམ་ནི་བདག་གི་རྨོག་ཞྭ༌ཡིན། །ཡ་ཧུ་དཱ་ནི་ང་ཡི་སྲིད་འཁར་ཡིན།།  
\v 9 མོ་ཨབ་བདག་གི་ཁྲུས་གཞོང་ཡིན་པ༌དང༌། །ཨེ་དོམ་ཕྱོགས་སུ་བདག་གིས་བསིལ་ལྷམ༌གཡུག །ཕེ་ལེ་ཤེད་པར་རྒྱལ་ཁའི་ཀི་སྒྲ་སྒྲོག།  
\v 10 གྲོང་ཁྱེར་བརྟན་པོར་ང་རང་སུ་ཡིས༌བསྐྱལ། །ཨེ་དོམ་ཡུལ་དུ་ང་རང་སུ་ཡིས༌འཁྲིད།།  
\v 11 དཀོན་མཆོག་ཁྱེད་ཀྱིས་ངེད་རྣམས་མ་སྤངས༌སམ། །ཀྱེ་ཀྱེ་དཀོན་མཆོག་ཁྱེད་ཉིད་ངེད་ཅག༌གི །དམག་དཔུང་མཉམ་དུ་གཤེགས་པ་མ་ཡིན༌ནམ།།  
\v 12 མི་ཡི་རོགས་སྐྱོར་ཕན་མེད་ཡིན་པས༌ན། །དགྲ་བོ་འགོག་ཕྱིར་ང་ཚོར་རོགས་རམ༌མཛོད།།  
\v 13 དཀོན་མཆོག་ཁོང་གིས་དགྲ་རྣམས་བརྫི་འོང༌བས། །ཁོང་ལ་བརྟེན་ནས་ང་ཚོས་དཔའ་རྩལ༌ངོམ།།   
\c 109
\cl གསུང་མགུར་བརྒྱ་དང་དགུ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀའ་སྡུག་ལ་ཕྲད་མཁན་གྱི་སྡུག་ཡུས།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར་མ།༽ ཀྱེ་ཀྱེ་ང་ཡིས་བསྟོད་པའི་དཀོན་མཆོག༌ལགས། །ཁུ་སིམ་ངང་ནས་མ་བཞུགས་རྒྱུ་མཚན་ནི།།  
\v 2 མི་ངན་དང་ནི་གཡོ་སྒྱུ་ཅན་རྣམས༌ཀྱིས། །ཁ་ཆེར་གདངས་ནས་ང་ལ་རྒོལ་བ༌དང༌། །རྫུན་གྱི་ལྕེ་ཡིས་ང་ལ་གཏམ་ལབ༌བྱུང༌།།  
\v 3 ཞེ་འཁོན་ཚིག་གིས་དེ་ཚོས་ངའི་མཐའ༌བསྐོར། །རྒྱུ་མཚན་གང་ཡང་མེད་པར་ང་ལ༌རྒོལ།།  
\v 4 ང་ཡི་བྱམས་པའི་ལན་དུ་དགྲ་རུ༌ལངས། །འོན་ཀྱང་བདག་གིས་སྨོན་ལམ་འདེབས་པར༌བྱ།།  
\v 5 དེ་ཚོས་ང་ལ་བཟང་ལན་ངན་གྱིས༌འཇལ། །བདག་གི་བྱམས་པའི་ལན་དུ་ཞེ་སྡང༌སྐྱེད།།  
\v 6 མི་ངན་ཞིག་ནི་དེ་ཡི་འགོ་བྱེད༌དང༌། །དགྲ་ཞིག་དེ་ཡི་གཡས་སུ་སློང་བར༌མཛོད།།  
\v 7 ཁྲིམས་ཐག་གཅོད་དུས་ཉེས་ཅན་དུ་སྣང༌ཞིང༌། །དེ་ཡི་སྨོན་ལམ་སྡིག་པར་འགྱུར་བར༌ཤོག།  
\v 8 དེ་ཡི་མི་ཚེ་ཤིན་ཏུ་ཐུང་བ༌དང༌། །དེ་ཡི་ལས་ཚན་གཞན་གྱིས་ལེན་པར༌ཤོག།  
\v 9 དེ་ཡི་བུ་དང་བུ་མོ་དྭ་ཕྲུག༌དང༌། །དེ་ཡི་ཆུང་མ་ཡུགས་མོར་ལུས་གྱུར༌ཅིག།  
\v 10 བུ་རྣམས་འཁྱམ་ཞིང་སློང་མོ་སློང་བ༌དང༌། །ཞིག་རོའི་གཞིས་ནས་དེ་རྣམས་སྐྲོད་གྱུར༌ཅིག།  
\v 11 ཅི་ཡོད་ཚང་མ་བུན་བདག་གིས་འཛིན༌ཞིང༌། །ངལ་བའི་འབྲས་བུ་ཕྱི་མིས་འཕྲོག་གྱུར༌ཅིག།  
\v 12 ཁོ་ལ་སྙིང་རྗེ་སྐྱེད་མཁན་མེད་པ༌དང༌། །དྭ་ཕྲུག་དྲིན་གྱིས་སྐྱོང་མཁན་མེད་གྱུར༌ཅིག།  
\v 13 བུ་རྒྱུད་ཆད་ཅིང་མི་རབས་ཕྱི་མ༌ལ། །ཁོ་ཚོའི་མིང་ཡང་རྩ་ནས་གསུབ་གྱུར༌ཅིག།  
\v 14 མེས་པོའི་སྡིག་ཉེས་ཡ་ཝཱེས་དྲན་པ༌དང༌། །མ་ཡི་སྡིག་པ་བསལ་བར་མ་གྱུར༌ཅིག།  
\v 15 དེ་ཚོའི་མིང་རྣམས་ས་ལས་ཚར་གཅོད༌ཕྱིར། །སྡིག་པ་རྟག་ཏུ་ཡ་ཝཱེའི་དྲུང་ལུས༌ཤོག།  
\v 16 དེ་ཡིས་དྲིན་གྱིས་སྐྱོང་བ་བརྗེད་གྱུར༌ནས། །ཉམ་ཐག་དབུལ་ཕོངས་སྡུག་གིས་མནར་བའི༌སེམས། །འཆི་ལམ་སྐྱེལ་ཕྱིར་དེ་ཚོར་གཙེས་ཕྱིར༌རོ།།  
\v 17 ཁོ་རང་དམོད་པར་དགའ་བས་རང་སྟེང༌བབས། །བྱིན་རླབས་ལ་ནི་སྡང་བས་རིང་དུ༌གྱེས།།  
\v 18 དམོད་པ་གྱོན་གོས་བཞིན་དུ་གྱོན་པས༌ན། །ཁོ་ཡི་ཁོག་ནང་དེ་ནི་ཆུ་ལྟར༌དང༌། །རུས་པའི་གསེང་དུ་སྣུམ་བཞིན་ཐིམ་པ༌ཡིན།།  
\v 19 དམོད་པ་དེ་ལ་གྱོན་གོས་བསྐོན་བཞིན༌དང༌། །ནམ་རྒྱུན་འཆིང་བའི་སྐ་རགས་སུ་གྱུར༌ཅིག།  
\v 20 འདི་ནི་ང་ལ་གཏམ་ངན་སྨྲ་བ༌དང༌། །ང་ཡི་དགྲ་བོར་ཡ་ཝཱེས་གནང་བའི༌ལན།།  
\v 21 འོན་ཀྱང་ཀྱེ་ཀྱེ་གཙོ་བོ་ཡ་ཝཱེ༌ལགས། །ཁྱེད་ཀྱི་མཚན་ཕྱིར་ང་རང་དྲིན་གྱིས༌སྐྱོངས། །ཡིད་འོང་བྱམས་བརྩེས་ང་རང་སྐྱབས་སུ༌གསོལ།།  
\v 22 ང་ནི་ཉམ་ཐག་དབུལ་ཕོངས་ཡིན་པ༌དང༌། །སེམས་ཀྱི་གཏིང་ལ་རྨས་སྐྱོན་ཤོར་ནས༌ཡོད།།  
\v 23 ནུབ་ཁའི་གྲིབ་མ་ནང་བཞིན་ང་ཡལ༌ཞིང༌། །ཆ་ག་པ་ལྟར་ང་རང་སྤྲུགས་ནས༌ཐོན།།  
\v 24 སྨྱུང་བར་གནས་པར་པུས་མོའི་ཤེད་ཉམས༌ཤིང༌། །གཟུགས་པོ་རིད་ནས་ཤ་ཡང་བསྐམས་པ༌འོ།།  
\v 25 ང་རང་དེ་ཚོས་འཕྱ་བའི་གནས་སུ༌གྱུར། །ང་རང་མཐོང་ཚེ་དེ་ཚོས་མགོ་གཡུག༌གོ།  
\v 26 ཀྱེ་ཀྱེ་ང་ཡི་དཀོན་མཆོག༌ཡ་ཝཱེ་ལགས། །ཁྱེད་ཀྱིས་ང་ལ་རོགས་རམ་གནང་ནས༌ནི། །ཉིད་ཀྱི་བྱམས་བརྩེ་བཞིན་དུ་སྐྱབས་སུ༌གསོལ།།  
\v 27 འདི་ནི་ཡ་ཝཱེ་ཁྱེད་ཀྱི་ཕྱག་ལས༌དང༌། །ཉིད་ཀྱི་མཛད་འཕྲིན་ཡིན་པ་ཤེས་སུ༌གསོལ།།  
\v 28 དེ་ཚོས་དམོད་ཀྱང་ཁྱེད་ཀྱིས་བྱིན་རླབས༌གནོངས། །རྒོལ་བར་ལངས་དུས་དེ་རྣམས་ངོ་ཚ༌ཡང༌། །ཁྱེད་ཀྱི་ཞབས་ཕྱི་དགའ་མགུ་རངས་པར༌འགྱུར།།  
\v 29 ང་ཡི་དགྲ་རྣམས་ངོ་ཚ་གྱོན་པར༌ཤོག །རང་གི་ངོ་ཚས་གོས་ལྟར་གཡོག་གྱུར༌ཅིག།  
\v 30 བདག་ཁས་ཡ་ཝཱེར་གཏང་རག་ཆེན་པོ༌འབུལ། །མི་ཚོགས་ཁྲོད་དུ་ཁོང་ལ་བསྟོད་བསྔགས༌བརྗོད།།  
\v 31 སྲོག་ཆད་གཅོད་མཁན་རྣམས་ལས་དེ་སྐྱོབ༌ཕྱིར། །ཁོང་ཉིད་དབུལ་པོའི་གཡས་ཕྱོགས་སུ་བཞེང་འོང༌།།   
\c 110
\cl གསུང་མགུར་བརྒྱ་དང་བཅུ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེ་དང་ཁོང་གིས་བདམས་པའི་རྒྱལ་པོ།  
\p
\v 1 ༼དཱ་བིད་ཀྱི་གསུང༌མགུར།༽ ཡ་ཝཱེས་ང་ཡི་གཙོ་བོར་འདི་སྐད༌དུ། །བདག་གིས་ཁྱོད་ཀྱི་བསྟན་དགྲ་ཐམས་ཅད༌ཀུན། །ཁྱོད་ཀྱི་ཞབས་ཀྱི་སྟེགས་སུ་བསྒྱུར་བའི༌བར། །ཁྱོད་རང་བདག་གི་གཡས་སུ་བཞུགས་ཞེས་གསུངས།།  
\v 2 ཡ་ཝཱེས་ཁྱེད་ལ་ཛ་ཡན་ཡུལ་ནས༌ནི། །སྟོབས་ཀྱི་འཁར་བ་བརྐྱང་བར་མཛད་པས༌ན། །ཁྱེད་ཀྱིས་དགྲ་རྣམས་དཀྱིལ་དུ་རྒྱལ་སྲིད༌སྐྱོང༌།།  
\v 3 ཁྱེད་ཀྱིས་དམག་འཁྲུག་རྒྱག་པའི་ཉིན་མོ༌ལ། །ཉིད་ཀྱི་མི་སྡེ་མོས་ཤིང་ཁྱེད་རྗེས༌འབྲང༌། །གཞོན་ནུ་རྣམས་ཀྱིས་དམ་པ་རྒྱན་དུ༌གྱོན། །ཞོགས་པའི་ཟིལ་པ་བཞིན་དུ་ཁྱེད་དྲུང༌བསླེབ།།  
\v 4 མཆོད་དཔོན་མཱལ་ཀི་ཚེ་དེག་རིམ་པ༌བཞིན། །ཁྱེད་ནི་ཇི་སྲིད་བར་དུ་མཆོད་དཔོན༌ཡིན། །ཡ་ཝཱེས་དེ་སྐད་འགྱོད་མེད་དབུ་མནའ༌བཞེས།།  
\v 5 གཙོ་བོ་ཁྱེད་ཀྱི་གཡས་སུ་བཞུགས་པ༌དང༌། །ཐུགས་ཁྲོའི་ཉིན་མོར་རྒྱལ་པོ་རྣམས་འཇོམས་སོ།།  
\v 6 ཁོང་གིས་མི་རིགས་རྣམས་ལ་ཁྲིམས་ཐག༌གཅོད། །ག་ས་གང་དུ་བམ་རོས་ཁེབས་འགྱུར༌ཞིང༌། །ས་གཞི་ཡོངས་ཀྱི་འགོ་དཔོན་ཚར་གཅོད༌མཛད།།  
\v 7 རྒྱལ་པོས་ལམ་ཁའི་རྒྱུག་ཆུ་འཐུང་བས༌ན། །ཁོང་གི་མགོ་འཕང་མཐོ་རུ་འདེགས་པར༌འགྱུར།།   
\c 111
\cl གསུང་མགུར་བརྒྱ་དང་བཅུ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེར་བསྟོད་པ་འབུལ་བ།  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །དྲང་པོའི་གྲོས་ཚོགས་དང་ནི་འདུ་འཛོམས༌ཁྲོད། །བློ་རྩེ་གཅིག་གིས་ཡ་ཝཱེར་གཏང་རག༌འབུལ།།  
\v 2 ཡ་ཝཱེའི་འཕྲིན་ལས་ཤིན་ཏུ་ཆེན་པོ༌ཡིན། །དགའ་མཁན་རྣམས་ཀྱིས་དེ་ལ་འབད་པས༌དཔྱོད།།  
\v 3 ཁོང་གི་མཛད་པར་དཔལ་དང་གཟི་བརྗིད༌མངའ། །ཉིད་ཀྱི་དྲང་བདེན་རྒྱུན་ནས་རྒྱུན་དུ༌གནས།།  
\v 4 ཁོང་གི་རྨད་བྱུང་རྣམས་ཀྱི་དྲན་རྟེན༌བཞག །ཡ་ཝཱེ་བཀའ་དྲིན་ཆེ་ཞིང་སྙིང་རྗེ༌ལྡན།།  
\v 5 གུས་ཤིང་འཇིགས་པའི་མི་ལ་ཁ་ཟས༌གནང༌། །ཉིད་ཀྱི་ཞལ་ཆད་རྟག་ཏུ་ཐུགས་སུ༌དྲན།།  
\v 6 མི་རིགས་གཞན་རྣམས་རང་གི་མི་སྡེ༌ལ། །ནོར་སྐལ་གནང་ནས་ཉིད་ཀྱི་མཐུ་སྟོབས༌མངོན།།  
\v 7 ཁོང་གི་འཕྲིན་ལས་བདེན་ཞིང་དྲང་གཞག༌ཡིན། །ཁོང་གི་བསླབ་བྱ་ཡིད་རྟོན་རུང་བ༌ཡིན།།  
\v 8 ཁོང་གི་བསླབ་བྱ་ནམ་ཡང་འགྱུར་བ༌མེད། །བདེན་ཞིང་དྲང་བའི་ལམ་ནས་བཀོད་ལེགས༌སོ།།  
\v 9 ཁོང་གིས་ཉིད་ཀྱི་མི་སྡེར་ཐར་པ༌གནང༌། །ཁོང་གི་ཞལ་ཆད་ཇི་སྲིད་བར་དུ༌བཞག །ཁོང་མཚན་དམ་པ་དང་ནི་བཀུར་འོས་ཡིན།།  
\v 10 ཡ་ཝཱེ་མཆོག་ལ་གུས་ཤིང་འཇིགས་པ༌ནི། །ཤེས་རབ་ཐོག་མ་ཡིན་ཞིང་དེ་བཞིན༌དུ། །སྤྱོད་མཁན་ཐམས་ཅད་མཁས་མཛངས་ལྡན་པ༌དང༌། །ཁོང་ལ་རྒྱུན་ནས་རྒྱུན་དུ་བསྟོད་འོས༌སོ།།   
\c 112
\cl གསུང་མགུར་བརྒྱ་དང་བཅུ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དྲང་བདེན་མི་ཡི་བསོད་བདེ།  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ཡ་ཝཱེར་གུས་ཤིང་འཇིགས་ལ་ཁོང་ཉིད༌ཀྱི། །བཀའ་ལ་ཤིན་ཏུ་དགའ་བའི་མི་རྣམས༌བདེ།།  
\v 2 དེའི་རྒྱུད་ས་སྟེང་སྟོབས་དང་ལྡན་པར༌འགྱུར། །དྲང་པོའི་བུ་རྒྱུད་ལ་ནི་བྱིན་རླབས༌འཐོབ།།  
\v 3 དེ་ཡི་ཁྱིམ་ལ་རྒྱུ་ནོར་འབྱོར་ཕྱུག༌ལྡན། །དེ་ཡི་དྲང་བདེན་རྒྱུན་ནས་རྒྱུན་དུ༌གནས།།  
\v 4 དྲང་པོ་མུན་པར་གནས་ཀྱང་འོད་སྤྲོ༌ཞིང༌། །དེ་ལ་ཐུགས་རྗེ་སྙིང་རྗེ་དྲང་བདེན༌མངའ།།  
\v 5 གཞན་ལ་སྙིང་རྗེ་བྱེད་ཅིང་སྐྱི་མཁན༌དང༌། །རང་དོན་དྲང་པོར་ཐག་གིས་གཅོད་པ༌བདེ།།  
\v 6 དེ་ནི་ཁོ་རང་ནམ་ཡང་གཡོ་བ༌མེད། །དྲང་བདེན་མི་ནི་རྟག་ཏུ་དྲན་པར༌འགྱུར།།  
\v 7 དེ་ནི་གཏམ་ངན་ལ་ཡང་འཇིགས་པ༌མེད། །ཡ་ཝཱེར་བློ་གཏད་བཅོལ་བས་སེམས་བརྟན༌ནོ།།  
\v 8 དགྲ་བོ་རྣམས་ལ་ལྟད་མོ་ལྟ་བའི༌བར། །དེའི་སེམས་བརྟན་ཞིང་འཇིགས་སྣང་གང་ཡང༌མེད།།  
\v 9 དབུལ་པོ་རྣམས་ལ་སྦྱིན་པ་ཆེར་བཏང༌ཞིང༌། །དེ་ཡི་དྲང་བདེན་ཇི་སྲིད་བར་དུ་གནས། །དེ་ཡི་རྭ་དུང་གཟི་དཔལ་ནང་དུ༌འདེགས།།  
\v 10 ངན་པས་དེ་རྣམས་མཐོང་ནས་འཚིག་པ༌ཟ། །ཁའི་སོ་བརྡར་ནས་ལུས་སེམས་རྒུད་པར༌གྱུར། །ངན་པའི་འདོད་འདུན་རྩ་ནས་ཡལ་བར༌འགྱུར།།   
\c 113
\cl གསུང་མགུར་བརྒྱ་དང་བཅུ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་མཛད་པར་བསྟོད་པ།  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ཀྱེ་ཀྱེ་ཡ་ཝཱེའི་ཞབས་ཕྱི་ཁྱོད་རྣམས༌ཀྱིས། །ཡ་ཝཱེའི་མཚན་ལ་བསྟོད་པར་གྱིས་ཤིག༌ཨང༌།།  
\v 2 ཡ་ཝཱེའི་མཚན་ནི་བསྟོད་པར་འོས་པ༌སྟེ། །དེ་རིང་དུས་ནས་རྟག་ཏུ་བསྟོད་འོས༌སོ།།  
\v 3 ཉི་མ་ཤར་ནས་ནུབ་ལ་བཞུད་པའི༌བར། །ཡ་ཝཱེའི་མཚན་ནི་ཀུན་ནས་བསྟོད་འོས༌སོ།།  
\v 4 ཁོང་ནི་མི་རིགས་ཀུན་ལས་བླ་ན༌མཐོ། །ཁོང་གི་གཟི་བརྗིད་ནམ་མཁའ་ལས་ཀྱང༌མཐོ།།  
\v 5 རང་ཅག་དཀོན་མཆོག་ཡ་ཝཱེར་མཚུངས་པ༌སུ། །བླ་ན་མེད་པའི་གནས་སུ་དཀོན་མཆོག༌བཞུགས།།  
\v 6 གནམ་ས་ཡོངས་ཀྱི་དོན་ལ་གཟིགས་པའི༌ཕྱིར། །ཁོང་གིས་རང་ཉིད་དམའ་བར་བཟུང་མཛད༌དོ།།  
\v 7 སྙིགས་རྡུལ་ཚོགས་ལས་ཁོང་གིས་དབུལ་པོ༌འདེགས། །གད་སྙིགས་ཚོགས་ལས་ཁོང་གིས་སྤྲང་པོ༌འཐེན།།  
\v 8 རྒྱལ་སྲས་དང་ནི་མཉམ་དུ་འདུག་པ༌སྟེ། །མི་སྡེའི་རྒྱལ་སྲས་དང་ནི་འདུག་ཕྱིར༌རོ།།  
\v 9 མོ་ཤམ་རྣམས་ནི་ཁྱིམ་དུ་བདེ་ལ༌བཀོད། །ཕྲུ་གུ་མང་བའི་བདེ་སྐྱིད་གནང་བ༌འོ། །ཡ་ཝཱེ་ཁོང་ལ་ཀུན་གྱིས་བསྟོད་པར༌ཤོག།   
\c 114
\cl གསུང་མགུར་བརྒྱ་དང་བཅུ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 པེ་སག་དུས་ཆེན་གྱི་མགུར་མ།  
\p
\v 1 ཡེས་ར་ཨེལ་ནི་ཨེ་ཅིབ་ནས་ཐོན༌ཞིང༌། །ཡ་ཀོབ་ཁྱིམ་རྒྱུད་སྐད་གཞན་སྨྲ་བ༌ཡི། །མི་སྡེ་དང་ནི་བྲལ་ནས་ཐོན་དུས༌སུ།།  
\v 2 ཡ་ཧུ་དཱ་ནི་གཙོ་བོའི་གནས༌མཆོག་དང༌། །ཡེས་ར་ཨེལ་ནི་ཁོང་གི་རྒྱལ་སྲིད༌གྱུར།།  
\v 3 རྒྱ་མཚོ་ཆེན་པོས་མཐོང་ནས་བྲོས་པ༌དང༌། །ཡོར་དན་གཙང་པོ་ཡང་ནི་ལྡོག་ནས༌བཞུར།།  
\v 4 རི་བོ་ཆེན་པོ་ལུག་ཐུག་བཞིན་དུ༌མཆོངས། །རི་སྒང་རྣམས་ཀྱང་ལུ་གུ་བཞིན་དུ༌ལྡིང༌།།  
\v 5 ཀྱེ་མ་རྒྱ་མཚོ་ཁྱོད་ནི་བྲོས་པ་དང༌། །ཡོར་དན་གཙང་པོ་ལྡོག་ཏུ་བཞུར་བ༌ཅི།།  
\v 6 ཀྱེ་ཀྱེ་རི་རྣམས་ལུག་ཐུག་ཇི་བཞིན༌དང༌། །སྒང་རྣམས་ལུ་གུ་ཇི་བཞིན་མཆོང་བ༌ཅི།།  
\v 7 ས་གཞི་ཆེན་པོ་གཙོ་བོའི་ཞལ་དྲུང༌སྟེ། །ཡ་ཀོབ་དཀོན་མཆོག་དྲུང་དུ་འདར་བར༌གྱིས།།  
\v 8 ཁོང་གིས་བྲག་རྡོ་ཆུ་ཡི་རྫིང་བུ༌དང༌། །ལྕགས་རྡོ་ཆུ་མིག་ལ་ནི་མཛད་པ༌འོ།།   
\c 115
\cl གསུང་མགུར་བརྒྱ་དང་བཅོ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 གཅིག་ལས་གཉིས་མེད་ཀྱི་དཀོན་མཆོག་བདེན་པ།  
\p
\v 1 ཀྱེ་ཀྱེ་ཡ་ཝཱེ་གཟི་བརྗིད་ངེད་རྣམས༌ལ། །གནང་བར་མ་མཛད་ངེད་ལ་གནང་མ༌མཛད། །ཁྱེད་ཀྱི་བྱམས་བརྩེ་དང་ནི་དྲང་བདེན༌ཕྱིར། །ཉིད་ཀྱི་མཚན་ལ་སྙན་གྲགས་གནང་དུ༌གསོལ།།  
\v 2 ཁོ་ཚོའི་དཀོན་མཆོག་གང་དུ་ཡོད་དམ༌ཞེས། །མི་རིགས་གཞན་ལ་སྨྲ་བར་མཛད་དོན༌ཅི།།  
\v 3 ང་ཚོའི་དཀོན་མཆོག་ནམ་མཁར་བཞུགས་ལགས༌ཤིང༌། །ཁོང་ཉིད་ཅི་ལ་དགྱེས་ན་དེ་བཞིན༌མཛད།།  
\v 4 དེ་ཚོའི་ལྷ་སྐུ་དག་ནི་གསེར་དང༌དངུལ། །དེ་ནི་མི་ཡི་ལག་པས་བཟོས་པ༌དང༌།།  
\v 5 སྨྲ་སྒོ་ཡོད་ཀྱང་དེ་དག་གཏམ་མི༌ལབ། །མིག་ནི་ཡོད་ཀྱང་དེ་རྣམས་མཐོང་བ༌མིན།།  
\v 6 རྣ་བ་ཡོད་ཀྱང་དེ་རྣམས་ཐོས་མི་ཐུབ། །སྣ་བུག་ཡོད་ཀྱང་དྲི་མ་བསྣོམ་མི༌བྱེད།།  
\v 7 ལག་པ་ཡོད་ཀྱང་རེག་པར་མི་ནུས༌ཤིང༌། །རྐང་པ་ཡོད་ཀྱང་འགྲུལ་བར་མི་བྱེད༌ལ། །དེ་དག་མགྲིན་པ་ལས་ཀྱང་ངག་མི༌ཐོན།།  
\v 8 ལྷ་སྐུ་བཟོ་མཁན་ལྷ་སྐུ་དང་མཚུངས༌ཤིང༌། །དེ་ལ་བརྟེན་པ་རྣམས་ཀྱང་དེ་བཞིན༌ནོ།།  
\v 9 ཡེས་ར་ཨེལ་ཁྱོད་ཡ་ཝཱེར་བརྟེན་པར༌གྱིས། །ཁོང་ནི་དེ་ཚོའི་ཕུབ་དང་རོགས་རམ་ཡིན།།  
\v 10 ཨ་རོན་ཁྱིམ་རྒྱུད་ཡ་ཝཱེར་བློ་གཏོད༌ཅིག །ཁོང་ནི་དེ་ཚོའི་ཕུབ་དང་རོགས་རམ་ཡིན།།  
\v 11 ཀྱེ་ཀྱེ་ཡ་ཝཱེར་གུས་ཤིང་འཇིགས་པ༌རྣམས། །ཁྱོད་ཚོས་ཡ་ཝཱེར་བློ་གཏད་བཅོལ་དགོས༌ཏེ། །ཁོང་ནི་དེ་ཚོའི་ཕུབ་དང་རོགས་རམ་ཡིན།།  
\v 12 ཡ་ཝཱེས་རང་ཅག་ཐུགས་སུ་དྲན་ནས༌ནི། །ང་ཚོར་བྱིན་རླབས་གནང་བར་གདོན་མི༌ཟ། །ཡེས་ར་ཨེལ་ལ་བྱིན་རླབས་གནང་བར༌འགྱུར། །ཨ་རོན་ཁྱིམ་ལའང་བྱིན་རླབས་གནང་བར༌འགྱུར།།  
\v 13 ཡ་ཝཱེར་གུས་ཤིང་འཇིགས་པར་བྱེད་པ༌ཡི། །ཆེ་ཆུང་མཆོག་དམན་ཀུན་ལ་བྱིན་གྱིས༌བརླབ།།  
\v 14 ཡ་ཝཱེས་ཁྱོད་རྣམས་འཕེལ་བར་མཛད་པ༌དང༌། །ཁྱོད་དང་ཁྱོད་ཀྱི་བུ་རྒྱུད་སྤེལ་བར༌མཛོད།།  
\v 15 གནམ་ས་གཉིས་ཀྱི་བྱེད་པོ་ཡ་ཝཱེ༌ཡི། །བྱིན་རླབས་ཁྱོད་ཚོར་འཐོབ་པར་གྱུར་ཅིག༌གུ།  
\v 16 ནམ་མཁའི་དབྱིངས་རྣམས་ཡ་ཝཱེའི་ཡིན་མོད༌ཀྱང༌། །ས་གཞི་ཁོང་གིས་འཇིག་རྟེན་མི་ལ༌གནང༌།།  
\v 17 གཤིན་པོ་རྣམས་དང་གཤིན་ཡུལ་བབས་པ༌ཡིས། །ཡ་ཝཱེར་བསྟོད་བསྔགས་བརྗོད་པར་ནུས་མ༌ཡིན།།  
\v 18 དེ་ཡང་ད་ལྟའི་དུས་ནས་ཇི་སྲིད༌བར། །ང་ཚོས་ཡ་ཝཱེར་བསྟོད་པ་འབུལ་བར༌བྱ། །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 116
\cl གསུང་མགུར་བརྒྱ་དང་བཅུ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 འཆི་བ་ལས་གྲོལ་ནས་ཚེ་སྲོག་གི་ནང་དུ་ཞུགས་པས་དཀོན་མཆོག་ལ་བསྟོད་པ།  
\p
\v 1 ཡ་ཝཱེས་ང་ཡི་སྐད་དང་འོ་དོད༌ལ། །གསན་པར་གྱུར་པས་ང་རང་ཁོང་ལ༌དགའ།།  
\v 2 དེ་བཞིན་ཁོང་གིས་བདག་ལ་སྙན་གཏད༌པས། །ང་ཡིས་མི་ཚེ་གང་པོར་ཁོང་ལ༌ཞུ།།  
\v 3 འཆི་བའི་ཐག་པས་ང་རང་བཅིངས་པ༌དང༌། །གཤིན་པོའི་ཡུལ་གྱི་ཟུག་གཟེར་ང་ལ༌བྱུང༌། །དཀའ་ལས་དང་ནི་སྡུག་བསྔལ་ང་ཡིས༌མྱངས།།  
\v 4 དེའི་དུས་བདག་གིས་ཡ་ཝཱེའི་མཚན་བོས༌ནས། །ངའི་སྲོག་སྐྱོབ་པར་མཛོད་ཅེས་ཞུ་བ༌ཕུལ།།  
\v 5 ཡ་ཝཱེ་ཐུགས་རྗེ་ཅན་དང་དྲང་བདེན༌ལགས། །རང་ཅག་དཀོན་མཆོག་སྙིང་རྗེའི་བདག་པོ༌ཡིན།།  
\v 6 ཡ་ཝཱེས་བླུན་རྨོངས་མི་རྣམས་སྲུང་བར༌མཛད། །ང་རང་དམན་སར་ལྷུང་དུས་ཁོང་གིས༌བསྐྱབས།།  
\v 7 ཡ་ཝཱེས་ཁྱོད་རང་དྲིན་གྱིས་བསྐྱངས་པས༌ན། །ང་ཡི་སེམས་ཁྱོད་ཡང་བསྐྱར་བདེ་ལ༌བོབས།།  
\v 8 གཙོ་བོ་ཁྱེད་ཀྱིས་ངའི་སྲོག་འཆི་བ༌དང༌། །ང་ཡི་མིག་ཟུང་མཆི་མ་བཞུར་བ༌དང༌། །བདག་གི་རྐང་པ་འདྲེད་པ་བཅས་ལས༌བསྐྱབས།།  
\v 9 གསོན་པོའི་ཡུལ་ནང་ཡ་ཝཱེའི་དྲུང་དུ༌འགྲུལ།།  
\v 10 བདག་གིས་སྡུག་བསྔལ་ཆེན་པོ་མྱངས་པ༌ཞེས། །ང་ཡིས་དད་པའི་རྐྱེན་གྱིས་དེ་སྐད༌སྨྲས།།  
\v 11 དངངས་སྐྲག་ནང་དུ་བདག་གིས་འདི་ལྟར༌དུ། །མི་ཀུན་རྫུན་རྐྱལ་ཡིན་ཞེས་སྨྲས་པ༌འོ།།  
\v 12 ཡ་ཝཱེས་གནང་བའི་ཐུགས་རྗེ་ཀུན་གྱི༌ཕྱིར། །བདག་གིས་ཁོང་ལ་དྲིན་ལན་གང་གིས༌འཇལ།།  
\v 13 བདག་གིས་ཐར་པའི་ཕོར་པ་ཡར་བཏེགས༌ནས། །ཡ་ཝཱེའི་མཚན་ལ་བསྟོད་བསྔགས་བརྗོད་བྱེད༌དོ།།  
\v 14 ཡ་ཝཱེའི་མི་སྡེ་ཀུན་གྱི་མཐོང་ལམ༌དུ། །དམ་བཅའ་རྣམས་ནི་ཁོང་ལ་བསྒྲུབ་པར༌བྱ།།  
\v 15 དད་གུས་ལྡན་པ་རྣམས་ཀྱི་འཆི་བ༌ནི། །ཡ་ཝཱེའི་གཟིགས་ངོར་རིན་ཐང་དཔག་ཏུ༌མེད།།  
\v 16 ཁྱེད་ཀྱི་ཞབས་ཕྱི་ང་ཡིན་ཀྱེ་ཡ༌ཝཱེ། །ཁྱེད་ཀྱི་བྲན་མོའི་བུ་ང་ཁྱེད་ཀྱི༌བྲན། །ང་ཡི་ལྕགས་ཐག་ཁྱེད་ཀྱིས་བཀྲོལ་བ༌ཡིན།།  
\v 17 བདག་གིས་གཏང་རག་མཆོད་པ་ཁྱེད་ལ༌འབུལ། །ཡ་ཝཱེའི་མཚན་ལ་བསྟོད་བསྔགས་བརྗོད་པར༌བྱ།།  
\v 18 ཡ་ཝཱེའི་མི་སྡེ་ཀུན་གྱི་མཐོང་ལམ༌དུ། །དམ་བཅའ་རྣམས་ནི་ཁོང་ལ་བསྒྲུབ་པར༌བྱ།།  
\v 19 ཡེ་རུ་སཱ་ལེམ་ཁྱེད་ཀྱི་དཀྱིལ་དབུས༌སུ། །ཡ་ཝཱེའི་བཞུགས་གནས་དམ་པའི་ཁྱམས་ར༌ནང༌། །བདག་གིས་རང་གི་དམ་བཅའ་བསྒྲུབ་པར༌བྱ། །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 117
\cl གསུང་མགུར་བརྒྱ་དང་བཅུ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེ་ལ་བསྟོད་པ།  
\p
\v 1 ཀྱེ་ཀྱེ་མི་རིགས་ཀུན་གྱིས་ཡ་ཝཱེར༌བསྟོད། །ཀྱེ་ཀྱེ་མི་སྡེ་ཡོངས་ཀྱིས་ཁོང་ལ༌བསྟོད།།  
\v 2 ཁོང་གིས་གནང་བའི་བྱམས་བརྩེ་ཆེན་པོ༌ཡིན། །ཁོང་གི་དྲང་བདེན་རྒྱུན་ནས་རྒྱུན་དུ༌གནས། །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 118
\cl གསུང་མགུར་བརྒྱ་དང་བཅོ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྣམ་པར་རྒྱལ་བས་དཀོན་མཆོག་ཡ་ཝཱེར་བཀའ་དྲིན་ཞུ་བ།  
\p
\v 1 ཡ་ཝཱེ་ལེགས་པས་ཁོང་ལ་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 2 ཡེས་ར་ཨེལ་གྱིས་འདི་ལྟར་ཞུ་བར༌གྱིས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 3 ཨ་རོན་རྒྱུད་ཀྱིས་འདི་ལྟར་ཞུ་བར༌གྱིས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 4 ཡ་ཝཱེར་གུས་ཤིང་འཇིགས་པས་འདི་ལྟར༌ཞུས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 5 སྡུག་བསྔལ་ཁྲོད་ནས་ཡ་ཝཱེར་འོ་དོད༌བོས། །བཀའ་ལན་གནང་ཞིང་ཐར་བར་མཛད་ལགས༌སོ།།  
\v 6 ཡ་ཝཱེ་ངའི་ཕྱོགས་བཞུགས་པས་ང་མི༌འཇིགས། །མི་ཡིས་བདག་ལ་ཅི་ཞིག་བྱེད་ནུས༌སམ།།  
\v 7 ང་ཡི་སྡོངས་གྲོགས་ཁོང་ཉིད་ངའི་ཕྱོགས༌བཞུགས། །བདག་གིས་དགྲ་བོ་རྣམས་ལ་ལྟད་མོར༌བལྟ།།  
\v 8 འཇིག་རྟེན་མི་ལ་བློ་གཏད་བཅོལ་བ༌ལས། །ཡ་ཝཱེར་སྐྱབས་སུ་འགྲོ་བ་ཤིན་ཏུ༌ལེགས།།  
\v 9 རྒྱལ་སྲས་རྣམས་ལ་བློ་གཏད་བཅོལ་བ༌ལས། །ཡ་ཝཱེར་སྐྱབས་སུ་འགྲོ་བ་ཤིན་ཏུ༌ལེགས།།  
\v 10 མི་རིགས་ཀུན་གྱིས་ངའི་མཐའ་བསྐོར་ན༌ཡང༌། །ཡ་ཝཱེའི་མཚན་ལ་བརྟེན་ནས་ཚར་གཅོད༌བྱ།།  
\v 11 དེ་ཚོས་ང་ཡི་མཐའ་ནས་ང་རང༌བསྐོར། །ཡ་ཝཱེའི་མཚན་ལ་བརྟེན་ནས་ཚར་གཅོད༌བྱ།།  
\v 12 སྦྲང་མ་ནང་བཞིན་དེ་རྣམས་ངའི་སྟེང༌རུབ། །དེ་རྣམས་ཚེར་མའི་མེ་བཞིན་ཞི་བར༌འགྱུར། །ཡ་ཝཱེའི་མཚན་ལ་བརྟེན་ནས་ཚར་གཅོད༌བྱ།།  
\v 13 ཁྱོད་ཀྱིས་ང་རང་བསྒྱེལ་ཕྱིར་ཤེད་ཀྱིས༌འཕུལ། །འོན་ཀྱང་ཡ་ཝཱེས་ང་ལ་རོགས་རམ༌མཛད།།  
\v 14 ཡ་ཝཱེ་ང་ཡི་སྟོབས་དང་མགུར་མ༌ཡིན། །ཁོང་ཉིད་བདག་གི་སྐྱབས་སུ་གྱུར་པ༌ཡིན།།  
\v 15 སྐྱེས་བུ་དྲང་བདེན་རྣམས་ཀྱི་གུར་ནང༌དུ། །དགའ་སྤྲོ་ཐར་པའི་ཀི་སྒྲས་འདི་བཞིན༌བརྗོད། །ཡ་ཝཱེའི་ཕྱག་གཡས་ཀྱིས་ནི་དོན་ཆེན༌མཛད།།  
\v 16 ཡ་ཝཱེ་ཕྱག་གཡས་མཐོན་པོར་བཀྱགས་པ༌དང༌། །ཁོང་གི་ཕྱག་གཡས་ཀྱིས་ནི་དོན་ཆེན༌མཛད།།  
\v 17 ང་ནི་འཆི་བར་མི་འགྱུར་གསོན་བསྡད༌དེ། །ཡ་ཝཱེའི་འཕྲིན་ལས་གང་མཛད་སྨྲ་བར༌བྱ།།  
\v 18 ཡ་ཝཱེས་ང་རང་དྲག་པོར་བཅུན་ན༌ཡང༌། །ང་རང་འཆི་བའི་དབང་དུ་མ་བཏད༌དོ།།  
\v 19 དྲང་བདེན་སྒོ་རྣམས་ང་ལ་ཕྱེས་ཤིག༌དང༌། །ང་དེར་འཛུལ་ནས་ཡ་ཝཱེར་གཏང་རག༌འབུལ།།  
\v 20 འདི་ནི་ཡ་ཝཱེའི་རྒྱལ་སྒོ་ཡིན་པ༌སྟེ། །དྲང་བདེན་མི་རྣམས་འབའ་ཞིག་འཇུག་པར༌འགྱུར།།  
\v 21 ཁྱེད་ཀྱིས་ང་ལ་བཀའ་ལན་གནང་བ༌དང༌། །ང་ཡི་སྐྱབས་སུ་གྱུར་པས་གཏང་རག༌འབུལ།།  
\v 22 བཟོ་བ་རྣམས་ཀྱིས་སྤངས་པའི་རྡོ་དེ༌ནི། །ཁང་པའི་ཟུར་གྱི་རྨང་རྡོར་གྱུར་པ༌ཡིན།།  
\v 23 འདི་ནི་ཡ་ཝཱེས་མཛད་པའི་འཕྲིན་ལས༌ཡིན། །བདག་ཅག་མིག་ལ་ངོ་མཚར་རབ་ཏུ༌ཆེ།།  
\v 24 འདི་ནི་ཡ་ཝཱེས་བཙུགས་པའི་ཉིན་མོ༌ཡིན། །ཉིན་འདིར་ང་ཚོ་དགའ་ཞིང་སྐྱིད་པར༌བྱེད།།  
\v 25 ཀྱེ་ཀྱེ་ཡ་ཝཱེ་ངེད་རྣམས་སྐྱོབ་པར༌མཛོད། །ངེད་རྣམས་དོན་ཀུན་འགྲུབ་པར་མཛད་དུ༌གསོལ།།  
\v 26 ཡ་ཝཱེའི་མཚན་ནས་བྱོན་པ་བྱིན་རླབས་ཅན། །ཡ་ཝཱེའི་བཞུགས་གནས་ལས་ནི་ངེད་རྣམས༌ཀྱིས། །ཁྱོད་རྣམས་ཀུན་ལ་བྱིན་གྱིས་བརླབ་པར༌བྱ།།  
\v 27 ཡ་ཝཱེ་ཁོང་ཉིད་དཀོན་མཆོག་ལགས་པ༌དང༌། །ཁོང་གིས་ཉིད་ཀྱི་འོད་སྣང་ངེད་ལ༌སྤྲོས། །ཁྱོད་ཚོས་དམར་མཆོད་ཐག་པས་བཀྱིགས་ནས༌ནི། །མཆོད་ཁྲིའི་རུ་ཐུར་ཡོད་སར་ཁྲིད་ལ༌ཐོགས།།  
\v 28 ཁྱེད་ངའི་དཀོན་མཆོག་ཡིན་པས་གཏང་རག༌འབུལ། །ཁྱེད་ངའི་དཀོན་མཆོག་ཡིན་པས་བཀུར་སྟི༌བྱ།།  
\v 29 ཡ་ཝཱེ་ལེགས་པས་ཁོང་ལ་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།   
\c 119
\cl གསུང་མགུར་བརྒྱ་དང་བཅུ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་བཀའ་ལ་བསྟོད་བསྔགས་བརྗོད་པ།  
\qa ༼ཨ་ལེ༌ཕཱ།༽ \f + \ft ཨ་ལེ་ཕཱ་ཞེས་པ་ནི་ཨིབ་རི་པའི་སྐད་ཡིག་གི་གསལ་བྱེད་ཡི་གེ་སྒྲ་བསྒྱུར་བྱས་པ༌ཡིན། མ་ཕྱི་ལས་གསུང་མགུར་འདིའི་ཚིག་རྐང་རེ་རེའི་མགོ་ལ་ཨིབ་རི་པའི་གསལ་བྱེད་ཡི་གེ་རྣམས་གོ་རིམ་ལྟར་བསྒྲིགས་ཡོད། གཤམ་གསལ་ཚན་པ་རེ་རེའི་ཁ་བྱང་དག་གིས་ཁོ་ཚོའི་སྙན་ངག་འབྲི་སྲོལ་འདིའི་རྟགས་མཚོན་ཡོད་དེ། དཔེར་ན་སྒྲ་སྒྱུར་བྱས་པའི་ཐ་སྙད་པེ་ཐ༌དང༌། གྷི་མེལ་ཞེས་པ་ལྟ་བུ༌ཡིན། \f*  
\p
\v 1 སུ་ཞིག་སྤྱོད་པ་ཡོངས་སུ་རྫོགས་པ༌དང༌། །ཡ་ཝཱེའི་བཀའ་ཁྲིམས་བརྩི་སྲུང་བྱེད་པ༌བདེ།།  
\v 2 ཁོང་གི་དཔང་ཡིག་སྲུང་ཞིང་རྩེ་གཅིག༌གིས། །ཁོང་ཉིད་འཚོལ་བར་བྱེད་པའི་མི་རྣམས༌བདེ།།  
\v 3 དེ་ཚོས་མ་རུང་གང་ཡང་མི་བྱེད༌ཅིང༌། །ཁོང་གི་ཕེབས་ལམ་རྣམས་སུ་འགྲུལ་བར༌བྱ།།  
\v 4 ང་ཚོས་བརྩི་སྲུང་ནན་མོ་བགྱི་བའི༌ཕྱིར། །ཡ་ཝཱེ་ཁྱེད་ཀྱིས་ང་ཚོར་བཀའ་སློབ༌གནང༌།།  
\v 5 ཁྱེད་ཀྱི་སྒྲིག་ཁྲིམས་བརྩི་སྲུང་བྱ་ཐུབ༌ཕྱིར། །ང་ཡི་སྤྱོད་པ་བརྟན་པོ་འོང་བར༌ཤོག།  
\v 6 ཁྱེད་ཀྱི་བཀའ་རྒྱར་བརྩི་མཐོང་བྱེད་པས༌ན། །ང་རང་ནམ་ཡང་ནོངས་པར་མི་འགྱུར༌རོ།།  
\v 7 བདག་གིས་ཁྱེད་ཀྱི་དྲང་པོའི་ཁྲིམས་བསླབ༌པས། །གཞུང་དྲང་སེམས་ཀྱིས་ཁྱེད་ལ་གཏང་རག༌འབུལ།།  
\v 8 བདག་གིས་ཁྱེད་ཀྱི་སྒྲིག་ཁྲིམས་བསྲུང་བྱ༌ཞིང༌། །ཁྱེད་ཀྱིས་ང་རང་ཡོངས་སུ་སྤང་མ༌མཛོད།།   
\qa ༼པེ༌ཐ།༽  
\p
\v 9 གཞོན་ནུས་སྤྱོད་ལམ་ཅི་ལྟར་གཙང་བར༌བྱ། །ཁྱེད་ཀྱི་བཀའ་བཞིན་འཚོ་བས་ཆོག་པ༌ཡིན།།  
\v 10 བདག་གིས་ཡིད་སེམས་ཧྲིལ་པོས་ཁྱེད་རང༌འཚོལ། །ཁྱེད་ཀྱི་བཀའ་ལས་ང་རང་འཁྱར་མ༌འཇུག།  
\v 11 ཁྱེད་དང་འགལ་བའི་སྡིག་པ་མི་བྱེད༌ཕྱིར། །ཁྱེད་ཀྱི་བཀའ་ནི་སེམས་གཏིང་ཉར་ནས༌ཡོད།།  
\v 12 ཀྱེ་ཀྱེ་ཡ་ཝཱེ་ཁྱེད་ཉིད་བསྟོད་པར༌འོས། །ཉིད་ཀྱི་སྒྲིག་ཁྲིམས་ང་ལ་སློབ་པར༌མཛོད།།  
\v 13 ཁྱེད་ཀྱི་ཞལ་ལས་འབྱུང་བའི་ཁྲིམས་སྲོལ༌ཀུན། །བདག་གི་མཆུ་སྒྲོས་ཀྱིས་ནི་བསྒྲག་པར༌བྱ།།  
\v 14 རྒྱུ་ནོར་ལོངས་སྤྱོད་ཀུན་ལ་དགའ་བ༌བཞིན། །ང་རང་ཁྱེད་ཀྱི་དཔང་ཡིག་ལ་དགའ༌འོ།།  
\v 15 ཁྱེད་ཀྱི་བཀའ་སློབ་བདག་གིས་སྒོམ་པར༌བྱ། །ཁྱེད་ཀྱི་ཕེབས་ལམ་རྣམས་ལ་བཀུར་སྟི་བྱེད།།  
\v 16 ང་རང་ཁྱེད་ཀྱི་སྒྲིག་ཁྲིམས་རྣམས་ལ༌དགའ། །ཁྱེད་ཀྱི་བཀའ་ནི་བདག་གིས་བརྗེད་མི༌བྱ།།   
\qa ༼གྷི༌མེལ།༽  
\p
\v 17 ཁྱེད་ཀྱི་ཞབས་ཕྱི་དྲིན་གྱིས་སྐྱོང་བར༌མཛོད། །ང་རང་འཚོ་ཞིང་ཉིད་ཀྱི་བཀའ་རྣམས༌བརྩི།།  
\v 18 བཀའ་ཁྲིམས་ཁྲོད་ཀྱི་ངོ་མཚར་མཐོང་བའི༌ཕྱིར། །ཁྱེད་ཀྱིས་བདག་གི་མིག་ཟུང་འབྱེད་པར༌མཛོད།།  
\v 19 ས་གཞིར་ང་རང་བྱེས་པ་ཡིན་པས༌ན། །ཁྱེད་ཀྱི་བཀའ་རྣམས་བདག་ལ་མི་སྦ༌རོགས།།  
\v 20 རྟག་ཏུ་ཁྱེད་ཀྱི་ཁྲིམས་ལ་རབ་དུངས༌བས། །ཐ་ན་བདག་གི་སེམས་ཤུགས་ཀྱང་ཉམས༌སོ།།  
\v 21 དམོད་མོ་ཐེབས་ཤིང་བཀའ་ལས་འཁྱར་བ༌ཡི། །ང་རྒྱལ་ཅན་ལ་ཁྱེད་ཀྱིས་བཀའ་བཀྱོན༌མཛད།།  
\v 22 བདག་གིས་ཁྱེད་ཀྱི་དཔང་ཡིག་རྣམས་བསྲུངས༌པས། །འཕྱ་དམོད་མཐོང་ཆུང་ང་དང་འབྲལ་བར༌མཛོད།།  
\v 23 སྐུ་དྲག་ལྷན་ཅིག་བསྡད་ནས་ང་རང༌གླེང༌། །འོན་ཀྱང་ཞབས་ཕྱིས་ཉིད་ཀྱི་སྒྲིག་ཁྲིམས༌སྒོམ།།  
\v 24 ཁྱེད་ཀྱི་དཔང་ཡིག་ང་ཡི་དགའ་སྤྲོ༌ཡིན། །དེ་རྣམས་བདག་གི་གྲོས་འདེབས་ཡིན་པ༌འོ།།   
\qa ༼དཱ་ལེ༌ཐ།༽  
\p
\v 25 ང་ནི་ས་རྡུལ་ནང་དུ་འདྲེས་ལ༌ཉེ། །ཁྱེད་ཀྱི་བཀའ་བཞིན་ང་རང་གསོན་པར༌མཛོད།།  
\v 26 བདག་གིས་རང་གི་ཅི་བྱས་རྣམས་བཤད༌པས། །ཁྱེད་ཀྱིས་ང་ལ་བཀའ་ལན་གནང་བ༌དང༌། །ཉིད་ཀྱི་སྒྲིག་ཁྲིམས་ང་ལ་སློབ་པར༌མཛོད།།  
\v 27 ཁྱེད་ཀྱི་བཀའ་ཡི་བསླབ་བྱ་རྟོགས་སུ༌གསོལ། །བདག་གིས་ཁྱེད་ཀྱི་ངོ་མཚར་དོན་རྣམས༌སྒོམ།།  
\v 28 སྡུག་བསྔལ་དབང་གིས་མཆི་མ་བཞུར་བས༌ན། །ཁྱེད་ཀྱི་བཀའ་བཞིན་ང་ལ་སྟོབས་ཤུགས༌གནོངས།།  
\v 29 ང་རང་གཡོ་སྒྱུའི་ལམ་དང་ཕྲལ་བར༌མཛོད། །ཁྱེད་ཀྱི་བཀའ་ཁྲིམས་ང་ལ་གནང་དུ༌གསོལ།།  
\v 30 བདག་གིས་དྲང་བདེན་ལམ་དེ་བདམས་པ༌ཡིན། །ཁྱེད་ཀྱི་ཁྲིམས་སྲོལ་རྟག་ཏུ་མདུན་སར༌བཞག།  
\v 31 ཁྱེད་ཀྱི་དཔང་ཡིག་དམ་པོར་བསྲུངས་པས༌ན། །ཀྱེ་ཀྱེ་ཡ་ཝཱེ་ངོ་ཚར་མ་གཏོད༌ཅིག།  
\v 32 ཁྱེད་ཀྱིས་ངའི་སེམས་ཡངས་སར་བཀོད་པས༌ན། །ང་རང་ཁྱེད་ཀྱི་བཀའ་རྒྱའི་ལམ་དུ༌རྒྱུག།   
\qa ༼ཧཱེ།༽  
\p
\v 33 ཡ་ཝཱེ་ཁྱེད་ཀྱི་སྒྲིག་ཁྲིམས་ང་ལ༌སློབ། །བདག་གིས་དེ་རྣམས་མཐའ་མའི་བར་དུ༌བསྲུང༌།།  
\v 34 བློ་གྲོས་གནོངས་དང་ཁྱེད་ཀྱི་བཀའ་ཁྲིམས༌བསྲུང༌། །ཡིད་སེམས་ཧྲིལ་པོས་དེ་ཉིད་བསྲུང་བར༌བྱ།།  
\v 35 ཁྱེད་ཀྱི་བཀའ་རྒྱའི་ལམ་ནང་ཁྲིད་པར༌མཛོད། །དེ་རུ་བདག་སེམས་དགའ་མགུ་རངས་པས༌སོ།།  
\v 36 ངའི་སེམས་མི་གཙང་ནོར་ལ་མི་ཕྱོགས༌པར། །ཁྱེད་ཀྱི་དཔང་ཡིག་ཕྱོགས་སུ་འདྲེན་པར༌མཛོད།།  
\v 37 སྙིང་པོ་མེད་པའི་དོན་ལས་ངའི་མིག༌སྲུངས། །ཁྱེད་ཀྱི་བཀའ་ནང་ང་རང་འཚོ་བར༌མཛོད།།  
\v 38 གུས་ཤིང་འཇིགས་པའི་མི་ལ་གནང་བ༌ཡི། །ཞལ་བཞེས་ཁྱེད་ཀྱི་ཞབས་ཕྱིར་མཛད་དུ༌གསོལ།།  
\v 39 ཁྱེད་ཀྱི་ཁྲིམས་སྲོལ་གཞི་ནས་བཟང་བས༌ན། །ང་རང་འཇིགས་པའི་ངོ་ཚ་ཕྲལ་བར༌མཛོད།།  
\v 40 ཁྱེད་ཀྱི་བཀའ་སློབ་ལ་ནི་ང་རང༌དུངས། །ཁྱེད་ཀྱི་དྲང་བདེན་ནང་དུ་འཚོ་བར༌མཛོད།།   
\qa ༼ཝཱ་ཝའུ།༽  
\p
\v 41 ཀྱེ་ཀྱེ་ཡ་ཝཱེ་ཁྱེད་ཀྱི་ཞལ་བཞེས་བཞིན། །བྱམས་བརྩེ་ཐར་པ་ངའི་སྟེང་འབབ་པར༌ཤོག།  
\v 42 ཁྱེད་ཀྱི་བཀའ་ལ་བློ་གཏད་བཅོལ་བས༌ན། །ངོ་ཚ་གཏོད་མཁན་རྣམས་ལ་ངས་ལན༌འདེབས།།  
\v 43 ཁྱེད་ཀྱི་ཁྲིམས་སྲོལ་རྣམས་ལ་ངས་རེ༌བས། །བདེན་པའི་བཀའ་ངའི་སྨྲ་སྒོར་འབྲལ་མ༌འཇུག།  
\v 44 ཁྱེད་ཀྱི་བཀའ་ཁྲིམས་བདག་གིས་གཏན་དུ༌བསྲུང༌།།  
\v 45 ཁྱེད་ཀྱི་བཀའ་སློབ་བདག་གིས་བཙལ་བས༌ན། །ང་རང་ས་ཁོད་ཡངས་སར་འགྲུལ་བར༌བྱ།།  
\v 46 ཁྱེད་ཀྱི་དཔང་ཡིག་རྒྱལ་པོ་རྣམས་ཀྱི༌དྲུང༌། །འཆད་པར་བྱ་ཞིང་ང་རང་གནོང་མི༌འགྱུར།།  
\v 47 ཁྱེད་ཀྱི་བཀའ་རྒྱའི་ནང་དུ་ང་རང༌དགའ། །བཀའ་དེར་ང་རང་གཞི་ནས་དགའ་བ༌ཡིན།།  
\v 48 གཅེས་སུ་འཛིན་པའི་ཁྱེད་ཀྱི་བཀའ་རྒྱའི༌ཕྱོགས། །ང་ཡིས་ལག་པ་མཐོ་རུ་འདེགས་པར༌བྱ། །ཁྱེད་ཀྱི་སྒྲིག་ཁྲིམས་རྣམས་ནི་བདག་གིས༌སྒོམ།།   
\qa ༼ཛ་ཡན།༽  
\p
\v 49 ཁྱེད་ཀྱིས་བདག་ལ་རེ་བ་བསྐྱེད་མཛད༌པས། །ཞབས་ཕྱིར་ཞལ་གྱིས་བཞེས་པའི་བཀའ་དྲན༌མཛོད།།  
\v 50 ཁྱེད་ཀྱི་བཀའ་ཡིས་ང་རང་གསོན་པར༌མཛད། །འདི་ནི་སྡུག་བསྔལ་ཁྲོད་ཀྱི་སེམས་གསོ༌ཡིན།།  
\v 51 ང་རྒྱལ་ཅན་གྱིས་ཚད་མེད་བརྙས་ན༌ཡང༌། །ང་རང་ཁྱེད་ཀྱི་བཀའ་ཁྲིམས་ལས་མ༌འཁྱར།།  
\v 52 ཀྱེ་ཀྱེ་ཡ་ཝཱེ་བདག་གིས་ཁྱེད་ཉིད༌ཀྱི། །གནའ་བོའི་ཁྲིམས་སྲོལ་དྲན་ནས་སེམས་གསོ༌ཐོབ།།  
\v 53 ཁྱེད་ཀྱི་བཀའ་ཁྲིམས་སྤངས་པའི་མི་ངན༌རྐྱེན། །ཁོང་ཁྲོའི་མེ་ལྕེ་དྲག་པོ་ངའི་ནང༌འབར།།  
\v 54 བདག་གིས་འཇིག་རྟེན་འདི་རུ་གནས་བཅས༌ཤིང༌། །ཁྱེད་ཀྱི་སྒྲིག་ཁྲིམས་མགུར་མའི་དབྱངས་སུ༌བྱས།།  
\v 55 ཡ་ཝཱེ་མཚན་མོར་ཁྱེད་ཀྱི་མཚན་དྲན༌ཞིང༌། །ཉིད་ཀྱི་བཀའ་ཁྲིམས་ང་ཡིས་བསྲུངས་པ༌ཡིན།།  
\v 56 ཁྱེད་ཀྱི་བཀའ་སློབ་རྩི་བ་བདག་ལ༌གོམས།།   
\qa ༼ཧཱེ༌ཐུ།༽  
\p
\v 57 ཡ་ཝཱེ་ང་ཡི་ནོར་སྐལ་ཡིན་པས༌ན། །ཁྱེད་ཀྱི་བཀའ་རྣམས་བསྲུང་དགོས་བདག་གིས༌སྨྲས།།  
\v 58 ཡིད་སེམས་ཧྲིལ་པོས་ཁྱེད་ཀྱི་བཀའ་དྲིན༌བཙལ། །ཁྱེད་ཀྱི་བཀའ་བཞིན་ང་ལ་སྙིང་རྗེ༌མཛོད།།  
\v 59 རང་གི་ལམ་ལ་བསམ་བློ་བཏང་ནས༌ནི། །ཁྱེད་ཀྱི་དཔང་ཡིག་ཕྱོགས་སུ་གོམ་སྟབས༌བསྒྱུར།།  
\v 60 ཁྱེད་ཀྱིས་གནང་བའི་བཀའ་རྣམས་བསྲུང་བའི༌ཕྱིར། །མགྱོགས་མགྱོགས་བགྱིས་ནས་འགོར་འགྱང་མི་བྱ༌འོ།།  
\v 61 ངན་པའི་ཐག་པས་ང་རང་དཀྲིས་ན༌ཡང༌། །བདག་གིས་ཁྱེད་ཀྱི་བཀའ་ཁྲིམས་བརྗེད་མེད༌ཡིན།།  
\v 62 ཁྱེད་ཀྱི་དྲང་བདེན་ཁྲིམས་སྲོལ་རྣམས་ཀྱི༌ཕྱིར། །ནམ་གུང་ལངས་ནས་ཁྱེད་ལ་གཏང་རག༌འབུལ།།  
\v 63 ཁྱེད་ལ་གུས་ཤིང་འཇིགས་ལ་བཀའ་སློབ༌རྣམས། །རྩི་མཁན་དག་གི་གྲོགས་པོ་ང་ཡིན༌ནོ།།  
\v 64 ཡ་ཝཱེ་ཁྱེད་ཀྱི་བྱམས་བརྩེ་ས་གཞིར༌ཁྱབ། །ཉིད་ཀྱི་སྒྲིག་ཁྲིམས་ང་ལ་སློབ་པར༌མཛོད།།   
\qa ༼ཏཱེ༌ཐུ།༽  
\p
\v 65 ཀྱེ་ཀྱེ་ཡ་ཝཱེ་ཁྱེད་ཀྱི་བཀའ་བཞིན༌དུ། །ཉིད་ཀྱི་ཞབས་ཕྱིར་ལེགས་པོ་མཛད་བྱུང༌ངོ༌།།  
\v 66 ང་རང་ཁྱེད་ཀྱི་བཀའ་ལ་དད་པས༌ན། །ཤེས་བྱ་མཁས་མཛངས་ང་ལ་སློབ་པར༌མཛོད།།  
\v 67 སྡུག་བསྔལ་མ་མྱངས་སྔོན་ལ་ཉེས་སྐྱོན༌བཟོས། །འོན་ཀྱང་ད་ནི་ཁྱེད་ཀྱི་བཀའ་སྲུང༌ངོ༌།།  
\v 68 ཁྱེད་ནི་བཟང་པོ་ལགས་པས་བཟང་པོ༌མཛད། །ཁྱེད་ཀྱི་སྒྲིག་ཁྲིམས་བདག་ལ་སློབ་པར༌མཛོད།།  
\v 69 ང་རྒྱལ་ཅན་གྱིས་བདག་ལ་རྫུན་གྱིས༌སྨད། །ངའི་སེམས་ཧྲིལ་པོས་ཁྱེད་ཀྱི་བཀའ་སློབ༌རྩི།།  
\v 70 དེ་ཚོའི་སྙིང་ནི་ཚིལ་གྱིས་བཏུམས་ན༌ཡང༌། །ང་རང་ཁྱེད་ཀྱི་བཀའ་ཁྲིམས་ལ་དགའ༌འོ།།  
\v 71 ཁྱེད་ཀྱི་སྒྲིག་ཁྲིམས་བདག་གིས་སློབ་པའི༌ཕྱིར། །སྡུག་བསྔལ་མྱངས་པས་བདག་ལ་ཕན་ཐོགས༌སོ།།  
\v 72 གསེར་དངུལ་སྟོང་ཕྲག་ལས་ཀྱང་ཁྱེད་ཉིད༌ཀྱི། །ཞལ་ལས་འབྱུང་བའི་བཀའ་ཁྲིམས་བདག་ལ༌ཕན།།   
\qa ༼ཡཱོ་དའུ།༽  
\p
\v 73 ང་ནི་ཁྱེད་ཀྱི་ཕྱག་གིས་བཀོད་ཅིང༌བཟོས། །ཁྱེད་ཀྱི་བཀའ་རྣམས་སློབ་ཕྱིར་གོ་རྟོགས༌གནོངས།།  
\v 74 ཁྱེད་ཀྱི་བཀའ་ལ་བདག་གིས་རེ་བས༌ན། །ཁྱེད་ལ་གུས་ཤིང་འཇིགས་པའི་མི་རྣམས༌ཀྱིས། །ང་རང་མཐོང་ན་དགའ་མགུ་ཡི་རང༌བགྱི།།  
\v 75 ཡ་ཝཱེ་ཁྱེད་ཀྱི་ཁྲིམས་གཅོད་དྲང་བ༌ཤེས། །དྲང་བདེན་སྒོ་ནས་ང་རང་སྡུག་ལ༌སྦྱར།།  
\v 76 ཞབས་ཕྱིར་ཞལ་གྱིས་བཞེས་པའི་བཀའ་བཞིན༌དུ། །ཉིད་ཀྱི་བྱམས་བརྩེས་བདག་ལ་སེམས་གསོ༌གནོངས།།  
\v 77 ཁྱེད་ཀྱི་བཀའ་ཁྲིམས་ལ་ནི་ང་དགའ༌བས། །ང་རང་འཚོ་ཕྱིར་སྙིང་རྗེ་གནང་བར༌ཤོག།  
\v 78 ང་རྒྱལ་ཅན་གྱིས་དོན་མེད་ང་ལ༌སྨད། །དེའི་ཕྱིར་ཁོ་རྣམས་ངོ་ཚར་སྦྱོར་བར༌ཤོག །འོན་ཀྱང་བདག་གིས་ཁྱེད་ཀྱི་བཀའ་སློབ༌བསྒོམ།།  
\v 79 ཁྱེད་ལ་གུས་\f + \ft འདིར་གུས་ཞེས་པ་ནི་གུས་ཤིང་འཇིགས་པའི་དོན༌ཡིན།\f*པ་ངའི་ཕྱོགས་འཁོར་བར༌ཤོག །དེ་ཚོས་ཁྱེད་ཀྱི་དཔང་ཡིག་ཤེས་པར༌འགྱུར།།  
\v 80 ང་རང་ངོ་ཚའི་གནས་སུ་མི་ལྷུང༌ཕྱིར། །སྒྲིག་ཁྲིམས་ཐད་ནས་ངའི་སེམས་སྐྱོན་བྲལ༌ཤོག །   
\qa ༼ཀཱ༌ཕ།༽  
\p
\v 81 ཁྱེད་ཀྱི་སྐྱབས་ལ་དུངས་ནས་བདག་སེམས༌རྒུད། །ཉིད་ཀྱི་བཀའ་ལ་སྔར་བཞིན་རེ་སྒུག༌བྱེད།།  
\v 82 ཁྱེད་ཀྱི་བཀའ་ལ་རེ་བས་མིག་ཀྱང༌རིབ། །ནམ་ཞིག་སེམས་གསོ་གནང་ཞེས་བདག་གིས༌ཞུ།།  
\v 83 ང་རང་དུད་གདུག་ཁྲོད་ཀྱི་རྐྱལ་བ་\f + \ft འདིར་དུད་གདུག་ཁྲོད་ཀྱི་རྐྱལ་བ་ཞེས་པ་ནི་གལ་ཏེ་རྐྱལ་བ་ཞིག་དུ་བའི་ནང་བཀལ་བ་ཡིན་ན་རྐྱལ་བ་དེ་བསྐམས་ནས་གས་འགྲོ་བ༌དང༌། འདིར་རྩོམ་པ་པོས་རང་ཉིད་རྒས་ནས་ཕན་ཐོགས་མེད་པར་བསམས་པའི་ཚོར་བ་དེ་ལ༌འཇུག \f*བཞིན། །ཡིན་ཡང་ཁྱེད་ཀྱི་སྒྲིག་ཁྲིམས་བརྗེད་མེད༌དོ།།  
\v 84 ཁྱེད་ཀྱི་ཞབས་ཕྱིར་ཉི་མ་ག་ཚོད་ཡོད། །ང་ལ་འཚེ་མཁན་དག་ལ་ཁྲིམས་ནམ༌གཅོད།།  
\v 85 ཁྱེད་ཀྱི་བཀའ་ཁྲིམས་ཚུལ་བཞིན་མི་བརྩི༌བའི། །ང་རྒྱལ་ཅན་གྱིས་ངའི་ཆེད་ས་དོང༌བྲུས།།  
\v 86 ཁྱེད་ཀྱི་བཀའ་ནི་ཁ་ཚང་བདེན་པ༌ལགས། །དེ་ཚོས་གཡོ་སྒྱུས་འཚེ་བས་སྐྱབས་མཛོད༌ཅིག།  
\v 87 ཅུང་ཟད་ཙམ་གྱིས་དེ་ཚོས་ང་ཚར༌བཅད། །ཡིན་ཡང་ཁྱེད་ཀྱི་བཀའ་སློབ་དོར་བ༌མིན།།  
\v 88 ཁྱེད་ཀྱི་བྱམས་བརྩེ་བཞིན་དུ་སྐྱབས་སུ༌གསོལ། །ཉིད་ཀྱི་ཞལ་ལས་འབྱུང་བའི་དཔང་ཡིག༌བསྲུང༌།།   
\qa ༼ལཱ༌མེད།༽  
\p
\v 89 ཡ་ཝཱེ་ཁྱེད་ཀྱི་བཀའ་ནི་རྟག་ཏུ༌གནས། །ནམ་མཁའི་དབྱིངས་སུ་འཇགས་པར་མཛད་ལགས༌སོ།།  
\v 90 ཁྱེད་ཀྱི་དྲང་བདེན་མི་རབས་ཀུན་ཏུ་གནས། །ས་གཞི་བརྟན་པོར་བཙུགས་པས་རྟག་ཏུ༌གནས།།  
\v 91 ཡོད་ཚད་ཁྱེད་ཀྱི་ཞབས་ཕྱི་ཡིན་པས༌ན། །ཉིད་ཀྱི་ཁྲིམས་བཞིན་གནམ་ས་ད་བར༌གནས།།  
\v 92 ཁྱེད་ཀྱི་བཀའ་ཁྲིམས་ལ་ནི་དགའ་མེད༌ཚེ། །སེམས་སྡུག་ནང་དུ་ང་རང་ཤི་བ༌ཡིན།།  
\v 93 བཀའ་སློབ་བརྒྱུད་ནས་ང་ཡི་སྲོག་བསྐྱབས༌པས། །ཁྱེད་ཀྱི་བཀའ་སློབ་ནམ་ཡང་བརྗེད་མི༌འགྱུར།།  
\v 94 ཁྱེད་ཀྱི་བཀའ་སློབ་བདག་གིས་བཙལ་བ༌དང༌། །ང་རང་ཁྱེད་ཀྱི་ཡིན་པས་སྐྱབས་སུ༌གསོལ།།  
\v 95 ང་རང་གསོད་ཕྱིར་ངན་པ་འཇབ་ན༌ཡང༌། །བདག་གིས་ཁྱེད་ཀྱི་དཔང་ཡིག་ཞིབ་ཏུ༌བསམ།།  
\v 96 ཕུལ་བྱུང་ཀུན་ལ་མཐའ་ཡོད་ངས་མཐོང༌མོད། །ཁྱེད་ཀྱི་བཀའ་ནི་ཤིན་ཏུ་མཐའ་ཡས༌སོ།།   
\qa ༼མཱེམ།༽  
\p
\v 97 ཁྱེད་ཀྱི་བཀའ་ཁྲིམས་ལ་ང་ཇི་འདྲ༌དགའ། །ཉིན་གང་མཚམས་མེད་བདག་གིས་དེ་ནི༌སྒོམ།།  
\v 98 ཁྱེད་ཀྱི་བཀའ་རྣམས་ངའི་ནང་གཏན་དུ༌གནས། །ང་རང་དགྲ་བོ་རྣམས་ལས་མཁས་པར༌མཛད།།  
\v 99 བདག་གིས་ཁྱེད་ཀྱི་དཔང་ཡིག་བསྒོམས་པས༌ན། །བདག་གི་སློབ་དཔོན་ཀུན་ལས་བདག་མཁས༌སོ།།  
\v 100 ང་ཡིས་ཁྱེད་ཀྱི་བཀའ་སློབ་བསྲུངས་པས༌ན། །བདག་གི་གོ་རྟོགས་རྒན་པ་ལས་ཀྱང༌ཟབ།།  
\v 101 བཀའ་བཞིན་སྤྱོད་ཕྱིར་རང་གི་རྐང་པ༌ནི། །ངན་པའི་ལམ་ནང་ཞུགས་པར་བཀག་པ༌ཡིན།།  
\v 102 ཁྱེད་ཀྱིས་ང་ལ་བསླབ་བྱ་གནང་བས༌ན། །ཁྲིམས་སྲོལ་རྣམས་ལས་ང་རང་འཁྱོར་བ༌མེད།།  
\v 103 ཁྱེད་ཀྱི་བཀའ་རྣམས་བདག་ལ་མངར་མོ༌ཡིན། །ཁ་ལ་སྦྲང་རྩི་ལས་ཀྱང་མངར་མོ༌ཡིན།།  
\v 104 ཁྱེད་ཀྱི་གསུང་ལས་གོ་རྟོགས་རྙེད་པས༌ན། །རྫུན་གྱི་བགྲོད་ལམ་ཀུན་ལ་ང་རང༌སྡང༌།།   
\qa ༼ནུན།༽  
\p
\v 105 ཁྱེད་ཀྱི་བཀའ་ནི་མདུན་གྱི་སྒྲོན་མེ༌དང༌། །ང་ཡི་ལམ་གྱི་འོད་ཟེར་དེ་ཡང༌ཡིན།།  
\v 106 ཁྱེད་ཀྱི་བདེན་པའི་ཁྲིམས་སྲོལ་བསྲུང་བའི༌ཕྱིར། །བདག་གིས་མནའ་བསྐྱལ་དེའི་ནང་བརྟན་པོར༌གནས།།  
\v 107 ང་ནི་ཤིན་ཏུ་སྡུག་པས་ཀྱེ་ཡ༌ཝཱེ། །ཁྱེད་ཀྱི་བཀའ་བཞིན་ང་རང་སྐྱབས་སུ༌གསོལ།།  
\v 108 ཀྱེ་ཀྱེ་ཡ་ཝཱེ་བདག་གི་སྨྲ་སྒོ༌ཡི། །ཡིད་མོས་མཆོད་པ་ཐུགས་སུ་བཞེས་རོགས༌ཞུ། །ཉིད་ཀྱི་ཁྲིམས་སྲོལ་བདག་ལ་སློབ་པར༌མཛོད།།  
\v 109 ང་ཡི་ཚེ་སྲོག་རྟག་ཏུ་ཉེན་ཁར༌གནས། །ཡིན་ཡང་ཁྱེད་ཀྱི་བཀའ་ཁྲིམས་བརྗེད་མི༌སྲིད།།  
\v 110 ངན་པ་དག་གིས་ང་ལ་རྙི་བཙུགས༌ཀྱང༌། །ཁྱེད་ཀྱི་བཀའ་སློབ་ལས་ནི་འཁྱོར་བ༌མེད།།  
\v 111 བདག་སེམས་ཁྱེད་ཀྱི་དཔང་ཡིག་ལ་དགའ༌བས། །ང་ཡི་གཏན་གྱི་ནོར་སྐལ་དེ་ལགས༌སོ།།  
\v 112 བདག་སེམས་ཁྱེད་ཀྱི་སྒྲིག་ཁྲིམས་ཕྱོགས་འཁོར༌ནས། །འགྱུར་བ་མེད་པར་ནམ་རྒྱུན་བསྲུང་བར༌བྱ།།   
\qa ༼སཱ་མེ༌ཀུ༽  
\p
\v 113 བློ་གཉིས་ཅན་ལ་ང་རང་སྡང་བ༌དང༌། །ཁྱེད་ཀྱི་བཀའ་ཁྲིམས་ལ་ནི་ང་རང༌དགའ།།  
\v 114 ཁྱེད་ཉིད་བདག་གི་ཕུབ་དང་སྐྱབས་བཅོལ་ཡིན། །ང་ཡིས་ཁྱེད་ཀྱི་བཀའ་ལ་རེ་བ༌བསྐྱེད།།  
\v 115 ང་ཡིས་དཀོན་མཆོག་བཀའ་རྣམས་བསྲུང་ནུས༌ཕྱིར། །སྡིག་སྤྱོད་ཅན་རྣམས་ང་དང་འབྲལ་བར༌གྱིས།།  
\v 116 བཀའ་བཞིན་ང་རང་བསྐྱོར་ནས་འཚོ་བར༌མཛོད། །བདག་གི་རེ་བ་ངོ་ཚར་མི་སྦྱར༌རོགས།།  
\v 117 ང་རང་བསྐྱོར་དང་བདག་ནི་ཐར་ངེས༌ཤིང༌། །དུས་རྒྱུན་ཁྱེད་ཀྱི་སྒྲིག་ཁྲིམས་གཙིགས་སུ༌འཛིན།།  
\v 118 སྒྲིག་ཁྲིམས་ལས་ནི་གྱར་ཀུན་ཁྱེད་ཀྱིས༌འདོར། །དེ་ཚོའི་གཡོ་སྒྱུ་དོན་མེད་ཡིན་པས༌སོ།།  
\v 119 ས་སྟེང་མི་ངན་ཐམས་ཅད་སྙིགས་རོ༌བཞིན། །འདོར་བས་ཁྱེད་ཀྱི་དཔང་ཡིག་ལ་དགའ༌འོ།།  
\v 120 ཁྱེད་ལ་འཇིགས་པས་ང་ཡི་ལུས་ཕུང༌འདར། །ཁྱེད་ཀྱི་ཁྲིམས་གཅོད་ལ་ཡང་ང་འཇིགས༌སོ།།   
\qa ༼ཨཱེ་ཡན།༽  
\p
\v 121 དྲང་བདེན་དྲང་གཞག་བདག་གིས་སྤྱད་པས༌ན། །གཉའ་གནོན་བྱེད་མཁན་ལག་ཏུ་ང་མ༌སྤྲོད།།  
\v 122 ཁྱེད་ཀྱི་ཞབས་ཕྱིར་ཕན་ཕྱིར་ཁག་ཐེག༌མཛོད། །ང་རྒྱལ་ཅན་ལ་གཉའ་གནོན་བྱེད་མ༌འཇུག།  
\v 123 ཁྱེད་ཀྱི་སྐྱབས་དང་དྲང་བདེན་བཀའ་ལ༌ནི། །རེ་ལྟོས་བཅངས་ནས་བདག་གི་མིག་དབང༌ཉམས།།  
\v 124 ཁྱེད་ཀྱི་བྱམས་བརྩེའི་ངང་ནས་ཞབས་ཕྱིར༌གཟིགས། །ཉིད་ཀྱི་སྒྲིག་ཁྲིམས་བདག་ལ་སློབ་པར༌མཛོད།།  
\v 125 ཁྱེད་ཀྱི་དཔང་ཡིག་བདག་གིས་རྟོགས་པའི༌ཕྱིར། །ཉིད་ཀྱི་ཞབས་ཕྱིར་གོ་རྟོགས་གནང་བར༌མཛོད།།  
\v 126 མི་རྣམས་ཁྱེད་ཀྱི་བཀའ་ཁྲིམས་དང་འགལ་བས། །ཡ་ཝཱེས་འཕྲིན་ལས་མཛད་པའི་དུས་ལ༌བབས།།  
\v 127 དེའི་ཕྱིར་གསེར་དང་བཙོ་མའི་གསེར་ལས༌ཀྱང༌། །ང་རང་ཁྱེད་ཀྱི་བཀའ་ལ་ལྷག་ཏུ༌དགའ།།  
\v 128 བཀའ་སློབ་ཐམས་ཅད་བདག་གིས་བདེན་པར༌འཛིན། །ལོག་ལམ་ཀུན་ལ་ང་རང་གཞི་ནས༌སྡང༌།།   
\qa ༼ཕཱེ།༽  
\p
\v 129 ཁྱེད་ཀྱི་དཔང་ཡིག་དག་ནི་ངོ་མཚར༌ཆེ། །དེའི་ཕྱིར་བདག་གིས་རྩེ་གཅིག་གིས་སྲུང༌ངོ༌།།  
\v 130 ཁྱེད་ཀྱི་བཀའ་རྣམས་གྲོལ་ན་འོད་འཕྲོ་ཞིང༌། །བླུན་རྨོངས་རྣམས་ཀྱི་བློ་སྒོ་འབྱེད་པ༌ཡིན།།  
\v 131 ང་རང་ཁྱེད་ཀྱི་བཀའ་ལ་རབ་དུངས༌པས། །བདག་གིས་ཁ་ཆེར་གདངས་བར་དབུགས་འཚངས༌སྐྱེས།།  
\v 132 ཁྱེད་ཀྱི་མཚན་ལ་དགའ་བར་ཅི་བྱས༌བཞིན། །ཁྱེད་ཉིད་ངའི་ཕྱོགས་འཁོར་ནས་སྙིང་རྗེ༌མཛོད།།  
\v 133 ཁྱེད་ཀྱི་བཀའ་ཡིས་བདག་གི་ལམ་སྣ༌དྲོངས། །སྡིག་པའི་དབང་དུ་ཚུད་པར་མི་མཛད༌རོགས།།  
\v 134 མི་ཡི་གཉའ་གནོན་འོག་ནས་བསྒྲལ་བར༌མཛོད། །བདག་གིས་ཉིད་ཀྱི་བཀའ་སློབ་བརྩི་བར༌བྱ།།  
\v 135 ཞབས་ཕྱིར་ཞལ་གྱི་འོད་མདངས་སྣང་བར༌མཛོད། །ཉིད་ཀྱི་སྒྲིག་ཁྲིམས་ང་ལ་སློབ་པར༌མཛོད།།  
\v 136 ཁོ་ཚོས་ཁྱེད་ཀྱི་བཀའ་ཁྲིམས་མི་སྲུང༌བས། །བདག་གི་མིག་ལས་མཆི་མའི་གཙང་པོ༌རྒྱུག།   
\qa ༼ཚ༌དཱེ།༽  
\p
\v 137 ཀྱེ་ཀྱེ་ཡ་ཝཱེ་ཁྱེད་ཉིད་དྲང་བདེན༌ལགས། །ཁྱེད་ཀྱི་ཁྲིམས་གཅོད་ཀྱང་ནི་དྲང་གཞག༌ཡིན།།  
\v 138 དྲང་པོ་དང་ནི་བདེན་པ་བདེན་རྐྱང༌གིས། །ཉིད་ཀྱི་དཔང་ཡིག་མཐའ་དག་གཏན་ལ༌ཕབ།།  
\v 139 བདག་གི་དགྲ་བོས་ཁྱེད་ཀྱི་བཀའ་བརྗེད༌པས། །ངའི་སེམས་འཚུབ་ནས་མེ་ལྕེ་འབར་དང༌མཚུངས།།  
\v 140 ཁྱེད་ཀྱི་བཀའ་ནི་རབ་ཏུ་གཙང་བས༌ན། །ཞབས་ཕྱི་ང་རང་དེ་ལ་ཤིན་ཏུ༌དགའ།།  
\v 141 ང་ནི་སྨད་ཅིང་ཐ་ཤལ་ཡིན་ན༌ཡང༌། །ཁྱེད་ཀྱི་བཀའ་སློབ་བདག་གིས་བརྗེད་མེད༌ཡིན།།  
\v 142 ཁྱེད་ཀྱི་དྲང་བདེན་རྒྱུན་ནས་རྒྱུན་དུ༌གནས། །ཉིད་ཀྱི་བཀའ་ཁྲིམས་ཐམས་ཅད་བདེན་པ༌ལགས།།  
\v 143 དཀའ་ངལ་ཟུག་གཟེར་བདག་ལ་ཐེབས་གྱུར༌ཀྱང༌། །ཁྱེད་ཀྱི་བཀའ་ལ་བདག་སེམས་དགའ་བ༌ཡིན།།  
\v 144 ཁྱེད་ཀྱི་དཔང་ཡིག་རྟག་ཏུ་དྲང་བདེན༌ཡིན། །གོ་རྟོགས་གནོངས་དང་ང་རང་འཚོ་བྱེད༌དོ།།   
\qa ༼ཀཱོ༌ཕ།༽  
\p
\v 145 ཀྱེ་ཀྱེ་ཡ་ཝཱེ་བདག་གིས་སེམས་ཧྲིལ༌པོས། །ཁྱེད་རང་འབོད་པས་བདག་ལ་བཀའ་ལན༌གནོངས། །ང་ཡིས་ཁྱེད་ཀྱི་སྒྲིག་ཁྲིམས་བསྲུང་ངེས༌ཡིན།།  
\v 146 ཁྱེད་ལ་འོ་དོད་འབོད་པས་སྐྱབས་སུ༌གསོལ། །ཁྱེད་ཀྱི་དཔང་ཡིག་བདག་གིས་ནན་གྱིས༌བསྲུང༌།།  
\v 147 ཐོ་རངས་སྔོན་དུ་ཁྱེད་ལ་འོ་དོད༌འབོད། །ཁྱེད་ཀྱི་བཀའ་ལ་བདག་གིས་རེ་བ༌བཅོལ།།  
\v 148 ཁྱེད་ཀྱི་བཀའ་རྣམས་ཡིད་དུ་བསྒོམ་པའི༌ཆེད། །བདག་གིས་མཚན་གང་མིག་ཟུང་བཙུམས་པ༌མེད།།  
\v 149 ཀྱེ་ཀྱེ་ཡ་ཝཱེ་ཉིད་ཀྱི་བྱམས་བརྩེ༌བཞིན། །ཁྱེད་ཀྱིས་ང་ཡི་སྐད་ལ་གསན་པར༌མཛོད། །ཁྲིམས་སྲོལ་དང་བསྟུན་ང་རང་འཚོ་བར༌མཛོད།།  
\v 150 གཡོ་སྒྱུ་སྙེག་པའི་མི་རྣམས་ཉེ་བར༌སླེབས། །ཁྱེད་ཀྱི་བཀའ་ཁྲིམས་ལས་ནི་རྒྱང་རིང༌གནས།།  
\v 151 ཀྱེ་ཀྱེ་ཡ་ཝཱེ་ཁྱེད་ཉིད་ཉེ་བར༌བཞུགས། །ཁྱེད་ཀྱི་བཀའ་ནི་ཐམས་ཅད་བློས་ཐུབ༌ཡིན།།  
\v 152 ཁྱེད་ཀྱི་དཔང་ཡིག་རྣམས་ལས་སྔར་ནས༌རྟོགས། །ཁྱེད་ཀྱིས་དེ་རྣམས་གཏན་དུ་ཚུགས་ཕྱིར༌བཙུགས།།   
\qa ༼རཱེ༌ཧྲུ།༽  
\p
\v 153 བདག་གིས་ཁྱེད་ཀྱི་བཀའ་ཁྲིམས་མ་བརྗེད༌པས། །ང་ཡི་སྡུག་བསྔལ་གཟིགས་ནས་སྐྱོབ་པར༌མཛོད།།  
\v 154 ང་ལ་དག་འབུད་བྱས་ནས་ཐར་བར༌མཛོད། །ཁྱེད་ཀྱི་བཀའ་བཞིན་ང་རང་འཚོ་བར༌མཛོད།།  
\v 155 ངན་པས་ཁྱེད་ཀྱི་སྒྲིག་ཁྲིམས་མི་འཚོལ༌བས། །ཐར་པ་དེ་ཚོར་ཤིན་ཏུ་རྒྱང་རིང༌ངོ༌།།  
\v 156 ཡ་ཝཱེ་ཁྱེད་ཀྱི་སྙིང་རྗེ་ཆེན་པོ༌ཡིན། །ཉིད་ཀྱི་ཁྲིམས་སྲོལ་བཞིན་དུ་ངའི་སྲོག༌སྐྱོབ།།  
\v 157 ང་ལ་འཚེ་ཞིང་རྒོལ་མཁན་མང་ན༌ཡང༌། །ང་རང་ཁྱེད་ཀྱི་དཔང་ཡིག་ལས་མ༌འཁྱར།།  
\v 158 གཡོ་སྒྱུ་ཅན་གྱིས་ཁྱེད་ཀྱི་བཀའ་མི༌བརྩི། །དེའི་ཕྱིར་ཁོ་རྣམས་མཐོང་དུས་སུན་སྣང༌སྐྱེས།།  
\v 159 ཀྱེ་ཀྱེ་ཡ་ཝཱེ་ང་རང་ཁྱེད་ཉིད༌ཀྱི། །བཀའ་ལ་ཅི་ཙམ་དགའ་ཚོད་གཟིགས་སུ༌གསོལ། །ཉིད་ཀྱི་བྱམས་བརྩེ་བཞིན་དུ་ངའི་སྲོག༌སྐྱོབ།།  
\v 160 ཁྱེད་ཀྱི་གསུང་གི་སྙིང་པོ་བདེན་པ༌ལགས། །དྲང་བའི་ཁྲིམས་སྲོལ་ཐམས་ཅད་རྟག་ཏུ༌གནས།།   
\qa ༼སིན།༽  
\p
\v 161 སྐུ་དྲག་རྣམས་ཀྱིས་དོན་མེད་བདག་ལ༌འཚེ། །ཡིན་ཡང་བདག་སེམས་ཁྱེད་ཀྱི་བཀའ་ལ༌འཇིགས།།  
\v 162 ང་རང་ཁྱེད་ཀྱི་བཀའ་ནང་དགའ་བ༌ནི། །བཅོམ་ནོར་དཔག་མེད་ཐོབ་པའི་མི་དང༌མཚུངས།།  
\v 163 རྫུན་ལ་ང་རང་སྡང་ཞིང་ཞེན་ལོག༌ཀྱང༌། །ཁྱེད་ཀྱི་བཀའ་ཁྲིམས་ལ་ནི་ང་དགའ༌འོ།།  
\v 164 ཁྱེད་ཀྱི་དྲང་བདེན་ཁྲིམས་སྲོལ་རྣམས་ཀྱི༌ཕྱིར། །ཉིན་རེར་ལན་བདུན་ཁྱེད་ལ་བསྟོད་བསྔགས༌འབུལ།།  
\v 165 བཀའ་ཁྲིམས་རྣམས་ལ་དགའ་བར་ཞི་བདེ༌ཆེ། །དེ་དག་བསྒྱེལ་ནུས་གང་ཡང་ཡོད་མ༌ཡིན།།  
\v 166 བདག་གིས་ཡ་ཝཱེ་ཁྱེད་ཀྱི་སྐྱབས་ལ༌རེ། །ཁྱེད་ཀྱི་བཀའ་རྣམས་བཞིན་དུ་སྒྲུབ་པ༌ཡིན།།  
\v 167 ཁྱེད་ཀྱི་དཔང་ཡིག་ང་ཡི་སེམས་ནས༌སྲུང༌། །དེ་ལ་ང་རང་ཤིན་ཏུ་དགའ་བ༌ཡིན།།  
\v 168 བདག་གི་ལམ་རྣམས་ཁྱེད་ཀྱིས་མཁྱེན་པས༌ན། །ང་ཡིས་ཁྱེད་ཀྱི་བཀའ་སློབ་དཔང་ཡིག༌སྲུང༌།།   
\qa ༼ཐཱ་ཝུ།༽  
\p
\v 169 འོ་དོད་ཡ་ཝཱེ་ཁྱེད་དྲུང་བསླེབ་གྱུར༌ཅིག །ཉིད་ཀྱི་བཀའ་བཞིན་ང་ལ་གོ་རྟོགས༌སྩོལ།།  
\v 170 ཞུ་འབོད་ཁྱེད་ཀྱི་དྲུང་དུ་བསླེབ་གྱུར༌ཅིག །ཉིད་ཀྱི་བཀའ་བཞིན་ང་རང་སྐྱོབ་པར༌མཛོད།།  
\v 171 ཁྱེད་ཀྱིས་སྒྲིག་ཁྲིམས་བདག་ལ་བསླབ་པས༌ན། །བདག་གི་མཆུ་ལས་བསྟོད་བསྔགས་འབྱུང་བར༌ཤོག།  
\v 172 ཁྱེད་ཀྱི་བཀའ་ནི་ཐམས་ཅད་དྲང་བས༌ན། །ངའི་ལྕེས་བཀའ་ཡི་མགུར་གླུ་ལེན་པར༌ཤོག།  
\v 173 བདག་གིས་ཁྱེད་ཀྱི་བཀའ་སློབ་བདམས་པས༌ན། །ཁྱེད་ཀྱི་ཕྱག་གིས་རོགས་རམ་མཛད་པར༌ཤོག།  
\v 174 ཡ་ཝཱེ་ང་རང་ཁྱེད་ཀྱི་སྐྱབས་ལ༌དུངས། །ཁྱེད་ཀྱི་བཀའ་ཁྲིམས་ལ་ནི་ང་རང༌དགའ།།  
\v 175 ཁྱེད་ལ་བསྟོད་ཕྱིར་ངའི་སྲོག་འཚོ་བར༌ཤོག །ཁྲིམས་སྲོལ་རྣམས་ཀྱིས་ང་རང་སྐྱོར་བར༌ཤོག།  
\v 176 ཁྱེད་ཀྱི་བཀའ་རྣམས་བདག་གིས་མ་བརྗེད༌པས། །ང་རང་སྟོར་བའི་ལུག་ལྟར་གྱར་ན༌ཡང༌། །ཁྱེད་ཀྱིས་ཞབས་ཕྱི་ང་རང་འཚོལ་བར༌མཛོད།།   
\c 120
\cl གསུང་མགུར་བརྒྱ་དང་ཉི་ཤུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀའ་སྡུག་ཁྲོད་ཀྱི་ཞུ་འབོད།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ དཀའ་སྡུག་ཁྲོད་ནས་ཡ་ཝཱེ་བོས་པ༌དང༌། །ཁོང་གིས་ང་ལ་བཀའ་ལན་གནང་བྱུང༌ངོ༌།།  
\v 2 ཀྱེ་ཀྱེ་ཡ་ཝཱེ་རྫུན་གྱི་མཆུ་སྒྲོས༌དང༌། །གཡོ་སྒྱུའི་ལྕེ་ལས་ང་རང་སྐྱོབ་པར༌མཛོད།།  
\v 3 གཡོ་སྒྱུའི་ལྕེ་ཁྱོད་ཁོང་གིས་ཅི་སྟེར༌རམ། །དེ་ལས་ལྷག་པ་ཅི་ཞིག་བྱ་འོང༌ངམ།།  
\v 4 ཁོང་གིས་དཔའ་བོའི་མདའ་མོ་རྣོན་པོ༌དང༌། །ཤུག་པའི་སྡོང་པོའི་སོལ་མེ་བཏང་འོང༌ངོ༌།།  
\v 5 ང་རང་ད་མེ་ཤེག་ཏུ་བསྡད་པ༌དང༌། །ཀེ་དཱར་གུར་ནང་གནས་པས་ཆག་སྒོ༌འབྱུང༌།།  
\v 6 ཞི་མཐུན་ལ་ནི་སྡང་བའི་མི་མཉམ༌དུ། །ང་རང་བསྡད་ནས་དུས་ཡུན་རིང་དྲགས༌སོ།།  
\v 7 ང་ནི་མཐུན་པར་དགའ་ཞིང་གཏམ་སྨྲ༌དུས། །དེ་རྣམས་འཁྲུག་པ་རྒྱག་པར་རྩོམ་བྱེད༌དོ།།   
\c 121
\cl གསུང་མགུར་བརྒྱ་དང་ཉེར་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེ་ནི་ང་ཚོར་སྲུང་སྐྱོབ་གནང་མཁན་ཡིན་པ།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ རི་རྣམས་ཕྱོགས་སུ་ང་ཡི་མིག་ཟུང༌འདེགས། །ང་ཡི་སྡོངས་གྲོགས་གང་ནས་འབྱོན་འགྱུར༌རམ།།  
\v 2 མ་གཞི་དེ་ནི་གནམ་སའི་བྱེད་པོ༌སྟེ། །ཡ་ཝཱེའི་ཕྱོགས་ནས་ང་ལ་འཐོབ་པ༌ཡིན།།  
\v 3 ཁོང་གིས་ཁྱོད་ཀྱི་རྐང་པ་འཁྱར་མི༌འཇུག །ཁྱོད་རང་སྲུང་མཁན་ཁོང་ཉིད་གཟིམ་མི༌བྱ།།  
\v 4 ལྟོས་དང་ཡེས་ར་ཨེལ་ནི་སྲུང་མཁན༌ཁོང༌། །གཉིད་ཅོག་མི་རྒྱག་མནལ་དུ་ཡང་མི༌གཟིམ།།  
\v 5 ཡ་ཝཱེ་ཁྱོད་རང་སྲུང་མཁན་ཡིན་པ༌ལགས། །ཁོང་ཉིད་ཁྱོད་ཀྱི་གཡས་སུ་གྲིབ་སོ༌ཡིན།།  
\v 6 ཉིན་མོར་ཉི་མས་ཁྱོད་ལ་གནོད་མི༌བསྐྱལ། །མཚན་མོར་ཟླ་བས་ཁྱོད་ལ་འཚེ་མི༌བྱ།།  
\v 7 ཡ་ཝཱེས་ཁྱོད་རང་གནོད་འཚེ་ཀུན་ལས༌བསྲུང༌། །ཁྱོད་ཀྱི་ཚེ་སྲོག་ཀྱང་ནི་བསྲུང་བར༌འགྱུར།།  
\v 8 ད་ལྟའི་དུས་ནས་ཇི་སྲིད་འཚོ་བའི༌བར། །ཁྱོད་ནི་ཐོན་ནམ་འགྲོ་དུས་ཡ་ཝཱེས༌བསྲུང༌།།   
\c 122
\cl གསུང་མགུར་བརྒྱ་དང་ཉེར་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཡེ་རུ་སཱ་ལེམ་གྱི་བསྟོད་པ།  
\p
\v 1 ༼ཡར་གནས་མཇལ་དུ་འགྲོ་བའི་དཱ་བིད་ཀྱི་མགུར༌མ།༽ རང་ཅག་ཡ་ཝཱེའི་བཞུགས་གནས་སུ་འགྲོ༌ཞེས། །མི་ཡིས་བདག་ལ་བརྗོད་དུས་སེམས་དགའ༌བྱུང༌།།  
\v 2 ཀྱེ་མ་ཡེ་རུ་སཱ་ལེམ་ངེད་ཅག༌ནི། །ཁྱེད་ཀྱི་རྒྱལ་སྒོའི་ནང་དུ་འགྲེང་ནས༌ཡོད།།  
\v 3 མུ་རྒྱུན་གཅིག་ཏུ་འབྲེལ་བའི་གྲོང་ཁྱེར༌ལྟར། །ཡེ་རུ་སཱ་ལེམ་བཞེངས་ནས་གྲུབ་པ༌འོ།།  
\v 4 ཡེས་ར་ཨེལ་གྱི་ཁྲིམས་སྲོལ་གཞིར་བཞག༌ནས། །ཡ་ཝཱེའི་མཚན་ལ་བསྟོད་བསྔགས་འབུལ་བའི༌ཆེད། །ཡ་ཝཱེའི་ཚོ་ཁག་ཐམས་ཅད་ཡར་ཕྱིན༌ཏོ།།  
\v 5 དེ་རུ་ཁྲིམས་ཐག་གཅོད་ཕྱིར་ཁྲི་རྣམས༌བཞག །དཱ་བིད་རིགས་རྒྱུད་དག་གི་ཁྲི་རྣམས༌བཞག།  
\v 6 ཡེ་རུ་སཱ་ལེམ་བདེ་ཕྱིར་སྨོན་ལམ༌ཞུས། །ཁྱེད་ལ་དགའ་བའི་མི་རྣམས་དར་བར༌ཤོག།  
\v 7 ཁྱེད་ཀྱི་ལྕགས་རིའི་ནང་དུ་དུས་བདེ༌ཤོག །ཕོ་བྲང་ནང་དུ་གཏན་འཇགས་འོང་བར༌ཤོག།  
\v 8 བདག་གི་སྤུན་དང་གྲོགས་པོ་རྣམས་ཀྱི༌ཆེད། །ཁྱེད་ནང་དུས་བདེ་ཤོག་ཅེས་བདག་གིས༌སྨྲ།།  
\v 9 དཀོན་མཆོག་ཡ་ཝཱེའི་བཞུགས་གནས་དོན་ཆེད༌དུ། །བདག་གིས་ཁྱེད་ཀྱི་ཕན་དོན་འཚོལ་བར༌བྱ།།   
\c 123
\cl གསུང་མགུར་བརྒྱ་དང་ཉེར་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 གཙོ་བོའི་སྙིང་རྗེ་འཚོལ་བ།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ ནམ་མཁའི་ཁྲི་ལ་བཞུགས་པའི་གཙོ་བོ༌ལགས། །ང་ཡི་མིག་ཟུང་ཁྱེད་ཀྱི་ཕྱོགས་སུ༌འདེགས།།  
\v 2 གཟིགས་དང་ཞབས་ཕྱིའི་མིག་གིས་བདག་པོའི༌ཕྱག །བྲན་མོའི་མིག་གིས་བདག་མོའི་ཕྱག་ལ༌ལྟ། །དེ་དང་དེ་བཞིན་ང་ཚོའི་མིག་གིས༌ཀྱང༌། །རང་ཅག་དཀོན་མཆོག་ཡ་ཝཱེས་ང་ཚོ༌ལ། །སྙིང་རྗེ་གནང་བའི་བར་དུ་ཁོང་ལ༌བལྟ།།  
\v 3 ངེད་ཅག་སྨད་ར་ཚད་མེད་མྱངས་པས༌ན། །ཀྱེ་ཀྱེ་ཡ་ཝཱེ་ང་ཚོར་སྙིང་རྗེ༌གནོངས། །ཁྱེད་ཀྱིས་ང་ཚོར་སྙིང་རྗེ་གནང་བར༌མཛོད།།  
\v 4 བདེ་བར་གནས་པ་རྣམས་ཀྱིས་འཕྱ་སྨོད༌བྱེད། །ང་རྒྱལ་ཅན་གྱིས་སྨད་ར་ཚད་མེད༌བཏང༌།།   
\c 124
\cl གསུང་མགུར་བརྒྱ་དང་ཉེར་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ནི་ཁོང་གི་མི་རྣམས་ལ་སྲུང་སྐྱོབ་གནང་མཁན་ཡིན་པ།  
\p
\v 1 ༼ཡར་གནས་མཇལ་དུ་འགྲོ་བའི་དཱ་བིད་ཀྱི་མགུར༌མ།༽ ཡེས་ར་ཨེལ་པས་འདི་ལྟར་སྨྲ་བར༌བྱ། །ངེད་ཕྱོགས་ཡ་ཝཱེ་ཡོད་པ་མ་ཡིན༌ན།།  
\v 2 ངེད་ཕྱོགས་ཡ་ཝཱེ་ཡོད་པ་མ་ཡིན༌ཚེ། །མི་རྣམས་ངེད་ཀྱི་དགྲ་རུ་ལངས་ནས༌ནི།།  
\v 3 དེ་ཚོའི་ཁོང་ཁྲོ་ངེད་སྟེང་འབར་དུས༌སུ། །དེ་ཚོས་ངེད་ཅག་གསོན་པོར་མིད་པ༌འོ།།  
\v 4 དེ་དུས་རྦ་རླབས་ཀྱིས་ནི་ངེད་རྣམས༌འགེབ། །དྲག་བཞུར་ཆུ་བོས་ངེད་ཅག་བསྣུབ་བྱེད༌དོ།།  
\v 5 ཆུ་ལོག་ཆེན་པོས་ངེད་རྣམས་བསྣུབ་པར༌བྱེད།།  
\v 6 དེ་ཚོའི་མཆེ་བར་གཤག་ཏུ་མ་གནང༌བའི། །ཡ་ཝཱེ་ཁོང་ཉིད་བསྟོད་པར་འོས་སོ༌ལོ།།  
\v 7 རང་ཅག་བྱ་པའི་རྙི་ལས་ཐར་བ༌ཡི། །བྱེའུ་ཆུང་ཞིག་དང་ཀུན་ནས་མཚུངས་པ༌སྟེ། །རྙི་རྒྱ་རལ་ཏེ་རང་ཅག་ཐར་བ་ཡིན།།  
\v 8 གནམ་སའི་བྱེད་པོ་དཀོན་མཆོག་ཡ་ཝཱེ༌ཡི། །མཚན་ལ་བརྟེན་ནས་ངེད་ལ་རོགས་རམ༌ཐོབ།།   
\c 125
\cl གསུང་མགུར་བརྒྱ་དང་ཉེར་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་མི་རྣམས་ཀྱི་བདེ་འཇགས།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ ཡ་ཝཱེར་བློ་གཏད་བཅོལ་བའི་མི་རྣམས༌ནི། །འགྱིང་ངེར་ལངས་པའི་རི་བོ་ཛ་ཡན༌འདྲ།།  
\v 2 ཡེ་རུ་སཱ་ལེམ་རི་ཡིས་བསྐོར་བ༌ལྟར། །ད་ལྟའི་དུས་ནས་ཇི་སྲིད་འཚོ་བའི༌བར། །ཡ་ཝཱེས་ཁོང་གི་འབངས་མི་དེ་བཞིན༌བསྐོར།།  
\v 3 དྲང་པོས་ཉེས་པར་ལག་པ་མི་བརྐྱང༌ཕྱིར། །ངན་པའི་འཁར་བ་དྲང་བདེན་མི་རྣམས༌ཀྱི། །ས་སྐལ་སྟེང་དུ་དུས་རྒྱུན་གནས་མི༌འགྱུར།།  
\v 4 བཟང་པོ་རྣམས་དང་གཞུང་དྲང་མི་རྣམས༌ལ། །ཡ་ཝཱེ་ཁྱེད་ཀྱིས་བཀའ་དྲིན་མཛད་དུ༌གསོལ།།  
\v 5 འོན་ཀྱང་འཁྱོག་པོའི་ལམ་ནང་སྐྱོད་པ༌རྣམས། །ཡ་ཝཱེས་སྡིག་སྤྱོད་མཉམ་དུ་འཁྲིད་པར༌འགྱུར། །ཡེས་ར་ཨེལ་སྟེང་ཞི་བདེ་འབབ་པར༌སྨོན།།   
\c 126
\cl གསུང་མགུར་བརྒྱ་དང་ཉེར་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བཙན་ཁྲིད་བྱས་ནས་ཕྱིར་ལོག་པ་རྣམས་ཀྱི་དགའ་སྤྲོ།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ ཡ་ཝཱེས་བཙོན་དུ་ཡོད་པའི་མི་རྣམས༌ནི། །ཛ་ཡན་ཡུལ་ལ་ཕྱིར་ཁྲིད་འོང་བའི༌དུས། །ངེད་རྣམས་རྨི་ལམ་པ་དང་ཀུན་ནས༌མཚུངས།།  
\v 2 ངེད་རྣམས་ཁ་རུ་གད་མོ་ལྷང་ལྷང༌སྒྲོག །ལྕེ་ཡིས་དགའ་སྤྲོའི་གླུ་དབྱངས་སིང་སིང་ལེན། །དེ་དུས་མི་རིགས་གཞན་རྣམས་ཁྲོད་དུ༌ན། །ཡ་ཝཱེས་ཁོ་ཚོར་དོན་ཆེན་མཛད་ཅེས༌བརྗོད།།  
\v 3 ཡ་ཝཱེས་དངོས་གནས་དོན་ཆེན་མཛད་བྱུང༌སྟེ། །ངེད་ཅག་ཡིད་སེམས་དགའ་སྤྲོས་ཁེངས་པར༌གྱུར།།  
\v 4 ཀྱེ་ཀྱེ་ཡ་ཝཱེ་ལྷོ་ཕྱོགས་གཙང་པོ་བཞིན། །ངེད་ཀྱི་བཙོན་པ་རྣམས་ཀྱང་ཁྲིད་འོང༌རོགས།།  
\v 5 མཆི་མ་གཏོར་བཞིན་ས་བོན་འདེབས་མཁན༌དེས། །དགའ་མགུ་རང་ཞིང་སྟོན་ཐོག་བརྔ་བར༌འགྱུར།།  
\v 6 ངུ་བཞིན་ས་བོན་འདེབས་སུ་འགྲོ་མཁན༌གྱིས། ། \f + \ft འདིར་མ་ཕྱི་ལས་ས་བོན་ཁུར་ནས་འདེབས་སུ་འགྲོ་མཁན་ཞེས༌མཐོང༌།\f* སྤྲོ་སྤྲོ་ངང་ནས་ཚར་ཕོན་ཁུར་ཏེ་འོང་།།   
\c 127
\cl གསུང་མགུར་བརྒྱ་དང་ཉེར་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ནོར་སྐལ་ཇི་སྙེད་དཀོན་མཆོག་ནས་ཐོབ་པ།  
\p
\v 1 ༼ཡར་གནས་མཇལ་དུ་འགྲོ་བའི་སོ་ལོ་མོན་གྱི་མགུར༌མ།༽ ཁང་པ་ཡ་ཝཱེས་བརྩིག་པར་མི་མཛད༌ན། །རྩིག་མཁན་རྣམས་ཀྱིས་དོན་མེད་ལས་ཀ༌བྱེད། །མཁར་གྲོང་ཡ་ཝཱེས་བསྲུང་བར་མི་མཛད༌ན། །སྲུང་མཁན་མེལ་ཚེ་བྱེད་པ་དོན་མེད༌ཡིན།།  
\v 2 སྔ་མོ་ལངས་ཤིང་ངལ་གསོ་འཕྱི་བ༌དང༌། །དཀའ་ལས་ཟས་ནི་ཟ་བ་དོན་མེད༌ཡིན། །ཁོང་གིས་བརྩེ་བ་རྣམས་ལ་གཉིད་གནང༌ངོ༌།།  
\v 3 བུ་ཕྲུག་ཡ་ཝཱེས་གནང་བའི་ནོར་སྐལ༌ཡིན། །མངལ་གྱི་ཕྲུ་གུ་ཁོང་གི་གསོལ་རས༌ཡིན།།  
\v 4 གཞོན་དུས་སྐྱེས་པའི་བུ་དང་བུ་མོ༌ནི། །དཔའ་རྒོད་ལག་གི་མདའ་དང་ཀུན་ནས༌མཚུངས།།  
\v 5 མདའ་ཤུབས་མདའ་ཡིས་གང་བའི་མི་དེ༌བདེ། །དེ་ཚོས་མཁར་སྒོར་དགྲ་བོ་རྣམས་ཀྱི༌མདུན། །གླེང་མོལ་བྱེད་དུས་ངོ་ནི་ཚ་མི༌འགྱུར།།   
\c 128
\cl གསུང་མགུར་བརྒྱ་དང་ཉེར་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་བཀའ་ལ་ཉན་མཁན་རྣམས་ཀྱི་རྔན་པ།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ ཡ་ཝཱེ་ལ་ནི་གུས་ཤིང་འཇིགས་པ་དང༌། །ཁོང་གི་ལམ་ནང་འགྲུལ་མཁན་རྣམས༌བདེ་འོ། །  
\v 2 རང་གི་ལག་པས་འབད་པ་དེ་ཟ༌ཞིང༌། །བྱིན་རླབས་འཐོབ་ཅིང་དོན་ཀུན་ལམ་འགྲོ༌འོང༌།།  
\v 3 ཁྱོད་ཀྱི་ཁྱིམ་སྦུག་རང་གི་ཆུང་མ༌ནི། །འབྲས་བུ་གཡུར་དུ་ཟ་བའི་རྒུན་ཤིང༌འདྲ། །བུ་ཕྲུག་རྣམས་ཀྱིས་སྒྲོག་ཙེའི་མཐའ་བསྐོར༌ཞིང༌། །སྐྱུ་རུ་ཤིང་གི་ཡལ་ག་དང་མཚུངས༌སོ།།  
\v 4 ལྟོས་དང་ཡ་ཝཱེར་གུས་ཤིང་འཇིགས་པ༌ཡི། །མི་ལ་དེ་འདྲའི་བྱིན་རླབས་འཐོབ་པར༌འགྱུར།།  
\v 5 ཡ་ཝཱེས་ཛ་ཡན་ཡུལ་ནས་ཁྱོད་རང༌ལ། །བྱིན་རླབས་གནང་ཞིང་ཁྱོད་ཀྱིས་ཚེ་གང༌བོར། །ཡེ་རུ་སཱ་ལེམ་ཡུལ་གྱི་དར་རྒྱས༌མཐོང༌།།  
\v 6 ཁྱོད་ཀྱིས་བུ་རབས་ཚ་རྒྱུད་རྣམས་མཐོང༌ཞིང༌། །ཡེས་ར་ཨེལ་སྟེང་བདེ་བ་འབབ་པར༌ཤོག།   
\c 129
\cl གསུང་མགུར་བརྒྱ་དང་ཉེར་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེ་ལ་དགྲ་རྣམས་བཟློག་པར་ཞུ་བ།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ ཡེས་ར་ཨེལ་གྱིས་འདི་བཞིན་སྨྲ་གྱུར༌ཅིག །ང་རང་གཞོན་པའི་དུས་ནས་ད་ལྟའི༌བར། །དགྲ་བོ་རྣམས་ཀྱིས་ང་ལ་ལན་མང༌གཙེས།།  
\v 2 ང་རང་གཞོན་པའི་དུས་ནས་ད་ལྟའི༌བར། །དགྲ་བོ་རྣམས་ཀྱིས་བདག་ལ་ལན་མང༌གཙེས། །ཡིན་ཡང་དེ་རྣམས་བདག་ལས་རྒྱལ་མ༌གྱུར།།  
\v 3 གཤོལ་གྱིས་བདག་གི་རྒྱབ་ཏུ་ཞིང་རྨོས༌ཏེ། །རྨོས་ཤུར་རིང་མོ་དེ་ཚོས་བཏོད་པ༌ཡིན།།  
\v 4 འོན་ཀྱང་ཡ་ཝཱེ་དྲང་བདེན་ལགས་པས༌ན། །ངན་པའི་ཐག་པ་རྣམས་ནི་དུམ་བུར༌བཅད།།  
\v 5 ཛ་ཡན་ཡུལ་ལ་སྡང་བའི་མི་རྣམས༌ནི། །གནོང་ཞིང་ཁ་ཕྱིར་འཁོར་ནས་འབྲོ་བར༌ཤོག།  
\v 6 དེ་རྣམས་ཁང་པའི་སྟེང་གི་རྩྭ་བཞིན༌དུ། །མ་སྐྱེས་སྔོན་ལ་བསྐམས་ནས་རྙིད་གྱུར༌ཅིག།  
\v 7 དེ་ཡིས་རྔ་མཁན་སྤར་བ་མི་གང༌ཞིང༌། །ཚར་ཕོན་སྡོམ་མཁན་པང་ཡང་མི་གང༌ངོ༌།།  
\v 8 ཡ་ཝཱེས་ཁྱོད་ལ་བྱིན་གྱིས་བརླབ་པར༌ཤོག །ཡ་ཝཱེའི་མཚན་ནང་ངས་ཁྱོད་སྨོན་འདུན༌ཞུ། །དེ་སྐད་འགྲུལ་པ་རྣམས་ཀྱིས་མི་སྨྲ༌འོ།།   
\c 130
\cl གསུང་མགུར་བརྒྱ་དང་སུམ་ཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རོགས་རམ་འཚོལ་བའི་སྨོན་ལམ།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ ཡ་ཝཱེ་བདག་གིས་གཏིང་ནས་ཁྱེད་ཉིད་འབོད།།  
\v 2 ཀྱེ་ཀྱེ་གཙོ་བོ་ང་ཡི་སྐད་ལ༌གསོན། །ང་ཡི་འོ་དོད་ཞུ་བར་སྙན་གཏོད༌རོགས།།  
\v 3 ཡ་ཝཱེ་ཁྱེད་ཀྱིས་ཉེས་པ་རྩད་བཅད༌ན། །དེ་ནས་སུ་ཞིག་ཚུགས་ནུས་ཀྱེ་གཙོ༌བོ།།  
\v 4 འོན་ཀྱང་ཁྱེད་ལ་གུས་ཤིང་འཇིགས་ཕྱིར༌དུ། །སྡིག་ཉེས་བསལ་བའི་བཀའ་དྲིན་ཁྱེད་ལ༌ཡོད།།  
\v 5 ང་ཡིས་ཡ་ཝཱེར་སྒུག་ཅིང་སེམས་ཀྱིས༌སྒུག །ཁོང་གི་བཀའ་ལ་བདག་གིས་རེ་བར༌བྱེད།།  
\v 6 ང་ཡི་སེམས་ཀྱིས་གཙོ་བོར་སྒུག་པ༌ནི། །མེལ་ཚེས་སྐྱ་རེངས་ཤར་བར་སྒུག་ལས༌ལྷག །མེལ་ཚེས་སྐྱ་རེངས་ཤར་བར་སྒུག་ལས༌ལྷག།  
\v 7 ཡེས་ར་ཨེལ་ཁྱོད་ཡ་ཝཱེར་རེ་སྒུག༌གྱིས། །ཅི་ལ་ཞེ་ན་ཁོང་ལ་བྱམས་བརྩེ༌དང༌། །བླུ་ཐབས་ཡོངས་སུ་རྫོགས་པ་ལྡན་པས་སོ།།  
\v 8 དེ་ནས་ཉེས་པ་ཀུན་ལས་ཡེས་ར༌ཨེལ། །ཁོང་གིས་སྒྲོལ་བར་མཛད་པར་གདོན་མི༌ཟ།།   
\c 131
\cl གསུང་མགུར་བརྒྱ་དང་སོ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཁེངས་སྐྱུང་གིས་དཀོན་མཆོག་ཡ་ཝཱེར་བརྟེན་པ།  
\p
\v 1 ༼ཡར་གནས་མཇལ་དུ་འགྲོ་བའི་དཱ་བིད་ཀྱི་མགུར༌མ།༽ ང་ཡི་སེམས་ལ་ང་རྒྱལ་མེད་པ༌དང༌། །མིག་ལ་ཁེངས་དྲེགས་མེད་དོ་ཀྱེ་ཡ༌ཝཱེ། །བྱ་བ་ཆེན་པོ་རྣམས་ལ་ང་མི༌ཐེ། །རྟོགས་པར་དཀའ་བའི་དོན་རྣམས་བསྒྲུབ་མི༌ཕོད།།  
\v 2 ང་ཡིས་རང་སེམས་ཞི་ཞིང་བདེ་བར༌བཀོད། །དེ་ནི་ཨ་མའི་པང་དུ་ཉལ་བ༌ཡི། །ནུ་མ་བཀར་བའི་ཕྲུ་གུ་ལྟ་བུ༌ཡིན། །ནུ་མ་ལྡུད་མཚམས་བཞག་པའི་ཕྲུ་གུ་བཞིན། །ངའི་སེམས་ང་ཡི་ནང་དུ་གནས་པ༌འོ།།  
\v 3 ད་ལྟའི་དུས་ནས་ཇི་སྲིད་འཚོ་བའི༌བར། །ཡེས་ར་ཨེལ་ཁྱོད་ཡ་ཝཱེར་རེ་སྒུག༌བྱོས།།   
\c 132
\cl གསུང་མགུར་བརྒྱ་དང་སོ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྒྱལ་པོ་དཱ་བིད་ཐུགས་སུ་འཛིན་པར་ཞུ་བའི་གསོལ་འདེབས།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ ཀྱེ་ཀྱེ་ཡ་ཝཱེ་དཱ་བིད་དྲན་པར༌མཛོད། །ཁོ་བོའི་སྡུག་བསྔལ་ཐམས་ཅད་དྲན་དུ༌གསོལ།།  
\v 2 ཡ་ཝཱེར་གདན་ས་ཞིག་དང་ཡ་ཀོབ༌ཀྱི། །སྟོབས་ལྡན་ཕྱིར་དུ་བཞུགས་གནས་རྙེད་པའི༌བར། ། \f + \ft ཚིག་རྐང་འདི་མ་ཕྱིའི་ནང་དུ་ཚིག་རྐང་ལྔ་པ་ཡིན།\f*  
\v 3 ང་ནི་རང་གི་གུར་ནང་མི་འགྲོ༌ལ། །རང་གི་མལ་ཁྲི་ལ་ཡང་འཛེག་མི༌བྱ།།  
\v 4 རང་གི་མིག་ཟུང་གཉིད་དུ་ཡུར་མི༌བྱ། །མིག་ལྕིབས་གཉིད་ཅོག་རྒྱག་ཏུ་མི་འཇུག༌ཅེས།།  
\v 5 ཁོ་བོས་ཡ་ཝཱེར་ཇི་ལྟར་མནའ་བསྐྱལ༌ཞིང༌། །ཡ་ཀོབ་སྟོབས་ལྡན་དྲུང་དུ་དམ་བཅས༌ལྟར།། \f + \ft ཚིག་རྐང་འདི་མ་ཕྱིའི་ནང་དུ་ཚིག་རྐང་གཉིས་པ༌ཡིན།\f*  
\v 6 ཨེབ་རཱད་ཡུལ་དུ་བཞུགས་པའི་གཏམ་ཐོས༌ཤིང༌། །ཡཱ་ཨིར་ཐང་དུ་ང་ཚོ་དེར་ཕྲད་བྱུང༌།།  
\v 7 རང་ཅག་ཁོང་གི་བཞུགས་གནས་སུ་ཕྱིན༌ཏེ། །ཁོང་གི་ཞབས་སྟེགས་དྲུང་དུ་ཕྱག་འཚལ༌བྱ།།  
\v 8 ཀྱེ་ཀྱེ་ཡ་ཝཱེ་ཁྱེད་ཉིད་ཡར་བཞེངས༌ནས། །ཁྱེད་ཀྱི་མཐུ་ལྡན་ཤུར་སྒམ་དང་བཅས༌ཏེ། །ཉིད་ཀྱི་གདན་སར་ཕེབས་ནས་བཞུགས་པར༌མཛོད།།  
\v 9 ཁྱེད་ཀྱི་མཆོད་དཔོན་རྣམས་ཀྱིས་དྲང་བདེན་གྱོན་པ༌དང༌། །ཉིད་ཀྱི་དད་ལྡན་དམ་པས་དགའ་འབོད་བགྱི་བར༌ཤོག།  
\v 10 ཁྱེད་ཀྱི་ཞབས་ཕྱི་དཱ་བིད་ཕྱིར་དུ༌ནི། །ཁྱེད་ཀྱིས་བྱུགས་པའི་མི་ཡི་ངོ་མ༌བཟློག།  
\v 11 ཡ་ཝཱེས་དངོས་གནས་དཱ་བིད་ཁོ་ལ༌ནི། །བཟློག་ཐབས་མེད་པའི་དབུ་མནའ་བཞེས་པ༌སྟེ། །བདག་གིས་ཁྱོད་ཀྱི་བུ་རབས་ཚ་རྒྱུད༌ལས། །གཅིག་ནི་ཁྱོད་ཀྱི་ཁྲི་ལ་འགོད་པར༌བྱ།།  
\v 12 ཁྱོད་ཀྱི་བུ་ཚོས་ང་ཡི་ཞལ་ཆད༌དང༌། །བདག་གིས་བསླབ་པའི་དཔང་ཡིག་རྣམས་བསྲུངས༌ན། །ཁོ་ཚོའི་བུ་རབས་ཚ་རྒྱུད་དུས་གཏན༌དུ། །ཁྱོད་ཀྱི་ཁྲི་ཐོག་བཞུགས་འོང་ཞེས་གསུངས༌སོ།།  
\v 13 ཅི་ལ་ཞེ་ན་ཡ་ཝཱེས་ཛ་ཡན༌བདམས། །དེ་ནི་ཁོང་གི་གདན་སར་འགྱུར་ཕྱིར༌ལགས།།  
\v 14 རྒྱུན་ནས་རྒྱུན་དུ་འདི་ངའི་བསྟི་གནས༌ཡིན། །ངས་འདི་འདོད་པས་ང་རང་འདི་རུ༌གནས།།  
\v 15 བདག་གིས་དེ་ལ་ཁ་ཟས་མོད་པོ༌སྦྱིན། །དེ་ཡི་དབུལ་པོ་ཟས་ཀྱིས་ཚིམ་པར༌བྱ།།  
\v 16 དེ་ཡི་མཆོད་དཔོན་རྣམས་ལ་ཐར་པ༌བསྐོན། །དད་ལྡན་རྣམས་ཀྱིས་དགའ་མགུའི་ཀི་སྒྲ༌བསྒྲག།  
\v 17 དཱ་བིད་ཕྱིར་དུ་དེ་རུ་རྭ་དུང༌ཞིག །སྐྱེ་བར་བྱ་ཞིང་བདག་གིས་བྱུགས་པ༌ཡི། །ཆེད་དུ་དཀར་གསལ་སྒྲོན་མེ་ཞིག་ཀྱང༌བསྒྲིག།  
\v 18 དེ་ཡི་དགྲ་རྣམས་བདག་གིས་ངོ་ཚར༌སྦྱོར། །འོན་ཀྱང་དེའི་མགོར་ཅོད་པན་འོད་སྣང༌འཚེར།།   
\c 133
\cl གསུང་མགུར་བརྒྱ་དང་སོ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 སྤུན་ཟླ་ཕན་ཚུན་བྱམས་པའི་བསྟོད་པ།  
\p
\v 1 ༼ཡར་གནས་མཇལ་དུ་འགྲོ་བའི་དཱ་བིད་ཀྱི་མགུར༌མ།༽ ལྟོས་དང་ཁྱོད་ཅག་སྤུན་ཟླ་རྣམས་ནི་མཐུན་སྒྲིལ༌ངང༌། །མཉམ་དུ་སྡོད་པ་ཇི་འདྲའི་མཛེས་ཤིང་སྐྱིད་པ༌ལ།།  
\v 2 དེ་ནི་ཨ་རོན་མགོ་ལ་རིན་ཆེན་སྣུམ་བྱུགས༌ཏེ། །ཨག་ཚོམ་དང་ནི་གོས་ཀྱི་གོང་བར་བཞུར་བ༌བཞིན།།  
\v 3 ཧེར་མོན་ཟིལ་པ་ཛ་ཡན་རི་ལ་བབས་པ༌བཞིན། །གནས་དེར་ཡ་ཝཱེས་གནང་བའི་བྱིན་རླབས་ལྡན་པ༌སྟེ། །ཟད་མཐའ་མེད་པའི་ཚེ་སྲོག་དེ་ཉིད་མཆིས་ཕྱིར༌རོ།།   
\c 134
\cl གསུང་མགུར་བརྒྱ་དང་སོ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཞལ་འབོད་གནང་བའི་བསྟོད་པ།  
\p
\v 1 ༼ཡར་གནས་མཇལ་དུ་འགྲོ་བའི་མགུར༌མ།༽ ཀྱེ་ཀྱེ་མཚན་མོར་ཡ་ཝཱེའི་བཞུགས་གནས་སུ། །འགྲེང་བའི་ཞབས་ཕྱི་རྣམས་ཀྱིས་ཡ་ཝཱེར༌བསྟོད།།  
\v 2 གནས་མཆོག་ནང་དུ་ལག་པ་ཡར་བཀྱགས༌ནས། །ཡ་ཝཱེ་ཁོང་ལ་བསྟོད་བསྔགས་བརྗོད་པར༌གྱིས།།  
\v 3 གནམ་སའི་མཛད་པོ་ཡ་ཝཱེས་ཁྱོད་རྣམས༌ལ། །ཛ་ཡན་ཡུལ་ནས་བྱིན་གྱིས་བརླབ་པར༌ཤོག།   
\c 135
\cl གསུང་མགུར་བརྒྱ་དང་སོ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བསྟོད་བསྔགས་བརྗོད་པའི་མགུར་མཆོག  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ཡ་ཝཱེའི་མཚན་ལ་བསྟོད་པར་གྱིས་ཤིག༌ཨང༌། །ཡ་ཝཱེའི་ཞབས་ཕྱི་རྣམས་ཀྱིས་ཁོང་ལ༌བསྟོད།།  
\v 2 ཡ་ཝཱེའི་བཞུགས་གནས་ནང་དུ་འགྲེང་བ༌དང༌། །རང་རེའི་དཀོན་མཆོག་བཞུགས་གནས་ཁྱམས་ར༌རུ། །ཞབས་ཏོག་སྒྲུབ་པ་ཁྱོད་ཚོས་ཁོང་ལ༌བསྟོད།།  
\v 3 ཡ་ཝཱེ་ལེགས་པོ་ཡིན་པས་ཁོང་ལ༌བསྟོད། །ཁོང་གི་མཚན་ལ་བསྟོད་དབྱངས་འབུལ་བར༌གྱིས། །ཅི་ལ་ཞེ་ན་དེ་ནི་ཡིད་དུ༌འོང༌།།  
\v 4 ཡ་ཝཱེས་ཡ་ཀོབ་ཁོང་གི་ཕྱིར་དུ༌བདམས། །ཡེས་ར་ཨེལ་ནི་ནོར་སྐལ་དུ་བདམས༌སོ།།  
\v 5 ཡ་ཝཱེ་ཆེན་པོ་ལགས་པ་ངས་ཤེས༌ཏེ། །རང་ཅག་གཙོ་བོ་ལྷ་ཚོགས་ཀུན་ལས༌འཕགས།།  
\v 6 གནམ་དང་ས་དང་རྒྱ་མཚོའི་གཏིང་རིམ༌ནས། །ཡ་ཝཱེས་ཅི་ལ་དགྱེས་པ་དེ་བཞིན༌མཛད།།  
\v 7 ཁོང་གིས་ས་མཐའ་རྣམས་ནས་སྤྲིན་པ༌སློང༌། །ཆར་ཆུ་མཉམ་དུ་གློག་དམར་འཁྱུག་པར༌མཛད། །ཁོང་གི་མཛོད་ནས་ལྷགས་རླུང་འདོན་པར༌བྱ།།  
\v 8 ཨེ་ཅིབ་ཡུལ་གྱི་མི་ཕྱུགས་གང་ཡིན༌ཡང༌། །སྐྱེས་འགོ་ཐམས་ཅད་ཁོང་གིས་བསད་པ༌ལགས།།  
\v 9 ཀྱེ་ཀྱེ་ཨེ་ཅིབ་ཁྱོད་ཀྱི་དཀྱིལ་དབུས༌སུ། །ཕཱར་ཨོལ་དང་ནི་འཁོར་གཡོག་རྣམས་ཀྱི༌སྟེང༌། །ཁོང་གིས་གྲུབ་རྟགས་ངོ་མཚར་དོན་རྣམས་མཛད།།  
\v 10 ཁོང་གིས་མི་རིགས་མང་པོར་བརྡེགས་པ༌དང༌། །རྒྱལ་པོ་དཔའ་ངར་ཅན་རྣམས་སྲོག་དང༌ཕྲལ།།  
\v 11 ཨེ་མོར་པ་ཡི་རྒྱལ་པོ་སི་ཧོན༌དང༌། །པཱ་ཤན་ཡུལ་གྱི་རྒྱལ་པོ་ཨོག་དང༌ནི། །ཀ་ན་ཨན་གྱི་རྒྱལ་པོ་ཐམས་ཅད༌དོ།།  
\v 12 ཁོང་གིས་དེ་ཚོའི་ཡུལ་རྣམས་རང་ཉིད༌ཀྱི། །འབངས་མི་ཡེས་ར་ཨེལ་ལ་ས་སྐལ༌གནང༌།།  
\v 13 ཀྱེ་ཀྱེ་ཡ་ཝཱེ་ཁྱེད་མཚན་གཏན་དུ༌གནས། །ཡ་ཝཱེའི་དྲན་རྟེན་མི་རབས་ཀུན་ལ༌གནས།།  
\v 14 ཅི་ལ་ཞེ་ན་ཡ་ཝཱེས་རང་ཉིད༌ཀྱི། །འབངས་མི་ལ་ནི་དག་འབུད་མཛད་པ༌དང༌། །ཉིད་ཀྱི་ཞབས་ཕྱིར་སྙིང་རྗེ་གནང་ཕྱིར༌རོ།།  
\v 15 མི་རིགས་རྣམས་ཀྱི་ལྷ་སྐུ་གསེར་དངུལ༌ཡིན། །དེ་ནི་མི་ཡི་ལག་པས་བཟོས་པ༌དང༌།།  
\v 16 སྨྲ་སྒོ་ཡོད་ཀྱང་དེ་དག་གཏམ་མི་ལབ། །མིག་ནི་ཡོད་ཀྱང་དེ་རྣམས་མཐོང་བ་མིན།།  
\v 17 རྣ་བ་ཡོད་ཀྱང་དེ་རྣམས་ཐོས་མི་ཐུབ། །དེ་དག་ཁ་རུ་དབུགས་ཀྱང་ཡོད་མ༌ཡིན།།  
\v 18 ལྷ་སྐུ་བཟོ་མཁན་ལྷ་སྐུ་དང་མཚུངས༌ཤིང༌། །དེ་ལ་བརྟེན་པ་རྣམས་ཀྱང་དེ་བཞིན༌ནོ།།  
\v 19 ཡེས་ར་ཨེལ་ཁྱོད་ཡ་ཝཱེར་བསྟོད་པར༌གྱིས། །ཨ་རོན་ཁྱིམ་རྒྱུད་ཡ་ཝཱེར་བསྟོད་པར༌གྱིས།།  
\v 20 ལེ་ཝི་ཁྱིམ་རྒྱུད་ཡ་ཝཱེར་བསྟོད་པ༌ཕུལ། །ཀྱེ་ཀྱེ་ཡ་ཝཱེར་གུས་ཤིང་འཇིགས་པ༌རྣམས། །ཁྱོད་ཚོས་ཡ་ཝཱེར་བསྟོད་པ་འབུལ་བར༌གྱིས།།  
\v 21 ཡེ་རུ་སཱ་ལེམ་ནང་དུ་བཞུགས་པ༌ཡི། །ཡ་ཝཱེར་ཛ་ཡན་ཡུལ་ནས་བསྟོད་པར༌གྱིས། །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 136
\cl གསུང་མགུར་བརྒྱ་དང་སོ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བཀའ་དྲིན་དྲན་པའི་མགུར་མཆོག  
\p
\v 1 ཡ་ཝཱེ་ལེགས་པས་ཁོང་ལ་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 2 ལྷ་རྣམས་དཀོན་མཆོག་ལ་ནི་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 3 གཙོ་བོ་རྣམས་ཀྱི་གཙོ་བོར་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 4 ཁོང་ཉིད་གཅིག་པུས་ངོ་མཚར་རྣམས་ནི༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 5 གང་གི་ཤེས་རབ་ཀྱིས་ནི་གནམ་རྣམས༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 6 ཆུ་རྣམས་སྟེང་དུ་ས་གཞི་འདིང་བར༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 7 འོད་ཟེར་ཆེན་པོ་རྣམས་ཀྱང་ཁོང་གིས༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 8 ཉིན་མོ་དབང་དུ་བསྒྱུར་བར་ཉི་མ༌བཀོད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 9 མཚན་མོར་དབང་བྱེད་ཟླ་བ་སྐར་མ༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 10 གང་གིས་ཨེ་ཅིབ་སྐྱེས་འགོ་ཐམས་ཅད༌བསད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 11 དེ་ཚོའི་ཁྲོད་ནས་ཡེས་ར་ཨེལ་པ༌བཏོན། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 12 མཐུ་ལྡན་ཕྱག་དང་བརྐྱངས་པའི་དཔུང་པ༌ཡིས། །དེ་རྣམས་ཕྱི་རུ་ཁྲིད་ནས་ཐོན་པ༌ཡིན། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 13 རྒྱ་མཚོ་དམར་པོ་ཁག་ནི་གཉིས་སུ༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 14 ཡེས་ར་ཨེལ་པ་མཚོ་ཡི་དཀྱིལ་ནས༌དྲངས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 15 ཕཱར་ཨོལ་དང་ནི་ཁོ་ཡི་དམག་དཔུང༌ནི། །རྒྱ་མཚོ་དམར་པོའི་ནང་དུ་བསྐྱུར་བར༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 16 ཉིད་ཀྱི་མི་སྡེ་དབེན་སྟོང་ལམ་ནས༌དྲངས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 17 གང་གིས་རྒྱལ་པོ་ཆེན་པོ་རྣམས་ལ༌བརྡུངས། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 18 དཔའ་ངར་ཆེ་བའི་རྒྱལ་པོ་རྣམས་ཀྱང༌བསད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 19 ཨེ་མོར་པ་ཡི་རྒྱལ་པོ་སི་ཧོན༌བསད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 20 པཱ་ཤན་ཡུལ་གྱི་རྒྱལ་པོ་ཨོག་ཀྱང༌བསད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 21 ཁོང་གིས་དེ་ཚོའི་ཡུལ་རྣམས་རང་ཉིད༌ཀྱི། །འབངས་མི་ལ་ནི་ས་སྐལ་དུ་གནང༌ངོ༌། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 22 དེ་ཚོའི་ཡུལ་རྣམས་ཉིད་ཀྱི་ཞབས་ཕྱི༌སྟེ། །ཡེས་ར་ཨེལ་ལ་ནོར་སྐལ་དུ་གནང༌ངོ༌། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 23 ཉམ་ཐག་གནས་སུ་རང་ཅག་ཁོང་གིས༌དྲན། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 24 རང་ཅག་དགྲ་བོ་རྣམས་ལས་སྐྱོབ་པར༌མཛད། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 25 ལུས་ཅན་ཀུན་ལ་ཁོང་གིས་ཁ་ཟས༌སྩོལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།  
\v 26 ནམ་མཁའི་དཀོན་མཆོག་ཁོང་ལ་གཏང་རག༌ཕུལ། །ཁོང་གི་བྱམས་བརྩེ་རྒྱུན་ནས་རྒྱུན་དུ༌གནས།།   
\c 137
\cl གསུང་མགུར་བརྒྱ་དང་སོ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བཙན་ཁྲིད་བྱས་པའི་ཡེས་ར་ཨེལ་པ་རྣམས་ཀྱི་སྐྱོ་གླུ།  
\p
\v 1 ངེད་ཅག་པཱ་པེལ་\f + \ft པཱ་པེལ་ཞེས་པར་པཱ་པེལ་ལོན་ཞེས་འབྲི་བའང་ཡོད།\f*གཙང་པོའི་འགྲམ་བསྡད༌ཅིང༌། །ཛ་ཡན་དྲན་དུས་དེ་རུ་ངུས་པ༌ཡིན།།  
\v 2 དེ་དག་ཁྲོད་དུ་ལྕང་ཤིང་རྣམས་ཀྱི༌སྟེང༌། །ང་ཚོའི་པི་ཝང་རྣམས་ནི་བཏགས་པ༌ལགས།།  
\v 3 རྒྱུ་མཚན་ངེད་ཅག་བཙོན་དུ་ཁྲིད་མཁན༌གྱིས། །ང་ཚོར་མགུར་གླུ་ལོངས་ཤོག་སྨྲས་བྱུང༌ཞིང༌། །ཛ་ཡན་གླུ་ཞིག་ལོངས་ལ་སྐྱིད་པོ༌བྱོས། །དེ་སྐད་མནར་གཅོད་གཏོང་མཁན་རྣམས་ཀྱིས༌ཟེར།།  
\v 4 ང་ཚོས་མི་རིགས་གཞན་གྱི་ཡུལ་ཁམས༌སུ། །ཡ་ཝཱེའི་མགུར་གླུ་ཅི་ལྟར་ལེན་པར༌བྱ།།  
\v 5 ཡེ་རུ་སཱ་ལེམ་ང་ཡིས་ཁྱེད་བརྗེད༌ན། །ངའི་ལག་གཡས་པས་ལག་རྩལ་བརྗེད་གྱུར༌ཅིག།  
\v 6 གལ་ཏེ་བདག་གིས་ཡེ་རུ་སཱ་ལེམ༌ཁྱེད། །ང་ཡི་དགའ་སྤྲོའི་མཆོག་ཏུ་མི་བརྩི༌བར། །བརྗེད་ན་ངའི་ལྕེ་རྐན་ལ་འབྱར་བར༌ཤོག།  
\v 7 ཀྱེ་ཀྱེ་ཡ་ཝཱེ་ཨེ་དོམ་པ་རྣམས༌ཀྱིས། །ཡེ་རུ་སཱ་ལེམ་བར་ཆད་དང་ཕྲད་དུས། །ཅི་ཞིག་བྱས་པ་ཐུགས་སུ་དྲན་དུ༌གསོལ། །དེ་ཚོས་ཤིགས་ཤིག་རྩ་ནས་ཤིགས་ཤིག༌སྨྲས།། \f + \ft སྔར་པཱ་པེལ་གྱི་དམག་གིས་ཡེ་རུ་སཱ་ལེམ་ལ་རྒོལ་བ༌དང༌། སྐབས་དེར་ཨེ་དོམ་པ་རྣམས་ཀྱིས་དམག་དེ་དག་ལ་ཡེ་རུ་སཱ་ལེམ་རྩ་མེད་གཏོང་བར་བསྐུལ་བ༌རེད། དེའི་རྐྱེན་གྱིས་ཡེས་ར་ཨེལ་པ་རྣམས་ཀྱིས་དཀོན་མཆོག་གིས་ཨེ་དོམ་པ་རྣམས་ལ་ཉེས་ཆད་གཅོད་པར་རེ་བ༌བཅངས་ཡོད། ཨེ་དོམ་པ་ནི་ཨེ་སཱབ་ཀྱི་རིགས་རྒྱུད་ཡིན་པ༌དང༌། ཡེས་ར་ཨེལ་པ་ནི་ཡ་ཀོབ་ཀྱི་རིགས་རྒྱུད༌ཡིན། \f*  
\v 8 ཀྱེ་ཀྱེ་རྩ་མེད་འགྲོ་རྒྱུའི་པཱ་པེལ༌གྲོང༌། །ཁྱོད་ཀྱིས་ངེད་ལ་ཅི་ཞིག་བྱས་པ༌ལྟར། །ངན་ལན་འཇལ་མཁན་དེ་ནི་བདེ་བ༌འོ།།  
\v 9 ཁྱོད་ཀྱི་ཕྲུ་གུ་རྣམས་ནི་འཛིན་བྱེད༌ཅིང༌། །བྲག་ལ་རྡབ་མཁན་དེ་ནི་བདེ་བ༌འོ།།   
\c 138
\cl གསུང་མགུར་བརྒྱ་དང་སོ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 བཀའ་དྲིན་དྲན་པའི་གསོལ་འདེབས།  
\p
\v 1 ༼དཱ་བིད་ཀྱི་མགུར༌མ།༽ བདག་གིས་ཡིད་སེམས་ཧྲིལ་པོས་ཁྱེད་ལ༌བསྟོད། །ལྷ་རྣམས་ \f + \ft འདིར་ལྷ་རྣམས་ཞེས་པ་ནི་འགོ་པ་རྣམས་ལ་གོ་རུང་བ་ཡིན།\f*མདུན་དུ་ཁྱེད་ལ་བསྟོད་དབྱངས༌འབུལ།།  
\v 2 ཁྱེད་ཀྱིས་ཉིད་ཀྱི་མཚན་དང་བཀའ་གསུང་ནི། །ཀུན་ལས་རབ་ཏུ་ཆེ་བར་མཛད་པས༌ན། །ཁྱེད་ཀྱི་མཆོད་ཁང་དམ་པར་ངས་ཕྱག༌འཚལ། །ཁྱེད་ཀྱི་བྱམས་བརྩེ་དང་ནི་དྲང་བདེན༌ཕྱིར། །ཁྱེད་ཀྱི་མཚན་ལ་གཏང་རག་འབུལ་བར༌བྱ།།  
\v 3 བདག་གིས་ཞུས་ཚེ་ཁྱེད་ཀྱིས་བཀའ་ལན༌གནང༌། །སེམས་ཤུགས་སྤོབས་པ་ཁྱེད་ཀྱིས་བདག་ལ༌བསྩལ།།  
\v 4 ཀྱེ་ཀྱེ་ཡ་ཝཱེ་ཁྱེད་ཀྱི་ཞལ་གདམས༌རྣམས། །ས་གཞིའི་རྒྱལ་པོ་ཀུན་གྱིས་ཐོས་ཡོད༌པས། །དེ་ཚོས་ཁྱེད་ལ་གཏང་རག་ཅིས་མི༌འབུལ།།  
\v 5 ཡ་ཝཱེའི་གཟི་བརྗིད་རབ་ཏུ་ཆེ་བས༌ན། །ཉིད་ཀྱི་མཛད་པ་རྣམས་ཀྱི་གླུ་ཡང༌ལེན།།  
\v 6 ཡ་ཝཱེ་ཁོང་ཉིད་བླ་མེད་ལགས་ན༌ཡང༌། །ཉམ་ཆུང་དག་ལ་ཁོང་གིས་གཟིགས་པར༌མཛད། །འོན་ཀྱང་ང་རྒྱལ་ཅན་དེ་རྒྱང་ནས༌མཁྱེན།།  
\v 7 ང་རང་སྡུག་བསྔལ་ཁྲོད་ནས་འགྲོ་དུས༌སུ། །ཁྱེད་ཀྱིས་ང་ཡི་ཚེ་སྲོག་སྐྱོབ་པ༌དང༌། །ཕྱག་ཟུང་བརྐྱངས་ནས་དགྲ་བོའི་ཁོང་ཁྲོ༌འགོག །ཁྱེད་ཕྱག་གཡས་པས་ང་རང་སྐྱོབ་པར༌འགྱུར།།  
\v 8 ཡ་ཝཱེས་ང་ཡི་དོན་ཀུན་བསྒྲུབ་པར༌འགྱུར། །ཡ་ཝཱེ་ཁྱེད་ཀྱི་བྱམས་བརྩེ་རྟག་ཏུ༌གནས། །ཁྱེད་ཀྱི་ཕྱག་ལས་རྣམས་ཀྱང་སྤོང་མ་མཛོད།།   
\c 139
\cl གསུང་མགུར་བརྒྱ་དང་སོ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་ཀུན་མཁྱེན་དང་གཟིགས་སྐྱོང་།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ ཡ་ཝཱེ་ཁྱེད་ཀྱིས་ང་ལ་བརྟགས་ཤིང༌མཁྱེན།།  
\v 2 ང་རང་ལངས་དུས་འདུག་དུས་ཁྱེད་ཀྱིས༌མཁྱེན། །ང་ཡི་བསམ་ཚུལ་ཁྱེད་ཀྱིས་རྒྱང་ནས༌མཁྱེན།།  
\v 3 ལམ་དུ་འགྲོ་བ་དང་ནི་མར་ཉལ༌བ། །ཁྱེད་ཀྱིས་དེ་ཀུན་ཞིབ་ཏུ་གཟིགས་པ༌དང༌། །ང་ཡིས་ཅི་བྱས་ཚང་མ་ཁྱེད་ཀྱིས༌མཁྱེན།།  
\v 4 ཀྱེ་ཀྱེ་ཡ་ཝཱེ་ང་ཡི་ལྕེའི་སྟེང༌དུ། །ཁྱེད་ཀྱིས་མི་མཁྱེན་ཚིག་རྡོག་གཅིག་ཀྱང༌མེད།།  
\v 5 ཁྱེད་ཀྱིས་ང་རང་མདུན་རྒྱབ་གཉིས་ནས༌བསྐོར། །ཁྱེད་ཀྱི་ཕྱག་ནི་བདག་གི་སྟེང་དུ༌ཡོད།།  
\v 6 འདི་འདྲའི་ཤེས་རིག་ང་ཡིས་དཔག་ཐབས༌བྲལ། །བླ་ན་མཐོ་བས་ངས་དེར་སྙོབ་པར༌དཀའ།།  
\v 7 ཁྱེད་ཀྱི་ཐུགས་ཉིད་ལས་བདག་གང་དུ༌འགྲོ། །ཁྱེད་ཀྱི་དྲུང་ནས་ང་རང་གང་དུ༌འབྲོ།།  
\v 8 ནམ་མཁར་འཛེགས་ན་ཁྱེད་ཉིད་དེར་བཞུགས༌ཤིང༌། །གལ་ཏེ་གཤིན་པོའི་ཡུལ་དུ་མལ་བཅོས༌ཀྱང༌། །ཁྱེད་ཉིད་དེ་ག་རུ་ཡང་བཞུགས་པ༌ལགས།།  
\v 9 ཐོ་རངས་བདག་གིས་གཤོག་ཟུང་བརྐྱངས་ནས༌ནི། །རྒྱ་མཚོའི་ཕ་མཐར་འཕུར་ཏེ་བསྡད་ན༌ཡང༌།།  
\v 10 དེར་ཡང་ཁྱེད་ཀྱི་ཕྱག་གིས་ལམ་སྣ༌འདྲེན། །ཁྱེད་ཕྱག་གཡས་པས་ང་རང་སྐྱོར་བྱེད༌དོ།།  
\v 11 མུན་པས་ང་རང་ཡོངས་སུ་སྦ་བར༌ཤོག །ཕྱོགས་བཞིའི་འོད་ཀྱང་མཚན་མོར་འགྱུར་སྨྲ༌ཡང༌།།  
\v 12 ཁྱེད་ལ་མུན་པ་མུན་པར་མི་སྣང༌ཞིང༌། །མཚན་མོས་ཉིན་མོ་ནང་བཞིན་འོད་སྣང༌སྤྲོ། །ཁྱེད་དྲུང་འོད་དང་མུན་པ་ཁྱད་མེད༌ཡིན།།  
\v 13 བདག་གི་སེམས་ཁོང་ཁྱེད་ཀྱིས་མཛད་པ༌དང༌། །མ་ཡི་མངལ་ནང་ཁྱེད་ཀྱིས་ང་རང༌སྦྲེལ།།  
\v 14 ངོ་མཚར་འཇིགས་རུང་ལམ་ནས་ང་མཛད༌པས། །བདག་གིས་ཁྱེད་ལ་གཏང་རག་འབུལ་བར༌བྱ། །ཁྱེད་ཀྱི་མཛད་པ་ཤིན་ཏུ་ངོ་མཚར༌ཆེ། །ང་ཡི་སེམས་ཀྱིས་དེ་རྣམས་ལེགས་པར༌ཤེས།།  
\v 15 ང་རང་ལྐོག་གྱུར་གནས་སུ་བཟོས་པ༌དང༌། །ས་ཡི་གཏིང་ནས་མཉམ་དུ་སྦྲེལ་བའི༌ཚེ། །ང་ཡི་གཟུགས་རིས་ཁྱེད་ལ་སྦས་མ༌ཡིན།།  
\v 16 ང་རང་གཟུགས་སུ་མ་གྲུབ་སྔོན་རོལ༌དུ། །ཁྱེད་ཀྱི་སྤྱན་གྱིས་སྔར་ནས་གཟིགས་པ༌དང༌། །ཁྱེད་ཀྱིས་ཐུགས་ཐག་བཅད་པའི་ཚེ་ཚད༌ལས། །བདག་གིས་ད་དུང་ཉིན་གཅིག་མ་རོལ༌གོང༌། །ཐམས་ཅད་ཁྱེད་ཀྱི་ཕྱག་དཔེའི་ནང་དུ༌བཀོད།།  
\v 17 ཀྱེ་ཀྱེ་དཀོན་མཆོག་ཁྱེད་ཀྱི་བཞེད་དགོངས༌རྣམས། །བདག་གི་ཕྱིར་དུ་ཅི་འདྲའི་རིན་ཐང༌ཆེ། །དེ་རྣམས་བསྡོམས་གྲངས་གང་འདྲ་འབོར་ཆེ༌ཨང༌།།  
\v 18 རྩིས་གྲངས་བླངས་ན་བྱེ་མ་ལས་ཀྱང༌མང༌། །གཉིད་ལས་སད་དུས་ད་དུང་ཁྱེད་མཉམ༌གནས།།  
\v 19 ཀྱེ་ཀྱེ་དཀོན་མཆོག་མི་ངན་གསོད་གྱུར༌ཅིག །ལག་དམར་ཁྱོད་རྣམས་ང་དང་འབྲལ་བར༌གྱིས།།  
\v 20 དེ་ཚོས་ཁྱེད་ལ་རྒོལ་བའི་ཚིག་ངན༌ལབ། །ཁྱེད་ཀྱི་དགྲ་བོས་ཁྱེད་མཚན་དོན་མེད༌བརྗོད།།  
\v 21 ཡ་ཝཱེ་ཁྱེད་ལ་སྡང་བའི་མི་རྣམས༌ལ། །ང་རང་ཡང་ནི་སྡང་བར་མི་འགྱུར༌རམ། །ཀྱེ་མ་ཁྱེད་ལ་རྒོལ་བའི་མི་རྣམས༌ལ། །ང་རང་ཞེན་ཁ་ལོག་པ་མ་ཡིན༌ནམ།།  
\v 22 ང་རང་དེ་ཚོར་ཞེ་འཁོན་སྙིང་ནས༌སྐྱེ། །བདག་གིས་དེ་རྣམས་དགྲ་རུ་རྩི་བྱེད༌དོ།།  
\v 23 ཀྱེ་ཀྱེ་དཀོན་མཆོག་ང་ལ་བརྟགས་ནས༌ནི། །ང་ཡི་སེམས་པ་མཁྱེན་པར་མཛོད་ཅིག༌ཀྱེ། །ང་ལ་དཔྱད་ནས་བསམ་ཚུལ་མཁྱེན་པར༌མཛོད།།  
\v 24 ངའི་ནང་སྤྱོད་ངན་ཡོད་མེད་གཟིགས་ནས༌ནི། །གཏན་གྱི་ལམ་ནང་ང་རང་འཁྲིད་པར༌མཛོད།།   
\c 140
\cl གསུང་མགུར་བརྒྱ་དང་བཞི་བཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ངན་པའི་ལྐོག་གཡོ་ལས་སྐྱོབ་པར་ཞུ་བ།  
\p
\v 1 ༼དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ མི་ངན་ལས་ང་སྐྱོབས་ཤིག་ཀྱེ་ཡ༌ཝཱེ། །གདུག་རྩུབ་ཅན་ལས་ང་རང་བསྲུང་བར༌མཛོད།།  
\v 2 དེ་ཚོས་སེམས་ནས་བྱུས་ངན་རྩོམ་པ༌དང༌། །འཐབ་ཕྱིར་དེ་རྣམས་རྟག་པར་འཚོགས་པ༌ཡིན།།  
\v 3 སྦྲུལ་ལྟར་དེ་ཚོས་རང་ལྕེ་རྣོན་པོ༌བྱེད། །མཆུ་སྒྲོས་འོག་ཏུ་སྦྲུལ་གྱི་དུག་རླངས༌འདུག།༼ སེ༌ལཱ། ༽  
\v 4 སྡིག་སྤྱོད་ལག་ནས་བདག་སྐྱོབས་ཀྱེ་ཡ༌ཝཱེ། །གདུག་རྩུབ་ཅན་ལས་ཕྲན་ཆུང་བསྲུང་བར༌མཛོད། །དེ་ཚོས་ང་རང་ས་རུ་བསྒྱེལ་བར༌དམིགས།།  
\v 5 རང་རློམ་ཅན་ཚོས་རྙི་དང་ཐག་པ༌རྣམས། །བདག་གི་ཆེད་དུ་སྦས་ནས་བཞག་ཡོད༌དེ། །ལམ་གྱི་ཟུར་དུ་དེ་ཚོས་རྙི་རྒྱ༌བཙུགས། །ངའི་ཆེད་དེ་ཚོས་ཞགས་པ་བཀྲམས་ནས༌ཡོད།།༼ སེ༌ལཱ། ༽  
\v 6 ཁྱེད་ངའི་དཀོན་མཆོག་ལགས་ཞེས་ཡ་ཝཱེར༌གསོལ། །ང་ཡི་ཞུ་འབོད་ལ་ནི་གསན་རོགས༌མཛོད།།  
\v 7 གཙོ་བོ་ཡ་ཝཱེ་ང་ཡི་སྐྱབས་ཀྱི༌སྟོབས། །འཐབ་མོའི་དུས་སུ་ང་ཡི་མགོ་བཀབ༌བྱུང༌།།  
\v 8 སྡིག་སྤྱོད་འདོད་ལ་མ་བསྟུན་ཀྱེ་ཡ༌ཝཱེ། །དེ་རྣམས་བྱུས་ངན་བསྒྲུབ་པར་མི་གནང༌རོགས། །བསྒྲུབས་ན་དེ་རྣམས་ང་རྒྱལ་སྐྱེ་ཡང༌སྲིད།།༼ སེ༌ལཱ། ༽  
\v 9 ང་རང་མཐའ་ནས་བསྐོར་བའི་མི་རྣམས༌ནི། །རང་ཁའི་བྱུས་ངན་སོ་སོའི་མགོར་འབབ་ཤོག།  
\v 10 དེ་ཚོའི་ཐོག་ཏུ་སོལ་མེ་འབབ་པ༌དང༌། །དེ་ཚོ་མེ་ཡི་ནང་དུ་བསྐྱུར་བར༌ཤོག །ཕྱིར་ལངས་མེད་པར་དོང་ནང་གཡུག་གྱུར༌ཅིག།  
\v 11 གཏམ་ངན་སྨྲ་བ་ས་གཞིར་ཚུགས་མི༌ཐུབ། །རྐྱེན་ངན་གྱིས་ནི་གཏུམ་པོ་འདེད་ཅིང༌བརྡབ།།  
\v 12 ཡ་ཝཱེས་དཀའ་ངལ་ཅན་ལ་དྲང་གཞག༌སྐྱོང༌། །དབུལ་པོའི་ཁ་མཆུ་རྩོད་པ་ང་ཡིས༌ཤེས།།  
\v 13 དྲང་པོས་ཁྱེད་ཀྱི་མཚན་ལ་གཏང་རག༌འབུལ། །གཞུང་དྲང་ཁྱེད་ཀྱི་དྲུང་དུ་གནས་པར༌འགྱུར།།   
\c 141
\cl གསུང་མགུར་བརྒྱ་དང་ཞེ་གཅིག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དགོང་ཁའི་གསོལ་འདེབས།  
\p
\v 1 ༼དཱ་བིད་ཀྱི་མགུར༌མ།༽ ཀྱེ་ཀྱེ་ཡ་ཝཱེ་བདག་གིས་ཁྱེད་ཉིད༌འབོད། །ཁྱེད་ཉིད་འཕྲལ་དུ་ངའི་རྩར་ཕེབས་པར༌མཛོད། །བདག་གིས་འབོད་དུས་ངའི་སྐད་གསན་དུ༌གསོལ།།  
\v 2 བདག་གི་སྨོན་ལམ་ཁྱེད་དྲུང་སྤོས་བཞིན༌དང༌། །ལག་ཟུང་འདེགས་པ་དགོང་མཆོད་ལྟར་གྱུར༌ཅིག།  
\v 3 ཀྱེ་ཀྱེ་ཡ་ཝཱེ་ངའི་ངག་བསྲུང་བ༌དང༌། །ང་ཡི་སྨྲ་སྒོ་ཉིད་ཀྱིས་བསྲུང་བར༌མཛོད།།  
\v 4 སྡིག་སྤྱོད་མཉམ་དུ་དོན་ངན་མི་གཉེར༌ཕྱིར། །བདག་སེམས་ངན་པར་འཕྲེང་དུ་མི་འཇུག༌རོགས། །དེ་དག་ཟས་ཞིམ་ང་ལ་གནང་མ༌མཛད།།  
\v 5 དྲང་པོས་བརྡུང་བར་ཤོག་ཅིག་བྱམས་བརྩེ༌ཡིན། །བཀྱོན་པར་གྱུར་ཅིག་མགོར་བྱུགས་སྣུམ་ཡིན༌ཏེ། །བདག་གི་མགོ་ནི་དེ་ལ་གཡོལ་མི༌བྱ། །སྡིག་སྤྱོད་རྣམས་ཀྱིས་ངན་པ་བྱེད་པའི༌ཚེ། །ང་ནི་སྨོན་ལམ་འདེབས་ཀྱིན་འདུག་པར༌བྱ།།  
\v 6 དེ་ཚོའི་ཁྲིམས་དཔོན་བྲག་གི་གཡང་ནས༌འཕེན། །ངའི་སྐད་སྙན་པས་དེ་ཚོས་བདག་ལ༌མཉན།།  
\v 7 སེར་ཁ་གས་པའི་ས་གཞི་ནང་བཞིན༌དུ། །གཤིན་པོའི་ཡུལ་གྱིས་ཁ་ཆེར་གདངས་ནས༌ནི། །ངེད་ཀྱི་ཕྱོགས་བཞིར་འཐོར་བའི་རུས་པ༌རྣམས། །ཁྱུར་མིད་གཏོང་ཞེས་དེ་ཚོས་སྨྲ་བར༌འགྱུར།།  
\v 8 འོན་ཀྱང་ཀྱེ་ཀྱེ་གཙོ་བོ་ཡ་ཝཱེ༌ལགས། །ང་ཡི་མིག་གིས་ཁྱེད་ལ་རེ་ལྟོས༌བཅངས། །ང་རང་ཁྱེད་ལ་སྐྱབས་སུ་འགྲོ་བས༌ན། །ང་རང་འཆི་བའི་ནང་དུ་ལྷུང་མ༌མཛད།།  
\v 9 ངན་པས་ངའི་ཕྱིར་བཙུགས་པའི་རྙི་རྒྱ༌དང༌། །སྡིག་སྤྱོད་རྣམས་ཀྱི་ཞགས་ལས་སྐྱོབ་པར༌མཛོད།།  
\v 10 མི་ངན་རང་གི་རྙི་ནང་ཚུད་གྱུར༌ཅིག །ང་ནི་བདེ་ཞིང་ཐར་བར་གྱུར་ཅིག༌གུ།   
\c 142
\cl གསུང་མགུར་བརྒྱ་དང་ཞེ་གཉིས༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀའ་ལས་ཁྲོད་དུ་དཀོན་མཆོག་ཡ་ཝཱེའི་གཟིགས་སྐྱོང་འཚོལ་བ།  
\p
\v 1 ༼དཱ་བིད་ཀྱི་བསླབ་བྱའི་མགུར་མ༌སྟེ། བྲག་ཕུག་ནང་གི་གསོལ༌འདེབས།༽ སྐད་གསང་མཐོན་པོས་ཡ་ཝཱེར་འོ་དོད༌འབོད། །སྙིང་རྗེ་གནང་ཕྱིར་ཡ་ཝཱེར་སྐད་ཅོར༌རྒྱག།  
\v 2 ཁོང་དྲུང་སོ་སོའི་སེམས་སྡུག་ལྷུག་པོར༌བརྗོད། །རང་གི་སྡུག་བསྔལ་ཁོང་ལ་ཞུ་བར༌བྱ།།  
\v 3 རང་གི་སེམས་ཀྱི་བློ་གཏད་ཉམས་དུས༌སུ། །ང་ཡི་ལམ་ནི་ཁྱེད་ཀྱིས་མཁྱེན་པ༌ཡིན། །ང་རང་འགྲུལ་བའི་ལམ་དུ་དགྲ་དག༌གིས། །ང་ལ་འཚེ་ཕྱིར་རྙི་རྒྱ་བཙུགས་ནས༌ཡོད།།  
\v 4 ཁྱེད་ཀྱིས་ང་ཡི་གཡས་སུ་གཟིགས་པར༌མཛོད། །ང་ལ་དོ་ཁུར་བྱེད་མཁན་སུ་ཡང༌མེད། །སྐྱབས་གནས་མེད་ལ་གཟིགས་སྐྱོང་གནང་མཁན༌དབེན།།  
\v 5 ཀྱེ་ཀྱེ་ཡ་ཝཱེ་བདག་གིས་འོ་དོད༌འབོད། །ཁྱེད་ནི་ང་ཡི་སྐྱབས་གནས་ཡིན་པ༌དང༌། །གསོན་པོའི་ཡུལ་གྱི་ནོར་སྐལ་ཡིན་ཞེས༌ཞུ།།  
\v 6 ང་རང་ཉམ་ཐག་གནས་སུ་ལྷུང་བས༌ན། །ང་ཡི་འོ་དོད་ལ་ནི་གསན་དུ༌གསོལ། །འདེད་མཁན་བདག་ལས་ཤིན་ཏུ་སྟོབས་ཆེ༌བས། །ང་རང་དེ་ལས་སྐྱོབ་པར་མཛོད་གྱུར༌ཅིག།  
\v 7 ཁྱེད་ཀྱི་མཚན་ལ་བསྟོད་བསྔགས་འབུལ་བའི༌ཕྱིར། །ཁྱེད་ཀྱིས་ང་རང་བཙོན་ལས་སྒྲོལ་བར༌མཛོད། །ཁྱེད་ཀྱིས་ང་རང་དྲིན་གྱིས་བསྐྱངས་པས༌ན། །དྲང་བདེན་རྣམས་ཀྱིས་ང་རང་བསྐོར་འོང༌ངོ༌།།   
\c 143
\cl གསུང་མགུར་བརྒྱ་དང་ཞེ་གསུམ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེར་སྲོག་སྐྱོབ་རེ་ཞུ་བ།  
\p
\v 1 ༼དཱ་བིད་ཀྱི་མགུར༌མ།༽ བདག་གི་སྨོན་ལམ་གསོན་དང་ཀྱེ་ཡ༌ཝཱེ། །ང་ཡི་ཞུ་བར་ཁྱེད་ཀྱིས་སྙན་གཏད༌རོགས། །དམ་ཚིག་དྲང་བདེན་སྒོ་ནས་བཀའ་ལན༌གནོངས།།  
\v 2 ཁྱེད་ཀྱིས་ཞབས་ཕྱིར་ཁྲིམས་ཐག་གཅོད་མི༌བྱ། །ཁྱེད་ཀྱི་སྤྱན་སྔར་སྐྱེ་བོ་གསོན་པོ༌ལས། །སྐྱེ་བོ་དམ་པ་གཅིག་ཀྱང་མེད་ཕྱིར༌རོ།།  
\v 3 དགྲ་ཟླས་ང་རང་ཚ་འདེད་བྱས་ནས༌ནི། །ཕམ་པར་བརྒྱབ་སྟེ་ཤི་ནས་ཡུན་རིང༌བའི། །མི་བཞིན་མུན་ནག་ནང་དུ་འདུག་བཅུག༌གོ།  
\v 4 དེའི་ཕྱིར་བདག་གི་ནུས་སྟོབས་ཉམས་པ༌དང༌། །བདག་གི་སེམས་ནི་སྐྱོ་ཞིང་གདུང་བར༌གྱུར།།  
\v 5 བདག་གིས་གནའ་བོའི་དུས་དེ་ཡང་ཡང༌དྲན། །ཡ་ཝཱེ་ཁྱེད་ཀྱི་མཛད་པ་ཡོད་དགུ་སེམས། །ཁྱེད་ཀྱི་ཕྱག་གི་འཕྲིན་ལས་དེ་ཡང༌བསམས།།  
\v 6 ཆུ་མེད་སྐམ་སས་ཆར་ཆུ་འདོད་པ༌བཞིན། །བདག་གིས་ཁྱེད་ནི་རྟག་ཏུ་དྲན་གྱུར༌ཅིང་། །ཁྱེད་ལ་ལག་ཟུང་བཏེགས་ཏེ་ཞུ་བ༌བྱེད།།༼ སེ༌ལཱ། ༽  
\v 7 འཕྲལ་དུ་བཀའ་ལན་གནང་རོགས་ཀྱེ་ཡ༌ཝཱེ། །བདག་གི་སེམས་ནི་ཡོངས་སུ་ཉམས་པ༌འོ། །དོང་ལ་ལྷུང་བའི་མི་བཞིན་མ་ཡིན༌ཕྱིར། །ཁྱེད་ཀྱི་ཞལ་རས་བདག་ལ་མི་འགེབ༌རོགས།།  
\v 8 ང་རང་ཁྱེད་ལ་བརྟེན་པས་ནངས་སྔ༌མོར། །ཁྱེད་ཀྱི་བྱམས་བརྩེའི་གཏམ་དེ་ཐོས་པར༌མཛོད། །བདག་གི་སེམས་པ་ཁྱེད་ལ་བཅོལ་བའི༌ཕྱིར། །ད་ལྟའི་འགྲོ་ལམ་བདག་ལ་ཤེས་པར༌མཛོད།།  
\v 9 ཀྱེ་ཀྱེ་ཡ་ཝཱེ་ང་རང་དགྲ་ལས༌སྐྱོབས། །ཁྱེད་ཉིད་ང་ཡི་སྐྱབས་གནས་ཡིན་ལགས༌སོ།།  
\v 10 ཁྱེད་ནི་བདག་གི་དཀོན་མཆོག་ལགས་པའི༌ཕྱིར། །ཁྱེད་ཀྱི་དགོངས་དོན་ཇི་བཞིན་སྒྲུབ་པའི༌དོན། །བདག་ལ་སློབ་པར་མཛོད་ཅིག་དཀོན་མཆོག༌ལགས། །ཁྱེད་ཀྱི་རབ་ཏུ་ལེགས་པའི་ཐུགས་ཉིད༌ཀྱིས། །བདག་ནི་བདེ་བའི་ལམ་དུ་ཁྲིད་པར༌མཛོད།།  
\v 11 ཀྱེ་ཀྱེ་ཡ་ཝཱེ་ཁྱེད་ཀྱི་མཚན་སྙན༌ཕྱིར། །ཁྱེད་ཀྱིས་ང་རང་སྐྱོབ་ཅིང་གསོན་པར༌མཛོད། །ཀྱེ་ཀྱེ་ཁྱེད་ཀྱི་བདེན་པ་བདེན་དྲང༌བཞིན། །བདག་ནི་སྡུག་བསྔལ་དག་ལས་སྒྲོལ་བར༌མཛོད།།  
\v 12 བདག་ནི་ཁྱེད་ཀྱི་ཞབས་ཕྱི་ཡིན་པའི༌ཕྱིར། །ཀྱེ་ཀྱེ་ཁྱེད་ཀྱིས་བྱམས་བརྩེ་ཆེན་པོ༌ལས། །བདག་གི་དགྲ་བོ་རྩད་ནས་འཇོམས་པར༌ཤོག །བདག་ལ་འཚེ་མཁན་ཐམས་ཅད་འཇོམས་པར༌ཤོག།   
\c 144
\cl གསུང་མགུར་བརྒྱ་དང་ཞེ་བཞི༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རྣམ་པར་རྒྱལ་བས་རྒྱལ་པོས་བཀའ་དྲིན་དྲན་པ།  
\p
\v 1 ༼དཱ་བིད་ཀྱི་མགུར༌མ།༽ ང་ཡི་བྲག་རི་ཡ་ཝཱེ་བསྟོད་པར་འོས། །ཁོང་གིས་ང་ཡི་ལག་པར་འཐབ་ལུགས༌དང༌། །མཛུབ་མོར་དམག་འཁྲུག་རྒྱག་ཚུལ་བསླབ་པ༌ཡིན།།  
\v 2 ཁོང་ངའི་བྱམས་བརྩེ་ལྡན་པའི་གཙོ་བོ༌དང༌། །ང་ཡི་རི་རྫོང་དང་ནི་བཙན་རྫོང༌དང༌། །ང་ཡི་སྲོག་སྐྱོབ་དང་ནི་ཕུབ་ཡིན༌ཞིང༌། །ང་རང་སྐྱབས་སུ་འགྲོ་ས་ཡང་ཡིན༌ནོ། །ཁོང་གིས་འབངས་རྣམས་ང་ཡི་དབང་དུ༌བསྡུས།།  
\v 3 ཀྱེ་ཀྱེ་ཡ་ཝཱེ་འཇིག་རྟེན་མི་ནི༌ཅི། །ཁྱེད་ཀྱིས་མི་རྣམས་ཐུགས་སུ་འཛིན་དོན༌ཅི། །ཀྱེ་ཀྱེ་འཇིག་རྟེན་མི་བུ་ཅི་འདྲ༌ཙམ། །ཁྱེད་ཀྱིས་དེ་ལ་ཐུགས་ཁུར་མཛད་དོན༌ཅི།།  
\v 4 མི་ནི་དབུགས་ཐེངས་གཅིག་ཙམ་ཡིན་པ༌དང༌། །དེ་ཡི་མི་ཚེ་གྲིབ་མ་ནང་བཞིན༌ཡལ།།  
\v 5 ཡ་ཝཱེ་ནམ་མཁའ་འཕྱངས་ནས་མར་ཕེབས༌ཤོག །རི་བོ་རྣམས་ལ་ཕྱག་གིས་རེག་པར༌མཛོད། །རི་བོ་རྣམས་ལས་དུ་བ་འཕྱུར་བྱེད༌དོ།།  
\v 6 གློག་དམར་འཁྱུགས་ནས་དགྲ་རྣམས་གཏོར་བར༌མཛོད། །ཕྱག་མདའ་འཕངས་ནས་དེ་རྣམས་དཀྲོག་པར༌མཛོད།།  
\v 7 སྟེང་ནས་ཕྱག་མར་བརྐྱངས་ཏེ་ང་སྐྱོབ༌རོགས། །ཆུ་ཆེན་དང་ནི་ཕྱི་པའི་ལག་ནས༌སྒྲོལ།།  
\v 8 དེ་དག་ཁ་ནས་རྫུན་གཏམ་ལབ་པ༌དང༌། །གཡས་ལག་བཀྱགས་ནས་རྫུན་གྱི་མནའ་སྐྱེལ༌ལོ།།  
\v 9 དཀོན་མཆོག་ཁྱེད་ལ་བསྟོད་དབྱངས་གསར་པ༌འབུལ། །རྒྱུད་བཅུའི་རྒྱུད་མངས་ཀྱིས་ནི་ཁྱེད་ལ༌བསྟོད།།  
\v 10 ཁོང་གིས་རྒྱལ་པོ་རྣམས་ནི་ཐར་དུ༌འཇུག །ཞབས་ཕྱི་དཱ་བིད་སྲོག་ལེན་གྲི་ལས༌སྲུང༌།།  
\v 11 ཕྱི་པའི་ལག་ནས་ང་སྐྱོབ་ང་སྒྲོལ༌དང༌། །དེ་དག་ཁ་ནས་རྫུན་གཏམ་ལབ་པ༌དང༌། །གཡས་ལག་བཀྱགས་ནས་རྫུན་གྱི་མནའ་སྐྱེལ༌ལོ།།  
\v 12 ངེད་ཀྱི་བུ་རྣམས་གཞོན་ནུའི་དུས་ནས༌བཟུང༌། །ལྗོན་གསར་བཞིན་དུ་ཆེ་ཆེར་སྐྱེ་བ༌དང༌། །བུ་མོ་རྣམས་ནི་ཕོ་བྲང་ཟུར་བཞི༌ཡི། །རྒྱན་བྱེད་ཀ་བ་བཞོགས་འདྲར་གྱུར་ཅིག༌གུ།  
\v 13 ངེད་ཀྱི་བང་མཛོད་རྣམས་ནི་འབྲུ་ཡིས༌གཏམས། །ཟས་རིགས་སྣ་ཚོགས་དེ་ལས་འབྱུང་བ༌ཡིན། །ངེད་ཀྱི་སྤང་དུ་ལུག་ནི་ཁྲི་སྟོང༌འཕེལ།།  
\v 14 ངེད་ཀྱི་བ་ཁྱུ་མང་དུ་འཕེལ་བ༌དང༌། །མངལ་ཤོར་དང་ནི་འཆི་བ་ཡོད་མ༌ཡིན། །ཕྱི་རུ་བསྐྱོད་དེ་འཐབ་འཁྲུག་རྒྱག་པ༌མེད། །ལམ་སྲང་རྣམས་སུ་སྨྲེ་སྔགས་སྐད་ཀྱང༌མེད།།  
\v 15 འདི་འདྲའི་དཔལ་ལ་རོལ་བའི་འབངས་རྣམས༌བདེ། །ཡ་ཝཱེ་དཀོན་མཆོག་ལགས་པའི་འབངས་རྣམས༌བདེ།།   
\c 145
\cl གསུང་མགུར་བརྒྱ་དང་ཞེ་ལྔ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 རབ་ཏུ་ཆེ་ཞིང་བསྔགས་པར་འོས་པའི་དཀོན་མཆོག་ཡ་ཝཱེ།  
\p
\v 1 ༼དཱ་བིད་ཀྱི་བསྟོད་པའི་མགུར༌མ།༽ ང་ཡི་དཀོན་མཆོག་ང་ཡི་རྒྱལ་པོ༌ལགས། །བདག་གིས་ཁྱེད་ལ་གུས་ཤིང་འདུད་པ༌དང༌། །རྟག་ཏུ་ཁྱེད་ཀྱི་མཚན་ལ་བསྔགས་པར༌བྱ།།  
\v 2 བདག་གིས་ནམ་རྒྱུན་ཁྱེད་ལ་བསྟོད་པ༌དང༌། །ཁྱེད་ཀྱི་མཚན་ལ་ནམ་ཡང་བསྔགས་པར༌བྱ།།  
\v 3 ཡ་ཝཱེ་རབ་ཏུ་ཆེ་ཞིང་བསྔགས་པར༌འོས། །ཉིད་ཀྱི་ཆེ་བ་བསམ་གྱིས་མི་ཁྱབ༌བོ།།  
\v 4 མི་རབས་ཀུན་གྱིས་ཁྱེད་ཀྱི་མཛད་པར༌བསྔགས། །ཁོ་ཚོས་ཁྱེད་ཀྱི་མཛད་པ་སྟོབས་ལྡན༌སྒྲོག།  
\v 5 ཁྱེད་ཀྱི་བརྗིད་ཉམས་ལྡན་པའི་གཟི་དཔལ༌དང༌། །ངོ་མཚར་མཛད་པར་བསམ་གཞིགས་མང་དུ༌བཏང༌།།  
\v 6 མི་ཡིས་ཁྱེད་ཀྱི་འཇིགས་རུང་ནུས་མཐུ༌སྒྲོག །ངས་ཀྱང་ཁྱེད་ཀྱི་ཆེ་བ་སྒྲོག་པ༌ལགས།།  
\v 7 འཇིག་རྟེན་མི་ཡིས་ཁྱེད་ཀྱི་ཐུགས་རྗེ༌ནི། །དྲན་ཞིང་དྲན་ཏེ་ཀུན་ལ་སྒྲོག་འགྱུར༌ཞིང༌། །ཁྱེད་ཀྱི་བདེན་པ་ཉིད་ལ་བསྔགས་པར༌བྱེད།།  
\v 8 ཡ་ཝཱེར་ཐུགས་རྗེ་ལྡན་ཞིང་སྙིང་རྗེ༌ཆེ། །རང་དགར་མི་ཁྲོ་བྱམས་བརྩེ་ཕུན་སུམ༌ཚོགས།།  
\v 9 ཁོང་གིས་མི་རིགས་ཐམས་ཅད་བདེ་བར༌སྐྱོང༌། །ཁོང་གི་བྱམས་བརྩེ་ཆེན་པོ་དེ་ཡིས༌ནི། །ཉིད་ཀྱིས་བསྐྲུན་པ་ཀུན་ལ་ཁྱབ་པར༌བྱེད།།  
\v 10 ཀྱེ་ཀྱེ་ཡ་ཝཱེ་ཁྱེད་ཀྱི་མཛད་པ༌ཀུན། །ཁྱེད་ལ་གཏང་རག་འབུལ་བར་འགྱུར་བ༌དང༌། །དད་ལྡན་རྣམས་ཀྱིས་ཁྱེད་ལ་བསྔགས་པར༌བྱེད།།  
\v 11 དེ་ཚོས་ཁྱེད་ཀྱི་རྒྱལ་སྲིད་དཔལ་བརྗོད༌ཅིང༌། །ཁྱེད་ཀྱི་མཛད་པ་སྟོབས་ལྡན་གླེང་བར༌བྱེད།།  
\v 12 མི་ཡིས་ཁྱེད་ཀྱི་མཛད་པ་སྟོབས་ལྡན༌དང༌། །བརྗིད་ཉམས་ལྡན་པའི་རྒྱལ་སྲིད་གཟི་དཔལ༌ནི། །ཤེས་པར་བྱ་ཆེད་ཡིན་པ་གོར་མ༌ཆག།  
\v 13 ཁྱེད་ཀྱི་རྒྱལ་སྲིད་རྟག་ཏུ་བཞུགས་པ༌དང༌། །ཁྱེད་ཀྱི་མངའ་ཐང་དུས་རབས་ཀུན་ལ༌ཁྱབ།།  
\v 14 ས་རུ་འགྱེལ་བ་ཐམས་ཅད་ཡ་ཝཱེས༌སྐྱོར། །གཉའ་གནོན་ཐེབས་པ་ཀུན་པོ་ཁོང་གིས༌འདེགས།།  
\v 15 འཇིག་རྟེན་མིག་ཀུན་ཁྱེད་ལ་རེ་ལྟོས༌བཅངས། །ཁྱེད་ཀྱིས་དུས་ལྟར་ཁ་ཟས་གནང་བར༌མཛད།།  
\v 16 ཁྱེད་ཀྱིས་ཕྱག་ཟུང་བརྐྱངས་ནས་སྲོག་ལྡན༌ཀུན། །ཡིད་ཀྱི་འདོད་པ་ཡོངས་སུ་ཚིམ་པར༌མཛད།།  
\v 17 ཡ་ཝཱེས་མཛད་པའི་འཕྲིན་ལས་ཡོད་དོ༌ཅོག །དྲང་བདེན་མ་ཡིན་པ་ནི་ཅི་ཡང༌མེད། །ཁོང་གིས་བསྐྲུན་པ་ཀུན་ལ་བྱམས་བརྩེ༌ཁྱབ།།  
\v 18 སུ་ཞིག་གིས་ནི་ཀུན་སློང་རབ་དག༌གིས། །ཁོང་ལ་ཞུས་ན་ཁོང་ནི་ཉེ་བར༌བཅར།།  
\v 19 སུ་ཞིག་ཁོང་ལ་གུས་ཤིང་འཇིགས་གྱུར༌ན། །ཁོང་གིས་དེ་ཡི་རེ་བ་སྐོང་བྱེད༌ཅིང༌། །དེ་རྣམས་འོ་དོད་གསན་ཞིང་སྐྱོབ་པར༌མཛད།།  
\v 20 ཡ་ཝཱེས་རང་ལ་གཅེས་མཁན་རྣམས་སྲུང༌ཞིང༌། །མི་ངན་ཐམས་ཅད་རྩ་ནས་འཇོམས་བྱེད༌དོ།།  
\v 21 བདག་གི་ངག་ལས་ཡ་ཝཱེར་བསྟོད་བསྔགས༌བརྗོད། །སྲོག་ལྡན་ཀུན་གྱིས་ཁྱེད་ཀྱི་མཚན་དམ༌པར། །རྟག་ཏུ་བསྟོད་ཅིང་བསྔགས་པ་བརྗོད་པར༌ཤོག།   
\c 146
\cl གསུང་མགུར་བརྒྱ་དང་ཞེ་དྲུག༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེའི་རོགས་སྐྱོབ་ལ་བསྟོད་པ།  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ང་ཡི་སེམས་ཀྱིས་ཡ་ཝཱེར་བསྟོད་བསྔགས༌བརྗོད།།  
\v 2 མི་ཚེ་གང་པོར་ཡ་ཝཱེར་བསྟོད་པ༌འབུལ། །འཇིག་རྟེན་འདི་རུ་འཚོ་བའི་དུས་ཡུན༌ནང༌། །དཀོན་མཆོག་ཉིད་ལ་བསྟོད་དབྱངས་འབུལ་བར༌བྱ།།  
\v 3 ཁྱོད་རྣམས་སྐྱོབ་ཐབས་བྲལ་བའི་སྐུ་དྲག༌དང༌། །འཇིག་རྟེན་མི་ལ་བློ་གཏད་མ་བཅོལ༌ཞིག།  
\v 4 དེ་ཡི་དབུགས་རྒྱུ་ཆད་དུས་རྡུལ་དུ༌འགྱུར། །དེ་ཡི་ཇུས་རྣམས་ཉིན་གཅིག་ནང་ལ༌འཇིག།  
\v 5 ཡ་ཀོབ་དཀོན་མཆོག་སྡོངས་གྲོགས་ཡིན་པ༌དང༌། །སུ་ཡིས་རང་གི་དཀོན་མཆོག་ཡ་ཝཱེ༌ལ། །རེ་བ་བྱེད་པའི་མི་དེ་བདེ་བ༌ཡིན།།  
\v 6 ཡ་ཝཱེས་གནམ་དང་ས་དང་རྒྱ་མཚོ༌དང༌། །དེའི་ནང་ཁྱབ་པ་ཡོད་དགུ་མཛད་པ༌ལགས། །ཁོང་ནི་རྟག་ཏུ་ཡིད་རྟོན་རུང་བ༌ཡིན།།  
\v 7 གཉའ་གནོན་འོག་གི་མི་ལ་དཀར་འདོན་བྱེད། །ལྟོགས་པ་རྣམས་ལ་ཁ་ཟས་གནང་བ༌དང༌། །ཁོང་གིས་བཙོན་པ་རྣམས་ཀྱང་ཐར་དུ༌འཇུག།  
\v 8 ཡ་ཝཱེས་ལོང་བ་རྣམས་ཀྱི་མིག་འབྱེད༌ཅིང༌། །གཉའ་གནོན་ཐེབས་པ་རྣམས་ནི་སློང་བར༌མཛད། །ཁོང་ཉིད་དྲང་བདེན་མི་ལ་ཐུགས་མཉེས༌སོ།།  
\v 9 ཡ་ཝཱེས་བྱེས་སུ་སྡོད་པ་རྣམས་བསྲུང༌ཞིང༌། །དྭ་ཕྲུག་ཡུགས་མོ་རྣམས་ལ་རོགས་སྐྱོར༌གནང༌། །འོན་ཀྱང་སྡིག་སྤྱོད་ལམ་ནི་འཁྱོག་པོར༌མཛད།།  
\v 10 ཡ་ཝཱེས་རྒྱུན་ནས་རྒྱུན་དུ་སྲིད་མཛད༌དེ། །ཀྱེ་ཀྱེ་ཛ་ཡན་ཁྱེད་ཀྱི་དཀོན་མཆོག༌ནི། །མི་རབས་ཀུན་ཏུ་རྒྱལ་པོར་བཞུགས་གྱུར༌ཅིག །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 147
\cl གསུང་མགུར་བརྒྱ་དང་ཞེ་བདུན༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོན་གི་ཀུན་ནུས་ལ་བསྟོད་པ།  
\p
\v 1 ཁྱོད་ཚོས་ངེད་ཀྱི་དཀོན་མཆོག༌ཡ་ཝཱེ་ལ། །བསྟོད་དབྱངས་འབུལ་བ་དེ་ནི་རབ་ལེགས༌སོ། །ཁོང་ལ་བསྟོད་པ་མཛེས་ཤིང་འོས་སོ༌ལོ།།  
\v 2 ཡ་ཝཱེས་ཡེ་རུ་སཱ་ལེམ་བསྐྱར་འཛུགས༌ཤིང༌། །ཡེས་ར་ཨེལ་གྱི་སྤྱུགས་པའི་མི་རྣམས༌བསྡུ།།  
\v 3 སྡུག་གིས་མནར་བ་རྣམས་ལ་སེམས་གསོ༌གནང༌། །དེ་ཚོའི་རྨ་ཁ་རས་ཀྱིས་དཀྲི་བྱེད༌དོ།།  
\v 4 ཁོང་གིས་སྐར་མའི་གྲངས་ཀ་རྩི་བྱེད༌ཅིང༌། །དེ་དག་རེ་རེར་མིང་ཡང་འདོགས་པ༌འོ།།  
\v 5 རང་ཅག་གཙོ་བོ་ཆེ་ཞིང་མཐུ་སྟོབས༌ལྡན། །ཁོང་གི་ཡེ་ཤེས་དེ་ནི་མཐའ་ཡས༌སོ།།  
\v 6 ཡ་ཝཱེས་ཉམ་ཆུང་མི་རྣམས་ཡར་སྐྱོར༌ཞིང༌། །སྡིག་སྤྱོད་མི་རྣམས་ཆམ་ལ་འབབ་པ༌ཡིན།།  
\v 7 གཏང་རག་དང་བཅས་ཡ་ཝཱེར་མགུར་གླུ༌ལོངས། །པི་ཝང་དཀྲོལ་ནས་རང་རེའི་དཀོན་མཆོག༌བསྟོད།།  
\v 8 ཁོང་གིས་ནམ་མཁའ་སྤྲིན་གྱིས་གཡོག་བྱེད༌ཅིང༌། །ས་གཞི་ལ་ནི་ཆར་ཆུ་ཤོམ་པ༌དང༌། །རི་སྒང་རྣམས་ལ་རྩྭ་སྔོན་སྐྱེ་བར༌མཛད།།  
\v 9 ཁོང་གིས་རི་དྭགས་རྣམས་ལ་ཁ་ཟས༌གནང༌། །ཕོ་རོག་བྱ་ཡི་བྱེའུ་ཕྲུག་གསོ་བར༌མཛད།།  
\v 10 ཡ་ཝཱེ་རྟ་ཡི་སྟོབས་ལ་མི་དགྱེས༌ཤིང༌། །མི་ཡི་གོམ་འགྲོས་མགྱོགས་པར་མཉེས་པ༌མིན།།  
\v 11 ཁོང་ལ་གུས་ཤིང་འཇིགས་པའི་མི་རྣམས༌དང༌། །ཉིད་ཀྱི་བྱམས་བརྩེར་རེ་བའི་མི་ལ༌མཉེས།།  
\v 12 ཀྱེ་ཀྱེ་ཡེ་རུ་སཱ་ལེམ་ཡ་ཝཱེར༌སྔོགས། །ཀྱེ་ཀྱེ་ཛ་ཡན་རང་གི་དཀོན་མཆོག༌བསྟོད།།  
\v 13 ཁྱོད་ཀྱི་རྟ་སྒོའི་སྒོ་གཏན་བརྟན་པོར༌མཛད། །ཁྱོད་ཀྱི་བུ་དང་བུ་མོར་བྱིན་རླབས༌གནང༌།།  
\v 14 ཁོང་གིས་ཁྱོད་ཀྱི་ས་མཚམས་བདེ་ལ༌བཀོད། །གྲོ་ཡི་བཅུད་ཀྱིས་ཁྱོད་རང་ཚིམ་པར༌མཛད།།  
\v 15 ཁོང་གིས་ས་གཞིར་ཉིད་ཀྱི་བཀའ་གནང༌ཞིང༌། །བཀའ་རྣམས་ལམ་སང་ལག་ཏུ་བསྟར་བར༌མཛད།།  
\v 16 ཁོང་གིས་བལ་དང་འདྲ་བའི་གངས་ཕབ༌ཅིང༌། །གོ་ཐལ་འདྲ་བའི་བ་མོ་གཏོར་བ༌འོ།།  
\v 17 ཧྲུག་ཧྲུག་ཡིན་པའི་སེར་བ་མར་འཕེན༌ནོ། །ཁོང་གིས་བཏང་བའི་འཁྱགས་རླུང་སུ་ཡིས༌བཟོད།།  
\v 18 ཁོང་གིས་བཀའ་ཞིག་གནང་བས་དེ་རྣམས༌འཇུ། །ལྷགས་རླུང་གཡུག་ཏུ་བཅུག་པར་ཆུ་རྣམས༌རྒྱུག།  
\v 19 ཁོང་གི་བཀའ་རྣམས་ཡ་ཀོབ་ལ་བསྟན༌ཞིང༌། །སྒྲིག་ཁྲིམས་སྲོལ་ཡིག་ཡེས་ར་ཨེལ་ལ༌བསྟན།།  
\v 20 མི་རིགས་གཞན་ལ་འདི་བཞིན་མཛད་པ༌མེད། །དེ་ཚོས་ཁོང་གི་ཁྲིམས་སྲོལ་རྟོགས་པ༌མིན། །ཁྱོད་ཚོའི་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 148
\cl གསུང་མགུར་བརྒྱ་དང་ཞེ་བརྒྱད༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེར་བསྟོད་པ་འབུལ་ཕྱིར་བཀོད་པ་ཀུན་ལ་འབོད་སྐུལ་གཏོང་བ།  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ནམ་མཁའི་ཀློང་ནས་ཁོང་ལ་བསྟོད་པར༌གྱིས། །བླ་ན་མཐོ་བའི་གནས་སུ་ཁོང་ལ༌བསྟོད།།  
\v 2 ཁོང་གི་ཕོ་ཉ་ཀུན་གྱིས་ཁོང་ལ༌བསྟོད། །ཁོང་གི་དཔུང་ཚོགས་རྣམས་ཀྱིས་ཁོང་ལ༌བསྟོད།།  
\v 3 ཀྱེ་ཀྱེ་ཉི་ཟླ་གཉིས་པོས་ཁོང་ལ༌བསྟོད། །འོད་ཅན་སྐར་མ་རྣམས་ཀྱིས་ཁོང་ལ༌བསྟོད།།  
\v 4 ཀྱེ་ཀྱེ་ནམ་མཁའི་རྩེ་མོ་ཁོང་ལ༌བསྟོད། །ནམ་མཁའི་སྟེང་གི་ཆུ་རྣམས་ཁོང་ལ༌བསྟོད།།  
\v 5 ཁོང་གི་བཀའ་ལས་དེ་དག་བྱུང་བས༌ན། །ཀུན་གྱིས་ཡ་ཝཱེའི་མཚན་ལ་བསྟོད་པར༌གྱིས།།  
\v 6 ཁོང་གིས་དེ་རྣམས་རྒྱུན་ནས་རྒྱུན་དུ༌བཙུགས། །འགྱུར་བ་མེད་པའི་ཆོས་ཉིད་གཏན་ལ༌ཕབ།།  
\v 7 ཁྱོད་ཚོས་ས་གཞིའི་སྟེང་ནས་ཡ་ཝཱེར༌བསྟོད། །རྒྱ་མཚོའི་ཆུ་སྲིན་རྣམས་དང་གཏིང་ཟབ༌མཚོ།།  
\v 8 མེ་དང་སེར་བ་ཁ་བ་སྤྲིན་པ༌དང༌། །ཁོང་གི་བཀའ་ལྟར་སྒྲུབ་པའི་རླུང་ཆེན༌དང༌།།  
\v 9 རི་རབ་རྣམས་དང་རི་ཕྲན་མཐའ་དག༌དང༌། །སིལ་སྡོང་དང་ནི་ཐང་ཤིང་ཐམས་ཅད༌དང༌།།  
\v 10 རི་དྭགས་གཅན་གཟན་དང་ནི་ཕྱུགས་ཟོག༌ཀུན། །ལྟོ་འགྲོ་སྲོག་ཆགས་དང་ནི་འདབ་ཆགས༌དང༌།།  
\v 11 ས་གཞིའི་རྒྱལ་པོ་དང་ནི་མི་རིགས༌ཀུན། །མི་ཆེན་རྣམས་དང་ས་སྟེང་ཁྲིམས་དཔོན༌ཀུན།།  
\v 12 སྟག་ཤར་མོ་གསར་རྒན་རབས་བྱིས་པ༌བཅས།།  
\v 13 ཀུན་གྱིས་ཡ་ཝཱེའི་མཚན་ལ་བསྟོད་པར༌ཤོག །རྒྱུ་མཚན་ཁོང་མཚན་འབའ་ཞིག་གོང་དུ༌བཀུར། །ཁོང་གི་གཟི་བྱིན་གནམ་ས་གཉིས་ལས༌བརྒལ།།  
\v 14 ཁོང་གིས་ཉིད་ཀྱི་འབངས་ཕྱིར་རྒྱལ་པོ༌བསྐོས། །ཁོང་གི་དད་གུས་ལྡན་པ་ཐམས་ཅད༌དེ། །ཁོང་དང་ཉེ་བའི་ཡེས་ར་ཨེལ་པ༌རྣམས། །ཀུན་གྱིས་ཁོང་ལ་བསྟོད་པ་འབུལ་བར༌གྱིས། །ཁྱོད་ཚོས་ཡ་ཝཱེར་བསྟོད་པ་འབུལ་བར༌གྱིས།།   
\c 149
\cl གསུང་མགུར་བརྒྱ་དང་ཞེ་དགུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 ཐར་པ་འཐོབ་པ་དང་ཉེས་ཆད་གཏོང་བའི་ཕྱིར་དཀོན་མཆོག་ཡ་ཝཱེར་བསྟོད་པ།  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ཁོང་ལ་མགུར་གླུ་གསར་པ་ཞིག་ཕུལ༌དང༌། །དད་ལྡན་རྣམས་ཀྱི་ཚོགས་ནང་ཁོང་ལ༌བསྟོད།།  
\v 2 ཡེས་ར་ཨེལ་ནི་རང་གི་བྱེད་པོའི༌ནང༌། །དགའ་བར་གྱུར་ཅིག་ཛ་ཡན་མི་རྣམས༌ནི། །རྒྱལ་པོའི་རྐྱེན་ལ་བརྟེན་ནས་སྐྱིད་པར༌ཤོག།  
\v 3 བྲོ་གར་འཁྲབ་ཀྱིན་ཁོང་གི་མཚན་ལ༌བསྟོད། །སིལ་རྔ་པི་ཝང་ལམ་ནས་བསྟོད་དབྱངས༌ཕུལ།།  
\v 4 ཡ་ཝཱེ་ཉིད་ཀྱི་འབངས་ལ་ཐུགས་མཉེས༌ཤིང༌། །ཁེངས་སྐྱུང་མི་རྣམས་ཐར་པས་བརྒྱན་བྱེད༌དོ།།  
\v 5 དད་ལྡན་རྣམ་པ་དཔལ་ནང་དགའ་བར༌ཤོག །མལ་ཁྲིའི་སྟེང་དུ་དགའ་འབོད་བྱེད་གྱུར༌ཅིག།  
\v 6 དེ་རྣམས་སྨྲ་སྒོར་དཀོན་མཆོག་རྒྱུན་བསྟོད༌ཅིང༌། །རལ་གྲི་ཁ་གཉིས་ལག་ཏུ་ཐོགས་གྱུར༌ཅིག།  
\v 7 མི་རིགས་སོ་སོར་དགྲ་ལན་སློག་པ༌དང༌། །མི་སྡེ་ཀུན་ལ་ཉེས་ཆད་གཅོད་ཕྱིར༌དང༌།།  
\v 8 དེ་ཚོའི་རྒྱལ་པོ་སྒྲོག་གིས་བཅིང་བ༌དང༌། །སྐུ་དྲག་རྣམས་ལ་ལྕགས་སྒྲོག་རྒྱག་པ༌དང༌།།  
\v 9 དེ་ཚོར་བྲིས་པའི་ཉེས་ཆད་གཏོང་ཕྱིར༌རོ། །འདི་ནི་དད་ལྡན་རྣམ་པའི་གཟི་དཔལ༌ཡིན། །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།   
\c 150
\cl གསུང་མགུར་བརྒྱ་དང་ལྔ་བཅུ༌པ། 
\toc1 ༄༅།།གསུང་མགུར་གྱི༌མདོ། 
\toc2 གསུང༌མགུར། 
\s1 དཀོན་མཆོག་ཡ་ཝཱེར་ཕུལ་བའི་བསྟོད་པ་ཆེན་པོ།  
\p
\v 1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །གནས་མཆོག་ནང་དུ་དཀོན་མཆོག་ཉིད་ལ༌བསྟོད། །ནུས་མཐུ་མངོན་སའི་དབྱིངས་སུ་ཁོང་ལ༌བསྟོད།།  
\v 2 མཐུ་ལྡན་འཕྲིན་ལས་རྣམས་ཕྱིར་ཁོང་ལ༌བསྟོད། །མཐའ་ཡས་ཆེ་བར་འཚམ་པའི་བསྟོད་པ༌ཕུལ།།  
\v 3 རྭ་དུང་སྒྲ་དང་བཅས་པར་ཁོང་ལ༌བསྟོད། །རྒྱུད་མངས་པི་ཝང་དང་བཅས་ཁོང་ལ༌བསྟོད།།  
\v 4 སིལ་རྔ་བྲོ་གར་མཉམ་དུ་ཁོང་ལ༌བསྟོད། །རྒྱུད་མང་དང་ནི་འཕྲེད་གླིང་གིས་ཀྱང༌བསྟོད།།  
\v 5 སྒྲ་ཆེའི་སྦུག་ཆལ་དང་བཅས་ཁོང་ལ༌བསྟོད། །སྐད་ཆེའི་སིལ་སྙན་དང་བཅས་ཁོང་ལ༌བསྟོད།།  
\v 6 དབུགས་ཐོགས་ཀུན་གྱིས་ཡ་ཝཱེར་བསྟོད་པ༌ཕུལ། །ཁྱོད་ཚོས་ཡ་ཝཱེ་ལ་ནི་བསྟོད་པར༌གྱིས།། །།