\id NUM – NTB 
\h གྲངས་ཀ 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\mt1 ༄༅། །གྲངས་ཀའི་མདོ།  
\imt1 གྲངས་ཀའི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi གྲངས་ཀ་ཞེས་བྱ་བའི་གཞུང་གི་ཁ་བྱང་ནི་ཡེས་ར་ཨེལ་པ་རྣམས་མི་ལོ་སུམ་ཅུ་སོ་བརྒྱད་རིང་དབེན་སྟོང་དུ་ཉུལ་བའི་སྐབས་སུ་མིའི་གྲངས་ཀ་ཐེངས་གཉིས་ལ་བརྩིས་པ་ལས་བཏགས་པ་ཡིན། རྩིས་གྲངས་དེ་གཉིས་ལེའུ་དང་པོ་དང་ལེའུ་ཉེར་དྲུག་པར་བཀོད་ཡོད། གྲངས་ཀའི་གཞུང་དུ་ཡེས་ར་ཨེལ་པ་རྣམས་དབེན་སྟོང་དུ་ཉུལ་བའི་ལོ་རྒྱུས་བརྗོད་ཡོད་པ་དང་། དབེན་སྟོང་ཉུལ་བའི་དོན་རྐྱེན་དེ་རི་བོ་སི་ནཱ་རུ་བཞག་པའི་ཞལ་ཆད་ཀྱི་རྗེས་སུ་བྱུང་བ་རེད།  
\is1 ཡི་གེར་འགོད་མཁན་དང་འགོད་དུས།  
\ipi སྲོལ་རྒྱུན་ལྟར་ན་གྲངས་ཀའི་གཞུང་ཡི་གེར་འགོད་མཁན་ནི་མོ་ཤེ་ཡིན་པར་གསུངས། གཏན་ཁེལ་དེ་ལྟར་བྱུང་བ་ལ་རྒྱབ་བརྟེན་གསུམ་ཡོད་དེ། (1) གཞུང་གི་ནང་དུ་མོ་ཤེ་ཡི་གེར་འགོད་མཁན་ཡིན་པའི་སྐོར་གྱི་གནས་ཚུལ་གསུངས་ཡོད། དཔེར་ན། གྲངས་ཀའི་ལེའུ་སོ་གསུམ་པའི་ཚིག་རྐང་དང་པོ་ནས་གཉིས་པའི་བར་དང་། ཨེ་ཅིབ་ནས་ཐོན་པའི་ལེའུ་བཅུ་བདུན་པའི་ཚིག་རྐང་བཅུ་བཞི་པ་དང་། ལེའུ་ཉེར་བཞི་པའི་ཚིག་རྐང་བཞི་པ། ལེའུ་སོ་བཞི་པའི་ཚིག་རྐང་ཉེར་བདུན་པ་བཅས་སུ་གསལ། (2) གནའ་བོའི་མཁས་པ་རྣམས་ཀྱིས་ཐོག་མའི་པོད་ལྔ་པོ་ནི་ཕན་ཚུན་གཅིག་ལ་གཅིག་འབྲེལ་གྱི་གཞུང་ཞིག་ཡིན་ཞིང་། དེ་ནི་ཡི་གེར་འགོད་མཁན་སྐད་གྲགས་ཅན་མོ་ཤེ་ཡིས་མཛད་པ་ཡིན་པར་གསུངས་ཡོད། (3) ཞལ་ཆད་གསར་པའི་ནང་དུ་ཐོག་མའི་པོད་ལྔ་པོ་ལུང་དྲངས་ཡོད་ལ། ལུང་ལ་ལར་མོ་ཤེ་ཡི་མཚན་སྨྲས་ནས་ཁོང་ལ་བདེན་དཔང་བྱས་ཡོད། དཔེར་ན། མད་ཐཱའི་འཕྲིན་བཟང་གི་ལེའུ་བཅུ་དགུ་པའི་ཚིག་རྐང་བརྒྱད་པ་དང་། ཡོ་ཧ་ནན་གྱི་འཕྲིན་བཟང་གི་ལེའུ་ལྔ་པའི་ཚིག་རྐང་ཞེ་དྲུག་ནས་ཞེ་བདུན་པའི་བར་དང་། རོ་མཱ་པ་རྣམས་ལ་སྤྲིངས་པའི་འཕྲིན་ཡིག་གི་ལེའུ་བཅུ་པའི་ཚིག་རྐང་ལྔ་པ་བཅས་སུ་གསལ། གྲངས་ཀའི་མདོ་འདི་མོ་ཤེ་ཡིས་ཁོང་ཉིད་སྐུ་མ་གཤེགས་པའི་གོང་སྟེ། སྤྱི་ལོ་སྔོན་གྱི་1406ལོའི་ཡས་མས་སུ་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi གྲངས་ཀ་ཞེས་བྱ་བའི་གཞུང་འདི་ནི་ཡེས་ར་ཨེལ་པ་རྣམས་ཀྱིས་རི་བོ་སི་ནཱ་ནས་ཀ་ན་ཨན་གྱི་ས་མཚམས་སུ་ཡོད་པའི་མོ་ཨབ་སྤང་ལྗོངས་བར་དུ་འགྲུལ་བསྐྱོད་བྱས་པའི་ལོ་རྒྱུས་ཡིན། གྲངས་ཀའི་མདོ་ལས་ཡེས་ར་ཨེལ་པ་རྣམས་ཀྱིས་དཀོན་མཆོག་ལ་འཁང་ར་དང་ངོ་རྒོལ་བྱས་པའི་གནས་ཚུལ་བརྗོད་ཡོད་པར་མ་ཟད། ཕྱིས་སུ་དཀོན་མཆོག་གིས་ཁོ་ཚོར་ཁྲིམས་ཐག་བཅད་པའི་སྐོར་ཡང་བྲིས་ཡོད། ཁོང་གིས་དེ་ཚོར་ས་སྟོང་ལུང་སྟོང་དུ་འཚོ་བ་རོལ་དགོས་པའི་ཆད་པ་བཅད། འོན་ཀྱང་ཁོ་ཚོའི་བུ་རྒྱུད་རྣམས་ཀྱིས་དཀོན་མཆོག་གིས་སྔར་ཞལ་བཞེས་གནང་བའི་ས་སྐལ་ལོངས་སུ་སྤྱོད་ཐུབ་པར་གྱུར། དབེན་སྟོང་ཉུལ་བའི་ལོ་དེ་དག་གི་རིང་ལ། དཀོན་མཆོག་གིས་དུས་རྟག་ཏུ་ཁོ་ཚོར་གཟིགས་སྐྱོང་ཡང་གནང་བའི་དོན་དེ་ཡེས་ར་ཨེལ་པ་རྣམས་ལ་མངོན་པར་གྱུར། ཁོང་གིས་དེ་དག་ལ་གང་མཁོ་བ་རྣམས་གནང་བར་མ་ཟད། རང་གི་འབངས་མི་ལ་གཅེས་ཤིང་ནམ་རྒྱུན་གུ་ཡངས་གནང་རྒྱུར་ཐུགས་མཉེས་པོ་ཡོད།  
\is1 འཆར་ཟིན།  
\ipi 1. ཡེས་ར་ཨེལ་པ་རྣམས་རི་བོ་སི་ནཱར་ཡོད་པའི་དུས་སུ་ཀ་ན་ཨན་ཡུལ་དུ་འགྲོ་བར་སྟ་གོན་བྱས་པ། ༼ 1:1-10:10 ༽  
\ipi 2. ཡེས་ར་ཨེལ་པ་རྣམས་རི་བོ་སི་ནཱ་ནས་ཀཱ་དེའེ་ཤཱ་པར་ནེ་ཨ་ཞེས་པའི་ཡུལ་དུ་ཕྱིན་པ། ༼10:11-12:16 ༽  
\ipi 3. ཡེས་ར་ཨེལ་པ་རྣམས་ཀྱིས་ཀཱ་དེའེ་ཤཱ་ཡུལ་ནས་ངོ་རྒོལ་བྱས་པའི་རྐྱེན་གྱིས་ནར་འགྱངས་ཐེབས་པ། ༼13:1-20:13 ༽  
\ipi 4. ཡེས་ར་ཨེལ་པ་རྣམས་ཀཱ་དེའེ་ཤཱ་ཡུལ་ནས་མོ་ཨབ་ཀྱི་སྤང་ལྗོངས་བར་དུ་ཕྱིན་པ། ༼ 20:14-22:1 ༽  
\ipi 5. ཡེས་ར་ཨེལ་པ་རྣམས་མོ་ཨབ་སྤང་ལྗོངས་སུ་སྡོད་པའི་དུས་སུ་ཀ་ན་ཨན་ཡུལ་ཚུར་ལེན་པར་རེ་ལྟོས་བྱས་པ། ༼ 22:2-32:42 ༽  
\ipi 6. ཡེས་ར་ཨེལ་པ་རྣམས་དང་འབྲེལ་བའི་དོན་གཞན་རྣམས། ༼ 33:1-36:13 ༽  
\c 1
\cl ལེའུ་དང་པོ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཡེས་ར་ཨེལ་པའི་མི་གྲངས་བླངས་པ།  
\p
\v 1 དེ་ཡང་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་རྗེས་ཀྱི་ལོ་གཉིས་པའི་ཟླ་བ་གཉིས་པའི་ཚེས་དང་པོ་ལ། སི་ནཱ་དབེན་སྟོང་དུ་མཇལ་འཕྲད་གུར་མཆོག་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཡེས་ར་ཨེལ་པའི་མི་ཚོགས་ཐམས་ཅད་ནི་དེ་དག་གི་རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་མི་གྲངས་ལེན་དགོས་པ་སྟེ། སྐྱེས་པ་ཐམས་ཅད་མི་གྲངས་བཞིན་ཐོ་བརྒྱག་དགོས།  
\v 3 ཡེས་ར་ཨེལ་མི་རིགས་ཀྱི་ཁྲོད་ནས་སྐྱེས་པ་ལོ་ཉི་ཤུ་ཅན་དང་དེའི་ཡན་ཟིན་པ་དང་། དམག་འཐབ་ལ་ཞུགས་ནུས་པ་ཐམས་ཅད་ནི་ཁྱོད་དང་ཨ་རོན་གཉིས་ཀྱིས་ཁོ་ཚོའི་དམག་ཚོགས་བཞིན་དུ་རྩིས་ལེན་དགོས།  
\v 4 ཚོ་པ་རེ་ནས་ཁྱོད་རྣམས་ལ་རོགས་བྱེད་མཁན་མི་གཅིག་རེ་ཡོད་པ་དང་། དེ་དག་རེ་རེ་རང་གི་ཕ་ཁྱིམ་གྱི་འགོ་དཔོན་ཡིན་དགོས།  
\v 5 ཁྱོད་རྣམས་ལ་རོགས་བྱེད་མཁན་རྣམས་ཀྱི་མིང་ནི་འདི་ལྟ་སྟེ། རུ་བེན་ཚོ་པ་ནས་ཤེ་དེ་ཨུར་གྱི་བུ་ཨེ་ལི་ཚུར་དང་།  
\v 6 སི་མུ་ཨོན་ཚོ་པ་ནས་ཙུ་རེ་ཤད་དཱ་ཨིའི་བུ་ཤེ་ལུ་མེ་ཨེལ་དང་།  
\v 7 ཡ་ཧུ་དཱ་ཚོ་པ་ནས་ཨ་མི་ནཱ་དབ་ཀྱི་བུ་ནཱ་སོན་དང་།  
\v 8 ཡེས་སི་ཀཱར་ཚོ་པ་ནས་ཙུ་ཨར་གྱི་བུ་ནེ་ཐན་ཨེལ་དང་།  
\v 9 ཟེ་བུ་ལུན་ཚོ་པ་ནས་ཧེ་ལོན་གྱི་བུ་ཨེ་ལི་ཨབ་དང་།  
\v 10 ཡོ་སེབ་ཀྱི་བུ་རྒྱུད་ཁྲོད་དུ། ཨེ་ཕཱར་ཡིམ་ཚོ་པ་ནས་ཨམ་མེ་ཧུད་ཀྱི་བུ་ཨེ་ལི་ཤ་མཱ་དང་། མཱ་ན་ཤེ་ཚོ་པ་ནས་ཕེ་དཱ་ཚུར་གྱི་བུ་གམ་ལི་ཨེལ་དང་།  
\v 11 པེན་ཡཱ་མེན་ཚོ་པ་ནས་གིད་ཨོ་ནཱའི་བུ་ཨ་བི་ཏན་དང་།  
\v 12 དཱན་ཚོ་པ་ནས་ཨམ་མེ་ཤད་ད་ཨི་ཡི་བུ་ཨ་ཧི་ཨེ་ཟེར་དང་།  
\v 13 ཨ་ཤེར་ཚོ་པ་ནས་ཨོག་རན་གྱི་བུ་ཕཱ་གེ་ཨེལ་དང་།  
\v 14 གཱ་རྡུ་ཚོ་པ་ནས་དི་ཨོ་ཨེལ་གྱི་བུ་ཨེལ་ཡཱ་སབ་དང་།  
\v 15 ནཱབ་ཐ་ལི་ཚོ་པ་ནས་ཨེ་ནན་གྱི་བུ་ཨ་ཧི་རཱ་བཅས་སོ། །  
\v 16 དེ་དག་ནི་མི་ཚོགས་ལས་བདམས་པ་ཡིན་ཞིང་། མེས་པོའི་ཚོ་པ་རྣམས་ཀྱི་འགོ་དཔོན་དང་། ཡེས་ར་ཨེལ་གྱི་སྟོང་དཔོན་རྣམས་ཡིན་ནོ་ཞེས་གསུངས་སོ། །  
\v 17 མོ་ཤེ་དང་ཨ་རོན་གཉིས་ཀྱིས་མིང་བཏོན་པའི་མི་དེ་དག་ཁྲིད་པ་དང་།  
\v 18 ཟླ་བ་གཉིས་པའི་ཚེས་དང་པོར་མི་ཚོགས་ཐམས་ཅད་བསྡུས་ཤིང་། དེ་དག་གི་རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་ལོ་ཉི་ཤུ་ཅན་དང་དེའི་ཡན་ཟིན་པ་རྣམས་མི་གྲངས་ལྟར་ཐོ་བརྒྱབ་པའོ། །  
\v 19 དཀོན་མཆོག་ཡ་ཝཱེས་མོ་ཤེ་ལ་བཀའ་བསྩལ་པ་བཞིན་དུ། ཁོང་གིས་སི་ནཱ་དབེན་སྟོང་ནས་དེ་དག་གི་རྩིས་བླངས་པའོ། །   
\p
\v 20 ཡེས་ར་ཨེལ་གྱི་བུ་སྐྱེས་འགོ་རུ་བེན་གྱི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་དང་མི་གྲངས་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 21 རུ་བེན་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་བཞི་ཁྲི་དྲུག་སྟོང་ལྔ་བརྒྱའོ། །   
\p
\v 22 སི་མུ་ཨོན་གྱི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་དང་མི་གྲངས་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 23 སི་མུ་ཨོན་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་ལྔ་ཁྲི་དགུ་སྟོང་སུམ་བརྒྱའོ། །   
\p
\v 24 གཱ་རྡུ་ཡི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 25 གཱ་རྡུ་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་བཞི་ཁྲི་ལྔ་སྟོང་དྲུག་བརྒྱ་ལྔ་བཅུའོ། །   
\p
\v 26 ཡ་ཧུ་དཱའི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 27 ཡ་ཧུ་དཱ་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་བདུན་ཁྲི་བཞི་སྟོང་དྲུག་བརྒྱའོ། །   
\p
\v 28 ཡེས་སི་ཀཱར་གྱི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 29 ཡེས་སི་ཀཱར་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་ལྔ་ཁྲི་བཞི་སྟོང་བཞི་བརྒྱའོ། །   
\p
\v 30 ཟེ་བུ་ལུན་གྱི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 31 ཟེ་བུ་ལུན་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་ལྔ་ཁྲི་བདུན་སྟོང་བཞི་བརྒྱའོ། །   
\p
\v 32 ཡོ་སེབ་ཀྱི་བུ་རྣམས་ཏེ། ཨེ་ཕཱར་ཡིམ་གྱི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 33 ཨེ་ཕཱར་ཡིམ་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་བཞི་ཁྲི་ལྔ་བརྒྱའོ། །   
\p
\v 34 མཱ་ན་ཤེའི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 35 མཱ་ན་ཤེ་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་སུམ་ཁྲི་ཉིས་སྟོང་ཉིས་བརྒྱའོ། །   
\p
\v 36 པེན་ཡཱ་མེན་གྱི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 37 པེན་ཡཱ་མེན་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་སུམ་ཁྲི་ལྔ་སྟོང་བཞི་བརྒྱའོ། །   
\p
\v 38 དཱན་གྱི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 39 དཱན་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་དྲུག་ཁྲི་ཉིས་སྟོང་བདུན་བརྒྱའོ། །   
\p
\v 40 ཨ་ཤེར་གྱི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 41 ཨ་ཤེར་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་བཞི་ཁྲི་ཆིག་སྟོང་ལྔ་བརྒྱའོ། །   
\p
\v 42 ནཱབ་ཐ་ལི་ཡི་བུ་རྒྱུད་དག་གི་བུ་རབས་ཚ་རྒྱུད་ལས། རུས་རྒྱུད་དང་ཕ་ཁྱིམ། སྐྱེས་པ་རེ་རེའི་མིང་གི་གྲངས་ཀ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པ་ཐམས་ཅད་ཐོ་བརྒྱབ་པ་སྟེ།  
\v 43 ནཱབ་ཐ་ལི་ཚོ་པ་ལས་རྩིས་བླངས་པའི་མི་གྲངས་ནི་བསྡོམས་པས་ལྔ་ཁྲི་སུམ་སྟོང་བཞི་བརྒྱའོ། །   
\p
\v 44 དེ་ནི་མོ་ཤེ་དང་ཨ་རོན། ཡེས་ར་ཨེལ་གྱི་འགོ་དཔོན་བཅུ་གཉིས་ཏེ་ཕ་ཁྱིམ་རེའི་མི་རེ་བཅས་ཀྱིས་རྩིས་བླངས་པའི་མི་གྲངས་ཡིན་པ་སྟེ།  
\v 45 ཡེས་ར་ཨེལ་གྱི་ཁྲོད་ཕ་ཁྱིམ་བཞིན་དུ། ལོ་ཉི་ཤུ་ཅན་དང་དེའི་ཡན་གྱི་དམག་འཐབ་ལ་ཞུགས་ནུས་པའི་ཡེས་ར་ཨེལ་པ་ཐམས་ཅད་ཐོ་བརྒྱབ་པ་དང་།  
\v 46 རྩིས་བླངས་པའི་མི་གྲངས་ནི་བསྡོམས་པས་དྲུག་འབུམ་སུམ་སྟོང་ལྔ་བརྒྱ་ལྔ་བཅུའོ། །   
\p
\v 47 འོན་ཀྱང་། ལེ་ཝི་པ་རྣམས་ཁོ་ཚོའི་ཁྱིམ་རྒྱུད་ཀྱི་ཚོ་པ་བཞིན་དེ་དག་གི་ཁྲོད་དུ་མ་བརྩིས་སོ། །  
\v 48 ཅི་ལ་ཟེར་ན། དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 49 ལེ་ཝིའི་ཚོ་པ་འབའ་ཞིག་ཁྱོད་ཀྱིས་རྩིས་ལེན་མི་རུང་ལ། དེ་དག་གི་བསྡོམས་གྲངས་ཀྱང་ཡེས་ར་ཨེལ་པ་རྣམས་ཀྱི་ཁྲོད་དུ་བགྲང་མི་རུང་།  
\v 50 འོན་ཀྱང་། དཔང་པོའི་གུར་མཆོག་དང་། དེའི་ཡོ་བྱད་ཐམས་ཅད་དང་། དེ་ལ་གཏོགས་པ་ཀུན་ལེ་ཝི་པ་རྣམས་ལ་བདག་གཉེར་བྱེད་དུ་ཆུག དེ་ཚོས་གུར་མཆོག་དང་ཡོ་བྱད་ཐམས་ཅད་འཁུར་ཞིང་དེ་ལ་ཞབས་ཏོག་སྒྲུབ་པ་དང་། གུར་མཆོག་གི་མཐའ་འཁོར་དུ་སྒར་འདེབས་དགོས།  
\v 51 གུར་མཆོག་སྤོ་བའི་དུས་སུ་ལེ་ཝི་པ་རྣམས་ཀྱིས་དེ་མར་ཕབ་པ་དང་། གུར་མཆོག་ཕུབ་པའི་དུས་སུ། ལེ་ཝི་པ་རྣམས་ཀྱིས་དེ་ཕུབ་དགོས། གལ་ཏེ་མི་གཞན་སུ་ཞིག་གུར་མཆོག་དང་ཉེ་བར་འོངས་ན་དེ་གསོད་དགོས་སོ། །  
\v 52 ཡེས་ར་ཨེལ་པ་རྣམས་ཀྱིས་རང་རང་གི་སྒར་ཁ་དང་རང་རང་གི་རུ་དར་བཞིན་སྒར་འདེབས་དགོས།  
\v 53 འོན་ཀྱང་། དཀོན་མཆོག་ཁོང་ཉིད་ཡེས་ར་ཨེལ་གྱི་མི་ཚོགས་ལ་ཐུགས་མི་ཁྲོ་བའི་ཕྱིར་དུ། ལེ་ཝི་པ་རྣམས་ཀྱིས་དཔང་པོའི་གུར་མཆོག་གི་མཐའ་འཁོར་དུ་སྒར་འདེབས་དགོས་པ་དང་། དེ་རྣམས་ཀྱིས་དཔང་པོའི་གུར་མཆོག་སྲུང་བའི་འགན་བསྒྲུབ་དགོས་ཞེས་བཀའ་གནང་ངོ་། །  
\v 54 ཡེས་ར་ཨེལ་པ་རྣམས་ཀྱིས་དེ་བཞིན་དུ་བསྒྲུབས་པ་དང་། དཀོན་མཆོག་ཡ་ཝཱེས་མོ་ཤེ་ལ་བཀའ་ཅི་ལྟར་གནང་བ་བཞིན་ཁོ་རྣམས་ཀྱིས་དེ་ལྟར་བསྒྲུབས་སོ། །   
\c 2
\cl ལེའུ་གཉིས་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 སྒར་འདེབས་པའི་གོ་རིམ་དང་གནས་ཡུལ།  
\p
\v 1 དེ་ཡང་དཀོན་མཆོག་ཡ་ཝཱེས་མོ་ཤེ་དང་ཨ་རོན་གཉིས་ལ་འདི་སྐད་དུ།  
\v 2 ཡེས་ར་ཨེལ་པ་རྣམས་ཀྱིས་རང་རང་གི་རུ་དར་དང་རང་རང་གི་ཕ་ཁྱིམ་གྱི་དར་ཆེན་འོག་ཏུ་སྒར་འདེབས་དགོས། དེ་རྣམས་ཀྱིས་མཇལ་འཕྲད་གུར་མཆོག་གི་ཕྱོགས་བཞི་རུ་རྒྱང་ཐག་ཅུང་རིང་བའི་གནས་སུ་སྒར་འདེབས་དགོས།  
\v 3 ཤར་ཕྱོགས་སྐྱ་རེངས་ཤར་བའི་གནས་སུ་དམག་ཚོགས་བཞིན་དུ་སྒར་འདེབས་མཁན་ནི་ཡ་ཧུ་དཱའི་སྒར་ཁའི་དར་ཆེན་ཡིན་ལ། ཡ་ཧུ་དཱ་པ་རྣམས་ཀྱི་འགོ་དཔོན་ནི་ཨ་མི་ནཱ་དབ་ཀྱི་བུ་ནཱ་སོན་ཡིན་ཞིང་།  
\v 4 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་བདུན་ཁྲི་བཞི་སྟོང་དྲུག་བརྒྱའོ། །  
\v 5 དེའི་གཞོགས་སུ་སྒར་འདེབས་མཁན་ནི་ཡེས་སི་ཀཱར་ཚོ་པ་ཡིན་པ་དང་། ཡེས་སི་ཀཱར་པ་རྣམས་ཀྱི་འགོ་དཔོན་ནི་ཙུ་ཨར་གྱི་བུ་ནེ་ཐན་ཨེལ་ཡིན་ཞིང་།  
\v 6 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་ལྔ་ཁྲི་བཞི་སྟོང་བཞི་བརྒྱའོ། །   
\p
\v 7 དེ་ནས་ཟེ་བུ་ལུན་གྱི་ཚོ་པ་ཡོད་པ་དང་། ཟེ་བུ་ལུན་པ་རྣམས་ཀྱི་འགོ་དཔོན་ནི་ཧེ་ལོན་གྱི་བུ་ཨེ་ལི་ཨབ་ཡིན་ཞིང་།  
\v 8 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་ལྔ་ཁྲི་བདུན་སྟོང་བཞི་བརྒྱའོ། །  
\v 9 ཡ་ཧུ་དཱའི་སྒར་ནས་དམག་ཚོགས་བཞིན་རྩིས་བླངས་པའི་མི་གྲངས་ནི་བསྡོམས་པས་ཆིག་འབུམ་བརྒྱད་ཁྲི་དྲུག་སྟོང་བཞི་བརྒྱ་ཡིན་ལ། དེ་དག་སྔོན་དུ་ལམ་ལ་ཆས་དགོས་སོ། །   
\p
\v 10 ལྷོ་ཕྱོགས་སུ་དམག་ཚོགས་བཞིན་དུ་རུ་བེན་གྱི་སྒར་ཁའི་དར་ཆེན་ཡོད་པ་དང་། རུ་བེན་པ་རྣམས་ཀྱི་འགོ་དཔོན་ནི་ཤེ་དེ་ཨུར་གྱི་བུ་ཨེ་ལི་ཚུར་ཡིན་ཞིང་།  
\v 11 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་བཞི་ཁྲི་དྲུག་སྟོང་ལྔ་བརྒྱའོ། །  
\v 12 དེའི་གཞོགས་སུ་སྒར་འདེབས་མཁན་ནི་སི་མུ་ཨོན་ཚོ་པ་ཡིན་ལ། སི་མུ་ཨོན་པ་རྣམས་ཀྱི་འགོ་དཔོན་ནི་ཙུ་རེ་ཤད་དཱ་ཨིའི་བུ་ཤེ་ལུ་མེ་ཨེལ་ཡིན་ཞིང་།  
\v 13 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་ལྔ་ཁྲི་དགུ་སྟོང་སུམ་བརྒྱའོ། །  
\v 14 དེ་ནས་གཱ་རྡུ་ཚོ་པ་ཡོད་པ་དང་། གཱ་རྡུ་པ་རྣམས་ཀྱི་འགོ་དཔོན་ནི་དི་ཨོ་ཨེལ་ \f + \ft འདིར་དི་ཨོ་ཨེལ་ཞེས་པ་ནི་འགྱུར་ལ་ལར་རུའུ་ཨེལ་ཞེས་ཀྱང་བཀོད་ཡོད།\f*གྱི་བུ་ཨེལ་ཡཱ་སབ་ཡིན་ཞིང་།  
\v 15 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་བཞི་ཁྲི་ལྔ་སྟོང་དྲུག་བརྒྱ་ལྔ་བཅུའོ། །  
\v 16 རུ་བེན་གྱི་སྒར་ནས་དམག་ཚོགས་བཞིན་རྩིས་བླངས་པའི་མི་གྲངས་ནི་བསྡོམས་པས་ཆིག་འབུམ་ལྔ་ཁྲི་ཆིག་སྟོང་བཞི་བརྒྱ་ལྔ་བཅུ་ཡིན་ལ། དེ་དག་གྲལ་གཉིས་པ་བྱས་ནས་ལམ་དུ་ཆས་དགོས་སོ། །   
\p
\v 17 དེ་ནས་མཇལ་འཕྲད་གུར་མཆོག་དང་ལེ་ཝི་པ་རྣམས་ཀྱི་སྒར་དེ་སྒར་རྣམས་ཀྱི་དཀྱིལ་ནས་མདུན་དུ་བསྐྱོད་དགོས། དེ་དག་གིས་ཇི་ལྟར་སྒར་བཏབ་ན་དེ་ལྟར་ལམ་ལ་ཆས་ཏེ་མདུན་དུ་བསྐྱོད་པ་དང་། སོ་སོའི་རང་གནས་སུ་རང་རང་གི་དར་ཆེན་འོག་ཏུ་ཡོད་དགོས་སོ། །   
\p
\v 18 ནུབ་ཕྱོགས་སུ་དམག་ཚོགས་བཞིན་དུ་ཨེ་ཕཱར་ཡིམ་གྱི་སྒར་ཁའི་དར་ཆེན་ཡོད་པ་དང་། ཨེ་ཕཱར་ཡིམ་པ་རྣམས་ཀྱི་འགོ་དཔོན་ཨམ་མེ་ཧུད་ཀྱི་བུ་ཨེ་ལི་ཤ་མཱ་ཡིན་ཞིང་།  
\v 19 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་བཞི་ཁྲི་ལྔ་བརྒྱའོ། །  
\v 20 དེའི་གཞོགས་སུ་མཱ་ན་ཤེ་ཚོ་པ་ཡོད་པ་དང་། མཱ་ན་ཤེ་པ་རྣམས་ཀྱི་འགོ་དཔོན་ནི་ཕེ་དཱ་ཚུར་གྱི་བུ་གམ་ལི་ཨེལ་ཡིན་ཞིང་།  
\v 21 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་སུམ་ཁྲི་ཉིས་སྟོང་ཉིས་བརྒྱའོ། །  
\v 22 དེ་ནས་པེན་ཡཱ་མེན་ཚོ་པ་ཡོད་པ་དང་། པེན་ཡཱ་མེན་པ་རྣམས་ཀྱི་འགོ་དཔོན་ནི་གིད་ཨོ་ནཱའི་བུ་ཨ་བི་ཏན་ཡིན་ཞིང་།  
\v 23 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་སུམ་ཁྲི་ལྔ་སྟོང་བཞི་བརྒྱའོ། །  
\v 24 ཨེ་ཕཱར་ཡིམ་གྱི་སྒར་ནས་དམག་ཚོགས་བཞིན་རྩིས་བླངས་པའི་མི་གྲངས་ནི་བསྡོམས་པས་ཆིག་འབུམ་བརྒྱད་སྟོང་དང་བརྒྱ་ཡིན་ལ། དེ་དག་གྲལ་གསུམ་པ་བྱས་ནས་ལམ་དུ་ཆས་དགོས་སོ། །   
\p
\v 25 བྱང་ཕྱོགས་སུ་དམག་ཚོགས་བཞིན་དུ་དཱན་གྱི་སྒར་ཁའི་དར་ཆེན་ཡོད་པ་དང་། དཱན་པ་རྣམས་ཀྱི་འགོ་དཔོན་ནི་ཨམ་མེ་ཤད་ད་ཨི་ཡི་བུ་ཨ་ཧི་ཨེ་ཟེར་ཡིན་ཞིང་།  
\v 26 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་དྲུག་ཁྲི་ཉིས་སྟོང་བདུན་བརྒྱའོ། །  
\v 27 དེའི་གཞོགས་སུ་སྒར་འདེབས་མཁན་ནི་ཨ་ཤེར་ཚོ་པ་ཡིན་པ་དང་། ཨ་ཤེར་པ་རྣམས་ཀྱི་འགོ་དཔོན་ནི་ཨོག་རན་གྱི་བུ་ཕཱ་གེ་ཨེལ་ཡིན་ཞིང་།  
\v 28 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་བཞི་ཁྲི་ཆིག་སྟོང་ལྔ་བརྒྱའོ། །  
\v 29 དེ་ནས་ནཱབ་ཐ་ལིའི་ཚོ་པ་ཡོད་པ་དང་། ནཱབ་ཐ་ལི་པ་རྣམས་ཀྱི་འགོ་དཔོན་ནི་ཨེ་ནན་གྱི་བུ་ཨ་ཧི་རཱ་ཡིན་ཞིང་།  
\v 30 དེའི་དམག་ཚོགས་ལས་རྩིས་བླངས་པའི་མི་གྲངས་ནི་བསྡོམས་པས་ལྔ་ཁྲི་སུམ་སྟོང་བཞི་བརྒྱའོ། །  
\v 31 དཱན་གྱི་སྒར་ནས་རྩིས་བླངས་པའི་མི་གྲངས་ནི་བསྡོམས་པས་ཆིག་འབུམ་ལྔ་ཁྲི་བདུན་སྟོང་དྲུག་བརྒྱ་ཡིན། དེ་དག་གིས་དར་ཆེན་བསྒྲེངས་ནས་མཇུག་ཏུ་ལམ་ལ་ཆས་དགོས་ཞེས་གསུངས་སོ། །   
\p
\v 32 དེ་དག་ནི་ཡེས་ར་ཨེལ་པ་རྣམས་རང་རང་གི་ཕ་ཁྱིམ་བཞིན་དུ་རྩིས་བླངས་པའི་མི་གྲངས་ཡིན་པ་དང་། སོ་སོའི་དམག་ཚོགས་བཞིན་སྒར་རྣམས་ལས་རྩིས་བླངས་པའི་མི་གྲངས་ནི་བསྡོམས་པས་དྲུག་འབུམ་སུམ་སྟོང་ལྔ་བརྒྱ་ལྔ་བཅུ་ཡིན་ནོ། །  
\v 33 འོན་ཀྱང་དཀོན་མཆོག་ཡ་ཝཱེས་མོ་ཤེ་ལ་བཀའ་བསྩལ་པ་བཞིན་དུ། ལེ་ཝི་པ་རྣམས་ནི་ཡེས་ར་ཨེལ་པ་རྣམས་ཀྱི་ཁྲོད་དུ་མ་བརྩིས་སོ། །  
\v 34 ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེས་མོ་ཤེ་ལ་བསྒོས་པའི་བཀའ་བཞིན་དུ་བྱས་ཤིང་། དེ་དག་གིས་རང་རང་གི་དར་ཆེན་འོག་ཏུ་སྒར་བཏབ་པ་དང་། མི་རེ་རེ་རང་རང་གི་རུས་རྒྱུད་དང་ཕ་ཁྱིམ་བཞིན་དུ་ལམ་ལ་ཆས་པའོ། །   
\c 3
\cl ལེའུ་གསུམ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཨ་རོན་གྱི་བུ་རྒྱུད།  
\p
\v 1 དེ་ཡང་དཀོན་མཆོག་ཡ་ཝཱེས་རི་བོ་སི་ནཱ་རུ་མོ་ཤེ་ལ་གསུང་གླེང་མཛད་པའི་དུས་སུ། ཨ་རོན་དང་མོ་ཤེ་གཉིས་ཀྱི་བུ་རབས་ཚ་རྒྱུད་ནི་འདི་ལྟ་སྟེ།  
\v 2 ཨ་རོན་གྱི་བུ་རྣམས་ཀྱི་མིང་ནི་འདི་ལྟར། བུ་སྐྱེས་འགོ་ནཱ་དབ་དང་། ཨ་བི་ཧུ། ཨེ་ལི་ཨ་ཟར། ཨི་ཐ་མཱར་བཅས་སོ། །  
\v 3 དེ་ནི་ཨ་རོན་གྱི་བུ་རྣམས་ཀྱི་མིང་སྟེ། དེ་དག་ནི་སྣུམ་གྱིས་བྱུགས་པའི་མཆོད་དཔོན་རྣམས་ཡིན་ལ། མོ་ཤེ་ཡིས་དེ་རྣམས་ཞབས་ཏོག་སྒྲུབ་པའི་མཆོད་དཔོན་དུ་བསྐོས་པ་ཡིན།  
\v 4 ནཱ་དབ་དང་ཨ་བི་ཧུ་གཉིས་ཀྱིས་སི་ནཱ་དབེན་སྟོང་དུ་དཀོན་མཆོག་ཡ་ཝཱེའི་སྤྱན་སྔར་བཀའ་འཁྲོལ་མེད་པའི་མེ་ཕུལ་བས་དེ་གཉིས་དཀོན་མཆོག་ཡ་ཝཱེའི་སྤྱན་སྔར་ཤི་བ་དང་བུ་ཡང་མེད་པའོ། །ཨེ་ལི་ཨ་ཟར་དང་ཨི་ཐ་མཱར་གཉིས་ཀྱིས་ཡབ་ཨ་རོན་གྱི་མདུན་དུ་མཆོད་དཔོན་གྱི་འགན་བླངས་སོ། །   
\s1 ལེ་ཝི་པ་རྣམས་ལ་བསྒོས་པའི་བཀའ།  
\p
\v 5 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 6 ཁྱོད་ཀྱིས་ལེ་ཝི་ཚོ་པ་ཚུར་ཁྲིད་ནས། དེ་དག་མཆོད་དཔོན་ཨ་རོན་གྱི་མདུན་དུ་ལངས་ནས་དེ་ལ་ཞབས་ཕྱི་བསྒྲུབ་ཏུ་འཇུག་དགོས།  
\v 7 དེ་དག་གིས་ཨ་རོན་དང་ཚོགས་ཡོངས་ཀྱི་ཚབ་ཏུ་མཇལ་འཕྲད་གུར་མཆོག་གི་མདུན་དུ་ལས་འགན་བསྲུང་ཞིང་། གུར་མཆོག་གི་ཕྱིར་ཞབས་ཏོག་བསྒྲུབ་དགོས་ལ།  
\v 8 མཇལ་འཕྲད་གུར་མཆོག་གི་ཡོ་བྱད་ཐམས་ཅད་ལ་བདག་གཉེར་བྱེད་པ་དང་། ཡེས་ར་ཨེལ་པ་རྣམས་ཀྱི་ཚབ་ཏུ་ལས་འགན་བསྲུང་ཞིང་། གུར་མཆོག་གི་ཕྱིར་ཞབས་ཏོག་བསྒྲུབ་དགོས་སོ། །  
\v 9 ཁྱོད་ཀྱིས་ལེ་ཝི་པ་རྣམས་ཨ་རོན་དང་དེའི་བུ་རྣམས་ལ་སྤྲོད་དགོས། དེ་དག་ནི་ཡེས་ར་ཨེལ་པ་རྣམས་ལས་བདམས་ཏེ་ཡོངས་སུ་ཁོ་ལ་སྤྲོད་དགོས་པ་ཡིན་ནོ། །  
\v 10 ཨ་རོན་དང་དེའི་བུ་རྣམས་ལ་མཆོད་དཔོན་གྱི་འགན་བསྲུང་བར་བཅོལ་དགོས། གལ་ཏེ་ཕྱི་མི་སུ་ཞིག་ཉེ་བར་འོངས་ན་དེ་གསོད་དགོས་ཞེས་བཀའ་བསྩལ་ཏོ། །   
\p
\v 11 ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 12 ལྟོས་དང་། བདག་གིས་ཡེས་ར་ཨེལ་པ་རྣམས་ལས་མངལ་དང་པོ་སྟེ་བུ་སྐྱེས་འགོ་རྣམས་ཀྱི་ཚབ་བྱེད་དུ་ལེ་ཝི་པ་རྣམས་བདམས་པ་ཡིན་པས། ལེ་ཝི་པ་རྣམས་བདག་ལ་དབང་བའོ། །  
\v 13 ཅིའི་ཕྱིར་ཞེ་ན། སྐྱེས་འགོ་ཐམས་ཅད་ངའི་ཡིན་ཏེ། བདག་གིས་ཨེ་ཅིབ་ཡུལ་ནས་སྐྱེས་འགོ་ཐམས་ཅད་བསད་པའི་ཉིན་དེར། ཡེས་ར་ཨེལ་གྱི་སྐྱེས་འགོ་རྣམས་ནི་མི་ཕྱུགས་གང་ཡིན་ཡང་ངའི་ཕྱིར་དུ་དམ་པར་བྱས་ཡོད། དེ་རྣམས་བདག་ལ་དབང་དགོས། བདག་ནི་ཡ་ཝཱེ་ཡིན་ཞེས་བཀའ་བསྩལ་ཏོ། །   
\p
\v 14 དེ་ནས་ཡང་དཀོན་མཆོག་ཡ་ཝཱེས་སི་ནཱ་དབེན་སྟོང་དུ་མོ་ཤེ་ལ་འདི་སྐད་དུ།  
\v 15 ཁྱོད་ཀྱིས་ལེ་ཝི་པ་རྣམས་སོ་སོའི་ཕ་ཁྱིམ་དང་རུས་རྒྱུད་བཞིན་དུ་རྩིས་ལེན་དགོས་ཤིང་། ཟླ་བ་གཅིག་ཅན་དང་དེའི་ཡན་གྱི་ཕོ་ཐམས་ཅད་རྩིས་ལེན་དགོས་ཞེས་བཀའ་གནང་ངོ་། །  
\v 16 དེ་ནས་མོ་ཤེ་ཡིས་དཀོན་མཆོག་ཡ་ཝཱེས་གནང་བའི་བཀའ་བཞིན་དུ། ལེ་ཝི་པ་རྣམས་རྩིས་བླངས་པ་དང་།  
\v 17 ལེ་ཝིའི་བུ་རྣམས་ཀྱི་མིང་ནི། གེར་ཤོན་དང་། ཀོ་ཧད། མཱ་རཱ་རེའེ་བཅས་སོ། །  
\v 18 གེར་ཤོན་གྱི་བུ་རྣམས་ཀྱི་མིང་ནི་རང་རང་གི་རུས་རྒྱུད་བཞིན་དུ། ལིབ་ནིས་དང་ཤིམ་ཨི་ཡིན་ནོ། །  
\v 19 ཀོ་ཧད་ཀྱི་བུ་རྣམས་ནི་རང་རང་གི་རུས་རྒྱུད་བཞིན་དུ། ཨམ་རམ་དང་། ཡེས་ཧར། ཧེབ་རོན། ཨུ་ཟི་ཨེལ་བཅས་སོ། །  
\v 20 མཱ་རཱ་རེའེ་ཡི་བུ་རྣམས་ནི་རང་རང་གི་རུས་རྒྱུད་བཞིན་དུ། མཱ་ལི་དང་མུ་ཤི་ཡིན། འདི་དག་ནི་ཕ་ཁྱིམ་བཞིན་དུ་ཐམས་ཅད་ལེ་ཝི་པའི་རུས་རྒྱུད་ཡིན་ནོ། །   
\p
\v 21 གེར་ཤོན་ལ་གཏོགས་པ་ནི་ལིབ་ནིས་པ་རྣམས་ཀྱི་ཁྱིམ་རྒྱུད་དང་ཤིམ་ཨི་པ་རྣམས་ཀྱི་ཁྱིམ་རྒྱུད་ཡིན་ལ། དེ་དག་ནི་གེར་ཤོན་པའི་ཁྱིམ་རྒྱུད་ཡིན།  
\v 22 ཟླ་བ་གཅིག་ཅན་དང་དེའི་ཡན་གྱི་ཕོ་ཐམས་ཅད་རྩིས་བླངས་པའི་གྲངས་ཀ་ནི་བསྡོམས་པས་བདུན་སྟོང་ལྔ་བརྒྱའོ། །  
\v 23 གེར་ཤོན་པའི་ཁྱིམ་རྒྱུད་ཀྱིས་གུར་མཆོག་གི་རྒྱབ་སྟེ་ནུབ་ཕྱོགས་སུ་སྒར་འདེབས་དགོས།  
\v 24 གེར་ཤོན་པའི་ཁྱིམ་རྒྱུད་ཀྱི་འགོ་དཔོན་ནི་ལཱ་ཨེལ་གྱི་བུ་ཨེལ་ཡཱ་སབ་ཡིན་ནོ། །  
\v 25 གེར་ཤོན་གྱི་བུ་རྒྱུད་རྣམས་ཀྱི་མཇལ་འཕྲད་གུར་མཆོག་ནང་གི་ལས་འགན་ནི་འདི་ལྟ་སྟེ། གུར་མཆོག་དང་དེའི་ཁེབས་རས་དང་། དེའི་ཐོག་ཁེབས་དང་། མཇལ་འཕྲད་གུར་མཆོག་གི་སྒོ་ཡོལ་དང་།  
\v 26 ཁྱམས་རའི་ཁྱམས་ཡོལ་རྣམས་དང་། གུར་མཆོག་དང་མཆོད་ཁྲི་བསྐོར་ནས་ཡོད་པའི་ཁྱམས་རའི་སྒོ་ཡོལ་དང་། ཁྱམས་རའི་ནང་དུ་བཀོལ་བའི་ཆོན་ཐག་བཅས་པ་དང་འབྲེལ་བའི་ལས་ཀ་ཐམས་ཅད་བསྒྲུབ་དགོས་པ་ཡིན་ནོ། །   
\p
\v 27 ཀོ་ཧད་ལ་གཏོགས་པ་ནི་ཨམ་རཱམ་གྱི་ཁྱིམ་རྒྱུད་དང་། ཡེས་ཧར་གྱི་ཁྱིམ་རྒྱུད། ཧེབ་རོན་གྱི་ཁྱིམ་རྒྱུད། ཨུ་ཟི་ཨེལ་གྱི་ཁྱིམ་རྒྱུད་བཅས་ཡོད་ལ། དེ་དག་ནི་ཀོ་ཧད་པའི་ཁྱིམ་རྒྱུད་ཡིན།  
\v 28 ཟླ་བ་གཅིག་ཅན་དང་དེའི་ཡན་གྱི་ཕོ་ཐམས་ཅད་ཀྱི་གྲངས་ཀ་བཞིན་བསྡོམས་པས་བརྒྱད་སྟོང་དྲུག་བརྒྱ་ཡོད་པ་དང་། དེ་དག་གིས་གནས་མཆོག་སྲུང་བའི་ལས་འགན་བསྒྲུབ་དགོས།  
\v 29 ཀོ་ཧད་ཀྱི་བུ་རྒྱུད་རྣམས་ཀྱི་ཁྱིམ་རྒྱུད་ཀྱིས་གུར་མཆོག་གི་ལྷོ་ཕྱོགས་སུ་སྒར་འདེབས་དགོས།  
\v 30 ཀོ་ཧད་ཁྱིམ་རྒྱུད་ཀྱི་འགོ་དཔོན་ནི་ཨུ་ཟི་ཨེལ་གྱི་བུ་ཨེ་ལི་ཙ་ཕན་ཡིན།  
\v 31 དེ་དག་གི་ལས་འགན་ནི། ཤུར་སྒམ་དང་། སྒྲོག་ཙེ། སྒྲོན་སྟེགས། མཆོད་ཁྲི་གཉིས། གནས་མཆོག་ནང་དུ་བཀོལ་བའི་ཡོ་བྱད། ཡོལ་བ། གུར་མཆོག་ནང་དུ་བཀོལ་བ་ཐམས་ཅད་ལ་བདག་གཉེར་བྱེད་དགོས་པ་ཡིན་ནོ། །  
\v 32 མཆོད་དཔོན་ཨ་རོན་གྱི་བུ་ཨེ་ལི་ཨ་ཟར་ནི་ལེ་ཝི་པའི་འགོ་དཔོན་རྣམས་ཀྱི་འགོ་དཔོན་ཡིན་པ་དང་། གནས་མཆོག་སྲུང་བའི་ལས་འགན་སྒྲུབ་མཁན་རྣམས་ལ་ལྟ་ཞིབ་བྱེད་དགོས་པའོ། །   
\p
\v 33 མཱ་རཱ་རེའེ་ལ་གཏོགས་པ་ནི་མཱ་ལི་ཡི་ཁྱིམ་རྒྱུད་དང་། མུ་ཤི་ཡི་ཁྱིམ་རྒྱུད་བཅས་ཡོད་ལ། དེ་དག་ནི་མཱ་རཱ་རེའེ་ཡི་ཁྱིམ་རྒྱུད་ཡིན།  
\v 34 ཟླ་བ་གཅིག་ཅན་དང་དེའི་ཡན་གྱི་ཕོ་ཐམས་ཅད་རྩིས་བླངས་པའི་གྲངས་ཀ་ནི་བསྡོམས་པས་དྲུག་སྟོང་ཉིས་བརྒྱའོ། །  
\v 35 མཱ་རཱ་རེའེ་ཡི་ཁྱིམ་རྒྱུད་གཉིས་ཀྱི་འགོ་དཔོན་ནི་ཨ་བི་ཧ་ཡིལ་གྱི་བུ་ཙུ་རེ་ཨེལ་ཡིན་ལ། དེ་དག་གིས་གུར་མཆོག་གི་བྱང་ཕྱོགས་སུ་སྒར་འདེབས་དགོས།  
\v 36 མཱ་རཱ་རེའེ་ཡི་བུ་རྒྱུད་རྣམས་ཀྱི་ལས་འགན་ནི་གུར་མཆོག་གི་པང་ལེབ་དང་། འཕྲེད་རྒྱུག ཀ་བ། ཞབས་ར། དེའི་ཡོ་བྱད་ཐམས་ཅད་བསྲུང་བ་དང་། དེ་དང་འབྲེལ་བའི་ལས་ཀ་ཐམས་ཅད་བསྒྲུབ་པ་དང་།  
\v 37 ཁྱམས་རའི་མཐའ་འཁོར་གྱི་ཀ་བ་དང་ཞབས་ར། ཕུར་བ། ཆོན་ཐག་བཅས་བསྲུང་རྒྱུ་དེའོ། །   
\p
\v 38 གུར་མཆོག་མདུན་གྱི་ཤར་ཕྱོགས་ཏེ། མཇལ་འཕྲད་གུར་མཆོག་གི་མདུན་དུ་ཤར་ཕྱོགས་སུ་སྒར་འདེབས་མཁན་རྣམས་ནི། མོ་ཤེ་དང་། ཨ་རོན་དང་། ཨ་རོན་གྱི་བུ་རྣམས་ཡིན། དེ་དག་གིས་ཡེས་ར་ཨེལ་པ་རྣམས་ཀྱི་ཚབ་བྱས་ནས་གནས་མཆོག་སྲུང་བའི་འགན་འཁུར་དགོས་པ་དང་། ཕྱི་མི་སུ་ཞིག་ཉེ་བར་འོངས་ན་དེ་གསོད་དགོས་པ་ཡིན་ནོ། །  
\v 39 མོ་ཤེ་དང་ཨ་རོན་གཉིས་ཀྱིས་དཀོན་མཆོག་ཡ་ཝཱེའི་བཀའ་བཞིན་དུ། ལེ་ཝི་པ་ཐམས་ཅད་རྩིས་བླངས་པ་དང་། རང་རང་གི་ཁྱིམ་རྒྱུད་བཞིན་དུ་ཟླ་བ་གཅིག་ཅན་དང་དེའི་ཡན་གྱི་ཕོ་རྣམས་རྩིས་བླངས་པའི་གྲངས་ཀ་ནི་བསྡོམས་པས་ཉིས་ཁྲི་ཉིས་སྟོང་ངོ་། །   
\p
\v 40 དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཡེས་ར་ཨེལ་པ་རྣམས་ལས་སྐྱེས་འགོ་ཐམས་ཅད་དེ། ཟླ་བ་གཅིག་ཅན་དང་དེའི་ཡན་གྱི་ཕོ་རྣམས་རྩིས་བླངས་ནས་མིང་ཐོ་འབྲི་དགོས།  
\v 41 བདག་ནི་ཡ་ཝཱེ་ཡིན་ལ། ཁྱོད་ཀྱིས་ལེ་ཝི་པ་རྣམས་ནི་ཡེས་ར་ཨེལ་པ་རྣམས་ཀྱི་སྐྱེས་འགོ་དག་གི་ཚབ་བྱེད་དུ་བདག་ལ་དབང་བར་གྱིས། ལེ་ཝི་པ་རྣམས་ཀྱི་ཕྱུགས་ཟོག་ཀྱང་ཡེས་ར་ཨེལ་པ་རྣམས་ཀྱི་ཕྱུགས་ཟོག་གི་སྐྱེས་འགོ་ཐམས་ཅད་ཀྱི་ཚབ་བྱེད་དུ་བདག་ལ་དབང་བར་གྱིས་ཞེས་གསུངས་སོ། །  
\v 42 དེར་བརྟེན་མོ་ཤེ་ཡིས་དཀོན་མཆོག་ཡ་ཝཱེས་ཁོ་ལ་བསྩལ་པའི་བཀའ་བཞིན་དུ། ཡེས་ར་ཨེལ་པ་རྣམས་ལས་སྐྱེས་འགོ་ཐམས་ཅད་རྩིས་བླངས་པ་དང་།  
\v 43 མིང་གི་གྲངས་ཀ་བཞིན་དུ་ཟླ་བ་གཅིག་ཅན་དང་དེའི་ཡན་གྱི་ཕོ་སྐྱེས་འགོ་ཐམས་ཅད་རྩིས་བླངས་པ་དང་། བསྡོམས་པས་ཉིས་ཁྲི་ཉིས་སྟོང་ཉིས་བརྒྱ་བདུན་ཅུ་དོན་གསུམ་ཡོད་པའོ། །   
\p
\v 44 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 45 ཁྱོད་ཀྱིས་ཡེས་ར་ཨེལ་པ་རྣམས་ཀྱི་སྐྱེས་འགོ་ཐམས་ཅད་ཀྱི་ཚབ་ཏུ་ལེ་ཝི་པ་རྣམས་འདེམས་དགོས་པ་དང་། ཡང་ཡེས་ར་ཨེལ་པ་རྣམས་ཀྱི་ཕྱུགས་ཟོག་གི་ཚབ་ཏུ་ལེ་ཝི་པ་རྣམས་ཀྱི་ཕྱུགས་ཟོག་འདེམས་དགོས། ལེ་ཝི་པ་རྣམས་བདག་ལ་དབང་སྟེ། བདག་ནི་ཡ་ཝཱེ་ཡིན་ནོ། །  
\v 46 ལེ་ཝི་པའི་བསྡོམས་གྲངས་ལས་བརྒལ་བའི་མི་ཉིས་བརྒྱ་བདུན་ཅུ་དོན་གསུམ་ཏེ། ཡེས་ར་ཨེལ་པ་རྣམས་ཀྱི་བུ་སྐྱེས་འགོ་བླུ་དགོས་པ་རྣམས་ནི།  
\v 47 ཁྱོད་ཀྱིས་མི་རེ་ལས་དངུལ་སྲང་ལྔ་རེ་ལོངས་ཤིག གནས་མཆོག་གི་སྲང་བཞིན་དུ་དངུལ་སྲང་རེ་ལ་གཱེ་ར་ཉི་ཤུ་བརྩི་དགོས།  
\v 48 ཁྱོད་ཀྱིས་ཚད་ལས་བརྒལ་བའི་མི་གྲངས་ཀྱི་བླུ་རིན་དེ་ཨ་རོན་དང་དེའི་བུ་རྣམས་ལ་སྤྲོད་དགོས་ཞེས་བཀའ་བསྩལ་ཏོ། །  
\v 49 དེ་ནས་མོ་ཤེ་ཡིས་ལེ་ཝི་པ་རྣམས་ཀྱིས་བླུས་ནས་ལྷག་པ་རྣམས་ལས་བླུ་རིན་བླངས་པ་དང་།  
\v 50 ཡེས་ར་ཨེལ་པ་རྣམས་ཀྱི་སྐྱེས་འགོ་རྣམས་ལས་བསྡུས་པའི་དངུལ་ནི་གནས་མཆོག་གི་སྲང་བཞིན་དུ། བསྡོམས་པས་དངུལ་སྲང་ཆིག་སྟོང་སུམ་བརྒྱ་དྲུག་ཅུ་རེ་ལྔ་ཡོད་པའོ། །  
\v 51 མོ་ཤེ་ཡིས་དཀོན་མཆོག་ཡ་ཝཱེའི་བཀའ་བཞིན་དུ། བླུ་རིན་རྣམས་ཨ་རོན་དང་དེའི་བུ་རྣམས་ལ་སྤྲད་ཅིང་། དེ་ནི་དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་བཞིན་དུའོ། །   
\c 4
\cl ལེའུ་བཞི་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཀོ་ཧད་པའི་ལས་འགན།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་དང་ཨ་རོན་གཉིས་ལ་འདི་སྐད་དུ།  
\v 2 ཁྱོད་ཀྱིས་ལེ་ཝི་པ་རྣམས་ལས་ཀོ་ཧད་ཀྱི་བུ་རྒྱུད་རྣམས་ཀྱི་བསྡོམས་གྲངས་ནི། དེ་དག་གི་ཁྱིམ་རྒྱུད་དང་ཕ་ཁྱིམ་བཞིན་དུ།  
\v 3 ལོ་སུམ་ཅུ་ནས་ལོ་ལྔ་བཅུ་བར་གྱི་ལས་འགན་ཁུར་ནས་མཇལ་འཕྲད་གུར་མཆོག་ནང་དུ་ཞབས་ཕྱི་སྒྲུབ་མཁན་ཐམས་ཅད་ཐོ་བརྒྱག་དགོས།  
\v 4 རྫས་དམ་མཆོག་རྣམས་ལ་བདག་གཉེར་བྱ་རྒྱུ་ནི་ཀོ་ཧད་ཀྱི་བུ་རྒྱུད་རྣམས་ཀྱི་མཇལ་འཕྲད་གུར་མཆོག་ནང་གི་ལས་ཀ་ཡིན་ལ།  
\v 5 སྒར་ཆས་པའི་ཚེ་ན། ཨ་རོན་དང་དེའི་བུ་རྣམས་ནང་དུ་སོང་ནས་གནས་དམ་མཆོག་གཡོག་བྱེད་ཀྱི་ཡོལ་བ་མར་བླངས་ཏེ། ཡོལ་བ་དེས་དཔང་མཛད་ཤུར་སྒམ་གཡོག་དགོས།  
\v 6 ཡང་ཀོ་བ་སྤུས་ལེགས་ཀྱི་པགས་ཁེབས་ཀྱིས་དེ་གཡོག་པ་དང་། དེའི་སྟེང་དུ་རས་སྔོ་རྐྱང་བཏིངས་རྗེས་རྒྱུག་ཤིང་རྣམས་བརྒྱུ་དགོས།  
\v 7 སྤྱན་བསྟར་བག་ལེབ་ཀྱི་སྒྲོག་ཙེའི་སྟེང་དུ་དེ་དག་གིས་རས་སྔོན་པོ་འདིང་དགོས་པ་དང་། དེའི་སྟེང་དུ་གཞོང་པ་དང་སྡེར་མ། སྐྱེམས་མཆོད་འབུལ་བྱེད་ཨུ་ལུ་དང་བུམ་པ་བཅས་བཤམ་དགོས་ལ། ཆད་མེད་བག་ལེབ་ཀྱང་དེའི་སྟེང་དུ་ངེས་པར་ཡོད་དགོས་སོ། །  
\v 8 དངོས་པོ་དེ་དག་གི་སྟེང་དུ། རས་མཚལ་མདོག་བཏིངས་ནས་ཀོ་བ་སྤུས་ལེགས་ཀྱི་པགས་ཁེབས་ཀྱིས་གཡོགས་རྗེས་རྒྱུག་ཤིང་རྣམས་བརྒྱུ་དགོས་སོ། །  
\v 9 དེ་ནས་རས་སྔོན་པོ་བླངས་ཏེ་འོད་ཀྱི་ཕྱིར་ཡིན་པའི་སྒྲོན་སྟེགས་དང་དེའི་སྟེང་གི་སྒྲོན་མེ་དང་། སྡོང་རས་གཅོད་བྱེད་སྐམ་ཆུང་དང་མེ་ཕོར། སྣུམ་ལྡུག་སྤྱད་ཡོ་བྱད་ཐམས་ཅད་རས་ཀྱིས་གཡོག་པ་དང་།  
\v 10 ཡང་སྒྲོན་སྟེགས་དང་དེའི་ཡོ་བྱད་ཐམས་ཅད་ཀོ་བ་སྤུས་ལེགས་ཀྱི་པགས་པས་བཏུམས་ནས་གདང་གི་སྟེང་དུ་འཇོག་དགོས།  
\v 11 གསེར་གྱི་མཆོད་ཁྲིའི་སྟེང་དུ་རས་སྔོན་པོ་བཏིངས་ནས་ཀོ་བ་སྤུས་ལེགས་ཀྱི་པགས་པས་གཡོགས་རྗེས། རྒྱུག་ཤིང་རྣམས་བརྒྱུ་དགོས་སོ། །  
\v 12 ཡང་གནས་མཆོག་ཏུ་ཞབས་ཕྱི་སྒྲུབ་སྤྱད་ཀྱི་ཡོ་བྱད་ཐམས་ཅད་རས་སྔོན་པོས་བཏུམས་ནས་ཀོ་བ་སྤུས་ལེགས་ཀྱི་པགས་ཁེབས་ཀྱིས་གཡོགས་རྗེས། གདང་གི་སྟེང་དུ་འཇོག་དགོས།  
\v 13 དེ་ནས་མཆོད་ཁྲིའི་སྟེང་གི་ཐལ་བ་ཁྱེར་ནས་དེའི་སྟེང་དུ་རས་རྒྱ་སྨུག་འདིང་བ་དང་།  
\v 14 ཡང་མཆོད་ཁྲིའི་སྟེང་ཞབས་ཕྱི་སྒྲུབ་སྤྱད་ཀྱི་ཡོ་བྱད་ཐམས་ཅད་དེ། མེ་ཕོར་དང་ཤ་འཛིན་ཁ་དབྲག མེ་ཁྱེམ། མཆོད་སྡེར་བཅས་ནི་དེའི་སྟེང་དུ་བཤམ་དགོས་ཤིང་། དེའི་སྟེང་དུ་ཀོ་བ་སྤུས་ལེགས་ཀྱི་པགས་ཁེབས་ཀྱིས་གཡོགས་རྗེས། རྒྱུག་ཤིང་རྣམས་བརྒྱུ་དགོས་སོ། །  
\v 15 སྒར་ཡོངས་སུ་ཆས་པའི་ཚེ་ན། ཨ་རོན་དང་དེའི་བུ་རྣམས་ཀྱིས་གནས་མཆོག་དང་དེའི་ཡོ་བྱད་ཐམས་ཅད་གཡོགས་ཟིན་པའི་རྗེས་སུ། ཀོ་ཧད་ཀྱི་བུ་རྒྱུད་རྣམས་འོངས་ནས་འཁུར་དགོས། འོན་ཀྱང་། ཁོ་རྣམས་འཆི་བར་མི་འགྱུར་བའི་ཕྱིར་དུ་རྫས་དམ་པ་དེ་རྣམས་ལ་རེག་མི་རུང་། མཇལ་འཕྲད་གུར་མཆོག་ནང་གི་རྫས་དེ་དག་ནི་ཀོ་ཧད་ཀྱི་བུ་རྒྱུད་རྣམས་ཀྱིས་འཁུར་དགོས་པ་ཡིན།  
\v 16 མཆོད་དཔོན་ཨ་རོན་གྱི་བུ་ཨེ་ལི་ཨ་ཟར་གྱི་ལས་འགན་ནི་འདི་ལྟ་སྟེ། སྒྲོན་མེའི་སྣུམ་དང་དྲི་ཞིམ་བདུག་སྤོས། དུས་རྒྱུན་གྱི་འབྲུ་རིགས་ཀྱི་མཆོད་པ་དང་། འབྱུག་སྣུམ་བཅས་དང་། གུར་མཆོག་ཧྲིལ་པོ་དང་དེའི་ནང་དུ་ཡོད་པ་ཐམས་ཅད་དང་། གནས་མཆོག་དང་དེའི་ཡོ་བྱད་རྣམས་ལ་བདག་གཉེར་བྱ་རྒྱུ་དེའོ་ཞེས་བཀའ་བསྩལ་ཏོ། །   
\p
\v 17 དེ་ནས་ཡང་དཀོན་མཆོག་ཡ་ཝཱེས་མོ་ཤེ་དང་ཨ་རོན་གཉིས་ལ་འདི་སྐད་དུ།  
\v 18 ཁྱོད་ཅག་གིས་ཀོ་ཧད་པའི་ཁྱིམ་རྒྱུད་ཀྱི་ཚོ་པ་ཁག་ནི་ལེ་ཝི་པའི་ཁྲོད་ནས་མེད་པར་གཏོང་མི་རུང་།  
\v 19 དེ་རྣམས་རྫས་དམ་མཆོག་རྣམས་ཀྱི་དྲུང་དུ་ཉེ་བར་འོང་ཚེ། ཨ་རོན་དང་དེའི་བུ་རྣམས་ནང་དུ་སོང་ནས། དེ་དག་རེ་རེའི་བསྒྲུབ་དགོས་པ་དང་འཁུར་དགོས་པའི་ལས་དོན་གཏན་ཁེལ་བྱེད་དགོས། དེ་དག་འཆི་བར་མི་འགྱུར་ཞིང་གསོན་པོར་གནས་པའི་ཆེད་དུ། དེ་དག་ལ་འདི་ལྟར་བྱེད་དགོས།  
\v 20 འོན་ཀྱང་དེ་དག་ཡུད་ཙམ་ལའང་ནང་དུ་སོང་སྟེ་རྫས་དམ་པར་བལྟ་མི་རུང་། བལྟས་ན་ཁོ་རྣམས་འཆི་བར་འགྱུར་ཞེས་བཀའ་བསྩལ་ཏོ། །   
\s1 གེར་ཤོན་གྱི་བུ་རྒྱུད་རྣམས་ཀྱི་ལས་འགན།  
\p
\v 21 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 22 ཁྱོད་ཀྱིས་གེར་ཤོན་གྱི་བུ་རྒྱུད་རྣམས་ཀྱི་བསྡོམས་གྲངས་ཀྱང་ཐོ་བརྒྱག་དགོས་ཏེ། དེ་དག་གི་ཕ་ཁྱིམ་དང་ཁྱིམ་རྒྱུད་བཞིན་དུ།  
\v 23 ལོ་སུམ་ཅུ་ནས་ལྔ་བཅུ་བར་གྱི་ལས་འགན་ཁུར་ནས་མཇལ་འཕྲད་གུར་མཆོག་ནང་དུ་ཞབས་ཕྱི་སྒྲུབ་མཁན་ཐམས་ཅད་རྩིས་ལེན་དགོས་སོ། །  
\v 24 གེར་ཤོན་པའི་ཁྱིམ་རྒྱུད་རྣམས་ཀྱིས་བསྒྲུབ་བྱའི་དོན་དང་འཁུར་བྱའི་དངོས་པོ་ནི་འདི་ལྟ་སྟེ།  
\v 25 དེ་དག་གིས་གུར་མཆོག་གི་ཡོལ་བ་དག་དང་། མཇལ་འཕྲད་གུར་མཆོག་དང་དེའི་ཐོག་ཁེབས། ཡང་དེའི་སྟེང་ལ་གཡོགས་པའི་ཀོ་བ་སྤུས་ལེགས་ཀྱི་པགས་ཁེབས་དང་མཇལ་འཕྲད་གུར་མཆོག་གི་སྒོ་ཡོལ།  
\v 26 ཁྱམས་ཡོལ་རྣམས་དང་། གུར་མཆོག་དང་མཆོད་ཁྲི་བསྐོར་བའི་ཁྱམས་རའི་སྒོ་ཡོལ་དང་། ཆོན་ཐག་རྣམས་དང་ཞབས་ཕྱི་སྒྲུབ་སྤྱད་ཡོ་བྱད་ཐམས་ཅད་འཁུར་དགོས་པ་དང་། ཡོ་བྱད་དེ་དག་དང་འབྲེལ་བ་ཐམས་ཅད་ཁོ་རྣམས་ཀྱིས་བསྒྲུབ་དགོས་སོ། །  
\v 27 གེར་ཤོན་གྱི་བུ་རྒྱུད་རྣམས་ཀྱི་འགན་འཁུར་ཏེ། ཁོ་རྣམས་ཀྱིས་བསྒྲུབ་དགོས་པ་དང་འཁུར་དགོས་པའི་དོན་ཐམས་ཅད་ནི་ཨ་རོན་དང་དེའི་བུ་རྣམས་ཀྱིས་སྨྲས་པ་བཞིན་དུ་བྱེད་དགོས། དེ་དག་གིས་ཅི་འཁུར་དགོས་པའི་ལས་འགན་ཐམས་ཅད་ཁྱོད་ཀྱིས་སྤྲོད་དགོས་སོ། །  
\v 28 འདི་ནི་གེར་ཤོན་གྱི་བུ་རྒྱུད་རྣམས་ཀྱིས་མཇལ་འཕྲད་གུར་མཆོག་ནང་དུ་བསྒྲུབ་དགོས་པའི་ཞབས་ཕྱི་ཡིན་ཏེ། དེ་དག་གི་ལས་འགན་ནི་མཆོད་དཔོན་ཨ་རོན་གྱི་བུ་ཨི་ཐ་མཱར་གྱི་དབང་འོག་ཏུ་ཡོད་པའོ། །   
\s1 མཱ་རཱ་རེའེ་ཡི་བུ་རྒྱུད་རྣམས་ཀྱི་ལས་འགན།  
\p
\v 29 མཱ་རཱ་རེའེ་ཡི་བུ་རྒྱུད་རྣམས་ཀྱང་ཁྱོད་ཀྱིས་དེ་དག་གི་རུས་རྒྱུད་དང་ཁྱིམ་རྒྱུད་བཞིན་དུ་རྩིས་ལེན་དགོས་ཤིང་།  
\v 30 ལོ་སུམ་ཅུ་ནས་ལོ་ལྔ་བཅུ་བར་གྱི་ལས་འགན་ཁུར་ནས་མཇལ་འཕྲད་གུར་མཆོག་ནང་དུ་ཞབས་ཕྱི་སྒྲུབ་མཁན་ཐམས་ཅད་རྩིས་ལེན་དགོས།  
\v 31 དེ་དག་གི་མཇལ་འཕྲད་གུར་མཆོག་ནང་གི་ཞབས་ཕྱི་ཐམས་ཅད་དང་ལས་འགན་ཆ་ཚང་སྟེ། གུར་མཆོག་གི་པང་ལེབ་དང་འཕྲེད་རྒྱུག་དང་། ཀ་བ་དང་། ཞབས་ར་དང་།  
\v 32 ཁྱམས་ར་མཐའ་འཁོར་གྱི་ཀ་བ་དང་། ཞབས་ར་དང་། ཕུར་བ་དང་། ཆོན་ཐག་དང་། དེ་ལ་གཏོགས་པའི་ལག་ཆ་དང་སྤྱོད་ཆས་ཐམས་ཅད་འཁུར་དགོས་པ་དང་། དེ་དག་གིས་འཁུར་དགོས་པའི་ཡོ་བྱད་རྣམས་ནི་མིང་གིས་བཟུང་ནས་རེ་རེ་བཞིན་གཏན་ཁེལ་བྱེད་དགོས་སོ། །  
\v 33 འདི་ནི་མཱ་རཱ་རེའེ་ཡི་བུ་རྒྱུད་རྣམས་ཀྱི་ཁྱིམ་རྒྱུད་ཀྱིས་མཇལ་འཕྲད་གུར་མཆོག་ནང་དུ་བསྒྲུབ་དགོས་པའི་ཞབས་ཕྱི་ཐམས་ཅད་ཡིན་ལ། མཆོད་དཔོན་ཨ་རོན་གྱི་བུ་ཨི་ཐ་མཱར་གྱི་དབང་འོག་ཏུ་ཡོད་པའོ་ཞེས་བཀའ་བསྩལ་ཏོ། །   
\s1 ལེ་ཝི་ཚོ་པའི་མི་གྲངས་རྩིས་བླངས་པ།  
\p
\v 34 མོ་ཤེ་དང་ཨ་རོན་དང་ཚོགས་པའི་འགོ་དཔོན་རྣམས་ཀྱིས་ཀོ་ཧད་ཀྱི་བུ་རྒྱུད་རྣམས་ཀྱི་གྲངས་ཀ་ནི་དེ་དག་གི་རུས་རྒྱུད་དང་ཕ་ཁྱིམ་བཞིན་དུ།  
\v 35 ལོ་སུམ་ཅུ་ནས་ལོ་ལྔ་བཅུ་བར་གྱི་ལས་འགན་ཁུར་ནས་མཇལ་འཕྲད་གུར་མཆོག་ནང་དུ་ཞབས་ཕྱི་སྒྲུབ་མཁན་ཐམས་ཅད་རྩིས་བླངས་སོ། །  
\v 36 དེ་དག་རུས་རྒྱུད་བཞིན་རྩིས་བླངས་པའི་བསྡོམས་གྲངས་ནི་ཉིས་སྟོང་བདུན་བརྒྱ་ལྔ་བཅུའོ། །  
\v 37 འདི་ནི་ཀོ་ཧད་པའི་ཁྱིམ་རྒྱུད་ལས་རྩིས་བླངས་པའི་མི་གྲངས་ཡིན་ལ། མཇལ་འཕྲད་གུར་མཆོག་ནང་དུ་ཞབས་ཕྱི་བྱེད་མཁན་ཐམས་ཅད་ཡིན་པ་དང་། མོ་ཤེ་དང་ཨ་རོན་གཉིས་ཀྱིས་དཀོན་མཆོག་ཡ་ཝཱེས་མོ་ཤེ་ལ་བསྩལ་པའི་བཀའ་བཞིན་དུ་རྩིས་བླངས་པ་ཡིན་ནོ། །   
\p
\v 38 གེར་ཤོན་གྱི་བུ་རྒྱུད་རྣམས་ལས་དེ་དག་གི་རུས་རྒྱུད་དང་ཕ་ཁྱིམ་བཞིན་དུ་རྩིས་བླངས་པ་སྟེ།  
\v 39 ལོ་སུམ་ཅུ་ནས་ལོ་ལྔ་བཅུ་བར་གྱི་ལས་འགན་ཁུར་ནས་མཇལ་འཕྲད་གུར་མཆོག་ནང་དུ་ཞབས་ཕྱི་སྒྲུབ་མཁན་ནི།  
\v 40 དེ་དག་གི་རུས་རྒྱུད་དང་ཕ་ཁྱིམ་བཞིན་དུ་རྩིས་བླངས་པའི་མི་གྲངས་ཉིས་སྟོང་དྲུག་བརྒྱ་སུམ་ཅུའོ། །  
\v 41 དེ་དག་ནི་གེར་ཤོན་གྱི་བུ་རྒྱུད་རྣམས་ཀྱི་ཁྱིམ་རྒྱུད་ལས་རྩིས་བླངས་པའི་མི་གྲངས་ཡིན་ལ། མཇལ་འཕྲད་གུར་མཆོག་ནང་དུ་ཞབས་ཕྱི་བྱེད་མཁན་ཐམས་ཅད་ཡིན་པ་དང་། མོ་ཤེ་དང་ཨ་རོན་གཉིས་ཀྱིས་དཀོན་མཆོག་ཡ་ཝཱེའི་བཀའ་བཞིན་དུ་རྩིས་བླངས་པ་ཡིན་ནོ། །   
\p
\v 42 མཱ་རཱ་རེའེ་ཡི་བུ་རྒྱུད་རྣམས་ལས་དེ་དག་གི་རུས་རྒྱུད་དང་ཕ་ཁྱིམ་བཞིན་དུ།  
\v 43 ལོ་སུམ་ཅུ་ནས་ལོ་ལྔ་བཅུ་བར་གྱི་ལས་འགན་ཁུར་ནས་མཇལ་འཕྲད་གུར་མཆོག་ནང་དུ་ཞབས་ཕྱི་སྒྲུབ་མཁན་ཐམས་ཅད་རྩིས་བླངས་པ་དང་།  
\v 44 རུས་རྒྱུད་བཞིན་དུ་རྩིས་བླངས་པ་བསྡོམས་པས་སུམ་སྟོང་ཉིས་བརྒྱའོ། །  
\v 45 དེ་དག་ནི་མཱ་རཱ་རེའེ་ཡི་བུ་རྒྱུད་རྣམས་ཀྱི་ཁྱིམ་རྒྱུད་ལས་རྩིས་བླངས་པའི་མི་གྲངས་ཡིན་ཏེ། དཀོན་མཆོག་ཡ་ཝཱེས་མོ་ཤེ་ལ་བསྩལ་པའི་བཀའ་བཞིན་དུ། མོ་ཤེ་དང་ཨ་རོན་གཉིས་ཀྱིས་རྩིས་བླངས་པ་ཡིན་ནོ། །   
\p
\v 46 མོ་ཤེ་དང་ཨ་རོན་དང་། ཡེས་ར་ཨེལ་གྱི་འགོ་དཔོན་རྣམས་ཀྱིས་ལེ་ཝི་པ་རྣམས་དེ་དག་གི་རུས་རྒྱུད་དང་ཁྱིམ་རྒྱུད་བཞིན་དུ་རྩིས་བླངས་པ་ནི།  
\v 47 ལོ་སུམ་ཅུ་ནས་ལོ་ལྔ་བཅུ་བར་གྱི་ལས་འགན་ཁུར་ནས་མཇལ་འཕྲད་གུར་མཆོག་ནང་དུ་འཁྱེར་མཁན་རྣམས་ཏེ།  
\v 48 དེ་དག་གི་གྲངས་ཀ་ནི་བསྡོམས་པས་བརྒྱད་སྟོང་ལྔ་བརྒྱ་བརྒྱད་ཅུའོ། །  
\v 49 དཀོན་མཆོག་ཡ་ཝཱེས་མོ་ཤེ་བརྒྱུད་ནས་བསྩལ་པའི་བཀའ་བཞིན་དུ་དེ་དག་རྩིས་བླངས་པའོ། །མོ་ཤེ་ཡིས་མི་རེ་རེ་བཞིན་རང་རང་གི་བསྒྲུབ་བྱའི་དོན་དང་འཁུར་བྱའི་དངོས་པོ་ལྟར་རྩིས་བླངས་པ་དང་། དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་བཞིན་ཡིན་ནོ། །   
\c 5
\cl ལེའུ་ལྔ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 མི་གཙང་བའི་མི་རྣམས།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ཡེས་ར་ཨེལ་པ་རྣམས་ལ། མི་མཛེ་ནད་ཅན་དང་། འཛིར་ནད་ཅན་དང་། བེམ་པོ་ལ་རེག་ནས་མི་གཙང་བར་གྱུར་པ་ཐམས་ཅད་སྒར་གྱི་ཕྱི་རོལ་ཏུ་འདོན་པར་བཀའ་སྒོས་ཤིག  
\v 3 སྐྱེས་པའམ་བུད་མེད་སུ་ཡིན་ཡང་ཕྱི་རུ་འདོན་པ་དང་། དེ་དག་གིས་རང་གི་སྒར་བཙོག་པར་མི་བྱེད་པའི་ཆེད་དུ། དེ་རྣམས་སྒར་གྱི་ཕྱི་རོལ་ཏུ་འདོན་དགོས་ལ། སྒར་དེ་ནི་བདག་གི་སྡོད་གནས་ཡིན་ཞེས་གསུངས་སོ། །  
\v 4 ཡེས་ར་ཨེལ་པ་རྣམས་ཀྱིས་དེ་ལྟར་བྱས་ཤིང་། དེ་དག་སྒར་གྱི་ཕྱི་རོལ་ཏུ་བཏོན་པ་དང་། དཀོན་མཆོག་ཡ་ཝཱེས་མོ་ཤེ་ལ་བཀའ་ཇི་ལྟར་གསུངས་པ་བཞིན། ཡེས་ར་ཨེལ་པ་རྣམས་ཀྱིས་དེ་ལྟར་བྱས་སོ། །   
\p
\v 5 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 6 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྨྲོས་དང་། སྐྱེས་པའམ་བུད་མེད་སུ་ཡིན་ཡང་མི་ཡིས་བྱེད་པའི་སྡིག་པ་སྤྱད་ནས་དཀོན་མཆོག་ཡ་ཝཱེ་ལ་འགལ་བ་ཡིན་ན། མི་དེ་ལ་ཉེས་པ་ཡོད་ཅིང་།  
\v 7 མི་དེས་རང་བྱས་ཀྱི་སྡིག་པ་མཐོལ་བཤགས་བགྱི་བ་དང་། མི་ལ་གྱོང་གུད་བཟོས་པ་ལ་སྐྱིན་ཚབ་འཇལ་བར་མ་ཟད། དེའི་ཁར་ལྔ་ཆ་གཅིག་བསྣན་ཏེ་གྱོང་རག་པའི་མི་ལ་སྤྲོད་དགོས།  
\v 8 གལ་སྲིད་མི་དེ་ལ་གྱོང་གུད་ཀྱི་སྐྱིན་ཚབ་འཇལ་སའི་གཉེན་ཉེ་མེད་ན། གྱོང་གུད་ཀྱི་སྐྱིན་ཚབ་ནི་དཀོན་མཆོག་ཡ་ཝཱེ་ལ་འཇལ་དགོས་ཤིང་། དེ་ནི་མཆོད་དཔོན་ལ་དབང་བ་དང་། དེའི་ཁར་ད་དུང་སྡིག་བཤགས་བྱེད་པའི་ལུག་ཐུག་ཀྱང་འབུལ་དགོས་སོ། །  
\v 9 ཡེས་ར་ཨེལ་པ་རྣམས་ཀྱི་རྫས་དམ་པ་ཐམས་ཅད་ལས་མཆོད་དཔོན་ལ་འདེགས་མཆོད་དུ་ཕུལ་བ་ནི་གང་ཡིན་ཡང་མཆོད་དཔོན་ལ་དབང་དགོས།  
\v 10 མི་རེ་རེས་ཕུལ་བའི་རྫས་དམ་པ་རྣམས་མཆོད་དཔོན་ལ་དབང་དགོས། མི་ཡིས་རྫས་གང་ཞིག་མཆོད་དཔོན་ལ་ཕུལ་ན། དེ་ནི་མཆོད་དཔོན་ལ་དབང་བ་ཡིན་ཞེས་བཤད་དགོས་པར་བཀའ་བསྩལ་ཏོ། །   
\p
\v 11 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 12 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྨྲོས་དང་། སུ་དང་སུ་ཡིན་ཡང་གལ་ཏེ་ཁོའི་ཆུང་མས་ཁྱོ་ག་ལ་རྒྱབ་འགལ་བྱས་ནས་རང་གི་ཁྱོ་ག་ལ་བློ་མི་དཀར་བ་དང་།  
\v 13 སྐྱེས་པ་ཞིག་ཁོ་མོ་དང་ལུས་འབྲེལ་བྱས་ཏེ། རང་གི་ཁྱོ་ག་ལ་གསང་ནས་རྩད་མ་ཆོད་པ་དང་། ཁོ་མོས་རང་ཉིད་མི་གཙང་བར་བྱས་པ་ལ་བདེན་དཔང་བྱེད་མཁན་སུ་ཡང་མ་བྱུང་ཞིང་། ཉེས་པ་བྱེད་དུས་ཀྱང་གཞན་གྱིས་མ་ཟིན་ནའང་།  
\v 14 གལ་སྲིད་ཁོ་མོའི་ཁྱོ་གའི་སེམས་སུ་དོགས་པ་ལངས་ནས་རང་གི་ཆུང་མར་ཐེ་ཚོམ་ཟོས་པ་དང་། ཆུང་མ་དངོས་གནས་མི་གཙང་བར་བྱས་པའམ། ཡང་ན་ཁྱོ་ག་སེམས་སུ་དོགས་པ་ལངས་ནས་རང་གི་ཆུང་མར་ཐེ་ཚོམ་ཟོས་ནའང་ཆུང་མ་མི་གཙང་བར་བྱས་མེད་ན།  
\v 15 མི་དེས་རང་གི་ཆུང་མ་མཆོད་དཔོན་གྱི་མདུན་དུ་འཁྲིད་པ་དང་། ཡང་ཁོ་མོའི་ཆེད་དུ་ནས་ཕྱེ་ཨེ་ཕཱ་བཅུ་ཆ་གཅིག་མཆོད་པར་འབུལ་དགོས་ཤིང་། དེའི་སྟེང་དུ་སྣུམ་ལྡུག་མི་རུང་ལ་སྤོས་དཀར་ཡང་སྒྲོན་མི་རིགས་སོ། །ཅིའི་ཕྱིར་ཞེ་ན། དེ་ནི་ཐེ་ཚོམ་གྱི་འབྲུ་མཆོད་དང་། དྲན་པའི་འབྲུ་མཆོད་དེ་ནག་ཉེས་དྲན་པའི་འབྲུ་མཆོད་ཡིན་པས་སོ། །  
\v 16 དེ་ནས་མཆོད་དཔོན་གྱིས་བུད་མེད་དེ་འཁྲིས་སུ་ཁྲིད་ནས་དཀོན་མཆོག་ཡ་ཝཱེའི་སྤྱན་སྔར་བསླང་བར་བྱ་ཞིང་།  
\v 17 ཆུ་དམ་པ་རྫ་བུམ་ཞིག་ཏུ་ལྡུག་པ་དང་། ཡང་གུར་མཆོག་གི་ས་ནས་ས་རྡུལ་བླངས་ཏེ་ཆུ་ནང་དུ་འདེབས་དགོས།  
\v 18 མཆོད་དཔོན་གྱིས་བུད་མེད་དེ་དཀོན་མཆོག་ཡ་ཝཱེའི་སྤྱན་སྔར་བསླངས་ནས་ཁོ་མོའི་སྐྲ་ལྷོད་པ་དང་། དྲན་པའི་འབྲུ་མཆོད་དེ་ཐེ་ཚོམ་གྱི་འབྲུ་མཆོད་ཡིན་པ་དེ་ནི་ཁོ་མོའི་ལག་ཏུ་འཇོག་དགོས། མཆོད་དཔོན་གྱི་ལག་ཏུ་དམོད་མོ་འགུག་པའི་ཆུ་ཁ་མོ་འཛིན་དགོས།  
\v 19 མཆོད་དཔོན་གྱིས་བུད་མེད་དེ་ལ་མནའ་སྐྱེལ་དུ་འཇུག་ཅིང་། ཁོ་མོར་འདི་ལྟར། གལ་སྲིད་སྐྱེས་པ་སུ་ཡང་ཁྱོད་དང་ལུས་འབྲེལ་མ་བྱས་པ་དང་། རང་གི་ཁྱོ་ག་ལ་དབང་བའི་དུས་སུ་ཁྱོད་ཀྱིས་ཁྱོ་གར་རྒྱབ་འགལ་བྱས་ནས་རང་ཉིད་མི་གཙང་བར་བྱས་མེད་ན། དམོད་མོ་འགུག་པའི་ཆུ་ཁ་མོ་འདི་ལས་ཐར་བར་གྱུར་ཅིག  
\v 20 གལ་ཏེ་ཁྱོད་རང་ཁྱོ་ག་ལ་དབང་བའི་དུས་སུ་ཁྱོ་གར་རྒྱབ་འགལ་བྱས་ནས་རང་ཉིད་མི་གཙང་བར་བྱས་པ་དང་། ཁྱོད་ནི་རང་གི་ཁྱོ་ག་མིན་པའི་སྐྱེས་པ་གཞན་དང་ལུས་འབྲེལ་བྱས་པ་ཡིན་ན་ཞེས་སྨྲ་ཞིང་།  
\v 21 མཆོད་དཔོན་གྱིས་བུད་མེད་ལ་མནའ་སྐྱེལ་དུ་བཅུག་ནས་མུ་མཐུད་དུ་ཁོ་མོར་འདི་ལྟར། དཀོན་མཆོག་ཡ་ཝཱེས་ཁྱོད་ཀྱི་བརླ་ནི་རིད་ཅིང་གསུས་པ་སྐྲང་བར་མཛད་པ་དང་། དཀོན་མཆོག་ཡ་ཝཱེས་ཁྱོད་ནི་ཁྱོད་ཀྱི་ཡུལ་མིའི་དཀྱིལ་དུ་དམོད་མོ་དང་མནའ་རུ་འགྱུར་བར་མཛོད་ཅིག  
\v 22 དམོད་མོ་འགུག་པའི་ཆུ་འདི་ཁྱོད་ཀྱི་གྲོད་ཁོག་ཏུ་ཞུགས་ཏེ། ཁྱོད་ཀྱི་གསུས་པ་སྐྲང་ཞིང་བརླ་རིད་དུ་འཇུག་པར་མཛོད་ཅིག་ཅེས་སྨྲ་དགོས་ལ། དེ་ནས་བུད་མེད་དེས་ཨ་མེན་ \f + \ft ཨ་མེན་ཞེས་པ་ནི་གནའ་བོའི་ཡ་ཧུ་དཱ་མི་རིགས་ཀྱི་སྐད་དོད་དེ། བདེན་པ་དང་ལྷག་བསམ་རྣམ་པར་དག་པའི་དོན་ཡིན་ཞིང་བདེན་དཔང་བྱེད་པའི་དོན་ལའང་འཇུག་པ་དང་། ཕྱིས་སུ་སྐྱབས་མགོན་ཡེ་ཤུའི་ཆོས་ལུགས་ཀྱི་དད་ལྡན་རྣམས་ཀྱིས་ཡེ་ཤུའི་ཆོས་ལུགས་ནང་དུ་བཀོལ་ཞིང་། བདེན་དཔང་བྱེད་པ་དང་སྨོན་ཚིག་ལྟ་བུར་གྱུར་པ་ཡིན། \f*ཨ་མེན་ཞེས་ཞུ་དགོས་སོ། །  
\v 23 དེ་ནས་མཆོད་དཔོན་གྱིས་དམོད་མོ་དེ་དག་ཤོག་དྲིལ་སྟེང་དུ་བྲིས་ནས་དེ་ཆུ་ཁ་མོའི་ནང་བཀྲུ་དགོས་ལ།  
\v 24 ཡང་བུད་མེད་དེ་ལ་དམོད་མོ་འགུག་པའི་ཆུ་ཁ་མོ་དེ་འཐུང་དུ་བཅུག་ནས། དམོད་མོ་འགུག་པའི་ཆུ་དེ་ཁོ་མོའི་གྲོད་ཁོག་ཏུ་ཞུགས་ཏེ་ན་ཟུག་སློང་བ་ཡིན།  
\v 25 མཆོད་དཔོན་གྱིས་བུད་མེད་དེའི་ལག་ནས་ཐེ་ཚོམ་གྱི་འབྲུ་མཆོད་བླངས་ནས། དཀོན་མཆོག་ཡ་ཝཱེའི་སྤྱན་སྔར་འབྲུ་རིགས་ཀྱི་མཆོད་པ་དེ་ཕར་གཡོ་ཚུར་གཡོ་བྱས་རྗེས་མཆོད་ཁྲིའི་སྟེང་དུ་འབུལ་དགོས།  
\v 26 མཆོད་དཔོན་གྱིས་འབྲུ་རིགས་ཀྱི་མཆོད་པ་ལས། དྲན་རྟེན་གྱི་མཆོད་པ་ཁྱོར་བ་གང་བླངས་ནས་མཆོད་ཁྲིའི་ཁར་བསྲེག་པ་དང་། དེའི་རྗེས་སུ་ད་གཟོད་བུད་མེད་ལ་ཆུ་དེ་འཐུང་དུ་འཇུག་དགོས་སོ། །  
\v 27 ཁོ་མོར་ཆུ་དེ་འཐུང་དུ་བཅུག་རྗེས། གལ་སྲིད་ཁོ་མོས་མི་གཙང་བ་སྤྱད་ཅིང་རང་གི་ཁྱོ་གར་བློ་མི་དཀར་ན། དམོད་མོ་འགུག་པའི་ཆུ་དེ་ཁོ་མོའི་གྲོད་ཁོག་ཏུ་ཞུགས་ནས་ན་ཟུག་སློང་བར་འགྱུར་བ་དང་། ཁོ་མོའི་གསུས་པ་སྐྲང་ཞིང་བརླ་ཡང་རིད་པར་འགྱུར་ལ། བུད་མེད་དེ་ནི་རང་གི་ཡུལ་མིའི་དཀྱིལ་དུ་དམོད་མོ་རུ་འགྱུར་རོ། །  
\v 28 གལ་སྲིད་བུད་མེད་དེ་གཞན་གྱིས་མི་གཙང་བར་བྱས་མེད་པ་དང་གཙང་མ་ཡིན་ན། ཁོ་མོར་གནོད་པ་མི་འཕོག་ལ་མངལ་ཡང་སྦྲུམ་པར་འགྱུར་རོ། །   
\p
\v 29 འདི་ནི་ཐེ་ཚོམ་སྐོར་གྱི་བཀའ་ཁྲིམས་ཡིན་ཏེ། གལ་སྲིད་ཆུང་མ་ཞིག་གིས་རང་ཉིད་ཁྱོ་གར་དབང་བའི་དུས་སུ་ཁྱོ་ག་ལ་རྒྱབ་འགལ་བྱས་ནས་རང་མི་གཙང་བར་བྱས་པའམ།  
\v 30 ཡང་ན་སྐྱེས་པ་ཞིག་གི་སེམས་སུ་དོགས་པ་ལངས་ནས་རང་གི་ཆུང་མར་ཐེ་ཚོམ་ཟོས་ན། ཁོས་བུད་མེད་དེ་དཀོན་མཆོག་ཡ་ཝཱེའི་སྤྱན་སྔར་བསླང་དགོས་པ་དང་། མཆོད་དཔོན་གྱིས་བུད་མེད་དེ་ལ་བཀའ་ཁྲིམས་ཆ་ཚང་བཞིན་དུ་བྱའོ། །  
\v 31 ཁྱོ་ག་དེར་ནག་ཉེས་མི་འཕོག་ཅིང་། བུད་མེད་ཀྱིས་རང་གི་ནག་ཉེས་འཁུར་དགོས་ཞེས་བཤད་པར་བཀའ་བསྩལ་ཏོ། །   
\c 6
\cl ལེའུ་དྲུག་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ནཱ་ཟར་པའི་སྒྲིག་སྲོལ།  
\p
\v 1 དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྨྲོས་དང་། སྐྱེས་པའམ་བུད་མེད་སུ་ཡིན་ཡང་གལ་སྲིད་དམ་བཅའ་ཁྱད་པར་ཅན་ཏེ་ནཱ་ཟར་པའི་དམ་བཅའ་བཞག་ཡོད་ན། སྡོམ་པ་བསྲུངས་ནས་དཀོན་མཆོག་ཡ་ཝཱེ་ལ་གཏོགས་དགོས།  
\v 3 རྒུན་ཆང་དང་གར་ཆང་གཅོད་དགོས་ཤིང་། རྒུན་ཆང་གིས་བཟོས་པའི་སྐྱུར་ཆུ་དང་གར་ཆང་གིས་བཟོས་པའི་སྐྱུར་ཆུ་གང་ཡང་སྤྱོད་མི་འོས། རྒུན་འབྲུམ་གྱི་བཅུད་ཁུ་གང་ཡང་འཐུང་མི་རུང་ལ། རྒུན་འབྲུམ་གསར་པའམ་སྐམ་པོ་གང་ཡང་བཟའ་མི་འོས་སོ། །  
\v 4 སྡོམ་པ་སྲུང་བའི་ཉིན་མོ་དག་ལ། རྒུན་ཤིང་ལས་སྨིན་པའི་འབྲུ་གུའམ་ཤུན་པ་གང་ཡང་བཟའ་མི་རུང་ངོ་། །   
\p
\v 5 མི་དེས་དམ་བཅས་ནས་སྡོམ་པ་སྲུང་བའི་ཉིན་མོ་དག་ལ། སྤུ་གྲིས་མགོ་ལ་རེག་མི་རུང་ཞིང་དམ་པ་ཡིན་དགོས་ལ། སྡོམ་པ་བསྲུངས་ནས་དཀོན་མཆོག་ཡ་ཝཱེ་ལ་གཏོགས་པའི་ཉིན་མོ་དེ་དག་རྫོགས་པའི་བར་དུ་མགོའི་སྐྲ་སྐྱེ་རུ་འཇུག་དགོས།  
\v 6 སྡོམ་པ་བསྲུངས་ནས་དཀོན་མཆོག་ཡ་ཝཱེ་ལ་གཏོགས་པའི་ཉིན་མོ་དག་ལ་གཤིན་པོའི་བེམ་པོ་དང་ཉེ་བར་བཅར་མི་རུང་ངོ་། །  
\v 7 ཁོའི་ཕ་མ་དང་ཕུ་ནུ་མིང་སྲིང་ཤི་བའི་ཚེ། དེ་དག་གི་རྐྱེན་གྱིས་རང་ཉིད་བཙོག་པར་བཟོ་མི་རུང་སྟེ། སྡོམ་པ་བསྲུངས་ནས་དཀོན་མཆོག་ལ་གཏོགས་པའི་རྟགས་ནི་ཁོའི་མགོ་ལ་ཡོད་པའི་ཕྱིར་རོ། །  
\v 8 སྡོམ་པ་སྲུང་བའི་ཉིན་མོ་དག་ལ་ཁོ་ནི་དཀོན་མཆོག་ཡ་ཝཱེ་ལ་གཏོགས་ཤིང་དམ་པ་ཡིན།  
\v 9 གལ་སྲིད་དེའི་གམ་དུ་མི་ཞིག་གློ་བུར་ཤི་ནས། དེས་ཁོའི་དམ་པར་བསྔོས་པའི་མགོ་མི་གཙང་བར་བཟོས་ན། གཙང་སྦྲ་བྱེད་པའི་ཉིན་མོ་སྟེ། ཉིན་བདུན་པ་ལ་ཁོའི་སྐྲ་གཞར་དགོས།  
\v 10 ཉིན་བརྒྱད་པ་ལ་ཁོས་བྱ་ཐི་བ་གཉིས་སམ་ཕུག་རོན་ཆུང་ངུ་གཉིས་མཇལ་འཕྲད་གུར་མཆོག་གི་སྒོ་ཁར་ཁྱེར་ནས་མཆོད་དཔོན་ལ་སྤྲོད་དགོས།  
\v 11 མཆོད་དཔོན་གྱིས་གཅིག་ནི་སྡིག་བཤགས་མཆོད་པ་དང་། ཅིག་ཤོས་ནི་སྦྱིན་སྲེག་ཏུ་ཕུལ་ནས་གཤིན་པོའི་བེམ་པོའི་རྐྱེན་གྱིས་བཙོག་པར་གྱུར་པའི་སྡིག་པ་བཤག་དགོས་ལ། ཁོས་ཉིན་དེ་ཉིད་དུ་རང་གི་མགོ་དམ་པར་བྱེད་དགོས།  
\v 12 སྡོམ་པ་བསྲུངས་ནས་དཀོན་མཆོག་ཡ་ཝཱེ་ལ་གཏོགས་པའི་ཉིན་མོར། ཡང་ལོ་གཅིག་ཅན་གྱི་ལུ་གུ་ཕོ་ཞིག་ཁྱེར་ཡོང་ནས་ཉེས་སེལ་མཆོད་པར་འབུལ་དགོས། འོན་ཀྱང་སྡོམ་པ་མི་གཙང་བར་གྱུར་པའི་རྐྱེན་གྱིས། དེའི་སྔར་གྱི་ཉིན་མོ་རྣམས་རྩི་བར་མི་འགྱུར་རོ། །   
\p
\v 13 ནཱ་ཟར་པ་རྣམས་ཀྱི་བཀའ་ཁྲིམས་ནི་འདི་ལྟ་སྟེ། སྡོམ་པ་སྲུང་མཁན་གྱི་ཉིན་མོ་རྣམས་རྫོགས་པའི་ཉིན་ལ། མི་དེ་མཇལ་འཕྲད་གུར་མཆོག་གི་སྒོ་ཁར་འཁྲིད་དགོས་ཤིང་།  
\v 14 ཁོས་དཀོན་མཆོག་ཡ་ཝཱེ་ལ་མཆོད་པ་འབུལ་དགོས་ཏེ། སྐྱོན་ཅི་ཡང་མེད་པའི་ལོ་གཅིག་ཅན་གྱི་ལུ་གུ་ཕོ་ཞིག་སྦྱིན་སྲེག་ཏུ་འབུལ་བ་དང་། སྐྱོན་ཅི་ཡང་མེད་པའི་མོ་ལུག་ལོ་གཅིག་ཅན་ཞིག་སྡིག་བཤགས་མཆོད་པར་འབུལ་དགོས། སྐྱོན་ཅི་ཡང་མེད་པའི་ལུག་ཐུག་ཅིག་ཞི་བདེའི་མཆོད་པར་འབུལ་བ་དང་།  
\v 15 ཕྱེ་བཟང་པོས་བཟོས་པའི་སྐྱུར་མེད་སྣུམ་བསྲེས་བག་ལེབ་དང་སྐྱུར་མེད་སྣུམ་བྱུགས་བག་ལེབ་སྲབ་མོ་གཟེབ་གང་དང་། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་བཅས་འབུལ་དགོས་སོ། །  
\v 16 མཆོད་དཔོན་གྱིས་དཀོན་མཆོག་ཡ་ཝཱེའི་སྤྱན་སྔར་དེ་དག་འབུལ་བ་དང་། སྡིག་བཤགས་མཆོད་པ་དང་སྦྱིན་སྲེག་ཀྱང་འབུལ་དགོས།  
\v 17 ཡང་མཆོད་དཔོན་གྱིས་ལུག་ཐུག་དེ་དང་སྐྱུར་མེད་བག་ལེབ་ཀྱི་གཟེབ་དེ་དཀོན་མཆོག་ཡ་ཝཱེ་ལ་ཞི་བདེའི་མཆོད་པར་འབུལ་དགོས་པ་དང་། ཁོས་དེ་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་ཀྱང་འབུལ་བར་བྱའོ། །  
\v 18 ནཱ་ཟར་པས་མཇལ་འཕྲད་གུར་མཆོག་གི་སྒོ་ཁར་རང་གི་སྡོམ་པ་སྲུང་བའི་སྐྲ་བཞར་ནས། དེ་ཞི་བདེའི་མཆོད་པ་འོག་ཏུ་ཡོད་པའི་མེ་ཐོག་ཏུ་འཇོག་དགོས།  
\v 19 ནཱ་ཟར་པས་རང་གི་སྡོམ་པ་སྲུང་བའི་སྐྲ་བཞར་རྗེས། མཆོད་དཔོན་གྱིས་བཙོས་ཟིན་པའི་ལུག་ཐུག་གི་སོག་པ་གཅིག་དང་། ཡང་གཟེབ་ལས་སྐྱུར་མེད་བག་ལེབ་གཅིག་དང་། སྐྱུར་མེད་བག་ལེབ་སྲབ་མོ་གཅིག་བཅས་བླངས་ཏེ་ནཱ་ཟར་པའི་ལག་ཏུ་འཇོག་དགོས།  
\v 20 དེ་ནས་མཆོད་དཔོན་གྱིས་དེ་རྣམས་གཡོབ་མཆོད་དུ་བྱས་ནས་དཀོན་མཆོག་ཡ་ཝཱེའི་སྤྱན་སྔར་ཕར་གཡོ་ཚུར་གཡོ་བྱེད་དགོས་པ་དང་། དེ་རྣམས་གཡོབ་མཆོད་དུ་ཕུལ་བའི་བྲང་ཁོག་དང་འདེགས་མཆོད་དུ་ཕུལ་བའི་བརླ་རྐང་དང་བཅས་ཏེ་མཆོད་དཔོན་ལ་དབང་བའི་རྫས་དམ་པ་ཡིན། དེའི་རྗེས་སུ་ནཱ་ཟར་པས་ད་གཟོད་རྒུན་ཆང་འཐུང་ཆོག་པའོ། །   
\p
\v 21 དམ་བཅའ་འཇོག་མཁན་ནཱ་ཟར་པའི་བཀའ་ཁྲིམས་ནི། ནཱ་ཟར་པས་དཀོན་མཆོག་ཡ་ཝཱེ་ལ་ཕུལ་བའི་མཆོད་པ་ནི་ཁོའི་སྡོམ་པ་སྲུང་བའི་དམ་བཅའ་བཞིན་དང་། ཁོའི་ལག་གི་འཛོམས་ཚོད་བཞིན་ཡིན་ཞིང་། ཁོས་ཇི་ལྟར་དམ་བཅས་པ་ཡིན་ན་དེ་ལྟར་སྡོམ་པ་སྲུང་བའི་སྒྲིག་སྲོལ་བཞིན་བསྒྲུབ་དགོས་ཞེས་པ་དེ་ཡིན་ནོ་ཞེས་གསུངས་སོ། །   
\s1 མཆོད་དཔོན་རྣམས་བརྒྱུད་ནས་གནང་བའི་བྱིན་རླབས།  
\p
\v 22 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 23 ཁྱོད་ཀྱིས་ཨ་རོན་དང་དེའི་བུ་རྣམས་ལ་འདི་ལྟར། ཁྱོད་ཅག་གིས་ཡེས་ར་ཨེལ་པ་རྣམས་ལ་བྱིན་རླབས་གནང་ནས་དེ་དག་ལ།   
\q1
\v 24 དཀོན་མཆོག་ཡ་ཝཱེས་ཁྱོད་ལ་བྱིན་རླབས་མཛད་ཅིང་ཁྱོད་རང་བསྲུང་བར་ཤོག   
\q1
\v 25 དཀོན་མཆོག་ཡ་ཝཱེས་ཉིད་ཀྱི་ཞལ་མདངས་ཁྱོད་ཀྱི་སྟེང་དུ་སྤྲོས་ཏེ། ཁྱོད་ལ་ཐུགས་རྗེ་གནང་བར་ཤོག   
\q1
\v 26 དཀོན་མཆོག་ཡ་ཝཱེས་ཉིད་ཀྱི་ཞལ་ངོ་ཁྱོད་ལ་བསྟན་ནས་ཁྱོད་ལ་ཞི་བདེ་གནང་བར་ཤོག  
\m ཅེས་སྨྲོས་ཤིག  
\v 27 ཁོ་རྣམས་ཀྱིས་དེ་བཞིན་ཡེས་ར་ཨེལ་པ་རྣམས་ལ་བདག་གི་མིང་བརྗོད་དགོས་པ་དང་། བདག་གིས་ཀྱང་དེ་དག་ལ་བྱིན་གྱིས་བརླབ་པར་བྱའོ་ཞེས་གསུངས་སོ། །   
\c 7
\cl ལེའུ་བདུན་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 གུར་མཆོག་དམ་པར་བྱེད་པའི་ཞལ་འདེབས།  
\p
\v 1 དེ་ཡང་མོ་ཤེ་ཡིས་གུར་མཆོག་བསྒྲེངས་ཚར་བའི་ཉིན་མོ་དེར། དེ་ལ་འབྱུག་སྣུམ་གྱིས་བྱུགས་ཤིང་དམ་པར་བྱས་པ་དང་། དེའི་ནང་གི་ཡོ་བྱད་ཐམས་ཅད་དང་མཆོད་ཁྲི་དང་དེའི་ཡོ་བྱད་མཐའ་དག་ལ་འབྱུག་སྣུམ་གྱིས་བྱུགས་ཤིང་དམ་པར་བྱས།  
\v 2 དེ་ནས་ཡེས་ར་ཨེལ་གྱི་འགོ་དཔོན་རྣམས་ཏེ་ཁོ་ཚོའི་ཕ་ཁྱིམ་གྱི་འགོ་པ་ཐམས་ཅད་ཡོང་ནས་ཞལ་འདེབས་ཕུལ་བ་སྟེ། དེ་དག་ནི་ཚོ་པ་ཁག་གི་འགོ་དཔོན་རྣམས་ཡིན་ལ། རྩིས་བླངས་པའི་མི་རྣམས་ལ་དོ་དམ་བྱེད་མཁན་ཡིན་ནོ། །  
\v 3 དེ་དག་གིས་རང་རང་གི་འབུལ་བ་རྣམས་དཀོན་མཆོག་ཡ་ཝཱེའི་སྤྱན་སྔར་ཕུལ་བ་འདི་ལྟ་སྟེ། ཁེབས་ཡོད་ཤིང་རྟ་དྲུག་དང་གླང་གོག་བཅུ་གཉིས་ཡོད་ལ། འགོ་དཔོན་གཉིས་རེས་ཤིང་རྟ་རེ་དང་འགོ་དཔོན་རེ་རེས་གླང་གོག་རེ་གུར་མཆོག་གི་མདུན་དུ་ཁྱེར་འོངས་སོ། །  
\v 4 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 5 མཇལ་འཕྲད་གུར་མཆོག་གི་ལས་དོན་ཐད་བཀོལ་སྤྱོད་བྱེད་པའི་ཕྱིར་དུ། ཁྱོད་ཀྱིས་དེ་དག་བླངས་ནས་ལེ་ཝི་པ་རྣམས་ལ་སྤྲོད་ཅིག མི་རེ་རེའི་ལས་ཚན་བཞིན་དུ་ཁོ་རྣམས་ལ་སྟེར་དགོས་ཞེས་བཀའ་བསྩལ་ཏོ། །  
\v 6 དེ་བས་མོ་ཤེ་ཡིས་ཤིང་རྟ་དང་གླང་གོག་རྣམས་བླངས་ནས་ལེ་ཝི་པ་རྣམས་ལ་སྤྲད།  
\v 7 ཁོས་གེར་ཤོན་གྱི་བུ་རྒྱུད་རྣམས་ཀྱི་ཞབས་ཕྱིའི་ལས་ཚན་བཞིན་དུ། ཤིང་རྟ་གཉིས་དང་གླང་གོག་བཞི་ཁོ་རྣམས་ལ་སྤྲད་པ་དང་།  
\v 8 ཡང་མཱ་རཱ་རེའེ་ཡི་བུ་རྒྱུད་རྣམས་ཀྱི་ཞབས་ཕྱིའི་ལས་ཚན་བཞིན་དུ། ཤིང་རྟ་བཞི་དང་གླང་གོག་བརྒྱད་དེ་རྣམས་ལ་སྤྲད་ཅིང་། དེ་ཐམས་ཅད་ལ་མཆོད་དཔོན་ཨ་རོན་གྱི་བུ་ཨི་ཐ་མཱར་གྱིས་དོ་དམ་བྱེད་པའོ། །  
\v 9 འོན་ཀྱང་ཀོ་ཧད་ཀྱི་བུ་རྒྱུད་རྣམས་ཀྱིས་གནས་དམ་པ་རུ་ཞབས་ཕྱི་བྱེད་པ་དང་། རྫས་དམ་པ་རྣམས་ཕྲག་ལ་འཁུར་དགོས་པ་ཡིན་པས། དེ་ཚོར་ཅི་ཡང་མ་སྤྲད་དོ། །  
\v 10 མཆོད་ཁྲིར་འབྱུག་སྣུམ་གྱིས་བྱུགས་པའི་ཉིན་མོར། འགོ་དཔོན་རྣམས་ཀྱིས་མཆོད་ཁྲིར་བསྔོས་པའི་མཆོད་རྫས་རྣམས་ཁྱེར་འོངས་ཏེ། དེ་དག་གིས་རང་གི་མཆོད་པ་རྣམས་མཆོད་ཁྲིའི་མདུན་དུ་མཆོད་དོ། །  
\v 11 དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། འགོ་དཔོན་རྣམས་ཀྱིས་རང་རང་གི་མཆོད་ཁྲིར་བསྔོས་པའི་མཆོད་རྫས་འབུལ་དགོས་ཏེ། ཉིན་རེར་འགོ་དཔོན་གཅིག་གིས་མཆོད་པ་འཁྱེར་འོང་དགོས་ཞེས་བཀའ་བསྩལ་ཏོ། །   
\p
\v 12 ཉིན་དང་པོར་མཆོད་པ་འབུལ་མཁན་ནི་ཡ་ཧུ་དཱ་ཚོ་པའི་ཨ་མི་ནཱ་དབ་ཀྱི་བུ་ནཱ་སོན་ཡིན་པ་དང་།  
\v 13 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ། དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 14 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 15 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 16 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 17 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨ་མི་ནཱ་དབ་ཀྱི་བུ་ནཱ་སོན་གྱི་མཆོད་པ་ཡིན་ནོ། །   
\p
\v 18 ཉིན་གཉིས་པར་མཆོད་པ་འབུལ་མཁན་ནི་ཡེས་སི་ཀཱར་གྱི་འགོ་དཔོན་ཙུ་ཨར་གྱི་བུ་ནེ་ཐན་ཨེལ་ཡིན་པ་དང་།  
\v 19 ཁོས་ཕུལ་བའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 20 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 21 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 22 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 23 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཙུ་ཨར་གྱི་བུ་ནེ་ཐན་ཨེལ་གྱི་མཆོད་པ་ཡིན་ནོ། །   
\p
\v 24 ཉིན་གསུམ་པར་མཆོད་པ་འབུལ་མཁན་ནི་ཟེ་བུ་ལུན་གྱི་བུ་རྒྱུད་རྣམས་ཀྱི་འགོ་དཔོན་ཧེ་ལོན་གྱི་བུ་ཨེ་ལི་ཨབ་ཡིན་པ་དང་།  
\v 25 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 26 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 27 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 28 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 29 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཧེ་ལོན་གྱི་བུ་ཨེ་ལི་ཨབ་ཀྱི་མཆོད་པ་ཡིན་ནོ། །   
\p
\v 30 ཉིན་བཞི་པར་མཆོད་པ་འབུལ་མཁན་ནི་རུ་བེན་གྱི་བུ་རྒྱུད་རྣམས་ཀྱི་འགོ་དཔོན་ཤེ་དེ་ཨུར་གྱི་བུ་ཨེ་ལི་ཚུར་ཡིན་པ་དང་།  
\v 31 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 32 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 33 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 34 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 35 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཤེ་དེ་ཨུར་གྱི་བུ་ཨེ་ལི་ཚུར་གྱི་མཆོད་པ་ཡིན་ནོ། །   
\p
\v 36 ཉིན་ལྔ་པར་མཆོད་པ་འབུལ་མཁན་ནི་སི་མུ་ཨོན་གྱི་བུ་རྒྱུད་རྣམས་ཀྱི་འགོ་དཔོན་ཙུ་རེ་ཤད་དཱ་ཨིའི་བུ་ཤེ་ལུ་མེ་ཨེལ་ཡིན་པ་དང་།  
\v 37 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 38 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 39 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 40 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 41 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཙུ་རེ་ཤད་དཱ་ཨིའི་བུ་ཤེ་ལུ་མེ་ཨེལ་གྱི་མཆོད་པ་ཡིན་ནོ། །   
\p
\v 42 ཉིན་དྲུག་པར་མཆོད་པ་འབུལ་མཁན་ནི་གཱ་རྡུ་ཡི་བུ་རྒྱུད་རྣམས་ཀྱི་འགོ་དཔོན་དི་ཨོ་ཨེལ་གྱི་བུ་ཨེལ་ཡཱ་སབ་ཡིན་པ་དང་།  
\v 43 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 44 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 45 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 46 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 47 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་དི་ཨོ་ཨེལ་གྱི་བུ་ཨེལ་ཡཱ་སབ་ཀྱི་མཆོད་པ་ཡིན་ནོ། །   
\p
\v 48 ཉིན་བདུན་པར་མཆོད་པ་འབུལ་མཁན་ནི་ཨེ་ཕཱར་ཡིམ་གྱི་བུ་རྒྱུད་རྣམས་ཀྱི་འགོ་དཔོན་ཨམ་མེ་ཧུད་ཀྱི་བུ་ཨེ་ལི་ཤ་མཱ་ཡིན་པ་དང་།  
\v 49 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 50 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 51 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 52 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 53 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨམ་མེ་ཧུད་ཀྱི་བུ་ཨེ་ལི་ཤ་མཱའི་མཆོད་པ་ཡིན་ནོ། །   
\p
\v 54 ཉིན་བརྒྱད་པར་མཆོད་པ་འབུལ་མཁན་ནི་མཱ་ན་ཤེའི་བུ་རྒྱུད་རྣམས་ཀྱི་འགོ་དཔོན་ཕེ་དཱ་ཚུར་གྱི་བུ་གམ་ལི་ཨེལ་ཡིན་པ་དང་།  
\v 55 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 56 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 57 སྦྱིན་སྲེག་གི་ཕྱིར་དུ་གླང་ཐུག་གཅིག་དང་ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 58 སྡིག་བཤགས་མཆོད་པ་རུ་ར་ཕོ་གཅིག་ཡོད།  
\v 59 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཕེ་དཱ་ཚུར་གྱི་བུ་གམ་ལི་ཨེལ་གྱི་མཆོད་པ་ཡིན་ནོ། །   
\p
\v 60 ཉིན་དགུ་པར་མཆོད་པ་འབུལ་མཁན་ནི་པེན་ཡཱ་མེན་གྱི་བུ་རྒྱུད་རྣམས་ཀྱི་འགོ་དཔོན་གིད་ཨོ་ནཱའི་བུ་ཨ་བི་ཏན་ཡིན་པ་དང་།  
\v 61 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 62 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 63 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 64 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 65 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་གིད་ཨོ་ནཱའི་བུ་ཨ་བི་ཏན་གྱི་མཆོད་པ་ཡིན་ནོ། །   
\p
\v 66 ཉིན་བཅུ་པར་མཆོད་པ་འབུལ་མཁན་ནི་དཱན་གྱི་བུ་རྒྱུད་རྣམས་ཀྱི་འགོ་དཔོན་ཨམ་མེ་ཤད་ད་ཨི་ཡི་བུ་ཨ་ཧི་ཨེ་ཟེར་ཡིན་པ་དང་།  
\v 67 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 68 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 69 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 70 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 71 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨམ་མེ་ཤད་ད་ཨི་ཡི་བུ་ཨ་ཧི་ཨེ་ཟེར་གྱི་མཆོད་པ་ཡིན་ནོ། །   
\p
\v 72 ཉིན་བཅུ་གཅིག་པར་མཆོད་པ་འབུལ་མཁན་ནི་ཨ་ཤེར་གྱི་བུ་རྒྱུད་རྣམས་ཀྱི་འགོ་དཔོན་ཨོག་རན་གྱི་བུ་ཕཱ་གེ་ཨེལ་ཡིན་པ་དང་།  
\v 73 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 74 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 75 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 76 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 77 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨོག་རན་གྱི་བུ་ཕཱ་གེ་ཨེལ་གྱི་མཆོད་པ་ཡིན་ནོ། །   
\p
\v 78 ཉིན་བཅུ་གཉིས་པར་མཆོད་པ་འབུལ་མཁན་ནི་ནཱབ་ཐ་ལིའི་བུ་རྒྱུད་རྣམས་ཀྱི་འགོ་དཔོན་ཨེ་ནན་གྱི་བུ་ཨ་ཧི་རཱ་ཡིན་པ་དང་།  
\v 79 དེའི་མཆོད་པ་ནི་དངུལ་གྱི་སྡེར་མ་གཅིག་སྟེ་དངུལ་སྲང་བརྒྱ་དང་སུམ་ཅུ་ཡིན་པ་དང་། དངུལ་གྱི་ཕོར་བ་གཅིག་སྟེ་དངུལ་སྲང་བདུན་ཅུ་ཡིན་ལ། ཐམས་ཅད་གནས་མཆོག་གི་སྲང་ལྟར་ཡིན། སྣོད་དེ་གཉིས་ཀ་ཕྱེ་བཟང་པོ་སྣུམ་བསྲེས་མས་གང་བར་བྱས་ནས་འབྲུ་རིགས་ཀྱི་མཆོད་པར་ཕུལ་བའོ། །  
\v 80 སྲང་བཅུ་ལས་བརྡུངས་པའི་གསེར་གྱི་སྡེར་མ་གཅིག་དང་དེའི་ནང་དུ་བདུག་སྤོས་གང་བླུགས་ཡོད།  
\v 81 སྦྱིན་སྲེག་གི་ཕྱིར་དུ་གླང་ཐུག་གཅིག་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་ཞིག་དང་།  
\v 82 སྡིག་བཤགས་མཆོད་པ་རུ་ར་ཕོ་གཅིག་བཅས་ཡོད།  
\v 83 ཞི་བདེའི་མཆོད་པའི་ཕྱིར་དུ་གླང་གོག་གཉིས་དང་། ལུག་ཐུག་ལྔ་དང་། ར་ཕོ་ལྔ་དང་། ལོ་གཅིག་ཅན་གྱི་ལུ་གུ་ཕོ་ལྔ་བཅས་ཡོད་ལ། དེ་ནི་ཨེ་ནན་གྱི་བུ་ཨ་ཧི་རཱའི་མཆོད་པ་ཡིན་ནོ། །   
\p
\v 84 དེ་རྣམས་ནི་མཆོད་ཁྲིར་འབྱུག་སྣུམ་གྱིས་བྱུག་པའི་ཉིན་མོར། ཡེས་ར་ཨེལ་གྱི་འགོ་དཔོན་རྣམས་ཀྱིས་མཆོད་ཁྲིར་བསྔོས་པའི་མཆོད་པ་སྟེ། བསྡོམས་པས་དངུལ་གྱི་སྡེར་མ་བཅུ་གཉིས་དང་དངུལ་གྱི་ཕོར་བ་བཅུ་གཉིས། གསེར་གྱི་སྡེར་མ་བཅུ་གཉིས་བཅས་སོ། །  
\v 85 སྡེར་མ་རེའི་སྲང་ནི་བརྒྱ་དང་སུམ་ཅུ་ཡིན་པ་དང་། ཕོར་བ་རེའི་སྲང་ནི་བདུན་ཅུ་ཡིན་ལ། སྣོད་ཆས་རྣམས་ཀྱི་དངུལ་ཐམས་ཅད་གནས་མཆོག་གི་སྲང་བཞིན་དུ་བསྡོམས་པས་དངུལ་སྲང་ཉིས་སྟོང་བཞི་བརྒྱའོ། །  
\v 86 བདུག་སྤོས་ཀྱིས་གང་བའི་གསེར་གྱི་སྡེར་མ་བཅུ་གཉིས་ཏེ། སྡེར་མ་རེའི་སྲང་ནི་གནས་མཆོག་གི་སྲང་བཞིན་དུ་དངུལ་སྲང་བཅུ་ཡིན། སྡེར་མ་རྣམས་ཀྱི་གསེར་ཐམས་ཅད་བསྡོམས་པས་སྲང་བརྒྱ་དང་ཉི་ཤུའོ། །  
\v 87 སྦྱིན་སྲེག་གི་ཕྱིར་དུ་ཕུལ་བའི་ཕྱུགས་ནི་བསྡོམས་པས་གླང་ཐུག་བཅུ་གཉིས་དང་། ལུག་ཐུག་བཅུ་གཉིས། ལོ་གཅིག་ཅན་གྱི་ལུ་གུ་ཕོ་བཅུ་གཉིས་དང་དེ་དག་དང་མཉམ་དུ་ཕུལ་བའི་འབྲུ་རིགས་ཀྱི་མཆོད་པ། སྡིག་བཤགས་མཆོད་པ་རུ་ཕུལ་བའི་ར་ཕོ་བཅུ་གཉིས་བཅས་སོ། །  
\v 88 ཞི་བདེའི་མཆོད་པར་ཕུལ་བའི་ཕྱུགས་ནི་བསྡོམས་པས་གླང་ཐུག་ཉི་ཤུ་ཉེར་བཞི་དང་། ལུག་ཐུག་དྲུག་ཅུ། ར་ཕོ་དྲུག་ཅུ། ལོ་གཅིག་ཅན་གྱི་ལུ་གུ་ཕོ་དྲུག་ཅུ་བཅས་ཡིན་ལ། དེ་དག་ནི་མཆོད་ཁྲིར་འབྱུག་སྣུམ་གྱིས་བྱུགས་རྗེས་མཆོད་ཁྲིར་བསྔོས་པའི་མཆོད་པ་ཡིན་ནོ། །   
\p
\v 89 མོ་ཤེ་དཀོན་མཆོག་ཡ་ཝཱེ་དང་གསུང་གླེང་མཛད་པར་མཇལ་འཕྲད་གུར་མཆོག་ནང་དུ་སོང་བའི་ཚེ། དཔང་མཛད་ཤུར་སྒམ་གྱི་སྟེང་དུ་ཡོད་པའི་ཐུགས་རྗེའི་བཞུགས་ཁྲི་དང་། ཀེ་རུབ་གཉིས་ཀའི་བར་ནས་རང་ལ་གསུང་གླེང་མཛད་པའི་སྒྲ་ཞིག་ཐོས་ཤིང་། དཀོན་མཆོག་ཡ་ཝཱེས་མོ་ཤེ་ལ་བཀའ་བསྩལ་ཏོ། །   
\c 8
\cl ལེའུ་བརྒྱད་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 སྒྲོན་མེ་བདུན།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ཨ་རོན་ལ་འདི་ལྟར། ཁྱོད་ཀྱིས་སྒྲོན་མེ་ཤོམ་དུས་སུ། སྒྲོན་མེ་བདུན་པོའི་འོད་ནི་སྒྲོན་སྟེགས་ཀྱི་མདུན་ཕྱོགས་སུ་སྣང་བར་བྱེད་དགོས་སྨྲོས་ཤིག་ཅེས་གསུངས་སོ། །  
\v 3 ཨ་རོན་གྱིས་དེ་བཞིན་བྱས་ཏེ། སྒྲོན་མེ་རྣམས་སྒྲོན་སྟེགས་ཀྱི་མདུན་དུ་བཤམས་ཤིང་། དེ་ནི་དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་བཞིན་ཡིན་ནོ། །  
\v 4 སྒྲོན་སྟེགས་ཀྱི་བཟོ་ཚུལ་ནི་གསེར་བཙོ་མས་རྡུང་བཟོ་བྱས་པ་ཡིན་ཏེ། དེའི་ཞབས་ར་ནས་མེ་ཏོག་གི་བར་དུ་རྡུང་བཟོ་བྱས་ཡོད། དེ་ནི་མོ་ཤེ་ཡིས་དཀོན་མཆོག་ཡ་ཝཱེས་ཁོ་ལ་བསྟན་པའི་མ་དཔེ་བཞིན་དུ་སྒྲོན་སྟེགས་བཟོས་པ་ཡིན་ནོ། །   
\s1 ལེ་ཝི་པ་རྣམས་ཀྱི་གཙང་སྦྲ་དང་ཞབས་ཕྱིའི་སྒྲིག་སྲོལ།  
\p
\v 5 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 6 ཁྱོད་ཀྱིས་ཡེས་ར་ཨེལ་པ་རྣམས་ལས་ལེ་ཝི་པ་རྣམས་བདམས་ཏེ་གཙང་མར་བྱོས་ཤིག  
\v 7 དེ་དག་འདི་ལྟར་གཙང་མར་བྱེད་དགོས་ཏེ། སྡིག་པ་སེལ་བའི་ཆུ་ནི་ཁོ་ཚོའི་སྟེང་དུ་གཏོར་ཅིག ཡང་དེ་དག་ལ་སྤུ་གྲིས་རང་གི་ལུས་ཧྲིལ་པོའི་སྤུ་གཞར་དུ་འཇུག་པ་དང་། རང་གི་གོས་རྣམས་བཀྲུས་ནས་རང་ཉིད་གཙང་མར་བྱེད་དགོས།  
\v 8 དེ་ནས་ཁོ་རྣམས་ལ་གླང་ཐུག་ཅིག་དང་དེ་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་སྟེ་ཕྱེ་བཟང་པོ་སྣུམ་བསྲེས་མ་ལེན་དུ་འཇུག་པ་དང་། ཁྱོད་ཀྱིས་ཀྱང་སྡིག་བཤགས་མཆོད་པ་རུ་གླང་ཐུག་ཅིག་ལེན་དགོས་སོ། །  
\v 9 ཁྱོད་ཀྱིས་ལེ་ཝི་པ་རྣམས་མཇལ་འཕྲད་གུར་མཆོག་གི་མདུན་དུ་ཚུར་ཁྲིད་ནས། ཡེས་ར་ཨེལ་པ་རྣམས་ཀྱི་མི་ཚོགས་ཐམས་ཅད་བསྡུ་དགོས།  
\v 10 ཁྱོད་ཀྱིས་ལེ་ཝི་པ་རྣམས་དཀོན་མཆོག་ཡ་ཝཱེའི་སྤྱན་སྔར་ཁྲིད་འོངས་ནས། ཡེས་ར་ཨེལ་པ་རྣམས་ཀྱིས་ཁོ་ཚོའི་སྟེང་ལ་ལག་པ་འཇོག་དགོས།  
\v 11 དེ་ནས་ཨ་རོན་གྱིས་ཡེས་ར་ཨེལ་པ་རྣམས་ལས་ལེ་ཝི་པ་རྣམས་དཀོན་མཆོག་ཡ་ཝཱེའི་སྤྱན་སྔར་གཡོབ་མཆོད་དུ་འབུལ་དགོས་ཏེ། དེ་དག་ལ་དཀོན་མཆོག་ཡ་ཝཱེའི་ལས་དོན་བསྒྲུབ་ཏུ་འཇུག་དགོས།  
\v 12 ལེ་ཝི་པ་རྣམས་ཀྱིས་གླང་ཐུག་དེ་གཉིས་ཀྱི་མགོ་ལ་ལག་པ་བཞག་སྟེ། གླང་ཐུག་གཅིག་ནི་སྡིག་བཤགས་མཆོད་པ་དང་། གླང་ཐུག་ཅིག་ཤོས་ནི་སྦྱིན་སྲེག་ཏུ་དཀོན་མཆོག་ཡ་ཝཱེ་ལ་ཕུལ་ནས་ལེ་ཝི་པ་རྣམས་ཀྱི་སྡིག་པ་བཤག་དགོས།  
\v 13 ཡང་ཁྱོད་ཀྱིས་ལེ་ཝི་པ་རྣམས་ཨ་རོན་དང་དེའི་བུ་རྣམས་ཀྱི་མདུན་དུ་ལངས་སུ་བཅུག་ནས། དེ་རྣམས་དཀོན་མཆོག་ཡ་ཝཱེ་ལ་གཡོབ་མཆོད་དུ་འབུལ་བར་བྱའོ། །   
\p
\v 14 དེ་བཞིན་ཁྱོད་ཀྱིས་ལེ་ཝི་པ་རྣམས་ནི་ཡེས་ར་ཨེལ་པ་རྣམས་ལས་ལོགས་སུ་བཀར་ནས། དེ་དག་ང་རང་ལ་དབང་དགོས།  
\v 15 དེ་ནས་ལེ་ཝི་པ་རྣམས་མཇལ་འཕྲད་གུར་མཆོག་གི་ཞབས་ཕྱི་བསྒྲུབ་པར་འགྲོ་ཆོག་པ་དང་། ཁྱོད་ཀྱིས་དེ་དག་གཙང་མར་བྱས་ནས་གཡོབ་མཆོད་དུ་འབུལ་དགོས་ཏེ།  
\v 16 ལེ་ཝི་པ་རྣམས་ནི་ཡེས་ར་ཨེལ་པ་རྣམས་ལས་ཡོངས་སུ་བདག་ལ་ཕུལ་བ་ཡིན་ཞིང་། ངས་དེ་དག་རང་གི་ཕྱིར་དུ་བདམས་པ་དང་། ཡེས་ར་ཨེལ་པ་རྣམས་ཀྱི་སྐྱེས་འགོ་ཀུན་གྱི་ཚབ་ཡིན་ལ།  
\v 17 ཡེས་ར་ཨེལ་པའི་ཁྲོད་ཀྱི་མི་ཕྱུགས་གང་ཡིན་ཡང་སྐྱེས་འགོ་ཐམས་ཅད་བདག་ལ་དབང་བ་སྟེ། བདག་གིས་ཨེ་ཅིབ་ཡུལ་ནས་སྐྱེས་འགོ་ཐམས་ཅད་བསད་པའི་ཉིན་དེར། དེ་དག་རང་གི་ཕྱིར་དུ་དམ་པར་བྱས་ཡོད་པས་སོ། །  
\v 18 བདག་གིས་ཡེས་ར་ཨེལ་པའི་ཁྲོད་ཀྱི་སྐྱེས་འགོ་ཐམས་ཅད་ཀྱི་ཚབ་ཏུ་ལེ་ཝི་པ་རྣམས་བདམས་པ་དང་།  
\v 19 ཡེས་ར་ཨེལ་པ་རྣམས་ལས་ལེ་ཝི་པ་རྣམས་ཨ་རོན་དང་དེའི་བུ་རྣམས་ལ་སྐྱེས་སུ་ཕུལ་བ་ཡིན། དེ་ནི་ཡེས་ར་ཨེལ་པ་རྣམས་གནས་མཆོག་གི་ཉེ་སར་བཅར་བའི་དུས་སུ་དེ་རྣམས་ལ་ནད་ཡམས་མི་འབྱུང་བའི་ཆེད་དུ། དེ་དག་གིས་མཇལ་འཕྲད་གུར་མཆོག་ནས་ཡེས་ར་ཨེལ་པ་རྣམས་ཀྱི་ཞབས་ཕྱི་བསྒྲུབ་ཅིང་། ཡེས་ར་ཨེལ་པ་རྣམས་ཀྱི་ཕྱིར་དུ་སྡིག་བཤགས་བྱེད་པའི་ཕྱིར་ཡིན་ཞེས་གསུངས་སོ། །   
\p
\v 20 དེ་ནས་མོ་ཤེ་དང་ཨ་རོན་དང་། ཡེས་ར་ཨེལ་པ་རྣམས་ཀྱི་མི་ཚོགས་ཡོངས་ཀྱིས་ལེ་ཝི་པ་རྣམས་ལ་དེ་ལྟར་བྱས། དཀོན་མཆོག་ཡ་ཝཱེས་ལེ་ཝི་པ་རྣམས་ལ་དམིགས་ནས་མོ་ཤེ་ལ་བཀའ་ཅི་ལྟར་གནང་བ་ཡིན་ན། ཡེས་ར་ཨེལ་པ་རྣམས་ཀྱིས་དེ་བཞིན་བསྒྲུབས་པའོ། །  
\v 21 ལེ་ཝི་པ་རྣམས་ཀྱིས་རང་རང་གཙང་མར་བྱས་ཤིང་གྱོན་གོས་རྣམས་ཀྱང་བཀྲུས། ཨ་རོན་གྱིས་དེ་རྣམས་དཀོན་མཆོག་ཡ་ཝཱེའི་སྤྱན་སྔར་གཡོབ་མཆོད་དུ་ཕུལ་བ་དང་། དེ་དག་གཙང་མར་བཟོ་བའི་ཆེད་དུ་སྡིག་བཤགས་བྱས་སོ། །  
\v 22 དེའི་རྗེས་སུ་ལེ་ཝི་པ་རྣམས་ནང་དུ་སོང་སྟེ་ཨ་རོན་དང་དེའི་བུ་རྣམས་ཀྱི་མདུན་དང་། མཇལ་འཕྲད་གུར་མཆོག་ཏུ་ཞབས་ཕྱི་བསྒྲུབས་ཤིང་། དཀོན་མཆོག་ཡ་ཝཱེས་མོ་ཤེ་བརྒྱུད་ནས་ལེ་ཝི་པ་རྣམས་ལ་བཀའ་ཅི་ལྟར་གནང་བ་ཡིན་ན། ཡེས་ར་ཨེལ་པ་རྣམས་ཀྱིས་དེ་དག་ལ་དེ་བཞིན་བྱས་སོ། །   
\p
\v 23 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 24 ལེ་ཝི་པ་རྣམས་ཀྱི་སྐོར་ནི་འདི་ལྟ་སྟེ། ལོ་ཉེར་ལྔ་དང་དེའི་ཡན་གྱི་མི་སུ་ཡིན་ཡང་ནང་དུ་ཡོང་ནས་མཇལ་འཕྲད་གུར་མཆོག་གི་ཞབས་ཕྱི་བསྒྲུབ་པའི་ལས་གྲལ་དུ་ཞུགས་དགོས།  
\v 25 འོན་ཀྱང་། ལོ་ལྔ་བཅུར་སོན་པ་རྣམས་ཀྱིས་ཞབས་ཕྱི་སྒྲུབ་མཚམས་བཞག་ནས་ཞབས་ཕྱི་བསྒྲུབ་མི་དགོས།  
\v 26 དེ་ཚོས་མཇལ་འཕྲད་གུར་མཆོག་ནང་དུ་རང་གི་སྤུན་ཟླ་རྣམས་ཀྱིས་རང་འགན་གཙང་སྒྲུབ་བྱེད་པར་མཐུན་རྐྱེན་སྦྱོར་བ་ལས་ཞབས་ཕྱི་བསྒྲུབ་མི་དགོས། ལེ་ཝི་པ་རྣམས་ཀྱི་ལས་འགན་ཐད་ཁྱོད་ཀྱིས་ཁོ་རྣམས་ལ་དེ་བཞིན་བྱེད་འོས་སོ་ཞེས་བཀའ་གནང་ངོ་། །   
\c 9
\cl ལེའུ་དགུ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 པེ་སག་གི་དུས་ཆེན།  
\p
\v 1 དེ་ཡང་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་ཏེ་ལོ་གཉིས་པའི་ཟླ་དང་པོ་ལ། དཀོན་མཆོག་ཡ་ཝཱེས་སི་ནཱ་དབེན་སྟོང་དུ་མོ་ཤེ་ལ་འདི་སྐད་དུ།  
\v 2 ཡེས་ར་ཨེལ་པ་རྣམས་ཀྱིས་གཏན་ལ་ཁེལ་བའི་དུས་སུ་པེ་སག་དུས་ཆེན་བསྲུང་དགོས་ཏེ།  
\v 3 ཟླ་བ་འདིའི་ཚེས་བཅུ་བཞི་པའི་ཉིན་ས་སྲོས་ཀྱི་དུས་སུ། ཁྱོད་ཅག་གིས་གཏན་ལ་ཁེལ་བའི་དུས་སུ་དུས་ཆེན་དེ་བསྲུང་དགོས་ཤིང་། དུས་ཆེན་དེའི་སྒྲིག་ཁྲིམས་དང་སྲོལ་ཡིག་ཐམས་ཅད་བཞིན་ནོ་ཞེས་བཀའ་གནང་ངོ་། །  
\v 4 དེའི་ཕྱིར་མོ་ཤེ་ཡིས་ཡེས་ར་ཨེལ་པ་རྣམས་ལ་པེ་སག་གི་དུས་ཆེན་བསྲུང་བར་བསྒོས་ཤིང་།  
\v 5 དེ་དག་གིས་ཟླ་དང་པོའི་ཚེས་བཅུ་བཞིའི་ཉིན་ས་སྲོས་ཀྱི་དུས་སུ། སི་ནཱ་དབེན་སྟོང་དུ་པེ་སག་གི་དུས་ཆེན་བསྲུངས་ཤིང་། དཀོན་མཆོག་ཡ་ཝཱེས་མོ་ཤེ་ལ་ཅི་ལྟར་བཀའ་བསྩལ་པ་བཞིན། ཡེས་ར་ཨེལ་པ་རྣམས་ཀྱིས་དེ་ལྟར་བྱས་སོ། །   
\p
\v 6 ཡིན་ནའང་མི་འགའ་ཞིག་གིས་འདས་པོར་རེག་པའི་རྐྱེན་གྱིས་མི་གཙང་བར་གྱུར་ནས། ཉིན་དེར་པེ་སག་གི་དུས་ཆེན་བསྲུང་མ་ནུས་པས། ཁོ་རྣམས་ཉིན་མོ་དེར་མོ་ཤེ་དང་ཨ་རོན་གཉིས་ཀྱི་དྲུང་དུ་ཡོང་བ་དང་།  
\v 7 དེ་དག་གིས་མོ་ཤེ་ལ། འདས་པོར་རེག་པའི་རྐྱེན་གྱིས་ངེད་ཅག་མི་གཙང་བར་གྱུར་ནའང་། ཡེས་ར་ཨེལ་པ་རྣམས་དང་མཉམ་དུ་གཏན་ལ་ཁེལ་བའི་དུས་སུ་དཀོན་མཆོག་ཡ་ཝཱེ་ལ་མཆོད་པ་འབུལ་བར་བཀག་པ་ཅི་ཞེས་ཞུས་པ་ན།  
\v 8 མོ་ཤེ་ཡིས་དེ་དག་ལ་འདི་ལྟར། ཁྱོད་ཅག་གིས་སྒུགས་དང་། ང་རང་སོང་ནས་དཀོན་མཆོག་ཡ་ཝཱེས་ཁྱོད་ཀྱི་སྐོར་ལ་བཀའ་ཅི་ཞིག་གནང་བར་བལྟའོ་ཞེས་སྨྲས་སོ། །   
\p
\v 9 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 10 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྨྲོས་ཤིག ཁྱོད་ཅག་དང་ཁྱོད་ཅག་གི་བུ་རབས་ཚ་རྒྱུད་ཁྲོད་དུ། སུ་ཞིག་འདས་པོར་རེག་ནས་མི་གཙང་བར་གྱུར་པའམ། ཡང་ན་རྒྱང་རིང་དུ་གནས་སྐོར་ལ་བསྐྱོད་ཀྱང་། དེས་དཀོན་མཆོག་ཡ་ཝཱེ་ལ་པེ་སག་གི་དུས་ཆེན་བསྲུང་དགོས་ན།  
\v 11 དེ་དག་གིས་ཟླ་བ་གཉིས་པའི་ཚེས་བཅུ་བཞིའི་ཉིན་ས་སྲོས་ཀྱི་དུས་སུ་པེ་སག་གི་དུས་ཆེན་བསྲུང་དགོས་ལ། དུས་མཉམ་དུ་སྐྱུར་མེད་བག་ལེབ་དང་སྔོ་ཚོད་ཁ་མོ་བཟའ་དགོས།  
\v 12 ཞོགས་པའི་བར་དུ་དེ་ལས་ཅི་ཡང་ལུས་སུ་འཇུག་མི་རུང་། ལུ་གུའི་རུས་པ་རྐང་གཅིག་ཀྱང་གཅོག་མི་རུང་ལ། དེ་དག་གིས་པེ་སག་དུས་ཆེན་གྱི་སྒྲིག་ཁྲིམས་ཐམས་ཅད་བཞིན་དུ་དུས་ཆེན་བསྲུང་དགོས།  
\v 13 འོན་ཀྱང་མི་སུ་ཞིག་གཙང་མ་ཡིན་ཞིང་། གནས་སྐོར་གྱི་ལམ་དུ་ཡང་མེད་ཀྱང་པེ་སག་གི་དུས་ཆེན་བསྲུང་བ་སྣང་མེད་དུ་བསྐྱུར་ན། མི་དེས་གཏན་ལ་ཁེལ་བའི་དུས་སུ་དཀོན་མཆོག་ཡ་ཝཱེའི་མཆོད་པ་མ་ཕུལ་བས། མི་དེས་རང་གི་སྡིག་པ་འཁུར་དགོས་ཤིང་རང་གི་མི་ཚོགས་ལས་འཕུད་དགོས།  
\v 14 གལ་སྲིད་ཕྱི་མི་ཞིག་ཁྱོད་ཅག་གི་ཁྲོད་དུ་གནས་པ་དང་། དཀོན་མཆོག་ཡ་ཝཱེ་ལ་པེ་སག་གི་དུས་ཆེན་བསྲུང་འདོད་ན། དེས་པེ་སག་གི་སྒྲིག་ཁྲིམས་དང་སྲོལ་ཡིག་བཞིན་དུ་བསྲུང་དགོས་པ་སྟེ། བྱེས་པ་དང་གཞིས་སྐྱེས་གང་ཡིན་ཡང་སྒྲིག་ཁྲིམས་ནི་གཅིག་མཚུངས་ཡིན་དགོས་ཞེས་སྨྲ་བར་བཀའ་བསྩལ་ཏོ། །   
\s1 དཀོན་མཆོག་གི་སྤྲིན་གྱིས་གུར་མཆོག་བསྐོར་བ།  
\p
\v 15 གུར་མཆོག་སྒྲེང་བའི་ཉིན་མོ་དེར། སྤྲིན་གྱིས་གུར་མཆོག་སྟེ་དཔང་པོའི་གུར་མཆོག་གཡོགས་པ་དང་། མཚན་མོ་ནས་ཞོགས་པའི་བར་དུ་གུར་མཆོག་སྟེང་གི་སྤྲིན་ནི་མེའི་དབྱིབས་དང་མཚུངས་སོ། །  
\v 16 དུས་རྟག་ཏུ་དེ་བཞིན་བྱུང་སྟེ། ཉིན་མོར་གུར་མཆོག་སྤྲིན་གྱིས་གཡོགས་ཤིང་། མཚན་མོར་སྤྲིན་ནི་མེའི་དབྱིབས་དང་མཚུངས་པ་ཡིན།  
\v 17 ནམ་ཞིག་སྤྲིན་དེ་གུར་མཆོག་ནས་བཏེགས་པའི་ཚེ། ཡེས་ར་ཨེལ་པ་རྣམས་ལམ་དུ་ཆས་ཤིང་། སྤྲིན་གང་དུ་བཞུགས་པ་ཡིན་ན་ཡེས་ར་ཨེལ་པ་རྣམས་ཀྱིས་གནས་དེར་སྒར་བཏབ་པའོ། །  
\v 18 ཡེས་ར་ཨེལ་པ་རྣམས་དཀོན་མཆོག་ཡ་ཝཱེའི་བཀའ་བཞིན་ལམ་དུ་ཆས་པ་དང་། ཡང་དཀོན་མཆོག་ཡ་ཝཱེའི་བཀའ་བཞིན་སྒར་བཏབ། སྤྲིན་གུར་མཆོག་གི་སྟེང་དུ་དུས་ཡུན་ཅི་ཙམ་ལ་བཞུགས་པ་ཡིན་ན། ཁོ་རྣམས་ཀྱིས་ཀྱང་དེ་ཙམ་ལ་སྒར་བཏབ་ནས་བསྡད་དོ། །  
\v 19 གལ་སྲིད་སྤྲིན་གུར་མཆོག་གི་སྟེང་དུ་ཉིན་མང་པོར་བཞུགས་པའི་ཚེ། ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེའི་བཀའ་བརྩིས་ནས་ལམ་དུ་མི་ཆས་པ་ཡིན་ནོ། །  
\v 20 སྐབས་འགར་སྤྲིན་ཉིན་ཁ་ཤས་ཙམ་ལ་གུར་མཆོག་གི་སྟེང་དུ་བཞུགས་པ་དང་། དེ་དག་གིས་དཀོན་མཆོག་ཡ་ཝཱེའི་བཀའ་བཞིན་སྒར་བཏབ་ཅིང་། ཡང་དཀོན་མཆོག་ཡ་ཝཱེའི་བཀའ་བཞིན་ལམ་དུ་ཆས་པའོ། །  
\v 21 སྐབས་འགར་སྤྲིན་མཚན་མོ་ནས་ཞོགས་པའི་བར་དུ་གནས་པ་དང་། ཞོགས་པར་སྤྲིན་བཏེགས་པ་ཙམ་དུ་ཁོ་རྣམས་ལམ་དུ་ཆས་ཤིང་། སྐབས་འགར་སྤྲིན་ཉིན་མོ་ནས་མཚན་མོའི་བར་དུ་གནས་པ་དང་། སྤྲིན་ཡར་བཏེགས་པའི་ཚེ་དེ་དག་ལམ་དུ་ཆས་པའོ། །  
\v 22 དེ་ནི་ཉིན་གཉིས་སམ་ཟླ་བ་གཅིག་གམ་ཡང་ན་ལོ་གཅིག་གི་རིང་། སྤྲིན་གུར་མཆོག་གི་སྟེང་དུ་བཞུགས་པའི་ཚེ། ཡེས་ར་ཨེལ་པ་རྣམས་ཀྱིས་སྒར་བཏབ་ནས་བསྡད་ཅིང་ལམ་དུ་མ་ཆས་པ་དང་། སྤྲིན་ཡར་བཏེགས་པའི་ཚེ་ཁོ་རྣམས་ལམ་དུ་ཆས་སོ། །  
\v 23 དེ་རྣམས་ཀྱིས་དཀོན་མཆོག་ཡ་ཝཱེའི་བཀའ་བཞིན་སྒར་བཏབ་པ་དང་། ཡང་དཀོན་མཆོག་ཡ་ཝཱེའི་བཀའ་བཞིན་ལམ་དུ་ཆས་ཤིང་། དེ་དག་གིས་དཀོན་མཆོག་ཡ་ཝཱེའི་བཀའ་སྟེ་ཁོང་གིས་མོ་ཤེ་བརྒྱུད་ནས་གསུངས་པའི་བཀའ་བརྩིས་པའོ། །   
\c 10
\cl ལེའུ་བཅུ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 དུང་འབུད་པའི་སྒྲིག་སྲོལ།  
\p
\v 1 དེ་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་དངུལ་གྱི་དུང་གཉིས་ཐོ་བས་བརྡུངས་ནས་བཟོ་དགོས་པ་དང་། དེ་ནི་མི་ཚོགས་ལ་འབོད་བརྡ་གཏོང་བ་དང་སྒར་ཕབ་ནས་ལམ་ལ་ཆས་སུ་འཇུག་པར་སྤྱད་ཆོག  
\v 3 དུང་དེ་གཉིས་ཀ་བུས་ཚེ། མི་ཚོགས་ཡོངས་རྫོགས་ཁྱོད་ཀྱི་གམ་དུ་མཇལ་འཕྲད་གུར་མཆོག་གི་སྒོ་ཁ་རུ་འཛོམ་དགོས།  
\v 4 གལ་སྲིད་དུང་གཅིག་ཁོ་ན་བུས་ཚེ། འགོ་དཔོན་རྣམས་ཏེ་ཡེས་ར་ཨེལ་གྱི་སྟོང་དཔོན་ཐམས་ཅད་ཁྱོད་ཀྱི་དྲུང་དུ་འཛོམ་དགོས།  
\v 5 ཁྱོད་ཅག་གིས་དུང་སྐད་ཆེན་པོར་བུས་ཚེ། ཤར་ཕྱོགས་སུ་ཡོད་པའི་སྒར་ཐམས་ཅད་ལམ་དུ་ཆས་དགོས།  
\v 6 ཁྱོད་ཅག་གིས་དུང་སྐད་ཆེན་པོ་ལན་གཉིས་པར་བུས་པ་ན། ལྷོ་ཕྱོགས་སུ་ཡོད་པའི་སྒར་ཐམས་ཅད་ལམ་དུ་ཆས་དགོས། སྒར་རྣམས་ལམ་ལ་ཆས་པར་དུང་སྐད་ཆེན་པོར་འབུད་དགོས།  
\v 7 འོན་ཀྱང་མི་ཚོགས་བསྡུ་བའི་དུས་སུ་ཁྱོད་ཅག་གིས་དུང་འབུད་དགོས་ཀྱང་དེ་སྐད་ཆེན་པོར་འབུད་མི་དགོས།  
\v 8 ཨ་རོན་གྱི་བུ་རྒྱུད་དེ་མཆོད་དཔོན་རྣམས་ཀྱིས་དུང་འབུད་དགོས་པ་དང་། དེ་ནི་ཁྱོད་རྣམས་མི་རབས་ནས་མི་རབས་བར་གྱི་དུས་གཏན་གྱི་སྒྲིག་ཁྲིམས་ཡིན་ནོ། །  
\v 9 ཁྱོད་ཅག་གིས་ཡུལ་དེར་ཁྱོད་རྣམས་ལ་གཉའ་གནོན་བྱེད་པའི་དགྲ་དང་འཐབ་པའི་སྐབས་སུ། དུང་སྐད་ཆེན་པོར་བུས་དང་། ཁྱོད་རྣམས་ནི་ཁྱོད་ཅག་གི་དཀོན་མཆོག་ཡ་ཝཱེའི་སྤྱན་སྔར་ཐུགས་སུ་དྲན་པ་དང་། ཁྱོད་རྣམས་ཀྱི་དགྲ་དག་ལས་ཀྱང་ཐར་བར་མཛད་པར་འགྱུར།  
\v 10 དེ་མིན་ཁྱོད་རྣམས་སྐྱིད་པའི་ཉིན་མོ་དང་གཏན་ལ་ཁེལ་བའི་དུས་ཆེན་རྣམས་དང་། གནམ་གང་བཅས་ཀྱི་དུས་སུ། ཁྱོད་ཅག་གིས་སྦྱིན་སྲེག་དང་ཞི་བདེའི་མཆོད་པ་རྣམས་འབུལ་དུས་སུ་དུང་འབུད་དགོས། དེ་ཐམས་ཅད་ཁྱོད་རྣམས་ཀྱི་དཀོན་མཆོག་གི་སྤྱན་སྔར་ཁྱོད་ཅག་ལ་དྲན་རྟེན་དུ་འགྱུར་ཞིང་། བདག་ནི་ཁྱོད་ཅག་གི་དཀོན་མཆོག་ཡ་ཝཱེ་ཡིན་ཞེས་གསུངས་སོ། །   
\s1 ཡེས་ར་ཨེལ་པ་རྣམས་རི་བོ་སི་ནཱ་ནས་ཐོན་པ།  
\p
\v 11 ལོ་གཉིས་པའི་ཟླ་གཉིས་པའི་ཚེས་ཉི་ཤུ་ཉིན་ལ། སྤྲིན་དཔང་པོའི་གུར་མཆོག་གི་སྟེང་ནས་ཡར་བཏེགས་པའི་དུས་སུ།  
\v 12 ཡེས་ར་ཨེལ་པ་རྣམས་སི་ནཱ་དབེན་སྟོང་ནས་ལམ་དུ་ཆས་པ་ན། སྤྲིན་ཕཱ་རན་དབེན་སྟོང་དུ་བཞུགས་སོ། །  
\v 13 དེ་ནི་དཀོན་མཆོག་ཡ་ཝཱེས་མོ་ཤེ་བརྒྱུད་ནས་གནང་བའི་བཀའ་བཞིན་དུ་ཁོ་རྣམས་དང་པོར་ལམ་དུ་ཆས་པ་ཡིན།  
\v 14 ཡ་ཧུ་དཱ་པ་རྣམས་ཀྱི་སྒར་ཁའི་དར་ཆེན་ནི་རང་གི་དམག་དཔུང་བཞིན་ཐོག་མར་ལམ་དུ་ཆས་པ་དང་། དམག་དཔུང་དེའི་འགོ་གཙོ་ནི་ཨ་མི་ནཱ་དབ་ཀྱི་བུ་ནཱ་སོན་ཡིན་པ་དང་།  
\v 15 ཡེས་སི་ཀཱར་ཚོ་པའི་དམག་དཔུང་གི་འགོ་གཙོ་ནི་ཙུ་ཨར་གྱི་བུ་ནེ་ཐན་ཨེལ་ཡིན་ལ།  
\v 16 ཟེ་བུ་ལུན་ཚོ་པའི་དམག་དཔུང་གི་འགོ་གཙོ་ནི་ཧེ་ལོན་གྱི་བུ་ཨེ་ལི་ཨབ་ཡིན་ནོ། །  
\v 17 གུར་མཆོག་མར་ཕབ་རྗེས། གེར་ཤོན་གྱི་བུ་རྒྱུད་དང་མཱ་རཱ་རེའེ་ཡི་བུ་རྒྱུད་རྣམས་ཀྱིས་གུར་མཆོག་ཁུར་ནས་ལམ་དུ་ཆས་པའོ། །   
\p
\v 18 རུ་བེན་གྱི་སྒར་ཁའི་དར་ཆེན་ནི་རང་གི་དམག་དཔུང་བཞིན་ལམ་དུ་ཆས་པ་དང་། དེའི་དམག་དཔུང་གི་འགོ་གཙོ་ནི་ཤེ་དེ་ཨུར་གྱི་བུ་ཨེ་ལི་ཚུར་ཡིན་པ་དང་།  
\v 19 སི་མུ་ཨོན་ཚོ་པའི་འགོ་གཙོ་ནི་ཙུ་རེ་ཤད་དཱ་ཨིའི་བུ་ཤེ་ལུ་མེ་ཨེལ་ཡིན་ལ།  
\v 20 གཱ་རྡུ་ཚོ་པའི་དམག་དཔུང་གི་འགོ་གཙོ་ནི་དི་ཨོ་ཨེལ་གྱི་བུ་ཨེལ་ཡཱ་སབ་ཡིན་ནོ། །  
\v 21 དེ་ནས་ཀོ་ཧད་པ་རྣམས་ཀྱིས་རྫས་དམ་པ་རྣམས་ཁུར་ནས་ལམ་དུ་ཆས་ཤིང་། དེ་དག་མ་འབྱོར་བའི་སྔོན་དུ་སྔར་ཆས་པ་རྣམས་ཀྱིས་གུར་མཆོག་ཕུབ་ཟིན་པའོ། །   
\p
\v 22 ཨེ་ཕཱར་ཡིམ་པ་རྣམས་ཀྱི་སྒར་ཁའི་དར་ཆེན་ནི་རང་གི་དམག་དཔུང་བཞིན་ལམ་དུ་ཆས་པ་དང་། དེའི་དམག་དཔུང་གི་འགོ་གཙོ་ནི་ཨམ་མེ་ཧུད་ཀྱི་བུ་ཨེ་ལི་ཤ་མཱ་ཡིན་པ་དང་།  
\v 23 མཱ་ན་ཤེ་ཚོ་པའི་དམག་དཔུང་གི་འགོ་གཙོ་ནི་ཕེ་དཱ་ཚུར་གྱི་བུ་གམ་ལི་ཨེལ་ཡིན་ལ།  
\v 24 པེན་ཡཱ་མེན་ཚོ་པའི་དམག་དཔུང་གི་འགོ་གཙོ་ནི་གིད་ཨོ་ནཱའི་བུ་ཨ་བི་ཏན་ཡིན་ནོ། །   
\p
\v 25 མཇུག་མཐར་དཱན་གྱི་བུ་རྒྱུད་རྣམས་ཀྱི་སྒར་ཁའི་དར་ཆེན་ནི་སྒར་ཐམས་ཅད་ཀྱི་རྒྱབ་སྲུང་བྱས་ནས། རང་གི་དམག་དཔུང་བཞིན་ལམ་དུ་ཆས་པ་དང་། དེའི་དམག་དཔུང་གི་འགོ་གཙོ་ནི་ཨམ་མེ་ཤད་ད་ཨི་ཡི་བུ་ཨ་ཧི་ཨེ་ཟེར་ཡིན་པ་དང་།  
\v 26 ཨ་ཤེར་ཚོ་པའི་དམག་དཔུང་གི་འགོ་གཙོ་ནི་ཨོག་རན་གྱི་བུ་ཕཱ་གེ་ཨེལ་ཡིན་ལ།  
\v 27 ནཱབ་ཐ་ལི་ཚོ་པའི་དམག་དཔུང་གི་འགོ་གཙོ་ནི་ཨེ་ནན་གྱི་བུ་ཨ་ཧི་རཱ་ཡིན་ནོ། །  
\v 28 དེ་ནི་ཡེས་ར་ཨེལ་པ་རྣམས་ལམ་དུ་ཆས་པའི་སྐབས་སུ། རང་རང་གི་དམག་དཔུང་བཞིན་ལམ་དུ་ཆས་པའི་གོ་རིམ་ཡིན་ནོ། །   
\p
\v 29 མོ་ཤེ་ཡིས་རང་གི་སྒྱུག་པོ་སྟེ་མིད༌ཡཱན་པ་རུའུ་ཨེལ་གྱི་བུ་ཧོ་པཱབ་ལ་འདི་ལྟར། རང་ཅག་རྣམས་དཀོན་མཆོག་ཡ་ཝཱེས་ངས་ཁྱོད་རྣམས་ལ་གནང་བར་བྱའོ་ཞེས་གསུངས་པའི་ཡུལ་དེར་འགྲོ་བར་བྱ། ད་ལྟ་ཁྱེད་རང་ང་ཚོ་དང་མཉམ་དུ་འགྲོ་བར་ཞུ། ང་ཚོས་ཁྱེད་ལ་དྲིན་གཟོ་བར་བྱ། གང་ལ་ཞེ་ན། དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ལ་བདེ་སྐྱིད་ཀྱི་ཞལ་བཞེས་གནང་ཡོད་པས་སོ་ཞེས་སྨྲས་པ་ལ།  
\v 30 ཧོ་པཱབ་ན་རེ། ང་རང་མི་འགྲོ། ང་ནི་རང་གི་ཡུལ་དང་གཉེན་ཉེའི་གམ་དུ་འགྲོ་བར་བྱ་ཞེས་སྨྲས་སོ། །  
\v 31 དེ་ནས་མོ་ཤེ་ཡིས་འདི་ལྟར། ཁྱེད་རང་ང་ཚོ་དང་མི་འབྲལ་བར་ཞུ། ང་ཚོས་དབེན་སྟོང་དུ་གུར་གང་ནས་ཕུབ་དགོས་པ་ཁྱེད་ཀྱིས་ཤེས་པས། ཁྱེད་ནི་ང་ཚོའི་མིག་ལྟ་བུ་ཡིན།  
\v 32 གལ་སྲིད་ཁྱེད་རང་ང་ཚོ་དང་མཉམ་དུ་སོང་ཚེ། ཕྱིས་སུ་དཀོན་མཆོག་ཡ་ཝཱེས་ང་ཚོར་ལེགས་པོ་གང་ཞིག་གནང་བ་ཡིན་ན། ང་ཚོས་ཀྱང་དེ་ཡིས་ཁྱེད་ལ་དྲིན་གཟོ་བར་བྱའོ་ཞེས་སྨྲས་སོ། །   
\p
\v 33 ཡེས་ར་ཨེལ་པ་རྣམས་དཀོན་མཆོག་ཡ་ཝཱེའི་རི་ནས་ཆས་ཏེ། ཉིན་གསུམ་གྱི་ལམ་དུ་སོང་བ་དང་། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ནི་ཉིན་གསུམ་གྱི་ལམ་དུ་བསྐྱོད་ཅིང་ཁོ་རྣམས་ལ་ངལ་གསོ་བའི་གནས་ཤིག་བཙལ་ཏོ། །  
\v 34 ཁོ་རྣམས་ཀྱིས་སྒར་མར་ཕབ་སྟེ་ལམ་དུ་ཆས་པའི་དུས་སུ། ཉིན་མོ་དཀོན་མཆོག་ཡ་ཝཱེའི་སྤྲིན་ཕུང་ནི་དེ་དག་གི་སྟེང་དུ་བཞུགས་པའོ། །   
\p
\v 35 ཤུར་སྒམ་ཆས་པའི་ཚེ་ན། མོ་ཤེ་ཡིས་འདི་ལྟར།  
\q1 ཀྱེ་ཀྱེ་དཀོན་མཆོག་ཡ་ཝཱེ་བཞེངས་སུ་གསོལ། །  
\q1 ཁྱེད་ཀྱི་དགྲ་རྣམས་ཕྱོགས་བཞིར་འཐོར་བ་དང་། །  
\q1 ཁྱེད་ལ་སྡང་མཁན་ཁྱེད་དྲུང་འབྲོ་བར་ཤོག །  
\m ཅེས་ཞུས་པ་དང་།  
\v 36 ཤུར་སྒམ་བཞུགས་པའི་ཚེ། ཁོས་འདི་ལྟར།  
\q1 ཀྱེ་ཀྱེ་དཀོན་མཆོག་ཡ་ཝཱེ་ཁྱེད་ཉིད་ཡང་བསྐྱར་ཕེབས་པར་ཤོག །  
\q1 ཡེས་ར་ཨེལ་པ་སྟོང་ཕྲག་མང་པོའི་དཀྱིལ་དུ་ཕེབས་པར་ཞུ། །  
\m ཞེས་ཞུས་སོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 འབངས་རྣམས་ཀྱིས་སྡུག་ཡུས་བཏོན་པ།  
\p
\v 1 དེ་ཡང་མི་ཚོགས་ཀྱིས་སྡུག་ཡུས་བཏོན་ཞིང་སྐད་ངན་དཀོན་མཆོག་ཡ་ཝཱེའི་སྙན་ལམ་དུ་སླེབས་པ་དང་། དཀོན་མཆོག་ཡ་ཝཱེས་དེ་གསན་ནས་ཐུགས་ཁྲོས་པར་གྱུར། དཀོན་མཆོག་ཡ་ཝཱེའི་མེ་ནི་དེ་དག་གི་ཁྲོད་དུ་འབར་ཏེ་སྒར་གྱི་མཐའ་རྣམས་འགེམས་པའོ། །  
\v 2 མི་ཚོགས་ཀྱིས་མོ་ཤེ་ལ་ཞུ་འབོད་བྱས་པ་དང་། མོ་ཤེ་ཡིས་དཀོན་མཆོག་ཡ་ཝཱེ་ལ་གསོལ་བ་བཏབ་ཅིང་མེ་ཞི་བར་གྱུར་ཏེ།  
\v 3 དེ་དག་གི་ཁྲོད་དུ་དཀོན་མཆོག་ཡ་ཝཱེའི་མེ་འབར་བ་ཡིན་པས་ཡུལ་དེའི་མིང་ལ་ཐབ་ཨེ་རཱ་ཞེས་བཏགས་སོ། །   
\s1 སྲེད་པའི་ཆག་སྒོ།  
\p
\v 4 དེ་དག་ཁྲོད་ཀྱི་རིགས་རྒྱུད་འདྲེས་མ་རྣམས་ཀྱིས་འདོད་རྔམ་བསྐྱེད་ཅིང་། ཐ་ན་ཡེས་ར་ཨེལ་པ་རྣམས་ཀྱིས་ཀྱང་ངུ་བཞིན་དུ། སུས་ང་ཚོ་ལ་ཁ་ཟས་སུ་ཤ་སྟེར་བར་འགྱུར་རམ།  
\v 5 ང་ཚོས་ཨེ་ཅིབ་ཡུལ་དུ་ཉ་དང་། ཁི་ར་དང་། ག་གོན་དང་། རི་སྒོག་དང་། ཙོང་དང་། སྒོག་པ་བཅས་ནི་རིན་མི་དགོས་པར་ཟ་རྒྱུ་ཡོད་པ་དྲན་བྱུང་།  
\v 6 ད་ནི་ངེད་རྣམས་ཡི་ག་ཆད་པ་སྟེ། མན་ནཱ་ལས་གཞན་ཅི་ཡང་མཐོང་རྒྱུ་མི་འདུག་ཅེས་སྨྲས་སོ། །   
\p
\v 7 མན་ནཱ་དེ་ནི་སྔོ་སྨན་འུ་སུའི་འབྲུ་གུ་ལྟར་ཡིན་ཞིང་། པེ་དེལ་ཡོན་ཞེས་པའི་ཐང་ཆུ་དང་མཚུངས་པའོ། །  
\v 8 མི་ཚོགས་མཐའ་འཁོར་དུ་སོང་ནས་མན་ནཱ་བསྡུས་པ་དང་རང་འཐག་གིས་བཏགས་པའམ་གཏུན་ཁུང་དུ་བརྡུངས་ནས། རྫ་ཁོག་ནང་དུ་བཙོས་པའམ་བག་ལེབ་བཟོས་ཤིང་། དེའི་བྲོ་བ་ནི་བག་ལེབ་སྣུམ་བཙོས་དང་འདྲ་ལ།  
\v 9 མཚན་མོར་སྒར་གྱི་སྟེང་དུ་ཟིལ་པ་ཆགས་པའི་ཚེ་མན་ནཱ་ཡང་བབས་སོ། །   
\p
\v 10 མོ་ཤེ་ཡིས་མི་རྣམས་ཀྱིས་ཁྱིམ་རྒྱུད་སོ་སོའི་གུར་སྒོ་ནས་ངུ་འབོད་བྱེད་པ་ཐོས་ཤིང་། དཀོན་མཆོག་ཡ་ཝཱེ་ཐུགས་རབ་ཏུ་ཁྲོས་པ་དང་། མོ་ཤེ་ཡང་མི་དགའ་བར་གྱུར་ཏོ། །  
\v 11 མོ་ཤེ་ཡིས་དཀོན་མཆོག་ཡ་ཝཱེ་ལ་འདི་ལྟར། ཁྱེད་ཀྱིས་ཉིད་ཀྱི་ཞབས་ཕྱི་སྡུག་ལ་སྦྱར་དོན་ཅི། ཁྱེད་ཀྱི་སྤྱན་སྔར་བདག་ལ་ཐུགས་རྗེ་མ་ཐོབ་པ་ཅི། མི་ཚོགས་ཐམས་ཅད་ལ་བདག་སྐྱོང་བྱེད་པའི་ཁུར་པོ་ང་ལ་བཀལ་བ་ཅི།  
\v 12 མི་ཚོགས་འདི་ནི་ངའི་མངལ་དུ་སྦྲུམས་ནས་ང་ལས་སྐྱེས་པ་ཡིན་ནམ། ཁྱེད་ཀྱིས་ང་ལ་འདི་སྐད་དུ། བུ་སྙོར་མས་གསོས་པའི་ཕྲུ་གུ་ལྟར་དེ་དག་ངའི་པང་ལ་བཟུང་ནས། ཁྱེད་ཀྱིས་ཁོ་རྣམས་ཀྱི་ཕ་མེས་ལ་གནང་བར་མནའ་བཞེས་པའི་ཡུལ་དེར་ཁྱེར་ཅིག་ཅེས་གསུངས་པ་ཡིན་ནམ།  
\v 13 ངས་མི་དེ་ཐམས་ཅད་ཀྱི་ཁ་ཟས་སུ་ཤ་གང་ནས་རྙེད་པར་འགྱུར་རམ། དེ་དག་གིས་ངུ་འབོད་བྱེད་ཀྱིན་ང་ལ་ཁྱོད་ཀྱིས་ང་ཚོར་བཟའ་རྒྱུའི་ཤ་བྱིན་ཅིག་ཅེས་སྨྲའོ། །  
\v 14 མི་ཚོགས་འདིར་བདག་སྐྱོང་བྱེད་པའི་འགན་ཁུར་ནི་ལྗིད་དྲགས་པས། ང་གཅིག་པུས་དེ་འཁུར་མི་ནུས་སོ། །  
\v 15 ཁྱེད་ཀྱིས་ང་ལ་འདི་ལྟར་མཛད་པ་ཡིན་པས། གལ་སྲིད་ཁྱེད་ཀྱི་སྤྱན་སྔར་བདག་ལ་ཐུགས་རྗེ་ཐོབ་པ་ཡིན་ན། ངས་རང་གི་སྡུག་བསྔལ་མི་མཐོང་བའི་ཆེད་དུ་ཁྱེད་ཀྱིས་དངོས་སུ་ང་རང་གསོད་པར་མཛོད་ཅེས་ཞུས་སོ། །   
\p
\v 16 དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཁྱོད་ཀྱིས་ཡེས་ར་ཨེལ་གྱི་རྒན་པོ་རྣམས་ལས་བདག་ལ་མི་བདུན་ཅུ་སྟེ། ཁྱོད་ཀྱིས་ངོ་ཤེས་པའི་མི་ཚོགས་ཁྲོད་ཀྱི་རྒན་པོ་དང་འགོ་དཔོན་རྣམས་ཁྱོད་དང་མཉམ་དུ་འགྲེང་བར་མཇལ་འཕྲད་གུར་མཆོག་གི་མདུན་དུ་ཁྲིད་ཤོག  
\v 17 བདག་ཡུལ་དེར་མར་འོངས་ནས་ཁྱོད་དང་གླེང་མོལ་བྱེད་ཅིང་། ཁྱོད་ཀྱི་སྟེང་དུ་ཡོད་པའི་ཐུགས་ཉིད་ནི་དེ་དག་གི་སྟེང་ལའང་འཇོག་པར་བྱ། མི་ཚོགས་ལ་བདག་སྐྱོང་བྱེད་པའི་འགན་ཁྱོད་གཅིག་པུས་འཁུར་མི་དགོས་པར་དེ་དག་གིས་ཁྱོད་དང་མཉམ་དུ་འཁུར་བར་བྱའོ། །  
\v 18 ཁྱོད་ཀྱིས་མི་ཚོགས་ལ་འདི་ལྟར། སང་ཉིན་ཤ་བཟའ་བའི་ཕྱིར་དུ་ཁྱོད་ཅག་གིས་རང་ཉིད་དམ་པར་སྲུངས་ཤིག ཅི་ལ་ཞེ་ན། ཁྱོད་ཅག་གིས་ངུ་འབོད་བྱེད་ཀྱིན་དཀོན་མཆོག་ཡ་ཝཱེའི་སྙན་ལམ་དུ། སུ་ཞིག་གིས་ངེད་རྣམས་ལ་ཤ་སྟེར་རམ། ངེད་རྣམས་ཨེ་ཅིབ་ཡུལ་དུ་ཡོད་དུས་ཅི་འདྲ་སྐྱིད་ཨང་ཞེས་ཞུས་པས། དཀོན་མཆོག་ཡ་ཝཱེས་ཁྱོད་ཅག་ལ་བཟའ་རྒྱུའི་ཤ་གནང་ངེས་ཡིན།  
\v 19 དེ་ནི་ཁྱོད་ཅག་གིས་ཉིན་གཅིག་དང་གཉིས་སམ། ཡང་ན་ཉིན་ལྔ་དང་བཅུའམ། ཡང་ན་ཉིན་ཉི་ཤུ་ཙམ་ལ་བཟའ་བ་མ་ཡིན་པར།  
\v 20 ཁྱོད་ཅག་གིས་ཟླ་ཧྲིལ་པོ་གཅིག་ལ་བཟའ་བ་དང་། ཤ་ནི་ཁྱོད་ཚོའི་སྣ་ཁུང་ལས་འཐོན་ཞིང་དེ་ལ་ཞེ་མེར་བའི་བར་དུ་བཟའ་བར་འགྱུར། ཅི་ལ་ཞེ་ན། ཁྱོད་ཅག་གིས་ཁྱོད་ཚོའི་དཀྱིལ་དུ་བཞུགས་པའི་དཀོན་མཆོག་ཡ་ཝཱེ་སྣང་མེད་དུ་བསྐྱུར་ཏེ་ཁོང་གི་དྲུང་དུ་ངུ་འབོད་བྱེད་ཀྱིན། ངེད་ཅག་ཅིའི་ཕྱིར་ཨེ་ཅིབ་ཡུལ་ནས་ཐོན་པ་ཡིན་ནམ་ཞེས་སྨྲས་པའི་ཕྱིར་རོ་ཞེས་སྨྲོས་ཤིག་གསུངས་སོ། །  
\v 21 དེ་ནས་མོ་ཤེ་ཡིས་འདི་ལྟར། ང་དང་མཉམ་དུ་གནས་པའི་མི་ཚོགས་འདི་ལས་རྐང་ཐང་ལ་སྐྱོད་མཁན་འབུམ་དྲུག་ཡོད་ཀྱང་། ཁྱེད་ཀྱིས་ད་དུང་བདག་གིས་དེ་དག་ལ་ཟླ་གཅིག་གི་རིང་ལ་བཟའ་རྒྱུའི་ཤ་གནང་བར་བྱ་ཞེས་གསུངས་པའོ། །  
\v 22 ར་ལུག་གི་ཁྱུ་དང་བ་ཁྱུ་ཐམས་ཅད་བཤས་ན་དེ་དག་གི་བཟའ་རྒྱུར་འདང་བ་ཡིན་ནམ། ཡང་ན་རྒྱ་མཚོ་ནང་གི་ཉ་ཐམས་ཅད་བསྡུས་ན་དེ་དག་གི་བཟའ་རྒྱུར་འདང་བ་ཡིན་ཞེས་ཞུས་ཤིང་།  
\v 23 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཡ་ཝཱེའི་ལག་ངར་ཇེ་ཐུང་དུ་སོང་བ་ཡིན་ནམ \f + \ft ཡ་ཝཱེའི་ལག་ངར་ཇེ་ཐུང་དུ་སོང་བ་ཡིན་ནམ་ཞེས་པ་འདིར་མ་ཕྱི་ལས་ཡ་ཝཱེའི་ལག་ངར་ཞེས་མཐོང་ཞིང་ཚིག་རྐང་འདི་དོན་གྱིས་ཡ་ཝཱེའི་དབང་ཤུགས་ལ་ཚད་བཀག་ཡོད་དམ་ཅེས་པ་ཡིན།\f*། ད་ལྟ་ངས་སྨྲས་པ་བཞིན་དུ་འབྱུང་མིན་ཁྱོད་ཀྱིས་མཐོང་བར་འགྱུར་ཞེས་གསུངས་སོ། །   
\p
\v 24 དེ་ནས་མོ་ཤེ་ཕྱི་རོལ་ཏུ་སོང་སྟེ་དཀོན་མཆོག་ཡ་ཝཱེས་གསུངས་པའི་བཀའ་མི་ཚོགས་ལ་སྨྲས་པ་དང་། ཡང་མི་ཚོགས་ཁྲོད་ཀྱི་རྒན་པོ་རྣམས་ལས་མི་བདུན་ཅུ་བསྡུས་ནས་མཇལ་འཕྲད་གུར་མཆོག་གི་མཐའ་འཁོར་ལ་འགྲེང་དུ་བཅུག  
\v 25 དེ་ནས་དཀོན་མཆོག་ཡ་ཝཱེ་སྤྲིན་གྱི་ནང་ནས་མར་ཕེབས་ཏེ་མོ་ཤེ་ལ་གསུང་གླེང་མཛད་པ་དང་། ཁོའི་སྟེང་དུ་ཡོད་པའི་ཐུགས་ཉིད་རྒན་པོ་བདུན་ཅུའི་སྟེང་དུ་བཞག་པ་ལ། ཐུགས་ཉིད་དེ་དག་གི་སྟེང་དུ་བཞུགས་པའི་དུས་སུ་དེ་དག་གིས་ལུང་བསྟན་གནང་བ་ཡིན་མོད། འོན་ཀྱང་དེའི་རྗེས་སུ་ཡང་བསྐྱར་ལུང་མ་བསྟན་ཏོ། །   
\p
\v 26 སྐབས་དེར་མི་གཉིས་ད་དུང་སྒར་གྱི་ནང་དུ་ལུས་ཡོད་ཅིང་། གཅིག་གི་མིང་ལ་ཨེལ་དཱད་དང་ཅིག་ཤོས་ཀྱི་མིང་ལ་མེ་དཱད་ཟེར་བ་དང་། ཐུགས་ཉིད་ནི་དེ་གཉིས་ཀྱི་སྟེང་དུའང་བཞུགས། དེ་གཉིས་ཀའང་རྒན་པོ་རྣམས་ཀྱི་གྲས་སུ་ཡོད་ན་ཡང་ཁོ་གཉིས་མཇལ་འཕྲད་གུར་མཆོག་ཡོད་སར་མ་སོང་ལ། དེ་ཚོས་སྒར་གྱི་ནང་དུ་ལུང་བསྟན་གནང་།  
\v 27 དེ་ནས་གཞོན་ནུ་ཞིག་རྒྱུགས་འོངས་ནས་མོ་ཤེ་ལ། ཨེལ་དཱད་དང་མེ་དཱད་གཉིས་ཀྱིས་སྒར་གྱི་ནང་དུ་ལུང་སྟོན་བཞིན་འདུག་ཅེས་སྨྲས་པ་ལ།  
\v 28 མོ་ཤེའི་ཞབས་ཕྱི་དང་ནུན་གྱི་བུ་ཡོ་ཤུ་ཨ་སྟེ་མོ་ཤེ་ཡི་ལག་རོགས་དར་མ་དེ་ན་རེ། ང་ཡི་ཇོ་བོ་མོ་ཤེ་ལགས། ཁྱེད་ཀྱིས་དེ་གཉིས་འགོག་པར་མཛོད་ཅེས་ཞུས་པ་ན།  
\v 29 མོ་ཤེ་ཡིས་དེ་ལ། ཁྱོད་ཀྱིས་བདག་གི་ཆེད་དུ་ཕྲག་དོག་བྱེད་དམ། དཀོན་མཆོག་ཡ་ཝཱེའི་མི་ཚོགས་ཐམས་ཅད་ལུང་སྟོན་པ་ཡིན་ན་ཅིས་མི་རུང་། དཀོན་མཆོག་ཡ་ཝཱེས་ཁོང་གི་ཐུགས་ཉིད་ནི་དེ་དག་གི་སྟེང་དུ་གནང་བར་ཤོག་ཅེས་སྨྲས་ཤིང་།  
\v 30 དེ་ནས་མོ་ཤེ་དང་ཡེས་ར་ཨེལ་གྱི་རྒན་པོ་རྣམས་སྒར་དུ་ཕྱིར་ལོག་གོ །   
\p
\v 31 དཀོན་མཆོག་ཡ་ཝཱེའི་དྲུང་ནས་རླུང་ཞིག་བྱུང་སྟེ། རྒྱ་མཚོའི་ངོས་ནས་སྲེག་པ་ཁུར་འོངས་ཤིང་སྒར་གྱི་ས་ལ་བབས་པ་དང་། སྲེག་པས་སྒར་བསྐོར་ཏེ་ཚུར་ལ་ཉིན་གཅིག་གི་ལམ་ཐག་དང་ཕར་ལ་ཉིན་གཅིག་གི་ལམ་ཐག་ཡོད་ཅིང་། ས་ངོས་ནས་མཐོ་ཚད་ཁྲུ་གཉིས་ཙམ་ལ་སླེབས་པའོ། །  
\v 32 མི་ཚོགས་ལངས་ནས་ཉིན་གང་དང་མཚན་གང་། དེའི་ཕྱི་ཉིན་ཉིན་གང་བཅས་ལ་སྲེག་པ་བསྡུས་ཤིང་། ཉུང་མཐའ་ཡང་ཁལ་བཅུ་བསྡུས་ནས་སྒར་གྱི་ཕྱོགས་བཞིར་བཀྲམས།  
\v 33 ཤ་ནི་དེ་དག་གི་སོ་བར་དུ་ཡོད་ཅིང་ད་དུང་ལྡད་མ་ཚར་བའི་མཚམས་དེར། དཀོན་མཆོག་ཡ་ཝཱེའི་ཐུགས་ཁྲོ་མི་ཚོགས་ཀྱི་སྟེང་དུ་འབར་ཞིང་། ནད་ཡམས་དྲག་པོས་མི་ཚོགས་ལ་བརྡུངས་པའོ། །  
\v 34 དེའི་ཕྱིར་གནས་དེའི་མིང་ལ་ཀིབ་རོད་ཧད་ཐཱ་ཨ་ཝ་\f + \ft ཡ་ཧུ་དཱའི་སྐད་དུ་ཀིབ་རོད་ཧད་ཐཱ་ཨ་ཝ་ཞེས་པ་ནི་མི་འདོད་རྔམ་ཅན་གྱི་དུར་ས་ཞེས་པའི་དོན་ཡིན་ལ། ལེའུ་སོ་གསུམ་པའི་ཚིག་རྐང་བཅུ་དྲུག་ནས་བཅུ་བདུན་དུའང་འབྱུང་། \f*ཞེས་བཏགས། གང་ལ་ཞེ་ན། འདོད་རྔམ་བཅངས་པའི་མི་རྣམས་དེ་རུ་དུར་ལ་སྦས་པའི་ཕྱིར་རོ། །  
\v 35 དེ་ནས་མི་ཚོགས་ཀིབ་རོད་ཧད་ཐཱ་ཨ་ཝ་ནས་ལམ་དུ་ཆས་ཏེ་ཧ་ཚི་རོད་ཀྱི་ཕྱོགས་སུ་སོང་བ་དང་། ཧ་ཚི་རོད་དུ་བསྡད་དོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 མིར་ཡམ་དང་ཨ་རོན་གཉིས་ཀྱིས་མོ་ཤེ་ལ་རྒྱབ་འགལ་བྱས་པ།  
\p
\v 1 དེ་ཡང་མོ་ཤེ་ཡིས་གུ་ཤའི་བུད་མེད་ཅིག་ཆུང་མར་བླངས་པས། གུ་ཤའི་བུད་མེད་དེའི་རྐྱེན་གྱིས་མིར་ཡམ་དང་ཨ་རོན་གཉིས་ཀྱིས་ཁོ་ལ་རྒོལ་གཏམ་བཏང་ཞིང་།  
\v 2 དེ་གཉིས་ན་རེ། དཀོན་མཆོག་ཡ་ཝཱེས་མོ་ཤེ་ཁོ་ན་བརྒྱུད་ནས་གསུང་གླེང་མཛད་པ་ཡིན་ནམ། ཁོང་གིས་ང་ཚོ་བརྒྱུད་ནས་ཀྱང་གསུང་གླེང་མཛད་པ་མ་ཡིན་ནམ་ཞེས་སྨྲས་པ་དཀོན་མཆོག་ཡ་ཝཱེས་གསན་ཏོ། །  
\v 3 ད་ལྟའི་ཆར་ཡང་མོ་ཤེ་ནི་ཤིན་ཏུ་ཁེངས་ཆུང་ཡིན་ཏེ། ས་སྟེང་གི་མི་ཐམས་ཅད་ལས་ཁེངས་ཆུང་ཡིན་ནོ། །   
\p
\v 4 གློ་བུར་ཉིད་ལ་དཀོན་མཆོག་ཡ་ཝཱེས་མོ་ཤེ་དང་ཨ་རོན་དང་མིར་ཡམ་བཅས་ལ་འདི་སྐད་དུ། ཁྱོད་གསུམ་པོ་ཕྱི་རུ་ཐོན་ཏེ་མཇལ་འཕྲད་གུར་མཆོག་གི་རྩར་སོང་ཞིག་ཅེས་བཀའ་གནང་བས། ཁོ་གསུམ་པོ་ཕྱི་རོལ་ཏུ་ཐོན།  
\v 5 དེའི་ཚེ་དཀོན་མཆོག་ཡ་ཝཱེ་སྤྲིན་གྱི་ཀ་བ་ཞིག་གི་ནང་ནས་མར་ཕེབས་ཏེ་མཇལ་འཕྲད་གུར་མཆོག་གི་སྒོ་ཁར་བཞེངས་བསྡད་པ་དང་། ཨ་རོན་དང་མིར་ཡམ་གཉིས་བོས་པར་མཛད་པས། དེ་གཉིས་ཁོང་གི་ཉེ་སར་ཕྱིན་པ་ལ།  
\v 6 ཁོང་གིས་འདི་སྐད་དུ།  
\q1 ད་ཀོ་ཁྱོད་རྣམས་ང་ཡི་གཏམ་ལ་ཉོན། །  
\q1 ཁྱོད་ཅག་ཁྲོད་དུ་ལུང་སྟོན་ཡོད་གྱུར་ན། །  
\q1 ཡ་ཝཱེ་བདག་གིས་ཞལ་གཟིགས་བརྒྱུད་དེ་ནི། །  
\q1 རང་ཉིད་ཁོ་ལ་མངོན་པར་བྱེད་པ་དང་། །  
\q1 རྨི་ལམ་ཁྲོད་དུ་དེ་ལ་གཏམ་སྨྲ་ངེས། །   
\q1
\v 7 འོན་ཀྱང་བདག་གི་ཞབས་ཕྱི་མོ་ཤེ་ནི། །  
\q1 དེ་ལྟར་མིན་གྱི་དེ་ལྟར་ག་ལ་ཡིན། །  
\q1 ཁོ་ངའི་ཁྱིམ་མི་ཡོངས་སུ་བློ་སེམས་དཀར། །   
\q1
\v 8 བདག་གིས་ཁོ་ལ་དངོས་སུ་གཏམ་སྨྲ་ཞིང་། །  
\q1 གབ་ཚིག་རྣམ་པས་མ་ཡིན་མངོན་སུམ་སྨྲ། །  
\q1 ཁོས་ནི་ཡ་ཝཱེའི་གཟུགས་བརྙན་མཇལ་བ་འོ། །  
\q1 ཁྱོད་ཅག་ང་ཡི་ཞབས་ཕྱི་མོ་ཤེ་ལ། །  
\q1 རྒོལ་གཏམ་གཏོང་བར་མི་འཇིགས་རྒྱུ་མཚན་ཅི། །  
\m ཞེས་གསུངས་ཤིང་།  
\v 9 དཀོན་མཆོག་ཡ་ཝཱེ་ཁོ་གཉིས་ལ་ཐུགས་ཁྲོས་ཏེ་ཕེབས་སོང་ངོ་། །   
\p
\v 10 སྤྲིན་མཇལ་འཕྲད་གུར་མཆོག་གི་སྟེང་ནས་ཡར་དྲངས་པའི་མུ་ལ། ལྟོས་དང་། མིར་ཡམ་ལ་མཛེ་ནད་བྱུང་སྟེ་ཁ་བ་ལྟར་དཀར་པོར་གྱུར་ཅིང་། ཨ་རོན་ཁ་ཕྱིར་འཁོར་ནས་མིར་ཡམ་ལ་བལྟས་པ་དང་། ཀྱེ་ཧོ། ཁོ་མོར་མཛེ་ནད་བྱུང་བ་མཐོང་ངོ་། །  
\v 11 དེ་ནས་ཨ་རོན་གྱིས་མོ་ཤེ་ལ། ཇོ་བོ་ལགས། ང་ཚོ་བླུན་པོར་གྱུར་ནས་སྡིག་པ་བྱས་པའི་རྐྱེན་གྱིས་ང་ཚོར་སྡིག་པ་མི་འགེལ་བར་མཛོད་ཅིག  
\v 12 ཁྱེད་ཀྱིས་ཁོ་མོ་ཨ་མའི་མངལ་ནས་ཤ་ཕྱེད་ཀ་རུལ་ནས་ཐོན་པ་བཞིན་དང་། ཤི་ཚར་བ་ལྟར་མི་གནང་རོགས་ཞེས་ཞུས་སོ། །  
\v 13 དེ་ནས་མོ་ཤེ་ཡིས་དཀོན་མཆོག་ཡ་ཝཱེ་ལ་གསོལ་བ་བཏབ་པ་སྟེ། ཀྱེ་དཀོན་མཆོག་ལགས། ཁྱེད་ཀྱིས་ཁོ་མོ་གསོ་བར་མཛོད་ཅེས་ཞུས་པ་ལ།  
\v 14 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། གལ་སྲིད་ཁོ་མོའི་ཕ་ཡིས་དེའི་གདོང་ལ་མཆིལ་མ་གཏོར་ན། ཁོ་མོ་ཉིན་བདུན་གྱི་རིང་ལ་ངོ་ཚར་སྦྱར་བ་མ་ཡིན་ནམ། ད་ནི་ཁོ་མོ་ཉིན་བདུན་གྱི་རིང་ལ་སྒར་གྱི་ཕྱི་རོལ་ཏུ་འགོག་དགོས། དེའི་རྗེས་སུ་ཕྱིར་ཡོང་ཆོག་ཅེས་གསུངས་སོ། །  
\v 15 དེ་ནས་མིར་ཡམ་སྒར་གྱི་ཕྱི་རོལ་ཏུ་ཉིན་བདུན་གྱི་རིང་ལ་བཀག་ཅིང་། མིར་ཡམ་ཕྱིར་ཁྲིད་ཡོང་བའི་བར་དུ་མི་ཚོགས་ལམ་དུ་མ་ཆས་སོ། །  
\v 16 དེའི་རྗེས་སུ་མི་ཚོགས་ཧ་ཚི་རོད་ནས་ལམ་དུ་ཆས་པ་དང་། ཕཱ་རན་ཞེས་པའི་དབེན་སྟོང་ནས་སྒར་བཏབ་བོ། །   
\c 13
\cl ལེའུ་བཅུ་གསུམ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 མོ་ཤེ་ཡིས་ཀ་ན་ཨན་ལ་མྱུལ་མ་བཏང་བ།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ངས་ཡེས་ར་ཨེལ་པ་རྣམས་ལ་སྦྱིན་པའི་ཀ་ན་ཨན་ཡུལ་དུ་མྱུལ་མ་ཐོངས་ཤིག ཕ་མེས་རྣམས་ཀྱི་ཚོ་པ་བཞིན་དུ་ཚོ་པ་རེ་ནས་མི་རེ་གཏོང་བ་དང་། རེ་རེ་བཞིན་འགོ་དཔོན་ཡིན་དགོས་ཞེས་བཀའ་གནང་ངོ་། །  
\v 3 དེར་བརྟེན་མོ་ཤེ་ཡིས་དཀོན་མཆོག་ཡ་ཝཱེའི་བཀའ་བཞིན་དུ། ཕཱ་རན་དབེན་སྟོང་ནས་ཁོ་རྣམས་བཏང་བ་དང་། དེ་དག་ཐམས་ཅད་ཡེས་ར་ཨེལ་པ་རྣམས་ཀྱི་འགོ་དཔོན་ཡིན་པའོ། །  
\v 4 དེ་དག་གི་མིང་ནི་འདི་ལྟ་སྟེ། རུ་བེན་ཚོ་པ་ནས་ཟག་ཀུར་གྱི་བུ་ཤཱ་མུ་ཨ་དང་།  
\v 5 སི་མུ་ཨོན་ཚོ་པ་ནས་ཧོ་རིའི་བུ་ཤཱ་ཕད་དང་།  
\v 6 ཡ་ཧུ་དཱ་ཚོ་པ་ནས་ཡེ་ཕུན་ནེའི་བུ་ཀཱ་ལེབ་དང་།  
\v 7 ཡེས་སི་ཀཱར་ཚོ་པ་ནས་ཡོ་སེབ་ཀྱི་བུ་ཡི་གལ་དང་།  
\v 8 ཨེ་ཕཱར་ཡིམ་ཚོ་པ་ནས་ནུན་གྱི་བུ་ཧོ་ཤེ་ཨ་དང་།  
\v 9 པེན་ཡཱ་མེན་ཚོ་པ་ནས་རཱ་ཕུའི་བུ་ཕལ་ཏི་དང་།  
\v 10 ཟེ་བུ་ལུན་ཚོ་པ་ནས་སོ་དིའི་བུ་གད་དི་ཨེལ་དང་།  
\v 11 ཡོ་སེབ་ཚོ་པ་སྟེ་མཱ་ན་ཤེ་ཚོ་པ་ནས་སུ་སེའི་བུ་གད་དི་དང་།  
\v 12 དཱན་ཚོ་པ་ནས་གཱ་མལ་ལིའི་བུ་ཨམ་མེ་ཨེལ་དང་།  
\v 13 ཨ་ཤེར་ཚོ་པ་ནས་མེའ་ཀཱ་ཨེལ་གྱི་བུ་སེ་ཐུར་དང་།  
\v 14 ནཱབ་ཐ་ལི་ཚོ་པ་ནས་ཝོ་ཕེ་སིའི་བུ་ནག་པི་དང་།  
\v 15 གཱ་རྡུ་ཚོ་པ་ནས་མ་ཀིའི་བུ་གཱ་ཨུ་ཨེལ་བཅས་སོ། །  
\v 16 དེ་དག་ནི་མོ་ཤེ་ཡིས་ཡུལ་དེར་མྱུལ་མར་བཏང་བའི་མི་རྣམས་ཀྱི་མིང་ཡིན། མོ་ཤེ་ཡིས་ནུན་གྱི་བུ་ཧོ་ཤེ་ཨའི་མིང་ལ་ཡོ་ཤུ་ཨ་ཞེས་བཏགས་སོ། །   
\p
\v 17 མོ་ཤེ་ཡིས་དེ་རྣམས་ཀ་ན་ཨན་ཡུལ་གྱི་མྱུལ་མར་གཏོང་བའི་སྐབས་སུ། དེ་དག་ལ་འདི་ལྟར། ཁྱོད་ཅག་འདི་ནས་ཡར་ནེ་གུབ་ཡུལ་དུ་འགྲོ་བ་དང་། དེ་ནས་ཡར་རི་ཁུལ་དུ་སོང་ཞིག  
\v 18 ཡུལ་དེ་ཇི་ལྟ་བུ་ཡིན་པ་དང་། དེར་གནས་པའི་མི་རྣམས་ཀྱི་སྟོབས་ཀྱི་ཆེ་ཆུང་། མི་ཡི་མང་ཉུང་།  
\v 19 དེ་རྣམས་སྡོད་པའི་ཡུལ་ནི་བཟང་ངན་ཅི་ལྟ་བུ་ཡིན་པ། དེ་དག་གནས་པའི་གྲོང་ཁྱེར་རྣམས་སྒར་རམ་བཙན་རྫོང་ཡིན་པ།  
\v 20 ས་ཆ་དེ་ནི་ས་བཅུད་འཛོམས་སམ་ས་རྒྱུ་ཞན་པ། དེར་ཤིང་སྡོང་ཡོད་མེད་བཅས་ལ་ལྟོས་ཤིག སྙིང་སྟོབས་ཆེན་པོ་བསྐྱེད་ནས་ཡུལ་དེའི་ཤིང་འབྲས་འགའ་ཤས་ཁྱེར་ཤོག་ཅེས་སྨྲས་ཤིང་། དེ་ནི་རྒུན་འབྲུམ་ཐོག་མར་སྨིན་པའི་དུས་ཡིན་ནོ། །   
\p
\v 21 དེ་ནས་ཁོ་རྣམས་ཡར་སོང་སྟེ། ཟིན་ཞེས་པའི་དབེན་སྟོང་ནས་ལེ་པོ་ཧ་མཱད་ཡུལ་གྱི་རེ་ཧོབ་འགག་བར་དུ་ཡུལ་དེར་ལྐོག་ལྟ་བྱས།  
\v 22 ཁོ་རྣམས་ཡར་ནེ་གུབ་ཡུལ་དུ་སོང་སྟེ་ཧེབ་རོན་ལ་སླེབས་པ་དང་། ཨ་ནག་གི་བུ་རྒྱུད་དེ་ཨ་ཧི་མན་དང་ཤེ་ཤཱ་ཨི། ཐལ་མ་ཨི་བཅས་ཡུལ་དེར་ཡོད་ཅིང་། ཧེབ་རོན་ནི་ཨེ་ཅིབ་ཡུལ་གྱི་ཚོ་ཨན་ལས་ཀྱང་ལོ་བདུན་གྱི་ཡར་སྔོན་དུ་ཚུགས་པ་ཡིན།  
\v 23 དེ་ནས་ཁོ་རྣམས་ཨེ་ཤཱ་ཀོལ་ལུང་པར་\f + \ft ཡ་ཧུ་དཱའི་སྐད་དུ་ཨེ་ཤཱ་ཀོལ་ཞེས་པ་ནི་རྒུན་འབྲུམ་ཆུན་པོའི་དོན་ཡིན།\f*སླེབས་པ་དང་། དེར་རྒུན་ཤིང་གི་ཡལ་གར་རྒུན་འབྲུམ་ཆུན་པོ་གཅིག་རང་ཡོད་པ་དེ་བཅད་ནས། མི་གཉིས་ཀྱིས་དེ་གདང་ལ་ཁུར་ནས་ཐོན་ཞིང་། སེ་འབྲུ་དང་སེ་ཡབ་འགའ་ཤས་ཀྱང་ཁྱེར་ཡོང་ངོ་། །  
\v 24 ཡེས་ར་ཨེལ་པ་རྣམས་ཀྱིས་ཡུལ་དེ་ནས་བཅད་འོངས་པའི་རྒུན་འབྲུམ་ཆུན་པོ་དེའི་རྐྱེན་གྱིས་གནས་དེའི་མིང་ལ་ཨེ་ཤཱ་ཀོལ་ལུང་པ་ཞེས་བཏགས་སོ། །   
\s1 མྱུལ་མ་རྣམས་ཀྱིས་གནས་ཚུལ་བརྗོད་པ།  
\p
\v 25 ཉིན་ཞག་བཞི་བཅུ་སོང་བའི་མཐར། ཁོ་རྣམས་ཀྱིས་ཡུལ་དེར་ལྐོག་ལྟ་བྱས་ཚར་ནས་ཕྱིར་ལོག་པ་དང་།  
\v 26 ཁོ་རྣམས་ཕཱ་རན་དབེན་སྟོང་གི་ཀཱ་དེའེ་ཤཱ་ཡུལ་དུ་མོ་ཤེ་དང་། ཨ་རོན་དང་། ཡེས་ར་ཨེལ་པའི་མི་ཚོགས་ཡོངས་ཀྱི་མདུན་དུ་ཡོང་ནས་དེ་དག་ལ་གནས་ཚུལ་བརྗོད་ཅིང་། ཡང་ཡུལ་དེའི་ཤིང་འབྲས་དེ་རྣམས་ལ་བསྟན།  
\v 27 དེ་དག་གིས་མོ་ཤེ་ལ་འདི་ལྟར། ངེད་ཅག་ཁྱེད་ཀྱིས་བཏང་བའི་ཡུལ་དེར་ཕྱིན་པ་དང་། དེ་ནི་དངོས་གནས་འོ་མ་དང་སྦྲང་རྩི་བཞུར་བའི་ཡུལ་ཞིག་སྟེ། འདི་ནི་ས་ཆ་དེའི་ཤིང་འབྲས་ཡིན།  
\v 28 འོན་ཀྱང་ཡུལ་དེར་གནས་པའི་མི་རྣམས་ནི་སྟོབས་ཆེ་བ་དང་། གྲོང་ཁྱེར་དག་ནི་སྲ་ཞིང་བརྟན་ལ་ཤིན་ཏུ་ཆེན་པོ་འདུག ངེད་ཅག་གིས་དེར་ཨ་ནག་གི་བུ་རྒྱུད་རྣམས་ཀྱང་མཐོང་ངོ་། །  
\v 29 དེའི་ནེ་གུབ་ཡུལ་དུ་ཨ་མཱད་ལེག་པ་རྣམས་ཆགས་ཡོད་པ་དང་། ཧེད་པ་དང་ཡེ་བུ་སི་པ་དང་ཨེ་མོར་པ་རྣམས་རི་ཁུལ་དུ་གནས་ཡོད། ཀ་ན་ཨན་པ་རྣམས་རྒྱ་མཚོའི་འགྲམ་དང་ཡོར་དན་གཙང་པོའི་ཕྱོགས་སུ་ཆགས་ཡོད་ཅེས་སྨྲས་སོ། །   
\p
\v 30 དེ་ནས་ཀཱ་ལེབ་ཀྱིས་མོ་ཤེའི་མདུན་དུ་མི་ཚོགས་ལྷོད་འཇགས་སུ་ཕབ་སྟེ་ན་རེ། རང་ཅག་ཡུལ་དེ་ལས་ཏན་ཏན་རྣམ་པར་རྒྱལ་ཐུབ་པས་ཡར་འགྲོ་ལ་ཡུལ་དེ་ལེན་པར་བྱ་ཞེས་སྨྲས།  
\v 31 འོན་ཀྱང་ཁོ་དང་མཉམ་དུ་སོང་བའི་མི་རྣམས་ན་རེ། ཡུལ་དེའི་མི་རྣམས་རང་ཅག་ལས་སྟོབས་ཆེ་བས། རང་ཅག་ཡར་དེ་དག་ལ་རྒོལ་བར་འགྲོ་མི་ནུས་སོ་ཞེས་སྨྲས།  
\v 32 མྱུལ་མ་དེ་དག་གིས་ཁོ་རྣམས་ལྐོག་ལྟ་བྱེད་དུ་ཕྱིན་པའི་ཡུལ་དེའི་སྐོར་ནས་ཡེས་ར་ཨེལ་པ་རྣམས་ལ་གཏམ་ངན་བསྒྲགས་ཏེ་ན་རེ། ངེད་ཅག་སོང་ནས་ལྐོག་ལྟ་བྱས་པའི་ཡུལ་དེ་ནི་དེར་གནས་པའི་མི་རྣམས་རྔམ་ཟ་བྱེད་པའི་ཡུལ་ཞིག་ཡིན་པ་དང་། ངེད་ཅག་གིས་དེར་མཐོང་བའི་མི་ཐམས་ཅད་ནི་གཟུགས་རིང་ཞིང་ཆེའོ། །  
\v 33 དེར་ང་ཚོས་ནེ་ཕེ་ལིམ་པ་རྣམས་མཐོང་ཞིང་། ཨ་ནག་གི་བུ་རྒྱུད་ནི་ནེ་ཕེ་ལིམ་པ་རྣམས་ལས་ཆད་པ་ཡིན། ང་ཚོའི་མཐོང་སྣང་ལ་རང་ཉིད་ནི་འབུ་ཆ་ག་པ་ལྟ་བུ་ཡིན་ལ། དེ་དག་གི་མཐོང་སྣང་ལའང་ངེད་རྣམས་དེ་བཞིན་ཡིན་ཞེས་སྨྲས་སོ། །   
\c 14
\cl ལེའུ་བཅུ་བཞི་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 འབངས་རྣམས་ཀྱིས་གྱེན་ལོག་བྱས་པ།  
\p
\v 1 དེའི་དུས་སུ་མི་ཚོགས་ཡོངས་ཀྱིས་སྐད་ཆེན་པོས་འུར་བརྒྱབ་པ་དང་། མཚན་མོ་དེར་མི་ཚོགས་ངུས་སོ། །  
\v 2 ཡེས་ར་ཨེལ་པ་ཐམས་ཅད་ཀྱིས་མོ་ཤེ་དང་ཨ་རོན་གཉིས་ལ་འཁང་ར་བྱས་ཤིང་། མི་ཚོགས་ཀུན་གྱིས་ཁོ་གཉིས་ལ་འདི་ལྟར། ཀྱེ་མ། ང་ཚོ་སྔ་མོ་ནས་ཨེ་ཅིབ་ཡུལ་ནས་ཤི་བའམ། ཡང་ན་དབེན་སྟོང་འདི་ནས་ཤི་ན་ལེགས།  
\v 3 དཀོན་མཆོག་ཡ་ཝཱེས་ཅིའི་ཕྱིར་ང་ཚོ་ཡུལ་འདིར་ཁྲིད་པ་ཡིན་ནམ། རལ་གྲིའི་ཁ་ནས་འགྱེལ་བའི་ཕྱིར་ཡུལ་འདི་ལ་ཁྲིད་པ་ཡིན་ནམ། ང་ཚོའི་ཆུང་མ་དང་ཕྲུ་གུ་རྣམས་ལ་འཕྲོག་བཅོམ་ཐེབས་པར་འགྱུར། ང་ཚོ་ཕྱིར་ཨེ་ཅིབ་ཡུལ་དུ་སོང་ན་དེ་ལས་བཟང་བ་མིན་ནམ་ཞེས་སྨྲས་ཤིང་།  
\v 4 དེ་དག་གིས་ཕན་ཚུན་ལ། རང་ཅག་གིས་འགོ་དཔོན་གཞན་ཞིག་བསྐོས་ནས་ཨེ་ཅིབ་ཡུལ་དུ་ཕྱིར་ལོག་པར་བྱའོ་ཞེས་སྨྲས་སོ། །   
\p
\v 5 དེ་ནས་མོ་ཤེ་དང་ཨ་རོན་གཉིས་ཡེས་ར་ཨེལ་པའི་མི་ཚོགས་ཀུན་གྱི་མདུན་དུ་གདོང་སར་བཏུད་ནས་བསྡད་པ་དང་།  
\v 6 ཡུལ་དེར་ལྐོག་ལྟ་བྱེད་དུ་ཕྱིན་པ་རྣམས་ཀྱི་གྲས་སུ་ནུན་གྱི་བུ་ཡོ་ཤུ་ཨ་དང་ཡེ་ཕུན་ནེའི་བུ་ཀཱ་ལེབ་གཉིས་ཡོད་པ་དང་། དེ་གཉིས་ཀྱིས་རང་གི་གྱོན་གོས་གཤགས་ནས།  
\v 7 ཡེས་ར་ཨེལ་པའི་མི་ཚོགས་ཐམས་ཅད་ལ་འདི་ལྟར། ངེད་ཅག་ལྐོག་ལྟ་བྱེད་དུ་སོང་བའི་ཡུལ་དེ་ནི་ཤིན་ཏུ་ཡག་པོ་འདུག  
\v 8 དཀོན་མཆོག་ཡ་ཝཱེ་རང་ཅག་ལ་ཐུགས་མཉེས་པ་ཡིན་ན། རང་ཅག་ཡུལ་དེར་ཁྲིད་ནས་ཡུལ་དེ་རང་ཅག་ལ་གནང་ངེས་ཡིན། ཡུལ་དེ་ནི་འོ་མ་དང་སྦྲང་རྩི་བཞུར་བའི་ཡུལ་ཞིག་ཡིན་ནོ། །  
\v 9 ཁྱོད་ཅག་གིས་དཀོན་མཆོག་ཡ་ཝཱེ་ལ་རྒྱབ་འགལ་མ་བྱེད་ཅིག ཡུལ་དེའི་མི་རྣམས་ལ་འཇིགས་པར་ཡང་མི་བྱའོ། །ཅི་ལ་ཟེར་ན། དེ་དག་ནི་རང་ཅག་གི་ཟ་སྐལ་ཡིན། ཁོ་ཚོའི་སྐྱབས་ནི་ཁོ་ཚོ་ལས་བྲལ་ཟིན་པ་དང་། དཀོན་མཆོག་ཡ་ཝཱེ་ཁོང་ཉིད་རང་ཅག་དང་མཉམ་དུ་བཞུགས་པས་དེ་དག་ལ་མ་འཇིགས་ཤིག་ཅེས་སྨྲས་པ་ལ།  
\v 10 མི་ཚོགས་ཀུན་གྱིས་དེ་གཉིས་རྡོ་རུབ་བཏང་ནས་གསོད་དགོས་སྨྲས་ཤིང་། དེའི་དུས་སུ་དཀོན་མཆོག་ཡ་ཝཱེའི་གཟི་འོད་ནི་མཇལ་འཕྲད་གུར་མཆོག་ཏུ་ཡེས་ར་ཨེལ་པའི་མི་ཚོགས་ཐམས་ཅད་ལ་མངོན་པ་དང་།  
\v 11 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། མི་འདི་དག་གིས་ནམ་དུས་བར་དུ་བདག་ལ་ཁྱད་གསོད་བྱའམ། བདག་གིས་དེ་དག་གི་ཁྲོད་དུ་གྲུབ་རྟགས་ཐམས་ཅད་བསྟན་ན་ཡང་། དེ་དག་གིས་ནམ་དུས་བར་དུ་བདག་ལ་ཡིད་ཆེས་མི་བྱེད་པ་ཡིན་ནམ།  
\v 12 བདག་གིས་དེ་དག་ནད་ཡམས་ཀྱིས་བརྡུངས་ནས་མེད་པར་གཏོང་རྒྱུ་ཡིན་པ་དང་། བདག་གིས་ཁྱོད་ནི་མི་རིགས་ཆེན་པོ་དང་དེ་དག་ལས་ཀྱང་སྟོབས་ཤུགས་ལྡན་པ་ཞིག་ཏུ་གཏོང་བར་བྱ་ཞེས་གསུངས་སོ། །   
\p
\v 13 དེ་ནས་མོ་ཤེ་ཡིས་དཀོན་མཆོག་ཡ་ཝཱེ་ལ་འདི་ལྟར། ཨེ་ཅིབ་པ་རྣམས་ཀྱིས་དེ་ཐོས་པར་འགྱུར། ཁྱེད་ཀྱིས་ནུས་མཐུ་ཆེན་པོས་མི་འདི་རྣམས་ཁོ་ཚོའི་དཀྱིལ་ནས་འདིར་ཁྲིད་འོངས་པ་དང་།  
\v 14 ཨེ་ཅིབ་པ་རྣམས་ཀྱིས་ཀྱང་ཡུལ་དེའི་གཞིས་ཆགས་རྣམས་ལ་སྨྲ་བར་འགྱུར། ཡུལ་དེའི་གཞིས་ཆགས་རྣམས་ཀྱིས་ཀྱང་དཀོན་མཆོག་ཡ་ཝཱེ་ཁྱེད་ཉིད་མི་ཚོགས་འདིའི་དཀྱིལ་དུ་བཞུགས་ཡོད་པ་དང་། དཀོན་མཆོག་ཡ་ཝཱེ་ཁྱེད་ཉིད་མི་ཡི་མིག་ལམ་དུ་མངོན་པར་མཛད་པ། ཁྱེད་ཀྱི་སྤྲིན་ནི་ཁོ་ཚོའི་སྟེང་དུ་བཞུགས་པ། ཉིན་མོར་ཁྱེད་ནི་སྤྲིན་གྱི་ཀ་བའི་ཁྲོད་དང་། མཚན་མོར་མེ་ཡི་ཀ་བའི་ཁྲོད་དུ་ཁོ་ཚོའི་སྔོན་ལ་ཕེབས་པ་བཅས་ཐོས་མྱོང་ཡོད།  
\v 15 ད་ལྟ་ཁྱེད་ཀྱིས་མི་འདི་རྣམས་མི་གཅིག་བཞིན་དུ་མེད་པར་མཛད་ན། ཁྱེད་ཀྱི་སྙན་གྲགས་ཐོས་མྱོང་བའི་མི་རིགས་རྣམས་ཀྱིས་གླེང་མོལ་བྱས་ཏེ་འདི་ལྟར།  
\v 16 དཀོན་མཆོག་ཡ་ཝཱེས་མི་འདི་རྣམས་ཁོ་ཚོར་མནའ་བཞེས་ཏེ་ཞལ་བཞེས་གནང་བའི་ཡུལ་དུ་ཁྲིད་མ་ནུས་པས་དབེན་སྟོང་དུ་ཁོ་རྣམས་མེད་པར་མཛད་དོ་ཞེས་སྨྲ་ངེས་ཡིན།  
\v 17 ད་ནི་གཙོ་བོ་ཁྱེད་ཀྱིས་རང་གི་ནུས་མཐུ་ཆེན་པོ་སྟོན་པར་མཛོད། ཁྱེད་ཀྱིས་དེ་སྔར་འདི་སྐད་དུ།  
\v 18 དཀོན་མཆོག་ཡ་ཝཱེ་ནི་རང་དགར་ཐུགས་མི་ཁྲོ་ཞིང་བྱམས་བརྩེ་མཐའ་ཡས་པ་ཡིན། ཁོང་གིས་ཉེས་པ་དང་ནོར་འཁྲུལ་སེལ་བར་མཛད་ནའང་། ཉེས་ཅན་ནི་ཉེས་མེད་དུ་གཏན་ནས་མི་རྩི་བར། ཕ་རྣམས་ཀྱི་ནག་ཉེས་ཕྱིར་བུ་རྒྱུད་རྣམས་ལ་མི་རབས་གསུམ་བཞིའི་བར་དུ་ཉེས་ཆད་གཅོད་པ་ལགས་ཞེས་གསུངས་པ་ལྟར།  
\v 19 ཁྱེད་ཀྱི་བྱམས་བརྩེ་ཆེན་པོ་བཞིན་དུ། ཨེ་ཅིབ་ཡུལ་ནས་དེ་རིང་གི་བར་དུ་མི་འདི་དག་ལ་སྡིག་སེལ་གནང་བ་ལྟར། མི་འདི་དག་གི་ཉེས་པ་སེལ་བར་མཛོད་ཅེས་ཞུས་སོ། །   
\p
\v 20 དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱི་ཞུ་བ་བཞིན་དུ་བདག་གིས་དེ་དག་ལ་སྡིག་སེལ་གནང་ངོ་། །  
\v 21 འོན་ཀྱང་བདག་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཏེ། དཀོན་མཆོག་ཡ་ཝཱེའི་གཟི་བརྗིད་ཀྱིས་ས་གཞི་ཡོངས་སུ་གང་བར་འགྱུར།  
\v 22 མི་འདི་ཐམས་ཅད་ཀྱིས་བདག་གི་གཟི་བརྗིད་དང་བདག་གིས་ཨེ་ཅིབ་ཡུལ་དང་དབེན་སྟོང་དུ་བསྟན་པའི་གྲུབ་རྟགས་རྣམས་མཐོང་ན་ཡང་། ལན་བཅུར་བདག་ལ་ཚོད་བགམ་བྱས་ཤིང་བདག་གི་གཏམ་ལ་མ་མཉན།  
\v 23 བདག་གིས་དེ་དག་གི་ཕ་མེས་ལ་མནའ་བསྐྱལ་ཏེ་ཁས་བླངས་པའི་ཡུལ་ནི་དེ་དག་གིས་མཐོང་བར་མི་འགྱུར་ལ། བདག་ཁྱད་དུ་གསོད་མཁན་རྣམས་ལས་སུས་ཀྱང་ཡུལ་དེ་མཐོང་བར་མི་འགྱུར་རོ། །  
\v 24 འོན་ཀྱང་། ངའི་ཞབས་ཕྱི་ཀཱ་ལེབ་ལ་བསམ་འདུན་གཞན་ཞིག་ཡོད་ཅིང་། སེམས་གཅིག་ལུས་གཅིག་གིས་བདག་གི་རྗེས་སུ་འབྲངས་པ་ཡིན་པས། ངས་ཁོ་རང་ནི་ཁོ་སོང་མྱོང་བའི་ཡུལ་དེར་འཁྲིད་ངེས་ལ། ཁོའི་བུ་རྒྱུད་ལ་ཡུལ་དེ་འཐོབ་པར་འགྱུར་རོ། །  
\v 25 ད་ལྟ་ཨ་མཱད་ལེག་པ་དང་ཀ་ན་ཨན་པ་རྣམས་ལུང་པའི་ནང་དུ་གནས་ཡོད། སང་ཉིན་ཁྱོད་རྣམས་ཕྱིར་འཁོར་ཏེ་རྒྱ་མཚོ་དམར་པོའི་ལམ་བརྒྱུད་ནས་དབེན་སྟོང་དུ་སོང་ཞིག་ཅེས་གསུངས་སོ། །   
\p
\v 26 དཀོན་མཆོག་ཡ་ཝཱེས་མོ་ཤེ་དང་ཨ་རོན་གཉིས་ལ་འདི་སྐད་དུ།  
\v 27 མི་ཚོགས་ངན་པ་འདིས་བདག་ལ་ནམ་དུས་བར་དུ་འཁང་ར་བྱེད་ཡོང་ངམ། ཡེས་ར་ཨེལ་པ་རྣམས་ཀྱིས་བདག་ལ་འཁང་ར་བྱེད་པ་དེ་བདག་གིས་ཐོས་ཡོད།  
\v 28 ཁྱོད་ཀྱིས་ཁོ་རྣམས་ལ་འདི་ལྟར་སྨྲོས་ཤིག དཀོན་མཆོག་ཡ་ཝཱེས་འདི་སྐད་དུ། བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་སྟེ། ཁྱོད་ཚོས་བདག་གི་རྣ་བར་ཅི་ལྟར་གཏམ་བྱས་པ་བཞིན་བདག་གིས་དེ་ལྟར་བྱའོ། །  
\v 29 ཁྱོད་ཅག་གི་བེམ་པོ་རྣམས་དབེན་སྟོང་འདི་རུ་འགྱེལ་ངེས་ཤིང་། ཁྱོད་ཅག་གི་ཁྲོད་དུ་རྩིས་བླངས་ཟིན་པ་སྟེ། ཁྱོད་རྣམས་ཀྱི་གྲངས་ཀ་བཞིན་ལོ་ཉི་ཤུ་ཅན་དང་དེའི་ཡན་གྱི་བདག་ལ་འཁང་ར་བྱས་མྱོང་པ་ཐམས་ཅད་ནི།  
\v 30 བདག་གིས་ཁྱོད་རྣམས་འདུག་ཏུ་འཇུག་པར་མནའ་བསྐྱལ་བའི་ཡུལ་དེར་འགྲོ་མི་ཆོག་ལ། ཡེ་ཕུན་ནེ་ཡི་བུ་ཀཱ་ལེབ་དང་ནུན་གྱི་བུ་ཡོ་ཤུ་ཨ་གཉིས་འབའ་ཞིག་ཡུལ་དེ་རུ་ཕྱིན་ཆོག་གོ །  
\v 31 འོན་ཀྱང་ཁྱོད་ཅག་གི་བྱིས་པ་རྣམས་ཏེ། ཁྱོད་རྣམས་ཀྱིས་འཕྲོག་བཅོམ་ཐེབས་པར་འགྱུར་ཞེས་སྨྲས་པ་དེ་དག་བདག་གིས་ཡུལ་དེར་འཁྲིད་རྒྱུ་ཡིན་པ་དང་། ཁྱོད་རྣམས་ཀྱིས་སྤངས་པའི་ཡུལ་དེ་ཁོ་ཚོར་འཐོབ་པར་འགྱུར།  
\v 32 འོན་ཀྱང་ཁྱོད་ཅག་གི་བེམ་པོ་རྣམས་དབེན་སྟོང་འདི་རུ་འགྱེལ་བར་འགྱུར་རོ། །  
\v 33 ཁྱོད་ཅག་གི་བུ་རྣམས་ཀྱིས་ལོ་བཞི་བཅུའི་རིང་ལ་དབེན་སྟོང་དུ་ཕྱུགས་འཚོས་ནས། ཁྱོད་ཅག་གི་བེམ་པོ་རྣམས་དབེན་སྟོང་དུ་རྩ་མེད་དུ་འགྲོ་བའི་བར་ཁོ་ཚོས་ཁྱོད་ཅག་གི་འདོད་ལོག་སྤྱད་པའི་སྡིག་པ་འཁུར་དགོས།  
\v 34 ཁྱོད་རྣམས་ཀྱིས་ཡུལ་དེར་ལྐོག་ལྟ་བྱས་པའི་ཉིན་བཞི་བཅུའི་གྲངས་ཀ་བཞིན་དུ། ཉིན་རེ་ལོ་གཅིག་ལ་བརྩིས་ནས་ལོ་བཞི་བཅུའི་རིང་དུ་ཉེས་པ་འཁུར་དགོས། ཅི་ལ་ཟེར་ན། དེ་ནས་ཁྱོད་ཅག་གིས་བདག་གིས་ཅིའི་ཕྱིར་ཁྱོད་རྣམས་ལ་རྒོལ་བ་ཤེས་པར་འགྱུར་ཞེས་པའོ། །  
\v 35 ཡ་ཝཱེ་བདག་གིས་དེ་ལྟར་སྨྲས་ཟིན་པ་སྟེ། བདག་གིས་ལྷན་དུ་འཛོམས་ནས་བདག་ལ་ངོ་རྒོལ་བྱེད་པའི་མི་ཚོགས་ངན་པ་འདིར་དེ་ལྟར་བྱེད་ངེས་ལ། ཁོ་རྣམས་དབེན་སྟོང་འདི་རུ་མེད་པར་འགྲོ་ཞིང་། འདི་རུ་འཆི་བར་འགྱུར་ཞེས་གསུངས་སོ། །   
\p
\v 36 མོ་ཤེ་ཡིས་ཡུལ་དེར་ལྐོག་ལྟ་བྱེད་པར་བཏང་བའི་མི་དེ་དག་ཕྱིར་འོངས་པ་དང་། ཡུལ་དེའི་སྐོར་གྱི་སྐད་ངན་ཁྱེར་འོངས་པས་མི་ཚོགས་ཐམས་ཅད་ཀྱིས་མོ་ཤེ་ལ་འཁང་ར་བྱས་ཤིང་།  
\v 37 ཡུལ་དེའི་སྐོར་གྱི་སྐད་ངན་ཁྱེར་ཡོང་མཁན་རྣམས་དཀོན་མཆོག་ཡ་ཝཱེའི་དྲུང་དུ་གཉན་ནད་ཀྱིས་ཤིའོ། །  
\v 38 ཡུལ་དེར་ལྐོག་ལྟ་བྱེད་དུ་སོང་བའི་མི་རྣམས་ལས། ནུན་གྱི་བུ་ཡོ་ཤུ་ཨ་དང་ཡེ་ཕུན་ནེའི་བུ་ཀཱ་ལེབ་གཉིས་ད་དུང་གསོན་པོར་གནས་སོ། །   
\s1 ཡེས་ར་ཨེལ་ཕམ་པར་གྱུར་ཚུལ།  
\p
\v 39 མོ་ཤེ་ཡིས་གཏམ་དེ་རྣམས་ཡེས་ར་ཨེལ་པ་ཐམས་ཅད་ལ་སྨྲས་པ་ན། མི་རྣམས་ཀྱིས་མྱ་ངན་དྲག་པོ་བྱས་པ་དང་།  
\v 40 དེའི་ཕྱི་ཉིན་ཞོགས་པར་ཁོ་རྣམས་སྔ་མོ་ནས་ཡར་ལངས་ཏེ་རི་རྩེར་\f + \ft འདིར་རི་རྩེ་ཞེས་པ་ནི་རི་ཁུལ་གྱི་མཐོ་སར་ཡང་གོ་རུང་སྟེ། ལེའུ་འདིའི་ཚིག་རྐང་ཞེ་བཞི་པའི་རི་རྩེ་ཞེས་པའང་དེ་བཞིན་ཡིན། \f*སོང་ནས་འདི་ལྟར། ང་ཚོ་འདི་རུ་ཡོད། ང་ཚོ་དཀོན་མཆོག་ཡ་ཝཱེས་ཞལ་གྱིས་བཞེས་པའི་གནས་དེར་ཡར་འགྲོ་བར་བྱ། ཅི་ལ་ཞེ་ན། ང་ཚོས་སྡིག་པ་བྱས་པས་སོ་ཞེས་སྨྲས།  
\v 41 དེ་ནས་མོ་ཤེ་ན་རེ། ཁྱོད་རྣམས་ཡང་བསྐྱར་དཀོན་མཆོག་ཡ་ཝཱེའི་བཀའ་དང་འགལ་བ་ཅི། དོན་དེ་འགྲུབ་པའི་དཔེ་མི་སྲིད།  
\v 42 དཀོན་མཆོག་ཡ་ཝཱེ་ཁྱོད་ཚོའི་དཀྱིལ་དུ་མི་བཞུགས་པས། དགྲ་བོའི་ཚོགས་ཀྱིས་ཁྱོད་རྣམས་ཕམ་པར་མི་རྒྱག་པའི་ཕྱིར་དུ་ཡར་མ་འགྲོ་ཞིག  
\v 43 གང་ལ་ཟེར་ན། ཨ་མཱད་ལེག་པ་དང་ཀ་ན་ཨན་པ་རྣམས་ཁྱོད་ཚོའི་མདུན་དུ་ཡོད་པས། ཁྱོད་རྣམས་རལ་གྲིའི་ཁ་ནས་འགྱེལ་བར་འགྱུར། ཁྱོད་ཚོ་དཀོན་མཆོག་ཡ་ཝཱེའི་རྗེས་སུ་མ་འབྲངས་པས་དཀོན་མཆོག་ཡ་ཝཱེ་ཁྱོད་རྣམས་དང་མཉམ་དུ་མི་བཞུགས་སོ་ཞེས་སྨྲས།  
\v 44 དེ་དག་ཁེངས་དྲེགས་ཆེན་པོས་རི་རྩེར་སོང་ཡང་། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དང་མོ་ཤེ་ནི་སྒར་དང་མ་བྲལ་ཏོ། །  
\v 45 དེ་ནས་རི་དེར་གནས་པའི་ཨ་མཱད་ལེག་པ་དང་ཀ་ན་ཨན་པ་རྣམས་ཐུར་ལ་བབས་ནས། ཁོ་ཚོར་བརྡུངས་ནས་ཧོར་མཱ་བར་དུ་ཕམ་པར་བརྒྱབས་སོ། །   
\c 15
\cl ལེའུ་བཅོ་ལྔ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཀ་ན་ཨན་ཡུལ་གྱི་མཆོད་པའི་སྒྲིག་ཁྲིམས།  
\p
\v 1 དེ་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར། ཁྱོད་ཚོ་བདག་གིས་ཁྱོད་རྣམས་གཞིས་ཆགས་པའི་ཕྱིར་གནང་བའི་ཡུལ་དུ་ཕྱིན་པའི་ཚེ།  
\v 3 བ་ཁྱུ་དང་ར་ལུག་གི་ཁྱུ་ནས་དཀོན་མཆོག་ཡ་ཝཱེ་ལ་མེ་མཆོད་འབུལ་དགོས་ཤིང་། དེ་ནི་སྦྱིན་སྲེག་གི་མཆོད་པའམ་དམར་མཆོད་གཞན་འབུལ་བ་དང་། དམ་བཅའི་མཆོད་པའམ་ཡིད་མོས་ཀྱི་མཆོད་པ་འབུལ་བ། ཡང་ན་ཁྱོད་ཅག་གི་དུས་ཆེན་རྣམས་ཀྱི་མཆོད་པ་འབུལ་བ་བཅས་གང་ཡིན་ཡང་ཐམས་ཅད་དཀོན་མཆོག་ཡ་ཝཱེ་ལ་དྲི་ཞིམ་གྱི་མཆོད་པར་འབུལ་དགོས།  
\v 4 མཆོད་པ་འབུལ་མཁན་གྱིས་ཨེ་ཕཱ་བཅུ་ཆ་གཅིག་གི་ཕྱེ་བཟང་པོ་རྫ་བུམ་གྱི་བཞི་ཆ་གཅིག་གི་སྣུམ་ལ་བསྲེས་པ་ཞིག་དཀོན་མཆོག་ཡ་ཝཱེ་ལ་འབྲུ་རིགས་ཀྱི་མཆོད་པར་འབུལ་དགོས།  
\v 5 དེ་མིན་སྦྱིན་སྲེག་གམ་དམར་མཆོད་གཞན་གང་ཡིན་ཡང་། ལུ་གུ་རེའི་ཕྱིར་དུ་ཁྱོད་ཀྱིས་སྐྱེམས་མཆོད་དུ་རྒུན་ཆང་རྫ་བུམ་གྱི་བཞི་ཆ་གཅིག་དེ་དང་མཉམ་དུ་འབུལ་དགོས་པ་དང་།  
\v 6 ཡང་ན་ལུག་ཐུག་རེའི་ཕྱིར་དུ་ཁྱོད་ཀྱིས་ཨེ་ཕཱ་བཅུ་ཆ་གཉིས་ཀྱི་ཕྱེ་བཟང་པོ་རྫ་བུམ་གྱི་གསུམ་ཆ་གཅིག་གི་སྣུམ་ལ་བསྲེས་ནས་འབྲུ་རིགས་ཀྱི་མཆོད་པར་འབུལ་དགོས་ལ།  
\v 7 ཡང་རྒུན་ཆང་རྫ་བུམ་གྱི་གསུམ་ཆ་གཅིག་སྐྱེམས་མཆོད་དུ་དཀོན་མཆོག་ཡ་ཝཱེ་ལ་དྲི་ཞིམ་གྱི་མཆོད་པར་འབུལ་དགོས་སོ། །  
\v 8 གལ་སྲིད་ཁྱོད་ཀྱིས་གླང་ཐུག་ཅིག་གྲ་སྒྲིག་བྱས་ཏེ་དམ་བཅའ་སྒྲུབ་པའམ། ཡང་ན་ཞི་བདེའི་མཆོད་པ་བྱས་ནས་དཀོན་མཆོག་ཡ་ཝཱེ་ལ་སྦྱིན་སྲེག་གམ་དམར་མཆོད་གཞན་འབུལ་ན།  
\v 9 ཨེ་ཕཱ་གསུམ་ཆ་གཅིག་གི་ཕྱེ་བཟང་པོ་རྫ་བུམ་ཕྱེད་ཀའི་སྣུམ་ལ་བསྲེས་ནས་གླང་ཐུག་དང་མཉམ་དུ་འབྲུ་རིགས་ཀྱི་མཆོད་པར་འབུལ་བ་དང་།  
\v 10 ཡང་རྒུན་ཆང་རྫ་བུམ་ཕྱེད་ཀ་སྐྱེམས་མཆོད་དུ་དཀོན་མཆོག་ཡ་ཝཱེ་ལ་དྲི་ཞིམ་གྱི་མེ་མཆོད་དུ་འབུལ་དགོས།  
\v 11 དེ་ལྟར་གླང་ཐུག་གཅིག་གམ། ཡང་ན་ལུག་ཐུག་གཅིག ཡང་ན་ལུ་གུ་ཕོ་གཅིག ཡང་ན་རེའུ་གཅིག་བཅས་འབུལ་ན་ཐམས་ཅད་དེ་བཞིན་བསྒྲུབ་དགོས།  
\v 12 ཁྱོད་ཀྱིས་གྲ་སྒྲིག་བྱས་པའི་གྲངས་ཀ་ལྟར། རེ་རེ་དེ་བཞིན་དུ་བསྒྲུབ་དགོས་སོ། །  
\v 13 གཞིས་སྐྱེས་ཐམས་ཅད་ཀྱིས་དཀོན་མཆོག་ཡ་ཝཱེ་ལ་དྲི་ཞིམ་གྱི་མེ་མཆོད་འབུལ་བའི་ཚེ་དེ་བཞིན་དུ་བསྒྲུབ་དགོས།  
\v 14 ཕྱི་མི་ཞིག་ཁྱོད་རྣམས་དང་མཉམ་དུ་སྡོད་པའམ། ཡང་ན་སུ་ཞིག་མི་རབས་ནས་མི་རབས་བར་ཁྱོད་རྣམས་ཀྱི་ཁྲོད་དུ་སྡོད་ཅིང་དཀོན་མཆོག་ཡ་ཝཱེ་ལ་དྲི་ཞིམ་གྱི་མེ་མཆོད་འབུལ་ན། དེས་ནི་ཁྱོད་ཅག་གིས་ཅི་ལྟར་སྒྲུབ་པ་བཞིན་དུ་བསྒྲུབ་དགོས་སོ། །  
\v 15 མི་ཚོགས་ལ་མཚོན་ན། ཁྱོད་ཅག་དང་ཡང་ན་ཁྱོད་ཅག་མཉམ་དུ་སྡོད་པའི་ཕྱི་མི་རྣམས་ཀྱི་སྒྲིག་ཁྲིམས་ནི་གཅིག་མཚུངས་ཡིན་ལ། ཁྱོད་ཅག་མི་རབས་ཀུན་གྱི་དུས་གཏན་གྱི་སྒྲིག་ཁྲིམས་ཡིན། དཀོན་མཆོག་ཡ་ཝཱེའི་དྲུང་དུ་ཁྱོད་ཅག་ཅི་ལྟར་ཡིན་ན་བྱེས་པ་རྣམས་ཀྱང་དེ་ལྟར་ཡིན་དགོས།  
\v 16 ཁྱོད་ཅག་དང་ཁྱོད་རྣམས་ཀྱི་ཁྲོད་དུ་གནས་པའི་ཕྱི་མི་ལ་བཀའ་ཁྲིམས་དང་སྲོལ་ཡིག་གཅིག་ཡིན་སྨྲོས་ཤིག་ཅེས་གསུངས་སོ། །   
\p
\v 17 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 18 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་ཤོད་དང་། ཁྱོད་རྣམས་བདག་གིས་ཁྱོད་ཚོ་ཁྲིད་ནས་འགྲོ་བའི་ཡུལ་དེར་སླེབས་ནས།  
\v 19 ཡུལ་དེའི་ཟས་ཟ་བའི་དུས་སུ་དཀོན་མཆོག་ཡ་ཝཱེ་ལ་འདེགས་མཆོད་འབུལ་དགོས།  
\v 20 ཁྱོད་ཅག་གིས་འབྲུ་ཕུད་ཀྱི་གྲོ་ཕྱེ་ཡིས་བག་ལེབ་ཅིག་འདེགས་མཆོད་དུ་འབུལ་དགོས། དེ་ནི་གཡུལ་ཁའི་འདེགས་མཆོད་འབུལ་བ་ནང་བཞིན་འབུལ་དགོས།  
\v 21 ཁྱོད་ཅག་མི་རབས་ཀུན་གྱིས་འབྲུ་ཕུད་ཀྱི་གྲོ་ཕྱེ་ནི་དཀོན་མཆོག་ཡ་ཝཱེ་ལ་འདེགས་མཆོད་དུ་འབུལ་དགོས་སོ། །   
\s1 མ་ཤེས་པར་བྱས་པའི་སྡིག་པ་བླུ་བའི་ཁྲིམས།  
\p
\v 22 གལ་སྲིད་ཁྱོད་ཅག་གིས་མ་ཤེས་པར་\f + \ft མ་ཤེས་པ་ཞེས་པ་ནི་ཡ་ཧུ་དཱའི་སྐད་དུ་ལམ་ནོར་དུ་ཕྱིན་པ་ཞེས་བྲིས་ཡོད།\f*སྡིག་པ་བྱས་ནས། དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་ཐམས་ཅད་དེ།  
\v 23 དཀོན་མཆོག་ཡ་ཝཱེས་མོ་ཤེ་བརྒྱུད་ནས་ཁྱོད་ཅག་ལ་བཀའ་གནང་བའི་དོན་ཐམས་ཅད། དཀོན་མཆོག་ཡ་ཝཱེས་བཀའ་གནང་བའི་ཉིན་དེ་ནས་བཟུང་ཁྱོད་ཅག་གི་མི་རབས་ནས་མི་རབས་བར་དུ་བསྲུང་མ་ཐུབ་ན།  
\v 24 གལ་སྲིད་མ་བསམ་ས་ནས་ནོར་འཛོལ་བྱུང་ཞིང་མི་ཚོགས་ཀྱིས་ཀྱང་མི་ཤེས་ན། མི་ཚོགས་ཡོངས་ཀྱིས་གླང་ཐུག་ཅིག་སྦྱིན་སྲེག་སྟེ། དཀོན་མཆོག་ཡ་ཝཱེ་ལ་དྲི་ཞིམ་གྱི་མཆོད་པར་འབུལ་དགོས་ལ། སྲོལ་ཡིག་ནང་བཞིན་དེའི་འབྲུ་རིགས་ཀྱི་མཆོད་པ་དང་སྐྱེམས་མཆོད་ཀྱང་དེ་དང་མཉམ་དུ་འབུལ་བ་དང་། ཡང་ར་ཕོ་གཅིག་སྡིག་བཤགས་མཆོད་པ་རུ་འབུལ་དགོས་སོ། །  
\v 25 མཆོད་དཔོན་གྱིས་ཡེས་ར་ཨེལ་པ་རྣམས་ཀྱི་མི་ཚོགས་ཡོངས་ཀྱི་ཕྱིར་དུ་སྡིག་བཤགས་བྱེད་དགོས་ཤིང་། དེ་དག་ལ་སྡིག་སེལ་འཐོབ་ངེས་ཡིན། ཅི་ལ་ཟེར་ན། དེ་ནི་མ་བསམ་ས་ནས་བཟོས་པའི་སྡིག་པ་ཞིག་ཡིན་པ་དང་། ཡང་དེ་དག་གིས་རང་གི་མ་བསམ་ས་ནས་བཟོས་པའི་སྡིག་པའི་རྐྱེན་གྱིས། མེ་མཆོད་དང་སྡིག་བཤགས་མཆོད་པ་དཀོན་མཆོག་ཡ་ཝཱེའི་དྲུང་དུ་ཕུལ་བས་སོ། །  
\v 26 ཡེས་ར་ཨེལ་པ་རྣམས་ཀྱི་མི་ཚོགས་དང་དེའི་ཁྲོད་དུ་གནས་པའི་ཕྱི་མི་རྣམས་ལ་སྡིག་སེལ་འཐོབ་ངེས་ཡིན། ཅི་ལ་ཞེ་ན། མི་ཐམས་ཅད་ཀྱིས་མ་བསམ་ས་ནས་སྡིག་པ་བྱས་པའི་ཕྱིར་རོ། །   
\p
\v 27 གལ་སྲིད་མི་ཞིག་གིས་མ་ཤེས་པར་སྡིག་པ་བྱས་ན། དེས་ར་མ་ལོ་གཅིག་ཅན་ཞིག་སྡིག་བཤགས་མཆོད་པར་འབུལ་དགོས།  
\v 28 མཆོད་དཔོན་གྱིས་མ་ཤེས་པར་སྡིག་པ་བྱེད་མཁན་དེའི་ཕྱིར་དུ་སྡིག་བཤགས་བྱེད་དགོས་ཏེ། མི་དེས་མ་བསམ་ས་ནས་དཀོན་མཆོག་ཡ་ཝཱེའི་སྤྱན་སྔར་སྡིག་པ་བྱས་པས་སོ། །མཆོད་དཔོན་གྱིས་མི་དེའི་ཕྱིར་སྡིག་བཤགས་བྱེད་ཅིང་མི་དེར་སྡིག་སེལ་འཐོབ་ངེས་ཡིན།  
\v 29 མ་བསམ་ས་ནས་སྡིག་པ་བྱེད་མཁན་ནི་ཡེས་ར་ཨེལ་པའི་ཁྲོད་ཀྱི་གཞིས་སྐྱེས་སམ་དེ་དག་གི་ཁྲོད་དུ་གནས་པའི་ཕྱི་མི་གང་ཡིན་ཡང་། ཐམས་ཅད་ལ་བཀའ་ཁྲིམས་གཅིག་ཡིན་དགོས།  
\v 30 འོན་ཀྱང་བསམ་གཟས་ནས་སྡིག་པ་བྱེད་མཁན་ནི་གཞིས་སྐྱེས་སམ་བྱེས་པ་གང་ཡིན་ཡང་། དཀོན་མཆོག་ཡ་ཝཱེ་ལ་སྐུར་བ་འདེབས་མཁན་མི་དེ་ནི་རང་གི་མི་མང་ནས་འཕུད་དགོས།  
\v 31 མི་དེས་དཀོན་མཆོག་ཡ་ཝཱེའི་བཀའ་ལ་མཐོང་ཆུང་བྱས་ཤིང་། ཁོང་གི་བཀའ་དང་འགལ་བས། མི་དེ་ནི་ངེས་པར་འཕུད་དགོས་ཤིང་། ཁོའི་ཉེས་པ་རང་སྟེང་ལ་སྦྱོར་བར་འགྱུར་ཞེས་སྨྲ་དགོས་པར་གསུངས་སོ། །   
\s1 ངལ་གསོ་བའི་ཉིན་མོ་དང་འགལ་བར་སྲོག་ཆད་གཅོད་པ།  
\p
\v 32 ཡེས་ར་ཨེལ་པ་རྣམས་དབེན་སྟོང་དུ་གནས་པ་ལ། མི་ཞིག་གིས་ངལ་གསོ་བའི་ཉིན་མོར་བུད་ཤིང་བཏུས་པ་དང་།  
\v 33 ཁོས་བུད་ཤིང་འཐུ་བ་མཐོང་མཁན་རྣམས་ཀྱིས་ཁོ་རང་མོ་ཤེ་དང་ཨ་རོན་དང་མི་ཚོགས་ཡོངས་ཀྱི་མདུན་དུ་ཁྲིད་དོ། །  
\v 34 མི་དེར་ཅི་བྱེད་དགོས་པ་ཐག་གིས་མ་ཆོད་པས་བཀག་ནས་བཞག་གོ །   
\p
\v 35 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། མི་དེ་ངེས་པར་གསོད་དགོས་ཏེ། མི་ཚོགས་ཡོངས་ཀྱིས་སྒར་གྱི་ཕྱི་རོལ་ཏུ་ཁོ་རྡོ་རུབ་བཏང་ནས་གསོད་དགོས་ཞེས་གསུངས་པས།  
\v 36 མི་ཚོགས་ཡོངས་ཀྱིས་དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་བཞིན་དུ། ཁོ་སྒར་གྱི་ཕྱི་རོལ་ཏུ་ཁྲིད་དེ་རྡོ་རུབ་བཏང་ནས་བསད་དོ། །   
\s1 གོས་ལ་ཙོར་ལོ་འདོགས་པའི་སྒྲིག་སྲོལ།  
\p
\v 37 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 38 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྨྲོས་ཤིག ཁོ་ཚོས་མི་རབས་ནས་མི་རབས་བར་དུ་རང་གི་གྱོན་གོས་ཀྱི་སྣེ་མོར་ཙོར་ལོ་འདོགས་དགོས་ལ། ཡང་ཙོར་ལོ་རེའི་སྟེང་དུ་ཐ་གུ་སྔོན་པོ་བཙེམ་དགོས།  
\v 39 ཁྱོད་ཚོས་ཙོར་ལོ་མཐོང་མ་ཐག་དཀོན་མཆོག་ཡ་ཝཱེའི་བཀའ་ཐམས་ཅད་དྲན་ཞིང་དེ་བཞིན་དུ་བྱེད་པ་དང་། ཁྱོད་རྣམས་གང་བྱུང་དུ་རྒྱུགས་ནས་ལོག་གཡེམ་སྤྱད་པ་བཞིན་རང་གི་བསམ་ཚུལ་དང་མིག་གི་རྗེས་སུ་མི་འབྲང་བའི་ཕྱིར་དང་།  
\v 40 ཁྱོད་རྣམས་ཀྱིས་བདག་གི་བཀའ་ཐམས་ཅད་དྲན་ནས་དེ་བཞིན་བྱེད་པ་དང་། ཡང་ཁྱོད་རྣམས་དཀོན་མཆོག་གི་ཆེད་དུ་དམ་པ་ཡིན་དགོས་སོ། །  
\v 41 བདག་ནི་ཁྱོད་ཅག་གི་དཀོན་མཆོག་ཡ་ཝཱེ་ཡིན་ལ། ཁྱོད་ཅག་གི་དཀོན་མཆོག་བྱེད་པའི་ཕྱིར་ཁྱོད་རྣམས་ཨེ་ཅིབ་ཡུལ་ནས་ཕྱི་རོལ་ཏུ་ཁྲིད་འོངས་པ་ཡིན། བདག་ནི་ཁྱོད་ཅག་གི་དཀོན་མཆོག་ཡ་ཝཱེ་ཡིན་ནོ་ཞེས་གསུངས་སོ། །   
\c 16
\cl ལེའུ་བཅུ་དྲུག་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཀོ་རཱག་གིས་ངོ་ལོག་བྱས་པ།  
\p
\v 1 དེ་ཡང་ལེ་ཝིའི་ཡང་ཚ་སྟེ། ཀོ་ཧད་ཀྱི་ཚ་བོ་དང་ཡེས་ཧར་གྱི་བུ་ཀོ་རཱག་དང་། རུ་བེན་གྱི་བུ་རྒྱུད་ལས་ཨེ་ལི་ཨབ་ཀྱི་བུ་དཱ་ཐན་དང་ཨ་བི་རཱམ་གཉིས་དང་། ཕེ་ལེད་ཀྱི་བུ་ཨོན་བཅས་ཀྱིས་མི་ཁྲིད་ནས་འོངས་ཏེ།  
\v 2 མོ་ཤེ་ལ་ངོ་རྒོལ་བྱས་པ་དང་། ད་དུང་ཡེས་ར་ཨེལ་པ་རྣམས་ལས་མི་ཉིས་བརྒྱ་ལྔ་བཅུ་སྟེ་མི་ཚོགས་ཀྱི་འགོ་དཔོན་ཡིན་ཞིང་། མི་ཚོགས་ལས་བདམས་པའི་མི་སྙན་གྲགས་ཅན་རྣམས་ཀྱང་ཡོད་དོ། །  
\v 3 དེ་དག་མཉམ་དུ་འདུས་ནས་མོ་ཤེ་དང་ཨ་རོན་གཉིས་ལ་ངོ་རྒོལ་བྱས་ཤིང་ཁོ་གཉིས་ལ་འདི་ལྟར། ཁྱོད་གཉིས་ཚད་ལས་བརྒལ་དྲགས། མི་ཚོགས་ཡོངས་ཀྱི་མི་རེ་རེ་དམ་པ་ཡིན་ཞིང་དཀོན་མཆོག་ཡ་ཝཱེ་ཡང་དེ་དག་གི་ཁྲོད་དུ་བཞུགས་ཡོད་པས། ཁྱོད་གཉིས་ཀྱིས་རང་ཉིད་དཀོན་མཆོག་ཡ་ཝཱེའི་མི་ཚོགས་ལས་མཐོན་པོར་བཀུར་བ་ཅི་ཡིན་ནམ་ཞེས་སྨྲས་སོ། །  
\v 4 མོ་ཤེ་ཡིས་དེ་ཐོས་ནས་གདོང་ས་རུ་བཏུད་ཅིང་།  
\v 5 ཀོ་རཱག་དང་ཁོའི་འགྲོགས་ཡ་རྣམས་ལ་འདི་ལྟར། སང་ཉིན་ཞོགས་པར་དཀོན་མཆོག་ཡ་ཝཱེས་སུ་ཞིག་ཁོང་གི་ཡིན་པ་དང་། སུ་ཞིག་དམ་པ་ཡིན་པ་སྟོན་པར་མཛད་ནས་དེ་ཁོང་གི་འཁྲིས་སུ་འཁྲིད་འོང་ལ། ཡང་སུ་ཞིག་ཁོང་གིས་བདམས་པ་ཡིན་ན་དེ་ཁོང་གི་ཉེ་སར་འདྲེན་པར་འགྱུར།  
\v 6 ཁྱོད་ཅག་གིས་འདི་ལྟར་བྱེད་དགོས་ཏེ། ཀོ་རཱག་དང་ཁྱོད་ཀྱི་འགྲོགས་ཡ་རྣམས་ཀྱིས་སྤོས་ཕོར་ཁྱེར་འོངས་ནས།  
\v 7 སང་ཉིན་ཁྱོད་ཅག་གིས་དཀོན་མཆོག་ཡ་ཝཱེའི་དྲུང་ནས་དེ་དག་གི་ནང་དུ་མེ་སྦར་བ་དང་དེའི་སྟེང་དུ་སྤོས་ཞོག་ཅིག དཀོན་མཆོག་ཡ་ཝཱེས་སུ་ཞིག་བདམས་ན་དེ་ནི་དམ་པ་ཡིན་པར་འགྱུར། ལེ་ཝི་པ་ཁྱོད་རྣམས་ཚད་ལས་བརྒལ་དྲགས་ཞེས་སྨྲས་སོ། །   
\p
\v 8 དེ་ནས་མོ་ཤེ་ཡིས་ཀོ་རཱག་ལ་འདི་ལྟར། ལེ་ཝི་པ་རྣམས་ཀྱིས་ཉོན་ཅིག  
\v 9 ཡེས་ར་ཨེལ་གྱི་དཀོན་མཆོག་གིས་ཁྱོད་ཚོ་ཡེས་ར་ཨེལ་པའི་མི་ཚོགས་ལས་ལོགས་སུ་བཀར་ཏེ། ཁྱོད་ཅག་ཁོང་དང་ཉེ་བར་མཛད་ནས། དཀོན་མཆོག་ཡ་ཝཱེའི་གུར་མཆོག་གི་ཞབས་ཕྱི་བྱེད་པ་དང་། མི་ཚོགས་ཀྱི་མདུན་དུ་ལངས་ནས་ཁོ་ཚོའི་དོན་དུ་ཞབས་ཕྱི་སྒྲུབ་པར་མཛད།  
\v 10 ཡང་དཀོན་མཆོག་ཡ་ཝཱེས་ཁྱོད་དང་ཁྱོད་ཀྱི་སྤུན་ཟླ་ཐམས་ཅད་དེ། ལེ་ཝིའི་བུ་རྒྱུད་རྣམས་ལྷན་དུ་ཁོང་དང་ཉེ་བར་མཛད་པ་དང་། ཁྱོད་ཅག་གིས་དེ་ནི་དོན་ཆུང་ངུ་ཞིག་ཡིན་པར་འདོད་དམ། ཁྱོད་ཅག་གིས་ད་དུང་མཆོད་དཔོན་གྱི་ལས་འགན་ལ་བསྙེག་གམ།  
\v 11 དེའི་ཕྱིར། ཁྱོད་དང་ཁྱོད་ཀྱི་འགྲོགས་ཡ་རྣམས་མཉམ་དུ་འདུས་ཏེ་དཀོན་མཆོག་ཡ་ཝཱེ་ལ་རྒོལ་བའོ། །ཨ་རོན་སུ་ཡིན་ནམ། ཁྱོད་ཅག་གིས་ཁོ་ལ་འཁང་ར་བྱེད་དགོས་དོན་ཅི་ཡོད་ཅེས་སྨྲས་སོ། །  
\v 12 དེ་ནས་མོ་ཤེ་ཡིས་ཨེ་ལི་ཨབ་ཀྱི་བུ་དཱ་ཐན་དང་ཨ་བི་རཱམ་གཉིས་འབོད་པར་མི་མངགས་པ་ལ། དེ་གཉིས་ཀྱིས་ངེད་གཉིས་ཡར་མི་འགྲོ།  
\v 13 ཁྱོད་ཀྱིས་ངེད་རྣམས་དབེན་སྟོང་དུ་གསོད་པའི་ཕྱིར་དུ་འོ་མ་དང་སྦྲང་རྩི་བཞུར་བའི་ཡུལ་ནས་ཡར་ཁྲིད་འོངས་པ་དང་། དེ་ནི་དོན་ཆུང་ངུ་ཞིག་ཡིན་ནམ། ཁྱོད་ཀྱིས་ད་དུང་རང་ཉིད་རྒྱལ་པོར་བསྐོས་ནས་ངེད་རྣམས་ལ་དབང་བསྒྱུར་དགོས་སམ།  
\v 14 དེར་མ་ཟད་ཁྱོད་ཀྱིས་ངེད་རྣམས་འོ་མ་དང་སྦྲང་རྩི་བཞུར་བའི་ཡུལ་དུ་མ་ཁྲིད་ལ། ས་ཞིང་དང་རྒུན་འབྲུམ་ར་བ་དག་ཀྱང་ངེད་རྣམས་ལ་ས་སྐལ་དུ་མ་བྱིན། ཁྱོད་ཀྱིས་མི་འདི་དག་གི་མིག་འདོན་པར་བྱའམ། ངེད་གཉིས་ཡར་མི་འགྲོ་ཞེས་སྨྲས་སོ། །  
\v 15 དེ་ནས་མོ་ཤེ་ཤིན་ཏུ་ཁྲོས་ཏེ་དཀོན་མཆོག་ཡ་ཝཱེ་ལ་འདི་ལྟར། ཁྱེད་ཀྱིས་དེ་དག་གི་མཆོད་པ་མི་གཟིགས་པར་མཛོད། ངས་དེ་དག་ལས་བོང་བུ་གཅིག་ཀྱང་བླངས་མེད་ལ། ཁོ་རྣམས་ལས་མི་གཅིག་ལ་ཡང་གནོད་པ་བཏང་མེད་ཅེས་ཞུས་སོ། །   
\p
\v 16 མོ་ཤེ་ཡིས་ཀོ་རཱག་ལ་འདི་ལྟར། སང་ཉིན་ཁྱོད་དང་ཁྱོད་ཀྱི་འགྲོགས་ཡ་རྣམས་དང་། དེ་མིན་ཨ་རོན་བཅས་དཀོན་མཆོག་ཡ་ཝཱེའི་དྲུང་དུ་འཛོམ་པར་གྱིས་ཤིག  
\v 17 ཁྱོད་ཅག་མི་རེ་རེས་རང་གི་སྤོས་ཕོར་ཁྱེར་ནས་དེ་དག་གི་ནང་དུ་སྤོས་ཞོག་ཅིག མི་རེ་རེས་རང་རང་གི་སྤོས་ཕོར་དཀོན་མཆོག་ཡ་ཝཱེའི་དྲུང་དུ་འཁྱེར་འོང་དགོས་ལ། བསྡོམས་པས་སྤོས་ཕོར་ཉིས་བརྒྱ་ལྔ་བཅུ་ཡིན། ཁྱོད་དང་ཨ་རོན་གཉིས་ཀྱིས་ཀྱང་རང་རང་གི་སྤོས་ཕོར་འཁྱེར་འོང་དགོས་ཞེས་སྨྲས་སོ། །  
\v 18 དེ་ནས་ཁོ་རྣམས་མི་རེ་རེས་རང་རང་གི་སྤོས་ཕོར་ཁྱེར་ནས་དེ་དག་གི་སྟེང་དུ་མེ་དང་མེའི་སྟེང་དུ་སྤོས་བཞག་རྗེས། མོ་ཤེ་དང་ཨ་རོན་མཉམ་དུ་མཇལ་འཕྲད་གུར་མཆོག་གི་སྒོ་ཁར་འགྲེང་ངོ་། །  
\v 19 ཀོ་རཱག་གིས་མི་ཚོགས་ཡོངས་མོ་ཤེ་དང་ཨ་རོན་གཉིས་ལ་རྒོལ་བར་མཇལ་འཕྲད་གུར་མཆོག་གི་སྒོ་ཁར་བསྡུས་པ་ན། དཀོན་མཆོག་ཡ་ཝཱེའི་གཟི་འོད་མི་ཚོགས་ཡོངས་ལ་མངོན་པར་གྱུར་ཏོ། །   
\p
\v 20 དེ་ནས་ཡང་དཀོན་མཆོག་ཡ་ཝཱེས་མོ་ཤེ་དང་ཨ་རོན་གཉིས་ལ་འདི་སྐད་དུ།  
\v 21 བདག་གིས་མི་ཚོགས་འདི་སྐད་ཅིག་ཉིད་ལ་རྩ་ནས་འཇོམས་པའི་ཕྱིར། ཁྱོད་གཉིས་དེ་དག་དང་གྱེས་ཤིག་ཅེས་གསུངས་སོ། །  
\v 22 དེ་ནས་མོ་ཤེ་དང་ཨ་རོན་གཉིས་ཀྱིས་གདོང་སར་བཏུད་ནས་འདི་ལྟར། ཀྱེ་དཀོན་མཆོག ལུས་ཅན་ཐམས་ཅད་ཀྱི་སེམས་ཉིད་ཀྱི་དཀོན་མཆོག་ལགས། མི་གཅིག་གིས་སྡིག་པ་བྱས་པས་ཁྱེད་ཉིད་མི་ཚོགས་ཡོངས་ལ་ཐུགས་ཁྲོ་བར་མཛད་དམ་ཞེས་ཞུས་སོ། །   
\p
\v 23 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 24 ཁྱོད་ཀྱིས་མི་ཚོགས་ལ། ཁྱོད་རྣམས་ཀོ་རཱག་དང་། དཱ་ཐན། ཨ་བི་རཱམ་བཅས་ཀྱི་གུར་དང་འབྲལ་བར་གྱིས་སྨྲོས་ཤིག་ཅེས་གསུངས་སོ། །  
\v 25 དེ་ནས་མོ་ཤེ་ཡར་ལངས་ནས་དཱ་ཐན་དང་ཨ་བི་རཱམ་གཉིས་ཀྱི་རྩར་ཕྱིན་པ་དང་། ཡེས་ར་ཨེལ་གྱི་རྒན་པོ་རྣམས་ཀྱང་ཁོང་གི་རྗེས་སུ་འབྲངས་སོ། །  
\v 26 དེ་ནས་མོ་ཤེ་ཡིས་མི་ཚོགས་ལ་འདི་ལྟར། ཁྱོད་ཅག་མི་ངན་འདི་དག་གི་གུར་རྣམས་དང་རིང་དུ་འབྲལ་བར་གྱིས། ཁྱོད་རྣམས་དེ་དག་གི་སྡིག་པའི་རྐྱེན་གྱིས་རླུང་གིས་འཁུར་བ་ལྟར་མི་འགྱུར་བའི་སླད། དེ་དག་གི་ཡིན་པ་གང་ལ་ཡང་རེག་པར་མི་བྱའོ་ཞེས་སྨྲས་པ་ལ།  
\v 27 མི་ཚོགས་ཀོ་རཱག་དང་དཱ་ཐན་དང་ཨ་བི་རཱམ་བཅས་ཀྱི་གུར་གྱི་ཕྱོགས་བཞིར་བྲལ་ཞིང་། དཱ་ཐན་དང་ཨ་བི་རཱམ་གཉིས་ཀྱིས་རང་གི་ཆུང་མ་རྣམས་དང་བུ་ཕྲུག་དང་ཕྲུ་གུ་བཅས་ཁྲིད་ནས་ཐོན་ཏེ་རང་གི་གུར་རྣམས་ཀྱི་སྒོ་ཁར་འགྲེང་ནས་བསྡད་དོ། །  
\v 28 མོ་ཤེ་ཡིས་འདི་ལྟར། དོན་འདི་ཐམས་ཅད་ནི་ངས་རང་གི་བསམ་ཚུལ་བཞིན་དུ་སྒྲུབ་པ་མ་ཡིན་པར། དཀོན་མཆོག་ཡ་ཝཱེས་ང་རང་དོན་འདི་རྣམས་བསྒྲུབ་ཏུ་མངགས་པ་ཁྱོད་ཅག་གིས་འདི་ནས་ཤེས་ཡོང་སྟེ།  
\v 29 གལ་སྲིད་མི་འདི་རྣམས་འཆི་བ་ནི་མི་ཐམས་ཅད་ཀྱི་ལུགས་ལྟར་ཡིན་པའམ། ཡང་ན་ཁོ་རྣམས་ཀྱིས་མྱོང་བ་ནི་མི་ཐམས་ཅད་ཀྱིས་མྱོང་བ་བཞིན་དུ་ཡིན་ན། དཀོན་མཆོག་ཡ་ཝཱེས་ང་རང་མངགས་པ་མ་ཡིན་ཏེ།  
\v 30 གལ་སྲིད་དཀོན་མཆོག་ཡ་ཝཱེས་དོན་ཞིག་གསར་དུ་བཏོད་ཅིང། ས་གཞིས་རང་གི་ཁ་གདངས་ཏེ་ཁོ་རྣམས་དང་ཁོ་རྣམས་ལ་ཡོད་པ་ཐམས་ཅད་ཁྱུར་མིད་བཏང་ནས་གསོན་པོར་གཤིན་ཡུལ་དུ་ནུབ་ན། དེ་ནས་མི་འདི་དག་གིས་དཀོན་མཆོག་ཡ་ཝཱེ་ལ་སྐུར་བ་བཏབ་པ་ཁྱོད་ཅག་གིས་ཤེས་པར་འགྱུར་རོ་ཞེས་སྨྲས་སོ། །   
\p
\v 31 མོ་ཤེ་ཡིས་གཏམ་དེ་ཐམས་ཅད་བརྗོད་ཚར་བ་ན། དེ་རྣམས་ཀྱི་རྐང་འོག་གི་ས་གཞི་གས་ཤིང་།  
\v 32 ས་གཞིས་རང་གི་ཁ་གདངས་ནས་དེ་དག་དང་དེ་དག་གི་ཁྱིམ་ཚང་དང་། ཀོ་རཱག་གི་མི་དང་ནོར་རྫས་ཐམས་ཅད་ཁྱུར་མིད་བཏང་ངོ་། །  
\v 33 དེ་བཞིན་ཁོ་རྣམས་དང་ཁོ་རྣམས་ལ་དབང་བ་ཐམས་ཅད་གསོན་པོར་གཤིན་ཡུལ་དུ་ནུབ་ཅིང་། ས་གཞིས་ཁོ་རྣམས་བཀབ་སྟེ་མི་ཚོགས་ལས་མེད་པར་གྱུར་ཏོ། །  
\v 34 དེ་དག་གི་མཐའ་འཁོར་དུ་ཡོད་པའི་ཡེས་ར་ཨེལ་པ་ཐམས་ཅད་ཀྱིས་དེ་རྣམས་ཀྱི་ངུ་འབོད་ཐོས་ནས་བྲོས་ཤིང་། ས་གཞིས་རང་ཅག་ཀྱང་ཁྱུར་མིད་གཏོང་སྲིད་ཅེས་སྨྲས་སོ། །  
\v 35 ཡང་དཀོན་མཆོག་ཡ་ཝཱེའི་ཕྱོགས་ནས་མེ་བྱུང་སྟེ་སྤོས་བསྒྲོན་པའི་མི་ཉིས་བརྒྱ་དང་ལྔ་བཅུ་བཅོམ་པའོ། །   
\p
\v 36 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 37 ཁྱོད་ཀྱིས་མཆོད་དཔོན་ཨ་རོན་གྱི་བུ་ཨེ་ལི་ཨ་ཟར་ལ་ཁ་བསྒོ་བཏང་ནས། ཁོ་ལ་སྤོས་ཕོར་དེ་དག་མེ་རོའི་ཁྲོད་ནས་ལེན་པ་དང་མེ་ནི་ས་གཞན་ལ་གཏོར་དུ་འཇུག་དགོས། དེ་ནི་སྤོས་ཕོར་རྣམས་དམ་པ་ཡིན་པས་སོ། །  
\v 38 སྡིག་པ་བྱས་ནས་རང་སྲོག་བརླག་པ་དེ་རྣམས་ཀྱི་སྤོས་ཕོར་ཁྱོད་ཅག་གིས་ལེབ་མོར་བརྡུངས་ཏེ་མཆོད་ཁྲི་གཡོག་སྤྱད་དུ་བྱེད་དགོས། སྤོས་ཕོར་དེ་དག་ཁོ་རྣམས་ཀྱིས་དཀོན་མཆོག་ཡ་ཝཱེ་ལ་ཕུལ་མྱོང་བས་དམ་པ་ཡིན་པར་མ་ཟད། དེ་ནི་ཡེས་ར་ཨེལ་པ་རྣམས་ལ་ཕྱི་འདོམས་ཀྱི་རྟགས་ཤིག་ཡིན་ཞེས་གསུངས་སོ། །  
\v 39 དེ་ནས་མཆོད་དཔོན་ཨེ་ལི་ཨ་ཟར་གྱིས་མེས་བསྲེགས་པའི་མི་དེ་དག་གིས་ཕུལ་མྱོང་བའི་ལི་ཡི་སྤོས་ཕོར་རྣམས་བླངས་ནས། ལེབ་མོར་བརྡུང་དུ་བཅུག་སྟེ་མཆོད་ཁྲི་གཡོག་སྤྱད་དུ་བྱས་པ་དང་།  
\v 40 ཡེས་ར་ཨེལ་པ་རྣམས་ལ་ཕྱི་འདོམས་ཀྱི་རྟགས་ཤིག་ཏུ་བཞག་ཅིང་། ཨ་རོན་གྱི་རིགས་རྒྱུད་མ་ཡིན་པའི་ཕྱི་མི་སུ་ཡིན་ཡང་དཀོན་མཆོག་ཡ་ཝཱེའི་དྲུང་དུ་ཡོང་ནས་སྤོས་བསྒྲོན་པར་མི་བྱ་སྟེ། ཁོ་རང་ཀོ་རཱག་དང་ཁོའི་འགྲོགས་ཡ་བཞིན་དུ་མི་འགྱུར་བའི་ཕྱིར་ཡིན་ལ། དེ་ནི་དཀོན་མཆོག་ཡ་ཝཱེས་མོ་ཤེ་བརྒྱུད་ནས་ཨེ་ལི་ཨ་ཟར་ལ་གནང་བའི་བཀའ་བཞིན་ནོ། །   
\p
\v 41 དེའི་ཕྱི་ཉིན་ཡེས་ར་ཨེལ་པའི་མི་ཚོགས་ཡོངས་ཀྱིས་མོ་ཤེ་དང་ཨ་རོན་གཉིས་ལ་འཁང་ར་བྱས་ཏེ་ན་རེ། ཁྱོད་གཉིས་ཀྱིས་དཀོན་མཆོག་ཡ་ཝཱེའི་འབངས་མི་བསད་པ་ཡིན་ཞེས་སྨྲས་ཤིང་།  
\v 42 མི་ཚོགས་འདུས་ནས་མོ་ཤེ་དང་ཨ་རོན་གཉིས་ལ་རྒོལ་བའི་ཚེ། ཁོ་གཉིས་ཁ་ཕྱིར་འཁོར་ནས་མཇལ་འཕྲད་གུར་མཆོག་གི་ཕྱོགས་སུ་བལྟས་པ་ན། ཀྱེ་མ། མཇལ་འཕྲད་གུར་མཆོག་སྤྲིན་གྱིས་གཡོགས་ཤིང་དཀོན་མཆོག་ཡ་ཝཱེའི་གཟི་འོད་མངོན་པར་གྱུར་ཏོ། །  
\v 43 དེ་ནས་མོ་ཤེ་དང་ཨ་རོན་གཉིས་མཇལ་འཕྲད་གུར་མཆོག་གི་མདུན་དུ་སོང་བ་དང་།  
\v 44 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 45 ཁྱོད་གཉིས་མི་ཚོགས་འདི་དང་འབྲལ་བར་གྱིས་ཤིག བདག་གིས་ཁོ་རྣམས་སྐད་ཅིག་ཉིད་ལ་མེད་པར་བྱའོ་ཞེས་གསུངས་པ་ན། ཁོ་གཉིས་ཀྱིས་གདོང་སར་བཏུད་དོ། །  
\v 46 མོ་ཤེ་ཡིས་ཨ་རོན་ལ་འདི་ལྟར། ཁྱོད་ཀྱིས་སྤོས་ཕོར་ལོངས་ལ་མཆོད་ཁྲིའི་སྟེང་གི་མེ་དེའི་ནང་དུ་བླུགས་ཤིག དེའི་སྟེང་དུ་སྤོས་བསྒྲོན་རྗེས་མགྱོགས་པོར་མི་ཚོགས་ཡོད་སར་སོང་ལ། ཁོ་རྣམས་ཀྱི་དོན་དུ་སྡིག་བཤགས་བྱོས་ཤིག གང་ལ་ཟེར་ན། དཀོན་མཆོག་ཡ་ཝཱེ་ཐུགས་རབ་ཏུ་ཁྲོས་ཤིང་། གཉན་ནད་འགོ་ཚུགས་ཟིན་པའི་ཕྱིར་རོ་ཞེས་སྨྲས།  
\v 47 དེ་ནས་ཨ་རོན་གྱིས་མོ་ཤེ་ཡིས་བསྒོས་པ་བཞིན་དུ། སྤོས་ཕོར་ཁྱེར་ནས་མི་ཚོགས་ཀྱི་དཀྱིལ་དུ་རྒྱུགས་པ་ལ། ལྟོས་དང་། མི་རྣམས་ཀྱི་ཁྲོད་དུ་དངོས་གནས་གཉན་ནད་བྱུང་འགོ་ཚུགས། དེ་ནས་ཁོས་སྤོས་བསྒྲོན་ཞིང་མི་ཚོགས་ཀྱི་དོན་དུ་སྡིག་བཤགས་བྱས་སོ། །  
\v 48 ཁོ་ནི་གཤིན་པོ་དང་གསོན་པོ་གཉིས་ཀྱི་བར་ནས་འགྲེང་པ་ན། གཉན་ནད་མཚམས་ཆད་དོ། །  
\v 49 ཀོ་རཱག་གི་དོན་རྐྱེན་དབང་གིས་ཤི་བ་རྣམས་ལས་གཞན་གཉན་ནད་ལས་ཤི་བའི་མི་ནི་ཆིག་ཁྲི་བཞི་སྟོང་བདུན་བརྒྱའོ། །  
\v 50 དེ་ནས་ཨ་རོན་ཕྱིར་མཇལ་འཕྲད་གུར་མཆོག་གི་སྒོ་ཁ་རུ་མོ་ཤེའི་རྩར་འབྱོར་བ་ན། གཉན་ནད་མཚམས་ཆད་དོ། །   
\c 17
\cl ལེའུ་བཅུ་བདུན་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཨ་རོན་གྱི་འཁར་བ་ལས་གང་བུ་སྨིན་པ།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ཡེས་ར་ཨེལ་པ་རྣམས་ལ་ཁ་བསྒོ་བྱོས་ལ། ཁོ་རྣམས་ལས་འཁར་བ་ལེན་དགོས་ཏེ། ཕ་ཁྱིམ་བཞིན་དུ་ཚོ་པ་རེ་ནས་འཁར་བ་རེ་ལེན་པ་དང་། ཁོ་རྣམས་ཀྱི་འགོ་དཔོན་ཐམས་ཅད་ནས་རང་རང་གི་ཕ་ཁྱིམ་བཞིན་དུ། བསྡོམས་པས་འཁར་བ་བཅུ་གཉིས་བླངས་ནས་སོ་སོའི་སྟེང་དུ་མི་རེ་རེའི་མིང་འགོད་པར་གྱིས།  
\v 3 ཡང་ལེ་ཝིའི་འཁར་བའི་སྟེང་ལ་ཨ་རོན་གྱི་མིང་འབྲི་དགོས། ཅི་ལ་ཞེ་ན། ཕ་ཁྱིམ་བཞིན་དུ་ཚོ་དཔོན་རེ་ལ་འཁར་བ་རེ་ཡོད་དགོས་སོ། །  
\v 4 དེ་ནས་ཁྱོད་ཀྱིས་འཁར་བ་དེ་དག་མཇལ་འཕྲད་གུར་མཆོག་ནང་གི་དཔང་མཛད་ཤུར་སྒམ་གྱི་དྲུང་དུ། བདག་ཁྱོད་དང་ཕྲད་པའི་གནས་དེར་འཇོག་དགོས།  
\v 5 ངས་འདེམས་སྲིད་པའི་མི་དེའི་འཁར་བ་ལས་མྱུ་གུ་འབུ་བར་འགྱུར། དེ་ནས་ངས་རང་ངོས་ནས་ཡེས་ར་ཨེལ་པ་རྣམས་ཀྱིས་ཁྱོད་ལ་འཁང་ར་བྱེད་པ་མཚམས་འཇོག་ཏུ་འཇུག་ཅེས་གསུངས་སོ། །  
\v 6 དེ་ནས་མོ་ཤེ་ཡིས་ཡེས་ར་ཨེལ་པ་རྣམས་ལ་ཁ་བསྒོ་བཏང་བ་དང་། དེ་དག་གི་འགོ་དཔོན་ཐམས་ཅད་ཀྱིས་འཁར་བ་ཁོ་ལ་སྤྲད་དེ། དེ་དག་གི་ཕ་ཁྱིམ་བཞིན་དུ་འགོ་དཔོན་རེ་ལ་འཁར་བ་གཅིག་རེ་དང་བསྡོམས་པས་འཁར་བ་བཅུ་གཉིས་ཡོད། ཨ་རོན་གྱི་དབྱུག་པའང་དེ་དག་གི་ཁྲོད་དུ་ཡོད་དོ། །  
\v 7 མོ་ཤེ་ཡིས་འཁར་བ་དེ་དག་དཔང་པོའི་གུར་མཆོག་ནང་དཀོན་མཆོག་ཡ་ཝཱེའི་དྲུང་དུ་བཞག་གོ །   
\p
\v 8 དེའི་ཕྱི་ཉིན་མོ་ཤེ་དཔང་པོའི་གུར་མཆོག་གི་ནང་དུ་སོང་བ་ན། ཀྱེ་ཧོ། ལེ་ཝི་ཁྱིམ་རྒྱུད་ཀྱི་ཨ་རོན་གྱི་འཁར་བ་ལས་མྱུ་གུ་འབུས་ཤིང་གང་བུ་ཐོན་ནས་མེ་ཏོག་བཞད་པ་དང་སྟར་ཀའི་འབྲས་བུ་ཐོགས་ཡོད་པའོ། །  
\v 9 དེ་ནས་མོ་ཤེ་ཡིས་འཁར་བ་དེ་ཐམས་ཅད་དཀོན་མཆོག་ཡ་ཝཱེའི་དྲུང་ནས་ཕྱི་རོལ་ཏུ་ཁྱེར་འོངས་ནས་ཡེས་ར་ཨེལ་པ་ཐམས་ཅད་ལ་བསྟན་པ་དང་། ཁོ་རྣམས་ཀྱིས་དེ་མཐོང་ནས་མི་རེ་རེས་རང་རང་གི་འཁར་བ་བླངས་སོ། །   
\p
\v 10 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཨ་རོན་གྱི་འཁར་བ་དེ་ཕྱིར་དཔང་མཛད་ཤུར་སྒམ་གྱི་དྲུང་དུ་ཞོག་ཅིག དེ་ནི་རྒྱབ་འགལ་བྱེད་མཁན་རྣམས་ལ་རྟགས་ཤིག་ཡིན་ཞིང་། ཡང་ཁོ་རྣམས་འཆི་བར་མི་འགྱུར་བའི་སླད། ཁྱོད་ཀྱིས་དེ་དག་གིས་ང་ལ་འཁང་ར་བྱེད་པ་མཚམས་འཇོག་ཏུ་འཇུག་དགོས་ཞེས་གསུངས་སོ། །  
\v 11 དེ་ནས་མོ་ཤེ་ཡིས་དེ་བཞིན་བྱས་པ་སྟེ། དཀོན་མཆོག་ཡ་ཝཱེས་ཁོ་ལ་ཅི་ལྟར་བཀའ་གནང་བ་ཡིན་ན། ཁོས་ཀྱང་དེ་བཞིན་བསྒྲུབས་སོ། །   
\p
\v 12 ཡེས་ར་ཨེལ་པ་རྣམས་ཀྱིས་མོ་ཤེ་ལ། ཀྱེ། ང་ཚོ་འཆི་བར་འགྱུར། ང་ཚོ་མེད་པར་འགྱུར། ང་ཚོ་ཚང་མ་མེད་པར་འགྱུར་རོ། །  
\v 13 དཀོན་མཆོག་ཡ་ཝཱེའི་གུར་མཆོག་གི་ཉེ་སར་ཡོང་མཁན་ཐམས་ཅད་འཆི་བར་ངེས། ངེད་ཅག་ཐམས་ཅད་འཆི་དགོས་སམ་ཞེས་སྨྲས་སོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 མཆོད་དཔོན་དང་ལེ་ཝི་པའི་ལས་འགན།  
\p
\v 1 དེ་ནས་དཀོན་མཆོག་ཡ་ཝཱེས་ཨ་རོན་ལ་འདི་སྐད་དུ། ཁྱོད་དང་ཁྱོད་ཀྱི་བུ་རྣམས་དང་ཁྱོད་ཀྱི་ཕ་ཁྱིམ་གྱི་མི་རྣམས་ཀྱིས་ཁྱོད་དང་མཉམ་དུ་གནས་མཆོག་གི་ཉེས་པ་འཁུར་དགོས། ཁྱོད་དང་ཁྱོད་ཀྱི་བུ་རྣམས་ཀྱིས་ཁྱོད་དང་མཉམ་དུ་མཆོད་དཔོན་གྱི་ལས་འགན་དང་འགལ་བའི་ཉེས་པ་འཁུར་བར་བྱའོ། །  
\v 2 ཁྱོད་ཀྱིས་རང་གི་གཉེན་རྒྱུད་ལེ་ཝི་ཚོ་པ་སྟེ་ཁྱོད་ཀྱི་ཕ་མེས་ཀྱི་ཚོ་པ་ཁྱོད་དང་མཉམ་དུ་ཁྲིད་ཡོང་ནས། དེ་རྣམས་ཁྱོད་དང་འབྲེལ་བར་མ་ཟད། ཁྱོད་ལ་ཞབས་ཕྱི་བྱེད་དུ་འཇུག་དགོས། འོན་ཀྱང་ཁྱོད་དང་ཁྱོད་ཀྱི་བུ་རྣམས་དཔང་པོའི་གུར་མཆོག་གི་དྲུང་དུ་འདུག་པར་བྱ།  
\v 3 དེ་དག་གིས་ཁྱོད་ལ་ཞབས་ཕྱི་བསྒྲུབ་པ་དང་མཇལ་འཕྲད་གུར་མཆོག་ནང་གི་དོན་ཐམས་ཅད་ལ་འགན་འཁུར་དགོས་ཀྱང་། གནས་མཆོག་གི་ཡོ་བྱད་དང་མཆོད་ཁྲིའི་ཉེ་སར་འགྲོ་མི་འོས། དེ་ནི་ཁོ་རྣམས་དང་ཁྱོད་ཅག་ཀུན་པོ་འཆི་བར་མི་འགྱུར་བའི་ཕྱིར་རོ། །  
\v 4 ཁོ་རྣམས་ཁྱོད་དང་འབྲེལ་ནས་མཇལ་འཕྲད་གུར་མཆོག་བསྲུང་དགོས་པ་དང་། གུར་མཆོག་གི་ཞབས་ཕྱི་ཐམས་ཅད་བསྒྲུབ་དགོས། ཕྱི་མི་རྣམས་ཁྱོད་ཅག་གི་ཉེ་སར་འོང་མི་རུང་།  
\v 5 ཡེས་ར་ཨེལ་པ་རྣམས་ལ་ཁོང་ཁྲོ་མི་ཕོག་པའི་ཕྱིར་དུ། ཁྱོད་ཅག་གིས་གནས་མཆོག་དང་མཆོད་ཁྲི་བསྲུང་དགོས།  
\v 6 ལྟོས་དང་། བདག་གིས་ཁྱོད་ཀྱི་གཉེན་རྒྱུད་ལེ་ཝི་པ་རྣམས་ཡེས་ར་ཨེལ་པ་རྣམས་ལས་དངོས་སུ་བདམས་ཏེ། མཇལ་འཕྲད་གུར་མཆོག་གི་ཞབས་ཕྱི་བསྒྲུབ་པའི་ཕྱིར། དཀོན་མཆོག་ཡ་ཝཱེ་ལ་ཕུལ་ཞིང་ཁྱོད་ཅག་ལ་ལེགས་སྐྱེས་སུ་བཏང་བའོ། །  
\v 7 ཁྱོད་དང་ཁྱོད་ཀྱི་བུ་རྣམས་ཀྱིས་ཁྱོད་དང་མཉམ་དུ་མཆོད་དཔོན་གྱི་འགན་བསྲུང་དགོས་པ་དང་། མཆོད་ཁྲི་དང་ཡོལ་བའི་ནང་རོལ་གྱི་དོན་ཐམས་ཅད་བསྒྲུབས་ནས་ཞབས་ཕྱི་བྱེད་དགོས། བདག་གིས་མཆོད་དཔོན་གྱི་ལས་འགན་ནི་ཁྱོད་རྣམས་ལ་ཞབས་ཕྱི་བསྒྲུབ་པའི་གནང་སྦྱིན་དུ་སྤྲད་པ་ཡིན་ལ། ཕྱི་མི་ཉེ་བར་འོངས་ན་ངེས་པར་གསོད་དགོས་ཞེས་གསུངས་སོ། །   
\s1 མཆོད་དཔོན་དང་ལེ་ཝི་པ་རྣམས་ལ་འཐོབ་འོས་པའི་སྐལ།  
\p
\v 8 དཀོན་མཆོག་ཡ་ཝཱེས་ཨ་རོན་ལ་འདི་སྐད་དུ། ལྟོས་དང་། བདག་གིས་རང་ལ་དབང་བའི་འདེགས་མཆོད་དེ། ཡེས་ར་ཨེལ་པ་རྣམས་ཀྱིས་དམ་པར་བྱས་པའི་རྫས་ཐམས་ཅད་ནི་ཁྱོད་དང་ཁྱོད་ཀྱི་བུ་རྒྱུད་རྣམས་ལ་དུས་གཏན་དུ་འཐོབ་འོས་པའི་བགོ་སྐལ་དུ་སྤྲད་པ་ཡིན་ནོ། །  
\v 9 ཡེས་ར་ཨེལ་པ་རྣམས་ཀྱིས་བདག་ལ་ཕུལ་བའི་མེ་མ་བརྒྱུད་པའི་མཆོད་པ་ཀུན་ལས་དམ་པ་ཐམས་ཅད་དེ། འབྲུ་རིགས་ཀྱི་མཆོད་པ་དང་སྡིག་བཤགས་མཆོད་པ་དང་། ཉེས་སེལ་མཆོད་པ་བཅས་ནི་ཀུན་ལས་དམ་པའི་རྫས་བྱས་ནས་ཁྱོད་དང་ཁྱོད་ཀྱི་བུ་རྒྱུད་རྣམས་ལ་དབང་བའོ། །  
\v 10 ཁྱོད་ཀྱིས་ཀུན་ལས་དམ་པ་ཡིན་པའི་གནས་སུ་དེ་བཟའ་དགོས་ལ། སྐྱེས་པ་ཐམས་ཅད་ཀྱིས་དེ་བཟའ་རུང་བ་ཡིན། ཁྱོད་ཀྱིས་རྫས་དེ་དམ་པར་བརྩི་དགོས།  
\v 11 ཡེས་ར་ཨེལ་པ་རྣམས་ཀྱི་ཕྱག་རྟེན་ལས་འདེགས་མཆོད་དང་གཡོབ་མཆོད་ཐམས་ཅད་ནི་ཁྱོད་ཀྱི་ཡིན་ཏེ། ངས་ཁྱོད་དང་ཁྱོད་ཀྱི་བུ་དང་བུ་མོ་རྣམས་ལ་དུས་གཏན་དུ་འཐོབ་འོས་པའི་བགོ་སྐལ་དུ་སྤྲད་པ་དང་། ཁྱོད་ཀྱི་ཁྱིམ་དུ་གཙང་མ་ཡིན་པ་ཐམས་ཅད་ཀྱིས་དེ་བཟའ་རུང་བ་ཡིན།  
\v 12 སྣུམ་ཡག་ཤོས་དང་། རྒུན་ཆང་གསར་པ་ཡག་ཤོས་དང་། འབྲུ་རིགས་བཅས་ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེ་ལ་འབུལ་བའི་སྟོན་ཐོག་རྣམས་ནི་ངས་ཁྱོད་ལ་སྤྲད་པ་ཡིན་ནོ། །  
\v 13 ཁོ་རྣམས་ཀྱིས་ཡུལ་ནས་ཁྱེར་འོངས་ཏེ་དཀོན་མཆོག་ཡ་ཝཱེ་ལ་འབུལ་བའི་སྟོན་ཐོག་ཐམས་ཅད་ཁྱོད་ཅག་གི་ཡིན། ཁྱོད་ཀྱི་ཁྱིམ་དུ་གཙང་མ་ཡིན་པ་ཐམས་ཅད་ཀྱིས་དེ་བཟའ་རུང་བ་ཡིན།  
\v 14 ཡེས་ར་ཨེལ་པའི་ཁྲོད་ནས་བསྔོས་པ་ཐམས་ཅད་ཀྱང་ཁྱོད་ཀྱི་ཡིན་པར་འགྱུར།  
\v 15 ཤ་ཁྲག་གདོས་བཅས་ཀྱི་སྲོག་ལྡན་སྐྱེས་འགོ་རྣམས་ཏེ། ཁོ་རྣམས་ཀྱིས་དཀོན་མཆོག་ཡ་ཝཱེ་ལ་ཕུལ་བ་ནི་མི་ཕྱུགས་གང་ཡིན་ཡང་ཐམས་ཅད་ཁྱོད་ཀྱི་ཡིན། འོན་ཀྱང་མིའི་རིགས་ཀྱི་སྐྱེས་འགོ་ནི་ཁྱོད་ཀྱིས་ངེས་པར་བླུ་དགོས་ལ། ཕྱུགས་མི་གཙང་བ་རྣམས་ཀྱི་སྐྱེས་འགོ་ཡང་བླུ་དགོས་སོ། །  
\v 16 ཡང་དེ་དག་གི་བླུ་རིན་ནི། ཟླ་བ་གཅིག་བརྒལ་རྗེས་ཁྱོད་ཀྱིས་རང་གིས་ཚོད་རྩིས་བྱས་པའི་རིན་དང་། གནས་མཆོག་གི་སྲང་བཞིན་དུ། དངུལ་སྲང་ལྔ་ཡིས་བླུ་དགོས་ཏེ། སྲང་གཅིག་ནི་གཱེ་ར་ཉི་ཤུ་ཡིན།  
\v 17 འོན་ཀྱང་བ་གླང་གི་སྐྱེས་འགོའམ། ལུག་གི་སྐྱེས་འགོའམ། ཡང་ན་ར་ཡི་སྐྱེས་འགོ་རྣམས་ནི་དམ་པ་ཡིན་པས་བླུ་མི་རུང་། ཁྱོད་ཀྱིས་དེ་དག་གི་ཁྲག་ནི་མཆོད་ཁྲིའི་སྟེང་དུ་གཏོར་བ་དང་། ཚིལ་ནི་མེ་རུ་བསྲེགས་ནས་དཀོན་མཆོག་ཡ་ཝཱེ་ལ་དྲི་ཞིམ་གྱི་མེ་མཆོད་དུ་འབུལ་དགོས།  
\v 18 དེ་དག་གི་ཤ་ཁྱོད་ཀྱི་ཡིན་ཏེ། གཡོབ་མཆོད་ཡིན་པའི་བྲང་ཁོག་དང་བརླ་གཡས་པ་ཁྱོད་ཀྱི་ཡིན་པ་བཞིན་ནོ། །  
\v 19 ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེ་ལ་ཕུལ་བའི་རྫས་དམ་པའི་ཁྲོད་ཀྱི་འདེགས་མཆོད་ཐམས་ཅད། ངས་ཁྱོད་དང་ཁྱོད་ཀྱི་བུ་དང་བུ་མོ་རྣམས་ལ་དུས་གཏན་དུ་འཐོབ་འོས་པའི་བགོ་སྐལ་དུ་སྤྲད་པ་ཡིན། དེ་ནི་དཀོན་མཆོག་ཡ་ཝཱེའི་དྲུང་དུ་ཁྱོད་དང་ཁྱོད་ཀྱི་རིགས་རྒྱུད་རྣམས་ཀྱི་དུས་གཏན་གྱི་ཚྭའི་ཞལ་ཆད་ཅིག་ཡིན་ཞེས་གསུངས་སོ། །  
\v 20 དཀོན་མཆོག་ཡ་ཝཱེས་ཨ་རོན་ལ་འདི་སྐད་དུ། ཁྱོད་ལ་ཡེས་ར་ཨེལ་པ་རྣམས་ཀྱི་ཡུལ་དུ་ས་སྐལ་ཡོད་མི་རུང་ལ། དེ་དག་གི་ཁྲོད་དུ་སྐལ་ཡང་ཡོད་མི་རུང་། ཡེས་ར་ཨེལ་པ་རྣམས་ཀྱི་ཁྲོད་དུ་བདག་ནི་ཁྱོད་ཀྱི་ཐོབ་སྐལ་དང་ཁྱོད་ཀྱི་བགོ་སྐལ་ཡིན་ནོ། །   
\p
\v 21 ཡང་ལེ་ཝིའི་བུ་རྒྱུད་རྣམས་ལ་བདག་གིས་ཡེས་ར་ཨེལ་པ་རྣམས་ཀྱི་འབུལ་བའི་བཅུ་ཆ་གཅིག་ཐམས་ཅད་ཁོ་ཚོར་དངོས་སུ་བགོ་སྐལ་གྱི་ཚབ་ཏུ་སྤྲད་པ་སྟེ། དེ་དག་གིས་མཇལ་འཕྲད་གུར་མཆོག་གི་ནང་དུ་ཞབས་ཕྱི་བསྒྲུབས་པའི་ཐོབ་ཆ་ཡིན།  
\v 22 དུས་ད་ནས་བཟུང་ཡེས་ར་ཨེལ་པ་རྣམས་མཇལ་འཕྲད་གུར་མཆོག་གི་ཉེ་སར་འོང་མི་རུང་། དེ་ནི་སྡིག་པ་ཁུར་ནས་འཆི་བར་མི་འགྱུར་བའི་ཕྱིར་དུའོ། །  
\v 23 ལེ་ཝི་པ་རྣམས་ཀྱིས་མཇལ་འཕྲད་གུར་མཆོག་གི་ཞབས་ཕྱི་བསྒྲུབས་ནས་རང་གི་ཉེས་པ་འཁུར་དགོས། དེ་ནི་ཁྱོད་རྣམས་མི་རབས་ནས་མི་རབས་བར་གྱི་དུས་གཏན་གྱི་སྒྲིག་ཁྲིམས་ཡིན། ཡེས་ར་ཨེལ་པ་རྣམས་ཀྱི་ཁྲོད་དུ་དེ་དག་ལ་བགོ་སྐལ་ཡོད་མི་རུང་སྟེ།  
\v 24 ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེ་ལ་ཕུལ་བའི་འདེགས་མཆོད་ཀྱི་བཅུ་ཆ་གཅིག་ནི་བདག་གིས་ལེ་ཝི་པ་རྣམས་ལ་བགོ་སྐལ་དུ་སྤྲད་ཡོད། དེ་བས་བདག་གིས་དེ་དག་ལ་ཡེས་ར་ཨེལ་པ་རྣམས་ཀྱི་ཁྲོད་དུ་བགོ་སྐལ་ཡོད་མི་རུང་སྨྲས་པ་ཡིན་ཞེས་གསུངས་སོ། །   
\p
\v 25 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 26 ཁྱོད་ཀྱིས་ལེ་ཝི་པ་རྣམས་ལ་འདི་ལྟར་སྨྲོས་ཤིག ཁྱོད་ཅག་གིས་ཡེས་ར་ཨེལ་པ་རྣམས་ལས་ངས་ཁྱོད་རྣམས་ལ་ནོར་སྐལ་དུ་སྤྲད་པའི་བཅུ་ཆ་གཅིག་ལེན་པའི་ཚེ། ཁྱོད་ཅག་གིས་དེ་ལས་བཅུ་ཆ་གཅིག་བླངས་ནས་དཀོན་མཆོག་ཡ་ཝཱེ་ལ་འདེགས་མཆོད་དུ་འབུལ་དགོས་ལ།  
\v 27 དེ་ནི་ཁྱོད་ཅག་གི་འདེགས་མཆོད་ལ་བརྩི་བ་སྟེ། གཡུལ་ཁའི་ནང་གི་འབྲུ་རིགས་དང་རྒུན་འབྲུམ་འཚིར་གཞོང་ནང་གི་ལྟེམས་ལྟེམས་གང་བའི་རྒུན་ཆང་བཞིན་དུ་ཡིན་ནོ། །  
\v 28 དེ་བཞིན་ཁྱོད་ཅག་གིས་ཡེས་ར་ཨེལ་པ་རྣམས་ལས་ཐོབ་པའི་བཅུ་ཆ་གཅིག་དེ་ལས་དཀོན་མཆོག་ཡ་ཝཱེ་ལ་འདེགས་མཆོད་དུ་འབུལ་དགོས་ཤིང་། དཀོན་མཆོག་ཡ་ཝཱེ་ལ་ཕུལ་བའི་འདེགས་མཆོད་དེ་ཁྱོད་ཅག་གིས་མཆོད་དཔོན་ཨ་རོན་ལ་སྤྲོད་དགོས།  
\v 29 ཁྱོད་རྣམས་ལ་ཐོབ་པའི་ལེགས་སྐྱེས་ཐམས་ཅད་ལས་ཡག་ཤོས་ནི་དམ་པར་བྱས་ནས་དཀོན་མཆོག་ཡ་ཝཱེ་ལ་འདེགས་མཆོད་དུ་ཕུལ་ཞིག་ཅེས་པའོ། །  
\v 30 དེ་བས་ན། ཁྱོད་ཀྱིས་ལེ་ཝི་པ་རྣམས་ལ་འདི་ལྟར་སྨྲོས་ཤིག གལ་སྲིད་ཁྱོད་རྣམས་ཀྱིས་ཡག་ཤོས་དེ་ཕུལ་བ་ཡིན་ན། དེ་ནི་ཁྱོད་རྣམས་ཀྱི་གཡུལ་ཁའི་ནང་གི་འབྲུ་རིགས་དང་རྒུན་འབྲུམ་འཚིར་གཞོང་ནང་གི་རྒུན་ཆང་དུ་བརྩི་བ་ཡིན།  
\v 31 ཁྱོད་ཅག་དང་ཁྱོད་ཅག་གི་ནང་མི་རྣམས་ཀྱིས་གནས་གང་དུ་ཡང་ཟོས་ཆོག ཅི་ལ་ཞེ་ན། དེ་ནི་ཁྱོད་ཅག་གི་གླ་ཆ་དང་ཁྱོད་ཅག་གིས་མཇལ་འཕྲད་གུར་མཆོག་ནས་ཞབས་ཕྱི་བསྒྲུབས་པའི་ཐོབ་ཆ་ཡིན་ནོ། །  
\v 32 ཁྱོད་ཅག་གིས་ཡག་ཤོས་དེ་ག་དུས་འདེགས་མཆོད་དུ་ཕུལ་བ་ཡིན་ན་སྡིག་པ་འཁུར་མི་དགོས། ཁྱོད་ཅག་འཆི་བར་མི་འགྱུར་བའི་ཕྱིར། ཡེས་ར་ཨེལ་པ་རྣམས་ཀྱི་རྫས་དམ་པ་རྣམས་སྦག་མི་རུང་ཞེས་གསུངས་སོ། །   
\c 19
\cl ལེའུ་བཅུ་དགུ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 མི་གཙང་བ་བསལ་བའི་ཁྲིམས་སྲོལ།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་དང་ཨ་རོན་གཉིས་ལ་འདི་སྐད་དུ།  
\v 2 ཡ་ཝཱེས་གནང་བའི་བཀའ་ཁྲིམས་ཀྱི་སྒྲིག་སྲོལ་ནི་འདི་ལྟ་སྟེ། ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་བསྒོ་བར་བྱ། བ་དྲུས་མ་དམར་པོ་ལྷད་མེད་སྐྱོན་མེད་གཉའ་ཤིང་འཁུར་མ་མྱོང་བ་ཞིག་ཁྱོད་ཀྱི་རྩར་འཁྲིད་ཡོང་དགོས་ལ།  
\v 3 ཁྱོད་ཅག་གིས་བ་གཞོན་དེ་མཆོད་དཔོན་ཨེ་ལི་ཨ་ཟར་ལ་སྤྲོད་དགོས་པ་དང་། ཁོས་བ་གཞོན་སྒར་གྱི་ཕྱི་རོལ་ཏུ་ཁྲིད་ནས་མི་ཞིག་གིས་དེ་ཁོའི་མདུན་དུ་བཤའ་དགོས།  
\v 4 དེ་ནས་མཆོད་དཔོན་ཨེ་ལི་ཨ་ཟར་གྱིས་རང་གི་མཛུབ་གུ་ཁྲག་ལ་བསྒྲེས་ནས་མཇལ་འཕྲད་གུར་མཆོག་གི་མདུན་ཕྱོགས་སུ་ལན་བདུན་ལ་གཏོར་དགོས་པ་དང་།  
\v 5 དེ་ནས་མི་ཞིག་གིས་བ་དྲུས་མ་དེ་མཆོད་དཔོན་གྱི་མིག་ལམ་དུ་བསྲེག་དགོས། དེའི་པགས་པ་དང་། ཤ་དང་། ཁྲག་དང་། ལྕི་བ་བཅས་ཡོངས་སུ་བསྲེག་དགོས་སོ། །  
\v 6 མཆོད་དཔོན་གྱིས་ཐང་ཤིང་དང་། ཨི་སོབ་རྩྭ་ཤིང་དང་། བལ་སྐུད་མཚལ་དམར་བཅས་བླངས་ནས་བ་དྲུས་མ་དེ་འཚིག་བཞིན་པའི་མེའི་ནང་དུ་གཡུག་དགོས།  
\v 7 དེ་ནས་མཆོད་དཔོན་གྱིས་རང་གི་གོས་རྣམས་བཀྲུ་བ་དང་། རང་གི་ལུས་པོ་ཆུ་ལ་བཀྲུས་རྗེས་ད་གཟོད་སྒར་དུ་ཡོང་དགོས། འོན་ཀྱང་དགོང་མོའི་བར་དུ་མཆོད་དཔོན་མི་གཙང་བ་ཡིན་ནོ། །  
\v 8 བ་གཞོན་མེ་ལ་སྲེག་མཁན་མི་དེས་ཀྱང་རང་གི་གོས་རྣམས་བཀྲུ་བ་དང་རང་གི་ལུས་པོ་ཆུ་ནང་དུ་བཀྲུ་དགོས་ལ། ཁོ་ཡང་དགོང་མོའི་བར་དུ་མི་གཙང་བ་ཡིན།  
\v 9 གཙང་མ་ཡིན་པའི་མི་ཞིག་གིས་བ་དྲུས་མ་ཡི་ཐལ་བ་བསྡུས་ཏེ། སྒར་ཁའི་ཕྱི་རོལ་གྱི་གནས་གཙང་ས་ཞིག་ཏུ་འཇོག་པ་དང་། ཡེས་ར་ཨེལ་པའི་མི་ཚོགས་ཀྱི་ཕྱིར་དུ་སྦག་བཙོག་སེལ་བྱེད་ཀྱི་ཆུ་བྱས་ནས་འཇོག་དགོས་ཤིང་། དེ་ནི་སྡིག་པ་སེལ་བྱེད་ཡིན་ནོ། །  
\v 10 དེ་ནས་བ་དྲུས་མ་དེའི་ཐལ་བ་བསྡུ་བའི་མི་དེས་རང་གི་གོས་རྣམས་བཀྲུ་བ་དང་། དགོང་མོའི་བར་དུ་མི་གཙང་བ་ཡིན། དེ་ནི་ཡེས་ར་ཨེལ་པ་རྣམས་དང་ཁོ་ཚོའི་ཁྲོད་དུ་གནས་པའི་ཕྱི་མི་རྣམས་ཀྱི་དུས་གཏན་གྱི་སྒྲིག་ཁྲིམས་ཡིན་ནོ། །   
\p
\v 11 འདས་པོ་ཞིག་གི་བེམ་པོར་རེག་པའི་མི་སུ་ཡིན་ཡང་། ཉིན་བདུན་གྱི་རིང་ལ་མི་གཙང་བ་ཡིན།  
\v 12 མི་དེས་ཉིན་གསུམ་པ་དང་ཉིན་བདུན་པར་སྦག་བཙོག་སེལ་བྱེད་ཀྱི་ཆུ་དེས་རང་ཉིད་གཙང་མར་བཟོ་དགོས་པ་དང་། དེ་ནས་ཁོ་རང་གཙང་མར་འགྱུར། གལ་སྲིད་ཉིན་གསུམ་པ་དང་ཉིན་བདུན་པ་ལ་རང་ཉིད་གཙང་མར་མ་བཟོས་ན། དེ་ནས་ཁོ་གཙང་བར་མི་འགྱུར་རོ། །  
\v 13 སུ་ཞིག་གིས་འདས་པོ་ཞིག་གི་བེམ་པོར་རེག་པ་དང་། རང་ཉིད་གཙང་མར་མི་བཟོ་ན། དེས་དཀོན་མཆོག་ཡ་ཝཱེའི་གུར་མཆོག་སྦགས་པ་ཡིན། མི་དེ་ནི་ཡེས་ར་ཨེལ་པའི་ཁྲོད་ནས་འཕུད་དགོས། ཅི་ལ་ཟེར་ན། སྦག་བཙོག་སེལ་བྱེད་ཀྱི་ཆུ་དེ་རང་སྟེང་ལ་མ་གཏོར་བས་མི་གཙང་བ་ཡིན་ཏེ། དེའི་མི་གཙང་བ་ནི་སྔར་བཞིན་ཁོའི་སྟེང་དུ་གནས་ཡོད་པའོ། །   
\p
\v 14 གལ་སྲིད་མི་ཞིག་གུར་གྱི་ནང་དུ་ཤི་ཚེ། དེའི་བཀའ་ཁྲིམས་ནི་འདི་ལྟ་སྟེ། གུར་གྱི་ནང་དུ་ཡོང་མཁན་དང་དེའི་ནང་དུ་ཡོད་པ་ཐམས་ཅད་ཉིན་བདུན་གྱི་རིང་ལ་མི་གཙང་བ་ཡིན།  
\v 15 ཁ་ཕྱེས་པའི་སྣོད་ཆས་ཏེ་ཁ་གཅོད་བརྒྱབ་མེད་པའི་སྣོད་ཆས་ཚང་མ་མི་གཙང་བ་ཡིན།  
\v 16 སུ་ཞིག་གིས་ཞིང་ཁར་རལ་གྲིས་བསད་པའི་མིའམ། རང་བཞིན་གྱིས་ཤི་བའི་བེམ་པོའམ། ཡང་ན་མིའི་རུས་པའམ། ཡང་ན་དུར་ས་བཅས་ལ་རེག་པ་ཡིན་ན་ཉིན་བདུན་གྱི་རིང་ལ་མི་གཙང་བ་ཡིན་ནོ། །  
\v 17 གཙང་མ་མིན་པ་དེའི་ཕྱིར་དུ། མེ་རུ་འཚིག་པའི་སྡིག་པ་སེལ་བྱེད་ཀྱི་ཐལ་བ་བླངས་ནས་སྣོད་ཅིག་གི་ནང་དུ་འཇོག་པ་དང་། དེ་ལ་ཆུ་གསར་པ་བླུགས་ནས།  
\v 18 དེ་ནས་གཙང་མ་ཡིན་པའི་མི་ཞིག་གིས་ཨི་སོབ་རྩྭ་ཤིང་བླངས་ནས་ཆུ་ནང་དུ་བསྒྲེས་ཏེ། གུར་གྱི་སྟེང་དང་སྣོད་ཆས་ཐམས་ཅད་ཀྱི་སྟེང་དུ་གཏོར་བ་དང་། ཡང་དེར་ཡོད་པའི་མི་རྣམས་ཀྱི་སྟེང་དང་། རུས་པའམ་རལ་གྲིས་བསད་པའམ། རང་བཞིན་གྱིས་ཤི་བའམ། དུར་ས་བཅས་ལ་རེག་པའི་མི་ཡི་སྟེང་དུ་གཏོར་དགོས་སོ། །  
\v 19 ཉིན་གསུམ་པ་དང་ཉིན་བདུན་པར་གཙང་མ་ཡིན་པའི་མི་དེས་གཙང་མ་མིན་པའི་མི་ཡི་སྟེང་དུ་ཆུ་གཏོར་དགོས། དེ་བཞིན་ཉིན་བདུན་པ་ལ་མི་དེ་གཙང་མར་བཟོ་བ་དང་། ཁོས་རང་གི་གོས་རྣམས་བཀྲུ་ཞིང་ལུས་པོ་ཆུ་ནང་བཀྲུ་དགོས་ལ། དགོང་མོའི་དུས་སུ་ཁོ་གཙང་མ་ཡིན་ནོ། །   
\p
\v 20 འོན་ཀྱང་གཙང་མ་མིན་པའི་མི་དེས་རང་ཉིད་གཙང་མར་མི་བཟོ་ན། མི་དེ་ནི་མི་ཚོགས་ཀྱི་ཁྲོད་ནས་འཕུད་དགོས། ཅི་ལ་ཞེ་ན། ཁོས་དཀོན་མཆོག་ཡ་ཝཱེའི་གནས་མཆོག་སྦགས་པ་དང་། སྦག་བཙོག་སེལ་བྱེད་ཀྱི་ཆུ་ཁོའི་སྟེང་དུ་མ་གཏོར་བས་ཁོ་ནི་མི་གཙང་ངོ་། །  
\v 21 དེ་ནི་ཁྱོད་ཅག་གི་དུས་གཏན་གྱི་སྒྲིག་ཁྲིམས་ཡིན། སྦག་བཙོག་སེལ་བྱེད་ཀྱི་ཆུ་གཏོར་བའི་མི་དེས་རང་གི་གོས་རྣམས་བཀྲུ་དགོས་པ་དང་། སྦག་བཙོག་སེལ་བྱེད་ཀྱི་ཆུ་ལ་རེག་པའི་མི་ནི་དགོང་མོའི་བར་དུ་མི་གཙང་བ་ཡིན།  
\v 22 གཙང་མ་མིན་པའི་མི་ཡིས་གང་ཞིག་ལ་རེག་པ་ཐམས་ཅད་མི་གཙང་བ་ཡིན་ལ། ཡང་དེ་ལ་རེག་པའི་མི་སུ་ཡིན་ཡང་དགོང་མོའི་བར་དུ་མི་གཙང་བ་ཡིན་ནོ། །   
\c 20
\cl ལེའུ་ཉི་ཤུ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 བྲག་ནས་ཆུ་ཐོན་པ།  
\p
\v 1 ཟླ་བ་དང་པོར་ཡེས་ར་ཨེལ་པའི་མི་ཚོགས་ཡོངས་རྫོགས་ཟིན་ཞེས་པའི་དབེན་སྟོང་དུ་ཕྱིན་ནས་ཀཱ་དེའེ་ཤཱ་རུ་བསྡད། མིར་ཡམ་དེ་རུ་ཚེ་ལས་འདས་ཤིང་ཡུལ་དེ་རུ་དུར་ལ་སྦས་སོ། །   
\p
\v 2 དེ་རུ་མི་ཚོགས་ལ་འཐུང་ཆུ་མེད་པས། ཁོ་རྣམས་འདུས་ཏེ་མོ་ཤེ་དང་ཨ་རོན་གཉིས་ལ་རྒོལ་བ་དང་།  
\v 3 མི་ཚོགས་ཀྱིས་མོ་ཤེ་ལ་རྩོད་པ་བྱས་ནས་འདི་ལྟར། ང་ཚོའི་སྤུན་ཟླ་རྣམས་དཀོན་མཆོག་ཡ་ཝཱེའི་དྲུང་དུ་ཤི་བའི་ཚེ་ངེད་ཅག་ཀྱང་ཤི་ན་ལེགས་སོ། །  
\v 4 ཁྱོད་ཅག་གིས་དཀོན་མཆོག་ཡ་ཝཱེའི་མི་ཚོགས་དབེན་སྟོང་འདི་རུ་ཁྲིད་འོངས་དོན་ཅི། ངེད་རྣམས་དང་ངེད་ཅག་གི་ཕྱུགས་རྣམས་འདི་རུ་འཆི་བའི་ཕྱིར་ཡིན་ནམ།  
\v 5 ཁྱོད་ཅག་གིས་ཅིའི་ཕྱིར་ངེད་རྣམས་ཨེ་ཅིབ་ཡུལ་ནས་ཡར་ས་ཆ་ངན་པ་འདིར་ཁྲིད་ཡོང་བ་ཡིན་ནམ། འདི་རུ་འབྲུ་རིགས་དང་སེ་ཡབ་ཤིང་། རྒུན་ཤིང་། སེ་འབྲུ་སྡོང་པོ་བཅས་མེད་ལ། འཐུང་ཆུ་ཡང་མེད་དོ་ཞེས་སྨྲས།  
\v 6 དེ་ནས་མོ་ཤེ་དང་ཨ་རོན་གཉིས་མི་ཚོགས་དང་བྲལ་ནས་མཇལ་འཕྲད་གུར་མཆོག་གི་སྒོ་ཁར་སོང་སྟེ་ཕྱག་བཙལ་བ་ན། དཀོན་མཆོག་ཡ་ཝཱེའི་གཟི་འོད་ཁོ་ཚོ་ལ་སྣང་བར་གྱུར་ཏོ། །   
\p
\v 7 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 8 ཁྱོད་ཀྱིས་འཁར་བ་ཁྱེར་ནས་ཁྱོད་ཀྱི་ཕུ་བོ་ཨ་རོན་དང་མཉམ་དུ་མི་ཚོགས་བསྡུ་བར་གྱིས། དེ་དག་གི་མིག་ལམ་དུ་བྲག་རྡོ་ལ་ཆུ་བཞུར་བར་སྒོས་ཤིག དེ་ནས་ཁྱོད་ཀྱིས་བྲག་རྡོ་ནས་ཆུ་བཏོན་ཏེ་མི་ཚོགས་དང་དེའི་ཕྱུགས་རྣམས་ལ་ཆུ་ལྡུད་པར་འགྱུར་རོ་ཞེས་གསུངས་སོ། །  
\v 9 དེ་ནས་མོ་ཤེ་ཡིས་དཀོན་མཆོག་ཡ་ཝཱེའི་བཀའ་བཞིན་དུ། ཁོང་གི་དྲུང་ནས་འཁར་བ་ཁྱེར་ཏེ་སོང་ངོ་། །   
\s1 མོ་ཤེ་ཡིས་བྲག་ལ་བརྡུངས་པ།  
\p
\v 10 དེ་ནས་མོ་ཤེ་དང་ཨ་རོན་གཉིས་ཀྱིས་མི་ཚོགས་བྲག་གི་མདུན་དུ་བསྡུས་ནས་ཁོ་རྣམས་ལ་འདི་ལྟར། ངོ་ལོག་པ་ཁྱོད་ཅག་གིས་ཉོན་ཅིག ངེད་གཉིས་ཀྱིས་བྲག་འདི་ནས་ཁྱོད་རྣམས་ལ་ཆུ་འདོན་པར་བྱའམ་ཞེས་སྨྲས་ཤིང་།  
\v 11 མོ་ཤེ་ཡིས་ལག་པ་ཡར་བཏེགས་ཏེ། འཁར་བས་བྲག་ལ་ལན་གཉིས་བརྡུངས་པ་ན་ཆུ་མང་པོ་ཐོན། དེ་ནས་མི་ཚོགས་དང་དེའི་ཕྱུགས་རྣམས་ཀྱིས་ཆུ་འཐུངས་སོ། །   
\p
\v 12 དེ་ནས་དཀོན་མཆོག་ཡ་ཝཱེ་ཡིས་མོ་ཤེ་དང་ཨ་རོན་གཉིས་ལ་འདི་སྐད་དུ། ཁྱོད་གཉིས་ཀྱིས་བདག་ལ་དད་པ་མ་བྱས་པ་དང་། ཡེས་ར་ཨེལ་པ་རྣམས་ཀྱི་མདུན་དུ་ང་དམ་པར་མ་བཀུར་བའི་རྐྱེན་གྱིས། ཁྱོད་གཉིས་ཀྱིས་མི་ཚོགས་འདི་བདག་གིས་གནང་བར་བྱ་བའི་ཡུལ་དུ་འཁྲིད་པར་མི་འགྱུར་རོ་ཞེས་གསུངས་སོ། །  
\v 13 དེ་ནི་མེ་རི་བཱ་ཡུལ་གྱི་ཆུ་རྣམས་ཡིན། ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེ་ལ་རྩོད་པ་བྱས་ཤིང་། ཁོང་གིས་དེ་དག་གི་ཁྲོད་དུ་རང་ཉིད་དམ་པ་ཡིན་པ་བསྟན་པའི་ཕྱིར་རོ། །   
\s1 ཨེ་དོམ་ནས་ལམ་མ་ཕྱེས་པ།  
\p
\v 14 མོ་ཤེ་ཡིས་ཀཱ་དེའེ་ཤཱ་ནས་ཨེ་དོམ་གྱི་རྒྱལ་པོ་ལ་བང་ཆེན་རྣམས་བཏང་སྟེ་ན་རེ། ཁྱེད་ཀྱི་སྤུན་ཟླ་ཡེས་ར་ཨེལ་གྱིས་ཁྱེད་ལ་འདི་ལྟར། ངེད་ཅག་ལ་བྱུང་བའི་དཀའ་སྡུག་ཐམས་ཅད་ཁྱེད་ཀྱིས་ཤེས་ཡོད།  
\v 15 ངེད་ཅག་གི་མེས་པོ་རྣམས་མར་ཨེ་ཅིབ་ཡུལ་དུ་སོང་བ་དང་། ངེད་རྣམས་ཨེ་ཅིབ་ཡུལ་ནས་ཡུན་རིང་པོར་བསྡད་ཅིང་། ཨེ་ཅིབ་པ་རྣམས་ཀྱིས་ངེད་ཅག་དང་ངེད་ཅག་གི་མེས་པོ་རྣམས་ལ་དཀའ་ངལ་མང་པོ་སྤྲད།  
\v 16 ངེད་ཅག་གིས་དཀོན་མཆོག་ཡ་ཝཱེ་ལ་འོ་དོད་བོས་པ་དང་། ཁོང་གིས་ངེད་རྣམས་ཀྱི་སྐད་གསན་ནས་ཕོ་ཉ་མངགས་ཏེ་ངེད་ཅག་ཨེ་ཅིབ་ཡུལ་ནས་ཁྲིད་ཐོན་པ་ཡིན། ལྟོས་དང་། ད་ལྟ་ངེད་ཅག་ཁྱེད་ཀྱི་མཐའ་མཚམས་སུ་ཡོད་པའི་གྲོང་ཁྱེར་ཀཱ་དེའེ་ཤཱ་རུ་ཡོད།  
\v 17 ཁྱེད་ཀྱིས་ངེད་རྣམས་ཁྱེད་ཀྱི་ཡུལ་བརྒྱུད་ནས་འགྲོ་རུ་འཇུག་པར་མཛོད། ངེད་ཅག་ཞིང་ཁ་དང་རྒུན་འབྲུམ་ར་བ་བརྒྱུད་ནས་མི་འགྲོ་ལ། ཁྲོན་པ་རྣམས་ཀྱི་ཆུ་ཡང་མི་འཐུང་། ངེད་རྣམས་རྒྱལ་པོའི་ལམ་ཆེན་ནས་འགྲོ་ཞིང་། ཁྱེད་ཀྱི་ས་མཚམས་ནས་བརྒལ་བའི་བར་དུ་ལམ་གྱི་གཡས་གཡོན་གང་དུའང་གཟུར་བར་མི་བྱ་ཞེས་ཟེར་རོ་ཞེས་སྨྲས་པ་ལ།  
\v 18 ཨེ་དོམ་གྱིས་བང་ཆེན་ལ་འདི་ལྟར། ཁྱོད་རྣམས་ངའི་ཡུལ་བརྒྱུད་ནས་འགྲོ་མི་ཆོག གལ་སྲིད་སོང་ན། ངས་རལ་གྲི་ཁྱེར་ནས་ཁྱོད་རྣམས་ལ་འཐབ་པར་སླེབ་ཡོང་ཞེས་སྨྲས།  
\v 19 དེ་ནས་ཡེས་ར་ཨེལ་པ་རྣམས་ཀྱིས་ཁོ་ལ། ངེད་ཅག་ལམ་ཆེན་ནས་ཡར་འགྲོ་བ་དང་། ངེད་ཅག་དང་ངེད་ཅག་གི་ཕྱུགས་རྣམས་ཀྱིས་ཁྱེད་ཀྱི་ཆུ་འཐུང་ན་དེ་ལ་རིན་སྤྲོད་ངེས་ཤིང་། ངེད་རྣམས་རྐང་ཐང་ལ་ཡུལ་འདི་བརྒྱུད་ནས་འགྲོ་ཆོག་པར་ཞུ། གཞན་ཅི་ཡང་མི་དགོས་ཞེས་ཞུས་ཀྱང་།  
\v 20 ཨེ་དོམ་གྱི་རྒྱལ་པོ་ན་རེ། ཁྱོད་རྣམས་ཡུལ་འདི་བརྒྱུད་ནས་འགྲོ་མི་ཆོག་ཅེས་སྨྲས་ཏེ། མི་མང་པོ་ཁྲིད་ནས་བཙན་ཤུགས་དང་བཅས་ཡེས་ར་ཨེལ་པ་རྣམས་ལ་རྒོལ་བར་ཐོན་ནོ། །  
\v 21 དེ་ལྟར་ཨེ་དོམ་གྱིས་ཡེས་ར་ཨེལ་པ་རྣམས་རང་གི་མངའ་ཁོངས་བརྒལ་ནས་འགྲོ་བར་མ་བཅུག་པས། ཡེས་ར་ཨེལ་པ་རྣམས་ཁོ་དང་བྲལ་ནས་སོང་ངོ་། །   
\s1 ཨ་རོན་ཚེ་ལས་འདས་པ།  
\p
\v 22 ཡེས་ར་ཨེལ་པའི་མི་ཚོགས་ཡོངས་ཀཱ་དེའེ་ཤཱ་ནས་ལམ་དུ་ཆས་ཏེ་ཧོར་ཞེས་པའི་རི་བོར་སླེབས་པ་དང་།  
\v 23 དཀོན་མཆོག་ཡ་ཝཱེས་ཨེ་དོམ་ཡུལ་གྱི་ས་མཚམས་སུ་ཡོད་པའི་རི་བོ་ཧོར་ཞེས་པར་མོ་ཤེ་དང་ཨ་རོན་གཉིས་ལ་འདི་སྐད་དུ།  
\v 24 ཨ་རོན་ནི་རང་གི་མེས་པོ་རྣམས་ཀྱི་དྲུང་དུ་འཛོམ་པར་ངེས།\f + \ft ཨ་རོན་ནི་རང་གི་མེས་པོ་རྣམས་ཀྱི་དྲུང་དུ་འཛོམ་པར་ངེས་ཞེས་པ་འདི་ཡ་ཧུ་དཱ་མི་རིགས་ཀྱི་སྐད་དུ། ཁོ་ཚེ་ལས་འདས་ནས་རང་གི་མེས་པོ་རྣམས་དང་འཕྲད་ངེས་ཞེས་པའི་དོན་ཡིན། \f* ཁོ་ནི་བདག་གིས་ཡེས་ར་ཨེལ་པ་རྣམས་ལ་སྦྱིན་པའི་ཡུལ་དུ་འཛུལ་བར་མི་འགྱུར། གང་ལ་ཞེ་ན། ཁྱོད་གཉིས་མེ་རི་བཱའི་ཆུ་ཡི་ཐད་ནས་ངའི་བཀའ་དང་འགལ་བའོ། །  
\v 25 མོ་ཤེ་ཁྱོད་ཀྱིས་ཨ་རོན་དང་ཁོའི་བུ་ཨེ་ལི་ཨ་ཟར་གཉིས་ཁྲིད་ནས་རི་བོ་ཧོར་དུ་ཡར་སོང་ཞིག  
\v 26 ཨ་རོན་གྱི་འཕགས་གོས་རྣམས་ཕུད་ནས་ཁོའི་བུ་ཨེ་ལི་ཨ་ཟར་ལ་སྐོན་ཅིག ཨ་རོན་ནི་རང་གི་མེས་པོ་རྣམས་ཀྱི་དྲུང་དུ་འཛོམས་ནས་གནས་དེར་འཆི་བར་འགྱུར་ཞེས་གསུངས་པ་ལ།  
\v 27 མོ་ཤེ་ཡིས་དཀོན་མཆོག་ཡ་ཝཱེའི་བཀའ་བཞིན་དུ་བསྒྲུབས་ཏེ། མི་ཚོགས་ཡོངས་ཀྱི་མཐོང་ངོར་རི་བོ་ཧོར་དུ་ཡར་སོང་ངོ་། །  
\v 28 དེ་ནས་མོ་ཤེ་ཡིས་ཨ་རོན་གྱི་འཕགས་གོས་རྣམས་ཕུད་ནས་ཁོའི་བུ་ཨེ་ལི་ཨ་ཟར་ལ་བསྐོན་པ་དང་། ཨ་རོན་རི་རྩེ་དེར་ཚེ་ལས་འདས་རྗེས་མོ་ཤེ་དང་ཨེ་ལི་ཨ་ཟར་གཉིས་རི་ནས་མར་བབས་སོ། །  
\v 29 དེ་ནས་མི་ཚོགས་ཡོངས་ཀྱིས་ཨ་རོན་ཚེ་ལས་འདས་པ་མཐོང་རྗེས། ཡེས་ར་ཨེལ་གྱི་ཁྱིམ་རྒྱུད་ཐམས་ཅད་ཨ་རོན་གྱི་དོན་དུ་ཉིན་སུམ་ཅུའི་རིང་ལ་བཤུམས་པའོ། །   
\c 21
\cl ལེའུ་ཉེར་གཅིག་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཨ་རད་མེད་པར་བཏང་བ།  
\p
\v 1 དེ་ཡང་ནེ་གུབ་ཡུལ་དུ་གནས་པའི་ཨ་རད་ཀྱི་རྒྱལ་པོ་ཀ་ན་ཨན་པ་དེས། ཡེས་ར་ཨེལ་པ་རྣམས་ཨ་ཐཱ་རིམ་གྱི་ལམ་ནས་ཡོང་བ་ཐོས་ཏེ། ཡེས་ར་ཨེལ་པ་རྣམས་ལ་འཐབ་ཅིང་མི་འགའ་ཤས་བཟུང་ནས་ཁྲིད།  
\v 2 ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེ་ལ་དམ་བཅས་ཏེ་ན་རེ། གལ་སྲིད་ཁྱེད་ཀྱིས་མི་འདི་རྣམས་ངེད་ཅག་གི་ལག་ཏུ་སྤྲོད་པར་མཛད་ན། ངེད་རྣམས་ཀྱིས་དེ་དག་གི་གྲོང་ཁྱེར་རྣམས་མེད་པར་བྱེད་ངེས་ཡིན་ཞེས་ཞུས།  
\v 3 དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཀྱི་ཞུ་བ་གསན་ནས། ཀ་ན་ཨན་པ་རྣམས་དེ་དག་གི་ལག་ཏུ་གཏད་ཅིང་། དེ་དག་གིས་ཀ་ན་ཨན་པ་རྣམས་དང་དེ་ཚོའི་གྲོང་ཁྱེར་རྣམས་རྩ་ནས་བཤིགས་པས། གནས་དེའི་མིང་ལ་ཧོར་མཱ་ཞེས་བཏགས་སོ། །   
\s1 ལི་ཡི་སྦྲུལ།  
\p
\v 4 ཡེས་ར་ཨེལ་པ་རྣམས་རི་བོ་ཧོར་ནས་རྒྱ་མཚོ་དམར་པོར་འགྲོ་བའི་ལམ་བརྒྱུད་དེ། ཨེ་དོམ་གྱི་ཡུལ་བསྐོར་ནས་སོང་བ་ལ། ལམ་དེའི་རྐྱེན་གྱིས་མི་རྣམས་སེམས་འཚབས་ཏེ།  
\v 5 དཀོན་མཆོག་དང་མོ་ཤེ་གཉིས་ལ་རྒོལ་ཞིང་ན་རེ། ཁྱེད་གཉིས་ཀྱིས་ངེད་རྣམས་ཅིའི་ཕྱིར་ཨེ་ཅིབ་ཡུལ་ནས་ཁྲིད་ཡོང་སྟེ་དབེན་སྟོང་དུ་འཆི་བར་བྱའམ། འདི་རུ་བག་ལེབ་མེད་ལ་ཆུ་ཡང་མེད། ཁ་ཟས་སྐྱོ་བོ་འདི་ལ་ངེད་རྣམས་སྐྱུག་མེར་ལངས་ཞེས་སྨྲས་སོ། །  
\v 6 དེ་ནས་དཀོན་མཆོག་ཡ་ཝཱེས་དུག་སྦྲུལ་རྣམས་མི་ཚོགས་ཁྲོད་དུ་བཏང་ཞིང་། སྦྲུལ་གྱིས་ཁོ་རྣམས་ལ་རྨུགས་པས་ཡེས་ར་ཨེལ་པ་མང་པོ་ཤི་བར་གྱུར།  
\v 7 དེ་ནས་མི་རྣམས་ཡོང་ནས་མོ་ཤེ་ལ། ངེད་ཅག་གིས་དཀོན་མཆོག་ཡ་ཝཱེ་དང་ཁྱེད་ལ་གཏམ་ངན་གྱིས་རྒོལ་བས་སྡིག་པ་བསགས། དཀོན་མཆོག་ཡ་ཝཱེས་སྦྲུལ་དེ་དག་ངེད་ཅག་དང་འབྲལ་བར་མཛད་པའི་ཕྱིར་ཁྱེད་ཀྱིས་སྨོན་ལམ་འདེབས་རོགས་ཞེས་ཞུས་པ་ན། མོ་ཤེ་ཡིས་མི་རྣམས་ཀྱི་དོན་དུ་སྨོན་ལམ་བཏབ་བོ། །  
\v 8 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཁྱོད་ཀྱིས་དུག་སྦྲུལ་ཞིག་བཟོས་ལ་ཀ་བའི་རྩེ་མོར་སྐྱོན་དང་། སྦྲུལ་གྱིས་རྨུགས་པའི་མི་ཀུན་གྱིས་སྦྲུལ་དེར་བལྟས་མ་ཐག་གསོན་པར་འགྱུར་ཞེས་གསུངས་པས།  
\v 9 མོ་ཤེ་ཡིས་ལི་ཡི་སྦྲུལ་ཞིག་བཟོས་ནས་ཀ་བའི་རྩེ་མོར་བསྐྱོན། དེ་ནས་སྦྲུལ་གྱིས་རྨུགས་པའི་མི་སུ་ཡིན་ཡང་ལི་ཡི་སྦྲུལ་དེར་བལྟས་པ་ཙམ་གྱིས་གསོན་པར་གྱུར་ཏོ། །   
\s1 མོ་ཨབ་ཏུ་བགྲོད་པའི་ལམ་ཐག  
\p
\v 10 ཡང་ཡེས་ར་ཨེལ་པ་རྣམས་ལམ་དུ་ཆས་པ་དང་། ཨོ་བོད་བྱ་བའི་ཡུལ་ནས་སྒར་བཏབ།  
\v 11 ཡང་ཨོ་བོད་ནས་ལམ་དུ་ཞུགས་པ་དང་། མོ་ཨབ་ཕ་རོལ་གྱི་དབེན་སྟོང་དུ་ཡོད་ལ་ཤར་ཕྱོགས་སུ་འཁོར་བའི་ཨི་ཡེ་ཨ་བཱ་རིམ་ཡུལ་དུ་སྒར་བཏབ་བོ། །  
\v 12 ཡང་ཁོ་རྣམས་དེ་ནས་ལམ་དུ་ཆས་ཏེ་ཟེ་རེད་ལུང་པར་སྒར་བཏབ་པ་དང་།  
\v 13 ཡང་དེ་ནས་ལམ་དུ་ཆས་ཏེ་ཨར་ནོན་ཆུ་བོའི་ཕ་རོལ་ཏུ་སྒར་བཏབ། ཨར་ནོན་ཆུ་བོ་ནི་དབེན་སྟོང་དུ་ཡོད་ཅིང་ཨེ་མོར་པ་རྣམས་ཀྱི་ས་མཚམས་ནས་བཞུར་འོངས་པ་ཡིན། མ་གཞི་ཨར་ནོན་ཆུ་བོ་ནི་མོ་ཨབ་ཀྱི་མཐའ་མཚམས་ཡིན་ལ། མོ་ཨེབ་དང་ཨེ་མོར་པའི་བར་མཚམས་སུ་ཡོད་པའོ། །  
\v 14 དེར་བརྟེན་དཀོན་མཆོག་ཡ་ཝཱེའི་དམག་འཁྲུག་གི་ལོ་རྒྱུས་དཔེ་ཆ་རུ།  
\q1 སུབ་ཕཱའི་ཝཱ་ཧེབ་ཨར་ནོན་གྲོག་ཤུར་རྣམས། །   
\q1
\v 15 གྲོག་མོའི་ཐུར་གསེག་ཨར་ལ་ཐུག་པ་དང་། །  
\q1 མོ་ཨབ་ས་མཚམས་དང་ནི་ཉེ་བ་འོ། །ཞེས་བཀོད་པའོ། །   
\p
\v 16 ཡང་དེ་ནས་ཡེས་ར་ཨེལ་པ་རྣམས་པེར་ཞེས་པའི་ཁྲོན་པ་རུ་སླེབས་ཤིང་། སྔར་དཀོན་མཆོག་ཡ་ཝཱེས་མོ་ཤེ་ལ་མི་ཚོགས་གནས་དེར་སྡུས་ཤིག་དང་། བདག་གིས་དེ་དག་ལ་ཆུ་སྦྱིན་པར་བྱ་ཞེས་གསུངས་པ་ནི་ཁྲོན་པ་དེའི་སྐོར་ཡིན་ནོ། །   
\p
\v 17 དེའི་དུས་སུ་ཡེས་ར་ཨེལ་པས་མགུར་འདི་བླངས་པ་སྟེ།  
\q1 ཀྱེ་ཀྱེ་ཁྲོན་པ་ཆུ་འཕྱུར་ཤོག །  
\q1 ཁྱོད་ཅག་དེ་ལ་གླུ་ལོངས་ཤིག །   
\q1
\v 18 ཁྲོན་པ་འདི་ནི་འགོ་དཔོན་རྣམས་ཀྱིས་བརྐོས། །  
\q1 དེ་ནི་དམངས་ཁྲོད་སྐུ་དྲག་རྣམས་ཀྱིས་ནི། །  
\q1 ཕྱག་འཁར་དང་ནི་འཁར་བས་བསྔོགས་པ་ཡིན། ། ཞེས་པའོ། །  
\p དེ་ནས་ཡེས་ར་ཨེལ་པ་རྣམས་དབེན་སྟོང་ནས་མད་ཐ་ནཱ་རུ་སླེབས་པ་དང་།  
\v 19 མད་ཐ་ནཱ་ནས་ནཱ་ཧ་ལི་ཨེལ་དང་། ནཱ་ཧ་ལི་ཨེལ་ནས་པཱ་མོད་དང་།  
\v 20 པཱ་མོད་ནས་མོ་ཨབ་ཡུལ་གྱི་ལུང་པ་དང་། ཡང་དབེན་སྟོང་ལ་ཁ་ཐུར་ལྟའི་རི་བོ་ཕིས་གའི་རྩེ་མོར་སླེབས་སོ། །   
\s1 ཨེ་མོར་པའི་རྒྱལ་པོ་དང་པཱ་ཤན་གྱི་རྒྱལ་པོ་གཉིས་ཀ་ཕམ་པར་བརྒྱབ་པ།  
\p
\v 21 ཡེས་ར་ཨེལ་པས་ཨེ་མོར་པའི་རྒྱལ་པོ་སི་ཧོན་ལ་བང་ཆེན་བཏང་སྟེ་ན་རེ།  
\v 22 ཁྱེད་ཀྱིས་ངེད་རྣམས་ཁྱེད་ཀྱི་ཡུལ་བརྒྱུད་དེ་འགྲོ་རུ་འཇུག་པར་མཛོད། ངེད་ཅག་ཞིང་ཁ་དང་རྒུན་འབྲུམ་ར་བར་མི་འགྲོ་ལ། ཁྲོན་པ་དག་གི་ཆུ་ཡང་མི་འཐུང་། ཁྱེད་ཀྱི་ས་མཚམས་ནས་བརྒལ་བའི་བར་དུ་ངེད་རྣམས་རྒྱལ་པོའི་ལམ་ཆེན་ནས་འགྲོ་བར་བྱའོ་ཞེས་སྨྲས་ནའང་།  
\v 23 སི་ཧོན་གྱིས་ཡེས་ར་ཨེལ་པ་རྣམས་རང་གི་ས་མཚམས་བརྒལ་ནས་འགྲོ་རུ་འཇུག་པ་ཕར་ཞོག ཁོས་རང་གི་མི་ཐམས་ཅད་བསྡུས་ཏེ་ཡེས་ར་ཨེལ་པ་རྣམས་ལ་འཐབ་ཕྱིར་དབེན་སྟོང་དུ་ཕྱིན་པ་དང་། ཡ་ཧ་ཙཱ་བྱ་བར་སླེབས་ནས་ཡེས་ར་ཨེལ་པ་རྣམས་ལ་དམག་བརྒྱབ་པའོ། །  
\v 24 དེ་ནས་ཡེས་ར་ཨེལ་པས་ཁོ་རལ་གྲིས་བསད་ཅིང་། ཨར་ནོན་ནས་ཡཱབ་པོག་དང་། དེ་ནས་ཨམ་མོན་པ་རྣམས་ཀྱི་བར་དུ་ཁོའི་ས་ཆ་རྣམས་བདག་ཏུ་བཟུང་། ཨམ་མོན་པའི་ས་མཚམས་ནི་བརྟན་འཇགས་ཡིན་པའི་ཕྱིར་རོ། །  
\v 25 ཡེས་ར་ཨེལ་པས་གྲོང་ཁྱེར་དེ་ཐམས་ཅད་ཕྲོགས་ཤིང་། ཨེ་མོར་པའི་གྲོང་ཁྱེར་སོ་སོ་སྟེ་ཧེ་སི་པོན་བྱ་བ་དང་དེར་གཏོགས་པའི་གྲོང་སྡེ་ཐམས་ཅད་ནས་གཞིས་ཕབ་བོ། །  
\v 26 ཧེ་སི་པོན་ནི་ཨེ་མོར་པ་རྣམས་ཀྱི་རྒྱལ་པོ་སི་ཧོན་གྱི་རྒྱལ་ས་ཡིན་པ་དང་། ཁོས་སྔར་མོ་ཨབ་ཀྱི་རྒྱལ་པོ་སྔོན་མར་དམག་བརྒྱབ་ཅིང་དེའི་ལག་ནས་ཨར་ནོན་ཆུ་བོའི་བར་དུ་ས་ཆ་ཐམས་ཅད་ཕྲོགས་པའོ། །  
\v 27 དེའི་ཕྱིར་གཏམ་དཔེ་འཆད་མཁན་རྣམས་ཀྱིས་འདི་ལྟར།  
\q1 ཁྱོད་རྣམས་ཧེ་སི་པོན་ལ་ཕེབས། །  
\q1 སི་ཧོན་རྒྱལ་པོའི་མཁར་སྐྲུན་ཅིག །  
\q1 མཁར་དེ་བརྟན་པོར་བཟོ་བར་གྱིས། །   
\q1
\v 28 དེ་ནི་གང་གི་རྐྱེན་གྱིས་ཡིན་ཞེ་ན། །  
\q1 ཧེ་སི་པོན་ནས་མེ་ཞིག་བྱུང་བ་དང་། །  
\q1 སི་ཧོན་རྒྱལ་པོའི་མཁར་ནས་མེ་ལྕེ་འཕྱུར། །  
\q1 མོ་ཨབ་ཡུལ་གྱི་ཨཱར་དང་ཨར་ནོན་གྱི། །  
\q1 རི་རྒྱུད་གཙོ་བོ་རྣམས་ཀྱང་རྩ་མེད་བཏང་། །   
\q1
\v 29 ཀྱེ་ཀྱེ་མོ་ཨབ་ཁྱོད་ལ་ཆག་སྒོ་བྱུང་། །  
\q1 ཀེ་མོ་སི་ཡི་མི་རྣམས་མེད་པར་གྱུར། །  
\q1 ལྷ་དེས་རང་གི་བུ་རྣམས་འབྲོ་རུ་བཅུག །  
\q1 རང་གི་བུ་མོ་རྣམས་ནི་བཙོན་པར་བཏང་། །  
\q1 ཨེ་མོར་རྒྱལ་པོ་སི་ཧོན་ལག་ཏུ་བརྫངས། །   
\q1
\v 30 ང་ཚོས་མདའ་ཡིས་དེ་རྣམས་བརྒྱབས་པ་དང་། །  
\q1 དི་བོན་བར་དུ་ཧེ་སི་པོན་ཚར་བཅད། །  
\q1 ནོ་ཕཱའི་བར་དུ་ང་ཚོས་སྟོངས་སུ་བཅུག །  
\q1 དེ་ནི་མེ་དེ་བཱ་ཡི་བར་དུ་བསྲིངས། །ཞེས་སྨྲ་བའོ། །   
\p
\v 31 དེ་ལྟར་ཡེས་ར་ཨེལ་པ་རྣམས་ཨེ་མོར་པ་རྣམས་ཀྱི་ཡུལ་དུ་བསྡད་དོ། །  
\v 32 དེ་ཡང་མོ་ཤེ་ཡིས་ཡཱ་ཟེར་བྱ་བའི་ཡུལ་ལ་མྱུལ་མ་བཏང་བ་དང་། ཡེས་ར་ཨེལ་པ་རྣམས་ཀྱིས་དེའི་གྲོང་སྡེ་རྣམས་བདག་ཏུ་བཟུང་ཞིང་། དེར་གནས་པའི་ཨེ་མོར་པ་རྣམས་གཞན་དུ་བསྐྲད་དོ། །  
\v 33 དེ་ནས་ཡེས་ར་ཨེལ་པ་རྣམས་ཁ་ཕྱིར་འཁོར་ནས་པཱ་ཤན་དུ་འགྲོ་བའི་ལམ་དུ་ཞུགས་པ་ན། པཱ་ཤན་གྱི་རྒྱལ་པོ་ཨོག་ཅེས་བྱ་བ་དང་དེའི་མི་ཐམས་ཅད་འོངས་ནས་ཨེ་དྲེ་ཨི་ཡུལ་དུ་ཁོ་རྣམས་ལ་དམག་བརྒྱབ་བོ། །  
\v 34 དེ་ནས་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། བདག་གིས་ཁོ་དང་ཁོའི་མི་ཐམས་ཅད་དང་། ཁོའི་ས་ཆ་བཅས་ཁྱོད་ཀྱི་ལག་ཏུ་གཏད་ཡོད་པས། ཁོ་ལ་མ་འཇིགས་ཤིག ཁྱོད་ཀྱིས་སྔར་ཧེ་སི་པོན་དུ་གནས་པའི་ཨེ་མོར་པའི་རྒྱལ་པོ་སི་ཧོན་ལ་ཅི་ལྟར་བྱས་པ་ཡིན་ན། འདི་ལ་ཡང་དེ་ལྟར་གྱིས་ཤིག་ཅེས་གསུངས་སོ། །  
\v 35 དེ་ནས་ཁོ་ཚོས་ཨོག་དང་དེའི་བུ་རྣམས་དང་། དེའི་མི་ཐམས་ཅད་བསད་དེ་གཅིག་ཀྱང་མི་ལུས་པར་བྱས་ནས་དེའི་ས་ཆ་བདག་གིར་བཟུང་ངོ་། །   
\c 22
\cl ལེའུ་ཉེར་གཉིས་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 མོ་ཨབ་ཀྱི་རྒྱལ་པོས་པེལ་ཨམ་གདན་དྲངས་པ།  
\p
\v 1 དེ་ཡང་ཡེས་ར་ཨེལ་པ་རྣམས་ལམ་དུ་ཆས་ནས་མོ་ཨབ་སྤང་ལྗོངས་ཏེ། ཡོར་དན་གཙང་པོའི་ཤར་ཕྱོགས་དང་། ཡེ་རུ་ཀོ་ཡི་ཁ་གཏད་དུ་སྒར་བཏབ།  
\v 2 ཡེས་ར་ཨེལ་པ་རྣམས་ཀྱིས་ཨེ་མོར་པ་རྣམས་ལ་ཅི་བྱས་པ་ཐམས་ཅད་ཚིབ་ཕོར་གྱི་བུ་པཱ་ལག་གིས་མཐོང་བ་དང་།  
\v 3 ཁོ་ཚོར་མི་ཚོགས་མང་པོ་ཡོད་པས་མོ་ཨབ་པ་རྣམས་ཤིན་ཏུ་འཇིགས་པ་དང་། ཡེས་ར་ཨེལ་པ་རྣམས་ཀྱི་རྐྱེན་གྱིས་མོ་ཨབ་པ་རྣམས་དངངས་སྐྲག་ཆེན་པོ་སྐྱེས།  
\v 4 མོ་ཨབ་པ་རྣམས་ཀྱིས་མིད་ཡཱན་པའི་རྒན་པོ་རྣམས་ལ། བ་གླང་གིས་ཞིང་ཁའི་རྩྭ་བཟའ་བ་བཞིན་དུ། ད་ལྟ་མི་ཚོགས་འདིས་རང་ཅག་གི་ཉེ་འཁོར་ཐམས་ཅད་བལྡག་པར་འགྱུར་ཞེས་སྨྲས། དེའི་དུས་སུ་ཚིབ་ཕོར་གྱི་བུ་པཱ་ལག་ནི་མོ་ཨབ་ཀྱི་རྒྱལ་པོ་ཡིན་ལ།  
\v 5 ཁོས་པེ་ཨོར་གྱི་བུ་པེལ་ཨམ་གྱི་རྩར་བང་ཆེན་བཏང་བ་སྟེ། ཆུ་བོ་ཉེ་འགྲམ་གྱི་ཕེ་ཐོར་ཏེ་ཁོའི་ཡུལ་མི་རྣམས་ཀྱི་ས་ཆར་པེལ་ཨམ་གདན་འདྲེན་བྱེད་དུ་མངགས་ཤིང་ན་རེ། གཟིགས་དང་། མི་རིགས་ཤིག་ཨེ་ཅིབ་ཡུལ་ནས་ཐོན་བྱུང་། ཀྱེ་ཧོ། དེ་དག་ས་གཞི་ཡོངས་སུ་ཁེབས་ཤིང་ད་ལྟ་ངའི་ཁ་གཏད་དུ་བསྡད་ཡོད།  
\v 6 མི་རིགས་འདི་ནི་བདག་ལས་སྟོབས་ཆེ་བས། ད་ལྟ་ཁྱེད་རང་ཕེབས་ནས་ངའི་ཆེད་དུ་ཁོ་རྣམས་ལ་དམོད་མོ་འདེབས་རོགས། དེ་ནས་ངས་ཁོ་རྣམས་ཕམ་པར་བརྒྱབ་སྟེ་ཡུལ་འདི་ནས་སྐྲོད་ནུས་ཀྱང་སྲིད། གང་ལ་ཞེ་ན། ཁྱེད་ཀྱིས་སུ་ལ་བྱིན་གྱིས་བརླབས་ན་དེར་བྱིན་རླབས་འཐོབ་ཅིང་། ཁྱེད་ཀྱིས་སུ་ལ་དམོད་མོ་བཏབ་ན་དེར་དམོད་མོ་ཐེབས་པ་ངས་ཤེས་པ་ཡིན་ཞེས་ཞུས་སོ། །   
\p
\v 7 མོ་ཨབ་དང་མིད༌ཡཱན་གྱི་རྒན་པོ་རྣམས་ཀྱིས་མོ་འདེབས་པའི་རྔན་པ་ལག་ལ་ཁྱེར་ནས་ཆས་པ་དང་། པེལ་ཨམ་གྱི་རྩར་སླེབས་ནས་པཱ་ལག་གི་གཏམ་ཁོ་ལ་སྨྲས་སོ། །  
\v 8 དེ་ནས་པེལ་ཨམ་གྱིས་ཁོ་ཚོར་འདི་ལྟར། དོ་ནུབ་འདི་རུ་ཞག་སྡོད་བྱོས་དང་། དཀོན་མཆོག་ཡ་ཝཱེས་ང་ལ་བཀའ་ཅི་ལྟར་གསུངས་ན་ངས་དེ་བཞིན་དུ་ཁྱོད་ལ་ལན་སྦྱིན་འོང་ཞེས་སྨྲས་པས། མོ་ཨབ་ཀྱི་འགོ་དཔོན་རྣམས་པེལ་ཨམ་དང་མཉམ་དུ་བསྡད།  
\v 9 དཀོན་མཆོག་པེལ་ཨམ་གྱི་རྩར་ཕེབས་ཏེ་འདི་སྐད་དུ། ཁྱོད་དང་མཉམ་དུ་ཡོད་པ་འདི་རྣམས་སུ་ཡིན་ནམ་ཞེས་གསུངས་པ་ན།  
\v 10 པེལ་ཨམ་གྱིས་དཀོན་མཆོག་ལ། མོ་ཨབ་ཀྱི་རྒྱལ་པོ་སྟེ་ཚིབ་ཕོར་གྱི་བུ་པཱ་ལག་གིས་ངའི་རྩར་བཏང་བའི་མི་རྣམས་ཡིན་ཏེ། ཁོ་རྣམས་ན་རེ།  
\v 11 ལྟོས་དང་། ཨེ་ཅིབ་ཡུལ་ནས་ཐོན་པའི་མི་རིགས་ཤིག་གིས་ས་གཞི་ཡོངས་སུ་ཁེབས་འདུག ད་ལྟ་ཁྱོད་རང་ཡོང་ནས་ངའི་ཆེད་དུ་ཁོ་རྣམས་ལ་དམོད་མོ་འདེབས་རོགས། དེ་ནས་ངས་ཁོ་རྣམས་ལས་རྒྱལ་ཁ་བླངས་ཏེ་སྐྲོད་ནུས་ཀྱང་སྲིད་ཅེས་སྨྲས་བྱུང་ཞུས་པ་ལ།  
\v 12 དཀོན་མཆོག་གིས་པེལ་ཨམ་ལ་འདི་སྐད་དུ། ཁྱོད་དེ་དག་དང་མཉམ་དུ་འགྲོ་མི་རུང་ལ། ཡང་མི་རིགས་དེ་ནི་བྱིན་རླབས་ཐོབ་པ་ཡིན་པས་དེ་ལ་དམོད་མོ་འདེབས་མི་རུང་ཞེས་གསུངས།  
\v 13 དེ་ནས་པེལ་ཨམ་ནངས་སྔ་མོ་ལངས་ནས་པཱ་ལག་གི་འགོ་དཔོན་རྣམས་ལ་ན་རེ། དཀོན་མཆོག་ཡ་ཝཱེས་ང་རང་ཁྱོད་ཅག་དང་མཉམ་དུ་འགྲོ་བར་མི་གནང་བས་ཁྱོད་རྣམས་ཕྱིར་རང་ཡུལ་དུ་སོང་ཞིག་ཅེས་སྨྲས་པ་ལ།  
\v 14 མོ་ཨབ་ཀྱི་འགོ་དཔོན་རྣམས་ཡར་ལངས་ཏེ་ཕྱིར་པཱ་ལག་གི་རྩར་ཕྱིན་ནས་ཁོ་ལ། པེལ་ཨམ་ངེད་ཅག་དང་མཉམ་དུ་མི་ཡོང་ངོ་ཞེས་སྨྲས་སོ། །   
\p
\v 15 དེ་ནས་པཱ་ལག་གིས་ཡང་བསྐྱར་འགོ་དཔོན་སྔར་ལས་མང་པོ་དང་། དེ་ལས་སྙན་གྲགས་ཆེ་བ་རྣམས་བཏང་བ་དང་།  
\v 16 དེ་དག་པེལ་ཨམ་གྱི་དྲུང་དུ་ཕྱིན་ནས་ཁོ་ལ་འདི་ལྟར། ཚིབ་ཕོར་གྱི་བུ་པཱ་ལག་གིས་འདི་ལྟར་སྨྲས་ཏེ། ཁྱེད་རང་ངའི་རྩར་ཕེབས་པར་མི་གཡོལ་རོགས།  
\v 17 གང་ལ་ཞེ་ན། ངས་ཁྱེད་ལ་གུས་པ་ཆེན་པོ་འཐོབ་པར་བྱ་ཞིང་། ཁྱེད་ཀྱིས་ཅི་གསུངས་བཞིན་དུ་བསྒྲུབ་པར་བྱ། ཁྱེད་ཀྱིས་ངའི་ཆེད་དུ་མི་རིགས་འདི་ལ་དམོད་མོ་འདེབས་རོགས་ཞེས་ཞུ་བ་ཞུས་སོ། །  
\v 18 དེ་ནས་པེལ་ཨམ་གྱིས་པཱ་ལག་གི་འཁོར་གཡོག་རྣམས་ལ་ལན་དུ། པཱ་ལག་གིས་རང་གི་གསེར་དངུལ་ཁང་པ་གང་པོ་དེ་ང་ལ་གནང་ན་ཡང་། ངས་དོན་ཆེ་ཆུང་གང་ཡིན་ཡང་རང་གི་དཀོན་མཆོག་ཡ་ཝཱེའི་བཀའ་བརྒལ་ནས་བསྒྲུབ་མི་ནུས།  
\v 19 ཡང་དཀོན་མཆོག་ཡ་ཝཱེས་ང་ལ་ད་དུང་ཅི་ཞིག་གསུང་བ་ཤེས་པའི་ཆེད་དུ། ཁྱོད་ཅག་དོ་ནུབ་ཀྱང་འདི་རུ་སྡོད་ཅིག་ཅེས་སྨྲས་སོ། །  
\v 20 མཚན་མོ་དེར་དཀོན་མཆོག་པེལ་ཨམ་གྱི་རྩར་ཕེབས་ནས་འདི་སྐད་དུ། མི་འདི་རྣམས་ཁྱོད་འབོད་དུ་འོངས་པ་ཡིན་པས་ན། ཁྱོད་རང་ལམ་ལ་ཆས་ནས་དེ་དག་དང་མཉམ་དུ་སོང་ཞིག འོན་ཀྱང་ངས་ཁྱོད་ལ་ཅི་སྨྲས་པ་དེ་ཁོ་ན་སྒྲུབས་ཤིག་ཅེས་གསུངས་སོ། །   
\s1 དཀོན་མཆོག་གི་ཕོ་ཉ་དང་པེལ་ཨམ་གྱི་བོང་བུ།  
\p
\v 21 པེལ་ཨམ་ནངས་སྔ་མོར་ལངས་ནས་རང་གི་བོང་བུ་ལ་སྒ་བསྟད་དེ། མོ་ཨབ་ཀྱི་འགོ་དཔོན་རྣམས་དང་མཉམ་དུ་སོང་ངོ་། །  
\v 22 ཁོ་རང་སོང་བའི་རྐྱེན་གྱིས་དཀོན་མཆོག་ཐུགས་ཁྲོས་ཤིང་། དཀོན་མཆོག་ཡ་ཝཱེའི་ཕོ་ཉ་ལམ་ནང་དུ་འགྲེང་ནས་ཁོ་རང་བཀག་པ་དང་། དེའི་དུས་སུ་ཁོ་བོང་བུར་ཞོན་ཏེ་ཞབས་ཕྱི་གཉིས་ཀྱང་ཁོ་དང་མཉམ་དུ་བསྐྱོད་པའོ། །  
\v 23 དེ་ནས་བོང་བུས་ཕྱག་ཏུ་རལ་གྲི་ཐོགས་པའི་དཀོན་མཆོག་ཡ་ཝཱེའི་ཕོ་ཉ་ལམ་ནང་དུ་འགྲེང་འདུག་པ་མཐོང་བས། ལམ་ལ་བཟུར་ནས་ཞིང་ནང་དུ་སོང་། པེལ་ཨམ་གྱིས་བོང་བུ་ལམ་ལ་བསྒྱུར་ཕྱིར་བརྡེགས་སོ། །  
\v 24 དཀོན་མཆོག་ཡ་ཝཱེའི་ཕོ་ཉ་རྒུན་འབྲུམ་ར་བ་རྣམས་ཀྱི་བར་དུ་ཡོད་པའི་ལམ་དོག་མོའི་ནང་དུ་འགྲེང་པ་དང་། ལམ་གྱི་འགྲམ་གཉིས་ཀ་གྱང་ཡིན་ནོ། །  
\v 25 བོང་བུས་དཀོན་མཆོག་ཡ་ཝཱེའི་ཕོ་ཉ་མཐོང་བ་དང་གྱང་ལ་གཙུབས་ནས་པེལ་ཨམ་གྱི་རྐང་པ་བཙིར་བས་པེལ་ཨམ་གྱིས་ཡང་བོང་བུ་ལ་བརྡེགས་སོ། །  
\v 26 དེ་ནས་དཀོན་མཆོག་ཡ་ཝཱེའི་ཕོ་ཉ་ཡང་སྔོན་ལ་ཅུང་ཙམ་ཕེབས་ནས། འགག་དོག་མོ་གཡས་གཡོན་ལ་འཁོར་ས་མེད་པ་ཞིག་ཏུ་འགྲེང་བསྡད་པ་དང་།  
\v 27 བོང་བུས་དཀོན་མཆོག་ཡ་ཝཱེའི་ཕོ་ཉ་མཐོང་སྟེ་པེལ་ཨམ་གྱི་འོག་ཏུ་ཉལ་བ་དང་། པེལ་ཨམ་རབ་ཏུ་ཁྲོས་ནས་དབྱུག་པས་བོང་བུ་ལ་བརྡེགས་པ་ན།  
\v 28 དཀོན་མཆོག་ཡ་ཝཱེས་བོང་བུ་ལ་ཁ་གྲགས་པར་མཛད་ཅིང་དེས་པེལ་ཨམ་ལ། ངས་ཁྱོད་ལ་ཅི་བྱས་པ་ཡིན་ནམ། ཁྱོད་ཀྱིས་ང་ལ་ལན་གསུམ་བརྡེགས་སོང་ཞེས་སྨྲས་པ་ན།  
\v 29 པེལ་ཨམ་གྱིས་བོང་བུ་ལ་ན་རེ། ཁྱོད་ཀྱིས་ང་རང་རྩེད་སྤྱད་བྱས་པས་ཡིན། ངའི་ལག་ཏུ་རལ་གྲི་ཞིག་ཡོད་པ་ཡིན་ན། ད་ལྟ་ཉིད་ལ་ཁྱོད་གསོད་དོ་ཞེས་སྨྲས།  
\v 30 དེ་ནས་བོང་བུས་པེལ་ཨམ་ལ། ང་ནི་ཁྱོད་ཆུང་དུས་ནས་དེ་རིང་བར་དུ་ཞོན་པའི་བོང་བུ་དེ་མ་ཡིན་ནམ། ངས་དུས་ནམ་ཞིག་ཁྱོད་ལ་འདི་ལྟར་བྱས་མྱོང་ངམ་ཞེས་སྨྲས་པ་ན། པེལ་ཨམ་གྱིས་བྱས་མ་མྱོང་ཞེས་སྨྲས་སོ། །   
\p
\v 31 དེ་ནས་དཀོན་མཆོག་ཡ་ཝཱེས་པེལ་ཨམ་གྱི་མིག་ཕྱེས་པ་ན། ཁོས་དཀོན་མཆོག་ཡ་ཝཱེའི་ཕོ་ཉ་ལམ་ནང་དུ་འགྲེང་འདུག་པ་དང་། ཕྱག་ཏུ་རལ་གྲི་ཤུབས་ནས་ཐོན་པ་ཞིག་ཡོད་པ་མཐོང་ནས། མགོ་བོ་སྨད་དུ་བསྒུར་ནས་ཕྱག་བཙལ་ཏོ། །  
\v 32 དཀོན་མཆོག་ཡ་ཝཱེའི་ཕོ་ཉས་ཁོ་ལ། ཁྱོད་ཀྱིས་ཅིའི་ཕྱིར་རང་གི་བོང་བུ་ལ་ཐེངས་གསུམ་བརྡེགས་པ་ཡིན་ནམ། ལྟོས་དང་། ཁྱོད་ཀྱི་ལམ་ནི་ངའི་མདུན་དུ་ཕྱིན་ཅི་ལོག་པའི་ལམ་ཡིན་པས་ང་རང་ཁྱོད་འགོག་ཏུ་འོངས་པ་ཡིན།  
\v 33 བོང་བུས་ང་མཐོང་ནས་ཐེངས་གསུམ་ལ་བཟུར་བ་དང་། གལ་སྲིད་བོང་བུ་ངའི་མདུན་ནས་ཏན་ཏན་མ་བཟུར་པ་ཡིན་ན། ངས་སྔ་མོ་ནས་ཁྱོད་བསད་ཅིང་། བོང་བུ་སྲོག་ཐར་དུ་བཏང་བ་ཡིན་ཞེས་གསུངས་སོ། །  
\v 34 དེ་ནས་པེལ་ཨམ་གྱིས་དཀོན་མཆོག་ཡ་ཝཱེའི་ཕོ་ཉ་ལ་འདི་ལྟར། ངས་སྡིག་པ་བྱས་ཟིན། ངས་ཁྱེད་རང་ལམ་ནང་དུ་འགྲེང་ནས་ང་འགོག་པ་མ་ཤེས། ད་ལྟ་ང་རང་འགྲོ་བར་ཁྱེད་མི་མཉེས་ན་ང་ཕྱིར་ལོག་འགྲོ་ཞེས་ཞུས།  
\v 35 དཀོན་མཆོག་ཡ་ཝཱེའི་ཕོ་ཉས་པེལ་ཨམ་ལ། ཁྱོད་མི་འདི་དག་དང་མཉམ་དུ་སོང་ཞིག འོན་ཀྱང་ངས་ཁྱོད་ལ་སྨྲས་པའི་གཏམ་འབའ་ཞིག་ལས་གཞན་ཅི་ཡང་སྨྲ་བར་མི་བྱའོ་ཞེས་གསུངས་པས། པེལ་ཨམ་ནི་པཱ་ལག་གི་འགོ་དཔོན་རྣམས་དང་མཉམ་དུ་སོང་ངོ་། །   
\p
\v 36 པཱ་ལག་གིས་པེལ་ཨམ་ཡོང་བཞིན་པ་ཐོས་ནས་མོ་ཨབ་ཀྱི་གྲོང་ཁྱེར་དུ་བསུ་བར་སོང་སྟེ། གྲོང་ཁྱེར་དེ་ནི་ཨར་ནོན་ཆུ་བོའི་འགྲམ་དུ་ས་མཚམས་ཀྱི་མཐའ་རུ་ཡོད་པའོ། །  
\v 37 པཱ་ལག་གིས་པེལ་ཨམ་ལ། ངས་བྲེལ་མྱུར་ངང་ཁྱེད་ཀྱི་རྩར་མི་བཏང་ནས་ཁྱེད་རང་གདན་དྲངས་པ་མ་ཡིན་ནམ། ཁྱེད་རང་ངའི་རྩར་མ་ཡོང་བ་ཅི་ཡིན་ནམ། ངས་ཁྱེད་ལ་གུས་བརྩི་ཆེན་པོ་འཐོབ་པར་བྱེད་མི་ནུས་སམ་ཞེས་ཞུས་པ་ལ།  
\v 38 པེལ་ཨམ་གྱིས་པཱ་ལག་ལ། ལྟོས་དང་། ང་ཁྱོད་ཀྱི་རྩར་སླེབས་ཡོད་པས་ད་ལྟ་ང་ལ་ཅི་ཞིག་སྨྲ་བའི་དབང་ཡོད་དམ། དཀོན་མཆོག་གིས་ངའི་ཁ་ལ་བཀའ་ཅི་ཞིག་གནང་ན་ངས་བཀའ་དེ་སྨྲ་བར་བྱའོ་ཞེས་སྨྲས།  
\v 39 དེ་ནས་པེལ་ཨམ་ནི་པཱ་ལག་དང་མཉམ་དུ་སོང་བ་དང་། ཁོ་གཉིས་ཀིར་ཡཱད་ཧུ་ཚོད་བྱ་བར་སླེབས།  
\v 40 པཱ་ལག་གིས་བ་གླང་དང་ལུག་རྣམས་མཆོད་པར་ཕུལ་བ་དང་། པེལ་ཨམ་དང་ཁོ་དང་མཉམ་དུ་ཡོད་པའི་འགོ་དཔོན་རྣམས་ལ་དེའི་ཤ་ཡང་ཕུལ་ཏོ། །  
\v 41 ཕྱི་ཉིན་ཞོགས་པར་པཱ་ལག་གིས་པེལ་ཨམ་ཁྲིད་ནས་ཡར་པཱ་ཨལ་གྱི་མཐོ་གླིང་དུ་ཕྱིན་ཅིང་། པེལ་ཨམ་གྱིས་དེ་ནས་ཡེས་ར་ཨེལ་པ་རྣམས་ཀྱི་མི་ཚོགས་ཀྱི་ཟུར་ཞིག་མཐོང་ངོ་། །   
\c 23
\cl ལེའུ་ཉེར་གསུམ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 པེལ་ཨམ་གྱི་ལུང་བསྟན་ཐོག་མ།  
\p
\v 1 དེ་ཡང་པེལ་ཨམ་གྱིས་པཱ་ལག་ལ། ཁྱོད་ཀྱིས་འདི་རུ་ང་ལ་མཆོད་ཁྲི་བདུན་བཟོས་ཤིག བ་གླང་བདུན་དང་ལུག་ཐུག་བདུན་ཡང་ང་ལ་གྲ་སྒྲིག་བྱོས་ཤིག་ཅེས་སྨྲས།  
\v 2 པཱ་ལག་གིས་པེལ་ཨམ་གྱིས་བསྒོས་པ་བཞིན་དུ་བྱས་ཤིང་། པཱ་ལག་དང་པེལ་ཨམ་གཉིས་ཀྱིས་མཆོད་ཁྲི་རེ་རེའི་སྟེང་དུ་བ་གླང་རེ་དང་ལུག་ཐུག་རེ་མཆོད་པར་ཕུལ།  
\v 3 པེལ་ཨམ་གྱིས་པཱ་ལག་ལ། ཁྱོད་ནི་རང་གི་སྦྱིན་སྲེག་གི་འགྲམ་དུ་སྡོད་ཅིག ང་མདུན་ལ་འགྲོའོ། །དཀོན་མཆོག་ཡ་ཝཱེ་ང་དང་འཕྲད་དུ་ཕེབས་ཡོང་ཡང་སྲིད། ཁོང་གིས་ང་ལ་གང་ཞིག་སྟོན་པར་མཛད་ན་ངས་དེ་ཁྱོད་ལ་སྨྲ་ངེས་ཡིན་ཞེས་སྨྲས་པ་དང་། ཁོ་མཐོ་སྒང་ཞིག་ལ་ཆས་སོ། །   
\p
\v 4 དཀོན་མཆོག་པེལ་ཨམ་ལ་ཕྲད་པ་དང་། ཁོས་དཀོན་མཆོག་ལ་འདི་ལྟར། ངས་མཆོད་ཁྲི་བདུན་གྲ་སྒྲིག་བྱས་ཤིང་མཆོད་ཁྲི་རེའི་སྟེང་དུ་བ་གླང་གཅིག་དང་ལུག་ཐུག་གཅིག་རེ་མཆོད་པར་ཕུལ་ཡོད་ཅེས་ཞུས་པ་ན།  
\v 5 དཀོན་མཆོག་ཡ་ཝཱེས་པེལ་ཨམ་གྱི་ཁ་ལ་བཀའ་གནང་ཞིང་ཡང་འདི་སྐད་དུ། ཁྱོད་པཱ་ལག་གི་རྩར་ཕྱིར་ལོག་ལ་འདི་ལྟར་སྨྲོས་ཤིག་ཅེས་གསུངས་པས།  
\v 6 ཁོ་པཱ་ལག་གི་རྩར་ལོག་པ་ན། ལྟོས་དང་། པཱ་ལག་དང་མོ་ཨབ་ཀྱི་འགོ་དཔོན་ཐམས་ཅད་སྦྱིན་སྲེག་གི་རྩར་འགྲེང་ནས་བསྡད་ཡོད་དོ། །  
\v 7 དེ་ནས་པེལ་ཨམ་གྱིས་ཁོ་རང་གི་ལུང་བསྟན་དབྱངས་ལ་གྱེར་ཏེ་འདི་ལྟར།  
\q1 པཱ་ལག་གིས་ནི་ང་རང་ཨ་རམ་ཡུལ་ནས་ཁྲིད། །  
\q1 མོ་ཨབ་རྒྱལ་པོས་ང་རང་ཤར་ཕྱོགས་རི་ནས་ཁྲིད།  
\q1 ཤོག་དང་ང་ཡི་ཆེད་དུ་ཡ་ཀོབ་ལ་དམོད་ཅིག །  
\q1 ཤོག་དང་ཡེས་ར་ཨེལ་ལ་སྐྱོན་རྗོད་ཅེས་སྨྲས་སོ། །   
\q1
\v 8 དཀོན་མཆོག་ཉིད་ཀྱིས་མ་དམད་པ་དེ་ལ། །  
\q1 ང་ཡིས་དམོད་པ་ཅི་ལྟར་གཏོང་ནུས་སམ། །  
\q1 ཡ་ཝཱེས་དགག་པ་མ་བརྒྱབ་པ་དེ་ལ། །  
\q1 ང་ཡིས་དགག་པ་ཅི་ལྟར་རྒྱག་ནུས་སམ། །   
\q1
\v 9 བདག་གིས་བྲག་གི་རྩེ་མོ་དག་ནས་ཁོ་རྣམས་མཐོང་། །  
\q1 རི་བོའི་རྩེ་མོ་དག་ནས་ང་ཡིས་ཁོ་ཚོར་བལྟས། །  
\q1 ཀྱེ་ཧོ་དེ་ནི་མི་རིགས་ཁེར་འདུག་ཅིག་ཡིན་ཞིང་། །  
\q1 མི་རིགས་གཞན་པའི་ནང་དུ་རང་ཉིད་བགྲང་མི་འདུག །   
\q1
\v 10 ཡ་ཀོབ་ཁོང་གི་རྡུལ་ཕྲན་སུ་ཡིས་རྩི་ནུས་སམ།  
\q1 ཡེས་ར་ཨེལ་པའི་བཞི་ཆའི་གཅིག་ཀྱང་སུས་བགྲང་ནུས། །  
\q1 ང་རང་དྲང་པོའི་འཆི་ལུགས་བཞིན་དུ་འཆི་བ་དང་། །  
\q1 ང་ཡི་ཚེ་མཇུག་དེ་རྣམས་བཞིན་དུ་འགྱུར་བར་ཤོག །ཅེས་སྨྲས་སོ། །   
\p
\v 11 པཱ་ལག་གིས་པེལ་ཨམ་ལ་འདི་ལྟར། ཁྱེད་ཀྱིས་ང་ལ་ཅི་བྱས་སམ། ངའི་དགྲ་བོ་རྣམས་ལ་དམོད་མོ་འདེབས་པའི་ཆེད་དུ་ཁྱེད་ཁྲིད་འོངས་པ་ཡིན། ལྟོས་དང་། ཁྱེད་ཀྱིས་ཁོ་རྣམས་ལ་བྱིན་གྱིས་བརླབས་སོ་ཞེས་སྨྲས་པ་ལ།  
\v 12 པེལ་ཨམ་གྱིས་དེའི་ལན་དུ། དཀོན་མཆོག་ཡ་ཝཱེས་ངའི་ཁ་རུ་གནང་བ་དེ་ངས་གཟབ་གཟབ་བྱས་ནས་སྨྲ་མི་དགོས་སམ་ཞེས་སྨྲས་སོ། །   
\s1 པེལ་ཨམ་གྱི་ལུང་བསྟན་གཉིས་པ།  
\p
\v 13 པཱ་ལག་གིས་པེལ་ཨམ་ལ་ན་རེ། ཁྱེད་རང་ང་དང་མཉམ་དུ་གནས་གཞན་ཞིག་ཏུ་ཕེབས་རོགས། དེ་རུ་ཁྱེད་ཀྱིས་ཁོ་རྣམས་མཐོང་བར་འགྱུར། དེ་དག་ཐམས་ཅད་མཐོང་མི་ནུས་ལ། དེ་དག་གི་མཐའ་མཚམས་ཀྱི་ཁག་ཅིག་མཐོང་བར་འགྱུར། དེ་ནས་ངའི་ཆེད་དུ་ཁྱེད་ཀྱིས་ཁོ་རྣམས་ལ་དམོད་མོ་ཐོངས་ཤིག་ཅེས་ཞུས་པ་དང་།  
\v 14 པཱ་ལག་གིས་པེལ་ཨམ་ཁྲིད་ནས་ཚི་པེམ་བྱ་བའི་ཞིང་ལ་སླེབས་ཤིང་། ཡར་ཕིས་གའི་རི་རྩེར་ཁྲིད་པ་དང་དེར་མཆོད་ཁྲི་བདུན་བརྩིགས། མཆོད་ཁྲི་རེའི་སྟེང་དུ་བ་གླང་གཅིག་དང་ལུག་ཐུག་གཅིག་རེ་ཕུལ་ཏོ། །  
\v 15 པེལ་ཨམ་གྱིས་པཱ་ལག་ལ། ང་དཀོན་མཆོག་ཡ་ཝཱེ་ལ་མཇལ་དུ་འགྲོ་སྟེ། ཁྱོད་ནི་འདིར་རང་གི་སྦྱིན་སྲེག་གི་རྩར་འགྲེང་ནས་སྡོད་ཅིག་ཅེས་སྨྲས་པ་དང་།  
\v 16 དཀོན་མཆོག་ཡ་ཝཱེ་ཁོང་ཉིད་པེལ་ཨམ་དང་ཕྲད་དེ། ཁོང་གིས་དེའི་ཁ་ལ་བཀའ་གནང་ཞིང་འདི་སྐད་དུ། ཁྱོད་པཱ་ལག་གི་རྩར་ཕྱིར་ལོག་ལ་འདི་ལྟར་སྨྲོས་ཤིག་ཅེས་གསུངས།  
\v 17 དེ་ནས་པེལ་ཨམ་ནི་པཱ་ལག་གི་རྩར་ཕྱིར་ལོག་པ་ན། ལྟོས་དང་། པཱ་ལག་ནི་རང་གི་སྦྱིན་སྲེག་གི་རྩར་འགྲེང་ནས་བསྡད་ཡོད་པ་དང་། མོ་ཨབ་ཀྱི་འགོ་དཔོན་རྣམས་ཀྱང་ཁོ་དང་མཉམ་དུ་ཡོད་པའོ། །པཱ་ལག་གིས་པེལ་ཨམ་ལ་དཀོན་མཆོག་ཡ་ཝཱེས་ཅི་གསུངས་བྱུང་ཞེས་དྲིས་པ་ན།  
\v 18 པེལ་ཨམ་གྱིས་ལུང་བསྟན་དབྱངས་ལ་གྱེར་ཏེ་འདི་ལྟར།  
\q1 ཀྱེ་ཀྱེ་པཱ་ལག་ལོངས་ལ་མཉན་པར་གྱིས། །  
\q1 ཚིབ་ཕོར་བུ་ཡིས་རྣ་བ་བདག་ལ་གཏོད། །   
\q1
\v 19 དཀོན་མཆོག་རྫུན་གཏམ་སྨྲ་བའི་མི་མ་ཡིན། །  
\q1 མིའི་བུ་ནང་བཞིན་ཁོང་ནི་ཐུགས་མི་འགྱོད། །  
\q1 ཁོང་གིས་བཀའ་གསུང་གནང་སྟེ་མི་མཛད་དམ། །  
\q1 ཁོང་གིས་ཞལ་བཞེས་གནང་བ་མི་འགྲུབ་བམ། །   
\q1
\v 20 ལྟོས་དང་བྱིན་རླབས་གནང་བའི་བཀའ་ནི་བདག་ལ་གསུངས། །  
\q1 ཁོང་གིས་བྱིན་གྱིས་བརླབས་པ་བདག་གིས་བསྒྱུར་མི་ནུས། །   
\q1
\v 21 ཡ་ཀོབ་ལས་ནི་སྡིག་ཉེས་མཐོང་བ་མེད། །  
\q1 ཡེས་ར་ཨེལ་ནང་སྤྱོད་ངན་མཐོང་བ་མེད། །  
\q1 ཡེས་ར་ཨེལ་གྱི་དཀོན་མཆོག་ཡ་ཝཱེ་མཆོག །  
\q1 ཁོ་རྣམས་མཉམ་དུ་བཞུགས་ཤིང་དེ་དག་ཁྲོད། །  
\q1 རྒྱལ་པོའི་དགའ་མགུ་རངས་པའི་སྐད་ཅོར་འདུག ། \f + \ft འདིར་རྒྱལ་པོ་ཞེས་པ་ནི་དཀོན་མཆོག་ཡ་ཝཱེར་གོ་ཞིང་། ཨེ་ཅིབ་ནས་ཐོན་པའི་མདོ་ཡི་ལེའུ་བཅོ་ལྔའི་ཚིག་རྐང་བརྒྱད་པ་ལའང་དེ་བཞིན་གསུངས་ཡོད། \f*   
\q1
\v 22 ཨེ་ཅིབ་ཡུལ་ནས་ཁྲིད་མཁན་དཀོན་མཆོག་ནི། །  
\q1 ཁོ་ཚོར་གླང་རྒོད་ཅིག་གི་རྭ་དང་མཚུངས། །   
\q1
\v 23 ཡ་ཀོབ་ཕྱོགས་སུ་ངན་སྔགས་འདེབས་པ་མེད། །  
\q1 ཡེས་ར་ཨེལ་གྱི་ཕྱོགས་སུ་མོ་པ་མེད། །  
\q1 འོས་ཤིང་འཚམ་པའི་དུས་སུ་སླེབས་པའི་ཚེ། །  
\q1 ཡ་ཀོབ་དང་ནི་ཡེས་ར་ཨེལ་ལ་ནི། །  
\q1 དཀོན་མཆོག་ཁོང་གིས་དོན་ཆེན་མཛད་ཅེས་བརྗོད། །   
\q1
\v 24 ཀྱེ་ཧོ་མི་རིགས་དེ་ནི་མོ་སེང་བཞིན། །  
\q1 འགྱིང་ཞིང་སེང་གེ་ཇི་བཞིན་འགྲེང་ནས་ཡོང་། །  
\q1 བརྔོན་བྱའི་རི་དྭགས་ཁྱུར་མིད་གཏོང་བ་དང་། །  
\q1 བསད་པ་དེའི་ཁྲག་འཐུང་བའི་བར་དུ་ནི། །  
\q1 མར་ལ་ཉལ་བ་གཏན་ནས་དཔེ་མི་སྲིད། །ཅེས་སྨྲས་སོ། །   
\p
\v 25 དེ་ནས་པཱ་ལག་གིས་པེལ་ཨམ་ལ། ཁྱེད་ཀྱིས་ཁོ་རྣམས་ལ་དམོད་མོ་ཅི་ཡང་མ་འདེབས། བྱིན་རླབས་ཀྱང་ཅི་ཡང་མ་གནང་ཞེས་སྨྲས་པ་ལ།  
\v 26 པེལ་ཨམ་གྱིས་དེའི་ལན་དུ་པཱ་ལག་ལ། དཀོན་མཆོག་ཡ་ཝཱེས་ང་ལ་ཅི་གསུངས་པ་ཐམས་ཅད་ངས་ངེས་པར་དེ་བཞིན་བསྒྲུབ་དགོས་ཞེས་ཁྱོད་ལ་སྨྲས་པ་མ་ཡིན་ནམ་ཞེས་སྨྲས་སོ། །   
\p
\v 27 དེ་ནས་པཱ་ལག་གིས་པེལ་ཨམ་ལ། ཕེབས་དང་། ངས་ཁྱེད་རང་ས་ཆ་གཞན་ཞིག་ལ་འཁྲིད་པར་བྱ་སྟེ། དཀོན་མཆོག་ཁྱེད་ལ་ཐུགས་མཉེས་ཀྱང་སྲིད་ལ། ཁྱེད་ཀྱིས་ས་དེ་ནས་ངའི་ཆེད་དུ་ཁོ་རྣམས་ལ་དམོད་མོ་བཏབ་ཆོག་ཅེས་སྨྲས་སོ། །  
\v 28 དེ་ནས་པཱ་ལག་གིས་པེལ་ཨམ་དབེན་སྟོང་ལ་ཁ་ཐུར་ལྟའི་ཕེ་ཨོར་རི་རྩེར་ཁྲིད་དོ། །  
\v 29 པེལ་ཨམ་གྱིས་པཱ་ལག་ལ། ཁྱོད་ཀྱིས་འདི་ནས་ང་ལ་མཆོད་ཁྲི་བདུན་རྩིགས་ཤིག བ་གླང་བདུན་དང་ལུག་ཐུག་བདུན་ཡང་ང་ལ་གྲ་སྒྲིག་བྱོས་ཤིག་ཅེས་སྨྲས་པ་ན།  
\v 30 པཱ་ལག་གིས་པེལ་ཨམ་གྱིས་སྨྲས་པ་བཞིན་དུ་བསྒྲུབས་པ་དང་། མཆོད་ཁྲི་རེའི་སྟེང་དུ་བ་གླང་གཅིག་དང་ལུག་ཐུག་གཅིག་རེ་མཆོད་པར་ཕུལ་ཏོ། །   
\c 24
\cl ལེའུ་ཉེར་བཞི་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 པེལ་ཨམ་གྱི་ལུང་བསྟན་གསུམ་པ།  
\p
\v 1 དེ་ཡང་པེལ་ཨམ་གྱིས་ཡེས་ར་ཨེལ་ལ་བྱིན་རླབས་གནང་བར་དཀོན་མཆོག་ཡ་ཝཱེ་ཐུགས་དགྱེས་པ་མཐོང་བས། ཁོ་སྔར་བཞིན་སྔ་ལྟས་འཚོལ་དུ་མ་སོང་བར། དབེན་སྟོང་གི་ཕྱོགས་སུ་གདོང་གཏད་ནས་བསྡད་དོ། །  
\v 2 དེ་ནས་པེལ་ཨམ་གྱིས་མིག་རྒྱང་རིང་མོས་བལྟས་པ་ན། ཡེས་ར་ཨེལ་ནི་ཚོ་པ་རེ་རེ་བཞིན་སྒར་བཏབ་ནས་བསྡད་ཡོད་པ་མཐོང་ཞིང་། དཀོན་མཆོག་གི་ཐུགས་ཉིད་ཁོའི་སྟེང་ལ་བབས་པ་དང་།  
\v 3 ཁོས་རང་གི་ལུང་བསྟན་དབྱངས་ལ་གྱེར་ནས་འདི་ལྟར།  
\q1 པེ་ཨོར་བུ་སྟེ་པེལ་ཨམ་ཁོ་ན་རེ། །  
\q1 མིག་རྒྱང་རིང་བའི་མི་ཡིས་འདི་སྐད་སྨྲ། །   
\q1
\v 4 དཀོན་མཆོག་ཁོང་གི་བཀའ་ནི་ཐོས་པ་དང་། །  
\q1 ཀུན་དབང་ཉིད་ཀྱི་ཞལ་གཟིགས་མཐོང་བ་འོ། །  
\q1 ལུས་པོ་ས་རུ་འགྱེལ་ཞིང་མིག་ཟུང་ནི། །  
\q1 ཕྱེས་པ་དེ་ཡིས་འདི་སྐད་སྨྲ་བར་འགྱུར། །   
\q1
\v 5 ཀྱེ་ཀྱེ་ཡ་ཀོབ་ཁྱེད་ཀྱི་གུར་རྣམས་ཇི་འདྲའི་མཛེས་པ་ལ། །  
\q1 ཀྱེ་ཀྱེ་ཡེས་ར་ཨེལ་གྱི་གུར་རྣམས་ཇི་འདྲའི་ཡིད་དུ་འོང་། །   
\q1
\v 6 དེ་ནི་ལུང་པ་རྒྱང་དུ་བསྲིངས་པ་དང་། །  
\q1 གཙང་པོའི་འགྲམ་གྱི་སྐྱེད་མོས་ཚལ་དང་འདྲ། །  
\q1 ཡ་ཝཱེས་བཙུགས་པའི་ཨ་ག་རུ་དེ་དང་། །  
\q1 ཆུ་བོའི་འགྲམ་གྱི་ཐང་ཤིང་ལ་ནི་མཚུངས། །   
\q1
\v 7 ཁོང་གི་ཟོ་ལས་ཆུ་ནི་འབབ་པ་དང་། །  
\q1 ཁོང་གི་བུ་རྒྱུད་ཆུ་མོད་ས་ལ་གནས། །  
\q1 ཁོང་གི་རྒྱལ་པོ་ཨ་གག་ལས་མཆོག་ཅིང་། །  
\q1 ཁོང་གི་རྒྱལ་ཁམས་མཐོ་རུ་འཕགས་པར་འགྱུར། །   
\q1
\v 8 དཀོན་མཆོག་གིས་ཁོང་ཨེ་ཅིབ་ཡུལ་ནས་ཁྲིད། །  
\q1 གླང་རྒོད་འདྲ་བའི་སྟོབས་ཤུགས་ཁོང་ལ་ལྡན། །  
\q1 དགྲ་བོའི་མི་རིགས་རྩ་མེད་གཏོང་བ་དང་། །  
\q1 དེ་ཚོའི་རུས་པ་རྣམས་ནི་གཅོག་བྱེད་ཅིང་། །  
\q1 མདའ་མོས་དེ་དག་ཡོངས་སུ་འབིགས་པར་འགྱུར། །   
\q1
\v 9 སེང་གེ་ས་ལ་ཉལ་ཞིང་ཙོག་པུར་སྡོད་པ་དང་། །  
\q1 མོ་སེང་ཇི་བཞིན་ཉལ་བ་སུ་ཡིས་དཀྲོག་ནུས་སམ། །  
\q1 ཁྱེད་ལ་བྱིན་རླབས་གནང་མཁན་རྣམས་ལ་བྱིན་རླབས་འཐོབ་པ་དང་། །  
\q1 ཁྱེད་ལ་དམོད་མོ་འདེབ་མཁན་རྣམས་ལ་དམོད་མོ་ཐེབས་གྱུར་ཅིག །  
\m ཅེས་སྨྲས་སོ། །   
\p
\v 10 པཱ་ལག་ནི་པེལ་ཨམ་ལ་ཁྲོས་ནས་ཐལ་མོ་བརྡབས་ཏེ་ན་རེ། ངའི་དགྲ་ཟླ་རྣམས་ལ་དམོད་པ་གཏོང་བའི་ཆེད་དུ་ཁྱེད་བོས་འོངས་པ་ཡིན་མོད། ལྟོས་དང་། ཁྱེད་ཀྱིས་ལན་གསུམ་དུ་དེ་དག་ལ་བྱིན་གྱིས་བརླབས་སོ། །  
\v 11 ད་ནི་ཁྱེད་ཉིད་རང་ཡུལ་དུ་ཕྲོས་ཤིག ངས་ཁྱེད་ལ་གུས་པ་ཆེན་པོ་འཐོབ་པར་བྱ་བསམས་ནའང་། དཀོན་མཆོག་ཡ་ཝཱེས་ཁྱེད་ལ་གུས་པ་འཐོབ་པར་མ་མཛད་ཅེས་སྨྲས་པ་ན།  
\v 12 པེལ་ཨམ་གྱིས་པཱ་ལག་ལ། ངས་ཁྱོད་ཀྱིས་ངའི་རྩར་བཏང་བའི་བང་ཆེན་རྣམས་ལ།  
\v 13 པཱ་ལག་གིས་རང་གི་གསེར་དངུལ་ཁང་པ་གང་པོ་ང་ལ་བྱིན་ན་ཡང་། ངས་དཀོན་མཆོག་ཡ་ཝཱེའི་བཀའ་ལས་བརྒལ་ཏེ་རང་འདོད་ལྟར་བཟང་ངན་གྱི་ལས་གང་ཡང་བྱེད་མི་རུང་། དཀོན་མཆོག་ཡ་ཝཱེས་ཅི་ལྟར་གསུངས་པ་ཡིན་ན་ངས་དེ་ལྟར་བརྗོད་དགོས་ཞེས་སྨྲས་པ་མ་ཡིན་ནམ།  
\v 14 ད་ལྟ་ང་ནི་རང་གི་མི་མང་གི་རྩར་འགྲོ་བར་བྱ། ཤོག་དང་། ཕྱིས་སུ་མི་འདི་རྣམས་ཀྱིས་ཁྱོད་ཀྱི་མི་མང་ལ་ཅི་བྱེད་ངེས་པ་ངས་ཁྱོད་ལ་བསླབ་པར་བྱ་ཞེས་སྨྲས་སོ། །   
\s1 པེལ་ཨམ་གྱི་ལུང་བསྟན་བཞི་པ།  
\p
\v 15 དེ་ནས་ཁོས་རང་གི་ལུང་བསྟན་དབྱངས་ལ་གྱེར་ནས་འདི་ལྟར།  
\q1 པེ་ཨོར་བུ་སྟེ་པེལ་ཨམ་ཁོ་ན་རེ། །  
\q1 མིག་རྒྱང་རིང་བའི་མི་ཡིས་འདི་སྐད་སྨྲ། །   
\q1
\v 16 དཀོན་མཆོག་ཁོང་གི་བཀའ་ནི་ཐོས་འགྱུར་ཞིང་། །  
\q1 བླ་མེད་ཉིད་ཀྱི་ཤེས་ཡོན་རྟོགས་པ་དང་། །  
\q1 ཀུན་དབང་ཉིད་ཀྱི་ཞལ་གཟིགས་མཐོང་བ་དང་། །  
\q1 ལུས་པོ་ས་རུ་འགྱེལ་ཞིང་མིག་ཟུང་ནི། །  
\q1 ཕྱེས་པ་དེ་ཡིས་འདི་སྐད་སྨྲ་བར་འགྱུར། །   
\q1
\v 17 བདག་གིས་ཁོང་ཉིད་མཐོང་ཡང་ད་ལྟ་མིན། །  
\q1 ང་ཡིས་ཁོང་ཉིད་མཇལ་ཡང་ཉེ་སར་མིན། །  
\q1 ཡ་ཀོབ་ཁོང་ནས་སྐར་མ་ཞིག་ཐོན་ཞིང་། །  
\q1 ཡེས་ར་ཨེལ་ལས་ཕྱག་འཁར་ཞིག་དར་ངེས། །  
\q1 དེ་ཡིས་མོ་ཨབ་ཀྱི་ནི་དཔྲལ་བ་གཏོར། །  
\q1 སེད་ཐུ་པ་རྣམས་མགོ་བོ་བརྫི་བར་འགྱུར། །   
\q1
\v 18 དེ་ཡིས་ཨེ་དོམ་རང་གི་དབང་དུ་བསྡུ་བ་དང་། །  
\q1 དགྲ་བོའི་ཡུལ་ཏེ་སེ་ཨིར་ཡང་ནི་དབང་དུ་བསྡུ། །  
\q1 ཡེས་ར་ཨེལ་པ་འབའ་ཞིག་སྟོབས་དང་ལྡན་པར་འགྱུར། །   
\q1
\v 19 དབང་སྒྱུར་པ་ཞིག་ཡ་ཀོབ་ནས་ཐོན་ཞིང་། །  
\q1 གྲོང་ཁྱེར་ནང་གི་ལྷག་ལུས་རྣམས་འཇོམས་སོ། །  
\m ཞེས་སྨྲས་སོ། །   
\s1 པེལ་ཨམ་གྱི་ལུང་བསྟན་མཐའ་མ།  
\p
\v 20 པེལ་ཨམ་གྱིས་ཨ་མཱད་ལེག་མཐོང་སྟེ་རང་གི་ལུང་བསྟན་དབྱངས་ལ་གྱེར་ནས་འདི་ལྟར།  
\q1 ཨ་མཱད་ལེག་ནི་མི་རིགས་རྣམས་ཀྱི་ཐོག་མ་ཡིན། །  
\q1 འོན་ཀྱང་མཐའ་མར་དེ་ནི་འཇིག་པར་འགྱུར་བ་འོ། །ཞེས་སྨྲས་སོ། །   
\p
\v 21 ཡང་པེལ་ཨམ་གྱིས་ཀེ་ནེ་པ་རྣམས་མཐོང་སྟེ་རང་གི་ལུང་བསྟན་དབྱངས་ལ་གྱེར་ནས་འདི་ལྟར།  
\q1 ཁྱོད་ཀྱི་སྡོད་གནས་སྲ་ཞིང་བརྟན་པ་དང་། །  
\q1 ཁྱོད་ཀྱི་ཚང་ཡང་བྲག་གི་ངོས་སུ་ཡོད། །   
\q1
\v 22 འོན་ཀྱང་ཀེ་ནེ་མེ་ལ་འབར་བར་འགྱུར། །  
\q1 ཨ་སུར་གྱིས་ཁྱོད་བཙོན་དུ་ནམ་ཁྲིད་དམ། །ཞེས་སྨྲས་སོ། །   
\p
\v 23 པེལ་ཨམ་གྱིས་ཡང་རང་གི་ལུང་བསྟན་དབྱངས་ལ་གྱེར་ནས་འདི་ལྟར།  
\q1 ཀྱེ་ཧོ་དཀོན་མཆོག་ཉིད་ཀྱིས་འདི་ལྟར་མཛད། །  
\q1 སུ་ཞིག་གསོན་པོར་ལུས་པར་འགྱུར་བ་ཡིན། །   
\q1
\v 24 ཀི་ཐིམ་ཕྱོགས་ནས་གྲུ་གཟིངས་རྣམས་འོང་ཞིང་།  
\q1 ཨ་སུར་ཨེ་བེར་གཉིས་ལ་མནར་གཅོད་གཏོང་། །  
\q1 དེ་ནས་ཁོ་ཡང་འཇིག་པར་འགྱུར་བ་འོ། །ཞེས་སྨྲས་སོ། །   
\p
\v 25 དེ་ནས་པེལ་ཨམ་ལངས་ནས་རང་ཡུལ་དུ་ལོག་པ་དང་། པཱ་ལག་ཀྱང་རང་གི་ལམ་དུ་ཞུགས་སོ། །   
\c 25
\cl ལེའུ་ཉེར་ལྔ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཡེས་ར་ཨེལ་པས་ཕེ་ཨོར་ཡུལ་གྱི་ལྷ་པཱ་ཨལ་བསྟེན་པ།  
\p
\v 1 དེ་ཡང་ཡེས་ར་ཨེལ་པ་རྣམས་སིད་ཏིམ་ཡུལ་དུ་བསྡད་ཅིང་། མི་ཚོགས་ཀྱིས་མོ་ཨབ་ཀྱི་བུད་མེད་ཚོར་ལོག་གཡེམ་བྱས།  
\v 2 བུད་མེད་དེ་དག་གིས་ཡེས་ར་ཨེལ་པ་རྣམས་བོས་ཡོང་ནས་མཉམ་དུ་རང་གི་ལྷ་རྣམས་ལ་མཆོད་པ་འབུལ་དུ་བཅུག་ཅིང་། ཡེས་ར་ཨེལ་པ་རྣམས་ཀྱིས་ཀྱང་བཟའ་བཏུང་སྤྱད་པ་དང་ཁོ་ཚོའི་ལྷ་རྣམས་ལ་ཕྱག་བཙལ་ཏོ། །  
\v 3 ཡེས་ར་ཨེལ་པ་རྣམས་ཀྱིས་པཱ་ཨལ་ཕེ་ཨོར་དང་མཉམ་འབྲེལ་བྱས་པས། དཀོན་མཆོག་ཡ་ཝཱེ་ཡེས་ར་ཨེལ་པའི་སྟེང་ཐུགས་ཁྲོས་སོ། །  
\v 4 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཡ་ཝཱེའི་ཐུགས་ཁྲོ་ཞི་བར་གྱུར་ནས་ཡེས་ར་ཨེལ་པ་རྣམས་ལ་ཐུགས་རབ་ཏུ་མི་ཁྲོ་བའི་ཕྱིར་དུ། མི་རྣམས་ཀྱི་འགོ་དཔོན་ཐམས་ཅད་བཟུང་སྟེ་ཡ་ཝཱེའི་མདུན་དུ་ཁ་ཉི་མར་གཏད་ནས་དཔྱོངས་ཤིག་ཅེས་གསུངས།  
\v 5 དེ་ནས་མོ་ཤེ་ཡིས་ཡེས་ར་ཨེལ་གྱི་ཁྲིམས་དཔོན་རྣམས་ལ་འདི་ལྟར། ཁྱོད་རྣམས་རེ་རེས་པཱ་ཨལ་ཕེ་ཨོར་དང་མཉམ་འབྲེལ་བྱས་པའི་མི་དེ་དག་སོད་ཅིག་ཅེས་སྨྲས་སོ། །   
\p
\v 6 དེ་ནས་མོ་ཤེ་དང་ཡེས་ར་ཨེལ་པ་རྣམས་ཀྱི་མི་ཚོགས་ཡོངས་མཇལ་འཕྲད་གུར་མཆོག་གི་སྒོ་ཁར་ངུ་བའི་སྐབས་སུ། ཀྱེ་ཧོ། ཡེས་ར་ཨེལ་པ་རྣམས་ལས་མི་ཞིག་གིས་ཁོ་རྣམས་ཀྱི་མཐོང་སར་མིད༌ཡཱན་པའི་བུད་མེད་ཅིག་རང་གི་སྤུན་རྣམས་ཀྱི་རྩར་ཁྲིད་ནས་སོང་།  
\v 7 དེ་ནས་མཆོད་དཔོན་ཨ་རོན་གྱི་ཚ་བོ་སྟེ་ཨེ་ལི་ཨ་ཟར་གྱི་བུ་ཕི་ནེ་ཧེ་ཡིས་དེ་མཐོང་མ་ཐག མི་ཚོགས་ཀྱི་དཀྱིལ་ནས་ལངས་ཏེ་ལག་ཏུ་མདུང་ཞིག་ཐོགས་པ་དང་།  
\v 8 ཡེས་ར་ཨེལ་པ་དེའི་རྗེས་འབྲངས་ནས་གུར་ནང་དུ་འཛུལ་ཏེ་ཁོ་དང་བུད་མེད་དེ་གཉིས་ལ་བསྣུན་ནས་ཕུག་པ་དང་། མདུང་ནི་བུད་མེད་དེའི་གྲོད་ཁོག་ནང་ལ་ཟུག དེ་ནས་ཡེས་ར་ཨེལ་པའི་ཁྲོད་དུ་གཉན་ནད་མེད་པར་གྱུར་ཏོ། །  
\v 9 སྐབས་དེར་གཉན་ནད་ལས་ཤི་བའི་མི་གྲངས་བསྡོམས་པས་ཉིས་ཁྲི་བཞི་སྟོང་ཡོད་དོ། །   
\p
\v 10 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 11 མཆོད་དཔོན་ཨ་རོན་གྱི་ཚ་བོ་ཨེ་ལི་ཨ་ཟར་གྱི་བུ་ཕི་ནེ་ཧེ་ཡིས་ཡེས་ར་ཨེལ་པའི་ཁྲོད་དུ་བདག་གི་འཁུར་ཞེན་སེམས་སུ་བཅངས་པས། བདག་གི་ཁོང་ཁྲོ་ཁོ་རྣམས་ཀྱི་སྟེང་ནས་བསྒྱུར། དེས་བདག་ལ་འཁུར་ཞེན་དང་བཅས་ཡེས་ར་ཨེལ་པ་རྣམས་མེད་པར་མི་བཟོ་བར་བྱས།  
\v 12 དེའི་ཕྱིར་ཁྱོད་ཀྱིས་འདི་ལྟར། ལྟོས་དང་ད་ལྟ་བདག་གིས་ཞི་བདེའི་ཞལ་ཆད་ཁོ་ལ་སྦྱིན་པར་བྱ་ཞིང་།  
\v 13 ཁོ་དང་ཁོའི་རིགས་རྒྱུད་རྣམས་ཀྱིས་དུས་གཏན་དུ་མཆོད་དཔོན་གྱི་ལས་འགན་འཁུར་བའི་ཞལ་ཆད་དུ་འགྱུར་ཏེ། ཅི་ལ་ཞེ་ན། ཁོ་ལ་རང་གི་དཀོན་མཆོག་གི་ཕྱིར་དུ་འཁུར་ཞེན་དང་ལྡན་ཞིང་། ཡེས་ར་ཨེལ་པ་རྣམས་ལ་སྡིག་བཤགས་བྱས་པའི་ཕྱིར་ཡིན་ཞེས་སྨྲོས་ཤིག་གསུངས་སོ། །   
\p
\v 14 མིད༌ཡཱན་པའི་བུད་མེད་དེ་དང་མཉམ་དུ་བསད་པའི་ཡེས་ར་ཨེལ་པ་དེའི་མིང་ནི་སཱ་ལུ་བྱ་བའི་བུ་ཟིམ་རེ་ཡིན་པ་དང་། སི་མུ་ཨོན་ཚོ་པའི་ཁྱིམ་རྒྱུད་ཅིག་གི་འགོ་དཔོན་ཡིན།  
\v 15 བསད་པར་གྱུར་པའི་མིད༌ཡཱན་པའི་བུད་མེད་དེའི་མིང་ལ་ཀོ་ཟི་པེ་ཟེར་ཞིང་ཙུར་བྱ་བའི་བུ་མོ་ཡིན་ལ། ཙུར་ནི་མིད་ཡཱན་པའི་ཁྱིམ་རྒྱུད་ཅིག་གི་འགོ་དཔོན་ཡིན་ནོ། །   
\p
\v 16 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 17 ཁྱོད་ཀྱིས་མིད༌ཡཱན་པ་རྣམས་དགྲ་རུ་བཟུང་ནས་དེ་དག་སོད་ཅིག  
\v 18 ཅི་ལ་ཞེ་ན། དེ་དག་གིས་ཁྱོད་ལ་བརྙས་བཅོས་བྱས་ནས་ཕེ་ཨོར་གྱི་དོན་དུ། མིད་ཡཱན་པའི་འགོ་དཔོན་གྱི་བུ་མོ་ཀོ་ཟི་པེའི་དོན་གྱི་སྟེང་དུ་གཡོ་སྒྱུའི་སྦྱོར་བ་སྤེལ་ནས་ཁྱོད་རྣམས་ལ་སླུ་བྲིད་བཏང་། དེ་བས་ཀོ་ཟི་པེ་ནི་གཉན་ནད་ཀྱི་ཉིན་མོར་ཕེ་ཨོར་གྱི་དོན་དག་གི་རྐྱེན་གྱིས་བསད་པའོ་ཞེས་གསུངས་སོ། །   
\c 26
\cl ལེའུ་ཉེར་དྲུག་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཡེས་ར་ཨེལ་པ་རྣམས་ཀྱི་མི་གྲངས་ལེན་ཐེངས་གཉིས་པ།  
\p
\v 1 དེ་ཡང་གཉན་ནད་བྱུང་བའི་རྗེས་སུ་དཀོན་མཆོག་ཡ་ཝཱེས་མོ་ཤེ་དང་མཆོད་དཔོན་ཨ་རོན་གྱི་བུ་ཨེ་ལི་ཨ་ཟར་གཉིས་ལ་འདི་སྐད་དུ།  
\v 2 ཁྱོད་རྣམས་ཀྱིས་ཡེས་ར་ཨེལ་པ་རྣམས་ཀྱི་མི་ཚོགས་ལས་ལོ་ཉི་ཤུ་ཅན་དང་དེའི་ཡན་གྱི་འཐབ་མོར་ཞུགས་ཐུབ་པ་རྣམས་ནི་དེ་དག་གི་ཕ་ཁྱིམ་བཞིན་དུ་རྩིས་ལེན་དགོས་ཞེས་གསུངས་སོ། །  
\v 3 དེ་ནས་མོ་ཤེ་དང་མཆོད་དཔོན་ཨེ་ལི་ཨ་ཟར་གཉིས་ཀྱིས་མོ་ཨབ་སྤང་ལྗོངས་ཏེ། ཡེ་རུ་ཀོའི་ཁ་གཏད་དུ་ཡོར་དན་གཙང་པོའི་འགྲམ་ནས་དེ་དག་ལ་འདི་ལྟར།  
\v 4 དཀོན་མཆོག་ཡ་ཝཱེས་མོ་ཤེ་ལ་བཀའ་གནང་བ་བཞིན་དུ་ལོ་ཉི་ཤུ་ཅན་དང་དེའི་ཡན་གྱི་མི་རྣམས་རྩིས་ལེན་དགོས་ཞེས་སྨྲས་སོ། །  
\p ཨེ་ཅིབ་ཡུལ་ནས་འོངས་པའི་ཡེས་ར་ཨེལ་པ་རྣམས་ནི་འདི་ལྟ་སྟེ།   
\p
\v 5 ཡེས་ར་ཨེལ་གྱི་བུ་སྐྱེས་འགོ་རུ་བེན་དང་། རུ་བེན་གྱི་བུ་རྒྱུད་རྣམས་ནི་ཧ་ནོག་ལ་གཏོགས་པ་ཧ་ནོག་པ་རྣམས་ཀྱི་ཁྱིམ་རྒྱུད་དང་། ཕཱ༌ལུའུ་ལ་གཏོགས་པ་ཕཱ་ལུའུ་པ་རྣམས་ཀྱི་ཁྱིམ་རྒྱུད།  
\v 6 ཧེས་རོན་ལ་གཏོགས་པ་ཧེས་རོན་པ་རྣམས་ཀྱི་ཁྱིམ་རྒྱུད་དང་། ཀར་མའེ་ལ་གཏོགས་པ་ཀར་མའེ་པ་རྣམས་ཀྱི་ཁྱིམ་རྒྱུད་བཅས་ཡིན་ནོ། །  
\v 7 འདི་དག་ནི་རུ་བེན་གྱི་ཁྱིམ་རྒྱུད་ཡིན་པ་དང་། དེ་དག་ནས་རྩིས་བླངས་པ་ནི་བསྡོམས་པས་བཞི་ཁྲི་སུམ་སྟོང་བདུན་བརྒྱ་སུམ་ཅུའོ། །  
\v 8 ཕཱ༌ལུའུ་ཡི་བུ་ནི་ཨེ་ལི་ཨབ་ཡིན་ལ།  
\v 9 ཨེ་ལི་ཨབ་ཀྱི་བུ་རྣམས་ནི་ནེ་མུ་ཨེལ་དང་། དཱ་ཐན་དང་། ཨ་བི་རཱམ་བཅས་ཡིན། དཱ་ཐན་དང་ཨ་བི་རཱམ་ནི་མ་གཞི་མི་ཚོགས་ཁྲོད་ནས་བདམས་པ་དང་། དེ་གཉིས་དང་ཀོ་རཱག་ཕྱོགས་ཁག་གི་མི་རྣམས་ཀྱིས་ཁ་མཐུན་ནས་མཉམ་དུ་དཀོན་མཆོག་ཡ་ཝཱེ་ལ་ངོ་རྒོལ་བྱས་ཤིང་། མོ་ཤེ་དང་ཨ་རོན་གཉིས་ལའང་ངོ་རྒོལ་བྱས་པའི་དུས་སུ།  
\v 10 ས་གཞིས་ཁ་གདངས་ནས་དེ་དག་དང་ཀོ་རཱག་མཉམ་དུ་ཁྱུར་མིད་བཏང་བ་དང་། ཀོ་རཱག་དང་ཁོའི་ཆོས་ཚོགས་ཀྱི་མི་ཐམས་ཅད་ཤི་བར་གྱུར། མེ་ཡིས་མི་ཉིས་བརྒྱ་དང་ལྔ་བཅུ་འགེམས་པའི་དུས་དེ་ནི་ཕྱི་འདོམས་ཀྱི་མེ་ལོང་དུ་གྱུར་ཏོ། །  
\v 11 འོན་ཀྱང་ཀོ་རཱག་གི་བུ་རྒྱུད་རྣམས་འཆི་བར་མ་གྱུར་ཏོ། །   
\p
\v 12 སི་མུ་ཨོན་གྱི་བུ་རྒྱུད་རྣམས་ནི་དེ་དག་གི་ཁྱིམ་རྒྱུད་བཞིན་དུ། ནེ་མུ་ཨེལ་ལ་གཏོགས་པ་ནེ་མུ་ཨེལ་པ་རྣམས་ཀྱི་ཁྱིམ་རྒྱུད་དང་། ཡཱ་མེན་ལ་གཏོགས་པ་ཡཱ་མེན་པ་རྣམས་ཀྱི་ཁྱིམ་རྒྱུད་དང་། ཡཱ་ཀིན་ལ་གཏོགས་པ་ཡཱ་ཀིན་པ་རྣམས་ཀྱི་ཁྱིམ་རྒྱུད་དང་།  
\v 13 ཟེ༌རག་ལ་གཏོགས་པ་ཟེ༌རག་པ་རྣམས་ཀྱི་ཁྱིམ་རྒྱུད་དང་། ཤཱ་ཨུལ་ལ་གཏོགས་པ་ཤཱ་ཨུལ་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 14 འདི་དག་ནི་སི་མུ་ཨོན་གྱི་ཁྱིམ་རྒྱུད་རྣམས་ཡིན་ཏེ་བསྡོམས་པས་ཉིས་ཁྲི་ཉིས་སྟོང་ཉིས་བརྒྱའོ། །   
\p
\v 15 གཱ་རྡུའི་བུ་རྒྱུད་རྣམས་ནི་དེ་དག་གི་ཁྱིམ་རྒྱུད་བཞིན་དུ། ཚཱ་ཕོན་ལ་གཏོགས་པ་ཚཱ་ཕོན་པ་རྣམས་ཀྱི་ཁྱིམ་རྒྱུད་དང་། ཧ་གིད་ལ་གཏོགས་པ་ཧ་གིད་པ་རྣམས་ཀྱི་ཁྱིམ་རྒྱུད་དང་། ཤུ་ནེ་ལ་གཏོགས་པ་ཤུ་ནེ་པ་རྣམས་ཀྱི་ཁྱིམ་རྒྱུད་དང་།  
\v 16 ཨོ་ཟི་ནེ་ལ་གཏོགས་པ་ཨོ་ཟི་ནེ་པ་རྣམས་ཀྱི་ཁྱིམ་རྒྱུད་དང་། ཨེ་རི་ལ་གཏོགས་པ་ཨེ་རི་པ་རྣམས་ཀྱི་ཁྱིམ་རྒྱུད་དང་།  
\v 17 ཨ་རོད་ལ་གཏོགས་པ་ཨ་རོད་པ་རྣམས་ཀྱི་ཁྱིམ་རྒྱུད་དང་། ཨར་ཨེ་ལི་ལ་གཏོགས་པ་ཨར་ཨེ་ལི་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 18 འདི་དག་ནི་གཱ་རྡུ་ཡི་བུ་རྒྱུད་ཀྱི་ཁྱིམ་རྒྱུད་རྣམས་ཡིན་ཏེ། དེ་དག་གི་ཁྱིམ་རྒྱུད་བཞིན་རྩིས་བླངས་པ་ཡིན་ལ། བསྡོམས་པས་བཞི་ཁྲི་ལྔ་བརྒྱའོ། །   
\p
\v 19 ཡ་ཧུ་དཱའི་བུ་ནི་ཨེར་དང་ཨོ་ནན་གཉིས་ཡིན། ཨེར་དང་ཨོ་ནན་གཉིས་པོ་ཀ་ན་ཨན་ཡུལ་དུ་ཤི་བར་གྱུར་ཏོ། །  
\v 20 ཡ་ཧུ་དཱའི་བུ་རྒྱུད་རྣམས་ནི་དེ་དག་གི་ཁྱིམ་རྒྱུད་བཞིན་དུ། ཤེ་ལཱ་ལ་གཏོགས་པ་ཤེ་ལཱ་པ་རྣམས་ཀྱི་ཁྱིམ་རྒྱུད་དང་། ཕེ་རེལ་ཟི་ལ་གཏོགས་པ་ཕེ་རེལ་ཟི་པ་རྣམས་ཀྱི་ཁྱིམ་རྒྱུད་དང་། ཟེ་རག་ལ་གཏོགས་པ་ཟེ་རག་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 21 ཕེ་རེལ་ཟི་ཡི་བུ་རྒྱུད་རྣམས་ལས་ཧེས་རོན་ལ་གཏོགས་པ་ཧེས་རོན་པ་རྣམས་ཀྱི་ཁྱིམ་རྒྱུད་དང་། ཧ་མུལ་ལ་གཏོགས་པ་ཧ་མུལ་པ་རྣམས་ཀྱི་ཁྱིམ་རྒྱུད་ཡིན།  
\v 22 འདི་དག་ནི་ཡ་ཧུ་དཱའི་ཁྱིམ་རྒྱུད་རྣམས་ཡིན་ཏེ། དེ་དག་གི་ཁྱིམ་རྒྱུད་བཞིན་དུ་རྩིས་བླངས་པ་ཡིན་ལ། བསྡོམས་པས་བདུན་ཁྲི་དྲུག་སྟོང་ལྔ་བརྒྱའོ། །   
\p
\v 23 ཡེས་སི་ཀཱར་གྱི་བུ་རྒྱུད་རྣམས་ནི་དེ་དག་གི་ཁྱིམ་རྒྱུད་བཞིན་དུ། ཐོ་ལཱ་ལ་གཏོགས་པ་ཐོ་ལཱ་པ་རྣམས་ཀྱི་ཁྱིམ་རྒྱུད་དང་། ཕུ་བཱ་ལ་གཏོགས་པ་ཕུ་བཱ་པ་རྣམས་ཀྱི་ཁྱིམ་རྒྱུད་དང་།  
\v 24 ཡ་ཤུབ་ལ་གཏོགས་པ་ཡ་ཤུབ་པ་རྣམས་ཀྱི་ཁྱིམ་རྒྱུད་དང་། ཤིམ་རོན་ལ་གཏོགས་པ་ཤིམ་རོན་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 25 འདི་དག་ནི་ཡེས་སི་ཀཱར་གྱི་ཁྱིམ་རྒྱུད་རྣམས་ཡིན་ཏེ། དེ་དག་གི་ཁྱིམ་རྒྱུད་བཞིན་དུ་རྩིས་བླངས་པ་ཡིན་ལ། བསྡོམས་པས་དྲུག་ཁྲི་བཞི་སྟོང་སུམ་བརྒྱའོ། །   
\p
\v 26 ཟེ་བུ་ལུན་གྱི་བུ་རྒྱུད་རྣམས་ནི་དེ་དག་གི་ཁྱིམ་རྒྱུད་བཞིན་དུ། སེ་རཱད་ལ་གཏོགས་པ་སེ་རཱད་པ་རྣམས་ཀྱི་ཁྱིམ་རྒྱུད་དང་། ཨེད་ལོན་ལ་གཏོགས་པ་ཨེད་ལོན་པ་རྣམས་ཀྱི་ཁྱིམ་རྒྱུད་དང་། ཡ་ལཱ་ཨལ་ལ་གཏོགས་པ་ཡ་ལཱ་ཨལ་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 27 འདི་དག་ནི་ཟེ་བུ་ལུན་གྱི་ཁྱིམ་རྒྱུད་རྣམས་ཡིན་ཏེ། དེ་དག་གི་ཁྱིམ་རྒྱུད་བཞིན་དུ་རྩིས་བླངས་པ་ཡིན་ལ། བསྡོམས་པས་དྲུག་ཁྲི་ལྔ་བརྒྱའོ། །   
\p
\v 28 ཡོ་སེབ་ཀྱི་བུ་རྒྱུད་རྣམས་ནི་དེ་དག་གི་ཁྱིམ་རྒྱུད་བཞིན་དུ་མཱ་ན་ཤེ་དང་ཨེ་ཕཱར་ཡིམ་ཡིན་ནོ། །  
\v 29 མཱ་ན་ཤེའི་བུ་རྒྱུད་རྣམས་ནི་མཱ་ཀིར་ལ་གཏོགས་པ་མཱ་ཀིར་པ་རྣམས་ཀྱི་ཁྱིམ་རྒྱུད་དང་། མཱ་ཀིར་ནས་གིལ་ཨད་སྐྱེས་པ་དང་། གིལ་ཨད་ལ་གཏོགས་པ་གིལ་ཨད་པ་རྣམས་ཀྱི་ཁྱིམ་རྒྱུད་ཡིན་ནོ། །  
\v 30 གིལ་ཨད་ཀྱི་བུ་རྒྱུད་རྣམས་ནི་འདི་ལྟ་སྟེ། ཨི་ཨེ་ཟིར་ལ་གཏོགས་པ་ཨི་ཨེ་ཟིར་པ་རྣམས་ཀྱི་ཁྱིམ་རྒྱུད་དང་། ཧེ་ལེག་ལ་གཏོགས་པ་ཧེ་ལེག་པ་རྣམས་ཀྱི་ཁྱིམ་རྒྱུད་དང་།  
\v 31 ཨ་སི་རི་ཨེལ་ལ་གཏོགས་པ་ཨ་སི་རི་ཨེལ་པ་རྣམས་ཀྱི་ཁྱིམ་རྒྱུད་དང་། ཤེ་ཀེམ་ལ་གཏོགས་པ་ཤེ་ཀེམ་པ་རྣམས་ཀྱི་ཁྱིམ་རྒྱུད་དང་།  
\v 32 ཤེ་མི་ད་ལ་གཏོགས་པ་ཤེ་མི་ད་པ་རྣམས་ཀྱི་ཁྱིམ་རྒྱུད་དང་། ཧེ་ཕེར་ལ་གཏོགས་པ་ཧེ་ཕེར་པ་རྣམས་ཀྱི་ཁྱིམ་རྒྱུད་དང་།  
\v 33 ཧེ་ཕེར་གྱི་བུ་ཚེ་ལོ་ཕེ་ཧད་ལ་བུ་མེད་ཅིང་བུ་མོ་འབའ་ཞིག་ཡོད་དེ། ཚེ་ལོ་ཕེ་ཧད་ཀྱི་བུ་མོ་རྣམས་ཀྱི་མིང་ནི། མ་ལཱ་དང་། ནོ་ཨ་དང་། ཧོག་ལཱ་དང་། མིལ་ཀཱ་དང་། ཐིར་ཚ་བཅས་ཡིན།  
\v 34 འདི་དག་ནི་མཱ་ན་ཤེའི་ཁྱིམ་རྒྱུད་རྣམས་ཡིན་ཏེ། དེ་དག་གི་གྲངས་ཀ་རྩིས་བླངས་པ་ཡིན་ལ། བསྡོམས་པས་ལྔ་ཁྲི་ཉིས་སྟོང་དང་བདུན་བརྒྱའོ། །   
\p
\v 35 ཨེ་ཕཱར་ཡིམ་གྱི་བུ་རྒྱུད་རྣམས་ནི་འདི་ལྟ་སྟེ། དེ་དག་གི་ཁྱིམ་རྒྱུད་བཞིན་དུ་ཤུ་ཏེ་ལཱ་ལ་གཏོགས་པ་ཤུ་ཏེ་ལཱ་པ་རྣམས་ཀྱི་ཁྱིམ་རྒྱུད་དང་། པེ་ཀེར་ལ་གཏོགས་པ་པེ་ཀེར་པ་རྣམས་ཀྱི་ཁྱིམ་རྒྱུད་དང་། ཐ་ཧན་ལ་གཏོགས་པ་ཐ་ཧན་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 36 ཤུ་ཏེ་ལཱ་ཡི་བུ་རྒྱུད་དེ་ཨེ་རན་ལ་གཏོགས་པ་ཨེ་རན་པ་རྣམས་ཀྱི་ཁྱིམ་རྒྱུད་ཡིན།  
\v 37 འདི་དག་ནི་ཨེ་ཕཱར་ཡིམ་གྱི་བུ་རྒྱུད་ཀྱི་ཁྱིམ་རྒྱུད་རྣམས་ཡིན་ཏེ། དེ་དག་གི་ཁྱིམ་རྒྱུད་བཞིན་དུ་རྩིས་བླངས་པ་ཡིན་ལ། བསྡོམས་པས་སུམ་ཁྲི་ཉིས་སྟོང་ལྔ་བརྒྱའོ། །རང་རང་གི་ཁྱིམ་རྒྱུད་བཞིན་དུ་འདི་དག་ནི་ཡོ་སེབ་ཀྱི་བུ་རྒྱུད་རྣམས་ཡིན་ནོ། །   
\p
\v 38 པེན་ཡཱ་མེན་གྱི་བུ་རྒྱུད་ནི་དེ་དག་གི་ཁྱིམ་རྒྱུད་བཞིན་དུ། པེ་ལཱ་ལ་གཏོགས་པ་པེ་ལཱ་པ་རྣམས་ཀྱི་ཁྱིམ་རྒྱུད་དང་། ཨ་ཤ༌བེལ་ལ་གཏོགས་པ་ཨ་ཤ༌བེལ་པ་རྣམས་ཀྱི་ཁྱིམ་རྒྱུད་དང་། ཨ་ཧི་རམ་ལ་གཏོགས་པ་ཨ་ཧི་རམ་པ་རྣམས་ཀྱི་ཁྱིམ་རྒྱུད་དང་།  
\v 39 ཤེ་ཕུ་ཕམ་ལ་གཏོགས་པ་ཤེ་ཕུ་ཕམ་པ་རྣམས་ཀྱི་ཁྱིམ་རྒྱུད་དང་། ཧུ་ཕམ་ལ་གཏོགས་པ་ཧུ་ཕམ་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 40 པེ་ལཱའི་བུ་རྣམས་ནི་ཨར་དཱ་དང་ནཱ་ཨ་མཱན་ཡིན་ལ། ཨར་དཱ་ལ་གཏོགས་པ་ཨར་དཱ་པ་རྣམས་ཀྱི་ཁྱིམ་རྒྱུད་དང་། ནཱ་ཨ་མཱན་ལ་གཏོགས་པ་ནཱ་ཨ་མཱན་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 41 འདི་དག་ནི་པེན་ཡཱ་མེན་གྱི་བུ་རྒྱུད་རྣམས་ཡིན་ཏེ། དེ་དག་གི་ཁྱིམ་རྒྱུད་བཞིན་དུ་རྩིས་བླངས་པ་ཡིན་ལ། བསྡོམས་པས་བཞི་ཁྲི་ལྔ་སྟོང་དྲུག་བརྒྱའོ། །   
\p
\v 42 དཱན་གྱི་བུ་རྒྱུད་རྣམས་ནི་འདི་ལྟ་སྟེ། དེ་དག་གི་ཁྱིམ་རྒྱུད་བཞིན་དུ་ཤུ་ཧམ་ལ་གཏོགས་པ་ཤུ་ཧམ་པ་རྣམས་ཀྱི་ཁྱིམ་རྒྱུད་ཡིན། དེ་ནི་དཱན་གྱི་ཁྱིམ་རྒྱུད་དེ་རང་རང་གི་ཁྱིམ་རྒྱུད་བཞིན་དུའོ། །  
\v 43 ཤུ་ཧམ་པ་རྣམས་ཀྱི་ཁྱིམ་རྒྱུད་ནས་རྩིས་བླངས་པའི་བསྡོམས་གྲངས་ནི་དྲུག་ཁྲི་བཞི་སྟོང་བཞི་བརྒྱའོ། །   
\p
\v 44 ཨ་ཤེར་གྱི་བུ་རྒྱུད་རྣམས་ནི་འདི་ལྟ་སྟེ། དེ་དག་གི་ཁྱིམ་རྒྱུད་བཞིན་དུ་ཡིམ་ནཱ་ལ་གཏོགས་པ་ཡིམ་ནཱ་པ་རྣམས་ཀྱི་ཁྱིམ་རྒྱུད་དང་། ཡེས་བི་ལ་གཏོགས་པ་ཡེས་བི་པ་རྣམས་ཀྱི་ཁྱིམ་རྒྱུད་དང་། པེ་རེ་ཡཱ་ལ་གཏོགས་པ་པེ་རེ་ཡཱ་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 45 པེ་རེ་ཡཱའི་བུ་རྒྱུད་རྣམས་ནི་ཧེ་བེར་ལ་གཏོགས་པ་ཧེ་བེར་པ་རྣམས་ཀྱི་ཁྱིམ་རྒྱུད་དང་། མཱལ་ཀི་ཨེལ་ལ་གཏོགས་པ་མཱལ་ཀི་ཨེལ་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 46 ཨ་ཤེར་གྱི་བུ་མོའི་མིང་ལ་སེ་རཱ་ཞེས་བྱའོ། །  
\v 47 འདི་དག་ནི་ཨ་ཤེར་གྱི་བུ་རྒྱུད་ཀྱི་ཁྱིམ་རྒྱུད་རྣམས་ཡིན་ཏེ། དེ་དག་གི་ཁྱིམ་རྒྱུད་བཞིན་དུ་རྩིས་བླངས་པ་ཡིན་ལ། བསྡོམས་པས་ལྔ་ཁྲི་སུམ་སྟོང་བཞི་བརྒྱའོ། །   
\p
\v 48 ནཱབ་ཐ་ལིའི་བུ་རྒྱུད་རྣམས་ནི་དེ་དག་གི་ཁྱིམ་རྒྱུད་བཞིན་དུ། ཡཱ་སི་ཨེལ་ལ་གཏོགས་པ་ཡཱ་སི་ཨེལ་པ་རྣམས་ཀྱི་ཁྱིམ་རྒྱུད་དང་། གུ་ནེ་ལ་གཏོགས་པ་གུ་ནེ་པ་རྣམས་ཀྱི་ཁྱིམ་རྒྱུད་དང་།  
\v 49 ཡེ༌ཚིར་ལ་གཏོགས་པ་ཡེ་ཚིར་པ་རྣམས་ཀྱི་ཁྱིམ་རྒྱུད་དང་། ཤིལ་ལེམ་ལ་གཏོགས་པ་ཤིལ་ལེམ་པ་རྣམས་ཀྱི་ཁྱིམ་རྒྱུད་བཅས་ཡིན།  
\v 50 འདི་དག་ནི་ནཱབ་ཐ་ལིའི་ཁྱིམ་རྒྱུད་རྣམས་ཡིན་པ་དང་། དེ་དག་གི་ཁྱིམ་རྒྱུད་བཞིན་དུ་རྩིས་བླངས་པ་བསྡོམས་པས་བཞི་ཁྲི་ལྔ་སྟོང་བཞི་བརྒྱའོ། །  
\v 51 དེ་དག་ནི་ཡེས་ར་ཨེལ་པ་རྣམས་ལས་རྩིས་བླངས་པའི་གྲངས་ཀ་སྟེ། བསྡོམས་པས་དྲུག་འབུམ་ཆིག་སྟོང་བདུན་བརྒྱ་སུམ་ཅུའོ། །   
\p
\v 52 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 53 ཁྱོད་ཀྱིས་མི་རྣམས་ཀྱི་མིང་གི་གྲངས་ཀ་བཞིན་དུ། ཡུལ་དེ་ཁོ་རྣམས་ལ་ས་སྐལ་དུ་བགོ་བཤའ་བརྒྱག་དགོས་པ་དང་།  
\v 54 མི་གྲངས་མང་པོ་ཡོད་པ་ལ་ཁྱོད་ཀྱིས་ས་སྐལ་མང་པོ་བགོ་དགོས་པ་དང་། མི་གྲངས་ཉུང་ཉུང་ཡིན་པ་ལ་ཁྱོད་ཀྱིས་ས་སྐལ་ཉུང་ཉུང་བགོ་དགོས། རྩིས་བླངས་པའི་མི་གྲངས་བཞིན་དུ་ཁྱིམ་རྒྱུད་རེ་རེ་ལ་ས་སྐལ་བགོ་དགོས།  
\v 55 འོན་ཀྱང་། ཡུལ་ནི་རྒྱན་འཕངས་ནས་བགོ་བཤའ་བརྒྱག་དགོས་ལ། དེ་དག་གིས་རང་རང་གི་ཕ་མེས་རྣམས་ཀྱི་ཚོ་པའི་མིང་བཞིན་དུ་ས་སྐལ་ལེན་དགོས།  
\v 56 རྒྱན་བླངས་པ་བཞིན་དུ། མི་གྲངས་མང་ཉུང་ལ་བལྟས་ནས་ས་སྐལ་བགོ་བཤའ་བརྒྱག་དགོས་སོ། །   
\p
\v 57 ཁྱིམ་རྒྱུད་བཞིན་རྩིས་གྲངས་བླངས་པའི་ལེ་ཝི་པ་ནི་འདི་ལྟ་སྟེ། གེར་ཤོན་ལ་གཏོགས་པ་གེར་ཤོན་པ་རྣམས་ཀྱི་ཁྱིམ་རྒྱུད་དང་། ཀོ་ཧད་ལ་གཏོགས་པ་ཀོ་ཧད་པ་རྣམས་ཀྱི་ཁྱིམ་རྒྱུད་དང་། མཱ་རཱ་རེའེ་ལ་གཏོགས་པ་མཱ་རཱ་རེའེ་པ་རྣམས་ཀྱི་ཁྱིམ་རྒྱུད་བཅས་ཡིན་ནོ། །  
\v 58 འདི་དག་ནི་ལེ་ཝི་ཡི་ཁྱིམ་རྒྱུད་རྣམས་ཏེ། ལིབ་ནིས་པ་རྣམས་ཀྱི་ཁྱིམ་རྒྱུད་དང་། ཧེབ་རོན་པ་རྣམས་ཀྱི་ཁྱིམ་རྒྱུད་དང་། མཱ་ལི་པ་རྣམས་ཀྱི་ཁྱིམ་རྒྱུད་དང་། མུ་ཤི་པ་རྣམས་ཀྱི་ཁྱིམ་རྒྱུད་དང་། ཀོ་རཱག་པ་རྣམས་ཀྱི་ཁྱིམ་རྒྱུད་བཅས་ཡིན་ནོ། །ཀོ་ཧད་ལས་ཨམ་རམ་སྐྱེས་པའོ། །  
\v 59 ཨམ་རམ་གྱི་ཆུང་མའི་མིང་ལ་ཡོ་ཀེ་བེད་ཟེར་ཞིང་ལེ་ཝིའི་བུ་མོ་ཡིན་ལ་ཨེ་ཅིབ་ཡུལ་དུ་ལེ་ཝི་ལ་སྐྱེས་ཤིང་། ཁོ་མོས་ཨམ་རམ་ལ་ཨ་རོན་དང་མོ་ཤེ། དེ་གཉིས་ཀྱི་ལྕམ་མོ་མིར་ཡམ་བཅས་བཙས་པའོ། །  
\v 60 ཡང་ཨ་རོན་ལས་ནཱ་དབ་དང་། ཨ་བི་ཧུ་དང་། ཨེ་ལི་ཨ་ཟར་དང་། ཨི་ཐ་མཱར་བཅས་སྐྱེས་པ་དང་།  
\v 61 ནཱ་དབ་དང་ཨ་བི་ཧུ་གཉིས་ནི་དཀོན་མཆོག་ཡ་ཝཱེ་ལ་བཀའ་འཁྲོལ་མེད་པའི་མེ་ཕུལ་བའི་དུས་སུ་ཤི་བར་གྱུར་ཏོ། །  
\v 62 ལེ་ཝི་པ་རྣམས་ལས་ཟླ་བ་གཅིག་དང་དེའི་ཡན་གྱི་ན་ཚོད་ཟིན་པའི་ཕོ་ཐམས་ཅད་རྩིས་བླངས་པ་བསྡོམས་པས་ཉིས་ཁྲི་སུམ་སྟོང་ཡིན། ཁོ་རྣམས་ཡེས་ར་ཨེལ་པ་རྣམས་ཀྱི་ཁྲོད་དུ་རྩིས་མེད་དེ། གང་ལ་ཞེ་ན། ཡེས་ར་ཨེལ་པ་རྣམས་ཀྱི་ཁྲོད་དུ་ཁོ་རྣམས་ལ་ས་སྐལ་མ་ཐོབ་པའི་ཕྱིར་རོ། །   
\p
\v 63 དེ་དག་ནི་མོ་ཤེ་དང་མཆོད་དཔོན་ཨེ་ལི་ཨ་ཟར་གཉིས་ཀྱིས་རྩིས་བླངས་པ་རྣམས་ཡིན་ཏེ། དེ་གཉིས་ཀྱིས་མོ་ཨབ་སྤང་ལྗོངས་སུ། ཡེ་རུ་ཀོའི་ཁ་གཏད་དུ་ཡོར་དན་གཙང་པོའི་འགྲམ་ནས་ཡེས་ར་ཨེལ་པ་རྣམས་རྩིས་བླངས་སོ། །  
\v 64 དེ་དག་གི་ཁྲོད་དུ་མོ་ཤེ་དང་མཆོད་དཔོན་ཨ་རོན་གཉིས་ཀྱིས་སི་ནཱ་དབེན་སྟོང་དུ་ཡེས་ར་ཨེལ་པ་རྣམས་རྩིས་ལེན་པའི་དུས་སུ་རྩིས་བླངས་པ་ནི་གཅིག་ཀྱང་མེད།  
\v 65 ཅི་ལ་ཞེ་ན། དཀོན་མཆོག་ཡ་ཝཱེས་དེ་རྣམས་ཀྱི་སྐོར་ལ་སྔར་འདི་སྐད་དུ། དེ་དག་དབེན་སྟོང་དུ་འཆི་ངེས་ཡིན་ཞེས་གསུངས་མྱོང་བའི་ཕྱིར་རོ། །དེ་རྣམས་ལས་ཡེ་ཕུན་ནེའི་བུ་ཀཱ་ལེབ་དང་ནུན་གྱི་བུ་ཡོ་ཤུ་ཨ་གཉིས་ལས་གཞན་གཅིག་ཀྱང་མ་ལུས་སོ། །   
\c 27
\cl ལེའུ་ཉེར་བདུན་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཚེ་ལོ་ཕེ་ཧད་ཀྱི་བུ་མོ་རྣམས།  
\p
\v 1 དེ་ཡང་ཡོ་སེབ་ཀྱི་བུ་མ་ནཱ་ཤེའི་ཁྱིམ་རྒྱུད་རྣམས་ལས། ཚེ་ལོ་ཕེ་ཧད་ཀྱི་བུ་མོ་རྣམས་དེ་དག་གི་དྲུང་དུ་འོངས་པ་དང་། ཚེ་ལོ་ཕེ་ཧད་ནི་ཧེ་ཕེར་གྱི་བུ་དང་། དེ་ནི་གིལ་ཨད་ཀྱི་བུ། དེ་ནི་མཱ་ཀིར་གྱི་བུ། དེ་ནི་མཱ་ན་ཤེའི་བུའོ། །ཁོའི་བུ་མོ་དེ་རྣམས་ཀྱི་མིང་ནི། མ་ལཱ་དང་། ནོ་ཨ་དང་། ཧོག་ལཱ་དང་། མིལ་ཀཱ་དང་། ཐིར་ཚ་བཅས་སོ། །  
\v 2 དེ་དག་མཇལ་འཕྲད་གུར་མཆོག་གི་སྒོ་ཁར། མོ་ཤེ་དང་མཆོད་དཔོན་ཨེ་ལི་ཨ་ཟར་དང་འགོ་དཔོན་རྣམས་དང་། མི་ཚོགས་ཡོངས་ཀྱི་མདུན་དུ་འགྲེང་སྟེ་ན་རེ།  
\v 3 ངེད་ཅག་གི་ཕ་ནི་དབེན་སྟོང་དུ་ཤི་བ་དང་། ཁོ་ནི་དཀོན་མཆོག་ཡ་ཝཱེ་ལ་རྒོལ་བར་མཉམ་དུ་འདུས་པའི་མི་རྣམས་ཀྱི་ཁྲོད་དུ་མེད་ལ། ཀོ་རཱག་གི་ཕྱོགས་ཁག་ལའང་མི་གཏོགས། ཁོ་ནི་རང་གི་སྡིག་པའི་དབང་གིས་ཤི་བ་དང་ཁོ་ལ་བུ་ཡང་མེད་དོ། །  
\v 4 ངེད་ཅག་གི་ཕ་ལ་བུ་མེད་པའི་རྐྱེན་གྱིས་ཁོའི་མིང་རང་གི་ཁྱིམ་རྒྱུད་ལས་མེད་པར་བཟོས་པ་ཅི་ཡིན་ནམ། ངེད་ཅག་གི་ཕ་ཡི་སྤུན་ཟླ་ཚོའི་ཁྲོད་དུ་ང་ཚོ་ལ་བགོ་སྐལ་གནང་བར་མཛོད་ཅེས་ཞུས།  
\v 5 དེ་ནས་མོ་ཤེ་ཡིས་ཁོ་རྣམས་ཀྱི་ཞུ་བ་དཀོན་མཆོག་ཡ་ཝཱེའི་དྲུང་དུ་ཞུས་སོ། །   
\p
\v 6 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 7 ཚེ་ལོ་ཕེ་ཧད་ཀྱི་བུ་མོ་རྣམས་ཀྱིས་སྨྲས་པ་ལུགས་དང་མཐུན་པ་ཡིན། ཁྱོད་ཀྱིས་དེ་དག་གི་ཕ་ཡི་སྤུན་ཟླའི་ཁྲོད་ནས་དེ་དག་ལ་བགོ་སྐལ་སྤྲོད་དགོས། དེ་དག་གི་ཕ་ཡི་བགོ་སྐལ་ཁོ་ཚོ་ལ་སྤྲོད་དགོས་སོ། །  
\v 8 ཡང་ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྨྲོས་ཤིག མི་ཞིག་འཆི་བའི་དུས་སུ་བུ་མེད་པ་ཡིན་ན་མི་དེའི་བགོ་སྐལ་ཁོའི་བུ་མོར་སྤྲོད་དགོས་པ་དང་།  
\v 9 ཁོ་ལ་བུ་མོ་མེད་ན་ཁོའི་བགོ་སྐལ་དེའི་སྤུན་ཟླ་རྣམས་ལ་སྤྲོད་པར་བྱའོ། །  
\v 10 ཁོ་ལ་སྤུན་ཟླ་ཡང་མེད་ན་ཁོའི་བགོ་སྐལ་དེའི་ཕ་ཡི་སྤུན་རྣམས་ལ་སྤྲོད་དགོས།  
\v 11 ཁོའི་ཕ་ལ་སྤུན་ཟླ་མེད་ན་ཁོའི་བགོ་སྐལ་ནི་དེའི་ཁྱིམ་རྒྱུད་ནང་གི་རྩ་བའི་གཉེན་ཉེ་ལ་སྤྲོད་དགོས་ཤིང་། ཁོའི་བགོ་སྐལ་མི་དེར་དབང་བ་ཡིན། དེ་ནི་དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་བཞིན་དུ། ཡེས་ར་ཨེལ་པ་རྣམས་ཀྱི་སྒྲིག་ཁྲིམས་དང་སྲོལ་ཡིག་ཡིན་ཞེས་སྨྲ་དགོས་པར་གསུངས་སོ། །   
\s1 ཡོ་ཤུ་ཨ་ཡིས་མོ་ཤེའི་ལས་འགན་རྒྱུན་འཛིན་བྱས་པ།  
\p
\v 12 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཁྱོད་ཨ་བཱ་རིམ་གྱི་རི་འདི་ལ་ཡར་འགོས་ནས་བདག་གིས་ཡེས་ར་ཨེལ་པ་རྣམས་ལ་སྤྲད་པའི་ཡུལ་དེར་ལྟོས་ཤིག  
\v 13 དེར་བལྟས་པའི་རྗེས་སུ་ཁྱོད་ཀྱང་ཁྱོད་ཀྱི་སྤུན་ཨ་རོན་བཞིན་དུ་རང་གི་རིགས་རྒྱུད་ཁྲོད་དུ་འཛོམ་པར་འགྱུར།  
\v 14 ཅི་ལ་ཞེ་ན། ཟིན་བྱ་བའི་དབེན་སྟོང་དུ་མི་ཚོགས་ཀྱིས་ངོ་རྒོལ་བྱས་པའི་དུས་སུ། ཁྱོད་རྣམས་ངའི་བཀའ་དང་འགལ་ཞིང་། ཆུ་འགྲམ་ནས་དེ་དག་གི་མདུན་དུ་ང་དམ་པར་མ་བཀུར་བའི་ཕྱིར་ཡིན་ཞེས་གསུངས། ཆུ་དེ་ནི་ཟིན་བྱ་བའི་དབེན་སྟོང་དུ་ཡོད་ལ། དེ་ནི་ཀཱ་དེའེ་ཤཱ་ཡུལ་གྱི་མེ་རི་བཱའི་ཆུ་རྣམས་ཡིན་ནོ། །   
\p
\v 15 མོ་ཤེ་ཡིས་དཀོན་མཆོག་ཡ་ཝཱེ་ལ་འདི་ལྟར།  
\v 16 ལུས་ཅན་ཐམས་ཅད་ཀྱི་སེམས་ཉིད་ཀྱི་དཀོན་མཆོག་ཡ་ཝཱེས་མི་ཚོགས་འདི་ལ་བདག་སྐྱོང་བྱེད་མཁན་ཞིག་བསྐོ་བར་མཛོད།  
\v 17 ཁོ་ཚོའི་མདུན་དུ་འགྲོ་འོང་བྱེད་པ་དང་། ཁོ་ཚོ་ཁྲིད་ནས་འགྲོ་འོང་བྱེད་མཁན་ཞིག་དགོས། དེ་ནི་དཀོན་མཆོག་ཡ་ཝཱེའི་མི་ཚོགས་རྫི་བོ་མེད་པའི་ལུག་དང་འདྲ་བར་མི་འགྱུར་བའི་ཕྱིར་དུའོ་ཞེས་ཞུས་པ་ལ།  
\v 18 དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ། ཁྱོད་ཀྱིས་ནུན་གྱི་བུ་ཡོ་ཤུ་ཨ་འདེམས་དགོས་ཏེ། ཁོའི་ནང་དུ་ཐུགས་ཉིད་བཞུགས་ལ། ཁྱོད་ཀྱིས་ཁོའི་ལུས་ལ་ལག་པ་ཞོག་ཅིག \f + \ft འདིར་ལུས་ལ་ལག་པ་ཞོག་ཅིག་ཅེས་པ་ནི་ལས་འགན་བསྐོ་བའི་རྣམ་པ་ཞིག་ཡིན།\f*  
\v 19 ཁོ་ནི་མཆོད་དཔོན་ཨེ་ལི་ཨ་ཟར་དང་མི་ཚོགས་ཐམས་ཅད་ཀྱི་མདུན་ནས་འགྲེང་དུ་ཆུག་ལ། དེ་དག་གི་མཐོང་ངོར་ཁོ་ལ་ལས་འགན་སྤྲོད་ཅིག  
\v 20 ཡེས་ར་ཨེལ་པ་རྣམས་ཀྱི་མི་ཚོགས་ཡོངས་ཀྱིས་ཁོའི་བཀའ་ལ་མཉན་པའི་ཕྱིར་དུ། ཁྱོད་ཀྱིས་རང་གི་དབང་ཐང་ཆ་ཤས་ཁོ་ལ་ཐོངས་ཤིག་དང་།  
\v 21 ཁོ་རང་མཆོད་དཔོན་ཨེ་ལི་ཨ་ཟར་གྱི་དྲུང་དུ་འགྲེང་ནས་འདུག་པ་དང་། ཨེ་ལི་ཨ་ཟར་གྱིས་ཡོ་ཤུ་ཨའི་ཕྱིར་དཀོན་མཆོག་ཡ་ཝཱེའི་དྲུང་དུ་ཨུའུ་རིམ་ལས་ཐུགས་བརྟག་ཞུ་བར་འགྱུར། ཁོ་དང་ཡེས་ར་ཨེལ་པ་ཐམས་ཅད་དེ། མི་ཚོགས་ཡོངས་ནི་ཨེ་ལི་ཨ་ཟར་གྱི་བཀའ་བཞིན་འགྲོ་འོང་བྱེད་དགོས་ཞེས་གསུངས་སོ། །  
\v 22 དེ་ནས་མོ་ཤེ་ཡིས་དཀོན་མཆོག་ཡ་ཝཱེའི་བཀའ་བཞིན་དུ་བསྒྲུབས་པ་དང་། ཁོས་ཡོ་ཤུ་ཨ་ཁྲིད་འོངས་ཏེ་མཆོད་དཔོན་ཨེ་ལི་ཨ་ཟར་དང་མི་ཚོགས་ཡོངས་ཀྱི་མདུན་ནས་འགྲེང་དུ་བཅུག་ཅིང་།  
\v 23 ཁོའི་ལུས་ལ་ཕྱག་གླན་པ་དང་། དཀོན་མཆོག་ཡ་ཝཱེས་མོ་ཤེ་བརྒྱུད་ནས་གནང་བའི་བཀའ་བཞིན་དུ་ཁོ་ལ་ལས་འགན་སྤྲད་དོ། །   
\c 28
\cl ལེའུ་ཉེར་བརྒྱད་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཉིན་རྒྱུན་གྱི་མཆོད་པ།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ཡེས་ར་ཨེལ་པ་རྣམས་ལ་བཀའ་འདི་ལྟར་སྒོས་ཤིག ཁྱོད་རྣམས་ཀྱིས་ང་ལ་འབུལ་འོས་པའི་མཆོད་པ་སྟེ། ང་ལ་དྲི་ཞིམ་གྱི་མེ་མཆོད་དུ་འབུལ་བའི་ཞལ་ཟས་ནི་དུས་བཅད་ལྟར་གཟབ་གཟབ་བྱས་ནས་ང་ལ་འབུལ་དགོས་ཞེས་པའོ། །  
\v 3 ཡང་ཁྱོད་ཀྱིས་དེ་རྣམས་ལ་འདི་ལྟར་སྨྲོས་ཤིག ཁྱོད་ཅག་གིས་དཀོན་མཆོག་ཡ་ཝཱེ་ལ་འབུལ་དགོས་པའི་མེ་མཆོད་ནི་འདི་ལྟ་སྟེ། ཉིན་རེར་སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་གཉིས་རེ་དུས་རྒྱུན་གྱི་སྦྱིན་སྲེག་ཏུ་འབུལ་དགོས་པ་ཡིན།  
\v 4 ལུ་གུ་གཅིག་ནི་ཞོགས་པའི་དུས་སུ་འབུལ་བ་དང་། ཅིག་ཤོས་ནི་ས་སྲོས་ཀྱི་དུས་སུ་འབུལ་དགོས།  
\v 5 གཞན་ཡང་འབྲུ་རིགས་ཀྱི་མཆོད་པའི་ཕྱིར་དུ་ཕྱེ་བཟང་པོ་ཨེ་ཕཱ་གང་གི་བཅུ་ཆ་གཅིག་ལ་སྣུམ་བརྡུངས་མ་རྫ་བུམ་གང་གི་བཞི་ཆ་གཅིག་བསྲེས་དགོས།  
\v 6 དེ་ནི་དུས་རྒྱུན་གྱི་སྦྱིན་སྲེག་ཡིན་ལ། རི་བོ་སི་ནཱ་ནས་གཏན་ལ་ཕབ་པ་སྟེ། དཀོན་མཆོག་ཡ་ཝཱེ་ལ་འབུལ་བའི་དྲི་ཞིམ་གྱི་མེ་མཆོད་ཡིན་ནོ། །  
\v 7 ཡང་ལུ་གུ་རེའི་ཕྱིར་དུ་རྒུན་ཆང་རྫ་བུམ་གྱི་བཞི་ཆ་གཅིག་སྐྱེམས་མཆོད་དུ་འབུལ་དགོས། ཁྱོད་ཀྱིས་རྒུན་ཆང་བཙན་པོ་དེ་གནས་དམ་པ་རུ་དཀོན་མཆོག་ཡ་ཝཱེ་ལ་སྐྱེམས་མཆོད་དུ་འབུལ་དགོས་སོ། །  
\v 8 ས་སྲོས་ཀྱི་དུས་སུ་ལུ་གུ་ཅིག་ཤོས་དེ་འབུལ་དགོས། ཞོགས་པའི་འབྲུ་རིགས་ཀྱི་མཆོད་པ་དང་། དེ་དང་མཉམ་དུ་འབུལ་བའི་སྐྱེམས་མཆོད་ནང་ལྟར་དྲི་ཞིམ་གྱི་མེ་མཆོད་དུ་དཀོན་མཆོག་ཡ་ཝཱེ་ལ་འབུལ་དགོས་སོ། །   
\s1 ངལ་གསོ་བའི་ཉིན་གྱི་མཆོད་པ།  
\p
\v 9 དེ་ནས་ངལ་གསོ་བའི་ཉིན་མོར། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་གཉིས་དང་། འབྲུ་རིགས་ཀྱི་མཆོད་པའི་ཕྱིར་དུ་ཨེ་ཕཱ་བཅུ་ཆ་གཉིས་ཀྱི་ཕྱེ་བཟང་པོར་སྣུམ་བསྲེས་ནས། དེ་དང་མཉམ་དུ་འབུལ་བའི་སྐྱེམས་མཆོད་བཅས་འབུལ་དགོས།  
\v 10 དེ་ནི་དུས་རྒྱུན་གྱི་སྦྱིན་སྲེག་དང་དེ་དང་མཉམ་དུ་འབུལ་བའི་སྐྱེམས་མཆོད་ཀྱི་ཕན་ཆོད་ནས་ངལ་གསོ་བའི་ཉིན་མོ་རེ་རེར་འབུལ་བའི་སྦྱིན་སྲེག་ཡིན་ནོ། །   
\s1 ཟླ་རེའི་མཆོད་པ།  
\p
\v 11 ཡང་ཟླ་རེའི་ཉིན་དང་པོར་ཁྱོད་ཅག་གིས་དཀོན་མཆོག་ཡ་ཝཱེ་ལ་སྦྱིན་སྲེག་འབུལ་དགོས་ཏེ། གླང་ཐུག་གཉིས་དང་། ལུག་ཐུག་གཅིག་དང་། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བདུན་བཅས་ཡིན།  
\v 12 འབྲུ་རིགས་ཀྱི་མཆོད་པ་ལ་གླང་ཐུག་རེའི་ཕྱིར་དུ་ཨེ་ཕཱ་བཅུ་ཆ་གསུམ་གྱི་ཕྱེ་བཟང་པོར་སྣུམ་བསྲེས་ནས་འབུལ་བ་དང་། འབྲུ་རིགས་ཀྱི་མཆོད་པ་ལ་ལུག་ཐུག་རེའི་ཕྱིར་དུ་ཨེ་ཕཱ་བཅུ་ཆ་གཉིས་ཀྱི་ཕྱེ་བཟང་པོར་སྣུམ་བསྲེས་ནས་འབུལ་དགོས།  
\v 13 འབྲུ་རིགས་ཀྱི་མཆོད་པ་ལ་ལུ་གུ་རེའི་ཕྱིར་དུ་ཨེ་ཕཱ་བཅུ་ཆ་གཅིག་གི་ཕྱེ་བཟང་པོར་སྣུམ་བསྲེས་ནས་འབུལ་དགོས། དེ་ནི་དྲི་ཞིམ་གྱི་སྦྱིན་སྲེག་སྟེ་དཀོན་མཆོག་ཡ་ཝཱེ་ལ་ཕུལ་བའི་མེ་མཆོད་ཡིན་ནོ། །  
\v 14 དེ་དག་གི་སྐྱེམས་མཆོད་ལ། གླང་ཐུག་རེའི་ཕྱིར་དུ་རྒུན་ཆང་རྫ་བུམ་ཕྱེད་ཀ་རེ་དང་། ལུག་ཐུག་རེའི་ཕྱིར་དུ་རྒུན་ཆང་རྫ་བུམ་གྱི་གསུམ་ཆ་གཅིག་རེ། ལུ་གུ་རེའི་ཕྱིར་དུ་རྒུན་ཆང་རྫ་བུམ་གྱི་བཞི་ཆ་གཅིག་རེ་བཅས་འབུལ་དགོས་ཤིང་། དེ་ནི་ཟླ་བ་རེ་རེའི་སྦྱིན་སྲེག་ཡིན་ལ། ལོ་འཁོར་གྱི་ཟླ་བ་རེ་རེར་ཡིན་ནོ། །  
\v 15 ཡང་ར་ཕོ་གཅིག་དཀོན་མཆོག་ཡ་ཝཱེ་ལ་སྡིག་བཤགས་མཆོད་པ་རུ་འབུལ་དགོས་ལ། དེ་ནི་དུས་རྒྱུན་གྱི་སྦྱིན་སྲེག་དང་དེ་དང་མཉམ་དུ་འབུལ་བའི་སྐྱེམས་མཆོད་ཀྱི་ཕན་ཆོད་ནས་འབུལ་བར་བྱའོ། །   
\s1 པེ་སག་དུས་ཆེན་གྱི་མཆོད་པ།  
\p
\v 16 ཟླ་བ་དང་པོའི་ཚེས་བཅུ་བཞི་ཉིན་ནི་དཀོན་མཆོག་ཡ་ཝཱེའི་པེ་སག་གི་དུས་ཆེན་ཡིན་ཏེ།  
\v 17 ཟླ་བ་དེའི་ཚེས་བཅོ་ལྔ་ནི་དུས་ཆེན་ཡིན་པས། ཉིན་བདུན་གྱི་རིང་ལ་སྐྱུར་མེད་བག་ལེབ་བཟའ་དགོས།  
\v 18 ཉིན་དང་པོར་འདུ་འཛོམས་དམ་པ་ཡོད་དགོས་ལ་རྒྱུན་ལྡན་གྱི་ལས་ཀ་གང་ཡང་བྱེད་མི་རུང་།  
\v 19 འོན་ཀྱང་དཀོན་མཆོག་ཡ་ཝཱེ་ལ་སྦྱིན་སྲེག་ཏུ་མེ་མཆོད་འབུལ་དགོས་ཏེ། གླང་ཐུག་གཉིས་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་བདུན་བཅས་ཡིན་ལ། དེ་ཐམས་ཅད་སྐྱོན་མེད་པ་ཡིན་དགོས་སོ། །  
\v 20 ཡང་དེ་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་ནི་ཕྱེ་བཟང་པོ་སྣུམ་བསྲེས་མ་ཡིན་ལ། གླང་ཐུག་རེའི་ཕྱིར་དུ་ཨེ་ཕཱ་བཅུ་ཆ་གསུམ་རེ་དང་། ལུག་ཐུག་རེའི་ཕྱིར་དུ་ཨེ་ཕཱ་བཅུ་ཆ་གཉིས་རེ་དང་།  
\v 21 ལུ་གུ་བདུན་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཅིག་རེ་འབུལ་དགོས།  
\v 22 ཡང་ར་ཕོ་གཅིག་སྡིག་བཤགས་མཆོད་པར་ཕུལ་ནས་ཁྱོད་ཅག་གི་སྡིག་པ་བཤག་དགོས།  
\v 23 ཞོགས་པའི་སྦྱིན་སྲེག་སྟེ་དུས་རྒྱུན་གྱི་སྦྱིན་སྲེག་གི་ཕན་ཆོད་ནས་ཁྱོད་ཅག་གིས་དེ་དག་ཀྱང་འབུལ་དགོས།  
\v 24 ཁྱོད་ཅག་གིས་ཉིན་རེ་བཞིན་ཉིན་བདུན་གྱི་རིང་ལ་མཆོད་པ་དེ་རྣམས་འབུལ་དགོས་ཏེ། དཀོན་མཆོག་ཡ་ཝཱེ་ལ་ཞལ་ཟས་སུ་དྲི་ཞིམ་གྱི་མེ་མཆོད་དུ་འབུལ་བར་བྱ། དེ་ནི་དུས་རྒྱུན་གྱི་སྦྱིན་སྲེག་དང་དེའི་སྐྱེམས་མཆོད་ཀྱི་ཕན་ཆོད་ནས་འབུལ་བའོ། །  
\v 25 ཉིན་བདུན་པར་འདུ་འཛོམས་དམ་པ་ཡོད་དགོས་ལ་རྒྱུན་ལྡན་གྱི་ལས་ཀ་གང་ཡང་བྱེད་མི་རུང་ངོ་། །   
\s1 བདུན་ཕྲག་རྣམས་ཀྱི་དུས་ཆེན་གྱི་མཆོད་པ།  
\p
\v 26 ཐོག་ཕུད་ཀྱི་ཉིན་མོ་སྟེ་བདུན་ཕྲག་རྣམས་ཀྱི་དུས་ཆེན་གྱི་ཉིན་དེར། ཁྱོད་ཅག་གིས་དཀོན་མཆོག་ཡ་ཝཱེ་ལ་འབྲུ་རིགས་ཀྱི་མཆོད་པ་གསར་པ་འབུལ་བའི་ཚེ་འདུ་འཛོམས་དམ་པ་ཡོད་དགོས་ལ། རྒྱུན་ལྡན་གྱི་ལས་ཀ་གང་ཡང་བྱེད་མི་རུང་།  
\v 27 འོན་ཀྱང་སྦྱིན་སྲེག་ནི་དཀོན་མཆོག་ཡ་ཝཱེ་ལ་དྲི་ཞིམ་གྱི་མཆོད་པར་འབུལ་དགོས་པ་སྟེ། གླང་ཐུག་གཉིས་དང་། ལུག་ཐུག་གཅིག་དང་། ལོ་གཅིག་ཅན་གྱི་ལུ་གུ་ཕོ་བདུན་བཅས་ཡིན་ལ།  
\v 28 དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་ནི་ཕྱེ་བཟང་པོ་སྣུམ་བསྲེས་མ་ཡིན་ཏེ། གླང་ཐུག་རེའི་ཕྱིར་དུ་ཨེ་ཕཱ་བཅུ་ཆ་གསུམ་རེ་དང་། ལུག་ཐུག་རེའི་ཕྱིར་དུ་ཨེ་ཕཱ་བཅུ་ཆ་གཉིས་རེ་དང་།  
\v 29 ལུ་གུ་བདུན་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཅིག་རེ་འབུལ་དགོས།  
\v 30 ཡང་ར་ཕོ་གཅིག་ཕུལ་ནས་ཁྱོད་ཅག་གི་སྡིག་པ་བཤག་དགོས།  
\v 31 དུས་རྒྱུན་གྱི་སྦྱིན་སྲེག་དང་དེ་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པའི་ཕན་ཆོད་ནས། ཁྱོད་ཅག་གིས་ད་དུང་མཆོད་པ་འདི་དག་དང་དེའི་སྐྱེམས་མཆོད་རྣམས་འབུལ་དགོས་ལ། དེ་རྣམས་སྐྱོན་མེད་པ་ཡིན་དགོས་སོ། །   
\c 29
\cl ལེའུ་ཉེར་དགུ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 དུང་འབུད་དུས་ཆེན་གྱི་མཆོད་པ།  
\p
\v 1 དེ་ཡང་ཟླ་བ་བདུན་པའི་ཉིན་དང་པོར། ཁྱོད་ཅག་ལ་འདུ་འཛོམས་དམ་པ་ཡོད་དགོས་ལ། རྒྱུན་ལྡན་གྱི་ལས་ཀ་གང་ཡང་བྱེད་མི་རུང་། དེ་ནི་ཁྱོད་ཅག་གིས་དུང་འབུད་པའི་ཉིན་མོ་ཡིན་ནོ། །  
\v 2 ཁྱོད་ཅག་གིས་སྦྱིན་སྲེག་ནི་དཀོན་མཆོག་ཡ་ཝཱེ་ལ་དྲི་ཞིམ་གྱི་མཆོད་པ་རུ་འབུལ་དགོས་ཏེ། གླང་ཐུག་གཅིག་དང་། ལུག་ཐུག་གཅིག་དང་། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བདུན་བཅས་ཡིན་ནོ། །  
\v 3 དེ་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་ནི་ཕྱེ་བཟང་པོ་སྣུམ་བསྲེས་མ་ཡིན་ལ། གླང་ཐུག་རེའི་ཕྱིར་དུ་ཨེ་ཕཱ་བཅུ་ཆ་གསུམ་རེ་དང་། ལུག་ཐུག་རེའི་ཕྱིར་དུ་ཨེ་ཕཱ་བཅུ་ཆ་གཉིས་རེ་དང་།  
\v 4 ལུ་གུ་བདུན་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཅིག་རེ་འབུལ་དགོས།  
\v 5 ཡང་ར་ཕོ་གཅིག་སྡིག་བཤགས་མཆོད་པར་ཕུལ་ནས་ཁྱོད་ཅག་གི་སྡིག་པ་བཤག་དགོས།  
\v 6 ཚེས་གཅིག་གི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། ཁྲིམས་སྲོལ་ལྟར་དེ་དང་མཉམ་དུ་ཕུལ་བའི་སྐྱེམས་མཆོད་བཅས་ཀྱི་ཕན་ཆོད་ནས། དེ་རྣམས་དཀོན་མཆོག་ཡ་ཝཱེ་ལ་དྲི་ཞིམ་གྱི་མེ་མཆོད་དུ་འབུལ་བར་བྱའོ། །   
\s1 སྡིག་བཤགས་ཉིན་མོའི་མཆོད་པ།  
\p
\v 7 ཟླ་བ་བདུན་པའི་ཚེས་བཅུ་ལ་ཁྱོད་ཅག་གིས་རང་ཉིད་ཁྱད་དུ་བསད་ནས་འདུ་འཛོམས་དམ་པ་རོལ་དགོས་ལ། ལས་ཀ་གང་ཡང་བྱེད་མི་རུང་།  
\v 8 འོན་ཀྱང་སྦྱིན་སྲེག་ནི་དཀོན་མཆོག་ཡ་ཝཱེ་ལ་དྲི་ཞིམ་གྱི་མཆོད་པར་འབུལ་དགོས་པ་སྟེ། གླང་ཐུག་གཅིག་དང་། ལུག་ཐུག་གཅིག་དང་། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བདུན་བཅས་ཡིན་ནོ། །  
\v 9 དེ་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་ནི་ཕྱེ་བཟང་པོ་སྣུམ་བསྲེས་མ་ཡིན་ལ། གླང་ཐུག་རེའི་ཕྱིར་དུ་ཨེ་ཕཱ་བཅུ་ཆ་གསུམ་རེ་དང་། ལུག་ཐུག་རེའི་ཕྱིར་དུ་ཨེ་ཕཱ་བཅུ་ཆ་གཉིས་རེ་དང་།  
\v 10 ལུ་གུ་བདུན་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཅིག་རེ་འབུལ་དགོས།  
\v 11 སྡིག་པའི་ཕྱིར་དུ་ཕུལ་བའི་སྡིག་བཤགས་མཆོད་པ་དང་། དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པ་རུ་འབུལ་དགོས་སོ། །   
\s1 སྤྱིལ་བུའི་དུས་ཆེན་གྱི་མཆོད་པ།  
\p
\v 12 ཡང་ཟླ་བ་བདུན་པའི་ཚེས་བཅོ་ལྔའི་ཉིན་ཁྱོད་ཅག་ལ་འདུ་འཛོམས་དམ་པ་ཡོད་དགོས་ཤིང་། རྒྱུན་ལྡན་གྱི་ལས་ཀ་གང་ཡང་བྱེད་མི་རུང་ལ། དཀོན་མཆོག་ཡ་ཝཱེའི་ཕྱིར་ཉིན་བདུན་ལ་དུས་ཆེན་གཏོང་དགོས།  
\v 13 ཁྱོད་ཅག་གིས་དཀོན་མཆོག་ཡ་ཝཱེ་ལ་དྲི་ཞིམ་གྱི་མེ་མཆོད་དུ་སྦྱིན་སྲེག་འབུལ་དགོས་པ་སྟེ། གླང་ཐུག་བཅུ་གསུམ་དང་། ལུག་ཐུག་གཉིས་དང་། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བཅུ་བཞི་བཅས་སོ། །  
\v 14 དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་ནི་ཕྱེ་བཟང་པོ་སྣུམ་བསྲེས་མ་ཡིན་ལ། གླང་ཐུག་བཅུ་གསུམ་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གསུམ་རེ་དང་། ལུག་ཐུག་གཉིས་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཉིས་རེ་དང་།  
\v 15 ལུ་གུ་བཅུ་བཞི་པོ་དེ་རེ་རེའི་ཕྱིར་དུ་ཨེ་ཕཱ་བཅུ་ཆ་གཅིག་རེ་འབུལ་དགོས།  
\v 16 དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་འབུལ་དགོས་སོ། །   
\p
\v 17 ཉིན་གཉིས་པར་གླང་ཐུག་བཅུ་གཉིས་དང། ལུག་ཐུག་གཉིས། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བཅུ་བཞི་བཅས་འབུལ་དགོས་པར་མ་ཟད།  
\v 18 གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་འབུལ་དགོས།  
\v 19 དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་འབུལ་དགོས་སོ། །   
\p
\v 20 ཉིན་གསུམ་པར་གླང་ཐུག་བཅུ་གཅིག་དང་། ལུག་ཐུག་གཉིས། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བཅུ་བཞི་བཅས་འབུལ་དགོས་པར་མ་ཟད།  
\v 21 གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་འབུལ་དགོས།  
\v 22 དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་འབུལ་དགོས་སོ། །   
\p
\v 23 ཉིན་བཞི་པར་གླང་ཐུག་བཅུ་དང་། ལུག་ཐུག་གཉིས། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བཅུ་བཞི་བཅས་འབུལ་དགོས་པར་མ་ཟད།  
\v 24 གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་འབུལ་དགོས།  
\v 25 དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་འབུལ་དགོས་སོ། །   
\p
\v 26 ཉིན་ལྔ་པར་གླང་ཐུག་དགུ་དང་། ལུག་ཐུག་གཉིས། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བཅུ་བཞི་བཅས་འབུལ་དགོས་པར་མ་ཟད།  
\v 27 གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་འབུལ་དགོས།  
\v 28 དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་འབུལ་དགོས་སོ། །   
\p
\v 29 ཉིན་དྲུག་པར་གླང་ཐུག་བརྒྱད་དང་། ལུག་ཐུག་གཉིས། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བཅུ་བཞི་བཅས་འབུལ་དགོས་པར་མ་ཟད།  
\v 30 གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་འབུལ་དགོས།  
\v 31 དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་འབུལ་དགོས་སོ། །   
\p
\v 32 ཉིན་བདུན་པར་གླང་ཐུག་བདུན་དང་། ལུག་ཐུག་གཉིས། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བཅུ་བཞི་བཅས་འབུལ་དགོས་པར་མ་ཟད།  
\v 33 གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་འབུལ་དགོས།  
\v 34 དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་འབུལ་དགོས་སོ། །   
\p
\v 35 ཉིན་བརྒྱད་པར་ཁྱོད་ཅག་ལ་འདུ་འཛོམས་དམ་ནན་ཞིག་ཡོད་དགོས་ལ། རྒྱུན་ལྡན་གྱི་ལས་ཀ་གང་ཡང་བྱེད་མི་རུང་།  
\v 36 དཀོན་མཆོག་ཡ་ཝཱེ་ལ་དྲི་ཞིམ་གྱི་མེ་མཆོད་དུ་སྦྱིན་སྲེག་འབུལ་དགོས་པ་སྟེ། གླང་ཐུག་གཅིག་དང་ལུག་ཐུག་གཅིག་དང་། སྐྱོན་མེད་པའི་ལོ་གཅིག་ཅན་གྱི་ལུ་གུ་ཕོ་བདུན་བཅས་འབུལ་དགོས་པར་མ་ཟད།  
\v 37 གླང་ཐུག་དང་ལུག་ཐུག་དང་ལུ་གུ་བཅས་ཀྱི་ཕྱིར་དུ་དེ་དག་གི་གྲངས་ཀ་དང་ཁྲིམས་སྲོལ་བཞིན་དུ། དེ་དག་དང་མཉམ་དུ་འབུལ་བའི་འབྲུ་རིགས་ཀྱི་མཆོད་པ་དང་སྐྱེམས་མཆོད་འབུལ་དགོས།  
\v 38 དུས་རྒྱུན་གྱི་སྦྱིན་སྲེག་དང་དེའི་འབྲུ་རིགས་ཀྱི་མཆོད་པ་དང་། དེ་དག་གི་སྐྱེམས་མཆོད་བཅས་ཀྱི་ཕན་ཆོད་ནས། ཡང་ར་ཕོ་གཅིག་སྡིག་བཤགས་མཆོད་པར་འབུལ་དགོས་སོ། །   
\p
\v 39 མཆོད་པ་འདི་དག་ནི་ཁྱོད་ཅག་གི་དུས་ཆེན་གྱི་སྐབས་སུ་དཀོན་མཆོག་ཡ་ཝཱེ་ལ་འབུལ་དགོས་པ་སྟེ། དམ་བཅའི་མཆོད་པ་དང་ཡིད་མོས་ཀྱི་མཆོད་པ་དང་། སྦྱིན་སྲེག་གི་མཆོད་པ་དང་འབྲུ་རིགས་ཀྱི་མཆོད་པ་དང་། སྐྱེམས་མཆོད་དང་། ཞི་བདེའི་མཆོད་པ་བཅས་ཀྱི་ཕན་ཆོད་ནས་ཕུལ་བ་ཡིན་ཞེས་གསུངས་སོ། །  
\v 40 དེ་ནས་མོ་ཤེ་ཡིས་དཀོན་མཆོག་ཡ་ཝཱེས་གནང་བའི་བཀའ་ཐམས་ཅད་དེ་བཞིན་དུ་ཡེས་ར་ཨེལ་པ་རྣམས་ལ་སྨྲས་སོ། །   
\c 30
\cl ལེའུ་སུམ་ཅུ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 དམ་བཅའ་རྣམས་ཀྱི་སྐོར།  
\p
\v 1 དེ་ཡང་མོ་ཤེ་ཡིས་ཡེས་ར་ཨེལ་པ་རྣམས་ཀྱི་ཚོ་པ་དག་གི་འགོ་དཔོན་རྣམས་ལ་འདི་ལྟར། འདི་ནི་དཀོན་མཆོག་ཡ་ཝཱེས་གནང་བའི་བཀའ་ཡིན་ཏེ།  
\v 2 གལ་སྲིད་མི་ཞིག་གིས་དཀོན་མཆོག་ཡ་ཝཱེ་ལ་དམ་བཅའ་འཇོག་པའམ། སྡོམ་པ་ལེན་པར་མནའ་བསྐྱལ་བ་ཡིན་ན། རང་གི་དམ་ཚིག་བསྲུང་དགོས་ལ། རང་གི་ཁ་ནས་ཐོན་པའི་གཏམ་ཐམས་ཅད་བཞིན་དུ་བསྒྲུབ་དགོས་སོ། །   
\p
\v 3 བུད་མེད་ན་ཆུང་ཞིག་ད་དུང་རང་གི་ཕ་གཞིས་སུ་ཡོད་པའི་དུས་སུ། དཀོན་མཆོག་ཡ་ཝཱེ་ལ་སྡོམ་པ་ལེན་པར་དམ་བཅས་ཤིང་།  
\v 4 ཁོ་མོའི་ཕ་ཡིས་ཁོ་མོས་བཞག་པའི་དམ་བཅའ་དང་སྡོམ་པ་ལེན་པའི་ཚིག་ཐོས་ཀྱང་གང་ཡང་མ་སྨྲས་ན། ཁོ་མོས་བཞག་པའི་དམ་བཅའ་ཐམས་ཅད་དང་སྡོམ་པ་ལེན་པའི་ཚིག་རྣམས་བསྲུང་དགོས།  
\v 5 འོན་ཀྱང་ཁོ་མོའི་ཕ་ཡིས་དེ་ཐོས་པའི་ཚེ་ཁོ་མོ་བཀག་པ་ཡིན་ན། ཁོ་མོས་བཞག་པའི་དམ་བཅའ་དང་སྡོམ་པ་ལེན་པའི་ཚིག་རྣམས་བསྲུང་མི་དགོས། ཅི་ལ་ཞེ་ན། ཁོ་མོའི་ཕ་ཡིས་ཁོ་མོ་བཀག་པ་ཡིན་པས། དཀོན་མཆོག་ཡ་ཝཱེས་ཁོ་མོར་དགོངས་ཡངས་མཛད་པར་འགྱུར་རོ། །   
\p
\v 6 གལ་སྲིད་ཁོ་མོ་སྐྱེས་པ་ཞིག་ལ་གཉེན་བསྒྲིགས་ཤིང་། དམ་བཅའ་འཇོག་པའམ་སྡོམ་པ་ལེན་པའི་ཚིག་ཁ་ནས་ཤོར་བའི་ཚེ།  
\v 7 ཁོ་མོའི་ཁྱོ་གས་དེ་ཐོས་ནའང་ཐོས་པའི་སྐབས་སུ་ཅི་ཡང་མ་སྨྲས་ན། ཁོ་མོས་བཞག་པའི་དམ་བཅའ་དང་སྡོམ་པ་ལེན་པའི་ཚིག་རྣམས་བསྲུང་དགོས་པ་ཡིན།  
\v 8 འོན་ཀྱང་ཁོ་མོའི་ཁྱོ་གས་དེ་ཐོས་པའི་ཚེ་ཁོ་མོ་བཀག་པ་ཡིན་ན། ཁོ་མོས་བཞག་པའི་དམ་བཅའ་དང་ཁོ་མོའི་ཁ་ནས་ཤོར་བའི་སྡོམ་པ་ལེན་པའི་ཚིག་རྣམས་བསྲུང་མི་དགོས་པར་བྱས་ནའང་། དཀོན་མཆོག་ཡ་ཝཱེས་ཁོ་མོ་ལ་དགོངས་ཡངས་མཛད་པར་འགྱུར་རོ། །  
\v 9 འོན་ཀྱང་ཡུགས་མོའམ་བུད་མེད་བཟའ་ཐོར་བྱས་པ་ཞིག་གིས་བཞག་པའི་དམ་བཅའ་སྟེ། སྡོམ་པ་ལེན་པའི་ཚིག་ནི་ཐམས་ཅད་བསྲུང་དགོས་པ་ཡིན།  
\v 10 གལ་སྲིད་ཁོ་མོས་རང་གི་ཁྱོ་གའི་ཁྱིམ་དུ་ཡོད་པའི་དུས་སུ་དམ་བཅའ་བཞག་པའམ་སྡོམ་པ་ལེན་པར་མནའ་བསྐྱལ་བ་དང་།  
\v 11 ཁོ་མོའི་ཁྱོ་གས་དེ་ཐོས་ཀྱང་གང་ཡང་མ་སྨྲས་པ་དང་བཀག་ཀྱང་མ་བཀག་ན། ཁོ་མོས་བཞག་པའི་དམ་བཅའ་དང་སྡོམ་པ་ལེན་པའི་ཚིག་ཐམས་ཅད་བསྲུང་དགོས་པ་ཡིན་ནོ། །  
\v 12 འོན་ཀྱང་ཁོ་མོའི་ཁྱོ་གས་དེ་རྣམས་ཐོས་པའི་ཉིན་དེར་དེ་གཉིས་ཀ་བསྲུང་མི་དགོས་པར་བྱས་ན། བུད་མེད་ཀྱི་ཁ་ནས་ཐོན་པའི་དམ་བཅའ་དང་སྡོམ་པ་ལེན་པའི་ཚིག་ཐམས་ཅད་བསྲུང་མི་དགོས། ཁོ་མོའི་ཁྱོ་གས་དེ་གཉིས་ཀ་བསྲུང་མི་དགོས་པར་བྱས་པ་དང་། དཀོན་མཆོག་ཡ་ཝཱེས་ཀྱང་ཁོ་མོར་དགོངས་ཡངས་མཛད་པར་འགྱུར་རོ། །  
\v 13 བུད་མེད་ཀྱིས་བཞག་པའི་དམ་བཅའ་དང་། རང་ཉིད་ཁྱད་གསོད་ཀྱིས་སྡོམ་པ་ལེན་པའི་མནའ་ཚིག་ཐམས་ཅད་ཁོ་མོའི་ཁྱོ་གས་ངེས་བརྟན་བྱས་ཆོག་ལ་བསྲུང་མི་དགོས་པར་བྱས་ཀྱང་ཆོག་གོ །  
\v 14 གལ་སྲིད་ཁོ་མོའི་ཁྱོ་གས་ཉིན་རྒྱུན་གང་ཡང་མ་སྨྲས་ན། དེ་ནི་ཁོ་མོས་བཞག་པའི་དམ་བཅའ་དང་སྡོམ་པ་ལེན་པའི་ཚིག་ཐམས་ཅད་ངེས་བརྟན་བྱས་པ་ཡིན། ཅི་ལ་ཞེ་ན། ཁྱོ་གས་དེ་རྣམས་ཐོས་པའི་ཉིན་ཁོ་མོར་གང་ཡང་མ་སྨྲས་པས་དེ་གཉིས་ཀ་བསྲུང་དགོས་པར་གྱུར་པའོ། །  
\v 15 འོན་ཀྱང་ཁྱོ་གས་དེ་རྣམས་ཐོས་ནས་ཡུན་རིང་འགོར་རྗེས་ད་གཟོད་བསྲུང་མི་དགོས་པར་བྱས་ན། ཁོས་ཆུང་མའི་ཉེས་པ་འཁུར་དགོས་ཞེས་གསུངས་པའོ། །   
\p
\v 16 འདི་ནི་དཀོན་མཆོག་ཡ་ཝཱེས་མོ་ཤེ་ལ་བསྒོས་པའི་བཀའ་སྟེ། ཁྱོ་ག་དང་ཆུང་མའི་བར་དང་། ཕ་དང་ད་དུང་རང་གི་ཕ་གཞིས་སུ་སྡོད་པའི་ན་ཆུང་བུ་མོ་བར་གྱི་སྒྲིག་ཁྲིམས་ཡིན་ནོ། །   
\c 31
\cl ལེའུ་སོ་གཅིག་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 མིད་ཡཱན་པ་ལ་དགྲ་ལན་སློག་པ།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཡེས་ར་ཨེལ་པ་རྣམས་ཀྱི་དོན་དུ་མིད༌ཡཱན་པ་རྣམས་ལ་དགྲ་ལན་སློགས་ཤིག དེའི་རྗེས་སུ་ཁྱོད་ནི་རང་གི་མེས་པོ་རྣམས་ཀྱི་དྲུང་དུ་འཛོམ་ངེས་ཡིན་ཞེས་གསུངས་སོ། །  
\v 3 མོ་ཤེ་ཡིས་མི་ཚོགས་ལ། ཁྱོད་རྣམས་ལས་ཁག་གཅིག་གིས་གོ་མཚོན་སྤྲས་ནས་འཐབ་མོར་ཞུགས་དགོས་པ་དང་། དཀོན་མཆོག་ཡ་ཝཱེའི་དོན་དུ་མིད་ཡཱན་པ་རྣམས་ལ་དགྲ་ལན་འཇལ་བའི་ཕྱིར་དེ་དག་ལ་རྒོལ་བར་བྱའོ། །  
\v 4 ཁྱོད་ཅག་གིས་ཡེས་ར་ཨེལ་གྱི་ཚོ་པ་ཐམས་ཅད་ཀྱི་ཚོ་པ་རེ་ནས་མི་ཆིག་སྟོང་རེ་གཡུལ་སར་ཐོངས་ཤིག་ཅེས་སྨྲས་སོ། །  
\v 5 དེ་ནས་ཡེས་ར་ཨེལ་པ་སྟོང་ཕྲག་མང་པོའི་ཁྲོད་ཚོ་པ་རེ་ནས་མི་ཆིག་སྟོང་རེ་བདམས་པ་དང་། བསྡོམས་པས་མི་ཆིག་ཁྲི་ཉིས་སྟོང་ཡོད་པ་ཐམས་ཅད་ཀྱིས་གོ་མཚོན་སྤྲས་ནས་འཐབ་མོར་ཞུགས།  
\v 6 མོ་ཤེ་ཡིས་ཚོ་པ་རེ་ནས་མི་ཆིག་སྟོང་རེ་དམག་ལ་བཏང་བ་དང་། མཆོད་དཔོན་ཨེ་ལི་ཨ་ཟར་གྱི་བུ་ཕི་ནེ་ཧེ་ཡང་དེ་དག་དང་མཉམ་དུ་མངགས་པ་སྟེ། ཕི་ནེ་ཧེའི་ལག་ཏུ་གནས་མཆོག་གི་སྣོད་ཆས་དང་བརྡ་རྒྱག་བྱེད་ཀྱི་དུང་རྣམས་ཐོགས་ནས་ཆས།  
\v 7 ཁོ་རྣམས་དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་བཞིན་དུ་སོང་ནས་མིད་ཡཱན་པ་རྣམས་ལ་དམག་འཁྲུག་བརྒྱབ་པ་དང་། སྐྱེས་པ་ཐམས་ཅད་བསད།  
\v 8 དེ་དག་གི་ཁར་ད་དུང་ཨེ་ཝི་དང་། རེ་ཀེམ་དང་། ཙུར་དང་། ཧུར་དང་། རེ་པ་བཅས་མིད་ཡཱན་པའི་རྒྱལ་པོ་ལྔ་ཡང་བསད་ཅིང་། པེ་ཨོར་གྱི་བུ་པེལ་ཨམ་ཡང་རལ་གྲིས་བསད་དོ། །  
\v 9 ཡེས་ར་ཨེལ་པ་རྣམས་ཀྱིས་མིད་ཡཱན་པའི་བུད་མེད་དང་བྱིས་པ་རྣམས་བདག་གིར་བཟུང་བ་དང་། ཡང་དེ་དག་གི་སྒོ་ཕྱུགས་དང་། ལུག་ཁྱུ་དང་། རྒྱུ་ནོར་བཅས་ཐམས་ཅད་ཕྲོགས་ནས་ཁྱེར་བར་མ་ཟད།  
\v 10 དེ་དག་གནས་པའི་གྲོང་ཁྱེར་དང་སྒར་རྣམས་མེ་ཡིས་བསྲེགས་པ་དང་།  
\v 11 ཁོ་ཚོས་འཕྲོག་བཅོམ་བྱས་ནས་ཐོན་པའི་མི་དང་སྒོ་ཕྱུགས་ཐམས་ཅད་ཁྱེར་ནས་སོང་།  
\v 12 ཁོ་ཚོས་བཙོན་པ་རྣམས་དང་འཕྲོག་བཅོམ་བྱས་པའི་དངོས་པོ་ཐམས་ཅད་ཡོར་དན་གཙང་པོའི་འགྲམ་དང་ཡེ་རུ་ཀོ་ཡི་ཁ་གཏད་དེ། མོ་ཨབ་སྤང་ལྗོངས་སུ་ཡོད་པའི་སྒར་ཁ་དེར་ཁྱེར་ཡོང་ནས། མོ་ཤེ་དང་མཆོད་དཔོན་ཨེ་ལི་ཨ་ཟར་དང་། ཡེས་ར་ཨེལ་པ་རྣམས་ཀྱི་མི་ཚོགས་ཐམས་ཅད་ལ་སྤྲད་དོ། །   
\p
\v 13 མོ་ཤེ་དང་མཆོད་དཔོན་ཨེ་ལི་ཨ་ཟར་དང་མི་ཚོགས་ཀྱི་འགོ་དཔོན་རྣམས་སྒར་ཁའི་ཕྱི་རོལ་ཏུ་ཕེབས་ཏེ་ཁོ་ཚོར་བསུ་བ་བྱས།  
\v 14 མོ་ཤེ་ནི་གཡུལ་ས་ནས་ཕྱིར་ཐོན་པའི་དམག་དཔོན་ཏེ་སྟོང་དཔོན་དང་བརྒྱ་དཔོན་རྣམས་ལ་ཁྲོས་པར་གྱུར།  
\v 15 མོ་ཤེ་ཡིས་ཁོ་རྣམས་ལ་འདི་ལྟར། ཁྱོད་ཅག་གིས་བུད་མེད་འདི་རྣམས་གསོན་པོར་བསྐྱུར་པ་ཡིན་ནམ།  
\v 16 ལྟོས་དང་། བུད་མེད་འདི་དག་གིས་པེལ་ཨམ་གྱི་ཇུས་ངན་ལ་བསྟུན་ནས་ཡེས་ར་ཨེལ་པ་རྣམས་ཕེ་ཨོར་གྱི་དོན་རྐྱེན་ཐད་དཀོན་མཆོག་ཡ་ཝཱེ་ལ་འགལ་བར་བྱས་པས། དཀོན་མཆོག་ཡ་ཝཱེའི་མི་ཚོགས་ཀྱི་ཁྲོད་དུ་གཉན་ནད་བྱུང་བ་ཡིན།  
\v 17 ད་ལྟ་ཁྱོད་ཅག་གིས་བུ་ཆུང་ཐམས་ཅད་གསོད་དགོས་ལ། སྐྱེས་པ་དང་འགྲོགས་མྱོང་བའི་བུད་མེད་ཐམས་ཅད་ཀྱང་སོད་ཅིག  
\v 18 འོན་ཀྱང་། སྐྱེས་པ་དང་མ་འགྲོགས་པའི་གཞོན་ནུ་མ་ཐམས་ཅད་རང་ཉིད་ཀྱི་ཕྱིར་དུ་གསོན་པོར་བསྐྱུར་དགོས་པ་ཡིན།  
\v 19 ཁྱོད་ཅག་སྒར་གྱི་ཕྱི་རོལ་ཏུ་ཉིན་བདུན་ལ་སྡོད་དང་། མི་བསད་པའམ་ཤི་བོའི་བེམ་པོར་རེག་པ་སུ་ཡིན་ཡང་། དེས་ཉིན་གསུམ་པ་དང་ཉིན་བདུན་པར་རང་ཉིད་གཙང་མར་བྱེད་དགོས་ལ། ཁྱོད་ཅག་དང་བཙོན་པ་རྣམས་ཀྱིས་ཀྱང་དེ་ལྟར་བྱེད་དགོས།  
\v 20 ཁྱོད་ཅག་གིས་གྱོན་གོས་དང་། ཀོ་བས་བཟོས་པ་དང་། ར་རྩིད་ཀྱིས་བཏགས་པ་དང་། ཤིང་གིས་བཟོས་པ་བཅས་ཐམས་ཅད་གཙང་མར་བཟོ་དགོས་ཞེས་གསུངས་སོ། །   
\p
\v 21 མཆོད་དཔོན་ཨེ་ལི་ཨ་ཟར་གྱིས་གཡུལ་ནས་ཕྱིར་ལོག་པའི་དམག་མི་རྣམས་ལ་འདི་ལྟར། འདི་ནི་དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་ཁྲིམས་ཀྱི་སྒྲིག་སྲོལ་ཡིན་ཏེ།  
\v 22 གསེར་དང་། དངུལ་དང་། ལི་དང་། ལྕགས་དང་། ཀྲིན་དང་། ཞ་ཉེ་བཅས་དང་།  
\v 23 གཞན་ཡང་མེ་ཡིས་མི་འཚིག་པ་ཐམས་ཅད་ཁྱོད་ཅག་གིས་མེའི་ནང་དུ་འཇུག་ཅིང་གཙང་མར་འགྱུར། ཡིན་ནའང་ད་དུང་སྦག་བཙོག་སེལ་བྱེད་ཀྱི་ཆུ་ཡིས་དེ་རྣམས་གཙང་མར་བཟོ་དགོས། མེ་ཡིས་འཚིག་ནུས་པ་རྣམས་ཁྱོད་ཅག་གིས་ཆུ་ལ་འཇུག་པར་བྱའོ། །  
\v 24 ཡང་ཉིན་བདུན་པར་ཁྱོད་ཅག་གིས་རང་གི་གོས་རྣམས་བཀྲུས་ནས་གཙང་མར་འགྱུར་བས། དེའི་རྗེས་སུ་སྒར་ལ་འོང་ཆོག་ཅེས་སྨྲས་སོ། །   
\p
\v 25 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 26 ཁྱོད་དང་མཆོད་དཔོན་ཨེ་ལི་ཨ་ཟར་དང་། མི་ཚོགས་ཀྱི་ཚོ་དཔོན་རེ་རེ་བཅས་ཀྱིས་ཕྲོགས་འོངས་པའི་མི་དང་སྒོ་ཕྱུགས་རྣམས་ཀྱི་བསྡོམས་གྲངས་རྩིས་ལོངས་ཤིག  
\v 27 ཁྱོད་ཀྱིས་འཕྲོག་བཅོམ་བྱས་ནས་ཐོབ་པ་རྣམས་ཁག་གཉིས་སུ་བགོས་ལ། ཕྱེད་ཀ་གཡུལ་འཐབ་ལ་ཞུགས་པའི་དམག་མི་རྣམས་དང་། ཕྱེད་ཀ་མི་ཚོགས་ཡོངས་ལ་སྤྲོད་ཅིག  
\v 28 ཡང་ཁྱོད་ཀྱིས་དམག་འཐབ་ལ་སོང་བའི་དམག་མི་རྣམས་ནས་ཐོབ་པ་ནི་མི་དང་། བ་གླང་དང་། བོང་བུ་དང་། ཡང་ན་ར་ལུག་གི་ཁྱུ་བཅས་གང་ཡིན་ཡང་དེ་རྣམས་ལས་ལྔ་བརྒྱའི་ཆ་གཅིག་དཀོན་མཆོག་ཡ་ཝཱེ་ལ་ཁྲལ་རྟེན་དུ་འབུལ་དགོས།  
\v 29 ཁྱོད་ཅག་གིས་དེ་དག་གི་ཕྱེད་ཀ་ལས་བླངས་ཏེ་མཆོད་དཔོན་ཨེ་ལི་ཨ་ཟར་ལ་སྤྲད་ནས་དཀོན་མཆོག་ཡ་ཝཱེ་ལ་འདེགས་མཆོད་དུ་འབུལ་དགོས།  
\v 30 ཡང་ཡེས་ར་ཨེལ་པ་རྣམས་ཀྱི་ཕྱེད་ཀ་ལས་མི་དང་། བ་གླང་དང་། བོང་བུ་དང་། ར་ལུག་གི་ཁྱུ་དང་། ཡང་ན་སྒོ་ཕྱུགས་སྣ་ཚོགས་བཅས་གང་ཡིན་ཡང་དེ་རྣམས་ལས་ལྔ་བཅུའི་ཆ་གཅིག་བླངས་ཏེ་དཀོན་མཆོག་ཡ་ཝཱེའི་གུར་མཆོག་སྲུང་མཁན་ལེ་ཝི་པ་རྣམས་ལ་སྤྲོད་དགོས་ཞེས་གསུངས་སོ། །  
\v 31 དེ་ནས་མོ་ཤེ་དང་མཆོད་དཔོན་ཨེ་ལི་ཨ་ཟར་གཉིས་ཀྱིས་དཀོན་མཆོག་ཡ་ཝཱེས་མོ་ཤེ་ལ་གནང་བའི་བཀའ་བཞིན་དུ་བསྒྲུབས་སོ། །   
\p
\v 32 འཕྲོག་ནོར་ཏེ་དམག་མི་རྣམས་ཀྱིས་འཕྲོག་བཅོམ་བྱས་ནས་ཐོབ་པ་ནི་ར་ལུག་དྲུག་འབུམ་བདུན་ཁྲི་ལྔ་སྟོང་དང་།  
\v 33 བ་གླང་བདུན་ཁྲི་ཉིས་སྟོང་དང་།  
\v 34 བོང་བུ་དྲུག་ཁྲི་ཆིག་སྟོང་དང་།  
\v 35 སྐྱེས་པ་དང་ལུས་འབྲེལ་བྱས་མྱོང་མེད་པའི་བུད་མེད་སུམ་ཁྲི་ཉིས་སྟོང་བཅས་སོ། །   
\p
\v 36 ཡང་དམག་འཁྲུག་ལ་ཞུགས་པ་རྣམས་ཀྱི་བགོ་སྐལ་ཏེ། ཁོ་རྣམས་ཀྱི་བགོ་སྐལ་ཕྱེད་ཀ་ལས་ར་ལུག་སུམ་འབུམ་སུམ་ཁྲི་བདུན་སྟོང་ལྔ་བརྒྱ་ཡོད་པ་དང་།  
\v 37 ར་ལུག་གི་ཁྱུ་དེ་རྣམས་ལས་དྲུག་བརྒྱ་དང་བདུན་ཅུ་དོན་ལྔ་དཀོན་མཆོག་ཡ་ཝཱེ་ལ་ཁྲལ་རྟེན་དུ་ཕུལ།  
\v 38 བ་གླང་སུམ་ཁྲི་དྲུག་སྟོང་ཡོད་པ་ལས་བདུན་ཅུ་དོན་གཉིས་དཀོན་མཆོག་ཡ་ཝཱེ་ལ་ཁྲལ་རྟེན་དུ་ཕུལ།  
\v 39 བོང་བུ་སུམ་ཁྲི་ལྔ་བརྒྱ་ཡོད་པ་ལས་དྲུག་ཅུ་རེ་གཅིག་དཀོན་མཆོག་ཡ་ཝཱེ་ལ་ཁྲལ་རྟེན་དུ་ཕུལ།  
\v 40 མི་ཆིག་ཁྲི་དྲུག་སྟོང་ཡོད་པ་ལས་སུམ་ཅུ་སོ་གཉིས་དཀོན་མཆོག་ཡ་ཝཱེ་ལ་ཁྲལ་རྟེན་དུ་ཕུལ་ཏོ། །  
\v 41 མོ་ཤེ་ཡིས་དཀོན་མཆོག་ཡ་ཝཱེས་རང་ཉིད་ལ་གནང་བའི་བཀའ་བཞིན་དུ། དཀོན་མཆོག་ཡ་ཝཱེ་ལ་ཁྲལ་རྟེན་དུ་ཕུལ་བའི་འདེགས་མཆོད་ནི་མཆོད་དཔོན་ཨེ་ལི་ཨ་ཟར་ལ་སྤྲད་དོ། །   
\p
\v 42 ཡེས་ར་ཨེལ་པ་རྣམས་ལ་ཐོབ་པའི་བགོ་སྐལ་ཕྱེད་ཀ་སྟེ། མོ་ཤེ་ཡིས་དམག་འཁྲུག་ལ་ཆས་པ་རྣམས་ལས་ཁོ་རྣམས་ལ་བགོས་པ་ནི།  
\v 43 མི་ཚོགས་ལ་དབང་བའི་ཕྱེད་ཀ་ལས་ར་ལུག་སུམ་འབུམ་སུམ་ཁྲི་བདུན་སྟོང་ལྔ་བརྒྱ་དང་།  
\v 44 བ་གླང་སུམ་ཁྲི་དྲུག་སྟོང་དང་།  
\v 45 བོང་བུ་སུམ་ཁྲི་ལྔ་བརྒྱ་དང་།  
\v 46 མི་ཆིག་ཁྲི་དྲུག་སྟོང་བཅས་ཡོད།  
\v 47 མོ་ཤེ་ཡིས་དཀོན་མཆོག་ཡ་ཝཱེས་རང་ཉིད་ལ་གནང་བའི་བཀའ་བཞིན་དུ། ཡེས་ར་ཨེལ་པ་རྣམས་ལ་དབང་བའི་ཕྱེད་ཀ་ལས། མི་དང་སྒོ་ཕྱུགས་གང་ཡིན་ཡང་དེའི་ལྔ་བཅུའི་ཆ་གཅིག་བླངས་ཏེ། དཀོན་མཆོག་ཡ་ཝཱེའི་གུར་མཆོག་སྲུང་མཁན་ལེ་ཝི་པ་རྣམས་ལ་སྤྲད་དོ། །   
\p
\v 48 དམག་དཔུང་རྣམས་ཀྱི་དམག་དཔོན་ཏེ། སྟོང་དཔོན་དང་བརྒྱ་དཔོན་བཅས་པ་མོ་ཤེའི་མདུན་དུ་འོངས་ནས།  
\v 49 མོ་ཤེ་ལ་ན་རེ། ཁྱེད་ཀྱི་ཞབས་ཕྱི་ཡིས་ངེད་ཅག་གི་ལག་འོག་ཏུ་ཡོད་པའི་དམག་མི་རྣམས་ཀྱི་གྲངས་ཀ་བླངས་པ་དང་། མི་གཅིག་ཀྱང་མ་ཚང་བ་མེད་དོ། །  
\v 50 ད་ལྟ་ངེད་ཅག་གིས་མི་རེ་རེས་རྙེད་པའི་གསེར་གྱི་ཅ་ལག་དང་། དཔུང་རྒྱན། ལག་གདུབ། མཛུབ་དཀྲིས་ཐམ་ག་ཅན། རྣ་རྒྱན། སྐེ་རྒྱན་བཅས་ཐམས་ཅད་དཀོན་མཆོག་ཡ་ཝཱེ་ལ་ཕྱག་རྟེན་དུ་འབུལ་བར་ཁྱེར་ནས་ཐོན་ཡོད་དེ། དཀོན་མཆོག་ཡ་ཝཱེའི་དྲུང་དུ་ངེད་ཅག་རང་རང་གི་སྡིག་པ་བཤག་པའི་ཕྱིར་དུའོ་ཞེས་ཞུས་སོ། །  
\v 51 དེ་ནས་མོ་ཤེ་དང་མཆོད་དཔོན་ཨེ་ལི་ཨ་ཟར་གཉིས་ཀྱིས་ཁོ་རྣམས་ཀྱི་གསེར་ཏེ་གསེར་གྱིས་བཟོས་པའི་ཅ་ལག་ཐམས་ཅད་བླངས་སོ། །  
\v 52 སྟོང་དཔོན་དང་བརྒྱ་དཔོན་རྣམས་ཀྱིས་དཀོན་མཆོག་ཡ་ཝཱེ་ལ་འདེགས་མཆོད་དུ་ཕུལ་བའི་གསེར་ནི་བསྡོམས་པས་སྲང་ཆིག་ཁྲི་དྲུག་སྟོང་བདུན་བརྒྱ་ལྔ་བཅུ་ཡིན།  
\v 53 དམག་མི་རྣམས་ཀྱིས་རང་རང་གི་ཕྱིར་དུ་བཅོམ་ནོར་བླངས་པའོ། །  
\v 54 ཡང་མོ་ཤེ་དང་མཆོད་དཔོན་ཨེ་ལི་ཨ་ཟར་གཉིས་ཀྱིས་སྟོང་དཔོན་དང་བརྒྱ་དཔོན་རྣམས་ལས་གསེར་བླངས་ཏེ་མཇལ་འཕྲད་གུར་མཆོག་གི་ནང་དུ་ཁྱེར་ནས། དཀོན་མཆོག་ཡ་ཝཱེའི་དྲུང་དུ་ཡེས་ར་ཨེལ་པ་རྣམས་ཀྱི་དྲན་རྟེན་དུ་ཕུལ་ཏོ། །   
\c 32
\cl ལེའུ་སོ་གཉིས་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 གིལ་ཨད་ནས་གཞིས་ཆགས་པའི་རུ་བེན་དང་གཱ་རྡུ།  
\p
\v 1 དེ་ཡང་གཱ་རྡུའི་བུ་རྒྱུད་དང་རུ་བེན་གྱི་བུ་རྒྱུད་རྣམས་ལ་ཕྱུགས་ཁྱུ་ཤིན་ཏུ་མང་པོ་ཡོད་ཅིང་། དེ་དག་གིས་ཡཱ་ཟེར་ཡུལ་དང་གིལ་ཨད་ཡུལ་ནི་ཕྱུགས་འཚོ་ས་ཡག་པོ་ཡིན་པ་མཐོང་ནས།  
\v 2 ཁོ་རྣམས་ཡོང་སྟེ་མོ་ཤེ་དང་མཆོད་དཔོན་ཨེ་ལི་ཨ་ཟར་དང་། མི་ཚོགས་ཀྱི་འགོ་དཔོན་རྣམས་ལ་འདི་ལྟར།  
\v 3 ཨ་ཏ་རོད་དང་། དི་བོན། ཡཱ་ཟེར། ནིམ་རཱ། ཧེ་སི་པོན། ཨེལ་ཨ་ལེ། སེ་བམ། ནེ་བོ། པེ་ཨོན་བཅས་པ་སྟེ།  
\v 4 དཀོན་མཆོག་ཡ་ཝཱེས་ཡེས་ར་ཨེལ་པའི་མི་ཚོགས་ཀྱི་མདུན་ནས་དབང་དུ་བསྡུས་པའི་ཡུལ་དེ་ནི་ཕྱུགས་འཚོ་ས་ཡག་པོ་ཡིན་ལ། ཁྱེད་ཀྱི་ཞབས་ཕྱི་རྣམས་ལ་སྒོ་ཕྱུགས་ཡོད་པ་ཡིན་ཞེས་དང་།  
\v 5 ཡང་ཁོ་རྣམས་ན་རེ། གལ་སྲིད་ངེད་རྣམས་ལ་ཁྱེད་ཀྱི་སྤྱན་སྔར་ཐུགས་རྗེ་ཐོབ་ན། ངེད་རྣམས་ཡོར་དན་གཙང་པོའི་ཕ་རོལ་ཏུ་མི་མངགས་པར། ཡུལ་འདི་ཁྱེད་ཀྱི་ཞབས་ཕྱི་ངེད་རྣམས་ལ་བགོ་སྐལ་དུ་གནང་བར་མཛོད་ཅིག་ཅེས་ཞུས་སོ། །   
\p
\v 6 མོ་ཤེ་ཡིས་གཱ་རྡུའི་བུ་རྒྱུད་དང་རུ་བེན་གྱི་བུ་རྒྱུད་རྣམས་ལ་འདི་ལྟར། ཁྱོད་ཅག་གི་སྤུན་ཟླ་རྣམས་དམག་འཁྲུག་ལ་འགྲོ་སྐབས། ཁྱོད་ཅག་འདི་རུ་འདུག་པར་བྱའམ།  
\v 7 ཁྱོད་རྣམས་ཀྱིས་ཡེས་ར་ཨེལ་པ་རྣམས་ཀྱི་སེམས་ཕམ་པར་བཅུག་ནས། དཀོན་མཆོག་ཡ་ཝཱེས་ཁོ་རྣམས་ལ་གནང་བའི་ཡུལ་དེར་ཕར་མི་འགྲོ་བར་བྱེད་དོན་ཅི་ཡིན་ནམ།  
\v 8 སྔར་ངས་ཀཱ་དེའེ་ཤཱ་པར་ནེ་ཨ་ནས་ཁྱོད་ཅག་གི་ཕ་མེས་རྣམས་ཡུལ་དེར་ལྐོག་ལྟ་བྱེད་དུ་མངགས་པའི་ཚེ། ཁོ་རྣམས་ཀྱིས་ཀྱང་འདི་ལྟར་བྱས་ཏེ།  
\v 9 ཁོ་རྣམས་ཡར་ཨེ་ཤཱ་ཀོལ་ལུང་པ་རུ་སོང་ཞིང་ཡུལ་དེ་མཐོང་བ་ན། ཡེས་ར་ཨེལ་པ་རྣམས་ཀྱི་སེམས་ཕམ་པར་བཅུག་ནས་དཀོན་མཆོག་ཡ་ཝཱེས་ཁོ་རྣམས་ལ་གནང་བའི་ཡུལ་དེར་མི་འགྲོ་བར་བྱས།  
\v 10 ཉིན་མོ་དེར་དཀོན་མཆོག་ཡ་ཝཱེས་ཐུགས་རབ་ཏུ་ཁྲོས་ནས་མནའ་བཞེས་ཏེ་འདི་སྐད་དུ།  
\v 11 ཨེ་ཅིབ་ཡུལ་ནས་ཐོན་པའི་མི་ལོ་ཉི་ཤུ་ཅན་དང་དེའི་ཡན་ཟིན་པ་རྣམས་ལས་སུས་ཀྱང་ངས་ཨབ་ར་ཧམ་དང་། ཨི་སཱག་དང་། ཡ་ཀོབ་བཅས་ལ་མནའ་བསྐྱལ་ནས་ཁས་བླངས་པའི་ཡུལ་དེ་མཐོང་བར་མི་འགྱུར། ཅི་ལ་ཞེ་ན་དེ་དག་བློ་གཅིག་སེམས་གཅིག་གིས་ངའི་རྗེས་སུ་མ་འབྲངས་པས་སོ། །  
\v 12 ཀེ་ནི་ཟི་པ་ཡེ་ཕུན་ནེའི་བུ་ཀཱ་ལེབ་དང་། ནུན་གྱི་བུ་ཡོ་ཤུ་ཨ་གཉིས་འབའ་ཞིག་གིས་ཡུལ་དེ་མཐོང་བར་འགྱུར་ཏེ། ཁོ་གཉིས་ཀ་བློ་གཅིག་སེམས་གཅིག་གིས་དཀོན་མཆོག་ཡ་ཝཱེའི་རྗེས་སུ་འབྲངས་པས་སོ་ཞེས་གསུངས་པའོ། །  
\v 13 ཡང་དཀོན་མཆོག་ཡ་ཝཱེ་ཁོང་ཉིད་ཡེས་ར་ཨེལ་པའི་སྟེང་ཐུགས་རབ་ཏུ་ཁྲོས་ཤིང་། དཀོན་མཆོག་ཡ་ཝཱེའི་སྤྱན་སྔར་ངན་པ་བྱས་པའི་མི་རབས་དེ་ཡོངས་སུ་མེད་པར་འགྱུར་བའི་བར་དུ། ཁོ་རྣམས་དབེན་སྟོང་དུ་ལོ་བཞི་བཅུའི་རིང་འཁྱམ་པར་མཛད་དོ། །  
\v 14 ཀྱེ་ཧོ། ཁྱོད་སྡིག་ཅན་གྱི་བུ་རྒྱུད་རྣམས་ཀྱང་ཡོང་ནས་ཁྱོད་ཅག་གི་ཕ་མེས་རྣམས་ཀྱི་ཤུལ་འཛིན་ཞིང་། དཀོན་མཆོག་ཡ་ཝཱེ་ཁོང་ཉིད་ཡེས་ར་ཨེལ་ལ་དེ་ལས་ལྷག་པར་ཐུགས་ཁྲོ་བར་བྱེད་དོ། །  
\v 15 གལ་སྲིད་ཁྱོད་རྣམས་ཕར་འཁོར་ནས་ཁོང་གི་རྗེས་སུ་མི་འབྲང་ན། ཁོང་གིས་ཡེས་ར་ཨེལ་པ་རྣམས་ཡང་བསྐྱར་དབེན་སྟོང་དུ་ལུས་པར་མཛད་ཅིང་། ཁྱོད་ཅག་གིས་མི་ཐམས་ཅད་འཇིག་པར་བྱའོ་ཞེས་གསུངས་སོ། །   
\p
\v 16 དེ་ནས་ཚོ་པ་གཉིས་ཀའི་མི་རྣམས་མོ་ཤེའི་རྩར་ཡོང་སྟེ་འདི་ལྟར། ངེད་ཅག་གིས་རང་གི་སྒོ་ཕྱུགས་རྣམས་ལ་འདི་ནས་ལུག་ར་བརྩིག་པ་དང་ངེད་ཅག་གི་བུ་ཕྲུག་རྣམས་ལ་མཁར་བཟོ་བར་བྱའོ། །  
\v 17 འོན་ཀྱང་ཡེས་ར་ཨེལ་པ་རྣམས་ཁྲིད་ནས་ཁོ་ཚོའི་ཡུལ་དུ་སླེབས་པའི་བར་དུ། ངེད་ཅག་གིས་གོ་མཚོན་སྤྲས་ནས་ཡེས་ར་ཨེལ་པ་རྣམས་ཀྱི་སྔོན་དུ་འགྲོ་བར་གྲ་སྒྲིག་ཚགས་སུ་ཚུད་ཡོད། ཡུལ་འདིའི་ཡུལ་མི་རྣམས་ཀྱི་རྐྱེན་གྱིས་ངེད་ཅག་གི་བུ་ཕྲུག་རྣམས་ལྕགས་རིས་བསྐོར་ཡོད་པའི་མཁར་རྣམས་སུ་གནས་དགོས་པ་ཡིན།  
\v 18 ཡེས་ར་ཨེལ་པ་རེ་རེ་ལ་ས་སྐལ་ཐོབ་པའི་བར་དུ། ངེད་ཅག་རང་གི་ཁྱིམ་དུ་ཕྱིར་ལོག་པ་དཔེ་མི་སྲིད།  
\v 19 ངེད་ཅག་གི་ས་སྐལ་ནི་ཡོར་དན་གཙང་པོའི་ཤར་ཕྱོགས་སུ་ཡོད་པའི་རྐྱེན་གྱིས། ངེད་ཅག་གིས་དེ་དག་དང་ལྷན་དུ་ཡོར་དན་གཙང་པོའི་ནུབ་ཕྱོགས་སུ་ས་སྐལ་ལེན་པར་མི་བྱའོ་ཞེས་ཞུས་སོ། །   
\p
\v 20 དེ་ནས་མོ་ཤེ་ན་རེ། ཁྱོད་ཅག་གིས་དེ་ལྟར་བསྒྲུབས་ནས་དཀོན་མཆོག་ཡ་ཝཱེའི་དྲུང་དུ་དམག་ལ་འགྲོ་ཕྱིར་གོ་མཚོན་སྤྲས་ན།  
\v 21 དཀོན་མཆོག་ཡ་ཝཱེས་ཁོང་གི་དགྲ་རྣམས་རང་ཉིད་ཀྱི་དྲུང་ནས་སྐྲོད་པའི་བར་དུ། ཁྱོད་ཅག་གོ་མཚོན་སྤྲས་པ་ཐམས་ཅད་དཀོན་མཆོག་ཡ་ཝཱེའི་དྲུང་དུ་ཡོར་དན་གཙང་པོ་བརྒལ་དགོས་པ་ཡིན།  
\v 22 དཀོན་མཆོག་ཡ་ཝཱེའི་སྤྱན་སྔར་ཡུལ་དེ་དབང་དུ་བསྡུས་པའི་རྗེས་སུ་ཁྱོད་ཅག་ད་གཟོད་ཕྱིར་ལོག་པར་བྱ་སྟེ། དེ་ནས་ཁྱོད་ཅག་གིས་དཀོན་མཆོག་ཡ་ཝཱེ་དང་ཡེས་ར་ཨེལ་པའི་དྲུང་དུ་ལས་འགན་བསྒྲུབས་པ་ཡིན་ལ། ཡུལ་འདི་ཡང་དཀོན་མཆོག་ཡ་ཝཱེའི་སྤྱན་སྔར་ཁྱོད་ཅག་ལ་དབང་བ་ཡིན་ནོ། །  
\v 23 འོན་ཀྱང་དེ་བཞིན་དུ་མི་བྱེད་ན། ལྟོས་དང་། ཁྱོད་ཚོས་དཀོན་མཆོག་ཡ་ཝཱེ་ལ་འགལ་བའི་སྡིག་པ་བྱེད་པར་འགྱུར་ཞིང་། ཁྱོད་ཅག་གི་སྡིག་པས་ཁྱོད་ཅག་འཛིན་པར་འགྱུར་བ་ཤེས་པར་གྱིས་ཤིག  
\v 24 ད་ནི་ཁྱོད་ཅག་གིས་རང་གི་ཁ་ནས་གང་བརྗོད་པ་དེ་བཞིན་སྒྲུབས་ཤིག ཁྱོད་ཅག་གི་བུ་ཕྲུག་རྣམས་ལ་མཁར་རྩིགས་ལ། ཁྱོད་ཅག་གི་ལུག་ཁྱུ་ལ་ལུག་ར་བཟོ་བར་གྱིས་ཤིག་ཅེས་གསུངས་སོ། །   
\p
\v 25 གཱ་རྡུ་དང་རུ་བེན་གྱི་བུ་རྒྱུད་རྣམས་ཀྱིས་མོ་ཤེ་ལ། ཁྱེད་ཀྱི་ཞབས་ཕྱི་ངེད་རྣམས་ཀྱིས་བདག་པོས་གནང་བའི་བཀའ་བཞིན་བསྒྲུབ་པར་བྱའོ། །  
\v 26 ངེད་ཅག་གི་བུ་ཕྲུག་དང་ཆུང་མ་རྣམས་དང་། ལུག་ཁྱུ་དང་སྒོ་ཕྱུགས་བཅས་ནི་གིལ་ཨད་ཀྱི་གྲོང་ཁྱེར་རྣམས་སུ་གནས་དགོས།  
\v 27 འོན་ཀྱང་ཁྱེད་ཀྱི་ཞབས་ཕྱི་སྟེ་གོ་མཚོན་སྤྲས་ནས་དམག་འཁྲུག་ལ་ཞུགས་པར་ཆས་ཡོད་པ་རྣམས་ནི། ངའི་བདག་པོའི་བཀའ་བཞིན་དུ་དཀོན་མཆོག་ཡ་ཝཱེའི་དྲུང་ནས་ཕར་དམག་འཁྲུག་ལ་འགྲོ་བར་བྱའོ་ཞེས་ཞུས་སོ། །   
\p
\v 28 དེ་ནས་མོ་ཤེ་ཡིས་ཁོ་རྣམས་ཀྱི་དོན་དུ། མཆོད་དཔོན་ཨེ་ལི་ཨ་ཟར་དང་། ནུན་གྱི་བུ་ཡོ་ཤུ་ཨ་དང་། ཡེས་ར་ཨེལ་པའི་ཚོ་པ་ཁག་གི་ཚོ་དཔོན་རྣམས་ལ་འདི་ལྟར།  
\v 29 གལ་སྲིད་གཱ་རྡུའི་བུ་རྒྱུད་དང་རུ་བེན་གྱི་བུ་རྒྱུད་རྣམས་གོ་མཚོན་སྤྲས་ནས། དཀོན་མཆོག་ཡ་ཝཱེའི་དྲུང་དུ་དམག་འཁྲུག་ལ་ཞུགས་པར་ཆས་ཡོད་པ་ཐམས་ཅད། ཁྱོད་རྣམས་དང་མཉམ་དུ་ཡོར་དན་གཙང་པོ་བརྒལ་ཞིང་། ཡུལ་དེ་ཁྱོད་ཅག་གི་མདུན་ནས་དབང་དུ་བསྡུས་པ་ཡིན་ན། ཁྱོད་ཅག་གིས་གིལ་ཨད་ཡུལ་ཁོ་རྣམས་ལ་ས་སྐལ་དུ་སྦྱིན་དགོས།  
\v 30 གལ་སྲིད་དེ་རྣམས་ཀྱིས་གོ་མཚོན་སྤྲས་ནས་ཁྱོད་ཅག་དང་མཉམ་དུ་ཕར་མི་འགྲོ་ན། དེ་རྣམས་ལ་ཀ་ན་ཨན་ཡུལ་དུ་ཁྱོད་ཅག་གི་ཁྲོད་ནས་བགོ་སྐལ་འཐོབ་པར་འགྱུར་ཞེས་གསུངས།  
\v 31 གཱ་རྡུའི་བུ་རྒྱུད་དང་རུ་བེན་གྱི་བུ་རྒྱུད་རྣམས་ཀྱིས་ལན་དུ། དཀོན་མཆོག་ཡ་ཝཱེས་ཁྱེད་ཀྱི་ཞབས་ཕྱི་རྣམས་ལ་ཅི་ལྟར་བསྒོས་པ་ཡིན་ན་ངེད་ཅག་གིས་དེ་བཞིན་བསྒྲུབ་པར་བྱའོ། །  
\v 32 ངེད་རྣམས་ཀྱིས་གོ་མཚོན་སྤྲས་ཏེ་དཀོན་མཆོག་ཡ་ཝཱེའི་དྲུང་ནས་ཕར་ཀ་ན་ཨན་ཡུལ་དུ་འགྲོ་བར་བྱ། འོན་ཀྱང་ཡོར་དན་གཙང་པོའི་ཚུ་རོལ་ནི་ངེད་ཅག་ལ་ས་སྐལ་དུ་གནང་དགོས་ཞེས་ཞུས།  
\v 33 དེ་ནས་མོ་ཤེ་ཡིས་ཨེ་མོར་པ་རྣམས་ཀྱི་རྒྱལ་པོ་སི་ཧོན་གྱི་རྒྱལ་ཁམས་དང་། པཱ་ཤན་གྱི་རྒྱལ་པོ་ཨོག་གི་རྒྱལ་ཁམས་དང་དེའི་ཡུལ་རྣམས་དང་། མངའ་འོག་གི་གྲོང་ཁྱེར་རྣམས་དང་དེའི་མཐའ་འཁོར་གྱི་གྲོང་ཁྱེར་ཐམས་ཅད་གཱ་རྡུའི་བུ་རྒྱུད་དང་རུ་བེན་གྱི་བུ་རྒྱུད་རྣམས་དང་། ཡོ་སེབ་ཀྱི་བུ་མཱ་ན་ཤེ་བྱ་བའི་ཚོ་པ་ཕྱེད་ཀ་བཅས་ལ་བཏང་ངོ་། །  
\v 34 གཱ་རྡུའི་བུ་རྒྱུད་རྣམས་ཀྱིས་དི་བོན་དང་། ཨ་ཏ་རོད་དང་། ཨ་རོ་ཨེར་དང་།  
\v 35 ཨད་རོད་ཤོ་ཕན་དང་། ཡཱ་ཟེར་དང་། ཡོག་པེ་ཧ་དང་།  
\v 36 པེད་ནིམ་རཱ་དང་། པེད་ཧ་རན་བཅས་ལྕགས་རི་ཡོད་པའི་མཁར་དང་ལུག་ར་རྣམས་བརྩིགས་སོ། །  
\v 37 ཡང་རུ་བེན་གྱི་བུ་རྒྱུད་རྣམས་ཀྱིས་ཧེ་སི་པོན་དང་། ཨེལ་ཨ་ལེ་དང་། ཀིར་ཡ་ཐཱ་ཡེམ་དང་།  
\v 38 ནེ་བོ་དང་། པཱ་ཨལ་མེ་ཨོན་དང་། སིབ་མ་བཅས་བརྩིགས་ཤིང་། ཡང་ཁོ་ཚོས་བརྩིགས་པའི་མཁར་རྣམས་ལ་མིང་གཞན་རྣམས་བཏགས་སོ། །   
\p
\v 39 མཱ་ན་ཤེ་ཡི་བུ་མཱ་ཀིར་གྱི་བུ་རྒྱུད་རྣམས་གིལ་ཨད་ཡུལ་དུ་སོང་ནས་དེ་བདག་གིར་བཟུང་བ་དང་། གནས་དེ་རུ་སྡོད་པའི་ཨེ་མོར་པ་རྣམས་བསྐྲད་པའོ། །  
\v 40 མོ་ཤེ་ཡིས་གིལ་ཨད་ནི་མཱ་ན་ཤེ་ཡི་བུ་མཱ་ཀིར་ལ་གནང་བ་དང་། མཱ་ཀིར་ཡུལ་དེ་རུ་བསྡད་དོ། །  
\v 41 མཱ་ན་ཤེའི་བུ་ཡཱ་ཨིར་སོང་ནས་ཨེ་མོར་པའི་གྲོང་སྡེ་རྣམས་བཟུང་ཞིང་དེ་དག་གི་མིང་ལ་ཧ་ཝོད་ཡཱ་ཨིར་ཞེས་བཏགས་སོ། །  
\v 42 ནོ་བ་སོང་ནས་ཀེ་ནད་དང་དེའི་གྲོང་སྡེ་རྣམས་བདག་གིར་བཟུང་ཞིང་། རང་གི་མིང་བཞིན་ཀེ་ནད་ལ་ནོ་བ་ཞེས་བཏགས་སོ། །   
\c 33
\cl ལེའུ་སོ་གསུམ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཨེ་ཅིབ་ནས་ཡོར་དན་གཙང་པོའི་བར་གྱི་འགྲུལ་སྐྱོད།  
\p
\v 1 དེ་ཡང་ཡེས་ར་ཨེལ་པ་རྣམས་རང་གི་དཔུང་སྡེ་བཞིན་དུ། མོ་ཤེ་དང་ཨ་རོན་གཉིས་ཀྱི་ཕྱག་འོག་ནས། ཨེ་ཅིབ་ཡུལ་ནས་ཐོན་རྗེས་ཀྱི་བགྲོད་ལམ་ནི་འདི་ལྟར།  
\v 2 མོ་ཤེ་ཡིས་དཀོན་མཆོག་ཡ་ཝཱེའི་བཀའ་ལྟར་ཁོ་ཚོའི་འགྲུལ་སྐྱོད་བྱས་པའི་ལམ་ཐག་རེ་རེ་བཞིན་ཟིན་ཐོར་འགོད་པར་བརྩམས། ཁོ་ཚོའི་འགྲུལ་སྐྱོད་ཀྱི་ལམ་ཐག་རྣམས་ནི་འདི་ལྟ་སྟེ།  
\v 3 ཟླ་བ་དང་པོའི་ཚེས་བཅོ་ལྔ་པ་སྟེ་པེ་སག་དུས་ཆེན་གྱི་ཉིན་གཉིས་པར། ཡེས་ར་ཨེལ་པ་རྣམས་རཱ་ཨམ་སེའེ་ནས་ལམ་དུ་ཆས་ཤིང་། ཨེ་ཅིབ་པ་ཐམས་ཅད་ཀྱི་མཐོང་ལམ་ནས་དཔའ་སྟོབས་ཆེན་པོས་ཕྱི་རུ་བསྐྱོད་དོ། །  
\v 4 དེའི་དུས་སུ་ཨེ་ཅིབ་པ་རྣམས་ཀྱིས་རང་གི་སྐྱེས་འགོ་རྣམས་ཏེ། དཀོན་མཆོག་ཡ་ཝཱེས་ཁོ་རྣམས་ཀྱི་ཁྲོད་དུ་བསད་པ་རྣམས་དུར་ལ་འཇུག་པའི་སྒང་ཡིན་ལ། དཀོན་མཆོག་ཡ་ཝཱེས་དེ་དག་གི་ལྷ་རྣམས་ལ་ཡང་ཁྲིམས་ཆད་བཅད་དོ། །   
\p
\v 5 ཡེས་ར་ཨེལ་པ་རྣམས་རཱ་ཨམ་སེའེ་ནས་ལམ་དུ་ཆས་པ་དང་སོའུ་ཀོད་དུ་སྒར་བཏབ།  
\v 6 སོའུ་ཀོད་ནས་ལམ་དུ་ཆས་པ་དང་། དབེན་སྟོང་གི་མཚམས་སུ་ཡོད་པའི་ཨེ་ཐཱམ་དུ་སྒར་བཏབ།  
\v 7 ཨེ་ཐཱམ་ནས་ལམ་དུ་ཆས་པ་དང་། པཱ་ཨལ་ཚཱ་ཕོན་གྱི་མདུན་དུ་ཡོད་པའི་ཕི་ཧཱ་ཧི་རོད་དུ་འཁོར་ཅིང་། མིག་དོལ་གྱི་ཁ་གཏད་དུ་སྒར་བཏབ།  
\v 8 དེ་ནས་ཕི་ཧཱ་ཧི་རོད་ནས་ལམ་དུ་ཆས་པ་དང་། རྒྱ་མཚོ་བརྒྱུད་དེ་དབེན་སྟོང་དུ་སླེབས་ཤིང་། ཨེ་ཐཱམ་དབེན་སྟོང་ནས་ཉིན་གསུམ་གྱི་ལམ་དུ་སོང་བ་དང་། མཱ་ར་ལ་སྒར་བཏབ།  
\v 9 མཱ་ར་ནས་ལམ་དུ་ཆས་པ་དང་ཨེ་ལིམ་དུ་སླེབས། ཨེ་ལིམ་དུ་ཆུ་མིག་བཅུ་གཉིས་དང་ཏ་ལའི་ཤིང་བདུན་ཅུ་ཡོད་པས་དེ་རུ་སྒར་བཏབ་བོ། །  
\v 10 ཨེ་ལིམ་ནས་ལམ་དུ་ཆས་པ་དང་རྒྱ་མཚོ་དམར་པོའི་འགྲམ་དུ་སྒར་བཏབ།  
\v 11 རྒྱ་མཚོ་དམར་པོ་ནས་ལམ་དུ་ཆས་པ་དང་སིན་བྱ་བའི་དབེན་སྟོང་དུ་སྒར་བཏབ།  
\v 12 སིན་བྱ་བའི་དབེན་སྟོང་ནས་ལམ་དུ་ཆས་པ་དང་དོབ་ཀཱ་རུ་སྒར་བཏབ།  
\v 13 དོབ་ཀཱ་ནས་ལམ་དུ་ཆས་པ་དང་ཨ་ལུས་ཤུ་ལ་སྒར་བཏབ།  
\v 14 ཨ་ལུས་ཤུ་ནས་ལམ་དུ་ཆས་པ་དང་རཱ་ཕི་དིམ་ལ་སྒར་བཏབ་ཅིང་། དེ་རུ་མི་ཚོགས་ལ་འཐུང་ཆུ་མེད་པའོ། །  
\v 15 རཱ་ཕི་དིམ་ནས་ལམ་དུ་ཆས་པ་དང་སི་ནཱ་ཡི་དབེན་སྟོང་དུ་སྒར་བཏབ།  
\v 16 སི་ནཱ་ཡི་དབེན་སྟོང་ནས་ལམ་དུ་ཆས་ཏེ་ཀིབ་རོད་ཧད་ཐཱ་ཨ་ཝ་ལ་སྒར་བཏབ་བོ། །  
\v 17 ཀིབ་རོད་ཧད་ཐཱ་ཨ་ཝ་ནས་ལམ་དུ་ཆས་པ་དང་ཧ་ཚི་རོད་དུ་སྒར་བཏབ།  
\v 18 ཧ་ཚི་རོད་ནས་ལམ་དུ་ཆས་པ་དང་རིད་མཱ་ལ་སྒར་བཏབ།  
\v 19 རིད་མཱ་ནས་ལམ་དུ་ཆས་པ་དང་རིམ་མོན་ཕེ་རེལ་ཟི་ལ་སྒར་བཏབ།  
\v 20 རིམ་མོན་ཕེ་རེལ་ཟི་ནས་ལམ་དུ་ཆས་པ་དང་ལིབ་ནཱ་རུ་སྒར་བཏབ།  
\v 21 ལིབ་ནཱ་ནས་ལམ་དུ་ཆས་པ་དང་རི་སཱ་ལ་སྒར་བཏབ།  
\v 22 རི་སཱ་ནས་ལམ་དུ་ཆས་པ་དང་ཀེ་ཧེ་ལཱ་ཐ་རུ་སྒར་བཏབ།  
\v 23 ཀེ་ཧེ་ལཱ་ཐ་ནས་ལམ་དུ་ཆས་པ་དང་ཤེ་ཕེར་རི་བོར་སྒར་བཏབ།  
\v 24 ཤེ་ཕེར་རི་བོ་ནས་ལམ་དུ་ཆས་པ་དང་ཧ་ར་དཱ་ལ་སྒར་བཏབ།  
\v 25 ཧ་ར་དཱ་ནས་ལམ་དུ་ཆས་པ་དང་མག་ཧེ་ལོད་དུ་སྒར་བཏབ།  
\v 26 མག་ཧེ་ལོད་ནས་ལམ་དུ་ཆས་པ་དང་ཐ་ཧད་དུ་སྒར་བཏབ།  
\v 27 ཐ་ཧད་ནས་ལམ་དུ་ཆས་པ་དང་ཐཱ་ར་ལ་སྒར་བཏབ།  
\v 28 ཐཱ་ར་ནས་ལམ་དུ་ཆས་པ་དང་མིད་ཀཱ་རུ་སྒར་བཏབ།  
\v 29 མིད་ཀཱ་ནས་ལམ་དུ་ཆས་པ་དང་ཧ་ཤུ་མོ་ནཱ་རུ་སྒར་བཏབ།  
\v 30 ཧ་ཤུ་མོ་ནཱ་ནས་ལམ་དུ་ཆས་པ་དང་མོ་སེ་རོད་དུ་སྒར་བཏབ།  
\v 31 མོ་སེ་རོད་ནས་ལམ་དུ་ཆས་པ་དང་པེ་ནེ་ཡཱ་ཨ་ཁན་ལ་སྒར་བཏབ།  
\v 32 པེ་ནེ་ཡཱ་ཨ་ཁན་ནས་ལམ་དུ་ཆས་པ་དང་ཧོར་ཧག་གིད་གད་དུ་སྒར་བཏབ།  
\v 33 ཧོར་ཧག་གིད་གད་ནས་ལམ་དུ་ཆས་པ་དང་ཡོད་པ་ཐཱ་རུ་སྒར་བཏབ།  
\v 34 ཡོད་པ་ཐཱ་ནས་ལམ་དུ་ཆས་པ་དང་ཨབ་རོ་ནཱ་རུ་སྒར་བཏབ།  
\v 35 ཨབ་རོ་ནཱ་ནས་ལམ་དུ་ཆས་པ་དང་ཨེ་ཙི་ཡོན་གེ་བེར་ལ་སྒར་བཏབ།  
\v 36 ཨེ་ཙི་ཡོན་གེ་བེར་ནས་ལམ་དུ་ཆས་པ་དང་ཟིན་གྱི་དབེན་སྟོང་དུ་སྒར་བཏབ་ཅིང་། དེ་ནི་ཀཱ་དེའེ་ཤཱ་ཡིན་ནོ། །  
\v 37 ཀཱ་དེའེ་ཤཱ་ནས་ལམ་དུ་ཆས་པ་དང་ཨེ་དོམ་ཡུལ་ས་མཚམས་ཀྱི་རི་བོ་ཧོར་བྱ་བ་ལ་སྒར་བཏབ་བོ། །   
\p
\v 38 ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་པའི་ལོ་བཞི་བཅུ་པ་དེའི་ཟླ་ལྔ་པའི་ཚེས་དང་པོ་ལ། མཆོད་དཔོན་ཨ་རོན་ནི་དཀོན་མཆོག་ཡ་ཝཱེའི་བཀའ་བཞིན་རི་བོ་ཧོར་ལ་འགོས་ནས་དེར་གྲོངས།  
\v 39 ཨ་རོན་རི་བོ་ཧོར་གྱི་སྟེང་དུ་གྲོངས་པའི་དུས་སུ་དགུང་ལོ་བརྒྱ་དང་ཉེར་གསུམ་ཡིན་ནོ། །   
\p
\v 40 དེ་ནས་ཀ་ན་ཨན་གྱི་ནེ་གུབ་ཡུལ་དུ་གནས་པའི་རྒྱལ་པོ་ཨ་རད་བྱ་བ་དེས་ཡེས་ར་ཨེལ་པ་རྣམས་འོངས་པ་ཐོས་སོ། །   
\p
\v 41 ཡེས་ར་ཨེལ་པ་རྣམས་རི་བོ་ཧོར་ནས་ལམ་དུ་ཆས་པ་དང་ཚལ་མོ་ནཱ་རུ་སྒར་བཏབ།  
\v 42 ཚལ་མོ་ནཱ་ནས་ལམ་དུ་ཆས་པ་དང་ཕུའུ་ནོན་དུ་སྒར་བཏབ།  
\v 43 ཕུའུ་ནོན་ནས་ལམ་དུ་ཆས་པ་དང་ཨོ་བོད་དུ་སྒར་བཏབ།  
\v 44 ཨོ་བོད་ནས་ལམ་དུ་ཆས་པ་དང་མོ་ཨབ་མཐའ་མཚམས་ཀྱི་ཨི་ཡེ་ཨ་བཱ་རིམ་དུ་སྒར་བཏབ།  
\v 45 ཨི་ཡིམ་\f + \ft འདིར་ཨི་ཡིམ་ཞེས་པ་ནི་ཚིག་རྐང་གོང་མའི་ཨི་ཡེ་ཨ་བཱ་རིམ་ཞེས་བྱ་བ་ཡིན།\f*ནས་ལམ་དུ་ཆས་པ་དང་དི་བོན་གཱ་རྡུ་ལ་སྒར་བཏབ།  
\v 46 དི་བོན་གཱ་རྡུ་ནས་ལམ་དུ་ཆས་པ་དང་ཨལ་མོན་དིབ་ལཱ་ཐ་ཡིམ་དུ་སྒར་བཏབ།  
\v 47 ཨལ་མོན་དིབ་ལཱ་ཐ་ཡིམ་ནས་ལམ་དུ་ཆས་པ་དང་ནེ་བོའི་མདུན་གྱི་ཨ་བཱ་རིམ་རི་བོར་སྒར་བཏབ།  
\v 48 ཨ་བཱ་རིམ་རི་བོ་ནས་ལམ་དུ་ཆས་པ་དང་ཡེ་རུ་ཀོའི་ཁ་གཏད་དེ་ཡོར་དན་གཙང་པོའི་འགྲམ་གྱི་མོ་ཨབ་སྤང་ལྗོངས་སུ་སྒར་བཏབ།  
\v 49 ཁོ་ཚོས་མོ་ཨབ་སྤང་ལྗོངས་སུ་ཡོར་དན་གཙང་པོའི་འགྲམ་བརྒྱུད་དེ་པེད་ཡེ་ཤི་མོད་ནས་ཨ་བེལ་ཤེ་ཏིམ་བར་དུ་སྒར་བཏབ་བོ། །   
\p
\v 50 དེ་ནས་ཡེ་རུ་ཀོ་ཡི་ཁ་གཏད་དེ་ཡོར་དན་གཙང་པོའི་འགྲམ་གྱི་མོ་ཨབ་སྤང་ལྗོངས་སུ་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 51 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྨྲོས་ཤིག ཁྱོད་ཅག་ཡོར་དན་གཙང་པོ་བརྒལ་ནས་ཀ་ན་ཨན་ཡུལ་དུ་སླེབས་པའི་ཚེ།  
\v 52 ཡུལ་དེར་གནས་པའི་མི་ཐམས་ཅད་ཁྱོད་ཅག་གི་མདུན་ནས་བསྐྲད་དེ། དེ་དག་གི་བརྐོས་པའི་ལྷ་རྟེན་དང་བླུགས་སྐུ་རྣམས་མེད་པར་བྱེད་པ་དང་། དེ་དག་གི་མཐོ་གླིང་རྣམས་བཤིག་པར་གྱིས་ཤིག  
\v 53 བདག་གིས་ཡུལ་དེ་ཁྱོད་རྣམས་ལ་ས་སྐལ་དུ་སྤྲད་ཚར་བ་ཡིན་པས། ཁྱོད་ཚོས་ཡུལ་དེ་བདག་གིར་བཟུང་ནས་དེའི་ནང་དུ་གནས་པར་བྱོས།  
\v 54 ཁྱོད་ཅག་གིས་ཁྱིམ་རྒྱུད་བཞིན་དུ་རྒྱན་འཕངས་ནས་ཡུལ་དེ་ས་སྐལ་དུ་ལོངས་ཤིག མི་མང་པོ་ཅན་ལ་ས་སྐལ་མང་པོ་སྦྱིན་པ་དང་། མི་ཉུང་ཉུང་ཅན་ལ་ས་སྐལ་ཉུང་ཉུང་སྦྱིན་དགོས། རྒྱན་འཕངས་ནས་ཡུལ་དེ་སུ་ལ་ཐོབ་ན་སུ་ལ་དབང་བར་གྱིས། ཁྱོད་ཅག་གིས་ཕ་མེས་རྣམས་ཀྱི་ཚོ་པ་བཞིན་དུ་ས་སྐལ་ལེན་དགོས་སོ། །  
\v 55 འོན་ཀྱང་ཁྱོད་ཅག་གིས་ཡུལ་དེར་གནས་པ་རྣམས་ཁྱོད་ཅག་གི་མདུན་ནས་མི་སྐྲོད་ན། ཤུལ་དུ་བསྐྱུར་བ་རྣམས་ནི་ཁྱོད་ཅག་གི་མིག་ནང་གི་ཚེར་མ་དང་། ཁྱོད་ཅག་གི་རྩིབ་ལོགས་ཀྱི་ཚེར་ཤིང་ཡིན་ལ། ཁྱོད་ཅག་གནས་པའི་ཡུལ་དུ་ཁྱོད་རྣམས་ལ་གནོད་བསྐྱལ་བར་འགྱུར་རོ། །  
\v 56 བདག་གིས་དེ་དག་ལ་ཅི་ལྟར་བྱེད་པར་བསམས་པ་ཡིན་ན། ཁྱོད་རྣམས་ལའང་དེ་བཞིན་བྱེད་པར་འགྱུར་ཞེས་སྨྲ་དགོས་པར་གསུངས་སོ། །   
\c 34
\cl ལེའུ་སོ་བཞི་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ཀ་ན་ཨན་ཡུལ་གྱི་ས་མཚམས།  
\p
\v 1 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ཡེས་ར་ཨེལ་པ་རྣམས་ལ་བཀའ་གནང་ནས་འདི་ལྟར་སྨྲོས་ཤིག ཁྱོད་རྣམས་ཀ་ན་ཨན་ཡུལ་དུ་འཛུལ་བའི་ཚེ། ཁྱོད་རྣམས་ལ་ས་སྐལ་དུ་དབང་བའི་ཀ་ན་ཨན་ཡུལ་དང་དེའི་ས་མཚམས་རྣམས་ནི་འདི་ལྟ་སྟེ།  
\v 3 ཁྱོད་ཅག་གི་ལྷོ་ཡུལ་ཁག་ནི་ཟིན་གྱི་དབེན་སྟོང་ནས་ཨེ་དོམ་གྱི་ས་མཚམས་ལ་འབྲེལ་བ་དང་། ལྷོ་ཕྱོགས་ཀྱི་ས་མཚམས་ནི་ཚྭ་མཚོའི་ཤར་མཐའ་ནས་བརྩམས་ཏེ།  
\v 4 ཁྱོད་ཅག་གི་ས་མཚམས་ནི་ཨག་རབ་པིམ་གྱེན་ངོས་ཀྱི་ལྷོ་ཕྱོགས་སུ་འཁོར་ཞིང་ཟིན་བརྒལ་ནས། ཀཱ་དེའེ་ཤཱ་པར་ནེ་ཨ་ཡི་ལྷོ་ཕྱོགས་སུ་སླེབས་ཤིང་། ཧ་ཚར་ཨད་ཐར་གྱི་ལམ་བརྒྱུད་ནས་ཨ་ཚ་མོན་དུ་གཏུག་པའོ། །  
\v 5 ཁྱོད་ཅག་གི་ས་མཚམས་ནི་ཨ་ཚ་མོན་ནས་ཨེ་ཅིབ་ཆུ་བོ་ཡོད་སར་འཁོར་ཞིང་རྒྱ་མཚོ་ལ་ཐུག་པའོ། །  
\v 6 ནུབ་ཕྱོགས་ཀྱི་ས་མཚམས་ཐད། ཁྱོད་ཅག་ལ་རྒྱ་མཚོ་ཆེན་པོ་དང་མཚོ་འགྲམ་ཡོད་ལ། དེ་ནི་ཁྱོད་ཅག་གི་ནུབ་ཕྱོགས་ཀྱི་མཐའ་མཚམས་ཡིན་ནོ། །   
\p
\v 7 ཁྱོད་ཅག་གི་བྱང་ཕྱོགས་ཀྱི་ས་མཚམས་ནི་འདི་ལྟ་སྟེ། རྒྱ་མཚོ་ཆེན་པོ་ནས་རི་བོ་ཧོར་བར་དུ་རྟགས་རྒྱོབ་ཅིག  
\v 8 རི་བོ་ཧོར་ནས་ལེ་པོ་ཧ་མཱད་བར་དུ་རྟགས་རྒྱོབ་དང་། དེའི་ས་མཚམས་ནི་ཚེ་དད་དུ་གཏུག་པར་བྱ།  
\v 9 ས་མཚམས་དེ་ནི་ཟིབ་རོན་ལ་བསྲིངས་ནས་ཧ་ཚར་ཨེ་ནན་དུ་སླེབས་པ་དང་། དེ་ནི་ཁྱོད་ཅག་གི་བྱང་ཕྱོགས་ཀྱི་ས་མཚམས་ཡིན་ནོ། །   
\p
\v 10 ཁྱོད་ཅག་གི་ཤར་ཕྱོགས་ཀྱི་ས་མཚམས་ལ་ཧ་ཚར་ཨེ་ནན་ནས་ཤེ་ཕམ་བར་དུ་རྟགས་བརྒྱག་དགོས་པ་དང་།  
\v 11 དེའི་ས་མཚམས་ནི་ཤེ་ཕམ་ནས་མར་ཨ་ཡིན་གྱི་ཤར་ཕྱོགས་སུ་ཡོད་པའི་རིབ་ལཱ་རུ་བསླེབ་པ་དང་། དེའི་ས་མཚམས་ནི་ཀིན་ནེ་རོད་མཚོའི་ཤར་ཕྱོགས་སུ་གཏུག་པར་བྱ།  
\v 12 དེའི་ས་མཚམས་མར་ཡོར་དན་གཙང་པོར་སླེབས་ནས་ཚྭ་མཚོ་ལ་གཏུག་དགོས་པ་དང་། འདི་ནི་ཁྱོད་ཅག་གི་ཡུལ་དང་དེའི་མཐའ་འཁོར་གྱི་ས་མཚམས་རྣམས་ཡིན་ཞེས་པའོ་གསུངས་སོ། །   
\p
\v 13 མོ་ཤེ་ཡིས་ཡེས་ར་ཨེལ་པ་རྣམས་ལ་འདི་ལྟར། འདི་ནི་ཁྱོད་ཅག་གིས་རྒྱན་འཕངས་ནས་ལེན་པའི་ས་སྐལ་ཡིན་ཏེ། དཀོན་མཆོག་ཡ་ཝཱེས་ཚོ་པ་དགུ་དང་ཕྱེད་ཀ་ལ་སྦྱིན་དགོས་པའི་བཀའ་གནང་བའོ། །  
\v 14 དེ་བས་རུ་བེན་གྱི་བུ་རྒྱུད་རྣམས་ཀྱི་ཚོ་པ་དང་གཱ་རྡུའི་བུ་རྒྱུད་རྣམས་ཀྱི་ཚོ་པར་རང་རང་གི་ཕ་ཁྱིམ་བཞིན་དུ་ས་སྐལ་ཐོབ་པ་དང་། མཱ་ན་ཤེའི་ཚོ་པ་ཕྱེད་ཀར་ཡང་ས་སྐལ་ཐོབ་པ་ཡིན་ནོ། །  
\v 15 ཚོ་པ་གཉིས་དང་ཕྱེད་ཀ་དེར་ཡེ་རུ་ཀོའི་ཕ་རོལ་ཏུ། ཡོར་དན་གཙང་པོའི་ཤར་དུ་ཉི་མ་ཤར་ཕྱོགས་ཀྱི་ཡུལ་ནས་ས་སྐལ་ཐོབ་པ་ཡིན་ཞེས་གསུངས་སོ། །   
\p
\v 16 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 17 འདི་ནི་ཁྱོད་ཅག་ལ་ས་སྐལ་བགོ་མཁན་གྱི་མིང་ཡིན་ཏེ། མཆོད་དཔོན་ཨེ་ལི་ཨ་ཟར་དང་ནུན་གྱི་བུ་ཡོ་ཤུ་ཨ་གཉིས་སོ། །  
\v 18 ཡང་ཁྱོད་ཅག་གིས་ཚོ་པ་རེ་ནས་འགོ་དཔོན་རེ་བདམས་ནས་ས་སྐལ་བགོ་རོགས་བྱེད་དགོས།  
\v 19 མི་དེ་དག་གི་མིང་ནི་འདི་ལྟ་སྟེ། ཡ་ཧུ་དཱའི་ཚོ་པ་ནས་ཡེ་ཕུན་ནེའི་བུ་ཀཱ་ལེབ་དང་།  
\v 20 སི་མུ་ཨོན་གྱི་བུ་རྒྱུད་རྣམས་ཀྱི་ཚོ་པ་ནས་ཨམ་མེ་ཧུད་ཀྱི་བུ་སཱ་མུ་ཨེལ་དང་།  
\v 21 པེན་ཡཱ་མེན་གྱི་ཚོ་པ་ནས་ཀེ་སི་ལོན་གྱི་བུ་ཨེ་ལི་དད།  
\v 22 དཱན་གྱི་བུ་རྒྱུད་རྣམས་ཀྱི་ཚོ་པ་ནས་འགོ་དཔོན་གཅིག་ཡོད་པ་ཡོག་ལིའི་བུ་པུག་ཀི།  
\v 23 ཡོ་སེབ་ཀྱི་བུ་རྣམས་ལས་མཱ་ན་ཤེའི་བུ་རྒྱུད་རྣམས་ཀྱི་ཚོ་པ་ནས་འགོ་དཔོན་གཅིག་ཡོད་པ་ཨེ་པོད་ཀྱི་བུ་ཧ་ནེ་ཨེལ།  
\v 24 ཨེ་ཕཱར་ཡིམ་གྱི་བུ་རྒྱུད་རྣམས་ཀྱི་ཚོ་པ་ནས་འགོ་དཔོན་གཅིག་ཡོད་པ་ཤིབ་ཏན་གྱི་བུ་ཀཱ་མུ་ཨེལ།  
\v 25 ཟེ་བུ་ལུན་གྱི་བུ་རྒྱུད་རྣམས་ཀྱི་ཚོ་པ་ནས་འགོ་དཔོན་གཅིག་ཡོད་པ་ཕར་ནཱག་གི་བུ་ཨེ་ལི་ཙ་ཕན།  
\v 26 ཡེས་སི་ཀཱར་གྱི་བུ་རྒྱུད་རྣམས་ཀྱི་ཚོ་པ་ནས་འགོ་དཔོན་གཅིག་ཡོད་པ་ཨ་ཚན་གྱི་བུ་ཕལ་ཏི་ཨེལ།  
\v 27 ཨ་ཤེར་གྱི་བུ་རྒྱུད་རྣམས་ཀྱི་ཚོ་པ་ནས་འགོ་དཔོན་གཅིག་ཡོད་པ་ཤེ་ལོ་མིའི་བུ་ཨ་ཧི་ཧུད།  
\v 28 ནཱབ་ཐ་ལིའི་བུ་རྒྱུད་རྣམས་ཀྱི་ཚོ་པ་ནས་འགོ་དཔོན་གཅིག་ཡོད་པ་ཨམ་མེ་ཧུད་ཀྱི་བུ་ཕེ་དཱ་ཨེལ་བཅས་ཡིན།  
\v 29 དེ་དག་ནི་དཀོན་མཆོག་ཡ་ཝཱེས་ཀ་ན་ཨན་ཡུལ་དུ་ཡེས་ར་ཨེལ་པ་རྣམས་ལ་ས་སྐལ་བགོ་འགྲེམ་བྱེད་པར་བསྒོས་པ་རྣམས་ཡིན་ཞེས་གསུངས་སོ། །   
\c 35
\cl ལེའུ་སོ་ལྔ་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 ལེ་ཝི་པའི་གྲོང་ཁྱེར།  
\p
\v 1 དེ་ཡང་ཡེ་རུ་ཀོའི་ཁ་གཏད་དེ་ཡོར་དན་གཙང་པོའི་འགྲམ་དུ་ཡོད་པའི་མོ་ཨབ་སྤང་ལྗོངས་སུ་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 2 ཁྱོད་ཀྱིས་ཡེས་ར་ཨེལ་པ་རྣམས་ལ་སྒོས་ཤིག ཁོ་ཚོས་བདག་ཏུ་བཟུང་བའི་ས་སྐལ་ནས་ལེ་ཝི་པ་རྣམས་ལ་གྲོང་ཁྱེར་འགའ་སྡོད་གནས་སུ་སྦྱིན་དགོས་ལ། གྲོང་ཁྱེར་དེ་དག་གི་ཉེ་འཁོར་གྱི་སྤང་ཐང་དག་ཀྱང་ལེ་ཝི་པ་རྣམས་ལ་སྤྲོད་དགོས།  
\v 3 གྲོང་ཁྱེར་དེ་དག་གི་ནང་དུ་ཁོ་རྣམས་འདུག་དགོས་པ་དང་། དེ་དག་གི་ཉེ་འཁོར་སྤང་ཐང་དུ་ཁོ་ཚོའི་བ་གླང་དང་། ལུག་ཁྱུ་དང་། ཕྱུགས་ཟོག་ཐམས་ཅད་འཚོས་ཆོག་པ་ཡིན།  
\v 4 ཁྱོད་ཅག་གིས་ལེ་ཝི་པ་རྣམས་ལ་སྤྲོད་པར་བྱ་བའི་གྲོང་ཁྱེར་ཉེ་འཁོར་གྱི་སྤང་ཐང་དག་ནི། གྲོང་ཁྱེར་གྱི་ལྕགས་རི་ནས་ཕྱི་ལོགས་སུ་ཁྲུ་ཆིག་སྟོང་ཚད་དགོས་པ་དང་།  
\v 5 ཡང་གྲོང་ཁྱེར་ཕྱི་རོལ་ནས་ཁྱོད་ཅག་གིས་ཤར་ཕྱོགས་སུ་ཁྲུ་ཉིས་སྟོང་དང་། ལྷོ་ཕྱོགས་སུ་ཁྲུ་ཉིས་སྟོང་དང་། ནུབ་ཕྱོགས་སུ་ཁྲུ་ཉིས་སྟོང་དང་། བྱང་ཕྱོགས་སུ་ཁྲུ་ཉིས་སྟོང་བཅས་ཚད་ནས། གྲོང་ཁྱེར་དཀྱིལ་དབུས་སུ་ཡོད་དགོས། གྲོང་ཁྱེར་ཉེ་འཁོར་གྱི་སྤང་ཐང་རྣམས་ཁོ་ཚོར་དབང་བར་བྱེད་དགོས་པའོ། །   
\s1 སྐྱབས་བཅོལ་སའི་གྲོང་ཁྱེར་རྣམས།  
\p
\v 6 ཁྱོད་ཅག་གིས་ལེ་ཝི་པ་རྣམས་ལ་སྦྱིན་པར་བྱ་བའི་གྲོང་ཁྱེར་རྣམས་ལས་སྐྱབས་བཅོལ་གྲོང་ཁྱེར་དྲུག་ཡོད་དགོས་ལ། མི་གསོད་མཁན་རྣམས་དེའི་ནང་དུ་བྲོས་ཆོག་པ་ཡིན། གཞན་ད་དུང་གྲོང་ཁྱེར་བཞི་བཅུ་ཞེ་གཉིས་ཁོ་རྣམས་ལ་སྦྱིན་དགོས།  
\v 7 དེ་བཞིན་ཁྱོད་ཅག་གིས་ལེ་ཝི་པ་རྣམས་ལ་བསྡོམས་པས་གྲོང་ཁྱེར་བཞི་བཅུ་ཞེ་བརྒྱད་དང་། དེ་དག་གི་ཉེ་འཁོར་སྤང་ཐང་བཅས་པ་སྦྱིན་དགོས།  
\v 8 ཡེས་ར་ཨེལ་པ་རྣམས་ཀྱིས་བདག་ཏུ་བཟུང་བའི་ས་སྐལ་དག་ལས། ཁྱོད་ཅག་གིས་ལེ་ཝི་པ་རྣམས་ལ་གྲོང་ཁྱེར་རྣམས་སྦྱིན་དགོས་པ་སྟེ། ཚོ་པ་ཆེན་པོ་རྣམས་ལས་མང་པོ་དང་། ཚོ་པ་ཆུང་ངུ་རྣམས་ལས་ཉུང་ངུ་ཐོངས་ཤིག ཚོ་པ་རེ་རེས་རང་རང་ལ་ཐོབ་པའི་ས་སྐལ་བཞིན་དུ། གྲོང་ཁྱེར་དག་ནས་ལེ་ཝི་པ་རྣམས་ལ་སྦྱིན་པར་བྱའོ་ཞེས་གསུངས་སོ། །   
\p
\v 9 དེ་ནས་ཡང་དཀོན་མཆོག་ཡ་ཝཱེས་མོ་ཤེ་ལ་འདི་སྐད་དུ།  
\v 10 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར་སྒོས་ཤིག ཁྱོད་རྣམས་ཡོར་དན་གཙང་པོ་བརྒལ་ནས་ཀ་ན་ཨན་ཡུལ་དུ་སླེབས་པའི་ཚེ།  
\v 11 ཁྱོད་ཅག་གི་སྐྱབས་བཅོལ་སའི་གྲོང་ཁྱེར་དུ་གྲོང་ཁྱེར་འགའ་འདེམས་དགོས་ལ། རྒྱག་ཉེས་ཤོར་ནས་མི་བསད་པ་དེ་ཡུལ་དེར་བྲོས་ཆོག་པ་ཡིན།  
\v 12 གྲོང་ཁྱེར་དེ་དག་ནི་ཁྱོད་ཅག་དགྲ་ཤ་ལེན་མཁན་ལ་གཡོལ་སའི་སྐྱབས་བཅོལ་གྲོང་ཁྱེར་ཡིན་ལ། རྒྱག་ཉེས་ཤོར་ནས་མི་གསོད་མཁན་དེ་མི་ཚོགས་ཀྱི་མདུན་དུ་འགྲེང་སྟེ་ཁྲིམས་ཐག་གཅོད་པའི་བར་དུ་འཆི་བར་མི་འགྱུར་བའོ། །  
\v 13 ཁྱོད་ཅག་གིས་གཏན་ལ་ཁེལ་བའི་སྐྱབས་བཅོལ་གྲོང་ཁྱེར་གྱི་གྲངས་ཀ་ནི་དྲུག་ཡིན་ཏེ།  
\v 14 ཁྱོད་ཅག་གིས་ཡོར་དན་གཙང་པོའི་ཤར་ཕྱོགས་ནས་གྲོང་ཁྱེར་གསུམ་སྦྱིན་དགོས་ལ། ཀ་ན་ཨན་ཡུལ་ནས་གྲོང་ཁྱེར་གསུམ་སྦྱིན་དགོས། དེ་དག་ནི་སྐྱབས་བཅོལ་གྲོང་ཁྱེར་ཡིན་དགོས་སོ། །  
\v 15 གྲོང་ཁྱེར་དྲུག་པོ་དེ་ནི་ཡེས་ར་ཨེལ་པ་རྣམས་དང་། ཕྱི་མི་རྣམས་དང་། དེ་དག་ཁྲོད་དུ་གནས་པའི་བྱེས་པ་རྣམས་ཀྱི་དོན་དུ་སྐྱབས་བཅོལ་གྲོང་ཁྱེར་ཡིན་ལ། རྒྱག་ཉེས་ཤོར་ནས་མི་གསོད་མཁན་ཐམས་ཅད་ཡུལ་དེར་བྲོས་ཆོག་པའོ། །   
\p
\v 16 གལ་སྲིད་མི་ཞིག་གིས་ལྕགས་ཆས་ཀྱིས་མི་ལ་བརྡུངས་ནས་མི་དེ་བསད་པ་ཡིན་ན། ཁོས་མི་བསད་པ་ཡིན་པས། མི་གསོད་མཁན་ནི་ངེས་པར་གསོད་དགོས།  
\v 17 ཡང་མི་ཞིག་གི་ལག་ཏུ་མི་གསོད་ནུས་པའི་རྡོ་བཟུང་སྟེ་མི་ལ་བརྡུངས་ནས་མི་དེ་བསད་པ་ཡིན་ན། ཁོས་མི་བསད་པ་ཡིན་པས། མི་གསོད་མཁན་ནི་ངེས་པར་གསོད་དགོས།  
\v 18 ཡང་མི་ཞིག་གི་ལག་ཏུ་མི་གསོད་ནུས་པའི་ཤིང་ཆས་བཟུང་སྟེ་མི་ལ་བརྡུངས་ནས་མི་དེ་བསད་ན། ཁོས་མི་བསད་པ་ཡིན་པས། མི་གསོད་མཁན་ནི་ངེས་པར་གསོད་དགོས་པའོ། །  
\v 19 ཁྲག་ལན་སློག་མཁན་གྱིས་མི་གསོད་མཁན་དེ་དངོས་སུ་གསོད་དགོས་ལ། ལག་དམར་དེ་ལ་ཐུག་མ་ཐག་དེ་གསོད་དགོས་པ་ཡིན།  
\v 20 གལ་སྲིད་མི་ཞིག་གིས་སྙིང་ནད་བཅངས་ནས་མི་ས་རུ་སྒྱེལ་བའམ། ཡང་ན་འཇབ་ནས་བསྡད་དེ་མི་ལ་བརྒྱབ་ནས་བསད་པའམ།  
\v 21 ཡང་ན་ཞེ་འཁོན་བཟུང་ནས་ལག་པས་མི་ལ་བརྡུངས་ནས་མི་བསད་པ་ཡིན་ན། ཁོས་མི་བསད་པ་ཡིན་པས་རྡུང་མཁན་དེ་ངེས་པར་གསོད་དགོས། ཁྲག་ལན་སློག་མཁན་གྱིས་ལག་དམར་དེ་ལ་ཐུག་མ་ཐག་དེ་གསོད་དགོས་པ་ཡིན་ནོ། །   
\p
\v 22 འོན་ཀྱང་མི་ལ་ཞེ་འཁོན་མེད་པར་གློ་བུར་མི་ཞིག་ས་རུ་སྒྱེལ་བའམ། ཡང་ན་སྦ་གསང་མེད་པར་མི་ལ་ཅི་རིགས་ཀྱིས་བརྒྱབ་པའམ།  
\v 23 ཡང་ན་མ་མཐོང་བར་མི་གསོད་ནུས་པའི་རྡོ་ཡིས་མི་ལ་བརྒྱབ་ནས་མི་ཞིག་བསད་ཀྱང་། གསོད་མཁན་དེ་དང་མི་དེའི་བར་ཞེ་འཁོན་མེད་པ་དང་མི་དེར་གནོད་སྐྱེལ་བའི་བསམ་པའང་མེད་ན།  
\v 24 དེ་ནས་མི་ཚོགས་ཀྱིས་ཁྲིམས་སྲོལ་བཞིན་དུ། མི་གསོད་མཁན་དང་ཁྲག་ལན་སློག་མཁན་གཉིས་ཀྱི་བར་དུ་ཁྲིམས་ཐག་གཅོད་དགོས།  
\v 25 མི་ཚོགས་ཀྱིས་མི་གསོད་མཁན་དེ་ཁྲག་ལན་སློག་མཁན་གྱི་ལག་ནས་བསྐྱབས་ཏེ། ཁོ་རང་འབྲོ་སའི་སྐྱབས་བཅོལ་གྲོང་ཁྱེར་དུ་བསྐྱལ་བ་དང་། སྣུམ་དམ་པས་བྱུགས་ཡོད་པའི་མཆོད་དཔོན་ཆེན་པོ་ཤི་བའི་བར་དུ་ཁོ་དེ་རུ་གནས་པར་བྱའོ། །  
\v 26 འོན་ཀྱང་མི་གསོད་མཁན་དེ་ཁོ་རང་འབྲོ་སའི་སྐྱབས་བཅོལ་གྲོང་ཁྱེར་མངའ་ཁོངས་ཀྱི་ཕྱི་རུ་ཐོན་པ་དང་།  
\v 27 ཁྲག་ལན་སློག་མཁན་གྱིས་ཁོ་རང་སྐྱབས་བཅོལ་གྲོང་ཁྱེར་གྱི་ཕྱི་ནས་རྙེད་དེ་ཁོ་བསད་ན། ཁྲག་ལན་སློག་མཁན་གྱིས་ཁྲག་བཞུར་བའི་ཉེས་པ་བྱས་མེད།  
\v 28 ཅི་ལ་ཟེར་ན། མི་གསོད་མཁན་དེ་ནི་མཆོད་དཔོན་ཆེན་པོ་ཤི་བའི་བར་དུ་སྐྱབས་བཅོལ་གྲོང་ཁྱེར་དུ་འདུག་དགོས་པའི་ཕྱིར་ཡིན། མཆོད་དཔོན་ཆེན་པོ་ཤི་བའི་རྗེས་སུ་མི་གསོད་མཁན་དེ་རང་གི་ཡུལ་དུ་ཕྱིར་ལོག་ཆོག་པ་ཡིན།  
\v 29 འདི་ནི་ཁྱོད་ཚོའི་སྡོད་གནས་ཐམས་ཅད་དུ་ཁྱོད་ཅག་གི་མི་རབས་ནས་མི་རབས་བར་གྱི་སྒྲིག་ཁྲིམས་དང་སྲོལ་ཡིག་ཡིན་ནོ། །   
\p
\v 30 མི་གསོད་མཁན་སུ་ཡིན་རུང་དཔང་པོ་ཁ་ཤས་ཀྱི་བདེན་དཔང་ལ་བརྟེན་ནས་ད་གཟོད་བསད་ཆོག་པ་དང་། གལ་སྲིད་དཔང་པོ་གཅིག་ཁོ་ན་ལས་མེད་ན་མི་དེ་གསོད་པར་མི་བྱའོ། །  
\v 31 སྲོག་ཆད་གཅོད་དགོས་པ་སྟེ་བསམ་བཞིན་དུ་མི་གསོད་མཁན་ནི། ཁྱོད་ཅག་གིས་བླུ་རིན་བླངས་ནས་མི་དེའི་སྲོག་བླུ་མི་རུང་སྟེ། དེ་ནི་ངེས་པར་གསོད་དགོས་པས་སོ། །  
\v 32 སྐྱབས་བཅོལ་གྲོང་ཁྱེར་དུ་བྲོས་པ་དེར་མཚོན་ནའང་ཁྱོད་ཅག་གིས་དེའི་བླུ་རིན་བླངས་ནས། མཆོད་དཔོན་ཆེན་པོ་མ་ཤི་སྔོན་དུ་རང་ཡུལ་དུ་ལོག་ནས་འདུག་ཏུ་འཇུག་མི་རུང་།  
\v 33 དེ་ལྟར་བྱས་ན་ཁྱོད་ཅག་གིས་རང་གི་སྡོད་གནས་མ་སྦགས་པ་སྟེ། གང་ལ་ཞེ་ན། ཁྲག་གིས་གནས་སྦག་པར་བྱེད་པའི་ཕྱིར་རོ། །ས་དེར་མཚོན་ན་མི་གསོད་མཁན་དེའི་ཁྲག་མ་གཏོགས་གཞན་པའི་ཁྲག་གིས་གནས་དེར་སྡིག་བཤགས་བྱེད་མི་རུང་བ་ཡིན།  
\v 34 ཡ་ཝཱེ་བདག་ནི་ཡེས་ར་ཨེལ་པ་རྣམས་ཀྱི་དཀྱིལ་དུ་གནས་ཡོད་པས། ཁྱོད་ཅག་གིས་རང་གི་སྡོད་ཡུལ་ཏེ་བདག་གནས་པའི་ཡུལ་ནི་སྦག་མི་རུང་ཞེས་པའོ་གསུངས་སོ། །   
\c 36
\cl ལེའུ་སོ་དྲུག་པ། 
\toc1 ༄༅། །གྲངས་ཀའི་མདོ། 
\toc2 གྲངས་ཀ 
\s1 བུ་མོའི་གཉེན་སྒྲིག་དང་ས་སྐལ་རྒྱུན་འཛིན།  
\p
\v 1 དེ་ཡང་ཡོ་སེབ་ཀྱི་བུ་རྒྱུད་རྣམས་ཀྱི་ཁྱིམ་རྒྱུད་ནས་མཱ་ན་ཤེའི་ཚ་བོའམ་མཱ་ཀིར་གྱི་བུ་གིལ་ཨད་ཀྱི་བུ་རྒྱུད་རྣམས་ཡོད་པ་དང་། དེ་དག་གི་རིགས་རྒྱུད་ཁྲོད་ཀྱི་འགོ་དཔོན་རྣམས་ནི་མོ་ཤེ་དང་ཡེས་ར་ཨེལ་པའི་ཁྱིམ་རྒྱུད་སོ་སོར་འགོ་པ་བྱེད་པའི་འགོ་དཔོན་རྣམས་ཀྱི་མདུན་དུ་འོངས་ཏེ་ན་རེ།  
\v 2 སྔར་དཀོན་མཆོག་ཡ་ཝཱེས་ངའི་བདག་པོ་ལ་རྒྱན་འཕངས་ནས་ཡུལ་དེ་ཡེས་ར་ཨེལ་པ་རྣམས་ལ་ས་སྐལ་དུ་སྦྱིན་པའི་བཀའ་གནང་བ་དང་། ངའི་བདག་པོས་ཀྱང་དཀོན་མཆོག་ཡ་ཝཱེའི་བཀའ་དང་དུ་བླངས་ནས། ངེད་ཅག་གི་སྤུན་ཟླ་ཚེ་ལོ་ཕེ་ཧད་ཀྱི་ས་སྐལ་ནི་ཁོའི་བུ་མོ་རྣམས་ལ་གནང་བར་བྱས།  
\v 3 འོན་ཀྱང་། གལ་སྲིད་ཁོ་མོ་རྣམས་ཡེས་ར་ཨེལ་པའི་ཚོ་པ་གཞན་གྱི་མི་ལ་གཉེན་བསྒྲིགས་ན། དེ་དག་གི་ས་སྐལ་ནི་ངེད་ཅག་གི་ཕ་མེས་རྣམས་ཀྱི་ས་སྐལ་ནས་བླངས་ཏེ། དེ་དག་གི་བཟའ་ཟླའི་ཚོ་པའི་ས་སྐལ་སྟེང་འཇོག་དགོས། དེ་ནས་ངེད་ཅག་གིས་རྒྱན་བླངས་ནས་ཐོབ་པའི་ས་སྐལ་ནི་ཤོར་བར་འགྱུར།  
\v 4 ཡེས་ར་ཨེལ་པ་རྣམས་ཀྱི་དུང་འབུད་པའི་ལོ་ལ་སླེབས་པའི་ཚེ། ཁོ་མོ་ཚོའི་ས་སྐལ་རྣམས་དེ་དག་གི་བཟའ་ཟླའི་ཚོ་པའི་ས་སྐལ་སྟེང་འཇོག་དགོས་ལ། དེ་ནས་ཁོ་མོ་ཚོའི་ས་སྐལ་ནི་རང་ཅག་གི་ཕ་མེས་རྣམས་ཀྱི་ཚོ་པའི་ས་སྐལ་ནས་ལེན་དགོས་སོ་ཞེས་སྨྲས་སོ། །   
\p
\v 5 མོ་ཤེ་ཡིས་དཀོན་མཆོག་ཡ་ཝཱེའི་བཀའ་བཞིན་དུ་ཡེས་ར་ཨེལ་པ་རྣམས་ལ་འདི་ལྟར། ཡོ་སེབ་ཀྱི་ཚོ་པའི་མི་རྣམས་ཀྱིས་སྨྲས་པ་བདེན་ནོ། །  
\v 6 ཚེ་ལོ་ཕེ་ཧད་ཀྱི་བུ་མོ་རྣམས་ལ་མཚོན་ན། དཀོན་མཆོག་ཡ་ཝཱེས་གནང་བའི་བཀའ་ནི་འདི་ལྟ་སྟེ། ཁོ་མོ་རྣམས་སུ་ཡི་ཆུང་མ་བྱ་བསམ་ན་དེ་ལྟར་བྱས་ཆོག འོན་ཀྱང་། རང་གི་རིགས་རྒྱུད་དང་རང་གི་ཚོ་པ་ནས་ཁྱོ་ག་བཙལ་དགོས།  
\v 7 དེ་ལྟར་བྱས་ན་ཡེས་ར་ཨེལ་པ་རྣམས་ཀྱི་ས་སྐལ་ནི་ཚོ་པ་གཅིག་ནས་ཚོ་པ་གཞན་ལ་སྤྲོད་མི་དགོས། ཡེས་ར་ཨེལ་པ་རེ་རེས་རང་རང་གི་ཕ་མེས་རྣམས་ཀྱི་ཚོ་པའི་ས་སྐལ་འཛིན་སྐྱོང་བྱེད་དགོས་པའི་ཕྱིར་རོ། །  
\v 8 ཡེས་ར་ཨེལ་པའི་ཚོ་པ་ལས་ས་སྐལ་ཐོབ་པའི་བུ་མོ་རྣམས་རང་རང་གི་ཕ་མེས་རྣམས་ཀྱི་ཚོ་པར་གཏོགས་པའི་ཁྱིམ་རྒྱུད་ཀྱི་མི་ཞིག་གི་ཆུང་མ་བྱེད་དགོས་ལ། དེ་ནི་ཡེས་ར་ཨེལ་པ་རེ་རེས་རང་རང་གི་ཕ་མེས་ཀྱི་ས་སྐལ་བདག་ཏུ་འཛིན་པའི་ཕྱིར་དང་།  
\v 9 དེ་ནས་ཡེས་ར་ཨེལ་པ་རྣམས་ཀྱི་ས་སྐལ་ནི་ཚོ་པ་གཅིག་ནས་ཚོ་པ་གཞན་ལ་སྤྲོད་མི་དགོས་པ་ཡིན། ཅི་ལ་ཞེ་ན། ཡེས་ར་ཨེལ་པ་རྣམས་ཀྱི་ཚོ་པ་རེ་རེས་རང་རང་གི་ས་སྐལ་འཛིན་སྐྱོང་བྱེད་དགོས་པའི་ཕྱིར་རོ་ཞེས་གསུངས་སོ། །   
\p
\v 10 དཀོན་མཆོག་ཡ་ཝཱེས་མོ་ཤེ་ལ་བཀའ་ཅི་ལྟར་གནང་བ་ཡིན་ན། ཚེ་ལོ་ཕེ་ཧད་ཀྱི་བུ་མོ་རྣམས་ཀྱིས་དེ་བཞིན་དུ་བསྒྲུབས་པ་དང་།  
\v 11 ཚེ་ལོ་ཕེ་ཧད་ཀྱི་བུ་མོ་མ་ལཱ་དང་། ཐིར་ཚ་དང་། ཧོག་ལཱ་དང་། མིལ་ཀཱ་དང་། ནོ་ཨ་བཅས་རང་གི་ཕ་ཁུའི་བུ་རྣམས་ཀྱི་ཆུང་མར་གྱུར་པའོ། །  
\v 12 དེ་དག་ཡོ་སེབ་ཀྱི་བུ་མཱ་ན་ཤེའི་བུ་རྒྱུད་རྣམས་ཀྱི་ཁྱིམ་རྒྱུད་ཀྱི་ཆུང་མ་བྱས་པ་དང་། ཁོ་མོ་ཚོའི་ས་སྐལ་ནི་སྔར་བཞིན་རང་རང་གི་ཕ་ཡི་ཁྱིམ་རྒྱུད་དང་ཚོ་པར་གཏོགས་པའོ། །   
\p
\v 13 དེ་དག་ནི་དཀོན་མཆོག་ཡ་ཝཱེས་ཡེ་རུ་ཀོ་ཡི་ཁ་གཏད་དེ་ཡོར་དན་གཙང་པོའི་འགྲམ་དུ་ཡོད་པའི་མོ་ཨབ་སྤང་ལྗོངས་སུ། མོ་ཤེ་བརྒྱུད་ནས་ཡེས་ར་ཨེལ་པ་རྣམས་ལ་གནང་བའི་བཀའ་དང་སྲོལ་ཡིག་རྣམས་ཡིན་ནོ།། །།