\id MRK - NTB བོད་འགྱུར་གསར་མ། 
\h མཱཪ་ཀུ 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\mt1 ༄༅། །མཱར་ཀུའི་འཕྲིན་བཟང་།  
\imt1 མཱར་ཀུའི་འཕྲིན་བཟང་གི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi སྔ་རབས་ཆོས་ཚོགས་ཀྱི་ཕ་ཡབ་རྣམས་ཀྱིས་པེ་ཏྲོས་ཆོས་འཆད་པ་དེ་མཱར་ཀུའི་འཕྲིན་བཟང་ལས་བྱུང་བ་ཡིན་པར་བཞེད། འཕྲིན་བཟང་འདིའི་དོན་མང་ཤོས་ནང་དུ་པེ་ཏྲོའི་ཁྱད་ཆོས་མངོན་ཡོད་ལ། འཕྲིན་བཟང་འདིའི་སྤྱིའི་ཁྱད་ཆོས་ནི་དོན་མང་པོ་བསྟུད་མར་བྱུང་ཡོད་པ་དེ་ཡིན།  
\is1 ཡི་གེར་འགོད་མཁན་དང་འགོད་དུས།  
\ipi མཱར་ཀུ་ནི་མིར་ཡམ་གྱི་བུ་ཡིན་པ་དང་། ༼མཛད་འཕྲིན་གྱི་ལེའུ་བཅུ་གཉིས་པའི་ཚིག་རྐང་བཅུ་གཉིས་པར་གཟིགས་རོགས།༽ པཱར་ན་པཱའི་གཉེན་ཉེ་ཡང་ཡིན། ༼ཀོ་ལོ་སཱ་པའི་ལེའུ་བཞི་པའི་ཚིག་རྐང་བཅུ་པར་གཟིགས་རོགས།༽ མཱར་ཀུ་ནི་ཕོལ་ལོལ་དང་པཱར་ན་པཱ་གཉིས་ཐེངས་དང་པོར་ཆོས་སྤེལ་བར་བསྐྱོད་དུས་མཉམ་དུ་སོང་བ་དང་། ཕོལ་ལོལ་རོ་མཱ་གྲོང་ཁྱེར་གྱི་ཁང་པ་ཞིག་ཏུ་ལྕགས་སྒྲོག་གིས་བཀྱིགས་ནས་བཟུང་ཡོད་པའི་དུས་སུ། ཁོང་གིས་མཱར་ཀུ་ཚུར་བོས་པ་དང་ང་ལ་ཕན་ཐོགས་པ་ཡིན་ཞེས་གསུངས། མཱར་ཀུའི་འཕྲིན་བཟང་ནི་འཕྲིན་བཟང་གི་ཐོག་མ་ཡིན་པར་མཁས་པ་རྣམས་ཀྱི་བཞེད་ཚུལ་མཐུན་པས་དེ་ནི་སྤྱི་ལོ་55ལོའི་ཡས་མས་སུ་བྲིས་པ་ཡིན་པར་དགོངས།  
\is1 བརྗོད་སྙིང་དང་གསུང་འཕྲིན།  
\ipi མཱར་ཀུའི་འཕྲིན་བཟང་གི་ནང་དུ་དོན་དངོས་མང་པོ་བསྟུད་མར་བྱུང་ཡོད་པ་ནན་གྱིས་སྨྲས་པ་ལས་བརྗོད་སྙིང་དང་གླེང་གཞི་གཙོ་བོར་བཟུང་མེད། གཞུང་འདི་ནི་འཕྲིན་བཟང་བཞི་པོ་ལས་ཆེས་ཐུང་ཤོས་ཡིན་ནའང་། ཧ་ཅང་ཞིབ་ཆ་ཆེ་བའི་འཕྲིན་བཟང་ཞིག་ཡིན། མཱར་ཀུའི་འཕྲིན་བཟང་གི་ནང་དུ་རོ་མཱ་པའི་ཀློག་པ་པོ་རྣམས་ལ་ཡ་ཧུ་དཱའི་ལུགས་སྲོལ་གཟབ་ནན་གྱིས་འགྲེལ་བཤད་བྱས་ཡོད་ཅིང་། མཱར་ཀུའི་དམིགས་ཡུལ་ནི་སྐྱབས་མགོན་ཡེ་ཤུ་ཁོང་ཉིད་དཀོན་མཆོག་ཡིན་པ་གསལ་པོར་སྟོན་པ་དེ་ཡིན་ལ། ཁོང་གིས་སྐྱབས་མགོན་ཡེ་ཤུའི་མཛད་རྣམ་དང་ཆོས་ཀྱི་ཞབས་ཏོག་བསྒྲུབས་པའི་ཕྱག་ལས། ཁྱད་པར་ཁོང་གི་ངོ་མཚར་བའི་མཛད་པ་རྣམས་བརྗོད་ཡོད་པར་མ་ཟད། མཇུག་མཐའི་སུམ་ཆ་གཅིག་གི་ནང་དོན་ལ་མཱར་ཀུས་སྐྱབས་མགོན་ཡེ་ཤུའི་ས་སྟེང་དུ་བཞུགས་སྐབས་ཀྱི་ཆེས་མཇུག་མཐའི་གཟའ་འཁོར་གཅིག་གི་མཛད་པ་དང་། ཁོང་སྐུ་གཤེགས་པ་དང་སླར་གསོན་པའི་དོན་ཆེན་དེ་གཉིས་བརྗོད་ཡོད།  
\is1 འཆར་ཟིན།  
\ipi 1. སྐྱབས་མགོན་ཡེ་ཤུས་ཆོས་སྒྲོག་འགོ་བརྩམས་པ། ༼1:1-13༽  
\ipi 2. སྐྱབས་མགོན་ཡེ་ཤུས་ག་ལིལ་ཡུལ་ནས་ཆོས་བསྒྲགས་པའི་སྐོར། ༼1:14-6:29༽  
\ipi 3. སྐྱབས་མགོན་ཡེ་ཤུ་ཁོང་ཉིད་ག་ལིལ་ཡུལ་དང་ཁ་བྲལ་བའི་དུས། ༼6:30-9:32༽  
\ipi 4. སྐྱབས་མགོན་ཡེ་ཤུས་ག་ལིལ་ཡུལ་ནས་མཐའ་མཇུག་གི་ཆོས་བསྒྲགས་པ། ༼9:33-50 ༽  
\ipi 5. སྐྱབས་མགོན་ཡེ་ཤུས་ཡ་ཧུ་དཱ་ཡུལ་དང་ཡོར་དན་གཙང་པོའི་ཕར་ཕྱོགས་སུ་ཆོས་བསྒྲགས་པ། ༼10:1-52༽  
\ipi 6. སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་ཆོས་བསྒྲག་པར་ཕེབས་པ་དང་། མཐར་ཤིང་རྒྱ་གྲམ་གྱི་སྟེང་དུ་བརྡབས་པ། ༼11:1-15:47༽  
\ipi 7. སྐྱབས་མགོན་ཡེ་ཤུ་སླར་གསོན་པ། ༼16:1-20༽  
\c 1
\cl ལེའུ་དང༌པོ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 སྐྱབས་མགོན་ཡེ་ཤུའི་ཕེབས་ལམ་སྟ་གོན་མཛད༌པ།  
\p
\v 1 དེ་ཡང་དཀོན་མཆོག་གི་སྲས་ཡེ་ཤུ་མཱ་ཤི་ཀའི་འཕྲིན་བཟང་གི་ཐོག་མ་ནི་འདི་ལྟར་ཡིན༌ཏེ།  
\v 2 ལུང་སྟོན་པ་ཡེ་ཤ་ཡཱ་ཡི་མདོ་ལས་ཇི་སྐད༌དུ།  
\q1 བདག་གི་ཕོ་ཉ་ཁྱོད་ཀྱི་མདུན་དུ༌མངགས།།  
\q1 ཁྱོད་ཀྱི་ལམ་ནི་གྲ་སྒྲིག་བྱེད་ལ༌ལྟོས།།\f + \ft ཚིག་རྐང་འདི་ལས་བདག་ཅེས་པ་ནི་ཡབ་དཀོན་མཆོག༌དང༌། ཕོ་ཉ་ནི་ཁྲུས་གསོལ་མཁན་ཡོ་ཧ་ནན༌དང༌། ཁྱོད་ཅེས་པ་ནི་སྲས་དཀོན་མཆོག་སྟེ་སྐྱབས་མགོན་ཡེ་ཤུ་བཅས་ལ་གོ༌ཞིང༌། དོན་དེའི་སྒོ་ནས་བགྲོད་ལམ་སྟ་གོན་བྱེད་པར་གོ་དགོས། \f*   
\q1
\v 3 དབེན་སྟོང་ཡུལ་ནས་གྲགས་པའི་འབོད་སྒྲ༌ཡིས།།  
\q1 གཙོ་བོའི་ཕེབས་ལམ་སྟ་གོན༌བྱེད་པ་དང་།།  
\q1 ཁོང་གི་གཤེགས་ལམ་དྲང་པོར་བཟོ་བར༌གྱིས།།  
\m ཞེས་བཀོད་པ༌བཞིན།  
\v 4 ཁྲུས་གསོལ་མཁན་ཡོ་ཧ་ནན་དབེན་སྟོང་ཞིག་ཏུ་ཕེབས་ཏེ། སྡིག་པ་བསལ་བའི༌ཕྱིར་འགྱོད་བཤགས་ཀྱི་རྟགས་སུ་ཁྲུས་གསོལ་ལ་ཞུགས་པའི་ཆོས་བསྒྲགས།  
\v 5 ཡ་ཧུ་དཱའི་ས་ཆ་དང་ཡེ་རུ་སཱ་ལེམ་གྱི་མི་ཐམས་ཅད་ཡོ་ཧ་ནན་གྱི་དྲུང་དུ་སོང་ནས། རང་གི་སྡིག་པ་མཐོལ་བཤགས་བྱས་པ་དང་ཡོར་དན་གཙང་པོར་ཞུགས་ཤིང་ཁོང་གིས་ཀྱང་དེ་རྣམས་ལ་ཁྲུས་གསོལ་མཛད་དོ།།  
\v 6 ཡོ་ཧ་ནན་གྱིས་རྔ་རྩིད་ཀྱིས་བཟོས་པའི་ལྭ་བ་གྱོན་པ༌དང༌། ཀོ་བའི་སྐ་རགས་བཅིངས་ཤིང་ཟས་ལ་འབུ་ཆ་ག་པ་དང་རི་སྐྱེས་སྦྲང་རྩི་སྤྱོད༌པ་ཡིན།  
\v 7 ཡོ་ཧ་ནན་གྱིས། བདག་གི་རྗེས་སུ་བདག་ལས་ཀྱང་མཐུ་སྟོབས་ཆེ་བ་ཞིག་ཕེབས་ངེས༌ཏེ། ངས་མར་སྒུར་ནས་ཁོང་གི་ལྷམ་མདུད་ཀྱང་དགྲོལ་བར་མི་འོས།  
\v 8 ངས་ཁྱོད་རྣམས་ལ་ཆུ་ཡིས་ཁྲུས་གསོལ་བྱེད་པ་ཡིན༌མོད། འོན་ཀྱང་ཁོང་གིས་ཁྱོད་རྣམས་ལ་དམ་པའི་ཐུགས་ཉིད་ཀྱིས་ཁྲུས་གསོལ་མཛད་པར་འགྱུར་ཞེས་ཆོས་བསྒྲགས་སོ།།   
\s1 སྐྱབས་མགོན་ཡེ་ཤུ་ཁྲུས་གསོལ་ལ་ཞུགས༌པ།  
\p
\v 9 དེའི་དུས༌སུ། སྐྱབས་མགོན་ཡེ་ཤུ་ཁོང་ཉིད་ག་ལིལ་ཡུལ་གྱི་ནཱ་ཙ་རེལ་ནས་ཚུར་ཕེབས༌ཤིང༌། ཡོ་ཧ་ནན་གྱིས་ཡོར་དན་གཙང་པོ་ནས་སྐྱབས་མགོན་ཡེ་ཤུ་ལ་ཁྲུས་གསོལ་བྱས།  
\v 10 སྐྱབས་མགོན་ཡེ་ཤུ་ཆུ་ལས་ཡར་བུད་མ་ཐག་ཏུ་ནམ་མཁའི་སྒོ་ཕྱེས་ཤིང་། དམ་པའི་ཐུགས་ཉིད་ནི་བྱ་ཕུག་རོན་གྱི་གཟུགས་ཀྱིས་རང་ཉིད་ཀྱི་ལུས་སྟེང་ལ་བབས་པ་ཁོང་གིས་གཟིགས།  
\v 11 ཡང་ནམ་མཁའི་ཞིང་ཁམས་ནས་སྐད་སྒྲ་ཞིག་གྲགས༌ཏེ། ཁྱོད་ནི་ང་ཡི་གཅེས་པའི་བུ་ཡིན་ཞིང་ང་རང་ཁྱོད་ལ་ཤིན་ཏུ་དགའ་ཞེས་གསུངས༌སོ།།   
\s1 སྐྱབས་མགོན་ཡེ་ཤུར་བདུད་སཱ་ཏན་གྱིས་ཉམས་ཚོད་བྱས༌པ།  
\p
\v 12 དེ་ལྟར་གསུངས་མ་ཐག་ཏུ་དམ་པའི་ཐུགས་ཉིད་ཀྱིས་སྐྱབས་མགོན་ཡེ་ཤུ་བསྐུལ་ནས་ཁོང་ཉིད་དབེན་སྟོང་ཞིག་ཏུ་ཕེབས་པ༌དང༌།  
\v 13 དབེན་སྟོང་དེ་རུ་ཉིན་བཞི་བཅུའི་རིང་ལ་བདུད་སཱ་ཏན་གྱིས་ཁོང་ལ་ཉམས་ཚོད་བྱས༌ཤིང༌། ཁོང་ཉིད་གཅན་གཟན་དང་མཉམ་དུ་བཞུགས་པ༌དང༌། ཕོ་ཉ་རྣམས་ཕེབས་ནས་ཁོང་ལ་ཞབས་ཕྱི་བསྒྲུབས༌སོ།།   
\s1 སྐྱབས་མགོན་ཡེ་ཤུའི་ཐུགས་སྲས་སྔ་མ༌སྐོར།  
\p
\v 14 ཡོ་ཧ་ནན་བཙོན་དུ་བཅུག༌རྗེས། སྐྱབས་མགོན་ཡེ་ཤུ་ཁོང་ཉིད་ག་ལིལ་ཡུལ་དུ་ཕེབས་ནས་དཀོན་མཆོག་གི་འཕྲིན་བཟང་བསྒྲགས་ཏེ་འདི་སྐད༌དུ།  
\v 15 དུས་ལོངས་ཤིང་དཀོན་མཆོག་གི་རྒྱལ་སྲིད་ཉེ་བར་སླེབས་པས། ཁྱོད་ཅག་གིས་ཀྱང་འགྱོད་བཤགས་བྱས་ཏེ་འཕྲིན་བཟང་ལ་དད་པ་བྱོས་ཤིག་ཅེས་གསུངས༌སོ།།   
\p
\v 16 སྐྱབས་མགོན་ཡེ་ཤུ་མཚོ་ག་ལིལ་གྱི་མཚོ་འགྲམ་བརྒྱུད་ནས་ཕེབས་པ༌ན། ཁོང་གིས་སི་མོན་དང་དེའི་སྤུན་ཨན་དྲི་ཡཱ་ཞེས་པའི་ཉ་པ་གཉིས་ཀྱིས་མཚོ་ནང་དུ་དྲ་རྒྱ་འཕེན་བཞིན་པ་གཟིགས༌ཤིང༌།  
\v 17 ཁོ་གཉིས་ལ་འདི་སྐད༌དུ། བདག་གི་རྗེས་སུ་ཤོག༌དང༌། ངས་ཁྱོད་གཉིས་ལ་ཉ་ཐོབ་པ་ལྟར་མི་ཡང་འཐོབ་པར་བྱའོ་ཞེས་གསུངས་མ༌ཐག  
\v 18 ཁོ་གཉིས་ཀྱིས་དྲ་རྒྱ་དོར་ནས་ཁོང་གི་རྗེས་སུ་འབྲངས་སོ།།  
\v 19 དེ་ནས་སྐྱབས་མགོན་ཡེ་ཤུ་ཅུང་ཙམ་མདུན་དུ་ཕེབས་པ༌ན། ཟེ་བད་ཡཱའི་བུ་ཡ་ཀོབ་དང་ཁོའི་སྤུན་ཡོ་ཧ་ནན་གཉིས་ཀྱིས་ཀྱང་གྲུའི་སྟེང་ནས་དྲ་རྒྱ་བཟོ་བཅོས་བྱེད་བཞིན་པ་གཟིགས་པ༌དང༌།  
\v 20 སྐྱབས་མགོན་ཡེ་ཤུས་ཁོ་གཉིས་ལ་ཞལ་འབོད་གནང་ཞིང་། ཁོ་གཉིས་ཀྱིས་ཕ་ཟེ་བད་ཡཱ་དང་གླ་བ་རྣམས་གྲུའི་སྟེང་ནས་བསྐྱུར་ཏེ་ཁོང་གི་རྗེས་སུ་འབྲངས་སོ།།   
\s1 གདོན་འདྲེ་སྐྲོད་པར་མཛད༌པ།  
\p
\v 21 ཁོང་རྣམས་ཀཱ་ཕར་ན་ཧུམ་དུ་ཕེབས་པ༌དང༌། ངལ་གསོ་བའི་ཉིན་ལ་སྐྱབས་མགོན་ཡེ་ཤུ་ཆོས་ཁང་དུ་ཕེབས་ནས་མི་རྣམས་ལ་ཆོས་གསུངས་ཤིང་།  
\v 22 ཁོང་གིས་མི་རྣམས་ལ་ཆོས་གསུངས་པ་ནི་མཁན་པོ་རྣམས་དང་མི་འདྲ་བར་མི་དབང་ཅན་ཞིག་གིས་གསུངས་པ་དང་འདྲ༌བས་ཁོ་རྣམས་ངོ་མཚར་བར་གྱུར་ཏོ།།  
\v 23 དེའི་དུས༌སུ། ཆོས་ཁང་དེ་རུ་གདོན་འདྲེས་བཟུང་བའི་མི་ཞིག་ཡོད་པ་དེས་སྐད་ཆེན༌པོས།  
\v 24 ཀྱེ། ནཱ་ཙ་རེལ་པ་ཡེ༌ཤུ། ཁྱེད་དང་ངེད་ཅག་ལ་འབྲེལ་བ་ཅི་མཆིས༌སམ། ཁྱེད་རང་ངེད་རྣམས་འཇོམས་པར་ཕེབས༌སམ། ངས་ཁྱེད་རང་སུ་ཡིན་པ་ཤེས༌ཏེ། ཁྱེད་ནི་དཀོན་མཆོག་གི་སྐྱེས་བུ་དམ་པ་དེ་ཉིད་ཡིན་ཞེས་སྨྲས་པ༌ལ།  
\v 25 སྐྱབས་མགོན་ཡེ་ཤུས་གདོན་འདྲེ་དེ་ལ་འདི་སྐད༌དུ། ཁ་རོག་ཏུ་སྡོད༌ཅིག ཁོའི་ལུས་ནས་ཕྱིར་བུད་ཅིག་ཅེས་བཀའ་བཀྱོན་གནང་བ༌ན།  
\v 26 གདོན་འདྲེས་མི་དེ་དྲག་ཏུ་སྤྲུགས་པ་དང་སྐད་ཆེན་པོ་བརྒྱབ་སྟེ་ཕྱི་རུ་ཐོན་ནོ།།  
\v 27 མི་ཚང་མ་ཧ་ལས་ཏེ་ཕན་ཚུན་ལ་ཅི་ཡིན་འདྲི་བཞིན་འདི་ནི་དབང་ཐང་ཆེ་བའི་བཀའ་ཆོས་གསར་པ་ཞིག་རེད༌ཨང༌། ཁོང་གིས་གདོན་འདྲེ་ལ་བཀའ་གནང་ཞིང་དེ་དག་གིས་ཀྱང་ཁོང་གི་བཀའ་ལ་མཉན་ཞེས་སྨྲས་མ༌ཐག  
\v 28 སྐྱབས་མགོན་ཡེ་ཤུའི་མཚན་སྙན་གྲགས་ཀྱང་ག་ལིལ་ཡུལ་གྱི་ཕྱོགས་བཞི་ཐམས་ཅད་ལ་ཁྱབ་པར་གྱུར༌ཏོ།།   
\s1 མི་མང་པོའི་ནད་གསོས༌པ།  
\p
\v 29 སྐྱབས་མགོན་ཡེ་ཤུ་དང་བཅས་པ་ཆོས་ཁང་ནས་ཕྱིར་བུད༌པ་དང་། ཡ་ཀོབ་དང་ཡོ་ཧ་ནན་གཉིས་དང་མཉམ་དུ་སི་མོན་དང་ཨན་དྲི་ཡཱ་གཉིས་ཀྱི་ཁྱིམ་དུ་ཕེབས་སོ།།  
\v 30 དེའི་དུས༌སུ། སི་མོན་གྱི་སྒྱུག་མོར་ཚ་བརྒྱབ་སྟེ་ཉལ་ནས་བསྡད་ཡོད༌པས། ཁོ་རྣམས་ཀྱིས་མྱུར་དུ་ཁོ་མོའི་གནས་ཚུལ་སྐྱབས་མགོན་ཡེ་ཤུ་ལ་ཞུས༌ཤིང༌།  
\v 31 ཁོང་ཉིད་ཁོ་མོའི་མདུན་དུ་ཕེབས་ཏེ་ལག་པར་འཇུས་ཤིང་ཡར་བསྐྱོར་ནས་ལངས་སུ་བཅུག་པ༌ན། ཁོ་མོའི་ཚ་བཞག་སྟེ་ཁོང་རྣམས་ལ་ཞབས་ཕྱི་བསྒྲུབས་སོ།།  
\v 32 ཉི་མ་ནུབ་ནས་ས་རུབ་པའི་དུས༌སུ། མི་རྣམས་ཀྱིས་ནད་པ་དང་གདོན་འདྲེས་བཟུང་བའི་མི་ཐམས་ཅད་སྐྱབས་མགོན་ཡེ་ཤུའི་དྲུང་དུ་ཁྲིད་ཡོང་བ༌དང༌།  
\v 33 གྲོང་ཁྱེར་གྱི་མི་ཚང་མ་ཁྱིམ་ཚང་དེའི་སྒོ་ཁར་འདུས།  
\v 34 ཁོང་གིས་ནད་རིགས་སྣ་ཚོགས་བྱུང་བའི་ནད་པ་མང་པོ་སོས་སུ་བཅུག༌ཅིང༌། གདོན་འདྲེ་མང་པོའང་ཕྱི་རུ་བསྐྲད། གདོན་འདྲེ་དེ་དག་གིས་ཁོང་ཉིད་སུ་ཡིན་པ་ཤེས་པས་ཁོང་གིས་དེ་དག་ལ་སྐད་ཆ་སྨྲ་རུ་མ་བཅུག་གོ།   
\s1 སྐྱབས་མགོན་ཡེ་ཤུས་དབེན་སྟོང་དུ་གསོལ་བ་བཏབ་པ།  
\p
\v 35 དེའི་ཕྱི༌ཉིན། ནམ་མ་ལངས་པའི་སྔོན་ལ། སྐྱབས་མགོན་ཡེ་ཤུ་ཡར་བཞེངས་ཏེ་དབེན་གནས་ཤིག་ཏུ་ཕེབས་ནས་གསོལ་བ་བཏབ༌ཅིང་།  
\v 36 སི་མོན་དང་ཁོའི་ལམ་གྲོགས་རྣམས་ཁོང་ཉིད་འཚོལ་དུ་སོང་བ༌དང༌།  
\v 37 ཁོང་དང་མཇལ་རྗེས་མི་ཐམས་ཅད་ཀྱིས་ཁྱེད་རང་འཚོལ་བཞིན་འདུག་ཅེས་ཞུས་པ༌ན།  
\v 38 ཁོང་གིས་འདི་སྐད༌དུ། བདག་ཅག་ཡུལ་གཞན་དུ་འགྲོའོ།། ཉེ་འཁོར་གྱི་གྲོང་རྡལ་དུ་སོང་ནས་ཆོས་བསྒྲག་པར༌བྱའོ།། ང་རང་ཡང་དོན་འདིའི་ཆེད་དུ་ཡོང་བ་ཡིན་ཞེས་གསུངས་པ༌དང༌།  
\v 39 ཁོང་ཉིད་ག་ལིལ་ཡུལ་གྱི་ས་ཆ་སོ་སོར་ཕེབས་ནས། ཆོས་ཁང་དུ་ཆོས་བསྒྲགས་ཤིང་གདོན་འདྲེ་རྣམས་ཕར་བསྐྲད༌དོ།།   
\s1 མཛེ་ནད་ཅན་གསོས༌པ།  
\p
\v 40 མཛེ་ནད་བྱུང་བའི་མི་ཞིག་སྐྱབས་མགོན་ཡེ་ཤུའི་དྲུང་དུ་ཡོང་ནས་པུས་མོ་སར་བཙུགས་ཏེ་ན༌རེ། གལ་ཏེ་ཁྱེད་ཐུགས་མཉེས་པ་ཡིན༌ན། ཁྱེད་ཀྱིས་ང་རང་གཙང་མར་མཛད་ནུས་པ་ཡིན་ཞེས་ཞུ་བ་བྱས་པ༌ལ།  
\v 41 སྐྱབས་མགོན་ཡེ་ཤུས་མི་དེ་ལ་སྙིང་རྗེ་དགོངས་ནས་ཕྱག་བརྐྱངས་ཤིང་རེག་སྟེ་ང་རང་འཐད་པ་ཡིན། ཁྱོད་རང་གཙང་མར་གྱུར་ཅིག་ཅེས་གསུངས་མ༌ཐག  
\v 42 མི་དེའི་མཛེ་ནད་སོས་ཏེ་གཙང་མར་གྱུར་ཏོ།།  
\v 43-44 དེ་ནས་སྐྱབས་མགོན་ཡེ་ཤུས་མི་དེ་ལ་འདི་སྐད༌དུ། ཁྱོད་ཀྱིས་གཟབ་པར༌གྱིས། གཞན་ལ་ཅི་ཡང་མི་སྨྲ་བར་གྱིས། ཁྱོད་རང་སོང་ནས་རང་གི་ལུས་པོ་མཆོད་དཔོན་ལ་སྟོན༌དང༌། མི་རྣམས་ལ་བདེན་དཔང་བྱེད་པའི་ཆེད་དུ་མོ་ཤེ་ཡིས་བཀའ་གནང་ཡོད་པ༌བཞིན། གཙང་མར་གྱུར་པའི་མཆོད་པ་ཕུལ་ཅིག་ཅེས་ནན་གྱིས་བཀའ་གནང་ཞིང་མྱུར་དུ་བཏང༌མོད།  
\v 45 འོན་ཀྱང་མི་དེ་ཕྱི་རུ་སོང་ནས་གཏམ་མང་པོ་སྨྲས་ཤིང་གནས་ཚུལ་འདིའང་ཁྱབ་བསྒྲགས་བྱས༌པས། དེའི་རྗེས༌སུ། སྐྱབས་མགོན་ཡེ་ཤུ་གྲོང་ཁྱེར་གང་ལའང་མངོན་སུམ་དུ་ཕེབས་མ་ནུས་པར་ཕྱི་རོལ་གྱི་དབེན་གནས་སུ་བཞུགས། འོན་ཏེ་མི་རྣམས་ནི་ཕྱོགས་བཞི་མཚམས་བརྒྱད་ནས་ཁོང་གི་དྲུང་དུ་ཡོང་ངོ་།།   
\c 2
\cl ལེའུ་གཉིས༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 སྐྱབས་མགོན་ཡེ་ཤུས་མི་ཞ་བོ་ཞིག་གསོས༌པ།  
\p
\v 1 ཉིན་འགའ་འགོར༌རྗེས། སྐྱབས་མགོན་ཡེ་ཤུ་ཕྱིར་ཀཱ་ཕར་ན་ཧུམ་དུ་ཕེབས་ཤིང་ཁོང་ཉིད་ཀྱི་བཞུགས་གནས་སུ་བཞུགས་པའི་གཏམ་དེ་མི་རྣམས་ཀྱིས་ཐོས༌ནས།  
\v 2 མི་མང་པོ་གནས་དེར་འཛོམས་ཤིང་ཐ་ན་སྒོ་ཁར་ཡང་སྡོད་ས་མེད་པ༌དང༌། ཁོང་གིས་མི་རྣམས་ལ་དཀོན་མཆོག་གི་བཀའ་གསུངས༌སོ།།  
\v 3 དུས༌དེར། མི་ཁ་ཤས་སྐྱབས་མགོན་ཡེ་ཤུའི་དྲུང་དུ་ཡོང་བ༌དང༌། དེའི་ནང་ནས་མི་བཞི་ཡིས་ཞ་བོ་ཞིག་ཁྱོགས་ཤིང་དུ་ཁུར་ཡོང་བ༌རེད།  
\v 4 ཡང་མི་མང་པོ་འདུས་པས་དེ་རྣམས་ཁོང་གི་སྐུ་དྲུང་དུ་འགྲོ་ཐབས་མ་བྱུང༌བར། ཁོང་ཉིད་བཞུགས་སའི་ཁང་པ་དེའི་ཁང་ཀླད་བཀོག་ནས་བརྟོལ་བ༌དང༌། མི་ཞ་བོ་དེ་ཁྱོགས་ཤིང་དང་བཅས་མར༌བཏང༌།  
\v 5 སྐྱབས་མགོན་ཡེ་ཤུས་དེ་རྣམས་ཀྱི་དད་སེམས་གཟིགས་ཏེ་ཞ་བོ་དེ་ལ་འདི་སྐད༌དུ། སྙིང་གི༌བུ། ཁྱོད་ཀྱི་སྡིག་པ་བསལ་བ་ཡིན་ཞེས་གསུངས༌སོ།།  
\v 6 འོན་ཀྱང་གནས་དེར་ཚོགས་པའི་མཁན་པོ་འགའ་ཞིག་གི་སེམས༌ལ།  
\v 7 མི་འདིས་ཅིའི་ཕྱིར་འདི་ལྟར༌སྨྲའམ། ཁོས་དཀོན་མཆོག་གི་དབུ་འཕང་སྨད་ཀྱིན༌འདུག དཀོན་མཆོག་ཁོ་ན་ལས་གཞན་སུ་ཞིག་གིས་སྡིག་པ་བསལ་ནུས་སམ་སྙམ་པ༌རེད།  
\v 8 སྐྱབས་མགོན་ཡེ་ཤུས་དེ་མ་ཐག་ཁོ་རྣམས་ཀྱི་བསམ་ཚུལ་མཁྱེན་ཏེ་འདི་སྐད༌དུ། ཅིའི་ཕྱིར་ཁྱོད་ཅག་གི་སེམས་སུ་དེ་ལྟར་བསམས་པ་ཡིན༌ནམ།  
\v 9 མི་ཞ་བོ་འདི་ལ་ཁྱོད་ཀྱི་སྡིག་པ་བསལ་བ་ཡིན་ཞེས་ཟེར་བ༌དང༌། ཡར་ལོངས་ལ་ཁྱོད་ཀྱི་ཁྱོགས་ཤིང་ཁུར་ནས་སྐྱོད་ཅིག་ཅེས་ཟེར་བ་གཉིས་ལས་གང་ཞིག༌སླའམ།  
\v 10 འོན༌ཀྱང༌། འདི་ནི་ས་སྟེང་དུ་མིའི་བུ་ལ་སྡིག་པ་བསལ་བའི་དབང་ཡོད་པ་ཁྱོད་རྣམས་ཀྱིས་ཤེས་པའི་ཕྱིར་ཡིན་ཞེས་གསུངས༌རྗེས། ཁོང་གིས་ཞ་བོ་དེ་ལ་འདི་སྐད༌དུ།  
\v 11 བདག་གིས་ཁྱོད་ལ་སྨྲ་བར་བྱ༌སྟེ། ཡར་ལོངས༌ལ་ཁྱོགས་ཤིང་ཁུར་ནས་ཕྱིར་རང་ཡུལ་དུ་སོང་ཞིག་ཅེས་བཀའ་གནང་མ༌ཐག  
\v 12 མི་དེ་ཡར་ལངས་ནས་ཁྱོགས་ཤིང་ཁུར་ཏེ་མི་ཚང་མའི་མིག་མདུན་ནས་སྒོའི་ཕྱི་རུ༌ཕྱིན། དོན་དེར་མི་ཐམས་ཅད་ངོ་མཚར་བར་གྱུར༌ཏེ། དཀོན་མཆོག་ལ་བསྟོད་བསྔགས་བརྗོད་ཅིང་བདག་ཅག་གིས་དོན་འདི་འདྲ་ཞིག་གཏན་ནས་མཐོང་མ་མྱོང་ཞེས་སྨྲས༌སོ།།   
\s1 ལེ་ཝི་སྐྱབས་མགོན་ཡེ་ཤུའི་རྗེས་སུ་འབྲང༌བ།  
\p
\v 13 ཡང་སྐྱབས་མགོན་ཡེ་ཤུ་མཚོ་འགྲམ་དུ་ཕེབས་པ༌དང༌། མི་ཚོགས་ཐམས་ཅད་ཁོང་གི་དྲུང་དུ་འཛོམས༌ཤིང༌། ཁོང་གིས་དེ་རྣམས་ལ་ཆོས༌གསུངས།  
\v 14 སྐྱབས་མགོན་ཡེ་ཤུ་ཕེབས་པའི་དུས༌སུ། ཁོང་གིས་ཨལ་ཕཱའི་བུ་ལེ་ཝི་ \f + \ft ལེ་ཝི་ཞེས་པ་ནི་རོ་མཱ་གོང་མའི་སྲིད་གཞུང་གི་ཆེད་དུ་ཁྲལ་སྡུད་པའི་ཁྲལ་ལེན་མཁན་ཞིག་གི་མིང་ཡིན༌ལ། ལེ་ཝི་ཞེས་པ་ཁྱིམ་ཚང་ཞིག་ལའང༌གོ དམ་པའི་གསུང་རབ་ཀྱི་མད་ཐཱའི་འཕྲིན་བཟང༌ལས། འདིར་བཤད་པའི་ལེ་ཝིའི་མིང་ལ་མད་ཐཱ་ཞེས་ཀྱང༌འབོད་པ་དང་། མིང་ཧྲིལ་པོར་མད་ཐཱ་ལེ་ཝི་ཞེས་ཀྱང༌བྱ། \f*ཟེར་བ་དེ་ཁྲལ་སྡུད་སར་བསྡད་ཡོད་པ་གཟིགས་ནས་དེ་ལ་འདི་སྐད༌དུ། ཁྱོད་རང་ངའི་རྗེས་སུ་ཤོག་ཅེས་གསུངས་པ༌དང༌། ཁོ་རང་ཡར་ལངས་ཏེ་ཁོང་གི་རྗེས་སུ་འབྲངས༌སོ།།  
\v 15 སྐྱབས་མགོན་ཡེ་ཤུས་མི་དེའི་ཁྱིམ་དུ་ཞལ་ཟས་བཞེས་ནས་སྡོད་པའི་དུས༌སུ། ཁྲལ་ལེན་མཁན་དང་མི་སྡིག་ཅན་མང་པོས་ཀྱང་སྐྱབས་མགོན་ཡེ་ཤུ་དང་ཁོང་གི་ཐུགས་སྲས་དང་མཉམ་དུ་བཟའ་བཏུང་སྤྱད་ནས་བསྡད༌ཅིང༌། གནས་དེར་མི་མང་པོ་ཡོད་པ་དང་མི་དེ་རྣམས་ཀྱང་སྐྱབས་མགོན་ཡེ་ཤུའི་རྗེས་སུ་འབྲངས༌སོ།།  
\v 16 ཕ་རུ་ཤི་པའི་མཁན་པོ་རྣམས་ཀྱིས་སྐྱབས་མགོན་ཡེ་ཤུས་མི་སྡིག་ཅན་དང་ཁྲལ་ལེན་མཁན་རྣམས་དང་མཉམ་དུ་ཞལ་ཟས་བཞེས་བཞིན་པ་མཐོང༌ཚེ། ཁོང་གི་ཐུགས་སྲས་རྣམས༌ལ། ཁོང་གིས་ཅིའི་ཕྱིར་ཁྲལ་ལེན་མཁན་དང་མི་སྡིག་ཅན་རྣམས་དང་མཉམ་དུ་བཟའ་བཏུང་ལ་རོལ་བ་ཡིན་ནམ་ཞེས༌སྨྲས།  
\v 17 སྐྱབས་མགོན་ཡེ་ཤུས་གཏམ་དེ་ཐོས་ནས་འདི་སྐད༌དུ། ལུས་ཁམས་བདེ་བའི་མི་ཡིས་སྨན་པ་བསྟེན་མི་དགོས༌མོད། འོན་ཀྱང་ནད་པས་ད་གཟོད་སྨན་པ་བསྟེན་དགོས་པ༌ཡིན། བདག་ནི་མི་གཞུང་དྲང་རྣམས་འབོད་དུ་འོངས་པ་མ་ཡིན༌པར། མི་སྡིག་ཅན་རྣམས་འབོད་དུ་ཡོང་བ་ཡིན་ཞེས་གསུངས༌སོ།།   
\s1 སྨྱུང་གནས་སྐོར་གྱི་ཆོས་གསུངས༌པ།  
\p
\v 18 དེའི་དུས༌སུ། ཡོ་ཧ་ནན་གྱི་སློབ་མ་དང་ཕ་རུ་ཤི་པ་རྣམས་ཀྱིས་སྨྱུང་གནས་སྲུང་བཞིན་ཡོད༌ཅིང༌། མི་འགའ་ཞིག་ཡོང་ནས་སྐྱབས་མགོན་ཡེ་ཤུ༌ལ། ཡོ་ཧ་ནན་གྱི་སློབ་མ་དང་ཕ་རུ་ཤི་པའི་སློབ་མ་རྣམས་ཀྱིས་སྨྱུང་གནས་སྲུང་བཞིན་ཡོད༌ནའང༌། ཁྱེད་ཀྱི་ཐུགས་སྲས་རྣམས་ཀྱིས་སྨྱུང་གནས་མི་སྲུང་བ་ཅི་ཞེས་དྲིས་པ༌ན།  
\v 19 སྐྱབས་མགོན་ཡེ་ཤུས་འདི་སྐད༌དུ། སྐུ་མགྲོན་རྣམས་མག་པ་དང་མཉམ་དུ་ཡོད་དུས་སྨྱུང་གནས་སྲུང་ག་ལ༌རུང༌། མག་པ་ཁོ་རྣམས་དང་མཉམ་དུ་ཡོད་དུས་ཁོ་རྣམས་ཀྱིས་ཀྱང་སྨྱུང་གནས་སྲུང་མི༌ཐུབ།  
\v 20 འོན་ཀྱང་མག་པ་ཁོ་རྣམས་དང་ཁ་འབྲལ་བའི་དུས་ཤིག་སླེབ་ཡོང༌སྟེ། དུས་དེར་ཁོ་རྣམས་ཀྱིས་སྨྱུང་གནས་བསྲུང་ངེས༌སོ།།  
\v 21 སུ་ཞིག་གིས་ཀྱང་རས་གསར་པས་ལྭ་རྙིང་པར་ལྷན་པ་མི་རྒྱག༌སྟེ། ལྷན་པ་བརྒྱབ་ན་ལྭ་རྙིང་པ་དེ་ལས་རལ་ཞིང་སྲུབས་ཀ་ཇེ་ཆེར་འགྲོ་བ༌ཡིན།  
\v 22 ཡང་སུ་ཞིག་གིས་ཀྱང་རྒུན་ཆང་གསར་པ་སྐྱི་ཁུག་རྙིང་པའི་ནང་དུ་མི་བླུག༌སྟེ། གལ་ཏེ་བླུགས་ན་སྐྱི་ཁུག་རྙིང་པ་རལ་ཏུ་འཇུག་པ༌དང༌། ཆང་དང་སྐྱི་ཁུག་གཉིས་ཀ་བརླག་པར་འགྱུར་ངེས༌པས། རྒུན་ཆང་གསར་པ་དེ་སྐྱི་ཁུག་གསར་པའི་ནང་དུ་བླུག་དགོས་ཞེས་གསུངས༌སོ།།   
\s1 ངལ་གསོ་བའི་ཉིན་གྱི་གཙོ་བོའི༌སྐོར།  
\p
\v 23 ངལ་གསོ་བའི་ཉིན༌ལ། སྐྱབས་མགོན་ཡེ་ཤུ་ཞིང་བར་བརྒྱུད་ནས་ཕེབས་པ༌དང༌། ཁོང་གི་ཐུགས་སྲས་རྣམས་ཀྱིས་འབྲུ་ཡི་སྙེ་མ་འཐོག་བཞིན་སོང༌ཞིང༌།  
\v 24 ཕ་རུ་ཤི་པ་རྣམས་ན༌རེ། གཟིགས༌དང༌། ཁོ་རྣམས་ཀྱིས་ཅིའི་ཕྱིར་ངལ་གསོ་བའི་ཉིན་ལ་བཀའ་ཁྲིམས་དང་འགལ་བའི་ལས་བྱེད་དམ་ཞེས་སྨྲས་པ༌ལ།  
\v 25 ཁོང་གིས་འདི་སྐད༌དུ། དཱ་བིད་འཁོར་དང་བཅས་པའི་ལམ་བྲོ་ཚར་བ་དང་བཀྲེས་ལྟོགས་བྱུང༌སྐབས། ཅི་ཞིག་བྱས་པ་ཁྱོད་ཅག་གིས་བཀླགས་མ་མྱོང༌ངམ།  
\v 26 ཨབ་ཡ་ཐཱར་མཆོད་དཔོན་ཆེན་པོ་ཡིན་པའི་དུས༌སུ། ཁོང་ཉིད་དཀོན་མཆོག་གི་བཞུགས་གནས་སུ་སོང༌ནས། སྤྱན་བསྟར་བག་ལེབ་ཟོས་ཤིང་འཁོར་གཡོག་རྣམས་ལའང་བྱིན༌ཏོ། །བག་ལེབ་དེ་ནི་མཆོད་དཔོན་ལས་གཞན་སུས་ཀྱང་བཟའ་མི་རུང་ཞེས་གསུངས་པ༌དང༌།  
\v 27 ཡང་འདི་སྐད༌དུ། ངལ་གསོ་བའི་ཉིན་མོ་ནི་མིའི་དོན་དུ་མཛད་པ༌ལས། མི་ནི་ངལ་གསོ་བའི་ཉིན་གྱི་དོན་དུ་མཛད་པ་མ་ཡིན༌ནོ།།  
\v 28 དེའི༌ཕྱིར། མིའི་བུ་ནི་ངལ་གསོ་བའི་ཉིན་གྱི་གཙོ་བོའང་ཡིན་ཞེས་གསུངས༌སོ།།   
\c 3
\cl ལེའུ་གསུམ༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 སྐྱབས་མགོན་ཡེ་ཤུས་ངལ་གསོ་བའི་ཉིན་ལ་མི་ཞིག་གསོས༌པ།  
\p
\v 1 དེ་ནས་ཡང་སྐྱབས་མགོན་ཡེ་ཤུ་ཆོས་ཁང་དུ་ཕེབས་ཤིང་གནས་དེ་རུ་ལག་པ་ཡ་གཅིག་ཞ་བའི་མི་ཞིག་ཀྱང༌ཡོད།  
\v 2 སྐྱབས་མགོན་ཡེ་ཤུ་ལ་སྙད་འཛུགས་པར་འདོད་པའི་མི་རྣམས་ཀྱིས་ངལ་གསོ་བའི་ཉིན་ལ་ཁོང་གིས་མི་དེའི་ནད་གསོ་མིན་ལ་བརྟག་ཆེད་ལྐོག་ནས་བལྟས་ཏེ་བསྡད༌དོ།།  
\v 3 དེ་ནས་སྐྱབས་མགོན་ཡེ་ཤུས་ལག་པ་ཞ་བའི་མི་དེ་ལ་འདི་སྐད༌དུ། ཡར་ལོངས༌དང༌། དཀྱིལ་ནས་སྡོད་ཅིག་ཅེས་བཀའ་གནང༌ཞིང༌།  
\v 4 ཡང་མི་དེ་རྣམས་ལ་འདི་སྐད༌དུ། ངལ་གསོ་བའི་ཉིན་ལ་ལས་བཟང་པོའམ་ལས་ངན་པ༌དང༌། སྲོག་སྐྱོབ་པའམ་སྲོག་གཅོད་པ་ལས་གང་ཞིག་བྱས་ན་བཀའ་ཁྲིམས་དང་མཐུན་པ་ཡིན་ནམ་ཞེས་དྲིས་པ༌ན། མི་རྣམས་ཀྱིས་ཁ་ཅི་ཡང་མ་གྲགས༌སོ།།  
\v 5 དེ་ནས་སྐྱབས་མགོན་ཡེ་ཤུ་ཐུགས་ཁྲོས་ཏེ་རིམ་གྱིས་མི་དེ་རྣམས་ལ་གཟིགས་ཤིང་དེ་དག་གི་སེམས་གྱོང་པོ་ཡིན་པ་ལ་ཐུགས་སྐྱོ་བར་གྱུར་པ༌དང༌། མི་དེར་ལག་པ་རྐྱོངས་ཤིག་ཅེས་གསུངས་པ་དང་ཁོས་ལག་པ་བརྐྱངས་ཤིང་སོས་པར༌གྱུར།  
\v 6 ཕ་རུ་ཤི་པ་རྣམས་ཆོས་ཁང་ལས་ཕྱིར་སོང༌སྟེ། ཧེ་རོ་དཱའི་ཕྱོགས་ཁག་དང་མཉམ་དུ་སྐྱབས་མགོན་ཡེ་ཤུ་དགྲོང་བར་གྲོས་བྱས༌སོ།།   
\s1 མི་མང་པོ་སྐྱབས་མགོན་ཡེ་ཤུའི་རྗེས་སུ་འབྲང༌བ།  
\p
\v 7 དེ་ནས་སྐྱབས་མགོན་ཡེ་ཤུ་དང་ཁོང་གི་ཐུགས་སྲས་རྣམས་མཚོ་འགྲམ་དུ་ཕེབས་པ༌ལ། མི་ཤིན་ཏུ་མང་པོ་ཞིག་ག་ལིལ་ཡུལ་ནས་ཁོང་གི་རྗེས་སུ་འབྲངས༌ཤིང༌།  
\v 8 མི་གཞན་མང་པོས་ཀྱང་ཁོང་གིས་མཛད་པའི་དོན་ངོ་མཚར་ཅན་ཐམས་ཅད་ཐོས་ཏེ་ཡ་ཧུ་དཱའི་ཡུལ༌དང༌། ཡེ་རུ་སཱ༌ལེམ། ཨི་དུམ་ཡཱ༌ཡུལ། ཡོར་དན་གཙང་པོའི་ཕ༌རོལ། ད་དུང་ཐཱར་དང་ཚི་ཏུན་སོགས་ཀྱི་ས་ཆ་ནས་ཁོང་གི་དྲུང་དུ་ཡོང༌ངོ༌།།  
\v 9 གནས་དེར་མི་མང་ཞིང་མི་རྣམས་འཚང་ཁ་མི་རྒྱག་པའི༌ཕྱིར། ཁོང་གིས་ཐུགས་སྲས་རྣམས་ལ་མཚོ་གྲུ་ཞིག་སྟ་གོན་བྱེད་དུ༌བཅུག  
\v 10 ཁོང་གིས་མི་མང་པོའི་ནད་འཇོམས་པར་མཛད༌པས། ན་ཚ་ཡོད་པ་ཐམས་ཅད་ཀྱིས་ཁོང་ལ་རེག་པའི་ཆེད་དུ་འཚང་ཁ་བརྒྱབ་པ༌རེད།  
\v 11 གདོན་འདྲེ་རྣམས་དུས་ནམ་ཡང་ཁོང་ལ་མཇལ་བ་ཙམ་གྱིས་ཁོང་གི་དྲུང་དུ་ཕྱག་འཚལ་བཞིན་སྐད་ཆེན་པོ་བརྒྱབ༌སྟེ། ཁྱེད་ནི་དཀོན་མཆོག་གི་སྲས་ཡིན་ཞེས༌སྨྲས།  
\v 12 སྐྱབས་མགོན་ཡེ་ཤུས་དེ་རྣམས་ལ་རང་ཉིད་ནི་སུ་ཡིན་པ་མི་གཞན་ལ་མི་བསྒྲག་པར་ནན་གྱིས་བསྐུལ༌ཏོ།།   
\s1 ཐུགས་སྲས་བཅུ་གཉིས་བདམས༌པ།  
\p
\v 13 དེ་ནས་སྐྱབས་མགོན་ཡེ་ཤུ་རི་བོ་ཞིག་ཏུ་ཕེབས་ཏེ་རང་ཉིད་ཀྱི་དགོངས་པ་ལྟར་མི་ལ་ཞལ་འབོད་གནང་ཞིང་མི་དེ་རྣམས་ཀྱང་ཁོང་གི་དྲུང་དུ༌ཡོང༌།  
\v 14 ཁོང་གིས་ཐུགས་སྲས་བཅུ་གཉིས་\f + \ft དམ་པའི་གསུང་རབ་ཀྱི་མ་ཕྱི་ལ་ལར་ཐུགས་སྲས་བཅུ་གཉིས་ལ་ཁོང་གིས་སྐུ་ཚབ་པ་བཅུ་གཉིས་བསྐོས་ཞེས་ཀྱང༌བྱ།\f*བསྐོས༌ཏེ། དུས་རྒྱུན་དུ་ཁོང་དང་མཉམ་དུ་སྡོད་པ༌དང༌། ཁོ་རྣམས་ཀྱང་ཆོས་བསྒྲག་པར་མངག་ངེས་པར་མ༌ཟད།  
\v 15 གདོན་འདྲེ་ཕྱི་རུ་སྐྲོད་པའི་དབང་ཡང་གནང་བའི་ཕྱིར༌རོ།།  
\v 16 ཁོང་གིས་བསྐོས་པའི་མི་བཅུ་གཉིས་པོ་ནི་པེ་ཏྲོ་ཞེས་བཏགས་པའི་སི་མོན༌དང༌།  
\v 17 ཟེ་བད་ཡཱ་ཞེས་བྱ་བའི་བུ་ཡ་ཀོབ༌དང༌། ཡ་ཀོབ་ཀྱི་སྤུན་ཡོ་ཧ༌ནན། དེ་གཉིས་ཀྱི་མིང་ལ་པཱ་ནེར་གེ་ཞེས་བཏགས་ཤིང་འབྲུག་སྒྲའི་བུ་ཞེས་པའི་དོན༌ཡིན།  
\v 18 གཞན༌ཡང༌། ཨན་དྲི་ཡཱ༌དང༌། ཕི༌ལིབ། པཱར་ཐོ་ལོ༌མཱ། མད༌ཐཱ། ཐོ༌མཱ། ཨལ་ཕཱའི་བུ་ཡ་ཀོབ༌དང༌། ཐད༌དཱ། བརྩོན་འགྲུས་ཅན་སི་མོན༌དང༌།  
\v 19 ཕྱིས་སུ་ཁོང་ལ་ངོ་ལོག་བྱེད་མཁན་ཨི་སི་ཀར་རེའི་ཡུ་དཱ་ཞེས་པ་བཅས་ཡིན༌ནོ།།   
\s1 སྐྱབས་མགོན་ཡེ་ཤུ་དང་པེ་ཨལ་བཟི༌པད།  
\p
\v 20 དེ་ནས་སྐྱབས་མགོན་ཡེ་ཤུ་རང་ཉིད་ཀྱི་བཞུགས་གནས་སུ་ཕེབས་པ༌ན། མི་ཚོགས་སླར་ཡང་འཛོམས་པས་ཁོང་རྣམས་ལ་ཞལ་ཟས་བཞེས་ཁོམ་ཡང་མ་བྱུང༌ངོ༌།།  
\v 21 ཁོང་གི་ཁྱིམ་མི་རྣམས་ཀྱིས་གཏམ་དེ་ཐོས་ནས་ཁོང་སྨྱོས་པ་རེད་ཅེས་སྨྲས་པ་དང་ཁོང་ཉིད་འཛིན་དུ་སོང༌།  
\v 22 ཡེ་རུ་སཱ་ལེམ་ནས་ཡོང་བའི་མཁན་པོ་རྣམས་ཀྱིས་ཁོང་ལ་པེ་ཨལ་བཟི་པད་ཞུགས་ཤིང་ཁོང་གིས་བདུད་ཀྱི་རྒྱལ་པོར་བརྟེན་ནས་གདོན་འདྲེ་སྐྲོད་བཞིན་འདུག་ཅེས་སྨྲས༌སོ།།  
\v 23 དེ་ནས་སྐྱབས་མགོན་ཡེ་ཤུས་མཁན་པོ་རྣམས་བོས་ཏེ་དཔེའི་སྒོ་ནས་འདི་སྐད༌དུ། བདུད་སཱ་ཏན་གྱིས་སཱ་ཏན་རང་ཉིད་ཇི་ལྟར་སྐྲོད་ནུས༌སམ།  
\v 24 གལ་ཏེ་རྒྱལ་ཁམས་ཤིག་ལ་ནང་འཁྲུག་བྱུང་ན་རྒྱལ་ཁམས་དེ་བརྟན་པོར་གནས་མི་ཐུབ༌ལ།  
\v 25 ཁྱིམ་ཚང་ཞིག་ལ་ནང་འཁྲུག་བྱུང་ན་ཁྱིམ་ཚང་དེ་ཡང་བརྟན་པོར་གནས་མི༌ཐུབ།  
\v 26 གལ་ཏེ་བདུད་སཱ་ཏན་གྱིས་རང་གིས་རང་ལ་རྒོལ་ན་བདུད་དེ་བརྟན་པོར་གནས་མི་ཐུབ་ཅིང་བརླག་པར་འགྱུར༌རོ།།  
\v 27 མི་སྟོབས་ཅན་གྱི་ཁྱིམ་དུ་འཛུལ་ནས་རྒྱུ་ནོར་འཕྲོག་ཐུབ་མཁན་སུ་ཡང་མེད༌དེ། ཐོག་མར་མི་དེ་བཟུང་ནས་བཀྱིགས༌ཚེ། ད་གཟོད་མི་དེའི་ཁྱིམ་ཚང་འཕྲོག་ནུས་པ༌ཡིན།  
\v 28 ངས་ཁྱོད་རྣམས་ལ་བདེན་པར་སྨྲ༌སྟེ། མིའི་སྡིག་པ་ཐམས་ཅད་དང་སྐུར་བ་ཅི་ཞིག་བཏབ་ཀྱང་སྡིག་པ་བསལ༌ནའང༌།  
\v 29 དམ་པའི་ཐུགས་ཉིད་ལ་སྐུར་བ་འདེབས་མཁན་དེའི་སྡིག་པ་ནི་ནམ་ཡང་བསལ་བར་མི་འགྱུར༌ལ། རྒྱུན་ནས་རྒྱུན་དུ་སྡིག་པ་འཁུར་དགོས་ཞེས༌གསུངས།  
\v 30 ཁོང་གིས་འདི་ལྟར་གསུངས་དོན་ནི་མི་དེ་རྣམས་ཀྱིས་ཁོང་ཉིད་གདོན་འདྲེས་བཟུང་འདུག་ཅེས་སྨྲས་པའི་ཕྱིར༌རོ།།   
\s1 སྐྱབས་མགོན་ཡེ་ཤུའི་ཡུམ་དང་ཁོང་གི་སྐུ་མཆེད༌རྣམས་ཀྱི་སྐོར།  
\p
\v 31 དུས༌དེར། སྐྱབས་མགོན་ཡེ་ཤུའི་ཡུམ་དང་ཁོང་གི་སྐུ་མཆེད་རྣམས་སླེབས༌ཏེ། ཕྱི་རོལ་ཏུ་བསྡད་ནས་མི་ཞིག་ཁོང་འབོད་དུ༌མངགས།  
\v 32 མི་མང་པོ་ཁོང་གི་མཐའ་བསྐོར་ནས་བསྡད་ཡོད༌ཅིང༌། དེ་རྣམས་ན༌རེ། ཁྱེད་ཀྱིས་གཟིགས༌དང༌། ཁྱེད་ཀྱི་ཡུམ་དང་སྐུ་མཆེད་རྣམས་ཀྱིས་སྒོའི་ཕྱི་རོལ་ནས་ཁྱེད་རང་འཚོལ་བཞིན་འདུག་ཅེས་ཞུས་པ༌ལ།  
\v 33 ཁོང་གིས་འདི་སྐད༌དུ། ངའི་མ་དང་ངའི་སྤུན་ནི་སུ་ཡིན་ནམ་ཞེས་གསུང༌བཞིན།  
\v 34 མཐའ་སྐོར་གྱི་མི་རྣམས་ལ་གཟིགས་ཏེ་འདི་སྐད༌དུ། ལྟོས༌དང༌། ངའི་མ་དང་ངའི་སྤུན་ནི་མི་འདི་དག༌ཡིན།  
\v 35 དཀོན་མཆོག་གི་དགོངས་པ་ལྟར་སྒྲུབ་མཁན་ཐམས་ཅད་ནི་ངའི་མ་དང༌སྤུན། ངའི་མིང་སྲིང་བཅས་ཡིན་ཞེས་གསུངས༌སོ།།   
\c 4
\cl ལེའུ་བཞི༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 ས་བོན་འདེབས་པའི༌དཔེ།  
\p
\v 1 དེ་ནས་ཡང་སྐྱབས་མགོན་ཡེ་ཤུས་མཚོ་འགྲམ་ནས་མི་དེ་རྣམས་ལ་ཆོས་གསུངས༌ཤིང༌། མི་ཤིན་ཏུ་མང་པོའང་གནས་དེར་འཛོམས༌པས། ཁོང་ཉིད་གྲུའི་ནང་དུ་ཕེབས་ཏེ་བཞུགས་པ་དང་མི་ཐམས་ཅད་མཚོ་འགྲམ་དུ༌བསྡད།  
\v 2 ཁོང་གིས་དཔེའི་སྒོ་ནས་ཆོས་མང་པོ་གསུངས་ཤིང་དེ་རྣམས་ལ་འདི་སྐད༌དུ།  
\v 3 ཁྱོད་ཅག་གིས་ཉོན༌ཅིག ཞིང་འདེབས་མཁན་ཞིག་ཕྱི་རོལ་ཏུ་ཞིང་འདེབས་སུ་སོང་བ༌དང༌།  
\v 4 ས་བོན་གཏོར༌སྐབས། ས་བོན་ཁ་ཤས་ལམ་ཁར་ཐོར་ཞིང་བྱ་རྣམས་ཡོང་ནས་ཟོས་པ༌དང༌།  
\v 5 ས་བོན་ཁ་ཤས་ས་ཉུང་སའི་རྡོ་གསེབ་ཏུ་ཐོར་ཞིང་སའི་གཏིང་མི་ཟབ་པས་ཡར་སྐྱེས་པ་མགྱོགས༌ཀྱང༌།  
\v 6 ཉི་མ་ཤར་ཚེ་རྙིད་ཅིང་རྩ་བ་མ་རྒྱས་པས་བསྐམས་པ༌རེད།  
\v 7 ས་བོན་ཁ་ཤས་ཚེར་མའི་གསེབ་ལ་ཐོར་ཞིང་ཚེར་མ་སྐྱེས་ཏེ་མར་མནན་ནས་འབྲས་བུ་མ་སྨིན༌ལ།  
\v 8 ཡང་ས་བོན་ཁ་ཤས་ས་གཤིན་ནང་དུ་ཐོར་ཞིང་ཆེར་སྐྱེས་ནས་འབྲས་བུ་སྨིན༌ཏེ། དེ་དག་ལས་ཁ་ཤས་ལྡབ་སུམ་ཅུ༌དང༌། ཁ་ཤས་ལྡབ་དྲུག༌ཅུ། ཁ་ཤས་ལྡབ་བརྒྱ་བཅས་སྨིན་པ༌ཡིན།  
\v 9 རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།   
\p
\v 10 དེ་ནས་སྐྱབས་མགོན་ཡེ་ཤུ་གཅིག་པུ་བཞུགས་པའི་དུས༌སུ། ཁོང་གི་ཐུགས་སྲས་བཅུ་གཉིས་པོ་དང་རྗེས་འབྲང་པ་རྣམས་ཀྱིས་ཁོང་ལ་དཔེ་འདིའི་ནང་དོན་ཅི་ཡིན་དྲིས༌ཚེ།  
\v 11 ཁོང་གིས་འདི་སྐད༌དུ། དཀོན་མཆོག་གི་རྒྱལ་སྲིད་ཀྱི་གསང་བ་ནི་ཁྱོད་ཅག་ལ་མངོན༌ཡང༌། ཕྱི་ཕྱོགས་པ་རྣམས་ལ་དོན་ཐམས་ཅད་དཔེ་རུ་བཀོད་ནས་བརྗོད་པ༌ཡིན།  
\v 12 དེ་ནི་མི་དེ་རྣམས་ཀྱིས་མིག་གིས་མཐོང་ཡང་མི་ཤེས༌ལ། རྣ་བས་ཐོས་ཀྱང་དོན་མི་རྟོགས་པའི་ཕྱིར་ཡིན༌ལ། དེ་ལྟར་མིན་ཚེ་ཁོ་རྣམས་ཕྱིར་འཁོར་ཞིང་སྡིག་པའང་བསལ་ངེས་ཡིན་ཞེས་གསུངས༌སོ།།   
\p
\v 13 ཡང་ཁོང་གིས་འདི་སྐད༌དུ། ཁྱོད་ཅག་གིས་དཔེ་འདིའི་དོན་ཡང་མི་ཤེས༌སམ། དེས་ན་དཔེ་ཐམས་ཅད་ཀྱི་དོན་ཇི་ལྟར་ཤེས་ཐུབ༌བམ།  
\v 14 དེ་ནི་ཞིང་འདེབས་མཁན་གྱིས་བཏབ་པ་ནི་དཀོན་མཆོག་གི་བཀའ༌ཡིན།  
\v 15 ས་བོན་ལམ་ཁར་ཐོར་བ་ནི་མི་ལ་ལས་དཀོན་མཆོག་གི་བཀའ་ཐོས་མ་ཐག་ཏུ་བདུད་སཱ་ཏན་ཡོང་ནས་མི་དེའི་སེམས་ནང་གི་བཀའ་ཕྲོགས་ཏེ་ཁྱེར་སོང་བ་རྣམས༌ཡིན།  
\v 16 དེ་བཞིན་དུ་ས་ཉུང་སའི་རྡོ་གསེབ་ཏུ་ཐོར་བ་ནི་མི་ལ་ལས་དཀོན་མཆོག་གི་བཀའ་ཐོས་པ་ཙམ་གྱིས་དགའ་ཞིང་དང་དུ་བླངས༌ནའང༌།  
\v 17 སེམས་སུ་རྩ་བ་མ་རྒྱས་པས་དུས་ཡུན་ཐུང་ངུ་ལ་གནས་ཀྱང་བཀའ་དེའི་རྐྱེན་གྱིས་དཀའ་སྡུག་དང་གནོད་འཚེ་བྱུང་མ་ཐག་དད་པ་ལོག་པ་རྣམས༌ཡིན།  
\v 18 ཡང་ཚེར་མའི་གསེབ་ལ་ཐོར་བ་ནི་མི་ལ་ལས་དཀོན་མཆོག་གི་བཀའ་ཐོས༌རྗེས།  
\v 19 འཇིག་རྟེན་གྱི་སེམས་ཁུར༌དང༌། རྒྱུ་ནོར་གྱི་བསླུ༌བྲིད། འདོད་ཆགས་སྣ་ཚོགས་བཅས་ཀྱི་དབང་གིས་བཀའ་མནན་ནས་རང་སེམས་སུ་འབྲས་བུ་སྨིན་མ་ཐུབ་པ་རྣམས༌ཡིན།  
\v 20 ཡང་ས་གཤིན་ནང་དུ་ཐོར་བ་ནི་མི་ལ་ལས་དཀོན་མཆོག་གི་བཀའ་ཐོས་ཤིང་སེམས་སུ་བླངས་པ་དང་འབྲས་བུ་སྨིན་ཐུབ་པ་རྣམས་ཡིན༌ཏེ། འབྲས་བུ་ཁ་ཤས་ལྡབ་སུམ་ཅུ༌དང༌། ཁ་ཤས་ལྡབ་དྲུག༌ཅུ། ཁ་ཤས་ལྡབ་བརྒྱ་བཅས་སྨིན་པ་ཡིན་ཞེས་གསུངས༌སོ།།   
\s1 སྒྲོན་མེ་དང་ས་བོན་གྱི་དཔེ།  
\p
\v 21 དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། མི་ཡིས་སྒྲོན་མེ་ཁྱེར་འོངས་པ་ནི་བྲེའམ་མལ་ཁྲིའི་འོག་ཏུ་འཇོག་པའི་ཕྱིར་མ་ཡིན་པར་སྒྲོན་སྟེགས་སྟེང་དུ་འཇོག་པའི་ཕྱིར་ཡིན༌ལ།  
\v 22 དེ་ནི་སྦས་པའི་དོན་ཐམས་ཅད་མི་མངོན་པ་ཅི་ཡང་མེད༌ལ། གསང་བའི་དོན་ཐམས་ཅད་ཀྱང་མི་མངོན་པ་ཅི་ཡང༌མེད།  
\v 23 རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།  
\v 24 ཡང་ཁོང་གིས་འདི་སྐད༌དུ། ཁྱོད་ཅག་གིས་རྣ་བས་ཐོས་པ་དག་ལའང་གཟབ་པར༌གྱིས། ཁྱོད་ཅག་གིས་སྣོད་ཅི་ལྟ་བུ་ལས་མི་གཞན་ལ་བྱིན༌ན། ཁྱོད་ཅག་ལའང་དེ་འདྲ་ཞིག་གནང་བར་མ༌ཟད། དེ་ལས་ལྷག་པ་ཞིག་ཀྱང་གནང་བར༌འགྱུར།  
\v 25 རྒྱུ་མཚན་ནི་སུ་ཞིག་ལ་ཡོད་པ་དེ་ལ་ད་དུང་ཡང་གནང་ངེས༌ཤིང༌། སུ་ཞིག་ལ་མེད་པ་དེ་ལས་ཉུང་ཙམ་ཡོད་པ་དེ་ཡང་ཕྱིར་ལེན་པར་འགྱུར་ཞེས་གསུངས༌སོ།།   
\p
\v 26 ཡང་ཁོང་གིས་འདི་སྐད༌དུ། དཀོན་མཆོག་གི་རྒྱལ་སྲིད་ནི་མིས་ཞིང་ལ་ས་བོན་བཏབ་པ་དང་འདྲ༌སྟེ།  
\v 27 མཚན་མོར་གཉིད་ཅིང་ཉིན་མོར་ཡར་ལངས༌ཤིང༌། ས་བོན་ལ་རིམ་བཞིན་མྱུ་གུ་འབུས་ཏེ་སྐྱེས་པ༌དང༌། མི་དེས་ཇི་ལྟར་བྱུང་བའང་མི༌ཤེས།  
\v 28 ས་གཞིས་འབྲུ་རིགས་བསྐྱེད་པ་ནི་རང་བཞིན་གྱིས་ཡིན༌ཏེ། ཐོག་མར་མྱུ་གུ་འབུས་པ་དང་དེ་ནས་སྙེ་མ་ཐོགས༌པ། མཇུག་མཐར་སྙེ་མ་ལས་འབྲུ་རྡོག་སྨིན༌པ།  
\v 29 ཐ་མར་འབྲུ་རིགས་སྨིན་ནས་འབྲེག་རན་དུ་སླེབས༌ཚེ། ས་བོན་འདེབས་མཁན་གྱིས་ཟོར་བས་འབྲེག་པ་ཡིན་ཞེས་གསུངས༌སོ།།   
\p
\v 30 ཡང་ཁོང་གིས་འདི་སྐད༌དུ། དཀོན་མཆོག་གི་རྒྱལ་སྲིད་ལ་གང་ཞིག་གིས་བསྡུར་ཐུབ༌བམ། དཔེ་གང་ཞིག་གིས་མཚོན་ནུས༌སམ།  
\v 31 དེ་ནི་ཡུངས་འབྲུའི་ས་བོན་ཞིག་དང་འདྲ༌སྟེ། ཞིང་འདེབས་པའི་དུས༌སུ་ས་སྟེང་གི་ས་བོན་གཞན་ཐམས་ཅད་ལས་ཆུང༌ཡང༌།  
\v 32 ས་བོན་བཏབ་རྗེས་ཆེར་སྐྱེས་ནས་སྔོ་ཚལ་གྱི་རིགས་སྣ་ཚོགས་ལས་ཆེ་ཞིང་ཡལ་ག་ཆེན་པོ་ཐོགས༌ཏེ། ནམ་མཁའི་བྱ་ཡིས་ཀྱང་དེའི་གྲིབ་བསིལ་འོག་ཏུ་ཚང་བཟོ་བ་ཡིན་ཞེས་གསུངས༌སོ།།   
\p
\v 33 སྐྱབས་མགོན་ཡེ་ཤུས་དཔེ་དེ་ལྟ་བུ་མང་པོ་བཀོད་ནས་མི་རྣམས་ཀྱིས་དཔེ་དོན་ཅི་ཙམ་ཤེས་ནུས་པ་བཞིན་དཀོན་མཆོག་གི་བཀའ༌གསུངས།  
\v 34 ཁོང་གིས་དཔེ་མ་བཀོད་པར་དེ་རྣམས་ལ་ཅི་ཡང་མ་གསུངས༌མོད། འོན་ཀྱང་མི་གཞན་མེད་པའི་དུས་སུ་དཔེ་རྣམས་ཀྱི་དོན་ཐམས་ཅད་ཐུགས་སྲས་རྣམས་ལ་གསུངས༌སོ།།   
\s1 རླུང་ཤུགས་དང་མཚོ་རླབས་ཞི་བར་མཛད༌པ།  
\p
\v 35 ཉིན་དེའི་མཚན༌མོར། སྐྱབས་མགོན་ཡེ་ཤུས་ཐུགས་སྲས་རྣམས་ལ་བདག་ཅག་མཚོའི་ཕ་རོལ་ཏུ་འགྲོའོ་ཞེས་གསུངས༌ཤིང༌།  
\v 36 ཐུགས་སྲས་རྣམས་ཀྱང་མི་ཚོགས་དང་ཁ་བྲལ་ཏེ་སྐྱབས་མགོན་ཡེ་ཤུ་བཞུགས་ཡོད་པའི་མཚོ་གྲུ་བཏང་ནས་མཉམ་དུ་ཕེབས༌ཤིང༌། གྲུ་གཞན་དག་ཀྱང་ཁོང་དང་འགྲོགས་ནས་སོང༌ངོ༌།།  
\v 37 གློ་བུར་རླུང་ཆེན་གཡུགས་ཏེ་རྦ་རླབས་གྲུའི་ནང་དུ་བརྒྱབ་པ་དང་མཚོ་གྲུའི་ནང་དུ་ཆུས་འགེང་བཞིན༌ཡོད།  
\v 38 སྐྱབས་མགོན་ཡེ་ཤུ་མཚོ་གྲུའི་མཇུག་ཏུ་སྔས་མགོར་སྔས་ཏེ་གཟིམས་པ༌ལ། ཐུགས་སྲས་རྣམས་ཀྱིས་ཁོང་གཟིམས་ལས་བསླངས༌ཏེ། སློབ་དཔོན༌ལགས། བདག་ཅག་འཆི་ལ༌ཉེའོ། །ཁྱེད་ཀྱིས་ཐུགས་ཁུར་མི་མཛད་དམ་ཞེས་ཞུས་པ༌དང༌།  
\v 39 ཁོང་སད་དེ་རླུང་ལ་བཀའ་བཀྱོན་མཛད་ཅིང་མཚོ་ལ་མཚམས་ཞོག༌ཅིག ཞི་བར་གྱུར་ཅིག་ཅེས་གསུངས་མ༌ཐག རླུང་གཡུག་མཚམས་ཆད་ནས་ཡོངས་སུ་ཞི་བར་གྱུར༌ཏོ།།  
\v 40 དེ་ནས་ཁོང་གིས་ཐུགས་སྲས་རྣམས་ལ་འདི་སྐད༌དུ། ཁྱོད་རྣམས་ཅིའི་ཕྱིར་འཇིགས༌སམ། ཁྱོད་ཅག་ལ་ད་དུང་དད་པ་མེད་དམ་ཞེས་གསུངས་པ༌དང༌།  
\v 41 ཁོ་རྣམས་ཤིན་ཏུ་འཇིགས་ཤིང་སྐྲག་སྟེ་ཕན་ཚུན་ལ་འདི་ནི་སུ་ཡིན༌ནམ། རླུང་དང་མཚོ་ཡིས་ཀྱང་ཁོང་གི་བཀའ་ལ་མཉན་པ་རེད་ཅེས་སྨྲས༌སོ།།   
\c 5
\cl ལེའུ་ལྔ༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 གདོན་འདྲེས་བཟུང་བའི་མི་ཞིག་གསོས༌པ།  
\p
\v 1 དེ་ནས་ཁོང་རྣམས་མཚོའི་ཕ་རོལ་གྱི་གེ་ར་སཱ་ཡུལ་དུ་ཕེབས༌ཤིང༌།  
\v 2 སྐྱབས་མགོན་ཡེ་ཤུ་མཚོ་གྲུ་ལས་བབས་མ༌ཐག དུར་ཁྲོད་ནས་གདོན་འདྲེས་བཟུང་བའི་མི་ཞིག་ཐོན་ཏེ་ཁོང་ལ་མཇལ་བ༌དང༌།  
\v 3 མི་དེ་ནི་རྒྱུན་དུ་དུར་ཁྲོད་དུ་བསྡད་ཡོད༌ཅིང༌། མི་སུས་ཀྱང་ཁོ་བཟུང་ནས་བཀྱིགས་མ་ནུས༌ཤིང༌། ཐ་ན་ལྕགས་ཐག་གིས་ཀྱང་བཀྱིག་མི་ནུས༌སོ།།  
\v 4 ཅིའི་ཕྱིར་ཞེ༌ན། མི་རྣམས་ཀྱིས་ཐེངས་མང་པོར་ཁོ་རང་ལྕགས་ཐག་གིས་བཀྱིགས་ཤིང་ལྕགས་སྒྲོག་བརྒྱབ་མྱོང༌ནའང༌། ཁོས་ལྕགས་ཐག་བཅད་ཅིང་ལྕགས་སྒྲོག་ཀྱང་དུམ་བུར་བཏང་བས་སུས་ཀྱང་ཁོ་འདུལ་མ༌ནུས།  
\v 5 ཁོས་ཉིན་མཚན་ཀུན་ཏུ་དུར་ཁྲོད་དང་རི་གསེབ་ནས་སྐད་ངན་སྒྲོག་ཅིང་རྡོ་ཡིས་རང་གི་ལུས་ལ་རྒྱག༌གོ།  
\v 6 ཁོས་རྒྱང་རིང་ནས་སྐྱབས་མགོན་ཡེ་ཤུ་མཐོང་སྟེ་བརྒྱུགས་ཡོང་ནས་ཁོང་ལ་ཕྱག་བཙལ་ཏོ།།  
\v 7-8 སྐྱབས་མགོན་ཡེ་ཤུས་དེ་སྔོན་གདོན་འདྲེ་དེ་ལ་འདི་སྐད༌དུ། གདོན་འདྲེ་ཁྱོད་མི་འདི་ལས་ཕྱིར་བུད་ཅིག་ཅེས་བཀའ་བསྩལ་ཡོད༌པས། དེས་སྐད་ཆེན༌པོས། ཀྱེ། བླ་ན་མེད་པའི་དཀོན་མཆོག་གི་སྲས་ཡེ་ཤུ༌ལགས། ངེད་གཉིས་ཀྱི་བར་དུ་འབྲེལ་བ་ཅི་མཆིས༌སམ། ངས་དཀོན་མཆོག་དཔང་དུ་བཙུགས་ནས་ཁྱེད་ལ༌ཞུ། ང་རང་སྡུག་ལ་མི་སྦྱོར་བར་མཛོད་ཅེས་ཞུས༌སོ།།  
\v 9 དེ་ནས་ཁོང་གིས་མི་དེ་ལ་ཁྱོད་ཀྱི་མིང་ལ་ཅི་ཟེར་ཞེས་དྲིས་པ༌ན། ཁོ་ན༌རེ། ངེད་ཅག་གྲངས་ཀ་མང་བའི་རྐྱེན་གྱིས་ངའི་མིང་ལ་དཔུང་ཚོགས་ཟེར་ཞེས་ཞུས་པ༌དང༌།  
\v 10 གདོན་འདྲེ་རྣམས་གནས་འདི་ནས་ཡུལ་གཞན་དུ་མི་བསྐྲོད་པའི་ཕྱིར་ཁོང་ལ་ཞུ་བ་ནན་གྱིས་ཞུས༌སོ།།  
\v 11 དེའི་ཚེ་རི་སྒང་ནས་ཕག་ཁྱུ་ཆེན་པོ་ཞིག་འཚོ་བཞིན་ཡོད་པ༌དང༌།  
\v 12 གདོན་འདྲེ་རྣམས་ཀྱིས་སྐྱབས་མགོན་ཡེ་ཤུ་ལ་ངེད་ཅག་ཕག་ཁྱུའི་ནང་དུ་འཇུག་པར་མཛོད་ཅེས་ཞུ་བ་ཞུས་པ༌ན།  
\v 13 ཁོང་གིས་ཀྱང་དེ་རྣམས་ཀྱི་ཞུ་བ་ལྟར་གནང༌བས། གདོན་འདྲེ་རྣམས་ཕྱི་རུ་ཐོན་ཏེ་ཕག་གི་ནང་དུ་ཞུགས་པ༌དང༌། ཕག་ཉིས་སྟོང་ཙམ་ཡོད་པ་རྣམས་གཡང་གཟར་དུ་བརྒྱུགས་ཤིང་མཚོ་ནང་དུ་ལྷུང་སྟེ་ནུབ་ནས༌ཤིའོ།།  
\v 14 དེ་ནས་ཕག་རྫི་རྣམས་བྲོས་ནས་གྲོང་ཁྱེར་དང་ཡུལ་འཁོར་གྱི་མི་རྣམས་ལ་གནས་ཚུལ་དེ་བཤད་པས་མི་རྣམས་ཅི་བྱུང་བར་བལྟ་རུ༌ཡོང༌།  
\v 15 ཁོ་རྣམས་སྐྱབས་མགོན་ཡེ་ཤུའི་དྲུང་དུ་སླེབས༌དུས། དེ་སྔོན་དཔུང་ཚོགས་ཞེས་པའི་གདོན་འདྲེས་བཟུང་བའི་མི་དེ་དྲན་པ་སོས་ཤིང་ལུས་ལ་ལྭ་བ་གྱོན་ནས་ཙོག་པུར་བསྡད་ཡོད་པ་མཐོང་སྟེ་འཇིགས་སྣང་སྐྱེས༌སོ།།  
\v 16 གནས་ཚུལ་དེ་མཐོང་མཁན་རྣམས་ཀྱིས་གདོན་འདྲེས་བཟུང་བའི་མི་དང་ཕག་ཁྱུ་གཉིས་ལ་བྱུང་བའི་དོན་དེ་མི་ཚོགས་ལ་སྨྲས་པ༌དང༌།  
\v 17 མི་ཚོགས་ཀྱིས་སྐྱབས་མགོན་ཡེ་ཤུ་ཁོ་རྣམས་ཀྱི་ཡུལ་དང་འབྲལ་དགོས་པར་ཞུ་བ་བྱས༌སོ།།  
\v 18 དེ་ནས་སྐྱབས་མགོན་ཡེ་ཤུ་མཚོ་གྲུའི་ནང་དུ་ཕེབས་པའི་དུས༌སུ། སྔར་གདོན་འདྲེས་བཟུང་བའི་མི་དེས་ཁོང་དང་ལྷན་དུ་འགྲོ་རུ་འཇུག་པར་ཞུ་བ་ཞུས༌ཀྱང༌།  
\v 19 ཁོང་གིས་ཁས་མ་བླངས་པར་མི་དེ་ལ་འདི་སྐད༌དུ། ཁྱོད་རང་ཡུལ་དུ་སོང༌དང༌། གཙོ་བོས་ཁྱོད་ལ་དོན་ཆེན་ཅི་ལྟ་བུ་མཛད་པ་དང་ཇི་ལྟར་སྙིང་རྗེ་གནང་བའི་དོན་དེ་རྣམས་རང་གི་གཉེན་ཉེ་རྣམས་ལ་ཤོད་ཅིག་ཅེས་བཀའ་གནང༌ངོ༌།།  
\v 20 དེ་ནས་མི་དེ་དི་ཁ་པའོ་ལེའི་མངའ་ཁོངས་སུ་སོང་ནས་སྐྱབས་མགོན་ཡེ་ཤུས་ཁོ་ལ་ཕན་ཆེན་པོ་ཅི་ལྟ་བུ་བཏགས་པ་རྣམས་བསྒྲགས་ཤིང་མི་ཐམས་ཅད་ངོ་མཚར་བར་གྱུར༌ཏོ།།   
\s1 མོ་ནད་བསལ་བ་དང་ཤི་ཟིན་པའི་བུ་མོ་ཞིག་སླར་གསོན་པར་མཛད༌པ།  
\p
\v 21 ཡང་སྐྱབས་མགོན་ཡེ་ཤུ་མཚོ་གྲུར་བཞུགས་ཏེ་མཚོའི་ཕ་རོལ་ནས་ཕྱིར་ཕེབས་པ༌ན། མི་ཤིན་ཏུ་མང་པོ་ཁོང་གི་དྲུང་དུ་འདུས་ཤིང་ཁོང་ཉིད་མཚོ་འགྲམ་དུ་བཞུགས༌སོ།།  
\v 22 དེ་ནས་ཆོས་ཁང་གི་དབུ་འཛིན་པ་ཡ་ཨིར་ཟེར་བ་དེ་སྐྱབས་མགོན་ཡེ་ཤུར་མཇལ་དུ་ཡོང་བ་དང་ཁོང་གི་ཞབས་དྲུང་དུ་ཕྱག་བཙལ་ཏེ་ན༌རེ།  
\v 23 ངའི་བུ་མོ་ཆུང་བ་དེ་འཆི་ལ་ཉེ༌བས། ཁོ་མོ་ནད་ལས་ཐར་ཏེ་གསོན་པའི༌ཕྱིར། ཁྱེད་རང་ཕེབས་ནས་ཁོ་མོའི་ལུས་སྟེང་དུ་ཕྱག་འཇོག་པར་མཛོད་ཅེས་ཞུ་བ་ཡང་ཡང་བྱས་པ༌ལ།  
\v 24 སྐྱབས་མགོན་ཡེ་ཤུའང་ཁོ་དང་མཉམ་དུ་ཕེབས་པ་དང་མི་ཤིན་ཏུ་མང་པོའང་ཁོང་གི་རྗེས་སུ་འབྲངས་ནས་འཚང་ཁ་བརྒྱབ་ཅིང་མཐའ་བསྐོར༌ཏོ།།   
\p
\v 25 དེའི༌ཚེ། ཁྲག་འཛིར་བའི་མོ་ནད་བྱུང་སྟེ་ལོ་བཅུ་གཉིས་འགོར་བའི་བུད་མེད་ཅིག་ཡོད་པ༌ལ།  
\v 26 སྨན་པ་མང་པོར་བསྟེན་ནས་སྡུག་བསྔལ་མང་པོ་མྱངས༌ཤིང༌། ཁོ་མོར་ཅི་ཡོད་པ་ཐམས་ཅད་བཀོལ་ཚར་ནའང་ཕན་པ་ཅི་ཡང་མེད་པར་ནད་ཇེ་སྡུག་ལ༌སོང༌།  
\v 27 ཁོ་མོས་སྐྱབས་མགོན་ཡེ་ཤུའི་སྐོར་ཐོས༌ཏེ། མི་ཚོགས་ཀྱི་དཀྱིལ་ནས་ཁོང་གི་སྐུ་རྒྱབ་ཏུ་ཡོང་སྟེ་ན་བཟའ་ལ་རེག༌གོ།  
\v 28 དེ་ནི་ཁོ་མོས་སེམས་སུ་ངས་ཁོང་གི་ན་བཟའ་ལ་རེག་ན་ང་རང་ནད་ལས་ཐར་ངེས་ཡིན་སྙམ་པ༌རེད།  
\v 29 དེ་མ་ཐག་ཏུ་ཁོ་མོའི་ཁྲག་འཛིར་མཚམས་ཆད་དེ་རང་ལུས་ཀྱི་ནད་སོས་པའང་ཤེས༌སོ།།  
\v 30 སྐྱབས་མགོན་ཡེ་ཤུས་ཀྱང་དེ་མ་ཐག་རང་གི་སྐུ་གཟུགས་ནས་ནུས་མཐུ་ཞིག་ཕྱིར་ཐོན་པ་ཐུགས་ལ་མཁྱེན༌ཏེ། མི་ཚོགས་ཀྱི་དཀྱིལ་དུ་ཞལ་ཕྱིར་འཁོར་ནས་སུས་ངའི་ལྭ་བར་རེག་པ་ཡིན་ནམ་ཞེས་གསུངས་པ༌དང༌།  
\v 31 ཐུགས་སྲས་རྣམས་ན༌རེ། མི་ཚོགས་ཀྱིས་འཚང་ཁ་བརྒྱབ་ནས་ཁྱེད་ཀྱི་མཐའ་བསྐོར་བ་ཁྱེད་ཀྱིས་ཀྱང་གཟིགས༌པས། ཅིའི་ཕྱིར་དེ་ལྟར་དྲིའམ་ཞེས༌སྨྲས།  
\v 32 དེ་ནས་ཁོང་གིས་རང་ཉིད་ལ་རེག་པའི་བུད་མེད་དེ་མཐོང་བའི་ཕྱིར་མཐའ་སྐོར་དུ་གཟིགས་པ༌ལ།  
\v 33 བུད་མེད་དེས་ཀྱང་རང་གི་ལུས་ལ་ཅི་ཞིག་བྱུང་བ་ཤེས༌པས། སྐྲག་ཅིང་འདར་བཞིན་ཁོང་གི་སྐུ་དྲུང་དུ་ཕྱག་བཙལ་ཏེ་གནས་ཚུལ་དངོས་ཐམས་ཅད་ཁོང་ལ་ཞུས༌སོ།།  
\v 34 སྐྱབས་མགོན་ཡེ་ཤུས་ཁོ་མོར་འདི་སྐད༌དུ། བུ༌མོ། ཁྱོད་ཀྱི་དད་པས་ཁྱོད་རང་བསྐྱབས་པ༌ཡིན། བདེ་བར་ཕྱིར་སོང༌དང༌། དུས་ད་ནས༌བཟུང༌། ཁྱོད་རང་ནད་འདི་ལས་ཐར་བ་ཡིན་ཞེས་གསུངས༌སོ།།   
\p
\v 35 ཡང་ཁོང་གིས་དེ་ལྟར་གསུང་བཞིན་པའི་དུས༌སུ། མི་འགའ་ཞིག་ཆོས་ཁང་གི་དབུ་འཛིན་པའི་ཁྱིམ་ནས་ཡོང་སྟེ་ན༌རེ། ཁྱེད་ཀྱི་བུ་མོ་ཤི་ཟིན་པས་ད་ལྟ་སློབ་དཔོན་ལ་འོ་བརྒྱལ་ཅི་ལ་བྱེད་ཅེས་སྨྲས་པ༌ན།  
\v 36 སྐྱབས་མགོན་ཡེ་ཤུས་གཏམ་དེ་གསན་ནས་ཆོས་ཁང་གི་དབུ་འཛིན་པ་ལ་འདི་སྐད༌དུ། མ་འཇིགས་པར་དད་པ་ཁོ་ན་བྱོས་ཤིག་ཅེས་གསུངས་པ༌དང༌།  
\v 37 པེ་ཏྲོ་དང་ཡ༌ཀོབ། ཡ་ཀོབ་ཀྱི་སྤུན་ཡོ་ཧ་ནན་བཅས་ཁྲིད་པ་ལས་གཞན་སུ་ཡང་ཁོང་གི་རྗེས་སུ་འབྲང་དུ་མ་བཅུག༌གོ།  
\v 38 ཁོང་རྣམས་ཆོས་ཁང་གི་དབུ་འཛིན་པའི་ཁྱིམ་དུ་སླེབས་པ༌ན། སྐྱབས་མགོན་ཡེ་ཤུས་གནས་དེར་འུར་སྒྲ་ཆེ་བ་དང་མི་མང་པོ་ངུ་ཞིང་མྱ་ངན་བྱེད་བཞིན་པ་གཟིགས༌ཏེ།  
\v 39 ཁྱིམ་ནང་དུ་ཕེབས་ཏེ་འདི་སྐད༌དུ། འུར་བརྒྱབ་ནས་ངུ་དོན་ཅི་ཡིན༌ནམ། བུ་མོ་འདི་ཤི་བ་མ་ཡིན་པར་གཉིད་འདུག་ཅེས་གསུངས་པ༌དང༌།  
\v 40 མི་དེ་རྣམས་ཀྱིས་ཁོང་ལ་འཕྱ་དགོད་བྱས་མོད་ཀྱང་སྐྱབས་མགོན་ཡེ་ཤུས་ཁོ་རྣམས་ཐམས་ཅད་ཕྱི་རོལ་ཏུ་བསྐྲད༌ཅིང༌། བུ་མོ་དེའི་ཕ་མ་དང་ཁོང་དང་མཉམ་དུ་ཡོད་པ་རྣམས་ཁྲིད་ནས་བུ་མོ་ཡོད་སར་ཕེབས་པ༌དང༌།  
\v 41 ཁོང་གིས་བུ་མོའི་ལག་པར་འཇུས་ཏེ་འདི་སྐད༌དུ། ཏ་ལི་ཐཱ་ཀུ་མེ་ཞེས་བཀའ་གནང་ཞིང་དོན་ནི་འདི་ལྟ༌སྟེ། བུ་མོ་ཆུང༌ཆུང༌། ངས་ཁྱོད་ལ་ཡར་ལོངས་ཟེར་བ་ཡིན་ཞེས༌པའོ།།  
\v 42 དེ་མ་ཐག་ལོ་བཅུ་གཉིས་ལོན་པའི་བུ་མོ་དེ་ཡར་ལངས་ཤིང་འགྲོ་ཐུབ་པར་གྱུར་པས་གནས་དེར་ཡོད་པའི་མི་རྣམས་ངོ་མཚར་ཆེན་པོ༌སྐྱེས།  
\v 43 སྐྱབས་མགོན་ཡེ་ཤུས་མི་དེ་རྣམས་ལ་དོན་འདི་མི་གཞན་སུ་ལའང་ཤེས་སུ་མི་འཇུག་པར་ནན་གྱིས་བསྐུལ༌ཞིང༌། བུ་མོ་དེ་ལ་ཁ་ཟས་སྟེར་དགོས་པའི་བཀའ་ཡང་གནང༌ངོ༌།།   
\c 6
\cl ལེའུ་དྲུག༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 ཡུལ་མི་རྣམས་ཀྱིས་སྐྱབས་མགོན་ཡེ་ཤུ་ལ་བརྩི་བཀུར་མ་བྱས༌པ།  
\p
\v 1 དེ་ནས་སྐྱབས་མགོན་ཡེ་ཤུ་ས་ཆ་དེ་དང་ཁ་བྲལ་ནས་རང་ཡུལ་དུ་ཕེབས་པ་དང་ཐུགས་སྲས་རྣམས་ཀྱང་ཁོང་གི་རྗེས་སུ་འབྲངས༌སོ།།  
\v 2 ངལ་གསོ་བའི་ཉིན༌ལ། སྐྱབས་མགོན་ཡེ་ཤུས་ཆོས་ཁང་ནས་མི་རྣམས་ལ་ཆོས་གསུངས་པ་དང་ཉན་མཁན་མང་པོས་ཆོས་ཐོས་ཤིང་ཧ་ལས༌ཏེ། མི་འདིར་ནུས་པ་དེ་ལྟ་བུ་རྣམས་གང་ནས་བྱུང་བ་ཡིན༌ནམ། ཁོང་ལ་གནང་ཡོད་པའི་ཤེས་རབ་ནི་ཅི་ཞིག་ཡིན༌ནམ། ཁོང་གི་ཕྱག་གིས་མཛད་པ་དེ་ནི་ཅི་འདྲའི་ངོ་མཚར་ཆེ༌ཨང༌།  
\v 3 མི་འདི་ནི་ཤིང་བཟོ་དེ་མ་ཡིན༌ནམ། ཁོ་རང་ནི་མིར་ཡམ་གྱི་བུ་སྟེ་ཡ་ཀོབ༌དང༌། ཡོ༌སེ། ཡུ༌དཱ། སི་མོན་བཅས་ཀྱི་གཅེན་པོ་མ་ཡིན༌ནམ། ཁོའི་སྲིང་མོ་རྣམས་ཀྱང་ཡུལ་འདི་རུ་བདག་ཅག་དང་མཉམ་དུ་ཡོད་པ་མ་ཡིན་ནམ་ཞེས་ཟེར༌ཞིང༌། མི་དེ་རྣམས་ཁོང་ལ་མི་དགའ་བར་གྱུར༌ཏོ།།  
\v 4 སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། ལུང་སྟོན་པ་ལ་རང་ཡུལ་གྱི་མི༌དང༌། གཉེན༌ཉེ། ཁྱིམ་མི་ལས་གཞན་བརྩི་བཀུར་མི་བྱེད་མཁན་གཅིག་ཀྱང་མེད་ཅེས༌གསུངས།  
\v 5 ཁོང་གིས་ནད་པ་ཁ་ཤས་ཀྱི་ལུས་སྟེང་ལ་ཕྱག་བཞག་སྟེ་ནད་འཇོམས་པ་ལས་ངོ་མཚར་བའི་དོན་གཞན་མཛད་མ༌ནུས།  
\v 6 མི་དེ་རྣམས་ལ་དད་པ་མེད་པས་ཁོང་ཡང་ཡ་མཚན་སྐྱེས་ཤིང་མཐའ་འཁོར་གྱི་ཡུལ་སྡེ་དག་ལ་ཆོས་གསུང་བར་ཕེབས༌སོ།།   
\s1 ཐུགས་སྲས་བཅུ་གཉིས་པོ་ཡུལ་གཞན་དུ་མངགས༌པ།  
\p
\v 7 དེ་ནས་སྐྱབས་མགོན་ཡེ་ཤུས་ཐུགས་སྲས་བཅུ་གཉིས་པོ་རང་གི་དྲུང་དུ་བོས༌ཏེ། ཁོ་རྣམས་ལ་གདོན་འདྲེ་འདུལ་བའི་དབང་གནང་བ་དང་མི་གཉིས་རེ་གཉིས་རེ་ཕྱི་རུ་མངགས༌ཤིང༌།  
\v 8 ལམ་དུ་ཆས་སྐབས་མཁར་བ་ལས་གཞན་ལམ་བྲོ་དང་ཁུག༌མ། སྒོར་ཁུག་ནང་དངུལ་སྒོར་སོགས་ཅི་ཡང་མ་འཁྱེར༌ཅིག  
\v 9 རྐང་པར་བསིལ་ལྷམ་གྱོན་པ༌ལས། ནང་གོས་ཉིས་བརྩེགས་མ་གྱོན་ཅིག་ཅེས་བཀའ་བསྒོས་པ༌དང༌།  
\v 10 ཡང་ཁྱོད་རྣམས་ཡུལ་གང་དུ་སླེབས་ནའང་མིའི་ཁྱིམ་དུ་སོང༌རྗེས། ས་ཆ་དེ་དང་ཁ་འབྲལ་བའི་བར་དུ་ཁྱིམ་དེར་སྡོད༌དང༌།  
\v 11 ཡུལ་གང་གི་མི་ཡིས་ཁྱོད་རྣམས་ལ་གནས་ཚང་མི་གཏོང་ཞིང་ཁྱོད་ཅག་ལ་མི་ཉན༌ན། ཁྱོད་རྣམས་ས་ཆ་དེ་དང་འབྲལ་བའི་དུས༌སུ། ཁོ་རྣམས་མི་འགྲིག་པ་སྟོན་པའི་ཆེད་དུ་རྐང་པའི་སྟེང་གི་ས་རྡུལ་སྤྲུགས་ཤིག་ཅེས་གསུངས༌སོ།།  
\v 12 ཐུགས་སྲས་རྣམས་ཕྱི་རོལ་ཏུ་སོང་ནས་མི་རྣམས་ལ་འགྱོད་བཤགས་བྱེད་དགོས་པའི་ཆོས་བསྒྲགས༌ཤིང༌།  
\v 13 གདོན་འདྲེ་མང་པོ་ཕྱིར་བསྐྲད་པ་དང་ནད་པ་མང་པོར་སྣུམ་གྱིས་བྱུགས་ཏེ་ནད་ལས་ཐར་དུ་བཅུག༌གོ།   
\s1 ཁྲུས་གསོལ་མཁན་ཡོ་ཧ་ནན་བཀྲོངས༌པ།  
\p
\v 14 སྐྱབས་མགོན་ཡེ་ཤུའི་མཚན་སྙན་ཡུལ་གྲུ་ཀུན་ཏུ་ཁྱབ་པ་དང་རྒྱལ་པོ་ཧེ་རོ་དཱས་ཀྱང་གཏམ་དེ་ཐོས༌སོ། །མི་གཞན་གྱིས་སྐྱབས་མགོན་ཡེ་ཤུ་ནི་ཁྲུས་གསོལ་མཁན་ཡོ་ཧ་ནན་འཆི་བ་ལས་སླར་གསོན་པ་ཡིན་པས་ཁོང་གིས་ནུས་མཐུ་འདི་དག་སྟོན་བཞིན་འདུག་ཅེས་སྨྲས༌ཤིང༌།  
\v 15 མི་ལ་ལས་ཁོང་ནི་ཨེ་ལི་ཡཱ་ཡིན་ཟེར་བ༌དང༌། མི་ཁ་ཤས་ཀྱིས་ཁོང་ནི་ལུང་སྟོན་པ་ཞིག༌སྟེ། གནའ་བོའི་ལུང་སྟོན་པའི་ཁྲོད་ཀྱི་གཅིག་དང་མཚུངས་ཞེས་སྨྲས༌སོ།།  
\v 16 འོན་ཀྱང་ཧེ་རོ་དཱས་གཏམ་དེ་དག་ཐོས་པ༌ན། དེ་ནི་ངས་མགོ་བོ་བཅད་པའི་ཡོ་ཧ་ནན་དེ་ཉིད་སླར་གསོན་པ་རེད་ཅེས་སྨྲས༌སོ།།   
\p
\v 17 དེ་ཡང་སྔོན་ཆད་ཧེ་རོ་ཡཱ་ཟེར་བ་ཞིག་ཡོད་པ་དེའི་རྐྱེན༌གྱིས། ཧེ་རོ་དཱས་མི་མངགས་ནས་ཡོ་ཧ་ནན་བཟུང་སྟེ་བཙོན་དུ་བཅུག་པ༌རེད། རྒྱུ་མཚན་ཅི་ཞེ༌ན། ཧེ་རོ་ཡཱ་ནི་ཧེ་རོ་དཱའི་སྤུན་ཕི་ལིབ་ཀྱི་ཆུང་མ་ཡིན་ཡང་ཧེ་རོ་དཱས་རང་གི་ཆུང་མར་བླངས༌པས།  
\v 18 ཡོ་ཧ་ནན་གྱིས་དེ་སྔར་ཧེ་རོ་དཱ་ལ་འདི་སྐད༌དུ། ཁྱོད་ཀྱིས་རང་གི་སྤུན་གྱི་ཆུང་མ་རང་ལ་ལེན་མི་རུང་ཞེས་གསུངས༌སོ།།  
\v 19 དེ་བས་ཧེ་རོ་ཡཱས་ཡོ་ཧ་ནན་འཁོན་དུ་བཟུང་ནས་དགྲོང་བར་འདོད་ནའང་དགྲོང་མ༌ནུས།  
\v 20 རྒྱུ་མཚན་ནི་ཧེ་རོ་དཱས་ཡོ་ཧ་ནན་ནི་གཞུང་རྒྱུད་དྲང་ཞིང་སྐྱེས་བུ་དམ་པ་ཞིག་ཡིན་པ་ཤེས་པས་ཁོང་ལ་འཇིགས་ཤིང་ཁོང་གནོད་པ་ལས༌བསྲུངས། ཁོས་ཡོ་ཧ་ནན་གྱི་བསླབ་བྱ་ལ་ཉན་དུས་མགོ་འཐོམས་ནའང་ཉན་པར༌དགའོ།།  
\v 21 སྟབས་འགྲིག་པའི་ཉིན༌ཞིག་ལ། ཧེ་རོ་དཱས་རང་གི་སྐྱེས་སྐར་ལ་བློན་ཆེན༌དང༌། དམག༌དཔོན། ག་ལིལ་ཡུལ་གྱི་འགོ་དཔོན་རྣམས་མགྲོན་དུ་བོས་ཏེ་དགའ་སྟོན་བཤམས༌ཤིང༌།  
\v 22 ཧེ་རོ་ཡཱའི་བུ་མོའང་སྟོན་ཐོག་ཏུ་ཡོང་སྟེ་བྲོ་འཁྲབ་ནས་ཧེ་རོ་དཱ་དང་མགྲོན་པོ་རྣམས་དགའ་བར་བྱས༌པས། རྒྱལ་པོས་བུ་མོ་དེ་ལ་ཁྱོད་ཀྱིས་ཅི་དང་ཅི་འདོད་པ་བདག་ལ་སྨྲོས༌ཤིག ངས་སྟེར་ངེས་ཡིན་ཞེས་སྨྲས་པ༌དང༌།  
\v 23 ཡང་ཁོ་མོར་དམ་བཅས༌ཏེ། ཁྱོད་ཀྱིས་ང་རང་ལ་ཅི་ཞིག་བསླངས་ན་ངས་རྒྱལ་ཁམས་ཀྱི་ཕྱེད་ཀ་ཡིན་ཡང་ཁྱོད་ལ་སྟེར་ངེས་ཡིན་ཞེས་ཁས་བླངས༌སོ།།  
\v 24 དེ་ནས་བུ་མོ་དེ་ཕྱི་རུ་སོང་ནས་རང་གི་མ༌ལ། ངས་ཅི་ཞིག་བསླངས་ན་ལེགས་སམ་ཞེས་དྲིས་པ༌ལ། ཁོ་མོའི་མ་ན༌རེ། ཁྲུས་གསོལ་མཁན་ཡོ་ཧ་ནན་གྱི་མགོ་བོ་སློངས་ཤིག་ཅེས་སྨྲས་པ༌དང༌།  
\v 25 བུ་མོ་མྱུར་དུ་ཕྱིར་རྒྱལ་པོའི་དྲུང་དུ་ལོག༌སྟེ། ངའི་འདོད་པ་ནི་ད་ལྟ་མྱུར་དུ་ཁྲུས་གསོལ་མཁན་ཡོ་ཧ་ནན་གྱི་མགོ་བོ་སྡེར་མའི་ནང་དུ་བཞག་ནས་བདག་ལ་གནང་བར་མཛོད་ཅེས་ཞུས༌སོ།།  
\v 26 དེའི་ཚེ་རྒྱལ་པོ་ཧེ་རོ་དཱའི་སེམས་ཤིན་ཏུ་སྐྱོ་ནའང་མགྲོན་པོ་རྣམས་ཀྱི་མདུན་ནས་དམ་བཅས་ཟིན་པས་མི་སྟེར་ཞེས་ཟེར་མ་ཕོད༌པར།  
\v 27 དེ་མ་ཐག་སྲུང་དམག་ཅིག་མངགས་ཏེ་ཡོ་ཧ་ནན་གྱི་མགོ་བོ་འཁྱེར་ཡོང་བའི་བཀའ་བསྒོས༌ཤིང༌། སྲུང་དམག་དེ་ཡང་བཙོན་ཁང་དུ་སོང་ནས་ཡོ་ཧ་ནན་གྱི་མགོ་བོ་བཅད༌དེ།  
\v 28 སྡེར་མའི་ནང་དུ་བཞག་ནས་ཁྱེར་ཡོང་སྟེ་ཁོ་མོར་བྱིན་པ༌དང༌། བུ་མོ་དེས་ཀྱང་རང་གི་མ་ལ༌བྱིན།  
\v 29 ཡོ་ཧ་ནན་གྱི་རྗེས་འབྲང་པ་རྣམས་ཀྱིས་གཏམ་དེ་ཐོས་ནས་ཡུལ་དེར་སླེབས༌ཏེ། ཁོང་གི་སྐུ་གདུང་ཁུར་ནས་དུར་དུ་བཞག༌གོ།   
\s1 མི་ལྔ་སྟོང་ལྷག་འགྲང་བར་མཛད༌པ།  
\p
\v 30 དེ་ནས་སྐུ་ཚབ་པ་རྣམས་\f + \ft འདིར་སྐུ་ཚབ་པ་རྣམས་ཞེས་པ་ནི་དོན་ལ་ཐུགས་སྲས་རྣམས༌ཡིན།\f*སླར་ཡང་སྐྱབས་མགོན་ཡེ་ཤུའི་དྲུང་དུ་འཛོམས༌ཏེ། དོན་ཅི་ཞིག་བསྒྲུབས་པ་དང་ཆོས་ཇི་ལྟར་བསྟན་པ་ཐམས་ཅད་ཁོང་ལ་ཞུས་པ༌ན།  
\v 31 སྐྱབས་མགོན་ཡེ་ཤུས་ཁོ་རྣམས་ལ་འདི་སྐད༌དུ། ཁྱོད་རང་ཚོ་ཁོ་ན་འདིར་ཤོག་དང་ངེད་རྣམས་ལྷན་དུ་དབེན་གནས་ཤིག་ཏུ་སོང་ནས་ཅུང་ཙམ་ངལ་གསོ་བར་བྱའོ་ཞེས་གསུངས༌སོ། །རྒྱུ་མཚན་ནི་གནས་འདིར་ཕར་འགྲོ་ཚུར་ཡོང་གི་མི་མང༌བས། ཁོང་རྣམས་ལ་ཞལ་ཟས་བཞེས་ཁོམ་ཡང་མ་བྱུང༌ངོ༌།།  
\v 32 དེ་ནས་ཁོང་རྣམས་མཚོ་གྲུར་བསྡད་ནས་དབེན་གནས་ཀྱི་ཕྱོགས་སུ༌ཕྱིན།  
\v 33 མི་ཚོགས་ཀྱིས་ཀྱང་ཁོང་རྣམས་འགྲོ་བཞིན་པ་མཐོང༌སྟེ། མི་མང་པོ་ཞིག་གིས་ཁོང་རྣམས་སུ་ཡིན་ཤེས་པས་གྲོང་སྡེ་སོ་སོ་ནས་ལྷན་དུ་རྐང་ཐང་ལ་བརྒྱུགས་ཏེ་ཁོང་རྣམས་ཀྱི་སྔོན་ལ་ཡུལ་དེར་སླེབས༌སོ།།  
\v 34 སྐྱབས་མགོན་ཡེ་ཤུ་གྲུ་ལས་བབས་པ༌ན། མི་ཤིན་ཏུ་མང་པོ་ནི་རྫི་བོ་མེད་པའི་ལུག་དང་འདྲ་བར་གཟིགས༌པས། ཐུགས་ལ་སྙིང་རྗེ་འཁྲུངས་ནས་དེ་དག་ལ་ཆོས་མང་པོ༌གསུངས།  
\v 35 ཉི་མ་ནུབ་ལ་ཉེ་བའི་དུས༌སུ། ཐུགས་སྲས་རྣམས་ཁོང་གི་དྲུང་དུ་ཡོང་སྟེ་ན༌རེ། ས་ཆ་འདི་དབེན་སྟོང་ཡིན་པ་དང་ཉི་མ་ཡང་ནུབ་ལ་ཉེ༌བས།  
\v 36 ཁོ་རྣམས་ཉེ་འཁོར་གྱི་གྲོང་སྡེ་དང་མཐའ་ཁུལ་དག་ལ་རང་རང་གི་ཁ་ཟས་ཉོ་རུ་གཏོང་བར་མཛོད་ཅེས་ཞུས་པ༌ན།  
\v 37 སྐྱབས་མགོན་ཡེ་ཤུས་ཁོ་རྣམས་ལ་འདི་སྐད༌དུ། ཁྱོད་ཅག་གིས་མི་ཚོགས་ལ་ཁ་ཟས་བྱིན་ཅིག་ཅེས༌གསུངས། ཐུགས་སྲས་རྣམས་ན༌རེ། ངེད་ཅག་གིས་དངུལ་སྒོར་ཉིས་བརྒྱ་ \f + \ft དངུལ་སྒོར་ཉིས་བརྒྱ་ཞེས་པ་འདིར་དམ་པའི་གསུང་རབ་ཀྱི་འཕྲིན་བཟང་འདི་ཉིད་ཡིག་ཐོག་ཏུ་འགོད་པའི་དུས༌སུ། དངུལ་སྒོར་གཅིག་ནི་ཉིན་གཅིག་གི་གླ་ཆ༌ཡིན། \f*བཀོལ་ནས་བག་ལེབ་ཉོས༌ཏེ། ཁོ་རྣམས་ལ་ཁ་ཟས་སྟེར་ནུས་སམ་ཞེས་ཞུས་པ༌ལ།  
\v 38 ཡང་ཁོང་གིས་འདི་སྐད༌དུ། ཁྱོད་རྣམས་བག་ལེབ་ག་ཙམ་ཡོད་པར་བལྟ་རུ་སོང་ཞེས་གསུངས་པ༌དང༌། ཐུགས་སྲས་རྣམས་ཀྱིས་ཅི་ཙམ་ཡོད་པ་ཤེས༌ཏེ། བག་ལེབ་ལྔ་དང་ཉ་གཉིས་ཡོད་ཅེས་ཞུས༌སོ།།  
\v 39 དེ་ནས་སྐྱབས་མགོན་ཡེ་ཤུས་ཐུགས་སྲས་རྣམས་ལ་མི་ཐམས་ཅད་གྲལ་སྐོར་བྱས་ཏེ་སྤང་ཐང་ལ་སྡོད་དུ་འཇུག་པའི་བཀའ་གནང་བ༌དང༌།  
\v 40 མི་ཚོགས་བརྒྱའམ་ལྔ་བཅུ་རེ་གྲལ་སྐོར་བྱས་ནས་བསྡད༌དོ།།  
\v 41 སྐྱབས་མགོན་ཡེ་ཤུས་བག་ལེབ་ལྔ་དང་ཉ་གཉིས་པོ་ཕྱག་ཏུ་བསྣམས་ཏེ་ནམ་མཁར་གཟིགས་ནས་བྱིན་རླབས་གནང༌རྗེས། དུམ་བུར་བྱས་ནས་ཐུགས་སྲས་རྣམས་ལ་གནང་ཞིང་མི་ཚོགས་ཀྱི་མདུན་དུ་བཀྲམ༌པའོ། །ཁོང་གིས་ཉ་གཉིས་པོའང་མི་ཐམས་ཅད་ལ་བགོས༌པས།  
\v 42 མི་ཚང་མས་ཟོས་ཤིང་ལྟོ་བ་འགྲངས་པ༌དང༌།  
\v 43 ཐུགས་སྲས་རྣམས་ཀྱིས་བག་ལེབ་དང་ཉའི་ཟས་ལྷག་བསྡུས་ནས་སླེ་བོ་བཅུ་གཉིས་གང་ཞིང༌།  
\v 44 བག་ལེབ་ཟ་མཁན་གྱི་སྐྱེས་པ་བསྡོམས་པས་ལྔ་སྟོང་ཙམ་ཡོད༌དོ།།   
\s1 སྐྱབས་མགོན་ཡེ་ཤུས་མཚོ་སྟེང་དུ་ཞབས་ཀྱིས་བཅགས༌པ།  
\p
\v 45 དོན་དེའི་རྗེས་སུ་སྐྱབས་མགོན་ཡེ་ཤུས་ཐུགས་སྲས་རྣམས་མཚོ་གྲུར་སྡོད་དུ་བཅུག༌སྟེ། ཁོང་གི་སྔོན་དུ་མཚོའི་ཕ་རོལ་གྱི་པེ་སད་དཱ་རུ་འགྲོ་བར་བསྐུལ་ཞིང་མི་རྣམས་ཀྱང་སོ་སོར་གྱེས་སུ༌བཅུག  
\v 46 དེ་ནས་སྐྱབས་མགོན་ཡེ་ཤུ་མི་ཚོགས་དང་ཁ་བྲལ་རྗེས་རི་མགོར་གསོལ་བ་འདེབས་སུ་ཕེབས་པ༌དང༌།  
\v 47 མཚན་མོའི་དུས༌སུ། ཁོ་རྣམས་ཀྱི་གྲུ་དེ་མཚོ་དཀྱིལ་དུ་སླེབས་ཤིང་སྐྱབས་མགོན་ཡེ་ཤུ་གཅིག་པུ་སྐམ་སར་བཞུགས༌སོ།།  
\v 48 ཁོང་གིས་རླུང་ཚུར་གཡུགས་ཤིང་ཐུགས་སྲས་རྣམས་ཀྱིས་མཚོ་གྲུ་གཏོང་བ་ལ་དཀའ་ཁག་ཆེན་པོ་བྱུང་བ་གཟིགས་པ༌དང༌། ནམ་ལངས་ལ་ཉེ་བའི་དུས༌སུ། ཁོང་གིས་མཚོ་སྟེང་དུ་ཞབས་ཀྱིས་བཅགས་ནས་དེ་དག་གི་གམ་དུ་ཕེབས་པ་དང་ཕར་ཕྱོགས་སུ་འགྲོ་བར་དགོངས་པ༌ལ།  
\v 49 ཐུགས་སྲས་རྣམས་ཀྱིས་ཁོང་གིས་མཚོ་སྟེང་དུ་ཞབས་ཀྱིས་བཅགས་ནས་ཕེབས་པ་མཐོང༌སྟེ། འདྲེ་ཡིན་པར་བསམས་ནས་འུར་བརྒྱབ༌བོ།།  
\v 50 ཅིའི་ཕྱིར་ཞེ༌ན། ཁོ་རྣམས་ཚང་མས་ཁོང་ཉིད་མཐོང་བ་ཙམ་གྱིས་འཇིགས་ཤིང་སྐྲག་པས༌སོ། །དེ་ནས་སྐྱབས་མགོན་ཡེ་ཤུས་འཕྲལ་དུ་ཁོ་རྣམས་ལ་འདི་སྐད༌དུ། ཁྱོད་རྣམས་ཀྱི་སེམས་བདེ་བར་གྱིས༌དང༌། ང་རང་ཡིན་པས་འཇིགས་མི་དགོས་ཞེས་གསུངས༌སོ།།  
\v 51 ཁོང་ཉིད་མཚོ་གྲུའི་ནང་དུ་ཕེབས་པ་དང་རླུང་གཡུག་མཚམས་ཀྱང་ཆད་པས་ཁོ་རྣམས་ཀྱི་སེམས་སུ་ངོ་མཚར་ཆེན་པོ་སྐྱེས༌ཤིང༌།  
\v 52 དེ་ནི་ཁོ་རྣམས་ཀྱིས་བག་ལེབ་བགོས་པའི་དོན་ཡང་མི་རྟོགས་པའི་ཕྱིར༌དང༌། ཁོ་རྣམས་ཀྱི་སེམས་རྒྱུད་ད་དུང་གྱོང་པོ་ཡིན༌ནོ།།   
\s1 གེན་ནེ་སཱ་རེལ་ཡུལ་དུ་ནད་གསོས༌པ།  
\p
\v 53 དེ་ནས་ཁོང་རྣམས་མཚོ་བརྒལ་ནས་གེན་ནེ་སཱ་རེལ་གྱི་ས་ཆར་སླེབས་ཤིང་མཚོ་གྲུ་ཡང་མཚོ་འགྲམ་དུ༌བཏགས།  
\v 54 ཁོང་རྣམས་མཚོ་གྲུ་ལས་སར་བབས་མ་ཐག་མི་རྣམས་ཀྱིས་སྐྱབས་མགོན་ཡེ་ཤུ་ཡིན་པ་ཤེས་པ༌དང༌།  
\v 55 ཁོང་གང་དུ་བཞུགས་པ་ཐོས༌རྗེས། མཐའ་སྐོར་གྱི་ཡུལ་ཐམས་ཅད་ལ་བརྒྱུགས་ཏེ་ནད་པ་རྣམས་ཁྱོགས་ཤིང་དུ་བཞག་ནས་ཁུར་ཡོང༌ངོ༌།།  
\v 56 ཁོང་ཉིད་གྲོང་སྡེའམ་གྲོང༌ཁྱེར། ཡང་ན་མཐའ་ཁུལ་བཅས་ས་ཆ་གང་དུ་ཕེབས༌ནའང༌། མི་རྣམས་ཀྱིས་ནད་པ་རྣམས་ཁྲོམ་སྲང་དུ་བསྐྱལ༌ཏེ། སྐྱབས་མགོན་ཡེ་ཤུ་ལ་ཁོང་གི་ན་བཟའི་འདབས་ཁ་ཙམ་ལ་རེག་ཏུ་གནང་བར་ཞུ་བ་ཞུས༌ཤིང༌། དེར་རེག་པའི་ནད་པ་ཐམས་ཅད་ནད་ལས་ཐར་བར་གྱུར༌ཏོ།།   
\c 7
\cl ལེའུ་བདུན༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 གནའ་བོའི་ལུགས་སྲོལ༌སྐོར།  
\p
\v 1 ཡེ་རུ་སཱ་ལེམ་ནས་ཡོང་བའི་ཕ་རུ་ཤི་པ་རྣམས་དང་མཁན་པོ་ཁ་ཤས་སྐྱབས་མགོན་ཡེ་ཤུའི་དྲུང་དུ་འདུས༌ཤིང༌།  
\v 2 དེ་རྣམས་ཀྱིས་ཁོང་གི་ཐུགས་སྲས་དག་གི་ཁྲོད་དུ་འགའ་ཞིག་གིས་ལག་པ་མི་གཙང་བ་སྟེ་ལག་པ་མ་བཀྲུས་པར་བག་ལེབ་ཟ་བཞིན་པ་མཐོང༌ངོ༌།།  
\v 3 མ་གཞི་ཕ་རུ་ཤི་པ་དང་བཅས་པའི་ཡ་ཧུ་དཱའི་མི་རིགས་ཐམས་ཅད་ཀྱིས་གནའ་མིའི་ལུགས་སྲོལ་སྲུང༌ཞིང༌། རང་གི་ལག་པ་གཙང་མར་མ་བཀྲུས་པར་ཟས་མི༌ཟའོ།།  
\v 4 ཁྲོམ་སྲང་ནས་ཕྱིར་ལོག་ནའང་གཙང་མར་མ་བཀྲུས་པར་ཟས་མི༌ཟ། ད་དུང་ལུགས་སྲོལ་གཞན་ཡང་མང་པོ་ཡོད༌དེ། ཁོ་རྣམས་ཀྱིས་མི་རབས་ནས་མི་རབས་བར་དུ་བསྲུངས༌ཤིང༌། དཔེར་ན་ཕོར་བ་དང་བུམ༌པ། ཟངས༌སྣོད། མལ་ཁྲི་བཅས་ཀྱང་བཀྲུ་བ་ཡིན༌ནོ།།  
\v 5 དེ་ནས་ཕ་རུ་ཤི་པ་དང་མཁན་པོ་རྣམས་ཀྱིས་སྐྱབས་མགོན་ཡེ་ཤུ༌ལ། ཁྱེད་ཀྱི་ཐུགས་སྲས་རྣམས་ཀྱིས་ཅིའི་ཕྱིར་གནའ་མིའི་ལུགས་སྲོལ་བཞིན་མི་བྱེད༌པར། ལག་པ་མི་གཙང་ནའང་བག་ལེབ་ཟའམ་ཞེས་དྲིས་པ༌དང༌།  
\v 6 སྐྱབས་མགོན་ཡེ་ཤུས་འདི་སྐད༌དུ། ཚུལ་འཆོས་པ་ཁྱོད་ཅག་གི་སྐོར་ལ་ཡེ་ཤ་ཡཱ་ཡིས་ལེགས་པར་གསུངས་པ་འདི་ལྟ༌སྟེ།  
\q1 མི་སྡེ་འདི་ཡིས་ངག་ནས་ང་རང་བཀུར་ན༌ཡང༌།།  
\q1 ཁོ་ཚོའི་སེམས་ནི་ང་དང་ཡོངས་སུ་བྲལ་བ༌ཡིན།།   
\q1
\v 7 འཇིག་རྟེན་མི་ཡིས་བརྩམས་པའི་བསླབ་བྱ་སྣ་ཚོགས༌པ།།  
\q1 བདེན་པའི་ཆོས་ཀྱི་གཞུང་ལུགས་ཡིན་ཁུལ་སྟོན་བྱེད༌པས།།  
\q1 བསྙེན་བཀུར་དེ་འདྲ་བདག་ལ་བྱས་ཀྱང་སྙིང་པོ༌མེད།།  
\m ཅེས་བཀོད་པ༌ལྟར།  
\v 8 ཁྱོད་རྣམས་ཀྱིས་དཀོན་མཆོག་གི་བཀའ་སྤངས་ནས་མིའི་ལུགས་སྲོལ་སྲུང་བཞིན་འདུག་ཅེས་གསུངས་པ༌དང༌།  
\v 9 ཡང་འདི་སྐད༌དུ། ཁྱོད་ཅག་གིས་རང་གི་ལུགས་སྲོལ་སྲུང༌ཕྱིར། དཀོན་མཆོག་གི་བཀའ་རིང་དུ༌སྤངས།  
\v 10 མོ་ཤེ་ཡིས་གསུངས་པ༌ལྟར། རང་གི་ཕ་མ་གཉིས་ལ་བཀུར་བསྟི་བྱེད་དགོས་ཞེས༌དང༌། ཡང་ཕའམ་ཡང་ན་མ་ལ་ཚིག་ངན་སྨྲ་མཁན་དེ་སྲོག་དང་བྲལ་བར་གྱུར་ཅིག་ཅེས༌པའོ།།  
\v 11 འོན༌ཀྱང༌། ཁྱོད་ཅག་ན༌རེ། གལ་ཏེ་མི་ཞིག་གིས་རང་གི་ཕའམ་མ༌ལ། ངས་ཁྱེད་ལ་འབུལ་འོས་པ་ཁཱོར་པན༌ཏེ། དོན་ནི་དཀོན་མཆོག་ལ་ཕུལ་བ་ཡིན་ཞེས་བཤད༌ན།  
\v 12 དེང་ཕྱིན་མི་དེར་རང་གི་ཕའམ་མ་སྙོར་སྐྱོང་བྱེད་དུ་མི༌འཇུག  
\v 13 ཁྱོད་རྣམས་ཀྱིས་རང་གིས་རྒྱུན་འཛིན་བྱས་པའི་ལུགས་སྲོལ་སྲུང་བ་ལས་དཀོན་མཆོག་གི་བཀའ་རིང་དུ་དོར་བ༌ཡིན། ཁྱོད་རྣམས་ཀྱིས་དེ་ལྟ་བུའི་ལས་མང་པོ་བྱེད་ཅེས་གསུངས༌སོ།།   
\p
\v 14 དེ་ནས་ཡང་ཁོང་གིས་མི་ཚོགས་ཚུར་བོས་ཏེ་འདི་སྐད༌དུ། ཁྱོད་ཅག་ཚང་མས་ངའི་གཏམ་ལ་ཉོན་དང་དོན་ཡང་ཤེས་པར༌གྱིས།  
\v 15 ཕྱི་ནས་མིའི་ལུས་ནང་དུ་སོང་བ་དེས་མི་མི་གཙང་བར་བྱེད་ནུས་པ་ཅི་ཡང༌མེད། མིའི་ལུས་ནང་ནས་ཕྱི་ལ་ཐོན་པ་དེས་མི་མི་གཙང་བར་བྱེད༌པའོ།།  
\v 16 ཡང་རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།   
\p
\v 17 དེ་ནས་སྐྱབས་མགོན་ཡེ་ཤུ་མི་ཚོགས་དང་ཁ་བྲལ་ནས་ཁང་པའི་ནང་དུ་ཕེབས་ཙ༌ན། ཐུགས་སྲས་རྣམས་ཀྱིས་ཁོང་ལ་དཔེ་དེའི་དོན་ཅི་ཡིན་དྲིས་པ༌ལ།  
\v 18 ཁོང་གིས་འདི་སྐད༌དུ། ཁྱོད་ཅག་གིས་ཀྱང་དེ་བཞིན་དོན་མི༌གོའམ། ཕྱི་ནས་ལུས་ནང་དུ་གང་ཞིག་སོང་བ་དེས་མི་མི་གཙང་བར་བྱེད་ག་ལ༌ནུས།  
\v 19 དེ་ནི་མིའི་སེམས་ཀྱི་ནང་དུ་སོང་བ་མ་ཡིན༌པར། མིའི་ཁོག་ཏུ་སོང་ཞིང་གཙང་སྤྱོད་དུ་ལྷུང་འགྲོ་བའང་མི་ཤེས་སམ་ཞེས་གསུངས་པ་འདིས་ཟས་ཡོད་ཚད་གཙང་མ་ཡིན་པ་བསྟན༌ཏོ།།  
\v 20 ཡང་ཁོང་གིས་འདི་སྐད༌དུ། མིའི་ལུས་ནང་ནས་ཕྱི་ལ་ཐོན་པ་དེས་ད་གཟོད་མི་མི་གཙང་བར་བྱེད༌དེ།  
\v 21 མིའི་སེམས་ནས་དྲན་ཚུལ་ངན་པ་དང་མི་ཚངས་སྤྱོད་པ༌དང༌། མ་བྱིན༌ལེན། མིའི་སྲོག་གཅོད༌པ། ལོག༌གཡེམ།  
\v 22 བརྣབ༌སེམས། ངན༌སེམས། གཡོ༌སྒྱུ། འདོད༌ཆགས། ཕྲག༌དོག འཕྱ༌ཚིག ང༌རྒྱལ། བླུན་སེམས་བཅས་འབྱུང་ངེས་པའི་ཕྱིར༌ཡིན།  
\v 23 རྒྱུ་ངན་པ་འདི་ཐམས་ཅད་མིའི་སེམས་ནས་འབྱུང་ཞིང་མི་མི་གཙང་བར་བྱེད་པ་ཡིན་ཞེས་གསུངས༌སོ།།   
\s1 སིར་ཡཱ་ཡུལ་གྱི་ཕོའོ་ནེ་ཀེའི་བུད་མེད་ཅིག་གི་དད༌པ།  
\p
\v 24 དེ་ནས་སྐྱབས་མགོན་ཡེ་ཤུ་ཡར་བཞེངས་ཏེ་ཐཱར་དང་ཚི་ཏུན་གྱི་མངའ་ཁོངས་སུ་ཕེབས་པ༌དང༌། ཁོང་ཉིད་ཁྱིམ་ཚང་ཞིག་ཏུ་ཕེབས་ནས་མི་གཞན་སུ་ལའང་ཤེས་སུ་འཇུག་མི་འདོད་པར་དགོངས་ནའང་གསང་ཐབས་བྲལ༌ཏོ།།  
\v 25 གནས་དེར་བུད་མེད་ཅིག་ཡོད་པ་དེའི་བུ་མོ་གདོན་འདྲེས་བཟུང་ཡོད༌པས། སྐྱབས་མགོན་ཡེ་ཤུའི་གནས་ཚུལ་ཐོས་ཤིང་ཁོང་གི་ཞབས་དྲུང་དུ་ཡོང་སྟེ་ཕྱག༌བཙལ།  
\v 26 བུད་མེད་དེ་ནི་ཕྱི་ཕྱོགས་པ་ཡིན༌ཅིང༌། སིར་ཡཱ་ཡུལ་གྱི་ཕོའོ་ནེ་ཀེ་མི་རིགས་ལ་གཏོགས་པ༌དང༌། ཁོ་མོས་སྐྱབས་མགོན་ཡེ་ཤུ་ལ་གདོན་འདྲེ་དེ་ཁོ་མོའི་བུ་མོ་ལས་ཕར་སྐྲོད་པའི་ཕྱིར་ཞུ་བ་ཞུས་པ༌ན།  
\v 27 སྐྱབས་མགོན་ཡེ་ཤུས་འདི་སྐད༌དུ། ཐོག་མར་ཕྲུ་གུ་རྣམས་ཀྱི་ལྟོ་བ་འགྲང་བར༌བྱོས། ཕྲུ་གུའི་ཟས་སྐལ་ཁྱི་ལ་སྟེར་མི་རུང་ཞེས་གསུངས༌སོ།།  
\v 28 ཡང་ཁོ་མོ་ན༌རེ། ལགས༌སོ། །ཇོ་བོ༌ལགས། འོན་ཀྱང་ཁྱི་ཡིས་ཅོག་ཙེའི་འོག་ནས་ས་ལ་ལྷུང་བའི་ཕྲུ་གུ་རྣམས་ཀྱི་ཟས་ཧྲུག་ཀྱང་ཟ་བ་ཡིན་ཞེས་ཞུས་པ༌ན། \f + \ft འདིར་བརྗོད་པའི་ཕྲུ་གུ་ཞེས་པ་ནི་སྐྱབས་མགོན་ཡེ་ཤུའི་ཐུགས་སྲས་དང་ཡ་ཧུ་དཱའི་མི་རིགས་ཐམས་ཅད་ལ་གོ་དགོས་པ༌དང༌། ཁྱི་ཞེས་པ་ནི་ཕྱི་ཕྱོགས་ཀྱི་མི་རིགས་མཐའ་དག་ལ་གོ༌དགོས། ཟས་ཧྲུག་ཅེས་པ་ནི་སྐྱབས་མགོན་ཡེ་ཤུས་གསུངས་པའི་ཆོས་ལ་གོ༌དགོས། \f*  
\v 29 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་འདི་སྐད་སྨྲས་པའི་རྐྱེན་གྱིས་ཁྱོད་རང་ཕྱིར་སོང༌དང༌། གདོན་འདྲེ་དེ་ཁྱོད་ཀྱི་བུ་མོ་ལས་ཕར་སོང་ཟིན་ཞེས་གསུངས༌སོ།།  
\v 30 དེ་ནས་བུད་མེད་ཕྱིར་རང་ཡུལ་དུ་ལོག་པ༌ན། དངོས་གནས་གདོན་འདྲེ་ཕྱིར་སོང་ཟིན་ལ་བུ་མོ་མལ་ཁྲིའི་སྟེང་དུ་ཉལ་འདུག་པའང་མཐོང༌ངོ༌།།   
\s1 རྣ་བ་འོན་ཅིང་ལྕེ་ལྐུགས་པ༌ཞིག  
\p
\v 31 དེ་ནས་སྐྱབས་མགོན་ཡེ་ཤུ་ཡང་ཐཱར་དང་ཁ་བྲལ༌ཏེ། ཚི་ཏུན་ཡུལ་དང་དི་ཁ་པའོ་ལེའི་མངའ་ཁོངས་བརྒྱུད་ནས་མཚོ་ག་ལིལ་གྱི་འགྲམ་དུ་ཕེབས༌ཤིང༌།  
\v 32 མི་འགའ་ཞིག་གིས་རྣ་བ་འོན་ཅིང་ལྕེ་ལྐུགས་པ་ཞིག་སྐྱབས་མགོན་ཡེ་ཤུའི་དྲུང་དུ་ཁྲིད་ཡོང༌སྟེ། ཁོང་ལ་མི་དེའི་ལུས་སྟེང་དུ་ཕྱག་འཇོག་པར་ཞུ་བ་ཞུས༌སོ།།  
\v 33 སྐྱབས་མགོན་ཡེ་ཤུས་མི་དེ་མི་ཚོགས་ཀྱི་ཁྲོད་ནས་ཟུར་དུ་ཁྲིད༌དེ། ཁོང་གིས་ཕྱག་མཛུབ་ཁོའི་རྣ་བའི་བུ་གའི་ནང་དུ་བཙུགས་ཤིང་ཡང་ཕྱག་མཛུབ་ཏུ་ལྗགས་ཆུ་གཏོར་ནས་ཁོའི་ལྕེ་ལ་རེག་པ༌དང༌།  
\v 34 ཡང་ནམ་མཁར་གཟིགས་ཤིང་དབུགས་རིང་ཕྱུང༌སྟེ། མི་དེ་ལ་ཨེ་ཕཱ་ཐ་ཞེས་གསུངས་པ་དང་དོན་ནི་ཕྱེས་ཤིག་ཅེས༌པའོ།།  
\v 35 དེ་མ་ཐག་མི་དེའི་རྣ་བ་ཕྱེས་ཤིང་ལྕེ་ཡང་ལྐུགས་པ་ལས་གྲོལ་ནས་སྐད་ཆའང་གསལ་པོར་སྨྲ་ཤེས་པར་གྱུར༌ཏོ།།  
\v 36 དེ་ནས་སྐྱབས་མགོན་ཡེ་ཤུས་དོན་འདི་མི་གཞན་སུ་ལའང་མི་སྨྲ་བའི་ཕྱིར༌བསྐུལ། འོན་ཀྱང་ཁོང་གིས་ཇི་ལྟར་བཀའ་གནང་ཡང་མི་དེ་དག་གིས་དེ་བས་ཀྱང་ཀུན་ལ༌བསྒྲགས།  
\v 37 མི་རྣམས་ཤིན་ཏུ་ངོ་མཚར་བར་གྱུར་ནས་ཁོང་གིས་མཛད་པ་ཐམས་ཅད་ལེགས༌ཏེ། ཐ་ན་ཁོང་གིས་འོན་པ་རྣམས་ཀྱིས་ཐོས་ཐུབ་པ་དང་ལྐུགས་པ་རྣམས་ཀྱིས་ཀྱང་སྨྲ་ནུས་པར་མཛད་ཅེས་སྨྲས༌སོ།།   
\c 8
\cl ལེའུ་བརྒྱད༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 མི་བཞི་སྟོང་ཙམ་འགྲང་བར་མཛད༌པ།  
\p
\v 1 དེའི་དུས༌སུ། ཡང་མི་ཤིན་ཏུ་མང་པོ་ཕྱོགས་གཅིག་ཏུ་འདུས་ཤིང་ཟས་ཅི་ཡང་མེད༌པས། སྐྱབས་མགོན་ཡེ་ཤུས་ཁོང་གི་ཐུགས་སྲས་རྣམས་བོས་ཏེ་འདི་སྐད༌དུ།  
\v 2 མི་ཚོགས་འདི་བདག་དང་མཉམ་དུ་གནས་འདི་རུ་ཉིན་གསུམ་འགོར༌ཡང༌། ད་ལྟ་ཁ་ཟས་ཅི་ཡང་མེད་པས་བདག་གིས་ཁོ་རྣམས་ལ་སྙིང་རྗེ་བར༌འདུག  
\v 3 ཁོ་རྣམས་ལས་མི་ཁ་ཤས་རྒྱང་རིང་ནས་ཡོང༌བས། ངས་ཁོ་རྣམས་བཀྲེས་ལྟོགས་ངང་ནས་ཕྱིར་འགྲོ་རུ་བཅུག༌ན། ལམ་བར་དུ་ཐང་ཆད་ནས་བརྒྱལ་བར་ངེས་ཞེས་གསུངས༌སོ།།  
\v 4 ཐུགས་སྲས་རྣམས་ན༌རེ། དབེན་སྟོང་འདི་རུ་མི་འདི་རྣམས་ཀྱི་ཕོ་བ་འགྲང་བར་བྱེད་པའི་བག་ལེབ་ཇི་ལྟར་འཚོལ་ཞེས་ཞུས་པ༌དང༌།  
\v 5 སྐྱབས་མགོན་ཡེ་ཤུས་ཁྱོད་ཅག་ལ་བག་ལེབ་ག་ཚོད་ཡོད་ཅེས་དྲིས་པ༌ན། ཁོ་རྣམས་ཀྱིས་བདུན་ཡོད་ཅེས་ཞུས༌སོ།།  
\v 6 དེ་ནས་ཁོང་གིས་མི་ཚོགས་ལ་བཀའ་གནང་སྟེ་ས་རུ་སྡོད་དུ་བཅུག༌ཅིང༌། བག་ལེབ་བདུན་པོ་ཕྱག་ཏུ་བསྣམས་ཏེ་དཀོན་མཆོག་ལ་བཀའ་དྲིན་ཞུས༌རྗེས། བག་ལེབ་དུམ་བུར་བྱས་ནས་ཐུགས་སྲས་རྣམས་ལ་སྤྲད་དེ་མི་ཚོགས་ལ་སྟེར་དུ་བཅུག་པ༌དང༌། ཐུགས་སྲས་རྣམས་ཀྱིས་ཀྱང་མི་ཚོགས་ལ༌བཀྲམ།  
\v 7 ཡང་ཉ་ཆུང་ངུ་ཁ་ཤས་ཡོད་པ་དེ་ལ་སྐྱབས་མགོན་ཡེ་ཤུས་བྱིན་རླབས་གནང་ནས་མི་ཚོགས་ལ་སྟེར་བའི་བཀའ་གནང༌ངོ༌།།  
\v 8 དེ་ནས་མི་ཚོགས་ཀྱིས་ཟས་སྤྱད་ནས་ལྟོ་བ་འགྲངས་པ༌དང༌། ཐུགས་སྲས་རྣམས་ཀྱིས་ཟས་ལྷག་བསྡུ་གསོག་བྱས་པ་སླེ་བོ་བདུན་བྱུང༌ངོ༌།།  
\v 9 གནས་དེར་མི་བཞི་སྟོང་ཙམ་ཡོད་པ༌དང༌། སྐྱབས་མགོན་ཡེ་ཤུས་མི་དེ་རྣམས་ཕྱིར་རང་ཡུལ་དུ་འགྲོ་རུ་བཅུག་པ་དང་ལྷན༌དུ།  
\v 10 ཁོང་ཉིད་ཀྱང་ཐུགས་སྲས་རྣམས་དང་མཉམ་དུ་མཚོ་གྲུར་བསྡད་ནས་དཱལ་མ་ནུ་ཐ་ཡུལ་དུ་ཕེབས༌སོ།།   
\p
\v 11 ཕ་རུ་ཤི་པ་རྣམས་ཡོང་ནས་སྐྱབས་མགོན་ཡེ་ཤུ་ལ་རྩོད་གླེང་བྱས༌ཤིང༌། ཁོང་ལ་ཚོད་བགམ་བྱེད་པའི་ཕྱིར་ནམ་མཁའི་ཞིང་ཁམས་ཀྱི་གྲུབ་རྟགས་ཤིག་སྟོན་པར་ཞུས་པ༌དང༌།  
\v 12 སྐྱབས་མགོན་ཡེ་ཤུས་ཐུགས་ནས་དབུགས་རིང་ཞིག་ཕྱུང་སྟེ་འདི་སྐད༌དུ། མི་རབས་འདིས་ཅིའི་ཕྱིར་ངོ་མཚར་བའི་རྟགས་ཤིག་འཚོལ་བ་ཡིན༌ནམ། ངས་ཁྱོད་རྣམས་ལ་བདེན་པར་སྨྲ༌སྟེ། མི་རབས་འདི་ལ་ངོ་མཚར་བའི་རྟགས་སྟོན་པར་མི་འགྱུར་ཞེས་གསུངས་པ༌དང༌།  
\v 13 ཁོང་རྣམས་ཁོ་ཚོ་དང་ཁ་བྲལ་ནས་མཚོ་གྲུར་བསྡད་དེ་མཚོའི་ཕ་རོལ་ཏུ་ཕེབས༌སོ།།   
\s1 ཕ་རུ་ཤི་པ་དང་ཧེ་རོ་དཱ་གཉིས་ལ་དོགས་ཟོན་བྱ་དགོས༌པ།  
\p
\v 14 དེ་ནས་ཐུགས་སྲས་རྣམས་ཀྱིས་ལམ་བྲོ་འཁྱེར་བ་བརྗེད༌པས། མཚོ་གྲུའི་ནང་དུ་བག་ལེབ་གཅིག་ལས་ཅི་ཡང་མེད༌དོ།།  
\v 15 དེ་ནས་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་བློ་རིག་བསྒྲིམས་ནས་ཕ་རུ་ཤི་པ་དང་ཧེ་རོ་དཱའི་སྐྱུར་རྩི་ \f + \ft འདིར་བརྗོད་པའི་སྐྱུར་རྩི་ཞེས་པ་ནི་དཔེ་ཡིན༌ལ། དོན་ནི་གཡོ་སྒྱུ་དང་སྡིག་པ་ལ་སོགས་པའི་ལས་ངན་པར་གོ་བ་ཡིན། \f*ལ་དོགས་པར་གྱིས་ཞེས་བཀའ་གནང༌ཞིང༌།  
\v 16 ཐུགས་སྲས་རྣམས་ཀྱིས་ཕན་ཚུན་ལ་འདི་ནི་ངེད་ཅག་ལ་བག་ལེབ་མེད་པའི་ཕྱིར་ཡིན་ཞེས་གླེང༌ངོ༌།།  
\v 17 སྐྱབས་མགོན་ཡེ་ཤུས་ཐུགས་སྲས་རྣམས་ཀྱི་བསམ་ཚུལ་མཁྱེན༌ནས། ཁྱོད་ཅག་གིས་ཅིའི་ཕྱིར་བག་ལེབ་མེད་པའི་གཏམ་གླེང་བ་ཡིན༌ནམ། ཁྱོད་རྣམས་ཀྱིས་ད་དུང་མི་ཤེས་ཤིང་མི༌གོའམ། ཁྱོད་ཅག་གི་སེམས་ནི་ད་དུང་གྱོང་པོ་ཡིན༌ནམ།  
\v 18 ཁྱོད་རྣམས་ལ་མིག་ཡོད་ཀྱང་མི་མཐོང༌ངམ། རྣ་བ་ཡོད་ཀྱང་མི་ཐོས༌སམ། ཁྱོད་ཅག་གིས་ཡིད་ལའང་མི་དྲན༌ནམ།  
\v 19 ངས་བག་ལེབ་ལྔ་མི་ལྔ་སྟོང་ལ་བགོས་ཤིང་ཁྱོད་རྣམས་ཀྱིས་ཟས་ལྷག་སླེ་བོ་ཅི་ཙམ་བསྡུ་གསོག་བྱས་སམ་ཞེས་དྲིས་པ༌ལ། ཁོ་རྣམས་ཀྱིས་བཅུ་གཉིས་ཡོད་ཅེས་ཞུས༌སོ།།  
\v 20 ཡང་བག་ལེབ་བདུན་མི་བཞི་སྟོང་ལ་བགོས་ཤིང་ཁྱོད་ཅག་གིས་ཟས་ལྷག་བསྡུ་གསོག་བྱས་ནས་སླེ་བོ་ཅི་ཙམ་གང་ངམ་ཞེས་དྲིས་པ༌ལ། ཁོ་རྣམས་ཀྱིས་བདུན་ཡོད་ཅེས་ཞུས་པ༌དང༌།  
\v 21 སྐྱབས་མགོན་ཡེ་ཤུས་ཁྱོད་ཅག་གིས་ད་དུང་མི་ཤེས་སམ་ཞེས་གསུངས༌སོ།།   
\s1 པེ་སད་དཱ་གྲོང་རྡལ་གྱི་ལོང་བ་ཞིག་གསོས༌པ།  
\p
\v 22 དེ་ནས་ཁོང་རྣམས་པེ་སད་དཱ་རུ་སླེབས༌ཤིང༌། མི་འགའ་ཞིག་གིས་ལོང་བ་ཞིག་སྐྱབས་མགོན་ཡེ་ཤུའི་དྲུང་དུ་ཁྲིད་ཡོང༌སྟེ། ཁོང་ལ་ཕྱག་གིས་རེག་པར་ཞུ་བ༌ཞུས།  
\v 23 ཁོང་གིས་ལོང་བ་དེའི་ལག་པར་འཇུས་ཏེ་གྲོང་སྡེའི་ཕྱི་རོལ་ཏུ་ཁྲིད༌ཅིང༌། ལོང་བའི་མིག་གཉིས་ལ་ལྗགས་ཆུ་གཏོར་བ༌དང༌། ཕྱག་མི་དེའི་ལུས་སྟེང་ལ་བཞག༌སྟེ། ཁྱོད་ཀྱི་མིག་གིས་མཐོང་ངམ་ཞེས་དྲིས་པ༌ལ།  
\v 24 ལོང་བས་མགོ་ཡར་བཀྱགས་ནས་བལྟས༌ཏེ། ངས་མི་རྣམས་མཐོང་ཞིང་དེ་དག་ནི་ཤིང་སྡོང་རྣམས་འགྲོ་བ་དང་མཚུངས་ཞེས་ཞུས༌སོ།།  
\v 25 དེ་ནས་སྐྱབས་མགོན་ཡེ་ཤུས་ཡང་བསྐྱར་ལོང་བའི་མིག་ཟུང་ལ་ཕྱག་གླན༌ཅིང༌། ལོང་བས་མིག་ཅེ་རེར་བལྟས་པ་དང་མིག་ཟུང་སོས་ཏེ་ཐམས་ཅད་གསལ་པོར་མཐོང་བར་གྱུར༌ཏོ།།  
\v 26 སྐྱབས་མགོན་ཡེ་ཤུས་མི་དེ་ཕྱིར་རང་ཁྱིམ་དུ་འགྲོ་རུ་བཅུག་པ་དང་གྲོང་སྡེ་འདིའི་ནང་དུ་མ་འགྲོའོ་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་ནི་མཱ་ཤི་ཀ་ཡིན་པར་ཁས་བླངས༌པ།  
\p
\v 27 དེ་ནས་སྐྱབས་མགོན་ཡེ་ཤུ་ཐུགས་སྲས་རྣམས་དང་མཉམ་དུ་ཀེ་སར་ཡཱ་ཕི་ལིབ་པིའི་མཐའ་འཁོར་གྱི་གྲོང་སྡེ་དག་ལ་ཕེབས༌ཤིང༌། ལམ་བར་ནས་ཐུགས་སྲས་རྣམས་ལ་འདི་སྐད༌དུ། མི་རྣམས་ཀྱིས་ང་རང་སུ་ཡིན་པར་སྨྲ་བཞིན་འདུག་གམ་ཞེས་དྲིས་པ༌ལ།  
\v 28 ཁོ་རྣམས་ན༌རེ། མི་ལ་ལས་ཁྲུས་གསོལ་མཁན་ཡོ་ཧ་ནན༌དང༌། ལ་ལས་ཨེ་ལི༌ཡཱ། ཡང་མི་ལ་ལས་ལུང་སྟོན་པའི་གྲས་ཀྱི་གཅིག་ཡིན་ཟེར་གྱི་འདུག་ཅེས་ཞུས་པ༌དང༌།  
\v 29 ཡང་ཁོང་གིས་འདི་སྐད༌དུ། འོ༌ན། ཁྱོད་ཅག་གིས་ང་རང་སུ་ཡིན་པར་གླེང་ངམ་ཞེས་དྲིས་པ༌ན། པེ་ཏྲོ་ན༌རེ། ཁྱེད་ནི་སྐྱབས་མགོན་མཱ་ཤི་ཀ་ཡིན་ཞེས་ཞུས༌སོ།།  
\v 30 སྐྱབས་མགོན་ཡེ་ཤུས་ཁོ་རྣམས་ལ་ཁོང་ཉིད་ཀྱི་དོན་འདི་མི་གཞན་ལ་མི་སྨྲ་བའི་ཕྱིར་ནན་གྱིས་བསྐུལ༌ཏོ།།   
\s1 དགྲོང་བར་འགྱུར་བའི་ལུང་བསྟན༌པ།  
\p
\v 31 དེ་ནས་སྐྱབས་མགོན་ཡེ་ཤུས་ཐུགས་སྲས་རྣམས་ལ་འདི་སྐད༌དུ། མིའི་བུ་ཡིས་ངེས་པར་སྡུག་བསྔལ་མང་དུ་མྱོང༌ཞིང༌། རྒན་པོ་དང་མཆོད་དཔོན་ཆེན་པོ༌དག མཁན་པོ་རྣམས་ཀྱིས་ཁོ་རང་དོར་ནས་གསོད་པ༌དང༌། ཡང་ཉིན་གསུམ་གྱི་རྗེས་སུ་སླར་གསོན་པར་འགྱུར་ཞེས་གསུངས༌སོ།།  
\v 32 ཁོང་གིས་བཀའ་དེ་གསལ་པོར་གསུངས་པ༌ན། པེ་ཏྲོས་ཁོང་གི་ཕྱག་ལ་འཇུས་ཤིང་ཟུར་དུ་ཁྲིད་ནས་ནན་གྱིས་བསྐུལ༌མོད།  
\v 33 འོན་ཀྱང་སྐྱབས་མགོན་ཡེ་ཤུས་ཞལ་ཕྱིར་འཁོར་ནས་ཐུགས་སྲས་རྣམས་ལ་གཟིགས་ཏེ་པེ་ཏྲོ་ལ་འདི་སྐད༌དུ། བདུད་སཱ་ཏན་ཁྱོད་ངའི་རྒྱབ་ཏུ་སོང༌ཞིག ཁྱོད་ཀྱིས་དཀོན་མཆོག་གི་དགོངས་པ་མི་བསམ་པར་མིའི་འདོད་བློ་བསམ་པ་ཡིན་ཞེས་བཀའ་བཀྱོན་གནང༌ངོ༌།།   
\p
\v 34 ཁོང་གིས་མི་ཚོགས་དང་ཐུགས་སྲས་རྣམས་རང་ཉིད་ཀྱི་དྲུང་དུ་བོས༌ཏེ། སུ་ཞིག་ང་ཡི་རྗེས་སུ་འབྲང་འདོད༌ན། རང་ཉིད་དོར་ནས་རང་གི་ཤིང་རྒྱ་གྲམ་ཁུར་ཏེ་ང་ཡི་རྗེས་སུ་འབྲང་བར༌གྱིས།  
\v 35 སུ་ཞིག་གིས་རང་སྲོག་སྐྱོབ་འདོད་པ་དེས་རང་སྲོག་འཆོར༌ཞིང༌། སུ་ཞིག་གིས་ང་རང་དང་འཕྲིན་བཟང་གི་དོན་དུ་རང་སྲོག་འདོར་བ་དེས་རང་སྲོག་སྐྱོབ་ངེས༌ཡིན།  
\v 36 སུ་ཞིག་གིས་འཇིག་རྟེན་ཧྲིལ་པོ་རག་ཀྱང་རང་སྲོག་བོར་ན་ཅི་ལ༌ཕན།  
\v 37 མིས་རང་ལ་ཚེ་སྲོག་འཐོབ་པར་རིན་ཅི་ཞིག་སྤྲོད༌དམ།  
\v 38 ལོག་གཡེམ་དང་སྡིག་ཅན་ཡིན་པའི་མི་རབས་འདི་ལས་སུ་ཞིག་གིས་ང་དང་ངའི་བཀའ་ངོ་ཚ་ཞིག་ཏུ་བརྩིས༌ན། མིའི་བུ་ཡབ་ཀྱི་གཟི་བརྗིད་ངང་ཕོ་ཉ་དམ་པ་འཁོར་དང་བཅས་པ་ཕེབས་ཡོང༌དུས། མི་དེ་ཡང་ངོ་ཚ་ཞིག་ཏུ་བརྩི་ངེས་ཞེས་གསུངས༌སོ།།   
\c 9
\cl ལེའུ་དགུ༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 དཀོན་མཆོག་གི་རྒྱལ་སྲིད་སླེབ་ངེས༌པ།  
\p
\v 1 དེ་ནས་ཡང་སྐྱབས་མགོན་ཡེ་ཤུས་ཁོ་རྣམས་ལ་འདི་སྐད༌དུ། ངས་ཁྱོད་རྣམས་ལ་བདེན་པར་སྨྲ༌སྟེ། འདི་རུ་སྡོད་པའི་མི་རྣམས་ལས་འགའ་ཞིག་གིས་འཆི་བ་དངོས་སུ་མ་མྱོང་བའི་སྔོན༌དུ། དཀོན་མཆོག་གི་རྒྱལ་སྲིད་མཐུ་སྟོབས་དང་ལྡན་པའི་སྒོ་ནས་སླེབ་ཡོང་བ་མཐོང་བར་ངེས་ཞེས་གསུངས༌སོ།།   
\s1 སྐུ་གཟུགས་ཀྱི་རྣམ་པ་འགྱུར༌བ།  
\p
\v 2 དེ་ནས་ཉིན་དྲུག་འགོར་བ༌དང༌། སྐྱབས་མགོན་ཡེ་ཤུས་པེ་ཏྲོ༌དང༌། ཡ༌ཀོབ། ཡོ་ཧ་ནན་བཅས་ཁྲིད་ནས་རི་མཐོན་པོ་ཞིག་ཏུ་ཕེབས་པ༌དང༌། ཁོ་རྣམས་ཀྱི་མདུན་དུ་ཁོང་གི་རྣམ་པ་འགྱུར༌ཏེ།  
\v 3 ན་བཟའ་ནི་འོད་འཕྲོ་ཞིང་ཤིན་ཏུ་དཀར་བ་འཇིག་རྟེན་དུ་འཁྲུད་མཁན་སུས་ཀྱང་དེ་ལྟར་དཀར་པོ་བྱེད་མི་ཐུབ་པ་ཙམ་དུ་གྱུར༌ཏོ།།  
\v 4 དེའི༌ཚེ། ཨེ་ལི་ཡཱ་དང་མོ་ཤེ་གཉིས་མངོན་སུམ་དུ་བྱུང་ནས་སྐྱབས་མགོན་ཡེ་ཤུ་དང་གསུང་མོལ་མཛད༌དོ།།  
\v 5-6 དེ་ནས་ཐུགས་སྲས་གསུམ་པོ་ཤིན་ཏུ་འཇིགས་ཏེ་པེ་ཏྲོས་ཅི་ལྟར་ཞུ་དགོས་པའང་མ་ཤེས༌པས། ཁོ་ན༌རེ། རཱབ་པེ༌ལགས། བདག་ཅག་འདི་རུ་བསྡད་ན་དངོས་གནས་ལེགས་པོ༌འདུག གུར་གསུམ་ཡང་བཟོ་བར་བྱ༌སྟེ། ཁྱེད་ལ་གཅིག་དང་མོ་ཤེ་ལ༌གཅིག ཨེ་ལི་ཡཱ་ལའང་གཅིག་ཅེས་ཞུས༌སོ།།  
\v 7 དེ་ནས་སྤྲིན་ཕུང་ཞིག་གིས་ཁོང་རྣམས་བསྒྲིབས་པ་དང་དེའི་ཁྲོད་ནས་སྐད་སྒྲ་ཞིག་གྲགས༌ཏེ། འདི་ནི་བདག་གི་གཅེས་པའི་བུ་ཡིན༌ཞིང༌། ཁྱོད་ཅག་གིས་ཁོའི་གཏམ་ལ་ཉོན་ཅིག་ཅེས༌གསུངས།  
\v 8 ཐུགས་སྲས་རྣམས་ཀྱིས་མྱུར་དུ་མཐའ་འཁོར་ལ་བལྟས་པ༌ན། སྐྱབས་མགོན་ཡེ་ཤུ་གཅིག་པུ་ཁོ་རྣམས་དང་མཉམ་དུ་བཞུགས་པ་ལས་ཅི་ཡང་མ་མཐོང༌ངོ༌།།  
\v 9 དེ་ནས་ཁོང་རྣམས་རི་བོ་ལས་མར་ཕེབས་པའི་དུས༌སུ། སྐྱབས་མགོན་ཡེ་ཤུས་འདི་སྐད༌དུ། མིའི་བུ་ད་དུང་འཆི་བ་ལས་སླར་གསོན་པའི་བར་དུ་ཁྱོད་ཅག་གིས་ཅི་མཐོང་བ་དེ་གཞན་སུ་ལའང་མི་སྨྲ་བར་གྱིས་ཞེས་བཀའ་བསྒོས༌སོ།།  
\v 10 ཐུགས་སྲས་རྣམས་ཀྱིས་གསུང་དེ་ཡིད་ལ་བཟུང༌ཞིང༌། འཆི་བ་ལས་སླར་གསོན་ཞེས་གསུངས་པའི་དོན་ཅི་ཡིན་ཕན་ཚུན་གླེང༌མོལ་བྱས།  
\v 11 ཁོ་རྣམས་ན༌རེ། མཁན་པོ་རྣམས་ཀྱིས་ཨེ་ལི་ཡཱ་སྔོན་དུ་འབྱོན་ངེས་ཡིན་ཞེས་ཟེར་དོན་ཅི་ཞུས་པ༌ལ།  
\v 12 ཁོང་གིས་འདི་སྐད༌དུ། ཨེ་ལི་ཡཱ་དངོས་སུ་སྔོན་ལ་བྱོན་ཏེ་ཐམས་ཅད་བསྐྱར་དར་བྱ་བར༌ངེས། གསུང་རབ་ཀྱི་མདོ༌ལས། མིའི་བུ་ཡི་སྐོར་ལ་ཇི་ལྟར་གསུངས་ཡོད་ཅེ༌ན། ཁོང་གིས་སྡུག་བསྔལ་མང་པོ་མྱང་བར་འགྱུར་ཞིང་མི་རྣམས་ཀྱིས་མཐོང་ཆུང་བྱེད་ངེས་ཡིན་ཞེས་བསྟན་ཡོད་པ་མ་ཡིན༌ནམ།  
\v 13 འོན༌ཀྱང༌། བདག་གིས་ཁྱོད་རྣམས་ལ་སྨྲས་པ་ནི་གསུང་རབ་ཀྱི་མདོ་ལས་ཨེ་ལི་ཡཱའི་སྐོར་བཀོད་ཡོད་པ་ལྟར་ཁོང་ཉིད་བྱོན་ཟིན༌ལ། མི་རྣམས་ཀྱིས་ཁོང་ལ་ཅི་འདོད་བཞིན་བྱས་པ་ཡིན་ཞེས་གསུངས༌སོ།།   
\s1 གདོན་འདྲེས་བཟུང་བའི་བུ་ཞིག་གསོས༌པ།  
\p
\v 14 དེ་ནས་ཁོང་རྣམས་ཐུགས་སྲས་གཞན་རྣམས་ཀྱི་གམ་དུ་ཕེབས་པ༌ན། མི་ཤིན་ཏུ་མང་པོས་ཐུགས་སྲས་གཞན་རྣམས་ཀྱི་མཐའ་བསྐོར༌ཞིང༌། ཡང་མཁན་པོ་འགའ་ཞིག་གིས་ཁོ་རྣམས་དང་རྩོད་གླེང་བྱེད་བཞིན་པ་གཟིགས༌སོ།།  
\v 15 དེ་ནས་མི་ཚོགས་ཀྱིས་སྐྱབས་མགོན་ཡེ་ཤུ་མཐོང་མ་ཐག་ཐམས་ཅད་ངོ་མཚར་བ་དང་ཁོང་གི་དྲུང་དུ་བརྒྱུགས་ཡོང་ནས་ཁོང་ལ་མཇལ༌ཏོ།།  
\v 16 དེ་ནས་སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། ཁྱོད་ཅག་གིས་ཅི་ཞིག་རྩོད་བཞིན་ཡོད་དམ་ཞེས་དྲིས་པ༌ལ།  
\v 17 མི་ཚོགས་ཀྱི་ཁྲོད་ནས་མི་ཞིག་ན༌རེ། སློབ་དཔོན༌ལགས། ངས་རང་གི་བུ་ཁྱེད་ཀྱི་དྲུང་དུ་ཁྲིད་ཡོང་བ༌ཡིན། ངའི་བུ་ནི་གདོན་འདྲེ་ཞིག་གིས་བཟུང་སྟེ་ལྐུགས་པར་གྱུར༌ཅིང༌།  
\v 18 གང་ས་གང་དུའང་གདོན་འདྲེས་བཟུང༌ཚེ། བུ་ས་ལ་སྒྱེལ་ཞིང་ཁ་ནས་ལྦུ་བ་བཞུར་བ༌དང༌། སོ་འཆའ་ཞིང་ལུས་པོའང་རེངས་པོར་འགྱུར༌བས། ངས་ཁྱེད་ཀྱི་ཐུགས་སྲས་རྣམས་ལ་གདོན་འདྲེ་ཕྱིར་སྐྲོད་པར་ཞུས་ཀྱང་ཁོ་རྣམས་ཀྱིས་སྐྲོད་མ་ནུས་ཞེས་ཞུས༌སོ།།  
\v 19 དེ་ནས་སྐྱབས་མགོན་ཡེ་ཤུས་འདི་སྐད༌དུ། ཀྱེ། དད་པ་མེད་པའི་མི་རབས༌འདི། བདག་ནི་ཁྱོད་ཅག་དང་མཉམ་དུ་དུས་ནམ་ཞིག་གི་བར་དུ་སྡོད་དགོས༌སམ། ངས་དུས་ནམ་ཞིག་གི་བར་དུ་ཁྱོད་ཅག་ལ་བཟོད་བསྲན་བྱེད་དགོས༌སམ། བུ་དེ་བདག་གི་མདུན་དུ་ཁྲིད་ཤོག་ཅེས་གསུངས་པ༌དང༌།  
\v 20 མི་རྣམས་ཀྱིས་བུ་དེ་ཁོང་གི་དྲུང་དུ་ཁྲིད་ཡོང་བ༌དང༌། གདོན་འདྲེ་དེས་སྐྱབས་མགོན་ཡེ་ཤུ་མཐོང་མ་ཐག་བུ་དྲག་ཏུ་སྤྲུགས༌པས། བུ་ས་ལ་འགྱེལ་ཞིང་འགྲེ་ལྡོག་བརྒྱབ་པ་དང་ཁ་ནས་ལྦུ་བ་བཞུར༌ཏོ།།  
\v 21 དེ་ནས་སྐྱབས་མགོན་ཡེ་ཤུས་བུ་དེའི་ཕ་ལ་དུས་ནམ་ཞིག་ཏུ་འདི་ལྟ་བུར་གྱུར་ཏམ་ཞེས་དྲིས་པ༌ལ། ཕ་ན༌རེ། ཁོ་ཆུང་དུས་ནས་བཟུང་འདི་ལྟར༌ཡིན།  
\v 22 གདོན་འདྲེ་དེས་ངའི་བུ་གསོད་པའི་ཆེད་དུ་ཐེངས་མང་པོར་མེ་དང་ཆུའི་ནང་དུ་འཕངས༌མྱོང༌། ཁྱེད་ཀྱིས་ཅི་ཞིག་མཛད་ནུས༌ན། ངེད་ཅག་ལ་སྙིང་རྗེ་གནང་ཞིང་སྐྱབས་སུ་འཛིན་པར་མཛོད་ཅེས་ཞུས་པ༌དང༌།  
\v 23 སྐྱབས་མགོན་ཡེ་ཤུས་འདི་སྐད༌དུ། ཅི་ཞིག་མཛད་ནུས་ན་ཟེར༌རམ། སུས་ཀྱང་དད་པ་བྱས་ན་དོན་ཐམས་ཅད་འགྲུབ་སྲིད་ཅེས་གསུངས༌སོ།།  
\v 24 བུའི་ཕ་ཡིས་དེ་མ་ཐག་སྐད་ཆེན༌པོས། ངས་དད་པ༌བྱེད། འོན་ཀྱང་ངའི་དད་པ་མི་འདང་བས་རོགས་རམ་མཛོད་ཅིག་ཅེས་ཞུས་པ༌ལ།  
\v 25 སྐྱབས་མགོན་ཡེ་ཤུས་མི་ཚོགས་ཐམས་ཅད་རྒྱུག་ཡོང་བ་གཟིགས་པ་དང་གདོན་འདྲེ་ལ་འདི་སྐད་བཀའ་བཀྱོན་གནང་བ༌སྟེ། འོན་ཞིང་ལྐུགས་པའི་གདོན་འདྲེ༌ཁྱོད། ཁོའི་ལུས་ནས་ཕྱིར་བུད༌ཅིག ཕྱིན་ཆད་བུ་དེའི་ལུས་ལ་ཕྱིར་མ་ལོག་ཅིག་ཅེས་བཀའ་བབས་པ་ཡིན་ཞེས་གསུངས༌སོ།།  
\v 26 དེ་ནས་གདོན་འདྲེས་འུར་བརྒྱབ་ཅིང་བུ་འདར་དུ་བཅུག་ནས་ཕྱི་རུ་ཐོན་པ༌ན། བུ་བེམ་པོ་ལྟར་གྱུར་པས་མི་མང་ཤོས་ཀྱིས་བུ་དེ་ཤི་ཟིན་ཞེས་སྨྲས༌སོ།།  
\v 27 འོན་ཀྱང་སྐྱབས་མགོན་ཡེ་ཤུས་བུའི་ལག་པར་འཇུས་ཏེ་བསྐྱོར་བ་ན་བུའང་ཡར༌ལངས།  
\v 28 དེ་ནས་སྐྱབས་མགོན་ཡེ་ཤུ་ཁང་པའི་ནང་དུ་ཕེབས་ཤིང་ཟུར་ནས་ཐུགས་སྲས་རྣམས་ན༌རེ། ངེད་ཅག་གིས་ཅིའི་ཕྱིར་གདོན་འདྲེ་དེ་ཕྱིར་བསྐྲོད་མ་ནུས་ཞེས་ཞུས་པ༌ལ།  
\v 29 ཁོང་གིས་འདི་སྐད༌དུ། གདོན་འདྲེ་འདིའི་རིགས་གསོལ་བ་འདེབས་པ་ལས་གཞན་ཐབས་གང་གིས་ཀྱང་ཕྱི་རུ་ཕུད་མི་ནུས་ཞེས་གསུངས༌སོ།། \f + \ft ཚིག་རྐང་ཉེར་དགུ་པ་ལྟ་བུ་ནི་དམ་པའི་གསུང་རབ་ཀྱི་མ་ཕྱི་ལ་ལར་དཀོན་མཆོག་ལ་གསོལ་བ་འདེབས་པ་དང་སྨྱུང་གནས་སྲུང་བ་ལས་གཞན་ཐབས་གང་གིས་ཀྱང་འདྲེ་དེའི་རིགས་ཕྱིར་བསྐྲོད་མི་ནུས་ཞེས་ཀྱང༌འབྱུང༌།\f*   
\p
\v 30 དེ་ནས་ཁོང་རྣམས་ལམ་ལ་ཆས་ཤིང་ག་ལིལ་ཡུལ་བརྒྱུད་ནས་ཕེབས་པ༌དང༌། སྐྱབས་མགོན་ཡེ་ཤུས་དོན་དེ་མི་གཞན་ལ་ཤེས་སུ་མི་འཇུག་པར་དགོངས༌ཏེ།  
\v 31 ཐུགས་སྲས་རྣམས་ལ་འདི་སྐད༌དུ། མིའི་བུ་མི་རྣམས་ཀྱི་ལག་ཏུ་སྤྲོད༌ཅིང༌། དེ་དག་གིས་ཁོ་རང་གསོད་པར་འགྱུར༌ལ། བསད་ནས་ཉིན་གསུམ་གྱི་རྗེས་སུ་ཁོ་རང་སླར་གསོན་པར་ངེས་ཞེས་གདམས༌སོ།།  
\v 32 ཐུགས་སྲས་རྣམས་ཀྱིས་གསུང་དེའི་དོན་མ་རྟོགས་ཀྱང་ཁོང་ལ་དྲི་བ་འདོན་མ་ཕོད༌དོ།།   
\s1 ཐུགས་སྲས་རྣམས་ལས་སུ་ཞིག་མཆོག་གྱུར་ཡིན༌པ།  
\p
\v 33 དེ་ནས་ཁོང་རྣམས་ཀཱ་ཕར་ན་ཧུམ་དུ་སླེབས་པ་དང་སྐྱབས་མགོན་ཡེ་ཤུ་ཁང་པའི་ནང་དུ་བཞུགས་པའི་ཚེ་ཐུགས་སྲས་རྣམས་ལ་འདི་སྐད༌དུ། ཁྱོད་ཅག་གིས་ལམ་བར་ནས་ཅི་ཞིག་གླེང་བ་ཡིན་ཞེས༌དྲིས།  
\v 34 ཁོ་རྣམས་ཀྱིས་ལམ་བར་དུ་ཁོ་རྣམས་ལས་སུ་ཞིག་མཆོག་ཏུ་གྱུར་པ་ཡིན་པར་རྩོད་གླེང་བྱས་པས་སུས་ཀྱང་ཁ་མ་གྲགས༌སོ།།  
\v 35 ཁོང་ཉིད་མར་བཞུགས་རྗེས་ཐུགས་སྲས་བཅུ་གཉིས་པོ་བོས་ཏེ་འདི་སྐད༌དུ། སུ་ཞིག་གིས་རང་ཉིད་མཆོག་གྱུར་ཡིན་པར་འདོད༌ན། དེ་ནི་མི་ཐམས་ཅད་ཀྱི་མཐའ་མ་དང་མི་ཀུན་ལ་ཞབས་ཕྱི་སྒྲུབ་མཁན་ཏུ་འགྱུར་དགོས་པ་ཡིན་ཞེས་གསུངས༌ཤིང༌།  
\v 36 དེ་ནས་ཁོང་གིས་བྱིས་པ་ཆུང་ངུ་ཞིག་ཁྲིད་ཡོང་སྟེ་ཁོ་རྣམས་ཀྱི་དཀྱིལ་ནས་སྡོད་དུ་བཅུག་པ༌དང༌། ཡང་བྱིས་པ་དེ་ཁོང་གི་པང་དུ་བཟུང་སྟེ་འདི་སྐད༌དུ།  
\v 37 སུ་ཞིག་གིས་ངའི་མིང་གི་ཕྱིར་འདི་འདྲའི་བྱིས་པ་ཆུང་ངུ་ཞིག་ལ་བསུ་བ་བྱས༌ན། དོན་དམ་དུ་བདག་ལ་བསུ་བ་བྱས་པ༌ཡིན། ཡང་སུ་ཞིག་གིས་ང་རང་ལ་བསུ་བ་བྱས་པ་ཡིན༌ན། དོན་དམ་དུ་ང་རང་ལ་བསུ་བ་བྱས་པ་མ་ཡིན་པར་ང་རང་མངགས་མཁན་ཁོང་ལ་བསུ་བ་བྱས་པ་ཡིན་ཞེས་གསུངས༌སོ།།   
\s1 དགྲ་དང་རང་ཕྱོགས་ཀྱི༌སྐོར།  
\p
\v 38 དེ་ནས་ཡོ་ཧ་ནན་ན༌རེ། སློབ་དཔོན༌ལགས། མི་གཞན་ཞིག་གིས་ཁྱེད་ཀྱི་མཚན་ལ་བརྟེན་ནས་གདོན་འདྲེ་སྐྲོད་བཞིན་པ་ངེད་རྣམས་ཀྱིས་མཐོང་བྱུང༌ངོ༌། །འོན་ཀྱང་མི་དེ་ནི་བདག་ཅག་གི་རྗེས་སུ་མི་འབྲང༌བས། ངེད་རྣམས་ཀྱིས་དོན་དེ་ལྟར་བྱེད་པ་བཀག་པ་ཡིན་ཞེས་ཞུས་པ༌ལ།  
\v 39 སྐྱབས་མགོན་ཡེ་ཤུས་འདི་སྐད༌དུ། མི་གཞན་གྱིས་བདག་གི་མིང་ལ་བརྟེན་ནས་དོན་ངོ་མཚར་ཅན་བྱས༌རྗེས། མྱུར་དུ་བདག་ལ་ཚིག་ངན་སྨྲ་བར་མི་ནུས་པས་ཁོ་རང་མ་འགོག༌ཅིག  
\v 40 བདག་ཅག་དགྲ་རུ་མི་འཛིན་པ་དེ་ནི་བདག་ཅག་གི་ཕྱོགས༌ཡིན།  
\v 41 ངས་ཁྱོད་རྣམས་ལ་བདེན་པར་སྨྲ༌སྟེ། སུ་ཞིག་གིས་ཁྱོད་ཅག་ནི་མཱ་ཤི་ཀ་ལ་གཏོགས་པའི་མི་ཡིན་པའི༌ཕྱིར། ཁྱོད་རྣམས་ལ་ཆུ་ཕོར་བ་གང་བྱིན་ནའང་མི་དེའི་བྱ་དགའ་ཅི་ནས་ཀྱང་སྟོང་བར་མི་འགྱུར་ཞེས་གསུངས༌སོ།།   
\s1 སྡིག་པ་འགོག་པའི་སྐོར་གྱི་ཆོས་གསུངས༌པ།  
\p
\v 42 དེ་ནས་སྐྱབས་མགོན་ཡེ་ཤུས་འདི་སྐད༌དུ། སུ་ཞིག་གིས་བདག་ལ་དད་པའི་བྱིས་པ་ཆུང་ངུ་འདི་རྣམས་ལས་གཅིག་ལ་སྡིག་པ་བྱེད་དུ་འཇུག་པ༌ལས། མི་དེའི་སྐེ་ལ་རང་འཐག་གི་རྡོ་ཆེན་པོ་ཞིག་བཏགས་ནས་རྒྱ་མཚོའི་ནང་དུ་འཕངས་ན་ལེགས༌སོ།།  
\v 43 གལ་ཏེ་ཁྱོད་ཀྱི་ལག་པས་ཁྱོད་ལ་སྡིག་པ་བྱེད་དུ་འཇུག༌ན། ལག་པ་དེ་ཆོད༌ཅིག ཁྱོད་རང་ལག་པ་གཉིས་དང་ལྡན་པར་ནམ་ཡང་ཞི་བ་མེད་པའི་དམྱལ་བའི་གནས་ཀྱི་མེ་རུ་འཇུག་པ༌ལས། ལག་རྡུམ་དུ་གྱུར་ཀྱང་མཐའ་མེད་པའི་ཚེ་སྲོག་ཐོབ་པ་དེ་ལེགས༌སོ།།  
\v 44 དམྱལ་བའི་གནས་སུའང་མི་དེ་དག་ཟ་བའི་འབུ་མི་འཆི་ལ་མེ་ཡང་མི༌ཞིའོ།།  
\v 45 གལ་ཏེ་ཁྱོད་ཀྱི་རྐང་པས་ཁྱོད་ལ་སྡིག་པ་བྱེད་དུ་འཇུག༌ན། རྐང་པ་དེ་ཆོད༌ཅིག ཁྱོད་རང་རྐང་པ་གཉིས་དང་ལྡན་པར་དམྱལ་བའི་གནས་སུ་གཡུག་པ༌ལས། གྱོལ་པོར་གྱུར་ཀྱང་མཐའ་མེད་པའི་ཚེ་སྲོག་ཐོབ་པ་དེ་ལེགས༌སོ།།  
\v 46 དམྱལ་བའི་གནས་སུའང་མི་དེ་དག་ཟ་བའི་འབུ་མི་འཆི་ལ་མེ་ཡང་མི༌ཞིའོ།།  
\v 47 གལ་ཏེ་ཁྱོད་ཀྱི་མིག་གིས་ཁྱོད་ལ་སྡིག་པ་བྱེད་དུ་འཇུག༌ན། མིག་དེ་བཏོན་ནས་དོར༌ཅིག ཁྱོད་རང་མིག་ཟུང་དང་ལྡན་པར་དམྱལ་བའི་གནས་སུ་གཡུག་པ༌ལས། མིག་ཡ་གཅིག་མེད་ནའང་དཀོན་མཆོག་གི་རྒྱལ་སྲིད་དུ་ཞུགས་པ་དེ་ལེགས༌སོ།།  
\v 48 དམྱལ་བའི་གནས་སུའང་མི་དེ་དག་ཟ་བའི་འབུ་མི་འཆི་ལ་མེ་ཡང་མི༌ཞིའོ།།  
\v 49 རྒྱུ་མཚན་ནི་མི་རེ་རེ་ལ་མེ་ནི་ལན་ཚྭ་བཞིན་དུ་འདེབས་པར༌འགྱུར།\f + \ft ཚིག་རྐང་ཞེ་དགུ་ལ་གོ་བ་ལེན་ཚུལ་གཉིས་ཡོད༌དེ། གཅིག་ནི་ཡེ་ཤུའི་ཆོས་ལས་དམྱལ་བའི་གནས་སུ་ལྷུང་བ་རྣམས་ལ་མེ་ཡི་ཉེས་ཆད་ཆེན་པོ་གཅོད་ངེས་པས་སྡུག་བསྔལ་ཤིན་ཏུ༌ཆེ། གཞན་ཞིག་ནི་ཡེ་ཤུའི་ཆོས་ཀྱི་དད་ལྡན་དང་རྗེས་འབྲང་པ་ཞིག་ཡིན༌ན། མི་ཚེ་འདིའི་ནང་དུ་མེ་ཡིས་བསྲེགས་པ་ལྟ་བུའི་སྡུག་བསྔལ་མྱངས་ཏེ། སྐྱབས་མགོན་ཡེ་ཤུ་བཞིན་དུ་རྣམ་པར་དག་ཅིང་གཙང་མར་འགྱུར་ཞེས་པའི་དོན༌ཡིན། \f*  
\v 50 སྤྱིར་ལན་ཚྭ་ནི་ལེགས་ཀྱང་ལན་ཚྭའི་བྲོ་བ་ཡལ༌ན། དེའི་བྲོ་བ་གང་གིས་བསྐྱེད༌དམ། ཁྱོད་ཅག་གི་ཁྲོད་དུའང་ཚྭ་ཡོད་པ་ལྟར་གྱུར༌ནས། ཕན་ཚུན་འགྲིག་མཐུན་ངང་གནས་པར་གྱིས་ཤིག་ཅེས་གསུངས༌སོ།།   
\c 10
\cl ལེའུ་བཅུ༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 བཟའ་ཚང་གི༌སྐོར།  
\p
\v 1 དེ་ནས་སྐྱབས་མགོན་ཡེ་ཤུ་ཡར་བཞེངས་ནས་ཡོར་དན་གཙང་པོའི་ཕར་ཕྱོགས་སུ་ཡོད་པའི་ཡ་ཧུ་དཱའི་ཡུལ་དུ་ཕེབས་པ༌དང༌། མི་མང་པོ་སླར་ཡང་ཁོང་གི་དྲུང་དུ་འདུས༌ཤིང༌། ཁོང་གིས་སྔར་བཞིན་མི་དེ་རྣམས་ལ་ཆོས་གསུངས་པ༌རེད།  
\v 2 ཕ་རུ་ཤི་པ་འགའ་ཤས་ཁོང་ལ་ཚོད་བགམ་པའི་ཕྱིར་ཁོང་གི་དྲུང་དུ་ཡོང་སྟེ་ན༌རེ། སྐྱེས་པ་ཞིག་གིས་རང་གི་ཆུང་མ་སྤངས་ན་བཀའ་ཁྲིམས་དང་མཐུན་ནམ་ཞེས་ཞུས་པ༌ན།  
\v 3 ཁོང་གིས་འདི་སྐད༌དུ། མོ་ཤེ་ཡིས་ཁྱོད་རྣམས་ལ་བཀའ་ཅི་ཞིག་གནང་ཡོད་དམ་ཞེས་གསུངས་པ༌དང༌།  
\v 4 ཡང་ཁོ་རྣམས་ན༌རེ། མོ་ཤེ་ཡིས་བཟའ་འཐོར་ཡི་གེ་བྲིས་ན་ཆུང་མ་སྤངས་ཆོག་ཅེས་བཀའ་གནང་བ་ཡིན་ཞེས་ཞུས་པ༌ལ།  
\v 5 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གི་སེམས་གྱོང་པོ་ཡིན་པས་མོ་ཤེ་ཡིས་བཀའ་འདི་གནང་བ་ཡིན༌མོད།  
\v 6 འོན་ཀྱང་འཇིག་རྟེན་འདི་ཐོག་མར་བཀོད་དུས་དཀོན་མཆོག་གིས་མི་ནི་ཕོ་དང་མོ་གཉིས་སུ་མཛད་པ༌ཡིན།  
\v 7 དེའི༌ཕྱིར། སྐྱེས་པ་ནི་རང་གི་ཕ་མ་དང་ཁ་བྲལ་ནས་རང་གི་ཆུང་མར་འབྲེལ༌ཏེ།  
\v 8 ཁོ་གཉིས་ལུས་པོ་གཅིག་ཏུ་འགྱུར་བས་ཕྱིན་ཆད་ཁོ་གཉིས་ནི་ལུས་པོ་གཉིས་མ་ཡིན་པར་ལུས་པོ་གཅིག་རང༌ཡིན།  
\v 9 དེ་བས་དཀོན་མཆོག་གིས་སྦྲེལ་བ་དེ་མི་སུས་ཀྱང་གཏོར་མི་རུང་ཞེས་གསུངས༌སོ།།  
\v 10 དེ་ནས་ཁོང་རྣམས་ཁང་པའི་ནང་དུ་ཕེབས༌རྗེས། ཐུགས་སྲས་རྣམས་ཀྱིས་ཁོང་ལ་གསུང་དེའི་དོན་དྲིས་པ༌ན།  
\v 11 ཁོང་གིས་འདི་སྐད༌དུ། སུ་ཞིག་གིས་རང་གི་ཆུང་མ་སྤངས་ཏེ་གཞན་ཞིག་བླངས་ན་དེ་ནི་ཆུང་མར་འགལ་ནས་ལོག་གཡེམ་བྱས་པ༌ཡིན།  
\v 12 ཡང་བུད་མེད་ཅིག་གིས་རང་གི་སྐྱེས་པ་སྤངས་ནས་སྐྱེས་པ་གཞན་དང་གཉེན་བསྒྲིགས་ན་དེ་ཡང་ལོག་གཡེམ་བྱས་པ་ཡིན་ཞེས་གསུངས༌སོ།།   
\s1 བྱིས་པར་བྱིན་གྱིས་བརླབས༌པ།  
\p
\v 13 དེ་ནས་མི་རྣམས་ཀྱིས་བྱིས་པ་འགའ་ཁོང་གི་ཕྱག་གིས་རེག་པའི་ཆེད་དུ་ཁོང་གི་དྲུང་དུ་ཁྲིད་ཡོང༌ནའང༌། ཐུགས་སྲས་རྣམས་ཀྱིས་དེ་རྣམས་ལ་བཀའ་བཀྱོན་གནང༌ངོ༌།།  
\v 14 སྐྱབས་མགོན་ཡེ་ཤུས་ཚུལ་དེ་གཟིགས་པ་དང་ཐུགས་ཁྲོས་ཏེ་ཐུགས་སྲས་རྣམས་ལ་འདི་སྐད༌དུ། དཀོན་མཆོག་གི་རྒྱལ་སྲིད་ནི་དེ་ལྟ་བུ་རྣམས་ཀྱི་ཡིན༌པས། བྱིས་པ་རྣམས་མ་འགོག་པར་བདག་གི་དྲུང་ལ་ཡོང་དུ༌ཆུག  
\v 15 ངས་ཁྱོད་རྣམས་ལ་བདེན་པར་སྨྲ༌སྟེ། མི་སུས་ཀྱང་དཀོན་མཆོག་གི་རྒྱལ་སྲིད་ནི་བྱིས་པའི་ཚུལ་གྱིས་དང་དུ་མ་བླངས༌ན། མི་དེ་ཅིས་ཀྱང་རྒྱལ་སྲིད་དེར་ཞུགས་མི་ནུས་ཞེས་གསུངས་པ༌དང༌།  
\v 16 ཁོང་གིས་བྱིས་པ་དེ་རྣམས་པང་དུ་བསྣམས་ཤིང་དེ་དག་གི་སྟེང་ལ་ཕྱག་བཞག་སྟེ་བྱིན་གྱིས་བརླབས༌སོ།།   
\s1 ན་གཞོན་ཕྱུག་པོའི༌སྐོར།  
\p
\v 17 དེ་ནས་སྐྱབས་མགོན་ཡེ་ཤུ་ལམ་དུ་ཕེབས་པའི་སྐབས༌སུ། མི་ཞིག་བརྒྱུགས་ཡོང་ནས་ཁོང་གི་དྲུང་དུ་པུས་མོ་སར་བཙུགས་ཏེ་ན༌རེ། སློབ་དཔོན་བཟང་པོ༌ལགས། ངས་གང་ཞིག་བྱས༌ན་ད་གཟོད་མཐའ་མེད་པའི་ཚེ་སྲོག་འཐོབ་ཐུབ་བམ་ཞེས་ཞུས༌སོ།།  
\v 18 ཁོང་གིས་འདི་སྐད༌དུ། ཁྱོད་ཀྱིས་ཅིའི་ཕྱིར་བདག་ལ་བཟང་པོ་ཟེར༌རམ། དཀོན་མཆོག་ཁོ་ན་ལས་གཞན་བཟང་པོ་གཅིག་ཀྱང༌མེད།  
\v 19 མི་མ༌གསོད། ལོག་གཡེམ་མ༌བྱེད། རྐུ་མ༌བྱེད། རྫུན་གྱི་དཔང་པོ་མ༌བྱེད། མི་ལ་གྱོང་གུད་མ༌བཟོ། རང་གི་ཕ་མ་གཉིས་ལ་བཀུར་བསྟི་བྱེད་དགོས་ཞེས་གསུངས་པའི་བཀའ་ཁྲིམས་འདི་དག་ཁྱོད་ཀྱིས་ཤེས་པ་ཡིན་ཞེས་གསུངས༌སོ།།  
\v 20 ཡང་མི་དེ་ན༌རེ། སློབ་དཔོན༌ལགས། ངས་ཆུང་དུས་ནས་བཀའ་དེ་ཐམས་ཅད་བསྲུངས་པ་ཡིན་ཞེས༌ཞུས།  
\v 21 སྐྱབས་མགོན་ཡེ་ཤུས་ཁོ་ལ་གཟིགས་ཤིང་བྱམས་པའི་ཉམས་དང༌བཅས། ཁྱོད་ལ་ད་དུང་དོན་གཅིག་མི་ཚང༌སྟེ། ཁྱོད་རང་ཕྱིར་སོང་ནས་རང་ལ་ཡོད་པ་ཐམས་ཅད་བཙོངས་ནས་དབུལ་པོ་རྣམས་ལ་བྱིན༌ཅིག ནམ་མཁའི་ཞིང་ཁམས་སུ་ཁྱོད་ལ་ནོར་བུ་འཐོབ་པར༌འགྱུར། དེ་ནས་བདག་གི་རྗེས་སུ་འབྲང་བར་གྱིས་ཞེས་གསུངས་པ༌ན།  
\v 22 མི་དེ་ལ་རྒྱུ་ནོར་ཤིན་ཏུ་མང་པོ་ཡོད་པས་གསུང་དེ་ཐོས་པ་དང་ངོ་མདངས་འགྱུར་ཞིང་ཡིད་སྐྱོ་བའི་ངང་ནས་ཕྱིར་སོང༌ངོ༌།།  
\v 23 དེ་ནས་སྐྱབས་མགོན་ཡེ་ཤུས་རང་ཉིད་ཀྱི་མཐའ་འཁོར་ལ་གཟིགས་ཤིང་ཐུགས་སྲས་རྣམས་ལ་འདི་སྐད༌དུ། རྒྱུ་འབྱོར་བ་ཅན་རྣམས་དཀོན་མཆོག་གི་རྒྱལ་སྲིད་དུ་ཞུགས་པ་ནི་ཇི་འདྲའི་དཀའ་ཨང་ཞེས་གསུངས་པ༌དང༌།  
\v 24 ཐུགས་སྲས་རྣམས་ཁོང་གི་གསུང་དེར་ཧ་ལས་པ༌རེད། འོན་ཀྱང་སྐྱབས་མགོན་ཡེ་ཤུས་སླར་ཡང་ཐུགས་སྲས་རྣམས་ལ་འདི་སྐད༌དུ། བུ་ཕྲུག༌རྣམས། དཀོན་མཆོག་གི་རྒྱལ་སྲིད་དུ་ཞུགས་པ་ནི༌དཀའོ།།  
\v 25 ཕྱུག་བདག་ཅིག་དཀོན་མཆོག་གི་རྒྱལ་སྲིད་དུ་ཞུགས་པ༌ལས། རྔ་མོང་ཞིག་ཁབ་མིག་ཏུ་འཛུལ་བ་སླ་ཞེས་གསུངས་པ༌དང༌།  
\v 26 ཐུགས་སྲས་རྣམས་ཤིན་ཏུ་ཧ་ལས་ཤིང་ཁོང་ལ་དེས་ན་སུ་ཞིག་ལ་ཐར་པ་འཐོབ་ཐུབ་བམ་ཞེས་ཞུས་པ༌ན།  
\v 27 ཡང་སྐྱབས་མགོན་ཡེ་ཤུས་ཁོ་རྣམས་ལ་གཟིགས་ཏེ་འདི་སྐད༌དུ། དེ་ནི་མི་ཡིས་མི་ནུས་ཀྱང་དཀོན་མཆོག་གིས་ནུས་པ༌ཡིན། དཀོན་མཆོག་གིས་ཐམས་ཅད་བསྒྲུབ་སྲིད་ཅེས་གསུངས༌སོ།།  
\v 28 དེ་ནས་པེ་ཏྲོ་ན༌རེ། ཁྱེད་ཀྱིས་གཟིགས༌དང༌། ངེད་ཅག་གིས་ཐམས་ཅད་སྤངས་ནས་ཁྱེད་ཀྱི་རྗེས་སུ་འབྲངས་པ་ཡིན་ཞེས་ཞུས་པ༌ལ།  
\v 29 ཡང་སྐྱབས་མགོན་ཡེ་ཤུས་འདི་སྐད༌དུ། ངས་ཁྱོད་ཅག་ལ་བདེན་པར་སྨྲ༌སྟེ། སུ་ཞིག་གིས་བདག་དང་འཕྲིན་བཟང་གི་དོན་དུ་རང་གི་ཁང་པ༌དང༌། ཕུ༌ནུ། ལྕམ༌སྲིང༌། ཕ༌མ། བུ༌ཕྲུག ས་ཞིང་སོགས་སྤངས༌ན།  
\v 30 མི་དེ་ལ་བསྐལ་པ་འདིར་ཁང༌པའམ། ཕུ༌ནུའམ། ལྕམ་སྲིང༌ངམ། མའམ། བུ་ཕྲུག༌གམ། ས་ཞིང་སོགས་ལྡབ་བརྒྱ་འགྱུར་གྱིས་འཐོབ་པར་མ༌ཟད། གནོད་འཚེ་ཡང་ཐེབས་ཡོང་ཞིང་བསྐལ་པ་འབྱུང་འགྱུར་དུ་མཐའ་མེད་པའི་ཚེ་སྲོག་ཀྱང་འཐོབ་ངེས༌སོ།།  
\v 31 འོན༌ཀྱང༌། སྔ་མ་མང་པོ་ཕྱི་མར་འགྱུར༌ཞིང༌། ཕྱི་མ་མང་པོ་སྔ་མར་འགྱུར་ཞེས་གསུངས༌སོ།།   
\s1 དགྲོང་བར་འགྱུར་བ་སླར་ཡང་ལུང་བསྟན༌པ།  
\p
\v 32 དེ་ནས་ཁོང་རྣམས་ལམ་ལ་ཆས་ཏེ་ཡར་ཡེ་རུ་སཱ་ལེམ་དུ་ཕེབས༌སྐབས། སྐྱབས་མགོན་ཡེ་ཤུ་སྔོན་དུ་ཕེབས་བཞིན་པ་དང་ཐུགས་སྲས་རྣམས་ཧ་ལས༌ཤིང༌། རྗེས་སུ་འབྲང་མཁན་རྣམས་ཀྱང་འཇིགས་སྣང་སྐྱེས༌སོ། །ཁོང་གིས་ཡང་བསྐྱར་ཐུགས་སྲས་བཅུ་གཉིས་པོ་ཟུར་དུ་ཁྲིད༌ཅིང༌། རང་ཉིད་ལ་འབྱུང་ངེས་པའི་དོན་རྣམས་གསུངས༌ཏེ།  
\v 33 ལྟོས༌དང༌། བདག་ཅག་ཡར་ཡེ་རུ་སཱ་ལེམ་དུ་འགྲོ་བཞིན༌ཡོད། མིའི་བུ་ཁོ་རང་མཆོད་དཔོན་ཆེན་པོ་དག་དང་མཁན་པོ་རྣམས་ཀྱི་ལག་ཏུ་སྤྲོད་ཅིང་དེ་དག་གིས་ཁོ་རང་གསོད་དགོས་པའི་ཁྲིམས་ཐག་གཅོད་པ་དང་ཕྱི་ཕྱོགས་པ་རྣམས་ལ་སྤྲད༌དེ།  
\v 34 ཁོ་རང་ལ་འཕྱ་དམོད་བྱས་ཏེ་མཆིལ་མ་འདེབས༌པ་དང་། རྟ་ལྕག་གིས་གཞུས་ནས་གསོད་པར་འགྱུར༌རོ། །དེ་ནས་ཉིན་གསུམ་གྱི་རྗེས་སུ་ཁོ་རང་སླར་གསོན་པར་འགྱུར་ཞེས་ལུང་བསྟན༌ཏོ།།   
\s1 ཡ་ཀོབ་དང་ཡོ་ཧ་ནན་གཉིས་ཀྱི་ཞུ༌བ།  
\p
\v 35 དེ་ནས་ཟེ་བད་ཡཱའི་བུ་ཡ་ཀོབ་དང་ཡོ་ཧ་ནན་གཉིས་སྐྱབས་མགོན་ཡེ་ཤུའི་དྲུང་དུ་ཡོང་སྟེ་ན༌རེ། སློབ་དཔོན༌ལགས། ངེད་གཉིས་ཀྱིས་ཁྱེད་ལ་ཅི་ཞིག་ཞུས་ན་དེ་གནང་བར་སྨོན་ཞེས་ཞུས་པ༌ན།  
\v 36 ཁོང་གིས་འདི་སྐད༌དུ། ངས་ཁྱོད་གཉིས་ལ་དོན་ཅི་བྱ་དགོས་སམ་ཞེས་གསུངས་པ༌དང༌།  
\v 37 ཡང་ཁོ་གཉིས་ན༌རེ། ཁྱེད་ཀྱི་གཟི་བརྗིད་ \f + \ft འདིར་བཤད་པའི་གཟི་བརྗིད་ཅེས་པ་ནི་དམ་པའི་གསུང་རབ་ཀྱི་གཞུང་ལས་གསུངས་པ་ལྟར༌ན། མ་འོངས་པའི་དུས་སུ་དཀོན་མཆོག་གིས་འཇིག་རྟེན་ཁམས་འདི་ཞི་བདེའི་ངང་སྐྱོང་བར་མཛད་པའི་འཕྲིན་ལས་ལ་གོ་བ་ཡིན། (དཀོན་མཆོག་གི་རྒྱལ་སྲིད་ཅེས་པའི་མཆན་ལའང་གཟིགས་རོགས།)\f*ནང་དུ་ངེད་གཉིས་ལས་གཅིག་ནི་ཁྱེད་ཀྱི་གཡས་ཕྱོགས་དང་གཅིག་ནི་གཡོན་ཕྱོགས་སུ་སྡོད་དུ་འཇུག་པར་མཛོད་ཅེས་ཞུས༌སོ།།  
\v 38 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་གཉིས་ཀྱིས་ཅི་ཞིག་ཞུ་བའང་མི་ཤེས༌ཏེ། ངས་འཐུང་བར་འགྱུར་བའི་ཕོར་བ་ལས་ཁྱོད་གཉིས་ཀྱིས་འཐུང་ནུས༌སམ། ངས་ལེན་པར་འགྱུར་བའི་ཁྲུས་གསོལ་དེ་ཁྱོད་གཉིས་ཀྱིས་ཀྱང་ལེན་ནུས་སམ་ཞེས་གསུངས་པ༌ན།  
\v 39 ཁོ་གཉིས་ཀྱིས་ནུས་པ་ཡིན་ཞེས་ཞུས༌སོ། །ཡང་སྐྱབས་མགོན་ཡེ་ཤུས་འདི་སྐད༌དུ། ངས་འཐུང་བར་འགྱུར་བའི་ཕོར་བ་ལས་ཁྱོད་གཉིས་ཀྱིས་ཀྱང་འཐུང་ངེས༌ལ། ངས་ལེན་པར་འགྱུར་བའི་ཁྲུས་གསོལ་དེ་ཡང་ལེན་པར༌འགྱུར།  
\v 40 འོན་ཀྱང་ངའི་གཡས་གཡོན་ལ་སྡོད་དུ་འཇུག་པའི་དབང་ནི་བདག་ལ༌མེད། མི་སུ་ཡི་ཆེད་དུ་སྟ་གོན་མཛད་ཡོད་ན་དེ་ལ་གནང་ངེས་ཡིན་ཞེས་གསུངས༌སོ།།  
\v 41 ཐུགས་སྲས་བཅུ་པོས་གཏམ་དེ་ཐོས་ཚེ་ཡ་ཀོབ་དང་ཡོ་ཧ་ནན་གཉིས་ཀྱི་སྟེང་ལ་ཁོང་ཁྲོ་ལངས་པ༌རེད།  
\v 42 དེ་ནས་སྐྱབས་མགོན་ཡེ་ཤུས་ཁོ་རྣམས་རང་གི་དྲུང་དུ་བོས་ཏེ་འདི་སྐད༌དུ། ཕྱི་ཕྱོགས་པ་རྣམས་ལས་དཔོན་རིགས་སུ་བཀུར་བ་རྣམས་ཀྱིས་རང་གི་འབངས་མི་ལ་དབང་བྱེད༌ཅིང༌། བློན་ཆེན་རྣམས་ཀྱིས་རང་གི་འབངས་མི་ལ་དབང་བསྒྱུར་བ་ཁྱོད་ཅག་གིས་ཀྱང་ཤེས་གསལ་ལྟར༌ཡིན།  
\v 43 འོན་ཀྱང་ཁྱོད་ཅག་གི་ཁྲོད་དུ་དེ་ལྟར་བྱ་མི་རུང༌སྟེ། ཁྱོད་ཅག་ལས་སུ་ཞིག་ཆེན་པོར་འགྱུར་འདོད་པ་དེ་ཁྱོད་ཅག་གི་ཞབས་ཕྱི་པར་འགྱུར་དགོས༌ཤིང༌།  
\v 44 ཁྱོད་ཅག་ལས་སུ་ཞིག་མཆོག་ཏུ་འགྱུར་འདོད་པ་དེ་མི་ཀུན་གྱི་བྲན་གཡོག་ཏུ་འགྱུར་དགོས༌སོ།།  
\v 45 ཅིའི་ཕྱིར་ཞེ༌ན། མིའི་བུ་ཡང་མི་གཞན་གྱི་ཞབས་ཕྱི་འཐོབ་པའི་ཕྱིར་ཡོང་བ་མ་ཡིན༌པར། མི་གཞན་ལ་ཞབས་ཕྱི་བསྒྲུབ་པ་དང་རང་སྲོག་ཕུལ་ནས་མི་མང་པོ་བླུ་བའི་ཆེད་དུ་ཡོང་བ་ཡིན་ཞེས་གསུངས༌སོ།།   
\s1 སྤྲང་པོ་ལོང་བའི་མིག་གསོས༌པ།  
\p
\v 46 དེ་ནས་ཁོང་རྣམས་ཡེ་རུ་ཀོ་ལ་ཕེབས་པ༌དང༌། ཡང་ཁོང་ཉིད་དང་ཐུགས་སྲས༌རྣམས། མི་མང་པོ་བཅས་ལྷན་དུ་ཡེ་རུ་ཀོ་དང་ཁ་བྲལ་ནས་འབྱོན་པའི་དུས༌སུ། ཐི་མེ་ཟིའི་བུ་སྤྲང་པོ་ལོང་བ་པཱར་ཏི་མཱ་ཞེས་པ་ལམ་འགྲམ་དུ་བསྡད་ཡོད༌ཅིང༌།  
\v 47 སྤྲང་པོ་དེས་ནཱ་ཙ་རེལ་པ་སྐྱབས་མགོན་ཡེ་ཤུ་ཕེབས་པའི་གཏམ་ཐོས་ནས་སྐད་ཆེན༌པོས། ཀྱེ། དཱ་བིད་ཀྱི་རིགས༌སྲས། ཡེ་ཤུ༌ལགས། བདག་ལ་སྙིང་རྗེས་གཟིགས་རོགས་ཞེས་ཞུས༌སོ།།  
\v 48 མི་མང་པོས་ཁོ་རང་ཁ་རོག་ཏུ་སྡོད་པར་ནན་གྱིས་བསྐུལ༌ནའང༌། ཁོས་སྔར་ལས་ཀྱང་སྐད་ཆེན༌པོས། ཀྱེ། དཱ་བིད་ཀྱི་རིགས་སྲས༌ལགས། བདག་ལ་སྙིང་རྗེས་གཟིགས་རོགས་ཞེས་འབོད་སྐད་བསྒྲགས༌སོ།།  
\v 49 དེ་ནས་སྐྱབས་མགོན་ཡེ་ཤུས་ཀྱང་ཕེབས་མཚམས་བཞག་སྟེ་ཁོ་རང་ཚུར་བོས་ཤིག་ཅེས་གསུངས་པ༌དང༌། ཐུགས་སྲས་རྣམས་ཀྱིས་ལོང་བ་དེ་བོས་ནས་ན༌རེ། སྐྱབས་མགོན་ཡེ་ཤུས་ཁྱོད་རང་ཚུར་ཤོག་ཅེས་གསུངས༌པས། ཁྱོད་རང་སེམས་བདེ་བའི་ངང་ནས་ཡར་ལོངས་ཤིག་ཅེས་སྨྲས་པ༌ན།  
\v 50 ཁོས་ཀྱང་རང་གི་ཕྱི་གོས་བསྐྱུར་ནས་མགྱོགས་པོར་ཡར་ལངས་ཏེ་ཁོང་གི་སྐུ་མདུན་དུ་སོང༌ངོ༌།།  
\v 51 དེ་ནས་སྐྱབས་མགོན་ཡེ་ཤུས་འདི་སྐད༌དུ། ངས་ཁྱོད་ལ་ཅི་བྱ་དགོས་སམ་ཞེས་གསུངས་པ༌དང༌། ལོང་བ་ན༌རེ། རཱབ་པོ་ནེ༌ལགས། ངའི་མིག་གིས་མཐོང་ནུས་པར་མཛོད་ཅེས་ཞུས་པ༌ན།  
\v 52 སྐྱབས་མགོན་ཡེ་ཤུས་ད་ལྟ་ཁྱོད་རང་ཕྱིར་སོང་དང་ཁྱོད་ཀྱི་དད་པས་ཁྱོད་རང་བསྐྱབས་པ་ཡིན་ཞེས་གསུངས་མ༌ཐག ཁོའི་མིག་གིས་མཐོང་བར་གྱུར་ཅིང་ཁོ་རང་ལམ་བར་དེ་ནས་ཁོང་གི་རྗེས་སུ་འབྲངས༌སོ།།   
\c 11
\cl ལེའུ་བཅུ་གཅིག༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 གཟི་བརྗིད་ཀྱི་ངང་ནས་ཡེ་རུ་སཱ་ལེམ་དུ་ཕེབས༌པ།  
\p
\v 1 དེ་ནས་ཁོང་རྣམས་ཡེ་རུ་སཱ་ལེམ་གྱི་ཉེ་འགྲམ༌སྟེ། སྐྱུ་རུ་རའི་རི་བོའི་ངོས་སུ་ཡོད་པའི་པེ་ཕཱ་གེ་དང་པེ་ཐན་ཡཱ་རུ་ཕེབས༌ཚེ། སྐྱབས་མགོན་ཡེ་ཤུས་ཐུགས་སྲས་གཉིས་མངགས་ཤིང་འདི་སྐད༌དུ།  
\v 2 ཁྱོད་གཉིས་ཕ་རོལ་གྱི་གྲོང་སྡེ་རུ་སོང༌དང༌། གནས་དེར་སླེབས་མ་ཐག་སུས་ཀྱང་བཞོན་མ་མྱོང་བའི་བོང་ཕྲུག་ཅིག་བཏགས་ཡོད་པ་མཐོང་ངེས༌ཤིང༌། ཁྱོད་གཉིས་ཀྱིས་ཐག་པ་བཀྲོལ་ནས་འདིར་ཁྲིད༌ཤོག  
\v 3 གལ་ཏེ་སུ་ཞིག་གིས་ཁྱོད་གཉིས་ལ་ཅིའི་ཕྱིར་དེ་ལྟར་བྱེད་པ་ཡིན་ཞེས་དྲིས༌ན། ཁྱོད་གཉིས་ཀྱིས་གཙོ་བོ་ལ་མཁོ་བ་ཡིན་ཞེས་སྨྲོས༌དང༌། དེས་ཀྱང་མྱུར་དུ་གཏོང་བར་འགྱུར་ཞེས་གསུངས༌སོ།།  
\v 4 དེ་ནས་ཁོ་གཉིས་ཕར་སོང་བ་དང་སྒོའི་ཕྱི་རོལ་གྱི་སྲང་ལམ་དུ་བོང་ཕྲུག་ཅིག་བཏགས་འདུག་པ་མཐོང་སྟེ་འདོགས་ཐག་བཀྲོལ༌ཞིང༌།  
\v 5 གནས་དེར་ལངས་བསྡད་ཡོད་པའི་མི་རྣམས་ལས་འགའ་ཞིག་ན༌རེ། ཅིའི་ཕྱིར་བོང་ཕྲུག་དེ་འགྲོལ་བ་ཡིན་ཞེས་དྲིས་པ༌ན།  
\v 6 ཁོ་གཉིས་ཀྱིས་སྐྱབས་མགོན་ཡེ་ཤུའི་བཀའ་ལྟར་ལན་བཏབ༌པས། མི་དེ་རྣམས་ཀྱིས་ཀྱང་ཁོ་གཉིས་འགྲོ་རུ་བཅུག༌གོ།  
\v 7 དེ་ནས་བོང་ཕྲུག་ཁྲིད་དེ་སྐྱབས་མགོན་ཡེ་ཤུའི་དྲུང་དུ་སླེབས༌རྗེས། ཁོ་གཉིས་ཀྱིས་རང་གི་ཕྱི་གོས་བོང་ཕྲུག་གི་རྒྱབ་ཏུ་བཏིངས་པ་དང་ཁོང་དེ་ལ༌བཅིབས།  
\v 8 མི་མང་པོས་རང་གི་ཕྱི་གོས་ལམ་ནང་དུ་བཏིངས་པ༌དང༌། མི་གཞན་རྣམས་ཀྱིས་ཞིང་བར་གྱི་སྡོང་པོའི་ཡལ་ག་བཅད་ནས་ལམ་ནང་དུ་བཀྲམ༌པའོ།།  
\v 9 ཁོང་གི་སྔོན་དུ་འགྲོ་བ་དང་རྗེས་སུ་འབྲངས་པའི་མི་རྣམས་ཀྱིས་སྐད་ཆེན༌པོས། ཧོ་ཟན༌ནཱ། གཙོ་བོའི་མཚན་གྱི་སྒོ་ནས་བྱོན་པ་ནི་བྱིན་རླབས་ཅན༌ཡིན།  
\v 10 བདག་ཅག་གི་མེས་པོ་དཱ་བིད་ཀྱི་རྒྱལ་སྲིད་འབྱོན་པ་འདི་ནི་བྱིན་རླབས་ཅན༌ཡིན། བླ་ན་མེད་པའི་གནས་ལ་ཧོ་ཟན་ནཱ་ཞེས་ཡང་ཡང་བསྒྲགས༌སོ།།   
\p
\v 11 དེ་ནས་ཁོང་ཉིད་ཡེ་རུ་སཱ་ལེམ་དུ་སླེབས་ནས་མཆོད་ཁང་དུ་ཕེབས་ཏེ་རིམ་གྱིས་མཐའ་འཁོར་ལ་གཟིགས༌ཤིང༌། མཚན་མོའི་དུས་ལ་སླེབས་འདུག་པས་ཐུགས་སྲས་བཅུ་གཉིས་པོ་དང་མཉམ་དུ་པེ་ཐན་ཡཱ་རུ་ཕེབས༌སོ།།   
\s1 མཆོད་ཁང་གཙང་མར་མཛད༌པ།  
\p
\v 12 དེའི་ཕྱི༌ཉིན། ཁོང་རྣམས་པེ་ཐན་ཡཱ་ནས་ཕར་ཕེབས་པའི་དུས་སུ་སྐྱབས་མགོན་ཡེ་ཤུ་བཀྲེས༌ཤིང༌།  
\v 13 རྒྱང་རིང་ནས་བསེ་ཡབ་ཤིང་ལོ་མ་འབུས་ཡོད་པ་ཞིག་གཟིགས༌ཏེ། ཤིང་འབྲས་ཐོགས་ཡོད་པར་དགོངས་ནས་དེའི་གམ་དུ་ཕེབས་པ༌ན། བསེ་ཡབ་ཤིང་ལ་འབྲས་བུ་སྨིན་མ་རན་པས་ལོ་མ་ལས་གཞན་ཅི་ཡང་མེད་པ་གཟིགས༌སོ།།  
\v 14 དེ་ནས་སྐྱབས་མགོན་ཡེ་ཤུས་ཤིང་སྡོང་དེ་ལ་འདི་སྐད༌དུ། དུས་ད་ནས༌བཟུང༌། ཁྱོད་ཀྱི་འབྲས་བུ་མི་སུས་ཀྱང་མི་བཟའ་བར་གྱུར་ཅིག་ཅེས་གསུངས་ཤིང་ཐུགས་སྲས་རྣམས་ཀྱིས་ཀྱང་ཐོས༌སོ།།   
\p
\v 15 དེ་ནས་ཁོང་རྣམས་ཡེ་རུ་སཱ་ལེམ་དུ་ཕེབས་པ་དང་ཁོང་ཉིད་མཆོད་ཁང་དུ་བྱོན༌ཏེ། མཆོད་ཁང་གི་ནང་དུ་ཡོད་པའི་ཚོང་པ་ཐམས་ཅད་སྒོའི་ཕྱི་རུ་ཕུད༌ཅིང༌། དངུལ་བརྗེ་མཁན་གྱི་ཅོག་ཙེ་དང་ཕུག་རོན་ཚོང་མཁན་གྱི་འདུག་སྟེགས་ཀྱང་སར་བསྒྱེལ༌ཏོ།།  
\v 16 མི་སུ་ལའང་མཆོད་ཁང་བརྒྱུད་ནས་དངོས་པོ་ཅི་ཡང་འཁྱེར་དུ་མ་བཅུག༌པར།  
\v 17 མི་རྣམས་ལ་འདི་སྐད༌དུ། གསུང་རབ་ཀྱི་མདོ༌ལས། ངའི་མཆོད་ཁང་ལ་མི་རིགས་ཀུན་གྱི་སྨོན་ལམ་ཞུ་སའི་གནས་སུ་འབོད་པར་འགྱུར་ཞེས་གསུངས་ཡོད་པ་མིན༌ནམ། འོན་ཀྱང་ཁྱོད་ཅག་གིས་འདི་ནི་ཇག་ཚང་ཞིག་ཏུ་བསྒྱུར་འདུག་ཅེས་གསུངས་པ༌ན།  
\v 18 མཁན་པོ་དང་མཆོད་དཔོན་ཆེན་པོ་རྣམས་ཀྱིས་གཏམ་དེ་ཐོས་ནས་སྐྱབས་མགོན་ཡེ་ཤུ་ཇི་ལྟར་དགྲོང་བའི་ཐབས་འཚོལ༌ལོ། །ཡང་དེ་རྣམས་ཁོང་ལ་འཇིགས་པ༌སྟེ། རྒྱུ་མཚན་ནི་མི་ཚོགས་ཐམས་ཅད་ཁོང་གིས་ཆོས་གསུངས་པ་ལ་ངོ་མཚར་བའི་ཕྱིར༌ཡིན།  
\v 19 ཡང་མཚན་མོ་རེ་རེར་ཁོང་རྣམས་གྲོང་ཁྱེར་ཕྱི་རོལ་ཏུ་ཕེབས༌སོ།།   
\s1 འབྲས་བུ་མེད་པའི་བསེ་ཡབ༌ཤིང༌།  
\p
\v 20 ཞོགས་པའི་དུས༌སུ། ཁོང་རྣམས་ལམ་ལ་ཆས་སྐབས་བསེ་ཡབ་ཤིང་དེ་རྩ་བ་ནས་བསྐམས་ཟིན་པ་མཐོང༌ཞིང༌།  
\v 21 པེ་ཏྲོས་སྐྱབས་མགོན་ཡེ་ཤུའི་གསུང་དེ་དྲན༌ནས། རཱབ་པེ༌ལགས། གཟིགས༌དང༌། ཁྱེད་ཀྱིས་དམོད་པའི་བསེ་ཡབ་ཤིང་ད་ལྟ་བསྐམས་འདུག་ཅེས་ཞུས་པ༌ལ།  
\v 22 སྐྱབས་མགོན་ཡེ་ཤུས་འདི་སྐད༌དུ། དཀོན་མཆོག་ལ་དད་པ་བྱོས༌ཤིག  
\v 23 ངས་ཁྱོད་རྣམས་ལ་བདེན་པར་སྨྲ༌སྟེ། སུ་ཞིག་གིས་རི་བོ་འདི་ལ་ད་ལྟ་ཉིད་དུ་ཕར་སྤོས་ནས་རྒྱ་མཚོར་ལྷུང་བར་བྱོས་ཞེས་སྨྲས༌ཚེ། དེ་བཞིན་དུ་འགྲུབ་པར་འགྱུར་ཞེས་སེམས་སུ་ཐེ་ཚོམ་མེད་པར་དཀོན་མཆོག་ལ་དད་པ་བྱེད༌ན། དོན་དེ་འགྲུབ་པར་མཛད་ངེས༌སོ།།  
\v 24 དེ་བས་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་ཅག་གིས་སྨོན་ལམ་དང་གསོལ་བ་འདེབས་པ་གང་ཡིན་ཡང་ཐོབ་ངེས་པར་དད་པ་བྱོས་དང་དེ་འཐོབ་པར༌འགྱུར།  
\v 25 ཡང་ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱིས་ཁྱོད་རྣམས་ཀྱི་ཉེས་པ་བསལ་བའི་ཆེད༌དུ། ཁྱོད་རྣམས་ཡར་འགྲེངས་ནས་གསོལ་བ་འདེབས་པའི་སྐབས༌སུ། མི་གཞན་གྱིས་ཁྱོད་དང་འགལ་བའི་སྡིག་པ་བྱས་ཡོད་ན་དེར་གུ་ཡངས་གཏོང་བར༌གྱིས།  
\v 26 གལ་སྲིད་ཁྱོད་རྣམས་ཀྱིས་གུ་ཡངས་མི་གཏོང༌ན། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱིས་ཀྱང་ཁྱོད་རྣམས་ཀྱི་ཉེས་པ་བསལ་བར་མི་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུའི་དབང་དང་ནུས་མཐུའི༌སྐོར།  
\p
\v 27 དེ་ནས་ཡང་ཁོང་རྣམས་ཡེ་རུ་སཱ་ལེམ་དུ་ཕེབས༌སོ། །སྐྱབས་མགོན་ཡེ་ཤུས་མཆོད་ཁང་ནང་དུ་ཞབས་ཀྱིས་བཅགས་པ༌ན། མཆོད་དཔོན་ཆེན་པོ་དག་དང་མཁན༌པོ། རྒན་པོ་རྣམས་ཁོང་གི་དྲུང་དུ་ཡོང་སྟེ་ན༌རེ།  
\v 28 ཁྱོད་ཀྱིས་དབང་གང་ལ་བརྟེན་ནས་དོན་འདི་དག་མཛད་པ་ཡིན༌ནམ། སུ་ཞིག་གིས་ཁྱོད་ལ་དོན་འདི་རྣམས་མཛད་པའི་དབང་གནང་བ་ཡིན་ཞེས་ཞུས་པ༌ལ།  
\v 29 སྐྱབས་མགོན་ཡེ་ཤུས་འདི་སྐད༌དུ། ངས་ཀྱང་ཁྱོད་རྣམས་ལ་དྲི་བ་ཞིག་འདོན༌ཏེ། ཁྱོད་རྣམས་ཀྱིས་ལན་བཏབ་ན་ངས་ཀྱང་དོན་འདི་རྣམས་དབང་ཅི་ལྟ་བུས་བྱས་པ་ཁྱོད་རྣམས་ལ་སྨྲ་བར༌བྱའོ།།  
\v 30 ཡོ་ཧ་ནན་གྱི་ཁྲུས་གསོལ་དེ་ནམ་མཁའི་ཞིང་ཁམས་དང་མི་ཡུལ་གཉིས་ཀྱི་གང་ནས་བྱུང་བ་ལ་ལན་ཐོབས་ཤིག་ཅེས་གསུངས་པ༌དང༌།  
\v 31 དེ་རྣམས་ཀྱིས་ཕན་ཚུན་གླེང་མོལ་བྱེད༌བཞིན། གལ་ཏེ་ནམ་མཁའི་ཞིང་ཁམས་ནས་བྱུང་བ་ཡིན་ཞེ༌ན། ཁོས་འོ་ན་ཁྱོད་རྣམས་ཅིའི་ཕྱིར་ཡོ་ཧ་ནན་ལ་ཡིད་མ་ཆེས་སམ་ཞེས་སྨྲ་ངེས༌ལ།  
\v 32 ཡང་མི་ཡུལ་ནས་བྱུང་བ་ཡིན་ཞེ་ན་ཞེས་སྨྲས༌ཤིང༌། མི་ཐམས་ཅད་ཀྱིས་ཡོ་ཧ་ནན་དངོས་གནས་ལུང་སྟོན་པ་ཞིག་ཏུ་བཀུར་བས་མི་ཚོགས་ལ་འཇིགས་པ༌རེད།  
\v 33 དེ་ནས་ཁོ་རྣམས་ན༌རེ། ངེད་ཅག་གིས་མི་ཤེས་ཞེས་ལན་བཏབ༌བོ། །ཡང་སྐྱབས་མགོན་ཡེ་ཤུས་འདི་སྐད༌དུ། དེས་ན་བདག་གིས་ཀྱང་དབང་གང་ལ་བརྟེན་ནས་དོན་འདི་དག་བྱེད་པ་ཁྱོད་ཅག་ལ་སྨྲ་བ་མིན་ཞེས་གསུངས༌སོ།།   
\c 12
\cl ལེའུ་བཅུ་གཉིས༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 རྒུན་ཚལ་གྱི༌དཔེ།  
\p
\v 1 དེ་ནས་སྐྱབས་མགོན་ཡེ་ཤུས་དཔེའི་སྒོ་ནས་ཁོ་རྣམས་ལ་འདི་སྐད༌དུ། དེ་ཡང་མི་ཞིག་གིས་རྒུན་ཚལ་ཞིག་བཙུགས་ཤིང་ཕྱོགས་བཞིར་ར་བས་བསྐོར་བ༌དང༌། རྒུན་འབྲུམ་འཚིར་གཞོང་འཇོག་སའི་ས་དོང་བརྐོས་པ་དང་སོ་ལྟ་ཁང་ཞིག་ཀྱང་བརྩིགས༌རྗེས། རྒུན་འབྲུམ་ར་བ་མི་གཞན་ལ་གླས་ཏེ་ཁོ་རང་ཡུལ་གཞན་དུ་སོང༌ངོ༌།།  
\v 2 དེ་ནས་དུས་ལ་བབས༌ཚེ། ཁོས་རང་གི་གཡོག་པོ་ཞིག་གླ་མཁན་ཚང་ལ་རྒུན་འབྲུམ་གྱི་འབྲས་བུ་ལེན་དུ་མངགས༌ཤིང༌།  
\v 3 དེ་རྣམས་ཀྱིས་གཡོག་པོ་དེ་བཟུང་ནས་གཅར་རྡུང་བྱས་རྗེས་ལག་སྟོང་དུ་ཕྱིར་བཏང༌ངོ༌།།  
\v 4 དེ་ནས་ཡང་ཁོས་གཡོག་པོ་གཞན་ཞིག་མངགས་པ༌ན། དེ་རྣམས་ཀྱིས་གཡོག་པོ་དེའི་མགོར་བརྒྱབ་ནས་རྨས་ཤིང་དམའ་འབེབས་བྱས༌སོ།།  
\v 5 དེ་ནས་ཡང་ཁོས་གཡོག་པོ་གཞན་ཞིག་མངགས་པའང་དེ་རྣམས་ཀྱིས་བསད༌དོ། །དེ་ནས་ཡང་ཁོས་གཡོག་པོ་གཞན་མང་པོ་ཞིག་བཏང་བ༌ན། དེ་རྣམས་ཀྱིས་གཡོག་པོ་ལ་ལར་གཅར་རྡུང་བྱས་ཤིང་ལ་ལ༌བསད།  
\v 6 ཁོ་ལ་ད་དུང་གཅེས་པའི་བུ་ཞིག་ཡོད༌དེ། མཇུག་མཐར་ཁོས་རང་གི་བུའང་དེ་རྣམས་ཀྱི་གམ་དུ་མངགས༌ཤིང༌། ཁོ་རྣམས་ཀྱིས་བདག་གི་བུ་ལ་བཀུར་སྟི་བྱེད་ངེས་ཡིན་བསམས༌སོ།།  
\v 7 འོན་ཀྱང་གླ་མཁན་ཚང་གི་མི་རྣམས་ཀྱིས་ཕན་ཚུན༌ལ། འདི་ནི་ཕ་ཤུལ་འཛིན་མཁན་ཡིན༌པས། ཤོག་དང་གསོད་པར༌བྱའོ། །ནོར་སྐལ་དེ་དག་བདག་ཅག་ལ་འཐོབ་པ་ཡིན་ཞེས་སྨྲས༌ཏེ།  
\v 8 ཁོ་རང་བཟུང་ནས་བསད་རྗེས་རྒུན་འབྲུམ་ར་བའི་ཕྱི་རོལ་ཏུ་བཏོན༌ནོ།།  
\v 9 དེས་ན་རྒུན་འབྲུམ་ར་བའི་བདག་པོས་ཅི་བྱེད་པར་འགྱུར་རམ་ཞེ༌ན། ཁོང་ཉིད་ཕེབས་ཡོང་ནས་གླ་མཁན་རྣམས་འཇོམས་པར་མཛད༌དེ། རྒུན་འབྲུམ་ར་བ་མི་གཞན་ལ་སྤྲོད་པར་བྱེད༌དོ།།  
\v 10 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 བཟོ་བ་རྣམས་ཀྱིས་སྤངས་པའི༌རྡོ།།  
\q1 ཁང་པའི་ཟུར་གྱི་རྨང་རྡོར༌གྱུར།།   
\q1
\v 11 གཙོ་བོ་ཁོང་ནས་བྱུང་བ༌ཡིན།།  
\q1 བདག་ཅག་མིག་ལ་ངོ་མཚར༌ཆེ།།  
\m ཞེས་གསུངས་ཡོད་པ་ཁྱོད་རྣམས་ཀྱིས་བཀླགས་མ་མྱོང་ངམ་ཞེས་གསུངས་པ༌དང༌།  
\v 12 ཁོ་རྣམས་ཀྱིས་དཔེ་དེ་རང་ཉིད་ལ་གསུངས་པ་ཤེས་ཏེ་སྐྱབས་མགོན་ཡེ་ཤུ་འཛིན་བཟུང་བྱེད་བསམས༌ཀྱང༌། མི་ཚོགས་ལ་འཇིགས་ཏེ་ཁོང་དང་ཁ་བྲལ་ནས་སོང༌ངོ༌།།   
\s1 ཁྲལ་འཇལ་བའི༌སྐོར།  
\p
\v 13 ཡང་དེ་རྣམས་ཀྱིས་སྐྱབས་མགོན་ཡེ་ཤུའི་གསུང་ལས་གླགས་བཙལ་ནས་ཁོང་ལ་གནོད་པ་བྱེད་པའི་ཆེད༌དུ། ཕ་རུ་ཤི་པ་དང་ཧེ་རོ་དཱའི་ཕྱོགས་ཁག་གི་མི་འགའ་ཞིག་ཁོང་གི་དྲུང་དུ༌མངགས།  
\v 14 དེ་རྣམས་ཁོང་གི་དྲུང་དུ་ཡོང་སྟེ་ན༌རེ། སློབ་དཔོན༌ལགས། ཁྱེད་ནི་གཞུང་རྒྱུད་དྲང་བ༌དང༌། ཁྱེད་ཀྱིས་མིའི་ཁ་ངོར་མི་གཟིགས༌ཤིང༌། མི་ཀུན་ལ་ཕྱོགས་རིས་མེད་པར་དཀོན་མཆོག་གི་ལམ་ཡང་དག་པར་བདེན་པར་སྟོན་པ་ངེད་རྣམས་ཀྱིས་ཤེས༌སོ། །ངེད་ཅག་གིས་སེ་བཟིར་ལ་ཁྲལ་འཇལ་རུང་ངམ་མི༌རུང༌།  
\v 15 ངེད་རྣམས་ཀྱིས་ཁྲལ་འབུལ་དགོས་སམ་མི་དགོས་ཞེས་དྲིས༌སོ། །སྐྱབས་མགོན་ཡེ་ཤུས་དེ་རྣམས་ཀྱི་གཡོ་སྒྱུ་མཁྱེན་ཏེ་འདི་སྐད༌དུ། ཁྱོད་ཅག་གིས་བདག་ལ་ཚོད་བགམ་པའི་རྒྱུ་མཚན་ཅི་ཡིན༌ནམ། དངུལ་སྒོར་ཞིག་འདི་རུ་ཁྱེར་ཤོག་དང་བལྟ་བར་བྱའོ་ཞེས་གསུངས།  
\v 16 དེ་རྣམས་ཀྱིས་དངུལ་སྒོར་ཞིག་ཁྱེར་ཡོང་བ༌དང༌། ཁོང་གིས་དེ་རྣམས་ལ་དངུལ་སྒོར་སྟེང་གི་རི་མོ་དང་ཡི་གེ་འདི་སུའི་ཡིན་ནམ་ཞེས་དྲིས་པ༌ན། དེ་རྣམས་ཀྱིས་སེ་བཟིར་གྱི་ཡིན་ཞེས་སྨྲས༌སོ།།  
\v 17 ཡང་ཁོང་གིས་འདི་སྐད༌དུ། གང་ཞིག་སེ་བཟིར་གྱི་ཡིན་ན་དེ་ནི་སེ་བཟིར་ལ་ཕུལ༌དང༌། གང་ཞིག་དཀོན་མཆོག་གི་ཡིན་ན་དེ་ནི་དཀོན་མཆོག་ལ་ཕུལ་ཅིག་ཅེས་གསུངས་པས་དེ་རྣམས་ངོ་མཚར་བར་གྱུར༌ཏོ།།   
\s1 སླར་གསོན་པར་འགྱུར་བའི༌སྐོར།  
\p
\v 18 དེ་ཡང་སླར་གསོན་པའི་དོན་དེ་མེད་ཟེར་མཁན་སཱ་ཅུ་སེ་པ་འགའ་ཞིག་ཁོང་གི་དྲུང་དུ་ཡོང་སྟེ་ན༌རེ།  
\v 19 སློབ་དཔོན༌ལགས། མོ་ཤེའི་མདོ༌ལས། གལ་སྲིད་སྐྱེས་པ་ཞིག་ལ་བུ་ཕྲུག་མེད་པར་ཤི་སྟེ་ཆུང་མ་གཅིག་པུར་ལུས༌ན། དེའི་གཅུང་པོས་ཁོའི་ཆུང་མ་བླངས་ནས་གཅེན་པོའི་དོན་དུ་རིགས་རྒྱུད་སྤེལ་དགོས་ཞེས་གསུངས་ཡོད༌དོ།།  
\v 20 དེ་ཡང་སྔོན་ཆད་སྤུན་བདུན་ཡོད་པ་ལས་སྤུན་ཆེ་བས་ཆུང་མ་ཞིག་བླངས་ནས་བུ་ཕྲུག་མེད་པར༌ཤིའོ།།  
\v 21 ཡང་སྤུན་གཉིས་པས་ཆུང་མ་དེ་བླངས་ནས་བུ་ཕྲུག་མེད་པར༌ཤིའོ། །སྤུན་གསུམ་པས་ཀྱང་དེ་ལྟར་བྱས་ནས་བུ་ཕྲུག་མ་བྱུང་བར༌ཤིའོ།།  
\v 22 དེ་བཞིན་སྤུན་བདུན་པོར་བུ་ཕྲུག་མ་བྱུང་བར་མཇུག་མཐར་བུད་མེད་དེའང༌ཤིའོ།།  
\v 23 དེས་ན་གཤིན་པོ་རྣམས་སླར་གསོན་པར་འགྱུར་བའི་དུས་དེ་སླེབས་ཚེ། སྤུན་བདུན་པོས་བུད་མེད་དེ་ཆུང་མར་བླངས་མྱོང༌བས། ཁོ་མོ་ནི་སྤུན་བདུན་ལས་སུ་ཞིག་གི་ཆུང་མ་ཡིན་ནམ་ཞེས་དྲིས་པ༌ན།  
\v 24 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་གསུང་རབ་ཀྱི་དོན་མི་རྟོགས་ཤིང་དཀོན་མཆོག་གི་མཐུ་སྟོབས་ཀྱང་མི་ཤེས་པས་ནོར་སོང་བ་མིན༌ནམ།  
\v 25 ཅིའི་ཕྱིར་ཞེ༌ན། གཤིན་པོ་རྣམས་སླར་གསོན་པའི་དུས༌སུ། མི་རྣམས་ཀྱིས་བག་མ་ཕར་བསྐྱལ་ཚུར་ལེན་མི་བྱེད་པར་ནམ་མཁའི་ཞིང་ཁམས་ཀྱི་ཕོ་ཉ་རྣམས་དང༌འདྲའོ།།  
\v 26 འོན་ཀྱང་གཤིན་པོ་རྣམས་སླར་གསོན་ངེས་པའི་སྐོར༌ལ། མོ་ཤེའི་མདོ་ཡི་ནང་དུ་བཀོད་ཡོད་པའི་ཚེར་སྡོང་གི་སྐོར་ལས་དཀོན་མཆོག་གིས་མོ་ཤེ་ལ་འདི་སྐད་གསུངས་པ༌སྟེ། བདག་ནི་ཨབ་ར་ཧམ་ \f + \ft ཨབ་ར་ཧམ༌དང༌། ཨི༌སཱག ཡ་ཀོབ་བཅས་ནི་མོ་ཤེའི་ཡར་སྔོན་གྱི་གནའ་བོའི་ཡ་ཧུ་དཱའི་མི་རིགས་ཀྱི་སྐྱེས་བུ་དམ་པ་འགའ༌ཡིན། \f*གྱི་དཀོན་མཆོག༌དང༌། ཨི་སཱག་གི་དཀོན༌མཆོག ཡ་ཀོབ་ཀྱི་དཀོན་མཆོག་ཡིན་ཞེས་གསུངས་ཡོད་པ་ཁྱོད་ཅག་གིས་བཀླགས་མ་མྱོང༌ངམ།  
\v 27 ཁོང་ནི་གཤིན་པོ་རྣམས་ཀྱི་དཀོན་མཆོག་མ་ཡིན༌པར། གསོན་པོ་རྣམས་ཀྱི་དཀོན་མཆོག་ཡིན་པས་ཁྱོད་ཅག་ཤིན་ཏུ་ནོར་སོང་ཞེས་གསུངས༌སོ།།   
\s1 བཀའ་ཁྲིམས་བཅུ་ལས་གཙོ་ཤོས༌སྐོར།  
\p
\v 28 མཁན་པོ་རྣམས་ལས་གཅིག་ཡོང་ནས་ཁོང་རྣམས་ཀྱིས་རྩོད་གླེང་བྱེད་བཞིན་པ་ཐོས་པ༌དང༌། སྐྱབས་མགོན་ཡེ་ཤུས་དེ་དག་ལ་ལན་ལེགས་པོར་མཛད་པ་ཤེས་ཏེ་ན༌རེ། བཀའ་ཁྲིམས་ཐམས་ཅད་ལས་གཙོ་ཤོས་གང་ཡིན་ནམ་ཞེས་དྲིས་པ༌ན།  
\v 29 སྐྱབས་མགོན་ཡེ་ཤུས་འདི་སྐད༌དུ། བཀའ་ཁྲིམས་རྣམས་ལས་གཙོ་ཤོས༌ནི། ཀྱེ། ཡེས་ར་ཨེལ་པ་རྣམས་ཀྱིས་ཉོན༌ཅིག གཙོ་བོ་སྟེ་བདག་ཅག་གི་དཀོན་མཆོག་ནི་གཙོ་བོ་གཅིག་པུ་ཡིན༌ལ།  
\v 30 ཁྱོད་ཀྱིས་གཙོ་བོ་སྟེ་རང་གི་དཀོན་མཆོག་ལ་བློ་གཅིག་སེམས་གཅིག་ཡིད་གཅིག་དང་སྟོབས་ཤུགས་ཡོད་རྒུས་གཅེས༌ཤིག་ཅེས་པ་འདི་ཡིན༌ནོ།།  
\v 31 བཀའ་ཁྲིམས་གཉིས་པ༌ནི། ཁྱོད་ཀྱིས་ཁྱིམ་མཚེས་ལ་རང་དང་འདྲ་བར་གཅེས་ཤིག་ཅེས་པ་འདི་ཡིན༌ནོ། །འདི་གཉིས་ལས་གཙོ་ཆེ་བའི་བཀའ་ཁྲིམས་གཞན་ཞིག་མེད་ཅེས་བཀའ་ལན་གནང༌ངོ༌།།  
\v 32 ཡང་མཁན་པོ་ན༌རེ། སློབ་དཔོན༌ལགས། དེ་ནི་ལེགས༌སོ། །དཀོན་མཆོག་ནི་གཅིག་པུ་ལགས་ཏེ་ཁོང་ལས་གཞན་དཀོན་མཆོག་ཡོད་པ་མིན་ཞེས་ཁྱེད་ཀྱིས་བདེན་པར་གསུངས༌སོ།།  
\v 33 ཁོང་ལ་བློ་རྩེ་དང་རིག་པ་བསྒྲིམས་ནས་སྟོབས་ཤུགས་ཡོད་རྒུས་གཅེས་པ༌དང༌། རང་གི་ཁྱིམ་མཚེས་ལ་རང་དང་འདྲ་བར་གཅེས་པ་ནི་སྦྱིན་སྲེག་དང་མཆོད་པ་ཐམས་ཅད་ལས་གཙོ་ཆེ་བ་ཡིན་ཞེས་ཞུས༌སོ།།  
\v 34 མཁན་པོ་དེས་བློ་གྲོས་ལྡན་པའི་སྒོ་ནས་ལན་བཏབ་པ་སྐྱབས་མགོན་ཡེ་ཤུས་གཟིགས་ཏེ་འདི་སྐད༌དུ། ཁྱོད་རང་དཀོན་མཆོག་གི་རྒྱལ་སྲིད་དང་བར་ཐག་མི་རིང་ཞེས་གསུངས་པ༌དང༌། དེའི་རྗེས༌སུ། མི་སུས་ཀྱང་ཁོང་ལ་དྲི་བ་ཅི་ཡང་ཞུ་མ་ཕོད༌དོ།།   
\s1 རྒྱལ་པོ་དཱ་བིད་ཀྱི་རིགས་སྲས༌སྐོར།  
\p
\v 35 དེ་ནས་སྐྱབས་མགོན་ཡེ་ཤུས་མཆོད་ཁང་ནང་དུ་ཆོས་གསུང་བའི་དུས་སུ་འདི་སྐད༌དུ། མཁན་པོ་རྣམས་ཀྱིས་མཱ་ཤི་ཀ་ནི་ཅི་ལྟར་དཱ་བིད་ཀྱི་རིགས་སྲས་ཡིན་ཟེར་རམ་ཞེ༌ན།  
\v 36 དཱ་བིད་ཀྱིས་དམ་པའི་ཐུགས་ཉིད་ཀྱི་ངང་ནས་ཇི་སྐད༌དུ།  
\q1 དཀོན་མཆོག་གིས་ནི་ང་ཡི་གཙོ་བོ༌ལ།།  
\q1 བདག་གིས་ཁྱོད་ཀྱི་བསྟན་དགྲ་ཐམས་ཅད༌ཀུན།།  
\q1 ཁྱོད་ཀྱི་ཞབས་ཀྱི་འོག་ཏུ་འཇུག་པའི༌བར།།  
\q1 བདག་གི་གཡས་སུ་བཞུགས་ཤིང་སྒུག་པར༌བྱའོ།།  
\m ཞེས་གསུངས༌ཤིང༌།  
\v 37 དཱ་བིད་རང་ཉིད་ཀྱིས་ཁོང་ལ་གཙོ་བོ་ཞེས་ཞུས༌ན། ཁོང་ནི་དཱ་བིད་ཀྱི་རིགས་སྲས་སུ་ཇི་ལྟར་གྱུར་པ་ཡིན་ནམ་ཞེས་གསུངས་པ་དང་མི་ཚོགས་ཀྱང་ཁོང་གི་གསུང་ལ་ཉན་པར་མོས༌སོ།།   
\s1 མཁན་པོ་རྣམས་ལ་དོགས་ཟོན་བྱེད་དགོས་པའི༌སྐོར།  
\p
\v 38 དེ་ནས་སྐྱབས་མགོན་ཡེ་ཤུས་ཆོས་གསུང་བཞིན་འདི་སྐད༌དུ། མཁན་པོ་རྣམས་ལ་དོགས་པར༌གྱིས། དེ་རྣམས་ཀྱིས་ལྭ་རིང་པོ་གྱོན་ཏེ་ཕར་འགྲོ་ཚུར་འོང་བྱེད་པ༌དང༌། ཁྲོམ་སྲང་ནས་མི་རྣམས་ཀྱི་བསྙེན་བཀུར་འཐོབ་པར་མོས༌སོ།།  
\v 39 ཆོས་ཁང་དང་གསོལ་སྟོན་དུ་གྲལ་མགོ་ནས་སྡོད་པར༌དགའོ།།  
\v 40 མི་དེ་རྣམས་ཀྱིས་ཡུགས་མོ་རྣམས་ཀྱི་ཁང་པ་དང་བཅས་པའི་རྒྱུ་རྫས་ཧམ་བཟུང་བྱེད༌ཅིང༌། སྨོན་ལམ་རིང་པོ་འདེབས་ཁུལ་བྱེད༌པས། མི་དེ་དག་ལ་ལྷག་ཏུ་ཉེས་ཆད་ལྕི་མོ་འཕོག་པར་འགྱུར་ཞེས་གསུངས༌སོ།།   
\s1 ཡུགས་མོ་དབུལ་པོ་ཞིག་གི་འབུལ༌བ།  
\p
\v 41 དེ་ནས་སྐྱབས་མགོན་ཡེ་ཤུས་མཆོད་ཁང་གི་དཀོར་མཛོད་ལ་ཁ་གཏད་ནས་བཞུགས༌ཤིང༌། མི་རྣམས་ཀྱིས་དངུལ་འབུལ་བ་ལ་གཟིགས་པ༌ན། ཕྱུག་བདག་རྣམས་ཀྱིས་དངུལ་མང་པོ་ཕུལ༌ཞིང༌།  
\v 42 ཡུགས་མོ་དབུལ་པོ་ཞིག་ཡོང་ནས་ཟངས་ཀྱི་དོང་ཙེ་ཆུང་ངུ་གཉིས་ཕུལ་བ་དང་དེ་ནི་དོང་ཙེ་ཆེན་པོ་གཅིག་གི་རིན་ཡིན༌ནོ།།  
\v 43 ཁོང་གིས་ཐུགས་སྲས་རྣམས་རང་གི་དྲུང་དུ་བོས་ཏེ་འདི་སྐད༌དུ། བདག་གིས་ཁྱོད་ཅག་ལ་བདེན་པར༌སྨྲའོ། །དངུལ་འབུལ་མཁན་ཐམས་ཅད་ལས་ཡུགས་མོ་དབུལ་པོ་འདིས་ཕུལ་བ་མང༌སྟེ།  
\v 44 ཁོ་རྣམས་ཀྱིས་རྒྱུ་ནོར་ལྷག་མ་མང་པོ་ཡོད་པ་ལས་ཕུལ་བ་ཡིན༌ཞིང༌། ཁོ་མོས་རང་ལ་མི་འདང་ཡང་ཅི་ཡོད་པ་ཐམས་ཅད་ཕུལ་བ༌དང༌། ཐ་ན་སྲོག་འཚོ་བར་མཁོ་བ་དེའང་ཕུལ་བ་ཡིན་ཞེས་གསུངས༌སོ།།   
\c 13
\cl ལེའུ་བཅུ་གསུམ༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 མཆོད་ཁང་མེད་པར་གཏོང་བའི་ལུང༌བསྟན།  
\p
\v 1 དེ་ནས་སྐྱབས་མགོན་ཡེ་ཤུ་མཆོད་ཁང་ནས་ཕྱིར་ཕེབས༌དུས། ཐུགས་སྲས་རྣམས་ལས་གཅིག་ན༌རེ། སློབ་དཔོན༌ལགས། གཟིགས༌དང༌། འདི་ནི་ཇི་འདྲའི་རྡོ་ཕ་བོང་ཆེན་པོ་ཞིག༌དང༌། ཅི་ལྟ་བུའི་ཁང་པའི་བཟོ་བཀོད་ངོ་མཚར་ཆེ་བ་ཞིག་ཡིན་ཨང་ཞེས་སྨྲས་པ༌ལ།  
\v 2 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་བརྗིད་རྔམ་ཆེ་བའི་ཁང་པའི་བཟོ་བཀོད་ཆེན་པོ་འདི་དག་མཐོང་བ་ཡིན༌ནམ། མ་འོངས་པའི་དུས༌སུ། འདི་རུ་རྡོ་ཕ་བོང་སྟེང་དུ་རྡོ་གཅིག་ཀྱང་མི་ལུས་པར་ཐམས་ཅད་བཤིག་པར་འགྱུར་ཞེས་གསུངས༌སོ།།   
\s1 དུས་ཀྱི་མཐའ་མའི་སྐོར་གྱི་ལུང༌བསྟན།  
\p
\v 3 དེ་ནས་སྐྱབས་མགོན་ཡེ་ཤུ་སྐྱུ་རུ་རའི་རི་བོ་སྟེང་དུ་ཕེབས་ཏེ་མཆོད་ཁང་ལ་ཁ་གཏད་ནས་བཞུགས་པའི་དུས༌སུ། པེ་ཏྲོ༌དང༌། ཡ༌ཀོབ། ཡོ་ཧ༌ནན། ཨན་དྲི་ཡཱ་བཅས་ཀྱིས་ཟུར་དུ་ཁོང་ལ་འདི་ལྟར་དྲིས༌ཏེ།  
\v 4 དོན་འདི་རྣམས་དུས་ནམ་ཞིག་ལ་འབྱུང་ཞིང་དོན་འདི་རྣམས་འབྱུང་བའི་དུས་སུ་རྟགས་ཅི་ཞིག་ཡོད་པ་གསུང་བར་མཛོད་ཅེས་ཞུས་པ༌ན།  
\v 5 སྐྱབས་མགོན་ཡེ་ཤུས་འདི་སྐད༌དུ། སུ་ཞིག་གིས་ཀྱང་ཁྱོད་རྣམས་མི་བསླུ་བའི་ཆེད་དུ་དོགས་པར༌གྱིས།  
\v 6 མི་མང་པོ་ངའི་མིང་དུ་རྫུ་བཞིན་ཡོང༌སྟེ། ང་ནི་སྐྱབས་མགོན་མཱ་ཤི་ཀ་ཡིན་ཟེར་ཞིང་མི་མང་པོ་བསླུ་བར༌ངེས།  
\v 7 ཁྱོད་ཅག་གིས་དམག་འཁྲུག་དང་དམག་འཁྲུག་གི་གཏམ་ཐོས་པའི་དུས་སུ་མི་འཇིགས་པར༌གྱིས། དོན་འདི་དག་འབྱུང་ངེས་ཀྱང་དེ་ནི་མཐའ་མའི་དུས་ལ་སླེབས་པ་མ་ཡིན༌ནོ།།  
\v 8 རྒྱུ་མཚན་ནི་མི་རིགས་དང་མི་རིགས་འཁྲུག་ཅིང་རྒྱལ་ཁབ་དང་རྒྱལ་ཁབ་འཁྲུག༌པ། ས་ཆ་མང་པོར་ས་འགུལ་དང་མུ་གེ་ཡང་འབྱུང་བར༌འགྱུར། འདི་དག་ནི་སྦྲུམ་མའི་ཟུག་གཟེར་གྱི་ཐོག་མ་ཡིན༌ནོ།།  
\v 9 འོན་ཀྱང་རང་གི་ཆེད་དུ་ཁྱོད་ཅག་གིས་གཟབ་པར༌གྱིས། རྒྱུ་མཚན་ནི་ཁྱོད་རྣམས་ཁྲིམས་རའི་ཁྲིམས་དཔོན་རྒན་པོ་རྣམས་ཀྱི་ལག་ཏུ་སྤྲོད༌ཅིང༌། ཆོས་ཁང་ནས་རྟ་ལྕག་གིས་གཞུ་ངེས་པ༌དང༌། ཡང་བདག་གི་རྐྱེན་གྱིས་ཁྱོད་རྣམས་སྤྱི་དཔོན་དང་རྒྱལ་པོ་རྣམས་ཀྱི་མདུན་དུ་ཁྲིད༌ནས། དེ་རྣམས་ལ་བདེན་དཔང་བྱ་བར་འགྱུར༌རོ།།  
\v 10 ཡང་དོན་དེའི་སྔོན་དུ་མི་རིགས་ཀུན་ལ་ངེས་པར་བདག་གི་འཕྲིན་བཟང་བསྒྲག༌དགོས།  
\v 11 དེ་དག་གིས་ཁྱོད་རྣམས་བཟུང་སྟེ་ཁྲིམས་ཐག་གཅོད་པར་སྤྲོད་པའི་དུས༌སུ། ཁྱོད་ཅག་གིས་དོན་དེའི་སྔོན་ལ་ཅི་ཞིག་སྨྲ་བར་སེམས་ཁྲལ་བྱ་མི་དགོས༌ཏེ། དུས་དེར་ཁྱོད་ཅག་ལ་ཅི་ཞིག་གནང་བ་ཡིན་ན་དེ་ཤོད༌ཅིག རྒྱུ་མཚན་ནི་སྐབས་དེའི་གཏམ་སྨྲ་མཁན་ནི་ཁྱོད་རྣམས་རང་ཉིད་མ་ཡིན་པར་དམ་པའི་ཐུགས་ཉིད་ཡིན་པས༌སོ།།  
\v 12 དེའི་དུས༌སུ། གཅེན་པོས་གཅུང་པོ་དང་ཕ་ཡིས་རང་གི་བུ་ཡང་འཆི་ལམ་དུ་བསྐྱལ་བར་འགྱུར༌ཞིང༌། བུ་ཕྲུག་རྣམས་ཀྱིས་ཀྱང་ཕ་མ་དགྲ་རུ་བཟུང་སྟེ་གསོད་པར༌འགྱུར།  
\v 13 ཡང་ངའི་མིང་གི་རྐྱེན་གྱིས་མི་ཐམས་ཅད་ཁྱོད་ཅག་ལ་སྡང་བར་འགྱུར༌མོད། འོན་ཀྱང་མཐར་ཐུག་ཏུ་བཟོད་བསྲན་བྱེད་མཁན་དེ་ལ་ཐར་པ་འཐོབ་ངེས༌སོ།།   
\s1 བཙོག་པར་བཟོ་བའི་སྐུར་བ་འདེབས་མཁན་གྱི༌སྐོར།  
\p
\v 14 མདོ་འདི་ཀློག་མཁན་གྱིས་དོན་རྟོགས་པར་བྱ༌སྟེ། ནམ་ཞིག་ཁྱོད་ཅག་གིས་སྟོང་པར་བྱེད་པའི་སྐྱུག་བྲོ་བ་དེ་སྡོད་མི་འོས་པའི་གནས་སུ་འགྲེངས་ནས་བསྡད་ཡོད་པ་མཐོང་དུས༌སུ། ཡ་ཧུ་དཱའི་ཡུལ་དུ་ཡོད་པ་རྣམས་རི་ལ་འབྲོ་བར༌གྱིས།  
\v 15 ཁང་པའི་སྟེང་དུ་ཡོད་པ་རྣམས་སར་བབས་ནས་རང་ཁྱིམ་དུ་དངོས་པོ་ལེན་དུ་མ༌འགྲོའོ།།  
\v 16 ཞིང་ཁར་ཡོད་པ་རྣམས་རང་གི་གྱོན་པ་ལེན་དུའང་ཕྱིར་མ་ལོག༌ཅིག  
\v 17 ཉིན་དེ་དག་གི་རིང༌ལ། བུད་མེད་སྦྲུམ་མ་དང་ཕྲུ་གུར་ནུ་མ་སྣུན་མཁན་རྣམས་སྙིང་རེ་རྗེ༌ཨང༌།  
\v 18 དོན་དེ་དགུན་ཁར་མི་འབྱུང་བའི་ཕྱིར་ཁྱོད་ཅག་གིས་སྨོན་ལམ་ཐོབས༌ཤིག  
\v 19 རྒྱུ་མཚན་ནི་ཉིན་དེ་དག་གི་རིང༌ལ། དཀའ་སྡུག་འབྱུང་བར་འགྱུར་བ༌དང༌། དཀའ་སྡུག་དེ་ལྟ་བུ་དཀོན་མཆོག་གིས་འཇིག་རྟེན་བཀོད་པ་ནས་ད་ལྟའི་བར་དུ་བྱུང་མ་མྱོང་ལ་རྗེས་སུའང་འབྱུང་མི་སྲིད༌དོ།།  
\v 20 ཡང་གཙོ་བོས་ཉིན་དེ་དག་ཇེ་ཉུང་དུ་མཛད་པ་མིན༌ན། ཤ་ཁྲག་གདོས་བཅས་སུ་གྲུབ་པ་སུ་ཡང་ཐར་མི་ཐུབ༌མོད། འོན་ཀྱང་ཁོང་གིས་བདམས་པའི་མི་རྣམས་ཀྱི་དོན་དུ་ཉིན་དེ་དག་ཇེ་ཉུང་དུ་མཛད་པ་ཡིན༌ནོ།།  
\v 21 དེའི་དུས༌སུ། སུ་ཞིག་གིས་ཁྱོད་ཅག་ལ་ལྟོས་དང་མཱ་ཤི་ཀ་འདི་རུ༌བཞུགས། ཡང་ན་དེ་གར་བཞུགས་ཞེས་སྨྲས་ཀྱང་དེ་ལ་ཡིད་རྟོན་བྱ་མི་རུང༌ངོ༌།།  
\v 22 རྒྱུ་མཚན་ནི་མཱ་ཤི་ཀ་བཅོས་མ་དང་ལུང་སྟོན་པ་རྫུས་མ་མང་པོ་འབྱུང༌ཞིང༌། གལ་ཏེ་བསླུ་ནུས་ན་བདམས་པའི་མི་རྣམས་ཀྱང་བསླུ་བའི༌ཕྱིར། གྲུབ་རྟགས་དང་ངོ་མཚར་བའི་དོན་རྣམས་སྟོན་པར་འགྱུར༌རོ།།  
\v 23 བདག་གིས་གཏམ་འདི་ཐམས་ཅད་དོན་དེའི་སྔོན་དུ་ཁྱོད་ཅག་ལ་སྨྲས་པ་ཡིན་པས་གཟབ་པར་གྱིས་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་ཕེབས་ཡོང་བའི༌སྐོར།  
\p
\v 24 དེ་ནས་ཡང་ཁོང་གིས་འདི་སྐད༌དུ། ཉིན་དེ་དག་གི་རིང་དང་དཀའ་སྡུག་དེའི་རྗེས་སུ་ཉི་མ་བསྒྲིབ་ཅིང་ཟླ་བས་འོད་མི༌སྤྲོའོ།།  
\v 25 སྐར་ཚོགས་ནམ་མཁའ་ནས་ལྷུང་ཞིང་བར་སྣང་ཁམས་ཀྱི་དབང་ཐམས་ཅད་གཡོ་བར༌འགྱུར།  
\v 26 དེའི་དུས༌སུ། མི་རྣམས་ཀྱིས་མིའི་བུ་ཁོ་རང་ནུས་མཐུ་དང་གཟི་བརྗིད་ཆེན་པོའི་ངང་སྤྲིན་གྱི་བང་རིམ་ནས་འབྱོན་པ་མཐོང་བར་འགྱུར༌རོ།།  
\v 27 དེ་ནས་ཁོས་རང་ཉིད་ཀྱི་ཕོ་ཉ་རྣམས་མངགས༌ཏེ། ས་གཞི་ཆེན་པོའི་མཐའ་ནས་ནམ་མཁའི་མཐའ་མཚམས་བར་དུ་ཁོའི་བདམས་པའི་མི་ཐམས་ཅད་ཕྱོགས་བཞི་མཚམས་བརྒྱད་ནས་བསྡུ་བར་འགྱུར༌རོ།།   
\s1 བསེ་ཡབ་ཤིང་གི་བསླབ༌བྱ།  
\p
\v 28 ཁྱོད་ཅག་གིས་བསེ་ཡབ་ཤིང་ལས་བསླབ་བྱ་ཞིག་ལོངས་དང༌། དེའི་ཡལ་ག་མཉེན་ལྕུག་ལྡན་པར་གྱུར་ནས་ལོ་མ་འབུས་པའི་དུས༌སུ། དབྱར་ཁའི་དུས་ལ་ཉེ་བ་ཁྱོད་ཅག་གིས་ཤེས༌སོ།།  
\v 29 དེ་བཞིན་དུ་ཁྱོད་ཅག་གིས་དོན་དེ་དག་མཐོང་བའི༌ཚེ། མིའི་བུ་སླེབ་ལ་ཉེ་བ་དང་སྒོ་འགྲམ་དུ་སླེབས་ཡོད་པ་རྟོགས་པར༌གྱིས།  
\v 30 བདག་གིས་ཁྱོད་ཅག་ལ་བདེན་པར་སྨྲ༌སྟེ། མི་རབས་འདི་ད་དུང་མ་འདས་པའི་སྔོན་ལ་དོན་འདི་ཐམས་ཅད་འབྱུང་བར་འགྱུར༌རོ།།  
\v 31 གནམ་ས་གཉིས་ནི་འཇིག་སྲིད་ཀྱང་བདག་གི་བཀའ་རྣམས་འཇིག་པར་མི་འགྱུར༌རོ།།   
\s1 ཕྱིར་ཕེབས་པར་བློ་གཟུ་བོར་གནས་དགོས༌པ།  
\p
\v 32 འོན་ཀྱང་མི་སུས་ཀྱང་ཉིན་མོ་དེའམ་དུས་དེ་ནི་ནམ་ཞིག་ཡིན་པ་མི་ཤེས༌ཤིང༌། ནམ་མཁའི་ཞིང་ཁམས་སུ་སྡོད་པའི་ཕོ་ཉ་རྣམས་ཀྱིས་ཀྱང་མི་ཤེས༌ལ། སྲས་ཀྱིས་ཀྱང་མི་ཤེས་ཏེ་ཡབ་གཅིག་པུས་མཁྱེན༌ཏོ།།   
\p
\v 33 ཡང་དུས་དེ་ནམ་ཞིག་ལ་སླེབ་པ་ཁྱོད་ཅག་གིས་མི་ཤེས་པས་དོགས་པར་གྱིས་དང་གཉིད་དུ་མ་ཡུར༌ཅིག  
\v 34 འདི་ནི་མི་ཞིག་གིས་རང་ཁྱིམ་བསྐྱུར་ཏེ་ཡུལ་གཞན་དུ་འགྲོ་བའི་སྐབས༌སུ། རང་གི་གཡོག་པོ་རྣམས་ལ་དབང་ཐམས་ཅད་སྤྲད་ནས་སོ་སོར་ལས་ཀ་བགོས་པ༌དང༌། སྒོ་སྲུང་མཁན་གྱིས་ཀྱང་དོགས་ཟོན་བྱེད་དགོས་པར་བཀའ་གནང་བ་དང༌འདྲའོ།།  
\v 35 དེ་བས་ཁྱིམ་བདག་དེ་ནི་མཚན་མོའམ་ནམ་ཕྱེད་ཀྱི་དུས༌སམ། ཡང་ན་བྱ་ཕོ་གྲགས་པའི་དུས་སམ་ཞོགས་པའི་དུས་གང་ཞིག་ལ་ཡོང་བ་ཁྱོད་ཅག་གིས་མི་ཤེས་པས་དོགས་པར༌གྱིས།  
\v 36 དེ་ལྟར་མ་བྱས་ན་ཁོ་རང་གློ་བུར་ཕྱིར་ལོག༌ཚེ། ཁྱོད་ཅག་གཉིད་དུ་ཡུར་བ་མཐོང་བར་འགྱུར༌རོ།།  
\v 37 བདག་གིས་ཁྱོད་ཅག་ལ་སྨྲས་པ་འདི་དག་ནི་མི་ཐམས་ཅད་ལའང་དོགས་པར་གྱིས་ཞེས་སྨྲས་པ་ཡིན་གསུངས༌སོ།།   
\c 14
\cl ལེའུ་བཅུ་བཞི༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 སྐྱབས་མགོན་ཡེ་ཤུའི་དབུ་ལ་སྤོས་ཆུ་བླུགས༌པ།  
\p
\v 1 དེ་ནས་ཉིན་གཉིས་ཀྱི་རྗེས་ནི་པེ་སག་གི་དུས་ཆེན་དང་སྐྱུར་མེད་བག་ལེབ་ཀྱི་དུས་ཆེན་ཡིན་པ༌དང༌། མཆོད་དཔོན་ཆེན་པོ་དག་དང་མཁན་པོ་རྣམས་ཀྱིས་གཡོ་ཐབས་ཀྱིས་སྐྱབས་མགོན་ཡེ་ཤུ་འཛིན་བཟུང་བྱས་ནས་དགྲོང་བའི་གོ་སྐབས་བཙལ་མོད༌ཀྱང༌།  
\v 2 དེ་དག་ན༌རེ། མི་སེར་ཟིང་ཆ་ལངས་ཉེན་ཡོད་པས་དུས་ཆེན་ལ་དེ་ལྟར་བྱེད་མི་རུང་ཞེས་སྨྲས༌སོ།།   
\p
\v 3 དེ་ཡང་སྐྱབས་མགོན་ཡེ་ཤུ་ཁོང་ཉིད་པེ་ཐན་ཡཱའི་མཛེ་ནད་ཅན་སི་མོན་གྱི་ཁྱིམ་དུ་བཞུགས་ཏེ་ཞལ་ཟས་བཞེས་པའི་དུས༌སུ། བུད་མེད་ཅིག་གིས་རིན་ཐང་ཆེ་བའི་སྤོས་ཆུ་ལྷད་མེད་པ་ནཱར་དི་ \f + \ft ནཱར་དི་ཞེས་པའི་སྤོས་ཆུ་ནི་རྒྱ་གར་བྱང་ཕྱོགས་ཀྱི་རྩི་ཤིང་ཞིག་ནས་བྱུང་བའི་རིན་ཐང་ཆེ་བའི་སྤོས་ཆུ་ཡིན༌ལ། རྩི་ཤིང་དེའི་མིང་ཡང༌ཡིན། \f*ཡིས་གང་བའི་རྡོ་ཀ་མ་རུའི་བུམ་པ་ཞིག་ཁྱེར་ཡོང༌སྟེ། བུམ་པ་བཅགས་ནས་ཁོང་གི་དབུ་ལ་སྤོས་ཆུ་བླུགས༌པས།  
\v 4 གནས་དེར་ཡོད་པའི་མི་འགའ་ཞིག་ཁྲོས་ཏེ་ཕན་ཚུན་ན༌རེ། སྤོས་ཆུ་འདི་ཅིའི་ཕྱིར་འདི་ལྟར་ཆུད་ཟོས་སུ་བཏང་བ་ཡིན༌ནམ།  
\v 5 སྤོས་ཆུ་འདི་དངུལ་སྒོར་སུམ་བརྒྱ་ལྷག་ལ་བཙོངས་ཏེ་དབུལ་པོ་རྣམས་ལ་བྱིན་ན་མི་ལེགས་སམ་ཞེས་སྨྲས་ཤིང་བུད་མེད་དེར་གཤེ་གཤེ་བཏང༌ངོ༌།།  
\v 6 དེ་ནས་སྐྱབས་མགོན་ཡེ་ཤུས་འདི་སྐད༌དུ། ཁོ་མོར་དེ་བཞིན་བྱེད་དུ༌ཆུག ཅིའི་ཕྱིར་ཁོ་མོར་འོ་བརྒྱལ་བྱེད༌དམ། ཁོ་མོས་བདག་ལ་དོན་བཟང་པོ་བྱས་པ་ཡིན༌ཏེ།  
\v 7 དབུལ་པོ་རྣམས་དུས་རྟག་ཏུ་ཁྱོད་རྣམས་དང་མཉམ་དུ་ཡོད༌པས། ཁྱོད་ཅག་གིས་ནམ་ཡིན་ཡང་དེ་དག་ལ་ལས་བཟང་པོ་བྱ་ཐུབ༌མོད། འོན་ཀྱང་བདག་ནི་དུས་རྟག་ཏུ་ཁྱོད་རྣམས་དང་མཉམ་དུ་མི་གནས༌སོ།།  
\v 8 ཁོ་མོས་ཅི་བྱ་ནུས་པ་དེ་བཞིན་དུ་བྱས་པ༌དང༌། ཁོ་མོས་ང་རང་དུར་ལ་འཇུག་པར་སྔ་མོ་ནས་བདག་གི་ལུས་ལ་སྤོས་ཆུ་བླུགས་པ་ཡིན༌ནོ།།  
\v 9 ངས་ཁྱོད་རྣམས་ལ་བདེན་པར་སྨྲ༌སྟེ། འཇིག་རྟེན་ཡོངས་ཀྱི་ཡུལ་གང་དུ་འཕྲིན་བཟང་འདི་བསྒྲགས༌ན། བུད་མེད་འདིས་ཅི་ལྟར་བྱས་པ་དྲན་པའི་ཕྱིར་གཏམ་དེ་ཡང་བརྗོད་པར་འགྱུར་ཞེས་གསུངས༌སོ།།   
\p
\v 10 དེ་ནས་ཐུགས་སྲས་བཅུ་གཉིས་པོ་ལས་ཨི་སི་ཀར་རེའི་ཡུ་དཱ་ངོ་ལོག་ནས་སྐྱབས་མགོན་ཡེ་ཤུ་ཁོང་ཉིད་མཆོད་དཔོན་ཆེན་པོ་རྣམས་ལ་སྤྲོད་པའི་ཕྱིར་དེ་རྣམས་ཀྱི་གམ་དུ་སོང༌ཞིང༌།  
\v 11 དེ་དག་གིས་ཀྱང་གཏམ་དེ་ཐོས་ནས་ཤིན་ཏུ་དགའ་བར་གྱུར་ཏེ་ཁོ་ལ་དངུལ་སྟེར་བར་ཁས་བླངས༌སོ། །དེ་ནས་ཁོས་སྐྱབས་མགོན་ཡེ་ཤུ་དེ་དག་གི་ལག་ཏུ་ཇི་ལྟར་སྤྲོད་པའི་གོ་སྐབས་བཙལ༌ཏོ།།   
\s1 གཙོ་བོ་ཡེ་ཤུའི་རྗེས་དྲན་གྱི་ཞལ༌ཟས།  
\p
\v 12 སྐྱུར་མེད་བག་ལེབ་དུས་ཆེན་གྱི་ཉིན་དང༌པོར། པེ་སག་གི་ལུ་གུ་ \f + \ft པེ་སག་གི་ལུ་གུ་ཞེས་པ་ནི་པེ་སག་གི་དུས་ཆེན་ཉིན་ལ་བཤའ་བའི་ལུ་གུ་སྟེ་ཡ་ཧུ་དཱའི་མི་རིགས་ཀྱི་གོམས་སྲོལ༌ལ། སྔར་ཨེ་ཅིབ་ཡུལ་གྱི་བྲན་དུ་བཀོལ་བའི་གནས་ནས་ཐར་བའི་དྲན་གསོའི་དུས་ཆེན་གྱི་ཉིན་དང༌པོར། མི་གྲངས་བཅུ་ནས་ཉི་ཤུ་རེ་གྲལ་སྐོར་གཅིག་ཏུ་བྱས་ནས་ནག་ནོག་གི་ལྷད་མ་འདྲེས་པའི་ལུ་གུ་མཆོག་ཏུ་གྱུར་པ་བཤས༌ཏེ། ཁྲག་དང་ཚིལ་གཉིས་མཆོད་ཅིང་ཤ་ཟ་བ༌ཡིན། དེའི༌ཕྱིར། དྲན་གསོའི་དུས་ཆེན་གྱི་ཉིན་དང་པོར་བཤའ་བའི་ལུ་གུ་དེར་པེ་སག་གི་ལུ་གུ་ཞེས༌བྱ། འདིར་ཡང་སྒྲ་སྒྱུར་བྱས་པས་ཀློག་མཁན་རྣམས་ཀྱིས་དོན་རྣམས་མ་ལུས་པར་རྟོགས་པར༌སྨོན།(པེ་སག་ཅེས་པའི་མཆན་ལའང་གཟིགས་རོགས)\f*བཤའ་བའི་དུས༌སུ། ཐུགས་སྲས་རྣམས་ན༌རེ། ཁྱེད་ཀྱིས་པེ་སག་གི་ཞལ་ཟས་བཞེས་པའི༌ཕྱིར། ངེད་ཅག་གིས་གནས་གང་དུ་སྟ་གོན་བྱེད་དགོངས་སམ་ཞེས་ཞུས་པ༌ལ།  
\v 13 སྐྱབས་མགོན་ཡེ་ཤུས་ཐུགས་སྲས་གཉིས་མངགས་ཏེ་འདི་སྐད༌དུ། ཁྱོད་གཉིས་གྲོང་ཁྱེར་ནང་དུ་སོང༌དང༌། དེ་རུ་ཆུ་བུམ་འཁྱེར་བའི་སྐྱེས་པ་ཞིག་ཚུར་ཡོང་བར་འགྱུར་ཞིང་མི་དེའི་རྗེས་འབྲངས་ནས་སོང༌སྟེ།  
\v 14 ཁོ་རང་ཁྱིམ་གང་དུ་སོང་ན་ཁྱོད་གཉིས་ཀྱིས་ཁྱིམ་དེའི་བདག་པོ༌ལ། སློབ་དཔོན་གྱིས་ཁྱོད་ལ་འདི་སྐད་གསུངས་ཏེ། ང་དང་ངའི་ཐུགས་སྲས་རྣམས་ཀྱིས་མཉམ་དུ་པེ་སག་གི་ཞལ་ཟས་བཞེས་སའི་འགྲུལ་ཁང་དེ་གང་དུ་ཡོད་ཅེས་ཤོད༌ཅིག  
\v 15 མི་དེས་ཁྱོད་གཉིས་ལ་ཅ་ལག་ཁ་ཚང་བསྒྲིགས་ཡོད་པའི་ཐོག་ཁང་ཆེན་པོ་ཞིག་སྟོན༌སྲིད། ཁྱོད་གཉིས་ཀྱིས་ཀྱང་གནས་དེ་རུ་བདག་ཅག་གི་གསོལ་སྟོན་ལ་སྟ་གོན་བྱོས་ཤིག་ཅེས་གསུངས༌སོ།།  
\v 16 ཐུགས་སྲས་དེ་གཉིས་སོང་ནས་གྲོང་ཁྱེར་ནང་དུ་སླེབས༌ཏེ། ཁོང་གིས་གསུངས་པ་ལྟར་མཐོང་ཞིང་གནས་དེ་རུ་པེ་སག་གི་གསོལ་སྟོན་བཤམས༌སོ།།   
\p
\v 17 མཚན་མོའི་དུས༌སུ། ཁོང་དང་ཐུགས་སྲས་བཅུ་གཉིས་པོ་མཉམ་དུ་གནས་དེར་ཕེབས༌ཤིང༌།  
\v 18 ཁོང་རྣམས་ལྷན་དུ་གྲལ་ལ་བཞུགས་ནས་ཞལ་ཟས་བཞེས་པའི་དུས༌སུ། སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་ཅག་ལ་བདེན་པར་སྨྲ༌སྟེ། བདག་དང་མཉམ་དུ་ཟས་ཟ་མཁན་ཁྱོད་རྣམས་ལས་མི་གཅིག་གིས་ང་རང་ལ་ངོ་ལོག་བྱ་ངེས་ཞེས་གསུངས་པ༌ན།  
\v 19 ཁོ་རྣམས་ཀྱི་སེམས་སྐྱོ་བར་གྱུར་ཏེ་རེ་རེ་བཞིན་གྱིས་ཁོང་ལ་དྲིས༌པ། ང་རང་ཡིན་མི་སྲིད་ཅེས་ཞུས་པ༌དང༌།  
\v 20 ཡང་ཁོང་གིས་འདི་སྐད༌དུ། དེ་ནི་ཐུགས་སྲས་བཅུ་གཉིས་པོ་ཁྱོད་རྣམས་ལས་བདག་དང་མཉམ་དུ་སྡེར་མའི་ནང་ལ་བག་ལེབ་སྦོང་མཁན་དེ་ཡིན༌ནོ།།  
\v 21 མིའི་བུ་ནི་གསུང་རབ་ཀྱི་མདོ་ལས་ཁོའི་སྐོར་བཀོད་ཡོད་པ་བཞིན་གཤེགས་དགོས༌ཀྱང༌། མིའི་བུ་ལ་ངོ་ལོག་བྱེད་མཁན་གྱི་མི་དེར་ཆག་སྒོ་འབྱུང་བར༌ངེས། མི་དེ་སྐྱེས་པ་ལས་མ་སྐྱེས་ན་ལེགས་ཞེས་གསུངས༌སོ།།   
\p
\v 22 ཁོང་རྣམས་ཀྱིས་ཞལ་ཟས་བཞེས་པའི་དུས༌སུ། སྐྱབས་མགོན་ཡེ་ཤུས་ཕྱག་ཏུ་བག་ལེབ་བསྣམས་ཏེ་བྱིན་རླབས་གནང༌རྗེས། དུམ་བུར་བགོས་ནས་ཁོ་རྣམས་ལ་གནང་སྟེ་འདི་སྐད༌དུ། འདི་ནི་བདག་གི་ལུས་པོ་ཡིན་ལ་ཁྱོད་ཅག་གིས་ལོངས་ཤིག་ཅེས་གསུངས་པ༌དང༌།  
\v 23 ཡང་ཁོང་གིས་ཕོར་བ་ཕྱག་ཏུ་བསྣམས་ཏེ་དཀོན་མཆོག་ལ་བཀའ་དྲིན་ཞུས་རྗེས་ཁོ་རྣམས་ལ་གནང་བ་དང་ཚང་མས་དེ་ལས་བཏུངས༌སོ།།  
\v 24 ཡང་ཁོང་གིས་འདི་སྐད༌དུ། འདི་ནི་བདག་གི་ཞལ་ཆད་ཀྱི་ཁྲག་ཡིན༌ཏེ། མི་མང་པོའི་ཆེད་དུ་བཞུར་བ༌ཡིན།  
\v 25 བདག་གིས་ཁྱོད་ཅག་ལ་བདེན་པར་སྨྲ༌སྟེ། ངས་དཀོན་མཆོག་གི་རྒྱལ་སྲིད་ནས་གསར་པ་ཞིག་འཐུང་བའི་ཉིན་མོའི་བར༌དུ། རྒུན་འབྲུམ་གྱི་ཁུ་བ་འདི་འཐུང་བ་མིན་ཞེས་གསུངས༌སོ།།  
\v 26 དེ་ནས་ཁོང་རྣམས་ཀྱིས་གསུང་མགུར་བླངས་རྗེས་ཕྱི་རུ་ཐོན་ཞིང་སྐྱུ་རུ་རའི་རི་བོར་ཕེབས༌སོ།།   
\s1 ཐུགས་སྲས་པེ་ཏྲོའི་སྐོར་གྱི་ལུང༌བསྟན།  
\p
\v 27 དེ་ནས་ཡང་སྐྱབས་མགོན་ཡེ་ཤུས་ཁོ་རྣམས་ལ་འདི་སྐད༌དུ། གསུང་རབ་ཀྱི་མདོ་ལས་ཇི་སྐད༌དུ། བདག་གིས་ལུག་རྫི་ལ་རྡུང་རྡེག་བྱས་ནས་ལུག་རྣམས་འཐོར་བར་འགྱུར་ཞེས་བཀོད་པ༌བཞིན། ཁྱོད་ཅག་ཐམས་ཅད་ས་རུ་འགྱེལ་བར༌འགྱུར།  
\v 28 འོན་ཀྱང་བདག་ནི་སླར་གསོན་རྗེས་ཁྱོད་ཅག་གི་སྔོན་ལ་ག་ལིལ་ཡུལ་དུ་འགྲོ་ངེས་ཞེས་གསུངས༌སོ།།  
\v 29 དེ་ནས་པེ་ཏྲོ་ན༌རེ། མི་ཐམས་ཅད་ས་རུ་འགྱེལ་ནའང་བདག་ནི་འགྱེལ་བ་མིན་ཞེས་ཞུས་པ༌ན།  
\v 30 ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་ལ་བདེན་པར་སྨྲ༌སྟེ། དོ་དགོང་གི་དུས་འདིར་བྱ་ཕོ་ཐེངས་གཉིས་མ་གྲགས་པའི་སྔོན༌དུ། ཁྱོད་ཀྱིས་ཐེངས་གསུམ་ལ་ང་རང་ཁས་མི་ལེན་ཞེས་གསུངས༌སོ།།  
\v 31 འོན་ཀྱང་པེ་ཏྲོས་ཁོང་ལ་བདག་ནི་ཁྱེད་དང་མཉམ་དུ་འཆི་དགོས༌ཀྱང༌། ཁྱེད་རང་ཁས་མི་ལེན་པ་དཔེ་མི་སྲིད་ཅེས་ནན་གྱིས་ཞུས་ཤིང་ཐུགས་སྲས་གཞན་རྣམས་ཀྱིས་ཀྱང་དེ་ལྟར་ཞུས༌སོ།།   
\s1 གེད་སེམ་མཱ་ནེ་ཞེས་པའི་སྐྱེད༌ཚལ།  
\p
\v 32 དེ་ནས་ཁོང་རྣམས་གེད་སེམ་མཱ་ནེ་ཞེས་པའི་ས་ཆ་ཞིག་ལ་ཕེབས་པ༌དང༌། ཁོང་གིས་ཐུགས་སྲས་རྣམས་ལ་འདི་སྐད༌དུ། བདག་གིས་གསོལ་བ་འདེབས་པའི་བར་དུ་ཁྱོད་ཅག་གནས་འདིར་སྡོད་ཅིག་ཅེས་གསུངས༌ཤིང༌།  
\v 33 པེ་ཏྲོ༌དང༌། ཡ༌ཀོབ། ཡོ་ཧ་ནན་གསུམ་པོ་ཁྲིད་པ༌དང༌། དུས་དེར་ཁོང་གི་ཐུགས་ཤིན་ཏུ་འཁྲུག་ཅིང་གདུངས་པར་གྱུར་ཏེ་འདི་སྐད༌དུ།  
\v 34 བདག་སེམས་ཤིན་ཏུ་སྐྱོ་ནས་འཆི་ལ༌ཉེའོ། །ཁྱོད་ཅག་གིས་གནས་འདི་རུ་བསྒུགས་ནས་དོགས་ཟོན་གྱིས་ཤིག་ཅེས་གསུངས་པ༌དང༌།  
\v 35 ཡང་ཁོང་ཉིད་མདུན་ཕྱོགས་སུ་ཅུང་ཙམ་ཕེབས་ཤིང་སྐུ་ལུས་སར་བཏུད་དེ་འདི་སྐད༌དུ། གལ་ཏེ་སྲིད་པ་ཡིན་ན་དུས་འདི་བདག་ལས་འདའ་བར་མཛོད་ཅེས་གསོལ་བ༌བཏབ།  
\v 36 ཡང་ཁོང་གིས་འདི་སྐད༌དུ། ཀྱེ། ཨབ་བཱ༌ལགས། ཡབ༌ལགས། ཁྱེད་ལ་བསྒྲུབ་མི་ནུས་པའི་བྱ་བ་གང་ཡང་མེད་པས་ཕོར་བ་འདི་བདག་ལས་ཕྱིར་ལེན་པར༌མཛོད། འོན་ཀྱང་བདག་གི་བསམ་པ་བཞིན་དུ་མི་འགྲུབ་པར་ཁྱེད་ཀྱི་ཐུགས་དགོངས་བཞིན་དུ་གྲུབ་གྱུར་ཅིག་ཅེས་ཞུས༌སོ།།  
\v 37 དེ་ནས་ཁོང་ཉིད་ཕྱིར་ཕེབས་པ་ན་ཁོ་རྣམས་གཉིད་དུ་ཡུར་བ་གཟིགས་ཏེ་པེ་ཏྲོ་ལ་འདི་སྐད༌དུ། སི༌མོན། ཁྱོད་རང་གཉིད་ལ་ཡུར་བ་ཡིན༌ནམ། ཆུ་ཚོད་གཅིག་ཙམ་ལའང་དོགས་ཟོན་བྱ་མི་ནུས༌སམ།  
\v 38 ཁྱོད་ཅག་ཉམས་ཚོད་ཀྱི་འོག་ཏུ་མི་འཚུད་པའི་ཕྱིར་དོགས་ཟོན་བྱས་ནས་གསོལ་བ་ཐོབས༌ཤིག ཁྱོད་ཅག་གི་སེམས་སུ་དེ་ལྟར་བྱ་བསམ་ཡང་ལུས་སྟོབས་ཞན་པ་ཡིན་ཞེས་གསུངས༌སོ།།  
\v 39 ཡང་ཁོང་ཉིད་ཕར་ཕེབས་ནས་སྔར་བཞིན་གསོལ་བ་བཏབ་པ༌དང༌།  
\v 40 ཁོང་ཉིད་ཕྱིར་ཕེབས་པ་ན་ཡང་ཁོ་རྣམས་ངལ་དུབ་ཆེ་བས་གཉིད་དུ་ཡུར་བ་གཟིགས༌ཤིང༌། ཁོ་རྣམས་ཀྱིས་ཁོང་ལ་ཅི་ཞུ་བའང་མ་ཤེས༌སོ།།  
\v 41 ཁོང་ཐེངས་གསུམ་པར་ཕྱིར་ཕེབས་རྗེས་འདི་སྐད༌དུ། ཁྱོད་ཅག་ད་དུང་གཉིད་ནས་ངལ༌གསོའམ། གཉིད་པར་མི༌བྱའོ། །ད་ལྟ་དུས་ལ་བབས་པ༌རེད། ལྟོས༌དང༌། མིའི་བུ་སྡིག་ཅན་རྣམས་ཀྱི་ལག་ཏུ་སྤྲོད་པར༌བྱེད།  
\v 42 ལྟོས༌དང༌། ང་ལ་ངོ་ལོག་བྱེད་མཁན་དེ་ཉེ་སར་སླེབས་པས་ཡར་ལོངས་དང་འགྲོའོ་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་འཛིན་བཟུང་བྱས༌པ།  
\p
\v 43 ཁོང་གིས་དེ་ལྟར་གསུང་བཞིན་པའི་དུས༌སུ། གློ་བུར་ཉིད་ལ་ཐུགས་སྲས་བཅུ་གཉིས་ཀྱི་ཡ་གྱལ་ཏེ་ཡུ་དཱ་སླེབས་པ༌དང༌། ད་དུང་ལག་ཏུ་རལ་གྲི་དང་དབྱུག་པ་ཐོགས༌ཤིང༌། མཆོད་དཔོན་ཆེན་པོ་རྣམས་དང་མཁན༌པོ། རྒན་པོ་དག་གིས་མངགས་པའི་མི་ཚོགས་ཀྱང་ཁོ་དང་མཉམ་དུ་སླེབས༌སོ།།  
\v 44 ཁོང་ལ་ངོ་ལོག་བྱེད་མཁན་དེས་མི་དེ་དག་ལ་ངས་སུ་ལ་འོ་བྱས༌ན། དེ་ནི་ཁོང་ཉིད་ཡིན་པས་མྱུར་དུ་བཟུང་ནས་དམ་པོར་ཁྲིད་ཅིག་ཅེས་སྔོན་ལ་ལྐོག་བརྡ་བརྒྱབ་ཡོད་པ༌རེད།  
\v 45 དེ་ནས་ངོ་ལོག་པ་དེ་ཁོང་གི་དྲུང་དུ་སླེབས་མ་ཐག་རཱབ་པེ་ལགས་ཞེས་ཞུས་ནས་ཁོང་གི་འགྲམ་པར་འོ་བྱས་པ༌ན།  
\v 46 མི་དེ་དག་གིས་ཁོང་ཉིད་བཟུང༌ངོ༌།།   
\p
\v 47 ཁོང་གི་ཉེ་འགྲམ་དུ་ལངས་བསྡད་ཡོད་པ་རྣམས་ལས་མི་ཞིག་གིས་རལ་གྲི་ཕྱུང༌སྟེ། མཆོད་དཔོན་ཆེན་པོའི་གཡོག་པོར་བརྒྱབ་ནས་རྣ་བ་ཡ་གཅིག་བཅད༌དོ།།  
\v 48 དེ་ནས་སྐྱབས་མགོན་ཡེ་ཤུས་ཁོ་རྣམས་ལ་འདི་སྐད༌དུ། ཁྱོད་ཅག་གིས་རལ་གྲི་དང་དབྱུག་པ་བཟུང་ནས་ཇག་པ་འཛིན་པ་ལྟར་ང་རང་གཟུང་དུ་ཡོང༌ངམ།  
\v 49 བདག་གིས་ཉིན་རེ་བཞིན་མཆོད་ཁང་ནང་དུ་ཆོས་བཤད་ཅིང་ཁྱོད་རྣམས་དང་མཉམ་དུ་སྡོད་དུས་ཁྱོད་ཅག་གིས་ང་རང་མ་བཟུང༌མོད། འོན་ཀྱང་དོན་འདི་བྱུང་བ་ནི་གསུང་རབ་ཀྱི་མདོ་ལས་གསུངས་པ་ལྟར་འགྲུབ་པའི་ཕྱིར་ཡིན་ཞེས་གསུངས་པ༌དང༌།  
\v 50 ཐུགས་སྲས་ཐམས་ཅད་ཀྱིས་ཀྱང་སྐྱབས་མགོན་ཡེ་ཤུ་བསྐྱུར་ནས་བྲོས༌སོ།།  
\v 51 ལུས་ལ་སོ་རས་གྱོན་པའི་ན་གཞོན་ཞིག་ཁོང་གི་རྗེས་སུ་འབྲངས་ཤིང་མི་ཚོགས་ཀྱིས་ཁོ་རང་ཡང་བཟུང་བ༌ན།  
\v 52 ཁོས་སོ་རས་གཡུགས་ཏེ་ལུས་གཅེར་བུར་བྲོས༌སོ།།   
\s1 མཆོད་དཔོན་ཆེན་པོའི་ཁྲིམས་རར་ཁྲིད༌པ།  
\p
\v 53 ཁོ་རྣམས་ཀྱིས་སྐྱབས་མགོན་ཡེ་ཤུ་མཆོད་དཔོན་ཆེན་པོའི་དྲུང་དུ་ཁྲིད་ཅིང་མཆོད་དཔོན་ཆེན་པོ་དག་དང་རྒན་པོ༌རྣམས། མཁན་པོ་རྣམས་ཀྱང་གནས་དེར༌འཛོམས།  
\v 54 པེ་ཏྲོའང་རྒྱང་རིང་ནས་ཁོང་གི་རྗེས་སུ་འབྲངས་ཏེ་མཆོད་དཔོན་ཆེན་པོའི་ར་སྐོར་དུ་སོང་ནས་སྲུང་དམག་དང་མཉམ་དུ་མེར་ལྡེ་བཞིན་བསྡད༌དོ།།  
\v 55 མཆོད་དཔོན་ཆེན་པོ་རྣམས་དང་དཔོན་རིགས་ཚོགས་པའི་ཚོགས་མི་ཐམས་ཅད་ཀྱིས་ཁོང་ཉིད་གཏུགས་ཤིང་སྲོག་ཆད་གཅོད་པའི་ཕྱིར་དཔང་པོ་བཙལ་ཡང་མ་རྙེད༌དོ།།  
\v 56 མི་མང་པོས་རྫུན་གྱི་དཔང་པོ་བྱས་ཀྱང་དཔང་པོ་བྱས་པ་ནང་མཐུན་མ་བྱུང༌ངོ༌།།  
\v 57 ཡང་མི་འགའ་ཞིག་ཡར་ལངས་ནས་ཁོང་ལ་རྫུན་གྱི་དཔང་པོ་བྱས་ཏེ་གཏུགས་ཤིང་འདི་ལྟར་སྨྲས༌པ།  
\v 58 ཁོས་མི་ཡི་ལག་པས་བཟོས་པའི་མཆོད་ཁང་འདི་བཤིག༌སྟེ། ཉིན་གསུམ་ལ་མི་ཡི་ལག་པས་བརྩིགས་པ་མ་ཡིན་པའི་མཆོད་ཁང་གཞན་ཞིག་བཞེང་ངེས་ཡིན་ཟེར་བ་ངེད་ཅག་གིས་ཐོས་བྱུང་ཞེས་སྨྲས༌མོད།  
\v 59 འོན་ཀྱང་དཔང་པོ་བྱས་པ་དེ་ཡང་ནང་མཐུན་མ་བྱུང༌ངོ༌།།  
\v 60 དེ་ནས་མཆོད་དཔོན་ཆེན་པོ་དཀྱིལ་ནས་ཡར་ལངས་ཏེ་སྐྱབས་མགོན་ཡེ་ཤུ་ལ་འདི་ལྟར་དྲིས་པ༌སྟེ། མི་འདི་རྣམས་ཀྱིས་ཁྱོད་ལ་དཔང་པོ་བྱས་ནས་གཏུག་པ་འདི་ཅི་ཡིན༌ནམ། ཁྱོད་ཀྱིས་ལན་ཅི་ཡང་མི་འདེབས་སམ་ཞེས་པ༌ན།  
\v 61 ཁོང་གིས་ཅི་ཡང་མ་གསུངས་ལ་བཀའ་ལན་ཡང་མ་གནང༌ངོ༌། །ཡང་མཆོད་དཔོན་ཆེན་པོ་ན༌རེ། ཁྱོད་ནི་བསྟོད་འོས་པ་དེ་ཉིད་ཀྱི་སྲས་མཱ་ཤི་ཀ་ཡིན་ནམ་ཞེས་དྲིས་པ༌ན།  
\v 62 སྐྱབས་མགོན་ཡེ་ཤུས་ང་རང་ཡིན༌ནོ། །ཁྱོད་ཅག་གིས་མིའི་བུ་ཁོང་ཉིད་ཀུན་དབང་ཉིད་ཀྱི་གཡས་ཕྱོགས་སུ་བཞུགས༌ཏེ། ནམ་མཁའི་སྤྲིན་དང་བཅས་ཕེབས་ཡོང་བ་མཐོང་བར་འགྱུར་ཞེས་གསུངས༌སོ།།   
\p
\v 63 མཆོད་དཔོན་ཆེན་པོས་རང་གི་གྱོན་པ་གཤགས་ཏེ་ད་ལྟ་བདག་ཅག་ལ་དཔང་པོ་ཅི་ལ༌དགོས།  
\v 64 ཁོས་དཀོན་མཆོག་ལ་སྐུར་བ་བཏབ་པ་ཁྱོད་རྣམས་ཀྱིས་ཀྱང་ཐོས་པས་ཁྱོད་ཅག་ལ་བསམ་འཆར་ཅི་ཡོད་ཅེས་སྨྲས་པ༌ན། དེ་དག་ཐམས་ཅད་ཀྱིས་ཁོང་གསོད་དགོས་པ་ཐག་གིས་བཅད༌ཅིང༌།  
\v 65 མི་འགའ་ཞིག་གིས་ཁོང་ལ་མཆིལ་མ་བཏབ་ཅིང་སྤྱན་ཟུང་རས་ཀྱིས་བཏུམས་ནས་ཁུ་ཚུར་གཞུས་ཏེ་ན༌རེ། ད་ལྟ་ལུང་བསྟན་ཤོད་ཅིག་ཅེས་བརྗོད་པ་དང་སྲུང་དམག་དག་གིས་ཀྱང་ཁོང་ཚུར་དྲུད་ནས་གདོང་ལ་འགྲམ་ལྕག་གིས་གཞུས༌སོ།།   
\s1 པེ་ཏྲོ་སྐྱབས་མགོན་ཡེ་ཤུའི་ཐུགས་དང་འགལ་བའི༌སྐོར།  
\p
\v 66 དེ་ནས་པེ་ཏྲོ་ར་སྐོར་ཞོལ་མར་སྡོད༌དུས། མཆོད་དཔོན་ཆེན་པོའི་གཡོག་མོ་ཞིག་ཡོང༌སྟེ།  
\v 67 པེ་ཏྲོ་མེར་ལྡེ་བཞིན་པ་མཐོང་ཞིང་ཁོ་ལ་བལྟས་ནས་ཁྱོད་ཀྱང་ནཱ་ཙ་རེལ་པ་ཡེ་ཤུ་དང་གྲས་གཅིག་རེད་ཅེས་སྨྲས་པ༌ན།  
\v 68 པེ་ཏྲོས་ཁས་མ་བླངས་པར་ཁྱོད་ཀྱིས་ཅི་བཤད་པ་ངས་མི་ཤེས་ལ་དོན་ཡང་མི་གོ་ཞེས་སྨྲས་ཏེ་སྒོ་ལམ་དུ་སོང་བ་དང་བྱ་ཕོ་གྲགས༌སོ།།  
\v 69 ཡང་གཡོག་མོ་དེས་པེ་ཏྲོ་མཐོང་ནས་སླར་ཡང་གནས་དེར་ལངས་བསྡད་ཡོད་པའི་མི་རྣམས༌ལ། མི་འདི་ཡང་དེ་དག་གི་གྲས་གཅིག་རེད་ཅེས་སྨྲས༌སོ།།  
\v 70 འོན་ཀྱང་པེ་ཏྲོས་ཡང་ཁས་མ་བླངས༌སོ། །དེ་ནས་ཅུང་མ་འགོར་བར་གནས་དེར་ལངས་བསྡད་ཡོད་པའི་མི་རྣམས་ཀྱིས་ཀྱང་པེ་ཏྲོ༌ལ། ཁྱོད་ནི་ག་ལིལ་པ་ཞིག་ཡིན་པས་དངོས་གནས་དེ་དག་དང་གྲས་གཅིག་རེད་ཅེས་སྨྲས་པ༌ན།  
\v 71 པེ་ཏྲོས་སྡིགས་དམོད་བྱེད་བཞིན་མནའ་བསྐྱལ༌ཏེ། ཁྱོད་ཅག་གིས་སྨྲས་པའི་མི་དེ་ངས་ངོ་མི་ཤེས་ཞེས་སྨྲས༌སོ།།  
\v 72 དེ་མ་ཐག་བྱ་ཕོ་ཐེངས་གཉིས་པའང་གྲགས༌པས། པེ་ཏྲོས་དེ་སྔར་སྐྱབས་མགོན་ཡེ་ཤུས་ཁོ་རང་ལ་བྱ་ཕོ་ཐེངས་གཉིས་མ་གྲགས་པའི་སྔོན༌དུ། ཁྱོད་ཀྱིས་ཐེངས་གསུམ་ལ་ང་རང་ཁས་མི་ལེན་ཞེས་པའི་གསུང་དེ་དྲན་ཞིང་བཟོད་གླགས་མེད་པར་ངུས༌སོ།།   
\c 15
\cl ལེའུ་བཅོ་ལྔ༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 སྤྱི་དཔོན་པི་ལ་ཏུའི་མདུན་དུ་ཁྲིད༌པ།  
\p
\v 1 དེ་ནས་ནམ་ལངས་མ་ཐག་མཆོད་དཔོན་ཆེན་པོ་རྣམས་དང་། རྒན་པོ་དང་མཁན་པོ་བཅས་དཔོན་རིགས་ཚོགས་པའི་ཚོགས་མི་ཐམས་ཅད་ཀྱིས་གྲོས་བྱས༌ཏེ། སྐྱབས་མགོན་ཡེ་ཤུ་བཀྱིགས་ནས་པི་ལ་ཏུ་ལ་སྤྲད༌ཅིང༌།  
\v 2 པི་ལ་ཏུ་ན༌རེ། ཁྱོད་ནི་ཡ་ཧུ་དཱ་པའི་རྒྱལ་པོ་ཡིན་ནམ་ཞེས་སྐྱབས་མགོན་ཡེ་ཤུ་ལ་དྲིས་པ༌ན། ཁོང་གིས་འདི་སྐད༌དུ། ཁྱོད་ཀྱིས་སྨྲས་པ་བཞིན་ཡིན་ཞེས་གསུངས༌སོ།།  
\v 3 མཆོད་དཔོན་ཆེན་པོ་རྣམས་ཀྱིས་ཁོང་གི་དོན་མང་པོ་གཏུགས༌སོ།།  
\v 4 ཡང་པི་ལ་ཏུ་ན༌རེ། ལྟོས་དང་མི་དེ་རྣམས་ཀྱིས་ཁྱོད་ཀྱི་དོན་འདི་འདྲ་མང་པོ་གཏུག་གིན་འདུག༌ཨང༌། ཁྱོད་ཀྱིས་ལན་ཅི་ཡང་མི་འདེབས་སམ་ཞེས་དྲིས་པ༌ལ།  
\v 5 སྐྱབས་མགོན་ཡེ་ཤུས་བཀའ་ལན་ཅི་ཡང་མ་གསུངས་པས་པི་ལ་ཏུའང་ངོ་མཚར་བར་གྱུར༌ཏོ།།   
\p
\v 6 པི་ལ་ཏུ་ལ་དུས་ཆེན་འདིར་ཁེལ་བའི་དུས༌སུ། ཁོ་རྣམས་ཀྱི་རེ་ཞུ་ལྟར་བཙོན་པ་ཞིག་བཙོན་གྲོལ་གཏོང་བའི་རྒྱུན་སྲོལ་ཡོད༌དོ།།  
\v 7 དེ་ཡང་པཱ་རབ་པཱ་ཞེས་པའི་བཙོན་པ་ཞིག་ཀྱང་ཟིང་འཁྲུག་སློང་མཁན་དང་མཉམ་དུ་བཀྱིགས་ཡོད༌ལ། དེ་དག་གིས་ཟིང་འཁྲུག་ཁྲོད་དུ་མི་ཡང་བསད་མྱོང་བ༌རེད།  
\v 8 དེ་ནས་མི་རྣམས་པི་ལ་ཏུའི་དྲུང་དུ་སོང་ནས་རྒྱུན་སྲོལ་བཞིན་མཛོད་ཅིག་ཅེས་ཞུས་པ༌ན།  
\v 9-10 པི་ལ་ཏུས་མཆོད་དཔོན་ཆེན་པོ་རྣམས་ཀྱིས་སྐྱབས་མགོན་ཡེ་ཤུ་ལ་ཕྲག་དོག་བྱས་ནས་ཁོ་རང་ལ་སྤྲད་པ་ཤེས་ཏེ་ན༌རེ། ཁྱོད་རྣམས་ཀྱིས་ཡ་ཧུ་དཱ་པའི་རྒྱལ་པོ་འདི་ཉིད་བཙོན་གྲོལ་གཏོང་འདོད་དམ་ཞེས་དྲིས༌སོ།།  
\v 11 འོན་ཀྱང་མཆོད་དཔོན་ཆེན་པོ་རྣམས་ཀྱིས་མི་ཚོགས་ལ་པཱ་རབ་པཱ་བཏང་ན་ལེགས་ཞེས་ཞུ་བར་ནན་གྱིས༌བསྐུལ།  
\v 12 ཡང་པི་ལ་ཏུ་ན༌རེ། འོ་ན་ཁྱོད་ཅག་གིས་ཡ་ཧུ་དཱ་པའི་རྒྱལ་པོ་ཟེར་བ་འདིར་བདག་གིས་ཅི་བྱ་འོས་སམ་ཞེས་སྨྲས་པ༌ན།  
\v 13 དེ་དག་གིས་སླར་ཡང་སྐད་གསང་མཐོན་པོས་ཁོ་རང་ཤིང་རྒྱ་གྲམ་གྱི་སྟེང་དུ་རྡོབས་ཤིག་ཅེས་བསྒྲགས༌སོ།།  
\v 14 ཡང་པི་ལ་ཏུ་ན༌རེ། རྒྱུ་མཚན་ཅིའི་ཕྱིར༌རམ། ཁོས་དོན་ངན་ཅི་བྱས་སམ་ཞེས་སྨྲས༌ནའང༌། དེ་དག་གིས་སྔར་ལས་སྐད་ཆེན་པོས་ཁོ་རང་ཤིང་རྒྱ་གྲམ་གྱི་སྟེང་དུ་རྡོབས་ཤིག་ཅེས་འུར་བརྒྱབ༌བོ།།  
\v 15 པི་ལ་ཏུས་མི་ཚོགས་དགའ་བར་འཇུག་འདོད་དེ་པཱ་རབ་པཱ་བཏང་ནས་ཁོ་རྣམས་ལ་སྤྲད༌ཅིང༌། སྐྱབས་མགོན་ཡེ་ཤུར་རྟ་ལྕག་གིས་གཞུས་ཏེ་ཤིང་རྒྱ་གྲམ་གྱི་སྟེང་དུ་བརྡབ་ཕྱིར་དམག་མི་རྣམས་ལ་སྤྲད༌དོ།།   
\s1 སྐྱབས་མགོན་ཡེ་ཤུ་ལ་འཕྱ་དམོད་བྱས༌པ།  
\p
\v 16 དེ་ནས་དམག་མི་རྣམས་ཀྱིས་སྐྱབས་མགོན་ཡེ་ཤུ་སྤྱི་དཔོན་གྱི་ཕོ་བྲང་གི་ར་སྐོར་དུ་ཁྲིད་ནས་རང་གི་དམག་དཔུང་ཐམས་ཅད་བསྡུས༌ཤིང༌།  
\v 17 དེ་དག་གིས་ཁོང་གི་ལུས་ལ་ན་བཟའ་མདོག་རྒྱ་སྨུག་ཅན་ཞིག་བསྐོན་པ་དང་ཚེར་མས་ཅོད་པན་བསླེས་ཏེ་ཁོང་གི་དབུ་ལ་བསྐོན་ནས།  
\v 18 ཁོང་ལ་རྟེན་འབྲེལ་ཞུ་བའི་ཟོལ་གྱིས་ཡ་ཧུ་དཱ་པའི་རྒྱལ་པོ་ཁྱོད་ལ་རྟེན་འབྲེལ་ཞུ་ཞེས་སྨྲས༌སོ།།  
\v 19 ཡང་ཁོང་གི་དབུ་ལ་དབྱུག་པ་ཕྲ་མོས་བརྡེག་ཅིང་གདོང་ལ་མཆིལ་མ༌བཏབ། པུས་མོ་སར་བཙུགས་ཏེ་ཁོང་ལ་ཕྱག་འཚལ་ཁུལ་བྱས༌སོ།།  
\v 20 དེ་ལྟར་ཁོང་ལ་བརྙས་བཅོས་བྱས་ཚར༌རྗེས། ཁ་དོག་རྒྱ་སྨུག་ཡིན་པའི་ན་བཟའ་ཕུད་ཅིང་ཁོང་ལ་རང་ཉིད་ཀྱི་ན་བཟའ་བསྐོན༌ཏེ། ཤིང་རྒྱ་གྲམ་གྱི་སྟེང་དུ་བརྡབ་ཆེད་ཕྱི་རོལ་ཏུ་ཁྲིད༌དོ།།   
\s1 ཤིང་རྒྱ་གྲམ་གྱི་སྟེང་དུ་བརྡབས༌པ།  
\p
\v 21 དེའི་དུས༌སུ། ཨ་ལིག་སན་དིར་དང་རུ་ཕུ་སྤུན་གཉིས་ཀྱི་ཕ་སྟེ་སི་མོན་ནི་ཀི་རེ་ནེ་ཡི་མི་ཡིན༌ལ། ཁོ་རང་གྲོང་གསེབ་ནས་ཡོང་ཞིང་གནས་འདི་བརྒྱུད་ནས་འགྲོ་བ༌ན། དེ་དག་གིས་ཁོ་ལ་བཙན་གྱིས་སྐྱབས་མགོན་ཡེ་ཤུའི་ཤིང་རྒྱ་གྲམ་འཁུར་དུ༌བཅུག  
\v 22 དེ་ནས་སྐྱབས་མགོན་ཡེ་ཤུ་ཁྲིད་ནས་གོལ་གོ་ཐཱ༌སྟེ། དོན་ལ་མགོ་སྐོགས་གནས་ཞེས་པའི་ས་ཆར་སླེབས་པ༌དང༌།  
\v 23 དེ་དག་གིས་སྐྱབས་མགོན་ཡེ་ཤུར་གུ་གུལ་འདྲེས་པའི་རྒུན་ཆང་དྲངས་ནའང་ཁོང་གིས་མ་བཞེས་པ༌རེད།  
\v 24 དེ་ནས་དམག་མི་རྣམས་ཀྱིས་ཁོང་ཉིད་ཤིང་རྒྱ་གྲམ་གྱི་སྟེང་དུ་བརྡབས༌ཤིང༌། ཁོང་གི་ན་བཟའ་བགོ་བཤའ་བྱས་ནས་རྒྱན་འཕངས་པ་དང་མི་རེ་རེར་གང་ཐོབ་པར་བལྟས༌སོ།།  
\v 25 སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་པའི་དུས་ནི་ཞོགས་པའི་ཆུ་ཚོད་དགུ་\f + \ft དམ་པའི་གསུང་རབ་ཀྱི་མ་ཕྱི་དག༌ལས། སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་པའི་དུས་ནི་ཆུ་ཚོད་གསུམ་ཡིན་ཞེས་གསུངས་འདུག༌ཀྱང༌། སྐབས་འདིིའི་ཆུ་ཚོད་གསུམ་ཞེས་པ་ནི་ཡ་ཧུ་དཱའི་མི་རིགས་ཀྱི་བརྩི་སྲོལ་ལྟར༌ཡིན། ད་ལྟའི་བརྩི་སྲོལ་ལྟར་ན་ཞོགས་པའི་ཆུ་ཚོད་དགུ་ཡིན་པས་དོན་སྒྱུར་བྱས་པ༌ཡིན། \f*ཡིན༌ནོ།།   
\p
\v 26 ཁོང་ལ་བཏགས་པའི་ཉེས་སྐྱོན་ནི་ཤིང་བྱང་ཞིག་གི་ངོས་སུ་ཡ་ཧུ་དཱ་པའི་རྒྱལ་པོ་ཡིན་ཞེས་བྲིས་ཡོད་པ༌དེའོ།།  
\v 27 ཁོང་དང་ལྷན་ཅིག་ཇག་པ་གཉིས་ཀྱང་ཁོང་གི་གཡས་གཡོན་དུ་ཤིང་རྒྱ་གྲམ་གྱི་སྟེང་དུ་བརྡབས་ཡོད༌ཅིང༌།  
\v 28 དེ་ནི་གསུང་རབ་ཀྱི་མདོ་ལས་ཁོང་ཉེས་ཅན་གྱི་གྲས་སུ་བརྩིས་ཡོད་ཅེས་གསུངས་པ་བཞིན་དུ་གྲུབ་པ་ཡིན༌ནོ།།  
\v 29-30 གནས་དེར་བརྒྱུད་ནས་འགྲོ་བ་རྣམས་ཀྱིས་ཁོང་ལ་འཕྱ་སྨོད་བྱས་ཤིང་མགོ་བོ་གཡུག༌བཞིན། ཀྱེ། མཆོད་ཁང་བཤིགས་ནས་ཉིན་གསུམ་གྱི་ནང་དུ་སླར་རྩིག་མཁན་ཁྱོད་ཀྱིས་རང་ཉིད་སྐྱོབས༌དང༌། ཤིང་རྒྱ་གྲམ་སྟེང་ནས་མར་བོབས་ཤིག་ཅེས་སྨྲས་པ༌དང༌།  
\v 31 དེ་བཞིན་མཆོད་དཔོན་ཆེན་པོ་དག་དང་མཁན་པོ་རྣམས་ཀྱིས་ཀྱང་མཉམ་དུ་ཁོང་ལ་འཕྱ་དམོད་བྱེད་ཀྱིན་ཁོས་གཞན་རྣམས་བསྐྱབས་མྱོང་ནའང་རང་ཉིད་སྐྱོབ་མི་ནུས་ཞེས་ཕན་ཚུན་གླེང་བ༌དང༌།  
\v 32 ཡེས་ར་ཨེལ་གྱི་རྒྱལ་པོ་མཱ་ཤི༌ཀ ད་ལྟ་ཤིང་རྒྱ་གྲམ་སྟེང་ནས་མར་བོབས༌དང༌། ངེད་ཅག་གིས་དོན་དེ་མཐོང་ན་དད་པ་བྱེད་ཅེས་སྨྲས༌སོ། །ཁོང་དང་མཉམ་དུ་ཤིང་རྒྱ་གྲམ་ལ་བརྡབས་ཡོད་པ་དེ་གཉིས་ཀྱིས་ཀྱང་ཁོང་ལ་དེ་ལྟར་སྨད༌དོ།།   
\s1 སྐྱབས་མགོན་ཡེ་ཤུ་སྐུ་གྲོངས༌པ།  
\p
\v 33 དེར་ཉིན་གུང་\f + \ft འདིར་བརྗོད་པའི་ཉིན་གུང་དང་ཕྱི་དྲོའི་ཆུ་ཚོད་གསུམ་ཞེས་པ་ནི་ཡ་ཧུ་དཱའི་མི་རིགས་ཀྱི་བརྩི་སྲོལ་ཏེ་མ་ཕྱི་དག་ལས་ཆུ་ཚོད་དྲུག་དང་ཆུ་ཚོད་དགུ་ཞེས༌འབྱུང༌། ད་ལྟའི་བརྩི་སྲོལ་ལྟར་ན་ཉིན་གུང་གི་ཆུ་ཚོད་བཅུ་གཉིས་ནས་ཕྱི་དྲོའི་ཆུ་ཚོད་གསུམ་བར༌ཡིན། \f*ནས་ཕྱི་དྲོའི་ཆུ་ཚོད་གསུམ་པའི་བར་དུ་ཡུལ་དེ་ཡོངས་སུ་མུན་ནག་འཐིབས༌ཤིང༌།  
\v 34 ཕྱི་དྲོའི་ཆུ་ཚོད་གསུམ་གྱི་སྟེང་སྐྱབས་མགོན་ཡེ་ཤུས་གསུང་སྐད་ཆེན༌པོས། ཨེ་ལོ༌ཨི། ཨེ་ལོ༌ཨི། ལཱ་མཱ་སཱ་པཱག་ཐཱ་ནེ་ཞེས་གསུངས༌ཤིང༌། དོན་ནི་འདི་ལྟ༌སྟེ། ཀྱེ། བདག་གི་དཀོན་མཆོག༌ལགས། བདག་གི་དཀོན་མཆོག༌ལགས། ཁྱེད་ཀྱིས་ང་རང་རྒྱབ་ཏུ་བསྐྱུར་དོན་ཅི་ཞེས༌པའོ།།  
\v 35 ཉེ་འགྲམ་དུ་འགྲེངས་ནས་བསྡད་ཡོད་པའི་མི་འགའ་ཞིག་གིས་གསུང་དེ་ཐོས༌རྗེས། ལྟོས༌དང༌། ཁོས་ཨེ་ལི་ཡཱ་འབོད་ཀྱིན་འདུག་ཅེས་སྨྲས་པ༌དང༌།  
\v 36 ཡང་མི་ཞིག་བརྒྱུགས་སོང་ནས་འགྱིག་སོབ་ཅིག་རྒུན་ཆང་སྐྱུར་མོར་སྦངས༌ཏེ། འདམ་རྩྭའི་རྩེར་བཀལ་ནས་ཁོང་ལ་འདྲེན་བཞིན་པའི་དུས༌སུ། ཅུང་ཙམ་སྒུགས༌དང༌། ཨེ་ལི་ཡཱ་ཡོང་སྟེ་ཁོང་ཉིད་ཤིང་རྒྱ་གྲམ་སྟེང་ནས་ལེན་མིན་ལ་བལྟའོ་ཞེས་སྨྲས༌སོ།།  
\v 37 དེ་ནས་སྐྱབས་མགོན་ཡེ་ཤུས་སྐད་ཆེན་པོས་འབོད་སྒྲ་ཞིག་བསྒྲགས་པ་དང་སྐུ་དབུགས་ཆད་པར་གྱུར༌ཏོ།།  
\v 38 མཆོད་ཁང་གི་ཡོལ་བ་ཆེན་པོ་དེ་ཡང་གོང་ནས་འོག་ཏུ་དུམ་བུ་གཉིས་སུ་རལ་བར་གྱུར༌ཏོ།།  
\v 39 ཁ་གཏད་དུ་འགྲེངས་ནས་བསྡད་ཡོད་པའི་བརྒྱ་དཔོན་གྱིས་ཁོང་གི་སྐུ་དབུགས་དེ་ལྟར་ཆད་པ་མཐོང༌སྟེ། སྐྱེས་བུ་འདི་ནི་དཀོན་མཆོག་གི་སྲས་ཡིན་པ་བདེན་འདུག་ཅེས་སྨྲས༌སོ།།  
\v 40 རྒྱང་རིང་ནས་ལྟ་བཞིན་པའི་བུད་མེད་རྣམས་ཀྱི་ཁྲོད་དུ་མཱག་རྡལ་གྱི་མིར་ཡམ༌དང༌། ཡ་ཀོབ་ཆུང་བ་དང་ཡོ་སེ་གཉིས་ཀྱི་མ་མིར་ཡམ་དེ༌དང༌། སཱ་ལོ་མེ་བཅས་ཀྱང༌ཡོད།  
\v 41 དེ་རྣམས་ནི་སྐྱབས་མགོན་ཡེ་ཤུ་ཁོང་ཉིད་ག་ལིལ་ཡུལ་དུ་བཞུགས་པའི་དུས་སུ་ཁོང་གི་རྗེས་འབྲངས་ནས་ཞབས་ཕྱི་བསྒྲུབས་མྱོང་བ་རྣམས༌ཡིན། གཞན་ཡང་སྐྱབས་མགོན་ཡེ་ཤུ་དང་མཉམ་དུ་ཡར་ཡེ་རུ་སཱ་ལེམ་ལ་འོངས་པའི་བུད་མེད་གཞན་མང་པོའང་གནས་འདིར་མཆིས༌སོ།།   
\s1 སྐྱབས་མགོན་ཡེ་ཤུའི་སྐུ་གདུང་དུར་དུ་སྦས༌པ།  
\p
\v 42 མཚན་མོར་སླེབས་ཤིང་ཉིན་དེ་ནི་སྟ་གོན་གྱི་ཉིན་མོ་\f + \ft སྟ་གོན་གྱི་ཉིན་མོ་ཞེས་པ་ནི་གཟའ་པ་སངས་ཉིན་ལ་གོ་ཞིང་པེ་སག་དུས་ཆེན་གྱི་ངལ་གསོ་བའི་ཉིན་ནི་གཟའ་སྤེན་པའི་ཉིན་ལ༌གོ དེ་ནི་གནའ་བོའི་ཡ་ཧུ་དཱའི་མི་རིགས་ཀྱི་གོམས་སྲོལ༌ཡིན། \f*སྟེ། ངལ་གསོ་བའི་ཉིན་གྱི་ཉིན་སྔ་མ་ཡིན༌པས།  
\v 43 བཀུར་འོས་པའི་དཔོན་རིགས་ཚོགས་པའི་ཚོགས་མི་སྟེ་དཀོན་མཆོག་གི་རྒྱལ་སྲིད་ལ་སྒུག་མཁན་ཨ་རི་མ་ཐཱ་ཡི་ཡོ་སེབ་ཡོང༌ནས། སྤོབས་པ་ཆེར་བསྐྱེད་དེ་པི་ལ་ཏུའི་དྲུང་དུ་སོང་ཞིང་སྐྱབས་མགོན་ཡེ་ཤུའི་སྐུ་གདུང་གནང་བར་ཞུ་བ་ཞུས་པ༌ལ།  
\v 44 པི་ལ་ཏུས་སྐྱབས་མགོན་ཡེ་ཤུ་སྐུ་གྲོངས་པའི་གཏམ་ཐོས་ནས་ཡ་མཚན་སྐྱེས་ཤིང་བརྒྱ་དཔོན་བོས༌ཏེ། ཁོང་གྲོངས་སམ་མ་གྲོངས་ཞེས་དྲིས་པ༌དང༌།  
\v 45 པི་ལ་ཏུས་བརྒྱ་དཔོན་ལས་དོན་འདི་རྩད་ཆོད་རྗེས་ཁོང་གི་སྐུ་གདུང་ཡོ་སེབ་ལ་གནང༌ངོ༌།།  
\v 46 དེ་ནས་ཡོ་སེབ་ཀྱིས་སོ་རས་ཞིག་ཉོས་ཤིང་ཁོང་གི་སྐུ་གདུང་ཤིང་རྒྱ་གྲམ་སྟེང་ནས་མར་བླངས་ཏེ་སོ་རས་ཀྱིས་དཀྲིས༌རྗེས། བྲག་ནང་དུ་བརྐོས་པའི་དུར་ཁུང་ཞིག་གི་ནང་དུ་སྦས་ཤིང་རྡོ་ཕ་བོང་ཞིག་བསྒྲིལ་ཡོང་ནས་དུར་ཁུང་གི་སྒོ་བཅད༌དོ།།  
\v 47 མཱག་རྡལ་གྱི་མིར་ཡམ་དང་ཡོ་སེ་བྱ་བའི་མ་མིར་ཡམ་གཉིས་ཀྱིས་ཀྱང་སྐུ་གདུང་གང་དུ་བཞག་པའི་གནས་མཐོང༌ངོ༌།།   
\c 16
\cl ལེའུ་བཅུ་དྲུག༌པ། 
\toc1 ༄༅། །མཱར་ཀུའི་འཕྲིན་བཟང་། 
\toc2 མཱཪ་ཀུ 
\s1 སྐུ་གྲོངས་ནས་སླར་གསོན༌པ།  
\p
\v 1 དེ་ནས་ངལ་གསོ་བའི་ཉིན་རྫོགས༌རྗེས། མཱག་རྡལ་གྱི་མིར་ཡམ༌དང༌། ཡ་ཀོབ་ཀྱི་མ་མིར༌ཡམ། སཱ་ལོ་མེ་བཅས་ཀྱིས་སྐྱབས་མགོན་ཡེ་ཤུའི་སྐུ་གདུང་ལ་བྱུག་བྱའི་བསུང་རྫས་ཉོས་པ༌དང༌།  
\v 2 གཟའ་འཁོར་གཅིག་གི་ཉིན་དང་པོའི་ཞོགས་པར་ཉི་མ་ཤར་བའི་དུས་སུ་ཁོ་མོ་ཚོ་དུར་ཁུང་གི་གམ་དུ་སླེབས༌ཤིང༌།  
\v 3 ལམ་བར་དུ་ཕན་ཚུན་ལ་དུར་ཁུང་གི་སྒོ་ཁར་ཡོད་པའི་རྡོ་ཕ་བོང་དེ་སུ་ཞིག་གིས་ངེད་ཅག་གི་ཆེད་དུ་ཕར་བསྒྲིལ་བར་བྱའམ་ཞེས་སྨྲས༌ཤིང༌།  
\v 4 ཁོ་མོ་དག་གིས་མགོ་ཡར་དགྱེ་ནས་བལྟས་པ༌ན། རྡོ་ཕ་བོང་དེ་ནི་དངོས་གནས་ཤིན་ཏུ་ཆེན་པོ་ཞིག་ཡིན་ཡང་སྔར་ནས་ཕར་བསྒྲིལ་ཟིན་པ་མཐོང༌ངོ༌།།  
\v 5 དེ་ནས་ཁོ་མོ་ཚོ་དུར་ཁུང་ནང་དུ་འཛུལ་བ་དང་ལྭ་རིང་དཀར་པོ་གྱོན་པའི་ན་གཞོན་ཞིག་\f + \ft སྐབས་འདིའི་ལྭ་རིང་དཀར་པོ་གྱོན་པའི་ན་གཞོན་ཞིག་ཅེས་པ་ལ་དམ་པའི་གསུང་རབ་ཀྱི་འཕྲིན་བཟང་གཞན་ལས་དཀོན་མཆོག་གིས་མངགས་པའི་ཕོ་ཉ་ཡིན་པར༌གསུངས།\f*ཁོ་མོ་ཚོའི་གཡས་ཕྱོགས་སུ་བཞུགས་ཡོད་པ་མཐོང་ནས་ཤིན་ཏུ་འཇིགས༌སོ།།  
\v 6 ན་གཞོན་དེ་ན༌རེ། ཁྱོད་རྣམས་འཇིགས་མི༌དགོས། ཁྱོད་ཅག་ནི་ཤིང་རྒྱ་གྲམ་གྱི་སྟེང་དུ་བརྡབས་པའི་ནཱ་ཙ་རེལ་པ་ཡེ་ཤུ་འཚོལ་དུ་ཡོང་བ་ཡིན༌ཏེ། ཁོང་གི་སྐུ་གདུང་བཞུགས་སའི་གནས་དེར་ལྟོས་དང་ཁོང་ཉིད་སླར་གསོན་པས་གནས་འདིར་མི༌བཞུགས།  
\v 7 ཁྱོད་ཅག་ཕྱིར་སོང་ནས་ཁོང་གི་ཐུགས་སྲས་རྣམས་དང་པེ་ཏྲོ་ལ་འདི་སྐད་ཤོད༌ཅིག དེ་སྔར་ཁོང་གིས་ཁྱོད་རྣམས་ལ་གསུངས་པ་བཞིན་ཁོང་ཉིད་ཁྱོད་ཅག་གི་སྔོན་ལ་ག་ལིལ་ཡུལ་དུ་ཕེབས༌ཤིང༌། གནས་དེ་རུ་ཁྱོད་ཅག་ཁོང་དང་མཇལ་བར་ངེས་ཞེས་སྨྲས༌སོ།།  
\v 8 ཁོ་མོ་ཚོ་དུར་ཁུང་ལས་ཕྱིར་བུད་མ་ཐག་འདར་ཞིང་ཧ་ལས་ནས་བྲོས༌པས། གཏམ་དེ་མི་གཞན་སུ་ལའང་སྨྲ་བར་མ་སྤོབས༌སོ།།   
\p
\v 9 གཟའ་འཁོར་གཅིག་གི་ཉིན་དང་པོའི་ཞོགས༌པར། སྐྱབས་མགོན་ཡེ་ཤུ་སླར་གསོན་པ༌དང༌། དེ་སྔར་ཁོང་གིས་གདོན་འདྲེ་བདུན་བསྐྲད་མྱོང་བའི་མཱག་རྡལ་གྱི་མིར་ཡམ་ལ་ཐོག་མར་སྐུ་གཟུགས་མངོན་སུམ་དུ་བསྟན༌པས།  
\v 10 ཁོ་མོ་སྔར་ནས་སྐྱབས་མགོན་ཡེ་ཤུའི་རྗེས་སུ་འབྲངས་པ་རྣམས་ཀྱི་དྲུང་དུ་སོང་ཞིང་དེ་རྣམས་ཀྱིས་མྱ་ངན་བྱེད་བཞིན་ཡོད་པར་དོན་དེ་སྨྲས༌ནའང༌།  
\v 11 དེ་དག་གིས་སྐྱབས་མགོན་ཡེ་ཤུ་གསོན་པོར་བཞུགས་པ་དང་མིར་ཡམ་གྱིས་མཐོང་བ་ཡིན་ཞེས་པའི་གཏམ་ལ་ཡིད་མ་ཆེས༌སོ།།   
\p
\v 12 དེའི་རྗེས༌སུ། རྗེས་འབྲང་པ་རྣམས་ལས་མི་གཉིས་གྲོང་གསེབ་ལ་འགྲོ་བའི་ལམ་བར༌དུ། སྐྱབས་མགོན་ཡེ་ཤུས་རང་གི་སྐུ་གཟུགས་རྣམ་པ་གཞན་པའི་ལམ་ནས་ཁོ་གཉིས་ལ་མངོན་སུམ་དུ་བསྟན༌ཏོ།།  
\v 13 ཁོ་གཉིས་ཕྱིར་ལོག་ནས་རྗེས་འབྲང་པ་གཞན་རྣམས་ལ་གནས་ཚུལ་དེ་སྨྲས་ནའང་སུས་ཀྱང་ཁོ་གཉིས་ལ་ཡིད་མ་ཆེས༌སོ།།   
\s1 འཕྲིན་བཟང་སྒྲོག་པའི་བཀའ་བསྩལ༌པ།  
\p
\v 14 དོན་དེའི་རྗེས༌སུ། ཐུགས་སྲས་བཅུ་གཅིག་པོས་ཟས་བཞེས་ནས་སྡོད་པའི་དུས༌སུའང༌། སྐྱབས་མགོན་ཡེ་ཤུས་དེ་རྣམས་ལ་རང་གི་སྐུ་གཟུགས་མངོན་སུམ་དུ་བསྟན༌ཏེ། ཁོང་ཉིད་སླར་གསོན་རྗེས་ཁོང་ཉིད་མཐོང་མཁན་རྣམས་ཀྱིས་སྨྲས་པའི་གཏམ་ལ་ཁོ་རྣམས་ཡིད་མ་ཆེས༌པས། ཁོང་གིས་དེ་རྣམས་ལ་དད་པ་མེད་པ་དང་སེམས་གྱོང་པོ་ཡིན་པར་བཀའ་བཀྱོན་མཛད༌དོ།།  
\v 15 དེ་ནས་ཁོང་གིས་འདི་སྐད༌དུ། ཁྱོད་ཅག་གནམ་འོག་ཀུན་ཏུ་སོང་ནས་མི་ཐམས་ཅད་ལ་འཕྲིན་བཟང་སྒྲོགས༌ཤིག  
\v 16 སུ་ཞིག་གིས་དད་པ་བྱས་ནས་ཁྲུས་གསོལ་ལ་འཇུག་པ་དེ་ལ་ཐར་པ་འཐོབ་པར་འགྱུར་ཞིང་དད་པ་མེད་པ་དེ་ལ་ཉེས་ཆད་གཅོད་པར་འགྱུར༌རོ།།  
\v 17 དད་པ་དང་ལྡན་པའི་མི་རྣམས་དང་ལྷན་ཅིག་ངོ་མཚར་བའི་རྟགས་འདི་རྣམས་འབྱུང་ངེས༌ཤིང༌། ངའི་མིང་ལ་བརྟེན་ནས་དེ་དག་གིས་གདོན་འདྲེ་ཕར་སྐྲོད་པ་དང་སྐད་རིགས་གསར་པ་སྨྲ༌བ།  
\v 18 དུག་སྦྲུལ་ལག་པས་འཛིན་ནུས༌པ། དུག་འཐུང་ནའང་སྲོག་ལ་མི་གནོད༌པ། ལག་པ་ནད་པའི་སྟེང་དུ་བཞག་ན་ནད་གཞོམ་པར་འགྱུར་ཞེས་གསུངས༌སོ།།   
\p
\v 19 དེ་ནས་སྐྱབས་མགོན་ཡེ་ཤུས་ཁོ་རྣམས་ལ་བཀའ་གནང་ཚར༌རྗེས། ཁོང་ཉིད་ནམ་མཁའི་ཞིང་ཁམས་སུ་དྲངས་ཤིང་དཀོན་མཆོག་གི་གཡས་ཕྱོགས་སུ་བཞུགས༌སོ།།  
\v 20 ཐུགས་སྲས་རྣམས་ཀྱང་ཡུལ་ཕྱོགས་ཀུན་ཏུ་སོང་ནས་འཕྲིན་བཟང་བསྒྲགས༌ཤིང༌། གཙོ་བོས་ཀྱང་ཁོ་རྣམས་དང་མཉམ་དུ་འཕྲིན་ལས་མཛད་པ་དང་ངོ་མཚར་བའི་རྟགས་དང་ཆབས་ཅིག་བཀའ་དེ་ལ་བདེན་དཔང་མཛད༌དོ།། །།