\id MIC - NTB 
\h མི་ཀཱ 
\toc1 ༄༅། །ལུང་སྟོན་པ་མི་ཀཱའི་མདོ། 
\toc2 མི་ཀཱ 
\mt1 ༄༅། །ལུང་སྟོན་པ་མི་ཀཱའི་མདོ།  
\imt1 ལུང་སྟོན་པ་མི་ཀཱའི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi གཞུང་འདིའི་ཁ་བྱང་ནི་ལུང་སྟོན་པ་མི་ཀཱའི་མིང་ནས་ཐོགས་པ་དང་། དེ་ནི་མི་ཀ་ཡཱ་ཞེས་པའི་བསྡུས་མིང་སྟེ། དཀོན་མཆོག་ཡ་ཝཱེ་དང་འདྲ་བ་སུ་ཞིག་ཡོད་ཅེས་པའི་དོན་ཡིན། མི་ཀཱ་ཡིས་ལུང་བསྟན་གནང་བའི་དུས་སུ་ཡ་ཧུ་དཱ་པ་རྣམས་ཀྱིས་སྔར་ལས་ཀྱང་དཔལ་འབྱོར་འཕེལ་རྒྱས་ཕྱིན་པའི་འཚོ་བ་རོལ་ཞིང་། དཔལ་འབྱོར་འཕེལ་རྒྱས་ཕྱིན་པ་དང་མཉམ་དུ་མི་འགའ་ཞིག་གི་ལག་ལ་རྒྱུ་ནོར་དང་དབང་ཆ་ཐོབ་ནས་སྤྱི་ཚོགས་ཁྲོད་དུ་དྲང་བདེན་མིན་པའི་གནད་དོན་བྱུང་།  
\is1 ཡི་གེར་འགོད་མཁན་དང་འགོད་དུས།  
\ipi ང་ཚོས་གཞུང་འདིའི་ནང་དུ་ལུང་སྟོན་པ་མི་ཀཱའི་སྐོར་ཞིབ་མོར་ཤེས་དཀའ། ཁོང་ནི་སྐབས་དེའི་སྤྱི་ཚོགས་ཁྲོད་ཀྱི་དྲང་བདེན་མིན་པའི་གནད་དོན་ལ་ཚོར་བ་སྐྱེན་པོ་ཡོད་པ་དང་། ལྷག་པར་དུ་ཁོང་གི་ཕ་ཡུལ་ཡིན་པའི་གྲོང་གསེབ་དང་གྲོང་ཚོ་ཆུང་ཆུང་ལ་དེ་དག་གི་ཤུགས་རྐྱེན་ཐེབས་པ་ཚོར། མི་ཀཱ་ཡིས་ལུང་བསྟན་གནང་བའི་དུས་ནི་སྤྱི་ལོ་སྔོན་གྱི་750ནས་686ལོའི་ཡས་མས་ཡིན་ལ། ཁོང་གི་གཞུང་མི་ཀཱ་ཞེས་པ་འདི་སྤྱི་ལོ་སྔོན་གྱི་686ལོའི་སྔོན་རོལ་དུ་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi མི་ཀཱ་ཡི་གསུང་འཕྲིན་ནི་གོད་ཆག་འབྱུང་བའི་ལུང་བསྟན་དང་རེ་བ་ཡོད་པའི་ལུང་བསྟན་རེས་མོས་ཀྱིས་གྲུབ་ཡོད། གཞུང་གི་བརྗོད་བྱའི་སྙིང་པོ་ནི་དཀོན་མཆོག་གི་ཉེས་ཆད་གཅོད་པའི་སྐོར་དང་ཐར་པ་འཐོབ་པའི་སྐོར་ཡིན། དཀོན་མཆོག་ཁོང་ཉིད་ལྷ་སྐུ་བསྟེན་པ་དང་དྲང་གཞག་མིན་པའི་བྱ་སྤྱོད། གྱེན་ལོག་གི་བྱ་བ། དོན་སྙིང་མེད་པའི་ཆོ་ག་བཅས་ལ་ཐུགས་མི་དགྱེས་པའི་སྐོར་མི་ཀཱ་ཡིས་ནན་གྱིས་བརྗོད་ཡོད། མི་རྣམས་ཀྱིས་བྱ་བ་མི་ལེགས་པ་བསྒྲུབས་ནའང་དཀོན་མཆོག་སྔར་བཞིན་ཁོ་ཚོའི་སྡིག་པ་བསལ་བར་ཐུགས་དགྱེས་པ་ཡིན།  
\is1 འཆར་ཟིན།  
\ipi 1. ཡེས་ར་ཨེལ་པ་དང་ཡ་ཧུ་དཱ་པ་རྣམས་ལ་ཉེས་ཆད་བཅད་པ། ༼1:1-3:12༽  
\ipi 2. ཡེས་ར་ཨེལ་པ་དང་ཡ་ཧུ་དཱ་པ་རྣམས་ལ་རེ་བ་ཡོད་པའི་སྐོར། ༼4:1-5:15༽  
\ipi 3. དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ལ་སྐྱོན་བརྗོད་གནང་བའི་སྐོར། ༼6:1-16༽  
\ipi 4. རེ་བས་ཀུན་ནས་ཕོངས་པའི་རྣམ་པ་དེ་ལ་རྒྱལ་ཁ་འཐོབ་པར་འགྱུར་བའི་སྐོར། ༼7:1-20༽  
\c 1
\cl ལེའུ་དང་པོ། 
\toc1 ༄༅། །ལུང་སྟོན་པ་མི་ཀཱའི་མདོ། 
\toc2 མི་ཀཱ 
\s1 ལུང་སྟོན་པས་སྐྱོ་གླུ་བླངས་པ།  
\p
\v 1 ཡ་ཧུ་དཱའི་རྒྱལ་པོ་ཡོ་ཐམ་དང་ཨ་ཧ་ཟཱ། ཧི་ཟི་ཀི་ཡཱ་བཅས་ཀྱི་དུས་སུ་དཀོན་མཆོག་ཡ་ཝཱེའི་བཀའ་ནི་མོ་རེ་ཤེད་པ་མི་ཀཱ་ལ་བྱུང་ནས། ཁོང་གིས་སཱ་མར་ཡ་གྲོང་ཁྱེར་དང་ཡེ་རུ་སཱ་ལེམ་གཉིས་ཀྱི་སྐོར་ལ་ཞལ་གཟིགས་མཐོང་བར་གྱུར།   
\p
\v 2 ཀྱེ་མི་སྡེ་ཐམས་ཅད། ཁྱོད་ཚོས་འདིར་ཉོན་དང་། ཀྱེ་ས་གཞི་དང་དེའི་སྟེང་དུ་གནས་པ་ཐམས་ཅད་ཀྱིས་རྣ་བ་གཏད་ནས་ཉོན་ཅིག གཙོ་བོ་ཡ་ཝཱེས་ཉིད་ཀྱི་མཆོད་ཁང་དམ་པ་ནས་ཁྱོད་ཅག་གི་ཉེས་སྐྱོན་ལ་བདེན་དཔང་མཛད་པར་འགྱུར།  
\v 3 ལྟོས་ཤིག དཀོན་མཆོག་ཡ་ཝཱེ་ཁོང་གི་བཞུགས་གནས་ལས་ཕྱི་རུ་ཐོན་ནས་མར་ཕེབས་པ་དང་། ས་གཞིའི་མཐོ་ས་རྣམས་ལ་ཞབས་ཀྱིས་བཅག་པར་འགྱུར།  
\v 4 རི་བོ་རྣམས་ཁོང་གི་འོག་ཏུ་བཞུ་ཞིང་། ལུང་པ་རྣམས་གས་པར་འགྱུར་ལ། དེ་ནི་པྲ་ཚིལ་མེའི་ནང་དུ་བཞུ་བ་དང་། རི་ལྡེབས་ནས་འབབ་པའི་ཆུ་དང་འདྲའོ། །  
\v 5 འདི་ཐམས་ཅད་ནི་ཡ་ཀོབ་ཀྱི་ཉེས་སྐྱོན་དང་། ཡེས་ར་ཨེལ་ཁྱིམ་རྒྱུད་ཀྱི་སྡིག་པའི་རྐྱེན་གྱིས་ཡིན་ཏེ། ཡ་ཀོབ་ཀྱི་ཉེས་སྐྱོན་ནི་ཅི་ཡིན་ནམ། དེ་ནི་སཱ་མར་ཡ་མ་ཡིན་ནམ། ཡ་ཧུ་དཱའི་མཐོ་གླིང་རྣམས་གང་དུ་ཡོད་དམ། དེ་རྣམས་ནི་ཡེ་རུ་སཱ་ལེམ་དུ་ཡོད་པ་མ་ཡིན་ནམ།  
\v 6 དེ་བས་བདག་གིས་སཱ་མར་ཡ་ནི་རི་ཐང་གི་གྱང་རོ་ལྟ་བུ་དང་། རྒུན་འབྲུམ་འཛུགས་ས་ལྟ་བུར་བསྒྱུར་བར་བྱ། བདག་གིས་དེའི་རྡོ་རྣམས་ལུང་པར་བསྒྲིལ་ཞིང་། རྨང་གཞི་རྣམས་འདོན་པར་བྱ།  
\v 7 གྲོང་ཁྱེར་ནང་གི་འདྲ་སྐུ་བརྐོས་མ་རྣམས་གཅོག་ཅིང་། ལོག་གཡེམ་བྱས་ནས་ཐོབ་པའི་དངུལ་ནི་མེས་བསྲེག་པ་དང་། བདག་གིས་དེའི་འདྲ་སྐུ་ཐམས་ཅད་མེད་པར་གཏོང་དགོས། ཅིའི་ཕྱིར་ཞེ་ན། སྨད་འཚོང་མ་ལ་ཐོབ་པའི་དངུལ་ལས་བསྡུས་པ་ནི་སླར་ཡང་སྨད་འཚོང་མའི་ཐོབ་དངུལ་དུ་འགྱུར།  
\v 8 དེའི་ཕྱིར་བདག་གིས་འོ་དོད་འདོན་ཞིང་། གོས་མེད་གཅེར་བུར་རྐང་རྗེན་དུ་རྒྱུ་བར་བྱ། ཡང་ངས་ཁྱི་སྤྱང་ལྟར་སྨྲེ་སྔགས་བཏོན་ནས་རྔ་བྱ་བཞིན་དུ་འཁུན་སྒྲ་འབྱིན་ཏེ།  
\v 9 ཅིའི་ཕྱིར་ཞེ་ན། སཱ་མར་ཡ་ཡི་རྨ་ཁ་ནི་གསོ་ཐབས་མེད་པར་ཡ་ཧུ་དཱ་རུ་སླེབས་ཤིང་། བདག་གི་མི་སྡེའི་མཁར་སྒོ་སྟེ་ཡེ་རུ་སཱ་ལེམ་དུ་སླེབས་སོ། །   
\p
\v 10 གཱད་ཀྱི་ནང་དུ་འཕྲིན་དེ་མ་བསྒྲག་ཅིག ངུ་ཡང་མ་ངུ་ཞིག པེད་ལེ་ཨབ་རཱ་རུ་ས་རྡུལ་ནང་དུ་འགྲེ་ལོག་རྒྱག་དགོས།  
\v 11 ཀྱེ་ཀྱེ་ཤཱ་ཕིར་གྱི་མི་རྣམས། ལུས་གཅེར་བུར་ངོ་ཚ་དང་བཅས་རྒྱུ་བར་གྱིས། ཟཱ་ནན་གྱི་མི་རྣམས་ཕྱི་རུ་འབུད་མ་སྤོབས་ཏེ། པེད་ཨེ་ཟེལ་ཡིད་སྐྱོ་ནས་ངུ་ཞིང་ཁྱོད་རྣམས་ལ་རྒྱབ་རོགས་བྱེད་མི་ནུས་སོ། །  
\v 12 དཀོན་མཆོག་ཡ་ཝཱེ་ནས་ཆག་སྒོ་བྱུང་ཞིང་ཡེ་རུ་སཱ་ལེམ་གྱི་མཁར་སྒོ་རུ་སླེབས་པས། མ་རོད་ཀྱི་མི་རྣམས་སེམས་འཚབ་སྟེ་བྱིན་རླབས་ལ་རེ་སྨོན་བྱེད་དོ། །  
\v 13 ཀྱེ་ཀྱེ་ལཱ་ཀི་སིའི་མི་རྣམས། རྟ་འགྲོས་མར་ཤིང་རྟ་སྦྱོར་ཅིག ཛ་ཡན་གྱི་སྡིག་པ་ཁྱོད་ལས་བྱུང་སྟེ། ཡེས་ར་ཨེལ་གྱི་སྡིག་པ་རྣམས་ཁྱོད་ལས་མངོན་པ་ཡིན།  
\v 14 དེའི་ཕྱིར་ཁྱོད་ཀྱིས་མོ་རེ་ཤེད་གཱད་ལ་ལེགས་སྐྱེས་ཕུལ་ཏེ། ཨག་ཟིབ་ཀྱི་ཁྱིམ་རྒྱུད་རྣམས་ཀྱིས་ཡེས་ར་ཨེལ་གྱི་རྒྱལ་པོ་རྣམས་ལ་གཡོ་སྒྱུའི་སྦྱོར་བ་སྤེལ་བར་འགྱུར་རོ། །  
\v 15 ཀྱེ་མཱ་རེ་ཤ་ཡི་མི་རྣམས། བདག་གིས་འཕྲོག་བཅོམ་བྱེད་མཁན་རྣམས་ཁྱོད་ཀྱི་ཁྲོད་དུ་མངགས་པར་བྱེད་ཅིང་། ཡེས་ར་ཨེལ་གྱི་སྐུ་དྲག་རྣམས་ཨ་དུལ་ལཱམ་དུ་འོང་ངེས་ཡིན།  
\v 16 ཀྱེ་ཡ་ཧུ་དཱ། རང་གི་གཅེས་པའི་བུ་ཕྲུག་རྣམས་ཀྱི་ཕྱིར་སྐྲ་བྲེགས་ནས་གཞར་དགོས་ལ། ཁྱོད་ཀྱི་མགོ་ནི་བྱ་རྒོད་ལྟར་སྤྱི་ཐེར་ཡིན་དགོས་ཏེ། དེ་དག་བཙན་ཁྲིད་བྱས་ཏེ་ཁྱོད་དང་རིང་དུ་འབྲལ་བའི་ཕྱིར་རོ། །   
\c 2
\cl ལེའུ་གཉིས་པ། 
\toc1 ༄༅། །ལུང་སྟོན་པ་མི་ཀཱའི་མདོ། 
\toc2 མི་ཀཱ 
\s1 གཉའ་གནོན་བྱེད་མཁན་གྱི་ལས་དབང་།  
\p
\v 1 མི་ཚངས་སྤྱོད་པར་རྩོམ་ཞིང་རང་གི་མལ་ཁྲིར་གྲོས་ངན་འགོད་པ་རྣམས་ལ་ཆག་སྒོ་འབྱུང་། དེ་དག་གི་ལག་ཏུ་དབང་ཡོད་པས། ནམ་ལངས་མ་ཐག་སྤྱོད་ངན་སྤྱོད་ཅིང་།  
\v 2 དེ་དག་གིས་ས་ཞིང་ལེན་འདོད་ན་དེ་བཙན་དབང་གིས་ལེན་ཞིང་། ཁང་པར་བརྔམས་ནས་དེ་འཕྲོག་པར་བྱེད། དེ་ཚོས་ཁྱིམ་བདག་དང་དེའི་ཁྱིམ་མི་ལ་གཉའ་གནོན་བྱེད་པ་དང། མི་དང་དེའི་ནོར་སྐལ་ཡང་ཧམ་བཟུང་བྱེད་དོ། །  
\v 3 དེ་བས་ན་དཀོན་མཆོག་ཡ་ཝཱེས་འདི་སྐད་གསུངས་ཏེ། ཀྱེ་ཧོ། བདག་གིས་ཆག་སྒོ་བཀོད་ནས་ཁྱིམ་རྒྱུད་འདི་ལ་ཐེབས་པར་འཇུག་དགོས། ཆག་སྒོ་འདི་ལས་ཁྱོད་ཅག་གི་མཇིང་པ་ཐར་མི་ནུས་ལ། ཁྱོད་ཚོ་མགོ་ཡར་བཀྱགས་ནས་བསྐྱོད་མི་ཐུབ་སྟེ། ཅིའི་ཕྱིར་ཞེ་ན། འདི་ནི་ཆག་སྒོའི་དུས་རབས་ཡིན་ནོ། །  
\v 4 ཉིན་དེར་སླེབས་ཚེ། མི་ཡིས་ཁྱོད་ཀྱི་ཕྱིར་དུ་མགུར་བརྩམས་ཏེ། ཡིད་གདུང་བའི་སྐྱོ་གླུ་བླངས་ནས་འདི་ལྟར། བདག་ཅག་ཐམས་ཅད་ཉམས་པར་གྱུར། ངའི་མི་སྡེའི་ནོར་སྐལ་གཞན་གྱིས་ཁྱེར། ཡ་ཝཱེས་དེ་ནི་བདག་དང་བྲལ་བར་མཛད། བདག་ཅག་གི་ཞིང་ས་ནི་གྱེན་ལོག་མཁན་རྣམས་ཀྱིས་བགོས་སོ་ཞེས་འཕྱ་བར་འགྱུར།  
\v 5 དེ་བས་ན་དཀོན་མཆོག་ཡ་ཝཱེའི་ཚོགས་ཀྱི་ནང་དུ་རྒྱན་བླངས་ནས་ས་མཚམས་བགོ་བའི་མི་ནི་མེད་དོ། །  
\v 6 དེ་དག་གིས་བརྗོད་མཁན་རྣམས་ལ་མ་བརྗོད་ཅིག མི་སུས་ཀྱང་དོན་འདི་དག་བརྗོད་མི་རུང་ལ། དེ་ལྟར་བྱས་ན་ངོ་ཚ་བདག་དང་འབྲལ་ངེས་ཡིན་ཞེས་སྨྲས་སོ། །  
\v 7 ཀྱེ་ཡ་ཀོབ་ཀྱི་ཁྱིམ་རྒྱུད་ལགས། འདི་ལྟར་བརྗོད་འོས་སམ། དཀོན་མཆོག་ཡ་ཝཱེ་ལ་བཟོད་སེམས་མེད་པ་ཡིན་ནམ། དོན་འདི་རྣམས་ཁོང་གིས་མཛད་པ་ལགས་སམ། བདག་གི་གཏམ་ནི་སྤྱོད་པ་དྲང་བའི་མི་ལ་ཕན་པ་མ་ཡིན་ནམ།  
\v 8 འོན་ཀྱང་ད་ལྟ་བདག་གི་མི་སྡེ་ནི་དགྲ་ལྟར་ལངས་ནས། ཁྱོད་ཚོས་བདེ་བར་ལམ་དུ་བགྲོད་ཅིང་འཐབ་མོ་ལ་མི་དགའ་བ་རྣམས་ཀྱི་ཕྱི་གོས་བཤུ་བར་བྱེད།  
\v 9 ངའི་མི་སྡེའི་བུད་མེད་རྣམས་དགའ་བདེའི་ཁྱིམ་ལས་ཕྱིར་བསྐྲད་ནས་དེའི་བུ་ཕྲུག་རྣམས་ལས་ངའི་གཟི་བརྗིད་གཏན་དུ་འཕྲོག་གོ །  
\v 10 ཡར་ལོངས་ལ་ཕར་སོང་ཞིག འདི་ནི་ཁྱོད་ངལ་གསོ་བྱེད་ས་མ་ཡིན་ནོ། །ཅིའི་ཕྱིར་ཞེ་ན། མི་གཙང་བའི་རྐྱེན་གྱིས་གཏོར་བརླག་ཐེབས་སུ་བཅུག་པ་དང་། གཏོར་བརླག་དེ་ནི་ཤིན་ཏུ་ཆེ་བས་སོ། །  
\v 11 ཇི་སྟེ་མི་ཞིག་གི་སེམས་ནང་བཅོས་མས་བཀང་ནས་རྫུན་སྨྲས་ཏེ་འདི་ལྟར། བདག་གིས་ཁྱོད་ལ་རྒུན་ཆང་དང་ཆང་གར་པོའི་ལུང་བསྟན་པར་བྱའོ་ཞེས་སྨྲ་བ་ཡིན་ན། མི་དེ་ནི་མི་སྡེ་འདིའི་ལུང་སྟོན་པར་འགྱུར་རོ། །  
\v 12 ཀྱེ་ཡ་ཀོབ་ཀྱི་ཁྱིམ་རྒྱུད་ལགས། བདག་གིས་ཁྱོད་རྣམས་བསྡུ་བར་བྱ་སྟེ། ཡེས་ར་ཨེལ་གྱི་མི་ལྷག་ལུས་རྣམས་བསྡུ་བར་བྱ། དེ་རྣམས་ནི་ལུག་ར་ནང་གི་ལུག་ལྟར་གནས་གཅིག་ཏུ་འགོད་པ་དང་། ཡང་རྩྭ་ཐང་གི་ལུག་ཁྱུ་བཞིན་གཅིག་ཏུ་བསྡུས་ནས། མི་གྲངས་མང་ཞིང་ཅ་ཅོ་ཆེན་པོ་སྒྲོག་པའོ། །  
\v 13 ལམ་ཕྱེ་མཁན་དེ་དག་གི་སྔོན་དུ་ཆས་ཏེ། མཁར་སྒོའི་ནང་དུ་འཛུལ་ནས་ཕྱིར་འབུད་པ་དང་། དེ་རྣམས་ཀྱི་རྒྱལ་པོ་སྔོན་དུ་སྐྱོད་ཅིང་། དཀོན་མཆོག་ཡ་ཝཱེ་ནི་དེ་རྣམས་ཀྱི་མདུན་ནས་གཤེགས་པར་འགྱུར་རོ། །   
\c 3
\cl ལེའུ་གསུམ་པ། 
\toc1 ༄༅། །ལུང་སྟོན་པ་མི་ཀཱའི་མདོ། 
\toc2 མི་ཀཱ 
\s1 ཡེས་ར་ཨེལ་གྱི་འགོ་དཔོན་རྣམས་ལ་གཤེ་གཤེ་གཏོང་བ།  
\p
\v 1 དེ་ནས་བདག་གིས་འདི་ལྟར། ཀྱེ་ཡ་ཀོབ་ཀྱི་འགོ་དཔོན་རྣམས་དང་ཡེས་ར་ཨེལ་ཁྱིམ་རྒྱུད་ཀྱི་ཁྲིམས་དཔོན་རྣམས། ཁྱོད་ཅག་གིས་ཉོན་ཅིག ཁྱོད་རྣམས་ཀྱིས་དྲང་བདེན་མི་རྟོགས་སམ།  
\v 2 བཟང་པོར་སྡང་ཞིང་ངན་པར་དགའ་མཁན་དེ་ཁྱོད་རྣམས་ཡིན་ལ། བདག་གི་མི་སྡེའི་ལུས་ཀྱི་པགས་པ་བཤུ་ཞིང་། རུས་པ་ནས་ཤ་ཡང་གཞོག་གོ །  
\v 3 ཁྱོད་རྣམས་ཀྱིས་ངའི་མི་སྡེའི་ཤ་བཟའ་ཞིང་པགས་པ་བཤུ་བར་བྱེད་པ་དང་། དེ་དག་གི་རུས་པ་རྣམས་བཅག་ནས་ཁོག་མ་ནང་ལ་འཕེན་པའི་ཤ་ལོག་དང་། སྟ་རེ་ཁ་ཡི་ཤ་དང་འདྲ་བར་གཅོད་པ་ཡིན།  
\v 4 ཆག་སྒོ་ཐེབས་པའི་ཉིན་མོར་དེ་དག་གིས་དཀོན་མཆོག་ཡ་ཝཱེར་ཞུས་ཀྱང་ཁོང་གིས་དེ་རྣམས་ལ་གསན་པར་མི་བྱེད། དེའི་དུས་སུ། ཁོ་རྣམས་ཀྱིས་སྤྱོད་ངན་སྤྱད་པའི་རྐྱེན་གྱིས་ཁོང་གིས་དེ་རྣམས་ལ་ཞལ་རས་མི་སྟོན་ནོ། །  
\v 5 ངའི་མི་སྡེ་ལམ་ནོར་ལ་འཇུག་པའི་ལུང་སྟོན་པ་སྟེ། ཁ་ལ་ཟས་རེག་ན་ཞི་བདེ་སྒྲོག་ཅིང་། སུ་ཞིག་གིས་ཁ་ཟས་མི་སྟེར་ན་རྒོལ་བར་རྩོམ་པའི་ལུང་སྟོན་པ་རྣམས་ཀྱི་སྐོར་ལ་དཀོན་མཆོག་ཡ་ཝཱེས་འདི་སྐད་དུ།  
\v 6 དེའི་ཕྱིར་ཁྱོད་རྣམས་མཚན་མོར་འཕྲད་པ་དང་ཞལ་གཟིགས་མི་མཐོང་ལ། མུན་ནག་ལ་འཕྲད་ཅིང་མོ་ཡང་འདེབས་མི་ནུས། ཡང་ཉི་མ་ནི་ལུང་སྟོན་པ་ལ་ནུབ་པར་འགྱུར་ལ། ཉིན་མོ་ཡང་མུན་ནག་ཏུ་འགྱུར་རོ། །  
\v 7 ལུང་སྟོན་པ་རྣམས་གནོང་ཞིང་མོ་པ་རྣམས་ངོ་ཚ་བར་འགྱུར་ལ། དཀོན་མཆོག་གིས་ཁོ་རྣམས་ལ་བཀའ་ལན་མ་གནང་བས་ན་དེ་ཐམས་ཅད་ཀྱིས་རང་གི་ཁ་བཏུམ་པར་བྱ།  
\v 8 དེ་ཡང་བདག་ལ་མཚོན་ན། བདག་ནི་དཀོན་མཆོག་ཡ་ཝཱེའི་ཐུགས་ཉིད་ལ་བརྟེན་ནས་ནུས་མཐུ་དང་དྲང་བདེན། སྤོབས་པ་བཅས་ཀྱིས་ཕྱུག་ཅིང་། ཡ་ཀོབ་ལ་དེའི་ཉེས་སྐྱོན་དང་། ཡེས་ར་ཨེལ་ལ་དེའི་སྡིག་པ་སྟོན་ནུས་སོ། །  
\v 9 ཀྱེ་ཡ་ཀོབ་ཁྱིམ་རྒྱུད་ཀྱི་འགོ་དཔོན་རྣམས་ཀྱིས་འདི་ལ་ཉོན་ཅིག ཀྱེ་ཡེས་ར་ཨེལ་ཁྱིམ་རྒྱུད་ཀྱི་ཁྲིམས་དཔོན་རྣམས་ཀྱིས་ཀྱང་མཉན་དགོས་ཏེ། ཁྱོད་རྣམས་ནི་དྲང་བདེན་ལ་སྡང་ཞིང་། དྲང་བདེན་ཐམས་ཅད་ལོག་པར་སྒྲུབ་པ་དང་།  
\v 10 ཁྲག་གིས་ཛ་ཡན་བཙུགས་པ་དང་། སྡིག་པ་ཡིས་ཡེ་རུ་སཱ་ལེམ་བཞེངས།  
\v 11 དེ་དག་གི་འགོ་དཔོན་རྣམས་ཀྱིས་རྔན་པའི་ཕྱིར་གཤགས་བྱེད་ཅིང་། མཆོད་དཔོན་རྣམས་ཀྱིས་གླུ་ལེན་པའི་ཕྱིར་སློབ་སྟོན་གནང་བ་དང་། ལུང་སྟོན་པ་རྣམས་ཀྱིས་དངུལ་གྱི་ཕྱིར་མོ་འདེབས་ནའང་། དེ་དག་གིས་དཀོན་མཆོག་ཡ་ཝཱེ་ལ་བརྟེན་ནས་འདི་ལྟར། དཀོན་མཆོག་ཡ་ཝཱེ་རང་ཅག་གི་དཀྱིལ་དུ་བཞུགས་པ་མིན་ནམ། རང་ཅག་གི་སྟེང་དུ་ཆག་སྒོ་གང་ཡང་འབྱུང་མི་སྲིད་ཅེས་ཟེར་རོ། །  
\v 12 དེ་བས་ན་ཁྱོད་ཅག་གི་རྐྱེན་གྱིས་ཛ་ཡན་ནི་ཞིང་ལྟར་སློག་པ་དང་། ཡེ་རུ་སཱ་ལེམ་ནི་གྱང་རོ་དང་། མཆོད་ཁང་གི་རི་བོ་ནི་ནགས་ཀྱི་གནས་མཐོ་ས་རྣམས་དང་འདྲ་བར་འགྱུར་རོ། །   
\c 4
\cl ལེའུ་བཞི་པ། 
\toc1 ༄༅། །ལུང་སྟོན་པ་མི་ཀཱའི་མདོ། 
\toc2 མི་ཀཱ 
\s1 དཀོན་མཆོག་གི་རི་བོ།  
\p
\v 1 མཐའ་མའི་ཉིན་མོ་དག་ལ་དཀོན་མཆོག་ཡ་ཝཱེའི་བཞུགས་གནས་ཀྱི་རི་བོ་དེ་རི་བོ་གཞན་དག་གི་རྩེ་མོར་བཞེང་ཞིང་། རི་སྒང་རྣམས་ཀྱི་ཡང་སྟེང་དུ་འགྱིང་བ་དང་། མི་རིགས་ཐམས་ཅད་དེའི་ཕྱོགས་སུ་བཞུར་ངེས་ཡིན།  
\v 2 མི་རིགས་མང་པོ་འོངས་ནས་ན་རེ། ཤོག་དང་། རང་ཅག་ཡར་དཀོན་མཆོག་ཡ་ཝཱེའི་རི་བོ་སྟེ། ཡ་ཀོབ་ཀྱི་དཀོན་མཆོག་གི་མཆོད་ཁང་ལ་འགྲོ་བར་བྱའོ། །ཁོང་གིས་ང་ཚོ་ལ་ཁོང་གི་ཕེབས་ལམ་སྟོན་ཞིང་ང་ཚོ་ཁོང་གི་ཕེབས་ལམ་དུ་འགྲུལ་བར་བྱ་ཞེས་སྨྲ་བར་འགྱུར། ཅི་ལ་ཞེ་ན། ཛ་ཡན་ནས་ཁོང་གི་བཀའ་ཁྲིམས་འབྱུང་ཞིང་། ཡེ་རུ་སཱ་ལེམ་ནས་དཀོན་མཆོག་ཡ་ཝཱེའི་བཀའ་འབྱུང་ངེས་ཡིན།  
\v 3 ཁོང་གིས་མི་རིགས་རྣམས་ཀྱི་བར་ལ་ཁྲིམས་གཅོད་ཅིང་། རྒྱང་ཐག་རིང་པོའི་རྒྱལ་ཁབ་སྟོབས་ལྡན་རྣམས་ལ་ལེགས་ཉེས་འབྱེད་པར་འགྱུར། ཁོ་ཚོས་རང་གི་རལ་གྲི་རྣམས་ཀྱིས་ཐོང་གཤོལ་བརྡུང་ཞིང་། མདུང་རྣམས་ཀྱིས་ཟོར་བ་བརྡུངས་ཏེ། མི་རིགས་དང་མི་རིགས་བར་ལ་རལ་གྲི་མི་འཕྱར་ཞིང་། འཐབ་འཁྲུག་ཀྱང་སློབ་པར་མི་བྱ།  
\v 4 མི་རེ་རེ་རང་རང་གི་རྒུན་ཤིང་དང་སེ་ཡབ་ཤིང་གི་འོག་ཏུ་བསྡད་ནས་སུས་ཀྱང་དེ་རྣམས་འཇིགས་པར་མི་བྱ། ཅི་ལ་ཞེ་ན། དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་གསུངས་པས་སོ། །  
\v 5 མི་རིགས་ཀུན་གྱིས་རང་གི་ལྷ་ཡི་མིང་ལ་བརྟེན་ནས་སྤྱོད་ནའང་། ངེད་རྣམས་ཀྱིས་རྒྱུན་ནས་རྒྱུན་དུ་རང་གི་དཀོན་མཆོག་ཡ་ཝཱེའི་མཚན་ལ་བརྟེན་ནས་སྤྱོད་པར་བྱའོ། །   
\s1 ཡེས་ར་ཨེལ་པ་རང་རྒྱལ་དུ་ལོག་པ།  
\p
\v 6 དཀོན་མཆོག་ཡ་ཝཱེས་འདི་སྐད་དུ། ཉིན་མོ་དེར་བདག་གིས་ཞ་བོ་རྣམས་འགུག་ཅིང་། མཐར་བསྐྲད་པ་དང་ངས་སྡུག་ལ་སྦྱར་བ་རྣམས་ཚུར་བསྡུ་བར་བྱའོ། །  
\v 7 བདག་གིས་ཞ་བོ་རྣམས་ལུས་སུ་བཅུག་སྟེ། རྒྱང་རིང་ཡུལ་དུ་བསྐྲད་པ་རྣམས་ཀྱི་རྒྱལ་ཁབ་དར་དུ་འཇུག་ཅིང་། དུས་ད་ནས་བཟུང་ཇི་སྲིད་བར་དུ་དཀོན་མཆོག་ཡ་ཝཱེས་རི་བོ་ཛ་ཡན་དུ་དེ་དག་ལ་དབང་མཛད་པར་འགྱུར།  
\v 8 ཀྱེ་ཀྱེ་ལུག་ཁྱུའི་རྫི་བོ་ཡི་སོ་ལྟ་ཁང་དང་ཛ་ཡན་བུ་མོའི་རི་བོ་ལགས། སྔོན་ཆད་ཀྱི་དབང་ནི་ཁྱོད་ལ་སྤྲོད་པར་བྱ་ཞིང་། ཡེ་རུ་སཱ་ལེམ་གྱི་རྒྱལ་སྲིད་ཁྱོད་ལ་དབང་བར་འགྱུར།  
\v 9 ད་ལྟ་ཁྱོད་ཀྱིས་ངུ་སྐད་ཆེན་པོ་འདོན་པ་ཅི་ཡིན་ནམ། ཁྱོད་ཚོའི་ཁྲོད་དུ་རྒྱལ་པོ་མེད་པའམ་ཡང་ན་ཁྱོད་ཀྱི་གྲོས་དཔོན་མེད་པར་གྱུར་ནས། ཁྱོད་ན་ཟུག་གིས་མནར་ཏེ་ཕྲུ་གུ་བཙའ་བའི་བུད་མེད་བཞིན་ཡིན་ནམ།  
\v 10 ཀྱེ་ཀྱེ་ཛ་ཡན་གྱི་བུ་མོ་ལགས། ཁྱོད་ཀྱིས་བཙའ་རན་པའི་བུད་མེད་བཞིན་ཟུག་གཟེར་ལངས་ནས་ཕྲུ་གུ་བཙའ་བར་འགྱུར། ཅི་ལ་ཞེ་ན། ཁྱོད་ནི་གྲོང་ཁྱེར་ལས་ཐོན་ཏེ་རི་ཐང་ལ་གནས་ཤིང་། པཱ་པེལ་ལོན་དུ་འགྲོ་དགོས་ལ། གནས་དེ་ལས་ཁྱོད་ནི་ཐར་བར་འགྱུར། གནས་དེར་དཀོན་མཆོག་ཡ་ཝཱེས་ཁྱོད་རང་བསྐྱབས་ཏེ་དགྲ་བོའི་ལག་ནས་ཐར་བར་བྱེད་དོ། །  
\v 11 ད་ལྟ་རྒྱལ་ཁབ་མང་པོ་འདུས་ནས་ཁྱོད་ལ་རྒོལ་ཏེ་ན་རེ། ཛ་ཡན་ནི་བཙོག་པར་བཟོས་ནས། ངེད་རྣམས་ལ་དངོས་སུ་མཐོང་བར་བཅུག་ཅེས་སྨྲའོ། །  
\v 12 ཡིན་ནའང་དེ་རྣམས་ཀྱིས་དཀོན་མཆོག་ཡ་ཝཱེའི་ཐུགས་དགོངས་མ་རྟོགས་ལ་ཁོང་གི་བཀོད་པ་ཡང་མི་ཤེས་སོ། །ཁོང་གིས་གྲོ་ཡི་ཚར་ཕོན་གཡུལ་ཁར་བསྡུ་བ་བཞིན་དེ་རྣམས་བསྡུ་བར་འགྱུར་རོ། །  
\v 13 ཀྱེ་ཀྱེ་ཛ་ཡན་གྱི་བུ་མོ་ལགས། ཡར་ལོངས་ལ་གཡུལ་ཆོགས་ཤིག བདག་གིས་ཁྱོད་ཀྱི་རྭ་ནི་ལྕགས་དང་རྨིག་པ་ནི་ལི་རུ་འགྱུར་བར་བྱ་ཞིང་། ཁྱོད་ཀྱིས་མི་རིགས་མང་པོ་རྡུལ་དུ་བརླག་པ་དང་། དེ་དག་གི་རྒྱུ་ནོར་རྣམས་དཀོན་མཆོག་ཡ་ཝཱེ་ལ་འབུལ་ཞིང་། དེ་དག་གི་རིན་པོ་ཆེ་ནི་ས་གཞི་ཡོངས་ཀྱི་བདག་པོར་འབུལ་བར་འགྱུར།   
\c 5
\cl ལེའུ་ལྔ་པ། 
\toc1 ༄༅། །ལུང་སྟོན་པ་མི་ཀཱའི་མདོ། 
\toc2 མི་ཀཱ 
\p
\v 1 ཀྱེ་ཀྱེ་མི་སྡེའི་རུ་ཤོག་རྣམས། ད་ལྟ་མཉམ་དུ་འདུས་ནས་དཔུང་སྒྲིལ་ཅིག དགྲ་རྣམས་འོངས་ཏེ་ང་ཚོའི་མཐའ་ནས་བསྐོར་བ་དང་། དབྱུག་པས་ཡེས་ར་ཨེལ་གྱི་སྲིད་སྐྱོང་མཁན་གྱི་གདོང་ལ་རྒྱག་པར་འགྱུར།   
\s1 དཀོན་མཆོག་གིས་ཞལ་བཞེས་གནང་བའི་དབང་བྱེད་མཁན་པེད་ལེ་ཧེམ་ནས་ཐོན་པ།  
\p
\v 2 ཀྱེ་པེད་ལེ་ཧེམ་གྱི་ཨེབ་རཱད་ལགས། ཁྱོད་ནི་ཡ་ཧུ་དཱའི་རུས་རྒྱུད་རྣམས་ལས་ཆུང་ནའང་། རྗེས་སུ་ཁྱོད་ལས་མི་ཞིག་ཐོན་ནས་ཡེས་ར་ཨེལ་དུ་བདག་གི་ཕྱིར་དུ་དབང་མཛད་པ་དང་། ཁོང་གི་རྩ་བ་ནི་གནའ་དུས་དང་ཐོག་མ་ནས་ཡོད་པ་ཡིན།  
\v 3 དེ་བས་ན་ཕྲུ་གུ་བཙའ་རན་པའི་བུད་མེད་ཀྱིས་ཕྲུ་གུ་བཙའ་བའི་བར་དུ། ཡ་ཝཱེས་ཡེས་ར་ཨེལ་པ་ནི་ཡོངས་སུ་འདོར་བ་དང་། དུས་དེར། དེའི་སྤུན་ཟླ་ལྷག་ལུས་རྣམས་ཀྱང་ཕྱིར་ཡེས་ར་ཨེལ་པ་རྣམས་ཀྱི་ཁྲོད་དུ་ལོག་ངེས་ཡིན།  
\v 4 ཁོང་ནི་དཀོན་མཆོག་ཡ་ཝཱེའི་ནུས་མཐུ་ལ་བརྟེན་ངེས་ཡིན་ཏེ། ཁོང་གི་དཀོན་མཆོག་ཡ་ཝཱེའི་གཟི་བྱིན་ལྡན་པའི་མཚན་ལ་བརྟེན་ནས། ཡར་ལངས་ཏེ་ལུག་ཁྱུ་འཚོ་སྐྱོང་བྱེད་ཅིང་དེ་རྣམས་བདེ་བར་འགོད་པའོ། །ཅི་ལ་ཞེ་ན། ད་ནི་ས་མཐའི་བར་དུ་ཁོང་ལ་བཀུར་སྟི་ཆེན་པོ་འབྱུང་བར་འགྱུར་རོ། །  
\v 5 སྐྱེས་བུ་འདི་ནི་ཞི་བདེ་གནང་མཁན་ཡིན་ལ། ཨ་སུར་པས་ང་ཚོའི་ཡུལ་དུ་བཙན་འཛུལ་བྱས་ཏེ་རང་ཅག་གི་ཕོ་བྲང་ལ་རྡོག་རོལ་གཏོང་བའི་ཚེ། རང་ཅག་གིས་རྫི་བོ་བདུན་དང་འགོ་དཔོན་བརྒྱད་བསྐོས་ནས་དེ་རྣམས་ལ་རྒོལ་བར་བྱ།  
\v 6 ཁོང་རྣམས་ཀྱིས་ཨ་སུར་གྱི་ཡུལ་དང་ནིམ་རོད་ཡུལ་ལ་རལ་གྲི་ཡིས་སྲིད་སྐྱོང་བར་འགྱུར་ཞིང་། ཨ་སུར་པས་ང་ཚོའི་ཡུལ་དུ་བཙན་འཛུལ་བྱས་ནས་ང་ཚོའི་ས་མཚམས་ལ་རྡོག་རོལ་གཏོང་བའི་ཚེ། ཁོང་གིས་རང་ཅག་སྐྱོབ་ངེས་ཡིན།  
\v 7 ཡ་ཀོབ་ཀྱི་མི་ལྷག་ལུས་རྣམས་ནི་མི་རིགས་མང་པོའི་ཁྲོད་དུ་གནས་ཤིང་། དཀོན་མཆོག་ཡ་ཝཱེ་ནས་ཟིལ་བ་བབས་པ་དང་། སྦྲང་ཆར་རྩྭ་ཐང་དུ་བབས་པ་ནང་བཞིན་ཡིན་ལ། དེ་ཚོ་འགྲོ་བ་མི་ལ་མི་བརྟེན་ཞིང་འཇིག་རྟེན་མི་ལ་རེ་སྒུག་ཀྱང་མི་བྱའོ། །  
\v 8 ཡ་ཀོབ་མི་རིགས་ཀྱི་ལྷག་ལུས་རྣམས་ནི་རྒྱལ་ཁབ་ཁག་དང་མི་རིགས་མང་པོའི་ཁྲོད་དུ་གནས་ཤིང་། ནགས་ཚལ་གྱི་རི་དྭགས་རྣམས་ལས་སེང་གེ་ལྟ་བུ་དང་། ཡང་སེང་གེ་དར་མ་ལུག་ཁྱུ་རུ་རྒྱུ་བ་བཞིན་ཡིན། དེ་རྒྱུ་བའི་ཚེ་རྡོག་རོལ་བཏང་ནས་གཤགས་པར་འགྱུར་ལ་སུས་ཀྱང་སྐྱོབ་མི་ནུས་སོ། །  
\v 9 ཁྱེད་ཀྱི་ཕྱག་ནི་ཡར་བཀྱགས་ནས་དགྲ་ལས་རྒྱལ་བར་སྨོན། ཁྱེད་ཀྱི་དགྲ་རྣམས་འཇོམས་པར་གྱུར་ཅིག  
\v 10 དཀོན་མཆོག་ཡ་ཝཱེས་འདི་སྐད་དུ། ཉིན་མོ་དེ་ལ་ངས་ཁྱོད་ཚོའི་ནང་དུ་ཡོད་པའི་རྟ་རྣམས་བཀུམས་ནས་ཤིང་རྟ་རྣམས་མེད་པར་བྱ།  
\v 11 ཁྱོད་ཀྱི་ཡུལ་གྱི་གྲོང་ཁྱེར་རྣམས་ཚར་བཅད་དེ། ཁྱོད་ཀྱི་བཙན་རྫོང་ཐམས་ཅད་གཏོར་བར་བྱ།  
\v 12 ཁྱོད་ཀྱི་ལག་པའི་རྫུ་འཕྲུལ་རྣམས་མེད་པར་བྱ་སྟེ། ད་ནི་ཁྱོད་ཀྱི་སར་མོ་པ་ཡོད་པར་མི་འགྱུར་རོ། །  
\v 13 ཡང་ཁྱོད་ཚོའི་ཁྲོད་ཀྱི་རྡོ་བརྐོས་ཀྱི་སྐུ་འདྲ་དང་རྡོ་རིང་རྣམས་མེད་པར་བྱ་སྟེ། ད་ནི་ཁྱོད་ཀྱིས་རང་གི་ལག་པས་བཟོས་པར་ཕྱག་མི་འཚལ།  
\v 14 ངས་ཁྱོད་ཚོའི་ཁྲོད་ནས་ལྷ་མོ་ཨ་ཤེ་རཱའི་སྐུ་བརྙན་རྣམས་མེད་པར་བཟོ་སྟེ། ཁྱོད་ཀྱི་གྲོང་ཁྱེར་རྣམས་མེད་པར་བཟོ་ངེས་ཡིན།  
\v 15 ཡང་ངའི་བཀའ་ལ་མ་མཉན་པའི་མི་རིགས་ལ་ཁོང་ཁྲོ་དང་ཞེ་སྡང་གི་ངང་ནས་ལན་འཇལ་བར་བྱའོ་ཞེས་གསུངས་སོ། །   
\c 6
\cl ལེའུ་དྲུག་པ། 
\toc1 ༄༅། །ལུང་སྟོན་པ་མི་ཀཱའི་མདོ། 
\toc2 མི་ཀཱ 
\s1 ཡ་ཝཱེས་ཡེས་ར་ཨེལ་ལ་རྒོལ་གཏམ་གཏོང་བ།  
\p
\v 1 དཀོན་མཆོག་ཡ་ཝཱེའི་གསུང་ལ་ཉོན་ཅིག ཡར་ལོངས་ལ་རི་བོ་རྣམས་དང་རྩོད་པར་གྱིས་ཤིག རི་སྒང་རྣམས་ལ་ཁྱོད་ཀྱི་སྐད་སྒྲ་ཐོས་སུ་ཆུག་དང་།  
\v 2 ཀྱེ་རི་བོ་རྣམས་ཀྱིས་དཀོན་མཆོག་ཡ་ཝཱེས་སྐྱོན་འཛུགས་པར་ཉོན་ཅིག ས་གཞིའི་དུས་གཏན་གྱི་རྨང་གཞི་ཀུན་གྱིས་ཉོན་ཅིག ཅི་ལ་ཞེ་ན། དཀོན་མཆོག་ཡ་ཝཱེས་ཉིད་ཀྱི་མི་རྣམས་ལ་གྱོད་བརྒྱབ་ནས་ཡེས་ར་ཨེལ་དང་རྩོད་པར་མཛད་དོ། །  
\v 3 ཀྱེ་ངའི་མི་སྡེ། ངས་ཁྱོད་རྣམས་ལ་ཅི་ཞིག་བྱས་སམ། ངས་དོན་ཅི་ཞིག་གིས་ཁྱོད་རྣམས་ལ་སུན་སྣང་བསྐྱེད་པ་ཡིན་ནམ། ཁྱོད་ཀྱིས་ང་ལ་ལན་ཐོབས་ཤིག  
\v 4 སྔོན་ཆད་ངས་ཁྱོད་རྣམས་ཨེ་ཅིབ་ཡུལ་ནས་ཕྱི་རུ་ཁྲིད་དེ། བྲན་གཡོག་ཏུ་བཀོལ་བའི་གནས་ལས་ཁྱོད་རྣམས་བླུས་པ་དང་། ཡང་ངས་མོ་ཤེ་དང་ཨ་རོན། མིར་ཡམ་བཅས་ཁྱོད་རྣམས་འཁྲིད་ཕྱིར་མངགས་པའོ། །  
\v 5 ཀྱེ་ངའི་མི་སྡེ། ཁྱོད་ཅག་གིས་སྔོན་ཆད་མོ་ཨབ་རྒྱལ་པོ་པཱ་ལག་གིས་ཅི་ལྟར་འཆར་འགོད་བྱས་པ་དང་། པེ་ཨོར་གྱི་བུ་པེལ་ཨམ་གྱིས་དེ་ལ་ལན་ཅི་ཞིག་བཏབ་པ། ཡང་སིད་ཏིམ་ནས་གིལ་གལ་བར་དུ་དོན་ཅི་ཞིག་བྱུང་བ་རྣམས་དྲན་པར་གྱིས་ཤིག དེ་ནི་ཁྱོད་རྣམས་ཀྱིས་དཀོན་མཆོག་ཡ་ཝཱེའི་དྲང་བདེན་གྱི་མཛད་པ་རྣམས་རྟོགས་པའི་ཕྱིར་ཡིན་ནོ། །   
\s1 དཀོན་མཆོག་ཡ་ཝཱེའི་རེ་བ།  
\p
\v 6 ང་རང་དཀོན་མཆོག་ཡ་ཝཱེའི་དྲུང་དུ་སོང་ནས་བླ་མེད་དཀོན་མཆོག་གི་སྤྱན་སྔར་ཕྱག་འཚལ་བའི་དུས་སུ། ངས་ཅི་ཞིག་འབུལ་ལམ། ང་རང་ཁོང་གི་དྲུང་དུ་འགྲོ་དུས་ལོ་གཅིག་ཅན་གྱི་བ་ཕྲུག་སྦྱིན་སྲེག་གི་མཆོད་པར་འབུལ་བར་བྱའམ།  
\v 7 དཀོན་མཆོག་ཡ་ཝཱེ་ནི་ལུག་ཐུག་སྟོང་ཕྲག་རྣམས་དང་། སྣུམ་གྱི་གཙང་པོ་ཁྲི་ཕྲག་རྣམས་ལ་ཐུགས་མཉེས་སམ། ངས་རང་གི་ཉེས་སྐྱོན་གྱི་དོན་དུ་རང་གི་བུ་སྐྱེས་འགོ་དང་། ངའི་སྡིག་པའི་ཆེད་དུ་རང་ལས་སྐྱེས་པ་འབུལ་ལམ།  
\v 8 ཀྱེ་ཀྱེ་འཇིག་རྟེན་མི་རྣམས། དཀོན་མཆོག་ཡ་ཝཱེས་བཟང་པོ་གང་ཡིན་པ་ནི་ཁྱོད་ལ་བསྟན་ཟིན་ཏེ། ཁོང་གིས་ཁྱོད་རྣམས་ལ་རེ་བ་གང་ཞིག་བཅངས་པ་ཡིན་ཟེར་ན། ཁྱོད་ཀྱིས་ལས་དྲང་བདེན་སྤྱོད་པ་དང་བྱམས་སྙིང་རྗེ་ལ་དགའ་བ། ཁེངས་སྐྱུང་གི་སེམས་ཀྱིས་གཟབ་ནན་ངང་རང་གི་དཀོན་མཆོག་དང་མཉམ་དུ་སྐྱོད་པ་བཅས་ལས་མ་འདས་སོ། །  
\v 9 ཉོན་དང་། དཀོན་མཆོག་ཡ་ཝཱེས་གྲོང་ཁྱེར་འདི་འབོད་ཀྱིན་འདུག ཁྱེད་ཀྱི་མཚན་ལ་གུས་ཤིང་འཇིགས་པ་ནི་ཤེས་རབ་ཡིན་ལ། ཁྱོད་ཚོས་ཉེས་ཆད་དང་ཉེས་ཆད་གཅོད་པར་མངགས་པ་དེའི་གཏམ་ལ་ཉོན་ཅིག  
\v 10 མི་ངན་གྱི་ཁྱིམ་དུ་ད་དུང་ལྐོག་ནོར་དང་། མི་ལ་ཁོང་ཁྲོ་སློང་བའི་བྲེ་ཆུང་ངུ་དེ་ཡོད་པ་མ་ཡིན་ནམ།  
\v 11 མི་དྲང་བའི་སྲང་དང་ཁུག་མའི་ནང་གི་རྒྱ་རྡོ་གཡོ་སྒྱུ་ཅན་བཀོལ་ན། ངས་མི་དེ་ནོངས་མེད་དུ་རྩི་བར་འགྱུར་རམ།  
\v 12 གྲོང་ཁྱེར་དེའི་ཕྱུག་པོ་རྣམས་ཀྱིས་གདུག་རྩུབ་ཀྱི་ལས་སྤྱོད་པ་དང་། ཡུལ་དེའི་མི་རྣམས་ཀྱིས་རྫུན་སྨྲ་ཞིང་། དེ་དག་གི་སྨྲ་སྒོའི་ལྕེ་ནི་གཡོ་སྒྱུ་ཅན་ཡིན་ནོ། །  
\v 13 དེའི་ཕྱིར་ངས་ཁྱོད་ལ་བརྡུངས་ནས་སྣད་པར་བྱ་ཞིང་། ཁྱོད་ཀྱི་སྡིག་པའི་དབང་གིས་ཁྱོད་རང་བརླག་པར་བྱའོ། །  
\v 14 ཁྱོད་ཀྱིས་ཟོས་ཀྱང་འགྲང་བར་མི་འགྱུར་ལ། ཁྱོད་ཀྱི་ལྟོ་བ་སྔར་བཞིན་སྟོང་བར་ལུས་པ་དང་། ཁྱོད་རང་སྤར་ནའང་བྲོས་ནས་མི་ཐར་ལ། ཐར་བའི་དབང་དུ་བཏང་ནའང་བདག་གིས་རལ་གྲིར་གཏོད་ངེས་ཡིན།  
\v 15 ཁྱོད་ཀྱིས་ས་བོན་བཏབ་ཀྱང་ལོ་ཏོག་བསྡུ་མི་ནུས་ཤིང་། སྐྱུ་རུ་བཙིར་ཡང་སྣུམ་གྱིས་ལུས་བྱུག་པར་མི་འགྱུར་ལ། རྒུན་འབྲུམ་གྱི་ཁུ་བ་བཙིར་ཡང་རྒུན་ཆང་འཐུང་བར་མི་འགྱུར་རོ། །  
\v 16 ཁྱོད་ཀྱིས་ཨོམ་རིའི་སྒྲིགས་ལམ་བཞིན་བྱས་ཤིང་། ཨ་ཧབ་ཁྱིམ་རྒྱུད་ཀྱི་སྤྱོད་པ་མཐའ་དག་སྤྱད་ནས་ཁོ་ཚོའི་གྲོས་ངན་ལ་མཉན་པས་ན། ངས་ཁྱོད་སྟོང་པར་བྱ་ཞིང་དེར་གནས་པའི་ཡུལ་མི་རྣམས་ལ་གཞན་གྱིས་འཕྱ་བར་འགྱུར་ལ། ཁྱོད་ཚོས་ངའི་མི་སྡེའི་ངོ་ཚ་ཡང་འཁུར་བར་འགྱུར་རོ། །   
\c 7
\cl ལེའུ་བདུན་པ། 
\toc1 ༄༅། །ལུང་སྟོན་པ་མི་ཀཱའི་མདོ། 
\toc2 མི་ཀཱ 
\s1 ཡེས་ར་ཨེལ་པ་ངན་རུལ་དུ་གྱུར་པ།  
\p
\v 1 ཀྱི་ཧུད། ང་ལ་ཆག་སྒོ་འབྱུང་། བདག་ནི་དབྱར་གྱི་དུས་སུ་བཏོགས་པའི་ཤིང་ཏོག་དང་མཚུངས་ལ། འབྲས་བུ་བསྡུས་ནས་ལུས་པའི་རྒུན་འབྲུམ་བཞིན་ཡིན་ཞིང་། བཟའ་རྒྱུ་ཅི་ཡང་མེད་པ་དང་། རང་གི་སེམས་ནས་རེ་སྨོན་བྱེད་ཅིང་སྨིན་སྔ་བའི་སེ་ཡབ་ཤིང་ཏོག་ཀྱང་མེད་དོ། །  
\v 2 ས་གཞིའི་སྟེང་གི་ལྷག་བསམ་ཅན་རྣམས་རྩ་མེད་དུ་བཏང་བ་དང་། མི་ཡི་ཁྲོད་དུ་གཞུང་དྲང་གཅིག་ཀྱང་མེད། མི་ལ་ཁྲག་བཞུར་དུ་འཇུག་པའི་ཕྱིར་དེ་ཐམས་ཅད་ཀྱིས་འཇབ་སྒུག་བྱེད་ཅིང་། རེ་རེས་རྙི་བཙུགས་ནས་རང་གི་སྤུན་རྣམས་འཛིན་པ་ཡིན།  
\v 3 དེ་དག་གི་ལག་ཟུང་ནི་ངན་པ་བྱེད་པར་མཁས་ལ། རྒྱལ་པོ་དང་ཁྲིམས་དཔོན་རྣམས་ཀྱིས་ལྐོག་རྔན་ལེན་པ་དང་། ཐོབ་གོ་ས་ཅན་གྱིས་རང་སེམས་ཀྱི་འདོད་པའི་གཏམ་སྨྲས་ནས་ཕན་ཚུན་ངན་འབྲེལ་བྱེད་དོ། །  
\v 4 དེ་དག་ཁྲོད་ཀྱི་མཆོག་ནི་གཟེ་མ་ར་མགོ་དང་མཚུངས་ལ། ཆེས་གཞུང་དྲང་ཡིན་པ་ཡང་ཚེར་མའི་ར་སྐྱོར་ཙམ་ལས་མ་འདས། སོ་པ་ཡིས་གསུངས་པའི་ཉེས་ཆད་གཅོད་པའི་ཉིན་མོ་སླེབས་འོང་སྟེ། དེ་དག་གི་ནང་དུ་ཟིང་ཆ་ལངས་ནས་བདེ་བ་མེད་དོ། །  
\v 5 ཁྱིམ་མཚེས་ལ་ཡིད་རྟོན་མ་བྱེད་ཅིག གྲོགས་མཆོག་ལ་ཡང་ཡིད་ཆེས་མ་བྱེད་ཅིག ཐ་ན་རང་གི་པང་དུ་ཉལ་བའི་ཆུང་མ་ལ་ཡང་ཁྱོད་ཀྱི་ངག་དམ་པོར་བསྡམ་དགོས།  
\v 6 ཅི་ལ་ཞེ་ན། བུ་ཡིས་ཕ་ལ་མཐོང་ཆུང་བྱེད་པ་དང་། བུ་མོས་མ་ལ་བཀག་འགོག་བྱེད་ཅིང་། མནའ་མས་སྒྱུག་མོར་འགོག་རྒོལ་བྱེད་པར་འགྱུར་ཏེ། མི་ཡི་དགྲ་བོ་ནི་རང་གི་ཁྱིམ་མི་ཡིན་ནོ། །  
\v 7 འོན་ཀྱང་བདག་གིས་དཀོན་མཆོག་ཡ་ཝཱེ་ལ་རེ་ལྟོས་བཅངས་ནས། བདག་ལ་སྐྱབས་མཛད་པའི་དཀོན་མཆོག་ལ་རེ་སྒུག་བྱེད་དེ། ངའི་དཀོན་མཆོག་གིས་ང་ལ་གསན་པར་འགྱུར།  
\v 8 ཀྱེ་ངའི་དགྲ་བོ། ང་ལ་ངོམ་ཟིལ་མ་སྟོན་ཅིག ང་ནི་ས་རུ་འགྱེལ་ན་ཡང་ཡར་ལང་བ་དང་། མུན་པར་བསྡད་ཀྱང་དཀོན་མཆོག་ཡ་ཝཱེ་ནི་ང་ཡི་འོད་དུ་འགྱུར་རོ། །  
\v 9 ཁོང་གིས་ངའི་ཆེད་དུ་དག་འབུད་དང་དཀར་འདོན་མཛད་པའི་བར་དུ། ངས་དཀོན་མཆོག་ཡ་ཝཱེའི་ཐུགས་ཁྲོ་དང་དུ་ལེན་པར་བྱའོ། །ཅི་ལ་ཞེ་ན། ངས་ཁོང་ལ་འགལ་བའི་སྡིག་པ་བྱས་པ་ཡིན། ཁོང་གིས་ང་ནི་འོད་ཟེར་ནང་དུ་འཁྲིད་པ་དང་། ངས་ཀྱང་ཁོང་གི་དྲང་བདེན་མཇལ་ངེས་ཡིན།  
\v 10 དེའི་དུས་སུ་ངའི་དགྲ་ཟླས་དོན་འདི་མཐོང་ནས་ངོ་ཚ་བར་འགྱུར་ལ། སྔོན་ཆད་དེས་ང་ལ་ན་རེ། ཁྱོད་ཀྱི་དཀོན་མཆོག་ཡ་ཝཱེ་གང་དུ་བཞུགས་སམ་ཞེས་སྨྲས། ངས་ཁོ་ལ་ལས་འབྲས་ཕོག་པ་དངོས་སུ་མཐོང་ངེས་ཡིན་ལ། ད་ལྟ་ཁོ་རང་ནི་སྲང་ལམ་གྱི་འདམ་བག་བཞིན་རྡོག་རོལ་གཏོང་ངེས་ཡིན།  
\v 11 ཁྱོད་ཀྱི་མཁར་སླར་ཡང་རྩིག་པའི་དུས་དེ་སླེབས་པ་དང་། ཉིན་མོ་དེར་ཁྱོད་ཀྱི་ས་མཚམས་རྒྱང་ཐག་རིང་པོའི་བར་དུ་རྒྱས་པར་འགྱུར་རོ། །  
\v 12 ཉིན་མོ་དེར་དེ་དག་ནི་ཨ་སུར་དང་ཨེ་ཅིབ་ཀྱི་གྲོང་ཁྱེར་རྣམས་དང་། ཨེ་ཅིབ་ནས་གཙང་པོ་ཆེན་པོ་དང་། རྒྱ་མཚོ་འདི་ནས་རྒྱ་མཚོ་གཞན་དང་། རི་བོ་འདི་ནས་རི་བོ་དེའི་བར་དུ་ཐམས་ཅད་ཁྱོད་ཀྱི་རྩར་སླེབས་འོང་།  
\v 13 འོན་ཀྱང་ཡུལ་མི་རྣམས་ཀྱི་རྐྱེན་དང་། ཁོ་ཚོས་སྤྱོད་པ་སྤྱད་པའི་མཇུག་འབྲས་ཀྱི་དབང་གིས་ས་གཞི་སྟོངས་པར་འགྱུར་རོ། །   
\s1 ཡ་ཝཱེས་ཡེས་ར་ཨེལ་ལ་སྙིང་རྗེ་དགོངས་པ།  
\p
\v 14 ཁྱེད་ཀྱིས་རྩྭ་ཆུ་འཛོམས་པའི་ཡུལ་དུ་ཉིད་ཀྱི་དབྱུག་པས་ཁེར་རྐྱང་དུ་ལུས་པའི་མི་རྣམས་ཏེ་ཁྱེད་ཀྱི་ནོར་སྐལ་ཡིན་པའི་ལུག་ཁྱུ་འཚོ་བར་མཛོད། དེ་དག་ལ་གནའ་ལྟར་པཱ་ཤན་དང་གིལ་ཨད་དུ་གཟིགས་སྐྱོང་འཐོབ་པར་གྱུར་ཅིག  
\v 15 ཨེ་ཅིབ་ཡུལ་ནས་ཐོན་པའི་ཉིན་མོ་བཞིན་དུ། ངས་དེ་དག་ལ་ངོ་མཚར་བའི་འཕྲིན་ལས་རྣམས་སྟོན་པར་བྱའོ། །  
\v 16 མི་རིགས་རྣམས་ཀྱིས་དེ་མཐོང་ཞིང་། སྟོབས་ཤུགས་ཆེ་ན་ཡང་ངོ་ཚ་བར་འགྱུར་ལ། དེ་དག་གིས་རང་གི་ལག་པས་སྨྲ་སྒོ་གཅོད་ཅིང་། རྣ་བ་བཀབ་ནས་མི་མཉན་ནོ། །  
\v 17 དེ་དག་གིས་སྦྲུལ་ལྟར་ས་ལྡག་ཅིང་། ལྟོ་འགྲོ་བཞིན་དུ་འདར་ཞིང་འདར་བཞིན་རང་གི་ཚང་རྣམས་དང་འབྲལ་བར་འགྱུར། དེ་དག་འཇིགས་ཤིང་རང་ཅག་གི་དཀོན་མཆོག་ཡ་ཝཱེའི་ཕྱོགས་སུ་འོང་བ་དང་། ཁྱོད་ཀྱི་དབང་གིས་དངངས་པར་འགྱུར་རོ། །  
\v 18 མི་ལ་ཉེས་ཆད་མི་གཅོད་ཅིང་། རང་གི་ནོར་སྐལ་ནང་གི་ལྷག་ལུས་རྣམས་ལ་དགོངས་ཡངས་གནང་བའི་དཀོན་མཆོག་གཞན་སུ་ཞིག་ཡོད་དམ། ཁོང་ནི་དུས་གཏན་དུ་ཐུགས་ཁྲོ་བར་མི་བྱ་ཞིང་། དྲིན་གྱིས་སྐྱོང་བ་ལ་ཐུགས་མཉེས་པའོ། །  
\v 19 ཁོང་གིས་ཞལ་ཚུར་འཁོར་ནས་རང་ཅག་ལ་སྙིང་རྗེ་དགོངས་ཞིང་། རང་ཅག་གི་སྡིག་པ་རྣམས་ཞབས་འོག་ཏུ་གནོན་པར་འགྱུར་ཏེ། ཁོང་གིས་རང་ཅག་གི་ཉེས་སྐྱོན་ཐམས་ཅད་རྒྱ་མཚོའི་གཏིང་དུ་འདོར་བར་འགྱུར།  
\v 20 གནའ་དུས་ངེད་ཀྱི་ཕ་མེས་རྣམས་ལ་ཞལ་བཞེས་གནང་བ་བཞིན་དུ། ཡ་ཀོབ་ལ་ཐུགས་དྲང་པོ་དང་། ཨབ་ར་ཧམ་ལ་བྱམས་བརྩེ་མངོན་པར་མཛད་དོ།། །།