\id MAT - NTB བོད་འགྱུར་གསར༌མ། 
\h མད༌ཐཱ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\mt1 ༄༅།།མད་ཐཱའི་འཕྲིན༌བཟང༌།  
\imt1 མད་ཐཱའི་འཕྲིན་བཟང་གི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi མད་ཐཱའི་འཕྲིན་བཟང་ཞེས་པའི་མིང་འདི་འཕྲིན་བཟང་གཞན་དག་ལས་ལོགས་སུ་བཀར་ནས་བཏགས་ཤིང་། སྤྱིར་དམ་པའི་གསུང་རབ་ལ་འཕྲིན་བཟང་གཅིག་མ་གཏོགས་མེད་ནའང་། དེའི་བྱུང་རིམ་ལ་རྣམ་པ་བཞི་ཡོད། དེ་བས་བདག་ཅག་ལ་མད་ཐཱས་ཡི་གེར་བཀོད་པའི་དཀོན་མཆོག་གི་འཕྲིན་བཟང་བྱུང་བ་ཡིན། མད་ཐཱ་ཞེས་བྱ་བ་ནི་གཙོ་བོ་ཡ་ཝཱེའི་གནང་སྦྱིན་ཞེས་པའི་དོན་ལ་འཇུག  
\is1 ཡི་གེར་འགོད་མཁན་དང་འགོད༌དུས།  
\ipi དམ་པའི་གསུང་རབ་ཀྱི་འཕྲིན་བཟང་བཞི་པོ་ཡི་གེར་འགོད་མཁན་གཞུང་དངོས་སུ་བརྗོད་མེད་ནའང་། སྔ་རབས་ཆོས་ཚོགས་ཀྱི་ཕ་ཡབ་རྣམས་ཀྱིས་འཕྲིན་བཟང་འདི་ཡི་གེར་འགོད་མཁན་ནི་མིང་གཞན་ལ་ལེ་ཝི་ཞེས་འབོད་པའི་མད་ཐཱ་ཡིན་པར་བཞེད་ཅིང་། ཁོང་ནི་ཁྲལ་བསྡུ་མཁན་ཞིག་ཡིན་ལ། སྤྱི་ལོ་70ལོར་ཡེ་རུ་སཱ་ལེམ་ལ་གཏོར་བཤིག་ཐེབས་པ་དང་། འཕྲིན་བཟང་འདི་དུས་དེའི་སྔོན་དུ་བཀོད་པ་ཡིན།  
\is1 བརྗོད་སྙིང་དང་གསུང༌འཕྲིན།  
\ipi སྐབས་དེར་ཡ་ཧུ་དཱ་མི་རིགས་ཀྱིས་རང་གི་སྐྱབས་མགོན་ཕེབས་འོང་བར་སྒུག་ཅིང་། སྐྱབས་མགོན་དེ་ནི་མཱ་ཤི་ཀ་ཞེས་བྱ་བ་ཡིན། མད་ཐཱའི་དམིགས་ཡུལ་ནི་ཀློག་པ་པོ་ཡ་ཧུ་དཱ་པ་རྣམས་ལ་ཡེ་ཤུ་ནི་སྐྱབས་མགོན་མཱ་ཤི་ཀ་ཡིན་པར་བདེན་དཔང་བྱེད་པ་དེ་ཡིན། མད་ཐཱ་ཡིས་དུས་རྒྱུན་དུ་ཞལ་ཆད་རྙིང་པའི་ལུང་དྲངས་པར་མ་ཟད། ནམ་མཁའི་རྒྱལ་སྲིད་ཅེས་པ་མང་དུ་གླེང་ཡོད། མད་ཐཱའི་འཕྲིན་བཟང་ཡོངས་རྫོགས་བཀའ་མཆིད་ཆེན་པོ་ལྔ་ཡིས་གྲུབ་པ་སྟེ། ༼1༽ ལེའུ་ལྔ་པ་ནས་བདུན་པའི་བར། ༼2༽ ལེའུ་བཅུ་པ། ༼3༽ ལེའུ་བཅུ་གསུམ་པ། ༼4༽ ལེའུ་བཅོ་བརྒྱད་པ། ༼5༽ ལེའུ་ཉེར་བཞི་པ་ནས་ཉེར་ལྔ་ཡི་བར།  
\is1 འཆར༌ཟིན།  
\ipi 1. སྐྱབས་མགོན་ཡེ་ཤུའི་གདུང་རྒྱུད་དང་ཁོང་སྐུ་འཁྲུངས་པའི་སྐོར། ༼1:1-2:23༽  
\ipi 2. སྐྱབས་མགོན་ཡེ་ཤུ་ལ་ཁྲུས་གསོལ་ཐོབ་པ་དང་ཉམས་ཚོད་བླངས་པ། ༼3:1-4:11༽  
\ipi 3. སྐྱབས་མགོན་ཡེ་ཤུས་ག་ལིལ་ཡུལ་ནས་ཆོས་བསྒྲགས༌པ། ༼4:12-14:12༽  
\ipi 4. སྐྱབས་མགོན་ཡེ་ཤུ་ག་ལིལ་ཡུལ་དང་ཁ་བྲལ་བའི༌དུས། ༼14:13-17:21༽  
\ipi 5. སྐྱབས་མགོན་ཡེ་ཤུས་ག་ལིལ་ཡུལ་ནས་མཐའ་མཇུག་གི་ཆོས་བསྒྲགས༌པ། ༼17:22-18:35༽  
\ipi 6. སྐྱབས་མགོན་ཡེ་ཤུས་ཡ་ཧུ་དཱ་ཡུལ་དང་ཡོར་དན་གཙང་པོའི་ཕར་ཕྱོགས་ནས་ཆོས་བསྒྲགས༌པ། ༼19:1-20:34༽  
\ipi 7. སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་ཆོས་བསྒྲག་པར་ཕེབས་པ༌དང༌། མཐར་ཤིང་རྒྱ་གྲམ་གྱི་སྟེང་དུ་བརྡབས༌པ། ༼21:1-27:66༽  
\ipi 8. སྐྱབས་མགོན་ཡེ་ཤུ་སླར་གསོན༌པ། ༼28:1-20༽  
\c 1
\cl ལེའུ་དང༌པོ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 སྐྱབས་མགོན་ཡེ་ཤུའི་གདུང༌རྒྱུད།  
\p
\v 1 དེ་ཡང་ཡེ་ཤུ་མཱ་ཤི་ཀ་ནི་དཱ་བིད་དང་ཨབ་ར་ཧམ་གྱི་རིགས་སྲས་ཡིན༌ཞིང༌། ཁོང་གི་གདུང་རྒྱུད་ནི་འདི་ལྟ༌སྟེ།  
\v 2 ཨབ་ར་ཧམ་ལས་ཨི་སཱག་མཆེད༌ཅིང༌། ཨི་སཱག་ལས་ཡ་ཀོབ༌མཆེད། ཡ་ཀོབ་ལས་ཡ་ཧུ་དཱ་དང་དེའི་སྤུན་རྣམས་མཆེད༌དོ།།  
\v 3 ཡ་ཧུ་དཱའི་བུ་ཕེ་རེལ་ཟི་དང་ཟེ་རག་གཉིས་ནི་ཐལ་མཱར་ལས་མཆེད༌ཅིང༌། ཕེ་རེལ་ཟི་ལས་ཧེས་རོན༌མཆེད། ཧེས་རོན་ལས་རཱམ༌མཆེད།  
\v 4 རཱམ་ལས་ཨ་མི་ནཱ་དབ༌མཆེད། ཨ་མི་ནཱ་དབ་ལས་ནཱ་སོན༌མཆེད། ནཱ་སོན་ལས་སཱལ་མོན༌མཆེད།  
\v 5 སཱལ་མོན་གྱི་བུ་པཱོ་ཨ་ཟི་ནི་རཱ་ཧབ་ལས༌མཆེད། པཱོ་ཨ་ཟིའི་བུ་ཨོ་བེད་ནི་རུ་ཐི་ལས༌མཆེད། ཨོ་བེད་ལས་ཡེ་སེ༌མཆེད།  
\v 6 ཡེ་སེ་ལས་རྒྱལ་པོ་དཱ་བིད༌མཆེད། དཱ་བིད་ཀྱི་སྲས་སོ་ལོ་མོན་ནི་ཨུ་རི་ཡཱའི་ཆུང་མ་ལས༌མཆེད།  
\v 7 སོ་ལོ་མོན་ལས་རེ་ཧབ་ཨམ༌མཆེད། རེ་ཧབ་ཨམ་ལས་ཨ་བི་ཡཱ༌མཆེད། ཨ་བི་ཡཱ་ལས་ཨ་སཱ༌མཆེད།  
\v 8 ཨ་སཱ་ལས་ཡེ་ཧོ་ཤ་ཕད༌མཆེད། ཡེ་ཧོ་ཤ་ཕད་ལས་ཡོ་རཱམ༌མཆེད། ཡོ་རཱམ་ལས་ཨུ་ཟི་ཡཱ༌མཆེད།  
\v 9 ཨུ་ཟི་ཡཱ་ལས་ཡོ་ཐམ༌མཆེད། ཡོ་ཐམ་ལས་ཨ་ཧ་ཟཱ༌མཆེད། ཨ་ཧ་ཟཱ་ལས་ཧི་ཟི་ཀི་ཡཱ༌མཆེད།  
\v 10 ཧི་ཟི་ཀི་ཡཱ་ལས་མཱ་ན་ཤེ༌མཆེད། མཱ་ན་ཤེ་ལས་ཨ་མོན༌མཆེད། ཨ་མོན་ལས་ཡོ་ཤི་ཡཱ༌མཆེད།  
\v 11 པཱ་པེལ་ལོན་དུ་བཙན་ཁྲིད་བྱེད་པའི་དུས༌སུ། ཡོ་ཤི་ཡཱ་ལས་ཡེ་ཀོན་ཡཱ་དང་དེའི་ནུ་བོ་རྣམས་མཆེད༌དོ།།   
\p
\v 12 པཱ་པེལ་ལོན་དུ་བཙན་ཁྲིད་བྱས༌རྗེས། ཡེ་ཀོན་ཡཱ་ལས་ཞིད་ཨལ་ཐེ་ཨེལ་མཆེད༌ཅིང༌། ཞིད་ཨལ་ཐེ་ཨེལ་ལས་ཟེ་རུ་པཱ་པེལ༌མཆེད།  
\v 13 ཟེ་རུ་པཱ་པེལ་ལས་ཨ་བི་ཧུད༌མཆེད། ཨ་བི་ཧུད་ལས་ཨེལ་ཡ་ཀིམ༌མཆེད། ཨེལ་ཡ་ཀིམ་ལས་ཨ་ཟོར༌མཆེད།  
\v 14 ཨ་ཟོར་ལས་ཟཱ་ཏོག༌མཆེད། ཟཱ་ཏོག་ལས་ཨ་ཀིམ༌མཆེད། ཨ་ཀིམ་ལས་ཨེ་ལི་ཧུད༌མཆེད།  
\v 15 ཨེ་ལི་ཧུད་ལས་ཨེ་ལི་ཨ་ཟར༌མཆེད། ཨེ་ལི་ཨ་ཟར་ལས་མད་ཐན༌མཆེད། མད་ཐན་ལས་ཡ་ཀོབ༌མཆེད།  
\v 16 ཡ་ཀོབ་ལས་ཡོ་སེབ་མཆེད་ཅིང་ཁོ་ནི་མིར་ཡམ་གྱི་ཁྱོ་བོ༌ཡིན། མཱ་ཤི་ཀ་ཞེས་གྲགས་པའི་སྐྱབས་མགོན་ཡེ་ཤུ་ནི་མིར་ཡམ་ལས་སྐུ་འཁྲུངས་པ་ཡིན༌ནོ།།   
\p
\v 17 དེའི༌ཕྱིར། ཨབ་ར་ཧམ་ནས་དཱ་བིད་ཀྱི་བར་དུ་གདུང་རབས་བཅུ་བཞི༌དང༌། དཱ་བིད་ནས་ཡ་ཧུ་དཱ་པ་རྣམས་པཱ་པེལ་ལོན་ལ་བཙན་ཁྲིད་བྱས་པའི་བར་དུ་གདུང་རབས་བཅུ་བཞི་ཡོད་པ༌དང༌། པཱ་པེལ་ལོན་དུ་བཙན་ཁྲིད་བྱས་པ་ནས་སྐྱབས་མགོན་མཱ་ཤི་ཀའི་བར་ལའང་གདུང་རབས་བཅུ་བཞི་ཡོད༌དོ།།   
\s1 སྐྱབས་མགོན་ཡེ་ཤུ་སྐུ་འཁྲུངས༌པ།  
\p
\v 18 ཡེ་ཤུ་མཱ་ཤི་ཀ་སྐུ་འཁྲུངས་པའི་ལོ་རྒྱུས་ནི་འདི་ལྟ༌སྟེ། ཁོང་ཉིད་ཀྱི་ཡུམ་མིར་ཡམ་ནི་ཡོ་སེབ་དང་གཉེན་རྟགས་བརྒྱབ་ཡོད༌ཅིང༌། ཁོ་གཉིས་ཀྱི་བར་དུ་ཕོ་མོའི་ལུས་མ་འབྲེལ་བའི་སྔོན༌ལ། མིར་ཡམ་ལ་དམ་པའི་ཐུགས་ཉིད་ཀྱི་སྒོ་ནས་མངལ་སྦྲུམ་པར་གྱུར༌ཏོ།།  
\v 19 ཁོ་མོའི་ཁྱོ་བོ་ཡོ་སེབ་ནི་མི་གཞུང་དྲང་ཞིག་ཡིན༌པས། མི་ཚོགས་ཀྱི་མདུན་དུ་ཁོ་མོ་ངོ་གནོང་བར་བྱེད་མ་འདོད༌དེ། ལྐོག་ནས་ཁོ་མོ་དང་འཐོར་བར་བྱ་བསམས་པ༌ཡིན།  
\v 20 ཁོས་དེ་ལྟར་བསམས་པའི༌ཚེ། གཙོ་བོའི་ཕོ་ཉ་ཞིག་ཁོའི་རྨི་ལམ་དུ་བྱུང་སྟེ་འདི་སྐད༌དུ། ཀྱེ། དཱ་བིད་ཀྱི་རིགས་རྒྱུད་ཡོ༌སེབ། མིར་ཡམ་གྱི་མངལ་དུ་ཆགས་པ་ནི་དམ་པའི་ཐུགས་ཉིད་ནས་བྱུང་བ་ཡིན༌པས། ཁོ་མོ་ཁྱོད་ཀྱི་ཆུང་མར་ལེན་པ་ལ་མ་འཇིགས༌ཤིག  
\v 21 ཁོ་མོར་སྲས་ཤིག་འཁྲུངས་པར་འགྱུར༌ཞིང༌། ཁོང་གིས་རང་གི་མི་རྣམས་སྡིག་པ་ལས་སྐྱོབ་པར་འགྱུར༌བས། ཁྱོད་ཀྱིས་ཁོང་གི་མཚན་ལ་ཡེ་ཤུ་ཞེས་ཐོགས་ཤིག་ཅེས་གསུངས༌སོ།།   
\p
\v 22 དོན་འདི་ཐམས་ཅད་ནི་གཙོ་བོས་ལུང་སྟོན་པ་བརྒྱུད་ནས་འདི་སྐད༌དུ།  
\v 23 ལྟོས༌དང༌། ན་ཆུང་བུ་མོ་ཞིག་ལ་མངལ་སྦྲུམ་སྟེ་སྲས་ཤིག་འཁྲུངས་ངེས༌ཤིང༌། མི་རྣམས་ཀྱིས་ཁོང་གི་མཚན་ལ་ཨིམ་མཱ་ནུ་ཨེལ་ཞེས་འབོད་པར་འགྱུར་ཞེས་གསུངས་པ་དེ་འགྲུབ་པའི་ཕྱིར་དེ་ལྟར༌བྱུང༌། ཨིམ་མཱ་ནུ་ཨེལ་ཞེས་པ་ནི་དཀོན་མཆོག་བདག་ཅག་དང་མཉམ་དུ་བཞུགས་པ་ཡིན་ཞེས་པའི་དོན༌ནོ།།   
\p
\v 24 དེ་ནས་ཡོ་སེབ་གཉིད་ལས་སད་པ་དང་ཡར་ལངས༌ནས། གཙོ་བོའི་ཕོ་ཉས་རང་ལ་བཀའ་གནང་བ་དེ་བཞིན་དུ་མིར་ཡམ་རང་གི་ཆུང་མར་བླངས༌ཤིང༌།  
\v 25 སྲས་མ་འཁྲུངས་པའི་བར་དུ་ཁོ་མོ་དང་ལུས་འབྲེལ་མ་བྱས༌ལ། སྲས་དེ་སྐུ་འཁྲུངས་རྗེས་མཚན་ལ་ཡེ་ཤུ་ཞེས་བཏགས༌སོ།།   
\c 2
\cl ལེའུ་གཉིས༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ཤར་ཕྱོགས་ཀྱི་མཁས་པ་རྣམས་ཕེབས་པའི༌སྐོར།  
\p
\v 1 དེ་ཡང་ཧེ་རོ་དཱ་\f + \ft སྤྱིར་ཧེ་རོ་དཱ་ཞེས་པ་ཁྱིམ་ཚང་ཞིག་གི་མིང༌ཡིན། འོན༌ཀྱང༌། དེ་ནི་མིང་གཅིག་མི་དུ་མར་བཏགས་ཡོད་པས་ཧེ་རོ་དཱ་སྔ་མ་ནི་ཡབ་དང་ཧེ་རོ་དཱ་ཕྱི་མ་ནི་སྲས་རྣམས༌ཡིན། འདིར་བརྗོད་པའི་ཧེ་རོ་དཱ་ནི་ཡབ་ལ་གོ་དགོས་ཏེ་ཡ་ཧུ་དཱའི་ཡུལ་གྱི་རྒྱལ་པོའམ་ས་གནས་དཔོན་པོ༌ཡིན། (འཕྲིན་བཟང་འདིའི་ལེའུ་གཉིས་པར་ཧེ་རོ་དཱ་ཞེས་ཐེངས་བརྒྱད་ལ་བྱུང་བ་ཐམས་ཅད་ཧེ་རོ་དཱ་སྔ་མ་ལ་གོ༌དགོས།)\f*རྒྱལ་པོ་ཡིན་པའི་དུས་སུ་སྐྱབས་མགོན་ཡེ་ཤུ་ནི་ཡ་ཧུ་དཱའི་ཡུལ་གྱི་པེད་ལེ་ཧེམ་དུ་སྐུ་འཁྲུངས༌རྗེས། ཤར་ཕྱོགས་ནས་མཁས་པ་འགའ་ཞིག་ཡེ་རུ་སཱ་ལེམ་ལ་ཕེབས༌ཏེ།  
\v 2 ཡ་ཧུ་དཱའི་མི་རིགས་ཀྱི་རྒྱལ་པོར་སྐུ་འཁྲུངས་པ་དེ་གང་དུ་བཞུགས༌སམ། ངེད་ཅག་གིས་ཤར་ཕྱོགས་ནས་ཁོང་གི་སྐར་མ་མཐོང་སྟེ་ཁོང་ལ་མཇལ་དུ་ཡོང་ཞེས་སྨྲས༌སོ།།   
\p
\v 3 རྒྱལ་པོ་ཧེ་རོ་དཱ་ཡིས་གཏམ་དེ་ཐོས་ནས་སེམས་འཁྲུགས༌ཤིང༌། ཡེ་རུ་སཱ་ལེམ་གྱི་མི་ཐམས་ཅད་ཀྱང་སེམས་འཁྲུགས་པ༌དང༌།  
\v 4 རྒྱལ་པོས་མཆོད་དཔོན་ཆེན་པོ་རྣམས་དང་ཡུལ་མིའི་ཁྲོད་ཀྱི་མཁན་པོ་ཐམས་ཅད་བསྡུས༌ཏེ། སྐྱབས་མགོན་མཱ་ཤི་ཀ་ནི་ཡུལ་གང་ནས་འཁྲུང་བར་འགྱུར་རམ་ཞེས་དྲིས་པ༌དང༌།  
\v 5 དེ་རྣམས་ན༌རེ། ཡ་ཧུ་དཱའི་ཡུལ་གྱི་པེད་ལེ་ཧེམ་དུ་སྐུ་འཁྲུང་བར༌འགྱུར། དེའི་རྒྱུ་མཚན་ནི་གསུང་རབ་ཀྱི་མདོ་ལས་ལུང་སྟོན༌པས།   
\q1
\v 6 ཡ་ཧུ་དཱ་ཡི་ཡུལ་གྱི་པེད་ལེ༌ཧེམ།།  
\q1 ཁྱོད་ནི་ཡ་ཧུ་དཱ་ཡི་དཔོན་རིགས༌ལས།།  
\q1 གོ་ས་ཤིན་ཏུ་ཆུང་བ་མ་ཡིན༌ཏེ།།  
\q1 ཁྱོད་ལས་མངའ་མཛད་པ་ཞིག་འཁྲུང་བར༌འགྱུར།།  
\q1 ཁོང་གིས་འབངས་མི་ཡེས་ར་ཨེལ་ནི༌སྐྱོང༌།།  
\m ཞེས་བཀོད་འདུག་ཅེས་སྨྲས༌སོ།།   
\p
\v 7 དེ་ནས་ཧེ་རོ་དཱས་མཁས་པ་དེ་རྣམས་ལྐོག་ནས་བོས༌ཏེ། སྐར་མ་དེ་དུས་ནམ་ཞིག་ལ་བྱུང་བར་ཞིབ་ཏུ་རྩད་བཅད་པ༌དང༌།  
\v 8 དེ་རྣམས་པེད་ལེ་ཧེམ་དུ་མངགས༌ཏེ། ཕྲུ་གུ་དེའི་གནས་ཚུལ་ཞིབ་ཏུ་ཚོལ༌ཅིག ཕྲུ་གུ་དེ་རྙེད་པ་དང་བདག་ལ་ལན་སྐུར༌ཅིག ང་རང་ཡང་ཁོང་ལ་མཇལ་དུ་འགྲོ་ངེས་ཡིན་ཞེས་སྨྲས་པ༌ལ།  
\v 9 དེ་རྣམས་ཀྱིས་རྒྱལ་པོའི་བཀའ་ལ་མཉན་ཏེ་སོང་བ༌དང༌། ཤར་ཕྱོགས་ནས་མཐོང་བའི་སྐར་མ་དེ་ཁོ་རྣམས་ཀྱི་སྔོན་དུ་རྒྱུ་ཞིང་ཕྲུ་གུའི་བཞུགས་སར་སླེབས་པ་དང་བར་སྣང་དུ༌བསྡད།  
\v 10 ཁོ་རྣམས་ཀྱིས་སྐར་མ་དེ་མཐོང་བ་དང་ཤིན་ཏུ་དགའ་ཞིང་སྤྲོ་བར་གྱུར༌ཏེ།  
\v 11 ཁང་པའི་ནང་དུ་སོང་ནས་ཕྲུ་གུ་དང་ཁོང་གི་ཡུམ་མིར་ཡམ་གཉིས་ལ་མཇལ༌ཞིང༌། ལུས་སར་བཏུད་དེ་ཁོང་ལ་ཕྱག་བཙལ་བ་དང་རིན་པོ་ཆེའི་སྒྲོམ་ཁ་ཕྱེས་ནས་གསེར༌དང༌། སྤོས༌དཀར། གུ་གུལ་བཅས་མཇལ་རྟེན་དུ་ཕུལ༌ཏོ།།  
\v 12 དཀོན་མཆོག་གིས་མི་དེ་རྣམས་ལ་རྨི་ལམ་ནང༌དུ། ཧེ་རོ་དཱའི་དྲུང་དུ་ཕྱིར་ལོག་མི་འོས་པའི་བཀའ་གནང༌བས། མི་དེ་རྣམས་ཀྱང་ལམ་གཞན་ཞིག་བསྐོར་ནས་ཕྱིར་རང་ཡུལ་དུ་ལོག༌གོ།   
\s1 སྐྱབས་མགོན་ཡེ་ཤུ་ཁོང་ཉིད་ཨེ་ཅིབ་ཡུལ་དུ་ཕེབས༌པ།  
\p
\v 13 དེ་རྣམས་སོང་བའི་རྗེས༌སུ། གཙོ་བོའི་ཕོ་ཉ་ཞིག་ཡོ་སེབ་ཀྱི་རྨི་ལམ་དུ་མངོན་པར་གྱུར༌ཏེ། ཧེ་རོ་དཱ་ཡིས་ཕྲུ་གུ་དེ་ཉིད་གསོད་པའི་ཕྱིར་འཚོལ་བར་འགྱུར༌བས། ཁྱོད་ཡར་ལོངས༌དང༌། མ་བུ་གཉིས་ཀ་ཁྲིད་ནས་ཨེ་ཅིབ་ཡུལ་དུ་འབྲོ་བར༌གྱིས། བདག་གིས་ཁྱོད་ལ་སྨྲ་བའི་བར་དུ་གནས་དེར་སྡོད་ཅིག་ཅེས་གསུངས༌སོ།།  
\v 14 དེ་ནས་ཁོ་ཡར་ལངས་ཏེ་མ་བུ་གཉིས་ཀ་ཁྲིད་ནས་མཚན་མོ་དེར་ཨེ་ཅིབ་ཡུལ་དུ་ལམ་ལ་ཆས༌ཤིང༌།  
\v 15 ཧེ་རོ་དཱ་ཤི་བའི་བར་དུ་གནས་དེར༌བསྡད། དེ་ནི་གཙོ་བོས་ལུང་སྟོན་པ་བརྒྱུད་ནས་འདི་སྐད༌དུ། བདག་གིས་ཨེ་ཅིབ་ཡུལ་ནས་རང་གི་བུ་བོས་པ་ཡིན་ཞེས་གསུངས་པ་བཞིན་དུ་འགྲུབ་པའི་ཕྱིར་དེ་ལྟར་བྱུང༌བའོ།།   
\p
\v 16 ཧེ་རོ་དཱས་མཁས་པ་དེ་རྣམས་ཀྱིས་རང་ལ་མགོ་སྐོར་བཏང་བ་ཤེས་པ་དང་ཤིན་ཏུ་ཁྲོས༌ཤིང༌། མཁས་པ་རྣམས་ལ་ཞིབ་ཏུ་དྲིས་པའི་དུས་ནས་བརྩིས་ཤིང་མི་གཞན་མངགས༌ཏེ། པེད་ལེ་ཧེམ་དང་དེའི་མཐའ་འཁོར་དུ་ཡོད་པའི་བུ་ལོ་གཉིས་ཅན་དང་དེ་ལས་ཆུང་བ་ཐམས་ཅད་བསད་པ༌རེད།  
\v 17 དེ་ནི་ལུང་སྟོན་པ་ཡེ་རེམ་ཡཱ་\f + \ft ཡེ་རེམ་ཡཱ་ཞེས་པ་ནི་ཡ་ཧུ་དཱའི་མི་རིགས་ཀྱི་གནའ་བོའི་ལུང་སྟོན་པ་ཞིག༌ཡིན། ཁོང་ནི་སྤྱི་ལོ་སྔོན་གྱི་626ལོའི་ཡས་མས་སུ༌བཞུགས།\f*བརྒྱུད་ནས་གནང་བའི་ལུང་བསྟན༌ཏེ།   
\q1
\v 18 མྱ་ངན་སྐད་ཅོར་རྒྱག་པའི་ངུ་སྐད༌དེ།།  
\q1 རཱ་མལ་ཞེས་བྱའི་ཡུལ་དུ་རྣ་བར༌ཐོས།།  
\q1 རཱ་ཧེལ་ཞེས་བྱ་ཕྲུ་གུའི་ཆེད་དུ༌ངུས།།  
\q1 ཕྲུ་གུ་མེད་པས་སེམས་གསོར་མ་མཉན༌ཏོ།།  
\m ཞེས་གསུངས་པ་བཞིན་དེའི་དུས་སུ་འགྲུབ་པར་གྱུར༌ཏོ།།   
\s1 སྐྱབས་མགོན་ཡེ་ཤུ་ཁོང་ཉིད་ནཱ་ཙ་རེལ་གྲོང་རྡལ་དུ་ཕེབས༌པ།  
\p
\v 19 ཧེ་རོ་དཱ་ཤི་བའི་རྗེས༌སུ། གཙོ་བོའི་ཕོ་ཉ་ཞིག་ཨེ་ཅིབ་ཡུལ་ནས་ཡོ་སེབ་ཀྱི་རྨི་ལམ་དུ་མངོན༌ཏེ།  
\v 20 ཕྲུ་གུ་དེ་ཉིད་གསོད་འདོད་པའི་མི་རྣམས་ཤི་ཟིན༌པས། ཡར་ལོངས༌དང༌། མ་བུ་གཉིས་ཀ་ཁྲིད་ནས་ཡེས་ར་ཨེལ་ཡུལ་དུ་སོང་ཞིག་ཅེས་གསུངས་པ༌དང༌།  
\v 21 ཁོ་ཡར་ལངས་ཏེ་མ་བུ་གཉིས་ཀ་ཁྲིད་ནས་ཡེས་ར་ཨེལ་ཡུལ་དུ་ཕྱིན༌ཏོ།།  
\v 22 འོན༌ཀྱང༌། ཨར་ཀེ་ལཱ་ནི་རང་གི་ཕ་ཧེ་རོ་དཱའི་ཚབ་ཏུ་ཡ་ཧུ་དཱའི་ཡུལ་གྱི་རྒྱལ་པོ་བྱེད་བཞིན་པའི་གཏམ་དེ་ཡོ་སེབ་ཀྱིས་ཐོས་ནས་ཡུལ་དེར་འགྲོ་བར་འཇིགས་པ༌རེད། དེ་ནས་ཡང་རང་གི་རྨི་ལམ་དུ་དཀོན་མཆོག་གིས་ཡོ་སེབ་ལ་ཉེན་བརྡ་བཏང་བ་དང་ཁོ་རང་ག་ལིལ་ཡུལ་གྱི་ཕྱོགས་སུ་སོང༌ཞིང༌།  
\v 23 ནཱ་ཙ་རེལ་གྲོང་རྡལ་དུ་སླེབས་པ་དང་གནས་དེར༌བསྡད། དེ་ནི་ལུང་སྟོན་པ་རྣམས་ཀྱིས་འདི་སྐད༌དུ། ཁོང་ལ་ནཱ་ཙ་རེལ་གྱི་མི་ཞེས་འབོད་པར་འགྱུར་ཞེས་གསུངས་པ་བཞིན་འགྲུབ་པའི་ཕྱིར་དེ་ལྟར་བྱུང༌བའོ།།   
\c 3
\cl ལེའུ་གསུམ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ཁྲུས་གསོལ་མཁན་ཡོ་ཧ་ནན་གྱིས་གཙོ་བོ་ཡེ་ཤུའི་ཕེབས་ལམ་སྟ་གོན་མཛད༌པ།  
\p
\v 1 དེའི་དུས༌སུ། ཁྲུས་གསོལ་མཁན་ཡོ་ཧ་ནན་ཞེས་བྱ་བ་ཡ་ཧུ་དཱའི་ཡུལ་གྱི་དབེན་གནས་སུ་བྱོན་ཏེ་ཆོས་བསྒྲགས༌ཤིང༌།  
\v 2 ནམ་མཁའི་རྒྱལ་སྲིད་ཉེ་བར་སླེབས་པས་ཁྱོད་རྣམས་ཀྱིས་འགྱོད་བཤགས་བྱོས་ཤིག་ཅེས་གསུངས༌སོ།།  
\v 3 ཡོ་ཧ་ནན་ནི་ལུང་སྟོན་པ་ཡེ་ཤ་ཡཱ་\f + \ft ཡེ་ཤ་ཡཱ་ཞེས་པ་ནི་ཡ་ཧུ་དཱའི་མི་རིགས་ཀྱི་གནའ་བོའི་ལུང་སྟོན་པ་ཞིག༌ཡིན། ཁོང་ནི་སྤྱི་ལོ་སྔོན་གྱི་780ལོའི་ཡས་མས་སུ༌བཞུགས།\f*ཡིས།  
\q1 དབེན་སྟོང་ཡུལ་ནས་གྲགས་པའི་འབོད་སྒྲ༌ཡིས།།  
\q1 གཙོ་བོའི་ཕེབས་ལམ་སྟ་གོན་བྱེད་པ༌དང༌།།  
\q1 ཁོང་གི་གཤེགས་ལམ་དྲང་པོར་བཟོ་བར༌གྱིས།།  
\m ཞེས་ལུང་བསྟན་པའི་སྐྱེས་བུ་དེ་ཡིན༌ནོ།།  
\v 4 ཡང་ཡོ་ཧ་ནན་གྱིས་རྔ་རྩིད་ཀྱིས་བཟོས་པའི་ལྭ་བ་གྱོན་པ་དང་ཀོ་བའི་སྐ་རགས་བཅིངས་ཤིང་ཟས་ལ་འབུ་ཆ་ག་པ་དང་རི་སྐྱེས་སྦྲང་རྩི་སྤྱོད་པ༌ཡིན།  
\v 5 དེའི་དུས༌སུ། ཡེ་རུ་སཱ་ལེམ༌དང༌། ཡ་ཧུ་དཱའི་ཡུལ་ཡོངས༌དང༌། ཡོར་དན་གཙང་པོའི་མཐའ་འཁོར་དུ་ཡོད་པའི་མི་ཐམས་ཅད་ཁོང་གི་དྲུང་དུ་སོང༌ནས།  
\v 6 རང་གི་སྡིག་པ་མཐོལ་བཤགས་བྱས་པ་དང་ཡོར་དན་གཙང་པོ་ལ་ཞུགས་ཤིང་ཁོང་གིས་ཀྱང་དེ་རྣམས་ལ་ཁྲུས་གསོལ་མཛད༌དོ།།  
\v 7 འོན༌ཀྱང༌། ཡོ་ཧ་ནན་གྱིས་ཕ་རུ་ཤི་པ་དང་སཱ་ཅུ་སེ་པ་མང་པོ་ཞིག་རང་ཉིད་ཀྱི་ཁྲུས་གསོལ་མཛད་པའི་གནས་ལ་ཡོང་བ་གཟིགས༌ཏེ། ཁོང་གིས་མི་དེ་རྣམས་ལ་འདི་སྐད༌དུ། དུག་སྦྲུལ་གྱི་རྒྱུད་ཁྱོད་རྣམས་ལ་སུ་ཞིག་གིས་མ་འོངས་པའི་ཐུགས་ཁྲོ་ལས་འབྲོ་བར་བསྟན༌ནམ།  
\v 8 དེ་བས་ན་ཁྱོད་ཅག་གིས་འགྱོད་བཤགས་དང་མཐུན་པའི་འབྲས་བུ་ལེགས་པོར་སྐྱེད༌ཅིག  
\v 9 ཁྱོད་ཅག་གི་སེམས་སུ་ཨབ་ར་ཧམ་ནི་ངེད་ཅག་གི་ཡབ་མེས་ཡིན་ཞེས་མ་སེམས༌ཤིག ངས་ཁྱོད་ཅག་ལ་སྨྲ༌སྟེ། དཀོན་མཆོག་གིས་རྡོ་འདི་དག་ལས་ཨབ་ར་ཧམ་ལ་བུ་རྒྱུད་འབྱུང་བར་མཛད་ནུས༌སོ།།  
\v 10 ད་ནི་སྟ་རེ་སྡོང་རྩར་བཞག་ཡོད༌དེ། ཤིང་སྡོང་གང་ལ་འབྲས་བུ་ལེགས་པོ་མི་སྨིན་པ་དེ་བཅད་ནས་མེའི་ནང་དུ་འཕེན་པར༌ངེས།  
\v 11 ངས་ཁྱོད་རྣམས་ལ་ཆུ་ཡིས་ཁྲུས་གསོལ་བྱེད༌ཅིང༌། དེ་ནི་ཁྱོད་ཅག་གིས་འགྱོད་བཤགས་བྱེད་པའི་ཕྱིར་ཡིན༌མོད། འོན་ཀྱང་བདག་གི་རྗེས་སུ་བདག་ལས་ཀྱང་མཐུ་སྟོབས་ཆེ་བ་ཞིག་ཕེབས་ཡོང་ངེས༌ཏེ། ང་ནི་ཁོང་གི་ལྷམ་འཁྱེར་མཁན་དུའང་མི་འོས༌སོ། །ཁོང་གིས་ཁྱོད་ཅག་ལ་དམ་པའི་ཐུགས་ཉིད་དང་མེས་ཁྲུས་གསོལ་མཛད་པར༌འགྱུར།  
\v 12 ཁོང་གིས་ཕྱག་ཏུ་ཚེབ་བཟུང་ནས་རང་གི་གཡུལ་ཁ་གཙང་དག་ལེགས་པོར་མཛད་པ༌དང༌། གྲོ་བང་མཛོད་དུ་བསྡུ་བར༌འགྱུར། འོན་ཀྱང་ཕུབ་མ་དེ་དག་ཞི་བ་མེད་པའི་མེ་རུ་བསྲེག་པར་ངེས་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་ཁྲུས་གསོལ་ལ་ཞུགས༌པ།  
\p
\v 13 དེའི་དུས༌སུ། ཁྲུས་འཐོབ་པའི༌ཕྱིར། སྐྱབས་མགོན་ཡེ་ཤུ་ཁོང་ཉིད་ག་ལིལ་ཡུལ་ནས་ཡོར་དན་གཙང་པོའི་འགྲམ་དུ་ཁྲུས་གསོལ་མཁན་ཡོ་ཧ་ནན་གྱི་གམ་དུ་བྱོན༌ནའང༌།  
\v 14 ཡོ་ཧ་ནན་གྱིས་དེ་འགོག་པར་བསམས༌ཏེ། ང་རང་ལ་ཁྱེད་ནས་ཁྲུས་འཐོབ་དགོས་ཀྱང་ཁྱེད་རང་བདག་གི་གམ་དུ་ཕེབས་པ་ཡིན་ནམ་ཞེས་ཞུས་པ༌ལ།  
\v 15 སྐྱབས་མགོན་ཡེ་ཤུས་འདི་སྐད༌དུ། ད་ལྟ་ང་རང་ཁྲུས་ལ་ཞུགས་སུ་ཆུག༌དང༌། དྲང་བདེན་ཐམས་ཅད་བསྒྲུབ་པའི་ཕྱིར་ངེད་རྣམས་ཀྱིས་འདི་ལྟར་བྱེད་རུང་བ་ཡིན་ཞེས་གསུངས་པ་ན་ཡོ་ཧ་ནན་གྱིས་ཀྱང་ཁས་བླངས༌སོ།།  
\v 16 དེ་ནས་སྐྱབས་མགོན་ཡེ་ཤུར་ཁྲུས་གསོལ་ཐོབ་སྟེ་ཆུ་ལས་ཡར་བུད་མ་ཐག་ཏུ་ནམ་མཁའི་སྒོ་ཕྱེས་ཤིང༌། དཀོན་མཆོག་གི་ཐུགས་ཉིད་ནི་བྱ་ཕུག་རོན་གྱི་གཟུགས་ཀྱིས་རང་ཉིད་ཀྱི་ལུས་སྟེང་ལ་དངོས་སུ་བབས་པ་ཁོང་གིས༌གཟིགས།  
\v 17 ཡང་ནམ་མཁའི་ཞིང་ཁམས་ནས་སྐད་སྒྲ་ཞིག་གྲགས༌ཏེ། འདི་ནི་ང་ཡི་གཅེས་པའི་བུ་ཡིན༌ཞིང༌། ང་རང་ཁོ་ལ་ཤིན་ཏུ་དགའ་ཞེས་གསུངས༌སོ།།   
\c 4
\cl ལེའུ་བཞི༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 བདུད་སཱ་ཏན་གྱིས་སྐྱབས་མགོན་ཡེ་ཤུ་ལ་ཉམས་ཚོད་བྱས༌པ།  
\p
\v 1 དེ་ནས་བདུད་ཀྱིས་སྐྱབས་མགོན་ཡེ་ཤུར་ཉམས་ཚོད་བྱེད་པའི༌ཕྱིར། དམ་པའི་ཐུགས་ཉིད་ཀྱིས་སྐྱབས་མགོན་ཡེ་ཤུ་དབེན་སྟོང་དུ་ཁྲིད༌ཅིང༌།  
\v 2 ཁོང་གིས་ཉིན་ཞག་བཞི་བཅུའི་རིང་ལ་སྨྱུང་གནས་བསྲུངས༌རྗེས། ཁོང་ནི་བཀྲེས་ཤིང་ལྟོགས་པར་གྱུར༌ཏོ།།  
\v 3 དེ་ནས་ཉམས་ཚོད་བྱེད་མཁན་དེ་ཡོང་སྟེ་ན༌རེ། ཁྱེད་ནི་དཀོན་མཆོག་གི་སྲས་ཡིན༌ན། རྡོ་འདི་དག་ལ་བཀའ་གནང་སྟེ་བག་ལེབ་ཏུ་སྒྱུར་ཅིག་ཅེས་སྨྲས་པ༌ལ།  
\v 4 སྐྱབས་མགོན་ཡེ་ཤུས་འདི་སྐད༌དུ། གསུང་རབ་ཀྱི་མདོ་ལས་མི་ནི་བག་ལེབ་ཁོ་ནར་བརྟེན་ནས་འཚོ་བ་མ་ཡིན༌པར། དཀོན་མཆོག་གི་ཞལ་ནས་བྱུང་བའི་བཀའ་ཐམས་ཅད་ལ་བརྟེན་ནས་འཚོ་བ་ཡིན་ཞེས་བཀོད་ཡོད་ཅེས་གསུངས༌སོ།།  
\v 5 ཡང་བདུད་ཀྱིས་སྐྱབས་མགོན་ཡེ་ཤུ་ནི་དམ་པའི་གྲོང་ཁྱེར་དུ་ཁྲིད་ཅིང་མཆོད་ཁང་གི་རྩེ་རུ་སྡོད་དུ་བཅུག་སྟེ་ན༌རེ།  
\v 6 གལ༌ཏེ། ཁྱེད་ནི་དཀོན་མཆོག་གི་སྲས་ཡིན་ན་འདི་ནས་མར་མཆོངས༌ཤིག རྒྱུ་མཚན་ནི་གསུང་རབ་ཀྱི་མདོ་ལས་ཇི་སྐད༌དུ། དཀོན་མཆོག་གིས་རང་གི་ཕོ་ཉ་རྣམས་ལ་བཀའ་གནང་སྟེ་ཁྱེད་རང་བསྲུང་ངེས༌ཤིང༌། ཁྱེད་ཀྱི་ཞབས་རྡོ་ལའང་མི་ཐོགས་པའི༌ཕྱིར། ཕོ་ཉ་རྣམས་ཀྱི་ལག་པས་ཁྱེད་རང་ཡར་འདེགས་པར་འགྱུར་ཞེས་བཀོད་འདུག་ཅེས་སྨྲས་པ༌ལ།  
\v 7 སྐྱབས་མགོན་ཡེ་ཤུས་འདི་སྐད༌དུ། གསུང་རབ་ཀྱི་མདོ་ལས་ཡང་ཇི་སྐད༌དུ། ཁྱོད་ཀྱིས་གཙོ་བོ་སྟེ་རང་གི་དཀོན་མཆོག་ལ་ཚོད་བགམ་མ་བྱེད་ཅེས་བཀོད་ཡོད་པ་ཡིན་ཞེས་གསུངས༌སོ།།  
\v 8 ཡང་བདུད་ཀྱིས་སྐྱབས་མགོན་ཡེ་ཤུ་རི་ཤིན་ཏུ་མཐོན་པོ་ཞིག་ཏུ་ཁྲིད༌དེ། འཇིག་རྟེན་གྱི་རྒྱལ་ཁམས་ཡོངས་དང་དེ་དག་གི་དཔལ་དང་འབྱོར་བ་ཐམས་ཅད་ཁོང་ལ་བསྟན་ཏེ་ན༌རེ།  
\v 9 གལ༌ཏེ། ཁྱེད་ཀྱིས་པུས་མོ་སར་བཙུགས་ནས་བདག་ལ་ཕྱག་བཙལ་ན། བདག་གིས་འདི་ཐམས་ཅད་ཁྱེད་ལ་འབུལ་བར་བྱ་ཞེས་སྨྲས་པ༌ལ།  
\v 10 ཡང་སྐྱབས་མགོན་ཡེ་ཤུས་འདི་སྐད༌དུ། བདུད་སཱ་ཏན་ཁྱོད་ཕར་སོང༌ཞིག ཅིའི་ཕྱིར་ཞེ༌ན། གསུང་རབ་ཀྱི་མདོ་ལས་ཇི་སྐད༌དུ། ཁྱོད་ཀྱིས་གཙོ་བོ་སྟེ་རང་གི་དཀོན་མཆོག་ལ་ཕྱག་འཚལ་ཞིང་ཁོང་གཅིག་པུར་བསྙེན་བཀུར་བྱེད་དགོས་ཞེས་བཀོད་འདུག་ཅེས་གསུངས༌སོ།།  
\v 11 དེ་ནས་བདུད་ནི་ཁོང་དང་ཁ་བྲལ༌ཏོ། །ལྟོས༌དང༌། ཕོ་ཉ་རྣམས་ཡོང་སྟེ་ཁོང་ལ་ཞབས་ཕྱི་བསྒྲུབས༌སོ།།   
\s1 སྐྱབས་མགོན་ཡེ་ཤུས་ཆོས་སྒྲོག་པར་རྩོམ༌པ།  
\p
\v 12 སྐྱབས་མགོན་ཡེ་ཤུས་ཁྲུས་གསོལ་མཁན་ཡོ་ཧ་ནན་བཙོན་དུ་བཟུང་ཡོད་པ་གསན་པ་དང་ག་ལིལ་ཡུལ་དུ་ཕེབས༌ཤིང༌།  
\v 13 དེ་ནས་ནཱ་ཙ་རེལ་ནས་ཀཱ་ཕར་ན་ཧུམ་དུ་གནས་སྤར་ཏེ༌བཞུགས། ཀཱ་ཕར་ན་ཧུམ་ཞེས་པ་མཚོ་ག་ལིལ་གྱི་འགྲམ་དུ། ཟེ་བུ་ལུན་དང་ནཱབ་ཐ་ལི་གཉིས་ཀྱི་ཡུལ་དུ་ཡོད༌དོ།།  
\v 14 དོན་འདི་ནི་ལུང་སྟོན་པ་ཡེ་ཤ་ཡཱ་ཡི་མདོ་ལས་ཇི་སྐད༌དུ།   
\q1
\v 15 ཟེ་བུ་ལུན་དང་ནཱབ་ཐ་ལི་གཉིས༌ནི།།  
\q1 ག་ལིལ་མཚོ་ཡི་ཕྱོགས་སུ་བགྲོད་ལམ༌དང༌།།  
\q1 ཡོར་དན་གཙང་པོའི་ཕ་རོལ་ཡུལ་གྲུ༌སྟེ།།  
\q1 ཕྱི་ཕྱོགས་མི་རྣམས་སྡོད་པའི་ག་ལིལ༌ཡུལ།།   
\q1
\v 16 མུན་པའི་ནང་དུ་སྡོད་པའི་མི་རྣམས༌ཀྱིས།།  
\q1 འོད་ཟེར་ཆེན་པོ་ཞིག་ནི་མིག་གིས༌མཐོང༌།།  
\q1 འཆི་ཁའི་ཡུལ་གྱི་སྨག་རུམ་ཆེན་པོ༌རུ།།  
\q1 སྡོད་པའི་མི་རྣམས་ལ་ནི་གཟི་འོད༌འཕྲོས།།  
\m ཞེས་གསུངས་པ་བཞིན་འགྲུབ་པའི༌ཕྱིར། སྐྱབས་མགོན་ཡེ་ཤུས་དེ་ལྟར་མཛད་པ་ལགས༌སོ།།  
\v 17 དུས་དེ་ནས་བཟུང་སྐྱབས་མགོན་ཡེ་ཤུས་ཆོས་སྒྲོག་འགོ་བརྩམས་ཏེ་འདི་སྐད༌དུ། ནམ་མཁའི་རྒྱལ་སྲིད་ཉེ་བར་སླེབས་པས་ཁྱོད་རྣམས་ཀྱིས་འགྱོད་བཤགས་བྱོས་ཤིག་ཅེས་གསུངས༌སོ།།   
\s1 སྐྱབས་མགོན་ཡེ་ཤུའི་ཐུགས་སྲས་སྔ་མ༌སྐོར།  
\p
\v 18 དེ་ཡང་སྐྱབས་མགོན་ཡེ་ཤུ་ཁོང་ཉིད་མཚོ་ག་ལིལ་གྱི་མཚོ་འགྲམ་བརྒྱུད་ནས་ཕེབས་པ༌ན། སི་མོན་ཞེས་ཀྱང་འབོད་པའི་པེ་ཏྲོ་དང་ཨན་དྲི་ཡཱ་སྟེ་ཉ་པ་སྤུན་གཉིས་ཀྱིས་མཚོ་ནང་དུ་དྲ་རྒྱ་འཕེན་བཞིན་པ་གཟིགས༌ཤིང༌།  
\v 19 ཁོང་གིས་དེ་གཉིས་ལ་འདི་སྐད༌དུ། བདག་གི་རྗེས་སུ་ཤོག༌དང༌། ངས་ཁྱོད་གཉིས་ལ་ཉ་ཐོབ་པ་ལྟར་མི་ཡང་འཐོབ་པར་བྱའོ་གསུངས་མ༌ཐག  
\v 20 ཁོ་གཉིས་ཀྱིས་དྲ་རྒྱ་དོར་ནས་ཁོང་གི་རྗེས་སུ༌འབྲངས།  
\v 21 དེ་ནས་སྐྱབས་མགོན་ཡེ་ཤུ་མདུན་དུ་ཕེབས་པ༌དང་། ཡ་ཀོབ་དང་ཡོ་ཧ་ནན་སྤུན་གཉིས་ཀྱིས་གྲུ་སྟེང་དུ་རང་གི་ཕ་ཟེ་བད་ཡཱ་དང་མཉམ་དུ་དྲ་རྒྱ་བཟོ་བཅོས་བྱེད་བཞིན་པ་གཟིགས་ཏེ་ཁོ་གཉིས་ཚུར་བོས་པ༌ན།  
\v 22 ཁོ་གཉིས་ཀྱིས་དེ་མ་ཐག་རང་གི་ཕ་དང་མཚོ་གྲུ་བསྐྱུར་ནས་ཁོང་གི་རྗེས་སུ་འབྲངས༌སོ།།   
\s1 སྐྱབས་མགོན་ཡེ་ཤུས་ནད་པ་གསོས༌པ།  
\p
\v 23 སྐྱབས་མགོན་ཡེ་ཤུ་ཁོང་ཉིད་ག་ལིལ་ཡུལ་ཐམས་ཅད་ལ་ཕེབས་ཏེ་ཆོས་ཁང་དག་ཏུ་ཆོས་གསུངས་པ༌དང༌། ནམ་མཁའི་རྒྱལ་སྲིད་ཀྱི་འཕྲིན་བཟང་བསྒྲགས༌པ། ཡུལ་མི་རྣམས་ཀྱི་ནད་རིགས་དང་ལུས་ཟུངས་ཞན་པ་ཀུན་གསོས༌པས།  
\v 24 ཁོང་གི་མཚན་སྙན་ཡང་སིར་ཡཱ་ཡུལ་གྱི་ཕྱོགས་བཞི་ཐམས་ཅད་ལ་ཁྱབ་པར་གྱུར༌ཏོ། །མི་མང་པོས་ནད་རིགས་དང་གཟེར་མིག་སྣ་ཚོགས་ཀྱིས་མནར་བའི་ནད་པ་ཐམས་ཅད༌དང༌། གདོན་འདྲེས་བཟུང་བའི༌མི། གཟའ་ནད་ཕོག་པའི༌མི། ཞ་ནད་བྱུང་བ་རྣམས་ཁོང་གི་དྲུང་དུ་ཁྲིད་ཡོང༌ཞིང༌། ཁོང་གིས་མི་དེ་རྣམས་གསོས༌པའོ།།  
\v 25 ཡང་མི་ཤིན་ཏུ་མང་པོ་ག་ལིལ་ཡུལ༌དང༌། དི་ཁ་པའོ་ལེའི་མངའ༌ཁོངས། ཡེ་རུ་སཱ༌ལེམ། ཡ་ཧུ་དཱ༌ཡུལ། ཡོར་དན་གཙང་པོའི་ཕར་ཕྱོགས་བཅས་ནས་ཡོང་སྟེ་ཁོང་གི་རྗེས་སུ་འབྲངས༌སོ།།   
\c 5
\cl ལེའུ་ལྔ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 སྐྱབས་མགོན་ཡེ་ཤུས་རི་བོར་ཆོས་གསུངས༌པ།  
\p
\v 1 སྐྱབས་མགོན་ཡེ་ཤུས་མི་མང་པོ་གཟིགས༌ཤིང༌། རི་བོར་ཕེབས་ནས་བཞུགས༌རྗེས། ཐུགས་སྲས་རྣམས་ཀྱང་ཁོང་གི་དྲུང་དུ་ཡོང་བ༌དང༌།  
\v 2 ཁོང་གིས་དེ་རྣམས་ལ་འདི་སྐད་དུ་ཆོས་གསུངས་པ༌སྟེ།  
\v 3 ཉམ་ཆུང་རྣམས༌བདེའོ། །རྒྱུ་མཚན་ནི་ནམ་མཁའི་རྒྱལ་སྲིད་ཁོ་རྣམས་ཀྱི་ཡིན་པའི་ཕྱིར༌རོ།།  
\v 4 མྱ་ངན་ཅན་རྣམས༌བདེའོ། །རྒྱུ་མཚན་ནི་མི་དེ་རྣམས་ལ་སེམས་གསོ་འཐོབ་པར་འགྱུར་བའི་ཕྱིར༌རོ།།  
\v 5 གཤིས་འཇམ་རྣམས༌བདེའོ། །རྒྱུ་མཚན་ནི་མི་དེ་རྣམས་ལ་ས་གཞི་འཐོབ་པར་འགྱུར་བའི་ཕྱིར༌རོ།།  
\v 6 དྲང་བདེན་གྱི་ཕྱིར་དུ་ལྟོགས་ཤིང་སྐོམ་པ་རྣམས༌བདེའོ། །རྒྱུ་མཚན་ནི་མི་དེ་རྣམས་ཡིད་ཚིམ་པར་འགྱུར་བའི་ཕྱིར༌རོ།།  
\v 7 བྱམས་སྙིང་རྗེ་ཅན་རྣམས༌བདེའོ། །རྒྱུ་མཚན་ནི་མི་དེ་རྣམས་ལ་སྙིང་རྗེ་འཐོབ་པར་འགྱུར་བའི་ཕྱིར༌རོ།།  
\v 8 སེམས་རྣམ་པར་དག་པ་རྣམས༌བདེའོ། །རྒྱུ་མཚན་ནི་མི་དེ་རྣམས་དཀོན་མཆོག་ལ་མཇལ་བར་འགྱུར་བའི་ཕྱིར༌རོ།།  
\v 9 མི་གཞན་སྡུམ་མཁན་རྣམས༌བདེའོ། །རྒྱུ་མཚན་ནི་མི་དེ་རྣམས་ལ་དཀོན་མཆོག་གི་བུ་ཞེས་འབོད་པར་འགྱུར་བའི་ཕྱིར༌རོ།།  
\v 10 དྲང་བདེན་གྱི་ཆེད་དུ་གནོད་འཚེ་ཕོག་པ་རྣམས༌བདེའོ། །རྒྱུ་མཚན་ནི་ནམ་མཁའི་རྒྱལ་སྲིད་མི་དེ་དག་གི་ཡིན་པའི་ཕྱིར༌རོ།།  
\v 11 མི་རྣམས་ཀྱིས་བདག་གི་ཕྱིར་ཁྱོད་ཅག་ལ་དམའ་འབེབས་དང་གནོད་པ་བྱེད་ཅིང་གཏམ་ངན་སྣ་ཚོགས་སྨྲ་བའི༌ཚེ། ཁྱོད་རྣམས༌བདེའོ།།  
\v 12 ཁྱོད་རྣམས་དགའ་ཞིང་ཡི་རངས་པར་གྱུར༌ཅིག རྒྱུ་མཚན་ནི་ནམ་མཁའི་ཞིང་ཁམས་ནས་ཁྱོད་རྣམས་ལ་བྱ་དགའ་ཆེན་པོ་ཡོད་པའི་ཕྱིར༌རོ། །ཡང་དེ་དག་གིས་ཁྱོད་ཅག་གི་སྔོན་རོལ་གྱི་ལུང་སྟོན་པ་རྣམས་ལའང་དེ་ལྟར་གནོད་འཚེ་བྱས་མྱོང་ཞེས༌པའོ།།   
\s1 ལན་ཚྭ་དང་འོད་ཟེར་གཉིས་ཀྱི༌དཔེ།  
\p
\v 13 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་ནི་འཇིག་རྟེན་གྱི་ལན་ཚྭ་ཡིན་མོད༌ཀྱང༌། གལ་ཏེ་ལན་ཚྭའི་བྲོ་བ་ཡལ་ན་དེའི་བྲོ་བ་གང་གིས་བསྐྱེད༌དམ། དེ་ཕྱི་རོལ་ཏུ་འཕངས་ནས་མིའི་རྐང་པས་བརྫི་བ་མ་གཏོགས་ཕན་པ་ཅི་ཡང༌མེད།  
\v 14 ཁྱོད་ཅག་ནི་འཇིག་རྟེན་གྱི་འོད་ཟེར་ཡིན༌ལ། རི་མགོར་ཆགས་པའི་གྲོང་ཁྱེར་ནི་མཐོང་མི་ནུས་པ་གང་ཡང༌མེད།  
\v 15 ཡང་མིས་སྒྲོན་མེ་བསྒྲོན་པ་ནི་བྲེའི་འོག་ཏུ་འཇོག་ཕྱིར་མ་ཡིན༌པར། སྒྲོན་སྟེགས་སྟེང་བཞག་ནས་ཁྱིམ་དུ་ཡོད་པའི་མི་ཐམས་ཅད་ལ་འོད་ཟེར་སྤྲོ་བའི་ཕྱིར༌རོ།།  
\v 16 དེ་བཞིན་དུ་མི་གཞན་རྣམས་ཀྱིས་ཁྱོད་ཅག་གི་ལས་བཟང་པོ་མཐོང༌ཞིང༌། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ལ་བསྟོད་བསྔགས་བྱ༌ཆེད། ཁྱོད་ཅག་གིས་ཀྱང་རང་གི་འོད་ཟེར་དེ་མི་རྣམས་ཀྱི་མིག་ལམ་དུ་འཕྲོ་བར་བྱོས་ཤིག་ཅེས་གསུངས༌སོ།།   
\s1 བཀའ་ཁྲིམས་དང་སྐྱབས་མགོན་ཡེ་ཤུ་གཉིས་ཀྱི་འབྲེལ༌བ།  
\p
\v 17 དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། བདག་ནི་བཀའ་ཁྲིམས་དང་ཡང་ན་ལུང་སྟོན་པའི་མདོ་རྣམས་མེད་པར་བཟོ་ཕྱིར་ཡོང་བར་མ་འདོད༌ཅིག བདག་ནི་མེད་པར་བཟོ་ཕྱིར་ཡོང་བ་མ་ཡིན་པར་དེ་རྣམས་བསྒྲུབ་ཕྱིར་ཡོང་བ༌ཡིན།  
\v 18 བདག་གིས་ཁྱོད་རྣམས་ལ་བདེན་པར་སྨྲ༌སྟེ། གནམ་ས་གཉིས་འཇིག་པའི་བར༌དུ། བཀའ་ཁྲིམས་ཀྱི་མདོ་ལས་ཡིག་འབྲུ་གཅིག་གམ་ཚེག་ཐིག་གཅིག་ཀྱང་འཇིག་པར་མི་འགྱུར༌ཞིང༌། དོན་དེ་ཐམས་ཅད་འགྲུབ་པར༌ངེས།  
\v 19 དེ་བས་སུ་ཞིག་གིས་བཀའ་ཁྲིམས་འདི་དག་ལས་ཆུང་ཤོས་གཅིག་འདོར༌ཞིང༌། ཡང་གཞན་རྣམས་ལ་དེ་བཞིན་ལོག་ཁྲིད་བྱེད༌ན། མི་དེ་ནི་ནམ་མཁའི་རྒྱལ་སྲིད་དུ་ཆེས་ཆུང་ཤོས་ཡིན༌ཟེར། འོན༌ཀྱང༌། སུ་ཞིག་གིས་བཀའ་ཁྲིམས་དེ་དག་སྲུང༌ཞིང༌། གཞན་ལའང་དེ་བཞིན་ཁྲིད་སྟོན་བྱེད༌ན། མི་དེ་ནི་ནམ་མཁའི་རྒྱལ་སྲིད་ནང་དུ་ཆེན་པོ་ཡིན་ཟེར་བར༌འགྱུར།  
\v 20 ཡང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་ཅག་གི་དྲང་བདེན་ནི་མཁན་པོ་དང་ཕ་རུ་ཤི་པ་རྣམས་ཀྱི་དྲང་བདེན་ལས་ཀྱང་ལྷག་པ་མ་ཡིན༌ན། ཁྱོད་རྣམས་ཅིས་ཀྱང་ནམ་མཁའི་རྒྱལ་སྲིད་དུ་ཞུགས་མི་ཐུབ་ཅེས་གསུངས༌སོ།།   
\s1 ཞེ་སྡང་འགོག་པའི་སྐོར་གྱི་ཆོས་གསུངས༌པ།  
\p
\v 21 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་མི་མ་གསོད་ཅེས༌དང༌། ཡང་སུ་ཞིག་གིས་མི་བསད༌ན། མི་དེར་ཁྲིམས་ཐག་གཅོད་འོས་ཞེས་གནའ་མི་རྣམས་ལ་ཆོས་གསུངས་ཡོད་པ་ཁྱོད་རྣམས་ཀྱིས་ཐོས་མྱོང༌ངོ༌།།  
\v 22 འོན༌ཀྱང༌། བདག་གིས་ཁྱོད་རྣམས་ལ་སྨྲ་བར་བྱ༌སྟེ། སུ་ཞིག་དོན་མེད་དུ་རང་གི་སྤུན་ཟླར་ཞེ་སྡང་ལངས༌ན། མི་ཞེ་སྡང་ཅན་དེ་ལ་ཉེས་ཆད་གཅོད༌འོས། ཡང་སུ་ཞིག་གིས་རང་གི་སྤུན་ཟླ༌ལ། ཁྱོད་ནི་སྨྱོན་པ་རེད་ཅེས་ཟེར༌ན། མི་དེའང་ཚོགས་མི་རྣམས་ཀྱི་མདུན་དུ་ཁྲིད་ནས་ཉེས་ཆད་གཅོད༌འོས། ཡང་སུ་ཞིག་གིས་རང་གི་སྤུན་ཟླ༌ལ། ཁྱོད་ནི་གླེན་པ་རེད་ཅེས་ཟེར༌ན། མི་དེ་ནི་དམྱལ་བའི་མེའི་ནང་དུ་ལྷུང་འོས་པ༌ཡིན།  
\v 23 དེ་བས་ཁྱོད་ཀྱིས་མཆོད་ཁྲིའི་སྟེང་དུ་མཆོད་པ་འབུལ་བའི༌ཚེ། སྤུན་ཟླ་ཞིག་དང་ཁྱོད་ཀྱི་བར་དུ་མི་མཐུན་པ་ཞིག་ཡོད་པ་དྲན༌ན།  
\v 24 ཁྱོད་ཀྱིས་རང་གི་མཆོད་རྫས་དེ་མཆོད་ཁྲིའི་མདུན་དུ་བཞག༌སྟེ། ཐོག་མར་རང་གི་སྤུན་ཟླ་དང་འགྲིག་མཐུན་ཡོང་བར༌བྱོས། དེ་ནས་ཕྱིར་ལོག་སྟེ་མཆོད་པ་ཕུལ༌ཞིག  
\v 25 ཁྱོད་དང་ཁྱོད་རང་གཏུག་མཁན་གཉིས་མཉམ་དུ་ཁྲིམས་རར་འགྲོ་བའི་དུས༌སུ། ལམ་བར་ནས་མྱུར་དུ་འགྲིག་མཐུན་ཡོང་བར༌གྱིས། དེ་ལྟར་མ་བྱས་ན་ཁྱོད་ཀྱི་གྱོད་ཡ་དེས་ཁྱོད་རང་ཁྲིམས་དཔོན་གྱི་དྲུང་དུ་འཁྲིད༌ཅིང༌། ཁྲིམས་དཔོན་གྱིས་ཁྱོད་རང་དམག་མིར་སྤྲད༌དེ། དམག་མིས་ཁྱོད་རང་བཙོན་དུ་འཇུག་པར༌འགྱུར།  
\v 26 བདག་གིས་ཁྱོད་རྣམས་ལ་བདེན་པར་སྨྲ༌སྟེ། ཁྱོད་ཀྱིས་དོང་ཙེ་ཐམས་ཅད་སྐྱིན་ཚབ་ཏུ་སྤྲད་ཚར་བའི་བར་དུ་ཁྱོད་རང་བཙོན་ཁང་ལས་གཏན་ནས་ཐར་མི་ནུས་ཞེས་གསུངས༌སོ།།   
\s1 ལོག་གཡེམ་འགོག་པའི་སྐོར་གྱི་ཆོས་གསུངས༌པ།  
\p
\v 27 ཡང་སྐྱབས་མགོན་ཡེ་ཤུས་འདི་སྐད༌དུ། ལོག་གཡེམ་མ་བྱེད་ཅེས་ཆོས་གསུངས་ཡོད་པ་ཁྱོད་རྣམས་ཀྱིས་ཐོས་མྱོང་བ་ཡིན༌མོད།  
\v 28 འོན༌ཀྱང༌། བདག་གིས་ཁྱོད་རྣམས་ལ་སྨྲ་བར་བྱ༌སྟེ། སུ་ཞིག་གིས་འདོད་ཆགས་དང་བཅས་བུད་མེད་ཅིག་ལ་བལྟས༌ན། མི་དེས་སེམས་སུ་ལོག་གཡེམ་བྱས་ཟིན་པ་ཡིན༌ནོ།།  
\v 29 གལ་ཏེ་ཁྱོད་ཀྱི་མིག་གཡས་པས་ཁྱོད་ལ་སྡིག་པ་བྱེད་དུ་འཇུག༌ན། མིག་དེ་བཏོན་ནས་དོར༌ཅིག རྒྱུ་མཚན་ནི་ཁྱོད་ཀྱི་ལུས་ཡོངས་དམྱལ་བའི་གནས་སུ་ལྷུང་བ༌ལས། ཁྱོད་ལ་ཡན་ལག་གཅིག་མེད་པར་གྱུར་ཀྱང་ལེགས།  
\v 30 ཡང་ཁྱོད་ཀྱི་གཡས་ལག་གིས་ཁྱོད་ལ་སྡིག་པ་བྱེད་དུ་འཇུག༌ན། ལག་པ་དེ་བཅད་ནས་དོར༌ཅིག ཁྱོད་ཀྱི་ལུས་ཧྲིལ་པོ་དམྱལ་བའི་གནས་སུ་ལྷུང་བ༌ལས། ཡན་ལག་གཅིག་མེད་པར་གྱུར་ཀྱང་ལེགས།  
\v 31 ཡང་སྐྱེས་པ་སུ་ཞིག་གིས་རང་གི་ཆུང་མ་སྤངས༌ན། ཁོ་མོར་བཟའ་འཐོར་ཡི་གེ་སྟེར་དགོས་ཞེས་ཆོས་གསུངས་ཡོད༌མོད།  
\v 32 འོན༌ཀྱང༌། བདག་གིས་ཁྱོད་རྣམས་ལ་སྨྲ་བར་བྱ༌སྟེ། ལོག་གཡེམ་བྱས་པའི་རྒྱུ་རྐྱེན་ལས༌གཞན། ཁྱོ་བོ་སུ་ཞིག་རང་གི་ཆུང་མ་དང་འཐོར༌ན། ཁྱོ་བོས་བུད་མེད་དེ་ལ་ལོག་གཡེམ་བྱེད་དུ་བཅུག་པ༌ཡིན། ཡང་སུ་ཞིག་གིས་བཟའ་འཐོར་བྱས་པའི་བུད་མེད་དེ་རང་གི་ཆུང་མར་བླངས༌ན། དེ་ཡང་ལོག་གཡེམ་བྱས་པ་ཡིན་ཞེས་གསུངས༌སོ།།   
\s1 མནའ་འགོག་དགོས་པའི་སྐོར་ལ་ཆོས་གསུངས༌པ།  
\p
\v 33 ཡང་སྐྱབས་མགོན་ཡེ་ཤུས་འདི་སྐད༌དུ། རྫུན་གྱི་མནའ་མ་སྐྱེལ༌ཅིག གཙོ་བོ་ལ་དམ་བཅའ་ཕུལ་བ་རྣམས་སྒྲུབས་ཤིག་ཅེས་གནའ་མི་རྣམས་ལ་ཆོས་གསུངས་ཡོད་པ་ཁྱོད་རྣམས་ཀྱིས་ཐོས་མྱོང་བ་ཡིན༌ནོ།།  
\v 34 འོན་ཀྱང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་ཀྱིས་མནའ་ཅི་ཡང་མ་སྐྱེལ༌ཅིག ནམ་མཁའི་ཞིང་ཁམས་ནི་དཀོན་མཆོག་གི་བཞུགས་ཁྲི་ཡིན༌པས། ནམ་མཁའི་ཞིང་ཁམས་དཔང་དུ་བཙུགས་ནས་མནའ་མ་སྐྱེལ༌ཅིག  
\v 35 ཡང་ས་གཞི་ནི་ཁོང་གི་ཞབས་སྟེགས་ཡིན་པས་ས་གཞི་དཔང་དུ་བཙུགས་ནས་མནའ་མ་སྐྱེལ༌ཅིག ཡང་ཡེ་རུ་སཱ་ལེམ་ནི་རྒྱལ་པོ་ཆེན་པོ་སྟེ་དཀོན་མཆོག་གི་གྲོང་ཁྱེར་ཡིན༌པས། ཡེ་རུ་སཱ་ལེམ་དཔང་དུ་བཙུགས་ནས་མནའ་མ་སྐྱེལ༌ཅིག  
\v 36 ཡང་ཁྱོད་ཀྱིས་རང་གི་སྐྲའི་ཉག་མ་གཅིག་ཀྱང་དཀར་པོའམ་ནག་པོར་བསྒྱུར་མི་ནུས༌པས། རང་གི་མགོ་བོ་དཔང་དུ་བཙུགས་ནས་མནའ་མ་སྐྱེལ༌ཅིག  
\v 37 འོན་ཀྱང་ཁྱོད་ཅག་གི་གཏམ་ནི་ཡིན་ན་ཡིན་ཞེས༌དང༌། མིན་ན་མིན་ཞེས་སྨྲོས༌ཤིག དེ་ལས་ལྷག་པ་གང་ཞིག་སྨྲས་ནའང་དེ་ནི་ངན་པ་ལས་བྱུང་བ་ཡིན་ཞེས་གསུངས༌སོ།།   
\s1 ངན་ལན་འགོག་པའི་སྐོར་གྱི་ཆོས་གསུངས༌པ།  
\p
\v 38 ཡང་སྐྱབས་མགོན་ཡེ་ཤུས་འདི་སྐད༌དུ། མིག་ལ་མིག་ལན་དང་སོ་ལ་སོ་ལན་འཇལ་དགོས་ཞེས་ཆོས་གསུངས་ཡོད་པ་ཁྱོད་རྣམས་ཀྱིས་ཐོས་མྱོང་བ་ཡིན༌ནོ།།  
\v 39 འོན་ཀྱང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་ཀྱིས་རང་ལ་ངན་བྱེད་མཁན་ལའང་རྒོལ་བར་མི༌བྱའོ། །སུ་ཞིག་གིས་ཁྱོད་ཀྱི་འགྲམ་པ་གཡས་པར་འགྲམ་ལྕག་གཞུས༌ན། ཁྱོད་ཀྱིས་འགྲམ་པ་གཡོན་པ་ལའང་གཞུ་རུ༌ཆུག  
\v 40 ཡང་སུ་ཞིག་གིས་ཁྱོད་རང་ཁྲིམས་ཁང་ལ་གཏུགས་ཤིང་ཁྱོད་ཀྱི་ནང་གོས་འཕྲོག་འདོད་པ་དེ་ལ་ཁྱོད་ཀྱིས་རང་གི་ཕྱི་གོས་ཀྱང་འཁྱེར་དུ༌ཆུག  
\v 41 ཡང་སུ་ཞིག་གིས་ཁྱོད་རང་དཔག་ཚད་གཅིག་ལ་འགྲོ་བར་བཙན་སྐུལ་བྱེད༌ན། ཁྱོད་རང་མི་དེ་དང་མཉམ་དུ་དཔག་ཚད་གཉིས་ལ་སོང༌ཞིག  
\v 42 ཡང་སུ་ཞིག་གིས་ཁྱོད་ལ་ཅི་ཞིག་སློང་བར་བྱེད་ན་དེ་ལ་བྱིན༌དང༌། ཁྱོད་ལས་རྒྱུ་ནོར་བསྐྱི་བར་འདོད་མཁན་དེའི་ངོ་མ་ཟློག་ཅིག་ཅེས་གསུངས༌སོ།།   
\s1 དགྲ་ལ་བྱམས་དགོས་པའི་སྐོར་གྱི་ཆོས་གསུངས༌པ།  
\p
\v 43 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་རང་གི་ཁྱིམ་མཚེས་ལ་བྱམས་པ་དང་དགྲ་ལ་སྡང་དགོས་ཞེས་ཆོས་གསུངས་ཡོད་པ་ཐོས་མྱོང་བ༌ཡིན།  
\v 44-45 འོན་ཀྱང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་ཅག་ནི་ནམ་མཁའི་ཞིང་ཁམས་སུ་བཞུགས་པའི་ཡབ་ཀྱི་བུ་བུ་མོ་ཡིན་པའི༌ཕྱིར། ཁྱོད་ཅག་གིས་རང་གི་དགྲ་བོ་རྣམས་ལའང་བྱམས་ཤིང་བརྩེ་བར་གྱིས༌དང༌། རང་ལ་གནོད་པ་བྱེད་མཁན་རྣམས་ཀྱི་དོན་དུ་སྨོན་ལམ་ཐོབས༌ཤིག ཅིའི་ཕྱིར་ཞེ༌ན། དཀོན་མཆོག་གིས་མི་སེམས་བཟང་སེམས་ངན་གཉིས་ལ་རང་ཉིད་ཀྱི་ཉི་མ་འཆར་དུ་འཇུག༌ཅིང༌། མི་གཞུང་དྲང་ཡིན་མིན་ཐམས་ཅད་ལ་ཆར་བ་འབབ་པར་མཛད༌དོ།།  
\v 46 གལ་ཏེ་ཁྱོད་ཅག་གིས་རང་ལ་བྱམས་མཁན་རྣམས་ལ་བྱམས་པར་བྱེད༌ན། ཁྱོད་ཅག་ལ་བྱ་དགའ་ཅི་ལ༌ཐོབ། ཁྲལ་ལེན་མཁན་རྣམས་ཀྱིས་ཀྱང་དེ་ལྟར་བྱེད་པ་མ་ཡིན༌ནམ།  
\v 47 ཡང་ཁྱོད་ཅག་གིས་རང་གི་སྤུན་ཟླ་ཁོ་ནར་འཚམས་འདྲི་ཞུ༌ན། ཁྱོད་ཅག་ལ་མི་གཞན་ལས་ཁྱད་དུ་འཕགས་པ་ཅི་ཡོད༌དམ། ཕྱི་ཕྱོགས་པ་རྣམས་ཀྱིས་ཀྱང་དེ་ལྟར་བྱེད་པ་མ་ཡིན༌ནམ།  
\v 48 དེའི༌ཕྱིར། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ནི་ཕུལ་དུ་བྱུང་བ་ཡིན་པ༌ལྟར། ཁྱོད་རྣམས་ཀྱང་ཕུལ་དུ་བྱུང་བར་གྱུར་ཅིག་ཅེས་གསུངས༌སོ།།   
\c 6
\cl ལེའུ་དྲུག༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 སྦྱིན་པ་གཏོང་དགོས་པའི་སྐོར་གྱི་ཆོས་གསུངས༌པ།  
\p
\v 1 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་མཉམ་པར་ཞོག༌དང༌། མི་གཞན་རྣམས་ལ་མཐོང་དུ་འཇུག་པའི༌ཕྱིར། དེ་རྣམས་ཀྱི་མིག་མདུན་ནས་དྲང་བདེན་གྱི་ལས་བསྒྲུབ་པར་མི༌བྱའོ། །དེ་ལྟར་བྱས༌ན། ཁྱོད་ཅག་ལ་ནམ་མཁའི་ཞིང་ཁམས་སུ་བཞུགས་པའི་ཡབ་ནས་བྱ་དགའ་ཅི་ཡང་མི༌འཐོབ།  
\v 2 དེའི༌ཕྱིར། ཁྱོད་ཀྱིས་སྦྱིན་པ་གཏོང་བའི་དུས༌སུ། རང་གི་མདུན་ནས་དུང་འབུད་དུ་མ༌འཇུག དེ་ནི་ཚུལ་འཆོས་པ་རྣམས་ཀྱིས་མི་གཞན་དག་གི་བསྔགས་བརྗོད་འཐོབ་པའི༌ཕྱིར། ཆོས་ཁང་དང་སྲང་ལམ་དུ་དེ་ལྟར་བྱེད་པ༌ཡིན། བདག་གིས་ཁྱོད་རྣམས་ལ་བདེན་པར་སྨྲ༌སྟེ། མི་དེ་དག་ལ་སྔར་ནས་རང་གི་བྱ་དགའ་ཐོབ༌ཟིན།  
\v 3-4 འོན་ཀྱང་ཁྱོད་ཀྱི་སྦྱིན་པ་གསང་བར་གནས་པའི༌ཕྱིར། སྦྱིན་པ་གཏོང༌ཚེ། ཁྱོད་ཀྱི་གཡས་ལག་གིས་གང་ཞིག་བྱས་པ་དེ་གཡོན་ལག་ལའང་ཤེས་སུ་མ་འཇུག༌གོ །དེ་ནས་གསང་བའི་ངང་ནས་སྒྲུབ་མཁན་ལ་གཟིགས་པའི་ཡབ་ཀྱིས་ཁྱོད་ལ་བྱ་དགའ་གནང་ངེས་ཡིན་ཞེས་གསུངས༌སོ།།   
\s1 གསོལ་འདེབས་སྐོར་གྱི་ཆོས་གསུངས༌པ།  
\p
\v 5 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་གསོལ་བ་འདེབས༌སྐབས། ཚུལ་འཆོས་པ་རྣམས་དང་འདྲ་བར་མ་བྱེད༌ཅིག མི་གཞན་རྣམས་ལ་མཐོང་དུ་འཇུག་པའི༌ཕྱིར། དེ་རྣམས་བསམ་བཞིན་ཆོས་ཁང་དང་ཁྲོམ་སྲང་གི་བཞི་མདོ་རུ་འགྲེང་ནས་བསྡད་དེ་གསོལ་བ་འདེབས་པར༌དགའ། བདག་གིས་ཁྱོད་རྣམས་ལ་བདེན་པར་སྨྲ༌སྟེ། དེ་རྣམས་ལ་སྔར་ནས་རང་གི་བྱ་དགའ་ཐོབ་ཟིན་པ༌ཡིན།  
\v 6 འོན་ཀྱང་ཁྱོད་ཀྱིས་གསོལ་བ་འདེབས་པའི་དུས༌སུ། ཁྱོད་ནི་རང་གི་ཁང་པ་སྦུག་མར་སོང་ནས་སྒོ་བརྒྱབ༌སྟེ། མིག་གི་མཐོང་ལམ་དུ་མ་གྱུར་པའི་ཁྱོད་ཀྱི་ཡབ་ལ་གསོལ་བ་ཐོབས༌ཤིག དེ་ནས་གསང་བའི་ངང་ནས་སྒྲུབ་མཁན་ལ་གཟིགས་པའི་ཁྱོད་ཀྱི་ཡབ་ཀྱིས་ཁྱོད་ལ་བྱ་དགའ་གནང་ངེས༌ཡིན།   
\p
\v 7 ཡང་ཁྱོད་ཅག་གིས་གསོལ་བ་འདེབས་པའི་དུས༌སུ། ཕྱི་ཕྱོགས་པ་རྣམས་དང་འདྲ་བར་དོན་སྙིང་མེད་པའི་བསྐྱར་བཟློས་མ་བྱེད༌ཅིག དེ་དག་གི་སེམས་སུ་སྨྲ་བ་མང༌ན། དཀོན་མཆོག་གིས་རང་གི་གསོལ་འདེབས་ལ་གསན་ངེས་ཡིན་བསམ༌མོ།།  
\v 8 དེ་བས་ཁོ་རྣམས་དང་འདྲ་བར་མ་བྱེད༌ཅིག རྒྱུ་མཚན་ནི་ཁྱོད་ཅག་གི་ཡབ་ཀྱིས་ཁྱོད་ཅག་གིས་མ་ཞུས་སྔོན་དུ་ཁྱོད་ཀྱི་དགོས་མཁོ་མཁྱེན་པའི་ཕྱིར༌རོ།།  
\v 9 དེའི༌ཕྱིར། ཁྱོད་ཅག་གིས་གསོལ་བ་འདེབས་པའི་དུས་སུ་འདི་ལྟར་ཞུ་བར་བྱ༌སྟེ།  
\q1 ནམ་མཁར་བཞུགས་པའི་ངེད་ཀྱི༌ཡབ།།  
\q1 ཁྱེད་མཚན་དམ་པར་བསྲུང་བར༌ཤོག །   
\q1
\v 10 ཁྱེད་ཀྱི་རྒྱལ་སྲིད་འོང་བར༌ཤོག །  
\q1 ཁྱེད་ཀྱི་དགོངས་པ་ནམ་མཁའ༌རུ།།  
\q1 གྲུབ་བཞིན་ས་ལའང་འགྲུབ་པར༌ཤོག །   
\q1
\v 11 ངེད་ཀྱི་ཉིན་རེའི་ཟས་ཀྱི༌སྐལ།།  
\q1 དེ་རིང་ཡང་ནི་གནང་བར༌མཛོད།།   
\q1
\v 12 ངེད་ཀྱིས་གཞན་ཉེས་བསལ་བ༌ལྟར།།  
\q1 ངེད་ཀྱི་སྡིག་པ་བསལ་བར༌མཛོད།།   
\q1
\v 13 ངན་པའི་ལས་ནས་ཐར་བ༌དང༌།།  
\q1 ཉམས་ཚོད་མི་ལེན་སྐྱོབ་པར༌མཛོད།།  
\q1 རྒྱལ་སྲིད་དབང་དང་གཟི་བརྗིད༌ནི།།  
\q1 རྒྱུན་ནས་རྒྱུན་དུ་ཁྱེད་ཀྱི༌ཡིན།།  
\m ཨ༌མེན། ཞེས༌པའོ།།   
\p
\v 14 ཁྱོད་ཅག་གིས་མི་གཞན་གྱི་ཉེས་སྐྱོན་བསལ༌ན། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱིས་ཀྱང་ཁྱོད་རྣམས་ཀྱི་ཉེས་པ་བསལ་ངེས༌ཡིན།  
\v 15 ཡང་ཁྱོད་ཅག་གིས་མི་གཞན་གྱི་ཉེས་སྐྱོན་མ་བསལ༌ན། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱིས་ཀྱང་ཁྱོད་ཅག་གི་ཉེས་པ་བསལ་བར་མི་འགྱུར་ཞེས་གསུངས༌སོ།།   
\s1 སྨྱུང་གནས་སྐོར་གྱི་ཆོས་གསུངས༌པ།  
\p
\v 16 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་སྨྱུང་གནས་སྲུང་བའི་དུས༌སུ། ཚུལ་འཆོས་པ་རྣམས་དང་འདྲ་བར་སྐྱོ་བའི་ངོ་མདངས་མ་སྟོན༌ཅིག ཅིའི་ཕྱིར་ཞེ༌ན། དེ་རྣམས་ཀྱིས་སྨྱུང་གནས་སྲུང་བ་ནི་མི་གཞན་རྣམས་ཀྱིས་མཐོང་བའི་ཕྱིར༌དུ། རང་གི་ངོ་མདངས་སྡུག་པར༌སྟོན། བདག་གིས་ཁྱོད་རྣམས་ལ་བདེན་པར་སྨྲ༌སྟེ། དེ་དག་ལ་རང་གི་བྱ་དགའ་ཐོབ་ཟིན་པ༌ཡིན།  
\v 17-18 ཁྱོད་ཀྱིས་སྨྱུང་གནས་སྲུང་བ་ནི་མི་གཞན་རྣམས་ཀྱིས་མི་ཤེས་པའི་ཕྱིར༌དུ། སྨྱུང་གནས་སྲུང་བའི་དུས༌སུ། མགོ་ལ་སྣུམ་བསྐུ་ཞིང་ཁ་ངོ་གཙང་མར་ཁྲུས༌ཤིག འོན་ཀྱང་མིག་གི་མཐོང་ལམ་དུ་མ་གྱུར་པའི་ཁྱོད་ཅག་གི་ཡབ་ཀྱིས་ཁྱོད་རང་གཟིགས་པ༌དང༌། དེ་ནས་གསང་བའི་ངང་ནས་སྒྲུབ་མཁན་ལ་གཟིགས་པའི་ཁྱོད་ཀྱི་ཡབ་ཀྱིས་ཁྱོད་ལ་བྱ་དགའ་གནང་ངེས་ཡིན་ཞེས་གསུངས༌སོ།།   
\s1 བདེན་པའི་རྒྱུ་ནོར་སྐོར་གྱི་ཆོས་གསུངས༌པ།  
\p
\v 19 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་རང་གི་དོན་དུ་ས་སྟེང་དུ་རྒྱུ་ནོར་གསོག་པར་མི༌བྱའོ། །ས་སྟེང་གི་རྒྱུ་ནོར་ནི་འབུ་སྲིན་གྱིས་བཟའ་ཞིང་བཙའ་ཡིས་བརླག་པ༌དང༌། རྐུན་མས་ཀྱང་ཁུང་བུ་བྲུས་ཏེ་བརྐུ་བར༌བྱེད།  
\v 20 འོན་ཀྱང་ཁྱོད་རྣམས་ཀྱིས་རང་གི་དོན་དུ་ནམ་མཁའི་ཞིང་ཁམས་སུ་ནོར་བུ་གསོགས༌ཤིག གནས་དེ་རུ་འབུ་སྲིན་དང་བཙའ་ཡིས་མི་བཟའ་ཞིང་རྐུན་མས་ཀྱང་ཁུང་བུ་བྲུས་ཏེ་བརྐུ་མི༌ནུས།  
\v 21 རྒྱུ་མཚན་ནི་ཁྱོད་རྣམས་ཀྱི་ནོར་བུ་གང་དུ་ཡོད་ན་ཁྱོད་རྣམས་ཀྱི་སེམས་ཀྱང་དེ་རུ་ཡོད་པའི་ཕྱིར༌རོ།།  
\v 22 ཁྱོད་ཀྱི་མིག་ཟུང་ནི་ལུས་ཀྱི་སྒྲོན་མེ་ཡིན༌ཏེ། མིག་ཟུང་གསལ་པོ་ཡིན་ན་ལུས་པོ་ཡོངས་རྫོགས་འོད་དང་ལྡན་པར༌འགྱུར།  
\v 23 འོན་ཀྱང་ཁྱོད་ཀྱི་མིག་ཟུང་རབ་རིབ་ཏུ་གྱུར༌ན། ལུས་པོ་ཡོངས་རྫོགས་མུན་ནག་ཏུ༌འགྱུར། དེའི༌ཕྱིར། ཁྱོད་ཀྱི་སེམས་ནང་དུ་གནས་པའི་འོད་དེ་མུན་ནག་ཏུ་གྱུར་ན་མུན་ནག་དེ་ནི་ཅི་འདྲ་ཚབས་ཆེ༌ཨང༌།  
\v 24 སུ་ཞིག་གིས་ཀྱང་བདག་པོ་གཉིས་ལ་ཞབས་ཕྱི་བསྒྲུབ་མི་ནུས༌ཏེ། ཁོས་གཅིག་ལ་སྡང་ཞིང་གཅིག་ལ་གཅེས༌པའམ། ཡང་ན་གཅིག་ལ་བཀུར་ཞིང་གཅིག་ལ་སྨད་པར་བྱེད༌དོ། །དེའི༌ཕྱིར། ཁྱོད་རྣམས་ཀྱིས་དཀོན་མཆོག་དང་འཇིག་རྟེན་གྱི་རྒྱུ་ནོར་གཉིས་ལ་ཞབས་ཕྱི་བསྒྲུབ་མི་ནུས་ཞེས་གསུངས༌སོ།།   
\s1 སེམས་ཁྲལ་མེད་པར་དཀོན་མཆོག་ལ་ཡིད་ཆེས་པར་གདམས༌པ།  
\p
\v 25 ཡང་སྐྱབས་མགོན་ཡེ་ཤུས་འདི་སྐད༌དུ། དེ་བས་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་རྣམས་ཀྱིས་རང་གི་ཚེ་སྲོག་གི་དོན་དུ་བཟའ་བཏུང་གང་ཞིག་སྤྱོད་པ༌དང༌། ལུས་པོའི་ཆེད་དུ་གོས་གང་ཞིག་གྱོན་པར་སེམས་ཁྲལ་མ་བྱེད༌ཅིག ཁ་ཟས་ལས་ཚེ་སྲོག་ནི་ཁྱད་དུ་འཕགས་ཤིང་གྱོན་ཆས་ལས་ཀྱང་མིའི་ལུས་པོ་ནི་ཁྱད་དུ་འཕགས་པ་མ་ཡིན༌ནམ།  
\v 26 ནམ་མཁའི་བྱ་རྣམས་ལ་ལྟོས༌དང༌། དེ་དག་གིས་ས་བོན་མི་འདེབས་ཤིང་སྟོན་ལས་མི་བྱེད༌ལ། འབྲུ་རིགས་བང་མཛོད་དུ་མི་བསྡུ༌ཡང༌། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱིས་དེ་རྣམས་གསོ་བ༌ཡིན། ཁྱོད་རྣམས་ནི་ནམ་མཁའི་བྱ་ལས་རིན་ཐང་ཆེ་བ་མ་ཡིན༌ནམ།  
\v 27 ཁྱོད་རྣམས་ལས་སུ་ཞིག་གིས་སེམས་ཁྲལ་བྱས་ནས་རང་གི་ཚེ་ཐག་ཡུད་ཙམ་ཞིག་ཇེ་རིང་དུ་གཏོང་ནུས༌སམ།  
\v 28 ཁྱོད་ཅག་གིས་ཅིའི་ཕྱིར་གྱོན་པའི་ཆེད་དུ་སེམས་ཁྲལ་བྱེད༌དམ། སྤང་ཐང་གི་མེ་ཏོག་ཀུ་མུད་ཇི་ལྟར་སྐྱེ་བར་ལྟོས༌དང༌། དེ་དག་གིས་ལས་ཀ་མི་བྱེད་ལ་བལ་ཡང་མི་འཁེལ༌མོད།  
\v 29 འོན་ཀྱང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། སོ་ལོ་མོན་གྱི་བརྗིད་ཉམས་ཤིན་ཏུ་ཆེ་བའི་དུས༌སུ། ཁོང་གི་རྒྱན་གོས་མེ་ཏོག་འདི་ལའང་མི༌དོའོ།།  
\v 30 འོན་ཀྱང་དེ་རིང་ཡོད་ཡོད་འདྲ་ཡང་སང་ཉིན་ཐབ་ལ་སྲེག་པར་འགྱུར་བའི་སྤང་ཐང་གི་རྩྭ་ཡང་དཀོན་མཆོག་གིས་ལེགས་པར་བསྐྱངས༌ན། དད་པ་ཆུང་བ་ཁྱོད་རྣམས་དེ་ལས་ཀྱང་ལྷག་ཏུ་སྐྱོང་བར་མི་མཛད༌དམ།  
\v 31 དེ་བས་ཁྱོད་ཅག་གིས་བཟའ་བཏུང་གང་ཞིག་སྤྱོད་པ་དང་ལུས་ལ་གོས་གང་ཞིག་གྱོན་པར་སེམས་ཁྲལ་མ་བྱེད༌ཅིག  
\v 32 འདི་ཐམས་ཅད་ནི་ཕྱི་ཕྱོགས་པ་རྣམས་ཀྱིས་འཚོལ་བ་ཡིན༌ལ། ཁྱོད་རྣམས་ལ་དངོས་པོ་དེ་ཐམས་ཅད་མཁོ་བའང་ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱིས་མཁྱེན༌ནོ།།  
\v 33 འོན༌ཀྱང༌། ཁྱོད་རྣམས་ཀྱིས་དཀོན་མཆོག་གི་རྒྱལ་སྲིད་དང་ཁོང་གི་རྣམ་དག་དེ་ཉིད་འཚོལ་ཞིང་སྙེགས་པར་གྱིས༌དང༌། དེ་རྣམས་ཀྱང་ཁྱོད་ཅག་ལ་གནང་བར་འགྱུར༌རོ།།  
\v 34 དེའི༌ཕྱིར། སང་ཉིན་གྱི་དོན་དུ་སེམས་ཁྲལ་མ་བྱེད༌ཅིག རྒྱུ་མཚན་ནི་སང་ཉིན་གྱི་དུས་སུ་སང་ཉིན་གྱི་སེམས་ཁྲལ་ཡོད༌ཅིང༌། ཉིན་རེ་རེའི་སྡུག་བསྔལ་ནི་ཉིན་རེ་རེར་འཁུར་ན་འོས་ཞེས་གསུངས༌སོ།།   
\c 7
\cl ལེའུ་བདུན༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 མི་གཞན་གྱི་མཚང་མི་འབྱིན་པའི་སྐོར་གྱི་ཆོས་གསུངས༌པ།  
\p
\v 1 ཡང་སྐྱབས་མགོན་ཡེ་ཤུས་འདི་སྐད༌དུ། གཞན་གྱིས་ཁྱོད་རྣམས་ཀྱི་མཚང་མི་འབྱིན་པའི་ཕྱིར༌དུ། ཁྱོད་ཅག་གིས་ཀྱང་མི་གཞན་གྱི་མཚང་མ་འབྲུ༌ཞིག  
\v 2 རྒྱུ་མཚན་ནི་ཁྱོད་ཅག་གིས་ཇི་ལྟར་མི་གཞན་གྱི་མཚང་བྲུས༌ན། ཁྱོད་རྣམས་ལའང་དེ་ལྟར་མཚང་འབྱིན་ཕོག་པ༌དང༌། ཁྱོད་ཅག་གིས་སྣོད་ཅི་ལྟ་བུ་ལས་མི་གཞན་ལ་བྱིན༌ན། སྣོད་དེ་ལྟ་བུ་ལས་ཁྱོད་ཅག་ལའང་གནང་བར་འགྱུར་བའི་ཕྱིར༌རོ།།  
\v 3 ཡང་ཁྱོད་ཀྱིས་རང་གི་སྤུན་ཟླའི་མིག་ནང་དུ་སྦུར་མ་ཡོད་པ་མཐོང༌ན། ཅིའི་ཕྱིར་རང་གི་མིག་ནང་དུ་ཡོད་པའི་གདུང་མ་མི་མཐོང༌ངམ།  
\v 4 ཡང་ཁྱོད་རང་གི་མིག་ནང་དུ་གདུང་མ་ཡོད༌ཀྱང༌། ཁྱོད་ཀྱིས་རང་གི་སྤུན་ཟླ་ལ་ངས་ཁྱོད་ཀྱི་མིག་ནང་དུ་ཡོད་པའི་སྦུར་མ་ལེན་པར་བྱེད་ཅེས་སྨྲ་ནུས༌སམ།  
\v 5 ཚུལ་འཆོས་པ་ཁྱོད་ཀྱིས་ཐོག་མར་རང་གི་མིག་ནང་དུ་ཡོད་པའི་གདུང་མ་ལོངས༌དང༌། དེ་ནས་རང་གི་མིག་ཟུང་གིས་གསལ་པོར་མཐོང་ཐུབ༌པས། ད་གཟོད་རང་གི་སྤུན་ཟླའི་མིག་ནང་དུ་ཡོད་པའི་སྦུར་མ་ལེན་ནུས༌པའོ།།   
\p
\v 6 ཁྱོད་ཅག་གིས་གང་ཞིག་དམ་པ་ཡིན་པ་དེ་ཁྱི་ལ་སྟེར་མི་རུང༌ལ། མུ་ཏིག་ཀྱང་ཕག་གི་མདུན་དུ་འཕེན་མི༌རུང༌། དེ་ལྟར་བྱས༌ན། ཕག་གིས་མུ་ཏིག་བརྫི་བར་འགྱུར་བ༌དང༌། ཁྱིས་ཁྱོད་ཅག་ལ་སོ་བཏབ་ནས་དུམ་བུར་བྱེད་པར་འགྱུར་ཞེས་གསུངས༌སོ།།   
\s1 དཀོན་མཆོག་ལ་གསོལ་བ་འདེབས་དགོས་པར་གདམས༌པ།  
\p
\v 7 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་གསོལ་བ་ཐོབས་དང་གནང་ངེས་ཡིན༌ལ། ཚོལ་དང་རྙེད་ངེས༌ཡིན། སྒོ་རྡུངས་དང་སྒོ་འབྱེད་པར༌ངེས།  
\v 8 རྒྱུ་མཚན་ནི་སུས་ཀྱང་གསོལ་བ་བཏབ་ན་ཐོབ་པ༌དང༌། བཙལ་ན་རྙེད༌པ། སྒོ་བརྡུངས་ན་སྒོ་འབྱེད་པའི་ཕྱིར༌རོ།།  
\v 9 ཡང་ཁྱོད་རྣམས་ལས་སུ་ཞིག་གིས་རང་གི་བུས་བག་ལེབ་ཅིག་བསླངས་ན་དེ་ལ་རྡོ་ཞིག་སྟེར༌རམ།  
\v 10 ཡང་ན་ཁོས་ཉ་ཞིག་བསླངས་ན་བུ་དེར་སྦྲུལ་ཞིག་སྟེར༌རམ།  
\v 11 སྤྱིར་ཁྱོད་རྣམས་རྒྱུད་ངན་པ་ཡིན་ཡང་རང་གི་བུ་ཕྲུག་ལ་དངོས་པོ་བཟང་པོ་སྟེར་ཤེས༌ན། ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱིས་ཁོང་ལ་ཞུ་མཁན་རྣམས་ལ་དེ་བས་ཀྱང་ལན་བཟང་པོ་གནང་ངེས༌ཡིན།  
\v 12 དེའི༌ཕྱིར། དོན་གང་དང་གང༌ལའང༌། ཁྱོད་ཅག་ལ་མི་གཞན་ལས་ཇི་ལྟར་འཐོབ་འདོད༌ན། ཁྱོད་ཅག་གིས་ཀྱང་མི་གཞན་ལ་དེ་ལྟར༌བྱོས། དེ་ནི་བཀའ་ཁྲིམས་དང་ལུང་སྟོན་པའི་མདོ་རྣམས་ཀྱི་ནང་དོན་མདོར་བསྡུས་ཡིན་ཞེས་གསུངས༌སོ།།   
\s1 ཐར་པའི་སྒོ་དོག་མོ་ཡིན་པར་བསྟན༌པ།  
\p
\v 13 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་སྒོ་དོག་མོའི་ནང་དུ་སོང༌ཞིག ཅིའི་ཕྱིར་ཞེ༌ན། འཇིག་པར་འགྱུར་བའི་སྒོ་དེའི་འཁོབ་ནི་ཡངས་ཤིང་ལམ་ནི་རྒྱ་ཆེ༌སྟེ། ལམ་དེར་འགྲོ་བའི་མིའང་མང་བའི་ཕྱིར༌རོ།།  
\v 14 འོན་ཀྱང་མཐའ་མེད་པའི་ཚེ་སྲོག་ནང་དུ་འདྲེན་པར་བྱེད་པའི་སྒོ་དེའི་འཁོབ་ནི་དོག་ཅིང་ལམ་ནི་ཆུང༌སྟེ། སྒོ་དེ་རྙེད་མཁན་ཡང་ཉུང་ཞེས་གསུངས༌སོ།།   
\s1 ལྗོན་ཤིང་དང་འབྲས་བུ་སྐོར་གྱི་ཆོས་གསུངས༌པ།  
\p
\v 15 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་ལུང་སྟོན་པ་རྫུས་མ་རྣམས་ལ་དོགས་ཟོན་བྱོས༌ཤིག མི་དེ་དག་ཁྱོད་རྣམས་ཀྱི་གམ་དུ་ཡོང་ཞིང་ལུས་ལ་ལུག་ལྤགས་གྱོན་ནའང་ནང་སེམས་ནི་གདུག་རྩུབ་ཆེ་བའི་སྤྱང་ཀི༌ཡིན།  
\v 16 ཁྱོད་རྣམས་ཀྱིས་དེ་དག་གི་འབྲས་བུ་ལས་དེ་དག་སུ་ཡིན་པ་ཤེས་པར་འགྱུར༌ཏེ། སྤྱིར་ཚེར་མ་ལས་རྒུན་འབྲུམ༌དང༌། སྤྱང་ཚེར་ལས་བསེ་ཡབ་ཀྱི་འབྲས་བུ་འཐོག་སྲིད༌དམ།  
\v 17 དེ་བཞིན་དུ་ཤིང་སྡོང་བཟང་པོ་ཐམས་ཅད་ཀྱིས་འབྲས་བུ་བཟང་པོ་བསྐྱེད༌ཅིང༌། ཤིང་སྡོང་ངན་པས་འབྲས་བུ་ངན་པ༌བསྐྱེད།  
\v 18 ཡང་ཤིང་སྡོང་བཟང་པོས་འབྲས་བུ་ངན་པ་བསྐྱེད་མི་སྲིད༌ལ། ཤིང་སྡོང་ངན་པས་ཀྱང་འབྲས་བུ་བཟང་པོ་བསྐྱེད་མི༌སྲིད།  
\v 19 འབྲས་བུ་བཟང་པོ་མི་བསྐྱེད་པའི་ཤིང་སྡོང་ཐམས་ཅད་བཅད་དེ་མེའི་ནང་དུ་འཕེན་པར༌བྱེད།  
\v 20 དེའི༌ཕྱིར། ཁྱོད་ཅག་གིས་དེ་དག་གི་འབྲས་བུ་ལ་བལྟས་ནས་དེ་དག་སུ་ཡིན་ཤེས་པར་འགྱུར༌རོ།།   
\p
\v 21 བདག་ལ་གཙོ་བོ་ལགས་གཙོ་བོ་ལགས་ཞེས་ཞུ་བའི་མི་ཐམས་ཅད་ནམ་མཁའི་རྒྱལ་སྲིད་དུ་ཞུགས་ཐུབ་པ་མིན༌ཏེ། ནམ་མཁའི་ཞིང་ཁམས་སུ་བཞུགས་པའི་བདག་གི་ཡབ་ཀྱི་ཐུགས་དགོངས་ལྟར་སྒྲུབ་མཁན་ཁོ་ན་ཞུགས་ཐུབ་པ༌ཡིན།  
\v 22 མ་འོངས་པའི་ཉིན་མོ༌དེར། མི་མང་པོས་བདག་ལ་གཙོ་བོ༌ལགས། གཙོ་བོ༌ལགས། ངེད་ཅག་གིས་ཁྱེད་ཀྱི་མཚན་ལ་བརྟེན་ནས་ལུང་བསྟན་པ་མ་ཡིན༌ནམ། ཁྱེད་ཀྱི་མཚན་ལ་བརྟེན་ནས་གདོན་འདྲེ་བཏུལ་བ༌དང༌། དོན་ངོ་མཚར་ཅན་མང་པོ་བསྒྲུབས་པ་མ་ཡིན་ནམ་ཞེས་ཟེར་ངེས༌ལ།  
\v 23 དེའི༌ཚེ། བདག་གིས་མི་དེ་རྣམས༌ལ། བདག་གིས་ཁྱོད་རྣམས་གཏན་ནས་ངོ་མི་ཤེས༌པས། ཉེས་པ་བྱེད་མཁན་ཁྱོད་རྣམས་བདག་གི་དྲུང་ནས་ཕར་སོང་ཞིག་ཅེས་ཟེར་བར་འགྱུར་ཞེས་གསུངས༌སོ།།   
\s1 བཟོ་བ་མཁས་བླུན་གཉིས་ཀྱི་དཔེ།  
\p
\v 24 ཡང་སྐྱབས་མགོན་ཡེ་ཤུས་འདི་སྐད༌དུ། དེའི༌ཕྱིར། བདག་གིས་སྨྲས་པའི་བཀའ་འདི་དག་སུ་ཞིག་གིས་ཐོས་ཤིང་དེ་བཞིན་དུ་བསྒྲུབས༌ན། དེ་ནི་མི་བློ་རིག་ཅན་ཞིག་གིས་རྡོ་ཕ་བོང་གི་སྟེང་དུ་ཁང་པ་བཟོས་པ་དང༌འདྲ།  
\v 25 དེ་ནས་ཆར་འབབ་ཅིང་ཆུ་ལོག་འབྱུང་བ༌དང༌། རླུང་གཡུགས་ནས་ཁང་པ་དེ་ལ་ཐོགས་ཀྱང་མི་བརྡིབ༌སྟེ། རྒྱུ་མཚན་ནི་ཁང་པ་དེ་རྡོ་ཕ་བོང་གི་སྟེང་དུ་བརྩིགས་ཡོད་པའི་ཕྱིར༌རོ།།  
\v 26 བདག་གིས་སྨྲས་པའི་བཀའ་འདི་དག་སུ་ཞིག་གིས་ཐོས་ཀྱང་དེ་བཞིན་དུ་མི་བསྒྲུབ༌ན། དེ་ནི་མི་བླུན་པོ་ཞིག་གིས་བྱེ་མའི་སྟེང་ཏུ་ཁང་པ་བརྩིགས་པ་དང༌འདྲ།  
\v 27 དེ་ནས་ཆར་བ་འབབ་ཅིང་ཆུ་ལོག་འབྱུང་བ༌དང༌། རླུང་གཡུགས་ནས་ཁང་པ་དེ་ལ་ཐོགས་ཤིང་བརྡིབས་ཏེ་ཡོངས་སུ་བརླག་པར་འགྱུར་ཞེས་གསུངས༌སོ།།   
\p
\v 28-29 དེ་ནས་སྐྱབས་མགོན་ཡེ་ཤུས་བཀའ་དེ་ཐམས་ཅད་གསུངས་ཚར་བ༌དང༌། ཁོང་གིས་མི་རྣམས་ལ་ཆོས་གསུངས་པ་ནི་མཁན་པོ་རྣམས་དང་མི་འདྲ༌བར། མི་དབང་ཐང་ཅན་ཞིག་གིས་གསུངས་པ་དང་འདྲ༌བས། ཁོང་གི་གསུང་ཐོས་པའི་མི་རྣམས་ངོ་མཚར་བར་གྱུར༌ཏོ།།   
\c 8
\cl ལེའུ་བརྒྱད༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 མཛེ་ནད་བྱུང་བའི་མི་གསོས༌པ།  
\p
\v 1 དེ་ནས་སྐྱབས་མགོན་ཡེ་ཤུ་རི་བོ་ལས་མར་བབས་ཤིང་མི་སྐོར་ཚོ་མང་པོའང་ཁོང་གི་རྗེས་སུ༌འབྲངས།  
\v 2 དེའི་དུས༌སུ། མཛེ་ནད་བྱུང་བའི་མི་ཞིག་ཁོང་གི་དྲུང་དུ་ཡོང་ནས་ཁོང་ལ་ཕྱག་བཙལ་ཏེ། གཙོ་བོ༌ལགས། ཁྱེད་ཐུགས་མཉེས་པ་ཡིན༌ན། ཁྱེད་ཀྱིས་ང་རང་གཙང་མར་མཛད་ནུས་པ་ཡིན་ཞེས་ཞུས་པ༌ན།  
\v 3 སྐྱབས་མགོན་ཡེ་ཤུས་ཕྱག་བརྐྱངས་ནས་ཁོ་ལ་རེག༌སྟེ། ང་རང་འཐད་པ༌ཡིན། ཁྱོད་རང་གཙང་མར་གྱུར་ཅིག་ཅེས་གསུངས་མ་ཐག་མི་དེའི་མཛེ་ནད་བསལ་ནས་གཙང་མར༌གྱུར།  
\v 4 ཡང་ཁོང་གིས་མི་དེ་ལ་འདི་སྐད༌དུ། ཁྱོད་ཀྱིས་གཟབ་གཟབ༌གྱིས། དོན་འདི་གཞན་སུ་ལའང་མི་སྨྲ་བར༌གྱིས། ཁྱོད་རང་ཕྱིར་སོང་ནས་རང་གི་ལུས་པོ་མཆོད་དཔོན་ལ་སྟོན༌ཅིག མི་རྣམས་ལ་བདེན་དཔང་བྱེད་པའི་ཆེད་དུ་མོ་ཤེ་ \f + \ft མོ་ཤེ་ཞེས་པ་ནི་ཡ་ཧུ་དཱ་པ་རྣམས་སྔར་ཨེ་ཅིབ་ཡུལ་གྱི་བྲན་དུ་བཀོལ་བའི་གནས་ནས་ཐར་བར་མཛད༌དེ། དཀོན་མཆོག་ནས་བཀའ་ཁྲིམས་ཐམས་ཅད་ཐོབ་ཅིང་ཡ་ཧུ་དཱའི་མི་རིགས་ལ་གནང་བའི་སྐྱེས་བུ་དམ་པ་ཞིག༌སྟེ། ཁོང་ནི་སྤྱི་ལོ་སྔོན་གྱི་1500ལོའི་ཡས་མས་སུ༌བཞུགས།\f*ཡིས་བཀའ་གནང་ཡོད་པ་བཞིན་མཆོད་པ་ཕུལ་ཅིག་ཅེས་གསུངས༌སོ།།   
\s1 བརྒྱ་དཔོན་གྱི་དད་པའི༌སྐོར།  
\p
\v 5 དེ་ནས་སྐྱབས་མགོན་ཡེ་ཤུ་ཁོང་ཉིད་ཀཱ་ཕར་ན་ཧུམ་དུ་ཕེབས་པ༌ན། བརྒྱ་དཔོན་ཞིག་ཁོང་གི་དྲུང་དུ་ཡོང༌སྟེ།  
\v 6 གཙོ་བོ༌ལགས། བདག་གི་གཡོག་པོ་ཞ་བོར་གྱུར་ཅིང་ཁྱིམ་ནས་ཉལ་སར་ལྷུང༌སྟེ། སྡུག་བསྔལ་ཧ་ཅང་ཆེ་ཞེས་ཞུས་པ༌ལ།  
\v 7 སྐྱབས་མགོན་ཡེ་ཤུས་འདི་སྐད༌དུ། ང་རང་སོང་ནས་ཁོའི་ནད་གཞོམ་པར་བྱ་ཞེས་གསུངས་པ༌དང༌།  
\v 8 བརྒྱ་དཔོན་ན༌རེ། གཙོ་བོ༌ལགས། ཁྱེད་རང་ཕྲན་ཆུང་བདག་ལྟ་བུ་ཞིག་གི་ཁྱིམ་དུ་ཕེབས་ན་ང་རང་མི་འོས༌པས། ཁྱེད་ཀྱིས་བཀའ་ཞིག་གསུངས༌དང༌། བདག་གི་གཡོག་པོའི་ནད་བསལ་ངེས་ཡིན༌ཏེ།  
\v 9 ང་ནི་གཞན་གྱི་དབང་འོག་གི་མི་ཡིན༌ལ། ངའི་དབང་འོག་ཏུའང་དམག་མི་ཡོད༌དེ། ངས་མི་འདིར་སོང་ཞིག་ཅེས་སྨྲས་ན་ཁོ་རང་ཕར་འགྲོ་དགོས༌ཤིང༌། མི་གཞན་ལ་ཤོག་ཅིག་ཅེས་སྨྲས་ན་ཁོ་རང་ཚུར་ཡོང་བ༌ཡིན། བདག་གིས་གཡོག་པོར་ལས་ཀ་འདི་སྒྲུབས་ཤིག་ཅེས་སྨྲས་ན་ཁོས་བསྒྲུབ་པར་འགྱུར་བའི་ཕྱིར་རོ་ཞེས་ཞུས༌སོ།།  
\v 10 དེ་ནས་སྐྱབས་མགོན་ཡེ་ཤུས་གཏམ་དེ་གསན་ནས་ཡ་མཚན་སྐྱེས༌ཏེ། ཁོང་གི་རྗེས་སུ་འབྲངས་པའི་མི་རྣམས་ལ་འདི་སྐད༌དུ། བདག་གིས་ཁྱོད་རྣམས་ལ་བདེན་པར༌སྨྲའོ། །བདག་གིས་ཡེས་ར་ཨེལ་མི་རིགས་ལས་ཀྱང་འདི་འདྲའི་དད་སེམས་ཆེན་པོ་ཅན་ཞིག་མཐོང་མ༌མྱོང༌།  
\v 11 ཡང་ངས་ཁྱོད་རྣམས་ལ་སྨྲ་བར་བྱ༌སྟེ། མ་འོངས་པར་ཕྱོགས་བཞི་མཚམས་བརྒྱད་ནས་མི་གཞན་མང་པོ་ཡོང༌སྟེ། ཨབ་ར་ཧམ༌དང༌། ཨི༌སཱག ཡ་ཀོབ་བཅས་དང་མཉམ་དུ་ནམ་མཁའི་རྒྱལ་སྲིད་དུ་གསོལ་སྟོན་ལ་ཞུགས་པར༌འགྱུར།  
\v 12 འོན༌ཀྱང༌། རྒྱལ་སྲིད་འདིའི་བུ་རྣམས་ནི་སྒོའི་ཕྱི་རོལ་གྱི་མུན་ནག་ནང་དུ་ཕུད༌ཅིང༌། གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར་འགྱུར་ཞེས་གསུངས༌སོ།།  
\v 13 ཡང་ཁོང་གིས་བརྒྱ་དཔོན་ལ་འདི་སྐད༌དུ། ཁྱོད་རང་ཕྱིར་སོང༌དང༌། ཁྱོད་ཀྱི་དད་པ་བཞིན་དུ་འགྲུབ་པར་འགྱུར་ཞེས་གསུངས་པ༌དང༌། དེའི་དུས་སུ་གཡོག་པོ་དེའང་ནད་ལས་ཐར༌རོ།།   
\s1 མི་མང་པོའི་ནད་གསོས༌པ།  
\p
\v 14 དེ་ནས་སྐྱབས་མགོན་ཡེ་ཤུ་ཁོང་ཉིད་པེ་ཏྲོའི་ཁྱིམ་དུ་ཕེབས་པ༌ན། པེ་ཏྲོའི་སྒྱུག་མོར་ཚ་བརྒྱབ་སྟེ་ཉལ་ནས་བསྡད་ཡོད་པ༌གཟིགས།  
\v 15 ཁོང་གིས་ཁོ་མོའི་ལག་པར་རེག་པ་དང་ཚ་བཞག༌ཅིང༌། ཁོ་མོ་ཡར་ལངས་ནས་ཁོང་ལ་ཞབས་ཕྱི་བྱས༌སོ།།  
\v 16 ཉིན་དེའི་མཚན༌མོར། མི་རྣམས་ཀྱིས་གདོན་འདྲེས་བཟུང་བའི་མི་མང་པོ་ཁོང་གི་དྲུང་དུ་ཁྲིད་ཡོང་བ༌དང༌། ཁོང་གིས་བཀའ་གནང་སྟེ་གདོན་འདྲེ་རྣམས་ཕར་བསྐྲད་ཅིང་ནད་པ་ཐམས་ཅད་གསོས༌པའོ།།  
\v 17 དེ་ལ་ལུང་སྟོན་པ་ཡེ་ཤ་ཡཱ་ཡི་མདོ་ལས་ཇི་སྐད༌དུ།  
\q1 ཁོང་གིས་ང་ཚོའི་རྒུད་པ་དག་གི་འཐུས་ཚབ༌མཛད།།  
\q1 ཁོང་གིས་ང་ཚོའི་ནད་རིགས་སྣ་ཚོགས་ཁུར་དུ༌བཞེས།།  
\m ཞེས་གསུངས་པ་བཞིན་འགྲུབ་པའི་ཕྱིར་དེ་ལྟར་བྱུང༌ངོ༌།།   
\s1 སྐྱབས་མགོན་ཡེ་ཤུའི་རྗེས་སུ་འབྲང་མཁན་གྱི་འོས་འགན༌སྐོར།  
\p
\v 18 དེ་ནས་སྐྱབས་མགོན་ཡེ་ཤུས་མི་མང་པོས་རང་ཉིད་བསྐོར་བ་གཟིགས་ཏེ་མཚོའི་ཕ་རོལ་ཏུ་འགྲོའོ་ཞེས་བཀའ་གནང་བ༌དང༌།  
\v 19 དེའི་དུས༌སུ། མཁན་པོ་ཞིག་ཁོང་གི་དྲུང་དུ་ཡོང༌སྟེ། སློབ་དཔོན༌ལགས། ཁྱེད་རང་གང་དུ་ཕེབས་ནའང་ང་རང་ཁྱེད་ཀྱི་རྗེས་སུ་འབྲང་ངོ་ཞེས་ཞུས་པ༌ན།  
\v 20 སྐྱབས་མགོན་ཡེ་ཤུས་འདི་སྐད༌དུ། ཝ་ལ་ཁུང་བུ་དང་ནམ་མཁའི་བྱ་ལའང་ཚང་ཡོད༌ཀྱང༌། མིའི་བུ་ལ་མགོ་སྔས་ས་ཙམ་ཡང་མེད་ཅེས་གསུངས༌སོ།།  
\v 21 ཡང་རྗེས་འབྲང་པ་རྣམས་ལས་མི་ཞིག་ན༌རེ། གཙོ་བོ༌ལགས། ང་རང་ཐོག་མར་རང་ཡུལ་དུ་ཕ་དུར་ལ་སྦ་རུ་འགྲོ་བར་མཛོད་ \f + \ft ཕ་དུར་ལ་སྦ་རུ་འགྲོ་བར་མཛོད་ཅེས་པ་ལ་འགྲེལ་ཚུལ་དུ་མ༌ཡོད། མདོར་བསྡུས༌ན། ཕ་འཆི་རག་བར་དུ་བདག་སྐྱོང་བྱེད་དུ་འགྲོ་བར་མཛོད་ཅེས་པ༌སྟེ། དོན་གྱིས་མྱུར་བ་མྱུར་དུ་སྐྱབས་མགོན་ཡེ་ཤུའི་རྗེས་སུ་འབྲང་མ་འདོད་པ༌མཚོན། \f*ཅེས་ཞུས་པ༌ལ།  
\v 22 སྐྱབས་མགོན་ཡེ་ཤུས་འདི་སྐད༌དུ། བེམ་པོ་དང་འདྲ་བའི་མི་དག་ལ་རང་གི་བེམ་པོ་དུར་དུ་སྦ་བར་གྱིས༌ཤིག ཁྱོད་རང་བདག་གི་རྗེས་སུ་འབྲང་བར་གྱིས་ཞེས་གསུངས༌སོ།།   
\s1 རླུང་ཤུགས་དང་མཚོ་རླབས་ཞི་བར་མཛད༌པ།  
\p
\v 23 དེ་ནས་སྐྱབས་མགོན་ཡེ་ཤུ་མཚོ་གྲུར་བཞུགས་ཤིང་ཐུགས་སྲས་རྣམས་ཀྱང་ཁོང་གི་རྗེས་སུ༌འབྲངས།  
\v 24 གློ་བུར་ཉིད་ལ་རླུང་ཆེན་གཡུགས་ཏེ་མཚོའི་རྦ་རླབས་ཀྱིས་མཚོ་གྲུ་བཀབ་ནའང་ཁོང་ཉིད་གཟིམས་འདུག༌གོ།  
\v 25 ཐུགས་སྲས་རྣམས་ཀྱིས་ཁོང་གཟིམས་ལས་བསླངས༌ཏེ། གཙོ་བོ༌ལགས། བདག་ཅག་འཆི་ལ་ཉེ་བས་སྐྱོབ་པར་མཛོད་ཅེས་ཞུས་པ༌ལ།  
\v 26 ཁོང་གིས་དེ་རྣམས་ལ་འདི་སྐད༌དུ། དད་པ་ཆུང་བ་ཁྱོད་རྣམས་ཅིའི་ཕྱིར་སྐྲག་གམ་ཞེས་གསུངས་ནས་ཡར་བཞེངས༌ཏེ། རླུང་དང་མཚོ་ལ་བཀའ་བཀྱོན་མཛད་པ༌ན། རླུང་དང་མཚོའང་ཡོངས་སུ་ཞི་བར༌གྱུར།  
\v 27 ཐུགས་སྲས་རྣམས་དོན་དེར་ངོ་མཚར་སྐྱེས༌ཏེ། རླུང་དང་མཚོ་ཡིས་ཀྱང་ཁོང་གི་བཀའ་ལ་མཉན་པས་མི་འདི་ནི་ཅི་ལྟ་བུ་ཞིག་ཡིན་ནམ་ཞེས་སྨྲས༌སོ།།   
\s1 གདོན་འདྲེས་བཟུང་བའི་མི་གཉིས་གསོས༌པ།  
\p
\v 28 སྐྱབས་མགོན་ཡེ་ཤུ་མཚོའི་ཕ་རོལ་གྱི་གེ་ར་སཱ་ཡུལ་དུ་ཕེབས་པ༌ན། གདོན་འདྲེས་བཟུང་བའི་མི་གཉིས་དུར་ཁྲོད་ནས་ཐོན་ཏེ་ཁོང་ལ༌མཇལ། མི་དེ་གཉིས་ནི་ཤིན་ཏུ་གཏུམ་དྲག་ཆེ༌བས། ཐ་ན་མི་སུ་ཡང་ལམ་དེ་བརྒྱུད་ནས་འགྲོ་མི༌ཕོད།  
\v 29 དེ་གཉིས་ཀྱིས་སྐད་ཆེན༌པོས། ཀྱེ། དཀོན་མཆོག་གི༌སྲས། ཁྱེད་རང་ངེད་གཉིས་དང་འབྲེལ་བ་ཅི་མཆིས༌སམ། དུས་དེ་ད་དུང་མ་སླེབས་པས། ཁྱེད་ཉིད་འདིར་ཕེབས་ནས་ངེད་གཉིས་སྡུག་ལ་སྦྱོར་རམ་ཞེས༌སྨྲས།  
\v 30 དེ་རྣམས་དང་རྒྱང་ཐག་རིང་བའི་ས་རུ་ཕག་ཁྱུ་ཆེན་པོ་ཞིག་འཚོ་བཞིན་ཡོད༌ལ།  
\v 31 གདོན་འདྲེ་དག་གིས་སྐྱབས་མགོན་ཡེ་ཤུ་ལ་འདི་ལྟར་སྨྲས༌པ། གལ༌ཏེ། ཁྱེད་ཀྱིས་ངེད་རྣམས་ཕར་སྐྲོད༌ན། ཕག་ཁྱུའི་ནང་དུ་འཇུག་པར་མཛོད་ཅེས་ཞུ་བ་ཞུས་པ༌དང༌།  
\v 32 སྐྱབས་མགོན་ཡེ་ཤུས་གདོན་འདྲེ་དེ་རྣམས་ལ་སོང་ཞིག་ཅེས་བཀའ་གནང༌བས། གདོན་འདྲེ་དེ་དག་ཕྱི་རུ་ཐོན་ཏེ་ཕག་ཁྱུའི་ནང་དུ་ཞུགས་པ༌དང༌། ཕག་ཐམས་ཅད་གཡང་གཟར་ནས་བརྒྱུགས་ཤིང་མཚོ་ནང་དུ་ལྷུང་སྟེ་ནུབ་ནས༌ཤིའོ།།  
\v 33 དེ་ནས་ཕག་རྫི་རྣམས་བྲོས་ནས་གྲོང་ཁྱེར་དུ་སོང༌སྟེ། དོན་དེ་ཐམས་ཅད་དང་གདོན་འདྲེས་བཟུང་བའི་མི་གཉིས་ལ་ཅི་ཞིག་བྱུང་བ་མི་རྣམས་ལ་སྨྲས་པ༌དང༌།  
\v 34 གྲོང་ཁྱེར་དེའི་མི་ཐམས་ཅད་སྐྱབས་མགོན་ཡེ་ཤུ་འཚོལ་དུ་སོང༌སྟེ། ཁོང་མཐོང་ནས་ཁོ་རྣམས་ཀྱི་ཡུལ་དང་འབྲལ་དགོས་པར་ཞུ་བ་བྱས༌སོ།།   
\c 9
\cl ལེའུ་དགུ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 མི་ཞ་བོ་ཞིག་གསོས༌པ།  
\p
\v 1 སྐྱབས་མགོན་ཡེ་ཤུ་མཚོ་གྲུར་བཞུགས་ནས་མཚོ་ལས་བརྒལ་ཏེ་རང་ཉིད་བཞུགས་སའི་གྲོང་ཁྱེར་དུ་ཕེབས་པ༌ན།  
\v 2 མི་རྣམས་ཀྱིས་ཞ་བོ་ཞིག་ཁྱོགས་ཤིང་སྟེང་བཞག་ནས་ཁོང་གི་དྲུང་དུ་ཁུར་ཡོང་བ༌དང༌། སྐྱབས་མགོན་ཡེ་ཤུས་དེ་རྣམས་ཀྱི་དད་སེམས་གཟིགས་ཏེ་ཞ་བོ་དེ་ལ་འདི་སྐད༌དུ། སྙིང་གི༌བུ། སེམས་བདེ་བར་གྱུར༌ཅིག ཁྱོད་ཀྱི་སྡིག་པ་བསལ་བ་ཡིན་ཞེས་གསུངས༌སོ།།  
\v 3 མཁན་པོ་འགའ་ཞིག་ཡོད་པའི་སེམས༌སུ། མི་འདིས་དཀོན་མཆོག་གི་དབུ་འཕང་སྨད་ཀྱིན་འདུག་བསམས་པ༌རེད།  
\v 4 དེ་ནས་སྐྱབས་མགོན་ཡེ་ཤུས་དེ་དག་གི་བསམ་ཚུལ་མཁྱེན་ཏེ་འདི་སྐད༌དུ། ཁྱོད་རྣམས་ཀྱིས་ཅིའི་ཕྱིར་སེམས་ངན་བཅངས་པ་ཡིན༌ནམ།  
\v 5 ཁྱོད་ཀྱི་སྡིག་པ་བསལ་བ་ཡིན་ཞེས་ཟེར་བ༌དང༌། ཡར་ལོངས་ལ་སྐྱོད་ཅིག་ཅེས་ཟེར་བ་གཉིས་ལས་གང་ཞིག༌སླའམ།  
\v 6 འོན༌ཀྱང༌། འདི་ནི་ས་སྟེང་དུ་མིའི་བུ་ལ་སྡིག་པ་བསལ་བའི་དབང་ཡོད་པ་ཁྱོད་རྣམས་ཀྱིས་ཤེས་པའི་ཕྱིར་ཡིན་ཞེས་གསུངས༌རྗེས། ཁོང་གིས་ཞ་བོ་དེ་ལ་འདི་སྐད༌དུ། ཁྱོད་རང་ཡར་ལོངས༌ལ་ཁྱོགས་ཤིང་ཁུར་ནས་རང་ཡུལ་དུ་སོང་ཞིག་ཅེས་བཀའ་གནང་བ༌དང༌།  
\v 7 མི་དེ་ཡར་ལངས་ནས་རང་ཡུལ་དུ་ཕྱིན་པ༌རེད།  
\v 8 དོན་དེ་མི་ཚོགས་ཀྱིས་མཐོང་ནས་ངོ་མཚར་སྐྱེས་ཏེ་དཀོན་མཆོག་ལ་བསྟོད་བསྔགས༌ཕུལ། རྒྱུ་མཚན་ནི་དཀོན་མཆོག་གིས་མི་ལ་དབང་དེ་ལྟ་བུ་གནང་བའི་ཕྱིར༌རོ།།   
\s1 མད་ཐཱ་ཚུར་བོས༌པ།  
\p
\v 9 དེ་ཡང་སྐྱབས་མགོན་ཡེ་ཤུ་གནས་དེ་ནས་ཕར་ཕེབས་པ༌ལ། མད་ཐཱ་ཞེས་པ་ནི་ཁྲལ་སྡུད་སར་བསྡད་ཡོད་པ་གཟིགས་ཏེ་འདི་སྐད༌དུ། ཁྱོད་རང་ངའི་རྗེས་སུ་ཤོག་ཅེས་གསུངས་པ༌ན། ཁོ་རང་ཡར་ལངས་ཏེ་ཁོང་གི་རྗེས་སུ་འབྲངས༌སོ།།  
\v 10 སྐྱབས་མགོན་ཡེ་ཤུས་ཁང་པའི་ནང་དུ་ཞལ་ཟས་བཞེས་ནས་སྡོད་པའི་དུས༌སུ། ཁྲལ་ལེན་མཁན་དང་མི་སྡིག་ཅན་མང་པོ་ཡོང༌སྟེ། སྐྱབས་མགོན་ཡེ་ཤུ་དང་ཁོང་གི་ཐུགས་སྲས་རྣམས་དང་མཉམ་དུ་བཟའ་བཏུང་སྤྱད་ནས་བསྡད༌དོ།།  
\v 11 དོན་དེ་ཕ་རུ་ཤི་པ་རྣམས་ཀྱིས་མཐོང་སྟེ་ཁོང་གི་ཐུགས་སྲས་རྣམས་ལ་འདི་ལྟར་སྨྲས༌པ། ཁྱོད་ཅག་གི་སྟོན་པས་ཅིའི་ཕྱིར་ཁྲལ་ལེན་མཁན་དང་མི་སྡིག་ཅན་རྣམས་དང་མཉམ་དུ་བཟའ་བཏུང་ལ་རོལ་བ་ཡིན་ནམ་ཞེས་པ༌ན།  
\v 12 སྐྱབས་མགོན་ཡེ་ཤུས་གཏམ་དེ་ཐོས་ནས་དེ་རྣམས་ལ་འདི་སྐད༌དུ། ལུས་ཁམས་བདེ་བའི་མིས་སྨན་པ་བསྟེན་མི་དགོས༌མོད། འོན་ཀྱང་ནད་པས་ད་གཟོད་སྨན་པ་བསྟེན་དགོས་པ༌ཡིན།  
\v 13 ཁྱོད་རྣམས་ཕར་སོང༌ལ། བདག་ནི་མཆོད་པར་མི་དགའ་ཞིང་སྙིང་རྗེའི་སེམས་ལ་དགའ་ཞེས་གསུངས་པའི་དོན་ཅི་ཡིན་པ་སློབས༌ཤིག བདག་ནི་མི་གཞུང་དྲང་རྣམས་འབོད་དུ་འོངས་པ་མ་ཡིན༌པར། མི་སྡིག་ཅན་རྣམས་འབོད་དུ་ཡོང་བ་ཡིན་ཞེས་གསུངས༌སོ།།   
\s1 སྨྱུང་གནས་ཀྱི༌སྐོར།  
\p
\v 14 དེའི་དུས༌སུ། ཁྲུས་གསོལ་མཁན་ཡོ་ཧ་ནན་གྱི་སློབ་མ་འགའ་སྐྱབས་མགོན་ཡེ་ཤུའི་དྲུང་དུ་ཡོང༌སྟེ། ངེད་ཅག་དང་ཕ་རུ་ཤི་པ་རྣམས་ཀྱིས་རྒྱུན་དུ་སྨྱུང་གནས་སྲུང་བཞིན་ཡོད༌ནའང༌། ཁྱེད་ཀྱི་ཐུགས་སྲས་རྣམས་ཀྱིས་སྨྱུང་གནས་མི་སྲུང་བ་ཅི་ཞེས་ཞུས་པ༌ན།  
\v 15 ཁོང་གིས་དེ་རྣམས་ལ་འདི་སྐད༌དུ། སྐུ་མགྲོན་རྣམས་མག་པ་དང་མཉམ་དུ་ཡོད་དུས་ཡིད༌སྐྱོའམ། འོན་ཀྱང་མག་པ་དེ་ཁོ་ཚོ་དང་ཁ་འབྲལ་བའི་དུས་ཤིག་སླེབ་ཡོང༌སྟེ། དུས་དེར་ཁོ་ཚོས་སྨྱུང་གནས་བསྲུང་ངེས༌ཡིན།  
\v 16 མི་སུ་ཡིན་ཡང་རས་གསར་པས་ལྭ་རྙིང་པར་ལྷན་པ་མི་རྒྱག༌སྟེ། རས་གསར་པས་ལྷན་པ་བརྒྱབ་ན་ལྭ་རྙིང་པ་དེ་ལས་རལ་ཞིང་སྲུབས་ཀ་ཇེ་ཆེར༌འགྲོའོ།།  
\v 17 ཡང་མི་སུ་ཡིན་ཡང་རྒུན་ཆང་གསར་པ་སྐྱི་ཁུག་རྙིང་པའི་ནང་དུ་མི་ལྡུག༌སྟེ། གལ་ཏེ་བླུག་ན་སྐྱི་ཁུག་རྙིང་པ་རལ་ཏེ་རྒུན་ཆང་བཞུར་འགྲོ་ཞིང་སྐྱི་ཁུག་ཀྱང་བརླག་པར་འགྱུར༌བས། རྒུན་ཆང་གསར་པ་དེ་སྐྱི་ཁུག་གསར་པའི་ནང་དུ་བླུག་ན་ད་གཟོད་དེ་གཉིས་ཀ་བརླག་པར་མི་འགྱུར་ཞེས་གསུངས༌སོ།།   
\s1 མོ་ནད་བསལ་བ་དང་ཤི་ཟིན་པའི་བུ་མོ་སླར་གསོན༌པ།  
\p
\v 18 སྐྱབས་མགོན་ཡེ་ཤུས་དེ་སྐད་གསུང་བའི་དུས༌སུ། ཆོས་ཁང་གི་དབུ་འཛིན་པ་ཞིག་ཡོང་ནས་ཁོང་ལ་ཕྱག་བཙལ་ཏེ། ངའི་བུ་མོ་ཅང་མ་འགོར་བའི་སྔོན་ལ་ཤི༌བས། ཁྱེད་རང་ཕེབས་ནས་ཁོ་མོའི་ལུས་ལ་ཕྱག་བཞག༌ན། བུ་མོ་སླར་གསོན་པར་ངེས་ཞེས་ཞུས་པ༌དང༌།  
\v 19 སྐྱབས་མགོན་ཡེ་ཤུ་ཡར་བཞེངས་ཏེ་ཐུགས་སྲས་རྣམས་དང་མཉམ་དུ་ཁོའི་རྗེས་སུ་འབྲངས་ནས་ཕེབས༌སོ།།   
\p
\v 20 དེའི༌ཚེ། ཁྲག་འཛིར་བའི་མོ་ནད་བྱུང་སྟེ་ལོ་བཅུ་གཉིས་འགོར་བའི་བུད་མེད་ཅིག་ཁོང་གི་སྐུ་རྒྱབ་ཏུ་ཡོང༌སྟེ། ཁོང་གི་ན་བཟའི་འདབས་ཁར༌རེག  
\v 21 རྒྱུ་མཚན་ནི་ཁོ་མོའི་སེམས༌སུ། ངས་ཁོང་གི་ན་བཟའ་ལ་རེག༌ན། ང་རང་ནད་ལས་ཐར་ངེས་ཡིན་བསམས་པའི་ཕྱིར༌རོ།།  
\v 22 སྐྱབས་མགོན་ཡེ་ཤུ་ཕྱིར་འཁོར་ནས་བུད་མེད་དེར་གཟིགས་ཤིང་འདི་སྐད༌དུ། བུ༌མོ། སེམས་བདེ་བར༌གྱིས། ཁྱོད་ཀྱི་དད་པས་ཁྱོད་རང་བསྐྱབས་པ་ཡིན་ཞེས་གསུངས་མ་ཐག་ཏུ་བུད་མེད་དེ་ནད་ལས་ཐར༌རོ།།   
\p
\v 23 ཁོང་རྣམས་ཆོས་ཁང་གི་དབུ་འཛིན་པའི་ཁྱིམ་དུ་སླེབས་པ༌དང༌། གླིང་བུ་འབུད་མཁན་དང་མི་ཚོགས་ཀྱིས་འུར་རྒྱག་བཞིན་པ་གཟིགས་ཏེ་འདི་སྐད༌དུ།  
\v 24 ཕར་སོང༌ཞིག བུ་མོ་འདི་ཤི་བ་མིན་པར་གཉིད་འདུག་ཅེས་གསུངས་པ༌ལ། མི་དེ་རྣམས་ཀྱིས་ཁོང་ལ་འཕྱ་དགོད༌བྱས།  
\v 25 འོན་ཀྱང་ཁོང་གིས་མི་ཚོགས་ཕྱི་རུ་བསྐྲད༌རྗེས། དབུ་འཛིན་པའི་ཁྱིམ་ནང་དུ་ཕེབས་ཤིང་བུ་མོ་དེའི་ལག་པར་འཇུས་པ་དང་བུ་མོ་ཡར་ལངས༌སོ།།  
\v 26 ཁོང་གིས་མཛད་པའི་དོན་ནི་ཡུལ་དེའི་ཕྱོགས་ཀུན་ཏུ་ཁྱབ༌བོ།།   
\s1 ལོང་བ་དང་ལྐུགས་པ་གསོས༌པ།  
\p
\v 27 སྐྱབས་མགོན་ཡེ་ཤུ་གནས་དེ་ནས་ཡུལ་གཞན་དུ་ཕེབས་པའི་དུས༌སུ། ལོང་བ་གཉིས་ཁོང་གི་རྗེས་སུ་འབྲངས་ཏེ་སྐད་ཆེན༌པོས། ཀྱེ། དཱ་བིད་ཀྱི་རིགས༌སྲས། ངེད་གཉིས་ལ་སྙིང་རྗེས་གཟིགས་རོགས་ཞེས་ཞུས་པ༌ལ།  
\v 28 ཁོང་ཉིད་ཁང་པའི་ནང་དུ་ཕེབས་པ༌ན། ལོང་བ་དེ་གཉིས་ཀྱང་ཁོང་གི་དྲུང་དུ་ཡོང་བ༌དང༌། སྐྱབས་མགོན་ཡེ་ཤུས་མི་དེ་གཉིས་ལ་འདི་སྐད༌དུ། བདག་གིས་ཁྱོད་གཉིས་ཀྱི་མིག་ཟུང་གསོ་ནུས་པར་ཁྱོད་གཉིས་ཡིད་ཆེས་སམ་ཞེས་གསུངས་པ༌ན། དེ་གཉིས་ན༌རེ། གཙོ་བོ༌ལགས། ཁྱེད་ལ་ཡིད་ཆེས་པ་ཡིན་ཞེས་ཞུས་པ༌དང༌།  
\v 29 ཁོང་གིས་མི་དེ་གཉིས་ཀྱི་མིག་ཟུང་ལ་ཕྱག་གིས་རེག༌སྟེ། ཁྱོད་གཉིས་ཀྱི་དད་པ་བཞིན་དུ་གྲུབ་གྱུར་ཅིག་ཅེས་གསུངས་མ་ཐག༌ཏུ།  
\v 30 དེ་གཉིས་ཀྱི་མིག་ཟུང་གིས་མཐོང་ཐུབ་པར༌གྱུར། སྐྱབས་མགོན་ཡེ་ཤུས་མི་དེ་གཉིས་ལ་འདི་སྐད༌དུ། ཁྱོད་གཉིས་ཀྱིས་གཟབ་པར༌གྱིས། དོན་འདི་མི་གཞན་སུ་ལའང་ཤེས་སུ་འཇུག་མི་རུང་ཞེས་ནན་གྱིས་བསྐུལ་ཞིང་བཀའ་གནང༌ཡང༌།  
\v 31 ཁོ་གཉིས་ཕྱི་རོལ་ཏུ་སོང་ནས་ཁོང་གི་གནས་ཚུལ་ཡུལ་དེའི་ཕྱོགས་ཀུན་ཏུ་བསྒྲགས༌སོ།།   
\p
\v 32 མི་དེ་གཉིས་ཕྱི་རོལ་ཏུ་འགྲོ་བའི་དུས༌སུ། མི་འགའ་ཞིག་གིས་གདོན་འདྲེས་བཟུང་བའི་ལྐུགས་པ་ཞིག་ཁོང་གི་དྲུང་དུ་ཁྲིད་ཡོང་བ༌དང༌།  
\v 33 ཁོང་གིས་གདོན་འདྲེ་དེ་ཕྱིར་བསྐྲད་པ་དང་ལྐུགས་པས་སྐད་ཆ་སྨྲ་ནུས་པར་གྱུར༌པས། གནས་དེར་ཚོགས་པའི་མི་རྣམས་ངོ་མཚར་སྐྱེས༌ཏེ། ཡེས་ར་ཨེལ་གྱི་ཡུལ་ནས་དོན་འདི་འདྲ་ཞིག་གཏན་ནས་མཐོང་མ་མྱོང་ཞེས༌སྨྲས།  
\v 34 འོན་ཀྱང་ཕ་རུ་ཤི་པ་རྣམས་ན༌རེ། ཁོས་བདུད་ཀྱི་རྒྱལ་པོར་བརྟེན་ནས་གདོན་འདྲེ་སྐྲོད་བཞིན་འདུག་ཅེས་སྨྲས༌སོ།།   
\s1 སྟོན་ཐོག་སྡུད་མཁན་ཉུང༌བ།  
\p
\v 35 སྐྱབས་མགོན་ཡེ་ཤུ་གྲོང་ཁྱེར་དང་ཡུལ་སྡེ་ཀུན་ཏུ་ཕེབས༌ཤིང༌། ཆོས་ཁང་དག་ནས་ཆོས་གསུངས་ཤིང་དཀོན་མཆོག་གི་རྒྱལ་སྲིད་ཀྱི་འཕྲིན་བཟང་བསྒྲགས་པ༌དང༌། ནད་རིགས་དང་ལུས་ཟུངས་ཞན་པ་སྣ་ཚོགས་ཀྱང་གསོས༌སོ།།  
\v 36 ཡང་ཁོང་གིས་མི་རྣམས་ཀྱི་ཡིད་གདུང་ཞིང་ཉམ་ཐག་པའི་ཚུལ་ནི་རྫི་བོ་མེད་པའི་ལུག་དང་འདྲ་བར་གཟིགས་ཏེ་ཐུགས་ལ་སྙིང་རྗེ་འཁྲུངས༌ནས།  
\v 37 ཐུགས་སྲས་རྣམས་ལ་འདི་སྐད༌དུ། སྟོན་ཐོག་ཤིན་ཏུ་མང་ཡང་སྡུད་མཁན་ཉུང༌བས།  
\v 38 སྟོན་ཐོག་གི་བདག་པོ་ལ་ཁོང་ཉིད་ཀྱི་སྟོན་ཐོག་བསྡུ་བའི་ཕྱིར་དུ་སྡུད་མཁན་རྣམས་མངག་པར་ཞུས་ཤིག་ཅེས་གསུངས༌སོ།།\f + \ft ཚིག་རྐང་སོ་བདུན་དང་སོ་བརྒྱད་པ་གཉིས་ནི་འདི་ལྟ༌སྟེ། དཀོན་མཆོག་ལ་དད་པ་བྱེད་འདོད་པའི་མི་མང་ཡང་ཁོང་གི་ཆོས་སྒྲོག་མཁན་དང་སྤེལ་མཁན་མང་པོ་མེད༌པས། མི་རྣམས་ལ་ཆོས་སྤེལ་མཁན་མངག་ཕྱིར་ཁོང་ལ་གསོལ་བ་ཐོབས་ཤིག་ཅེས་པའི་དོན༌ཡིན། \f*   
\c 10
\cl ལེའུ་བཅུ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ཐུགས་སྲས་བཅུ་གཉིས་ཡུལ་གཞན་དུ་མངགས༌པ།  
\p
\v 1 སྐྱབས་མགོན་ཡེ་ཤུས་ཐུགས་སྲས་བཅུ་གཉིས་པོ་རང་ཉིད་ཀྱི་དྲུང་དུ་བོས༌ཏེ། ཁོ་རྣམས་ལ་གདོན་འདྲེ་ཕྱིར་སྐྲོད་པ་དང་ནད་རིགས་དང་ལུས་ཟུངས་ཞན་པ་སྣ་ཚོགས་གསོ་བར་བྱེད་པའི་དབང་གནང༌ངོ༌།།  
\v 2 སྐུ་ཚབ་པ་བཅུ་གཉིས་ཀྱི་མཚན་ནི་སི་མོན་ཞེས་ཀྱང་འབོད་པའི་པེ་ཏྲོ༌དང༌། དེའི་སྤུན་ཨན་དྲི༌ཡཱ། ཟེ་བད་ཡཱ་ཞེས་བྱ་བའི་བུ་ཡ་ཀོབ་དང་དེའི་སྤུན་ཡོ་ཧ༌ནན།  
\v 3 ཕི་ལིབ༌དང༌། པཱར་ཐོ་ལོ༌མཱ། ཐོ༌མཱ། ཁྲལ་ལེན་མཁན་མད༌ཐཱ། ཨལ་ཕཱའི་བུ་ཡ༌ཀོབ། ཐད༌དཱ།  
\v 4 བརྩོན་འགྲུས་ཅན་སི་མོན་དང་ཕྱིས་སུ་ཁོང་ལ་ངོ་ལོག་བྱེད་མཁན་ཨི་སི་ཀར་རེའི་ཡུ་དཱ་བཅས༌སོ།།   
\p
\v 5 སྐྱབས་མགོན་ཡེ་ཤུས་ཐུགས་སྲས་བཅུ་གཉིས་པོ་མངགས་ཤིང་དེ་རྣམས་ལ་བཀའ་བསྩལ་ཏེ་འདི་སྐད༌དུ། ཁྱོད་རྣམས་ཕྱི་ཕྱོགས་པའི་ལམ་དུ་མ༌འགྲོ། སཱ་མར་ཡ་པའི་གྲོང་རྡལ་དུའང་མ༌འགྲོའོ།།  
\v 6 འོན་ཀྱང་ཡེས་ར་ཨེལ་གྱི་ཁྱིམ་རྒྱུད་དེ་བོར་ཟིན་པའི་ལུག་རྣམས་ཀྱི་གམ་དུ་སོང༌ཞིག  
\v 7 ཡང་ཁྱོད་རྣམས་འགྲོ་བའི་དུས༌སུ། ནམ་མཁའི་རྒྱལ་སྲིད་སླེབས་ལ་ཉེའོ་ཞེས་སྒྲོགས༌ཤིག  
\v 8 ནད་པ་རྣམས་གསོ་བར༌གྱིས། གཤིན་པོ་རྣམས་སླར་གསོན་དུ༌ཆུག མཛེ་ནད་ཅན་རྣམས་གཙང་མར༌གྱིས། གདོན་འདྲེ་རྣམས་ཕྱིར་སྐྲོད༌ཅིག ཁྱོད་ཅག་ལ་རིན་མི་དགོས་པར་ཐོབ༌པས། མི་གཞན་ལའང་རིན་མི་ལེན་པར་སྦྱིན་པར༌གྱིས།  
\v 9 ཁྱོད་རྣམས་ཀྱིས་དངུལ་ཁུག་ནང་དུ་གསེར་དངུལ་ཟངས་སོགས་མ་འཁྱེར༌ཅིག  
\v 10 ལམ་ལ་ཆས༌སྐབས། ཁུག་མ༌དང༌། ནང་གོས་ལྷག༌མ། བསིལ༌ལྷམ། མཁར་བ་སོགས་ཅི་ཡང་མ་འཁྱེར༌ཅིག རྒྱུ་མཚན་ནི་ལས་ཀ་བྱེད་མཁན་ལ་ཁ་ཟས་འཐོབ་འོས་པ༌ཡིན།  
\v 11 ཁྱོད་རྣམས་གྲོང་རྡལ་གང་དང་ཡུལ་སྡེ་གང་དུ་ཕྱིན༌ནའང༌། གནས་དེ་རུ་སུ་ཞིག་འོས་པར་རྩད་བཅད༌དེ། ཕྱིར་འགྲོ་བའི་བར་དུ་ཁྱིམ་དེར་སྡོད༌ཅིག  
\v 12 ཁྱིམ་ཚང་དེ་ལ་སོང༌རྗེས། ཁྱིམ་མི་རྣམས་ལ་འཚམས་འདྲི་ཞུས༌ཤིག  
\v 13 གལ་ཏེ་ཁྱིམ་ཚང་དེར་ཞི་བདེ་འཐོབ་འོས༌ན། ཁྱོད་ཅག་གི་ཞི་བདེ་ནི་ཁྱིམ་ཚང་དེ་ལ་ལྡན་པར་འགྱུར༌ཞིང༌། གལ་ཏེ་ཁྱིམ་ཚང་དེར་ཞི་བདེ་འཐོབ་མི་འོས༌ན། ཁྱོད་ཅག་གི་ཞི་བདེ་དེ་ནི་སླར་ཡང་ཁྱོད་རྣམས་ལ་ལྡན་པར༌འགྱུར།  
\v 14 སུ་ཞིག་གིས་ཁྱོད་རྣམས་ལ་སྣེ་ལེན་མི་བྱ༌ཞིང༌། ཁྱོད་ཅག་གིས་སྨྲས་པ་ལའང་མི་མཉན༌ན། ཁྱོད་རྣམས་ཁྱིམ་ཚང་དེའམ་གྲོང་རྡལ་དེ་དང་ཁ་འབྲལ་བའི་དུས་སུ་རྐང་པའི་སྟེང་གི་ས་རྡུལ་སྤྲུགས༌ཤིག \f + \ft རྐང་པའི་སྟེང་གི་ས་རྡུལ་སྤྲུགས་ཞེས་པ་ནི་མཱར་ཀུའི་འཕྲིན་བཟང༌དང༌། ལོ་ཀུའི་འཕྲིན༌བཟང༌། མད་ཐཱའི་འཕྲིན་བཟང་བཅས་ལས་འབྱུང་བ༌དང༌། ཚིག་ཐམས་ཅད་གཅིག་གྱུར་ཡིན་ཞིང་དོན་ནི་ཐུགས་ཁྲོས་པའི་རྣམ་པ༌ཡིན། དེ་ཡང་ཆོས་ལ་ཉན་མཁན་དེ་དག་གིས་རང་སེམས་མི་བསྒྱུར་ཅིང་དད་པ་མ་བྱས༌ན། དཀོན་མཆོག་གིས་དེ་རྣམས་ལ་ཉེས་ཆད་གཅོད་པར་འགྱུར་བའི་རྟགས༌ཡིན། \f*  
\v 15 བདག་གིས་ཁྱོད་རྣམས་ལ་བདེན་པར་སྨྲ༌སྟེ། མ་འོངས་པར་ཉེས་ཆད་གཅོད་པའི་ཉིན་དེ་སླེབས་ཚེ། སཱ་དོམ་དང་གཱ་མོ་ར་ཡུལ་གཉིས་ལས་ཀྱང་གྲོང་རྡལ་དེ་ལ་ཉེས་ཆད་ལྕི་མོ་འཕོག་ངེས༌ཡིན།  
\v 16 བདག་གིས་ཁྱོད་རྣམས་སྤྱང་ཁྱུའི་ཁྲོད་དུ་ལུག་རྣམས་གཏོང་བ་ལྟར་མངག་པར་བྱེད༌པས། ཁྱོད་རྣམས་སྦྲུལ་ལྟར་བློ་རིག་མྱུར་ཞིང་ཕུག་རོན་བཞིན་དུ་ཞི་ཞིང་དུལ་བར༌གྱིས།   
\p
\v 17 ཁྱོད་ཅག་གིས་མི་རྣམས་ལ་དོགས་ཟོན་བྱེད་པར༌གྱིས། རྒྱུ་མཚན་ནི་དེ་དག་གིས་ཁྱོད་རྣམས་ཁྲིམས་རར་སྤྲོད་ཅིང་ཆོས་ཁང་ནས་རྟ་ལྕག་གིས་གཞུ་ངེས་པར་མ༌ཟད།  
\v 18 བདག་གི་རྐྱེན་གྱིས་ཁྱོད་རྣམས་སྤྱི་དཔོན་དང་རྒྱལ་པོ་རྣམས་ཀྱི་དྲུང་དུའང་ཁྲིད༌ནས། དེ་དག་དང་ཕྱི་ཕྱོགས་པ་རྣམས་ལ་བདེན་དཔང་བྱེད་པར་འགྱུར༌རོ།།  
\v 19 འོན་ཀྱང་དེ་དག་གིས་ཁྱོད་རྣམས་སྤྲོད་པའི་དུས༌སུ། ཁྱོད་ཅག་གིས་ཅི་ལྟར་སྨྲ་བ་དང་ཅི་ཞིག་སྨྲ་དགོས་པར་སེམས་ཁྲལ་མ་བྱེད༌ཅིག ཁྱོད་རྣམས་ཀྱིས་ཅི་ཞིག་སྨྲ་དགོས་པ་ནི་དུས་དེར་ཁྱོད་ཅག་ལ་གནང་ངེས༌ཡིན།  
\v 20 རྒྱུ་མཚན་ནི་གཏམ་སྨྲ་མཁན་ཁྱོད་རྣམས་རང་ཉིད་མ་ཡིན༌པར། ཁྱོད་ཅག་གི་ཡབ་ཀྱི་ཐུགས་ཉིད་ཀྱིས་ཁྱོད་ཅག་བརྒྱུད་ནས་གསུང་བ་ཡིན༌ནོ།།   
\p
\v 21 ཡང་སྤུན་གྱིས་སྤུན་དང་ཕ་ཡིས་བུ་ཕྲུག་ཀྱང་འཆི་ལམ་དུ་འཇུག་པར་ངེས༌ལ། བུ་ཕྲུག་དག་གིས་ཀྱང་ཕ་མ་དགྲ་རུ་བཟུང་ནས་གསོད་པར༌འགྱུར།  
\v 22 ངའི་མིང་གི་རྐྱེན་གྱིས་མི་ཐམས་ཅད་ཁྱོད་ཅག་ལ་སྡང་བར་འགྱུར༌ནའང༌། མཇུག་མཐའི་བར་དུ་བཟོད་བསྲན་བྱེད་མཁན་དེ་ལ་ཐར་པ་འཐོབ་ངེས༌ཡིན།  
\v 23 དེ་དག་གིས་ཁྱོད་རྣམས་ལ་གྲོང་རྡལ་གཅིག་ནས་གནོད་འཚེ་བཏང༌ཚེ། ཁྱོད་ཅག་གྲོང་རྡལ་གཞན་ལ་འབྲོ་བར༌གྱིས། བདག་གིས་ཁྱོད་ཅག་ལ་བདེན་པར་སྨྲ༌སྟེ། ཁྱོད་རྣམས་ཡེས་ར་ཨེལ་ཡུལ་གྱི་གྲོང་རྡལ་ཀུན་ལ་འགྲིམ་མ་ཚར་བའི་སྔོན་དུ་མིའི་བུ་ཕྱིར་སླེབ་པར་འགྱུར༌རོ།།   
\p
\v 24 སློབ་བུ་ནི་རང་གི་སློབ་དཔོན་ལས་ཆེན་པོ་མ་ཡིན༌ལ། གཡོག་པོའང་རང་གི་བདག་པོ་ལས་ཆེན་པོ་མ༌ཡིན།  
\v 25 སློབ་བུ་ནི་རང་གི་སློབ་དཔོན་དང་འདྲ་བ་ཙམ་དུ་འགྱུར་སྲིད༌ཅིང༌། གཡོག་པོ་ནི་རང་གི་བདག་པོ་དང་འདྲ་བ་ཙམ་དུའང་འགྱུར༌སྲིད། མི་རྣམས་ཀྱིས་ཁྱིམ་བདག་ལ་ཁྱོད་ནི་པེ་ཨལ་བཟི་པད་ \f + \ft པེ་ཨལ་བཟི་པད་ཅེས་པ་ནི་བདུད་ཀྱི་རྒྱལ་པོ་ཡིན༌ལ། མིང་གཞན་ལ་བདུད་སཱ་ཏན་ཞེས་ཀྱང༌ཟེར། \f*ཡིན་ཞེས་འཕྱ་སྨོད་བྱེད༌ན། ཁོའི་ཁྱིམ་མི་རྣམས་ལ་དེ་ལས་ལྷག་པའི་འཕྱ་སྨོད་བྱེད་པར་འགྱུར༌ཨང༌།   
\p
\v 26 དེའི༌ཕྱིར། ཁྱོད་ཅག་མི་དེ་རྣམས་ལ་འཇིགས་མི་དགོས༌ཏེ། སྦས་པའི་དོན་ཐམས་ཅད་མི་མངོན་པ་ཅི་ཡང་མེད༌ལ། གསང་བའི་དོན་ཐམས་ཅད་ཀྱང་མི་ཤེས་པ་ཅི་ཡང༌མེད།  
\v 27 བདག་གིས་ཟུར་དུ་ཁྱོད་ཅག་ལ་ཅི་ཞིག་སྨྲས་པ༌དེ། ཁྱོད་རྣམས་ཀྱིས་མངོན་གསལ་དུ་སྨྲོས༌ཤིག ཡང་བདག་གིས་ཁྱོད་ཅག་གི་རྣ་བར་ཤུབ་ཤུབ་ཏུ་ཅི་ཞིག་སྨྲས་པ་དེའང་ཁང་པའི་ཐོག་ནས་སྒྲོགས༌ཤིག  
\v 28 ལུས་པོ་གཞོམ་ཡང་རྣམ་ཤེས་མེད་པར་བཟོ་མི་ནུས་པ་དེ་རྣམས་ལ་ཁྱོད་ཅག་མ་འཇིགས༌ཤིག འོན༌ཀྱང༌། ལུས་པོ་དང་རྣམ་ཤེས་གཉིས་ཀ་དམྱལ་བའི་གནས་སུ་མེད་པར་མཛད་ནུས་པ་དེ་ཉིད་ཁོ་ན་ལ་འཇིགས་དགོས༌སོ།།  
\v 29 ལར་བྱེའུ་གཉིས་ཀྱི་རིན་ཐང་ནི་དོང་ཙེ་གཅིག་མ་ཡིན༌ནམ། ཁྱོད་རྣམས་ཀྱི་ཡབ་ཀྱིས་མི་མཁྱེན་པར་དེ་རྣམས་ལས་གཅིག་ཀྱང་སར་ལྷུང་བར་མི་འགྱུར༌ལ།  
\v 30 ཁོང་གིས་ཁྱོད་རྣམས་ཀྱི་སྐྲའི་ཉག་མ་རེ་རེ་ཡང་གྲངས་སུ་བརྩིས་ཡོད༌པས།  
\v 31 འཇིགས་མི་དགོས༌ཏེ། བྱེའུ་མང་པོ་ལས་ཀྱང་ཁྱོད་རྣམས་ལ་རིན་ཐང་ཆེན་པོ་ལྡན༌ནོ།།  
\v 32 དེའི༌ཕྱིར། སུ་ཞིག་གིས་མི་གཞན་གྱི་མདུན་དུ་ང་རང་ཁས་བླངས༌ན། བདག་གིས་ཀྱང་ནམ་མཁའི་ཞིང་ཁམས་སུ་བཞུགས་པའི་ང་ཡི་ཡབ་ཀྱི་དྲུང་དུ་མི་དེ་ཁས་ལེན་པར༌འགྱུར།  
\v 33 འོན་ཀྱང་སུ་ཞིག་གིས་མི་གཞན་གྱི་མདུན་དུ་ང་རང་ཁས་མ་བླངས༌ན། བདག་གིས་ཀྱང་ནམ་མཁའི་ཞིང་ཁམས་སུ་བཞུགས་པའི་ང་ཡི་ཡབ་ཀྱི་དྲུང་དུ་མི་དེ་ཁས་མི་ལེན༌ནོ།།   
\p
\v 34 ཁྱོད་རྣམས་ཀྱིས་ང་རང་འཇིག་རྟེན་འདིར་ཡོང་བ་ནི་མི་རྣམས་ལ་ཞི་བདེ་བསྐྱལ་ཡོང་བའི་ཆེད་དུ་ཡིན་པར་མ་སེམས༌ཤིག ངས་མི་རྣམས་ལ་ཞི་བདེ་བསྐྱལ་ཡོང་བ་མ་ཡིན་པར་རལ་གྲི་བསྐྱལ་བའི་ཕྱིར་ཡོང༌ངོ༌།།  
\v 35 ང་ནི་བུ་དང༌ཕ། བུ་མོ་དང༌མ། མནའ་མ་དང་སྒྱུག་མོ་རྣམས་ཕན་ཚུན་དགྲ་རུ་ལང་བའི་ཕྱིར་ཡོང་བ༌ཡིན།  
\v 36 མི་རྣམས་ཀྱི་དགྲ་བོ་ནི་རང་གི་ཁྱིམ་མི་དག་ཡིན་པར༌འགྱུར།  
\v 37 ཡང་སུ་ཞིག་གིས་བདག་ལས་ཀྱང་ཁོ་རང་གི་ཕ་མར་གཅེས༌ན། མི་དེ་ནི་བདག་གི་རྗེས་འབྲང་པ་བྱ་མི་འོས༌ཤིང༌། སུ་ཞིག་གིས་བདག་ལས་ཀྱང་རང་གི་བུ་ཕྲུག་ལ་གཅེས༌ན། མི་དེའང་བདག་གི་རྗེས་འབྲང་པ་བྱ་མི༌འོས།  
\v 38 ཡང་སུ་ཞིག་གིས་རང་གི་ཤིང་རྒྱ་གྲམ་ཁུར་ནས་བདག་གི་རྗེས་སུ་འབྲང་བ་མིན་ན་མི་དེའང་བདག་གི་རྗེས་འབྲང་པ་བྱ་མི༌འོས།  
\v 39 ཡང་མི་སུ་ལའང་རང་སྲོག་ཐོབ་པ་དེས་རང་སྲོག་འཆོར༌ཞིང༌། མི་སུས་ཀྱང་བདག་གི་དོན་དུ་རང་སྲོག་འདོར་བ་དེར་རང་སྲོག་འཐོབ་ངེས༌སོ།།   
\p
\v 40 སུ་ཞིག་གིས་ཁྱོད་རྣམས་ལ་བསུ་བ་བྱས༌ན། དེ་ནི་ང་རང་ལ་བསུ་བ་བྱས་པ་ཡིན༌ལ། ཡང་སུ་ཞིག་གིས་ང་རང་ལ་བསུ་བ་བྱས༌ན། དེ་ནི་ང་རང་མངགས་མཁན་ལ་བསུ་བ་བྱས་པ༌ཡིན།  
\v 41 སུ་ཞིག་གིས་ལུང་སྟོན་པ་ནི་ལུང་སྟོན་པ་ཞིག་ཡིན་པའི་ཕྱིར་བསུ་བ་བྱས༌ན། མི་དེ་ལ་ལུང་སྟོན་པའི་བྱ་དགའ་འཐོབ་ངེས༌ཡིན། སུ་ཞིག་གིས་མི་གཞུང་དྲང་ལ་དེའི་མིང་གི་ཕྱིར་བསུ་བ་བྱས༌ན། མི་དེ་ལའང་མི་གཞུང་དྲང་གི་བྱ་དགའ་འཐོབ་ངེས༌ཡིན།  
\v 42 བདག་གིས་ཁྱོད་རྣམས་ལ་བདེན་པར་སྨྲ༌སྟེ། སུ་ཞིག་གིས་བུ་ཕྲུག་འདི་དག་ལས་གཅིག་ལ་བདག་གི་རྗེས་འབྲང་པ་ཡིན་པའི་ཕྱིར་ཆུ་གྲང་མོ་ཕོར་བ་གང་བྱིན༌ནའང༌། མི་དེའི་བྱ་དགའ་ཅི་ནས་ཀྱང་སྟོང་བར་མི་འགྱུར་ཞེས་གསུངས༌སོ།།   
\c 11
\cl ལེའུ་བཅུ་གཅིག༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ཁྲུས་གསོལ་མཁན་ཡོ་ཧ་ནན་ལ་དྲིས་ལན་གནང༌བ།  
\p
\v 1 སྐྱབས་མགོན་ཡེ་ཤུས་ཐུགས་སྲས་བཅུ་གཉིས་ལ་བཀའ་གནང་ཚར་རྗེས་ཡུལ་དེ་དང་ཁ་བྲལ༌ཏེ། ཁོ་རྣམས་ཀྱི་གྲོང་ཁྱེར་དག་ཏུ་ཆོས་གསུང་བ་དང་ཆོས་བསྒྲག་པར་ཕེབས༌སོ།།   
\p
\v 2 ཁྲུས་གསོལ་མཁན་ཡོ་ཧ་ནན་གྱིས་བཙོན་ཁང་ནས་སྐྱབས་མགོན་མཱ་ཤི་ཀའི་མཛད་པ་རྣམས་ཐོས་ནས་རང་གི་སློབ་མ་འགའ་མངགས༌ཏེ།  
\v 3 སྐྱབས་མགོན་ཡེ་ཤུ་ལ་འདི་ལྟར་ཞུས་པ༌སྟེ། མ་འོངས་པར་ཕེབས་ངེས་པ་དེ་ཉིད་ནི་ཁྱེད་རང་ཡིན༌ནམ། ཡང་ན་ངེད་ཅག་གིས་ད་དུང་གཞན་ཞིག་ལ་བསྒུག་དགོས་པ་ཡིན་ཞེས་པ༌ལ།  
\v 4 སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཕྱིར་སོང༌ནས།  
\v 5 ལོང་བའི་མིག་གིས་མཐོང་ཞིང་གྱོལ་པོ་རྣམས་འགྲོ་བ༌དང༌། མཛེ་ནད་བསལ་ཞིང་འོན་པའི་རྣ་བས་ཐོས་པ༌དང༌། གཤིན་པོ་རྣམས་ཀྱང་སླར་གསོན་པོར་གྱུར་པ༌དང༌། དབུལ་འཕོངས་རྣམས་ལ་འཕྲིན་བཟང་བསྒྲགས་པ་སོགས་ཁྱོད་རྣམས་ཀྱི་མཐོང་ཐོས་དེ་རྣམས་ཡོ་ཧ་ནན་ལ་ཤོད༌ཅིག  
\v 6 བདག་གི་རྐྱེན་གྱིས་དད་པ་མི་ཉམས་པ་རྣམས་བདེའོ་ཞེས་གསུངས༌སོ།།   
\p
\v 7 མི་དེ་རྣམས་ཕྱིར་སོང༌རྗེས། སྐྱབས་མགོན་ཡེ་ཤུས་ཡོ་ཧ་ནན་གྱི་སྐོར་མི་ཚོགས་ལ་འདི་སྐད་དུ་གསུངས་པ༌སྟེ། དེ་སྔོན་ཁྱོད་རྣམས་དབེན་སྟོང་དུ་ཅི་ཞིག་ལ་བལྟ་རུ་སོང༌ངམ། རླུང་གིས་གཡོས་པའི་འདམ་རྩྭ་ཞིག་ལ་བལྟ་རུ་སོང་བ་ཡིན༌ནམ།  
\v 8 མ་གཞི་ཁྱོད་རྣམས་ཅི་ཞིག་ལ་བལྟ་རུ་སོང༌ངམ། ཡང་ན་སྲབ་ཅིང་འཇམ་པའི་གོས་ཆེན་གྱོན་པའི་མི་ཞིག་ལ་བལྟ་རུ་སོང༌ངམ། ལུས་ལ་སྲབ་ཅིང་འཇམ་པའི་གོས་ཆེན་གྱོན་མཁན་རྣམས་ནི་རྒྱལ་པོའི་ཕོ་བྲང་དུ་ཡོད་པ༌ཡིན།  
\v 9 མ་གཞི་ཁྱོད་རྣམས་ཅི་ཞིག་ལ་བལྟ་རུ་སོང༌ངམ། ཡང་ན་ལུང་སྟོན་པ་ཞིག་ལ་བལྟ་རུ་སོང༌ངམ། ལགས༌སོ། །བདག་གིས་ཁྱོད་རྣམས་ལ་སྨྲ༌སྟེ། ཡོ་ཧ་ནན་ནི་ལུང་སྟོན་པ་ལས་མཆོག་ཏུ་གྱུར་པ༌ཡིན།  
\v 10 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 བདག་གི་ཕོ་ཉ་ཁྱོད་ཀྱི་མདུན་དུ༌མངགས།།  
\q1 ཁྱོད་ཀྱི་ལམ་ནི་གྲ་སྒྲིག་བྱེད་ལ༌ལྟོས།།  
\m ཞེས་བཀོད་པ་དེ་ནི་ཁོའི་སྐོར་ཡིན༌ནོ།།  
\v 11 ཡང་བདག་གིས་ཁྱོད་རྣམས་ལ་བདེན་པར་སྨྲ༌སྟེ། མ་ཡིས་བཙས་པ་ཐམས་ཅད་ཀྱི་ཁྲོད་ནས་ཁྲུས་གསོལ་མཁན་ཡོ་ཧ་ནན་ལས་མཆོག་ཏུ་གྱུར་པ་གཅིག་ཀྱང༌མེད། འོན་ཀྱང་ནམ་མཁའི་རྒྱལ་སྲིད་ཀྱི་ནང་དུ་ཐམས་ཅད་ལས་ཆུང་བ་དེའང་ཡོ་ཧ་ནན་ལས་ཆེན་པོ་ཡིན།  
\v 12 ཁྲུས་གསོལ་མཁན་ཡོ་ཧ་ནན་གྱི་དུས་ནས་ད་ལྟའི་བར༌དུ། ནམ་མཁའི་རྒྱལ་སྲིད་ལ་གཞན་དག་གིས་ངོ་རྒོལ་དྲག་པོ་བྱེད༌ཅིང༌། གདུག་རྩུབ་ཅན་རྣམས་ཀྱིས་ཀྱང་དེ་བཙན་བཟུང་བྱེད་པ༌ཡིན།  
\v 13 ཡོ་ཧ་ནན་གྱི་བར་དུ་བཀའ་ཁྲིམས་དང་ལུང་སྟོན་པ་ཐམས་ཅད་ཀྱིས་ལུང་བསྟན་གནང༌བའོ།།  
\v 14 གལ༌ཏེ། ཁྱོད་ཅག་གིས་ཡིད་ཆེས་པར་འདོད༌ན། ཡོ་ཧ་ནན་ནི་མ་འོངས་པར་ཕེབས་ངེས་པའི་ཨེ་ལི་ཡཱ༌ཡིན།  
\v 15 ཡང་རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན༌ཅིག།   
\p
\v 16 བདག་གིས་མི་རབས་འདི་ནི་གང་ཞིག་ལ་བསྡུར་བར༌བྱའམ། དེ་རྣམས་ནི་ཁྲོམ་སྲང་དུ་སྡོད་པའི་བྱིས་པ་རྣམས་ཀྱིས་རང་གི་གྲོགས་པོ་རྣམས་བོས༌ཏེ།  
\v 17 ངེད་རྣམས་ཀྱིས་ཁྱོད་རྣམས་ལ་གླིང་བུ་བུས་ཀྱང་ཁྱོད་རྣམས་བྲོ་མི༌འཁྲབ། ངེད་རྣམས་ཀྱིས་སྐྱོ་གླུ་བླངས་ཀྱང་ཁྱོད་རྣམས་ངུ་བ་མིན་ཞེས་ཟེར་བ་དང༌འདྲའོ།།  
\v 18 དེ་ལྟར་ཡོ་ཧ་ནན་ཡོང་ནས་མ་ཟོས་མ་འཐུངས༌ཤིང༌། མི་རྣམས་ཀྱིས་ཁོ་རང་གདོན་འདྲེས་བཟུང་འདུག་ཅེས་ཟེར་བ༌དང༌།  
\v 19 དེ་ནས་མིའི་བུ་ཕེབས་ཏེ་བཟའ་བཏུང་ལོངས་སུ་སྤྱད༌ཅིང༌། མི་རྣམས་ཀྱིས་མི་འདི་ནི་ཤ་ཆང་ལ་རྔམ་པ་ཞིག་ཡིན༌ལ། ཁྲལ་ལེན་མཁན་དང་སྡིག་ཅན་རྣམས་ཀྱི་གྲོགས་པོ་ཡིན་ཟེར༌མོད། འོན་ཀྱང་ཤེས་རབ་ནི་དེའི་འབྲས་བུ་ལས་བདེན་ཅིང་ཡང་དག་པ་ཡིན་པར་ར་སྤྲོད་བྱུང་ཞེས་གསུངས༌སོ།།   
\s1 འགྱོད་བཤགས་མ་བྱས་པའི་གྲོང་ཁྱེར་དག་གི་མི་རྣམས་ལ་བཀའ་བཀྱོན་གནང༌བ།  
\p
\v 20 སྐྱབས་མགོན་ཡེ་ཤུས་གྲོང་ཁྱེར་རྣམས་སུ་ངོ་མཚར་ཆེ་བའི་མཛད་པ་གང་མང་བསྟན༌ནའང༌། གྲོང་ཁྱེར་དེ་དག་གིས་འགྱོད་བཤགས་མ་བྱས༌པས། ཁོང་གིས་འདི་སྐད་དུ་བཀའ་བཀྱོན་གནང་བ༌སྟེ།  
\v 21 ཀྱེ། ཀོ་ར་ཟིན་དང་པེ་སད་དཱ་ཁྱོད་གཉིས་ལ་ཆག་སྒོ༌འབྱུང༌། རྒྱུ་མཚན་ནི་ཁྱོད་གཉིས་ཀྱི་ནང་དུ་བྱུང་བའི་དོན་ངོ་མཚར་ཅན་དེ༌རྣམས་ཐཱར་དང་ཚི་ཏུན་དུ་བྱུང་བ་ཡིན༌ན། ཡུལ་དེའི་མི་རྣམས་ཀྱིས་སྔར་ནས་འགྱོད་བཤགས་བྱས་པ༌དང༌། ལུས་ལ་རྩིད་རས་གྱོན་ཞིང་མགོ་ལ་ཐལ་བ་གཏོར་བར༌བྱེད།  
\v 22 འོན་ཀྱང་བདག་གིས་ཁྱོད་གཉིས་ལ་སྨྲ་བར་བྱ༌སྟེ། ཉེས་ཆད་གཅོད་པའི་ཉིན་མོ་དེ་སླེབས་ཚེ། ཐཱར་དང་ཚི་ཏུན་གཉིས༌ལས་ཁྱོད་གཉིས་ལ་ཉེས་ཆད་ལྕི་མོ་འཕོག་པར་འགྱུར༌རོ།།  
\v 23 ཀྱེ། ཀཱ་ཕར་ན་ཧུམ་ཁྱོད་ནི་ནམ་མཁའི་ཞིང་ཁམས་སུ་འདྲེན་པར་འགྱུར་རམ་ཞེ་ན་མི་འདྲེན༌ཏེ། གཤིན་པོའི་གནས་སུ་འཕེན་པར༌འགྱུར། རྒྱུ་མཚན་ནི་ཁྱོད་ལ་བྱུང་བའི་ངོ་མཚར་བའི་མཛད་པ༌རྣམས་སཱ་དོམ་ནས་བྱུང་བ་ཡིན༌ན། གྲོང་ཁྱེར་དེ་ནི་ད་ལྟའི་བར་དུ་གནས་ཡོད་པ༌ཡིན།  
\v 24 འོན་ཀྱང་བདག་གིས་ཁྱོད་ཅག་ལ་སྨྲ་བར་བྱ༌སྟེ། ཉེས་ཆད་གཅོད་པའི་ཉིན་མོ་དེ་སླེབས་ཚེ། སཱ་དོམ་ཡུལ་ལས་ཁྱོད་ལ་ཉེས་ཆད་ལྕི་མོ་འཕོག་པར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུས་མི་གཞན་རྣམས་ཚུར་བོས༌པ།  
\p
\v 25 དེའི་དུས༌སུ། སྐྱབས་མགོན་ཡེ་ཤུས་འདི་སྐད༌དུ། ཀྱེ། བདག་གི་ཡབ་སྟེ་གནམ་ས་གཉིས་ཀྱི་བདག་པོ༌ལགས། ཁྱེད་ཀྱིས་དོན་འདི་རྣམས་མཁས་པ་དང་བློ་གྲོས་ཅན་ལ་གབ༌ཅིང༌། བྱིས་པ་ལྟ་བུའི་མི་རྣམས་ལ་མངོན་པར་མཛད་པས་བདག་གིས་ཁྱེད་ལ་བསྔགས་པར༌བྱེད།  
\v 26 ཀྱེ། ཡབ༌ལགས། དོན་དེ་ལ་ཁྱེད་ཐུགས་ཤིན་ཏུ་དགྱེས་པའི་ཕྱིར་ཡིན་ཞེས་གསུངས༌སོ།།  
\v 27 ཡང་འདི་སྐད༌དུ། བདག་གི་ཡབ་ཀྱིས་དོན་ཐམས་ཅད་བདག་ལ་གནང་བ་ཡིན༌ལ། ཡབ་ལས་གཞན་སུ་ཞིག་གིས་ཀྱང་སྲས་ངོ་མི༌ཤེས། སྲས་ཁོང་ཉིད་དང་སྲས་ཀྱིས་ཡབ་སུ་ཡིན་སྟོན་པར་འདོད་པའི་མི་ལས༌གཞན། སུས་ཀྱང་ཡབ་ངོ་མི་ཤེས༌སོ།།   
\p
\v 28 དཀའ་སྡུག་ཆེན་པོ་མྱོང་བ་དང་ཁུར་བོ་ལྕི་མོས་མནན་ཡོད་པ་ཐམས་ཅད་བདག་གི་དྲུང་དུ་ཤོག༌དང༌། བདག་གིས་ཁྱོད་རྣམས་ལ་ངལ་གསོ་སྟེར་བར༌བྱའོ།།  
\v 29 བདག་གི་གཉའ་ཤིང་ཁུར་ལ་བདག་ནས་སློབས༌དང༌། བདག་ནི་གཤིས་རྒྱུད་འཇམ་ཞིང་སྙེམས་ཆུང༌ཡིན། དེ་ལྟར་བྱས༌ན། ཁྱོད་རྣམས་ཀྱི་སེམས་སུ་ངལ་གསོ་འཐོབ་ངེས༌ཡིན།  
\v 30 རྒྱུ་མཚན་ནི་བདག་གི་གཉའ་ཤིང་བདེ་ཞིང་ངའི་ཁུར་བོའང་ཡང་ངོ་ཞེས་གསུངས༌སོ།།   
\c 12
\cl ལེའུ་བཅུ་གཉིས༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ངལ་གསོ་བའི་ཉིན་གྱི་གཙོ༌བོ།  
\p
\v 1 དེའི་དུས༌སུ། ངལ་གསོ་བའི་ཉིན་མོར་སྐྱབས་མགོན་ཡེ་ཤུ་ཞིང་བར་བརྒྱུད་ནས་ཕེབས་པ༌དང༌། ཁོང་གི་ཐུགས་སྲས་རྣམས་བཀྲེས་ཏེ་འབྲུ་ཡི་སྙེ་མ་བཏོགས་ནས་ཟོས༌སོ།།  
\v 2 ཕ་རུ་ཤི་པ་རྣམས་ཀྱིས་དོན་དེ་མཐོང་ཞིང་ན༌རེ། གཟིགས༌དང༌། ཁྱེད་ཀྱི་ཐུགས་སྲས་རྣམས་ཀྱིས་ངལ་གསོ་བའི་ཉིན༌ལ་བཀའ་ཁྲིམས་དང་འགལ་བའི་ལས་བྱེད་ཀྱིན་འདུག་ཅེས་ཞུས་པ༌དང༌།  
\v 3 ཁོང་གིས་དེ་རྣམས་ལ་འདི་སྐད༌དུ། དཱ་བིད་འཁོར་དང་བཅས་པའི་ལྟོ་བ་བཀྲེས་སྐབས་ཅི་ཞིག་བྱས་པ་ཁྱོད་རྣམས་ཀྱིས་བཀླགས་མ་མྱོང༌ངམ།  
\v 4 ཁོང་ཅིའི་ཕྱིར་དཀོན་མཆོག་གི་བཞུགས་གནས་སུ་སོང་སྟེ་སྤྱན་བསྟར་བག་ལེབ་ཟོས༌སམ། སྤྱིར་དེ་ནི་དཱ་བིད་འཁོར་དང་བཅས་པས་བཟའ་རུང་བ་ཞིག་མ་ཡིན༌ཏེ། མཆོད་དཔོན་ཁོ་ནས་བཟའ་རུང་བ་ཡིན༌ནོ།།  
\v 5 གཞན༌ཡང༌། མཆོད་དཔོན་རྣམས་ཀྱིས་ངལ་གསོ་བའི་ཉིན་མོར་མཆོད་ཁང་ནས་ངལ་གསོའི་ཁྲིམས་དང་འགལ་ནའང་ཉེས་པ་མེད་ཅེས་བཀའ་ཁྲིམས་ནང་དུ་ཡོད་པ་ཁྱོད་རྣམས་ཀྱིས་མ་བཀླགས༌སམ།  
\v 6 བདག་གིས་ཁྱོད་རྣམས་ལ་སྨྲ་བར་བྱ༌སྟེ། མཆོད་ཁང་ལས་ཀྱང་ཆེ་བ་ཞིག་འདི་རུ༌ཡོད།  
\v 7 འོན༌ཀྱང༌། ཁྱོད་རྣམས་ཀྱིས་བདག་ནི་མཆོད་པར་མི་དགའ་ཞིང་སྙིང་རྗེའི་སེམས་ལ་དགའ་ཞེས་གསུངས་པ་དེའི་དོན་རྟོགས༌ན། ཉེས་པ་མེད་པའི་མི་ལ་ཉེས་པ་ཡོད་པར་མི་བྱེད༌དེ།  
\v 8 མིའི་བུ་ནི་ངལ་གསོ་བའི་ཉིན་གྱི་གཙོ་བོ་ཡིན་པའི་ཕྱིར་རོ་ཞེས་གསུངས༌སོ།།   
\p
\v 9 དེ་ནས་སྐྱབས་མགོན་ཡེ་ཤུ་ཡུལ་དེ་དང་ཁ་བྲལ་ནས་ཁོ་རྣམས་ཀྱི་ཆོས་ཁང་དུ་ཕེབས༌ཤིང༌།  
\v 10 དེ་རུ་ལག་པ་ཡ་གཅིག་ཞ་བའི་མི་ཞིག་ཡོད༌དེ། ཕ་རུ་ཤི་པ་རྣམས་ཀྱིས་ཁོང་ལ་སྙད་འཛུགས་པའི༌ཕྱིར། ངལ་གསོ་བའི་ཉིན་མོར་ནད་གསོ་བ་ནི་བཀའ་ཁྲིམས་དང་མཐུན་ནམ་ཞེས་ཞུས་པ༌ལ།  
\v 11 ཁོང་གིས་འདི་སྐད༌དུ། ཁྱོད་རྣམས་ལས་སུ་ཞིག་གི་ལུག་ཅིག་ངལ་གསོ་བའི་ཉིན་ལ་དོང་ནང་དུ་ལྷུང་བ༌ན། ཁོས་ལུག་དེ་ཕྱིར་མི་ལེན༌ནམ།  
\v 12 མི་ནི་ལུག་ལས་ཀྱང་གལ་ཆེ་བ་མ་ཡིན༌ནམ། དེའི༌ཕྱིར། ངལ་གསོ་བའི་ཉིན་ལ་ལས་བཟང་པོ་སྒྲུབ་པ་ནི་བཀའ་ཁྲིམས་དང་མཐུན་པ་ཡིན་ཞེས་གསུངས༌སོ།།  
\v 13 ཁོང་གིས་མི་དེར་ལག་པ་རྐྱོངས་ཤིག་ཅེས་གསུངས་པ༌དང༌། ཁོས་ལག་པ་བརྐྱངས་ཤིང་སོས་ཏེ་ལག་པ་གཞན་དང་འདྲ་བར༌གྱུར།  
\v 14 འོན་ཀྱང་ཕ་རུ་ཤི་པ་རྣམས་ཕྱི་རོལ་ཏུ་སོང་ནས་ཁོང་ཉིད་ཅི་ལྟར་དགྲོང་བར་གྲོས་བྱས༌སོ།།   
\s1 དཀོན་མཆོག་གིས་བདམས་པའི་ཞབས་ཕྱི་པའི༌སྐོར།  
\p
\v 15 སྐྱབས་མགོན་ཡེ་ཤུས་དོན་དེ་མཁྱེན་ནས་ཡུལ་དེ་དང་ཁ་བྲལ་བ༌དང༌། མི་མང་པོའང་ཁོང་གི་རྗེས་སུ༌འབྲངས། ཁོང་གིས་མི་དེ་རྣམས་ལས་ནད་པ་ཐམས་ཅད་ཀྱི་ནད་འཇོམས་པར་མཛད༌ཅིང༌།  
\v 16 ཡང་མི་རྣམས་ལ་རང་ཉིད་སུ་ཡིན་པ་མི་གཞན་ལ་བསྒྲག་པར་མི་བྱ་བའི་ཕྱིར་གདམས༌སོ།།  
\v 17 འདི་ནི་ལུང་སྟོན་པ་ཡེ་ཤ་ཡཱ་ཡི་མདོ་ལས་ཇི་སྐད༌དུ།   
\q1
\v 18 ལྟོས་དང་བདག་གིས་བདམས་པའི་ཞབས་ཕྱི༌པ།།  
\q1 དེ་ལ་བདག་ནི་དགའ་ཞིང་ཤིན་ཏུ༌གཅེས།།  
\q1 བདག་གི་ཐུགས་ཉིད་ཁོང་ལ་གནང་བར༌འགྱུར།།  
\q1 ཁོང་གིས་ཕྱི་ཕྱོགས་མི་ལ་བདེན་ལུགས༌སྒྲོག །   
\q1
\v 19 ཁོང་གིས་མི་རྩོད་མི་རྒོལ་འུར་མི༌སྒྲོག །  
\q1 སུས་ཀྱང་ཁྲོམ་ནས་དེའི་སྐད་ཐོས་པ༌མེད།།   
\q1
\v 20 ཁོང་གིས་གཞན་ལ་བདེན་ལུགས་སྒྲོག་པ༌དང༌།།  
\q1 བདེན་ལུགས་དེ་ནི་རྣམ་པར་རྒྱལ་བའི༌བར།།  
\q1 བསྣད་པའི་འདམ་རྩྭ་ཡང་ནི་གཅོད་མི༌སྲིད།།  
\q1 དུ་བ་འཐུལ་བའི་སྡོང་རས་གཟུམ་མི༌འགྱུར།།   
\q1
\v 21 ཕྱིའི་མིས་ཁོང་གི་མཚན་ལ་རེ་ལྟོས༌བཅང༌།།  
\m ཞེས་ལུང་བསྟན་གནང་བ་བཞིན་དུ་འགྲུབ་པའི་ཕྱིར༌རོ།།   
\s1 སྐྱབས་མགོན་ཡེ་ཤུ་དང་བདུད་ཀྱི་རྒྱལ་པོ་པེ་ཨལ་བཟི༌པད།  
\p
\v 22 དེ་ནས་མི་འགའ་ཞིག་གིས་གདོན་འདྲེས་བཟུང་ནས་མིག་ལོང་ཞིང་ལྕེ་ལྐུགས་པར་གྱུར་པ་ཞིག་སྐྱབས་མགོན་ཡེ་ཤུའི་དྲུང་དུ་ཁྲིད་ཡོང་བ༌དང༌། ཁོང་གིས་མི་དེ་ནད་ལས་ཐར་བར་མཛད༌དེ། སྨྲའང་ཤེས་ལ་མཐོང་ཡང་ནུས་པར༌མཛད།  
\v 23 དོན་དེར་མི་ཐམས་ཅད་ངོ་མཚར་སྐྱེས༌ཤིང༌། མི་འདི་ནི་དཱ་བིད་ཀྱི་རིགས་སྲས་མ་ཡིན་ནམ་ཞེས༌སྨྲས།  
\v 24 འོན་ཀྱང་ཕ་རུ་ཤི་པ་རྣམས་ཀྱིས་གཏམ་དེ་ཐོས་ནས་མི་འདིས་བདུད་ཀྱི་རྒྱལ་པོ་པེ་ཨལ་བཟི་པད་ལ་བརྟེན་ནས་གདོན་འདྲེ་སྐྲོད་བཞིན་འདུག་ཅེས་སྨྲས༌སོ།།   
\p
\v 25 སྐྱབས་མགོན་ཡེ་ཤུས་ཕ་རུ་ཤི་པ་རྣམས་ཀྱི་བསམ་ཚུལ་མཁྱེན་ཏེ་འདི་སྐད༌དུ། རྒྱལ་ཁམས་ཤིག་ལ་ནང་འཁྲུག་བྱུང་ན་རྒྱལ་ཁམས་དེ་འཇིག་པར་འགྱུར༌ཞིང༌། གྲོང་ཁྱེར་རམ་ཁྱིམ་ཚང་ཞིག་ལ་ནང་འཁྲུག་བྱུང་ན་དེའང་བརྟན་པོར་གནས་མི༌ཐུབ།  
\v 26 གལ་ཏེ་བདུད་སཱ་ཏན་གྱིས་སཱ་ཏན་སྐྲོད༌ན། དེ་ལ་ནང་འཁྲུག་བྱུང་བས་བདུད་ཀྱི་རྒྱལ་ཁམས་ནི་ཇི་ལྟར་བརྟན་པོར་གནས་ཐུབ༌བམ།  
\v 27 གལ་ཏེ་བདག་གིས་པེ་ཨལ་བཟི་པད་ལ་བརྟེན་ནས་གདོན་འདྲེ་སྐྲོད་པ་ཡིན༌ན། ཁྱོད་ཅག་གི་རྗེས་འབྲང་པ་རྣམས་ཀྱིས་གང་ལ་བརྟེན་ནས་གདོན་འདྲེ་སྐྲོད༌དམ། དེའི༌ཕྱིར། རྗེས་འབྲང་པ་དེ་རྣམས་ཀྱིས་ཁྱོད་ཅག་ལ་བདེན་རྫུན་གྱི་ཤན་འབྱེད་པར༌འགྱུར།  
\v 28 གལ་ཏེ་བདག་གིས་དཀོན་མཆོག་གི་ཐུགས་ཉིད་ལ་བརྟེན་ནས་གདོན་འདྲེ་སྐྲོད་པ་ཡིན༌ན། དཀོན་མཆོག་གི་རྒྱལ་སྲིད་ནི་ཁྱོད་ཅག་གི་སྟེང་དུ་སླེབས་པ༌ཡིན།  
\v 29 ཡང་ན་སུ་ཞིག་མི་སྟོབས་ཅན་གྱི་ཁྱིམ་དུ་འཛུལ་ནས་ཅ་ལག་ཇི་ལྟར་འཕྲོག་ནུས༌སམ། ཐོག་མར་མི་དེ་བཟུང་ནས་བཀྱིགས༌ཚེ། ད་གཟོད་མི་དེའི་ཁྱིམ་ཚང་འཕྲོག་ནུས་པ༌ཡིན།  
\v 30 མི་སུ་ཞིག་བདག་གི་ཕྱོགས་མི་བྱེད་པ་དེ་ནི་བདག་གི་དགྲ་བོ་ཡིན༌ཞིང༌། སུ་ཞིག་གིས་བདག་དང་མཉམ་དུ་མི་བསྡུ་ན་དེ་ནི་གཏོར་མཁན༌ཡིན།  
\v 31 དེའི༌ཕྱིར། བདག་གིས་ཁྱོད་རྣམས་ལ་སྨྲ་བར་བྱ༌སྟེ། མི་རྣམས་ཀྱིས་བྱས་པའི་སྡིག་པ་དང་སྐུར་བ་འདེབས་པ་ཐམས་ཅད་བསལ༌ནའང༌། དམ་པའི་ཐུགས་ཉིད་ལ་སྐུར་བ་འདེབས་མཁན་གྱི་སྡིག་པ་ནི་གཏན་ནས་བསལ་བར་མི་འགྱུར༌རོ།།  
\v 32 ཡང་མིའི་བུ་ལ་ཚིག་ངན་སྨྲ་མཁན་དེའི་སྡིག་པ་བསལ༌ནའང༌། སུ་ཞིག་གིས་དམ་པའི་ཐུགས་ཉིད་ལ་སྐུར་བ་བཏབ༌ན། མི་དེའི་སྡིག་པ་ནི་བསྐལ་པ་འདི་དང་འབྱུང་འགྱུར་གྱི་བསྐལ་པར་ཡང་བསལ་བར་མི༌འགྱུར།  
\v 33 ཁྱོད་རྣམས་ཀྱིས་ལྗོན་ཤིང་དང་དེའི་འབྲས་བུ་གཉིས་ཀ་བཟང་པོར་རྩིས༌ཤིག ཡང་ན་ལྗོན་ཤིང་དང་དེའི་འབྲས་བུ་གཉིས་ཀ་ངན་པར་རྩིས༌ཤིག རྒྱུ་མཚན་ནི་འབྲས་བུ་ལས་ལྗོན་ཤིང་དེ་ག་འདྲ་ཡིན་པ་ཤེས་པའི་ཕྱིར༌རོ།།  
\v 34 དུག་སྦྲུལ་གྱི་རྒྱུད་ཁྱོད་ཅག་ཐ་ཤལ་ཡིན༌པས། ཁྱོད་ཅག་གིས་གཏམ་བཟང་པོ་ཇི་ལྟར་སྨྲ་ནུས༌སམ། རྒྱུ་མཚན་ནི་སེམས་ལ་ཅི་ལྟ་བུས་བཀང༌ན། ངག་ལས་ཀྱང་དེ་ལྟ་བུ་སྨྲ་བ༌ཡིན།  
\v 35 མི་བཟང་ཞིག་གིས་རང་གི་བང་མཛོད་བཟང་པོ་ནས་དོན་བཟང་པོ་འདོན༌ཞིང༌། མི་ངན་པས་རང་གི་བང་མཛོད་ངན་པ་ནས་དོན་ངན་པ་འདོན་པ༌ཡིན།  
\v 36 ཡང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། མི་རྣམས་ཀྱིས་ངག་འཆལ་སྨྲས༌ན། མ་འོངས་པའི་ཉེས་ཆད་གཅོད་པའི་ཉིན༌ལ། ཚིག་དེ་དག་ལ་རེ་རེ་བཞིན་ལན་འདེབས་དགོས་པར༌འགྱུར།  
\v 37 རྒྱུ་མཚན་ནི་ཁྱོད་ཀྱིས་སྨྲས་པའི་ཚིག་ལ་བརྟེན་ནས་ཁྱོད་རང་ཉེས་པ་མེད་པར་བརྩི༌ཞིང༌། ཡང་ཁྱོད་ཀྱིས་སྨྲས་པའི་ཚིག་ལ་བརྟེན་ནས་ཁྱོད་རང་ཉེས་ཅན་དུ་བརྩི་བར་འགྱུར་བའི་ཕྱིར་ཡིན་ཞེས་གསུངས༌སོ།།   
\s1 ལུང་སྟོན་པ་ཡོ་ནཱའི་གྲུབ༌རྟགས།  
\p
\v 38 དེ་ནས་མཁན་པོ་དང་ཕ་རུ་ཤི་པ་འགའ་ཞིག་གིས་སྐྱབས་མགོན་ཡེ་ཤུ་ལ་འདི་ལྟར་སྨྲས༌པ། སློབ་དཔོན༌ལགས། ཁྱེད་ཀྱིས་གྲུབ་རྟགས་ཤིག་སྟོན་དང་ངེད་རྣམས་ཀྱིས་མཐོང་འདོད་པ་ཡིན་ཞེས་ཞུས་པ༌ན།  
\v 39 སྐྱབས་མགོན་ཡེ་ཤུས་འདི་སྐད༌དུ། མི་རབས་ངན་པ་དང་གཡེམ་སྦྱོར་ཅན་ཞིག་གིས་གྲུབ་རྟགས་ཤིག་མཐོང་འདོད༌ནའང༌། ལུང་སྟོན་པ་ཡོ་ནཱའི་རྟགས་ངོ་མཚར་ཅན་དེ་ལས༌གཞན། ཁྱོད་རྣམས་ལ་རྟགས་ཅི་ཡང་སྟོན་པར་མི༌འགྱུར།  
\v 40 ཡོ་ནཱ་ཉིན་ཞག་གསུམ་ལ་ཉ་ཆེན་གྱི་གྲོད་ཁོག་ནང་དུ་ལུས་པ༌ལྟར། མིའི་བུ་ཡང་ཉིན་ཞག་གསུམ་ལ་སའི་ཁོག་ཏུ་གནས་པར༌འགྱུར།  
\v 41 ནིན་ཝེ་པ་རྣམས་ཀྱིས་ལུང་སྟོན་པ་ཡོ་ནཱས་བསྒྲགས་པའི་ཆོས་ལ་མཉན་ཞིང་འགྱོད་བཤགས་བྱས་མྱོང༌བས། ཉེས་ཆད་གཅོད་པའི་ཉིན༌ལ། མི་དེ་རྣམས་ཀྱང་མི་རབས་འདིའི་མི་རྣམས་དང་ལྷན་དུ་ཡར་འགྲེང་སྟེ་མི་རབས་འདི་ལ་ཉེས་སྐྱོན་བརྗོད་པར༌འགྱུར། ཡང་ལྟོས༌དང༌། འདི་རུ་ཡོ་ནཱ་ལས་ཀྱང་སྐྱེས་བུ་ཆེན་པོ་ཞིག༌ཡོད།  
\v 42 ལྷོ་ཕྱོགས་ཀྱི་རྒྱལ་མོ་དེ་རྒྱང་ཐག་རིང་བའི་ས་མཐའ་ནས་སོ་ལོ་མོན་གྱི་ཤེས་རབ་དང་ལྡན་པའི་གཏམ་ལ་གསན་དུ་ཡོང་མྱོང༌བས། ཉེས་ཆད་གཅོད་པའི་ཉིན༌ལ། ཁོ་མོའང་མི་རབས་འདིའི་མི་རྣམས་དང་ལྷན་དུ་ཡར་འགྲེང་སྟེ་མི་རབས་འདི་ལ་ཉེས་སྐྱོན་བརྗོད་པར༌འགྱུར། ཡང་ལྟོས༌དང༌། འདི་རུ་སོ་ལོ་མོན་ལས་ཀྱང་སྐྱེས་བུ་ཆེན་པོ་ཞིག་མཆིས༌སོ།།   
\p
\v 43 སྤྱིར་གདོན་འདྲེ་ཞིག་མིའི་ལུས་ནས་ཕྱིར་བུད༌རྗེས། ཆུ་མེད་པའི་གནས་སུ་ཕར་འགྲོ་ཚུར་འོང་བྱེད༌ཅིང༌། ངལ་གསོ་བའི་གནས་ཤིག་བཙལ་ཡང་མ་རྙེད༌པས།  
\v 44 རང་གིས་རང་ལ་ན༌རེ། ང་རང་ཕྱིར་རང་ཉིད་ཡོང་བའི་གནས་དེར་འགྲོའོ་ཞེས་སྨྲ༌ཞིང༌། གནས་དེར་ཕྱིར་ལོག་པ༌ན། གནས་དེ་སྟོང་ཞིང་ཕྱག་དར་བྱས་ནས་ལེགས་པར་བསྒྲིགས་ཡོད་པ་མཐོང༌སྟེ།  
\v 45 ཕར་སོང་ནས་རང་ལས་ཀྱང་ངན་པའི་གདོན་འདྲེ་བདུན་ཁྲིད་དེ་གནས་དེར་ཡོང་ནས༌བསྡད། དེ་བས་མི་དེའི་ཕྱིས་ཀྱི་གནས་ཚུལ་ནི་སྔར་ལས་ཀྱང་ཇེ་ཞན་དང་ཇེ་སྡུག་ཏུ་འགྱུར༌ཞིང༌། མི་རབས་ངན་པ་འདི་ལའང་དེ་བཞིན་དུ་འབྱུང་བར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུའི་ཡུམ་དང་ཁོང་གི་སྐུ་མཆེད༌རྣམས་ཀྱི་སྐོར།  
\p
\v 46 སྐྱབས་མགོན་ཡེ་ཤུས་མི་ཚོགས་ལ་དེ་ལྟར་གསུང་བཞིན་པའི་དུས༌སུ། ཁོང་གི་ཡུམ་དང་སྐུ་མཆེད་རྣམས་གནས་དེར་སླེབས་ཤིང་ཁོང་ལ་གཏམ་སྨྲ་བར་འདོད་དེ་ཕྱི་རོལ་ཏུ་ལངས་ནས་བསྡད༌དོ།།  
\v 47 དེ་ནས་མི་ཞིག་གིས་སྐྱབས་མགོན་ཡེ་ཤུ་ལ་འདི་ལྟར་ཞུས་པ༌སྟེ། གཟིགས༌དང༌། ཁྱེད་ཀྱི་ཡུམ་དང་སྐུ་མཆེད་རྣམས་ཀྱིས་ཁྱེད་དང་གཏམ་སྨྲ་བར་འདོད་ནས་ཕྱི་རོལ་ཏུ་ལངས་བསྡད་ཡོད་ཅེས་པ༌ལ།  
\v 48 ཁོང་གིས་འདི་སྐད༌དུ། ངའི་མ་དང་ངའི་སྤུན་ནི་སུ་ཡིན་ནམ་ཞེས་གསུང༌བཞིན།  
\v 49 ཡང་ཕྱག་གིས་ཐུགས་སྲས་རྣམས་བསྟན༌ཏེ། ལྟོས༌དང༌། ངའི་མ་དང་ངའི་སྤུན་ནི་ཁོ་ཚོ་ཡིན༌ཏེ།  
\v 50 ནམ་མཁའི་ཞིང་ཁམས་སུ་བཞུགས་པའི་བདག་གི་ཡབ་ཀྱི་དགོངས་པ་ལྟར་སྒྲུབ་མཁན་ཐམས་ཅད་ནི་ངའི་མ་དང༌སྤུན། ངའི་མིང་སྲིང་རྣམས་ཡིན་ཞེས་གསུངས༌སོ།།   
\c 13
\cl ལེའུ་བཅུ་གསུམ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ས་བོན་འདེབས་པའི༌དཔེ།  
\p
\v 1 ཉིན་དེ་ལ་སྐྱབས་མགོན་ཡེ་ཤུ་ཁང་པའི་ཕྱི་རོལ་ཏུ་ཕེབས་ཤིང་མཚོ་འགྲམ་དུ་བཞུགས༌སོ།།  
\v 2 དེ་ནས་མི་སྐོར་ཚོ་མང་པོ་ཁོང་གི་དྲུང་དུ་འཛོམས་པས་ཁོང་ཉིད་མཚོ་གྲུའི་ནང་དུ་ཕེབས་ཏེ་བཞུགས་པ༌དང༌། མི་ཐམས་ཅད་མཚོ་འགྲམ་དུ་ལངས་ནས༌བསྡད།  
\v 3 ཁོང་གིས་དཔེའི་སྒོ་ནས་ཆོས་མང་པོ་གསུངས་ཤིང་དེ་རྣམས་ལ་འདི་སྐད༌དུ། དེ་ཡང་ཞིང་འདེབས་མཁན་ཞིག་ཕྱི་རོལ་ཏུ་ཞིང་འདེབས་སུ་སོང་བ༌དང༌།  
\v 4 ས་བོན་གཏོར་བའི་སྐབས༌སུ། ས་བོན་ཁ་ཤས་ལམ་ཁར་ཐོར་ཞིང་བྱ་རྣམས་ཡོང་ནས༌ཟོས།  
\v 5 ཡང་ས་བོན་ཁ་ཤས་ས་ཉུང་སའི་རྡོ་གསེབ་ཏུ་ཐོར་ཞིང་སའི་གཏིང་མི་ཟབ་པས་ཡར་སྐྱེས་པ་མགྱོགས༌ཀྱང༌།  
\v 6 ཉི་མ་ཤར་ཚེ་རྙིད་ཅིང་རྩ་བ་མ་རྒྱས་པས་བསྐམས་པ༌རེད།  
\v 7 ས་བོན་ཁ་ཤས་ཚེར་མའི་གསེབ་ཏུ་ཐོར་ཞིང་ཚེར་མ་སྐྱེས་ཏེ་མར༌མནན།  
\v 8 ཡང་ས་བོན་ཁ་ཤས་ས་གཤིན་ནང་དུ་ཐོར་ཞིང་འབྲས་བུ་སྨིན༌ཏེ། དེ་དག་ལས་ཁ་ཤས་ལྡབ་བརྒྱ༌དང༌། ཁ་ཤས་ལྡབ་དྲུག༌ཅུ། ཁ་ཤས་ལྡབ་སུམ་ཅུ་བཅས་སྨིན་པ༌ཡིན།  
\v 9 རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།   
\p
\v 10 དེ་ནས་ཐུགས་སྲས་རྣམས་ཡོང་སྟེ་ཁོང་ལ་ན༌རེ། ཁྱེད་ཀྱིས་ཅིའི་ཕྱིར་མི་རྣམས་ལ་དཔེའི་སྒོ་ནས་གསུངས་པ་ཡིན་ནམ་ཞེས་ཞུས་པ༌ན།  
\v 11 སྐྱབས་མགོན་ཡེ་ཤུས་འདི་སྐད༌དུ། ནམ་མཁའི་རྒྱལ་སྲིད་ཀྱི་གསང་བ་རྣམས་ནི་ཁྱོད་ཅག་ལ་ཤེས་སུ་འཇུག་པ་ལས་མི་དེ་རྣམས་ལ་མངོན་པ་མ༌ཡིན།  
\v 12 རྒྱུ་མཚན་ནི་སུ་ཞིག་ལ་ཡོད་པ་དེ་ལ་ད་དུང་ཡང་གནང་ངེས་ཤིང་དེ་ལ་ལྷག་མའང་ཡོད་པར༌འགྱུར། འོན་ཀྱང་སུ་ཞིག་ལ་མེད་པ་དེ་ལས་ཉུང་ཙམ་ཡོད་པ་དེའང་ཕྱིར་ལེན་པར་འགྱུར་བའི་ཕྱིར༌ཡིན།  
\v 13 དེའི༌ཕྱིར། བདག་གིས་མི་དེ་རྣམས་ལ་དཔེའི་སྒོ་ནས་བཤད་པའི་རྒྱུ་མཚན༌ནི། དེ་རྣམས་ཀྱིས་མིག་གིས་བལྟས་ཀྱང་མི་མཐོང་བ༌དང༌། རྣ་བས་མཉན་ཡང་མི་ཐོས་ཤིང་མི་རྟོགས་པའི་ཕྱིར༌རོ།།  
\v 14 དེ་ལ་ལུང་སྟོན་པ་ཡེ་ཤ་ཡཱའི་ལུང་བསྟན་ལས་ཇི་སྐད༌དུ།  
\q1 རྣ་བས་ཐོས་ཀྱང་ཅི་ཡང་མི་ཤེས༌ཤིང༌།།  
\q1 མིག་གིས་མཐོང་ཡང་ཅི་ཡང་མི་རྟོགས༌པ།།   
\q1
\v 15 དེ་རྣམས་སེམས་ནི་གྱོང་པོར་གྱུར་པ༌དང༌།།  
\q1 རྣ་བས་མི་མཉན་མིག་ཟུང་བཙུམས་པས༌སོ།།  
\q1 དེ་ལྟར་མིན་ན་མིག་གིས་མཐོང་བ༌དང༌།།  
\q1 རྣ་བས་ཐོས་ཤིང་བློ་ཡིས་རྟོགས་པ༌དང༌།།  
\q1 ཕྱིར་དུ་འཁོར་ནས་ངས་ཀྱང་དེ་རྣམས༌ནི།།  
\q1 གསོ་ཞིང་དྲག་པར་བྱེད་པ་ཡིན་ལགས༌སོ།།  
\m ཞེས་ལུང་བསྟན་གནང་བ་ལྟར་ཁོ་རྣམས་ཀྱི་སྟེང་དུ་འགྲུབ་བཞིན༌འདུག  
\v 16 འོན༌ཀྱང༌། ཁྱོད་ཅག་གི་མིག་གིས་མཐོང་བའི༌ཕྱིར། ཁྱོད་ཅག་གི་མིག་ནི་བདེ་བ༌ཡིན། ཁྱོད་ཅག་གི་རྣ་བས་ཐོས་པའི༌ཕྱིར། ཁྱོད་ཅག་གི་རྣ་བ་བདེ༌བའོ།།  
\v 17 བདག་གིས་ཁྱོད་རྣམས་ལ་བདེན་པར་སྨྲ༌སྟེ། སྔར་ལུང་སྟོན་པ་དང་མི་གཞུང་དྲང་མང་པོས་ཁྱོད་རྣམས་ཀྱིས་མཐོང་བ་དེ་དག་ལ་བལྟ་འདོད་ནའང་མཐོང་མ༌མྱོང༌། ཁྱོད་རྣམས་ཀྱིས་ཐོས་པ་དེ་དག་ལ་ཉན་འདོད་ཀྱང་མ་ཐོས༌སོ།།   
\p
\v 18 དེའི༌ཕྱིར། ཁྱོད་རྣམས་ཀྱིས་ས་བོན་བཏབ་པའི་དཔེ་འདིའི་དོན་ལ་ཉོན༌ཅིག  
\v 19 སུ་ཞིག་གིས་དཀོན་མཆོག་གི་རྒྱལ་སྲིད་ཀྱི་བཀའ་ཐོས་ཤིང་དོན་མ་རྟོགས་པར་སྡོད་པའི་དུས༌སུ། བདུད་ངན་དེ་ཡོང་ནས་ཁོའི་སེམས་སུ་བཏབ་པའི་ས་བོན་ཕྲོགས་པ༌དང༌། འདི་ནི་ས་བོན་ལམ་ཁར་ཐོར་བ་དེ་རྣམས༌ཡིན།  
\v 20 ས་བོན་རྡོ་གསེབ་ཏུ་ཐོར་བ་ནི་མི་ལ་ལས་བཀའ་ཐོས་པ་ཙམ་གྱིས་དགའ་ཞིང་དང་དུ་བླངས༌ནའང༌།  
\v 21 སེམས་སུ་རྩ་བ་མ་རྒྱས་པས་དུས་ཡུན་ཐུང་ངུ་ལ་གནས༌ཀྱང༌། བཀའ་དེའི་རྐྱེན་གྱིས་དཀའ་སྡུག་དང་གནོད་འཚེ་བྱུང་མ་ཐག་དད་པ་ལོག་པ༌རྣམས་ཡིན།  
\v 22 ཚེར་མའི་གསེབ་ཏུ་གཏོར་བ་ནི་མི་ལ་ལས་བཀའ་ཐོས༌ཀྱང༌། འཇིག་རྟེན་གྱི་སེམས་ཁུར་དང་རྒྱུ་ནོར་གྱི་སླུ་བྲིད་ཀྱིས་བཀའ་མནན་ནས་འབྲས་བུ་སྨིན་མ་ཐུབ་པ༌རྣམས་ཡིན།  
\v 23 ས་གཤིན་ནང་དུ་ཐོར་བ་ནི་མི་ལ་ལས་བཀའ་ཐོས་ནས་དོན་རྟོགས༌ཤིང༌། རྗེས་སུ་འབྲས་བུ་སྨིན་ཐུབ་པ་རྣམས་ཡིན༌ཏེ། འབྲས་བུ་ཁ་ཤས་ལྡབ་བརྒྱ༌དང༌། ཁ་ཤས་ལྡབ་དྲུག༌ཅུ། ཁ་ཤས་ལྡབ་སུམ་ཅུ་བཅས་སྨིན་པ་ཡིན་ཞེས་བཀའ་ལན་གསུངས༌སོ།།   
\s1 རྩྭ་ལྡུམ་གྱི༌དཔེ།  
\p
\v 24 ཡང་སྐྱབས་མགོན་ཡེ་ཤུས་དཔེའི་སྒོ་ནས་མི་ཚོགས་ལ་འདི་སྐད༌དུ། ནམ་མཁའི་རྒྱལ་སྲིད་ནི་མི་ཞིག་གིས་ཞིང་ལ་ས་བོན་བཟང་པོ་བཏབ་པ་དང་འདྲ༌སྟེ།  
\v 25 མི་རྣམས་གཉིད་དུ་ཡུར་བའི་དུས༌སུ། དགྲ་བོ་ཡོང་ནས་རྩྭ་ལྡུམ་གྲོ་ནང་དུ་གཏོར་ཏེ༌སོང༌།  
\v 26 དེ་ནས་སྙེ་མ་ཐོགས་པའི་དུས༌སུ། རྩྭ་ལྡུམ་ཡང་མངོན་པར་གྱུར༌ཏོ།།  
\v 27 དེ་ནས་ཞིང་བདག་གི་གཡོག་པོ་རྣམས་ཡོང་སྟེ་ན༌རེ། བདག་པོ༌ལགས། ཁྱེད་ཀྱིས་ཞིང་ལ་ས་བོན་བཟང་པོ་བཏབ་པ་མ་ཡིན༌ནམ། རྩྭ་ལྡུམ་དེ་དག་གང་ནས་བྱུང་ངམ་ཞེས་ཞུས་པ༌ན།  
\v 28 བདག་པོ་ན༌རེ། དེ་ནི་དགྲ་བོས་བྱས་པ་ཡིན་ཞེས་སྨྲས༌སོ། །ཡང་གཡོག་པོ་རྣམས་ན༌རེ། ངེད་རྣམས་སོང་ནས་རྩྭ་ལྡུམ་ཡུར་དགོས་སམ་ཞེས་ཞུས་པ༌ལ།  
\v 29 ཡང་བདག་པོ་ན༌རེ། རྩྭ་ལྡུམ་ཡུར་མི་དགོས༌ཏེ། ཁྱོད་ཅག་གིས་རྩྭ་ལྡུམ་ཡུར་སྐབས་གྲོ་ཡང་མཉམ་དུ་ཡུར་ཉེན༌ཆེའོ།།  
\v 30 སྟོན་ཐོག་བསྡུ་བའི་བར་དུ་དེ་གཉིས་མཉམ་དུ་སྐྱེ་རུ༌ཆུག བདག་གིས་སྟོན་ཐོག་བསྡུ་བའི་དུས༌སུ། གྲོ་རྔ་མཁན་རྣམས་ལ་ཐོག་མར་རྩྭ་ལྡུམ་བལ་ཏེ་མེ་རུ་བསྲེག་ཆེད་ཕོན་པོར་སྡོམས༌ཤིག གྲོ་ནི་བདག་གི་བང་མཛོད་དུ་སྡུས་ཤིག་ཅེས་ཟེར་བར་འགྱུར་ཞེས་གསུངས༌སོ།།   
\s1 ཡུངས་འབྲུ་དང་སྐྱུར་རྩིའི༌དཔེ།  
\p
\v 31 ཡང་སྐྱབས་མགོན་ཡེ་ཤུས་དཔེ་གཞན་ཞིག་དྲངས་ནས་འདི་སྐད༌དུ། ནམ་མཁའི་རྒྱལ་སྲིད་ནི་ཡུངས་འབྲུའི་ས་བོན་ཞིག་དང་འདྲ༌སྟེ། མི་ཞིག་གིས་ས་བོན་དེ་ཁྱེར་ནས་རང་གི་ཞིང་ལ༌བཏབ།  
\v 32 ས་བོན་དེ་ནི་ས་བོན་གྱི་རིགས་གཞན་ཐམས་ཅད་ལས་ཆུང༌ནའང༌། ཆེར་སྐྱེས་ནས་སྔོ་ཚལ་སྣ་ཚོགས་ལས་ཆེ་ཞིང་ཤིང་སྡོང་དུ་གྱུར༌ཏེ། ནམ་མཁའི་བྱའང་འཕུར་ཡོང་ནས་ཡལ་གའི་གསེབ་ཏུ་ཚང་བཟོ་བ་ཡིན་ཞེས་གསུངས༌སོ།།   
\p
\v 33 ཡང་སྐྱབས་མགོན་ཡེ་ཤུས་དཔེ་གཞན་ཞིག་དྲངས་ཏེ་འདི་སྐད༌དུ། ནམ་མཁའི་རྒྱལ་སྲིད་ནི་སྐྱུར་རྩི་དང་འདྲ༌སྟེ། བུད་མེད་ཅིག་གིས་སྐྱུར་རྩི་དེ་ཕྱེ་བྲེ་གསུམ་གྱི་ནང་དུ་བསྲེས་ཤིང་བརྫིས་ཏེ་རིམ་བཞིན་ཕྱེ་ཐམས་ཅད་སྐྱུར་ལངས་པ་དང་མཚུངས་ཞེས་གསུངས༌སོ།།   
\p
\v 34 གོང་གི་གསུང་དེ་ཐམས་ཅད་ནི་སྐྱབས་མགོན་ཡེ་ཤུས་མི་ཚོགས་ལ་དཔེའི་སྒོ་ནས་གསུངས་པ་ཡིན༌ཏེ། ཁོང་གིས་དཔེ་མ་བཀོད་པར་དེ་རྣམས་ལ་ཅི་ཡང་མ༌གསུངས།  
\v 35 དེ་ལ་ལུང་སྟོན་པའི་མདོ་བརྒྱུད་ནས་ཇི་སྐད༌དུ།  
\q1 བདག་གིས་ངག་གི་སྒོ་མོ་ཡངས་པོར༌ཕྱེ།།  
\q1 འཇིག་རྟེན་གསར་དུ་བཀོད་པའི་ཚུ་རོལ༌གྱི།།  
\q1 སྦས་ཤིང་གསང་བའི་དོན་དག་སྣ་ཚོགས༌ནི།།  
\q1 དཔེ་རུ་བཀོད་ནས་རིམ་བཞིན་བསྟན་པར༌བྱ།།  
\m ཞེས་གསུངས་པ་བཞིན་འགྲུབ་པའི་ཕྱིར་དེ་ལྟར་བྱུང་བ་ཡིན༌ནོ།།   
\s1 རྩྭ་ལྡུམ་གྱི་དཔེའི་འགྲེལ༌བ།  
\p
\v 36 དེ་ནས་སྐྱབས་མགོན་ཡེ་ཤུ་མི་ཚོགས་དང་ཁ་བྲལ་ནས་ཁང་པའི་ནང་དུ་ཕེབས་པ༌དང༌། ཐུགས་སྲས་རྣམས་ཁོང་གི་དྲུང་དུ་ཡོང༌སྟེ། རྩྭ་ལྡུམ་གྱི་དཔེ་དེའི་དོན་རྣམས་ངེད་ཅག་ལ་གསུང་བར་མཛོད་ཅེས་ཞུས་པ༌ལ།  
\v 37 སྐྱབས་མགོན་ཡེ་ཤུས་འདི་སྐད༌དུ། སོན་བཟང་འདེབས་མཁན་ནི་མིའི་བུ་ཡིན༌ལ།  
\v 38 ས་ཞིང་ནི་འཇིག་རྟེན་ཁམས༌ཡིན། སོན་བཟང་ནི་དཀོན་མཆོག་གི་རྒྱལ་སྲིད་ལ་གཏོགས་པའི་མི་རྣམས༌ཡིན། རྩྭ་ལྡུམ་ནི་བདུད་ངན་དེ་ལ་གཏོགས་པའི་མི་རྣམས༌ཡིན།  
\v 39 རྩྭ་ལྡུམ་གཏོར་མཁན་དགྲ་བོ་ནི་བདུད༌ཡིན། སྟོན་ཐོག་བསྡུ་བའི་དུས་ནི་བསྐལ་པའི་མཐའ་མ༌ཡིན། ཞིང་རྔ་མཁན་ནི་ཕོ་ཉ་རྣམས༌ཡིན།  
\v 40 དེའི༌ཕྱིར། རྩྭ་ལྡུམ་བལ་ནས་མེ་རུ་སྲེག་པ་བཞིན་བསྐལ་པའི་མཐའ་མ་ལའང་དེ་ལྟར་འབྱུང་བར་འགྱུར༌རོ།།  
\v 41 མིའི་བུ་ཡིས་ཕོ་ཉ་རྣམས་མངགས་ཤིང་དེ་དག་གིས་ཁོང་གི་རྒྱལ་སྲིད་ནས་མི་ལ་སྡིག་པ་བྱེད་དུ་འཇུག་པ་དང་ཉེས་པ་གསོག་མཁན་ཐམས་ཅད་བསྡུས༌ཏེ།  
\v 42 མེ་ཐབ་ནང་དུ་གཡུག་ཅིང་གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར༌འགྱུར།  
\v 43 དེའི་དུས༌སུ། མི་གཞུང་དྲང་རྣམས་ཀྱིས་རང་གི་ཡབ་ཀྱི་རྒྱལ་སྲིད་དུ་ཉི་མ་དང་འདྲ་བར་འོད་སྤྲོ་བར༌འགྱུར། ཡང་རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།   
\s1 རིན་པོ་ཆེའི་གཏེར་ཁ་དང་མུ་ཏིག་གི༌དཔེ།  
\p
\v 44 ཡང་སྐྱབས་མགོན་ཡེ་ཤུས་འདི་སྐད༌དུ། ནམ་མཁའི་རྒྱལ་སྲིད་ནི་ཞིང་ལ་སྦས་པའི་རིན་པོ་ཆེའི་གཏེར་མཛོད་དང་འདྲ༌བར། མི་ཞིག་གིས་གཏེར་མཛོད་དེ་རྙེད་ཅིང་སྦས༌རྗེས། དགའ་སྤྲོའི་ངང་རང་ལ་ཡོད་པ་ཐམས་ཅད་བཙོངས་ནས་ས་ཞིང་དེ་ཉོས༌སོ།།  
\v 45 ཡང་ནམ་མཁའི་རྒྱལ་སྲིད་ནི་ཚོང་པ་ཞིག་གིས་མུ་ཏིག་བཟང་པོ་འཚོལ་བ་དང་འདྲ༌སྟེ།  
\v 46 ཁོས་རིན་ཐང་ཆེ་བའི་མུ་ཏིག་ཅིག་མཐོང་སྟེ་རང་ལ་ཡོད་པ་ཐམས་ཅད་བཙོངས་ནས་མུ་ཏིག་དེ་ཉོས་པ་ཡིན་ཞེས་གསུངས༌སོ།།   
\s1 དྲ་རྒྱའི༌དཔེ།  
\p
\v 47 ཡང་སྐྱབས་མགོན་ཡེ་ཤུས་འདི་སྐད༌དུ། ནམ་མཁའི་རྒྱལ་སྲིད་ནི་རྒྱ་མཚོའི་ནང་དུ་དྲ་རྒྱ་འཕངས་ནས་ཉའི་རིགས་སྣ་ཚོགས་འཛིན་པ་དང་འདྲ༌སྟེ།  
\v 48 དྲ་རྒྱར་ཉས་བཀང་བ་དང་ཉ་པས་དྲ་རྒྱ་མཚོ་འགྲམ་དུ་འཐེན་ཏེ་བསྡད༌ཅིང༌། ཟས་སུ་རུང་བ་དག་སྣོད་དུ་བསྡུས་ཤིང་ཟས་སུ་མི་རུང་བ་དག་དོར༌བའོ།།  
\v 49 བསྐལ་པའི་མཐའ་མ་ལའང་དེ་ལྟར་འབྱུང་ངེས༌ཏེ། ཕོ་ཉ་རྣམས་ཕེབས་ནས་མི་གཞུང་དྲང་རྣམས་ཀྱི་ཁྲོད་ནས་མི་ངན་པ་རྣམས་ལོགས་སུ་བཀར༌ཏེ།  
\v 50 མེ་ཐབ་ནང་དུ་གཡུག་ཅིང་གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར་འགྱུར་ཞེས་གསུངས༌སོ།།   
\p
\v 51 ཡང་ཁོང་གིས་འདི་སྐད༌དུ། ཁྱོད་རྣམས་ཀྱིས་དེ་ཐམས་ཅད་ཀྱི་དོན་གོའམ་ཞེས་གསུངས་པ༌དང༌། ཐུགས་སྲས་རྣམས་ཀྱིས་དོན་དེ་གོའོ་ཞེས་ཞུས༌སོ།།  
\v 52 ཡང་ཁོང་གིས་ཐུགས་སྲས་རྣམས་ལ་འདི་སྐད༌དུ། ནམ་མཁའི་རྒྱལ་སྲིད་ཀྱི་རྗེས་འབྲང་པར་གྱུར་པའི་མཁན་པོ་རྣམས༌ནི། ཁྱིམ་བདག་ཅིག་གིས་རང་གི་བང་མཛོད་ནས་དངོས་པོ་གསར་པ་དང་རྙིང་པ་འཁྱེར་འོང་བ་དང་འདྲ་ཞེས་གསུངས༌སོ།།   
\s1 ཡུལ་མི་རྣམས་ཀྱིས་སྐྱབས་མགོན་ཡེ་ཤུར་བརྩི་བཀུར་མ་བྱས༌པ།  
\p
\v 53 སྐྱབས་མགོན་ཡེ་ཤུས་དཔེ་དེ་དག་གསུངས༌རྗེས། ཁོང་ཉིད་གནས་དེ་དང་ཁ་བྲལ༌ཏེ།  
\v 54 རང་ཡུལ་དུ་ཕེབས་ཤིང་ཆོས་ཁང་དུ་ཡུལ་མི་རྣམས་ལ་ཆོས་གསུངས་པ༌ན། ཉན་མཁན་རྣམས་ངོ་མཚར་སྐྱེས༌ཏེ། མི་འདི་ལ་ཤེས་རབ་དང་ནུས་མཐུ་ཁྱད་པར་བ་དེ་ལྟ་བུ་གང་ནས་བྱུང༌ངམ།  
\v 55 མི་འདི་ནི་ཤིང་བཟོའི་བུ་དེ་མ་ཡིན༌ནམ། ཁོའི་མ་ནི་མིར་ཡམ་ཟེར་བ་དེ་མ་ཡིན༌ནམ། ཁོའི་ནུ་བོ་རྣམས་ནི་ཡ་ཀོབ༌དང༌། ཡོ༌སེབ། སི༌མོན། ཡུ་དཱ་བཅས་མ་ཡིན༌ནམ།  
\v 56 ཁོའི་སྲིང་མོ་རྣམས་ཀྱང་འདི་རུ་བདག་ཅག་དང་མཉམ་དུ་ཡོད་པ་མིན༌ནམ། དེས་ན་མི་འདིར་དོན་འདི་ལྟ་བུ་རྣམས་གང་ནས་བྱུང་ངམ་ཟེར༌ཞིང༌།  
\v 57 མི་དེ་རྣམས་ཁོང་ལ་མི་དགའ་བར་གྱུར༌ཏོ། །དེ་ནས་སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། ལུང་སྟོན་པ་ལ་རང་ཡུལ་དང་ཁྱིམ་མི་ལས༌གཞན། བརྩི་བཀུར་མི་བྱེད་མཁན་གཅིག་ཀྱང་མེད་ཅེས་གསུངས༌སོ།།  
\v 58 མི་དེ་རྣམས་ལ་དད་པ་མེད་པའི་རྐྱེན་གྱིས་སྐྱབས་མགོན་ཡེ་ཤུས་ངོ་མཚར་བའི་མཛད་པ་མང་པོ་མ་གནང༌ངོ༌།།   
\c 14
\cl ལེའུ་བཅུ་བཞི༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ཁྲུས་གསོལ་མཁན་ཡོ་ཧ་ནན་བཀྲོངས༌པ།  
\p
\v 1 དེའི་དུས༌སུ། ས་གནས་དཔོན་པོ་ཧེ་རོ་དཱས་སྐྱབས་མགོན་ཡེ་ཤུའི་མཚན་སྙན་ཐོས༌ཏེ།  
\v 2 རང་གི་འཁོར་གཡོག་རྣམས༌ལ། མི་འདི་ནི་ཁྲུས་གསོལ་མཁན་ཡོ་ཧ་ནན་འཆི་བ་ལས་སླར་གསོན་པ་ཡིན༌པས། ཁོང་གིས་ནུས་མཐུ་འདི་དག་སྟོན་བཞིན་འདུག་ཅེས་སྨྲས༌སོ།།   
\p
\v 3 དེ་སྔར་ཧེ་རོ་དཱས་རང་གི་སྤུན་ཕི་ལིབ་ཀྱི་ཆུང་མ་ཧེ་རོད་ཡཱའི་རྐྱེན༌གྱིས། མི་མངགས་ཏེ་ཡོ་ཧ་ནན་བཟུང་ནས་བཙོན་དུ༌བཅུག  
\v 4 དེ་ནི་སྔར་ནས་ཡོ་ཧ་ནན་གྱིས་ཧེ་རོ་དཱ༌ལ། ཁྱོད་ཀྱིས་བུད་མེད་དེ་རང་གི་ཆུང་མར་ལེན་མི་རུང་ཞེས་གསུངས་པའི་ཕྱིར༌ཡིན།  
\v 5 ཧེ་རོ་དཱས་ཡོ་ཧ་ནན་དགྲོང་བར་འདོད་ནའང་ཡུལ་མི་རྣམས་ཀྱིས་ཁོང་ནི་ལུང་སྟོན་པ་ཞིག་ཡིན་པར་ངོས་བཟུང་བས་ཁོ་མི་ཚོགས་ལ་འཇིགས༌སོ།།   
\p
\v 6 ཧེ་རོ་དཱའི་སྐྱེས་སྐར་གྱི་ཉིན༌ལ། ཧེ་རོད་ཡཱའི་བུ་མོས་མགྲོན་པོ་རྣམས་ཀྱི་མདུན་དུ་བྲོ་འཁྲབ་སྟེ་ཧེ་རོ་དཱ་དགའ་བར་བྱས༌པས།  
\v 7 ཁོས་བུ་མོ་དེ་ལ་ཁོ་མོས་ཅི་འདོད་བཞིན་སྟེར་བར་དམ་བཅས་ཏེ་ཁས༌བླངས།  
\v 8 བུ་མོར་མ་ཡིས་བསྐུལ་བ༌ལྟར། ཁྲུས་གསོལ་མཁན་ཡོ་ཧ་ནན་གྱི་མགོ་བོ་སྡེར་མའི་ནང་དུ་བཞག་ནས་བདག་ལ་གནང་བར་མཛོད་ཅིག་ཅེས་ཞུས་པ༌ལ།  
\v 9 རྒྱལ་པོའི་སེམས་སྐྱོ་ནའང་མགྲོན་པོ་རྣམས་ཀྱི་མདུན་ནས་དམ་བཅས་ཟིན་པས་ཁོ་མོར་སྟེར་བའི་བཀའ་གནང༌སྟེ།  
\v 10 མི་མངགས་ཤིང་བཙོན་ཁང་དུ་སོང་ནས་ཁྲུས་གསོལ་མཁན་ཡོ་ཧ་ནན་གྱི་མགོ་བོ་བཅད༌དེ།  
\v 11 སྡེར་མའི་ནང་དུ་བཞག་ནས་ཁྱེར་ཡོང་སྟེ་ཁོ་མོར་བྱིན་པ་དང་བུ་མོ་དེས་ཀྱང་རང་གི་མ་ལ༌བྱིན།  
\v 12 དེ་ནས་ཁྲུས་གསོལ་མཁན་ཡོ་ཧ་ནན་གྱི་རྗེས་འབྲང་པ་རྣམས་ཡོང་སྟེ་ཁོང་གི་སྐུ་གདུང་ཁུར་ནས་དུར་དུ་བཅུག༌རྗེས། སྐྱབས་མགོན་ཡེ་ཤུའི་དྲུང་དུ་ཕྱིན་ནས་དོན་དེ་ཁོང་ལ་ཞུས༌སོ།།   
\s1 སྐྱབས་མགོན་ཡེ་ཤུས་མི་ལྔ་སྟོང་འགྲང་བར་མཛད༌པ།  
\p
\v 13 སྐྱབས་མགོན་ཡེ་ཤུས་དོན་དེ་གསན༌རྗེས། མཚོ་གྲུར་བཞུགས་ཤིང་ཡུལ་དེ་དང་ཁ་བྲལ་ནས་དབེན་གནས་ཀྱི་ཕྱོགས་སུ༌ཕྱིན། མི་ཚོགས་ཀྱིས་གཏམ་དེ་ཐོས༌རྗེས། གྲོང་རྡལ་སོ་སོ་ནས་རྐང་ཐང་ལ་ཡོང་སྟེ་ཁོང་གི་རྗེས་སུ༌འབྲངས།  
\v 14 ཁོང་ཉིད་སྐམ་སར་ཕེབས་ཤིང་མི་ཤིན་ཏུ་མང་པོ་ཡོད་པ་གཟིགས༌ཏེ། ཐུགས་ལ་སྙིང་རྗེ་འཁྲུངས་ནས་མི་དེ་དག་ལས་ནད་པ་རྣམས་ཀྱི་ནད་འཇོམས་པར་མཛད༌དོ།།   
\p
\v 15 ས་རུབ་ལ་ཉེ༌དུས། ཐུགས་སྲས་རྣམས་ཁོང་གི་དྲུང་དུ་ཡོང༌སྟེ། ས་ཆ་འདི་ནི་དབེན་གནས་ཤིག་ཡིན་ཞིང་ས་རུབ་ལ་ཉེ༌བས། མི་རྣམས་ཡུལ་སྡེ་སོ་སོར་རང་རང་གི་བཟའ་བཏུང་ཉོ་རུ་གཏོང་བར་མཛོད་ཅེས་ཞུས་པ༌ན།  
\v 16 སྐྱབས་མགོན་ཡེ་ཤུས་ཁོ་རྣམས་ལ་འདི་སྐད༌དུ། ཁོ་རྣམས་འགྲོ་མི་དགོས༌ཏེ། ཁྱོད་ཅག་གིས་ཁོ་རྣམས་ལ་ཁ་ཟས་བྱིན་ཅིག་ཅེས་གསུངས་པ༌ན།  
\v 17 ཐུགས་སྲས་རྣམས་ན༌རེ། ངེད་རྣམས་ལ་བག་ལེབ་ལྔ་དང་ཉ་གཉིས་ལས་མེད་ཅེས་ཞུས་པ༌ལ།  
\v 18 ཡང་ཁོང་གིས་འདི་སྐད༌དུ། ཁ་ཟས་དེ་དག་བདག་ལ་ཁྱེར་ཤོག་ཅེས་གསུངས༌སོ།།  
\v 19 ཁོང་གིས་མི་རྣམས་སྤང་ཐང་དུ་སྡོད་པའི་བཀའ་གནང༌ཞིང༌། བག་ལེབ་ལྔ་དང་ཉ་གཉིས་པོ་ཕྱག་ཏུ་བསྣམས་ཏེ་ནམ་མཁར་གཟིགས་ཤིང་བྱིན་རླབས་གནང༌རྗེས། བག་ལེབ་དུམ་བུར་བྱས་ནས་ཐུགས་སྲས་རྣམས་ལ་གནང་བ་དང་དེ་རྣམས་ཀྱིས་ཀྱང་མི་ཚོགས་ལ༌བྱིན།  
\v 20 མི་ཚང་མས་ཟོས་ནས་ལྟོ་བ་འགྲངས་པ༌དང༌། ཐུགས་སྲས་རྣམས་ཀྱིས་ཟས་ལྷག་བསྡུས་ཏེ་སླེ་བོ་བཅུ་གཉིས༌གང་།  
\v 21 གནས་དེར་བུད་མེད་དང་བྱིས་པ་ལས༌གཞན། ཁ་ཟས་ལོངས་སུ་སྤྱོད་པའི་སྐྱེས་པ་ལྔ་སྟོང་ཙམ་ཡོད༌དོ།།   
\s1 སྐྱབས་མགོན་ཡེ་ཤུས་མཚོ་ངོས་སུ་ཞབས་ཀྱིས་བཅགས༌པ།  
\p
\v 22 དོན་དེའི་རྗེས༌སུ། སྐྱབས་མགོན་ཡེ་ཤུས་ཐུགས་སྲས་རྣམས་མཚོ་གྲུར་སྡོད་དུ་བཅུག༌སྟེ། ཁོང་གི་སྔོན་ལ་མཚོའི་ཕར་འགྲམ་དུ་འགྲོ་བར་བསྐུལ་ནས་ཁོང་གིས་མི་རྣམས་སོ་སོར་གྱེས་སུ༌བཅུག  
\v 23 མི་རྣམས་སོ་སོར་གྱེས་སུ་བཅུག༌རྗེས། ཁོང་ཉིད་གཅིག་པུ་རི་མགོར་གསོལ་བ་འདེབས་སུ་ཕེབས་པ༌དང༌། མཚན་མོའི་དུས་སུ་ཁོང་ཉིད་གཅིག་པུ་གནས་དེར༌བཞུགས།  
\v 24 དུས་དེར་མཚོ་གྲུ་དེ་མཚོའི་འགྲམ་ནས་རྒྱང་ཐག་རིང་པོར་སླེབས་ཤིང་རླུང་ཚུར་གཡུགས་པས་རྦ་རླབས་ཀྱིས༌གཡོའོ།།  
\v 25 ནམ་ལངས་ལ་ཉེ་བའི་དུས༌སུ།\f + \ft ནམ་ལངས་ལ་ཉེ་བའི་དུས་སུ་ཞེས་པ༌ནི། དམ་པའི་གསུང་རབ་ཀྱི་མ་ཕྱི་ལས་མཚན་མོའི་ཐུན་བཞི་པ་ཞེས་གསུངས༌འདུག སྤྱིར་རོ་མཱ་གོང་མའི་རྒྱལ་ཁབ་ཀྱི་གོམས་སྲོལ༌ལ། མཚན་མོ་གཅིག་ཐུན་བཞིར་བགོས་ཤིང་ཐུན་བཞི་པ་ནི་ནམ་ལངས་ལ་ཉེ་བའི་དུས་ཏེ་ཞོགས་པའི་ཆུ་ཚོད་གསུམ་ནས་དྲུག་གི་བར༌ཡིན། \f* ཁོང་གིས་མཚོ་སྟེང་དུ་ཞབས་ཀྱིས་བཅགས་ནས་ཐུགས་སྲས་རྣམས་ཀྱི་གམ་དུ༌ཕེབས།  
\v 26 དེ་རྣམས་ཀྱིས་ཁོང་གིས་མཚོ་སྟེང་དུ་ཞབས་ཀྱིས་བཅགས་ནས་ཕེབས་པ་མཐོང་ནས་འཇིགས་ཤིང་སེམས་འཚབ་པར་གྱུར༌ཏེ། དེ་ནི་འདྲེ་ཞིག་མ་ཡིན་ནམ་ཞེས་སྨྲས་པ་དང་འཇིགས་ཤིང་སྐྲག་སྟེ་འུར་བརྒྱབ༌བོ།།  
\v 27 སྐྱབས་མགོན་ཡེ་ཤུས་འཕྲལ་དུ་ཁོ་རྣམས་ལ་འདི་སྐད༌དུ། ཁྱོད་ཅག་གི་སེམས་བདེ་བར༌གྱིས། ང་རང་ཡིན་པས་འཇིགས་མི་དགོས་ཞེས་གསུངས་པ༌དང༌།  
\v 28 པེ་ཏྲོ་ན༌རེ། གཙོ་བོ་ཁྱེད་རང་ལགས༌ན། བདག་ལ་ཆུའི་སྟེང་ནས་ཁྱེད་ཀྱི་དྲུང་དུ་ཡོང་བའི་བཀའ་གནང་བར་མཛོད་ཅེས་ཞུས་པ༌ན།  
\v 29 ཁོང་གིས་ཚུར་ཤོག་ཅིག་ཅེས་གསུངས༌པས། པེ་ཏྲོ་མཚོ་གྲུ་ལས་བབས་ཏེ་མཚོ་སྟེང་ནས་སྐྱབས་མགོན་ཡེ་ཤུའི་ཕྱོགས་སུ་ཕྱིན༌ཏོ།།  
\v 30 འོན་ཀྱང་ཁོས་རླུང་ཆེན་གཡུགས་པ་མཐོང་སྟེ་འཇིགས་ཤིང་མཚོ་ནང་དུ་ནུབ་བཞིན་པའི་སྐབས་སུ་སྐད་ཆེན༌པོས། གཙོ་བོ༌ལགས། ང་རང་སྐྱོབ་པར་མཛོད་ཅེས་སྐད་བརྒྱབ་པ༌དང༌།  
\v 31 སྐྱབས་མགོན་ཡེ་ཤུས་དེ་མ་ཐག་ཕྱག་བརྐྱངས་ནས་ཁོ་རང་བཟུང་སྟེ་འདི་སྐད༌དུ། དད་པ་ཆུང་བ་ཁྱོད་ནི་ཅིའི་ཕྱིར་ཐེ་ཚོམ་སྐྱེས་སམ་ཞེས་གསུངས༌སོ།།  
\v 32 ཁོང་གཉིས་མཚོ་གྲུའི་ནང་དུ་ཕེབས་པ་དང་རླུང་གཡུག་མཚམས༌ཆད།  
\v 33 མཚོ་གྲུ་ནང་གི་ཐུགས་སྲས་རྣམས་ཀྱིས་ཁོང་ལ་ཕྱག་བཙལ་ཞིང༌། ཁྱེད་ནི་དངོས་གནས་དཀོན་མཆོག་གི་སྲས་ཡིན་ཞེས་ཞུས༌སོ།།   
\p
\v 34 དེ་ནས་ཁོང་རྣམས་མཚོ་བརྒལ་ནས་གེན་ནེ་སཱ་རེལ་ཡུལ་དུ་སླེབས་པ༌དང༌།  
\v 35 ཡུལ་དེའི་མི་རྣམས་ཀྱིས་སྐྱབས་མགོན་ཡེ་ཤུ་ཡིན་པ་ཤེས༌ཏེ། མཐའ་སྐོར་གྱི་ཡུལ་ཀུན་ཏུ་མི་མངགས་ཤིང་ནད་པ་ཐམས་ཅད་ཁོང་གི་དྲུང་དུ་ཁུར་ཡོང༌སྟེ།  
\v 36 ཁོང་ལ་ན་བཟའི་འདབས་ཁ་ཙམ་ལ་རེག་ཏུ་གནང་བར་ཞུ་བ་ཞུས༌ཤིང༌། དེར་རེག་པའི་ནད་པ་ཐམས་ཅད་ནད་ལས་ཐར་བར་གྱུར༌ཏོ།།   
\c 15
\cl ལེའུ་བཅོ་ལྔ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 གནའ་བོའི་ལུགས་སྲོལ༌སྐོར།  
\p
\v 1 དེ་ནས་ཕ་རུ་ཤི་པ་དང་མཁན་པོ་རྣམས་ཡེ་རུ་སཱ་ལེམ་ནས་སྐྱབས་མགོན་ཡེ་ཤུའི་དྲུང་དུ་ཡོང༌སྟེ།  
\v 2 ཁྱེད་ཀྱི་ཐུགས་སྲས་རྣམས་ཀྱིས་ཅིའི་ཕྱིར་གནའ་མིའི་ལུགས་སྲོལ་དང་འགལ་བར་བྱེད༌དམ། ཁོ་རྣམས་ཀྱིས་ལག་པ་མ་བཀྲུས་པར་བག་ལེབ་ཟའོ་ཞེས་པ༌ལ།  
\v 3 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་རང་གི་ལུགས་སྲོལ་བསྲུང་ཕྱིར་དཀོན་མཆོག་གི་བཀའ་དང་འགལ་བར་བྱེད་པ༌ཅི།  
\v 4 དཀོན་མཆོག་གིས་རང་གི་ཕ་མ་གཉིས་ལ་བཀུར་བསྟི་བྱེད་དགོས་ཞེས༌དང༌། ཡང་ཕའམ་ཡང་ན་མ་ལ་ཚིག་ངན་སྨྲ་མཁན་དེ་སྲོག་དང་བྲལ་བར་གྱུར་ཅིག་ཅེས་གསུངས༌སོ།།  
\v 5 འོན་ཀྱང་ཁྱོད་ཅག་ལས་སུ་ཞིག་གིས་རང་གི་ཕའམ་མ༌ལ། ངས་ཁྱེད་ལ་འབུལ་འོས་པ་དེ་དཀོན་མཆོག་ལ་ཕུལ་བ་ཡིན་ཞེས་སྨྲས༌ན།  
\v 6 མི་དེས་རང་གི་ཕའམ་མ་ལ་བརྩི་བཀུར་མ་བྱས་ཀྱང་ཆོག་ཅེས་སྨྲ་བ༌ཡིན། ཁྱོད་ཅག་གིས་རང་གི་ལུགས་སྲོལ་ལྟར་དཀོན་མཆོག་གི་བཀའ་རིང་དུ་དོར་བ་ཡིན༌པས།  
\v 7 ཚུལ་འཆོས་པ་ཁྱོད་ཅག་གི་སྐོར་ལ་ཡེ་ཤ་ཡཱ་ཡིས་ལེགས་པར་གསུངས་པ་འདི་ལྟ༌སྟེ།   
\q1
\v 8 མི་སྡེ་འདི་ཡིས་ངག་ནས་ང་རང་བཀུར་ན༌ཡང༌།།  
\q1 ཁོ་ཚོའི་སེམས་ནི་ང་དང་ཡོངས་སུ་བྲལ་བ༌ཡིན།།   
\q1
\v 9 འཇིག་རྟེན་མི་ཡིས་བརྩམས་པའི་བསླབ་བྱ་སྣ་ཚོགས༌པ།།  
\q1 བདེན་པའི་ཆོས་ཀྱི་གཞུང་ལུགས་ཡིན་ཁུལ་སྟོན་བྱེད༌པས།།  
\q1 བདག་ལ་དེ་འདྲའི་བསྙེན་བཀུར་བྱས་ཀྱང་སྙིང་པོ༌མེད།།  
\m ཅེས་ལུང་བསྟན་པ་ཡིན་ཞེས༌པའོ།།   
\p
\v 10 དེ་ནས་སྐྱབས་མགོན་ཡེ་ཤུས་མི་ཚོགས་ཚུར་བོས་ཏེ་འདི་སྐད༌དུ། ཁྱོད་ཅག་གིས་བདག་གི་གཏམ་ལ་ཉོན་དང་དོན་ཡང་ཤེས་པར༌གྱིས།  
\v 11 ཁ་ནས་ཁོག་ཏུ་སོང་བ་དེས་མི་མི་གཙང་བར་བྱེད་མི་ནུས༌ལ། ཁ་ནས་ཕྱིར་ཐོན་པ་དེས་མི་མི་གཙང་བར་བྱེད་པ་ཡིན་ཞེས་གསུངས༌སོ།།  
\v 12 དེའི་དུས༌སུ། ཐུགས་སྲས་རྣམས་ཡོང་སྟེ་ན༌རེ། ཕ་རུ་ཤི་པ་རྣམས་ཀྱིས་ཁྱེད་ཀྱི་གསུང་དེ་ཐོས་ནས་མི་དགའ་བར་གྱུར་པ་ཁྱེད་ཀྱིས་མཁྱེན་ནམ་ཞེས་ཞུས་པ༌ལ།  
\v 13 ཁོང་གིས་འདི་སྐད༌དུ། ནམ་མཁའི་ཞིང་ཁམས་སུ་བཞུགས་པའི་བདག་གི་ཡབ་ཀྱིས་བཙུགས་པ་མ་ཡིན་པའི་རྩི་ཤིང་ཐམས་ཅད་རྩ་བ་ནས་འབལ་བར་འགྱུར༌བས།  
\v 14 ཕ་རུ་ཤི་པ་རྣམས་ལ་དེ་ལྟར་བྱེད་དུ་ཆུག༌དང༌། དེ་དག་ནི་ལོང་བས་ལོང་བར་ལམ་ཁྲིད་པ་ཡིན༌ཏེ། ལོང་བས་ལོང་བར་ལམ་ཁྲིད་ན་དེ་གཉིས་ཀ་དོང་ནང་དུ་ལྷུང་བར་འགྱུར་ཞེས་གསུངས༌སོ།།  
\v 15 པེ་ཏྲོ་ན༌རེ། གོང་ནས་གསུངས་པའི་དཔེ་དེའི་ནང་དོན་ངེད་ཅག་ལ་གསུང་བར་མཛོད་ཅེས་ཞུས་པ༌ན།  
\v 16 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་ད་དུང་ཧ་མི་གོ་བ་ཡིན༌ནམ།  
\v 17 ཁ་ནས་ཁོག་ཏུ་གང་ཞིག་སོང་བ་དེ་ནི་མིའི་ཁོག་ཏུ་སོང་ཞིང་གཙང་སྤྱོད་དུ་ལྷུང་འགྲོ་བ་མི་ཤེས༌སམ།  
\v 18 མིའི་སེམས་ནས་གང་ཞིག་ཕྱིར་ཐོན་པ་དེས་ད་གཟོད་མི་མི་གཙང་བར༌བྱེད།  
\v 19 རྒྱུ་མཚན་ནི་མིའི་སེམས་ལས་དྲན་ཚུལ་ངན་པ༌དང༌། མིའི་སྲོག་གཅོད༌པ། ལོག༌གཡེམ། མི་ཚངས་སྤྱོད༌པ། མ་བྱིན༌ལེན། རྫུན་གྱི་དཔང༌པོ། འཕྱ་དམོད་བཅས་འབྱུང་བའི་ཕྱིར༌རོ།།  
\v 20 འདི་ཐམས་ཅད་ཀྱིས་མི་མི་གཙང་བར་བྱེད་པ༌ལས། ལག་པ་མ་བཀྲུས་པར་ཟས་ཟ་བ་དེས་མི་མི་གཙང་བར་བྱེད་མི་ནུས་ཞེས་གསུངས༌སོ།།   
\s1 ཀ་ན་ཨན་ཡུལ་གྱི་བུད་མེད་ཅིག་གི་དད༌པ།  
\p
\v 21 སྐྱབས་མགོན་ཡེ་ཤུ་ཡུལ་དེ་དང་ཁ་བྲལ་ནས་ཐཱར་དང་ཚི་ཏུན་གྱི་མངའ་ཁོངས་སུ་ཕེབས་པ༌ན།  
\v 22 དེ་རུ་ཀ་ན་ཨན་ཡུལ་གྱི་བུད་མེད་ཅིག་ཡོད་པ་ཡོང་ནས་སྐད་ཆེན༌པོས། ཀྱེ། དཱ་བིད་ཀྱི་རིགས་སྲས་གཙོ་བོ༌ལགས། བདག་གི་བུ་མོ་གདོན་འདྲེས་བཟུང་ནས་སྡུག་བསྔལ་ཆེན་པོ་མྱོང་བཞིན་འདུག༌པས། བདག་ལ་སྙིང་རྗེས་གཟིགས་པར་དགོངས་ཞེས་ཞུས༌ཀྱང༌།  
\v 23 སྐྱབས་མགོན་ཡེ་ཤུས་བཀའ་ལན་ཅི་ཡང་མ་གསུངས༌སོ། །དེ་ནས་ཐུགས་སྲས་རྣམས་ཁོང་གི་དྲུང་དུ་ཡོང་སྟེ་ན༌རེ། བུད་མེད་འདིས་བདག་ཅག་གི་རྗེས་འབྲངས་ནས་སྐད་རྒྱག་བཞིན་འདུག༌པས། ཁྱེད་ཀྱིས་ཁོ་མོ་ཕར་མངག་པར་མཛོད་ཅེས་ཞུས་པ༌ལ།  
\v 24 ཁོང་གིས་འདི་སྐད༌དུ། བདག་ནི་བོར་ཟིན་པའི་ལུག་ལྟ་བུའི་ཡེས་ར་ཨེལ་གྱི་ཁྱིམ་རྒྱུད་ཁོ་ནའི་གམ་དུ་མངགས་པ་ཡིན་ཞེས་གསུངས༌སོ།།  
\v 25 དེ་ནས་བུད་མེད་ཡོང་ནས་པུས་མོ་སར་བཙུགས་ཤིང་ཁོང་ལ་ཕྱག་བཙལ་ཏེ། གཙོ་བོ༌ལགས། ང་ལ་སྐྱབས་མཛོད་ཅིག་ཅེས་ཞུས་པ༌ན།  
\v 26 ཁོང་གིས་འདི་སྐད༌དུ། ཕྲུ་གུའི་ཟས་སྐལ་ཁྱི་ལ་སྟེར་མི་རུང་ཞེས་གསུངས༌སོ།།  
\v 27 ཡང་བུད་མེད་ན༌རེ། ལགས༌སོ། །གཙོ་བོ༌ལགས། འོན་ཀྱང་ཁྱི་ཡིས་བདག་པོའི་ཅོག་ཙེ་འོག་གི་ཟས་ཧྲུག་ཀྱང་ཟ་བ་ཡིན་ཞེས་ཞུས༌སོ།།  
\v 28 ཡང་ཁོང་གིས་འདི་སྐད༌དུ། བུད་མེད་ཁྱོད་ལ་དད་པ་ཆེ༌བས། ཁྱོད་ཀྱི་འདོད་པ་བཞིན་དུ་གྲུབ་གྱུར་ཅིག་ཅེས་གསུངས༌སོ། །དུས་དེ་ནས་བཟུང་ཁོ་མོའི་བུ་མོའང་ནད་ལས་ཐར་བར་གྱུར༌ཏོ།།   
\s1 སྐྱབས་མགོན་ཡེ་ཤུས་མི་བཞི་སྟོང་འགྲང་བར་མཛད༌པ།  
\p
\v 29 སྐྱབས་མགོན་ཡེ་ཤུ་ཡུལ་དེ་དང་ཁ་བྲལ་ནས་མཚོ་ག་ལིལ་གྱི་ཉེ་འགྲམ་དུ་བྱོན་ཏེ་རི་བོར་ཕེབས་ནས་བཞུགས༌སོ།།  
\v 30 མི་སྐོར་ཚོ་མང་པོས་གྱོལ་པོ༌དང༌། ལོང༌བ། ལྐུགས༌པ། དབང་བོ་སྐྱོན༌ཅན། ནད་པ་གཞན་མང་པོ་ཁོང་གི་དྲུང་དུ་བསྐྱལ༌ཞིང༌། ཁོང་གིས་ཀྱང་ནད་པ་དེ་རྣམས་ཀྱི་ནད་འཇོམས་པར༌མཛད།  
\v 31 ལྐུགས་པ་རྣམས་ཀྱིས་སྐད་ཆ་སྨྲ་ཤེས་པ༌དང༌། དབང་བོ་སྐྱོན་ཅན་སོས༌པ། གྱོལ་པོ་འགྲོ༌བ། ལོང་བས་མིག་གིས་མཐོང་བ་སོགས་ཀྱི་དོན་མི་རྣམས་ཀྱིས་མཐོང༌སྟེ། ངོ་མཚར་སྐྱེས་ཤིང་ཡེས་ར་ཨེལ་གྱི་དཀོན་མཆོག་ལ་བསྟོད་བསྔགས་བརྗོད༌དོ།།   
\p
\v 32 དེ་ནས་སྐྱབས་མགོན་ཡེ་ཤུས་ཐུགས་སྲས་རྣམས་རང་གི་དྲུང་དུ་བོས་ཏེ་འདི་སྐད༌དུ། མི་འདི་རྣམས་བདག་དང་མཉམ་དུ་གནས་འདི་ནས་ཉིན་གསུམ་འགོར༌ཀྱང༌། ད་ལྟ་ཁ་ཟས་ཅི་ཡང་མེད་པས་བདག་གིས་ཁོ་རྣམས་ལ་སྙིང་རྗེ་བར༌འདུག ངས་ཁོ་རྣམས་བཀྲེས་པའི་ངང་ནས་ཕྱིར་འགྲོ་རུ་འཇུག་མི་འདོད༌དེ། དེ་རྣམས་ལམ་བར་དུ་ཐང་ཆད་ནས་བརྒྱལ་ཉེན་ཡོད་ཅེས་གསུངས༌སོ།།  
\v 33 ཐུགས་སྲས་རྣམས་ན༌རེ། དབེན་སྟོང་འདི་རུ་མི་འདི་འདྲ་མང་པོ་ཞིག་ལྟོ་བ་འགྲང་བར་བྱེད་པའི་བག་ལེབ་གང་ནས་རྙེད་ཐུབ་བམ་ཞེས་ཞུས་པ༌དང་།  
\v 34 ཁོང་གིས་འདི་སྐད༌དུ། ཁྱོད་ཅག་ལ་བག་ལེབ་ག་ཚོད་ཡོད་ཅེས་དྲིས་པ༌ན། ཁོ་རྣམས་ཀྱིས་བག་ལེབ་བདུན་དང་ཉ་ཆུང་ངུ་འགའ་ཡོད་ཅེས་ཞུས༌སོ།།   
\p
\v 35 སྐྱབས་མགོན་ཡེ་ཤུས་མི་ཚོགས་ལ་བཀའ་གནང་སྟེ་ས་རུ་སྡོད་དུ་བཅུག༌ཅིང༌།  
\v 36 བག་ལེབ་བདུན་པོ་དང་ཉ་འགའ་ཤས་ཕྱག་ཏུ་བསྣམས་ཏེ་དཀོན་མཆོག་ལ་བཀའ་དྲིན་ཞུས༌རྗེས། དུམ་བུར་བྱས་ནས་ཐུགས་སྲས་རྣམས་ལ་སྤྲད་ཅིང་དེ་རྣམས་ཀྱིས་ཀྱང་མི་ཚོགས་ལ༌བཀྲམ།  
\v 37 མི་ཚོགས་ཀྱིས་ཟས་སྤྱད་ནས་ལྟོ་བ་འགྲངས་པ༌དང༌། ཐུགས་སྲས་རྣམས་ཀྱིས་ཟས་ལྷག་བསྡུ་གསོག་བྱས་པ་སླེ་བོ་བདུན༌བྱུང༌།  
\v 38 དུས་དེར་ཟས་སྤྱོད་མཁན་ནི་བུད་མེད་དང་བྱིས་པ་ལས་གཞན་སྐྱེས་པ་བཞི་སྟོང་ཙམ༌ཡོད།  
\v 39 དེ་ནས་སྐྱབས་མགོན་ཡེ་ཤུས་མི་རྣམས་སོ་སོར་གྱེས་སུ་བཅུག༌རྗེས། ཁོང་ཉིད་མཚོ་གྲུར་བཞུགས་ནས་མག་ད་ལཱའི་ཡུལ་ཕྱོགས་སུ་ཕེབས༌སོ།།   
\c 16
\cl ལེའུ་བཅུ་དྲུག༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 གྲུབ་རྟགས་མཐོང་འདོད་པ་རྣམས་ལ་བཀའ་བཀྱོན་གནང༌བ།  
\p
\v 1 དེ་ནས་ཕ་རུ་ཤི་པ་དང་སཱ་ཅུ་སེ་པ་རྣམས་ཡོང་སྟེ་སྐྱབས་མགོན་ཡེ་ཤུ་ལ་ནམ་མཁའི་ཞིང་ཁམས་ཀྱི་གྲུབ་རྟགས་ཤིག་སྟོན་དང་ཞེས་ཚོད་བརྟགས་པ༌ལ།  
\v 2 སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་ས་རུབ་ལ་ཉེ་བའི་དུས༌སུ། ནམ་མཁར་སྤྲིན་དམར་ཡོད༌ན། ཕྱི་ཉིན་ནམ་མཁའ་གཡའ་དག་པར་ངེས་ཞེས་ཟེར༌ཅིང༌།  
\v 3 ཞོགས་པར་ནམ་མཁར་སྤྲིན་དམར་དང་སྤྲིན་ནག་ཡོད༌ན། དེ་རིང་ཆར་རླུང་ཡོད་པར་ངེས་ཞེས༌ཟེར། ཁྱོད་རྣམས་ཀྱིས་ནམ་མཁའི་རང་བཞིན་བརྟགས་པས་ཤེས༌ཀྱང༌། དུས་འདིའི་རྟགས་ནི་རྟོག་ཀྱང་མི་ཤེས༌སོ།།  
\v 4 མི་རབས་ངན་པ་དང་གཡེམ་སྦྱོར་ཅན་ཞིག་གིས་གྲུབ་རྟགས་འཚོལ་གྱིན་འདུག༌མོད། འོན་ཀྱང་ཡོ་ནཱའི་རྟགས་ངོ་མཚར་ཅན་དེ་ལས༌གཞན། དེ་རྣམས་ལ་རྟགས་ཅི་ཡང་སྟོན་པར་མི་འགྱུར་ཞེས་གསུངས་པ་དང་ཁོང་ཉིད་མི་དེ་རྣམས་དང་ཁ་བྲལ་ནས་ཕེབས༌སོ།།   
\s1 གཡོ་སྒྱུའི་སྐྱུར་རྩི་ལ་གཟབ་དགོས་པའི༌སྐོར།  
\p
\v 5 དེ་ནས་ཐུགས་སྲས་རྣམས་མཚོའི་ཕ་རོལ་ཏུ་བརྒལ་བ་དང་ལམ་བྲོ་འཁྱེར་བ་བརྗེད༌དོ།།  
\v 6 སྐྱབས་མགོན་ཡེ་ཤུས་ཐུགས་སྲས་རྣམས་ལ་འདི་སྐད༌དུ། ཁྱོད་ཅག་གིས་བློ་རིག་བསྒྲིམས་ནས་ཕ་རུ་ཤི་པ་དང་སཱ་ཅུ་སེ་པ་རྣམས་ཀྱི་སྐྱུར་རྩི་ལ་གཟབ་པར་གྱིས་ཞེས་བཀའ་གནང༌ཞིང༌།  
\v 7 ཐུགས་སྲས་རྣམས་ཀྱིས་ཕན་ཚུན་ལ་འདི་ནི་བདག་ཅག་གིས་བག་ལེབ་ཁྱེར་མེད་པའི་ཕྱིར་ཡིན་ཞེས་གླེང་མོལ་བྱས་པ༌ལ།  
\v 8 སྐྱབས་མགོན་ཡེ་ཤུས་དོན་དེ་མཁྱེན༌ནས། དད་པ་ཆུང་བ་ཁྱོད་རྣམས་ཀྱིས་ཅིའི་ཕྱིར་བག་ལེབ་མེད་པའི་གཏམ་གླེང་བ་ཡིན༌ནམ།  
\v 9 ཁྱོད་ཅག་གིས་ད་དུང་མི་ཤེས༌སམ། བག་ལེབ་ལྔ་མི་ལྔ་སྟོང་ལ་བགོས་ཤིང་ཟས་ལྷག་སླེ་བོ་ཅི་ཙམ་བསྡུས་པ་མི་དྲན༌ནམ།  
\v 10 བག་ལེབ་བདུན་མི་བཞི་སྟོང་ལ་བགོས་ཤིང་ཟས་ལྷག་སླེ་བོ་ཅི་ཙམ་བསྡུས་པའང་མི་དྲན༌ནམ།  
\v 11 བདག་གིས་ཁྱོད་རྣམས་ལ་ཕ་རུ་ཤི་པ་དང་སཱ་ཅུ་སེ་པ་རྣམས་ཀྱི་སྐྱུར་རྩི་ལ་གཟབ་པར་གྱིས་ཞེས་སྨྲས༌ལ། འདི་ནི་བག་ལེབ་སྐོར་ལ་སྨྲས་པ་མ་ཡིན༌པས། ཁྱོད་རྣམས་ཀྱིས་མི་ཤེས་པ་དེ་ཅི་ཡིན་ཞེས་གསུངས༌སོ།།  
\v 12 དེ་ནི་སྐྱབས་མགོན་ཡེ་ཤུས་བག་ལེབ་ཀྱི་སྐྱུར་རྩི་ལ་དོགས་ཟོན་བྱོས་ཞེས་གསུངས་པ་མ་ཡིན༌པར། ཕ་རུ་ཤི་པ་དང་སཱ་ཅུ་སེ་པ་རྣམས་ཀྱི་བསླབ་བྱ་ལ་དོགས་ཟོན་བྱོས་ཤིག་ཅེས་པའི་དོན་དེ་ཐུགས་སྲས་རྣམས་ཀྱིས་ད་གཟོད་ཤེས་པར་གྱུར༌ཏོ།།   
\s1 སྐྱབས་མགོན་ཡེ་ཤུ་ནི་མཱ་ཤི་ཀ་ཡིན་པ་ཁས་བླངས༌པ།  
\p
\v 13 དེ་ནས་སྐྱབས་མགོན་ཡེ་ཤུ་ནི་ཀེ་སར་ཡཱ་ཕི་ལིབ་པི་ཡི་མངའ་ཁོངས་སུ་ཕེབས་ཏེ་ཐུགས་སྲས་རྣམས་ལ་འདི་སྐད༌དུ། མི་རྣམས་ཀྱིས་མིའི་བུ་ནི་སུ་ཡིན་པར་སྨྲ་བཞིན་འདུག་གམ་ཞེས་དྲིས་པ༌ན།  
\v 14 ཐུགས་སྲས་རྣམས་ན༌རེ། མི་ལ་ལས་ཁྲུས་གསོལ་མཁན་ཡོ་ཧ་ནན༌དང༌། ལ་ལས་ཨེ་ལི༌ཡཱ། ཡང་མི་ལ་ལས་ཡེ་རེམ་ཡཱའམ་ལུང་སྟོན་པའི་གྲས་ཀྱི་གཅིག་ཡིན་ཟེར་གྱི་འདུག་ཅེས་ཞུས༌སོ།།  
\v 15 ཡང་སྐྱབས་མགོན་ཡེ་ཤུས་འདི་སྐད༌དུ། འོ༌ན། ཁྱོད་ཅག་གིས་ང་རང་ནི་སུ་ཡིན་པར་གླེང་ངམ་ཞེས་དྲིས་པ༌ལ།  
\v 16 སི་མོན་པེ་ཏྲོ་ན༌རེ། ཁྱེད་ནི་མཱ་ཤི་ཀ་སྟེ་གཏན་དུ་གསོན་པོར་བཞུགས་པའི་དཀོན་མཆོག་གི་སྲས་ཡིན་ཞེས་ཞུས༌སོ།། \f + \ft དཀོན་མཆོག་གིས་གནའ་བོའི་དུས་སུ་སྐྱབས་མགོན་མཱ་ཤི་ཀ་འཇིག་རྟེན་དུ་མངགས་པར་འགྱུར་བ་ཞལ་གྱིས་བཞེས་ཡོད༌ལ། པེ་ཏྲོས་གནས་ཚུལ་འདི་རྟོགས་ནས་སྐྱབས་མགོན་ཡེ་ཤུ་ནི་མཱ་ཤི་ཀ་ཡིན་པ་ངོས༌ཟིན་པ་རེད། \f*  
\v 17 ཡང་སྐྱབས་མགོན་ཡེ་ཤུས་འདི་སྐད༌དུ། ཡོ་ནཱའི་བུ་སི་མོན་ཁྱོད་ནི༌བདེའོ། །ཅིའི་ཕྱིར་ཞེ༌ན། དོན་འདི་ནི་ཤ་ཁྲག་གདོས་བཅས་སུ་གྲུབ་པ་དེས་ཁྱོད་ལ་བསྟན་པ་མ་ཡིན༌པར། ནམ་མཁའི་ཞིང་ཁམས་སུ་བཞུགས་པའི་བདག་གི་ཡབ་ཀྱིས་མངོན་པར་མཛད་པའི་ཕྱིར༌རོ།།  
\v 18 ཡང་བདག་གིས་ཁྱོད་ལ་སྨྲ་བར་བྱ༌སྟེ། ཁྱོད་ནི་པེ་ཏྲོ༌ཡིན། བདག་གིས་རང་གི་ཆོས་ཚོགས་ནི་རྡོ་ཕ་བོང་འདིའི་སྟེང་དུ་འཛུགས་པར༌བྱའོ། །གཤིན་པོའི་གནས་ཀྱི་སྒོ་རྣམས་ \f + \ft གཤིན་པོའི་གནས་ཀྱི་སྒོ་རྣམས་ཞེས་པ་ནི་གཤིན་པོའི་གནས་ཀྱི་དབང་རྣམས་ལ་གོ་རུང་བ༌ཡིན།\f*ཀྱང་དེ་ལས་རྒྱལ་མི༌ནུས།  
\v 19 བདག་གིས་ནམ་མཁའི་རྒྱལ་སྲིད་ཀྱི་ལྡེ་མིག་ཁྱོད་ལ་སྤྲོད༌ཅིང༌། ཁྱོད་ཀྱིས་ས་སྟེང་ནས་གང་ཞིག་བསྡམས་པ་དེ་ནམ་མཁའི་ཞིང་ཁམས་སུའང་བསྡམ་པར་འགྱུར༌ཞིང༌། ཁྱོད་ཀྱིས་ས་སྟེང་ནས་གང་ཞིག་བཀྲོལ་བ་དེ་ནམ་མཁའི་ཞིང་ཁམས་སུའང་དགྲོལ་བར་འགྱུར་ཞེས་གསུངས༌སོ།།  
\v 20 དེ་ནས་ཁོང་གིས་ཐུགས་སྲས་རྣམས་ལ་རང་ཉིད་ནི་མཱ་ཤི་ཀ་ཡིན་པ་སུ་ལའང་མི་སྨྲ་བའི་ཕྱིར་ནན་གྱིས་བསྐུལ༌ཏོ།།   
\s1 དགྲོང་བར་འགྱུར་བའི་ལུང་བསྟན༌པ།  
\p
\v 21 དུས་དེ་ནས༌བཟུང༌། སྐྱབས་མགོན་ཡེ་ཤུས་ཐུགས་སྲས་རྣམས་ལ་དོན་འདི་རྣམས་སྟོན་པར་འགོ་བརྩམས༌ཏེ། ཁོང་ངེས་པར་ཡེ་རུ་སཱ་ལེམ་དུ་འགྲོ་བ༌དང༌། རྒན་པོ་ \f + \ft འདིར་བརྗོད་པའི་རྒན་པོ་ཞེས་པ་ནི་ཡ་ཧུ་དཱ་པའི་ཆོས་ཀྱི་དཔོན་རིགས་རྣམས་ལ་གོ༌དགོས།\f*དང༌། མཆོད་དཔོན་ཆེན་པོ༌དག མཁན་པོ་རྣམས་ཀྱིས་ཁོང་ཉིད་ལ་སྡུག་བསྔལ་མང་པོ་མྱང་དུ་འཇུག༌ཅིང༌། ཁོང་ཉིད་དགྲོང་པ་དང་ཉིན་གསུམ་པ་ལ་སླར་གསོན་པར་འགྱུར་དགོས་པ་བཅས༌སོ།།  
\v 22 པེ་ཏྲོས་དེ་ཐོས་པ་དང་སྐྱབས་མགོན་ཡེ་ཤུའི་ཕྱག་ལ་འཇུས༌ཏེ། གཙོ་བོ༌ལགས། དོན་དེ་ལྟ་བུ་ཞིག་ནམ་ཡང་ཁྱེད་ལ་འབྱུང་མི་སྲིད་ཅེས་ནན་གྱིས་བསྐུལ་བ༌ན།  
\v 23 སྐྱབས་མགོན་ཡེ་ཤུས་ཕྱིར་འཁོར་ནས་པེ་ཏྲོ་ལ་འདི་སྐད༌དུ། བདུད་སཱ་ཏན་ཁྱོད་ངའི་རྒྱབ་ཏུ་སོང༌ཞིག ཁྱོད་ཀྱིས་དཀོན་མཆོག་གི་དགོངས་པ་མི་བསམ༌པར། མིའི་འདོད་བློ་ཁོ་ན་བསམས་པས་ཁྱོད་ནི་བདག་གི་བཀག་རྡོ་ཡིན་ཞེས་གསུངས༌སོ།།   
\p
\v 24 དེ་ནས་སྐྱབས་མགོན་ཡེ་ཤུས་རང་གི་ཐུགས་སྲས་རྣམས་ལ་འདི་སྐད༌དུ། སུ་ཞིག་ང་ཡི་རྗེས་སུ་འབྲང་འདོད༌ན། རང་ཉིད་དོར་ནས་རང་གི་ཤིང་རྒྱ་གྲམ་ཁུར་ཏེ་ང་ཡི་རྗེས་སུ་འབྲང་བར༌གྱིས།  
\v 25 སུ་ཞིག་གིས་རང་སྲོག་སྐྱོབ་འདོད་པ་དེས་རང་སྲོག་འཆོར༌ཞིང༌། སུ་ཞིག་གིས་བདག་གི་དོན་དུ་རང་སྲོག་འདོར་བ་དེར་རང་སྲོག་འཐོབ་ངེས༌ཡིན།  
\v 26 སུ་ཞིག་གིས་འཇིག་རྟེན་ཧྲིལ་པོ་རག་ཀྱང་རང་སྲོག་བོར་ན་ཅི་ལ༌ཕན། མིས་རང་ལ་ཚེ་སྲོག་འཐོབ་པར་རིན་ཅི་ཞིག་སྤྲོད༌དམ།  
\v 27 མིའི་བུ་ནི་ཡབ་ཀྱི་གཟི་བརྗིད་ཀྱི་ངང་ནས་ཕོ་ཉ་འཁོར་དང་བཅས་པ་འཇིག་རྟེན་དུ་ཕེབས་ངེས༌ཏེ། དེའི་དུས་སུ་མིའི་བུ་ཡིས་མི་རང་རང་གི་སྤྱོད་པ་བཟང་ངན་ལྟར་བྱ་དགའ་གནང་བ་དང་ཉེས་ཆད་གཅོད་ངེས༌ཡིན།  
\v 28 བདག་གིས་ཁྱོད་རྣམས་ལ་བདེན་པར་སྨྲ༌སྟེ། འདི་རུ་སྡོད་པའི་མི་རྣམས་ལས་འགའ་ཞིག་གིས་འཆི་བ་དངོས་སུ་མ་མྱོང་བའི་སྔོན༌དུ། མིའི་བུ་རང་གི་རྒྱལ་སྲིད་དུ་ཕེབས་པ་མཐོང་ངེས་ཡིན་ཞེས་གསུངས༌སོ།།   
\c 17
\cl ལེའུ་བཅུ་བདུན༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 སྐུ་གཟུགས་ཀྱི་རྣམ་པ་འགྱུར༌བ།  
\p
\v 1 དེ་ནས་ཉིན་དྲུག་འགོར༌རྗེས། སྐྱབས་མགོན་ཡེ་ཤུས་པེ་ཏྲོ༌དང༌། ཡ༌ཀོབ། ཡ་ཀོབ་ཀྱི་སྤུན་ཡོ་ཧ་ནན་བཅས་ཁྲིད་ནས་རི་མཐོན་པོ་ཞིག་ཏུ་ཕེབས་པ༌དང༌།  
\v 2 ཁོ་རྣམས་ཀྱི་མདུན་དུ་ཁོང་གི་རྣམ་པ་འགྱུར༌ཏེ། ཞལ་རས་ནི་ཉི་འོད་བཞིན་དུ་འཕྲོ་བ༌དང༌། ན་བཟའ་ནི་འོད་ཟེར་ལྟར་དཀར་པོར༌གྱུར།  
\v 3 གློ་བུར་ཉིད་ལ་མོ་ཤེ་དང་ཨེ་ལི་ཡཱ་གཉིས་མངོན་སུམ་དུ་བྱུང་སྟེ་སྐྱབས་མགོན་ཡེ་ཤུ་དང་གསུང་མོལ་མཛད༌དོ།།  
\v 4 པེ་ཏྲོས་སྐྱབས་མགོན་ཡེ་ཤུ༌ལ། གཙོ་བོ༌ལགས། བདག་ཅག་འདི་རུ་བསྡད་ན་དངོས་གནས་ལེགས་པོ༌འདུག ཁྱེད་རང་ཐུགས་དགྱེས་ན་བདག་གིས་འདི་ནས་གུར་གསུམ་བཟོ་བར་བྱ༌སྟེ། ཁྱེད་ལ་གཅིག༌དང༌། མོ་ཤེ་ལ༌གཅིག ཨེ་ལི་ཡཱ་ལའང་གཅིག་ཅེས་ཞུ་བཞིན་པའི་མོད༌ལ།  
\v 5 སྐད་ཅིག་ལ་འོད་དང་ལྡན་པའི་སྤྲིན་ཕུང་ཞིག་གིས་ཁོང་རྣམས་བསྒྲིབས་པ་དང་དེའི་ཁྲོད་ནས་སྐད་སྒྲ་ཞིག་གྲགས༌ཏེ། འདི་ནི་བདག་གི་གཅེས་པའི་བུ་ཡིན༌ཞིང༌། ང་རང་ཁོ་ལ་ཤིན་ཏུ༌དགའ། ཁྱོད་ཅག་གིས་ཁོའི་གཏམ་ལ་ཉོན་ཅིག་ཅེས་གསུངས༌སོ།།  
\v 6 ཐུགས་སྲས་རྣམས་ཀྱིས་གསུང་དེ་ཐོས་པ་དང་ཁ་སྦུབ་ཏུ་འགྱེལ་ཞིང་ཤིན་ཏུ༌འཇིགས།  
\v 7 སྐྱབས་མགོན་ཡེ་ཤུ་ཕེབས་ཡོང་སྟེ་ཁོ་རྣམས་ལ་ཕྱག་གིས་རེག༌ཅིང༌། ཡར་ལོངས་དང་མ་འཇིགས་ཤིག་ཅེས་གསུངས་པ༌དང༌།  
\v 8 ཐུགས་སྲས་རྣམས་ཀྱིས་ཡར་བལྟས་པ་ན་སྐྱབས་མགོན་ཡེ་ཤུ་ལས་གཞན་སུའང་མ་མཐོང༌ངོ༌།།   
\p
\v 9 དེ་ནས་ཁོང་རྣམས་རི་བོ་ལས་མར་ཕེབས་པའི་དུས༌སུ། སྐྱབས་མགོན་ཡེ་ཤུས་ཐུགས་སྲས་རྣམས་ལ་འདི་སྐད༌དུ། མིའི་བུ་ད་དུང་འཆི་བ་ལས་སླར་གསོན་པའི་བར་དུ་ཁྱོད་རྣམས་ཀྱིས་ཅི་མཐོང་བ་དེ་གཞན་སུ་ལའང་མི་སྨྲ་བར་གྱིས་ཞེས་བཀའ་བསྒོས༌སོ།།  
\v 10 ཐུགས་སྲས་རྣམས་ན༌རེ། མཁན་པོ་རྣམས་ཀྱིས་ཨེ་ལི་ཡཱ་སྔོན་ལ་འབྱོན་ངེས་ཡིན་ཞེས་ཟེར་དོན་ཅི་ཞུས་པ༌ལ།  
\v 11 ཡང་ཁོང་གིས་འདི་སྐད༌དུ། ཨེ་ལི་ཡཱ་དངོས་སུ་སྔོན་ལ་བྱོན་ཏེ་ཐམས་ཅད་བསྐྱར་དར་བྱ་བར༌ངེས།  
\v 12 འོན༌ཀྱང༌། བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཨེ་ལི་ཡཱ་ནི་སྔར་ནས་བྱོན་ཟིན༌ཅིང༌། མི་རྣམས་ཀྱིས་ཁོང་ཉིད་སུ་ཡིན་པ་མ་ཤེས༌པས་ཁོང་ལ་ཅི་འདོད་བཞིན༌བྱས། དེ་བཞིན༌དུ། མི་དེ་རྣམས་ཀྱིས་མིའི་བུ་ལའང་གནོད་འཚེ་བྱ་བར་འགྱུར་ཞེས་གསུངས་པ༌ན།  
\v 13 ད་གཟོད་ཐུགས་སྲས་རྣམས་ཀྱིས་གསུང་འདི་ནི་ཁོང་གིས་ཁྲུས་གསོལ་མཁན་ཡོ་ཧ་ནན་ལ་དམིགས་ནས་གསུངས་པ་ཤེས༌སོ།།   
\s1 གདོན་འདྲེས་བཟུང་བའི་བུ་ཞིག་གསོས༌པ།  
\p
\v 14 སྐྱབས་མགོན་ཡེ་ཤུ་དང་ཐུགས་སྲས་རྣམས་མི་ཚོགས་ཡོད་སར་ཕེབས་པ༌དང༌། མི་ཞིག་ཁོང་གི་དྲུང་དུ་ཡོང་ནས་པུས་མོ་སར་བཙུགས་ཏེ་ན༌རེ།  
\v 15 གཙོ་བོ༌ལགས། བདག་གི་བུ་ལ་སྙིང་རྗེ་གནང་བར༌མཛོད། ཁོ་ལ་གཟའ་ཕོག་ནས་སྡུག་བསྔལ་ཆེན་པོ་མྱངས༌ཏེ། ཐེངས་དུ་མར་མེའི་ནང་དུ་ལྷུང་བ༌དང༌། ཐེངས་དུ་མར་ཆུའི་ནང་དུའང༌ལྷུང༌།  
\v 16 ངས་རང་གི་བུ་ཁྱེད་ཀྱི་ཐུགས་སྲས་རྣམས་ཀྱི་དྲུང་དུ་ཁྲིད༌ནའང༌། དེ་རྣམས་ཀྱིས་ཁོ་རང་གསོ་བར་མ་ནུས་ཞེས་ཞུས་པ༌ལ།  
\v 17 སྐྱབས་མགོན་ཡེ་ཤུས་འདི་སྐད༌དུ། ཀྱེ། དད་པ་མེད་པ་དང་ཕྱིན་ཅི་ལོག་པའི་མི་རབས༌འདི། བདག་ནི་ཁྱོད་ཅག་དང་མཉམ་དུ་དུས་ནམ་ཞིག་གི་བར་དུ་སྡོད་དགོས༌སམ། ངས་དུས་ནམ་ཞིག་གི་བར་དུ་ཁྱོད་རྣམས་ལ་བཟོད་བསྲན་བྱེད་དགོས༌སམ། བུ་དེ་བདག་གི་མདུན་དུ་ཁྲིད་ཤོག་ཅིག་ཅེས་གསུངས་པ༌དང༌།  
\v 18 སྐྱབས་མགོན་ཡེ་ཤུས་གདོན་འདྲེ་དེར་བཀའ་བཀྱོན་མཛད་པ་དང་གདོན་འདྲེ་ཕྱི་རུ༌ཐོན། དེ་ནས་བཟུང་བུ་དེ་ནད་ལས་ཐར་བར་གྱུར༌ཏོ།།   
\p
\v 19 ཐུགས་སྲས་རྣམས་ཟུར་དུ་སྐྱབས་མགོན་ཡེ་ཤུའི་དྲུང་ལ་ཡོང༌སྟེ། ངེད་རྣམས་ཀྱིས་ཅིའི་ཕྱིར་གདོན་འདྲེ་དེ་ཕྱིར་སྐྲོད་མ་ནུས་ཞེས་ཞུས་པ༌ལ།  
\v 20 ཁོང་གིས་འདི་སྐད༌དུ། དེ་ནི་ཁྱོད་རྣམས་ཀྱི་དད་པ་ཆུང་བའི་ཕྱིར༌ཡིན། བདག་གིས་ཁྱོད་རྣམས་ལ་བདེན་པར་སྨྲ༌སྟེ། ཁྱོད་རྣམས་ལ་ཡུངས་འབྲུའི་ས་བོན་ལྟ་བུའི་དད་པ་ཆུང་ངུ་ཙམ་ཡོད༌ན། ཁྱོད་རྣམས་ཀྱིས་རི་བོ་འདི༌ལ། ཁྱོད་འདི་ནས་ཕར་སྤོས་ཤིག་ཅེས་སྨྲས༌ན། རི་བོ་དེའང་ཕར་སྤོ་བར་འགྱུར༌བས། ཁྱོད་རྣམས་ཀྱིས་བསྒྲུབ་མི་ནུས་པ་ཅི་ཡང༌མེད།  
\v 21 འོན་ཀྱང་གདོན་འདྲེ་འདིའི་རིགས་སྨོན་ལམ་འདེབས་པ་དང་སྨྱུང་གནས་སྲུང་བ་ལས༌གཞན། ཐབས་གང་གིས་ཀྱང་ཕྱིར་སྐྲོད་མི་ནུས་ཞེས་གསུངས༌སོ།།   
\p
\v 22 ཁོང་རྣམས་ག་ལིལ་ཡུལ་དུ་འཛོམས་པའི་དུས༌སུ། སྐྱབས་མགོན་ཡེ་ཤུས་ཐུགས་སྲས་རྣམས་ལ་འདི་སྐད༌དུ། མིའི་བུ་ཁོ་རང་མི་རྣམས་ཀྱི་ལག་ཏུ་སྤྲོད༌ཅིང༌།  
\v 23 དེ་རྣམས་ཀྱིས་ཁོ་རང་གསོད་པར་འགྱུར༌ཡང༌། ཉིན་གསུམ་པ་ལ་ཁོ་རང་སླར་གསོན་ངེས་ཡིན་ཞེས་གསུངས༌པས། ཐུགས་སྲས་རྣམས་ཀྱི་སེམས་ཤིན་ཏུ་སྐྱོ་བར་གྱུར༌ཏོ།།   
\s1 མཆོད་ཁང་གི་དཔྱ་ཁྲལ༌སྐོར།  
\p
\v 24 དེ་ནས་ཁོང་རྣམས་ཀཱ་ཕར་ན་ཧུམ་དུ་སླེབས་པ༌ན། མཆོད་ཁང་གི་དཔྱ་ཁྲལ་ལེན་མཁན་རྣམས་པེ་ཏྲོའི་གམ་དུ་ཡོང༌སྟེ། ཁྱོད་ཀྱི་སློབ་དཔོན་གྱིས་མཆོད་ཁང་ལ་དཔྱ་ཁྲལ་མི་འཇལ་ལམ་ཞེས་དྲིས་པ༌ན།  
\v 25 པེ་ཏྲོས་འཇལ་བ་ཡིན་ཞེས་སྨྲས༌སོ། །པེ་ཏྲོ་ཁང་པའི་ནང་དུ་སོང་བ༌དང༌། སྐྱབས་མགོན་ཡེ་ཤུས་སྔོན་ལ་འདི་སྐད༌དུ། སི༌མོན། ཁྱོད་ཀྱིས་ཇི་ལྟར་བསམ་པ་ཡིན༌ནམ། འཇིག་རྟེན་གྱི་རྒྱལ་པོ་རྣམས་ཀྱིས་སུ་ལས་ཤོ་གམ་མམ་དཔྱ་ཁྲལ་ལེན་པ་ཡིན༌ནམ། རང་གི་སྲས་ལས་ལེན་ནམ་གཞན་ལས་ལེན་པ་ཡིན་ཞེས་གསུངས་པ༌ལ།  
\v 26 པེ་ཏྲོས་མི་གཞན་དག་ལས་ལེན་པ་ཡིན་ཞེས་ཞུས༌སོ། །ཡང་སྐྱབས་མགོན་ཡེ་ཤུས་འདི་སྐད༌དུ། དེས་ན་རྒྱལ་སྲས་རྣམས་ཀྱིས་དཔྱ་ཁྲལ་མ་འཇལ་ཡང༌ཆོག  
\v 27 འོན༌ཀྱང༌། དཔྱ་ཁྲལ་ལེན་མཁན་དེ་རྣམས་ཁྲོ་རུ་མི་འཇུག་པའི༌ཕྱིར། ཁྱོད་རང་མཚོ་འགྲམ་དུ་ལྕགས་ཀྱུ་འཕངས་ནས་ཉ་འཛིན་དུ་སོང༌ཞིག ཐོག་མར་བཟུང་བའི་ཉ་དེའི་ཁ་ཕྱེས་ཤིག་དང་དངུལ་སྒོར་གཅིག་རྙེད་པར༌འགྱུར། ཁྱོད་ཀྱིས་དངུལ་སྒོར་དེ་ཁྱེར་ནས་ངེད་གཉིས་ཀའི་དཔྱ་ཁྲལ་གྱི་ཚབ་ཏུ་དེ་རྣམས་ལ་བྱིན་ཅིག་ཅེས་གསུངས༌སོ།།   
\c 18
\cl ལེའུ་བཅོ་བརྒྱད༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ནམ་མཁའི་རྒྱལ་སྲིད་ནང་དུ་མཆོག་གྱུར་སུ་ཡིན་པའི༌སྐོར།  
\p
\v 1 དེའི་དུས༌སུ། ཐུགས་སྲས་རྣམས་སྐྱབས་མགོན་ཡེ་ཤུའི་དྲུང་དུ་ཡོང༌སྟེ། ནམ་མཁའི་རྒྱལ་སྲིད་ནང་དུ་སུ་ཞིག་མཆོག་ཏུ་གྱུར་པ་ཡིན་ནམ་ཞེས་ཞུས་པ༌ལ།  
\v 2 ཁོང་གིས་བྱིས་པ་ཆུང་ངུ་ཞིག་རང་གི་དྲུང་དུ་བོས་ཤིང་དེ་རྣམས་ཀྱི་དཀྱིལ་ནས་སྡོད་དུ་བཅུག་རྗེས་འདི་སྐད༌དུ།  
\v 3 བདག་གིས་ཁྱོད་རྣམས་ལ་བདེན་པར་སྨྲ༌སྟེ། ཁྱོད་རྣམས་ཀྱིས་སེམས་བསྒྱུར་ནས་བྱིས་པ་ལྟ་བུར་མ་གྱུར༌ན། ཅིས་ཀྱང་ནམ་མཁའི་རྒྱལ་སྲིད་དུ་ཞུགས་མི་ནུས༌སོ།།  
\v 4 དེའི༌ཕྱིར། ཁེངས་སྐྱུང་ངང་བྱིས་པ་འདི་ལྟ་བུར་བྱེད་མཁན་རྣམས་ནི་ནམ་མཁའི་རྒྱལ་སྲིད་ནང་དུ་ཆེས་མཆོག་ཏུ་གྱུར་པ༌ཡིན།  
\v 5 ཡང་སུ་ཞིག་གིས་ངའི་མིང་གི་ཕྱིར་འདི་འདྲའི་བྱིས་པ་ཆུང་ངུ་ཞིག་ལ་བསུ་བ་བྱས༌ན། དོན་དམ་དུ་བདག་ལ་བསུ་བ་བྱས་པ༌ཡིན།  
\v 6 ཡང་སུ་ཞིག་གིས་བདག་ལ་དད་པ་བྱེད་པའི་བྱིས་པ་ཆུང་ངུ་འདི་རྣམས་ལས་གཅིག་ལ་སྡིག་པ་བྱེད་དུ་འཇུག་པ༌ལས། མི་དེའི་སྐེ་ལ་རང་ཐག་གི་རྡོ་ཆེན་པོ་ཞིག་བཏགས༌ཏེ་རྒྱ་མཚོའི་གཏིང་རིམ་དུ་ནུབ་ན་ལེགས༌སོ།།   
\p
\v 7 མི་ལ་སྡིག་པ་བྱེད་དུ་འཇུག་པའི་རྐྱེན་གྱིས་འཇིག་རྟེན་འདི་ལ་ཆག་སྒོ་འབྱུང་བ༌ཡིན། ཡང་སྡིག་པ་བྱེད་དུ་འཇུག་པའི་དོན་དེ་ནི་ཟློག་ཐབས་མེད༌ནའང༌། སྡིག་པ་བྱེད་དུ་འཇུག་མཁན་དེ་ལ་ཆག་སྒོ་འབྱུང༌ངོ༌།།  
\v 8 ཁྱོད་ཀྱི་ལག་པའམ་རྐང་པ་གང་རུང་གིས་ཁྱོད་ལ་སྡིག་པ་བྱེད་དུ་འཇུག༌ན། ཡན་ལག་དེ་བཅད་ནས་དོར༌ཅིག ཁྱོད་རང་རྐང་ལག་གཉིས་དང་ལྡན་པར་ནམ་ཡང་ཞི་བ་མེད་པའི་མེ་རུ་གཡུག་པ༌ལས། ལག་རྡུམ་མམ་གྱོལ་པོར་གྱུར་ཀྱང་མཐའ་མེད་པའི་ཚེ་སྲོག་ནང་དུ་ཞུགས་པ་དེ་ལེགས༌སོ།།  
\v 9 ཁྱོད་ཀྱི་མིག་གིས་ཁྱོད་ལ་སྡིག་པ་བྱེད་དུ་འཇུག༌ན། མིག་དེ་བཏོན་ནས་དོར༌ཅིག ཁྱོད་རང་མིག་ཟུང་དང་ལྡན་པར་དམྱལ་བའི་གནས་ཀྱི་མེ་རུ་གཡུག་པ༌ལས། མིག་ཡ་གཅིག་མེད་ནའང་མཐའ་མེད་པའི་ཚེ་སྲོག་ནང་དུ་ཞུགས་པ་དེ་ལེགས་ཞེས་གསུངས༌སོ།།   
\s1 ལུག་བོར་བའི༌དཔེ།  
\p
\v 10 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་གཟབ་གཟབ་བྱ་དགོས༌ཏེ། བྱིས་པ་ཆུང་ངུ་འདི་རྣམས་ལས་གཅིག་ལའང་མཐོང་ཆུང་མ་བྱེད༌ཅིག བདག་གིས་ཁྱོད་རྣམས་ལ་སྨྲ་བར་བྱ༌སྟེ། བྱིས་པ་དེ་དག་གི་ཕོ་ཉ་རྣམས་ཀྱིས་ནམ་མཁའི་ཞིང་ཁམས་སུ་བདག་གི་ཡབ་ཀྱི་ཞལ་རས་རྟག་ཏུ་མཐོང་བ༌ཡིན།  
\v 11 ཅིའི་ཕྱིར་ཞེ༌ན། མིའི་བུ་ནི་བོར་ཟིན་པ་རྣམས་སྐྱོབ་པའི་ཕྱིར་ཕེབས༌པའོ།།   
\p
\v 12 མི་ཞིག་ལ་ལུག་བརྒྱ་ཡོད་ཀྱང་དེ་ལས་ལུག་གཅིག་བོར༌ན། ཁྱོད་རྣམས་ཀྱིས་ཅི་ལྟར་བསམ༌མམ། ཁོས་ལུག་དགུ་བཅུ་གོ་དགུ་ཡོད་པ་རི་ལ་བསྐྱུར༌ཏེ། ལུག་བོར་སོང་བ་དེ་འཚོལ་བ་མ་ཡིན༌ནམ།  
\v 13 བདག་གིས་ཁྱོད་རྣམས་ལ་བདེན་པར་སྨྲ༌སྟེ། ལུག་དེ་བཙལ་ནས་རྙེད༌ན། བོར་མེད་པའི་ལུག་དགུ་བཅུ་གོ་དགུ་ལས་ཀྱང་ལུག་གཅིག་པོ་དེའི་ཕྱིར་ལྷག་ཏུ་དགའ་བར་འགྱུར༌རོ།།  
\v 14 དཔེ་དེ་བཞིན་དུ་ནམ་མཁའི་ཞིང་ཁམས་སུ་བཞུགས་པའི་ཁྱོད་ཅག་གི་ཡབ་ཀྱི་ཐུགས༌སུའང༌། བྱིས་པ་ཆུང་ངུ་འདི་རྣམས་ལས་གཅིག་ཀྱང་འབོར་དུ་མི་དགོངས་ཞེས་གསུངས༌སོ།།   
\s1 སྡིག་པ་བྱས་པའི་སྤུན་ཟླའི༌སྐོར།  
\p
\v 15 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱི་སྤུན་ཟླས་ཁྱོད་དང་འགལ་བའི་སྡིག་པ་བྱས༌ན། ཁྱོད་ཕར་སོང༌ལ། ཁྱོད་གཉིས་ཁོ་ན་ཡིན༌དུས། ཁོའི་ཉེས་སྐྱོན་གསལ་པོར་སྟོན༌ཅིག གལ༌ཏེ་ཁོས་ཁྱོད་ཀྱི་གཏམ་ལ་མཉན་པ་ཡིན༌ན། ཁྱོད་ལ་རང་གི་སྤུན་ཟླ་སླར་ཡང་ཐོབ་པ༌ཡིན།  
\v 16 གལ༌ཏེ་ཁོས་ཁྱོད་ཀྱི་གཏམ་ལ་མི་ཉན༌ན། ཁྱོད་ཀྱིས་མི་གཅིག་གམ་གཉིས་ཁྲིད་འོང་བར༌བྱའོ། །དེ་ནི་མི་གཉིས་གསུམ་ཞིག་གི་ངག་ལས་བདེན་དཔང་བྱེད་པར་བརྟེན༌ནས། ཚིག་རེ་རེ་བཞིན་གཏན་ལ་དབབ་དགོས་པའི་ཕྱིར༌རོ།།  
\v 17 གལ༌ཏེ་ཁོས་ད་དུང་དེ་རྣམས་ཀྱི་གཏམ་ལ་མི་ཉན༌ན། ཆོས་ཚོགས་ལ་ཞུས༌ཤིག གལ༌ཏེ་ཁོས་ཆོས་ཚོགས་ཀྱི་བཀའ་ལའང་མི་ཉན༌ན། ཁོ་ནི་ཕྱི་ཕྱོགས་པ་དང་ཁྲལ་ལེན་མཁན་དང་འདྲ་བར་རྩིས༌ཤིག  
\v 18 ཡང་བདག་གིས་ཁྱོད་རྣམས་ལ་བདེན་པར་སྨྲ༌སྟེ། ཁྱོད་རྣམས་ཀྱིས་ས་སྟེང་ནས་གང་ཞིག་བསྡམས་པ་དེ་ནམ་མཁའི་ཞིང་ཁམས་སུའང་བསྡམ་པར་འགྱུར༌ཞིང༌། ཁྱོད་རྣམས་ཀྱིས་ས་སྟེང་ནས་གང་ཞིག་བཀྲོལ་བ་དེ་ནམ་མཁའི་ཞིང་ཁམས་སུའང་དགྲོལ་བར་འགྱུར༌རོ།།  
\v 19 ཡང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ས་སྟེང་ནས་ཁྱོད་རྣམས་ལས་མི་གཉིས་ཀྱིས་ཁ་འཆམ་པའི་སྒོ་ནས་ཅི་ཞིག་ཞུས༌ན། ནམ་མཁའི་ཞིང་ཁམས་སུ་བཞུགས་པའི་བདག་གི་ཡབ་ཀྱིས་ཀྱང་དེ་ལྟར་གནང་བར༌འགྱུར།  
\v 20 རྒྱུ་མཚན་ནི་གནས་གང་རུང་དུ་མི་གཉིས་ནས་གསུམ་ཙམ་བདག་གི་མིང་ལ་བརྟེན་ནས་ལྷན་འཛོམས་བྱུང༌ན། ང་རང་ཡང་དེ་དག་གི་ཁྲོད་དུ་སྡོད་པ་ཡིན་ཞེས་གསུངས༌སོ།།   
\s1 སྙིང་རྗེ་དང་བྲལ་བའི་གཡོག་པོའི༌དཔེ།  
\p
\v 21 དེའི་དུས༌སུ། པེ་ཏྲོ་ཡོང་སྟེ་ན༌རེ། གཙོ་བོ༌ལགས། བདག་གི་སྤུན་ཟླས་བདག་དང་འགལ་བའི་སྡིག་པ་བྱས༌ན། ངས་ཐེངས་ཅི་ཙམ་དུ་ཁོ་ལ་གུ་ཡངས་གཏོང་དགོས༌སམ། ཐེངས་བདུན་གྱིས་ཆོག་གམ་ཞེས་ཞུས་པ༌ལ།  
\v 22 སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་ལ་སྨྲ་བར་བྱ༌སྟེ། ཐེངས་བདུན་གྱིས་མི་ཆོག༌སྟེ། བདུན་ཅུའི་ལྡབ་བདུན་བར་དུ་ཁོ་ལ་གུ་ཡངས་གཏོང༌དགོས།  
\v 23 ནམ་མཁའི་རྒྱལ་སྲིད་ནི་རྒྱལ་པོ་ཞིག་གིས་རང་གི་གཡོག་པོ་རྣམས་ལ་རྩིས་རྒྱག་པ་དང་འདྲ༌སྟེ།  
\v 24 རྩིས་རྒྱག་འགོ་བརྩམས་མ་ཐག༌ཏུ། མི་ཞིག་གིས་རྡོ་ཚད་ \f + \ft རྡོ་ཚད་ཅེས་པ་ནི་གནའ་བོའི་ཡ་ཧུ་དཱའི་མི་རིགས་ཀྱི་ལྗིད་ཚད་འདེགས་སྤྱད་ཅིག་ཡིན༌ལ། སྐབས་དེར་རྡོ་ཚད་ཅིག་གི་རིན་ཐང་ནི་ལོ་བཅོ་ལྔའི་རིང་ལ་ལས་རྩོལ་པ་ཞིག་ཏུ་འབབ་པའི་གླ་ཆ་ལས་ད་དུང་མང་པོ་ཡིན༌ཟེར། \f*ཆིག་ཁྲིའི་བུ་ལོན་ཆད་པ་ཞིག་ཁོང་གི་མདུན་དུ་ཁྲིད་ཡོང༌སྟེ།  
\v 25 མི་དེར་སྐྱིན་ཚབ་འཇལ་རྒྱུ་ཅི་ཡང་མེད་པས་བདག་པོས་མི་དེར་རྒྱུ་རྫས་ཐམས་ཅད་བཙོང་དགོས་པ༌དང༌། ཐ་ན་ཁོ་དང་ཁོའི་ཆུང༌མ། བུ་ཕྲུག་བཅས་ཀྱང་བཙོངས་ཏེ་སྐྱིན་ཚབ་འཇལ་དགོས་པའི་བཀའ་ཕབ༌བོ།།  
\v 26 དེ་ནས་གཡོག་པོ་དེས་ལུས་པོ་སར་བཏུད་ནས་ཁོང་ལ་ཕྱག་བཙལ་ཏེ། བདག་པོ༌ལགས། ཁྱེད་ཀྱིས་བདག་ལ་བཟོད་པ་གནང་བར༌ཞུ། བདག་གིས་ཕྱིས་སུ་བུ་ལོན་ཐམས་ཅད་འཇལ་ངེས་ཡིན་ཞེས་ཞུས་པ༌ན།  
\v 27 བདག་པོས་གཡོག་པོར་སྙིང་རྗེ༌ནས། གཡོག་པོ་དེ་ཕྱིར་བཏང་ཞིང་བུ་ལོན་ཡང་མེད་པར་བྱས༌སོ།།  
\v 28 འོན༌ཀྱང༌། གཡོག་པོ་དེ་ཕྱི་རོལ་ཏུ་སོང༌རྗེས། རང་ལ་དངུལ་སྒོར་བརྒྱ་ཆད་པའི་ལས་གྲོགས་ཤིག་དང་ཕྲད་ཅིང༌། ཁོ་རང་བཟུང་ཞིང་མིད་པ་ནས་བསྒགས༌ཏེ། ད་ལྟ་ཁྱོད་ཀྱིས་བུ་ལོན་འཇལ་དགོས་ཞེས་སྨྲས༌སོ།།  
\v 29 ཁོའི་ལས་གྲོགས་ཀྱིས་ལུས་པོ་སར་བཏུད་དེ་ཞུ་བ་བྱེད་བཞིན་ན༌རེ། བདག་ལ་བཟོད་པ་གནང་བར༌མཛོད། བདག་གིས་ཕྱིས་སུ་བུ་ལོན་འཇལ་ངེས་ཡིན་ཞེས་སྨྲས༌ནའང༌།  
\v 30 ཁོས་དེ་ལྟར་མ་བྱས་པར་ལས་གྲོགས་དེས་བུ་ལོན་འཇལ་ཚར་བའི་བར་དུ་བཙོན་ལ༌བཅུག  
\v 31 ལས་གྲོགས་གཞན་རྣམས་ཀྱིས་ཁོས་བྱས་པའི་དོན་དེ་རྣམས་མཐོང་སྟེ་ཡིད་སེམས་ཤིན་ཏུ་སྐྱོ༌ཞིང༌། བདག་པོའི་དྲུང་དུ་སོང་ནས་དོན་དེ་ཐམས་ཅད་ཁོང་ལ་ཞུས༌སོ།།  
\v 32 བདག་པོས་གཡོག་པོ་རང་གི་དྲུང་དུ་བོས་ཏེ་ན༌རེ། གཡོག་པོ་ངན༌པ། ཁྱོད་ཀྱིས་བདག་ལ་ཞུ་བ་བྱས༌པས། བདག་གིས་ཁྱོད་ཀྱི་བུ་ལོན་ཐམས་ཅད་མེད་པར་བྱས་པ་མིན༌ནམ།  
\v 33 བདག་གིས་ཁྱོད་ལ་སྙིང་རྗེ་བསྐྱེད་པ་བཞིན༌དུ། ཁྱོད་ཀྱིས་ཀྱང་རང་གི་ལས་གྲོགས་ལ་སྙིང་རྗེ་བསྐྱེད་འོས་པ་མ་ཡིན་ནམ་ཞེས་སྨྲས༌སོ།།  
\v 34 བདག་པོ་ཐུགས་ཤིན་ཏུ་ཁྲོས་ཏེ་བུ་ལོན་ཐམས་ཅད་འཇལ་ཚར་བའི་བར༌དུ། གཡོག་པོ་དེ་མནར་གཅོད་གཏོང་མཁན་རྣམས་ཀྱི་ལག་ཏུ་སྤྲད༌དོ།།  
\v 35 དེའི༌ཕྱིར། ཁྱོད་རྣམས་ཀྱིས་ཀྱང་སེམས་གཏིང་ནས་རང་གི་སྤུན་ཟླ་ལ་གུ་ཡངས་མི་གཏོང༌ན། ནམ་མཁའི་ཞིང་ཁམས་སུ་བཞུགས་པའི་བདག་གི་ཡབ་ཀྱིས་ཀྱང་ཁྱོད་རྣམས་ལ་དཔེ་དེ་བཞིན་དུ་མཛད་པར་འགྱུར་ཞེས་གསུངས༌སོ།།   
\c 19
\cl ལེའུ་བཅུ་དགུ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 བཟའ་ཚང་གི༌སྐོར།  
\p
\v 1 སྐྱབས་མགོན་ཡེ་ཤུས་དེ་ལྟར་གསུངས༌རྗེས། ག་ལིལ་ཡུལ་དང་ཁ་བྲལ་ནས་ཡོར་དན་གཙང་པོའི་ཕར་ཕྱོགས་སུ་ཡོད་པའི་ཡ་ཧུ་དཱའི་ཡུལ་དུ་ཕེབས་པ༌དང༌།  
\v 2 མི་སྐོར་ཚོ་མང་པོ་ཁོང་གི་རྗེས་སུ་འབྲངས༌ཤིང༌། ཁོང་གིས་ཡུལ་དེ་ནས་ནད་པ་རྣམས་གསོས༌པའོ།།   
\p
\v 3 ཕ་རུ་ཤི་པ་རྣམས་ཀྱིས་སྐྱབས་མགོན་ཡེ་ཤུར་ཚོད་བགམ་པའི་ཕྱིར་ཁོང་གི་དྲུང་དུ་ཡོང་སྟེ་ན༌རེ། སྐྱེས་པ་ཞིག་གིས་རྒྱུ་རྐྱེན་གང་རུང་གི་དབང་གིས་རང་གི་ཆུང་མ་སྤངས་ན་བཀའ་ཁྲིམས་དང་མཐུན་ནམ་ཞེས་ཞུས་པ༌ན།  
\v 4 ཁོང་གིས་འདི་སྐད༌དུ། དེ་ཡང་ཐོག་མར་མི་སྐྲུན་མཁན་གྱིས་མི་ནི་ཕོ་དང་མོ་གཉིས་སུ་མཛད་པ༌དང༌།  
\v 5 ཡང་ཇི་སྐད༌དུ། དེ་བས་སྐྱེས་པ་ནི་རང་གི་ཕ་མ་དང་ཁ་བྲལ་ནས་རང་གི་ཆུང་མར་འབྲེལ་ཏེ་ཁོ་གཉིས་ལུས་པོ་གཅིག་ཏུ་འགྱུར་ཞེས་གསུངས་ཡོད་པ་བཀླགས་མ་མྱོང༌ངམ།  
\v 6 དེས༌ན། ཕྱིན་ཆད་ཁོ་གཉིས་ནི་མི་གཉིས་མ་ཡིན་པར་ལུས་པོ་གཅིག་རང༌ཡིན། དེའི༌ཕྱིར། དཀོན་མཆོག་གིས་སྦྲེལ་བ་དེ་མི་སུས་ཀྱང་གཏོར་མི་རུང་ཞེས་བཀའ་ལན་གསུངས༌སོ།།  
\v 7 ཡང་ཕ་རུ་ཤི་པ་རྣམས་ན༌རེ། དེས་ན་མོ་ཤེ་ཡིས་ཅིའི་ཕྱིར་བཟའ་འཐོར་ཡི་གེ་སྤྲད་ན་ཆུང་མ་སྤངས་ཆོག་ཅེས་བཀའ་གནང་བ་ཡིན་ནམ་ཞེས་ཞུས་པ༌ལ།  
\v 8 ཁོང་གིས་འདི་སྐད༌དུ། དེ་ནི་ཁྱོད་ཅག་གི་སེམས་གྱོང་པོ་ཡིན་པས་མོ་ཤེ་ཡིས་ཁྱོད་ཅག་ལ་ཆུང་མ་སྤངས་ཆོག་པའི་བཀའ་གནང༌ནའང༌། ཐོག་མ་ཉིད་ནས་དེ་ལྟར་མ་ཡིན༌ནོ།།  
\v 9 བདག་གིས་ཁྱོད་རྣམས་ལ་སྨྲ་བར་བྱ༌སྟེ། ལོག་གཡེམ་བྱས་པའི་རྒྱུ་རྐྱེན་ལས༌གཞན། ཁྱོ་བོ་སུ་ཞིག་གིས་རང་གི་ཆུང་མ་སྤངས་ཏེ་བུད་མེད་གཞན་ཞིག་བླངས༌ན། དེ་ནི་ལོག་གཡེམ་བྱས་པ་ཡིན་ཞེས་གསུངས༌སོ།།  
\v 10 ཐུགས་སྲས་རྣམས་ན༌རེ། སྐྱེས་པ་དང་ཆུང་མ་གཉིས་ཀྱི་འབྲེལ་བ་དེ་འདྲ་ཡིན༌ན། གཉེན་སྒྲིག་མ་བྱས་ན་མི་ལེགས་སམ་ཞེས་ཞུས་པ༌ལ།  
\v 11 ཡང་ཁོང་གིས་འདི་སྐད༌དུ། སྐད་ཆ་འདི་ནི་མི་ཐམས་ཅད་ཀྱིས་དང་དུ་ལེན་ཐུབ་པ་ཞིག་མིན༌ཏེ། སུ་ཞིག་ལ་གནང་བ་ཡིན༌ན་མི་དེ་ཁོ་ནས་དང་དུ་ལེན་ཐུབ་པ༌ཡིན།  
\v 12 རྒྱུ་མཚན་ནི་མི་ཁ་ཤས་སྐྱེས་མ་ཐག་ནས་མཚན་མའི་དབང་བོ་ཉམས༌ཤིང༌། ཡང་ལ་ལ་ནི་མི་གཞན་གྱིས་ཉུག་རུམ་པར་བཅོས་པ༌དང༌། ཡང་མི་ཁ་ཤས་ནི་ནམ་མཁའི་རྒྱལ་སྲིད་ཀྱི༌ཕྱིར། རང་གིས་རང་ཉིད་ཉུག་རུམ་པར་བྱས་པ༌ཡིན། སུ་ཞིག་གིས་དོན་འདི་དང་ལེན་བྱེད་ནུས་ན་དང་དུ་བླངས་ཆོག་ཅེས་གསུངས༌སོ།།   
\s1 སྐྱབས་མགོན་ཡེ་ཤུ་དང་བྱིས་པའི༌སྐོར།  
\p
\v 13 དེའི་དུས༌སུ། མི་རྣམས་ཀྱིས་བྱིས་པ་འགའ་སྐྱབས་མགོན་ཡེ་ཤུས་ཕྱག་བཞག་སྟེ་ཁོ་ཚོའི་ཆེད་དུ་གསོལ་བ་འདེབས་པའི་ཕྱིར་ཁོང་གི་དྲུང་དུ་ཁྲིད་ཡོང༌ནའང༌། ཐུགས་སྲས་རྣམས་ཀྱིས་དེ་དག་ལ་བཀའ་བཀྱོན་བྱས༌སོ།།  
\v 14 འོན༌ཀྱང༌། སྐྱབས་མགོན་ཡེ་ཤུས་འདི་སྐད༌དུ། ནམ་མཁའི་རྒྱལ་སྲིད་ནི་དེ་ལྟ་བུ་རྣམས་ཀྱི་ཡིན༌པས། བྱིས་པ་རྣམས་མི་འགོག་པར་བདག་གི་དྲུང་ལ་ཡོང་དུ་ཆུག་ཅེས་གསུངས༌ཤིང༌།  
\v 15 ཁོང་གིས་བྱིས་པ་དེ་རྣམས་ཀྱི་ལུས་ལ་ཕྱག་བཞག༌རྗེས། ཡུལ་དེ་དང་ཁ་བྲལ་ནས་ཕེབས༌སོ།།   
\s1 ན་གཞོན་ཕྱུག་པོའི༌སྐོར།  
\p
\v 16 མི་ཞིག་སྐྱབས་མགོན་ཡེ་ཤུའི་དྲུང་དུ་ཡོང་སྟེ་ན༌རེ། སྟོན་པ༌ལགས། ངས་དོན་བཟང་པོ་གང་འདྲ་བྱས༌ན་ད་གཟོད་མཐའ་མེད་པའི་ཚེ་སྲོག་འཐོབ་ཐུབ་བམ་ཞེས་ཞུས་པ༌ན།  
\v 17 ཁོང་གིས་འདི་སྐད༌དུ། ཁྱོད་ཀྱིས་ཅིའི་ཕྱིར་དོན་བཟང་པོའི་སྐོར་བདག་ལ༌འདྲིའམ། བཟང་པོ་དེ་ཉིད་ལས་གཞན་བཟང་པོ་གཅིག་ཀྱང༌མེད། གལ་ཏེ་ཁྱོད་ལ་མཐའ་མེད་པའི་ཚེ་སྲོག་འཐོབ་འདོད༌ན། བཀའ་ཁྲིམས་རྣམས་སྲུངས་ཤིག་ཅེས་གསུངས༌སོ།།  
\v 18 ན་གཞོན་ན༌རེ། བཀའ་ཁྲིམས་གང་ཞིག་བསྲུང་དགོས་སམ་ཞེས་ཞུས་པ༌ལ། སྐྱབས་མགོན་ཡེ་ཤུས་འདི་སྐད༌དུ། མི་མ༌གསོད། ལོག་གཡེམ་མ༌བྱེད། རྐུ་མ༌བྱེད། རྫུན་གྱི་དཔང་པོ་མ༌བྱེད།  
\v 19 རང་གི་ཕ་མ་གཉིས་ལ་བཀུར་བསྟི་བྱེད་དགོས་པ༌དང༌། ཁྱིམ་མཚེས་ལའང་རང་དང་འདྲ་བར་གཅེས་ཤིག་ཅེས་གསུངས༌སོ།།  
\v 20 ན་གཞོན་ན༌རེ། ངས་བཀའ་དེ་ཐམས་ཅད་བསྲུངས་པ་ཡིན་ལ་ད་དུང་མི་ཚང་བ་གང་ཞིག་ཡོད་དམ་ཞེས་ཞུས་པ༌ན།  
\v 21 ཡང་སྐྱབས་མགོན་ཡེ་ཤུས་འདི་སྐད༌དུ། གལ་ཏེ་ཁྱོད་རང་མི་ཕུལ་དུ་བྱུང་བ་ཞིག་བྱེད་འདོད༌ན། རང་ལ་ཅི་ཡོད་པ་ཐམས་ཅད་བཙོངས་ཏེ་དབུལ་པོ་རྣམས་ལ་བྱིན༌ཅིག དེ་ནས་ནམ་མཁའི་ཞིང་ཁམས་སུ་ཁྱོད་ལ་ནོར་བུ་འཐོབ་པར༌འགྱུར། ཡང་བདག་གི་རྗེས་སུ་འབྲང་བར་གྱིས་ཞེས་གསུངས༌སོ།།  
\v 22 འོན༌ཀྱང༌། ན་གཞོན་གྱིས་གསུང་དེ་ཐོས་པ༌དང༌། རང་ལ་རྒྱུ་ནོར་ཤིན་ཏུ་མང་པོ་ཡོད་པས་ཡིད་སྐྱོ་བའི་ངང་ནས་ཕྱིར་སོང༌ངོ༌།།   
\p
\v 23 སྐྱབས་མགོན་ཡེ་ཤུས་རང་གི་ཐུགས་སྲས་རྣམས་ལ་འདི་སྐད༌དུ། བདག་གིས་ཁྱོད་རྣམས་ལ་བདེན་པར་སྨྲ༌སྟེ། ཕྱུག་བདག་ཅིག་ནམ་མཁའི་རྒྱལ་སྲིད་དུ་ཞུགས་པ་ནི༌དཀའོ།།  
\v 24 ཡང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཕྱུག་བདག་ཅིག་དཀོན་མཆོག་གི་རྒྱལ་སྲིད་དུ་ཞུགས་པ་ལས་རྔ་མོང་ཞིག་ཁབ་མིག་ཏུ་འཛུལ་བ་སླ་ཞེས་གསུངས༌སོ།།  
\v 25 ཐུགས་སྲས་རྣམས་ཀྱིས་གསུང་དེ་ཐོས་པ་དང་ཤིན་ཏུ་ཧ་ལས༌ཏེ། དེས་ན་སུ་ཞིག་ལ་ཐར་པ་འཐོབ་ཐུབ་བམ་ཞེས་ཞུས་པ༌ན།  
\v 26 སྐྱབས་མགོན་ཡེ་ཤུས་ཁོ་རྣམས་ལ་གཟིགས་ཏེ་འདི་སྐད༌དུ། དེ་ནི་མི་ཡིས་མི་ནུས་ཀྱང་དཀོན་མཆོག་གིས་ཐམས་ཅད་བསྒྲུབ་སྲིད་ཅེས་གསུངས༌སོ།།   
\p
\v 27 པེ་ཏྲོ་ན༌རེ། ཁྱེད་ཀྱིས་གཟིགས༌དང༌། ངེད་ཅག་གིས་ཐམས་ཅད་སྤངས་ནས་ཁྱེད་ཀྱི་རྗེས་སུ་འབྲངས༌པས། ཕྱིས་སུ་ངེད་ཅག་ལ་ཅི་ཞིག་འཐོབ་སྲིད་དམ་ཞེས་ཞུས་པ༌ན།  
\v 28 ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་ཅག་ལ་བདེན་པར་སྨྲ༌སྟེ། བདག་གི་རྗེས་སུ་འབྲང་མཁན་ཁྱོད་ཅག་ལ་མཚོན༌ན། ཡོངས་རྫོགས་བསྐྱར་དར་མཛད་པའི་དུས༌སུ། མིའི་བུ་རང་གི་གཟི་བརྗིད་ལྡན་པའི་ཁྲི་ལ་བཞུགས་པ༌དང༌། ཁྱོད་རྣམས་ཀྱང་ཁྲི་བཅུ་གཉིས་ལ་བསྡད་དེ་ཡེས་ར་ཨེལ་རིགས་ཀྱི་ཚོ་ཁག་བཅུ་གཉིས་ལ་ལེགས་ཉེས་ཀྱི་ཁྲིམས་ཐག་གཅོད་པར་འགྱུར༌རོ།།  
\v 29 སུ་ཞིག་གིས་ངའི་མིང་གི༌ཕྱིར། རང་གི་ཁང༌པའམ། ཕུ༌ནུའམ། ལྕམ་སྲིང༌ངམ། ཕ༌མའམ། བུ་ཕྲུག༌གམ། ས་ཞིང་སོགས་སྤངས༌ན། མི་དེ་ལ་ལྡབ་བརྒྱ་འགྱུར་གྱིས་འཐོབ་ངེས༌ཤིང༌། མཐའ་མེད་པའི་ཚེ་སྲོག་ཀྱང་འཐོབ་ངེས༌ཡིན།  
\v 30 འོན༌ཀྱང༌། སྔ་མ་མང་པོ་ཕྱི་མར་འགྱུར༌ཞིང༌། ཕྱི་མ་མང་པོ་སྔ་མར་འགྱུར་ཞེས་གསུངས༌སོ།།   
\c 20
\cl ལེའུ་ཉི་ཤུ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 རྒུན་འབྲུམ་ར་བར་ལས་ཀ་བྱེད་མཁན་གྱི༌དཔེ།  
\p
\v 1 དེ་བས་ན། ནམ་མཁའི་རྒྱལ་སྲིད་ནི་ཁྱིམ་བདག་ཅིག་ནངས་སྔ་མོ་ཕྱི་རོལ་ཏུ་སོང༌ནས། ཁོའི་རྒུན་འབྲུམ་ར་བའི་ནང་དུ་ལས་ཀ་བྱེད་མཁན་གྱི་གླ་བ་འཚོལ་བ་དང༌འདྲའོ།།  
\v 2 བདག་པོས་གླ་བ་རྣམས་ལ་ཉིན་རེར་དངུལ་སྒོར་གཅིག་རེ་གླ་ཆ་རུ་སྟེར་རྒྱུ་ཁས་བླངས༌ཏེ། ཁོ་རྣམས་རྒུན་འབྲུམ་ར་བའི་ནང་དུ༌མངགས།  
\v 3 སྔ་དྲོའི་ཆུ་ཚོད་དགུ་ཡས་མས་སུ་བདག་པོ་ཕྱི་རོལ་ཏུ་སོང་བ༌ན། མི་འགའ་ཞིག་ལས་ཀ་མེད་པར་ཁྲོམ་སྲང་དུ་བསྡད་ཡོད་པ་མཐོང༌སྟེ།  
\v 4 དེ་རྣམས་ལ་འདི་ལྟར་སྨྲས༌པ། ཁྱོད་རྣམས་ཀྱང་རྒུན་འབྲུམ་ར་བའི་ནང་དུ་སོང༌དང༌། འཐོབ་འོས་པའི་གླ་ཆ་ཁྱོད་ཅག་ལ་སྟེར་ངེས་ཡིན་ཞེས་པ༌དང༌།  
\v 5 དེ་རྣམས་ཀྱང་སོང༌ངོ༌། །ཉིན་གུང་དང་ཕྱི་དྲོའི་ཆུ་ཚོད་གསུམ་ཡས་མས་སུ་བདག་པོ་ཡང་ཕྱི་རོལ་ཏུ་སོང་ནས་དེ་ལྟར༌བྱས།  
\v 6 ཕྱི་དྲོའི་ཆུ་ཚོད་ལྔ་ཡས་མས་སུ་བདག་པོ་ཡང་ཕྱི་རོལ་ཏུ་སོང་བ༌ན། ད་དུང་མི་འགའ་ཞིག་ཁྲོམ་སྲང་དུ་བསྡད་ཡོད་པ་མཐོང་སྟེ་ན༌རེ། ཁྱོད་ཅག་གིས་ཉིན་གང་པོར་ལས་ཀ་མི་བྱེད་པར་འདི་རུ་སྡོད་པ་ཅི་ཡིན་ནམ་ཞེས་དྲིས་པ༌ན།  
\v 7 དེ་རྣམས་ན༌རེ། གླ་མཁན་མེད་པས་ཡིན་ཞེས་སྨྲས་པ༌དང༌། བདག་པོ་ན༌རེ། ཁྱོད་རྣམས་ཀྱང་རྒུན་འབྲུམ་ར་བའི་ནང་དུ་སོང་ཞིག་ཅེས་སྨྲས༌སོ།།   
\p
\v 8 མཚན་མོའི་དུས༌སུ། རྒུན་འབྲུམ་ར་བའི་བདག་པོས་རང་གི་གཉེར་པ་ལ་འདི་ལྟར་སྨྲས༌པ། ཁྱོད་ཀྱིས་གླ་བ་རྣམས་བོས༌དང༌། གླ་བ་གཞུག་མ་ནས་སྔ་མའི་བར་དུ་གླ་ཆ་བྱིན་ཅིག་ཅེས་པ༌དང༌།  
\v 9 ཕྱི་དྲོའི་ཆུ་ཚོད་ལྔ་ཡས་མས་སུ་གླས་པ་རྣམས་ཡོང་ཞིང་མི་རེར་དངུལ་སྒོར་གཅིག་རེ༌ཐོབ།  
\v 10 སྔོན་ལ་གླས་པ་རྣམས་ཡོང་སྟེ་ཁོ་རྣམས་ལ་ལྷག་མ་ཞིག་འཐོབ་ངེས་པར་སྙམ་ཡང་ཁོ་རྣམས་ལའང་དངུལ་སྒོར་གཅིག་རེ༌ཐོབ།  
\v 11 དེ་རྣམས་ཀྱིས་དངུལ་སྒོར་གཅིག་རེ་ཐོབ་པར་འཁང་ར་བྱས་ནས་ཁྱིམ་བདག༌ལ།  
\v 12 ངེད་རྣམས་ཀྱིས་ཉིན་གང་པོར་ཉི་འོད་ཚ་བའི་འོག་ཏུ་དཀའ་སྡུག་མྱངས་པ༌དང༌། གླ་བ་ཕྱི་མ་འདི་རྣམས་ཀྱིས་ཆུ་ཚོད་གཅིག་ཙམ་ལ་ལས་ཀ་བྱས༌ནའང༌། ཁྱོད་ཀྱིས་ངེད་ཅག་དང་ཁོ་རྣམས་ལ་ཁྱད་པར་མ་ཕྱེས་ཞེས་སྨྲས༌སོ།།   
\p
\v 13 བདག་པོས་གླ་བ་སྔ་མ་རྣམས་ལས་གཅིག་ལ་འདི་སྐད༌དུ། གྲོགས་པོ༌ལགས། ངས་ཁྱོད་ལ་མི་འོས་པ་ཞིག་བྱས་མེད༌དེ། ངས་ཁྱོད་ལ་དངུལ་སྒོར་གཅིག་སྟེར་རྒྱུ་ཁས་བླངས་པ་མ་ཡིན༌ནམ།  
\v 14 ཁྱོད་ཀྱིས་རང་ལ་ཐོབ་པ་ཁྱེར་ནས་སོང༌ཞིག ཁྱོད་ལ་བྱིན་པ་ལྟར་གླ་བ་ཕྱི་མ་ལའང་དེ་ལྟར་སྟེར་བ་ནི་བདག་གི་འདོད་མོས༌ཡིན།  
\v 15 བདག་གི་རྒྱུ་ནོར་བདག་གིས་ཇི་ལྟར་བྱེད་འདོད་པ་བཞིན་བཀོལ་མི་ཆོག༌གམ། བདག་ནི་མི་བཟང་པོ་ཞིག་བྱེད་འདོད༌པས། ཁྱོད་ཀྱིས་ཕྲག་དོག་བྱེད་དམ་ཞེས་སྨྲས༌སོ།།  
\v 16 དེ་ལྟར་ཕྱི་མ་རྣམས་སྔ་མར་འགྱུར༌ཞིང༌། སྔ་མ་རྣམས་ཕྱི་མར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་དགྲོང་བར་འགྱུར་བའི་ལུང་བསྟན༌སྐོར།  
\p
\v 17 སྐྱབས་མགོན་ཡེ་ཤུ་ཁོང་ཉིད་ཡར་ཡེ་རུ་སཱ་ལེམ་དུ་ཕེབས་པའི་དུས༌སུ། ལམ་བར་ནས་ཐུགས་སྲས་བཅུ་གཉིས་པོ་ཟུར་དུ་ཁྲིད་དེ་འདི་སྐད༌དུ།  
\v 18 ལྟོས༌དང༌། བདག་ཅག་ཡར་ཡེ་རུ་སཱ་ལེམ་དུ་འགྲོ་བཞིན༌ཡོད། མིའི་བུ་ཁོ་རང་མཆོད་དཔོན་ཆེན་པོ་དག་དང་མཁན་པོ་རྣམས་ཀྱི་ལག་ཏུ་སྤྲོད༌ཅིང༌། དེ་དག་གིས་ཁོ་རང་གསོད་དགོས་པའི་ཁྲིམས་ཐག་གཅོད་པ༌དང༌།  
\v 19 ཡང་ཕྱི་ཕྱོགས་པ་རྣམས་ལ་སྤྲོད་ཅིང་དེ་རྣམས་ཀྱིས་ཁོ་ལ་འཕྱ་དམོད་བྱེད་པ་དང་རྟ་ལྕག་གིས་གཞུས་ཏེ་ཤིང་རྒྱ་གྲམ་གྱི་སྟེང་དུ་གསོད་པར༌འགྱུར། དེ་ནས་ཉིན་གསུམ་པ་ལ་ཁོ་རང་སླར་གསོན་པར་འགྱུར་ཞེས་གསུངས༌སོ།།   
\s1 ཟེ་བད་ཡཱའི་བུ་གཉིས་ཀྱི་མ་ཡི་ཞུ༌བ།  
\p
\v 20 དེའི་དུས༌སུ། ཟེ་བད་ཡཱའི་བུ་གཉིས་ཀྱི་མ་ནི་རང་གི་བུ་གཉིས་དང་ལྷན་དུ་སྐྱབས་མགོན་ཡེ་ཤུའི་དྲུང་དུ་ཡོང་སྟེ་ཕྱག་བཙལ་ནས་ཞུ་བ་ཞིག་ཕུལ༌ཏོ།།  
\v 21 སྐྱབས་མགོན་ཡེ་ཤུས་འདི་སྐད༌དུ། ཁྱོད་ལ་ཅི་དགོས་སམ་ཞེས་གསུངས་པ༌ན། བུད་མེད་ན༌རེ། ཁྱེད་ཀྱི་རྒྱལ་སྲིད་ནང་དུ་ངའི་བུ་འདི་གཉིས་ལས་གཅིག་ནི་ཁྱེད་ཀྱི་གཡས་ཕྱོགས༌དང༌། གཅིག་ནི་ཁྱེད་ཀྱི་གཡོན་ཕྱོགས་སུ་སྡོད་དུ་འཇུག་པར་མཛོད་ཅེས་ཞུས་པ༌ལ།  
\v 22 སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་ཅི་ཞིག་ཞུ་བའང་མི་ཤེས༌ཏེ། ངས་འཐུང་བར་འགྱུར་བའི་ཕོར་བ་དེ་ལས་ཁྱོད་གཉིས་ཀྱིས་ཀྱང་འཐུང་ནུས་སམ་ཞེས་གསུངས་པ༌ལ། ཁོ་གཉིས་ཀྱིས་འཐུང་ནུས་པ་ཡིན་ཞེས་ཞུས༌སོ།།  
\v 23 ཡང་ཁོང་གིས་འདི་སྐད༌དུ། ངས་འཐུང་བར་འགྱུར་བའི་ཕོར་བ་ལས་ཁྱོད་གཉིས་ཀྱིས་ཀྱང་འཐུང་ངེས༌མོད། འོན་ཀྱང་ངའི་གཡས་གཡོན་ལ་སྡོད་དུ་འཇུག་པའི་དབང་ནི་བདག་ལ་མེད༌དེ། ངའི་ཡབ་ཀྱིས་མི་སུ་ཡི་ཆེད་དུ་སྟ་གོན་མཛད་ཡོད་ན་དེ་ལ་གནང་ངེས་ཡིན་ཞེས༌གསུངས།  
\v 24 ཐུགས་སྲས་གཞན་བཅུ་པོས་གཏམ་དེ་ཐོས་པ་དང་སྤུན་དེ་གཉིས་ཀྱི་སྟེང་ལ་ཁོང་ཁྲོ་ལངས༌སོ།།  
\v 25 དེ་ནས་སྐྱབས་མགོན་ཡེ་ཤུས་ཁོ་རྣམས་རང་གི་དྲུང་དུ་བོས་ཏེ་འདི་སྐད༌དུ། ཕྱི་ཕྱོགས་པ་རྣམས་ལས་དཔོན་རིགས་སུ་བཀུར་བ་རྣམས་ཀྱིས་རང་གི་འབངས་མི་ལ་དབང་བྱེད༌ཅིང༌། བློན་ཆེན་རྣམས་ཀྱིས་རང་གི་འབངས་མི་ལ་དབང་བསྒྱུར་བ་ཁྱོད་ཅག་གིས་ཀྱང་ཤེས་གསལ་ལྟར༌ཡིན།  
\v 26 འོན་ཀྱང་ཁྱོད་ཅག་གི་ཁྲོད་དུ་དེ་ལྟར་བྱ་མི་རུང༌སྟེ། ཁྱོད་ཅག་ལས་སུ་ཞིག་ཆེན་པོར་འགྱུར་འདོད་པ་དེ་ཁྱོད་ཅག་གི་ཞབས་ཕྱི་པར་འགྱུར་དགོས༌ཤིང༌།  
\v 27 ཡང་ཁྱོད་ཅག་ལས་སུ་ཞིག་མཆོག་ཏུ་འགྱུར་འདོད་པ་དེ་ཁྱོད་རྣམས་ཀྱི་བྲན་གཡོག་ཏུ་འགྱུར༌དགོས།  
\v 28 དེ་བཞིན་དུ་མིའི་བུའང་མི་གཞན་གྱི་ཞབས་ཕྱི་འཐོབ་པའི་ཕྱིར་ཡོང་བ་མ་ཡིན༌པར། མི་གཞན་ལ་ཞབས་ཕྱི་བསྒྲུབ་པ་དང་རང་སྲོག་ཕུལ་ནས་མི་མང་པོ་བླུ་བའི་ཆེད་དུ་ཡོང་བ་ཡིན་ཞེས་གསུངས༌སོ།།   
\s1 ལོང་བའི་མིག་གསོས༌པ།  
\p
\v 29 སྐྱབས་མགོན་ཡེ་ཤུ་འཁོར་དང་བཅས་པ་ཡེ་རུ་ཀོ་དང་ཁ་བྲལ་ནས་བྱོན་པའི་དུས༌སུ། མི་ཤིན་ཏུ་མང་པོ་ཞིག་ཁོང་གི་རྗེས་སུ༌འབྲངས།  
\v 30 དེའི་དུས༌སུ། ལོང་བ་གཉིས་ཀྱང་ལམ་འགྲམ་དུ་བསྡད་ཡོད༌ཅིང༌། སྐྱབས་མགོན་ཡེ་ཤུ་ལམ་བུ་དེ་བརྒྱུད་ནས་ཕེབས་ཀྱིན་ཡོད་པ་ཐོས་ནས་སྐད་ཆེན༌པོས། ཀྱེ། གཙོ་བོ༌ལགས། དཱ་བིད་ཀྱི་རིགས༌སྲས། ངེད་གཉིས་ལ་སྙིང་རྗེས་གཟིགས་རོགས་ཞེས༌ཞུས།  
\v 31 མི་ཚོགས་ཀྱིས་ལོང་བ་དེ་གཉིས་ཁ་རོག་ཏུ་སྡོད་པར་བསྐུལ༌ནའང༌། དེ་གཉིས་ཀྱིས་སྔར་ལས་ཀྱང་སྐད་ཆེན༌པོས། ཀྱེ། གཙོ་བོ༌ལགས། དཱ་བིད་ཀྱི་རིགས༌སྲས། ངེད་གཉིས་ལ་སྙིང་རྗེས་གཟིགས་རོགས་ཞེས༌ཞུས།  
\v 32 དེ་ནས་སྐྱབས་མགོན་ཡེ་ཤུས་ཀྱང་ཕེབས་མཚམས་བཞག་ཅིང་ལོང་བ་གཉིས་ཀ་ཚུར་བོས༌ཏེ། བདག་གིས་ཁྱོད་གཉིས་ལ་ཅི་བྱ་དགོས་སམ་ཞེས་གསུངས་པ༌ན།  
\v 33 ཁོ་གཉིས་ན༌རེ། གཙོ་བོ༌ལགས། ངེད་གཉིས་ཀྱི་མིག་གིས་མཐོང་ནུས་པར་མཛོད་ཅེས་ཞུས་པ༌ལ།  
\v 34 སྐྱབས་མགོན་ཡེ་ཤུས་སྙིང་རྗེ་དགོངས་ཏེ་ལོང་བའི་མིག་ཟུང་ལ་ཕྱག་གིས་རེག་པ་ཙམ་གྱིས་དེ་གཉིས་ཀྱི་མིག་གིས་མཐོང་བར་གྱུར་པ་དང་ཁོང་གི་རྗེས་སུ་འབྲངས༌སོ།།   
\c 21
\cl ལེའུ་ཉེར་གཅིག༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 གཟི་བརྗིད་ཀྱི་ངང་ནས་ཡེ་རུ་སཱ་ལེམ་དུ་ཕེབས༌པ།  
\p
\v 1 ཁོང་རྣམས་ཡེ་རུ་སཱ་ལེམ་གྱི་ཉེ་འགྲམ༌སྟེ། སྐྱུ་རུ་རའི་རི་བོའི་ངོས་སུ་ཡོད་པའི་པེ་ཕཱ་གེ་རུ་ཕེབས་པ༌དང༌། སྐྱབས་མགོན་ཡེ་ཤུས་ཐུགས་སྲས་གཉིས་མངགས༌ཏེ།  
\v 2 ཁྱོད་གཉིས་ཕ་རོལ་གྱི་གྲོང་སྡེ་རུ་སོང༌དང༌། གནས་དེར་སླེབས་མ་ཐག་བོང་བུ་མ་བུ་གཉིས་མཉམ་དུ་བཏགས་ཡོད་པ་མཐོང་ངེས༌ཤིང༌། དེ་གཉིས་ཀྱི་ཐག་པ་བཀྲོལ་ནས་འདིར་ཁྲིད༌ཤོག  
\v 3 སུ་ཞིག་གིས་ཁྱོད་གཉིས་ལ་ཅི་ཞིག་སྨྲས་པ་ཡིན༌ན། ཁྱོད་གཉིས་ཀྱིས་འདི་ནི་གཙོ་བོ་ལ་མཁོ་བ་ཡིན་ཞེས་སྨྲོས༌དང༌། དེས་མྱུར་དུ་གཏོང་བར་འགྱུར་ཞེས་གསུངས༌སོ།།  
\v 4 དོན་འདི་ནི་ལུང་སྟོན་པའི་ལུང་བསྟན་ལས་ཇི་སྐད༌དུ།   
\q1
\v 5 ཛ་ཡན་ཡུལ་གྱི་བུ་མོར་འདི་སྐད༌དུ།།\f + \ft ཚིག་རྐང་འདིར་བརྗོད་པའི་ཛ་ཡན་ཞེས་པ་ནི་ཡ་ཧུ་དཱའི་མི་རིགས་ཀྱི་སྐད་དོད༌དེ། ཡེ་རུ་སཱ་ལེམ་གྱི་མིང་གཞན་ཡང༌ཡིན། འདིར་བརྗོད་པའི་བུ་མོ་ཞེས་པ་ནི་ཡེ་རུ་སཱ་ལེམ་དུ་གནས་པའི་ཡ་ཧུ་དཱ་པ་རྣམས་ལ་གོ་དགོས་པ་དང་མི་དེ་རྣམས་ཀྱིས་ཀྱང་ཡེས་ར་ཨེལ་གྱི་རྒྱལ་ཁབ་མཚོན་པ་ཡིན་པར༌གསུངས། \f*  
\q1 གཟིགས་དང་ཁྱོད་ཀྱི་རྒྱལ་པོ་ཁྱོད་དྲུང༌དུ།།  
\q1 བོང་བུའི་བོང་ཕྲུག་ཅིག་ལ་བཅིབས་ནས༌ནི།།  
\q1 ཞི་འཇམ་ངང་ནས་ཕེབས་བྱུང་ཞེས་སྨྲོས༌ཤིག །  
\m ཅེས་གསུངས་པ་བཞིན་དུ་འགྲུབ་པའི་ཕྱིར་དེ་ལྟར་བྱུང༌ངོ༌།།  
\v 6 དེ་ནས་ཐུགས་སྲས་གཉིས་ཀྱིས་སྐྱབས་མགོན་ཡེ་ཤུའི་བཀའ་ལྟར་བསྒྲུབས༌ཏེ།  
\v 7 བོང་བུ་དང་བོང་ཕྲུག་གཉིས་ཀ་ཁྲིད་ཡོང༌ཞིང༌། རང་གི་ཕྱི་གོས་བོང་ཕྲུག་གི་རྒྱབ་ཏུ་བཏིངས་པ་དང་ཁོང་དེ་ལ༌བཅིབས།  
\v 8 མི་ཤིན་ཏུ་མང་པོས་རང་གི་ཕྱི་གོས་ལམ་དུ་བཏིངས༌ཤིང༌། ཡང་མི་གཞན་དག་གིས་སྡོང་པོའི་ཡལ་ག་བཅད་ནས་ལམ་ནང་དུ༌བཀྲམ།  
\v 9 ཁོང་གི་སྔོན་དུ་འགྲོ་བ་དང་རྗེས་སུ་འབྲངས་པའི་མི་ཚོགས་ཀྱིས་སྐད་ཆེན༌པོས། དཱ་བིད་ཀྱི་རིགས་སྲས་ལ་ཧོ་ཟན༌ནཱ། \f + \ft ཧོ་ཟན་ནཱ་ཞེས་པ་ནི་དཀོན་མཆོག་ལ་བསྟོད་པའི་ངག་ཚིག༌སྟེ། དཱ་བིད་ཀྱི་རིགས་སྲས་ལ་བསྔགས་བརྗོད་བྱ་ཞེས་པ་ལྟ་བུ༌ཡིན། \f* གཙོ་བོའི་མཚན་གྱི་སྒོ་ནས་བྱོན་པ་ནི་བྱིན་རླབས་ཅན༌ཡིན། བླ་ན་མེད་པའི་གནས་ལ་ཧོ་ཟན་ནཱ་ཞེས་ཡང་ཡང་བསྒྲགས༌སོ།།  
\v 10 དེ་ནས་སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་ཕེབས་པ་དང་གྲོང་ཁྱེར་ཡོངས་སུ་འདུ་འཛི་བྱུང༌ཞིང༌། མི་ཀུན་གྱིས་འདི་ནི་སུ་ཡིན་ནམ་ཞེས་སྨྲས་པ༌ལ།  
\v 11 ཡང་མི་ཚོགས་ཀྱིས་ཁོང་ནི་ག་ལིལ་ཡུལ་གྱི་ནཱ་ཙ་རེལ་ནས་བྱོན་པའི་ལུང་སྟོན་པ་ཡེ་ཤུ་ཡིན་ཞེས་སྨྲས༌སོ།།   
\s1 མཆོད་ཁང་གཙང་མར་མཛད༌པ།  
\p
\v 12 སྐྱབས་མགོན་ཡེ་ཤུ་མཆོད་ཁང་དུ་ཕེབས༌ཏེ། མཆོད་ཁང་གི་ནང་དུ་ཡོད་པའི་ཚོང་པ་ཐམས་ཅད་སྒོའི་ཕྱི་རུ་ཕུད༌ཅིང༌། དངུལ་བརྗེ་མཁན་གྱི་ཅོག་ཙེ་དང་ཕུག་རོན་ཚོང་མཁན་གྱི་འདུག་སྟེགས་ཐམས་ཅད་ཀྱང་སར་བསྒྱེལ༌ཏོ།།  
\v 13 ཁོང་གིས་འདི་སྐད༌དུ། གསུང་རབ་ཀྱི་མདོ་ལས་ཇི་སྐད༌དུ། ངའི་མཆོད་ཁང་ལ་སྨོན་ལམ་ཞུ་སའི་གནས་སུ་འབོད་པར་འགྱུར་ཞེས་བཀོད་ཡོད༌ཀྱང༌། ཁྱོད་ཅག་གིས་འདི་ནི་ཇག་ཚང་ཞིག་ཏུ་བསྒྱུར་འདུག་ཅེས་གསུངས༌སོ།།  
\v 14 དེ་ནས་ལོང་བ་དང་གྱོལ་པོ་རྣམས་མཆོད་ཁང་དུ་སྐྱབས་མགོན་ཡེ་ཤུའི་དྲུང་དུ་ཡོང་བ༌དང༌། ཁོང་གིས་དེ་དག་གསོས༌པའོ།།  
\v 15 མཆོད་དཔོན་ཆེན་པོ་དག་དང་མཁན་པོ་རྣམས་ཀྱིས་ཁོང་གིས་མཛད་པའི་ངོ་མཚར་བའི་དོན་རྣམས་མཐོང་བ༌དང༌། བྱིས་པ་རྣམས་ཀྱིས་མཆོད་ཁང་དུ་སྐད་ཆེན་པོས་དཱ་བིད་ཀྱི་རིགས་སྲས་ལ་ཧོ་ཟན་ནཱ་ཞེས་ཟེར་བའང་ཐོས་ནས་ཤིན་ཏུ་ཁྲོས་ཏེ་ན༌རེ།  
\v 16 བྱིས་པ་རྣམས་ཀྱིས་ཅི་ཞིག་སྨྲ་བ་ཁྱོད་ཀྱིས་མ་ཐོས་སམ་ཞེས་སྐྱབས་མགོན་ཡེ་ཤུ་ལ་དྲིས་པ༌ན། ཁོང་གིས་འདི་སྐད༌དུ། བདག་གིས་ཐོས༌སོ། །དེ་ཡང་གསུང་རབ་ཀྱི་མདོ༌ལས། ཁྱེད་ཀྱིས་བྱིས་པ་དང་ཕྲུ་གུ་འོ་འཐུང་རྣམས་ཀྱི་ངག་ནས་རང་ཉིད་ལ་བསྟོད་བསྔགས་ཆ་ཚང་བར་མཛད་ཅེས་གསུངས་པ༌དེ་ཁྱོད་རྣམས་ཀྱིས་བཀླགས་མ་མྱོང་ངམ་ཞེས་གསུངས༌སོ།།  
\v 17 དེ་ནས་སྐྱབས་མགོན་ཡེ་ཤུ་མི་དེ་རྣམས་དང་ཁ་བྲལ་ནས་གྲོང་ཁྱེར་ཕྱི་རོལ་གྱི་པེ་ཐན་ཡཱ་རུ་ཕེབས་ཤིང་གནས་དེར་ཞག་བཞུགས་མཛད༌དོ།།   
\s1 འབྲས་བུ་མེད་པའི་བསེ་ཡབ༌ཤིང༌།  
\p
\v 18 ཞོགས་པའི་དུས་སུ་སྐྱབས་མགོན་ཡེ་ཤུ་གྲོང་ཁྱེར་དུ་ཕྱིར་ཕེབས་སྐབས་ཁོང་ཉིད་བཀྲེས༌ཤིང༌།  
\v 19 ལམ་འགྲམ་དུ་བསེ་ཡབ་ཤིང་སྡོང་ཞིག་ཡོད་པ་གཟིགས་ནས་དེའི་གམ་དུ་ཕེབས་པ༌ན། ལོ་མ་ལས་གཞན་ཅི་ཡང་མེད་པ་གཟིགས་ཏེ་ཤིང་སྡོང་ལ་འདི་སྐད༌དུ། དུས་ད་ནས༌བཟུང༌། ཁྱོད་ལ་ནམ་ཡང་འབྲས་བུ་མི་འབྱུང་བར་གྱུར་ཅིག་ཅེས་གསུངས་མ་ཐག་བསེ་ཡབ་ཤིང་སྡོང་བསྐམས་པར་གྱུར༌ཏོ།།   
\p
\v 20 ཐུགས་སྲས་རྣམས་ཀྱིས་དོན་དེ་མཐོང་ནས་ངོ་མཚར་སྐྱེས༌ཏེ། བསེ་ཡབ་ཤིང་སྡོང་འདི་སྐད་ཅིག་ཙམ་ལ་བསྐམས་སོང་བ་ཅི་ཡིན་ནམ་ཞེས་ཞུས་པ༌ལ།  
\v 21 སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་བདེན་པར་སྨྲ༌སྟེ། ཁྱོད་རྣམས་ལ་དད་པ་ཡོད་ཅིང་ཐེ་ཚོམ་མེད༌ན། བསེ་ཡབ་ཤིང་སྡོང་འདིའི་སྟེང་དུ་བསྒྲུབས་པའི་དོན་འདི་ལྟ་བུ་བསྒྲུབ་ཐུབ་པར་མ༌ཟད། ཁྱོད་རྣམས་ཀྱིས་རི་བོ་འདི་ལ་ད་ལྟ་ཉིད་དུ་ཕར་སྤོས་ནས་རྒྱ་མཚོར་ལྷུང་བར་བྱོས་ཞེས་སྨྲས་ན་དེ་ལྟར་འགྲུབ་ངེས༌ཡིན།  
\v 22 ཁྱོད་རྣམས་ཀྱིས་གསོལ་བ་བཏབ་ནས་དོན་གང་ཞིག་ཞུས༌ཀྱང༌། དད་པ་བྱས་ན་འཐོབ་པར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུའི་དབང་དང་ནུས་མཐུའི༌སྐོར།  
\p
\v 23 སྐྱབས་མགོན་ཡེ་ཤུ་མཆོད་ཁང་དུ་ཕེབས་ནས་ཆོས་གསུང་བཞིན་པའི་དུས༌སུ། མཆོད་དཔོན་ཆེན་པོ་དག་དང་ཡུལ་མི་རྒན་པོ་རྣམས་ཁོང་གི་དྲུང་དུ་ཡོང་སྟེ་ན༌རེ། ཁྱོད་ཀྱིས་དབང་གང་ལ་བརྟེན་ནས་དོན་འདི་དག་མཛད་པ་ཡིན༌ནམ། སུ་ཞིག་གིས་ཁྱོད་ལ་དབང་འདི་གནང་བ་ཡིན་ཞེས་ཞུས་པ༌ན།  
\v 24 སྐྱབས་མགོན་ཡེ་ཤུས་འདི་སྐད༌དུ། ངས་ཀྱང་ཁྱོད་རྣམས་ལ་དྲི་བ་ཞིག་འདོན༌ཏེ། ཁྱོད་རྣམས་ཀྱིས་ལན་བཏབ༌ན། བདག་གིས་ཀྱང་དོན་འདི་རྣམས་དབང་ཅི་ལྟ་བུས་བྱས་པ་ཁྱོད་རྣམས་ལ་སྨྲ་བར༌བྱའོ།།  
\v 25 ཡོ་ཧ་ནན་གྱི་ཁྲུས་གསོལ་དེ་ནམ་མཁའི་ཞིང་ཁམས་དང་མི་ཡུལ་གཉིས་ཀྱི་གང་ནས་བྱུང་བ་ལ་ལན་ཐོབས་ཤིག་ཅེས་གསུངས་པ༌དང༌། དེ་རྣམས་ཀྱིས་ཕན་ཚུན་ལ་གླེང་མོལ་བྱེད༌བཞིན། གལ་ཏེ་ནམ་མཁའི་ཞིང་ཁམས་ནས་བྱུང་བ་ཡིན་ཞེ༌ན། ཁོས་འོ་ན་ཁྱོད་རྣམས་ཅིའི་ཕྱིར་ཡོ་ཧ་ནན་ལ་ཡིད་མ་ཆེས་སམ་ཞེས་སྨྲ་ངེས༌ལ།  
\v 26 ཡང་མི་ཡུལ་ནས་བྱུང་ཞེ༌ན། མི་ཐམས་ཅད་ཀྱིས་ཡོ་ཧ་ནན་ནི་ལུང་སྟོན་པ་ཞིག་ཏུ་བཀུར་བས་ངེད་རྣམས་མི་ཚོགས་ལ་འཇིགས་ཞེས་སྨྲས༌ཤིང༌།  
\v 27 དེ་ནས་ཁོ་རྣམས་ན༌རེ། ངེད་ཅག་གིས་མི་ཤེས་ཞེས་ལན་བཏབ༌བོ། །ཡང་སྐྱབས་མགོན་ཡེ་ཤུས་འདི་སྐད༌དུ། དེས་ན་བདག་གིས་ཀྱང་དབང་གང་ལ་བརྟེན་ནས་དོན་འདི་དག་བྱེད་པ་ཁྱོད་རྣམས་ལ་སྨྲ་བ་མིན་ཞེས་གསུངས༌སོ།།   
\s1 བུ་གཉིས་ཀྱི༌དཔེ།  
\p
\v 28 དེ་ནས་སྐྱབས་མགོན་ཡེ་ཤུས་འདི་སྐད༌དུ། དོན་ཞིག་ཡོད་པ་འདིར་ཁྱོད་ཅག་གིས་ཅི་ལྟར་བསམ་པར༌བྱ། ཕ་ཞིག་ལ་བུ་གཉིས་ཡོད༌དེ། ཁོ་རང་བུ་ཆེ་བའི་གམ་དུ་སོང༌སྟེ། བདག་གི༌བུ། ཁྱོད་དེ་རིང་རྒུན་འབྲུམ་ར་བའི་ནང་དུ་ལས་ཀ་བྱེད་དུ་སོང་ཞིག་ཅེས་སྨྲས་པ༌ལ།  
\v 29 བུ་ན༌རེ། ང་མི་འགྲོ་ཞེས་སྨྲས༌ཤིང༌། ཕྱིས་སུ་འགྱོད་པ་སྐྱེས་ཏེ་སོང༌ངོ༌།།  
\v 30 དེ་ནས་ཕ་དེ་བུ་ཆུང་བའི་གམ་དུ་སོང་སྟེ་གོང་ལྟར་སྨྲས་པ༌ན། བུ་ཆུང་བ་ན༌རེ། ཕ༌ལགས། ང་རང་འགྲོའོ་ཞེས་སྨྲས་ཀྱང་མ་སོང་བ༌རེད།  
\v 31 བུ་དེ་གཉིས་ལས་སུ་ཞིག་གིས་ཕ་ཡི་དགོངས་པ་ལྟར་བྱས་པ་ཡིན་ནམ་ཞེས་གསུངས་པ༌ན། ཁོ་རྣམས་ཀྱིས་བུ་ཆེ་བས་བྱས་པ་ཡིན་ཞེས་ལན་བཏབ༌བོ། །ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་བདེན་པར་སྨྲ༌སྟེ། ཁྲལ་ལེན་མཁན་དང་སྨད་འཚོང་མ་རྣམས་ཀྱང་ཁྱོད་ཅག་གི་སྔོན་དུ་དཀོན་མཆོག་གི་རྒྱལ་སྲིད་དུ་ཞུགས་པ༌ཡིན།  
\v 32 རྒྱུ་མཚན་ནི་ཁྲུས་གསོལ་མཁན་ཡོ་ཧ་ནན་དྲང་བདེན་གྱི་ལམ་ནས་ཁྱོད་ཅག་གི་གམ་དུ་ཡོང༌ནའང༌། ཁྱོད་རྣམས་ཁོང་ལ་ཡིད་མ༌ཆེས། འོན་ཀྱང་ཁྲལ་ལེན་མཁན་དང་སྨད་འཚོང་མ་དག་གིས་ཁོང་ལ་ཡིད་ཆེས་བྱས་པའི་ཕྱིར༌རོ། །ཁྱོད་ཅག་གིས་དོན་དེ་མཐོང་ཡང་འགྱོད་བཤགས་མ་བྱས་ལ་ཡིད་ཆེས་ཀྱང་མ་བྱས་ཞེས་གསུངས༌སོ།།   
\s1 རྒུན་ཚལ་གྱི་བདག་པོའི༌དཔེ།  
\p
\v 33 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་ཡང་དཔེ་གཞན་ཞིག་ལ༌ཉོན་ཅིག དེ་ཡང་ཁྱིམ་བདག་ཅིག་གིས་རྒུན་ཚལ་ཞིག་བཙུགས་ཏེ་ཕྱོགས་བཞིར་ར་བས་བསྐོར་བ༌དང༌། རྒུན་འབྲུམ་འཚིར་གཞོང་ཞིག་བརྐོས་ནས་སོ་ལྟ་ཁང་ཞིག་ཀྱང་བརྩིགས༌རྗེས། རྒུན་འབྲུམ་ར་བ་མི་གཞན་ལ་གླས་ཏེ་ཁོ་རང་ཡུལ་གཞན་དུ༌སོང༌།  
\v 34 སྟོན་བསྡུ་བའི་དུས་ལ་བབས༌ཚེ། ཁོས་རང་གི་གཡོག་པོ་འགའ་གླ་མཁན་ཚང་ལ་འབྲས་བུ་ལེན་དུ་མངགས་པ༌ན།  
\v 35 དེ་རྣམས་ཀྱིས་གཡོག་པོ་རྣམས་བཟུང༌སྟེ། གཅིག་ལ་གཅར་རྡུང༌བྱས། གཅིག་ནི༌བསད། གཅིག་རྡོ་རུབ་ལ་བཏང༌ངོ༌།།  
\v 36 ཡང་བདག་པོ་དེས་གཡོག་པོ་སྔར་ལས་མང་པོ་ཞིག་མངགས༌ནའང༌། དེ་རྣམས་ཀྱིས་སྔར་བཞིན༌བྱས།  
\v 37 མཇུག་མཐར་ཁོས་རང་གི་བུའང་དེ་རྣམས་ཀྱི་གམ་དུ་མངགས༌ཤིང༌། དེ་ནི་གླ་མཁན་རྣམས་ཀྱིས་བདག་གི་བུ་ལ་བཀུར་སྟི་བྱེད་ངེས་ཡིན་བསམས༌སོ།།  
\v 38 འོན་ཀྱང་གླ་མཁན་རྣམས་ཀྱིས་བུ་མཐོང་སྟེ་ཕན་ཚུན༌ལ། འདི་ནི་ཕ་ཤུལ་འཛིན་མཁན་ཡིན༌པས། ཤོག་དང་གསོད་པར༌བྱའོ། །ནོར་སྐལ་ལེན་པར་བྱ་ཞེས་སྨྲས༌ཏེ།  
\v 39 བུ་དེའང་བཟུང་སྟེ་རྒུན་འབྲུམ་ར་བའི་ཕྱི་རུ་བཏོན་ནས་བསད༌དོ།།  
\v 40 དེ་ནས་རྒུན་འབྲུམ་ར་བའི་བདག་པོ་ཕྱིར་ཡོང༌ཚེ། གླ་མཁན་དེ་རྣམས་ལ་ཅི་བྱེད་པར་འགྱུར་རམ་ཞེས་གསུངས་པ༌ན།  
\v 41 ཁོ་རྣམས་ན༌རེ། བདག་པོས་མི་ངན་དེ་དག་ངན་གསོད་བྱས༌ཏེ། རྒུན་འབྲུམ་ར་བ་ནི་དུས་ལྟར་འབྲས་བུ་འབུལ་བའི་གླ་མཁན་གཞན་དག་ལ་སྤྲོད་པར་ངེས་ཞེས༌སྨྲས།  
\v 42 ཡང་སྐྱབས་མགོན་ཡེ་ཤུས་འདི་སྐད༌དུ། དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 བཟོ་བ་རྣམས་ཀྱིས་སྤངས་པའི༌རྡོ།།\f + \ft ཚིག་རྐང་དང་པོ་ལས་བྱུང་བའི་བཟོ་བ་ཞེས་པ་ནི་ཡ་ཧུ་དཱའི་མི་རིགས་ལ་གོ་ཞིང་རྡོ་ཞེས་པ་ནི་སྐྱབས་མགོན་ཡེ་ཤུ་ལ་གོ་དགོས༌ཏེ། རྒྱུ་མཚན་ནི་གནའ་བོའི་ཡ་ཧུ་དཱ་པ་མང་ཤོས་ཀྱིས་སྐྱབས་མགོན་ཡེ་ཤུར་དད་པ་མ་བྱས་པར་རིང་དུ་སྤངས་པའི༌ཕྱིར། ད་ལྟའི་ཡ་ཧུ་དཱའི་མི་རིགས་ལས་ཀྱང་སྐྱབས་མགོན་ཡེ་ཤུར་དད་པ་བྱེད་མཁན་དཀོན་པ་ལྟ༌བུ། \f*  
\q1 ཁང་པའི་ཟུར་གྱི་རྨང་རྡོར༌གྱུར།།  
\q1 གཙོ་བོ་ཁོང་ནས་བྱུང་བ༌ཡིན།།  
\q1 བདག་ཅག་མིག་ལ་ངོ་མཚར༌ཆེ།།  
\m ཞེས་གསུངས་ཡོད་པ་ཁྱོད་རྣམས་ཀྱིས་བཀླགས་མ་མྱོང༌ངམ།  
\v 43 དེའི༌ཕྱིར། བདག་གིས་ཁྱོད་རྣམས་ལ་སྨྲ་བར་བྱ༌སྟེ། དཀོན་མཆོག་གི་རྒྱལ་སྲིད་ནི་ཁྱོད་རྣམས་ལས་བླངས༌ནས། དེ་དང་མཐུན་པར་འབྲས་བུ་བསྐྱེད་པའི་མི་རིགས་གཞན་ལ་གནང་བར་འགྱུར༌རོ།།  
\v 44 མི་སུ་ཞིག་རྡོ་དེའི་སྟེང་དུ་ལྷུང༌ན། མི་དེ་ནི་དུམ་བུར༌འགྱུར། ཡང་རྡོ་དེ་མི་སུ་ཞིག་གི་སྟེང་དུ་ལྷུང༌ན། མི་དེའང་རྡུལ་དུ་བརླག་པར་འགྱུར་ཞེས་གསུངས༌སོ།།   
\p
\v 45 དེ་ནས་མཆོད་དཔོན་ཆེན་པོ་དག་དང་ཕ་རུ་ཤི་པ་རྣམས་ཀྱིས་དཔེ་དེ་དག་ཐོས་ཤིང་ཁོ་རྣམས་ལ་གསུངས་པའང་ཤེས༌ཏེ།  
\v 46 སྐྱབས་མགོན་ཡེ་ཤུ་འཛིན་བཟུང་བྱ་བསམས༌ནའང༌། མི་ཚོགས་ཀྱིས་ཁོང་ནི་ལུང་སྟོན་པ་ཞིག་ཏུ་བཀུར༌བས་ཁོ་རྣམས་མི་ཚོགས་ལ་འཇིགས༌སོ།།   
\c 22
\cl ལེའུ་ཉེར་གཉིས༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 བག་སྟོན་གྱི༌དཔེ།  
\p
\v 1 དེ་ནས་ཡང་སྐྱབས་མགོན་ཡེ་ཤུས་དཔེའི་སྒོ་ནས་དེ་རྣམས་ལ་འདི་སྐད༌དུ།  
\v 2 ནམ་མཁའི་རྒྱལ་སྲིད་ནི་རྒྱལ་པོ་ཞིག་གིས་རང་གི་སྲས་ལ་བག་སྟོན་བྱེད་པ་དང་འདྲ༌སྟེ།  
\v 3 ཁོང་གིས་རང་གི་གཡོག་པོ་འགའ་བག་སྟོན་དུ་བོས་པའི་མགྲོན་པོ་རྣམས་གདན་འདྲེན་བྱེད་དུ་མངགས༌ནའང༌། མི་དེ་རྣམས་ཡོང་བར་མ་འཐད༌དོ།།  
\v 4 ཡང་ཁོང་གིས་གཡོག་པོ་གཞན་དག་མངགས༌ཏེ། ཁྱོད་ཅག་གིས་མགྲོན་དུ་བོས་པ་རྣམས་ལ་འདི་ལྟར་སྨྲོས༌ཤིག བདག་གིས་བ་གླང་དང་སྒོ་ཕྱུགས་ཤ་ཤེད་ཅན་བཤས་ཏེ་ཐམས་ཅད་སྟ་གོན་བྱས་ཚར༌བས། ཁྱེད་རྣམས་བག་སྟོན་ལ་ཕེབས་པར་ཞུ་ཞེས་གསུངས༌ནའང༌།  
\v 5 མི་དེ་རྣམས་ཀྱིས་དོན་དེར་དོ་སྣང་མ་བྱས༌པར། མི་གཅིག་རང་གི་ཞིང་ཁར་སོང་བ༌དང༌། གཞན་ཞིག་ཚོང་རྒྱག་སར༌སོང༌།  
\v 6 ཡང་མགྲོན་དུ་བོས་པའི་མི་གཞན་དག་གིས་གཡོག་པོ་དེ་རྣམས་བཟུང་བ་དང་བརྙས་བཅོས་བྱས་ཏེ་བསད༌དོ།།  
\v 7 དེ་ནས་རྒྱལ་པོ་ཐུགས་ཤིན་ཏུ་ཁྲོས་ཏེ་དམག་བཏང་ནས་ལག་དམར་དེ་རྣམས་མེད་པར་བྱས་པ༌དང༌། མི་དེ་དག་གི་གྲོང་ཁྱེར་ཡང་མེར༌བསྲེགས།  
\v 8 ཡང་ཁོང་གིས་རང་གི་གཡོག་པོ་རྣམས་ལ་འདི་སྐད༌དུ། བག་སྟོན་སྟ་གོན་བྱས་ཟིན་ནའང་མགྲོན་དུ་བོས་པ་རྣམས་བག་སྟོན་ལ་ཞུགས་མི༌འོས།  
\v 9 དེའི༌ཕྱིར། ཁྱོད་རྣམས་ལམ་མདོ་རུ་སོང་སྟེ་མི་སུ་དང་ཕྲད་ན། དེ་རྣམས་བག་སྟོན་ལ་བོས་ཤིག་ཅེས་གསུངས༌སོ།།  
\v 10 གཡོག་པོ་དེ་རྣམས་ཁྲོམ་སྲང་དུ་སོང༌སྟེ། མི་བཟང་ངན་སུ་ཡིན་ཡང་ཕྲད་པ་ཐམས་ཅད་བསྡུས༌པས། བག་སྟོན་གྱི་གནས་དེར་མགྲོན་པོས་བཀང༌ངོ༌།།   
\p
\v 11 དེ་ནས་རྒྱལ་པོའང་ཕེབས་ཏེ་མགྲོན་པོ་རྣམས་ལ་གཟིགས་པ༌ན། གཟབ་གོས་སྤྲས་མེད་པའི་མགྲོན་པོ་ཞིག་མཐོང་སྟེ་འདི་སྐད༌དུ།  
\v 12 གྲོགས་པོ༌ལགས། ཁྱོད་ཀྱིས་གཟབ་གོས་མ་སྤྲས་པར་འདིར་ཡོང་བ་ཅི་ཡིན་ནམ་ཞེས་གསུངས་པ༌ན། མགྲོན་པོ་དེ་ལ་ལན་འདེབས་རྒྱུ་མེད་པར་གྱུར༌ཏོ།།  
\v 13 དེ་ནས་རྒྱལ་པོས་ཞབས་ཕྱི་པ་རྣམས༌ལ། མགྲོན་པོ་འདིའི་རྐང་ལག་བཀྱིགས༌ཏེ། ཕྱི་རོལ་གྱི་མུན་ནག་ནང་དུ་གཡུག་པར༌གྱིས། གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར་འགྱུར་ཞེས་སྨྲས༌སོ།།  
\v 14 དེ་ནི་མགྲོན་དུ་བོས་པ་མང་ཡང་དངོས་སུ་བདམས་པ་ཉུང་བའི་ཕྱིར་ཡིན་ཞེས་གསུངས༌སོ།།   
\s1 ཁྲལ་འཇལ་བའི༌སྐོར།  
\p
\v 15 དེའི་དུས༌སུ། ཕ་རུ་ཤི་པ་རྣམས་ཕྱི་རོལ་ཏུ་སོང་ནས་ཇི་ལྟར་ཡེ་ཤུའི་གསུང་ལ་སྙད་བརྐོས་ནས་ཁོང་ལ་གནོད་པ་བྱེད་པར་གྲོས་བྱས༌ཏེ།  
\v 16 རང་གི་སློབ་མ་དང་ཧེ་རོ་དཱའི་ཕྱོགས་ཁག་གི་མི་འགའ་སྐྱབས་མགོན་ཡེ་ཤུའི་དྲུང་དུ་མངགས༌ཤིང༌། དེ་རྣམས་ན༌རེ། སློབ་དཔོན༌ལགས། ཁྱེད་ནི་གཞུང་རྒྱུད་དྲང་ཞིང་དཀོན་མཆོག་གི་ལམ་ཡང་དག་པར་བདེན་པར་སྟོན་པ༌དང༌། ཁྱེད་ཀྱིས་མིའི་ཁ་ངོར་མི་གཟིགས་ཤིང་ཀུན་ལ་ཕྱོགས་རིས་མེད་པ་ངེད་རྣམས་ཀྱིས༌ཤེས།  
\v 17 དེའི༌ཕྱིར། ཁྱེད་ཀྱིས་ཇི་ལྟར་དགོངས་པ་ངེད་རྣམས་ལ་གསུང་བར༌མཛོད། ད་ལྟ་ངེད་ཅག་གིས་སེ་བཟིར་ལ་ཁྲལ་འཇལ་རུང་ངམ་མི་རུང་ཞེས༌དྲིས།  
\v 18 ཁོང་གིས་དེ་རྣམས་ཀྱི་སེམས་ངན་མཁྱེན་ཏེ་འདི་སྐད༌དུ། ཚུལ་འཆོས་པ་ཁྱོད་ཅག་གིས་བདག་ལ་ཚོད་བགམ་པའི་རྒྱུ་མཚན༌ཅི།  
\v 19 ཁྲལ་དུ་སྤྲད་པའི་དངུལ་སྒོར་ཞིག་བདག་ལ་སྟོན་ཅིག་ཅེས་གསུངས་པ༌དང༌། དེ་རྣམས་ཀྱིས་དངུལ་སྒོར་ཞིག་ཁྱེར་ཡོང་ནས་ཁོང་ལ༌སྤྲད།  
\v 20 ཁོང་གིས་དེ་རྣམས་ལ་རི་མོ་དང་ཡི་གེ་འདི་སུའི་ཡིན་ནམ་ཞེས་དྲིས་པ༌ན།  
\v 21 དེ་རྣམས་ཀྱིས་སེ་བཟིར་གྱི་ཡིན་ཞེས་སྨྲས༌སོ། །ཡང་སྐྱབས་མགོན་ཡེ་ཤུས་འདི་སྐད༌དུ། དེས་ན་གང་ཞིག་སེ་བཟིར་གྱི་ཡིན་ན་དེ་ནི་སེ་བཟིར་ལ་ཕུལ༌དང༌། གང་ཞིག་དཀོན་མཆོག་གི་ཡིན་ན་དེ་ནི་དཀོན་མཆོག་ལ་ཕུལ་ཅིག་ཅེས་གསུངས༌སོ།།  
\v 22 ཁོ་རྣམས་ཀྱིས་གསུང་དེ་ཐོས་པ་དང་ངོ་མཚར་བར་གྱུར་ཏེ་ཁོང་དང་ཁ་བྲལ་ནས་སོང༌ངོ༌།།   
\s1 སླར་གསོན་པར་འགྱུར་བའི༌སྐོར།  
\p
\v 23 ཉིན༌དེར། སླར་གསོན་པའི་དོན་དེ་མེད་ཟེར་མཁན་སཱ་ཅུ་སེ་པ་འགའ་ཞིག་ཁོང་གི་དྲུང་དུ་ཡོང༌སྟེ།  
\v 24 སློབ་དཔོན༌ལགས། མོ་ཤེའི་མདོ༌ལས། གལ་སྲིད་སྐྱེས་པ་ཞིག་ལ་བུ་ཕྲུག་མེད་པར་ཤི༌ན། དེའི་གཅུང་པོས་གཅེན་པོའི་ཆུང་མ་བླངས་ནས་གཅེན་པོའི་དོན་དུ་རིགས་རྒྱུད་སྤེལ་དགོས་ཞེས་གསུངས༌ཡོད།  
\v 25 སྔོན་ཆད་ངེད་ཅག་གི་ཡུལ་འདིར་སྤུན་བདུན་ཡོད་པ༌ལ། སྤུན་ཆེ་བས་ཆུང་མ་ཞིག་བླངས་ནས་བུ་ཕྲུག་མེད་པར་ཤི༌བས། ཆུང་མ་གཅུང་པོ་ལ༌བསྐྱུར།  
\v 26 སྤུན་གཉིས་པ་དང་གསུམ་པ་ནས་སྤུན་བདུན་པའི་བར༌དུ། ཚང་མ་དེ་བཞིན་ཡིན༌ལ།  
\v 27 མཇུག་མཐར་བུད་མེད་དེའང༌ཤིའོ།།  
\v 28 དེས་ན་གཤིན་པོ་རྣམས་སླར་གསོན་པར་འགྱུར་བའི་དུས་དེ་སླེབས་ཚེ། སྤུན་བདུན་པོས་བུད་མེད་དེ་ཆུང་མར་བླངས་མྱོང༌བས། ཁོ་མོ་ནི་སྤུན་བདུན་ལས་སུ་ཞིག་གི་ཆུང་མ་ཡིན་ནམ་ཞེས་དྲིས་པ༌ལ།  
\v 29 སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། ཁྱོད་ཅག་གིས་གསུང་རབ་ཀྱི་དོན་མི་རྟོགས་ཤིང་དཀོན་མཆོག་གི་མཐུ་སྟོབས་ཀྱང་མི་ཤེས་པས་ནོར་སོང༌ངོ༌།།  
\v 30 ཅིའི་ཕྱིར་ཞེ༌ན། གཤིན་པོ་རྣམས་སླར་གསོན་པའི་དུས༌སུ། མི་རྣམས་ཀྱིས་བག་མ་ཕར་བསྐྱལ་ཚུར་ལེན་མི་བྱེད་པར་ནམ་མཁའི་ཞིང་ཁམས་ཀྱི་ཕོ་ཉ་རྣམས་དང༌འདྲའོ།།  
\v 31 འོན་ཀྱང་གཤིན་པོ་རྣམས་སླར་གསོན་ངེས་པའི་སྐོར་ལ་དཀོན་མཆོག་གིས་གསུང་རབ་ཀྱི་མདོ་ལས་ཁྱོད་རྣམས་ལ་འདི་སྐད༌དུ།  
\v 32 བདག་ནི་ཨབ་ར་ཧམ་གྱི་དཀོན་མཆོག༌དང༌། ཨི་སཱག་གི་དཀོན༌མཆོག ཡ་ཀོབ་ཀྱི་དཀོན་མཆོག་ཡིན་ཞེས་གསུངས་ཡོད་པ་ཁྱོད་ཅག་གིས་བཀླགས་མ་མྱོང༌ངམ། ཁོང་ནི་གཤིན་པོ་རྣམས་ཀྱི་དཀོན་མཆོག་མ་ཡིན༌ཏེ། གསོན་པོ་རྣམས་ཀྱི་དཀོན་མཆོག་ཡིན་ཞེས་གསུངས༌སོ།།  
\v 33 མི་ཚོགས་ཀྱིས་གསུང་དེ་ཐོས་པ་དང་ཁོང་གིས་གསུངས་པའི་ཆོས་ལ་ངོ་མཚར་བར་གྱུར༌ཏོ།།   
\s1 བཀའ་ཁྲིམས་བཅུ་ལས་གཙོ་ཤོས༌སྐོར།  
\p
\v 34 དེ་ནས་ཕ་རུ་ཤི་པ་རྣམས་ཀྱིས་སྐྱབས་མགོན་ཡེ་ཤུས་སཱ་ཅུ་སེ་པ་རྣམས་ཀྱི་སྨྲ་སྒོ་བཅད་པ་ཐོས་ནས་ཕྱོགས་གཅིག་ཏུ་འདུས༌ཤིང༌།  
\v 35 དེ་རྣམས་ལས་བཀའ་ཁྲིམས་ཀྱི་མཁས་པ་ཞིག་གིས་ཁོང་ལ་ཚོད་བགམ་པའི་ཕྱིར་ན༌རེ།  
\v 36 སློབ་དཔོན༌ལགས། བཀའ་ཁྲིམས་ཐམས་ཅད་ལས་གཙོ་ཤོས་གང་ཡིན་ནམ་ཞེས་དྲིས་པ༌ན།  
\v 37 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་གཙོ་བོ་སྟེ་རང་གི་དཀོན་མཆོག་ལ་བློ་གཅིག་སེམས་གཅིག་ཡིད་གཅིག་དང་སྟོབས་ཤུགས་ཡོད་རྒུས་གཅེས༌ཤིག  
\v 38 འདི་ནི་བཀའ་ཁྲིམས་ཐམས་ཅད་ལས་ཐོག་མ་དང་ཆེས་གཙོ་ཤོས༌ཡིན།  
\v 39 གཉིས་པའང་དེ་དང་འདྲ༌སྟེ། ཁྱོད་ཀྱིས་ཁྱིམ་མཚེས་ལ་རང་དང་འདྲ་བར་གཅེས་ཤིག་ཅེས་པ་འདི༌ཡིན།  
\v 40 བཀའ་ཁྲིམས་འདི་གཉིས་ནི་བཀའ་ཁྲིམས་དང་ལུང་སྟོན་པའི་མདོ་ཐམས་ཅད་ཀྱི་རྩ་བ་ཡིན་ཞེས་གསུངས༌སོ།།   
\s1 རྒྱལ་པོ་དཱ་བིད་ཀྱི་རིགས་སྲས༌སྐོར།  
\p
\v 41 ཕ་རུ་ཤི་པ་རྣམས་གནས་དེར་འཛོམས༌དུས། སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ།  
\v 42 མཱ་ཤི་ཀའི་སྐོར་ནས་ཁྱོད་ཅག་གི་བསམ་ཚུལ་ཅི་ཡིན༌ནམ། ཁོང་ནི་སུ་ཞིག་གི་སྲས་ཡིན་ནམ་ཞེས་བཀའ་འདྲི་གནང་བ༌ལ། དེ་རྣམས་ཀྱིས་དཱ་བིད་ཀྱི་རིགས་སྲས་ཡིན་ཞེས་ཞུས༌སོ།།  
\v 43 ཡང་སྐྱབས་མགོན་ཡེ་ཤུས་འདི་སྐད༌དུ། དེས་ན་དཱ་བིད་ཀྱིས་དམ་པའི་ཐུགས་ཉིད་ཀྱི་ངང་ནས་མཱ་ཤི་ཀ་ལ་གཙོ་བོ་ལགས་ཞེས་འབོད་པ་ཅི་ཡིན༌ནམ། དེ་ལ་ཇི་སྐད༌དུ།   
\q1
\v 44 དཀོན་མཆོག་གིས་ནི་ང་ཡི་གཙོ་བོ༌ལ།།  
\q1 བདག་གིས་ཁྱོད་ཀྱི་བསྟན་དགྲ་ཐམས་ཅད༌ཀུན།།  
\q1 ཁྱོད་ཀྱི་ཞབས་ཀྱི་འོག་ཏུ་འཇུག་པའི༌བར།།  
\q1 བདག་གི་གཡས་སུ་བཞུགས་ཤིང་སྒུག་པར༌བྱའོ།།  
\m ཞེས་གསུངས༌ཤིང༌།  
\v 45 དཱ་བིད་ཀྱིས་ཁོང་ལ་གཙོ་བོ་ཞེས་ཞུས༌ན། ཁོང་ནི་དཱ་བིད་ཀྱི་རིགས་སྲས་སུ་ཇི་ལྟར་གྱུར་པ་ཡིན་ནམ་ཞེས་གསུངས་པ༌ན། \f + \ft ཚིག་རྐང་ཞེ་བཞི་ནས་ཞེ་ལྔ་བར་གྱི་དོན་ནི་གནའ་བོའི་ལུང་བསྟན་ལྟར་ན་སྐྱབས་མགོན་ཡེ་ཤུ་ཁོང་ཉིད་དཱ་བིད་ཀྱི་རིགས་རྒྱུད་ལས་འཁྲུང་བར་འགྱུར་ཞེས་གསུངས་པས་སྐྱབས་མགོན་ཡེ་ཤུ་ལ་དཱ་བིད་ཀྱི་རིགས་སྲས་ཞེས་ཀྱང༌བྱ།\f*  
\v 46 མི་སུས་ཀྱང་ཁོང་ལ་ལན་འདེབས་མ་ནུས༌ལ། ཉིན་དེ་ནས་བཟུང་སུས་ཀྱང་ཁོང་ལ་དྲི་བ་ཅི་ཡང་ཞུ་མ་ཕོད༌དོ།།   
\c 23
\cl ལེའུ་ཉེར་གསུམ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ཚུལ་འཆོས་པར་དོགས་ཟོན་བྱེད་དགོས་པའི༌སྐོར།  
\p
\v 1 དེ་ནས་སྐྱབས་མགོན་ཡེ་ཤུས་མི་ཚོགས་དང་ཐུགས་སྲས་རྣམས་ལ་གསུང་གླེང་མཛད་ཅིང་འདི་སྐད༌དུ།  
\v 2 མཁན་པོ་དང་ཕ་རུ་ཤི་པ་རྣམས་མོ་ཤེའི་ཁྲི་ལ་སྡོད༌ཅིང༌།  
\v 3 དེ་རྣམས་ཀྱིས་འཆད་པའི་བསླབ་བྱ་ཐམས་ཅད་ཁྱོད་ཅག་གིས་སྲུངས་ལ་དེ་ལྟར་བྱོས༌ཤིག འོན་ཀྱང་དེ་དག་གིས་ངག་ནས་སྨྲས་ཀྱང་ལག་ཏུ་མི་སྒྲུབ༌པས། དེ་དག་གི་སྤྱོད་ལམ་ལྟར་མ་བྱེད༌ཅིག  
\v 4 དེ་དག་གིས་ཁུར་བོ་ལྕི་མོ་བསྡམས་ནས་མི་རྣམས་ཀྱི་ཕྲག་ལ་འགེལ༌ནའང༌། རང་གི་མཛུབ་མོ་གཅིག་ཀྱང་འགུལ་བར་མི་འདོད༌དོ།།  
\v 5 དེ་དག་གིས་དོན་ཐམས་ཅད་མི་རྣམས་ལ་མཐོང་དུ་འཇུག་པའི་ཕྱིར་སྒྲུབ༌ཅིང༌། རང་གི་སྲུང་བ་དེའི་ཞེང་ཚད་ཆེ་བར་བཟོ་བ༌དང༌། གྱོན་གོས་ཀྱི་ཙོར་ལོ་ཡང་ཇེ་རིང་དུ་གཏོང༌ངོ༌།།  
\v 6 གསོལ་སྟོན་དང་ཆོས་ཁང་དུ་གྲལ་མགོར་སྡོད་པར་དགའ༌ཞིང༌།  
\v 7 ཁྲོམ་སྲང་ནས་མི་རྣམས་ཀྱི་བསྙེན་བཀུར་འཐོབ་པ༌དང༌། རང་ཉིད་ལ་རཱབ་པེ་ལགས་ཞེས་འབོད་པར་དགའ་མོས༌བྱེད།  
\v 8 འོན་ཀྱང་ཁྱོད་རྣམས་ཀྱིས་རང་ལ་རཱབ་པེ་ཞེས་འབོད་དུ་མ་འཇུག༌ཅིག ཁྱོད་རྣམས་ལ་སློབ་དཔོན་གཅིག་ཁོ་ན་ཡོད་ཅིང་ཁྱོད་ཅག་ཐམས་ཅད་ནི་སྤུན་ཡིན་པའི་ཕྱིར༌རོ།།  
\v 9 ཁྱོད་རྣམས་ཀྱིས་འཇིག་རྟེན་གྱི་མི་སུ་ལའང་ཡབ་ཅེས་འབོད་མི་རུང༌སྟེ། ཁྱོད་ཅག་གི་ཡབ་གཅིག་པུ་ནི་ནམ་མཁའི་ཞིང་ཁམས་སུ་བཞུགས་པ་དེ་ཉིད་ཡིན་པའི་ཕྱིར༌རོ།།  
\v 10 ཡང་ཁྱོད་རྣམས་ཀྱིས་རང་ལ་དགེ་རྒན་ཞེས་འབོད་དུ་མ་འཇུག༌སྟེ། ཁྱོད་ཅག་ལ་དགེ་རྒན་གཅིག་ཁོ་ན་ཡོད་པ་སྟེ་སྐྱབས་མགོན་མཱ་ཤི་ཀ་ཡིན་པའི་ཕྱིར༌རོ།།  
\v 11 ཁྱོད་རྣམས་ལས་ཆེ་ཤོས་ཡིན་པ་དེ་ཁྱོད་ཅག་གི་ཞབས་ཕྱི་པར་འགྱུར༌དགོས།  
\v 12 སུ་ཞིག་གིས་རང་ཉིད་མཐོ་བར་བཟུང་ན་དམན་པར༌འགྱུར། ཡང་སུ་ཞིག་གིས་རང་ཉིད་དམན་པར་བཟུང་ན་མཐོ་བར་འགྱུར་ངེས་ཡིན་ཞེས་གསུངས༌སོ།།   
\p
\v 13 ཚུལ་འཆོས་མཁན་པོ་དང་ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌ངོ༌། །རྒྱུ་མཚན་ནི་ཁྱོད་ཅག་གིས་མི་རྣམས་ཀྱི་མདུན་དུ་ནམ་མཁའི་རྒྱལ་སྲིད་དུ་ཞུགས་པའི་སྒོ་བརྒྱབ༌སྟེ། ཁྱོད་རང་ཉིད་མི་འགྲོ་ཞིང་འགྲོ་མཁན་གཞན་རྣམས་ཀྱང་བཀག་པའི་ཕྱིར༌རོ།།  
\v 14 ཡང་ཚུལ་འཆོས་མཁན་པོ་དང་ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌ངོ༌། །རྒྱུ་མཚན་ནི་ཁྱོད་ཅག་གིས་ཡུགས་མོ་རྣམས་ཀྱི་ཁང་པ་དང་བཅས་པའི་རྒྱུ་རྫས་ཐམས་ཅད་ཧམ་བཟུང་བྱེད༌ཅིང༌། སྨོན་ལམ་རིང་པོ་འདེབས་ཁུལ་བྱེད༌པས། ཁྱོད་རྣམས་ལ་ལྷག་ཏུ་ཆད་པ་ལྕི་མོ་འཕོག་པར་འགྱུར༌རོ།།   
\p
\v 15 ཡང་ཚུལ་འཆོས་མཁན་པོ་དང་ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌ངོ༌། །རྒྱུ་མཚན་ནི་ཁྱོད་ཅག་གིས་མི་གཅིག་ཙམ་ཡང་རང་གི་ཆོས་སྒོར་ཞུགས་སུ་འཇུག་ཆེད་སྐམ་ས་དང་རྒྱ་མཚོ་ཀུན་ཏུ་རྒྱུ༌ཞིང༌། མི་དེ་ཁྱོད་ཅག་གི་ཆོས་ལ་ཞུགས༌རྗེས། ཁྱོད་ཅག་ལས་ཀྱང་མི་དེ་ནི་ལྷག་ཏུ་དམྱལ་བའི་གནས་སུ་ལྷུང་བར་བྱེད༌དོ།།   
\p
\v 16 ཡང་ལམ་ཁྲིད་མཁན་ལོང་བ་ཁྱོད་རྣམས་ལ་ཆག་སྒོ་འབྱུང༌ངོ༌། །ཁྱོད་རྣམས་ན༌རེ། སུ་ཞིག་གིས་མཆོད་ཁང་དཔང་དུ་བཙུགས་ཏེ་མནའ་བསྐྱལ་ན་དེ་ནི་ཅི་ཡང་མ༌ཡིན། འོན་ཏེ་སུ་ཞིག་གིས་མཆོད་ཁང་ནང་གི་གསེར་དཔང་དུ་བཙུགས་ནས་མནའ་བསྐྱལ༌ན། མི་དེས་ངེས་པར་མནའ་ལྟར་བསྒྲུབ་དགོས་ཞེས་ཟེར༌རོ།།  
\v 17 གླེན་པ་ལོང་བ༌རྣམས། ཁྱོད་ཅག་གིས་གསེར་གལ་ཆེ་བར་འདོད༌དམ། ཡང་ན་གསེར་དམ་པར་བསྒྱུར་པའི་མཆོད་ཁང་གལ་ཆེ་བར༌སྙམ།  
\v 18 ཡང་ཁྱོད་རྣམས་ན༌རེ། སུ་ཞིག་གིས་མཆོད་ཁྲི་དཔང་དུ་བཙུགས་ནས་མནའ་བསྐྱལ་ན་དེ་ནི་ཅི་ཡང་མ༌ཡིན། འོན་ཀྱང་སུ་ཞིག་གིས་མཆོད་ཁྲི་སྟེང་གི་མཆོད་རྫས་དཔང་དུ་བཙུགས་ནས་མནའ་བསྐྱལ༌ན། མི་དེས་ངེས་པར་མནའ་ལྟར་བསྒྲུབ་དགོས་ཞེས་ཟེར༌རོ།།  
\v 19 ལོང་བ༌རྣམས། ཁྱོད་ཅག་གིས་མཆོད་རྫས་གལ་ཆེ་བར་འདོད༌དམ། ཡང་ན་མཆོད་རྫས་དམ་པར་བསྒྱུར་པའི་མཆོད་ཁྲི་གལ་ཆེ་བར་སྙམ།  
\v 20 དེའི༌ཕྱིར། མཆོད་ཁྲི་དཔང་དུ་བཙུགས་ནས་མནའ་སྐྱེལ་མཁན་རྣམས་ཀྱིས་མཆོད་ཁྲི་དང་དེའི་སྟེང་དུ་ཡོད་པ་ཐམས་ཅད་དཔང་དུ་བཙུགས་པ༌ཡིན།  
\v 21 ཡང་མཆོད་ཁང་དཔང་དུ་བཙུགས་ནས་མནའ་སྐྱེལ་མཁན་རྣམས་ཀྱིས་མཆོད་ཁང་དང་དེའི་ནང་དུ་བཞུགས་པ་ཁོང་ཉིད་དཔང་དུ་བཙུགས་པ༌ཡིན།  
\v 22 ཡང་ནམ་མཁའི་ཞིང་ཁམས་དཔང་དུ་བཙུགས་ནས་མནའ་སྐྱེལ་མཁན་རྣམས་ཀྱིས་དཀོན་མཆོག་གི་བཞུགས་ཁྲི་དང་དེའི་སྟེང་དུ་བཞུགས་པ་ཉིད་ཀྱང་དཔང་དུ་བཙུགས་པ་ཡིན༌ནོ།།   
\p
\v 23 ཡང་ཚུལ་འཆོས་མཁན་པོ་དང་ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌ངོ༌། །རྒྱུ་མཚན་ནི་ཁྱོད་རྣམས་ཀྱིས་དག་ཅི༌དང༌། གོ༌སྙོད། ཟི་ར་བཅས་ཀྱི་བཅུ་ཆའི་གཅིག་ཕུལ༌ནའང༌། དེ་བས་གལ་ཆེ་བའི་བཀའ་ཁྲིམས་ནང་གི་བདེན་ལུགས༌དང༌། སྙིང༌རྗེ། ཡིད་རྟོན་རུང་བ་བཅས་ནི་སྤོང་བར༌བྱེད། འོན་ཀྱང་ཁྱོད་ཅག་གིས་དེ་བས་གལ་ཆེ་བ་འདི་བསྲུང་འོས་ཤིང་གཞན་དེ་ཡང་འདོར་མི༌འོས།  
\v 24 ལམ་ཁྲིད་མཁན་ལོང་བ༌རྣམས། ཁྱོད་ཅག་གིས་ཆུ་ནས་འབུ་ཕྲ་མོ་བཙགས་ཏེ་ཐོན་པ༌དང༌། རྔ་མོང་ཆེན་པོ་ཁྱུར་མིད་བྱེད་ \f + \ft ཚིག་རྐང་ཉེར་བཞི་ལས། ཆུ་ནས་འབུ་ཕྲ་མོ་བཙགས་ཏེ་ཐོན་པ༌དང༌། རྔ་མོང་ཆེན་པོ་ཁྱུར་མིད༌བྱེད་ཅེས་པ་ནི་བཀའ་ཁྲིམས་གལ་ཆེན་དག་རྒྱབ་ཏུ་འདོར་ཞིང་དོན་ཆུང་ངུ་དག་དང་དུ་ལེན་ཞེས་པའི་དོན༌ཡིན། \f*དོ།།   
\p
\v 25 ཡང་ཚུལ་འཆོས་མཁན་པོ་དང་ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌ངོ༌། །རྒྱུ་མཚན་ནི་ཁྱོད་ཅག་གིས་ཕོར་བ་དང་སྡེར་མའི་ཕྱི་ངོས་གཙང་མར་བྱེད་པ་ཙམ༌ལས། སྣོད་དེ་དག་གི་ནང་དུ་འཕྲོག་ལེན་དང་བག་མེད་ཀྱིས་བཀང༌འདུག  
\v 26 ཕ་རུ་ཤི་པ་ལོང་བ༌རྣམས། ཁྱོད་ཅག་གིས་ཐོག་མར་ཕོར་བ་དང་སྡེར་མའི་ནང་གཙང་མར་བྱོས༌དང༌། ཕྱི་ངོས་ཀྱང་གཙང་མར་འགྱུར༌རོ།།   
\p
\v 27 ཡང་ཚུལ་འཆོས་མཁན་པོ་དང་ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌ངོ༌། །རྒྱུ་མཚན་ཁྱོད་ཅག་ནི་ཚོན་རྩི་དཀར་པོས་སྤྲས་པའི་དུར་ས་ཞིག་དང་འདྲ༌སྟེ། ཕྱི་ནས་བལྟས་ན་མཛེས་ཀྱང་ནང་དུ་གཤིན་པོ་རྣམས་ཀྱི་ཀེང་རུས་དང་མི་གཙང་བ་མཐའ་དག་གིས་བཀང༌ངོ༌།།  
\v 28 དཔེ་དེ་བཞིན༌དུ། ཁྱོད་རྣམས་ནི་ཕྱིའི་རྣམ་པའི་ཆ་ནས་མི་རྣམས་ལ་དྲང་བདེན་ལྟར་སྣང༌ཡང༌། ནང་སེམས་སུ་ཚུལ་འཆོས་དང་ནག་ཉེས་ཀྱིས་བཀང་འདུག༌པའོ།།   
\p
\v 29 ཡང་ཚུལ་འཆོས་མཁན་པོ་དང་ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌ངོ༌། །རྒྱུ་མཚན་ནི་ཁྱོད་ཅག་གིས་ལུང་སྟོན་པ་རྣམས་ལ་དུར་ས་རྩིག༌ཅིང༌། སྐྱེས་བུ་དམ་པ་རྣམས་ཀྱི་བང་སོའང་བརྒྱན་ཏེ་ན༌རེ།  
\v 30 གལ༌སྲིད། ངེད་རྣམས་མེས་པོའི་དུས་དང་མཉམ་པ་ཡིན༌ན། ངེད་ཅག་གིས་མེས་པོ་རྣམས་དང་འགྲོགས་ནས་ལུང་སྟོན་པ་རྣམས་གསོད་པར་མི་བྱ་ཞེས༌ཟེར།  
\v 31 དེ་ལས་ཁྱོད་ཅག་གིས་རང་ཉིད་ནི་ལུང་སྟོན་པ་གསོད་མཁན་རྣམས་ཀྱི་བུ་རྒྱུད་ཡིན་པར་བདེན་དཔང་བྱས༌པའོ།།   
\p
\v 32 ད་ལྟ་ཁྱོད་ཅག་གིས་རང་གི་མེས་པོ་རྣམས་ཀྱི་ལས་ངན་པ་དེ་དག་ཡོངས་སུ་རྫོགས་པར་གྱིས༌ཤིག  
\v 33 སྦྲུལ་དང་དུག་སྦྲུལ་གྱི་རྒྱུད་ཁྱོད་ཅག་ནི་དམྱལ་བའི་གནས་ཀྱི་ཉེས་ཆད་ལས་ཐར་ཐུབ་བམ་ཞེ་ན་མི༌ཐུབ།  
\v 34 དེའི༌ཕྱིར། བདག་གིས་ལུང་སྟོན་པ༌དང༌། མཁས༌པ། མཁན་པོ་རྣམས་ཁྱོད་ཅག་གི་གམ་དུ་མངག་པར༌བྱའོ། །འོན་ཀྱང་ཁྱོད་ཅག་གིས་དེ་དག་ལས་ལ་ལ་གསོད་ཅིང་ལ་ལ་ཤིང་རྒྱ་གྲམ་གྱི་སྟེང་དུ་བརྡབ་པ༌དང༌། ཡང་ལ་ལ་ཆོས་ཁང་དུ་ཁྲིད་ནས་རྟ་ལྕག་གིས་གཞུས༌ཏེ། གྲོང་རྡལ་གཅིག་ནས་གྲོང་རྡལ་གཞན་དུ་དེད་ནས་གནོད་འཚེ་བྱེད་པར་འགྱུར༌ལ།  
\v 35 དེ་ནི་ས་སྟེང་འདིར་མི་གཞུང་དྲང་ཐམས་ཅད་ཀྱི་ཁྲག་བཞུར་བའི་སྐྱིན་ཚབ་དེ་ཁྱོད་ཅག་གི་སྟེང་ནས་ཕྱིར་ལེན་དགོས༌ཏེ། མི་གཞུང་དྲང་ཧ་བེལ་ཞེས་པའི་ཁྲག་བཞུར་བ་ནས༌བཟུང༌། མཆོད་ཁང་དང་མཆོད་ཁྲི་གཉིས་ཀྱི་བར་དུ་པཱ་རག་ཡའི་བུ་ཟ་ཀར་ཡཱའི་ཁྲག་བཞུར་བའི་བར་གྱི་སྐྱིན་ཚབ་ཐམས་ཅད་ལེན་པར་འགྱུར་བའི་ཕྱིར༌ཡིན།  
\v 36 བདག་གིས་ཁྱོད་རྣམས་ལ་བདེན་པར་སྨྲ༌སྟེ། འདི་དག་ཐམས་ཅད་ནི་མི་རབས་འདི་ལ་འབབ་པར་འགྱུར༌རོ།།   
\p
\v 37 ཀྱེ། ཡེ་རུ་སཱ༌ལེམ། ཡེ་རུ་སཱ༌ལེམ། ཁྱོད་ཀྱིས་རྟག་ཏུ་ལུང་སྟོན་པ་རྣམས་གསོད་པར་བྱེད༌ཅིང༌། ཁྱོད་ཀྱི་གམ་དུ་མངགས་པ་རྣམས་ཀྱང་རྡོ་རུབ་གཏོང་བར༌བྱེད། བྱ་མོས་བྱ་ཕྲུག་གཤོག་འོག་ཏུ་བསྡུ་བ༌ལྟར། བདག་གིས་ཀྱང་ལན་དུ་མར་ཁྱོད་ཀྱི་བུ་ཕྲུག་རྣམས་བསྡུ་འདོད་ནའང་ཁྱོད་རྣམས་མ༌འཐད།  
\v 38 ལྟོས༌དང༌། ཁྱོད་ཅག་གི་སྡོད་གནས་ནི་ཁྱོད་ཅག་ལ་སྟོང་བར་བྱས་ནས་བསྐྱུར་བ༌ཡིན།  
\v 39 བདག་གིས་ཁྱོད་རྣམས་ལ་སྨྲ་བར་བྱ༌སྟེ། དུས་ད་ནས༌བཟུང༌། ཁྱོད་ཅག་གི་ངག་ལས་གཙོ་བོའི་མཚན་གྱི་སྒོ་ནས་བྱོན་པ་ནི་བྱིན་རླབས་ཅན་ཡིན་ཞེས་ཞུ་བའི་བར་དུ་ང་རང་མཐོང་བར་མི་འགྱུར་ཞེས་གསུངས༌སོ།།   
\c 24
\cl ལེའུ་ཉེར་བཞི༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 བསྐལ་པའི་མཐའ་མའི་སྐོར་གྱི་ལུང༌བསྟན།  
\p
\v 1 སྐྱབས་མགོན་ཡེ་ཤུ་མཆོད་ཁང་ནས་ཕྱིར་ཕེབས༌དུས། ཐུགས་སྲས་རྣམས་ཁོང་གི་དྲུང་དུ་ཡོང་སྟེ་མཆོད་ཁང་གི་བཟོ་བཀོད་ཁོང་ལ་བསྟན་པ༌ན།  
\v 2 ཁོང་གིས་འདི་སྐད༌དུ། ཁྱོད་ཅག་གིས་འདི་ཐམས་ཅད་མཐོང་བ་མ་ཡིན༌ནམ། ངས་ཁྱོད་རྣམས་ལ་བདེན་པར་སྨྲ༌སྟེ། མ་འོངས་པར་འདི་རུ་རྡོ་ཕ་བོང་སྟེང་དུ་རྡོ་གཅིག་ཀྱང་མི་ལུས་པར་ཐམས་ཅད་བཤིག་པར་འགྱུར་ཞེས་གསུངས༌སོ།།   
\p
\v 3 སྐྱབས་མགོན་ཡེ་ཤུ་སྐྱུ་རུ་རའི་རི་བོར་བཞུགས༌དུས། ཐུགས་སྲས་རྣམས་ཟུར་དུ་ཁོང་གི་དྲུང་ལ་ཡོང༌སྟེ། དོན་འདི་རྣམས་དུས་ནམ་ཞིག་ལ་འབྱུང༌ཞིང༌། ཁྱེད་རང་ཕེབས་ཡོང་བ་དང་བསྐལ་པའི་མཐའ་མར་རྟགས་ཅི་ཞིག་ཡོད་པ་གསུང་བར་མཛོད་ཅེས་ཞུས་པ༌ན།  
\v 4 སྐྱབས་མགོན་ཡེ་ཤུས་འདི་སྐད༌དུ། སུ་ཞིག་གིས་ཀྱང་ཁྱོད་རྣམས་མི་བསླུ་བའི་ཆེད་དུ་དོགས་པར༌གྱིས།  
\v 5 རྒྱུ་མཚན་ནི་མི་མང་པོས་ངའི་མིང་དུ་རྫུ་བཞིན་ཡོང༌སྟེ། ང་ནི་སྐྱབས་མགོན་མཱ་ཤི་ཀ་ཡིན་ཟེར་ཞིང་མི་མང་པོ་བསླུ་བར༌ངེས།  
\v 6 ཡང་ཁྱོད་ཅག་གིས་དམག་འཁྲུག་དང་དམག་འཁྲུག་གི་གཏམ་ཐོས་པར་འགྱུར་ཡང་འཇིགས་པར་མི༌བྱའོ། །རྒྱུ་མཚན་ནི་དོན་འདི་དག་འབྱུང་ངེས༌ཀྱང༌། དེ་ནི་མཐའ་མའི་དུས་ལ་སླེབས་པ་མ་ཡིན༌ཏེ།  
\v 7 མི་རིགས་དང་མི་རིགས་འཁྲུག་ཅིང་རྒྱལ་ཁབ་དང་རྒྱལ་ཁབ་འཁྲུག༌པ། ས་ཆ་མང་པོར་མུ་གེ་དང་ས་འགུལ་ཡང་འབྱུང་བར༌འགྱུར།  
\v 8 དོན་འདི་ཐམས་ཅད་ནི་སྦྲུམ་མའི་ཟུག་གཟེར་གྱི་ཐོག་མ༌ཡིན།\f + \ft སྦྲུམ་མའི་ཟུག་གཟེར་གྱི་ཐོག་མ་ཡིན་ཞེས་པ་ནི་སྦྲུམ་མ་རྣམས་ཀྱིས་ཕྲུ་གུ་བཙའ་སྐབས་ཀྱི་ན་ཟུག་གམ་སྡུག་བསྔལ་ལྟ་བུ་བསྟན་པ༌ཡིན། སྤྱི་ལོ་70ལོར། ཡེ་རུ་སཱ་ལེམ་དུ་དམག་འཁྲུག་ཆེན་པོ་བྱུང་ནས་མི་གྲངས་མེད་ཅིག་ཤི་བའི་ལོ་རྒྱུས་ཀྱི་དོན་རྐྱེན་བྱུང་བ་དང་གྲོང་ཁྱེར་དེ་ཡང་རྩ་བ་ནས་བརླག་པར་གྱུར་པ་ལ་གོ་བ༌དང༌། གཞན༌ཡང༌། མ་འོངས་པའི་དུས་སུ་ཡེ་ཤུ་མཱ་ཤི་ཀ་ཕྱིར་འཇིག་རྟེན་དུ་མ་ཕེབས་པའི་སྔོན༌ལ། འཇིག་རྟེན་དུ་དམག་འཁྲུག་དང་ནད་ཡམས་མུ་གེ་ལ་སོགས་པ་འབྱུང་བའི་སྡུག་བསྔལ་ཆེན་པོའང་བསྟན་པ༌ཡིན། \f*  
\v 9 དེའི་དུས༌སུ། མི་རྣམས་ཀྱིས་ཁྱོད་ཅག་དཀའ་སྡུག་ལ་སྦྱོར་ཞིང་གསོད་པར་འགྱུར་བ༌དང༌། ངའི་མིང་གི་རྐྱེན་གྱིས་མི་རིགས་ཐམས་ཅད་ཁྱོད་ཅག་ལ་སྡང་བར༌འགྱུར།  
\v 10 ཡང་དེའི་དུས༌སུ། མི་མང་པོ་ཞིག་དད་པ་ལོག་པ་དང་ཕན་ཚུན་ངོ་ལོག་བྱེད་ཅིང་སྡང་བར༌འགྱུར།  
\v 11 ཡང་ལུང་སྟོན་པ་རྫུས་མ་མང་པོ་འབྱུང་ཞིང་མི་མང་པོ་བསླུ་བར༌འགྱུར།  
\v 12 ཁྲིམས་འགལ་གྱི་ལས་ཇེ་མང་དུ་སོང་བས་མི་མང་པོའི་བྱམས་སེམས་ཀྱང་ཉམས་པར༌འགྱུར།  
\v 13 འོན་ཀྱང་མཐར་ཐུག་ཏུ་བཟོད་བསྲན་བྱེད་མཁན་དེ་ལ་ཐར་པ་འཐོབ་ངེས་ཡིན།  
\v 14 དཀོན་མཆོག་གི་རྒྱལ་སྲིད་ཀྱི་འཕྲིན་བཟང་འདི་མི་རིགས་ཐམས་ཅད་ལ་བདེན་དཔང་བྱེད་པའི་ཕྱིར་འཇིག་རྟེན་ཡོངས་ལ་བསྒྲགས༌རྗེས། དུས་ཀྱི་མཐའ་མ་ད་གཟོད་སླེབ་པར་འགྱུར༌རོ།།   
\p
\v 15 དེའི༌ཕྱིར། མདོ་འདི་ཀློག་མཁན་གྱིས་དོན་རྟོགས་པར་བྱ༌སྟེ། ནམ་ཞིག་ཁྱོད་ཅག་གིས་ལུང་སྟོན་པ་དཱ་ནེ་ཨེལ་གྱི་མདོ་ལས་སྟོང་པར་བྱེད་པའི་སྐྱུག་བྲོ་བ་དེ་གནས་དམ་པ་རུ་འགྲེངས་ནས་བསྡད་ཡོད་པ་མཐོང༌དུས་སུ། \f + \ft ཚིག་རྐང་འདི་ནི་དམ་པའི་གསུང་རབ་ཀྱི་ཞལ་ཆད་རྙིང་པའི་ལུང་སྟོན་པ་དཱ་ནེ་ཨེལ་ཞེས་བྱ་བའི་ལུང་བསྟན་ལས༌འབྱུང༌། གཞུང་དེའི་ལེའུ་དགུ་པའི་ཚིག་རྐང་ཉེར་བདུན་པ་དང༌། ལེའུ་བཅུ་གཅིག་པའི་ཚིག་རྐང་སོ་གཅིག་པ་དང༌། ལེའུ་བཅུ་གཉིས་པའི་ཚིག་རྐང་བཅུ་གཅིག་པ་བཅས་སུ༌གསལ། \f*  
\v 16 ཡ་ཧུ་དཱའི་ཡུལ་དུ་ཡོད་པ་རྣམས་རི་ལ་འབྲོ་བར༌གྱིས།  
\v 17 ཁང་པའི་སྟེང་དུ་ཡོད་པ་རྣམས་ཀྱང་སར་བབས་ནས་རང་ཁྱིམ་དུ་དངོས་པོ་ལེན་དུ་མ༌འགྲོའོ།།  
\v 18 ཞིང་ཁར་ཡོད་པ་རྣམས་རང་གི་གྱོན་པ་ལེན་དུའང་ཕྱིར་མ་ལོག༌ཅིག  
\v 19 ཉིན་དེ་དག་གི་རིང༌ལ། བུད་མེད་སྦྲུམ་མ་དང་ཕྲུ་གུར་ནུ་མ་སྣུན་མཁན་རྣམས་སྙིང་རེ་རྗེ༌ཨང༌།  
\v 20 ཁྱོད་རྣམས་ཡུལ་གཞན་དུ་འབྲོ་བའི་དུས་དེ་དགུན་ཁའམ་ངལ་གསོ་བའི་ཉིན་དང་མི་འཕྲད་པའི་ཕྱིར་སྨོན་ལམ་ཐོབས༌ཤིག  
\v 21 རྒྱུ་མཚན་ནི་དེའི་དུས་སུ་དཀའ་སྡུག་ཆེན་པོ་འབྱུང་བར་འགྱུར༌ཏེ། དཀའ་སྡུག་དེ་ལྟ་བུ་ནི་འཇིག་རྟེན་བཀོད་པ་ནས་ད་ལྟའི་བར་དུ་བྱུང་མ་མྱོང༌ལ། རྗེས་སུའང་འབྱུང་མི༌སྲིད།  
\v 22 ཡང་ཉིན་དེ་དག་ཇེ་ཉུང་དུ་མཛད་པ་མིན༌ན། ཤ་ཁྲག་གདོས་བཅས་སུ་གྲུབ་པ་སུ་ཡང་ཐར་མི་ཐུབ༌མོད། འོན་ཀྱང་བདམས་པའི་མི་ \f + \ft བདམས་པའི་མི་ཞེས་པ་ནི་སྐྱབས་མགོན་ཡེ་ཤུ་དང་ཡེ་ཤུའི་ཆོས་ལུགས་ལ་དད་པ་བྱེད་མཁན་རྣམས་ལ་དཀོན་མཆོག་གིས་བདམས་པའི་མི་ཞེས༌འབོད།\f*རྣམས་ཀྱི་དོན་དུ་ཉིན་དེ་དག་ཇེ་ཉུང་དུ་མཛད་ངེས༌ཡིན།  
\v 23 དེའི་དུས༌སུ། སུ་ཞིག་གིས་ཁྱོད་ཅག་ལ་ལྟོས་དང་མཱ་ཤི་ཀ་འདི་རུ༌བཞུགས། ཡང་ན་དེ་གར་བཞུགས་ཞེས་སྨྲས་ཀྱང་དེ་ལ་ཡིད་རྟོན་བྱ་མི་རུང༌ངོ༌།།  
\v 24 རྒྱུ་མཚན་ནི་མཱ་ཤི་ཀ་བཅོས་མ་དང་ལུང་སྟོན་པ་རྫུས་མ་མང་པོ་འབྱུང༌ཞིང༌། གལ་ཏེ་བསླུ་ནུས་ན་བདམས་པའི་མི་རྣམས་ཀྱང་བསླུ་བའི༌ཕྱིར། གྲུབ་རྟགས་ཆེན་པོ་དང་ངོ་མཚར་བའི་དོན་རྣམས་ཀྱང་སྟོན་པར༌འགྱུར།  
\v 25 ལྟོས༌དང༌། བདག་གིས་སྔ་མོ་ནས་དོན་འདི་ཁྱོད་ཅག་ལ་སྨྲས་པ༌ཡིན།  
\v 26 ཡང་དེ་རྣམས་ཀྱིས་ཁྱོད་ཅག་ལ་ལྟོས༌དང༌། མཱ་ཤི་ཀ་དབེན་པའི་གནས་སུ་བཞུགས་ཞེས་ཟེར་ཡང་ཕྱི་རོལ་ཏུ་མ༌འགྲོའོ། །ཡང་ལྟོས༌དང༌། མཱ་ཤི་ཀ་ཁང་པའི་ཕུགས་སུ་བཞུགས་ཞེས་ཟེར་ཡང་ཡིད་ཆེས་མི༌བྱའོ།།  
\v 27 རྒྱུ་མཚན་ནི་ཤར་ནས་ནུབ་ཕྱོགས་སུ་གློག་དམར་འཁྱུག་པ༌བཞིན། མིའི་བུ་ཡང་དེ་ལྟར་ཕེབས་ཡོང་བར་འགྱུར༌རོ།།  
\v 28 བེམ་པོ་གང་དུ་ཡོད་ན་བྱ་རྒོད་དག་ཀྱང་གནས་དེར་འཁོར་ཡོང་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་ཕེབས་ཡོང་བའི༌སྐོར།  
\p
\v 29 ཡང་སྐྱབས་མགོན་ཡེ་ཤུས་འདི་སྐད༌དུ། ཉིན་དེ་དག་གི་དཀའ་སྡུག་བྱུང་རྗེས་ཉི་མ་སྒྲིབ་ཅིང་ཟླ་བས་ཀྱང་འོད་མི༌སྤྲོའོ། །སྐར་ཚོགས་ནམ་མཁའ་ནས་ལྷུང་ཞིང་བར་སྣང་ཁམས་ཀྱི་དབང་ཐམས་ཅད་གཡོ་བར་འགྱུར༌རོ།།  
\v 30 དེའི་དུས༌སུ། མིའི་བུ་ཡི་རྟགས་ནི་ནམ་མཁའ་རུ་འབྱུང༌ཞིང༌། ས་སྟེང་གི་མི་རིགས་ཐམས་ཅད་ཀྱིས་མྱ་ངན་བྱེད་པ༌དང༌། དེ་རྣམས་ཀྱིས་མིའི་བུ་ཁོ་རང་ནུས་མཐུ་དང་གཟི་བརྗིད་ཆེན་པོའི་ངང་ནམ་མཁའི་སྤྲིན་གྱི་བང་རིམ་ནས་འབྱོན་པ་མཐོང་བར༌འགྱུར།  
\v 31 ཡང་ཁོས་རང་ཉིད་ཀྱི་ཕོ་ཉ་རྣམས་དུང་སྒྲ་ཆེན་པོ་དང་བཅས་མངགས་ཤིང་དེ་རྣམས་ཀྱིས་ཁོའི་བདམས་པའི་མི་ཐམས་ཅད་ནི་ནམ་མཁའི་མཐའ་མཚམས་གཅིག་ནས་མཐའ་མཚམས་གཞན་པའི་བར་དུ་ཕྱོགས་བཞི་མཚམས་བརྒྱད་ནས་བསྡུ་བར་འགྱུར༌རོ།།   
\p
\v 32 ཁྱོད་ཅག་གིས་བསེ་ཡབ་ཤིང་ལས་བསླབ་བྱ་ཞིག་ལོངས་དང༌། དེའི་ཡལ་ག་མཉེན་ལྕུག་ལྡན་པར་གྱུར་ནས་ལོ་མ་འབུས་པའི་དུས༌སུ། དབྱར་ཁའི་དུས་ལ་ཉེ་བ་ཁྱོད་ཅག་གིས་ཤེས༌སོ།།  
\v 33 དེ་བཞིན་དུ་ཁྱོད་ཅག་གིས་དོན་དེ་དག་ཐམས་ཅད་མཐོང་བའི༌ཚེ། མིའི་བུ་སླེབས་ལ་ཉེ་བ་དང་སྒོ་འགྲམ་དུ་སླེབས་ཡོད་པ་རྟོགས་པར༌གྱིས།  
\v 34 བདག་གིས་ཁྱོད་ཅག་ལ་བདེན་པར་སྨྲ༌སྟེ། མི་རབས་འདི་ད་དུང་མ་འདས་པའི་སྔོན་ལ་དོན་འདི་ཐམས་ཅད་འབྱུང་བར༌འགྱུར།  
\v 35 གནམ་ས་གཉིས་ནི་འཇིག་སྲིད་ཀྱང་བདག་གི་བཀའ་རྣམས་འཇིག་པར་མི་འགྱུར༌རོ།།   
\s1 ཉིན་མོ་དེའམ་དུས་དེ་ཤེས་མཁན་སུ་ཡང་མེད༌པ།  
\p
\v 36 འོན་ཀྱང་མི་སུས་ཀྱང་ཉིན་མོ་དེ་དང་དུས་དེ་ནི་ནམ་ཞིག་ཡིན་པ་མི་ཤེས༌ཤིང༌། ནམ་མཁའི་ཞིང་ཁམས་ཀྱི་ཕོ་ཉ་རྣམས་ཀྱིས་ཀྱང་མི་ཤེས༌ལ། སྲས་ཀྱིས་ཀྱང་མི་ཤེས་ཏེ་ཡབ་གཅིག་པུས་མཁྱེན༌ཏོ།།  
\v 37 རྒྱུ་མཚན་ནི་ནོ་ཨའི་དུས་ནི་ཇི་ལྟར་བྱུང་བ་བཞིན་མིའི་བུ་ཕེབས་ཡོང་བའི་དུས་ཀྱང་དེ་ལྟར་འབྱུང་བར༌འགྱུར།  
\v 38 ཆུ་ལོག་ཆེན་པོ་མ་བྱུང་བའི་ཡར་སྔོན༌དུ། མི་རྣམས་ཀྱིས་བཟའ་བཏུང་ལ་རོལ་བ་དང་བག་མ་ཚུར་ལེན་ཕར་བསྐྱལ་བྱས༌ཤིང༌། ནོ་ཨ་གྲུ་གཟིངས་ཀྱི་ནང་དུ་ཞུགས་པའི་ཉིན༌དེར།  
\v 39 ཆུ་ལོག་ཆེན་པོ་བྱུང་སྟེ་མི་ཐམས་ཅད་ཆུས་ཁུར་བའི་བར༌དུ། མི་རྣམས་ཀྱིས་ཅི་ཡིན་འདི་ཡིན་མ་ཤེས༌ལ། མིའི་བུ་ཕེབས་ཡོང་བའི་དོན་ཡང་དེ་ལྟར༌འབྱུང༌།  
\v 40 དུས༌དེར། མི་གཉིས་ཞིང་ཁར་ཡོད་པ་ལས་གཅིག་ནི་འདྲེན་ཞིང་གཅིག་ནི་བསྐྱུར་བར༌འགྱུར།  
\v 41 ཡང་བུད་མེད་གཉིས་ཀྱིས་ལག་སྐོར་གཅིག་བསྐོར་བ་ལས་གཅིག་ནི་འདྲེན་ཞིང་གཅིག་ནི་བསྐྱུར་བར༌འགྱུར།  
\v 42 དེའི༌ཕྱིར། ཁྱོད་ཅག་གི་གཙོ་བོ་ཁོང་ཉིད་ཉིན་གང་ཞིག་ལ་ཕེབས་པར་འགྱུར་བ་ཁྱོད་རྣམས་ཀྱིས་མི་ཤེས་པས་གཟབ་པར་གྱིས༌ཤིག  
\v 43 ཁྱིམ་བདག་གིས་མཚན་མོའི་དུས་སུ་ནམ་ཞིག་ལ་རྐུན་མ་ཡོང་ངེས་པ་ཤེས༌ན། ཁོས་གཟབ་གཟབ་བྱས་ནས་རྐུན་མ་ཁྱིམ་ལ་འཛུལ་དུ་མི་འཇུག་པ་ཁྱོད་རྣམས་ཀྱིས་ཤེས་པར༌གྱིས།  
\v 44 དེ་བས་ཁྱོད་རྣམས་ཀྱིས་ཀྱང་སྟ་གོན་བྱོས༌དང༌། རྒྱུ་མཚན་ནི་ཁྱོད་ཅག་གིས་སེམས་སུའང་མི་དྲན་པའི་དུས་ཤིག༌ལ་མིའི་བུ་ཕེབས་ཡོང་བར་ངེས༌སོ།།   
\p
\v 45 དེས་ན་སུ་ཞིག་བློ་སེམས་དཀར་ཞིང་འཇོན་ཐང་ཅན་གྱི་གཡོག་པོ་ཡིན་པ༌དང༌། བདག་པོས་ཁོ་ནི་རང་གི་གཡོག་པོ་རྣམས་ཀྱི་འགོ་བར་བསྐོས༌ཏེ། དུས་ལྟར་དེ་རྣམས་ལ་ཟས་སྐལ་སྟེར་བ་ཡིན༌ནམ།  
\v 46 བདག་པོ་ཕྱིར་སླེབས་ཏེ་གཡོག་པོས་དེ་ལྟར་སྒྲུབ་བཞིན་པ་མཐོང༌ན། གཡོག་པོ་དེ་ནི༌བདེའོ།།  
\v 47 བདག་གིས་ཁྱོད་རྣམས་ལ་བདེན་པར་སྨྲ༌སྟེ། བདག་པོས་གཡོག་པོ་དེར་རྒྱུ་ནོར་ཐམས་ཅད་དོ་དམ་བྱེད་པའི་དབང་སྤྲོད་པར༌འགྱུར།  
\v 48 འོན༌ཀྱང༌། གཡོག་པོ་ངན་པ་དེས་རང་གི་སེམས་སུ་ངའི་བདག་པོ་ཕྱིར་ཡོང་བ་འཕྱིའོ་སྙམ༌སྟེ།  
\v 49 གཡོག་པོ་གཞན་རྣམས་ལ་གཅར་རྡུང་བྱེད་པ༌དང༌། ར་བཟི་བའི་མི་རྣམས་དང་འགྲོགས་ནས་བཟའ་བཏུང་སྤྱོད་པ་ཡིན༌ན།  
\v 50 ཁོས་སེམས་སུའང་མི་དྲན་པའི་ཉིན་ཞིག༌དང༌། མི་ཤེས་པའི་དུས་ཞིག༌ལ། གཡོག་པོ་དེའི་བདག་པོ་ཕྱིར་ཕེབས༌ཏེ།  
\v 51 ཁོ་རང་དུམ་བུར་གཅོད༌ཅིང༌། ཚུལ་འཆོས་པ་དང་མཉམ་དུ་གཏོང༌སྟེ། གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར་འགྱུར་ཞེས་གསུངས༌སོ།།   
\c 25
\cl ལེའུ་ཉེར་ལྔ༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 བག་རོགས་བཅུ་ཡི་དཔེ།  
\p
\v 1 དེ་ནས་སྐྱབས་མགོན་ཡེ་ཤུས་འདི་སྐད༌དུ། དུས༌དེར། ནམ་མཁའི་རྒྱལ་སྲིད་ནི་ན་ཆུང་བུ་མོ་བཅུ་ཡིས་སྒྲོན་མེ་བཟུང་ནས་ཕྱི་རུ་མག་པ་བསུ་བར་སོང་བ་དང་འདྲ༌སྟེ།  
\v 2 དེ་རྣམས་ལས་ལྔ་ནི་བླུན་ཞིང་ལྔ་ནི་མཛངས་མ༌ཡིན།  
\v 3 བླུན་མོ་རྣམས་ཀྱིས་སྒྲོན་མེ་བཟུང་ཡང་སྣུམ་མ་ཁྱེར༌ཏོ།།  
\v 4 འོན༌ཀྱང༌། མཛངས་མ་རྣམས་ཀྱིས་སྒྲོན་མེ་བཟུང་ཞིང་སྣུམ་ཡང་སྣོད་ཀྱི་ནང་དུ་བླུགས་ཏེ༌ཁྱེར།  
\v 5 མག་པ་ཡོང་འཕྱི་བ་དང་དེ་དག་གཉིད་འཐིབས་ནས་གཉིད་ལ༌ཡུར།  
\v 6 ནམ་ཕྱེད་ཙམ་ལ་མི་ཞིག་གིས་སྐད་གསང་མཐོན༌པོས། ལྟོས༌དང༌། མག་པ་སླེབས༌བྱུང༌། ཁྱོད་རྣམས་ཕྱི་རོལ་ཏུ་ཁོང་བསུ་རུ་ཤོག་ཅེས་སྨྲས༌སོ།།  
\v 7 ན་ཆུང་བུ་མོ་ཐམས་ཅད་ཡར་ལངས་ཏེ་རང་རང་གི་སྒྲོན་མེའི་སྡོང་རས་བཅད༌ཅིང༌།  
\v 8 བླུན་མོ་དག་གིས་མཛངས་མ་རྣམས་ལ་སྨྲས༌པ། ངེད་རྣམས་ཀྱི་སྒྲོན་མེ་ཟད་ལ་ཉེ་བས་སྣུམ་ཅུང་ཙམ་སྟེར་རོགས་ཞེས་པ༌ལ།  
\v 9 མཛངས་མ་རྣམས་ན༌རེ། དེ་ལྟར་བྱས༌ན་སྣུམ་གྱིས་བདག་ཅག་ཐམས་ཅད་ལ་མི་འདང༌བས། ཁྱོད་རྣམས་སྣུམ་འཚོང་སར་ཉོ་རུ་སོང་ན་ལེགས་ཞེས་སྨྲས༌སོ།།  
\v 10 བླུན་མོ་རྣམས་སྣུམ་ཉོ་རུ་སོང་བའི་དུས་སུ་མག་པ་སླེབས༌ཤིང༌། སྟ་གོན་བྱས་ཟིན་པ་རྣམས་མག་པ་དང་མཉམ་དུ་བག་སྟོན་ལ་ཞུགས་པ་དང་སྒོ་བརྒྱབ་པ༌རེད།  
\v 11 དེ་ནས་ན་ཆུང་བུ་མོ་གཞན་རྣམས་ཀྱང་ཕྱིར་སླེབས་ཤིང་ན༌རེ། བདག་པོ༌ལགས། བདག་པོ༌ལགས། ངེད་ཅག་ལ་སྒོ་ཕྱེ་བར་མཛོད་ཅེས་སྨྲས་པ༌ན།  
\v 12 བདག་པོས་འདི་སྐད༌དུ། ངས་ཁྱོད་རྣམས་ལ་བདེན་པར་སྨྲ༌སྟེ། བདག་གིས་ཁྱོད་རྣམས་ངོ་མི་ཤེས་ཞེས་སྨྲས༌སོ།།  
\v 13 དེའི༌ཕྱིར། ཁྱོད་ཅག་གིས་ཀྱང་ཉིན་མོ་དེ་དང་དུས་དེ་ནི་ནམ་ཞིག་ཡིན་པ་མི་ཤེས་པས་གཟབ་པར་གྱིས་ཞེས་གསུངས༌སོ།།   
\s1 རྡོ་ཚད་ཀྱི༌དཔེ།  
\p
\v 14 ཡང་སྐྱབས་མགོན་ཡེ་ཤུས་འདི་སྐད༌དུ། ནམ་མཁའི་རྒྱལ་སྲིད་ནི་བདག་པོ་ཞིག་ཡུལ་གཞན་དུ་འགྲོ༌སྐབས། གཡོག་པོ་རྣམས་བོས་ཏེ་རང་གི་རྒྱུ་ནོར་ཐམས་ཅད་དེ་རྣམས་ལ་བཅོལ་བ་དང་འདྲ༌སྟེ།  
\v 15 གཡོག་པོ་རྣམས་ཀྱི་ནུས་པ་ལྟར་གཅིག་ལ་རྡོ་ཚད་ལྔ༌དང༌། གཅིག་ལ་རྡོ་ཚད༌གཉིས། གཅིག་ལ་རྡོ་ཚད་གཅིག་བཅས་སྤྲད་རྗེས་ཡུལ་གཞན་དུ་ཆས༌སོ།།  
\v 16 དེ་ནས་རྡོ་ཚད་ལྔ་ཐོབ་མཁན་དེས་མྱུར་དུ་ཚོང་ལས་བྱས་ནས་རྡོ་ཚད་ལྔའི་ཁེ་སྤོགས༌བླངས།  
\v 17 དེ་བཞིན་དུ་རྡོ་ཚད་གཉིས་ཐོབ་མཁན་དེས་ཀྱང་རྡོ་ཚད་གཉིས་ཀྱི་ཁེ་སྤོགས༌བླངས།  
\v 18 འོན་ཀྱང་རྡོ་ཚད་གཅིག་ཐོབ་མཁན་ཕར་སོང་ནས་ས་བརྐོས་ཏེ་བདག་པོའི་རྡོ་ཚད་ས་འོག་ཏུ༌སྦས།  
\v 19 ཡུན་རིང་འགོར༌རྗེས། གཡོག་པོ་དེ་དག་གི་བདག་པོ་ཕྱིར་ཡོང་སྟེ་ཁོ་རྣམས་དང་རྩིས་བརྒྱབ་པ༌ན།  
\v 20 རྡོ་ཚད་ལྔ་ཐོབ་མཁན་གྱིས་རྡོ་ཚད་ལྔ་ལྷག་མ་ཁྱེར་ཡོང༌སྟེ། བདག་པོ༌ལགས། ཁྱེད་ཀྱིས་བདག་ལ་རྡོ་ཚད་ལྔ་སྤྲད༌ཅིང༌། གཟིགས༌དང༌། བདག་གིས་རྡོ་ཚད་ལྔའི་ཁེ་སྤོགས་བླངས་པ་ཡིན་ཞེས་སྨྲས་པ༌ན།  
\v 21 བདག་པོ་ན༌རེ། ལེགས་པོ༌འདུག ཁྱོད་ནི་རང་གཤིས་བཟང་ཞིང་གཞུང་རྒྱུད་དྲང་བའི་གཡོག་པོ་ཞིག་ཡིན༌ལ། ཁྱོད་ནི་དོན་ཆུང་ངུའི་སྟེང་དུའང་བློ་སེམས་དཀར༌བས། བདག་གིས་ཁྱོད་རང་དོན་མང་པོ་དོ་དམ་བྱེད་པར་བསྐོ་བར༌བྱའོ། །ཁྱོད་རང་བདག་པོའི་སྤྲོ་སྐྱིད་ལ་རོལ་ཅིག་ཅེས་སྨྲས༌སོ།།  
\v 22 དེ་ནས་རྡོ་ཚད་གཉིས་ཐོབ་མཁན་ཡང་སླེབས༌ཏེ། བདག་པོ༌ལགས། ཁྱེད་ཀྱིས་བདག་ལ་རྡོ་ཚད་གཉིས་སྤྲད༌ཅིང༌། བདག་གིས་རྡོ་ཚད་གཉིས་ཀྱི་ཁེ་སྤོགས་བླངས་པ་ཡིན་ཞེས་སྨྲས་པ༌ན།  
\v 23 བདག་པོ་ན༌རེ། ལེགས་པོ༌འདུག ཁྱོད་ནི་རང་གཤིས་བཟང་ཞིང་གཞུང་རྒྱུད་དྲང་བའི་གཡོག་པོ་ཞིག་ཡིན༌ལ། ཁྱོད་ནི་དོན་ཆུང་ངུའི་སྟེང་དུའང་བློ་སེམས་དཀར༌བས། བདག་གིས་ཁྱོད་རང་དོན་མང་པོ་དོ་དམ་བྱེད་པར་བསྐོ་བར༌བྱའོ། །ཁྱོད་རང་བདག་པོའི་སྤྲོ་སྐྱིད་ལ་རོལ་ཅིག་ཅེས་སྨྲས༌སོ།།  
\v 24 དེ་ནས་རྡོ་ཚད་གཅིག་ཐོབ་མཁན་ཡང་སླེབས༌ཏེ། བདག་པོ༌ལགས། ཁྱེད་ནི་མི་བཙན་པོ་ཞིག་ཡིན༌ཞིང༌། མ་བཏབ་ས་ནས་སྟོན་བསྡུ་བ༌དང༌། མ་གཏོར་ས་ནས་ཀྱང་འབྲས་བུ་ལེན་ངེས་པ་བདག་གིས་ཤེས༌པས།  
\v 25 ང་རང་འཇིགས༌ཏེ། ཁྱེད་ཀྱི་རྡོ་ཚད་གཅིག་པོ་དེ་ས་འོག་ཏུ་སྦས་པ༌ཡིན། གཟིགས༌དང༌། ཁྱེད་ཀྱི་རྡོ་ཚད་འདི་རུ་ཡོད་ཅེས་སྨྲས༌སོ།།  
\v 26 བདག་པོས་འདི་སྐད༌དུ། གཡོག་པོ་ངན་པ་ལེ་ལོ་ཅན་ཁྱོད་ཀྱིས་བདག་གིས་མ་བཏབ་ས་ནས་སྟོན་བསྡུ་བ་དང་མ་གཏོར་ས་ནས་ཀྱང་འབྲས་བུ་ལེན་ངེས་པ་ཤེས༌ན།  
\v 27 བདག་གི་དངུལ་སྒོར་དེ་དངུལ་ཉར་མཁན་ལ་བཅོལ་དགོས་པ་ཡིན༌ཏེ། ང་རང་ཕྱིར་སླེབས་པའི་དུས༌སུ། ངས་དངུལ་སྒོར་དེའི་མ་རྩ་དང་སྐྱེད་ཀ་གཉིས་བླང༌ཆོག  
\v 28 དེའི༌ཕྱིར། ད་ནི་རྡོ་ཚད་གཅིག་པོ་དེ་ལོངས་ལ་རྡོ་ཚད་བཅུ་ཅན་ལ་བྱིན༌ཅིག  
\v 29 རྒྱུ་མཚན་ནི་སུ་ཞིག་ལ་ཡོད་པ་དེ་ལ་ད་དུང་ཡང་གནང་ངེས་ཤིང་ལྷག་མའང་ཡོད་པར་འགྱུར་བ༌དང༌། སུ་ཞིག་ལ་མེད་པ་དེ་ལས་ཉུང་ཙམ་ཡོད་པ་དེའང་ཕྱིར་ལེན་པར༌འགྱུར།  
\v 30 རིན་ཐང་མེད་པའི་གཡོག་པོ་དེ་ཕྱི་རོལ་གྱི་མུན་ནག་ནང་དུ་སྐྲོད༌ཅིག གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར་འགྱུར་ཞེས་སྨྲས༌པའོ།།   
\s1 མ་འོངས་པར་མཆོག་དམན་གྱི་དབྱེ་བ་འབྱེད་པའི་སྐོར་གྱི་ལུང༌བསྟན།  
\p
\v 31 ཡང་སྐྱབས་མགོན་ཡེ་ཤུས་འདི་སྐད༌དུ། མིའི་བུ་རང་ཉིད་ཀྱི་གཟི་བརྗིད་ངང་ཕོ་ཉ་འཁོར་དང་བཅས་པ་ཕེབས་ཡོང༌དུས། རང་གི་གཟི་བརྗིད་ལྡན་པའི་ཁྲི་ལ་བཞུགས་པར་འགྱུར༌ཞིང༌།  
\v 32 མི་རིགས་ཐམས་ཅད་ཁོང་གི་དྲུང་དུ་བསྡུ་བ༌དང༌། ཁོང་གིས་དེ་རྣམས་ལ་དབྱེ་བ་མཛད༌དེ། ལུག་རྫི་ཞིག་གིས་ལུག་དང་ར་མ་གཉིས་སོ་སོར་དགར་བ༌བཞིན།  
\v 33 ལུག་རྣམས་གཡས་ཕྱོགས་དང་ར་མ་རྣམས་གཡོན་ཕྱོགས་སུ་ཡོད་པར་བྱེད༌དོ།།  
\v 34 དེ་ནས་རྒྱལ་པོས་གཡས་ཕྱོགས་སུ་ཡོད་པ་རྣམས་ལ་འདི་སྐད༌དུ། བདག་གི་ཡབ་ཀྱི་བྱིན་རླབས་ཐོབ་པ་རྣམས་ཤོག༌དང༌། འཇིག་རྟེན་བཀོད་པའི་ཚུན་དུ་ཁྱོད་ཅག་ལ་སྟ་གོན་མཛད་པའི་རྒྱལ་སྲིད་རྒྱུན་འཛིན་བྱེད་པར༌གྱིས།  
\v 35 རྒྱུ་མཚན་ནི་ང་རང་བཀྲེས་ཤིང་སྐོམ་པའི་དུས༌སུ། ཁྱོད་ཅག་གིས་བདག་ལ་བཟའ་བཏུང་སྤྲད་པ༌དང༌། ང་རང་ཕྱི་མི་ཡིན༌དུས། ཁྱོད་ཅག་གིས་བདག་ལ་སྣེ་ལེན་བགྱིས་པ༌ཡིན།  
\v 36 ང་རང་ལུས་གཅེར་བུ་ཡིན༌དུས། ཁྱོད་ཅག་གིས་བདག་ལ་གོས་བསྐོན༌ཞིང༌། བདག་ལ་ན་ཚ་བྱུང༌དུས། ཁྱོད་ཅག་གིས་བདག་སྙོར་སྐྱོང་བྱས་པ༌ཡིན། ང་རང་བཙོན་དུ་ཡོད༌དུས། ཁྱོད་ཅག་བདག་ལ་བལྟ་རུ་ཡོང་ངོ་ཞེས་གསུང་བར༌འགྱུར།  
\v 37 དེ་ནས་མི་གཞུང་དྲང་རྣམས་ན༌རེ། གཙོ་བོ༌ལགས། ངེད་ཅག་གིས་དུས་ནམ་ཞིག་ལ་ཁྱེད་ཀྱིས་བཀྲེས་སྐོམ་མྱངས་པ་མཐོང་ནས་བཟའ་བཏུང་བྱིན་མྱོང༌ངམ།  
\v 38 དུས་ནམ་ཞིག་ལ་ཁྱེད་རང་ཕྱི་མི་ཡིན་པ་མཐོང་ནས་སྣེ་ལེན་བགྱིས་མྱོང༌ངམ། ཁྱེད་རང་ལུས་གཅེར་བུ་ཡིན་པ་མཐོང་ནས་ལུས་ལ་གོས་བསྐོན་མྱོང༌ངམ།  
\v 39 དུས་ནམ་ཞིག་ཁྱེད་ལ་ན་ཚ་བྱུང་བའམ་བཙོན་དུ་ཡོད་པ་མཐོང་སྟེ་ཁྱེད་ལ་བལྟ་རུ་ཡོང་ངམ་ཞེས་སྨྲ་བར༌འགྱུར།  
\v 40 ཡང་རྒྱལ་པོས་འདི་སྐད༌དུ། བདག་གིས་ཁྱོད་ཅག་ལ་བདེན་པར་སྨྲ༌སྟེ། ཁྱོད་ཅག་གིས་བདག་གི་སྤུན་ཟླ་རྣམས་ལས་ཆེས་ཆུང་བ་ཞིག་ལ་དེ་ལྟར་བྱས༌ན། དོན་དམ་དུ་བདག་ལ་བྱས་པ་ཡིན་ཞེས་གསུང་བར་འགྱུར༌རོ།།   
\p
\v 41 དེ་ནས་རྒྱལ་པོས་གཡོན་ཕྱོགས་སུ་ཡོད་པ་རྣམས་ལ་འདི་སྐད༌དུ། དམོད་མོ་ཐེབས་ཟིན་པ་ཁྱོད་རྣམས་བདག་དང་ཁ་བྲལ༌ནས། བདུད་དང་བདུད་ཀྱི་ཕོ་ཉ་དག་ལ་སྟ་གོན་མཛད་པའི་ཞི་མེད་ཀྱི་དམྱལ་བའི་མེ་ཕུང་ནང་དུ་སོང༌ཞིག  
\v 42 རྒྱུ་མཚན་ནི་ང་རང་བཀྲེས་ཤིང་སྐོམ་པའི་དུས༌སུ། ཁྱོད་ཅག་གིས་བདག་ལ་བཟའ་བཏུང་མ༌བྱིན།  
\v 43 ང་རང་ཕྱི་མི་ཡིན༌དུས། ཁྱོད་ཅག་གིས་བདག་ལ་སྣེ་ལེན་མ༌བྱས། ང་རང་ལུས་གཅེར་བུ་ཡིན༌དུས། བདག་ལ་གོས་མ༌བསྐོན། བདག་ལ་ན་ཚ་བྱུང་བའམ་བཙོན་དུ་ཡོད༌དུས། ཁྱོད་རྣམས་བདག་ལ་བལྟ་རུ་མ་ཡོང་ཞེས་གསུང་བར༌འགྱུར།  
\v 44 གཡོན་ཕྱོགས་སུ་ཡོད་པ་རྣམས་ན༌རེ། གཙོ་བོ༌ལགས། ངེད་ཅག་གིས་དུས་ནམ་ཞིག་ལ་ཁྱེད་རང་ལྟོགས་པའམ་སྐོམ༌པ། ཡང་ན་ཁྱེད་རང་ཕྱི་མི་ཡིན་པའམ་ལུས་གཅེར་བུར་སྡོད༌པ། ཡང་ན་ཁྱེད་ལ་ན་ཚ་བྱུང་བའམ་བཙོན་དུ་ཡོད་པ་མཐོང༌ཡང༌། ཁྱེད་ལ་ཞབས་ཕྱི་མ་བསྒྲུབས་སམ་ཞེས་སྨྲ་བར༌འགྱུར།  
\v 45 ཡང་རྒྱལ་པོས་འདི་སྐད༌དུ། བདག་གིས་ཁྱོད་རྣམས་ལ་བདེན་པར་སྨྲ༌སྟེ། ཁྱོད་ཅག་གིས་མི་འདི་རྣམས་ལས་ཆེས་ཆུང་བ་ཞིག་ལ་དེ་ལྟར་མ་བྱས༌ན། དོན་དམ་དུ་བདག་ལ་མ་བྱས་པ་ཡིན་ཞེས་གསུང་བར༌འགྱུར།  
\v 46 དེའི༌ཕྱིར། མི་འདི་དག་ནི་མཐའ་མེད་པའི་ཉེས་ཆད་ནང་དུ་འགྲོ༌ཞིང༌། མི་གཞུང་དྲང་དེ་རྣམས་ནི་མཐའ་མེད་པའི་ཚེ་སྲོག་ནང་དུ་འགྲོ་བར་འགྱུར་ཞེས་གསུངས༌སོ།།   
\c 26
\cl ལེའུ་ཉེར་དྲུག༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 སྐྱབས་མགོན་ཡེ་ཤུ་དགྲོང་བའི་ཇུས༌ངན།  
\p
\v 1 སྐྱབས་མགོན་ཡེ་ཤུས་བཀའ་དེ་ཐམས་ཅད་གསུངས་རྗེས་ཐུགས་སྲས་རྣམས་ལ་འདི་སྐད༌དུ།  
\v 2 ཉིན་གཉིས་ཀྱི་རྗེས་སུ་པེ་སག་གི་དུས་ཆེན་\f + \ft པེ་སག་གི་དུས་ཆེན་ཞེས་པ་ནི་འཆི་བ་ལས་ཐར་བ་ཞེས་པའི་དོན་ཡིན༌ཏེ། སྔར་ཡེས་ར་ཨེལ་གྱི་མི་རྣམས་ཨེ་ཅིབ་ཡུལ་གྱི་བྲན་དུ་བཀོལ་བའི་གནས་ནས་ཐར་བའི་དྲན་གསོའི་དུས་ཆེན་ཞིག་ཀྱང༌ཡིན། དེ་ལ་སྐྱུར་མེད་བག་ལེབ་ཀྱི་དུས་ཆེན་ཡང༌ཟེར། \f*ཡིན་པ་ཁྱོད་ཅག་གིས་ཤེས་པ༌དང༌། དུས་དེར་མིའི་བུ་གཞན་ལག་ཏུ་སྤྲོད་ཅིང་ཤིང་རྒྱ་གྲམ་གྱི་སྟེང་དུ་བརྡབས་ནས་གསོད་པར་འགྱུར་ཞེས་གསུངས༌སོ།།  
\v 3 དུས༌དེར། མཆོད་དཔོན་ཆེན་པོ་དག་དང་ཡུལ་མི་རྒན་པོ་རྣམས་མཆོད་དཔོན་ཆེན་པོ་ཀ་ཡ་ཕཱའི་མཁར་ཆེན་དུ་འཛོམས༌ཏེ།  
\v 4 གཡོ་ཐབས་ཀྱིས་སྐྱབས་མགོན་ཡེ་ཤུ་འཛིན་བཟུང་བྱས་ནས་དགྲོང་བར་གྲོས་བྱས༌ནའང༌།  
\v 5 མི་སེར་ཟིང་ཆ་ལངས་ཉེན་ཡོད་པས་དུས་ཆེན་ལ་དེ་ལྟར་བྱེད་མི་རུང་ཞེས་སྨྲས༌སོ།།   
\s1 སྐྱབས་མགོན་ཡེ་ཤུའི་དབུ་ལ་སྤོས་ཆུ་བླུགས༌པ།  
\p
\v 6 སྐྱབས་མགོན་ཡེ་ཤུ་ནི་པེ་ཐན་ཡཱའི་མཛེ་ནད་ཅན་སི་མོན་གྱི་ཁྱིམ་དུ་བཞུགས༌དུས།  
\v 7 བུད་མེད་ཅིག་གིས་རིན་ཐང་ཆེ་བའི་སྤོས་ཆུས་བཀང་བའི་རྡོ་ཀ་མ་རུའི་བུམ་པ་ཞིག་ཁྱེར་ནས་ཁོང་གི་དྲུང་དུ་ཡོང༌སྟེ། སྐྱབས་མགོན་ཡེ་ཤུས་ཞལ་ཟས་བཞེས་པའི་སྐབས་དང་བསྟུན༌ནས། ཁོང་གི་དབུ་ལ་སྤོས་ཆུ༌བླུགས།  
\v 8 འོན་ཀྱང་ཐུགས་སྲས་རྣམས་ཀྱིས་དོན་དེ་མཐོང་ནས་ཤིན་ཏུ་མི་དགའ་བར་གྱུར༌ཏེ། ཅིའི་ཕྱིར་འདི་ལྟར་ཆུད་ཟོས་སུ་བཏང་བ་ཡིན༌ནམ།  
\v 9 སྤོས་ཆུ་འདི་དངུལ་མང་པོར་བཙོངས་ཏེ་དབུལ་པོ་རྣམས་ལ་བྱིན་ན་མི་ལེགས་སམ་ཞེས་སྨྲས༌སོ།།  
\v 10 སྐྱབས་མགོན་ཡེ་ཤུས་ཐུགས་སྲས་རྣམས་ཀྱི་བསམ་ཚུལ་མཁྱེན་ཏེ་འདི་སྐད༌དུ། ཅིའི་ཕྱིར་ཁོ་མོར་འོ་བརྒྱལ་བྱེད༌དམ། ཁོ་མོས་བདག་ལ་དོན་བཟང་པོ་བྱས་པ༌ཡིན།  
\v 11 རྒྱུ་མཚན་ནི་དབུལ་པོ་རྣམས་རྟག་ཏུ་ཁྱོད་ཅག་དང་མཉམ་དུ་ཡོད༌ཀྱང༌། བདག་ནི་དུས་རྟག་ཏུ་ཁྱོད་ཅག་དང་མཉམ་དུ་མི༌གནས།  
\v 12 ཁོ་མོས་བདག་གི་ལུས་ལ་སྤོས་ཆུ་བླུགས་པ་ནི་ང་རང་དུར་ལ་འཇུག་པར་སྟ་གོན་བྱས་པ༌ཡིན།  
\v 13 བདག་གིས་ཁྱོད་ཅག་ལ་བདེན་པར་སྨྲ༌སྟེ། འཇིག་རྟེན་ཡོངས་ཀྱི་ཡུལ་གང་དུ་འཕྲིན་བཟང་འདི་བསྒྲགས༌ན། བུད་མེད་འདིས་ཅི་ལྟར་བྱས་པ་དྲན་པའི་ཕྱིར་གཏམ་དེ་ཡང་བརྗོད་པར་འགྱུར་ཞེས་གསུངས༌སོ།།   
\s1 ངོ་ལོག་པ་ཡུ་དཱའི༌སྐོར།  
\p
\v 14 དེ་ནས་ཐུགས་སྲས་བཅུ་གཉིས་པོ་ལས་ཨི་སི་ཀར་རེའི་ཡུ་དཱ་ཞེས་པ་དེ་མཆོད་དཔོན་ཆེན་པོ་རྣམས་ཀྱི་གམ་དུ་སོང་ནས་སྨྲས༌པ།  
\v 15 ངས་ཡེ་ཤུ་ཁྱོད་རྣམས་ལ་སྤྲད༌ན། ཁྱོད་ཅག་གིས་བདག་ལ་དངུལ་སྲང་ག་ཙམ་སྟེར་ཞེས་པ༌ལ། དེ་རྣམས་ཀྱིས་ཁོ་ལ་དངུལ་སྲང་སུམ་ཅུ་བྱིན༌ཏོ།།  
\v 16 དུས་དེ་ནས༌བཟུང༌། ཁོས་སྐྱབས་མགོན་ཡེ་ཤུ་དེ་དག་གི་ལག་ཏུ་ཇི་ལྟར་སྤྲོད་པའི་གོ་སྐབས་བཙལ་བའོ།།   
\s1 གཙོ་བོ་ཡེ་ཤུའི་རྗེས་དྲན་གྱི་ཞལ༌ཟས།  
\p
\v 17 སྐྱུར་མེད་བག་ལེབ་དུས་ཆེན་གྱི་ཉིན་དང༌པོར།\f + \ft སྐྱུར་མེད་བག་ལེབ་དུས་ཆེན་གྱི་ཉིན་དང་པོ་ཞེས་པ་ལ་པེ་སག་གི་དུས་ཆེན་ཡང་ཟེར༌ཏེ། ཡ་ཧུ་དཱའི་མི་རིགས་ཀྱི་གོམས་སྲོལ་ལ་སྔར་ཨེ་ཅིབ་ཡུལ་གྱི་བྲན་དུ་བཀོལ་བའི་གནས་ནས་ཐར་བའི་དྲན་གསོའི་དུས་ཆེན་གྱི་ཉིན་དང༌པོར། མི་བཅུའམ་ཉི་ཤུས་ནག་ནོག་གི་ལྷད་མ་འདྲེས་པའི་ལུ་གུ་མཆོག་ཏུ་གྱུར་པ་ཞིག་བཤས་ཏེ་ཁྲག་དང་ཚིལ་གཉིས་མཆོད་ཅིང་ཤ་ཟ་བར༌བྱེད། \f* ཐུགས་སྲས་རྣམས་སྐྱབས་མགོན་ཡེ་ཤུའི་དྲུང་དུ་ཡོང༌སྟེ། ཁྱེད་ཀྱིས་པེ་སག་གི་ཞལ་ཟས་བཞེས་པའི༌ཕྱིར། ངེད་ཅག་གིས་གནས་གང་དུ་སྟ་གོན་བྱེད་དགོངས་སམ་ཞེས་ཞུས་པ༌ལ།  
\v 18 ཁོང་གིས་འདི་སྐད༌དུ། ཁྱོད་རྣམས་གྲོང་ཁྱེར་ནང་དུ་སོང་ནས་མི་ག་གེ་མོ་ལ་འདི་ལྟར་འཆད་པར་བྱ༌སྟེ། སློབ་དཔོན་གྱིས་བདག་གི་དུས་སླེབས་ལ་ཉེ༌བས། བདག་དང་ཐུགས་སྲས་རྣམས་ཀྱིས་ཁྱོད་ཀྱི་ཁྱིམ་ནས་པེ་སག་གི་གསོལ་སྟོན་ལ་རོལ་དགོས་ཟེར་ཞེས་སྨྲོས་ཤིག་ཅེས་གསུངས་པ༌དང༌།  
\v 19 དེ་ནས་སྐྱབས་མགོན་ཡེ་ཤུས་གསུངས་པ་བཞིན་ཐུགས་སྲས་རྣམས་སོང་ནས་པེ་སག་གི་གསོལ་སྟོན་བཤམས༌སོ།།   
\p
\v 20 མཚན་མོའི་དུས༌སུ། སྐྱབས་མགོན་ཡེ་ཤུ་དང་ཐུགས་སྲས་བཅུ་གཉིས་པོ་མཉམ་དུ་གནས་དེར་གྲལ་ལ་བཞུགས༌ཤིང༌།  
\v 21 ཁོང་རྣམས་ཀྱིས་ཞལ་ཟས་བཞེས་བཞིན་པའི་དུས༌སུ། སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་ཅག་ལ་བདེན་པར་སྨྲ༌སྟེ། ཁྱོད་རྣམས་ལས་མི་གཅིག་གིས་བདག་ལ་ངོ་ལོག་བྱ་ངེས་ཡིན་ཞེས་གསུངས༌སོ།།  
\v 22 དེ་ནས་ཁོ་རྣམས་ཀྱི་སེམས་ཤིན་ཏུ་སྐྱོ་བར་གྱུར༌ཏེ། མི་རེ་རེས་ཁོང་ལ་འདི་ལྟར། གཙོ་བོ༌ལགས། ང་རང་ཡིན་མི་སྲིད་ཅེས་ཞུས་པ༌ལ།  
\v 23 ཁོང་གིས་འདི་སྐད༌དུ། བདག་དང་མཉམ་དུ་སྡེར་མའི་ནང་ལ་བག་ལེབ་སྦོང་མཁན་གྱིས་ང་ལ་ངོ་ལོག་བྱེད་པར་འགྱུར།  
\v 24 མིའི་བུ་ནི་གསུང་རབ་ཀྱི་མདོ་ལས་ཁོའི་སྐོར་བཀོད་ཡོད་པ་བཞིན་གཤེགས་དགོས༌ཀྱང༌། མིའི་བུ་ལ་ངོ་ལོག་བྱེད་མཁན་གྱི་མི་དེར་ཆག་སྒོ་འབྱུང་བར༌ངེས། མི་དེ་སྐྱེས་པ་ལས་མ་སྐྱེས་ན་ལེགས་ཞེས་གསུངས༌སོ།།   
\p
\v 25 སྐྱབས་མགོན་ཡེ་ཤུ་ལ་ངོ་ལོག་བྱེད་མཁན་ཡུ་དཱ་ན༌རེ། རཱབ་པེ༌ལགས། ང་རང་ཡིན་སྲིད་དམ་ཞེས་ཞུས་པ༌ན། ཁོང་གིས་འདི་སྐད༌དུ། ཁྱོད་ཀྱིས་སྨྲས་པ་ལྟར་ཡིན་ཞེས་གསུངས༌སོ།།   
\p
\v 26 ཁོང་རྣམས་ཀྱིས་ཞལ་ཟས་བཞེས་བཞིན་པའི་དུས༌སུ། སྐྱབས་མགོན་ཡེ་ཤུས་ཕྱག་ཏུ་བག་ལེབ་བསྣམས༌ཏེ། བྱིན་རླབས་གནང་ཞིང་དུམ་བུར་བྱས་པ་དང་ཐུགས་སྲས་རྣམས་ལ་གནང་སྟེ་འདི་སྐད༌དུ། འདི་ནི་བདག་གི་ལུས་པོ་ཡིན་ཏེ་ཁྱོད་ཅག་གིས་ལོངས་ལ་ཟོ་ཞིག་ཅེས་གསུངས་པ༌དང༌།  
\v 27 ཡང་ཁོང་གིས་ཕོར་བ་ཕྱག་ཏུ་བསྣམས་ཤིང་དཀོན་མཆོག་ལ་བཀའ་དྲིན་ཞུས་རྗེས་ཁོ་རྣམས་ལ་གནང་སྟེ་འདི་སྐད༌དུ། ཁྱོད་ཅག་ཀུན་གྱིས་ཕོར་བ་འདི་ལས་འཐུངས༌ཤིག  
\v 28 འདི་ནི་བདག་གི་ཞལ་ཆད་ཀྱི་ཁྲག་ཡིན༌ཏེ། མི་མང་པོའི་སྡིག་པ་བསལ་ཆེད་བཞུར་བ༌ཡིན།  
\v 29 འོན༌ཀྱང༌། བདག་གིས་ཁྱོད་རྣམས་ལ་སྨྲ་བར་བྱ༌སྟེ། དུས་ད་ནས༌བཟུང༌། ངས་རང་གི་ཡབ་ཀྱི་རྒྱལ་སྲིད་ནས་ཁྱོད་ཅག་དང་མཉམ་དུ་གསར་པ་འཐུང་བའི་ཉིན་མོའི་བར༌དུ། ངས་རྒུན་འབྲུམ་གྱི་ཁུ་བ་འདི་འཐུང་བ་མིན་ཞེས་གསུངས༌སོ།།  
\v 30 དེ་ནས་ཁོང་རྣམས་ཀྱིས་གསུང་མགུར་བླངས་རྗེས་ཕྱི་རུ་ཐོན་ཞིང་སྐྱུ་རུ་རའི་རི་བོར་ཕེབས༌སོ།།   
\s1 ཐུགས་སྲས་པེ་ཏྲོའི་སྐོར་གྱི་ལུང༌བསྟན།  
\p
\v 31 དུས༌དེར། སྐྱབས་མགོན་ཡེ་ཤུས་ཁོ་རྣམས་ལ་འདི་སྐད༌དུ། དོ་དགོང་གི་དུས༌འདིར། བདག་གི་རྐྱེན་གྱིས་ཁྱོད་རྣམས་ཐམས་ཅད་ས་རུ་འགྱེལ་བར༌འགྱུར། རྒྱུ་མཚན་ནི་གསུང་རབ་ཀྱི་མདོ་ལས་ཇི་སྐད༌དུ། བདག་གིས་ལུག་རྫི་ལ་རྡུང་རྡེག་བྱས་ནས་ལུག་རྣམས་འཐོར་བར་འགྱུར་ \f + \ft འདི་ནི་ལུང་བསྟན་གྱི་ཚིག་དྲངས་ནས་གསུངས་པ༌སྟེ། བདག་ཅེས་པ་ནི་དཀོན་མཆོག༌དང༌། ལུག་རྫི་ནི་སྐྱབས་མགོན་ཡེ་ཤུ༌དང༌། ལུག་རྣམས་ནི་ཐུགས་སྲས་བཅས་ལ་གོ༌དགོས། \f*ཞེས་བཀོད་པ་བཞིན༌ནོ།།  
\v 32 འོན་ཀྱང་བདག་ནི་སླར་གསོན་རྗེས་ཁྱོད་ཅག་གི་སྔོན་ལ་ག་ལིལ་ཡུལ་དུ་འགྲོ་ངེས་ཞེས་གསུངས༌སོ།།  
\v 33 པེ་ཏྲོ་ན༌རེ། ཁྱེད་ཀྱི་རྐྱེན་གྱིས་མི་ཐམས་ཅད་ས་རུ་འགྱེལ༌ནའང༌། བདག་ནི་ནམ་ཡང་ས་རུ་མི་འགྱེལ་ཞེས་ཞུས་པ༌ན།  
\v 34 སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་ལ་བདེན་པར་སྨྲ༌སྟེ། དོ་དགོང་གི་དུས་འདིར་བྱ་ཕོ་མ་གྲགས་པའི་སྔོན༌དུ། ཁྱོད་ཀྱིས་ཐེངས་གསུམ་ལ་ང་རང་ཁས་མི་ལེན་ཞེས་གསུངས༌སོ།།  
\v 35 ཡང་པེ་ཏྲོ་ན༌རེ། བདག་ནི་ཁྱེད་དང་མཉམ་དུ་འཆི་དགོས་ཀྱང་ཁྱེད་རང་ཁས་མི་ལེན་པ་དཔེ་མི་སྲིད་ཅེས་ཞུས༌ཤིང༌། ཐུགས་སྲས་གཞན་རྣམས་ཀྱིས་ཀྱང་དེ་ལྟར་ཞུས༌སོ།།   
\s1 གེད་སེམ་མཱ་ནེ་ཞེས་པའི་སྐྱེད༌ཚལ།  
\p
\v 36 སྐྱབས་མགོན་ཡེ་ཤུ་དང་ཐུགས་སྲས་རྣམས་མཉམ་དུ་གེད་སེམ་མཱ་ནེ་སྐྱེད་ཚལ་དུ་ཕེབས༌ཤིང༌། ཁོང་གིས་ཐུགས་སྲས་རྣམས་ལ་འདི་སྐད༌དུ། ཁྱོད་ཅག་གནས་འདིར་སྡོད༌ཅིག བདག་ནི་ཕར་གསོལ་བ་འདེབས་སུ་འགྲོའོ་ཞེས་གསུངས༌ཏེ།  
\v 37 པེ་ཏྲོ༌དང༌། ཟེ་བད་ཡཱའི་བུ་གཉིས་བཅས་ཁྲིད་ནས༌ཕེབས། དུས༌དེར། ཁོང་གི་ཐུགས་ཤིན་ཏུ་སྐྱོ་ཞིང་གདུངས་པར་གྱུར་ཏེ་འདི་སྐད༌དུ།  
\v 38 བདག་སེམས་ཤིན་ཏུ་སྐྱོ་ནས་འཆི་ལ༌ཉེའོ། །ཁྱོད་ཅག་གིས་གནས་འདི་རུ་བསྒུགས་ནས་བདག་དང་མཉམ་དུ་དོགས་ཟོན་གྱིས་ཤིག་ཅེས་གསུངས་པ༌དང༌།  
\v 39 ཡང་ཁོང་མདུན་ཕྱོགས་སུ་ཅུང་ཙམ་ཕེབས་ནས་ཞལ་སར་བཏུད་དེ་འདི་སྐད༌དུ། ཀྱེ། བདག་གི་ཡབ༌ལགས། གལ་ཏེ་སྲིད་པ་ཡིན་ན་ཕོར་བ་འདི་བདག་དང་འབྲལ་བར་མཛོད༌ཅིག འོན་ཀྱང་བདག་གི་བསམ་དོན་བཞིན་དུ་མི་འགྲུབ་པར་ཁྱེད་ཀྱི་དགོངས་པ་བཞིན་དུ་གྲུབ་གྱུར་ཅིག་ཅེས་གསོལ་བ་བཏབ༌པའོ།།  
\v 40 དེ་ནས་ཁོང་ཉིད་ཕྱིར་ཐུགས་སྲས་རྣམས་ཀྱི་གམ་དུ་ཕེབས་པ༌ན། དེ་རྣམས་གཉིད་ལ་ཡུར་བ་གཟིགས་ཏེ་པེ་ཏྲོ་ལ་འདི་སྐད༌དུ། ཁྱོད་རྣམས་ཀྱིས་ཆུ་ཚོད་གཅིག་ཙམ་ལའང་བདག་དང་མཉམ་དུ་དོགས་ཟོན་བྱ་མི་ནུས༌སམ།  
\v 41 ཁྱོད་ཅག་ཉམས་ཚོད་ཀྱི་འོག་ཏུ་མི་འཚུད་པའི་ཕྱིར་དོགས་ཟོན་བྱས་ནས་གསོལ་བ་ཐོབས༌ཤིག ཁྱོད་ཅག་གི་སེམས་སུ་དེ་ལྟར་བྱ་བསམ་ཡང་ལུས་སྟོབས་ཞན་པ་ཡིན་ཞེས་གསུངས༌སོ།།   
\p
\v 42 དེ་ནས་སྐྱབས་མགོན་ཡེ་ཤུ་ཐེངས་གཉིས་པར་ཕར་ཕེབས་ཏེ་འདི་སྐད༌དུ། ཀྱེ། བདག་གི་ཡབ༌ལགས། གལ་ཏེ་བདག་ནི་ཕོར་བ་འདི་དང་འབྲལ་མི་འོས་ཤིང་ཅི་ནས་ཀྱང་འདི་འཐུང་དགོས༌ན། ཁྱེད་ཀྱི་དགོངས་པ་བཞིན་དུ་གྲུབ་གྱུར་ཅིག་ཅེས་གསོལ་བ༌བཏབ།  
\v 43 ཡང་ཁོང་ཉིད་ཕྱིར་ཕེབས་པ་ན་ཁོ་རྣམས་ངལ་དུབ་ཆེ་བས་གཉིད་དུ་ཡུར་བ་གཟིགས༌ཤིང༌།  
\v 44 སྐྱབས་མགོན་ཡེ་ཤུ་ཡང་བསྐྱར་ཐུགས་སྲས་རྣམས་དང་ཁ་བྲལ་ནས་ཐེངས་གསུམ་པར་གསོལ་བ་འདེབས་སུ་ཕེབས་ཏེ་སྔར་བཞིན་གསོལ་བ༌བཏབ།  
\v 45 ཡང་ཁོང་ཉིད་ཕྱིར་ཕེབས་ཏེ་འདི་སྐད༌དུ། ཁྱོད་ཅག་ད་དུང་གཉིད་ནས་ངལ༌གསོའམ། ལྟོས༌དང༌། ད་ལྟ་དུས་ལ་བབས་ཤིང་མིའི་བུ་སྡིག་ཅན་རྣམས་ཀྱི་ལག་ཏུ་སྤྲོད་པར༌བྱེད།  
\v 46 ལྟོས༌དང༌། བདག་ལ་ངོ་ལོག་བྱེད་མཁན་དེ་ཉེ་སར་སླེབས་པས་ཡར་ལོངས་དང་འགྲོའོ་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་འཛིན་བཟུང་བྱས༌པ།  
\p
\v 47 ཁོང་གིས་དེ་ལྟར་གསུང་བཞིན་པའི་དུས༌སུ། ཐུགས་སྲས་བཅུ་གཉིས་ཀྱི་ཡ་གྱལ་ཏེ་ཡུ་དཱ་སླེབས་པ༌དང༌། ད་དུང་ལག་ཏུ་རལ་གྲི་དང་དབྱུག་པ་ཐོགས་ཤིང་མཆོད་དཔོན་ཆེན་པོ་རྣམས་དང་ཡུལ་མི་རྒན་པོ་དག་གིས་མངགས་པའི་མི་ཤིན་ཏུ་མང་པོ་ཞིག་ཀྱང་ཁོ་དང་མཉམ་དུ༌སླེབས།  
\v 48 སྐྱབས་མགོན་ཡེ་ཤུ་ལ་ངོ་ལོག་བྱེད་མཁན་དེས་མི་དེ་དག་ལ་ངས་སུ་ལ་འོ་\f + \ft འོ་ཞེས་པ་ནི་མ་ཡིས་བུ་ཆུང་ལ་སྙིང་རྗེ་ནས་འོ་བྱེད་པའི་དོན་དང་གཅིག༌སྟེ། ཡ་ཧུ་དཱའི་མི་རིགས་ཀྱི་གོམས་སྲོལ་ལ་གཉེན་ཉེ༌དང༌། གྲོགས༌པོ། སློབ་དཔོན་དང་སློབ་བུའི་བར་གྱི་སྙིང་ཉེ་བའི་མཚོན་བྱེད་དུ་ཕན་ཚུན་གྱི་འགྲམ་པར་འོ་བྱེད་པ༌ཡིན། གཞན་ཡང་བརྩི་བཀུར་དང་ཤ་ཚ་ཞིང་གཅེས་པའི་མཚོན་རྟགས་ཤིག་ཀྱང༌ཡིན། \f*བྱས༌ན། དེ་ནི་ཁོང་ཉིད་ཡིན་པས་ཟུངས་ཤིག་ཅེས་སྔོན་ལ་ལྐོག་བརྡ་བརྒྱབ་ཡོད༌ལ།  
\v 49 དེ་མ་ཐག་ཡུ་དཱ་ནི་སྐྱབས་མགོན་ཡེ་ཤུའི་དྲུང་དུ་ཡོང༌སྟེ། རཱབ་པེ༌ལགས། ཁྱེད་ཀྱི་སྐུ་ཁམས་བདེའམ་ཞེས་ཞུས་ནས་ཁོང་ལ་འོ་བྱས༌སོ།།   
\p
\v 50 སྐྱབས་མགོན་ཡེ་ཤུས་དེ་ལ་འདི་སྐད༌དུ། གྲོགས་པོ་ཁྱོད་ཅི་བྱེད་དུ་ཡོང་བ་དེ་བཞིན་དུ་བྱོས་ཤིག་ཅེས་གསུངས་པ༌ན། མི་དེ་དག་ཁོང་གི་མདུན་དུ་ཡོང་ནས་ཁོང་ཉིད་བཟུང༌ངོ༌།།  
\v 51 འོན་ཀྱང་སྐྱབས་མགོན་ཡེ་ཤུ་དང་མཉམ་དུ་ཡོད་པ་རྣམས་ལས་གཅིག་གིས་ལག་པ་བརྐྱངས་ནས་རལ་གྲི་ཕྱུང༌སྟེ། མཆོད་དཔོན་ཆེན་པོའི་གཡོག་པོར་བརྒྱབ་ནས་རྣ་བ་ཡ་གཅིག་བཅད༌དོ།།  
\v 52 དེ་ནས་སྐྱབས་མགོན་ཡེ་ཤུས་དེ་ལ་འདི་སྐད༌དུ། རལ་གྲི་ཕྱིར་གྲི་ཤུབས་སུ་ཆུག༌དང༌། རལ་གྲི་འཛིན་མཁན་ཐམས་ཅད་རལ་གྲིས་གསོད་པར༌འགྱུར།  
\v 53 ཁྱོད་ཀྱིས་སོམས༌དང༌། བདག་གིས་ཡབ་ལ་ཞུ་བ་ཞུས་པ༌ན། ཁོང་གིས་ད་ལྟ་ཉིད་དུ་ཕོ་ཉའི་དམག་དཔུང་བཅུ་གཉིས་ལྷག་བདག་ལ་མངག་པར་མི་མཛད༌དམ།  
\v 54 འོན་ཀྱང་དེ་ལྟར་བྱས༌ན། ད་ལྟའི་དོན་བཞིན་འབྱུང་དགོས་པའི་གསུང་རབ་ཀྱི་མདོ་དེ་ཇི་ལྟར་འགྲུབ་བམ་ཞེས་གསུངས༌སོ།།  
\v 55 དུས༌དེར། སྐྱབས་མགོན་ཡེ་ཤུས་མི་ཚོགས་ལ་འདི་སྐད༌དུ། ཁྱོད་ཅག་གིས་རལ་གྲི་དང་དབྱུག་པ་བཟུང་ནས་ཇག་པ་འཛིན་པ་ལྟར་ང་རང་གཟུང་དུ་ཡོང༌ངམ། བདག་གིས་ཉིན་རེ་བཞིན་མཆོད་ཁང་ནང་དུ་བསྡད་ནས་ཆོས་བཤད་དུས་ཁྱོད་ཅག་གིས་ང་རང་མ་བཟུང༌མོད།  
\v 56 འོན་ཀྱང་དོན་འདི་ཐམས་ཅད་བྱུང་བ་ནི་ལུང་སྟོན་པ་རྣམས་ཀྱི་མདོ་ལས་གསུངས་པ་ལྟར་འགྲུབ་པའི་ཕྱིར་ཡིན་ཞེས་གསུངས་པ༌དང༌། ཐུགས་སྲས་ཐམས་ཅད་ཀྱིས་ཀྱང་སྐྱབས་མགོན་ཡེ་ཤུ་བསྐྱུར་ནས་བྲོས༌སོ།།   
\s1 སྐྱབས་མགོན་ཡེ་ཤུ་མཆོད་དཔོན་ཆེན་པོའི་ཁྲིམས་རར་ཁྲིད༌པ།  
\p
\v 57 སྐྱབས་མགོན་ཡེ་ཤུ་འཛིན་བཟུང་བྱེད་མཁན་རྣམས་ཀྱིས་ཁོང་ཉིད་མཆོད་དཔོན་ཆེན་པོ་ཀ་ཡ་ཕཱའི་མདུན་དུ་ཁྲིད༌ཅིང༌། མཁན་པོ་དང་རྒན་པོ་རྣམས་ཀྱང་གནས་དེར༌འཛོམས།  
\v 58 པེ་ཏྲོའང་རྒྱང་རིང་ནས་སྐྱབས་མགོན་ཡེ་ཤུའི་རྗེས་འབྲངས་ཏེ་མཆོད་དཔོན་ཆེན་པོའི་ར་སྐོར་བར་དུ་སོང༌ཞིང༌། དོན་ཅི་ཞིག་འབྱུང་བར་བལྟ་ཕྱིར་ནང་དུ་སོང་ནས་སྲུང་དམག་དང་མཉམ་དུ༌བསྡད།  
\v 59 མཆོད་དཔོན་ཆེན་པོ་རྣམས་དང་ཚོགས་མི་ཐམས་ཅད་ཀྱིས་སྐྱབས་མགོན་ཡེ་ཤུ་གཏུགས་ཤིང་སྲོག་ཆད་གཅོད་པའི་ཕྱིར་རྫུན་གྱི་དཔང་པོ་བཙལ་བ༌དང༌།  
\v 60 མི་མང་པོས་རྫུན་གྱི་དཔང་པོ་བྱས་ཀྱང་ཁོ་རྣམས་ཀྱིས་སྐྱོན་ཅི་ཡང་མ༌རྙེད། མཇུག་མཐར་མི་གཉིས་སྔུན་ལ་ཡོང་སྟེ་ན༌རེ།  
\v 61 མི་འདིས་དཀོན་མཆོག་གི་མཆོད་ཁང་བཤིག་སྟེ་ཉིན་གསུམ་ལ་སླར་ཡང་བཞེང་ནུས་ཞེས་སྨྲས་མྱོང་ཞེས་པ༌ལ།  
\v 62 མཆོད་དཔོན་ཆེན་པོ་ཡར་ལངས་ནས་སྐྱབས་མགོན་ཡེ་ཤུ༌ལ། མི་འདི་རྣམས་ཀྱིས་དཔང་པོ་བྱས་ནས་ཁྱོད་རང་གཏུགས་པ་ཅི་ཡིན༌ནམ། ཁྱོད་ཀྱིས་ལན་ཅི་ཡང་མི་འདེབས་སམ་ཞེས་དྲིས༌ཀྱང༌།  
\v 63 སྐྱབས་མགོན་ཡེ་ཤུས་ཅི་ཡང་མ༌གསུངས། ཡང་མཆོད་དཔོན་ཆེན་པོ་ན༌རེ། ངས་གཏན་དུ་གསོན་པོར་བཞུགས་པའི་དཀོན་མཆོག་དཔང་དུ་བཙུགས་ནས་ཁྱོད་ལ་མནའ་བསྐྱལ་དུ་འཇུག༌སྟེ། ཁྱོད་ཀྱིས་རང་ཉིད་ནི་དཀོན་མཆོག་གི་སྲས་མཱ་ཤི་ཀ་ཡིན་མིན་ངེད་ཅག་ལ་སྨྲོས་ཤིག་ཅེས་སྨྲས་པ༌ན།  
\v 64 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་སྨྲས་པ་དེ་བཞིན༌ཡིན། འོན་ཀྱང་བདག་གིས་ཁྱོད་ཅག་ལ་སྨྲ་བར་བྱ༌སྟེ། ཕྱིན་ཆད་མིའི་བུ་ནི་ཀུན་དབང་ཉིད་ཀྱི་གཡས་ཕྱོགས་སུ་བཞུགས༌ཏེ། ནམ་མཁའི་སྤྲིན་གྱི་བང་རིམ་ནས་འབྱོན་པ་ཁྱོད་ཅག་གིས་མཐོང་བར་འགྱུར་ཞེས་གསུངས༌སོ།།  
\v 65 མཆོད་དཔོན་ཆེན་པོས་རང་གི་ཕྱི་གོས་གཤགས༌ཏེ། ཁོས་དཀོན་མཆོག་ལ་སྐུར་བ་བཏབ༌ཅིང༌། ད་ལྟ་བདག་ཅག་ལ་དཔང་པོ་གཞན་ཅི་ལ༌དགོས། ཁོས་སྐུར་བ་བཏབ་པ་ད་ལྟ་ཁྱོད་ཅག་གིས་རྣ་བས་དངོས་སུ་ཐོས༌པས།  
\v 66 ཁྱོད་ཅག་གི་བསམ་འཆར་ག་འདྲ་ཡིན་ཞེས་དྲིས་པ༌ན། དེ་རྣམས་ན༌རེ། ཁོ་གསད་ན་འོས་ཞེས༌སྨྲས།  
\v 67 དེ་ནས་ཁོ་རྣམས་ཀྱིས་སྐྱབས་མགོན་ཡེ་ཤུའི་གདོང་ལ་མཆིལ་མ་བཏབ་ཅིང་ཁུ་ཚུར་གཞུས་པ༌དང༌། ཡང་ལ་ལས་ཁོང་ལ་འགྲམ་ལྕག་གཞུས༌ཏེ།  
\v 68 ཀྱེ། མཱ་ཤི༌ཀ ངེད་རྣམས་ལ་ལུང་བསྟན་ཤོད༌ཅིག ཁྱོད་ལ་རྡུང་རྡེག་བྱེད་མཁན་སུ་ཡིན་ནམ་ཞེས་སྨྲས༌སོ།།   
\s1 པེ་ཏྲོ་སྐྱབས་མགོན་ཡེ་ཤུའི་ཐུགས་དང་འགལ་བའི༌སྐོར།  
\p
\v 69 པེ་ཏྲོ་ཕྱིའི་ར་སྐོར་དུ་སྡོད༌དུས། གཡོག་མོ་ཞིག་ཡོང་སྟེ་ན༌རེ། ཁྱོད་ཀྱང་ག་ལིལ་པ་ཡེ་ཤུ་དང་གྲས་གཅིག་རེད་ཅེས་སྨྲས་པ༌ན།  
\v 70 པེ་ཏྲོས་མི་དེ་དག་གི་མདུན་ནས་དོན་དེ་ཁས་མ་བླངས་པར་ཁྱོད་ཀྱིས་ཅི་ཞིག་སྨྲ་བཞིན་པ་ངས་མི་ཤེས་ཞེས་སྨྲས༌སོ།།  
\v 71 ཁོ་རང་ཕྱི་རོལ་ཏུ་སོང་བ་དང་རྒྱ་སྒོའི་ཁར་སླེབས་པ༌ན། ཡང་གཡོག་མོ་གཞན་ཞིག་གིས་མཐོང་སྟེ་མི་རྣམས༌ལ། མི་འདི་ཡང་ནཱ་ཙ་རེལ་པ་ཡེ་ཤུ་དང་གྲས་གཅིག་རེད་ཅེས་པ༌དང་།  
\v 72 ཡང་པེ་ཏྲོས་དོན་དེ་ཁས་མ་བླངས་པར་ངས་མི་དེ་ངོ་མི་ཤེས་ཞེས་མནའ་བསྐྱལ༌ཏོ།།  
\v 73 ཅུང་མ་འགོར༌བར། གནས་དེར་ལངས་བསྡད་ཡོད་པའི་མི་རྣམས་པེ་ཏྲོའི་གམ་དུ་ཡོང༌སྟེ། ཁྱོད་ནི་མི་དེ་ཚོ་དང་གྲས་གཅིག་ཡིན་པར་ངེས༌ཏེ། ཁྱོད་ཀྱི་སྐད་གདངས་ལས་ཤེས་ཐུབ་ཅེས་སྨྲས་པ༌ལ།  
\v 74 ཡང་པེ་ཏྲོས་སྡིགས་དམོད་བྱེད་བཞིན་མནའ་བསྐྱལ༌ཏེ། ངས་མི་དེ་ངོ་མི་ཤེས་ཞེས་སྨྲས་མ་ཐག་བྱ་ཕོ༌གྲགས།  
\v 75 དུས༌དེར། པེ་ཏྲོས་སྐྱབས་མགོན་ཡེ་ཤུའི་གསུང༌སྟེ། བྱ་ཕོ་མ་གྲགས་པའི་སྔོན༌དུ། ཁྱོད་ཀྱིས་ཐེངས་གསུམ་ལ་ང་རང་ཁས་མི་ལེན་ཞེས་གསུངས་མྱོང་བ་དྲན༌ཏེ། ཕྱི་རོལ་ཏུ་སོང་ནས་དྲག་ཏུ་ངུས༌སོ།།   
\c 27
\cl ལེའུ་ཉེར་བདུན༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 ཡུ་དཱ་ཡིས་རང་སྲོག་བཅད༌པ།  
\p
\v 1 ནམ་ལངས༌རྗེས། མཆོད་དཔོན་ཆེན་པོ་དག་དང་ཡུལ་མི་རྒན་པོ་རྣམས་ཀྱིས་སྐྱབས་མགོན་ཡེ་ཤུ་དགྲོང་བར་གྲོས་བྱས༌ཤིང༌།  
\v 2 ཁོང་ཉིད་བཀྱིགས་ནས་ཁྲིད་དེ་སྤྱི་དཔོན་པི་ལ་ཏུ་ལ་སྤྲད༌དོ།།  
\v 3 དུས༌དེར། སྐྱབས་མགོན་ཡེ་ཤུར་ངོ་ལོག་བྱེད་མཁན་ཡུ་དཱ་ཡིས་སྐྱབས་མགོན་ཡེ་ཤུར་ཉེས་ཆད་བཅད་པ་མཐོང་ནས་འགྱོད་པ་སྐྱེས༌ཏེ། མཆོད་དཔོན་ཆེན་པོ་དག་དང་རྒན་པོ་རྣམས་ལ་དངུལ་སྲང་སུམ་ཅུ་བོ་ཕྱིར་བྱིན་ཏེ་ན༌རེ།  
\v 4 ངས་ཉེས་མེད་གཡོ་བཙོང་བྱས་པས་སྡིག་པ་བྱས་སོ་ཞེས་སྨྲས་པ༌དང༌། དེ་རྣམས་ན༌རེ། དོན་དེ་ངེད་ཅག་དང་འབྲེལ་བ་ཅི་མཆིས༌སམ། དེ་ནི་ཁྱོད་རང་གི་འགན་ཁུར་རེད་ཅེས༌སྨྲས།  
\v 5 ཡུ་དཱ་ཡིས་དངུལ་སྲང་དེ་དག་མཆོད་ཁང་ནང་དུ་འཕངས་རྗེས་ཕྱི་རོལ་ཏུ་སོང་ནས་ལྕེབས༌སོ།།  
\v 6 མཆོད་དཔོན་ཆེན་པོ་རྣམས་ཀྱིས་དངུལ་སྲང་དེ་དག་ས་ནས་བླངས༌ཤིང༌། འདི་ནི་ཁྲག་རིན་ཡིན་པས་མཆོད་ཁང་གི་དཀོར་མཛོད་དུ་འཇོག་མི་འོས་ཞེས་སྨྲས་པ༌དང༌།  
\v 7 དེ་དག་གིས་གྲོས་བྱས་ནས་དངུལ་སྲང་དེས་རྫ་མཁན་གྱི་ས་ཞིང་ཟེར་བ་ཉོས༌ཏེ། ཕྱི་མི་རྣམས་ཀྱི་དུར་ས་རུ་བྱས༌སོ།།  
\v 8 དེའི༌ཕྱིར། ད་ལྟའི་བར་དུ་ས་ཞིང་དེ་ལ་ཁྲག་གི་ས་ཞིང་ཞེས༌ཟེར།  
\v 9 དེ་ལ་ལུང་སྟོན་པ་ཡེ་རེམ་ཡཱ་ཡིས་གསུང་རབ་ཀྱི་མདོ་ལས་ཇི་སྐད༌དུ།  
\q1 དེ་རྣམས་དངུལ་སྲང་སུམ་ཅུ་བླངས་པ༌ནི།།  
\q1 དེ་སྔར་ཡེས་ར་ཨེལ་གྱི་བུ་རྒྱུད༌ཀྱིས།།  
\q1 ཁོང་གི་རིན་གོང་གཏན་ལ་ཁེལ་བ༌བཞིན།།   
\q1
\v 10 དངུལ་སྲང་དག་གིས་རྫ་མཁན་ས་ཞིང༌ཉོས།།  
\q1 དེ་སྐད་གཙོ་བོས་བདག་ལ་བཀའ་བསྩལ༌ཏོ།།  
\m ཞེས་གསུངས་པ་ལྟར་གྲུབ༌པའོ།།   
\s1 སྐྱབས་མགོན་ཡེ་ཤུ་སྤྱི་དཔོན་པི་ལ་ཏུའི་མདུན་དུ་ཁྲིད༌པ།  
\p
\v 11 སྐྱབས་མགོན་ཡེ་ཤུ་སྤྱི་དཔོན་པི་ལ་ཏུའི་མདུན་དུ་བཞེངས་པའི༌ཚེ། སྤྱི་དཔོན་ན༌རེ། ཁྱོད་ནི་ཡ་ཧུ་དཱ་པའི་རྒྱལ་པོ་ཡིན་ནམ་ཞེས་དྲིས་པ༌ན། ཁོང་གིས་འདི་སྐད༌དུ། ཁྱོད་ཀྱིས་སྨྲས་པ་བཞིན་ཡིན་ཞེས༌གསུངས།  
\v 12 མཆོད་དཔོན་ཆེན་པོ་དག་དང་རྒན་པོ་རྣམས་ཀྱིས་ཁོང་ལ་ཉེས་སྐྱོན་འཛུགས༌དུས། ཁོང་གིས་བཀའ་ལན་ཅི་ཡང་མ་གནང༌ངོ༌།།  
\v 13 ཡང་པི་ལ་ཏུ་ན༌རེ། མི་དེ་དག་གིས་དཔང་བཙུགས་ནས་ཁྱོད་རང་ཅི་ཙམ་གཏུག་པ་མི་ཐོས་སམ་ཞེས་དྲིས༌ནའང༌།  
\v 14 ཁོང་གིས་ལན་ཅི་ཡང་མ་བཏབ་ཅིང་ཚིག་གཅིག་ཀྱང་མ་གསུངས་པས་སྤྱི་དཔོན་ཡང་ཤིན་ཏུ་ཧ་ལས༌སོ།།   
\p
\v 15 སྤྱི་དཔོན་ལ་མཚོན༌ན། དུས་ཆེན་འདི་ལ་ཁེལ༌དུས། མི་སེར་གྱི་འདོད་བློ་ལྟར་ཁོ་རྣམས་ལ་བཙོན་པ་ཞིག་བཙོན་གྲོལ་གཏོང་བའི་རྒྱུན་སྲོལ༌ཡོད།  
\v 16 དུས་དེར་པཱ་རབ་པཱ་ཟེར་བའི་བཙོན་པ་མི་ངན་གྲགས་ཅན་ཞིག་ཡོད༌ཅིང༌།  
\v 17 མི་རྣམས་གནས་དེར་འཛོམས་པ༌ན། པི་ལ་ཏུ་ན༌རེ། པཱ་རབ་པཱ་དང་མཱ་ཤི་ཀ་ཟེར་བའི་ཡེ་ཤུ་གཉིས་ལས་ཁྱོད་རྣམས་ཀྱིས་སུ་ཞིག་བཙོན་གྲོལ་གཏོང་འདོད་དམ་ཞེས༌དྲིས།  
\v 18 རྒྱུ་མཚན་ནི་དེ་དག་གིས་སྐྱབས་མགོན་ཡེ་ཤུར་ཕྲག་དོག་བྱས་ཏེ་ཁོ་ལ་སྤྲད་པ་ནི་སྤྱི་དཔོན་ཀྱིས་ཤེས༌པའོ།།   
\p
\v 19 ཁོ་ནི་ཁྲིམས་དཔོན་གྱི་ཁྲི་ཐོག་ཏུ་སྡོད༌དུས། ཁོའི་ཆུང་མས་མི་ཞིག་བཏང་སྟེ་ན༌རེ། ངས་མདང་ནུབ་ཀྱི་རྨི་ལམ་དུ་སྐྱེས་བུ་དམ་པ་དེའི་དོན་དུ་སྡུག་བསྔལ་མང་པོ་མྱངས༌པས། ཁྱོད་ཀྱིས་མི་དེའི་དོན་ལ་ཐེ་གཏོགས་མི་བྱའོ་ཞེས་ངག་འཕྲིན་བསྐུར༌ཏོ།།  
\v 20 འོན་ཀྱང་མཆོད་དཔོན་ཆེན་པོ་དག་དང་རྒན་པོ་རྣམས་ཀྱིས་མི་ཚོགས་ལ་ངན་སྐུལ་བྱས་ཏེ་པཱ་རབ་པཱ་བཙོན་གྲོལ་གཏོང་བ་དང་ཡེ་ཤུ་གསོད་པར༌བསྐུལ།  
\v 21 སྤྱི་དཔོན་གྱིས་མི་ཚོགས༌ལ། ཁྱོད་ཅག་གིས་འདི་གཉིས་ལས་སུ་ཞིག་བཙོན་གྲོལ་གཏོང་འདོད་དམ་ཞེས་དྲིས་པ༌ན། དེ་རྣམས་ན༌རེ། པཱ་རབ་པཱ་ཞེས་ཞུས༌སོ།།  
\v 22 ཡང་པི་ལ་ཏུ་ན༌རེ། དེས་ན་ངས་མཱ་ཤི་ཀ་ཟེར་བའི་ཡེ་ཤུ་ལ་ཅི་བྱའམ་ཞེས་དྲིས་པ༌ན། དེ་དག་ཐམས་ཅད་ཀྱིས་ཁོ་རང་ཤིང་རྒྱ་གྲམ་གྱི་སྟེང་དུ་རྡོབས་ཤིག་ཅེས༌སྨྲས།  
\v 23 ཡང་སྤྱི་དཔོན་ན༌རེ། རྒྱུ་མཚན་ཅིའི་ཕྱིར༌རམ། ཁོས་ནག་ཉེས་ཅི་བྱས་སམ་ཞེས་སྨྲས༌ནའང༌། དེ་དག་གིས་སྔར་ལས་སྐད་གསང་མཐོན་པོས་ཁོ་རང་ཤིང་རྒྱ་གྲམ་གྱི་སྟེང་དུ་རྡོབས་ཤིག་ཅེས་འུར་བརྒྱབ༌བོ།།   
\p
\v 24 པི་ལ་ཏུས་རང་གིས་གཏམ་ཇི་ལྟར་སྨྲས་ནའང་ཕན་ཐོགས་མེད་པར་ད་དུང་ཟིང་ཆ་ལངས་བཞིན་པ་མཐོང༌སྟེ། མི་ཚོགས་ཀྱི་མདུན་ནས་ཆུ་བླངས་ཏེ་རང་གི་ལག་པ་བཀྲུས་ཤིང་ན༌རེ། སྐྱེས་བུ་འདིའི་ཁྲག་བཞུར་ \f + \ft འདི་ནི་བསད་པའི་དོན༌ཡིན།\f*ནའང་བདག་ལ་སྡིག་པ་མེད༌དེ། ཁྱོད་རྣམས་ཀྱིས་འགན་འཁུར་དགོས་ཞེས་སྨྲས་པ༌ན།  
\v 25 མི་ཐམས་ཅད༌ཀྱིས། ཁོའི་ཁྲག་བཞུར་བའི་དོན་དེ་ངེད་ཅག་དང་ངེད་ཅག་གི་བུ་རྒྱུད་རྣམས་ཀྱི་སྟེང་དུ་འབབ་པར་ཤོག་ཅེས་སྨྲས༌སོ།།  
\v 26 དེ་ནས་པི་ལ་ཏུས་པཱ་རབ་པཱ་བཙོན་གྲོལ་བཏང་ནས་ཁོ་རྣམས་ལ་སྤྲད༌ཅིང༌། སྐྱབས་མགོན་ཡེ་ཤུར་རྟ་ལྕག་གིས་གཞུས་ཏེ་ཤིང་རྒྱ་གྲམ་གྱི་སྟེང་དུ་བརྡབ་ཕྱིར་དམག་མི་རྣམས་ལ་སྤྲད༌དོ།།   
\s1 དམག་མི་རྣམས་ཀྱིས་སྐྱབས་མགོན་ཡེ་ཤུར་འཕྱ་དམོད་བྱས༌པ།  
\p
\v 27 སྤྱི་དཔོན་གྱི་དམག་མི་རྣམས་ཀྱིས་སྐྱབས་མགོན་ཡེ་ཤུ་སྤྱི་དཔོན་གྱི་ཕོ་བྲང་དུ་ཁྲིད་པ༌དང༌། དམག་དཔུང་ཐམས་ཅད་ཁོང་གི་དྲུང་དུ་བསྡུས༌ཏེ།  
\v 28 ཁོང་གི་ན་བཟའ་ཕུད་ཅིང་ལུས་ལ་ན་བཟའ་དམར་སྨུག་ཅིག༌བསྐོན།  
\v 29 ཚེར་མའི་ཅོད་པན་བསླེས་ཏེ་ཁོང་གི་དབུ་ལ༌བསྐོན། ཁོང་གི་ཕྱག་གཡས་པར་འདམ་རྩྭ་བསྣམས་སུ༌བཅུག ཁོང་གི་དྲུང་དུ་པུས་མོ་སར་བཙུགས་ཏེ་ཡ་ཧུ་དཱ་པའི་རྒྱལ་པོ་ཁྱོད་ལ་རྟེན་འབྲེལ་ཞུ་ཞེས་བརྙས་བཅོས༌བྱས།  
\v 30 ཡང་ཁོང་གི་གདོང་ལ་མཆིལ་མ་བཏབ༌ཅིང༌། ཁོང་གི་ཕྱག་ནས་འདམ་རྩྭ་བླངས་ཏེ་དབུ་ལ་བརྡེགས༌སོ།།  
\v 31 དམག་མི་དག་གིས་དེ་ལྟར་ཁོང་ལ་བརྙས་བཅོས་བྱས༌རྗེས། ན་བཟའ་དམར་སྨུག་ཕུད་ཅིང་ཁོང་ལ་རང་ཉིད་ཀྱི་ན་བཟའ་བསྐོན༌ཏེ། ཤིང་རྒྱ་གྲམ་གྱི་སྟེང་དུ་བརྡབ་ཆེད་ཕར་ཁྲིད༌དོ།།   
\s1 ཤིང་རྒྱ་གྲམ་གྱི་སྟེང་དུ་བརྡབས༌པ།  
\p
\v 32 ཁོ་རྣམས་ཕྱི་རོལ་ཏུ་སླེབས༌དུས། ཀི་རེ་ནེའི་མི་སྟེ་མིང་ལ་སི་མོན་ཟེར་བ་དང་ཕྲད་ནས། དེ་དག་གིས་ཁོ་ལ་བཙན་གྱིས་སྐྱབས་མགོན་ཡེ་ཤུའི་ཤིང་རྒྱ་གྲམ་འཁུར་དུ༌བཅུག  
\v 33 དེ་རྣམས་གོལ་གོ་ཐཱ་སྟེ་དོན་ལ་མགོ་སྐོགས་གནས་ཞེས་པའི་ས་ཆར་སླེབས་པ༌དང༌།  
\v 34 དམག་མི་རྣམས་ཀྱིས་ཁོང་ལ་མཁྲིས་ཁུ་འདྲེས་པའི་རྒུན་ཆང་དྲངས་པ༌ན། ཁོང་གིས་བྲོ་བ་མྱངས་ཙམ་ལས་མ༌བཞེས།  
\v 35 དེ་རྣམས་ཀྱིས་སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་ཤིང་ཁོང་གི་ན་བཟའ་རྒྱན་འཕངས་ཏེ་བགོ་བཤའ་བྱས༌རྗེས།  
\v 36 ཡང་ཁོང་ཉིད་བསྲུངས་ནས༌བསྡད།  
\v 37 ཁོང་གི་དབུ་ཡི་གོང་དུ་ཤིང་བྱང་ཞིག་བཀལ་ཞིང་ཁོང་ལ་བཏགས་པའི་ཉེས་སྐྱོན་ནི་འདི་ལྟར་བྲིས་ཡོད༌དེ། འདི་ནི་ཡ་ཧུ་དཱ་པའི་རྒྱལ་པོ་ཡེ་ཤུ་ཡིན་ཞེས་པ༌དེའོ།།  
\v 38 དུས༌དེར། ཁོང་དང་ལྷན་ཅིག་ཇག་པ་གཉིས་ཀྱང་ཁོང་གི་གཡས་གཡོན་དུ་ཤིང་རྒྱ་གྲམ་སྟེང་དུ་བརྡབས༌ཡོད།  
\v 39 གནས་དེར་བརྒྱུད་ནས་འགྲོ་བ་རྣམས་ཀྱིས་ཁོང་ལ་འཕྱ་སྨོད་བྱས་ཤིང་མགོ་བོ་གཡུག་བཞིན་ན༌རེ།  
\v 40 ཀྱེ། མཆོད་ཁང་བཤིག་ནས་ཉིན་གསུམ་གྱི་ནང་དུ་སླར་རྩིག་མཁན་ཁྱོད་ཀྱིས་རང་ཉིད་སྐྱོབས༌དང༌། ཁྱོད་ནི་དཀོན་མཆོག་གི་སྲས་ཡིན་ན་ཤིང་རྒྱ་གྲམ་སྟེང་ནས་མར་བོབས་ཤིག་ཅེས༌སྨྲས།  
\v 41 དེ་བཞིན་དུ་མཆོད་དཔོན་ཆེན་པོ་དག༌དང༌། མཁན་པོ་དང་རྒན་པོ་རྣམས་ཀྱིས་ཀྱང་ཁོང་ལ་འཕྱ་སྨོད་བྱེད་བཞིན་ན༌རེ།  
\v 42 ཁོས་གཞན་རྣམས་བསྐྱབས་མྱོང་ནའང་རང་ཉིད་སྐྱོབ་མི༌ནུས། ཁོ་ནི་ཡེས་ར་ཨེལ་གྱི་རྒྱལ་པོ་ཡིན༌པས། ད་ལྟ་ཤིང་རྒྱ་གྲམ་སྟེང་ནས་མར་བབས་ཆོག༌ལ། དེས་ན་ངེད་ཅག་གིས་ཀྱང་ཁོ་ལ་དད་པ་བྱེད༌སྲིད།  
\v 43 ཁོས་དཀོན་མཆོག་ལ་བློ་གཏོད་ཅིང་ང་ནི་དཀོན་མཆོག་གི་སྲས་ཡིན་ཟེར༌བས། དཀོན་མཆོག་ཁོ་ལ་དགའ༌ན། ད་ལྟ་ཁོ་རང་བསྐྱབ་ངེས་ཡིན་ཞེས་སྨྲས་པ༌དང༌།  
\v 44 ཁོང་དང་མཉམ་དུ་བརྡབས་པའི་ཇག་པ་གཉིས་ཀྱིས་ཀྱང་དེ་ལྟར་ཁོང་ལ་འཕྱ་སྨོད་བྱས༌སོ།།   
\s1 སྐྱབས་མགོན་ཡེ་ཤུ་སྐུ་གྲོངས༌པ།  
\p
\v 45 ཉིན་གུང་ནས་ཕྱི་དྲོའི་ཆུ་ཚོད་གསུམ་\f + \ft འདིར་བཤད་པའི་ཉིན་གུང་ནས་ཕྱི་དྲོའི་ཆུ་ཚོད་གསུམ་ཞེས་པ་ནི་ཡ་ཧུ་དཱའི་མི་རིགས་ཀྱི་བརྩི་སྲོལ༌ཏེ། མ་ཕྱི་ལས་ཆུ་ཚོད་དྲུག་དང་ཆུ་ཚོད་དགུ་ཞེས༌འབྱུང༌། ད་ལྟའི་བརྩི་སྲོལ་ལྟར་ན་ཉིན་གུང་གི་ཆུ་ཚོད་བཅུ་གཉིས་དང་ཕྱི་དྲོའི་ཆུ་ཚོད་གསུམ་བར་ཡིན་པས་དོན་སྒྱུར་བྱས་པ༌ཡིན། \f*བར༌དུ། ཡུལ་ཡོངས་ལ་མུན་ནག་འཐིབས༌ཤིང༌།  
\v 46 ཕྱི་དྲོའི་ཆུ་ཚོད་གསུམ་ཙམ་ལ་སྐྱབས་མགོན་ཡེ་ཤུས་གསུང་སྐད་ཆེན༌པོས། ཨེ༌ལེ། ཨེ༌ལེ། ལཱ་མཱ་སཱ་པཱག་ཐཱ་ནེ་ཞེས་གསུངས༌ཤིང༌། དོན་ནི་འདི་ལྟ༌སྟེ། ཀྱེ། བདག་གི་དཀོན་མཆོག༌ལགས། བདག་གི་དཀོན་མཆོག༌ལགས། ཁྱེད་ཀྱིས་ང་རང་རྒྱབ་ཏུ་བསྐྱུར་དོན་ཅི་ཞེས༌པའོ།།  
\v 47 གནས་དེར་ཡོད་པའི་མི་འགའ་ཞིག་གིས་གསུང་དེ་ཐོས༌རྗེས། མི་འདིས་ཨེ་ལི་ཡཱ་འབོད་ཀྱིན་འདུག་ཅེས་སྨྲས་མ༌ཐག  
\v 48 དེ་དག་གི་ཁྲོད་ནས་མི་ཞིག་བརྒྱུགས་སོང་ནས་འགྱིག་སོབ་ཅིག་རྒུན་ཆང་སྐྱུར་མོར་སྦངས༌ཏེ། འདམ་རྩྭའི་རྩེར་བཀལ་ནས་ཁོང་ལ་འདྲེན་པའི་དུས༌སུ།  
\v 49 གཞན་རྣམས་ན༌རེ། ཅུང་ཙམ་སྒུག༌དང༌། ཨེ་ལི་ཡཱ་ཁོ་རང་སྐྱོབ་ཏུ་ཡོང་མིན་ལ་བལྟ་བར་བྱའོ་ཞེས་སྨྲས༌སོ།།  
\v 50 སྐྱབས་མགོན་ཡེ་ཤུས་སླར་ཡང་སྐད་གསང་མཐོན་པོས་འབོད་སྒྲ་ཞིག་བསྒྲགས་པ་དང་སྐུ་སྲོག་ཕུལ༌ཏོ།།  
\v 51 གློ་བུར་ཉིད་ལ་མཆོད་ཁང་གི་ཡོལ་བ་དེ་ཡང་གོང་ནས་འོག་ཏུ་དུམ་བུ་གཉིས་སུ་རལ་བ༌དང༌། ས་འགུལ་བྱུང་ནས་རྡོ་ཕ་བོང་དག་ཀྱང་གས༌ཤིང༌།  
\v 52 དུར་ཁུང་ཕྱེས་ཏེ་སྔར་གཤེགས་ཟིན་པའི་དད་ལྡན་དམ་པའི་བེམ་པོ་མང་པོའང་སླར་གསོན་པ༌ཡིན།  
\v 53 སྐྱབས་མགོན་ཡེ་ཤུ་སླར་གསོན༌རྗེས། ཁོ་རྣམས་ཀྱང་དུར་ཁུང་ནས་ཕྱིར་ཡོང་སྟེ་དམ་པའི་གྲོང་ཁྱེར་དུ་ཕྱིན་པ་དང་མི་མང་པོར་མངོན་པར༌མཛད།  
\v 54 སྐྱབས་མགོན་ཡེ་ཤུ་སྲུང་བའི་བརྒྱ་དཔོན་དང་བཅས་པས་ས་འགུལ་བྱུང་བ་ལ་སོགས་པའི་དོན་རྣམས་མཐོང་ནས་ཤིན་ཏུ་འཇིགས༌ཏེ། སྐྱེས་བུ་འདི་ནི་དཀོན་མཆོག་གི་སྲས་ཡིན་པ་བདེན་འདུག་ཅེས་སྨྲས༌སོ།།  
\v 55 ག་ལིལ་ཡུལ་ནས་སྐྱབས་མགོན་ཡེ་ཤུའི་རྗེས་འབྲངས་ཏེ་ཁོང་ལ་ཞབས་ཕྱི་བསྒྲུབས་མྱོང་བའི་བུད་མེད་མང་པོ་ཡང་གནས་དེར་ཡོད་ཅིང་རྒྱང་རིང་ནས་དོན་དེར༌བལྟས།  
\v 56 བུད་མེད་དེ་དག་གི་ཁྲོད་དུ་མཱག་རྡལ་གྱི་མིར་ཡམ༌དང༌། ཡ་ཀོབ་དང་ཡོ་སེབ་གཉིས་ཀྱི་མ་མིར༌ཡམ། གཞན་ཡང་ཟེ་བད་ཡའི་བུ་གཉིས་ཀྱི་མ་བཅས་ཀྱང་གནས་དེར་ཡོད༌དོ།།   
\s1 སྐྱབས་མགོན་ཡེ་ཤུའི་སྐུ་གདུང་དུར་ལ་སྦས༌པ།  
\p
\v 57 མཚན་མོར་སླེབས༌ཤིང༌། ཨ་རི་མ་ཐཱ་ཡི་ཡོ་སེབ་ཟེར་བའི་ཕྱུག་བདག་དེ་གནས་དེར་སླེབས་ཤིང་ཁོ་རང་ཡང་སྐྱབས་མགོན་ཡེ་ཤུའི་རྗེས་འབྲང་པ་ཞིག་ཡིན༌པས།  
\v 58 པི་ལ་ཏུའི་གམ་དུ་སོང་ནས་སྐྱབས་མགོན་ཡེ་ཤུའི་སྐུ་གདུང་གནང་བར་ཞུ་བ་ཞུས་པ༌ན། པི་ལ་ཏུས་ཁོ་ལ་གནང་བའི་བཀའ་བསྩལ༌པའོ།།  
\v 59 ཡོ་སེབ་ཀྱིས་སྐྱབས་མགོན་ཡེ་ཤུའི་སྐུ་གདུང་བླངས་ཏེ་སོ་རས་གཙང་མས་དཀྲིས༌རྗེས།  
\v 60 སྔ་མོ་ནས་རང་ལ་དུར་ཁུང་གསར་པ་ཞིག་བརྐོས་ཡོད་པ་དེར་སྐྱབས་མགོན་ཡེ་ཤུའི་སྐུ་གདུང་སྦས༌ཤིང༌། རྡོ་ཕ་བོང་ཞིག་བསྒྲིལ་འོངས་ནས་དུར་ཁུང་གི་སྒོ་བཅད་ནས་ཕྱིར་སོང༌ངོ༌།།  
\v 61 དུས༌དེར། མཱག་རྡལ་གྱི་མིར་ཡམ༌དང༌། གཞན་ཡང་མིང་ལ་མིར་ཡམ་ཟེར་བའི་བུད་མེད་དེ་གཉིས་ཀྱང་དུར་ཁུང་གི་ཁ་གཏད་དུ་བསྡད་ཡོད༌དོ།།   
\s1 དམག་མིས་དུར་ཁུང་སྲུང་བའི༌སྐོར།  
\p
\v 62 དེའི་ཕྱི་ཉིན༌ཏེ། སྟ་གོན་ཉིན་ཞེས་པའི་ཕྱི་ཉིན༌ལ། མཆོད་དཔོན་ཆེན་པོ་དག་དང་ཕ་རུ་ཤི་པ་རྣམས་པི་ལ་ཏུའི་མདུན་དུ་འཛོམས་ཏེ་ན༌རེ།  
\v 63 སྐུ་ངོ༌ལགས། བསླུ་བྲིད་པ་དེས་གསོན་པའི་དུས་སུ་འདི་སྐད༌དུ། ཉིན་གསུམ་གྱི་རྗེས་སུ་ང་རང་སླར་གསོན་ངེས་ཡིན་ཞེས་སྨྲས་པ་ངེད་ཅག་གིས་དྲན༌པས།  
\v 64 ཁྱེད་ཀྱིས་ཉིན་གསུམ་པའི་བར་དུ་དུར་ཁུང་ལེགས་པོར་བསྲུང་བའི་བཀའ་གནང་བར༌མཛོད། དེ་ལྟར་མ་བསྲུངས༌ན། ཁོའི་རྗེས་འབྲང་པ་རྣམས་ཀྱིས་བེམ་པོ་བརྐུས་ཏེ་ཡུལ་མི་རྣམས་ལ་ཡེ་ཤུ་སླར་གསོན་ནོ་ཞེས་སྨྲ་བར་འགྱུར༌བས། ཕྱིས་སུ་འབྱུང་བའི་བསླུ་བྲིད་ནི་སྔ་མ་ལས་ཀྱང་ཚབས་ཆེན་དུ་འགྱུར་ཉེན་ཡོད་ཅེས་ཞུས་པ༌ན།  
\v 65 པི་ལ་ཏུ་ན༌རེ། ཁྱོད་ཅག་ལ་སྲུང་དམག་ཡོད༌པས། ཕར་སོང་ནས་དུར་ཁུང་ལེགས་པོར་སྲུངས་ཤིག་ཅེས་བཀའ་བསྒོས༌ཤིང༌།  
\v 66 དེ་དག་གིས་སྲུང་དམག་ཁྲིད་ནས་སོང༌སྟེ། ཕ་བོང་ལ་རྟགས་ཐམ་བརྒྱབ་ནས་དུར་ཁུང་ལེགས་པོར་སྲུང་དུ་བཅུག༌གོ།   
\c 28
\cl ལེའུ་ཉེར་བརྒྱད༌པ། 
\toc1 ༄༅།།མད་ཐཱའི་འཕྲིན༌བཟང༌། 
\toc2 མད༌ཐཱ། 
\s1 སྐྱབས་མགོན་ཡེ་ཤུ་སྐུ་གྲོངས་ནས་སླར་གསོན༌པ།  
\p
\v 1 ངལ་གསོ་བའི་ཉིན་རྫོགས༌རྗེས། གཟའ་འཁོར་གཅིག་གི་ཉིན་དང་པོར་ \f + \ft གཟའ་འཁོར་གཅིག་གི་ཉིན་དང་པོ་ཞེས་པ་ནི་གནའ་བོའི་ཡ་ཧུ་དཱའི་མི་རིགས་ཀྱི་གོམས་སྲོལ་ཡིན༌ལ། གཟའ་འཁོར་གཅིག་ལ་ཉིན་བདུན་ཡོད་པ་ལས་ཉིན་དང་པོ་ནི་དེང་སང་ལྟར་ན་གཟའ་ཉི་མའི་ཉིན༌ཡིན། \f*ནམ་ལངས་པའི་དུས༌སུ། མཱག་རྡལ་གྱི་མིར་ཡམ་དང་གཞན་ཡང་མིང་ལ་མིར་ཡམ་ཟེར་བའི་བུད་མེད་དེ་གཉིས་དུར་ཁུང་ལ་བལྟ་རུ་ཡོང༌ངོ༌།།  
\v 2 གློ་བུར་ཉིད་དུ་ས་འགུལ་ཆེན་པོ༌བྱུང༌། དེ་ནི་གཙོ་བོའི་ཕོ་ཉ་ཞིག་ནམ་མཁའི་ཞིང་ཁམས་ནས་ཕེབས༌ཏེ། ཕོ་ཉས་རྡོ་ཕ་བོང་ཕར་བསྒྲིལ་ཞིང་དེའི་སྟེང་དུ་བཞུགས་པའི་ཕྱིར༌རོ།།  
\v 3 ཁོང་གི་གཟུགས་བརྙན་ནི་གློག་དམར་འཁྱུག་པ་དང་འདྲ༌ཞིང༌། ན་བཟའ་ནི་ཁ་བ་ལྟར་དཀར་བ༌ཡིན།  
\v 4 དུར་ཁུང་སྲུང་མཁན་གྱི་དམག་མི་རྣམས་ཁོང་ལ་ཤིན་ཏུ་འཇིགས་ཏེ་ལུས་ཡོངས་འདར་ཞིང་བེམ་པོ་ལྟར་གྱུར༌ཏོ།།   
\p
\v 5 ཕོ་ཉས་བུད་མེད་དེ་གཉིས་ལ་འདི་སྐད༌དུ། འཇིགས་མི་དགོས༌ཏེ། ཁྱོད་གཉིས་ཤིང་རྒྱ་གྲམ་གྱི་སྟེང་དུ་བརྡབས་པའི་སྐྱབས་མགོན་ཡེ་ཤུ་འཚོལ་དུ་འོངས་པ་བདག་གིས་ཤེས་པ༌ཡིན།  
\v 6 ཁྱོད་གཉིས་ཀྱིས་སྐྱབས་མགོན་ཡེ་ཤུའི་སྐུ་གདུང་འཇོག་སར་ལྟོས༌དང༌། ད་ལྟ་ཁོང་གནས་འདིར་མི་བཞུགས་པར་དེ་སྔར་ཁོང་གིས་གསུངས་པ་བཞིན་སླར་གསོན་པ༌ཡིན།  
\v 7 ཁྱོད་གཉིས་མྱུར་དུ་སོང་ནས་ཁོང་གི་ཐུགས་སྲས་རྣམས༌ལ། སྐྱབས་མགོན་ཡེ་ཤུ་གྲོངས་པ་ནས་སླར་གསོན༌ནོ། །ཁོང་ནི་ཁྱོད་ཅག་གི་སྔོན་ལ་ག་ལིལ་ཡུལ་དུ་བྱོན་ཏེ་གནས་དེ་རུ་ཁྱོད་ཅག་ཁོང་དང་མཇལ་ངེས་ཡིན་ཞེས་སྨྲོས༌ཤིག ལྟོས༌དང༌། ངས་ཁྱོད་གཉིས་ལ་སྨྲས་ཟིན་ཞེས་གསུངས༌སོ།།   
\p
\v 8 བུད་མེད་དེ་གཉིས་མྱུར་དུ་དུར་ཁུང་དང་ཁ་བྲལ་ཞིང་འཇིགས་སྐྲག་དང་དགའ་མགུའི་ངང་སྐྱབས་མགོན་ཡེ་ཤུའི་ཐུགས་སྲས་རྣམས་ལ་དོན་འདི་སྨྲ་བའི་ཕྱིར་བརྒྱུགས༌སོ།།  
\v 9 གློ་བུར་ཉིད་ལ་སྐྱབས་མགོན་ཡེ་ཤུ་ཁོ་མོ་གཉིས་ཀར་ཕྲད་དེ་འདི་སྐད༌དུ། ཁྱོད་གཉིས་བདེ་བར་སྨོན་ཞེས་གསུངས་པ༌དང༌། ཁོ་མོ་གཉིས་ཚུར་ཡོང་ནས་ཁོང་གི་ཞབས་ལ་འཇུས་ཏེ་ཕྱག༌བཙལ།  
\v 10 ཡང་སྐྱབས་མགོན་ཡེ་ཤུས་འདི་སྐད༌དུ། འཇིགས་མི་དགོས༌ཏེ། ཁྱོད་གཉིས་ཀྱིས་བདག་གི་སྤུན་ཟླ་རྣམས་ལ་ག་ལིལ་ཡུལ་དུ་སོང༌དང༌། གནས་དེ་རུ་ཁྱོད་ཅག་གིས་ང་རང་མཐོང་བར་འགྱུར་ཞེས་སྨྲོས་ཤིག་ཅེས་གསུངས༌སོ།།   
\s1 དམག་མིའི་རྫུན་གཏམ༌སྐོར།  
\p
\v 11 བུད་མེད་དེ་གཉིས་ལམ་ལ་ཆས༌སྐབས། དུར་ཁུང་གི་སྲུང་དམག་རྣམས་ལས་འགའ་ཞིག་ཡེ་རུ་སཱ་ལེམ་དུ་སོང༌སྟེ། དོན་ཅི་བྱུང་བ་ཐམས་ཅད་མཆོད་དཔོན་ཆེན་པོ་དག་ལ་སྨྲས༌སོ།།  
\v 12 མཆོད་དཔོན་ཆེན་པོ་དག་དང་རྒན་པོ་རྣམས་མཉམ་དུ་འཛོམས་ནས་གྲོས་བྱས་པ༌དང༌། དམག་མི་དེ་རྣམས་ལ་དངུལ་སྒོར་མང་པོ་བྱིན་ཏེ་ན༌རེ།  
\v 13 ཁྱོད་ཅག་གིས་མི་གཞན་རྣམས༌ལ། ངེད་ཅག་མཚན་མོར་གཉིད་ལ་ཡུར་བའི༌ཚེ། ཡེ་ཤུའི་རྗེས་འབྲང་པ་རྣམས་ཡོང་ནས་བེམ་པོ་བརྐུས་ཏེ་ཁྱེར་ཏོ་ཞེས་སྨྲོས༌ཤིག  
\v 14 གལ་ཏེ་སྤྱི་དཔོན་གྱིས་དོན་འདི་ཤེས་པར་གྱུར༌ན། ངེད་ཅག་གིས་ཁོང་ལ་ཞུ་བ་ཞུས་ནས་ཁྱོད་ཅག་ལ་ཉེས་སྐྱོན་མི་འབྱུང་བར་ཁག་ཐེག་བྱེད་ངེས་ཡིན་ཞེས་སྨྲས༌སོ།།  
\v 15 དམག་མི་དེ་དག་གིས་ཀྱང་ལྐོག་རྔན་བླངས་ཏེ་མཆོད་དཔོན་རྣམས་ཀྱིས་སྨྲས་པ་ལྟར་བྱས༌ཤིང༌། གཏམ་འདི་ནི་ད་ལྟའི་བར་དུ་ཡ་ཧུ་དཱའི་མི་རིགས་ཀྱི་ངག་རྒྱུན་དུ་གྲགས༌སོ།།   
\s1 འཕྲིན་བཟང་སྒྲོག་པའི་བཀའ་བསྩལ༌པ།  
\p
\v 16 ཐུགས་སྲས་བཅུ་གཅིག་པོ་སྐྱབས་མགོན་ཡེ་ཤུའི་བཀའ་བཞིན་དུ་ག་ལིལ་ཡུལ་གྱི་རི་མགོར་ཆས་པ༌དང༌།  
\v 17 ཁོ་རྣམས་ཀྱིས་སྐྱབས་མགོན་ཡེ་ཤུ་མཐོང་བ་དང་ཕྱག་བཙལ་ཏོ། །འོན་ཀྱང་ཐུགས་སྲས་ལ་ལ་ད་དུང་དོན་འདིར་ཐེ་ཚོམ་སྐྱེས༌སོ།།  
\v 18 སྐྱབས་མགོན་ཡེ་ཤུ་ཚུར་ཕེབས་ཏེ་ཐུགས་སྲས་རྣམས་ལ་འདི་སྐད༌དུ། གནམ་ས་གཉིས་ཀྱི་དབང་ཐམས་ཅད་བདག་ལ་གནང་ཡོད༌པས།  
\v 19 ཁྱོད་རྣམས་སོང་ནས་མི་རིགས་ཐམས་ཅད་བདག་གི་རྗེས་སུ་འབྲང་དུ་འཇུག་པར༌གྱིས། ཡབ༌དང༌། སྲས༌དང༌། དམ་པའི་ཐུགས་ཉིད་བཅས་ཀྱི་མཚན་ལ་བརྟེན་ནས་ཁོ་རྣམས་ལ་ཁྲུས་གསོལ་བྱོས༌ཤིག  
\v 20 ངས་ཁྱོད་ཅག་ལ་གནང་བའི་བཀའ་ཐམས་ཅད་ཁོ་རྣམས་ལ་ཁྲིད་སྟོན་བྱོས་ལ་བསྲུང་དུ༌བཅུག ལྟོས༌དང༌། ང་ནི་རྟག་ཏུ་བསྐལ་པའི་མཐའ་མའི་བར་དུའང་ཁྱོད་ཅག་དང་མཉམ་དུ་གནས་ཞེས་གསུངས༌སོ།། །།