\id LUK - NTB བོད་འགྱུར་གསར་མ། 
\h ལོ་ཀུ 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\mt1 ༄༅། །ལོ་ཀུའི་འཕྲིན་བཟང་།  
\imt1 ལོ་ཀུའི་འཕྲིན་བཟང་གི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi ལོ་ཀུའི་འཕྲིན་བཟང་འདི་ལ་ཡི་གེར་བཀོད་ཡོད་པ་རྣམས་ལས་ཆེས་ལེགས་པའི་གཞུང་ཞེས་འབོད་ཅིང་། ལོ་ཀུས་གྷི་རིག་གི་རིག་གནས་ནས་ཡི་གེར་བཀོད་པའི་ཉམས་ལ་བལྟས་ན་ཁོང་ནི་ཡོན་ཏན་པ་ཆེན་པོ་ཞིག་ཡིན་པ་མཚོན་ཐུབ། ཁོང་གིས་དམིགས་བསལ་དུ་ཕྱི་ཕྱོགས་པ་རྣམས་སེམས་སུ་བཅངས་ནས་གཞུང་འདི་ཉིད་ཡི་གེར་བཀོད་པ་དང་། ཡ་ཧུ་དཱ་པའི་ལུགས་སྲོལ་ལ་འགྲེལ་བསྐྱོན་པ་དང་། སྐྱབས་མགོན་ཡེ་ཤུའི་གདུང་རྒྱུད་ནི་མིའི་ཐོག་མ་ཨ་དམ་ཞེས་བྱ་བའི་བར་དུ་གཏུགས་ནས་ཡི་གེར་བཀོད།  
\is1 ཡི་གེར་འགོད་མཁན་དང་འགོད་དུས།  
\ipi གཞུང་དངོས་སུ་ཡི་གེར་འགོད་མཁན་སུ་ཡིན་པ་གསལ་པོར་བྲིས་མེད་ཀྱང་། འཛོལ་བ་མེད་པའི་རྒྱུ་མཚན་མང་པོ་ཞིག་གིས་ཡི་གེར་འགོད་མཁན་ནི་ལོ་ཀུ་ཡིན་པ་བསྟན་ཡོད་པ་རེད། ལོ་ཀུའི་འཕྲིན་བཟང་འདི་སྐུ་ཚབ་པ་རྣམས་ཀྱི་མཛད་འཕྲིན་དང་འབྲེལ་བ་ཟབ་མོ་ཡོད་པ་དང་། གཞུང་འདི་གཉིས་ཀྱི་ཐ་སྙད་བཀོལ་སྟངས་དང་གྲུབ་ཚུལ་ལ་བལྟས་ན། གཞུང་དེ་གཉིས་ཀ་ཡི་གེར་འགོད་མཁན་ནི་མི་གཅིག་ཡིན་པ་གསལ་པོར་རྟོགས་ཐུབ། ལོ་ཀུ་ནི་ཧ་ལམ་ཕྱི་ཕྱོགས་ནས་སྐྱེས་པ་ཞིག་ཡིན་ལ། ཁོང་ནི་གྷི་རིག་གི་རིག་གནས་ལ་མཁས་པའི་ཡོན་ཏན་པ་ཞིག་ཡིན་པར་མ་ཟད། ད་དུང་སྨན་པའི་ལས་ཀ་གཉེར་མྱོང་མཁན་དང་། ཕོལ་ལོལ་གྱི་དུས་སྔ་མའི་ཆོས་གྲོགས་བཅས་ཀྱང་ཡིན། གཞུང་འདི་ཉིད་ཧ་ལམ་སྤྱི་ལོ་59ནས་63གྱི་བར་དུ་གྲུབ་པ་རེད།  
\is1 བརྗོད་སྙིང་དང་གསུང་འཕྲིན།  
\ipi གཞུང་འདིའི་འགོ་བརྩམས་མ་ཐག་ལོ་ཀུས་བདག་ཅག་ལ་སྐྱབས་མགོན་ཡེ་ཤུའི་རྣམ་ཐར་ཆ་ཚང་ཞིག་བརྗོད་པའི་ཕྱིར་འཕྲིན་བཟང་འདི་ཡི་གེར་བཀོད་པ་ཡིན་པར་གསུངས། འཕྲིན་བཟང་གཞན་དག་དང་བསྡུར་ན། ཁོང་གིས་སྐྱབས་མགོན་ཡེ་ཤུའི་རྣམ་ཐར་ཆ་ཚང་ཞིང་གོ་རིམ་ལྡན་པ་ཞིག་ཡི་གེར་བཀོད་ཡོད་པ་དང་། ལོ་ཀུས་གཞུང་འདི་ཡི་གེར་བཀོད་པའི་རེ་འདུན་གཅིག་ནི་སྐྱབས་མགོན་ཡེ་ཤུ་མི་ཐམས་ཅད་ལ་ཐུགས་དགྱེས་ཚུལ་བསྟན་ཡོད་པ་དེ་ཡིན། སྐྱབས་མགོན་ཡེ་ཤུས་མི་ཉམས་ཆུང་དང་བཙན་གནོན་ཐེབས་མཁན་སུ་ཡིན་ཡང་ཐུགས་ཁུར་གནང་ཡོད་དེ། ལོ་ཀུས་དམིགས་བསལ་དུ་སྐྱབས་མགོན་ཡེ་ཤུས་གསུངས་པའི་དཔེ་རྣམས་དྲངས་ནས་ཡང་ནས་ཡང་དུ་བརྗོད་ཡོད། སྐྱབས་མགོན་ཡེ་ཤུ་འཇིག་རྟེན་འདིར་ཕེབས་པས་སྡིག་ཅན་གྱི་འཇིག་རྟེན་ཡོངས་ལ་དགའ་སྤྲོ་དང་རེ་བ། ཐར་པ་བཅས་གནང་བ་བཞིན། དགའ་སྤྲོ་ཅན་གྱི་བརྗོད་བྱ་དེ་གཞུང་ཧྲིལ་པོ་ནས་ཉམས་སུ་མྱོང་ཐུབ།  
\is1 འཆར་ཟིན།  
\ipi 1. གླེང་གཞི། ༼1:1-4༽  
\ipi 2. སྐྱབས་མགོན་ཡེ་ཤུ་འཇིག་རྟེན་དུ་ཕེབས་པའི་སྐོར། ༼1:5-2:52༽  
\ipi 3. སྐྱབས་མགོན་ཡེ་ཤུའི་ཕེབས་ལམ་ལ་སྟ་གོན་མཛད༌པའི་སྐོར། ༼3:1-4:13༽  
\ipi 4. སྐྱབས་མགོན་ཡེ་ཤུས་ག་ལིལ་ཡུལ་ནས་ཆོས་བསྒྲགས་པའི་སྐོར། ༼4:14-9:9༽  
\ipi 5. སྐྱབས་མགོན་ཡེ་ཤུ་ག་ལིལ་ཡུལ་དང་ཁ་བྲལ་བའི་དུས། ༼9:10-50༽  
\ipi 6. སྐྱབས་མགོན་ཡེ་ཤུས་ཡ་ཧུ་དཱ་ཡུལ་ནས་ཆོས་བསྒྲགས་པ། ༼9:51-13:21༽  
\ipi 7. སྐྱབས་མགོན་ཡེ་ཤུས་ཡོར་དན་གཙང་པོའི་ཕར་ཕྱོགས་སུ་ཆོས་བསྒྲགས་པ། ༼13:22-19:27༽  
\ipi 8. སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་པ་དང་འཆི་བ་ལས་རྒྱལ་བ། ༼19:28-24:53༽  
\c 1
\cl ལེའུ་དང༌པོ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 གླེང་གཞི།  
\p
\v 1-2 གུས་པར་འོས་པའི་ཇོ་བོ་ཐེ་འོ་ཕེ་ལུ༌ལགས། དེ་ཡང་དཀོན་མཆོག་གི་བཀའ་ཡི་ཞབས་ཏོག་པ་རྣམས་ཀྱིས་ཐོག་མ་ནས་མིག་གིས་མཐོང་ཞིང་བདག་ཅག་ལ་གང་ཞིག་གསུངས་པ་བཞིན༌དུ། མི་མང་པོ་ཞིག་གིས་བདག་ཅག་གི་ཁྲོད་དུ་གྲུབ་པའི་དོན་རྣམས་ཡི་གེར་འགོད་འགོ་བརྩམས༌པས།  
\v 3 ངས་ཀྱང་ཐོག་མ་ནས་དོན་དེ་ཐམས་ཅད་ལ་བརྟག་ཅིང་དཔྱད༌དེ། ཁྱེད་ལ་གོ་རིམ་བཞིན་དུ་ཡི་གེར་འགོད་པར་ཐག་གིས༌བཅད་དོ།།  
\v 4 ཅིའི་ཕྱིར་ཞེ༌ན། དེ་སྔར་ཁྱེད་ལ་བསྟན་པའི་བཀའ་རྣམས་ནི་བདེན་པ་དངོས་ཡིན་པ་རྟོགས་སུ་འཇུག་པའི་ཕྱིར༌རོ།།   
\s1 ཁྲུས་གསོལ་མཁན་ཡོ་ཧ་ནན་སྐུ་འཁྲུང་བའི་ལུང༌བསྟན།  
\p
\v 5 ཧེ་རོ་དཱ་ཞེས་བྱ་བ་ཡ་ཧུ་དཱའི་ཡུལ་གྱི་རྒྱལ་པོ་ཡིན་པའི་དུས༌སུ། ཨ་བི་ཡཱའི་སྡེ་ཚན་དུ་ཟཱ་ཀར་ཡ་ཞེས་པའི་མཆོད་དཔོན་ཞིག་ཡོད༌དེ། དེའི་ཆུང་མ་ནི་ཨ་རོན་གྱི་བུ་རྒྱུད་ཡིན་ཞིང་མིང་ལ་ཨེ་ལི་སཱ་བེད་ཟེར།  
\v 6 དེ་གཉིས་ནི་དཀོན་མཆོག་གི་དྲུང་དུ་མི་གཞུང་དྲང་གཉིས་ཡིན༌ཏེ། གཙོ་བོའི་བཀའ་དང་ཁྲིམས་ཐམས་ཅད་འཕྱུགས་མེད་དུ་བསྲུངས་པ་ཡིན།  
\v 7 འོན་ཀྱང་ཨེ་ལི་སཱ་བེད་ནི་ཕྲུ་གུ་སྐྱེ་མི་ནུས་པས་ཁོ་གཉིས་ལ་བུ་ཕྲུག་མེད་པར་རྒས༌སོ།།   
\p
\v 8 ནམ་ཞིག་གི་དུས༌ལ། ཟཱ་ཀར་ཡས་རང་གི་སྡེ་ཚན་གྱི་གོ་རིམ་བཞིན་དཀོན་མཆོག་གི་དྲུང་ནས་མཆོད་དཔོན་གྱི་འོས་འགན་སྒྲུབ་པའི་སྐབས་སུ།  
\v 9 མཆོད་དཔོན་གྱི་ལུགས་སྲོལ་ལྟར་རྒྱན་བླངས་ཤིང་སྤོས་སྒྲོན་པའི་བྱ་བའང་ཁོ་ལ་བབས༌པས། ཁོ་རང་གཙོ་བོའི་མཆོད་ཁང་དུ་སོང་ངོ༌།།  
\v 10 ཁོས་སྤོས་སྒྲོན་པའི་སྐབས༌སུ། མི་ཚོགས་ཐམས་ཅད་ཀྱིས་མཆོད་ཁང་གི་ཕྱི་ནས་གསོལ་བ་བཏབ་ཅིང་བསྡད།  
\v 11 གཙོ་བོའི་ཕོ་ཉ༌ཞིག་སྤོས་ཁྲིའི་གཡས་ཕྱོགས་སུ་ཀྲོང་ངེར་བྱུང་སྟེ་ཁོའི་མིག་ལ་མངོན༌ཞིང༌།  
\v 12 ཟཱ་ཀར་ཡས་ཕོ་ཉ་དེ་མཐོང་ནས་སེམས་འཚབས་ཏེ་འཇིགས་ཤིང་སྐྲག་པར་གྱུར་ཏོ།།  
\v 13 འོན་ཀྱང་། ཕོ་ཉས་ཁོ་ལ་འདི་སྐད༌དུ། ཟཱ་ཀར༌ཡཱ། ཁྱོད་རང་སྐྲག་མི་དགོས༌ཏེ། ཁྱོད་ཀྱི་སྨོན་ལམ་ནི་དཀོན་མཆོག་གིས་གསན་བྱུང༌བས། ཁྱོད་ཀྱི་ཆུང་མ་ཨེ་ལི་སཱ་བེད་ལ་བུ་ཞིག་སྐྱེ་བར༌འགྱུར། ཁྱོད་ཀྱིས་བུའི་མིང་ལ་ཡོ་ཧ་ནན་ཞེས་ཐོགས༌ཤིག  
\v 14 ཁྱོད་གཉིས་ལ་བུ་སྐྱེས་པས་དགའ་སྤྲོ་འབྱུང་ཞིང་མི་མང་པོའང་དགའ་བར་འགྱུར༌ཏེ།  
\v 15 ཁོ་རང་གཙོ་བོའི་དྲུང་ནས་མི་ཆེན་པོར་འགྱུར༌ཞིང༌། རྒུན་ཆང་དང་ཨ་རག་ནམ་ཡང་མི་འཐུང༌ལ། མའི་མངལ་དུ་ཡོད་པ་ནས་བཟུང་དམ་པའི་ཐུགས་ཉིད་ཀྱིས་ཁྱབ་པར་འགྱུར་རོ།།  
\v 16 ཡང་ཁོས་ཡེས་ར་ཨེལ་གྱི་བུ་རྒྱུད་མང་པོ་ཞིག་གཙོ་བོ་སྟེ་ཁོ་རྣམས་ཀྱི་དཀོན་མཆོག་གི་ཕྱོགས་སུ་ཕྱིར་འགུག་པར་འགྱུར༌ཞིང༌།  
\v 17 ཁོ་རང་ལ་ཨེ་ལི་ཡཱ༌\f + \ft ཨེ་ལི་ཡཱ་ཞེས་པ་ནི་ཡ་ཧུ་དཱའི་མི་རིགས་ཀྱི་གནའ་བོའི་ལུང་སྟོན་པ་ཞིག༌ཡིན།\f*དང་འདྲ་བའི་སེམས་དང་ནུས་མཐུ་ལྡན་ཞིང་གཙོ་བོ༌\f + \ft གཙོ་བོ་ཞེས་པར་མ་ཕྱི་ལས་ཁོང་ཞེས་ཁོ་ན༌མཐོང༌། འདིར་སྐྱབས་མགོན་ཡེ་ཤུ་ལ་གོ༌དགོས། མདོ་རྗེས་མར་འབྱུང་བའི་གཙོ་བོ་ཞེས་པ་སྐབས་འགར་ཡབ་དཀོན་མཆོག་ལ་གོ་བ༌དང་། སྐབས་འགར་སྐྱབས་མགོན་ཡེ་ཤུ་ལ༌གོ་བ་ཡིན། \f*ཕེབས་པའི་སྔོན་དུ་བསྐྱོད༌ནས། ཕ་རྣམས་ཀྱི་སེམས་བུ་ཡི་ཕྱོགས་ལ་འགུག་པ༌དང༌། དཀོན་མཆོག་གི་བཀའ་ལ་མི་ཉན་པ་རྣམས་མི་གཞུང་དྲང་གི་ཤེས་རབ་དང་བསྟུན་པར་བྱ༌སྟེ། གཙོ་བོ་ལ་འཚམ་པའི་མི་སྡེ་སྟ་གོན་བྱེད་པར་འགྱུར་ཞེས་གསུངས༌སོ།།   
\p
\v 18 ཟཱ་ཀར་ཡས་ཕོ་ཉ༌ལ། ང་རང་རྒས་ཤིང་ངའི་ཆུང་མ་ཡང་རྒས་ཟིན་པས་ངས་དོན་དེ་ཇི་ལྟར་ཤེས་ཐུབ་ཅེས་དྲིས་པ༌ལ།  
\v 19 ཕོ་ཉས་འདི་སྐད༌དུ། ང་རང་ནི་དཀོན་མཆོག་གི་དྲུང་དུ་སྡོད་པའི་ཕོ་ཉ་གེབ་རི་ཨེལ་ཡིན༌ཏེ། ཁྱོད་ལ་གཏམ་སྨྲ་བ་དང་འཕྲིན་བཟང་འདི་འཆད་པར་མངགས་པ་ཡིན༌ལ།  
\v 20 ལྟོས༌དང༌། དུས་དེར་སླེབས་ཚེ། ངས་སྨྲས་པ་བཞིན་དུ་འགྲུབ་པར་འགྱུར་རོ།། འོན་ཀྱང་བདག་གིས་སྨྲས་པ་ལ་ཁྱོད་རང་ཡིད་མི་ཆེས་པས་དོན་དེ་འགྲུབ་པའི་བར་དུ་ཁྱོད་རང་ལྐུགས་པར་འགྱུར་ཞེས་གསུངས་སོ།།  
\v 21 མི་ཚོགས་ཀྱིས་ཟཱ་ཀར་ཡ་ལ་བསྒུགས་ནས་བསྡད་ཅིང་ཁོ་རང་མཆོད་ཁང་ནས་ཡུན་རིང་འགོར་བས་དོགས་པ་སྐྱེས༌པ་རེད།  
\v 22 ཁོ་རང་ཕྱི་ལ་ཐོན་དུས་སྐད་ཆ་སྨྲ་མི་ཐུབ་པས་ཁོས་མཆོད་ཁང་ནས་ཞལ་གཟིགས་ཤིག་མཐོང་བ་མི་དེ་རྣམས་ཀྱིས་ཤེས་སོ།། ཡང་ཁོས་མི་དེ་རྣམས་ལ་ལག་བརྡ་བྱས་ནའང་ལྐུགས་པར་གྱུར་ནས་བསྡད།  
\v 23 མཆོད་དཔོན་གྱི་འོས་འགན་སྒྲུབ་པའི་དུས་མཇུག་རྫོགས་རྗེས་ཁོ་རང་ཕྱིར་ཡུལ་དུ་ལོག་གོ།   
\p
\v 24 དེའི་རྗེས༌སུ། ཁོའི་ཆུང་མ་ཨེ་ལི་སཱ་བེད་ལ་མངལ་སྦྲུམ་སྟེ་ཟླ་བ་ལྔའི་རིང་ལ་ཡིབས་ནས་བསྡད༌ཅིང༌།  
\v 25 གཙོ་བོས་ང་ལ་གཟིགས་སྐྱོང་མཛད་དེ་མི་ཚོགས་ཀྱི་ཁྲོད་ནས་ངའི་ངོ་ཚ་བསལ་བའི་ཕྱིར་འདི་ལྟར་མཛད་ཅེས་སྨྲས་སོ།།   
\s1 སྐྱབས་མགོན་ཡེ་ཤུ་སྐུ་འཁྲུང་བའི་ལུང༌བསྟན།  
\p
\v 26 དེ་ནས་ཟླ་བ་དྲུག་ལ་སླེབས་པའི་དུས༌སུ། དཀོན་མཆོག་གིས་ཕོ་ཉ་གེབ་རི་ཨེལ་བྱ་བ་ག་ལིལ་ཡུལ་གྱི་ནཱ་ཙ་རེལ་ཞེས་པའི་གྲོང་རྡལ༌དུ།  
\v 27 མིར་ཡམ་ཞེས་འབོད་པའི་ན་ཆུང་བུ་མོ་དེའི་གམ་དུ་མངགས༌ཤིང༌། ན་ཆུང་བུ་མོ་དེ་ནི་དཱ་བིད་ཀྱི་རིགས་རྒྱུད་ཡིན་པའི་ཡོ་སེབ་དང་གཉེན་རྟགས་བརྒྱབ་ཡོད་པ༌ཡིན།  
\v 28 ཕོ་ཉ་དེ་ཉིད་བུ་མོའི་གམ་དུ་སོང་ནས་འདི་སྐད༌དུ། དཀོན་མཆོག་གི་ཐུགས་རྗེ་ཆེན་པོ་ཐོབ་པའི་བུ༌མོ། ཁྱོད་རང་བདེ་བར་གྱུར༌ཅིག གཙོ་བོ་ཁོང་ཉིད་ཁྱོད་དང་མཉམ་དུ་བཞུགས་ཞེས་གསུངས་པ༌དང༌།  
\v 29 བུ་མོ་མིར་ཡམ་གྱི་སེམས་ཤིན་ཏུ་འཚབས་ཤིང་གཏམ་འདི་ཅི་ཡིན་ནམ་ཞེས་ཡང་དང་བསྐྱར་དུ་བསམས་སོ།།  
\v 30 ཡང་ཕོ་ཉས་འདི་སྐད༌དུ། མིར༌ཡམ། མ་འཇིགས༌ཤིག ཁྱོད་ལ་དཀོན་མཆོག་གི་ཐུགས་རྗེ་ཐོབ༌ཅིང་།  
\v 31 ལྟོས༌དང༌། ཁྱོད་ལ་མངལ་སྦྲུམ་ནས་བུ་ཞིག་སྐྱེ་བར༌འགྱུར། དེའི་མཚན་ལ་ཡེ་ཤུ་ཞེས་ཐོགས༌ཤིག  
\v 32 ཁོང་ནི་སྐྱེས་ཆེན་དམ་པར་འགྱུར༌ཏེ། བླ་ན་མེད་པའི་དཀོན་མཆོག་གི་སྲས་ཞེས་གསོལ་བ་དང་། གཙོ་བོ་དཀོན་མཆོག་གིས་ཁོང་ལ་རང་གི་མེས་པོ་དཱ་བིད་ཀྱི་བཞུགས་ཁྲི་གནང༌བར་འགྱུར་ཞིང༌།  
\v 33 ཡུན་ནས་ཡུན་དུ་ཡ་ཀོབ་ཀྱི་རིགས་རྒྱུད་ལ་དབང་བསྒྱུར་བ༌དང༌། ཁོང་གི་རྒྱལ་སྲིད་ཀྱང་མཐའ་མེད་པར་འགྱུར་ཞེས་གསུངས་པ༌ན།  
\v 34 མིར་ཡམ་ན༌རེ། ང་ནི་སྐྱེས་པ་སུ་ལའང་འགྲོགས་མ་མྱོང་བས་དོན་འདི་ནི་ཇི་ལྟར་འབྱུང་སྲིད་དམ་ཞེས་ཞུས་པ༌ལ།  
\v 35 ཡང་ཕོ་ཉས་འདི་སྐད༌དུ། དམ་པའི་ཐུགས་ཉིད་ཁྱོད་ཀྱི་སྟེང་ལ་ཁྱབ་ངེས་ཤིང་བླ་ན་མེད་པའི་དཀོན་མཆོག་གི་ནུས་མཐུ་ཡིས་ཀྱང་ཁྱོད་རང་བསྲུང་བར་འགྱུར༌བས། ཁྱོད་རང་ལས་འཁྲུང་ངེས་པའི་བུ་དམ་པ་དེ་ལ་དཀོན་མཆོག་གི་སྲས་ཞེས་གསོལ་བར་འགྱུར་རོ།།  
\v 36 ལྟོས༌དང༌། ཁྱོད་ཀྱི་གཉེན་ཉེ་ཨེ་ལི་སཱ་བེད་རྒས་ཤིང་ཕྲུ་གུ་སྐྱེ་མི་ནུས་ཀྱང༌། ད་ལྟ་མངལ་དུ་བུ་སྦྲུམ་ནས་ཟླ་བ་དྲུག་ལ་སླེབས༌ཡོད།  
\v 37 རྒྱུ་མཚན་ནི་དཀོན་མཆོག་ལ་མི་འགྲུབ་བྱ་བ་ཅི་ཡང་མེད་པའི་ཕྱིར་ཡིན་ཞེས་གསུངས་སོ།།  
\v 38 ཡང་མིར་ཡམ་ན༌རེ། ང་ནི་གཙོ་བོའི་གཡོག་མོ་ཡིན༌ཏེ། ཁྱེད་ཀྱིས་གསུངས་པ་བཞིན་ངའི་སྟེང་དུ་འགྲུབ་པར་སྨོན་ཞེས་ཞུས་པ་དང་ཕོ་ཉ་ཕྱིར་ཕེབས༌སོ།།   
\s1 མིར་ཡམ་ནི་ཨེ་ལི་སཱ་བེད་ཀྱི་གམ་དུ་ཕྱིན༌པ།  
\p
\v 39 སྐབས༌དེར། མིར་ཡམ་ལམ་ལ་ཆས་ཏེ་ཡ་ཧུ་དཱའི་ཡུལ་གྱི་རི་ཁུལ་དུ་ཡོད་པའི་གྲོང་རྡལ་ཞིག་ལ་མྱུར་དུ་སོང༌ཞིང༌།  
\v 40 ཟཱ་ཀར་ཡའི་ཁྱིམ་དུ་སོང་ནས་ཨེ་ལི་སཱ་བེད་ལ་འཚམས་འདྲི་བྱས།  
\v 41 ཨེ་ལི་སཱ་བེད་ཀྱིས་མིར་ཡམ་གྱི་འཚམས་འདྲི་ཐོས་པ་དང་རང་གི་མངལ་གྱི་ཕྲུ་གུའང་གློ་བུར་འགུལ་ཞིང་ཁོ་མོ་ལ་དམ་པའི་ཐུགས་ཉིད་ཀྱིས་ཁྱབ་པར་གྱུར་ཏོ།།  
\v 42 ཨེ་ལི་སཱ་བེད་ཀྱིས་སྐད་གསང་མཐོན༌པོས། བུད་མེད་རྣམས་ཀྱི་ཁྲོད་དུ་ཁྱོད་ལ་དཀོན་མཆོག་གི་བྱིན་རླབས༌ཆེན་པོ་ཐོབ་པ་ཡིན། ཁྱོད་ཀྱི་མངལ་དུ་སྦྲུམ་པའི་བུ་ལའང་དཀོན་མཆོག་གི་བྱིན་རླབས༌ཆེན་པོ་ཐོབ་པ་ཡིན།  
\v 43 བདག་གི་གཙོ་བོའི་མ་ཡུམ་ངའི་གམ་དུ་ཕེབས་པའི་དོན་འདི་ངའི་སྟེང་དུ་ཅིའི་ཕྱིར་བྱུང་ངམ།  
\v 44 ལྟོས༌དང༌། ཁྱོད་ཀྱིས་འཚམས་འདྲི་བྱེད་པའི་སྐད་དེ་ངས་ཐོས་ཙ༌ན། ངའི་མངལ་གྱི་ཕྲུ་གུའང་དགའ་སྟེ་འགུལ༌བྱུང་།  
\v 45 གཙོ་བོས་ཁྱོད་ལ་ཅི་གསུང་ཐམས་ཅད་ཇི་བཞིན་འགྲུབ་པར་ཡིད་ཆེས་པའི་བུ་མོ་ཁྱོད་རང་བདེ་བར་སྨོན་ཞེས་སྨྲས༌སོ།།   
\s1 མིར་ཡམ་གྱི་བསྟོད༌གླུ།  
\p
\v 46 དེ་ནས་མིར་ཡམ་གྱིས་གླུ་འདི་ལྟར་བླངས༌ཏེ།  
\q1 ཕྲན་གྱིས་སྙིང་ནས་གཙོ་བོ་ལགས་ལ༌བསྟོད།།   
\q1
\v 47 སྐྱབས་མགོན་དཀོན་མཆོག་ཉིད་ལ་སེམས་དགའོ།།   
\q1
\v 48 ཁོང་གིས་དམན་ཆུང་གཡོག་མོ་བདག་ལ༌གཟིགས།།  
\q1 གཟིགས་དང་དེང་ཕྱིན་མི་རབས་ཐམས་ཅད༌ཀྱིས།།  
\q1 བདག་ལ་བདེ་ལེགས་ཡིན་ཞེས་བརྗོད་པར༌འགྱུར།།   
\q1
\v 49 ཀུན་དབང་མཆོག་གིས་བདག་ལ་མཛད་པ༌མཚར།།  
\q1 ཁོང་གི་མཚན་ནི་དམ་པ་ཡིན་ལགས༌སོ།།   
\q1
\v 50 ཁོང་གི་ཐུགས་རྗེ་མི་རབས་ཡོངས་ལ༌གནས།།  
\q1 ཁོང་ལ་གུས་ཤིང་འཇིགས་པ་ཀུན་ལ༌གནང༌།།   
\q1
\v 51 མཚར་མཚར་གང་གི་ཕྱག་གིས་མཛད༌པ་མཚར།།  
\q1 ལེགས་ལེགས་རང་རློམ་ཅན་རྣམས་བདས་པ༌ལེགས།།   
\q1
\v 52 ལེགས་ལེགས་རྒྱལ་ངན་ཁྲི་ལས་ཕབ་པ༌ལེགས།།  
\q1 མཚར་མཚར་གཉོམ་ཆུང་ཅན་རྣམས་སྐྱོང་བ༌མཚར།།   
\q1
\v 53 དོན་བཟང་གིས་ནི་བཀྲེས་རྣམས་འགྲངས་མཛད༌ཅིང༌།།\f + \ft འདིར་དཀོན་མཆོག་གིས་དྲང་བདེན་གྱི་ལས་ལ་བརྩོན་པ་རྣམས་ཀྱི་ཡིད་ཚིམ་པར་མཛད་ངེས་པར༌གོ\f*  
\q1 འབྱོར་བ་ཅན་རྣམས་སྟོང་བར་ཕུད་པ་ལགས།།   
\q1
\v 54-55 གང་གིས་མེས་པོ་ཨབ་ར་ཧམ་སོགས༌ནི།།  
\q1 རྟག་ཏུ་དྲན་ཞིང་སྙིང་རྗེ་དགོངས་པའི༌ཕྱིར།།  
\q1 སྔར་ནས་བདག་ཅག་མེས་པོར་གསུངས་པ༌བཞིན།།  
\q1 ཞབས་ཕྱི་པ་སྟེ་ཡེས་ར་ཨེལ་ལ་ནི༎  
\q1 རོགས་སྐྱོར༌གནང༌བ་ཡིན་ཞེས་གྲགས་པ་འོ༎  
\m ཞེས༌པའོ།།  
\v 56 མིར་ཡམ་ཟླ་བ་གསུམ་ཙམ་ལ་ཨེ་ལི་སཱ་བེད་དང་མཉམ་དུ་བསྡད་རྗེས་ཕྱིར་རང་ཡུལ་དུ་ལོག༌གོ།   
\s1 ཁྲུས་གསོལ་མཁན་ཡོ་ཧ་ནན་འཁྲུངས༌པ།  
\p
\v 57 ཨེ་ལི་སཱ་བེད་བཙའ་རན་པའི་དུས་ལོངས་པ་དང་བུ་ཞིག་སྐྱེས༌ཤིང༌།  
\v 58 ཁྱིམ་མཚེས་དང་གཉེན་ཉེ་རྣམས་ཀྱིས་ཨེ་ལི་སཱ་བེད་ལ་གཙོ་བོས་ཐུགས་རྗེ་ཆེན་པོ་དགོངས་པ་ཐོས་ནས་ཁོ་མོ་དང་མཉམ་དུ་དགའ་བར་གྱུར་ཏོ།།  
\v 59 ཉིན་བརྒྱད་པ་ལ། ཁོ་རྣམས་ཕྲུ་གུའི་མཚན་སྐྱི་གཅོད་པར་བལྟ་རུ་ཡོང༌སྟེ། ཕྲུ་གུའི་མིང་ལ་ཡབ་ཀྱི་མིང་ལྟར་ཟཱ་ཀར་ཡ་ཞེས་འདོགས་པར་བསམས༌ནའང༌།  
\v 60 བུའི་མ་ཡིས་མིང་དེ་ལྟར་གདགས་མི་ཆོག་པར་ཡོ་ཧ་ནན་འདོགས་དགོས་ཞེས་སྨྲས་པ༌ན།  
\v 61 དེ་རྣམས་ན༌རེ། ཁྱོད་ཀྱི་གཉེན་ཉེའི་ཁྲོད་དུ་མིང་དེ་འདྲ་ཞིག་སུ་ལའང་མེད་ཅེས་སྨྲས་པ༌དང༌།  
\v 62 བུའི་མིང་ལ་ཅི་ཞིག་འདོགས་འདོད་དམ་ཞེས་བུའི་ཕ་ལ་ལག་བརྡ་བྱས་པ༌ན།  
\v 63 ཁོས་ཤིང་ལེབ་ཅིག་ཁྱེར་འོང་དུ་བཅུག་ནས་བུའི་མིང་ལ་ཡོ་ཧ་ནན་ཟེར་ཞེས་བྲིས་པས་མི་ཐམས་ཅད་ངོ་མཚར་བར་གྱུར།  
\v 64 དེ་མ་ཐག་ཏུ་ཟཱ་ཀར་ཡས་ཁ་གདངས་ཤིང་ལྕེ་ཡང་གྲོལ་ནས་སྐད་ཆ་སྨྲས་པ་དང་དཀོན་མཆོག་ལ་བསྟོད་བསྔགས་བརྗོད་དོ།།  
\v 65 ཁྱིམ་མཚེས་ཚང་མའང་ངོ་མཚར་བ༌དང༌། དོན་དེ་རྣམས་ཡ་ཧུ་དཱའི་ཡུལ་གྱི་རི་ཁུལ་ཀུན་ཏུ་ཁྱབ་པར་གྱུར།  
\v 66 གནས་ཚུལ་དེ་ཐོས་པ་ཐམས་ཅད་ཀྱིས་ཀྱང་དོན་དེ་ཡིད་ལ་བཟུང༌ཞིང༌། གཙོ་བོའི་ཕྱག་གིས་ཕྲུ་གུ་དེར་སྐྱབས་འཇུག་གནང་ཡོད་པས་མ་འོངས་པ་ན་ཁོ་ནི་ཅི་ལྟ་བུ་ཞིག་ཏུ་འགྱུར་རམ་ཞེས་སྨྲས༌སོ།།   
\s1 ཟཱ་ཀར་ཡའི་ལུང༌བསྟན།  
\p
\v 67 དུས༌དེར། ཕྲུ་གུའི་ཕ་ཟཱ་ཀར་ཡ་ལ་དམ་པའི་ཐུགས་ཉིད་ཀྱིས་ཁྱབ་པར་གྱུར་ནས་འདི་སྐད་དུ་ལུང་བསྟན་གནང༌ངོ༌།།   
\q1
\v 68 གཙོ་བོ་ལགས་ཏེ་ཡེས་ར་ཨེལ་གྱི་དཀོན་མཆོག་ལ།།  
\q1 བསྟོད་པ་དང་ནི་བསྔགས་བརྗོད་ཀུན་ནས་འབུལ་འོས་སོ།།  
\q1 གནས་འདིར་ཕེབས་ཤིང་རང་གི་མི་སྡེ་ཐར་བར་མཛད།།   
\q1
\v 69 ཁོང་གིས་ཞམ་རིང་དཱ་བིད་ཅེས་པའི་ཁྱིམ་རྒྱུད༌ནས།།  
\q1 བདག་ཅག་ཆེད་དུ༌ཐར་པའི་རྭ་དུང་བསྩལ་པ་ལགས།།   
\q1
\v 70 གནའ་ནས་ལུང་སྟོན་དམ་པའི་ངག་བརྒྱུད་གསུངས་པ༌བཞིན།།   
\q1
\v 71 བདག་ཅག་དགྲ་དང་སྡང་སེམས་ཀུན་ལས་ཐར་མཛད༌དེ།།   
\q1
\v 72 ཁོང་གིས་དམ་པའི་ཞལ་ཆད་དེ་ཉིད་དྲན་པ༌དང༌།།  
\q1 བདག་ཅག་མེས་པོ་རྣམས་ལ་ཐུགས་རྗེ་གནང་ལགས༌སོ།།   
\q1
\v 73 དེ་ནི་མེས་པོ་ཨབ་ར་ཧམ་ལ་དམ་བཅས༌ཏེ།།   
\q1
\v 74-75 ཁོང་གིས་བདག་ཅག་ལ་ནི་དགྲ་ལས་སྐྱོབ་ཕྱིར༌དང༌།།  
\q1 གང་གི་དྲུང་དུ་ཚེ་གཅིག་དུས་ཀུན༌འཇིགས་མེད་ངང་།།  
\q1 དྲང་བདེན་དམ་པའི་སྒོ་ནས་ཁོང་ལ་བསྙེན་བཀུར༌བྱེད།།   
\q1
\v 76 བདག་གི་བུ་ཁྱོད་གཙོ་བོའི་སྔོན་དུ་འགྲོ་བ༌དང༌།།  
\q1 ཁོང་གི་གཤེགས་ལམ་སྟ་གོན་བྱེད་ཕྱིར་ཁྱོད་ལ་ནི།།  
\q1 བླ་མེད་དཀོན་མཆོག་ཉིད་ཀྱི་ལུང་སྟོན༌པ་ཞེས་སྒྲོག །   
\q1
\v 77 མི་སྡེ་ཀུན་གྱི་སྡིག་པ་བསལ་ནས་ཐར་བའི༌དོན།།  
\q1 ཁྱོད་ཀྱིས་ཁོང་གི་མི་སྡེ་ལ་ཡང་ཤེས་སུ༌འཇུག །   
\q1
\v 78 རང་རེའི་དཀོན་མཆོག་ལ་ནི་ཐུགས་རྗེ་ཆེ་བའི༌ཕྱིར།།  
\q1 ཞོགས་པའི་ཉི་འོད་དགུང་ནས་ངེད་ལ་འཆར་བའི༌ཚེ།།   
\q1
\v 79 འཆི་ཁའི་སྨག་རུམ་ཆེན་པོར་སྡོད་པའི་མི་ཀུན༌ལ།།  
\q1 འོད་སྣང་འཕྲོ་ཞིང་གོམ་པ་བདེ་བའི་ལམ་དུ༌འཇུག །  
\m ཅེས༌པའོ།།  
\v 80 ཕྲུ་གུ་དེ་རིམ་བཞིན་ནར་སོན་པ༌དང༌། སེམས་སུ་སྟོབས་ཤུགས་འཛོམས་ཤིང་། ཡེས་ར་ཨེལ་མི་རིགས་ཀྱི་མདུན་ལ་མངོན་པར་བྱེད་པའི་བར་དུ་དབེན་སྟོང་གི་ཡུལ་དུ་གནས༌སོ།།   
\c 2
\cl ལེའུ་གཉིས༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐྱབས་མགོན་ཡེ་ཤུ་སྐུ་འཁྲུངས༌པ།  
\p
\v 1 དུས༌དེར། སེ་བཟིར་རྒྱལ་རབས་ཀྱི་རྒྱལ་པོ་ཨུ་རྒ་ཟི་ཏུ་ \f + \ft ཨུ་རྒ་ཟི་ཏུ་ཞེས་པ་ནི་རོ་མཱ་གོང་མ་རྒྱལ་ཁབ་ཀྱི་སེ་བཟིར་རྒྱལ་རབས་ཀྱི་རྒྱལ་པོ་ཞིག་ཡིན། ཁོང་ནི་སྤྱི་ལོ་སྔོན་གྱི་31ལོ་ནས་སྤྱི་ལོ་14ལོའི་བར་དུ་བཞུགས། མི་སེར་གྱི་གོམས་སྲོལ་ལ་སེ་བཟིར་རྒྱལ་རབས་ཀྱི་མིང་ནི་རྒྱལ་པོ་ལའང་འདོགས་པར་བྱེད། \f*ཡིས་རོ་མཱ་གོང་མ་རྒྱལ་ཁབ་ཀྱི་འབངས་མི་ཐམས་ཅད་ཀྱིས་མིང་ཐོ་འགོད་དགོས་པའི་བཀའ་གནང༌ཞིང༌།  
\v 2 དེ་ནི་ཀི་རེ་ནུ་ཞེས་བྱ་བ་དེ་སིར་ཡཱ་ཡུལ་གྱི་ས་གནས་དཔོན་པོ་ཡིན་པའི་དུས་སུ་བྱུང་བའི་ཡུལ་མིའི་མིང་ཐོ་བཀོད་པའི་ཐོག་མ་ཡིན།  
\v 3 མི་ཐམས་ཅད་རང་གི་མིང་ཐོ་འགོད་པའི་ཕྱིར་རང་རང་གི་ཕ་ཡུལ་དུ་ལོག་པའོ།།  
\v 4 ཡོ་སེབ་ནི་དཱ་བིད་ཀྱི་རིགས་རྒྱུད་དང་ཁྱིམ་རྒྱུད་ཀྱི་མི་ཡིན་པས་ག་ལིལ་ཡུལ་གྱི་ནཱ་ཙ་རེལ་གྲོང་རྡལ༌ནས། ཡར་ཡ་ཧུ་དཱའི་ཡུལ་དུ་ཆས་ཏེ་དཱ་བིད་ཀྱི་གྲོང་རྡལ་པེད་ལེ་ཧེམ་དུ།  
\v 5 ཁོ་དང་གཉེན་རྟགས་བརྒྱབ་ཡོད་ཅིང་མངལ་དང་ལྡན་པ་མིར་ཡམ་གཉིས་མིང་འགོད་དུ་སོང༌།  
\v 6 ཁོ་གཉིས་གནས་དེར་སྡོད་སྐབས་ཕྲུ་གུ་བཙའ་བའི་དུས་སུ་སླེབས་ཏེ།  
\v 7 བུ་སྐྱེས་འགོ་བཙས་ཤིང་མགྲོན་ཁང་དུ་སྡོད་ས་མེད་པས་ཕྲུ་གུ་རས་ཀྱིས་བཏུམས་ནས་ཁ་རའི་ནང་དུ་བཞག༌གོ།   
\s1 ལུག་རྫི་དང་ཕོ་ཉ་རྣམས་ཀྱི་སྐོར།  
\p
\v 8 ཡུལ་དེའི་མཐའ་སྐོར་ནས་ལུག་རྫི་འགའ་ཞིག་ཐང་རྒོད་དུ་བསྡད་དེ། མཚན་མོར་རེས་བསྐོར་ནས་རང་གི་ལུག་ཁྱུ་སྲུང་བཞིན་ཡོད་ལ།  
\v 9 གཙོ་བོའི་ཕོ་ཉ་ཞིག་གློ་བུར་ལུག་རྫི་རྣམས་ཀྱི་གམ་དུ་ཕེབས༌ཤིང༌། གཙོ་བོའི་གཟི་བརྗིད་ཀྱི་འོད་སྣང་ཡང་ཁོ་ཚོའི་ཕྱོགས་བཞིར་ཁྱབ་པས་ཁོ་རྣམས་ཤིན་ཏུ་འཇིགས་སོ།།  
\v 10 ཕོ་ཉས་དེ་རྣམས་ལ་འདི་སྐད༌དུ། མ་འཇིགས༌ཤིག ངས་ཁྱོད་ཅག་ལ་ཤིན་ཏུ་དགའ་འོས་པའི་འཕྲིན་བཟང་མི་ཐམས་ཅད་དང་འབྲེལ་བ་ཞིག་འཆད༌དེ།  
\v 11 དེ་རིང་དཱ་བིད་ཀྱི་གྲོང་རྡལ་ནས་ཁྱོད་ཅག་གི་ཆེད་དུ་སྐྱབས་མགོན་ཞིག་འཁྲུངས༌ཤིང༌། ཁོང་ནི་གཙོ་བོ་མཱ་ཤི་ཀ་ཡིན།  
\v 12 ཡང་ཁྱོད་ཅག་གིས་རས་ཀྱིས་བཏུམས་ནས་ཁ་རའི་ནང་དུ་བསྙལ་བའི་ཕྲུ་གུ་ཞིག་མཐོང་ངེས་པ་དེ་ནི་ཁྱོད་ཅག་ལ་གནང་བའི་རྟགས་ཡིན་ཞེས་སྨྲས་པ༌དང༌།  
\v 13 གློ་བུར༌ཉིད་ལ། ནམ་མཁའི་ཞིང་ཁམས་ནས་ཕོ་ཉའི་དཔུང་ཚོགས་ལས་ཤིན་ཏུ་མང་པོ་གནས་དེར་སླེབས་ཤིང༌། ཕོ་ཉ་དེ་དང་ལྷན་ཅིག་གིས་དཀོན་མཆོག་ལ་བསྟོད་བསྔགས་བྱེད་བཞིན་འདི་སྐད༌དུ།   
\q1
\v 14 བླ་མེད་གནས་སུ་དཀོན་མཆོག་ཉིད་ལ་བསྟོད་པ་འབུལ་བ༌དང༌།།  
\q1 ས་གཞིར་ཁོང་ཉིད་དགྱེས་པའི་མི་ལ་ཞི་བདེ་འཐོབ་པར་ཤོག །  
\m ཅེས་བསྔགས༌སོ།།   
\p
\v 15 ཕོ་ཉ་རྣམས་ལུག་རྫི་དག་གི་མདུན་ནས་ཕྱིར་ནམ་མཁའི་ཞིང་ཁམས་སུ་ཕེབས་པ༌ན། ལུག་རྫི་རྣམས་ཕན་ཚུན་ན༌རེ། ངེད་ཅག་པེད་ལེ་ཧེམ་གྲོང་རྡལ་དུ་གཙོ་བོས་བདག་ཅག་ལ་གསུངས་པ་དེར་བལྟ་རུ་འགྲོའོ་ཞེས་སྨྲས༌ཏེ།  
\v 16 མྱུར་བ་མྱུར་དུ་སོང་ནས་བཙལ་བ་ལ་མིར་ཡམ་དང་ཡོ་སེབ་གཉིས༌དང༌། ཁ་རའི་ནང་དུ་བསྙལ་ཡོད་པའི་ཕྲུ་གུ་བཅས་རྙེད་དོ།།  
\v 17 ཁོ་རྣམས་ཀྱིས་དོན་དེ་མཐོང་ནས་ཕྲུ་གུ་དེའི་སྐོར་ལ་གསུངས་པའི་གཏམ་དེ་རྒྱས་པར་བསྒྲགས༌ཤིང༌།  
\v 18 གཏམ་ཐོས་མཁན་ཐམས་ཅད་ལུག་རྫི་རྣམས་ཀྱིས་སྨྲས་པའི་གཏམ་ལ་ངོ་མཚར་བར་གྱུར་ཏོ།།  
\v 19 འོན་ཀྱང་མིར་ཡམ་གྱིས་དོན་དེ་ཐམས་ཅད་སེམས་སུ་བཟུང་ཞིང་བསམ་བློ་མང་ཙམ་བཏང༌།  
\v 20 ལུག་རྫི་རྣམས་ཕྱིར་ལོག་ཅིང་རང་ལ་ཇི་ལྟར་གསུངས་པ་བཞིན་ཐོས་པ་དང་མཐོང་བའི་དོན་ཐམས་ཅད་ཀྱི་ཆེད་དུ་དཀོན་མཆོག་ལ་བསྟོད་བསྔགས་བརྗོད༌དོ།།  
\v 21 ཕྲུ་གུ་བཙས་ནས་ཉིན་བརྒྱད་པ་ལ་མཚན་སྐྱི་གཅོད་པའི་དུས༌སུ། ཕྲུ་གུ་མངལ་དུ་མ་ཆགས་པའི་སྔོན་ལ་ཕོ་ཉས་གསུངས་པ་བཞིན་མཚན་ལ་ཡེ་ཤུ་ཞེས་གསོལ༌ཏོ།།   
\s1 ཕྲུ་གུ་མཆོད་ཁང་དུ་བསྐྱལ༌བ།  
\p
\v 22 མོ་ཤེའི་བཀའ་ཁྲིམས་ལྟར་ཁོང་རྣམས་ཀྱི་གཙང་མར་བཟོ་བའི་དུས་ལོངས༌ཏེ། ཡོ་སེབ་དང་མིར་ཡམ་གཉིས་ཀས་ཕྲུ་གུ་ཁྱེར་ནས་གཙོ་བོ་ལ་འབུལ་བའི་ཕྱིར་ཡར་ཡེ་རུ་སཱ་ལེམ་དུ་སོང༌།  
\v 23 དེ་ནི་གཙོ་བོའི་བཀའ་ཁྲིམས་ཀྱི་མདོ༌ལས། བུ་སྐྱེས་འགོ་རྣམས་གཙོ་བོའི་ཆེད་དུ་དམ་པ་ཡིན་དགོས་ཞེས་བཀོད་ཡོད་པའི་ཕྱིར༌ཡིན།  
\v 24 ཡང་ཁོང་གཉིས་གཙོ་བོའི་བཀའ་ཁྲིམས་ལས་གསུངས་པ་བཞིན་བྱ་ཐི་བ་གཉིས་སམ་ཕུག་རོན་ཆུང་ངུ་གཉིས་མཆོད་པར་འབུལ་དུ་སོང༌ངོ༌།།   
\p
\v 25 ཡེ་རུ་སཱ་ལེམ་དུ་སི་མུ་ཨོན་ཟེར་བའི་མི་ཞིག་ཡོད་པ་དེ་ནི་གཞུང་རྒྱུད་དྲང་ཞིང་དད་པ་རྣམ་དག་ཅན་ཞིག་ཡིན༌ཏེ། ཡེས་ར་ཨེལ་མི་རིགས་ཀྱི་སེམས་གསོ་མཁན་ལ་སྒུག་བཞིན་པ་དང་དམ་པའི་ཐུགས་ཉིད་དང་ལྡན་པ་ཞིག་ཀྱང་ཡིན།  
\v 26 དམ་པའི་ཐུགས་ཉིད་ཀྱིས་ཁོ་རང་ལ་ཁྱོད་ཀྱིས་རང་ཉིད་མ་ཤི་བའི་སྔོན་ལ་གཙོ་བོའི་མཱ་ཤི་ཀ་མཐོང་བར་འགྱུར་ཞེས་མངོན་པར་བསྟན་མྱོང་བས།  
\v 27 དམ་པའི་ཐུགས་ཉིད་ཀྱིས་བསྐུལ་བ་བཞིན་ཁོ་རང་མཆོད་ཁང་དུ་སོང༌སྟེ། བཀའ་ཁྲིམས་ཀྱི་སྲོལ་བཞིན་བསྒྲུབ་པའི་ཕྱིར་སྲས་ཡེ་ཤུའི་ཡབ་ཡུམ་གཉིས་ཀྱིས་ཁོང་གནས་དེར་ཁྱེར་ཡོང་བར༌ཕྲད་ཅིང་།  
\v 28 སི་མུ་ཨོན་གྱིས་ཕྲུ་གུ་པང་དུ་བླངས་ནས་དཀོན་མཆོག་ལ་བསྟོད་ཅིང་བསྔགས་བཞིན་འདི་སྐད༌དུ།   
\q1
\v 29 གཙོ་བོ་ཁྱེད་ཀྱི་གསུང་བཞིན་ད༌ལྟའི་དུས་འདི་ལ།།  
\q1 ཁྱེད་ཀྱི་ཞབས་ཕྱི་བདག་ནི་བདེ་བར་འཆི་རུ༌མཛོད།།   
\q1
\v 30 ཁྱེད་ཀྱིས་མངགས་པའི་སྐྱབས་མགོན་ང་ཡི་མིག་གིས༌མཐོང༌།།   
\q1
\v 31 དེ་ནི་ཁྱེད་ཀྱིས་ཐམས་ཅད་ཀུན་ལ་སྟ་གོན༌དང༌།།   
\q1
\v 32 ཕྱི་ཕྱོགས་མི་ལ་འཕྲོ་བར་བྱེད་པའི་འོད་ཟེར༌ཡིན།།  
\q1 ཁྱེད་ཀྱི་འབངས་མི་ཡེས་ར་ཨེལ་གྱི་གཟི་བརྗིད༌དོ།།  
\m ཞེས་ཞུས༌སོ།།  
\v 33 ཕྲུ་གུའི་ཡབ་ཡུམ་གཉིས་སྐྱབས་མགོན་ཡེ་ཤུའི་སྐོར་ལ་གསུངས་པའི་གཏམ་དེར་ངོ་མཚར་སྐྱེས།  
\v 34 སི་མུ་ཨོན་གྱིས་ཁོ་རྣམས་ལ་བྱིན་རླབས་གནང་ཞིང་ཕྲུ་གུའི་ཡུམ༌མིར་ཡམ་ལ། ལྟོས༌དང༌། ཕྲུ་གུ་འདི་ནི་ཡེས་ར་ཨེལ་གྱི་མི་མང་པོ་ས་རུ་འགྱེལ་བ་དང་ཡར་ལངས་པའི་རྒྱུ་རྐྱེན༌དང༌། མི་མང་པོས་ཕྱིར་རྒོལ་བའི་རྟགས་བཅས་སུ་བསྐོས་ཤིང་།  
\v 35 དེ་ནི་མི་མང་པོའི་བསམ་ཚུལ་མངོན་པར་འགྱུར་བའི་ཕྱིར༌ཡིན། ཁྱེད་ཀྱི་སེམས་ཀྱིས་རལ་གྲི་བསྣུན་པ་ལྟ་བུའི་སྡུག་བསྔལ་ཆེན་པོ་མྱོང་ངེས་ཡིན་ཞེས་སྨྲས༌སོ།།   
\p
\v 36 དེ་རུ་ལོ་ན་ཤིན་ཏུ་རྒས་པའི་བུད་མེད་ལུང་སྟོན་པ་ཨན་ནཱ་ཟེར་བ་ཞིག་ཡོད༌ལ། ཁོ་མོ་ནི་ཨ་ཤེར་ཚོ་བའི་ཕཱན་ནུ་ཨེལ་གྱི་བུ་མོ༌སྟེ། གཉེན་སྒྲིག་བྱས་ནས་ལོ་བདུན་ལ་ཁྱོ་ག་དང་མཉམ་དུ་བསྡད་ལ།  
\v 37 ཕྱིས་སུ་ཡུགས་མོ་རུ་ལུས་ཤིང་ད་ལྟ་དགུང་ལོ་བརྒྱད་ཅུ་གྱ་བཞིར་སོན༌པ་དང༌། ཁོ་མོ་མཆོད་ཁང་དང་མི་འབྲལ་བར་ཉིན་མཚན་ཀུན་ཏུ་སྨྱུང་གནས་སྲུང་ཞིང་གསོལ་བ་འདེབས་པའི་ངང་ནས་དཀོན་མཆོག་ལ་བསྙེན་བཀུར་བྱེད་མཁན་ཞིག་ཡིན།  
\v 38 དུས་དེར། བུད་མེད་ལུང་སྟོན་པ་ཨན་ནཱའང་གནས་དེར་ཡོང་ཞིང་དཀོན་མཆོག་ལ་བཀའ་དྲིན་ཞུས་པ༌དང༌། ཡེ་རུ་སཱ་ལེམ་གྱི་ཐར་པ་ལ་སྒུག་པའི་མི་ཐམས་ཅད་ལ་སྐྱབས་མགོན་ཡེ་ཤུའི་སྐོར་ཡང་ཡང་སྨྲས༌སོ།།   
\p
\v 39 སྐྱབས་མགོན་ཡེ་ཤུའི་ཡབ་ཡུམ་གཉིས་ཀྱིས་གཙོ་བོའི་བཀའ་ཁྲིམས་ལྟར་ལས་ཐམས་ཅད་བསྒྲུབས་རྗེས་ག་ལིལ་ཡུལ་གྱི་ནཱ་ཙ་རེལ་གྲོང་རྡལ་དུ་ཕྱིར་ལོག༌པ་རེད།  
\v 40 ཕྲུ་གུ་ཡེ་ཤུ་ནར་སོན་ཏེ་སྟོབས་ཤུགས་འཛོམས་ཤིང་མཁྱེན་རབ་རྒྱས་པ་དང་། དཀོན་མཆོག་གི་ཐུགས་རྗེ་ཡང་ཁོང་གི་སྟེང་ལ་ཁྱབ་བོ།།   
\s1 སྐྱབས་མགོན་ཡེ་ཤུ་དགུང་ལོ་གཞོན་པའི༌དུས།  
\p
\v 41 པེ་སག་གི་དུས་ཆེན་ལ་སྐྱབས་མགོན་ཡེ་ཤུའི་ཡབ་ཡུམ་གཉིས་ལོ་རེ་བཞིན་ཡེ་རུ་སཱ་ལེམ་དུ་འགྲོ༌ཞིང༌།  
\v 42 སྐྱབས་མགོན་ཡེ་ཤུ་དགུང་ལོ་བཅུ་གཉིས་ལ་སོན་ཚེ་དུས་ཆེན་གྱི་ལུགས་སྲོལ་བཞིན་ཁོང་རྣམས་ཀྱང་ཡེ་རུ་སཱ་ལེམ་དུ་ཕེབས་པ་དང་།  
\v 43 དུས་ཆེན་མཇུག་རྫོགས་ནས་ཕྱིར་ལོག༌སྐབས། སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་བཞུགས་པ་ནི་ཡབ་ཡུམ་གཉིས་ཀྱིས་མ་ཤེས༌པར།  
\v 44 སྐྱབས་མགོན་ཡེ་ཤུ་ལམ་གྲོགས་དག་གི་ཁྲོད་དུ་ཡོད་སྙམ༌སྟེ། ཉིན་གཅིག་གི་ལམ་དུ་སོང་རྗེས་གཉེན་ཉེ་དང་རྒྱུས་ཡོད་རྣམས་ཀྱི་ཁྲོད་ནས་བཙལ༌ནའང༌།  
\v 45 མ་རྙེད་པས་ཡང་བསྐྱར་འཚོལ་བཞིན་ཕྱིར་ཡེ་རུ་སཱ་ལེམ་དུ་ལོག་གོ།  
\v 46 ཉིན་གསུམ་འགོར་རྗེས་ཁོང་གིས་མཆོད་ཁང་ནང་དུ་སློབ་དཔོན་རྣམས་ཀྱི་དཀྱིལ་ནས་ཆོས་ལ་ཉན་ཞིང་དྲི་བ་འདྲི་བཞིན་བཞུགས་པ་ཡབ་ཡུམ་གཉིས་ཀྱིས་མཐོང༌།  
\v 47 ཁོང་གི་གསུང་ཐོས་པའི་མི་ཐམས་ཅད་ནི་ཁོང་གི་རིག་པ་རྣོ་ཞིང་ལན་བཏབ་པར་ངོ་མཚར་བར་གྱུར་ཏོ།།  
\v 48 ཁོང་གི་ཡབ་ཡུམ་གཉིས་ཀྱིས་ཀྱང་དོན་དེ་མཐོང་ནས་ཤིན་ཏུ་ངོ་མཚར༌བར་གྱུར། ཁོང་གི་ཡུམ་ན༌རེ། བདག་གི་བུ། ཁྱོད་ཀྱིས་ཅིའི་ཕྱིར་ངེད་གཉིས་ལ་དེ་ལྟར་བྱས༌སམ། ལྟོས༌དང༌། ཁྱོད་ཀྱི་ཕ་དང་ངེད་གཉིས་སེམས་འཚབས་ནས་ཁྱོད་རང་བཙལ་བ་ཡིན་ཞེས་ཞུས་པ༌ལ།  
\v 49 ཁོང་གིས་འདི་སྐད༌དུ། ཁྱེད་གཉིས་ཀྱིས་ཅིའི་ཕྱིར་ང་རང་འཚོལ་བ་ཡིན། ང་རང་བདག་གི་ཡབ་ཀྱི་བཞུགས་གནས་སུ་སྡོད་དགོས་པའང་མི་ཤེས་སམ་ཞེས་གསུངས༌ཀྱང༌།  
\v 50 ཡབ་ཡུམ་གཉིས་ཀྱིས་གསུང་དེའི་དོན་མ་རྟོགས༌སོ།།  
\v 51 དེ་ནས་ཁོང་ཉིད་ཡབ་ཡུམ་གཉིས་དང་མཉམ་དུ་ནཱ་ཙ་རེལ་གྲོང་རྡལ་དུ་མར་ཕེབས་ཏེ་ཁོང་གཉིས་ཀྱི་ཚིག་ལ་གསན་ཞིང་བཞུགས། ཁོང་གི་ཡུམ་གྱིས་ཀྱང་དོན་འདི་ཐམས་ཅད་སེམས་སུ་བཟུང༌ངོ་༎  
\v 52 སྐྱབས་མགོན་ཡེ་ཤུའི་མཁྱེན་རབ་དང་སྐུ་གཟུགས། ཡང་དཀོན་མཆོག་གིས་ཁོང་ལ་གཅེས་པའི་ཐུགས་དང་མི་རྣམས་ཁོང་ལ་དགའ་བའི་སེམས་བཅས་ལྷན་དུ་རྒྱས༌སོ།།   
\c 3
\cl ལེའུ་གསུམ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐྱབས་མགོན་ཡེ་ཤུའི་ཕེབས་ལམ་སྟ་གོན་མཛད༌པ།  
\p
\v 1 སེ་བཟིར་རྒྱལ་པོ་ཐེ་པེར་ཡུ་ཡིས་སྲིད་བཟུང་བའི་ལོ་བཅོ་ལྔ༌པར། ཡ་ཧུ་དཱའི་ཡུལ་གྱི་སྤྱི་དཔོན་ཕོན་ཏིའུ་པི་ལ་ཏུ་དང༌། ག་ལིལ་ཡུལ་གྱི་ས་གནས་དཔོན་པོ་ཧེ་རོ་དཱ་དང་དེའི་ནུ་བོ༌སྟེ། ཨེ་ཏུ་རི་ཡཱ་དང་ཏྲ་ཀོ་ནེ་ཏི་ཡུལ་གཉིས་ཀྱི་ས་གནས་དཔོན་པོ་ཕི་ལིབ༌དང༌། ཨ་བི་ལེ་ནེ་ཡུལ་གྱི་ས་གནས་དཔོན་པོ་ལི་སན་ཡཱ་ཡིན༌ལ།  
\v 2 ཨ་ནཱ་སི་དང་ཀ་ཡ་ཕཱ་གཉིས་མཆོད་དཔོན་ཆེན་པོ༌ཡིན་པའི་དུས༌སུ། ཟཱ་ཀར་ཡའི་བུ་ཡོ་ཧ་ནན་ལ་དབེན་སྟོང་ནས་དཀོན་མཆོག་གི་བཀའ་བབས༌པས།  
\v 3 ཁོང་ཉིད་ཡོར་དན་གཙང་པོ་འགྲམ་རྒྱུད་ཀྱི་ཡུལ་གྲུ་ཀུན་ཏུ་ཕེབས་ཏེ་མི་རྣམས་ལ་འདི་སྐད༌དུ། དཀོན་མཆོག་གིས་སྡིག་པ་བསལ་བའི༌ཕྱིར། འགྱོད་བཤགས་ཀྱི་རྟགས་སུ་ཁྲུས་གསོལ་ལ་ཞུགས་པའི་ཆོས་བསྒྲགས་པ༌བཞིན།  
\v 4 ལུང་སྟོན་པ་ཡེ་ཤ་ཡཱ་ཡི་མདོ་ལས་ཇི་སྐད༌དུ།  
\q1 དབེན་སྟོང་ཡུལ་ནས་གྲགས་པའི་འབོད་སྒྲ༌ཡིས།།  
\q1 གཙོ་བོའི་ཕེབས་ལམ་སྟ་གོན༌བྱེད་པ་དང་།།  
\q1 ཁོང་གི་གཤེགས་ལམ་དྲང་པོར་བཟོ་བར༌གྱིས།།   
\q1
\v 5 ལུང་བ་ཐམས་ཅད་བཀང་བར་མཛད་ངེས༌ཤིང༌།།  
\q1 རི་སྒང་མཐའ་དག་སྙོམས་པར་མཛད་པ༌དང༌།།  
\q1 ཀྱག་ཀྱོག་ལམ་ནི་དྲང་པོར་མཛད་ངེས༌དང༌།།  
\q1 མཐོ་དམན་ལམ་ནི་བདེ་བར་མཛད་པར༌འགྱུར།།   
\q1
\v 6 དེའི་རྗེས་དཀོན་མཆོག་ཉིད་ཀྱི་ཐར་པ་ཉིད།།  
\q1 མི་རྣམས་ཀུན་གྱིས་དངོས་སུ་མཐོང་བར༌འགྱུར།།  
\m ཞེས་བཀོད་པ་བཞིན་བྱུང༌ངོ༌།།   
\p
\v 7 ཡོ་ཧ་ནན་གྱིས་ཁྲུས་གསོལ་ལ་ཞུགས་སུ་ཡོང་བའི་མི་ཚོགས་ལ་འདི་སྐད༌དུ། དུག་སྦྲུལ་གྱི་རྒྱུད་ཁྱོད་ཅག་ལ་སུ་ཞིག་གིས་མ་འོངས་པའི་ཐུགས་ཁྲོ་ལས་འབྲོ་བར་བསྟན༌ནམ།  
\v 8 དེ་བས་ན་ཁྱོད་ཅག་གིས་འགྱོད་བཤགས་དང་མཐུན་པའི་འབྲས་བུ་ལེགས་པོར་སྐྱེད༌ཅིག ཁྱོད་ཅག་གི་སེམས་སུ་ཨབ་ར་ཧམ་ནི་ངེད་ཅག་གི་ཡབ་མེས་ཡིན་ཞེས་མ་སེམས༌ཤིག ངས་ཁྱོད་ཅག་ལ༌སྨྲ་སྟེ། དཀོན་མཆོག་གིས་རྡོ་འདི་དག་ལས་ཨབ་ར་ཧམ་ལ་བུ་རྒྱུད་འབྱུང་བར་མཛད་ནུས་སོ།།  
\v 9 ད་ནི་སྟ་རེ་སྡོང་རྩར་བཞག་ཡོད༌དེ། ཤིང་སྡོང་གང་ལ་འབྲས་བུ་ལེགས་པོ་མི་སྨིན་པ་དེ་བཅད་ནས་མེའི་ནང་དུ་འཕེན་པར་འགྱུར་ཞེས་གསུངས་པ༌དང༌།  
\v 10 མི་ཚོགས་ན༌རེ། འོ༌ན། ངེད་ཅག་གིས་ཅི་བྱ་འོས་སམ་ཞེས་ཞུས་པ༌ན།  
\v 11 ཡོ་ཧ་ནན་གྱིས་འདི་སྐད༌དུ། ནང་གོས་གཉིས་ཡོད་པའི་མི་དེས་གྱོན་པ་མེད་པ་ལ་བགོས༌དང༌། ཟས་ཡོད་པ་དེས་ཀྱང་དེ་ལྟར་བྱེད་དགོས་ཞེས་ལན་བཏབ་བོ།།  
\v 12 ཁྲལ་ལེན་མཁན་རྣམས་ཀྱང་ཁྲུས་གསོལ་ལ་ཞུགས་སུ་ཡོང་སྟེ་ན༌རེ། སློབ་དཔོན༌ལགས། ངེད་ཅག་གིས་ཅི་བྱ་དགོས་སམ་ཞེས་ཞུས་པ༌ན།  
\v 13 ཁོང་གིས་དེ་རྣམས་ལ་འདི་སྐད༌དུ། ཁྱོད་ཅག་གིས་ཁྲིམས་ཀྱི་གཏན་ཁེལ་ལྟར་ཁྲལ་ལེན་པ་ལས་ལྷག་མ་ལེན་མི་རུང་ཞེས་བཀའ་གནང་ངོ༌།།  
\v 14 དམག་མི་རྣམས་ན༌རེ། ངེད་ཅག་གིས་ཅི་བྱ་དགོས་སམ་ཞེས་ཞུས་པ༌དང༌། ཁོང་གིས་འདི་སྐད༌དུ། མི་སུ་ལས་ཀྱང་བཙན་ཤུགས་དང་སྙད་འདོགས་པའི་ཐབས་བཀོད་ཀྱིས་དངུལ་སྒོར་ལེན་མི༌རུང༌། ཁྱོད་ཅག་རང་གི་གླ་ཆ་ལ་ཡིད་ཚིམ་པར་གྱུར་ཅིག་ཅེས་གསུངས༌སོ།།   
\p
\v 15 མི་དེ་རྣམས་ཀྱིས་དོན་ཆེན་པོ་འབྱུང་བར་རེ་སྒུག་བྱེད་བཞིན་ཡོད་ལ། མི་ཀུན་གྱི་སེམས་སུ་ཡོ་ཧ་ནན་ནི་སྐྱབས་མགོན་མཱ་ཤི་ཀ་ཡིན་སྲིད་སྙམ༌ཞིང༌།  
\v 16 ཡོ་ཧ་ནན་གྱིས་དེ་རྣམས་ལ་འདི་སྐད༌དུ། ངས་ཁྱོད་ཅག་ལ་ཆུ་ཡིས་ཁྲུས་གསོལ་བྱེད༌མོད། འོན་ཀྱང་བདག་གི་རྗེས་སུ་བདག་ལས་ཀྱང་མཐུ་སྟོབས་ཆེ་བ་ཞིག་ཕེབས་ངེས༌ཏེ། ངས་ཁོང་གི་ལྷམ་མདུད་ཀྱང་དགྲོལ་བར་མི་འོས། ཁོང་གིས་ཁྱོད་རྣམས་ལ་དམ་པའི་ཐུགས་ཉིད་དང་མེས་ཁྲུས་གསོལ་མཛད་པར་འགྱུར།  
\v 17 ཁོང་གིས་རང་གི་གཡུལ་ཁ་གཙང་དག་ལེགས་པོར་མཛད་པ༌དང༌། བང་མཛོད་དུ་གྲོ་བསྡུ་ཕྱིར་ཕྱག་ཏུ་ཚེབ་བཟུང་ཡོད། འོན་ཀྱང་ཕུབ་མ་དེ་དག་ཞི་བ་མེད་པའི་མེ་རུ་བསྲེག་པར་ངེས་ཞེས་གསུངས༌སོ།།   
\p
\v 18 དེ་ལྟར་ཡོ་ཧ་ནན་གྱིས་སྐུལ་སློང་གཞན་མང་པོའང་གནང་སྟེ་མི་རྣམས་ལ་འཕྲིན་བཟང་བསྒྲགས།  
\v 19 འོན་ཀྱང་ས་གནས་དཔོན་པོ་ཧེ་རོ་དཱ་ནི་རང་གི་སྤུན་གྱི་ཆུང་མའི་རྐྱེན༌དང༌། ཡང་ཁོས་དོན་ངན་པ་མང་པོ་བྱས་པའི་དབང་གིས་ཡོ་ཧ་ནན་གྱིས་ཁོ་ལ་བཀའ་བཀྱོན་གནང་བ༌ན།  
\v 20 ཧེ་རོ་དཱས་ལས་ངན་པ་ཐམས་ཅད་ཀྱི་སྟེང་དུ་ཡང་ཉེས་པ་ཞིག་བཟོས་པ་ནི་ཡོ་ཧ་ནན་བཙོན་དུ་བཅུག་པ༌དེའོ།།   
\s1 སྐྱབས་མགོན་ཡེ་ཤུ་ཁྲུས་གསོལ་ལ་ཞུགས༌པ།  
\p
\v 21 དེ་སྔར་མི་ཐམས་ཅད་ལ་ཁྲུས་གསོལ་ཐོབ་པའི་སྐབས༌སུ། སྐྱབས་མགོན་ཡེ་ཤུ་ལའང་ཁྲུས་གསོལ་ཐོབ་པ༌དང༌། ཁོང་གིས་གསོལ་བ་འདེབས་པའི་དུས་སུ་ནམ་མཁའི་སྒོ་ཕྱེས་ཤིང༌།  
\v 22 དམ་པའི་ཐུགས་ཉིད་ནི་བྱ་ཕུག་རོན་གྱི་གཟུགས་ཀྱིས་ཁོང་གི་ལུས་སྟེང་ལ་དངོས་སུ་བབས་པ་དང་། ཡང་ནམ་མཁའི་ཞིང་ཁམས་ནས་སྐད་སྒྲ་ཞིག་གྲགས༌ཏེ། ཁྱོད་ནི་ང་ཡི་གཅེས་པའི་བུ་ཡིན་ཞིང་ང་རང་ཁྱོད་ལ་ཤིན་ཏུ་དགའ་ཞེས་གསུངས༌སོ།།   
\s1 སྐྱབས་མགོན་ཡེ་ཤུའི་གདུང༌རྒྱུད།  
\p
\v 23 སྐྱབས་མགོན་ཡེ་ཤུས་ཐོག་མར་བཀའ་སྒྲོག་པའི་དུས་སུ་ཁོང་ནི་དགུང་ལོ་སུམ་ཅུ་ཙམ་ཡིན༌ལ། མི་རྣམས་ཀྱིས་ཁོང་ནི་ཡོ་སེབ་ཀྱི་བུ་ཡིན་པར་བསམས་ཤིང་ཡོ་སེབ་ནི་ཨེ་ལིའི་བུ་ཡིན།  
\v 24 ཨེ་ལི་ནི་མད་ཐད་ཀྱི་བུ་ཡིན། མད་ཐད་ནི་ལེ་ཝིའི༌བུ་ཡིན། ལེ་ཝི་ནི་མེལ་ཁེའི༌བུ་ཡིན། མེལ་ཁེ་ནི་ཡན་ནཱའི༌བུ་ཡིན། ཡན་ནཱ་ནི་ཡོ་སེབ་ཀྱི་བུ་ཡིན།  
\v 25 ཡོ་སེབ་ནི་མད་ཐི་ཐིས་ཀྱི་བུ་ཡིན། མད་ཐི་ཐིས་ནི་ཨ་མོ་ཡི༌བུ་ཡིན། ཨ་མོ་ནི་ནཱ་ཧུམ་གྱི་བུ་ཡིན། ནཱ་ཧུམ་ནི་ཧེ་ཟི་ལེའི༌བུ་ཡིན། ཧེ་ཟི་ལེ་ནི་ནཱ་གེའི༌བུ་ཡིན།  
\v 26 ནཱ་གེ་ནི་མཱ་ཧ་ཐུའི༌བུ་ཡིན། མཱ་ཧ་ཐུ་ནི་མད་ཐི་ཐིས་ཀྱི་བུ་ཡིན། མད་ཐི་ཐིས་ནི་སེ་མེའི༌བུ་ཡིན། སེ་མེ་ནི་ཡོ་སེག་གི་བུ་ཡིན། ཡོ་སེག་ནི་ཡོ་དཱའི༌བུ་ཡིན།  
\v 27 ཡོ་དཱ་ནི་ཡོ་ཧན་ནཱའི༌བུ་ཡིན། ཡོ་ཧན་ནཱ་ནི་རེ་སཱའི༌བུ་ཡིན། རེ་སཱ་ནི་ཟེ་རུ་པཱ་པེལ་གྱི་བུ་ཡིན། ཟེ་རུ་པཱ་པེལ་ནི་ཞིད་ཨལ་ཐེ་ཨེལ་གྱི་བུ་ཡིན། ཞིད་ཨལ་ཐེ་ཨེལ་ནི་ནེ་རིའི༌བུ་ཡིན།  
\v 28 ནེ་རི་ནི་མེལ་ཁེའི༌བུ་ཡིན། མེལ་ཁེ་ནི་ཨད་དིའི༌བུ་ཡིན། ཨད་དི་ནི་ཀོ་སམ་གྱི་བུ་ཡིན། ཀོ་སམ་ནི་ཨེལ་མ་དཱམ་གྱི་བུ་ཡིན། ཨེལ་མ་དཱམ་ནི་ཨེར་གྱི་བུ་ཡིན།  
\v 29 ཨེར་ནི་ཡོ་ཤུ་ཨའི༌བུ་ཡིན། ཡོ་ཤུ་ཨ་ནི་ཨེ་ལི་ཨེ་བཟིར་གྱི་བུ་ཡིན། ཨེ་ལི་ཨེ་བཟིར་ནི་ཡོ་རེམ་གྱི་བུ་ཡིན། ཡོ་རེམ་ནི་མད་ཐད་ཀྱི་བུ་ཡིན། མད་ཐད་ནི་ལེ་ཝིའི༌བུ་ཡིན།  
\v 30 ལེ་ཝི་ནི་སི་མུ་ཨོན་གྱི་བུ་ཡིན། སི་མུ་ཨོན་ནི་ཡུ་དཱའི༌བུ་ཡིན། ཡུ་དཱ་ནི་ཡོ་སེབ་ཀྱི་བུ་ཡིན། ཡོ་སེབ་ནི་ཡོ་ནམ་གྱི་བུ་ཡིན། ཡོ་ནམ་ནི་ཨེལ་ཡ་ཀིམ་གྱི་བུ་ཡིན།  
\v 31 ཨེལ་ཡ་ཀིམ་ནི་མེའ་ལི་ཨཱའི༌བུ་ཡིན། མེའ་ལི་ཨཱ་ནི་མེན་ནཱའི༌བུ་ཡིན། མེན་ནཱ་ནི་མད་ཐ་ཐིའི༌བུ་ཡིན། མད་ཐ་ཐི་ནི་ནཱ་ཐན་གྱི་བུ་ཡིན། ནཱ་ཐན་ནི་དཱ་བིད་ཀྱི་བུ་ཡིན།  
\v 32 དཱ་བིད་ནི་ཡེ་སེའི༌བུ་ཡིན། ཡེ་སེ་ནི་ཨོ་བེད་ཀྱི་བུ་ཡིན། ཨོ་བེད་ནི་པཱོ་ཨ་ཟིའི༌བུ་ཡིན། པཱོ་ཨ་ཟི་ནི་སཱལ་མོན་གྱི་བུ་ཡིན། སཱལ་མོན་ནི་ནཱ་སོན་གྱི་བུ་ཡིན།  
\v 33 ནཱ་སོན་ནི་ཨ་མི་ནཱ་དབ་ཀྱི་བུ་ཡིན། ཨ་མི་ནཱ་དབ་ནི་ཨད་མན་གྱི་བུ་ཡིན། ཨད་མན་ནི་རཱམ་གྱི་བུ་ཡིན། རཱམ་ནི་ཧེས་རོན་གྱི་བུ་ཡིན། ཧེས་རོན་ནི་ཕེ་རེལ་ཟིའི༌བུ་ཡིན། ཕེ་རེལ་ཟི་ནི་ཡ་ཧུ་དཱའི༌བུ་ཡིན།  
\v 34 ཡ་ཧུ་དཱ་ནི་ཡ་ཀོབ་ཀྱི་བུ་ཡིན། ཡ་ཀོབ་ནི་ཨི་སཱག་གི་བུ་ཡིན། ཨི་སཱག་ནི་ཨབ་ར་ཧམ་གྱི་བུ་ཡིན། ཨབ་ར་ཧམ་ནི་ཐ་རཱའི༌བུ་ཡིན། ཐ་རཱ་ནི་ནཱ་ཧོར་གྱི་བུ་ཡིན།  
\v 35 ནཱ་ཧོར་ནི་སེ་རུག་གི་བུ་ཡིན། སེ་རུག་ནི་རེའེ་ཨུའི༌བུ་ཡིན། རེའེ་ཨུ་ནི་ཕེ་ལེག་གི་བུ་ཡིན། ཕེ་ལེག་ནི་ཨེ་བེར་གྱི་བུ་ཡིན། ཨེ་བེར་ནི་ཤེ་ལཱའི༌བུ་ཡིན།  
\v 36 ཤེ་ལཱ་ནི་ཀེ་ནན་གྱི་བུ་ཡིན། ཀེ་ནན་ནི་ཨར་པག་ཤད་ཀྱི་བུ་ཡིན། ཨར་པག་ཤད་ནི་ཤེམ་གྱི་བུ་ཡིན། ཤེམ་ནི་ནོ་ཨའི༌བུ་ཡིན། ནོ་ཨ་ནི་ལཱ་མེག་གི་བུ་ཡིན།  
\v 37 ལཱ་མེག་ནི་མཱ་ཐུ་ཤ་ལཱའི༌བུ་ཡིན། མཱ་ཐུ་ཤ་ལཱ་ནི་ཧ་ནོག་གི་བུ་ཡིན། ཧ་ནོག་ནི་ཡཱ་རཱད་ཀྱི་བུ་ཡིན། ཡཱ་རཱད་ནི་མཱ་ཧ་ལ་ཨེལ་གྱི་བུ་ཡིན། མཱ་ཧ་ལ་ཨེལ་ནི་ཀེ་ནན་གྱི་བུ་ཡིན།  
\v 38 ཀེ་ནན་ནི་ཨེ་ནོ་ཤཱའི༌བུ་ཡིན། ཨེ་ནོ་ཤཱ་ནི་སེད་ཐུའི་བུ་ཡིན། སེད་ཐུ་ནི་ཨ་དམ་གྱི་བུ་ཡིན། ཨ་དམ་ནི་དཀོན་མཆོག་གི་སྲས་ཡིན་ \f + \ft དཀོན་མཆོག་གི་སྲས་ཡིན་ཞེས་པར་དཀོན་མཆོག་གིས་དངོས་སུ་མཛད་པར་གོ་དགོས་པ་ཡིན།\f*ནོ།།   
\c 4
\cl ལེའུ་བཞི༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐྱབས་མགོན་ཡེ་ཤུར་ཉམས་ཚོད་བླངས༌པ།  
\p
\v 1 སྐྱབས་མགོན་ཡེ་ཤུར་དམ་པའི་ཐུགས་ཉིད་ཀྱིས་ཁྱབ་ཅིང་ཡོར་དན་གཙང་པོ་ནས་ཕྱིར་ཕེབས་པ༌ན། དམ་པའི་ཐུགས་ཉིད་ཀྱིས་ཁོང་ཉིད་དབེན་སྟོང་ཞིག་ཏུ་ཁྲིད་པ༌དང༌།  
\v 2 ཉིན་བཞི་བཅུའི་རིང་ལ་བདུད་ཀྱིས་ཁོང་ལ་ཉམས་ཚོད་བླངས་སོ།། ཉིན་དེ་དག་གི་རིང་ལ་ཁོང་གིས་ཞལ་ཟས་ཅི་ཡང་མ་བཞེས༌པས། ཉིན་དེ་དག་མཇུག་རྫོགས་སྐབས་ཁོང་ནི་བཀྲེས་ཤིང་ལྟོགས་པར་གྱུར་ཏོ།།  
\v 3 བདུད་ན༌རེ། ཁྱེད་ནི་དཀོན་མཆོག་གི་སྲས་ཡིན༌ན། རྡོ་འདིར་བཀའ་གནང་ནས་བག་ལེབ་ཏུ་བསྒྱུར་ཅིག་ཅེས་སྨྲས་པ༌ལ།  
\v 4 སྐྱབས་མགོན་ཡེ་ཤུས་འདི་སྐད༌དུ། གསུང་རབ་ཀྱི་མདོ༌ལས། མི་ནི་བག་ལེབ་ཁོ་ནར་བརྟེན་ནས་འཚོ་བ་མ་ཡིན་ནོ་ཞེས་བཀོད་ཡོད་ཅེས་གསུངས་སོ།།  
\v 5 ཡང་བདུད་ཀྱིས་ཁོང་ཉིད་རི་མཐོན་པོ་ཞིག་ཏུ་ཁྲིད་ནས་སྐད་ཅིག་ཙམ་ལ་འཇིག་རྟེན་གྱི་རྒྱལ་ཁམས་ཐམས་ཅད་བསྟན་ཏེ་ན༌རེ།  
\v 6 ངས་དབང་ཐང་དང་གཟི་བརྗིད་འདི་མཐའ་དག་ཁྱེད་ལ་འབུལ་བར༌བྱ། རྒྱུ་མཚན་ནི་འདི་ཐམས་ཅད་སྔར་ནས་བདག་ལ་སྤྲད་ཡོད༌པས། བདག་གིས་སུ་ཞིག་ལ་སྟེར་འདོད་ན་དེ་ལ་སྟེར་ངེས༌ཡིན།  
\v 7 གལ་ཏེ་ཁྱེད་ཀྱིས་བདག་ལ་ཕྱག་བཙལ་ན་འདི་ཐམས་ཅད་ཁྱེད་ལ་དབང་བ་ཡིན་ཞེས་སྨྲས་པ༌ན།  
\v 8 ཡང་སྐྱབས་མགོན་ཡེ་ཤུས་འདི་སྐད༌དུ། གསུང་རབ་ཀྱི་མདོ༌ལས། ཁྱོད་ཀྱིས་གཙོ་བོ་སྟེ་རང་གི་དཀོན་མཆོག་ལ་ཕྱག་འཚལ་ཞིང་ཁོང་གཅིག་པུར་བསྙེན་བཀུར་བྱེད་དགོས་ཞེས་བཀོད་འདུག་ཅེས་གསུངས༌སོ།།  
\v 9 ཡང་བདུད་ཀྱིས་སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་ཁྲིད༌ནས། མཆོད་ཁང་གི་རྩེ་རུ་སྡོད་དུ་བཅུག༌སྟེ་ན་རེ། གལ་ཏེ་ཁྱེད་ནི་དཀོན་མཆོག་གི་སྲས་ཡིན་ན་འདི་ནས་མར་མཆོངས༌ཤིག  
\v 10 རྒྱུ་མཚན་ནི་གསུང་རབ་ཀྱི་མདོ་ལས་དཀོན་མཆོག་གིས་རང་གི་ཕོ་ཉ་རྣམས་ལ་བཀའ་གནང་སྟེ་ཁྱེད་རང་བསྲུང་བར་ངེས་ཞེས་པ༌དང༌།  
\v 11 ཁྱེད་ཀྱི་ཞབས་རྡོ་ལའང་མི་ཐོགས་པའི༌ཕྱིར། ཕོ་ཉ་དེ་རྣམས་ཀྱི་ལག་པས་ཁྱེད་རང་ཡར་འདེགས་པར་འགྱུར་ཞེས་ཀྱང་བཀོད་འདུག་ཅེས་སྨྲས་པ༌ལ།  
\v 12 ཡང་སྐྱབས་མགོན་ཡེ་ཤུས་འདི་སྐད༌གསུངས་པ་སྟེ། གསུང་རབ་ཀྱི་མདོ་ལས། ཁྱོད་ཀྱིས་གཙོ་བོ་སྟེ་རང་གི་དཀོན་མཆོག་ལ་ཚོད་བགམ་མ་བྱེད་ཅེས་གསུངས་འདུག་ཅེས་པའོ།།  
\v 13 བདུད་ཀྱིས་ཐབས་སྣ་ཚོགས་ཀྱི་སྒོ་ནས་ཁོང་ལ་ཉམས་ཚོད་བླངས་ཚར༌རྗེས། རེ་ཞིག་ཁོང་དང་ཁ་བྲལ་ཏོ།།   
\s1 ག་ལིལ་ཡུལ་དུ་བཀའ་སྒྲོག་པའི་འགོ་རྩོམ༌པ།  
\p
\v 14 སྐྱབས་མགོན་ཡེ་ཤུ་ནི་དམ་པའི་ཐུགས་ཉིད་ཀྱི་ནུས་མཐུའི་ངང་ནས་ཕྱིར་ག་ལིལ་ཡུལ་དུ་ཕེབས་པ༌དང༌། ཁོང་གི་མཚན་སྙན་གྲགས་ཀྱང་ག་ལིལ་ཡུལ་གྱི་མཐའ་འཁོར་ཀུན་ལ་ཁྱབ།  
\v 15 ཁོང་གིས་ཆོས་ཁང་སོ་སོ་ནས་ཆོས་གསུངས་པ་དང་མི་ཀུན་གྱིས་ཁོང་ལ་བསྟོད་བསྔགས་བརྗོད༌དོ།།   
\p
\v 16 སྐྱབས་མགོན་ཡེ་ཤུ་ཕྱིར་རང་ཉིད་ནར་སོན་པའི་གནས་ཏེ་ནཱ་ཙ་རེལ་གྲོང་རྡལ་དུ་ཕེབས་ཤིང་ངལ་གསོ་བའི་ཉིན་མོ་ལའང་རང་གི་ནམ་རྒྱུན་གྱི་སྲོལ་ལྟར་ཆོས་ཁང་དུ་ཕེབས༌པ་དང་། ཁོང་གིས་གསུང་རབ་ཀློག་ཕྱིར་ཡར་བཞེངས་པ༌ན།  
\v 17 མི་ཞིག་གིས་ལུང་སྟོན་པ་ཡེ་ཤ་ཡཱའི་མདོ་དེ་ཁོང་ལ་ཕུལ༌ཞིང༌། ཁོང་གིས་མདོ་དེའི་ཁ་ཕྱེས་པ༌ན། དེ་ལས་བཀོད་ཡོད་པའི་ཚན་པ་ཞིག་རྙེད་པ་ནི་འདི་ལྟ༌སྟེ།   
\q1
\v 18 གཙོ་བོའི་ཐུགས་ཉིད་ང་ཡི་སྟེང་དུ༌བཞུགས།།  
\q1 དབུལ་ཕོངས་རྣམས་ལ་འཕྲིན་བཟང་སྒྲོག་པའི༌ཕྱིར།།  
\q1 ཁོང་གིས་བདག་ལ་བྱུགས་ཤིང༌བསྐོས་པ་འོ།།  
\q1 བཙོན་པ་རྣམས་ལ་ཐར་པའི་འཕྲིན་བཟང༌དང༌།།  
\q1 ལོང་བ་གསོ་བའི་འཕྲིན་བཟང་སྒྲོག་ཕྱིར༌དང༌།།  
\q1 མནར་བ་རྣམས་ནི་སྒྲོལ་དུ་འཇུག་པ༌དང༌།།   
\q1
\v 19 ཁོང་གི་ཐུགས་རྗེའི་གནམ་ལོ་སྒྲོག་ཕྱིར༌དུ།།  
\q1 གཙོ་བོ་ཁོང་གིས་བདག་ནི་མངགས་པ༌ཡིན།།  
\m ཞེས་པ་དེ་བཀླགས༌སོ།།  
\v 20 ཁོང་གིས་དཔེ་ཆ་བསྒྲིལ་ནས་ཕྱིར་ཆོས་ཁང་གི་གཉེར་པ་ལ་བསྩལ་ཏེ་བཞུགས༌ཤིང༌། ཆོས་ཁང་དུ་ཡོད་པའི་མི་ཐམས་ཅད་ཀྱིས་ཁོང་ལ་མིག་ཅེ་རེར་བལྟས་པ༌དང༌།  
\v 21 ཁོང་གིས་དེ་རྣམས་ལ་འདི་སྐད༌དུ། གསུང་རབ་ཀྱི་མདོ་འདི་ནི་དེ་རིང་ཁྱོད་ཅག་གིས་ཐོས་པའི་དུས་སུ་གྲུབ་པ་ཡིན་ཞེས་གསུངས་སོ།།  
\v 22 མི་ཐམས་ཅད་ཀྱིས་ཁོང་ལ་བསྟོད་བསྔགས་བརྗོད་ཅིང་ཁོང་གི་ཞལ་ལས་གསུངས་པའི་ཚིག་སྙན་མོ་ཐོས་ནས་ངོ་མཚར་བར་གྱུར། ཁོ་རྣམས་ན༌རེ། འདི་ནི་ཡོ་སེབ་ཀྱི་བུ་མ་ཡིན་ནམ་ཞེས་སྨྲས་སོ།།  
\v 23 ཡང་ཁོང་གིས་དེ་རྣམས་ལ་འདི་སྐད༌དུ། ཁྱོད་ཅག་ན༌རེ། སྨན་པ༌ལགས། ཁྱོད་ཀྱིས་རང་ཉིད་གསོ་བར་བྱོས་ཞེས་པའི་ཁ་དཔེ་འདི་ང་ལ་སྦྱར་ངེས༌ཤིང༌། ཁྱོད་ཀྱིས་ཀཱ་ཕར་ན་ཧུམ་ནས་བྱས་པའི་བྱ་བ་ངེད་ཅག་གིས་ཐོས་པ་དེ་རྣམས་རང་གི་ཕ་ཡུལ་འདི་ནས་ཀྱང་བྱོས་ཤིག་ཅེས་བདག་ལ་སྨྲ་བར་འགྱུར་ཞེས་གསུངས་པ༌དང༌།  
\v 24 ཡང་ཁོང་གིས་འདི་སྐད༌དུ། ངས་ཁྱོད་ཅག་ལ་བདེན་པར་སྨྲ༌སྟེ། ལུང་སྟོན་པ་སུ་ཞིག་ལའང་རང་ཡུལ་ནས་བརྩི་བཀུར་མི་འཐོབ།  
\v 25 བདག་གིས་ཁྱོད་རྣམས་ལ་བདེན་པར་སྨྲ་སྟེ། ཡང་ཨེ་ལི་ཡཱའི་དུས་སུ། ལོ་གསུམ་དང་ཟླ་བ་དྲུག་གི་རིང་ལ་ཐན་པ་བྱུང་བས། ས་ཆ་ཡོངས་ལ་མུ་གེ་ཆེན་པོ་བྱུང་བ་དང་ཡེས་ར་ཨེལ་ཡུལ་དུ་ཡུགས་མོ་མང་པོ་ཡོད༌ནའང༌།  
\v 26 ཨེ་ལི་ཡཱ་ནི་ཡུགས་མོ་དེ་རྣམས་ཀྱི་གམ་དུ་མ་མངགས༌པར། ཚི་ཏུན་ཡུལ་གྱི་ཁོང་གཏོགས་སཱ་རེ་ཕད་ཀྱི་ཡུགས་མོ་དེ་ཁོ་ནའི་གམ་དུ་མངགས།  
\v 27 ཡང་ལུང་སྟོན་པ་ཨེ་ལི་ཤཱའི་དུས་སུ། ཡེས་ར་ཨེལ་གྱི་ས་ཆར་མཛེ་ནད་ཅན་མང་པོ་ཡོད༌ནའང༌། ཁོང་གིས་དེ་རྣམས་ལས་གཅིག་ཀྱང་གཙང་མར་མ་མཛད༌པར། སིར་ཡཱ་ཡུལ་གྱི་ནཱ་ཨ༌མན་ཁོ་ན་གཙང་མར་མཛད་ཅེས་གསུངས་པ་དང་།  
\v 28 ཆོས་ཁང་དུ་ཡོད་པའི་མི་ཐམས་ཅད་ཀྱིས་གཏམ་དེ་ཐོས་རྗེས་ཤིན་ཏུ་ཁྲོས༌ཏེ།  
\v 29 སྐྱབས་མགོན་ཡེ་ཤུ་གྲོང་རྡལ་ནས་ཕྱིར་བསྐྲད་པ༌དང༌། གྲོང་རྡལ་དེ་ནི་རི་སྟེང་དུ་ཆགས་ཡོད་ལ་མི་དེ་དག་གིས་ཁོང་ཉིད་གཡང་གཟར་དུ་འཕེན་ཕྱིར་བྲག་ཁ་རུ་ཁྲིད༌ནའང༌།  
\v 30 སྐྱབས་མགོན་ཡེ་ཤུ་ནི་མི་དེ་རྣམས་ཀྱི་དཀྱིལ་ནས་ཐད་ཀར་ཕེབས༌སོ།།   
\s1 གདོན་འདྲེ་བསྐྲད་པ།  
\p
\v 31 སྐྱབས་མགོན་ཡེ་ཤུ་མར་ག་ལིལ་ཡུལ་གྱི་གྲོང་ཁྱེར་ཀཱ་ཕར་ན་ཧུམ་དུ་ཕེབས་པ༌དང༌། ངལ་གསོ་བའི་ཉིན་མོར་མི་རྣམས་ལ་ཆོས་གསུངས༌ཤིང༌།  
\v 32 ཁོང་གིས་གསུངས་པའི་ཆོས་ལ་དབང་དང་ལྡན་པས་ཐོས་མཁན་རྣམས་ངོ་མཚར་བར་གྱུར་ཏོ།།  
\v 33 དུས༌དེར། ཆོས་ཁང་དེ་རུ་གདོན་འདྲེས་བཟུང་བའི་མི་ཞིག་ཡོད་པ་དེས་སྐད་ཆེན༌པོས།  
\v 34 ཀྱེ། ནཱ་ཙ་རེལ་པ་ཡེ༌ཤུ། ཁྱེད་དང་ངེད་ཅག་ལ་འབྲེལ་བ་ཅི་མཆིས༌སམ། ཁྱེད་རང་ངེད་རྣམས་འཇོམས་པར་ཕེབས༌སམ། ངས་ཁྱེད་རང་སུ་ཡིན་པ་ཤེས༌ཏེ། ཁྱེད་ནི་དཀོན་མཆོག་གི་སྐྱེས་བུ་དམ་པ་དེ་ཉིད་ཡིན་ཞེས་སྨྲས་པ༌ལ།  
\v 35 སྐྱབས་མགོན་ཡེ་ཤུས་གདོན་འདྲེ་དེ་ལ་འདི་སྐད༌དུ། ཁ་རོག་ཏུ་སྡོད༌ཅིག ཁྱོད་ནི་ཁོའི་ལུས་ནས་ཕྱིར་བུད་ཅིག་ཅེས་བཀའ་བཀྱོན་གནང་བ༌ན། གདོན་འདྲེ་དེས་མི་རྣམས་ཀྱི་མདུན་དུ་མི་དེ་ས་རུ་བསྒྱེལ་ནས་ཕྱི་རུ་ཐོན་ཞིང་མི་དེར་གནོད་འཚེ་ཅི་ཡང་མ་བྱས་སོ།།  
\v 36 མི་ཐམས་ཅད་ཧ་ལས་ཏེ་ཕན་ཚུན་ལ་བཀའ་འདི་ནི་ཅི་ཡིན༌ནམ། ཁོང་གིས་དབང་དང་མཐུ་ལ་བརྟེན་ནས་གདོན་འདྲེ་རྣམས་ལ་བཀའ་གནང་ཞིང་གདོན་འདྲེ་ཡང་ཕྱིར་བུད་དོ་ཞེས་སྨྲས་སོ།།  
\v 37 དེ་ནས་ཁོང་གི་མཚན་སྙན་གྲགས་མཐའ་འཁོར་གྱི་ཡུལ་གྲུ་ཀུན་ཏུ་ཁྱབ༌བོ།།   
\s1 མི་མང་པོའི་ནད་གསོས༌པ།  
\p
\v 38 སྐྱབས་མགོན་ཡེ་ཤུ་ཡར་བཞེངས་ཤིང་ཆོས་ཁང་ནས་ཕྱིར་བུད་དེ་སི་མོན་གྱི་ཁྱིམ་དུ་ཕེབས་པ༌དང༌། སི་མོན་གྱི་སྒྱུག་མོར་ཚ་ནད་དྲག་པོ་བྱུང་ཡོད་པས་ཁྱིམ་མི་རྣམས་ཀྱིས་དོན་དེ་ཁོང་ལ་ཞུས་སོ།།  
\v 39 ཁོང་ཉིད་ཁོ་མོའི་གམ་དུ་ཡར་བཞེངས་ནས་ཚ་ནད་ལ་བཀའ་བཀྱོན་མཛད་པ༌ན། ཁོ་མོའི་ཚ་བཞག་ཅིང་དེ་མ་ཐག་ཡར་ལངས་ནས་ཁོང་རྣམས་ལ་ཞབས་ཕྱི་བསྒྲུབས།  
\v 40 ཉི་མ་ནུབ་དུས་མི་རྣམས་ཀྱིས་ནད་རིགས་སྣ་ཚོགས་ཅན་གྱི་ནད་པ་ཐམས་ཅད་ཁོང་གི་དྲུང་དུ་ཁྲིད་ཡོང་བ༌དང༌། ཁོང་གིས་དེ་དག་རེ་རེའི་ལུས་ལ་ཕྱག་བཞག་སྟེ་ནད་ལས་གསོས་པའོ།།  
\v 41 གདོན་འདྲེ་རྣམས་ཀྱང་མི་མང་པོའི་ལུས་ནས་ཕྱི་རུ་ཐོན་ཏེ་སྐད་ཆེན་པོས་ཁྱེད་ནི་དཀོན་མཆོག་གི་སྲས་ཡིན་ཞེས་འུར་བརྒྱབ་པ༌དང༌། གདོན་འདྲེ་དེ་དག་གིས་ཁོང་ནི་སྐྱབས་མགོན་མཱ་ཤི་ཀ་ཡིན་པ་ཤེས༌པས། སྐྱབས་མགོན་ཡེ་ཤུས་དེ་དག་ལ་བཀའ་བཀྱོན་མཛད་ཅིང་སྐད་ཆ་སྨྲ་རུ་མ་བཅུག་གོ།  
\v 42 ནམ་ལངས་པའི་དུས༌སུ། སྐྱབས་མགོན་ཡེ་ཤུ་ཡར་བཞེངས་ཏེ་དབེན་གནས་ཤིག་ཏུ་ཕེབས༌ཤིང༌། མི་ཚོགས་ཀྱིས་ཁོང་ཉིད་བཙལ་ནས་ཁོང་གི་དྲུང་དུ་ཡོང༌སྟེ། ཁོ་རྣམས་དང་ཁ་མི་འབྲལ་བའི་ཕྱིར་ཁོང་ཉིད་འགོག་འདོད༌ཀྱང༌།  
\v 43 ཁོང་གིས་དེ་རྣམས་ལ་ང་རང་ནི་དཀོན་མཆོག་གི་རྒྱལ་སྲིད་ཀྱི་ཆོས་སྒྲོག་ཏུ་མངགས་པ་ཡིན༌པས། གྲོང་རྡལ་གཞན་དག་ལའང་བསྒྲག་དགོས་ཞེས་གསུངས་པ༌དང༌།  
\v 44 ཁོང་གིས་ཡ་ཧུ་དཱ་པའི་ཡུལ་གྱི་ཆོས་ཁང་མང་པོ་ནས་ཀྱང་ཆོས་བསྒྲགས༌སོ།།   
\c 5
\cl ལེའུ་ལྔ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐྱབས་མགོན་ཡེ་ཤུའི་ཐུགས་སྲས་སྔ་མའི་སྐོར།  
\p
\v 1 སྐྱབས་མགོན་ཡེ་ཤུ་མཚོ་གེན་ནེ་སཱ་རེལ་\f + \ft གེན་ནེ་སཱ་རེལ་ཞེས་པ་ནི་མཚོ་ག་ལིལ་དང་དོན་གཅིག་མིང་གི་རྣམ་གྲངས༌ཡིན།\f*གྱི་འགྲམ་དུ་བཞུགས་པའི་སྐབས༌སུ། མི་ཚོགས་ཀྱིས་དཀོན་མཆོག་གི་བཀའ་ལ་མཉན་ཕྱིར་འཚང་ཁ་བརྒྱབ་སྟེ་ཁོང་གི་མཐའ་ནས་བསྐོར།  
\v 2 ཁོང་གིས་མཚོ་འགྲམ་དུ་མཚོ་གྲུ་གཉིས་ཡོད་པ་གཟིགས་ཤིང་ཉ་པ་རྣམས་མཚོ་གྲུ་དང་ཁ་བྲལ་ནས་དྲ་རྒྱ་འཁྲུད་བཞིན་ཡོད་དོ།།  
\v 3 མཚོ་གྲུ་རྣམས་ལས་གཅིག་ནི་སི་མོན་གྱི་ཡིན་པ་དང་། ཁོང་ཉིད་དེའི་ནང་དུ་ཕེབས༌ཤིང༌། དེ་ལ་མཚོ་འགྲམ་ནས་ཅུང་ཙམ་ཕར་སྐྱོད་ཅིག་ཅེས་གསུངས་པ༌དང༌། ཁོང་ཉིད་གྲུ་དེར་བཞུགས་ཏེ་མི་ཚོགས་ལ་ཆོས་གསུངས་སོ།།  
\v 4 ཁོང་གིས་ཆོས་གསུངས་ཚར་རྗེས་སི་མོན་ལ་འདི་སྐད༌དུ། མཚོ་གཏིང་ཟབ་པའི་གནས་སུ་གྲུ་སྐྱོད༌ཅིག དྲ་རྒྱ་འཕངས་ནས་ཉ་ཟུངས་ཤིག་ཅེས་གསུངས་པ༌དང༌།  
\v 5 སི་མོན་ན༌རེ། སྟོན་པ༌ལགས། ངེད་ཅག་གིས་ཞག་གང་བོར་དཀའ་སྡུག་མྱངས་ནའང་ཅི་ཡང་མ༌ཟིན། འོན་ཀྱང་ཁྱེད་ཀྱིས་གསུངས་པ་བཞིན་དྲ་རྒྱ་མར་གཏོང་བར་བྱ་ཞེས་སྨྲས༌ཤིང༌།  
\v 6 ཁོ་རྣམས་ཀྱིས་དེ་ལྟར་དྲ་རྒྱ་བཏང་བ་དང་ཉ་ཤིན་ཏུ་མང་པོ་ཟིན་ཏེ་དྲ་རྒྱའང་ཆད་ལ་ཉེ་བ་ཙམ་བྱུང༌བས།  
\v 7 མཚོ་གྲུ་གཞན་དུ་ཡོད་པའི་གྲོགས་རྣམས་ལ་རོགས་བྱེད་དུ་ཡོང་བར་ལག་བརྡ་བྱས་པ༌དང༌། དེ་རྣམས་ཀྱང་ཚུར་ཡོང་ཞིང་མཚོ་གྲུ་གཉིས་པོར་ཉས་བཀང་སྟེ་མཚོ་གྲུ་ཡང་ཆུ་རུ་ནུབ་ལ་ཉེ་བ་ཙམ་བྱུང༌།  
\v 8 སི་མོན་པེ་ཏྲོས་དོན་དེ་མཐོང་ནས་སྐྱབས་མགོན་ཡེ་ཤུའི་ཞབས་དྲུང་དུ་ཕྱག་བཙལ་ཏེ་འདི་སྐད༌དུ། གཙོ་བོ༌ལགས། བདག་ནི་མི་སྡིག་ཅན་ཞིག་ཡིན༌པས། ཁྱེད་རང་ང་དང་བྲལ་ནས་ཕེབས་རོགས་ཞེས་ཞུས་སོ།།  
\v 9 ཁོ་དང་མཉམ་དུ་ཡོད་པ་ཐམས་ཅད་ཀྱིས་ཐེངས་འདིར་ཉ་དེ་འདྲ་མང་པོ་ཟིན་པ་མཐོང་བས་དོན་དེར་ཤིན་ཏུ་ཧ་ལས༌ཤིང༌།  
\v 10 སི་མོན་གྱི་ལས་གྲོགས་ཟེ་བད་ཡཱའི་བུ་ཡ་ཀོབ་དང་ཡོ་ཧ་ནན་གཉིས་ཀྱང་དེར་ཧ་ལས༌པ་རེད། སྐྱབས་མགོན་ཡེ་ཤུས་སི་མོན་ལ་འདི་སྐད༌དུ། མ་འཇིགས༌ཤིག ཕྱིན་ཆད་ཁྱོད་ལ་མི་ཡང་འཐོབ་པར་འགྱུར་ཞེས་གསུངས༌ཤིང༌།  
\v 11 དེ་རྣམས་ཀྱིས་ཀྱང་མཚོ་གྲུ་གཉིས་པོ་མཚོ་འགྲམ་དུ་བསྐྱུར་བ་དང་ཐམས་ཅད་སྤངས་ནས་ཁོང་གི་རྗེས་སུ་འབྲངས༌སོ།།   
\s1 མཛེ་ནད་ཅན་གསོས༌པ།  
\p
\v 12 སྐྱབས་མགོན་ཡེ་ཤུ་ཡུལ་དེའི་གྲོང་རྡལ་ཞིག་ཏུ་བཞུགས་པའི་དུས༌སུ། ལྟོས་དང་། ལུས་ཡོངས་ལ་མཛེ་ནད་ཀྱིས་ཟིན་པའི་མི་ཞིག་གིས་ཁོང་ཉིད་མཐོང་བ་དང་ཕྱག་བཙལ་ཏེ་ན༌རེ། གཙོ་བོ༌ལགས། གལ་ཏེ་ཁྱེད་ཐུགས་མཉེས་པ་ཡིན༌ན། ཁྱེད་ཀྱིས་ང་རང་གཙང་མར་མཛད་ནུས་པ་ཡིན་ཞེས་ཞུ་བ་བྱས་པ༌ལ།  
\v 13 ཁོང་གིས་ཕྱག་བརྐྱངས་ནས་མི་དེར་རེག་པ༌དང༌། ང་རང་འཐད་པ་ཡིན། ཁྱོད་རང་གཙང་མར་གྱུར་ཅིག་ཅེས་གསུངས་མ་ཐག་མི་དེའི་མཛེ་ནད་སོས་སོ།།  
\v 14 ཁོང་གིས་མི་དེ་ལ་འདི་སྐད་དུ། དོན་འདི་གཞན་སུ་ལའང་མི་སྨྲ་བར་གྱིས། ཁྱོད་རང་ཕྱིར་སོང་ནས་རང་གི་ལུས་པོ་མཆོད་དཔོན་ལ་སྟོན༌ཅིག མི་རྣམས་ལ་བདེན་དཔང་བྱེད་པའི་ཆེད་དུ་མོ་ཤེ་ཡིས་བཀའ་གནང་ཡོད་པ༌བཞིན། གཙང་མར་གྱུར་པའི་མཆོད་པ་ཕུལ་ཅིག་ཅེས་བཀའ་བསྒོས་སོ།།  
\v 15 འོན་ཀྱང་ཁོང་གི་མཚན་སྙན་གྲགས་སྔར་ལས་ཀྱང་ཤིན་ཏུ་རྒྱས༌པས། མི་སྐོར་ཚོ་མང་པོ་ཁོང་གི་གསུང་ལ་མཉན་པ་དང་རང་གི་ནད་གསོ་བའི་ཕྱིར་གནས་དེར་འདུས༌ནའང༌།  
\v 16 ཁོང་ནི་ནམ་རྒྱུན་ལྟར་གསོལ་བ་འདེབས་ཕྱིར་དབེན་གནས་སུ་ཕེབས༌སོ།།   
\s1 མི་ཞ་བོ་ཞིག་གསོས༌པ།  
\p
\v 17 ཉིན་ཞིག༌ལ། སྐྱབས་མགོན་ཡེ་ཤུས་ཆོས་གསུང་བའི་དུས༌སུ། ག་ལིལ་ཡུལ་གྱི་གྲོང་སྡེ་སོ་སོ༌དང༌། ཡ་ཧུ་དཱ༌ཡུལ། ཡེ་རུ་སཱ་ལེམ་བཅས་ནས་ཡོང་བའི་ཕ་རུ་ཤི་པ་དང་བཀའ་ཁྲིམས་ཀྱི་དགེ་རྒན་འགའ་ཤས་གནས་དེར་བསྡད་ཡོད༌ཅིང༌། གཙོ་བོའི་ནུས་མཐུ་ནི་ཁོང་དང་མཉམ་དུ་བཞུགས་པས་ཁོང་གིས་ནད་པ་རྣམས་ཀྱི་ནད་གསོ་བར་ནུས༌སོ།།  
\v 18 མི་འགའ་ཞིག་གིས་མི་ཞ་བོ་ཞིག་ཁྱོགས་ཤིང་དུ་ཁུར་ནས་སྐྱབས་མགོན་ཡེ་ཤུའི་དྲུང་དུ་ཡོང་བསམས༌ཀྱང༌།  
\v 19 གནས་དེར་མི་མང་པོ་འདུས་པའི་རྐྱེན་གྱིས་ཁང་པའི་ནང་དུ་འགྲོ་ཐབས་མ་རྙེད༌པར། ཁང་ཐོག་ཏུ་སོང་སྟེ་རྫ་གཡམ་གྱི་བར་ནས་མི་ཞ་བོ་དེ་ཁྱོགས་ཤིང་དང་བཅས་མི་ཚོགས་ཀྱི་དཀྱིལ་ལ་སྐྱབས་མགོན་ཡེ་ཤུའི་དྲུང་དུ་བཏང༌།  
\v 20 ཁོང་གིས་དེ་རྣམས་ཀྱི་དད་སེམས་གཟིགས་ནས་ཞ་བོ་དེ་ལ་འདི་སྐད༌དུ། སྙིང་གི༌བུ། ཁྱོད་ཀྱི་སྡིག་པ་བསལ་བ་ཡིན་ཞེས་གསུངས་སོ།།  
\v 21 མཁན་པོ་དང་ཕ་རུ་ཤི་པ་རྣམས་ཀྱི་སེམས༌སུ། དཀོན་མཆོག་གི་དབུ་འཕང་སྨད་མཁན་འདི་སུ་ཡིན༌ནམ། དཀོན་མཆོག་ཁོ་ན་ལས་གཞན་སུ་ཞིག་གིས་སྡིག་པ་བསལ་ནུས་སམ་ཞེས་བསམས་པར།  
\v 22 སྐྱབས་མགོན་ཡེ་ཤུས་དེ་དག་གི་བསམ་ཚུལ་མཁྱེན་ཏེ་འདི་སྐད༌དུ། ཁྱོད་རྣམས་ཀྱི་སེམས་སུ་ཅིའི་ཕྱིར་དེ་ལྟར་བསམས་པ་ཡིན༌ནམ།  
\v 23 ཁྱོད་ཀྱི་སྡིག་པ་བསལ་བ་ཡིན་ཞེས་ཟེར༌བ་དང་། ཁྱོད་ཡར་ལོངས་ལ་སྐྱོད་ཅིག་ཟེར་བ་གཉིས་ལས་གང་ཞིག༌སླའམ།  
\v 24 འོན་ཀྱང་། འདི་ནི་ས་སྟེང་དུ་མིའི་བུ་ལ་སྡིག་པ་བསལ་བའི་དབང་ཡོད་པ་ཁྱོད་ཅག་གིས་ཤེས་པའི་ཕྱིར་ཡིན་ཞེས་གསུངས༌རྗེས། ཁོང་གིས་ཞ་བོ་དེ་ལ་འདི་སྐད༌དུ། བདག་གིས་ཁྱོད་ལ་སྨྲ་བར་བྱ༌སྟེ། ཡར་ལོངས་ལ་ཁྱོགས་ཤིང་ཁུར་ནས་ཕྱིར་རང་ཡུལ་དུ་སོང་ཞིག་ཅེས་བཀའ་གནང་མ༌ཐག  
\v 25 མི་དེ་ཁོ་རྣམས་ཀྱི་མདུན་ནས་ཡར་ལངས་ཏེ་ཁྱོགས་ཤིང་ཁུར་ནས་དཀོན་མཆོག་ལ་བསྟོད་བསྔགས་བརྗོད་བཞིན་ཕྱིར་རང་ཡུལ་དུ་ལོག་པ་རེད།  
\v 26 མི་ཐམས་ཅད་ངོ་མཚར་སྐྱེས་ཏེ་དཀོན་མཆོག་ལ་བསྟོད་བསྔགས་བརྗོད་པ་དང་གུས་ཤིང་འཇིགས་པའི་ངང་ནས་བདག་ཅག་གིས་དེ་རིང་དོན་ཁྱད་མཚར་ཞིག་མཐོང་བྱུང་ཞེས་སྨྲས༌སོ།།   
\s1 ལེ་ཝི་སྐྱབས་མགོན་ཡེ་ཤུའི་རྗེས་སུ་འབྲང༌བ།  
\p
\v 27 དེའི་རྗེས༌སུ། སྐྱབས་མགོན་ཡེ་ཤུ་ཕྱི་རོལ་ཏུ་ཕེབས༌ཤིང༌། མིང་ལ་ལེ་ཝི་ཟེར་བའི་ཁྲལ་ལེན་མཁན་དེ་ཁྲལ་སྡུད་སར་བསྡད་ཡོད་པ་གཟིགས་ནས་འདི་སྐད༌དུ། ཁྱོད་རང་ངའི་རྗེས་སུ་ཤོག་ཅེས་གསུངས་པ༌དང༌།  
\v 28 མི་དེས་ཀྱང་ཐམས་ཅད་སྤངས་ནས་ཡར་ལངས་ཏེ་ཁོང་གི་རྗེས་སུ་འབྲངས༌སོ།།   
\p
\v 29 ལེ་ཝི་ཡིས་རང་གི་ཁྱིམ་ནས་ཁོང་ལ་གསོལ་སྟོན་ཆེན་པོ་བཤམས་པ༌དང༌། ཁྲལ་ལེན་མཁན་དང་མི་གཞན་མང་པོས་ཀྱང་ཁོང་རྣམས་དང་མཉམ་དུ་བཟའ་བཏུང་སྤྱད་ནས་བསྡད་དོ།།  
\v 30 དེའི་དུས་སུ་ཕ་རུ་ཤི་པ་དང་མཁན་པོ་རྣམས་ཀྱིས་ཁོང་གི་ཐུགས་སྲས་རྣམས་ལ་མི་དགའ་བའི་གཏམ་གླེང༌སྟེ། ཁྱོད་ཅག་གིས་ཅིའི་ཕྱིར་ཁྲལ་ལེན་མཁན་དང་མི་སྡིག་ཅན་རྣམས་དང་མཉམ་དུ་བཟའ་བཏུང་ལ་རོལ་བ་ཡིན་ནམ་ཞེས་སྨྲས་པ༌ན།  
\v 31 སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། ལུས་ཁམས་བདེ་བའི་མི་ཡིས་སྨན་པ་བསྟེན་མི་དགོས་མོད། འོན་ཀྱང་ནད་པས་ད་གཟོད་སྨན་པ་བསྟེན་དགོས་པ་ཡིན།  
\v 32 བདག་ནི་མི་གཞུང་དྲང་རྣམས་ཀྱིས་འགྱོད་བཤགས་བྱེད་པའི་ཕྱིར་ཁོ་རྣམས་འབོད་དུ་འོངས་པ་མ་ཡིན༌པར། མི་སྡིག་ཅན་རྣམས་ཀྱིས་འགྱོད་བཤགས་བྱེད་པའི་ཕྱིར་ཁོ་རྣམས་འབོད་དུ་ཡོང་བ་ཡིན་ཞེས་གསུངས༌སོ།།   
\s1 སྨྱུང་གནས་སྐོར་གྱི་ཆོས་གསུངས༌པ།  
\p
\v 33 ཡང་ཆོས་དཔོན་དེ་རྣམས་ན༌རེ། ཁྲུས་གསོལ་མཁན་ཡོ་ཧ་ནན་གྱི་སློབ་མ་རྣམས་ཀྱིས་དུས་རྒྱུན་དུ་སྨྱུང་གནས་སྲུང་ཞིང་གསོལ་བ་འདེབས༌པ་དང་། ཕ་རུ་ཤི་པའི་སློབ་མ་རྣམས་ཀྱིས་ཀྱང་དེ་ལྟར་བྱེད་པ་རེད། འོན་ཀྱང་ཁྱེད་ཀྱི་ཐུགས་སྲས་རྣམས་ཀྱིས་དེ་ལྟར་མི་བྱེད་པར་བཟའ་བཏུང་སྤྱོད་དོ་ཞེས་སྨྲས་པ༌ན།  
\v 34 སྐྱབས་མགོན་ཡེ་ཤུས་འདི་སྐད༌དུ། མག་པ་དང་སྐུ་མགྲོན་རྣམས་མཉམ་དུ་ཡོད་དུས་སྐུ་མགྲོན་རྣམས་ལ་སྨྱུང་གནས་སྲུང་དུ་འཇུག་ག་ལ་རུང་།  
\v 35 འོན་ཀྱང་མག་པ་དང་སྐུ་མགྲོན་རྣམས་ཁ་འབྲལ་བའི་དུས་ཤིག་སླེབ་ཡོང༌སྟེ། དུས་དེར་སྐུ་མགྲོན་རྣམས་ཀྱིས་སྨྱུང་གནས་བསྲུང་བར་འགྱུར་ཞེས་གསུངས་སོ།།  
\v 36 ཡང་ཁོང་གིས་དེ་རྣམས་ལ་དཔེ་ཞིག་སྦྱར་ནས་འདི་སྐད༌དུ། མི་སུ་ཡིན་ཡང་ལྭ་གསར་པའི་སྟེང་ནས་རས་ཞིག་བླངས་ཏེ་ལྭ་རྙིང་པར་ལྷན་པ་མི་རྒྱག༌སྟེ། དེ་ལྟར་བྱས་ན་ལྭ་གསར་པ་དེ་རལ་བར་མ༌ཟད། རས་གསར་པ་དེ་དང་ལྭ་རྙིང་པ་གཉིས་ཀྱང་ཆ་མཚུངས་པ་མ་ཡིན།  
\v 37 ཡང་སུ་ཡིན་ཡང་རྒུན་ཆང་གསར་པ་སྐྱི་ཁུག་རྙིང་པའི་ནང་དུ་མི་བླུག༌སྟེ། གལ་ཏེ་བླུགས་ན་རྒུན་ཆང་གསར་པ་དེས་སྐྱི་ཁུག་རྙིང་པ་རལ་ཏུ་འཇུག་པར་མ༌ཟད། ཆང་ཡང་ས་རུ་བཞུར་ནས་སྐྱི་ཁུག་ཀྱང་བརླག་པར་འགྱུར་ངེས༌པས།  
\v 38 རྒུན་ཆང་གསར་པ་དེ་སྐྱི་ཁུག་གསར་པའི་ནང་དུ་བླུག་དགོས།  
\v 39 ཡང་མི་སུ་ཡིན་ཡང་རྒུན་ཆང་རྙིང་པ་འཐུང་རྗེས་རྒུན་ཆང་གསར་པ་འཐུང་མི་འདོད༌པར། ཁོས་རྟག་ཏུ་རྒུན་ཆང་རྙིང་པ་ཞིམ་པོ་འདུག་ཅེས་ཟེར་ངེས་ཡིན་ཞེས་གསུངས༌སོ།།   
\c 6
\cl ལེའུ་དྲུག༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 ངལ་གསོ་བའི་ཉིན་གྱི་གཙོ་བོའི༌སྐོར།  
\p
\v 1 ངལ་གསོ་བའི་ཉིན་ཞིག་ལ་སྐྱབས་མགོན་ཡེ་ཤུ་ཞིང་བར་བརྒྱུད་ནས་ཕེབས་པ༌དང༌། ཁོང་གི་ཐུགས་སྲས་རྣམས་ཀྱིས་འབྲུ་ཡི་སྙེ་མ་བཏོགས་ཤིང་ལག་པས་འཕུར་འཕུར་བྱས་ནས་ཟོས་སོ།།  
\v 2 ཕ་རུ་ཤི་པ་འགའ་ཞིག་ན༌རེ། ཁྱོད་ཅག་གིས་ཅིའི་ཕྱིར་ངལ་གསོ་བའི་ཉིན་ལ་བཀའ་ཁྲིམས་དང་འགལ་བའི་ལས་བྱེད་དམ་ཞེས་སྨྲས་པ༌ལ།  
\v 3 སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། དཱ་བིད་འཁོར་དང་བཅས་པ་བཀྲེས་ལྟོགས་བྱུང་སྐབས་ཅི་ཞིག་བྱས་པ་ཁྱོད་རྣམས་ཀྱིས་བཀླགས་མ་མྱོང༌ངམ།  
\v 4 ཁོང་ཉིད་དཀོན་མཆོག་གི་བཞུགས་གནས་སུ་སོང་ནས་སྤྱན་བསྟར་བག་ལེབ་ཟོས་ཤིང་འཁོར་གཡོག་རྣམས་ལའང་བྱིན། སྤྱིར་བག་ལེབ་དེ་མཆོད་དཔོན་ལས་གཞན་སུས་ཀྱང་བཟའ་མི་རུང་ཞེས་གསུངས་པ༌དང༌།  
\v 5 ཡང་འདི་སྐད༌དུ། མིའི་བུ་ནི་ངལ་གསོ་བའི་ཉིན་གྱི་གཙོ་བོ་ཡིན་ཞེས་གསུངས༌སོ།།   
\p
\v 6 ཡང་ངལ་གསོ་བའི་ཉིན་གཞན་ཞིག༌ལ། སྐྱབས་མགོན་ཡེ་ཤུ་ཆོས་ཁང་དུ་ཕེབས་ནས་ཆོས་གསུངས་པ༌ན། དེ་རུ་གཡས་ལག་ཞ་བའི་མི་ཞིག་ཡོད༌དེ།  
\v 7 མཁན་པོ་དང་ཕ་རུ་ཤི་པ་རྣམས་ཀྱིས་ཁོང་ལ་སྙད་འཛུགས་པའི༌ཕྱིར། ཁོང་གིས་ངལ་གསོ་བའི་ཉིན་ལ་ནད་གསོ་མིན་ལ་བརྟག་ཆེད་ལྐོག་ནས་བལྟས་ཏེ་བསྡད་དོ།།  
\v 8 འོན་ཀྱང་། སྐྱབས་མགོན་ཡེ་ཤུས་དེ་རྣམས་ཀྱི་བསམ་ཚུལ་མཁྱེན༌ཏེ། ལག་པ་ཡ་གཅིག་ཞ་བའི་མི་དེ་ལ་འདི་སྐད༌དུ། ཡར་ལོངས༌དང༌། དཀྱིལ་ནས་སྡོད་ཅིག་ཅེས་བཀའ་གནང༌ཞིང༌། མི་དེའང་ཡར་ལངས་ནས་བསྡད་དོ།།  
\v 9 ཡང་སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། ངས་ཁྱོད་རྣམས་ལ་དྲི་བ་ཞིག་འདོན༌ཏེ། བཀའ་ཁྲིམས་ལྟར་ན་ངལ་གསོ་བའི་ཉིན་ལ་ལས་བཟང་པོ་བྱས་ཆོག༌གམ་ཡང་ན་ལས་ངན་པ་བྱས་ཆོག སྲོག་བསྐྱབས་ཆོག༌གམ་ཡང་ན་སྲོག་བཅད་ཆོག་ཅེས་གསུངས་པ༌དང༌།  
\v 10 ཡང་ཁོང་གིས་དེ་རྣམས་ལ་རིམ་གྱིས་གཟིགས་ཤིང་མི་ཞ་བོ་དེ་ལ་འདི་སྐད༌དུ། ཁྱོད་ཀྱིས་ལག་པ་རྐྱོངས་ཤིག་ཅེས་གསུངས་པ༌དང༌། ཁོས་ཀྱང་དེ་ལྟར་བྱས་ཤིང་ལག་པ་སོས་པར་གྱུར་ཏོ།།  
\v 11 འོན་ཀྱང་། མཁན་པོ་དང་ཕ་རུ་ཤི་པ་རྣམས་ཤིན་ཏུ་ཁྲོས་ཏེ་སྐྱབས་མགོན་ཡེ་ཤུར་ཅི་ཞིག་བྱ་བར་གྲོས་བྱས༌སོ།།   
\s1 སྐུ་ཚབ་པ་བཅུ་གཉིས་བདམས༌པ།  
\p
\v 12 དུས༌དེར། སྐྱབས་མགོན་ཡེ་ཤུ་རི་བོ་ཞིག་ལ་གསོལ་བ་འདེབས་སུ་ཕེབས་ཏེ་མཚན་གང་བོར་དཀོན་མཆོག་ལ་གསོལ་བ་བཏབ་ནས་བཞུགས་པ་རེད།  
\v 13 ནམ་ལངས༌ཚེ། ཁོང་གིས་རྗེས་འབྲང་པ་རྣམས་རང་ཉིད་ཀྱི་དྲུང་དུ་བོས་པ་དང་དེ་ལས་མི་བཅུ་གཉིས་བདམས་ཤིང་དེ་རྣམས་ལ་སྐུ་ཚབ་པ་ཞེས་བཏགས་སོ།།  
\v 14 དེ་རྣམས་ནི་ཁོང་གིས་པེ་ཏྲོ་ཞེས་བཏགས་པའི་སི་མོན་དང་དེའི་ནུ་བོ་ཨན་དྲི་ཡཱ༌དང༌། གཞན་ཡང་ཡ་ཀོབ་དང་ཡོ་ཧ༌ནན། ཕི་ལིབ་དང་པཱར་ཐོ་ལོ༌མཱ།  
\v 15 མད་ཐཱ་དང་ཐོ༌མཱ། ཨལ་ཕཱའི་བུ་ཡ་ཀོབ་དང་བརྩོན་འགྲུས་ཅན་ཟེར་བའི་སི་མོན་དང༌།  
\v 16 ཡ་ཀོབ་ཀྱི་བུ་ཡུ་དཱ་དང་ཕྱིས་སུ་ངོ་ལོག་པར་གྱུར་པའི་ཨི་སི་ཀར་རེའི་ཡུ་དཱ་བཅས༌སོ།།   
\s1 བདེ་སྡུག་སྐོར་གྱི་ཆོས་གསུངས༌པ།  
\p
\v 17-18 ཁོང་རྣམས་རི་ལས་མར་ཕེབས་ཏེ་ཐང་བདེ་མོ་ཞིག་ཏུ་བཞུགས་པ༌དང༌། ཁོང་གི་རྗེས་འབྲང་པ་གཞན་མང་པོ་ཡོད༌ལ། མི་སེར་ཤིན་ཏུ་མང་པོ་ཞིག་ཀྱང༌ཡོད། དེ་དག་ཁོང་གི་ཆོས་ལ་མཉན་པ་དང་རང་རང་གི་ནད་གསོ་བའི་ཕྱིར། ཡ་ཧུ་དཱའི་ཡུལ་ཐམས་ཅད་དང་ཡེ་རུ་སཱ་ལེམ། རྒྱ་མཚོའི་འགྲམ་གྱི་གྲོང་ཁྱེར་ཐཱར་དང་ཚི་ཏུན་བཅས་ནས་འོངས་ཤིང༌། གདོན་འདྲེས་འཁྲིལ་བ་རྣམས་ཀྱང་ཡོང་ནས་ནད་ཐམས་ཅད་སོས་པར་གྱུར་ཏོ།།  
\v 19 ཁོང་གི་སྐུ་ལས་ནུས་མཐུ་བྱུང་སྟེ་ཐམས་ཅད་སོས་པར་གྱུར༌པས། མི་ཀུན་གྱིས་ཁོང་ལ་རེག་པར་བསམས༌སོ།།   
\p
\v 20 སྐྱབས་མགོན་ཡེ་ཤུས་དབུ་ཡར་དགྱེ་ནས་རྗེས་འབྲང་པ་རྣམས་ལ་གཟིགས་ཏེ་འདི་སྐད༌དུ། ཁྱོད་ཅག་དབུལ་པོ་རྣམས༌བདེའོ། །དཀོན་མཆོག་གི་རྒྱལ་སྲིད་ནི་ཁྱོད་ཅག་གི་ཡིན་པས༌སོ།།  
\v 21 ད་ལྟ་ཁྱོད་ཅག་བཀྲེས་ལྟོགས་མྱོང་བ་རྣམས༌བདེའོ། །ཁྱོད་ཅག་གི་ལྟོ་བ་འགྲང་ངེས་པས༌སོ། །ད་ལྟ་ཁྱོད་ཅག་ངུ་བ་རྣམས༌བདེའོ། །ཁྱོད་ཅག་དགོད་པར་འགྱུར་བའི་ཕྱིར༌རོ།།  
\v 22 མི་རྣམས་ཀྱིས་མིའི་བུ་ཡི་དོན་དུ་ཁྱོད་ཅག་ལ་སྡང་ཞིང་རྩིས་མེད་གཏོང་བ༌དང༌། ཚིག་ངན་སྨྲ༌བ། ཁྱོད་ཅག་གི་མིང་ངན་པར་བརྩིས་ནས་སྤོང་བ་བཅས་བྱེད་ན་ཁྱོད་རྣམས༌བདེའོ།།  
\v 23 ཉིན་དེའི་དུས༌སུ། ཁྱོད་ཅག་དགའ་བའི་ངང་ནས་མཆོང་ལྡིང་བྱོས༌ཤིག རྒྱུ་མཚན་ནི་ནམ་མཁའི་ཞིང་ཁམས་སུ་ཁྱོད་ཅག་ལ་བྱ་དགའ་ཆེན་པོ་ཡོད་པ་ཡིན། ཅིའི་ཕྱིར་ཞེ་ན། མི་དེ་དག་གི་མེས་པོ་རྣམས་ཀྱིས་ཀྱང་ལུང་སྟོན་པ་རྣམས་ལ་དེ་ལྟར་བྱས་མྱོང༌བའི་ཕྱིར་རོ།།  
\v 24 འོན་ཀྱང་། ཁྱོད་ཅག་ཕྱུག་པོ་རྣམས་ལ་ཆག་སྒོ་འབྱུང་ངེས༌ཏེ། ད་ལྟ་ཁྱོད་ཅག་ལ་སེམས་གསོ་ཐོབ་ཟིན་པའི་ཕྱིར༌རོ།།  
\v 25 ད་ལྟ་ཁྱོད་ཅག་ལྟོ་བ་འགྲངས་པ་རྣམས་ལ་ཆག་སྒོ་འབྱུང་ངེས༌ཏེ། ཁྱོད་ཅག་ལ་རྗེས་སུ་བཀྲེས་ལྟོགས་འབྱུང་བར་འགྱུར། ད་ལྟ་ཁྱོད་ཅག་དགོད་པ་རྣམས་ལ་ཆག་སྒོ་འབྱུང་ངེས༌ཏེ། ཕྱིས་སུ་ཁྱོད་ཅག་གིས་མྱ་ངན་བྱེད་ཅིང་ངུ་བར་འགྱུར།  
\v 26 མི་ཀུན་གྱིས་ཁྱོད་ཅག་ལ་བསྟོད་པ་བྱེད་ན་ཁྱོད་ཅག་ལ་ཆག་སྒོ་འབྱུང་ངེས༌ཏེ། མི་དེ་དག་གི་མེས་པོ་རྣམས་ཀྱིས་ཀྱང་ལུང་སྟོན་པ་རྫུས་མ་རྣམས་ལ་དེ་ལྟར་བྱས་མྱོང་བའི་ཕྱིར་ཡིན་ཞེས་གསུངས༌སོ།།   
\s1 དགྲ་ལ་བྱམས་པར་གདམས༌པ།  
\p
\v 27 ཡང་ཁོང་གིས་འདི་སྐད༌དུ། ངས་ཁྱོད་ཅག་ཉན་མཁན་རྣམས་ལ༌སྨྲ་བར་བྱ་སྟེ། ཁྱོད་ཅག་གིས་རང་གི་དགྲ་བོ་རྣམས་ལ་བྱམས་ཤིང་བརྩེ་བར༌གྱིས། ཁྱོད་ཅག་ལ་སྡང་མཁན་རྣམས་ལའང་ལས་བཟང་པོ་བྱོས༌དང༌།  
\v 28 ཁྱོད་ཅག་ལ་སྡིགས་དམོད་བྱེད་མཁན་རྣམས་ཀྱི་དོན་དུའང་བྱིན་རླབས་ཞུས་ཤིག ཁྱོད་ཅག་ལ་གནོད་པ་བྱེད་མཁན་རྣམས་ཀྱི་ཆེད་དུའང་གསོལ་བ་ཐོབས༌ཤིག  
\v 29 སུ་ཞིག་གིས་ཁྱོད་ཀྱི་འགྲམ་པ་གཅིག་སར་འགྲམ་ལྕག་གཞུས་ན་འགྲམ་པ་གཞན་ས་ཡང་དེ་ལ་སྟོན༌ཅིག སུ་ཞིག་གིས་ཁྱོད་ཀྱི་ཕྱི་གོས་འཕྲོག་པར་བྱེད་ན་ནང་གོས་ཀྱང་འཁྱེར་དུ༌ཆུག  
\v 30 སུ་ཞིག་གིས་ཁྱོད་ལ་གང་ཞིག་སློང་བར་བྱེད་ན་དེ་ལ་བྱིན༌དང༌། སུ་ཞིག་གིས་ཁྱོད་ཀྱི་དངོས་པོ་ཕྲོགས་ན། དེ་ལས་ཕྱིར་ལེན་པར་མི༌བྱའོ།།  
\v 31 ཡང་ཁྱོད་ཅག་ལ་མི་གཞན་ལས་ཇི་ལྟར་འཐོབ་འདོད་པ་བཞིན་ཁྱོད་ཅག་གིས་ཀྱང་མི་གཞན་རྣམས་ལ་དེ་ལྟར་བྱོས༌དང༌།  
\v 32 ཁྱོད་ཅག་གིས་རང་ལ་བྱམས་མཁན་རྣམས་ལ་བྱམས་པར་བྱེད༌ན། ཁྱོད་ཅག་ལ་དྲིན་ལན་ཅི་ལ༌འཐོབ། མི་སྡིག་ཅན་རྣམས་ཀྱིས་ཀྱང་རང་ལ་བྱམས་མཁན་རྣམས་ལ་བྱམས་པར་བྱེད་དོ།།  
\v 33 ཡང་ཁྱོད་ཅག་གིས་རང་ལ་ལས་བཟང་པོ་བྱེད་མཁན་རྣམས་ལ་ལས་བཟང་པོ་བྱེད༌ན། ཁྱོད་ཅག་ལ་དྲིན་ལན་ཅི་ལ༌འཐོབ། མི་སྡིག་ཅན་རྣམས་ཀྱིས་ཀྱང་དེ་ལྟར་བྱེད་དོ།།  
\v 34 ཁྱོད་ཅག་གིས་ཕྱིར་འཐོབ་པར་རེ་བ་བཅངས་ནས་མི་གཞན་ལ་བསྐྱིས་པ་ཡིན༌ན། ཁྱོད་ཅག་ལ་དྲིན་ལན་ཅི་ལ༌འཐོབ། གྲངས་ཀ་ལྟར་ཕྱིར་ལེན་པའི་ཆེད་དུ་སྡིག་ཅན་རྣམས་ཀྱིས་ཀྱང་སྡིག་ཅན་གཞན་ལ་བསྐྱིས་པ༌ཡིན།  
\v 35 ཁྱོད་ཅག་གིས་རང་གི་དགྲ་བོ་རྣམས་ལ་བྱམས་ཤིང་ལས་བཟང་པོ་བྱོས༌དང༌། ཕྱིར་འཐོབ་པའི་རེ་བ་མི་འཛིན་པར་དེ་རྣམས་ལ་སྐྱིས༌ཤིག དཀོན་མཆོག་གིས་ཁྱོད་ཅག་ལ་བྱ་དགའ་ཆེན་པོ་གནང་ངེས་པ༌དང༌། བླ་ན་མེད་པའི་དཀོན་མཆོག་གི་བུ་དང་བུ་མོ་རུ་འགྱུར། རྒྱུ་མཚན་ནི་ཁོང་གི་བཀའ་དྲིན་མི་དྲན་པའི་མི་དང་མི་ངན་ལའང་ཁོང་གིས་ཐུགས་རྗེ་གནང་བས༌སོ།།  
\v 36 བདག་ཅག་གི་ཡབ་ནི་བྱམས་སྙིང་རྗེ་ཅན་ཡིན་པ་བཞིན་ཁྱོད་ཅག་ཀྱང་སྙིང་རྗེ་ཅན་ཡིན་དགོས་ཞེས་གསུངས༌སོ།།   
\s1 མི་གཞན་གྱི་མཚང་མི་འབྱིན་པའི༌སྐོར།  
\p
\v 37 ཡང་ཁོང་གིས་འདི་སྐད༌དུ། ཁྱོད་ཅག་གིས་མི་གཞན་གྱི་མཚང་མ་འབྲུ་ཞིག ཁྱོད་ཅག་གི་མཚང་ཡང་མི་འབྱིན། ཁྱོད་ཅག་གིས་མི་གཞན་ལ་ཉེས་ཆད་མ་གཅོད་ཅིག ཁྱོད་ཅག་ལའང་ཉེས་ཆད་མི་གཅོད། ཁྱོད་ཅག་གིས་མི་གཞན་ཐར་དུ༌ཆུག་དང་། ཁྱོད་ཅག་ཀྱང་ཐར་བར་མཛད་ངེས༌ཡིན།  
\v 38 ཁྱོད་ཅག་གིས་མི་གཞན་ལ་བྱིན་དང་ཁྱོད་ཅག་ལའང་གནང་ངེས༌ཏེ། དཔེར་ན་བྲེ་བཟང་པོར་འབྲུ་རིགས་བྱུར་བུར་གཏམས་ཤིང་ཡང་ཡང་གནོན་བཅག་བྱས་ཏེ་སྤྲུགས་ནས་ཁྱོད་ཅག་གི་པང་དུ་བླུག་ངེས༌ཡིན། རྒྱུ་མཚན་ནི་ཁྱོད་ཅག་གིས་སྣོད་ཅི་ལྟ་བུ་ལས་མི་གཞན་ལ་བྱིན༌ན། ཁྱོད་ཅག་ལའང་སྣོད་དེ་ལྟ་བུ་ལས་གནང་བར་འགྱུར་ཞེས་གསུངས༌སོ།།  
\v 39 ཡང་སྐྱབས་མགོན་ཡེ་ཤུས་དཔེ་ལ་སྦྱར་ནས་འདི་སྐད༌དུ། ལོང་བས་ལོང་བ་ཞིག་ཁྲིད་ནས་འགྲོ་ཐུབ༌བམ། དེ་ལྟར་བྱས་ན་ལོང་བ་གཉིས་ཀ་དོང་ནང་དུ་ལྷུང་བ་མ་ཡིན༌ནམ།  
\v 40 སློབ་བུ་ནི་རང་གི་སློབ་དཔོན་ལས་ཆེན་པོ་མ་ཡིན༌པར། ཡོན་ཏན་མཐར་ཕྱིན་པ་རྣམས་ཀྱང་རང་གི་སློབ་དཔོན་དང་འདྲ་བ་ཙམ་དུ་འགྱུར།  
\v 41 ཁྱོད་ཀྱིས་རང་གི་སྤུན་ཟླའི་མིག་ནང་དུ་སྦུར་མ་ཡོད་པ་མཐོང༌ན། ཅིའི་ཕྱིར་རང་གི་མིག་ནང་དུ་གདུང་མ་ཡོད་པ་མི་མཐོང༌ངམ།  
\v 42 ཁྱོད་ཀྱིས་རང་གི་མིག་ནང་དུ་ཡོད་པའི་གདུང་མ་མཐོང་མི་ཐུབ་ནའང་རང་གི་སྤུན་ཟླ་ལ་ངས་ཁྱོད་ཀྱི་མིག་ནང་དུ་ཡོད་པའི་སྦུར་མ་ལེན་པར་བྱེད་ཅེས་ཅི་ལྟར་སྨྲ་ནུས༌སམ། ཚུལ་འཆོས་པ་ཁྱོད་ཀྱིས་ཐོག་མར་རང་གི་མིག་ནང་དུ་ཡོད་པའི་གདུང་མ་ལོངས༌དང༌། དེ་ནས་རང་གི་མིག་ཟུང་གིས་གསལ་པོར་མཐོང་ཐུབ་པས། ད་གཟོད་རང་གི་སྤུན་ཟླའི་མིག་ནང་དུ་ཡོད་པའི་སྦུར་མ་ལེན་ནུས་པ་ཡིན་ཞེས་གསུངས༌སོ།།   
\s1 ལྗོན་ཤིང་དང་འབྲས་བུའི༌སྐོར་གྱི་ཆོས་གསུངས་པ།  
\p
\v 43 ཡང་ཁོང་གིས་འདི་སྐད༌དུ། ལྗོན་ཤིང་བཟང་པོ་ལས་འབྲས་བུ་ངན་པ་མི་འབྱུང༌ལ། དེ་བཞིན་དུ་ལྗོན་ཤིང་ངན་པ་ལས་ཀྱང་འབྲས་བུ་བཟང་པོ་མི་འབྱུང༌།  
\v 44 རྒྱུ་མཚན་ནི་ལྗོན་ཤིང་རེ་རེ་ནི་རང་གི་འབྲས་བུ་ལས་ག་འདྲ་ཡིན་པ་ཤེས་ཐུབ༌སྟེ། སྤྱིར་མི་སུས་ཀྱང་ཚེར་མ་ལས་བསེ་ཡབ་ཀྱི་འབྲས་བུ་འཐོག་མི་སྲིད༌ལ། ཚེར་མ་ལས་ཀྱང་རྒུན་འབྲུམ་འཐོག་མི་སྲིད།  
\v 45 མི་བཟང་ཞིག་གིས་རང་སེམས་ཀྱི་བང་མཛོད་བཟང་པོ་ནས་དོན་བཟང་པོ་འདོན༌ཞིང༌། མི་ངན་ཞིག་གིས་རང་སེམས་ཀྱི་བང་མཛོད་ངན་པ་ནས་དོན་ངན་པ་འདོན། རྒྱུ་མཚན་ནི་སེམས་ལ་ཅི་ལྟ་བུས་བཀང༌ན། ངག་ལས་ཀྱང་དེ་ལྟ་བུ་སྨྲ་བ་ཡིན་ཞེས་གསུངས༌སོ།།   
\s1 བཟོ་བ་མཁས་བླུན་གཉིས་ཀྱི་དཔེ།  
\p
\v 46 ཡང་ཁོང་གིས་འདི་སྐད༌དུ། ཁྱོད་ཅག་ན༌རེ། ཀྱེ། གཙོ་བོ་ལགས་གཙོ་བོ་ལགས་ཞེས་ཞུས༌ཀྱང༌། བདག་གིས་སྨྲས་པ་བཞིན་དུ་མི་བྱེད་པའི་རྒྱུ་མཚན༌ཅི་ཡིན།  
\v 47 སུ་ཞིག་བདག་གི་གམ་དུ་ཡོང་ནས་བདག་གི་བཀའ་ཐོས་ཤིང་དེ་བཞིན་དུ་བྱེད་པའི་མི་དེ་ནི་ག་འདྲ་ཡིན་པ་ངས་ཁྱོད་ཅག་ལ་སྟོན་པར་བྱའོ།།  
\v 48 མི་དེ་ནི་ཁང་པ་བཟོ་མཁན་ཞིག་གིས་ས་གཏིང་ཟབ་མོར་བསློགས་ཤིང་རྡོ་ཕ་བོང་གི་སྟེང་དུ་རྨང་གཞི་བཏིངས་པ་དང༌འདྲ། དེ་ནས་ཆུ་ལོག་བྱུང་ཚེ་ཁང་པ་འདིའི་རྨང་གཞི་བརྟན་པོ་ཡིན་པས་གཡོ་བར་མི་འགྱུར།  
\v 49 འོན་ཀྱང་། སུ་ཞིག་གིས་བདག་གི་བཀའ་ཐོས་ཀྱང་དེ་བཞིན་དུ་མི་བྱེད་པ་ནི་རྨང་གཞི་མ་བཏིངས་པར་ཁང་པ་ས་སྟེང་དུ་བརྩིགས་པའི་མི་དང༌འདྲ། དེ་ནས་ཆུ་ལོག་བྱུང་མ་ཐག་ཁང་པ་བརྡིབས་ཏེ་ཡོངས་སུ་བརླག་པ་ཡིན་ཞེས་གསུངས༌སོ།།   
\c 7
\cl ལེའུ་བདུན༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 བརྒྱ་དཔོན་ཞིག་གི་དད་སེམས།  
\p
\v 1 སྐྱབས་མགོན་ཡེ་ཤུས་མི་རྣམས་ལ་གསུང་འདི་ཐམས་ཅད་གནང་རྗེས་ཀཱ་ཕར་ན་ཧུམ་དུ་ཕེབས་པ༌དང༌།  
\v 2 གནས་དེར་བརྒྱ་དཔོན་ལ་རྩིས་འདང་ཆེ་བའི་གཡོག་པོ་ཞིག་ཡོད་པ་ལ་ནད་ལྕི་མོ་ཕོག་ནས་ཤི་ལ་ཉེ༌ཞིང༌།  
\v 3 བརྒྱ་དཔོན་གྱིས་སྐྱབས་མགོན་ཡེ་ཤུའི་གནས་ཚུལ་ཐོས་ནས་ཁོང་ཉིད་ཕེབས་ཏེ་རང་གི་གཡོག་པོའི་སྲོག་སྐྱོབ་པའི༌ཕྱིར། ཡ་ཧུ་དཱའི་མི་རིགས་ཀྱི་དཔོན་རིགས་རྒན་པོ་འགའ་ཁོང་གི་དྲུང་དུ་མངགས་སོ།།  
\v 4 ཁོ་རྣམས་སྐྱབས་མགོན་ཡེ་ཤུའི་དྲུང་དུ་འབྱོར་ནས་ན༌རེ། ཁྱེད་ཀྱིས་བརྒྱ་དཔོན་ལ་དོན་འདི་མཛད་འོས༌ཏེ།  
\v 5 ཁོས་རང་རེའི་མི་རྣམས་ལ་བྱམས་ཤིང་བརྩེ་བ་དང་ཆོས་ཁང་ཡང་བཞེངས་པའི་ཕྱིར་རོ་ཞེས་ཞུ་བ་ནན་གྱིས་ཞུས༌པས།  
\v 6 སྐྱབས་མགོན་ཡེ་ཤུ་ཡང་དེ་དག་དང་མཉམ་དུ་ལམ་ལ་ཆས༌པ་དང་། བརྒྱ་དཔོན་གྱི་ཁྱིམ་དང་ཉེ་བའི་དུས༌སུ། བརྒྱ་དཔོན་གྱིས་གྲོགས་འགའ་ཁོང་གི་དྲུང་དུ་མངགས་ནས་ཁོང་ལ་ན༌རེ། ཇོ་བོ༌ལགས། ཁྱེད་ལ་འོ་བརྒྱལ་མི་བཟོ་བར༌ཞུ། ཁྱེད་ཉིད་ཕྲན་ཆུང་བདག་ལྟ་བུ་ཞིག་གི་ཁྱིམ་དུ་ཕེབས་ན་ང་རང་མི་འོས།  
\v 7 དེའི་རྐྱེན་གྱིས་ང་རང་ཁྱེད་ཀྱི་སྐུ་དྲུང་དུ་སོང་ནས་ཁྱེད་ལ་མཇལ་ནའང་མི་འོས་པར་སྙམ་མོ།། འོན་ཀྱང་ཁྱེད་ཀྱིས་བཀའ་ཞིག་གནང་བར་མཛོད༌དང༌། བདག་གི་གཡོག་པོའི་ནད་བསལ་ངེས༌ཡིན།  
\v 8 ང་རང་ཡང་གཞན་གྱི་དབང་འོག་ཏུ་ཡོད་པའི་མི་ཞིག་ཡིན་ཞིང་ངའི་དབང་འོག་ཏུའང་དམག་མི་ཡོད༌དེ། ངས་མི་འདིར་སོང་ཞིག་ཅེས་བཤད་ན་ཁོ་ཕར་འགྲོ་དགོས༌ཤིང༌། མི་གཞན་ལ་ཤོག་ཅིག་ཅེས་བཤད་ན་ཁོ་ཚུར་ཡོང་བ༌ཡིན། ཡང་བདག་གིས་གཡོག་པོར་ལས་ཀ་འདི་སྒྲུབས་ཤིག་ཅེས་བཤད་ན་ཁོས་ཀྱང་བསྒྲུབ་པར་འགྱུར་ཞེས་ཞུས༌སོ།།  
\v 9 སྐྱབས་མགོན་ཡེ་ཤུས་གཏམ་དེ་གསན་ནས་ཡ་མཚན་སྐྱེས༌ཏེ། ཕྱིར་འཁོར་ནས་རང་གི་རྗེས་སུ་འབྲངས་པའི་མི་རྣམས་ལ་འདི་སྐད༌དུ། བདག་གིས་ཁྱོད་ཅག་ལ་སྨྲ་བར༌བྱ་སྟེ། བདག་གིས་ཡེས་ར་ཨེལ་མི་རིགས་ལས་ཀྱང་འདི་འདྲའི་དད་སེམས་ཆེན་པོ་ཅན་ཞིག་མཐོང་མ་མྱོང་ཞེས་གསུངས་སོ།།  
\v 10 དེ་ནས་མངགས་འོངས་པའི་མི་རྣམས་ཕྱིར་བརྒྱ་དཔོན་གྱི་ཁྱིམ་དུ་ལོག་པ༌ན། གཡོག་པོའི་ནད་སོས་ཟིན་པ་མཐོང༌ངོ༌།།   
\s1 ཡུགས་མོའི་བུ་སླར་གསོན་པར་མཛད༌པ།  
\p
\v 11 དེ་ནས་ཅང་མ་འགོར༌བར། སྐྱབས་མགོན་ཡེ་ཤུ་དང་ཐུགས་སྲས་རྣམས་དང་མི་ཧ་ཅང་མང་པོ་ལྷན་དུ་ནཱ་ཨིན་གྲོང་ཁྱེར་དུ་ཕེབས༌ཤིང༌།  
\v 12 ཁོང་རྣམས་གྲོང་ཁྱེར་གྱི་མཁར་སྒོར་སླེབས་པའི༌ཚེ། ཡུགས་མོ་ཞིག་ལ་བུ་གཅིག་པུ་ཡོད་པ་ཤི༌སྟེ། གྲོང་ཁྱེར་དེའི་མི་མང་པོས་ཁོ་མོ་དང་མཉམ་དུ་བེམ་པོ་ཕྱི་རུ་སྐྱེལ་བཞིན་ཡོད་པ༌དང༌།  
\v 13 གཙོ་བོས་ཡུགས་མོ་དེ་མཐོང་ནས་སྙིང་རྗེ་དགོངས་ཏེ་མ་ངུའོ་ཞེས་གསུངས་པ༌དང༌།  
\v 14 ཁོང་ཉིད་ཁྱོགས་ཤིང་གི་གམ་དུ་ཕེབས་ཤིང་དེར་ཕྱག་གིས་རེག་པ་དང་འཁུར་མཁན་རྣམས་ཀྱང་བསྡད། ཁོང་གིས་འདི་སྐད༌དུ། ཀྱེ། གསར༌བུ། ངས་ཁྱོད་ལ་སྨྲ་བར༌བྱ་སྟེ། ཡར་ལོངས་དང་ཞེས་གསུངས་པ༌ན།  
\v 15 གཤིན་པོ་དེ་སླར་གསོན་ཞིང་ཡར་ལངས་ནས་སྐད་ཆ་སྨྲས་སོ།། ཁོང་གིས་མི་དེ་ཕྱིར་རང་གི་མ་ལ་སྤྲད་དོ།།  
\v 16 མི་ཐམས་ཅད་ངོ་མཚར་སྐྱེས་ཏེ་དཀོན་མཆོག་ལ་བསྟོད་བསྔགས་བརྗོད་ཅིང་ཕན་ཚུན་ན༌རེ། ལུང་སྟོན་པ་ཆེན་པོ་ཞིག་བདག་ཅག་གི་ཁྲོད་ནས་བྱུང༌བ་རེད། དཀོན་མཆོག་གིས་རང་གི་མི་སྡེ་ལ་གཟིགས་སྐྱོང་མཛད་དོ་ཞེས་སྨྲས༌ཤིང་།  
\v 17 སྐྱབས་མགོན་ཡེ་ཤུའི་དོན་དེ་ཡ་ཧུ་དཱའི་ཡུལ་དང་མཐའ་འཁོར་གྱི་ས་ཆ་ཀུན་ལ་ཁྱབ༌བོ།།   
\s1 ཁྲུས་གསོལ་མཁན་ཡོ་ཧ་ནན་གྱི་དྲི༌བ།  
\p
\v 18 ཁྲུས་གསོལ་མཁན་ཡོ་ཧ་ནན་གྱི་སློབ་མ་རྣམས་ཀྱིས་སྐྱབས་མགོན་ཡེ་ཤུའི་དོན་དེ་ཐམས་ཅད་ཡོ་ཧ་ནན་ལ་སྨྲས༌པས།  
\v 19 ཁོས་རང་གི་སློབ་མ་གཉིས་བོས་ནས་གཙོ་བོའི་དྲུང་དུ་མངགས་ཏེ། མ་འོངས་པར་ཕེབས་ངེས་པ་དེ་ཉིད་ནི་ཁྱེད་རང་ཡིན༌ནམ། ཡང་ན་ངེད་ཅག་གིས་ད་དུང་གཞན་ཞིག་ལ་བསྒུག་དགོས་ཞེས་ཞུས་པ་རེད།  
\v 20 སློབ་མ་དེ་གཉིས་ཀྱང་ཁོང་གི་དྲུང་དུ་སོང་ནས་ན་རེ། ཁྲུས་གསོལ་མཁན་ཡོ་ཧ་ནན་གྱིས་ངེད་གཉིས་མངགས་ཏེ། མ་འོངས་པར་ཕེབས་ངེས་པ་དེ་ཉིད་ནི་ཁྱེད་རང་ཡིན༌ནམ། ཡང་ན་ངེད་ཅག་གིས་ད་དུང་གཞན་ཞིག་ལ་བསྒུག་དགོས་ཞེས་ཁོང་ལ་ཞུས་སོ།།  
\v 21 དུས་དེར་སྐྱབས་མགོན་ཡེ་ཤུས་ནད་རིགས་སྣ་ཚོགས་འཇོམས་ནས་གནོད་སྐྱོན་བསལ་བ་དང་། གདོན་འདྲེ་ཕྱིར་བསྐྲད༌ཅིང་ལོང་བ་མང་པོར་མཐོང་བར་མཛད།  
\v 22 ཁོང་གིས་དེ་གཉིས་ལ་དྲིས་ལན་དུ། ཁྱོད་གཉིས་ཕྱིར་སོང༌ཞིག ལོང་བའི་མིག་གིས་མཐོང་ཞིང་གྱོལ་པོ་རྣམས་འགྲོ་བ༌དང༌། མཛེ་ནད་བསལ་ཞིང་འོན་པའི་རྣ་བས་ཐོས་པ༌དང༌། གཤིན་པོ་རྣམས་ཀྱང་སླར་གསོན་པོར་གྱུར་པ༌དང༌། དབུལ་འཕོངས་རྣམས་ལ་འཕྲིན་བཟང་བསྒྲགས་པ་སོགས་ཁྱོད་གཉིས་ཀྱི་མཐོང་ཐོས་དེ་རྣམས་ཡོ་ཧ་ནན་ལ་ཤོད༌ཅིག  
\v 23 བདག་གི་རྐྱེན་གྱིས་དད་པ་མི་ཉམས་པ་རྣམས་བདེའོ་ཞེས་གསུངས༌སོ།།   
\p
\v 24 ཡོ་ཧ་ནན་གྱིས་མངགས་པའི་མི་དེ་གཉིས་ཕྱིར་སོང༌རྗེས། སྐྱབས་མགོན་ཡེ་ཤུས་ཡོ་ཧ་ནན་གྱི་གནས་ཚུལ་སྐོར་མི་ཚོགས་ལ་འདི་ལྟར་གསུངས་པ་སྟེ། དེ་སྔོན་ཁྱོད་རྣམས་དབེན་སྟོང་དུ་ཅི་ཞིག་ལ་བལྟ་རུ་སོང༌ངམ། རླུང་གིས་གཡོས་པའི་འདམ་རྩྭ་ཞིག་ལ་བལྟ་རུ་སོང་བ་ཡིན༌ནམ།  
\v 25 ཡང་ན་སྲབ་ཅིང་འཇམ་པའི་གོས་ཆེན་གྱོན་པའི་མི་ཞིག་ལ་བལྟ་རུ་སོང༌ངམ། ལུས་ལ་གོས་ཆེན་གྱོན་ཞིང་ཟས་ནོར་ལོངས་སྤྱོད་ལ་བདེ་བར་རོལ་བའི་མི་རྣམས་ནི་རྒྱལ་པོའི་ཕོ་བྲང་དུ་ཡོད་པ་ཡིན།  
\v 26 འོ་ན་ཁྱོད་ཅག་གནས་དེར་ཅི་ཞིག་ལ་བལྟ་རུ་སོང་བ་ཡིན༌ནམ། ཡང་ན་ལུང་སྟོན་པ་ཞིག་ལ་བལྟ་རུ་སོང༌ངམ། བདག་གིས་ཁྱོད་རྣམས་ལ་སྨྲ་བར་བྱའོ།། དེ་ལགས༌སོ། །ཡོ་ཧ་ནན་ནི་ལུང་སྟོན་པ་ལས་མཆོག་ཏུ་གྱུར་པ་ཡིན།  
\v 27 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 བདག་གི་ཕོ་ཉ་ཁྱོད་ཀྱི་མདུན་དུ༌མངགས།།  
\q1 ཁྱོད་ཀྱི་ལམ་ནི་གྲ་སྒྲིག་བྱེད་ལ༌ལྟོས།།  
\m ཞེས་བཀོད་པ་དེ་ནི་ཁོའི་སྐོར་ཡིན༌ནོ།།  
\v 28 བདག་གིས་ཁྱོད་ཅག་ལ་སྨྲ་བར༌བྱ་སྟེ། མ་ཡིས་བཙས་པ་ཐམས་ཅད་ཀྱི་ཁྲོད་ནས་ཁྲུས་གསོལ་མཁན་ཡོ་ཧ་ནན་ལས་མཆོག་ཏུ་གྱུར་པ་གཅིག་ཀྱང་མེད། འོན་ཀྱང་དཀོན་མཆོག་གི་རྒྱལ་སྲིད་ཀྱི་ནང་དུ་ཐམས་ཅད་ལས་ཆུང་བ་དེའང་ཡོ་ཧ་ནན་ལས་ཆེན་པོ་ཡིན་ཞེས་གསུངས༌པ་དང་།  
\v 29 མི་སེར་དང་ཁྲལ་ལེན་མཁན་རྣམས་ཡོ་ཧ་ནན་གྱི་དྲུང་དུ་ཁྲུས་གསོལ་ལ་ཞུགས་མྱོང་བས་ཁོ་ཚོས་སྐྱབས་མགོན་ཡེ་ཤུའི་གསུང་དེ་ཐོས༌རྗེས། དཀོན་མཆོག་ནི་བདེན་ཅིང་ཡང་དག་པར་ཁས་བླངས་པ་ཡིན་མོད།  
\v 30 འོན་ཀྱང་། ཕ་རུ་ཤི་པ་དང་བཀའ་ཁྲིམས་ཀྱི་མཁས་པ་རྣམས་ཡོ་ཧ་ནན་གྱི་དྲུང་དུ་ཁྲུས་གསོལ་ལ་ཞུགས་མ་མྱོང༌བས། རང་གི་ཆེད་དུ་དཀོན་མཆོག་གི་ཐུགས་དགོངས་རིང་དུ་དོར་བ་ཡིན།   
\p
\v 31 ཡང་འདི་སྐད༌དུ། དེས་ན་བདག་གིས་དུས་རབས་འདིའི་མི་རྣམས་ནི་གང་ཞིག་ལ་བསྡུར་བར༌བྱའམ། དེ་དག་ནི་ཅི་ཞིག་དང་མཚུངས་པ་ཡིན༌ནམ།  
\v 32 དེ་དག་ནི་ཁྲོམ་སྲང་དུ་སྡོད་པའི་བྱིས་པ་རྣམས་ཕན་ཚུན་ན༌རེ། ངེད་ཅག་གིས་གླིང་བུ་བུས་ཀྱང་ཁྱོད་རྣམས་བྲོ་མི་འཁྲབ། ངེད་ཅག་གིས་སྐྱོ་གླུ་བླངས་ཀྱང་ཁྱོད་རྣམས་ངུ་བ་མིན་ཞེས་ཟེར་བ་དང༌འདྲའོ།།  
\v 33 རྒྱུ་མཚན་ནི་ཁྲུས་གསོལ་མཁན་ཡོ་ཧ་ནན་ཡོང་ནས་བག་ལེབ་མ་ཟོས་ལ་རྒུན་ཆང་ཡང་མ་འཐུངས༌མོད། འོན་ཀྱང་ཁྱོད་ཅག་གིས་མི་འདི་གདོན་འདྲེས་བཟུང་འདུག་ཅེས་ཟེར་བ༌དང༌།  
\v 34 ཡང་མིའི་བུ་ཕེབས་ཏེ་བཟའ་བཏུང་ལོངས་སུ་སྤྱོད༌ཀྱང༌། ཁྱོད་ཅག་ན༌རེ། ལྟོས༌དང༌། མི་འདི་ནི་ཤ་ཆང་ལ་རྔམ་པ་ཞིག་ཡིན༌ལ། ཁྲལ་ལེན་མཁན་དང་སྡིག་ཅན་རྣམས་ཀྱི་གྲོགས་པོ་ཡིན་ཟེར་མོད།  
\v 35 འོན་ཀྱང་། ཤེས་རབ་ཀྱི་བུ་རྣམས་ཀྱིས་ཤེས་རབ་ནི་བདེན་ཅིང་ཡང་དག་པ་ཡིན་པར་ར་སྤྲོད་བྱེད་ཅེས་གསུངས༌སོ།།   
\s1 སྐྱབས་མགོན་ཡེ་ཤུའི་ཞབས་ལ་སྤོས་ཆུ་བྱུགས༌པ།  
\p
\v 36 ཡང་ཕ་རུ་ཤི་པ་ཞིག་གིས་སྐྱབས་མགོན་ཡེ་ཤུ་གདན་དྲངས༌ཤིང༌། ཁོང་ཉིད་ཀྱང་དེའི་ཁྱིམ་དུ་ཕེབས་ནས་གྲལ་ལ་བཞུགས་སོ།།  
\v 37 གནས་ཚུལ་དེ་གྲོང་ཁྱེར་དེ་རུ་ཡོད་པའི་བུད་མེད་སྡིག་ཅན་ཞིག་གིས་ཤེས༌ནས། སྤོས་ཆུས་གང་བའི་རྡོ་ཀ་མ་རུའི་བུམ་པ་ཞིག་ཁྱེར་ཡོང༌སྟེ།  
\v 38 སྐྱབས་མགོན་ཡེ་ཤུའི་སྐུ་རྒྱབ་ནས་ལངས་པ་དང་། ཡང་ཁོང་གི་ཞབས་དྲུང་དུ་ངུས་ཤིང་མིག་ཆུས་ཁོང་གི་ཞབས་བརླན་པར་བྱས་པ༌དང༌། ཁོ་མོས་རང་གི་སྐྲས་ཁོང་གི་ཞབས་ཕྱིས་ནས་འོ་ཡང་ཡང་བྱས་ཏེ་སྤོས་ཆུ་བྱུགས་སོ།།  
\v 39 སྐྱབས་མགོན་ཡེ་ཤུ་གདན་དྲངས་པའི་ཕ་རུ་ཤི་པ་དེས་དོན་དེ་མཐོང༌ནས། གལ་ཏེ་མི་འདི་ནི་ལུང་སྟོན་པ་ཞིག་ཡིན་ན་ཁོང་ལ་རེག་པའི་བུད་མེད་འདི་ནི་སུ་དང་ག་འདྲ་ཞིག་ཡིན་པ༌དང༌། ཐ་ན་སྡིག་ཅན་ཞིག་ཡིན་པའང་མཁྱེན་ནུས་པ་ཡིན་བསམས་པའོ།།  
\v 40 སྐྱབས་མགོན་ཡེ་ཤུས་ཕ་རུ་ཤི་པ་དེ་ལ་འདི་སྐད༌དུ། སི༌མོན། བདག་གིས་ཁྱོད་ལ་དོན་ཞིག་སྨྲ་བར་བྱའོ་ཞེས་གསུངས༌ཤིང༌། ཁོས་ཀྱང་སློབ་དཔོན་ལགས་གསུང་བར་མཛོད་ཅེས་ཞུས་པ༌དང༌།  
\v 41 ཡང་ཁོང་གིས་འདི་སྐད༌དུ། དེ་ཡང་བུན་བདག་ཅིག་ལ་བུ་ལོན་པ་གཉིས་ཡོད༌དེ། གཅིག་གིས་དངུལ་སྒོར་ལྔ་བརྒྱ་དང་ཅིག་ཤོས་ཀྱིས་དངུལ་སྒོར་ལྔ་བཅུའི་བུ་ལོན་ཆད་ཡོད༌ནའང༌།  
\v 42 མི་དེ་གཉིས་ཀྱིས་བུ་ལོན་འཇལ་མ་ཐུབ༌པས། བུན་བདག་གིས་སྙིང་རྗེ་སྐྱེས་ནས་མི་དེ་གཉིས་ཀྱི་བུ་ལོན་མེད་པར་བྱས་སོ།། དེས་ན་མི་དེ་གཉིས་ལས་སུ་ཞིག་གིས་ཁོ་ལ་ལྷག་པར་གཅེས་སམ་ཞེས་གསུངས་པ༌ལ།  
\v 43 སི་མོན་གྱིས་བུ་ལོན་མང་པོ་མེད་པར་བྱས་པ་དེས་ཁོ་ལ་ལྷག་ཏུ་གཅེས་སོ་སྙམ་ཞེས་ཞུས༌ཤིང༌། སྐྱབས་མགོན་ཡེ་ཤུས་ཁྱོད་ཀྱིས་སྨྲས་པ་ལེགས་སོ་ཞེས་གསུངས་པ༌དང༌།  
\v 44 ཡང་ཞལ་ཕྱིར་འཁོར་ཏེ་བུད་མེད་དེར་གཟིགས་ནས་སི་མོན་ལ་འདི་སྐད༌དུ། ཁྱོད་ཀྱིས་བུད་མེད་འདི་མཐོང་བྱུང༌ངམ། ང་རང་ཁྱོད་ཀྱི་ཁྱིམ་དུ་ཡོང་ནའང་ཁྱོད་ཀྱིས་ང་རང་ལ་རྐང་པ་བཀྲུ་བྱེད་ཀྱི་ཆུ་ཡང་མ་བླུགས༌མོད། འོན་ཀྱང་ཁོ་མོའི་མིག་ཆུས་བདག་གི་རྐང་པ་བརླན་ཞིང་སྐྲ་ཡིས་ཕྱིས།  
\v 45 ཡང་ཁྱོད་ཀྱིས་བདག་ལ་འོ་མ་བྱས༌ཀྱང༌། ཁོ་མོས་ང་རང་འདིར་ཡོང་བ་ནས་བཟུང་བདག་གི་རྐང་པར་མཚམས་མེད་པར་འོ་བྱས།  
\v 46 ཡང་ཁྱོད་ཀྱིས་བདག་གི་མགོར་སྣུམ་གྱིས་མ་བྱུགས༌ནའང༌། ཁོ་མོས་བདག་གི་རྐང་པར་སྤོས་ཆུ་བྱུགས་སོ།།  
\v 47 དེའི༌ཕྱིར། བདག་གིས་ཁྱོད་ལ་སྨྲ་བར་བྱ༌སྟེ། ཁོ་མོས་བདག་ལ་ཤིན་ཏུ་གཅེས་པས། ཁོ་མོར་སྡིག་པ་མང་པོ་ཡོད་ཀྱང་ཐམས་ཅད་བསལ་བ་ཡིན། འོན་ཀྱང་སུ་ཡི་སྡིག་པ་ཉུང་ངུ་བསལ་བ་དེས་ཉུང་ངུ་ཞིག་གཅེས་པ་ཡིན་ཞེས་གསུངས་སོ།།  
\v 48 དེ་ནས་ཁོང་གིས་བུད་མེད་དེ་ལ་ཁྱོད་ཀྱི་སྡིག་པ་བསལ་བ་ཡིན་ཞེས་གསུངས་པ༌ན།  
\v 49 ཁོང་དང་མཉམ་དུ་བཟའ་བཏུང་སྤྱད་ནས་སྡོད་པའི་མི་རྣམས་ཀྱི་སེམས་སུ་མི་འདི་ནི་སུ་ཡིན༌ནམ། ཁོང་གིས་སྡིག་པའང་བསལ་བ་ཡིན་ཞེས་བསམས་སོ།།  
\v 50 ཡང་སྐྱབས་མགོན་ཡེ་ཤུས་བུད་མེད་དེ་ལ་འདི་སྐད༌དུ། ཁྱོད་ཀྱི་དད་པས་ཁྱོད་རང་བསྐྱབས་པ་ཡིན། བདེ་བའི་ངང་ནས་ཕྱིར་སོང་ཞིག་ཅེས་གསུངས༌སོ།།   
\c 8
\cl ལེའུ་བརྒྱད༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 བུད་མེད་རྗེས་འབྲང་པའི༌སྐོར།  
\p
\v 1 ཡུན་རིང་མ་འགོར༌བར། སྐྱབས་མགོན་ཡེ་ཤུ་གྲོང་ཁྱེར་དང་གྲོང་སྡེ་སོ་སོར་ཕེབས་ནས་དཀོན་མཆོག་གི་རྒྱལ་སྲིད་ཀྱི་འཕྲིན་བཟང་བསྒྲགས་ཤིང་སྤེལ་ཏོ།། ཁོང་དང་ལྷན་དུ་ཐུགས་སྲས་བཅུ་གཉིས་ཡོད༌ལ།  
\v 2 དེ་སྔར་གདོན་འདྲེས་བཟུང་བ་དང་ནད་ཀྱིས་མནར་བ་ལས་ཐར་བའི་བུད་མེད་འགའ་ཡང་མཆིས། དེ་དག་ནི་གདོན་འདྲེ་བདུན་ཕྱིར་སྤྲད་ཟིན་པའི་མཱག་རྡལ་གྱི་མིར་ཡམ༌དང༌།  
\v 3 ས་གནས་དཔོན་པོ་ཧེ་རོ་དཱའི་གཉེར་པ་ཀུ་སཱའི་ཆུང་མ་ཡོ་ཨན་ནཱ༌དང༌། གཞན་ཡང་སི་སན་ནཱ་སོགས་བུད་མེད་མང་པོ་ཡོད༌དེ། ཁོ་མོ་རྣམས་ཀྱིས་རང་གི་རྒྱུ་ནོར་སྤྱད་ནས་ཁོང་རྣམས་ལ་རྒྱབ་རོགས་བྱས༌སོ།།   
\p
\v 4 གྲོང་རྡལ་སོ་སོ་ནས་མི་རྣམས་སྐྱབས་མགོན་ཡེ་ཤུར་མཇལ་དུ་ཡོང་སྟེ་མི་ཤིན་ཏུ་མང་པོ་འཛོམས་པ༌ན། ཁོང་གིས་དཔེའི་སྒོ་ནས་འདི་སྐད༌དུ།  
\v 5 ཞིང་འདེབས་མཁན་ཞིག་ཕྱི་རོལ་ཏུ་ཞིང་འདེབས་སུ་སོང་བ༌དང༌། ས་བོན་གཏོར་དུས། ས་བོན་ཁ་ཤས་ལམ་ཁར་ཐོར་བ་རྐང་པས་བརྫིས་ཤིང་ནམ་མཁའི་བྱ་ཡིས་ཟོས།  
\v 6 ས་བོན་ཁ་ཤས་ས་ཉུང་སའི་རྡོ་གསེབ་ཏུ་ཐོར་ཞིང་ཡར་སྐྱེས་པ་ན་བརླན་གཤེར་མེད་པས་བསྐམས།  
\v 7 ས་བོན་ཁ་ཤས་ཚེར་མའི་གསེབ་ལ་ཐོར་ཞིང་ཚེར་མ་དང་མཉམ་དུ་སྐྱེས་པས་ཚེར་མས་མནན།  
\v 8 ཡང་ས་བོན་ཁ་ཤས་ས་གཤིན་ནང་དུ་ཐོར་ཞིང་ཆེར་སྐྱེས་ཏེ་འབྲས་བུ་ལྡབ་བརྒྱ་སྨིན་པ་ཡིན་ཞེས་གསུང་བཞིན་སྐད་ཆེན༌པོས། རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།   
\p
\v 9 ཐུགས་སྲས་རྣམས་ཀྱིས་ཁོང་ལ་དཔེ་དེའི་དོན་ཅི་ཡིན་ཞེས་ཞུས་པ༌ན།  
\v 10 ཁོང་གིས་དེ་རྣམས་ལ་འདི་སྐད༌དུ། དཀོན་མཆོག་གི་རྒྱལ་སྲིད་ཀྱི་གསང་བ་རྣམས་ནི་ཁྱོད་ཅག་ལ་ཤེས་སུ་འཇུག་པ་ཡིན་ཡང༌། མི་གཞན་རྣམས་ལ་དཔེ་རུ་བཀོད་ནས་བརྗོད་པ་ཡིན། དེ་ནི་མི་དེ་རྣམས་ཀྱིས་མིག་གིས་བལྟས་ཀྱང་མི་མཐོང་བ་དང་རྣ་བས་ཐོས་ཀྱང་དོན་མི་རྟོགས་པའི་ཕྱིར་ཡིན་ཞེས་གསུངས་སོ།།  
\v 11 ཡང་ཁོང་གིས་དཔེ་དེའི་དོན་འདི་ལྟ༌སྟེ། ས་བོན་ནི་དཀོན་མཆོག་གི་བཀའ་ཡིན།  
\v 12 ས་བོན་ལམ་ཁར་ཐོར་བ་ནི་མི་ལ་ལས་དཀོན་མཆོག་གི་བཀའ་ཐོས༌ནའང༌། བདུད་ཡོང་ནས་དད་པ་མི་བྱེད་ཅིང་ཐར་པའང་མི་འཐོབ་པའི༌ཕྱིར། མི་དེ་རྣམས་ཀྱི་སེམས་ལས་བཀའ་ཕྲོགས་ཏེ་ཁྱེར་སོང་བ་རྣམས་ཡིན།  
\v 13 དེ་བཞིན་དུ་ས་ཉུང་སའི་རྡོ་གསེབ་ཏུ་ཐོར་བ་ནི་མི་ལ་ལས་དཀོན་མཆོག་གི་བཀའ་ཐོས་ཚེ་དགའ་ཞིང་དང་དུ་བླངས༌ནའང༌། སེམས་སུ་རྩ་བ་མ་རྒྱས་པས་དུས་ཡུན་ཐུང་ངུ་ལ་དད་པ་བྱེད་ཀྱང་ཉམས་ཚོད་དང་འཕྲད་དུས་དད་པ་ལོག་པ་རྣམས་ཡིན།  
\v 14 ཡང་ཚེར་མའི་གསེབ་ལ་ཐོར་བ་ནི་མི་ལ་ལས་དཀོན་མཆོག་གི་བཀའ་ཐོས་ཀྱང་རིམ་གྱིས་ཚེ་འདིའི་སེམས་ཁུར༌དང༌། རྒྱུ་ནོར་དང་འདོད་ཡོན་ལ་ཆགས་པའི་དབང་གིས་བཀའ་མནན་ཏེ་རང་སེམས་སུ་འབྲས་བུ་སྨིན་མ་ཐུབ་པ་རྣམས་ཡིན།  
\v 15 ཡང་ས་གཤིན་ནང་དུ་ཐོར་བ་ནི་མི་ལ་ལས་དཀོན་མཆོག་གི་བཀའ་ཐོས་ཏེ། གཞུང་རྒྱུད་དྲང་ཞིང་ངང་རྒྱུད་བཟང་པོའི་ངང་ནས་སེམས་སུ་དམ་པོར་བཟུང་ཞིང་བཟོད་བསྲན་གྱིས་འབྲས་བུ་སྨིན་དུ་འཇུག་པ་རྣམས་ཡིན་ཞེས་གསུངས༌སོ།།   
\s1 སྒྲོན་མེའི༌དཔེ།  
\p
\v 16 ཡང་ཁོང་གིས་འདི་སྐད༌དུ། མི་སུས་ཀྱང་སྒྲོན་མེ་བསྒྲོན་རྗེས་སྣོད་ཀྱིས་མི་འགེབས༌ལ། མལ་ཁྲིའི་འོག་ཏུའང་མི་འཇོག༌པར། ནང་དུ་ཡོང་བའི་མི་རྣམས་ཀྱིས་འོད་མཐོང་བའི་ཕྱིར་སྒྲོན་སྟེགས་སྟེང་དུ་འཇོག་པ་ཡིན་ནོ།།  
\v 17 རྒྱུ་མཚན་ནི་སྦས་པའི་དོན་ཐམས་ཅད་མི་མངོན་པ་ཅི་ཡང་མེད༌ལ། གསང་བའི་དོན་ཐམས་ཅད་ཀྱང་མངོན་པར་མི་འགྱུར་བའམ་མི་ཤེས་པ་ཅི་ཡང་མེད།  
\v 18 དེའི༌ཕྱིར། ཁྱོད་ཅག་གིས་ཅི་ལྟར་མཉན་པ་ལ་གཟབ་པར༌གྱིས། རྒྱུ་མཚན་ནི་སུ་ཞིག་ལ་ཡོད་པ་དེ་ལ་ད་དུང་ཡང་གནང་ངེས༌ཤིང༌། སུ་ཞིག་ལ་མེད་པ་དེ་ལས་རང་ལ་ཡོད་འདོད་པ་དེའང་ཕྱིར་ལེན་པར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུའི་ཡུམ་དང་ཁོང་གི་སྐུ་མཆེད༌རྣམས་ཀྱི་སྐོར།  
\p
\v 19 སྐྱབས་མགོན་ཡེ་ཤུའི་ཡུམ་དང་ཁོང་གི་སྐུ་མཆེད་རྣམས་ཁོང་ལ་མཇལ་དུ་ཡོང༌ནའང༌། གནས་དེར་མི་མང་པོ་འཛོམས་པས་ཁོང་གི་དྲུང་དུ་འགྲོ་མ་ཐུབ།  
\v 20 མི་ཞིག་གིས་ཁོང་ལ་ཁྱེད་ཀྱི་ཡུམ་དང་སྐུ་མཆེད་རྣམས་སླེབས་ཏེ་ཕྱི་རོལ་ཏུ་ལངས་བསྡད་ཡོད༌ལ། ཁྱེད་ལ་མཇལ་འདོད་ཟེར་ཞེས་ཞུས་སོ།།  
\v 21 འོན་ཀྱང་། ཁོང་གིས་དེ་རྣམས་ལ་འདི་སྐད༌དུ། དཀོན་མཆོག་གི་བཀའ་ལ་ཉན་ཞིང་དེ་ལྟར་བྱེད་པ་རྣམས་ནི་བདག་གི་མ་དང་སྤུན་རྣམས་ཡིན་ཞེས་གསུངས༌སོ།།   
\s1 རླུང་ཤུགས་དང་མཚོ་རླབས་ཞི་བར་མཛད༌པ།  
\p
\v 22 ཡང་ཉིན་ཞིག༌ལ། སྐྱབས་མགོན་ཡེ་ཤུ་དང་ཐུགས་སྲས་རྣམས་མཚོ་གྲུར་བསྡད༌ཅིང༌། ཁོང་གིས་ཐུགས་སྲས་རྣམས་ལ་འདི་སྐད༌དུ། ངེད་ཅག་མཚོའི་ཕ་རོལ་ཏུ་འགྲོའོ་ཞེས་གསུངས་ཤིང་ཁོ་རྣམས་ཀྱིས་གྲུ་གཏོང་འགོ་བརྩམས།  
\v 23 མཚོ་གྲུ་མདུན་དུ་སྐྱོད་བཞིན་པའི་དུས་སུ་སྐྱབས་མགོན་ཡེ་ཤུ་མནལ་ལ་གཟིམས། གློ་བུར༌ཉིད་ལ། མཚོ་ཐོག་ནས་རླུང་ཆེན་གཡུགས་ཤིང་མཚོ་གྲུའི་ནང་དུ་ཆུས་འགེང་བཞིན་སྣུབ་ཉེན་ཆེ་བའི་སྐབས༌སུ།  
\v 24 ཐུགས་སྲས་རྣམས་ཡོང་ནས་སྐྱབས་མགོན་ཡེ་ཤུ་གཟིམས་ལས་བསླངས༌ཏེ། སྟོན་པ༌ལགས། སྟོན་པ་ལགས། བདག་ཅག་འཆི་ལ་ཉེའོ་ཞེས་ཞུས་པ༌ན། ཁོང་ཡར་བཞེངས་ཏེ་རླུང་དང་རྦ་རླབས་ལ་བཀའ་བཀྱོན་མཛད༌པས། མཚོ་རླུང་གཡུག་མཚམས་ཆད་ཅིང་རྦ་རླབས་ཞི་བར་གྱུར་ཏོ།།  
\v 25 ཁོང་གིས་ཐུགས་སྲས་རྣམས་ལ་འདི་སྐད༌དུ། ཁྱོད་ཅག་གི་དད་སེམས་གང་དུ་ཡོད་ཅེས་གསུངས་པ༌དང༌། དེ་རྣམས་འཇིགས་ཤིང་སྐྲག་པ་དང་ངོ་མཚར་བར་གྱུར་ནས་ཕན་ཚུན་ལ་འདི༌ལྟར་དུ། འདི་ནི་སུ་ཡིན༌ནམ། ཁོང་གིས་རླུང་དང་མཚོ་ལ་བཀའ་གནང༌ཞིང༌། དེས་ཀྱང་ཁོང་གི་བཀའ་ལ་ཉན་ཞེས་སྨྲས༌སོ།།   
\s1 གདོན་འདྲེས་བཟུང་བའི་མི་ཞིག་གསོས༌པ།  
\p
\v 26 ཁོང་རྣམས་མཚོ་གྲུར་བསྡད་ནས་མཚོ་ག་ལིལ་ཕ་རོལ་གྱི་གེ་ར་སཱ་ཡུལ་དུ་སོང་ངོ་།།  
\v 27 སྐྱབས་མགོན་ཡེ་ཤུ་གྲུ་ལས་སྐམ་སར་ཕེབས༌པའི་ཚེ། ཡུལ་དེའི་གྲོང་ཁྱེར་གྱི་གདོན་འདྲེས་བཟུང་བའི་མི་ཞིག་ཁོང་ལ་མཇལ། མི་དེ་ནི་ཡུན་རིང་པོར་གོན་པ་མ་གྱོན་ཞིང་ཁང་པའི་ནང་དུའང་མ་བསྡད་པར་དུར་ཁྲོད་དུ་སྡོད་པ་ཞིག་ཡིན།  
\v 28 མི་དེས་སྐྱབས་མགོན་ཡེ་ཤུ་མཐོང་བ་དང་ཁོང་གི་དྲུང་དུ་ཕྱག་བཙལ་ནས་སྐད་ཆེན༌པོས། ཀྱེ། བླ་ན་མེད་པའི་དཀོན་མཆོག་གི་སྲས་ཡེ་ཤུ༌ལགས། ངེད་གཉིས་ཀྱི་བར་དུ་འབྲེལ་བ་ཅི་མཆིས༌སམ། ངས་ཁྱེད་ལ་ཞུ་བ་བྱེད༌དེ། ཁྱེད་ཀྱིས་ང་རང་སྡུག་ལ་མི་སྦྱོར་བར་མཛོད་ཅེས་ཞུས་སོ།།  
\v 29 རྒྱུ་མཚན་ནི་ཁོང་གིས་དེ་སྔར་གདོན་འདྲེ་ལ་མི་དེའི་ལུས་ནས་ཕྱིར་འབུད་དགོས་པའི་བཀའ་གནང་མྱོང་བས༌སོ།། མ་གཞི་གདོན་འདྲེས་མི་དེ་ཐེངས་དུ་མར་བཟུང་བ༌དང༌། མི་རྣམས་ཀྱིས་མི་དེ་ལྕགས་ཐག་གིས་བཀྱིགས་ཤིང་ལྕགས་སྒྲོག་བརྒྱབ་སྟེ་རྒྱུན་དུ་བསྲུངས་ནའང་གདོན་འདྲེ་དེས་ལྕགས་ཐག་དང་ལྕགས་སྒྲོག་ཐམས་ཅད་བཅད་ནས་མི་དེ་དབེན་སྟོང་དུ་བསྐྲད་པ་ཡིན།  
\v 30 སྐྱབས་མགོན་ཡེ་ཤུས་མི་དེ་ལ་ཁྱོད་ཀྱི་མིང་ལ་ཅི་ཟེར་ཞེས་དྲིས་པ༌ན། ཁོ་ན༌རེ། ངའི་མིང་ལ་དཔུང་ཚོགས་ཟེར་ཞེས་ཞུས་སོ།། རྒྱུ་མཚན་ནི་མི་དེར་ཞུགས་པའི་གདོན་འདྲེ་ཤིན་ཏུ་མང་བས༌སོ།།  
\v 31 གདོན་འདྲེ་རྣམས་ཀྱིས་ཁོ་རྣམས་ཞབས་མེད་པའི་དོང་ནང་དུ་འཕེན་པའི་བཀའ་མི་གནང་བའི་ཕྱིར་ཁོང་ལ་ཞུ་བ་ཞུས།  
\v 32 དེའི་ཚེ་རི་སྒང་ནས་ཕག་ཁྱུ་ཆེན་པོ་ཞིག་འཚོ་བཞིན་ཡོད་པ༌དང༌། གདོན་འདྲེ་དག་གིས་ཁོ་རྣམས་ཕག་ཁྱུའི་ནང་དུ་འཇུག་པར་མཛོད་ཅེས་ཞུ་བ་ཞུས་པ༌ལ། ཁོང་གིས་ཀྱང་དེ་རྣམས་ཀྱི་ཞུ་བ་ལྟར་གནང༌བས།  
\v 33 གདོན་འདྲེ་རྣམས་མི་དེའི་ལུས་ནས་ཕྱིར་བུད་དེ་ཕག་གི་ནང་དུ་ཞུགས་པ༌དང༌། ཕག་ཁྱུ་དེའང་གཡང་གཟར་དུ་བརྒྱུགས་ཤིང་མཚོ་ནང་དུ་ལྷུང་སྟེ་ནུབ་ནས༌ཤིའོ།།  
\v 34 ཕག་རྫི་རྣམས་ཀྱིས་དོན་དེ་མཐོང་ནས་བྲོས་པ༌དང༌། གྲོང་ཁྱེར་དང་གྲོང་སྡེའི་མི་རྣམས་ལ་གནས་ཚུལ་དེ་སྨྲས༌པས།  
\v 35 མི་རྣམས་ཅི་ཞིག་བྱུང་བར་བལྟ་རུ་ཡོང་བ་དང་སྐྱབས་མགོན་ཡེ་ཤུའི་དྲུང་དུ་སླེབས་དུས། སྔར་གདོན་འདྲེ་ཕྱིར་བསྐྲད་ཟིན་པའི་མི་དེ་དྲན་པ་སོས་ཤིང་ལུས་ལ་གོས་གྱོན་ཏེ་སྐྱབས་མགོན་ཡེ་ཤུའི་ཞབས་དྲུང་དུ་ཙོག་པུར་བསྡད་ཡོད་པ་མཐོང་ནས་ཁོ་རྣམས་འཇིགས༌པ་རེད།  
\v 36 དོན་དེ་མཐོང་མཁན་རྣམས་ཀྱིས་གདོན་འདྲེས་བཟུང་བའི་མི་དེ་ཇི་ལྟར་སོས་པའི་གནས་ཚུལ་མི་ཚོགས་ལ་སྨྲས་པ༌དང༌།  
\v 37 གེ་ར་སཱ་ཡུལ་དང་དེའི་མཐའ་འཁོར་གྱི་ཡུལ་མི་ཐམས་ཅད་ཤིན་ཏུ་འཇིགས་པར་གྱུར༌ཏེ། སྐྱབས་མགོན་ཡེ་ཤུ་ཁོ་རྣམས་དང་འབྲལ་དགོས་པར་ཞུ་བ་ཞུས༌པས། སྐྱབས་མགོན་ཡེ་ཤུ་དང་བཅས་པ་མཚོ་གྲུར་བཞུགས་ནས་ཕྱིར་ཕེབས་སོ།།  
\v 38 འོན༌ཀྱང༌། ལུས་ནས་གདོན་འདྲེ་ཕྱིར་བསྐྲད་ཟིན་པའི་མི་དེས་སྐྱབས་མགོན་ཡེ་ཤུ་དང་ལྷན་དུ་འགྲོ་རུ་འཇུག་པར་ཞུ་བ་ཞུས༌ནའང༌། སྐྱབས་མགོན་ཡེ་ཤུས་འདི་སྐད༌དུ།  
\v 39 ཁྱོད་རང་ཕྱིར་རང་ཡུལ་དུ་སོང༌དང༌། དཀོན་མཆོག་གིས་ཁྱོད་ལ་དོན་ཆེན་ཅི་ལྟ་བུ་མཛད་པ་རྣམས་ཤོད་ཅིག་ཅེས་བཀའ་གནང་བ༌དང༌། མི་དེ་ཕྱིར་སོང་ནས་སྐྱབས་མགོན་ཡེ་ཤུས་ཁོ་རང་ལ་ཕན་ཆེན་པོ་ཅི་ལྟ་བུ་བཏགས་པ་རྣམས་གྲོང་ཁྱེར་ཡོངས་ལ་བསྒྲགས་སོ།།   
\s1 མོ་ནད་བསལ་བ་དང་ཤི་ཟིན་པའི་བུ་མོ་སླར་གསོན་པར་མཛད༌པ།  
\p
\v 40 སྐྱབས་མགོན་ཡེ་ཤུ་ཕྱིར་ཕེབས་པའི་སྐབས༌སུ། ཁོང་ལ་སྒུག་བཞིན་པའི་མི་ཚོགས་ཀྱིས་ཁོང་ལ་བསུ་བ༌བྱས་སོ།།  
\v 41 གནས་དེར་ཆོས་ཁང་གི་དབུ་འཛིན་པ་ཡ་ཨིར་ཟེར་བ་ཞིག་ཡོད་པ་ཡོང་ནས་སྐྱབས་མགོན་ཡེ་ཤུའི་ཞབས་དྲུང་དུ་ཕྱག་བཙལ་ཏེ་ཁོའི་ཁྱིམ་དུ་ཕེབས་དགོས་པར་ཞུ་བ་ཞུས་སོ།།  
\v 42 རྒྱུ་མཚན་ནི་མི་དེར་ལོ་བཅུ་གཉིས་ཙམ་གྱི་བུ་མོ་གཅིག་ཡོད་པ་ད་ལྟ་འཆི་ལ་ཉེ་བས༌སོ།། སྐྱབས་མགོན་ཡེ་ཤུ་ཁྱིམ་དེར་ཕེབས་བཞིན་པའི་དུས༌སུ། མི་ཚོགས་ཀྱིས་ཁོང་གི་མཐའ་ནས་བསྐོར་ཅིང་འཚང་ཁ་བརྒྱབ་བོ།།   
\p
\v 43 དེའི་ཚེ། ཁྲག་འཛིར་བའི་མོ་ནད་བྱུང་སྟེ་ལོ་བཅུ་གཉིས་འགོར་བའི་བུད་མེད་ཅིག་ཡོད་པ༌ལ། སྨན་པ་བསྟེན་ནས་ཁོ་མོར་ཅི་ཡོད་པ་ཐམས་ཅད་བཀོལ་ཚར༌ནའང༌། སུས་ཀྱང་ནད་དེ་འཇོམས་མ་ནུས་སོ།།  
\v 44 བུད་མེད་དེ་སྐྱབས་མགོན་ཡེ་ཤུའི་སྐུ་རྒྱབ་ཏུ་ཡོང་སྟེ་ཁོང་གི་ན་བཟའི་འདབས་ཁར་རེག་མ་ཐག་ཁོ་མོའི་ཁྲག་བཞུར་མཚམས་རྦད་དེ་ཆད།  
\v 45 སྐྱབས་མགོན་ཡེ་ཤུས་འདི་སྐད༌དུ། བདག་ལ་རེག་མཁན་སུ་ཡིན་ནམ་ཞེས་དྲིས་ནའང་མི་སུས་ཀྱང་ཁས་མ་བླངས་པ༌ན། པེ་ཏྲོ་ན༌རེ། སྟོན་པ༌ལགས། མི་མང་པོས་ཁྱེད་ཀྱི་མཐའ་ནས་བསྐོར་ཞིང་འཚང་ཁ་བརྒྱབ་ཅེས་ཞུས༌ནའང༌།  
\v 46 སྐྱབས་མགོན་ཡེ་ཤུས་འདི་སྐད༌དུ། བདག་གི་ལུས་ནས་ནུས་མཐུ་ཞིག་ཕྱིར་ཐོན་པ་ཚོར་བྱུང་བས་མི་ཞིག་གིས་བདག་ལ་རེག་ཅེས་གསུངས་སོ།།  
\v 47 བུད་མེད་དེས་དོན་འདི་གསང་མི་ཐུབ་པ་ཤེས༌ཏེ། སྐྲག་ཅིང་འདར་བཞིན་སྐྱབས་མགོན་ཡེ་ཤུའི་དྲུང་དུ་ཡོང་ནས་ཕྱག་བཙལ་ཞིང༌། ཁོང་གི་ན་བཟའ་ལ་རེག་པའི་རྒྱུ་མཚན་དང་རེག་པ་ཙམ་གྱིས་ཁོ་མོའི་མོ་ནད་ཇི་ལྟར་སོས་པའི་དོན་དེ་མི་ཐམས་ཅད་ཀྱི་མདུན་ནས་སྨྲས་སོ།།  
\v 48 སྐྱབས་མགོན་ཡེ་ཤུས་བུད་མེད་དེ་ལ་འདི་སྐད༌དུ། བུ༌མོ། ཁྱོད་ཀྱི་དད་པས་ཁྱོད་རང་བསྐྱབས་པ༌ཡིན། བདེ་བར་ཕྱིར་སོང་ཞིག་ཅེས་གསུངས༌སོ།།   
\p
\v 49 ཁོང་གིས་དེ་ལྟར་གསུང་བཞིན་པའི་དུས༌སུ། མི་ཞིག་ཆོས་ཁང་གི་དབུ་འཛིན་པའི་ཁྱིམ་ནས་ཡོང་སྟེ་ན༌རེ། ཁྱེད་ཀྱི་བུ་མོ་ཤི་ཟིན་པས་ད་ལྟ་སློབ་དཔོན་ལ་འོ་བརྒྱལ་མ་བྱེད་ཅེས་སྨྲས༌ཤིང༌།  
\v 50 སྐྱབས་མགོན་ཡེ་ཤུས་གཏམ་དེ་གསན་ནས་ཆོས་ཁང་གི་དབུ་འཛིན་པ་ལ་འདི་སྐད༌དུ། མ་འཇིགས་པར་དད་པ་ཁོ་ན་བྱོས༌དང༌། བུ་མོ་བསྐྱབ་པར་འགྱུར་ཞེས་གསུངས་པ༌དང༌།  
\v 51 དབུ་འཛིན་པའི་ཁྱིམ་དུ་ཕེབས༌སྐབས། ཁོང་གིས་པེ་ཏྲོ་དང་། ཡ༌ཀོབ། ཡོ་ཧ༌ནན། གཞན་ཡང་བུ་མོའི་ཕ་མ་ལས་གཞན་མི་སུ་ཡང་ཁྱིམ་དུ་མི་ཡོང་བར་བྱས།  
\v 52 མི་ཐམས་ཅད་ཀྱིས་བུ་མོ་དེར་མྱ་ངན་བྱེད་ཅིང༌ངུའོ༎ ཁོང་གིས་འདི་སྐད༌དུ། མ་ངུ༌ཞིག བུ་མོ་ཤི་བ་མ་ཡིན་པར་གཉིད་འདུག་ཅེས་གསུངས་པ༌ན།  
\v 53 དེ་རྣམས་ཀྱིས་བུ་མོ་ཤི་ཟིན་པ་ཤེས་ནས་ཁོང་ལ་འཕྱ་དགོད་བྱས་སོ།།  
\v 54 འོན་ཀྱང་། སྐྱབས་མགོན་ཡེ་ཤུས་བུ་མོ་དེའི་ལག་པར་འཇུས༌ཏེ། བུ་མོ། ཡར་ལོངས་ཤིག་ཅེས་བཀའ་གནང་བ༌ན།  
\v 55 བུ་མོའི་རྣམ་ཤེས་ཕྱིར་ལོག་ཅིང་དེ་མ་ཐག་ཡར་ལངས། ཁོང་གིས་བུ་མོ་དེར་ཁ་ཟས་སྟེར་དགོས་པའི་བཀའ་གནང་བ༌དང༌།  
\v 56 བུ་མོའི་ཕ་མ་གཉིས་ཤིན་ཏུ་ངོ་མཚར་བར་གྱུར། འོན་ཀྱང་། སྐྱབས་མགོན་ཡེ་ཤུས་མི་དེ་རྣམས་ལ་དོན་འདི་མི་གཞན་སུ་ལའང་མི་སྨྲ་བའི་བཀའ་གནང༌ངོ༌།།   
\c 9
\cl ལེའུ་དགུ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 ཐུགས་སྲས་བཅུ་གཉིས་པོ་ཡུལ་གཞན་དུ་མངགས༌པ།  
\p
\v 1 སྐྱབས་མགོན་ཡེ་ཤུས་ཐུགས་སྲས་བཅུ་གཉིས་པོ་རང་གི་དྲུང་དུ་བོས༌ཏེ། ཁོ་རྣམས་ལ་གདོན་འདྲེ་མཐའ་དག་འདུལ་བ་དང་ནད་འཇོམས་པའི་ནུས་མཐུ་དང་དབང་གནང༌ཞིང༌།  
\v 2 ཡང་དཀོན་མཆོག་གི་རྒྱལ་སྲིད་ཀྱི་ཆོས་སྒྲོག་པ་དང་ནད་གསོ་བའི་ཆེད་དུ་མངགས་སོ།།  
\v 3 ཁོང་གིས་ཐུགས་སྲས་རྣམས་ལ་འདི་སྐད༌དུ། ལམ་དུ་ཆས་སྐབས་མཁར་བ༌དང༌། ཁུག༌མ། ལམ༌བྲོ། དངུལ༌སྒོར། ནང་གོས་ལྷག་མ་ཅི་ཡང་མ་འཁྱེར༌ཅིག  
\v 4 ཁྱོད་ཅག་ཁྱིམ་གང་ལ་སོང་ནའང་དེ་རུ་སྡོད༌ཅིག ཡང་དེ་ནས་ལམ་ལ་ཆས༌ཤིག  
\v 5 ཡང་ཡུལ་གང་གི་མི་ཡིས་ཁྱོད་ཅག་ལ་གནས་ཚང་མི་གཏོང༌ན། ཁྱོད་ཅག་གྲོང་རྡལ་དེ་དང་ཁ་འབྲལ་བའི་དུས༌སུ། ཁོ་རྣམས་མི་འགྲིག་པ་སྟོན་པའི་ཆེད་དུ་རྐང་པའི་སྟེང་གི་ས་རྡུལ་སྤྲུགས་ཤིག་ཅེས་གསུངས༌སོ།།  
\v 6 ཐུགས་སྲས་རྣམས་གྲོང་སྡེ་སོ་སོར་སོང་ནས་འཕྲིན་བཟང་བསྒྲགས་ཤིང་ཡུལ་གྲུ་ཀུན་གྱི་ནད་པ་རྣམས་གསོ་བར་བྱས་སོ།།   
\p
\v 7 ས་གནས་དཔོན་པོ་ཧེ་རོ་དཱ་ཡིས་དོན་དེ་ཐམས་ཅད་ཐོས་ཏེ་སེམས་ལ་ཐེ་ཚོམ་ཆེན་པོ་སྐྱེས། རྒྱུ་མཚན་ནི་མི་ལ་ལས་ཁྲུས་གསོལ་མཁན་ཡོ་ཧ་ནན་ཤི་བ་ལས་སླར་གསོན་པ་རེད་ཅེས་དང༌།  
\v 8 ཡང་ལ་ལས་ཨེ་ལི་ཡཱ་དངོས་སུ་མངོན་བྱུང་ཞེས༌དང་། ཡང་ལ་ལས་གནའ་བོའི་ལུང་སྟོན་པ་ཞིག་ཤི་བ་ལས་སླར་གསོན་པ་རེད་ཅེས༌སྨྲས་པའི་ཕྱིར་རོ།།  
\v 9 ཧེ་རོ་དཱ་ན༌རེ། བདག་གིས་ཁྲུས་གསོལ་མཁན་ཡོ་ཧ་ནན་གྱི་མགོ་བཅད་ཟིན༌ནའང༌། ངས་ད་དུང་དོན་དེ་འདྲ་ཐོས་པའི་མི་དེ་སུ་ཡིན་ནམ་ཞེས་སྨྲས་ཤིང་སྐྱབས་མགོན་ཡེ་ཤུར་མཇལ་འདོད་དོ།།   
\s1 མི་ལྔ་སྟོང་ལྷག་འགྲང་བར་མཛད༌པ།  
\p
\v 10 སྐུ་ཚབ་པ་རྣམས་ཕྱིར་ལོག་སྟེ་ཁོ་རྣམས་ཀྱིས་དོན་ཅི་ཞིག་བསྒྲུབས་པ་ཐམས་ཅད་སྐྱབས་མགོན་ཡེ་ཤུར་ཞུས་སོ།། ཁོང་གིས་དེ་རྣམས་ཁྲིད་ནས་པེ་སད་དཱ་གྲོང་རྡལ་དུ་ཕེབས༌ནའང༌།  
\v 11 མི་ཚོགས་ཀྱིས་དོན་དེ་ཤེས་ནས་ཁོང་གི་རྗེས་སུ་འབྲངས། ཁོང་གིས་དེ་རྣམས་བསུས་ཤིང་དཀོན་མཆོག་གི་རྒྱལ་སྲིད་ཀྱི་སྐོར་གསུངས་པ༌དང༌། ནད་གསོ་དགོས་པ་རྣམས་ཀྱི་ནད་གསོས་པའོ།།  
\v 12 ཉི་མ་ནུབ་ལ་ཉེ་བའི་དུས༌སུ། ཐུགས་སྲས་བཅུ་གཉིས་པོ་ཁོང་གི་དྲུང་དུ་ཡོང་སྟེ་ན༌རེ། ས་ཆ་འདི་ནི་དབེན་སྟོང་ཡིན་པས་མི་རྣམས་ཉེ་འཁོར་གྱི་གྲོང་སྡེ་དང་མཐའ་ཁུལ་དག་ལ་གནས་ཚང་གཡར་བ་དང་བཟའ་བཏུང་འཚོལ་ཕྱིར་གཏོང་བར་མཛོད་ཅེས་ཞུས་པ༌ན།  
\v 13 ཁོང་གིས་འདི་སྐད༌དུ། ཁྱོད་ཅག་གིས་མི་ཚོགས་ལ་ཁ་ཟས་བྱིན་ཅིག་ཅེས་གསུངས་པ༌དང༌། ཐུགས་སྲས་རྣམས་ཀྱིས་བདག་ཅག་ལ་བག་ལེབ་ལྔ་དང་ཉ་གཉིས་ལས་མེད༌པས། གལ་ཏེ་ངེད་ཅག་མི་ཚོགས་ལ་ཁ་ཟས་ཉོ་རུ་མ་སོང་ན་འདང་བ་མིན་ཞེས་ཞུས་སོ།།  
\v 14 དེའི་དུས་སུ་གནས་དེར་སྐྱེས་པ་ཁོ་ན་བསྡོམས་པས་ལྔ་སྟོང་ཙམ་ཡོད། སྐྱབས་མགོན་ཡེ་ཤུས་ཐུགས་སྲས་རྣམས་ལ་མི་ཚོགས་དེ་དག་མི་ལྔ་བཅུ་ཙམ་རེ་གྲལ་སྐོར་གཅིག་ཏུ་བྱས་ནས་སྡོད་དུ་ཆུག་ཅེས་གསུངས་པ༌དང༌།  
\v 15 ཐུགས་སྲས་རྣམས་ཀྱིས་ཀྱང་བཀའ་བཞིན་དུ་མི་ཚོགས་དེ་ལྟར་སྡོད་དུ་བཅུག  
\v 16 སྐྱབས་མགོན་ཡེ་ཤུས་བག་ལེབ་ལྔ་དང་ཉ་གཉིས་པོ་ཕྱག་ཏུ་བསྣམས་ཏེ་ནམ་མཁར་གཟིགས་ནས་བྱིན་རླབས་གནང༌རྗེས། དུམ་བུར་བྱས་ནས་ཐུགས་སྲས་རྣམས་ལ་གནང་ཞིང་མི་ཚོགས་ཀྱི་མདུན་དུ་བཀྲམ་པའོ༎  
\v 17 མི་ཐམས་ཅད་ཀྱིས་ཀྱང་ཟོས་ཤིང་ལྟོ་བ་འགྲངས་པ༌དང༌། ཐུགས་སྲས་རྣམས་ཀྱིས་ཟས་ལྷག་བསྡུས་ཏེ་སླེ་བོ་བཅུ་གཉིས་གང༌ངོ༌།།   
\s1 པེ་ཏྲོས་སྐྱབས་མགོན་ཡེ་ཤུ་ནི་མཱ་ཤི་ཀ་ཡིན་པར་ཁས་བླངས༌པ།  
\p
\v 18 སྐྱབས་མགོན་ཡེ་ཤུ་གཅིག་པུས་གསོལ་བ་འདེབས་དུས་ཐུགས་སྲས་རྣམས་ཀྱང་ཁོང་དང་མཉམ་དུ་ཡོད་པ༌ལ། ཁོང་གིས་འདི་སྐད༌དུ། མི་རྣམས་ཀྱིས་ང་རང་སུ་ཡིན་པར་སྨྲ་བཞིན་འདུག་གམ་ཞེས་དྲིས་པ༌ན།  
\v 19 ཐུགས་སྲས་རྣམས་ན༌རེ། མི་ལ་ལས་ཁྲུས་གསོལ་མཁན་ཡོ་ཧ་ནན་རེད་ཅེས༌དང༌། ཡང་ལ་ལས་ཨེ་ལི་ཡཱ་རེད་ཅེས༌ཟེར། གཞན༌ཡང༌། གནའ་བོའི་ལུང་སྟོན་པ་རྣམས་ལས་གཅིག་སླར་གསོན་པ་རེད་ཟེར་བའང་ཡོད་ཅེས་ཞུས།  
\v 20 ཡང་ཁོང་གིས་འདི་སྐད༌དུ། ཁྱོད་ཅག་གིས་ང་རང་སུ་ཡིན་པར་གླེང་ངམ་ཞེས་དྲིས་པ༌ན། པེ་ཏྲོ་ན༌རེ། ཁྱེད་ནི་དཀོན་མཆོག་གི་སྐྱབས་མགོན་མཱ་ཤི་ཀ་ཡིན་ཞེས་ཞུས༌སོ།།   
\p
\v 21 སྐྱབས་མགོན་ཡེ་ཤུས་དོན་དེ་གཞན་ལ་མི་སྨྲ་བའི་ཕྱིར་ཐུགས་སྲས་རྣམས་ལ་ནན་གྱིས་བསྐུལ༌ཅིང་བཀའ་གནང་སྟེ།  
\v 22 ཁོང་གིས་འདི་སྐད༌དུ། མིའི་བུ་ཡིས་ངེས་པར་སྡུག་བསྔལ་མང་པོ་མྱོང་ཞིང་དཔོན་རིགས་རྒན་པོ་དང་མཆོད༌དཔོན་ཆེན་པོ་དག མཁན་པོ་རྣམས་ཀྱིས་ཁོ་རང་དོར་ནས་གསོད་པ༌དང༌། ཡང་ཉིན་གསུམ་པ་ལ་སླར་གསོན་པར་འགྱུར་ཞེས་གསུངས༌སོ།།   
\p
\v 23 ཡང་སྐྱབས་མགོན་ཡེ་ཤུས་མི་ཐམས་ཅད་ལ་འདི་སྐད༌དུ། སུ་ཞིག་ང་ཡི་རྗེས་སུ་འབྲང་འདོད༌ན། རང་ཉིད་དོར་ནས་ཉིན་རེ་བཞིན་རང་གི་ཤིང་རྒྱ་གྲམ་ཁུར་ཏེ་ང་ཡི་རྗེས་སུ་འབྲང་བར་གྱིས།  
\v 24 སུ་ཞིག་གིས་རང་སྲོག་སྐྱོབ་འདོད་པ་དེས་རང་སྲོག་འཆོར་བ༌དང༌། སུ་ཞིག་གིས་བདག་གི་དོན་དུ་རང་སྲོག་འདོར་བ་དེས་རང་སྲོག་སྐྱོབ་ངེས་ཡིན།  
\v 25 སུ་ཞིག་གིས་འཇིག་རྟེན་ཧྲིལ་པོ་རག་ཀྱང་རང་སྲོག་བོར་བའམ་བརླག་ན་ཅི་ལ༌ཕན།  
\v 26 སུ་ཞིག་གིས་ང་དང་ངའི་བཀའ་ངོ་ཚ་ཞིག་ཏུ་བརྩིས༌ན། མིའི་བུ་རང་ཉིད་ཀྱི་གཟི་བརྗིད༌དང༌། ཡབ་དང་ཕོ་ཉ་དམ་པ་རྣམས་ཀྱི་གཟི་བརྗིད་ངང་ཕེབས་ཡོང༌དུས། མི་དེ་ཡང་ངོ་ཚ་ཞིག་ཏུ་བརྩི་ངེས༌ཡིན།  
\v 27 བདག་གིས་ཁྱོད་ཅག་ལ་བདེན་པར་སྨྲ༌སྟེ། འདི་རུ་སྡོད་པའི་མི་རྣམས་ལས་འགའ་ཞིག་གིས་འཆི་བ་དངོས་སུ་མ་མྱོང་བའི་སྔོན་དུ་དཀོན་མཆོག་གི་རྒྱལ་སྲིད་མཐོང་བར་ངེས་ཞེས་གསུངས༌སོ།།   
\s1 རི་བོ་ཞིག་ཏུ་རྟགས་ངོ་མཚར་ཅན་བྱུང༌བ།  
\p
\v 28 སྐྱབས་མགོན་ཡེ་ཤུས་གོང་གི་བཀའ་དེ་དག་གསུངས་ནས་ཉིན་བརྒྱད་ཙམ་འགོར༌རྗེས། ཁོང་གིས་པེ་ཏྲོ༌དང༌ཡོ་ཧ༌ནན། ཡ་ཀོབ་བཅས་ཁྲིད་ནས་རི་མགོར་གསོལ་བ་འདེབས་སུ་ཕེབས༌ཤིང༌།  
\v 29 གསོལ་བ་འདེབས་བཞིན་པའི་སྐབས༌སུ། ཁོང་གི་ཞལ་རས་འགྱུར་ཞིང་ན་བཟའ་དཀར་པོར་གྱུར་པ་དང་འོད་འཕྲོ་བ་རེད།  
\v 30-31 གློ་བུར༌ཉིད་ལ་མོ་ཤེ་དང་ཨེ་ལི་ཡཱ་གཉིས་གཟི་བརྗིད་ངང་དངོས་སུ་མངོན༌ཅིང༌། སྐྱབས་མགོན་ཡེ་ཤུ་དང་གསུང་མོལ་མཛད་པ་དང་ཁོང་ཉིད་སྐུ་གཤེགས་པར་འགྱུར་བའི་དོན༌ཏེ། ཁོང་གིས་ཡེ་རུ་སཱ་ལེམ་དུ་བསྒྲུབ་ངེས་པའི་སྐོར་གསུངས་སོ།།  
\v 32 དེའི་དུས༌སུ། པེ་ཏྲོ་སོགས་རེ་ཞིག་གཉིད་ལ་ཡུར༌ཡང༌། ཁོ་རྣམས་གཉིད་ལས་སངས་ཏེ་སྐྱབས་མགོན་ཡེ་ཤུའི་གཟི་འོད༌དང༌། ཁོང་དང་མཉམ་དུ་སྐྱེས་བུ་གཉིས་ལངས་ཡོད་པའང་མཐོང༌བ་རེད།  
\v 33 མི་དེ་གཉིས་ཁོང་དང་ཁ་གྱེས་པའི་དུས༌སུ། པེ་ཏྲོ་ན༌རེ། སྟོན་པ༌ལགས། བདག་ཅག་འདི་རུ་བསྡད་ན་དངོས་གནས་ལེགས་པོ་འདུག གུར་གསུམ་ཡང་བཟོ་བར་བྱ༌སྟེ། ཁྱེད་ལ་གཅིག༌དང༌། མོ་ཤེ་ལ༌གཅིག ཨེ་ལི་ཡཱ་ལའང་གཅིག་གོ་ཞེས་ཅི་ཞིག་ཞུ་བཞིན་པ་གསལ་པོར་མ་ཤེས་པར་དེ་ལྟར་ཞུས་སོ།།  
\v 34 པེ་ཏྲོས་དེ་ལྟར་ཞུ་བཞིན་པའི་དུས༌སུ། སྤྲིན་ཕུང་ཞིག་བྱུང་ནས་ཁོང་རྣམས་བསྒྲིབས་ཤིང་སྤྲིན་ཕུང་ནང་དུ་འཇུག་པའི་ཚེ་ཐུགས་སྲས་གསུམ་པོ་འཇིགས་ཤིང་སྐྲག་པར་གྱུར།  
\v 35 སྤྲིན་ཕུང་ལས་སྐད་སྒྲ་ཞིག་གྲགས༌ཏེ། འདི་ནི་བདག་གི་བུ་ཡིན་ཞིང་། བདག་གིས་བདམས་པ་ཡིན་པས། ཁྱོད་རྣམས་ཀྱིས་ཁོའི་གཏམ་ལ་ཉོན་ཅིག་ཅེས་གསུངས་སོ།།  
\v 36 སྐད་སྒྲ་དེ་གྲགས་མཚམས་བཞག་པ་དང་སྐྱབས་མགོན་ཡེ་ཤུ་གཅིག་པུ་གནས་དེར་བཞུགས། ཉིན་དེ་དག་གི་རིང༌ལ། ཐུགས་སྲས་གསུམ་པོས་མཐོང་བའི་དོན་དེ་མི་གླེང་ཞིང་མི་གཞན་ལའང་མ་སྨྲས༌སོ།།   
\s1 གདོན་འདྲེས་བཟུང་བའི་བུ་ཞིག་གསོས༌པ།  
\p
\v 37 དེའི་ཕྱི༌ཉིན། ཁོང་རྣམས་རི་ལས་མར་ཕེབས་པ་དང་མི་ཤིན་ཏུ་མང་པོས་ཁོང་གི་མདུན་བསུས་ཤིང་མཇལ་ལོ།།  
\v 38 དེ་རྣམས་ལས་མི་ཞིག་གིས་སྐད་ཆེན༌པོས། སློབ་དཔོན༌ལགས། ངའི་བུ་ལ་གཟིགས་སྐྱོང་གནང་བར༌མཛོད། ཁོ་ནི་བདག་གི་བུ་གཅིག་པུ་ཡིན།  
\v 39 གདོན་འདྲེས་ཁོ་རང་བཟུང་མ་ཐག་གློ་བུར་ཉིད་ལ་འུར་རྒྱག་ཅིང་ལུས་པོ་དྲག་ཏུ་སྤྲུགས་པ་དང་ཁ་ནས་ལྦུ་བ་བཞུར༌བ། ལུས་ལ་གནོད་པ་ཆེན་པོ་འབྱུང་བའི་བར་དུ་གདོན་འདྲེ་དེ་ཁོའི་ལུས་ནས་ཕྱིར་འབུད༌དཀའ་བ་རེད།  
\v 40 ངས་ཁྱེད་ཀྱི་ཐུགས་སྲས་རྣམས་ལ་གདོན་འདྲེ་དེ་ཕྱིར་བསྐྲོད་པར་ཞུ་བ་ཞུས་ཀྱང་ཁོ་རྣམས་ཀྱིས་བསྐྲོད་མ་ནུས་ཞེས་ཞུས་སོ།།  
\v 41 སྐྱབས་མགོན་ཡེ་ཤུས་འདི་སྐད༌དུ། ཀྱེ། དད་པ་མེད་པ་དང་ཕྱིན་ཅི་ལོག་པའི་མི་རབས་འདི། ང་རང་དུས་ནམ་ཞིག་གི་བར་དུ་ཁྱོད་ཅག་དང་མཉམ་དུ་གནས་ཤིང་བཟོད་བསྲན་བྱེད་དགོས༌སམ། ཁྱོད་ཀྱི་བུ་དེ་འདིར་ཁྲིད་ཤོག་ཅིག་ཅེས་གསུངས་སོ།།  
\v 42 བུ་དེ་ཚུར་ཁྲིད་ཡོང༌དུས། གདོན་འདྲེས་བུ་དེ་ས་ལ་བསྒྱེལ་བ་དང་ལུས་པོ་དྲག་ཏུ་སྤྲུགས། འོན་ཀྱང་སྐྱབས་མགོན་ཡེ་ཤུས་གདོན་འདྲེ་ལ་བཀའ་བཀྱོན་མཛད་ཅིང་བུ་བསྐྱབས་ཏེ་ཕྱིར་ཁོའི་ཕ་ལ་སྤྲད།  
\v 43 མི་ཀུན་ཀྱང་དཀོན་མཆོག་གི་ནུས་མཐུ་ལ་ཤིན་ཏུ་ངོ་མཚར་བར་གྱུར༌ཏོ།།  
\p མི་རྣམས་སྐྱབས་མགོན་ཡེ་ཤུས་མཛད་པའི་དོན་ཐམས་ཅད་ལ་ངོ་མཚར་སྐྱེ་བཞིན་པའི་དུས༌སུ། ཁོང་གིས་ཐུགས་སྲས་རྣམས་ལ་འདི་སྐད༌དུ།  
\v 44 ཁྱོད་ཅག་གིས་རྣ་བ་བླགས་ནས་གཏམ་འདིར་ཉན་དགོས། ཕྱིས་སུ་མིའི་བུ་ཁོ་རང་མི་རྣམས་ཀྱི་ལག་ཏུ་སྤྲོད་པར་འགྱུར་ཞེས་གསུངས་ནའང་།  
\v 45 ཐུགས་སྲས་རྣམས་ཀྱིས་གསུང་དེའི་དོན་མ་རྟོགས་སོ།། དེ་ནི་མི་སུ་ལའང་ཤེས་སུ་མི་འཇུག་པའི་ཕྱིར་གབ་པ་ཡིན། ཐུགས་སྲས་རྣམས་ཀྱིས་ཀྱང་གསུང་འདིའི་དོན་ཅི་ཡིན་ཁོང་ལ་འདྲི་མ་ཕོད༌དོ།།   
\s1 སུ་ཞིག་མཆོག་ཏུ་གྱུར་པ་ཡིན་པར་རྩོད་གླེང་བྱུང༌བ།  
\p
\v 46 ཐུགས་སྲས་རྣམས་ཀྱི་ཁྲོད་དུ་ཁོ་རྣམས་ལས་སུ་ཞིག་མཆོག་ཏུ་གྱུར་པ་ཡིན་པར་རྩོད་གླེང་བྱུང་ངོ༌།།  
\v 47 སྐྱབས་མགོན་ཡེ་ཤུས་ཀྱང་ཁོ་རྣམས་ཀྱི་བསམ་ཚུལ་མཁྱེན་ཏེ་བྱིས་པ་ཆུང་ངུ་ཞིག་རང་ཉིད་ཀྱི་དྲུང་དུ་ཁྲིད་ནས་སྡོད་དུ་བཅུག༌སྟེ།  
\v 48 ཁོང་གིས་འདི་སྐད༌དུ། སུ་ཞིག་གིས་ངའི་མིང་གི་ཕྱིར་བྱིས་པ་ཆུང་ངུ་འདི་ལྟ་བུར་བསུ་བ་བྱས་ན། དོན་དམ་དུ་བདག་ལ་བསུ་བ་བྱས་པ་ཡིན་ལ། སུ་ཞིག་གིས་ང་རང་ལ་བསུ་བ་བྱས་པ་ཡིན་ན། དོན་དམ་དུ་ང་རང་མངགས་མཁན་ཁོང་ལ་བསུ་བ་བྱས་པ་ཡིན། རྒྱུ་མཚན་ནི་ཁྱོད་ཅག་ལས་ཆུང་ཤོས་དེ་ནི་ཁྱོད་རྣམས་ལས་མཆོག་ཏུ་གྱུར་པ་ཡིན་ཞེས་གསུངས༌སོ།།   
\p
\v 49 ཡོ་ཧ་ནན་ན༌རེ། སྟོན་པ༌ལགས། མི་གཞན་ཞིག་གིས་ཁྱེད་ཀྱི་མཚན་ལ་བརྟེན་ནས་གདོན་འདྲེ་སྐྲོད་བཞིན་པ་ངེད་རྣམས་ཀྱིས་མཐོང༌བྱུང་ངོ་།། འོན༌ཀྱང༌། མི་དེ་ནི་ངེད་རྣམས་དང་མཉམ་དུ་ཁྱེད་ཀྱི་རྗེས་སུ་མི་འབྲང་བས། ངེད་རྣམས་ཀྱིས་དོན་དེ་ལྟར་བྱེད་པ་བཀག་པ་ཡིན་ཞེས་ཞུས་པ༌ན།  
\v 50 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་དགྲ་རུ་མི་འཛིན་པ་དེ་ནི་ཁྱོད་ཅག་གི་ཕྱོགས་ཡིན་པས་ཁོ་རང་མ་འགོག་ཅིག་ཅེས་གསུངས༌སོ།།   
\s1 སཱ་མར་ཡ་ཡུལ་གྱི་མི་རྣམས་ཀྱིས་ཁོང་ལ་བསུ་བ་མ་བྱས་པ།  
\p
\v 51 སྐྱབས་མགོན་ཡེ་ཤུ་ནམ་མཁའི་ཞིང་ཁམས་སུ་འཕགས་པའི་དུས་སླེབས་ལ་ཉེ༌སྐབས། ཁོང་ཐུགས་མ་གཡེངས་པར་ཡེ་རུ་སཱ་ལེམ་དུ་ཕེབས་པར་རྩོམ་མོ།།  
\v 52 ཁོང་གིས་ཐོག་མར་བང་ཆེན་སྔོན་དུ་མངགས༌ཤིང༌། མི་དེ་རྣམས་སཱ་མར་ཡ་ཡུལ་གྱི་གྲོང་སྡེ་ཞིག་ལ་ཁོང་ཉིད་ཕེབས་འགྱུར་ལ་སྟ་གོན་བྱེད་དུ་སོང༌།  
\v 53 འོན༌ཀྱང༌། ཁོང་རྣམས་ཡེ་རུ་སཱ་ལེམ་གྱི་ཕྱོགས་སུ་ཕེབས་བཞིན་པའི་རྐྱེན་གྱིས་སཱ་མར་ཡ་པ་རྣམས་ཀྱིས་ཁོང་ལ་བསུ་བ་མ་བྱས་སོ།།  
\v 54 ཁོང་གི་ཐུགས་སྲས་ཡ་ཀོབ་དང་ཡོ་ཧ་ནན་གཉིས་ཀྱིས་གནས་ཚུལ་དེ་མཐོང་ནས་ན༌རེ། གཙོ་བོ༌ལགས། ངེད་ཅག་གིས་ནམ་མཁའ་ལས་མེ་ཕབ་སྟེ་མི་དེ་རྣམས་བསྲེག་པར་བྱས་ན་ཁྱེད་རང་ཐུགས་དགྱེས་སམ་ཞེས་ཞུས་པ༌ན།  
\v 55 སྐྱབས་མགོན་ཡེ་ཤུ་ཞལ་ཕྱིར་འཁོར་ནས་དེ་གཉིས་ལ་བཀའ་བཀྱོན་གནང༌། ཁྱོད་གཉིས་ཀྱིས་རང་གི་སེམས་ནི་ག་འདྲ་ཡིན་པ་མི་ཤེས།  
\v 56 མིའི་བུ་ནི་མིའི་སྲོག་མེད་པར་བཟོ་བའི་ཕྱིར་འོངས་པ་མ་ཡིན༌པར། མིའི་སྲོག་སྐྱོབ་པའི་ཕྱིར་འོངས་པ་ཡིན་ཞེས་གསུངས་སོ།། དེ་ནས་ཁོང་རྣམས་ལྷན་དུ་གྲོང་སྡེ་གཞན་ཞིག་ལ་ཕེབས༌སོ།།   
\s1 སྐྱབས་མགོན་ཡེ་ཤུའི་རྗེས་སུ་འབྲང་མཁན་གྱི་འོས་འགན༌སྐོར།  
\p
\v 57 ཡང་ཁོང་རྣམས་ལམ་དུ་ཆས༌སྐབས། མི་ཞིག་གིས་སྐྱབས་མགོན་ཡེ་ཤུ༌ལ། ཁྱེད་རང་གང་དུ་ཕེབས་ནའང་ང་རང་ཁྱེད་ཀྱི་རྗེས་སུ་འབྲང་ངོ་ཞེས་ཞུས་པ༌ན།  
\v 58 ཁོང་གིས་འདི་སྐད༌དུ། ཝ་ལ་ཁུང་བུ་དང་ནམ་མཁའི་བྱ་ལའང་ཚང་ཡོད༌ཀྱང༌། མིའི་བུ་ལ་མགོ་སྔས་ས་ཙམ་ཡང་མེད་ཅེས་གསུངས་སོ།།  
\v 59 ཡང་ཁོང་གིས་མི་གཞན་ཞིག་ལ་འདི་སྐད༌དུ། ང་ཡི་རྗེས་སུ་ཤོག་ཅེས་གསུངས་པ༌ན། མི་དེ་ན༌རེ། གཙོ་བོ༌ལགས། ང་རང་ཐོག་མར་རང་ཡུལ་དུ་ཕ་དུར་ལ་སྦ་རུ་འགྲོ་བར་མཛོད་ཅེས་ཞུས་པ༌དང༌།  
\v 60 ཡང་ཁོང་གིས་འདི་སྐད༌དུ། བེམ་པོ་དང་འདྲ་བའི་མི་རྣམས་ལ་རང་གི་བེམ་པོ་དུར་ལ་སྦ་བར་གྱིས་ཤིག འོན་ཀྱང་ཁྱོད་རང་དཀོན་མཆོག་གི་རྒྱལ་སྲིད་ཀྱི་ཆོས་བསྒྲག་ཏུ་སོང་ཞིག་ཅེས་གསུངས་སོ།།  
\v 61 ཡང་མི་གཞན་ཞིག་ན༌རེ། གཙོ་བོ༌ལགས། ང་རང་ཁྱེད་ཀྱི་རྗེས་སུ་འབྲང་འདོད༌མོད། འོན་ཀྱང་ང་རང་སྔོན་དུ་ཁྱིམ་ལ་སོང་ནས་ཡུལ་མི་རྣམས་དང་གྱེས་མཇལ་ཞུ་བར་མཛོད་ཅེས་ཞུས་པ༌དང༌།  
\v 62 ཡང་སྐྱབས་མགོན་ཡེ་ཤུས་འདི་སྐད༌དུ། ལག་པས་གཤོལ་མདའ་བཟུང་ནས་ཕྱིར་མིག་གིས་ལྟ་མཁན་སུ་ཡིན་ཡང་དཀོན་མཆོག་གི་རྒྱལ་སྲིད་ལ་ཞུགས་མི་འོས་པ་ཡིན་ཞེས་གསུངས༌སོ།།   
\c 10
\cl ལེའུ་བཅུ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐྱབས་མགོན་ཡེ་ཤུས་རྗེས་འབྲང་པ་བདུན་ཅུ་ཡུལ་གཞན་དུ་མངགས༌པ།  
\p
\v 1 དོན་དེའི་རྗེས༌སུ། ཡང་གཙོ་བོས་རྗེས་འབྲང་པ་བདུན་ཅུ་ \f + \ft རྗེས་འབྲང་པ་བདུན་ཅུ་ཞེས་པ་འདིར་གནའ་བོའི་མ་ཕྱི་ལ་ལར་རྗེས་འབྲང་པ་བདུན་ཅུ་དོན་གཉིས་ཞེས་ཀྱང་འབྱུང་།\f*བསྐོས༌ཤིང༌། མི་གཉིས་རེ་གཉིས་རེ་ཁོང་ཉིད་གང་དུ་ཕེབས་པར་འགྱུར་བའི་གྲོང་རྡལ་དང་ས་ཆ་སོ་སོར་མངགས་པ༌དང༌།  
\v 2 དེ་རྣམས་ལ་འདི་སྐད༌དུ། སྟོན་ཐོག་ཤིན་ཏུ་མང་ཡང་སྡུད་མཁན་ཉུང༌བས། སྟོན་ཐོག་གི་བདག་པོ་ལ་ཁོང་ཉིད་ཀྱི་སྟོན་ཐོག་བསྡུ་བའི་ཕྱིར་དུ་སྡུད་མཁན་རྣམས་མངག་པར་ཞུས་ཤིག་ཅེས་གསུངས༌སོ།།  
\v 3 ཁྱོད་རྣམས་སོང༌དང༌། བདག་གིས་ཁྱོད་རྣམས་སྤྱང་ཁྱུའི་ཁྲོད་དུ་ལུ་གུ་གཏོང་བ་ལྟར་མངག་པར་བྱེད།  
\v 4 ཁྱོད་རྣམས་ཀྱིས་དངུལ་ཁུག༌དང༌། ཁུག༌མ། བསིལ་ལྷམ་བཅས་ཅི་ཡང་མ་འཁྱེར༌ཅིག ལམ་བར་དུ་མི་སུ་ལའང་འཚམས་འདྲི་བྱ་མི་རུང༌།  
\v 5 ཁྱིམ་གང་དུ་སོང་ནའང་ཐོག་མར་ཁྱིམ་འདི་བདེ་བར་གྱུར་ཅིག་ཅེས་སྨྲོས༌ཤིག  
\v 6 གལ་ཏེ་ཁྱིམ་དེར་སྐྱེས་བུ་ཞི་བདེ་ཅན་ཞིག་མཆིས༌ན། ཁྱོད་རྣམས་ཀྱི་ཞི་བདེ་ཡང་མི་དེ་ལ་ལྡན་པར༌འགྱུར། མི་དེ་འདྲ་མེད་ན་ཞི་བདེ་དེ་ཕྱིར་ཁྱོད་ཅག་ལ་ལྡན་པར་འགྱུར།  
\v 7 ཁྱོད་རྣམས་ཁྱིམ་གང་དུ་སོང་ན་དེ་རུ་སྡོད༌དང༌། བཟའ་བཏུང་གང་ཞིག་སྤྲད་ན་དེ་སྤྱོད༌ཅིག རྒྱུ་མཚན་ནི་ལས་ཀ་བྱེད་མཁན་ལ་གླ་ཆ་སྟེར་འོས་སོ།། ཡང་ཁྱིམ་གཅིག་ནས་ཁྱིམ་གཞན་ལའང་གནས་མ་སྤོར་ཅིག  
\v 8 ཁྱོད་རྣམས་གྲོང་རྡལ་གང་དུ་སོང༌ནའང༌། གྲོང་རྡལ་དེའི་མི་རྣམས་ཀྱིས་ཁྱོད་ཅག་ལ་བསུ་བ་བྱེད་ཅིང་མདུན་དུ་ཟས་རིགས་གང་ཞིག་དྲངས་ན་དེ་བཟའ་བར༌བྱའོ།།  
\v 9 གྲོང་རྡལ་དེ་རུ་ཡོད་པའི་ནད་པ་རྣམས་གསོ་བར་བྱོས་དང་། དེ་རྣམས་ལ་དཀོན་མཆོག་གི་རྒྱལ་སྲིད་ཁྱོད་རྣམས་དང་ཉེ་བར་སླེབས་ཞེས་སྨྲོས༌ཤིག  
\v 10 འོན་ཀྱང་ཁྱོད་རྣམས་གྲོང་རྡལ་གང་དུ་སོང༌ནའང༌། གྲོང་རྡལ་དེའི་མི་རྣམས་ཀྱིས་ཁྱོད་ཅག་ལ་བསུ་བ་མི་བྱེད༌ན། ཁྱོད་རྣམས་གྲོང་རྡལ་དེའི་སྲང་ལམ་དུ་སོང་སྟེ་འདི་ལྟར་ཤོད༌ཅིག  
\v 11 ཁྱོད་ཅག་གི་གྲོང་རྡལ་གྱི་ས་རྡུལ་འདི་ངེད་ཅག་གི་རྐང་པར་འགོས༌ནའང༌། ངེད་ཅག་གིས་ཁྱོད་རྣམས་ཀྱི་མཐོང་སར་ས་རྡུལ་སྤྲུགས་པར༌བྱེད། འོན་ཀྱང་ཁྱོད་རྣམས་ཀྱིས་དཀོན་མཆོག་གི་རྒྱལ་སྲིད་ཉེ་བར་སླེབས་པ་ཤེས་པར༌གྱིས་ཞེས་པའོ།།  
\v 12 ཡང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། མ་འོངས་པར་ཉེས་ཆད་གཅོད་པའི་ཉིན་དེ་སླེབས་ཚེ། སཱ་དོམ་ལས་ཀྱང་གྲོང་རྡལ་དེ་ལ་ཉེས་ཆད་ལྕི་མོ་འཕོག་པར་འགྱུར་རོ།།   
\p
\v 13 ཀོ་ར་ཟིན་དང་པེ་སད་དཱ་ཁྱོད་གཉིས་ལ་ཆག་སྒོ་འབྱུང་ངོ༌།། རྒྱུ་མཚན་ནི་ཁྱོད་གཉིས་ཀྱི་ནང་དུ་བྱུང་བའི་དོན་ངོ་མཚར་ཅན་དེ་རྣམས་ཐཱར་དང་ཚི་ཏུན་དུ་བྱུང་བ་ཡིན༌ན། ཡུལ་དེའི་མི་རྣམས་ཀྱིས་སྔར་ནས་འགྱོད་བཤགས་བྱས་པ་དང་། ལུས་ལ་རྩིད་རས་གྱོན་ཞིང་མགོ་ལ་ཐལ་བ་གཏོར་ནས་སར་སྡོད་པར་བྱེད།  
\v 14 ཉེས་ཆད་གཅོད་པའི་ཉིན་སླེབས་ཚེ། ཐཱར་དང་ཚི་ཏུན་གཉིས་ལས་ཁྱོད་གཉིས་ལ་ཉེས་ཆད་ལྕི་མོ་འཕོག་པར་འགྱུར།  
\v 15 ཡང་ཀཱ་ཕར་ན་ཧུམ་ཁྱོད་ནི་ནམ་མཁའི་ཞིང་ཁམས་སུ་འདྲེན་པར་འགྱུར་རམ་ཞེ་ན་མི་འདྲེན༌ཏེ། གཤིན་པོའི་གནས་སུ་འཕེན་པར་འགྱུར་ཞེས་གསུངས༌སོ།།   
\p
\v 16 ཡང་ཁོང་གིས་འདི་སྐད༌དུ། སུ་ཞིག་གིས་ཁྱོད་རྣམས་ལ་ཉན་པ་ཡིན་ན་དེས་བདག་ལའང་ཉན་པ་ཡིན། ཡང་སུ་ཞིག་གིས་ཁྱོད་རྣམས་རྒྱབ་ཏུ་དོར་བ་ཡིན་ན་མི་དེས་ང་རང་ཡང་རྒྱབ་ཏུ་དོར་བ་ཡིན། ང་རང་རྒྱབ་ཏུ་དོར་བ་ཡིན་ན་ང་རང་མངག་མཁན་ཡང་རྒྱབ་ཏུ་དོར་བ་ཡིན་ཞེས་གསུངས༌སོ།།   
\p
\v 17 རྗེས་འབྲང་པ་བདུན་ཅུ་དགའ་སྤྲོའི་ངང་ནས་ཕྱིར་ལོག་སྟེ་ན༌རེ། གཙོ་བོ༌ལགས། ཁྱེད་ཀྱི་མཚན་བརྗོད་པར་བརྟེན་ནས་གདོན་འདྲེ་དག་གིས་ཀྱང་ངེད་རྣམས་ལ་མཉན་ཞེས་ཞུས་པ༌ན།  
\v 18 ཁོང་གིས་འདི་སྐད༌དུ། བདུད་སཱ་ཏན་གློག་དམར་འཁྱུག་པ་བཞིན་ནམ་མཁའི་ཞིང་ཁམས་ལས་ས་ལ་ལྷུང་བ་བདག་གིས་ཀྱང་མཐོང༌བ་ཡིན།  
\v 19 ལྟོས༌དང༌། བདག་གིས་ཁྱོད་རྣམས་ལ་དུག་སྦྲུལ་དང་སྡིག་པ་རྭ་ཙ་རྐང་འོག་ཏུ་གནོན་པ༌དང༌། དགྲ་བོ་དེ་ཉིད་ཀྱི་མཐུ་སྟོབས་ཐམས་ཅད་ལས་རྣམ་པར་རྒྱལ་བའི་དབང་བསྩལ༌པས། གང་ཞིག་གིས་ཀྱང་ཁྱོད་རྣམས་ལ་གནོད་པ་བྱ་མི་ནུས་སོ།།  
\v 20 འོན་ཀྱང་གདོན་འདྲེ་དག་གིས་ཁྱོད་རྣམས་ལ་མཉན་པ་དེར་ཁྱོད་ཅག་དགའ་མི་འོས༌ཤིང༌། ཁྱོད་རྣམས་ཀྱི་མིང་ནམ་མཁའི་ཞིང་ཁམས་སུ་བཀོད་ཡོད་པའི་ཕྱིར་དགའ་བར་གྱིས་ཞེས་གསུངས༌སོ།།   
\p
\v 21 དེའི་དུས༌སུ། དམ་པའི་ཐུགས་ཉིད་ཀྱི་ངང་ནས་སྐྱབས་མགོན་ཡེ་ཤུ་ཐུགས་ཤིན་ཏུ་དགྱེས༌ཤིང་འདི་སྐད་དུ། ཀྱེ། བདག་གི་ཡབ་སྟེ་གནམ་ས་གཉིས་ཀྱི་བདག་པོ༌ལགས། ཁྱེད་ཀྱིས་དོན་འདི་རྣམས་མཁས་པ་དང་བློ་གྲོས་ཅན་ལ་གབ༌ཅིང༌། བྱིས་པ་ལྟ་བུའི་མི་རྣམས་ལ་མངོན་པར་མཛད་པས་བདག་གིས་ཁྱེད་ལ་བསྔགས་པར༌བྱེད། ཀྱེ། ཡབ་ལགས། དོན་དེ་ལ་ཁྱེད་ཐུགས་ཤིན་ཏུ་དགྱེས་པའི་ཕྱིར་ཡིན་ཞེས་གསུངས་སོ།།  
\v 22 ཡང་ཁོང་གིས་མི་རྣམས་ལ་འདི་སྐད༌དུ། བདག་གི་ཡབ་ཀྱིས་དོན་ཐམས་ཅད་བདག་ལ་གནང་བ་ཡིན༌ལ། ཡབ་ལས་གཞན་སུས་ཀྱང་སྲས་ནི་སུ་ཞིག་ཡིན་པ་མི་ཤེས༌ཤིང༌། སྲས་ཁོང་ཉིད་དང་སྲས་ཀྱིས་ཡབ་སུ་ཡིན་སྟོན་པར་འདོད་པའི་མི་ལས༌གཞན། སུས་ཀྱང་ཡབ་ནི་སུ་ཞིག་ཡིན་པའང་མི་ཤེས་ཞེས་གསུངས༌སོ།།   
\p
\v 23 སྐྱབས་མགོན་ཡེ་ཤུས་ཐུགས་སྲས་རྣམས་ལ་ཟུར་དུ་ཞལ་གཏད་དེ་འདི་སྐད༌དུ། ཁྱོད་རྣམས་ཀྱིས་མཐོང་བའི་དོན་དེ་དག་མཐོང་བར་འགྱུར་བའི་མི་རྣམས༌བདེའོ།།  
\v 24 ཡང་བདག་གིས་ཁྱོད་རྣམས་ལ་སྨྲ་བར༌བྱ་སྟེ། ལུང་སྟོན་པ་དང་རྒྱལ་པོ་མང་པོས་ཀྱང་ཁྱོད་རྣམས་ཀྱིས་མཐོང་བ་དེ་དག་ལ་བལྟ་འདོད་ནའང་མཐོང་མ་མྱོང༌། ཁྱོད་རྣམས་ཀྱིས་ཐོས་པ་དེ་དག་ལ་མཉན་འདོད་ཀྱང་མ་ཐོས་ཞེས་གསུངས༌སོ།།   
\s1 སཱ་མར་ཡ་པ་བཟང་པོའི་དཔེ།  
\p
\v 25 བཀའ་ཁྲིམས་ཀྱི་མཁས་པ་ཞིག་གིས་སྐྱབས་མགོན་ཡེ་ཤུར་ཚོད་བགམ་པའི་ཕྱིར་ཡར་ལངས་ཏེ་ན༌རེ། སློབ་དཔོན༌ལགས། བདག་ལ་མཐའ་མེད་པའི་ཚེ་སྲོག་འཐོབ་པའི་ཆེད་དུ་ངས་ཅི་བྱ་དགོས་སམ་ཞེས་ཞུས་པ༌ན།  
\v 26 སྐྱབས་མགོན་ཡེ་ཤུས་འདི་སྐད༌དུ། བཀའ་ཁྲིམས་ནང་དུ་ཅི་ཞིག་བྲིས་འདུག༌གམ། ཁྱོད་ཀྱིས་བཀླགས་པ་ག་འདྲ་ཡིན་ཞེས་དྲིས་པ༌ན།  
\v 27 ཁོ་ན༌རེ། ཁྱོད་ཀྱིས་གཙོ་བོ་སྟེ་རང་གི་དཀོན་མཆོག་ལ་བློ་གཅིག་སེམས་གཅིག་ཡིད་གཅིག་དང་སྟོབས་ཤུགས་ཡོད་རྒུས་གཅེས་དགོས༌ཤིང༌། ཁྱིམ་མཚེས་ལ་རང་དང་འདྲ་བར་གཅེས་ཤིག་ཅེས་པ་དེ་ཡིན་ཞེས་ལན་བཏབ་བོ།།  
\v 28 ཡང་ཁོང་གིས་འདི་སྐད༌དུ། ཁྱོད་ཀྱིས་ལན་བཏབ་པ་འགྲིག༌གོ །དེ་ལྟར་བྱས་ན་ཁྱོད་ལ་མཐའ་མེད་པའི་ཚེ་སྲོག་འཐོབ་པར་འགྱུར་ཞེས་གསུངས་སོ།།  
\v 29 འོན་ཀྱང་། མི་དེས་རང་ཉིད་ལ་བདེན་ལུགས་ཡོད་པར་སྟོན་འདོད་དེ། སྐྱབས་མགོན་ཡེ་ཤུར་འདི་ལྟར། ངའི་ཁྱིམ་མཚེས་སུ་ཡིན་ནམ་ཞེས་ཞུས་པ༌ན།  
\v 30 ཡང་སྐྱབས་མགོན་ཡེ་ཤུས་འདི་སྐད༌དུ། དེ་ཡང་མི་ཞིག་ཡེ་རུ་སཱ་ལེམ་ནས་ཡེ་རུ་ཀོ་ལ་འགྲོ་བའི་ལམ་བར༌དུ། ཇག་པའི་ལག་ཏུ་ཤོར་ཏེ་ཁོའི་གྱོན་པ་བཤུས་ཤིང་གཅར་རྡུང་བཏང་ནས་འཆི་ལ་ཉེ་བ་ཙམ་བྱས་རྗེས་ཇག་པ་རྣམས་སོང་ངོ་།།  
\v 31 སྟེས་དབང་གིས་མཆོད་དཔོན་ཞིག་ལམ་དེ་བརྒྱུད་ནས་འགྲོ་བ་དང་མི་དེ་མཐོང་ནའང་རྒྱང་བསྐོར་ནས་སོང༌།  
\v 32 ཡང་ལེ་ཝི་པ་ཞིག་ཀྱང་ལམ་དེ་བརྒྱུད་ནས་འགྲོ་དུས་མི་དེ་མཐོང་ནའང་རྒྱང་བསྐོར་ནས་སོང༌།  
\v 33 འོན་ཀྱང་སཱ་མར་ཡ་པ་ཞིག་ལམ་བུ་དེ་བརྒྱུད་ནས་འགྲོ་ཞིང་མི་དེ་མཐོང་བ་དང་སྙིང་རྗེ་སྐྱེས༌ཏེ།  
\v 34 ཁོའི་གམ་དུ་སོང་ནས་རྨ་ཁའི་ཐོག་ཏུ་སྣུམ་དང་རྒུན་ཆང་བྱུགས་ཤིང་རས་ཀྱིས་བཏུམས་པ༌དང༌། རང་གི་བཞོན་པར་བསྐྱོན་ཏེ་མགྲོན་ཁང་ཞིག་ཏུ་བསྐྱལ་ནས་སྙོར་སྐྱོང་བྱས།  
\v 35 དེའི་ཕྱི་ཉིན། ཁོས་དངུལ་སྒོར་གཉིས་ཁང་བདག་ལ་སྤྲད༌དེ། ཁྱོད་ཀྱིས་རྨས་མ་འདི་ལ་སྙོར་སྐྱོང་བྱོས༌དང༌། གལ་ཏེ་དངུལ་འདིས་མ་འདང་ན་ང་རང་ཕྱིར་ལོག་ཚེ་ཁྱོད་ལ་སྟེར་ངེས་ཡིན་ཞེས་སྨྲས་སོ།།  
\v 36 དེས་ན་ཁྱོད་ཀྱིས་སོམས༌དང༌། མི་དེ་གསུམ་ལས་ཇག་པའི་ལག་ཏུ་ཤོར་བའི་མི་དེའི་ཁྱིམ་མཚེས་སུ་ཡིན་ནམ་ཞེས་གསུངས་པ༌ན།  
\v 37 ཁོ་ན༌རེ། རྨས་མ་ལ་སྙིང་རྗེ་བྱེད་མཁན་དེ་ཡིན་ཞེས་ཞུས་པ༌དང༌། སྐྱབས་མགོན་ཡེ་ཤུས་ཁྱོད་རང་ཡང་སོང་ནས་དེ་ལྟར་བྱོས་ཤིག་ཅེས་གསུངས༌སོ།།   
\s1 མཱར་ཐ་དང་མིར་ཡམ་གཉིས་ཀྱི་ཁྱིམ་དུ་བཞུགས་པའི༌སྐོར།  
\p
\v 38 ཁོང་རྣམས་ཡེ་རུ་སཱ་ལེམ་ལ་ཕེབས་བཞིན་པའི་ལམ་བར༌དུ། སྐྱབས་མགོན་ཡེ་ཤུ་གྲོང་སྡེ་ཞིག་ཏུ་ཕེབས་པ་དང་མཱར་ཐ་ཟེར་བའི་བུད་མེད་ཅིག་གིས་རང་ཁྱིམ་དུ་བསུས་སོ།།  
\v 39 བུད་མེད་དེ་ལ་མིར་ཡམ་ཟེར་བའི་གཅུང་མོ་ཞིག་ཡོད་པ་གཙོ་བོའི་ཞབས་དྲུང་དུ་བསྡད་ནས་ཁོང་གི་གསུང་ལ་ཉན།  
\v 40 འོན་ཀྱང་མཱར་ཐ་ནི་སྣེ་ལེན་གྱི་ལས་ལ་བྲེལ་ཞིང་སེམས་ཀྱང་འཚབས༌པས། ཁོང་གི་དྲུང་དུ་ཡོང་སྟེ་ན༌རེ། གཙོ་བོ༌ལགས། ང་ཡི་ནུ་མོས་ང་རང་གཅིག་པུར་བསྐྱུར་ཏེ་སྣེ་ལེན་བྱེད་དུ་འཇུག་པ་ཁྱེད་ཀྱིས་མི་གཟིགས༌སམ། ཁྱེད་ཀྱིས་ཁོ་མོར་བཀའ་གནང་སྟེ་བདག་ལ་རོགས་རམ་བྱེད་དུ་མཛོད་ཅེས་ཞུས་པ༌ན།  
\v 41 སྐྱབས་མགོན་ཡེ་ཤུས་འདི་སྐད༌དུ། མཱར༌ཐ། མཱར་ཐ། ཁྱོད་ཀྱིས་སེམས་ལ་དོན་སྣ་ཚོགས་དྲན་ཞིང་སེམས་ཁྲལ་བྱེད་པ་རེད།  
\v 42 འོན་ཀྱང་མེད་དུ་མི་རུང་བའི་དོན་ནི་གཅིག༌སྟེ། མིར་ཡམ་གྱིས་བདམས་པ་དེ་སྐལ་བ་བཟང་པོ་ཡིན། སུས་ཀྱང་ཁོ་མོ་ལས་སྐལ་བ་དེ་འཕྲོག་པར་མི་ནུས་ཞེས་གསུངས༌སོ།།   
\c 11
\cl ལེའུ་བཅུ་གཅིག༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐྱབས་མགོན་ཡེ་ཤུས་གསོལ་འདེབས་སྐོར་གྱི་ཆོས་གསུངས༌པ།  
\p
\v 1 སྐྱབས་མགོན་ཡེ་ཤུས་གནས་གཞན་ཞིག་ཏུ་གསོལ་བ་འདེབས་བཞིན་བཞུགས་ཏེ་མཇུག་རྫོགས༌རྗེས། ཁོང་གི་ཐུགས་སྲས་ཤིག་ན༌རེ། གཙོ་བོ༌ལགས། ཁྲུས་གསོལ་མཁན་ཡོ་ཧ་ནན་གྱིས་རང་གི་སློབ་མ་རྣམས་ལ་གསོལ་འདེབས་ཁྲིད་པ༌ལྟར། ཁྱེད་ཀྱིས་ཀྱང་ངེད་རྣམས་ལ་གསོལ་བ་འདེབས་ཚུལ་འཁྲིད་པར་མཛོད་ཅེས་ཞུས་པ༌ན།  
\v 2 ཁོང་གིས་འདི་སྐད༌དུ། ཁྱོད་རྣམས་ཀྱིས་གསོལ་བ་འདེབས་སྐབས་འདི༌ལྟར།  
\q1 ཡབ་ལགས།  
\q1 ཁྱེད་མཚན་དམ་པར་བསྲུང་བར༌ཤོག །  
\q1 ཁྱེད་ཀྱི་རྒྱལ་སྲིད་འོང་བར༌ཤོག །   
\q1
\v 3 ངེད་ཀྱི་ཉིན་རེའི་ཟས་ཀྱི༌སྐལ།།  
\q1 ཉིན་རེ་བཞིན་དུ་གནང་བར༌མཛོད།།   
\q1
\v 4 ངེད་ཀྱིས་གཞན་ཉེས་བསལ་བ༌ལྟར།།  
\q1 ངེད་ཀྱི་སྡིག་པའང་བསལ་བར༌མཛོད།།  
\q1 ཉམས་ཚོད་མི་ལེན་སྐྱོབ་པར༌མཛོད།།  
\m ཅེས་གསོལ་བ་ཐོབས་ཞེས་གསུངས༌སོ།།   
\p
\v 5 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ལས་མི་གཅིག་ནམ་ཕྱེད་ཙམ་ལ་རང་གི་གྲོགས་པོའི་ཁྱིམ་དུ་སོང༌སྟེ། གྲོགས་པོ༌ལགས། བདག་ལ་བག་ལེབ་གསུམ་བསྐྱི་བར༌མཛོད།  
\v 6 རྒྱུ་མཚན་ནི་ངའི་གྲོགས་པོ་ཞིག་ཐག་རིང་ནས་སླེབས་ནའང་བདག་ལ་སྔུན་དུ་འཇོག་རྒྱུ་ཅི་ཡང་མེད་པས་སོ་ཞེས་སྨྲས་པ༌ན།  
\v 7 ཁྱིམ་དུ་ཡོད་པའི་གྲོགས་པོ་ན༌རེ། བདག་ལ་འོ་བརྒྱལ་མ༌བྱེད། ད་ལྟ་སྒོ་བརྒྱབ་ཟིན་པ༌དང༌། བྱིས་པ་རྣམས་ཀྱང་བདག་དང་མཉམ་དུ་ཉལ་ཟིན༌པས། བདག་ཡར་ལངས་ནས་ཁྱོད་ལ་ཅི་ཡང་སྟེར་མི་ཐུབ་ཅེས་སྨྲས་སོ།།  
\v 8 ཡང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱིམ་དུ་ཡོད་པའི་མི་དེས་སྒོ་རྡུང་མཁན་དེ་ནི་རང་གི་གྲོགས་པོ་ཡིན་པའི་ཕྱིར་ཡར་ལངས་ནས་ཅི་ཡང་མི་སྟེར༌ནའང༌། སྒོ་རྡུང་མཁན་གྱིས་ཞུ་བ་ནན་གྱིས་ཞུས་པས། ཁྱིམ་དུ་ཡོད་པའི་མི་དེ་ཡར་ལངས་ནས་ཁོ་ལ་གང་མཁོ་རྣམས་སྟེར་ངེས་ཡིན་ཞེས་གསུངས༌སོ།།   
\p
\v 9 དེས་ན་བདག་གིས་ཁྱོད་རྣམས་ལ༌སྨྲ་བར་བྱ་སྟེ། ཁྱོད་རྣམས་ཀྱིས་གསོལ་བ་ཐོབས་དང་གནང་ངེས་ཡིན༌ལ། ཚོལ་དང་རྙེད་ངེས༌ཡིན། སྒོ་རྡུངས་དང་སྒོ་འབྱེད་པར༌ངེས།  
\v 10 རྒྱུ་མཚན་ནི་སུས་ཀྱང་གསོལ་བ་བཏབ་ན་ཐོབ་པ༌དང༌། བཙལ་ན་རྙེད༌པ། སྒོ་བརྡུངས་ན་སྒོ་འབྱེད་པའི་ཕྱིར༌རོ།།  
\v 11 ཁྱོད་རྣམས་ལས་སུ་ཞིག་ཕ་ཡིན་པ་དེས་རང་གི་བུས་ཉ་ཞིག་བསླངས་ན་བུ་དེར་སྦྲུལ་ཞིག་སྟེར༌རམ།  
\v 12 ཡང་ན་བུས་སྒོ་ང་ཞིག་བསླངས་ན་སྡིག་པ་རྭ་ཙ་ཞིག་སྟེར༌རམ།  
\v 13 སྤྱིར་ཁྱོད་རྣམས་རྒྱུད་ངན་པ་ཡིན་ཡང་རང་གི་བུ་ཕྲུག་ལ་དངོས་པོ་བཟང་པོ་སྟེར་ཤེས༌ན། ནམ་མཁའི་ཞིང་ཁམས་སུ་བཞུགས་པའི་ཡབ་ཀྱིས་དེ་བས་ཀྱང་ཁོང་ལ་ཞུ་མཁན་རྣམས་ལ་དམ་པའི་ཐུགས་ཉིད་གནང་བ་མ་ཡིན་ནམ་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་དང་བདུད་པེ་ཨལ་བཟི༌པད།  
\p
\v 14 སྐྱབས་མགོན་ཡེ་ཤུས་གདོན་འདྲེ་ལྐུགས་པ་ཞིག་ཕྱིར་བསྐྲད་པ༌དང༌། གདོན་འདྲེ་ཕྱིར་ཐོན་ཅིང་ལྐུགས་པ་དེས་སྐད་ཆ་སྨྲ་ཐུབ་པར་གྱུར་པ་དང་མི་རྣམས་ཀྱང་དོན་དེར་ངོ་མཚར་བར་གྱུར་ཏོ།།  
\v 15 འོན་ཀྱང་མི་ཚོགས་ཁྲོད་ནས་མི་འགའ་ཞིག་ན༌རེ། ཁོང་གིས་བདུད་ཀྱི་རྒྱལ་པོ་པེ་ཨལ་བཟི་པད་ལ་བརྟེན་ནས་གདོན་འདྲེ་སྐྲོད་བཞིན་འདུག་ཅེས་སྨྲས་པ༌དང༌།  
\v 16 ཡང་མི་གཞན་རྣམས་ཀྱིས་ཁོང་ལ་ཚོད་བགམ་པའི་ཕྱིར། ནམ་མཁའི་ཞིང་ཁམས་ཀྱི་གྲུབ་རྟགས་ཤིག་སྟོན་པར་ཞུས༌ནའང༌།  
\v 17 ཁོང་གིས་དེ་རྣམས་ཀྱི་བསམ་ཚུལ་མཁྱེན་ཏེ་འདི་སྐད༌དུ། རྒྱལ་ཁམས་ཤིག་ལ་ནང་འཁྲུག་བྱུང་ན་རྒྱལ་ཁམས་དེ་འཇིག་པར་འགྱུར༌ཞིང༌། ཁྱིམ་ཚང་ཞིག་ལ་ནང་འཁྲུག་བྱུང་ན་ཁྱིམ་ཚང་དེའང་ཉམས་པར་འགྱུར།  
\v 18 ཁྱོད་རྣམས་ན༌རེ། བདག་གིས་པེ་ཨལ་བཟི་པད་ལ་བརྟེན་ནས་གདོན་འདྲེ་བསྐྲད་ཅེས་ཟེར་བ་ལྟར་ཡིན༌ན། གལ་ཏེ་བདུད་སཱ་ཏན་ལའང་ནང་འཁྲུག་བྱུང༌ཚེ། དེའི་རྒྱལ་ཁམས་ཅི་ལྟར་གནས་ཐུབ༌བམ།  
\v 19 ཡང་གལ་ཏེ་བདག་གིས་པེ་ཨལ་བཟི་པད་ལ་བརྟེན་ནས་གདོན་འདྲེ་སྐྲོད་པ་ཡིན༌ན། ཁྱོད་ཅག་གི་རྗེས་འབྲང་པ་རྣམས་ཀྱིས་གང་ལ་བརྟེན་ནས་གདོན་འདྲེ་སྐྲོད༌དམ། དེའི༌ཕྱིར། རྗེས་འབྲང་པ་དེ་རྣམས་ཀྱིས་ཁྱོད་ཅག་ལ་བདེན་རྫུན་གྱི་ཤན་འབྱེད་པར་འགྱུར།  
\v 20 གལ་ཏེ་བདག་གིས་དཀོན་མཆོག་གི་ནུས་མཐུར་\f + \ft མ་ཕྱི་ལས་ཕྱག་མཛུབ་ཅེས་བྲིས་ཡོད་མོད། དོན་ལ་ནུས་མཐུར་གོ་དགོས་པས་འདིར་དོན་སྒྱུར་བྱས་པ་ཡིན། \f*བརྟེན་ནས་གདོན་འདྲེ་སྐྲོད་པ་ཡིན༌ན། དཀོན་མཆོག་གི་རྒྱལ་སྲིད་དེ་ཁྱོད་ཅག་གི་མདུན་དུ་སླེབས་ཟིན་ཏོ།།  
\v 21 དཔེར་ན་མི་སྟོབས་ལྡན་ཞིག་གིས་ལུས་ལ་གོ་ཆ་གྱོན་ཏེ་རང་ཁྱིམ་བདེ་བར་བསྲུངས༌ན། ཁྱིམ་དེའི་རྒྱུ་ནོར་ལ་གནོད་པ་འབྱུང་མི་སྲིད༌མོད།  
\v 22 འོན་ཀྱང་དེ་ལས་ཀྱང་སྟོབས་དང་ལྡན་པ་ཞིག་ཡོང་ནས་ཁོ་ལས་རྣམ་པར་རྒྱལ༌ན། ཁོས་བརྟེན་པའི་གོ་ཆ་དང་མཚོན་ཆ་དག་འཕྲོག་ཅིང་། རྒྱུ་ནོར་ཐམས་ཅད་ཀྱང་བགོ་བཤའ་བྱེད་པར་འགྱུར།  
\v 23 སུ་ཞིག་བདག་གི་ཕྱོགས་མི་བྱེད་པ་དེ་ནི་བདག་གི་དགྲ་བོ་ཡིན༌ཞིང༌། སུ་ཞིག་གིས་བདག་དང་མཉམ་དུ་མི་བསྡུ་ན་དེ་ནི་གཏོར་མཁན་ཡིན་ཞེས་གསུངས༌སོ།།   
\p
\v 24 གདོན་འདྲེ་ཞིག་མིའི་ལུས་ནས་ཕྱིར་བུད༌རྗེས། ཆུ་མེད་པའི་གནས་སུ་ཕར་འགྲོ་ཚུར་འོང་བྱེད༌ཅིང༌། ངལ་གསོ་བའི་གནས་ཤིག་བཙལ་ཡང་མ་རྙེད༌པས། རང་གིས་རང་ལ་ན༌རེ། ང་རང་ཕྱིར་རང་ཉིད་ཡོང་བའི་གནས་དེར་འགྲོའོ་ཞེས་སྨྲ༌ཞིང༌།  
\v 25 གནས་དེར་ཕྱིར་ལོག་པ༌ན། གནས་དེ་ཕྱག་དར་བྱས་ནས་ལེགས་པར་བསྒྲིགས་ཡོད་པ་མཐོང༌སྟེ།  
\v 26 ཕར་སོང་ནས་རང་ལས་ཀྱང་ངན་པའི་གདོན་འདྲེ་བདུན་ཁྲིད་དེ་གནས་དེར་ཡོང་ནས་བསྡད་དོ།། དེ་བས་མི་དེའི་ཕྱིས་ཀྱི་གནས་ཚུལ་ནི་སྔར་ལས་ཀྱང་ཇེ་ཞན་དང་ཇེ་སྡུག་ཏུ་འགྱུར་ཞེས་གསུངས༌སོ།།   
\p
\v 27 སྐྱབས་མགོན་ཡེ་ཤུས་དེ་ལྟར་གསུང་བཞིན་པའི་དུས༌སུ། མི་ཚོགས་ཀྱི་ཁྲོད་ནས་བུད་མེད་ཅིག་གིས་སྐད་ཆེན༌པོས། ཁྱེད་རང་ལྷུམས་སུ་སྦྲུམ་པ་དང་ནུ་མ་སྣུན་མཁན་དེ་བདེའོ་ཞེས་ཞུས༌ཀྱང༌།  
\v 28 ཁོང་གིས་འདི་སྐད༌དུ། ཡིན་ནའང་དཀོན་མཆོག་གི་བཀའ་ཐོས་ཤིང་བཀའ་སྲུང་མཁན་རྣམས་ནི་དེ་ལས་ཀྱང་བདེའོ་ཞེས་གསུངས༌སོ།།   
\s1 ལུང་སྟོན་པ་ཡོ་ནཱའི་རྟགས་ངོ་མཚར་ཅན།  
\p
\v 29 མི་སྐོར་ཚོ་མང་པོ་སྐྱབས་མགོན་ཡེ་ཤུའི་དྲུང་དུ་འདུས་པའི་སྐབས༌སུ། ཡང་ཁོང་གིས་འདི་སྐད༌དུ། ད་ལྟའི་མི་རབས་འདི་ནི་མི་རབས་ངན་པ་ཞིག༌གོ །ཁོ་རྣམས་ཀྱིས་རྟགས་ངོ་མཚར་ཅན་འཚོལ་ཡང༌། ཡོ་ནཱའི་རྟགས་ངོ་མཚར་ཅན་དེ་ལས༌གཞན། ཁོ་རྣམས་ལ་རྟགས་ཅི་ཡང་སྟོན་པར་མི་འགྱུར།  
\v 30 རྒྱུ་མཚན་ནིན་ཝེ་པ་རྣམས་ལ་ཡོ་ནཱ་ཅི་ལྟར་ངོ་མཚར་བའི་རྟགས་སུ་གྱུར་པ༌ལྟར། མིའི་བུའང་མི་རབས་འདི་ལ་ངོ་མཚར་བའི་རྟགས་སུ་འགྱུར་ངེས༌ཡིན།  
\v 31 ལྷོ་ཕྱོགས་ཀྱི་རྒྱལ་མོ་དེ་རྒྱང་ཐག་རིང་བའི་ས་མཐའ་ནས་སོ་ལོ་མོན་གྱི་ཤེས་རབ་དང་ལྡན་པའི་གཏམ་ལ་གསན་དུ་ཡོང་མྱོང༌བས། མ་འོངས་པའི་ཉེས་ཆད་གཅོད་པའི་དུས་ལ་སླེབས་ཚེ། ཁོ་མོའང་མི་རབས་འདིའི་མི་རྣམས་དང་ལྷན་དུ་ཡར་འགྲེང་སྟེ་ཁོ་རྣམས་ལ་ཉེས་སྐྱོན་བརྗོད་པར་འགྱུར། ལྟོས༌དང༌། འདི་རུ་སོ་ལོ་མོན་ལས་ཀྱང་སྐྱེས་བུ་ཆེན་པོ་ཞིག་མཆིས་སོ།།   
\p
\v 32 ནིན་ཝེ་པ་རྣམས་ཀྱིས་ཡོ་ནཱ་ཡིས་བསྒྲགས་པའི་ཆོས་ལ་མཉན་ཞིང་འགྱོད་བཤགས་བྱས་མྱོང༌བས། ཉེས་ཆད་གཅོད་པའི་དུས་ལ་སླེབས་པའི༌ཚེ། མི་དེ་རྣམས་ཀྱང་མི་རབས་འདིའི་མི་རྣམས་དང་ལྷན་དུ་ཡར་འགྲེང་སྟེ་མི་རབས་འདི་ལ་ཉེས་སྐྱོན་བརྗོད་པར་འགྱུར། ཡང་ལྟོས༌དང༌། འདི་རུ་ཡོ་ནཱ་ལས་ཀྱང་སྐྱེས་བུ་ཆེན་པོ་ཞིག་མཆིས་ཞེས་གསུངས༌སོ།།   
\s1 འོད་ཀྱི༌དཔེ།  
\p
\v 33 ཡང་ཁོང་གིས་འདི་སྐད༌དུ། སུ་ཡིན་ཡང་སྒྲོན་མེ་བསྒྲོན་རྗེས་ས་དོང་ནང་དུའམ་ཡང་ན་བྲེའི་འོག་ཏུ་འཇོག་མི་སྲིད༌དེ། ཁྱིམ་དུ་ཡོང་བ་རྣམས་ཀྱིས་འོད་མཐོང་བའི་ཕྱིར་སྒྲོན་སྟེགས་སྟེང་དུ་འཇོག  
\v 34 ཁྱོད་ཀྱི་མིག་ཟུང་ནི་ལུས་ཀྱི་སྒྲོན་མེ་ཡིན༌ཏེ། མིག་ཟུང་གསལ་པོ་ཡིན་ན་ལུས་པོ་ཡོངས་རྫོགས་འོད་དང་ལྡན་པར་འགྱུར། གལ་ཏེ་ཁྱོད་ཀྱི་མིག་ཟུང་རབ་རིབ་ཡིན་ན་ལུས་པོ་ཡོངས་རྫོགས་མུན་ནག་ཡིན།  
\v 35 དེའི༌ཕྱིར། ཁྱོད་ཀྱིས་རང་གི་སེམས་ནང་གི་འོད་དེ་མུན་ནག་ཡིན་མིན་ལ་རྟོག་དཔྱོད༌གྱིས་ཤིག  
\v 36 གལ་ཏེ་ཁྱོད་ཀྱི་ལུས་ཧྲིལ་པོ་མུན་ནག་དང་བྲལ་ཞིང་འོད་དང་ལྡན༌ན། ཁྱོད་ལའང་སྒྲོན་མེའི་འོད་ཟེར་འཕྲོས་པ་ལྟར་ཡོངས་སུ་འོད་དང་ལྡན་པར་འགྱུར་ཞེས་གསུངས༌སོ།།   
\s1 ཆོས་དཔོན་རྣམས་ལ་བཀའ་བཀྱོན་མཛད༌པ།  
\p
\v 37 སྐྱབས་མགོན་ཡེ་ཤུས་དེ་ལྟར་གསུངས་པའི་རྗེས༌སུ། ཕ་རུ་ཤི་པ་ཞིག་གིས་ཁོང་ཉིད་ཞལ་ཟས་བཞེས་པར་གདན་དྲངས་པ་དང་ཁོང་ཡང་ཕེབས་ཏེ་གྲལ་ལ་བཞུགས་སོ།།  
\v 38 ཁོང་གིས་ཞལ་ཟས་མ་བཞེས་སྔོན༌དུ། ཕྱག་ཟུང་གཙང་མར་མ་བཀྲུས་པའི་དོན་དེ་ཕ་རུ་ཤི་པས་མཐོང་ནས་ཡ་མཚན་སྐྱེས།  
\v 39 དེ་ནས་གཙོ་བོས་འདི་སྐད༌དུ། ད་ལྟ་ཕ་རུ་ཤི་པ་ཁྱོད་རྣམས་ཀྱིས་ཕོར་བ་དང་སྡེར་མའི་ཕྱི་ངོས་གཙང་མར་འཁྲུད༌ཀྱང༌། ཁྱོད་རྣམས་ཀྱི་ནང་དུ་འཕྲོག་བཅོམ་དང་ངན་སེམས་ཀྱིས་ཁེངས་འདུག  
\v 40 བླུན་པོ༌རྣམས། ཕྱི་ངོས་ལེགས་པར་མཛད་མཁན་དེས་ནང་ཡང་ལེགས་པར་མཛད་པ་མ་ཡིན༌ནམ།  
\v 41 དེའི༌ཕྱིར། ཁྱོད་རྣམས་ཀྱིས་ནང་དུ་གང་ཞིག་ཡོད་པ་དེ་མི་གཞན་ལ་སྦྱིན་པ་ཐོངས༌དང༌། ཁྱོད་ཅག་ལ་མཚོན་ན་དངོས་པོ་ཐམས་ཅད་ཀྱང་གཙང་མར་འགྱུར་རོ།།  
\v 42 ཀྱེ། ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌སྟེ། རྒྱུ་མཚན་ནི་ཁྱོད་རྣམས་ཀྱིས་དག་ཅི་དང༌སྤོས་དཀར། གཞན་ཡང་སྔོ་ཚོད་སྣ་ཚོགས་ཀྱི་བཅུ་ཆའི་གཅིག་འབུལ་བར་ཕུལ༌ནའང༌། བདེན་ལུགས་དང་དཀོན་མཆོག་ལ་བྱམས་པའི་དོན་སྤོང་བའི་ཕྱིར༌རོ།། འོན་ཀྱང་ཁྱོད་ཅག་གིས་དོན་འདི་དག་བསྲུང་འོས་པ་དང་གཞན་དེ་ཡང་འདོར་མི་འོས་སོ།།  
\v 43 ཡང་ཕ་རུ་ཤི་པ་ཁྱོད་རྣམས་ལ་ཆག་སྒོ་འབྱུང༌སྟེ། རྒྱུ་མཚན་ནི་ཁྱོད་རྣམས་ཆོས་ཁང་གི་གྲལ་མགོར་དགའ༌ཞིང༌། ཁྲོམ་སྲང་ནས་ཀྱང་མི་རྣམས་ཀྱི་བསྙེན་བཀུར་འཐོབ་པར་མོས་པའི་ཕྱིར༌རོ།།  
\v 44 ཡང་ཁྱོད་རྣམས་ལ་ཆག་སྒོ་འབྱུང༌སྟེ། རྒྱུ་མཚན་ཁྱོད་རྣམས་ནི་མིག་ལ་མི་མངོན་པའི་དུར་ས་ཞིག་དང་འདྲ༌ཞིང༌། མི་རྣམས་ཀྱིས་དོན་དེ་མི་ཤེས་པར་དུར་སའི་སྟེང་དུ་འགྲོ་བ་ཡིན་ཞེས་བཀའ་བཀྱོན་གནང༌ངོ༌།།   
\p
\v 45 བཀའ་ཁྲིམས་ཀྱི་མཁས་པ་རྣམས་ལས་མི་གཅིག་ན༌རེ། སློབ་དཔོན༌ལགས། ཁྱེད་ཀྱིས་དེ་ལྟར་གསུངས་ནས་ངེད་རྣམས་ལའང་སྨད་པ་ཡིན་ཞེས་ཞུས་པ༌ལ།  
\v 46 ཁོང་གིས་འདི་སྐད༌དུ། བཀའ་ཁྲིམས་ཀྱི་མཁས་པ་ཁྱོད་རྣམས་ལའང་ཆག་སྒོ་འབྱུང༌སྟེ། ཁྱོད་རྣམས་ཀྱིས་ཁུར་བོ་ལྕི་མོ་མི་གཞན་ལ་འགེལ༌ཞིང༌། རང་གི་མཛུབ་མོ་གཅིག་གིས་ཀྱང་ཁུར་བོ་དེ་ལ་རེག་པར་མི་བྱ་བའི་ཕྱིར༌རོ།།  
\v 47 ཡང་ཁྱོད་རྣམས་ལ་ཆག་སྒོ་འབྱུང༌སྟེ། རྒྱུ་མཚན་ནི་ཁྱོད་རྣམས་ཀྱིས་ལུང་སྟོན་པ་རྣམས་ལ་བང་སོ་བརྩིགས༌ཤིང༌། ཁྱོད་རྣམས་ཀྱི་མེས་པོས་ཁོང་རྣམས་བསད་པ་ཡིན།  
\v 48 དེ་ལས་ཁྱོད་ཅག་གི་མེས་པོ་རྣམས་ཀྱིས་ཅི་བྱས་པ་དེར་ད་ལྟ་ཁྱོད་རྣམས་ཀྱང་ཡིད་འཐད་ཅིང་བདེན་དཔང་བྱེད་དེ། རྒྱུ་མཚན་ནི་ཁྱོད་ཅག་གི་མེས་པོ་རྣམས་ཀྱིས་ལུང་སྟོན་པ་རྣམས་བསད་མྱོང་བ་དང་ཁྱོད་རྣམས་ཀྱིས་ལུང་སྟོན་པར་བང་སོ་བརྩིགས།  
\v 49 དེའི༌ཕྱིར། དཀོན་མཆོག་གི་མཁྱེན་རབ་ཀྱིས་ཀྱང་འདི་སྐད་གསུངས་མྱོང༌སྟེ། བདག་གིས་ལུང་སྟོན་པ་དང་སྐུ་ཚབ་པ་རྣམས་ཁོ་ཚོའི་གམ་དུ་མངགས་ཀྱང་དེ་རྣམས་ཀྱིས་ལ་ལ་གསོད་ཅིང་ལ་ལར་གནོད་འཚེ་བྱེད་པར་འགྱུར་ཞེས༌པའོ།།  
\v 50 དེ་བས་འཇིག་རྟེན་བཀོད་པའི་ཚུན་ལ། ལུང་སྟོན་པ་ཐམས་ཅད་ཀྱི་ཁྲག་བཞུར་བའི་སྐྱིན་ཚབ་དེ་མི་རབས་འདི་ནས་ལེན་དགོས༌ཏེ།  
\v 51 ཧ་བེལ་གྱི་ཁྲག་བཞུར་བ་ནས༌བཟུང༌། མཆོད་ཁང་དང་མཆོད་ཁྲི་གཉིས་ཀྱི་བར་དུ་བསད་མྱོང་བའི་ལུང་སྟོན་པ་ཟ་ཀར་ཡཱ་བར་གྱི་སྐྱིན་ཚབ་ཐམས་ཅད་ལེན་པར་འགྱུར། ཡང་བདག་གིས་ཁྱོད་རྣམས་ལ་སྨྲ་བར་བྱ་སྟེ། དོན་འདི་ཐམས་ཅད་མི་རབས་འདིས་འགན་འཁུར་དགོས་སོ།།  
\v 52 ཡང་བཀའ་ཁྲིམས་ཀྱི་མཁས་པ་ཁྱོད་རྣམས་ལ་ཆག་སྒོ་འབྱུང༌སྟེ། རྒྱུ་མཚན་ནི་ཁྱོད་རྣམས་ཀྱིས་ཤེས་བྱའི་ལྡེ་མིག་ཕྲོགས་ཤིང་ཤེས་བྱའི་ནང་དུ་མ་ཞུགས་པར། དེའི་ནང་ལ་འཇུག་པའི་མི་གཞན་རྣམས་ཀྱང་བཀག་པའི་ཕྱིར་རོ་ཞེས་བཀའ་བཀྱོན་གནང༌ངོ༌།།   
\p
\v 53 སྐྱབས་མགོན་ཡེ་ཤུ་སྒོའི་ཕྱི་རོལ་ཏུ་ཕེབས་པ༌དང༌། མཁན་པོ་དང་ཕ་རུ་ཤི་པ་རྣམས་ཀྱིས་ཁོང་ལ་ངོ་རྒོལ་ཆེན་པོ་བྱེད་ཅིང་རྩོད་པའི་དྲི་བ་སྣ་ཚོགས་དྲིས་པ༌དང༌།  
\v 54 དེ་རྣམས་ཀྱིས་ཁོང་གི་གསུང་ལས་ཉེས་སྐྱོན་འཚོལ་ཕྱིར་ལྐོག་ཏུ་ཐབས་བཙལ༌ཏོ།།   
\c 12
\cl ལེའུ་བཅུ་གཉིས༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 དོགས་ཟོན་བྱེད་དགོས་པ་དང་སེམས་ཁྲལ་བྱ་མི་འོས་པའི༌སྐོར།  
\p
\v 1 དེའི་དུས༌སུ། མི་གྲངས་སྟོང་ཕྲག་དུ་མ་འདུས་ཤིང་འཚང་ཁ་ཤིག་ཤིག་བརྒྱབ་ནས་ཐ་ན་ཕན་ཚུན་ཡང་བརྫིས་སོ།། སྐྱབས་མགོན་ཡེ་ཤུས་ཐོག་མར་ཐུགས་སྲས་རྣམས་ལ་འདི་སྐད༌དུ། ཁྱོད་རྣམས་ཀྱིས་ཕ་རུ་ཤི་པའི་སྐྱུར་རྩི་སྟེ་ཚུལ་འཆོས་ལ་དོགས་པར༌གྱིས།  
\v 2 སྦས་པའི་དོན་ཐམས་ཅད་མི་མངོན་པ་ཅི་ཡང་མེད༌ལ། གསང་བའི་དོན་ཐམས་ཅད་ཀྱང་ཤེས་པར་མི་འགྱུར་བ་ཅི་ཡང་མེད།  
\v 3 དེ་བཞིན་དུ་ཁྱོད་རྣམས་ཀྱིས་ལྐོག་ནས་ཅི་ཞིག་སྨྲས་པ་དེ་མི་རྣམས་ཀྱིས་མངོན་གསལ་དུ་ཐོས་པར་འགྱུར། ཁང་པའི་སྦུག་མར་ཁ་རྣ་བར་གཏད་དེ་ཤུབ་ཤུབ་ཏུ་གང་ཞིག་སྨྲས་པ་དེའང་ཁང་པའི་ཐོག་ནས་བསྒྲག་པར་འགྱུར་རོ།།   
\p
\v 4 བདག་གི་གྲོགས་པོ༌རྣམས། བདག་གིས་ཁྱོད་རྣམས་ལ་སྨྲ་བར་བྱ༌སྟེ། ལུས་པོ་འཇོམ་ཡང༌དེ་ལས་གཞན་ཅི་ཡང་བྱེད་མི་ཐུབ་པ་དག་ལ་འཇིགས་པར་མི༌བྱའོ།།  
\v 5 འོན་ཀྱང་། བདག་གིས་ཁྱོད་རྣམས་གང་ལ་འཇིགས་དགོས་པ་དེ་སྟོན་པར༌བྱའོ།། ཁྱོད་ཀྱི་སྲོག་ལེན་ནུས་པ་དང་ཕྱིས་སུ་དམྱལ་བའི་གནས་སུ་འཕེན་པར་མཛད་པའི་དབང་ཡང་ཡོད་པ་དེ་ཉིད་ལ་འཇིགས་དགོས། བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་རྣམས་དེ་ཉིད་ལ་འཇིགས་པར༌གྱིས།  
\v 6 བྱེའུ་ལྔ་ནི་དོང་ཙེ་གཉིས་ལ་འཚོང་ཐུབ་པ་མ་ཡིན༌ནམ། འོན་ཀྱང་དཀོན་མཆོག་གི་སྤྱན་སྔར་བྱེའུ་རྣམས་ལས་གཅིག་ཀྱང་བརྗེད་མི་སྲིད།  
\v 7 དཀོན་མཆོག་གིས་ཐ་ན་ཁྱོད་རྣམས་ཀྱི་སྐྲ་ཡི་ཉག་མ་རེ་རེ་ཡང་གྲངས་སུ་བརྩིས་ཡོད་པས། འཇིགས་མི་དགོས་ཏེ། བྱེའུ་མང་པོ་ལས་ཀྱང་ཁྱོད་རྣམས་ལ་རིན་ཐང་ཆེན་པོ་ལྡན་ནོ།།  
\v 8 ཡང་བདག་གིས་ཁྱོད་རྣམས་ལ༌སྨྲའོ།། སུ་ཞིག་གིས་མི་གཞན་གྱི་མདུན་དུ་ང་རང་ཁས་བླངས༌ན། མིའི་བུ་ཡིས་ཀྱང་དཀོན་མཆོག་གི་ཕོ་ཉ་རྣམས་ཀྱི་མདུན་ནས་མི་དེ་ཁས་ལེན་པར་འགྱུར།  
\v 9 འོན་ཀྱང་། སུ་ཞིག་གིས་མི་གཞན་གྱི་མདུན་དུ་ང་རང་ཁས་མ་བླངས༌ན། དཀོན་མཆོག་གི་ཕོ་ཉ་རྣམས་ཀྱི་མདུན་ནས་མི་དེའང་ཁས་ལེན་པར་མི་འགྱུར།  
\v 10 ཡང་སུ་ཞིག་གིས་མིའི་བུ་ལ་གཏམ་ངན་སྨྲས་ན་མི་དེའི་སྡིག་པ་བསལ་བར་འགྱུར༌ཡང༌། དམ་པའི་ཐུགས་ཉིད་ལ་སྐུར་བ་བཏབ་ན་མི་དེའི་སྡིག་པ་གཏན་ནས་བསལ་བར་མི་འགྱུར་རོ།།  
\v 11 མི་གཞན་གྱིས་ཁྱོད་རྣམས་ཆོས་ཁང་གི་ཁྲིམས༌རའམ། ཁྲིམས་དཔོན་ནམ་མི་དབང་དང་ལྡན་པ་བཅས་ཀྱི་མདུན་དུ་ཁྲིད་པའི་དུས༌སུ། ཁྱོད་རྣམས་ཀྱིས་ལན་ཇི་ལྟར་འདེབས་པ་དང་གང་ཞིག་བརྗོད་པ་ལ་སེམས་ཁྲལ་མ་བྱེད༌ཅིག  
\v 12 རྒྱུ་མཚན་ནི་དེའི་དུས་སུ་དམ་པའི་ཐུགས་ཉིད་ཀྱིས་ཁྱོད་རྣམས་ལ་གང་ཞིག་སྨྲ་དགོས་པ་སྟོན་པར་འགྱུར་ཞེས་གསུངས༌སོ།།   
\s1 ཕྱུག་པོ་གླེན་པའི༌དཔེ།  
\p
\v 13 མི་ཚོགས་ཀྱི་ཁྲོད་དུ་མི་ཞིག་གིས་སྐྱབས་མགོན་ཡེ་ཤུ༌ལ། སློབ་དཔོན༌ལགས། ཁྱེད་ཀྱིས་ངའི་ཕུ་བོར་བཀའ་གནང་སྟེ་ཤུལ་བཞག་རྒྱུ་ནོར་བདག་ལའང་བགོ་བཤའ་བྱེད་པར་མཛོད་ཅེས་ཞུས་པ༌ན།  
\v 14 ཁོང་གིས་འདི་སྐད༌དུ། གྲོགས༌པོ། སུ་ཞིག་གིས་ང་རང་ཁྱོད་གཉིས་ཀྱི་ཤུལ་བཞག་རྒྱུ་ནོར་བགོ་བཤའ་བྱེད་པའི་བར་འདུམ་པའམ་འགོ་པར་བསྐོས་པ་ཡིན་ནམ་ཞེས་གསུངས་པ༌དང༌།  
\v 15 ཡང་སྐྱབས་མགོན་ཡེ་ཤུས་མི་ཚོགས་ལ་འདི་སྐད༌དུ། ཁྱོད་རྣམས་ཀྱིས་རང་ཉིད་བསྲུང་ཞིང་མཉམ་པར་བཞག་སྟེ་བརྣབ་སེམས་ཅན་གྱི་རིགས་ཐམས་ཅད་ལ་དོགས་པར༌གྱིས། རྒྱུ་མཚན་མི་ཡི་ཚེ་སྲོག་ནི་རྒྱུ་ནོར་ལོངས་སྤྱོད་མང་པོ་ཡོད་མེད་ལ་རག་མི་ལས་པའི་ཕྱིར་ཡིན་ཞེས་གསུངས༌སོ།།  
\v 16 ཡང་ཁོང་གིས་དཔེའི་སྒོ་ནས་འདི་སྐད༌དུ། དེ་ཡང་མི་ཕྱུག་པོ་ཞིག་ཡོད་པར་ཞིང་ལ་ལོ་ལེགས་བྱུང༌ཞིང༌།  
\v 17 ཁོའི་སེམས་སུ་འབྲུ་རིགས་ལ་འབྲུ་མཛོད་མེད་པས་བདག་གིས་ཅི་བྱའམ་ཞེས་བསམས་པ༌དང༌།  
\v 18 ཡང་ཁོ་ན༌རེ། བདག་གིས་རང་གི་བང་མཛོད་རྣམས་བཤིག་ཅིང་དེ་ལས་ཀྱང་ཆེ་བ་རྣམས་བཟོས༌ཏེ། རང་གི་འབྲུ་རིགས་དང་རྒྱུ་ནོར་ཐམས་ཅད་དེ་རུ་འཇོག་པར་བྱའོ་སྙམ་པ༌དང༌།  
\v 19 དེའི་རྗེས་སུ་ཡང་རང་གིས་རང༌ལ། ཁྱོད་ཀྱིས་ལོ་མང་པོའི་རིང་ལ་རྒྱུ་ནོར་འབོར་ཆེན་བསགས་ཡོད༌པས། ད་ལྟ་ངལ་གསོ་བྱོས་དང་བློ་བདེ་བག་ཕེབས་ངང་ནས་བཟའ་བཏུང་ལོངས་སུ་སྤྱད་དེ་སྤྲོ་སྐྱིད་ལ་རོལ་ཅིག་ཅེས་སྨྲ་བར་བྱའོ་བསམས༌མོད།  
\v 20 འོན་ཀྱང་དཀོན་མཆོག་གིས་ཁོ་རང་ལ་འདི་སྐད༌དུ། གླེན་པ༌ཁྱོད། དོ་དགོང་གི་དུས་འདི་ལ་ཁྱོད་ཀྱི་ཚེ་སྲོག་ལེན་པར༌འགྱུར། ཁྱོད་ཀྱིས་སྟ་གོན་བྱས་ནས་བསགས་པའི་རྒྱུ་ནོར་དེ་སུ་ལ་དབང་ངམ་བལྟ་ཞེས་གསུངས༌པའོ།།  
\v 21 དེ་བཞིན་མི་སུས་ཀྱང་རང་གི་དོན་དུ་རྒྱུ་ནོར་མང་པོ་བསགས་ཀྱང་དཀོན་མཆོག་གི་སྤྱན་སྔར་ཕྱུག་པོ་མ་ཡིན་ཞེས་གསུངས༌སོ།།   
\s1 སེམས་ཁྲལ་བྱ་མི་རུང་བའི༌སྐོར།  
\p
\v 22 ཡང་སྐྱབས་མགོན་ཡེ་ཤུས་ཐུགས་སྲས་རྣམས་ལ་འདི་སྐད༌དུ། དེས་ན་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་རྣམས་ཀྱིས་རང་གི་ཚེ་སྲོག་གི་དོན་དུ་ཟས་གང་ཞིག་སྤྱོད་པ་དང་ལུས་པོའི་ཆེད་དུ་གོས་གང་ཞིག་གྱོན་པ་ལའང་སེམས་ཁྲལ་མ་བྱེད༌ཅིག  
\v 23 རྒྱུ་མཚན་ནི་ཁ་ཟས་ལས་ཚེ་སྲོག་ཁྱད་དུ་འཕགས་ཤིང་གྱོན་ཆས་ལས་ཀྱང་མིའི་ལུས་པོ་ནི་ཁྱད་དུ་འཕགས་པ་ཡིན།  
\v 24 བྱ་ཕོ་རོག་དག་ལ་ལྟོས༌དང༌། དེ་དག་གིས་ས་བོན་མི་འདེབས༌ལ། སྟོན་ཡང་མི་བསྡུ་ཞིང་བང་མཛོད་དང་འབྲུ་མཛོད་ཅི་ཡང་མེད༌མོད། འོན་ཀྱང་དཀོན་མཆོག་གིས་དེ་དག་གསོ་བ་ཡིན། ཁྱོད་རྣམས་ནི་བྱ་ལས་ཇི་འདྲའི་རིན་ཐང་ཆེ༌ཨང༌།  
\v 25 ཁྱོད་རྣམས་ལས་སུ་ཞིག་གིས་སེམས་ཁྲལ་བྱས་ནས་རང་གི་ཚེ་ཐག་ཡུད་ཙམ་ཞིག་ཇེ་རིང་དུ་གཏོང་ནུས༌སམ།  
\v 26 ཁྱོད་རྣམས་ཀྱིས་དོན་ཆུང་ངུ་འདི་ལྟ་བུ་ཞིག་ཀྱང་བསྒྲུབ་མི་ནུས༌ན། དོན་དག་གཞན་ལ་སེམས་ཁྲལ་བྱ་དགོས་དོན༌ཅི།  
\v 27 མེ་ཏོག་ཀུ་མུད་ཇི་ལྟར་སྐྱེ་བར་ལྟོས༌དང༌། དེ་དག་གིས་ལས་ཀ་མི་བྱེད་ལ་བལ་ཡང་མི་འཁེལ་མོད། འོན་ཀྱང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། སོ་ལོ་མོན་གྱི་བརྗིད་ཉམས་ཤིན་ཏུ་ཆེ་བའི་དུས༌སུ། ཁོང་གི་རྒྱན་གོས་མེ་ཏོག་འདི་ལའང་མི༌དོའོ།།  
\v 28 དེའི༌ཕྱིར། དེ་རིང་ཡོད་ཡོད་འདྲ་ཡང་སང་ཉིན་ཐབ་ལ་བསྲེག་པར་འགྱུར་བའི་སྤང་ཐང་གི་རྩྭ་ཡང་དཀོན་མཆོག་གིས་ལེགས་པར་བསྐྱངས༌ན། དད་པ་ཆུང་བ་ཁྱོད་རྣམས་དེ་ལས་ལྷག་པར་སྐྱོང་བར་མི་མཛད༌དམ།  
\v 29 ཁྱོད་རྣམས་ཀྱིས་བཟའ་བཏུང་གང་ཞིག་ལོངས་སུ་སྤྱོད་པར་མ་སྙེག་ལ་སེམས་ཁྲལ་ཡང་མ་བྱེད༌ཅིག  
\v 30 རྒྱུ་མཚན་ནི་དེ་ཐམས་ཅད་འཇིག་རྟེན་པ་དག་གིས་བརྩོན་ས་ཡིན༌ལ། ཁྱོད་རྣམས་ལ་དེ་དག་མཁོ་བ་ཁྱོད་ཅག་གི་ཡབ་ཀྱིས་མཁྱེན༌ནོ།།  
\v 31 ཁྱོད་རྣམས་ཀྱིས་དཀོན་མཆོག་གི་རྒྱལ་སྲིད་འཚོལ་ཞིང་སྙེགས་པར་གྱིས་དང་། དེ་རྣམས་ཀྱང་ཁྱོད་ཅག་ལ་གནང་བར་འགྱུར།  
\v 32 ཁྱོད་ཅག་གི་ཡབ་ཀྱིས་རང་གི་རྒྱལ་སྲིད་ཀྱང་ཁྱོད་རྣམས་ལ་གནང་བར་ཐུགས་དགྱེས༌པས། ཀྱེ། ཚོགས་ཆུང་ཁྱོད་རྣམས་མ་སྐྲག༌ཅིག  
\v 33 ཁྱོད་ཅག་གིས་རང་གི་རྒྱུ་རྫས་རྣམས་བཙོང་སྟེ་མི་གཞན་ལ་སྦྱིན་པར༌གྱིས། དེ་ནི་རུལ་བར་མི་འགྱུར་བའི་དངུལ་ཁུག་རང་ལ་འབྱོར་བ་དང་མཚུངས༌ཤིང༌། འཛད་མཐའ་མེད་པའི་ནོར་བུ་ནམ་མཁའི་ཞིང་ཁམས་སུ་གསོག་པ་དང་འདྲ༌སྟེ། གནས་དེར་རྐུན་མ་མི་ཐོན་ཞིང་འབུ་སྲིན་གྱིས་ཀྱང་བཟའ་བར་མི་འགྱུར།  
\v 34 རྒྱུ་མཚན་ནི་ཁྱོད་རྣམས་ཀྱི་ནོར་བུ་གང་དུ་ཡོད་ན་ཁྱོད་རྣམས་ཀྱི་སེམས་ཀྱང་དེ་རུ་ཡོད་པའི་ཕྱིར་ཡིན་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་ཕྱིར་ཕེབས་པར་བསྒུག་དགོས་པའི༌དཔེ།  
\p
\v 35 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་ལུས་ལ་སྐ་རགས་བཅིངས་ཤིང་སྒྲོན་མེ་བསྒྲོན༌ཏེ།  
\v 36 རང་ཉིད་ནི་རང་གི་བདག་པོ་གཉེན་སྟོན་ལས་ཕྱིར་ལོག་པར་སྒུག་པའི་གཡོག་པོ་རྣམས་དང་འདྲ་བར་བྱོས་ཤིག བདག་པོ་ཕྱིར་ཕེབས་ཏེ་སྒོ་བརྡུང་དུས་གཡོག་པོ་རྣམས་ཀྱིས་ཀྱང་མྱུར་དུ་སྒོ་འབྱེད་ཐུབ་པ་ཡིན།  
\v 37 བདག་པོ་ཕྱིར་ཕེབས་དུས་གཡོག་པོ་རྣམས་ཀྱིས་མཉམ་པར་བཞག་ནས་སྒུག་སྡོད་པ་ཁོང་གིས་གཟིགས་ན་གཡོག་པོ་རྣམས༌བདེའོ།། བདག་གིས་ཁྱོད་རྣམས་ལ་བདེན་པར་སྨྲ༌སྟེ། བདག་པོས་ལུས་ལ་སྐ་རགས་བཅིངས་ཤིང་གཡོག་པོ་རྣམས་གྲལ་ལ་སྡོད་དུ་འཇུག་པ་དང་དེ་དག་གི་མདུན་དུ་ཡོང་ནས་ཞབས་ཕྱི་བསྒྲུབ་པ་ཡིན།  
\v 38 ཡང་ནམ་ཕྱེད་དམ་སྐྱ་རེངས་ཀྱི་དུས་གང་ཞིག་ལ་ཁོང་ཉིད་ཕྱིར་སླེབས་ཚེ། གཡོག་པོ་རྣམས་ཀྱིས་དེ་ལྟར་སྒུག་བཞིན་པ་གཟིགས༌ན། གཡོག་པོ་དེ་རྣམས་ཀྱང༌བདེའོ།།  
\v 39 ཁྱིམ་བདག་གིས་དུས་ནམ་ཞིག་ལ་རྐུན་མ་ཡོང་ངེས་པ་ཤེས༌ན། ཁོས་རྐུན་མ་ཁྱིམ་ལ་འཛུལ་དུ་མི་འཇུག་པ་ཁྱོད་རྣམས་ཀྱིས་ཤེས་པར་གྱིས།  
\v 40 དེ་བས་ཁྱོད་རྣམས་ཀྱིས་ཀྱང་སྟ་གོན་བྱོས༌དང༌། རྒྱུ་མཚན་ནི་ཁྱོད་རྣམས་ཀྱིས་སེམས་སུའང་མི་དྲན་པའི་དུས་ཤིག༌ལ། མིའི་བུ་ཕེབས་ཡོང་ངེས་ཡིན་ཞེས་གསུངས༌སོ།།   
\p
\v 41 ཐུགས་སྲས་པེ་ཏྲོ་ན༌རེ། གཙོ་བོ༌ལགས། དཔེ་འདི་ནི་ངེད་རྣམས་ཀྱི་དོན་དུ་གསུངས་པ་ཡིན༌ནམ། ཡང་ན་མི་ཀུན་ལ་གསུངས་པ་ཡིན་ཞེས་ཞུས་པ༌ན།  
\v 42 གཙོ་བོས་འདི་སྐད༌དུ། དེས་ན་སུ་ཞིག་བློ་སེམས་དཀར་ཞིང་འཇོན་ཐང་ཅན་གྱི་གཉེར་པ་ཡིན༌པ་དང་། བདག་པོས་ཁོ་ནི་རང་གི་གཡོག་པོ་རྣམས་ཀྱི་འགོ་པར་བསྐོས༌ཏེ། དུས་ལྟར་དེ་རྣམས་ལ་ཟས་སྐལ་སྟེར་བ་ཡིན་ནམ།  
\v 43 བདག་པོ་ཕྱིར་སླེབས་ཏེ་གཡོག་པོས་དེ་ལྟར་སྒྲུབ་བཞིན་པ་མཐོང༌ན། གཡོག་པོ་དེ་ནི༌བདེའོ།།  
\v 44 བདག་གིས་ཁྱོད་རྣམས་ལ་བདེན་པར༌སྨྲ་སྟེ། བདག་པོས་གཡོག་པོ་དེར་རྒྱུ་ནོར་ཐམས་ཅད་དོ་དམ་བྱེད་པའི་དབང་སྤྲོད་པར་འགྱུར་རོ།།  
\v 45 འོན་ཀྱང་། གཡོག་པོའི་སེམས་སུ་ངའི་བདག་པོ་ཕྱིར་ཡོང་བ་འཕྱིའོ་སྙམ༌སྟེ། གཡོག་པོ་དང་གཡོག་མོ་གཞན་རྣམས་ལ་གཅར་རྡུང་བྱེད་པ་དང་། བཟའ་བཏུང་སྤྱོད་ཅིང་ར་བཟི་བར་གྱུར༌ན།  
\v 46 ཁོས་སེམས་སུའང་མི་དྲན་པའི་ཉིན་ཞིག་དང་། མི་ཤེས་པའི་དུས་ཤིག་ལ། གཡོག་པོ་དེའི་བདག་པོ་ཕྱིར་ཕེབས་ཏེ། ཁོ་རང་དུམ་བུར་གཅོད་ཅིང་། དད་པ་མེད་པ་རྣམས་དང་མཉམ་དུ་གཏོང་བར་འགྱུར།  
\v 47 ཡང་གཡོག་པོ་དེས་བདག་པོའི་བསམ་དོན་ཤེས་བཞིན་དུ་སྟ་གོན་མི་བྱེད་པ་དང་བདག་པོའི་བསམ་དོན་ལྟར་མ་བསྒྲུབས༌ན། ཁོས་རྡུང་རྡེག་མང་པོ་མྱང་བར་འགྱུར་རོ།།  
\v 48 འོན་ཀྱང་བདག་པོའི་བསམ་དོན་མི་ཤེས་པའི་གཡོག་པོས་རྡུང་རྡེག་བྱེད་འོས་པའི་ཉེས་སྐྱོན་བཟོས་ཀྱང་དེས་རྡུང་རྡེག་ཉུང་ཙམ་མྱང་བར་འགྱུར། རྒྱུ་མཚན་ནི་མི་སུ་ཞིག་ལ་མང་པོ་གནང་བ་ཡིན༌ན། མི་དེ་ལས་ཀྱང་ཕྱིར་མང་པོ་ལེན་པ་དང༌། ཡང་སུ་ཞིག་ལ་མང་པོ་བཅོལ་བ་ཡིན༌ན། མི་དེས་ཀྱང་ཕྱིར་མང་པོ་སྤྲོད་པར་འགྱུར་ཞེས་གསུངས༌སོ།།   
\s1 འཁྲུག་རྩོད་འབྱུང་བའི༌རྒྱུ།  
\p
\v 49 ཡང་སྐྱབས་མགོན་ཡེ་ཤུས་འདི་སྐད༌དུ། བདག་ནི་ས་གཞི་ཆེན་པོར་མེ་འཕེན་དུ་ཡོང༌བ་ཡིན་ནོ།། མེ་འབར་ཟིན་ན་ཅི་མ༌རུང་།  
\v 50 བདག་གིས་ཁྲུས་གསོལ་ལེན་དགོས་པ་ད་དུང་བླངས་མེད་ཅིང་། དོན་དེ་འགྲུབ་པའི་བར་དུ་བདག་ནི་ཇི་འདྲའི་སེམས་འཚབ་ཨང་།  
\v 51 ཁྱོད་རྣམས་ཀྱིས་ང་རང་འཇིག་རྟེན་འདིར་ཡོང་བ་ནི་མི་རྣམས་ལ་ཞི་བདེ་འཐོབ་པའི་ཆེད་དུ་ཡིན་སྙམ་མམ། བདག་གིས་ཁྱོད་རྣམས་ལ་སྨྲ་བར༌བྱའོ།། དེ་ལྟར་མ་ཡིན༌ཏེ། ང་ནི་དབྱེན་འབྱེད་དུ་འོངས་པ་ཡིན།  
\v 52 དུས་ད་ནས༌བཟུང༌། ཁྱིམ་ཚང་གཅིག་གི་བཟའ་མི་ལྔ་བོར་རྩོད་གླེང་བྱུང༌སྟེ། མི་གསུམ་ཅན་གྱིས་མི་གཉིས་ཅན་དང་མི་གཉིས་ཅན་གྱིས་མི་གསུམ་ཅན་ལ་ཕན་ཚུན་རྒོལ་བར་འགྱུར།  
\v 53 ཡང་ཕ་ཡིས་བུ༌དང༌བུ་ཡིས་ཕ་ལ་རྒོལ་བ༌དང༌། མ་ཡིས་བུ་མོ༌དང༌བུ་མོས་མ་ལ་རྒོལ་བ༌དང༌། སྒྱུག་མོས་མནའ་མ༌དང༌མནའ་མས་སྒྱུག་མོ་ལ་རྒོལ་བར་འགྱུར་ཞེས་གསུངས༌སོ།།   
\s1 དུས་ལ་བརྟག་དགོས་པའི༌སྐོར།  
\p
\v 54 ཡང་སྐྱབས་མགོན་ཡེ་ཤུས་མི་ཚོགས་ལ་འདི་སྐད༌དུ། ཁྱོད་རྣམས་ཀྱིས་ནུབ་ཕྱོགས་ནས་སྤྲིན་འཁྲིགས་པ་མཐོང་མ་ཐག༌ཏུ། ཆར་བ་འབབ་ངེས་རེད་ཟེར་ཞིང་དངོས་གནས་དེ་ལྟར་དུ་འབྱུང༌།  
\v 55 ཡང་ལྷོ་ཕྱོགས་ནས་རླུང་གཡོས་པ་མཐོང་བ་ན། ཚ་བ་འབྱུང་ངེས་རེད་ཟེར་བ་དང་དེ་ལྟར་དུ་འབྱུང༌།  
\v 56 འོན་ཀྱང་ཚུལ་འཆོས་ཅན་ཁྱོད་རྣམས་ཀྱིས་གནམ་སའི་རང་བཞིན་བརྟགས་པས་ཤེས༌ཀྱང་། དུས་འདིར་ཅིའི་ཕྱིར་རྟོག་མི་ཤེས་སམ།   
\p
\v 57 ཁྱོད་རྣམས་ཀྱིས་གང་ཞིག་འོས་མཐུན་ཡིན་མིན་ལ་ཅིའི་ཕྱིར་རང་གིས་ཐག་གཅོད་མི་བྱེད༌དམ།  
\v 58 དཔེར་ན་ཁྱོད་དང་ཁྱོད་རང་གཏུག་མཁན་གཉིས་མཉམ་དུ་ཁྲིམས་དཔོན་གྱི་དྲུང་དུ་འགྲོ་བའི་དུས༌སུ། ལམ་བར་དུ་ཁོ་དང་འགྲིག་མཐུན་ཡོང་བར་བརྩོན་པར༌གྱིས། དེ་ལྟར་མ་བྱས་ཚེ་ཁྱོད་ཀྱི་གྱོད་ཡས་ཁྱོད་རང་ཁྲིམས་དཔོན་གྱི་དྲུང་དུ་ཁྲིད༌ཅིང༌། ཁྲིམས་དཔོན་གྱིས་ཁྱོད་རང་དམག་མིར་སྤྲོད་པ་དང་དམག་མིས་ཁྱོད་རང་བཙོན་དུ་འཇུག་པར་འགྱུར།  
\v 59 ཡང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་ཀྱིས་དོང་ཙེ་ཐམས་ཅད་སྐྱིན་ཚབ་ཏུ་སྤྲད་ཚར་བའི་བར་དུ་ཁྱོད་རང་བཙོན་ཁང་ལས་གཏན་ནས་ཐར་མི་ནུས་ཞེས་གསུངས༌སོ།།   
\c 13
\cl ལེའུ་བཅུ་གསུམ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 འགྱོད་བཤགས་བྱེད་པར་གདམས༌པ།  
\p
\v 1 སྐབས་དེ་ཉིད་དུ། གནས་དེར་ཡོད་པའི་མི་འགའ་ཞིག༌གིས། དེ་སྔར་པི་ལ་ཏུ་ཡིས་ག་ལིལ་པ་ཁ་ཤས་བསད་ནས་དེ་རྣམས་ཀྱི་ཁྲག་མཆོད་པའི་ནང་དུ་བསྲེས་པའི་ལོ་རྒྱུས་ཁོང་ལ་ཞུས་པ༌དང༌།  
\v 2 ཁོང་གིས་འདི་སྐད༌དུ། ག་ལིལ་པ་དེ་དག་གིས་སྡུག་བསྔལ་ཆེན་པོ་མྱངས༌པས། ཁྱོད་ཅག་གིས་ཁོ་རྣམས་ག་ལིལ་ཡུལ་གྱི་མི་གཞན་ཐམས་ཅད་ལས་ཀྱང་སྡིག་ཅན་ཡིན་པར་སྙམ་མམ།  
\v 3 བདག་གིས་ཁྱོད་རྣམས་ལ་སྨྲ་བར༌བྱའོ།། དེ་འདྲ་མ་ཡིན༌ཏེ། གལ་སྲིད་ཁྱོད་རྣམས་ཀྱིས་འགྱོད་བཤགས་མ་བྱས་ན་ཁྱོད་རྣམས་ཀྱང་དེ་ལྟར་འཆི་བར་འགྱུར།  
\v 4 ཡང་སྔོན་ཆད་སི་ལོ་ཨམ་གྱི་མཁར་གློ་བུར་བརྡིབས་ཏེ་མི་བཅོ་བརྒྱད་ཤི་བ་དེ་དག༌ནི། ཁྱོད་རྣམས་ཀྱིས་ཡེ་རུ་སཱ་ལེམ་དུ་གནས་པའི་མི་ཐམས་ཅད་ལས་ཀྱང་ཉེས་ཅན་ཡིན་པར་སྙམ་མམ།  
\v 5 ཡང་བདག་གིས་ཁྱོད་རྣམས་ལ་སྨྲ་བར༌བྱའོ།། དེ་འདྲ་མ་ཡིན༌ཏེ། གལ་སྲིད་ཁྱོད་རྣམས་ཀྱིས་འགྱོད་བཤགས་མ་བྱས་ན་ཁྱོད་རྣམས་ཀྱང་དེ་ལྟར་འཇིག་པར་འགྱུར་ཞེས་གསུངས༌སོ།།   
\p
\v 6 ཡང་སྐྱབས་མགོན་ཡེ་ཤུས་དཔེ་ལ་སྦྱར་ནས་འདི་སྐད༌གསུངས་པ་སྟེ། དེ་ཡང་མི་ཞིག་ལ་བསེ་ཡབ་ཤིང་སྡོང་ཞིག་ཡོད་པ་དེ་རང་གི་རྒུན་འབྲུམ་ར་བའི་ནང་དུ་བཙུགས་ཡོད། ཁོ་རང་ཤིང་སྡོང་དེའི་གམ་དུ་ཤིང་འབྲས་འཚོལ་དུ་སོང་ནའང་ཅི་ཡང་མ་རྙེད༌པས།  
\v 7 རྒུན་འབྲུམ་ར་བ་སྲུང་མཁན༌ལ། ཁྱོད་ཀྱིས་ལྟོས༌དང༌། བདག་ལོ་གསུམ་གྱི་རིང་ལ་བསེ་ཡབ་ཤིང་སྡོང་གི་ཤིང་འབྲས་འཚོལ་དུ་ཡོང་ནའང་ཅི་ཡང་མ་རྙེད། ད་ལྟ་ཤིང་སྡོང་དེ་ཆོད༌དང༌། ས་འདི་ཆུད་ཟོས་བྱེད་དགོས་དོན་མི་འདུག་ཅེས་སྨྲས་པ༌ན།  
\v 8 རྒུན་འབྲུམ་ར་བ་སྲུང་མཁན་ན༌རེ། བདག་པོ༌ལགས། ཤིང་སྡོང་འདི་ད་ལོ་རེ་ཞིག་སྐྱུར༌དང༌། ངས་ཤིང་སྡོང་མཐའ་འཁོར་གྱི་ས་བསློགས་ནས་ལུད་འཇོག་པར་བྱའོ།།  
\v 9 ལོ་རྗེས་མར་འབྲས་བུ་ཐོགས་ན་ལེགས། གལ་ཏེ་ད་དུང་འབྲས་བུ་མི་ཐོགས་ན་གཅོད་པར་བྱའོ་ཞེས་ལན་བཏབ་བོ།།   
\s1 ངལ་གསོ་བའི་ཉིན་ལ་བུད་མེད་ཅིག་གི་ནད་གསོས་པ།  
\p
\v 10 ངལ་གསོ་བའི་ཉིན་ལ་སྐྱབས་མགོན་ཡེ་ཤུས་ཆོས་ཁང་ཞིག་ཏུ་ཆོས་གསུང་བའི༌ཚེ།  
\v 11 གནས༌དེར་གདོན་འདྲེས་བཟུང་ནས་ལུས་པོ་བསྒུར༌ཅིང་། ལོ་བཅོ་བརྒྱད་ཀྱི་རིང་ལ་རྐེད་པ་ཡར་དགྱེ་མི་ནུས་པའི་བུད་མེད་ནད་པ་ཞིག་ཡོད༌པ་རེད།  
\v 12 སྐྱབས་མགོན་ཡེ་ཤུས་ཁོ་མོ་གཟིགས་པ་དང་ཚུར་བོས༌ཏེ། ཀྱེ། བུད་མེད། ཁྱོད་རང་ནད་འདི་ལས་ཐར་བ་ཡིན་ཞེས་གསུངས་པ༌དང༌།  
\v 13 ཁོང་གིས་ཕྱག་བུད་མེད་དེའི་ལུས་ལ་བཞག་པ༌ན། ཁོ་མོས་དེ་མ་ཐག་རྐེད་པ་ཡར་དགྱེ་ཞིང་དཀོན་མཆོག་ལ་བསྟོད་བསྔགས་ཕུལ་ཏོ།།  
\v 14 འོན་ཀྱང་ཆོས་ཁང་གི་དབུ་མཛིན་པ་ཞིག་ཡོད་པ༌དེས། སྐྱབས་མགོན་ཡེ་ཤུས་ངལ་གསོ་བའི་ཉིན་མོར་ནད་གསོས་པའི་རྐྱེན༌གྱིས། ཁོང་ཁྲོའི་ངང་ནས་མི་ཚོགས་ལ་འདི་ལྟར་སྨྲས་པ། གཟའ་འཁོར་གཅིག་ལ་བྱ་བ་སྒྲུབ་ཆོག་པའི་ཉིན་དྲུག་ཡོད༌པས། ཉིན་དེ་དག་ལ་ནད་གསོ་བའི་ཕྱིར་འདི་རུ་ཤོག༌དང༌། ངལ་གསོ་བའི་ཉིན་ལ་མ་ཡོང་ཞིག་ཅེས༌སོ།།  
\v 15 གཙོ་བོས་འདི་སྐད༌དུ། དེས་ན་ཚུལ་འཆོས་ཅན་ཁྱོད་རྣམས་མི་རེ་རེས་ངལ་གསོ་བའི་ཉིན་ལ་བ་གླང་ངམ་བོང་བུ་རང་གི་ཕྱུགས་ར་ལས་ཆུ་ཁར་མི་འཁྲིད༌དམ།  
\v 16 བུད་མེད་འདི་ནི་ཨབ་ར་ཧམ་གྱི་རིགས་རྒྱུད་ཡིན༌ཞིང༌། ལོ་བཅོ་བརྒྱད་ཀྱི་རིང་ལ་བདུད་སཱ་ཏན་གྱིས་བཟུང་བ་ཡིན་ཡང་ངལ་གསོ་བའི་ཉིན་ལ་ཁོ་མོ་ནད་ལས་ཐར་བར་བྱ་མི་འོས་སམ་ཞེས་གསུངས་པ༌དང༌།  
\v 17 དགྲ་ཟླ་ཐམས་ཅད་ངོ་གནོངས་པར་གྱུར་པ༌དང༌། སྐྱབས་མགོན་ཡེ་ཤུས་མཛད་པའི་གཟི་བརྗིད་དང་ལྡན་པའི་དོན་རྣམས་ལ་མི་ཐམས་ཅད་དགའ་བར་གྱུར༌ཏོ།།   
\s1 ཡུངས་འབྲུའི་ས་བོན་དང་སྐྱུར་རྩིའི༌དཔེ།  
\p
\v 18 སྐྱབས་མགོན་ཡེ་ཤུས་འདི་སྐད༌དུ། དཀོན་མཆོག་གི་རྒྱལ་སྲིད་ནི་གང་ཞིག་དང༌འདྲའམ། བདག་གིས་དཔེ་གང་ཞིག་དང་བསྡུར་བར༌བྱའམ།  
\v 19 དེ་ནི་ཡུངས་འབྲུའི་ས་བོན་ཞིག་དང་འདྲ༌སྟེ། མི་ཞིག་གིས་རང་གི་ར་བའི་ནང་དུ་ས་བོན་དེ་བཏབ་པ་དང་ཆེར་སྐྱེས་ནས་ཤིང་སྡོང་དུ་གྱུར༌ཅིང་། ནམ་མཁའི་བྱ་རྣམས་ཀྱིས་ཀྱང་ཡལ་གའི་གསེབ་ཏུ་ཚང་བཟོ་བ་ཡིན་ཞེས་གསུངས་པ༌དང༌།  
\v 20 ཡང་ཁོང་གིས་འདི་སྐད༌དུ། བདག་གིས་དཀོན་མཆོག་གི་རྒྱལ་སྲིད་ནི་གང་ཞིག་དང་བསྡུར༌རམ།  
\v 21 དེ་ནི་སྐྱུར་རྩི་ཞིག་དང་འདྲ༌སྟེ། བུད་མེད་ཅིག་གིས་སྐྱུར་རྩི་དེ་ཕྱེ་བྲེ་གསུམ་གྱི་ནང་དུ་བསྲེས་ནས་བརྫིས་ཏེ་རིམ་བཞིན་ཕྱེ་ཐམས་ཅད་སྐྱུར་ལངས་པ་དང་མཚུངས་ཞེས་གསུངས༌སོ།།   
\s1 ཐར་པའི་སྒོ་དོག༌མོ་ཡིན་པར་བསྟན་པ།  
\p
\v 22 སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་ཕེབས་པའི་ལམ་བར༌དུ། གྲོང་རྡལ་དང་གྲོང་སྡེ་སོ་སོ་བརྒྱུད་ནས་ཆོས་གསུངས་སོ།།  
\v 23 མི་ཞིག་གིས་སྐྱབས་མགོན་ཡེ་ཤུ༌ལ། ཇོ་བོ༌ལགས། ཐར་པ་འཐོབ་པར་འགྱུར་བའི་མི་ཉུང་ངམ་ཞེས་ཞུས་པ༌ན། ཁོང་གིས་གནས་དེར་ཡོད་པའི་མི་རྣམས་ལ་འདི་སྐད༌དུ།  
\v 24 སྒོ་དོག་མོའི་ནང་དུ་འགྲོ་བར་བརྩོན་པར༌གྱིས། བདག་གིས་ཁྱོད་རྣམས་ལ་སྨྲ་བར་བྱ༌སྟེ། མ་འོངས་པ་ན་མི་མང་པོ་ཞིག་དེའི་ནང་དུ་འཇུག་འདོད་ཀྱང་འགྲོ་མི་ནུས་ལ།  
\v 25 ཁྱིམ་བདག་ཡར་ལངས་ནས་སྒོ་བརྒྱབ༌རྗེས། ཁྱོད་རྣམས་ཕྱི་རུ་ལངས་ནས་སྒོ་བརྡུངས་ཏེ། བདག་པོ༌ལགས། ངེད་རྣམས་ལ་སྒོ་ཕྱེ་བར་མཛོད་ཅེས་ཞུ་བ་བྱས་པ༌ན། ཁྱིམ་བདག་གིས་འདི་སྐད༌དུ། བདག་གིས་ཁྱོད་རྣམས་གང་ནས་ཡོང་བ་མི་ཤེས་ཞེས་བརྗོད་པར་འགྱུར།  
\v 26 ཁྱོད་རྣམས་ཀྱིས་འདི་ལྟར་བརྗོད་ངེས༌ཏེ། ངེད་ཅག་གིས་ཁྱེད་དང་ལྷན་དུ་བཟའ་བཏུང་སྤྱད་མྱོང༌ལ། ཁྱེད་ཀྱིས་ཀྱང་ངེད་ཅག་གི་སྲང་ལམ་ནས་མི་རྣམས་ལ་ཆོས་གསུངས་མྱོང་ཞེས་ཟེར༌ཞིང་།  
\v 27 ཡང་ཁྱིམ་བདག་གིས་འདི་སྐད༌དུ། ངས་ཁྱོད་རྣམས་ལ་སྨྲ་བར༌བྱ་སྟེ། ངས་ཁྱོད་རྣམས་གང་ནས་ཡོང་བ་མི་ཤེས། ལས་ངན་པ་བྱེད་མཁན་ཁྱོད་རྣམས་བདག་གི་དྲུང་ནས་ཕར་སོང་ཞིག་ཅེས་གསུང་བར་འགྱུར།  
\v 28 ཁྱོད་རྣམས་ཀྱིས་ཨབ་ར་ཧམ༌དང༌། ཨི༌སཱག ཡ༌ཀོབ། ལུང་སྟོན་པ་ཐམས་ཅད་དཀོན་མཆོག་གི་རྒྱལ་སྲིད་དུ་བཞུགས་ཡོད་པ་མཐོང་བར་འགྱུར༌ནའང༌། ཁྱོད་རྣམས་སྒོའི་ཕྱི་རོལ་ཏུ་ཕུད་ནས་གནས་དེ་རུ་ངུ་འབོད་བྱས་ནས་ཨམ་གཙིགས་བསྡམ་པར་འགྱུར་རོ།།  
\v 29 ཡང་ཕྱོགས་བཞི་མཚམས་བརྒྱད་ནས་ཡོང་བའི་མི་རྣམས་ཀྱང་དཀོན་མཆོག་གི་རྒྱལ་སྲིད་དུ་གསོལ་སྟོན་ལ་ཞུགས་པར་འགྱུར།  
\v 30 ལྟོས༌དང༌། ཕྱི་མ་ཡིན་པའི་མི་རྣམས་སྔ་མར་འགྱུར༌ཞིང༌། སྔ་མ་ཡིན་པའི་མི་རྣམས་ཕྱི་མར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུས་ཡེ་རུ་སཱ་ལེམ་གྱི་མི་རྣམས་ལ་ཐུགས་ཁུར་མཛད༌པ།  
\p
\v 31 དེའི་དུས༌སུ། ཕ་རུ་ཤི་པ་འགའ་ཡོང་སྟེ། ཧེ་རོ་དཱས་ཁྱེད་རང་གསོད་འདོད་པས་ཁྱེད་རང་གནས་གཞན་དུ་ཕེབས་པར་ཞུ་ཞེས་སྨྲས་སོ།།  
\v 32 སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་སོང་ནས་གཡོ་སྒྱུ་ཅན་གྱི་ཝ་མོ་དེ་ལ་འདི་ལྟར༌དུ། ཉོན༌དང་། དེ་རིང་དང་སང་ཉིན་གྱི་དུས༌སུ། བདག་གིས་གདོན་འདྲེ་སྐྲོད་པ་དང་ནད་པ་གསོ་བར་བྱེད༌ཅིང༌། ཉིན་གསུམ་པར་བདག་གི་དོན་འགྲུབ་པར་འགྱུར་ཞེས་སྨྲོས༌ཤིག  
\v 33 འོན་ཀྱང་དེ་རིང་དང་སང༌ཉིན། གནངས་ཉིན་བཅས་ལ་ང་རང་ལམ་དུ་ཆས་དགོས༌ཏེ། ལུང་སྟོན་པ་ཞིག་ཡེ་རུ་སཱ་ལེམ་གྱི་ཕྱི་རོལ་ཏུ་འཆི་མི་རུང་བའི་ཕྱིར༌རོ།།  
\v 34 ཀྱེ། ཡེ་རུ་སཱ་ལེམ། ཡེ་རུ་སཱ་ལེམ། ཁྱོད་ཀྱིས་དུས་རྟག་ཏུ་ལུང་སྟོན་པ་རྣམས་གསོད་པར་བྱེད༌ཅིང༌། ཁྱོད་ཀྱི་གམ་དུ་མངགས་པའང་རྡོ་རུབ་གཏོང་བར་བྱེད། བྱ་མོས་བྱ་ཕྲུག་གཤོག་འོག་ཏུ་རུམ་པ༌ལྟར། བདག་གིས་ཀྱང་ལན་དུ་མར་ཁྱོད་ཀྱི་བུ་ཕྲུག་རྣམས་བསྡུ་འདོད་ནའང་ཁྱོད་རྣམས་མ་འཐད་དོ།།  
\v 35 ལྟོས༌དང༌། ཁྱོད་ཅག་གི་སྡོད་གནས་ནི་ཁྱོད་ཅག་ལ་སྟོང་བར་བྱས་ནས་བསྐྱུར་བ་ཡིན། བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྱོད་རྣམས་ཀྱི་ངག་ལས་གཙོ་བོའི་མཚན་གྱི་སྒོ་ནས་བྱོན་པ་ནི་བྱིན་རླབས་ཅན་ཡིན་ཞེས་ཞུ་བའི་བར་དུ་ང་རང་མཐོང་བར་མི་འགྱུར་ཞེས་གསུངས༌སོ།།   
\c 14
\cl ལེའུ་བཅུ་བཞི༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐྱབས་མགོན་ཡེ་ཤུ་ཁོང་ཉིད་ཕ་རུ་ཤི་པ་ཞིག་གི་ཁྱིམ་དུ་བཞུགས༌པ།  
\p
\v 1 ཡང་ངལ་གསོ་བའི་ཉིན་ཞིག༌ལ། སྐྱབས་མགོན་ཡེ་ཤུ་ཁོང་ཉིད་ཕ་རུ་ཤི་པའི་དཔོན་ཚང་ཞིག་ལ་ཞལ་ཟས་བཞེས་པར་ཕེབས་པ༌དང༌། དེ་རྣམས་ཀྱིས་ལྐོག་ནས་བལྟས་ཤིང་བརྟག་གོ།  
\v 2 ཁོང་གི་མདུན་དུ་དམུ་ཆུ་བྱུང་བའི་མི་ཞིག་ཡོད༌ཅིང༌།  
\v 3 སྐྱབས་མགོན་ཡེ་ཤུས་བཀའ་ཁྲིམས་ཀྱི་མཁས་པ་དང་ཕ་རུ་ཤི་པ་རྣམས་ལ་འདི་སྐད༌དུ། ངལ་གསོ་བའི་ཉིན་ལ་ནད་གསོ་བ་ནི་བཀའ་ཁྲིམས་དང་མཐུན་ནམ་མི་མཐུན་ཞེས་དྲིས༌ཀྱང༌།  
\v 4 དེ་རྣམས་ཀྱིས་ལན་ཅི་ཡང་མ་བཏབ་བོ།། སྐྱབས་མགོན་ཡེ་ཤུས་མི་དེ་བསྐྱོར་ནས་ནད་གསོས་ཏེ་ཕྱིར་འགྲོ་རུ་བཅུག་པ་དང་།  
\v 5 ཡང་ཁོང་གིས་འདི་སྐད༌དུ། ངལ་གསོ་བའི་ཉིན་ལ་ཁྱོད་རྣམས་ལས་སུ་ཞིག་གིས་རང་གི་བུའམ་བ་གླང་ཞིག་དོང་ཆུའི་ནང་དུ་ལྷུང་ན་དེ་མྱུར་བ་མྱུར་དུ་ཕྱིར་ལེན་པར་མི་བྱེད་དམ་ཞེས་གསུངས་པ༌ན།  
\v 6 དེ་རྣམས་ཀྱིས་ལན་འདེབས་མ་ནུས༌སོ།།   
\p
\v 7 སྐྱབས་མགོན་ཡེ་ཤུས་མགྲོན་པོ་རྣམས་གྲལ་མགོ་རུ་སྡོད་པར་དགའ་བ་གཟིགས་ཏེ་དཔེ་ལ་སྦྱར་ནས་འདི་སྐད༌དུ།  
\v 8 སུ་ཞིག་གིས་ཁྱོད་རང་གཉེན་སྟོན་དུ་མགྲོན་ལ་བོས་པ༌ན། གྲལ་མགོ་རུ་མ་འདུག་ཅིག ཧ་ལམ་ཁྱོད་ལས་ཀྱང་གོ་གནས་མཐོ་བའི་མི་གཞན་ཡང་བོས་ཡོད༌སྲིད།  
\v 9 དེ་ལྟར་ཡིན་ན། ཁྱོད་དང་མི་གཞན་གདན་འདྲེན་ཞུ་མཁན་ཡོང༌སྟེ། ཁྱོད་ཀྱི་སྡོད་གནས་མི་འདི་ལ་སྤྲོད་པར་གྱིས་ཞེས་ཁྱོད་ལ་སྨྲ་ངེས༌པས། ཁྱོད་རང་ངོ་གནོང་ཞིང་གྲལ་མཇུག་ཏུ་སྡོད་དགོས་པར་འགྱུར་རོ།།  
\v 10 འོན་ཀྱང་མི་གཞན་གྱིས་ཁྱོད་རང་མགྲོན་དུ་བོས་ན། དེ་ལ་སོང་ནས་གྲལ་མཇུག་ཏུ་སྡོད༌དང༌། རྒྱུ་མཚན་ནི་ཁྱོད་རང་གདན་འདྲེན་ཞུ་མཁན་དེ་ཉིད་ཡོང་ནས། གྲོགས་པོ༌ལགས། ཁྱེད་རང་གྲལ་མགོ་རུ་བཞུགས་ཞེས་ཟེར་བའི་ཕྱིར༌རོ།། དེའི་དུས༌སུ། མགྲོན་པོ་གཞན་རྣམས་ཀྱི་མདུན་དུ་ཁྱོད་ལ་བརྩི་བཀུར་འཐོབ་པར་འགྱུར་རོ།།  
\v 11 རྒྱུ་མཚན་ནི་སུ་ཞིག་གིས་རང་ཉིད་མཐོ་བར་བཟུང་ན་དམན་པར་འགྱུར་བ༌དང༌། སུ་ཞིག་གིས་རང་ཉིད་དམན་པར་བཟུང་ན་མཐོ་བར་འགྱུར་བའི་ཕྱིར་རོ་ཞེས་གསུངས་སོ།།   
\p
\v 12 ཡང་སྐྱབས་མགོན་ཡེ་ཤུས་རང་ཉིད་གདན་འདྲེན་ཞུ་མཁན་ལ་འདི་སྐད༌དུ། ཁྱོད་ཀྱིས་གུང་ཚིགས་དང་ཡང་ན་དགོང་ཇ་བཤམ་པའི་སྐབས༌སུ། རང་གི་གྲོགས༌པོའམ། སྤུན། གཉེན༌ཉེ། ཁྱིམ་མཚེས་ཕྱུག་པོ་རྣམས་མ་འབོད༌ཅིག དེ་ལྟར་བྱས་ན་ཕལ་ཆེར་དེ་དག་གིས་ཀྱང་ཁྱོད་རང་ཕྱིར་གདན་དྲངས་ནས་དྲིན་ལན་འཇལ་བར་འགྱུར།  
\v 13 འོན་ཀྱང་ཁྱོད་ཀྱིས་གསོལ་སྟོན་བཤམས་ན་དབུལ་པོ༌དང༌། དབང་བོ་སྐྱོན༌ཅན། གྱོལ་པོ། ལོང་བ་སོགས་བོས༌དང༌།  
\v 14 ཁྱོད་ལ་བདེ་བ་འཐོབ་པར་འགྱུར་རོ།། རྒྱུ་མཚན་ནི་མི་དེ་རྣམས་ཀྱིས་ཁྱོད་ལ་དྲིན་ལན་འཇལ་ཐབས་མེད༌ནའང༌། མི་རྣམ་དག་རྣམས་སླར་གསོན་པར་འགྱུར་བའི་དུས་སུ་ཁྱོད་ལ་དྲིན་ལན་འཐོབ་པར་འགྱུར་ཞེས་གསུངས༌སོ།།   
\s1 གསོལ་སྟོན་ཕུན་སུམ་ཚོགས་པའི༌དཔེ།  
\p
\v 15 དེ་ནས་སྐྱབས་མགོན་ཡེ་ཤུ་དང་ལྷན་དུ་གྲལ་ལ་བཞུགས་པའི་མི་གཅིག་གིས་གསུང་དེ་ཐོས་པ་དང་སྐྱབས་མགོན་ཡེ་ཤུ་ལ། དཀོན་མཆོག་གི་རྒྱལ་སྲིད་དུ་ཞལ་ཟས་བཞེས་མཁན་ཐམས་ཅད་བདེའོ་ཞེས་སྨྲས་པ༌དང༌།  
\v 16 སྐྱབས་མགོན་ཡེ་ཤུས་འདི་སྐད་དུ། དེ་ཡང་མི་ཞིག་གིས་གསོལ་སྟོན་ཕུན་སུམ་ཚོགས་པ་བཤམས་ཏེ་མི་མང་པོ་མགྲོན་དུ་བོས༌ཤིང༌།  
\v 17 དགོང་ཟས་ཀྱི་དུས༌སུ། རང་གི་གཡོག་པོ་མངགས་ཏེ་བོས་པའི་མགྲོན་པོ་རྣམས༌ལ། ཤོག༌དང༌། ཐམས་ཅད་སྟ་གོན་བྱས་ཚར་ཞེས་སྨྲས་སོ།།  
\v 18 འོན་ཀྱང་དེ་རྣམས་ཚང་མས་མགྲིན་གཅིག་ཏུ་གཡོལ་ཐབས་བྱས་ཤིང་། མི་སྔ་མ་དེ་ན༌རེ། ངས་ས་ཞིང་ཞིག་ཉོས་ཤིང་དེ་ལ་བལྟ་རུ་འགྲོ་དགོས་པས་དགོངས་འགལ་མེད་པར་ཞུ་ཞེས་སྨྲས་པ་དང༌།  
\v 19 མི་གཞན་ན༌རེ། ངས་བ་གླང་དོར་ལྔ་ཉོས་ཤིང་ག་འདྲ་ཡིན་པར་བལྟ་རུ་འགྲོ་དགོས་པས་དགོངས་འགལ་མེད་པར་ཞུ་ཞེས་སྨྲས་པ་དང་།  
\v 20 ཡང་མི་གཞན་ན༌རེ། ངས་ཆུང་མ་བླངས་མ་ཐག་ཡིན་པས་འགྲོ་མི་ཐུབ་ཅེས་སྨྲས་སོ།།  
\v 21 དེ་ནས་གཡོག་པོ་ཕྱིར་ལོག་སྟེ་དོན་རྣམས་བདག་པོར་བཤད་པ༌ན། བདག་པོ་ཁྲོས་ཏེ་ད་ལྟ་མྱུར་དུ་གྲོང་ཁྱེར་གྱི་ཁྲོམ་སྲང་ཆེ་ཆུང་ཀུན་ཏུ་སོང་ནས་དབུལ་པོ༌དང༌། དབང་བོ་སྐྱོན༌ཅན། ལོང༌བ། གྱོལ་པོ་སོགས་འདིར་ཁྲིད་ཤོག་ཅེས་གཡོག་པོ་ལ་བཀའ་གནང༌།  
\v 22 གཡོག་པོ་ན༌རེ། བདག་པོ༌ལགས། ཁྱེད་ཀྱི་བཀའ་ལྟར་བསྒྲུབས་ཀྱང་ད་དུང་སྡོད་གནས་སྟོང་བ་མང་ངོ་ཞེས་ཞུས་པ༌ལ།  
\v 23 ཡང་བདག་པོ་ན༌རེ། ཁྱོད་རང་གཞུང་ལམ་དང་ཞིང་བར་གྱི་ལམ་ཕྲན་དག་ཏུ་སོང་ནས་བདག་གི་ཁང་པར་མགྲོན་པོས་བཀང་བའི་ཕྱིར་དུ་ནན་གྱིས་བོས༌ཤིག  
\v 24 བདག་གིས་ཁྱོད་ལ་སྨྲ་བར་བྱ༌སྟེ། སྔར་མགྲོན་དུ་བོས་པའི་མི་རྣམས་ལས་གཅིག་ཀྱང་བདག་གི་གསོལ་སྟོན་ལ་ཞུགས་པར་མི་འགྱུར་ཞེས་སྨྲས་སོ།།   
\s1 རྗེས་འབྲང་པའི་འོས་འགན།  
\p
\v 25 ཡང་མི་སྐོར་ཚོ་མང་པོ་སྐྱབས་མགོན་ཡེ་ཤུ་དང་ལྷན་དུ་ལམ་ལ་ཆས༌ཤིང༌། ཁོང་གིས་ཞལ་ཕྱིར་འཁོར་ནས་མི་ཚོགས་ལ་འདི་སྐད༌དུ།  
\v 26 གལ་ཏེ་བདག་གི་མདུན་དུ་འོངས་པའི་མི་སུ་ཞིག་ཡིན་ཡང་རང་གི་ཕ་མ༌དང༌། ཆུང༌མ། བུ༌ཕྲུག ཕུ༌ནུ། ལྕམ་སྲིང་། ཐ་ན་རང་གི་སྲོག་ལས་ཀྱང་བདག་ལ་གཅེས་པར་མི་བྱེད༌ན། བདག་གི་རྗེས་འབྲང་པ་བྱ་མི་རུང༌ངོ་༎  
\v 27 ཡང་མི་སུས་ཀྱང་རང་གི་ཤིང་རྒྱ་གྲམ་ཁུར་ནས་བདག་གི་རྗེས་སུ་འབྲང་བ་མིན་ན་མི་དེའང་བདག་གི་རྗེས་འབྲང་པ་བྱ་མི་རུང༌ངོ་༎  
\v 28 ཡང་ཁྱོད་རྣམས་ལས་སུ་ཞིག་གིས་མཁར་ཞིག་བཟོ་འདོད༌ན། སྔོན་ལ་སར་བསྡད་ནས་འགྲོ་སོང་ག་ཙམ་དགོས་པ་རྩིས་བརྒྱབ་སྟེ་བཟོ་ཐུབ་མིན་ལ་བལྟ་བར་མི་བྱེད༌དམ།  
\v 29 གལ་ཏེ། དེ་ལྟར་མ་བྱས༌ཚེ། མཁར་གྱི་རྨང་གཞི་བཏིངས་ཟིན་ནའང་བཟོ་མ་ཐུབ་ན། དོན་དེ་མཐོང་བའི་མི་ཀུན་གྱིས་མི་དེ་ལ་འཕྱ་དགོད་བྱེད༌ཅིང༌།  
\v 30 མི་འདིས་མཁར་རྩིག་འགོ་བརྩམས་ཀྱང་འགྲུབ་མ་ཐུབ་ཅེས་ཟེར་བར་འགྱུར་རོ།།  
\v 31 ཡང་རྒྱལ་པོ་ཞིག་རྒྱལ་པོ་གཞན་ཞིག་ལ་འཐབ་ཏུ་འགྲོ་བའི་དུས༌ན། སྔོན་ལ་སར་བསྡད་ནས་རང་དམག་ཆིག་ཁྲིས་ཕ་རོལ་པོའི་དམག་མི་ཉིས་ཁྲི་འཇོམས་ཐུབ་མིན་ལ་གྲོས་བྱ་མི་དགོས༌སམ།  
\v 32 གལ་ཏེ་དགྲའི་དམག་དཔུང་འཇོམས་མི་ནུས༌ན། དགྲའི་དམག་དཔུང་རྒྱང་རིང་དུ་ཡོད་པའི་སྐབས་དང་བསྟུན་ནས་བང་ཆེན་མངགས༌ཏེ། འདུམ་འགྲིག་ཡོང་བའི་གྲོས་བྱ་དགོས།  
\v 33 དེ་བཞིན་དུ་ཁྱོད་རྣམས་ལས་སུ་ཞིག་ཡིན་ཡང་རང་ལ་ཡོད་པ་ཐམས་ཅད་སྤོང་བར་མི་བྱེད་ན་བདག་གི་རྗེས་འབྲང་པ་བྱ་མི་རུང༌ངོ་།།  
\v 34 སྤྱིར་ལན་ཚྭ་ནི་ལེགས་ཀྱང་དེའི་བྲོ་བ་ཡལ་བར་གྱུར༌ན། ལན་ཚྭའི་བྲོ་བ་གང་གིས༌བསྐྱེད་དམ།  
\v 35 དེ་ནི་ས་ཞིང་ངམ་ལུད་ཀྱི་ནང་དུ་བཞག་ཀྱང་ཕན་མི་ཐོགས་པས་ཕྱི་རུ་འདོར་བར་འགྱུར་རོ།། ཡང་རྣ་བ་ཡོད་པ་ཐམས་ཅད་ཀྱིས་གཏམ་འདིར་ཉོན་ཅིག་ཅེས་གསུངས༌སོ།།   
\c 15
\cl ལེའུ་བཅོ་ལྔ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 ལུག་བོར་བའི༌དཔེ།  
\p
\v 1 དེ་ཡང་ཁྲལ་ལེན་མཁན་དང་མི་སྡིག་ཅན་ཐམས་ཅད་སྐྱབས་མགོན་ཡེ་ཤུའི་ཆོས་ལ་མཉན་པར་ཁོང་གི་དྲུང་དུ་བཅར་པ་དང་།  
\v 2 ཕ་རུ་ཤི་པ་དང་མཁན་པོ་རྣམས་ཀྱིས་ཤབ་ཤུབ་ཏུ་འདི་ལྟར་སྨྲས༌པ། ཁོ་རང་མི་སྡིག་ཅན་རྣམས་དང་འགྲོགས་ཤིང་དེ་དག་དང་ལྷན་དུ་བཟའ་བཏུང་སྤྱོད་པ་ཡིན་ཞེས༌པའོ།།  
\v 3 སྐྱབས་མགོན་ཡེ་ཤུས་དཔེའི་སྒོ་ནས་འདི་སྐད༌དུ།  
\v 4 ཁྱོད་རྣམས་ལས་མི་སུ་ཞིག་ལ་ལུག་བརྒྱ་ཡོད་ཀྱང་དེ་ལས་ལུག་གཅིག་བོར་ན། ལུག་དགུ་བཅུ་གོ་དགུ་ཡོད་པ་དེ་དབེན་སྟོང་དུ་བསྐྱུར༌ཏེ། བོར་སོང་བའི་ལུག་དེ་རྙེད་པའི་བར་དུ་འཚོལ་བ་མ་ཡིན༌ནམ།  
\v 5 ཁོས་ལུག་དེ་རྙེད་རྗེས་ཤིན་ཏུ་དགའ་ཞིང་ཕྲག་ཏུ་ཁུར༌ནས།  
\v 6 ཕྱིར་རང་ཁྱིམ་དུ་ལོག་པ་དང་རང་གི་གྲོགས་པོ་དང་ཁྱིམ་མཚེས་རྣམས་བོས༌ཏེ། ངའི་ལུག་གཅིག་བོར་ཟིན་པ་དེ་སླར་ཡང་རྙེད་བྱུང་བས་ང་དང་མཉམ་དུ་སྤྲོ་སྤྲོ་བྱའོ་ཞེས་ཟེར༌བ་ཡིན།  
\v 7 བདག་གིས་ཁྱོད་རྣམས་ལ་སྨྲ་བར་བྱ༌སྟེ། དཔེ་དེ་བཞིན་དུ་འགྱོད་བཤགས་བྱེད་མི་དགོས་པའི་མི་གཞུང་དྲང་དགུ་བཅུ་གོ་དགུ༌ལས། མི་སྡིག་ཅན་གཅིག་གིས་འགྱོད་བཤགས་བྱས༌ན། ནམ་མཁའི་ཞིང་ཁམས་སུ་དེ་ལས་ལྷག་པར་དགའ་སྤྲོ་ཆེན་པོ་སྐྱེ་བར་འགྱུར་ཞེས་གསུངས༌སོ།།   
\s1 དངུལ་སྒོར་བོར་བའི༌དཔེ།  
\p
\v 8 ཡང་ཁོང་གིས་འདི་སྐད༌དུ། བུད་མེད་ཅིག་ལ་དངུལ་སྒོར་བཅུ་ཡོད་ཀྱང་གཅིག་བོར་བ༌ན། ཁོ་མོས་སྒྲོན་མེ་བསྒྲོན་ཏེ་ཁང་པ་ལ་གད་བདར་བྱེད་ཅིང་དངུལ་སྒོར་རྙེད་པའི་བར་དུ་ཞིབ་ཏུ་འཚོལ་བ་མ་ཡིན༌ནམ།  
\v 9 ཡང་དངུལ་སྒོར་བཙལ་ནས་རྙེད་རྗེས་རང་གི་གྲོགས་པོ་དང་ཁྱིམ་མཚེས་རྣམས་བོས༌ཏེ། ངའི་དངུལ་སྒོར་བོར་ཟིན་པ་དེ་ཕྱིར་རྙེད་བྱུང་བས་ང་དང་མཉམ་དུ་སྤྲོ་སྤྲོ་བྱའོ་ཞེས་ཟེར༌བ་ཡིན།  
\v 10 བདག་གིས་ཁྱོད་རྣམས་ལ་སྨྲ་བར་བྱ༌སྟེ། དེ་བཞིན་དུ་མི་སྡིག་ཅན་ཞིག་གིས་འགྱོད་བཤགས་བྱས༌ན། དཀོན་མཆོག་གི་ཕོ་ཉ་རྣམས་ཀྱང་མི་དེའི་རྐྱེན་གྱིས་དགའ་སྤྲོ་སྐྱེ་བར་འགྱུར་ཞེས་གསུངས༌སོ།།   
\s1 བུ་འཁྱམ་པོའི༌དཔེ།  
\p
\v 11 ཡང་སྐྱབས་མགོན་ཡེ་ཤུས་འདི་སྐད་དུ། དེ་ཡང་ཕ་ཞིག་ལ་བུ་གཉིས་ཡོད༌ཅིང༌།  
\v 12 བུ་ཆུང་བ་ན༌རེ། ཕ༌ལགས། ང་རང་ལ་འཐོབ་འོས་པའི་ནོར་སྐལ་གནང་བར་མཛོད་ཅེས་བཤད་པ༌དང༌། ཕ་ཡིས་བུ་གཉིས་ལ་རྒྱུ་ནོར་བགོས་སོ།།  
\v 13 ཉིན་མང་པོ་མ་འགོར་བར་བུ་ཆུང་བས་རང་ལ་ཅི་ཡོད་པ་ཐམས་ཅད་བསྡུས༌ཏེ། རྒྱང་རིང་ཡུལ་དུ་སོང་ནས་གང་འདོད་དུ་སྤྱོད་པ་ངན་པའི་ལས་བྱས་ཤིང་རྒྱུ་ནོར་ཐམས་ཅད་ཆུད་ཟོས་སུ་བཏང༌།  
\v 14 དེ་ལྟར་རྒྱུ་ནོར་ཐམས་ཅད་བཀོལ་སྤྱོད་བཏང་ཚར་བ་དང་ས་ཆ་དེ་ལའང་མུ་གེ་ཆེན་པོ་བྱུང་སྟེ་ཁོ་ཡང་བཀྲེས་ཤིང་འུ་ཐུག་པ་བྱུང་།  
\v 15 ཁོས་ས་ཆ་དེ་གའི་མི་གཞན་ཞིག་ལ་རང་གི་འཚོ་བ་བརྟེན་ཅིང་མི་དེས་ཀྱང་ཁོ་རང་ཞིང་ཁར་ཕག་འཚོ་བར་མངགས།  
\v 16 ཁོ་རང་ལྟོགས་ནས་མ་བཟོད་པར་ཕག་གིས་ཟ་བའི་གང་བུ་ཟོས་ནས་རང་གི་ལྟོ་བ་འགྲང་བར་བྱེད་འདོད་ནའང་སུས་ཀྱང་མ་བྱིན་པ་རེད།  
\v 17 དེ་ནས་ཁོ་རང་རྨོངས་གཉིད་ལས་སད་དེ་ངའི་ཕ་ཡི་གླ་བ་དེ་ཙམ་མང་པོར་ཟས་ཀྱི་ལྷག་མ་ཡོད་ཀྱང་། ང་རང་གནས་འདི་རུ་བཀྲེས་ལྟོགས་མྱངས་ཏེ་འཆི་ལ༌ཉེའོ།།  
\v 18 ང་རང་ཡར་ལངས་ཏེ་ཕ་ཡི་དྲུང་དུ་སོང༌ནས། ཕ༌ལགས། ངས་ནམ་མཁའི་ཞིང་ཁམས་དང་ཁྱེད་གཉིས་ལ་འགལ་བའི་སྡིག་པ་བྱས༌པས།  
\v 19 དུས་ད་ནས་བཟུང་ང་ལ་ཁྱེད་ཀྱི་བུ་ཞེས་འབོད་མི་འོས༌ནའང༌། ང་རང་ཁྱེད་ཀྱི་གླ་བ་ཞིག་ཏུ་བྱེད་པར་མཛོད་ཅེས་ཞུ་དགོས་པར་བསམས་སོ།།  
\v 20 དེ་ནས་ཁོ་རང་ཡར་ལངས་ནས་ཕ་ཡི་དྲུང་དུ་སོང༌ཞིང༌། ཕ་ཡིས་ཀྱང་ཐག་རིང་ནས་བུ་ཡོང་བཞིན་པ་མཐོང༌སྟེ། སྙིང་རྗེ་སྐྱེས་པ་དང་བུའི་མདུན་དུ་བརྒྱུགས་ནས་བུ་ལ་འཐམས་ཤིང་བརྩེ་བའི་འོ་བྱས།  
\v 21 བུ་ན༌རེ། ཕ༌ལགས། ངས་ནམ་མཁའི་ཞིང་ཁམས་དང་ཁྱེད་གཉིས་ལ་འགལ་བའི་སྡིག་པ་བྱས༌པས། དུས་ད་ནས་བཟུང་ང་ལ་ཁྱེད་ཀྱི་བུ་ཞེས་འབོད་པར་མི་འོས་ཞེས་སྨྲས་སོ།།  
\v 22 འོན་ཀྱང་ཕ་ཡིས་གཡོག་པོ་རྣམས༌ལ། ད་ལྟ་མྱུར་དུ་ཕྱི་གོས་ཆེས་ལེགས་ཤོས་དེ་ཁྱེར་ཤོག་དང་ཁོའི་ལུས་ལ་སྐོན༌ཅིག མཛུབ་མོའི་སྟེང་དུ་མཛུབ་དཀྲིས་དང་རྐང་པར་ལྷམ་སྐོན༌ཅིག  
\v 23 བ་ཕྲུག་ཤ་ཤེད་ཅན་དེ་བཤོས༌དང༌། ངེད་རྣམས་ཀྱིས་དགའ་སྐྱིད་ངང་བཟའ་བཏུང་ལོངས་སུ་སྤྱོད་པར༌བྱའོ།།  
\v 24 རྒྱུ་མཚན་ནི་བདག་གི་བུ་འདི་འཆི་བ་ལས་སླར་གསོན་པ་དང་བོར་ནས་ཕྱིར་རྙེད་པ་ཡིན་ཞེས་སྨྲས་ཤིང་ཁོ་རྣམས་དགའ་སྐྱིད་ལ་རོལ༌ཏོ།།   
\p
\v 25 དུས་དེར་བུ་ཆེ་བ་ཞིང་ཁར་ཡོད་ཅིང་ཕྱིར་ཡུལ་དུ་ལོག་སྟེ་ཁྱིམ་དང་ཉེ་སར་སླེབས་པ༌ན། རོལ་དབྱངས་དང་གར་འཁྲབ་པའི་སྒྲ་ཐོས༌པས།  
\v 26 ཁོས་གཡོག་པོ་ཞིག་བོས་ནས་དེའི་དོན་ཅི་ཡིན་དྲིས་པ༌ལ།  
\v 27 གཡོག་པོ་ན༌རེ། ཁྱེད་ཀྱི་ནུ་བོ་སླེབས༌བྱུང༌། ཁྱེད་ཀྱི་ཕ་ཡིས་བུ་ཆུང་བ་བདེ་བའི་ངང་ཕྱིར་ཡོང་བའི་རྐྱེན་གྱིས་ཤ་ཤེད་ཅན་གྱི་བ་ཕྲུག་ཀྱང་བཤས་པ་ཡིན་ཞེས་སྨྲས་སོ།།  
\v 28 འོན་ཀྱང་བུ་ཆེ་བ་ཁྲོས་ཏེ་ཁྱིམ་ནང་དུ་འགྲོ་བར་མ་དགའ་བས། ཁོའི་ཕ་ཕྱི་རོལ་ཏུ་ཡོང་ནས་བུ་ཆེ་བར་ཞུ་བ་བྱས༌ཀྱང༌།  
\v 29 བུ་ཆེ་བ་ན༌རེ། ཁྱོད་ཀྱིས་ལྟོས༌དང༌། ངས་ལོ་འདི་འདྲ་མང་པོའི་རིང་ལ་གཡོག་པོ་ལྟར་ཁྱོད་ལ་ལས་ཀ་བྱས་ཤིང་ནམ་ཡང་ཁྱོད་ཀྱི་བཀའ་ལས་འགལ་མ་མྱོང༌ནའང༌། ཁྱོད་ཀྱིས་ང་དང་གྲོགས་པོ་རྣམས་ལྷན་དུ་སྤྲོ་སྐྱིད་བྱ་ཆེད་རེའུ་ཞིག་ཀྱང་གནང་མ་མྱོང༌།  
\v 30 འོན་ཀྱང་ཁྱོད་ཀྱི་བུ་ཆུང་བ་དེ་སྨད་འཚོང་མ་རྣམས་དང་འགྲོགས་ཏེ་ཁྱོད་ཀྱི་རྒྱུ་ནོར་ཕྱེད་ཀ་ཙམ་ཆུད་ཟོས་སུ་བཏང་། ད་ལྟ་ཁོ་རང་ཕྱིར་ཡུལ་དུ་ལོག་མ་ཐག་ཁྱོད་ཀྱིས་ཁོའི་དོན་དུ་བ་ཕྲུག་ཤ་ཤེད་ཅན་དེའང་བཤས་པ་ཡིན་ཞེས་སྨྲས་པ༌ལ།  
\v 31 ཕ་ན༌རེ། བདག་གི༌བུ། ཁྱོད་རང་དུས་རྒྱུན་བདག་དང་ལྷན་དུ་ཡོད༌ཅིང༌། བདག་ལ་ཅི་ཡོད་པ་ཐམས་ཅད་ཁྱོད་ཀྱི་ཡིན།  
\v 32 འོན༌ཀྱང༌། ཁྱོད་ཀྱི་ནུ་བོ་ནི་འཆི་བ་ལས་སླར་གསོན་པ་དང་བོར་ནས་ཕྱིར་རྙེད་པ་ཡིན༌པས། ངེད་རྣམས་ཀྱིས་དགའ་ཞིང་སྐྱིད་པོ་བྱ་འོས་སྨྲས༌ཞེས་གསུངས་སོ།།   
\c 16
\cl ལེའུ་བཅུ་དྲུག༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 བློ་རིག་གསལ་བའི་གཉེར་པའི༌དཔེ།  
\p
\v 1 ཡང་སྐྱབས་མགོན་ཡེ་ཤུས་ཐུགས་སྲས་རྣམས་ལ་འདི་སྐད༌དུ། དེ་ཡང་ཕྱུག་པོ་ཞིག་ལ་གཉེར་པ་ཞིག་ཡོད༌ལ། གཉེར་པས་ནོར་རྫས་ཆུད་ཟོས་སུ་བཏང་བ་མི་གཞན་གྱིས་བདག་པོ་ལ་གཏུགས་སོ།།  
\v 2 བདག་པོས་གཉེར་པ་བོས་ཏེ་བདག་གིས་ཐོས་པའི་ཁྱོད་ཀྱི་དོན་དེ་ཅི་ཡིན༌ནམ། ཁྱོད་ཀྱིས་གཉེར་པའི་ལས་རྣམས་རྩིས་སྤྲོད་གསལ་པོ་བྱོས༌དང༌། དུས་ད་ནས་བཟུང་ཁྱོད་ནི་བདག་གི་གཉེར་པ་བྱ་མི་རུང་ཞེས་སྨྲས་པ༌ན།  
\v 3 གཉེར་པའི་སེམས༌ལ། ད་ལྟ་བདག་པོས་ངའི་ལག་ནས་གཉེར་པའི་དབང་ཆ་ཕྱིར་ལེན་པས་ངས་ཅི༌བྱའམ། ས་རྐོ་བར་བྱེད་ན་ལུས་ལ་སྟོབས་ཤུགས་མེད་ཅིང་ཟས་སློང་བར་བྱེད་ན་ངོ་གནོང༌བ་རེད།  
\v 4 བདག་པོས་རང་གི་གཉེར་པའི་དབང་ཆ་ཕྱིར་བླངས༌རྗེས། མི་གཞན་གྱིས་ང་ལ་དགའ་བསུ་བྱེད་ཅིང་ཁོ་རྣམས་ཀྱི་ཁྱིམ་དུ་འཁྲིད་པའི་ཆེད༌དུ། ངས་ཅི་ཞིག་བྱེད་དགོས་པ་ཤེས་པ་ཡིན་སྙམ༌ནས།  
\v 5 ཁོས་རང་གི་བདག་པོར་བུ་ལོན་ཆད་ཡོད་པ་རྣམས་རེ་རེ་བཞིན་བོས༌ཏེ། མི་སྔ་མ་དེ༌ལ། ཁྱོད་ཀྱིས་ངའི་བདག་པོར་བུ་ལོན་ག་ཙམ་ཆད་དམ་ཞེས་དྲིས་པ༌དང༌།  
\v 6 མི་དེས་འཚིར་སྣུམ་རྫ་མ་བརྒྱའི་བུ་ལོན་ཡོད་ཅེས་སྨྲས་པ༌ན། ཡང་ཁོ་ན༌རེ། ཁྱོད་ཀྱིས་སྔོན་གྱི་ཆད་ཐོ་ལོངས་ཤིག སར་སྡོད་ལ་མྱུར་དུ་འཚིར་སྣུམ་རྫ་མ་ལྔ་བཅུའི་ཆད་ཐོ་ཕྲིས་ཞེས་སྨྲས་སོ།།  
\v 7 ཁོས་མི་གཞན་ཞིག༌ལ། ཁྱོད་ལ་བུ་ལོན་ག་ཙམ་ཡོད་དམ་ཞེས་དྲིས་པ༌དང༌། མི་དེས་གྲོ་སྒྱེ་མོ་བརྒྱ་ཡོད་ཅེས་སྨྲས་པ༌ན། ཡང་ཁོ་ན༌རེ། ཁྱོད་ཀྱིས་སྔོན་གྱི་ཆད་ཐོ་ལོངས་དང་སྒྱེ་མོ་བརྒྱད་ཅུའི་ཆད་ཐོ་ཕྲིས་ཞེས་སྨྲས་སོ།།  
\v 8 བདག་པོས་རང་གཤིས་མི་དྲང་བའི་གཉེར་པ་འདིས་བློ་རིག་ངང་ལས་བསྒྲུབས་པར་བསྟོད་བསྔགས་བྱས། རྒྱུ་མཚན་ནི་རང་གི་རིགས་ཀྱི་ཐད་ནས་བྱ་བ་བསྒྲུབ་ན་འོད་ལ་གཏོགས་པའི་མི་རྣམས་ལས་འཇིག་རྟེན་པ་རྣམས་བློ་རིག་གསལ་བ་ཡིན་ནོ།།   
\p
\v 9 ཡང་བདག་གིས་ཁྱོད་རྣམས་ལ་སྨྲ་བར༌བྱ་སྟེ། འཇིག་རྟེན་གྱི་རྒྱུ་ནོར་ལ་བརྟེན་ནས་གྲོགས་སྒྲིགས༌དང༌། དེ་ནས་རྒྱུ་ནོར་རྣམས་ཟད་པའི་དུས༌སུ། དེ་རྣམས་ཀྱིས་ཁྱོད་ཅག་མཐའ་མེད་པའི་སྡོད་གནས་སུ་བསུ་བ་བྱེད་པར་འགྱུར།  
\v 10 ཡང་མི་སུ་ཞིག་ཡིན་ཡང་དོན་ཆུང་ངུ་དག་ལ་སེམས་དྲང་པོར་བྱས་ན་དོན་ཆེན་པོ་དག་ལ་ཕྲད་ནའང་སེམས་དྲང༌བ་ཡིན། འོན་ཀྱང་དོན་ཆུང་ངུ་དག་ལ་སེམས་དྲང་པོར་མི་བྱེད་ན་དོན་ཆེན་པོ་དག་ལ་ཕྲད་ནའང་སེམས་མི་དྲང་ངོ༌།།  
\v 11 དེའི་ཕྱིར། ཁྱོད་རྣམས་ཀྱིས་འཇིག་རྟེན་གྱི་རྒྱུ་ནོར་བཀོལ་བ་ལ་སེམས་དྲང་པོར་མི་བྱེད༌ན། སུ་ཞིག་གིས་ཁྱོད་རྣམས་ལ་རྒྱུ་ནོར་དངོས་མ་བཅོལ་ངེས༌སམ།  
\v 12 ཡང་ཁྱོད་རྣམས་ཀྱིས་མི་གཞན་གྱི་རྒྱུ་ནོར་ཐད་སེམས་དྲང་པོར་མི་བྱེད༌ན། ཁྱོད་རྣམས་ཀྱི་ཡིན་པ་དེ་སུ་ཞིག་གིས་ཁྱོད་ཅག་ལ་སྤྲོད་ངེས༌སམ།  
\v 13 ཡང་གཡོག་པོ་གཅིག་གིས་བདག་པོ་གཉིས་ལ་ཞབས་ཕྱི་བསྒྲུབ་མི་ནུས༌ཏེ། ཁོས་གཅིག་ལ་སྡང་ཞིང་གཅིག་ལ་གཅེས༌པའམ། ཡང་ན་གཅིག་ལ་བཀུར་ཞིང་གཅིག་ལ་སྨད་པར་བྱེད་དོ།། དེའི༌ཕྱིར། ཁྱོད་རྣམས་ཀྱིས་དཀོན་མཆོག་དང་འཇིག་རྟེན་གྱི་རྒྱུ་ནོར་གཉིས་ལ་ཞབས་ཕྱི་བསྒྲུབ་མི་ནུས་ཞེས་གསུངས༌སོ།།   
\p
\v 14 ཕ་རུ་ཤི་པ་རྣམས་ནི་རྒྱུ་ནོར་ལ་འདོད་རྔམ་ཆེ་བས་གོང་གི་གསུངས་དེ་ཐོས་ནས་སྐྱབས་མགོན་ཡེ་ཤུར་འཕྱ་དམོད་བྱས་སོ།།  
\v 15 སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། ཁྱོད་ཅག་གིས་མི་གཞན་གྱི་མདུན་དུ་རང་ཉིད་གཞུང་དྲང་ཡིན་ཁུལ་བྱེད་མོད། འོན་ཀྱང་དཀོན་མཆོག་གིས་ཁྱོད་རྣམས་ཀྱི་སེམས་ག་འདྲ་ཡིན་པ་མཁྱེན༌ཏེ། མི་ཡིས་མཆོག་ཏུ་གྱུར་པར་འདོད་པ་དེ་དཀོན་མཆོག་གི་སྤྱན་སྔར་སྐྱུག་བྲོ་བ་ཡིན་པའི་ཕྱིར་རོ་ཞེས་གསུངས་སོ།།   
\s1 གཞན་པའི་བསླབ་བྱ་གནང་བ།  
\p
\v 16 ཡང་ཁོང་གིས་འདི་སྐད་དུ། བཀའ་ཁྲིམས་དང་ལུང་སྟོན་པའི་མདོ་རྣམས་ནི་ཁྲུས་གསོལ་མཁན་ཡོ་ཧ་ནན་གྱི་བར་དུ་བསྒྲགས་མྱོང༌། དུས་དེ་ནས༌བཟུང༌། དཀོན་མཆོག་གི་རྒྱལ་སྲིད་ཀྱི་འཕྲིན་བཟང་སྒྲོག་བཞིན་ཡོད༌ལ། མི་ཐམས་ཅད་དཀོན་མཆོག་གི་རྒྱལ་སྲིད་དུ་ཞུགས་པར་ནན་གྱིས་བརྩོན་ནོ།།  
\v 17 འོན༌ཀྱང༌། དཀོན་མཆོག་གི་བཀའ་ཁྲིམས་ཀྱི་མདོ་ལས་ཚེག་ཐིག་གཅིག་འཇིག་པ་ལས་གནམ་ས་གཉིས་འཇིག་པ༌སླའོ།།  
\v 18 སུ་ཞིག་གིས་རང་གི་ཆུང་མ་སྤངས༌ཏེ་གཞན་ཞིག་བླངས་ན་དེ་ནི་ལོག་གཡེམ་བྱས་པ་ཡིན༌ལ། ཡང་སུ་ཞིག་གིས་བཟའ་ཐོར་བྱུང་བའི་བུད་མེད་ཅིག་བླངས་ན་དེ་ཡང་ལོག་གཡེམ་བྱས་པ་ཡིན་ཞེས་གསུངས༌སོ།།   
\s1 ཕྱུག་པོ་དང་སྤྲང་པོའི༌སྐོར།  
\p
\v 19 ཡང་སྐྱབས་མགོན་ཡེ་ཤུས་འདི་སྐད་དུ་གསུངས༌པ། དེ་ཡང་ལུས་ལ་མདོག་རྒྱ་སྨུག་ཅན་དང་སོ་རས་ཀྱི་གོས་ཆེན་གྱོན་པ༌དང༌། ཉིན་རེ་བཞིན་བཟའ་བཏུང་མཆོག་ལ་སྤྱོད་ཅིང་རྩེ་དགར་རོལ་བའི་ཕྱུག་པོ་ཞིག་ཡོད་པ་རེད།  
\v 20 ཡང་མིང་ལ་ལཱ་ཟར་ཞེས་འབོད་ཅིང་ལུས་ཡོངས་སུ་རྨ་ཡིས་ཁྱབ་པའི་སྤྲང་པོ་ཞིག་ཡོད་པ་དེ་ཕྱུག་པོ་ཚང་གི་སྒོ་མདུན་དུ་བཞག་གོ།  
\v 21 སྤྲང་པོ་དེས་ཕྱུག་པོ་ཚང་གི་ཅོག་ཙེའི་སྟེང་ནས་ས་ལ་ལྷུང་བའི་ཟས་ཧྲུག་བཟའ་འདོད་པ༌ལ། ཁྱི་ལྡོམ་འགའ་ཡོང་ནས་སྤྲང་པོའི་ལུས་སྟེང་གི་རྨ་ཁ་བལྡགས༌པ་རེད།  
\v 22 ནམ་ཞིག༌ལ། སྤྲང་པོ་ཤི་བ་དང་ཕོ་ཉ་རྣམས་ཀྱིས་སྤྲང་པོ་དེ་ཨབ་ར་ཧམ་གྱི་པང་དུ་བསྐྱལ། ཕྱིས་སུ་མི་ཕྱུག་པོ་དེ་ཡང་ཤི་བ་དང་དུར་དུ་བཅུག་གོ།  
\v 23 མི་ཕྱུག་པོ་དེས་གཤིན་པོའི་གནས་ལས་སྡུག་བསྔལ་ཆེན་པོ་མྱངས་ཤིང་ཡར་བལྟས་པ༌ན། རྒྱང་རིང་ནས་ཨབ་ར་ཧམ་དང་ཁོང་གི་པང་དུ་ལཱ་ཟར་ཡོད་པ་མཐོང༌སྟེ།  
\v 24 བདག་གི་ཡབ་མེས་ཨབ་ར་ཧམ༌ལགས། བདག་གིས་མེ་དཔུང་ནང་དུ་སྡུག་བསྔལ་ཆེན་པོ་མྱོང་བཞིན༌ཡོད་པས། བདག་ལ་སྙིང་རྗེས་གཟིགས༌དང༌། ལཱ་ཟར་གྱི་མཛུབ་མོ་ཆུ་ལ་བསྒྲེས༌ཏེ། བདག་གི་ལྕེ་བསིལ་དུ་མངག་པར་མཛོད་ཅེས་སྐད་ཆེན་པོ་བརྒྱབ་བོ།།  
\v 25 འོན༌ཀྱང༌། ཨབ་ར་ཧམ་གྱིས་འདི་སྐད༌དུ། བདག་གི༌བུ། ཁྱོད་རང་གསོན་པའི་དུས༌སུ་དགའ་སྐྱིད་ལ་རོལ་བ་དང་ལཱ་ཟར་གྱིས་གསོན་པའི་དུས་སུ་སྡུག་བསྔལ་མྱངས་པ་དེ་དག་ཕྱིར་དྲན་པར༌གྱིས། ད་ལྟ་ལཱ་ཟར་ལ་སེམས་གསོ་ཐོབ་ཅིང་ཁྱོད་ཀྱིས་སྡུག་བསྔལ་མྱོང༌བ་ཡིན།  
\v 26 གཞན༌ཡང༌། ཁྱོད་དང་ངེད་གཉིས་བར་དུ་གཡང་ས་ཆེན་པོ་ཞིག་ཡོད༌པས། འདི་ནས་ཁྱོད་ཀྱི་གམ་དུ་འགྲོ་འདོད་པ་རྣམས་ཕར་འགྲོ་མི་ཐུབ༌ལ། ཕར་ཕྱོགས་ཁྱོད་ཀྱི་གནས་དེ་ནས་ཀྱང་ཚུར་ངེད་རྣམས་ཀྱི་གམ་དུ་ཡོང་མི་ཐུབ་ཅེས་སྨྲས་སོ།།  
\v 27 ཕྱུག་པོ་ན༌རེ། བདག་གི་ཡབ་མེས་ལགས། དེ་འདྲ་ཡིན་ན། ལཱ་ཟར་བདག་གི་ཁྱིམ་དུ་མངག་པར༌མཛོད།  
\v 28 རྒྱུ་མཚན་ནི་བདག་ལ་ད་དུང་སྤུན་ལྔ་ཡོད་པ་དེ་རྣམས་ཀྱང་སྡུག་བསྔལ་ཆེན་པོའི་གནས་འདིར་མི་ཡོང་བའི་ཕྱིར་ལཱ་ཟར་ལ་ཉེན་བརྡ་གཏོང་དུ་འཇུག་པར་མཛོད་ཅེས་ཞུས་སོ།།  
\v 29 འོན༌ཀྱང༌། ཨབ་ར་ཧམ་གྱིས་འདི་སྐད༌དུ། དེ་རྣམས་ལ་མོ་ཤེ་དང་ལུང་སྟོན་པ་གཞན་དག་གི་མདོ་རྣམས་ཡོད་པས་དེ་དག་ལ་མཉན་དགོས་ཞེས་སྨྲས་ནའང་།  
\v 30 ཕྱུག་པོ་ན༌རེ། བདག་གི་ཡབ་མེས་ཨབ་ར་ཧམ༌ལགས། དེ་ལྟར་མི་བྱེད་པར༌འཚལ། གལ་ཏེ་གཤིན་པོ་རྣམས་ལས་སླར་གསོན་པ་གཅིག་དེ་དག་གི་གམ་དུ་སོང་ན་ཁོ་རྣམས་ཀྱིས་སྡིག་པ་ལས་འགྱོད་བཤགས་བྱེད་པར་ངེས་ཞེས་ཞུས་སོ།།  
\v 31 ཡིན་ནའང་། ཨབ་ར་ཧམ་གྱིས་འདི་སྐད༌དུ། མོ་ཤེ་དང་ལུང་སྟོན་པ་རྣམས་ཀྱི་བཀའ་ལའང་མི་ཉན༌ན། མི་གཅིག་འཆི་བ་ལས་སླར་གསོན་ནའང་དེ་རྣམས་ཀྱིས་ཡིད་ཆེས་བྱེད་པར་མི་འགྱུར་ཞེས་སྨྲས༌པའོ།།   
\c 17
\cl ལེའུ་བཅུ་བདུན༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 རྗེས་འབྲང་པ་རྣམས་ལ་ཞལ་གདམས་གནང༌བ།  
\p
\v 1 ཡང་སྐྱབས་མགོན་ཡེ་ཤུས་རྗེས་འབྲང་པ་རྣམས་ལ་འདི་སྐད༌དུ། མི་ལ་སྡིག་པ་བྱེད་དུ་འཇུག་པའི་དོན་དེ་ནི་ཟློག་ཐབས་མེད་ནའང་། སྡིག་པ་བྱེད་དུ་འཇུག་མཁན་དེ་ལ་ཆག་སྒོ་འབྱུང་ངོ་།།  
\v 2 བྱིས་པ་ཆུང་ངུ་འདི་རྣམས་ལས་གཅིག་ལ་སྡིག་པ་བྱེད་དུ་འཇུག་པ༌ལས། མི་དེའི་སྐེ་ལ་རང་འཐག་གི་རྡོ་ཆེན་པོ་བཏགས་ནས་རྒྱ་མཚོའི་ནང་དུ་འཕངས་ན་ལེགས་སོ།།  
\v 3 ཁྱོད་རྣམས་ཀྱིས་གཟབ་པར་གྱིས། ཁྱོད་ཀྱི་སྤུན་གྱིས་ཁྱོད་ལ་འགལ་བའི་སྡིག་པ་བྱས་ན་དེ་ལ་ཁ་ཏ་བྱོས༌དང༌། གལ་ཏེ་ཁོས་འགྱོད་བཤགས་བྱས་ན་དེ་ལ་གུ་ཡངས་ཐོངས།  
\v 4 གལ་ཏེ་ཁོས་ཉིན་གཅིག་ལ་ཐེངས་བདུན་ཙམ་དུ་ཁྱོད་ལ་འགལ་བའི་སྡིག་པ་བྱས༌ཤིང༌། ཡང་ཁྱོད་ཀྱི་གམ་དུ་ཐེངས་བདུན་ལ་ཡོང༌སྟེ། ངས་འགྱོད་བཤགས་བྱེད་ཅེས་སྨྲས༌ན། ཁྱོད་ཀྱིས་དེ་ལའང་གུ་ཡངས་གཏོང་དགོས་ཞེས་གསུངས༌སོ།།   
\p
\v 5 སྐུ་ཚབ་པ་\f + \ft འདིར་སྐུ་ཚབ་པ་ཞེས་པ་ནི་དོན་ལ་ཐུགས་སྲས་རྣམས༌ཡིན། འོན་ཀྱང་སྐུ་ཚབ་པ་ཞེས་པའི་ཐ་སྙད་ཀྱི་བྱུང་ཚུལ་ནི་འཕྲིན་བཟང་འདིའི་ལེའུ་དྲུག་པའི་ཚིག་རྐང་བཅུ་གསུམ་པ་ལས་བྱུང་བ་ལྟར༌ཡིན། \f*རྣམས་ན༌རེ། གཙོ་བོ༌ལགས། ངེད་ཅག་གི་དད་སེམས་ད་དུང་བརྟན་པོར་མཛོད་ཅེས་ཞུས་པ༌ལ།  
\v 6 ཡང་གཙོ་བོས་འདི་སྐད༌དུ། གལ་ཏེ་ཁྱོད་རྣམས་ལ་ཡུངས་འབྲུའི་ས་བོན་ལྟ་བུའི་དད་པ་ཆུང་ངུ་ཙམ་ཡོད༌ན། འོ་སེ་ཤིང་འདི༌ལ། ཁྱོད་ཀྱིས་རང་ཉིད་རྩ་བ་ནས་བལ་ཏེ་རྒྱ་མཚོའི་ནང་དུ་ཚུགས་ཤིག་ཅེས་སྨྲས་ན་དེས་ཀྱང་ཁྱོད་རྣམས་ཀྱི་ངག་ལ་མཉན་ནོ།།  
\v 7 རང་གི་གཡོག་པོས་ཞིང་ས་སློག་པའམ་ལུག་འཚོས་ནས་ཕྱིར་ལོག་པ༌ན། ཁྱོད་རྣམས་ལས་སུ་ཞིག་གིས་ཁོ་ལ་མྱུར་དུ་སྡོད་ལ་ཁ་ཟས་བཞེས་རོགས་ཞེས་ཟེར༌རམ།  
\v 8 ཡང་ན་གཡོག་པོ༌ལ། ཁྱོད་ཀྱིས་བདག་ལ་དགོང་ཟས་གྲ་སྒྲིག་བྱོས༌དང༌། སྐ་རགས་བཅིངས་ནས་བདག་ལ་ཞབས་ཕྱི་སྒྲུབས༌ཤིག བདག་གིས་བཟའ་བཏུང་སྤྱད་ཚར༌རྗེས། ད་གཟོད་ཁྱོད་ཀྱིས་བཟའ་བཏུང་སྤྱོད་ཆོག་ཟེར་བ་མིན༌ནམ།  
\v 9 གཡོག་པོས་བཀའ་ལྟར་བསྒྲུབས་ནའང་བདག་པོས་དེ་ལ་བཀའ་དྲིན་ཞུ་བ་མིན།  
\v 10 དེ་ལྟར་ཁྱོད་རྣམས་ཀྱིས་ཀྱང་བཀའ་བཞིན་དུ་ལས་ཐམས་ཅད་བསྒྲུབས༌རྗེས། ངེད་རྣམས་ནི་ཕན་ཐོགས་མེད་པའི་གཡོག་པོ་ཡིན༌ཏེ། ངེད་རྣམས་ཀྱིས་རང་གིས་བསྒྲུབ་དགོས་པའི་ལས་ཁོ་ན་བསྒྲུབས་པ་ཡིན་ཞེས་སྨྲ་དགོས་གསུངས་སོ།།   
\s1 མཛེ་ནད་བྱུང་བའི་མི་བཅུ་གཙང་མར་མཛད༌པ།  
\p
\v 11 སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་ལ་ཕེབས་པའི་ལམ་བར་དུ་སཱ་མར་ཡ་ཡུལ་དང་ག་ལིལ་ཡུལ་གཉིས་ཀྱི་ས་མཚམས་བརྒྱུད༌ནས།  
\v 12 གྲོང་སྡེ་ཞིག་ཏུ་ཕེབས་པ༌ན། མཛེ་ནད་ཅན་མི་བཅུ་ཁོང་ལ་མཇལ་དུ་ཡོང་ཞིང་རྒྱང་རིང་དུ་འགྲེངས་ནས་བསྡད༌དེ།  
\v 13 སྐད་ཆེན༌པོས། སྟོན་པ་ཡེ་ཤུ༌ལགས། ངེད་རྣམས་ལ་ཐུགས་རྗེའི་སྤྱན་གྱིས་གཟིགས་རོགས་མཛོད་ཅེས་ཞུས་སོ།།  
\v 14 ཁོང་གིས་དེ་རྣམས་ལ་གཟིགས་ནས་འདི་སྐད༌དུ། ཁྱོད་རྣམས་ཕྱིར་སོང་སྟེ་རང་གི་ལུས་པོ་མཆོད་དཔོན་ལ་སྟོན་ཅིག་ཅེས་བཀའ་གནང༌ཞིང༌། དེ་རྣམས་ཕྱིར་འགྲོ་བའི་དུས༌སུ་གཙང་མར་གྱུར།  
\v 15 དེ་རྣམས་ལས་མི་གཅིག་གིས་རང་གི་མཛེ་ནད་སོས་པ་ཤེས་ནས་ཕྱིར་ལོག༌སྟེ། སྐད་ཆེན་པོས་དཀོན་མཆོག་ལ་བསྟོད་བསྔགས་བྱས་ཤིང་།  
\v 16 ཡང་སྐྱབས་མགོན་ཡེ་ཤུའི་ཞབས་དྲུང་དུ་ཡོང་ནས་ཕྱག་བཙལ་ཏེ་ཁོང་ལ་བཀའ་དྲིན་ཞུས་སོ།། མི་དེ་ནི་སཱ་མར་ཡ་པ་ཡིན༌ནོ།།  
\v 17 སྐྱབས་མགོན་ཡེ་ཤུས་འདི་སྐད༌དུ། མཛེ་ནད་ཅན་མི་བཅུ་པོ་གཙང་མར་གྱུར་པ་མ་ཡིན༌ནམ། གཞན་དགུ་པོ་དེ་གང་དུ་འདུག༌གམ།  
\v 18 ཕྱི་ཕྱོགས་པ་འདི་ལས༌གཞན་སུ་ཡང་ཕྱིར་དཀོན་མཆོག་ལ་བསྟོད་བསྔགས་བརྗོད་དུ་མི་ཡོང་ངམ་ཞེས་གསུངས༌ཤིང༌།  
\v 19 ཡང་ཁོང་གིས་མི་དེ་ལ་འདི་སྐད༌དུ། ཡར་ལངས་ནས་ཕྱིར་སོང༌དང༌། ཁྱོད་ཀྱི་དད་པས་ཁྱོད་རང་བསྐྱབས་པ་ཡིན་ཞེས་གསུངས༌སོ།།   
\s1 དཀོན་མཆོག་གི་རྒྱལ་སྲིད་སླེབ་ཡོང་བའི་སྐོར།  
\p
\v 20 ཕ་རུ་ཤི་པ་རྣམས་ཀྱིས་སྐྱབས་མགོན་ཡེ་ཤུ༌ལ། དཀོན་མཆོག་གི་རྒྱལ་སྲིད་དུས་ནམ་ཞིག་ལ་སླེབ་ཡོང་ངམ་ཞེས་ཞུས་པ༌དང༌། ཁོང་གིས་འདི་སྐད༌དུ། དཀོན་མཆོག་གི་རྒྱལ་སྲིད་སླེབ་པ་ནི་མིག་གིས་མཐོང་ཐུབ་པ་ཞིག་མིན༌ལ།  
\v 21 མི་སུས་ཀྱང་ལྟོས་དང་འདི་རུ་ཡོད། ཡང་ན་དེ་རུ་ཡོད་ཅེས་སྨྲ་མི་ནུས༌ཏེ། དཀོན་མཆོག་གི་རྒྱལ་སྲིད་ནི་ཁྱོད་རྣམས་ཀྱི་དབུས་སུ་བཞུགས་པའི་ཕྱིར་ཡིན་ཞེས་གསུངས༌སོ།།   
\p
\v 22 ཡང་ཁོང་གིས་ཐུགས་སྲས་རྣམས་ལ་འདི་སྐད༌དུ། ཁྱོད་རྣམས་ཀྱིས་མིའི་བུ་ཡི་ཉིན་མོ་དག་ \f + \ft མིའི་བུ་ཡི་ཉིན་མོ་དག་ཅེས་པ་དོན་གཉིས་ལ་འཇུག༌སྟེ། གཅིག་ནི་མིའི་བུ་ཁོང་ཉིད་མི་རྣམས་དང་ལྷན་དུ་བཞུགས་པའི་དུས་དེ་དག་ལ་གོ༌བ་དང༌། དོན་གཉིས་པ་ནི་མ་འོངས་པར་མིའི་བུ་ཁོང་ཉིད་ཕྱིར་འཇིག་རྟེན་དུ་ཕེབས་པའི་དུས་དེ་དག་ལ༌གོ མིའི་བུ་ཞེས་པ་ནི་སྐྱབས་མགོན་ཡེ་ཤུའི་མཚན་གཞན༌ཡིན། (ཡེ་ཤུ་ཞེས་པའི་མཆན་ལའང་གཟིགས༌རོགས།)\f*ལས་ཉིན་གཅིག་མཐོང་འདོད་ན་མཐོང་མི་ཐུབ་པའི་དུས་ཤིག་སླེབ་ངེས༌ཏེ།  
\v 23 མི་རྣམས་ཀྱིས་ཁྱོད་ཅག༌ལ། ལྟོས་དང་དེ་རུ་ཡོད། ཡང་ན་ལྟོས་དང་འདི་རུ་འདུག་ཅེས་ཟེར་ངེས༌ཀྱང༌། ཁྱོད་རྣམས་ཕར་འགྲོ་བར་མི༌བྱ་ཞིང་། དེའི་རྗེས་སུ་འབྲང་བར་ཡང་མི༌བྱའོ།།  
\v 24 རྒྱུ་མཚན་ནི་གློག་དམར་འཁྱུག་སྟེ་ནམ་མཁའི་ཕྱོགས་གཅིག་ནས་ཕྱོགས་གཞན་དུ་འོད་འཕྲོ་བ༌བཞིན། མིའི་བུ་རང་གི་ཉིན་མོ་ལའང་དེ་ལྟར་འབྱུང་བར་འགྱུར་རོ།།  
\v 25 འོན་ཀྱང་ཁོས་ཐོག་མར་སྡུག་བསྔལ་མང་པོ་མྱང༌བར་འགྱུར་ཞིང༌། ཡང་དུས་རབས་འདིའི་མི་རྣམས་ཀྱིས་ཁོ་རང་འདོར་བར་འགྱུར།  
\v 26 ནོ་ཨའི་དུས་སུ་ཇི་ལྟར་བྱུང་བ༌བཞིན། མིའི་བུ་ཡི་དུས་སུའང་དེ་ལྟར་འབྱུང་བ༌སྟེ།  
\v 27 ནོ་ཨ་གྲུ་གཟིངས་ཀྱི་ནང་དུ་ཞུགས་པའི་ཉིན་མོའི་བར༌དུ། མི་རྣམས་ཀྱིས་ད་དུང་བཟའ་བཏུང་ལ་རོལ་བ་དང་བག་མ་ཚུར་ལེན་ཕར་བསྐྱལ་བྱས༌ཤིང༌། ཆུ་ལོག་ཆེན་པོ་བྱུང་སྟེ་མི་ཐམས་ཅད་མེད་པར་བཏང༌ངོ་།།  
\v 28 དེ་བཞིན་དུ་ལོད་ཐུའི་དུས༌སུའང༌། མི་རྣམས་བཟའ་བཏུང་ལ་རོལ་ཞིང་ཉོ་འཚོང༌དང༌། ཞིང་འདེབས༌པ། ཁང་པ་བཟོ་བ་ལ་སོགས་བྱེད༌པ་ཡིན།  
\v 29 འོན་ཀྱང་ལོད་ཐུ་ཁོ་རང་སཱ་དོམ་ནས་ཕྱིར་སོང་བའི་ཉིན༌ལ། ནམ་མཁའ་ནས་མེ་དང་མུ་ཟིའི་ཆར་བ་བབས་ཏེ་མི་ཐམས་ཅད་མེད་པར་བཏང༌བ་རེད།  
\v 30 དེ་བཞིན་དུ་མིའི་བུ་མངོན་པར་འགྱུར་བའི་ཉིན་མོ་ལའང་དེ་ལྟར་འབྱུང་བར་འགྱུར༌ཏེ།  
\v 31 ཉིན༌དེར། ཁང་ཐོག་ཏུ་ཡོད་པ་རྣམས་སར་བབས་ནས་རང་ཁྱིམ་དུ་དངོས་པོ་ལེན་དུ་མ༌འགྲོའོ།། དེ་བཞིན་དུ་ཞིང་ཁར་ཡོད་པ་རྣམས་ཀྱང་ཕྱིར་མ་ལོག༌ཅིག  
\v 32 ཡང་ཁྱོད་རྣམས་ཀྱིས་ལོད་ཐུའི་ཆུང་མ་ཕྱིར་དྲན་པར༌གྱིས།  
\v 33 སུ་ཞིག་གིས་རང་སྲོག་སྐྱོབ་འདོད་པ་དེས་རང་སྲོག་འཆོར་བ༌དང༌། སུ་ཞིག་གིས་རང་སྲོག་འདོར་བ་དེས་རང་སྲོག་སྐྱོབ་ངེས་ཡིན།  
\v 34 ཡང་བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཉིན་དེའི་མཚན༌མོར། མལ་ཁྲི་གཅིག་ལ་མི་གཉིས་ཡོད་པ་ལས་གཅིག་ནི་འདྲེན་ཞིང་གཅིག་ནི་བསྐྱུར་བར་འགྱུར།  
\v 35 བུད་མེད་གཉིས་ཀྱིས་ལག་སྐོར་གཅིག་བསྐོར་བ་ལས་གཅིག་ནི་འདྲེན་ཞིང་གཅིག་ནི་བསྐྱུར་བར་འགྱུར།  
\v 36 མི་གཉིས་ཞིང་ཁར་ཡོད་པ་ལས་གཅིག་ནི་འདྲེན་ཞིང་གཅིག་ནི་བསྐྱུར་བར་འགྱུར་ཞེས་གསུངས༌སོ།།  
\v 37 ཐུགས་སྲས་རྣམས་ན༌རེ། གཙོ་བོ༌ལགས། དོན་འདི་རྣམས་གནས་གང་དུ་འབྱུང་ངེས་སམ་ཞེས་ཞུས་པ༌ལ། ཁོང་གིས་འདི་སྐད༌དུ། བེམ་པོ་གང་དུ་ཡོད་ན་བྱ་རྒོད་དག་ཀྱང་གནས་དེར་འཁོར་ཡོང་ \f + \ft སྤྱིར་དཔེ་ཅན་མཆོག་ཏུ་གྱུར་པ་ལ་དཔེ་དམན་པ་འགོད་སྲོལ་བོད་ལ་མེད་ཀྱང་། འདིར་མ་ཕྱིའི་ཁྱད་ཆོས་མི་འདོར་བའི་ཆེད་དུ་ཐད་སྒྱུར་བྱས་པ་ཡིན། \f*ཞེས་གསུངས༌སོ།།   
\c 18
\cl ལེའུ་བཅོ་བརྒྱད༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 ཡུགས་མོ་དང་ཁྲིམས་དཔོན་གྱི༌དཔེ།  
\p
\v 1 ཡང་སྐྱབས་མགོན་ཡེ་ཤུས་ཁོ་རྣམས་ལ་ཡིད་མི་ཕམ་པར་དུས་རྟག་ཏུ་གསོལ་བ་འདེབས་དགོས་པའི་ཆེད་དུ་དཔེ་ཞིག་གསུངས་པ་འདི་ལྟ༌སྟེ།  
\v 2 དེ་ཡང་གྲོང་ཁྱེར་ཞིག་ཏུ་དཀོན་མཆོག་ལ་མི་གུས་མི་འཇིགས་ཤིང་མི་རྣམས་ལའང་བརྩི་མཐོང་མི་བྱེད་པའི་ཁྲིམས་དཔོན་ཞིག་ཡོད༌ལ།  
\v 3 ཡང་གྲོང་ཁྱེར་དེ་རུ་ཡུགས་མོ་ཞིག་ཡོད་པ་དེ་རྒྱུན་དུ་ཁྲིམས་དཔོན་གྱི་དྲུང་དུ་ཡོང༌སྟེ། ང་རང་ལ་གྱོད་ཡ་ཞིག་ཡོད་ཅིང་། ཁྱེད་ཀྱིས་ང་ལ་བདེན་ལུགས་གནང་བར་མཛོད་ཅེས་ཞུས་པ༌དང༌།  
\v 4 ཁྲིམས་དཔོན་གྱིས་ཡུན་རིང་ཞིག་ལ་དོན་དེ་ཁས་མ་བླངས། ཕྱིས་སུ་ཁྲིམས་དཔོན་གྱི་སེམས༌ལ། བདག་ནི་དཀོན་མཆོག་ལ་མི་གུས་མི་འཇིགས་ཤིང་མི་རྣམས་ལའང་བརྩི་མཐོང་མི་བྱེད་པ་ཞིག་ཡིན༌མོད།  
\v 5 འོན་ཀྱང་ཡུགས་མོ་འདིས་ང་ལ་སུན་སྣང་བསྐྱེད་པས་བདག་གིས་ཁོ་མོར་བདེན་ལུགས་སྟེར་བར་བྱའོ།། དེ་ལྟར་མིན་ཚེ་ཁོ་མོ་རྒྱུན་དུ་ཡོང་ནས་ང་རང་འུ་ཐུག་པར་བྱེད་སྙམ་པའོ།།   
\p
\v 6 ཡང་གཙོ་བོས་འདི་སྐད༌དུ། ཁྱོད་རྣམས་ཀྱིས་རང་གཤིས་མི་དྲང་བའི་ཁྲིམས་དཔོན་དེས་ཅི་སྨྲས་པ་ལ་བསམ་བློ་ཐོངས༌ཤིག  
\v 7 འོ་ན་དཀོན་མཆོག་གི་བདམས་པའི་མི་རྣམས་ཀྱིས་ཉིན་མཚན་མེད་པར་ཁོང་ལ་འོ་དོད་བོས་ན། ཁོང་གིས་འགོར་འགྱངས་མི་མཛད་པར་དེ་རྣམས་ལ་བདེན་ལུགས་གནང་བ་མ་ཡིན་ནམ།  
\v 8 དེས་ན་བདག་གིས་ཁྱོད་རྣམས་ལ་སྨྲ་བར་བྱ༌སྟེ། དཀོན་མཆོག་གིས་མྱུར་བ་མྱུར་དུ་དེ་རྣམས་ལ་བདེན་ལུགས་གནང་བར་འགྱུར་རོ།། འོན་ཀྱང་མིའི་བུ་ཕེབས་ཡོང་བའི་དུས་སུ་འཇིག་རྟེན་འདི་རུ་ཁོང་ལ་དད་པའི་སྐྱེ་བོ་སུ་ཞིག་རྙེད་པར་འགྱུར་རམ་ཞེས་གསུངས༌སོ།།   
\s1 ཕ་རུ་ཤི་པ་དང་ཁྲལ་ལེན་མཁན་གྱི༌དཔེ།  
\p
\v 9 ཡང་སྐྱབས་མགོན་ཡེ་ཤུས་མི་འགའ་ཞིག་གིས་རང་ཉིད་གཞུང་དྲང་ཡིན་པར་བསམས་ནས་མི་གཞན་དག་ལ་མཐོང་ཆུང་བྱེད་པ་ལ་དཔེ་འདི་ལྟར་གསུངས༌པ་རེད།  
\v 10 མི་གཉིས་ཡར་མཆོད་ཁང་དུ་གསོལ་བ་འདེབས་སུ་སོང་སྟེ། གཅིག་ནི་ཕ་རུ་ཤི་པ་དང་ཅིག་ཤོས་ནི་ཁྲལ་ལེན་མཁན་ཡིན།  
\v 11 ཕ་རུ་ཤི་པ་ཡར་ལངས་ནས་བསྡད་ཅིང་སེམས་སུ་འདི༌ལྟར། ཀྱེ། དཀོན་མཆོག༌ལགས། བདག་ནི་མི་གཞན་རྣམས་ལྟར་མགོ་སྐོར་གཏོང་མཁན་དང་རང་གཤིས་མི་དྲང༌བ། ལོག་གཡེམ་བྱེད་པ་རྣམས་དང་མི་འདྲ༌ཞིང༌། ཁྲལ་ལེན་མཁན་འདི་དང་ཡང་མི་འདྲ༌བས། བདག་གིས་ཁྱེད་ལ་ཐུགས་རྗེ་ཆེ༌ཞུ།  
\v 12 བདག་གིས་གཟའ་འཁོར་རེ་རེར་སྨྱུང་གནས་ཐེངས་གཉིས་ལ་བསྲུངས་པ༌དང༌། ཡོང་སྒོ་ཐམས་ཅད་ལས་བཅུ་ཆའི་གཅིག་ཀྱང་འབུལ་བ་ཡིན་ཞེས་གསོལ་བ་བཏབ་བོ།།  
\v 13 འོན༌ཀྱང༌། ཁྲལ་ལེན་མཁན་དེ་རྒྱང་ནས་ཡར་ལངས་ཏེ་བསྡད༌ཅིང༌། མིག་གིས་ནམ་མཁའི་ཕྱོགས་སུ་བལྟ་ཡང་མི་ཕོད་པར་ལག་པས་བྲང་ཁར་རྡུང་བཞིན་སེམས་ཤིན་ཏུ་སྐྱོ་བའི་ངང༌ནས། ཀྱེ། དཀོན་མཆོག༌ལགས། མི་སྡིག་ཅན་ང་ལ་ཐུགས་རྗེ་གནང་བར་མཛོད་ཅེས་ཞུས་པའོ།།  
\v 14 བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཁྲལ་ལེན་མཁན་འདི་ནི་ཕ་རུ་ཤི་པ་དེ་ལས་དཀོན་མཆོག་གི་དྲུང་དུ་རྣམ་པར་དག་ཅིང་ཕྱིར་རང་ཁྱིམ་དུ་ལོག སུ་ཞིག་གིས་རང་ཉིད་མཐོ་བར་བཟུང་ན་དམན་པར་འགྱུར༌ཞིང༌། རང་ཉིད་དམན་པར་བཟུང་ན་མཐོ་བར་འགྱུར་ཞེས་གསུངས༌སོ།།   
\s1 བྱིས་པར་བྱིན་གྱིས་བརླབས༌པ།  
\p
\v 15 མི་རྣམས་ཀྱིས་ཐ་ན་རང་ཉིད་ཀྱི་ཁྱེའུ་ཡང་སྐྱབས་མགོན་ཡེ་ཤུས་ཕྱག་གིས་རེག་ཕྱིར་ཁོང་གི་དྲུང་དུ་ཁྱེར་ཡོང༌ནའང༌། ཐུགས་སྲས་རྣམས་ཀྱིས་དེ་རྣམས་མཐོང་ནས་བཀའ་བཀྱོན་གནང༌།  
\v 16 འོན་ཀྱང་སྐྱབས་མགོན་ཡེ་ཤུས་དེ་རྣམས་ཚུར་བོས་ཏེ་འདི་སྐད༌དུ། དཀོན་མཆོག་གི་རྒྱལ་སྲིད་ནི་དེ་ལྟ་བུ་རྣམས་ཀྱི་ཡིན༌པས། བྱིས་པ་རྣམས་མ་འགོག་པར་བདག་གི་དྲུང་ལ་ཡོང་དུ༌ཆུག  
\v 17 བདག་གིས་ཁྱོད་རྣམས་ལ་བདེན་པར་སྨྲ༌སྟེ། མི་སུས་ཀྱང་དཀོན་མཆོག་གི་རྒྱལ་སྲིད་ནི་བྱིས་པའི་ཚུལ་གྱིས་དང་དུ་མ་བླངས༌ན། མི་དེ་ཅིས་ཀྱང་རྒྱལ་སྲིད་དེར་ཞུགས་མི་ནུས་ཞེས་གསུངས༌སོ།།   
\s1 འབྱོར་བ་ཅན་ལ་ཆོས་གསུངས༌པ།  
\p
\v 18 འགོ་དཔོན་ཞིག་གིས་སྐྱབས་མགོན་ཡེ་ཤུ༌ལ། སློབ་དཔོན་བཟང་པོ༌ལགས། ངས་གང་ཞིག་བྱས་ན་ད་གཟོད་མཐའ་མེད་པའི་ཚེ་སྲོག་འཐོབ་ཐུབ་བམ་ཞེས་ཞུས་པ༌ལ།  
\v 19 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་ཅིའི་ཕྱིར་བདག་ལ་བཟང་པོ་ཟེར༌རམ། དཀོན་མཆོག་ཁོ་ན་ལས་གཞན་བཟང་པོ་གཅིག་ཀྱང་མེད།  
\v 20 ལོག་གཡེམ་མ༌བྱེད། མི་མ་གསོད། རྐུ་མ༌བྱེད། རྫུན་གྱི་དཔང་པོ་མ༌བྱེད། རང་གི་ཕ་མ་གཉིས་ལ་བཀུར་བསྟི་བྱེད་དགོས་ཞེས་པའི་བཀའ་ཁྲིམས་འདི་དག་ཁྱོད་ཀྱིས་ཤེས་པ་ཡིན་ཞེས་གསུངས་སོ།།  
\v 21 ཡང་མི་དེ་ན༌རེ། ངས་ཆུང་དུས་ནས་བཀའ་དེ་ཐམས་ཅད་བསྲུངས་པ་ཡིན་ཞེས་ཞུས་སོ།།  
\v 22 སྐྱབས་མགོན་ཡེ་ཤུས་གཏམ་དེར་གསན་རྗེས་ཡང་འདི་སྐད༌དུ། ཁྱོད་ལ་ད་དུང་དོན་གཅིག་མི་ཚང༌བས། ཁྱོད་ཀྱིས་རང་ལ་ཡོད་པ་ཐམས་ཅད་བཙོངས་ཏེ་དབུལ་པོ་རྣམས་ལ་བྱིན༌ཅིག ཁྱོད་ལ་ནམ་མཁའི་ཞིང་ཁམས་སུ་ནོར་བུ་འཐོབ་པར་འགྱུར། དེ་ནས་བདག་གི་རྗེས་སུ་འབྲང་བར་གྱིས་ཞེས་གསུངས་པ༌ན།  
\v 23 མི་དེ་ནི་ཧ་ཅང་ཕྱུག་པོ་ཞིག་ཡིན་པས་གསུང་དེ་ཐོས་པ་དང་སེམས་ཤིན་ཏུ་སྐྱོ་བར་གྱུར།  
\v 24 སྐྱབས་མགོན་ཡེ་ཤུས་ཁོ་ལ་གཟིགས་ཏེ་འདི་སྐད༌དུ། རྒྱུ་འབྱོར་བ་ཅན་རྣམས་དཀོན་མཆོག་གི་རྒྱལ་སྲིད་དུ་ཞུགས་པ་ནི་ཇི་འདྲའི་དཀའ༌ཨང་།  
\v 25 ཕྱུག་བདག་ཅིག་དཀོན་མཆོག་གི་རྒྱལ་སྲིད་དུ་ཞུགས་པ་ལས་རྔ་མོང་ཞིག་ཁབ་མིག་ཏུ་འཛུལ་བ་སླ་ཞེས་གསུངས་སོ།།  
\v 26 གསུང་དེ་ཐོས་པའི་མི་རྣམས༌ཀྱིས། དེས་ན་སུ་ཞིག་ལ་ཐར་པ་འཐོབ་ཐུབ་བམ་ཞེས་ཞུས་པ༌དང༌།  
\v 27 ཡང་ཁོང་གིས་འདི་སྐད༌དུ། མིས་བསྒྲུབ་མི་ནུས་པའི་དོན་རྣམས་དཀོན་མཆོག་གིས་མཛད་ནུས་པ་ཡིན་ཞེས་གསུངས་སོ།།  
\v 28 པེ་ཏྲོ་ན༌རེ། གཟིགས༌དང༌། ངེད་རྣམས་ཀྱིས་རང་ལ་ཡོད་པ་ཐམས་ཅད་སྤངས་ནས་ཁྱེད་ཀྱི་རྗེས་སུ་འབྲངས་པ་ཡིན་ཞེས་ཞུས་པ༌དང༌།  
\v 29 ཡང་ཁོང་གིས་འདི་སྐད༌དུ། བདག་གིས་ཁྱོད་རྣམས་ལ་བདེན་པར༌སྨྲ་སྟེ། སུ་ཞིག་གིས་དཀོན་མཆོག་གི་རྒྱལ་སྲིད་ཀྱི་ཆེད་དུ་ཁང་པའམ། ཆུང༌མའམ། ཕུ་ནུའམ། ལྕམ་སྲིང་ངམ། ཕ༌མའམ། བུ་ཕྲུག་སོགས་སྤངས༌ན།  
\v 30 མི་དེ་ལ་བསྐལ་པ་འདིར་ལྡབ་འགྱུར་གྱིས་མང་པོ་འཐོབ་ཅིང་བསྐལ་པ་འབྱུང་འགྱུར་དུ་མཐའ་མེད་པའི་ཚེ་སྲོག་ཀྱང་འཐོབ་པར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་དགྲོང་བར་འགྱུར་བ་སླར་ཡང་ལུང་བསྟན༌པ།  
\p
\v 31 དེ་ནས་སྐྱབས་མགོན་ཡེ་ཤུས་ཐུགས་སྲས་བཅུ་གཉིས་པོ་ཟུར་དུ་ཁྲིད་དེ་འདི་སྐད༌དུ། ལྟོས༌དང༌། བདག་ཅག་ཡར་ཡེ་རུ་སཱ་ལེམ་དུ་འགྲོ་བཞིན༌ཡོད། ལུང་སྟོན་པ་རྣམས་ཀྱིས་མིའི་བུ་ཡི་སྐོར་ལ་བྲིས་ཡོད་པ་ཐམས་ཅད་འགྲུབ་པར་འགྱུར༌ཏེ།  
\v 32 ཁོ་རང་ཕྱི་ཕྱོགས་པ་རྣམས་ཀྱི་ལག་ཏུ་སྤྲད་ནས་དེ་དག་གིས་འཕྱ་དམོད་དང་སྨད་པ་བྱེད༌ཅིང༌། གདོང་ལ་མཆིལ་མ་འདེབས་པ༌དང༌།  
\v 33 ལུས་ལ་རྟ་ལྕག་གིས་གཞུས་རྗེས་གསོད་པར་འགྱུར། དེ་ནས་ཉིན་གསུམ་པ་ལ་ཁོ་རང་སླར་གསོན་པར་འགྱུར་ཞེས་གསུངས།  
\v 34 དོན་འདི་ནི་ཐུགས་སྲས་རྣམས་ཀྱིས་ཅི་ཡང་མ་རྟོགས་ཤིང་། དེ་ནི་གབ་པའི་ཚུལ་གྱིས་བརྗོད་པས་ཅི་ཡང་མ་ཤེས༌སོ།།   
\s1 སྤྲང་པོ་ལོང་བའི་མིག་གསོས༌པ།  
\p
\v 35 སྐྱབས་མགོན་ཡེ་ཤུ་ཁོང་ཉིད་ཡེ་རུ་ཀོ་དང་ཉེ་བར་ཕེབས་པའི༌ཚེ། ལོང་བ་ཞིག་གིས་ཟས་སློང་བཞིན་ལམ་འགྲམ་དུ་བསྡད་ཡོད༌ཅིང༌།  
\v 36 མི་མང་པོ་ཕར་འགྲོ་བཞིན་པའི་སྒྲ་ཐོས་ཏེ་དོན་ཅི་ཡིན་དྲིས་པ༌ལ།  
\v 37 ལམ་འགྲོ་པ་རྣམས་ཀྱིས་ནཱ་ཙ་རེལ་གྱི་ཡེ་ཤུ་ཕེབས་ཀྱིན་འདུག་ཅེས་སྨྲས།  
\v 38 ལོང་བས་སྐད་ཆེན༌པོས། ཀྱེ། དཱ་བིད་ཀྱི་རིགས༌སྲས། ཡེ་ཤུ༌ལགས། བདག་ལ་སྙིང་རྗེས་གཟིགས་རོགས་ཞེས་ཞུས༌པ་ན།  
\v 39 སྔོན་དུ་འགྲོ་བའི་ལམ་འགྲོ་པ་རྣམས་ཀྱིས་ཁོ་རང་ཁ་རོག་ཏུ་སྡོད་པར་བསྐུལ༌ནའང༌། ལོང་བས་སྔར་ལས་ཀྱང་སྐད་ཆེན༌པོས། ཀྱེ། དཱ་བིད་ཀྱི་རིགས་སྲས༌ལགས། བདག་ལ་སྙིང་རྗེས་གཟིགས་རོགས་ཞེས་འབོད་སྐད་བསྒྲགས་སོ།།  
\v 40 དེ་ནས་སྐྱབས་མགོན་ཡེ་ཤུས་ཀྱང་ཕེབས་མཚམས་བཞག་སྟེ་ཁོ་རང་ཚུར་ཁྲིད་ཡོང་བའི་བཀའ་གནང༌ཞིང༌། དེ་ཁོང་གི་སྐུ་མདུན་དུ་སླེབས་པ་དང་ཁོང་གིས་འདི་སྐད༌དུ།  
\v 41 ངས་ཁྱོད་ལ་ཅི་བྱ་དགོས་སམ་ཞེས་གསུངས་པ༌དང༌། ཁོ་ན༌རེ། གཙོ་བོ༌ལགས། ངའི་མིག་གིས་མཐོང་ནུས་པར་མཛོད་ཅེས་ཞུས་པ༌ན།  
\v 42 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱི་མིག་གིས་མཐོང་ཐུབ་པར་གྱུར༌ཅིག ཁྱོད་ཀྱི་དད་པས་ཁྱོད་རང་བསྐྱབས་པ་ཡིན་ཞེས་གསུངས་པ༌དང༌།  
\v 43 དེ་མ་ཐག་ཏུ་ལོང་བའི་མིག་གིས་མཐོང་བར་གྱུར་ནས་དཀོན་མཆོག་ལ་བསྟོད་བསྔགས་བརྗོད་ཅིང་ཁོང་གི་རྗེས་སུ་འབྲངས་སོ།། མི་ཐམས་ཅད་ཀྱིས་ཀྱང་དོན་དེ་མཐོང་ནས་དཀོན་མཆོག་ལ་བསྟོད་བསྔགས་བརྗོད༌དོ།།   
\c 19
\cl ལེའུ་བཅུ་དགུ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 ཁྲལ་ལེན་མཁན་སཱ་ཀའི་སྐོར།  
\p
\v 1 སྐྱབས་མགོན་ཡེ་ཤུ་ཁོང་ཉིད་ཡེ་རུ་ཀོ་བརྒྱུད་ནས་ཕེབས་པའི༌ཚེ།  
\v 2 གནས་དེར་སཱ་ཀ་ཟེར་བའི་ཕྱུག་བདག་ཅིག་ཡོད་ཅིང་དེ་ནི་ཁྲལ་ལེན་མཁན་གྱི་འགོ་དཔོན་ཡང་ཡིན་ནོ།།  
\v 3 སཱ་ཀས་སྐྱབས་མགོན་ཡེ་ཤུ་སུ་ཡིན་པར་བལྟ་འདོད༌ཀྱང༌། ཁོའི་གཟུགས་ཐུང་ཞིང་མི་མང་པོ་འཚོགས་པའི་རྐྱེན་གྱིས་མཐོང་མ་ཐུབ༌པས།  
\v 4 སྐྱབས་མགོན་ཡེ་ཤུའི་གཤེགས་ལམ་གྱི་མདུན་དུ་བརྒྱུགས་པ་དང་འོ་སེ་ཤིང་ཞིག་ལ་འགོས་ནས་བལྟས་པ་ལ།  
\v 5 སྐྱབས་མགོན་ཡེ་ཤུ་གནས་དེར་ཕེབས་པ་དང་ཡར་གཟིགས་ཏེ་འདི་སྐད༌དུ། སཱ༌ཀ ཁྱོད་རང་མྱུར་དུ་མར་བོབས༌དང༌། དེ་རིང་ང་ནི་ཁྱོད་ཀྱི་ཁྱིམ་དུ་སྡོད་དགོས་ཞེས་གསུངས་པ༌དང༌།  
\v 6 སཱ་ཀ་མྱུར་དུ་མར་བབས་ཏེ་དགའ་སྤྲོའི་ངང་ནས་སྐྱབས་མགོན་ཡེ་ཤུ་གདན་དྲངས༌སོ།།  
\v 7 མི་རྣམས་ཀྱིས་དོན་དེ་མཐོང་སྟེ་མ་དགའ་བར་ཤབ་ཤུབ་ཏུ་ཕན་ཚུན་ན༌རེ། ཁོང་ཉིད་མི་སྡིག་ཅན་གྱི་ཁྱིམ་ལ་མགྲོན་དུ་ཕེབས་ཞེས་སྨྲས་སོ།།  
\v 8 སཱ་ཀ་ཡར་ལངས་ཏེ་སྐྱབས་མགོན་ཡེ་ཤུ༌ལ། ཇོ་བོ༌ལགས། ཁྱེད་ཀྱིས་གཟིགས༌དང༌། ངས་རང་གི་རྒྱུ་ནོར་གྱི་ཕྱེད་ཀ་དབུལ་པོ་རྣམས་ལ་སྟེར་ངེས་ཡིན། གལ་ཏེ་ངས་སྔོན་ཆད་མི་སུ་ཞིག་ནས་སླུ་བྲིད་ཀྱིས་རྒྱུ་ནོར་བླངས་ཡོད༌ན། ཕྱིར་ལྡབ་བཞིས་འཇལ་ངེས་ཡིན་ཞེས་ཞུས་སོ།།  
\v 9 སྐྱབས་མགོན་ཡེ་ཤུས་འདི་སྐད༌དུ། མི་འདི་ཡང་ཨབ་ར་ཧམ་གྱི་བུ་རབས་ཚ་རྒྱུད་ཡིན༌པས། དེ་རིང་ཐར་པ་ཁྱིམ་འདིར་སླེབས༌པ་ཡིན།  
\v 10 ཅིའི་ཕྱིར་ཞེ༌ན། མིའི་བུ་ནི་བོར་ཟིན་པ་རྣམས་འཚོལ་བ་དང་སྐྱོབ་པའི་ཕྱིར་ཡོང་བ་ཡིན་ཞེས་གསུངས༌སོ།།   
\s1 དངུལ་སྒོར་བཅུ་ཡི་དཔེ།  
\p
\v 11 མི་རྣམས་ཀྱིས་གཏམ་དེ་དག་ལ་ཉན་པའི་དུས༌སུ། སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་ལ་ཉེ་བར་སླེབས་པའི་རྐྱེན༌དང༌། མི་རྣམས་ཀྱི་སེམས་སུའང་དཀོན་མཆོག་གི་རྒྱལ་སྲིད་མྱུར་དུ་མངོན་པར་འགྱུར་ངེས་ཡིན་བསམས༌པས། ཁོང་གིས་དཔེའི་སྒོ་ནས་འདི་སྐད༌དུ།  
\v 12 དེ་ཡང་རྒྱལ་པོའི་རིགས་རྒྱུད་ཅིག་ཡོད་པར་རྒྱལ་སྲིད་འཐོབ་ཆེད་རྒྱང་རིང་ཡུལ་དུ་འགྲོ་བའི་འཆར་གཞི་བཀོད༌དེ། རྒྱལ་སྲིད་ཐོབ་རྗེས་ཕྱིར་ལོག་པར་འདོད་ཅིང་།  
\v 13 རང་གི་གཡོག་པོ་བཅུ་ཚུར་བོས་ནས་མི་རེ་རེར་དངུལ་རྡོ་ཚད་གཅིག་རེ་སྤྲད༌དེ། ཁྱོད་རྣམས་ཀྱིས་ང་རང་ཕྱིར་ཡོང་བའི་བར་དུ་ཚོང་ལས་གཉེར་ཞིག་ཅེས་སྨྲས་སོ།།  
\v 14 འོན་ཀྱང་ཁོའི་འབངས་མི་རྣམས་ཁོ་ལ་སྡང་སེམས་སྐྱེས་པས་མི་ཁ་ཤས་ཁོའི་རྗེས་སུ་བཏང༌སྟེ། ངེད་རྣམས་མི་དེ་རྒྱལ་པོ་བྱེད་པར་མི་འཐད་ཅེས་སྨྲས་སོ།།  
\v 15 ཁོ་ལ་རྒྱལ་སྲིད་ཐོབ་ནས་ཕྱིར་ཡོང་སྟེ་དངུལ་སྤྲད་པའི་གཡོག་པོ་རྣམས་ཀྱིས་ཚོང་ལས་བྱས་ནས་ཁེ་སྤོགས་ཅི་ཙམ་ཡོད་པར་བལྟ་ཕྱིར་དེ་རྣམས་འབོད་དགོས་པའི་བཀའ་གནང་ངོ་།།  
\v 16 གཡོག་པོ་སྔ་མ་དེ་ཁོའི་དྲུང་དུ་ཡོང༌སྟེ། བདག་པོ༌ལགས། ཁྱེད་ཀྱིས་གནང་བའི་རྡོ་ཚད་གཅིག་གིས་རྡོ་ཚད་བཅུའི་ཁེ་སྤོགས་རེག་ཡོད་ཅེས་ཞུས་པ༌དང༌།  
\v 17 བདག་པོ་ན༌རེ། ལེགས་པོ༌འདུག ཁྱོད་ནི་གཡོག་པོ་བཟང་པོ་ཡིན་ལ། ཁྱོད་ནི་དོན་ཆུང་ངུ་ལའང་བློ་སེམས་དཀར་བས། གྲོང་ཁྱེར་བཅུའི་མངའ་དབང་ཁྱོད་ལ་སྤྲོད་ཅེས་སྨྲས་སོ།།  
\v 18 གཡོག་པོ་གཞན་ཞིག་ཡོང་སྟེ་ན༌རེ། བདག་པོ༌ལགས། ཁྱེད་ཀྱིས་གནང་བའི་རྡོ་ཚད་གཅིག་གིས་རྡོ་ཚད་ལྔའི་ཁེ་སྤོགས་རེག་ཡོད་ཅེས་ཞུས་པ༌དང༌།  
\v 19 ཡང་བདག་པོ་ན༌རེ། ཁྱོད་ལ་ཡང་གྲོང་ཁྱེར་ལྔའི་མངའ་དབང་སྤྲོད་ཅེས་སྨྲས་སོ།།  
\v 20 ཡང་གཡོག་པོ་གཞན་ཞིག་ཡོང་སྟེ་ན༌རེ། བདག་པོ༌ལགས། ངས་ཁྱེད་ཀྱི་རྡོ་ཚད་གཅིག་པོ་དེ་རས་ཀྱིས་བཏུམས་ནས་བདག་གཉེར་བྱས་པས་འདི་རུ་ཡོད༌དེ།  
\v 21 ཁྱེད་རང་ནི་མི་བཙན་པོ་ཞིག་ཡིན་ཞིང་རྒྱུ་ནོར་མ་བཞག་པར་ལེན་པ་དང་མ་བཏབ་ས་ནས་སྟོན་བསྡུ་བས་ང་རང་ཁྱེད་ལ་འཇིགས་ཞེས་ཞུས་པ༌ལ།  
\v 22 ཡང་བདག་པོ་ན༌རེ། གཡོག་པོ་ངན་པ་ཁྱོད་ལ་རང་གི་ཁ་ནས་ཅི་སྨྲས་བཞིན་ཉེས་ཆད་གཅོད་པར༌བྱའོ།། ཁྱོད་ཀྱིས་ང་རང་མི་བཙན་པོ་ཞིག་ཡིན་ཞིང་རྒྱུ་ནོར་མ་བཞག་པར་ལེན་པ་དང་ས་བོན་མ་བཏབ་པར་ལོ་ཏོག་རྔ་བ་ཤེས༌ན།  
\v 23 ཅིའི་ཕྱིར་ངའི་རྡོ་ཚད་གཅིག་པོ་དེ་དངུལ་ཁང་དུ་མ་བཞག༌གམ། ཁྱོད་ཀྱིས་དེ་ལྟར་བྱས་ན་ང་རང་ཕྱིར་སླེབས་པའི་དུས་སུ། མ་རྩ་དང་སྐྱེད་ཀ་གཉིས་བླངས་ཆོག་པ་མ་ཡིན་ནམ་ཞེས་སྨྲས༌ཤིང༌།  
\v 24 ཡང་གནས་དེར་ཡོད་པའི་མི་རྣམས༌ལ། ཁོའི་རྡོ་ཚད་གཅིག་པོ་ཕྱིར་ལོངས༌དང༌། རྡོ་ཚད་བཅུ་ཡོད་པ་ཅན་ལ་བྱིན་ཅིག་ཅེས་སྨྲས་སོ།།  
\v 25 དེ་རྣམས་ན༌རེ། བདག་པོ༌ལགས། མི་དེ་ལ་རྡོ་ཚད་བཅུ་ཡོད་པ་མ་ཡིན་ནམ་ཞེས་ཞུས་པ༌ལ།  
\v 26 ཡང་བདག་པོ་ན༌རེ། ངས་ཁྱོད་ཅག་ལ་སྨྲ་བར༌བྱ་སྟེ། སུ་ཞིག་ལ་ཡོད་པ་དེ་ལ་ད་དུང་ཡང་གནང་ངེས༌ཤིང༌། སུ་ཞིག་ལ་མེད་པ་དེ་ལས་ཉུང་ཙམ་ཡོད་པ་དེ་ཡང་ཕྱིར་ལེན་པར་འགྱུར།  
\v 27 འོན༌ཀྱང༌། ང་རང་ཁོ་རྣམས་ཀྱི་རྒྱལ་པོ་བྱེད་པར་མི་དགའ་བའི་དགྲ་བོ་དེ་རྣམས་འདིར་ཁྲིད་ཤོག༌དང༌། བདག་གི་མདུན་ནས་སོད་ཅིག་སྨྲས་པའོ་ཞེས་གསུངས་སོ།།   
\s1 གཟི་བརྗིད་ཀྱི་ངང་ནས་ཡེ་རུ་སཱ་ལེམ་དུ་ཕེབས༌པ།  
\p
\v 28 སྐྱབས་མགོན་ཡེ་ཤུས་གོང་གི་གསུང་དེ་དག་གནང༌རྗེས། ཡར་ཡེ་རུ་སཱ་ལེམ་དུ་ཆས་པ༌དང༌།  
\v 29 ཁོང་ཉིད་སྐྱུ་རུ་རའི་རི་བོའི་ངོས་སུ་ཡོད་པའི་པེ་ཕཱ་གེ་དང་པེ་ཐན་ཡཱ་ཡུལ་དང་ཉེ་བར་ཕེབས་པའི༌ཚེ། ཁོང་གིས་ཐུགས་སྲས་གཉིས་མངགས༌ཏེ།  
\v 30 ཁྱོད་གཉིས་ཕ་རོལ་གྱི་གྲོང་སྡེ་རུ་སོང༌དང༌། དེའི་ནང་དུ་འགྲོ་སྐབས་སུས་ཀྱང་བཞོན་མ་མྱོང་བའི་བོང་ཕྲུག་ཅིག་བཏགས་ཡོད་པ་མཐོང་ངེས༌ཤིང་། ཁྱོད་གཉིས་ཀྱིས་ཐག་པ་བཀྲོལ་ནས་འདིར་ཁྲིད༌ཤོག  
\v 31 གལ་ཏེ་སུ་ཞིག་གིས་ཅིའི་ཕྱིར་འགྲོལ་བ་ཡིན་ཞེས་ཟེར༌ན། ཁྱོད་གཉིས་ཀྱིས་བོང་ཕྲུག་འདི་གཙོ་བོ་ལ་མཁོ་བ་ཡིན་ཞེས་སྨྲོས་ཤིག་ཅེས་བཀའ་གནང༌ངོ་།།  
\v 32 གྲོང་སྡེའི་ནང་དུ་མངགས་པའི་ཐུགས་སྲས་གཉིས་པོ་ཕར་སོང་བ་དང་ཁོང་གིས་ཇི་ལྟར་གསུངས་པ་བཞིན་དུ་མཐོང༌ཞིང༌།  
\v 33 ཁོ་གཉིས་ཀྱིས་བོང་ཕྲུག་གི་འདོགས་ཐག་འགྲོལ་བཞིན་པའི་སྐབས༌སུ། བོང་ཕྲུག་གི་བདག་པོ་རྣམས་ན༌རེ། ཅིའི་ཕྱིར་བོང་ཕྲུག་འགྲོལ་བ་ཡིན་ཞེས་དྲིས་པ༌ན།  
\v 34 ཁོ་གཉིས་ཀྱིས་བོང་ཕྲུག་འདི་ངེད་ཅག་གི་གཙོ་བོ་ལ་མཁོ་བ་ཡིན་ཞེས་སྨྲས་སོ།།  
\v 35 ཁོ་གཉིས་ཀྱིས་དེ་ཁྲིད་ནས་སྐྱབས་མགོན་ཡེ་ཤུའི་དྲུང་དུ་སླེབས་པ༌དང༌། རང་གི་ཕྱི་གོས་བོང་ཕྲུག་གི་རྒྱབ་ཏུ་བཏིངས་ཤིང་ཁོང་ཉིད་བསྐྱོར་ནས་དེ་ལ་བཅིབས་སུ་བཅུག་པ་རེད།  
\v 36 ཁོང་ཉིད་ཕེབས་པའི་དུས་སུ་མི་རྣམས་ཀྱིས་རང་གི་ཕྱི་གོས་ལམ་ནང་དུ་བཀྲམ་པའོ།།  
\v 37 ཡང་ཁོང་ཉིད་ཡེ་རུ་སཱ་ལེམ་དུ་ཉེ་བར་ཕེབས་པ་དང་སྐྱུ་རུ་རའི་རི་བོ་ལས་མར་འབབ་པའི༌ཚེ། རྗེས་སུ་འབྲང་བའི་མི་ཚོགས་ཀྱིས་ངོ་མཚར་བའི་མཛད་པ་རྣམས་མཐོང་མྱོང༌བས། ཤིན་ཏུ་དགའ་ཞིང་སྐད་ཆེན་པོས་དཀོན་མཆོག་ལ་བསྟོད་པ་འབུལ་བཞིན།  
\v 38 གཙོ་བོའི་མཚན་གྱི་སྒོ་ནས་བྱོན་པའི་རྒྱལ་པོ་ནི་བྱིན་རླབས་ཅན་ཡིན། ནམ་མཁའི་ཞིང་ཁམས་ལ་ཞི་བདེ་དང་། བླ་ན་མེད་པའི་གནས་སུ་གཟི་བརྗིད་ཡོད་པར་གྱུར་ཅིག་ཅེས་ཡང་ཡང་བསྒྲགས་སོ།།  
\v 39 མི་ཚོགས་ཀྱི་ཁྲོད་དུ་ཡོད་པའི་ཕ་རུ་ཤི་པ་འགའ་ཞིག་གིས་སྐྱབས་མགོན་ཡེ་ཤུ༌ལ། སློབ་དཔོན༌ལགས། ཁྱེད་ཀྱིས་རང་གི་རྗེས་འབྲང་པ་རྣམས་ལ་བཀའ་བཀྱོན་གནང་བར་མཛོད་ཅེས་ཞུས་པ༌ལ།  
\v 40 ཁོང་གིས་འདི་སྐད༌དུ། བདག་གིས་ཁྱོད་རྣམས་ལ་སྨྲ་བར༌བྱ་སྟེ། གལ་ཏེ་མི་འདི་རྣམས་ཀྱིས་ཁ་ཅི་ཡང་མི་གྲགས༌ན། རྡོ་འདི་དག་གིས་སྐད་རྒྱག་པར་འགྱུར་ཞེས་གསུངས༌སོ།།   
\p
\v 41 སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དང་ཉེ་བར་ཕེབས་པ༌དང༌། གྲོང་ཁྱེར་དེ་གཟིགས་ནས་ཐུགས་སྐྱོ་བའི་ངང་བཤུམས་ཤིང་གྲོང་ཁྱེར་དེའི་སྐོར་ལ་འདི་སྐད༌དུ།  
\v 42 གལ་སྲིད་དེ་རིང་ཁྱོད་ཀྱིས་ཞི་བདེ་གང་ལ་རག་ལས་པའི་དོན་དེ་ཤེས་ན་ཅི་མ༌རུང་། འོན་ཀྱང་ད་ལྟ་དོན་དེ་སྦས་པ་ཡིན་པས་ཁྱོད་ཀྱིས་མཐོང་བར་མི་འགྱུར།  
\v 43 དུས་ཤིག་སླེབ་ངེས༌ཏེ། ཁྱོད་ཀྱི་དགྲ་བོས་ཕྱོགས་བཞིར་འཐབ་རགས་བརྩིག་ཅིང༌། ཁྱོད་ཀྱི་མཐའ་ནས་བསྐོར་ཏེ་ཕྱོགས་བཞི་ནས་ཁྱོད་ལ་རྒོལ་བར་འགྱུར།  
\v 44 ཁྱོད་ཀྱིས་དཀོན་མཆོག་གི་གཟིགས་སྐྱོང་མཛད་པའི་དུས་དེ་མ་རྟོགས༌པས། ཁྱོད་དང་ཁྱོད་ཀྱི་ར་བའི་ནང་དུ་ཡོད་པའི་བུ་ཕྲུག་རྣམས་རྩ་མེད་དུ་བཏང༌ནས། རྡོ་ཕ་བོང་སྟེང་དུ་རྡོ་གཅིག་ཀྱང་མི་ལུས་པར་བཤིག་པར་འགྱུར་ཞེས་གསུངས༌སོ།།   
\s1 མཆོད་ཁང་གཙང་མར་མཛད༌པ།  
\p
\v 45 སྐྱབས་མགོན་ཡེ་ཤུ་མཆོད་ཁང་ནང་དུ་ཕེབས་ཤིང་གནས་དེར་ཡོད་པའི་ཚོང་པ་རྣམས་སྒོའི་ཕྱི་རུ་ཕུད༌དེ།  
\v 46 འདི་སྐད༌དུ། གསུང་རབ་ཀྱི་མདོ༌ལས། ངའི་མཆོད་ཁང་ནི་སྨོན་ལམ་ཞུ་སའི་གནས་སུ་འགྱུར་ཞེས་བཀོད་ཡོད༌ཀྱང༌། ཁྱོད་ཅག་གིས་འདི་ནི་ཇག་ཚང་ཞིག་ཏུ་བསྒྱུར་འདུག་ཅེས་གསུངས་སོ།།  
\v 47 ཁོང་གིས་ཉིན་རེ་བཞིན་མཆོད་ཁང་ནས་ཆོས་གསུངས། འོན་ཀྱང་མཆོད་དཔོན་ཆེན་པོ་རྣམས་དང་མཁན༌པོ། ཡུལ་མིའི་འགོ་དཔོན་བཅས་ཀྱིས་ཁོང་ཉིད་དགྲོང་འདོད༌ཀྱང༌།  
\v 48 མི་ཐམས་ཅད་ཀྱིས་ཁོང་གི་གསུང་ལ་ཞིབ་ཏུ་ཉན་འདུག༌པས། དེ་དག་གིས་ཐབས་ཅི་ཡང་མ་རྙེད༌དོ།།   
\c 20
\cl ལེའུ་ཉི་ཤུ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐྱབས་མགོན་ཡེ་ཤུའི་དབང་དང་ནུས་མཐུའི༌སྐོར།  
\p
\v 1 ཡང་ཉིན་ཞིག༌ལ། སྐྱབས་མགོན་ཡེ་ཤུས་མཆོད་ཁང་ནང་དུ་མི་ཚོགས་ལ་ཆོས་གསུངས་ཤིང་དཀོན་མཆོག་གི་འཕྲིན་བཟང་སྒྲོག་པའི་དུས༌སུ། མཆོད་དཔོན་ཆེན་པོ་རྣམས་དང་མཁན༌པོ། དཔོན་རིགས་རྒན་པོ་བཅས་མཉམ་དུ་ཁོང་གི་དྲུང་དུ་ཡོང༌སྟེ།  
\v 2 ཁྱོད་ཀྱིས་དབང་གང་ལ་བརྟེན་ནས་དོན་འདི་དག་མཛད་པ་ཡིན༌ནམ། སུ་ཞིག་གིས་ཁྱོད་ལ་དབང་འདི་གནང་བ་ཡིན་པ་ངེད་ཅག་ལ་སྨྲ་བར་མཛོད་ཅེས་ཞུས་པ༌ལ།  
\v 3 ཁོང་གིས་འདི་སྐད༌དུ། བདག་གིས་ཀྱང་ཁྱོད་རྣམས་ལ་དྲི་བ་ཞིག་འདོན༌ཏེ།  
\v 4 ཡོ་ཧ་ནན་གྱི་ཁྲུས་གསོལ་དེ་ནམ་མཁའི་ཞིང་ཁམས་དང་མི་ཡུལ་གཉིས་ཀྱི་གང་ནས་བྱུང་བ་ལ་ལན་ཐོབས་ཤིག་ཅེས་གསུངས་པ༌དང༌།  
\v 5 དེ་རྣམས་ཀྱིས་ཕན་ཚུན་གླེང་མོལ་བྱེད༌བཞིན། གལ་ཏེ་ནམ་མཁའི་ཞིང་ཁམས་ནས་བྱུང་བ་ཡིན་ཞེ༌ན། ཁོས་ཁྱོད་རྣམས་ཅིའི་ཕྱིར་ཡོ་ཧ་ནན་ལ་ཡིད་མ་ཆེས་སམ་ཞེས་སྨྲ་ངེས༌ལ།  
\v 6 ཡང་མི་ཡུལ་ནས་བྱུང་བ་ཡིན་ཞེ༌ན། མི་ཐམས་ཅད་ཡོ་ཧ་ནན་དངོས་གནས་ལུང་སྟོན་པ་ཞིག་ཡིན་པར་ཡིད་ཆེས༌པས། མི་རྣམས་ཀྱིས་བདག་ཅག་རྡོ་རུབ་གཏོང་བར་ངེས་ཞེས་སྨྲས་ཤིང་།  
\v 7 ཁོ་རྣམས་ན༌རེ། ངེད་ཅག་གིས་གང་ནས་བྱུང་བ་མི་ཤེས་ཞེས་ལན་བཏབ་བོ།།  
\v 8 ཡང་སྐྱབས་མགོན་ཡེ་ཤུས་འདི་སྐད༌དུ། དེས་ན་བདག་གིས་ཀྱང་དབང་གང་ལ་བརྟེན་ནས་དོན་འདི་དག་བྱེད་པ་ཁྱོད་ཅག་ལ་སྨྲ་བ་མིན་ཞེས་གསུངས༌སོ།།   
\s1 རྒུན་ཚལ་གླ་མཁན་གྱི༌དཔེ།  
\p
\v 9 སྐྱབས་མགོན་ཡེ་ཤུས་དཔེའི་སྒོ་ནས་མི་རྣམས་ལ་འདི་སྐད༌དུ། དེ་ཡང་མི་ཞིག་གིས་རྒུན་ཚལ་ཞིག་བཙུགས་རྗེས་མི་གཞན་ལ་གླས་ཏེ་ཁོ་རང་ཡུལ་གཞན་དུ་སོང་ནས་ཡུན་རིང་ལ་བསྡད་དོ།།  
\v 10 དུས་ལ་བབས༌ཚེ། ཁོང་གིས་གཡོག་པོ་ཞིག་གླ་མཁན་ཚང་ལ་རྒུན་འབྲུམ་གྱི་འབྲས་བུ་ལེན་དུ་མངགས༌ནའང༌། གླ་མཁན་རྣམས་ཀྱིས་གཡོག་པོ་དེ་ལ་གཅར་རྡུང་བྱས་ནས་ལག་སྟོང་དུ་ཕྱིར་བཏང༌།  
\v 11 ཡང་ཁོང་གིས་གཡོག་པོ་གཞན་ཞིག་མངགས་པ༌ན། གླ་མཁན་རྣམས་ཀྱིས་གཡོག་པོ་དེ་ལའང་གཅར་རྡུང་དང་དམའ་འབེབས་བྱས་ཏེ་ལག་སྟོང་དུ་ཕྱིར་བཏང༌།  
\v 12 ཡང་གཡོག་པོ་གསུམ་པ་དེ་མངགས་པ༌ན། གླ་མཁན་རྣམས་ཀྱིས་དེ་ལའང་གཅར་རྡུང་བྱས་ནས་རྨས་ཏེ་ཕྱི་རུ་བསྐྲད།  
\v 13 རྒུན་འབྲུམ་ར་བའི་བདག་པོ་ན༌རེ། ད་ནི་ཅི༌བྱའམ། བདག་གི་གཅེས་པའི་བུ་དེ་མངགས་ན་གླ་མཁན་རྣམས་ཀྱིས་བཀུར་སྟི་བྱེད་ཀྱང་སྲིད་བསམས༌སོ།།  
\v 14 འོན་ཀྱང་གླ་མཁན་རྣམས་ཀྱིས་བུ་དེ་མཐོང་ནས་ཕན་ཚུན༌ལ། འདི་ནི་ཕ་ཤུལ་འཛིན་མཁན་ཡིན། ནོར་སྐལ་དེ་དག་བདག་ཅག་ལ་འཐོབ་པའི་ཕྱིར། ཁོ་རང་གསོད་པར་བྱའོ་ཞེས་སྨྲས༌ཏེ།  
\v 15 བུ་དེ་རྒུན་འབྲུམ་ར་བའི་ཕྱི་རུ་བཏོན་ནས་བསད་དོ།། དེས་ན་རྒུན་འབྲུམ་ར་བའི་བདག་པོས་དེ་དག་ལ་ཅི་བྱེད་པར་འགྱུར་རམ་ཞེ༌ན།  
\v 16 ཁོང་ཉིད་ཕེབས་ཡོང་ནས་གླ་མཁན་རྣམས་འཇོམས་པར་མཛད༌དེ། རྒུན་འབྲུམ་ར་བ་མི་གཞན་རྣམས་ལ་སྤྲོད་པར་བྱེད་ཅེས་གསུངས་པ༌དང༌། མི་རྣམས་ཀྱིས་གསུང་དེ་ཐོས་ནས་དེ་ལྟར་བྱ་མི་རུང་ཞེས་སྨྲས་པ༌ལ།  
\v 17 སྐྱབས་མགོན་ཡེ་ཤུས་དེ་རྣམས་ལ་གཟིགས་ནས་འདི་སྐད༌དུ། གསུང་རབ་ཀྱི་མདོ་ལས་ཇི་སྐད༌དུ།  
\q1 བཟོ་བ་རྣམས་ཀྱིས་སྤངས་པའི༌རྡོ།།  
\q1 ཁང་པའི་ཟུར་གྱི་རྨང་རྡོ༌ཡིན།།  
\m ཞེས་གསུངས་ཡོད་པའི་དོན་ཅི་ཡིན༌ནམ།  
\v 18 མི་སུ་ཞིག་རྡོ་དེའི་སྟེང་དུ་ལྷུང༌ན། མི་དེ་ནི་དུམ་བུར་འགྱུར། ཡང་རྡོ་དེ་མི་སུ་ཞིག་གི་སྟེང་དུ་ལྷུང༌ན། མི་དེའང་རྡུལ་དུ་བརླག་པར་འགྱུར་ཞེས་གསུངས༌སོ།།   
\s1 ཁྲལ་འཇལ་བའི༌སྐོར།  
\p
\v 19 དེ་ནས་མཁན་པོ་དང་མཆོད་དཔོན་ཆེན་པོ་རྣམས་ཀྱིས་གོང་གི་དཔེ་དེ་ནི་རང་ཉིད་ལ་གསུངས་པ་ཤེས༌ནས། དེ་མ་ཐག་ཏུ་ཁོང་ཉིད་འཛིན་པར་བསམས་ཀྱང་མི་ཚོགས་ལ་འཇིགས༌སོ།།  
\v 20 སྐྱབས་མགོན་ཡེ་ཤུར་ལྐོག་ལྟ་བྱས་ནས་ཁོང་གི་གསུང་ལས་གླགས་བཙལ་ཏེ་སྤྱི་དཔོན་གྱི་ཁྲིམས་དང་དབང་ལ་སྤྲོད༌ཆེད། མི་གཞུང་དྲང་ཡིན་ཁུལ་བྱེད་པའི་མྱུལ་མ་འགའ་ཁོང་གི་དྲུང་དུ་བཏང༌ངོ་།།  
\v 21 དེ་རྣམས་ན༌རེ། སློབ་དཔོན༌ལགས། ཁྱེད་ཀྱིས་གསུངས་པ་དང་བསྟན་པ་ནི་བདེན་པ་ཡིན་ཞིང་མི་ཀུན་ལ་ཕྱོགས་རིས་མེད་པར་དཀོན་མཆོག་གི་ལམ་ཡང་དག་པར་བདེན་པར་སྟོན་པ་ངེད་རྣམས་ཀྱིས་ཤེས་པ་ཡིན།  
\v 22 ད་ལྟ་ངེད་ཅག་གིས་སེ་བཟིར་ལ་ཁྲལ་འཇལ་རུང་ངམ་མི་རུང་ཞེས་ཞུས་པ༌ལ།  
\v 23 ཁོང་གིས་དེ་རྣམས་ཀྱི་གཡོ་སྒྱུ་མཁྱེན་ཏེ་འདི་སྐད༌དུ།  
\v 24 བདག་ལ་དངུལ་སྒོར་ཞིག་སྟོན༌ཅིག དངུལ་སྒོར་སྟེང་གི་རི་མོ་དང་ཡི་གེ་འདི་སུའི་ཡིན་ནམ་ཞེས་དྲིས་པ༌ན། དེ་རྣམས་ཀྱིས་སེ་བཟིར་གྱི་ཡིན་ཞེས་སྨྲས་སོ།།  
\v 25 ཡང་ཁོང་གིས་འདི་སྐད༌དུ། དེས་ན་གང་ཞིག་སེ་བཟིར་གྱི་ཡིན་ན་དེ་ནི་སེ་བཟིར་ལ་ཕུལ༌དང༌། གང་ཞིག་དཀོན་མཆོག་གི་ཡིན་ན་དེ་ནི་དཀོན་མཆོག་ལ་ཕུལ་ཅིག་ཅེས་གསུངས་སོ།།  
\v 26 དེ་རྣམས་ཀྱིས་མི་ཚོགས་ཀྱི་མདུན་ནས་ཁོང་ལ་ལོག་བཤད་བྱེད་དུ་འཇུག་མ་ནུས༌ཤིང༌། ཁོང་གི་བཀའ་ལན་ལ་ངོ་མཚར་བར་གྱུར་པས་ཁ་ཅི་ཡང་མ་གྲགས༌སོ།།   
\s1 སླར་གསོན་པའི་དོན་དང་བཟའ་ཟླའི༌སྐོར།  
\p
\v 27 སླར་གསོན་པའི་དོན་\f + \ft སླར་གསོན་པའི་དོན་ཞེས་པ་ནི་དམ་པའི་གསུང་རབ་ལས་སྐྱབས་མགོན་ཡེ་ཤུ་སྐུ་བཀྲོངས་རྗེས་ཉིན་གསུམ་པ་ལ་སླར་གསོན་ཞིང་ཕྱིར་དཀོན་མཆོག་གི་གཡས་སུ་བཞུགས་པ་ཡིན་ཞེས་འབྱུང༌ལ། ཕྱིས་སུ་སྐྱབས་མགོན་ཡེ་ཤུ་སླར་ཡང་འཇིག་རྟེན་འདིར་འབྱོན་ངེས་ཡིན༌ཏེ། དེའི་དུས་སུ་སྔར་ཤི་ཟིན་པའི་མི་རྣམས་སླར་གསོན་པར་མཛད་ངེས་པས་སྐབས་འདིར་ཡང་དེའི་དོན༌ཡིན། (དམ་པའི་གསུང་རབ་ཀྱི་ཀོ་རིན་ཐུ་པའི་འཕྲིན་ཡིག་དང་པོའི་ལེའུ་བཅོ་ལྔ་པའི་ཚིག་རྐང་བཅུ་གཉིས་ནས་ང་བརྒྱད་བར་དུ༌གསལ།)\f*དེ་མེད་ཟེར་མཁན་སཱ་ཅུ་སེ་པ་རྣམས་ཁོང་གི་དྲུང་དུ་ཡོང་སྟེ་ན༌རེ།  
\v 28 སློབ་དཔོན༌ལགས། མོ་ཤེའི་མདོ༌ལས། གལ་སྲིད་སྐྱེས་པ་ཞིག་ལ་བུ་ཕྲུག་མེད་པར་ཤི་སྟེ་ཆུང་མ་གཅིག་པུར་ལུས༌ན། དེའི་གཅུང་པོས་ཆུང་མ་དེ་བླངས་ནས་གཅེན་པོའི་དོན་དུ་རིགས་རྒྱུད་སྤེལ་དགོས་ཞེས་གསུངས་ཡོད།  
\v 29 སྔོན་ཆད་སྤུན་བདུན་ཡོད་པ་ལས་སྤུན་ཆེ་བས་ཆུང་མ་ཞིག་བླངས་ནས་བུ་ཕྲུག་མེད་པར༌ཤི་བ་དང་།  
\v 30-31 སྤུན་གཉིས་པ་དང་གསུམ་པས་ཀྱང་བུད་མེད་དེ་ཆུང་མར་བླངས་མྱོང་བ༌དང༌། དེ་བཞིན་དུ་སྤུན་བདུན་པོས་དེ་ལྟར་བྱས་ནས་བུ་ཕྲུག་མ་བྱུང་བར༌ཚང་མ་ཤི་བ་རེད།  
\v 32 མཇུག་མཐར་བུད་མེད་དེའང༌ཤིའོ།།  
\v 33 དེས་ན་གཤིན་པོ་རྣམས་སླར་གསོན་པར་འགྱུར་བའི་དུས་དེ་སླེབས༌ཚེ། སྤུན་བདུན་པོས་བུད་མེད་དེ་ཆུང་མར་བླངས་མྱོང་བས་ཁོ་མོ་ནི་སྤུན་བདུན་ལས་སུ་ཞིག་གི་ཆུང་མ་ཡིན་ནམ་ཞེས་དྲིས་པ༌ན།  
\v 34 སྐྱབས་མགོན་ཡེ་ཤུས་འདི་སྐད༌དུ། བསྐལ་པ་འདི་ལ་གཏོགས་པའི་མི་རྣམས་ཀྱིས་བག་མ་ཕར་བསྐྱལ་ཚུར་ལེན་བྱེད༌ཀྱང༌།  
\v 35 བསྐལ་པ་འབྱུང་འགྱུར་འཐོབ་པ་དང་གཤིན་པོ་སླར་གསོན་པར་འོས་པ་རྣམས་ཀྱིས་བག་མ་ཕར་བསྐྱལ་ཚུར་ལེན་མི་བྱེད།  
\v 36 རྒྱུ་མཚན་ནི་དེ་རྣམས་ལ་ནམ་ཡང་འཆི་བ་མེད་པར་ཕོ་ཉ་རྣམས་དང་མཚུངས༌ཤིང༌། སླར་གསོན་པ་རྣམས་ཡིན་པས་དཀོན་མཆོག་གི་བུ་ཕྲུག་ཏུ་འགྱུར་བའི་ཕྱིར༌རོ།།  
\v 37 འོན་ཀྱང་གཤིན་པོ་རྣམས་སླར་གསོན་ངེས་པའི་སྐོར༌ལ། མོ་ཤེ་ཡིས་ཚེར་སྡོང་གི་སྐོར་བཀོད་པའི་མདོ་ལས། གཙོ་བོ་ལ་ཨབ་ར་ཧམ་གྱི་དཀོན་མཆོག༌དང༌། ཨི་སཱག་གི་དཀོན༌མཆོག ཡ་ཀོབ་ཀྱི་དཀོན་མཆོག་ཅེས་གསོལ་བ་ལས་གསལ་པོར་བསྟན་པ་ཡིན།  
\v 38 དཀོན་མཆོག་ནི་གཤིན་པོ་རྣམས་ཀྱི་དཀོན་མཆོག་མ་ཡིན༌པར། གསོན་པོ་རྣམས་ཀྱི་དཀོན་མཆོག་ཡིན༌ཏེ། ཁོང་གི་དྲུང་དུ་མི་ཐམས་ཅད་གསོན་པོ་ཡིན་པའི་ཕྱིར་རོ་ཞེས་གསུངས་སོ།།  
\v 39 ཡང་མཁན་པོ་འགའ་ཞིག་ན༌རེ། སློབ་དཔོན༌ལགས། ཁྱེད་ཀྱིས་ལེགས་པར་གསུངས་པ་ཡིན་ཞེས་ཞུས༌ཤིང༌།  
\v 40 ཕྱིས་སུ་དེ་རྣམས་ཀྱིས་ཁོང་ལ་དྲི་བ་ཅི་ཡང་ཞུ་མ་ཕོད༌དོ།།   
\s1 རྒྱལ་པོ་དཱ་བིད་ཀྱི་རིགས་སྲས༌སྐོར།  
\p
\v 41 སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། མཱ་ཤི་ཀ་ནི་ཇི་ལྟར་དཱ་བིད་ཀྱི་རིགས་སྲས་ཡིན་པར་སྨྲའམ།  
\v 42 དཱ་བིད་ཀྱིས་གསུང་མགུར་གྱི་མདོ་ལས་ཇི་སྐད༌དུ།  
\q1 དཀོན་མཆོག་གིས་ནི་ང་ཡི་གཙོ་བོ༌ལ།།   
\q1
\v 43 བདག་གིས་ཁྱོད་ཀྱི་བསྟན་དགྲ་ཐམས་ཅད༌ཀུན།།  
\q1 ཁྱོད་ཀྱི་ཞབས་ཀྱི་སྟེགས་སུ་བསྒྱུར་བའི༌བར།།  
\q1 བདག་གི་གཡས་སུ་བཞུགས་ཤིང་སྒུག་པར༌བྱའོ།།  
\m ཞེས་གསུངས་པ༌དང༌།  
\v 44 དཱ་བིད་ཀྱིས་ཁོང་ལ་གཙོ་བོ་ཞེས་ཞུས༌ན། ཁོང་ནི་དཱ་བིད་ཀྱི་རིགས་སྲས་སུ་ཇི་ལྟར་གྱུར་པ་ཡིན་ནམ་ཞེས་གསུངས༌སོ།།   
\p
\v 45 མི་ཐམས་ཅད་ཀྱིས་སྐྱབས་མགོན་ཡེ་ཤུའི་གསུང་ལ་ཉན་བཞིན་པའི་དུས༌སུ། ཁོང་གིས་ཐུགས་སྲས་རྣམས་ལ་འདི་སྐད༌དུ།  
\v 46 མཁན་པོ་རྣམས་ལ་དོགས་པར༌གྱིས། དེ་རྣམས་ཀྱིས་ལྭ་རིང་པོ་གྱོན་ཏེ་ཕར་འགྲོ་ཚུར་འོང་བྱེད་པ༌དང༌། ཁྲོམ་སྲང་ནས་མི་རྣམས་ཀྱི་བསྙེན་བཀུར་འཐོབ་པར་དགའ་ཞིང་། ཆོས་ཁང་དང་གསོལ་སྟོན་དུ་གྲལ་མགོ་ནས་སྡོད་པར་མོས་པ་ཡིན།  
\v 47 མི་དེ་རྣམས་ཀྱིས་ཡུགས་མོ་རྣམས་ཀྱི་ཁང་པ་དང་བཅས་པའི་རྒྱུ་རྫས་ཧམ་བཟུང་བྱེད་ཅིང་སྨོན་ལམ་རིང་པོ་འདེབས་ཁུལ་བྱེད༌པས། མི་དེ་དག་ལ་ལྷག་ཏུ་ཉེས་ཆད་ལྕི་མོ་འཕོག་པར་འགྱུར་ཞེས་གསུངས༌སོ།།   
\c 21
\cl ལེའུ་ཉེར་གཅིག༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 ཡུགས་མོ་དབུལ་པོ་ཞིག་གི་འབུལ༌བ།  
\p
\v 1 སྐྱབས་མགོན་ཡེ་ཤུས་དབུ་ཡར་དགྱེ་ནས་གཟིགས་པ༌ན། ཕྱུག་བདག་རྣམས་ཀྱིས་མཆོད་ཁང་གི་དཀོར་མཛོད་ནང་དུ་ཞལ་འདེབས་འབུལ་བཞིན་པ་མཐོང༌ཞིང༌།  
\v 2 ཡུགས་མོ་དབུལ་པོ་ཞིག་གིས་ཀྱང་ཟངས་ཀྱི་དོང་ཙེ་ཆུང་ངུ་གཉིས་ཕུལ་བ་གཟིགས་ཏེ་འདི་སྐད༌དུ།  
\v 3 བདག་གིས་ཁྱོད་རྣམས་ལ་བདེན་པར༌སྨྲ་སྟེ། དངུལ་འབུལ་མཁན་ཐམས་ཅད་ལས་ཡུགས་མོ་དབུལ་པོ་འདིས་ཕུལ་བ་མང༌སྟེ།  
\v 4 ཁོ་རྣམས་ཀྱིས་རྒྱུ་ནོར་ལྷག་མ་མང་པོ་ཡོད་པ་ལས་ཕུལ་བ༌ཡིན་ཞིང༌། ཁོ་མོས་རང་ལ་མི་འདང་ཡང་སྲོག་འཚོ་བར་མཁོ་བ་ཐམས་ཅད་ཕུལ་བ་ཡིན་ཞེས་གསུངས༌སོ།།   
\s1 དུས་ཀྱི་མཐའ་མའི་སྐོར་གྱི་ལུང༌བསྟན།  
\p
\v 5 མི་འགའ་ཞིག་གིས་མཆོད་ཁང་དེ་ནི་རྡོ་ཕ་བོང་ཡིད་དུ་འོང་བ་དང་རིན་པོ་ཆེའི་ཞལ་འདེབས་དག་གིས་བརྒྱན་འདུག་ཨང་ཞེས་གླེང་བ༌དང༌།  
\v 6 སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་མཐོང་བ་ཐམས་ཅད་ནི་མ་འོངས་པའི་དུས་དེ་སླེབས༌ཚེ། རྡོ་ཕ་བོང་སྟེང་དུ་རྡོ་གཅིག་ཀྱང་མི་ལུས་པར་ཐམས་ཅད་བཤིག་པར་འགྱུར་ཞེས་གསུངས་སོ།།  
\v 7 ཁོ་རྣམས་ན༌རེ། སློབ་དཔོན༌ལགས། དོན་འདི་རྣམས་དུས་ནམ་ཞིག་ལ་འབྱུང་ཞིང་དོན་འདི་རྣམས་འབྱུང་བའི་དུས་སུ་རྟགས་ཅི་ཞིག་ཡོད་དམ་ཞེས་ཞུས་པ༌ན།  
\v 8 ཡང་ཁོང་གིས་འདི་སྐད༌དུ། སུ་ཞིག་གིས་ཀྱང་ཁྱོད་ཅག་མི་བསླུ་བའི་ཆེད་དུ་དོགས་པར༌གྱིས། རྒྱུ་མཚན་ནི་མི་མང་པོས་བདག་གི་མིང་དུ་རྫུ་བཞིན་ཡོང་སྟེ། ང་རང་ནི་སྐྱབས་མགོན་མཱ་ཤི་ཀ་ཡིན་ཟེར་བ་དང་དུས་དེ་སླེབས་ལ་ཉེའོ་ཟེར་ངེས་ཤིང་། ཁྱོད་རྣམས་དེ་རིགས་ཀྱི་རྗེས་སུ་འགྲོ་བར་མི༌བྱའོ།།  
\v 9 ཡང་ཁྱོད་ཅག་གིས་དམག་འཁྲུག་དང་ཟིང་ཆ་ལངས་པའི་གཏམ་ཐོས་པའི་སྐབས་སུ་འཇིགས་མི་དགོས༌ཏེ། དོན་འདི་རྣམས་སྔོན་ལ་འབྱུང་ངེས་ཀྱང་མཐའ་མའི་དུས་དེ་མ་ཐག་ཏུ་སླེབས་པ་མ་ཡིན་པའི་ཕྱིར་རོ་ཞེས་གསུངས༌སོ།།   
\p
\v 10 ཡང་སྐྱབས་མགོན་ཡེ་ཤུས་ཁོ་རྣམས་ལ་འདི་སྐད༌དུ། དེའི་དུས་སུ་མི་རིགས་དང་མི་རིགས་འཁྲུག་ཅིང་རྒྱལ་ཁབ་དང་རྒྱལ་ཁབ་འཁྲུག་པར་འགྱུར་བ༌དང༌།  
\v 11 ས་འགུལ་ཆེན་པོ་འབྱུང་བ༌དང༌། ས་ཆ་མང་པོར་མུ་གེ་དང་ནད་ཡམས་སྣ་ཚོགས་འབྱུང༌ཞིང༌། ནམ་མཁའ་ནས་ཀྱང་ལྟས་ངོ་མཚར་ཅན་དང་འཇིགས་སུ་རུང་བ་སྣ་ཚོགས་འབྱུང་བར་འགྱུར།  
\v 12 འོན་ཀྱང་དོན་འདི་ཐམས་ཅད་མ་བྱུང་བའི་སྔོན༌ལ། ངའི་མིང་གི་རྐྱེན་གྱིས་ཁྱོད་རྣམས་འཛིན་པར་འགྱུར༌ཏེ། འཚེ་བར་བྱེད་ཅིང་ཆོས་ཁང་ལ་སྤྲོད་པ་དང་བཙོན་ཁང་དུའང་འཇུག་པར་བྱེད། ཡང་ཁྱོད་རྣམས་རྒྱལ་པོ་དང་སྤྱི་དཔོན་རྣམས་ཀྱི་དྲུང་དུ་འཁྲིད་པར་འགྱུར༌ཡང༌།  
\v 13 མཇུག་མཐར་དོན་འདི་རྣམས་ཁྱོད་ཅག་གིས་བདེན་དཔང་བྱེད་པའི་མཐུན་རྐྱེན་དུ་འགྱུར།  
\v 14 དེ་བས་ཁྱོད་རྣམས་ཀྱིས་སྔོན་ལ་ཅི་ལྟར་ལན་འདེབས་པར་བསམ་བློ་མི་གཏོང་བར་སེམས་ཐག་ཆོད༌ཅིག  
\v 15 རྒྱུ་མཚན་ནི་བདག་གིས་ཁྱོད་རྣམས་ལ་ཁ་ལྕེ་དང་ཤེས་རབ་གནང་ངེས་ཡིན༌པས། དགྲ་བོ་སུས་ཀྱང་ཁྱོད་རྣམས་ལ་རྒོལ་བའམ་དགག་པར་བྱ་མི་ནུས་སོ།།  
\v 16 ཐ་ན་ཁྱོད་རྣམས་ཀྱི་ཕ་མ༌དང༌སྤུན་མཆེད། གཉེན༌ཉེ། གྲོགས་པོ་དག་གིས་ཀྱང་ཁྱོད་རྣམས་དགྲའི་ལག་ཏུ་སྤྲོད་ཅིང་ཁྱོད་རྣམས་ལས་འགའ་ཞིག་གསོད་པར་འགྱུར།  
\v 17 གཞན་ཡང་ངའི་མིང་གི་རྐྱེན་གྱིས་མི་ཐམས་ཅད་ཁྱོད་ཅག་ལ་སྡང་བར་འགྱུར།  
\v 18 འོན་ཀྱང་ཁྱོད་རྣམས་ཀྱི་སྐྲའི་ཉག་མ་གཅིག་ཀྱང་འཇིག་པར་མི་འགྱུར།  
\v 19 ཁྱོད་ཅག་གི་བཟོད་བསྲན་གྱིས་ཀྱང་ཁྱོད་རྣམས་ཀྱི་སྲོག་སྐྱོབ་པར་ངེས་ཞེས་གསུངས༌སོ།།   
\s1 ཡེ་རུ་སཱ་ལེམ་མེད་པར་འགྱུར་བའི་ལུང་བསྟན།  
\p
\v 20 ཡང་འདི་སྐད༌དུ། དེ་ཡང་དགྲའི་དམག་དཔུང་གིས་ཡེ་རུ་སཱ་ལེམ་གྱི་ཕྱོགས་བཞི་ནས་བསྐོར་བ་ཁྱོད་རྣམས་ཀྱིས་མཐོང་བའི༌ཚེ། གྲོང་ཁྱེར་དེ་འཇིག་པའི་དུས་ལ་སླེབས་པར་ཉེ་བའང་ཤེས་པར༌གྱིས།  
\v 21 དེའི་དུས༌སུ། ཡ་ཧུ་དཱའི་ཡུལ་དུ་ཡོད་པའི་མི་རྣམས་རི་ལ་འབྲོ་བར་གྱིས། གྲོང་ཁྱེར་དེའི་ནང་དུ་ཡོད་པ་རྣམས་ཕྱིར་འབུད་དགོས་པ༌དང༌། གྲོང་སྡེའི་ནང་དུ་ཡོད་པ་རྣམས་ཀྱང་གྲོང་ཁྱེར་དེར་འགྲོ་བར་མི༌བྱའོ།།  
\v 22 རྒྱུ་མཚན་ནི་དུས་དེ་ནི་ལན་འཇལ་བའི་ཉིན་མོ་དག་ཡིན༌ཏེ། དཀོན་མཆོག་གི་མདོ་ལས་གསུངས་པ་བཞིན་ཐམས་ཅད་འགྲུབ་པར་འགྱུར་བའི་ཕྱིར༌ཡིན།  
\v 23 ཡང་ཉིན་དེ་དག་གི་རིང༌ལ། ས་གཞི་ལ་སྡུག་བསྔལ་ཆེན་པོ་འབྱུང་ཞིང་། དཀོན་མཆོག་ཀྱང་མི་རིགས་འདི་ལ་ཐུགས་ཁྲོ་བར་འགྱུར༌བས། བུད་མེད་སྦྲུམ་མ་དང་ཕྲུ་གུར་ནུ་མ་སྣུན་མཁན་རྣམས་སྙིང་རེ་རྗེ༌ཨང༌།  
\v 24 ཡ་ཧུ་དཱ་པ་མང་པོ་ཞིག་རལ་གྲིའི་ཁ་ནས་གསོད་པར་འགྱུར་བ༌དང༌། གཞན་རྣམས་བཟུང་སྟེ་རྒྱལ་ཁབ་སོ་སོར་བཙན་ཁྲིད་བྱས་ནས་འཐོར་བར་འགྱུར། ཕྱི་ཕྱོགས་པ་རྣམས་ཀྱི་དུས་ཚང་བའི་བར་དུ། ཕྱི་ཕྱོགས་པ་རྣམས་ཀྱིས་ཡེ་རུ་སཱ་ལེམ་ཡང་བརྫི་བར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་ཕེབས་ཡོང་བའི་སྐོར།  
\p
\v 25 ཡང་འདི་སྐད༌དུ། དེ་ཡང་ཉི་ཟླ་སྐར་གསུམ་ལས་ལྟས་ངོ་མཚར་ཅན་རྣམས་འབྱུང༌ཞིང༌། རྒྱ་མཚོའི་རྦ་རླབས་འཕྱུར་བའི་སྒྲ་ཆེན་པོ་ཐོས་པ༌ལས། ས་གཞིའི་སྟེང་གི་མི་རིགས་ཐམས་ཅད་ལ་དཀའ་སྡུག་བྱུང་སྟེ་ཅི་བྱ་གཏོལ་མེད་དུ་འགྱུར།  
\v 26 བར་སྣང་ཁམས་ཀྱི་དབང་ཐམས་ཅད་ཀྱང་གཡོ་བར་འགྱུར༌བས། མི་རྣམས་ཀྱིས་འཇིག་རྟེན་ཁམས་ལ་ཅི་འབྱུང་བར་འགྱུར་བ་བསམས་ཚེ་འཇིགས་ཤིང་སྐྲག་ནས་དབང་བོ་འཆོར་བར་འགྱུར།  
\v 27 དེའི་དུས༌སུ། མི་དེ་རྣམས་ཀྱིས་མིའི་བུ་ཁོང་ཉིད་ནུས་མཐུ་དང་གཟི་བརྗིད་ཆེན་པོའི་ངང་སྤྲིན་གྱི་བང་རིམ་ནས་འབྱོན་པ་མཐོང་བར་འགྱུར་རོ།།  
\v 28 དོན་འདི་རྣམས་འབྱུང༌བའི་ཚེ། ཁྱོད་རྣམས་ལ་ཐར་པའི་དུས་སླེབས་ལ་ཉེ་བ་ཡིན་པས་ཁྱོད་རྣམས་འགྲེངས་ནས་མགོ་བོ་ཡར་འདེགས་དགོས་ཞེས་གསུངས༌སོ།།   
\s1 བསེ་ཡབ་ཤིང་གི་བསླབ་བྱ།  
\p
\v 29 ཡང་སྐྱབས་མགོན་ཡེ་ཤུས་ཁོ་རྣམས་ལ་དཔེའི་སྒོ་ནས་འདི་སྐད༌དུ། ཁྱོད་རྣམས་ཀྱིས་བསེ་ཡབ་ཤིང་དང་ལྗོན་ཤིང་སྣ་ཚོགས་ལ་ལྟོས༌དང༌།  
\v 30 དེ་དག་ལ་མྱུ་གུ་འབུས་པ་མཐོང་ཚེ་དབྱར་ཁའི་དུས་ལ་ཉེ་བ་རང་ཤུགས་ཀྱིས་ཤེས༌ཡོང་།  
\v 31 དེ་བཞིན་དུ་ཁྱོད་ཅག་གིས་ཀྱང་དོན་འདི་རྣམས་འབྱུང་བ་མཐོང༌བའི་ཚེ། དཀོན་མཆོག་གི་རྒྱལ་སྲིད་དང་ཉེ་བར་སླེབས་པའང་ཤེས་པར༌གྱིས།  
\v 32 བདག་གིས་ཁྱོད་ཅག་ལ་བདེན་པར་སྨྲ༌སྟེ། མི་རབས་འདི་ད་དུང་མ་འདས་པའི་སྔོན་ལ་དོན་འདི་ཐམས་ཅད་འབྱུང་བར་འགྱུར།  
\v 33 གནམ་ས་གཉིས་ནི་འཇིག་སྲིད་ཀྱང་བདག་གི་བཀའ་རྣམས་འཇིག་པར་མི་འགྱུར་ཞེས་གསུངས༌སོ།།   
\s1 ཕྱིར་ཕེབས་པར་བློ་གཟུ་བོར་གནས་དགོས་པ།  
\p
\v 34 ཡང་འདི་སྐད༌དུ། ཟས་ཆང་ལ་རྔམ་པ་དང་ཚེ་འདིའི་སེམས་ཁུར་སྣ་ཚོགས་ཀྱི་དབང་གིས་ཁྱོད་ཅག་གི་སེམས་མི་སྒྲིབ་པའི་ཆེད་དུ་བློ་གཟུ་བོར་གནས་པར༌གྱིས། དེ་ལྟར་མ་བྱས༌ཚེ། ཉིན་མོ་དེས་ཞགས་པས་བཟུང་བ་ལྟར་གློ་བུར་ཉིད་ལ་ཁྱོད་ཅག་འཛིན་པར་བྱེད།  
\v 35 རྒྱུ་མཚན་ནི་ཉིན་མོ་དེ་ནི་ས་གཞི་ཡོངས་སུ་གནས་པའི་མི་ཐམས་ཅད་ཀྱི་སྟེང་ལ་སླེབ་པར་འགྱུར་བའི་ཕྱིར༌ཡིན།  
\v 36 དེ་བས་ཁྱོད་རྣམས་ཀྱིས་དུས་རྟག་ཏུ་དོགས་ཟོན་བྱོས་དང་། འབྱུང་འགྱུར་གྱི་དོན་དེ་ཐམས་ཅད་ལས་ཐར༌ཞིང་མིའི་བུ་ཡི་དྲུང་དུ་ཚུགས་ནུས་པའི་ཆེད༌དུ། ནམ་རྒྱུན་གསོལ་བ་ཐོབས་ཤིག་ཅེས་གསུངས༌སོ།།   
\p
\v 37 ཡང་སྐྱབས་མགོན་ཡེ་ཤུས་ཉིན་རེ་བཞིན་མཆོད་ཁང་ནང་དུ་མི་རྣམས་ལ་ཆོས་གསུངས༌ཤིང༌། ཞག་མ་རེ་རེར་ཕྱི་རོལ་ཏུ་ཕེབས་ནས་སྐྱུ་རུ་རའི་རི་བོ་ལ་བཞུགས་པ་རེད།  
\v 38 ཡང་ནམ་ལངས་མ་ཐག་མི་ཐམས་ཅད་མཆོད་ཁང་ནང་དུ་ཁོང་གི་དྲུང་དུ་ཡོང་ནས་ཆོས་ལ་མཉན༌ཏོ།།   
\c 22
\cl ལེའུ་ཉེར་གཉིས༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 ངོ་ལོག་པ་ཡུ་དཱའི༌སྐོར།  
\p
\v 1 སྐྱུར་མེད་བག་ལེབ་ཀྱི་དུས་ཆེན་ཏེ་པེ་སག་གི་དུས་ཆེན་ཟེར་བ་སླེབས་ལ་ཉེ་བའི་དུས༌སུ།  
\v 2 མཆོད་དཔོན་ཆེན་པོ་དག་དང་མཁན་པོ་རྣམས་མི་སེར་ལ་འཇིགས་ཏེ་སྐྱབས་མགོན་ཡེ་ཤུ་ཇི་ལྟར་དགྲོང་བར་བྱེད་པའི་ཐབས་བཙལ༌ཏོ།།   
\p
\v 3 བདུད་སཱ་ཏན་ཐུགས་སྲས་བཅུ་གཉིས་ལས་ཨི་སི་ཀར་རེའི་ཡུ་དཱའི་སེམས་ནང་དུ་ཞུགས༌ཏེ།  
\v 4 མཆོད་དཔོན་ཆེན་པོ་རྣམས་དང་མཆོད་ཁང་སྲུང་བའི་དམག་དཔོན་རྣམས་ཀྱི་དྲུང་དུ་སོང་ནས་སྐྱབས་མགོན་ཡེ་ཤུ་ཇི་ལྟར་དེ་དག་ལ་སྤྲོད་པར་གྲོས་བྱས།  
\v 5 དེ་དག་ཤིན་ཏུ་དགའ་ནས་ཡུ་དཱ་ལ་དངུལ་སྟེར་བར་ཡིད་འཐད་བྱུང་།  
\v 6 ཡུ་དཱས་ཀྱང་ཁས་བླངས་ནས་མི་ཚོགས་མེད་པའི་དུས་སུ་སྐྱབས་མགོན་ཡེ་ཤུ་དེ་དག་གི་ལག་ཏུ་ཇི་ལྟར་སྤྲོད་པའི་གོ་སྐབས་བཙལ༌ཏོ།།   
\s1 གཙོ་བོ་ཡེ་ཤུའི་རྗེས་དྲན་གྱི་ཞལ་ཟས།  
\p
\v 7 པེ་སག་གི་ལུ་གུ་བཤའ་དགོས་པའི་སྐྱུར་མེད་བག་ལེབ་དུས་ཆེན་གྱི་ཉིན་མོ་དེ་སླེབས་པ༌དང༌།  
\v 8 སྐྱབས་མགོན་ཡེ་ཤུས་པེ་ཏྲོ་དང་ཡོ་ཧ་ནན་གཉིས་མངགས༌ཏེ། བདག་ཅག་གིས་པེ་སག་གི་གསོལ་སྟོན་རོལ་ཕྱིར་ཁྱོད་གཉིས་སྟ་གོན་བྱེད་དུ་སོང་ཞེས་བཀའ་གནང་ངོ༌།།  
\v 9 དེ་གཉིས་ན༌རེ། ངེད་གཉིས་ཀྱིས་གནས་གང་དུ་སྟ་གོན་བྱེད་དགོངས་སམ་ཞེས་ཞུས་པ༌ན།  
\v 10 ཡང་ཁོང་གིས་འདི་སྐད༌དུ། ཁྱོད་གཉིས་གྲོང་ཁྱེར་ནང་དུ་སླེབས༌རྗེས། དེ་རུ་ཆུ་བུམ་འཁྱེར་བའི་སྐྱེས་པ་ཞིག་ཚུར་ཡོང་བར་འགྱུར་ཞིང་དེའི་རྗེས་སུ་འབྲངས་ནས་ཁྱིམ་དེར་སོང༌སྟེ།  
\v 11 ཁྱིམ་དེའི་བདག་པོ༌ལ། སློབ་དཔོན་གྱིས་ཁྱོད་ལ་འདི་སྐད་གསུངས་ཏེ། ང་དང་ཐུགས་སྲས་རྣམས་ཀྱིས་མཉམ་དུ་པེ་སག་གི་ཞལ་ཟས་བཞེས་སའི་འགྲུལ་ཁང་དེ་གང་དུ་ཡོད་ཅེས་ཤོད༌ཅིག  
\v 12 དེས་ཀྱང་ཁྱོད་གཉིས་ལ་ཅ་ལག་ཁ་ཚང་ཡོད་པའི་ཐོག་ཁང་ཆེན་པོ་ཞིག་སྟོན༌སྲིད། ཁྱོད་གཉིས་ཀྱིས་གནས་དེ་རུ་སྟ་གོན་བྱོས་ཤིག་ཅེས་གསུངས༌ཤིང༌།  
\v 13 ཐུགས་སྲས་གཉིས་པོ་སོང་སྟེ་ཁོང་གིས་གསུངས་པ་བཞིན་མཐོང་ཞིང་གནས་དེ་རུ་པེ་སག་གི་གསོལ་སྟོན་བཤམས༌སོ།།   
\p
\v 14 དུས་དེ་ལ་སླེབས༌པའི་ཚེ། སྐྱབས་མགོན་ཡེ་ཤུ་དང་སྐུ་ཚབ་པ་རྣམས་མཉམ་དུ་གནས་དེར་གྲལ་ལ་བཞུགས༌ཤིང༌།  
\v 15 ཁོང་གིས་འདི་སྐད༌དུ། ངས་སྡུག་བསྔལ་མ་མྱང་བའི་སྔོན་ལ་ཁྱོད་ཅག་དང་ལྷན་དུ་པེ་སག་གི་གསོལ་སྟོན་འདི་ལོངས་སུ་སྤྱོད་འདོད་ཤིན་ཏུ༌ཆེ།  
\v 16 བདག་གིས་ཁྱོད་རྣམས་ལ་སྨྲ་བར་བྱ༌སྟེ། དཀོན་མཆོག་གི་རྒྱལ་སྲིད་ནས་པེ་སག་གི་གསོལ་སྟོན་གྱི་དོན་དེ་འགྲུབ་རག་བར་དུ་ངས་གསོལ་སྟོན་འདི་ལོངས་སུ་མི་སྤྱོད་ཅེས་གསུངས་སོ།།  
\v 17 ཁོང་གིས་ཕོར་བ་ཕྱག་ཏུ་བསྣམས་ཏེ་བཀའ་དྲིན་ཞུས་རྗེས་འདི་སྐད༌དུ། ཁྱོད་རྣམས་ཀྱིས་ཕོར་བ་འདི་ལོངས་ལ་བགོས་ཏེ་ཐུངས༌ཤིག  
\v 18 བདག་གིས་ཁྱོད་རྣམས་ལ་སྨྲ་བར་བྱ༌སྟེ། ད་ནས་བཟུང་། དཀོན་མཆོག་གི་རྒྱལ་སྲིད་སླེབས་རག་བར༌དུ། ངས་རྒུན་འབྲུམ་གྱི་ཁུ་བ་འདི་འཐུང་བ་མིན་ཞེས་གསུངས༌ཤིང༌།  
\v 19 ཡང་ཁོང་གིས་ཕྱག་ཏུ་བག་ལེབ་བསྣམས་ཤིང་བཀའ་དྲིན་ཞུས་རྗེས་དུམ་བུར་བགོས་ནས་ཐུགས་སྲས་རྣམས་ལ་གནང་སྟེ་འདི་སྐད༌དུ། འདི་ནི་བདག་གི་ལུས་པོ་ཡིན་ཏེ་ཁྱོད་རྣམས་ཀྱི་ཆེད་དུ་སྦྱིན་པ༌ཡིན། ང་རང་རྗེས་སུ་དྲན་པའི་ཕྱིར་ཁྱོད་རྣམས་ཀྱིས་ཀྱང་འདི་ལྟར་བྱོས་ཤིག་ཅེས་གསུངས་སོ།།  
\v 20 ཡང་ཞལ་ཟས་བཞེས་ཚར་རྗེས་ཁོང་གིས་སྔར་བཞིན་ཕོར་བ་ཕྱག་ཏུ་བསྣམས་ཏེ་འདི་སྐད༌དུ། ཕོར་བ་འདི་ནི་བདག་གི་ཁྲག་གིས་བཞག་པའི་ཞལ་ཆད་གསར་པ་ཡིན་ཞིང་ཁྱོད་རྣམས་ཀྱི་དོན་དུ་བཞུར༌བ་ཡིན།  
\v 21 ལྟོས༌དང༌། བདག་ལ་ངོ་ལོག་བྱེད་མཁན་གྱི་ལག་པ་དེའང་ང་རང་དང་མཉམ་དུ་ཅོག་ཙེའི་སྟེང་དུ་མཆིས།  
\v 22 མིའི་བུ་ནི་སྔར་ཐག་གིས་བཅད་པ་བཞིན་གཤེགས་དགོས༌ཀྱང༌། མིའི་བུ་ལ་ངོ་ལོག་བྱེད་མཁན་དེར་ཆག་སྒོ་འབྱུང་བར་ངེས་ཞེས་གསུངས་སོ།།  
\v 23 ཐུགས་སྲས་རྣམས་ཀྱིས་ཕན་ཚུན་ལ་སུ་ཞིག་གིས་དོན་འདི་བྱེད་པར་འགྱུར་རམ་ཞེས་དྲིས༌སོ།།   
\p
\v 24 དེ་ནས་ཐུགས་སྲས་རྣམས་ལས་སུ་ཞིག་མཆོག་ཏུ་གྱུར་པ་ཡིན་པར་རྩོད་གླེང་བྱུང་བ༌དང༌།  
\v 25 སྐྱབས་མགོན་ཡེ་ཤུས་འདི་སྐད༌དུ། ཕྱི་ཕྱོགས་ཀྱི་རྒྱལ་པོ་དག་གིས་མི་དེ་རྣམས་ལ་དབང་བྱེད༌དེ། དབང་སྒྱུར་མཁན་རྣམས་ལ་བཀའ་དྲིན་ཅན་ཟེར༌ཡང༌།  
\v 26 ཁྱོད་རྣམས་ཀྱིས་དེ་ལྟར་བྱ་མི་རུང༌སྟེ། ཁྱོད་རྣམས་ལས་སུ་ཞིག་ཆེ་ཤོས་ཡིན་པ་དེ་ལོ་ན་ཆུང་ཤོས་དང་འདྲ༌ཞིང༌། སུ་ཞིག་འགོ་དཔོན་ཡིན་པ་དེ་ཞབས་ཕྱི་བྱེད་མཁན་དང་འདྲ་བར་གྱུར༌ཅིག  
\v 27 གསོལ་བ་བཞེས་མཁན་དང་ཞབས་ཕྱི་བྱེད་མཁན་གཉིས་ལས་གང་ཞིག༌ཆེའམ། དོན་དམ་དུ་གསོལ་བ་བཞེས་མཁན་དེ་ཆེ་བ་མ་ཡིན༌ནམ། འོན༌ཀྱང༌། ང་རང་ནི་ཁྱོད་རྣམས་ཀྱི་ཁྲོད་དུ་ཞབས་ཕྱི་བྱེད་མཁན་ཞིག་དང༌འདྲ་བ་ཡིན།  
\v 28 བདག་ལ་དཀའ་སྡུག་བྱུང་བའི་དུས༌སུ། ཁྱོད་རྣམས་རྒྱུན་དུ་བདག་དང་ལྷན་དུ་བསྡད༌པས།  
\v 29 བདག་གི་ཡབ་ཀྱིས་ང་ལ་རྒྱལ་སྲིད་སྤྲད་པ་ལྟར་བདག་གིས་ཀྱང་ཁྱོད་རྣམས་ལ་སྤྲོད་པར་བྱེད༌དེ།  
\v 30 ཁྱོད་རྣམས་ཀྱིས་བདག་གི་རྒྱལ་སྲིད་དུ་ངའི་མདུན་ཅོག་སྟེང་ནས་བཟའ་བཏུང་སྤྱོད༌ཅིང༌། བཞུགས་ཁྲིར་བསྡད་ནས་ཡེས་ར་ཨེལ་རིགས་ཀྱི་ཚོ་ཁག་བཅུ་གཉིས་ལ་ལེགས་ཉེས་ཀྱི་ཁྲིམས་ཐག་གཅོད་པར་འགྱུར་རོ༎   
\p
\v 31 སི་མོན། སི་མོན་ཁྱོད་ཀྱིས་ལྟོས༌དང༌། བདུད་སཱ་ཏན་གྱིས་ཁྱོད་རྣམས་གྲོ་འཚག་པ་ལྟར་བྱེད་ཆེད་ཁྱོད་ཅག་འཐོབ་འདོད་ནའང༌།  
\v 32 བདག་གིས་ཁྱོད་ཀྱི་དད་པ་མི་ཉམས་པའི་ཕྱིར་དཀོན་མཆོག་ལ་གསོལ་བ་བཏབ༌ཅིང་། ཡང་ཁྱོད་ཀྱིས་སེམས་བསྒྱུར་བའི་རྗེས་སུ་རང་གི་སྤུན་རྣམས་ཀྱི་དད་སེམས་བརྟན་པར་གྱིས་ཞེས་གསུངས་པ༌དང༌།  
\v 33 པེ་ཏྲོ་ན༌རེ། གཙོ་བོ༌ལགས། བདག་ནི་ཁྱེད་དང་ལྷན་དུ་བཙོན་དུ་འགྲོ་བ་དང་འཆི་བ་ཉམས་སུ་མྱང་དགོས་ཀྱང་འགྱོད་པ་མེད་ཅེས་ཞུས་སོ།།  
\v 34 ཡང་ཁོང་གིས་འདི་སྐད༌དུ། པེ༌ཏྲོ། ངས་ཁྱོད་ལ་སྨྲ་བར་བྱ༌སྟེ། དེ་རིང་བྱ་ཕོ་མ་གྲགས་པའི་སྔོན་དུ། ཁྱོད་ཀྱིས་ང་རང་ངོ་མི་ཤེས་ཞེས་ཐེངས་གསུམ་ལ་སྨྲ་བར་ངེས་ཞེས་གསུངས༌སོ།།   
\p
\v 35 ཡང་ཁོང་གིས་ཐུགས་སྲས་རྣམས་ལ་འདི་སྐད༌དུ། དེ་སྔོན་བདག་གིས་ཁྱོད་རྣམས་དངུལ་ཁུག་དང་ཁུག༌མ། བསིལ་ལྷམ་བཅས་མེད་པར་ཕྱི་རུ་མངགས༌དུས། མི་འདང་ས་ཅི་ཡོད་དམ་ཞེས་དྲིས་པ༌ན། ཐུགས་སྲས་རྣམས་ཀྱིས་ཅི་ཡང་མེད་ཅེས་ཞུས་སོ།།  
\v 36 ཡང་ཁོང་གིས་འདི་སྐད༌དུ། འོན་ཀྱང་ད་ལྟ་དངུལ་ཁུག་དང་ཁུག་མ་སོགས་ཡོད་ན་ཁྱེར༌དང༌། རལ་གྲི་མེད་པ་རྣམས་ཀྱིས་རང་གི་གྱོན་པ་བཙོངས་ཏེ་རལ་གྲི་ཉོས༌ཤིག  
\v 37 བདག་གིས་ཁྱོད་རྣམས་ལ་སྨྲ་བར༌བྱ་སྟེ། གསུང་རབ་ཀྱི་མདོ་ལས་ཁོང་ནི་ཉེས་ཅན་གྱི་གྲས་སུ་བརྩིས་པ་ཡིན་ཞེས་གསུངས་པ་འདི་ནི་བདག་གི་སྟེང་དུ་འགྲུབ་དགོས༌ཤིང༌། བདག་གི་སྐོར་ལ་བཀོད་ཡོད་པ་དེའང་འགྲུབ་པར་ངེས་ཞེས་གསུངས་ལ།  
\v 38 ཐུགས་སྲས་རྣམས་ན༌རེ། གཙོ་བོ༌ལགས། ཁྱེད་ཀྱིས་གཟིགས༌དང༌། འདིར་རལ་གྲི་གཉིས་ཡོད་ཅེས་ཞུས་པ་ལ། ཁོང་གིས་དེ་སྐྱུར་ཅིག་ཅེས་གསུངས༌སོ།།   
\s1 སྐྱུ་རུ་རའི་རི་བོར་གསོལ་བ་འདེབས༌པ།  
\p
\v 39 སྐྱབས་མགོན་ཡེ་ཤུ་སྔར་བཞིན་ཕྱི་རོལ་ཏུ་བྱོན་ནས་སྐྱུ་རུ་རའི་རི་བོར་ཕེབས་ཤིང་ཐུགས་སྲས་རྣམས་ཀྱང་རྗེས་སུ་འབྲངས་པ་རེད།  
\v 40 གནས་དེར་སླེབས་པ་དང་ཁོང་གིས་ཐུགས་སྲས་རྣམས་ལ་འདི་སྐད༌དུ། ཁྱོད་རྣམས་ཉམས་ཚོད་ཀྱི་འོག་ཏུ་མི་ཚུད་པའི་ཕྱིར་གསོལ་བ་ཐོབས་ཞེས་གསུངས༌ཤིང༌།  
\v 41 ལག་རྡོ་འཕེན་ཐེངས་ཤིག་གི་རིང་ཚད་ཀྱི་གནས་ལ་ཕེབས༌ཏེ། པུས་མོ་སར་བཙུགས༌ནས།  
\v 42 ཀྱེ། བདག་གི་ཡབ་ལགས། ཁྱེད་ཐུགས་དགྱེས་ན་བདག་ལས་ཕོར་བ་འདི་ཕྱིར་ལེན་པར༌མཛོད། འོན་ཀྱང་བདག་གི་བསམ་དོན་བཞིན་དུ་མི་འགྲུབ་པར་ཁྱེད་ཀྱི་དགོངས་པ་བཞིན་དུ་གྲུབ་གྱུར་ཅིག་ཅེས་གསོལ་བ་བཏབ།  
\v 43 ནམ་མཁའི་ཞིང་ཁམས་ལས་ཕོ་ཉ་ཞིག་ཁོང་གི་དྲུང་དུ་སླེབས་ཏེ་ཁོང་ལ་མཐུ་སྟོབས་བསྩལ༌ཏོ།།  
\v 44 ཡང་ཁོང་གི་ཐུགས་ཤིན་ཏུ་སྐྱོ་བར་གྱུར་ཏེ་གསོལ་བ་ཤུགས་དྲག་ཏུ་བཏབ་ཅིང་། ཁོང་གི་སྐུ་ལས་བཞུར་བའི་རྔུལ་ཆུ་ཁྲག་ཐིགས་བཞིན་ས་ལ་ཟགས་སོ།།  
\v 45 ཁོང་གིས་གསོལ་བ་བཏབ་པའི་རྗེས་སུ་ཡར་བཞེངས་ཏེ་ཐུགས་སྲས་རྣམས་ཀྱི་གམ་དུ་ཕེབས་པ༌ན། དེ་རྣམས་སེམས་སྡུག་ཆེན་པོའི་དབང་གིས་གཉིད་དུ་ཡུར་བ་གཟིགས༌ཏེ།  
\v 46 འདི་སྐད༌དུ། ཁྱོད་རྣམས་ཅིའི་ཕྱིར་གཉིད་དུ་ཡུར་བ་ཡིན༌ནམ། ཁྱོད་རྣམས་ཉམས་ཚོད་ཀྱི་འོག་ཏུ་མི་ཚུད་པའི་ཕྱིར་ཡར་ལོངས་ལ་གསོལ་བ་ཐོབས་ཤིག་ཅེས་གསུངས༌སོ།།   
\s1 སྐྱབས་མགོན་ཡེ་ཤུ་འཛིན་བཟུང་བྱས་པ།  
\p
\v 47 སྐྱབས་མགོན་ཡེ་ཤུས་དེ་ལྟར་གསུང་བཞིན་པའི་སྒང་ལ། ལྟོས་དང་། མི་སྐོར་ཞིག་གནས་དེར་སླེབས་པ་དང་ཁོང་གི་ཐུགས་སྲས་བཅུ་གཉིས་ལས་ཡུ་དཱ་ཟེར་བ་དེ་སྔོན་དུ་འགྲོ་བ༌དང༌། སྐྱབས་མགོན་ཡེ་ཤུ་ལ་འོ་བྱེད་པའི་ཕྱིར་ཁོང་གི་དྲུང་དུ་བཅར།  
\v 48 འོན༌ཀྱང༌། སྐྱབས་མགོན་ཡེ་ཤུས་འདི་སྐད༌དུ། ཡུ༌དཱ། ཁྱོད་ཀྱིས་བདག་ལ་འོ་བྱས་ནས་མིའི་བུ་ལ་ངོ་ལོག་བྱེད་དམ་ཞེས་གསུངས་སོ།།  
\v 49 ཐུགས་སྲས་རྣམས་ཀྱིས་ཅི་ཞིག་འབྱུང་རྒྱུ་ཡིན་པ་མཐོང་སྟེ་ན༌རེ། གཙོ་བོ༌ལགས། རལ་གྲིས་རྒྱག་རུང་ངམ་ཞེས་ཞུས་སོ།།  
\v 50 ཐུགས་སྲས་རྣམས་ལས་གཅིག་གིས་མཆོད་དཔོན་ཆེན་པོའི་གཡོག་པོར་རལ་གྲིས་བརྒྱབ་ནས་རྣ་བ་གཡས་པ་བཅད༌པ་དང་།  
\v 51 སྐྱབས་མགོན་ཡེ་ཤུས་ཐུགས་སྲས་དེ་ལ་དེ་ལྟར་མ་བྱེད་སྐྱུར་ཞོག་ཅེས་གསུངས་ཤིང་མི་དེའི་རྣ་བར་རེག་སྟེ་སོས་པར་མཛད་དོ།།  
\v 52 ཡང་ཁོང་གིས་རང་ཉིད་འཛིན་དུ་ཡོང་བའི་མཆོད་དཔོན་ཆེན་པོ་རྣམས་དང་མཆོད་ཁང་སྲུང་བའི་དམག༌དཔོན་དང་དཔོན་རིགས་རྒན་པོ་རྣམས་ལ་འདི་སྐད༌དུ། ཁྱོད་ཅག་གིས་རལ་གྲི་དང་དབྱུག་པ་བཟུང་ནས་ཇག་པ་འཛིན་པ་ལྟར་འདིར་ཡོང༌ངམ།  
\v 53 བདག་ནི་ཉིན་རེ་བཞིན་མཆོད་ཁང་ནང་དུ་ཁྱོད་ཅག་དང་མཉམ་དུ་སྡོད་སྐབས། ཁྱོད་ཅག་གིས་ང་རང་མ་བཟུང༌མོད། འོན་ཀྱང་ད་ལྟ་ནི་ཁྱོད་ཅག་གི་དུས་ལ་བབས་ཤིང་མུན་པས་དབང་བཟུང་བ་ཡིན་ཞེས་གསུངས༌སོ།།   
\s1 པེ་ཏྲོ་སྐྱབས་མགོན་ཡེ་ཤུའི་ཐུགས་དང་འགལ་བ།  
\p
\v 54 སྐྱབས་མགོན་ཡེ་ཤུ་བཟུང་སྟེ་མཆོད་དཔོན་ཆེན་པོའི་ཁང་ཆེན་དུ་ཁྲིད་པ་དང་། པེ་ཏྲོའང་རྒྱང་རིང་ནས་ཁོང་གི་རྗེས་སུ་འབྲངས་ཤིང་།  
\v 55 དེ་རྣམས་ཀྱིས་ཁང་ཆེན་དེའི་ར་བའི་དཀྱིལ་ནས་མེ་སྦར་ཞིང་ལྷན་དུ་བསྡད་པ༌ན། པེ་ཏྲོ་ཡང་དེ་དག་དང་མཉམ་དུ་བསྡད་དོ།།  
\v 56 གཡོག་མོ་ཞིག་གིས་མེ་འོད་ལས་པེ་ཏྲོ་བསྡད་ཡོད་པ་མཐོང་ཞིང་ཞིབ་ཏུ་བལྟས༌ཏེ། ཁོ་ཡང་མི་དེ་དང་གྲས་གཅིག་རེད་ཅེས་སྨྲས་པ༌ལ།  
\v 57 པེ་ཏྲོ་ན༌རེ། བུད་མེད། ངས་མི་དེ་ངོ་མི་ཤེས་ཞེས་སྨྲས་སོ།།  
\v 58 ཅང་མ་འགོར་བར་མི་གཞན་ཞིག་གིས་ཀྱང་པེ་ཏྲོ་མཐོང༌སྟེ། ཁྱོད་རང་ཡང་དེ་རྣམས་དང་གྲས་གཅིག་ཡིན་ཞེས་སྨྲས་པ༌དང༌། པེ་ཏྲོ་ན༌རེ། ཀྱེ་ཧོ། ང་རང་གཏན་ནས་མིན་ཞེས་སྨྲས་སོ།།  
\v 59 ཡང་ཆུ་ཚོད་གཅིག་ཙམ་འགོར་རྗེས་མི་གཞན་ཞིག་གིས་ཀྱང་ཁོ་ནི་ག་ལིལ་པ་ཞིག་ཡིན་པས། དངོས་གནས་མི་དེ་དང་གྲས་གཅིག་རེད་ཅེས་ནན་གྱིས་སྨྲས༌ཀྱང༌།  
\v 60 པེ་ཏྲོ་ན༌རེ། ཀྱེ་ཧོ། ཁྱོད་ཀྱིས་ཅི་ཞིག་སྨྲ་བ་ངས་མི་ཤེས་ཞེས་སྨྲ་བཞིན་པའི་དུས་སུ་བྱ་ཕོ་གྲགས༌པ་རེད།  
\v 61 དུས༌དེར། གཙོ་བོས་ཞལ་ཕྱིར་འཁོར་ནས་པེ་ཏྲོར་གཟིགས་པ༌ན། པེ་ཏྲོས་དེ་མ་ཐག་གཙོ་བོས་དེ་སྔར་ཁོ་ལ་དེ་རིང་ཞོགས་པར་བྱ་ཕོ་མ་གྲགས་པའི་སྔོན༌དུ། ཁྱོད་ཀྱིས་ང་རང་ཐེངས་གསུམ་ལ་ཁས་མི་ལེན་ཞེས་པའི་གསུང་དེ་དྲན༌ཞིང་།  
\v 62 ཕྱི་རོལ་ཏུ་སོང་ནས་དྲག་ཏུ་ངུས༌སོ།།   
\p
\v 63 སྐྱབས་མགོན་ཡེ་ཤུ་འཛིན་མཁན་རྣམས་ཀྱིས་ཁོང་ལ་འཕྱ་སྨོད་དང་གཅར་རྡུང་བྱེད༌བཞིན།  
\v 64 ཁོང་གི་སྤྱན་ཟུང་རས་ཀྱིས་བཏུམས་ཏེ་ན༌རེ། ཁྱོད་ཀྱིས་ལུང་བསྟན་ཤོད་ཅིག ཁྱོད་ལ་རྡུང་རྡེག་བྱེད་མཁན་སུ་ཡིན་ནམ་ཞེས་སྨྲས་སོ།།  
\v 65 དེ་རྣམས་ཀྱིས་གཏམ་ངན་གཞན་མང་པོའང་སྨྲས་ཤིང་ཁོང་ལ་དམའ་འབེབས་བྱས༌སོ།།   
\s1 སྐྱབས་མགོན་ཡེ་ཤུ་དཔོན་ཚོགས་ཀྱི་མདུན་དུ་ཁྲིད༌པ།  
\p
\v 66 ནམ་ལངས་མ་ཐག་མཆོད་དཔོན་ཆེན་པོ་རྣམས་དང་། མཁན་པོའི་རིགས་སུ་གཏོགས་པའི་དཔོན་རིགས་ཚོགས་པའི་ཚོགས་མི་རྣམས་མཉམ་དུ་འཛོམས་པ་དང་སྐྱབས་མགོན་ཡེ་ཤུ་དེ་རྣམས་ཀྱི་མདུན་དུ་ཁྲིད༌དེ།  
\v 67 ཁྱོད་ནི་སྐྱབས་མགོན་མཱ་ཤི་ཀ་ཡིན་ན་ངེད་ཅག་ལ་སྨྲོས་ཤིག་ཅེས་སྨྲས་པ༌ལ། ཁོང་གིས་འདི་སྐད༌དུ། གལ་ཏེ་བདག་གིས་ཁྱོད་ཅག་ལ་སྨྲས་ཀྱང་ཁྱོད་རྣམས་ཡིད་མི་ཆེས༌ལ།  
\v 68 ཡང་བདག་གིས་ཁྱོད་ཅག་ལ་དྲི་བ་བཏོན་ནའང་ཁྱོད་ཅག་གིས་ལན་འདེབས་མི་སྲིད།  
\v 69 ཕྱིན་ཆད་མིའི་བུ་ཁོང་ཉིད་ཀུན་དབང་དཀོན་མཆོག་གི་གཡས་ཕྱོགས་སུ་སྡོད་པར་འགྱུར་ཞེས་གསུངས་པ༌དང༌།  
\v 70 དེ་རྣམས་ན༌རེ། འོ་ན་ཁྱོད་ནི་དཀོན་མཆོག་གི་སྲས་ཡིན་ནམ་ཞེས་དྲིས་པ༌ལ། ཁོང་གིས་འདི་སྐད༌དུ། ཁྱོད་ཅག་གིས་སྨྲས་པ་བཞིན་ང་རང་ཡིན་ཞེས་གསུངས།  
\v 71 ཁོ་རྣམས་ན༌རེ། བདག་ཅག་གིས་ཁོའི་ཁ་ནས་གཏམ་དངོས་སུ་ཐོས་པས་དཔང་པོ་གཞན་དག་དགོས་དོན་མེད་ཅེས་སྨྲས༌སོ།།   
\c 23
\cl ལེའུ་ཉེར་གསུམ༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྤྱི་དཔོན་པི་ལ་ཏུའི་མདུན་དུ་ཁྲིད་པ།  
\p
\v 1 དེ་ནས་ཚོགས་མི་ཐམས་ཅད་ཡར་ལངས་པ་དང་སྐྱབས་མགོན་ཡེ་ཤུ་པི་ལ་ཏུའི་མདུན་ལ་ཁྲིད་དེ་ན༌རེ།  
\v 2 མི་འདིས་འབངས་མི་རྣམས་ལ་སླུ་བྲིད་བྱས་ནས་སེ་བཟིར་ལ་ཁྲལ་འཇལ་མི་དགོས་པ༌དང༌། ཁོས་རང་ཉིད་མཱ་ཤི་ཀ་སྟེ་རྒྱལ་པོ་ཡིན་ཞེས་ཟེར་བ་ངེད་ཅག་གིས་ཐོས་ཞེས་བསྙོན་བཙུགས་པ་རེད།  
\v 3 པི་ལ་ཏུ་ན༌རེ། ཁྱོད་ནི་ཡ་ཧུ་དཱ་པའི་རྒྱལ་པོ་ཡིན་ནམ་ཞེས་དྲིས་པ༌ན། སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་སྨྲས་པ་བཞིན་ཡིན་ཞེས་གསུངས།  
\v 4 ཡང་པི་ལ་ཏུས་མཆོད་དཔོན་ཆེན་པོ་དག་དང་མི་རྣམས༌ལ། ངས་མི་འདིར་ཉེས་སྐྱོན་ཅི་ཡང་མི་རྙེད་ཅེས་སྨྲས་མོད།  
\v 5 འོན༌ཀྱང༌། དེ་རྣམས་ཀྱིས་ཨུ་ཚུགས་ཆེན༌པོས། མི་འདི་ཡ་ཧུ་དཱའི་ཡུལ་ཀུན་ཏུ་བརྒྱུད་ཅིང་ཁོས་ག་ལིལ་ཡུལ་ནས་ས་ཆ་འདིའི་བར་དུ་ཆོས་གསུངས༌པ་དང༌། མི་ཐམས་ཅད་ལ་ངན་སྐུལ་བྱས་ནས་ཟིང་ཆ་བཟོས་ཞེས་སྨྲས་སོ།།  
\v 6 པི་ལ་ཏུས་གཏམ་དེ་ཐོས་ནས་མི་འདི་ནི་ག་ལིལ་པ་ཡིན་ནམ་ཞེས་དྲིས༌ཤིང༌།  
\v 7 སྐྱབས་མགོན་ཡེ་ཤུ་ནི་ཧེ་རོ་དཱའི་མངའ་ཁོངས་ལ་གཏོགས་པ་ཤེས་རྗེས་ཧེ་རོ་དཱའི་དྲུང་ལ་ཁྲིད་དུ་བཅུག དེའི་དུས༌སུ། ཧེ་རོ་དཱའང་ཡེ་རུ་སཱ་ལེམ་དུ་བཞུགས༌སོ།།   
\p
\v 8 ཧེ་རོ་དཱས་སྐྱབས་མགོན་ཡེ་ཤུ་མཐོང་བ་དང་ཤིན་ཏུ་དགའ་བར་གྱུར་ཏོ།། རྒྱུ་མཚན་ནི་ཁོས་སྔར་ནས་སྐྱབས་མགོན་ཡེ་ཤུའི་གནས་ཚུལ་ཐོས་མྱོང༌བས། སྔ་མོ་ནས་ཁོང་ཉིད་མཐོང་འདོད་ཅིང་ཁོང་གིས་ངོ་མཚར་བའི་རྟགས་ཤིག་སྟོན་པ་མཐོང་བར་ཡང་རེ་བ༌ཆེའོ།།  
\v 9 དེ་བས་ཁོས་དྲི་བ་མང་པོ་བཏོན་ནའང་ཁོང་གིས་བཀའ་ལན་ཅི་ཡང་མ་གནང༌།  
\v 10 མཆོད་དཔོན་ཆེན་པོ་དག་དང་མཁན་པོ་རྣམས་ཡར་ལངས་བསྡད་ནས་ཁོང་གཏུག་ཅི་ཐུབ་བྱས༌ཤིང༌།  
\v 11 ཧེ་རོ་དཱ་དང་ཁོའི་དམག་མི་དག་གིས་ཀྱང་ཁོང་ལ་བརྙས་བཅོས་དང་འཕྱ་དམོད་བྱས་པ༌དང༌། ཁོང་གི་ལུས་ལ་གོས་ཆེན་བསྐོན་ཏེ་ཕྱིར་པི་ལ་ཏུའི་གམ་ལ་འཁྲིད་དུ་བཅུག  
\v 12 ལར་པི་ལ་ཏུ་དང་ཧེ་རོ་དཱ་གཉིས་ཕན་ཚུན་དགྲ་ཟླར་གྱུར་ཡོད་ནའང་ཉིན་དེ་ནས་བཟུང་ཁོ་གཉིས་གྲོགས་སུ་གྱུར༌ཏོ།།   
\p
\v 13 པི་ལ་ཏུས་མཆོད་དཔོན་ཆེན་པོ་རྣམས་དང་དཔོན༌རིགས། མི་ཚོགས་བཅས་བསྡུས་ཏེ་ན༌རེ།  
\v 14 ཁྱོད་རྣམས་ཀྱིས་མི་འདིས་མི་དག་ལ་ངན་སྐུལ་བྱས་ནས་ཟིང་ཆ་བཟོས་སོང་ཟེར་ཞིང་ངའི་མདུན་དུ་ཁྲིད་ཡོང༌བས། ངས་ཀྱང་ཁྱོད་ཅག་གི་མདུན་དུ་ཁོའི་ཉེས་སྐྱོན་ལ་རྩད་བཅད་ནའང་ཁྱོད་རྣམས་ཀྱིས་སྨྲས་པ་ལྟ་བུའི་ཉེས་སྐྱོན་ཅི་ཡང་མ་རྙེད།  
\v 15 ཧེ་རོ་དཱས་ཀྱང་ཉེས་སྐྱོན་མ་རྙེད་པར་ཕྱིར་བདག་གི་གམ་དུ་བཏང༌བ་རེད། ལྟོས༌དང༌། ཁོས་སྲོག་ཆད་ཁུར་དགོས་པའི་ཉེས་པ་ཅི་ཡང་བྱས་མེད།  
\v 16 དེའི་ཕྱིར་བདག་གིས་ཁོ་ལ་རྟ་ལྕག་གིས་གཞུས་རྗེས་ཕྱིར་གཏོང་རྒྱུ་ཡིན་ཞེས་སྨྲས་སོ།།  
\v 17 སྐྱུར་མེད་བག་ལེབ་ཀྱི་དུས་ཆེན་ལ་ཁེལ༌ཚེ། པི་ལ་ཏུ་ཡིས་ཁོ་རྣམས་ཀྱི་རེ་ཞུ་ལྟར་བཙོན་པ་ཞིག་བཙོན་གྲོལ་དུ་གཏོང་དགོས་པ་རེད།  
\v 18 འོན་ཀྱང་མི་ཚོགས་ཀྱིས་མཉམ་དུ་པཱ་རབ་པཱ་ངེད་ཅག་ལ་སྤྲོད་དང་མི་དེ་སོད་ཅིག་ཅེས་འབོད་སྒྲ་བསྒྲགས།  
\v 19 པཱ་རབ་པཱ་ནི་གྲོང་ཁྱེར་གྱི་ཟིང་འཁྲུག་ལ་ཞུགས་པ་དང་མི་ཡང་བསད་མྱོང་བས་བཙོན་དུ་བཅུག་པ་ཞིག་ཡིན༌ནོ།།   
\p
\v 20 པི་ལ་ཏུས་སྐྱབས་མགོན་ཡེ་ཤུ་ཕྱིར་གཏོང་འདོད་དེ་སླར་ཡང་མི་ཚོགས་ལ་གཏམ་སྨྲས༌ཀྱང༌།  
\v 21 དེ་རྣམས་ཀྱིས་སྐད་ཆེན༌པོས། ཁོ་རང་ཤིང་རྒྱ་གྲམ་གྱི་སྟེང་དུ་རྡོབས་ཤིག་ཅེས་ཡང་ཡང་འུར་བརྒྱབ་བོ།།  
\v 22 ཐེངས་གསུམ་པར་ཡང་པི་ལ་ཏུ་ན༌རེ། རྒྱུ་མཚན་ཅི་ཡིན༌ནམ། མི་འདིས་དོན་ངན་ཅི་བྱས་པ་ཡིན༌ནམ། བདག་གིས་ཁོ་གསོད་དགོས་པའི་ཉེས་སྐྱོན་ཅི་ཡང་མ་རྙེད༌པས། ཁོ་ལ་རྟ་ལྕག་གིས་གཞུས་རྗེས་ཕྱིར་གཏོང་ངེས་ཡིན་ཞེས་སྨྲས་སོ།།  
\v 23 འོན་ཀྱང་དེ་རྣམས་ཀྱིས་འུར་ཆེན་པོས་ཁོ་རང་ཤིང་རྒྱ་གྲམ་གྱི་སྟེང་དུ་རྡོབས་ཤིག་ཅེས་པི་ལ་ཏུ་ལ་ནན་གྱིས་བརྗོད༌ཅིང༌། དེ་རྣམས་ཀྱིས་འུར་ཆེན་པོ་བརྒྱབ་པས་ཁོ་རྣམས་ཀྱི་འདོད་མོས་དང་མཐུན་པར་གྱུར།  
\v 24 པི་ལ་ཏུས་མི་དེ་རྣམས་ཀྱི་རེ་ཞུ་ལྟར་ཁྲིམས་ཐག་བཅད༌དེ།  
\v 25 ཟིང་འཁྲུག་ལ་ཞུགས་པ་དང་མི་ཡང་བསད་མྱོང་བའི་བཙོན་པ་དེ་ཕྱིར་བཏང༌ཞིང༌། སྐྱབས་མགོན་ཡེ་ཤུ་མི་དེ་རྣམས་ལ་འདོད་མོས་ལྟར་བྱེད་དུ་བཅུག་གོ།   
\s1 ཤིང་རྒྱ་གྲམ་གྱི་སྟེང་དུ་བརྡབས་པ།  
\p
\v 26 སྐྱབས་མགོན་ཡེ་ཤུ་ཕར་ཁྲིད་ནས་འགྲོ་སྐབས། ཀི་རེ་ནེ་པ་སྟེ་མིང་ལ་སི་མོན་ཟེར་བ་ཞིག་ཡོད་པ་དེ་གྲོང་གསེབ་ནས་ཡོང་བ༌ན། དེ་རྣམས་ཀྱིས་ཁོ་ལ་ཤིང་རྒྱ་གྲམ་ཁུར་ནས་སྐྱབས་མགོན་ཡེ་ཤུའི་རྗེས་སུ་འབྲང་དུ་བཅུག  
\v 27 མི་ཤིན་ཏུ་མང་པོ་ཞིག་ཀྱང་ཁོང་གི་རྗེས་སུ་འབྲངས་ཤིང་། དེ་རྣམས་ལས་བུད་མེད་འགའ་ཡོད་པ་ཁོང་གི་ཆེད་དུ་སེམས་སྡུག་ཆེན་པོས་ངུས་སོ།།  
\v 28 འོན་ཀྱང་སྐྱབས་མགོན་ཡེ་ཤུས་ཞལ་ཕྱིར་འཁོར་ནས་དེ་རྣམས་ལ་འདི་སྐད༌དུ། ཡེ་རུ་སཱ་ལེམ་གྱི་བུ་མོ༌རྣམས། བདག་གི་དོན་དུ་མི་ངུ་བར་ཁྱོད་རང་ཉིད་དང་ཁྱོད་ཀྱི་བུ་ཕྲུག་རྣམས་ཀྱི་དོན་དུ་ངུས༌ཤིག  
\v 29 རྒྱུ་མཚན་ནི་མི་རྣམས་ཀྱིས། ཕྲུ་གུ་སྐྱེ་མི་ནུས་པ་དང་མངལ་ཡང་སྦྲུམ་མ་མྱོང༌བ། ཕྲུ་གུར་ནུ་མའང་སྣུན་མ་མྱོང་མཁན་རྣམས་བདེའོ་ཞེས་ཟེར་བའི་དུས་ཤིག་སླེབ་ངེས༌ཡིན།  
\v 30 དེའི་དུས༌སུ། ཡང་མི་རྣམས་ཀྱིས་རི་ཆེན་པོ་དག་ལ་ན་རེ། ངེད་ཅག་གི་སྟེང་དུ་སྙིལ་ཅིག་ཅེས༌དང༌། ཡང་རི་སྒང་ཆུང་བ་དག་ལ་ངེད་ཅག་གི་ལུས་འདི་ཁོབ་ཅིག་ཅེས་ཟེར་བར་འགྱུར།  
\v 31 རྒྱུ་མཚན་ནི་ཁོ་རྣམས་ཀྱིས་སྡོང་པོ་སྔོན་པོ་ཡིན་དུས་འདི་ལྟར་བྱེད༌ན། རྗེས་སུ་སྡོང་སྐམ་ཡིན་དུས་ཅི་ཞིག་བྱེད་པར་འགྱུར་རམ་ཞེས་གསུངས༌སོ།།   
\p
\v 32 ཡང་མི་ཉེས་ཅན་གཞན་གཉིས་ཀྱང་སྐྱབས་མགོན་ཡེ་ཤུ་དང་མཉམ་དུ་གསོད་པར་ཁྲིད༌ཅིང༌།  
\v 33 མགོ་སྐོགས་གནས་ཟེར་བའི་ས་ཆར་སླེབས་པ༌དང༌། སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་པ་དང་། མི་ཉེས་ཅན་དེ་གཉིས་ཀའང་ཁོང་གི་གཡས་གཡོན་དུ་དེ་ལྟར་ཤིང་རྒྱ་གྲམ་གྱི་སྟེང་དུ་བརྡབས་སོ།།  
\v 34 དུས༌དེར། སྐྱབས་མགོན་ཡེ་ཤུས་འདི་སྐད༌དུ། ཀྱེ། ཡབ་ལགས། ཁོ་རྣམས་ཀྱིས་རང་གིས་ཅི་བྱེད་བཞིན་པའང་མི་ཤེས་པས་ཉེས་སྐྱོན་བསལ་བར་མཛོད་ཅེས་གསུངས་སོ༎ དེ་ནས་དམག་མི་རྣམས་ཀྱིས་རྒྱན་འཕངས་ནས་ཁོང་གི་ན་བཟའ་བགོ་བཤའ་བརྒྱབ།  
\v 35 མི་རྣམས་ཀྱང་གནས་དེར་འགྲེངས་ནས་ལྟ་བཞིན་འདུག༌ལ། འགོ་དཔོན་རྣམས་ཀྱང་ན༌རེ། ཁོས་མི་གཞན་རྣམས་བསྐྱབས་མྱོང༌མོད། འོན་ཀྱང་ཁོ་ནི་དཀོན་མཆོག་གིས་བདམས་པའི་སྐྱབས་མགོན་མཱ་ཤི་ཀ་ཡིན༌ན། རང་ཉིད་སྐྱོབ་ཐུབ་པ་ལོས་ཡིན་ཞེས་འཕྱ་སྨོད་བྱས་པ༌དང༌།  
\v 36 དམག་མི་རྣམས་ཀྱང་ཁོང་གི་དྲུང་དུ་ཡོང་ནས་རྒུན་ཆང་སྐྱུར་མོ་ཕུལ་ཏེ་ན༌རེ།  
\v 37 གལ་ཏེ་ཁྱོད་རང་ཡ་ཧུ་དཱ་པའི་རྒྱལ་པོ་ཡིན༌ན། ཁྱོད་ཀྱིས་རང་ཉིད་སྐྱོབས་དང་ཞེས་འཕྱ་དམོད་བྱས།  
\v 38 སྐྱབས་མགོན་ཡེ་ཤུའི་གོང་དུ་ཤིང་བྱང་ཞིག་གི་ངོས་སུ་འདི་ནི་ཡ་ཧུ་དཱ་པའི་རྒྱལ་པོ་ཡིན་ཞེས་བྲིས་ཡོད༌དོ།།   
\p
\v 39 ཤིང་རྒྱ་གྲམ་གྱི་སྟེང་དུ་བརྐྱངས་པའི་མི་ཉེས་ཅན་གཉིས་ལས་གཅིག་ན༌རེ། ཁྱོད་རང་སྐྱབས་མགོན་མཱ་ཤི་ཀ་མ་ཡིན༌ནམ། ཁྱོད་ཀྱིས་རང་ཉིད་དང་ངེད་གཉིས་སྐྱོབས་ཤིག་ཅེས་སྨྲས་ཏེ་འཕྱ་དམོད་བྱས་སོ།།  
\v 40 འོན་ཀྱང་ཉེས་ཅན་ཅིག་ཤོས་ཀྱིས་ཉེས་ཅན་དེ་ལ་སྡིགས་མོ་བྱེད་བཞིན་ན༌རེ། ཁྱོད་ལའང་ཉེས་ཆད་དེ་འདྲ་བཅད་པ་ཡིན་པས་ད་དུང་དཀོན་མཆོག་ལ་མི་འཇིགས༌སམ།  
\v 41 འུ་གཉིས་ལ་ཆད་པ་འཕོག་འོས༌ཏེ། འུ་གཉིས་ཀྱིས་ཆད་པ་མྱོང་བ་ནི་ཅི་བྱས་དོན་དང་མཐུན༌པ་ཡིན། འོན་ཀྱང་མི་འདིས་ཉེས་སྐྱོན་ཅི་ཡང་མ་བྱས་ཞེས་སྨྲས་པ༌དང༌།  
\v 42 ཡང་ཁོས་སྐྱབས་མགོན་ཡེ་ཤུ་ལ། ཡེ་ཤུ༌ལགས། ཁྱེད་རང་རྒྱལ་སྲིད་ཀྱི་ནང་དུ་ཕེབས་ཡོང་བའི་དུས༌སུ། ང་རང་ཡང་ཐུགས་ལ་འཛིན་པར་མཁྱེན་ཞེས་ཞུས་སོ།།  
\v 43 ཁོང་གིས་ཉེས་ཅན་དེ་ལ་འདི་སྐད༌དུ། བདག་གིས་ཁྱོད་ལ་བདེན་པར་སྨྲ༌སྟེ། དེ་རིང་ཁྱོད་ནི་བདག་དང་མཉམ་དུ་ནམ་མཁའི་ཞིང་ཁམས་ཀྱི་དགའ་བདེའི་ལྡུམ་རའི་ནང་དུ་ཡོད་པར་འགྱུར་ཞེས་གསུངས༌སོ།།   
\s1 སྐྱབས་མགོན་ཡེ་ཤུ་སྐུ་གྲོངས་པ།  
\p
\v 44 ཉིན་གུང་གི་\f + \ft འདིར་བཤད་པའི་ཉིན་གུང་དང་ཕྱི་དྲོའི་ཆུ་ཚོད་གསུམ་ཞེས་པ་ནི་ཡ་ཧུ་དཱའི་མི་རིགས་ཀྱི་བརྩི་སྲོལ་ཏེ་དམ་པའི་གསུང་རབ་ཀྱི་མ་ཕྱི་ལས་ཆུ་ཚོད་དྲུག་དང་ཆུ་ཚོད་དགུ་ཞེས༌འབྱུང༌། ད་ལྟའི་བརྩི་སྲོལ་ལྟར་ན་ཉིན་གུང་གི་ཆུ་ཚོད་བཅུ་གཉིས་ནས་ཕྱི་དྲོའི་ཆུ་ཚོད་གསུམ་བར་ཡིན་པས་དོན་སྒྱུར་བྱས་པ༌ཡིན། \f*སྐབས༌སུ། ཡུལ་དེ་ཡོངས་སུ་ཕྱི་དྲོའི་ཆུ་ཚོད་གསུམ་པའི་བར་དུ་མུན་ནག་འཐིབས་ཤིང་།  
\v 45 ཉི་མའི་འོད་ཀྱང་བསྒྲིབས་པ༌དང༌། མཆོད་ཁང་གི་ཡོལ་བ་ཆེན་པོ་དེའང་དུམ་བུ་གཉིས་སུ་རལ་བར་གྱུར་ཏོ།།  
\v 46 སྐྱབས་མགོན་ཡེ་ཤུས་གསུང་སྐད་ཆེན༌པོས། ཀྱེ། ཡབ་ལགས། ངས་རང་གི་རྣམ་ཤེས་ཁྱེད་ཀྱི་ཕྱག་ཏུ་བཅོལ་བ་ཡིན་ཞེས་གསུངས་པ་དང་སྐུ་དབུགས་ཆད་པར་གྱུར་ཏོ།།  
\v 47 བརྒྱ་དཔོན་གྱིས་དོན་དེ་ཐམས་ཅད་མཐོང་ནས་དཀོན་མཆོག་ལ་བསྟོད་བསྔགས་བྱེད༌བཞིན། སྐྱེས་བུ་འདི་ནི་དངོས་གནས་མི་རྣམ་དག་ཅིག་ཡིན་ཞེས་སྨྲས་སོ།།  
\v 48 གནས་དེར་འཛོམས་པའི་ལྟ་མཁན་ཐམས་ཅད་ཀྱིས་ཀྱང་དོན་དེ་དག་མཐོང༌སྟེ། སེམས་སྐྱོ་བའི་ངང་ནས་ལག་པས་བྲང་ཁར་རྡུང་བཞིན་ཕྱིར་ལོག༌ཅིང༌།  
\v 49 ཁོང་ལ་རྒྱུས་མངའ་བའི་མི་ཐམས་ཅད་དང་། ག་ལིལ་ཡུལ་ནས་ཁོང་གི་རྗེས་སུ་འབྲངས་པའི་བུད་མེད་རྣམས་ཀྱང་རྒྱང་རིང་ནས་བསྡད་དེ་དོན་དེ་དག་ལ་ལྟ་བཞིན་འདུག༌གོ།   
\s1 སྐྱབས་མགོན་ཡེ་ཤུའི་སྐུ་གདུང་དུར་ལ་སྦས༌པ།  
\p
\v 50 མིང་ལ་ཡོ་སེབ་ཟེར་བ་དེ་ནི་དཔོན་རིགས་ཚོགས་པའི་ཚོགས་མི་ཞིག་ཡིན༌ལ། ཁོ་ནི་རང་གཤིས་བཟང་ཞིང་གཞུང་རྒྱུད་དྲང་བ་ཞིག་ཀྱང་ཡིན༌པས།  
\v 51 དཔོན་རིགས་ཚོགས་པའི་གྲོས་གཞི་དང་བྱ་སྤྱོད་དག་ལ་ཡིད་མ་འཐད་དོ།། ཁོ་ནི་ཡ་ཧུ་དཱ་པའི་ཨ་རི་མ་ཐཱ་གྲོང་རྡལ་གྱི་མི་ཡིན་ཞིང་རྟག་ཏུ་དཀོན་མཆོག་གི་རྒྱལ་སྲིད་ལ་སྒུག་མཁན་ཡང་ཡིན།  
\v 52 ཁོ་རང་པི་ལ་ཏུའི་གམ་དུ་སོང་སྟེ་སྐྱབས་མགོན་ཡེ་ཤུའི་སྐུ་གདུང་གནང་ཕྱིར་ཞུ་བ་ཞུས༌ཤིང་།  
\v 53 ཁོས་སྐྱབས་མགོན་ཡེ་ཤུའི་སྐུ་གདུང་མར་བླངས་ཏེ་སོ་རས་ཀྱིས་དཀྲིས༌རྗེས། སྔར་བེམ་པོ་བཞག་མ་མྱོང་བའི་དུར་ཁུང་བརྐོས་མ་ཞིག་ཏུ་དུར་ལ་སྦས་སོ།།  
\v 54 ཉིན་དེ་ནི་སྟ་གོན་གྱི་ཉིན་མོ་ཡིན་ཞིང་ངལ་གསོ་བའི་ཉིན་མོ་ཡང་སླེབས་ལ༌ཉེའོ།།  
\v 55 སྐྱབས་མགོན་ཡེ་ཤུ་དང་ལྷན་དུ་ག་ལིལ་ཡུལ་ནས་ཡོང་བའི་བུད་མེད་རྣམས་ཀྱང་ཡོ་སེབ་ཀྱི་རྗེས་སུ་འབྲངས༌ཤིང༌། དུར་ཁུང་དེ་དང་ཁོང་གི་སྐུ་གདུང་ཇི་ལྟར་དུར་ལ་སྦས་པ་མཐོང༌བ་རེད།  
\v 56 བུད་མེད་དེ་རྣམས་ཕྱིར་ལོག་སྟེ་བསུང་རྫས་དང་བྱུགས་རྫས་སྟ་གོན་བྱས་པ༌དང༌། ངལ་གསོ་བའི་ཉིན་ལ་དཀོན་མཆོག་གི་བཀའ་ཁྲིམས་བཞིན་ངལ་གསོས༌སོ།།   
\c 24
\cl ལེའུ་ཉེར་བཞི༌པ། 
\toc1 ༄༅། །ལོ་ཀུའི་འཕྲིན་བཟང་། 
\toc2 ལོ་ཀུ 
\s1 སྐུ་གྲོངས་ནས་སླར་གསོན༌པ།  
\p
\v 1 གཟའ་འཁོར་གཅིག་གི་ཉིན་དང་པོར་སྐྱ་རེངས་ཤར་བའི་དུས༌སུ། བུད་མེད་དེ་རྣམས་ཀྱིས་སྟ་གོན་བྱས་པའི་བསུང་རྫས་ཁྱེར་ནས་དུར་ཁུང་གི་མདུན་དུ་ཕྱིན་པ༌ན།  
\v 2 དུར་ཁུང་གི་སྒོ་གཅོད་བྱེད་ཀྱི་རྡོ་ཕ་བོང་དེ་ཕར་བསྒྲིལ་ཟིན་པ་མཐོང༌ཞིང༌།  
\v 3 ཁོ་མོ་རྣམས་དེའི་ནང་དུ་སོང༌ཚེ། སྐྱབས་མགོན་ཡེ་ཤུའི་སྐུ་གདུང་མ་མཐོང༌ངོ༌།།  
\v 4 ཁོ་མོ་རྣམས་དོགས་པ་སྐྱེ་བཞིན་པའི་སྒང༌ལ། གློ་བུར༌ཉིད་དུ། མི་གཉིས་ \f + \ft འདིར་བཤད་པའི་མི་གཉིས་ཞེས་པ་ནི་དཀོན་མཆོག་གིས་མངགས་པའི་ཕོ་ཉ་ཡིན༌ཏེ། མཱར་ཀུའི་འཕྲིན་བཟང་ལས་ལྭ་རིང་དཀར་པོ་གྱོན་པའི་ན་གཞོན་ཞིག་ཅེས༌དང༌། མད་ཐཱའི་འཕྲིན་བཟང་ལས་ཕོ་ཉ་གཅིག་ཅེས་འབྱུང་བ༌དང༌། ཡོ་ཧ་ནན་གྱི་འཕྲིན་བཟང་ལས་གོས་དཀར་གྱོན་པའི་ཕོ་ཉ་གཉིས་ཞེས་པ་རྣམས་དོན་གཅིག་སྟེ་དཀོན་མཆོག་གི་ཕོ་ཉ༌ཡིན། \f*ཁོ་མོ་རྣམས་ཀྱི་གམ་དུ་མངོན་ཅིང་དེ་གཉིས་ཀྱི་གྱོན་པ་ལས་འོད་འཕྲོ་བར་བྱེད།  
\v 5 བུད་མེད་དེ་རྣམས་ཤིན་ཏུ་འཇིགས་ཏེ་མགོ་བོ་སར་བཏུད་པ༌ན། མི་དེ་གཉིས་ཀྱིས་འདི་སྐད༌དུ། ཅིའི་ཕྱིར་གསོན་པོར་བཞུགས་པ་དེ་ཉིད་གཤིན་པོའི་ཁྲོད་དུ་འཚོལ་བ་ཡིན༌ནམ།  
\v 6 སྐྱབས་མགོན་ཡེ་ཤུ་སླར་གསོན་པས་གནས་འདིར་མི་བཞུགས། ཁོང་ཉིད་ག་ལིལ་ཡུལ་ནས་བཞུགས་སྐབས་ཁྱོད་རྣམས་ལ་ཅི་ལྟར་གསུངས་པ་དྲན་པར༌གྱིས།  
\v 7 སྔར་ཁོང་གིས་འདི་སྐད་དུ། མིའི་བུ་ངེས་པར་མི་སྡིག་ཅན་རྣམས་ཀྱི་ལག་ཏུ་སྤྲོད་ཅིང་། ཤིང་རྒྱ་གྲམ་གྱི་སྟེང་དུ་བརྡབས་ནས། ཉིན་གསུམ་པ་ལ་སླར་གསོན་པར་འགྱུར་དགོས་ཞེས་གསུངས༌པའོ།།  
\v 8 ཁོ་མོ་རྣམས་ཀྱིས་སྐྱབས་མགོན་ཡེ་ཤུའི་གསུང་དེ་ཕྱིར་དྲན་པ༌དང༌།  
\v 9 དུར་ཁུང་ནས་ཕྱིར་ལོག་སྟེ་དོན་དེ་ཐམས་ཅད་སྐུ་ཚབ་པ་བཅུ་གཅིག་པོ་དང་རྗེས་འབྲང་པ་གཞན་རྣམས་ལ་སྨྲས་སོ།།  
\v 10 གནས་ཚུལ་དེ་སྐུ་ཚབ་པ་རྣམས་ལ་བཤད་མཁན༌ནི། མཱག་རྡལ་གྱི་མིར་ཡམ་དང་ཡོ་ཨན༌ནཱ། ཡ་ཀོབ་ཀྱི་ཡུམ་སྟེ་མིར་ཡམ་བཅས་ཡིན༌ལ། ཁོ་མོ་རྣམས་དང་མཉམ་དུ་འགྲོགས་པའི་བུད་མེད་གཞན་ཡང་ཡིན།  
\v 11 འོན་ཀྱང་དེ་རྣམས་ཀྱིས་ཁོ་མོ་རྣམས་ཀྱི་གཏམ་ནི་སྨྱོ་གཏམ་ཡིན་པར་སྙམ་ནས་ཡིད་མ་ཆེས་ནའང་།  
\v 12 ཐུགས་སྲས་པེ་ཏྲོ་ཡར་ལངས་ནས་དུར་ཁུང་གི་སྒོ་ཁར་བརྒྱུགས་ཏེ་མགོ་བོ་བསྒུར་ནས་བལྟས༌ཚེ། སྐུ་གདུང་བཏུམ་བྱེད་ཀྱི་སོ་རས་རྐྱང་རྐྱང་ཤུལ་དུ་ལུས་ཡོད་པ་མཐོང་སྟེ་དོན་དེར་ངོ་མཚར་སྐྱེ་བཞིན་ཕྱིར་ལོག༌གོ།   
\s1 སྐྱབས་མགོན་ཡེ་ཤུས་རྗེས་འབྲང་པ་གཉིས་ལ་རང་ཉིད་ཀྱི་སྐུ་གཟུགས་མངོན༌པ།  
\p
\v 13 ཡང་ཉིན་དེ་ལ་རྗེས་འབྲང་པ་རྣམས་ལས་མི་གཉིས་ཡེ་རུ་སཱ་ལེམ་ནས་བར་ཐག་སྤྱི་ལེ་བཅུ་གཅིག་ཙམ་ཡོད་པའི་ཨེ་མཱ་ཨུ་བྱ་བའི་གྲོང་སྡེར་འགྲོ༌སྐབས།  
\v 14 དོན་ཅི་བྱུང་བ་རྣམས་ཀྱི་སྐོར་ཕན་ཚུན་ལ་གླེང༌བ་རེད།  
\v 15 ཡང་མི་དེ་གཉིས་ཀྱིས་ཕན་ཚུན་ལ་དེ་ལྟར་གླེང་མོལ་བྱེད་བཞིན་པའི་དུས༌སུ། སྐྱབས་མགོན་ཡེ་ཤུ་དངོས་སུ་དེ་གཉིས་ཀྱི་གམ་དུ་ཉེ་བར་བྱོན་ཏེ་ལྷན་དུ་ཕེབས།  
\v 16 འོན་ཀྱང་མི་དེ་གཉིས་ཀྱི་མིག་བསྒྲིབས་པ་ཡིན་པས་ཁོང་སུ་ཡིན་པ་མ་ཤེས་སོ།།  
\v 17 སྐྱབས་མགོན་ཡེ་ཤུས་མི་དེ་གཉིས་ལ་འདི་སྐད༌དུ། ཁྱོད་གཉིས་ལམ་ལ་ཆས་སྐབས། ཕན་ཚུན་ལ་དོན་ཅི་ཞིག་གླེང་བཞིན་ཡོད་དམ་ཞེས་གསུངས་པ༌དང༌། མི་དེ་གཉིས་འགྲོ་མཚམས་བཞག་ཅིང་གདོང་ལ་སྐྱོ་ཉམས་ཤར།  
\v 18 མི་དེ་གཉིས་ལས་མིང་ལ་ཀཱ་ལོ་ཕུ་ཟེར་བ་ན༌རེ། ཡེ་རུ་སཱ་ལེམ་གྱི་མཇལ་པ་རྣམས་ལས་གནས་དེར་ཉེ་ཆར་དོན་ཅི་བྱུང་བའང་མི་ཤེས་པ་ཁྱོད་རང་ཁོ་ན་ཡིན་ནམ་ཞེས་སྨྲས་པ༌དང༌།  
\v 19 ཡང་ཁོང་གིས་འདི་སྐད༌དུ། དོན་ཅི་ཞིག་བྱུང་ངམ་ཞེས་གསུངས་པ༌ལ། ཁོ་གཉིས་ན༌རེ། ནཱ་ཙ་རེལ་པ་ཡེ་ཤུའི་དོན་རྣམས་ཡིན༌ཏེ། ཁོང་ནི་ལུང་སྟོན་པ་ཞིག་ཡིན་ཞིང་དཀོན་མཆོག་དང་མི་ཐམས་ཅད་ཀྱི་མདུན་དུ། ཁོང་གི་བཀའ་དང་འཕྲིན་ལས་རྣམས་མཐུ་སྟོབས་དང་ལྡན་པ་ཞིག་ཡིན༌ནའང༌།  
\v 20 མཆོད་དཔོན་ཆེན་པོ་དག་དང་བདག་ཅག་གི་དཔོན་རིགས་རྣམས་ཀྱིས་ཁོང་ལ་སྲོག་ཆད་གཅོད་པའི་ཕྱིར་སྤྲད་པ་དང་ཤིང་རྒྱ་གྲམ་གྱི་སྟེང་དུ་བརྡབས་སོ།།  
\v 21 འོན༌ཀྱང༌། ངེད་ཅག་གིས་སྔར་ནས་ཁོང་ཉིད་ནི་ཡེས་ར་ཨེལ་མི་རིགས་བླུ་མཁན་ཡིན་པར་རེ་བ་བཅངས༌ཤིང༌། ད་ལྟ་དོན་དེ་ཐམས་ཅད་བྱུང་ནས་ཉིན་གསུམ་འགོར་བ༌དང༌།  
\v 22 ཡང་ངེད་ཅག་གི་ཁྲོད་ནས་བུད་མེད་འགའ་ཞིག་ཞོགས་པའི་དུས་སུ་དུར་ཁུང་དུ་སོང་བ༌ན།  
\v 23 ཁོང་གི་སྐུ་གདུང་མ་རྙེད་པར་ཕྱིར་ལོག༌སྟེ། ཕོ་ཉ་རྣམས་ཀྱི་ཞལ་གཟིགས་མཇལ་ཞིང་། དེ་རྣམས་ཀྱིས་ཁོང་ཉིད་སླར་གསོན་པ་ཡིན་ཞེས་སྨྲས་བྱུང་ཟེར་བས་ངེད་རྣམས་ངོ་མཚར་བར་གྱུར།  
\v 24 ཡང་ངེད་ཅག་གི་ཁྲོད་ནས་མི་འགའ་ཞིག་ཀྱང་དུར་ཁུང་དུ་སོང་བ་དང་། བུད་མེད་རྣམས་ཀྱིས་སྨྲས་པ་བཞིན་མཐོང་ནའང་སྐྱབས་མགོན་ཡེ་ཤུ་མ་མཐོང་ཞེས་སྨྲས་སོ།།  
\v 25 ཡང་སྐྱབས་མགོན་ཡེ་ཤུས་འདི་སྐད༌དུ། བླུན་པོ༌གཉིས། ལུང་སྟོན་པ་རྣམས་ཀྱིས་གསུངས་པ་ཐམས་ཅད་ལ་ཡིད་མི་ཆེས༌ཨང༌།  
\v 26 སྐྱབས་མགོན་མཱ་ཤི་ཀས་སྡུག་བསྔལ་དེ་འདྲ་མྱངས་ཤིང་། རང་ཉིད་ཀྱི་གཟི་བརྗིད་དུ་ཞུགས་དགོས་པའང་མི་ཤེས་སམ་ཞེས་གསུངས༌པ་དང་།  
\v 27 ཡང་མོ་ཤེའི་མདོ་ནས་བཟུང་ལུང་སྟོན་པ་གཞན་དག་གི་མདོ་རེ་རེ༌བཞིན། གསུང་རབ་ཀྱི་མདོ་ཐམས་ཅད་ལས་ཁོང་རང་ཉིད་ཀྱི་སྐོར་ལ་གསུངས་པ་རྣམས་གསལ་པོར་གསུངས༌སོ།།   
\p
\v 28 ཁོང་རྣམས་འགྲོ་སའི་གྲོང་སྡེ་དེར་སླེབས་ལ་ཉེ་བ༌ན། སྐྱབས་མགོན་ཡེ་ཤུས་ད་དུང་ཕར་ལ་ཕེབས་པའི་ཚུལ་མཛད།  
\v 29 འོན་ཀྱང་དེ་གཉིས་ན༌རེ། དུས་འགྱངས་ཤིང་ཉི་མ་ཡང་ནུབ་ལ་ཉེ་བས་ཁྱེད་ནི་ངེད་ཅག་དང་མཉམ་དུ་བཞུགས་པར་ཞུ་ཞེས་ནན་གྱིས་ཞུས་སོ།། དེ་ནས་སྐྱབས་མགོན་ཡེ་ཤུ་ཁྱིམ་ཚང་ཞིག་ཏུ་ཕེབས་ནས་ཁོ་རྣམས་དང་མཉམ་དུ་བཞུགས༌པ་རེད།  
\v 30 དེ་གཉིས་དང་མཉམ་དུ་དགོང་ཟས་བཞེས་པའི་དུས་སུ། ཁོང་གིས་ཕྱག་ཏུ་བག་ལེབ་བསྣམས་ཏེ། བྱིན་རླབས་གནང་རྗེས་དུམ་བུར་བགོས་ནས་ཁོ་རྣམས་ལ་གནང་བ༌དང༌།  
\v 31 མི་དེ་གཉིས་ཀྱི་མིག་ཟུང་གསལ་པོར་གྱུར་པ་དང་ཁོང་ཉིད་སུ་ཡིན་པའང་ཤེས་མོད། འོན་ཀྱང་གློ་བུར་ཉིད་ལ་སྐྱབས་མགོན་ཡེ་ཤུ་མི་མཐོང་བར་གྱུར།  
\v 32 མི་དེ་གཉིས་ཕན་ཚུན་ན༌རེ། ཁོང་གིས་ལམ་བར་ནས་འུ་གཉིས་ལ་གསུང་གནང་ཞིང་གསུང་རབ་ཀྱི་དོན་འགྲེལ༌སྐབས། འུ་གཉིས་ཀྱི་སེམས་ནི་ཇི་འདྲའི་དགའ་སྐྱིད་དང་ལྡན་པ་ཞིག་ཡིན་ཨང་ཞེས་སྨྲས་སོ།།  
\v 33 ཁོ་གཉིས་མྱུར་དུ་ཡར་ལངས་ཏེ་ཡེ་རུ་སཱ་ལེམ་དུ་ཕྱིར་ལོག་པ༌དང༌། ཐུགས་སྲས་བཅུ་གཅིག་པོ་དང་རྗེས་འབྲང་པ་གཞན་དག་མཉམ་དུ་གནས་དེར་འདུས་ཡོད་པར་ཕྲད་ཅིང༌ན་རེ།  
\v 34 སྐྱབས་མགོན་ཡེ་ཤུ་དངོས་གནས་སླར་གསོན་ཏེ་སི་མོན་གྱི་མིག་མདུན་དུ་མངོན་ནོ་ཞེས་སྨྲས་པ༌དང༌།  
\v 35 ཁོ་གཉིས་ཀྱིས་ཀྱང་ལམ་བར་དུ་ཕྲད་པའི་དོན་དག༌དང༌། སྐྱབས་མགོན་ཡེ་ཤུས་བག་ལེབ་དུམ་བུར་བགོ་བའི་སྐབས༌སུ། ཁོང་ཉིད་སུ་ཡིན་པ་རྟོགས་པའི་གནས་ཚུལ་རྣམས་སྨྲས༌སོ།།   
\s1 སྐྱབས་མགོན་ཡེ་ཤུས་ཐུགས་སྲས་དང་རྗེས་འབྲང་པ་རྣམས་ལ་སྐུ་གཟུགས་མངོན༌པ།  
\p
\v 36 ཁོ་རྣམས་ཀྱིས་དོན་དེ་དག་གླེང་བཞིན་པའི་སྒང༌ལ། སྐྱབས་མགོན་ཡེ་ཤུ་དངོས་སུ་ཁོ་རྣམས་ཀྱི་དཀྱིལ་དུ་བཞེངས༌ཏེ། ཁྱོད་རྣམས་བདེ་བར་སྨོན་ཞེས་གསུངས༌ནའང༌།  
\v 37 ཁོ་རྣམས་འཇིགས་ཤིང་སྐྲག་སྟེ་འདྲེ་ཡིན་པར་བསམས།  
\v 38 ཁོང་གིས་འདི་སྐད༌དུ། ཁྱོད་ཅག་ཅིའི་ཕྱིར་འཇིགས༌སམ། ཅིའི་ཕྱིར་སེམས་སུ་དོགས་པ་སྐྱེས༌སམ།  
\v 39 ཁྱོད་ཅག་གིས་བདག་གི་རྐང་པ་དང་ལག་པར་ལྟོས་དང་དངོས་གནས་ང་རང་ཡིན། བདག་གི་ལུས་ལ་རེག་སྟེ་ལྟོས༌དང༌། འདྲེ་ལ་ཤ་དང་རུས་པའི་ཕུང་བོ་ནི་མེད༌དེ། བདག་ལ་ཡོད་པ་ཡིན་ཞེས་གསུངས་པ༌དང༌།  
\v 40 ཁོ་རྣམས་ལ་རང་ཉིད་ཀྱི་ཕྱག་དང་ཞབས་སྟོན་པར་མཛད་དོ།།  
\v 41 ཁོ་རྣམས་ཤིན་ཏུ་དགའ་བར་གྱུར་ཅིང་ཡིད་ཆེས་མི་ཕོད་པར་ངོ་མཚར་ཆེན་པོ་སྐྱེས་པ༌ན། ཡང་ཁོང་གིས་འདི་སྐད༌དུ། ཁྱོད་ཅག་གི་གནས་འདིར་བཟའ་བྱའི་ཟས་ཡོད་དམ་ཞེས་གསུངས་པ༌དང༌།  
\v 42 ཁོ་རྣམས་ཀྱིས་ཁོང་ལ་ཉ་ཤ་བསྲེག་མ་དུམ་བུ་ཞིག་ཕུལ༌ཞིང༌།  
\v 43 ཁོང་གིས་ཕྱག་ཏུ་བསྣམས་ཏེ་ཁོ་རྣམས་ཀྱི་མིག་མདུན་ནས་བཞེས༌སོ།།   
\p
\v 44 ཁོང་གིས་མི་དེ་རྣམས་ལ་འདི་སྐད༌དུ། དེ་སྔར་ང་རང་ཁྱོད་ཅག་དང་མཉམ་དུ་གནས་པའི་དུས༌སུ། ངས་ཁྱོད་རྣམས་ལ་སྨྲས་པའི་དོན་འདི༌ནི། མོ་ཤེའི་བཀའ་ཁྲིམས༌དང༌། ལུང་སྟོན་པའི༌མདོ། གསུང་མགུར་བཅས་སུ་བདག་གི་སྐོར་ལུང་བསྟན་པ༌ལྟར། ཐམས་ཅད་འགྲུབ་པར་འགྱུར་དགོས་ཞེས་པ་དེ་ཡིན་ཞེས་གསུངས་སོ།།  
\v 45 ཁོང་གིས་མི་དེ་རྣམས་ལ་གསུང་རབ་ཀྱི་དོན་རྣམས་རྟོགས་པའི༌ཕྱིར། ཁོ་རྣམས་ཀྱི་བློ་སྒོ་གསལ་པོར༌ཕྱེས་སོ།།  
\v 46 ཡང་ཁོང་གིས་འདི་སྐད༌དུ། གསུང་རབ་ཀྱི་མདོ༌ལས། སྐྱབས་མགོན་མཱ་ཤི་ཀས་སྡུག་བསྔལ་མྱོང་ཞིང་། ཉིན་གསུམ་པ་ལ་གྲོངས་པ་ནས་སླར་གསོན་པར་འགྱུར་བ༌དང༌།  
\v 47 ཆོས་སྒྲོག་མཁན་རྣམས་ཀྱིས་ཡེ་རུ་སཱ་ལེམ་ནས༌བཟུང༌། ཁོང་གི་མཚན་གྱི་སྒོ་ནས་མི་རིགས་ཐམས་ཅད་ལ་འགྱོད་བཤགས་དང་སྡིག་པ་བསལ་བའི་ཆོས་བསྒྲག་པར་འགྱུར་ཞེས་བཀོད་པ༌དང༌།  
\v 48 དོན་དེ་རྣམས་ལ་དཔང་པོ་བྱེད་མཁན་ནི་ཁྱོད་རྣམས་ཡིན།  
\v 49 ཡང་ལྟོས༌དང༌། ངས་བདག་གི་ཡབ་ཀྱི་ཞལ་བཞེས་གནང་ཡོད་པ་དེ་ཉིད་ཁྱོད་རྣམས་ཀྱི་སྟེང་ལ་ཁྱབ་པར་བྱ༌སྟེ། ཁྱོད་རྣམས་ལ་ནམ་མཁའི་ཞིང་ཁམས་ནས་ནུས་མཐུ་དེ་ཉིད་འཐོབ་པའི་བར༌དུ། ཁྱོད་ཅག་གིས་གྲོང་ཁྱེར་དུ་བསྒུག་ནས་སྡོད་ཅིག་ཅེས་གསུངས༌སོ།།   
\s1 སྐྱབས་མགོན་ཡེ་ཤུ་ནམ་མཁའི་ཞིང་ཁམས་སུ་འཕགས༌པ།  
\p
\v 50 སྐྱབས་མགོན་ཡེ་ཤུས་མི་དེ་རྣམས་པེ་ཐན་ཡཱ་གྲོང་སྡེའི་ཉེ་འགྲམ་དུ་ཁྲིད༌དེ། ཕྱག་ཟུང་ཡར་བཏེགས་ནས་མི་དེ་རྣམས་ལ་བྱིན་གྱིས་བརླབས་སོ།།  
\v 51 ཁོང་གིས་མི་དེ་རྣམས་ལ་བྱིན་གྱིས་རླབས་བཞིན་པའི་དུས༌ལ། ཁོང་ཉིད་དེ་རྣམས་དང་ཁ་བྲལ་ནས་ཕར་ཅུང་ཟད་སོང་བ་དང་ནམ་མཁའི་ཞིང་ཁམས་སུ་དྲངས༌པ་རེད།  
\v 52 མི་རྣམས་ཀྱིས་ཁོང་ལ་གུས་ཕྱག་ཕུལ༌རྗེས། དགའ་སྤྲོ་ཆེན་པོའི་ངང་ཕྱིར་ཡེ་རུ་སཱ་ལེམ་དུ་ལོག༌ཅིང༌།  
\v 53 དུས་རྟག་ཏུ་མཆོད་ཁང་དུ་དཀོན་མཆོག་ལ་བསྟོད་བསྔགས་བརྗོད༌དོ།། །།