\id JOS - NTB 
\h ཡོ་ཤུ་ཨ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\mt1 ༄༅། །ཡོ་ཤུ་ཨའི་མདོ།  
\imt1 ཡོ་ཤུ་ཨའི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi གཞུང་འདིའི་ཁ་བྱང་ནི་ལུང་སྟོན་པ་མོ་ཤེ་སྐུ་མ་གཤེགས་སྔོན་དུ་དཀོན་མཆོག་གིས་ཡེས་ར་ཨེལ་གྱི་འགོ་དཔོན་དུ་བསྐོས་པའི་མི་སྣ་གཙོ་བོ་ཡོ་ཤུ་ཨའི་མིང་ནས་ཐོགས་པ་ཡིན། གཞུང་འདི་བཀའ་ལུང་གི་མདོ་ཞེས་བྱ་བའི་མཇུག་ཏུ་ཡི་གེར་འགོད་པར་བརྩམས་པ་དང་། སྐབས་དེར་ཚོ་པ་རྣམས་སྔར་བཞིན་ཡོར་དན་གཙང་པོའི་ཤར་ཕྱོགས་སུ་སྒར་བརྒྱབ་ནས་བསྡད་ཡོད།  
\is1 ཡི་གེར་འགོད་མཁན་དང་འགོད་དུས།  
\ipi ཡ་ཧུ་དཱ་པའི་གནའ་བོའི་སྲོལ་རྒྱུན་ལྟར་ན། གཞུང་འདིའི་མཇུག་གི་ཚན་པ་སྟེ་ཨ་རོན་གྱི་བུ་ཨེ་ལི་ཨ་ཟར་གྱིས་ཡི་གེར་བཀོད་པའི་ཡོ་ཤུ་ཨའི་འདས་མཆོད་ཀྱི་སྐོར་མ་གཏོགས་གཞན་ཚང་མ་ཡོ་ཤུ་ཨ་རང་ཉིད་ཀྱིས་ཡི་གེར་བཀོད་པ་ཡིན། མི་གཞན་པའི་འདོད་ཚུལ་ལྟར་ན། གཞུང་འདི་ནི་སཱ་མུ་ཨེལ་གྱིས་བསྡུ་སྒྲིག་བྱས་པར་བརྗོད་ཡོད། ཡིན་ནའང་ང་ཚོར་གཞུང་འདི་ཡི་གེར་འགོད་མཁན་སུ་ཡིན་པའི་སྐོར་གྱི་རྒྱུས་གསལ་པོ་ཞིག་མེད། ཡོ་ཤུ་ཨ་ཞེས་པའི་གཞུང་འདི་ནི་སྤྱི་ལོ་སྔོན་གྱི་ལོ་ཆིག་སྟོང་ཡར་སྔོན་ཙམ་ལ་ཡི་གེར་བཀོད་པ་ཡིན།  
\is1 བརྗོད་སྙིང་དང་གསུང་འཕྲིན།  
\ipi གཞུང་འདིའི་བརྗོད་བྱའི་སྙིང་པོ་ནི་དཀོན་མཆོག་གིས་ཡེས་ར་ཨེལ་པ་རྣམས་ཁོང་གིས་ཞལ་བཞེས་གནང་བའི་ཡུལ་ལ་སྡོད་དུ་བཅུག་པའི་སྐོར་ཡིན། དཀོན་མཆོག་གི་ཕྱག་རོགས་ལ་བརྟེན་ནས་མི་རྣམས་ཡོར་དན་གཙང་པོ་བརྒལ་ཏེ་ཀ་ན་ཨན་གྱི་གཞིས་ཀ་གཙོ་བོ་དག་དབང་དུ་བསྡུས། གཞུང་གི་མཇུག་ཏུ་ཡོ་ཤུ་ཨས་དཀོན་མཆོག་གིས་ཁོང་གི་མི་རྣམས་ལ་མཛད་པའི་ཞལ་བཞེས་གནང་བ་རྣམས་ཁོ་ཚོས་དྲན་དགོས་པའི་འབོད་སྐུལ་བཏང་བར་མ་ཟད། དཀོན་མཆོག་ལ་བརྩི་བཀུར་བྱེད་དགོས་པ་དང་ཁོང་གི་བཀའ་ལ་མཉན་དགོས་པའི་སློབ་སྟོན་ཡང་གནང་བ་རེད།  
\is1 འཆར་ཟིན།  
\ipi 1. ཀ་ན་ཨན་དབང་དུ་བསྒྱུར་བའི་སྟ་གོན་གྱི་སྐོར། ༼1:1-5:12༽  
\ipi 2. ཀ་ན་ཨན་དབང་དུ་བསྒྱུར་བའི་སྐོར། ༼5:13-12:24༽  
\ipi 3. ཚོ་པ་རྣམས་ལ་ཀ་ན་ཨན་ཡུལ་ལྗོངས་བགོ་འགྲེམ་བྱས་པའི་སྐོར། ༼13:1-21:45༽  
\ipi 4. ཡོ་ཤུ་ཨའི་ཞལ་ཆེམས་དང་ཁོང་སྐུ་གྲོངས་པའི་སྐོར། ༼22:1-24:33༽  
\c 1
\cl ལེའུ་དང་པོ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 དཀོན་མཆོག་ཡ་ཝཱེས་ཡོ་ཤུ་ཨ་ལ་བཅོལ་གདམས་གནང་བ།  
\p
\v 1 དཀོན་མཆོག་ཡ་ཝཱེའི་ཞབས་ཕྱི་མོ་ཤེ་ཚེ་ལས་འདས་རྗེས། དཀོན་མཆོག་ཡ་ཝཱེས་མོ་ཤེའི་ཕྱག་རོགས་ཏེ་ནུན་གྱི་བུ་ཡོ་ཤུ་ཨ་ལ་འདི་སྐད་དུ།  
\v 2 བདག་གི་ཞབས་ཕྱི་མོ་ཤེ་ཚེ་ལས་འདས་པ་དང་། ད་ལྟ་ཁྱོད་རང་ཡར་ལངས་ནས་འབངས་མི་རྣམས་དང་ལྷན་ཅིག་ཏུ་ཡོར་དན་གཙང་པོ་འདི་བརྒལ་ཏེ། བདག་གིས་ཡེས་ར་ཨེལ་པ་རྣམས་ལ་གནང་བར་འགྱུར་བའི་ཡུལ་དེར་འགྲོ་དགོས།  
\v 3 བདག་གིས་མོ་ཤེ་ལ་ཅི་ཞིག་ཁས་བླངས་པ་བཞིན་དུ། བདག་གིས་ཁྱོད་རྣམས་ཀྱིས་གོམ་པ་སྤོ་སའི་ཡུལ་ཐམས་ཅད་ཁྱོད་རྣམས་ལ་གནང་བ་ཡིན།  
\v 4 དབེན་སྟོང་དང་ལེ་པཱ་ནོན་ནས་གཙང་པོ་ཆེན་པོ་ཕི་རཱད་ཀྱི་བར་དུ། ཧེད་པ་རྣམས་ཀྱི་ཡུལ་ཀུན་དང་རྒྱ་མཚོ་ཆེན་པོའི་ཉི་མ་ནུབ་མཚམས་བར་ཁྱོད་རྣམས་ཀྱི་ཡུལ་ཁམས་སུ་འགྱུར་ངེས་ཡིན།  
\v 5 ཁྱོད་ཀྱི་མི་ཚེ་གང་པོར་སུ་ཡིན་ཡང་ཁྱོད་ཀྱི་མདུན་དུ་ཚུགས་ཐུབ་པ་གཅིག་ཀྱང་མེད། བདག་ནི་ཇི་ལྟར་མོ་ཤེ་དང་མཉམ་དུ་གནས་པ་ཡིན་ན་ཁྱོད་དང་མཉམ་དུ་ཡང་དེ་ལྟར་གནས་ངེས་ཡིན། བདག་གིས་ཁྱོད་རང་མི་བསྐྱུར་ལ་འདོར་བར་ཡང་མི་འགྱུར་རོ། །  
\v 6 ཁྱོད་ཀྱིས་འབངས་མི་རྣམས་ལ་བདག་གིས་ཁོ་ཚོའི་ཕ་མེས་ལ་གནང་བར་དམ་བཅས་པའི་ཡུལ་དེ་ས་སྐལ་དུ་འཐོབ་པར་བྱེད་ཆེད་སྙིང་སྟོབས་དང་དཔའ་སེམས་ལྡན་པར་གྱུར་ཅིག  
\v 7 ཁྱོད་རང་གང་དུ་སོང་ནའང་དོན་ཀུན་བདེ་བླག་ཡོང་བའི་ཕྱིར། ཞུམ་པ་མེད་པར་སྙིང་རུས་བསྐྱེད་ཅིག ངའི་ཞབས་ཕྱི་མོ་ཤེས་ཁྱོད་ལ་བསྒོས་པའི་བཀའ་ཁྲིམས་ཐམས་ཅད་ནན་བརྩི་ལག་བསྟར་བྱས་ནས་གཡས་གཡོན་གང་ལའང་མ་འཛོལ་ཅིག  
\v 8 ཁྱོད་ཀྱིས་མདོ་འདིའི་ནང་ཡི་གེར་བཀོད་པའི་བཀའ་ཐམས་ཅད་ནན་བརྩི་ལག་བསྟར་བྱེད་ཆེད། བཀའ་ཁྲིམས་ཀྱི་མདོ་འདི་ཁྱོད་ཀྱི་ངག་དང་མི་འབྲལ་བར་ཉིན་མཚན་མེད་པར་སྒོམས་ཤིག འདི་ལྟར་བྱས་ན། ཁྱོད་ཀྱི་ལམ་ནི་བདེ་བླག་ཡིན་ཞིང་དོན་ཀུན་འགྲུབ་པར་འགྱུར་རོ། །  
\v 9 བདག་གིས་ཁྱོད་ལ་མ་བསྒོས་སམ། ཁྱོད་ཀྱིས་ཞུམ་པ་མེད་པར་སྙིང་རུས་བསྐྱེད་དགོས། ཁྱོད་རང་གང་དུ་སོང་ནའང་ཁྱོད་ཀྱི་དཀོན་མཆོག་ཡ་ཝཱེ་ནི་ཁྱོད་དང་མཉམ་དུ་བཞུགས་པས་མ་འཇིགས་མ་འཚབ་ཅིག་ཅེས་གསུངས་སོ། །   
\s1 ཡོར་དན་གཙང་པོ་བརྒལ་བར་གྲ་སྒྲིག་བྱས་པ།  
\p
\v 10 དེ་ནས་ཡོ་ཤུ་ཨ་ཡིས་འབངས་མིའི་འགོ་དཔོན་དག་ལ་བཀའ་བསྒོས་ཏེ་ན་རེ།  
\v 11 ཉིན་གསུམ་གྱི་ནང་དུ་ཁྱོད་རྣམས་ཡོར་དན་གཙང་པོ་བརྒལ་ནས། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ས་སྐལ་དུ་གནང་བའི་ཡུལ་དེ་ལེན་པར་འགྲོ་དགོས་པས། ཁྱོད་རྣམས་སྒར་ས་ཡོངས་སུ་འགྲིམས་ནས་འབངས་རྣམས་ལ་ཁ་ཟས་སྟ་གོན་བྱེད་པར་བསྒོ་དགོས་ཞེས་བསྒོས་སོ། །  
\v 12 ཡོ་ཤུ་ཨ་ཡིས་རུ་བེན་པ་རྣམས་དང་གཱ་རྡུ་པ་རྣམས། མཱ་ན་ཤེའི་ཚོ་པ་ཕྱེད་ཀའི་མི་རྣམས་བཅས་ལ་ན་རེ།  
\v 13 ཁྱོད་རྣམས་ཀྱིས་དཀོན་མཆོག་ཡ་ཝཱེའི་ཞབས་ཕྱི་མོ་ཤེ་ཡིས་ཁྱོད་ཅག་ལ་བསྒོས་པའི་བཀའ་འདིར་ཕྱིར་དྲན་གྱིས་ཤིག ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་ངལ་གསོ་གནང་ཞིང་ཡུལ་འདི་ཡང་གནང་བར་འགྱུར།  
\v 14 ཁྱོད་རྣམས་ཀྱི་ཆུང་མ་དང་བུ་ཕྲུག ཕྱུགས་ཟོག་བཅས་ནི་མོ་ཤེས་ཁྱོད་ཅག་ལ་གནང་བའི་ཡུལ་ཏེ་ཡོར་དན་གཙང་པོའི་ཤར་ཕྱོགས་སུ་བསྡད་ཆོག་མོད། འོན་ཀྱང་ཁྱོད་ཚོའི་ཁྲོད་ཀྱི་དཔའ་རྒོད་སྟོབས་ཅན་རྣམས་ཀྱིས་མཚོན་ཆ་ཁྱེར་ཏེ་སྤུན་རྣམས་ཀྱི་སྔོན་དུ་ཕར་སོང་ནས་དེ་དག་ལ་རོགས་བྱེད་དགོས་ཤིང་།  
\v 15 དཀོན་མཆོག་ཡ་ཝཱེས་ཁྱོད་རྣམས་དང་འདྲ་བར་ཁྱོད་ཅག་གི་སྤུན་རྣམས་ལའང་ངལ་གསོ་གནང་བར་མ་ཟད། ཁྱོད་ཅག་གི་དཀོན་མཆོག་ཡ་ཝཱེས་ཁོ་རྣམས་ལ་ས་སྐལ་དུ་གནང་བའི་ཡུལ་དེ་ཐོབ་པའི་སྐབས་སུ། ཁྱོད་རྣམས་ད་གཟོད་དཀོན་མཆོག་ཡ་ཝཱེའི་ཞབས་ཕྱི་མོ་ཤེས་ཡོར་དན་གཙང་པོའི་ཤར་ཕྱོགས་སུ་ཁྱོད་རྣམས་ལ་གནང་བ་དང་། ཁྱོད་རྣམས་ལ་ཐོབ་པའི་ཡུལ་དེ་ལེན་དུ་ལོག་ཆོག་ཅེས་སྨྲས།  
\v 16 ཁོ་རྣམས་ཀྱིས་ཡོ་ཤུ་ཨ་ལ་དེའི་ལན་དུ། ཁྱེད་ཀྱིས་ཅི་ཞིག་བྱེད་དགོས་པར་བསྒོས་ན་ངེད་ཅག་གིས་དེ་བཞིན་དུ་བྱེད་ཅིང་། ཁྱེད་ཀྱིས་གང་ཞིག་ལ་འགྲོ་བར་མངགས་ན་ངེད་རྣམས་དེ་རུ་འགྲོའོ། །  
\v 17 ངེད་རྣམས་ཀྱིས་དོན་ཐམས་ཅད་ཀྱི་ཐད་ཇི་ལྟར་མོ་ཤེའི་བཀའ་ལ་མཉན་པ་ཡིན་ན། ད་ལྟ་དེ་ལྟར་ཁྱེད་ཀྱི་བཀའ་ལ་མཉན་ངེས་ཡིན། ཁྱེད་ཀྱི་དཀོན་མཆོག་ཡ་ཝཱེ་ནི་མོ་ཤེ་མཉམ་དུ་བཞུགས་པ་བཞིན་ཁྱེད་དང་མཉམ་དུ་བཞུགས་པར་སྨོན།  
\v 18 སུ་ཡིན་ཡང་ཁྱེད་ཀྱི་བཀའ་ལ་འགལ་ཞིང་ཁྱེད་ཀྱི་གདམས་པ་ལ་མི་མཉན་ན་དེ་ནི་འཆི་ལམ་དུ་འཇུག་དགོས། ཁྱེད་ཀྱིས་ཞུམ་པ་མེད་པར་སྙིང་རུས་བསྐྱེད་ཅིག་ཅེས་ཞུས་སོ། །   
\c 2
\cl ལེའུ་གཉིས་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 རཱ་ཧབ་དང་ལྟ་ཉུལ་པ།  
\p
\v 1 དེ་འཕྲལ་དུ། ནུན་གྱི་བུ་ཡོ་ཤུ་ཨ་ཡིས་སིད་ཏིམ་ནས་གསང་སྟབས་ཀྱིས་མི་གཉིས་ལྟ་ཉུལ་པར་བཏང་ཞིང་། ཁྱོད་གཉིས་ཡུལ་དེ་དང་ཡེ་རུ་ཀོ་ལ་ལྐོག་ལྟ་བྱེད་དུ་སོང་ཞིག་ཅེས་བསྒོས་པ་དང་། མི་དེ་གཉིས་སོང་ནས་སྨད་འཚོང་མ་རཱ་ཧབ་ཅེས་པའི་ཁྱིམ་དུ་སླེབས་ཤིང་དེར་ཞག་སྡོད་བྱས།  
\v 2 དོ་ནུབ་ཡེས་ར་ཨེལ་པའི་མི་འགའ་ཡུལ་འདིར་ལྟ་ཉུལ་བྱེད་དུ་སླེབས་འདུག་ཅེས་མི་ཞིག་གིས་ཡེ་རུ་ཀོའི་རྒྱལ་པོར་ཞུས་པ་ན།  
\v 3 ཡེ་རུ་ཀོའི་རྒྱལ་པོས་རཱ་ཧབ་ཀྱི་རྩར་མི་མངགས་ཏེ། ཁྱོད་སར་སླེབས་ཤིང་ཁྱོད་ཚང་ལ་འཛུལ་བའི་མི་དེ་གཉིས་ནི་ཡུལ་ཐམས་ཅད་ལ་ལྟ་ཉུལ་བྱེད་དུ་ཡོང་བ་ཡིན་པས་སྤྲོད་ཅིག་ཅེས་བཀའ་བབས་པ་ལ།  
\v 4 བུད་མེད་ཀྱིས་མི་དེ་གཉིས་སྦས་རྗེས་ན་རེ། མི་དེ་གཉིས་དངོས་གནས་ངའི་སར་སླེབས་བྱུང་ཡང་ཁོ་རྣམས་གང་ནས་ཐོན་པ་བདག་གིས་མི་ཤེས་སོ། །  
\v 5 མུན་རུབ་ནས་མཁར་སྒོ་རྒྱག་པའི་དུས་ལ་སླེབས་དུས་ཁོ་གཉིས་ཕྱིར་སོང་བ་རེད། གང་དུ་སོང་བ་ནི་བདག་གིས་མི་ཤེས། ད་ལྟ་ཁྱོད་རྣམས་མྱུར་དུ་ར་མདར་བརྒྱུགས་ན་ཁོ་ཚོའི་རྗེས་ཆོད་ངེས་ཡིན་ཞེས་ལན་བཏབ་བོ། །  
\v 6 དོན་དངོས་སུ་བུད་མེད་དེས་ཐོག་མར་མི་དེ་གཉིས་ཁང་ཀླད་དུ་ཁྲིད་ནས་ཁོ་རྣམས་དེར་བཏིངས་ཡོད་པའི་སོ་མ་ར་ཙའི་སོག་མའི་གསེང་དུ་སྦས་པ་ཡིན་ནོ། །  
\v 7 དེ་ནས་མི་དེ་རྣམས་ཡོར་དན་གཙང་པོའི་རབ་ཁར་ཁོ་གཉིས་ཀྱི་ར་མདར་བརྒྱུགས་པ་དང་། ཁོ་གཉིས་ཀྱི་ར་མདར་རྒྱུག་མཁན་རྣམས་ཕྱི་རུ་སོང་མ་ཐག་མཁར་སྒོ་བརྒྱབ་པ་རེད།  
\v 8 ཁོ་གཉིས་ད་དུང་མ་ཉལ་གོང་ལ། བུད་མེད་དེ་ཁང་ཀླད་དུ་ཁོ་གཉིས་ཀྱི་རྩར་ཡོང་སྟེ་ན་རེ།  
\v 9 དཀོན་མཆོག་ཡ་ཝཱེས་ཡུལ་འདི་ཁྱོད་རྣམས་ལ་གནང་ཟིན་པ་ཤེས་པར་མ་ཟད། ཁྱོད་རྣམས་ཀྱི་རྐྱེན་གྱིས་ངེད་ཅག་ནི་དངངས་སྐྲག་སྐྱེས་ཤིང་། ཡུལ་འདིའི་མི་ཐམས་ཅད་ཁྱོད་རྣམས་ཀྱི་མདུན་དུ་དཔའ་ཞུམ་པ་ཡིན།  
\v 10 ཅི་ལ་ཞེ་ན། ཁྱོད་རྣམས་ཨེ་ཅིབ་ཡུལ་ནས་ཐོན་པའི་དུས་སུ་དཀོན་མཆོག་ཡ་ཝཱེས་ཁྱོད་ཅག་གི་མདུན་དུ་རྒྱ་མཚོ་དམར་པོའི་ཆུ་ནི་ཅི་ལྟར་སྐམ་པར་མཛད་པ་དང་། ཁྱོད་རྣམས་ཀྱིས་ཡོར་དན་གཙང་པོའི་ཤར་ཕྱོགས་སུ་ཡོད་པའི་ཨེ་མོར་པའི་རྒྱལ་པོ་སི་ཧོན་དང་ཨོག་ཅེས་པ་གཉིས་ལ་ཅི་ཞིག་བྱས་པ་སྟེ། དེ་གཉིས་རྩ་མེད་དུ་བཏང་བ་ངེད་ཅག་གིས་ཐོས་པས་སོ། །  
\v 11 ངེད་རྣམས་ཀྱིས་དོན་འདི་དག་ཐོས་ཏེ་སེམས་ཀྱི་དཔའ་ཞུམ་པ་དང་། ཁྱོད་ཅག་གི་རྐྱེན་གྱིས་མི་བློ་སྟོབས་ཅན་ནི་གཅིག་ཀྱང་མེད་དོ། །ཁྱོད་རྣམས་ཀྱི་དཀོན་མཆོག་ཡ་ཝཱེ་ནི་སྟེང་གི་ནམ་མཁའ་དང་འོག་གི་ས་གཞིའི་དཀོན་མཆོག་ལགས་སོ། །  
\v 12 ད་ནི་བདག་གིས་ཁྱོད་གཉིས་ལ་དྲིན་བཟོས་པས། ཁྱོད་གཉིས་ཀྱིས་དཀོན་མཆོག་ཡ་ཝཱེ་དཔང་དུ་བཙུགས་ནས་བདག་གི་ཕ་གཞིའང་དྲིན་གྱིས་སྐྱོང་རྒྱུ་ཡིན་པའི་དམ་བཅའ་བར་མ་ཟད།  
\v 13 བདག་གི་ཕ་མ་དང་ཕུ་ནུ་མིང་སྲིང་། ཁོ་རྣམས་ལ་གཏོགས་པ་ཐམས་ཅད་ཀྱི་སྲོག་སྐྱོབ་པ་དང་། ངེད་རྣམས་འཆི་བ་ལས་ཐར་བར་བྱེད་རྒྱུ་ཡིན་པའི་དངོས་དཔང་ཞིག་ང་ལ་སྤྲོད་པར་མཛོད་ཅེས་ཞུས་པར།  
\v 14 མི་དེ་གཉིས་ཀྱིས་ཁོ་མོར་ན་རེ། གལ་ཏེ་ཁྱོད་ཀྱིས་ངེད་གཉིས་ཀྱི་དོན་འདི་ཕྱི་ལ་མ་བསྒྲགས་ན། ངེད་རྣམས་ནི་ཁྱོད་ཅག་གི་ཚབ་ཏུ་འཆི་དགོས་ཀྱང་ཆོག དཀོན་མཆོག་ཡ་ཝཱེས་ཡུལ་འདི་ངེད་ཅག་ལ་གནང་བའི་ཚེ། ངེད་རྣམས་ཀྱིས་བྱམས་བརྩེ་དང་གཞུང་དྲང་གིས་ཁྱོད་ཚོར་ལྟ་སྐྱོང་བྱེད་ངེས་ཡིན་ཞེས་སྨྲས།  
\v 15 དེ་ནས། བུད་མེད་དེའི་ཁང་པ་ནི་ལྕགས་རི་དང་འབྲེལ་ཡོད་ཅིང་ཁོ་མོ་ཡང་ལྕགས་རིའི་སྟེང་དུ་གནས་པས། ཁོ་མོས་མི་དེ་གཉིས་སྒེའུ་ཁུང་ནས་ཐག་པས་མར་བཏང་བ་དང་།  
\v 16 ཁོ་མོས་དེ་གཉིས་ལ། རྗེས་སྙེག་མཁན་རྣམས་ཁྱོད་ཅག་དང་འཕྲད་ཉེན་ཡོད་པས་ཁྱོད་ཅག་རི་ཁུལ་དུ་སོང་ནས་དེར་ཉིན་གསུམ་ལ་སྦས་ཏེ། རྗེས་སྙེག་མཁན་རྣམས་ཕྱིར་སླེབས་རྗེས་ད་གཟོད་ཁྱོད་ཅག་རང་གི་ལམ་དུ་ཆས་ཤིག་ཅེས་སྨྲས་པ་ལ།  
\v 17 དེ་གཉིས་ཀྱིས་ཁོ་མོར། ཁྱོད་ཀྱིས་འདི་ལྟར་བྱེད་དགོས་པ་སྟེ། དེ་ལྟར་མ་བྱས་ཚེ་ཁྱོད་ཀྱིས་ངེད་ཅག་ལ་མནའ་བསྐྱལ་དུ་བཅུག་པ་དེ་ངེད་ཅག་དང་འབྲེལ་བ་མེད།  
\v 18 ངེད་རྣམས་ཡུལ་འདིར་སླེབས་ཚེ། ཁྱོད་ཀྱིས་ཐག་སྐུད་མཚལ་མདོག་ཅན་འདི་ངེད་རྣམས་མར་གཏོང་སའི་སྒེའུ་ཁུང་སྟེང་དུ་འདོགས་དགོས་པར་མ་ཟད། ཁྱོད་ཀྱི་ཕ་མ་དང་སྤུན་ཟླ། དེ་མིན་ཁྱོད་ཀྱི་ཕ་གཞིས་ཀྱི་ཁྱིམ་མི་ཐམས་ཅད་ཁྱོད་ཚང་ལ་འཛོམ་པར་བྱེད་དགོས།  
\v 19 སུ་ཞིག་ཁྱོད་ཀྱི་ཁྱིམ་ནས་ཕྱིར་བུད་དེ་སྲང་ལམ་དུ་སོང་ན་དེའི་སྡིག་པ་ནི་ཁོ་རང་ཉིད་ཀྱི་མགོར་འབབ་པ་དང་ངེད་ཅག་ལ་འབྲེལ་བ་མེད། ཁྱོད་ཀྱི་ཁྱིམ་དུ་ཡོད་པ་རྣམས་ལ་གལ་ཏེ་སུ་ཞིག་གིས་གནོད་འཚེ་བཏང་ན་དེའི་ཁྲག་བཞུར་བའི་སྡིག་པ་ནི་ངེད་ཅག་གི་མགོར་འབབ་པ་ཡིན།  
\v 20 གལ་ཏེ་ཁྱོད་ཀྱིས་ངེད་ཅག་གི་དོན་འདི་ཕྱི་རུ་བསྒྲགས་ན། ཁྱོད་ཀྱིས་ངེད་ཅག་ལ་འཇོག་ཏུ་བཅུག་པའི་དམ་བཅའ་ནི་ངེད་ཅག་དང་འབྲེལ་བ་མེད་ཅེས་སྨྲས་སོ། །  
\v 21 ཡང་ཁོ་མོས། ཁྱོད་རྣམས་ཀྱིས་སྨྲས་པ་བཞིན་དུ་གྱུར་ཅིག་ཅེས་སྨྲས་ཤིང་དེ་དག་འགྲོ་རུ་བཅུག་པ་དང་། ཡང་ཐག་སྐུད་མཚལ་མདོག་ཅན་སྒེའུ་ཁུང་སྟེང་དུ་བཏགས་པ་རེད།  
\v 22 ཁོ་གཉིས་རི་ཁུལ་དུ་སླེབས་ནས་རྗེས་སྙེག་མཁན་རྣམས་ཕྱིར་འགྲོ་བའི་བར་དུ་དེར་ཉིན་གསུམ་ལ་བསྡད་པ་དང་། རྗེས་སྙེག་མཁན་རྣམས་ཀྱིས་ལམ་ཧྲིལ་པོར་ཁོ་གཉིས་བཙལ་ཡང་མ་རྙེད་དོ། །  
\v 23 དེ་ནས་ཁོ་གཉིས་རི་ལས་མར་བབས་ཏེ་ཆུ་བོ་བརྒལ་ནས་ནུན་གྱི་བུ་ཡོ་ཤུ་ཨའི་དྲུང་དུ་སླེབས་ཤིང་། ཁོ་རྣམས་ལ་ཅི་བྱུང་བའི་དོན་ཐམས་ཅད་ཁོང་ལ་བཤད་པ་དང་།  
\v 24 ཡང་ཡོ་ཤུ་ཨ་ལ། དཀོན་མཆོག་ཡ་ཝཱེས་དངོས་གནས་ཡུལ་དེ་ཐམས་ཅད་རང་ཅག་ལ་གནང་བ་དང་། ཡུལ་དེའི་མི་ཐམས་ཅད་ནི་ངེད་རྣམས་ཀྱི་མདུན་དུ་དཔའ་ཞུམ་པ་རེད་ཅེས་སྨྲས་སོ། །   
\c 3
\cl ལེའུ་གསུམ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཡེས་ར་ཨེལ་པ་རྣམས་ཡོར་དན་གཙང་པོ་བརྒལ་བ།  
\p
\v 1 ཡོ་ཤུ་ཨ་ནི་ཞོགས་པ་སྔ་མོར་ཡར་ལངས་ཏེ་ཡེས་ར་ཨེལ་པ་རྣམས་དང་མཉམ་དུ་སིད་ཏིམ་དང་བྲལ་ནས་ཡོར་དན་གཙང་པོ་རུ་སླེབས་པ་དང་། གཙང་པོ་བརྒལ་བའི་བར་དུ་དེར་བསྡད་དོ། །  
\v 2 ཉིན་གསུམ་འགོར་རྗེས་འགོ་དཔོན་རྣམས་སྒར་ས་ཀུན་ཏུ་འགྲིམས་ནས།  
\v 3 འབངས་མི་རྣམས་ལ་འདི་ལྟར། ཁྱོད་རྣམས་ཀྱིས་ཁྱོད་ཀྱི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དང་། ཡང་མཆོད་དཔོན་ཡིན་པའི་ལེ་ཝི་པ་རྣམས་ཀྱིས་དེ་ཁུར་ནས་འགྲོ་བ་མཐོང་དུས་སྡོད་སའི་གནས་དང་བྲལ་ནས་དེའི་རྗེས་སུ་འབྲང་དགོས།  
\v 4 འོན་ཀྱང་ཁྱོད་ཅག་དང་ཞལ་ཆད་ཀྱི་ཤུར་སྒམ་གཉིས་ཀྱི་བར་དུ་ཁྲུ་ཉིས་སྟོང་གི་བར་ཐག་ཡོད་དགོས་ལ། ཞལ་ཆད་ཀྱི་ཤུར་སྒམ་དང་ཉེ་བར་མ་གཅར་ཅིག ཅི་ལ་ཞེ་ན། ཁྱོད་རྣམས་སྔར་ལམ་དེར་སྐྱོད་མ་མྱོང་བས་ཁྱོད་ཅག་བགྲོད་པའི་ལམ་དེ་ཤེས་པའི་ཕྱིར་རོ་ཞེས་བཀའ་བསྒོས།  
\v 5 ཡོ་ཤུ་ཨ་ཡིས་འབངས་རྣམས་ལ། སང་ཉིན་དཀོན་མཆོག་ཡ་ཝཱེས་ཁྱོད་རྣམས་ཀྱི་ཁྲོད་དུ་དོན་ངོ་མཚར་ཅན་རྣམས་མཛད་རྒྱུ་ཡིན་པས། ཁྱོད་ཅག་གིས་རང་ཉིད་གཙང་མར་བཟོ་དགོས་ཞེས་བཀའ་བསྒོས།  
\v 6 ཡང་ཡོ་ཤུ་ཨ་ཡིས་མཆོད་དཔོན་རྣམས་ལ། ཁྱོད་ཅག་གིས་ཞལ་ཆད་ཀྱི་ཤུར་སྒམ་ཁུར་ནས་འབངས་རྣམས་ཀྱི་སྔོན་དུ་སོང་ཞིག་ཅེས་བཀའ་བསྒོས་པ་ལ། ཁོ་རྣམས་ཀྱིས་ཞལ་ཆད་ཀྱི་ཤུར་སྒམ་ཁུར་ནས་འབངས་རྣམས་ཀྱི་སྔོན་ནས་བསྐྱོད་དོ། །  
\v 7 དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། དུས་དེ་རིང་ནས་བཟུང་ངས་ཁྱོད་རང་ཡེས་ར་ཨེལ་པ་རྣམས་ཀྱི་མིག་སྔར་མཆོག་ཏུ་གྱུར་བར་བྱ་སྟེ། ང་རང་ནི་ཇི་ལྟར་མོ་ཤེ་དང་མཉམ་དུ་ཡོད་པ་དེ་བཞིན་དུ་ཁྱོད་དང་མཉམ་དུའང་ཡོད་པ་ཁོ་རྣམས་ལ་ཤེས་སུ་འཇུག་གོ །  
\v 8 ཁྱོད་ཀྱིས་ཞལ་ཆད་ཀྱི་ཤུར་སྒམ་འཁུར་བའི་མཆོད་དཔོན་རྣམས་ལ། ཁྱོད་ཅག་ཡོར་དན་གཙང་པོའི་འགྲམ་དུ་སླེབས་ཚེ། ཡོར་དན་གཙང་པོའི་ཆུ་ནང་དུ་ལངས་ནས་འདུག་དགོས་ཞེས་བསྒོས་ཤིག་ཅེས་གསུངས་སོ། །  
\v 9 ཡོ་ཤུ་ཨ་ཡིས་ཡེས་ར་ཨེལ་པ་རྣམས་ལ། ཁྱོད་རྣམས་ཚུར་ཤོག་ལ་ཁྱོད་ཚོའི་དཀོན་མཆོག་ཡ་ཝཱེའི་བཀའ་ལ་ཉོན་ཅིག་ཅེས་སྨྲས་ཤིང་།  
\v 10-11 ཡོ་ཤུ་ཨ་ཡིས། ལྟོས་དང་། ས་གཞི་ཡོངས་ཀྱི་བདག་པོའི་ཞལ་ཆད་ཀྱི་ཤུར་སྒམ་ནི་ཁྱོད་རྣམས་ཀྱི་སྔོན་དུ་འགྲོ་ཞིང་ཡོར་དན་གཙང་པོར་བསླེབ་པ་དང་། དེ་ནས་ཁྱོད་ཅག་གིས་གཏན་དུ་གསོན་པོར་བཞུགས་པའི་དཀོན་མཆོག་ནི་ཁྱོད་ཚོའི་ཁྲོད་དུ་བཞུགས་པར་མ་ཟད། ཁོང་གིས་ཁྱོད་རྣམས་ཀྱི་མདུན་ནས་ཀ་ན་ཨན་པ་དང་། ཧེད་པ། ཧེ་བི་པ། ཕེ་རེ་ཟི་པ། གིར་གས་པ། ཨེ་མོར་པ། ཡེ་བུ་སི་པ་རྣམས་མཐར་སྐྲོད་གཏོང་ངེས་པ་ཤེས་སོ། །  
\v 12 ད་ལྟ་ཁྱོད་རྣམས་ཀྱིས་ཡེས་ར་ཨེལ་གྱི་ཚོ་པའི་ཁྲོད་ནས་མི་བཅུ་གཉིས་འདེམས་དགོས་པ་སྟེ། ཚོ་པ་རེ་ནས་མི་རེ་འདེམས་དགོས།  
\v 13 ས་གཞི་ཡོངས་ཀྱི་བདག་པོ་སྟེ་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁུར་མཁན་མཆོད་དཔོན་རྣམས་ཀྱི་རྐང་པ་ཡོར་དན་གཙང་པོའི་ཆུ་ནང་དུ་སྤོས་པ་ན། ཡོར་དན་གཙང་པོའི་ཆུ་སྟེ་ཡར་ནས་མར་འབབ་པའི་ཆུ་ནི་རྒྱུན་ཆད་ཅིང་ཆུ་རགས་སུ་འགྱིང་བར་འགྱུར་ཞེས་སྨྲས།  
\v 14 འབངས་མི་རྣམས་གུར་དང་བྲལ་ནས་ཡོར་དན་གཙང་པོ་བརྒལ་དུ་འགྲོ་དུས། ཞལ་ཆད་ཀྱི་ཤུར་སྒམ་འཁུར་བའི་མཆོད་དཔོན་རྣམས་ནི་འབངས་མི་རྣམས་ཀྱི་སྔོན་དུ་བསྐྱོད་དོ། །  
\v 15 སྟོན་ཐོག་བསྡུ་བའི་སྐབས་སུ་ཡོར་དན་གཙང་པོའི་ཆུ་ནི་འགྲམ་གཉིས་སུ་རྒྱས་པ་ཡིན་མོད། འོན་ཀྱང་ཞལ་ཆད་ཀྱི་ཤུར་སྒམ་འཁུར་མཁན་མཆོད་དཔོན་རྣམས་ཡོར་དན་གཙང་པོར་སླེབས་པ་དང་དེ་ཚོའི་རྐང་པ་ཆུའི་ནང་དུ་སྤོས་མ་ཐག  
\v 16 ཡར་ནས་མར་འབབ་པའི་ཆུ་ནི་རྒྱང་ཐག་ཧ་ཅང་རིང་སའི་ཟར་ཐན་གྱི་ཉེ་འགྲམ་དུ་ཡོད་པའི་ཨ་དམ་གྲོང་ཁྱེར་དུ་རྒྱུན་ཆད་ཅིང་ཆུ་རགས་སུ་འགྱིངས་པ་དང་། ཨ་ར་པཱ་རུ་བཞུར་བའི་མཚོ་སྟེ་ཚྭ་མཚོ་ཡི་མར་འབབ་པའི་ཆུ་ནི་རྒྱུན་ཆད་པར་གྱུར་པས། འབངས་མི་རྣམས་ཡེ་རུ་ཀོའི་ཁ་གཏད་ནས་ཆུའི་ཕ་རོལ་ཏུ་བརྒལ།  
\v 17 དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁུར་མཁན་མཆོད་དཔོན་རྣམས་ཡོར་དན་གཙང་པོའི་སྐམ་ས་རུ་བརྟན་པོར་ལངས་པ་དང་། མི་ཐམས་ཅད་ཡོར་དན་གཙང་པོ་བརྒལ་བའི་བར་དུ་ཡེས་ར་ཨེལ་པ་ཐམས་ཅད་སྐམ་ས་ནས་ཕ་རོལ་ཏུ་ཕྱིན་ཏོ། །   
\c 4
\cl ལེའུ་བཞི་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 རྡོ་བཙུགས་ནས་བདེན་དཔང་བྱས་པ།  
\p
\v 1 མི་ཐམས་ཅད་ཡོར་དན་གཙང་པོ་བརྒལ་བ་ན། དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ།  
\v 2 ཁྱོད་ཀྱིས་འབངས་རྣམས་ལས་མི་བཅུ་གཉིས་འདེམས་དགོས་པ་སྟེ། ཚོ་པ་རེ་ནས་མི་རེ་འདེམས་པ་དང་།  
\v 3 ཁོ་རྣམས་ལ་འདི་སྐད་དུ། ཁྱོད་ཚོས་འདིར་ཡོར་དན་གཙང་པོ་ལས་མཆོད་དཔོན་རྣམས་ལངས་སྡོད་ས་ནས་རྡོ་བཅུ་གཉིས་བླངས་ཏེ་འཁྱེར་བ་དང་། དོ་དགོང་ཁྱོད་རྣམས་སྡོད་སའི་གནས་དེར་འཇོག་དགོས་ཞེས་བསྒོ་བར་བྱའོ་ཞེས་གསུངས།  
\v 4 དེ་ནས་ཡོ་ཤུ་ཨ་ཡིས་ཁོས་ཡེས་ར་ཨེལ་པ་རྣམས་ཀྱི་ཁྲོད་དུ་ཚོ་པ་རེ་ནས་མི་རེ་སྟ་གོན་བྱས་པའི་མི་བཅུ་གཉིས་པོ་ཐམས་ཅད་བོས་ཡོང་ཞིང་།  
\v 5 ཁོ་རྣམས་ལ་ན་རེ། ཁྱོད་རྣམས་ཡོར་དན་གཙང་པོ་བརྒལ་ནས་ཁྱོད་ཅག་གི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་མདུན་ནས་ཕར་འགྲོ་དགོས་ཤིང་། ཡེས་ར་ཨེལ་གྱི་ཚོ་པ་བཅུ་གཉིས་པོའི་གྲངས་ཀ་ལྟར་མི་རེས་རྡོ་རེ་བླངས་ནས་ཕྲག་ལ་ཁུར་ཅིག  
\v 6 རྡོ་འདི་རྣམས་ནི་ཁྱོད་ཚོའི་ཁྲོད་དུ་དཔང་རྟགས་བྱས་ཆོག་པ་སྟེ། རྗེས་སུ་ཁྱོད་ཅག་གི་བུ་རྒྱུད་རྣམས་ཀྱིས་རྡོ་འདི་དག་གི་དོན་གང་ཡིན་པར་དྲིས་ན།  
\v 7 ཁྱོད་ཅག་གིས་ཁོ་རྣམས་ལ། འདི་ནི་ཡོར་དན་གཙང་པོའི་ཆུ་བོ་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་གྱི་དྲུང་ནས་རྒྱུན་ཆད་པ་དང་། ཞལ་ཆད་ཀྱི་ཤུར་སྒམ་ཡོར་དན་གཙང་པོ་བརྒལ་བའི་དུས་སུ་ཡོར་དན་གཙང་པོའི་ཆུ་རྒྱུན་ཆད་པར་གྱུར་ཅིང་། རྡོ་འདི་རྣམས་ནི་ཡེས་ར་ཨེལ་པ་རྣམས་ཀྱི་དུས་གཏན་གྱི་དྲན་རྟེན་ཡིན་ཞེས་སྨྲོས་ཤིག་ཅེས་སྨྲས་སོ། །  
\v 8 དེ་ནས་ཡེས་ར་ཨེལ་པ་རྣམས་ཀྱིས་ཡོ་ཤུ་ཨ་ཡིས་ཇི་ལྟར་བསྒོས་པ་བཞིན་ཡེས་ར་ཨེལ་པ་རྣམས་ཀྱི་ཚོ་པ་དག་གི་གྲངས་ཀ་ལྟར་ཡོར་དན་གཙང་པོ་ལས་རྡོ་བཅུ་གཉིས་བླངས་ཏེ། ཐམས་ཅད་དཀོན་མཆོག་ཡ་ཝཱེས་ཡོ་ཤུ་ཨ་ལ་ཇི་ལྟར་བཀའ་བསྒོས་པ་བཞིན་དུ་བྱས་ཏེ། ཁོ་ཚོས་རྡོ་རྣམས་ཕར་སྡོད་སའི་གནས་སུ་ཁྱེར་ནས་དེར་བཞག་གོ །  
\v 9 ཡོ་ཤུ་ཨ་ཡིས་གཞན་ཡང་རྡོ་བཅུ་གཉིས་ཡོར་དན་གཙང་པོ་རུ་ཞལ་ཆད་ཀྱི་ཤུར་སྒམ་འཁུར་མཁན་མཆོད་དཔོན་རྣམས་ལངས་སྡོད་སའི་གནས་སུ་བསླངས་པ་དང་། རྡོ་དེ་རྣམས་ད་ལྟའི་བར་དུ་གནས་དེར་ཡོད་དོ། །  
\v 10 དཀོན་མཆོག་ཡ་ཝཱེས་ཡོ་ཤུ་ཨ་ལ་འབངས་རྣམས་ལ་བསྒོ་བར་སྐུལ་སློང་མཛད་པ་སྟེ། མོ་ཤེས་ཡོ་ཤུ་ཨ་ལ་བསྒོས་པའི་བཀའ་ཐམས་ཅད་ལྟར་དོན་རྣམས་བསྒྲུབས་ནས་རྫོགས་པའི་བར་དུ། ཞལ་ཆད་ཀྱི་ཤུར་སྒམ་འཁུར་མཁན་མཆོད་དཔོན་རྣམས་ཡོར་དན་གཙང་པོ་རུ་ལངས་བསྡད་ཅིང་། དེ་ནས་འབངས་མི་རྣམས་མགྱོགས་མྱུར་ངང་ཆུ་ལས་བརྒལ་ཏོ། །  
\v 11 འབངས་མི་ཐམས་ཅད་གཙང་པོ་ལས་བརྒལ་བ་དང་། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དང་མཆོད་དཔོན་རྣམས་འབངས་མིའི་མདུན་ནས་ཕ་རོལ་ཏུ་ཕྱིན།  
\v 12 རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་བཅས་པ་མོ་ཤེས་ཁོ་ཚོར་ཇི་ལྟར་བཀའ་བསྒོས་པ་བཞིན་དུ། གོ་མཚོན་ཁྱེར་ཏེ་ཡེས་ར་ཨེལ་པ་རྣམས་ཀྱི་མདུན་ནས་ཕར་ཕྱིན་པ་དང་།  
\v 13 མི་ཁྲི་ཚོ་བཞི་ཙམ་འཐབ་མོ་བྱེད་པར་སྟ་གོན་བྱས་ཏེ་དཀོན་མཆོག་ཡ་ཝཱེའི་དྲུང་ནས་ཕར་སོང་ཞིང་། ཡེ་རུ་ཀོ་ཡི་ཐང་དུ་སླེབས་ནས་གཡུལ་སར་བསྐྱོད་པར་སྒུག་བསྡད་པ་དང་།  
\v 14 ཉིན་དེར་དཀོན་མཆོག་ཡ་ཝཱེས་ཡོ་ཤུ་ཨ་ནི་ཡེས་ར་ཨེལ་པ་རྣམས་ཀྱི་མིག་ནང་ལ་མཆོག་ཏུ་གྱུར་བར་མཛད་ཅིང་། འབངས་རྣམས་ཀྱིས་སྔར་མོ་ཤེ་ལ་ཇི་ལྟར་གུས་གུས་ཞུམ་ཞུམ་བྱས་པ་བཞིན་དུ། ཁོའི་མི་ཚེ་གང་པོར་ཁོ་ལ་གུས་གུས་ཞུམ་ཞུམ་བྱས་སོ། །  
\v 15 དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ།  
\v 16 ཁྱོད་ཀྱིས་བཀའ་ཁྲིམས་ཀྱི་ཤུར་སྒམ་འཁུར་མཁན་མཆོད་དཔོན་རྣམས་ཡོར་དན་གཙང་པོ་ནས་ཡར་འོང་བར་བསྒོས་ཤིག་ཅེས་གསུངས་པ་ལ།  
\v 17 ཡོ་ཤུ་ཨ་ཡིས་མཆོད་དཔོན་རྣམས་ལ། ཁྱོད་རྣམས་ཡོར་དན་གཙང་པོ་ནས་ཡར་ཤོག་ཅིག་ཅེས་བསྒོས་སོ། །  
\v 18 དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་འཁུར་མཁན་མཆོད་དཔོན་རྣམས་ཡོར་དན་གཙང་པོ་ནས་ཡར་ཐོན་ཞིང་རྐང་མཐིལ་སྐམ་སར་སྤོས་མ་ཐག ཡོར་དན་གཙང་པོའི་ཆུ་ནི་སྔར་གནས་སུ་བཞུར་ཅིང་སྔར་བཞིན་འགྲམ་གཉིས་སུ་རྒྱས་སོ། །  
\v 19 ཟླ་དང་པོའི་ཚེས་བཅུ་ཉིན་འབངས་རྣམས་ཡོར་དན་གཙང་པོ་ནས་ཡར་ཐོན་ཞིང་། ཡེ་རུ་ཀོ་ཡི་ཤར་ཕྱོགས་ཏེ་གིལ་གལ་ཡུལ་དུ་སྒར་བཏབ།  
\v 20 ཡོ་ཤུ་ཨ་ཡིས་ཁོ་རྣམས་ཀྱིས་ཡོར་དན་གཙང་པོ་ནས་བླངས་པའི་རྡོ་བཅུ་གཉིས་པོ་དེ་གིལ་གལ་ཡུལ་དུ་བསླངས་པ་དང་།  
\v 21 ཡེས་ར་ཨེལ་པ་རྣམས་ལ། ཕྱིས་སུ་ཁྱོད་ཅག་གི་བུ་རབས་ཚ་རྒྱུད་ཀྱིས་རང་གི་ཕ་ལ་རྡོ་འདི་རྣམས་ཀྱི་དོན་གང་ཡིན་པ་དྲིས་ན།  
\v 22 ཁྱོད་ཅག་གིས་ཁོ་ཚོར་སྔར་ཡེས་ར་ཨེལ་པ་རྣམས་སྐམ་ས་བརྒྱུད་ནས་ཡོར་དན་གཙང་པོ་འདི་བརྒལ་བ་ཡིན་ཞེས་སྨྲོས་ཤིག  
\v 23 ཅི་ལ་ཞེ་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་སྔར་ངེད་ཅག་གི་སྔོན་དུ་ངེད་རྣམས་ཚུར་སླེབས་པའི་བར་དུ་རྒྱ་མཚོ་དམར་པོའི་ཆུ་སྐམ་པར་མཛད་པ་ཇི་བཞིན་དུ། ཁྱོད་ཅག་གི་སྔོན་དུ་ཁྱོད་རྣམས་ཚུར་སླེབས་པའི་བར་དུ་ཡོར་དན་གཙང་པོའི་ཆུ་སྐམ་པར་མཛད་པ་དང་།  
\v 24 དེ་ནི་ས་སྟེང་གི་མི་ཐམས་ཅད་ཀྱིས་དཀོན་མཆོག་ཡ་ཝཱེའི་ཕྱག་ཟུང་ལ་ནུས་མཐུ་ཆེན་པོ་ལྡན་པ་རྟོགས་པར་བྱེད་པ་དང་། ཁྱོད་རྣམས་ཀྱིས་རྒྱུན་ནས་རྒྱུན་དུ་ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་གུས་ཤིང་འཇིགས་པར་བྱེད་པའི་ཕྱིར་ཡིན་ཞེས་སྨྲས་སོ། །   
\c 5
\cl ལེའུ་ལྔ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 གིལ་གལ་ཡུལ་ནས་མཚན་སྐྱི་བཅད་པ།  
\p
\v 1 ཡོར་དན་གཙང་པོའི་ནུབ་ཕྱོགས་ཀྱི་ཨེ་མོར་པའི་རྒྱལ་པོ་རྣམས་དང་མཚོ་འགྲམ་གྱི་ཀ་ན་ཨན་པའི་རྒྱལ་པོ་རྣམས་ཀྱིས་དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་ཕར་སླེབས་པའི་བར་དུ་ཁོ་ཚོའི་སྔོན་དུ་ཡོར་དན་གཙང་པོའི་ཆུ་སྐམ་པར་མཛད་པ་ཐོས་ནས། དེ་དག་གི་སེམས་ནི་ཡེས་ར་ཨེལ་པ་རྣམས་ཀྱི་རྐྱེན་གྱིས་དཔའ་ཞུམ་པ་དང་བློ་སྟོབས་ཉམས་པར་གྱུར།  
\v 2 སྐབས་དེར་དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། ཁྱོད་ཀྱིས་མེ་རྡོ་ཡི་གྲི་བཟོས་ནས་ཡེས་ར་ཨེལ་པའི་སྡེ་ཚན་གཉིས་པར་མཚན་སྐྱི་ཆོད་ཅིག་ཅེས་གསུངས་པ་ལ།  
\v 3 ཡོ་ཤུ་ཨ་ཡིས་མེ་རྡོ་ཡི་གྲི་བཟོས་ནས་རི་བོ་ཨ་ར་ལོད་\f + \ft ཨ་ར་ལོད་ཅེས་པ་ནི་མཚན་སྐྱི་བཅད་པའི་དོན་ལ་འཇུག\f*དུ་ཡེས་ར་ཨེལ་པ་རྣམས་ལ་མཚན་སྐྱི་བཅད་དོ། །  
\v 4 ཡོ་ཤུ་ཨ་ཡིས་ཡེས་ར་ཨེལ་པ་རྣམས་ལ་མཚན་སྐྱི་གཅོད་པའི་རྒྱུ་མཚན་ཅི་ཡིན་ཞེ་ན། ཨེ་ཅིབ་ཡུལ་ནས་ཐོན་པའི་འབངས་རྣམས་ཏེ་འཐབ་མོ་བྱེད་ཐུབ་པའི་སྐྱེས་པ་ཐམས་ཅད་ནི་ཨེ་ཅིབ་ཡུལ་ནས་ཐོན་རྗེས་ཚང་མ་དབེན་སྟོང་གི་ལམ་བར་དུ་ཚེ་ལས་འདས་པ་དང་།  
\v 5 ཨེ་ཅིབ་ནས་ཕྱིར་ཐོན་པའི་འབངས་རྣམས་ནི་མཚན་སྐྱི་བཅད་མྱོང་བ་ཡིན་མོད། འོན་ཀྱང་ཨེ་ཅིབ་ཡུལ་ནས་ཐོན་རྗེས་དབེན་སྟོང་གི་ལམ་བར་དུ་སྐྱེས་པའི་མི་རྣམས་ནི་མཚན་སྐྱི་བཅད་མ་མྱོང་བའི་ཕྱིར་རོ། །  
\v 6 ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེའི་བཀའ་ལ་མ་མཉན་པས། འབངས་མི་སྟེ་ཨེ་ཅིབ་ཡུལ་ནས་ཐོན་པའི་དམག་མི་ཐམས་ཅད་རྩ་མེད་དུ་འགྲོ་བའི་བར་དུ། ཁོ་རྣམས་ལོ་ངོ་བཞི་བཅུའི་རིང་ལ་དབེན་སྟོང་འགྲིམས་པའོ། །དཀོན་མཆོག་ཡ་ཝཱེས་སྔར་ཁོ་རྣམས་ལ། དཀོན་མཆོག་ཡ་ཝཱེས་ཁོ་ཚོའི་ཕ་མེས་རྣམས་ལ་མནའ་བཞེས་ཤིང་རང་ཅག་ལ་གནང་བར་ཞལ་བཞེས་གནང་བའི་ཡུལ་ཏེ་འོ་མ་དང་སྦྲང་རྩི་བཞུར་བའི་ཡུལ་དེ་ནི་ཁོ་ཚོར་མཐོང་དུ་མི་འཇུག་ཅེས་མནའ་བཞེས་པའོ། །  
\v 7 ཁོ་རྣམས་ཀྱི་བུ་རབས་ཚ་རྒྱུད་དེ་ཡ་ཝཱེས་ཁོ་ཚོའི་ཚབ་བྱེད་དུ་སྤེལ་བ་རྣམས་ནི་མཚན་སྐྱི་བཅད་མ་མྱོང་བ་དང་། ལམ་བར་དུ་ཁོ་རྣམས་ལ་མཚན་སྐྱི་མ་བཅད་པས་ཡོ་ཤུ་ཨས་ད་ནི་ཁོ་ཚོར་བཅད་དོ། །  
\v 8 འབངས་མི་ཐམས་ཅད་ལ་མཚན་སྐྱི་བཅད་ཚར་ཞིང་། རྨ་ཁ་ཡོངས་སུ་སོས་པའི་བར་དུ་སྒར་ས་རུ་རང་རང་གི་སྡོད་སར་གནས་པའོ། །  
\v 9 དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། དེ་རིང་ངས་ཁྱོད་ཚོའི་སྟེང་གི་ཨེ་ཅིབ་ཡུལ་གྱི་ངོ་ཚ་དེ་བསྒྲིལ་བར་བྱའོ་ཞེས་གསུངས་པས་ཡུལ་དེའི་མིང་ལ་ད་ལྟའི་བར་དུ་གིལ་གལ་ \f + \ft གིལ་གལ་ཞེས་པ་ནི་བསྒྲིལ་བའི་དོན་ཡིན།\f*ཞེས་འབོད་པ་ཡིན།  
\v 10 ཡེས་ར་ཨེལ་པ་རྣམས་ཀྱིས་གིལ་གལ་ཡུལ་དུ་སྒར་བཏབ་ཅིང་། ཟླ་དང་པོའི་ཚེས་བཅུ་བཞི་ཉིན་གྱི་དགོང་མོར་ཡེ་རུ་ཀོ་ཡི་ཐང་དུ་པེ་སག་གི་དུས་ཆེན་བསྲུངས།  
\v 11 པེ་སག་གི་དུས་ཆེན་གྱི་ཕྱི་ཉིན་ཁོ་ཚོས་ཡུལ་དེའི་ཐོན་རྫས་ཟོས་པ་དང་། ཉིན་མོ་དེར་སྐྱུར་མེད་བག་ལེབ་དང་ཡོས་ཟོས་སོ། །  
\v 12 ཁོ་རྣམས་ཀྱིས་ཡུལ་དེའི་ཐོན་རྫས་ཟོས་པ་དང་དེའི་ཕྱི་ཉིན་མཱན་ནཱ་ཆད་པ་རེད། དེ་ནས་བཟུང་ཡེས་ར་ཨེལ་པ་རྣམས་ལ་མཱན་ནཱ་མེད་པར་གྱུར་མོད། འོན་ཀྱང་ལོ་དེར་ཁོ་རྣམས་ཀྱིས་ཀ་ན་ཨན་ཡུལ་གྱི་ཐོན་རྫས་ཟོས་པའོ། །   
\s1 ཡ་ཝཱེའི་དཔུང་ཚོགས་ཀྱི་དམག་དཔོན།  
\p
\v 13 ཡོ་ཤུ་ཨས་ནི་ཡེ་རུ་ཀོ་ལ་ཉེ་བའི་སྐབས་སུ་མགོ་ཡར་བཀྱགས་ནས་བལྟས་ཚེ། བསམ་ཡུལ་ལས་འདས་པ་ཞིག་ལ། ལག་ཏུ་ཤུབས་ལས་བཏོན་པའི་གྲི་བཟུང་བའི་སྐྱེས་བུ་ཞིག་ཁ་གཏད་དུ་ལངས་སྡོད་པ་རེད། ཡོ་ཤུ་ཨ་ནི་ཁོང་གི་དྲུང་དུ་སོང་ནས་ན་རེ། ཁྱེད་ནི་ངེད་ཅག་ལ་རོགས་བྱེད་མཁན་ཡིན་ནམ་ཡང་ན་ངེད་ཅག་གི་དགྲ་ཟླར་རོགས་བྱེད་མཁན་ཡིན་ཞེས་དྲིས་པ་ལ།  
\v 14 ཁོང་གིས་ལན་དུ། གང་ཡང་མིན་ཏེ། ང་རང་ནི་དཀོན་མཆོག་ཡ་ཝཱེའི་དཔུང་ཚོགས་ཀྱི་དམག་དཔོན་བྱེད་དུ་འོངས་པ་ཡིན་ཞེས་གསུངས་པ་ལ། ཡོ་ཤུ་ཨ་ཡིས་ཁ་སར་གཏད་ནས་ཕྱག་བཙལ་ཞིང་། བདག་གི་གཙོ་བོས་གཡོག་པོ་ལ་བཀའ་ཅི་ཞིག་གནང་ངམ་ཞེས་ཞུས།  
\v 15 དཀོན་མཆོག་ཡ་ཝཱེའི་དཔུང་ཚོགས་ཀྱི་དམག་དཔོན་གྱིས་ཡོ་ཤུ་ཨ་ལ་འདི་སྐད་དུ། ཁྱོད་རང་ལངས་ནས་འདུག་ས་འདི་ནི་གནས་དམ་པ་ཡིན་པས། ཁྱོད་ཀྱིས་བསིལ་ལྷམ་ཕུད་ཅིག་ཅེས་གསུངས་པ་ལ། ཡོ་ཤུ་ཨ་ཡིས་དེ་ལྟར་བྱས་སོ། །   
\c 6
\cl ལེའུ་དྲུག་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\p
\v 1 ཡེས་ར་ཨེལ་པ་རྣམས་ཀྱི་ཕྱིར་ཡེ་རུ་ཀོ་ཡི་མཁར་སྒོ་ནི་བརྟན་པོར་བརྒྱབ་ཅིང་འགྲོ་འོང་བྱེད་མཁན་མེད་པ་རེད།  
\v 2 དཀོན་མཆོག་ཡ་ཝཱེས་ཡོ་ཤུ་ཨ་ལ་སྐུལ་སློང་གནང་སྟེ་འདི་སྐད་དུ། ལྟོས་དང་། བདག་གིས་ཡེ་རུ་ཀོ་དང་དེའི་རྒྱལ་པོ། དེ་མིན་དཔའ་བོ་རྩལ་ཅན་ཐམས་ཅད་ཁྱོད་ཀྱི་ལག་ཏུ་སྤྲད་ཟིན་པ་ཡིན།  
\v 3 ཁྱོད་ཚོའི་དམག་མི་ཐམས་ཅད་ཀྱིས་མཁར་འདིར་སྐོར་བ་རྒྱག་དགོས་པ་སྟེ། ཉིན་རེར་སྐོར་བ་རེ་རྒྱག་དགོས་པ་དང་། ཉིན་དྲུག་གི་རིང་ལ་དེ་ལྟར་བྱེད་དགོས།  
\v 4 མཆོད་དཔོན་བདུན་གྱིས་ལུག་གི་རྭ་དུང་བདུན་ཁྱེར་ནས་ཞལ་ཆད་ཀྱི་ཤུར་སྒམ་གྱི་སྔོན་དུ་བསྐྱོད་དགོས་པ་དང་། ཉིན་བདུན་པར་སླེབས་ཚེ་ཁྱོད་རྣམས་ཀྱིས་མཁར་ལ་སྐོར་བ་བདུན་རྒྱག་དགོས་ཤིང་། མཆོད་དཔོན་གྱིས་ཀྱང་དུང་འབུད་དགོས།  
\v 5 ཁོ་ཚོའི་རྭ་དུང་གི་སྐད་རྒྱང་འབུད་བྱེད་པ་དང་། ཁྱོད་རྣམས་ཀྱིས་སྐད་དེ་ཐོས་པ་ན་འབངས་མི་རྣམས་ཀྱིས་སྐད་ཆེན་པོ་རྒྱག་དགོས། དེ་ནས་ལྕགས་རི་བརྡིབ་པར་འགྱུར་ཞིང་མི་རེ་རེ་ཐད་ཀར་མདུན་དུ་སྐྱོད་ཅིག་ཅེས་གསུངས།  
\v 6 ནུན་གྱི་བུ་ཡོ་ཤུ་ཨ་ཡིས་མཆོད་དཔོན་རྣམས་བོས་ཡོང་ནས་དེ་དག་ལ། ཁྱོད་རྣམས་ཀྱིས་ཞལ་ཆད་ཀྱི་ཤུར་སྒམ་འཁུར་ལ་ཤོག མཆོད་དཔོན་བདུན་གྱིས་ལུག་གི་རྭ་དུང་བདུན་ཁྱེར་ནས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་གྱི་སྔོན་དུ་བསྐྱོད་དགོས་ཞེས་བསྒོས་ཤིང་།  
\v 7 ཡང་འབངས་མི་རྣམས་ལ། ཁྱོད་རྣམས་སྔོན་དུ་སོང་ནས་མཁར་ལ་སྐོར་བ་རྒྱོབ་ཅིག མཚོན་ཆ་འཛིན་མཁན་རྣམས་ནི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་གྱི་སྔོན་དུ་བསྐྱོད་དགོས་ཞེས་སྨྲས་སོ། །  
\v 8 ཡོ་ཤུ་ཨ་ཡིས་འབངས་མི་རྣམས་ལ་གཏམ་སྨྲས་ཚར་རྗེས། མཆོད་དཔོན་བདུན་གྱིས་ལུག་གི་རྭ་དུང་བདུན་ཁྱེར་ནས་དཀོན་མཆོག་ཡ་ཝཱེའི་མདུན་དུ་དུང་བུས་ཤིང་། དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ནི་ཁོ་རྣམས་ཀྱི་རྗེས་ནས་ཕེབས་སོ། །  
\v 9 མཚོན་ཆ་འཛིན་མཁན་རྣམས་ནི་རྭ་དུང་འབུད་པའི་མཆོད་དཔོན་རྣམས་ཀྱི་སྔོན་དུ་བསྐྱོད་ཅིང་། རུ་ཁག་རྗེས་མ་ཞལ་ཆད་ཀྱི་ཤུར་སྒམ་གྱི་རྗེས་སུ་འབྲངས་ནས་བསྐྱོད་པ་དང་། མཆོད་དཔོན་རྣམས་ཀྱིས་རྭ་དུང་འབུད་ཀྱིན་བསྐྱོད་དོ། །  
\v 10 ཡོ་ཤུ་ཨ་ཡིས་འབངས་མི་རྣམས་ལ། བདག་གིས་ཁྱོད་རྣམས་ལ་སྐད་རྒྱག་པར་བསྒོ་བའི་ཉིན་མོའི་བར་དུ་ཁྱོད་རྣམས་ཀྱིས་སྐད་རྒྱག་མི་རུང་ལ་སྐད་འདོན་ཡང་མི་རུང་། ཐ་ན་སྐད་ཆ་ཚིག་གཅིག་ཀྱང་ཁྱོད་རྣམས་ཀྱི་ངག་ལས་འཆོར་མི་རུང་སྟེ། སྐབས་དེར་སླེབས་ཚེ་ད་གཟོད་སྐད་རྒྱག་དགོས་ཞེས་བསྒོས།  
\v 11 དེ་ལྟར་ཁོས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་མཁར་ལ་སྐོར་དུ་བཅུག་པ་དང་། མཁར་ལ་སྐོར་བ་གཅིག་བརྒྱབ་ཅིང་། མི་རྣམས་ཕྱིར་སྒར་ས་རུ་སླེབས་ནས་དེར་ཞག་སྡོད་བྱས།  
\v 12 ཡོ་ཤུ་ཨ་ནི་ཞོགས་པ་སྔ་མོར་ཡར་ལངས་པ་དང་། མཆོད་དཔོན་རྣམས་ཀྱིས་ཡང་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་ཁུར་ཏོ། །  
\v 13 མཆོད་དཔོན་བདུན་གྱིས་ལུག་གི་རྭ་དུང་བདུན་ཁྱེར་ནས་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་གྱི་སྔོན་དུ་རྭ་དུང་འབུད་ཀྱིན་བསྐྱོད་པ་དང་། མཚོན་ཆ་འཛིན་མཁན་རྣམས་ནི་ཁོ་ཚོའི་སྔོན་དུ་བསྐྱོད་ལ། རུ་ཁག་རྗེས་མ་ནི་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་གྱི་རྗེས་སུ་འབྲངས་ནས་བསྐྱོད་ཅིང་། མཆོད་དཔོན་རྣམས་ཀྱིས་རྭ་དུང་འབུད་ཀྱིན་མདུན་དུ་བསྐྱོད་དོ། །  
\v 14 ཉིན་གཉིས་པར་འབངས་རྣམས་ཀྱིས་མཁར་ལ་སྐོར་བ་ཐེངས་གཅིག་བརྒྱབ་ནས་ཕྱིར་སྒར་ས་རུ་ལོག་ཅིང་། ཉིན་དྲུག་གི་རིང་ལ་དེ་ལྟར་བྱས་སོ། །  
\v 15 ཉིན་བདུན་པའི་ཞོགས་པར། སྐྱ་རེངས་ཤར་དུས་སུ་ཁོ་རྣམས་ཡར་ལངས་ནས་སྔར་བཞིན་མཁར་ལ་སྐོར་བ་ཐེངས་བདུན་བརྒྱབ། ཉིན་དེ་ཁོ་ནར་མཁར་ལ་སྐོར་བ་ཐེངས་བདུན་བརྒྱབ།  
\v 16 ཐེངས་བདུན་པར་སླེབས་ནས་མཆོད་དཔོན་རྣམས་ཀྱིས་རྭ་དུང་འབུད་སྐབས། ཡོ་ཤུ་ཨ་ཡིས་འབངས་མི་རྣམས་ལ། དཀོན་མཆོག་ཡ་ཝཱེས་མཁར་འདི་ཁྱོད་རྣམས་ལ་སྤྲད་ཟིན་པས་སྐད་རྒྱོབ་ཅིག  
\v 17 མཁར་འདི་ནི་བསྔོ་དགོས་ཏེ། མཁར་འདི་དང་འདིའི་ནང་དུ་ཡོད་པ་ཐམས་ཅད་དཀོན་མཆོག་ཡ་ཝཱེ་ལ་འབུལ་དགོས། སྨད་འཚོང་མ་རཱ་ཧབ་ཀྱིས་ང་ཚོས་མངགས་པའི་བང་ཆེན་སྦས་པ་ཡིན་པས། ཁོ་མོ་དང་ཁོ་མོའི་ཁྱིམ་དུ་ཡོད་པ་ཐམས་ཅད་ཁོ་ན་གསོན་པོར་གནས་ཆོག་པ་ཡིན།  
\v 18 ཁྱོད་རྣམས་ལ་མཚོན་ན། ཁྱོད་རྣམས་ཀྱིས་བསྔོ་བར་འོས་པའི་དངོས་པོ་དེ་བླངས་ནས་ཡེས་ར་ཨེལ་གྱི་སྒར་ཧྲིལ་པོ་ཐག་ཞོར་འབྲེང་འདྲུད་བྱེད་པ་དང་སྒར་ཧྲིལ་པོར་དམོད་མོ་ཐེབས་སུ་འཇུག་ཉེན་ཡོད་པས། གཟབ་གཟབ་གྱིས་ལ་བསྔོ་བར་འོས་པའི་དངོས་པོ་དེ་མ་ལེན་ཞིག  
\v 19 གསེར་དངུལ་ལི་ལྕགས་སོགས་ཀྱི་སྣོད་ཆས་ཐམས་ཅད་ནི་དཀོན་མཆོག་ཡ་ཝཱེ་ལ་དམ་པ་ཡིན་ཞིང་ཁོང་གི་དཀོར་མཛོད་དུ་འཇུག་དགོས་ཞེས་བསྒོས་སོ། །  
\v 20 དེ་ནས་འབངས་མི་རྣམས་ཀྱིས་སྐད་བརྒྱབ་ཅིང་མཆོད་དཔོན་རྣམས་ཀྱིས་ཀྱང་རྭ་དུང་བུས། འབངས་མི་རྣམས་ཀྱིས་རྭ་དུང་སྐད་ཐོས་པ་དང་སྐད་ཆེན་པོ་བརྒྱབ་པས། མཁར་གྱི་ལྕགས་རི་བརྡིབས་པ་དང་འབངས་རྣམས་ཡར་མཁར་གྱི་ནང་དུ་སོང་ཞིང་། མི་རེ་རེ་ཐད་ཀར་མདུན་དུ་བསྐྱོད་ནས་མཁར་བླངས་པ་དང་།  
\v 21 ཡང་མཁར་གྱི་ནང་དུ་ཡོད་པ་ཐམས་ཅད་དེ་ཕོ་མོ་རྒན་གཞོན་དང་། བ་གླང་དང་ལུག བོང་བུ་བཅས་སུ་དང་གང་ཡིན་ཡང་ཐམས་ཅད་གྲི་ཡིས་གཙང་གསོད་བྱས་སོ། །  
\v 22 ཡོ་ཤུ་ཨ་ཡིས་ཡུལ་དེར་ལྟ་ཉུལ་བྱེད་མཁན་མི་གཉིས་ལ། ཁྱོད་རྣམས་སྨད་འཚོང་མ་དེའི་ཁྱིམ་དུ་སོང་ནས། ཁྱོད་ཚོས་ཁོ་མོ་ལ་ཇི་ལྟར་དམ་བཅས་པ་བཞིན་དུ། བུད་མེད་དེ་དང་ཁོ་མོའི་ནང་མི་ཐམས་ཅད་དེ་ནས་ཕྱི་རུ་ཁྲིད་ཤོག་ཅེས་བསྒོས་པ་ལ།  
\v 23 ལྟ་ཉུལ་བྱེད་མཁན་གཞོན་ནུ་དེ་གཉིས་ནང་དུ་ཕྱིན་ཅིང་། རཱ་ཧབ་དང་ཁོ་མོའི་ཕ་མ། ཕུ་ནུ། ཁོ་མོ་ལ་ཅི་ཞིག་ཡོད་པ་ཐམས་ཅད་དང་། དེར་མ་ཟད་ཁོ་མོའི་ནང་མི་དང་བཅས་ཚང་མ་ཕྱི་རུ་ཁྲིད་ཡོང་ནས་ཡེས་ར་ཨེལ་པའི་སྒར་གྱི་ཕྱི་རོལ་ཏུ་བཀོད་སྒྲིག་བྱས།  
\v 24 དེ་ནས་འབངས་རྣམས་ཀྱིས་གསེར་དངུལ་ལི་ལྕགས་སོགས་ཀྱི་སྣོད་ཆས་ཐམས་ཅད་དཀོན་མཆོག་ཡ་ཝཱེའི་གུར་མཆོག་གི་དཀོར་མཛོད་དུ་བཞག་པ་ཕུད། མཁར་དང་དེའི་ནང་དུ་ཡོད་པ་ཐམས་ཅད་མེར་བསྲེགས་པ་རེད།  
\v 25 འོན་ཀྱང་སྨད་འཚོང་མ་རཱ་ཧབ་ཀྱིས་ཡོ་ཤུ་ཨ་ཡིས་ཡེ་རུ་ཀོ་ཡུལ་ལ་ལྟ་ཉུལ་བྱེད་དུ་མངགས་པའི་བང་ཆེན་སྦས་པས། ཡོ་ཤུ་ཨ་ཡིས་ཁོ་མོ་དང་ཁོ་མོའི་ཕ་གཞིས། དེ་མིན་ཁོ་མོའི་ནང་མི་ཐམས་ཅད་ཀྱི་སྲོག་བསྐྱབས་ཤིང་། ཁོ་མོ་ཡེས་ར་ཨེལ་པ་རྣམས་ཀྱི་ཁྲོད་དུ་ད་ལྟའི་བར་དུ་འཚོ་བ་ཡིན།  
\v 26 སྐབས་དེར་ཡོ་ཤུ་ཨ་ཡིས་མི་རྣམས་ལ་དམ་བཅའ་འཇོག་ཏུ་བཅུག་པ་སྟེ། ཡར་ལངས་ནས་ཡེ་རུ་ཀོ་མཁར་བསྐྱར་འཛུགས་བྱེད་མཁན་ལ་དཀོན་མཆོག་ཡ་ཝཱེའི་དྲུང་དུ་དམོད་མོ་ཐེབས་འོས་ཤིང་། དེས་རྨང་གཞི་འདིང་དུས་སུ་བུ་སྐྱེས་འགོ་འཆོར་བ་དང་། རྒྱལ་སྒོ་འཛུགས་དུས་སུ་བུ་ཆུང་ཤོས་འཆོར་ངེས་ཡིན་ཞེས་པའོ། །  
\v 27 དཀོན་མཆོག་ཡ་ཝཱེ་ནི་ཡོ་ཤུ་ཨ་དང་མཉམ་དུ་བཞུགས་ཤིང་། ཡོ་ཤུ་ཨ་ཡི་མཚན་སྙན་གྲགས་ཡུལ་གྲུ་ཀུན་ཏུ་ཁྱབ་བོ། །   
\c 7
\cl ལེའུ་བདུན་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཨ་ཀན་གྱིས་སྡིག་ཉེས་བསགས་པ།  
\p
\v 1 ཡེས་ར་ཨེལ་པ་རྣམས་ཀྱིས་བསྔོ་བར་འོས་པའི་དངོས་པོའི་སྟེང་ནས་སྡིག་ཉེས་བསགས་པ་སྟེ། ཅི་ལ་ཟེར་ན། ཡ་ཧུ་དཱའི་ཚོ་པ་ནང་གི་ཟེ་རག་གི་ཡང་ཚ་དང་ཟབ་དཱི་ཡི་ཚ་བོ། ཀར་མིའི་བུ་ཨ་ཀན་ཞེས་བྱ་བས་བསྔོ་བར་འོས་པའི་དངོས་པོ་བླངས་པས། དཀོན་མཆོག་ཡ་ཝཱེ་ནི་ཡེས་ར་ཨེལ་པ་རྣམས་ལ་ཐུགས་ཁྲོས་པའོ། །  
\v 2 སྐབས་དེར་ཡོ་ཤུ་ཨ་ཡིས་ཡེ་རུ་ཀོ་ནས་པེད་ཨེལ་གྱི་ཤར་ཕྱོགས་སུ་པེད་ཨ་ཝེན་དང་ཉེ་བའི་ཨེ་ཡུ་གྲོང་ཁྱེར་དུ་མི་མངགས་ཤིང་། ཁོ་རྣམས་ལ། ཁྱོད་ཚོ་ཡར་སོང་ལ་ཡུལ་དེར་ལྟ་ཉུལ་བྱོས་ཤིག་ཅེས་བཀའ་བསྒོས་པ་དང་། ཁོ་རྣམས་ཡར་སོང་སྟེ་ཨེ་ཡུ་གྲོང་ཁྱེར་ལ་ལྟ་ཉུལ་བྱས།  
\v 3 ཁོ་རྣམས་ཡོ་ཤུ་ཨའི་རྩར་ཕྱིར་ལོག་སྟེ་ཁོ་ལ། འབངས་མི་ཐམས་ཅད་ཡར་འགྲོ་མི་དགོས་ཏེ། མི་སྟོང་ཕྲག་གཉིས་གསུམ་ཙམ་ཡར་སོང་ན་ཨེ་ཡུ་གྲོང་ཁྱེར་ལེན་ཐུབ་པ་ཡིན། ཡུལ་དེར་མི་ཉུང་བས་འབངས་མི་ཐམས་ཅད་ལ་དཀའ་ལས་བཟོ་དགོས་དོན་མེད་ཅེས་སྨྲས།  
\v 4 དེ་ནས་འབངས་རྣམས་ལས་མི་སྟོང་ཕྲག་གསུམ་ཙམ་ཡར་ཡུལ་དེར་སོང་མོད། འོན་ཀྱང་ཁོ་ཚོ་ཨེ་ཡུ་གྲོང་ཁྱེར་གྱི་མི་རྣམས་ཀྱི་སྔུན་ནས་བྲོས་པའོ། །  
\v 5 ཨེ་ཡུ་གྲོང་ཁྱེར་གྱི་མི་ཡིས་ཁོ་རྣམས་ལས་མི་སོ་དྲུག་བསད་པ་དང་། མཁར་སྒོ་ནས་ཤ་བཱ་རིམ་གྱི་བར་དུ་ཁོ་རྣམས་བདས་ཤིང་། ལ་ཐུར་ནས་ཁོ་རྣམས་ཕམ་པར་བརྒྱབ་པས། འབངས་རྣམས་འཇིགས་ནས་དཔའ་ཞུམ་པ་རེད།  
\v 6 དེ་ནས་ཡོ་ཤུ་ཨ་ཡིས་གྱོན་གོས་ཕྲལ་ཞིང་། ཁོ་དང་ཡེས་ར་ཨེལ་གྱི་རྒན་པོ་རྣམས་ཀྱིས་མགོ་ལ་ཐལ་བ་གཏོར་ནས་དགོང་མོའི་བར་དུ་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་གྱི་མདུན་དུ་ཁ་སར་བཏུད་ནས་བསྡད།  
\v 7 ཡོ་ཤུ་ཨ་ཡིས་སྐྱོ་བ་ལ། ཀྱེ་གཙོ་བོ་ཡ་ཝཱེ་ལགས། ཁྱེད་ཀྱིས་ཅིའི་ཕྱིར་འབངས་འདི་རྣམས་ཁྲིད་ནས་ཡོར་དན་གཙང་པོ་བརྒལ་བ་དང་ངེད་ཅག་ཨེ་མོར་པ་རྣམས་ཀྱི་ལག་ཏུ་སྤྲད་ནས་ངེད་རྣམས་རྩ་མེད་དུ་འགྲོ་བར་མཛད་པ་ཡིན་ནམ། ངེད་རྣམས་ཡོར་དན་གཙང་པོའི་ཕ་རོལ་ཏུ་བསྡད་པ་ཡིན་ན་ཅི་མ་རུང་།  
\v 8 ཀྱེ་གཙོ་བོ་ལགས། ཡེས་ར་ཨེལ་པ་རྣམས་ནི་དགྲ་བོའི་སྔུན་ནས་ཁ་ཕྱིར་འཁོར་ཏེ་བྲོས་པ་ཡིན་པས་ང་ལ་ད་དུང་སྨྲ་རྒྱུ་ཅི་ཞིག་ཡོད་དམ།  
\v 9 ཀ་ན་ཨན་གྱི་མི་དང་ཡུལ་འདིའི་མི་རྣམས་ཀྱིས་དོན་དེ་ཐོས་ན་ངེད་རྣམས་བསྐོར་ཞིང་ངེད་ཅག་གི་མིང་ནི་ས་གཞི་ལས་མེད་པར་བཟོ་བར་འགྱུར། སྐབས་དེར་ཁྱེད་ཀྱིས་ཉིད་ཀྱི་མཚན་སྙན་གྱི་ཕྱིར་དུ་ཅི་ཞིག་མཛད་པར་བྱའམ་ཞེས་ཞུས་པ་ལ།  
\v 10 དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། ཡར་ལོངས་ཤིག ཁྱོད་ཁ་སར་བཏུད་ནས་འདུག་དོན་ཅི་ཡིན་ནམ།  
\v 11 ཡེས་ར་ཨེལ་པས་སྡིག་ཉེས་བསགས་པ་དང་། ངས་ཁོ་རྣམས་ལ་བསྒོས་པའི་ཞལ་ཆད་དང་འགལ་ནས་བསྔོ་བར་འོས་པའི་དངོས་པོ་བླངས་པ་རེད། ཡང་རྐུ་བྱས་ནས་གཡོ་སྒྱུ་ཡིས་བསྔོ་བར་འོས་པའི་དངོས་པོ་དེ་ཁོ་རྣམས་ཀྱི་ཅ་ལག་ནང་དུ་བཞག་གོ །  
\v 12 དེའི་ཕྱིར། ཡེས་ར་ཨེལ་པ་རྣམས་ནི་དགྲ་བོའི་སྔུན་ནས་ཚུགས་མ་ཐུབ་པ་དང་། ཁོ་རྣམས་རྩ་མེད་དུ་གཏོང་འོས་པར་གྱུར་པས་དགྲ་བོའི་སྔུན་ནས་ཁ་ཕྱིར་འཁོར་ཏེ་བྲོས་པ་ཡིན་ནོ། །གལ་ཏེ་ཁྱོད་རྣམས་ཀྱིས་བསྔོ་བར་འོས་པའི་དངོས་པོ་རྣམས་ཁྱོད་ཅག་གི་ཁྲོད་དུ་མེད་པར་མི་བཟོ་ན། དེང་ཕྱིན་ང་རང་ཁྱོད་རྣམས་དང་མཉམ་དུ་གནས་པར་མི་འགྱུར།  
\v 13 ཁྱོད་རང་ཡར་ལངས་ནས་འབངས་རྣམས་ལ་རང་རང་གཙང་མར་བཟོ་རུ་བཅུག་ལ་འདི་ལྟར་སྨྲོས་ཤིག ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། ཀྱེ་ཡེས་ར་ཨེལ། ཁྱོད་རྣམས་ཀྱི་ཁྲོད་དུ་བསྔོ་བར་འོས་པའི་དངོས་པོ་ཡོད་ཅིང་། གལ་ཏེ་ཁྱོད་རྣམས་ཀྱིས་དེ་མེད་པར་མ་བཟོས་ན་དགྲ་བོའི་སྔུན་ནས་ཚུགས་མི་ཐུབ་པར་གདོན་མི་ཟའོ་ཞེས་གསུངས་པས། སང་ཉིན་གྱི་ཕྱིར་དུ་ཁྱོད་རྣམས་ཀྱིས་རང་རང་གཙང་མར་བཟོ་དགོས་ཞེས་སྨྲ་བར་གྱིས་ཤིག  
\v 14 ཞོགས་པ་སླེབས་དུས་ཁྱོད་རྣམས་ཚོ་པ་རེ་རེ་བཞིན་མདུན་སར་འོང་དགོས་པ་སྟེ། ཡ་ཝཱེས་རྒྱན་འཕངས་ནས་བབས་པའི་ཚོ་པ་ནི་རུས་རྒྱུད་རེ་རེ་བཞིན་མདུན་སར་འོང་དགོས་པ་དང་། ཡ་ཝཱེས་རྒྱན་འཕངས་ནས་བབས་པའི་རུས་རྒྱུད་ནི་ཁྱིམ་རྒྱུད་རེ་རེ་བཞིན་མདུན་སར་འོང་དགོས། ཡ་ཝཱེས་རྒྱན་འཕངས་ནས་བབས་པའི་ཁྱིམ་རྒྱུད་ནི་སྐྱེས་པ་རེ་རེ་བཞིན་མདུན་སར་འོང་དགོས།  
\v 15 རྒྱན་བབས་པའི་མི་ཡི་ལག་ཏུ་བསྔོ་བར་འོས་པའི་དངོས་པོ་ཡོད་ན། ཁོ་དང་ཁོ་ལ་གཏོགས་པ་ཐམས་ཅད་མེར་བསྲེག་དགོས་པ་སྟེ། ཁོ་རང་ཡ་ཝཱེའི་ཞལ་ཆད་དང་འགལ་ཞིང་ཡང་ཁོས་ཡེས་ར་ཨེལ་གྱི་ཁྲོད་དུ་བླུན་ཧམ་ཆེ་བའི་དོན་བསྒྲུབས་པས་སོ་ཞེས་གསུངས།  
\v 16 དེ་ནས་ཡོ་ཤུ་ཨ་ཞོགས་པ་སྔ་མོ་ཡར་ལངས་ཏེ་ཡེས་ར་ཨེལ་གྱི་ཚོ་པ་རེ་རེ་བཞིན་མདུན་སར་འོང་དུ་བཅུག་པ་ལ་ཡ་ཧུ་དཱ་ཚོ་པར་རྒྱན་བབས་པའོ། །  
\v 17 ཡང་ཡ་ཧུ་དཱ་རུས་རྒྱུད་མདུན་སར་འོང་དུ་བཅུག་པ་དང་ཟེ་རག་གི་ཁྱིམ་རྒྱུད་ལ་རྒྱན་བབས། ཡང་ཟེ་རག་གི་ཁྱིམ་རྒྱུད་ཀྱི་སྐྱེས་པ་རེ་རེ་བཞིན་མདུན་སར་འོང་དུ་བཅུག་པ་དང་ཟབ་དཱི་ལ་རྒྱན་བབས།  
\v 18 ཡང་ཟབ་དཱི་ཡི་ཁྱིམ་རྒྱུད་ཀྱི་སྐྱེས་པ་རེ་རེ་བཞིན་མདུན་སར་འོང་དུ་བཅུག་པ་དང་། ཡ་ཧུ་དཱ་ཚོ་པའི་ཟེ་རག་གི་ཡང་ཚ་དང་ཟབ་དཱི་ཡི་ཚ་བོ། ཀར་མིའི་བུ་ཨ་ཀན་ཞེས་བྱ་བར་རྒྱན་བབས།  
\v 19 ཡོ་ཤུ་ཨ་ཡིས་ཨ་ཀན་ལ། ངའི་བུ། ཁྱོད་ཀྱིས་གཟི་བརྗིད་ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་ཕུལ་ཞིག ཁོང་གི་མདུན་ནས་མཐོལ་བཤགས་བྱོས་ལ། ཁྱོད་ཀྱིས་ཅི་བྱས་པ་རྣམས་ང་ལ་མ་གསང་བར་སྨྲོས་ཤིག་ཅེས་སྨྲས་པ་ལ།  
\v 20 ཨ་ཀན་གྱིས་དེའི་ལན་དུ་ཡོ་ཤུ་ཨ་ལ། ངས་དངོས་གནས་ཡེས་ར་ཨེལ་གྱི་དཀོན་མཆོག་ཡ་ཝཱེ་དང་འགལ་བའི་སྡིག་པ་བྱས་པ་ཡིན། ངས་བྱས་པའི་དོན་ནི་འདི་དང་འདི་ལྟར་ཡིན།  
\v 21 ངས་འཕྲོག་བཅོམ་བྱས་པའི་ནོར་རྫས་ཁྲོད་དུ་ཤིན་ཨར་པའི་གྱོན་གོས་ཡག་ཤོས་ཞིག་དང་། དངུལ་སྲང་ཉིས་བརྒྱ། སྲང་ལྔ་བཅུ་ཅན་གྱི་གསེར་ལྕུག་གཅིག་བཅས་མཐོང་བས། ང་རང་དངོས་པོ་དེ་རྣམས་ལ་ཞེན་ཆགས་ནས་ཁྱེར་བ་དང་། ད་ལྟ་ངའི་གུར་ནང་གི་ས་འོག་ཏུ་སྦས་ཡོད་ལ། དངུལ་ནི་གྱོན་གོས་ཀྱི་འོག་ཏུ་ཡོད་ཅེས་སྨྲས་པར།  
\v 22 ཡོ་ཤུ་ཨ་ཡིས་ལག་རོགས་མངགས་ཤིང་ཨ་ཀན་གྱི་གུར་ནང་དུ་རྒྱུགས་སོང་བ་ལ། གྱོན་གོས་དེ་དངོས་གནས་ཁོའི་གུར་ནང་དུ་སྦས་ཡོད་པ་དང་། དངུལ་དེའི་འོག་ཏུ་ཡོད་དོ། །  
\v 23 དེ་ནས་ཁོ་རྣམས་ཀྱིས་གུར་ལས་བླངས་ཏེ་ཡོ་ཤུ་ཨ་དང་ཡེས་ར་ཨེལ་པ་རྣམས་ཀྱི་རྩར་ཁྱེར་ནས། དཀོན་མཆོག་ཡ་ཝཱེའི་དྲུང་དུ་བཞག  
\v 24 ཡོ་ཤུ་ཨ་དང་ཡེས་ར་ཨེལ་པ་རྣམས་ཀྱིས་ཟེ་རག་གི་ཡང་ཚ་ཨ་ཀན་དང་། དངུལ་དེ་དང་། གྱོན་གོས་དེ་དང་། གསེར་ལྕུག་དེ་དང་། དེ་མིན་ཨ་ཀན་གྱི་བུ་ཕྲུག་རྣམས་དང་བ་གླང་། བོང་བུ། ལུག གུར་ལ་སོགས་ཁོ་ལ་གཏོགས་པ་ཐམས་ཅད་དང་བཅས་པ་ཨ་ཀོར་ལུང་པར་ཁྲིད་ཅིང་།  
\v 25 ཡོ་ཤུ་ཨ་ཡིས། ཁྱོད་ཀྱིས་ཅིའི་ཕྱིར་ང་ཚོ་སྡུག་ལ་གཏད་པ་ཡིན་ནམ། དེ་རིང་དཀོན་མཆོག་ཡ་ཝཱེས་ཁྱོད་རང་སྡུག་ལ་སྦྱོར་ངེས་ཡིན་ཞེས་སྨྲས་པ་དང་། དེ་ནས་ཡེས་ར་ཨེལ་པ་རྣམས་ཀྱིས་ཁོ་རང་རྡོ་རུབ་བཏང་ནས་བསད་ཅིང་། རྡོ་རྣམས་དེའི་སྟེང་དུ་འཕངས་ནས་ཡང་ཁོ་ལ་གཏོགས་པ་ཐམས་ཅད་མེར་བསྲེགས་པའོ། །  
\v 26 མི་རྣམས་ཀྱིས་ཨ་ཀན་གྱི་ལུས་སྟེང་དུ་རྡོ་སྤུང་ཆེན་པོ་བརྒྱབ་པ་ད་ལྟའི་བར་དུ་ལུས། དེ་ནས་དཀོན་མཆོག་ཡ་ཝཱེའི་ཐུགས་ཚུར་འཁོར་ཏེ་ཐུགས་ཁྲོ་ཆེན་པོ་ཞི་བར་གྱུར་ཏོ། །དེའི་ཕྱིར་ཡུལ་དེའི་མིང་ལ་ད་ལྟའི་བར་དུ་ཨ་ཀོར་ \f + \ft ཨ་ཀོར་ཞེས་པ་ནི་སྡུག་ལ་གཏད་པ་ཞེས་པའི་དོན་ཡིན།\f*ལུང་པ་ཞེས་བྱའོ། །   
\c 8
\cl ལེའུ་བརྒྱད་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཨེ་ཡུ་གྲོང་ཁྱེར་རྩ་མེད་དུ་བཏང་བ།  
\p
\v 1 དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། མ་འཇིགས་མ་འཚབ་ཅིག དམག་མི་ཐམས་ཅད་ཁྲིད་ནས་ཡར་ཨེ་ཡུ་གྲོང་ཁྱེར་དུ་སོང་དང་། ངས་ཨེ་ཡུ་གྲོང་ཁྱེར་གྱི་རྒྱལ་པོ་དང་དེའི་འབངས་མི་རྣམས་དང་། དེའི་མཁར། དེར་མ་ཟད་དེའི་ས་དང་བཅས་ཡོད་ཚད་ཁྱོད་ཀྱི་ལག་ཏུ་སྤྲད་པ་ཡིན།  
\v 2 ཁྱོད་ཀྱིས་ཡེ་རུ་ཀོ་དང་དེའི་རྒྱལ་པོ་ལ་ཇི་བྱས་པ་ལྟར་ཨེ་ཡུ་དང་དེའི་རྒྱལ་པོ་ལའང་དེ་ལྟར་བྱེད་དགོས། ཡིན་ནའང་གྲོང་ཁྱེར་ནས་ཕྲོགས་ཡོང་བའི་ནོར་རྫས་དང་ཕྱུགས་ཟོག་ནི་ཁྱོད་རྣམས་ཀྱིས་རང་རང་གི་བཅོམ་ནོར་དུ་བླངས་ཆོག ཁྱོད་ཀྱིས་གྲོང་ཁྱེར་གྱི་ལྟག་རྒྱབ་ཏུ་འཇབ་དམག་བསྒྲིག་དགོས་ཞེས་གསུངས།  
\v 3 དེ་ནས་ཡོ་ཤུ་ཨ་དང་དམག་མི་ཐམས་ཅད་ལངས་ཏེ་ཡར་ཨེ་ཡུ་གྲོང་ཁྱེར་ལ་སོང་། ཡོ་ཤུ་ཨ་ཡིས་དཔའ་རྒོད་སྟོབས་ཅན་ཁྲི་གསུམ་བདམས་ནས་མཚན་མོའི་དུས་སུ་ཁོ་རྣམས་ལམ་དུ་ཆས་པར་མངགས་ཤིང་།  
\v 4 དེ་རྣམས་ལ། ཁྱོད་ཚོས་གྲོང་ཁྱེར་གྱི་ལྟག་རྒྱབ་ཏུ་འཇབ་སྒུག་བྱེད་དགོས་ཏེ། གྲོང་ཁྱེར་དང་ཤིན་ཏུ་ཐག་རིང་སར་མི་སྡོད་པར་ཚང་མས་རང་རང་སར་སྟ་གོན་བྱེད་དགོས།  
\v 5 ང་དང་ངས་ཁྲིད་པའི་འབངས་རྣམས་གྲོང་ཁྱེར་གྱི་ཕྱོགས་སུ་འགྲོ་ཞིང་། གྲོང་ཁྱེར་ནང་གི་མི་རྣམས་ཀྱིས་སྔར་བཞིན་ཕྱི་རུ་ཡོང་ནས་ངེད་ཅག་ལ་རྒོལ་བའི་སྐབས་སུ། ངེད་རྣམས་ཁོ་ཚོའི་སྔུན་ནས་འབྲོ་བར་བྱ།  
\v 6 ང་ཚོས་ཁོ་རྣམས་ལ་སླུ་བྲིད་བྱས་ནས་གྲོང་ཁྱེར་དང་རིང་བའི་བར་དུ་ཁོ་ཚོ་ཕྱི་རུ་ཡོང་ནས་ངེད་རྣམས་ཀྱི་རྗེས་འདེད་ངེས་ཤིང་། ཁོ་ཚོས་མི་འདི་རྣམས་སྔར་བཞིན་ང་ཚོའི་སྔུན་ནས་འབྲོ་བར་འགྱུར་ཞེས་སྨྲ་ངེས་ཡིན་པས། ངེད་རྣམས་ཁོ་ཚོའི་སྔུན་ནས་འབྲོ་བར་བྱ།  
\v 7 དེ་ནས་ཁྱོད་རྣམས་འཇབ་སྒུག་བྱེད་ས་ནས་ལངས་ཏེ་གྲོང་ཁྱེར་དེ་འཕྲོག་དགོས། ཅི་ལ་ཟེར་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་གྲོང་ཁྱེར་འདི་ཁྱོད་རྣམས་ཀྱི་ལག་ཏུ་སྤྲོད་ངེས་ཡིན་པས་སོ། །  
\v 8 ཁྱོད་རྣམས་ཀྱིས་གྲོང་ཁྱེར་ཕྲོགས་རྗེས་མེ་བསྒྲོན་ནས་གྲོང་ཁྱེར་བསྲེག་དགོས་པ་སྟེ། དཀོན་མཆོག་ཡ་ཝཱེའི་བཀའ་བཞིན་དུ་བྱེད་དགོས། འདི་ནི་བདག་གིས་ཁྱོད་རྣམས་ལ་བསྒོས་པ་ཡིན་ཞེས་བསྒོས།  
\v 9 ཡོ་ཤུ་ཨ་ཡིས་ཁོ་རྣམས་འགྲོ་བར་མངགས་པ་དང་། ཁོ་རྣམས་འཇབ་སྒུག་བྱེད་ས་རུ་སོང་ནས་པེད་ཨེལ་དང་ཨེ་ཡུ་གྲོང་ཁྱེར་གཉིས་ཀྱི་བར་དུ་བསྡད་ཅིང་། དེ་ནི་ཨེ་ཡུ་གྲོང་ཁྱེར་གྱི་ནུབ་ཕྱོགས་ཡིན་ནོ། །མཚན་མོ་དེར་ཡོ་ཤུ་ཨ་ནི་འབངས་རྣམས་ཀྱི་ཁྲོད་དུ་ཞག་སྡོད་བྱས།  
\v 10 ཡོ་ཤུ་ཨ་ཞོགས་པ་སྔ་མོ་ཡར་ལངས་ཏེ་འབངས་རྣམས་བསྡུས་ནས། ཁོ་དང་ཡེས་ར་ཨེལ་གྱི་རྒན་པོ་རྣམས་ནི་འབངས་རྣམས་ཀྱི་སྔུན་ནས་ཡར་ཨེ་ཡུ་གྲོང་ཁྱེར་དུ་སོང་ངོ་། །  
\v 11 འབངས་མི་རྣམས་ཏེ་ཁོས་ཁྲིད་པའི་དམག་མི་ཐམས་ཅད་ཡར་སོང་བ་དང་། ཐད་ཀར་མདུན་དུ་བསྐྱོད་ཅིང་གྲོང་ཁྱེར་གྱི་སྔུན་དུ་ཡོང་ནས་ཨེ་ཡུ་གྲོང་ཁྱེར་གྱི་བྱང་ཕྱོགས་སུ་སྒར་བཏབ། ཡོ་ཤུ་ཨ་དང་ཨེ་ཡུ་གྲོང་ཁྱེར་གཉིས་ཀྱི་བར་དུ་ལུང་པ་ཞིག་ཡོད་པ་ཡིན།  
\v 12 ཁོས་མི་ལྔ་སྟོང་ཙམ་བདམས་ནས་དེ་རྣམས་ལ་པེད་ཨེལ་དང་ཨེ་ཡུ་གྲོང་ཁྱེར་གཉིས་ཀྱི་བར་ཏེ་ཨེ་ཡུ་གྲོང་ཁྱེར་གྱི་ནུབ་ཕྱོགས་སུ་འཇབ་སྒུག་བྱེད་དུ་བཅུག  
\v 13 དེ་ནས་འབངས་མི་རྣམས་ཏེ་གྲོང་ཁྱེར་བྱང་ཕྱོགས་ཀྱི་དམག་མི་ཡོངས་རྫོགས་དང་གྲོང་ཁྱེར་ནུབ་ཕྱོགས་ཀྱི་འཇབ་དམག་རྣམས་བཀོད་སྒྲིག་བྱས་པ་དང་། མཚན་མོ་དེར་ཡོ་ཤུ་ཨ་ནི་ལུང་པའི་ནང་དུ་སོང་ངོ་། །  
\v 14 ཨེ་ཡུ་གྲོང་ཁྱེར་གྱི་རྒྱལ་པོས་གནས་ཚུལ་དེ་མཐོང་ནས་གྲོང་ཁྱེར་ཡོངས་ཀྱི་མི་རྣམས་དང་མཉམ་དུ་ཞོགས་པ་སྔ་མོ་ཡར་ལངས་ཏེ། ཡེས་ར་ཨེལ་པ་དང་འཐབ་པའི་ཕྱིར་དུས་བཅད་ལྟར་ཡ་ལ་པའི་མདུན་སར་ཡོང་མོད། འོན་ཀྱང་རྒྱལ་པོས་གྲོང་ཁྱེར་གྱི་ལྟག་རྒྱབ་ཏུ་འཇབ་དམག་ཡོད་པ་མི་ཤེས་སོ། །  
\v 15 ཡོ་ཤུ་ཨ་དང་ཡེས་ར་ཨེལ་པ་རྣམས་ནི་ཁོ་ཚོའི་སྔུན་དུ་ཕམ་པར་བརྫུས་ཤིང་དབེན་སྟོང་ལ་འགྲོ་བའི་ལམ་དུ་བྲོས།  
\v 16 གྲོང་ཁྱེར་ནང་གི་མི་རྣམས་མཉམ་དུ་བསྡུས་ནས་ཁོ་ཚོའི་རྗེས་དེད་ཅིང་། ཨེ་ཡུ་གྲོང་ཁྱེར་གྱི་མི་རྣམས་ཀྱིས་ཡོ་ཤུ་ཨའི་རྗེས་འདེད་པའི་སྐབས་སུ་སླུ་བྲིད་འོག་ཏུ་ཚུད་ནས་གྲོང་ཁྱེར་དང་བྲལ་ཏོ། །  
\v 17 ཨེ་ཡུ་དང་པེད་ཨེལ་གྲོང་ཁྱེར་ནས་ཕྱི་རུ་ཡོང་སྟེ་ཡེས་ར་ཨེལ་པ་རྣམས་ཀྱི་རྗེས་མི་འདེད་མཁན་གཅིག་ཀྱང་མེད་ལ། མཁར་སྒོ་ཆེར་ཕྱེས་ནས་བསྐྱུར་ཅིང་ཡེས་ར་ཨེལ་པ་རྣམས་ཀྱི་རྗེས་འདེད་དུ་ཕྱིན།  
\v 18 དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། ཁྱོད་ཀྱིས་ལག་གི་མདུང་ཐུང་ཨེ་ཡུ་གྲོང་ཁྱེར་ཕྱོགས་སུ་རྐྱོངས་ཤིག ཅི་ལ་ཟེར་ན། བདག་གིས་གྲོང་ཁྱེར་དེ་ཁྱོད་ཀྱི་ལག་ཏུ་སྤྲོད་རྒྱུ་ཡིན་པས་སོ་ཞེས་གསུངས་པས། ཡོ་ཤུ་ཨ་ཡིས་ལག་གི་མདུང་ཐུང་གྲོང་ཁྱེར་ཕྱོགས་སུ་བརྐྱངས།  
\v 19 ཁོས་ལག་པ་བརྐྱངས་མ་ཐག འཇབ་དམག་རྣམས་འཇབ་སྒུག་བྱེད་ས་ནས་མགྱོགས་པོར་ལངས་ནས་གྲོང་ཁྱེར་ཕྲོགས་པ་དང་། གྲོང་ཁྱེར་ནང་དུ་བརྒྱུགས་ཏེ་མེ་བསྒྲོན་ནས་བསྲེགས་སོ། །  
\v 20 ཨེ་ཡུ་གྲོང་ཁྱེར་གྱི་མི་ཡིས་ཁ་ཕྱིར་འཁོར་ནས་བལྟས་པ་ན། བསམ་ཡུལ་ལས་འདས་པ་ཞིག་ལ་གྲོང་ཁྱེར་ལས་དུ་སྨུག་དགུང་ལ་འཕྱུར་བཞིན་ཡོད་པས། ཁོ་རྣམས་སྟོབས་ཟད་ནས་ཕྱོགས་གང་ལའང་འབྲོ་མ་ནུས་སོ། །དབེན་སྟོང་ལ་འབྲོ་བའི་འབངས་རྣམས་ཁ་ཕྱིར་འཁོར་ནས་ཁོ་ཚོའི་རྗེས་འདེད་མཁན་ལ་ཕར་རྒོལ་བྱས།  
\v 21 ཡོ་ཤུ་ཨ་དང་ཡེས་ར་ཨེལ་པ་རྣམས་ཀྱིས་འཇབ་དམག་གིས་གྲོང་ཁྱེར་ཕྲོགས་ཟིན་པ་དང་གྲོང་ཁྱེར་ལས་དུ་སྨུག་འཕྱུར་བ་མཐོང་ནས། ཁ་ཕྱིར་འཁོར་ནས་སོང་སྟེ་ཨེ་ཡུ་གྲོང་ཁྱེར་གྱི་མི་རྣམས་ལ་དམག་བརྒྱབ།  
\v 22 འཇབ་དམག་རྣམས་ཀྱང་གྲོང་ཁྱེར་ཕྱི་རུ་བུད་དེ་ཨེ་ཡུ་གྲོང་ཁྱེར་གྱི་དམག་མི་ལ་རྒོལ་ལན་སྤྲད་པས། ཨེ་ཡུ་གྲོང་ཁྱེར་གྱི་དམག་མི་རྣམས་ཡེས་ར་ཨེལ་པས་བར་དུ་བཅུག་སྟེ། རྒྱབ་མདུན་གཉིས་སུ་ཡེས་ར་ཨེལ་པ་ཡིན་ནོ། །དེ་ནས་ཡེས་ར་ཨེལ་པ་རྣམས་ཀྱིས་ཁོ་ཚོར་དམག་བརྒྱབ་ནས་བཅོམ་པ་དང་། གཅིག་ཀྱང་མ་བསྐྱུར་ལ་བྲོས་ནས་ཐར་བ་གཅིག་ཀྱང་མེད་དོ། །  
\v 23 ཡེས་ར་ཨེལ་པས་ཨེ་ཡུ་གྲོང་ཁྱེར་གྱི་རྒྱལ་པོ་གསོན་པོར་བཟུང་ནས་ཁོ་ཡོ་ཤུ་ཨ་ཡི་རྩར་ཁྲིད་ཡོང་ངོ་། །  
\v 24 ཡེས་ར་ཨེལ་པ་རྣམས་ཀྱིས་ཞིང་བར་དང་དབེན་སྟོང་ནས་ཨེ་ཡུ་གྲོང་ཁྱེར་གྱི་རྗེས་འདེད་མཁན་དམག་མི་ཐམས་ཅད་རྩ་མེད་དུ་བཏང་། ཨེ་ཡུ་གྲོང་ཁྱེར་གྱི་དམག་མི་རྣམས་གྲིའི་ཁ་ནས་འགྱེལ་ཞིང་ཡོངས་རྫོགས་རྩ་མེད་དུ་གྱུར་པས། ཡེས་ར་ཨེལ་པ་རྣམས་ཨེ་ཡུ་གྲོང་ཁྱེར་དུ་ཕྱིར་ལོག་ནས་གྲོང་ཁྱེར་ནང་གི་མི་རྣམས་གྲིས་བསད།  
\v 25 ཉིན་མོ་དེར་བསད་པའི་མི་ནི་སྐྱེས་ཕོ་མོ་བསྡོམས་པས་ཆིག་ཁྲི་ཉིས་སྟོང་ཡོད་པ་སྟེ། ཨེ་ཡུ་གྲོང་ཁྱེར་གྱི་མི་ཐམས་ཅད་ཡིན་ནོ། །  
\v 26 ཡོ་ཤུ་ཨ་ཡིས་ཨེ་ཡུ་གྲོང་ཁྱེར་གྱི་ཡུལ་མི་ཐམས་ཅད་རྩ་མེད་དུ་གཏོང་བའི་བར་དུ་ལག་ནས་ཕྱིར་བརྐྱངས་པའི་མདུང་ཐུང་ཕྱིར་མ་བསྡུས་སོ། །  
\v 27 ཡིན་ནའང་གྲོང་ཁྱེར་ནང་གི་ཕྱུགས་ཟོག་དང་ནོར་རྫས་ཁོ་ན་ཡེས་ར་ཨེལ་པ་རྣམས་ཀྱིས་རང་རང་གི་བཅོམ་ནོར་དུ་བླངས་པ་དང་། དཀོན་མཆོག་ཡ་ཝཱེས་ཡོ་ཤུ་ཨ་ལ་བསྒོས་པའི་བཀའ་བཞིན་ཡིན་ནོ། །  
\v 28 ཡོ་ཤུ་ཨ་ཡིས་ཨེ་ཡུ་གྲོང་ཁྱེར་མེར་བསྲེགས་ནས་གྲོང་ཁྱེར་ནི་དུས་གཏན་དུ་ད་ལྟའི་བར་དུ་ཞིག་རོ་དང་ས་རྒོད་དུ་ལུས་པ་དང་།  
\v 29 ཡང་ཨེ་ཡུ་གྲོང་ཁྱེར་གྱི་རྒྱལ་པོ་སྡོང་མགོར་བཀལ་ནས་དགོང་མོའི་བར་དུ་བཞག ཉི་མ་ནུབ་པའི་སྐབས་སུ་ཡོ་ཤུ་ཨ་ཡིས་མི་ལ་བེམ་པོ་སྡོང་མགོ་ནས་མར་བླངས་ནས་མཁར་སྒོ་ཁར་གཡུག་པར་བསྒོས་ཤིང་། བེམ་པོའི་སྟེང་དུ་རྡོ་བརྩིགས་བརྒྱབ་ནས་ད་ལྟའི་བར་དུ་བཞག་གོ །   
\s1 ཨེ་བཱལ་རི་བོར་བཀའ་ཁྲིམས་ཁྱབ་བསྒྲགས་བྱས་པ།  
\p
\v 30 སྐབས་དེར་ཡོ་ཤུ་ཨ་ཡིས་ཨེ་བཱལ་རི་བོར་ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བཞེངས་པ་དང་།  
\v 31 མཆོད་ཁྲི་འདི་ནི་ལྕགས་ཆས་ཀྱིས་བརྡུང་མ་མྱོང་བའི་རྡོ་ཧྲིལ་པོས་བརྩིགས་པ་སྟེ། དཀོན་མཆོག་ཡ་ཝཱེའི་ཞབས་ཕྱི་མོ་ཤེས་ཡེས་ར་ཨེལ་པ་རྣམས་ལ་བསྒོས་པའི་བཀའ་བཞིན་དང་། ཏག་ཏག་མོ་ཤེའི་བཀའ་ཁྲིམས་ཀྱི་མདོ་ནང་བཀོད་པ་ལྟར་ཡིན་ནོ། །མི་རྣམས་ཀྱིས་མཆོད་ཁྲི་འདིའི་སྟེང་དུ་དཀོན་མཆོག་ཡ་ཝཱེ་ལ་སྦྱིན་སྲེག་དང་ཞི་བདེའི་མཆོད་པ་ཕུལ།  
\v 32 ཡོ་ཤུ་ཨ་ཡིས་ཡུལ་དེར་ཡེས་ར་ཨེལ་པ་རྣམས་ཀྱི་མདུན་ནས་མོ་ཤེས་ཡི་གེར་བཀོད་པའི་བཀའ་ཁྲིམས་རྣམས་རྡོའི་སྟེང་དུ་གཙང་བཤུས་བརྒྱབ་པའོ། །  
\v 33 ཡེས་ར་ཨེལ་པ་རྣམས་ཏེ་གཞིས་སྐྱེས་དང་བྱེས་པ། རྒན་པོ་རྣམས། འགོ་དཔོན་རྣམས། དེ་མིན་ཁྲིམས་དཔོན་རྣམས་བཅས་སུ་དང་སུ་ཡིན་ཡང་ཐམས་ཅད་ཞལ་ཆད་ཀྱི་ཤུར་སྒམ་འཁུར་བའི་ལེ་ཝི་པའི་མཆོད་དཔོན་རྣམས་ཀྱི་སྔུན་ནས། ཡེས་ར་ཨེལ་པ་རྣམས་ལ་བྱིན་གྱིས་བརླབ་པའི་ཕྱིར་ཕྱེད་ཀ་གེ་རི་ཟིམ་རི་བོའི་ཕྱོགས་སུ་ཁ་གཏད་ཅིང་། ཕྱེད་ཀ་ཨེ་བཱལ་རི་བོའི་ཕྱོགས་སུ་ཁ་གཏད་ནས་ལངས་བསྡད་ཅིང་། ཏག་ཏག་དཀོན་མཆོག་ཡ་ཝཱེའི་ཞབས་ཕྱི་མོ་ཤེས་དེ་སྔོན་ཇི་ལྟར་བཀའ་བསྒོས་པ་བཞིན་དུ་ཡེས་ར་ཨེལ་གྱི་འབངས་མི་རྣམས་ལ་བྱིན་རླབས་གནང་ངོ་། །  
\v 34 དེའི་རྗེས་སུ་ཡོ་ཤུ་ཨ་ཡིས་བཀའ་ཁྲིམས་སྟེང་གི་བྱིན་རླབས་དང་དམོད་མོའི་བཀའ་རྣམས་བཀའ་ཁྲིམས་སྟེང་དུ་ཅི་ཞིག་བཀོད་ཡོད་པ་བཞིན་དུ་ཐམས་ཅད་ཐེངས་གཅིག་ལ་ཁྱབ་བསྒྲགས་བྱས་པ་དང་།  
\v 35 མོ་ཤེས་བསྒོས་པའི་བཀའ་ཐམས་ཅད་ཡོ་ཤུ་ཨ་ཡིས་ཡེས་ར་ཨེལ་གྱི་མི་ཚོགས་ཡོངས་དང་བུད་མེད། བྱིས་པ། དེ་མིན་ཁོ་རྣམས་ཁྲོད་དུ་བྱེས་སུ་སྡོད་པའི་ཕྱི་ཕྱོགས་པ་རྣམས་ཀྱི་མདུན་དུ་ཚིག་གཅིག་ཀྱང་མ་ལུས་པར་ཁྱབ་བསྒྲགས་བྱས་སོ། །   
\c 9
\cl ལེའུ་དགུ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 གི་པེ་ཨོན་པ་རྣམས་ཀྱི་གཡོ་སྒྱུ།  
\p
\v 1 ཡོར་དན་གཙང་པོའི་ནུབ་ཕྱོགས་སུ་རི་ཁུལ་དང་རི་ཀླུང་། དེ་མིན་ལེ་པཱ་ནོན་རི་བོའི་ཁ་གཏད་དུ་རྒྱ་མཚོ་ཆེན་པོའི་འགྲམ་རྒྱུད་ལ་གནས་པའི་རྒྱལ་པོ་རྣམས་ཏེ། ཧེད་པ་དང་ཨེ་མོར་པ། ཀ་ན་ཨན་པ། ཕེ་རེ་ཟི་པ། ཧེ་བི་པ། ཡེ་བུ་སི་པ་བཅས་ཀྱི་རྒྱལ་པོ་ཀུན་གྱིས་དོན་དེ་ཐོས་པ་དང་།  
\v 2 ཚང་མ་མཉམ་དུ་འཛོམས་ནས་སེམས་ཤུགས་གཅིག་སྒྲིལ་གྱིས་ཡོ་ཤུ་ཨ་དང་ཡེས་ར་ཨེལ་པ་རྣམས་ལ་འཐབ་པར་བརྩམས།  
\v 3 གིབ་ཡོན་གྱི་མི་རྣམས་ཀྱིས་ཡོ་ཤུ་ཨ་ཡིས་ཡེ་རུ་ཀོ་དང་ཨེ་ཡུ་གྲོང་ཁྱེར་ལ་ཇི་ལྟར་བྱས་པའི་དོན་རྣམས་ཐོས་ནས།  
\v 4 གཡོ་སྒྱུས་བང་ཆེན་དུ་བརྫུས་ཏེ་ཁུག་མ་རྙིང་ཧྲུལ་དང་རལ་ཞིང་ལྷན་པ་བརྒྱབ་པའི་རྒུན་ཆང་གི་རྐྱལ་ཁུག་རྙིང་བ་བོང་བུར་བཀལ་ཏེ།  
\v 5 ལྷམ་རྙིང་ལྷན་པ་ཅན་ཞིག་རྐང་པར་གྱོན་ཞིང་། གྱོན་གོས་རྙིང་བ་ལུས་ལ་གྱོན་པ་དང་། ཁོ་རྣམས་ཀྱིས་འཁྱེར་བའི་བག་ལེབ་ཚང་མ་སྐམ་ཞིང་སྤུ་སྐྱེས་ཡོད་ལ།  
\v 6 ཁོ་རྣམས་གིལ་གལ་དུ་ཡོད་པའི་སྒར་དུ་ཡོ་ཤུ་ཨ་དང་འཕྲད་པར་ཕྱིན་ཅིང་། ཁོ་དང་ཡེས་ར་ཨེལ་གྱི་མི་རྣམས་ལ། ངེད་ཅག་ནི་རྒྱང་རིང་ཡུལ་ནས་འོངས་པ་ཡིན་ལ་ད་ལྟ་ཁྱེད་ཀྱིས་ངེད་རྣམས་ལ་དམ་བཅའ་འཇོག་པར་ཞུ་ཞེས་སྨྲས་པ་ལ།  
\v 7 ཡེས་ར་ཨེལ་པ་རྣམས་ཀྱིས་ཧེ་བི་པ་དེ་རྣམས་ལ། ཁྱོད་ཅག་ནི་ངེད་རྣམས་ཀྱི་ཁྲོད་དུ་གནས་པ་ཡིན་པར་དོགས་སོ། །གལ་སྲིད་དེ་ལྟར་ཡིན་ན་ཁྱོད་རྣམས་ལ་དམ་བཅའ་འཇོག་ག་ལ་རུང་ཞེས་སྨྲས།  
\v 8 ཁོ་རྣམས་ཀྱིས་ཡོ་ཤུ་ཨ་ལ། ངེད་རྣམས་ནི་ཁྱེད་ཀྱི་གཡོག་པོ་ཡིན་ཞེས་སྨྲས། ཡོ་ཤུ་ཨ་ཡིས་དེ་རྣམས་ལ། ཁྱོད་རྣམས་སུ་ཡིན། གང་ནས་འོངས་པ་ཡིན་ཞེས་དྲིས་པ་ལ།  
\v 9 ཁོ་རྣམས་ཀྱིས་ལན་དུ། གཡོག་པོ་རྣམས་རྒྱང་ཐག་རིང་བའི་ཡུལ་ནས་འོངས་པ་ཡིན་ཏེ། རྒྱུ་མཚན་ནི་ཁྱེད་ཀྱི་དཀོན་མཆོག་ཡ་ཝཱེའི་མཚན་སྙན་དང་ཁོང་གིས་ཨེ་ཅིབ་ཡུལ་ནས་མཛད་པའི་དོན་ཐམས་ཅད་དང་།  
\v 10 དེར་མ་ཟད་ཁོང་གིས་ཡོར་དན་གཙང་པོའི་ཤར་ཕྱོགས་ཀྱི་ཨེ་མོར་པའི་རྒྱལ་པོ་གཉིས་ཏེ། ཧེ་སི་པོན་གྱི་རྒྱལ་པོ་སི་ཧོན་དང་ཨ་ཤཱ་ཐ་རོད་ལ་གནས་པའི་པཱ་ཤན་གྱི་རྒྱལ་པོ་ཨོག་གཉིས་ལ་ཇི་ལྟར་མཛད་པའི་དོན་ཐམས་ཅད་ཐོས་པས།  
\v 11 ངེད་ཅག་གི་རྒན་པོ་རྣམས་དང་རང་གི་ཡུལ་མི་ཐམས་ཅད་ཀྱིས་ངེད་རྣམས་ལ། ཁྱོད་རྣམས་ཀྱིས་ལག་ཏུ་ལམ་བྲོ་ཁྱེར་ཏེ་ཡེས་ར་ཨེལ་པ་རྣམས་བསུ་རུ་སོང་ནས། ཁོང་རྣམས་ལ། ངེད་ཅག་ནི་ཁྱེད་ཀྱི་གཡོག་པོ་ཡིན་པ་དང་ད་ལྟ་ཁྱེད་རྣམས་ཀྱིས་ངེད་ཅག་ལ་དམ་བཅའ་འཇོག་པར་ཞུ་ཞེས་ཞུས་ཤིག་ཅེས་སྨྲས་སོ། །  
\v 12 ངེད་རྣམས་ཕྱིར་བུད་དེ་ཁྱེད་རྣམས་ཀྱི་སར་འོང་བའི་ཉིན་མོར་ཁྱིམ་ནས་ཁྱེར་ཡོང་བའི་བག་ལེབ་འདི་ད་དུང་ཚ་མོ་ཡིན་ནའང་། གཟིགས་དང་། ད་ལྟ་སྐམ་ནས་སྤུ་སྐྱེས་པ་ཡིན།  
\v 13 རྒུན་ཆང་གི་རྐྱལ་ཁུག་འདི་ངེད་རྣམས་ཀྱིས་རྒུན་ཆང་ལྡུག་པའི་སྐབས་སུ་ད་དུང་གསར་པ་ཡིན་ནའང་། གཟིགས་དང་། ད་ལྟ་གས་རལ་དུ་གྱུར་ཏོ། །ངེད་རྣམས་ཀྱི་གྱོན་གོས་དང་ལྷམ་འདི་ལམ་ཐག་ཧ་ཅང་རིང་བས་གྱོན་ནས་རྙིང་བར་གྱུར་ཏོ་ཞེས་སྨྲས་སོ། །  
\v 14 ཡེས་ར་ཨེལ་པ་རྣམས་ཀྱིས་ཁོ་ཚོའི་ཁ་ཟས་ལས་ཉུང་ཙམ་བླངས་ཤིང་དཀོན་མཆོག་ཡ་ཝཱེ་ལ་མ་ཞུས་སོ། །  
\v 15 དེ་ནས་ཡོ་ཤུ་ཨས་ཁོ་རྣམས་དང་འདུམ་འགྲིག་བྱས་ཤིང་། ཁོ་རྣམས་ལ་དམ་བཅའ་བཞག་ནས་ཁོ་རྣམས་འཚོ་རུ་བཅུག མི་ཚོགས་ཀྱི་འགོ་དཔོན་རྣམས་ཀྱིས་ཀྱང་ཁོ་ཚོར་མནའ་བཞག་གོ །  
\v 16 ཡེས་ར་ཨེལ་པས་ཁོ་རྣམས་དང་དམ་བཅས་པའི་རྗེས་སུ་ཉིན་གསུམ་འགོར་བ་ན་ད་གཟོད་ཁོ་རྣམས་ནི་ཁྱིམ་མཚེས་ཡིན་པ་དང་ཡེས་ར་ཨེལ་པ་རྣམས་ཀྱི་ཁྲོད་དུ་གནས་ཡོད་པ་ཐོས།  
\v 17 ཡེས་ར་ཨེལ་པ་རྣམས་ལམ་དུ་ཆས་ཏེ་ཉིན་གསུམ་པར་དེ་རྣམས་ཀྱི་གྲོང་ཁྱེར་ཏེ། གིབ་ཡོན་དང་ཀེ་ཕི་རཱ། པེ་ཨེ་རཱོད། ཀིར་ཡཱད་ཡེ་ཨ་རིམ་བཅས་སུ་སླེབས།  
\v 18 མི་ཚོགས་ཀྱི་འགོ་དཔོན་རྣམས་ཀྱིས་ཡེས་ར་ཨེལ་གྱི་དཀོན་མཆོག་ཡ་ཝཱེ་དཔང་དུ་བཙུགས་ནས་ཁོ་ཚོར་མནའ་བསྐྱལ་བ་ཡིན་པས། ཡེས་ར་ཨེལ་པ་རྣམས་ཀྱིས་ཁོ་རྣམས་ལ་དམག་མ་བརྒྱབ་པ་དང་། མི་ཚོགས་ཀུན་གྱིས་འགོ་དཔོན་ལ་སྡུག་ཡུས་བཏོན་པ་རེད།  
\v 19 འགོ་དཔོན་རྣམས་ཀྱིས་མི་ཚོགས་ཡོངས་ལ། ངེད་ཅག་གིས་ཡེས་ར་ཨེལ་གྱི་དཀོན་མཆོག་ཡ་ཝཱེ་དཔང་དུ་བཙུགས་ནས་ཁོ་ཚོར་མནའ་བསྐྱལ་ཟིན་པས་ད་ནི་ང་ཚོས་ཁོ་རྣམས་ལ་གནོད་འཚེ་གཏོང་མི་རུང་།  
\v 20 ངེད་རྣམས་ཀྱིས་བསྐྱལ་བའི་མནའ་དེའི་རྐྱེན་གྱིས་ཁོང་ཁྲོ་ང་ཚོའི་སྟེང་དུ་མི་འབབ་པའི་ཕྱིར། ངེད་རྣམས་ཀྱིས་ཁོ་ཚོར་འདི་ལྟར་བྱ་འོས་ཏེ། ཁོ་རྣམས་འཚོ་རུ་འཇུག་དགོས་ཞེས་སྨྲས།  
\v 21 འགོ་དཔོན་རྣམས་ཀྱིས་ཡང་མི་ཚོགས་ལ་ཁོ་རྣམས་འཚོ་རུ་འཇུག་དགོས་ཞེས་སྨྲས། དེ་ནས་འགོ་དཔོན་རྣམས་ཀྱིས་ཁོ་ཚོར་སྨྲས་པ་བཞིན། ཁོ་རྣམས་མི་ཚོགས་ཡོངས་ལ་འབུད་ཤིང་གཏུབ་མཁན་དང་ཆུ་ལེན་མཁན་དུ་གྱུར་ཏོ། །  
\v 22 ཡོ་ཤུ་ཨ་ཡིས་ཁོ་རྣམས་བོས་ཡོང་སྟེ་ན་རེ། ངེད་རྣམས་ནི་ཁྱོད་ཅག་དང་རྒྱང་ཐག་ཧ་ཅང་རིང་ཞེས་མགོ་སྐོར་བཏང་བ་ཅི་ཡིན་ནམ། དོན་དམ་དུ་ཁྱོད་རྣམས་ནི་ང་ཚོའི་ཉེ་སར་གནས་སོ། །  
\v 23 ད་ལྟ་ཁྱོད་རྣམས་ལ་དམོད་མོ་ཐེབས་པ་ཡིན། ཁྱོད་རྣམས་ཀྱི་ཁྲོད་དུ་གཡོག་པོ་བྱེད་མཁན་རྒྱུན་མི་ཆད་ཅིང་། ངའི་དཀོན་མཆོག་གི་བཞུགས་གནས་ཀྱི་ཕྱིར་འབུད་ཤིང་གཏུབ་མཁན་དང་ཆུ་ལེན་མཁན་བྱེད་དགོས་ཞེས་སྨྲས།  
\v 24 ཁོ་རྣམས་ཀྱིས་ཡོ་ཤུ་ཨ་ལ། ཁྱེད་ཀྱི་དཀོན་མཆོག་ཡ་ཝཱེས་དངོས་གནས་ཁོང་གི་ཞབས་ཕྱི་མོ་ཤེ་ལ་འདི་སྐད་དུ། ཡུལ་འདི་ཐམས་ཅད་ཁྱོད་རྣམས་ལ་གནང་བར་མ་ཟད། ཁྱོད་རྣམས་ཀྱི་མདུན་དུ་ཡུལ་འདིའི་མི་ཐམས་ཅད་རྩ་མེད་དུ་གཏོང་བར་འགྱུར་ཞེས་བཀའ་བསྩལ་པ་མི་ཞིག་གིས་ཁྱེད་ཀྱི་གཡོག་པོ་ལ་བཤད་བྱུང་བས། ངེད་ཅག་ཁྱེད་རྣམས་ཀྱི་རྐྱེན་གྱིས་སྲོག་འཆོར་བར་ཤིན་ཏུ་འཇིགས་ནས་དོན་འདི་བྱས་པ་ཡིན།  
\v 25 ད་ལྟ་ངེད་ཅག་ནི་ཁྱེད་ཀྱི་ཕྱག་ཏུ་ཡོད་པ་དང་། ཁྱེད་ཀྱིས་ང་ཚོ་ལ་ཅི་ལྟར་བྱས་ན་ལེགས་ཤིང་འགྲིག་པར་དགོངས་ན་དེ་ལྟར་གྱིས་ཤིག་ཅེས་ཞུས།  
\v 26 དེ་ནས་ཡོ་ཤུ་ཨ་ཡིས་ཁོ་རྣམས་ལ་འདི་ལྟར་བྱས་པ་སྟེ། ཁོ་རྣམས་ཡེས་ར་ཨེལ་པ་རྣམས་ཀྱི་ལག་ནས་ཐར་བར་བྱས་ཤིང་ཡེས་ར་ཨེལ་པས་ཁོ་རྣམས་མ་བསད་དོ། །  
\v 27 ཉིན་དེར་ཡོ་ཤུ་ཨ་ཡིས་ཁོ་རྣམས་ནི་དཀོན་མཆོག་ཡ་ཝཱེས་འདེམས་རྒྱུ་ཡིན་པའི་ཡུལ་དེར། ད་ལྟའི་བར་དུ་མི་ཚོགས་དང་དཀོན་མཆོག་ཡ་ཝཱེའི་མཆོད་ཁྲིའི་ཕྱིར་འབུད་ཤིང་གཏུབ་མཁན་དང་ཆུ་ལེན་མཁན་བྱེད་དུ་བཅུག་གོ །   
\c 10
\cl ལེའུ་བཅུ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཉི་མ་འཁོར་མཚམས་བཞག་པ།  
\p
\v 1 ཡེ་རུ་སཱ་ལེམ་གྱི་རྒྱལ་པོ་ཨ་དོ་ནི་ཚེ་དེག་གིས། ཡོ་ཤུ་ཨ་ཡིས་ཨེ་ཡུ་གྲོང་ཁྱེར་བཅོམ་ནས་རྩ་མེད་དུ་བཏང་བ་དང་། ཡེ་རུ་ཀོ་དང་དེའི་རྒྱལ་པོ་ལ་ཇི་ལྟར་བྱས་པ་བཞིན་དུ་ཨེ་ཡུ་གྲོང་ཁྱེར་དང་དེའི་རྒྱལ་པོ་ལའང་དེ་ལྟར་བྱས་པ་ཐོས་ཤིང་། གིབ་ཡོན་གྱི་མི་རྣམས་ཀྱིས་ཡེས་ར་ཨེལ་པ་རྣམས་ལ་དམ་བཅས་ནས་ཁོ་ཚོའི་ཁྲོད་དུ་གནས་པ་ཡང་ཐོས་ཏེ།  
\v 2 གིབ་ཡོན་ནི་རྒྱལ་ས་ལྟ་བུའི་གྲོང་ཁྱེར་ཆེན་པོ་ཞིག་ཡིན་པ་དང་ཨེ་ཡུ་གྲོང་ཁྱེར་ལས་ཀྱང་ཆེ་བར་མ་ཟད། གྲོང་ཁྱེར་ནང་གི་མི་ཐམས་ཅད་དཔའ་རྒོད་ཡིན་པས་ཡེ་རུ་སཱ་ལེམ་པ་རྣམས་ཤིན་ཏུ་འཇིགས་སོ། །  
\v 3 དེའི་ཕྱིར་ཡེ་རུ་སཱ་ལེམ་གྱི་རྒྱལ་པོ་ཨ་དོ་ནི་ཚེ་དེག་གིས་ཧེབ་རོན་གྱི་རྒྱལ་པོ་ཧོ་ཧམ་དང་། ཡར་མུད་ཀྱི་རྒྱལ་པོ་པིར་ཨམ། ལཱ་ཀི་སིའི་རྒྱལ་པོ་ཡ་ཕི་ཨ། ཨེག་ལོན་གྱི་རྒྱལ་པོ་དི་བིར་བཅས་བཞི་པོའི་མདུན་དུ་མི་མངགས་ནས་དེ་རྣམས་ལ་འདི་ལྟར།  
\v 4 ང་ཚོས་གིབ་ཡོན་ལ་འཐབ་འཛིང་བྱེད་པའི་ཕྱིར་ཁྱེད་རྣམས་ཡར་ངེད་ཅག་ལ་རོགས་བྱེད་དུ་འོང་བར་མཛོད་ཅིག ཅི་ལ་ཞེ་ན། ཁོ་རྣམས་ཡོ་ཤུ་ཨ་དང་ཡེས་ར་ཨེལ་པ་རྣམས་ལ་འགྲིག་མཐུན་བྱུང་བ་རེད་ཅེས་སྨྲས་པ་དང་།  
\v 5 དེ་ནས་ཨེ་མོར་པའི་རྒྱལ་པོ་རྣམས་ཏེ། ཡེ་རུ་སཱ་ལེམ་གྱི་རྒྱལ་པོ་དང་། ཧེབ་རོན་གྱི་རྒྱལ་པོ། ཡར་མུད་ཀྱི་རྒྱལ་པོ། ལཱ་ཀི་སིའི་རྒྱལ་པོ། ཨེག་ལོན་གྱི་རྒྱལ་པོ་བཅས་ལྔ་པོ་འཛོམས་ནས་ཁོ་ཚོའི་དམག་དཔུང་ཐམས་ཅད་ཁྲིད་དེ་ཡར་སོང་ཞིང་། གིབ་ཡོན་གྱི་ཁ་གཏད་དུ་སྒར་བརྒྱབ་ནས་གི་པེ་ཨོན་ལ་དམག་བརྒྱབ།  
\v 6 དེར་གིབ་ཡོན་པ་རྣམས་ཀྱིས་གིལ་གལ་ལ་ཡོད་པའི་སྒར་དུ་ཡོ་ཤུ་ཨའི་རྩར་མི་མངགས་ཏེ། རི་ཁུལ་དུ་སྡོད་པའི་ཨེ་མོར་པའི་རྒྱལ་པོ་རྣམས་མཉམ་དུ་འདུས་ནས་ངེད་རྣམས་ལ་དམག་བརྒྱབ་པས། ཁྱེད་ཀྱིས་རང་གི་གཡོག་པོ་རྣམས་མི་བསྐྱུར་བར་མྱུར་བ་མྱུར་དུ་ཡར་ངེད་རྣམས་སྐྱོབ་ཏུ་ཕེབས་ནས། ངེད་རྣམས་ལ་རོགས་རམ་མཛད་པར་ཞུ་ཞེས་སྨྲས།  
\v 7 དེ་ནས་ཡོ་ཤུ་ཨ་དང་ཁོའི་དམག་མི་ཐམས་ཅད། དེར་མ་ཟད་ནུས་སྟོབས་ཆེན་པོའི་དཔའ་རྒོད་དང་བཅས་པ་གིལ་གལ་ནས་ཡར་ཕྱིན་པ་དང་།  
\v 8 དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། བདག་གིས་ཁོ་རྣམས་ཁྱོད་ཀྱི་ལག་ཏུ་སྤྲད་ཟིན་པ་དང་། ཁོ་རྣམས་ཀྱི་ཁྲོད་དུ་ཁྱོད་ཀྱི་མདུན་དུ་ཚུགས་ཐུབ་མཁན་གཅིག་ཀྱང་མེད་པས་ཁོ་ཚོར་མ་འཇིགས་ཤིག་ཅེས་གསུངས་པ་དང།  
\v 9 ཡོ་ཤུ་ཨ་མཚན་བརྒལ་ཏེ་གིལ་གལ་ནས་ཡར་ཕྱིན་ཅིང་གློ་བུར་ཉིད་ལ་ཁོ་ཚོའི་རྩར་སླེབས།  
\v 10 དཀོན་མཆོག་ཡ་ཝཱེས་ཁོ་རྣམས་ཡེས་ར་ཨེལ་གྱི་མདུན་དུ་མགོ་རྙོག་པར་མཛད། ཡོ་ཤུ་ཨ་ཡིས་གིབ་ཡོན་ནས་ཁོ་རྣམས་ཕམ་པར་བརྒྱབ་པ་དང་། པེད་ཧོ་རོན་གྱི་ལ་ངོས་སུ་ཁོ་རྣམས་ལ་འཐབ་ནས་ཨ་ཟེ་ཀཱ་དང་མག་ཀེ་དཱ་བར་དུ་སླེབས།  
\v 11 ཁོ་རྣམས་ཡེས་ར་ཨེལ་པའི་མདུན་ནས་བྲོས་ཤིང་པེད་ཧོ་རོན་ནས་ཐུར་ལ་འབབ་པའི་དུས་སུ། ཨ་ཟེ་ཀཱ་ལ་སླེབས་རག་བར་དུ་དཀོན་མཆོག་ཡ་ཝཱེས་ནམ་མཁའ་ནས་དེ་རྣམས་ཀྱི་སྟེང་དུ་སེར་བ་ཆེན་པོ་ཕབ་ནས་ཁོ་རྣམས་བསད་དོ། །སེར་བས་བསད་པ་ནི་ཡེས་ར་ཨེལ་པ་རྣམས་ཀྱིས་གྲི་ཡིས་བསད་པ་ལས་ཀྱང་མང་ངོ་། །  
\v 12 དཀོན་མཆོག་ཡ་ཝཱེས་ཨེ་མོར་པ་རྣམས་ཡེས་ར་ཨེལ་པ་རྣམས་ལ་སྤྲད་པའི་ཉིན་མོར། ཡོ་ཤུ་ཨ་ཡིས་དཀོན་མཆོག་ཡ་ཝཱེ་ལ་སྨོན་ལམ་ཞུས་ཤིང་ཡེས་ར་ཨེལ་པ་རྣམས་ཀྱི་མདུན་དུ་ཇི་སྐད་དུ། ཉི་མ་ཁྱོད་ནི་གིབ་ཡོན་དུ་འདུག་པར་གྱིས། ཟླ་བ་ཁྱོད་ནི་ཨ་ཡཱ་ལོན་ལུང་པར་སྡོད་ཅིག་ཅེས་སྨྲས།  
\v 13 དེ་ནས་འབངས་མི་རྣམས་ཀྱིས་དགྲ་བོ་རྣམས་ལ་དགྲ་ཤ་ལེན་པའི་བར་དུ་ཉི་མ་རང་སོར་ལུས་ཤིང་ཟླ་བ་ཡང་བསྡད། དོན་འདི་ནི་ཡ་ཟ་ཨེར་གྱི་མདོ་ནང་དུ་བཀོད་ཡོད་པ་མ་ཡིན་ནམ། ཉི་མ་ནམ་མཁའི་དབུས་སུ་ལུས་ནས་ཉིན་གཅིག་ཙམ་གྱི་རིང་ལ་ལམ་སང་མ་ནུབ་ཏོ། །  
\v 14 དཀོན་མཆོག་ཡ་ཝཱེས་མི་ཡི་སྨོན་ལམ་ལ་ཉིན་མོ་དེ་བཞིན་གསན་པ་ནི་དེའི་སྔོན་དུ་བྱུང་མ་མྱོང་ལ་རྗེས་སུ་ཡང་བྱུང་མ་མྱོང་བ་སྟེ། ཅི་ལ་ཟེར་ན། དཀོན་མཆོག་ཡ་ཝཱེས་ཡེས་ར་ཨེལ་གྱི་ཕྱིར་འཐབ་མོ་མཛད་པས་སོ། །  
\v 15 ཡོ་ཤུ་ཨ་དང་ཡེས་ར་ཨེལ་པ་རྣམས་ཕྱིར་གིལ་གལ་གྱི་སྒར་དུ་ལོག་པ་དང་།  
\v 16 རྒྱལ་པོ་དེ་ལྔ་པོ་བྲོས་སོང་སྟེ་མག་ཀེ་དཱ་བྲག་ཕུག་ནང་དུ་སྦས་སོ། །  
\v 17 མི་ཞིག་གིས་ཡོ་ཤུ་ཨ་ལ། རྒྱལ་པོ་དེ་ལྔ་པོ་རྙེད་ཟིན་ལ། ཐམས་ཅད་མག་ཀེ་དཱ་བྲག་ཕུག་ནང་དུ་སྦས་ཡོད་དོ་ཞེས་སྨྲས།  
\v 18 ཡོ་ཤུ་ཨ་ཡིས། ཁྱོད་རྣམས་ཀྱིས་རྡོ་ཕ་བོང་འགའ་བྲག་ཕུག་ཁར་བསྒྲིལ་ནས་མི་མངགས་ཏེ་བསྲུང་བར་གྱིས་ཤིག  
\v 19 ཡིན་ནའང་ཁྱོད་རྣམས་ཀྱིས་འགོར་འགྱངས་མི་བྱེད་པར་དགྲ་བོའི་ར་མདར་བརྒྱུགས་ཏེ། རྒྱབ་ལོགས་ནས་ཁོ་རྣམས་ལ་རྒོལ་ཏེ་ཁོ་ཚོ་རང་གི་གྲོང་ཁྱེར་ནང་འགྲོ་རུ་མི་འཇུག་པར་གྱིས། ཅི་ལ་ཟེར་ན། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁོ་ཚོ་ཁྱོད་ཅག་གི་ལག་ཏུ་སྤྲད་ཟིན་པས་སོ། །  
\v 20 ཡོ་ཤུ་ཨ་དང་ཡེས་ར་ཨེལ་པ་རྣམས་ཀྱིས་ཁོ་རྣམས་ཡོངས་སུ་རྩ་མེད་དུ་བཏང་བ་དང་། དེ་དག་ལས་ལུས་པ་ཐམས་ཅད་ལྕགས་རིས་བསྐོར་བའི་གྲོང་ཁྱེར་ནང་དུ་འཛུལ།  
\v 21 དེ་ནས་འབངས་མི་རྣམས་བདེ་འཇགས་ངང་མག་ཀེ་དཱ་ཡི་སྒར་དུ་ཡོ་ཤུ་ཨ་ཡོད་སར་ཕྱིར་ལོག་པ་དང་། ཡེས་ར་ཨེལ་པ་རྣམས་ལ་ཚིག་ངན་སྨྲ་ཕོད་མཁན་གཅིག་ཀྱང་མེད་དོ། །  
\v 22 ཡོ་ཤུ་ཨ་ཡིས། བྲག་ཕུག་ཁ་ཕྱེས་ལ་རྒྱལ་པོ་དེ་ལྔ་པོ་བྲག་ཕུག་ནས་ཕྱི་རུ་ངའི་མདུན་དུ་ཁྲིད་ཤོག་ཅིག་ཅེས་སྨྲས་པ་ལ།  
\v 23 མི་རྣམས་ཀྱིས་དེ་བཞིན་བྱས་ཤིང་། རྒྱལ་པོ་དེ་ལྔ་ནི། ཡེ་རུ་སཱ་ལེམ་གྱི་རྒྱལ་པོ་དང་། ཧེབ་རོན་གྱི་རྒྱལ་པོ། ཡར་མུད་ཀྱི་རྒྱལ་པོ། ལཱ་ཀི་སིའི་རྒྱལ་པོ། ཨེག་ལོན་གྱི་རྒྱལ་པོ་བཅས་བྲག་ཕུག་ནས་ཕྱི་རུ་བླངས་ཏེ་ཡོ་ཤུ་ཨའི་མདུན་དུ་ཁྲིད་འོངས་སོ། །  
\v 24 རྒྱལ་པོ་དེ་ལྔ་པོ་ཕྱིར་ཁྲིད་ནས་ཡོ་ཤུ་ཨ་ཡི་མདུན་དུ་སླེབས་པའི་སྐབས་སུ། ཡོ་ཤུ་ཨ་ཡིས་ཡེས་ར་ཨེལ་པའི་མི་རྣམས་བོས་འོངས་ཞིང་། ཁོ་དང་ལྷན་དུ་ཕྱིན་པའི་དམག་དཔོན་དེ་རྣམས་ལ། ཁྱོད་རྣམས་ཚུར་ཤོག་ལ་རྐང་པ་རྒྱལ་པོ་འདི་རྣམས་ཀྱི་སྐེ་ལ་ཞོག་ཅིག་ཅེས་སྨྲས་པ་ན། ཁོ་རྣམས་ཉེ་སར་བཅར་ནས་རྐང་པ་རྒྱལ་པོ་དེ་རྣམས་ཀྱི་སྐེ་ལ་བཞག  
\v 25 ཡོ་ཤུ་ཨས་ཁོ་རྣམས་ལ། ཁྱོད་རྣམས་མ་འཇིགས་མ་འཚབ་ཅིག བློ་རྩ་བརྟན་པོས་སྙིང་རུས་བསྐྱེད་དགོས། ཅི་ལ་ཟེར་ན། དཀོན་མཆོག་ཡ་ཝཱེས་ཁྱོད་རྣམས་ཀྱིས་རྒོལ་བར་འགྱུར་བའི་དགྲ་བོ་ཐམས་ཅད་ལ་འདི་ལྟར་མཛད་ངེས་པས་སོ་ཞེས་གསུངས།  
\v 26 དེ་རྗེས་ཡོ་ཤུ་ཨ་ཡིས་རྒྱལ་པོ་དེ་ལྔ་པོར་བརྒྱབ་ནས་བསད་པ་དང་ཤིང་སྡོང་ལྔ་ཡི་སྟེང་དུ་བཀལ་ཞིང་། ཁོ་རྣམས་དགོང་མོའི་བར་དུ་ཤིང་སྡོང་སྟེང་བཀལ་ནས་བཞག  
\v 27 ཉི་མ་ནུབ་དུས་སུ་ཡོ་ཤུ་ཨ་ཡིས་བཀའ་བསྒོས་པ་དང་། མི་ཡིས་བེམ་པོ་ཤིང་སྡོང་ལས་མར་བླངས་ཤིང་ཁོ་རྣམས་སྦས་མྱོང་བའི་བྲག་ཕུག་ནང་དུ་འཕངས་ཏེ་རྡོ་ཕ་བོང་འགའ་བྲག་ཕུག་ཁར་བཞག་ཅིང་ད་ལྟའི་བར་དུ་ལུས་སོ། །   
\s1 གྲོང་ཁྱེར་མང་པོ་བླངས་པ།  
\p
\v 28 ཉིན་མོ་དེར་ཡོ་ཤུ་ཨ་ཡིས་མ་ཀེ་དཱ་ཕྲོགས་ཤིང་གྲོང་ཁྱེར་ནང་གི་མི་དང་རྒྱལ་པོ་གྲི་ཡིས་བསད་པ་དང་། དེའི་ནང་གི་མི་ཐམས་ཅད་གཅིག་ཀྱང་མ་བསྐྱུར་བར་རྩ་མེད་དུ་བཏང་། ཁོས་སྔོན་ཆད་ཡེ་རུ་ཀོ་ཡི་རྒྱལ་པོ་ལ་ཇི་ལྟར་བྱས་པ་བཞིན་མག་ཀེ་དཱ་ཡི་རྒྱལ་པོ་ལའང་དེ་ལྟར་བྱས་སོ། །  
\v 29 ཡོ་ཤུ་ཨ་དང་ཡེས་ར་ཨེལ་པ་རྣམས་མག་ཀེ་དཱ་ནས་ལིབ་ནཱའི་ཕྱོགས་སུ་ཕྱིན་ཅིང་དེ་ལ་དམག་དྲངས་སོ། །  
\v 30 དཀོན་མཆོག་ཡ་ཝཱེས་ལིབ་ནཱ་དང་དེའི་རྒྱལ་པོ་ཡང་ཡེས་ར་ཨེལ་པའི་ལག་ཏུ་སྤྲད། ཡོ་ཤུ་ཨ་ཡིས་གྲོང་ཁྱེར་དེ་ལ་དམག་བརྒྱབ་ནས་གྲོང་ཁྱེར་ནང་གི་མི་ཐམས་ཅད་གཅིག་ཀྱང་མ་བསྐྱུར་བར་གྲི་ཡིས་བསད། ཁོས་སྔོན་ཆད་ཡེ་རུ་ཀོ་ཡི་རྒྱལ་པོ་ལ་ཇི་ལྟར་བྱས་པ་བཞིན་ལིབ་ནཱ་ཡི་རྒྱལ་པོ་ལའང་དེ་ལྟར་བྱས་སོ། །  
\v 31 ཡོ་ཤུ་ཨ་དང་ཡེས་ར་ཨེལ་པ་རྣམས་ལིབ་ནཱ་ནས་ལཱ་ཀི་སིའི་ཕྱོགས་སུ་ཕྱིན་ཅིང་། ལཱ་ཀི་སིའི་ཁ་གཏད་དུ་སྒར་བཏབ་ནས་གྲོང་ཁྱེར་དེ་ལ་དམག་དྲངས།  
\v 32 དཀོན་མཆོག་ཡ་ཝཱེས་ལཱ་ཀི་སི་ནི་ཡེས་ར་ཨེལ་པའི་ལག་ཏུ་སྤྲད་དོ། །ཉིན་གཉིས་པར་ཡོ་ཤུ་ཨ་ཡིས་ལཱ་ཀི་སི་ཕྲོགས་ཤིང་། ཁོས་ལིབ་ནཱ་ལ་ཇི་ལྟར་བྱས་པ་དེ་བཞིན་དུ་གྲོང་ཁྱེར་ལ་དམག་བརྒྱབ་ནས་དེའི་ནང་གི་མི་ཐམས་ཅད་གྲིས་བསད།  
\v 33 སྐབས་དེར་གེ་ཟེར་གྱི་རྒྱལ་པོ་ཧོ་རམ་ཡར་ལཱ་ཀི་སི་ལ་རོགས་བྱེད་དུ་འོངས་པ་དང་། ཡོ་ཤུ་ཨ་ཡིས་ཁོ་དང་ཁོའི་འབངས་མི་ཐམས་ཅད་ཕམ་པར་བརྒྱབ་ནས་གཅིག་ཀྱང་མ་བསྐྱུར།  
\v 34 ཡོ་ཤུ་ཨ་དང་ཡེས་ར་ཨེལ་པ་རྣམས་ལཱ་ཀི་སི་ནས་ཨེག་ལོན་ཕྱོགས་སུ་ཕྱིན་ཅིང་། ཨེག་ལོན་གྱི་ཁ་གཏད་དུ་སྒར་བཏབ་ནས་གྲོང་ཁྱེར་དེ་ལ་དམག་དྲངས།  
\v 35 ཉིན་མོ་དེར་གྲོང་ཁྱེར་ཕྲོགས་ཤིང་གྲོང་ཁྱེར་ལ་དམག་བརྒྱབ་ནས་དེའི་ནང་གི་མི་རྣམས་གྲིས་བསད། ཉིན་མོ་དེར་ཡོ་ཤུ་ཨ་ཡིས་ལཱ་ཀི་སི་ལ་ཇི་ལྟར་བྱས་པ་དེ་བཞིན་དུ་གྲོང་ཁྱེར་ནང་གི་མི་ཐམས་ཅད་རྩ་མེད་དུ་བཏང་།  
\v 36 ཡོ་ཤུ་ཨ་དང་ཡེས་ར་ཨེལ་པ་རྣམས་ཨེག་ལོན་ནས་ཧེབ་རོན་ཕྱོགས་སུ་ཕྱིན་ཅིང་གྲོང་ཁྱེར་དེ་ལ་དམག་དྲངས།  
\v 37 ཧེབ་རོན་དང་དེ་ལ་གཏོགས་པའི་གྲོང་ཚོ་རྣམས་ཕྲོགས་ཤིང་། གྲོང་ཁྱེར་ལ་དམག་བརྒྱབ་ནས་དེའི་རྒྱལ་པོ་དང་གྲོང་ཁྱེར་ནང་གི་མི་ཐམས་ཅད་གཅིག་ཀྱང་མ་བསྐྱུར་བར་གྲིས་བསད། ཁོས་ཨེག་ལོན་ལ་ཇི་ལྟར་བྱས་པ་དེ་བཞིན་དུ་གྲོང་ཁྱེར་དང་གྲོང་ཁྱེར་ནང་གི་མི་ཐམས་ཅད་རྩ་མེད་དུ་བཏང་།  
\v 38 ཡོ་ཤུ་ཨ་དང་ཡེས་ར་ཨེལ་པ་རྣམས་ཕྱིར་དི་བིར་ལ་སླེབས་ཤིང་གྲོང་ཁྱེར་དེ་ལ་དམག་དྲངས།  
\v 39 དི་བིར་དང་དེ་ལ་གཏོགས་པའི་གྲོང་ཚོ་རྣམས་ཕྲོགས་ཤིང་། ཡང་དི་བིར་གྱི་རྒྱལ་པོ་གསོན་བཟུང་བྱས་ནས། གྲོང་ཁྱེར་ནང་གི་མི་ཐམས་ཅད་གཅིག་ཀྱང་མ་བསྐྱུར་བར་གྲིས་བསད། ཁོས་སྔར་ཧེབ་རོན་དང་ལིབ་ནཱ། ལིབ་ནཱའི་རྒྱལ་པོ་བཅས་ལ་ཇི་ལྟར་བྱས་པ་དེ་བཞིན་དུ་དི་བིར་དང་དེའི་རྒྱལ་པོ་ལའང་དེ་ལྟར་བྱས་སོ། །  
\v 40 དེ་ལྟར། ཡོ་ཤུ་ཨ་ཡིས་ཡུལ་ཐམས་ཅད་དེ་རི་ཁུལ་དང་ནེ་གུབ་ཡུལ། རི་ཀླུང་། རི་ལྡེབས་བཅས་ཀྱི་མི་རྣམས་དང་ཡུལ་དེ་དག་གི་རྒྱལ་པོ་རྣམས་ལ་དམག་བརྒྱབ་ནས་གཅིག་ཀྱང་མ་བསྐྱུར་བ་དང་། ཡེས་ར་ཨེལ་གྱི་དཀོན་མཆོག་ཡ་ཝཱེས་བཀའ་བསྒོས་པ་བཞིན་དབུགས་དང་ལྡན་པ་ཐམས་ཅད་བསད་དོ། །  
\v 41 ཡོ་ཤུ་ཨ་ཡིས་ཀཱ་དེའེ་ཤཱ་པར་ནེ་ཨ་ནས་དམག་བརྒྱབ་སྟེ་གཱ་ཟཱ་བར་དུ་སླེབས་ཤིང་། ཡང་གོ་ཤེན་ཡུལ་ཐམས་ཅད་ལ་དམག་བརྒྱབ་སྟེ་གིབ་ཡོན་བར་དུ་སླེབས།  
\v 42 ཡེས་ར་ཨེལ་གྱི་དཀོན་མཆོག་ཡ་ཝཱེས་ཡེས་ར་ཨེལ་གྱི་ཕྱིར་འཐབ་མོ་མཛད་པས། ཡོ་ཤུ་ཨ་ཡིས་དམག་འཐབ་གཅིག་གིས་རྒྱལ་པོ་དེ་རྣམས་ཕམ་པར་བརྒྱབ་པར་མ་ཟད་ཁོ་རྣམས་ཀྱི་ཡུལ་ཡང་ཕྲོགས་པ་རེད།  
\v 43 དེ་ནས་ཡོ་ཤུ་ཨ་དང་ཡེས་ར་ཨེལ་པ་རྣམས་གིལ་གལ་གྱི་སྒར་དུ་ཕྱིར་ལོག་གོ །   
\c 11
\cl ལེའུ་བཅུ་གཅིག་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 བྱང་ཕྱོགས་ཀྱི་རྒྱལ་པོ་རྣམས་ཕམ་པར་བརྒྱབ་པ།  
\p
\v 1 ཧ་ཟོར་གྱི་རྒྱལ་པོ་ཡཱ་བིན་གྱིས་དོན་དེ་ཐོས་ནས། མ་དོན་གྱི་རྒྱལ་པོ་ཡོ་པབ་དང་ཤིམ་རོན་གྱི་རྒྱལ་པོ། ཨག་ཤབ་ཀྱི་རྒྱལ་པོ།  
\v 2 བྱང་ཕྱོགས་ཀྱི་རི་ཁུལ་དང་ཀིན་ནེ་རོད་ཀྱི་ལྷོ་ཕྱོགས་ཀྱི་ཨ་ར་པཱ་རི་ཀླུང་། དེར་མ་ཟད་ནུབ་ཕྱོགས་ཀྱི་དཱོར་དེའུ་འབུར་བཅས་ཀྱི་རྒྱལ་པོ་རྣམས་ཀྱི་མདུན་དུ་མི་མངགས་པ་དང་།  
\v 3 ཡང་ཤར་ནུབ་གཉིས་ཀྱི་ཀ་ན་ཨན་པ་དང་། རི་ཁུལ་གྱི་ཨེ་མོར་པ། ཧེད་པ། ཕེ་རེ་ཟི་པ། ཡེ་བུ་སི་པ། དེར་མ་ཟད་ཧེར་མོན་རི་འདབས་ཀྱི་མཱས་ཟི་ཕཱ་ཡུལ་གྱི་ཧེ་བི་པ་བཅས་ཀྱི་མདུན་དུ་མི་མངགས།  
\v 4 རྒྱལ་པོ་དེ་རྣམས་དང་ཁོ་ཚོའི་དམག་དཔུང་ཐམས་ཅད་ཕྱི་རུ་ཡོང་ཞིང་མི་གྲངས་ནི་མཚོ་ཁའི་བྱེ་མ་ལྟར་མང་བར་མ་ཟད། རྟ་དང་ཤིང་རྟ་ཡང་མང་པོ་ཡོད།  
\v 5 རྒྱལ་པོ་དེ་རྣམས་གཅིག་ཏུ་འདུས་ནས་མེ་རོམ་ཆུ་འགྲམ་དུ་སླེབས་ཤིང་། ཡེས་ར་ཨེལ་དང་འཐབ་ཕྱིར་མཉམ་དུ་དམག་སྒར་བཏབ།  
\v 6 དཀོན་མཆོག་ཡ་ཝཱེས་ཡོ་ཤུ་ཨ་ལ་འདི་སྐད་དུ། ཁྱོད་རང་ཁོ་རྣམས་ལ་མ་འཇིགས་ཤིག སང་ཉིན་ད་ཚོད་བདག་གིས་ཁོ་ཚོ་ཡེས་ར་ཨེལ་པ་རྣམས་ལ་སྤྲད་དེ་ཐམས་ཅད་གསོད་ངེས་ཡིན། ཁྱོད་ཀྱིས་ཁོ་ཚོའི་རྟ་རྣམས་ཀྱི་བརླ་རྩ་བཅད་ནས་ཁོ་ཚོའི་ཤིང་རྟ་རྣམས་མེར་བསྲེག་དགོས་ཞེས་གསུངས།  
\v 7 དེ་ནས་ཡོ་ཤུ་ཨ་ཡིས་དམག་མི་ཐམས་ཅད་ཁྲིད་དེ་མེ་རོམ་ཆུ་འགྲམ་ནས་གློ་བུར་ཉིད་དུ་ཁོ་རྣམས་ལ་དམག་བརྒྱབ།  
\v 8 དཀོན་མཆོག་ཡ་ཝཱེས་ཁོ་རྣམས་ཡེས་ར་ཨེལ་པའི་ལག་ཏུ་སྤྲད་པ་དང་། ཡེས་ར་ཨེལ་པས་ཁོ་རྣམས་ལ་དམག་བརྒྱབ་ཅིང་བདས་ནས་གྲོང་ཁྱེར་ཆེན་པོ་ཚི་ཏུན་བར་དང་མིས་རེ་ཕཱོད་མ་ཨིམ་གྱི་བར། ཤར་ཕྱོགས་ཀྱི་མི་ཙི་ཕེའི་ལུང་པ་བར་བཅས་སུ་སླེབས་ཤིང་། ཁོ་རྣམས་གཅིག་ཀྱང་མ་བསྐྱུར་ཏོ། །  
\v 9 དེ་ནས་ཡོ་ཤུ་ཨ་ཡིས་དཀོན་མཆོག་ཡ་ཝཱེས་ཁོ་ལ་ཅི་ལྟར་བཀའ་བསྒོས་པ་བཞིན་བྱས་ཏེ། ཁོ་ཚོའི་རྟ་ཡི་བརླ་རྩ་བཅད་ནས་ཤིང་རྟ་མེར་བསྲེགས་སོ། །  
\v 10 སྐབས་དེར་ཡོ་ཤུ་ཨ་ཕྱིར་ལོག་ནས་ཧ་ཟོར་ཕྲོགས་པ་དང་དེའི་རྒྱལ་པོ་གྲིས་བསད། ཧ་ཟོར་ནི་སྔར་ནས་བཟུང་རྒྱལ་ཁམས་རྣམས་ཀྱི་ཁྲོད་དུ་མགོ་ཡིན་ནོ། །  
\v 11 ཡེས་ར་ཨེལ་པས་གྲོང་ཁྱེར་ནང་གི་མི་རྣམས་གྲིས་བསད་ཅིང་ཁོ་རྣམས་རྩ་མེད་དུ་བཏང་། དབུགས་དང་ལྡན་པ་ཐམས་ཅད་གཅིག་ཀྱང་མ་བསྐྱུར་ཏོ། །ཡོ་ཤུ་ཨ་ཡིས་ཡང་ཧ་ཟོར་མེར་བསྲེགས་སོ། །  
\v 12 དཀོན་མཆོག་ཡ་ཝཱེའི་ཞབས་ཕྱི་མོ་ཤེས་བཀའ་ཅི་ལྟར་བསྒོས་པ་དེ་བཞིན་དུ། ཡོ་ཤུ་ཨ་ཡིས་རྒྱལ་པོ་དེ་རྣམས་ཀྱི་གྲོང་ཁྱེར་ཐམས་ཅད་ཕྲོགས་ཤིང་། དེའི་ནང་གི་རྒྱལ་པོ་རྣམས་གསོན་བཟུང་བྱས་ཏེ་ཁོ་རྣམས་གྲིས་བརྒྱབ་ནས་བསད་པ་དང་ཐམས་ཅད་རྩ་མེད་དུ་བཏང་ངོ་། །  
\v 13 དེའུ་འབུར་སྟེང་དུ་བརྩིགས་པའི་གྲོང་ཁྱེར་རྣམས་ནི། ཧ་ཟོར་ལས་གཞན་ཡེས་ར་ཨེལ་པས་མེར་མ་སྲེག་གོ །ཡོ་ཤུ་ཨ་ཡིས་ཧ་ཟོར་ཁོ་ན་མེར་བསྲེགས་པའོ། །  
\v 14 གྲོང་ཁྱེར་དེ་དག་གི་རྒྱུ་ནོར་དང་ཕྱུགས་ཟོག་ཐམས་ཅད་ནི་ཡེས་ར་ཨེལ་པས་རང་རང་གི་བཅོམ་ནོར་དུ་བླངས། ཡིན་ནའང་མི་ཐམས་ཅད་ནི་རྩ་མེད་དུ་གཏོང་བའི་བར་དུ་གྲིས་བརྒྱབ་ནས་བསད་པ་དང་། དབུགས་དང་ལྡན་པ་ཐམས་ཅད་གཅིག་ཀྱང་མ་བསྐྱུར་ཏོ། །  
\v 15 དཀོན་མཆོག་ཡ་ཝཱེས་ཁོང་གི་ཞབས་ཕྱི་མོ་ཤེ་ལ་ཅི་ལྟར་བཀའ་བསྒོས་པ་ལྟར་མོ་ཤེས་དེ་བཞིན་དུ་ཡོ་ཤུ་ཨ་ལ་བཀའ་བསྒོས་ཤིང་། ཡོ་ཤུ་ཨ་ཡིས་ཀྱང་དེ་བཞིན་དུ་བྱས་སོ། །དཀོན་མཆོག་ཡ་ཝཱེས་མོ་ཤེ་ལ་ཅི་ལྟར་བཀའ་བསྒོས་པ་ཐམས་ཅད་ནི་ཡོ་ཤུ་ཨ་ཡིས་ལྷོད་གཡེང་དུ་བཏང་ནས་མ་བསྒྲུབས་པ་གཅིག་ཀྱང་མེད་དོ། །   
\s1 ས་བཟུང་བ།  
\p
\v 16 ཡོ་ཤུ་ཨ་ཡིས་ཡུལ་དེ་ཐམས་ཅད་དེ་རི་ཁུལ་དང་ནེ་གུབ་ཡུལ་རྣམས། གོ་ཤེན་ཡུལ་ཐམས་ཅད། རི་ཀླུང་། ཨ་ར་པཱ། ཡེས་ར་ཨེལ་གྱི་རི་ཁུལ་དང་དེའི་རི་ཀླུང་།  
\v 17 སེ་ཨིར་ལ་ཡར་འགྲོ་སའི་ཧ་ལཱ་རི་བོ་ནས་ཧེར་མོན་རི་འདབས་ཀྱི་ལེ་པཱ་ནོན་ལུང་པའི་པཱ་ཨལ་གཱ་རྡུ་བར་བཅས་ཕྲོགས་པར་མ་ཟད། ཡུལ་དེ་དག་གི་རྒྱལ་པོ་རྣམས་གསོན་བཟུང་བྱས་ཏེ་བརྒྱབ་ནས་བསད།  
\v 18 ཡོ་ཤུ་ཨ་དང་རྒྱལ་པོ་དེ་རྣམས་ལོ་ཟླ་མང་པོ་ཞིག་ལ་འཐབ་བོ། །  
\v 19 གིབ་ཡོན་གྱི་ཧེ་བི་པ་ལས་གཞན་ཡེས་ར་ཨེལ་པ་དང་འདུམ་འགྲིག་བྱུང་བའི་གྲོང་ཁྱེར་གཅིག་ཀྱང་མེད་པ་སྟེ། ཐམས་ཅད་ཡེས་ར་ཨེལ་པས་འཐབ་མོ་བྱས་ནས་ཕྲོགས་འོངས་པ་ཡིན་ནོ། །  
\v 20 རྒྱུ་མཚན་ནི་དཀོན་མཆོག་ཡ་ཝཱེས་མོ་ཤེ་ལ་ཅི་ལྟར་བཀའ་བསྒོས་པ་བཞིན་དུ། ཁོ་རྣམས་རྩ་མེད་དུ་གཏོང་བ་དང་སྙིང་རྗེ་མི་འཐོབ་པའི་ཕྱིར། ཁོ་རྣམས་ཀྱི་སེམས་རྒྱུད་གྱོང་པོར་མཛད་ནས་ཡེས་ར་ཨེལ་པ་དང་འཐབ་པར་འོངས་པ་ནི་དཀོན་མཆོག་ཡ་ཝཱེའི་ཐུགས་དགོངས་ལགས་སོ། །  
\v 21 སྐབས་དེར་ཡོ་ཤུ་ཨ་འོངས་ནས་རི་ཁུལ་དང་ཧེབ་རོན། དི་བིར། ཨ་ནབ། ཡ་ཧུ་དཱ་རི་ཁུལ། ཡེས་ར་ཨེལ་རི་ཁུལ་བཅས་སུ་གནས་པའི་ཨ་ནག་གི་བུ་རྒྱུད་ \f + \ft ཨ་ནག་གི་བུ་རྒྱུད་ཅེས་པ་ནི་གཟུགས་པོའི་རིང་ཚད་ལ་སྨི་གསུམ་ཙམ་ཡོད་པའི་མི་བོ་ཆེ་རྣམས་ཡིན་པར་གསུངས།\f*ཐམས་ཅད་མེད་པར་བྱས་ཤིང་། ཡོ་ཤུ་ཨ་ཡིས་ཁོ་རྣམས་དང་ཁོ་ཚོའི་གྲོང་ཁྱེར་རྣམས་མེད་པར་བྱས་སོ། །  
\v 22 ཡེས་ར་ཨེལ་པ་རྣམས་ཀྱི་ཡུལ་དུ་ཨ་ནག་པ་གཅིག་ཀྱང་མ་བསྐྱུར་བ་དང་། གཱ་ཟཱ་དང་གཱད། ཨ་སི་དོད་བཅས་འབའ་ཞིག་ཏུ་བསྐྱུར་ནས་ལུས་པ་ཡིན།  
\v 23 དེ་ལྟར་ཡོ་ཤུ་ཨ་ཡིས་དཀོན་མཆོག་ཡ་ཝཱེས་མོ་ཤེ་ལ་བསྒོས་པའི་བཀའ་ཐམས་ཅད་ལྟར་ཡུལ་དེ་ཡོངས་སུ་ཕྲོགས་ཤིང་། ཡེས་ར་ཨེལ་ཚོ་པའི་རུས་རྒྱུད་ལྟར་ཁོ་རྣམས་ལ་ས་སྐལ་དུ་བགོས་པ་དང་། ས་གཞི་ཡོངས་སུ་འཐབ་འཁྲུག་ཞི་བར་གྱུར་ཏོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཕམ་པར་བརྒྱབ་པའི་རྒྱལ་པོ་རྣམས་ཀྱི་མིང་ཐོ།  
\p
\v 1 འདི་དག་ནི་ཡེས་ར་ཨེལ་པ་རྣམས་ཀྱིས་ཡོར་དན་གཙང་པོའི་ཕ་རོལ་ཏུ་ཉི་མ་ཤར་སའི་ཕྱོགས་སུ་རྒྱལ་པོ་གཉིས་ཕམ་པར་བརྒྱབ་ནས་ཁོ་རྣམས་ཀྱི་ས་བདག་ཏུ་བཟུང་བ་སྟེ། ཨར་ནོན་གྲོག་མོ་ནས་ཧེར་མོན་རི་བོའི་བར་དང་། དེར་མ་ཟད་ཤར་ཕྱོགས་ཀྱི་ཨ་ར་པཱ་ཡུལ་ཐམས་ཅད་ཡིན་ནོ། །  
\v 2 རྒྱལ་པོ་དེ་གཉིས་ཀྱི་གཅིག་ནི་ཧེ་སི་པོན་དུ་གནས་པའི་ཨེ་མོར་པའི་རྒྱལ་པོ་སི་ཧོན་ཡིན་ཏེ། ཁོའི་མངའ་འོག་གི་ཡུལ་ནི་ཨར་ནོན་ལུང་པའི་འགྲམ་གྱི་ཨ་རོ་ཨེར་དང་གྲོག་རོང་གི་དབུས་རྒྱུད་དང་། དེ་མིན་གིལ་ཨད་ཀྱི་ཕྱེད་ཀ་ནས་ཨམ་མོན་པའི་ས་མཚམས་ཡིན་པའི་ཡཱབ་པོག་ཆུ་བོ་བར་དང་།  
\v 3 ཡོར་དན་གཙང་པོའི་ཤར་ཕྱོགས་ཀྱི་ཨ་ར་པཱ་ནས་ཀིན་ནེ་རོད་ཀྱི་མཚོ་བར་དང་། ཡང་ཨ་ར་པཱའི་མཚོ་སྟེ་ཚྭ་མཚོ་བར། པེད་ཡེ་ཤི་མོད་དུ་འགྲོ་བའི་ལམ་དང་ལྷོ་ཕྱོགས་ནས་ཕིས་ག་རི་འདབས་བར་དུ་ཡིན་ནོ། །  
\v 4 ཡང་ཅིག་ཤོས་པཱ་ཤན་གྱི་རྒྱལ་པོ་ཨོག་ཅེས་པ་ཡིན་ཏེ། ཁོ་ནི་རེ་པཱ་པ་མཐའ་མ་ཡིན་ལ། ཨ་ཤཱ་ཐ་རོད་དང་ཨེ་དྲེ་ཨི་རུ་གནས་པ་ཡིན།  
\v 5 ཁོའི་མངའ་འོག་གི་ཡུལ་ནི་རི་བོ་ཧེར་མོན་དང་སལ་ཀཱ། པཱ་ཤན་ཡུལ་ཐམས་ཅད་ནས་གེ་ཤུར་པ་དང་མ་ཨ་ཀཱ་པ་རྣམས་ཀྱི་ས་མཚམས་བར་དང་། དེ་མིན་གིལ་ཨད་ཀྱི་ཕྱེད་ཀ་ནས་ཧེ་སི་པོན་གྱི་རྒྱལ་པོ་སི་ཧོན་གྱི་ས་མཚམས་བར་དུ་ཡིན་ནོ། །  
\v 6 རྒྱལ་པོ་དེ་གཉིས་ནི་དཀོན་མཆོག་ཡ་ཝཱེའི་ཞབས་ཕྱི་མོ་ཤེ་དང་ཡེས་ར་ཨེལ་པ་རྣམས་ཀྱིས་ཕམ་པར་བརྒྱབ་པ་ཡིན་ལ། དཀོན་མཆོག་ཡ་ཝཱེའི་ཞབས་ཕྱི་མོ་ཤེ་ཡིས་ཁོ་ཚོའི་ཡུལ་རྣམས་རུ་བེན་པ་དང་གཱ་རྡུ་པ་རྣམས་དང་། མཱ་ན་ཤེའི་ཚོ་པ་ཕྱེད་ཀ་ལ་ས་སྐལ་དུ་གནང་བ་ཡིན་ནོ། །   
\s1 ཡོ་ཤུ་ཨ་ཡིས་རྒྱལ་པོ་རྣམས་ཕམ་པར་བརྒྱབ་པ།  
\p
\v 7 ཡོ་ཤུ་ཨ་དང་ཡེས་ར་ཨེལ་པ་རྣམས་ཀྱིས་ཡོར་དན་གཙང་པོའི་ནུབ་ཏུ་རྒྱལ་པོ་རྣམས་ཕམ་པར་བརྒྱབ་པ་དང་། ཁོ་རྣམས་ཀྱི་ཡུལ་ནི་ལེ་པཱ་ནོན་ལུང་པའི་པཱ་ཨལ་གཱ་རྡུ་ནས་སེ་ཨིར་ལ་འགྲོ་བའི་རི་བོ་ཧ་ལཱ་བར་ཡིན། ཡོ་ཤུ་ཨ་ཡིས་ཡེས་ར་ཨེལ་ཚོ་པའི་རུས་རྒྱུད་ལྟར་ཡུལ་དེ་ཁོ་རྣམས་ལ་ས་སྐལ་དུ་བགོས་པ་སྟེ།  
\v 8 ཧེད་པ་དང་ཨེ་མོར་པ། ཀ་ན་ཨན་པ། ཕེ་རེ་ཟི་པ། ཧེ་བི་པ། ཡེ་བུ་སི་པ་བཅས་ཀྱི་རི་ཁུལ་དང་རི་ཀླུང་། ཨ་ར་པཱ། རི་ལྡེབས། དབེན་སྟོང་། ནེ་གུབ་ཡུལ་བཅས་ཡིན་ནོ། །  
\v 9 རྒྱལ་པོ་རྣམས་ནི་འདི་ལྟ་སྟེ། གཅིག་ནི་ཡེ་རུ་ཀོ་ཡི་རྒྱལ་པོ་དང། གཅིག་ནི་པེད་ཨེལ་ལ་ཉེ་བའི་ཨེ་ཡུ་གྲོང་ཁྱེར་གྱི་རྒྱལ་པོ།  
\v 10 གཅིག་ནི་ཡེ་རུ་སཱ་ལེམ་གྱི་རྒྱལ་པོ། གཅིག་ནི་ཧེབ་རོན་གྱི་རྒྱལ་པོ།  
\v 11 གཅིག་ནི་ཡར་མུད་ཀྱི་རྒྱལ་པོ། གཅིག་ནི་ལཱ་ཀི་སིའི་རྒྱལ་པོ།  
\v 12 གཅིག་ནི་ཨེག་ལོན་གྱི་རྒྱལ་པོ། གཅིག་ནི་གེ་ཟེར་གྱི་རྒྱལ་པོ།  
\v 13 གཅིག་ནི་དི་བིར་གྱི་རྒྱལ་པོ། གཅིག་ནི་གེ་དེར་གྱི་རྒྱལ་པོ།  
\v 14 གཅིག་ནི་ཧོར་མཱའི་རྒྱལ་པོ། གཅིག་ནི་ཨ་རད་ཀྱི་རྒྱལ་པོ།  
\v 15 གཅིག་ནི་ལིབ་ནཱ་ཡི་རྒྱལ་པོ། གཅིག་ནི་ཨ་དུལ་ལཱམ་གྱི་རྒྱལ་པོ།  
\v 16 གཅིག་ནི་མག་ཀེ་དཱའི་རྒྱལ་པོ། གཅིག་ནི་པེད་ཨེལ་གྱི་རྒྱལ་པོ།  
\v 17 གཅིག་ནི་ཏ་ཕུ་ཨའི་རྒྱལ་པོ། གཅིག་ནི་ཧེ་ཕེར་གྱི་རྒྱལ་པོ།  
\v 18 གཅིག་ནི་ཨ་ཕེག་གི་རྒྱལ་པོ། གཅིག་ནི་ལ་ཤཱ་རོན་གྱི་རྒྱལ་པོ།  
\v 19 གཅིག་ནི་མ་དོན་གྱི་རྒྱལ་པོ། གཅིག་ནི་ཧ་ཟོར་གྱི་རྒྱལ་པོ།  
\v 20 གཅིག་ནི་ཤིམ་རོན་མེ་རོན་གྱི་རྒྱལ་པོ། གཅིག་ནི་ཨག་ཤབ་ཀྱི་རྒྱལ་པོ།  
\v 21 གཅིག་ནི་ཐ་ཨ་ནག་གི་རྒྱལ་པོ། གཅིག་ནི་མེ་གིད་དོའི་རྒྱལ་པོ།  
\v 22 གཅིག་ནི་ཀེ་དེ་སིའི་རྒྱལ་པོ། གཅིག་ནི་ཀར་མེལ་དང་ཉེ་བའི་ཡོག་ནེ་ཨམ་གྱི་རྒྱལ་པོ།  
\v 23 གཅིག་ནི་དཱོར་དེའུ་འབུར་དུ་ཡོད་པའི་དཱོར་གྱི་རྒྱལ་པོ། གཅིག་ནི་གིལ་གལ་དུ་ཡོད་པའི་གོ་ཡིམ་གྱི་རྒྱལ་པོ།  
\v 24 གཅིག་ནི་ཐིར་ཚའི་རྒྱལ་པོ་སྟེ་བསྡོམས་པས་རྒྱལ་པོ་སོ་གཅིག་ཡིན་ནོ། །   
\c 13
\cl ལེའུ་བཅུ་གསུམ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ད་དུང་ཚུར་བླངས་མེད་པའི་ཡུལ་རྣམས།  
\p
\v 1 ཡོ་ཤུ་ཨ་ལོ་ན་རྒས་ཤིང་དཀོན་མཆོག་ཡ་ཝཱེས་ཁོ་ལ་འདི་སྐད་དུ། ཁྱོད་རང་ལོ་ན་རྒས་ཤིང་ཚུར་མ་ལོན་པའི་ཡུལ་ད་དུང་མང་པོ་ཡོད་པ་སྟེ།  
\v 2 དེ་ནི་ཕེ་ལེ་ཤེད་པའི་ཡུལ་ཐམས་ཅད་དང་གེ་ཤུར་པའི་ཡུལ་ཐམས་ཅད།  
\v 3 ཨེ་ཅིབ་ཀྱི་མདུན་དུ་ཡོད་པའི་སི་ཧོར་ཆུ་བོ་ནས་བྱང་ཕྱོགས་སུ་ཨེག་རོན་གྱི་ས་མཚམས་བར་ཏེ། ཀ་ན་ཨན་པ་ལ་གཏོགས་པའི་ཡུལ་དུ་བརྩིས་པ་ཡིན། ཕེ་ལེ་ཤེད་པའི་འགོ་དཔོན་ལྔ་ཡིས་བདག་སྐྱོང་བྱེད་པའི་གཱ་ཟཱ་པ་དང་ཨ་སི་དོད་པ། ཨ་སི་ཀེ་ལོན་པ། གཱད་པ། ཨེག་རོན་པ་བཅས་ཀྱི་ས་དང་། དེར་མ་ཟད་ཨ་ཝི་པའི་ས་ཡང་ཡོད།  
\v 4 ཡང་ལྷོ་ཕྱོགས་སུ་ཀ་ན་ཨན་པའི་ཡུལ་ཐམས་ཅད་དང་ཚི་ཏུན་པའི་མེ་ཨ་རཱ་ནས་ཨ་ཕེག་དང་། དེ་ནས་ཨེ་མོར་པའི་ས་མཚམས་བཅས་ཀྱི་བར།  
\v 5 ད་དུང་གེ་བལ་པའི་ཡུལ་དང་། དེར་མ་ཟད་ཤར་ཕྱོགས་སུ་ལེ་པཱ་ནོན་ཡོངས་ཏེ། ཧེར་མོན་རི་འདབས་ཀྱི་པཱ་ཨལ་གཱ་རྡུ་ནས་ཧ་མཱད་ཉག་ག་བར་དུ་ཡིན།  
\v 6 ལེ་པཱ་ནོན་ནས་མིས་རེ་ཕཱོད་མ་ཨིམ་གྱི་བར་དུ་གནས་པའི་རི་ཁུལ་གྱི་མི་རྣམས་ཏེ་ཚི་ཏུན་པ་ཐམས་ཅད་ནི་བདག་གིས་ཡེས་ར་ཨེལ་པ་རྣམས་ཀྱི་མདུན་ནས་ཕྱིར་སྐྲོད་ངེས་ཡིན། ཁྱོད་ཀྱིས་བདག་གིས་ཅི་ལྟར་བསྒོས་པ་བཞིན་ཡུལ་འདི་རྒྱན་འཕངས་ནས་ཡེས་ར་ཨེལ་པ་རྣམས་ལ་ས་སྐལ་དུ་བགོས་ཤིག  
\v 7 ད་ལྟ་ཁྱོད་ཀྱིས་ཡུལ་འདི་ཚོ་པ་དགུ་དང་མཱ་ན་ཤེའི་ཚོ་པ་ཕྱེད་ཀ་ལ་ས་སྐལ་དུ་བགོ་དགོས་ཞེས་གསུངས།   
\s1 ཡོར་དན་གཙང་པོའི་ཤར་ཕྱོགས་ཀྱི་ས་བགོས་པ།  
\p
\v 8 མཱ་ན་ཤེའི་ཚོ་པ་ཕྱེད་ཀ་དང་རུ་བེན་པ་དང་གཱ་རྡུ་པ་ཚོ་པ་གཉིས་ལ་ནོར་སྐལ་ཐོབ་ཟིན་པ་སྟེ། དཀོན་མཆོག་ཡ་ཝཱེའི་ཞབས་ཕྱི་མོ་ཤེས་ཡོར་དན་གཙང་པོའི་ཤར་ནས་ཁོ་རྣམས་ལ་གནང་བ་ཡིན་ལ།  
\v 9 ཨར་ནོན་གྲོག་མོ་འགྲམ་གྱི་ཨ་རོ་ཨེར་དང་གྲོག་རོང་གི་གྲོང་ཁྱེར། དེར་མ་ཟད་མེ་དེ་བཱ་ཡི་ཐང་ཧྲིལ་པོ་བཅས་ནས་དི་བོན་བར།  
\v 10 ཧེ་སི་པོན་ལ་དབང་བྱེད་མཁན་ཨེ་མོར་པའི་རྒྱལ་པོ་སི་ཧོན་གྱི་གྲོང་ཁྱེར་རྣམས་ནས་ཨམ་མོན་པའི་ས་མཚམས་བར་དུ་ཡིན་ལ།  
\v 11 ཡང་གེ་ཤུར་པ་དང་མ་ཨ་ཀཱ་པ་རྣམས་ཀྱི་ས་མཚམས་ཏེ་གིལ་ཨད་ཡུལ་དང་། རི་བོ་ཧེར་མོན་ཐམས་ཅད་དང་པཱ་ཤན་ཡུལ་ཧྲིལ་པོ་ནས་སལ་ཀཱ་བར་དུ་ཡིན།  
\v 12 ཡང་པཱ་ཤན་གྱི་རྒྱལ་པོ་ཨོག་གི་རྒྱལ་ཁམས་ཧྲིལ་པོ་བཅས་ཡིན། ཁོ་ནི་ཨ་ཤཱ་ཐ་རོད་དང་ཨེ་དྲེ་ཨི་ཡི་རྒྱལ་པོ་ཡིན་ལ། རེ་པཱ་པ་ལས་ཁོ་རང་རྐྱང་རྐྱང་ལུས་ཤིང་། ཡུལ་འདི་རྣམས་ཀྱི་མི་ཐམས་ཅད་མོ་ཤེས་ཕམ་པར་བརྒྱབ་ནས་མཐར་བསྐྲད་པ་ཡིན་ནོ། །  
\v 13 ཡིན་ནའང་ཡེས་ར་ཨེལ་པ་རྣམས་ཀྱིས་གེ་ཤུར་པ་དང་མ་ཨ་ཀཱ་པ་རྣམས་ཕྱིར་མ་བསྐྲད་ཅིང་། མི་དེ་རྣམས་ནི་ད་ལྟའི་བར་དུ་ཡེས་ར་ཨེལ་པ་རྣམས་ཀྱི་ཁྲོད་དུ་གནས་སོ། །  
\v 14 ལེ་ཝི་ཚོ་པ་འབའ་ཞིག་ལ་མོ་ཤེས་ས་སྐལ་མ་བགོས་ཏེ། དཀོན་མཆོག་ཡ་ཝཱེས་ཁོ་རྣམས་ལ་ཞལ་བཞེས་གནང་བ་ཇི་བཞིན། ཡེས་ར་ཨེལ་གྱི་དཀོན་མཆོག་ཡ་ཝཱེ་ལ་ཕུལ་བའི་སྦྱིན་སྲེག་དེ་རྣམས་ཀྱི་ནོར་སྐལ་ཡིན་པའོ། །   
\s1 རུ་བེན་པ་ལ་བགོས་པའི་ས་སྐལ།  
\p
\v 15 མོ་ཤེས་རུ་བེན་ཚོ་པའི་རུས་རྒྱུད་ལྟར་དེ་རྣམས་ལ་ནོར་སྐལ་བགོས་པ་སྟེ།  
\v 16 ཁོ་རྣམས་ཀྱི་ས་མཚམས་ནི་ཨར་ནོན་གྲོག་མོ་འགྲམ་གྱི་ཨ་རོ་ཨེར་དང་གྲོག་རོང་གི་གྲོང་ཁྱེར། མེ་དེ་བཱ་ཡི་ཐང་ཧྲིལ་པོ།  
\v 17 ཧེ་སི་པོན་དང་ཧེ་སི་པོན་ཐང་ལ་གཏོགས་པའི་གྲོང་ཁྱེར་སོ་སོ་སྟེ། དི་བོན་དང་པ་མོད་པཱ་ཨལ། པེད་པཱ་ཨལ་མེ་ཨོན།  
\v 18 ཡ་ཙཱ། ཀེ་དེ་མོད། མེ་ཕཱ་ཨད།  
\v 19 ཀིར་ཡ་ཐཱ་ཡེམ། སིབ་མ། ལུང་པའི་ནང་དུ་ཡོད་པའི་རི་དེའི་ཚེ་རེད་ཤ་ཧར།  
\v 20 པེད་ཕེ་ཨོར། རི་ཕིས་ག་དེའུ་འབུར། པེད་ཡེ་ཤི་མོད་བཅས་དང་།  
\v 21 ད་དུང་ཐང་གི་གྲོང་ཁྱེར་སོ་སོ་དང་ཨེ་མོར་པའི་རྒྱལ་པོ་སི་ཧོན་གྱི་རྒྱལ་ཁམས་ཧྲིལ་པོ། སི་ཧོན་ནི་སྔར་ཧེ་སི་པོན་གྱི་རྒྱལ་པོ་ཡིན་ལ། མོ་ཤེས་ཁོ་དང་མིད༌ཡཱན་གྱི་ཚོ་དཔོན་ཨེ་ཝི་དང་རེ་ཀེམ། ཙུར། ཧུར། རེ་པ་བཅས་ཕམ་པར་བརྒྱབ་པ་དང་། དེ་ཐམས་ཅད་ནི་ཡུལ་དེར་གནས་པའི་སི་ཧོན་གྱི་དབང་འོག་ཡིན་ནོ། །  
\v 22 སྐབས་དེར་ཡེས་ར་ཨེལ་པ་རྣམས་ཀྱིས་བསད་པའི་གྲས་སུ། པེ་ཨོར་གྱི་བུ་སྒྱུ་མ་མཁན་པེལ་ཨམ་ཡང་གྲིས་བསད་དོ། །  
\v 23 རུ་བེན་པའི་ས་མཚམས་ནི་ཡོར་དན་གཙང་པོ་དང་དེར་ཉེ་བའི་ཡུལ་རྣམས་ཡིན། དེ་ནི་རུ་བེན་པ་རྣམས་ལ་རུས་རྒྱུད་བཞིན་ས་སྐལ་དུ་ཐོབ་པའི་གྲོང་ཁྱེར་རྣམས་དང་། གྲོང་ཁྱེར་ལ་གཏོགས་པའི་གྲོང་ཚོ་རྣམས་ཡིན།   
\s1 གཱ་རྡུ་ལ་བགོས་པའི་ས་སྐལ།  
\p
\v 24 མོ་ཤེས་གཱ་རྡུ་ཚོ་པའི་རུས་རྒྱུད་ལྟར་དེ་རྣམས་ལ་ནོར་སྐལ་བགོས་པ་སྟེ།  
\v 25 ཁོ་རྣམས་ཀྱི་ས་མཚམས་ནི་ཡཱ་ཟེར་དང་གིལ་ཨད་ཀྱི་གྲོང་ཁྱེར་སོ་སོ་དང་ཨམ་མོན་པའི་ཡུལ་ཕྱེད་ནས་རབ་བཱའི་མདུན་དུ་ཡོད་པའི་ཨ་རོ་ཨེར་བར་དང་།  
\v 26 ཧེ་སི་པོན་ནས་ར་མད་མི་ཙི་ཕེ་དང་པེ་ཏོ་ནིམ་བར་དང་། ཡང་མཱ་ཧ་ནཱ་ཡིམ་ནས་དེ་པིར་བར་གྱི་ས་མཚམས་དང་།  
\v 27 ཧེ་སི་པོན་རྒྱལ་པོ་སི་ཧོན་གྱི་རྒྱལ་ཁམས་ནས་ལུས་པའི་ཡུལ་ཏེ། གྲོག་གཞུང་གི་པེད་ཧ་རམ་དང་པེད་ནིམ་རཱ། སོའུ་ཀོད། ཚ་ཕོན་བཅས་དང་། ཡོར་དན་གཙང་པོ་དང་དེར་ཉེ་བའི་ཡུལ་ནས་ཀིན་ནེ་རོད་མཚོ་མཐའ་བར་དུ་ཐམས་ཅད་ཡོར་དན་གཙང་པོའི་ཤར་ཏུ་གནས་སོ། །  
\v 28 དེ་ནི་གཱ་རྡུ་པ་རྣམས་ལ་རུས་རྒྱུད་ལྟར་ནོར་སྐལ་དུ་ཐོབ་པའི་གྲོང་ཁྱེར་རྣམས་དང་དེ་རྣམས་ལ་གཏོགས་པའི་གྲོང་ཚོ་རྣམས་ཡིན་ནོ། །   
\s1 མཱ་ན་ཤེའི་ཚོ་པ་ཕྱེད་ཀ་ལ་བགོས་པའི་ས་སྐལ།  
\p
\v 29 མོ་ཤེས་མཱ་ན་ཤེའི་ཚོ་པ་ཕྱེད་ཀ་ལ་ས་སྐལ་བགོས་པ་སྟེ། མཱ་ན་ཤེའི་ཚོ་པ་ཕྱེད་ཀའི་རུས་རྒྱུད་ལྟར་བགོས་པ་ཡིན་ནོ། །  
\v 30 ཁོ་རྣམས་ཀྱི་ས་མཚམས་ནི་མཱ་ཧ་ནཱ་ཡིམ་ནས་པཱ་ཤན་ཡུལ་ཐམས་ཅད་དེ། པཱ་ཤན་གྱི་རྒྱལ་པོ་ཨོག་གི་རྒྱལ་ཁམས་ཧྲིལ་པོ་དང་། པཱ་ཤན་དུ་ཆགས་པའི་ཡཱ་ཨིར་གྱི་གྲོང་ཁྱེར་ཐམས་ཅད་བསྡོམས་པས་དྲུག་ཅུ་དང་།  
\v 31 གིལ་ཨད་ཀྱི་ཕྱེད་ཀ་དང་པཱ་ཤན་གྱི་རྒྱལ་པོ་ཨོག་གི་རྒྱལ་ཁམས་ལ་གཏོགས་པའི་གྲོང་ཁྱེར་ཏེ། ཨ་ཤཱ་ཐ་རོད་དང་ཨེ་དྲེ་ཨི་གཉིས་བཅས་ནི་རུས་རྒྱུད་ལྟར་མཱ་ན་ཤེའི་བུ་མཱ་ཀིར་གྱི་བུ་རྒྱུད་ཕྱེད་ཀར་གནང་བ་ཡིན་ནོ། །  
\v 32 དེ་ནི་མོ་ཤེས་ཡོར་དན་གཙང་པོའི་ཤར་ཏུ་ཡེ་རུ་ཀོ་ཡི་མོ་ཨབ་ཐང་ལ་ཁ་གཏད་ནས་ཁོ་རྣམས་ལ་བགོས་པའི་ས་སྐལ་ཡིན།  
\v 33 དཀོན་མཆོག་ཡ་ཝཱེས་ལེ་ཝི་པ་རྣམས་ལ་ཞལ་བཞེས་གནང་བ་ཇི་བཞིན། ཡེས་ར་ཨེལ་གྱི་དཀོན་མཆོག་ཡ་ཝཱེ་ནི་ཁོ་རྣམས་ཀྱི་ནོར་སྐལ་ཡིན་པས། མོ་ཤེས་ལེ་ཝིའི་ཚོ་པར་ས་སྐལ་མ་བགོས་པ་ཡིན་ནོ། །   
\c 14
\cl ལེའུ་བཅུ་བཞི་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཡོར་དན་གཙང་པོའི་ནུབ་ཀྱི་ཡུལ་རྣམས།  
\p
\v 1 ཡེས་ར་ཨེལ་པ་རྣམས་ལ་ཀ་ན་ཨན་ཡུལ་ནས་ཐོབ་པའི་ས་སྐལ་ནི། མཆོད་དཔོན་ཨེ་ལི་ཨ་ཟར་དང་ནུན་གྱི་བུ་ཡོ་ཤུ་ཨ་དང་། དེ་མིན་ཡེས་ར་ཨེལ་གྱི་ཚོ་པ་རེ་རེའི་ཚོ་དཔོན་བཅས་ཀྱིས་ཁོ་རྣམས་ལ་བགོས་པ་འདི་ལྟ་སྟེ།  
\v 2 དེ་ནི་དཀོན་མཆོག་ཡ་ཝཱེས་མོ་ཤེ་བརྒྱུད་ནས་བཀའ་བསྒོས་པ་ཇི་བཞིན། ཁོ་ཚོས་ཚོ་པ་དགུ་དང་ཕྱེད་ཀར་རྒྱན་འཕངས་ནས་ས་སྐལ་བགོས་པའོ། །  
\v 3 མ་གཞི་མོ་ཤེས་ཡོར་དན་གཙང་པོའི་ཤར་ཏུ་ཚོ་པ་གཉིས་དང་ཕྱེད་ཀ་དེ་ལ་ས་སྐལ་བགོས་པ་ཡིན་ལ། ཁོ་རྣམས་ཀྱི་ཁྲོད་དུ་ལེ་ཝི་པ་རྣམས་ལ་ས་སྐལ་མ་བགོས་སོ། །  
\v 4 ཅི་ལ་ཟེར་ན། ཡོ་སེབ་ཀྱི་བུ་རྒྱུད་རྣམས་ནི་མཱ་ན་ཤེ་དང་ཨེ་ཕཱར་ཡིམ་ཚོ་པ་གཉིས་སུ་གྱུར་པས། ལེ་ཝི་པ་རྣམས་ལ་ས་མ་བགོས་མོད། འོན་ཀྱང་ཁོ་རྣམས་གནས་སྡོད་བྱེད་པར་གྲོང་ཁྱེར་གནང་ཞིང་། ཡང་ཁོ་རྣམས་ཀྱི་ཕྱུགས་འཚོ་བ་དང་རྒྱུ་ནོར་འཇོག་པའི་ཕྱིར་གྲོང་ཁྱེར་གྱི་ཉེ་འཁོར་རྣམས་གནང་བའོ། །  
\v 5 དཀོན་མཆོག་ཡ་ཝཱེས་མོ་ཤེ་ལ་ཇི་ལྟར་བཀའ་བསྒོས་པ་བཞིན་དུ་ཡེས་ར་ཨེལ་པ་རྣམས་ཀྱིས་དེ་ལྟར་བྱས་ཤིང་ས་བགོས་སོ། །   
\s1 ཀཱ་ལེབ་ལ་ཧེབ་རོན་གྱི་ས་སྐལ་ཐོབ་པ།  
\p
\v 6 སྐབས་དེར། ཡ་ཧུ་དཱ་པ་རྣམས་གིལ་གལ་དུ་ཡོ་ཤུ་ཨའི་མདུན་དུ་འོངས་པ་དང་། ཀེ་ནི་ཟི་པ་ཡེ་ཕུན་ནེའི་བུ་ཀཱ་ལེབ་ཀྱིས་ཡོ་ཤུ་ཨ་ལ། དཀོན་མཆོག་ཡ་ཝཱེས་ཀཱ་དེའེ་ཤཱ་པར་ནེ་ཨ་རུ་ང་དང་ཁྱེད་གཉིས་ཀྱི་ཕྱིར་དཀོན་མཆོག་གི་སྐྱེས་བུ་མོ་ཤེ་ལ་བཀའ་ཅི་གསུངས་པ་ཐམས་ཅད་ཁྱེད་ཀྱིས་ཤེས་སོ། །  
\v 7 དཀོན་མཆོག་ཡ་ཝཱེའི་ཞབས་ཕྱི་མོ་ཤེས་ཀཱ་དེའེ་ཤཱ་པར་ནེ་ཨ་ནས་ང་རང་ཡུལ་འདིར་ལྟ་ཉུལ་བྱེད་དུ་མངགས་པ་དང་། དུས་དེར་ང་རང་ལོ་བཞི་བཅུ་ལོན་ཞིང་ངས་བསམ་ཚུལ་བཞིན་ཁོང་ལ་འཕྲིན་ཞུས་པ་ཡིན་མོད།  
\v 8 འོན་ཀྱང་ང་དང་ལྷན་ཅིག་ཏུ་ཡར་ཕྱིན་པའི་སྤུན་ཟླ་རྣམས་ཀྱིས་འབངས་མི་ཚོའི་སེམས་ཀྱི་དཔའ་ཞུམ་པར་བྱས། ཡིན་ནའང་ང་རང་ནི་བློ་གཅིག་སེམས་གཅིག་གིས་ང་ཡི་དཀོན་མཆོག་ཡ་ཝཱེའི་རྗེས་སུ་འབྲངས་སོ། །  
\v 9 ཉིན་མོ་དེར་མོ་ཤེས་མནའ་བསྐྱལ་ནས་འདི་སྐད་དུ། ཁྱོད་རང་བློ་གཅིག་སེམས་གཅིག་གིས་ང་ཡི་དཀོན་མཆོག་ཡ་ཝཱེའི་རྗེས་སུ་འབྲངས་པས། ཁྱོད་ཀྱི་གོམ་པ་སྤོས་པའི་ཡུལ་དེ་ནི་དུས་གཏན་དུ་ཁྱོད་དང་ཁྱོད་ཀྱི་བུ་རྒྱུད་ལ་ས་སྐལ་དུ་དབང་ངེས་ཡིན་ཞེས་གསུངས།  
\v 10 དཀོན་མཆོག་ཡ་ཝཱེས་མོ་ཤེ་ལ་གསུང་འདི་གནང་བ་ནས་བཟུང་སྟེ། ཁོང་གི་ཞལ་བཞེས་བཞིན་དུ་ང་རང་ལོ་ངོ་བཞི་བཅུ་ཞེ་ལྔའི་རིང་འཚོ་བར་མཛད་ཅིང་། དེའི་དུས་སུ་ཡེས་ར་ཨེལ་པ་རྣམས་ནི་དབེན་སྟོང་དུ་རྒྱུ་བའོ། །ལྟོས་དང་ད་ནི་ང་རང་ལོ་བརྒྱད་ཅུ་གྱ་ལྔར་སོན་པ་ཡིན།  
\v 11 ང་ནི་ད་དུང་མོ་ཤེས་ང་རང་མངགས་པའི་ཉིན་མོ་དེ་བཞིན་དུ་གཟུགས་སྟོབས་ཆེ་ཞིང་། འཐབ་མོ་འཐབ་པའམ་འགྲོ་འོང་བྱེད་པ་གང་ཡིན་ཡང་། བདག་གི་སྟོབས་ཤུགས་ནི་སྐབས་དེར་ཅི་ལྟར་ཡིན་ན་ད་ལྟ་ད་དུང་དེ་ལྟར་ཡིན་ནོ། །  
\v 12 ཁྱེད་ཀྱིས་དཀོན་མཆོག་ཡ་ཝཱེས་ཉིན་མོ་དེར་ང་ལ་ཞལ་བཞེས་གནང་བའི་རི་ཁུལ་འདི་ང་རང་ལ་གནང་བར་མཛོད། དེར་ཨ་ནག་པ་རྣམས་གནས་པར་མ་ཟད་མཁར་རྣམས་ཆེ་ཞིང་སྲ་བརྟན་ཡིན་པ་ཁྱེད་ཀྱིས་དེ་སྔ་ཐོས་མྱོང་པ་ཡིན། དཀོན་མཆོག་ཡ་ཝཱེ་ནི་ཁོང་གིས་གནང་བའི་ཞལ་བཞེས་བཞིན་ང་དང་མཉམ་དུ་བཞུགས་པས་ངས་ཁོ་རྣམས་ཕྱིར་སྐྲོད་ཀྱང་སྲིད་ཅེས་ཞུས་པས།  
\v 13 ཡོ་ཤུ་ཨ་ཡིས་ཡེ་ཕུན་ནེའི་བུ་ཀཱ་ལེབ་ལ་བྱིན་གྱིས་བརླབས་པ་དང་ཧེབ་རོན་ཁོ་ལ་ས་སྐལ་དུ་གནང་ངོ་། །  
\v 14 དེའི་ཕྱིར་ཀཱ་ལེབ་བློ་གཅིག་སེམས་གཅིག་གིས་ཡེས་ར་ཨེལ་གྱི་དཀོན་མཆོག་ཡ་ཝཱེའི་རྗེས་སུ་འབྲངས་པ་ཡིན་པས། ཧེབ་རོན་ནི་ད་ལྟའི་བར་དུ་ཀེ་ནི་ཟི་པ་ཡེ་ཕུན་ནེའི་བུ་ཀཱ་ལེབ་ཀྱི་ས་སྐལ་ཡིན་ནོ། །  
\v 15 སྔར་ཧེབ་རོན་ལ་ཀིར་ཡཱད་ཨར་པཱ་ཞེས་འབོད་ཅིང་། ཨར་པཱ་ནི་ཨ་ནག་པའི་ཁྲོད་དུ་ཆེས་མཆོག་ཏུ་གྱུར་པ་ཡིན། དེ་ནས་རྒྱལ་ཁམས་བདེ་ཞིང་དམག་འཁྲུག་མེད་པར་གྱུར་ཏོ། །   
\c 15
\cl ལེའུ་བཅོ་ལྔ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཡ་ཧུ་དཱ་ལ་ཐོབ་པའི་ས་སྐལ།  
\p
\v 1 ཡ་ཧུ་དཱ་ཚོ་པར་རུས་རྒྱུད་ལྟར་རྒྱན་འཕངས་ནས་ཐོབ་པའི་ཡུལ་རྣམས་ནི་ལྷོ་མཐའ་རུ་གནས་ཤིང་། ཨེ་དོམ་གྱི་ས་མཚམས་སུ་སླེབས་པ་དང་། ལྷོ་ཕྱོགས་སུ་ཟིན་གྱི་དབེན་སྟོང་བར་དུ་ཡིན།  
\v 2 ཁོ་རྣམས་ཀྱི་ལྷོ་མཚམས་ནི་ཚྭ་མཚོའི་མཐའ་སྟེ། ལྷོ་ཕྱོགས་སུ་འཁོར་བའི་མཚོ་ཁུག་ནས།  
\v 3 མ་ཨ་ལེ་ཨག་རབ་པིམ་གྱི་ལྷོ་ཕྱོགས་སུ་འདྲེས་ཤིང་། ཟིན་དང་འབྲེལ་བ་དང་། ཀཱ་དེའེ་ཤཱ་པར་ནེ་ཨ་ཡི་ལྷོ་ཕྱོགས་སུ་ཡར་ཕྱིན་ཅིང་། ཡང་ཧེས་རོན་བརྒྱུད་ནས་ཨད་ཐར་དུ་ཡར་ཕྱིན་པ་དང་། བསྐོར་ནས་ཁར་ཁ་ཨ་རུ་སླེབས།  
\v 4 ཨ་ཚ་མོན་བརྒྱུད་ནས་ཨེ་ཅིབ་གྲོག་རོང་ལ་འབྲེལ་ཞིང་རྒྱ་མཚོ་ནང་དུ་འདྲེས་ཡོད། དེ་ནི་ཁོ་རྣམས་ཀྱི་ལྷོ་མཚམས་ཡིན་ནོ། །  
\v 5 ཤར་མཚམས་ནི་ཚྭ་མཚོའི་ལྷོ་ཕྱོགས་ནས་ཡོར་དན་གཙང་པོའི་ཁ་བར་དུ་ཡིན་པ་དང་། བྱང་མཚམས་ནི་ཡོར་དན་གཙང་པོ་ཁའི་མཚོ་ཁུག་ནས་བཟུང་སྟེ།  
\v 6 པེད་ཧོག་ལཱ་རུ་ཡར་པེད་ཨ་ར་པའི་བྱང་ཕྱོགས་སུ་ཕར་ཕྱིན་ཏེ། རུ་བེན་གྱི་བུ་པོ་ཧན་གྱི་བྲག་རྡོ་བར་དུ།  
\v 7 ཨ་ཀོར་གྲོག་མོ་ནས་བྱང་ཕྱོགས་སུ་ཡར་དི་བིར་\f + \ft དི་བིར་ཞེས་པ་འདི་ནི་ཡུལ་གཞན་ཞིག་ཡིན་ཏེ། གཞུང་འདིའི་ལེའུ་བཅུ་པའི་ཚིག་རྐང་སོ་བརྒྱད་ནས་སོ་དགུ་པའི་ནང་གི་དི་བིར་ཞེས་པ་དེ་མ་ཡིན། \f*ལ་སླེབས་པ་དང་། ཆུ་བོའི་ལྷོ་རུ་ཡོད་པའི་ཨ་དུམ་མིམ་ལ་ངོས་ཁ་གཏད་ཀྱི་གིལ་གལ་ \f + \ft གིལ་གལ་ཞེས་པ་འདི་ནི་གཞུང་འདིའི་ལེའུ་བཞི་པའི་ཚིག་རྐང་བཅུ་དགུ་པའི་ནང་དུ་གླེང་བའི་ཡེ་རུ་ཀོ་ཡི་བྱང་ཤར་ཕྱོགས་ཀྱི་གིལ་གལ་ཡུལ་དེ་མ་ཡིན་པར་ཡུལ་གཞན་ཞིག་ཡིན།\f*ཕྱོགས་སུ་འཐེན་ཡོད། ཡང་ཨེན་ཤེ་མེས་ཆུ་མིག་དང་འབྲེལ་ཞིང་ཨེན་རོ་གེལ་དུ་འདྲེས་སོ། །  
\v 8 ཡེ་བུ་སི་གྲོང་ཁྱེར་ཏེ་ཡེ་རུ་སཱ་ལེམ་ལྷོ་ཕྱོགས་ཀྱི་ལ་ངོས་བརྒྱུད་ནས་ཡར་པེན་ཧིན་ནོམ་ལུང་པ་ལ་སླེབས་པ་དང་། ཡང་ཡར་ཧིན་ནོམ་ལུང་པའི་ནུབ་ཕྱོགས་ཀྱི་རི་རྩེར་སླེབས་ཤིང་། རེ་པཱ་པའི་ལུང་པའི་བྱང་མཐའི་ས་མཚམས་ཡིན།  
\v 9 ཡང་རི་རྩེ་ནས་ནེབ་ཐོ་ཨའི་ཆུ་མགོ་ཡོད་སར་སླེབས་ཤིང་། ཨེབ་རོན་རི་བོའི་གྲོང་ཁྱེར་རྣམས་དང་འབྲེལ། ཡང་བསྐོར་ནས་པཱ་ཨ་ལ་རུ་སླེབས། པཱ་ཨ་ལ་ནི་ཀིར་ཡཱད་ཡེ་ཨ་རིམ་ཡིན།  
\v 10 ཡང་པཱ་ཨ་ལ་ནས་ནུབ་ཕྱོགས་སུ་བསྐོར་ཏེ་སེ་ཨིར་རི་བོར་སླེབས་ཤིང་། ཡང་ཡེ་ཨ་རིམ་རི་བོའི་བྱང་ངོས་སུ་འབྲེལ། ཡེ་ཨ་རིམ་ནི་ཀེ་ས་ལོན་ཡིན། ཡང་མར་པེད་ཤེ་མེ་སི་རུ་བབས་ཏེ་ཐིམ་ནཱ་བརྒྱུད་ནས།  
\v 11 ས་མཚམས་འདི་ནི་ཨེག་རོན་གྱི་བྱང་ངོས་སུ་འདྲེས་ཤིང་། སེག་རོན་དུ་སླེབས་པ་དང་པཱ་ཨ་ལ་རི་བོར་འབྲེལ། ཡང་ཡབ་ནེ་ཨེལ་དང་འདྲེས་ཤིང་རྒྱ་མཚོའི་བར་དུ་ཡིན་ནོ། །  
\v 12 ནུབ་མཚམས་ནི་རྒྱ་མཚོ་ཆེན་པོ་དང་དེའི་ཉེ་འཁོར་ཡིན་ལ། དེ་ནི་ཡ་ཧུ་དཱ་པ་རྣམས་ལ་རུས་རྒྱུད་ལྟར་ཐོབ་པའི་ཕྱོགས་བཞི་ཡི་ས་མཚམས་ཡིན་ནོ། །   
\s1 ཀཱ་ལེབ་ཀྱིས་ཕྲོགས་པའི་ས།  
\p
\v 13 ཡོ་ཤུ་ཨ་ཡིས་དཀོན་མཆོག་ཡ་ཝཱེས་ཇི་ལྟར་བཀའ་བསྒོས་པ་བཞིན་ཡ་ཧུ་དཱ་པ་རྣམས་ཀྱི་ཡུལ་ཀིར་ཡཱད་ཨར་པཱ་ནི་ཡེ་ཕུན་ནེའི་བུ་ཀཱ་ལེབ་ལ་བགོས། ཨར་པཱ་ནི་ཨ་ནག་པའི་ཕ་མེས་ཡིན་པ་དང་། ཀིར་ཡཱད་ཨར་པཱ་ནི་ཧེབ་རོན་ཞེས་བྱ་བ་ཡིན་ནོ། །  
\v 14 དེར་ཀཱ་ལེབ་ཀྱིས་ཨ་ནག་པའི་བུ་རྒྱུད་དེ། ཤེ་ཤཱ་ཨི་དང་ཨ་ཧི་མན། ཐལ་མ་ཨི་བཅས་གསུམ་པོ་དེ་ནས་ཕྱིར་བསྐྲད་པ་དང་།  
\v 15 ཡང་དེ་ནས་ཡར་ཕྱིན་ཏེ་དི་བིར་དུ་གནས་པ་རྣམས་ལ་ཕར་རྒོལ་བྱས། དི་བིར་ལ་སྔར་ཀིར་ཡཱད་སེ་ཕེར་ཞེས་འབོད་པ་ཡིན།  
\v 16 ཀཱ་ལེབ་ན་རེ། སུ་ཞིག་གིས་ཀིར་ཡཱད་སེ་ཕེར་ལ་དམག་བརྒྱབ་ནས་གྲོང་ཁྱེར་འཕྲོག་ནུས་ན་ངས་རང་གི་བུ་མོ་ཨག་ས་དེའི་ཆུང་མར་སྟེར་བར་བྱ་ཞེས་སྨྲས་པ་དང་།  
\v 17 ཀཱ་ལེབ་ཀྱི་སྤུན་ཀེ་ན༌ཟཱ་ཡི་བུ་ཨོད་ནི་ཨེལ་གྱིས་གྲོང་ཁྱེར་དེ་ཕྲོགས་པས། ཀཱ་ལེབ་ཀྱིས་བུ་མོ་ཨག་ས་དེར་ཆུང་མར་བྱིན་ཏོ། །  
\v 18 ཨག་ས་བག་མར་གཏོང་བའི་སྐབས་སུ། སྐྱེས་པར་ཁོ་མོའི་ཕ་ལས་ཞིང་ས་ཞིག་སློང་དགོས་པར་བསྐུལ་ཞིང་། ཨག་ས་བོང་བུ་ནས་བབས་མ་ཐག ཀཱ་ལེབ་ཀྱིས་ཁོ་མོར་ཁྱོད་ལ་ཅི་ཞིག་དགོས་སམ་ཞེས་དྲིས་པ་ལ།  
\v 19 ཁོ་མོ་ན་རེ། ཁྱེད་ཀྱིས་ང་ལ་བྱིན་རླབས་གནང་བར་མཛོད། ཁྱེད་ཀྱིས་ང་རང་ནེ་གུབ་ཡུལ་དུ་བཀོད་སྒྲིག་མཛད་པས་ང་ལ་ཆུ་མིག་རྣམས་ཀྱང་གནང་བར་མཛོད་ཅེས་ཞུས་པ་དང་། ཁོ་མོའི་ཕ་ཡིས་སྟོད་སྨད་གཉིས་ཀྱི་ཆུ་མིག་རྣམས་ཁོ་མོར་གནང་ངོ་། །   
\s1 ཡ་ཧུ་དཱ་ལ་ཐོབ་པའི་ས་སྐལ།  
\p
\v 20 འདི་ནི་ཡ་ཧུ་དཱ་ཚོ་པར་རུས་རྒྱུད་ལྟར་ཐོབ་པའི་ས་སྐལ་ཡིན་ཏེ།  
\v 21 ཡ་ཧུ་དཱ་ཚོ་པའི་ཨེ་དོམ་གྱི་ས་མཚམས་དང་ཉེ་བའི་ལྷོ་མཐའི་གྲོང་ཁྱེར་རྣམས་ནི་འདི་ལྟ་སྟེ། ཀབ་ཟེ་ཨེལ་དང་ཨེ་དེར། ཡ་གུར།  
\v 22 ཁི་ན། དི་མོ་ན། ཨ་ད་ད།  
\v 23 ཀེ་དེ་སི། ཧ་ཟོར། ཨིད་ནན།  
\v 24 ཟིབ། ཏེ་ལེམ། པེ་ཨ་ལོད།  
\v 25 ཧ་ཟོར་ཧ་ད་ཐཱ། ཀེ་རི་ཨོད་ཧེས་རོན་ནམ་ཧ་ཟོར།  
\v 26 ཨ་མམ། ཤེ་མ། མོ་ལ་དཱ།  
\v 27 ཧ་ཚར་གད་ད། ཧེ་སི་མོན། པེད་ཕེ་ལེད།  
\v 28 ཧ་ཚར་ཤུ་ཨལ། པེར་ཤ་བཱ། པེ་སི་ཡོད་ཡཱ།  
\v 29 པཱ་ཨ་ལ། ཨི་ཡིམ། ཨེ་ཚེམ།  
\v 30 ཨེལ་ཐོ་ལད། ཀེ་སིལ། ཧོར་མཱ།  
\v 31 ཙིག་ལག མད་མན་ནཱ། སན་སན་ནཱ།  
\v 32 ལེ་པ་ཨོད། ཤིལ་ཧིམ། ཨ་ཡིན། རིམ་མོན་བཅས་བསྡོམས་པས་གྲོང་ཁྱེར་ཉེར་དགུ་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 33 རི་ཀླུང་དུ་ཨེ་སི་ཐ་ཨོལ་དང་ཚོར་ཨ། ཨ་སི་ནཱ།  
\v 34 ཟཱ་ནོ་ཨ། ཨེན་གན་ནིམ། ཏ་ཕུ་ཨ། ཨེ་ནམ།  
\v 35 ཡར་མུད། ཨ་དུལ་ལཱམ། སོ་ཀོ། ཨ་ཟེ་ཀཱ།  
\v 36 ཤ་ཨ་ར་ཡིམ། ཨ་དི་ཐ་ཡིམ། གེ་དེ་ར། གེ་དེ་རོ་ཐ་ཡིམ་བཅས་བསྡོམས་པས་གྲོང་ཁྱེར་བཅུ་བཞི་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 37 ཡང་ཚེ་ནན་དང་ཧ་ད་ཤ། མིག་དལ་གཱ་རྡུ།  
\v 38 དི་ལེ་ཨན། མི་ཙི་ཕེ། ཡོག་ཐེ་ཨེལ།  
\v 39 ལཱ་ཀི་སི། པོ་ཚཱ་ཀད། ཨེག་ལོན།  
\v 40 ཀབ་པོན། ལག་མས། ཀིད་ལིས།  
\v 41 གེ་དེ་རོད། པེད་ད་གོན། ན་ཨ་མ། མག་ཀེ་དཱ་བཅས་བསྡོམས་པས་གྲོང་ཁྱེར་བཅུ་དྲུག་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 42 ཡང་ལིབ་ནཱ་དང་ཨེ་ཐེར། ཨ་ཤན།  
\v 43 ཡིབ་ཐ། ཨ་སི་ནཱ། ནེ་ཚིབ།  
\v 44 ཀེ་ཨི་ལཱ། ཨག་ཟིབ། མཱ་རེ་ཤ་བཅས་བསྡོམས་པས་གྲོང་ཁྱེར་དགུ་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 45 ཡང་ཨེག་རོན་དང་དེར་གཏོགས་པའི་གྲོང་རྡལ་དང་གྲོང་ཚོ་རྣམས།  
\v 46 ཨེག་རོན་ནས་རྒྱ་མཚོའི་བར་དུ། ཨ་སི་དོད་ཉེ་འཁོར་གྱི་ཡུལ་ཐམས་ཅད་དང་དེ་རྣམས་ལ་གཏོགས་པའི་གྲོང་ཚོ་རྣམས།  
\v 47 ཨ་སི་དོད་དང་དེར་གཏོགས་པའི་གྲོང་རྡལ་དང་གྲོང་ཚོ་རྣམས་དང་། གཱ་ཟཱ་དང་དེར་གཏོགས་པའི་གྲོང་རྡལ་དང་གྲོང་ཚོ་རྣམས། ཨེ་ཅིབ་ཀྱི་གྲོག་རོང་བར་དང་རྒྱ་མཚོ་ཆེན་པོ་དང་དེའི་ཉེ་འཁོར་གྱི་ཡུལ་རྣམས་ཀྱི་བར་དུ་ཡིན།  
\v 48 རི་ཁུལ་དུ་ཤཱ་མིར་དང་ཡད་ཏིར། སོ་ཀོ།  
\v 49 དན་ན། ཀིར་ཡཱད་སན་ནའམ་དི་བིར།  
\v 50 ཨ་ནབ། ཨེ་སི་ཐེ་མོ། ཨ་ནིམ།  
\v 51 གོ་ཤེན། ཧོ་ལོན། གེ་ལོ་བཅས་བསྡོམས་པས་གྲོང་ཁྱེར་བཅུ་གཅིག་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 52 ཡང་ཨ་རབ་དང་དུའུ༌མཱ། ཨེ་སཱ་ཨན།  
\v 53 ཡ་ནུམ། པེད་ཐ་ཕུ་ཨ། ཨ་ཕེ་ཀ  
\v 54 ཧུམ་ཏ། ཀིར་ཡཱད་ཨར་པཱའམ་ཧེབ་རོན། ཚི་ཨོར་བཅས་བསྡོམས་པས་གྲོང་ཁྱེར་དགུ་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 55 ཡང་མཱ་ཨོན་དང་ཀར་མེལ། ཟིབ། ཡུད་ཏ།  
\v 56 ཡེ་སི་རེ་ཨེལ། ཡོག་དེ་ཨམ། ཟཱ་ནོ་ཨ།  
\v 57 ཀཱ་ཡིན། གིབ་ཨ། ཐིམ་ནཱ་བཅས་བསྡོམས་པས་གྲོང་ཁྱེར་བཅུ་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 58 ཡང་ཧལ་ཧུལ་དང་པེད་ཚུར། གེ་དོར།  
\v 59 མ་ཨ་རད། པེད་ཨ་ནོད། ཨེལ་ཐེ་ཁོན་བཅས་བསྡོམས་པས་གྲོང་ཁྱེར་དྲུག་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 60 ཡང་ཀིར་ཡཱད་པཱ་ཨལ་ལམ་ཀིར་ཡཱད་ཡེ་ཨ་རིམ་དང་རབ་པ་སྟེ་བསྡོམས་པས་གྲོང་ཁྱེར་གཉིས་དང་དེ་གཉིས་ལ་གཏོགས་པའི་གྲོང་ཚོ་རྣམས་སོ། །  
\v 61 དབེན་སྟོང་དུ་པེད་ཨ་ར་པ་དང་མིད་དིན། སེ་ཀ་ཀ  
\v 62 ནིབ་ཤན། ཨིར་ཧ་མེ་ལག \f + \ft ཨིར་ཧ་མེ་ལག་ཅེས་པ་ནི་ཚྭ་ཡི་གྲོང་ཁྱེར་ཞེས་པའི་དོན་ཡིན།\f* ཨེན་གེ་དི་བཅས་བསྡོམས་པས་གྲོང་ཁྱེར་དྲུག་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 63 ཡེ་རུ་སཱ་ལེམ་དུ་གནས་པའི་ཡེ་བུ་སི་པ་རྣམས་ནི་ཡ་ཧུ་དཱ་པ་རྣམས་ཀྱིས་ཕྱིར་སྐྲོད་མ་ནུས་པས། ཡེ་བུ་སི་པ་རྣམས་ནི་ད་ལྟའི་བར་དུ་ཡེ་རུ་སཱ་ལེམ་དུ་ཡ་ཧུ་དཱ་པ་རྣམས་དང་ལྷན་ཅིག་ཏུ་གནས་སོ། །   
\c 16
\cl ལེའུ་བཅུ་དྲུག་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཡོ་སེབ་ཀྱི་བུ་རྒྱུད་ལ་ཐོབ་པའི་ས་སྐལ།  
\p
\v 1 ཡོ་སེབ་ཀྱི་བུ་རྒྱུད་ལ་རྒྱན་འཕངས་ནས་ཐོབ་པའི་ཡུལ་ནི་ཡེ་རུ་ཀོ་དང་ཉེ་བའི་ཡོར་དན་གཙང་པོ་ནས། ཡེ་རུ་ཀོ་ཤར་ཕྱོགས་ཀྱི་ཆུའི་ས་མཚམས་ཡིན་ཞིང་། ཡེ་རུ་ཀོ་ནས་ཡར་རི་ཁུལ་གྱི་དབེན་སྟོང་བརྒྱུད་ནས་པེད་ཨེལ་ལ་སླེབས།  
\v 2 ཡང་པེད་ཨེལ་ནས་ལོ་ཟི་ཡི་བར་དང་། ཨ་རག་པའི་ས་མཚམས་ལ་འབྲེལ་ཞིང་ཨ་ཏ་རོད་དུ་སླེབས།  
\v 3 ཡང་ནུབ་ཕྱོགས་སུ་མར་ཡབ་ལེ་ཏི་པའི་ས་མཚམས་དང་། པེད་ཧོ་རོན་ཞོལ་མ་དང་གེ་ཟེར་གྱི་ས་མཚམས་བར་དུ་སླེབས་ནས་རྒྱ་མཚོ་ནང་དུ་འདྲེས་སོ། །  
\v 4 ཡོ་སེབ་ཀྱི་བུ་མཱ་ན་ཤེ་དང་ཨེ་ཕཱར་ཡིམ་གཉིས་ལ་ཁོ་ཚོའི་ས་སྐལ་ཐོབ་པའོ། །   
\s1 ཨེ་ཕཱར་ཡིམ་ལ་ཐོབ་པའི་ས་སྐལ།  
\p
\v 5 ཨེ་ཕཱར་ཡིམ་གྱི་བུ་རྒྱུད་རྣམས་ཀྱི་ས་མཚམས་ནི་རུས་རྒྱུད་ལྟར་ཐོབ་པ་འདི་ལྟ་སྟེ། ཁོ་རྣམས་ཀྱི་ས་སྐལ་གྱི་ཤར་མཚམས་ནི་ཨ་ཏ་རོད་ཨད་དར་ནས་པེད་ཧོ་རོན་གོང་མ་བར་ཡིན།  
\v 6 ས་མཚམས་དེ་ནི་རྒྱ་མཚོའི་ནང་དུ་སླེབས་ཤིང་བྱང་གི་མིག་མེ་ཐད་དུ་འདྲེས། ཡང་ཤར་ཕྱོགས་སུ་བསྐོར་ནས་ཏ་ཨ་ནད་ཞི་ལོ་རུ་སླེབས་པ་དང་། ཡང་ཡ་ནོ་ཧ་ཡི་ཤར་ཕྱོགས་སུ་འབྲེལ།  
\v 7 ཡ་ནོ་ཧ་ནས་མར་ཨ་ཏ་རོད་དང་ན་ཨ་རད་དུ་སླེབས་ཤིང་། ཡེ་རུ་ཀོར་སླེབས་ནས་ཡོར་དན་གཙང་པོར་འདྲེས།  
\v 8 ཏ་ཕུ་ཨ་ནས་ནུབ་ཕྱོགས་སུ་ཁ་ནཱ་གྲོག་རོང་དུ་སླེབས་ཤིང་རྒྱ་མཚོར་འདྲེས། དེ་ནི་ཨེ་ཕཱར་ཡིམ་ཚོ་པར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །  
\v 9 གཞན་མཱ་ན་ཤེ་པ་རྣམས་ཀྱི་ས་སྐལ་ལས་གྲོང་ཁྱེར་དང་གྲོང་ཁྱེར་ལ་གཏོགས་པའི་གྲོང་ཚོ་འགའ་ཤས་ཐོབ་པ་དང་། དེ་ཐམས་ཅད་ནི་ཨེ་ཕཱར་ཡིམ་གྱི་བུ་རྒྱུད་རྣམས་ལ་བགོས་པ་ཡིན་ནོ། །  
\v 10 ཁོ་ཚོས་གེ་ཟེར་གྱི་ཀ་ན་ཨན་པ་རྣམས་ཕྱིར་མ་བསྐྲད་ཅིང་། ཀ་ན་ཨན་པ་རྣམས་ད་ལྟའི་བར་དུ་ཨེ་ཕཱར་ཡིམ་པ་རྣམས་ཀྱི་ཁྲོད་དུ་གནས་པ་དང་། ངལ་ལས་བྱེད་མཁན་གཡོག་པོ་རུ་གྱུར་ཏོ། །   
\c 17
\cl ལེའུ་བཅུ་བདུན་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 མཱ་ན་ཤེ་ཡིས་དབང་བསྒྱུར་པའི་ས་ཆ།  
\p
\v 1 མཱ་ན་ཤེ་ནི་ཡོ་སེབ་ཀྱི་བུ་སྐྱེས་འགོ་ཡིན་ཞིང་། ཁོའི་ཚོ་པར་རྒྱན་འཕངས་ནས་ཐོབ་པའི་ཡུལ་ནི་འདི་ལྟ་སྟེ། མཱ་ན་ཤེའི་བུ་སྐྱེས་འགོ་སྟེ་གིལ་ཨད་ཀྱི་ཕ་མཱ་ཀིར་ནི་དཔའ་རྒོད་ཡིན་པས་གིལ་ཨད་དང་པཱ་ཤན་ཐོབ།  
\v 2 མཱ་ན་ཤེའི་བུ་རྒྱུད་གཞན་རྣམས་ཏེ། ཨ་བི་ཨེ་ཟཱེར་གྱི་བུ་རྒྱུད་དང་ཧེ་ལེག་གི་བུ་རྒྱུད། ཨ་སི་རི་ཨེལ་གྱི་བུ་རྒྱུད། ཤེ་ཀེམ་གྱི་བུ་རྒྱུད། ཧེ་ཕེར་གྱི་བུ་རྒྱུད། ཤེ་མི་ད་ཡི་བུ་རྒྱུད་བཅས་ལ་རུས་རྒྱུད་ལྟར་རྒྱན་འཕངས་ནས་ས་བགོས་པ་དང་། དེ་རྣམས་ནི་རུས་རྒྱུད་ལྟར་ཐམས་ཅད་ཡོ་སེབ་ཀྱི་བུ་མཱ་ན་ཤེ་ནས་མཆེད་པའི་སྐྱེས་པ་དག་ཡིན་ནོ། །  
\v 3 མཱ་ན་ཤེའི་གསུམ་ཚ་དང་མཱ་ཀིར་གྱི་ཡང་ཚ། གིལ་ཨད་ཀྱི་ཚ་བོ། ཧེ་ཕེར་གྱི་བུ་ཚེ་ལོ་ཕེ་ཧད་ལ་བུ་མེད་ཅིང་། བུ་མོ་འབའ་ཞིག་ཡོད་པ་དང་། ཁོའི་བུ་མོ་རྣམས་ཀྱི་མིང་ལ་མ་ལཱ་དང་ནོ་ཨ། ཧོག་ལཱ། མིལ་ཀཱ། ཐིར་ཚ་ཞེས་བྱའོ། །  
\v 4 དེ་རྣམས་མཆོད་དཔོན་ཨེ་ལི་ཨ་ཟར་དང་ནུན་གྱི་བུ་ཡོ་ཤུ་ཨ། འགོ་དཔོན་རྣམས་བཅས་ཀྱི་དྲུང་དུ་འོངས་ཏེ་ན་རེ། དཀོན་མཆོག་ཡ་ཝཱེས་སྔར་མོ་ཤེ་ལ་ངེད་ཅག་གི་སྤུན་རྣམས་ཀྱི་ཁྲོད་དུ་ང་ཚོ་ལ་ནོར་སྐལ་བགོ་བའི་བཀའ་གནང་ངོ་ཞེས་ཞུས་པ་ལ། ཡོ་ཤུ་ཨ་ཡིས་དཀོན་མཆོག་ཡ་ཝཱེས་ཅི་ལྟར་བཀའ་མཛད་པ་བཞིན་ཕ་ཁུ་རྣམས་ལས་ཁོ་ཚོར་ནོར་སྐལ་བགོས་སོ། །  
\v 5 ཡོར་དན་གཙང་པོའི་ཤར་ཕྱོགས་ཀྱི་གིལ་ཨད་དང་པཱ་ཤན་ཡུལ་གཉིས་ལས་གཞན་ད་དུང་ཡུལ་གྱི་ཆ་བཅུ་མཱ་ན་ཤེ་ལ་ཐོབ་པ་སྟེ།  
\v 6 ཅི་ལ་ཟེར་ན། མཱ་ན་ཤེའི་ཚ་མོ་རྣམས་ལ་ཁོའི་ཚ་བོ་རྣམས་ཀྱི་ཁྲོད་དུ་ས་སྐལ་ཐོབ་ཟིན་པས་སོ། །གིལ་ཨད་ཡུལ་ནི་མཱ་ན་ཤེའི་བུ་རྒྱུད་གཞན་རྣམས་ལ་དབང་བ་ཡིན།  
\v 7 མཱ་ན་ཤེའི་ས་མཚམས་ནི། ཨ་ཤེར་ནས་སི་ཀེམ་གྱི་ཤར་ཕྱོགས་སུ་ཡོད་པའི་མིག་མེ་ཐད་ལ་སླེབས་ཤིང་། ཡང་ལྷོ་ཕྱོགས་སུ་ཨེན་ཐ་པུ་ཨ་པ་རྣམས་ཀྱི་ཡུལ་དུ་སླེབས།  
\v 8 ཐ་པུ་ཨ་ཡུལ་ནི་མཱ་ན་ཤེའི་ཡིན་མོད། འོན་ཀྱང་མཱ་ན་ཤེའི་ས་མཚམས་ཀྱི་ཐ་པུ་ཨ་གྲོང་ཁྱེར་ནི་ཨེ་ཕཱར་ཡིམ་གྱི་བུ་རྒྱུད་རྣམས་ཀྱི་ཡིན་ནོ། །  
\v 9 དེའི་ས་མཚམས་ནི་ལྷོ་ཕྱོགས་སུ་ཁ་ནཱ་གྲོག་མོའི་བར་དུ་སླེབས་པ་དང་། མཱ་ན་ཤེའི་གྲོང་ཁྱེར་རྣམས་ལས་གྲོང་ཁྱེར་དེ་དག་ནི་ཐམས་ཅད་ཨེ་ཕཱར་ཡིམ་ལ་གཏོགས་པ་ཡིན། མཱ་ན་ཤེའི་ས་མཚམས་ནི་ཆུ་བོའི་བྱང་ཕྱོགས་ནས་རྒྱ་མཚོའི་ནང་དུ་འདྲེས་པའི་བར་དུ་ཡིན།  
\v 10 ལྷོ་ཕྱོགས་ཨེ་ཕཱར་ཡིམ་དང་བྱང་ཕྱོགས་མཱ་ན་ཤེའི་ཡིན་པ་དང་རྒྱ་མཚོ་ས་མཚམས་ཡིན་ལ། བྱང་ཕྱོགས་སུ་ཨ་ཤེར་ལ་སླེབས་ཤིང་ཤར་ཕྱོགས་སུ་ཡེས་སི་ཀཱར་དུ་སླེབས།  
\v 11 ཡེས་སི་ཀཱར་དང་ཨ་ཤེར་གྱི་མངའ་ཁོངས་སུ་མཱ་ན་ཤེ་ལ་ཐོབ་པ་ནི་འདི་ལྟ་སྟེ། པེད་ཤེ་ཨན་དང་དེར་གཏོགས་པའི་གྲོང་ཚོ་རྣམས་དང་། ཡིབ་ལེ་ཨམ་དང་དེར་གཏོགས་པའི་གྲོང་ཚོ་རྣམས། དཱོར་པ་རྣམས་དང་དཱོར་ལ་གཏོགས་པའི་གྲོང་ཚོ་རྣམས་བཅས་ཡོད་པ་དང་། ཡང་རི་ལ་གནས་པའི་ཡུལ་གསུམ་སྟེ། ཨེན་དོར་པ་དང་དེར་གཏོགས་པའི་གྲོང་ཚོ་རྣམས་དང་། ཐ་ཨ་ནག་པ་དང་ཐ་ཨ་ནག་ལ་གཏོགས་པའི་གྲོང་ཚོ་རྣམས། མེ་གིད་དོ་པ་རྣམས་དང་མེ་གིད་དོ་ལ་གཏོགས་པའི་གྲོང་ཚོ་རྣམས་ཡོད་པའོ། །  
\v 12 ཡིན་ནའང་མཱ་ན་ཤེའི་བུ་རྒྱུད་རྣམས་ཀྱིས་གྲོང་ཁྱེར་དེ་དག་གི་ཡུལ་མི་རྣམས་ཕྱིར་སྐྲོད་མ་ཐུབ་པར། ཀ་ན་ཨན་པ་རྣམས་བསམ་བཞིན་དུ་ཡུལ་དེར་གནས་སོ། །  
\v 13 ཡེས་ར་ཨེལ་པ་རྣམས་སྟོབས་འབྱོར་རྒྱས་པ་དང་ཀ་ན་ཨན་པ་རྣམས་སྡུག་ལས་ལ་སྦྱར་ཞིང་ཁོ་ཚོ་ཕྱིར་གཙང་སྐྲོད་མ་བྱས་སོ། །   
\s1 ཡོ་སེབ་ཀྱི་བུ་རྒྱུད་ཀྱིས་ས་མང་པོ་འཐོབ་པའི་རེ་བ་ཞུས་པ།  
\p
\v 14 ཡོ་སེབ་ཀྱི་བུ་རྒྱུད་ཀྱིས་ཡོ་ཤུ་ཨ་ལ། དཀོན་མཆོག་ཡ་ཝཱེས་ད་ལྟའི་བར་དུ་ངེད་རྣམས་ལ་བྱིན་རླབས་གནང་ཞིང་ང་ཚོའང་རུས་རྒྱུད་ཆེ་ཞིང་མི་མང་པོ་ཡོད་པས། ཁྱེད་ཀྱིས་ཅིའི་ཕྱིར་རྒྱན་གཅིག་འཕངས་ནས་ངེད་ཅག་ལ་ཡུལ་གཅིག་ཁོ་ན་ས་སྐལ་དུ་བགོས་པ་ཡིན་ནམ་ཞེས་སྨྲས་པ་ལ།  
\v 15 ཡོ་ཤུ་ཨ་ན་རེ། གལ་ཏེ་ཁྱོད་རྣམས་ཀྱི་རུས་རྒྱུད་ཆེ་ཞིང་མི་མང་བ་དང་། ཨེ་ཕཱར་ཡིམ་གྱི་རི་ཁུལ་དོག་པར་སྙམ་ན། ཡར་ཕེ་རེ་ཟི་པ་དང་རེ་པཱ་པའི་ཡུལ་དུ་ཕྱིན་ཏེ་ནགས་བཅད་ནས་ས་རྒོད་གཏད་ཆོག་ཅེས་སྨྲས།  
\v 16 ཡོ་སེབ་ཀྱི་བུ་རྒྱུད་རྣམས་ཀྱིས། རི་ཁུལ་དེར་ངེད་རྣམས་མི་ཤོང་བར་མ་ཟད། ཐང་ལ་གནས་པའི་ཀ་ན་ཨན་པ་རྣམས་ཏེ། པེད་ཤེ་ཨན་དུ་གནས་པ་དང་དེར་གཏོགས་པའི་གྲོང་ཚོ་རྣམས་དང་། ཡེ་སི་རེ་ཨེལ་ཐང་དུ་གནས་པ་ཐམས་ཅད་ལ་ལྕགས་ཀྱི་ཤིང་རྟ་ཡོད་དོ་ཞེས་སྨྲས།  
\v 17 ཡོ་ཤུ་ཨ་ཡིས་ཡོ་སེབ་ཀྱི་ཁྱིམ་སྟེ། ཨེ་ཕཱར་ཡིམ་དང་མཱ་ན་ཤེ་པ་རྣམས་ལ་ཇི་སྐད་དུ། ཁྱོད་ནི་རུས་རྒྱུད་ཆེ་ཞིང་མི་མང་བ་དང་། སྟོབས་འབྱོར་རྒྱས་པ་ཡིན་པས་རྒྱན་འཕེན་ཐེངས་གཅིག་གི་ཡུལ་ཙམ་འཐོབ་པར་མི་རུང་སྟེ།  
\v 18 རི་ཁུལ་ཡང་ཁྱོད་ལ་དབང་བར་འགྱུར། ནགས་ཚལ་ཡིན་ནའང་ཁྱོད་ཀྱིས་ཤིང་བཅད་ནས་ས་རྒོད་གཏད་ཆོག་པ་དང་། ས་མཐའི་བར་དུ་ཁྱོད་ལ་དབང་ངེས་ཡིན། ཀ་ན་ཨན་པ་རྣམས་ལ་ལྕགས་ཀྱི་ཤིང་རྟ་ཡོད་པ་དང་སྟོབས་འབྱོར་རྒྱས་ནའང་། ཁྱོད་ཀྱིས་ཁོ་རྣམས་ཕྱིར་སྐྲོད་ནུས་པ་ཡིན་ཞེས་སྨྲས་སོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 གཞན་པའི་ཡུལ་རྣམས་བགོས་པ།  
\p
\v 1 ཡེས་ར་ཨེལ་པ་རྣམས་ཀྱི་མི་ཚོགས་ཐམས་ཅད་ཞི་ལོ་རུ་འདུས་ཤིང་མཇལ་འཕྲད་གུར་མཆོག་གནས་དེར་བཞེངས་པ་དང་། ཡུལ་དེ་ནི་དབང་དུ་བསྡུས་ཟིན་ཏོ། །  
\v 2 ཡེས་ར་ཨེལ་པའི་ཁྲོད་ཀྱི་གཞན་པའི་ཚོ་པ་བདུན་ལ་ད་དུང་ས་སྐལ་མ་བགོས་པ་ཡིན།  
\v 3 ཡོ་ཤུ་ཨ་ཡིས་ཡེས་ར་ཨེལ་པ་རྣམས་ལ། ཁྱོད་ཚོའི་མེས་པོ་རྣམས་ཀྱི་དཀོན་མཆོག་སྟེ་དཀོན་མཆོག་ཡ་ཝཱེས་ཁྱོད་ཅག་ལ་གནང་བའི་ཡུལ་དེ་ནི། ཁྱོད་རྣམས་ཀྱིས་འགོར་འགྱངས་བྱས་ནས་བདག་ཏུ་འཛིན་པར་མི་འགྲོ་བར་དུས་ནམ་ཞིག་གི་བར་དུ་སྡོད་དམ།  
\v 4 ཁྱོད་རྣམས་ཚོ་པ་རེ་རེས་མི་གསུམ་རེ་འདེམས་པར་གྱིས་ཤིག བདག་གིས་ཁོ་རྣམས་མངག་རྒྱུ་ཡིན་པ་དང་། ཁོ་རྣམས་ལམ་དུ་ཆས་ནས་ཡུལ་དེ་ཐམས་ཅད་རྒྱུ་དགོས་ཤིང་། ཚོ་པ་རེ་རེར་འཐོབ་འོས་པའི་ས་སྐལ་གསལ་པོར་ཡི་གེར་བཀོད་ནས་ངའི་རྩར་ཕྱིར་ལོག་དགོས།  
\v 5 ཁོ་རྣམས་ཀྱིས་ཡུལ་ཁག་བདུན་དུ་བགོ་དགོས། ཡ་ཧུ་དཱ་ནི་སྔར་བཞིན་ལྷོ་ཕྱོགས་སུ་ཁོའི་མངའ་ཁོངས་ལ་གནས་དགོས་པ་དང་། ཡོ་སེབ་ཀྱི་ཁྱིམ་ནི་སྔར་བཞིན་བྱང་ཕྱོགས་སུ་ཁོའི་མངའ་ཁོངས་ལ་གནས་དགོས།  
\v 6 ཁྱོད་རྣམས་ཀྱིས་ཡུལ་ཁག་བདུན་དུ་བགོས་ནས་གསལ་པོར་ཡི་གེར་བཀོད་དེ་ངའི་རྩར་འཁྱེར་ཤོག་དང་། བདག་གིས་རང་ཅག་གི་དཀོན་མཆོག་ཡ་ཝཱེའི་སྤྱན་སྔར་ཁྱོད་རྣམས་ཀྱི་ཕྱིར་རྒྱན་འཕེན་པར་བྱ།  
\v 7 དཀོན་མཆོག་ཡ་ཝཱེ་ལ་མཆོད་དཔོན་གྱི་ལས་འགན་འཁུར་བ་ནི་ལེ་ཝི་པ་རྣམས་ཀྱི་ནོར་སྐལ་ཡིན་པས། ཁོ་ཚོར་ཁྱོད་རྣམས་ཀྱི་ཁྲོད་དུ་སྐལ་མེད་དོ། །གཱ་རྡུའི་ཚོ་པ་དང་རུ་བེན་གྱི་ཚོ་པ། མཱ་ན་ཤེའི་ཚོ་པ་ཕྱེད་ཀ་བཅས་ལ་ཡོར་དན་གཙང་པོའི་ཤར་ཏུ་ས་སྐལ་ཐོབ་ཟིན་པ་སྟེ། དཀོན་མཆོག་ཡ་ཝཱེའི་ཞབས་ཕྱི་མོ་ཤེས་ཁོ་རྣམས་ལ་གནང་བ་ཡིན་ཞེས་སྨྲས་སོ། །  
\v 8 ས་ལ་སྐྱ་ཐིག་རྒྱག་མཁན་རྣམས་ལམ་དུ་ཆས་པའི་སྐབས་སུ། ཡོ་ཤུ་ཨ་ཡིས་དེ་རྣམས་ལ། ཁྱོད་རྣམས་ཡུལ་ཀུན་ཏུ་སོང་ལ་ས་བབ་ཡི་གེར་བཀོད་ནས་ངའི་རྩར་ཕྱིར་ཤོག་ཅིག བདག་གིས་ཞི་ལོའི་ཡུལ་འདིར་དཀོན་མཆོག་ཡ་ཝཱེའི་སྤྱན་སྔར་ཁྱོད་རྣམས་ཀྱི་དོན་དུ་རྒྱན་འཕེན་པར་བྱ་ཞེས་གདམས་པ་ལ།  
\v 9 ཁོ་རྣམས་སོང་ནས་ཡུལ་ཀུན་ཏུ་རྒྱུ་ཞིང་གྲོང་ཁྱེར་རྣམས་ཁག་བདུན་དུ་བགོས་ནས་འབྲི་དེབ་སྟེང་ཡི་གེར་བཀོད་པ་དང་། ཞི་ལོའི་སྒར་ཏུ་ཡོ་ཤུ་ཨའི་རྩར་ཕྱིར་ལོག  
\v 10 དེ་ནས་ཡོ་ཤུ་ཨ་ཡིས་ཞི་ལོ་ནས་དཀོན་མཆོག་ཡ་ཝཱེའི་སྤྱན་སྔར་ཁོ་རྣམས་ཀྱི་དོན་དུ་རྒྱན་འཕངས་པ་དང་། ཡོ་ཤུ་ཨ་ཡིས་ཡུལ་དེར་ཡེས་ར་ཨེལ་པ་རྣམས་ཀྱི་ཚོ་པ་ལྟར་ཁོ་རྣམས་ལ་ས་བགོས་སོ། །   
\s1 པེན་ཡཱ་མེན་ལ་ཐོབ་པའི་ས་སྐལ།  
\p
\v 11 པེན་ཡཱ་མེན་གྱི་ཚོ་པར་རུས་རྒྱུད་ལྟར་རྒྱན་འཕངས་ནས་ཐོབ་པའི་ཡུལ་ནི་ཡ་ཧུ་དཱའི་བུ་རྒྱུད་དང་ཡོ་སེབ་ཀྱི་བུ་རྒྱུད་གཉིས་ཀའི་བར་དུ་གནས་སོ། །  
\v 12 བྱང་ཕྱོགས་སུ་ཁོ་རྣམས་ཀྱི་ས་མཚམས་ནི་ཡོར་དན་གཙང་པོ་ནས་ཡར་ཡེ་རུ་ཀོ་ཡི་བྱང་ངོས་སུ་བཅར་བ་དང་། ཡང་ནུབ་ཕྱོགས་སུ་རི་ཁུལ་བརྒྱུད་ནས་པེད་ཨ་ཝེན་གྱི་དབེན་སྟོང་བར་དུ་སླེབས།  
\v 13 དེ་ནས་ལྷོ་ངོས་སུ་ལོ་ཟི་དང་འབྲེལ་ཞིང་ལོ་ཟི་ལ་བཅར། ལོ་ཟི་ཞེས་པ་ནི་པེད་ཨེལ་ཡིན་ནོ། །ཡང་མར་ཨ་ཏ་རོད་ཨད་དར་ཏེ། པེད་ཧོ་རོན་ཞོལ་མའི་ལྷོ་ཕྱོགས་སུ་གནས་པའི་རི་ལ་ཉེ།  
\v 14 དེ་ནས་ནུབ་ཕྱོགས་དང་ཡང་ལྷོ་ཕྱོགས་སུ་འཁོར་ནས། པེད་ཧོ་རོན་ཁ་གཏད་ཀྱི་རི་ནས་ཡ་ཧུ་དཱ་པ་རྣམས་ཀྱི་གྲོང་ཁྱེར་ཀིར་ཡཱད་པཱ་ཨལ་དུ་སླེབས། ཀིར་ཡཱད་པཱ་ཨལ་ནི་ཀིར་ཡཱད་ཡེ་ཨ་རིམ་ཡིན་ལ། དེ་ནི་ནུབ་མཚམས་ཡིན།  
\v 15 ལྷོ་མཚམས་ནི་ཀིར་ཡཱད་ཡེ་ཨ་རིམ་གྱི་མཐའ་མཚམས་ནས་ནུབ་ཕྱོགས་སུ་ནེབ་ཐོ་ཨ་ཡི་ཆུ་མགོ་རུ་སླེབས།  
\v 16 ཡང་མར་པེན་ཧིན་ནོམ་ལུང་པའི་ཁ་གཏད་རི་བོའི་མཐའ་མཚམས་ཏེ། རེ་པཱ་པའི་ལུང་པའི་བྱང་ཕྱོགས་ཀྱི་རི་ཡིན། ཡང་མར་ཧིན་ནོམ་ལུང་པ་རུ་སླེབས་ཤིང་། ཡེ་བུ་སི་པའི་ལྷོ་ངོས་སུ་བཅར། ཡང་མར་ཨེན་རོ་གེལ་དུ་སླེབས།  
\v 17 ཡང་བྱང་ཕྱོགས་སུ་ཨེན་ཤེ་མེས་སུ་འདྲེས་ཤིང་། ཨ་དུམ་མིམ་ལ་ཡི་ཁ་གཏད་དུ་ཡོད་པའི་གིལ་ཨད་ལོད་དུ་སླེབས་པ་དང་། ཡང་མར་རུ་བེན་གྱི་བུ་པོ་ཧན་གྱི་བྲག་རྡོ་རུ་སླེབས།  
\v 18 ཡང་པེད་ཨ་ར་པ་ཡི་ཁ་གཏད་དུ་འབྲེལ་ཞིང་བྱང་ངོས་སུ་མར་ཨ་ར་པཱ་རུ་སླེབས།  
\v 19 ཡང་པེད་ཧོག་ལཱ་ཡི་བྱང་ངོས་སུ་འབྲེལ་ཞིང་། ཚྭ་མཚོའི་བྱང་ཁུག་སྟེ་ཡོར་དན་གཙང་པོའི་ལྷོ་སྣེ་རུ་འདྲེས། དེ་ནི་ལྷོ་མཚམས་ཡིན།  
\v 20 ཤར་མཚམས་ནི་ཡོར་དན་གཙང་པོ་ཡིན། དེ་ནི་པེན་ཡཱ་མེན་གྱི་མི་རྣམས་ལ་རུས་རྒྱུད་ལྟར་ཁོ་ཚོའི་ཕྱོགས་བཞི་ཡི་ས་མཚམས་ལ་བལྟས་ནས་ཐོབ་པའི་ས་སྐལ་ཡིན་པའོ། །   
\s1 པེན་ཡཱ་མེན་ལ་ཐོབ་པའི་གྲོང་ཁྱེར་རྣམས།  
\p
\v 21 པེན་ཡཱ་མེན་གྱི་ཚོ་པར་རུས་རྒྱུད་ལྟར་ཐོབ་པའི་གྲོང་ཁྱེར་ནི་ཡེ་རུ་ཀོ་དང་པེད་ཧོག་ལཱ། ཨེ་མེག་ཁེ་ཚིས།  
\v 22 པེད་ཨ་ར་པ། ཚེ་མཱ་ར་ཡིམ། པེད་ཨེལ།  
\v 23 ཨབ་ཡིམ། ཕཱ་ར། ཨོབ་རཱ།  
\v 24 ཀེ་ཕར་ཨམ་མོ་ནི། ཨོབ་ནི། གེ་བཱ་བཅས་བསྡོམས་པས་གྲོང་ཁྱེར་བཅུ་གཉིས་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 25 ཡང་གིབ་ཡོན་དང་། རཱ་མ། པེ་ཨེ་རཱོད།  
\v 26 མི་ཙི་ཕེ། ཀེ་ཕི་རཱ། མོ་ཚ།  
\v 27 རེ་ཁེམ། ཡིར་ཕེ་ཨེལ། ཐ་ར་ཨ་ལ།  
\v 28 ཙེ་ལཱ། ཨེ་ལེབ། ཡེ་བུ་སི། ཡེ་བུ་སི་ནི་ཡེ་རུ་སཱ་ལེམ་ཡིན། གིབ་ཨ། ཀིར་ཡཱད་ཡེ་ཨ་རིམ་བཅས་བསྡོམས་པས་གྲོང་ཁྱེར་བཅུ་བཞི་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །དེ་ནི་པེན་ཡཱ་མེན་པ་རྣམས་ལ་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །   
\c 19
\cl ལེའུ་བཅུ་དགུ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 སི་མུ་ཨོན་ལ་ཐོབ་པའི་ས་སྐལ།  
\p
\v 1 སི་མུ་ཨོན་ཚོ་པའི་མི་རྣམས་ཀྱི་ཕྱིར་རུས་རྒྱུད་ལྟར་རྒྱན་ཨང་གཉིས་པ་བླངས། ཁོ་རྣམས་ལ་ཐོབ་པའི་ས་སྐལ་ནི་ཡ་ཧུ་དཱ་པ་རྣམས་ཀྱི་ས་སྐལ་ཁྲོད་དུ་ཡོད་དོ། །  
\v 2 ཁོ་རྣམས་ལ་ས་སྐལ་དུ་ཐོབ་པའི་ཡུལ་རྣམས་ནི། པེར་ཤ་བཱ་དང་ཡང་ན་ཤེ་བཱ་ཞེས་བྱ་བ་དང་། མོ་ལ་དཱ།  
\v 3 ཧ་ཚར་ཤུ་ཨལ། པ་ལཱ། ཨེ་ཚེམ།  
\v 4 ཨེལ་ཐོ་ལད། པེ་ཐུལ། ཧོར་མཱ།  
\v 5 ཙིག་ལག པེད་མར་ཀ་བོད། ཧ་ཚར་སུ་སཱ།  
\v 6 པེད་ལེ་པ་ཨོད། ཤ་རུ་ཧེན་བཅས་བསྡོམས་པས་གྲོང་ཁྱེར་བཅུ་གསུམ་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 7 ཡང་ཨ་ཡིན་དང་། རིམ་མོན། ཨེ་ཐེར། ཨ་ཤན་བཅས་བསྡོམས་པས་གྲོང་ཁྱེར་བཞི་དང་དེ་རྣམས་ལ་གཏོགས་པའི་གྲོང་ཚོ་རྣམས།  
\v 8 ད་དུང་གྲོང་ཁྱེར་དེ་དག་གི་ཉེ་འཁོར་གྱི་གྲོང་ཚོ་ཐམས་ཅད་ནས། པཱ་ཨ་ལད་པེ་ཨེར་ཏེ་ནེ་གུབ་ཡུལ་གྱི་ར་མད་བར་དུ་ཡིན། དེ་ནི་རུས་རྒྱུད་ལྟར་སི་མུ་ཨོན་ཚོ་པར་ཐོབ་པའི་ས་སྐལ་ཡིན་ནོ། །  
\v 9 སི་མུ་ཨོན་པའི་ས་སྐལ་ནི་ཡ་ཧུ་དཱ་པ་རྣམས་ཀྱི་ས་སྐལ་ལས་ཐོབ་པ་ཡིན། ཡ་ཧུ་དཱ་པའི་ཐོབ་སྐལ་མང་དྲགས་པས་སི་མུ་ཨོན་པ་རྣམས་ལ་ཁོ་ཚོ་ལས་ས་སྐལ་ཐོབ་པ་ཡིན།   
\s1 ཟེ་བུ་ལུན་ལ་ཐོབ་པའི་ས་སྐལ།  
\p
\v 10 ཟེ་བུ་ལུན་པ་རྣམས་ཀྱི་ཕྱིར་རུས་རྒྱུད་བཞིན་རྒྱན་ཨང་གསུམ་པ་བླངས་པ་དང་། ཁོ་རྣམས་ཀྱི་ས་མཚམས་ནི་སཱ་རིད་བར་དུ་ཡིན།  
\v 11 ནུབ་ཕྱོགས་སུ་ཡར་མ་རེ་ཨ་ལར་ཕྱིན་ནས་དབ་པ་ཤེད་དུ་སླེབས་པ་དང་། ཡང་ཡོག་ནེ་ཨམ་གྱི་སྔོན་དུ་ཡོད་པའི་གྲོག་རོང་ལ་ཐུག  
\v 12 ཡང་སཱ་རིད་ནས་ཤར་ཕྱོགས་སུ་ཀིས་ལོད་ཐ་པོར་གྱི་ས་མཚམས་བར་ཉི་མ་ཤར་ཕྱོགས་སུ་འཁོར་བ་དང་། ཡང་ད་བེ་རད་དུ་འདྲེས་ནས་ཡར་ཡ་ཕི་ཨ་རུ་སླེབས།  
\v 13 དེ་ནས་ཤར་ཕྱོགས་སུ་གཱད་ཧེ་ཕེར་དང་ཨེད་ཀཱ་ཚིན་ལ་འབྲེལ་ཞིང་། རིམ་མོན་དང་འདྲེས་ཤིང་དེ་ནས་ནེ་ཨ་རུ་མཆེད་དོ། །  
\v 14 ཡང་ནེ་ཨའི་བྱང་ཕྱོགས་བསྐོར་ནས་ཧན་ན་ཐོན་ལ་སླེབས་ཤིང་། ཡིབ་ཐ་ཨེལ་ལུང་པ་ལ་འདྲེས་སོ། །  
\v 15 ད་དུང་ཀད་ཏད་དང་། ན་ཧ་ལལ། ཤིམ་རོན། ཡིད་ཨ་ལ། པེད་ལེ་ཧེམ་བཅས་བསྡོམས་པས་གྲོང་ཁྱེར་བཅུ་གཉིས་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 16 གྲོང་ཁྱེར་འདི་དག་དང་གྲོང་ཁྱེར་ལ་གཏོགས་པའི་གྲོང་ཚོ་རྣམས་ནི་ཟེ་བུ་ལུན་པ་རྣམས་ལ་རུས་རྒྱུད་བཞིན་ཐོབ་པའི་ས་སྐལ་ཡིན་པའོ། །   
\s1 ཡེས་སི་ཀཱར་ལ་ཐོབ་པའི་ས་སྐལ།  
\p
\v 17 ཡེས་སི་ཀཱར་པ་རྣམས་ཀྱི་ཕྱིར་རུས་རྒྱུད་བཞིན་རྒྱན་ཨང་བཞི་པ་བླངས།  
\v 18 ཁོ་རྣམས་ཀྱི་ས་མཚམས་ནི་ཡེ་སི་རེ་ཨེལ་དང་། ཀེ་སུལ་ལོད། ཤུ་ནེམ།  
\v 19 ཧ་ཕར་ཡིམ། ཤི་ཡོན། ཨ་ན་ཧ་རད།  
\v 20 ར་བིད། ཁིས་ཡོན། ཨེ་བེ་ཚི།  
\v 21 རེ་མེད། ཨེན་གན་ནིམ། ཨེན་ཧད་ད། པེད་ཕ་ཚེས་བཅས་སུ་སླེབས་པ་དང་།  
\v 22 ཡང་ཐ་པོར་དང་། ཤ་ཧ་ཚི་མ། པེད་ཤེ་མེ་སི་བཅས་དང་། ཡོར་དན་གཙང་པོའི་བར་དུ་སླེབས་པ་སྟེ། བསྡོམས་པས་གྲོང་ཁྱེར་བཅུ་དྲུག་དང་དེ་རྣམས་ལ་གཏོགས་པའི་གྲོང་ཚོ་རྣམས་སོ། །  
\v 23 གྲོང་ཁྱེར་འདི་རྣམས་དང་གྲོང་ཁྱེར་ལ་གཏོགས་པའི་གྲོང་ཚོ་རྣམས་ནི་ཡེས་སི་ཀཱར་ཚོ་པར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །   
\s1 ཨ་ཤེར་ལ་ཐོབ་པའི་ས་སྐལ།  
\p
\v 24 ཨ་ཤེར་ཚོ་པའི་ཕྱིར་རུས་རྒྱུད་ལྟར་རྒྱན་ཨང་ལྔ་པ་བླངས།  
\v 25 ཁོ་རྣམས་ཀྱི་ས་མཚམས་ནི་ཧེལ་ཁད་དང་། ཧ་ལི། པེ་ཏེན། ཨག་ཤབ།  
\v 26 ཨལ་ལམ་མེ་ལེག ཨམ་ཨད། མེ་ཤེ་ཨལ་བཅས་དང་། ནུབ་ཏུ་ཀར་མེལ་དང་། ཤི་ཧོར་ལིབ་ནད་དུ་སླེབས།  
\v 27 ཉི་མ་ཤར་ཕྱོགས་སུ་འཁོར་ནས་པེད་ད་གོན་དང་དེ་ནས་ཟེ་བུ་ལུན་ལ་སླེབས་ཤིང་། བྱང་དུ་ཡིབ་ཐ་ཨེལ་ལུང་པ་དང་། པེད་ཨེ་མེག་དང་ནེ་ཨི་ཨེལ་དུ་སླེབས་པ་དང་། ཀ་པུལ་གྱི་གཡོན་ཕྱོགས་སུ་འདྲེས།  
\v 28 ཡང་ཨེབ་རོན་དང་རེ་ཧོབ། ཧམ་མོན། ཁ་ནཱ་བཅས་ནས་ཚི་ཏུན་མཁར་ཆེན་བར་དུ་ཡིན།  
\v 29 ས་མཚམས་དེ་བསྐོར་ནས་རཱ་མ་དང་མཁར་བརྟན་པོ་ཐཱར་ལ་སླེབས་པ་དང་། ཡང་བསྐོར་ནས་ཧོ་སཱ་རུ་སླེབས་ཤིང་། ཨག་སིབ་ཀྱི་མངའ་ཁུལ་ལ་ཉེ་ཞིང་རྒྱ་མཚོ་རུ་འདྲེས།  
\v 30 ཡང་ཨུམ་མ་དང་ཨ་ཕེག རེ་ཧོབ་བཅས་བསྡོམས་པས་གྲོང་ཁྱེར་ཉེར་གཉིས་དང་དེ་རྣམས་ལ་གཏོགས་པའི་གྲོང་ཚོ་རྣམས་ཡོད།  
\v 31 གྲོང་ཁྱེར་འདི་དག་དང་གྲོང་ཁྱེར་ལ་གཏོགས་པའི་གྲོང་ཚོ་རྣམས་ནི་ཨ་ཤེར་ཚོ་པར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །   
\s1 ནཱབ་ཐ་ལི་ལ་ཐོབ་པའི་ས་སྐལ།  
\p
\v 32 ནཱབ་ཐ་ལི་པ་རྣམས་ཀྱི་ཕྱིར་རུས་རྒྱུད་བཞིན་རྒྱན་ཨང་དྲུག་པ་བླངས།  
\v 33 ཁོ་རྣམས་ཀྱི་ས་སྐལ་གྱི་མཚམས་ནི་ཧེ་ལེབ་དང་ཚ་ཨ་ནན་ནིམ་གྱི་བེ་ཤིང་མོན་ཆ་ར་དང་། ཨ་ད་མི་ནེ་ཁེབ་དང་ཡབ་ནེ་ཨེལ་ནས་ལག་ཁུམ་གྱི་བར་དང་། ཡོར་དན་གཙང་པོར་འདྲེས།  
\v 34 ཡང་ནུབ་ཕྱོགས་སུ་འཁོར་ནས་ཨ་སི་ནོད་ཐ་པོར་དུ་སླེབས་པ་དང་། དེ་ནས་ཧུ་ཁོག་ཏུ་འདྲེས། ལྷོ་ཕྱོགས་སུ་ཟེ་བུ་ལུན་དང་ནུབ་ཕྱོགས་སུ་ཨ་ཤེར་ལ་སླེབས། ཡང་ཉི་མ་ཤར་ཕྱོགས་སུ་ཡོར་དན་གཙང་པོ་དང་འབྲེལ་བའི་ཡ་ཧུ་དཱ་རུ་སླེབས།  
\v 35 མཁར་བརྟན་པོ་ནི་ཚིད་དིམ་དང་། ཚེར། ཧམ་མད། ར་ཁད། ཀིན་ནེ་རེད།  
\v 36 ཨ་ད་མ། རཱ་མ། ཧ་ཟོར།  
\v 37 ཀེ་དེ་སི། ཨེ་དྲི་ཨི། ཨེན་ཧ་ཟོར།  
\v 38 ཡིར་ཨོན། མི་ག་དལ་ཨེལ། ཧོ་རེམ། པེད་ཨ་ནད། པེད་ཤེ་མེ་སི་བཅས་བསྡོམས་པས་གྲོང་ཁྱེར་བཅུ་དགུ་དང་དེ་རྣམས་ལ་གཏོགས་པའི་གྲོང་ཚོ་རྣམས་ཡིན།  
\v 39 གྲོང་ཁྱེར་འདི་དག་དང་གྲོང་ཁྱེར་ལ་གཏོགས་པའི་གྲོང་ཚོ་རྣམས་ནི་ནཱབ་ཐ་ལི་ཚོ་པར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །   
\s1 དཱན་ལ་ཐོབ་པའི་ས་སྐལ།  
\p
\v 40 དཱན་ཚོ་པའི་ཕྱིར་རུས་རྒྱུད་ལྟར་རྒྱན་ཨང་བདུན་པ་བླངས།  
\v 41 ཁོ་རྣམས་ཀྱི་ས་སྐལ་གྱི་མཚམས་ནི་ཚོར་ཨ་དང་། ཨེ་སི་ཐ་ཨོལ། ཨིར་ཤེ་མེས།  
\v 42 ཤཱ་ཨ་ལབ་པིན། ཨ་ཡཱ་ལོན། ཡིད་ལ།  
\v 43 ཨེ་ལོན། ཐིམ་ནཱ། ཨེག་རོན།  
\v 44 ཨེལ་ཐེ་ཁེ། གིབ་བེ་ཏོན། པཱ་ཨ་ལད།  
\v 45 ཡེ་ཧུད། པེ་ནེ་པེ་རག གཱད་རིམ་མོན།  
\v 46 མེ་ཡར་ཁོན། ར་ཁོན། ཡོ་ཕཱའི་ཁ་གཏད་ཀྱི་ས་མཚམས་བཅས་སོ། །  
\v 47 དཱན་གྱི་མི་རྣམས་ཀྱིས་རང་གི་མངའ་ཁོངས་ལ་དབང་སྒྱུར་བྱེད་མ་ཐུབ་པས། ཁོ་རྣམས་ཡར་སོང་ནས་ལེ་ཤེམ་ལ་རྒོལ་ནས་དེ་བླངས་ཤིང་། གྲོང་ཁྱེར་གྱི་མི་རྣམས་ལ་གྲིས་བརྒྱབ་ནས་གྲོང་ཁྱེར་དེ་བླངས་པ་དང་དེའི་ནང་དུ་བསྡད་ནས། ཁོ་ཚོའི་མེས་པོ་དཱན་གྱི་མིང་གིས་ལེ་ཤེམ་ཅེས་པ་དཱན་དུ་བསྒྱུར།  
\v 48 གྲོང་ཁྱེར་འདི་དག་དང་གྲོང་ཁྱེར་ལ་གཏོགས་པའི་གྲོང་ཚོ་རྣམས་ནི་དཱན་ཚོ་པར་རུས་རྒྱུད་ལྟར་ཐོབ་པའི་ས་སྐལ་ཡིན་ནོ། །   
\s1 ཡོ་ཤུ་ཨ་ལ་ཐོབ་པའི་ས་སྐལ།  
\p
\v 49 ཡེས་ར་ཨེལ་པ་རྣམས་ཀྱིས་ས་མཚམས་ལྟར་ས་སྐལ་བགོས་ནས་རྫོགས་པ་དང་། ཁོ་ཚོའི་ཁྲོད་དུ་ནུན་གྱི་བུ་ཡོ་ཤུ་ཨ་ལ་ས་སྐལ་སྤྲད་དོ། །  
\v 50 དཀོན་མཆོག་ཡ་ཝཱེའི་བཀའ་བཞིན་དུ། ཡོ་ཤུ་ཨ་ལ་འཐོབ་པར་འདོད་པའི་གྲོང་ཁྱེར་ཏེ། ཨེ་ཕཱར་ཡིམ་རི་ཁུལ་གྱི་ཐིམ་ནད་སེ་ར་ཁོ་ལ་སྤྲད་པ་དང་། ཁོས་གྲོང་ཁྱེར་དེ་བརྩིགས་ནས་དེར་བསྡད་དོ། །  
\v 51 དེ་ནི་མཆོད་དཔོན་ཨེ་ལི་ཨ་ཟར་དང་ནུན་གྱི་བུ་ཡོ་ཤུ་ཨ་དང་། ཡེས་ར་ཨེལ་གྱི་ཚོ་པ་རེ་རེའི་ཚོ་དཔོན་རྣམས་ཀྱིས་ཞི་ལོ་ནས་མཇལ་འཕྲད་གུར་མཆོག་གི་སྒོ་ཁ་རུ། དཀོན་མཆོག་ཡ་ཝཱེའི་སྤྱན་སྔར་རྒྱན་འཕངས་ནས་བགོས་པའི་ས་སྐལ་ཡིན་ལ། དེ་བཞིན་ཁོ་རྣམས་ཀྱིས་ས་བགོས་ནས་རྫོགས་སོ། །   
\c 20
\cl ལེའུ་ཉི་ཤུ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 སྐྱབས་བཅོལ་སའི་གྲོང་ཁྱེར་རྣམས།  
\p
\v 1 དཀོན་མཆོག་ཡ་ཝཱེས་ཡོ་ཤུ་ཨ་ལ་སྐུལ་སློང་མཛད་ནས་འདི་སྐད་དུ།  
\v 2 ཁྱོད་ཀྱིས་ཡེས་ར་ཨེལ་པ་རྣམས་ལ་འདི་ལྟར། ཁྱོད་ཚོས་བདག་གིས་མོ་ཤེ་བརྒྱུད་ནས་ཁྱོད་རྣམས་ལ་སྐུལ་སློང་བྱས་པ་བཞིན། རང་ཉིད་ལ་སྐྱབས་བཅོལ་སའི་གྲོང་ཁྱེར་རྣམས་འཛུགས་དགོས་པ་དང་།  
\v 3 སྟེས་དབང་གིས་མི་གསོད་ནོར་བྱས་པ་རྣམས་དེར་འབྲོ་རུ་འཇུག་དགོས། གྲོང་ཁྱེར་དེ་དག་ཁྱོད་རྣམས་ལ་དགྲ་ཤ་ལེན་མཁན་ལས་སྐྱབས་བཅོལ་སའི་གནས་སུ་བྱས་ཆོག  
\v 4 མི་གསོད་མཁན་དེ་གྲོང་ཁྱེར་དེ་རྣམས་ཀྱི་གཅིག་ལ་བྲོས་ནས་མཁར་སྒོ་ཁར་ལངས་སྡོད་ཅིང་། ཁོའི་དོན་དག་གྲོང་ཁྱེར་ནང་གི་རྒན་པོ་རྣམས་ལ་བཤད་དགོས་པ་དང་། དེ་རྣམས་ཀྱིས་ཁོ་གྲོང་ཁྱེར་ནང་དུ་བླངས་ནས་ཁོ་རྣམས་ཀྱི་ཁྲོད་དུ་གཞིས་འཛིན་པའི་ཕྱིར་ཁོ་ལ་གནས་ཤིག་སྤྲོད་དགོས།  
\v 5 གལ་ཏེ་དགྲ་ཤ་ལེན་མཁན་ཁོའི་ར་མདར་འོངས་ཚེ། ཁོ་ལ་སྔར་ནས་ཞེ་འཁོན་མེད་པར་མི་གསོད་ནོར་བྱས་པ་ཡིན་པས། རྒན་པོ་རྣམས་ཀྱིས་ཁོ་རང་དགྲ་ཤ་ལེན་མཁན་གྱི་ལག་ཏུ་སྤྲོད་མི་རུང་།  
\v 6 མི་གསོད་མཁན་དེ་ཚོགས་མིའི་མདུན་དུ་ལངས་ནས་འདྲི་གཅོད་ལ་མཉན་པའི་བར་དུ་གྲོང་ཁྱེར་དེའི་ནང་འདུག་དགོས་པ་དང་། སྐབས་དེའི་མཆོད་དཔོན་ཆེན་མོ་ཚེ་ལས་འདས་རྗེས་ད་གཟོད་རང་གི་གྲོང་རྡལ་དང་རང་ཁྱིམ་སྟེ་ཁོ་རང་ཕྱི་རུ་བྲོས་འོངས་སའི་གྲོང་རྡལ་དུ་ཕྱིར་ལོག་ཆོག་པ་ཡིན་ཞེས་བསྒོ་བར་གྱིས་ཤིག་ཅེས་གསུངས་སོ། །  
\v 7 དེ་ནས་ཡེས་ར་ཨེལ་པས་ནཱབ་ཐ་ལིའི་རི་ཁུལ་ནས་ག་ལིལ་ཡུལ་གྱི་ཀེ་དེ་སི་དང་། ཨེ་ཕཱར་ཡིམ་གྱི་རི་ཁུལ་ནས་སི་ཀེམ། ཡ་ཧུ་དཱའི་རི་ཁུལ་ནས་ཀིར་ཡཱད་ཨར་པཱ་སྟེ་ཧེབ་རོན་བཅས་ལོགས་སུ་བཀར་ཅིང་།  
\v 8 ཡང་ཡོར་དན་གཙང་པོའི་ཕྱི་རུ་ཡེ་རུ་ཀོ་ཡི་ཤར་ཏུ། རུ་བེན་ཚོ་པ་ནས་དབེན་སྟོང་གི་ཐང་དུ་པེ་ཙེར་བཙུགས། གཱ་རྡུའི་ཚོ་པ་ནས་གིལ་ཨད་ཀྱི་རཱ་མོད་བཙུགས། མཱ་ན་ཤེའི་ཚོ་པ་ནས་པཱ་ཤན་གྱི་གོ་ལན་བཙུགས།  
\v 9 དེ་ཐམས་ཅད་ནི་ཡེས་ར་ཨེལ་པ་རྣམས་དང་ཁོ་ཚོའི་ཁྲོད་བྱེས་སུ་སྡོད་མཁན་ཕྱི་མི་རྣམས་ཀྱིས་ལོགས་སུ་བཀར་བའི་ཡུལ་ཕྱོགས་ཡིན་ཏེ། མི་གསོད་ནོར་བྱས་པ་ཐམས་ཅད་དེར་བྲོས་ནས་དགྲ་ཤ་ལེན་མཁན་གྱི་ལག་ནས་མི་འཆི་བར། ཁོ་རང་ཚོགས་མིའི་མདུན་དུ་ལངས་བསྡད་ནས་འདྲི་གཅོད་ལ་མཉན་པའི་ཕྱིར་རོ། །   
\c 21
\cl ལེའུ་ཉེར་གཅིག་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ལེ་ཝི་པ་རྣམས་ལ་སྤྲད་པའི་གྲོང་ཁྱེར་རྣམས།  
\p
\v 1 སྐབས་དེར་ལེ་ཝི་པའི་ཚོ་དཔོན་རྣམས་མཆོད་དཔོན་ཨེ་ལི་ཨ་ཟར་དང་ནུན་གྱི་བུ་ཡོ་ཤུ་ཨ་དང་། ཡེས་ར་ཨེལ་གྱི་ཚོ་པ་རེ་རེའི་ཚོ་དཔོན་རྣམས་ཀྱི་དྲུང་དུ་འོངས་ནས།  
\v 2 ཀ་ན་ཨན་ཡུལ་གྱི་ཞི་ལོ་རུ་ཁོ་རྣམས་ལ། སྔར་དཀོན་མཆོག་ཡ་ཝཱེས་མོ་ཤེ་བརྒྱུད་ནས་ངེད་རྣམས་གཞིས་ཆགས་པའི་ཕྱིར་གྲོང་ཁྱེར་གནང་པ་དང་། ང་ཚོའི་ཕྱུགས་འཚོ་བའི་ཕྱིར་གྲོང་ཁྱེར་གྱི་ཉེ་འཁོར་རྣམས་གནང་བའི་བཀའ་བསྒོས་པའོ་ཞེས་ཞུས་པ་ལ།  
\v 3 ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེས་བཀའ་ཇི་ལྟར་བསྒོས་པ་བཞིན་དུ་རང་ཉིད་ཀྱི་ས་སྐལ་ལས་གཤམ་གསལ་གྱི་གྲོང་ཁྱེར་དང་དེའི་ཉེ་འཁོར་རྣམས་ལེ་ཝི་པར་སྤྲད་པ་སྟེ།  
\v 4 ཀོ་ཧད་རུས་རྒྱུད་ཀྱི་ཕྱིར་རྒྱན་འཕངས་པ་དང་། ལེ་ཝི་པའི་མཆོད་དཔོན་ཨ་རོན་གྱི་བུ་རྒྱུད་དེ། ཡ་ཧུ་དཱ་ཚོ་པ་དང་སི་མུ་ཨོན་ཚོ་པ། པེན་ཡཱ་མེན་ཚོ་པ་བཅས་ཀྱི་ས་སྐལ་ལས་རྒྱན་བླངས་པ་ལྟར་གྲོང་ཁྱེར་བཅུ་གསུམ་ཐོབ་པ་ཡིན།  
\v 5 ཀོ་ཧད་ཀྱི་བུ་རྒྱུད་གཞན་རྣམས་ལ་ཨེ་ཕཱར་ཡིམ་ཚོ་པ་དང་དཱན་གྱི་ཚོ་པ། མཱ་ན་ཤེའི་ཚོ་པ་ཕྱེད་ཀ་བཅས་ཀྱི་ས་སྐལ་ལས་རྒྱན་བླངས་པ་བཞིན་གྲོང་ཁྱེར་བཅུ་ཐོབ་པ་ཡིན།  
\v 6 གེར་ཤོན་གྱི་བུ་རྒྱུད་རྣམས་ལ་ཡེས་སི་ཀཱར་ཚོ་པ་དང་། ཨ་ཤེར་ཚོ་པ། ནཱབ་ཐ་ལི་ཚོ་པ། པཱ་ཤན་དུ་སྡོད་པའི་མཱ་ན་ཤེའི་ཚོ་པ་ཕྱེད་ཀ་བཅས་ཀྱི་ས་སྐལ་ལས་རྒྱན་བླངས་པ་བཞིན་གྲོང་ཁྱེར་བཅུ་གསུམ་ཐོབ་པ་ཡིན།  
\v 7 མཱ་རཱ་རེའེ་ཡི་བུ་རྒྱུད་རྣམས་ལ་རུས་རྒྱུད་ལྟར། རུ་བེན་ཚོ་པ་དང་། གཱ་རྡུ་ཚོ་པ། ཟེ་བུ་ལུན་ཚོ་པ་བཅས་ཀྱི་ས་སྐལ་ལས་རྒྱན་བླངས་པ་བཞིན་གྲོང་ཁྱེར་བཅུ་གཉིས་ཐོབ་པ་ཡིན།  
\v 8 ཡེས་ར་ཨེལ་པ་རྣམས་ཀྱིས་དཀོན་མཆོག་ཡ་ཝཱེས་མོ་ཤེ་བརྒྱུད་ནས་ཇི་ལྟར་བཀའ་བསྒོས་པ་བཞིན། གྲོང་ཁྱེར་དེ་དག་དང་དེའི་ཉེ་འཁོར་རྣམས་ལེ་ཝི་པ་རྣམས་ལ་བགོས་པའོ། །  
\v 9-10 ཁོ་ཚོས་ཡ་ཧུ་དཱ་ཚོ་པ་དང་སི་མུ་ཨོན་ཚོ་པའི་ས་སྐལ་ལས། གཤམ་གསལ་གྱི་གྲོང་ཁྱེར་རྣམས་ལེ་ཝི་ཚོ་པའི་ཀོ་ཧད་རུས་རྒྱུད་དེ་ཨ་རོན་ཀྱི་བུ་རྒྱུད་རྣམས་ལ་སྤྲད་པ་སྟེ། ཅི་ལ་ཟེར་ན། ཁོ་ཚོའི་ཕྱིར་རྒྱན་བླངས་ནས་སྐལ་དང་པོ་བྱུང་བས་སོ། །  
\v 11 ཡ་ཧུ་དཱ་རི་ཁུལ་གྱི་ཀིར་ཡཱད་ཨར་པཱ་དང་ཉེ་འཁོར་གྱི་ཕྱི་རོལ་རྣམས་ཁོ་ཚོར་སྤྲད། ཨར་པཱ་ནི་ཨ་ནག་པའི་ཕ་མེས་ཡིན་པ་དང་། ཀིར་ཡཱད་ཨར་པཱ་ནི་གནའ་བོའི་ཧེབ་རོན་ཞེས་བྱ་བ་ཡིན་ནོ། །  
\v 12 གྲོང་ཁྱེར་ལ་གཏོགས་པའི་ས་ཞིང་དང་གྲོང་ཚོ་རྣམས་འབའ་ཞིག་ཡེ་ཕུན་ནེའི་བུ་ཀཱ་ལེབ་ལ་ས་སྐལ་དུ་སྤྲད།  
\v 13 ཡེས་ར་ཨེལ་པས་མི་གསོད་ནོར་བྱེད་མཁན་རྣམས་སྐྱབས་བཅོལ་སའི་གྲོང་ཁྱེར་ཧེབ་རོན་དང་། དེར་གཏོགས་པའི་ཉེ་འཁོར་རྣམས་མཆོད་དཔོན་ཨ་རོན་གྱི་བུ་རྒྱུད་ལ་སྤྲད་ཅིང་། ཡང་ཁོ་ཚོར་ལིབ་ནཱ་དང་དེར་གཏོགས་པའི་ཉེ་འཁོར་དང་།  
\v 14 ཡད་ཏིར་དང་དེར་གཏོགས་པའི་ཉེ་འཁོར། ཨེ་སི་ཏེ་མོ་ཨ་དང་དེར་གཏོགས་པའི་ཉེ་འཁོར།  
\v 15 ཧོ་ལོན་དང་དེར་གཏོགས་པའི་ཉེ་འཁོར། དི་བིར་དང་དེར་གཏོགས་པའི་ཉེ་འཁོར།  
\v 16 ཨ་ཡིན་དང་དེར་གཏོགས་པའི་ཉེ་འཁོར། ཡུད་ཏ་དང་དེར་གཏོགས་པའི་ཉེ་འཁོར། པེད་ཤེ་མེ་སི་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་དགུ་སྤྲད་པ་དང་། ཐམས་ཅད་ཚོ་པ་དེ་གཉིས་ལས་བགོས་པ་ཡིན་ནོ། །  
\v 17 ཡང་པེན་ཡཱ་མེན་ཚོ་པའི་ས་སྐལ་ལས་ཁོ་རྣམས་ལ་གིབ་ཡོན་དང་དེར་གཏོགས་པའི་ཉེ་འཁོར་དང་། གེ་བཱ་དང་དེར་གཏོགས་པའི་ཉེ་འཁོར།  
\v 18 ཨ་ན་ཐོད་དང་དེར་གཏོགས་པའི་ཉེ་འཁོར། ཨལ་མོན་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་བཞི་སྤྲད།  
\v 19 ཨ་རོན་གྱི་མཆོད་དཔོན་ཡིན་པའི་བུ་རྒྱུད་རྣམས་ལ་བསྡོམས་པས་གྲོང་ཁྱེར་བཅུ་གསུམ་དང་དེ་རྣམས་ལ་གཏོགས་པའི་ཉེ་འཁོར་རྣམས་སྤྲད་པ་ཡིན།  
\v 20 ལེ་ཝི་ཚོ་པའི་ཁྲོད་ཀོ་ཧད་ཀྱི་རུས་རྒྱུད་དེ། ཀོ་ཧད་ཀྱི་བུ་རྒྱུད་གཞན་རྣམས་ལ་རྒྱན་འཕངས་ནས་ཐོབ་པའི་གྲོང་ཁྱེར་ནི་ཨེ་ཕཱར་ཡིམ་ཚོ་པ་ནས་བགོས་པ་ཡིན་ནོ། །  
\v 21 ཡེས་ར་ཨེལ་པས་ཨེ་ཕཱར་ཡིམ་རི་ཁུལ་གྱི་སི་ཀེམ་སྟེ་མི་གསོད་ནོར་བྱེད་མཁན་རྣམས་སྐྱབས་བཅོལ་སའི་གྲོང་ཁྱེར་དང་དེར་གཏོགས་པའི་ཉེ་འཁོར་རྣམས་ཁོ་ཚོར་སྤྲད་ཅིང་། ཡང་གེ་ཟེར་དང་དེའི་ཉེ་འཁོར་དང་།  
\v 22 ཀིབ་ཚ་ཡིམ་དང་དེར་གཏོགས་པའི་ཉེ་འཁོར། པེད་ཧོ་རོན་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་སྤྲད།  
\v 23 ཡང་དཱན་ཚོ་པའི་ས་སྐལ་ལས་ཨེལ་ཐེ་ཁེ་དང་དེར་གཏོགས་པའི་ཉེ་འཁོར་དང་། གིབ་བེ་ཏོན་དང་དེར་གཏོགས་པའི་ཉེ་འཁོར།  
\v 24 ཨ་ཡཱ་ལོན་དང་དེར་གཏོགས་པའི་ཉེ་འཁོར། གཱད་རིམ་མོན་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་སྤྲད།  
\v 25 ཡང་མཱ་ན་ཤེའི་ཚོ་པ་ཕྱེད་ཀའི་ས་སྐལ་ལས་ཐ་ཨ་ནག་དང་དེར་གཏོགས་པའི་ཉེ་འཁོར་དང་། གཱད་རིམ་མོན་དང་དེར་གཏོགས་པའི་ཉེ་འཁོར་ཏེ་བསྡོམས་པས་གྲོང་ཁྱེར་གཉིས་ཁོ་རྣམས་ལ་སྤྲད།  
\v 26 ཀོ་ཧད་ཀྱི་བུ་རྒྱུད་གཞན་རྣམས་ལ་བསྡོམས་པས་གྲོང་ཁྱེར་བཅུ་དང་དེ་རྣམས་ལ་གཏོགས་པའི་ཉེ་འཁོར་རྣམས་ཡོད་དོ། །  
\v 27 ཡེས་ར་ཨེལ་པས་ཡང་མཱ་ན་ཤེའི་ཚོ་པ་ཕྱེད་ཀའི་ས་སྐལ་ལས་མི་གསོད་ནོར་བྱེད་མཁན་རྣམས་སྐྱབས་བཅོལ་སའི་གྲོང་ཁྱེར་ཏེ་པཱ་ཤན་གྱི་གོ་ལན་དང་དེར་གཏོགས་པའི་ཉེ་འཁོར་ནི་ལེ་ཝི་ཚོ་པའི་གེར་ཤོན་གྱི་རུས་རྒྱུད་རྣམས་ལ་སྤྲད། ཡང་པེ་ཨེས་ཐེ་ར་གྲོང་ཁྱེར་དང་དེར་གཏོགས་པའི་ཉེ་འཁོར་ཏེ་བསྡོམས་པས་གྲོང་ཁྱེར་གཉིས་ཁོ་རྣམས་ལ་སྤྲད།  
\v 28 ཡང་ཡེས་སི་ཀཱར་ཚོ་པའི་ས་སྐལ་ལས་ཁིས་ཡོན་དང་དེར་གཏོགས་པའི་ཉེ་འཁོར་དང་། ད་བེ་རད་དང་དེར་གཏོགས་པའི་ཉེ་འཁོར།  
\v 29 ཡར་མུད་དང་དེར་གཏོགས་པའི་ཉེ་འཁོར། ཨེན་གན་ནིམ་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་སྤྲད།  
\v 30 ཡང་ཨ་ཤེར་ཚོ་པའི་ས་སྐལ་ལས་མེ་ཤེ་ཨལ་དང་དེར་གཏོགས་པའི་ཉེ་འཁོར་དང་། ཨབ་དོན་དང་དེར་གཏོགས་པའི་ཉེ་འཁོར།  
\v 31 ཧེལ་ཁད་དང་དེར་གཏོགས་པའི་ཉེ་འཁོར། རེ་ཧོབ་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་སྤྲད།  
\v 32 ཡང་ནཱབ་ཐ་ལི་ཚོ་པའི་ས་སྐལ་ལས་ག་ལིལ་གྱི་ཀེ་དེ་སི་སྟེ་མི་གསོད་ནོར་བྱེད་མཁན་རྣམས་སྐྱབས་བཅོལ་སའི་གྲོང་ཁྱེར་དང་དེར་གཏོགས་པའི་ཉེ་འཁོར་ནི་ཁོ་ཚོར་སྤྲད་ཅིང་། ཡང་ཧམ་མོད་དོར་དང་དེར་གཏོགས་པའི་ཉེ་འཁོར་དང་། ཁར་ཐཱན་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་གསུམ་ཁོ་རྣམས་ལ་སྤྲད།  
\v 33 གེར་ཤོན་པ་རྣམས་ལ་རུས་རྒྱུད་ལྟར་ཐོབ་པའི་གྲོང་ཁྱེར་ནི་བསྡོམས་པས་བཅུ་གསུམ་དང་དེ་རྣམས་ལ་གཏོགས་པའི་ཉེ་འཁོར་རྣམས་ཡིན།  
\v 34 མཱ་རཱ་རེའེ་ཡི་རུས་རྒྱུད་དེ་ལེ་ཝི་པ་གཞན་རྣམས་ལ། ཟེ་བུ་ལུན་ཚོ་པའི་ས་སྐལ་ནས་ཐོབ་པ་ནི། ཡོག་ནེ་ཨམ་དང་དེར་གཏོགས་པའི་ཉེ་འཁོར་དང་། ཁར་ཐ་དང་དེར་གཏོགས་པའི་ཉེ་འཁོར།  
\v 35 དིམ་ན་དང་དེར་གཏོགས་པའི་ཉེ་འཁོར། ན་ཧ་ལལ་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་བཞི་ཡིན།  
\v 36 ཡང་རུ་བེན་ཚོ་པའི་ས་སྐལ་ལས་པེ་ཙེར་དང་དེར་གཏོགས་པའི་ཉེ་འཁོར་དང་། ཡ་ཙཱ་དང་དེར་གཏོགས་པའི་ཉེ་འཁོར།  
\v 37 ཀེ་དེ་མོད་དང་དེར་གཏོགས་པའི་ཉེ་འཁོར། མེ་ཕཱ་ཨད་དང་དེར་གཏོགས་པའི་ཉེ་འཁོར་བཅས་བསྡོམས་པས་གྲོང་ཁྱེར་བཞི་ཁོ་རྣམས་ལ་སྤྲད།  
\v 38 ཡང་གཱ་རྡུ་ཚོ་པའི་ས་སྐལ་ལས་གིལ་ཨད་ཀྱི་རཱ་མོད་དེ་མི་གསོད་ནོར་བྱེད་མཁན་རྣམས་སྐྱབས་བཅོལ་སའི་གྲོང་ཁྱེར་དང་དེར་གཏོགས་པའི་ཉེ་འཁོར་ནི་ཁོ་ཚོར་སྤྲད་ཅིང་། ཡང་མཱ་ཧ་ནཱ་ཡིམ་དང་དེར་གཏོགས་པའི་ཉེ་འཁོར་དང་།  
\v 39 ཧེ་སི་པོན་དང་དེར་གཏོགས་པའི་ཉེ་འཁོར། ཡཱ་ཟེར་དང་དེར་གཏོགས་པའི་ཉེ་འཁོར་བཅས་གྲོང་ཁྱེར་བཞི་ཁོ་རྣམས་ལ་སྤྲད།  
\v 40 ལེ་ཝི་ཚོ་པའི་མི་གཞན་རྣམས་ཏེ་མཱ་རཱ་རེའེ་ཡི་བུ་རྒྱུད་དག་ལ་རུས་རྒྱུད་ལྟར་རྒྱན་འཕངས་ནས་ཐོབ་པ་ནི་བསྡོམས་པས་གྲོང་ཁྱེར་བཅུ་གཉིས་ཡོད་དོ། །  
\v 41 ལེ་ཝི་པ་རྣམས་ལ་ཡེས་ར་ཨེལ་པ་རྣམས་ཀྱི་ས་སྐལ་ལས་ཐོབ་པའི་གྲོང་ཁྱེར་ནི་བསྡོམས་པས་བཞི་བཅུ་ཞེ་བརྒྱད་དང་དེ་དག་ལ་གཏོགས་པའི་ཉེ་འཁོར་རྣམས་ཡིན།  
\v 42 གྲོང་ཁྱེར་དེ་ཐམས་ཅད་ཀྱི་ཉེ་འཁོར་དུ་ས་སྟོང་ཡོད་པ་དང་གྲོང་ཁྱེར་རེ་རེ་དེ་བཞིན་ཡིན་ནོ། །   
\s1 ཡེས་ར་ཨེལ་པ་རྣམས་ལ་ས་སྐལ་ཐོབ་པ།  
\p
\v 43 དེ་བཞིན་དུ་དཀོན་མཆོག་ཡ་ཝཱེས་སྔར་ཁོ་ཚོའི་མེས་པོ་རྣམས་ལ་མནའ་བཞེས་ཏེ་ཞལ་བཞེས་གནང་བའི་ཡུལ་ཐམས་ཅད་ནི་ཡེས་ར་ཨེལ་པ་རྣམས་ལ་གནང་ཞིང་། ཁོ་རྣམས་ལ་ས་སྐལ་དུ་ཐོབ་ནས་དེ་རུ་གནས་སོ། །  
\v 44 དཀོན་མཆོག་ཡ་ཝཱེས་ཁོ་ཚོའི་མེས་པོ་རྣམས་ལ་མནའ་བཞེས་ཏེ་ཞལ་བཞེས་གནང་བའི་བཀའ་ཐམས་ཅད་ལྟར། ཁོ་རྣམས་ཕྱོགས་བཞི་མཚམས་བརྒྱད་ནས་བདེ་བར་བཀོད་དོ། །ཁོ་ཚོའི་དགྲ་བོ་ཐམས་ཅད་ལས་ཁོ་རྣམས་ཀྱི་མདུན་དུ་རང་ཚུགས་ཐུབ་མཁན་གཅིག་ཀྱང་མ་བྱུང་ཞིང་། དཀོན་མཆོག་ཡ་ཝཱེས་དགྲ་བོ་ཐམས་ཅད་ཁོ་རྣམས་ཀྱི་ལག་ཏུ་སྤྲོད་པར་མཛད་དོ། །  
\v 45 དཀོན་མཆོག་ཡ་ཝཱེས་ཡེས་ར་ཨེལ་ཁྱིམ་རྒྱུད་ལ་བྱིན་རླབས་གནང་བར་ཞལ་བཞེས་གནང་བའི་བཀའ་ཐམས་ཅད་ལས་མ་འགྲུབ་པ་གཅིག་ཀྱང་མེད་པར། ཐམས་ཅད་དོན་ཐོག་ཏུ་འཁེལ་ཏོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཡོར་དན་གཙང་པོའི་ཤར་གྱི་ཚོ་པ་རྣམས་ཕྱིར་རང་ཡུལ་དུ་ལོག་པ།  
\p
\v 1 སྐབས་དེར་ཡོ་ཤུ་ཨ་ཡིས་རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་བཅས་བོས་འོངས་ཏེ།  
\v 2 ཁོ་རྣམས་ལ་ན་རེ། དཀོན་མཆོག་ཡ་ཝཱེའི་ཞབས་ཕྱི་མོ་ཤེས་ཁྱོད་རྣམས་ལ་བཀའ་བསྒོས་པ་ཐམས་ཅད་ཁྱོད་ཚོས་བསྲུངས་པ་དང་། ངས་ཁྱོད་རྣམས་ལ་བསྒོས་པ་ཐམས་ཅད་ཀྱང་ཁྱོད་ཚོས་བསྲུངས་པ་ཡིན།  
\v 3 ཉིན་མང་པོ་འདིའི་རིང་ལ་ད་ལྟའི་བར་དུ་ཁྱོད་རྣམས་ཀྱིས་རང་གི་སྤུན་ཟླ་མ་བསྐྱུར་བར་མ་ཟད། ཁྱོད་ཚོའི་དཀོན་མཆོག་ཡ་ཝཱེས་བསྲུང་བར་བསྒོས་པའི་བཀའ་རྣམས་བསྲུངས་པ་ཡིན།  
\v 4 ད་ལྟ་ཁྱོད་ཅག་གི་དཀོན་མཆོག་ཡ་ཝཱེས་ཁོང་གི་ཞལ་བཞེས་བཞིན་དུ་ཁྱོད་རྣམས་ཀྱི་སྤུན་ཟླ་རྣམས་བདེ་བར་བཀོད་པས་ད་ནི་ཕྱིར་ཁྱོད་ཅག་གི་གུར་ཏུ་ལོག་ཆོག་པ་སྟེ། དཀོན་མཆོག་ཡ་ཝཱེའི་ཞབས་ཕྱི་མོ་ཤེས་ཡོར་དན་གཙང་པོའི་ཤར་ཏུ་ཁྱོད་རྣམས་ལ་ས་སྐལ་དུ་གནང་བའི་ཡུལ་དུ་སོང་ཆོག་གོ །  
\v 5 འོན་ཀྱང་དཀོན་མཆོག་ཡ་ཝཱེའི་ཞབས་ཕྱི་མོ་ཤེས་ཁྱོད་རྣམས་ལ་བསྒོས་པའི་བཀའ་དང་བཀའ་ཁྲིམས་རྣམས་ཏན་ཏིག་གིས་བསྲུང་བར་གཟབ་དགོས་པ་སྟེ། ཁྱོད་རྣམས་ཀྱི་དཀོན་མཆོག་ཡ་ཝཱེ་གཅེས་སུ་འཛིན་དགོས་པ་དང་། ཁོང་གི་ལམ་ཐམས་ཅད་དུ་བསྐྱོད་དགོས་ལ། ཁོང་གི་བཀའ་རྣམས་བསྲུང་བ་དང་ཁོང་ལ་རྩེ་གཅིག་གིས་བརྟེན་ཞིང་། བློ་གཅིག་སེམས་གཅིག་གིས་ཁོང་ལ་ཞབས་ཕྱི་འབུལ་བར་གྱིས་ཤིག་ཅེས་སྨྲས་སོ། །  
\v 6 དེ་ནས་ཡོ་ཤུ་ཨ་ཡིས་ཁོ་རྣམས་ལ་བྱིན་གྱིས་བརླབས་ནས་མངགས་པ་དང་། ཁོ་རྣམས་རང་གི་གུར་ཏུ་ཕྱིར་ལོག་པའོ། །  
\v 7 མཱ་ན་ཤེའི་ཚོ་པ་ཕྱེད་ལ་མོ་ཤེས་དུས་སྔ་མོ་ནས་པཱ་ཤན་ཡུལ་དུ་ས་སྐལ་བགོས་ཟིན་པ་དང་། ཚོ་པ་ཕྱེད་ཀ་འདི་ལ་ཡོ་ཤུ་ཨ་ཡིས་ཡོར་དན་གཙང་པོའི་ནུབ་ཕྱོགས་སུ་ཁོ་ཚོའི་སྤུན་རྣམས་ལས་ས་སྐལ་བགོས་པའོ། །ཡོ་ཤུ་ཨ་ཡིས་ཁོ་རྣམས་རང་གི་གུར་ཏུ་མངགས་པའི་ཚེ་ཁོ་ཚོར་བྱིན་གྱིས་བརླབས་ནས་འདི་སྐད་དུ།  
\v 8 ཁྱོད་རྣམས་ཀྱིས་རྒྱུ་ནོར་མང་པོ་དང་ཕྱུགས་ཁྱུ་ཆེན་པོ། གསེར་དངུལ་ལི་ལྕགས། དེ་མིན་གྱོན་གོས་མང་པོ་བཅས་ཁྱེར་ནས་ཁྱོད་ཚོའི་གུར་ཏུ་ཕྱིར་ལོག་དགོས་ལ། ཁྱོད་ཚོས་དགྲ་བོ་ནས་ཕྲོགས་འོངས་པའི་དངོས་པོ་དག་ནི་སྤུན་ཟླ་རྣམས་ལ་བགོ་དགོས་ཞེས་སྨྲས།  
\v 9 དེ་ནས་རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་ཀ་ན་ཨན་གྱི་ཞི་ལོ་ནས་ཆས་ཏེ། ཡེས་ར་ཨེལ་པ་དང་བྲལ་ཞིང་ཁོ་ཚོར་ས་སྐལ་དུ་ཐོབ་པའི་ཡུལ་ཏེ། དཀོན་མཆོག་ཡ་ཝཱེས་མོ་ཤེ་བརྒྱུད་ནས་བཀའ་བསྒོས་པ་ལྟར་ས་སྐལ་དུ་ཐོབ་པའི་གིལ་ཨད་ཡུལ་དུ་ལོག་གོ །   
\s1 ཡོར་དན་གཙང་པོ་འགྲམ་གྱི་མཆོད་ཁྲི།  
\p
\v 10 རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་ཡོར་དན་གཙང་པོ་འགྲམ་རྒྱུད་ཀྱི་ཀ་ན་ཨན་ཡུལ་དུ་སླེབས་པ་དང་། ཡོར་དན་གཙང་པོ་ནས་མཆོད་ཁྲི་ཞིག་བརྩིགས་ཤིང་། མཆོད་ཁྲི་དེ་ནི་བལྟས་ན་མཐོ་ཞིང་ཆེ་བའོ། །  
\v 11 ཡེས་ར་ཨེལ་པ་རྣམས་ཀྱིས་དོན་དེ་ཐོས་ནས་ན་རེ། རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་ཀྱིས་ཡོར་དན་གཙང་པོའི་ཉེ་འགྲམ་དུ། ཀ་ན་ཨན་གྱི་མཐའ་མཚམས་སུ་ཡེས་ར་ཨེལ་པ་རྣམས་ལ་གཏོགས་པའི་ཕྱོགས་སུ་མཆོད་ཁྲི་ཞིག་བརྩིགས་པ་རེད་ཅེས་སྨྲས་པའོ། །  
\v 12 ཚོགས་མི་ཡོངས་ཀྱིས་དེ་ཐོས་པ་དང་ཡར་སོང་སྟེ་ཁོ་རྣམས་ལ་འཐབ་ཕྱིར་ཞི་ལོ་རུ་འདུས།  
\v 13 ཡེས་ར་ཨེལ་པ་རྣམས་ཀྱིས་མཆོད་དཔོན་ཨེ་ལི་ཨ་ཟར་གྱི་བུ་ཕི་ནེ་ཧེ་གིལ་ཨད་ཡུལ་དུ་རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་ཀྱི་མདུན་དུ་མངགས་ཤིང་།  
\v 14 ཡང་ཕི་ནེ་ཧེ་དང་མཉམ་དུ་འགོ་དཔོན་བཅུ་སྟེ། ཡེས་ར་ཨེལ་པའི་ཚོ་པ་རེ་རེའི་ཚོ་དཔོན་རེ་མངགས་པ་དང་། ཐམས་ཅད་ཡེས་ར་ཨེལ་གྱི་རུས་རྒྱུད་རྣམས་ཀྱི་འགོ་གཙོ་ཡིན་ནོ། །  
\v 15 ཁོ་རྣམས་གིལ་ཨད་ཡུལ་དུ་སླེབས་ཤིང་རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་དང་ཕྲད་ནས་ཁོ་རྣམས་ལ།  
\v 16 དཀོན་མཆོག་ཡ་ཝཱེའི་ཚོགས་མི་ཡོངས་ཀྱིས་འདི་ལྟར། ཁྱོད་རྣམས་དེ་རིང་ཁ་འཁོར་ནས་དཀོན་མཆོག་ཡ་ཝཱེའི་རྗེས་སུ་མི་འབྲང་བ་དང་། ཡེས་ར་ཨེལ་གྱི་དཀོན་མཆོག་དང་འགལ་ཞིང་། རང་གི་དོན་དུ་མཆོད་ཁྲི་ཞིག་བརྩིགས་ནས་དཀོན་མཆོག་ཡ་ཝཱེ་ལ་ངོ་ལོག་བྱེད་པའི་སྡིག་ཉེས་དེ་ཅི་ཡིན་ནམ།  
\v 17 སྔོན་ཆད་ཕེ་ཨོར་ནས་བྱས་པའི་སྡིག་ཉེས་དེ་ད་དུང་ཆུང་བ་ཡིན་ནམ། དཀོན་མཆོག་ཡ་ཝཱེའི་ཚོགས་ལ་རིམས་ནད་བྱུང་བ་ཡིན་མོད། འོན་ཀྱང་ང་ཚོས་སྡིག་པ་དེ་ད་ལྟའི་བར་དུ་ད་དུང་སེལ་ཐུབ་མེད་དོ། །  
\v 18 ཡིན་ནའང་དེ་རིང་ཁྱོད་རྣམས་ཁ་འཁོར་ནས་དཀོན་མཆོག་ཡ་ཝཱེའི་རྗེས་སུ་མི་འབྲང་བ་ཡིན་ནམ། ཁྱོད་རྣམས་ཀྱིས་དེ་རིང་དཀོན་མཆོག་ཡ་ཝཱེ་ལ་ངོ་ལོག་བྱས་ན། སང་ཉིན་ཁོང་ཉིད་ཡེས་ར་ཨེལ་གྱི་ཚོགས་མི་ཡོངས་ལ་ཐུགས་ཁྲོ་བར་འགྱུར།  
\v 19 ཁྱོད་རྣམས་ཀྱིས་རང་ལ་ས་སྐལ་དུ་ཐོབ་པའི་ཡུལ་དེ་མི་གཙང་བར་འདོད་ན། དཀོན་མཆོག་ཡ་ཝཱེའི་ཡུལ་ཏེ་ཁོང་གི་གུར་མཆོག་བཞུགས་སའི་གནས་སུ་ཚུར་འོངས་ནས། ང་ཚོའི་ཁྲོད་དུ་ས་སྐལ་བླངས་ཆོག ཡིན་ནའང་བདག་ཅག་གི་དཀོན་མཆོག་ཡ་ཝཱེའི་མཆོད་ཁྲིའི་ཕན་ཆད་ནས་རང་ཉིད་ལ་མཆོད་ཁྲི་བརྩིགས་ཏེ། དཀོན་མཆོག་ཡ་ཝཱེ་ལ་ངོ་ལོག་བྱེད་མི་རུང་ལ། ངེད་རྣམས་ལའང་ངོ་ལོག་བྱེད་མི་རུང་།  
\v 20 སྔོན་ཆད་ཟེ་རག་གི་ཡང་ཚ་ཨ་ཀན་གྱིས་བསྔོ་བར་འོས་པའི་དངོས་པོ་ཐད་བློ་ལོག་པའི་སྡིག་ཉེས་བསགས་ཤིང་། ཡེས་ར་ཨེལ་གྱི་ཚོགས་མི་ཡོངས་ལ་ཐུགས་ཁྲོས་པ་མ་ཡིན་ནམ། ཁོས་བསགས་པའི་སྡིག་ཉེས་ཁྲོད་དུ་ཤི་བ་ནི་ཁོ་རང་འབའ་ཞིག་མ་ཡིན་ནོ་ཞེས་སྨྲའོ་ཞེས་སྨྲས།  
\v 21 དེ་ནས་རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་ཀྱིས་ཡེས་ར་ཨེལ་པའི་རུས་རྒྱུད་རྣམས་ཀྱི་འགོ་གཙོ་ལ་དེའི་ལན་དུ།  
\v 22 ཀུན་དབང་གི་དཀོན་མཆོག་ཡ་ཝཱེ། ཀུན་དབང་གི་དཀོན་མཆོག་ཡ་ཝཱེས་མཁྱེན་པ་དང་། ཡེས་ར་ཨེལ་པས་ཀྱང་ཤེས་ངེས་ཡིན་ཏེ། གལ་ཏེ་ངེད་རྣམས་ལ་ངོ་ལོག་གི་སེམས་ལྡན་པའམ་ཡང་ན་དཀོན་མཆོག་ཡ་ཝཱེ་དང་འགལ་བ་ཡིན་ན། ཁྱེད་ཀྱིས་དེ་རིང་ངེད་རྣམས་མི་བསྲུང་བར་ཤོག  
\v 23 གལ་ཏེ་རང་གི་དོན་དུ་མཆོད་ཁྲི་བརྩིགས་ཤིང་། ཁ་འཁོར་ནས་དཀོན་མཆོག་ཡ་ཝཱེའི་རྗེས་སུ་མི་འབྲང་བའམ་ཡང་ན་སྦྱིན་སྲེག་དང་འབྲུ་མཆོད། ཞི་བདེའི་མཆོད་པ་བཅས་མཆོད་ཁྲི་སྟེང་འབུལ་བའི་ཕྱིར་ཡིན་ན། དཀོན་མཆོག་ཡ་ཝཱེས་སྐུ་དངོས་སུ་ངེད་རྣམས་ཀྱི་སྡིག་པ་འདེད་པར་ཤོག  
\v 24 ངེད་ཅག་གིས་རྒྱུ་མཚན་གང་ཡང་མེད་པ་མ་ཡིན་པར་རྐང་བཙུགས་ནས་དེ་ལྟར་བྱས་པ་ཡིན་ཏེ། ཕྱིན་ཆད་ཁྱོད་རྣམས་ཀྱི་བུ་རྒྱུད་ཀྱིས་ངེད་ཅག་གི་བུ་རྒྱུད་ལ་འདི་ལྟར། ཁྱོད་རྣམས་ཡེས་ར་ཨེལ་གྱི་དཀོན་མཆོག་ཡ་ཝཱེ་དང་འབྲེལ་བ་ཅི་ཞིག་ཡོད་དམ།  
\v 25 དཀོན་མཆོག་ཡ་ཝཱེས་ཡོར་དན་གཙང་པོ་ནི་ངེད་ཅག་དང་རུ་བེན་པ་དང་གཱ་རྡུ་པའི་ས་མཚམས་སུ་བཙུགས་པ་ཡིན་པས། ཁྱོད་རྣམས་ནི་དཀོན་མཆོག་ཡ་ཝཱེ་དང་འབྲེལ་བ་མེད་དོ་ཞེས་སྨྲ་བར་དོགས་པ་ཡིན་ནོ། །དེ་ལྟར་བྱས་ན་ཁྱོད་རྣམས་ཀྱི་བུ་རྒྱུད་ཀྱིས་ངེད་ཅག་གི་བུ་རྒྱུད་ལ་དཀོན་མཆོག་ཡ་ཝཱེར་གུས་ཤིང་འཇིགས་པར་མ་བྱས་པ་ཡིན།  
\v 26 དེའི་ཕྱིར་ངེད་རྣམས་ཀྱིས་འདི་ལྟར། རང་གི་དོན་དུ་མཆོད་ཁྲི་ཞིག་བརྩིག་པར་བྱ་ཞིང་། སྦྱིན་སྲེག་འབུལ་བའི་ཕྱིར་མ་ཡིན་ལ་དམར་མཆོད་འབུལ་བའི་ཕྱིར་དུ་ཡང་མ་ཡིན།  
\v 27 དེ་ནི་ཁྱོད་རྣམས་དང་ངེད་ཅག་གི་བར་དང་ཁྱོད་རྣམས་དང་ངེད་ཅག་གི་མི་རབས་རྗེས་མའི་བར་དུ་བདེན་དཔང་བྱེད་པའི་ཆེད་དུ་ཡིན་ཞིང་། དེ་ནས་ངེད་རྣམས་ཀྱིས་ཀྱང་དཀོན་མཆོག་ཡ་ཝཱེའི་སྤྱན་སྔར་སྦྱིན་སྲེག་དང་ཞི་བདེའི་མཆོད་པ། དམར་མཆོད་བཅས་ཕུལ་ནས་ཁོང་ལ་ཞབས་ཏོག་བསྒྲུབ་ཅིང་། ཁྱོད་རྣམས་ཀྱི་བུ་རྒྱུད་ཀྱིས་ཕྱིན་ཆད་ངེད་ཅག་གི་བུ་རྒྱུད་ལ་ཁྱོད་རྣམས་དཀོན་མཆོག་ཡ་ཝཱེ་དང་འབྲེལ་བ་མེད་ཅེས་སྨྲ་རྒྱུ་མེད་དོ་ཞེས་སྨྲས་པ་དང་།  
\v 28 ངེད་ཅག་གིས་འདི་ལྟར། ཕྱིན་ཆད་ཁྱོད་རྣམས་ཀྱིས་ངེད་ཅག་གམ་ཡང་ན་ངེད་ཅག་གི་བུ་རྒྱུད་ལ་འདི་ལྟར་སྨྲས་ན། ང་ཚོས་དེའི་ལན་དུ། ཁྱོད་རྣམས་ཀྱིས་ལྟོས་དང་། ངེད་ཅག་གི་མེས་པོ་རྣམས་ཀྱིས་བརྩིགས་པའི་མཆོད་ཁྲི་ནི་དཀོན་མཆོག་ཡ་ཝཱེའི་མཆོད་ཁྲིའི་དབྱིབས་ཡིན་ཞིང་། འདི་ནི་སྦྱིན་སྲེག་འབུལ་བའི་ཕྱིར་མ་ཡིན་ལ་དམར་མཆོད་འབུལ་བའི་ཕྱིར་དུ་ཡང་མ་ཡིན་ཏེ། ཁྱོད་རྣམས་དང་ངེད་ཅག་བར་གྱི་བདེན་དཔང་གི་ཆེད་དུ་ཡིན་ནོ་ཞེས་སྨྲས་ཆོག་གོ་ཞེས་སྨྲས་པ་ཡིན།  
\v 29 ངེད་རྣམས་ཀྱིས་བདག་ཅག་གི་དཀོན་མཆོག་ཡ་ཝཱེའི་གུར་མཆོག་མདུན་གྱི་མཆོད་ཁྲིའི་ཕན་ཆད་ནས་སྦྱིན་སྲེག་དང་འབྲུ་མཆོད། དམར་མཆོད་བཅས་འབུལ་བའི་ཕྱིར་མཆོད་ཁྲི་གཞན་ཞིག་བརྩིགས་པ་དང་། དཀོན་མཆོག་ཡ་ཝཱེ་ལ་ངོ་ལོག་བྱས་ནས་དེ་རིང་ཁ་འཁོར་ཏེ་ཁོང་གི་རྗེས་སུ་མི་འབྲང་བའི་བསམ་ཚུལ་འདི་ལྟ་བུ་ནི་ངེད་རྣམས་ལ་གཏན་ནས་མེད་ཅེས་སྨྲས་སོ། །  
\v 30 མཆོད་དཔོན་ཕི་ནེ་ཧེ་དང་ལྷན་ཅིག་ཏུ་ཡོད་པའི་འགོ་དཔོན་ཏེ། ཁོང་དང་མཉམ་དུ་འོངས་པའི་ཡེས་ར་ཨེལ་གྱི་འགོ་གཙོ་རྣམས་ཀྱིས་རུ་བེན་པ་དང་གཱ་རྡུ་པ། མཱ་ན་ཤེའི་ཚོ་པ་ཕྱེད་ཀའི་མི་རྣམས་ཀྱིས་སྨྲས་པའི་གཏམ་ཐོས་ནས་དགའ་བར་གྱུར་ཏོ། །  
\v 31 མཆོད་དཔོན་ཨེ་ལི་ཨ་ཟར་གྱི་བུ་ཕི་ནེ་ཧེ་ཡིས་རུ་བེན་པ་དང་གཱ་རྡུ་པ། མཱ་ན་ཤེ་པ་བཅས་ལ། ཁྱོད་རྣམས་ཀྱིས་ཁོང་ལ་བློ་ལོག་པའི་སྡིག་ཉེས་འདི་མ་བསགས་པས། དེ་རིང་ང་ཚོས་དཀོན་མཆོག་ཡ་ཝཱེ་ནི་བདག་ཅག་གི་དཀྱིལ་དུ་བཞུགས་པ་ཤེས་སོ། །ད་ལྟ་ཁྱོད་རྣམས་ཀྱིས་ཡེས་ར་ཨེལ་པ་དཀོན་མཆོག་ཡ་ཝཱེའི་ཕྱག་ནས་བསྐྱབས་པ་ཡིན་ནོ་ཞེས་སྨྲས་སོ། །  
\v 32 མཆོད་དཔོན་ཨེ་ལི་ཨ་ཟར་གྱི་བུ་ཕི་ནེ་ཧེ་དང་འགོ་དཔོན་རྣམས་རུ་བེན་པ་དང་གཱ་རྡུ་པ་རྣམས་དང་བྲལ་ནས། གིལ་ཨད་ཡུལ་ནས་ཀ་ན་ཨན་ཡུལ་དུ་ཕྱིར་ལོག་ཅིང་། ཡེས་ར་ཨེལ་པ་རྣམས་ཀྱི་རྩར་སླེབས་པ་དང་དོན་དེ་ཁོ་རྣམས་ལ་སྨྲས།  
\v 33 ཡེས་ར་ཨེལ་པ་རྣམས་དོན་དེའི་ཕྱིར་དགའ་བར་གྱུར་ནས་དཀོན་མཆོག་ལ་བསྟོད་བསྔགས་ཕུལ་ཞིང་། རུ་བེན་པ་དང་གཱ་རྡུ་པ་རྣམས་ལ་འཐབ་པ་དང་དེ་རྣམས་འཚོ་སྡོད་བྱེད་སའི་གནས་མེད་པར་གཏོང་བའི་ཕྱིར་ཡར་འགྲོ་བའི་གཏམ་ནི་གླེང་མ་མྱོང་ངོ་། །  
\v 34 རུ་བེན་པ་དང་གཱ་རྡུ་པ་རྣམས་ཀྱིས་མཆོད་ཁྲིའི་མིང་ལ་དཔང་བོའི་མཆོད་ཁྲི་ཞེས་བཏགས་པ་སྟེ། མཆོད་ཁྲི་འདིས་ང་ཚོའི་བར་དུ་དཀོན་མཆོག་ཡ་ཝཱེ་ནི་དཀོན་མཆོག་ལགས་པར་བདེན་དཔང་བྱེད་དོ་ཞེས་པའི་དོན་ནོ། །   
\c 23
\cl ལེའུ་ཉེར་གསུམ་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 ཡོ་ཤུ་ཨའི་ཞལ་ཆེམས།  
\p
\v 1 དཀོན་མཆོག་ཡ་ཝཱེས་ཡེས་ར་ཨེལ་པ་རྣམས་བདེ་བར་བཀོད་ཅིང་། མཐའ་འཁོར་གྱི་དགྲ་ཐམས་ཅད་བར་དུ་འཐབ་མོ་མེད་པར་དུས་ཡུན་རིང་པོ་སོང་བ་དང་། ཡོ་ཤུ་ཨ་ལོ་ན་རྒས་པས།  
\v 2 ཡེས་ར་ཨེལ་པ་རྣམས་ཀྱི་རྒན་པོ་དང་ཚོ་དཔོན། ཁྲིམས་དཔོན། འགོ་དཔོན་བཅས་ཐམས་ཅད་བོས་འོངས་ནས་ཁོ་རྣམས་ལ་ན་རེ། ང་རང་ལོ་ན་རྒས་ཟིན་ཏེ།  
\v 3 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་རྣམས་ཀྱི་ཆེད་དུ་རྒྱལ་ཁམས་འདི་མཐའ་དག་ལ་དོན་གང་ཞིག་མཛད་པ་ཐམས་ཅད་ཁྱོད་ཅག་གིས་དངོས་སུ་མཐོང་བ་སྟེ། ཁྱོད་རྣམས་ཀྱི་ཕྱིར་འཐབ་མཁན་ནི་ཁྱོད་ཅག་གི་དཀོན་མཆོག་ཡ་ཝཱེ་ལགས་པས་སོ། །  
\v 4 བདག་གིས་མེད་པར་བཟོས་པ་དང་ཤུལ་དུ་ལུས་པའི་རྒྱལ་ཁམས་སོ་སོ་ནི། ཡོར་དན་གཙང་པོ་ནས་ཉི་མ་ནུབ་མཚམས་ཀྱི་རྒྱ་མཚོ་ཆེན་པོའི་བར་དུ། བདག་གིས་རྒྱན་འཕངས་ནས་ཁྱོད་ཚོའི་ཚོ་པ་རྣམས་ལ་ས་སྐལ་དུ་བགོས་ཟིན་ཏོ། །  
\v 5 ཁྱོད་རྣམས་ཀྱི་དཀོན་མཆོག་ཡ་ཝཱེས་ཁོ་ཚོ་ཁྱོད་རྣམས་ཀྱི་མདུན་ནས་ཕྱིར་སྐྲོད་པ་དང་། ཁོ་ཚོ་ཁྱོད་རྣམས་དང་འབྲལ་བར་མཛད་ངེས་པས། ཁྱོད་རྣམས་ཀྱི་དཀོན་མཆོག་ཡ་ཝཱེས་ཇི་ལྟར་ཞལ་བཞེས་གནང་བ་བཞིན་ཁོ་ཚོའི་ཡུལ་རྣམས་ཁྱོད་ཚོ་ལ་ས་སྐལ་དུ་འཐོབ་ངེས་ཡིན།  
\v 6 དེའི་ཕྱིར་ཁྱོད་རྣམས་ཀྱིས་དཔའ་སེམས་བསྐྱེད་དེ། ཕྱོགས་འཛོལ་ཅི་ཡང་མེད་པར་མོ་ཤེའི་བཀའ་ཁྲིམས་སུ་བཀོད་པའི་བཀའ་ཐམས་ཅད་བརྩི་སྲུང་ནན་མོ་བྱེད་དགོས།  
\v 7 ཁྱོད་ཚོའི་ཁྲོད་དུ་ལུས་པའི་མི་འདི་རྣམས་ལ་འདྲེ་བར་མི་བྱ་ཞིང་། ཁོ་ཚོའི་ལྷ་རྣམས་ཀྱི་མིང་གླེང་མི་རུང་བ་དང་། དེ་དཔང་དུ་བཙུགས་ནས་མནའ་བསྐྱལ་མི་རུང་ལ། དེར་ཞབས་ཏོག་བསྒྲུབ་པ་དང་ཕྱག་འཚལ་བར་ཡང་མི་རུང་ངོ་། །  
\v 8 ཁྱོད་རྣམས་ཀྱིས་ད་ལྟའི་བར་དུ་ཇི་ལྟར་བྱས་པ་བཞིན་དུ། ཁྱོད་རྣམས་ཀྱི་དཀོན་མཆོག་ཡ་ཝཱེ་ལ་རྩེ་གཅིག་གིས་བརྟེན་དགོས་ཏེ།  
\v 9 ཅི་ལ་ཟེར་ན། དཀོན་མཆོག་ཡ་ཝཱེས་མི་མང་སྟོབས་དང་ལྡན་པ་རྣམས་ཁྱོད་ཅག་གི་མདུན་ནས་ཕྱིར་བསྐྲད་པ་དང་། ད་ལྟའི་བར་དུ་ཁྱོད་རྣམས་ཀྱི་མདུན་དུ་ཚུགས་ཐུབ་མཁན་གཅིག་ཀྱང་མེད་དོ། །  
\v 10 ཁྱོད་རྣམས་ཀྱི་དཀོན་མཆོག་ཡ་ཝཱེས་ཞལ་བཞེས་གནང་བ་བཞིན་དུ་ཁྱོད་རྣམས་ཀྱི་ཕྱིར་འཐབ་མོ་མཛད་པས། ཁྱོད་མི་གཅིག་གིས་མི་སྟོང་བདའ་འདེད་བྱེད་པར་འགྱུར།  
\v 11 ཁྱོད་རྣམས་ཀྱིས་ལྷག་ཏུ་གཟབ་གཟབ་ངང་ཁྱོད་ཅག་གི་དཀོན་མཆོག་ཡ་ཝཱེ་གཅེས་སུ་འཛིན་དགོས།  
\v 12 གལ་ཏེ་ཁྱོད་རྣམས་ཕར་འཁོར་ནས་ཁྱོད་རྣམས་ཀྱི་ཁྲོད་དུ་ལུས་པའི་མི་འདི་དག་དང་འབྲེལ་ཞིང་ཕན་ཚུན་གཉེན་སྒྲིག་པ་དང་། ཕན་ཚུན་འགྲོ་འོང་བྱས་ན།  
\v 13 ཁྱོད་ཚོས་གསལ་པོར་ཤེས་དགོས་པ་ཞིག་ལ། ཁྱོད་ཚོའི་དཀོན་མཆོག་ཡ་ཝཱེས་ཁོ་རྣམས་ཁྱོད་ཚོའི་མདུན་ནས་ཕྱིར་སྐྲོད་པར་མི་འགྱུར་ལ། དེ་ལས་ལྡོག་སྟེ་ཁྱོད་རྣམས་ཡ་ཝཱེས་ཁྱོད་ཅག་ལ་གནང་བའི་ཡུལ་བཟང་པོ་འདི་ནས་མེད་པར་འགྲོ་བའི་བར་དུ། ཁོ་ཚོ་ནི་ཁྱོད་ཅག་གི་དྲ་རྒྱ་དང་རྙི་རྒྱ། རྩིབ་རུས་སྟེང་གི་རྟ་ལྕགས། མིག་ནང་གི་ཚེར་མ་བཅས་སུ་འགྱུར་ངེས་ཡིན།  
\v 14 ད་ལྟ་ང་རང་འཇིག་རྟེན་པ་ཀུན་གྱི་འགྲོ་ལུགས་ལྟར་འགྲོ་དགོས་བྱུང་། ཁྱོད་རྣམས་ཀྱི་དཀོན་མཆོག་ཡ་ཝཱེས་ཁྱོད་ཅག་ལ་བྱིན་རླབས་གནང་བའི་ཞལ་བཞེས་ཀྱི་གསུང་ནི། བཀའ་གཅིག་ཀྱང་དོན་མེད་དུ་མ་གྱུར་བར་ཐམས་ཅད་ཁྱོད་ཚོའི་སྟེང་འགྲུབ་པ་དེ་ཁྱོད་ཅག་གིས་ཡིད་སེམས་ཀུན་ནས་ཤེས་སོ། །  
\v 15 ཁྱོད་ཅག་གི་དཀོན་མཆོག་ཡ་ཝཱེས་ཞལ་བཞེས་གནང་བའི་བྱིན་རླབས་ཐམས་ཅད་ཇི་ལྟར་ཁྱོད་རྣམས་ལ་ཐོབ་པ་བཞིན། ཁྱོད་རྣམས་རང་གི་དཀོན་མཆོག་ཡ་ཝཱེས་གནང་བའི་ཡུལ་བཟང་པོ་འདི་ནས་མེད་པར་གཏོང་བའི་བར་དུ། དཀོན་མཆོག་ཡ་ཝཱེས་བགེགས་བར་ཆད་སྣ་ཚོགས་ཀྱང་དེ་བཞིན་དུ་ཁྱོད་རྣམས་ཀྱི་སྟེང་དུ་འབྱུང་བར་མཛད་ངེས་ལ།  
\v 16 གལ་ཏེ་ཁྱོད་རྣམས་རང་གི་དཀོན་མཆོག་ཡ་ཝཱེས་ཁྱོད་ཚོ་ལ་བསྲུང་བར་བསྒོས་པའི་ཞལ་ཆད་དང་འགལ་ཏེ་ལྷ་གཞན་པར་བསྙེན་བཀུར་བྱས་ནས་དེར་ཕྱག་བཙལ་ན། དཀོན་མཆོག་ཡ་ཝཱེ་ཁྱོད་རྣམས་ལ་ཐུགས་ཁྲོ་ཞིང་ཁྱོད་རྣམས་ཁོང་གིས་གནང་བའི་ཡུལ་བཟང་པོ་ནས་མྱུར་བ་མྱུར་དུ་མེད་པར་མཛད་ངེས་ཡིན་ཞེས་སྨྲས་སོ། །   
\c 24
\cl ལེའུ་ཉེར་བཞི་པ། 
\toc1 ༄༅། །ཡོ་ཤུ་ཨའི་མདོ། 
\toc2 ཡོ་ཤུ་ཨ། 
\s1 སི་ཀེམ་དུ་དམ་པའི་ཞལ་ཆད་བསྐྱར་བསྒྲགས་མཛད་པ།  
\p
\v 1 ཡོ་ཤུ་ཨ་ཡིས་ཡེས་ར་ཨེལ་གྱི་ཚོ་པ་ཐམས་ཅད་སི་ཀེམ་དུ་བསྡུས་ཤིང་། ཡེས་ར་ཨེལ་གྱི་རྒན་པོ་དང་ཚོ་དཔོན། ཁྲིམས་དཔོན། དེ་མིན་འགོ་དཔོན་བཅས་བོས་འོངས་པ་དང་། ཁོ་རྣམས་དཀོན་མཆོག་གི་དྲུང་དུ་ལངས་ནས་བསྡད།  
\v 2 ཡོ་ཤུ་ཨ་ཡིས་འབངས་རྣམས་ལ། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། གནའ་དུས་ཁྱོད་ཅག་གི་མེས་པོ་རྣམས་ཏེ། ཨབ་ར་ཧམ་དང་ནཱ་ཧོར་གྱི་ཕ་ཐ་རཱ་ནི་གཙང་པོའི་ \f + \ft འདིར་གཙང་པོ་ཞེས་པ་ནི་ཕི་རཱད་གཙང་པོར་གོ་བ་ཡིན།\f*ཕ་རོལ་ཏུ་གནས་ཤིང་ལྷ་གཞན་རྣམས་ལ་བསྙེན་བཀུར་བྱས་པ་དང་།  
\v 3 བདག་གིས་ཁྱོད་རྣམས་ཀྱི་མེས་པོ་ཨབ་ར་ཧམ་གཙང་པོའི་ཕ་རོལ་ནས་ཁྲིད་འོངས་ཏེ། ཀ་ན་ཨན་ཡུལ་ཀུན་ལ་འགྲིམ་དུ་བཅུག་ཅིང་། ཡང་ཁོའི་བུ་རྒྱུད་མང་དུ་སྤེལ་ཏེ་ཨི་སཱག་ཁོ་ལ་གནང་བ་ཡིན།  
\v 4 ཡང་ཨི་སཱག་ལ་ཡ་ཀོབ་དང་ཨེ་སཱབ་གནང་ནས། སེ་ཨིར་རི་བོ་ཨེ་སཱབ་ལ་ས་སྐལ་དུ་གནང་བ་ཡིན། ཕྱིས་སུ་ཡ་ཀོབ་དང་ཁོའི་བུ་རྒྱུད་རྣམས་ནི་མར་ཨེ་ཅིབ་ཡུལ་དུ་ཕྱིན་པ་ཡིན་ནོ། །  
\v 5 བདག་གིས་མོ་ཤེ་དང་ཨ་རོན་གཉིས་མངགས་པར་མ་ཟད། ངས་ཨེ་ཅིབ་ཡུལ་ནས་ཅི་བྱས་པ་བཞིན་དུ་ཨེ་ཅིབ་སྡུག་ལ་སྦྱར་བ་དང་། ཁྱོད་རྣམས་ཕྱིར་ཁྲིད་འོངས་པ་ཡིན།  
\v 6 བདག་གིས་ཁྱོད་ཅག་གི་མེས་པོ་རྣམས་ཨེ་ཅིབ་ནས་ཕྱིར་ཁྲིད་འོངས་པ་དང་ཁོ་རྣམས་རྒྱ་མཚོ་རུ་སླེབས། ཨེ་ཅིབ་པ་རྣམས་ཀྱིས་ཤིང་རྟ་དང་སྐྱ་དམག་ཁྲིད་ནས་ཁྱོད་ཚོའི་མེས་པོ་རྣམས་ཀྱི་ར་མདར་བརྒྱུགས་ཤིང་རྒྱ་མཚོ་དམར་པོ་རུ་སླེབས།  
\v 7 ཁྱོད་ཅག་གི་མེས་པོ་རྣམས་ཀྱིས་དཀོན་མཆོག་ཡ་ཝཱེ་ལ་སྐྱབས་སུ་ཞུས་པས། ཁོང་གིས་ཁྱོད་རྣམས་དང་ཨེ་ཅིབ་པའི་བར་དུ་མུན་པ་གནང་བ་དང་། ཡང་རྒྱ་མཚོ་ཕྱིར་དྲངས་ནས་ཨེ་ཅིབ་པ་རྣམས་བསྣུབས་པར་མཛད་དོ། །བདག་གིས་ཨེ་ཅིབ་ནས་དོན་ཅི་ཞིག་བྱས་པ་རྣམས་ཁྱོད་ཅག་གིས་དངོས་སུ་མཐོང་ཞིང་། ཁྱོད་རྣམས་དབེན་སྟོང་ནས་ཀྱང་ལོ་ཟླ་མང་པོར་བསྡད་དོ། །  
\v 8 ངས་ཁྱོད་རྣམས་ཁྲིད་དེ་ཡོར་དན་གཙང་པོའི་ཤར་ཏུ་ཨེ་མོར་པ་རྣམས་གནས་པའི་ཡུལ་ལ་སླེབས་ཤིང་། ཁོ་ཚོ་ནི་ཁྱོད་རྣམས་དང་འཐབ་པ་ན། ངས་ཁོ་ཚོ་ཁྱོད་རྣམས་ཀྱི་ལག་ཏུ་སྤྲད་པས་ཁོ་ཚོའི་ཡུལ་ནི་ཁྱོད་རྣམས་ལ་ས་སྐལ་དུ་ཐོབ་པ་དང་། ངས་ཁྱོད་རྣམས་ཀྱི་སྔུན་ནས་ཁོ་ཚོ་རྩ་མེད་དུ་བཏང་།  
\v 9 སྐབས་དེར། མོ་ཨབ་ཀྱི་རྒྱལ་པོ་ཚིབ་ཕོར་གྱི་བུ་པཱ་ལག་ལངས་ཏེ་ཡེས་ར་ཨེལ་པ་ལ་རྒོལ་བ་དང་། ཁྱོད་རྣམས་ལ་དམོད་མོ་བྱ་ཆེད་མི་མངགས་ནས་པེ་ཨོར་གྱི་བུ་པེལ་ཨམ་བོས་འོངས་ཤིང་།  
\v 10 ངས་པེལ་ཨམ་གྱི་གཏམ་ལ་མ་མཉན་པས་ཁོས་དེ་ལས་ལྡོག་སྟེ་ཁྱོད་རྣམས་ལ་ཡང་ཡང་བྱིན་གྱིས་བརླབས་པ་དང་། ངས་ཁྱོད་རྣམས་ཁོའི་ལག་ནས་ཐར་བར་བྱས་སོ། །  
\v 11 ཁྱོད་རྣམས་ཡོར་དན་གཙང་པོ་བརྒལ་ནས་ཡེ་རུ་ཀོ་ལ་སླེབས་པ་དང་། ཡེ་རུ་ཀོའི་ཡུལ་མི་དང་ཨེ་མོར་པ། ཕེ་རེ་ཟི་པ། ཀ་ན་ཨན་པ། ཧེད་པ། གིར་གས་པ། ཧེ་བི་པ། ཡེ་བུ་སི་པ་བཅས་ཐམས་ཅད་ཀྱིས་ཁྱོད་ཅག་ལ་དམག་བརྒྱབ་ཅིང་། ངས་ཁོ་ཚོ་ཁྱོད་རྣམས་ཀྱི་ལག་ཏུ་སྤྲད་པ་ཡིན།  
\v 12 ངས་དུག་སྦྲང་མང་པོ་ཁྱོད་རྣམས་ཀྱི་སྔུན་ལ་བཏང་ནས། ཨེ་མོར་པའི་རྒྱལ་པོ་གཉིས་ཁྱོད་ཀྱི་གྲི་དང་གཞུ་གཉིས་མ་བཀོལ་བར་ཁྱོད་རྣམས་ཀྱི་སྔུན་ནས་བསྐྲད་པ་ཡིན།  
\v 13 ངས་ཁྱོད་རྣམས་ལ་ཁྱོད་ཚོས་དཀའ་བ་སྤྱད་ནས་བསློགས་པ་མིན་པའི་ས་ཞིང་དང་ཁྱོད་ཚོས་བསྐྲུན་པ་མིན་པའི་གྲོང་ཁྱེར་སྤྲད་པ་དང་། ཁྱོད་རྣམས་དེའི་ནང་དུ་སྡོད་ཅིང་ཁྱོད་ཚོས་བཙུགས་པ་མིན་པའི་རྒུན་འབྲུམ་ར་བ་དང་སྐྱུ་རུ་ར་བའི་འབྲས་བུ་ལོངས་སུ་སྤྱོད་ཐུབ་པ་ཡིན་ཞེས་གསུངས་སོ། །  
\v 14 ད་ལྟ་ཁྱོད་རྣམས་ཀྱིས་དཀོན་མཆོག་ཡ་ཝཱེ་ལ་གུས་ཤིང་འཇིགས་པར་བྱེད་པ་དང་། སྒོ་ཀུན་ནས་དྲང་བདེན་ངང་ཁོང་ལ་བསྙེན་བཀུར་བྱེད་ཅིང་། ཁྱོད་ཅག་གི་མེས་པོ་རྣམས་ཀྱིས་གཙང་པོའི་ཕ་རོལ་དང་ཨེ་ཅིབ་ཡུལ་ནས་བསྙེན་བཀུར་བྱས་པའི་ལྷ་རྣམས་དོར་ནས་དཀོན་མཆོག་ཡ་ཝཱེ་ལ་བསྙེན་བཀུར་བྱེད་དགོས།  
\v 15 གལ་ཏེ་ཁྱོད་རྣམས་ཀྱིས་དཀོན་མཆོག་ཡ་ཝཱེ་ལ་བསྙེན་བཀུར་བྱེད་པ་ནི་མི་ལེགས་པར་འདོད་ན། ཁྱོད་ཅག་གི་མེས་པོ་རྣམས་ཀྱིས་གཙང་པོའི་ཕ་རོལ་ཏུ་བསྙེན་བཀུར་བྱས་པའི་ལྷའམ་ཁྱོད་རྣམས་སྡོད་སའི་ཡུལ་འདི་ཡི་ཨེ་མོར་པའི་ལྷ་རྣམས་ལས་དེ་རིང་བསྙེན་བཀུར་བྱེད་ཡུལ་འདེམས་ཆོག་པ་ཡིན། ང་དང་ངའི་ཁྱིམ་ལ་མཚོན་ན་ངེད་ཅག་གིས་དཀོན་མཆོག་ཡ་ཝཱེ་ལ་བསྙེན་བཀུར་བྱེད་ངེས་ཡིན་ཞེས་སྨྲས།  
\v 16 འབངས་རྣམས་ཀྱིས་དེའི་ལན་དུ། ང་ཚོས་དཀོན་མཆོག་ཡ་ཝཱེ་བསྐྱུར་ནས་ལྷ་གཞན་ལ་བསྙེན་བཀུར་བྱེད་པ་ནི་གཏན་ནས་མི་སྲིད།  
\v 17 ཅི་ལ་ཟེར་ན། བདག་ཅག་གི་དཀོན་མཆོག་ཡ་ཝཱེས་སྔར་ང་ཚོ་དང་ང་ཚོའི་མེས་པོ་རྣམས་བྲན་དུ་བཀོལ་བའི་ཨེ་ཅིབ་ཡུལ་ནས་ཕྱིར་ཁྲིད་འོངས་ཤིང་། ང་ཚོའི་མིག་སྔར་གྲུབ་རྟགས་ཆེན་པོ་དེ་རྣམས་མཛད་པ་དང་། བདག་ཅག་འགྲིམ་པའི་ལམ་རྣམས་དང་བརྒྱུད་པའི་རྒྱལ་ཁམས་ཐམས་ཅད་ནས་ང་ཚོ་སྲུང་བར་མཛད་དོ། །  
\v 18 ཡང་དཀོན་མཆོག་ཡ་ཝཱེས་ཡུལ་འདིར་གནས་པའི་ཨེ་མོར་པ་ཐམས་ཅད་ང་ཚོའི་སྔུན་ནས་ཕྱིར་བསྐྲད། དེའི་ཕྱིར། དཀོན་མཆོག་ཡ་ཝཱེ་ནི་ང་ཚོའི་དཀོན་མཆོག་ལགས་པས་ང་ཚོས་ཁོང་ལ་བསྙེན་བཀུར་བྱེད་ངེས་ཡིན་ཞེས་སྨྲས།  
\v 19 ཡོ་ཤུ་ཨ་ཡིས་འབངས་རྣམས་ལ། ཁྱོད་རྣམས་ཀྱིས་དཀོན་མཆོག་ཡ་ཝཱེ་ལ་བསྙེན་བཀུར་བྱེད་མི་ནུས་ཏེ། ཅི་ལ་ཟེར་ན། ཁོང་ནི་དཀོན་མཆོག་དམ་པ་དང་ཕྲག་དོག་ཅན་ལགས་པས། ཁྱོད་རྣམས་ཀྱི་ཉེས་སྐྱོན་དང་སྡིག་པ་རྣམས་སེལ་བར་མི་འགྱུར།  
\v 20 གལ་ཏེ་ཁྱོད་རྣམས་ཀྱིས་དཀོན་མཆོག་ཡ་ཝཱེ་བསྐྱུར་ནས་ཕྱི་རོལ་པའི་ལྷ་རྣམས་ལ་བསྙེན་བཀུར་བྱས་ན། དཀོན་མཆོག་ཡ་ཝཱེས་བྱིན་རླབས་གནང་རྗེས་ཕྱིར་ཁྱོད་རྣམས་ལ་བགེགས་བར་ཆད་མཛད་དེ་ཁྱོད་ཚོ་རྩ་མེད་དུ་གཏོང་ངེས་ཡིན་ཞེས་སྨྲས།  
\v 21 འབངས་རྣམས་ཀྱིས་ཡོ་ཤུ་ཨ་ལ་དེའི་ལན་དུ། དེ་ལྟར་མི་བྱ་སྟེ་ངེད་རྣམས་ཀྱིས་དཀོན་མཆོག་ཡ་ཝཱེ་ལ་བསྙེན་བཀུར་འབུལ་ངེས་ཡིན་ཞེས་སྨྲས།  
\v 22 ཡོ་ཤུ་ཨ་ཡིས་འབངས་རྣམས་ལ། ཁྱོད་རྣམས་ཀྱིས་དཀོན་མཆོག་ཡ་ཝཱེ་བདམས་ནས་ཁོང་ལ་བསྙེན་བཀུར་བྱེད་རྒྱུ་ཡིན་པས། ཁྱོད་ཚོ་རང་གིས་བདེན་དཔང་བྱོས་ཤིག་ཅེས་སྨྲས་པ་ལ། ཁོ་རྣམས་ན་རེ། ང་ཚོ་བདེན་དཔང་བྱེད་པར་འཐད་པ་ཡིན་ཞེས་སྨྲས།  
\v 23 ཡོ་ཤུ་ཨ་ན་རེ། ཁྱོད་ཚོས་ད་ལྟ་ཁྱོད་རྣམས་ཁྲོད་ཀྱི་ཕྱི་རོལ་པའི་ལྷ་རྣམས་སྤངས་ནས། བློ་སེམས་རྩེ་གཅིག་གིས་ཡེས་ར་ཨེལ་གྱི་དཀོན་མཆོག་ཡ་ཝཱེའི་ཕྱོགས་སུ་འཁོར་དགོས་ཞེས་སྨྲས།  
\v 24 འབངས་རྣམས་ཀྱིས་ཡོ་ཤུ་ཨ་ལ་དེའི་ལན་དུ། ངེད་རྣམས་ཀྱིས་ང་ཚོའི་དཀོན་མཆོག་ཡ་ཝཱེ་ལ་བསྙེན་བཀུར་ཕུལ་ནས་ཁོང་གི་བཀའ་ལ་མཉན་ངེས་ཡིན་ཞེས་སྨྲས།  
\v 25 ཉིན་མོ་དེར་ཡོ་ཤུ་ཨ་ཡིས་འབངས་རྣམས་དང་ཞལ་ཆད་བཞག་ནས། སི་ཀེམ་དུ་ཁོ་རྣམས་ཀྱི་ཕྱིར་སྒྲིག་ཁྲིམས་དང་སྲོལ་ཡིག་བཙུགས།  
\v 26 ཡོ་ཤུ་ཨ་ཡིས་བཀའ་དེ་ཐམས་ཅད་དཀོན་མཆོག་གི་བཀའ་ཁྲིམས་ཀྱི་མདོ་རུ་བཀོད་ཅིང་། ཡང་རྡོ་ཆེན་པོ་ཞིག་དཀོན་མཆོག་ཡ་ཝཱེའི་གནས་དམ་པའི་འགྲམ་དུ་བེ་ཤིང་གི་འོག་ཏུ་བསླངས།  
\v 27 ཡོ་ཤུ་ཨ་ཡིས་འབངས་རྣམས་ལ། ལྟོས་དང་། རྡོ་འདིས་དཀོན་མཆོག་ཡ་ཝཱེས་ངེད་རྣམས་ལ་བསྒོས་པའི་བཀའ་ཅི་གསུངས་ཐམས་ཅད་ཐོས་པས་ངེད་ཅག་ལ་བདེན་དཔང་བྱེད་ཐུབ་པ་སྟེ། ཁྱོད་རྣམས་ཀྱིས་ཡ་ཝཱེ་ཁྱོད་ཅག་གི་དཀོན་མཆོག་ལ་རྒྱབ་འགལ་མི་བྱེད་པའི་ཆེད་དུ་རྡོ་འདིས་ཁྱོད་རྣམས་ལ་དྲན་སྐུལ་བྱེད་པར་འགྱུར་རོ་ཞེས་སྨྲས་སོ། །  
\v 28 དེ་ནས་ཡོ་ཤུ་ཨ་ཡིས་འབངས་མི་རྣམས་རང་རང་གི་ས་སྐལ་དུ་མངགས་སོ། །   
\s1 ཡོ་ཤུ་ཨ་དང་ཨེ་ལི་ཨ་ཟར་གཉིས་ཀ་ཚེ་ལས་འདས་པ།  
\p
\v 29 དོན་དེ་རྣམས་ཀྱི་རྗེས་སུ། དཀོན་མཆོག་ཡ་ཝཱེའི་ཞབས་ཕྱི་ནུན་གྱི་བུ་ཡོ་ཤུ་ཨ་དགུང་ལོ་བརྒྱ་དང་བཅུ་ལོན་ནས་ཚེ་ལས་འདས་པ་དང་།  
\v 30 ཡེས་ར་ཨེལ་པས་ཁོང་ནི་ཁོང་གི་ས་སྐལ་གྱི་མངའ་ཁོངས་སུ། གཱ་ཨ་སི་རི་བོའི་བྱང་ཕྱོགས་སུ་ཨེ་ཕཱར་ཡིམ་རི་ཁུལ་གྱི་ཐིམ་ནད་སེ་ར་རུ་དུར་ལ་སྦས།  
\v 31 ཡོ་ཤུ་ཨ་གསོན་པའི་དུས་ཐམས་ཅད་དང་ཁོང་ཚེ་ལས་འདས་པའི་རྗེས་སུ། དཀོན་མཆོག་ཡ་ཝཱེས་ཡེས་ར་ཨེལ་པའི་ཕྱིར་དོན་ཅི་རྣམས་མཛད་པ་ཤེས་པའི་རྒན་པོ་རྣམས་ད་དུང་གནས་པའི་དུས་སྐབས་ཡོངས་སུ། ཡེས་ར་ཨེལ་པས་དཀོན་མཆོག་ཡ་ཝཱེ་ལ་བསྙེན་བཀུར་བྱས་སོ། །  
\v 32 ཡེས་ར་ཨེལ་པ་རྣམས་ཀྱིས་ཨེ་ཅིབ་ཡུལ་ནས་ཁྱེར་འོངས་པའི་ཡོ་སེབ་ཀྱི་ཀེང་རུས་ནི། སི་ཀེམ་སྟེ་སྔར་ཡ་ཀོབ་ཀྱིས་སི་ཀེམ་གྱི་ཕ་ཧ་མོར་གྱི་བུ་རྒྱུད་རྣམས་ལས་དངུལ་སྲང་བརྒྱ་ཡིས་ཉོས་པའི་ས་དེར་དུར་ལ་སྦས་པ་དང་། དེ་ཡོ་སེབ་ཀྱི་བུ་རྒྱུད་རྣམས་ཀྱི་ས་སྐལ་དུ་གྱུར་ཏོ། །  
\v 33 ཨ་རོན་གྱི་བུ་ཨེ་ལི་ཨ་ཟར་ཡང་ཚེ་ལས་འདས་ནས། ཁོའི་བུ་ཕི་ནེ་ཧེ་ལ་ཨེ་ཕཱར་ཡིམ་རི་ཁུལ་དུ་ཐོབ་པའི་རི་མགོར་དུར་དུ་སྦས་སོ།། །།