\id JON – NTB 
\h ཡོ་ནཱ། 
\toc1 ༄༅། །ལུང་སྟོན་པ་ཡོ་ནཱའི་མདོ། 
\toc2 ཡོ་ནཱ། 
\mt1 ༄༅། །ལུང་སྟོན་པ་ཡོ་ནཱའི་མདོ།  
\imt1 ལུང་སྟོན་པ་ཡོ་ནཱའི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi གཞུང་འདིའི་ཁ་བྱང་ནི་མི་སྣ་གཙོ་བོ་ཡོ་ནཱ་ཞེས་བྱ་བའི་མིང་ནས་ཐོགས་པ་ཡིན། མིང་དེ་ཕུག་རོན་ཞེས་པའི་དོན་ལ་འཇུག གཞུང་གི་ནང་དུ་བརྗོད་པའི་དོན་དག་རྣམས་ཧ་ལམ་སྤྱི་ལོ་སྔོན་གྱི་དུས་རབས་བརྒྱད་པའི་སྐབས་སུ་བྱུང་བ་ཡིན། སྐབས་དེར་ཡ་ཧུ་དཱ་མི་རིགས་ནི་ཨ་སུར་པ་རྣམས་ལ་ཞེད་ཅིང་འཇིགས་པ་དང་། ཨ་སུར་པ་རྣམས་ཡ་ཧུ་དཱ་མི་རིགས་ཀྱི་དགྲ་ངན་ཡིན།  
\is1 ཡི་གེར་འགོད་མཁན་དང་འགོད་དུས།  
\ipi སྲོལ་རྒྱུན་ལྟར་ན་གཞུང་འདི་ཉིད་ཡི་གེར་འགོད་མཁན་ནི་ཨ་མི་ཐཱ་ཨིའི་བུ་ཡོ་ནཱ་ཡིན་པར་བརྗོད། འོན་ཀྱང་གཞུང་འདིའི་ནང་དུ་དོན་དེ་གསལ་པོར་བཀོད་མེད། གཞུང་འདི་ཉིད་ཡི་གེར་འགོད་མཁན་ཡོ་ནཱ་ཡིན་པའི་དབང་དུ་བཏང་ན། དེའི་ལོ་ཚིགས་སྤྱི་ལོ་སྔོན་གྱི་དུས་རབས་བརྒྱད་པའི་སྟོད་ཙམ་ལ་ངོས་འཛིན་བྱས་ཡོད།  
\is1 བརྗོད་སྙིང་དང་གསུང་འཕྲིན།  
\ipi གཞུང་འདི་ཉིད་ཀྱི་ལེའུ་བཞི་པོ་སྤྱིའི་བརྗོད་བྱ་ནི་འགྱོད་བཤགས་བྱས་པ་བརྒྱུད་ནས་ཕྱི་ཕྱོགས་པ་རྣམས་ལ་དཀོན་མཆོག་གིས་ཐུགས་རྗེ་གནང་བར་མ་ཟད། གཞུང་འདིའི་ནང་དུ་དཀོན་མཆོག་གིས་ཡེས་ར་ཨེལ་ལ་བཅངས་པའི་ཁོང་གི་དགོངས་གཞི་རྒྱ་ཆེན་པོ་ཡང་བསྟན་ཡོད་དེ། ཡེས་རཱ་ཨེལ་པ་རྣམས་ཀྱིས་དཀོན་མཆོག་གིས་འཇིག་རྟེན་ཀུན་ལ་བཅངས་པའི་ཐུགས་ཁུར་དངོས་སླར་ཡང་རྟོགས་པ་དང་། ཁོ་རྣམས་ཀྱིས་དཀོན་མཆོག་གིས་བཅངས་པའི་ཐུགས་ཁུར་དེ་ནི་རང་གིས་བསྒྲུབ་དགོས་པའི་འགན་འཁུར་ཡིན་པ་ཡང་ལེགས་པར་རྟོགས་པ་དེའོ། །  
\is1 འཆར་ཟིན།  
\ipi 1. ཡོ་ནཱ་རང་གི་ལས་དོན་ལ་བྱོལ་བའི་སྐོར། ༼1:1-2:10༽  
\ipi ཀ ཡོ་ནཱ་ལ་སྤྲད་པའི་འགན་ཁུར་དང་ཁོ་དེ་ལ་གཡོལ་ནས་བྲོས་པའི་སྐོར། ༼1:1-3༽  
\ipi ཁ། ཉེན་ཁར་ཕྲད་པའི་གྲུ་པ་རྣམས་ཀྱིས་རང་རང་གི་ལྷ་ལ་ཞུ་བ་བྱས་པ། ༼1:4-6༽  
\ipi ག ཡོ་ནཱས་བཀའ་མ་བརྩིས་པ་དེ་དཀོན་མཆོག་གིས་གསལ་པོར་བསྟན་པ། ༼1:7-10༽  
\ipi ང་། དཀོན་མཆོག་གིས་ཡོ་ནཱ་ལ་ཉེས་ཆད་བཅད་པར་མ་ཟད། ཁོ་ལ་ཐར་པ་ཡང་གནང་བ་དང་། ཡོ་ནཱས་གསོལ་བ་བཏབ་ནས་དགོངས་དག་ཞུས་པ། ༼1:11-2:10༽  
\ipi 2. ཡོ་ནཱས་འདོད་བློ་མེད་བཞིན་དུ་རང་གི་ལས་དོན་བསྒྲུབས་པ། ༼3:1-4:11༽  
\ipi ཀ ཡོ་ནཱ་ལ་སླར་ཡང་འགན་ཁུར་སྤྲད་པ་དང་ཁོས་བཀའ་བརྩིས་པའི་སྐོར། ༼3:1-4༽  
\ipi ཁ། ཉེན་ཁར་ཕྲད་པའི་ནིན་ཝེ་པ་རྣམས་འགྱོད་པ་སྐྱེས་ནས་དཀོན་མཆོག་ལ་ཞུ་བ་བྱས་པ། ༼3:5-9༽  
\ipi ག དཀོན་མཆོག་གིས་ནིན་ཝེ་པ་རྣམས་ཀྱི་འགྱོད་བཤགས་ཞལ་བཞེས་གནང་བ། ༼3:10-4:4༽  
\ipi ང་། དཀོན་མཆོག་གིས་ཡོ་ནཱར་སྲུང་སྐྱོབ་གནང་བ་དང་། ཁོ་ལ་བཀའ་བཀྱོན་མཛད་པ། ༼4:5-11༽  
\c 1
\cl ལེའུ་དང་པོ། 
\toc1 ༄༅། །ལུང་སྟོན་པ་ཡོ་ནཱའི་མདོ། 
\toc2 ཡོ་ནཱ། 
\s1 ཡོ་ནཱ་ཞེས་བྱ་བ་དཀོན་མཆོག་ཡ་ཝཱེ་ལ་གཡོལ་བ།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ཨ་མི་ཐཱ་ཨི་བྱ་བའི་བུ་ཡོ་ནཱ་ལ་བྱུང་སྟེ་འདི་སྐད་དུ།  
\v 2 ཁྱོད་རང་ཡར་ལངས་ནས་གྲོང་ཁྱེར་ཆེན་པོ་ནིན་ཝེ་ལ་ཐ་ཚིག་བསྒྲག་པར་སོང་ཞིག ཅིའི་ཕྱིར་ཞེ་ན། ཁོ་ཚོའི་བྱ་བ་ངན་པ་ནི་ཡར་བདག་གི་མདུན་དུ་སླེབས་པས་སོ་ཞེས་གསུངས་སོ༎  
\v 3 འོན་ཀྱང་ཡོ་ནཱ་ནི་དཀོན་མཆོག་ཡ་ཝཱེའི་དྲུང་ནས་ཐཱར་ཞིས་\f + \ft ཐཱར་ཞིས་ཞེས་པའི་གྲོང་ཁྱེར་ནི་ནིན་ཝེ་གྲོང་ཁྱེར་གྱི་ལྡོག་ཕྱོགས་སུ་ཡོད་ཅིང་། ཡོ་ནཱའི་སེམས་སུ་དེ་ནི་ཁོ་རང་འབྲོ་སའི་ཆེས་རྒྱང་ཐག་རིང་བའི་ཡུལ་ཡིན་པར་སྙམ་པ་རེད། \f*གྲོང་ཁྱེར་ལ་འབྲོ་བའི་ཆེད་དུ། མར་ཡོ་ཕཱ་གྲོང་ཁྱེར་དུ་ཕྱིན་པ་དང་། ཐཱར་ཞིས་སུ་འགྲོ་བའི་གྲུ་གཟིངས་ཤིག་རྙེད་ནས་གླ་སྤྲད་ཅིང་། དེའི་ནང་མར་བསྡད་པ་དང་གྲུར་ཞུགས་པ་རྣམས་དང་ལྷན་དུ་དཀོན་མཆོག་ཡ་ཝཱེའི་དྲུང་ནས་ཐཱར་ཞིས་ལ་སོང་ངོ་།།   
\p
\v 4 ཡིན་ནའང་། དཀོན་མཆོག་ཡ་ཝཱེས་རྒྱ་མཚོ་ལ་དྲག་རླུང་ཆེན་པོ་ཞིག་གཡུགས་སུ་བཅུག་པ་དང་། མཚོ་སྟེང་དུ་ཆར་རླུང་དྲག་པོ་བྱུང་ཞིང་མཚོ་གྲུ་འཐོར་ལ་ཁད་བྱས།  
\v 5 གྲུ་པ་རྣམས་ཤིན་ཏུ་འཇིགས་ཏེ་སྐད་ཆེན་པོ་བརྒྱབ་ནས་རང་རང་གི་ལྷ་ལ་འོ་དོད་བོས། ཁོ་ཚོས་གྲུ་ཇེ་ཡང་དུ་གཏོང་ཆེད་གྲུ་ནང་གི་ཚོང་རྫས་ཡོད་ཚད་མཚོའི་ནང་དུ་གཡུགས། འོན་ཀྱང་། དེ་སྔར་ཡོ་ནཱ་མར་གྲུའི་ཕུག་ཏུ་སོང་སྟེ་ཉལ་ནས་གཉིད་སྟུག་པོ་ཁུགས་པས།  
\v 6 གྲུ་དཔོན་ཁོའི་གམ་དུ་སླེབས་ནས། ཁྱོད་རང་གཉིད་ནས་སྡོད་པ་ཅི་ཡིན་ནམ། ཡར་ལོངས་ལ་རང་གི་ལྷ་ལ་ཞུ་བ་ཕུལ་ཅིག ལྷ་དེས་འུ་ཅག་ཐུགས་སུ་དྲན་ན། རང་ཅག་འཆི་བར་མི་འགྱུར་རོ་ཞེས་སྨྲས་པ་དང་།  
\v 7 གྲུ་པ་རེ་རེ་བཞིན་གཅིག་གིས་གཅིག་ལ་ཤོག་དང་། དོན་ངན་འདི་སུའི་རྐྱེན་གྱིས་བྱུང་བར་རྒྱན་འཕངས་ཏེ་བརྟག་པར་བྱ་ཟེར་ནས། དེ་ལྟར་བསྒྲུབས་པ་ན་ཡོ་ནཱ་ལ་བབས་པ་རེད།  
\v 8 དེ་ནས་དེ་དག་གིས་ཡོ་ནཱ་ལ། དོན་ངན་འདི་རང་ཅག་ལ་བྱུང་བ་ནི་སུའི་རྐྱེན་ཡིན་པ་སྨྲ་བར་མཛོད། ཁྱོད་ཀྱི་བྱ་བ་ཅི་ཡིན། ས་ཆ་གང་ནས་ཡོང་། ཕ་ཡུལ་གང་གི་ཡིན། མི་རིགས་གང་ཡིན་ཞེས་དྲིས་པ་ན།  
\v 9 ཁོས་དེ་དག་ལ། ང་རང་ཨིབ་རི་པ་ཡིན་ཏེ། རྒྱ་མཚོ་དང་སྐམ་ས་མཛད་མཁན་གྱི་ནམ་མཁའི་དཀོན་མཆོག་ཡ་ཝཱེ་ལ་ང་རང་གུས་ཤིང་འཇིགས་པ་ཡིན་ཞེས་སྨྲས་སོ།།   
\p
\v 10 དེ་ནས་གྲུ་པ་རྣམས་རབ་ཏུ་འཇིགས་ནས་ཡོ་ནཱ་ལ། ཁྱོད་ཀྱིས་བྱས་པའི་དོན་འདི་ཅི་ཞིག་ཡིན་ནམ་ཞེས་སྨྲས་སོ།། ཅིའི་ཕྱིར་ཞེ་ན། ཁོས་དེ་རྣམས་ལ་སྨྲས་པའི་རྐྱེན་གྱིས་དེ་དག་གིས་ཁོ་རང་དཀོན་མཆོག་ཡ་ཝཱེའི་དྲུང་ནས་བྲོས་ཡོང་བ་ཤེས་པས་སོ།།  
\v 11 སྐབས་དེར་མཚོ་རླབས་ཆེ་རུ་འགྲོ་བཞིན་ཡོད་པ་དང་། དེ་རྣམས་ན་རེ། མཚོ་རླབས་ཞི་བའི་ཕྱིར་ཁྱོད་ལ་ཅི་ཞིག་བྱེད་དགོས་སམ་ཞེས་དྲིས་པ་ན།  
\v 12 ཁོས་དེ་རྣམས་ལ། ཁྱོད་རྣམས་ཀྱིས་ང་རང་ཁྱེར་ནས་མཚོའི་ནང་དུ་གཡུགས་ཤིག་དང་། མཚོ་ཞི་བར་འགྱུར་ལ་བདག་གི་རྐྱེན་གྱིས་དྲག་རླུང་འདི་ཁྱོད་ཅག་ལ་བབས་པའང་ངས་ཤེས་སོ་ཞེས་སྨྲས་ནའང་།  
\v 13 མདུན་ཕྱོགས་སུ་མཚོ་རླབས་ཤིན་ཏུ་དྲག་པོ་འཕྱུར་བཞིན་ཡོད་པས། ཁོ་རྣམས་ཀྱིས་གྲུ་སྐྱ་ཇི་ལྟར་དཀྲུགས་ཀྱང་སྐམ་སར་སླེབས་མ་ནུས།  
\v 14 དེ་དག་གིས་དཀོན་མཆོག་ཡ་ཝཱེ་ལ་འདི་ལྟར་ཞུས་ཏེ། ཀྱེ་དཀོན་མཆོག་ཡ་ཝཱེ་ལགས། ངེད་ཅག་ནི་མི་འདིའི་སྲོག་གི་རྐྱེན་གྱིས་སྲོག་དང་འབྲལ་བར་མ་གྱུར་ཅིག ཉེས་མེད་ཀྱི་ཁྲག་བཞུར་བའི་སྡིག་པ་ངེད་ཅག་གི་མགོ་ལ་དབབ་ཏུ་མི་འཇུག་རོགས། དཀོན་མཆོག་ཡ་ཝཱེ་ལགས། ཁྱེད་ཉིད་ཇི་ལྟར་མཉེས་ན་དེ་ལྟར་མཛད་པ་ལགས་སོ་ཞེས་པའོ།།  
\v 15 དེ་ནས་ཁོ་རྣམས་ཀྱིས་ཡོ་ནཱ་བཟུང་ནས་མཚོའི་ནང་དུ་འཕངས་པ་དང་། རྒྱ་མཚོའི་རྦ་རླབས་ཀྱང་འཕྱུར་མཚམས་བཞག་གོ།  
\v 16 ཁོ་རྣམས་དཀོན་མཆོག་ཡ་ཝཱེ་ལ་ཤིན་ཏུ་འཇིགས་ནས། ཁོང་ལ་མཆོད་པ་ཕུལ་ཞིང་དམ་བཅས་སོ།།  
\v 17 དེ་ནས་དཀོན་མཆོག་ཡ་ཝཱེས་ཉ་ཆེན་ཞིག་ལ་ཡོ་ནཱ་མིད་དུ་བཅུག་ཅིང་། ཡོ་ནཱ་ཉིན་ཞག་གསུམ་ལ་ཉ་ཆེན་གྱི་གྲོད་ཁོག་ནང་དུ་ལུས་སོ།།   
\c 2
\cl ལེའུ་གཉིས་པ། 
\toc1 ༄༅། །ལུང་སྟོན་པ་ཡོ་ནཱའི་མདོ། 
\toc2 ཡོ་ནཱ། 
\s1 ཡོ་ནཱས་དཀོན་མཆོག་ཡ་ཝཱེ་ལ་དགོངས་དག་ཞུས་པ།  
\p
\v 1 དེ་ནས་ཡོ་ནཱ་ཡིས་ཉའི་ཁོག་པ་ནས་རང་གི་དཀོན་མཆོག་ཡ་ཝཱེ་ལ་འདི་ལྟར་གསོལ་བ་བཏབ་པ་སྟེ།   
\q1
\v 2 དཀའ་སྡུག་ནང་དུ་ང་ཡིས་ཡ་ཝཱེ་བོས༎  
\q1 ཁྱེད་ཀྱིས་ང་ལ་ལན་ནི་གནང་བ་ལགས༎  
\q1 གཤིན་ཡུལ་ཁོག་ནས་ང་ཡིས་ཀུ་ཅོ་བཏོན།།  
\q1 ཁྱེད་ཀྱིས་ང་ཡི་སྐད་སྒྲ་གསན་པ་ལགས༎   
\q1
\v 3 ཁྱེད་ཀྱིས་ཁོ་བོ་ཤིན་ཏུ་གཏིང་ཟབ་པའི༎  
\q1 རྒྱ་མཚོའི་དཀྱིལ་དུ་འཕངས་པར་མཛད་པ་ཡིན༎  
\q1 ཆུ་རྒྱུན་དེ་ཡིས་ང་རང་བསྐོར་ཅིང་སྐོར༎  
\q1 ཁྱེད་ཀྱི་རྦ་རླབས་དང་ནི་ཆུ་འཁྲུགས་པ༎  
\q1 ང་ཡི་སྟེང་དུ་བརྒྱུགས་ཤིང་ང་རང་བསྣུབས༎   
\q1
\v 4 དེ་ནས་ཁོ་བོས་ཁྱེད་ལ་འདི་ལྟར་ཞུས།།  
\q1 ང་རང་ཁྱེད་ཀྱི་དྲུང་ནས་བསྐྲད་ན་ཡང་༎  
\q1 ཁྱེད་ཀྱི་མཆོད་ཁང་དམ་པའི་ཕྱོགས་སུ་ནི༎  
\q1 ང་ཡིས་སླར་ཡང་བལྟ་དགོས་ཞེས་པ་འོ།།   
\q1
\v 5 ང་ཡི་སྲོག་ནི་ཆུ་ཡིས་འཆི་ལམ་དྲངས༎  
\q1 གཏིང་ཟབ་རྒྱ་མཚོས་ཁོ་བོ་བསྐོར་ཅིང་སྐོར༎  
\q1 མཚོ་རྩྭ་ང་ཡི་མགོ་ལ་དཀྲིས་པར་གྱུར།།   
\q1
\v 6 ང་རང་ཆུ་ཡི་ནང་དུ་ནུབ་པ་ན།།  
\q1 ཆུ་འོག་རི་ཡི་ཞབས་སུ་ཁོ་བོ་སོང་།།  
\q1 ང་ཡི་རྒྱབ་ཕྱོགས་ས་ཡི་སྒོ་རྣམས་ནི༎  
\q1 གཏན་དུ་བརྒྱབ་པས་ང་ནི་བཙོན་དུ་ཚུད༎  
\q1 ཡིན་ཡང་ང་ཡི་དཀོན་མཆོག་ཡ་ཝཱེ་ལགས༎  
\q1 ཁྱེད་ཀྱིས་ང་ཡི་སྲོག་ནི་དུར་ལས་དྲངས༎   
\q1
\v 7 ཁོ་བོའི་ཚེ་སྲོག་ཉམས་ཤིང་རྒུད་པ་ན།།  
\q1 ཡ་ཝཱེ་དྲན་ཏེ་བཏབ་པའི་གསོལ་བ་ནི༎  
\q1 ཁྱེད་ཀྱི་མཆོད་ཁང་དམ་པར་བཞུགས་ཡོད་པའི།།  
\q1 ཉིད་ཀྱི་དྲུང་དུ་སླེབས་པར་གྱུར་པ་ཡིན།།   
\q1
\v 8 འཁྲུལ་སྣང་ཙམ་གྱི་ལྷ་སྐུར་བརྟེན་པ་རྣམས༎  
\q1 བསླུ་མེད་བྱམས་བརྩེ་འཐོབ་པའི་རེ་བ་སྤོང་༎   
\q1
\v 9 འོན་ཀྱང་ཁོ་བོས་གཏང་རག་སྐད་དང་བཅས༎  
\q1 ཁྱེད་ཀྱི་དྲུང་དུ་མཆོད་པ་དབུལ་བ་དང་།།  
\q1 ང་ཡིས་དམ་བཅའ་བཞིན་དུ་བྱེད་པར་བྱ།།  
\q1 ཐར་པ་ཡ་ཝཱེ་ཉིད་ནས་འབྱུང་ལགས་སོ།། ཞེས་པའོ༎   
\m
\v 10 དེ་ནས་དཀོན་མཆོག་ཡ་ཝཱེས་ཉ་ལ་བཀའ་གནང་བ་དང་། ཉ་ཡིས་ཀྱང་ཡོ་ནཱ་ཕྱིར་སྐམ་སར་བསྐྱུགས་པ་ཡིན་ནོ།།   
\c 3
\cl ལེའུ་གསུམ་པ། 
\toc1 ༄༅། །ལུང་སྟོན་པ་ཡོ་ནཱའི་མདོ། 
\toc2 ཡོ་ནཱ། 
\s1 ཡོ་ནཱ་ཁོ་རང་ནིན་ཝེ་གྲོང་ཁྱེར་དུ་ཕྱིན་པ།  
\p
\v 1 དེ་ནས་དཀོན་མཆོག་ཡ་ཝཱེའི་བཀའ་ནི་སླར་ཡང་ཡོ་ནཱ་ལ་བྱུང་ནས་འདི་སྐད་དུ།  
\v 2 ཡར་ལོངས་ལ་གྲོང་ཁྱེར་ཆེན་པོ་ནིན་ཝེ་རུ་སོང་ནས། ངས་ཁྱོད་ལ་བསྒོས་པའི་ཐ་ཚིག་སྒྲོགས་ཤིག་ཅེས་གསུངས་པས།  
\v 3 ཡོ་ནཱ་ཡར་ལངས་ནས་དཀོན་མཆོག་ཡ་ཝཱེའི་བཀའ་བཞིན་དུ་ནིན་ཝེ་རུ་ཕྱིན་པ་རེད། གྲོང་ཁྱེར་དེ་ནི་དཀོན་མཆོག་གི་ཐུགས་སུ་གལ་ཆེན་ཞིག་ཡིན་ཞིང་། ཉིན་གསུམ་གྱི་ལམ་ཐག་ཡོད་དོ།།  
\v 4 དེ་ནས་ཁོ་རང་གྲོང་ཁྱེར་དེའི་ནང་དུ་སོང་པ་དང་། ཉིན་གཅིག་གི་རིང་ལ་སོང་ནས་སྐད་གསང་མཐོན་པོས་བཀའ་གྱེར་བ་སྟེ། ཉིན་བཞི་བཅུའི་རྗེས་སུ་ནིན་ཝེ་རྩ་མེད་མཛད་ངེས་ཡིན་ཞེས་བསྒྲགས་སོ།།   
\p
\v 5 དེ་ནས་ནིན་ཝེ་པ་རྣམས་དཀོན་མཆོག་ལ་དད་པར་གྱུར་པ་དང་། སྨྱུང་གནས་བསྲུང་རྒྱུའི་དོན་ཕྱོགས་ཀུན་ལ་བསྒྲགས་ཤིང་། གོང་འོག་ཚང་མས་རྩིད་རས་ཀྱི་གོས་གྱོན་ནོ།།  
\v 6 ཡང་ནིན་ཝེའི་རྒྱལ་པོས་འཕྲིན་འདི་ཐོས་པས། ཁྲི་ལས་བབས། ན་བཟའ་ཕུད། རྩིད་རས་ཀྱི་གོས་གྱོན་པ་དང་ཐལ་བའི་ནང་དུ་བསྡད་དེ།  
\v 7 ཆབ་ཤོག་བཏང་ནས་ནིན་ཝེའི་ས་ཕྱོགས་ཡོངས་སུ་འདི་ལྟར་དུ། རྒྱལ་པོ་དང་བློན་པོ་རྣམས་ཀྱིས་གྲོས་ཐག་བཅད་པ་བཞིན་འདི་ལྟར་སྨྲས་པ་སྟེ། མིའམ། སྒོ་ཕྱུགས་སམ། བ་ཁྱུའམ། ར་ལུག་གི་ཁྱུ་གང་གིས་ཁ་ལ་ཅི་ཡང་མྱང་དུ་མ་འཇུག དེ་རྣམས་ལ་ཅི་ཡང་སྤྱོད་དུ་མ་འཇུག ཆུ་ཡང་འཐུང་དུ་མ་འཇུག  
\v 8 དེར་མ་ཟད་མི་དང་སྒོ་ཕྱུགས་གཉིས་ཀ་རྩིད་རས་ཀྱི་གོས་ཀྱིས་བཀླུབས་པ་དང་། དཀོན་མཆོག་ལ་ནན་གྱིས་ཞུ་བ་ཕུལ་ཏེ། རང་རང་གི་སྤྱོད་ལམ་ངན་པ་དང་། རང་རང་གི་ལག་པའི་གདུག་རྩུབ་སྤོངས་ཤིག  
\v 9 སུ་ཞིག་གིས་ཤེས་སམ། དཀོན་མཆོག་གིས་བློ་ཁ་བསྒྱུར་ནས་ཐུགས་ཁྲོ་ཚ་པོ་ཞི་བར་མཛད་ཅིང་། རང་ཅག་རྣམས་སྲོག་ཐར་དུ་གཏོང་ཡང་སྲིད་ཅེས་བསྒྲགས་གཏམ་སྤེལ་ཏོ།།   
\p
\v 10 དེ་ནས་ཁོ་རྣམས་ཀྱིས་སྤྱོད་ལམ་ངན་པ་སྤངས་པ་དཀོན་མཆོག་གིས་གཟིགས་ཤིང་། ཁོང་གིས་བློ་ཁ་བསྒྱུར་ནས་སྔོན་ལ་གསུངས་པའི་ཆག་སྒོ་ཁོ་རྣམས་ལ་མཛད་ངེས་པ་དེ་ཅི་ཡང་མ་མཛད་དོ།།   
\c 4
\cl ལེའུ་བཞི་པ། 
\toc1 ༄༅། །ལུང་སྟོན་པ་ཡོ་ནཱའི་མདོ། 
\toc2 ཡོ་ནཱ། 
\s1 ཡོ་ནཱས་དཀོན་མཆོག་ཡ་ཝཱེའི་ཐུགས་རྗེ་ལ་གཤེ་གཤེ་བཏང་བ།  
\p
\v 1 དོན་དེར་ཡོ་ནཱ་ཤིན་ཏུ་མ་དགའ་ཞིང་ཁྲོ་བར་གྱུར་ནས།  
\v 2 དཀོན་མཆོག་ཡ་ཝཱེ་ལ་གསོལ་བ་བཏབ་པ་ནི། ཀྱེ་དཀོན་མཆོག་ཡ་ཝཱེ་ལགས། ང་རང་ཡུལ་དུ་ཡོད་དུས་འདི་ལྟར་ཞུས་པ་མ་ཡིན་ནམ། ཁྱེད་ནི་དཀོན་མཆོག་ཐུགས་རྗེ་ཅན་དང་། སྙིང་རྗེ་ཆེན་པོ་མངའ་བ། རང་དགར་ཐུགས་མི་ཁྲོ་བ། བྱམས་བརྩེ་མཐའ་ཡས་པ། བློ་ཁ་བསྒྱུར་ནས་ཆག་སྒོ་མི་མཛད་པའང་ངས་ཤེས་པས། སྔོན་ཆད་བདག་ཐཱར་ཞིས་གྲོང་ཁྱེར་དུ་བྲོས་པ་ཡིན།  
\v 3 ཀྱེ་དཀོན་མཆོག་ཡ་ཝཱེ་ལགས། ད་ནི་ང་སྲོག་དང་འབྲལ་བར་མཛོད་ཅིག འདི་ལྟར་གསོན་པ་ལས་འཆི་བ་ལེགས་སོ་ཞེས་ཞུས་པ་དང་།  
\v 4 དཀོན་མཆོག་ཡ་ཝཱེས་ཁོ་ལ། ཁྱོད་འདི་ལྟར་ཁྲོས་པར་རིགས་སམ་ཞེས་གསུངས་སོ།།   
\p
\v 5 དེ་ནས་ཡོ་ནཱ་གྲོང་ཁྱེར་ལས་ཐོན་ཏེ་ཤར་ཕྱོགས་སུ་སོང་ནས་བསྡད་པ་དང་། གནས་དེར་སྤྱིལ་བུ་ཞིག་བཟོས་ཤིང་དེའི་བསིལ་གྲིབ་འོག་ཏུ་བསྡད་དེ། གྲོང་ཁྱེར་དེར་དོན་དག་ཅི་འབྱུང་ལ་བསྒུགས་སོ།།  
\v 6 དེ་ནས་དཀོན་མཆོག་ཡ་ཝཱེས་རྩི་ཤིང་ཞིག་ཡོ་ནཱའི་གོང་དུ་རིང་པོ་སྐྱེས་པར་མཛད་ནས། ཁོའི་མགོ་ལ་བསིལ་གདུགས་བཞིན་འཁོར་བར་བྱས་ཤིང་ཁོ་དཀའ་སྡུག་ལས་ཀྱང་ཐར་བར་མཛད། ཡོ་ནཱ་རྩི་ཤིང་དེ་ལ་རབ་ཏུ་དགའ་བར་གྱུར་ཏོ།།  
\v 7 འོན་ཀྱང་ཕྱི་ཉིན་ཐོ་རངས་དཀོན་མཆོག་གིས་འབུ་ཞིག་བཀོད་པ་དང་། འབུ་དེས་རྩི་ཤིང་བརྟོལ་ཞིང་བརྙིད་པར་བྱས་སོ།།  
\v 8 ཉི་འོད་ཤར་བ་ན་དཀོན་མཆོག་གིས་ཤར་ཕྱོགས་ནས་ཚ་རླུང་ཞིག་བརྒྱུགས་སུ་བཅུག་ནས། ཡོ་ནཱའི་མགོ་ལ་ཉི་འོད་ཕོག་སྟེ་བརྒྱལ་ལ་ཉེ་བས། ཡོ་ནཱས་ང་རང་གསོན་པ་ལས་འཆི་བ་ལེགས་སོ་ཞེས་སྨྲས་ཏེ་ཁོས་རང་ཉིད་འཆི་བར་ཞུ་བ་བྱས་སོ།།   
\p
\v 9 དེ་ནས་དཀོན་མཆོག་གིས་ཡོ་ནཱ་ལ་འདི་སྐད་དུ། རྩི་ཤིང་དེའི་དོན་དུ་ཁོང་ཁྲོ་ལང་འོས་སམ་ཞེས་གསུངས་པ་དང་། ཁོས་ལན་དུ། འཆི་བར་འདོད་པ་ཙམ་དུ་ཁྲོ་བར་རིགས་སོ་ཞེས་ཞུས་སོ།།  
\v 10 ཡང་དཀོན་མཆོག་ཡ་ཝཱེས་ཁོ་ལ། མཚན་མོ་ཞིག་ལ་སྐྱེས་ནས་མཚན་མོ་ཞིག་ལ་བསྐམས་པ། ཁྱོད་ཀྱིས་མ་འབད་པ་དང་སྐྱེས་སུ་མ་བཅུག་པའི་རྩི་ཤིང་དེ་ལ་སྙིང་རྗེ་བསྐྱེད་ན།  
\v 11 གྲོང་ཁྱེར་ཆེན་པོ་ནིན་ཝེ་འདི་རུ་ལག་པ་གཡས་གཡོན་གྱི་དབྱེ་བའང་མི་འཁོར་བའི་མི་\f + \ft ལག་པ་གཡས་གཡོན་གྱི་དབྱེ་བའང་མི་འཁོར་བའི་མི་ཞེས་པ་ནི་ནིན་ཝེ་གྲོང་ཁྱེར་གྱི་མི་རྣམས་ཀྱིས་བཟང་ངན་གྱི་དབྱེ་བ་མི་འཁོར་བ་དེ་ལ་གོ་དགོས།\f*ཁྲི་སྐོར་བཅུ་གཉིས་ལྷག་དང་། སྒོ་ཕྱུགས་ཀྱང་མང་པོ་ཡོད་ཅིང་། ངས་དེ་རྣམས་ལ་སྙིང་རྗེ་བྱེད་པར་མི་རིགས་སམ་ཞེས་གསུངས་སོ།། །།