\id JOB - NTB 
\h ཨེས་ཡོབ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\mt1 ༄༅། །ཨེས་ཡོབ་ཀྱི་མདོ།  
\imt1 ཨེས་ཡོབ་ཀྱི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi ཨེས་ཡོབ་ཅེས་པའི་གཞུང་གི་ཁ་བྱང་ནི་མི་སྣ་གཙོ་བོ་ཨེས་ཡོབ་ཀྱི་མིང་ནས་ཐོགས་པ་ཡིན། ཁོང་ནི་གཞུང་རྒྱུད་དྲང་བའི་མི་ཞིག་ཡིན་པར་མ་ཟད་ཧ་ཅང་ཕྱུག་པོ་ཞིག་ཀྱང་ཡིན། ཐ་ན་རང་ལ་ཡོད་པ་ཐམས་ཅད་ཤོར་བ་དང་ན་བའི་སྡུག་བསྔལ་གྱིས་རབ་ཏུ་གཙེས་ནའང་། ཁོང་གིས་སྔར་བཞིན་དཀོན་མཆོག་ལ་དད་པ་ཡོད་ཅེས་བསྒྲགས་པ་རེད།  
\is1 ཡི་གེར་འགོད་མཁན་དང་འགོད་དུས།  
\ipi གཞུང་གི་ནང་དུ་བརྗོད་པའི་གཏམ་ཕལ་ཆེ་བ་ཨེས་ཡོབ་དང་ཁོང་གི་སློབ་སྟོན་པ་རྣམས་ཀྱིས་སྨྲས་པ་ཡིན་ནའང་། ཨེས་ཡོབ་ཀྱི་གཞུང་འདི་ཡི་གེར་འགོད་མཁན་ནི་མིན། གཞུང་འདི་ཡི་གེར་འགོད་མཁན་ཡེས་ར་ཨེལ་པ་ཞིག་ཡིན་པར་ཐེ་ཚོམ་མེད་དེ། ཡི་གེར་འགོད་མཁན་གྱིས་ཡེས་ར་ཨེལ་གྱི་ངག་རྒྱུན་དང་མ་ཕྱི་གཉིས་གཟིགས་མོར་ཕུལ་བར་མ་ཟད། ངག་རྒྱུན་དང་མ་ཕྱི་གཉིས་ལ་བརྟེན་ནས་གཞུང་འདི་ཡི་གེར་བཀོད་པ་རེད།  
\ipi དེ་ལ་དུས་སྐབས་མི་གཅིག་པ་གཉིས་མཆིས། (1) ཨེས་ཡོབ་ཀྱི་དུས་དང་ཁོང་གི་ལོ་རྒྱུས་བྱུང་བའི་དུས་སྐབས། (2) དཀོན་མཆོག་གིས་སྐུལ་སློང་གནང་བ་ལ་བརྟེན་ནས་གཞུང་འདི་ཡི་གེར་བཀོད་པའི་དུས་གཉིས་ཡིན། དུས་སྐབས་གཉིས་པ་ནི་སོ་ལོ་མོན་གྱིས་སྲིད་བསྐྱངས་པའི་སྐབས་ནས་པཱ་པེལ་ལོན་གྱིས་ཡེས་ར་ཨེལ་པ་རྣམས་བཙན་ཁྲིད་བྱས་པའི་དུས་གང་རུང་ཞིག་ཏུ་བྱུང་། གཞུང་གི་ནང་དུ་བྱུང་བའི་དོན་རྣམས་དུས་ནམ་ཞིག་ལ་བྱུང་བ་ཡིན་ཞེ་ན། སྤྱི་ལོ་སྔོན་གྱི་1000ལོ་ནས་2000ལོའི་ཡས་མས་སུ་བྱུང་བ་སྟེ། སྤྱི་ལོ་སྔོན་གྱི་ཆིག་སྟོང་ལོ་དང་ཉིས་སྟོང་ལོའི་བར་གྱི་ལོ་ངོ་ཆིག་སྟོང་གི་སྨད་ཙམ་ལ་བྱུང་བ་ཡིན།  
\is1 བརྗོད་སྙིང་དང་གསུང་འཕྲིན།  
\ipi གཞུང་འདི་ལས་མི་རྣམས་ཀྱིས་སྡུག་བསྔལ་མྱོང་བཞིན་ཡོད་པ་དང་། གལ་ཏེ་དཀོན་མཆོག་ནི་བྱམས་བརྩེའི་བདག་ཉིད་ཡིན་ན། གཞུང་རྒྱུད་དྲང་བའི་མི་རྣམས་ཀྱིས་སྡུག་བསྔལ་ཆེན་པོ་མྱོང་བའི་རྒྱུ་མཚན་ཅི། དེ་ལས་ཀྱང་ཉེས་པ་མེད་པའི་མི་ལ་སྡུག་བསྔལ་འབྱུང་སྲིད་ན་བླ་ན་མེད་པའི་དཀོན་མཆོག་གི་བདེན་ལུགས་ཇི་ལྟར་སྲུང་སྐྱོབ་བྱེད་དགོས་སམ་ཞེས་དོགས་འདྲི་བྱས་ཡོད། དེའི་སྐོར་ལ་འདི་ལྟར་གསུངས་ཡོད་དེ། སྐབས་རེར་གཞུང་རྒྱུད་དྲང་བའི་མི་ལ་སྡུག་བསྔལ་འབྱུང་བ་ནི་བར་སྣང་ཁམས་སུ་ཡོད་པའི་དཀོན་མཆོག་དང་བདུད་སཱ་ཏན་གཉིས་བར་གྱི་འཐབ་རྩོད་དང་འབྲེལ་བ་ངེས་ཅན་ཡོད་པ་རེད།  
\is1 འཆར་ཟིན།  
\ipi 1. ངོ་སྤྲོད། ༼1:1-2:13༽  
\ipi 2. ཨེས་ཡོབ་དང་ཁོང་གི་མཆེད་གྲོགས་བར་གྱི་གླེང་མོལ་དང་རྩོད་གཞིའི་སྐོར། ༼3:1-27:23༽  
\ipi 3. བར་གསེང་དུ་དཀོན་མཆོག་གི་ཤེས་རབ་སྐོར་གྱི་ཁ་བརྡ། ༼28:1-28༽  
\ipi 4. ཨེས་ཡོབ་དང་ཨེ་ལི་ཧུ། དཀོན་མཆོག་བཅས་ཀྱི་གསུང་། ༼29:1-42:6༽  
\ipi 5. མཇུག་གི་གཏམ། ༼42:7-17༽  
\c 1
\cl ལེའུ་དང་པོ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 བདུད་སཱ་ཏན་གྱིས་ཨེས་ཡོབ་ལ་ཉམས་ཚོད་ལེན་པར་དཀོན་མཆོག་ཡ་ཝཱེའི་བཀའ་འཁྲོལ་བ།  
\p
\v 1 ཨུ་ཟཱ་ཞེས་བྱ་བའི་ཡུལ་ཁམས་སུ་ཨེས་ཡོབ་ཅེས་པའི་སྐྱེས་བུ་ཞིག་ཡོད་ཅིང་། དེ་ནི་སྐྱོན་གྱི་དྲི་མས་མ་གོས་པ་དང་སེམས་རྒྱུད་དྲང་བ། དཀོན་མཆོག་ལ་གུས་ཤིང་འཇིགས་པ་དང་ངན་པའི་ལས་ལ་འཛེམ་པ་ཞིག་ཡིན།  
\v 2 དེ་ལ་བུ་བདུན་དང་བུ་མོ་གསུམ་སྐྱེས་ཡོད།  
\v 3 དེའི་རྒྱུ་ནོར་ལ་ར་ལུག་བདུན་སྟོང་དང་། རྔ་མོང་སུམ་སྟོང་། བ་གླང་དོར་ལྔ་བརྒྱ། བོང་མོ་ལྔ་བརྒྱ། གཡོག་འཁོར་མང་པོ་བཅས་ཡོད་པས། སྐྱེས་བུ་དེ་ཤར་ཕྱོགས་པ་རྣམས་ལས་མཆོག་ཏུ་གྱུར་ཏོ། །  
\v 4 ཡང་དེའི་བུ་རྣམས་ཀྱིས་དུས་བཅད་ལྟར་རེ་རེའི་ཁྱིམ་དུ་གསོལ་སྟོན་ཤོམ་རེས་བྱེད་པ་དང་། ལྷན་ཅིག་ཏུ་བཟའ་བཏུང་ལ་རོལ་བའི་ཕྱིར་ལྕམ་སྲིང་གསུམ་པོ་འབོད་དུ་མི་བཏང་བ་རེད།  
\v 5 གསོལ་སྟོན་གྱི་ཉིན་རྣམས་རྫོགས་པའི་དུས་སུ། ཨེས་ཡོབ་ཀྱིས་མི་མངགས་ནས་དེ་དག་ལ་གཙང་སྦྲ་བྱེད་དུ་བཅུག་པ་རེད། ཁོང་ཞོགས་པ་ཡར་ལངས་ནས་དེ་རྣམས་ཀྱི་གྲངས་ཀ་བཞིན་དུ་སྦྱིན་སྲེག་གི་མཆོད་པ་རྣམས་ཕུལ། ཅིའི་ཕྱིར་ཞེ་ན། ཁོང་གིས་ངའི་བུ་རྣམས་ཀྱིས་ཉེས་པ་བྱས་ཏེ། སེམས་ནས་དཀོན་མཆོག་ལ་སྨད་ཀྱང་སྲིད་སྙམ་དུ་བསམས་པ་རེད། ཨེས་ཡོབ་ཀྱིས་རྒྱུན་དུ་དེ་ལྟར་བྱེད་པའོ། །  
\v 6 ཉིན་ཞིག་ལ་དཀོན་མཆོག་གི་ཕོ་ཉ་རྣམས་དཀོན་མཆོག་ཡ་ཝཱེའི་དྲུང་དུ་བྱོན་པ་དང་། བདུད་སཱ་ཏན་བྱ་བ་ཡང་དེ་དག་གི་ཁྲོད་དུ་འོངས།  
\v 7 དཀོན་མཆོག་ཡ་ཝཱེས་སཱ་ཏན་ལ་འདི་སྐད་དུ། ཁྱོད་གང་ནས་འོངས་པ་ཡིན་ཞེས་དྲིས་པར། སཱ་ཏན་གྱིས་དཀོན་མཆོག་ཡ་ཝཱེ་ལ་ཞུ་ལན་དུ། ང་ནི་ས་གཞི་རུ་ཡར་མར་རྒྱུ་ཞིང་དེ་རུ་འཁོར་ནས་འོངས་པ་ཡིན་ཞེས་ཞུས་པ་དང་།  
\v 8 དཀོན་མཆོག་ཡ་ཝཱེས་སཱ་ཏན་ལ་འདི་སྐད་དུ། ཁྱོད་ཀྱིས་ངའི་ཞབས་ཕྱི་ཨེས་ཡོབ་ལ་ཞིབ་ཏུ་བལྟས་སམ། ས་སྟེང་དུ་དེ་དང་འདྲ་བའི་མི་སྐྱོན་གྱི་དྲི་མས་མ་གོས་པ་དང་སེམས་རྒྱུད་དྲང་བ། དཀོན་མཆོག་ལ་གུས་ཤིང་འཇིགས་པ། ངན་པའི་ལས་ལ་འཛེམ་པ་གཞན་སུ་ཡང་མེད་ཅེས་གསུངས།  
\v 9 དེ་ནས་སཱ་ཏན་གྱིས་དཀོན་མཆོག་ཡ་ཝཱེ་ལ་ཞུ་ལན་དུ། ཨེས་ཡོབ་ནི་དོན་མེད་པར་དཀོན་མཆོག་ལ་གུས་ཤིང་འཇིགས་པ་ཡིན་ནམ།  
\v 10 ཁྱེད་ཀྱིས་དེ་དང་དེའི་ཁང་པའི་མཐའ་སྐོར་དང་། དེའི་རྒྱུ་ནོར་ཐམས་ཅད་ཀྱི་ཕྱོགས་བཞི་ར་བས་བསྐོར་བ་མ་ཡིན་ནམ། ཁྱེད་ཀྱིས་དེའི་ལག་གི་ལས་ཀ་ཡོངས་ལ་བྱིན་གྱིས་བརླབས་པས། དེའི་རྒྱུ་ནོར་ཡུལ་དེར་ཆེ་ཆེར་འཕེལ་ཏོ། །  
\v 11 འོན་ཀྱང་ཁྱེད་ཀྱིས་ཕྱག་བརྐྱངས་ཏེ་ཁོ་ལ་གང་ཡོད་པ་ཐམས་ཅད་བརླག་པར་མཛད་ན། དེས་ཐད་ཀར་ཁྱེད་ལ་སྨོད་པར་མི་བྱའམ་ཞེས་ཞུས་པ་དང་།  
\v 12 དཀོན་མཆོག་ཡ་ཝཱེས་སཱ་ཏན་ལ་འདི་སྐད་དུ། ལྟོས་དང་། ཁོ་ལ་ཅི་ཡོད་པ་ཐམས་ཅད་ཁྱོད་ཀྱི་དབང་དུ་ཡོད་ནའང་། ཁོ་རང་ལ་ཁྱོད་ཀྱི་ལག་པས་མ་རེག་ཅིག་ཅེས་བསྒོས་པ་དང་། སཱ་ཏན་དཀོན་མཆོག་ཡ་ཝཱེའི་སྤྱན་སྔ་ནས་སོང་ངོ་། །   
\s1 ཨེས་ཡོབ་ཀྱི་བུ་བུ་མོ་དང་རྒྱུ་ནོར་རྣམས་ཤོར་བ།  
\p
\v 13 ཉིན་ཞིག་ལ་ཨེས་ཡོབ་ཀྱི་བུ་བུ་མོ་རྣམས་ཀྱིས་ཁོ་ཚོའི་གཅེན་པོའི་ཁྱིམ་དུ་བཟའ་བཏུང་ལ་རོལ་ནས་རྒུན་ཆང་འཐུང་བའི་ཚེ་ན།  
\v 14 བང་ཆེན་ཞིག་ཨེས་ཡོབ་ཀྱི་དྲུང་དུ་འོངས་ནས་ན་རེ། བ་གླང་རྣམས་ཀྱིས་ཞིང་རྨོ་བ་དང་བོང་མོ་རྣམས་ཀྱིས་དེ་དག་གི་འཁོར་དུ་རྩྭ་ཟ་བཞིན་པའི་སྒང་ལ།  
\v 15 ཤེ་བཱ་པ་རྣམས་གློ་བར་དུ་འོངས་ཏེ་ཕྱུགས་ཟོག་རྣམས་ཕྲོགས་ནས་ཁྱེར་བར་མ་ཟད། ཞབས་ཕྱི་པ་རྣམས་རལ་གྲིས་བཀུམས། བདག་གཅིག་པོ་ཐར་ཏེ་ཁྱེད་ལ་འཕྲིན་བསྐྱལ་འོངས་པ་ཡིན་ཞེས་ཞུས།  
\v 16 ཁོས་དེ་བཞིན་ཞུ་བའི་མོད་ལ་ཡང་མི་གཅིག་འོངས་ནས་ན་རེ། དཀོན་མཆོག་གིས་ནམ་མཁའ་ནས་མེ་ཕབ་སྟེ་ལུག་ཁྱུ་དང་ཞབས་ཕྱི་པ་རྣམས་བསྲེགས་ནས་མེད་པར་བྱས་ཤིང་། བདག་གཅིག་པོ་ཐར་ནས་ཁྱེད་ལ་འཕྲིན་བསྐྱལ་འོངས་པ་ཡིན་ཞེས་ཞུས།  
\v 17 ཁོས་ཞུ་འཕྲོ་མ་རྫོགས་པར་ཡང་གཞན་ཞིག་འོངས་ནས་ན་རེ། ཀལ་དི་པ་རྣམས་ཁག་གསུམ་བྱས་ནས་གློ་བུར་ཉིད་ལ་འོངས་ཏེ་རྔ་མོང་རྣམས་ཕྲོགས་ནས་ཁྲིད་པར་མ་ཟད། ཞབས་ཕྱི་པ་རྣམས་རལ་གྲིས་བཀུམས། བདག་གཅིག་པོ་ཐར་ཏེ་ཁྱེད་ལ་འཕྲིན་བསྐྱལ་འོངས་པ་ཡིན་ཞེས་ཞུས།  
\v 18 ཁོས་ཞུ་འཕྲོ་མ་རྫོགས་པར་ཡང་མི་གཅིག་འོངས་ནས་ཁོ་ལ། ཁྱེད་ཀྱི་བུ་དང་བུ་མོ་རྣམས་ཀྱིས་གཅེན་པོའི་ཁྱིམ་དུ་གསོལ་བ་བཞེས་ནས་རྒུན་ཆང་འཐུང་བཞིན་པའི་མོད་ལ།  
\v 19 བློ་ཡིད་ལས་འདས་པ་ཞིག་ལ་དབེན་སྟོང་ནས་རླུང་ཆེན་ཞིག་གཡུགས་འོངས་ནས་ཁང་པའི་གྲུ་བཞིར་ཕོག་སྟེ། ཁང་པ་གཞོན་ནུ་རྣམས་ཀྱི་སྟེང་ལ་བརྡིབས་ནས་ཁོང་རྣམས་འདས་སོང་། བདག་གཅིག་པོ་ཐར་ནས་ཁྱེད་ལ་འཕྲིན་བསྐྱལ་འོངས་པ་ཡིན་ཞེས་ཞུས་པ་དང་།  
\v 20 ཨེས་ཡོབ་ཡར་བཞེངས་ཏེ་གྱོན་གོས་བཤགས་ནས་སྐྲ་བཞར་བ་དང་། ཁ་སར་བཏུད་ནས་ཕྱག་བཙལ་ཏེ་ན་རེ།  
\v 21 བདག་ནི་མའི་མངལ་ནས་གཅེར་བུར་ཐོན་པ་དང་སླར་ཡང་གཅེར་བུར་ཕྱིར་ལོག་དགོས། དཀོན་མཆོག་ཡ་ཝཱེས་གནང་ཞིང་དཀོན་མཆོག་ཡ་ཝཱེས་བླངས། དཀོན་མཆོག་ཡ་ཝཱེའི་མཚན་ནི་བསྟོད་འོས་པ་ཡིན་ཞེས་གསུངས་པ་དང་།  
\v 22 དོན་འདི་ཐམས་ཅད་ཀྱི་ནང་དུ་ཨེས་ཡོབ་ཀྱིས་ཉེས་པ་མ་བྱས་པ་དང་། དཀོན་མཆོག་ལ་སྙད་ཀྱང་མ་བཙུགས་སོ། །   
\c 2
\cl ལེའུ་གཉིས་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 བདུད་སཱ་ཏན་གྱིས་ཡང་བསྐྱར་ཨེས་ཡོབ་ལ་ཉམས་ཚོད་ལེན་པར་དཀོན་མཆོག་ཡ་ཝཱེའི་བཀའ་འཁྲོལ་བ།  
\p
\v 1 ཡང་ཉིན་ཞིག་ལ་དཀོན་མཆོག་གི་ཕོ་ཉ་རྣམས་དཀོན་མཆོག་ཡ་ཝཱེའི་ཞབས་དྲུང་དུ་བྱོན་པ་དང་། སཱ་ཏན་ཡང་དེ་དག་གི་ཁྲོད་དུ་འོངས་པ་རེད།  
\v 2 དཀོན་མཆོག་ཡ་ཝཱེས་སཱ་ཏན་ལ་འདི་སྐད་དུ། ཁྱོད་གང་ནས་འོངས་སམ་ཞེས་དྲིས་པར། སཱ་ཏན་གྱིས་དཀོན་མཆོག་ཡ་ཝཱེ་ལ་ཞུ་ལན་དུ། ང་ནི་ས་གཞི་རུ་ཡར་མར་རྒྱུ་ཞིང་དེ་རུ་འཁོར་ནས་འོངས་པ་ཡིན་ཞེས་ཞུས་པ་དང་།  
\v 3 དཀོན་མཆོག་ཡ་ཝཱེས་སཱ་ཏན་ལ་འདི་སྐད་དུ། ཁྱོད་ཀྱིས་ངའི་ཞབས་ཕྱི་ཨེས་ཡོབ་ལ་ཞིབ་ཏུ་བལྟས་སམ། ས་སྟེང་དུ་དེ་དང་འདྲ་བའི་མི་སྐྱོན་གྱི་དྲི་མས་མ་གོས་པ་དང་སེམས་རྒྱུད་དྲང་བ། དཀོན་མཆོག་ལ་གུས་ཤིང་འཇིགས་པ། ངན་པའི་ལས་ལ་འཛེམ་པ་གཞན་སུ་ཡང་མེད། རྒྱུ་མཚན་མེད་པར་དེ་འཇོམས་པའི་ཆེད་དུ་ཁྱོད་ཀྱིས་ང་ལ་སྐུལ་སློང་བྱས་ནའང་། དེས་རང་གི་དྲང་བདེན་སྔར་བཞིན་དམ་དུ་བཟུང་ངོ་ཞེས་གསུངས་པས།  
\v 4 སཱ་ཏན་གྱིས་དཀོན་མཆོག་ཡ་ཝཱེ་ལ་ཞུ་ལན་དུ། སྐྱི་མོའི་ཚབ་ཏུ་སྐྱི་མོ་ \f + \ft འདིར་སྐྱི་མོའི་ཚབ་ཏུ་སྐྱི་མོ་ཞེས་པ་ནི་ཨེས་ཡོབ་ཁོང་ཉིད་འབྲོག་པ་ཡིན་ལ། ཁོང་གི་ཁྱིམ་མི་རྣམས་ནི་སྐྱི་མོ་ལྟར་ཁོང་སྲུང་སྐྱོབ་བྱེད་མཁན་ཡིན་ཞིང་། བདུད་སཱ་ཏན་གྱིས་དེ་ཐམས་ཅད་མེད་པར་བཏང་བ་དང་ད་ནི་ཨེས་ཡོབ་ཀྱི་སྐྱི་མོ་སྟེ་ཁོང་གི་སྐུ་གཟུགས་ལའང་གནོད་བསྐྱལ་བ་དེ་ལ་གོ་དགོས། \f*ཡིན་ཏེ། མིས་རང་གི་སྲོག་གི་དོན་དུ་རྒྱུ་ནོར་ཐམས་ཅད་སྦྱིན་པར་འགྱུར།  
\v 5 ཡིན་ཡང་ད་ལྟ་ཁྱེད་ཀྱིས་ཕྱག་བརྐྱངས་ནས་དེའི་ཤ་དང་རུས་པ་ལ་རེག་པར་མཛད་ན། དེས་ཐད་ཀར་ཁྱེད་ལ་སྨོད་པར་མི་བྱའམ་ཞེས་ཞུས།  
\v 6 དེ་ནས་དཀོན་མཆོག་ཡ་ཝཱེས་སཱ་ཏན་ལ། ལྟོས་དང་ཁོ་ནི་ཁྱོད་ཀྱི་ལག་ཏུ་ཡོད། ཡིན་ནའང་དེ་ཡི་སྲོག་འབའ་ཞིག་ལུས་སུ་ཆུག་ཅེས་བསྒོས།  
\v 7 དེ་ནས་སཱ་ཏན་དཀོན་མཆོག་ཡ་ཝཱེའི་སྤྱན་སྔ་ནས་སོང་སྟེ་ཨེས་ཡོབ་ལ་བརྡེགས་པ་དང་། དེའི་ཞབས་མཐིལ་ནས་སྤྱི་གཙུག་གི་བར་དུ་གཉན་འབུར་འབྱུང་དུ་བཅུག་པ་ལ།  
\v 8 ཨེས་ཡོབ་ཐལ་གྱི་ནང་དུ་བཞུགས་ཏེ་རྫ་ཆག་དུམ་བུ་ཞིག་བླངས་ནས་ལུས་ཀྱི་གཉན་འབུར་བྲད་ཅིང་།  
\v 9 དེ་ནས་ཁོའི་ཆུང་མས་ཁྱོད་ཀྱིས་ད་དུང་རང་ཉིད་ཀྱི་དྲང་བདེན་དམ་དུ་འཛིན་པ་ཡིན་ནམ། ཁྱོད་ཀྱིས་དཀོན་མཆོག་ལ་སྨད་ནས་ཤི་ན་དགའ་ཞེས་སྨྲས་ན་ཡང་།  
\v 10 ཨེས་ཡོབ་ཀྱིས་མོ་ལ་ན་རེ། ཀྱེ་ཧོ་ཁྱོད་ཀྱིས་བུད་མེད་བླུན་མོའི་ལུགས་སུ་གཏམ་བཤད་པ་རེད། རང་ཅག་གིས་དཀོན་མཆོག་གི་ཕྱག་ནས་བཟང་པོ་རྣམས་བླངས་ནས། སྡུག་བསྔལ་རྣམས་ལེན་པར་མི་རིགས་སམ་ཞེས་སྨྲས་ནས། དོན་འདི་ཀུན་གྱི་ནང་དུ་ཨེས་ཡོབ་ཀྱིས་ངག་ལས་ཉེས་པ་ཅི་ཡང་མ་བྱས་སོ། །   
\s1 གྲོགས་པོ་གསུམ་ཨེས་ཡོབ་ལ་སེམས་གསོ་བྱེད་དུ་འོངས་པ།  
\p
\v 11 དེ་ནས་ཨེས་ཡོབ་ཀྱི་གྲོགས་པོ་སྟེ། དེ་མན་པ་ཨེ་ལི་ཕཱ་སི་དང་། ཤུ་ཧེ་པ་པེལ་དེལ་དང་། ན་ཨ་མད་པ་ཚའོ་ཕར་ཞེས་བྱ་བ་གསུམ་གྱིས་ཁོ་ལ་བྱུང་བའི་རྐྱེན་ངན་ཐམས་ཅད་ཐོས་པའི་ཚེ། ཁོང་ཚོ་རང་རང་གི་གནས་ནས་འོངས་ཏེ། ཨེས་ཡོབ་ལ་མྱ་ངན་ཞུ་བ་དང་སེམས་གསོ་བྱེད་ཆེད་མཉམ་དུ་འདུས་སོ། །  
\v 12 ཡང་དེ་དག་གིས་རྒྱང་རིང་ནས་མགོ་ཡར་བཀྱགས་ནས་བལྟས་པའི་ཚེ་ཨེས་ཡོབ་ཀྱི་ངོ་ཡང་མ་ཤེས་པས་སྐད་ཆེན་པོས་ངུས་ཏེ། རང་རང་གི་གོས་གཤགས་ནས་ཐལ་བ་ནམ་མཁར་གཏོར་བ་ན། ཐལ་བ་ཕྱིར་རང་རང་གི་མགོ་ལ་བབས།  
\v 13 དེ་ལྟར་དེ་དག་ཉིན་ཞག་བདུན་ལ་ཁོང་དང་མཉམ་དུ་སར་བསྡད་པ་དང་། དེའི་སྡུག་བསྔལ་རབ་ཏུ་ཆེ་བ་མཐོང་སྟེ་ཁོང་ཚོས་ཚིག་གཅིག་ཀྱང་ཞུ་བར་མ་ནུས་སོ། །   
\c 3
\cl ལེའུ་གསུམ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་རང་ཉིད་ལ་དམོད་མོ་བརྒྱབ་པ།  
\p
\v 1 དེའི་རྗེས་སུ་ཨེས་ཡོབ་ཀྱིས་ཁ་ནས་རང་གི་ཚེ་ལ་དམོད་མོ་བརྒྱབ་སྟེ།  
\v 2 འདི་ལྟར་སྨྲས་པ།  
\v 3 ང་རང་བཙས་པའི་ཉིན་མོ་དང་། ། བུ་ཞིག་ཆགས་འདུག་ཅེས་སྨྲས་པའི། ། མཚན་མོ་དེ་ནི་སྟོངས་པར་ཤོག །  
\v 4 ཉིན་དེ་མུན་པར་གྱུར་ནས་ནི། ། དཀོན་མཆོག་གིས་དེར་མི་གཟིགས་ཤིང་། ། དེའི་སྟེང་འོད་ཀྱང་སྤྲོ་མ་འགྱུར། །  
\v 5 མུན་པ་དང་ནི་སྨག་རུམ་གྱིས། ། ཉིན་མོ་དེ་ལ་དབང་སྒྱུར་ཅིག ། དེའི་སྟེང་སྤྲིན་ནག་འཁྲིགས་ནས་ནི། ། ཉིན་འཛིན་དེ་ལ་འཇིགས་བསྐུལ་ཤོག །  
\v 6 མཚན་དེ་སྨག་རུམ་གྱིས་འཕྲོག་ཅིང་། ། ལོ་རྩིས་ནང་དེར་དགའ་སྤྲོ་མེད། ། ཟླ་རྩིས་ནང་དེ་མ་རྩིས་ཤིག །  
\v 7 ལྟོས་དང་མཚན་མོ་དེ་ལ་མངལ་ནི་མི་ཆགས་ཤིང་། ། དེའི་ནང་དགའ་སྤྲོའི་སྐད་ཀྱང་འབྱུང་བར་མ་གྱུར་ཅིག །  
\v 8 ཉིན་མོར་དམོད་མོ་འདེབས་པ་དང་། ། ཆུ་སྲིན་ \f + \ft འདིར་ཆུ་སྲིན་ཞེས་པར་མ་ཕྱི་ལས་ལེ་ཝི་ཡ་ཐན་ཞེས་བཀོད༌ཡོད།\f*སློང་བར་ནུས་པ་རྣམས། ། མཚན་མོ་དེར་ཡང་དམོད་པར་ཤོག །  
\v 9 མཚན་དེའི་ཞོགས་པའི་སྐར་མ་སྒྲིབ་པར་ཤོག ། དེ་ཡིས་འོད་ལ་རེ་ཡང་རྙེད་མི་འགྱུར། ། སྐྱ་མདའ་གཏོང་བ་ཡང་ནི་མི་མཐོང་ངོ་། །  
\v 10 བདག་གི་མ་ཡི་མངལ་སྒོ་མ་བཅད་པར། ། ང་ཡི་མིག་ནས་སྡུག་བསྔལ་མ་སྦས་རྐྱེན། །  
\v 11 ཅིའི་ཕྱིར་བདག་ནི་མངལ་ནང་མ་ཤི་འམ། ། མངལ་ལས་ཐོན་དུས་དབུགས་ནི་ཅིའི་མ་ཆད། །  
\v 12 ཅིའི་ཕྱིར་པུས་མོ་བཙུགས་ནས་བདག་བསུས་ཏེ། ། ང་ཡིས་འཇིབ་ཏུ་ཅིའི་ཕྱིར་འོ་མ་ཐོན། །  
\v 13 དེ་མིན་ད་ལྟ་བདག་ནི་མར་ལོག་ཅིང་། ། བདེ་བར་ཤི་ནས་ངལ་གསོ་ཐོབ་པ་ཡིན། །  
\v 14 སྟོང་སར་རང་རང་གནས་ཕྱིར་བརྩིགས་པ་ཡི། ། རྒྱལ་པོ་བཀའ་བློན་རྣམས་དང་ལྷན་ཅིག་གམ། །  
\v 15 ཡང་ན་ཁང་པར་དངུལ་གྱིས་བཀང་བ་ཡི། ། གསེར་བདག་རྒྱལ་སྲས་མཉམ་དུ་འདུག་ཐུབ་ལ། །  
\v 16 ང་ནི་ཅིའི་ཕྱིར་མངལ་ནས་ཤོར་བ་དང་། ། དུར་དུ་སྦས་པའི་ཕྲུ་གུ་ནང་བཞིན་དང་། ། འོད་སྣང་མ་མཐོང་ཕྲུ་གུ་ལྟར་མ་ཡིན། །  
\v 17 གནས་དེར་མི་ངན་ཟིང་ཆ་མཚམས་བཞག་པས། ། ཉམ་ཐག་རྣམས་ལ་ངལ་གསོ་ཐོབ་པ་ཡིན། །  
\v 18 དེ་རུ་བཙོན་པའི་སེམས་ཀྱང་ལྷོད་ལ་བབས། ། དེ་ཚོས་ལས་རྒྱབ་པ་ཡི་སྒྲ་མི་ཐོས། །  
\v 19 ཆེ་ཆུང་ཐམས་ཅད་དེ་རུ་འདྲ་མཉམ་ཡིན། ། བྲན་པོ་བདག་པོའི་དབང་ལས་ཐར་བ་ཡིན། །  
\v 20 སྡུག་བསྔལ་ཅན་ལ་འོད་ནི་ཅི་ལ་གནང་། ། སེམས་སྡུག་ཅན་ལ་སྲོག་ནི་ཅི་ལ་གནང་། །  
\v 21 དེ་ཚོས་འཆི་བར་སྒུག་ཀྱང་དེ་མི་འོང་། ། སྦས་པའི་གཏེར་ལས་ལྷག་པར་འཆི་བ་འབྲུ། །  
\v 22 དེ་ཚོས་དུར་ཁྲོད་རྙེད་གྱུར་དུས། ། རབ་ཏུ་དགའ་ཞིང་མགུ་བར་བྱེད། །  
\v 23 མི་ཡི་ལམ་ནི་སྦས་ཤིང་དཀོན་མཆོག་གིས། ། ཕྱོགས་བཞིར་ཁོ་རང་སྡུག་ལ་སྦྱར་བས་ན། ། དེ་ལ་འོད་སྣང་སྦྱིན་པའི་རྒྱུ་མཚན་ཅི། །  
\v 24 ཁ་ཟས་ཚབ་ཏུ་བདག་གིས་ཤུགས་ནར་ཕྱུང་། ། ཆུ་བོ་བཞིན་དུ་བདག་གིས་འཁུན་སྒྲ་བསྒྲགས། །  
\v 25 ང་རང་འཇིགས་པ་དེ་ནི་ངའི་ཐོག་བབས། ། ང་རང་སྐྲག་པ་དེ་ཡིས་ང་རང་བསུས། །  
\v 26 བདག་ལ་ཞི་བདེ་དང་ནི་ལྷིང་འཇགས་མེད། ། ངལ་གསོ་མེད་པའི་སྟེང་དུ་དཀའ་སྡུག་སླེབས། །   
\c 4
\cl ལེའུ་བཞི་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེ་ལི་ཕཱ་སི་ཡི་ཁ་བརྡ་དང་པོ།  
\p
\v 1 དེ་ནས་དེ་མན་པ་ཨེ་ལི་ཕཱ་སི་ཡིས་ལན་དུ་སྨྲས་པ།  
\v 2 མི་ཡིས་ཁྱེད་དང་གླེང་མོལ་བྱེད་འདོད་པས། ། ཁྱེད་ཀྱི་ཐུགས་ནི་ངལ་བ་ཡིན་ནམ་ཅི། ། ཡིན་ཡང་སུ་ཡིས་བཟོད་ནས་གཏམ་མི་བརྗོད། །  
\v 3 ཁྱེད་ཀྱིས་མི་ལ་གདམས་ངག་གནང་བ་དང་། ། ཁྱེད་ཀྱིས་ཉམས་ཆུང་དག་ལ་སྟོབས་ཤུགས་གནང་། །  
\v 4 ཁྱེད་ཀྱི་ཞལ་ཏས་ཉམ་ཆུང་དག་ལ་རོགས་སྐྱོར་མཛད། ། ཁྱེད་ཀྱིས་སྟོབས་ཤུགས་མེད་པའི་པུས་མོ་བརྟན་པོར་མཛད། །  
\v 5 འོན་ཀྱང་ད་ལྟ་སྡུག་བསྔལ་ཁྱེད་ཐོག་བབས། ། དེ་བས་ཁྱེད་རང་ཡིད་སེམས་ཕམ་པ་དང་། ། ཁྱེད་ལ་ཕོག་པས་ཁྱེད་སེམས་འཁྲུག་པར་བྱེད། །  
\v 6 དཀོན་མཆོག་ཁོང་ལ་གུས་ཤིང་འཇིགས་པ་དེ། ། ཁྱེད་ཀྱི་བརྟེན་ས་དེ་ཉིད་མ་ཡིན་ནམ། ། ཁྱེད་ཀྱིས་དྲང་པོའི་ལུགས་སུ་སྤྱད་པ་ནི། ། ཉིད་ཀྱི་རེ་བ་བཅང་ས་མ་ཡིན་ནམ། །  
\v 7 ནོངས་མེད་སུ་ཞིག་མེད་པར་གྱུར་པ་དང་། ། སེམས་རྒྱུད་དྲང་བ་གང་ནས་ཚར་དུ་བཅད། ། དེ་ལ་ཁྱེད་ཀྱིས་ཕྱིར་འདང་རྒྱག་པར་མཛོད། །  
\v 8 ཉེས་པ་རྨོ་ཞིང་མི་དགེ་འདེབས་པ་ཡིས། ། དེ་དང་དེ་བཞིན་སྡུད་པ་ང་ཡིས་མཐོང་། །  
\v 9 དཀོན་མཆོག་ཁོང་གི་ཞལ་ཕུ་ཡིས། ། དེ་དག་མེད་པར་བཟོས་པ་དང་། ། ཁོང་ཉིད་ཁྲོས་པས་དེ་དག་ནུབ། །  
\v 10 སེང་གེའི་ངར་སྐད་དང་ནི་དྲག་པོའི་སྒྲ། ། སེང་གེ་དར་མའི་མཆེ་བ་དང་བཅས་ཆག །  
\v 11 ཕོ་སེང་ལ་ནི་བརྔོན་རྒྱུ་མེད་པར་འཆི། ། སེང་ཕྲུག་རྣམས་ཀྱང་མོ་སེང་ལ་ནི་བྲལ། །  
\v 12 དེ་ཡང་བདག་གིས་གསང་བའི་གཏམ་ཞིག་ཐོས། ། དེ་ཡི་ཤུབ་ལབ་བདག་གི་རྣ་བར་ཆུད། །  
\v 13 ལྕི་བའི་གཉིད་ནི་འཇིག་རྟེན་མི་ལ་འཐིབ་པའི་དུས། ། མཚན་མོའི་ཞལ་གཟིགས་ཀྱི་ནི་བསམ་ཚུལ་སྣ་ཚོགས་ནང་། །  
\v 14 བདག་གི་རུས་པ་ཡོད་ཚད་འཁྲུགས་འཇུག་པའི། ། དངངས་སྐྲག་འདར་ཡམ་ཞིག་ནི་བདག་ལ་བྱུང་།  
\v 15 སེམས་ཉིད་ང་ཡི་མདུན་ནས་རྒྱུ་བ་ལ། ། བདག་གི་ལུས་ཀྱི་བ་སྤུ་གྱེན་དུ་གཟེངས། །  
\v 16 སེམས་ཉིད་དེ་ནི་ང་ཡི་མདུན་དུ་བསྡད། ། བདག་གིས་དེ་ཡི་དབྱིབས་ནི་མ་ཤེས་ཏེ། ། གཟུགས་བརྙན་ང་ཡི་དྲུང་དུ་བསྡད་པ་དང་། ། ལྷིང་འཇགས་ཁྲོད་དུ་ང་ཡིས་སྐད་ཅིག་ཐོས། །  
\v 17 འཆི་ངེས་མི་ནི་དཀོན་མཆོག་ལས་དྲང་ངམ། ། མི་རྣམས་ཁོ་ཚོའི་བྱེད་པོ་ལས་གཙང་ངམ། །  
\v 18 གཙོ་བོས་འཁོར་གཡོག་རྣམས་ལ་ཐུགས་མི་བརྟེན། ། ཁོང་གི་ཕོ་ཉ་བླུན་པོར་བརྩིས་པས་ན། །  
\v 19 འདམ་གྱི་ཁང་པར་གནས་པའི་མི་རྣམས་དང་། ། གཞི་ནི་ས་རྡུལ་ནང་དུ་ཆགས་པ་སྟེ། ། མུག་པ་ལས་ཀྱང་ཚར་གཅོད་བྱེད་སླ་བའི། ། འཇིག་རྟེན་མི་བུ་དག་ནི་ལྟ་ཅི་སྨོས། །  
\v 20 ཉིན་མོ་དང་ནི་མཚན་མོའི་བར། ། དེ་དག་དུམ་བུར་བཅད་པ་དང་། ། ཇི་སྲིད་བར་དུ་མེད་པར་འགྱུར། ། ཤི་ཡང་ལྟ་མཁན་གཅིག་ཀྱང་མེད། །  
\v 21 དེ་རྣམས་ལོངས་སྤྱོད་རྩ་ནས་མ་ཁྱེར་རམ། ། ཤེས་རབ་དང་བྲལ་ཚེ་ལས་འདས་པ་འོ། །   
\c 5
\cl ལེའུ་ལྔ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ཁྱེད་ཀྱིས་ཞུས་ཀྱང་ཞུས་ལན་འདེབས་མཁན་སུ། ། ཕོ་ཉ་གང་ལ་ཁྱེད་རང་སྐྱབས་སུ་འགྲོ། །  
\v 2 གླེན་པའི་སྲོག་ནི་ཁོང་ཁྲོས་གཅོད་པ་དང་། ། ཕྲག་དོག་གིས་ནི་བློ་རྨོངས་སྲོག་དང་ཕྲལ། །  
\v 3 གླེན་པའི་རྩ་བ་རྒྱས་པ་ངས་མཐོང་ཡང་། ། གློ་བུར་ངས་དེའི་ཁྱིམ་ལ་དམོད་པར་གྱུར། །  
\v 4 དེ་ཡི་བུ་ཕྲུག་བདེ་བར་རིང་དུ་གྱེས། ། མཁར་སྒོར་བརྙས་བཅོས་ཐེབས་ཀྱང་སྒྲོལ་མཁན་མེད། །  
\v 5 དེ་ཡི་སྟོན་ཐོག་བཀྲེས་པ་རྣམས་ཀྱིས་ཟོས། ། ཚེར་མའི་གསེང་དུ་ཡོད་པ་བཏོན་ནས་ཁྱེར། ། འདོད་རྔམ་ཅན་གྱིས་དེ་ཡི་རྒྱུ་ནོར་མིད། །  
\v 6 ས་གཞི་ལས་ནི་སྡུག་བསྔལ་མི་སྐྱེས་ཤིང་། ། ས་རྡུལ་ནང་དུ་དཀའ་སྡུག་མི་འོང་ཡང་། །  
\v 7 མེ་སྟག་ཇི་ལྟར་འཕར་བ་བཞིན། ། མི་ཡང་དཀའ་སྡུག་དོན་དུ་སྐྱེས། །  
\v 8 འོན་ཀྱང་བདག་གིས་དཀོན་མཆོག་ཁོང་བཙལ་ནས། ། རང་གི་དོན་རྣམས་ཁོང་ལ་བཅོལ་བར་བྱ། །  
\v 9 ཁོང་གིས་དོན་ཆེན་བསམ་ལས་འདས་པ་འགོད། ། ངོ་མཚར་རྨད་བྱུང་བགྲང་ལས་འདས་པ་མཛད། །  
\v 10 ཁོང་གིས་ས་གཞིར་ཆར་ཆུ་འབེབ་པ་དང་། ། ས་ཞིང་ལ་ནི་ཆུ་ཡང་གནང་བར་མཛད། །  
\v 11 ཁོང་གིས་ཉམས་ཆུང་རྣམས་ནི་མཐོ་སར་བཀོད། ། སྡུག་བསྔལ་ཅན་ནི་བདེ་བའི་ཕྱོགས་སུ་འདེགས། །  
\v 12 ཟོལ་ཟོག་ཅན་གྱི་ཇུས་རྣམས་འཕུང་འཇུག་པས། ། དེ་དག་ལག་པས་བསམ་དོན་འགྲུབ་མི་ནུས། །  
\v 13 ཤེས་རབ་ཅན་ནི་རང་གི་གཡོ་འོག་ཚུད་དུ་བཅུག ། གཡོ་སྒྱུ་ཅན་གྱི་གྲོས་ནི་མྱུར་ཏུ་སྟོངས་པར་མཛད། །  
\v 14 དེ་དག་ཉིན་མོ་ལ་ཡང་མུན་པར་འཕྲད། ། ཉིན་གུང་ལ་ཡང་མཚན་ལྟར་མུན་ཉུལ་རྒྱག །  
\v 15 ཁོང་གིས་དབུལ་པོ་རྣམས་ནི་དེ་དག་གི ། ཁ་ནས་ཐོན་པའི་རལ་གྲི་ལས་སྐྱོབ་ཅིང་། ། དབང་ཤུགས་ཅན་གྱི་ལག་ནས་ཐར་བར་མཛད། །  
\v 16 དེ་ལྟར་དབུལ་པོ་རྣམས་ལ་རེ་བ་ཡོད། ། སྡིག་སྤྱོད་ཅན་ལ་སྨྲ་བ་ཅི་ཡང་མེད། །  
\v 17 དཀོན་མཆོག་ཉིད་ཀྱིས་བཀའ་བཀྱོན་གནང་བའི་མི་རྣམས་བདེ། ། དེ་བས་ཀུན་དབང་ཁོང་གི་འདུལ་བ་འདོར་མི་བྱ། །  
\v 18 ཁོང་གིས་རྨས་པར་མཛད་ཀྱང་དེ་ནི་དཀྲི། ། སྣད་པར་མཛད་ཀྱང་ཕྱག་གིས་གསོ་ཕྱིར་རོ། །  
\v 19 ཉོན་མོངས་དྲུག་ལས་ཁོང་གིས་ཁྱེད་སྒྲོལ་ཞིང་། ། ལན་བདུན་ནང་དུ་རྐྱེན་ངན་ཁྱེད་མི་འབྱུང་། །  
\v 20 ཁོང་གིས་མུ་གེའི་འཆི་བ་ལས་ཁྱེད་སྒྲོལ། ། འཐབ་མོའི་རལ་གྲི་ལས་ཀྱང་ཁྱེད་རང་སྐྱོབ། །  
\v 21 མི་ཡི་ཁ་དུག་ལས་ནི་ཁྱེད་རང་བསྲུང་། ། གནོད་འཚེ་སླེབས་ཀྱང་ཁྱེད་ལ་འཇིགས་པ་མེད། །  
\v 22 གནོད་འཚེ་དང་ནི་མུ་གེར་ཁྱེད་རང་བཞད་པར་འགྱུར། ། ས་གཞིའི་གཅན་གཟན་ལ་ཡང་ཁྱེད་ནི་འཇིགས་མི་འགྱུར། །  
\v 23 ཞིང་ཁའི་རྡོ་དང་ཁྱེད་ཀྱིས་ཁ་ཆད་འཇོག ། ཐང་གི་གཅན་གཟན་ཁྱེད་དང་འཆམ་པས་སོ། །  
\v 24 ཁྱེད་ཀྱིས་གུར་ཁང་བདེ་བར་གནས་པ་རྟོགས། ། ལུག་རར་བལྟ་དུས་གཅིག་ཀྱང་བོར་བ་མེད། །  
\v 25 ཕྱིས་སུ་ཁྱེད་ཀྱི་བུ་རབས་ཚ་རྒྱུད་རྣམས། ། རྩྭ་སྔོན་བཞིན་དུ་རྒྱས་པ་རྟོགས་པར་འགྱུར། །  
\v 26 རང་གི་དུས་བཞིན་འབྲུ་རིགས་བསྡུ་བ་ལྟར། ། སྐུ་ཚེ་ཚིམ་ནས་སྤུར་ཁང་སླེབ་པར་འགྱུར། །  
\v 27 ང་ཚོས་བརྟགས་པས་གཟིགས་དང་དེ་བཞིན་ལགས། ། ཁྱེད་ཀྱིས་དོན་འདི་རྟོགས་ཤིང་ཐུགས་བསམ་མཛོད། །   
\c 6
\cl ལེའུ་དྲུག་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་ཨེ་ལི་ཕཱ་སི་ལ་ལན་གསུངས་པ།  
\p
\v 1 དེ་ནས་ཨེས་ཡོབ་ཀྱིས་བཀའ་ལན་འདི་ལྟར་གསུངས་པ།  
\v 2 ང་ཡི་སྡུག་བསྔལ་ཚད་ན་ཅི་མ་རུང་། ། གནོད་འཚེ་ལྷན་ཅིག་སྲང་ནང་བཅལ་ན་ལེགས། །  
\v 3 ད་ལྟ་རྒྱ་མཚོའི་བྱེ་མ་ལས་ཀྱང་ལྕི། ། དེའི་ཕྱིར་འཚབ་འཚུབ་ངང་ནས་བདག་གིས་བརྗོད། །  
\v 4 ཀུན་དབང་ཁོང་གི་མདའ་ངའི་ལུས་སྟེང་ཕོག ། ང་ཡི་སེམས་ཀྱིས་དུག་དེ་ཡོངས་སུ་འཐུང་། ། དཀོན་མཆོག་ཉིད་ཀྱི་འཇིགས་པས་ང་གཡུལ་བཤམས། །  
\v 5 རྩྭ་ཁ་བཟང་དུས་རྐྱང་གིས་ཅི་ལ་འབོད། ། གཟན་ཆས་ཡོད་དུས་གླང་གིས་ཅིའི་ཕྱིར་འབོད། །  
\v 6 བྲོ་མེད་ཚྭ་མེད་བཟའ་བཏུང་ཅི་ལྟར་སྤྱོད། ། སྒོ་ངའི་དཀར་སྤྲིར་བྲོ་བ་ཅི་ལྟར་ལྡན། །  
\v 7 ལོངས་སུ་སྤྱོད་འདོད་མེད་པའི་བཟའ་བཏུང་དག ། ང་ཡི་ཡིད་སེམས་ཀྱིས་ནི་རེག་མི་འདོད། །  
\v 8 བདག་གི་གསོལ་བ་བསྐང་ཞིང་དཀོན་མཆོག་གིས། ། བདག་གིས་འདུན་པ་གནང་ན་ཅི་མ་རུང་། །  
\v 9 ང་རང་ཚར་གཅོད་བྱེད་དུ་ཐུགས་དགྱེས་ཤིང་། ། ཕྱག་ཟུང་བརྐྱངས་ནས་ངའི་སྲོག་གཅོད་པར་ཤོག །  
\v 10 དམ་པ་གཅིག་པོའི་བཀའ་གསུང་མ་བཟློག་པས། ། དེ་ལས་ང་ལ་ད་དུང་སེམས་གསོ་ལྡན། ། སྡུག་བསྔལ་རྫོགས་མཐའ་བྲལ་ཡང་དགའ་བས་མྱང་། །  
\v 11 རེ་སྒུག་བྱེད་པར་བདག་ལ་སྟོབས་ཅི་ཡོད། ། མཇུག་འབྲས་གང་ཕྱིར་བདག་གིས་བཟོད་སེམས་སྒོམ། །  
\v 12 ང་ཡི་སྟོབས་ཤུགས་རྡོ་ལྟར་མ་ཡིན་ལ། ། བདག་གི་ལུས་ཀྱང་ལི་ཡིས་མ་གྲུབ་སྟེ། །  
\v 13 བདག་གི་ནང་དུ་རོགས་རམ་མེད་པ་དང་། ། ཤེས་རབ་སེམས་ནས་དོར་བ་མ་ཡིན་ནམ། །  
\v 14 ཡིད་སེམས་ཕམ་པར་མཛའ་བོས་སྙིང་རྗེ་དགོས། ། རྒྱུ་མཚན་དེ་ཡིས་ཀུན་དབང་ཁོང་ཉིད་ལ། ། གུས་ཤིང་འཇིགས་པའི་སེམས་པ་དོར་བས་ཡིན། །  
\v 15 གཙང་པོ་རྒྱུ་བའི་གྲོག་རོང་སྐམ་པོ་བཞིན། ། ང་ཡི་སྤུན་མཆེད་རྣམས་ལ་གཡོ་སྒྱུ་ལྡན། །  
\v 16 འཁྱགས་རོམ་བཞུ་བས་ཆུ་རྒྱུན་མི་གཙང་ཞིང་། ། དེ་ཡི་ནང་དུ་ཁ་བ་སྦས་ནས་ཡོད། །  
\v 17 དྲོད་འབེབས་དུས་སུ་དེ་དག་བཞུ་འགྲོ་ཞིང་། ། ཚ་བའི་དུས་སུ་དེ་དག་རང་སར་སྐམ། །  
\v 18 ཚོང་པས་ཆུ་རྒྱུན་དེད་ནས་ལམ་གཟུར་ཅིང་། ། དབེན་སྟོང་གནས་སུ་དེ་རྣམས་ཚེ་ལས་འདས། །  
\v 19 ཐེ་མཱའི་ཚོང་པས་ཆུ་བོར་རེ་ལྟོས་བཅངས། ། ཤེ་བཱའི་ལམ་པས་ཆུ་རྒྱུན་བསྒུགས་ནས་ཡོད། །  
\v 20 ཁོང་ཚོའི་རེ་བ་སྟོངས་པས་ངོ་གནོང་ཞིང་། ། དེ་རུ་ཕྱིན་ནས་དེ་ཚོ་ཡིད་སེམས་ཕམ། །  
\v 21 ད་ལྟ་ཁྱོད་རྣམས་དེ་དང་དེ་བཞིན་ཡིན། ། འཇིགས་རུང་དོན་རྣམས་མཐོང་སྟེ་སྐྲག་སྣང་སྐྱེས། །  
\v 22 བདག་ལ་སྦྱིན་ཞིག་ཡང་ན་ཁྱོད་ཅག་གི ། ནོར་ལས་ལེགས་སྐྱེས་ཐོངས་ཞེས་ཞུས་མྱོང་ངམ། །  
\v 23 ཡང་ན་དགྲ་ཡི་ལག་ནས་བདག་སྐྱོབ་རོགས། ། གདུག་རྩུབ་ཅན་ལས་སྒྲོལ་བར་མཛོད་ཞུས་སམ། །  
\v 24 ཁྱོད་ཀྱིས་བདག་ལ་སློབས་ཤིག་ངས་མི་སྨྲ། ། ང་རང་གང་ནས་འཕྱུགས་པ་ཤེས་སུ་གསོལ། །  
\v 25 དྲང་བའི་ཚིག་ནི་ཅི་འདྲའི་སྟོབས་ལྡན་ཨང་། ། ཡིན་ཡང་ཁྱོད་ཚོས་ཅིའི་ཕྱིར་བཀའ་བཀྱོན་གནང་། །  
\v 26 ཡིད་སེམས་ཕམ་པའི་གཏམ་གླེང་རླུང་དང་མཚུངས། ། ཁྱོད་ཚོས་ད་དུང་དགག་ལན་སྤྲོད་དམ་ཅི། །  
\v 27 ཁྱོད་ཚོས་དྭ་ཕྲུག་ཆེད་དུ་རྒྱན་འཕེན་ཞིང་། ། རང་གི་མཆེད་གྲོགས་འཚོང་བའི་ཚོང་ཟོག་བྱེད། །  
\v 28 ད་ལྟ་ཁྱོད་ཅག་གིས་ནི་ང་གཟིགས་དང་། ། ང་ཡིས་ཁྱོད་ཚོའི་མདུན་དུ་རྫུན་མི་སྨྲ། །  
\v 29 ཁྱོད་རྣམས་བསམ་བློ་བསྒྱུར་བར་མཛོད། ། དྲང་བདེན་མིན་པ་ཀུན་ནས་སྤོངས། ། ཡང་ནས་ཡང་དུ་བསམ་བློ་བསྒྱུར། ། ང་ཡི་དོན་ལ་གནས་ལུགས་ཡོད། །  
\v 30 ང་ཡི་ལྕེ་ཐོག་དྲང་བདེན་མེད་དམ་ཅི། ། ང་ཡི་སེམས་པས་ཉམ་ཉེས་མི་ཤེས་སམ། །   
\c 7
\cl ལེའུ་བདུན་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ས་གཞིར་མི་ཡིས་ངལ་ལས་བྱེད་པ་མ་ཡིན་ནམ། ། དེ་ཡི་མི་ཚེ་གླ་པའི་ཚེ་དང་མི་འདྲ་འམ། །  
\v 2 དེ་ནི་གཡོག་པོས་གྲིབ་བསིལ་སྙེག་འདྲ་དང་། ། གླ་པས་གླ་ཕོག་རེ་བ་བྱེད་དང་མཚུངས། །  
\v 3 ལོ་ཟླ་ཕན་མེད་བདག་གིས་བསྐྱལ་མྱོང་སྟེ། ། སྡུག་བསྔལ་ཅན་གྱི་མཚན་མོ་ང་ལ་གཏད། །  
\v 4 ང་རང་མལ་དུ་ལོག་དུས་འདི་ལྟར་བརྗོད། ། ང་རང་ནམ་དུས་ཡར་ལ་ལང་འོས་སམ། ། མཚན་མོ་དེ་ནི་ནམ་ཞིག་འདའ་བར་འགྱུར། ། ཕར་ལོག་ཚུར་ལོག་བྱས་ནས་མཚན་དུས་ཡོལ། །  
\v 5 ང་ཡི་ལུས་པོ་འབུ་དང་ས་ཡིས་གཡོགས། ། ང་ཡི་སྐྱི་མོ་གས་ནས་རྣག་ཀྱང་བཞུར། །  
\v 6 ང་ཡི་མི་ཚེ་སྒྲོམ་བུ་ལས་ཀྱང་མགྱོགས། ། རེ་བ་མེད་པའི་ནང་དུ་དུས་རྣམས་འདས། །  
\v 7 ང་ཡི་ཚེ་ནི་རླུང་དང་འདྲ་བ་ཡིད་ལ་ཞོག ། ང་ཡི་མིག་གིས་རྗེས་སུ་བདེ་སྐྱིད་མི་མཐོང་སྟེ། །  
\v 8 བདག་ལ་ལྟ་བའི་མི་ཡིས་བདག་མི་མཐོང་། ། ཁྱོད་ཚོའི་མིག་གིས་བལྟས་ཀྱང་བདག་མི་ལུས། །  
\v 9 སྤྲིན་ནི་ཡལ་ཞིང་སྣང་བར་མི་འགྱུར་བཞིན། ། གཤིན་ཡུལ་ཕྱིན་པ་རྣམས་ཀྱང་སླར་མི་འཐོན། །  
\v 10 དེ་ནི་རང་གི་ཁྱིམ་དུ་ཕྱིར་མི་ལོག ། དེ་ཡི་ཡུལ་གྱིས་ཁོ་རང་ངོ་མི་ཤེས། །  
\v 11 དེའི་ཕྱིར་བདག་གིས་ངག་མི་བསྡོམ། ། སེམས་ཀྱི་སྡུག་བསྔལ་སྨྲ་བ་དང་། ། ཁོག་གི་ཟུག་ངུ་བརྗོད་པར་བྱ། །  
\v 12 རྒྱ་མཚོ་དང་ནི་ཆུ་སྲིན་བདག་མ་ཡིན། ། ཁྱེད་ཀྱིས་བདག་ལ་བཀག་འགོག་མཛད་དོན་ཅི། །  
\v 13 གལ་ཏེ་བདག་གིས་འདི་ལྟར་སྨྲས་གྱུར་ཏེ། ། མལ་སྟན་གྱིས་ནི་བདག་ལ་སེམས་གསོ་དང་། ། མལ་སས་ང་ཡི་སྡུག་བསྔལ་འཁུར་ཞེས་ན། །  
\v 14 ཁྱེད་ཀྱིས་རྨི་ལམ་ནང་དུ་བདག་འཚབ་འཇུག ། ཞལ་གཟིགས་བརྒྱུད་ནས་བདག་ལ་འཇིགས་སྐྲག་གནང་། །  
\v 15 ཐ་ན་དབུགས་རྒྱུན་ཆད་ནས་ང་ཤི་ཡང་། ། བདག་གི་ཤ་སྐམ་རུས་སྐམ་ལས་ནི་བཟང་། །  
\v 16 བདག་གིས་སྲོག་འདི་དོར་འདོད་དེ། ། ཇི་སྲིད་བར་དུ་གསོན་མི་འདོད། ། མི་ཚེ་སྟོང་བ་ཡིན་པས་ན། ། ང་རང་གཅིག་པུ་བསྐྱུར་བར་མཛོད། །  
\v 17 ཁྱེད་ཀྱིས་མཐོན་པོར་བཟུང་བ་དང་། ། ཐུགས་སུ་འཛིན་པའི་མི་རྣམས་ནི། ། དོན་ལ་ཅི་ཞིག་ཡིན་ལགས་སམ། །  
\v 18 ཞོགས་པ་རེ་རེར་གཟིགས་ཞིབ་མཛད་ནས་ནི། ། དུས་ཚོད་རེ་རེར་ཚོད་བགམ་མཛད་པ་ཅི། །  
\v 19 ཁྱེད་ཀྱིས་ནམ་ཞིག་བདག་ལས་ཞལ་འཁོར་ནས། ། བདག་ལ་མཆིལ་མ་མིད་པའི་དུས་གནང་ངམ། །  
\v 20 མི་ལ་ལྟ་ཞིབ་མཛད་པའི་གཙོ་བོ་ལགས། ། བདག་ལ་ཉེས་པ་ཡོད་ན་ཁྱེད་ཅི་འབྲེལ། ། ང་རང་ཁྱེད་དྲུང་འབེན་ལྟར་ཅི་ལ་འཇོག ། ང་རང་ཁྱེད་ཀྱི་ཁུར་པོར་གྱུར་དོན་ཅི། །  
\v 21 ཁྱེད་ཀྱིས་ཅིའི་ཕྱིར་བདག་གི་སྐྱོན་མི་བཟོད། ། ཅི་ལ་བདག་གི་ཉེས་པ་སེལ་མི་མཛད། ། ད་ལྟ་ང་རང་ས་རྡུལ་ནང་ཉལ་ཏེ། ། ཁྱེད་ཀྱིས་བཙལ་ཡང་བདག་ནི་མི་རྙེད་དོ། །   
\c 8
\cl ལེའུ་བརྒྱད་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 པེལ་དེལ་གྱི་ཁ་བརྡ་དང་པོ།  
\p
\v 1 དེ་ནས་ཤུ་ཧེ་པ་པེལ་དེལ་གྱིས་ལན་བཏབ་ནས་ན་རེ།  
\v 2 ནམ་བར་ཁྱེད་ཀྱིས་འདི་འདྲ་གླེང་བར་བྱ། ། ནམ་བར་ཁྱེད་ཀྱི་ཚིག་ནི་རླུང་ལྟར་འཚུབ། །  
\v 3 དཀོན་མཆོག་ཁོང་ནི་དྲང་བདེན་ལས་འཛོལ་ལམ། ། ཀུན་དབང་ཁོང་ནི་བདེན་པ་ལས་འཛོལ་ལམ། །  
\v 4 ཡང་ན་ཁྱེད་ཀྱི་བུ་ཚོས་ཁོང་ལ་སྡིག་པ་བྱས་པས་ན། ། ཁོང་གིས་དེ་དག་ལ་ནི་ཉེས་ཆད་ཕོག་ཏུ་བཅུག་པ་ཡིན། །  
\v 5 ཁྱེད་ཀྱིས་སེམས་གཏིང་དཀོན་མཆོག་བཙལ་ནས་ནི། ། ཀུན་དབང་ཉིད་ལ་ཡང་ཡང་ཞུས་པ་དང་། །  
\v 6 ཁྱེད་ནི་གཙང་ཞིང་དྲང་པོ་ཡིན་གྱུར་ན། ། ཁོང་ཉིད་ཁྱེད་ཀྱི་དོན་དུ་བཞེངས་ངེས་ཏེ། ། ཁྱེད་ཀྱི་དྲང་པོའི་ཁྱིམ་ནི་དར་བར་མཛད། །  
\v 7 ཐོག་མར་ཁྱེད་ནི་ཉམས་ཆུང་ཡང་། ། རྗེས་སུ་རབ་ཏུ་རྒྱས་པར་འགྱུར། །  
\v 8 ཁྱེད་ཀྱིས་མེས་པོ་རྣམས་ལ་འདྲི་བར་མཛོད། ། དེ་ཚོའི་མེས་པོས་བརྟགས་པ་སེམས་ལ་ཟུངས། །  
\v 9 ང་ཚོ་ཁ་སང་སྐྱེས་པས་ཅང་མི་ཤེས། ། ང་ཚོའི་མི་ཚེ་གྲིབ་མ་ཙམ་དུ་སྣང་། །  
\v 10 དེ་ཚོས་ཁྱེད་ལ་བསླབ་ཅིང་འཆད་པ་དང་། ། ཁྱེད་ལ་སེམས་ཀྱི་སྙིང་གཏམ་སྨྲ་བར་འགྱུར། །  
\v 11 འདམ་རྫབ་མེད་སར་པ་པི་རཱ་སྐྱེ་འམ། ། ཆུ་དང་བྲལ་ན་འདམ་རྩྭ་སྐྱེ་སྲིད་དམ། །  
\v 12 དེ་ནི་སྔོ་ལྗང་ཡིན་དུས་མ་བྲེག་གོང་། ། རྩི་ཤིང་ཀུན་ལས་དེ་ནི་སྔོན་ལ་སྐམ། །  
\v 13 དཀོན་མཆོག་བརྗེད་པའི་མི་ཀུན་གྱི། ། ལམ་ཡང་དེ་དང་དེ་འདྲ་སྟེ། ། དད་མེད་རྣམས་ཀྱི་རེ་བ་ཡང་། ། ཡོད་ཚད་སྟོངས་པར་འགྱུར་ངེས་ཡིན། །  
\v 14 ཁོ་ཡི་བརྟེན་ས་སྡོམ་དྲ་ཡིན་པས་ན། ། གང་ལ་བརྟེན་པ་རྩ་ནས་གཅོད་ངེས་ཡིན། །  
\v 15 དེ་ཡིས་ཁང་པར་བརྟེན་ཡང་ཚུགས་མི་ཐུབ། ། ཁང་པར་དམ་དུ་འཇུས་རུང་གནས་མི་འགྱུར། །  
\v 16 ཁོ་ནི་ཉི་མའི་འོག་ཏུ་ལོ་འདབ་རྒྱས། ། ལྕུག་ཕྲན་དག་ནི་སྐྱེད་ཚལ་ནང་དུ་ཁྱབ། །  
\v 17 དེ་ཡི་རྩ་བ་རྡོ་སྤུངས་ལ་འཁྲིལ་ཞིང་། ། དེ་ནི་རྡོ་ཡི་སྲིབ་ལ་ཡོངས་སུ་འཛུལ། །  
\v 18 སུ་ཡིས་དེ་ནི་རང་གནས་ལས་བལ་ན། ། ས་དེས་ཁོ་ནི་ངོ་ཡང་མི་ཤེས་ཏེ། ། ང་ཡིས་ཁྱོད་རང་མཐོང་མྱོང་མེད་ཅེས་ཟེར། །  
\v 19 ལྟོས་དང་འདི་དེའི་ལམ་གྱི་དགའ་སྤྲོ་སྟེ། ། དེ་ནས་གཞན་རྣམས་ས་ལས་འཁྲུངས་པར་འགྱུར། །  
\v 20 དཀོན་མཆོག་གིས་ནི་དྲང་པོ་མི་འདོར་ཞིང་། ། སྡིག་སྤྱོད་ལ་ཡང་རོགས་རམ་གནང་མི་འགྱུར \f + \ft འདིར་མ་ཕྱི་ལས་སྡིག་སྤྱོད་རྣམས་ཀྱི་ལག་པར་འཇུ་མི་བྱ་ཞེས་མཐོང་།\f*། །  
\v 21 ཁོང་གིས་ཁྱེད་ཀྱི་སྨྲ་སྒོར་གད་མོ་དང་། ། མཆུ་ནི་དགའ་མགུས་འགེངས་པར་མཛད་འགྱུར་རོ། །  
\v 22 ཁྱེད་ལ་སྡང་པ་རྣམས་ནི་ངོ་ཚས་གཡོག ། མི་ངན་དག་གི་གུར་ནི་ལུས་མི་འགྱུར། །   
\c 9
\cl ལེའུ་དགུ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་པེལ་དེལ་ལ་ལན་གསུངས་པ།  
\p
\v 1 དེ་ནས་ཨེས་ཡོབ་ཀྱིས་འདི་ལྟར་ལན་གསུངས་པ་སྟེ།  
\v 2 དེ་བཞིན་ལགས་པ་ང་ཡིས་ཤེས་ན་ཡང་། ། མི་ནི་དཀོན་མཆོག་དྲུང་དུ་ཅི་ལྟར་དྲང་། །  
\v 3 གལ་ཏེ་མི་རྣམས་ཁོང་དང་རྩོད་འདོད་ན། ། སྟོང་ཆའི་གཅིག་གི་ལན་ཡང་ཞུ་མི་ནུས། །  
\v 4 ཁོང་ནི་ཤེས་རབ་ལྡན་ཞིང་མཐུ་སྟོབས་ཆེ། ། ཁོང་ལ་རྒོལ་ཡང་བདེ་བར་ལུས་པ་སུ། །  
\v 5 ཁོང་གིས་རི་བོ་སྤོས་ཀྱང་དེ་ཡིས་མ་ཚོར་ཞིང་། ། ཁོང་གིས་ཐུགས་ཁྲོ་ནང་དུ་རི་བོ་སློག་པར་མཛད། །  
\v 6 ཁོང་གིས་ས་གཞི་རང་གནས་ལས་གཡོས་ཤིང་། ། ས་གཞིའི་ཀ་བ་རྣམས་ནི་ཡོམ་ཡོམ་འདར། །  
\v 7 ཉི་མར་བཀའ་གསུང་གནང་བས་དེ་མི་འཆར། ། སྐར་མ་རྣམས་ལ་ཕྱག་རྒྱ་འདེབས་པར་མཛད། །  
\v 8 ཁོང་ཉིད་གཅིག་པུས་ནམ་མཁའ་མཐར་བརྐྱངས་ཤིང་། ། རྒྱ་མཚོའི་རྦ་རླབས་སྟེང་དུ་ཞབས་ཀྱིས་བཅགས། །  
\v 9 སྨིན་བདུན་དྲང་སྲོང་སྨིན་དྲུག་གསུམ་པོ་དང་། ། ལྷོ་ཕྱོགས་སྐར་ཁྱིམ་རྣམས་ནི་ཁོང་གིས་མཛད། །  
\v 10 ཁོང་གི་འཕྲིན་ལས་ཆེན་པོ་བསམ་མི་ཁྱབ། ། ངོ་མཚར་དོན་ནི་བགྲང་ལས་འདས་པ་མཛད། །  
\v 11 ཁོང་ངའི་གམ་ནས་གཤེགས་ཀྱང་ངས་མི་མཐོང་། ། ཁོང་ངའི་མདུན་ནས་ཕེབས་ཀྱང་ངས་མི་ཚོར། །  
\v 12 ཁོང་གིས་ཕྲོགས་ན་སུ་ཡིས་བཟློག་ནུས་སམ། ། ཁྱེད་ཀྱིས་ཅི་ཞིག་མཛད་པ་ཡིན་ནམ་ཞེས། ། སུ་ཡིས་ཁོང་ལ་བཀའ་འདྲི་ཞུ་ཕོད་དམ། །  
\v 13 དཀོན་མཆོག་གིས་ནི་ཐུགས་ཁྲོ་བཟོད་མི་བྱ། ། ཁོང་འོག་ར་ཧབ་ \f + \ft ར་ཧབ་ཅེས་པ་ནི་མཚོ་ནང་གི་ཆུ་སྲིན་ཆེན་པོ་ཞིག་གི་མིང་ཡིན།\f*སྡོངས་གྲོགས་འཁུམ་པ་ཡིན། །  
\v 14 དེ་ལྟར་ཡིན་པས་བདག་གིས་བརྗོད་མ་ཕོད། ། ཁོང་གི་དྲུང་དུ་ཅི་ལྟར་རྩོད་ནུས་སམ། །  
\v 15 བདག་ནི་དྲང་ཡང་ལན་ནི་བཟློག་མ་ནུས། ། རང་ལ་ཁྲིམས་ཐག་གཅོད་མཁན་ཁོང་ལ་ཞུ། །  
\v 16 ང་ཡིས་ཞུས་ན་ཁོང་གིས་བཀའ་ལན་གནང་སྲིད་ཀྱང་། ། ཁོང་གིས་བདག་ལ་གསན་པར་ང་རང་ཡིད་བརྟན་མེད། །  
\v 17 ཁོང་གིས་རླུང་དམར་དང་བཅས་བདག་ལ་བར་ཆད་གཏོང་། ། རྒྱུ་མཚན་མེད་པར་ང་ཡི་རྨ་རྣམས་ཁྱབ་པར་མཛད། །  
\v 18 ཁོང་གིས་བདག་ལ་དབུགས་ལེན་ལོང་མི་གནང་། ། བདག་ལ་དཀའ་སྡུག་ཡོངས་སུ་མྱངས་པར་མཛད། །  
\v 19 སྟོབས་ཤུགས་གླེང་ན་ཀྱེ་ཧོ་ཁོང་སྟོབས་ལྡན། ། དྲང་གཞག་གླེང་ན་སུ་ཡིས་བདག་འབོད་དམ། །  
\v 20 བདག་ནི་དྲང་བདེན་ཡིན་ན་ཡང་། ། རང་གི་སྨྲ་སྒོས་ཉེས་ཅན་བརྩི། ། ང་རང་སྐྱོན་བྲལ་ཡིན་ཡང་དེས། ། སྐྱོན་ཅན་ཡིན་པར་བདེན་དཔང་བྱེད། །  
\v 21 བདག་ནི་སྐྱོན་བྲལ་ཡིན་ཡང་རང་ཉིད་མི་བསམ་པས། ། ང་ནི་རང་གི་སྲོག་ལ་སུན་སྣང་རབ་ཏུ་སྐྱེས། །  
\v 22 དེའི་ཕྱིར་བདག་གིས་འདི་ལྟར་བརྗོད། ། སྐྱོན་བྲལ་ཅན་དང་སྡིག་སྤྱོད་ཅན། ། ཡོད་ཚད་གཅིག་མཚུངས་ཡིན་པ་དང་། ། ཁོང་གིས་རྩ་མེད་གཏོང་བར་མཛད། །  
\v 23 གནོད་འཚེས་གློ་བུར་འཆི་བ་ཁྱེར་འོངས་ན། ། ཉེས་མེད་དཀའ་སྡུག་འཕྲད་པར་ཁོང་བཞད་ངེས། །  
\v 24 སྡིག་སྤྱོད་ལག་ཏུ་ས་གཞི་གཏད་གྱུར་ན། ། ཁོང་གིས་ཁྲིམས་དཔོན་དག་གི་གདོང་བཏུམ་སྟེ། ། དེ་ནི་ཁོང་ཉིད་མིན་ན་གཞན་སུ་ཡིན། །  
\v 25 བདག་གི་ཚེ་ནི་བང་ཆེན་ལས་མྱུར་ཞིང་། ། དེ་རྣམས་ལམ་སེང་འདས་པས་སྐྱིད་མི་མཐོང་། །  
\v 26 བདག་གི་ཚེ་ནི་འདམ་རྩྭའི་གྲུ་ཆུང་དང་། ། ཁྱི་ར་རྒྱག་པར་རྔམ་པའི་གླག་ལྟར་ཤོར། །  
\v 27 རང་སྡུག་བརྗེད་དེ་སྐྱོ་གདོང་བསྐྱུར་ནས་ནི། ། འཛུམ་མདངས་རྒྱས་པར་བྱ་ཞེས་ངས་སྨྲས་ན། །  
\v 28 ཁྱེད་ཀྱིས་ང་རང་ནོངས་མེད་མི་མཛད་ངས་ཤེས་པས། ། ང་ནི་རང་གི་དཀའ་སྡུག་ཀུན་ཕྱིར་འཇིགས་སྣང་སྐྱེས། །  
\v 29 བདག་ནི་སྡིག་པ་ཅན་དུ་བརྩི་མཛད་ན། ། དོན་མེད་དཀའ་བ་ཅི་ལ་སྤྱོད་དགོས་སམ། །  
\v 30 གལ་ཏེ་བདག་གིས་ཁ་བས་ལུས་བཀྲུས་ཏེ། ། རང་གི་ལག་པར་བ་ཚྭ་བརྒྱབ་ན་ཡང་། །  
\v 31 ཁྱེད་ཀྱིས་ས་དོང་ནང་དུ་བདག་གཡུག་ཅིང་། ། ང་ཡི་གོས་ཀྱང་བདག་ལ་ཞེན་ལོག་འོང་། །  
\v 32 ཁོང་ནི་བདག་གིས་ལན་འདེབས་ནུས་པ་དང་། ། ལྷན་ཅིག་ཁྲིམས་རར་ཁ་རྩོད་བྱེད་ཆོག་པའི། ། ང་དང་འདྲ་བའི་མི་ནི་མ་ཡིན་ནོ། །  
\v 33 ངེད་གཉིས་སྟེང་དུ་ལག་པ་འཇོག་ནུས་པའི། ། ཁྲིམས་ཐག་གཅོད་མཁན་བར་ན་སུ་ཡང་མེད། །  
\v 34 ཁོང་གིས་ཉིད་ཀྱི་ཕྱག་འཁར་བདག་ལས་འཐེན་པར་ཤོག ། འཇིགས་རུང་བརྗིད་ཉམས་ཀྱིས་ནི་དངངས་པར་མ་གྱུར་ཅིག །  
\v 35 དེ་ནས་བདག་གིས་འཇིགས་པ་མེད་པར་ཁོང་ལ་ཞུ། ། རྒྱུ་མཚན་བདག་ནི་དེ་འདྲ་མ་ཡིན་རྐྱེན་གྱིས་སོ། །   
\c 10
\cl ལེའུ་བཅུ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 བདག་ནི་ཚེ་ལ་སུན་སྣང་སྐྱེས་པ་དང་། ། སེམས་ཀྱི་སྡུག་བསྔལ་དག་ནི་བརྗོད་འདོད་པས། ། རང་གི་སྡུག་རྣམས་རང་ལ་གླེང་བར་བྱ། །  
\v 2 བདག་གིས་དཀོན་མཆོག་ཁོང་ལ་འདི་ལྟར་ཞུ། ། ང་རང་ཉེས་ཅན་ལ་ནི་མི་བརྩི་བར། ། ཅིའི་ཕྱིར་བདག་དང་རྒོལ་བ་སྟོན་པར་མཛོད། །  
\v 3 ཁྱེད་ཀྱིས་ཕྱག་གིས་བཀོད་པར་བརྙས་ཅིང་སྨད། ། མི་ངན་རྣམས་ཀྱི་ཇུས་ལ་ཐུགས་དགྱེས་པས། ། དོན་འདི་ཁྱེད་ཀྱིས་ལེགས་པར་གཟིགས་སམ་ཅི། །  
\v 4 ཁྱེད་ལ་ཤ་ཡི་སྤྱན་མངའ་འམ། ། མི་ཡི་ལུགས་བཞིན་གཟིགས་ལགས་སམ། །  
\v 5 ཁྱེད་ཀྱི་ཉིན་མོ་མི་ཡི་ཉིན་དང་འདྲ་བ་མིན། ། ཁྱེད་ཀྱི་ལོ་ཟླ་གྱད་མིའི་ལོ་ཟླར་མི་མཚུངས་པས། །  
\v 6 ཁྱེད་ཀྱིས་ང་ཡི་སྡིག་པར་རྩད་གཅོད་ཅིང་། ། ང་ཡི་ཉེས་པར་ཞིབ་དཔྱོད་མཛད་འོང་ངམ། །  
\v 7 བདག་གིས་སྡིག་པ་མ་བཟོས་ཁྱེད་ཀྱིས་མཁྱེན་ན་ཡང་། ། ང་རང་ཁྱེད་ཀྱི་ཕྱག་ལས་སྒྲོལ་མཁན་སུ་ཡང་མེད། །  
\v 8 ཁྱེད་ཀྱི་ཕྱག་གིས་ང་རང་བཀོད་ནས་གཟུགས་བརྙན་གནང་། ། ཡིན་ཡང་ཁྱེད་ཀྱིས་བདག་ནི་སླར་ཡང་རྩ་མེད་མཛད། །  
\v 9 བདག་ནི་འདམ་ལྟར་བཀོད་པ་ཁྱེད་ཀྱིས་དྲན་པར་མཛོད། ། ཁྱེད་ཀྱིས་བདག་ནི་སླར་ཡང་རྡུལ་དུ་ལོག་མཛད་དམ། །  
\v 10 འོ་མ་བཞིན་དུ་ཁྱེད་ཀྱིས་བདག་ནི་མ་བླུགས་སམ། ། ཆུར་བ་ནང་བཞིན་བདག་ནི་ཆགས་སུ་མ་བཅུག་གམ \f + \ft འདི་ནི་ཕྲུ་གུ་མ་ཡི་མངལ་ལ་ཆགས་སུ་བཅུག་པའི་བརྗོད་སྟངས་ཤིག་ཡིན།\f*། །  
\v 11 ཁྱེད་ཀྱིས་ང་རང་ཤ་དང་སྐྱི་མོས་གཡོགས། ། རུས་དང་རྒྱུས་པས་བདག་ནི་སྦྲེལ་བར་མཛད། །  
\v 12 ཁྱེད་ཀྱིས་བདག་ལ་སྲོག་དང་བྱམས་བརྩེ་གནང་། ། ཁྱེད་ཀྱི་སྐྱབས་ཀྱིས་བདག་གི་སེམས་ཉིད་བསྲུངས། །  
\v 13 ཡིན་ཡང་འདི་རྣམས་ཁྱེད་ཀྱི་ཐུགས་སུ་སྦས། ། ཁྱེད་ཀྱི་ཐུགས་དགོངས་ཡིན་པ་བདག་གིས་རྟོགས། །  
\v 14 སྡིག་པ་སྤྱད་ན་ཁྱེད་ཀྱིས་ང་ལ་གཟིགས། ། ང་ཡི་སྡིག་པ་སེལ་དུ་ཁྱེད་མི་མཉེས། །  
\v 15 བདག་གིས་ཉེས་པ་བསགས་ན་ཆག་སྒོ་འབྱུང་། ། དྲང་བདེན་སྤྱད་ཀྱང་མགོ་ནི་འདེགས་མ་ཕོད། ། ངོ་ཚས་ཁྱབ་ཅིང་རང་གི་སྡུག་བསྔལ་མཐོང་། །  
\v 16 བདག་གིས་ང་རྒྱལ་མགོ་འཕང་གཏད་ན་ནི། ། ཁྱེད་ཀྱིས་སེང་གེ་བཞིན་དུ་ང་འདེད་ཅིང་། ། ཡ་མཚན་དོན་རྣམས་ངའི་སྟེང་མངོན་པར་མཛད། །  
\v 17 ཡང་བསྐྱར་བདེན་དཔང་བཙལ་ནས་ང་ལ་རྒོལ། ། ཁྱེད་ཀྱི་ཐུགས་ཁྲོ་ངའི་སྟེང་རྒྱས་པར་མཛད། ། དམག་དཔུང་རྣམས་ནི་བསྟུད་མར་ངའི་སྟེང་རྒྱུགས། །  
\v 18 ཁྱེད་ཀྱིས་ང་རང་མངལ་ནས་ཕྱུང་བ་ཅི། ། ང་རང་སྐབས་དེར་དབུགས་ཀྱི་རྒྱུན་ཆད་ནས། ། སུས་ཀྱང་མཐོང་བ་མིན་ན་ཅི་མ་རུང་། །  
\v 19 དེ་ནས་བདག་ནི་མ་སྐྱེས་པ་དང་མཚུངས། ། མངལ་ནས་ཐོན་ཚེ་དུར་དུ་བསྐྱལ་བ་ཡིན། །  
\v 20 བདག་གི་ཚེ་ནི་ཐུང་བ་མ་ཡིན་ནམ། ། བདག་ལ་དགའ་སྤྲོ་ཅུང་ཙམ་འཐོབ་པའི་ཕྱིར། ། ཁྱེད་ནི་བདག་དང་བྲལ་ནས་བསྐྱུར་བར་མཛོད། །  
\v 21 ཕྱིར་འོང་མེད་པའི་ཡུལ་དང་མུན་པའི་ཁམས། ། འཆི་བའི་ཕྱོགས་སུ་ང་རང་མ་སོང་གོང་། ། བདག་ལ་སྤྲོ་སྐྱིད་ཅུང་ཙམ་གནང་བར་མཛོད། །  
\v 22 ཡུལ་དེའི་སྨག་རུམ་ཅི་འདྲ་སྟུག་གེ་བ། ། འཆི་བའི་ཁམས་ནི་གོ་རིམ་ཉོག་པ་དང་། ། དེ་ཡི་འོད་ཀྱང་མུན་པའི་སྨག་རུམ་མོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཚའོ་ཕར་གྱི་ཁ་བརྡ་དང་པོ།  
\p
\v 1 དེ་ནས་ན་ཨ་མད་པ་ཚའོ་ཕར་གྱིས་ལན་བཏབ་སྟེ་སྨྲས་པ།  
\v 2 ཚིག་འདི་ཡོངས་ལ་ལན་འདེབས་མི་འོས་སམ། ། སྐད་ཆ་མང་བ་དྲང་བདེན་ཅི་ལྟར་ཡིན། །  
\v 3 ཁྱེད་ཀྱི་ལབ་གླེང་གིས་ནི་མི་ཡི་ངག་བསྡམ་མམ། ། ཁྱེད་ཀྱིས་འཕྱ་དུས་ངོ་ཚ་གཏོད་མཁན་མེད་དམ་ཅི། །  
\v 4 ཁྱེད་ཀྱིས་ང་ཡི་བསླབ་བྱ་བདེན་པ་ཡིན། ། ཁྱེད་ཀྱི་གཟིགས་ངོར་བདག་ནི་གཙང་ཞེས་སྨྲས། །  
\v 5 དཀོན་མཆོག་ཉིད་ཀྱིས་བཀའ་གསུངས་ནས། ། ཁྱེད་ལ་སྐུར་བ་འདེབས་པར་ཤོག །  
\v 6 དག་པའི་ཤེས་བྱར་ཕྱོགས་གཉིས་ལྡན་པས་ན། ། གསང་བའི་ཤེས་རབ་ཁྱེད་ལ་སྟོན་པར་ཤོག ། ཁྱེད་ཀྱིས་ནམ་ཡང་ཤེས་པར་དགོས་པ་ནི། ། ཁྱེད་ཀྱི་སྡིག་ཉེས་ཁག་ཅིག་ཁོང་གིས་བརྗེད། །  
\v 7 ཁྱེད་ཀྱིས་དཀོན་མཆོག་ཉིད་ཀྱི་གསང་བ་རྙེད་འགྱུར་རམ། ། ཁྱེད་ནི་ཀུན་དབང་ཁོང་གི་མཐའ་རུ་སོན་ཐུབ་བམ། །  
\v 8 ཁོང་གི་ཤེས་རབ་ནམ་མཁའི་དབྱིངས་ལས་མཐོ། ། ཁྱེད་ཀྱིས་དེ་ལ་ཅི་ཞིག་བྱ་ནུས་སམ། ། གཤིན་ཡུལ་ལས་ཀྱང་ཟབ་པས་རྟོགས་ཅི་ནུས། །  
\v 9 དེ་ནི་ས་གཞི་ལས་ཀྱང་རྒྱང་རིང་ཞིང་། ། རྒྱ་མཚོ་བས་ཀྱང་ཤིན་ཏུ་རྒྱ་ཆེ་འོ། །  
\v 10 ཇི་སྟེ་ཁོང་དེར་ཕེབས་ནས་མི་བཀག་ཅིང་། ། མི་ཚོགས་ཁྲིམས་སར་བཀུག་ན་སུས་འགོག་ནུས། །  
\v 11 ཁོང་གིས་ཕན་མེད་མི་རྣམས་མཁྱེན་པ་དང་། ། ངན་སྤྱོད་མཐོང་དུས་གཟིགས་ཞིབ་མི་མཛད་དམ། །  
\v 12 ཁོག་སྟོང་ཅན་ལ་ཤེས་རབ་ལྡན་པ་ནི། ། རྐྱང་ལས་འགྲོ་བ་མིའི་རིགས་སྐྱེས་དང་མཚུངས། །  
\v 13 ཇི་སྟེ་ཁྱེད་ཀྱིས་རང་སེམས་བརྟན་པོར་མཛད་གྱུར་ཏེ། ། རང་གི་ལག་པ་དཀོན་མཆོག་ཕྱོགས་སུ་བཏེགས་ནས་ནི། །  
\v 14 ལག་པའི་སྡིག་པ་རིང་དུ་འདོར་བ་དང་། ། གུར་ནང་ཉེས་པ་གནས་སུ་མ་བཅུག་ན། །  
\v 15 ཁྱེད་གདོང་སྨེ་དང་བྲལ་ནས་ཡར་འདེགས་ཤིང་། ། ཁྱེད་རང་བརྟན་ཞིང་འཇིགས་པ་ཡེ་ནས་མེད། །  
\v 16 ཁྱེད་ཀྱིས་རང་གི་སྡུག་བསྔལ་བརྗེད་པར་འགྱུར། ། དྲན་ཡང་བཞུར་ཆུ་བཞིན་དུ་རྒྱུགས་པར་འགྱུར། །  
\v 17 ཁྱེད་ཀྱི་ཚེ་ནི་ཉིན་གུང་འོད་ལས་གསལ། ། མུན་པ་འབྱུང་ཡང་ཞོགས་པ་དང་མཚུངས་ཏེ། །  
\v 18 རེ་བ་ལྡན་པས་ཁྱེད་ནི་བརྟན་པོར་འགྱུར། ། ཕྱོགས་བཞིར་བལྟ་ཞིང་བདེ་བའི་ངལ་གསོ་ཐོབ། །  
\v 19 ཁྱེད་རང་ཉལ་དུས་སུས་ཀྱང་དཀྲོག་མི་འགྱུར། ། མང་པོས་ཁྱེད་ལ་གཟིགས་སྐྱོང་བྱེད་རེ་ཞུ། །  
\v 20 འོན་ཀྱང་སྡིག་སྤྱོད་མིག་ནི་ལོང་པར་འགྱུར། ། དེ་དག་ཐར་བའི་ལམ་ནི་མེད་པ་དང་། ། དེ་ཚོའི་རེ་བ་མཇུག་མཐའི་དབུགས་རྒྱུན་ཡིན། །   
\c 12
\cl ལེའུ་བཅུ་གཉིས་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་ཚའོ་ཕར་ལ་ལན་གསུངས་པ།  
\p
\v 1 དེ་ནས་ཨེས་ཡོབ་ཀྱིས་ལན་བཏབ་སྟེ་གསུངས་པ།  
\v 2 ཁྱོད་རྣམས་དངོས་གནས་ཤེས་ལྡན་མི་སྡེ་ཡིན། ། ཁྱོད་དང་ལྷན་ཅིག་ཤེས་རབ་འདའ་བར་འགྱུར། །  
\v 3 ཁྱོད་ཅག་ལྟ་བུའི་ཤེས་རབ་བདག་ལའང་ལྡན། ། ཁྱོད་རྣམས་ལས་བདག་དམན་པ་མ་ཡིན་ཏེ། ། ཀྱེ་ཧུད་འདི་རྣམས་སུ་ཡིས་མི་ཤེས་སམ། །  
\v 4 བདག་གིས་དཀོན་མཆོག་ཞུས་ནས་ལན་ཐོབ་ཀྱང་། ། བདག་ནི་གྲོགས་པོ་རྣམས་ཀྱི་བཞད་གད་གྱུར། ། དྲང་བདེན་ཅན་དང་ཡོངས་སུ་རྫོགས་པའི་མི། ། གཞན་དག་རྣམས་ཀྱིས་འཕྱ་བའི་གནས་སུ་གྱུར། །  
\v 5 སྐྱིད་པོ་མི་ཡིས་ཆག་སྒོར་མཐོང་ཆུང་བྱེད། ། ཆག་སྒོ་སྡུག་བསྔལ་ཅན་གྱི་སྟེང་དུ་འབྱུང་། །  
\v 6 རྐུན་ཇག་རྣམས་ཀྱི་གུར་ནི་བདེ་ལེགས་ཤིང་། ། དཀོན་མཆོག་ཉིད་ཀྱི་ཐུགས་དཀྲུགས་རྣམས་བརྟན་ལ། ། དེ་ཚོའི་ལྷ་རྣམས་རང་གི་ལག་ཏུ་ཡོད། །  
\v 7 རི་དྭགས་རྣམས་ལ་དྲིས་ཤིག་ལམ་སྟོན་གནང་། ། ནམ་མཁའི་བྱ་ལ་དྲིས་ཤིག་འཆད་པར་འགྱུར། །  
\v 8 ཡང་ན་ས་ལ་དྲིས་དང་སྟོན་པར་འགྱུར། ། རྒྱ་མཚོའི་ཉ་ལ་དྲིས་དང་གསལ་པོར་སྟོན། །  
\v 9 དོན་འདི་ཀུན་ལ་ལྟ་དུས་སུ། ། དཀོན་མཆོག་ཡ་ཝཱེའི་ཕྱག་གིས་ནི། ། མཛད་པ་སུ་ཡིས་མི་ཤེས་སམ། །  
\v 10 སྲོག་ལྡན་གང་ཡིན་སེམས་ཅན་ཐམས་ཅད་དང་། ། དབུགས་ཐོགས་མི་ཡང་ཁོང་གི་ཕྱག་ཏུ་ཡོད། །  
\v 11 དཀན་གྱིས་ཁ་ཟས་བྲོ་བ་མྱོང་བ་བཞིན། ། རྣ་བས་གཏམ་གྱི་བྱེ་བྲག་མི་འབྱེད་དམ། །  
\v 12 རྒན་པ་རྣམས་ལ་ཤེས་རབ་ལྡན། ། ཚེ་རིང་རྣམས་ལ་བློ་གྲོས་ཡོད། །  
\v 13 ཤེས་རབ་དང་ནི་ནུས་མཐུ་ཁོང་ལ་མངའ། ། ཐབས་ཇུས་དང་ནི་བློ་གྲོས་ཁོང་ལ་ལྡན། །  
\v 14 ཁོང་གིས་བཤིགས་པ་ཡང་བསྐྱར་བརྩིག་མི་ནུས། ། ཁོང་གིས་བཀག་པ་སུས་ཀྱང་སྒྲོལ་ཐབས་མེད། །  
\v 15 ཁོང་གིས་ཆུ་རྣམས་བཀག་པས་དེ་རྣམས་བསྐམ། ། དེ་རྣམས་བཏང་བས་ས་གཞི་ཡོངས་སུ་བསྣུབ། །  
\v 16 ཁོང་ལ་ནུས་མཐུ་དང་ནི་ཤེས་རབ་ལྡན། ། གཡོ་སྒྱུ་ཅན་དང་གཡོ་འོག་ཚུད་པ་ནི། ། ཐམས་ཅད་མ་ལུས་ཁོང་ལ་དབང་བ་ཡིན། །  
\v 17 ཁོང་གིས་དཔོན་རིགས་རྐང་རྗེན་བཙོན་ལ་འཁྱེར། ། ཁྲིམས་དཔོན་རྣམས་ནི་བློ་གྲོས་རྨོངས་པར་མཛད། །  
\v 18 ཁོང་གིས་རྒྱལ་པོའི་ཆིངས་ཐག་སྒྲོལ་བྱེད་ཅིང་། ། དེ་དག་རྐེད་པར་སྐ་རགས་བཅིང་བར་མཛད། །  
\v 19 ཁོང་གིས་མཆོད་དཔོན་རྐང་རྗེན་ཁྲིད་པ་དང་། ། དཔའ་བོ་རྣམས་ནི་ཡོངས་སུ་ཕམ་པར་མཛད། །  
\v 20 ཁོང་གིས་བློ་དཀར་ཅན་གྱི་གཏམ་དོར་ཏེ། ། རྒན་པོའི་བློ་གྲོས་ཁོང་གིས་འཁྱེར་བར་མཛད། །  
\v 21 སྐུ་དྲག་རྣམས་ལ་ངོ་ཚ་ཐེབས་སུ་འཇུག ། དཔའ་རྩལ་ཅན་གྱི་སྐ་རགས་སྒྲོལ་བར་མཛད། །  
\v 22 ཁོང་གིས་གཏིང་ཟབ་དོན་རྣམས་མུན་ནག་ནང་ནས་མངོན། ། ཁོང་གིས་འཆི་བའི་སྨག་རུམ་ལས་ནི་འོད་ཟེར་སྤྲོ། །  
\v 23 ཁོང་གིས་མི་རིགས་དར་དུ་བཅུག་ནས་འཇོམས་པར་མཛད། ། མི་རིགས་འཕེལ་བར་མཛད་ནས་ཡང་བསྐྱར་བཙོན་དུ་འཁྲིད། །  
\v 24 ཁོང་གིས་མི་སྡེའི་འགོ་དཔོན་རྣམས་ཀྱི་བློ་རིག་འཁྱེར། ། ལམ་མེད་དབེན་སྟོང་གནས་སུ་དེ་རྣམས་འཁྱམ་དུ་འཇུག །  
\v 25 འོད་མེད་མུན་ནག་ནང་དུ་དེ་ཚོས་ལག་མྱུལ་བྱེད། ། ཁོང་གིས་དེ་ཚོ་བཟི་བའི་མི་ལྟར་འཁྱོར་མཛད་དོ། །   
\c 13
\cl ལེའུ་བཅུ་གསུམ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ང་ཡི་མིག་གིས་འདི་དག་ཐམས་ཅད་མཐོང་། ། ང་ཡི་རྣ་བས་འདི་དག་ཐམས་ཅད་ཐོས། ། དེ་ཡི་མི་ཚད་ད་དུང་ཡོད་ཚད་ཤེས། །  
\v 2 ཁྱོད་ཚོས་ཤེས་པ་ངས་ཀྱང་རྟོགས་པ་སྟེ། ། བདག་ནི་ཁྱོད་ལས་དམན་པ་མ་ཡིན་ནོ། །  
\v 3 བདག་གིས་ཀུན་དབང་ཁོང་དང་གླེང་འདོད་དེ། ། དཀོན་མཆོག་དང་ནི་རྩོད་གླེང་བྱེད་པར་དགའ། །  
\v 4 གང་ལྟར་ཁྱོད་ཅག་རྫུན་གཏམ་སྒྲིག་མཁན་ཏེ། ། ཐམས་ཅད་ཕན་ཐོགས་མེད་པའི་སྨན་པ་བཞིན། །  
\v 5 ཨེ་མ་ཁྱོད་ཅག་ཁ་རོག་བསྡད་ན་དགའ། ། དེ་ནི་ཁྱོད་ཀྱི་ཤེས་རབ་ཡིན་པར་མངོན། །  
\v 6 ད་ལྟ་བདག་གི་རྩོད་པར་ཉོན་ཅིག་དང་། ། བདག་གི་མཆུ་ཡིས་ཅི་ཞིག་ཞུ་བར་ཉོན། །  
\v 7 དཀོན་མཆོག་དོན་དུ་ཁྱོད་ཚོས་རྫུན་སྨྲ་འམ། ། ཁོང་གི་ཆེད་དུ་གཡོ་སྒྱུའི་གཏམ་གླེང་ངམ། །  
\v 8 ཁྱོད་ཚོས་དཀོན་མཆོག་ངོ་སོར་བལྟ་འདོད་དམ། ། དཀོན་མཆོག་དོན་དུ་རྩོད་པ་བྱེད་དམ་ཅི། །  
\v 9 ཁོང་གིས་ཁྱོད་ཚོར་ཞིབ་བཤེར་མཛད་པ་འདི། ། དོན་བཟང་ཡིན་མིན་ཁྱོད་ཀྱིས་མི་ཤེས་སམ། ། མི་ཡིས་མི་ལ་སླུ་བྲིད་བྱེད་པ་བཞིན། ། ཁྱོད་ཚོས་དེ་བཞིན་ཁོང་ཡང་བསླུ་འདོད་དམ། །  
\v 10 ཇི་སྟེ་ཁྱོད་ཚོས་ལྐོག་ནས་ཕྱོགས་བྱེད་ན། ། ཁོང་གིས་ཁྱོད་ཚོར་བཀའ་བཀྱོན་གནང་ངེས་ཏེ། །  
\v 11 ཁོང་གི་གཟི་བརྗིད་དང་ནི་མཆོག་གྱུར་གྱིས། ། ཁྱོད་ཚོར་འཇིགས་སྣང་སྐྱེ་བར་མཛད་པ་དང་། ། ཁྱོད་ཚོར་ཁོང་གི་འཇིགས་པ་མི་འབེབ་བམ། །  
\v 12 ཁྱོད་ཚོས་རྗེས་དྲན་བྱེད་པའི་ལེགས་བཤད་ནི། ། ཐལ་བར་འདྲ་བའི་གདམས་ངག་ཡིན་པ་དང་། ། ཁྱོད་ཚོའི་རྒྱབ་རྟེན་འདམ་གྱི་རྒྱབ་རྟེན་འདྲ། །  
\v 13 ཁྱོད་ཚོས་ཅི་ཡང་མི་འཆད་པར། ། བདག་ལ་སྨྲ་བར་མཛོད་ཅིག་དང་། ། དེ་ནས་བདག་ལ་ཅི་བྱུང་ཡང་། ། ཡོད་ཚད་བདག་གིས་འཁུར་བར་བྱ། །  
\v 14 ང་ཡིས་ཅི་ལ་རང་ཤ་རང་གི་སོ་ཐོག་སྐོན། ། ཚེ་སྲོག་རང་གི་ལག་མཐིལ་ལ་ནི་འཇོག་དོན་ཅི། །  
\v 15 ལྟོས་དང་ཁོང་གིས་བདག་ནི་གསོད་འགྱུར་བས། ། བདག་ལ་རེ་བ་ཅི་ཡང་མེད་པར་གྱུར། ། ཡིན་ཡང་ཁོང་གི་དྲུང་དུ་རང་ཉིད་ཀྱི། ། སྤྱོད་པ་སྤྱད་པར་བརྡར་ཤ་གཅོད་བྱེད་དོ། །  
\v 16 དད་མེད་ཁོང་དྲུང་འགྲོ་བར་མི་ནུས་པས། ། འདི་ནི་བདག་གི་ཐར་པར་འགྱུར་དགོས་ཏེ། །  
\v 17 ཁྱོད་ཚོས་བདག་གི་གཏམ་ལ་གསལ་པོར་ཉོན། ། བདག་གི་སྨྲ་བ་ཁྱོད་ཚོའི་རྣ་བར་བཅུག །  
\v 18 ལྟོས་དང་རང་གི་གནས་ལུགས་གསལ་བར་བྱ། ། བདག་ལ་བདེན་དྲང་ཡོད་པ་རང་གིས་ཤེས། །  
\v 19 བདག་དང་རྩོད་གླེང་བྱེད་མཁན་སུ་ཡོད་དམ། ། ཡོད་ན་བདག་གིས་ཅི་ཡང་མི་བརྗོད་པར། ། དབུགས་རྒྱུན་ཆད་དེ་ཤི་བ་ལྟར་དུ་ལུས། །  
\v 20 དོན་གཉིས་བདག་ལ་ལག་བསྟར་མི་མཛད་རོགས། ། དེ་ནས་ཁྱེད་ལས་བདག་ནི་ཡིབ་མི་བྱ། །  
\v 21 ཁྱེད་ཕྱག་བདག་གི་ལུས་དང་རིང་དུ་འབྲལ་བར་མཛོད། ། ཁྱེད་ཀྱི་བརྗིད་ཉམས་ཀྱིས་ནི་བདག་ལ་འཇིགས་མ་སློང་། །  
\v 22 དེ་ནས་ཁྱེད་ཀྱིས་འབོད་དུས་བདག་གིས་ཞུ་ལན་འབུལ། ། ཡང་ན་བདག་གིས་ཞུས་ཏེ་ཁྱེད་ཀྱིས་ལན་བསྩལ་རོགས། །  
\v 23 བདག་ལ་ཉེས་སྐྱོན་སྡིག་པ་ཅི་ཙམ་ཡོད། ། བདག་གི་སྐྱོན་དང་སྡིག་ཉེས་བདག་ལ་སྟོན། །  
\v 24 ཁྱེད་ཀྱི་ཞལ་རས་ཅི་ལ་སྦ་བར་མཛད། ། ཁྱེད་ཀྱིས་ང་རང་དགྲ་རུ་འཛིན་པ་ཅི། །  
\v 25 རླུང་འཁྱེར་ལོ་མར་ཁྱེད་ཀྱིས་འཇིགས་མཛད་དམ། ། སྦུར་མ་སྐམ་པོ་ཁྱེད་ཀྱིས་བདས་ཡོང་ངམ། །  
\v 26 ཁྱེད་ཀྱིས་ང་ཡི་ནག་ཉེས་བཅད་ཁྲར་འཁོད། ། གཞོན་དུས་ཉེས་ཆད་བདག་ལ་འཁུར་དུ་བཅུག །  
\v 27 ཁྱེད་ཀྱིས་བདག་གི་རྐང་པར་ཨན་གཏད་བརྒྱབ། ། བདག་གི་འགྲོ་ལམ་ཀུན་ལ་བལྟ་ཞིབ་མཛད། ། བདག་གི་གོམ་པ་སྤོ་སའི་དབྱེ་མཚམས་ཕྱེས། །  
\v 28 མི་ནི་རྩ་མེད་བཏང་བའི་སྙིགས་རུལ་དང་། ། མུག་མས་ཟོས་པའི་ལྭ་བ་དང་འདྲ་འོ། །   
\c 14
\cl ལེའུ་བཅུ་བཞི་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 མི་ནི་བུད་མེད་དག་ལས་སྐྱེས་པ་དང་། ། ཚེ་ནི་ཐུང་ཞིང་སྡུག་བསྔལ་གྱིས་ནི་བཀང་། །  
\v 2 དེ་ནི་མེ་ཏོག་བཞིན་དུ་བཞད་ཅིང་གཅོད་པར་བྱེད། ། དེ་ནི་གྲིབ་མ་བཞིན་དུ་འབྲོ་ཞིང་མི་ལུས་ཏེ། །  
\v 3 དེ་ལྟའི་མི་ལ་ཁྱེད་ཀྱིས་གཟིགས་འགྱུར་རམ། ། ཉེས་ཆེད་གཅོད་ཕྱིར་ཁྱེད་དྲུང་བདག་འགུག་གམ། །  
\v 4 བཙོག་པའི་ནང་ནས་གཙང་བ་སུས་འདོན་ནུས། ། དེ་འདྲ་ནུས་པའི་མི་ནི་ཡོད་མ་ཡིན། །  
\v 5 མི་ཡི་ཚེ་ལོར་ཚད་ཡོད་ཅིང་། ། ཟླ་རྣམས་ཁྱེད་ལ་རག་ལས་ཏེ། ། ཁྱེད་ཀྱིས་ཁོ་ལ་མཚམས་བཅད་ན། ། ཁོ་རང་དེ་ལས་བརྒལ་མི་སྲིད། །  
\v 6 ཁྱེད་ཀྱིས་ཁོ་ལ་མི་གཟིགས་པར། ། ངལ་གསོ་ལེགས་པོ་གནང་བར་མཛོད། ། ཁོ་ཡིས་ཉིན་རེའི་སྐྱིད་ལ་རོལ། ། དེ་ནི་གླ་པའི་ཉིན་དང་མཚུངས། །  
\v 7 སྡོང་པོར་རེ་བ་ལྡན་པ་སྟེ། ། དེ་ཡི་ཡལ་ག་བཅད་ན་ཡང་། ། ཕྱིས་སུ་མྱུ་གུ་འབུས་པ་དང་། ། ལྕུག་གསར་ཡང་ནས་ཡང་དུ་སྐྱེས། །  
\v 8 སྡོང་པོའི་རྩད་པ་ས་ནང་རྙིང་གྱུར་ཏེ། ། དེ་ཡི་ཡལ་ག་ས་ནང་ཤི་ན་ཡང་། །  
\v 9 ཆུ་ཡི་གཤེར་གྱིས་མྱུག་གསར་སྐྱེ་འགྱུར་ཞིང་། ། སྡོང་ཕྲུག་བཞིན་དུ་ཡལ་ག་འཐོན་འགྱུར་གྱིས། །  
\v 10 མི་ནི་ཤི་ན་མེད་པར་འགྱུར་བ་དང་། ། དབུགས་རྒྱུན་ཆད་པར་གྱུར་དུས་ཚར་བ་ཡིན། །  
\v 11 རྒྱ་མཚོའི་ཆུ་རྣམས་བསྐམ་པར་འགྱུར་བ་དང་། ། གཙང་པོ་ཡང་ནི་བསྐམ་ཞིང་ཡལ་བར་འགྱུར། །  
\v 12 མི་ནི་ཉལ་རྗེས་ཡང་བསྐྱར་མི་ལང་སྟེ། ། ནམ་མཁའ་དག་ནི་མེད་པར་གྱུར་ན་ཡང་། ། མི་རྣམས་རང་གི་གཉིད་ལས་སད་མི་འགྱུར། ། གཞན་གྱིས་དེ་རྣམས་གཉིད་ལས་བསླང་མི་ནུས། །  
\v 13 ཁྱེད་ཀྱི་ཐུགས་ཁྲོ་ཞི་ཞིང་འདའ་བའི་བར། ། བདག་ནི་གཤིན་པོའི་ཡུལ་དུ་སྦ་བར་མཛོད། ། བདག་གི་དོན་དུ་དུས་བཅད་མཛད་པར་སྨོན། ། ད་དུང་བདག་ནི་ཐུགས་སུ་དྲན་རོགས་གནང་། །  
\v 14 མི་ནི་ཤི་རྗེས་སླར་ཡང་གསོན་ཐུབ་བམ། ། བདག་གིས་ངལ་ལས་རྒྱག་པའི་དུས་ཀུན་ཏུ། ། ཐར་པ་འཐོབ་པའི་བར་དུ་སྒུག་པར་འགྱུར། །  
\v 15 ཁྱེད་ཀྱིས་འབོད་དུས་ང་ཡིས་ཞུ་ལན་འབུལ། ། ཁྱེད་ཀྱི་བཀོད་པར་ཁྱེད་ནི་དུངས་པར་འགྱུར། །  
\v 16 དེ་ནས་ཁྱེད་ཀྱིས་ང་ཡི་གོམ་པ་བརྩི། ། བདག་གི་སྡིག་པར་ཁྱེད་ཀྱིས་མ་གཟིགས་ཏེ། །  
\v 17 བདག་གི་ཉེས་སྐྱོན་ཁྱེད་ཀྱིས་སྣོད་དུ་བཅུག ། ང་ཡི་སྡིག་ཉེས་ཁྱེད་ཀྱིས་འགེབ་པར་མཛད། །  
\v 18 འོན་ཀྱང་རི་བོ་ནུར་ཏེ་མེད་པར་གྱུར། ། ཕ་བོང་རང་གི་གནས་ལས་འཕོ་བར་གྱུར། །  
\v 19 བཞུར་ཆུས་རྡོ་རྣམས་བརྡར་བ་དང་། ། ཆུ་ལོག་གིས་ནི་རྡུལ་རྣམས་འཁུར། ། ཁྱེད་ཀྱིས་མི་ཡི་རེ་བ་གཅོད། །  
\v 20 ཁྱེད་ནི་ནམ་ཡང་མི་ལས་རྒྱལ། ། དེ་རྣམས་འཆི་བར་འགྱུར་བ་དང་། ། དེའི་གདོང་བསྒྱུར་བར་མཛད་གྱུར་ནས། ། མཐའ་མར་དེ་དག་མངག་པར་འགྱུར། །  
\v 21 ཁོང་གི་བུ་ལ་གཟི་བརྗིད་ཐོབ་ཀྱང་དེས་མི་རྟོགས། ། དེ་དག་དམན་སར་ལྷུང་ཡང་དེ་ཡིས་མི་ཤེས་ཏེ། །  
\v 22 རང་གི་ལུས་ཀྱི་ན་ཟུག་འབའ་ཞིག་ཚོར། ། སེམས་སུ་རང་གི་ཆེད་དུ་མྱ་ངན་བྱེད། །   
\c 15
\cl ལེའུ་བཅོ་ལྔ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེ་ལི་ཕཱ་སི་ཡི་ཁ་བརྡ་གཉིས་པ།  
\p
\v 1 དེ་མན་པ་ཨེ་ལི་ཕཱ་སི་ཡིས་ལན་བཏབ་ནས་སྨྲས་པ།  
\v 2 མཁས་པས་ཤེས་བྱ་སྟོང་བས་ལན་འདེབས་ག་ལ་རུང་། ། ཤར་རླུང་ \f + \ft འདིར་ཤར་རླུང་ཞེས་པ་ནི་ཤར་ཕྱོགས་ནས་གཡུགས་འོངས་པའི་ཚ་རླུང་ལ་གོ་སྟེ། མི་ཞིག་གི་ཁོག་པར་ཤར་རླུང་གིས་བཀང་བ་ཡིན་ཞེས་པ་ནི་མི་དེའི་ཁ་ནས་ཚིག་སྟོང་རྐྱང་རྐྱང་སྨྲ་འོང་བར་གོ་བ་ཡིན། \f*གིས་ཀྱང་ཁོག་པ་འགེང་བར་མི་འཇུག་སྟེ། །  
\v 3 དེ་ཡིས་སྙིང་པོ་མེད་པའི་གཏམ་སྨྲས་ནས། ། ཕན་ཐོགས་མེད་པའི་གཏམ་གྱིས་མི་རྩོད་དོ། །  
\v 4 ཁྱེད་ཀྱིས་གུས་ཤིང་འཇིགས་པའི་སེམས་འདོར་ཞིང་། ། དཀོན་མཆོག་དྲུང་དུ་གསོལ་བ་འདེབས་པ་འགོག །  
\v 5 ཁྱེད་ཀྱི་སྡིག་པས་ངག་ལ་བཀའ་སློབ་མཛད། ། གཡོ་སྒྱུ་ཅན་གྱི་ལྕེ་ནི་ཁྱེད་ཀྱིས་བཟུང་། །  
\v 6 ཁྱེད་ཀྱི་ཁ་ཡིས་ཉེས་ཆད་གཅོད་པ་ལས། ། བདག་གིས་ཁྱེད་ལ་ཉེས་ཆད་གཏོང་བ་མིན། ། ཁྱེད་ཀྱི་མཆུ་ཡིས་སྤྱོད་ངན་དཔང་པོ་བྱེད། །  
\v 7 མི་ལས་ཐོག་མར་ཁྱེད་རང་སྐྱེས་གྱུར་ཏམ། ། ཡང་ན་རི་ལས་སྔོན་དུ་ཁྱེད་བཀོད་དམ། །  
\v 8 ཁྱེད་ཀྱིས་དཀོན་མཆོག་གསུང་མོལ་སྔོན་ཐོས་ཏེ། ། རང་ཉིད་གཅིག་པོས་ཤེས་རབ་ལོངས་སྤྱོད་དམ། །  
\v 9 ཁྱེད་ཀྱིས་ཤེས་ཏེ་ང་ཚོས་མི་ཤེས་ཅི། ། ཁྱེད་ཀྱིས་རྟོགས་ཏེ་ང་ཚོས་མི་རྟོགས་ཅི། །  
\v 10 ཁྱེད་ཀྱི་ཕ་ལས་མང་དུ་བགྲེས་གྱུར་པའི། ། མགོ་དཀར་བགྲེས་པོ་རྣམས་ནི་ངེད་མཉམ་ཡོད། །  
\v 11 ཁྱེད་ལ་དཀོན་མཆོག་ཁོང་གི་སེམས་གསོ་དང་། ། བཀའ་གསུང་སྙན་མོ་ཤིན་ཏུ་ཉུང་བསམ་མམ། །  
\v 12 ཁྱེད་རང་སེམས་ཚོར་དབང་དུ་སོང་བ་དང་། ། མིག་ལས་ཁོང་ཁྲོའི་མེ་ལྕེ་རབ་འབར་ནས། །  
\v 13 སེམས་ནས་དཀོན་མཆོག་ཉིད་ལ་རྒོལ་བ་དང་། ། ཁ་ནས་འདི་འདྲའི་ཚིག་ལོག་རྒྱག་པ་ཅི། །  
\v 14 གཙང་མར་བརྩིས་པའི་མི་ནི་སུ་ཡིན་ནམ། ། བུད་མེད་དག་ལས་བཙས་པ་ཅི་ཡིན་ནམ། ། དེ་རྣམས་དྲང་བདེན་དྲང་ལ་བརྩི་འོས་སམ། །  
\v 15 དཀོན་མཆོག་ཕོ་ཉ་རྣམས་ལ་ཡིད་རྟོན་མེད། ། ཁོང་གི་གཟིགས་ངོར་གནམ་ཡང་མི་གཙང་ན། །  
\v 16 སྡིག་པ་ཆུ་བཞིན་འཐུང་བའི་མི་རྣམས་དང་། ། ཐ་ཤལ་ཞེན་ལོག་ཅན་རྣམས་ལྟ་ཅི་སྨོས། །  
\v 17 བདག་གིས་མཛུབ་སྟོན་བྱེད་པར་ཁྱེད་ཀྱིས་ཉོན། ། བདག་གིས་གང་ཞིག་མཐོང་བ་འཆད་པར་བྱ། །  
\v 18 མཁས་པས་ཕ་མེས་རྣམས་ལས་ཐོས་པ་དང་། ། གསང་བ་མེད་པར་གསུངས་པའི་ཚིག་རྣམས་ཡིན། །  
\v 19 ཡུལ་འདི་ཁོང་རྣམས་གཅིག་པུར་གནང་བར་མཛད། ། དེ་དག་ཁྲོད་དུ་ཕྱི་རོལ་པ་ནི་མེད། །  
\v 20 ངན་པའི་མི་ཚེ་གང་པོར་སྡུག་གིས་མནར། ། གདུག་རྩུབ་ཅན་གྱི་མི་ཚེ་འདི་འདྲ་ཡིན། །  
\v 21 ཁོ་ཡི་རྣ་བར་རྒྱུན་དུ་འཇིགས་སྒྲ་སྒྲོག ། ཞི་བདེ་དུས་སུ་དེའི་ཐོག་ཆོམ་རྐུན་འོང་། །  
\v 22 མུན་པ་ལས་ནི་ཐར་བར་ཁོས་མི་རློམ། ། རལ་གྲིས་ཁོ་ལ་ནམ་རྒྱུན་བསྒུགས་ནས་ཡོད། །  
\v 23 དེ་ནི་བཟའ་བཏུང་འཚོལ་ཕྱིར་ཕྱི་རུ་འཁྱམ། ། གང་དུ་བཟའ་བཏུང་ཡོད་དམ་ཞེས་སྨྲ་ཞིང་། ། མུན་པའི་ཉིན་མོ་སླེབས་པ་ཁོས་ཤེས་སོ། །  
\v 24 སེམས་ཁྲལ་དཀའ་སྡུག་དབང་གིས་ཁོ་རང་འཇིགས། ། དེ་ནི་རྒྱལ་པོ་འཐབ་ལ་ཞུགས་པ་འདྲ། །  
\v 25 ཁོས་ནི་དཀོན་མཆོག་ཉིད་ལ་ཁུ་ཚུར་གཡུགས། ། ཀུན་དབང་ཁོང་ལ་རང་ཤུགས་ངོམ་པས་སོ། །  
\v 26 དེ་ཡིས་གཤིས་གྱོང་སེམས་དང་བཅས། ། སྲ་ཞིང་བརྟན་པའི་ཕུབ་བཟུང་ནས། ། ཀུན་དབང་ཉིད་ལ་རྒོལ་བར་རྒྱུགས། །  
\v 27 དེ་ཡི་ངོ་གདོང་ཤ་ཡིས་རྒྱགས། ། རྐེད་པར་ཚིལ་གྱིས་བཀང་བས་སོ། །  
\v 28 ཁོ་ནི་དབེན་སྟོང་གནས་སུ་བསྡད་པ་སྟེ། ། ཁང་པ་ནང་དུ་སྡོད་མཁན་གཅིག་ཀྱང་མེད། ། དེ་རྣམས་རྗེས་སུ་གྱང་རོར་འགྱུར་ངེས་ཡིན། །  
\v 29 ཁོ་ནི་ཕྱུག་པོར་མི་འགྱུར་ཞིང་། ། རྒྱུ་ནོར་ཅི་ཡང་བསོག་མི་ཐུབ། ། ཐོན་རྫས་གང་ཡང་འཕེལ་མི་འགྱུར། །  
\v 30 ཁོ་རང་སྨག་རུམ་དང་ནི་འབྲལ་མི་འགྱུར། ། དེ་ཡི་ཡལ་ག་མེ་ལྕེས་བསྲེག་པར་བྱ། ། དཀོན་མཆོག་ཁོང་གི་ཞལ་དབུགས་དབང་གིས་ནི། ། ཁོ་ཉིད་འབྲལ་བར་འགྱུར་བའི་ཕྱིར་ཡིན་ནོ། །  
\v 31 དེ་ལ་རྫུས་མ་ལན་དུ་འཐོབ་ངེས་པས། ། རྫུས་མར་བརྟེན་ནས་རང་ཉིད་བསླུ་མ་བྱེད། །  
\v 32 དེ་ཡི་ཚེ་མཇུག་མ་སླེབས་གོང་། ། བྱ་བ་འདི་ནི་འགྲུབ་པར་འགྱུར། ། དེ་ཡི་ཡལ་ག་རྒྱས་མི་འགྱུར། །  
\v 33 ཁོ་ནི་རྒུན་འབྲུམ་ཤིང་གི་རྒུན་འབྲུམ་བཞིན། ། མ་སྨིན་སྔོན་ལ་ས་རུ་ལྷུང་བ་དང་། ། སྐྱུ་རུ་ཤིང་གི་མེ་ཏོག་ནང་བཞིན་དུ། ། བཞད་མ་ཐག་ནས་ཡལ་དང་གཉིས་སུ་མེད། །  
\v 34 དད་གུས་མེད་པའི་མི་ལ་བུ་རྒྱུད་ཆད། ། ལྐོག་རྔན་ལེན་མཁན་གུར་རྣམས་མེས་བསྲེག་འོང་། །  
\v 35 དེ་ཚོར་ཟོལ་ཟོག་མངལ་ཆགས་ཤིང་། ། དེ་ཚོས་བཙས་པ་སྡིག་ཉེས་ཡིན། ། ཁོག་ནང་གཡོ་སྒྱུ་བསྒྲིགས་ཡོད་དོ། །   
\c 16
\cl ལེའུ་བཅུ་དྲུག་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་ཨེ་ལི་ཕཱ་སི་ལ་ལན་གསུངས་པ།  
\p
\v 1 དེ་ནས་ཨེས་ཡོབ་ཀྱིས་ལན་བཏབ་ནས་གསུངས་པ།  
\v 2 བདག་གིས་འདི་འདྲའི་གཏམ་ནི་མང་དུ་ཐོས། ། ཁྱོད་རྣམས་སེམས་གསོ་བྱེད་མཁན་ཐབས་རྡུགས་ཡིན། །  
\v 3 འཆོལ་གཏམ་ལ་ནི་རྫོགས་པའི་དུས་ཡོད་དམ། ། གང་གིས་ཁྱོད་ལ་གཙེར་ནས་ལན་ཟློག་གམ། །  
\v 4 ངས་ཀྱང་ཁྱོད་ཚོའི་གཏམ་བཞིན་གླེང་ནུས་ཏེ། ། ཁྱོད་ཚོ་ང་ཡི་གནས་སུ་ལྷུང་གྱུར་ན། ། ངས་ཀྱང་ཁྱོད་ལ་རྒོལ་བའི་གཏམ་གླེང་ནུས། ། ཁྱོད་ཚོའི་ཕྱོགས་སུ་མགོ་ཡང་གཡུག་པར་ནུས། །  
\v 5 ཡིན་ཡང་བདག་གིས་ཁྱོད་ཚོ་བརྟན་པོར་བྱེད། ། སྨྲ་སྒོས་ཁྱོད་རྣམས་སེམས་སྡུག་མེད་པར་བྱ། །  
\v 6 ང་ཡིས་བརྗོད་ཀྱང་སྡུག་བསྔལ་མ་ཡལ་ཏེ། ། ངས་ངག་བསྡམས་ན་སྡུག་བསྔལ་འབྲལ་འགྱུར་རམ། །  
\v 7 ད་ནི་དཀོན་མཆོག་ཁོང་གིས་ང་རང་ཆད་དུ་བཅུག ། ང་ཡི་གཡོག་འཁོར་ཐམས་ཅད་གཞི་ནས་བརླག་པར་མཛད། །  
\v 8 དེ་མིན་ཁྱེད་ཀྱིས་ང་རང་བཟུང་ནས་ནི། ། བདེན་དཔང་དང་བཅས་ང་ལ་རྒོལ་བ་དང་། ། བདག་གི་ལུས་ཟུངས་རིད་པོ་འདི་ཡིས་ཀྱང་། ། དངོས་སུ་ང་ཡི་ཉེས་པར་དཔང་པོ་བྱེད། །  
\v 9 ཁོང་གི་ཐུགས་ཁྲོས་ང་རང་དབྲལ་བ་དང་། ། ཁོང་གི་ཐུགས་ཁྲོས་བདག་ལ་བཙན་སྐུལ་བྱེད། ། བདག་ཕྱོགས་ཁོང་གི་ཚེམས་ཀྱང་གཙིག་པར་མཛད། ། དགྲ་བོས་སྡང་བའི་མིག་གིས་བདག་ལ་ལྟ། །  
\v 10 དེ་ཚོས་ང་ལ་འཕྱ་བར་ཁ་གདང་ཞིང་། ། བརྙས་བཅོས་གཏོང་ཆེད་ང་ལ་འགྲམ་ལྕག་གཞུས། ། དེ་རྣམས་ལྷན་ཅིག་འཛོམས་ཏེ་ང་ལ་རྒོལ། །  
\v 11 ཁོང་གིས་ང་རང་བྱིས་པའི་ལག་པར་གཏད། ། སྡིག་སྤྱོད་ལག་ནང་ཁོང་གིས་བདག་ནི་བཅུག །  
\v 12 བདེ་བར་སྡོད་དུས་ཁོང་གིས་རྩ་ནས་གཏོར། ། ང་ཡི་གཉའ་ནས་བཟུང་སྟེ་ས་རུ་གཡུགས། ། ཁོང་གི་འབེན་དུ་བདག་ནི་སློང་བར་མཛད། །  
\v 13 ཁོང་གི་མདའ་པས་བདག་གི་མཐའ་ནས་བསྐོར། ། སྙིང་རྗེ་མེད་པར་བདག་གི་མཁལ་མ་ཕུག ། བདག་གི་མཁྲིས་ཁུ་ས་རུ་འཕོ་བར་མཛད། །  
\v 14 ཁོང་གིས་ང་རང་ཡང་ནས་ཡང་དུ་གཏོར། ། དཔའ་བོ་ནང་བཞིན་བདག་གི་ཕྱོགས་སུ་འཁྱོངས། །  
\v 15 ང་ཡིས་སྐྱི་མོ་སྟེང་དུ་གཙོ་མ་བཙེམས། ། རང་གི་རྭ་ཅོ་ \f + \ft འདིར་རྭ་ཅོ་ཞེས་པ་ནི་སྟོབས་ཤུགས་ལ་གོ་བ་ཡིན།\f*ཐལ་བའི་ནང་དུ་བཞག །  
\v 16 བདག་ནི་ངུས་པས་ངོ་གདོང་དམར་པོར་གྱུར། ། ང་ཡི་མིག་ལྕིབས་སྟེང་དུ་སྨག་རུམ་ཡོད། །  
\v 17 འོན་ཀྱང་ང་ཡི་ལག་པར་གདུག་རྩུབ་མེད། ། བདག་གི་སྨོན་ལམ་རྣམ་དག་ཡིན་པར་ངེས། །  
\v 18 ཀྱེ་ཀྱེ་ས་གཞི་ངའི་ཁྲག་མ་སྦས་ཤིག ། ང་ཡི་འོ་དོད་འགོག་པར་མི་མཛད་རོགས། །  
\v 19 ལྟོས་དང་ནམ་མཁར་ང་ཡི་བདེན་དཔང་མཆིས། ། ང་རང་སྲུང་མཁན་མཐོན་པོའི་གནས་སུ་བཞུགས། །  
\v 20 བདག་གི་གྲོགས་པོས་བདག་ལ་འཕྱས་ན་ཡང་། ། དཀོན་མཆོག་ཕྱོགས་སུ་ང་ཡིས་མིག་ཆུ་བཞུར། །  
\v 21 མི་ཡིས་རང་གི་གྲོགས་པོ་བཞིན། ། དཀོན་མཆོག་ལ་ཡང་རྩོད་པར་ཤོག །  
\v 22 རྒྱུ་མཚན་ལོ་འགའ་ཕྱིན་པའི་རྗེས། ། བདག་ནི་མི་ལྡོག་ལམ་དུ་འཇུག །   
\c 17
\cl ལེའུ་བཅུ་བདུན་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ངའི་དབུགས་ཆད་ཅིང་ང་ཡི་ཚེ་རྫོགས་པས། ། དུར་ཁྲོད་བདག་ཆེད་གྲ་སྒྲིག་བྱས་ཟིན་ཏེ། །  
\v 2 ཁྲེལ་དགོད་བྱེད་མཁན་དངོས་གནས་བདག་དང་མཉམ་དུ་གནས། ། ང་ཡི་མིག་གིས་ཁོ་ཚོའི་གྱེན་ལོག་སྣང་ཚུལ་མཐོང་། །  
\v 3 ཁྱེད་ཀྱིས་དངོས་སུ་བདག་ལ་གཏའ་མ་གནང་བར་མཛོད། ། ང་ལ་ཁག་ཐེག་བྱེད་མཁན་ཁྱེད་ལས་གཞན་སུ་ཡོད། །  
\v 4 དེ་དག་སེམས་ཀྱི་ཤེས་རབ་སྦས་མཛད་པས། ། ཁྱེད་ཀྱིས་དེ་དག་མཐོ་སར་མི་འཇོག་སྟེ། །  
\v 5 སྐལ་བ་ཐོབ་ཆེད་མཛའ་བོ་གཏུག་མཁན་རྣམས། ། དེ་ཡི་བུ་ཕྲུག་མིག་ནི་ཞར་གྱུར་ཅིག །  
\v 6 ཁོང་གིས་ང་རང་མི་རྣམས་གཏམ་དཔེར་མཛད། ། མི་ཡིས་བདག་གི་གདོང་ལ་མཆིལ་མ་གཏོར། །  
\v 7 སྡུག་བསྔལ་རྐྱེན་གྱིས་ངའི་མིག་རབ་རིབ་གྱུར། ། ང་ཡི་རྐང་ལག་གྲིབ་མ་ཙམ་དུ་གྱུར། །  
\v 8 དྲང་པོ་རྣམས་ནི་འདི་ལ་ཧ་ལས་ཤིང་། ། ཉེས་མེད་རྣམས་ཀྱིས་ཆོས་མེད་དག་ལ་རྒོལ། །  
\v 9 དྲང་བདེན་དག་གིས་རང་ལམ་བསྲུང་བ་དང་། ། ལག་གཙང་མི་ལ་སྟོབས་ཁར་སྟོབས་ཤུགས་འཛོམས། །  
\v 10 འོན་ཀྱང་ཁྱོད་ཅག་ཐམས་ཅད་ཕྱིར་ལོག་ཤོག ། ཁྱོད་རྣམས་ཁྲོད་དུ་བློ་ལྡན་གཅིག་ཀྱང་མེད། །  
\v 11 ང་ཡི་ཉིན་མོ་རྣམས་ནི་འདས་ཟིན་ཏེ། ། ཐབས་ཇུས་དང་ནི་སེམས་ཀྱི་རེ་འདུན་ཆད། །  
\v 12 དེ་ཚོས་མཚན་མོ་ཉིན་མོར་བསྒྱུར་བྱེད་ཅིང་། ། མུན་པར་ཐུག་ཀྱང་འོད་ནི་ཉེ་བར་སྨྲ། །  
\v 13 གཤིན་ཁམས་རང་གི་ཁྱིམ་དུ་འདོད་ནས་ནི། ། རང་གི་མལ་ཆས་སྨག་རུམ་དུ་བཏིངས་ཚེ། །  
\v 14 བདག་གིས་གཤིན་པོའི་ཡུལ་ལ་ནི། ། ཁྱོད་ནི་ང་ཡི་ཕ་ཡིན་ཞིང་། ། འབུ་ཁྱོད་ང་ཡི་མ་དང་ནི། ། ལྕམ་སྲིང་ཡིན་ཞེས་སྨྲས་གྱུར་ན། །  
\v 15 དེ་ནས་བདག་གི་རེ་བ་གང་དུ་ཡོད། ། བདག་གིས་བཅངས་པའི་རེ་བ་སུས་མཐོང་ཡོང་། །  
\v 16 རེ་བ་དེ་ནི་བདག་མཉམ་དུར་སྒོར་བབས་ནས་ནི། ། བདག་དང་ལྷན་ཅིག་ས་རྡུལ་ནང་དུ་གནས་འགྱུར་རམ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 པེལ་དེལ་གྱི་ཁ་བརྡ་གཉིས་པ།  
\p
\v 1 དེ་ནས་ཤུ་ཧེ་པ་པེལ་དེལ་གྱིས་ལན་བཏབ་ནས་སྨྲས་པ།  
\v 2 ཁྱེད་ཀྱིས་ནམ་དུས་བར་དུ་གཏམ་འཚོལ་ལམ། ། གསལ་པོར་སོམས་དང་དེ་ནས་བརྗོད་པར་བྱ། །  
\v 3 ངེད་ཅག་དུད་འགྲོ་ལྟ་བུར་བརྩིས་ནས་ནི། ། ཁྱེད་ཀྱི་མིག་ནང་བླུན་པོར་གྱུར་པ་ཅི། །  
\v 4 ཁོང་ཁྲོའི་ནང་དུ་རང་ཉིད་ཧྲལ་པ་ཁྱེད། ། ས་གཞི་ཁྱེད་ཕྱིར་མེད་པར་འགྱུར་བ་དང་། ། བྲག་རིས་རང་གི་གནས་ཀྱང་འཕོ་འགྱུར་རམ། །  
\v 5 སྡིག་སྤྱོད་མི་ཡི་འོད་ནི་ཞི་ངེས་ཏེ། ། དེ་ཡི་མེ་སྟག་གིས་ནི་འོད་མི་སྤྲོ། །  
\v 6 དེ་ཡི་གུར་ནང་འོད་ནི་མུན་པར་འགྱུར། ། སྟེང་གི་འོད་ཀྱང་མཉམ་དུ་ཞི་བར་འགྱུར། །  
\v 7 ཁོ་ཡི་སྟོབས་ལྡན་གོམ་སྟབས་དགག་པར་མཛད། ། རང་གི་ཇུས་ཀྱིས་ཁོ་རང་བརྡབ་པར་འགྱུར། །  
\v 8 དེ་ལྟར་རང་གི་རྐང་པས་རྙི་ནང་འཚུད། ། རྙི་ཡི་སྟེང་དུ་ཁོ་རང་འགྲུལ་བས་ན། །  
\v 9 དྲ་རྒྱས་དེ་ཡི་ཕྱི་རྟིང་འཛིན་པར་འགྱུར། ། རྒྱ་རྙི་ཞིག་གིས་ཁོ་ནི་འཁྱིག་པར་བྱ། །  
\v 10 ཁོའི་དོན་ས་འོག་ཞགས་པ་སྦས་འདུག་ཅིང་། ། ཁོའི་ཕྱིར་ལམ་དུ་འཆིང་སྒྲོག་སྦས་ནས་ཡོད། །  
\v 11 ཕྱོགས་བཞིའི་འཇིགས་པས་ཁོ་རང་སྐྲག་པར་བྱེད། ། ཁོ་ཡི་གོམ་པའི་རྗེས་སུ་བདས་ནས་འོང་། །  
\v 12 བཀྲེས་པས་ཁོ་ཡི་སྟོབས་ནི་ཟད་འགྱུར་ཞིང་། ། གནོད་འཚེས་ཁོ་ཡི་གམ་དུ་སྒུག་པར་བྱེད། །  
\v 13 ཁོ་ཡི་ལུས་ཀྱི་ཡན་ལག་དེ་ཡིས་བཟའ། ། འཆི་བའི་སྔོན་སྐྱེས་ཀྱིས་དེའི་ཡན་ལག་མིད། །  
\v 14 དེ་ནི་རང་ཉིད་བརྟེན་སའི་གུར་ལས་སྐྲོད་པར་འགྱུར། ། དེ་ནི་འཇིགས་བྱེད་རྒྱལ་པོའི་དྲུང་དུ་འདྲེན་པར་འགྱུར། །  
\v 15 ཁོ་ལ་མི་གཏོགས་པ་ནི་དེ་ཡི་གུར་ནང་གནས། ། མུ་ཟི་ཁོ་རང་སྡོད་པའི་གནས་སུ་གཏོར་ངེས་ཡིན། །  
\v 16 མཐིལ་ནས་དེ་ཡི་རྩ་བ་སྐམ་པ་དང་། ། སྟེང་ནས་དེ་ཡི་ཡལ་ག་རྙིད་པར་འགྱུར། །  
\v 17 དེ་ཡི་མཚན་སྙན་ས་ལས་ནུབ་པ་དང་། ། སྲང་ལམ་ནང་དེའི་མིང་ཡང་ལུས་མི་འགྱུར། །  
\v 18 དེ་ནི་འོད་ལས་མུན་པར་འདེད་འགྱུར་ཏེ། ། ས་གཞི་ལས་ནི་ཁོ་རང་སྐྲོད་པར་འགྱུར། །  
\v 19 རང་གི་སྡེ་ནང་བུ་རབས་ཚ་རྒྱུད་མེད། ། བྱེས་སུ་སྡོད་སར་གཅིག་ཀྱང་ལུས་མི་འགྱུར། །  
\v 20 སྔོན་མའི་མི་རྣམས་འཇིགས་པས་བཟུང་བ་ནང་བཞིན་དུ། ། རྗེས་རབས་པ་རྣམས་ཁོ་ཡི་མི་ཚེར་ཧ་ལས་ཡོང་། །  
\v 21 སྡིག་སྤྱོད་ཅན་གྱི་ཁྱིམ་ནི་འདི་ལྟར་ཏེ། ། དཀོན་མཆོག་མི་ཤེས་མཁན་གྱི་གནས་དེ་འོ། །   
\c 19
\cl ལེའུ་བཅུ་དགུ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་པེལ་དེལ་ལ་ལན་གསུངས་པ།  
\p
\v 1 དེ་ནས་ཨེས་ཡོབ་ཀྱིས་ལན་བཏབ་ནས་གསུངས་པ།  
\v 2 ཁྱོད་ཚོས་ཅི་ཙམ་བདག་གི་སེམས་འཚེ་སྟེ། ། ཚིག་གིས་བདག་ལ་གནོན་ཤུགས་སྟེར་བ་ཡིན། །  
\v 3 ཁྱོད་ཚོས་ཐེངས་བཅུར་བདག་ལ་ངོ་ཚ་གཏད། ། ང་རང་སྡུག་ལ་གཏད་ཀྱང་ངོ་མི་གནོང་། །  
\v 4 ང་རང་ནོར་བའི་དབང་དུ་བཏང་ན་ཡང་། ། སྐྱོན་ཆ་ཐམས་ཅད་བདག་ལས་བྱུང་བ་སྟེ། །  
\v 5 ཁྱོད་ཚོས་རང་རློམ་དང་བཅས་ང་རྒོལ་ཞིང་། ། བདག་གི་ངོ་ཚས་ང་ལ་བཀྱོན་འདོད་ན། །  
\v 6 དཀོན་མཆོག་ཉིད་ཀྱིས་ང་རང་ཕམ་བཅུག་སྟེ། ། དྲ་རྒྱས་ངའི་མཐའ་བསྐོར་བ་ཤེས་པར་གྱིས། །  
\v 7 བདག་གིས་འོ་དོད་བོས་ཀྱང་ལན་མི་གནང་། ། བདག་གིས་ཞུས་ཀྱང་དྲང་གཞག་འབྱུང་མི་སྲིད། །  
\v 8 ཁོང་གིས་བདག་གི་ལམ་བུ་བཀག་པས་ན། ། ང་རང་ལམ་བུ་དེ་ལ་རྒྱུ་མ་ནུས། ། བདག་གི་ལམ་དུ་སྨག་རུམ་འཐིབས་པར་མཛད། །  
\v 9 ཁོང་གིས་བདག་གི་དཔལ་ནི་བཤུས་ཁྱེར་ཏེ། ། བདག་གི་མགོ་ནས་ཅོད་པན་བསྣམས་པར་མཛད། །  
\v 10 ཁོང་གིས་ཕྱོགས་བཞིར་ང་རྒོལ་བས། ། ང་རང་འཆི་བའི་ལམ་དུ་བརྫངས། ། ཁོང་གིས་བདག་གི་རེ་བ་ནི། ། སྡོང་པོ་བཞིན་དུ་རྩ་ནས་བལ། །  
\v 11 ཁོང་ཉིད་བདག་ལ་ཐུགས་ཁྲོ་མེ་ལྟར་འབར། ། ང་རང་ཁོང་གི་དགྲ་རུ་བརྩི་བར་མཛད། །  
\v 12 ཁོང་གི་དཔུང་ཚོགས་འདུས་ནས་བདག་ཕྱོགས་འོངས། ། ལམ་བུ་བཟོས་ཏེ་བདག་ལ་རྒོལ་བ་དང་། ། བདག་གི་གུར་གྱི་མཐའ་ནས་དམག་སྒར་བཙུགས། །  
\v 13 ཁོང་གིས་བདག་གི་སྤུན་རྣམས་རིང་དུ་གྱེས་པར་མཛད། ། ང་ཡི་ངོ་ཤེས་རྣམས་ཀྱང་འབྲེལ་བ་གཞི་ནས་ཆད། །  
\v 14 བདག་གི་ཤ་ཉེ་རྣམས་ནི་བདག་དང་བྲལ། ། བདག་གི་མཛའ་བོ་རྣམས་ཀྱིས་ང་རང་བརྗེད། །  
\v 15 བདག་གི་མགྲོན་དང་བྲན་མོས་ང་རང་ཆ་མེད་བརྩིས། ། དེ་ཚོའི་མིག་ནང་བདག་ནི་ཕྱི་རོལ་པ་རུ་གྱུར། །  
\v 16 ང་ཡིས་འཁོར་གཡོག་བོས་ཀྱང་ལན་མ་བྱིན། ། དངོས་སུ་ཞུ་བ་ཕུལ་ཡང་ཨ་ལན་མེད། །  
\v 17 ཆུང་མ་བདག་གི་ཁ་དྲིར་ཞེན་ལོག་ཅིང་། ། སྤུན་ཟླ་རྣམས་ནི་བདག་ལ་སྡང་བ་ཡིན། །  
\v 18 བྱིས་པ་རྣམས་ཀྱང་བདག་ལ་མཐོང་ཆུང་བྱེད། ། ང་ཡར་ལངས་དུས་དེ་ཚོས་སྨད་པར་རྩོམ། །  
\v 19 བདག་གི་མཛའ་བོ་རྣམས་ནི་ང་ལ་སྡང་། ། ང་རང་བྱམས་པའི་མི་ཡིས་བདག་སྤངས་སོ། །  
\v 20 ང་ཡི་ཤ་དང་སྐྱི་མོ་རུས་པར་འབྱར། ། བདག་ལ་རྙིལ་ཙམ་ལུས་ཏེ་ཐར་བ་ཡིན། །  
\v 21 དཀོན་མཆོག་ཕྱག་གིས་བདག་ལ་རྒོལ་བས་ན། ། མཛའ་བོ་རྣམས་ཀྱིས་བདག་ལ་སྙིང་རྗེ་གནོངས། །  
\v 22 ཁྱོད་ཚོས་དཀོན་མཆོག་བཞིན་དུ་ང་འདེད་ཅིང་། ། བདག་ལུས་སྡུག་བསྔལ་བས་ཀྱང་མི་ཚིམ་ཅི། །  
\v 23 ང་ཡི་ཚིག་རྣམས་ད་ལྟ་འབྲི་རོགས་གནང་། ། གླེགས་བམ་ནང་དུ་བཀོད་ན་ཅི་མ་རུང་། །  
\v 24 གཏན་དུ་གནས་པའི་ཕྱིར་དུ་ཕ་བོང་སྟེང་། ། ལྕགས་སྨྱུག་དང་ནི་ཞ་ཉེས་བརྐོས་ན་ལེགས། །  
\v 25 ང་ཡི་སྐྱབས་མགོན་གསོན་པོར་བཞུགས་པ་དང་། ། མཇུག་མཐར་ས་གཞིའི་སྟེང་དུ་བཞེང་བ་ཤེས། །  
\v 26 ང་ཡི་ཤ་རུས་\f + \ft ང་ཡི་ཤ་རུས་ཞེས་པར་མ་ཕྱི་ལས་ང་ཡི་སྐྱི་མོ་ཞེས་མཐོང་།\f*འདི་ནི་འཇིག་འགྱུར་ཡང་། ། གཟུགས་པོ་མེད་བཞིན་དཀོན་མཆོག་མཇལ་ངེས་ཡིན \f + \ft འདིར་གཟུགས་པོ་མེད་བཞིན་ཞེས་པ་ནི་སྐབས་དེར་ཨེས་ཡོབ་སྡུག་བསྔལ་ཆེན་པོས་མནར་ནས་འཆི་ལ་ཐུག་ནའང་ཁོང་ནི་རང་ཉིད་གསོན་པའི་དུས་སུ་དཀོན་མཆོག་མཇལ་བར་ཡིད་ཆེས་པར་གོ་དགོས།\f*། །  
\v 27 བདག་གི་མིག་གིས་ཁོང་ཉིད་མཐོང་བར་འགྱུར། ། གཞན་མིན་རང་གི་མིག་གིས་ཁོང་མཇལ་ཡོང་། ། ངའི་སེམས་རང་གི་ཁོག་ནང་ཤིན་ཏུ་ངལ། །  
\v 28 རྩ་བའི་རྒྱུ་རྐྱེན་བདག་ནང་ཡོད་པ་བཞིན། ། ཁོ་རང་འདེད་ཅིག་ཁྱོད་ཚོས་ཅི་ལ་ཟེར། །  
\v 29 ཁོང་ཁྲོས་རལ་གྲིའི་བཀའ་ཆད་འདྲེན་པའི་ཕྱིར། ། ཁྱོད་རྣམས་རལ་གྲི་དེ་ལ་འཇིགས་པར་འོས། ། དེ་ལྟར་ཁྱོད་ཚོས་ཉེས་ཆད་རྟོགས་འགྱུར་རོ། །   
\c 20
\cl ལེའུ་ཉི་ཤུ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཚའོ་ཕར་གྱི་ཁ་བརྡ་གཉིས་པ།  
\p
\v 1 དེ་ནས་ན་ཨ་མད་པ་ཚའོ་ཕར་གྱིས་ལན་བཏབ་ནས་སྨྲས་པ།  
\v 2 ང་ཡི་སེམས་པ་ཤིན་ཏུ་འཚབ་པས་ན། ། ང་ཡི་བསམ་པས་ལན་ཞིག་འདེབས་སུ་འཇུག །  
\v 3 བདག་ལ་བརྙས་པའི་བཀའ་བཀྱོན་ངས་ཐོས་པས། ། ང་ཡི་གོ་རྟོགས་ཀྱིས་ནི་ལན་འདེབས་འཇུག །  
\v 4 ས་སྟེང་མི་བུ་བཀོད་ནས་ད་ལྟའི་བར། ། ཁྱེད་ཀྱིས་འདི་ནི་སྔར་ནས་མ་རྟོགས་སམ། །  
\v 5 སྡིག་སྤྱོད་མི་ཡི་དགའ་འབོད་དུས་ཐུང་ཞིང་། ། ཆོས་མེད་མི་ཡི་དགའ་སྤྲོ་ཡུད་ཙམ་ཡིན། །  
\v 6 དེ་ཡི་གཟི་དཔལ་ནམ་མཁའི་བར་དུ་ཕྱིན། ། མགོ་བོ་སྤྲིན་པའི་ནང་དུ་ཟུག་ན་ཡང་། །  
\v 7 ཁོ་ནི་རང་གི་རྟུག་པ་བཞིན་དུ་ཡལ། ། གང་དུ་ཡོད་ཅེས་མཐོང་མཁན་རྣམས་ཀྱིས་འདྲི། །  
\v 8 ཁོ་ནི་རྨི་ལམ་ལྟར་དུ་ཡལ་བས་རྙེད་མི་འགྱུར། ། མཚན་མོའི་འཆར་སྣང་བཞིན་དུ་ཁོ་ནི་འདེད་པར་འགྱུར། །  
\v 9 ཁོ་སྔར་མཐོང་བའི་མིག་གིས་ཁོ་མི་མཐོང་། ། རང་ཁྱིམ་ལ་ཡང་ཁོ་ནི་མཐོང་མི་འགྱུར། །  
\v 10 དེ་ཡི་བུ་ཚོས་དབུལ་པོར་སྐྱབས་འཇུག་ཞུ། ། དེ་ཡི་ལག་པས་རྒྱུ་ནོར་ཕྱི་རུ་སྤྲོད། །  
\v 11 རུས་པར་ན་གཞོན་ལྟ་བུའི་ཤེད་ལྡན་ཡང་། ། ཁོ་དང་མཉམ་དུ་རྡུལ་ནང་ཉལ་བར་འགྱུར། །  
\v 12 དེ་ཡི་ཁ་ལ་ཉེས་སྡིག་མངར་མོ་ཡིན། ། ལྕེ་ཡི་འོག་ཏུ་ཉེས་སྡིག་སྦ་བ་དང་། །  
\v 13 དེ་ལ་ཆགས་ཤིང་འདོར་བར་མི་འདོད་དེ། ། རང་གི་ཁ་ནང་སྦས་ནས་འཇོག་མོད་ཀྱང་། །  
\v 14 དེ་ཡི་ཁ་ཟས་ལྟོ་བར་རུལ་ནས་ནི། ། ཁོག་ནང་དུག་སྦྲུལ་དུག་ཆུ་བཞིན་དུ་འགྱུར། །  
\v 15 དེ་ཡིས་ནོར་རྣམས་མིད་ཀྱང་སླར་བསྐྱུག་ངེས། ། དཀོན་མཆོག་ཉིད་ཀྱིས་དེ་ཡི་ཁོག་ནས་འདོན། །  
\v 16 དུག་སྦྲུལ་གྱི་ནི་དུག་ཆུ་ཁོས་འཇིབ་སྟེ། ། ལྟོ་འགྲོ་ལྕེ་ཡིས་ཁོའི་སྲོག་གཅོད་པར་འགྱུར། །  
\v 17 འོ་མ་དང་ནི་སྦྲང་རྩིའི་ཆུ་བོ་དང་། ། གཙང་པོ་རྣམས་ནི་ཁོས་ནི་མཐོང་མི་འགྱུར། །  
\v 18 དེ་ཡིས་འབད་ཀྱིས་ཐོབ་སྐལ་རྙེད་ཀྱང་ཕྱིར་སྤྲོད་དགོས། ། ཚོང་ལས་རྒྱུ་ནོར་ཐོབ་ཀྱང་དགའ་སྤྲོ་མི་རྙེད་དེ། །  
\v 19 རྒྱུ་མཚན་དེ་ཡིས་དབུལ་པོར་བརྙས་ཤིང་དོར། ། གཞན་གྱིས་བསྐྲུན་པའི་ཁང་པ་བཙན་གྱིས་བླངས། །  
\v 20 ཁོ་ནི་ཧམ་འདོད་ངོམས་མེད་ཡིན་པས་ན། ། གང་ལ་ཆགས་པ་ཅི་ཡང་ལུས་མི་འགྱུར། །  
\v 21 ལུས་པ་གཅིག་ཀྱང་མིད་ནས་མ་བཞག་པས། ། དེ་ཡི་ལོངས་སྤྱོད་ཡུན་རིང་གནས་མི་འགྱུར། །  
\v 22 ཚིམ་པའི་དུས་ལ་ཁོ་རང་འུ་ཐུག་འགྱུར། ། ཉོན་མོངས་ཅན་གྱི་ལག་ཀུན་དེའི་ཐོག་དབབ། །  
\v 23 རང་གི་ལྟོ་བ་འགྲངས་སུ་འཇུག་པའི་དུས། ། དཀོན་མཆོག་ཁོང་གི་ཐུགས་ཁྲོ་དེའི་སྟེང་དབབ། ། དེ་ཡིས་ཁ་ཟས་ལ་ནི་རོལ་བའི་དུས། ། ཐུགས་ཁྲོ་ཆར་བ་བཞིན་དུ་དེའི་ཐོག་དབབ། །  
\v 24 ལྕགས་ཀྱི་མཚོན་ཆ་ལས་ཁོ་བྲོས་ན་ཡང་། ། ལི་ཡི་མདའ་གཞུས་ཁོ་ནི་འབིགས་པར་འགྱུར། །  
\v 25 མདའ་མོ་བཏོན་པར་རྒྱབ་ནས་ཐོན་པ་དང་། ། འོད་སྤྲོ་མདའ་མགོ་མཁྲིས་པའི་ནང་ནས་ཐོན། ། དངངས་སྐྲག་གིས་ནི་ཁོ་རང་འཇོམས་པར་འགྱུར། །  
\v 26 དེ་ཡི་གཏེར་ནི་མུན་པའི་ནང་དུ་ལྟུང་། ། མི་ཡིས་མ་སྦར་མེས་དེ་བསྲེག་པར་འགྱུར། ། གུར་གྱི་ནང་གི་ལྷག་མ་རྣམས་བསྲེག་འོང་། །  
\v 27 གནམ་གྱིས་དེ་ཡི་སྡིག་ཉེས་མངོན་པར་བྱ། ། ས་གཞི་ཡང་ནི་དེ་ཡི་དགྲ་རུ་ལང་། །  
\v 28 དེ་ཡི་ཁྱིམ་གྱི་ཐོན་རྫས་མེད་པར་འགྱུར་བ་དང་། ། དཀོན་མཆོག་ཐུགས་ཁྲོའི་ཉིན་མོར་རྒྱུ་ནོར་འཁུར་བར་འགྱུར། །  
\v 29 འདི་ནི་སྡིག་སྤྱོད་ཅན་ལ་ཐོབ་པའི་སྐལ་བ་སྟེ། ། དཀོན་མཆོག་ཉིད་ཀྱིས་དེ་ལ་གནང་བའི་ནོར་སྐལ་ཡིན། །   
\c 21
\cl ལེའུ་ཉེར་གཅིག་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་ཚའོ་ཕར་ལ་ལན་གསུངས་པ།  
\p
\v 1 དེ་ནས་ཨེས་ཡོབ་ཀྱིས་ལན་བཏབ་ནས་སྨྲས་པ།  
\v 2 ཁྱོད་ཚོས་བདག་གི་གཏམ་ལ་ཞིབ་ཏུ་ཉོན་ཅིག་དང་། ། བདག་ལ་མཚོན་ན་དེ་ནི་ཁྱོད་ཚོའི་སེམས་གསོ་ཡིན། །  
\v 3 བདག་གིས་ཡང་བསྐྱར་གཏམ་གླེང་བྱེད་པར་གུ་ཡངས་ཐོངས། ། ངའི་གཏམ་བརྗོད་རྗེས་ཁྱོད་ཚོས་འཕྱ་མོད་བྱེད་ཆོག་ཆོག །  
\v 4 བདག་གིས་མིའི་མདུན་སྡུག་བསྔལ་བགྲང་བྱེད་དམ། ། ང་ཡི་སེམས་ཀྱིས་བཟོད་པ་ཅི་ལ་བསྒོམ། །  
\v 5 ཁྱོད་ཚོ་བདག་ཕྱོགས་འཁོར་ནས་ཧ་ལས་ཤིང་། ། རང་གི་སྨྲ་སྒོ་ལག་པས་འགེབ་པ་ཡིན། །  
\v 6 ང་ཡིས་དྲན་པའི་ཚེ་ན་འཇིགས་སྣང་སྐྱེ། ། བདག་གི་ལུས་ལ་འདར་ཡོམ་བྱུང་བ་ཡིན། །  
\v 7 མི་ངན་གསོན་པོར་ལུས་ཤིང་ཚེ་རིང་ལ། ། སྟོབས་ཤུགས་རྒྱས་ཤིང་འཕེལ་བ་ཅི་ཡིན་ནམ། །  
\v 8 དེ་དང་མཉམ་དུ་བུ་རྒྱུད་མིག་མདུན་གནས། ། རང་གི་ཚ་རྒྱུད་བརྟན་པོར་གནས་པ་མཐོང་། །  
\v 9 དེའི་ཁྱིམ་འཇིགས་པར་བྲལ་ཞིང་བདེ་བར་གནས། ། ཁོ་ཚོའི་སྟེང་དུ་དཀོན་མཆོག་དབྱུག་པ་མེད། །  
\v 10 ཁོ་ཚོའི་གླང་གིས་རྒྱུད་ནི་སྤེལ་ཞིང་རྒྱུན་མི་ཆད། ། ཁོ་ཚོའི་བ་མོར་བ་ཕྲུག་སྐྱེ་ཞིང་མངལ་མི་ལྷུང་། །  
\v 11 ལུག་ཁྱུ་བཞིན་དུ་དེ་ཚོས་བྱིས་པ་ཕྱི་རོལ་འཁྲིད། ། དེ་ཡི་བུ་ཕྲུག་རྣམས་ཀྱིས་དགའ་སྤྲོའི་བྲོ་གར་འཁྲབ། །  
\v 12 རྔ་དང་པི་ཝང་བསྟུན་ནས་གླུ་ལེན་ཞིང་། ། འཕྲེད་གླིང་སྒྲ་ལ་དེ་དག་དགའ་ཞིང་མགུ །  
\v 13 དེ་རྣམས་འཚོ་ཞིང་དོན་ཀུན་ལྷུན་གྱིས་འགྲུབ། ། སྐད་ཅིག་ཉིད་ལ་དེ་དག་གཤིན་ཡུལ་སླེབས། །  
\v 14 ཁོ་ཚོས་དཀོན་མཆོག་ཉིད་ལ་འདི་ལྟར་ཞུ། ། ང་ཚོ་དང་ནི་བྲལ་ནས་ཕར་བཞུད་ཅིག ། ཁྱེད་ཀྱི་ལམ་རྣམས་ང་ཚོས་རྟོགས་མི་འདོད། །  
\v 15 ཀུན་དབང་ཁོང་ཉིད་དོན་ལ་སུ་ཡིན་ནམ། ། ང་ཚོས་ཁོང་ལ་ཞབས་ཕྱི་ཅི་ལ་བྱེད། ། ཁོང་ལ་ཞུས་ན་ཅི་ཕན་ཞེས་པ་འོ། །  
\v 16 ལྟོས་དང་དེ་ཚོའི་དོན་ཀུན་འགྲུབ་པ་ནི། ། ཁོ་ཚོ་རང་ལ་བརྟེན་པ་མ་ཡིན་གྱི། ། སྡིག་སྤྱོད་ཇུས་ངན་བདག་དང་རིང་དུ་གྱེས། །  
\v 17 སྡིག་སྤྱོད་ཅན་གྱི་སྒྲོན་མེ་ཅི་ལྟར་གསོད། ། དེ་དག་སྟེང་དུ་ཉོན་མོངས་མི་འབྱུང་ངམ། ། དཀོན་མཆོག་ཁོང་ཉིད་ཅིའི་ཕྱིར་ཐུགས་ཁྲོས་ནས། ། དེ་ཚོར་གནོད་འཚེ་ཅི་ལྟར་བསྐྱལ་འགྱུར་རམ། །  
\v 18 ཅིའི་ཕྱིར་དེ་རྣམས་རླུང་བུའི་མདུན་གྱི་སོག་རོ་དང་། ། དྲག་རླུང་གིས་ནི་འཁྱེར་བའི་ཕུབ་མ་དང་འདྲ་འམ། །  
\v 19 དཀོན་མཆོག་ཁོང་གིས་སྡིག་ཅན་ཕྲུ་གུའི་ཆེད། ། ཉེས་ཆད་མང་པོ་གསོག་ཅེས་ཁྱོད་ཚོས་སྨྲ། ། བདག་གིས་དེ་ལ་རྒྱུ་འབྲས་སྨིན་གྱུར་ནས། ། རང་ལ་རྟོགས་པར་མཛད་ན་ལེགས་ཞེས་བརྗོད། །  
\v 20 དེ་ཡི་མིག་གིས་རང་ཉིད་ཕམ་པ་མཐོང་བ་དང་། ། ཀུན་དབང་ཁོང་གི་ཐུགས་ཁྲོ་དངོས་སུ་འཐུང་གྱུར་ཅིག །  
\v 21 དེ་ཡི་ལོ་ཟླ་ཚར་ནས་འཆི་གྱུར་ན། ། ད་དུང་རང་གི་ཁྱིམ་དེ་གཉེར་ཐུབ་བམ། །  
\v 22 སུ་ཡིས་དཀོན་མཆོག་ཁོང་ལ་བསླབ་ཐུབ་བམ། ། མཐོ་སར་གནས་པར་ཁོང་གིས་ཁྲིམས་ཐག་གཅོད། །  
\v 23 ལ་ལ་འཆི་ཁར་ད་དུང་ལུས་སྟོབས་ལྡན། ། བློ་བདེ་བག་ཕེབས་ངང་ནས་འཆི་བར་འགྱུར། །  
\v 24 དེ་ཡི་ལྟོ་བར་འོ་མས་བཀང་། ། དེ་ཡི་རུས་རྐང་བཅུད་ཀྱིས་ཕྱུག །  
\v 25 ལ་ལ་འཆི་དུས་སེམས་སུ་སྡུག་བསྔལ་བཀང་། ། བདེ་སྐྱིད་འཚོ་བ་ནམ་ཡང་རོལ་མྱོང་མེད། །  
\v 26 དེ་གཉིས་གཅིག་མཚུངས་ས་ནང་ཉལ་བ་སྟེ། ། དེ་གཉིས་ལུས་པོར་འབུ་ཡིས་ཁྱབ་ཅིང་ཁྱབ། །  
\v 27 ཁྱོད་ཚོས་བདག་ལ་གནོད་འཚེ་གཏོང་འདོད་པའི། ། ཇུས་ངན་དེ་ནི་བདག་གིས་རྟོགས་པ་སྟེ། །  
\v 28 ཁྱོད་ཚོས་དབང་ཅན་ཁྱིམ་གཞིས་གང་དུ་ཡོད། ། གང་ལ་སྡིག་སྤྱོད་གནས་པའི་གུར་ཡོད་ཟེར། །  
\v 29 ལམ་འགྲོ་བ་ལ་ཁྱོད་ཚོས་མ་དྲིས་སམ། ། དེ་ཚོའི་བདེན་དཔང་ཁྱོད་ཚོས་མི་རྟོགས་སམ། །  
\v 30 ཚར་གཅོད་ཉིན་ལ་སྡིག་སྤྱོད་ལུས་པ་དང་། ། ཐུགས་ཁྲོའི་ཉིན་མོར་དེ་དག་སྐྱོབ་པར་འགྱུར། །  
\v 31 སུས་དེའི་སྤྱོད་པ་དངོས་སུ་གསལ་བར་བྱ། ། དེ་ཡིས་བྱས་པའི་ལས་འབྲས་སུས་སྟེར་རམ། །  
\v 32 དེ་ནི་དུར་གྱི་ནང་དུ་བསྐྱལ་བ་དང་། ། མི་ཡིས་དུར་ཁྲོད་བསྲུངས་ནས་སྡོད་པར་འགྱུར། །  
\v 33 ཁོ་ཡིས་ལུང་པའི་སྤོ་ཐོ་མངར་མོར་བསམས། ། དེ་ཡི་སྔོན་ལ་གྲངས་མེད་འདས་པ་བཞིན། ། དེ་ཡི་རྗེས་སུ་སྔར་ལས་མང་པོ་འདྲེན། །  
\v 34 ཁྱོད་ཚོའི་ལན་ནི་ཐམས་ཅད་ནོར་བས་ན། ། སྟོང་བཤད་ཀྱིས་ནི་བདག་སེམས་ཅི་ལྟར་གསོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེ་ལི་ཕཱ་སི་ཡི་ཁ་བརྡ་གསུམ་པ།  
\p
\v 1 དེ་མན་པ་ཨེ་ལི་ཕཱ་སི་ཡིས་ལན་བཏབ་ནས་སྨྲས་པ།  
\v 2 མཁས་པས་རང་ལ་ཕན་འདོགས་ཇི་བཞིན་དུ། ། མི་ཡིས་དཀོན་མཆོག་ལ་ནི་ཕན་ཐོགས་སམ། །  
\v 3 ཁྱེད་ནི་དྲང་བདེན་ཅན་ཞིག་ཡིན་ན་ཡང་། ། ཀུན་དབང་ཁོང་ཉིད་དགྱེས་པར་བྱེད་ནུས་སམ། ། ཁྱེད་ཀྱི་བྱ་སྤྱོད་སྐྱོན་དང་བྲལ་ན་ཡང་། ། ཀུན་དབང་ཁོང་ལ་ཕན་ཐོགས་ཅི་ཞིག་ལྡན། །  
\v 4 ཁྱེད་རང་ཁོང་ལ་གུས་ཤིང་འཇིགས་པས་ན། ། ཁྱེད་ལ་བཀྱོན་ཞིང་ཁྲིམས་ཐག་གཅོད་འགྱུར་རམ། །  
\v 5 ཁྱེད་ཀྱི་སྡིག་ཉེས་ཆེན་པོ་མ་ཡིན་ནམ། ། ཁྱེད་ཀྱི་ཉེས་པ་རྫོགས་མཐའ་མེད་པ་ཡིན། །  
\v 6 ཁྱེད་ཀྱིས་དོན་མེད་སྤུན་ལས་གཏའ་མ་བླངས། ། ཁྱེད་ཀྱིས་དབུལ་པོའི་གྱོན་གོས་བཤུས་པས་ཡིན། །  
\v 7 ངལ་དུབ་པ་ལ་ཁྱེད་ཀྱིས་ཆུ་མ་བྱིན། ། བཀྲེས་ལྟོགས་ཅན་ལ་ཁྱེད་ཀྱིས་ཟས་མ་སྤྲད། །  
\v 8 སྟོབས་ལྡན་མི་ཡིས་ས་གཞིར་དབང་བསྒྱུར་བྱེད། ། གུས་པར་འོས་པའི་མི་ནི་དེ་ནང་གནས། །  
\v 9 ཁྱེད་ཀྱིས་ཡུགས་མོ་ལག་སྟོང་འགྲོ་རུ་བཅུག ། དྭ་ཕྲུག་རྣམས་ཀྱི་དཔུང་ངར་བཅག་པ་ཡིན། །  
\v 10 དེའི་ཕྱིར་དྲ་རྒྱས་ཁྱེད་རང་མཐའ་ནས་བསྐོར། ། གློ་བུར་འཇིགས་སྐྲག་གིས་ནི་ཁྱེད་རང་མནར། །  
\v 11 ཡང་ན་མུན་པས་ཁྱེད་ལ་མཐོང་མ་བཅུག ། ཆུ་ལོག་གིས་ནི་ཁྱེད་རང་བསྣུབས་ནས་འཁྱེར། །  
\v 12 དཀོན་མཆོག་ནམ་མཁའི་མཐོ་སར་མི་བཞུགས་སམ། ། སྐར་མ་རྣམས་ནི་ཇི་ལྟར་མཐོ་བར་ལྟོས། །  
\v 13 འོན་ཀྱང་ཁྱེད་ཀྱིས་འདི་ལྟར་བརྗོད་པ་སྟེ། ། དཀོན་མཆོག་ཁོང་གིས་ཅི་ཞིག་མཁྱེན་པ་ཡིན། ། སྨག་རུམ་གསེབ་ནས་ཁྲིམས་ཐག་གཅོད་ནུས་སམ། །  
\v 14 སྤྲིན་པ་སྟུག་པོས་ཁོང་ཉིད་གཡོགས་པས་ན། ། ཁོང་གིས་ཅི་ཡང་གཟིགས་པར་མི་འགྱུར་ཏེ། ། ནམ་མཁའི་དཀྱིལ་འཁོར་སྟེང་ཁོང་འཁོར་འདུག་ཟེར། །  
\v 15 སྡིག་སྤྱོད་མི་རྣམས་རྒྱུ་བར་བྱས་པ་ཡི། ། གནའ་བོའི་ལམ་ལ་ཁྱེད་རང་རྒྱུ་འདོད་དམ། །  
\v 16 དེ་དག་དུས་ལ་མ་བབས་བཟུང་ཁྱེར་ཏེ། ། ཁོ་ཚོའི་རྩ་བ་གཙང་པོས་ཁུར་བར་གྱུར། །  
\v 17 དེ་ཚོས་དཀོན་མཆོག་ཉིད་ལ་འདི་ལྟར་སྨྲས། ། ངེད་ཅག་རྣམས་ལས་གྱེས་ཏེ་ཕེབས་ཤིག་དང་། ། ཀུན་དབང་ཁོང་གིས་ངེད་ལ་ཅི་བྱེད་ནུས། །  
\v 18 ཁོང་གིས་དེ་དག་ཁྱིམ་ལ་ནོར་གྱིས་བཀང་། ། སྡིག་སྤྱོད་གྲོས་ངན་བདག་ལས་ཤིན་ཏུ་རིང་། །  
\v 19 དྲང་པོས་ཁོ་ཚོའི་མཇུག་འབྲས་མཐོང་ནས་དགའ། ། ཉེས་མེད་དེ་ལ་དགོད་ཅིང་འདི་ལྟར་སྨྲ། །  
\v 20 ང་ཚོའི་དགྲ་བོ་དངོས་གནས་ཚར་བཅད་དེ། ། རྒྱུ་ནོར་རྣམས་ཀྱང་མེ་ཡིས་བསྲེགས་གྱུར་ཟེར། །  
\v 21 ཁྱེད་ནི་དཀོན་མཆོག་ཁོང་དང་མཐུན་པར་གྱིས། ། དེ་ནས་ཁྱེད་ལ་བདེ་བ་འཐོབ་པར་འགྱུར། །  
\v 22 ཁྱེད་ཀྱིས་ཁོང་གི་ཞལ་གདམས་བླངས་ནས་ནི། ། ཁོང་གི་བཀའ་མཆིད་སེམས་སུ་འཛིན་པར་གྱིས། །  
\v 23 ཁྱེད་རང་ཀུན་དབང་ཕྱོགས་སུ་འཁོར་ནས་ནི། ། རང་གི་གུར་ལས་ངན་པ་རིང་དོར་ན། ། ཁྱེད་ནི་སླར་ཡང་བརྟན་པོར་འགོད་པར་འགྱུར། །  
\v 24 ཁྱེད་ཀྱི་ནོར་རྣམས་ས་རྡུལ་ནང་དུ་ཕོངས། ། ཨོ་ཕིར་གསེར་རྣམས་གྲོག་རོང་རྡོ་ལ་སྐྱུར། །  
\v 25 ཀུན་དབང་ཁོང་ཉིད་ཁྱེད་ཀྱི་ནོར་དུ་འགྱུར། ། ཁོང་ཉིད་ཁྱེད་ཀྱི་རིན་ཆེན་དངུལ་དུ་འགྱུར། །  
\v 26 དུས་དེར་ཀུན་དབང་ཁྱེད་ཀྱི་དགའ་སྤྲོ་སྟེ། ། དཀོན་མཆོག་ཕྱོགས་སུ་མགོ་བོ་འདེགས་པར་བྱེད། །  
\v 27 ཁྱེད་ཀྱིས་ཁོང་ལ་སྨོན་ལམ་འདེབས་པ་དང་། ། ཁོང་གིས་ཁྱེད་ཀྱི་སྨོན་ལམ་གསན་འགྱུར་ཞིང་། ། ཁྱེད་ཀྱིས་རང་གི་དམ་བཅའ་ཡང་ནི་བསྒྲུབ། །  
\v 28 ཁྱེད་ཀྱི་བསམ་དོན་ལྷུན་གྱིས་འགྲུབ་པ་དང་། ། ཁྱེད་ཀྱི་ལམ་དུ་འོད་ཟེར་འཕྲོ་བར་འགྱུར། །  
\v 29 མི་ཡིས་ཁྱེད་རང་དམའ་སར་ཕབ་གྱུར་ན། ། ཁྱེད་ཀྱིས་ང་རང་རྒྱལ་བར་འགྱུར་ཟེར་ཏེ། ། ཁེངས་སྐྱུང་ཅན་རྣམས་དཀོན་མཆོག་ཉིད་ཀྱིས་སྐྱོབ། །  
\v 30 དཀོན་མཆོག་གིས་ནི་ཉེས་ཅན་སྐྱོབ་པས་ན། ། ཁྱེད་ལག་གཙང་བས་ཁོང་གིས་སྐྱོབ་ངེས་སོ། །   
\c 23
\cl ལེའུ་ཉེར་གསུམ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་ཨེ་ལི་ཕཱ་སི་ལ་ལན་གསུངས་པ།  
\p
\v 1 དེ་ནས་ཨེས་ཡོབ་ཀྱིས་ལན་བཏབ་ནས་སྨྲས་པ།  
\v 2 ད་ལྟ་བདག་གི་སྡུག་སྐད་ལུགས་འགལ་ཡིན། ། བཀའ་བཀྱོན་མཛད་པ་འཁུན་སྒྲ་ལས་ཀྱང་ལྕི། །  
\v 3 བདག་གིས་ཁོང་གི་བཞུགས་གནས་ཤེས་པ་དང་། ། ཁོང་གི་བཞུགས་ཁྲིའི་མདུན་དུ་སླེབས་གྱུར་ཅིག །  
\v 4 བདག་གིས་ཁོང་མདུན་དོན་རྣམས་གསལ་པོར་ཞུ། ། རྩོད་པའི་ཚིག་གིས་སྨྲ་སྒོ་འགེང་བར་བྱ། །  
\v 5 ཁོང་གིས་བཀའ་ལན་ཅི་གནང་ངས་རྟོགས་ཤིང་། ། ཁོང་གིས་ཅི་གསུང་བདག་གིས་ཤེས་པར་འདོད། །  
\v 6 ཁོང་གིས་ཉིད་ཀྱི་ནུས་མཐུ་ཆེན་པོ་ཡིས། ། བདག་ལ་རྒོལ་ལམ་ཞེ་ན་མི་རྒོལ་ཏེ། ། ཁོང་གིས་བདག་ལ་གཟིགས་སྐྱོང་གནང་ངེས་ཡིན། །  
\v 7 གནས་དེར་སེམས་རྒྱུད་དྲང་པོ་ཁོང་དང་རྩོད་རུང་སྟེ། ། ང་རང་ཁྲིམས་ཐག་གཅོད་མཁན་ཁོང་ལས་ཐར་བར་འགྱུར། །  
\v 8 ང་རང་མདུན་དུ་སོང་ཡང་ཁོང་མི་བཞུགས། ། ཕྱིར་བསྣུར་སྟེག་ཀྱང་ཁོང་ཉིད་རྙེད་པ་མིན། །  
\v 9 ཁོང་གིས་གཡོན་ཕྱོགས་འཕྲིན་ལས་མཛད་ན་ཡང་། ། བདག་གིས་ཁོང་ཉིད་མཇལ་བར་མ་གྱུར་ལ། ། ཁོང་ཉིད་གཡས་ཕྱོགས་འཁོར་བར་གྱུར་ན་ཡང་། ། བདག་གིས་ཁོང་ནི་མཇལ་བར་མ་གྱུར་ཏོ། །  
\v 10 འོན་ཀྱང་བདག་གི་བགྲོད་ལམ་ཁོང་གིས་མཁྱེན། ། ཚོད་བགམ་མཛད་རྗེས་གསེར་ལྟར་བདག་འཐོན་འོང་། །  
\v 11 བདག་གི་རྐང་པ་ཁོང་གི་ཞབས་རྗེས་འབྲང་། ། ཁོང་གི་གཤེགས་ལམ་བསྲུངས་ནས་བདག་མ་གཟུར། །  
\v 12 ཁོང་གི་ཞལ་གྱི་བཀའ་ལ་བདག་མ་འགལ། ། ཟས་སྐལ་ལས་ཀྱང་ཁོང་གི་གསུང་ལ་ཆགས། །  
\v 13 ཡིན་ཡང་ཁོང་ཉིད་གཅིག་པུ་དཀོན་མཆོག་ལགས། ། ཁོང་གི་ཐུགས་དགོངས་སུ་ཡིས་བཟློག་ནུས་སམ། ། ཅི་ལ་དགྱེས་ན་དེ་ལྟར་མཛད་པར་འགྱུར། །  
\v 14 བདག་ལ་ཐུགས་ཐག་བཅད་པ་ཁོང་གིས་བསྒྲུབ། ། དེ་འདྲའི་དོན་རྣམས་ཁོང་ལ་མོད་པོ་ཡོད། །  
\v 15 དེ་བས་ང་རང་ཁོང་དྲུང་འཇིགས་པ་དང་། ། བདག་གིས་བསམ་ཞིང་བསམ་བཞིན་ཁོང་ལ་འཇིགས། །  
\v 16 དཀོན་མཆོག་ཉིད་ཀྱིས་ངའི་སེམས་འཁུམས་སུ་བཅུག ། ཀུན་དབང་ཁོང་གིས་ང་རང་དངངས་པར་མཛད། །  
\v 17 སྨག་རུམ་གྱིས་ནི་ང་ཡི་གདོང་བཀབ་ཀྱང་། ། བདག་སེམས་ཕམ་བྱེད་མུན་པ་མ་ཡིན་ནོ། །   
\c 24
\cl ལེའུ་ཉེར་བཞི་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ཀུན་དབང་ཉིད་ཀྱིས་དུས་བཅད་བགོས་ཟིན་ན\f + \ft འདིར་དུས་བཅད་བགོས་ཞེས་པ་ནི་དཀོན་མཆོག་གིས་ངན་པར་ཁྲིམས་ཆད་གཅོད་པའི་དུས་ཤིག་ཐུགས་ཐག་བཅད་ཡོད་པར་གོ་དགོས།\f*། ། ཁོང་ཉིད་ཤེས་མཁན་རྣམས་ལ་ཉིན་མོ་དེ། ། མཐོང་བར་མི་མཛད་པ་ནི་ཅི་ཡིན་ནམ། །  
\v 2 ངན་པས་རང་གི་ས་མཚམས་ཕར་སྤོས་ནས། ། ཕྱུགས་ཁྱུ་འཕྲོག་ཅིང་འཚོ་སྐྱོང་བྱེད་པ་ཡིན། །  
\v 3 དེ་ཚོས་དྭ་ཕྲུག་རྣམས་ཀྱི་བོང་བུ་འདེད། ། ཡུགས་མོའི་གླང་ནི་འཕྲོག་ཅིང་གཏའ་མར་ལེན། །  
\v 4 དེ་ཚོས་དབུལ་པོ་དྲང་ལམ་ལས་ནི་བཟློག་བྱེད་ཅིང་། ། ས་གཞིའི་ཉམ་ཐག་ཅན་རྣམས་མ་ལུས་ཡིབ་པར་བྱེད། །  
\v 5 དབུལ་པོ་དེ་རྣམས་རྐྱང་ལྟར་ཐང་སྟོང་དུ། ། བརྩོན་པས་ལས་ཀ་བྱེད་ཅིང་ཁ་ཟས་འཚོལ། ། ཐང་སྟོང་ཡུལ་ལ་བརྟེན་ནས་བུ་ཕྲུག་གསོ། །  
\v 6 དེ་ཚོས་གཞན་གྱི་ཞིང་ཁའི་ལོ་ཏོག་བསྡུ། ། སྡིག་སྤྱོད་མི་ཡི་རྒུན་འབྲུམ་ལྷག་མ་འཐོག །  
\v 7 དེ་རྣམས་གོས་མེད་སྒྲེན་མོར་མཚན་གང་ཉལ། ། འཁྱགས་པའི་དུས་སུ་འགེབས་རྒྱུ་ཅི་ཡང་མེད། །  
\v 8 དེ་རྣམས་རི་བོར་དྲག་ཆར་གྱིས་སྦངས་ཏེ། ། གཡོལ་ས་མེད་པས་དེ་རྣམས་བྲག་ལ་བཅར། །  
\v 9 ངན་པས་ཨ་མའི་པང་ནས་དྭ་ཕྲུག་འཕྲོག ། དབུལ་པོའི་གྱོན་གོས་གཏའ་མར་བཙན་གྱིས་ལེན། །  
\v 10 ཉམ་ཐག་ཅན་རྣམས་གཅེར་བུར་གང་སར་འཁྱམས། ། ལྟོགས་སྐོམ་མྱངས་ཏེ་སྟོན་ཁའི་ཚར་ཕོན་ཁུར། །  
\v 11 དེ་ཚོས་ཕྲེང་བར་སྣུམ་བཙགས་ནས། ། འཚིར་གཞོང་ནང་དུ་ཆང་འཚག་ཀྱང་། ། རང་ཉིད་སྔར་བཞིན་སྐོམ་པས་གདུང་། །  
\v 12 འཆི་ཁའི་མི་ཡིས་མཁར་ནང་འཁུན་སྒྲ་འབྱིན། ། རྨས་མ་རྣམས་ཀྱིས་འོ་དོད་བོས་ན་ཡང་། ། དཀོན་མཆོག་ཁོང་གིས་ངན་པའི་དོན་མི་གཟིགས། །  
\v 13 ལ་ལས་འོད་ནི་བསྐྱུར་བ་དང་། ། འོད་ཀྱི་ལམ་ཡང་མི་ཤེས་ཏེ། ། འོད་ལྡན་ལམ་དུ་གནས་མ་གྱུར། །  
\v 14 མི་གསོད་ཐོ་རངས་ལངས་ཏེ་ཉམ་ཐག་དང་། ། རྒྱུ་མེད་གསོད་ཅིང་མཚན་མོར་ཆོམ་རྐུན་བྱེད། །  
\v 15 གཡེམ་པོའི་མིག་གིས་ས་སྲོས་དུས་ལ་སྒུག ། སུས་ཀྱང་ང་རང་མཐོང་བར་མི་འགྱུར་ཟེར། ། རང་གི་ངོ་གདོང་གོས་ཀྱིས་འགེབ་བྱེད་དོ། །  
\v 16 ཆོམ་རྐུན་དག་གིས་མུན་པར་གྱང་རྟོལ་ཞིང་། ། ཉིན་མོའི་དུས་སུ་དེ་དག་ཡིབ་སྡོད་པས། ། ཁོ་ཚོས་འོད་ནི་དངོས་གནས་ཤེས་མ་གྱུར། །  
\v 17 སྨག་རུམ་འཇིགས་པ་ཁོ་ཚོས་ཤེས་པས་ན། ། དེ་ཚོའི་མཐོང་ངོར་སྨག་རུམ་སྐྱ་རེངས་ཡིན། །  
\v 18 མི་ངན་ཆུ་ཁའི་ལྦུ་བ་བཞིན་དུ་ཡལ། ། ས་རུ་ཐོབ་པའི་སྐལ་བར་དམོད་པར་གྱུར། ། སུ་ཡང་རྒུན་ཚལ་ཉེ་སར་བཅར་བ་མེད། །  
\v 19 ཐན་པའི་ཚ་བས་ཁ་བ་ཞུ་བ་བཞིན། ། གཤིན་རྗེའི་ལམ་དུ་སྡིག་ཅན་འདི་ལྟར་འཁྱེར། །  
\v 20 ཁོ་རང་ཆགས་པའི་མངལ་གྱིས་ཁོ་བརྗེད་ཅིང་། ། འབུ་ཡིས་ཁོ་རང་ཞིམ་མངར་ལོངས་སུ་སྤྱོད། ། ཁོ་ལ་མི་ཡིས་རྗེས་དྲན་མི་བྱེད་དེ། ། དྲང་བདེན་མིན་པའི་མི་ནི་ཤིང་ལྟར་ཆག །  
\v 21 མངལ་ནི་མི་ཆགས་བུ་ཡང་མི་སྐྱེས་པའི། ། བུད་མེད་རྣམས་ལ་དེ་ཡིས་འཕྲོག་བཅོམ་བྱེད། ། ཡུགས་མོ་རྣམས་ཀྱང་དྲིན་གྱིས་མི་སྐྱོང་ངོ་། །  
\v 22 ཡིན་ཡང་དཀོན་མཆོག་ཁོང་གིས་ནུས་མཐུ་ཡིས། ། སྟོབས་ཤུགས་ལྡན་པའི་མི་རྣམས་སྲུང་བ་དང་། ། ཚེ་སྲོག་འཆོར་ཉེན་ཡོད་པ་སྔར་བཞིན་དར། །  
\v 23 དཀོན་མཆོག་ཉིད་ཀྱིས་དེ་དག་བདེ་ལ་བཀོད། ། དེ་དག་བརྟེན་ས་དཀོན་མཆོག་ཁོང་ཉིད་གྱུར། ། ཁོང་གི་སྤྱན་གྱིས་དེ་རྣམས་ལམ་ལ་གཟིགས། །  
\v 24 དེ་དག་ཡུད་ཙམ་མཐོ་སར་བཏེགས་ན་ཡང་། ། ཡུན་རིང་མི་གནས་ཡལ་ཞིང་དམན་སར་དབབ། ། ཀུན་ལྟར་དེ་དག་ལམ་ནས་འཁྱེར་བ་དང་། ། འབྲུ་ཡི་སྙེ་མ་བཞིན་དུ་གཅོད་པར་འགྱུར། །  
\v 25 དེ་ལྟར་མིན་ཚེ་སུ་ཡིས་ང་རང་ནི། ། རྫུན་གཏམ་སྨྲ་མཁན་ཡིན་པར་ར་སྤྲོད་བྱེད། ། བདག་གི་གཏམ་ནི་གླེང་རིན་མེད་པར་དགག །   
\c 25
\cl ལེའུ་ཉེར་ལྔ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 པེལ་དེལ་གྱི་ཁ་བརྡ་གསུམ་པ།  
\p
\v 1 དེ་ནས་ཤུ་ཧེ་པ་པེལ་དེལ་གྱིས་ལན་བཏབ་ནས་སྨྲས་པ།  
\v 2 དཀོན་མཆོག་ཁོང་ཉིད་དབང་བསྒྱུར་མཛད་མཁན་ཏེ། ། འཇིགས་སུ་རུང་ཞིང་མཐོ་སར་ཞི་བདེ་མཛད། །  
\v 3 ཁོང་གི་དཔུང་ཚོགས་རྣམས་ནི་བགྲང་ལས་འདས། ། ཁོང་གི་འོད་ནི་སུ་ལ་མི་འཆར་རམ། །  
\v 4 དེ་བས་དཀོན་མཆོག་ཁོང་གི་སྐུ་དྲུང་དུ། ། མི་ནི་ཇི་ལྟར་དྲང་བདེན་ཅན་དུ་བརྩི། ། བུད་མེད་དག་ལས་བཙས་པ་ཇི་ལྟར་གཙང་། །  
\v 5 དཀོན་མཆོག་དྲུང་དུ་ཟླ་བར་བཀྲག་མདངས་མེད། ། ཁོང་གི་གཟིགས་ངོར་སྐར་མ་དྭངས་གཙང་མིན། །  
\v 6 དེ་བས་འབུ་དང་འདྲ་བའི་མི་རྣམས་དང་། ། སྐྱག་འབུ་ལྟ་བུའི་མི་ནི་སྨྲ་ཅི་དགོས། །   
\c 26
\cl ལེའུ་ཉེར་དྲུག་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་པེལ་དེལ་ལ་ལན་གསུངས་པ།  
\p
\v 1 དེ་ནས་ཨེས་ཡོབ་ཀྱིས་ལན་བཏབ་ནས་སྨྲས་པ།  
\v 2 སྟོབས་ཤུགས་ཟད་པར་ཁྱེད་ཀྱི་རོགས་རམ་ཐོབ། ། དཔུང་ངར་ཉམ་ཐག་ཅན་ལ་མགོན་སྐྱབས་མཛད། །  
\v 3 བློ་རྨོངས་ཅན་ལ་ཁྱེད་ཀྱི་མཛུབ་སྟོན་ཐོབ། ། ཁྱེད་ཀྱིས་དེ་ལ་ཕུན་ཚོགས་ཤེས་རབ་མངོན། །  
\v 4 གང་ལ་བརྟེན་ནས་ཁྱེད་ཀྱིས་བཀའ་གནང་ངམ། ། སུ་ཡི་སེམས་ཉིད་ཁྱེད་ལས་ཐོན་པ་ཡིན། །   
\s1 པེལ་དེལ་གྱི་ཁ་བརྡ་གསུམ་པའི་མུ་རྒྱུན།  
\p
\v 5 ཆུ་ཆེན་རྣམས་དང་དེ་ནང་གནས་པ་ཡི། ། འོག་ཏུ་གནས་པའི་གཤིན་པོ་རྣམས་འདར་ཞིང་། །  
\v 6 ཁོང་གི་དྲུང་དུ་གཤིན་ཡུལ་ཕྱི་རུ་མངོན། ། འཇིག་པའི་ཡུལ་ཡང་ལྐོག་ཏུ་མ་གནས་ཏེ། །  
\v 7 ཁོང་གིས་བྱང་སྣེ་མཁའ་རུ་ཁེབས་པར་མཛད། ། ས་གཞི་སྟོང་པའི་ནམ་མཁར་དཔྱང་བར་མཛད། །  
\v 8 ཁོང་གིས་སྤྲིན་པའི་ནང་དུ་ཆུ་རྣམས་འཐུམ། ། ཆུ་ནི་མང་ཡང་སྤྲིན་ནི་མ་ཐོར་ཏེ། །  
\v 9 ཁོང་གིས་བཞུགས་ཁྲིའི་མདུན་ངོས་འགེབ་བྱེད་ཅིང་། ། དེ་ཡི་སྟེང་དུ་ཆུ་འཛིན་འདིང་བར་མཛད། །  
\v 10 འོད་དང་མུན་པ་གཉིས་པོའི་མཐའ་མཚམས་སུ། ། ཁོང་གིས་ཆུ་ངོས་ཟླུམ་པོའི་དབྱེ་མཚམས་བཅད། །  
\v 11 ཁོང་གི་བཀའ་བཀྱོན་རྐྱེན་གྱིས་ནམ་མཁའ་ཡི། ། ཀ་བ་རྣམས་ཀྱང་འདར་ཞིང་འཁྱོར་བར་གྱུར། །  
\v 12 ཁོང་གི་ནུས་མཐུས་རྒྱ་མཚོ་དཀྲུགས་མཛད་ཅིང་། ། མཁྱེན་རབ་ཀྱིས་ནི་ར་ཧབ་འཇོམས་པར་མཛད། །  
\v 13 ཁོང་གི་ཐུགས་ཀྱིས་ནམ་མཁའ་དྭངས་པར་མཛད། ། ཁོང་གི་ཕྱག་གིས་འཁྱུག་པའི་སྦྲུལ་ཡང་བཅོམ། །  
\v 14 ལྟོས་དང་འདི་ནི་ཁོང་གི་མཛད་པའི་ཟུར་ཙམ་དང་། ། ང་ཚོས་ཐོས་པ་ཁོང་གི་ཤུབ་སྐད་ཙམ་ཡིན་ཞིང་། ། ཁོང་གི་འབྲུག་སྒྲའི་དབང་ནི་སུ་ཡིས་རྟོགས་ནུས་སམ། །   
\c 27
\cl ལེའུ་ཉེར་བདུན་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་མུ་མཐུད་དུ་པེལ་དེལ་ལ་ལན་གསུངས་པ།  
\p
\v 1 ཨེས་ཡོབ་ཀྱིས་མུ་མཐུད་དུ་རང་གི་གཏམ་སྨྲས་ཏེ་ན་རེ།  
\v 2 བདག་གིས་རང་ལས་དྲང་བདེན་ཕྲོགས་པ་ཡི། ། ངའི་སེམས་སྡུག་པར་མཛད་པའི་ཀུན་དབང་ཉིད། ། གཏན་དུ་བཞུགས་པའི་དཀོན་མཆོག་ཁོང་ཉིད་ནི། ། དཔང་དུ་བཙུགས་ཏེ་འདི་ལྟར་སྨྲས་པ་སྟེ། །  
\v 3 བདག་ནང་ཚེ་སྲོག་ལྡན་པ་དང་། ། དཀོན་མཆོག་ཁོང་གིས་གནང་བའི་དབུགས། ། སྣ་ཁུང་ནང་དུ་ཡོད་པའི་ཚེ། །  
\v 4 བདག་གི་མཆུ་ཡིས་ཚིག་ངན་སྨྲ་མི་བྱ། ། བདག་གི་ལྕེ་ཡིས་རྫུན་གཏམ་གླེང་མི་བྱ། །  
\v 5 བདག་གིས་ནམ་ཡང་ཁྱོད་ཚོ་བདེན་མི་ཟེར། ། ཤི་ཡང་རང་གི་ལྷད་མེད་འདོར་མི་འགྱུར། །  
\v 6 བདག་གིས་དྲང་བདེན་འཛིན་ཞིང་མི་སྤོང་སྟེ། ། གསོན་དུས་རང་གི་སེམས་ཀྱིས་སྐྱོན་མི་འཛུགས། །  
\v 7 བདག་གི་དགྲ་ནི་མི་ངན་བཞིན་གྱུར་ཅིག ། བདག་ལ་རྒོལ་མཁན་སྡིག་སྤྱོད་བཞིན་གྱུར་ཅིག །  
\v 8 དད་མེད་ཅན་ལ་རེ་བ་ཅི་ཡོད་དམ། ། དཀོན་མཆོག་ཉིད་ཀྱིས་ཁོ་རང་ཚར་གཅོད་ཅིང་། ། ད་དུང་དེ་ཡི་སྲོག་ཀྱང་ལེན་པར་ངེས། །  
\v 9 དེ་ལ་སྡུག་བསྔལ་འབྱུང་བའི་དུས་སུ་ཡང་། ། དཀོན་མཆོག་ཉིད་ཀྱིས་འོ་དོད་ག་ལ་གསན། །  
\v 10 དེ་ཡིས་ཀུན་དབང་དགའ་སྤྲོར་བརྩིས་ནས་ནི། ། ནམ་རྒྱུན་དཀོན་མཆོག་ཁོང་ལ་ཞུ་མི་འགྱུར། །  
\v 11 དཀོན་མཆོག་ཕྱག་གིས་མཛད་པ་དེ། ། བདག་གིས་ཁྱོད་ཚོར་སྟོན་པར་བྱ། ། ཀུན་དབང་ཁོང་གི་མཛད་རྗེས་ཀྱང་། ། བདག་གིས་ཁྱོད་ཚོར་གསང་མི་འགྱུར། །  
\v 12 ཁྱོད་ཚོས་འདི་ཀུན་མཐོང་མོད་ཀྱང་། ། ཅིའི་ཕྱིར་ཐམས་ཅད་དོན་མེད་གྱུར། །  
\v 13 འདི་ནི་དཀོན་མཆོག་ཁོང་ཉིད་ཀྱིས། ། མི་ངན་རྣམས་ལ་གནང་བའི་སྐལ། ། གདུག་རྩུབ་ཅན་ལ་ཀུན་དབང་ནས། ། ཐོབ་པའི་ནོར་སྐལ་འདི་ཡིན་ལགས། །  
\v 14 དེ་ཚོའི་བུ་ཕྲུག་འཕེལ་ཡང་རལ་གྲིའི་དོན་དུ་ཡིན། ། དེ་ཡི་བུ་རྒྱུད་ཟས་ཀྱིས་འགྲང་བར་མི་འགྱུར་རོ། །  
\v 15 དེ་ལས་ལུས་པ་ཤི་ནས་བསྐུང་བར་འགྱུར། ། དེ་ཡི་ཡུགས་མོ་རྣམས་ནི་ངུ་མི་འགྱུར། །  
\v 16 དེ་ཡིས་བྱེ་མ་བཞིན་དུ་དངུལ་བསགས་ནས། ། འདམ་བག་ལྟར་དུ་གོས་རྣམས་སྤུངས་ན་ཡང་། །  
\v 17 དེ་ཡིས་སྤུངས་པ་དྲང་བདེན་ཅན་གྱིས་གྱོན། ། ཉེས་མེད་རྣམས་ཀྱིས་དངུལ་དེ་བགོ་བར་བྱ། །  
\v 18 དེ་ཡིས་ཁང་པ་བརྩིགས་པ་ནི། ། མུག་པས་ཁུང་བུ་རྐོ་བ་དང་། ། ཡང་ན་སོ་པས་གུར་ཕུབ་འདྲ། །  
\v 19 དེ་ནི་ཉལ་དུས་ཕྱུག་ཀྱང་བདག་པོ་རྒྱག་རྒྱུ་མེད། ། དེ་ཡིས་མིག་ཟུང་འབྱེད་དུས་རྒྱུ་ནོར་མེད་པར་གྱུར། །  
\v 20 འཇིགས་སྐྲག་ཆུ་ལོག་བཞིན་དུ་ཁོའི་རྗེས་འདེད། ། མཚན་མོའི་དྲག་རླུང་གིས་ནི་ཁོ་རང་འཁུར། །  
\v 21 ཤར་རླུང་གིས་ནི་ཁོ་རང་ཁྱེར་ནས་འགྲོ། ། དེས་ཁོ་རང་གི་གནས་དང་འབྲལ་དུ་འཇུག །  
\v 22 དཀོན་མཆོག་ཁོང་གིས་ཕངས་མེད་ཁོ་ལ་བརྒྱབ། ། ཁོང་གི་ཕྱག་ལས་ཐར་བར་རབ་ཏུ་འཚབ། །  
\v 23 དཀོན་མཆོག་ཉིད་ཀྱིས་ཁོ་ལ་ཕྱག་གིས་རྡེག ། ད་དུང་ཐུགས་ཁྲོའི་ང་རོ་བསྒྲགས་ནས་ནི། ། དེ་ནི་རང་གི་གནས་ལས་སྐྲོད་འགྱུར་རོ། །   
\c 28
\cl ལེའུ་ཉེར་བརྒྱད་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཤེས་རབ་ལ་བསྟོད་པ།  
\p
\v 1 དངུལ་ལ་གཏེར་ཁ་ཡོད་པ་བཞིན། ། གསེར་ལ་བཙོ་སྦྱང་བྱེད་ས་ཡོད། །  
\v 2 ལྕགས་ནི་ས་ཡི་འོག་ནས་འདོན་པར་བྱེད། ། ཟངས་ཀྱང་རྡོ་ཡི་སྣུམ་ལས་བཞུ་ཞིང་འདོན། །  
\v 3 མི་ཡིས་མུན་པར་མཐའ་མཚམས་གཅོད་པ་དང་། ། རྒྱང་རིང་གསང་བའི་ཡུལ་གྱི་སྨག་རུམ་ཁྲོད། ། མཐའ་མཚམས་ཕུག་གི་གཏེར་རྡོ་འཚོལ་བྱེད་དོ། །  
\v 4 དེ་ཡིས་དབེན་སར་གཏེར་ཁ་བརྟོལ་བ་དང་། ། རྐང་རྗེས་མེད་པའི་གནས་སུ་བརྗེད་པར་གྱུར། ། མི་དང་བྲལ་ཏེ་མཁའ་རུ་དཔྱངས་ནས་སྡོད། །  
\v 5 ས་གཞི་ལས་ནི་འབྲུ་རིགས་ཐོན་པ་དང་། ། ས་གཞིའི་འོག་ནས་མེ་བཞིན་འཕྱུར་བ་སྟེ། །  
\v 6 ས་ཡི་རྡོ་ལས་ཨིནྡྲ་ནཱི་ལ་དང་། ། དེ་རུ་ད་དུང་གསེར་ཕྱེ་ཡང་ཡོད་ཅིང་། །  
\v 7 བྱ་རྒོད་ཀྱིས་ནི་ལམ་དེ་མི་ཤེས་ལ། ། གླག་གི་མིག་གིས་དེ་ནི་མཐོང་མྱོང་མེད། །  
\v 8 རློམ་སེམས་ཅན་གྱི་གཅན་གཟན་དེར་མ་སླེབས། ། སེང་གེ་རྩུབ་པོ་གནས་དེར་རྒྱུ་མ་མྱོང་། །  
\v 9 མི་ཡི་ལག་པས་མེ་རྡོར་ཁུང་འབིགས་གཏད། ། རི་བོ་རྣམས་ཀྱི་རྩ་བ་བསློགས་པ་སྟེ། །  
\v 10 བྲག་རྡོ་རྣམས་ལས་ཆུ་རྐ་བརྐོས་པ་དང་། ། རིན་ཆེན་སྣ་ཚོགས་མིག་གིས་དངོས་སུ་མཐོང་། །  
\v 11 དེ་ཡིས་གཙང་པོ་བཀག་ནས་ཆུ་མ་ཐིགས། ། སྦས་པའི་དངོས་པོ་ཐམས་ཅད་མངོན་པར་བཅུག །  
\v 12 འོན་ཀྱང་ཤེས་རབ་གང་ནས་རྙེད་འགྱུར་རམ། ། བློ་གྲོས་ལྡན་པའི་གནས་ནི་གང་དུ་ཡོད། །  
\v 13 ཤེས་རབ་ཀྱི་ནི་རིན་ཐང་སུ་ཡིས་ཤེས། ། གསོན་པོའི་གནས་སུ་དེ་ནི་རྙེད་མི་སྲིད། །  
\v 14 གཏིང་ཟབ་ཀྱིས་ནི་བདག་ནང་དེ་མེད་ཟེར། ། རྒྱ་མཚོ་ཡིས་ཀྱང་ང་མཉམ་དེ་མེད་ཟེར། །  
\v 15 ཤེས་རབ་དེ་ནི་གསེར་གྱིས་བརྗེ་མི་ནུས། ། དངུལ་གྱིས་དེ་ཡི་རིན་ཐང་ཚད་མི་ཐུབ། །  
\v 16 ཨོ་ཕིར་གསེར་དང་རིན་ཆེན་གཟི་དང་ནི། ། ད་དུང་རིན་ཆེན་ཨིནྡྲ་ནཱི་ལ་ཡང་། ། དེ་ཡི་ཤེས་རབ་དང་ནི་འགྲན་མི་ནུས། །  
\v 17 གསེར་དང་ཤེལ་གཉིས་དེ་དང་བསྡུར་མི་ཕོད། ། ལྷད་མེད་གསེར་གྱིས་དེ་ནི་བརྗེ་མི་ཐུབ། །  
\v 18 བྱུ་རུ་རིན་པོ་ཆེ་གཉིས་གླེང་རིན་མེད། ། མུ་ཏིག་ལས་ཀྱང་ཤེས་རབ་རིན་ཐང་ཆེ། །  
\v 19 གུ་ཤའི་སྤྲིན་རྡོ་དེ་དང་བསྡུར་མི་ཕོད། ། ལྷད་མེད་གསེར་ཡང་དེ་ཡི་འགྲན་ཡ་མིན། །  
\v 20 དེས་ན་ཤེས་རབ་གང་ནས་འབྱུང་བ་དང་། ། བློ་གྲོས་ལྡན་པའི་གནས་ནི་གང་དུ་ཡོད། །  
\v 21 སྲོག་ལྡན་ཀུན་གྱི་མིག་ལས་དེ་སྦས་ཤིང་། ། ནམ་མཁའི་འདབ་ཆགས་ལས་ནི་དེ་ཡིབ་སྟེ། །  
\v 22 འཇིག་པ་འཆི་བ་གཉིས་པོས་འདི་ལྟར་སྨྲ། ། ང་ཚོའི་རྣ་བས་དེ་ཡི་སྐད་ཙམ་ཐོས། །  
\v 23 དཀོན་མཆོག་གིས་ནི་ཤེས་རབ་ལམ་མཁྱེན་ཏེ། ། ཤེས་རབ་གནས་ས་ཡང་ནི་ཁོང་གིས་མཁྱེན། །  
\v 24 ས་མཚམས་བར་དུ་ཁོང་གིས་དཔྱད་པ་བཏང་། ། གནམ་ས་ཡོངས་ལ་ཁོང་གིས་གཟིགས་པས་སོ། །  
\v 25 ཁོང་གིས་རླུང་གི་དྲག་འཇམ་བཅད་པ་དང་། ། ཆུ་ཡི་ཚད་གཞི་ཡང་ནི་འཇལ་བ་སྟེ། །  
\v 26 ཆར་བའི་ཆེད་དུ་བཀའ་འདོམས་མཛད་ནས་ནི། ། གློག་དམར་རྒྱུ་བའི་ལམ་ཡང་སྟོན་པར་མཛད། །  
\v 27 དུས་དེར་ཁོང་གིས་ཤེས་རབ་གཟིགས་པ་ན། ། ཤེས་རབ་འཆད་ནས་བརྟན་པོར་མཛད་པ་དང་། ད་དུང་དེ་ལ་ཞིབ་བཤེར་མཛད་པ་ཡིན། །  
\v 28 ཁོང་གིས་མི་ལ་འདི་སྐད་གསུངས། ། ལྟོས་དང་གཙོ་བོ་ཁོང་ཉིད་ལ། ། གུས་ཤིང་འཇིགས་པ་ཤེས་རབ་ཡིན། ། ངན་པར་བྲལ་ན་བློ་གྲོས་ཡིན། །   
\c 29
\cl ལེའུ་ཉེར་དགུ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་གཏམ་གྱི་མཇུག་བསྒྲིལ་བ།  
\p
\v 1 ཨེས་ཡོབ་ཀྱིས་མུ་མཐུད་དུ་རང་གི་གཏམ་སྨྲས་ཏེ་ན་རེ།  
\v 2 དཀོན་མཆོག་ང་རང་བསྲུངས་པའི་ཉིན་མོ་སྟེ། ། སྔར་གྱི་དུས་བཞིན་ཡིན་ན་ཅི་མ་རུང་། །  
\v 3 སྐབས་དེར་ཁོང་གི་སྒྲོན་མེ་ངའི་སྟེང་ཤར། ། ང་རང་འོད་དེར་བརྟེན་ནས་མུན་པར་རྒྱུ། །  
\v 4 ང་རང་དར་ལ་བབས་པའི་དུས། ། དཀོན་མཆོག་ཁོང་གི་མཛའ་བརྩེ་ནི། ། བདག་གི་གུར་ནང་མཆིས་པ་དང་། །  
\v 5 བདག་དང་ལྷན་དུ་ཀུན་དབང་བཞུགས། ། ཕྲུ་གུ་རྣམས་ཀྱིས་མཐའ་ནས་བསྐོར། །  
\v 6 བདག་གི་རྐང་པ་འོ་སྤྲིས་བཀྲུས་པ་དང་། ། བྲག་རིས་སྣུམ་གྱི་གཙང་པོ་བདག་ཕྱིར་བཞུར། །  
\v 7 ང་རང་མཁར་གྱི་སྒོ་ཁར་ཕྱིན་ནས་ནི། ། ཐང་ཆེན་ཡོད་སར་འདུག་གནས་བཤམས་པ་དང་། །  
\v 8 གཞོན་ནུས་ང་རང་མཐོང་པ་ཙམ་གྱིས་གཡོལ། ། རྒན་པོ་རྣམས་ཀྱང་ས་ནས་ཡར་ལ་ལངས། །  
\v 9 རྒྱལ་སྲས་རྣམས་ཀྱིས་སྨྲ་བརྗོད་མཚམས་བཞག་ཅིང་། ། རང་གི་སྨྲ་སྒོ་ལག་པས་བཀབ་ནས་བསྡད། །  
\v 10 འགོ་དཔོན་རྣམས་ཀྱིས་སྐད་མ་བཏོན། ། ཁོ་ཚོའི་ལྗགས་ལྕེ་རྐན་ལ་འབྱར། །  
\v 11 ང་རང་ཐོས་མཁན་རྣམས་ཀྱིས་བདེ་ལེགས་བརྗོད། ། ང་རང་མཐོང་བ་དག་གིས་བསྟོད་པ་ཕུལ། །  
\v 12 ངུ་འབོད་བྱེད་པའི་ཉམ་ཐག་ཅན་རྣམས་དང་། ། རོགས་རམ་མེད་པའི་དྭ་ཕྲུག་བསྐྱབས་ཕྱིར་རོ། །  
\v 13 འཆི་ཁའི་མི་ཡིས་བདག་ལ་སྨོན་འདུན་ཞུས། ། བདག་གིས་ཡུགས་མོའི་སེམས་སུ་དགའ་འབོད་བསྐྱེད། །  
\v 14 བདག་གིས་དྲང་བདེན་གོས་བཞིན་གཡོགས་པ་དང་། ། དྲང་གཞག་ཕྱི་གོས་དང་ནི་མགོ་རས་བཞིན། །  
\v 15 བདག་ནི་ལོང་པའི་མིག་དང་ནི། ། ཞ་བོའི་རྐང་པ་བཞིན་དུ་གྱུར། །  
\v 16 བདག་ནི་དབུལ་ཕོངས་རྣམས་ཀྱི་ཕ་བཞིན་ཡིན། ། རྒྱུས་མེད་མི་ཡི་གྱོད་གཞིར་རྩད་གཅོད་བྱས། །  
\v 17 བདག་གིས་སྡིག་སྤྱོད་ཅན་གྱི་འགྲམ་རུས་བཅག ། དེ་ཡི་བརྔོན་ཤ་སོ་ཡི་བར་ནས་ཕྲོགས། །  
\v 18 དེ་ནས་བདག་གིས་འདི་ལྟར་སྨྲས། ། བདག་གིས་རང་གི་ཉིན་མོ་ནི། ། བྱེ་མ་བཞིན་དུ་འཕེལ་བཅུག་ནས། ། རང་གི་ཁྱིམ་དུ་བདག་འཆི་ངེས། །  
\v 19 བདག་གི་རྩ་བ་ཆུ་ཡི་འགྲམ་དུ་བརྐྱངས། ། བདག་གི་ཡལ་གར་མཚན་མོ་ཟིལ་བ་འབབ། །  
\v 20 རང་གི་གཟི་དཔལ་ངའི་སྟེང་མི་ཉམས་ཏེ། ། རང་གི་ལག་ནང་གཞུ་མོ་གསར་བར་འགྱུར། །  
\v 21 མི་ཡིས་བདག་གི་གཏམ་ལ་མཉན་ཞིང་བསྒུགས། ། ང་ཡི་བཀའ་སློབ་ཆེད་དུ་ངག་ཀྱང་བསྡམས། །  
\v 22 ངའི་གཏམ་ཐོས་རྗེས་ཁོ་ཚོས་མ་སྨྲས་ལ། ། དེ་རྣམས་སྟེང་དུ་བདག་གི་གཏམ་བབས་ཤིང་། །  
\v 23 དེ་ཚོས་ཆར་བར་སྒུག་ལྟར་བདག་ལ་སྒུག ། ཆར་ལ་རེ་བ་བཞིན་དུ་ཁ་ཆེར་གདངས \f + \ft འདིར་ཁ་ཆེར་གདངས་ཞེས་པ་ནི་རེ་བ་ཆེན་པོ་བཅངས་པའི་དོན་ལ་འཇུག\f*། །  
\v 24 བདག་གིས་ཁོ་ཚོར་འཛུམ་བསྟན་ཡང་། ། ཁོ་རྣམས་དེ་ལ་ཡིད་མ་ཆེས། ། དེ་ཚོས་ང་ཡི་གདོང་གི་མདངས། ། ནམ་ཡང་ཉམས་སུ་མ་བཅུག་སྟེ། །  
\v 25 བདག་གིས་དེ་རྣམས་ཆེད་དུ་ལམ་བདམས་ཤིང་། ། ཁོ་ཚོའི་ཁྲོད་དུ་བདག་ནི་གྲལ་མགོར་བསྡད། ། བདག་ནི་དམག་དཔུང་དཀྱིལ་གྱི་རྒྱལ་པོ་ལྟར། ། མྱ་ངན་ཅན་གྱི་སེམས་གསོ་མཁན་དུ་གྱུར། །   
\c 30
\cl ལེའུ་སུམ་ཅུ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ད་ལྟ་བདག་ལས་གཞོན་པས་བདག་ལ་འཕྱ། ། དེ་ཚོའི་ཕ་རྣམས་བདག་གིས་མཐོང་ཆུང་བྱས། ། བདག་གི་ལུག་ཁྱུའི་ཁྱི་མཉམ་མ་བཞག་སྟེ། །  
\v 2 སྟོབས་ཤུགས་ཟད་པར་གྱུར་པའི་མི་དེ་ཡི། ། ལག་པའི་སྟོབས་ཀྱིས་བདག་ལ་ཕན་ཅི་ཐོགས། །  
\v 3 དེ་ཚོ་དབུལ་ཞིང་ཤིན་ཏུ་ལྟོགས་པས་ན། ། ལུས་ཀྱི་ཤེད་ཤུགས་ཀྱང་ནི་ཉམས་པ་དང་། ། མཚན་མོར་སྐྱོ་སྣང་ཁེངས་པའི་ཐང་རྒོད་དུ། ། དབེན་སྟོང་ཡུལ་གྱི་རྩྭ་སྐམ་བལྡད་པ་ཡིན། །  
\v 4 དེ་ཚོས་རྩྭ་གསེང་ཚྭ་རྩྭ་བཙལ་བ་དང་། ། ཤུག་སྡོང་རྩད་པ་དེ་རྣམས་བཟའ་ཆས་ཡིན། །  
\v 5 དེ་དག་མི་ཡི་ཁྲོད་ནས་ཕྱིར་བཏོན་ཏེ། ། རྐུན་རྗེས་འདེད་བཞིན་མི་ཡིས་ཀི་བརྒྱབ་པས། །  
\v 6 དེ་རྣམས་ལུང་སྟོང་རྣམས་ཀྱི་ཕུག་དང་ནི། ། ས་ཁུང་རྣམས་དང་བྲག་ཕུག་བཅས་ནས་བསྡད། །  
\v 7 དེ་ཚོས་ཤིང་ཕྲན་གསེང་དུ་འབོད་སྒྲ་བཏང་། ། ལྗང་ཚེར་འོག་ཏུ་ལྷན་ཅིག་འཛོམས་པ་ཡིན། །  
\v 8 འདི་དག་གྲགས་པ་མེད་པའི་བུ་ཡིན་པས། ། དེ་དག་སྤྱུགས་ནས་ས་མཚམས་ཕྱི་རུ་བསྐྲད། །  
\v 9 ད་ལྟ་བདག་ནི་དེ་ཚོའི་གླུ་རུ་གྱུར། ། དེ་ཚོའི་བཞད་གད་གཏམ་དུ་གྱུར་པ་ཡིན། །  
\v 10 དེ་ཚོ་ང་ལ་ཞེན་ཁ་ལོག ། ཟུར་དུ་གཡོལ་ནས་བསྡད་པའི་ཁར། ། བདག་གི་གདོང་དུ་མཆིལ་མ་གཏོར། །  
\v 11 ཁོང་གིས་གཞུ་རྒྱུད་བཀྲོལ་ནས་བདག་ལ་གཙེས། ། དེ་ཚོས་བདག་གི་མདུན་དུ་གང་འདོད་སྤྱད། །  
\v 12 དེ་དག་བདག་གི་གཡས་སུ་ཡར་ལངས་ཏེ། ། བདག་གི་རྐང་པར་ཕུད་རྒྱག་བྱས་པ་དང་། ། གནོད་འཚེའི་ལམ་གྱིས་བདག་ལ་རྒོལ་བར་གྱུར། །  
\v 13 དེ་ཚོས་བདག་གི་ལམ་ནི་བརླག་གྱུར་ཏེ། ། བདག་གི་གནོད་འཚེ་འཕེལ་དུ་བཅུག་པ་དང་། ། དེ་ཚོར་རོགས་རམ་བྱེད་མཁན་ཡོད་མ་ཡིན། །  
\v 14 དེ་དག་ཆུ་རུད་ཆེན་པོ་ལྟར་འོངས་ཤིང་། ། འཕུང་དུས་བདག་གི་སྟེང་ལ་རྦབ་ཏུ་བསྒྲིལ། །  
\v 15 འཇིགས་པ་རྣམས་ནི་བདག་གི་སྟེང་དུ་བབས། ། ང་ཡི་གཟི་དཔལ་རླུང་ལྟར་ཕར་བདས་ཤིང་། ། བདག་གི་བདེ་བ་སྤྲིན་ལྟར་ཡལ་བར་གྱུར། །  
\v 16 ད་ལྟ་ང་ཡི་སེམས་ནི་རབ་ཏུ་སྡུག ། དཀའ་སྡུག་ཉིན་མོས་ང་རང་དམ་པོར་བཟུང་། །  
\v 17 མཚན་མོའི་དུས་སུ་རུས་པའི་ནང་དུ་ཟུག ། བདག་ལ་རྨུག་པའི་གཟེར་ལ་མཚམས་འཇོག་མེད། །  
\v 18 དཀོན་མཆོག་སྟོབས་ཀྱིས་ངའི་གོས་གཅུ་སྒྲིམ་བརྒྱབ། ། གོས་ཀྱི་གོང་བ་ལྟར་དུ་ང་རང་བསྡམས། །  
\v 19 ཁོང་གིས་འདམ་རྫབ་ནང་དུ་བདག་གཡུགས་པས། ། ས་དང་ཐལ་རྡུལ་ལྟར་ཏུ་བདག་གྱུར་བྱུང་། །  
\v 20 ཀྱེ་ཀྱེ་དཀོན་མཆོག་བདག་གིས་ཁྱེད་ཉིད་ལ། ། ཞུ་བ་ཕུལ་ཡང་ཁྱེད་ཀྱིས་མ་གསན་ཏེ། ། ཡར་ལ་ལངས་ཀྱང་ཁྱེད་ཀྱིས་གཟིགས་པ་ཙམ། །  
\v 21 ཁྱེད་ཉིད་འགྱུར་ནས་བདག་ལ་གདུག་རྩུབ་མཛད། ། ནུས་མཐུ་ཕྱག་གིས་བདག་ལ་འཚེ་བར་བྱེད། །  
\v 22 ང་རང་རླུང་དམར་ནང་དུ་འཇིག་པའི་ཕྱིར། ། ཁྱེད་ཀྱིས་བདག་ནི་རླུང་ནང་བཏེགས་ཤིང་ཁྱེར། ། ང་རང་དེ་ཡི་སྟེང་ལ་བཞོན་དུ་བཅུག །  
\v 23 ཁྱེད་ཀྱིས་སེམས་ཅན་ཆེད་དུ་མཛད་པའི་གཤིན་ཡུལ་དུ། ། བདག་ཀྱང་འཆི་བར་མཛད་པ་ང་ཡིས་རྟོགས་པར་གྱུར། །  
\v 24 ཡིན་ཡང་སུ་ཞིག་འགྱེལ་དུས་ལག་མི་བརྐྱང་། ། གནོད་པར་འཕྲད་དུས་ཞུ་བ་མི་འབུལ་ལམ། །  
\v 25 མི་རྣམས་སྡུག་བསྔལ་འཕྲད་དུས་ང་རང་མ་ངུས་སམ། ། སུ་ཞིག་དབུལ་ཕོངས་ཡིན་དུས་ང་རང་མ་གདུང་ངམ། །  
\v 26 བདག་གིས་བདེ་བར་སྒུག་དུས་རྐྱེན་ངན་བྱུང་། ། བདག་གིས་འོད་ལ་སྒུག་དུས་སྨག་རུམ་སླེབས། །  
\v 27 བདག་གི་སེམས་ནང་སྡུག་ཅིང་ཞི་བདེ་མེད། ། དཀའ་སྡུག་ཉིན་མོ་བདག་གི་སྟེང་དུ་བབས། །  
\v 28 བདག་ནི་མུན་པར་མཆིས་ཀྱང་འོད་མེད་དེ། ། ཚོགས་ནང་ལངས་ནས་བདག་གིས་སྐྱབས་འཇུག་ཞུས། །  
\v 29 ང་རང་ཁྱི་སྤྱང་དག་གི་སྤུན་དུ་གྱུར། ། རྔ་བྱ་རྣམས་ཀྱི་གྲོགས་སུ་བདག་གྱུར་བྱུང་། །  
\v 30 བདག་གི་སྐྱི་མོ་ནག་ཅིང་ལྷུང་པ་སྟེ། ། ཚ་བས་བདག་གི་རུས་པ་རྣམས་ཀྱང་བསྲེགས། །  
\v 31 བདག་གི་པི་ཝང་གིས་ནི་མྱ་ངན་སྐད་འདོན་ཞིང་། ། བདག་གི་འཕྲེད་གླིང་སྒྲ་ནི་ངུ་སྐད་དུ་གྱུར་ཏོ། །   
\c 31
\cl ལེའུ་སོ་གཅིག་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ང་ཡིས་མིག་དང་ཞལ་ཆད་བཞག་ཡོད་པས། ། ན་ཆུང་བུ་མོར་ཞེན་གྱིས་བལྟ་རུང་ངམ། །  
\v 2 བླ་མེད་དཀོན་མཆོག་ཁོང་གིས་གནང་བའི་སྐལ་བ་དང་། ། བླ་མེད་ཀུན་དབང་ཁོང་གི་ནོར་སྐལ་ཅི་ཡིན་ནམ། །  
\v 3 དེ་ནི་སྡིག་སྤྱོད་རྣམས་ལ་ཆག་སྒོ་འབྱུང་བ་དང་། ། ཉེས་སྤྱོད་ཅན་ལ་ཆག་སྒོ་འབྱུང་བ་མ་ཡིན་ནམ། །  
\v 4 བདག་གི་ལམ་རྣམས་ཁོང་གིས་གཟིགས་གྱུར་ཏེ། ། བདག་གི་གོམ་པ་བརྩི་བར་མི་མཛད་དམ། །  
\v 5 ཇི་སྟེ་རྫུན་གཏམ་ནང་དུ་བདག་མཆིས་ཤིང་། ། རྐང་པ་བསླུ་བྲིད་རྗེས་སུ་འབྲངས་གྱུར་ན། །  
\v 6 དཀོན་མཆོག་གིས་ངའི་ཟོལ་མེད་རྟོགས་པའི་ཕྱིར། ། དྲང་པོ་སྲང་གིས་ང་རང་འཇལ་བར་ཤོག །  
\v 7 དྲང་པོའི་ལམ་ནས་གོམ་པ་འཁྱོར་བ་དང་། ། རང་སེམས་མིག་གི་རྗེས་སུ་འབྲངས་ནས་ནི། ། བདག་གི་ལག་པར་བཙོག་པས་གང་ཡོད་ན། །  
\v 8 བདག་གིས་འདེབས་པ་གཞན་གྱིས་བཟའ་བར་ཤོག ། བདག་གི་ལོ་ཏོག་རྩ་ནས་འབྱིན་པར་ཤོག །  
\v 9 ངའི་སེམས་བུད་མེད་ཅིག་ལ་ཆགས་པ་དང་། ། ཁྱིམ་མཚེས་སྒོ་ཁར་བསྒུགས་ནས་བསྡད་གྱུར་ན། །  
\v 10 བདག་གི་ཆུང་མས་གཞན་ལ་གཡོག་བྱས་ནས། ། མོ་དང་མཉམ་དུ་གཞན་རྣམས་འགྲོགས་པར་ཤོག །  
\v 11 རྒྱུ་མཚན་འདི་ནི་ངོ་ཚའི་བྱ་སྤྱོད་དེ། ། ཁྲིམས་དཔོན་ཉེས་ཆད་གཅོད་འོས་སྡིག་ཉེས་ཡིན། །  
\v 12 དེ་ནི་འཇོམས་ཤིང་སྲེག་པའི་མེ་ཡིན་ཏེ། ། རྩ་མེད་གཏོང་བའི་བར་དུ་འབར་བ་དང་། ། བདག་གི་རྒྱུ་ནོར་ཀུན་ཡང་འཁྱེར་བར་ངེས། །  
\v 13 ང་ཡི་གཡོག་དང་གཡོག་མོས་བདག་ལ་རྩོད་དུས་སུ། ། བདག་གིས་མཐོང་ཆུང་བྱས་ནས་དེ་ཚོར་མ་མཉན་ན། །  
\v 14 དཀོན་མཆོག་བཞེངས་དུས་བདག་གིས་ཅི་ལྟར་བྱ། ། ཁོང་གིས་གཟིགས་དུས་བདག་གིས་ལན་ཅི་ཞུ། །  
\v 15 བདག་ནི་མངལ་ནང་མཛད་མཁན་གྱིས། ། དེ་ཡང་མཛད་པ་མ་ཡིན་ནམ། ། བདག་ཅག་མངལ་ནང་འགོད་མཁན་ཡང་། ། ཁོང་ཉིད་གཅིག་པུ་མ་ཡིན་ནམ། །  
\v 16 བདག་གིས་དབུལ་པོའི་རེ་བ་མ་བསྐངས་ལ། ། ཡུགས་མོའི་མིག་ནང་རེ་ཐག་ཆད་བཅུག་ཅིང་། །  
\v 17 ཡང་ན་གཅིག་པུས་རང་གི་ཟས་སྤྱད་ཅིང་། ། དྭ་ཕྲུག་དང་ནི་མཉམ་དུ་མ་སྤྱད་ན། །  
\v 18 བདག་ནི་གཞོན་པའི་དུས་ནས་བཟུང་། ། དྭ་ཕྲུག་བདག་མཉམ་ནར་སོན་ཞིང་། ། བདག་ནི་དེ་ཚོའི་ཕ་བཞིན་ཡིན། ། སྐྱེས་ནས་ཡུགས་མོར་རོགས་བྱས་སོ། །  
\v 19 གང་ཞིག་གྱོན་གོས་མེད་པས་འཆི་བ་དང་། ། ཡང་ན་དབུལ་པོར་གཡོག་རྒྱུ་མེད་དུས་སུ། །  
\v 20 བདག་གི་ལུག་བལ་གྱིས་ནི་དེ་ལ་དྲོད་བསྐྱེད་ཅིང་། ། དེ་ཡིས་སེམས་གཏིང་བདག་ཆེད་སྨོན་འདུན་མ་ཞུས་ན། །  
\v 21 མཁར་སྒོར་རོགས་རམ་བྱེད་མཁན་ཡོད་པས་ན། ། ལག་པ་གཡུགས་ཏེ་དྭ་ཕྲུག་རྒོལ་གྱུར་ན། །  
\v 22 སོག་པ་ལས་ངའི་དཔུང་པ་འབུད་པར་ཤོག ། བདག་གི་དཔུང་པའི་རུས་པ་ཆག་པར་ཤོག །  
\v 23 བདག་ནི་དཀོན་མཆོག་ཁོང་གི་བཀའ་ཆད་ལ་འཇིགས་ཏེ། ། ཁོང་གི་གཟི་བྱིན་དབང་གིས་བདག་ལ་སྤོབས་པ་མེད། །  
\v 24 བདག་གིས་གསེར་ནི་བརྟེན་ས་རུ་བཞག་སྟེ། ། དེ་ནི་ང་ཡི་བརྟེན་ས་ཡིན་ཟེར་ཞིང་། །  
\v 25 ང་རང་རྒྱུ་ནོར་ཕུན་ཚོགས་ལྡན་པ་དང་། ། ལག་པར་འབྱོར་བ་མོད་སྟབས་དགའ་གྱུར་ན། །  
\v 26 ཡང་ན་ཉི་མའི་འོད་ཟེར་འཕྲོ་བ་དང་། ། དཀར་གསལ་ཟླ་བའི་འཁོར་སྐྱོད་མཐོང་བའི་ཚེ། །  
\v 27 ངའི་སེམས་ཕག་ནས་བསླུ་བར་གྱུར་པ་དང་། ། ཁ་ཡིས་རང་གི་ལག་པར་འོ་བྱས་ \f + \ft ལག་པར་འོ་བྱེད་པ་ནི་བཀུར་བ་མཚོན་པའི་རྟགས་ཤིག་ཡིན།\f*ན། །  
\v 28 འདི་ཡང་ཉེས་ཆད་གཅོད་འོས་སྡིག་ཉེས་ཡིན། ། བདག་གིས་བླ་མེད་དཀོན་མཆོག་དོར་ཕྱིར་རོ། །  
\v 29 དགྲ་བོར་ཆག་སྒོ་འབྱུང་དུས་བདག་དགའ་ཞིང་། ། ཁོ་རང་དཀའ་སྡུག་འཕྲད་དུས་སྤྲོ་གྱུར་ན། །  
\v 30 དེ་ཡི་སྲོག་ལ་དམོད་མོ་བཏབ་ནས་ནི། ། རང་གི་ཁ་ལ་ཉེས་པ་བསག་མ་བཅུག །  
\v 31 བདག་པོའི་ཁ་ཟས་ལས་ནི་ཟོས་ཞིང་མ་ཚིམ་པ། ། སུ་ཞིག་ཡོད་ཅེས་ང་ཡི་ཁྱིམ་མིས་སྨྲས་མེད་ན། །  
\v 32 བདག་གིས་ཆ་མེད་སྲང་དུ་ཞག་སྡོད་བྱེད་མ་བཅུག ། བདག་གིས་སྒོ་ཆེར་ཕྱེས་ནས་ལམ་འགྲོ་བསུས་པ་ཡིན། །  
\v 33 བདག་གིས་ཨ་དམ་བཞིན་དུ་རང་ཉེས་བཀབ་ནས་ནི། ། རང་གི་སྡིག་ཉེས་དག་ནི་ཁོག་ཏུ་སྦས་གྱུར་ན། །  
\v 34 ཡང་ན་མི་ཚོགས་ཆེན་པོར་བདག་འཇིགས་ཏེ། ། རུས་རྒྱུད་སོ་སོའི་མཐོང་ཆུང་ལ་འཇིགས་པས། ། ཁ་རོག་བསྡད་ཅིང་ཕྱི་རུ་མ་བུད་ཚེ། །  
\v 35 བདག་ལ་ཉན་མཁན་གཅིག་ནི་ཡོད་པར་སྨོན། ། ལྟོས་དང་ང་ཡི་རྟགས་ནི་འདི་ཡིན་ཏེ། ། ཀུན་དབང་ཁྱེད་ཀྱིས་བདག་ལ་ལན་གནང་རོགས། ། བདག་དང་རྩོད་པས་བྲིས་ན་ཅི་མ་རུང་། །  
\v 36 བདག་གིས་དངོས་གནས་དཔུང་པའི་སྟེང་བཏེགས་ཏེ། ། གཙུག་རྒྱན་བཞིན་དུ་བདག་གིས་འཁུར་བར་བྱ། །  
\v 37 རང་གི་སྤྱོད་སྟངས་ཁོང་ལ་ཡོངས་སུ་འཆད། ། རྒྱལ་སྲས་བཞིན་དུ་ཁོང་དྲུང་བཅར་བར་བྱ། །  
\v 38 བདག་གི་ཞིང་ཁས་བདག་ལ་སྙད་བཙུགས་ཤིང་། ། རྨོས་ཤུར་ཡང་ནི་ལྷན་ཅིག་ངུ་གྱུར་ནས། །  
\v 39 ཞིང་ཁའི་ཐོན་རྫས་རིན་མེད་ཟོས་པ་དང་། ། ཡང་ན་ས་བདག་ཚེ་སྲོག་ངས་བླངས་ན། །  
\v 40 གྲོ་ཡི་ཚབ་ཏུ་གཟེ་མ་ར་མགོ་དང་། ། སོ་བའི་ཚབ་ཏུ་རྩྭ་ངན་སྐྱེ་བར་ཤོག ། དེ་ནས་ཨེས་ཡོབ་ཁོང་གི་གཏམ་རྫོགས་སོ། །   
\c 32
\cl ལེའུ་སོ་གཉིས་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེལ་ལེ་ཧུ་ཡི་གཏམ།  
\p
\v 1 དེ་ནས་མི་དེ་གསུམ་པོས་ཨེས་ཡོབ་ཁོང་ལ་ཞུ་ལན་མ་བཏབ་སྟེ། ཅིའི་ཕྱིར་ཞེ་ན། དེ་ཡི་སྣང་བར་རང་ཉིད་དྲང་པོ་ཡིན་པས་སོ། །  
\v 2 དེ་ནས་པུ་ཟེ་པ་ཡི་ཁོངས་སུ་གཏོགས་པའི་རཱམ་གྱི་རུས་རྒྱུད་ལས་པ་རག་ཨེལ་གྱི་བུ་ཨེལ་ལེ་ཧུ་ཁྲོས་ཤིང་། ཁོ་ནི་ཨེས་ཡོབ་ལ་ཤིན་ཏུ་ཁྲོས་པར་གྱུར་ཏེ། ཨེས་ཡོབ་ཀྱིས་དཀོན་མཆོག་གི་དྲུང་དུ་རང་ཉིད་དྲང་པོར་བརྩིས་པའི་ཕྱིར་རོ། །  
\v 3 ཡང་ཨེས་ཡོབ་ཀྱི་མཆེད་གྲོགས་གསུམ་པོ་ལའང་ཁྲོས་པར་གྱུར་ཏེ། གང་ལ་ཞེ་ན། ཁོ་ཚོས་ཞུ་ལན་འདེབས་རྒྱུ་མེད་བཞིན་དུ་ཨེས་ཡོབ་ཉེས་ཅན་དུ་བརྩིས་པས་སོ། །  
\v 4 ཡང་དེ་རྣམས་ཨེལ་ལེ་ཧུ་ལས་དགུང་ལོ་མཐོ་བའི་སྟབས་ཀྱིས། ཁོས་ཨེས་ཡོབ་ལ་གཏམ་གླེང་བར་བསྒུགས་བསྡད་ཅིང་།  
\v 5 ཁོས་མི་དེ་གསུམ་པོའི་ཁ་རུ་ལན་འདེབས་རྒྱུ་མེད་པ་མཐོང་ནས་ཤིན་ཏུ་ཁྲོ་བར་གྱུར།  
\v 6 པུ་ཟེ་པ་ཡི་པ་རག་ཨེལ་གྱི་བུ་ཨེལ་ལེ་ཧུ་ཡིས་ཞུ་ལན་བཏབ་ནས་སྨྲས་པ། བདག་ནི་གཞོན་ཞིང་ཁྱེད་ཅག་རབ་བགྲེས་པས། ། རང་ཚོད་བཟུང་ནས་བསམ་པ་བརྗོད་མ་ཕོད། །  
\v 7 རྒན་པ་རྣམས་ཀྱིས་སྔོན་ལ་གཏམ་བརྗོད་དེ། ། བགྲེས་པོས་ཤེས་རབ་སྟོན་པར་རིགས་ཞེས་བསམས། །  
\v 8 འོན་ཀྱང་མི་ནང་ཐུགས་ཉིད་བཞུགས་པ་དང་། ། ཀུན་དབང་ཁོང་གི་དབུགས་ཀྱིས་བློ་གྲོས་གནང་། །  
\v 9 བགྲེས་པོ་ཐམས་ཅད་མཁས་པ་ཡིན་པའི་ངེས་པ་མེད། ། རྒན་པ་ཀུན་གྱིས་ལེགས་ཉེས་རྟོགས་པའི་ངེས་པ་མེད། །  
\v 10 དེའི་ཕྱིར་བདག་ལ་གསོན་དང་བདག་གིས་ཞུ། ། བདག་གི་བསམ་པ་རྣམས་ཀྱང་བརྗོད་པར་བྱ། །  
\v 11 ཁྱེད་ཚོས་བརྗོད་པའི་གཏམ་ནི་རྙེད་བར་དུ། ། ལྟོས་དང་ཁྱེད་ཚོས་གསུང་ལ་བདག་གིས་བསྒུགས། ། ང་ཡིས་ཁྱེད་ཚོའི་རྩོད་པར་རྣ་བ་བླགས། །  
\v 12 བདག་གིས་ཁྱེད་ཚོའི་གཏམ་ལ་གཟབ་གཟབ་མཉན། ། ཁྱེད་ཅག་ནང་ནས་ཨེས་ཡོབ་དགག་མཁན་དང་། ། ཁོང་ལ་ཞུ་ལན་འདེབས་མཁན་གཅིག་མ་བྱུང་། །  
\v 13 ཁྱེད་ཚོས་འདི་ལྟར་བརྗོད་མི་ནུས། ། ངེད་ཀྱིས་ཤེས་རབ་རྙེད་བྱུང་སྟེ། ། དཀོན་མཆོག་ཁོ་ལས་རྒྱལ་ནུས་ཤིང་། ། མི་ནི་དེ་ལས་རྒྱལ་བ་མེད། །  
\v 14 ཨེས་ཡོབ་ཁོང་གིས་གཏམ་གྱིས་བདག་ལ་རྒོལ་བ་མིན། ། ཁྱེད་ཅག་བཞིན་དུ་བདག་གིས་ཁོང་ལ་ལན་མི་འདེབས། །  
\v 15 དེ་རྣམས་འཇིགས་སྐྲག་སྐྱེས་ཏེ་ལན་མ་བཏབ། ། མི་དེ་རྣམས་ལ་སྨྲ་བ་ཅི་ཡང་མེད། །  
\v 16 ཡིན་ཡང་དེ་ཚོས་གཏམ་ནི་མ་སྨྲས་ཤིང་། ། ཁ་རོག་བསྡད་ནས་ཞུ་ལན་མ་བཏབ་རྐྱེན། ། བདག་གིས་སྔར་བཞིན་བསྒུགས་ནས་སྡོད་འོས་སམ། །  
\v 17 ངས་ཀྱང་རང་གི་གཏམ་བཞིན་ལན་འདེབས་ཤིང་། ། བདག་གིས་རང་གི་བསམ་བློ་བརྗོད་པར་བྱ། །  
\v 18 གང་ལ་ཞེ་ན་བདག་ནང་གཏམ་གྱིས་གང་། ། ནང་གི་སེམས་ཉིད་ཀྱིས་ནི་བདག་ལ་བསྐུལ། །  
\v 19 ངའི་ཁོག་བུ་ག་མེད་པའི་ཆང་གི་སྐྱི་ཁུག་དང་། ། ཡང་ན་གས་ལ་ཉེ་བའི་རྐྱལ་བ་གསར་པ་བཞིན། །  
\v 20 བདག་བློ་བདེ་ཕྱིར་བདག་གིས་གླེང་དགོས་ཤིང་། ། བདག་གི་མཆུ་སྒྲོས་ཕྱེས་ནས་ལན་འདེབས་དགོས། །  
\v 21 བདག་གིས་མི་ཡི་ཁ་ངོར་མི་བལྟ་ཞིང་། ། ངོ་བསྟོད་ཡང་ནི་མི་ལ་མི་བྱེད་དེ། །  
\v 22 ངོ་བསྟོད་ཅི་ལྟར་བྱེད་པ་ངས་མི་ཤེས། ། ཤེས་ན་རང་ཉིད་སྐྲུན་མཁན་དཀོན་མཆོག་གིས། ། བདག་ནི་མྱུར་དུ་མེད་པར་མཛད་ངེས་ཡིན། །   
\c 33
\cl ལེའུ་སོ་གསུམ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ཨེས་ཡོབ་ཁྱེད་ཀྱིས་བདག་གི་གླེང་མོར་གསོན། ། བདག་གི་གཏམ་གླེང་ཐམས་ཅད་གསན་པར་མཛོད། །  
\v 2 གཟིགས་དང་ད་ནི་བདག་གི་མཆུ་སྒྲོས་འབྱེད། ། བདག་གི་ཁ་ནང་ལྕེ་ཡིས་གཏམ་སྨྲ་ཞིང་། །  
\v 3 ང་ཡི་གཏམ་གྱིས་སེམས་ཀྱི་དྲང་བདེན་མཚོན། ། བདག་གི་མཆུ་ཡིས་གང་ཤེས་དྲང་པོར་བརྗོད། །  
\v 4 དཀོན་མཆོག་ཐུགས་ཉིད་ཀྱིས་ནི་བདག་བཀོད་ཅིང་། ། ཀུན་དབང་ཞལ་དབུགས་ཀྱིས་ནི་ཚེ་སྲོག་སྩོལ། །  
\v 5 ཇི་སྟེ་བདག་ལ་ལན་ནི་འདེབས་ནུས་ན། ། ངའི་མདུན་ལངས་ཏེ་གཏམ་རྣམས་གསལ་པོར་ཤོད། །  
\v 6 དཀོན་མཆོག་དྲུང་དུ་བདག་ཀྱང་ཁྱེད་དང་འདྲ། ། བདག་ཀྱང་ས་རྡུལ་གྱིས་ནི་བཀོད་པ་ལགས། །  
\v 7 ལྟོས་དང་རྔམ་བརྗིད་སྒོ་ནས་ཁྱེད་ལ་འཇིགས་མི་སྐུལ། ། སྟོབས་ཤུགས་ཀྱིས་ནི་ཁྱེད་ལ་གནོན་ཤུགས་སྟེར་མི་བྱ། །  
\v 8 འོན་ཀྱང་ཁྱེད་ཀྱི་སྨྲ་བརྗོད་བདག་གིས་ཐོས། ། སྨྲས་པའི་གཏམ་ཡང་བདག་གིས་འདི་སྐད་ཐོས། །  
\v 9 ང་ནི་གཙང་ཞིང་ཉེས་སྐྱོན་གང་ཡང་མེད། ། ང་ནི་ཚུལ་དང་ལྡན་ཞིང་སྡིག་ཉེས་མེད། །  
\v 10 ལྟོས་དང་ཁོང་གིས་རྒོལ་བའི་གླགས་བཙལ་ཞིང་། ། བདག་ནི་ཁོང་གི་དགྲ་རུ་འགྱུར་བར་མཛད། །  
\v 11 ང་ཡི་རྐང་པར་ཁོང་གིས་ཨན་གཏད་བརྒྱབ། ། ང་ཡི་རྒྱུ་ལམ་ཀུན་ལ་གཟིགས་ཞེས་ཟེར། །  
\v 12 ཀྱེ་ཧོ་བདག་གིས་ཁྱེད་ལ་ལན་འདེབས་ཏེ། ། མི་ལས་དཀོན་མཆོག་ཆེན་པོ་ཡིན་པས་ན། ། ཁྱེད་ཀྱི་གཏམ་འདི་ནོར་འཁྲུལ་ཅན་ཡིན་ནོ། །  
\v 13 ཁོང་གིས་དོན་ཀུན་མི་ལ་ལན་ནི་མི་གནང་ཞེས། ། ཅིའི་ཕྱིར་ཁྱེད་ཀྱིས་ཁོང་དང་རྩོད་པར་བྱེད་པ་ཡིན། །  
\v 14 དཀོན་མཆོག་ཉིད་ཀྱིས་ཡང་ཡང་གསུངས་གྱུར་ཡང་\f + \ft འདིར་ཡང་ཡང་གསུངས་གྱུར་ཡང་ཞེས་པ་ནི་དཀོན་མཆོག་གིས་ཐབས་ལམ་སྣ་ཚོགས་བརྒྱུད་ནས་གསུང་གནང་བར་གོ་བ་ཡིན།\f*། ། མི་ཡིས་ཁོང་གི་གསུང་ལ་མ་མཉན་ཏེ། །  
\v 15 མི་རྣམས་མལ་ཁྲིར་གཉིད་ནས་བརྒྱལ་བའི་དུས། ། མཚན་མོའི་རྨི་ལམ་དང་ནི་ཞལ་གཟིགས་ནང་། །  
\v 16 ཁོང་གིས་མི་ཡི་རྣ་བ་འབྱེད་མཛད་ཅིང་། ། མི་ཡི་སེམས་སུ་ཞལ་གདམས་ཕྱག་རྒྱས་འདེབས། །  
\v 17 མི་རྣམས་རང་གི་ངན་པའི་ལས་ནས་བཟློག་པ་དང་། ། ཁོ་རྣམས་ང་རྒྱལ་ལས་དང་འབྲལ་དུ་འཇུག་པ་དང་། །  
\v 18 གཤིན་པོའི་ཡུལ་དུ་མི་ལྷུང་ཆེད་དུ་འགོག་པ་དང་། ། རལ་གྲིའི་འོག་ཏུ་ཚེ་སྲོག་མི་འཆོར་ཕྱིར་དུ་ཡིན། །  
\v 19 མི་རྣམས་ན་སྟེ་མལ་ཁྲིར་ཟུག་གཟེར་ཉེས་ཆད་མྱངས། ། ལུས་ཀྱི་རུས་པ་རྣམས་ཀྱིས་དཀའ་སྡུག་ཚད་མེད་མྱངས། །  
\v 20 དེ་ལྟར་ལུས་ཀྱིས་ཁ་ཟས་འདོར་བ་དང་། ། སེམས་ནས་དྲི་ལྡན་ཟས་ལ་ཞེན་ཁ་ལོག །  
\v 21 དེ་ཡི་ཤ་ནི་ཟད་ཅིང་མཐོང་དཀའ་སྟེ། ། སྔོན་ལ་མཐོང་ངོར་མེད་པའི་རུས་པ་ཡང་། ། ད་ལྟ་ཐམས་ཅད་ཕྱི་རུ་མངོན་པ་ཡིན། །  
\v 22 གཤིན་པོའི་ཡུལ་ནི་ཁོ་ཡི་ཚེ་དང་ཉེ། ། སྲོག་ཀྱང་འཇིག་བྱེད་རྣམས་དང་ཉེ་བར་འགྲོ། །  
\v 23 ཇི་སྟེ་ཕོ་ཉ་སྟོང་གི་ནང་ནས་གཅིག ། དཀོན་མཆོག་མཉམ་དུ་གནས་ཤིང་བཀའ་ཁྱེར་ཏེ། ། མི་ལ་བསྒྲུབ་འོས་བྱ་བ་བསྟན་ནས་ནི། །  
\v 24 ཁོ་རང་དྲིན་གྱིས་བསྐྱངས་ནས་དཀོན་མཆོག་ལ། ། ཁོ་ནི་གཤིན་པོའི་ཡུལ་དུ་མི་ལྷུང་ཕྱིར། ། སྐྱོབས་ཤིག་བདག་ལ་བླུ་རིན་ཐོབ་ཞུས་ན། །  
\v 25 དེ་ནས་བུ་ཆུང་ལས་ཀྱང་ཁོའི་ཤ་འཇམ། ། དེ་ནི་བྱིས་པའི་དུས་སུ་ལོག་པར་འགྱུར། །  
\v 26 དེ་ཡིས་དཀོན་མཆོག་ཁོང་ལ་གསོལ་བ་འདེབས། ། དཀོན་མཆོག་ཉིད་ཀྱང་ཁོ་ལ་མཉེས་པ་ཡིན། ། ཁོ་ཡང་དགའ་བཞིན་ཁོང་གི་ཞལ་ངོར་མཇལ། ། དཀོན་མཆོག་ཉིད་ཀྱིས་ཁོ་རང་དྲང་བདེན་བརྩིས། །  
\v 27 དེ་ཡིས་མིའི་མདུན་བསྟོད་གླུ་ལེན་ཞིང་འདི་སྐད་དུ། ། ང་ཡིས་ཉེས་པ་བཟོས་ཏེ་བདེན་རྫུན་གོ་ལྡོག་ཀྱང་། ། འཁུར་བར་འོས་པའི་ཉེས་ཆད་ངའི་སྟེང་མ་བབས་ཏེ། །  
\v 28 དཀོན་མཆོག་ཉིད་ཀྱིས་ངའི་སྲོག་བསྐྱབས་པ་དང་། ། གཤིན་པོའི་ཡུལ་དུ་འགྲོ་རུ་མ་བཅུག་ཅིང་། ། བདག་གི་ཚེ་ཡིས་འོད་མདངས་མཐོང་ཞེས་ཟེར། །  
\v 29 ཀྱེ་ཧོ་བྱ་བ་འདི་ཀུན་དཀོན་མཆོག་གིས། ། མི་ཡི་ཆེད་དུ་ཡང་དང་བསྐྱར་དུ་མཛད། །  
\v 30 མིའི་སྲོག་གཤིན་པོའི་ཡུལ་ནས་སྐྱོབ་པ་དང་། ། སྲོག་གི་འོད་ནི་དེ་ལ་སྣང་ཕྱིར་ཡིན། །  
\v 31 ཀྱེ་ཀྱེ་ཨེས་ཡོབ་མ་གཡེང་བདག་ལ་གསོན། ། སྒྲ་ནི་མ་འདོན་བདག་གིས་གླེང་བར་བྱ། །  
\v 32 ཁྱེད་ཀྱི་དྲང་བདེན་བདག་གིས་སྟོན་འདོད་པས། ། གླེང་རྒྱུ་ཡོད་ན་བཀའ་ལན་གནང་བར་མཛོད། །  
\v 33 དེ་མིན་ང་ལ་གསན་ནས་ཞལ་རོག་བཞུགས། ། ཁྱེད་ལ་བདག་གིས་ཤེས་རབ་སྟོན་པར་བྱ། །   
\c 34
\cl ལེའུ་སོ་བཞི་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ཨེལ་ལེ་ཧུ་ཡིས་ལན་བཏབ་ནས་སྨྲས་པ།  
\v 2 མཁྱེན་དཔྱོད་ལྡན་པ་ཁྱེད་ཚོས་བདག་ལ་གསོན། ། ཤེས་བྱ་ལྡན་པའི་མི་ཡིས་བདག་ལ་གསོན། །  
\v 3 རྐན་གྱིས་ཟས་ཀྱི་བྲོ་བ་མྱོང་བ་ལྟར། ། རྣ་བས་གཏམ་གྱི་ཤན་ནི་འབྱེད་པའི་ཕྱིར། །  
\v 4 ང་ཚོས་དྲང་བདེན་འདེམས་དགོས་ཤིང་། ། མཉམ་དུ་གང་ལེགས་རྟོགས་དགོས་སོ། །  
\v 5 ཨེས་ཡོབ་ཀྱིས་ནི་ང་རང་དྲང་ན་ཡང་། ། དཀོན་མཆོག་ཉིད་ཀྱིས་ང་ཡི་དྲང་བདེན་ཕྲོགས། །  
\v 6 ང་ལ་གནས་ལུགས་གང་འདྲ་ལྡན་ན་ཡང་། ། བདག་ནི་རྫུན་གཏམ་སྨྲ་མཁན་དུ་བརྩིས་ཤིང་། ། བདག་ལ་ཉེས་པ་གཏན་ནས་མེད་ན་ཡང་། ། མདའ་ཡིས་རྨས་པ་གསོ་ཐབས་མེད་ཅེས་སྨྲས། །  
\v 7 ཆུ་ལྟར་ཟུར་ཟ་འཐུང་བར་བྱེད་པ་ཡི། ། ཨེས་ཡོབ་ལྟ་བུའི་མི་ནི་གཞན་སུ་ཡོད། །  
\v 8 ཁོང་ནི་ངན་པ་དང་འགྲོགས་ཤིང་། ། མི་ངན་མཉམ་དུ་འགྲོ་བར་བྱེད། །  
\v 9 མི་ཡིས་དཀོན་མཆོག་དགྱེས་པར་བྱེད་ན་ཡང་། ། ཕན་ཐོགས་ཅི་ཡང་མེད་ཅེས་ཁོང་གིས་སྨྲ། །  
\v 10 དེའི་ཕྱིར་གོ་རྟོགས་ཅན་རྣམས་བདག་ལ་གསོན། ། དཀོན་མཆོག་ཁོང་གིས་ངན་པ་མཛད་མི་སྲིད། ། ཀུན་དབང་ཉིད་ཀྱིས་ཉེས་པ་བསག་མི་འགྱུར། །  
\v 11 མི་ཡི་ལས་བཞིན་ཁོང་གིས་ལན་འཇལ་ཞིང་། ། མི་རེར་རང་གི་ལམ་བཞིན་རྙེད་དུ་འཇུག །  
\v 12 དཀོན་མཆོག་ཁོང་གིས་ངན་པ་མཛད་མི་སྲིད། ། ཀུན་དབང་ཁོང་ནི་དྲང་བདེན་ལས་མི་འཛོལ། །  
\v 13 སུ་ཡིས་ཁོང་ཉིད་ས་གཞི་སྐྱོང་བར་མངགས། ། འཇིག་རྟེན་ཡོངས་ཀུན་སུ་ཡིས་གཏན་ལ་ཕབ། །  
\v 14 ཁོང་གིས་རང་ཉིད་གཅིག་པུ་དགོངས་མཛད་ཅིང་། ། ཐུགས་ཉིད་དང་ནི་དབུགས་ཀྱང་ཕྱིར་བསྡུས་ན། །  
\v 15 ཤ་ཁྲག་གདོས་བཅས་ཐམས་ཅད་ལྷན་ཅིག་འཆི། ། མི་ཀུན་ཡང་བསྐྱར་ས་རྡུལ་ནང་དུ་འཐིམ། །  
\v 16 ཁྱེད་ལ་གོ་རྟོགས་ཡོད་ན་འདི་ལ་ཉོན། ། ང་ཡི་གཏམ་གྱི་སྒྲ་ལ་རྣ་བ་བློགས། །  
\v 17 དྲང་པོར་སྡང་མཁན་གྱིས་ནི་རྒྱལ་སྲིད་སྐྱོང་ནུས་སམ། ། དྲང་བདེན་མཐུ་སྟོབས་ཅན་ལ་ཁྱེད་ཀྱིས་སྐྱོན་འཛུགས་སམ། །  
\v 18 ཁོང་གིས་རྒྱལ་པོར་ཁྱོད་ནི་ཕན་མེད་ཡིན་ཞེས་དང་། ། སྐུ་དྲག་རྣམས་ལ་ཁྱོད་ནི་ངན་པ་ཡིན་ཞེས་གསུང་། །  
\v 19 ཁོང་གིས་རྒྱལ་སྲས་རྣམས་ཀྱི་ཁ་ངོར་མི་གཟིགས་ཤིང་། ། དབུལ་པོ་རྣམས་ལས་ཕྱུག་པོར་མཐོང་ཆེན་ཡང་མི་བྱ། ། རྒྱུ་མཚན་དེ་ཀུན་ཁོང་གི་ཕྱག་གིས་བཀོད་པས་སོ། །  
\v 20 སྐད་ཅིག་ཉིད་ལ་དེ་རྣམས་འཆི་གྱུར་ཏེ། ། འབངས་མི་ནམ་གུང་གཡོ་འགུལ་ལས་འཆི་ཞིང་། ། སྟོབས་ཅན་རྣམས་ཀྱང་འཁྱེར་བར་མཛད་པ་དང་། ། དེ་ནི་མི་ཡིས་བཟོས་པ་མ་ཡིན་ནོ། །  
\v 21 མི་ཡི་ལམ་རྣམས་དཀོན་མཆོག་སྤྱན་དྲུང་ཡོད། ། གོམ་སྟབས་རེ་རེ་ཁོང་གིས་གཟིགས་པ་ཡིན། །  
\v 22 སྡིག་སྤྱོད་མི་རྣམས་ཡིབ་ནས་སྡོད་ཐུབ་པའི། ། མུན་པ་དང་ནི་སྨག་རུམ་གང་ཡང་མེད། །  
\v 23 ཉེས་ཆད་ཕོག་ཏུ་དཀོན་མཆོག་དྲུང་འོང་བར། ། ཁོང་གིས་ཡང་ཡང་མི་ལ་བརྟག་མི་དགོས། །  
\v 24 ཁོང་གིས་མ་བརྟག་ནུས་ལྡན་བརླག་ནུས་ཤིང་། ། དེ་དག་ཚབ་ཏུ་གཞན་རྣམས་སློང་བར་མཛད། །  
\v 25 ཁོང་གིས་དེ་ཚོའི་ཅི་བྱས་ལས་རྣམས་མཁྱེན། ། མཚན་མོར་དེ་རྣམས་འགྱེལ་ནས་མེད་པར་མཛད།  
\v 26 ཁོང་གིས་ངན་པར་ཉེས་ཆད་བཅད་པ་ལྟར། ། གཞན་གྱི་མིག་མདུན་དེ་ཚོར་རྡུང་རྡེག་བཏང་། །  
\v 27 ཁོ་རྣམས་གྱེས་ནས་ཁོང་གི་རྗེས་མ་འབྲང་། ། ཁོང་གི་གཤེགས་ལམ་ཀུན་ལ་མ་བལྟས་རྐྱེན། །  
\v 28 དབུལ་པོའི་ངུ་སྐད་ཁོང་དྲུང་སླེབས་སུ་བཅུག ། སྡུག་བསྔལ་གདུངས་པའི་འོ་དོད་ཁོང་གིས་གསན། །  
\v 29 ཇི་སྟེ་ཁོང་ཉིད་ཞལ་རོག་བཞུགས་གྱུར་ན། ། སུ་ཡིས་ཁོང་ལ་ཉེས་པ་འགེལ་ནུས་སམ། ། ཡང་ན་ཁོང་གིས་ཞལ་རས་སྦེད་དུས་སུ། ། སུ་ཡིས་ཁོང་ཉིད་མཇལ་བར་འགྱུར་ནུས་སམ། ། མི་དང་རྒྱལ་ཁབ་གང་ཡིན་ཁྱད་པར་མེད། །  
\v 30 འབངས་རྣམས་འཆིང་རྒྱ་ནང་དུ་མི་ཚུད་ཆེད། ། དད་མེད་མི་ལ་རྒྱལ་སྲིད་སྐྱོང་མ་འཇུག །  
\v 31 བདག་ལ་བཀའ་བཀྱོན་ཕོག་པས་ན། ། དེང་ཕྱིན་ཉེས་པའི་དོན་མི་བྱ། །  
\v 32 བདག་གིས་མཐོང་བར་མ་གྱུར་པ། ། ཁྱེད་ཀྱིས་ང་ལ་སྟོན་པར་མཛོད། ། བདག་གིས་སྡིག་ཉེས་བསགས་ཡོད་ན། ། ཕྱིས་སུ་དེ་བཞིན་མི་བྱ་ཞེས། ། སུ་ཡིས་ཁོང་ལ་ཞུ་ནུས་སམ། །  
\v 33 ཁྱེད་ཀྱིས་འགྱོད་བཤགས་མི་བྱེད་རྐྱེན། ། ཁོང་གིས་ཁྱེད་ཀྱི་འདོད་པ་བཞིན། ། ཁྱེད་ལ་ཉེས་སྐྱོན་འཛུགས་དགོས་སམ། ། ང་མིན་ཁྱེད་ཀྱིས་ཐག་གཅོད་དགོས། ། ཁྱེད་ཀྱིས་གང་ཤེས་དེ་སྨྲོས་ཤིག །  
\v 34 གནས་ལུགས་རྟོགས་པའི་མི་ཡིས་བདག་ལ་བརྗོད། ། ཤེས་རབ་ལྡན་པས་འདི་ལྟར་སྨྲ་བར་འགྱུར། །  
\v 35 ཨེས་ཡོབ་ཁོང་གིས་ཤེས་བྱ་མེད་བཞིན་གླེང་། ། ཁོང་གི་གཏམ་རྣམས་ཤེས་རབ་དང་བྲལ་ཏོ། །  
\v 36 ཁོང་གིས་མི་ངན་བཞིན་དུ་ལན་འདེབས་པས། ། མཐར་ཐུག་བར་དུ་ཚོད་བགམ་གནང་བར་ཤོག །  
\v 37 དེ་ཡིས་རང་གི་སྡིག་པར་ངོ་ལོག་སྣོན། ། ང་ཚོའི་དཀྱིལ་དུ་ཐལ་མོ་བརྡབས་ནས་ནི། ། དཀོན་མཆོག་རྒོལ་བའི་གཏམ་གླེང་མང་དུ་སྤེལ། །   
\c 35
\cl ལེའུ་སོ་ལྔ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ཨེལ་ལེ་ཧུ་ཡིས་མུ་མཐུད་དུ་སྨྲས་པ།  
\v 2 ཁྱེད་ཀྱིས་གཏམ་འདིར་གནས་ལུགས་ཡོད་བསམས་ཏེ། ། དཀོན་མཆོག་དྲུང་དུ་བདག་ནི་དྲང་ཟེར་ཞིང་། །  
\v 3 དེ་ནས་ཁྱེད་ཀྱིས་འདི་ལྟར་སྨྲས། ། འདི་ནི་ཁྱོད་ལ་ཕན་ཅི་ཡོད། ། ང་ཡིས་སྡིག་པ་མ་བཟོས་ན། ། ང་ལ་ཕན་ཐོགས་ཅི་ཡོད་ཟེར། །  
\v 4 ཁྱེད་དང་ཁྱེད་མཉམ་ཡོད་པའི་གྲོགས་རྣམས་ལ། ། བདག་གིས་འདི་ལྟར་ལན་ཞིག་འདེབས་པར་བྱ། །  
\v 5 ཁྱེད་ཀྱིས་མགོ་ཡར་བཀྱགས་ནས་ནམ་མཁར་ལྟོས། ། ཁྱེད་ལས་མཐོ་བའི་ཆུ་འཛིན་ལ་ལྟོས་ཤིག །  
\v 6 ཁྱེད་ཀྱིས་སྡིག་པ་བསགས་གྱུར་ན། ། དཀོན་མཆོག་ཁོང་ལ་ཅི་ཞིག་གནོད། ། ཁྱེད་ཀྱི་ཉེས་སྐྱོན་འཕེལ་ན་ཡང་། ། དཀོན་མཆོག་ཁོང་གིས་གྱོང་མི་རག །  
\v 7 ཁྱེད་རང་དྲང་ན་དཀོན་མཆོག་ལ་ཅི་སྦྱིན། ། ཁྱེད་ཀྱི་ལག་ནས་ཁོང་ལ་ཅི་འཐོབ་བམ། །  
\v 8 ཁྱེད་ཀྱི་ངན་པས་ཁྱེད་འདྲའི་མི་ལ་གནོད། ། ཁྱེད་ཀྱི་དྲང་པོས་མི་བུ་ཁོ་ནར་ཕན། །  
\v 9 བརྙས་བཅོས་ཐེབས་པས་མི་ཡིས་སྐད་རྒྱག་ཅིང་། ། དབང་ཅན་གཉའ་གནོན་རྐྱེན་གྱིས་འོ་དོད་ཞུ། །  
\v 10 མཚན་མོར་གླུ་དབྱངས་གནང་ཞིང་བདག་བསྐྲུན་པའི། ། དཀོན་མཆོག་གང་དུ་བཞུགས་ཞེས་སུ་ཡིས་འདྲི། །  
\v 11 ཁོང་གིས་ས་ཡི་དུད་འགྲོ་ལས། ། ང་ཚོར་བཀའ་སློབ་གནང་བ་དང་། ། ནམ་མཁའི་བྱ་ལས་རང་ཅག་རྣམས། ། མཁས་པར་མཛད་ཅེས་སྨྲ་མཁན་མེད། །  
\v 12 མི་ངན་ང་རྒྱལ་ཆེ་བའི་རྐྱེན་དབང་གིས། ། དེ་ཚོས་འོ་དོད་བོས་ཀྱང་ལན་མི་གནང་།  
\v 13 སྙིང་པོ་མེད་པའི་ཞུ་འབོད་ལ། ། དཀོན་མཆོག་ཁོང་གིས་མི་གསན་ཞིང་། ། ཀུན་དབང་ཉིད་ཀྱིས་དེར་མི་གཟིགས། །  
\v 14 ཁོང་ཉིད་མི་མཇལ་ཟེར་བས་ལྟ་ཅི་སྨོས། ། གྱོད་གཞི་ཁོང་དྲུང་ཡོད་པས་ཁོང་ལ་སྒུགས། །  
\v 15 ཁོང་ཉིད་ཁྲོས་ཀྱང་བཀའ་ཆད་མི་གཅོད་ཅིང་། ། ང་རྒྱལ་ལ་ཡང་དེ་འདྲ་མི་གཟིགས་པས། །  
\v 16 ཨེས་ཡོབ་ཁོང་གིས་དོན་མེད་གཏམ་གླེང་ཞིང་། ། ཤེས་རབ་མེད་པའི་གཏམ་ནི་མང་ཙམ་ལབ། །   
\c 36
\cl ལེའུ་སོ་དྲུག་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ཨེལ་ལེ་ཧུ་ཡིས་ཡང་མུ་མཐུད་དུ་སྨྲས་པ།  
\v 2 དཀོན་མཆོག་དོན་དུ་བདག་ལ་གཏམ་ཡོད་པས། ། ཅུང་ཙམ་བཞུགས་དང་བདག་གིས་ཁྱེད་ལ་སྟོན། །  
\v 3 བདག་གིས་རྒྱང་ནས་བློ་གྲོས་འདྲེན་འགྱུར་ཞིང་། ། རང་ཉིད་སྐྲུན་མཁན་དཀོན་མཆོག་ཁོང་ཉིད་ཀྱི། ། དྲང་བདེན་དེ་ནི་ཆེ་བར་བརྗོད་པར་བྱ། །  
\v 4 ང་ཡི་གཏམ་ནི་དངོས་གནས་རྫུན་མིན་ཏེ། ། ཤེས་རབ་གཏམས་པ་ཁོང་ཉིད་ཁྱེད་མཉམ་བཞུགས། །  
\v 5 ལྟོས་དང་དཀོན་མཆོག་ནུས་མཐུ་ཆེན་པོ་ཡིན། ། མི་ལ་མཐོང་ཆུང་ཡང་ནི་མི་མཛད་ཅིང་། ། ཁོང་གི་མཁྱེན་རབ་ཤིན་ཏུ་རྒྱ་ཆེ་འོ། །  
\v 6 ཁོང་གིས་སྡིག་སྤྱོད་མི་ཡི་སྲོག་མི་སྐྱོབ། ། འོན་ཀྱང་སྡུག་བསྔལ་ཅན་ལ་དག་འབུད་མཛད། །  
\v 7 ཁོང་གིས་དྲང་བདེན་ཅན་ལ་གཟིགས་སྐྱོང་གནང་། ། དེ་དག་རྒྱལ་པོ་མཉམ་དུ་རྒྱལ་ཁྲིའི་སྟེང་། ། ཇི་སྲིད་བར་དུ་མཐོ་སར་བཀོད་པ་ཡིན། །  
\v 8 ཇི་སྟེ་ཁོ་ཚོར་ལྕགས་སྒྲོག་བརྒྱབ་ནས་ནི། ། སྡུག་གི་ཐག་པས་དེ་རྣམས་བཅིངས་གྱུར་ན། །  
\v 9 ཁོང་གིས་དེ་ཚོའི་ལས་དང་ཉེས་སྐྱོན་དང་། ། ང་རྒྱལ་རང་རློམ་ཆེ་བ་ཁོ་ཚོར་སྟོན། །  
\v 10 བཀའ་སློབ་ཉན་ཕྱིར་ཁོང་གིས་དེ་ཚོའི་རྣ་འབྱེད་ཅིང་། ། སྤྱོད་ངན་སྤངས་ནས་ཁ་ཕྱིར་འཁོར་བའི་བཀའ་བསྩལ་ཏོ། །  
\v 11 གལ་ཏེ་ཁོ་ཚོས་མཉན་ནས་བཀའ་བསྲུངས་ན། ། དེ་ཚོའི་ཉི་མ་ལོངས་སྤྱོད་ནང་དུ་དང་། ལོ་རྣམས་བདེ་སྐྱིད་ནང་ནས་རྫོགས་པར་འགྱུར། །  
\v 12 འོན་ཀྱང་དེ་ཚོས་བཀའ་ལ་མ་མཉན་ན། ། རལ་གྲིས་གསོད་ཅིང་ཤེས་རབ་མེད་པར་འཆི། །  
\v 13 དད་གུས་མེད་པ་རྣམས་ཀྱིས་ཁོང་ཁྲོ་བསག ། དཀོན་མཆོག་ཁོ་རྣམས་བཅིངས་རུང་སྐྱབས་མི་ཞུ། །  
\v 14 མཆོད་གཤོམ་གཞང་འཚོང་ནང་བཞིན་དུ། ། དེ་དག་གཞོན་པའི་དུས་སུ་འཆི། །  
\v 15 སྡུག་བསྔལ་བརྒྱུད་ནས་ཁོང་གིས་དབུལ་ཕོངས་སྐྱོབ། ། བརྙས་བཅོས་ཐེབས་དུས་དེ་ཚོའི་རྣ་བ་འབྱེད། །  
\v 16 དེ་བཞིན་ཁྱེད་ཀྱང་དཀའ་སྡུག་ལས་སྒྲོལ་ཞིང་། ། ཚད་བཀག་མེད་པའི་ཡངས་སར་འདྲེན་འགྱུར་ཏེ། ། ཁྱེད་ཀྱི་ཅོག་ཙེར་ཞིམ་མངར་ཟས་རྣམས་བཤམས། །  
\v 17 འོན་ཀྱང་སྡིག་སྤྱོད་ཁྲིམས་ཀྱིས་ཁྱེད་ཁེངས་པས། ། གཤགས་དང་ཁྲིམས་ཀྱིས་ཁྱེད་རང་དམ་པོར་བཟུང་། །  
\v 18 ཁྱེད་ཉིད་ཞེ་སྡང་ཆེན་པོ་ལངས་གྱུར་ཏེ། ། ཁ་ནས་འཕྱ་སྨོད་བྱེད་པར་མ་མཛོད་ཅིག ། བླུ་རིན་ཆེ་བས་ལོག་ལམ་བསྐྱོད་མི་རུང་། །  
\v 19 ཁྱེད་ཀྱི་ཞུ་འབོད་དང་ནི་སྟོབས་ཀུན་གྱིས། ། ཁྱེད་ལ་དཀའ་སྡུག་མེད་པར་བཟོ་ནུས་སམ། །  
\v 20 མི་རྣམས་རང་སར་རྩ་མེད་གཏོང་དུས་ཏེ། ། ཁྱེད་ཀྱིས་མཚན་མོར་ཡིད་སྨོན་མ་བྱེད་ཅིག །  
\v 21 སྡིག་པའི་ཕྱོགས་སུ་མི་འགྲོ་ཆེད། ། ཁྱེད་ཀྱིས་དོགས་ཟོན་བྱེད་དགོས་ཏེ། ། ཁྱེད་ཀྱིས་སྡིག་པའི་ལས་བདམས་པ། ། དཀའ་སྡུག་ལས་ཀྱང་མང་བས་སོ། །  
\v 22 ལྟོས་དང་དཀོན་མཆོག་ནུས་མཐུ་ཆེ་བས་མཆོག ། སུ་ཡིས་ཁོང་ལྟར་བཀའ་སློབ་མཛད་ནུས་སམ། །  
\v 23 སུ་ཡིས་ཁོང་གི་ལམ་མངགས་ཤིང་། ། ཁྱེད་ཀྱིས་ཆོས་དྲང་མ་སྤྱད་ཅེས། ། སུ་ཡིས་དེ་ལྟར་བརྗོད་ནུས་སམ། །  
\v 24 མི་ཡིས་ཁོང་ལ་བསྟོད་དབྱངས་ཕུལ་བ་བཞིན། ། ཁོང་གི་མཛད་པར་བསྟོད་པ་ཡིད་ལ་ཟུངས། །  
\v 25 ཁོང་གི་མཛད་པ་མི་བུ་ཀུན་གྱིས་མཐོང་། ། མི་ཡིས་རྒྱང་རིང་ཡུལ་ནས་ཧུར་རེར་ལྟ། །  
\v 26 ལྟོས་དང་དཀོན་མཆོག་ཆེ་བ་རྟོགས་མི་ནུས། ། ཁོང་གི་དགུང་ལོ་ཚོད་དཔག་བྱེད་ཐབས་བྲལ། །  
\v 27 ཆུ་ཐིགས་རྣམས་ནི་ཁོང་གིས་འདྲེན་མཛད་པས། ། དེ་ནི་སྤྲིན་སྨུག་ཁྲོད་དུ་ཆར་བར་གྱུར།།  
\v 28 སྤྲིན་པས་དེ་རྣམས་ས་ལ་བབས་བཅུག་སྟེ། ། མི་ཡི་སྟེང་དུ་མོད་པོ་འབབ་པར་བྱེད། །  
\v 29 སྤྲིན་པ་ཅི་ལྟར་རྐྱོང་བ་དང་། ། དཀོན་མཆོག་ཁོང་གི་གཟིམ་ཁང་གི ། འབྲུག་སྒྲ་སུ་ཡིས་རྟོགས་ནུས་སམ། །  
\v 30 ཁོང་གིས་ཉིད་ཀྱི་མཐའ་རུ་འོད་སྣང་ཞིང་། ། རྒྱ་མཚོའི་གཏིང་རྣམས་ཁོང་གིས་གཡོགས་པར་མཛད། །  
\v 31 ཁོང་གིས་འདི་ལྟར་མི་ལ་ཉེས་ཆད་གཅོད། ། ཁོང་གིས་འབྲུ་རིགས་མང་པོ་གནང་བར་མཛད། །  
\v 32 ཁོང་གི་ཕྱག་ཟུང་གློག་དམར་ནང་སྦས་ཏེ། ། འབེན་དུ་ཕོག་པར་དེ་ལ་བཀའ་གནང་མཛད། །  
\v 33 ཁོང་གི་འབྲུག་སྒྲས་ཉིད་ཀྱི་མཛད་པ་མངོན། ། དུད་འགྲོར་རླུང་དམར་ལྡང་བ་གསལ་པོར་བསྟན། །   
\c 37
\cl ལེའུ་སོ་བདུན་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 དེའི་ཕྱིར་བདག་གི་སྙིང་འདར་ཞིང་། ། རང་གི་གནས་ནས་གཞན་སར་མཆོངས། །  
\v 2 ཁོང་གི་གསུང་སྐད་ང་རོར་གསོན་ཞིག་དང་། ། དེ་ནི་དཀོན་མཆོག་ཞལ་ལས་ཐོན་པའི་སྐད། །  
\v 3 ཁོང་གི་གསུང་སྐད་ས་གཞི་ཡོངས་ལ་ཁྱབ། ། ས་མཐའི་བར་དུ་ཁོང་གི་གློག་དམར་འཁྱུགས། །  
\v 4 དེའི་རྗེས་མི་ཡིས་ཁོང་གི་འུར་སྒྲ་ཐོས། ། ཁོང་གིས་བརྗིད་ཉམས་ཆེ་བའི་ལྡིར་སྒྲ་སྒྲོག ། གསུང་སྐད་སྒྲོག་དུས་ཕྱིར་འཐེན་མ་བྱས་སོ། །  
\v 5 དཀོན་མཆོག་ཁོང་ལས་ངོ་མཚར་ལྡིར་སྒྲ་འབྱུང་། ། ང་ཚོས་རྟོགས་པར་དཀའ་བའི་དོན་ཆེན་མཛད། །  
\v 6 ཁོང་གིས་ཁ་བར་ས་ལ་བོབས་ཤིག་གསུངས། ། དྲག་ཆར་ལ་ཡང་དེ་ལྟར་བཀའ་བབས་སོ། །  
\v 7 བཀོད་པའི་མི་ཡིས་ཁོང་གི་འཕྲིན་ལས་རྟོགས་ཆེད་དུ། ། ཁོང་གིས་མི་ཡི་ལག་པར་ཕྱག་རྒྱ་འདེབས་པར་མཛད། །  
\v 8 གཅན་གཟན་རང་གི་ཁུང་ནང་འཛུལ། ། དེ་ཡི་ཚང་ནང་སྡོད་པར་བྱེད། །  
\v 9 རླུང་འཚུབ་དེ་ཡི་ཕོ་བྲང་ལས་ནི་འབྱུང་། ། རླུང་དམར་ལས་ནི་གྲང་ངར་ལྡང་བ་ཡིན། །  
\v 10 ཁོང་གིས་དབུགས་རིང་ཕྱུང་ནས་དར་ཆགས་ཏེ། ། ཡངས་པའི་ཆུ་བོ་དག་ནི་འཁེང་བར་མཛད། །  
\v 11 སྤྲིན་ནག་སྟུག་པོར་བརླན་གཤེར་ཁེངས་པར་མཛད། ། སྤྲིན་པའི་གསེབ་ནས་གློག་དམར་རྒྱང་རིང་གཏོར། །  
\v 12 སྤྲིན་ནག་ཁོང་གི་མཛུབ་སྟོན་འོག་ཏུ་གང་སར་འཁྲིགས། ། འཛམ་གླིང་ས་གཞིའི་སྟེང་དུ་ཁོང་གི་བཀའ་ལྟར་བྱེད། །  
\v 13 དེ་ནི་ཉེས་ཆད་མཛད་པ་དང་། ། ཡང་ན་ས་གཞིར་གསོ་བ་དང་། ། ཡང་ན་བྱམས་བརྩེས་སྐྱོང་བ་བཅས། ། ཐམས་ཅད་ཁོང་གི་མཛད་པ་ལགས། །  
\v 14 ཀྱེ་ཀྱེ་ཨེས་ཡོབ་ཁྱེད་ཀྱིས་འདི་ལ་གསོན། ། ལངས་ནས་དཀོན་མཆོག་ངོ་མཚར་འཕྲིན་ལས་དྲོན། །  
\v 15 ཁོང་གིས་འདི་ཚོར་ཅི་ལྟར་བཀའ་བབས་ཤིང་། ། སྤྲིན་ནང་གློག་དམར་འཁྱུགས་མཛད་ཁྱེད་ཤེས་སམ། །  
\v 16 སྤྲིན་པ་མཁའ་རུ་ཅི་ལྟར་རྒྱུ་བ་དང་། ། མཁྱེན་རབ་ཡོངས་སུ་རྫོགས་པ་ཁོང་ཉིད་ཀྱི། ། ངོ་མཚར་འཕྲིན་ལས་དེ་དག་རྟོགས་ནུས་སམ། །  
\v 17 ལྷོ་རླུང་རྐྱེན་གྱིས་ས་གཞི་ལྷིང་འཇགས་སུ་ལུས་དུས། ། ཁྱེད་ཀྱི་གོས་རྣམས་དྲོན་པོར་འགྱུར་བ་ཤེས་ལགས་སམ། །  
\v 18 བླུགས་མའི་མེ་ལོང་བཞིན་དུ་བརྟན་པའི་གནམ། ། ཁྱེད་ཀྱིས་ཁོང་མཉམ་རྐྱོང་བར་བྱེད་ཐུབ་བམ། །  
\v 19 ངེད་རྣམས་གླེན་ཞིང་རྨོངས་པས་སྨྲ་བརྗོད་བྱེད་མི་ཤེས། ། དེའི་ཕྱིར་ཁོང་ལ་ཅི་ཞུ་ཁྱེད་ཀྱིས་སྟོན་པར་མཛོད། །  
\v 20 སུ་ཡིས་ཁོང་ལ་ང་ཡིས་སྨྲ་འདོད་ཅེས་ཞུ་རུང་། ། སུ་ཡིས་རང་ཉིད་མེད་པར་འགྱུར་འདོད་ཅེས་བརྗོད་དམ། །  
\v 21 ད་ལྟ་སྤྲིན་པའི་གསེང་གི་ཉི་འོད་མཐོང་མི་ཕོད། ། རླུང་གི་རྒྱུན་ལ་བརྟེན་ནས་གནམ་ངོ་དྭངས་པར་འགྱུར། །  
\v 22 གསེར་གྱི་མདངས་ནི་བྱང་ཕྱོགས་ཡུལ་ནས་འབྱུང་། ། དཀོན་མཆོག་དྲུང་དུ་འཇིགས་རུང་གཟི་བྱིན་ཡོད། །  
\v 23 ངེད་ཀྱིས་ཀུན་དབང་ཁོང་ལ་བརྟག་མི་ནུས། ། ཁོང་ནི་མཐུ་སྟོབས་ཆེ་ཞིང་དྲང་བདེན་ཅན། ། ཐུགས་ནི་དྲང་ཞིང་མི་རྣམས་སྡུག་མི་མཛད། །  
\v 24 དེའི་ཕྱིར་ཁོང་ལ་གུས་ཤིང་འཇིགས་འོས་ཏེ། ། རང་ཉིད་མཁས་པར་འཛིན་པའི་མི་ལ་ནི། ། ཁོང་གིས་གཏན་ནས་གཟིགས་པར་མི་འགྱུར་རོ། །   
\c 38
\cl ལེའུ་སོ་བརྒྱད་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཡ་ཝཱེས་ཨེས་ཡོབ་ལ་བཀའ་ལན་གནང་བ།  
\p
\v 1 དུས་དེར་དཀོན་མཆོག་ཡ་ཝཱེ་ཁོང་གིས་རླུང་འཚུབ་ནང། ། ཨེས་ཡོབ་ཁོང་ལ་བཀའ་ལན་གནང་ཞིང་འདི་སྐད་གསུངས། །  
\v 2 སུ་ཡིས་ཤེས་རབ་དང་ནི་བྲལ་བའི་གཏམ་གླེང་གིས། ། ང་ཡི་ཐུགས་དགོངས་གསལ་མིན་རྟོགས་དཀའི་གནས་སུ་བསྒྱུར། །  
\v 3 ཁྱོད་ཀྱིས་དཔའ་བོ་བཞིན་དུ་སྐ་རགས་ཆིངས་ཤིག་དང་། ། བདག་གིས་ཁྱོད་ལ་འདྲི་དུས་ཁྱོད་ཀྱིས་ལན་ཐོབས་ཤིག །  
\v 4 བདག་གིས་ས་གཞིའི་རྨང་གཞི་འགོད་དུས་སུ། ། ཁྱོད་རང་གང་དུ་ཡོད་པ་རྟོགས་ན་ཤོད། །  
\v 5 སའི་ཚད་སུས་བླངས་ཁྱོད་ལ་ཆ་ཡོད་དམ། ། ཡང་ན་དེའི་ངོས་སྐྱ་ཐིག་སུ་ཡིས་བརྒྱབ། །  
\v 6 ས་ཡི་རྨང་གཞི་གང་གི་སྟེང་དུ་བཙུགས། ། ས་གཞིའི་ཟུར་རྡོ་སུ་ཡིས་བཞག་པ་ཡིན། །  
\v 7 དུས་དེར་ཐོ་རངས་སྐར་མས་མཉམ་མགུར་བླངས། ། དཀོན་མཆོག་ཕོ་ཉ་ \f + \ft འདིར་ཕོ་ཉ་ཞེས་པར་མ་ཕྱི་ལས་དཀོན་མཆོག་གི་སྲས་རྣམས་ཞེས་མཐོང་།\f*ཀུན་གྱིས་དགའ་འབོད་བྱས། །  
\v 8 མངལ་ལས་ཐོན་བཞིན་རྒྱ་མཚོ་འཕྱུར་བའི་དུས། ། སུ་ཡིས་དེ་རྣམས་སྒོ་ཡིས་བཀག་པ་ཡིན། །  
\v 9 བདག་གིས་རྒྱ་མཚོའི་གོས་སུ་སྤྲིན་བྱས་ཤིང་། ། མུན་ནག་དེ་ཉིད་བཏུམ་བྱའི་རས་སུ་བསྒྱུར། །  
\v 10 བདག་གིས་དེ་ལ་ས་མཚམས་ཤིག་བཅད་དེ། ། སྒོ་གཏན་དང་ནི་སྒོ་མོ་རྣམས་བཙུགས་ཤིང་། །  
\v 11 ཁྱོད་ནི་འདི་རུ་སླེབས་ནས་ཕར་ལ་བརྒལ་མི་རུང་། ། ཆེས་ཆེར་རྒྱས་པའི་རྦ་རླབས་འདི་ནས་མཚམས་ཆོད་སྨྲས། །  
\v 12 ཁྱོད་ཀྱིས་ཚེ་ནང་སྐྱ་མདའ་གཏོང་བར་བཀའ་བཀོད་ཅིང་། ། ཞོགས་པའི་སྐྱ་རེངས་ལ་ནི་རང་གནས་རྟོགས་བཅུག་སྟེ། །  
\v 13 འོད་དེ་ས་གཞིའི་ཕྱོགས་མཐར་འཕྲོས་ནས་ནི། ། ས་ལས་སྡིག་སྤྱོད་ཅན་རྣམས་བསྐྲད་དམ་ཅི། །  
\v 14 ས་ངོས་ཐམ་ཀའི་འོག་གི་འཇིམ་བཞིན་འགྱུར། ། དངོས་པོ་ཐམས་ཅད་གོས་དང་འདྲ་བར་མངོན། །  
\v 15 དེ་ལྟར་སྡིག་སྤྱོད་རྣམས་ཀྱི་འོད་མི་སྤྲོ། ། མཐོར་འདེགས་དཔུང་ངར་རྣམས་ཀྱང་གཅོག་པར་མཛད། །  
\v 16 རྒྱ་མཚོ་འཕྱུར་བའི་གནས་སུ་ཁྱོད་ཕྱིན་ནམ། ། ཡང་ན་གཏིང་ཟབ་གནས་སུ་བསྐྱོད་མྱོང་ངམ། །  
\v 17 འཆི་བའི་སྒོ་རྣམས་ཁྱོད་ལ་མངོན་གྱུར་ཏམ། ། སྨག་རུམ་སྒོ་རྣམས་ཁྱོད་ཀྱིས་མཐོང་མྱོང་ངམ། །  
\v 18 རྒྱ་ཆེན་ས་གཞི་ཁྱོད་ཀྱིས་ཚད་ཐུབ་བམ། ། ཁྱོད་ཀྱིས་འདི་ཀུན་ཤེས་ན་ད་ཤོད་ཅིག །  
\v 19 འོད་ལྡན་ཁྱིམ་གྱི་ལམ་དེ་གང་ཡིན་ནམ། ། མུན་པ་དེ་ཡི་རང་གནས་གང་དུ་ཡོད། །  
\v 20 ཁྱོད་ཀྱིས་དེ་རྣམས་རང་གི་མངའ་ཁོངས་སུ། ། ཁྲིད་དེ་ཁྱིམ་དེར་འགྲོ་བའི་ལམ་ཤེས་སམ། །  
\v 21 དུས་དེར་ཁྱོད་རང་སྐྱེས་པས་ཁྱོད་ཀྱིས་ཤེས། ། ཁྱོད་ཀྱིས་མི་ཚེའི་ཉི་མ་མང་པོ་བསྐྱལ། །  
\v 22 ཁ་བ་འབྱུང་བའི་གནས་སུ་ཁྱོད་སླེབས་སམ། ། ཡང་ན་སེར་བའི་བང་མཛོད་རྣམས་མཐོང་ངམ། །  
\v 23 དེ་རྣམས་བདག་གིས་དཀའ་སྡུག་འབྱུང་དུས་དང་། ། དམག་དང་འཐབ་མོའི་ཕྱིར་དུ་མཛད་པ་ཡིན། །  
\v 24 གློག་དམར་ལམ་བུ་གང་ནས་བཀར་བ་དང་། ། ཤར་རླུང་ས་གཞིའི་སྟེང་ལ་ཅི་ལྟར་ཐོར། །  
\v 25 སུ་ཡིས་ཆར་ཆུའི་རྒྱུ་ལམ་གཤགས། ། སུ་ཡིས་ཐོག་ལ་བགྲོད་ལམ་ཕྱེས། །  
\v 26 མི་མེད་ལུང་སྟོང་ལ་ནི་ཆར་གནང་ཞིང་། ། དབེན་སྟོང་ཡུལ་ལ་ཆར་བ་འབབ་ཏུ་བཅུག །  
\v 27 ཐང་རྒོད་ལུས་པའི་ས་ནི་བརླན་གཤེར་རྒྱས། ། རྩྭ་སྔོན་དག་ནི་སྐམ་སར་སྐྱེས་སུ་བཅུག །  
\v 28 ཆར་བ་ལ་ནི་ཕ་ཡོད་དམ། ། ཟིལ་བ་སུ་ལས་སྐྱེས་པ་ཡིན། །  
\v 29 འཁྱགས་རོམ་གང་གི་མངལ་ལས་བྱུང་བ་ཡིན། ། ནམ་མཁའི་བ་མོ་སུ་ལས་སྐྱེས་པ་ཡིན། །  
\v 30 ཆུ་རྣམས་སྲ་ཤིང་རྡོ་ལྟར་གྱུར། ། གཏིང་ཟབ་ངོས་སུ་འཁྱགས་རོམ་ཆགས། །  
\v 31 སྨིན་དྲུག་སྐར་མ་ཁྱོད་ཀྱིས་འཆིང་ནུས་སམ། ། དྲང་སྲོང་སྐར་མ་ཁྱོད་ཀྱིས་སྒྲོལ་ནུས་སམ། །  
\v 32 ཁྱོད་ཀྱིས་དུས་ལྟར་སྐར་ཁྱིམ་དག་ནི་འདྲེན་ནུས་སམ། ། སྨིན་བདུན་དང་ནི་རྒྱུ་སྐར་གཞན་དག་འཁྲིད་ནུས་སམ། །  
\v 33 ནམ་མཁའི་ཆོས་ཉིད་ཁྱོད་ཀྱིས་ཤེས་ལགས་སམ། ། དེ་ཡི་དབང་འོག་ས་གཞི་འཇུག་ཐུབ་བམ། །  
\v 34 ཁྱོད་ཀྱིས་ཆུ་འཛིན་སྤྲིན་ཕུང་ཕྱོགས་ལ་སྐད་བརྒྱབ་ནས། ། དྲག་ཆར་ལ་ནི་ཁྱོད་རང་འགེབ་ཏུ་འཇུག་ནུས་སམ། །  
\v 35 གློག་དམར་འཁྱུག་ཏུ་ཁྱོད་ཀྱིས་མངག་ནུས་སམ། ། ངེད་འདིར་ཡོད་ཅེས་ཁྱོད་ལ་ཞུ་འོང་ངམ། །  
\v 36 སུ་ཡིས་ཤེས་རབ་སེམས་གཏིང་བཞག་པ་དང་། ། མི་ཡི་སེམས་ལ་གོ་རྟོགས་སུ་ཡིས་བསྩལ། །  
\v 37 ཤེས་རབ་ཀྱིས་ནི་ཆུ་འཛིན་སུས་བགྲང་ནུས། ། ནམ་མཁའི་ཆུ་རྐྱལ་རྣམས་ཀྱང་སུས་ཕྱོ་ནུས། །  
\v 38 དེའི་དུས་ས་རྡུལ་འདུས་ཏེ་གོང་བུར་ཆགས། ། ས་རྡོག་རྣམས་ནི་གཅིག་ལ་གཅིག་འབྲེལ་ལོ། །  
\v 39 ཁྱོད་ཀྱིས་མོ་སེང་ཆེད་དུ་རྔོན་རྒྱག་ཅིང་། ། སེང་གེའི་ལྟོ་བ་འགྲང་བར་བྱེད་ནུས་སམ། །  
\v 40 དེའི་དུས་དེ་རྣམས་དོང་ནང་འཇབ་པ་དང་། ། གསང་བའི་གནས་སུ་ཡིབ་ནས་སྡོད་པ་ཡིན། །  
\v 41 ཕོ་རོག་བྱ་ཕྲུག་ཁ་ཟས་མེད་པས་ན། ། ཐང་ནས་མྱུལ་ཞིང་དཀོན་མཆོག་ཞུ་བའི་དུས། ། སུ་ཡིས་ཕོ་རོག་ཆེད་དུ་ཟས་གནང་ངམ། །   
\c 39
\cl ལེའུ་སོ་དགུ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ཁྱོད་ཀྱིས་བྲག་གི་གནའ་བའི་བཙའ་དུས་དང་། ། ཤྭ་མོས་ཤ་ཕྲུག་ནམ་སྐྱེ་ཤེས་ལགས་སམ། །  
\v 2 དེ་ཚོས་མངལ་ཆགས་ཟླ་ཚེས་བརྩི་ནུས་སམ། ། དེ་ཚོས་ནམ་ཞིག་བཙའ་བ་རྟོགས་ནུས་སམ། །  
\v 3 དེ་ཚོས་ལུས་པོ་འཁུམས་ནས་ཕྲུ་གུ་བཙའ། ། དེ་ནས་རང་གི་ཟུག་གཟེར་བསལ་བ་ཡིན། །  
\v 4 ཕྲུ་གུ་རིམ་བཞིན་ཤེད་རྒྱས་ཏེ། ། དབེན་སྟོང་གནས་སུ་ནར་སོན་ཞིང་། ། དེ་དག་ཕྱི་རོལ་ཕྱིན་ཙ་ན། ། རང་གི་ཡུལ་དུ་ཕྱིར་མི་ལོག །   
\p
\v 5 སུ་ཡིས་རྐྱང་ལ་རང་དབང་སྤྲད། ། རྐྱང་གི་ཐག་པ་སུ་ཡིས་བསྒྲལ། །  
\v 6 བདག་གིས་དེ་ཡི་ཁྱིམ་དུ་དབེན་སྟོང་གནང་། ། བ་ཚྭ་ཅན་གྱི་ས་དེའི་སྡོད་གནས་བྱས། །  
\v 7 དེ་ཡིས་གྲོང་ཁྱེར་ནང་གི་འདུ་འཛིར་འཕྱས། ། འདེད་མཁན་རྣམས་ཀྱི་སྐད་ལ་མི་མཉན་ཏེ། །  
\v 8 རི་རྒྱུད་དག་ནི་རྒྱུ་བའི་རྩྭ་ཐང་ཡིན། ། སྔོ་ལྗང་རིགས་རྣམས་དེ་ཡིས་འཚོལ་བྱེད་དོ། །  
\v 9 གླང་རྒོད་ཁྱོད་ལ་ཞབས་ཞུ་བྱེད་སྲིད་དམ། ། ཡང་ན་ཁྱོད་ཀྱི་ཁ་རར་མཚན་བསྐྱལ་ལམ། །  
\v 10 གླང་རྒོད་རྨོས་ཤུར་མཐུར་གྱིས་འདོགས་ནུས་སམ། ། དེ་ཡིས་ཁྱོད་རྗེས་ལུང་པར་ཤལ་རྒྱག་གམ། །  
\v 11 ཁྱོད་ནི་དེ་སྟོབས་ཆེ་ཕྱིར་དེ་ལ་བརྟེན་འགྱུར་རམ། ། ཡང་ན་རང་གི་ལས་ཀ་དེ་ལ་བཅོལ་བ་ཡིན། །  
\v 12 ཁྱོད་ཀྱིས་དེར་བརྟེན་འབྲུ་རིགས་ནང་ལ་འམ། ། ཡང་ན་ཁྱོད་ཀྱི་གཡུལ་ཁར་བསྡུས་པ་ཡིན། །  
\v 13 རྔ་བྱའི་གཤོག་ཟུང་དགའ་ནས་བརྡབས་ན་ཡང་། ། བྱ་ཡི་གཤོག་སྒྲོའི་ལྷག་བསམ་ཨེ་ལྡན་ནམ། །  
\v 14 ས་ཡིས་རང་གི་སྒོ་ངར་དྲོད་བསྐྱེད་ཕྱིར། ། དེ་ཚོས་སྒོ་ང་ས་ཡི་ནང་དུ་བཞག །  
\v 15 ཡིན་ཡང་རྐང་པས་སྒོ་ང་བརྫི་བ་དང་། ། རི་དྭགས་རྣམས་ཀྱིས་རྡོག་བརྫིས་གཏོང་བ་བརྗེད། །  
\v 16 བྱ་ཕྲུག་རང་གི་མིན་ལྟར་གདུག་རྩུབ་སྤྱོད། ། དོན་མེད་དཀའ་སྡུག་མྱངས་ཀྱང་འཇིགས་པ་མེད། །  
\v 17 དཀོན་མཆོག་དེ་ལ་ཤེས་རབ་མེད་པར་མཛད། ། གོ་རྟོགས་ཀྱང་ནི་དེ་ལ་མ་གནང་ཕྱིར། །  
\v 18 ནམ་ཞིག་བྱ་དེས་གཤོག་པ་བརྐྱངས་པའི་དུས། ། རྟ་དང་ཞོན་མཁན་གཉིས་ལ་འཕྱ་བར་འགྱུར། །  
\v 19 རྟ་ཡི་ཤ་ཤེད་ཁྱོད་ཀྱིས་གནང་བ་འམ། ། མཇིང་པའི་རྔོག་མ་ཁྱོད་ཀྱིས་གཡོགས་སམ་ཅི། །  
\v 20 ཆ་ག་འབུ་ལྟར་མཆོང་དུ་དེ་བཅུག་གམ། ། སྣ་ཤུ་རྒྱག་པའི་རྔམ་སྐད་འཇིགས་སུ་རུང་། །  
\v 21 དེ་ཡི་རྨིག་པས་ལུང་པའི་ས་སློག་ཅིང་། ། རང་གི་ནུས་པས་དགའ་སྤྲོའི་མཆོང་ལྡིང་བྱེད། ། དེ་ནས་ཕྱི་རུ་ཕྱིན་ཏེ་དགྲ་བོ་བསུ། །  
\v 22 དེ་ཡིས་འཇིགས་པར་འཕྱ་ཞིང་སེམས་མི་འཚབ། ། རལ་གྲིའི་རྐྱེན་གྱིས་ཕྱིར་བསྣུར་མི་བྱེད་དོ། །  
\v 23 མདའ་ཁུག་གིས་ནི་དེའི་སྟེང་ཁྲོག་སྒྲ་སྒྲོག ། རྣོན་པོ་མདུང་དང་མདུང་རིང་འོད་ཆེམ་ཆེམ། །  
\v 24 ངར་དང་ཁྲོས་རྐྱེན་དེ་ལ་ཐོགས་པ་མེད། ། རྭ་དུང་ཐོས་པ་ཙམ་གྱིས་སྡོད་མི་ཚུགས། །  
\v 25 རྭ་དུང་ཐོས་ཚེ་དེ་ཡིས་སྣ་ཤུ་རྒྱག ། རྒྱང་ཐག་རིང་སར་འཐབ་མོའི་དྲི་མ་ཚོར། ། དམག་དཔོན་རྣམས་ཀྱི་འུར་སྒྲའི་ཅ་ཅོ་ཐོས། །  
\v 26 བྱ་ཁྲའི་གཤོག་རྩལ་བརྐྱངས་ཏེ་ལྷོ་ཕྱོགས་འཕུར། ། དེ་ནི་ཁྱོད་ཀྱི་ཤེས་རབ་ལས་བྱུང་ངམ། །  
\v 27 གླག་གིས་གནམ་འཕང་གཅོད་ཅིང་མཐོ་ས་རུ། ། ཚང་ནི་བཅོས་པ་ཁྱོད་ཀྱི་བཀའ་ལགས་སམ། །  
\v 28 དེ་ནི་བྲག་ལ་གནས་ཤིང་བྲག་རྩེ་དང་། ། བརྟན་པོ་ཡུལ་རྣམས་རང་གི་གནས་སུ་བྱ། །  
\v 29 ས་ཆ་དེ་ནས་བཟའ་བཏུང་རྣམས་འཚོལ་ཞིང་། ། མིག་གིས་རྒྱང་ཐག་རིང་པོར་བལྟ་བ་ཡིན། །  
\v 30 དེ་ཡི་བྱ་ཕྲུག་རྣམས་ཀྱིས་ཁྲག་འཇིབ་ཅིང་། ། བེམ་པོ་ཡོད་སར་དེ་ཡང་ཡོད་པ་ཡིན། །   
\c 40
\cl ལེའུ་བཞི་བཅུ་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 དཀོན་མཆོག་ཡ་ཝཱེས་ཡང་ཨེས་ཡོབ་ལ་བཀའ་ལན་གནང་སྟེ་འདི་སྐད་གསུངས་པ།  
\v 2 ཧམ་རྩོད་ཅན་གྱིས་ཀུན་དབང་ཁོང་དང་རྩོད་རུང་ངམ། ། དཀོན་མཆོག་ཁོང་ལ་རྩོད་པའི་མི་ཡིས་ལན་ཐོབས་ཤོག །  
\v 3 དེ་ནས་ཨེས་ཡོབ་ཀྱིས་དཀོན་མཆོག་ཡ་ཝཱེ་ལ་ལན་ཞུས་ཏེ་འདི་ལྟར།  
\v 4 གཟིགས་དང་བདག་ནི་དམན་པ་སྟེ། ། བདག་གིས་ཁྱེད་ལ་ལན་ཅི་ཞུ། ། བདག་གིས་སྨྲ་སྒོ་ལག་པས་འགེབ། །  
\v 5 བདག་གིས་ཐེངས་གཅིག་སྨྲས་པ་ན། ། དེ་ནས་ཡང་བསྐྱར་ལན་མི་འདེབས། ། བདག་གིས་ཐེངས་གཉིས་སྨྲས་པ་ན། ། རྗེས་སུ་ནམ་ཡང་གླེང་མི་བྱ། །  
\v 6 དེ་ནས་དཀོན་མཆོག་ཡ་ཝཱེས་རླུང་འཚུབ་ནང་ཨེས་ཡོབ་ལ་བཀའ་ལན་གནང་བ་སྟེ།  
\v 7 ཁྱོད་ཀྱིས་དཔའ་བོ་བཞིན་དུ་སྐ་རགས་ཆིངས\f + \ft འདིར་དཔའ་བོ་བཞིན་དུ་སྐ་རགས་ཆིངས་ཞེས་པ་ནི་སྐྱེས་པ་རྣམས་ཀྱིས་སྐ་རགས་དམ་པོར་བཅིངས་ནས་ལས་ཀ་བྱེད་པའམ་ཡང་ན་དམག་འཐབ་ལ་ཞུགས་པར་སྟ་གོན་བགྱི་བར་གོ་བ་ཡིན།\f*། ། བདག་གིས་འདྲི་འོང་ཁྱོད་ཀྱིས་ང་ལ་ཤོད། །  
\v 8 ཁྱོད་ཀྱིས་བདག་གི་དྲང་གཞག་འདོར་རུང་ངམ། ། ཁྱོད་རང་དྲང་ཕྱིར་བདག་ལ་སྐྱོན་འཛུགས་སམ། །  
\v 9 ཁྱོད་ལ་དཀོན་མཆོག་དཔུང་ངར་ལྡན་ནམ་ཅི། ། ཁོང་འདྲར་ཁྱོད་ཀྱིས་འབྲུག་སྐད་ལྡིར་ནུས་སམ། །  
\v 10 གཟི་བརྗིད་བཀྲག་མདངས་ཀྱིས་ནི་རང་ཉིད་སྤྲོས། ། བཀུར་སྟི་གཟི་བྱིན་གོས་ལྟར་གཡོག་པར་གྱིས། །  
\v 11 རང་གི་ཁྲོ་གཏུམ་མ་འགོག་ཡོངས་སུ་བླུགས། ། ང་རྒྱལ་ཅན་ནི་དམན་སར་འབེབ་པར་གྱིས། །  
\v 12 ང་རྒྱལ་ཅན་ནི་ཁྱོད་ཀྱིས་འདུལ་བ་དང་། ། ངན་པ་རང་གི་གནས་སུ་རྡོག་པས་རྫིས། །  
\v 13 ཁྱོད་ཀྱིས་དེ་རྣམས་ལྷན་ཅིག་རྡུལ་ནང་སྦོས། ། དེ་ཚོའི་གདོང་ནི་གསང་བའི་གནས་སུ་ཆུག །  
\v 14 དེ་ནས་བདག་གིས་ཁྱོད་ཀྱི་གཡས་ལག་གིས། ། ཁྱོད་རང་སྐྱོབ་པར་ནུས་པས་བསྔགས་པར་བྱ། །  
\v 15 བདག་གིས་རྦག་རྨད་\f + \ft འདིར་རྦག་རྨད་ཅེས་པ་ནི་ལུས་བོངས་ཤིན་ཏུ་ཆེ་ཞིང་རྨིགས་པ་གླང་གཟུགས་ལྟ་བུའི་སྲོག་ཆགས་ཤིག་ཡིན་པ་དང་། འདམ་གཞུང་དུ་གནས་ལ་ལྗོན་ཤིང་ཟས་སུ་སྤྱོད་ཅིང་། མཇུག་མ་ལྗོན་ཤིང་ལྟ་བུ་ཡིན་ལ། ལུས་པོ་ནི་གླང་ཆེན་བཅུ་ལས་ཀྱང་ལྗིད་པར་སྨྲའོ། །འདིར་སྒྲ་སྒྱུར་བྱས་པ་ཡིན། \f*བཞིན་དུ་ཁྱོད་ཀྱང་བཀོད། ། ལྟོས་དང་དེ་ཡིས་གླང་ལྟར་རྩྭ་ཟ་སྟེ། །  
\v 16 ལྟོས་དང་དེ་ཡི་སྟོབས་ནི་རྐེད་པར་ཡོད། ། གྲོད་པའི་ལྟེ་བར་དེ་ཡི་ཤ་ཤེད་རྒྱས། །  
\v 17 དེ་ཡི་རྔ་མ་ཐང་ཤིང་བཞིན་དུ་དྲང་། ། དེ་ཡི་བརླ་རྩ་གཅིག་དང་གཅིག་སྦྲེལ་འདུག །  
\v 18 རུས་པ་རྣམས་ཀྱང་ལི་ཡི་སྦུ་གུ་བཞིན། ། དེ་ཡི་ཡན་ལག་ལྕགས་ཀྱི་དབྱུག་པ་འདྲ། །  
\v 19 དེ་ནི་དཀོན་མཆོག་ཁོང་གི་བཀོད་པ་ཡི། ། འཕྲིན་ལས་རྣམས་ཀྱི་ཐོག་མ་ཡིན་པ་དང་། ། དེ་ཉིད་འགོད་མཁན་ཁོང་ཉིད་གཅིག་པུ་ཡིས། ། རལ་གྲི་དེའི་སྟེང་འབབ་པར་མཛད་ནུས་སོ། །  
\v 20 རི་རྒྱུད་རྣམས་ཀྱིས་དེའི་དོན་ཟས་རིགས་སྐྱེད། ། རི་དྭགས་སྣ་ཚོགས་གནས་དེར་རྩེད་འཇོར་རོལ། །  
\v 21 དེ་ནི་པད་མའི་འདབ་མ་འོག་ཏུ་ཉལ། ། འདམ་རྩྭའི་གསེབ་དང་ན་ཁུག་རྣམས་སུ་སྦས། །  
\v 22 པད་འདབ་གྲིབ་བསིལ་གྱིས་ནི་དེ་སྒྲིབ་ཅིང་། ། གྲོག་མོའི་ལྕང་ཤིང་དག་གིས་མཐའ་ནས་སྐོར། །  
\v 23 གཙང་པོ་འཕེལ་ཡང་དེ་ནི་སེམས་མི་འཚབ། ། ཡོར་དན་གཙང་པོ་དེ་ཡི་ཁར་འཕེལ་ཡང་། ། དེ་ནི་འཚེར་སྣང་མེད་ཅིང་བདེ་བར་གནས། །  
\v 24 སུ་ཡིས་དེ་ཡི་མིག་མདུན་དེ་འཛིན་ཐུབ། ། སུ་ཡིས་རྙི་རྒྱས་དེ་ཡི་སྣ་དབུག་ནུས། །   
\c 41
\cl ལེའུ་ཞེ་གཅིག་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\p
\v 1 ཁྱོད་ཀྱིས་ལྕགས་ཀྱུས་ཆུ་སྲིན་འཐེན་ནུས་སམ། ། ཐག་པས་དེ་ཡི་ལྕེ་ནི་གནན་ནུས་སམ། །  
\v 2 དེ་ཡི་སྣ་ལ་ཐ་གུ་བརྒྱུ་ནུས་སམ། ། དེ་ཡི་འགྲམ་རུས་ལྕགས་ཀྱུས་དབུག་ནུས་སམ། །  
\v 3 དེ་ཡིས་ཁྱོད་ལ་ཡང་ཡང་ཞུ་འགྱུར་རམ། ། ཡང་ན་ཁྱོད་ལ་འཇམ་པོའི་ཚིག་སྨྲ་འམ། །  
\v 4 ཁྱོད་ཀྱིས་དེ་ནི་ཚེ་གཡོག་བྱེད་ཆེད་དུ། ། དེ་ཡིས་ཁྱོད་ལ་ཁ་ཆད་འཇོག་འགྱུར་རམ། །  
\v 5 དེ་ནི་བྱེའུ་ཆུང་བཞིན་དུ་རྩེ་འོང་ངམ། ། ཡང་ན་བུ་མོའི་ཕྱིར་དུ་འདོགས་ནུས་སམ། །  
\v 6 ཉ་པ་རྣམས་ཀྱིས་མཉམ་འབྲེལ་བྱས་གྱུར་ནས། ། ཚོང་རྫས་བཞིན་དུ་དེ་ནི་བཙོང་ནུས་སམ། ། ཁོ་ཚོས་དེ་ནི་ཚོང་པར་བགོ་ནུས་སམ། །  
\v 7 ཁྱོད་ཀྱིས་ཉ་མདུང་དེ་ཡི་པགས་པར་འཛུགས་པ་དང་། ། དེ་ཡི་མགོ་ལ་ཉ་ཚེབ་བཙུགས་ནས་བཀང་ནུས་སམ། །  
\v 8 ཁྱོད་ཀྱིས་དེའི་སྟེང་ལག་པ་བཞག་ན་ནི། ། དེ་དང་འཐབ་པ་ཡིད་ལ་དྲན་གྱུར་ནས། ། སླར་ཡང་དེ་བཞིན་བྱེད་པར་མི་འགྱུར་རོ། །  
\v 9 དེ་ཉིད་འདུལ་བར་འདོད་པ་དོན་མེད་ཡིན། ། སུས་དེ་མཐོང་བ་ཙམ་གྱིས་དཔའ་མི་ཞུམ། །  
\v 10 དེ་དཀྲོག་སྤོབས་པའི་ངར་ཅན་གང་ཡང་མེད། ། དེ་བཞིན་བདག་དྲུང་སུ་ཞིག་འགྲེང་ནུས་སམ། །  
\v 11 གནམ་འོག་ཡོད་ཚད་ང་ཡི་ཡིན་པས་ན། ། བདག་གིས་མི་ལ་སྐྱིན་ཚབ་སྤྲོད་པའི་ཕྱིར། ། སྔོན་དུ་བདག་ལ་ཕུལ་བ་སུ་ཡོད་དམ། །  
\v 12 དེ་ཡི་ཡན་ལག་དང་ནི་སྟོབས། ། ཡིད་དུ་འོང་བའི་རུས་ཚུགས་བཅས། ། བདག་གིས་མི་གླེང་ག་མེད་བྱུང་། །  
\v 13 དེ་ཡི་ཕྱི་གོས་སུ་ཡིས་བཤུ་ནུས་ཤིང་། ། དེ་ཡི་གོ་ཁྲབ་བར་ལ་སུ་འཛུལ་ནུས། །  
\v 14 སུ་ཡིས་དེ་ཡི་འགྲམ་རུས་འབྱེད་ནུས་སམ། ། དེ་ཡི་སོ་ཡི་མཐའ་འཁོར་འཇིགས་སུ་རུང་། །  
\v 15 དེ་ཡི་རྐེད་པར་ཉ་ཁྲབ་བསྒྲིགས་ཡོད་དེ། ། དེ་ནི་དམ་པོར་བཙུམས་ནས་བསྡམས་པ་འདྲ། །  
\v 16 ཉ་ཁྲབ་དེ་དག་གཅིག་ལ་གཅིག་སྦྲེལ་ཞིང་། ། དེ་ཡི་ནང་དུ་རླུང་ཡང་རྒྱུ་མི་ནུས། །  
\v 17 དེ་དག་ཕན་ཚུན་གཅིག་ལ་གཅིག་སྦྲེལ་ཞིང་། ། ཕན་ཚུན་འབྱར་ནས་སོ་སོར་འབྲལ་མ་ནུས། །  
\v 18 སྦྲིད་དུས་དེ་ཡིས་འོད་ཟེར་སྤྲོ་བ་དང་། ། དེ་ཡི་མིག་ཟུང་ཞོགས་པའི་སྐྱ་འོད་འདྲ། །  
\v 19 དེ་ཡི་ཁ་ནས་འབར་བའི་དཔལ་འབར་ཐོན། ། མེ་སྟག་རྣམས་ནི་དེ་ནས་རྒྱང་རིང་འཕུར། །  
\v 20 ཁོལ་བའི་སླ་ང་འབར་བའི་འདམ་རྩྭ་བཞིན། ། དེ་ཡི་སྣ་ཁུང་ལས་ནི་དུ་བ་འཕྱུར། །  
\v 21 དེ་ཡི་དབུགས་ཀྱིས་སོལ་བ་མེ་ལ་སྦར། ། དེ་ཡི་ཁ་ནས་མེ་ལྕེ་ལྷབ་ལྷབ་ཐོན། །  
\v 22 དེ་ཡི་མཇིང་པའི་ནང་དུ་སྟོབས་གནས་ཤིང་། ། དེ་ཡི་མདུན་དུ་འཇིགས་པས་གར་ལྡིང་ངོ་། །  
\v 23 དེ་ཡི་ཤ་རྡོག་རྣམས་ནི་དམ་པོར་སྦྲེལ། ། དེ་རྣམས་དེའི་ཐོག་འབྱར་བས་བསྒུལ་མི་ནུས། །  
\v 24 དེ་ཡི་སྙིང་ནི་རྡོ་ལྟར་སྲ་ཞིང་བརྟན། ། རང་འཐག་འོག་རྡོ་བཞིན་དུ་སྲ་བ་ཡིན། །  
\v 25 དེ་ཡར་བཞེངས་དུས་དཔའ་རྒོལ་རྣམས་ཀྱང་སྐྲག ། ཧ་ཅང་འཇིགས་པའི་དབང་གིས་དྲན་པ་ཤོར། །  
\v 26 མི་ཡིས་རལ་གྲིས་དེ་ལ་འཛུགས་པ་དང་། ། ཡང་ན་མདུང་དང་མདུང་ཐུང་གིས་བཙུགས་ཏེ། ། རྣོན་པོ་མདུང་གིས་གཙགས་ཀྱང་ཕན་མི་ཐོགས། །  
\v 27 ལྕགས་ནི་དེ་ལ་མཚོན་ན་རྩྭ་སྐྱ་དང་། ། ལི་ནི་དེ་ལ་མཚོན་ན་ཤིང་རུལ་འདྲ། །  
\v 28 མདའ་མོས་དེ་ནི་འབྲོ་རུ་འཇུག་མི་ནུས། ། འུར་རྡོ་དེ་ལ་མཚོན་ན་ཕུབ་མ་བཞིན། །  
\v 29 དེ་ཡི་མིག་ནང་དབྱུག་པ་སོག་མ་ལྟར། ། མདུང་ཐུང་འཕེན་པའི་སྒྲ་ལ་དེ་ཡིས་འཕྱ། །  
\v 30 དེ་ཡི་ལྟོ་འོག་རྫ་ལེབ་རྣོན་པོ་འདྲ། ། དེ་ནི་སོ་ཤལ་འདམ་ནང་དྲུད་པ་བཞིན། །  
\v 31 དེ་ཡིས་མཚོ་གཏིང་སླ་ང་ལྟར་དུ་ཁོལ་བར་བཅུག ། རྒྱ་མཚོ་སླ་ང་ནང་གི་འབྱུག་སྣུམ་ལྟ་བུར་བྱས། །  
\v 32 དེ་ཡིས་ཕྱིན་པའི་ལམ་ལ་འོད་ཟེར་འཕྲོ་བཅུག་ཅིང་། ། མཚོ་གཏིང་སྐྲ་དཀར་ལྟ་བུ་ཡིན་པའི་སྣང་བ་སྦྱིན། །  
\v 33 བཀོད་པའི་ནང་དུ་འཇིགས་མེད་དེ་འདྲ་བ། ། ས་གཞིའི་སྟེང་དུ་མཚུངས་ཟླ་གང་ཡང་མེད། །  
\v 34 ཁེངས་དྲེགས་ཅན་ལ་དེ་ཡིས་སྨད་པ་དང་། ། སྲོག་ཆགས་ང་རྒྱལ་ཅན་གྱི་རྒྱལ་པོ་ལགས། །   
\c 42
\cl ལེའུ་ཞེ་གཉིས་པ། 
\toc1 ༄༅། །ཨེས་ཡོབ་ཀྱི་མདོ། 
\toc2 ཨེས་ཡོབ། 
\s1 ཨེས་ཡོབ་ཀྱིས་དཀོན་མཆོག་ཡ་ཝཱེ་ལ་ཞུ་ལན་ཕུལ་བ།  
\p
\v 1 དེ་ནས་ཨེས་ཡོབ་ཀྱིས་དཀོན་མཆོག་ཡ་ཝཱེ་ལ་ཞུ་ལན་འདི་ལྟར་ཕུལ་བ་སྟེ།  
\v 2 ཁྱེད་ཀྱིས་ཐམས་ཅད་མཛད་ནུས་བདག་གིས་ཤེས། ། ཁྱེད་ཀྱི་དགོངས་པ་གང་ཡང་ཟློག་མི་སྲིད། །  
\v 3 སུ་ཡིས་རྨོངས་པའི་ཚིག་གིས་ཁྱེད་ཀྱི་དགོངས་པ་སྦས། ། དེ་བས་བདག་གིས་ཅི་བཤད་རང་གིས་མི་རྟོགས་ཏེ། ། དོན་འདི་ངོ་མཚར་ཆེ་བས་བདག་གིས་རྟོགས་མ་ནུས། །  
\v 4 བདག་གིས་ཞུ་བར་བྱ་སྟེ་ཁྱེད་ཀྱིས་གསན་པར་མཛོད། ། བདག་གིས་ཞུ་དུས་ཁྱེད་ཀྱིས་བཀའ་ལན་གནང་བར་མཛོད། །  
\v 5 སྔོན་ཆད་བདག་གིས་ཁྱེད་ཉིད་བཞུགས་པ་ཐོས། ། ད་ལྟ་མིག་གིས་ཁྱེད་ཉིད་དངོས་སུ་མཇལ། །  
\v 6 དེ་བས་བདག་གིས་རང་ལ་སྨད་ནས་ནི། ། རྡུལ་དང་ཐལ་བའི་ནང་དུ་འགྱོད་བཤགས་བྱེད། །   
\s1 མཇུག་བསྡུ་བ།  
\p
\v 7 དཀོན་མཆོག་ཡ་ཝཱེས་ཨེས་ཡོབ་ལ་གསུང་གནང་རྗེས་དེ་མན་པ་ཨེ་ལི་ཕཱ་སི་ལ་འདི་སྐད་གསུངས་པ་སྟེ། ཁྱོད་དང་ཁྱོད་ཀྱི་གྲོགས་པོ་གཉིས་ཀྱིས་བདག་གི་སྐོར་གླེང་པ་ནི་ངའི་ཞབས་ཕྱི་ཨེས་ཡོབ་ལྟར་དྲང་བདེན་མ་ཡིན་པས་བདག་ཁྱོད་རྣམས་ལ་ཁྲོས་པ་ཡིན།  
\v 8 ད་ལྟ་ཁྱོད་ཚོས་རང་གི་ཕྱིར་དུ་བ་གླང་བདུན་དང་ལུག་ཐུག་བདུན་གྲ་སྒྲིག་བྱས་ཏེ། བདག་གི་ཞབས་ཕྱི་ཨེས་ཡོབ་ཀྱི་དྲུང་དུ་སོང་ནས་རང་ཉིད་ཀྱི་ཆེད་དུ་སྦྱིན་སྲེག་འབུལ་དགོས་ཏེ། དེ་ནས་བདག་གི་ཞབས་ཕྱི་ཨེས་ཡོབ་ཀྱིས་ཁྱོད་ཅག་གི་ཆེད་དུ་སྨོན་ལམ་ཞུ་ངེས་ཤིང་བདག་གིས་སྨོན་ལམ་དེར་མཉན་ནས་ཁྱོད་ཚོའི་རྨོངས་སྤྱོད་བཞིན་དུ་ཁྱོད་ཚོར་ཉེས་ཆད་མི་གཅོད་དེ། ཁྱོད་ཚོས་བདག་གི་སྐོར་གླེང་པ་ནི་བདག་གི་ཞབས་ཕྱི་ཨེས་ཡོབ་ལྟར་དྲང་བདེན་མ་ཡིན་ཞེས་པའོ། །  
\v 9 དེ་ནས་དེ་མན་པ་ཨེ་ལི་ཕཱ་སི་དང་། ཤུ་ཧེ་པ་པེལ་དེལ། ན་ཨ་མད་པ་ཚའོ་ཕར་བཅས་གསུམ་པོ་སོང་ནས་དཀོན་མཆོག་ཡ་ཝཱེས་བཀའ་གནང་བ་བཞིན་དུ་བྱས་པས། དཀོན་མཆོག་ཡ་ཝཱེས་ཀྱང་ཨེས་ཡོབ་ལ་གཟིགས་སྐྱོང་གནང་བའོ། །  
\v 10 ཨེས་ཡོབ་ཀྱིས་རང་གི་མཆེད་གྲོགས་རྣམས་ཀྱི་དོན་དུ་གསོལ་བ་བཏབ་པ་ལ། དཀོན་མཆོག་ཡ་ཝཱེས་ཨེས་ཡོབ་སྡུག་བསྔལ་ཀུན་ལས་བསྐྱབས་ \f + \ft འདིར་སྡུག་བསྔལ་ཀུན་ལས་བསྐྱབས་ཞེས་པར་མ་ཕྱི་ནས་བཙོན་ལས་བསྒྲལ་ཞེས་མཐོང་ལ་དོན་བསྒྱུར་བྱས་པ་ཡིན།\f*ཤིང་ཁོང་ལ་སྔར་བདོག་པ་ལས་ཀྱང་ལྡབ་འགྱུར་གྱིས་གནང་བ་དང་།  
\v 11 ཨེས་ཡོབ་ཀྱི་མིང་སྲིང་དང་སྔར་ངོ་ཤེས་པའི་མི་ཐམས་ཅད་ཁོང་ཡོད་སར་འོངས་ནས་དེའི་ཁྱིམ་དུ་དེ་དང་ལྷན་ཅིག་ཁ་ཟས་སྤྱད། ཡང་དཀོན་མཆོག་ཡ་ཝཱེས་ཁོང་གི་སྟེང་དུ་དྲངས་པའི་རྐྱེན་ངན་ཐམས་ཅད་གླེང་ནས། ཀུན་པོ་སེམས་སྡུག་སྟེ་ཁོང་ལ་སེམས་གསོ་གནང་བ་དང་། མི་རེ་རེས་ཁོང་ལ་དངུལ་དུམ་བུ་ཞིག་དང་གསེར་གྱི་ཨ་ལུང་རེ་སྤྲད།  
\v 12 དེ་ལྟར་དཀོན་མཆོག་ཡ་ཝཱེས་ཨེས་ཡོབ་ལ་སྔར་ལས་ལྷག་པར་བྱིན་གྱིས་བརླབས་པས། ཁོང་ལ་ར་ལུག་ཆིག་ཁྲི་བཞི་སྟོང་དང་། རྔ་མོང་དྲུག་སྟོང་དང་། བ་གླང་དོར་ཆིག་སྟོང་དང་། བོང་མོ་ཆིག་སྟོང་བཅས་ཡོད་པར་གྱུར།  
\v 13 ཡང་ཁོང་ལ་བུ་བདུན་དང་བུ་མོ་གསུམ་སྐྱེས་ཏེ།  
\v 14 ཁོང་གིས་བུ་མོ་སྐྱེས་འགོ་ཡི་མིང་ལ་ཡེ་མི་མཱ་ཞེས་དང་། བུ་མོ་འབྲིང་བའི་མིང་ལ་ཀི་ཟི་ཨ་ཞེས་དང་། བུ་མོ་ཆུང་བའི་མིང་ལ་ཀེ་རེན་ཧ་ཕུད་ཅེས་བཏགས་སོ། །  
\v 15 ཡུལ་དེའི་གནས་ཀུན་ཏུ་ཨེས་ཡོབ་ཀྱི་སྲས་མོ་གསུམ་པོ་དང་འདྲ་བའི་བྱད་གཟུགས་མཛེས་པའི་བུད་མེད་གང་ཡང་མེད་ལ། དེ་རྣམས་ཀྱི་ཕ་ཡིས་དེ་དག་གི་མིང་པོ་རྣམས་ཀྱི་ཁྲོད་དུ་དེ་ཚོར་ནོར་སྐལ་གནང་།  
\v 16 དེའི་རྗེས་སུ་ཨེས་ཡོབ་ཡང་ལོ་བརྒྱ་དང་བཞི་བཅུར་བསྡད་དེ། རང་གི་བུ་རབས་བཞི་ཡི་བུ་རབས་ཚ་རྒྱུད་རྣམས་མཐོང་བར་གྱུར།  
\v 17 དེ་བཞིན་ཨེས་ཡོབ་རྒས་ནས་ཚེ་ལོ་མཐར་ཕྱིན་ཏེ་ཚེ་ལས་འདས་སོ།། །།