\id JHN - NTB བོད་འགྱུར་གསར་མ། 
\h ཡོ་ཧ་ནན། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\mt1 ༄༅། །ཡོ་ཧ་ནན་གྱི་འཕྲིན་བཟང་།  
\imt1 ཡོ་ཧ་ནན་གྱི་འཕྲིན་བཟང་གི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi ཡོ་ཧ་ནན་གྱི་འཕྲིན་བཟང་ལ་ཞལ་ཆད་རྙིང་པས་ཤུགས་རྐྱེན་ཧ་ཅང་ཆེན་པོ་ཞིག་ཐེབས་ཡོད། འོད་དང་ཚེ་སྲོག་གི་སྐོར་བརྗོད་པ་ནི་འཇིག་རྟེན་ཁམས་བཀོད་པའི་མདོ་ལས་འཇིག་རྟེན་བཀོད་པའི་གནས་ཚུལ་དང་འབྲེལ་བ་ཟབ་མོ་ཡོད། པེ་སག་གི་དུས་ཆེན་གྱི་དྲན་སྐུལ་རྣམས་ཡོ་ཧ་ནན་གྱི་འཕྲིན་བཟང་ནང་རྒྱུན་དུ་འབྱུང་ཞིང་། ཡོ་ཧ་ནན་ཞེས་བྱ་བ་ནི་གཙོ་བོ་ཡ་ཝཱེ་ཐུགས་རྗེ་ཅན་ཞེས་པའི་དོན་ཡིན།  
\is1 ཡི་གེར་འགོད་མཁན་དང་འགོད་དུས།  
\ipi གཞུང་འདི་ཡི་གེར་འགོད་མཁན་ནི་སྐྱབས་མགོན་ཡེ་ཤུས་གཅེས་པའི་ཐུགས་སྲས་ཏེ་སྐུ་ཚབ་པ་ཡོ་ཧ་ནན་ཡིན། ཡོ་ཧ་ནན་ལ་ཡ་ཧུ་དཱ་པའི་འཚོ་བར་གསལ་ཆ་ཡོད་དེ། རྒྱུན་དུ་ཡ་ཧུ་དཱའི་ལུགས་སྲོལ་གྱི་སྐོར་གསུངས་ཡོད། ཡོ་ཧ་ནན་གྱི་འཕྲིན་བཟང་ནི་མི་ཞིག་གིས་དངོས་སུ་མཐོང་བའི་བདེན་དཔང་ལྟར་བརྗོད་ཡོད་པས་དེ་ལ་ཐུན་མོང་མ་ཡིན་པའི་ཁྱད་ཆོས་མང་པོ་ལྡན་པར་གདོན་མི་ཟ། ཡི་གེར་བཀོད་པའི་ལོ་ཚིགས་ནི་སྤྱི་ལོ་85ལོའི་ཡས་མས་སམ། ཡང་ན་དེའི་གཞུག་ཙམ་ཡིན་པར་དགོངས།  
\is1 བརྗོད་སྙིང་དང་གསུང་འཕྲིན།  
\ipi ཡི་གེར་འགོད་མཁན་གྱིས་ལེའུ་ཉི་ཤུ་པའི་ཚིག་རྐང་སོ་གཅིག་ལས་རང་ཉིད་ཀྱི་རྩ་བའི་དམིགས་ཡུལ་གསལ་པོར་བསྒྲགས་ཡོད་དེ། ཁོང་གིས་གྷི་རིག་གི་ཀློག་པ་པོ་རྣམས་སེམས་ལ་བཅངས་ནས་གཞུང་འདི་ཡི་གེར་བཀོད་པར་འདོད། ཁོང་གི་དམིགས་ཡུལ་གཙོ་བོ་ནི་འཕྲིན་བཟང་སྒྲོག་རྒྱུ་དེ་ཡིན་ལ། བདེན་དཔང་གསར་པ་ཞིག་འགོད་རྒྱུ་མ་ཡིན་པར་དོན་རྣམས་ཁ་གསལ་ནས་བདེན་དཔང་དེ་ཁས་ལེན་ནམ་མི་ལེན་ཞེས་པ་དེ་ཡིན། ཁོང་གིས་ཀློག་པ་པོ་རྣམས་ལ་གནས་ཚུལ་བརྗོད་པའི་ཆེད་དུ་གཞུང་འདི་ཡི་གེར་བཀོད་པ་མ་ཡིན་པར། སྐྱབས་མགོན་ཡེ་ཤུར་དད་དགོས་པའི་སྐུལ་འདེབས་ཀྱི་ཆེད་དུ་ཡིན།  
\is1 འཆར་ཟིན།  
\ipi 1. གཞུང་གི་ཁྱད་ཆོས་བརྗོད་པ། ༼1:1-18༽  
\ipi 2. སྐྱབས་མགོན་ཡེ་ཤུས་ཆོས་སྒྲོག་འགོ་བརྩམས་པ། ༼1:19-51༽  
\ipi 3. སྐྱབས་མགོན་ཡེ་ཤུའི་ཕྱག་ལས་ཏེ། རྟགས་མཚན་དང་གསུང་ཆོས་ཀྱི་སྐོར། ༼2:1-11:57༽  
\ipi 4. སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་ཕེབས་པ་དང་། མཐར་ཤིང་རྒྱ་གྲམ་གྱི་སྟེང་དུ་བརྡབས་པའི་གཟའ་འཁོར། ༼12:1-19:42༽  
\ipi 5. སྐྱབས་མགོན་ཡེ་ཤུ་སླར་གསོན་པ། ༼20:1-29༽  
\ipi 6. དམིགས་ཡུལ་བརྗོད་པའི་བསྒྲགས་གཏམ། ༼20:30-31༽  
\ipi 7. མཇུག་གི་གཏམ་གླེང་། ༼21:1-25༽  
\c 1
\cl ལེའུ་དང༌པོ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 དཀོན་མཆོག་མི་ཡི་གཟུགས་པོར་གྱུར་པའི༌སྐོར།  
\q1
\v 1 ཐོག་མར་བཀའ་\f + \ft བཀའ་ཞེས་པ་ནི་སྐྱབས་མགོན་ཡེ་ཤུ་བསྟན་པ་ཡིན་ཏེ་ཁོང་གི་མཚན་གྱི་རྣམ་གྲངས༌ཡིན།\f*ནི་ཡོད་ཅིང་བཀའ་དེ༌ཉིད།།  
\q1 དཀོན་མཆོག་ཉིད་དང་ལྷན་ཅིག་ཉིད་དུ༌བཞུགས།།  
\q1 བཀའ་ཞེས་གྲགས་པ་དཀོན་མཆོག་ཡིན་ལགས༌ཤིང༌།།   
\q1
\v 2 བཀའ་དང་དཀོན་མཆོག་གདོད་ནས་ལྷན་དུ༌བཞུགས།།   
\q1
\v 3 དེ་ཡང་འཇིག་རྟེན་སྣོད་བཅུད་མ་ལུས༌པ།།  
\q1 བཀའ་དེ་བརྒྱུད་ནས་དཀོན་མཆོག་ཉིད་ཀྱིས༌བསྐྲུན།།  
\q1 ཁོང་གིས་བཟོས་པའི་དངོས་པོ་མཐའ་དག༌ལས།།  
\q1 བཀའ་དེ་མ་བརྒྱུད་བསྐྲུན་པ་ཅི་ཡང༌མེད།།   
\q1
\v 4 ཁོང་གི་ནང་དུ་ཚེ་སྲོག་བཞུགས་པ་དང༌།།  
\q1 ཚེ་སྲོག་དེ་ནི་མི་ཡི་གཟི་འོད་དོ།།   
\q1
\v 5 གཟི་འོད་ཉིད་ནི་མུན་པར་འཕྲོ་བྱེད༌ཀྱང༌།།  
\q1 མུན་པ་དེ་ལས་རྒྱལ༌བར་མ་གྱུར་ཏོ།།   
\q1
\v 6 དེ་ཡང་ཡོ་ཧ་ནན་ཞེས་སྐྱེས་བུ༌དེ།།  
\q1 དཀོན་མཆོག་གིས་ནི་མངགས་ཤིང་འོངས་པ༌སྟེ།།   
\q1
\v 7 གཟི་འོད་དེ་ལ་བདེན་དཔང་བྱེད་པ༌དང༌།།  
\q1 སྐྱེ་བོ་ཀུན་གྱིས་ཁོ་རང་བརྒྱུད་ནས་ནི།།  
\q1 དད་པ་བྱེད་ཕྱིར་ཁོ་རང་འོངས་པ་ཡིན།།   
\q1
\v 8 ཡོ་ཧ་ནན་ནི་གཟི་འོད་མིན་ན༌ཡང༌།།  
\q1 གཟི་འོད་དེ་ལ་བདེན་དཔང་བྱེད་པར༌འོངས།།   
\q1
\v 9 གཟི་འོད་དེ་ཉིད་འོད་ཟེར་དངོས་མ༌སྟེ།།  
\q1 འཇིག་རྟེན་ཡོངས་སུ་འཕྲོས་ནས་མི་ཀུན༌གསལ།།   
\q1
\v 10 དེ་ཡང་ཁོང་ཉིད་\f + \ft འདིར་བཤད་པའི་ཁོང་ཉིད་ཅེས་པ་སྐྱབས་མགོན་ཡེ༌ཤུ་ཡིན། ཚིག་རྐང་བཅུ་དྲུག་པའི་བར་དུ་འབྱུང་བའི་ཁོང་ཉིད་དམ་ཁོང་ཞེས་པའང་སྐྱབས་མགོན་ཡེ་ཤུ་ལ་གོ་དགོས། \f*འཇིག་རྟེན་འདིར་བཞུགས༌ཤིང༌།།  
\q1 ཁོང་ཉིད་བརྒྱུད་ནས་འཇིག་རྟེན་བསྐྲུན་ན༌ཡང༌།།  
\q1 འཇིག་རྟེན་མི་ཡིས་ཁོང་ཉིད་ཤེས་མ༌གྱུར།།   
\q1
\v 11 ཁོང་ནི་རང་ཡུལ་ཕྱོགས་སུ་ཕེབས་ན༌ཡང༌།།  
\q1 རང་ཡུལ་མི་ཡིས་ཁོང་ལ་བསུ་བ༌མེད།།   
\q1
\v 12 ཁོང་ཉིད་བསུ་ཞིང་ཁོང་གི་མཚན་ལ་ནི།།  
\q1 དད་པའི་མི་རྣམས་དཀོན་མཆོག་བུ་ཕྲུག་ལ༎  
\q1 འགྱུར་བར་མཛད་པའི་དབང་ཡང་ཁོང་གིས༌གནང༌།།   
\q1
\v 13 དད་ལྡན་སྐྱེ་བོ་སོ་སོ་དེ་རྣམས༌ནི།།  
\q1 མི་ཡི་ཁྲག་ལས་སྐྱེས་པ་མ་ཡིན༌ལ།།  
\q1 མི་ཡི་འདོད་ཆགས་དབང་གིས་མ་སྐྱེས༌ཤིང༌།།  
\q1 མི་ཡི་འདོད་མོས་བཞིན་དུ་སྐྱེས་པའང༌མིན།།  
\q1 དེ་ནི་དཀོན་མཆོག་ཉིད་ལས་སྐྱེས་པ་ལགས།།   
\q1
\v 14 དེ་ཡང་བཀའ་དེ་མི་ཡི་གཟུགས་པོར་གྱུར།།  
\q1 ང་ཚོའི་ཁྲོད་དུ་ཁོང་ནི་བཞུགས་པ༌དང༌།།  
\q1 ཁོང་གི་གཟི་བརྗིད་ང་ཚོས་དངོས་སུ༌མཐོང༌།།  
\q1 དེ་ནི་ཡབ་ལས་བྱུང་བའི་སྲས་གཅིག་པུའི༎  
\q1 གཟི་བརྗིད་ཡིན་ཞིང་སྲས་པོ་ཁོང་ལ་འང༎  
\q1 ཐུགས་རྗེ་དང་ནི་བདེན་པ་ཉིད་ཀྱིས་ཁེངས༎   
\q1
\v 15 དེ་ཡང་ཡོ་ཧ་ནན་ཞེས་གྲགས་པ༌ཡིས།།  
\q1 རང་གི་རྗེས་སུ་འབྱོན་པ་ཁོང་ཉིད༌ནི།།  
\q1 བདག་གི་སྔོན་དུ་བཞུགས་པས་བདག་ལས༌མཆོག །  
\q1 དེ་སྐད་བསྒྲགས་ཤིང་ཁོང་ལ་བདེན་དཔང༌བྱས།།   
\q1
\v 16 ཁོང་གི་ཕུན་སུམ་ཚོགས་པ་ཉིད་དེ༌ལས།།  
\q1 བདག་ཅག་ལ་ནི་ཐུགས་རྗེ་ཡང་ཡང༌ཐོབ།།   
\q1
\v 17 མོ་ཤེ་བརྒྱུད་ནས་བཀའ་ཁྲིམས༌གནང་བ་དང༌།།  
\q1 ཡེ་ཤུ་མཱ་ཤི་ཀ་ཉིད་བརྒྱུད༌ནས་ནི།།  
\q1 ཐུགས་རྗེ་དང་ནི་བདེན་པ་ཉིད་དེ༌བྱུང༌།།   
\q1
\v 18 ཡབ་ཆེན་དཀོན་མཆོག་སུས་ཀྱང་མཐོང་བ༌མེད།།  
\q1 ཡབ་ཀྱི་སྐུ་ཡི་པང་དུ་བཞུགས་པ༌ཡི།།  
\q1 སྲས་པོ་གཅིག་པུས་\f + \ft སྲས་པོ་གཅིག་པུ་ཞེས་པ་འདིར་དམ་པའི་གསུང་རབ་ཀྱི་མ་ཕྱི་ལ་ལར་དཀོན་མཆོག་གཅིག་པོ་ཞེས་ཀྱང༌མཐོང༌། དཀོན་མཆོག་ཅེས་པའི་མཆན་ལའང་གཟིགས༌རོགས། \f*ཡབ་ཆེན་ཁོང་ཉིད་ནི།།  
\q1 འཇིག་རྟེན་ཀུན་ལ་གསལ་པོར་བསྟན་པ༌ཡིན།།   
\s1 ཡོ་ཧ་ནན་གྱིས་རང་ཉིད་སྐྱབས་མགོན་མཱ་ཤི་ཀ་མིན་པར་བདེན་དཔང་བྱས་པ།  
\p
\v 19 དེ་ཡང་ཁྲུས་གསོལ་མཁན་ཡོ་ཧ་ནན་གྱིས་བདེན་དཔང་བྱས་པའི་ཚིག་ནི་འདི་ལྟ༌སྟེ། ཡ་ཧུ་དཱ་པ་རྣམས་ཀྱིས་ཡེ་རུ་སཱ་ལེམ་ནས་མཆོད་དཔོན་དང་ལེ་ཝི་པ་རྣམས་ཁྲུས་གསོལ་མཁན་ཡོ་ཧ་ནན་གྱི་དྲུང་དུ་མངགས༌ཏེ། ཁྱེད་རང་སུ་ཡིན་ནམ་ཞེས་ཞུས་པ༌ན།  
\v 20 ཡོ་ཧ་ནན་གྱིས་སྦ་གསང་ཅི་ཡང་མེད་པར་འདི་སྐད༌དུ། ང་ནི་སྐྱབས་མགོན་མཱ་ཤི་ཀ་མིན་ཞེས་གསལ་པོར་གསུངས་སོ།།  
\v 21 ཡང་དེ་རྣམས་ན༌རེ། དེས་ན་ཁྱེད་རང་སུ་ཡིན༌ནམ། ཁྱེད་ནི་ཨེ་ལི་ཡཱ་ཡིན་ནམ་ཞེས་དྲིས་པ༌ལ། ཁོང་གིས་ང་མིན་ཞེས་གསུངས་པ༌དང༌། ཡང་དེ་རྣམས་ཀྱིས་ཁྱེད་རང་ནི་ལུང་སྟོན་པ་དེ་ཉིད་ \f + \ft ལུང་སྟོན་པ་དེ་ཉིད་ཅེས་པ་ནི་དམ་པའི་གསུང་རབ་ཀྱི་ཞལ་ཆད་རྙིང་པ་ལས། དེའི་དུས༌སུ། ཡ་ཧུ་དཱ་པ་རྣམས་ཀྱིས་ལུང་སྟོན་པ་མཆོག་ཏུ་གྱུར་པ་ཞིག་ལ་རེ་སྒུག་བྱེད་བཞིན་ཡོད༌པར་གསུངས། འདིར་ཡང་དེ་ལ་གོ་དགོས་པ༌ཡིན། \f*ཡིན་ནམ་ཞེས་དྲིས་པའི༌ཚེ། ཡང་ཁོང་གིས་མིན་ཞེས་གསུངས་སོ།།  
\v 22 ཡང་དེ་རྣམས་ན༌རེ། འོ་ན་ཁྱེད་རང་སུ་ཡིན༌ནམ། ངེད་ཅག་གིས་ཀྱང་ངེད་རྣམས་མངགས་མཁན་ལ་ལན་ཞིག་འཁྱེར་དགོས༌པས། ཁྱེད་ཀྱིས་རང་ཉིད་སུ་ཡིན་པ་གསུང་རོགས་ཞེས་ཞུས་པ༌ན།  
\v 23 ཁོང་གིས་འདི་སྐད༌དུ། ལུང་སྟོན་པ་ཡེ་ཤ་ཡཱ་ཡི་མདོ་ལས་ཇི་སྐད༌དུ།  
\q1 དབེན་སྟོང་ཡུལ་ནས་གྲགས་པའི་འབོད་སྒྲ༌ཡིས།།  
\q1 གཙོ་བོའི་གཤེགས་ལམ་དྲང་པོར་བཟོ་བར༌གྱིས།།  
\m ཞེས་གསུངས་པའི་མི་དེ་ཡིན་ཞེས་གསུངས༌སོ།།   
\p
\v 24 ཡང་དེ་དག་ནི་ཕ་རུ་ཤི་པ་རྣམས་ཀྱིས་མངགས་པ་ཡིན༌ཏེ།  
\v 25 ཁོ་རྣམས་ཀྱིས་ཀྱང་ཡོ་ཧ་ནན་ལ་ཁྱེད་རང་ནི་སྐྱབས་མགོན་མཱ་ཤི་ཀ་མིན༌ལ། ཨེ་ལི་ཡཱའང༌མིན། ལུང་སྟོན་པ་དེ་ཉིད་ཡང་མ་ཡིན༌པས། ཅིའི་ཕྱིར་ཁྲུས་གསོལ་བྱེད་དམ་ཞེས་དྲིས་པ༌ལ།  
\v 26 ཡོ་ཧ་ནན་ན༌རེ། བདག་གིས་ཆུས་ཁྲུས་གསོལ་བྱེད༌མོད། འོན་ཀྱང་སྐྱེས་བུ་ཞིག་ཁྱོད་ཅག་གི་ཁྲོད་དུ་བཞུགས་ནའང་ཁྱོད་རྣམས་ཀྱིས་ཁོང་སུ་ཡིན་པ་མི་ཤེས།  
\v 27 ཁོང་ནི་ང་ཡི་རྗེས་སུ་འབྱོན་པ་ཡིན༌ཏེ། བདག་གིས་ཁོང་གི་ལྷམ་མདུད་ཀྱང་དགྲོལ་བར་མི་འོས་ཞེས་གསུངས་སོ།།  
\v 28 དོན་འདི་རྣམས་ནི་ཡོར་དན་གཙང་པོ་ཕ་རོལ་གྱི་པེ་ཐན་ཡཱའི་ཡུལ༌ཏེ། ཡོ་ཧ་ནན་གྱིས་ཁྲུས་གསོལ་མཛད་པའི་གནས་སུ་བྱུང་བ་ཡིན༌ནོ།།   
\s1 སྐྱབས་མགོན་ཡེ་ཤུ་ནི་དཀོན་མཆོག་གི་སྲས་ཡིན་པར་བདེན་དཔང་མཛད༌པ།  
\p
\v 29 དེའི་ཕྱི༌ཉིན། ཁྲུས་གསོལ་མཁན་ཡོ་ཧ་ནན་གྱིས་སྐྱབས་མགོན་ཡེ་ཤུ་རང་གི་གམ་དུ་ཕེབས་པ་མཐོང་སྟེ་འདི་སྐད༌དུ། ལྟོས༌དང༌། དཀོན་མཆོག་གི་ལུ་གུ་ \f + \ft དཀོན་མཆོག་གི་ལུ་གུ་ཞེས་པ་ནི་སྐྱབས་མགོན་ཡེ་ཤུའི་མཚན་གྱི་རྣམ་གྲངས༌ཡིན། ཡེ་ཤུ་ཞེས་པའི་མཆན་ལའང་གཟིགས་རོགས། \f*སྟེ་འཇིག་རྟེན་མི་རྣམས་ཀྱི་སྡིག་པ་སེལ་མཁན་ནི་ཁོང་ཉིད་ཡིན།  
\v 30 བདག་གི་རྗེས་སུ་འབྱོན་པ་ཁོང་ཉིད་ནི་བདག་གི་སྔོན་དུ་བཞུགས་པས། བདག་ལས་མཆོག་གྱུར་ཡིན་ཞེས་དེ་སྔར་བདག་གིས་སྨྲས་མྱོང་བའི་སྐྱེས་བུ་དེ་ནི་ཁོང་ཉིད་ཡིན་ནོ།།  
\v 31 དེ་སྔར་བདག་གིས་ཁོང་ཉིད་མི་ཤེས༌ཀྱང༌། ཡེས་ར་ཨེལ་གྱི་མི་ཀུན་ལ་ཤེས་སུ་འཇུག༌ཆེད། བདག་ནི་མི་རྣམས་ལ་ཆུས་ཁྲུས་གསོལ་བྱེད་དུ་འོངས་པ་ཡིན་ཞེས་གསུངས་སོ།།  
\v 32 ཡང་ཡོ་ཧ་ནན་གྱིས་འདི་སྐད་དུ་བདེན་དཔང་བྱས་པ༌སྟེ། དེ་ཡང་ནམ་མཁའ་ནས་དམ་པའི་ཐུགས་ཉིད་ནི། བྱ་ཕུག་རོན་གྱི་གཟུགས་ཀྱིས་ཁོང་གི་ལུས་སྟེང་དུ་བབས་ཤིང་གནས་པ་བདག་གིས་མཐོང༌བྱུང་ངོ་།།  
\v 33 དེ་སྔར་བདག་གིས་ཀྱང་ཁོང་ཉིད་མི་ཤེས༌ནའང༌། ང་རང་ཆུ་ཡིས་ཁྲུས་གསོལ་བྱེད་པར་མངགས་མཁན་གྱིས་འདི་སྐད༌དུ། དམ་པའི་ཐུགས་ཉིད་སུའི་སྟེང་དུ་བབས་ཤིང་གནས་པ་ཁྱོད་ཀྱིས་མཐོང་བར་འགྱུར་བའི་སྐྱེས་བུ་དེ་ནི། དམ་པའི་ཐུགས་ཉིད་ཀྱིས་ཁྲུས་གསོལ་མཛད་མཁན་ཡིན་ཞེས་གསུངས་པ༌དང༌།  
\v 34 བདག་གིས་ཀྱང་དེ་བཞིན་དུ་བྱུང་བ་མཐོང་བས། སྐྱེས་བུ་འདི་ནི་དཀོན་མཆོག་གི་སྲས་ཡིན་ཞེས་བདེན་དཔང་བྱས་པ་ཡིན་ཞེས་གསུངས༌སོ།།   
\s1 སྐྱབས་མགོན་ཡེ་ཤུའི་ཐུགས་སྲས་སྔ་ཤོས༌སྐོར།  
\p
\v 35 དེའི་ཕྱི༌ཉིན། ཁྲུས་གསོལ་མཁན་ཡོ་ཧ་ནན་དང་ཁོང་གི་རྗེས་འབྲང་པ་གཉིས་བཅས་མཉམ་དུ་བསྡད་ཡོད་པ༌ལ།  
\v 36 ཡོ་ཧ་ནན་གྱིས་སྐྱབས་མགོན་ཡེ་ཤུ་ཕར་ཕེབས་བཞིན་པ་མཐོང༌སྟེ། ལྟོས༌དང༌། འདི་ནི་དཀོན་མཆོག་གི་ལུ་གུ་ཡིན་ཞེས་གསུངས་སོ།།  
\v 37 རྗེས་འབྲང་པ་གཉིས་ཀྱིས་གཏམ་དེ་ཐོས་ནས་སྐྱབས་མགོན་ཡེ་ཤུའི་རྗེས་སུ་འབྲངས།  
\v 38 དེ་ནས་སྐྱབས་མགོན་ཡེ་ཤུས་ཞལ་ཕྱིར་འཁོར༌ཏེ། མི་དེ་གཉིས་ཁོང་གི་རྗེས་སུ་འབྲངས་པ་གཟིགས་ནས་ཁྱོད་གཉིས་ཀྱིས་ཅི་ཞིག་འཚོལ་བ་ཡིན་ཞེས་གསུངས་པ༌ལ། དེ་གཉིས་ན༌རེ། རཱབ་པེ་ཞེས་སྨྲས་ཤིང་དེ་ནི་སློབ་དཔོན་ལགས་ཞེས་པའི་དོན་ཡིན༌ལ། ཁྱེད་རང་གནས་གང་དུ་བཞུགས་སམ་ཞེས་ཞུས་པ༌དང༌།  
\v 39 ཡང་ཁོང་གིས་འདིར་ཤོག་ལ་ལྟོས་ཤིག་ཅེས་གསུངས་པ༌ལ། མི་དེ་གཉིས་ཁོང་དང་མཉམ་དུ་ཁོང་ཉིད་བཞུགས་པའི་གནས་སུ་སོང༌ཞིང༌། གནས་དེ་མཐོང་བ་དང་ཉིན་དེར་ཁོང་དང་ལྷན་དུ་བསྡད་དོ།། སྐབས་དེ་ནི་ཕྱི་དྲོའི་ཆུ་ཚོད་བཞི་ཙམ་ \f + \ft ཕྱི་དྲོའི་ཆུ་ཚོད་བཞི་ཙམ་ཞེས་པ་ལ་དམ་པའི་གསུང་རབ་ཀྱི་མ་ཕྱི་ལས་ཆུ་ཚོད་བཅུ་ཙམ་ཞེས༌མཐོང༌། ཡ་ཧུ་དཱ་པའི་བརྩི་སྲོལ་ལྟར༌ན། ཕྱི་དྲོའི་ཆུ་ཚོད་བཞི་ཙམ་ཡིན་ཞེས་ཀྱང༌ཟེར། \f*ཡིན༌པ་རེད།  
\v 40 དེ་ཡང་ཡོ་ཧ་ནན་གྱི་གསུང་དེ་ཐོས་ཤིང་སྐྱབས་མགོན་ཡེ་ཤུའི་རྗེས་སུ་འབྲང་མཁན་དེ་གཉིས་ལས་གཅིག་ནི་སི་མོན་པེ་ཏྲོའི་སྤུན་ཨན་དྲི་ཡཱ་ཡིན།  
\v 41 ཨན་དྲི་ཡཱ་ཡིས་ཐོག་མར་རང་གི་སྤུན་སི་མོན་བཙལ་ཏེ་ན༌རེ། ངེད་ཅག་སྐྱབས་མགོན་མཱ་ཤི་ཀར་མཇལ་བྱུང་ཞེས་སྨྲས་སོ།། མཱ་ཤི་ཀ་ཞེས་པ་ནི་བྱུགས་པའི་མི་ཞེས་པའི་དོན༌ཡིན།  
\v 42 དེ་ནས་ཁོས་རང་གི་སྤུན་སི་མོན་སྐྱབས་མགོན་ཡེ་ཤུའི་དྲུང་དུ་ཁྲིད་པ༌དང༌། སྐྱབས་མགོན་ཡེ་ཤུས་སི་མོན་ལ་གཟིགས་ནས་འདི་སྐད༌དུ། ཁྱོད་ནི་ཡོ་ཧ་ནན་ \f + \ft འདིར་འབྱུང་བའི་ཡོ་ཧ་ནན་ཞེས་པ་ནི་འཕྲིན་བཟང་འདི་ཡིག་ཐོག་ཏུ་འགོད་མཁན་ཐུགས་སྲས་ཡོ་ཧ་ནན་མིན༌ལ། ཁྲུས་གསོལ་མཁན་ཡོ་ཧ་ནན་ཞེས་པའང་མ་ཡིན་པར་མི་གཞན་ཞིག་ལ་ངོས་འཛིན་དགོས། \f*གྱི་བུ་སི་མོན་ཡིན༌ཏེ། ཁྱོད་ཀྱི་མིང་ལ་ཀེ་ཕཱ་ཞེས་འབོད་པར་འགྱུར་ཞེས་གསུངས༌ཤིང་། ཀེ་ཕཱ་ \f + \ft ཀེ་ཕཱ་ཞེས་པ་ནི་ཨ་རམ་གྱི་སྐད་དོད་དེ། རྡོ་ཕ་བོང་གི་དོན་ཡིན། \f*ཞེས་པ་ནི་པེ་ཏྲོའི་དོན༌ཡིན་ནོ།།   
\s1 སྐྱབས་མགོན་ཡེ་ཤུས་ཕི་ལིབ་དང་ནཱ་ཐན་ཨེལ་གཉིས་ཚུར་བཀུག༌པ།  
\p
\v 43 ཡང་དེའི་ཕྱི༌ཉིན། སྐྱབས་མགོན་ཡེ་ཤུ་ཁོང་ཉིད་ག་ལིལ་ཡུལ་དུ་ཕེབས་པར་དགོངས༌ཤིང༌། ཕི་ལིབ་དང་ཕྲད་དེ་བདག་གི་རྗེས་སུ་ཤོག་ཅེས་གསུངས་སོ།།  
\v 44 ཕི་ལིབ་ཅེས་པ་འདི་ནི་པེ་སད་དཱ་ཡི་མི་ཡིན༌ལ། ཨན་དྲི་ཡཱ་དང་པེ་ཏྲོ་བཅས་དང་གྲོང་ཁྱེར་གཅིག་གི་མི་ཡིན༌པ་རེད།  
\v 45 དེ་ནས་ཕི་ལིབ་ཀྱིས་ནཱ་ཐན་ཨེལ་བཙལ་ཏེ་ན༌རེ། མོ་ཤེ་ཡིས་བཀའ་ཁྲིམས་ཀྱི་མདོ་ནང་དུ་བཀོད་ཡོད་པ༌དང༌། ལུང་སྟོན་པ་རྣམས་ཀྱིས་ཀྱང་ལུང་བསྟན་ལས་སྐྱེས་བུ་དེའི་སྐོར་བཀོད་ཡོད༌པ་སྟེ། དེ་ནི་ཡོ་སེབ་ཀྱི་བུ་ནཱ་ཙ་རེལ་པ་སྐྱབས་མགོན་ཡེ་ཤུ་ཡིན་ཞིང་། བདག་ཅག་མཇལ་མྱོང་བ་ཡིན་ཞེས་སྨྲས་པ༌ན།  
\v 46 ནཱ་ཐན་ཨེལ་ན༌རེ། ནཱ་ཙ་རེལ་ནས་དོན་བཟང་པོ་ཞིག་འབྱུང་སྲིད་དམ་ཞེས་སྨྲས་པ༌དང༌། ཕི་ལིབ་ཀྱིས་ཚུར་ཤོག་དང་བལྟ་བར་བྱའོ་ཞེས་སྨྲས་སོ།།  
\v 47 དེ་ནས་སྐྱབས་མགོན་ཡེ་ཤུས་ནཱ་ཐན་ཨེལ་ཚུར་ཡོང་བ་གཟིགས༌ཏེ། ལྟོས་དང་མི་འདི་ནི་དངོས་སུ་སེམས་ལ་གཡོ་སྒྱུ་མེད་པའི་ཡེས་ར་ཨེལ་པ་ཞིག་ཡིན་ཞེས་གསུངས་པ༌དང༌།  
\v 48 ནཱ་ཐན་ཨེལ་གྱིས་ཁོང་ལ་ཁྱེད་ཀྱིས་ང་རང་ཇི་ལྟར་མཁྱེན་ནམ་ཞེས་ཞུས་པ༌ལ། སྐྱབས་མགོན་ཡེ་ཤུས་འདི་སྐད༌དུ། ཕི་ལིབ་ཀྱིས་ཁྱོད་རང་མ་བོས་པའི་སྔོན་དུ་ཁྱོད་རང་བསེ་ཡབ་ཤིང་གི་སྡོང་རྩར་སྡོད་དུས་བདག་གིས་མཐོང་ཞེས་གསུངས་སོ།།  
\v 49 ཡང་ནཱ་ཐན་ཨེལ་ན༌རེ། རཱབ་པེ་ལགས། ཁྱེད་རང་ནི་དཀོན་མཆོག་གི་སྲས་ཡིན་ཞིང་ཡེས་ར་ཨེལ་གྱི་རྒྱལ་པོའང་ཡིན་ཞེས་ཞུས་པ༌ལ།  
\v 50 ཡང་ཁོང་གིས་འདི་སྐད༌དུ། བདག་གིས་ཁྱོད་རང་བསེ་ཡབ་ཤིང་གི་སྡོང་རྩར་སྡོད་པ་མཐོང་ཞེས་སྨྲས་པས་ཁྱོད་ཀྱིས་བདག་ལ་ཡིད་ཆེས་བྱེད༌དམ། ཁྱོད་ཀྱིས་དོན་འདི་ལས་ཀྱང་དོན་ཆེན་དག་མཐོང་བར་འགྱུར་ཞེས་གསུངས༌ཤིང༌།  
\v 51 ཡང་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར༌སྨྲའོ། །ནམ་མཁའི་སྒོ་ཕྱེས་ཏེ་དཀོན་མཆོག་གི་ཕོ་ཉ་རྣམས་མིའི་བུ་ལ་བརྟེན་ནས་ཡར་འཕགས་པ་དང་མར་ཕེབས་པ་ཁྱོད་ཅག་གིས་ཀྱང་མཐོང་བར་འགྱུར་ཞེས་གསུངས༌སོ།།   
\c 2
\cl ལེའུ་གཉིས༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 ཀ་ནཱ་གྲོང་སྡེའི་གཉེན༌སྟོན།  
\p
\v 1 དེ་ནས་ཉིན་གསུམ་པ་ལ་ག་ལིལ་ཡུལ་གྱི་ཀ་ནཱ་རུ་གཉེན་སྟོན་ཞིག་ཡོད༌ལ། སྐྱབས་མགོན་ཡེ་ཤུའི་ཡུམ་ཡང་གནས་དེར་བཞུགས༌ཤིང༌།  
\v 2 སྐྱབས་མགོན་ཡེ་ཤུ་དང་ཁོང་གི་ཐུགས་སྲས་རྣམས་ཀྱང་གཉེན་སྟོན་དུ་གདན་འདྲེན་ཞུས༌ཡོད་དོ།།  
\v 3 དུས༌དེར། སྟོན་ཆང་ཐམས་ཅད་བཏུང་ཚར་བ་དང་སྐྱབས་མགོན་ཡེ་ཤུའི་ཡུམ་གྱིས་ཁོང༌ལ། ཁོ་རྣམས་ལ་རྒུན་ཆང་མེད་ཅེས་ཞུས་པ༌ན།  
\v 4 སྐྱབས་མགོན་ཡེ་ཤུས་འདི་སྐད༌དུ། ཡུམ༌ལགས། དོན་དེ་བདག་དང་འབྲེལ་བ་ཅི་ཡོད་དམ། བདག་གི་དུས་ནི་ད་དུང་སླེབས་མེད་ཅེས་གསུངས་སོ།།  
\v 5 ཁོང་གི་ཡུམ་གྱིས་གནས་དེར་ཡོད་པའི་གཡོག་པོ་རྣམས༌ལ། ཁོང་གིས་ཁྱོད་ཅག་ལ་ཇི་ལྟར་གསུངས་ན་ཁྱོད་ཅག་གིས་དེ་ལྟར་བྱོས་ཤིག་ཅེས་སྨྲས།  
\v 6 ཡ་ཧུ་དཱ་པའི་ལུགས་སྲོལ་བཞིན་གཙང་སྦྲ་བྱེད་པ༌ལ། རྡོ་ཡིས་བཟོས་པའི་ཆུ་རྫ་དྲུག་ཀྱང་གནས་དེར་བཞག་ཡོད༌དེ། དེ་རེ་རེའི་ནང་དུ་ཧ་ལམ་ཆུ་ཟོ་གཉིས་གསུམ་ཙམ་ཤོང༌ཐུབ་བོ།།  
\v 7 དེ་ནས་སྐྱབས་མགོན་ཡེ་ཤུས་གཡོག་པོ་དེ་རྣམས་ལ་ཆུ་རྫ་འདི་དག་ཆུས་གང་བར་བྱོས་ཞེས་བཀའ་བསྩལ་པ་དང་ཁོ་རྣམས་ཀྱིས་ཀྱང་ཆུས་བལྟམས་པར་བྱས།  
\v 8 ཡང་ཁོང་གིས་འདི་སྐད༌དུ། ད་ལྟ་བཅུས་ཏེ་གཉེན་སྟོན་གྱི་གཉེར་པ་ལ་སྤྲོད་ཅིག་ཅེས་གསུངས་པ་དང་གཡོག་པོ་རྣམས་ཀྱིས༌བསྐྱལ་ཏོ།།  
\v 9 དེ་ནས་གཉེར་པས་ཆུ་ནས་བསྒྱུར་བའི་རྒུན་ཆང་གི་བྲོ་བ་མྱངས་ནའང་གང་ནས་བཅུས་ཤིང་གང་ནས་ཁྱེར་ཡོང་བ་མི་ཤེས། འོན་ཀྱང་ཆུ་བཅུ་མཁན་གཡོག་པོ་རྣམས་ཀྱིས་གང་ནས་ཁྱེར་འོངས་པ་ཤེས༌པ་རེད། དེ་ནས་གཉེར་པས་མག་གསར་ཚུར་བོས་ཏེ་ན༌རེ།  
\v 10 མི་ཚང་མས་རྒུན་ཆང་ཞིམ་པོ་སྔོན་ལ་ལྡུད་ཅིང་མགྲོན་པོ་རྣམས་བཟི་བར་གྱུར༌ཚེ། རྒུན་ཆང་ཕལ་བ་གཞུག་ནས་ལྡུད་པར༌བྱེད། འོན་ཀྱང་ཁྱོད་ཀྱིས་དེ་ལྟར་མི་བྱེད་པར་རྒུན་ཆང་ཞིམ་པོ་གཞུག་ཏུ་བསྐྱུར་ཞེས་སྨྲས་སོ།།  
\v 11 དེ་ལྟར་གྲུབ་རྟགས་དང་པོ་དེ་སྐྱབས་མགོན་ཡེ་ཤུས་ག་ལིལ་ཡུལ་གྱི་ཀ་ནཱ་རུ་བསྟན་ཏེ། རང་གི་གཟི་བརྗིད་མངོན་པར་མཛད་པས་ཐུགས་སྲས་རྣམས་ཀྱང་ཁོང་ལ་དད་པར་གྱུར་ཏོ།།  
\v 12 དེའི་རྗེས༌སུ། སྐྱབས་མགོན་ཡེ་ཤུ་རང་གི་ཡུམ་དང་སྐུ༌མཆེད། ཐུགས་སྲས་རྣམས་དང་མཉམ་དུ་ཀཱ་ཕར་ན་ཧུམ་དུ་མར་ཕེབས་ཤིང་གནས་དེ་རུ་ཉིན་འགར་བཞུགས༌སོ།།   
\s1 མཆོད་ཁང་གཙང་མར་མཛད༌པ།  
\p
\v 13 དེ་ཡང་ཡ་ཧུ་དཱ་པའི་པེ་སག་གི་དུས་ཆེན་སླེབས་ལ་ཉེ་བ༌ན། སྐྱབས་མགོན་ཡེ་ཤུ་ཡར་ཡེ་རུ་སཱ་ལེམ་དུ་ཕེབས་པ༌དང༌།  
\v 14 མཆོད་ཁང་ནང་དུ་བ་གླང༌དང༌། ལུག ཕུག་རོན་བཅས་ཚོང་མཁན་དང་དངུལ་བརྗེ་མཁན་རྣམས་བསྡད་ཡོད་པ་གཟིགས༌ཏེ།  
\v 15 ཁོང་གིས་ཐག་པས་རྟ་ལྕག་ཅིག་མཛད༌དེ། བ་གླང་དང་ལུག་དང་བཅས་པ་ཐམས་ཅད་མཆོད་ཁང་ལས་ཕྱིར་ཕུད་པ༌དང༌། དངུལ་བརྗེ་མཁན་གྱི་དངུལ་སྒོར་ཡང་ས་རུ་གཏོར་བ་དང་དེ་དག་གི་ཅོག་ཙེའང་སར་བསྒྱེལ་ཏོ།།  
\v 16 དེ་ནས་ཕུག་རོན་ཚོང་མཁན་རྣམས་ལ་འདི་སྐད༌དུ། ཕུག་རོན་འདི་དག་ཕྱིར་ཁྱེར༌ཅིག བདག་གི་ཡབ་ཀྱི་ཕོ་བྲང་འདི་ནི་ཚོང་རར་བྱེད་མི་རུང་ཞེས་གསུངས་སོ།།  
\v 17 དེ་ནས་ཁོང་གི་ཐུགས་སྲས་རྣམས་ཀྱིས་གསུང་རབ་ཀྱི་མདོ༌ལས། ཁྱེད་ཀྱི་བཞུགས་གནས་ཀྱི་དོན་དུ་ང་རང་སེམས་པ་ཤིན་ཏུ་འཚབ་ནས་མེ་ལྟར༌འབར་ཞེས་བཀོད་ཡོད་པ་དེ་དྲན་ནོ།།  
\v 18 དེ་ནས་ཡ་ཧུ་དཱ་པ་རྣམས་ན༌རེ། ཁྱེད་ལ་དོན་འདི་རྣམས་མཛད་པའི་དབང་ཡོད་པར་བདེན་དཔང་བྱ་ཆེད་གྲུབ་རྟགས་གང་ཞིག་སྟོན་ནུས་སམ་ཞེས་སྨྲས་པ༌ལ།  
\v 19 སྐྱབས་མགོན་ཡེ་ཤུས་འདི་སྐད༌དུ། གལ་ཏེ་ཁྱོད་ཅག་གིས་མཆོད་ཁང་འདི་བཤིག་ན། བདག་གིས་ཉིན་གསུམ་ལ་སླར་ཡང་བརྩིག་པར་བྱ་ཞེས་གསུངས་སོ།།  
\v 20 ཡང་དེ་རྣམས་ན༌རེ། མཆོད་ཁང་འདི་ནི་ལོ་ངོ་བཞི་བཅུ་ཞེ་དྲུག་གི་རིང་ལ་བརྩིགས་པ་ཡིན་ཡང་ཁྱོད་ཀྱིས་ཉིན་གསུམ་ལ་བརྩིག་ཐུབ་བམ་ཞེས་དྲིས།  
\v 21 འོན་ཀྱང་དེ་ནི་སྐྱབས་མགོན་ཡེ་ཤུས་རང་གི་སྐུ་ལུས་ཡིན་པའི་མཆོད་ཁང་ལ་དམིགས་ཏེ་གསུངས་པ་ཡིན།  
\v 22 དེའི༌ཕྱིར། ཁོང་ཉིད་སྐུ་གཤེགས་པ་ནས་སླར་གསོན་པའི་རྗེས༌སུ། ཐུགས་སྲས་རྣམས་ཀྱིས་ཁོང་གི་གསུང་དེ་དྲན༌ནས། གསུང་རབ་ཀྱི་མདོ་དང་སྐྱབས་མགོན་ཡེ་ཤུས་གསུངས་པའི་བཀའ་ལ་དད་པར་གྱུར༌ཏོ།།   
\p
\v 23 དེ་ཡང་པེ་སག་གི་དུས་ཆེན་ལ་སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་བཞུགས༌ཤིང༌། མི་མང་པོས་ཁོང་གིས་མཛད་པའི་གྲུབ་རྟགས་རྣམས་མཐོང་སྟེ་ཁོང་གི་མཚན་ལ་དད་པར་གྱུར་ཏོ།།  
\v 24 འོན་ཀྱང་སྐྱབས་མགོན་ཡེ་ཤུས་མི་ཐམས་ཅད་མཁྱེན་པས་དེ་དག་ལ་བློ་མི་གཏོད༌ཅིང༌།  
\v 25 ཁོང་གིས་མིའི་སེམས་སུ་ཅི་ཡོད་པའང་མཁྱེན་པས་སུས་ཀྱང་མི་གཞན་ཅི་འདྲ་ཡིན་པར་བདེན་དཔང་བྱེད་དགོས་དོན་ཅི་ཡང་མེད༌དོ།།   
\c 3
\cl ལེའུ་གསུམ༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུས་ནེ་ཀོ་དེམ་ལ་ཆོས་གསུངས༌པ།  
\p
\v 1 དེ་ཡང་ནེ་ཀོ་དེམ་ཞེས་པའི་ཕ་རུ་ཤི་པ་ཞིག་ཡོད་པ་དེ་ནི་ཡ་ཧུ་དཱ་པའི་ཆོས་དཔོན་ཞིག་ཡིན༌ལ།  
\v 2 ནམ་ཞིག་གི་མཚན༌མོར། མི་དེ་སྐྱབས་མགོན་ཡེ་ཤུར་མཇལ་དུ་ཡོང༌སྟེ། རཱབ་པེ་ལགས། དཀོན་མཆོག་ནི་ཁྱེད་དང་ལྷན་དུ་མི་བཞུགས༌ན། ཁྱེད་ཀྱིས་མཛད་པའི་གྲུབ་རྟགས་རྣམས་མི་གཞན་སུས་ཀྱང་སྟོན་པར་མི་ནུས༌པས། ཁྱེད་ནི་དཀོན་མཆོག་གི་དྲུང་ནས་ཕེབས་པའི་སློབ་དཔོན་ཞིག་ཡིན་པ་ངེད་རྣམས་ཀྱིས་ཤེས་ཞེས་ཞུས་པ༌ན།  
\v 3 སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་ལ་ཡང་དག་པར་བདེན་པར་སྨྲ༌སྟེ། གལ་ཏེ་མི་ཞིག་ཡང་བསྐྱར་མ་སྐྱེས་ན་དཀོན་མཆོག་གི་རྒྱལ་སྲིད་མཐོང་མི་ནུས་ཞེས་གསུངས་སོ།།  
\v 4 ཡང་ནེ་ཀོ་དེམ་ན༌རེ། མི་ཞིག་ཆེར་སྐྱེས་ནས་རྒས་ཚེ་ཡང་བསྐྱར་ཇི་ལྟར་སྐྱེ་ནུས༌སམ། སླར་ཡང་མའི་མངལ་དུ་ཞུགས་ཏེ་ལན་གཉིས་པར་སྐྱེ་སྲིད་དམ་ཞེས་ཞུས་པ༌ལ།  
\v 5 ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་ལ་ཡང་དག་པར་བདེན་པར་སྨྲ༌སྟེ། གལ་ཏེ་མི་ཞིག་ཆུ་ \f + \ft འདིར་འབྱུང་བའི་ཆུ་ཞེས་པ་དམ་པའི་གསུང་རབ་ཀྱི་མཁས་པ་རྣམས་ལ་གོ་བ་ལེན་སྟངས་མི་འདྲ་བ་དུ་མ༌མངོན། འོན་ཀྱང་མའི་མངལ་དུ་ཕྲུ་གུ་ཆགས་པ་ཡིན་ན་ཕྲུ་གུ་སྐྱེ་འཕེལ་ལ་ངེས་པར་དགོས་པའི་བུ་སྣོད་ནང་གི་གཤེར་ཁུ་ལ་ཆེད་དུ་གོ་བ༌དང༌། སྐྱབས་མགོན་ཡེ་ཤུ་ལ་དད་པ་བྱེད་པར་འགྱོད་བཤགས་བྱེད་དགོས་པའི་རྟགས་སུ་ཁྲུས་གསོལ་མཁན་ཡོ་ཧ་ནན་གྱིས་ཆོས་བསྒྲགས་པར་གོ་བ་གཉིས་ནི་མཁས་པ་མང་ཤོས་ཀྱིས་ཁས་ལེན་པ་ཡིན། \f*དང་དམ་པའི་ཐུགས་ཉིད་ཀྱི་སྒོ་ནས་མ་སྐྱེས་ན་དཀོན་མཆོག་གི་རྒྱལ་སྲིད་དུ་ཞུགས་མི་ཐུབ་བོ།།  
\v 6 ཤ་ཁྲག་གི་ཕུང་བོ་ལས་སྐྱེས་པ་ནི་ཤ་ཁྲག་གི་ཕུང་བོ་ཡིན་ཞིང་དམ་པའི་ཐུགས་ཉིད་ལས་སྐྱེས་པ་ནི་སེམས་ཉིད་ཡིན།  
\v 7 བདག་གིས་ཁྱོད་རང་ཡང་བསྐྱར་སྐྱེ་དགོས་པ་ཡིན་ཞེས་སྨྲས་པ་ལ་ཁྱོད་ཀྱིས་ངོ་མཚར་བར་མ་འདོད༌ཅིག  
\v 8 རླུང་ནི་རང་བཞིན་དུ་གཡུག་ཅིང་ཁྱོད་ཀྱིས་རླུང་གི་སྒྲ་ཐོས་ཀྱང་རླུང་དེ་གང་ནས་ཡོང་ཞིང་གང་དུ་རྒྱུ་བ་མི་ཤེས་པ༌ལྟར། དམ་པའི་ཐུགས་ཉིད་ལས་སྐྱེས་པ་ཐམས་ཅད་ཀྱང་དེ་བཞིན་ཡིན་ཞེས་གསུངས་པ༌དང༌།  
\v 9 ཡང་ནེ་ཀོ་དེམ་ན༌རེ། དེས་ན་དོན་འདི་རྣམས་ཇི་ལྟར་འབྱུང་སྲིད་དམ་ཞེས་ཞུས་པ༌ལ།  
\v 10 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ནི་ཡེས་ར་ཨེལ་མི་རིགས་ཀྱི་སློབ་དཔོན་ཡིན་ཡང་དོན་དེ་རྣམས་ཀྱང་མི་ཤེས༌སམ།  
\v 11 བདག་གིས་ཁྱོད་ལ་ཡང་དག་པར་བདེན་པར་སྨྲ༌སྟེ། ངེད་ཅག་གིས་ཅི་ཤེས་པ་སྨྲས་ཤིང་དངོས་སུ་མཐོང་བ་དེར་བདེན་དཔང་བྱས་པ༌ཡིན། འོན༌ཀྱང༌། ཁྱོད་ཅག་གིས་ངེད་རྣམས་ཀྱི་བདེན་དཔང་ཁས་མི་ལེན༌པ་རེད།  
\v 12 བདག་གིས་ཁྱོད་རྣམས་ལ་ས་གཞིའི་སྟེང་གི་དོན་རྣམས་བཤད་པར་ཁྱོད་ཅག་ཡིད་མི་ཆེས༌ན། ནམ་མཁའི་ཞིང་ཁམས་ཀྱི་དོན་རྣམས་སྨྲས་ཀྱང་ཁྱོད་ཅག་ཇི་ལྟར་ཡིད་ཆེས་པར་འགྱུར༌རམ།  
\v 13 དེ་ཡང་ནམ་མཁའི་ཞིང་ཁམས་ནས་ཕེབས་པའི་མིའི་བུ་ལས༌གཞན། སུ་ཞིག་ཀྱང་ནམ་མཁའི་ཞིང་ཁམས་སུ་འཕགས་མ་མྱོང༌།  
\v 14 སྔོན་ཆད་མོ་ཤེ་ཡིས་དབེན་སྟོང་ཡུལ་ནས་སྦྲུལ་ཞིག་གྱེན་དུ་བསྒྲེངས་པ༌ལྟར། མིའི་བུ་ཡང་གྱེན་དུ་བསྒྲེང་བར་འགྱུར་དགོས༌ཏེ།  
\v 15 མིའི་བུ་ལ་དད་པ་བྱེད་མཁན་ཐམས་ཅད་ལ་མཐའ་མེད་པའི་ཚེ་སྲོག་འཐོབ་པར་འགྱུར་བའི་ཕྱིར༌ཡིན།  
\v 16 དཀོན་མཆོག་གིས་འཇིག་རྟེན་ལ་གཅེས་ཤིང་བྱམས༌ཏེ། ཁོང་གི་སྲས་ལ་དད་པ་བྱེད་མཁན་ཐམས་ཅད་ལ་ནམ་ཡང་འཇིག་པ་མེད་ཅིང་མཐའ་མེད་པའི་ཚེ་སྲོག་འཐོབ་པའི་ཕྱིར། ཁོང་གིས་རང་ཉིད་ཀྱི་སྲས་གཅིག་པོའང་མི་ཀུན་ལ་གནང༌བའོ།།  
\v 17 དཀོན་མཆོག་གིས་རང་གི་སྲས་འཇིག་རྟེན་དུ་མངགས་པ་ནི་འཇིག་རྟེན་གྱི་མི་ཐམས་ཅད་སྐྱོབ་པར་མཛད་པ་ལས་ཉེས་ཆད་གཅོད་པར་མངགས་པ་མ་ཡིན་ནོ།།  
\v 18 དཀོན་མཆོག་གི་སྲས་ལ་དད་པ་བྱེད་མཁན་རྣམས་ལ་ཉེས་ཆད་གཅོད་པར་མི་འགྱུར༌ཡང༌། དཀོན་མཆོག་གི་སྲས་གཅིག་པོའི་མིང་ལ་དད་པ་མི་བྱེད་པ་རྣམས་ཀྱིས་དད་པ་མ་བྱས་པས་ཉེས་ཆད་བཅད་ཟིན༌པ་ཡིན།  
\v 19 ཉེས་ཆད་གཅོད་པ་ནི་འདི་ལྟ༌སྟེ། གཟི་འོད་དེ་ཉིད་འཇིག་རྟེན་དུ་ཕེབས་ནའང་མི་རྣམས་ཀྱི་སྤྱོད་པ་ངན༌པས། དེ་རྣམས་གཟི་འོད་ལ་མི་དགའ་བར་མུན་ནག་ལ་ཞེན་ཅིང་ཆགས་པའི་ཕྱིར༌ཡིན།  
\v 20 ངན་པ་སྤྱོད་མཁན་ཐམས་ཅད་ཀྱིས་རང་གི་སྤྱོད་པ་ངན་པ་དེ་ཕྱིར་མངོན་པར་དོགས༌ནས། གཟི་འོད་ལ་སྡང་ཞིང་གཟི་འོད་ཀྱི་དྲུང་དུའང་མི་ཡོང༌།  
\v 21 འོན༌ཀྱང༌། བདེན་དོན་ཉམས་ལེན་བྱེད་མཁན་རྣམས་རང་གིས་བྱེད་པ་ཐམས་ཅད་དཀོན་མཆོག་ལ་བརྟེན་ནས་ཕྱིར་མངོན་པའི་ཆེད༌དུ། གཟི་འོད་ཀྱི་དྲུང་དུ་ཡོང་བ་ཡིན་ཞེས་གསུངས༌སོ།།   
\s1 ཡོ་ཧ་ནན་གྱིས་སྐྱབས་མགོན་ཡེ་ཤུ་ལ་བདེན་དཔང་བྱེད༌པ།  
\p
\v 22 དོན་དེ་དག་བྱུང་བའི་རྗེས༌སུ། སྐྱབས་མགོན་ཡེ་ཤུ་དང་ཐུགས་སྲས་རྣམས་ཡ་ཧུ་དཱའི་ཡུལ་དུ་ཕེབས༌ཤིང༌། ཡུལ་དེར་ལྷན་དུ་བཞུགས་པ་དང་ཁོང་གིས་མི་རྣམས་ལ་ཁྲུས་གསོལ་མཛད།  
\v 23 ཁྲུས་གསོལ་མཁན་ཡོ་ཧ་ནན་གྱིས་ཀྱང་སཱ་ལིམ་ཡུལ་དང་ཉེ་བའི་ཨེ་ནོན་ཞེས་པའི་གནས་སུ་ཁྲུས་གསོལ་བྱེད་བཞིན་ཡོད༌དེ། གནས་དེ་རུ་ཆུ་མང་པོ་ཡོད་པས་མི་རྣམས་ཀྱང་གནས་དེར་ཕྱིན་ནས་ཁྲུས་གསོལ་ལ་ཞུགས་སོ།།  
\v 24 དེའི་དུས་སུ་ཡོ་ཧ་ནན་ད་དུང་བཙོན་དུ་བཅུག་མེད༌པའོ།།   
\p
\v 25 དུས༌དེར། ཡོ་ཧ་ནན་གྱི་སློབ་མ་རྣམས་དང་ཡ་ཧུ་དཱ་པ་ཞིག་གཙང་སྦྲའི་ལུགས་སྲོལ་ཐད་ལ་རྩོད་པ་བྱུང༌བས།  
\v 26 ཡོ་ཧ་ནན་གྱི་དྲུང་དུ་ཡོང་སྟེ་ན༌རེ། རཱབ་པེ་ལགས། དེ་སྔོན་ཡོར་དན་གཙང་པོའི་ཕ་རོལ་ཏུ་ཁྱེད་དང་མཉམ་དུ་བཞུགས་ཤིང་། ཁྱེད་ཀྱིས་བདེན་དཔང་བྱས་པ་དེས་ད་ལྟ་ཁྲུས་གསོལ་མཛད་ཀྱིན༌འདུག མི་ཀུན་ཀྱང་ཁོང་གི་དྲུང་དུ་འགྲོ་བཞིན་ཡོད་ཅེས་ཞུས་པ༌ལ།  
\v 27 ཡོ་ཧ་ནན་གྱིས་འདི་སྐད༌དུ། གལ་ཏེ་ནམ་མཁའི་ཞིང་ཁམས་ནས་གནང་བ་མིན་ན་མི་ཞིག་ལ་ཅི་ཡང་འཐོབ་མི་སྲིད།  
\v 28 ཡང་དེ་སྔོན་བདག་གིས་འདི་སྐད༌དུ། ང་ནི་སྐྱབས་མགོན་མཱ་ཤི་ཀ་མིན༌ཏེ། སྐྱབས་མགོན་མཱ་ཤི་ཀའི་སྔོན་དུ་མངགས་པ་དེ་ཡིན་ཞེས་སྨྲས་མྱོང་བ༌ལྟར། ད་ལྟ་ཁྱོད་ཅག་གིས་ཀྱང་ང་རང་ལ་བདེན་དཔང་བྱས་ཆོག༌པ་ཡིན།  
\v 29 བག་མ་ལེན་མཁན་ནི་མག་པ་ཡིན༌ཏེ། ཁོའི་གྲོགས་པོ་ལངས་ནས་བསྡད་ཅིང་མག་པའི་སྐད་ཐོས་པས་སེམས་ཤིན་ཏུ༌དགའ། གྲོགས་པོ་དེ་བཞིན་དུ་བདག་ཀྱང་དགའ་སྤྲོས་ཁེངས༌པ་ཡིན།  
\v 30 དེ་བས་ཁོང་ཉིད་འཕེལ་ཞིང་ང་རང་འགྲིབ་པར་འགྱུར་དགོས་སོ།།   
\p
\v 31 ཡང་སྟེང་ནས་བྱོན་པ་དེ་ཉིད་ཐམས་ཅད་ལས་བླ་ན༌མཐོ་བ་ཡིན། ས་གཞི་ལ་གཏོགས་པ་དེ་རྣམས་ས་ཐོག་ཏུ་གནས་ཤིང་ས་ཐོག་གི་གཏམ་ཁོ་ན་གླེང་ངོ༌།། འོན་ཀྱང་སྟེང་ནས་བྱོན་པ་དེ་ཉིད་ཐམས་ཅད་ལས་བླ་ན༌མཐོ་བ་ཡིན།  
\v 32 སྐྱབས་མགོན་ཡེ་ཤུས་རང་ཉིད་ཀྱི་མཐོང་ཐོས་རྣམས་ལ་བདེན་དཔང་མཛད་ནའང་མི་གཞན་སུས་ཀྱང་ཁས་མ་བླངས།  
\v 33 ཁོང་གིས་མཛད་པའི་བདེན་དཔང་ཁས་ལེན་མཁན་རྣམས་ཀྱིས་དཀོན་མཆོག་ནི་བདེན་པ་ཡིན་པ་ར་སྤྲོད་བྱས་སོ།།  
\v 34 དེ་ཡང་དཀོན་མཆོག་གིས་མངགས་པ་དེས་དཀོན་མཆོག་གི་བཀའ་གསུང༌ཞིང༌། དེ་ནི་དཀོན་མཆོག་གིས་ཁོང་ལ་དམ་པའི་ཐུགས་ཉིད་རྫོགས་མཐའ་མེད་པ་ཞིག་གནང་བའི་ཕྱིར༌རོ།།  
\v 35 ཡང་ཡབ་ཀྱིས་རང་གི་སྲས་ལ་བྱམས་ཤིང་བརྩེ་བར་མཛད་ནས་ཐམས་ཅད་སྲས་ཀྱི་ལག་ཏུ་སྤྲད།  
\v 36 ཡང་སྲས་དེ་ལ་དད་པ་བྱེད་མཁན་ལ་མཐའ་མེད་པའི་ཚེ་སྲོག་འཐོབ་ཅིང༌། སྲས་ལ་དད་པ་མི་བྱེད་པ་ལ་མཐའ་མེད་པའི་ཚེ་སྲོག་མི་འཐོབ༌པར། དཀོན་མཆོག་གི་ཐུགས་ཁྲོ་ནི་ནམ་ཡང་མི་དེའི་སྟེང་དུ་གནས་པར་འགྱུར་ཞེས་གསུངས༌སོ།།   
\c 4
\cl ལེའུ་བཞི༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུས་སཱ་མར་ཡ་ཡུལ་གྱི་བུད་མེད་ཅིག་ལ་གསུང་མོལ་མཛད༌པ།  
\p
\v 1 དེ་ཡང་གཙོ་བོས་རྗེས་འབྲང་པ་བསྡུས་པ་དང་ཁྲུས་གསོལ་མཛད་པ་ནི་ཁྲུས་གསོལ་མཁན་ཡོ་ཧ་ནན་ལས་ཀྱང་མང་པོ་ཡིན་པ་ཕ་རུ་ཤི་པ་རྣམས་ཀྱིས་ཐོས་སོ།།  
\v 2 དོན་དམ་དུ་སྐྱབས་མགོན་ཡེ་ཤུས་དངོས་སུ་ཁྲུས་གསོལ་མཛད་པ་མ་ཡིན་པར་ཁོང་གི་ཐུགས་སྲས་རྣམས་ཀྱིས་ཁྲུས་གསོལ་བྱས་པ༌ཡིན།  
\v 3 དེ་ནས་སྐྱབས་མགོན་ཡེ་ཤུ་ཁོང་ཉིད་ཡ་ཧུ་དཱའི་ཡུལ་དང་ཁ་བྲལ་ནས་ག་ལིལ་ཡུལ་དུ་ཕྱིར་ཕེབས༌སོ།།   
\p
\v 4 ཁོང་ཉིད་སཱ་མར་ཡ་ཡུལ་བརྒྱུད་ནས་ཕེབས་དགོས༌ཤིང༌།  
\v 5 སཱ་མར་ཡ་ཡུལ་གྱི་སི་གར་གྲོང་རྡལ་དུ་སླེབས་པ༌དང༌། གྲོང་རྡལ་དེ་སྔོན་ཆད་ཡ་ཀོབ་ཀྱིས་རང་གི་བུ་ཡོ་སེབ་ལ་གནང་བའི་ས་ཆ་དེ་དང་ཐག་ཉེ༌ཞིང༌།  
\v 6 དེ་རུ་ཡ་ཀོབ་ཀྱི་ཁྲོན་པའང༌ཡོད། དེའི་ཚེ་སྐྱབས་མགོན་ཡེ་ཤུའང་སྐུ་ངལ་ནས་ཁྲོན་པ་དེའི་འགྲམ་དུ་བཞུགས་པ༌དང༌། དུས་དེ་ནི་ཉིན་གུང་ཙམ་ \f + \ft ཉིན་གུང་ཙམ་ཞེས་པ་འདིར་དམ་པའི་གསུང་རབ་ཀྱི་མ་ཕྱི་དག་ལས་ཆུ་ཚོད་དྲུག་ཅེས་མཐོང༌ཞིང༌། དེ་ནི་ཡ་ཧུ་དཱའི་མི་རིགས་ཀྱི་བརྩི་སྲོལ༌ཡིན། མཁས་པ་ལ་ལས་ཕྱི་དྲོའི་ཆུ་ཚོད་དྲུག་ཙམ་ཡིན་པར་གསུངས་པ་ནི་རོ་མཱ་སྲིད་གཞུང་གི་བརྩི་སྲོལ༌ཡིན། \f*ཡིན༌ནོ།།   
\p
\v 7-8 སྐབས༌དེར། ཁོང་གི་ཐུགས་སྲས་རྣམས་གྲོང་རྡལ་དེ་ལ་ཁ་ཟས་ཉོ་རུ་སོང་ངོ༌།། དེ་ནས་སཱ་མར་ཡ་ཡུལ་གྱི་བུད་མེད་ཅིག་ཆུ་ལེན་དུ་ཡོང་བ༌དང༌། སྐྱབས་མགོན་ཡེ་ཤུས་བུད་མེད་དེ་ལ་འདི་སྐད༌དུ། བདག་ལ་འཐུང་ཆུ་ཉུང་ཙམ་སྟེར་བར་མཛོད་ཅེས་གསུངས་པ༌ན།  
\v 9 སཱ་མར་ཡ་ཡུལ་གྱི་བུད་མེད་ན༌རེ། ཁྱེད་ནི་ཡ་ཧུ་དཱ་པ་ཞིག་ཡིན་པས་སཱ་མར་ཡ་ཡུལ་གྱི་བུད་མེད་བདག་ལྟ་བུ་ལས་ཆུ་སློང་ངམ་ཞེས་སྨྲས་སོ།། དེ་ནི་མ་གཞི་ཡ་ཧུ་དཱ་པ་རྣམས་ཀྱིས་སཱ་མར་ཡ་པ་རྣམས་དང་འབྲེལ་འདྲིས་མི་བྱེད་པའི་ཕྱིར༌རོ།།  
\v 10 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་དཀོན་མཆོག་གི་གནང་སྦྱིན་དང་ཁྱོད་ལ་ཆུ་གནང་བར་མཛོད་ཅེས་ཟེར་མཁན་དེ་སུ་ཡིན་པ་ཤེས༌ན། ཁྱོད་ཀྱིས་སྔ་མོ་ནས་མི་དེ་བསྟེན་ཅིང་ཁོས་ཀྱང་སྔ་མོ་ནས་ཁྱོད་ལ་ཚེ་སྲོག་དང་ལྡན་པའི་ཆུ་ \f + \ft འདིར་བཤད་པའི་ཚེ་སྲོག་དང་ལྡན་པའི་ཆུ་ཞེས་པ་ལ་དམ་པའི་གསུང་རབ་ཀྱི་མ་ཕྱི་དག་ལས་ཆུ་གསོན་པོ་ཞེས་གསུངས་འདུག༌ཀྱང༌། འདི་ནི་དཔེའི་སྒོ་ནས་དམ་པའི་ཐུགས་ཉིད་ལ་གོ་བ་ཡིན་པས་དོན་སྒྱུར་བྱས་པ༌ཡིན། འཕྲིན་བཟང་འདིའི་ལེའུ་བདུན་པའི་ཚིག་རྐང་སོ་བརྒྱད་དང་སོ་དགུ་གཉིས་སུའང༌མཐོང༌། \f*གནང་ངེས་ཡིན་ཞེས་གསུངས་སོ།།  
\v 11 ཡང་བུད་མེད་ན༌རེ། ཇོ་བོ་ལགས། ཁྲོན་པ་འདི་གཏིང་ཟབ་ཅིང་ཁྱེད་ལ་ཆུ་བཅུ་བྱེད་ཀྱི་ཡོ་བྱད་ཀྱང་མེད་པས་ཚེ་སྲོག་དང་ལྡན་པའི་ཆུ་དེ་གང་ནས་ལེན༌ནམ།  
\v 12 ངེད་ཅག་གི་མེས་པོ་ཡ་ཀོབ་ཀྱིས་ཁྲོན་པ་འདི་ངེད་རྣམས་ལ་གནང༌ཞིང༌། ཁོང་དང་རང་གི་བུ་རྣམས་དང་གཞན་ཡང་ཕྱུགས་ཟོག་ཐམས་ཅད་ཀྱིས་ཀྱང་ཁྲོན་པའི་ཆུ་འདི་འཐུངས་པ་ཡིན། འོན་ཀྱང་ཁྱེད་ནི་ཡ་ཀོབ་ལས་ཀྱང་ཆེན་པོ་ཞིག་ཡིན་ནམ་ཞེས་སྨྲས་སོ།།  
\v 13 ཡང་སྐྱབས་མགོན་ཡེ་ཤུས་འདི་སྐད༌དུ། ཆུ་འདི་འཐུང་བ་རྣམས་སླར་ཡང་སྐོམ་པར་འགྱུར༌མོད།  
\v 14 འོན་ཀྱང་སུ་ཞིག་གིས་ངས་གནང་བའི་ཆུ་འཐུངས་ན་ནམ་ཡང་སྐོམ་པར་མི་འགྱུར། ངས་གནང་བའི་ཆུ་འདི་མི་སུ་ཞིག་གི་སེམས་སུ་ཆུ་མིག་འཕྱུར་བ་ལྟ་བུ་ཞིག་ཏུ་གྱུར་ཏེ་མཐའ་མེད་པའི་ཚེ་སྲོག་འཐོབ་པར་བྱེད་ཅེས་གསུངས་སོ།།  
\v 15 ཡང་བུད་མེད་ན༌རེ། ཇོ་བོ་ལགས། དེས་ན་ཆུ་དེ་བདག་ལ་གནང་བར༌མཛོད། ངས་ཆུ་དེ་འཐུངས་ན་ང་རང་སྐོམ་མི་སྲིད་ལ་ལམ་རིང་པོ་འདི་ལྟ་བུར་ཆུ་ལེན་དུའང་ཡོང་མི་དགོས་ཞེས་སྨྲས་སོ།།   
\p
\v 16 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རང་སོང་ནས་རང་གི་སྐྱེས་པའང་འདིར་བོས་ཤིག་ཅེས་གསུངས་པ༌ན།  
\v 17 བུད་མེད་ན༌རེ། ང་ལ་སྐྱེས་པ་མེད་ཅེས་སྨྲས་སོ།། ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་སྐྱེས་པ་མེད་ཅེས་ཟེར་བ་བདེན་འདུག  
\v 18 སྔོན་ཆད་ཁྱོད་ལ་སྐྱེས་པ་ལྔ་ཡོད་མྱོང༌། ད་ལྟ་ཡོད་པ་དེའང་ཁྱོད་ཀྱི་སྐྱེས་པ་མ་ཡིན་པས་ཁྱོད་ཀྱིས་གཏམ་བདེན་པར་སྨྲས་ཞེས་གསུངས་པ་ན།  
\v 19 བུད་མེད་ན༌རེ། ཇོ་བོ་ལགས། བདག་གིས་ཁྱེད་རང་ནི་ལུང་སྟོན་པ་ཞིག་ཡིན་པ་ཤེས།  
\v 20 ངེད་ཅག་གི་ཕ་མེས་ཀྱིས་རི་བོ་འདིའི་སྟེང་ནས་དཀོན་མཆོག་ལ་བསྙེན་བཀུར་བྱས་པ༌ཡིན། འོན་ཀྱང་། ཡ་ཧུ་དཱ་པ་ཁྱོད་རྣམས་ཀྱིས་དཀོན་མཆོག་ལ་བསྙེན་བཀུར་བྱེད་དགོས་ཟེར་བའི་གནས་ནི་ཡེ་རུ་སཱ་ལེམ་ཡིན་ཞེས་སྨྲས་སོ།།  
\v 21 ཡང་སྐྱབས་མགོན་ཡེ་ཤུས་འདི་སྐད༌དུ། བུད་མེད་ཁྱོད་ཀྱིས་བདག་ལ་ཡིད་ཆེས་པར༌གྱིས། རི་བོ་འདི་དང་ཡེ་རུ་སཱ་ལེམ་གང་ཡང་མ་ཡིན༌པར། ཡབ་ལ་བསྙེན་བཀུར་བྱེད་པའི་དུས་ཤིག་སླེབ་པར་འགྱུར།  
\v 22 ཁྱོད་རྣམས་ཀྱིས་རྒྱུས་མེད་པ་དེ་ལ་བསྙེན་བཀུར་བྱེད་པ༌དང༌། ངེད་རྣམས་ཀྱིས་རྒྱུས་ཡོད་པ་དེ་ལ་བསྙེན་བཀུར་བྱེད་པ་ཡིན༌ཏེ། ཅིའི་ཕྱིར་ཞེ་ན། ཐར་པ་ནི་ཡ་ཧུ་དཱ་པ་ལས་བྱུང་བ་ཡིན།  
\v 23 འོན་ཀྱང་། ཡབ་ལ་བསྙེན་བཀུར་བྱེད་པའི་དུས་ཤིག་སླེབ་ངེས་ཤིང་ད་ལྟའི་དུས༌ཡིན་ཏེ། བསྙེན་བཀུར་རྣམ་དག་བྱེད་མཁན་རྣམས་ཀྱིས་ཡབ་ལ་དམ་པའི་ཐུགས་ཉིད་དང་བདེན་པ་ཉིད་ཀྱི་སྒོ་ནས་བསྙེན་བཀུར་བྱེད་པར་འགྱུར་རོ།། ཅིའི་ཕྱིར་ཞེ་ན། ཡབ་ཀྱིས་བསྙེན་བཀུར་བྱེད་མཁན་མི་དེ་ལྟ་བུ་རྣམས་འཚོལ་བའི་ཕྱིར་ཡིན།  
\v 24 དཀོན་མཆོག་ནི་ཐུགས་ཉིད་ཡིན་པས་ཁོང་ལ་བསྙེན་བཀུར་བྱེད་མཁན་རྣམས་ཀྱིས་དམ་པའི་ཐུགས་ཉིད་དང་བདེན་པ་ཉིད་ཀྱི་སྒོ་ནས་བསྙེན་བཀུར་བྱེད་དགོས་ཞེས་གསུངས་སོ།།  
\v 25 ཡང་བུད་མེད་ན༌རེ། ངས་སྐྱབས་མགོན་མཱ་ཤི་ཀ་སྟེ་ཁི་རིའི་སི་ཐོ་ཟེར་བ་དེ་ཕེབས་ངེས་པ་ཤེས༌ལ། ཁོང་ཉིད་ཕེབས་ནས་ངེད་རྣམས་ལ་དོན་ཐམས་ཅད་གསུང་བར་འགྱུར་ཞེས་སྨྲས་པ༌ལ།  
\v 26 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་གླེང་བཞིན་པའི་མི་དེ་ནི་ང་རང་ཡིན་ཞེས་གསུངས༌སོ།།   
\s1 ཐུགས་སྲས་རྣམས་ཕྱིར་ལོག་ནས་སྐྱབས་མགོན་ཡེ་ཤུར་མཇལ༌བ།  
\p
\v 27 དེའི་ཚེ་ཐུགས་སྲས་རྣམས་ཕྱིར་ལོག་པ༌དང་། སྐྱབས་མགོན་ཡེ་ཤུས་བུད་མེད་ཅིག་ལ་གསུང་གླེང་མཛད་ཀྱིན་ཡོད་པ་མཐོང་སྟེ་ཧ་ལས༌པ་རེད། འོན་ཀྱང་སུས་ཀྱང་ཁོང་ལ་ཁྱེད་ཀྱིས་ཅི་དགོངས༌སམ། བུད་མེད་དེ་ལ་གསུང་གླེང་མཛད་དོན་ཅི་ཞེས་འདྲི་མ་ཕོད་དོ།།  
\v 28 དེ་ནས་བུད་མེད་དེས་རང་གི་ཆུ་ཟོ་བསྐྱུར་ཏེ་གྲོང་རྡལ་དུ་སོང་ནས་མི་རྣམས་ལ་ན༌རེ།  
\v 29 ཁྱོད་རྣམས་ཤོག་དང་། འདིར་མི་ཞིག་ཡོད་པར་ལྟོས་ཤིག དེས་ངས་བྱས་པའི་དོན་ཐམས་ཅད་རེ་རེ་བཞིན་གསུངས་པས་ཁོ་རང་ནི་སྐྱབས་མགོན་མཱ་ཤི་ཀ་ཡིན་ཀྱང་སྲིད་ཅེས་སྨྲས་པ༌དང༌།  
\v 30 མི་དེ་རྣམས་ཀྱང་གྲོང་རྡལ་ལས་ཕྱིར་ཐོན་ཏེ་སྐྱབས་མགོན་ཡེ་ཤུའི་ཕྱོགས་སུ་ཆས༌སོ།།   
\p
\v 31 དེའི་དུས༌སུ། ཐུགས་སྲས་རྣམས་ན༌རེ། རཱབ་པེ་ལགས། ཞལ་ཟས་བཞེས་རོགས་ཞེས་ནན་གྱིས་ཞུས་ནའང་།  
\v 32 ཁོང་གིས་ཐུགས་སྲས་རྣམས་ལ་འདི་སྐད༌དུ། བདག་ལ་ཁ་ཟས་ཡོད་ཀྱང་ཁྱོད་ཅག་གིས་ཟས་དེ་ཅི་ཡིན་མི་ཤེས་ཞེས་གསུངས་པས།  
\v 33 ཐུགས་སྲས་རྣམས་ཕན་ཚུན་ན༌རེ། ཡང་ན་མི་ཞིག་གིས་ཁོང་ལ་ཁ་ཟས་ཕུལ་བ་ཡིན་ནམ་ཞེས་སྨྲས་སོ།།  
\v 34 དེ་ནས་སྐྱབས་མགོན་ཡེ་ཤུས་འདི་སྐད༌དུ། ང་རང་མངགས་མཁན་གྱི་དགོངས་པ་བཞིན་དུ་བྱེད་པ་དང་ཁོང་གི་ཆོས་དོན་སྒྲུབ་པ་དེ་ནི་བདག་གི་ཁ་ཟས་ཡིན།  
\v 35 ཁྱོད་ཅག་གི་ཁ་དཔེ༌ལ། ཞིང་འབྲེག་པའི་དུས་ལ་ད་དུང་ཟླ་བ་བཞི་ཡོད་ཅེས་ཟེར་བ་མིན༌ནམ། འོན་ཀྱང་བདག་གིས་ཁྱོད་རྣམས་ལ་འདི་སྐད་སྨྲ༌སྟེ། ཁྱོད་ཅག་གིས་ཞིང་ལ་ལྟོས༌དང༌། ལོ་ཏོག་སྨིན་པར་གྱུར་པས་ཞིང་འབྲེག་རན༌ཏེ།  
\v 36 ཞིང་འབྲེག་མཁན་ལ་གླ་ཆ་ཐོབ་ཟིན་པ༌དང༌། མཐའ་མེད་པའི་ཚེ་སྲོག་གི༌ཆེད་དུ་འབྲས་བུ་བསྡུ་གསོག་བྱེད་བཞིན་ཡོད་ལ། དེ་ནི་ས་བོན་འདེབས་མཁན་དང་ཞིང་འབྲེག་མཁན་གཉིས་ཀ་མཉམ་དུ་དགའ་ཞིང་སྤྲོ་བར་འགྱུར་བའི་ཕྱིར་རོ།།  
\v 37 ཡང་ཁ་དཔེ༌ལ།  
\q1 མི་དེ་ཡིས་ས་བོན༌བཏབ།།  
\q1 མི་འདི་ཡིས་འབྲུ་རིགས༌བསྡུས།།  
\m ཞེས་པ་དེ་བདེན༌ནོ།།  
\v 38 བདག་གིས་ཁྱོད་རྣམས་ངལ་བའི་ལས་ལ་མ་བརྟེན་པ་གང་དེ་བསྡུ་བར་མངགས་པ་ཡིན། མི་གཞན་གྱིས་ངལ་བའི་ལས་ལ་བརྟེན་ཅིང་ཁྱོད་ཅག་གིས་ངལ་བའི་འབྲས་བུ་དེ་ལོངས་སུ་སྤྱད་པ་ཡིན་ཞེས་གསུངས༌སོ།།   
\s1 སཱ་མར་ཡ་ཡུལ་གྱི་མི་མང་པོས་སྐྱབས་མགོན་ཡེ་ཤུར་དད་པ་བྱས༌པ།  
\p
\v 39 དེ་ཡང་སྐྱབས་མགོན་ཡེ་ཤུས་བདག་གིས་ཅི་བྱས་ཐམས་ཅད་གསུངས་བྱུང་ཞེས་བུད་མེད་དེས་བདེན་དཔང་བྱས༌པས། སི་གར་གྲོང་རྡལ་གྱི་སཱ་མར་ཡ་པ་མང་པོ་ཞིག་གིས་ཀྱང་སྐྱབས་མགོན་ཡེ་ཤུ་ལ་དད་པ་བྱས་པ་རེད།  
\v 40 དེ་ནས་སཱ་མར་ཡ་པ་རྣམས་སྐྱབས་མགོན་ཡེ་ཤུའི་དྲུང་དུ་ཡོང་ནས་ཁོ་རྣམས་དང་མཉམ་དུ་བཞུགས་པར་ཞུས་པ༌ན། ཁོང་ཡང་ཉིན་གཉིས་ཀྱི་རིང་ལ་གནས་དེར་བཞུགས།  
\v 41 ཁོང་གིས་ཆོས་གསུངས་པས་དད་པ་བྱེད་མཁན་ཡང་སྔར་ལས་ཇེ་མང་དུ་གྱུར་ཏོ།།  
\v 42 དེ་ནས་སཱ་མར་ཡའི་དད་ལྡན་རྣམས་ཀྱིས་བུད་མེད་དེ༌ལ། ད་ལྟ་ངེད་རྣམས་ཀྱིས་དད་པ་བྱེད་པ་ནི་ཁྱོད་ཀྱི་གཏམ་ཐོས་པས་མ་ཡིན༌ཏེ། ངེད་ཅག་གིས་རང་གི་རྣ་བས་དངོས་སུ་ཐོས་པས་ཁོང་ནི་དངོས་གནས་འཇིག་རྟེན་གྱི་སྐྱབས་མགོན་ཡིན་པ་ཤེས་ཞེས་སྨྲས༌སོ།།   
\s1 སྐྱབས་མགོན་ཡེ་ཤུས་བློན་ཆེན་ཞིག་གི་བུ་གསོས༌པ།  
\p
\v 43 དེ་ཡང་ཉིན་གཉིས་ཀྱི་རྗེས་སུ། སྐྱབས་མགོན་ཡེ་ཤུ་གནས་དེ་དང་བྲལ་ནས་ག་ལིལ་ཡུལ་དུ་ཕེབས་པ་རེད།  
\v 44 ཅིའི་ཕྱིར་ཞེ་ན། སྐྱབས་མགོན་ཡེ་ཤུས་སྔ་མོ་ནས་འདི་སྐད༌དུ། ལུང་སྟོན་པ་ལ་རང་ཡུལ་ནས་བརྩི་བཀུར་མི་བྱེད་ཅེས་བདེན་དཔང་མཛད་པས༌སོ།།  
\v 45 དེ་ནས་ཁོང་ཉིད་ག་ལིལ་ཡུལ་དུ་བྱོན་པའི༌ཚེ། སྔོན་ཆད་ཡུལ་དེའི་མི་རྣམས་ཡེ་རུ་སཱ་ལེམ་གྱི་པེ་སག་གི་དུས་ཆེན་ལ་སོང༌ཞིང༌། ཁོང་གིས་གནས་དེ་རུ་མཛད་པའི་ངོ་མཚར་བའི་དོན་ཐམས་ཅད་ཀྱང་མཐོང་མྱོང་བས་ཁོང་ལ་བསུ་བ་བྱས་སོ།།   
\p
\v 46 དེ་ནས་སྐྱབས་མགོན་ཡེ་ཤུ་སླར་ཡང་ཆུ་རྒུན་ཆང་དུ་བསྒྱུར་མྱོང་བའི་ག་ལིལ་ཡུལ་གྱི་ཀ་ནཱ་རུ་ཕེབས་པ༌དང༌། གནས་དེར་བློན་ཆེན་ཞིག་ཡོད་པའི་བུ་ནི་ཀཱ་ཕར་ན་ཧུམ་དུ་ཡོད་ཅིང་ན་ཚ་བྱུང་བ་རེད།  
\v 47 བློན་ཆེན་དེས་སྐྱབས་མགོན་ཡེ་ཤུ་ཁོང་ཉིད་ཡ་ཧུ་དཱའི་ཡུལ་ནས་ག་ལིལ་ཡུལ་དུ་ཕེབས་པ་ཐོས་ཏེ་ཁོང་གི་དྲུང་དུ་ཕྱིན༌ཅིང༌། རང་གི་བུ་འཆི་ལ་ཉེ་བས་ཁོང་ཉིད་ཕེབས་ནས་བུ་ཡི་ནད་འཇོམས་པར་ཞུ་བ་ཞུས་པ༌ལ།  
\v 48 སྐྱབས་མགོན་ཡེ་ཤུས་བློན་ཆེན་དེ་ལ་འདི་སྐད༌དུ། ཁྱོད་རྣམས་ཀྱིས་གྲུབ་རྟགས་དང་ངོ་མཚར་བའི་དོན་རྣམས་མ་མཐོང་ན་དད་པ་མི་བྱེད་ཅེས་གསུངས་སོ།།  
\v 49 ཡང་བློན་ཆེན་ན༌རེ། ཇོ་བོ༌ལགས། ཁྱེད་རང་བདག་གི་བུ་མ་ཤི་སྔོན་ལ་ཕེབས་པར་མཛོད་ཅེས་ཞུས་སོ།།  
\v 50 ཡང་སྐྱབས་མགོན་ཡེ་ཤུས་འདི་སྐད༌དུ། ཕྱིར་སོང་དང་ཁྱོད་ཀྱི་བུ་གསོན་པོར་གནས་ཞེས་གསུངས་པ༌དང༌། བློན་ཆེན་གྱིས་སྐྱབས་མགོན་ཡེ་ཤུས་གསུངས་པའི་བཀའ་ལ་ཡིད་ཆེས་ཏེ་ཕྱིར་ལོག་ཅིང་།  
\v 51 ལམ་བར་དུ་བློན་ཆེན་དེའི་གཡོག་པོ་རྣམས་ཁོ་རང་བསུ་རུ་ཡོང་ནས་ཁྱེད་ཀྱི་བུ་གསོན་པོར་འདུག་ཅེས་སྨྲས་སོ།།  
\v 52 དེ་ནས་ཁོས་དུས་ནམ་ཞིག་ལ་སོས་པར་གྱུར་རམ་ཞེས་དྲིས་པ༌ལ། དེ་རྣམས་ན༌རེ། ཁ་སང་ཉིན་གུང་གི་ཆུ་ཚོད་གཅིག་ཙམ་ \f + \ft ཁ་སང་ཉིན་གུང་གི་ཆུ་ཚོད་གཅིག་ཙམ་ཞེས་པ་ལ་དམ་པའི་གསུང་རབ་ཀྱི་མ་ཕྱི་དག་ལས་ཆུ་ཚོད་བདུན་ཞེས༌མཐོང༌། དེ་ནི་ཡ་ཧུ་དཱ་པའི་བརྩི་སྲོལ་ལྟར་དོན་སྒྱུར་བྱས་པ༌ཡིན། \f*ལ་བུའི་ལུས་ཀྱི་ཚ་བཞག་པའོ་ཞེས་སྨྲས་སོ།།  
\v 53 དེ་ནས་བློན་ཆེན་གྱིས་ཁ་སང་སྐྱབས་མགོན་ཡེ་ཤུས་ཁྱོད་ཀྱི་བུ་གསོན་པོར་གནས་ཞེས་གསུངས་པའི་དུས་དེར་རང་གི་བུ་སོས་པར་གྱུར་པའང་ཤེས༌ཏེ། ཁོ་དང་ཁྱིམ་མི་ཐམས་ཅད་སྐྱབས་མགོན་ཡེ་ཤུ་ལ་དད་པར་གྱུར་ཏོ།།  
\v 54 དོན་འདི་ནི་སྐྱབས་མགོན་ཡེ་ཤུ་ཁོང་ཉིད་ཡ་ཧུ་དཱའི་ཡུལ་ནས་སླར་ཡང་ག་ལིལ་ཡུལ་དུ་ཕེབས་ཏེ་མཛད་པའི་གྲུབ་རྟགས་གཉིས་པ་ཡིན༌ནོ།།   
\c 5
\cl ལེའུ་ལྔ༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 མི་ཞ་བོ་ཞིག་གསོས༌པ།  
\p
\v 1 དོན་དེ་དག་བྱུང་བའི་རྗེས༌སུ། ཡ་ཧུ་དཱ་པའི་དུས་ཆེན་ཞིག་ཡོད༌ཅིང༌། སྐྱབས་མགོན་ཡེ་ཤུའང་ཡར་ཡེ་རུ་སཱ་ལེམ་དུ་ཕེབས་པ་རེད།  
\v 2 དེ་ཡང་ཡེ་རུ་སཱ་ལེམ་གྱི་ལུག་སྒོ་དང་ཉེ་སར་རྫིང་བུ་ཞིག་ཡོད༌ལ། དེའི་མིང་ལ་ཨིབ་རིའི་མི་རིགས་ཀྱི་སྐད་དུ་པེ་ཐེས་དཱ་ཞེས་ཟེར་ཞིང་དེ་ལ་ཁྱམས་ར་ལྔ་ཡོད་དོ།།  
\v 3 དེའི་ནང་དུ་ལོང་བ་དང་གྱོལ་པོ། ལུས་གཟུགས་རིད་པོ་ལ་སོགས་པའི་ནད་པ་མང་པོ་ཉལ་འདུག༌ཅིང༌། རྫིང་ཆུ་དེ་འཕྱུར་བར་སྒུག་ཡོད༌དེ།  
\v 4 རྒྱུ་མཚན་ནི་དཀོན་མཆོག་གི་ཕོ་ཉ་ཞིག་དུས་ལྟར་ནམ་མཁའ་ལས་བབས་ཏེ་ཆུ་དཀྲུགས་པ༌ན། ནད་པ་གང་ཞིག་སྔོན་ལ་ཆུའི་ནང་དུ་འཛུལ་བ་དེ་ནད་ལས་ཐར་བ་ཡིན།  
\v 5 དེ་རུ་ལོ་ངོ་སོ་བརྒྱད་རིང་ལ་ནད་ཀྱིས་མནར་བའི་མི་ཞིག་ཀྱང་ཡོད༌ལ།  
\v 6 སྐྱབས་མགོན་ཡེ་ཤུས་ནད་པ་དེ་ཉལ་ནས་བསྡད་ཡོད་པ་གཟིགས༌ཤིང༌། ནད་ཀྱིས་མནར་ནས་ཡུན་རིང་འགོར་བའང་མཁྱེན་ཏེ་འདི་སྐད༌དུ། ཁྱོད་རང་ནད་ལས་ཐར་འདོད་དམ་ཞེས་གསུངས་པ༌ན།  
\v 7 ནད་པ་ན༌རེ། ཇོ་བོ༌ལགས། ཆུ་འཕྱུར་བའི་དུས་སུ་ང་རང་རྫིང་བུའི་ནང་དུ་སྐྱེལ་མཁན་མེད༌པས། ང་རང་ཆུའི་ནང་དུ་འཛུལ་བར་རྩོམ་པ་ན་མི་གཞན་ཞིག་བདག་གི་སྔོན་ལ་ཆུའི་ནང་དུ་འཛུལ་ཟིན་ཞེས་སྨྲས་སོ།།  
\v 8 དེ་ནས་སྐྱབས་མགོན་ཡེ་ཤུས་ནད་པ་དེ་ལ་འདི་སྐད༌དུ། ཡར་ལོངས་ལ་རང་གི་ཁྱོགས་ཤིང་ཁུར་ནས་སྐྱོད་ཅིག་ཅེས་གསུངས་པ༌དང༌།  
\v 9 དེ་མ་ཐག་ནད་པ་དེ་ནད་ལས་ཐར་ཞིང་ཁྱོགས་ཤིང་ཁུར་ནས་འགྲོ་ཐུབ་པར་གྱུར་ཏོ།།  
\p ཉིན་དེ་ནི་ངལ་གསོ་བའི་ཉིན་མོ་ཡིན༌པས།  
\v 10 ཡ་ཧུ་དཱ་པ་རྣམས་ཀྱིས་ནད་ལས་ཐར་བའི་མི་དེ༌ལ། དེ་རིང་ནི་ངལ་གསོ་བའི་ཉིན་མོ་ཡིན་པས་ཁྱོད་ཀྱིས་ཁྱོགས་ཤིང་འཁུར་བ་ནི་བཀའ་ཁྲིམས་དང་མི་མཐུན་པ་ཡིན་ཞེས་སྨྲས་པ༌དང༌།  
\v 11 མི་དེ་ན༌རེ། བདག་གི་ནད་འཇོམས་པར་མཛད་མཁན་དེས་བདག་ལ་འདི་སྐད༌དུ། རང་གི་ཁྱོགས་ཤིང་ཁུར་ནས་སྐྱོད་ཅིག་གསུངས་པ་ཡིན་ཞེས་སྨྲས་པ༌དང༌།  
\v 12 ཡང་དེ་རྣམས་ན༌རེ། ཁྱོད་ལ་རང་གི་ཁྱོགས་ཤིང་ཁུར་ནས་སྐྱོད་ཅིག་ཅེས་ཟེར་མཁན་དེ་སུ་ཡིན་ནམ་ཞེས་དྲིས་སོ།།  
\v 13 འོན༌ཀྱང༌། ནད་ལས་ཐར་བའི་མི་དེས་ནད་འཇོམས་མཁན་དེ་སུ་ཡིན་པ་མི་ཤེས༌ཏེ། གནས་དེར་མི་ཚོགས་མང་ཞིང་སྐྱབས་མགོན་ཡེ་ཤུའང་ཁོ་རྣམས་ཀྱི་གྲས་སུ་ཕེབས་པས༌སོ།།  
\v 14 དེའི་རྗེས༌སུ། སྐྱབས་མགོན་ཡེ་ཤུས་མཆོད་ཁང་དུ་ནད་ལས་ཐར་བའི་མི་དེ་རྙེད་ནས་འདི་སྐད༌དུ། ལྟོས་དང་། ཁྱོད་རང་ད་ལྟ་ནད་ལས་ཐར་ཏེ་ལུས་ཁམས་བདེ༌བས། ཕྱིས་སུ་དེ་ལས་ལྷག་པའི་སྡུག་བསྔལ་ཆེན་པོ་མི་མྱང་བའི་ཕྱིར་སྡིག་པ་མ་བྱེད་ཅེས་གསུངས་སོ།།  
\v 15 དེ་ནས་མི་དེ་ཡ་ཧུ་དཱ་པ་རྣམས་ཀྱི་གམ་དུ་སོང༌སྟེ། རང་གི་ནད་འཇོམས་པར་མཛད་མཁན་དེ་ནི་སྐྱབས་མགོན་ཡེ་ཤུ་ཡིན་པར་སྨྲས༌སོ།།   
\s1 དཀོན་མཆོག་གི་སྲས་ནས་ཚེ་སྲོག་ཐོབ་པ།  
\p
\v 16 སྐྱབས་མགོན་ཡེ་ཤུས་ངལ་གསོ་བའི་ཉིན་ལ་དེ་ལྟར་མཛད་པས་ཡ་ཧུ་དཱ་པ་རྣམས་ཀྱིས་ཁོང་ལ་གནོད་འཚེ་བྱས།  
\v 17 སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། བདག་གི་ཡབ་ཀྱིས་ད་ལྟའི་བར་དུ་འཕྲིན་ལས་སྣ་ཚོགས་མཛད༌ཅིང༌། བདག་གིས་ཀྱང་འཕྲིན་ལས་མཛད་པ་ཡིན་ཞེས་གསུངས་པ༌ན།  
\v 18 ཡ་ཧུ་དཱ་པ་རྣམས་ཀྱིས་སྔར་ལས་ལྷག་པར་ཁོང་ཉིད་དགྲོང་འདོད༌པ་རེད། རྒྱུ་མཚན་ནི་ཁོང་ཉིད་ངལ་གསོ་བའི་ཉིན་མོའི་ཆོས་ཁྲིམས་དང་འགལ་བར་མ༌ཟད། དཀོན་མཆོག་ནི་རང་གི་ཡབ་ཡིན་ཞེས་ཀྱང་གསུངས༌ཏེ། ཁོང་དང་དཀོན་མཆོག་གཉིས་འདྲ་མཉམ་ཡིན་པར་བྱས་པའི་ཕྱིར༌རོ།།   
\p
\v 19 དེ་ནས་སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར༌སྨྲ་སྟེ། ཡབ་ཀྱིས་དོན་གང་ཞིག་མཛད་པ་བཞིན་སྲས་ཀྱིས་ཀྱང་དེ་ལྟར་མཛད༌པས། སྲས་རང་ཉིད་ཀྱིས་ཡབ་ལ་མ་བརྟེན་པར་ལས་ཅི་ཡང་བྱ་མི་ནུས༌ཤིང༌། ཡབ་ཀྱིས་དོན་གང་ཞིག་མཛད་པ་སྲས་ཀྱིས་མཐོང་གྱུར་ན་སྲས་རང་གིས་ཀྱང་དེ་ལྟར་བྱ་ནུས༌སོ།།  
\v 20 རྒྱུ་མཚན་ནི་ཡབ་ཀྱིས་སྲས་གཅེས་སུ་འཛིན༌ཞིང་། ཁོང་ཉིད་ཀྱིས་མཛད་བཞིན་པའི་དོན་ཐམས་ཅད་སྲས་ལ་སྟོན་པར་མ༌ཟད། ཁྱོད་རྣམས་ངོ་མཚར་བའི་ཆེད་དུ་འདི་རྣམས་ལས་ཆེ་བའི་འཕྲིན་ལས་ཀྱང་སྟོན་པར་མཛད་ངེས་སོ།།  
\v 21 ཡང་ཡབ་ཀྱིས་གཤིན་པོ་རྣམས་ཇི་ལྟར་སླར་གསོན་པར་མཛད་དེ་ཚེ་སྲོག་གནང་བ༌བཞིན། སྲས་ཀྱིས་ཀྱང་རང་གི་འདུན་པ་བཞིན་མི་རྣམས་ལ་ཚེ་སྲོག་གནང་བ་ཡིན།  
\v 22 ཡང་ཡབ་ཀྱིས་མི་སུ་ལའང་ལེགས་ཉེས་ཀྱི་ཁྲིམས་ཐག་མི་གཅོད་པར་དབང་དེ་ཐམས་ཅད་སྲས་ལ་སྤྲད་པ་ཡིན་ནོ།།  
\v 23 དེ་ནི་མི་ཐམས་ཅད་ཀྱིས་ཡབ་ལ་མོས་གུས་བྱེད་པ་ལྟར་སྲས་ལའང་མོས་གུས་བྱེད་པའི་ཕྱིར༌ཡིན། འོན་ཀྱང་སུ་ཞིག་གིས་སྲས་ལ་མོས་གུས་མི་བྱེད་ན། སྲས་མངགས་མཁན་ཏེ་ཡབ་ལའང་མོས་གུས་མི་བྱེད།  
\v 24 ཡང་བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། སུ་ཞིག་གིས་བདག་གི་བཀའ་ལ་ཉན་ཞིང་ང་རང་མངགས་མཁན་ལ་དད་པ་བྱས་ཡོད་པ་ཡིན༌ན། མི་དེ་རྣམས་ལ་མཐའ་མེད་པའི་ཚེ་སྲོག་ཐོབ་ཡོད་པ༌དང༌། ཉེས་ཆད་གཅོད་པར་མི་འགྱུར་ཞིང་། མི་དེ་རྣམས་འཆི་བ་ལས་གྲོལ་ནས་ཚེ་སྲོག་གི་ནང་དུ་ཞུགས་པ་ཡིན་ནོ།།   
\p
\v 25 ཡང་བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། གཤིན་པོ་རྣམས་ཀྱིས་དཀོན་མཆོག་གི་སྲས་ཀྱི་གསུང་སྐད་ཐོས་པའི་དུས་ཤིག་སླེབ་པར་འགྱུར་ཞིང་དུས་དེ་ནི་ད་ལྟ་ཡིན། གསུང་དེར་མཉན་པ་རྣམས་ཀྱང་གསོན་པར་འགྱུར་རོ།།  
\v 26 རྒྱུ་མཚན་ནི་ཡབ་ཀྱི་ནང་དུ་ཚེ་སྲོག་བཞུགས་པ་བཞིན་ཁོང་གིས་སྲས་ལའང་དེ་ལྟར་ཚེ་སྲོག་ཡོད་པར་མཛད་པ་ལགས་སོ།།  
\v 27 སྲས་དེ་ནི་མིའི་བུ་ཡིན་པས་ལེགས་ཉེས་ཀྱི་ཁྲིམས་ཐག་གཅོད་པའི་དབང་ཡང་སྲས་ལ་གནང༌བ་ཡིན།  
\v 28 ཁྱོད་རྣམས་དོན་འདིར་ངོ་མཚར་བར་མི༌བྱའོ།། དེ་ཡང་དུར་ཁུང་དུ་སྡོད་པ་ཐམས་ཅད་ཀྱིས་སྲས་ཀྱི་གསུང་སྐད་ཐོས་ནས། དེ་རྣམས་སླར་གསོན་པར་འགྱུར་བའི་དུས་ཤིག་སླེབ་ངེས༌ཤིང༌།  
\v 29 ལས་བཟང་པོ་བྱས་པ་ཐམས་ཅད་ཚེ་སྲོག་འཐོབ་པའི་ཕྱིར་སླར་གསོན་པ༌དང༌། ལས་ངན་པ་བྱས་པ་ཐམས་ཅད་ལ་ཉེས་ཆད་གཅོད་པའི༌ཕྱིར་སླར་གསོན་པར་འགྱུར་རོ།།  
\v 30 ང་རང་ཁོ་ན་ལ་བརྟེན་ནས་ལས་ཅི་ཡང་བྱ་མི་ནུས༌ཤིང༌། རང་གི་ཡབ་ཀྱི་བཀའ་ཇི་ལྟར་ཐོས་པ་བཞིན་བདག་གིས་ཀྱང་ལེགས་ཉེས་ཀྱི་ཁྲིམས་ཐག་གཅོད་པར་བྱེད། བདག་གིས་རང་གི་བསམ་ཚུལ་བཞིན་དུ་མི་བྱ༌བར། ང་རང་མངགས་མཁན་ཡབ་ཀྱི་དགོངས་པ་བཞིན་དུ་སྒྲུབ་པ་ཡིན༌པས། བདག་གིས་གཅོད་པར་བྱེད་པའི་ཁྲིམས་ཐག་དེ་ནི་དྲང་བདེན་ཡིན་ཞེས་གསུངས་སོ།།   
\s1 སྐྱབས་མགོན་ཡེ་ཤུ་ལ་བདེན་དཔང་བྱེད་པ།  
\p
\v 31 ཡང་འདི་སྐད་དུ། གལ་ཏེ་ངས་རང་གིས་རང་ལ་བདེན་དཔང་བྱས་ན་བདག་གི་དཔང་པོ་དེ་ནི་བདེན་པ་མ་ཡིན།  
\v 32 བདག་ལ་བདེན་དཔང་མཛད་མཁན་གཞན་ཞིག་ཡོད་ཅིང་བདག་གིས་ཀྱང་ཁོང་གིས་བདེན་དཔང་མཛད་པ་དེ་བདེན་པ་ཡིན་པར་རྟོགས་སོ།།  
\v 33 གཞན༌ཡང༌། ཁྱོད་རྣམས་ཀྱིས་ཁྲུས་གསོལ་མཁན་ཡོ་ཧ་ནན་གྱི་དྲུང་དུ་མི་འགའ་ཞིག་མངགས་མྱོང༌ཞིང༌། ཡོ་ཧ་ནན་གྱིས་ཀྱང་བདེན་པ་ཉིད་ལ་བདེན་དཔང་བྱས་པ་ཡིན།  
\v 34 དོན་དམ་དུ་བདག་ལ་འཐོབ་པའི་བདེན་དཔང་ནི་མི་ཡི་རིགས་ལས་འཐོབ་པ་མ་ཡིན་ཡང་ཁྱོད་རྣམས་སྐྱོབ་པའི་ཆེད༌དུ་བདག་གིས་གཏམ་འདི་རྣམས་སྨྲས༌པ་ཡིན།  
\v 35 ཁྲུས་གསོལ་མཁན་ཡོ་ཧ་ནན་ནི་འབར་ཞིང་འོད་སྣང་འཕྲོ་བའི་སྒྲོན་མེ་ཞིག་དང་མཚུངས༌ཤིང༌། ཁྱོད་རྣམས་རེ་ཞིག་ཁོང་གི་སྒྲོན་མེའི་འོད་སྣང་ལ་རང་གི་མོས་པ་བཞིན་དུ་དགའ་བར་བྱེད༌དོ།།   
\p
\v 36 འོན་ཀྱང་བདག་ལ་ཁྲུས་གསོལ་མཁན་ཡོ་ཧ་ནན་གྱི་བདེན་དཔང་ལས་ཀྱང་ཆེ་བའི་བདེན་དཔང་ཞིག་ཡོད༌དེ། ཡབ་ཀྱིས་བདག་ལ་བསྒྲུབ་པར་བཅོལ་བའི་དོན་རྣམས་ནི་བདག་གིས་སྒྲུབ་བཞིན་པའི་ལས་ཡིན༌ལ། ལས་འདི་རྣམས་ཀྱིས་བདག་ནི་ཡབ་ཀྱིས་མངགས་པ་ཡིན་པར་བདེན་དཔང་བྱེད་པ་ཡིན་ནོ།།   
\p
\v 37 ང་རང་མངགས་མཁན་ཡབ་ཀྱིས་ཀྱང་བདག་ལ་བདེན་དཔང་མཛད༌པ་ཡིན། ཁྱོད་རྣམས་ཀྱིས་ཁོང་གི་གསུང་སྐད་ནམ་ཡང་ཐོས་པ་མེད་ཅིང་ཁོང་གི་གཟུགས་བརྙན་ཡང་མཐོང་བ་མེད།  
\v 38 ཁོང་གིས་མངགས་པ་དེ་ལ་ཁྱོད་རྣམས་ཀྱིས་དད་པ་མི་བྱེད༌པས། ཡབ་ཀྱི་བཀའ་ཡང་ཁྱོད་ཅག་གི་སེམས་ཁོང་དུ་མི་གནས་སོ།།   
\p
\v 39 ཁྱོད་རྣམས་ཀྱིས་གསུང་རབ་ལས་མཐའ་མེད་པའི་ཚེ་སྲོག་ཡོད་པར་བསམས་ཤིང་ནན་གྱིས་བརྟགས༌ནའང༌། གསུང་རབ་དེ་ལས་བདག་ལ་བདེན་དཔང་བྱས་ཡོད།  
\v 40 འོན་ཀྱང་ཁྱོད་རྣམས་བདག་གི་གམ་དུ་མཐའ་མེད་པའི་ཚེ་སྲོག་འཐོབ་པའི་ཆེད་དུའང་ཡོང་མི་འདོད༌དོ།།   
\p
\v 41 དེ་ཡང་བདག་ནི་མི་རྣམས་ལས་བཀུར་སྟི་འཐོབ་མི་འདོད་དོ།།  
\v 42 འོན་ཀྱང་དཀོན་མཆོག་གི་བྱམས་པ་ཁྱོད་ཅག་གི་སེམས་ནང་དུ་མེད་པ་བདག་གིས་ཤེས།  
\v 43 བདག་ནི་རང་གི་ཡབ་ཀྱི་མཚན་ལ་བརྟེན་ནས་ཡོང་ནའང་ཁྱོད་རྣམས་ཀྱིས་ང་རང་ལ་བསུ་བ་མི་བྱེད་ཅིང་། གལ་ཏེ་མི་གཞན་ཞིག་རང་གི་མིང་ལ་བརྟེན་ནས་ཡོང་ན་ཁྱོད་རྣམས་ཀྱིས་བསུ་བ་བྱེད༌པ་ཡིན་ནོ།།  
\v 44 ཁྱོད་རྣམས་ཀྱིས་ཕན་ཚུན་ལ་བཀུར་སྟི་བྱེད་པ༌ལས། དཀོན་མཆོག་ཁོ་ན་ཉིད་ནས་བྱུང་བའི་བསྟོད་བསྔགས་དེ་ལའང་མི་དགའ༌ན། ཁྱོད་ཅག་གིས་ཇི་ལྟར་བདག་ལ་དད་པ་བྱའམ།  
\v 45 འོན༌ཀྱང༌། ངས་རང་གི་ཡབ་ཀྱི་དྲུང་ནས་ཁྱོད་རྣམས་ལ་སྐྱོན་བརྗོད་པར་ངེས་ཞེས་ཁྱོད་ཅག་གིས་མ་སེམས༌ཤིག ཁྱོད་རྣམས་ལ་ཉེས་སྐྱོན་བརྗོད་མཁན་ནི་ཁྱོད་རྣམས་ཀྱིས་རེ་ལྟོས་བྱས་པའི་མོ་ཤེ་ཡིན་ནོ།།  
\v 46 གལ་ཏེ་ཁྱོད་རྣམས་མོ་ཤེ་ལ་ཡིད་ཆེས་ཡོད་ན་བདག་ལའང་ཡིད་ཆེས་ཡོད་དགོས༌ཏེ། ཁོང་གིས་བདག་གི་སྐོར་ཡི་གེར་བཀོད་ཡོད་པའི་ཕྱིར༌རོ།།  
\v 47 འོན༌ཀྱང༌། ཁྱོད་རྣམས་མོ་ཤེའི་མདོ་རྣམས་ལ་ཡིད་ཆེས་མེད་ན་བདག་གིས་སྨྲས་པའི་གཏམ་ལ་ཇི་ལྟར་ཡིད་ཆེས་སམ་ཞེས་གསུངས༌སོ།།   
\c 6
\cl ལེའུ་དྲུག༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུས་མི་ལྔ་སྟོང་འགྲང་བར་མཛད༌པ།  
\p
\v 1 དོན་དེ་དག་བྱུང་བའི་རྗེས༌སུ། སྐྱབས་མགོན་ཡེ་ཤུ་ཁོང་ཉིད་ཐེ་པེར་ཡཱ་སྟེ་ག་ལིལ་ཞེས་པའི་མཚོ་བརྒལ་ནས་མཚོའི་ཕ་རོལ་ཏུ་ཕེབས།  
\v 2 ཡང་ཁོང་གིས་ནད་པ་དག་ལ་མཛད་པའི་གྲུབ་རྟགས་རྣམས་མི་ཧ་ཅང་མང་པོས་མཐོང་སྟེ་ཁོང་གི་རྗེས་སུ་འབྲངས་སོ།།  
\v 3 དེ་ནས་སྐྱབས་མགོན་ཡེ་ཤུ་རི་མགོར་ཕེབས་ཤིང་རང་ཉིད་ཀྱི་ཐུགས་སྲས་རྣམས་དང་ལྷན་དུ་གནས་དེ་རུ་བཞུགས།  
\v 4 སྐབས་དེ་ནི་ཡ་ཧུ་དཱ་པའི་པེ་སག་གི་དུས་ཆེན་ལའང་སླེབས་ལ༌ཉེའོ།།   
\p
\v 5 དེ་ནས་སྐྱབས་མགོན་ཡེ་ཤུས་ཡར་བལྟས་པ་ན་མི་ཤིན་ཏུ་མང་པོ་ཁོང་གི་དྲུང་དུ་ཡོང་བཞིན་པ་གཟིགས་ཏེ་ཕི་ལིབ་ལ་འདི་སྐད༌དུ། ངེད་རྣམས་ཀྱིས་མི་འདི་རྣམས་ལ་ཁ་ཟས་སྟེར་བའི་བག་ལེབ་ཡུལ་གང་ནས་ཉོ་བར་བྱེད་དམ་ཞེས་གསུངས༌ཤིང༌།  
\v 6 ཁོང་གིས་ཇི་ལྟར་མཛད་དགོས་པ་མཁྱེན་ནའང་ཕི་ལིབ་ལ་བརྟག་ཆེད་དེ་ལྟར་གསུངས་སོ།།  
\v 7 ཕི་ལིབ་ན༌རེ། དངུལ་སྒོར་ཉིས་བརྒྱ་བཀོལ་ནས་ཉོས་པའི་བག་ལེབ་དེ་དག་ཁོ་རྣམས་ལ་ཅུང་ཙམ་རེ་བགོས་ཀྱང་འདང་བ་མིན་ཞེས་ཞུས་སོ།།  
\v 8 དེ་ནས་ཐུགས་སྲས་རྣམས་ལས་སི་མོན་པེ་ཏྲོའི་སྤུན་ཏེ་ཨན་དྲི་ཡཱ་ན༌རེ།  
\v 9 འདིར་བྱིས་པ་ཞིག་ཡོད་པ་དེའི་ལག་ཏུ་ནས་ཕྱེའི་བག་ལེབ་ལྔ་དང་ཉ་གཉིས་ཡོད་ནའང་མི་འདི་འདྲ་མང་པོ་ཞིག་ལ་བགོས་ཀྱང་འདང་ངམ་ཞེས་ཞུས་པ༌ན།  
\v 10 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་མི་རྣམས་ས་རུ་སྡོད་དུ་ཆུག་ཅེས་གསུངས་སོ།། གནས་དེར་རྩྭ་སྔོན་སྐྱེས་པ་བཟང་ལ་མི་རྣམས་ས་རུ་བསྡད༌ཅིང༌། སྐྱེས་པའི་གྲངས་ཀ་མི་ལྔ་སྟོང་ཙམ་ཡོད༌པ་རེད།  
\v 11 དེ་ནས་སྐྱབས་མགོན་ཡེ་ཤུས་ཕྱག་ཏུ་བག་ལེབ་བསྣམས་ཏེ་བཀའ་དྲིན་ཞུས་པ༌དང༌། ས་རུ་བསྡད་ཡོད་པའི་མི་རྣམས་ལ་བགོ་རུ་བཅུག་ཅིང་། ཉ་གཉིས་ཡོད་པ་ཡང་དེ་བཞིན་མཛད་དེ་མི་རྣམས་ཀྱི་འདོད་མོས་བཞིན་བགོ་རུ་བཅུག་གོ།  
\v 12 དེ་ནས་མི་རྣམས་ཀྱི་ལྟོ་བ་འགྲངས༌རྗེས། ཁོང་གིས་ཐུགས་སྲས་རྣམས་ལ་འདི་སྐད༌དུ། ཟས་ལྷག་ཆུད་ཟོས་སུ་མི་གཏོང་བའི་ཕྱིར་ཐམས་ཅད་སྡུས་ཤིག་ཅེས་གསུངས་པས།  
\v 13 དེ་རྣམས་ཀྱིས་ཀྱང་ནས་ཕྱེའི་བག་ལེབ་ལྔའི་ཟས་ལྷག་བསྡུས་ཏེ་སླེ་བོ་བཅུ་གཉིས་གང་ངོ༌།།   
\p
\v 14 ཡང་མི་ཚོགས་ཀྱིས་སྐྱབས་མགོན་ཡེ་ཤུས་མཛད་པའི་གྲུབ་རྟགས་དེ་མཐོང༌རྗེས། ཁོང་ནི་དངོས་གནས་འཇིག་རྟེན་དུ་འབྱོན་ངེས་པའི་ལུང་སྟོན་པ་དེ་ཉིད་ཡིན་ཞེས་སྨྲས་སོ།།  
\v 15 དེ་ནས་སྐྱབས་མགོན་ཡེ་ཤུས་མི་དེ་རྣམས་ཡོང་བ་དང་ནན་གྱིས་རང་ཉིད་རྒྱལ་པོར་བསྐོ་ངེས་པ་མཁྱེན༌ཏེ། རང་ཉིད་གཅིག་པུ་སླར་ཡང་རི་བོར་ཕེབས༌སོ།།   
\s1 སྐྱབས་མགོན་ཡེ་ཤུས་མཚོ་སྟེང་དུ་ཞབས་ཀྱིས་བཅགས༌པ།  
\p
\v 16 མཚན་མོའི་དུས་སུ། ཐུགས་སྲས་རྣམས་མར་ག་ལིལ་མཚོ་ཡི་འགྲམ་དུ་སོང༌ཞིང༌།  
\v 17 གྲུར་བསྡད་ནས་ཀཱ་ཕར་ན་ཧུམ་དུ་འགྲོ་བཞིན་པའི་དུས་སུ་མུན་རུབ་པ༌དང༌། སྐྱབས་མགོན་ཡེ་ཤུ་ད་དུང་ཁོ་རྣམས་ཀྱི་གམ་དུ་ཕེབས་མེད༌པ་ཡིན།  
\v 18 གློ་བུར༌ཉིད་ལ་རླུང་ཆེན་གཡུགས་ནས་རྦ་རླབས་དྲག་ཏུ་འཕྱུར་ཏོ།།  
\v 19 ཡང་ཐུགས་སྲས་རྣམས་ཀྱིས་མཚོ་གྲུ་བཏང་ནས་རྒྱང་གྲགས་ལྔའམ་དྲུག་ཙམ་\f + \ft རྒྱང་གྲགས་ལྔའམ་དྲུག་ཙམ་ཞེས་པ་འདིར་མ་ཕྱི་ལས་སི་ཏན་ཉེར་ལྔ་ནས་སུམ་ཅུ་ཞེས་མཐོང་བ༌དང༌། སི་ཏན་ཞེས་པ་ནི་གནའ་བོའི་གྷི་རིག་གི་སྐད་དོད་ཡིན༌ཞིང༌། ཡ་ཧུ་དཱའི་མི་རིགས་ཀྱི་སྐད་ལས་ཀྱང་རིང་ཚད་འཇལ་བྱེད་ཅིག༌ཡིན། དབྱིན་ཡིག་དང་རྒྱ་ཡིག་གི་འགྱུར་ལས་ཀྱང་མི་རིགས་རང་གི་འབྲི་སྲོལ་ལྟར་བསྒྱུར་འདུག འདིར་བོད་ཀྱི་འབྲི་སྲོལ་ལྟར་ན་ཧ་ལམ་རྒྱང་གྲགས་ལྔའམ་དྲུག་ཙམ་སྟེ་སྤྱི་ལེ་ལྔའམ་དྲུག་ཙམ༌ཡིན། \f*དུ་ཕྱིན་པ༌ན། སྐྱབས་མགོན་ཡེ་ཤུས་མཚོ་སྟེང་དུ་ཞབས་ཀྱིས་བཅགས་ཤིང་མཚོ་གྲུ་དང་ཉེ་བར་ཕེབས་པ་ཁོ་རྣམས་ཀྱིས་མཐོང་ནས་ཤིན་ཏུ་འཇིགས་སོ།།  
\v 20 དེ་ནས་སྐྱབས་མགོན་ཡེ་ཤུས་འདི་སྐད༌དུ། འཇིགས་མི་དགོས༌ཏེ། ང་རང་ཡིན་ཞེས་གསུངས་པ༌ན།  
\v 21 ཐུགས་སྲས་རྣམས་ཀྱིས་དགའ་མགུའི་ངང་ནས་ཁོང་ཉིད་མཚོ་གྲུའི་ནང་དུ་བསུས་པ༌དང༌། མཚོ་གྲུའང་དེ་མ་ཐག་ཏུ་ཁོང་རྣམས་འགྲོ་སའི་ཡུལ་དུ་སླེབས་སོ།།   
\p
\v 22 དེའི་ཕྱི༌ཉིན། མཚོའི་ཕར་འགྲམ་དུ་བསྡད་ཡོད་པའི་མི་རྣམས་ཀྱིས་སྔོན་རོལ་དུ་གནས་དེར་གྲུ་ཆུང་གཅིག་ལས་གཞན་མེད་པ༌དང༌། མཚོ་གྲུ་དེའི་ནང་དུ་ཐུགས་སྲས་རྣམས་ལས༌གཞན། སྐྱབས་མགོན་ཡེ་ཤུ་བཞུགས་མེད་པ་དང་ཐུགས་སྲས་རྣམས་སོང་ཟིན་པ་ཤེས༌པ་རེད།  
\v 23 དེ་ནས་མཚོ་གྲུ་འགའ་ཞིག་ཐེ་པེར་ཡཱ་ཡུལ་ཕྱོགས་ནས་སླེབས་ཏེ། སྐྱབས་མགོན་ཡེ་ཤུས་བཀའ་དྲིན་ཞུས་ནས་བག་ལེབ་བགོས་པའི་གནས་དེ་དང་ཉེ་བར་བཅར་བ༌ན།  
\v 24 མི་ཚོགས་ཀྱིས་སྐྱབས་མགོན་ཡེ་ཤུ་དང་ཐུགས་སྲས་རྣམས་མ་མཐོང༌བས། མཚོ་གྲུ་དེ་དག་ལ་བསྡད་ནས་ཀཱ་ཕར་ན་ཧུམ་དུ་སྐྱབས་མགོན་ཡེ་ཤུ་འཚོལ་དུ་ཕྱིན༌ཏོ།།   
\s1 ཚེ་སྲོག་གི་བག་ལེབ་སྐོར་གྱི༌ཆོས།  
\p
\v 25 དེ་ནས་མི་ཚོགས་མཚོའི་ཕར་འགྲམ་ནས་སྐྱབས་མགོན་ཡེ་ཤུར་མཇལ༌ཏེ། རཱབ་པེ་ལགས། ཁྱེད་རང་དུས་ག་ཚོད་འདིར་ཕེབས་པ་ཡིན་ནམ་ཞེས་ཞུས་པ༌ལ།  
\v 26 སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། ཁྱོད་ཅག་གིས་ང་རང་འཚོལ་དོན་ནི་གྲུབ་རྟགས་རྣམས་མཐོང་བ་མ་ཡིན་པར་བག་ལེབ་ཟོས་ནས་ལྟོ་བ་འགྲངས་པའི་ཕྱིར༌རོ།།  
\v 27 ཁྱོད་རྣམས་ཀྱིས་མི་རྟག་པའི་ཁ་ཟས་ཀྱི་དོན་དུ་འབད་པ་མི་བྱེད༌པར། མཐའ་མེད་པའི་ཚེ་སྲོག་འཐོབ་པའི་བར་དུ་གནས་པའི་ཁ་ཟས་དེའི་དོན་དུ་བརྩོན་པར༌གྱིས། མིའི་བུ་ཡིས་ཁྱོད་རྣམས་ལ་ཁ་ཟས་དེ་གནང་ངེས་ཡིན། མིའི་བུ་ལ་ཡབ་དཀོན་མཆོག་གིས་ཕྱག་རྒྱ་བཏབ་ཡོད་པ་ཡིན་ཞེས་གསུངས་སོ།།  
\v 28 ཡང་མི་ཚོགས་ན༌རེ། ངེད་རྣམས་ཀྱིས་ལས་གང་ཞིག་བྱས་ན་དཀོན་མཆོག་གི་དོན་སྒྲུབ་པ་ཡིན་ནམ་ཞེས་ཞུས་པ༌ལ།  
\v 29 ཡང་སྐྱབས་མགོན་ཡེ་ཤུས་འདི་སྐད༌དུ། དཀོན་མཆོག་གིས་མངགས་པ་དེ་ལ་དད་པ་བྱས༌ན། འདི་ནི་དཀོན་མཆོག་གི་དོན་སྒྲུབ་པ་ཡིན་ཞེས་གསུངས་སོ།།  
\v 30 ཡང་དེ་རྣམས་ན༌རེ། འོ་ན་ཁྱེད་ཀྱིས་ངེད་རྣམས་ལ་གྲུབ་རྟགས་ཤིག་སྟོན༌དང༌། ངེད་ཅག་གིས་མཐོང་བ་དང་ཁྱེད་ལ་ཡིད་ཆེས༌བྱ། ཁྱེད་ཀྱིས་ལས་གང་ཞིག་བྱེད་པ་ཡིན༌ནམ།  
\v 31 ངེད་ཅག་གི་ཕ་མེས་ཡང་མེས་རྣམས་ཀྱིས་དབེན་སྟོང་ཡུལ་ནས་མཱན་ནཱ་ཟོས་མྱོང་བ་ནི་གསུང་རབ་ཀྱི་མདོ་ལས་ཇི་སྐད༌དུ། ཁོང་གིས་དེ་རྣམས་ལ་ནམ་མཁའི་ཞིང་ཁམས་ནས་བག་ལེབ་ཁ་ཟས་སུ་གནང་ཞེས་བཀོད་པ་བཞིན་ཡིན་ཞེས་པ༌ལ།  
\v 32 ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། མོ་ཤེ་ཡིས་ཁྱོད་རྣམས་ལ་ནམ་མཁའི་ཞིང་ཁམས་ནས་བག་ལེབ་གནང་བ་མ་ཡིན༌པར། བདག་གི་ཡབ་ཀྱིས་ནམ་མཁའི་ཞིང་ཁམས་ནས་བདེན་པའི་བག་ལེབ་ཁྱོད་ཅག་ལ་གནང༌བ་ཡིན།  
\v 33 རྒྱུ་མཚན་ནི་དཀོན་མཆོག་གི་བག་ལེབ་ནི་ནམ་མཁའི་ཞིང་ཁམས་ནས་འོངས་ཤིང་། འཇིག་རྟེན་གྱི་མི་ཀུན་ལ་མཐའ་མེད་པའི་ཚེ་སྲོག་གནང་མཁན་ཡང་ཡིན་ཞེས་གསུངས་པ་ན།  
\v 34 དེ་རྣམས་ན༌རེ། ཇོ་བོ༌ལགས། དེས་ན་བག་ལེབ་དེ་རྟག་ཏུ་ངེད་ཅག་ལ་གནང་བར་མཛོད་ཅེས་ཞུས༌སོ།།   
\p
\v 35 དེ་ནས་སྐྱབས་མགོན་ཡེ་ཤུས་འདི་སྐད༌དུ། བདག་ནི་ཚེ་སྲོག་གི་བག་ལེབ་ཡིན༌ཏེ། ངའི་གམ་དུ་ཡོང་བ་རྣམས་ལ་བཀྲེས་ལྟོགས་མི་འབྱུང༌ཞིང༌། ཡང་ང་རང་ལ་དད་པ་བྱེད་མཁན་རྣམས་ནམ་ཡང་སྐོམ་མི་སྲིད།  
\v 36 འོན་ཀྱང་བདག་གིས་སྨྲས་པ་བཞིན་ཁྱོད་རྣམས་ཀྱིས་ང་རང་མཐོང་ནའང་དད་པ་མི་བྱེད་དོ།།  
\v 37 དེ་ཡང་ཡབ་ཀྱིས་ང་རང་ལ་བསྩལ་བའི་མི་ཐམས་ཅད་བདག་གི་དྲུང་དུ་ཡོང་ངེས༌ཤིང༌། བདག་གི་གམ་དུ་ཡོང་བའི་མི་སུ་ཡིན་ཡང་བདག་གིས་ནམ་ཡང་འདོར་མི་སྲིད་དོ།།  
\v 38 རྒྱུ་མཚན་ནི་ང་རང་ནམ་མཁའི་ཞིང་ཁམས་ནས་ཡོང་དོན་ནི་རང་གི་བསམ་དོན་བཞིན་བསྒྲུབ་པའི་ཕྱིར་འོངས་པ་མིན༌ཏེ། ང་རང་མངགས་མཁན་གྱི་དགོངས་པ་བཞིན་དུ་བསྒྲུབ་པའི་ཕྱིར་ཡོང༌བ་ཡིན།  
\v 39 ང་རང་མངགས་མཁན་ཁོང་གི་དགོངས་པ་ནི་ཁོང་གིས་བདག་ལ་གནང་བ་ཐམས་ཅད་ལས་བདག་གིས་གཅིག་ཀྱང་མི་སྟོར༌བར། མཐའ་མའི་ཉིན་མོ་ལ་དེ་རྣམས་སླར་གསོན་དུ་འཇུག་པ་དེ་ཡིན་ནོ།།  
\v 40 རྒྱུ་མཚན་ནི་སྲས་དེ་ཉིད་མཇལ་ནས་དད་པ་བྱེད་མཁན་ཐམས་ཅད་ལ་མཐའ་མེད་པའི་ཚེ་སྲོག་འཐོབ་པ༌དང༌། མཐའ་མའི་ཉིན་མོར་ཡང་བདག་གིས་དེ་རྣམས་སླར་གསོན་དུ་འཇུག་དགོས་པ་ནི་བདག་གི་ཡབ་ཀྱི་དགོངས་པའང་ཡིན་ཞེས་གསུངས༌སོ།།   
\p
\v 41 དེ་ཡང་སྐྱབས་མགོན་ཡེ་ཤུས་ང་རང་ནི་ནམ་མཁའི་ཞིང་ཁམས་ནས་འོངས་པའི་བག་ལེབ་ཡིན་ཞེས་གསུངས་པ་དེར་ཡ་ཧུ་དཱ་པ་རྣམས་ཀྱིས་ལྐོག་ནས་གླེང༌སྟེ་ན་རེ།  
\v 42 ཁོ་རང་ནི་ཡོ་སེབ་ཀྱི་བུ་ཡེ་ཤུ་མ་ཡིན༌ནམ། ཁོའི་ཕ་མ་གཉིས་བདག་ཅག་གིས་ངོ་ཤེས་པ་མ་ཡིན༌ནམ། ད་ལྟ་ཁོས་ང་རང་ནི་ནམ་མཁའི་ཞིང་ཁམས་ནས་འོངས་པ་ཡིན་ཞེས་ཟེར་དོན་ཅི་ཡིན་ནམ་ཞེས་སྨྲས་སོ།།  
\v 43 དེ་ནས་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་ལྐོག་ནས་གཏམ་དེ་དག་གླེང་བར་མི༌བྱའོ།།  
\v 44 གལ་ཏེ་ང་རང་མངགས་མཁན་ཡབ་ཀྱིས་སུ་ཞིག་བདག་གི་ཕྱོགས་སུ་དྲངས་པ་མིན༌ན། མི་སུ་ཡང་བདག་གི་གམ་དུ་ཡོང་མི་ནུས། བདག་གིས་མཐའ་མའི་ཉིན་མོར་མི་དེ་སླར་གསོན་དུ་འཇུག༌པ་ཡིན།  
\v 45 ལུང་སྟོན་པའི་མདོ་ལས་ཇི་སྐད༌དུ། དཀོན་མཆོག་གིས་མི་དེ་ཐམས་ཅད་ལ་ཆོས་གསུང་བར་འགྱུར་ཞེས་བཀོད་ཡོད། ཡབ་ཀྱི་བཀའ་རྣམས་ཐོས་ཤིང་སྦྱངས་པ་ཐམས་ཅད་བདག་གི་དྲུང་དུ་ཡོང༌ངོ་།།  
\v 46 འོན་ཀྱང་མི་སུ་ཞིག་གིས་ཡབ་མཐོང་མྱོང་བ་མིན༌ཏེ། དཀོན་མཆོག་གི་དྲུང་ནས་ཡོང་མཁན་ལས་གཞན་སུས་ཀྱང་ཁོང་ཉིད་མཐོང་བ་མེད།  
\v 47 བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། དད་པ་བྱེད་མཁན་རྣམས་ལ་མཐའ་མེད་པའི་ཚེ་སྲོག་ཐོབ་ཡོད་དོ།།  
\v 48 བདག་ནི་ཚེ་སྲོག་གི་བག་ལེབ་ཡིན།  
\v 49 ཁྱོད་ཅག་གི་ཕ་མེས་ཡང་མེས་རྣམས་ཀྱིས་དབེན་པའི་ཡུལ་ནས་མཱན་ནཱ་ཟོས་ཀྱང་མཐའ་མར་ཤི་བར་གྱུར་ཏོ།།  
\v 50 འོན་ཀྱང་འདི་ནི་ནམ་མཁའི་ཞིང་ཁམས་ནས་འོངས་པའི་བག་ལེབ་ཡིན༌པས། སུ་ཞིག་གིས་བག་ལེབ་འདི་ཟོས་ན་ནམ་ཡང་འཆི་བ་མེད།  
\v 51 བདག་ནི་ནམ་མཁའི་ཞིང་ཁམས་ནས་འོངས་པའི་ཚེ་སྲོག་གི་བག་ལེབ་ཡིན༌ཏེ། སུ་ཞིག་གིས་བག་ལེབ་འདི་ཟོས་ན་གཏན་དུ་གསོན་པར་འགྱུར། བག་ལེབ་འདི་ནི་བདག་གི་ཤ་ཡིན༌ཏེ། ངས་འཇིག་རྟེན་མི་ཀུན་གྱི་ཚེ་སྲོག་གི་དོན་དུ་གནང་བར་འགྱུར་ཞེས་གསུངས༌སོ།།   
\p
\v 52 དེ་ནས་ཡ་ཧུ་དཱ་པ་རྣམས་ན༌རེ། མི་འདིས་ཁོའི་ཤ་ནི་བདག་ཅག་གི་ཟས་སུ་ཅི་ལྟར་སྟེར་ནུས་སམ་ཞེས་རྩོད་གླེང་བྱས་པ༌ན།  
\v 53 སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། ཁྱོད་རྣམས་ཀྱིས་མིའི་བུ་ཁོང་གི་ཤ་མི་བཟའ་ཞིང་ཁྲག་ཀྱང་མི་འཐུང༌ན། ཁྱོད་ཅག་ལ་མཐའ་མེད་པའི་ཚེ་སྲོག་འཐོབ་མི་སྲིད།  
\v 54 བདག་གི་ཤ་ཟ་ཞིང་ཁྲག་འཐུང་མཁན་རྣམས་ལ་མཐའ་མེད་པའི་ཚེ་སྲོག་ཐོབ་ཡོད་པ་དང་མཐའ་མའི་ཉིན་མོར་ཡང་བདག་གིས་དེ་རྣམས་སླར་གསོན་དུ་འཇུག༌རྒྱུ་ཡིན།  
\v 55 བདག་གི་ཤ་ནི་ཁ་ཟས་དངོས་ཡིན་ཞིང་བདག་གི་ཁྲག་ནི་བཏུང་བ་དངོས་ཀྱང་ཡིན།  
\v 56 བདག་གི་ཤ་ཟ་ཞིང་ཁྲག་འཐུང་མཁན་དེ་ནི་བདག་གི་ནང་དུ་གནས༌ཤིང༌། ང་རང་ཡང་ཁོའི་ནང་དུ་མཆིས་སོ།།  
\v 57 གཏན་དུ་གསོན་པོར་བཞུགས་པའི་ཡབ་ཀྱིས་ང་རང་འཇིག་རྟེན་དུ་མངགས་ཤིང་ང་རང་ཡང་ཁོང་ལ་བརྟེན་ནས་གསོན་པོར་གནས་པ༌བཞིན། བདག་གི་ཤ་ཟ་མཁན་ཡང་བདག་ལ་བརྟེན་ནས་གསོན་པོར་གནས༌པ་ཡིན།  
\v 58 འདི་ནི་ནམ་མཁའི་ཞིང་ཁམས་ནས་འོངས་པའི་བག་ལེབ་སྟེ། བག་ལེབ་འདི་ཟ་མཁན་རྣམས་ལ་ནམ་ཡང་འཆི་བ་མེད་ཅིང་གཏན་དུ་གསོན་པོར་གནས༌པ་ཡིན། དེ་ནི་ཁྱོད་ཅག་གི་ཕ་མེས་ཡང་མེས་རྣམས་ཀྱིས་མཱན་ནཱ་ཟོས་ཀྱང་ཐ་མར་ཤི་བ་དང་མི་འདྲ་ཞེས་གསུངས་སོ།།  
\v 59 གསུང་དེ་དག་ནི་སྐྱབས་མགོན་ཡེ་ཤུས་ཀཱ་ཕར་ན་ཧུམ་གྱི་ཆོས་ཁང་དུ་ཆོས་གསུང་བའི་དུས་སུ་གསུངས་པ་ཡིན༌ནོ།།   
\s1 རྗེས་འབྲང་པ་མང་པོས་སྐྱབས་མགོན་ཡེ་ཤུ་རྒྱབ་ཏུ་དོར༌བ།  
\p
\v 60 སྐྱབས་མགོན་ཡེ་ཤུའི་རྗེས་འབྲང་པ་རྣམས་ལས་མི་མང་པོས་ཁོང་གི་གསུང་དེ་ཐོས༌ནས། གསུང་འདི་ནི་མི་སུས་ཀྱང་ཁས་ལེན་དཀའ་བ་མ་ཡིན་ནམ་ཞེས་སྨྲས་སོ།།  
\v 61 དེ་ནས་སྐྱབས་མགོན་ཡེ་ཤུས་རྗེས་འབྲང་པ་རྣམས་ཀྱིས་ཁོང་གི་གསུང་དེར་ལྐོག་ནས་གཏམ་གླེང་བ་མཁྱེན་ཏེ་འདི་སྐད༌དུ། བདག་གིས་སྨྲས་པ་དེས་ཁྱོད་རྣམས་སར་འགྱེལ་དུ་འཇུག་གམ།  
\v 62 འོ་ན་ཁྱོད་རྣམས་ཀྱིས་མིའི་བུ་ཕྱིར་ཁོ་རང་སྔར་བཞུགས་པའི་གནས་སུ་འཕགས་པ་མཐོང་ན་ཅི༌བྱའམ།  
\v 63 མི་རྣམས་ལ་ཚེ་སྲོག་གནང་མཁན་ནི་དམ་པའི་ཐུགས་ཉིད་ཡིན་པ་ལས་ཤ་གཟུགས་ཀྱི་ཕུང་བོ་ཡིས་ཕན་ཅི་ཡང་མི་ཐོགས་ཏེ། བདག་གིས་ཁྱོད་ཅག་ལ་སྨྲས་པ་ནི་དམ་པའི་ཐུགས་ཉིད་དང་ཚེ་སྲོག་ཡིན་ནོ།།  
\v 64 འོན་ཀྱང་ཁྱོད་རྣམས་ལས་ཁ་ཅིག་གིས་བདག་ལ་དད་པ་མི་བྱེད་ཅེས་གསུངས་སོ།། རྒྱུ་མཚན་ནི་སྐྱབས་མགོན་ཡེ་ཤུས་ཐོག་མ་ཉིད་ནས་རང་ལ་དད་པ་མི་བྱེད་པ་རྣམས་དང་རང་ཉིད་ལ་ངོ་ལོག་བྱེད་མཁན་སུ་ཡིན་པ་མཁྱེན༌ནོ།།  
\v 65 ཡང་སྐྱབས་མགོན་ཡེ་ཤུས་འདི་སྐད༌དུ། དེའི༌ཕྱིར། བདག་གིས་ཁྱོད་རྣམས་ལ་སྨྲས་མྱོང་བ༌ལྟར། ཡབ་ཀྱིས་བྱིན་རླབས་གནང་བ་མིན་ན་མི་སུ་ཡང་བདག་གི་གམ་དུ་ཡོང་མི་ནུས་ཞེས་གསུངས༌སོ།།   
\p
\v 66 སྐྱབས་མགོན་ཡེ་ཤུས་དེ་ལྟར་གསུངས༌རྗེས། ཁོང་གི་རྗེས་འབྲང་པ་རྣམས་ལས་མི་མང་པོ་ཞིག་ཕྱིར་བུད་ཅིང་ཁོང་གི་རྗེས་སུ་མ་འབྲངས་སོ།།  
\v 67 དེ་ནས་སྐྱབས་མགོན་ཡེ་ཤུས་ཐུགས་སྲས་བཅུ་གཉིས་པོ་ལ་འདི་སྐད༌དུ། ཁྱོད་རྣམས་ཀྱིས་ཀྱང་ང་རང་བསྐྱུར་ནས་འགྲོ་འདོད་དམ་ཞེས་གསུངས་པ༌ལ།  
\v 68 སི་མོན་པེ་ཏྲོ་ན༌རེ། གཙོ་བོ༌ལགས། ངེད་རྣམས་སུ་ཡི་དྲུང་དུ་འགྲོའམ། ཁྱེད་ལ་མཐའ་མེད་པའི་ཚེ་སྲོག་གི་བཀའ་རྣམས་མངའ་བའོ༎  
\v 69 ངེད་རྣམས་ཁྱེད་ལ་དད་ཅིང་ཁྱེད་ནི་དཀོན་མཆོག་གི་སྐྱེས་བུ་དམ་པ་དེ་ཉིད་ཡིན་པའང་ཤེས་ཞེས་ཞུས་སོ།།  
\v 70 དེ་ནས་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ཐུགས་སྲས་བཅུ་གཉིས་སུ་བདམས་པ་མ་ཡིན༌ནམ། འོན༌ཀྱང༌། ཁྱོད་རྣམས་ལས་གཅིག་ནི་བདུད་ཅིག་ཡིན་ཞེས་གསུངས་སོ།།  
\v 71 ཁོང་གི་གསུང་འདི་ནི་ཨི་སི་ཀར་རེའི་སི་མོན་ཞེས་པའི་བུ་ཡུ་དཱ་ལ་དམིགས་ནས་གསུངས༌ཤིང༌། ཡུ་དཱ་ནི་ཐུགས་སྲས་བཅུ་གཉིས་ལས་གཅིག༌སྟེ། མ་འོངས་པར་སྐྱབས་མགོན་ཡེ་ཤུ་ལ་ངོ་ལོག་བྱེད་མཁན་ཡིན༌ནོ།།   
\c 7
\cl ལེའུ་བདུན༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུ་སྤྱིལ་བུའི་དུས་ཆེན་ལ་ཕེབས་པ།  
\p
\v 1 དོན་དེ་དག་བྱུང་བའི་རྗེས༌སུ། ཡ་ཧུ་དཱ་པ་རྣམས་ཀྱིས་སྐྱབས་མགོན་ཡེ་ཤུ་དགྲོང་འདོད་པའི་རྐྱེན༌གྱིས། ཁོང་ཉིད་ཡ་ཧུ་དཱའི་ཡུལ་དུ་ཕེབས་མ་འདོད་པར་ག་ལིལ་ཡུལ་དུ་ཕེབས་པ་རེད།  
\v 2 དུས་དེར་ཡ་ཧུ་དཱ་པའི་སྤྱིལ་བུའི་དུས་ཆེན་ཡང་སླེབས་ལ་ཉེ༌བས།  
\v 3 ཁོང་གི་སྐུ་མཆེད་རྣམས་ན༌རེ། ཁྱེད་ཀྱིས་མཛད་པའི་ངོ་མཚར་བའི་ལས་ཐམས་ཅད་ཁྱེད་ཀྱི་རྗེས་འབྲང་པ་རྣམས་ཀྱིས་ཀྱང་མཐོང་བའི༌ཕྱིར། ཁྱེད་རང་གནས་འདི་དང་ཁ་བྲལ་ནས་ཡ་ཧུ་དཱའི་ཡུལ་དུ་སོང༌དང༌།  
\v 4 མི་སུས་ཀྱང་རང་གི་སྙན་གྲགས་རྒྱས་འདོད༌ན། དོན་གང་ཡང་ལྐོག་ཏུ་བསྒྲུབ་མི༌འོས། གལ་ཏེ་ཁྱེད་ཀྱིས་ལས་འདི་རྣམས་བྱེད༌ན། རང་ཉིད་འཇིག་རྟེན་གྱི་མི་ཀུན་ལ་གསལ་པོར་སྟོན་དགོས་ཞེས་ཞུས་སོ།།  
\v 5 ཁོང་གི་སྐུ་མཆེད་རྣམས་ཀྱང་ཁོང་ལ་དད་པ་མེད་པས་དེ་ལྟར་སྨྲས༌པ་རེད།  
\v 6 དེ་ནས་སྐྱབས་མགོན་ཡེ་ཤུས་རང་གི་སྐུ་མཆེད་རྣམས་ལ་འདི་སྐད༌དུ། ཁྱོད་ཅག་གི་དུས་ལ་ནམ་ཡང་ངེས་གཏན་མེད་ཅིང་བདག་གི་དུས་ནི་ད་དུང་སླེབས་མེད།  
\v 7 འཇིག་རྟེན་གྱི་མི་རྣམས་བདག་ལ་སྡང་བ་ལས་ཁྱོད་ཅག་ལ་སྡང་མི་སྲིད༌དེ། བདག་གིས་འཇིག་རྟེན་གྱི་མི་རྣམས་ཀྱིས་ལས་ངན་པ་བྱས་པ་ལ་དཔང་པོ་བྱེད་པ་ཡིན་པས༌སོ།།  
\v 8 ཁྱོད་རྣམས་ཡར་སོང་ནས་དུས་ཆེན་ལ་ཞུགས༌དང༌། བདག་གི་དུས་ནི་ད་དུང་མ་སླེབས་པས་ད་ལྟ་ང་རང་ཡར་མི་འགྲོ་ཞེས་གསུངས་པ༌དང༌།  
\v 9 སྐྱབས་མགོན་ཡེ་ཤུ་སྔར་བཞིན་ག་ལིལ་ཡུལ་དུ་བཞུགས་སོ།།  
\v 10 འོན་ཀྱང་ཁོང་གི་སྐུ་མཆེད་རྣམས་ཡར་སྤྱིལ་བུའི་དུས་ཆེན་ལ་སོང༌རྗེས། ཁོང་ཉིད་ཡར་མངོན་སུམ་དུ་མ་ཕེབས་པར་གསང་བའི་ཚུལ་གྱིས་ཕེབས་པ་རེད།  
\v 11 སྤྱིལ་བུའི་དུས་ཆེན་གྱི་སྐབས་སུ་ཡ་ཧུ་དཱ་པ་རྣམས་ཀྱིས་ཁོ་རང་གང་དུ་འདུག་ཅེས་ཟེར་ཞིང་སྐྱབས་མགོན་ཡེ་ཤུ་བཙལ་ཏོ།།  
\v 12 ཡང་མི་ཚོགས་ཀྱི་ཁྲོད་དུ་ཁོང་གི་སྐོར་ལ་གཏམ་སྣ་ཚོགས་སྨྲས་ཏེ། ལ་ལས་ཁོང་ནི་མི་བཟང་པོ་ཞིག་གོ་ཞེས༌དང༌། ལ་ལས་དེ་འདྲ་ཞིག་མ་ཡིན་པར་མི་མང་པོ་བསླུ་མཁན་ཞིག་ཡིན་ཞེས་པའོ།།  
\v 13 འོན་ཀྱང་མི་རྣམས་ཡ་ཧུ་དཱ་པ་རྣམས་ལ་འཇིགས་ཏེ་སུས་ཀྱང་སྐྱབས་མགོན་ཡེ་ཤུའི་སྐོར་མངོན་སུམ་དུ་གླེང་མ་ཕོད༌དོ།།   
\s1 སྐྱབས་མགོན་ཡེ་ཤུས་སྤྱིལ་བུའི་དུས་ཆེན་གྱི་དུས་སུ་ཆོས་གསུངས༌པ།  
\p
\v 14 སྤྱིལ་བུའི་དུས་ཆེན་གྱི་དཀྱིལ་ཙམ་ལ་སླེབས་པའི་སྐབས༌སུ། སྐྱབས་མགོན་ཡེ་ཤུ་ཡར་མཆོད་ཁང་དུ་ཕེབས་ནས་ཆོས་གསུངས་སོ།།  
\v 15 དེ་ནས་ཡ་ཧུ་དཱ་པ་རྣམས་ངོ་མཚར་བར་གྱུར་ཏེ་ན༌རེ། མི་འདིས་ཆོས་བསླབས་མ་མྱོང་ཡང་ཆོས་དེ་འདྲ་མང་པོ་ཤེས་པར་གྱུར་པ་ཅི་ཞེས་སྨྲས་པ༌དང༌།  
\v 16 ཡང་སྐྱབས་མགོན་ཡེ་ཤུས་འདི་སྐད༌དུ། ངས་གསུངས་པའི་ཆོས་འདི་ནི་བདག་གི་ཆོས་མ་ཡིན་པར་ང་རང་མངགས་མཁན་ལས་བྱུང་བ་ཡིན་ནོ།།  
\v 17 སུ་ཞིག་གིས་དཀོན་མཆོག་གི་དགོངས་པ་བཞིན་དུ་བསྒྲུབ་འདོད་ན། བདག་གི་ཆོས་འདི་ནི་དཀོན་མཆོག་ནས་བྱུང༌བའམ། ཡང་ན་བདག་གིས་རང་ཉིད་ལ་བརྟེན་ནས་སྨྲས་པ་ཡིན་པའང་ཤེས་པར་འགྱུར།  
\v 18 སུ་ཞིག་གིས་རང་ཉིད་ལ་བརྟེན་ནས་སྨྲ་བ་དེས་རང་གི་སྙན་གྲགས་འཚོལ་བ་ཡིན༌མོད། འོན་ཀྱང་རང་ཉིད་མངགས་མཁན་གྱི་གཟི་བརྗིད་འཚོལ་བ་ནི་མི་དྲང་བདེན་ཅན་ཡིན་ཞིང་ཁོའི་སེམས་སུ་བཅོས་མ་ཅི་ཡང་མེད་དོ།།  
\v 19 ཡང་མོ་ཤེ་ཡིས་ཁྱོད་རྣམས་ལ་བཀའ་ཁྲིམས་གནང་བ་མ་ཡིན༌ནམ། ཁྱོད་རྣམས་ཀྱི་ཁྲོད་དུ་བཀའ་ཁྲིམས་སྒྲུབ་མཁན་གཅིག་ཀྱང་མི་འདུག ཁྱོད་ཅག་གིས་ཅིའི་ཕྱིར་ང་རང་དགྲོང་འདོད་པ་ཡིན་ནམ་ཞེས་གསུངས་པ༌ན།  
\v 20 མི་ཚོགས་ན༌རེ། ཁྱོད་ལ་གདོན་འདྲེ་ཞུགས་འདུག སུ་ཞིག་གིས་ཁྱོད་རང་དགྲོང་འདོད་དམ་ཞེས་སྨྲས༌སོ།།   
\p
\v 21 ཡང་སྐྱབས་མགོན་ཡེ་ཤུས་འདི་སྐད༌དུ། དེ་སྔོན་བདག་གིས་ལས་གཅིག་བསྒྲུབས་མྱོང་བས་ཁྱོད་རྣམས་དོན་དེར་ཧ་ལས༌པ་རེད།  
\v 22 མོ་ཤེ་ཡིས་ཁྱོད་རྣམས་ལ་མཚན་སྐྱི་གཅོད་པའི་བཀའ་ཁྲིམས་གནང་ཡོད༌པས། ངལ་གསོ་བའི་ཉིན་ལ་ཁྱོད་རྣམས་ཀྱིས་ཀྱང་རང་གི་བུ་རྣམས་ཀྱི་མཚན་སྐྱི་གཅོད་པར་བྱེད་དོ།། འོན་ཀྱང་བཀའ་ཁྲིམས་དེ་ནི་མོ་ཤེ་ནས་བྱུང་བ་མ་ཡིན༌ཏེ། ཁྱོད་རྣམས་ཀྱི་ཕ་མེས་ཡང་མེས་ནས་བྱུང་བ་ཡིན།  
\v 23 མི་རྣམས་ཀྱིས་མོ་ཤེའི་བཀའ་ཁྲིམས་དང་མི་འགལ་བའི་ཆེད༌དུ། ངལ་གསོ་བའི་ཉིན་ལ་བུ་རྣམས་ཀྱི་མཚན་སྐྱི་བཅད་ཆོག༌ན། བདག་གིས་ངལ་གསོ་བའི་ཉིན་ལ་ནད་པ་ཞིག་ཡོངས་སུ་གསོས་པར་ཁྱོད་རྣམས་བདག་ལ་ཁྲོས་དོན༌ཅི།  
\v 24 ཕྱི་ཚུལ་ཙམ་ལ་བལྟས་ནས་བདེན་རྫུན་གྱི་ཐ་ཚིག་མ་སྒྲོག༌ཅིག དྲང་བདེན་གྱི་སྒོ་ནས་བདེན་རྫུན་གྱི་ཤན་ཕྱེས་ཤིག་ཅེས་གསུངས༌སོ།།   
\s1 ཡེ་ཤུ་ནི་སྐྱབས་མགོན་མཱ་ཤི་ཀ་ཡིན་མིན༌སྐོར།  
\p
\v 25 དེ་ནས་ཡེ་རུ་སཱ་ལེམ་གྱི་མི་ཁ་ཅིག་ན༌རེ། མི་འདི་ནི་ཁོ་རྣམས་ཀྱིས་དགྲོང་བར་རྩོམ་པ་དེ་མ་ཡིན༌ནམ།  
\v 26 ལྟོས༌དང༌། ཁོང་གིས་མངོན་གསལ་དུ་ཆོས་གསུངས་པ་ལ་ཁོ་རྣམས་ཀྱིས་ཅི་ཡང་མ་སྨྲས་ཤིང་། ཆོས་དཔོན་རྣམས་ཀྱིས་དངོས་གནས་འདི་ནི་སྐྱབས་མགོན་མཱ་ཤི་ཀ་ཡིན་པ་རྟོགས༌སམ།  
\v 27 འོན་ཀྱང་མི་འདི་གང་ནས་བྱུང་བ་བདག་ཅག་གིས་ཤེས༌ཏེ། མ་འོངས་པའི་དུས༌སུ། སྐྱབས་མགོན་མཱ་ཤི་ཀ་འཇིག་རྟེན་དུ་ཕེབས་པའི༌ཚེ། མི་སུས་ཀྱང་ཁོང་ཉིད་གང་ནས་བྱུང་བ་རྟོགས་མི་ནུས་ཞེས་སྨྲས་སོ།།  
\v 28 དུས་དེར་སྐྱབས་མགོན་ཡེ་ཤུས་མཆོད་ཁང་ནས་ཆོས་གསུངས་ཤིང་གསུང་སྐད་མཐོན༌པོས། ཁྱོད་རྣམས་ཀྱིས་ང་རང་སུ་ཡིན་པ་ཤེས་ཤིང་གང་ནས་བྱུང་བའང་ཤེས༌པ་ཡིན། བདག་ནི་རང་བཞིན་གྱིས་ཡོང་བ་མ་ཡིན༌ཏེ། ང་རང་མངགས་མཁན་ནི་བདེན་པ་ལགས། ཁྱོད་རྣམས་ཀྱིས་ཁོང་ཉིད་ངོ་མི་ཤེས་སོ།།  
\v 29 འོན་ཀྱང་བདག་ནི་ཁོང་ནས་བྱུང་ཞིང་ཁོང་གིས་ང་རང་མངགས་པས་བདག་གིས་ཁོང་ཉིད་ངོ་ཤེས་ཞེས་གསུངས་སོ།།  
\v 30 དེ་ནས་ཡ་ཧུ་དཱ་པ་དེ་རྣམས་ཀྱིས་སྐྱབས་མགོན་ཡེ་ཤུ་འཛིན་པར་བརྩམས༌ཀྱང་། ཁོང་གི་དུས་དེ་ད་དུང་མ་སླེབས་པས་མི་སུས་ཀྱང་ཁོང་ལ་ལག་པས་རེག་མ་ཐུབ་བོ།།  
\v 31 འོན་ཀྱང་མི་ཚོགས་ཀྱི་ཁྲོད་ནས་མི་མང་པོ་ཞིག་སྐྱབས་མགོན་ཡེ་ཤུར་དད་པར་གྱུར་ཏེ་ན༌རེ། སྐྱབས་མགོན་མཱ་ཤི་ཀ་ཕེབས་པའི་དུས༌སུ། ཁོང་གིས་མཛད་པར་འགྱུར་བའི་གྲུབ་རྟགས་རྣམས་ནི་མི་འདི་ལས་ཀྱང་མང་སྲིད་དམ་ཞེས་སྨྲས༌སོ།།   
\p
\v 32 དེ་ནས་མི་ཚོགས་ཀྱིས་སྐྱབས་མགོན་ཡེ་ཤུའི་སྐོར་ལ་གཏམ་སྣ་ཚོགས་གླེང་བཞིན་པ་ཕ་རུ་ཤི་པ་རྣམས་ཀྱིས་ཐོས༌ཤིང༌། མཆོད་དཔོན་ཆེན་པོ་དག་དང་ཕ་རུ་ཤི་པ་རྣམས་ཀྱིས་སྲུང་དམག་འགའ་ཁོང་ཉིད་འཛིན་དུ་མངགས་སོ།།  
\v 33 དེ་ནས་སྐྱབས་མགོན་ཡེ་ཤུས་འདི་སྐད༌དུ། བདག་ལ་ཁྱོད་ཅག་དང་མཉམ་དུ་སྡོད་པའི་དུས་ཐུང་ངུ་ལས་མེད༌ཅིང༌། རྗེས་སུ་ང་རང་ཕྱིར་ང་རང་མངགས་མཁན་གྱི་དྲུང་དུ༌འགྲོ་བ་ཡིན།  
\v 34 ཕྱིས་སུ་ཁྱོད་རྣམས་ཀྱིས་ང་རང་བཙལ་ཡང་མི་རྙེད། ང་རང་སྡོད་སའི་གནས་སུའང་ཁྱོད་ཅག་སླེབ་མི་ནུས་ཞེས་གསུངས་སོ།།  
\v 35 དེ་ནས་ཡ་ཧུ་དཱ་པ་རྣམས་ཀྱིས་ཕན་ཚུན་ན་རེ། མི་འདི་བདག་ཅག་གིས་བཙལ་ཡང་མི་རྙེད་པའི་ས་ཆ་གང་ཞིག་ཏུ༌འགྲོའམ། ཡང་ན་ཁོ་རང་གྷི་རིག་པའི་ཁྲོད་དུ་ཁ་ཐོར་དུ་གནས་པའི་ཡ་ཧུ་དཱ་པ་རྣམས་ཀྱི་གམ་དུ་སོང༌སྟེ། གྷི་རིག་པ་རྣམས་ལ་ཆོས་གསུང་དུ་འགྲོའམ།  
\v 36 ཁོས་ཕྱིས་སུ་ཁྱོད་རྣམས་ཀྱིས་ང་རང་བཙལ་ཡང་མི་རྙེད། ང་རང་སྡོད་སའི་གནས་སུའང་ཁྱོད་ཅག་སླེབ་མི་ནུས་ཞེས་གསུངས་པའི་དོན་ཅི་ཡིན་ནམ་ཞེས་སྨྲས༌སོ།།   
\p
\v 37 དེ་ཡང་སྤྱིལ་བུའི་དུས་ཆེན་གྱི་ཉིན་རྗེས་མ་སྟེ་གཟབ་རྒྱས་ཆེ་བའི་དུས་སྟོན་གྱི་ཉིན་མོ༌དེར། སྐྱབས་མགོན་ཡེ་ཤུ་ཡར་བཞེངས་ཏེ་གསུང་སྐད་ཆེན་པོས་འདི་སྐད་དུ། གལ་ཏེ་སུ་ཞིག་སྐོམ་ན་བདག་གི་གམ་དུ་འཐུང་བར་ཤོག  
\v 38 སུ་ཞིག་གིས་བདག་ལ་དད་པ་བྱེད་ན། གསུང་རབ་ལས་གསུངས་པ་ལྟར་མི་དེའི་ཁོག་ནས་ཚེ་སྲོག་དང་ལྡན་པའི་ཆུ་ནི་གཙང་པོ་བཞིན་དུ་འབབ་པར་འགྱུར་ཞེས་གསུངས་སོ།།  
\v 39 སྐྱབས་མགོན་ཡེ་ཤུས་དེ་ལྟར་གསུངས་དོན་ནི་ཁོང་ལ་དད་པ་བྱེད་མཁན་རྣམས་ལ་དམ་པའི་ཐུགས་ཉིད་འཐོབ་ངེས་པ་བསྟན་ཏོ།། འོན་ཀྱང་སྐྱབས་མགོན་ཡེ་ཤུ་ད་དུང་གཟི་བརྗིད་དང་ལྡན་པར་མ་གྱུར་པས་ \f + \ft གཟི་བརྗིད་དང་ལྡན་པར་མ་གྱུར་པས་ཞེས་པ་དོན་དམ་དུ་འདི་ལྟར་གོ་དགོས༌ཏེ། སྐྱབས་མགོན་ཡེ་ཤུ་སྐུ་གྲོངས་པ་དང་སླར་གསོན༌པ། དཀོན་མཆོག་གི་དྲུང་དུ་འཕགས་པ་བཅས་ཁྱད་འཕགས་ཀྱི་འཕྲིན་ལས་དེ་ད་དུང་མཛད་མེད་པ་ལ་གོ༌དགོས། \f*དད་ལྡན་རྣམས་ལའང་དམ་པའི་ཐུགས་ཉིད་གནང་མེད་པ་རེད།  
\v 40 མི་ཚོགས་ཀྱིས་གཏམ་དེ་ཐོས་པ་དང་ཁ་ཅིག་ན༌རེ། མི་འདི་ནི་དངོས་གནས་ལུང་སྟོན་པ་དེ་ཉིད་ཡིན་ཞེས༌དང༌།  
\v 41 ཁ་ཅིག་གིས་མི་འདི་ནི་སྐྱབས་མགོན་མཱ་ཤི་ཀ་ཡིན་ཞེས་སྨྲས་པ༌དང༌། ཡང་ཁ་ཅིག་གིས་སྐྱབས་མགོན་མཱ་ཤི་ཀ་ནི་ག་ལིལ་ཡུལ་ནས་འབྱུང་མི་སྲིད་དོ།།  
\v 42 གསུང་རབ་ལས་སྐྱབས་མགོན་མཱ་ཤི་ཀ་ནི་དཱ་བིད་ཀྱི་གདུང་རྒྱུད་དང༌། དཱ་བིད་ཀྱི་ཕ་ཡུལ་ཏེ་པེད་ལེ་ཧེམ་གྲོང་རྡལ་ནས་འབྱུང་བར་འགྱུར་ཞེས་གསུངས་ཡོད་པ་མ་ཡིན་ནམ་ཞེས་སྨྲས་སོ།།  
\v 43 དེའི༌ཕྱིར། མི་ཚོགས་ཁྲོད་ནས་སྐྱབས་མགོན་ཡེ་ཤུའི་སྐོར་ལ་ལྟ་ཚུལ་མི་མཐུན་པ་བྱུང༌།  
\v 44 དེ་རྣམས་ལས་ཁ་ཅིག་གིས་ཁོང་ཉིད་འཛིན་འདོད་ནའང་མི་སུས་ཀྱང་ཁོང་ལ་ལག་པས་རེག་མ་ཐུབ་བོ།།   
\s1 ཡ་ཧུ་དཱ་པའི་དཔོན་རིགས་རྣམས་ལ་དད་པ་མེད་པའི་སྐོར།  
\p
\v 45 དེ་ནས་སྲུང་དམག་རྣམས་མཆོད་དཔོན་ཆེན་པོ་དག་དང་ཕ་རུ་ཤི་པ་རྣམས་ཀྱི་གམ་དུ་ཕྱིར་ལོག་པ༌ན། དེ་རྣམས་ན༌རེ། ཁྱོད་རྣམས་ཀྱིས་ཅིའི་ཕྱིར་མི་དེ་བཙན་ཁྲིད་མ་བྱས་སམ་ཞེས་དྲིས་པ༌ལ།  
\v 46 སྲུང་དམག་རྣམས་ན༌རེ། ཁོང་གིས་གསུངས་པ་དེ་ལྟ་བུ་མི་སུས་ཀྱང་གསུངས་མ་མྱོང་ཞེས་ཞུས་སོ།།  
\v 47 ཡང་ཕ་རུ་ཤི་པ་རྣམས་ན༌རེ། ཁོས་ཁྱོད་རྣམས་ཀྱང་བསླུ་བྲིད་བྱས༌སམ།  
\v 48 ཆོས་དཔོན་ནམ་ཕ་རུ་ཤི་པ་ལས་སུ་ཞིག་དེ་ལ་དད་པར་གྱུར༌རམ།  
\v 49 འོན་ཀྱང་བཀའ་ཁྲིམས་མི་ཤེས་པའི་མི་ཚོགས་འདི་ལ་སྡིགས་དམོད་ཆེན་པོ་ཕོག་པ་ཡིན་ཞེས་སྨྲས་སོ།།  
\v 50 དེ་ནས་ཕ་རུ་ཤི་པའི་ཁྲོད་དུ་ནེ་ཀོ་དེམ་ཟེར་བ་སྔོན་ཆད་སྐྱབས་མགོན་ཡེ་ཤུར་མཇལ་མྱོང་བ་དེས་ཆོས་དཔོན་རྣམས་ལ་འདི་ལྟར་སྨྲས་ཏེ།  
\v 51 བདག་ཅག་གི་བཀའ་ཁྲིམས་ལྟར་ངེད་ཅག་གིས་མི་དེའི་ངག་ལས་ཉེས་པ་ཅི་བྱས་པ་ལ་མ་བརྟག་མ་ཤེས་པར་ཁྲིམས་ཐག་གཅོད་པར་བྱེད་དམ་ཞེས་པ༌ལ།  
\v 52 ཆོས་དཔོན་རྣམས་ན༌རེ། ཁྱོད་རང་ཡང་ག་ལིལ་ཡུལ་ནས་འོངས་པའི་མི་ཞིག་ཡིན༌ནམ། ཁྱོད་ཀྱིས་རྟོག་དཔྱོད་བྱོས༌དང༌། ག་ལིལ་ཡུལ་ནས་ལུང་སྟོན་པ་ཞིག་འབྱུང་མི་སྲིད་ཅེས་སྨྲས་སོ།།  
\v 53 དེ་ནས་མི་དེ་རྣམས་རེ་རེ་བཞིན་ཕྱིར་རང་ཁྱིམ་དུ་ལོག༌གོ།   
\c 8
\cl ལེའུ་བརྒྱད༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 ལོག་གཡེམ་བྱས་པའི་བུད་མེད༌ཅིག  
\p
\v 1 དེ་ནས་སྐྱབས་མགོན་ཡེ་ཤུ་སྐྱུ་རུ་རའི་རི་བོར་ཕེབས༌ཤིང༌།  
\v 2 སྐྱ་རེངས་ཤར་བའི་དུས་སུ་སླར་ཡང་མཆོད་ཁང་དུ་ཕེབས་པ༌ལ། མི་མང་པོ་ཁོང་གི་དྲུང་དུ་འཛོམས་ཤིང་ཁོང་ཉིད་ཀྱང་བཞུགས་ཏེ་མི་རྣམས་ལ་ཆོས་གསུངས་པ་རེད།  
\v 3 དེ་ནས་མཁན་པོ་དང་ཕ་རུ་ཤི་པ་རྣམས་ཀྱིས་ལོག་གཡེམ་བྱེད་པའི་དུས་སུ་བཟུང་བའི་བུད་མེད་ཅིག་སྐྱབས་མགོན་ཡེ་ཤུའི་དྲུང་དུ་ཁྲིད་ཡོང་བ༌དང༌། མི་ཚོགས་ཀྱི་མདུན་ནས་ཁོ་མོ་ཡར་བསླངས་ཏེ་སྐྱབས་མགོན་ཡེ་ཤུ་ལ་འདི་ལྟར་སྨྲས་པ་སྟེ།  
\v 4 སློབ་དཔོན༌ལགས། བུད་མེད་འདི་ནི་ལོག་གཡེམ་བྱེད་བཞིན་པའི་དུས་སུ་བཟུང་བ༌ཡིན།  
\v 5 དེ་ཡང་བཀའ་ཁྲིམས་ལས་མོ་ཤེ་ཡིས་བུད་མེད་འདི་ལྟ་བུ་རྡོ་རུབ་གཏོང་དགོས་ཞེས་བཀའ་གནང༌ཡོད། ཁྱེད་ཀྱིས་བལྟས༌ན། ཅི་ལྟར་བྱས་ན་ལེགས་སམ་ཞེས་ཞུས་པ་དང་།  
\v 6 དེ་རྣམས་ཀྱིས་ཁོང་ལ་བསྙོན་འཛུགས་ཕྱིར་ཚོད་བགམས་ནས་དེ་ལྟར་ཞུས་སོ།། འོན་ཀྱང་སྐྱབས་མགོན་ཡེ་ཤུ་མར་སྒུར་ནས་ཕྱག་མཛུབ་ཀྱིས་ས་ལ་ཡི་གེ་བྲིས་སོ།།  
\v 7 དེ་རྣམས་ཀྱིས་ཁོང་ལ་ཡང་ཡང་ཞུས་པ་ན་ཁོང་གིས་དབུ་ཡར་དགྱེ་ནས་འདི་སྐད༌དུ། ཁྱོད་རྣམས་ལས་སྡིག་པའི་དྲི་མས་མ་གོས་པ་དེས་ཐོག་མར་བུད་མེད་དེ་ལ་རྡོ་ཡིས་རྒྱག་རུང་ཞེས་གསུངས་པ༌དང༌།  
\v 8 ཡང་མར་སྒུར་ནས་ཕྱག་མཛུབ་ཀྱིས་ས་ལ་ཡི་གེ་བྲིས༌སོ།།  
\v 9 དེ་རྣམས་ཀྱིས་གསུང་དེ་ཐོས་པ་དང་རྒན་པོ་ནས་ན་གཞོན་བར་རེ་རེ་བཞིན་ཕྱིར་སོང་བ༌དང༌། སྐྱབས་མགོན་ཡེ་ཤུ་ཁོ་ན་ལུས་ཤིང་ད་དུང་བུད་མེད་དེ་དཀྱིལ་དབུས་སུ་ལངས་བསྡད་ཡོད་པ་རེད།  
\v 10 དེ་ནས་སྐྱབས་མགོན་ཡེ་ཤུ་ཡར་ལངས་ནས་བུད་མེད་དེ་ལ་འདི་སྐད༌དུ། བུད་མེད། མི་དེ་རྣམས་གང་དུ་སོང༌ངམ། སུས་ཀྱང་ཁྱོད་ལ་ཉེས་ཆད་མ་བཅད་དམ་ཞེས་གསུངས་པ༌ལ།  
\v 11 བུད་མེད་ན༌རེ། ཇོ་བོ༌ལགས། བདག་ལ་ཉེས་ཆད་མ་བཅད་ཅེས་ཞུས་སོ།། དེ་ནས་སྐྱབས་མགོན་ཡེ་ཤུས་འདི་སྐད༌དུ། ཁྱོད་རང་ཕྱིར་སོང༌དང༌། བདག་གིས་ཀྱང་ཁྱོད་ལ་ཉེས་ཆད་གཅོད་པར་མི༌བྱའོ།། ཁྱོད་ཀྱིས་དེང་ཕྱིན་སྡིག་པ་མ་བྱེད་ཅིག་ཅེས་གསུངས༌སོ།།   
\s1 སྐྱབས་མགོན་ཡེ་ཤུས་བདེན་དཔང་མཛད་པའི༌སྐོར།  
\p
\v 12 དེ་ནས་སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། བདག་ནི་འཇིག་རྟེན་གྱི་འོད་ཟེར་ཡིན༌ཞིང༌། ངའི་རྗེས་སུ་འབྲང་མཁན་རྣམས་མུན་པའི་ནང་དུ་བགྲོད་པ་མ་ཡིན་པར་ཚེ་སྲོག་གི་འོད་དང་ལྡན་པར་འགྱུར་ཞེས་གསུངས་པ༌དང༌།  
\v 13 ཕ་རུ་ཤི་པ་རྣམས་ན༌རེ། ཁྱོད་ཀྱིས་རང་ཉིད་ལ་བདེན་དཔང་བྱེད་པ་ཡིན་པས་ཁྱོད་ཀྱི་བདེན་དཔང་དེ་བདེན་པ་མིན་ཞེས་སྨྲས་པ༌ལ།  
\v 14 སྐྱབས་མགོན་ཡེ་ཤུས་འདི་སྐད༌དུ། བདག་གིས་རང་ཉིད་ལ་བདེན་དཔང་བྱས་ནའང་བདག་གི་བདེན་དཔང་ནི་བདེན་པ་ཡིན༌ཏེ། ངས་ང་རང་གང་ནས་ཡོང་བ་དང་གང་དུ་འགྲོ་བའང་ཤེས༌ཤིང༌། ཁྱོད་རྣམས་ཀྱིས་ང་རང་གང་ནས་ཡོང་བ་དང་གང་དུ་འགྲོ་བའང་མི་ཤེས་པའི་ཕྱིར༌རོ།།  
\v 15 ཡང་ཁྱོད་རྣམས་ཀྱིས་མིའི་ལུགས་སྲོལ་ལྟར་ཁ་ཚོན་གཅོད་ཅིང་ངས་མི་སུ་ལའང་ཁ་ཚོན་མི་གཅོད་དོ།།  
\v 16 འོན༌ཀྱང༌། ངས་ཁ་ཚོན་གཅོད་པའི་དབང་དུ་བཏང་ནའང་དེ་ནི་བདེན་པ་ཡིན༌ཏེ། ངས་རང་ཉིད་གཅིག་པུར་བརྟེན་ནས་ཁ་ཚོན་བཅད་པ་མ་ཡིན༌པར། ང་རང་མངགས་མཁན་ཡབ་དང་ངེད་གཉིས་ཀྱིས་ལྷན་དུ་ཁ་ཚོན་གཅོད་པའི་ཕྱིར༌རོ།།  
\v 17 དེ་ཡང་ཁྱོད་ཅག་གི་བཀའ་ཁྲིམས་ནང་དུ་མི་གཉིས་ཀྱི་བདེན་དཔང་དེ་གཞི་གཅིག་ལ་འཁེལ་ན་དེ་ནི་བདེན་པ་ཡིན་ཞེས་བྲིས་འདུག༌ལ།  
\v 18 ངས་རང་ཉིད་ལ་བདེན་དཔང་བྱེད་ཅིང་ང་རང་མངགས་མཁན་ཏེ་ཡབ་ཀྱིས་ཀྱང་ང་རང་ལ་བདེན་དཔང་མཛད་ཅེས་གསུངས་སོ།།  
\v 19 ཡང་ཕ་རུ་ཤི་པ་རྣམས་ན༌རེ། ཁྱོད་ཀྱི་ཡབ་དེ་གང་དུ་ཡོད་ཅེས་དྲིས་པ༌ལ། སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་ང་རང་ངོ་མི་ཤེས་ཤིང་བདག་གི་ཡབ་ཀྱང་ངོ་མི་ཤེས། གལ་ཏེ་ང་རང་ངོ་ཤེས་ན་ངའི་ཡབ་ཀྱང་ངོ་ཤེས་པ་ཡིན་ཞེས་གསུངས་སོ།།  
\v 20 གསུང་འདི་དག་ནི་སྐྱབས་མགོན་ཡེ་ཤུས་མཆོད་ཁང་གི་དཀོར་མཛོད་དུ་ཆོས་བསྟན་སྐབས་གསུངས་པ༌ཡིན། ཁོང་གི་དུས་དེ་མ་སླེབས་པས་མི་སུས་ཀྱང་ཁོང་ཉིད་མ་བཟུང་ངོ་།།   
\p
\v 21 ཡང་སྐྱབས་མགོན་ཡེ་ཤུས་མི་དེ་རྣམས་ལ་འདི་སྐད༌དུ། བདག་ནི་འགྲོ་ཞིང་ཁྱོད་ཅག་གིས་ང་རང་བཙལ་ནའང་ཁྱོད་རྣམས་རང་གི་སྡིག་པའི་ནང་དུ་འཆི་བར་འགྱུར་རོ།། ང་རང་འགྲོ་བའི་གནས་སུ་ཁྱོད་རྣམས་འགྲོ་མི་ནུས་ཞེས་གསུངས་པ༌དང༌།  
\v 22 ཡ་ཧུ་དཱ་པ་རྣམས་ཕན་ཚུན་ན༌རེ། ཁོང་གིས་ང་རང་འགྲོ་བའི་གནས་སུ་ཁྱོད་རྣམས་འགྲོ་མི་ནུས་ཞེས་གསུངས་དོན༌ནི། ཁོང་གིས་རང་སྲོག་གཅོད་འདོད་པ་ཡིན་ནམ་ཞེས་སྨྲས་སོ།།  
\v 23 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་འོག་ནས་བྱུང་ཞིང་བདག་ནི་སྟེང་ནས་བྱུང་བ་ཡིན། ཁྱོད་ཅག་ནི་འཇིག་རྟེན་འདིར་གཏོགས་ཤིང་ང་རང་ནི་མི་གཏོགས་སོ།།  
\v 24 དེའི༌ཕྱིར། བདག་གིས་ཁྱོད་རྣམས་རང་གི་སྡིག་པའི་ནང་དུ་འཆི་བར་འགྱུར་ཞེས་སྨྲས་པ་ཡིན། གལ་ཏེ་ཁྱོད་རྣམས་ཀྱིས་ང་རང་ནི་གཏན་དུ་གནས་པ་དེ་ཉིད་ཡིན་པར་དད་པ་མི་བྱེད༌ན། ཁྱོད་རྣམས་རང་གི་སྡིག་པའི་ནང་དུ་འཆི་བར་འགྱུར་ཞེས་གསུངས་པ༌ལ།  
\v 25 མི་དེ་རྣམས་ན༌རེ། ཁྱོད་རང་སུ་ཡིན་ནམ་ཞེས་དྲིས། དེ་ནས་སྐྱབས་མགོན་ཡེ་ཤུས་འདི་སྐད༌དུ། བདག་ནི་ཐོག་མ་ཉིད་ནས་ཁྱོད་རྣམས་ལ་སྨྲས་པ་དེ་ཉིད་ཡིན་ནོ།།  
\v 26 བདག་གིས་ཁྱོད་ཅག་ལ་ཉེས་སྐྱོན་བརྗོད་པ་དང་བདེན་རྫུན་གྱི་ཤན་འབྱེད་པའི་དོན་མང་པོ་ཡོད༌ནའང༌། ང་རང་མངགས་མཁན་དེ་ནི་བདེན་པ་ཡིན༌པས། ངས་ཁོང་གི་དྲུང་ནས་གང་ཞིག་ཐོས་པ་དེ་ཁོ་ན་འཇིག་རྟེན་གྱི་མི་རྣམས་ལ་སྨྲ་བ་ཡིན་ཞེས་གསུངས་སོ།།  
\v 27 དེ་རྣམས་ཀྱིས་སྐྱབས་མགོན་ཡེ་ཤུས་རང་གི་ཡབ་བསྟན་པ་མ་རྟོགས༌པས།  
\v 28 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་མིའི་བུ་གྱེན་དུ་བསྒྲེངས༌པའི་དུས་སུ། ང་རང་ནི་གཏན་དུ་གནས་པ་དེ་ཉིད་ཡིན་པ་རྟོགས་ངེས་པ༌དང༌། ངས་རང་ཉིད་ལ་བརྟེན་ནས་དོན་ཅི་ཡང་མི་བྱེད༌པར། ཡབ་ཀྱིས་བསླབས་པ་བཞིན་དུ་དེ་ལྟར་སྨྲས་པའང་ཁྱོད་རྣམས་ཀྱིས་ཤེས་པར་འགྱུར་རོ།།  
\v 29 ང་རང་མངགས་མཁན་ནི་བདག་དང་ལྷན་དུ་བཞུགས༌ཏེ། ངས་དུས་རྟག་ཏུ་ཁོང་ཉིད་ཐུགས་དགྱེས་པའི་ལས་ཁོ་ན་བྱེད་པས་ཁོང་ཉིད་ང་རང་དང་ཁ་མི་འབྲལ་ཞེས་གསུངས་སོ།།  
\v 30 སྐྱབས་མགོན་ཡེ་ཤུས་དེ་ལྟར་གསུང་བའི་དུས་སུ་མི་མང་པོ་ཁོང་ལ་དད་པར་གྱུར༌ཏོ།།   
\s1 ཨབ་ར་ཧམ་གྱི་བུ་རབས་ཚ་རྒྱུད༌སྐོར།  
\p
\v 31 དེ་ནས་སྐྱབས་མགོན་ཡེ་ཤུས་རང་ཉིད་ལ་དད་པ་ཡོད་པའི་ཡ་ཧུ་དཱ་པ་རྣམས་ལ་འདི་སྐད༌དུ། གལ་ཏེ་ཁྱོད་རྣམས་བདག་གི་བཀའ་ཡི་ནང་དུ་གནས་ན། ཁྱོད་ཅག་ནི་དངོས་གནས་བདག་གི་རྗེས་འབྲང་པ་ཡིན༌ལ།  
\v 32 ཁྱོད་རྣམས་ཀྱིས་བདེན་པ་ཉིད་\f + \ft བདེན་པ་ཉིད་ཅེས་པ་ནི་ཡང་དག་ཅིང་བདེན་པ་ཁོ་ན་ཉིད་ཀྱི་དོན༌ཏེ། དཀོན་མཆོག་ནི་བདེན་པ་ཁོ་ན་ཉིད་ཡིན་པ་ལ་གོ་དགོས་པ༌ཡིན། \f*དེ་ཤེས་པར་འགྱུར་ཞིང་བདེན་པ་ཉིད་ཀྱིས་ཀྱང་ཁྱོད་རྣམས་ལ་རང་དབང་ལྡན་པར་མཛད་ངེས་ཡིན་ཞེས་གསུངས་སོ།།  
\v 33 ཡང་དེ་རྣམས་ན༌རེ། ངེད་རྣམས་ནི་ཨབ་ར་ཧམ་གྱི་རིགས་རྒྱུད་ཡིན་ཞིང་ནམ་ཡང་མི་གཞན་གྱི་བྲན་གཡོག་བྱས་མ་མྱོང་བས། ཁྱོད་རྣམས་ལ་རང་དབང་ལྡན་པར་མཛད་ངེས་ཡིན་ཞེས་བརྗོད་དོན་ཅི་ཞེས་དྲིས་པ༌ན།  
\v 34 ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། སྡིག་པ་བྱེད་མཁན་ཐམས་ཅད་ནི་སྡིག་པའི་བྲན་གཡོག་ཡིན།  
\v 35 བྲན་གཡོག་ནི་རྟག་ཏུ་བདག་པོའི་ཁྱིམ་ལ་མི་གནས་ཤིང་བུ་ནི་རྟག་ཏུ་རང་གི་ཁྱིམ་ལ་གནས་སོ།།  
\v 36 དེའི༌ཕྱིར། སྲས་ཀྱིས་ཁྱོད་རྣམས་ལ་རང་དབང་ལྡན་པར་མཛད་ན་ཁྱོད་ཅག་ལ་དངོས་གནས་རང་དབང་ལྡན་པ་ཡིན།  
\v 37 བདག་གིས་ཁྱོད་རྣམས་ཨབ་ར་ཧམ་གྱི་རིགས་རྒྱུད་ཡིན་པ་ཤེས༌ཀྱང༌། བདག་གི་བཀའ་ཁྱོད་རྣམས་ཀྱི་སེམས་སུ་གནས་ས་མེད་པས་ང་རང་དགྲོང་འདོད༌པ་ཡིན།  
\v 38 ངས་རང་གི་ཡབ་ཀྱི་དྲུང་ནས་གང་ཞིག་མཐོང་བ་དེ་སྨྲ་བ་ཡིན༌ལ། ཁྱོད་རྣམས་ཀྱིས་རང་གི་ཕ་ཡི་ངག་ནས་ཐོས་པ་བཞིན་བྱེད་ཅེས་གསུངས༌སོ།།   
\p
\v 39 ཡང་དེ་རྣམས་ན༌རེ། ངེད་ཅག་གི་ཕ་མེས་ནི་ཨབ་ར་ཧམ་ཡིན་ནོ་ཞེས་སྨྲས་པ༌ལ། སྐྱབས་མགོན་ཡེ་ཤུས་འདི་སྐད༌དུ། གལ་ཏེ་ཁྱོད་རྣམས་ནི་ཨབ་ར་ཧམ་གྱི་བུ་རྒྱུད་ཡིན༌ན། ཁྱོད་ཅག་གིས་ཀྱང་ཨབ་ར་ཧམ་གྱི་སྤྱོད་པ་བཞིན་དུ་བྱེད་དགོས།  
\v 40 བདག་གིས་དཀོན་མཆོག་གི་དྲུང་ནས་ཐོས་པའི་བདེན་པ་དེ་ཁྱོད་ཅག་ལ་སྨྲས༌ཀྱང༌། ད་ལྟ་ཁྱོད་རྣམས་ཀྱིས་ང་རང་གསོད་འདོད་དོ།། འོན་ཀྱང་ཨབ་ར་ཧམ་གྱིས་དེ་ལྟར་མ་བྱས།  
\v 41 ཁྱོད་ཅག་གིས་རང་རང་གི་ཕ་ཡི་སྤྱོད་ལུགས་བཞིན་བྱེད་པ་ཡིན་ཞེས་གསུངས་པ༌ལ། ཡང་དེ་རྣམས་ན༌རེ། ངེད་ཅག་ནི་ནལ་ཕྲུག་མིན༌ཏེ། ངེད་ཅག་ལ་ཡབ་གཅིག་རང་ཡོད་པ་ནི་དཀོན་མཆོག་ཡིན་ཞེས་སྨྲས་སོ།།   
\s1 བདུད་ལ་གཏོགས་པའི་སྐོར།  
\p
\v 42 དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། གལ་ཏེ་དཀོན་མཆོག་ནི་དངོས་གནས་ཁྱོད་ཅག་གི་ཡབ་ཡིན་ན་ཁྱོད་ཅག་གིས་བདག་ལ་གཅེས་དགོས༌ཏེ། ང་རང་ནི་དཀོན་མཆོག་ནས་བྱུང་ཞིང་ད་ལྟ་འདི་རུ་བསྡད་ཡོད། རང་བཞིན་གྱིས་ཡོང་བ་མ་ཡིན་པར་ཁོང་གིས་མངགས་པ་ཡིན་པའི་ཕྱིར༌རོ།།  
\v 43 ཁྱོད་རྣམས་ཀྱིས་བདག་གི་གཏམ་འདིའི་དོན་མི་གོ་བ་ཅི་ཡིན་ཞེ༌ན། དེ་ནི་ངའི་བཀའ་ལ་ཉན་མི་ཐུབ་པའི་ཕྱིར༌རོ།།  
\v 44 ཁྱོད་ཅག་ནི་རང་གི་ཕ་སྟེ་བདུད་ལ་གཏོགས༌ཤིང༌། རང་གི་ཕ་ཡི་འདོད་པ་བཞིན་བྱེད་པར༌དགའོ།། བདུད་ནི་ཐོག་མ་ནས་མི་གསོད་མཁན་ཡིན་པ༌དང༌། བདེན་པ་ཉིད་དང་འབྲེལ་བ་ཅི་ཡང་མེད། རྒྱུ་མཚན་ནི་བདུད་དེའི་སེམས་སུ་བདེན་པ་ཉིད་མེད་པའི་ཕྱིར༌རོ།། ཡང་བདུད་དེ་ནི་རྫུན་སྨྲ་མཁན་དང་རྫུན་སྨྲ་བ་རྣམས་ཀྱི་ཕ་རྒན་ཡང་ཡིན༌པས། དེས་རྫུན་བརྗོད་པའི་དུས་སུ་རང་གི་གཤིས་ཀ་ལྟར་སྨྲ་བར་བྱེད་དོ།།  
\v 45 འོན་ཀྱང་བདག་གིས་ཁྱོད་ཅག་ལ་བདེན་པ་སྨྲས་པའི་རྐྱེན་གྱིས་ཁྱོད་རྣམས་བདག་ལ་ཡིད་མི་ཆེས།  
\v 46 ཡང་ཁྱོད་རྣམས་ལས་སུ་ཞིག་གིས་བདག་ལ་སྡིག་པ་ཡོད་ཅེས་བདེན་དཔང་བྱེད་ནུས༌སམ། བདག་གིས་ཁྱོད་རྣམས་ལ་བདེན་པ་སྨྲས༌ནའང༌། ཁྱོད་ཅག་བདག་ལ་ཡིད་མི་ཆེས༌པ་ཅི་ཡིན་ནམ།  
\v 47 དཀོན་མཆོག་ལ་གཏོགས་པའི་མི་རྣམས་ཀྱིས་དཀོན་མཆོག་གི་བཀའ་ལ་མཉན༌ཞིང༌། ཁྱོད་རྣམས་དཀོན་མཆོག་ལ་མི་གཏོགས་པས་དཀོན་མཆོག་གི་བཀའ་ལའང་མི་མཉན་ཞེས་གསུངས༌སོ།།   
\s1 སྐྱབས་མགོན་ཡེ་ཤུས་རང་ཉིད་ལ་བདེན་དཔང་མཛད༌པ།  
\p
\v 48 དེ་ནས་ཡ་ཧུ་དཱ་པ་རྣམས་ན༌རེ། ངེད་རྣམས་ཀྱིས་ཁྱོད་ནི་སཱ་མར་ཡ་པ་ཡིན་ཞིང་གདོན་འདྲེ་ཞུགས་འདུག་ཅེས་སྨྲས་པ་མི་བདེན་ནམ་ཞེས་སྨྲས་པ༌ལ།  
\v 49 སྐྱབས་མགོན་ཡེ་ཤུས་འདི་སྐད༌དུ། བདག་ལ་གདོན་འདྲེ་ཞུགས་པ་མ་ཡིན། བདག་གིས་རང་གི་ཡབ་ལ་གུས་པ་བྱེད་ཀྱང་ཁྱོད་རྣམས་ཀྱིས་བདག་ལ་སྨད༌པ་རེད།  
\v 50 བདག་གིས་རང་ལ་བཀུར་སྟི་མི་འཚོལ༌ཞིང༌། བདག་ལ་བཀུར་སྟི་འཚོལ་མཁན་ནི་བདེན་རྫུན་འབྱེད་མཁན་ཏེ་དཀོན་མཆོག༌ཡིན་ནོ།།  
\v 51 བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། བདག་གི་བཀའ་སྲུང་མཁན་སུ་ལའང་ནམ་ཡང་འཆི་བ་མེད་ཅེས་གསུངས་པ༌ན།  
\v 52 ཡ་ཧུ་དཱ་པ་རྣམས་ན༌རེ། ཁྱོད་རང་ལ་གདོན་འདྲེ་ཞུགས་ཡོད་པ་ད་ལྟ་ངེད་རྣམས་ཀྱིས་ཤེས་བྱུང་། ཨབ་ར་ཧམ་དང་ལུང་སྟོན་པ་རྣམས་སྔ་མོ་ནས་ཚེ་ལས་འདས་ཟིན༌མོད། འོན་ཀྱང་ཁྱོད་ཀྱིས་ད་དུང་བདག་གི་བཀའ་སྲུང་མཁན་སུ་ལའང་ནམ་ཡང་འཆི་བ་མེད་ཅེས་སྨྲས༌པས།  
\v 53 ཁྱོད་ནི་ངེད་ཅག་གི་མེས་པོ་ཨབ་ར་ཧམ་ལས་ཀྱང་ཆེན་པོ་ཞིག་ཡིན༌ནམ། ཨབ་ར་ཧམ་དང་ལུང་སྟོན་པ་རྣམས་ཀྱང་གཤེགས་ཟིན༌མོད། འོན་ཀྱང་ཁྱོད་ཀྱིས་རང་ཉིད་ནི་སུ་ཡིན་པར་རློམ་མམ་ཞེས་སྨྲས་སོ།།  
\v 54 ཡང་སྐྱབས་མགོན་ཡེ་ཤུས་འདི་སྐད༌དུ། ངས་རང་ལ་བཀུར་སྟི་བྱེད་ན་བཀུར་སྟི་དེ་ལ་དོན་སྙིང་ཅི་ཡང་མེད། བདག་ལ་བཀུར་སྟི་མཛད་མཁན་ནི་བདག་གི་ཡབ་ལགས། ཁྱོད་རྣམས་ཀྱིས་སྨྲ་བཞིན་པའི་ཁྱོད་ཅག་གི་དཀོན་མཆོག་ཡིན་ཞེས་ཟེར་བ་དེ་ཡིན།  
\v 55 འོན་ཀྱང་ཁྱོད་རྣམས་ཀྱིས་དཀོན་མཆོག་ངོ་མི་ཤེས་ཀྱང་བདག་གིས་ངོ་ཤེས། གལ་ཏེ་བདག་གིས་དཀོན་མཆོག་ངོ་མི་ཤེས་ཟེར་ན་བདག་ནི་ཁྱོད་ཅག་དང་འདྲ་བར་རྫུན་སྨྲ་བ་ཡིན། འོན་ཀྱང་བདག་གིས་ཁོང་ཉིད་ངོ་ཤེས་པ་དང་ཁོང་གི་བཀའ་ཡང་སྲུང་བ་ཡིན།  
\v 56 ཁྱོད་ཅག་གི་མེས་པོ་ཨབ་ར་ཧམ་གྱིས་དགའ་དགའ་སྤྲོ་སྤྲོའི་ངང་ནས་བདག་གི་ཉིན་མོ་མཐོང་བར་ཡིད་སྨོན་བྱས་པ༌དང༌། མཐོང་བ་དང་དགའ་བར་གྱུར་ཞེས་གསུངས་སོ།།  
\v 57 ཡང་ཡ་ཧུ་དཱ་པ་རྣམས་ན༌རེ། ཁྱོད་ནི་ལོ་ལྔ་བཅུ་ལའང་མ་སོན་པར་ཨབ་ར་ཧམ་མཐོང་མྱོང་ངམ་ཞེས་དྲིས༌ཚེ།  
\v 58 སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། ཨབ་ར་ཧམ་མ་སྐྱེས་པའི་སྔོན་ལ་བདག་ནི་གཏན་དུ་གནས་པ་དེ་ཉིད་ཡིན་ཞེས་གསུངས༌པས།  
\v 59 དེ་དག་གིས་ས་ནས་རྡོ་བླངས་ཏེ་སྐྱབས་མགོན་ཡེ་ཤུ་ལ་རྒྱག་པར་རྩོམ་པ༌ན། ཁོང་ཉིད་གསང་བའི་སྒོ་ནས་མཆོད་ཁང་དང་ཁ་བྲལ༌ཏོ།།   
\c 9
\cl ལེའུ་དགུ༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུས་དམུས་ལོང་ཞིག་གསོས༌པ།  
\p
\v 1 སྐྱབས་མགོན་ཡེ་ཤུ་ཕར་ཕེབས་པའི་ལམ་བར་དུ་དམུས་ལོང་ཞིག་དང་ཕྲད༌ཅིང༌།  
\v 2 ཐུགས་སྲས་རྣམས་ན༌རེ། རཱབ་པེ་ལགས། མི་འདི་ནི་སྐྱེས་མ་ཐག་ནས་ལོང་བ་ཞིག་ཡིན༌པས། ལོང་བ་རང་ཉིད་དམ་ཁོའི་ཕ་མས་སྡིག་པ་བྱས་པའི་རྐྱེན་གང་ཞིག་ཡིན་ནམ་ཞེས་ཞུས་པ༌ལ།  
\v 3 སྐྱབས་མགོན་ཡེ་ཤུས་འདི་སྐད༌དུ། ལོང་བ་འདིས་སྡིག་པ་བྱས་པའི་རྐྱེན་མིན༌ལ། ཁོའི་ཕ་མས་སྡིག་པ་བྱས་པའི་རྐྱེན་ཡང་མིན༌པར། དེ་ནི་དཀོན་མཆོག་གི་ངོ་མཚར་བའི་མཛད་པ་ཁོའི་སྟེང་ནས་མངོན་པའི་ཕྱིར་དེ་ལྟར་བྱུང༌ངོ་།།  
\v 4 བདག་ཅག་གིས་ཉིན་མོའི་དུས་སུ་ང་རང་མངགས་མཁན་གྱི་བསྒྲུབ་འོས་པའི་དོན་བྱེད་དགོས༌ཤིང༌། མི་སུས་ཀྱང་ལས་ཅི་ཡང་བྱེད་མི་ཐུབ་པའི་མཚན་མོའི་དུས་ཤིག་སླེབ་ངེས༌ཡིན།  
\v 5 ང་རང་འཇིག་རྟེན་དུ་བཞུགས་དུས་བདག་ནི་འཇིག་རྟེན་གྱི་འོད་ཟེར་ཡིན་ཞེས་གསུངས༌རྗེས།  
\v 6 སྐྱབས་མགོན་ཡེ་ཤུས་མཆིལ་མ་ས་ལ་གཏོར་ནས་འཇིམ་པ་ཞིག་བརྫིས་ཤིང་ལོང་བའི་མིག་ཟུང་ལ་བསྐུས་ཏེ་འདི་སྐད༌དུ།  
\v 7 ཁྱོད་རང་སི་ལོ་ཨམ་རྫིང་བུའི་ནང་དུ་མིག་ཟུང་བཀྲུ་བར་སོང་ཞིག་ཅེས་གསུངས་སོ།། སི་ལོ་ཨམ་ཞེས་པ་ནི་མངགས་པ་ཞེས་པའི་དོན༌ཡིན། དེ་ནས་ལོང་བ་དེ་སོང་ནས་མིག་ཟུང་བཀྲུས་ཤིང་མིག་གིས་མཐོང་བར་གྱུར་པ་དང་ཕྱིར་རང་ཡུལ་དུ་ལོག༌གོ།   
\p
\v 8 དེ་ནས་ཁོའི་ཁྱིམ་མཚེས་དང་སྔར་ཁོ་སྤྲང་པོ་ཡིན་པ་མཐོང་མྱོང་མཁན་རྣམས་ན༌རེ། མི་འདི་ནི་སྔོན་ཆད་སློང་མོ་བྱེད་མཁན་དེ་མ་ཡིན་ནམ་ཞེས་སྨྲས༌ཤིང༌།  
\v 9 མི་འགའ་ཞིག་གིས་ཁོ་རང་ཡིན་ཞེས་སྨྲས་པ༌དང༌། ཡང་འགའ་ཞིག་གིས་ཁོ་རང་མ་ཡིན་ཏེ་ཁོ་རང་དང་བྱད་གཟུགས་འདྲ་བ་ཞིག་རེད་ཅེས་སྨྲས་པ༌ན། ཁོས་ང་རང་ཡིན་ཞེས་ཡང་ཡང་སྨྲས་པ༌དང༌།  
\v 10 མི་རྣམས་ན༌རེ། ཁྱོད་ཀྱི་མིག་ཟུང་ཇི་ལྟར་སོས་སམ་ཞེས་དྲིས་པ༌ལ།  
\v 11 ཁོ་ན༌རེ། ཡེ་ཤུ་ཟེར་བའི་སྐྱེས་བུ་དེས་འཇིམ་པ་བརྫིས་ཏེ་ངའི་མིག་ཟུང་ལ་བསྐུས༌རྗེས། སི་ལོ་ཨམ་རྫིང་བུའི་ནང་དུ་མིག་ཟུང་བཀྲུ་བར་སོང་ཞིག་ཅེས་སྨྲས་པ༌དང༌། ང་རང་སོང་སྟེ་བཀྲུས་པ་ན་མིག་གིས་མཐོང་བར་གྱུར་ཞེས་སྨྲས་སོ།།  
\v 12 དེ་ནས་མི་དེ་རྣམས་ཀྱིས་མི་དེ་གང་དུ་ཡོད་ཅེས་དྲིས་པ༌ལ། ཁོས་མི་ཤེས་ཞེས་སྨྲས༌སོ།།   
\s1 ཕ་རུ་ཤི་པ་རྣམས་ཀྱིས་དམུས་ལོང་གི་མིག་གསོས་པར་རྩད་བཅད༌པ།  
\p
\v 13 དེ་ནས་མི་དེ་རྣམས་ཀྱིས་སྔོན་ཆད་དམུས་ལོང་ཡིན་པ་དེ་ཉིད་ཕ་རུ་ཤི་པ་རྣམས་ཀྱི་དྲུང་དུ་ཁྲིད་པ་རེད།  
\v 14 སྐྱབས་མགོན་ཡེ་ཤུས་འཇིམ་པ་བརྫིས་ནས་དམུས་ལོང་གི་མིག་ཟུང་གསོས་པར་མཛད་པའི་ཉིན་ནི་ངལ་གསོ་བའི་ཉིན་མོ་ཡིན་ནོ།།  
\v 15 དེ་ནས་ཕ་རུ་ཤི་པ་རྣམས་ཀྱིས་ཀྱང་ཁོའི་མིག་གིས་ཇི་ལྟར་མཐོང་བར་གྱུར་པ་དྲིས་པ༌ལ། ཁོ་ན༌རེ། མི་དེས་འཇིམ་པ་བརྫིས་ཏེ་ངའི་མིག་ལ་བསྐུས་ཤིང་། ངས་འཇིམ་པ་བཀྲུས་པ་དང་མིག་གིས་མཐོང་བར་གྱུར་ཞེས་སྨྲས་སོ།།  
\v 16 དེ་ནས་ཕ་རུ་ཤི་པ་རྣམས་ལས་འགའ་ཞིག་ན༌རེ། མི་དེས་ངལ་གསོ་བའི་ཉིན་མོའི་བཀའ་ཁྲིམས་སྲུང་བཞིན་མེད་པས་དཀོན་མཆོག་ནས་བྱུང་བ་མ་ཡིན་ནོ་ཞེས་སྨྲས་པ༌དང༌། ཡང་འགའ་ཞིག་ན༌རེ། མི་སྡིག་ཅན་གྱིས་དེ་ལྟ་བུའི་གྲུབ་རྟགས་རྣམས་སྟོན་ག་ལ་སྲིད་ཅེས་སྨྲས་པས་དེ་རྣམས་ལ་ལྟ་བ་མི་མཐུན་པ་བྱུང༌ངོ་༎  
\v 17 ཡང་ཕ་རུ་ཤི་པ་དེ་རྣམས་ཀྱིས་སྔོན་ཆད་དམུས་ལོང་ཡིན་པ་དེ༌ལ། མི་དེས་ཁྱོད་ཀྱི་མིག་ཟུང་གསོས་པར་མཛད༌པས། ཁྱོད་ཀྱིས་མི་དེ་ནི་ཅི་ལྟ་བུ་ཡིན་བསམ་མམ་ཞེས་དྲིས་པ༌ལ། ཁོ་ན༌རེ། མི་དེ་ནི་ལུང་སྟོན་པ་ཞིག་ཡིན་ཞེས་སྨྲས་སོ།།  
\v 18 དེ་ནས་ཡ་ཧུ་དཱ་པ་དེ་རྣམས་ཀྱིས་སྔོན་ཆད་དམུས་ལོང་ཡིན་ཞིང་རྗེས་སུ་མིག་གིས་མཐོང་བར་གྱུར་པའི་དོན་དེ་ལ་ཡིད་མ་ཆེས༌པར། ཁོའི་ཕ་མ་གཉིས་བོས་ཏེ་ན༌རེ།  
\v 19 མི་འདི་ནི་ཁྱོད་གཉིས་ཀྱི་བུ་ཡིན༌ནམ། ཁྱོད་ཕ་མ་གཉིས་ཀྱིས་བཤད་པ་ལྟར་ན་ཁོ་ནི་སྐྱེས་མ་ཐག་ནས་ལོང་བ་ཡིན༌ཟེར། འོ་ན་ད་ལྟ་ཁོའི་མིག་གིས་ཇི་ལྟར་མཐོང་བར་གྱུར་རམ་ཞེས་དྲིས་པ༌ལ།  
\v 20 ཕ་མ་གཉིས་ན༌རེ། ཁོ་ནི་ངེད་གཉིས་ཀྱི་བུ་ཡིན་ཞིང་སྐྱེས་མ་ཐག་ནས་ལོང་བ་ཡིན་པ་ངེད་གཉིས་ཀྱིས་ཤེས་སོ།།  
\v 21 འོན་ཀྱང་ད་ལྟ་ཁོའི་མིག་གིས་ཇི་ལྟར་མཐོང་བར་གྱུར་པ་དང་། སུ་ཞིག་གིས་ཁོའི་མིག་ཟུང་གསོས་པར་མཛད་པའི་དོན་ནི་ངེད་གཉིས་ཀྱིས་མི་ཤེས༌ཏེ། ཁོ་རང་ནར་སོན་པས་ཁོ་རང་ལ་དྲིས་དང་སྨྲ་ངེས་ཡིན་ཞེས་སྨྲས་སོ།།  
\v 22 ཁོའི་ཕ་མ་གཉིས་ཀྱིས་དེ་སྐད་སྨྲས་པ་ནི་ཡ་ཧུ་དཱ་པ་རྣམས་ལ་འཇིགས༌པ་རེད། རྒྱུ་མཚན་ནི་ཡ་ཧུ་དཱ་པ་རྣམས་ཀྱིས་མི་སུ་ཞིག་གིས་ཡེ་ཤུ་ནི་སྐྱབས་མགོན་མཱ་ཤི་ཀ་ཡིན་ཟེར༌ན། མི་དེ་ཆོས་ཁང་ནས་ཕྱི་རུ་འདོན་པར་གྲོས་ཐག་བཅད་ཡོད་པའི་རྐྱེན༌གྱིས།  
\v 23 ཁོའི་ཕ་མ་གཉིས་ཀྱིས་ཀྱང་ཁོ་རང་ནར་སོན་པས་ཁོ་ལ་དྲིས་ཤིག་ཅེས་སྨྲས་པ་ཡིན༌ནོ།།   
\p
\v 24 དེའི༌ཕྱིར། ཕ་རུ་ཤི་པ་རྣམས་ཀྱིས་སླར་ཡང་སྔོན་ཆད་ལོང་བ་ཡིན་པ་དེ་ཉིད་བོས་ཡོང་སྟེ་ན༌རེ། ཁྱོད་ཀྱིས་དཀོན་མཆོག་ལ་བསྔགས་བརྗོད་བྱོས༌ཤིག མི་དེ་ནི་སྡིག་ཅན་ཞིག་ཡིན་པ་ངེད་རྣམས་ཀྱིས་ཤེས་པ་ཡིན་ཞེས་སྨྲས་པ༌ལ།  
\v 25 ཁོ་ན༌རེ། མི་དེ་ནི་སྡིག་ཅན་ཞིག་ཡིན་མིན་ངས་མི་ཤེས༌ལ། སྔོན་ཆད་ང་རང་ནི་དམུས་ལོང་ཡིན་ཡང་ད་ལྟ་མིག་གིས་མཐོང་བ་འདི་བདག་གིས་ཤེས་ཞེས་སྨྲས་སོ།།  
\v 26 ཡང་ཕ་རུ་ཤི་པ་རྣམས་ན༌རེ། མི་དེས་ཁྱོད་ལ་ཅི་བྱས་པ་ཡིན༌ནམ། ཁྱོད་ཀྱི་མིག་ཟུང་ཇི་ལྟར་སོས་པ་ཡིན་ནམ་ཞེས་དྲིས་པ༌ན།  
\v 27 ཡང་ཁོ་ན༌རེ། ངས་ཁྱོད་རྣམས་ལ་ལན་གཅིག་བཤད་ཀྱང་ཁྱོད་རྣམས་ཀྱིས་མ་མཉན། ད་ནི་ཅིའི་ཕྱིར་མཉན་འདོད༌དམ། ཁྱོད་རྣམས་ཀྱང་མི་དེའི་རྗེས་འབྲང་པ་བྱེད་འདོད་པ་ཡིན་ནམ་ཞེས་སྨྲས་པ༌ལ།  
\v 28 དེ་རྣམས་ན༌རེ། ཁྱོད་ནི་མི་དེའི་རྗེས་འབྲང་པ་ཡིན་ཞིང་ངེད་ཅག་ནི་མོ་ཤེའི་རྗེས་འབྲང་པ་ཡིན།  
\v 29 དཀོན་མཆོག་གིས་མོ་ཤེ་ལ་གསུང་གླེང་མཛད་མྱོང་བའི་དོན་དེ་ངེད་རྣམས་ཀྱིས་ཤེས་སོ།། འོན་ཀྱང་མི་དེ་ཡུལ་གང་ནས་ཡོང་བ་མི་ཤེས་ཞེས་སྡིགས་དམོད་བྱས་སོ།།  
\v 30 ཡང་ཁོ་ན༌རེ། ཁོང་གིས་ངའི་མིག་གསོས་པར་མཛད་ཅིང་ཁྱོད་རྣམས་ཀྱིས་ཁོང་ནི་ཡུལ་གང་ནས་ཡོང་བའང་མི་ཤེས་པས་ཡ་མཚན༌ཆེ།  
\v 31 དཀོན་མཆོག་གིས་མི་སྡིག་ཅན་གྱི་གསོལ་འདེབས་ལ་མི་གསན་ཞིང༌། དཀོན་མཆོག་ལ་དད་གུས་ལྡན་པ་དང་ཁོང་གི་དགོངས་པ་བཞིན་དུ་བྱེད་མཁན་རྣམས་ཀྱིས་གསོལ་བ་བཏབ་པ་ལ་ཁོང་གིས་གསན་ངེས་པ་བདག་ཅག་གིས་ཤེས་སོ།།  
\v 32 འཇིག་རྟེན་བཀོད་པའི་ཚུན་ལ་མི་སུས་ཀྱང་དམུས་ལོང་གི་མིག་ཟུང་གསོས་པར་མཛད་པའི་དོན་ཐོས་མ་མྱོང༌།  
\v 33 གལ་ཏེ་མི་དེ་ནི་དཀོན་མཆོག་ནས་བྱུང་བ་མིན༌ན། དོན་ཅི་ཡང་མཛད་མི་ནུས་ཞེས་སྨྲས་པ༌ལ།  
\v 34 ཡང་དེ་རྣམས་ན༌རེ། ཁྱོད་ནི་སྐྱེས་པའི་དུས་ནས་སྡིག་ཅན་ཤ་སྟག་ཡིན་ཞིང་ད་དུང་ངེད་རྣམས་ལ་བསླབ་བྱ་གཏོང་འདོད་དམ་ཞེས་སྨྲས་ཏེ་ཁོ་རང་ཕྱི་རུ་བཏོན༌ཏོ།།   
\s1 དད་པ་མེད་པའི་དམུས་ལོང་ལྟ་བུ་རྣམས་ལ་ཆོས་གསུངས༌པ།  
\p
\v 35 དེ་ནས་སྐྱབས་མགོན་ཡེ་ཤུས་མིག་ཟུང་གསོས་པའི་མི་དེ་ཕྱི་རུ་བཏོན་པའི་གཏམ་ཐོས༌ཤིང༌། མི་དེ་བཙལ་ནས་རྙེད་དེ་འདི་སྐད༌དུ། ཁྱོད་ཀྱིས་མིའི་བུ་ལ་དད་པ་བྱེད་དམ་ཞེས་གསུངས་པ༌དང༌།  
\v 36 ཁོ་ན༌རེ། ཇོ་བོ༌ལགས། ཁོང་སུ་ཡིན༌ནམ། ཁྱོད་ཀྱིས་གསུངས་དང་བདག་གིས་དད་པ་བྱའོ་ཞེས་ཞུས་པ༌ལ།  
\v 37 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་ཁོང་ཉིད་མཐོང་མྱོང་ཞིང་ད་ལྟ་ཁྱོད་དང་གཏམ་སྨྲ་བཞིན་པ་འདི་ནི་ཁོ་རང་ཡིན་ཞེས་གསུངས་པ༌ན།  
\v 38 ཡང་ཁོ་ན༌རེ། གཙོ་བོ༌ལགས། ངས་དད་པ་བྱེད་ཅེས་ཞུས་པ་དང་ཁོང་ལ་ཕྱག་བཙལ་ཏོ།།  
\v 39 དེ་ནས་སྐྱབས་མགོན་ཡེ་ཤུས་འདི་སྐད༌དུ། ང་ནི་འཇིག་རྟེན་འདི་ལ་ལེགས་ཉེས་ཀྱི་ཤན་འབྱེད་དུ་ཡོང་བ་ཡིན༌ཏེ། ལོང་བ་རྣམས་ལ་མཐོང་བར་བྱེད་ཅིང་མཐོང་བ་རྣམས་ནི་ལོང་བར་འགྱུར་བའི་ཕྱིར་རོ་ཞེས་གསུངས་སོ།།  
\v 40 དེ་ནས་སྐྱབས་མགོན་ཡེ་ཤུའི་དྲུང་དུ་ཡོད་པའི་ཕ་རུ་ཤི་པ་འགའ་ཞིག་གིས་ཀྱང་གསུངས་དེ་ཐོས་ནས་འདི༌ལྟར། དེས་ན་ངེད་རྣམས་ཀྱང་ལོང་བ་ཡིན་ནམ་ཞེས་དྲིས་པ༌ན།  
\v 41 ཡང་སྐྱབས་མགོན་ཡེ་ཤུས་འདི་སྐད༌དུ། གལ་ཏེ་ཁྱོད་རྣམས་ལོང་བ་ཡིན་ན་སྡིག་པའང་མེད། འོན་ཀྱང་ད་ལྟ་ཁྱོད་རྣམས་ཀྱིས་མིག་གིས་མཐོང་བ་ཡིན་ཞེས་ཟེར༌བས། ཁྱོད་ཅག་གི་རྒྱུད་དུ་ད་དུང་སྡིག་པ་ཡོད་ཅེས་གསུངས༌སོ།།   
\c 10
\cl ལེའུ་བཅུ༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 ལུག་རྫི་བཟང་པོའི༌དཔེ།  
\p
\v 1 དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། མི་སུ་ཞིག་ལུག་རའི་ནང་དུ་སྒོ་ལམ་བརྒྱུད་ནས་མི་འགྲོ༌བར། གནས་གཞན་ནས་ཡར་འགོས་ཏེ་འགྲོ་བ་ནི་ཇག་རྐུན་ཡིན།  
\v 2 འོན་ཀྱང་སྒོ་ལམ་བརྒྱུད་ནས་ལུག་རའི་ནང་དུ་འགྲོ་བ་དེ་ནི་ད་གཟོད་ལུག་རྫི་ཡིན༌ཏེ།  
\v 3 སྒོ་སྲུང་གིས་དེ་ལ་སྒོ་འབྱེད་ཅིང་ལུག་དག་གིས་ཀྱང་དེའི་སྐད་ལ་མཉན༌པ་དང་། དེས་ཀྱང་རང་གི་ལུག་དག་གི་མིང་ནས་བོས་ཏེ་ཕྱི་རོལ་ཏུ་ཁྲིད༌ཅིང༌།  
\v 4 རང་གི་ལུག་རྣམས་ཕྱིར་གཏོང་ཞིང་ཁོ་ནི་མདུན་དུ་འགྲོ་བའི་དུས། ལུག་དག་གིས་ཀྱང་ཁོའི་སྐད་ཤེས་པས་རྗེས་སུ་འབྲང་བ་ཡིན་ནོ།།  
\v 5 ལུག་དེ་དག་མི་རྒྱུས་མེད་ཀྱི་རྗེས་སུ་མི་འབྲང༌ལ། མི་དེའི་སྐད་ཀྱང་མི་ཤེས་པས་འབྲོ་བར་འགྱུར་ཞེས་གསུངས་སོ།།  
\v 6 དེ་ལྟར་སྐྱབས་མགོན་ཡེ་ཤུས་དཔེའི་སྒོ་ནས་དེ་རྣམས་ལ་གསུང་གནང་ནའང་ཁོ་རྣམས་ཀྱིས་འདིའི་དོན་ཅི་ཡིན་མ་རྟོགས༌སོ།།   
\p
\v 7 དེའི༌ཕྱིར། ཡང་སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། ངས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། ལུག་རྣམས་ཀྱི་སྒོ་ནི་ང་རང་ཡིན།  
\v 8 ངའི་སྔོན་དུ་ཡོང་བ་ཐམས་ཅད་ཇག་རྐུན་ཡིན་ཏེ་ལུག་རྣམས་ཀྱིས་ཀྱང་དེ་དག་གི་ངག་ལ་མ་མཉན་ཏོ།།  
\v 9 ང་རང་ནི་སྒོ་ཡིན༌ཏེ། ང་རང་བརྒྱུད་ནས་ནང་དུ་འགྲོ་བ་ཐམས་ཅད་སྐྱོབ་པར་འགྱུར༌ཞིང༌། ཕྱི་ནང་གང་དུ་སོང་ནའང་བཟའ་བྱའི་རྩྭ་འཐོབ་པར་འགྱུར།  
\v 10 སྤྱིར་རྐུན་མ་ཐམས་ཅད་ནི་རྐུ་བྱེད་པ་དང་སྲོག་གཅོད་པའམ་མེད་པར་བྱེད་པ་བཅས་ཁོ་ནའི་ཆེད་དུ་ཡོང༌བ་ཡིན། འོན་ཀྱང་ང་རང་ནི་དེ་རྣམས་ལ་ཚེ་སྲོག་དཔག་ཏུ་མེད་པ་སྩོལ་བའི་ཕྱིར་ཡོང༌ངོ༌།།   
\p
\v 11 ང་རང་ནི་ལུག་རྫི་བཟང་པོ༌ཡིན་ཏེ། ལུག་རྫི་བཟང་པོས་ལུག་རྣམས་ཀྱི་དོན་དུ་རང་སྲོག་ཀྱང་བློས་གཏོང་བ༌ཡིན།  
\v 12 གླ་བ་ནི་ལུག་རྫི་དངོས་མིན་ལ་ལུག་གི་བདག་པོའང་མ་ཡིན༌པས། ཁོས་སྤྱང་ཀི་ཡོང་བ་མཐོང་ཚེ་ལུག་རྣམས་བསྐྱུར་ནས་འབྲོ་བ༌དང༌། སྤྱང་ཀིས་ལུག་འཛིན་པ་དང་ལུག་ཁྱུའང་གཏོར་བར་བྱེད།  
\v 13 དེས་ན་གླ་བ་དེ་བྲོས་འགྲོ་བའི་རྒྱུ་མཚན་ཅི་ཞེ༌ན། གླ་བ་ནི་གླས་པ་ཡིན་པས་ཁོས་ལུག་ལ་སེམས་ཁུར་མི་བྱེད་དོ།།  
\v 14 ང་རང་ནི་ལུག་རྫི་བཟང་པོ༌ཡིན་ཏེ། ངས་རང་གི་ལུག་རྣམས་ངོ་ཤེས༌ཤིང༌། ངའི་ལུག་རྣམས་ཀྱིས་ཀྱང་ང་རང་ངོ་ཤེས༌པ་ཡིན།  
\v 15 བདག་གི་ཡབ་ཀྱིས་ང་རང་ངོ་ཤེས་པ་དང་ངས་ཀྱང་ཁོང་ཉིད་ངོ་ཤེས་པ༌ལྟར། བདག་གིས་ལུག་རྣམས་ཀྱི་དོན་དུ་རང་སྲོག་བློས་གཏོང་བ་ཡིན།  
\v 16 བདག་ལ་ལུག་ར་འདིའི་ལུག་ལས་གཞན་པའི་ལུག་ཀྱང་ཡོད༌དེ། ངས་ལུག་དེ་དག་ཚུར་འཁྲིད་དགོས་ཤིང་དེ་དག་གིས་ཀྱང་ངའི་སྐད་ལ་མཉན་ངེས་ཡིན། ལུག་དེ་ཐམས་ཅད་ལུག་ཁྱུ་གཅིག་ཏུ་འགྱུར་བ་དང་ལུག་རྫིའང་གཅིག་ལ་གཏོགས་པར་འགྱུར་རོ།།  
\v 17 བདག་གི་ཡབ་ཀྱིས་ང་རང་ལ་བྱམས་ཤིང་གཅེས༌ཏེ། བདག་གིས་རང་སྲོག་བློས་གཏོང་བ་དང་རང་སྲོག་བཏང་རྗེས་སླར་ཡང་གསོན་པར་བྱེད་པའི་ཕྱིར༌ཡིན།  
\v 18 བདག་ནི་རང་སྲོག་རང་གིས་བློས་གཏོང་བ་ལས་གཞན་སུས་ཀྱང་འཕྲོག་མི་ནུས༌ཏེ། བདག་ལ་རང་སྲོག་བློས་གཏོང་བའི་དབང་ཡོད་ལ་སླར་གསོན་པའི་དབང་ཡང་ཡོད། དེ་ནི་བདག་གི་ཡབ་ཀྱིས་ང་རང་ལ་བསྩལ་བའི་བཀའ་ཡིན་ཞེས་གསུངས༌སོ།།   
\p
\v 19 སྐྱབས་མགོན་ཡེ་ཤུས་དེ་ལྟར་གསུངས་པས་ཡ་ཧུ་དཱ་པ་རྣམས་ཀྱི་ཁྲོད་དུ་སླར་ཡང་རྩོད་གླེང་བྱུང་བ༌དང༌།  
\v 20 མི་མང་པོ་ཞིག་ན༌རེ། མི་འདི་ལ་གདོན་འདྲེ་ཞུགས་ཏེ་སྨྱོས་འདུག་པས་ཅིའི་ཕྱིར་ཁོའི་ཚིག་ལ་ཉན་ནམ་ཞེས་སྨྲས་སོ།།  
\v 21 ཡང་གཞན་རྣམས་ན༌རེ། འདི་ནི་གདོན་འདྲེས་བཟུང་བ་ཞིག་གིས་གསུངས་པ་མ་ཡིན༌ཏེ། གདོན་འདྲེ་ཞིག་གིས་ལོང་བའི་མིག་ཟུང་གསོ་ནུས་སམ་ཞེས་སྨྲས༌སོ།།   
\s1 ཡ་ཧུ་དཱ་པ་རྣམས་སྐྱབས་མགོན་ཡེ་ཤུར་ཡིད་མ་ཆེས་པ།  
\p
\v 22 དེ་ནས་ཡེ་རུ་སཱ་ལེམ་གྱི་བསྔོ་བའི་དུས་ཆེན་ལ་སླེབས་ཤིང་། དུས༌དེ་ནི་དགུན་དུས་ཡིན།  
\v 23 སྐྱབས་མགོན་ཡེ་ཤུ་མཆོད་ཁང་ནས་སོ་ལོ་མོན་ཞེས་པའི་ཁྱམས་རར་ཞབས་ཀྱིས་བཅགས་ཤིང་།  
\v 24 ཡ་ཧུ་དཱ་པ་རྣམས་ཀྱིས་ཁོང་གི་མཐའ་བསྐོར་ཏེ་ན༌རེ། ཁྱེད་ཀྱིས་དུས་ནམ་ཞིག་གི་བར་དུ་ངེད་ཅག་ལ་ཐེ་ཚོམ་སྐྱེས་སུ་འཇུག༌གམ། ཁྱེད་རང་སྐྱབས་མགོན་མཱ་ཤི་ཀ་ཡིན་ན་ངེད་ཅག་ལ་གསལ་པོར་གསུང་བར་མཛོད་ཅེས་ཞུས་སོ།།  
\v 25 དེ་ནས་སྐྱབས་མགོན་ཡེ་ཤུས་འདི་སྐད༌དུ། བདག་གིས་སྔ་མོ་ནས་སྨྲས་ཀྱང་ཁྱོད་རྣམས་ཡིད་མ་ཆེས། བདག་གིས་རང་གི་ཡབ་ཀྱི་མཚན་གྱི་སྒོ་ནས་མཛད་པའི་ལས་དེ་དག་གིས་ང་རང་ལ་བདེན་དཔང་བྱེད༌པ་ཡིན།  
\v 26 འོན་ཀྱང་ཁྱོད་རྣམས་ནི་བདག་གི་ལུག་མིན་པས་བདག་ལ་ཡིད་མི་ཆེས༌ཤིང་།  
\v 27 ངའི་ལུག་རྣམས་ཀྱིས་ངའི་སྐད་ལ་ཉན་པ༌དང༌། ངས་ཀྱང་ལུག་དེ་དག་ངོ་ཤེས་ཏེ་ལུག་རྣམས་ཀྱང་བདག་གི་རྗེས་སུ་འབྲང༌ངོ་།།  
\v 28 ཡང་བདག་གིས་དེ་རྣམས་ལ་མཐའ་མེད་པའི་ཚེ་སྲོག་སྩོལ༌བས། དེ་དག་ནམ་ཡང་འཇིག་པར་མི་འགྱུར་ཞིང་སུས་ཀྱང་བདག་གི་ལག་ནས་དེ་རྣམས་འཕྲོག་མི་ནུས།  
\v 29 བདག་གི་ཡབ་ཀྱིས་ལུག་དེ་རྣམས་བདག་ལ་གནང་ཞིང་ཁོང་ཉིད་ནི་ཐམས་ཅད་ལས་མཆོག་ཏུ་གྱུར་པ་ཡིན༌ཏེ། སུ་ཞིག་གིས་ཀྱང་བདག་གི་ཡབ་ཀྱི་ཕྱག་ནས་ལུག་དེ་རྣམས་འཕྲོག་པར་མི་ནུས།  
\v 30 བདག་དང་ཡབ་ནི་ངོ་བོ་གཅིག་རང་ཡིན་ཞེས་གསུངས༌སོ།།   
\p
\v 31 དེ་ནས་ཡ་ཧུ་དཱ་པ་རྣམས་ཀྱིས་སླར་ཡང་ས་ནས་རྡོ་བླངས་ཏེ་སྐྱབས་མགོན་ཡེ་ཤུ་ལ་རྒྱག་པར་རྩོམ་པ༌ན།  
\v 32 ཁོང་གིས་དེ་རྣམས་ལ་འདི་སྐད༌དུ། བདག་གིས་རང་གི་ཡབ་ནས་བྱུང་བའི་ལས་བཟང་པོ་གང་མང་ཁྱོད་ཅག་ལ་བསྟན་ཡང༌། ཁྱོད་ཅག་གིས་ལས་བཟང་པོ་དེ་དག་ལས་གང་ཞིག་གི་ཕྱིར་དུ་ང་རང་ལ་རྡོ་ཡིས་རྒྱག་འདོད་པ་ཡིན་ནམ་ཞེས་གསུངས་པ༌ན།  
\v 33 ཡ་ཧུ་དཱ་པ་རྣམས་ན༌རེ། ངེད་རྣམས་ཀྱིས་ལས་བཟང་པོར་དམིགས་ཏེ་ཁྱོད་ལ་རྡོ་ཡིས་རྒྱག་པར་རྩོམ་པ་མ་ཡིན༌ཏེ། ཁྱོད་ནི་མི་ཡིན་ཡང་རང་ཉིད་ནི་དཀོན་མཆོག་ཡིན་ཞེས་དཀོན་མཆོག་ལ་སྐུར་བ་བཏབ་པའི་ཕྱིར་ཡིན་ཞེས་སྨྲས༌སོ།།  
\v 34 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གི་བཀའ་ཁྲིམས་ནང་དུ་ངས་ཁྱོད་རྣམས་ནི་ལྷ་རྣམས་ཡིན་ \f + \ft ངས་ཁྱོད་རྣམས་ནི་ལྷ་རྣམས་ཡིན་ཞེས་པ་འདི་ནི་དམ་པའི་གསུང་རབ་ཀྱི་ཞལ་ཆད་རྙིང་པའི་གསུང་མགུར་གྱ་གཉིས་པའི་ཚིག་རྐང་དྲུག་པའི་ནང་དུ་བཀོད་ཡོད་ལ། འདིར་ལྷ་ཞེས་པ་ནི་ཡེས་ར་ཨེལ་གྱི་འགོ་དཔོན་དང་ཁྲིམས་དཔོན་སོགས་དབང་དང་ནུས་མཐུ་ལྡན་པ་རྣམས་ལ་གོ་བ་སྟེ། ཡེས་ར་ཨེལ་པ་རྣམས་ཀྱིས་མཚམས་རེར་རང་གི་འགོ་དཔོན་དང་ཁྲིམས་དཔོན་སོགས་ལ་ལྷ་ཞེས་འབོད་པ་ཡིན། འདིར་ཡང་དེ་བཞིན་གོ་བ་ལས་ལྷ་རྣམས་ལ་གོ་མི་རུང་། \f*ཞེས་གསུངས་མྱོང་བ་མ་ཡིན༌ནམ།  
\v 35 གསུང་རབ་ལས་བྱུང་བའི་བཀའ་རྣམས་རྟག་ཏུ་ཡང་དག་ཅིང་བདེན་པ་ཡིན༌ལ། གལ་ཏེ་དཀོན་མཆོག་གིས་རང་ཉིད་ཀྱི་བཀའ་ཐོབ་པའི་མི་རྣམས་ལ་ལྷ་ཞེས་གསུངས༌ན།  
\v 36 ཡབ་ཀྱིས་ང་རང་མཆོག་ཏུ་བདམས་ཤིང་འཇིག་རྟེན་དུ་མངགས་པ༌དང༌། ངས་རང་ཉིད་ནི་དཀོན་མཆོག་གི་སྲས་ཡིན་ཞེས་སྨྲས༌པས། ཁྱོད་རྣམས་ན༌རེ། ཁྱོད་ཀྱིས་དཀོན་མཆོག་ལ་སྐུར་བ་བཏབ་ཅེས་ཟེར་དོན༌ཅི།  
\v 37 གལ་ཏེ་ངས་རང་གི་ཡབ་ཀྱི་དོན་རྣམས་མི་སྒྲུབ༌ན། ཁྱོད་ཅག་གིས་ཀྱང་ང་རང་ལ་ཡིད་ཆེས་བྱེད་དགོས་དོན་མི་འདུག  
\v 38 གལ་ཏེ་ངས་རང་གི་ཡབ་ཀྱི་དོན་དེ་བསྒྲུབས་པ༌དང༌། ཁྱོད་ཅག་བདག་ལ་ཡིད་མི་ཆེས༌ནའང༌། དོན་དེ་རྣམས་ལ་ཡིད་ཆེས་བྱེད་དགོས༌ཏེ། བདག་གི་ཡབ་ནི་ང་ཡི་ནང་དུ་གནས་ཤིང་། ང་རང་ཡང་ཡབ་ཀྱི་ནང་དུ་གནས་པའི་དོན་དེ་ཁྱོད་ཅག་གིས་གསལ་པོར་ཤེས་པར་འགྱུར་བའི་ཕྱིར་ཡིན་ཞེས་གསུངས་སོ།།  
\v 39 དེ་ནས་ཡང་ཡ་ཧུ་དཱ་པ་རྣམས་ཀྱིས་སྐྱབས་མགོན་ཡེ་ཤུ་འཛིན་བཟུང་བྱེད་པར་རྩོམ་པ༌ན། ཁོང་ནི་མི་དེ་དག་གི་ལག་ནས་ཐར༌བ་རེད།  
\v 40 དེ་ནས་སྐྱབས་མགོན་ཡེ་ཤུ་ཁོང་ཡོར་དན་གཙང་པོའི་ཕ་རོལ༌ཏེ། སྔར་ཁྲུས་གསོལ་མཁན་ཡོ་ཧ་ནན་གྱིས་ཁྲུས་གསོལ་བྱས་མྱོང་བའི་གནས་དེར་ཕེབས་ནས་བཞུགས་པ་རེད།  
\v 41 དེ་ནས་མི་མང་པོ་ཁོང་གི་དྲུང་དུ་ཡོང་སྟེ་ཕན་ཚུན་ན༌རེ། ཁྲུས་གསོལ་མཁན་ཡོ་ཧ་ནན་གྱིས་གྲུབ་རྟགས་ཅི་ཡང་མ་བསྟན༌ཀྱང་། ཁོས་སྐྱེས་བུ་འདིའི་སྐོར་ལ་སྨྲས་པ་ཐམས་ཅད་བདེན་པ་རེད་ཅེས་སྨྲས་པ༌དང༌།  
\v 42 ཡུལ་དེ་རུ་མི་མང་པོ་སྐྱབས་མགོན་ཡེ་ཤུ་ལ་དད་པར་གྱུར༌ཏོ།།   
\c 11
\cl ལེའུ་བཅུ་གཅིག༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 ལཱ་ཟར་ཤི་བའི༌སྐོར།  
\p
\v 1 དེ་ཡང་མིང་ལ་ལཱ་ཟར་ཞེས་འབོད་པའི་ནད་པ་ཞིག་ཡོད་པ་དེ་ནི་པེ་ཐན་ཡཱ་གྲོང་སྡེ་རུ་གནས༌ཤིང༌། དེ་ནི་མིར་ཡམ་དང་ཁོ་མོའི་ལྕམ་མོ་མཱར་ཐ་གཉིས་ཀའི་གྲོང་སྡེ་ཡིན།  
\v 2 མིར་ཡམ་ཞེས་པ་དེ་ནི་སྐྱབས་མགོན་ཡེ་ཤུའི་སྐུ་ལ་སྤོས་ཆུ་བྱུགས་ཤིང་སྐྲ་ཡིས་ཁོང་གི་ཞབས་ཟུང་ཕྱི་མཁན་དེ་ཡིན༌ལ། ཁོ་མོའི་སྤུན་ལཱ་ཟར་ལ་ན་ཚ་བྱུང་བ་ཡིན༌པས།  
\v 3 ལྕམ་སྲིང་གཉིས་ཀྱིས་མི་གཞན་ཞིག་སྐྱབས་མགོན་ཡེ་ཤུའི་དྲུང་དུ་མངགས༌ཏེ། གཙོ་བོ༌ལགས། ཁྱེད་ཀྱིས་བྱམས་ཤིང་གཅེས་པའི་མི་དེ་ད་ལྟ་ནད་ཀྱིས་མནར་ཞེས་ངག་འཕྲིན་བསྐུར༌ཏོ།།   
\p
\v 4 དེ་ནས་སྐྱབས་མགོན་ཡེ་ཤུས་གཏམ་དེ་གསན་ནས་འདི་སྐད༌དུ། ནད་དེ་ནི་འཆི་བའི་རྒྱུ་མ་ཡིན་པར་དཀོན་མཆོག་གི་གཟི་བརྗིད་མངོན་པར་འགྱུར་བའི༌ཕྱིར་ཡིན་ལ། ནད་པ་དེ་ཉིད་བརྒྱུད་ནས་སྲས་དཀོན་མཆོག་གཟི་བརྗིད་དང་ལྡན་པར་འགྱུར་ཞེས་གསུངས་སོ།།  
\v 5 སྐྱབས་མགོན་ཡེ་ཤུས་མཱར་ཐ་དང་ཁོ་མོའི་ནུ་མོ་མིར་ཡམ། ལཱ་ཟར་བཅས་ལ་བྱམས་ཤིང་གཅེས༌ནའང༌།  
\v 6 སྐྱབས་མགོན་ཡེ་ཤུས་ལཱ་ཟར་ན་བའི་གཏམ་དེ་གསན་ནས་སྔར་བཞིན་རང་ཉིད་ཀྱི་བཞུགས་གནས་སུ་ཉིན་གཉིས་ལ་བཞུགས༌རྗེས།  
\v 7 ཁོང་གིས་ཐུགས་སྲས་རྣམས་ལ་འདི་སྐད༌དུ། བདག་ཅག་སླར་ཡང་ཡ་ཧུ་དཱའི་ཡུལ་དུ་འགྲོའོ་ཞེས་གསུངས་པ༌ལ།  
\v 8 ཐུགས་སྲས་རྣམས་ན༌རེ། རཱབ་པེ་ལགས། ཁ་སང་ཙམ་ནས་ཡ་ཧུ་དཱ་པ་རྣམས་ཀྱིས་ཁྱེད་རྡོ་རུབ་གཏོང་བར་རྩོམ༌ཡང༌། ཁྱེད་རང་ད་དུང་ཡུལ་དེར་ཕེབས་སམ་ཞེས་ཞུས་པ༌ན།  
\v 9 ཡང་སྐྱབས་མགོན་ཡེ་ཤུས་འདི་སྐད༌དུ། ཉིན་དཀར་གཅིག་ལ་ཆུ་ཚོད་བཅུ་གཉིས་ཡོད་པ་མ་ཡིན༌ནམ། ཉིན་མོར་ལམ་ལ་སྐྱོད་མཁན་དེས་འཇིག་རྟེན་གྱི་འོད་སྣང་མཐོང་བས་སར་མི་འགྱེལ༌ཡང༌།  
\v 10 མཚན་མོར་ལམ་ལ་སྐྱོད་མཁན་དེར་འོད་སྣང་མེད་པས་སར་འགྱེལ་བར་འགྱུར་ཞེས་གསུངས་པ༌དང༌།  
\v 11 ཡང་ཁོང་གིས་འདི་སྐད༌དུ། བདག་ཅག་གི་གྲོགས་ལཱ་ཟར་གཉིད་དུ་ཡུར་བས་ང་རང་ཁོ་བསླང་དུ་འགྲོ་ཞེས་གསུངས་སོ།།  
\v 12 དེ་ནས་ཐུགས་སྲས་རྣམས་ན༌རེ། གཙོ་བོ༌ལགས། ལཱ་ཟར་གཉིད་དུ་ཡུར་བ་ཡིན་ན་ནད་སོས་པར་འགྱུར་ཞེས་སྨྲས་སོ།།  
\v 13 སྐྱབས་མགོན་ཡེ་ཤུས་ལཱ་ཟར་ཤི་ཟིན་པ་མཁྱེན་ནས་དེ་སྐད་གསུངས་ནའང་ཐུགས་སྲས་རྣམས་ཀྱིས་ལཱ་ཟར་དངོས་གནས་གཉིད་དུ་ཡུར་བ་ལ༌གོ་བ་རེད།  
\v 14 དེའི༌ཕྱིར། སྐྱབས་མགོན་ཡེ་ཤུས་ཐུགས་སྲས་རྣམས་ལ་འདི་སྐད༌དུ། ལཱ་ཟར་ཤི་ཟིན༌ཏོ།།  
\v 15 འོན་ཀྱང་ཁྱོད་རྣམས་དད་པར་འགྱུར་བའི༌ཕྱིར། ང་རང་སྔར་དེར་མེད་པ་ལ་དགའོ།། ད་ལྟ་བདག་ཅག་ལཱ་ཟར་སྡོད་པའི་ཡུལ་དུ་འགྲོའོ་ཞེས་གསལ་པོར་གསུངས་སོ།།  
\v 16 དེ་ནས་ཐུགས་སྲས་རྣམས་ཀྱི་ཁྲོད་དུ་མིང་གཞན་ལ་མཚེ་མ་ཞེས་འབོད་པའི་ཐོ་མཱ་ཡིས་ཐུགས་སྲས་གཞན་རྣམས་ལ། བདག་ཅག་ཀྱང་ཁོང་དང་ལྷན་དུ་འཆི་རུ་འགྲོའོ་ཞེས་སྨྲས༌སོ།།   
\s1 སྐྱབས་མགོན་ཡེ་ཤུས་ལཱ་ཟར་གྱི་གཅེན་མོ་གཉིས་ལ་སེམས་གསོ་མཛད་པའི༌སྐོར།  
\p
\v 17 དེ་ནས་སྐྱབས་མགོན་ཡེ་ཤུ་གནས་དེར་ཕེབས་པ་དང་། ལཱ་ཟར་གྱི་བེམ་པོ་དུར་ཁུང་དུ་བཞག་ནས་ཉིན་བཞི་འགོར་བའང་མཁྱེན་ནོ།།  
\v 18 པེ་ཐན་ཡཱ་ནི་ཡེ་རུ་སཱ་ལེམ་དང་བར་ཐག་ཉེ་ཞིང་ཧ་ལམ་རྒྱང་གྲགས་གསུམ་ཙམ་ཡོད༌པས།  
\v 19 ཡ་ཧུ་དཱ་པ་མི་མང་པོ་ཞིག་མཱར་ཐ་དང་མིར་ཡམ་གྱི་སྤུན་ཚེ་ལས་འདས་པ་ལ་སེམས་གསོ་བྱེད་དུ་ཡོང༌བ་རེད།  
\v 20 དེ་ནས་མཱར་ཐས་སྐྱབས་མགོན་ཡེ་ཤུ་ཕེབས་བཞིན་པའི་གནས་ཚུལ་ཐོས་ཏེ། ཁོང་བསུ་བར་ཕྱིན་ཅིང་མིར་ཡམ་རང་ཁྱིམ་དུ་བསྡད་པ་དང་།  
\v 21 དེ་ནས་མཱར་ཐ་ན༌རེ། གཙོ་བོ༌ལགས། ཁྱེད་རང་སྔ་མོ་ནས་འདིར་ཕེབས་པ་ཡིན་ན་ངའི་སྤུན་འཆི་མི་སྲིད་དོ།།  
\v 22 འོན་ཀྱང་ད་ལྟའང་ཁྱེད་ཀྱིས་དཀོན་མཆོག་ལ་དོན་གང་ཞིག་ཞུ་བ་དེ་བཞིན་གནང་བར་འགྱུར་བ་བདག་གིས་ཤེས་ཞེས་ཞུས་པ༌ལ།  
\v 23 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱི་སྤུན་ལཱ་ཟར་སླར་གསོན་ངེས་ཡིན་ཞེས་གསུངས་པ༌ན།  
\v 24 མཱར་ཐ་ན༌རེ། མཐའ་མའི་ཉིན་མོར་གཤིན་པོ་རྣམས་སླར་གསོན་དུས་ལཱ་ཟར་ཡང་སླར་གསོན་པར་འགྱུར་བ་བདག་གིས་ཤེས་ཞེས་ཞུས་སོ།།  
\v 25 ཡང་སྐྱབས་མགོན་ཡེ་ཤུས་འདི་སྐད༌དུ། སླར་གསོན་པ་དང་ཚེ་སྲོག་གནང་མཁན་ནི་ང་རང་ཡིན༌ཏེ། བདག་ལ་དད་པ་བྱེད་མཁན་སུ་ཞིག་ཤི་ནའང་ད་དུང་གསོན་པར་འགྱུར་བ༌དང༌།  
\v 26 གསོན་པོར་གནས་ཤིང་བདག་ལ་དད་མཁན་ཐམས་ཅད་ནམ་ཡང་འཆི་བར་མི་འགྱུར། ཁྱོད་ནི་དོན་འདི་ལ་ཡིད་ཆེས་སམ་ཞེས་གསུངས་པ༌ལ།  
\v 27 མཱར་ཐ་ན༌རེ། ལགས༌སོ།། གཙོ་བོ༌ལགས། བདག་གིས་ཁྱེད་རང་ནི་སྐྱབས་མགོན་མཱ་ཤི་ཀ་སྟེ། དཀོན་མཆོག་གི་སྲས་འཇིག་རྟེན་དུ་བྱོན་པ་དེ་ཉིད་ཡིན་པར་དད་པ་བྱེད་ཅེས་ཞུས༌སོ།།   
\p
\v 28 མཱར་ཐས་དེ་ལྟར་ཞུས་རྗེས་ཕྱིར་ཁྱིམ་དུ་སོང་ནས་རང་གི་ནུ་མོ་མིར་ཡམ་ཟུར་དུ་བོས་ཏེ་ན༌རེ། སློབ་དཔོན་ཕེབས་བྱུང༌། ཁོང་གིས་ཁྱོད་རང་ཡང་འབོད་ཀྱིན་འདུག་ཅེས་སྨྲས་པ༌དང༌།  
\v 29 མིར་ཡམ་གྱིས་སྐད་དེ་ཐོས་ནས་མྱུར་དུ་ཡར་ལངས་ཏེ་སྐྱབས་མགོན་ཡེ་ཤུའི་དྲུང་དུ་སོང༌ངོ་༎  
\v 30 དུས༌དེར། སྐྱབས་མགོན་ཡེ་ཤུ་ད་དུང་ཡུལ་སྡེ་ནང་དུ་ཕེབས་མེད་པར་མཱར་ཐས་ཁོང་ལ་བསུ་བ་བྱས་པའི་གནས་དེར་བཞུགས་ཡོད༌པ་རེད།  
\v 31 མིར་ཡམ་དང་མཉམ་དུ་ཁྱིམ་ལ་སྡོད་ཅིང་སེམས་གསོ་བྱེད་པའི་ཡ་ཧུ་དཱ་པ་རྣམས་ཀྱིས་ཀྱང་ཁོ་མོ་མྱུར་དུ་ཡར་ལངས་ནས་ཕྱི་རོལ་ཏུ་འགྲོ་བ་མཐོང༌རྗེས། ཁོ་མོ་ནི་དུར་ཁུང་གི་སྒོ་ཁར་ངུ་རུ་འགྲོ་བར་བསམས་ཏེ་ཁོ་མོའི་རྗེས་སུ་འབྲངས་སོ།།  
\v 32 དེ་ནས་མིར་ཡམ་ཡང་སྐྱབས་མགོན་ཡེ་ཤུ་བཞུགས་སར་སླེབས་ཤིང་། ཁོང་མཇལ་བ་དང་ཁོང་གི་ཞབས་དྲུང་དུ་ཕྱག་བཙལ་ཏེ་ན༌རེ། གཙོ་བོ༌ལགས། ཁྱེད་རང་སྔ་མོ་ནས་གནས་འདིར་ཕེབས་པ་ཡིན་ན་ངའི་སྤུན་ཡང་འཆི་མི་སྲིད་ཅེས་ཞུས་པ༌དང༌།  
\v 33 སྐྱབས་མགོན་ཡེ་ཤུས་མིར་ཡམ་དང་བཅས་པའི་ཡ་ཧུ་དཱ་པ་རྣམས་ངུ་བ་གཟིགས་པ༌དང༌། ཁོང་གི་ཐུགས་ཤིན་ཏུ་སྐྱོ་ཞིང་གདུང་བར་གྱུར་ཏེ་འདི་སྐད༌དུ།  
\v 34 ལཱ་ཟར་གྱི་བེམ་པོ་གང་དུ་བཞག་ཡོད་དམ་ཞེས་གསུངས་པ༌ལ། དེ་རྣམས་ན༌རེ། གཙོ་བོ་ཁྱེད་ཉིད་ཕེབས་ཏེ་གཟིགས་རོགས་མཛོད་ཅེས་ཞུས་པ༌དང༌།  
\v 35 སྐྱབས་མགོན་ཡེ་ཤུ་བཤུམས༌སོ།།  
\v 36 དེ་ནས་ཡ་ཧུ་དཱ་པ་རྣམས་ཕན་ཚུན་ན༌རེ། ལྟོས༌དང༌། ཁོང་གིས་ལཱ་ཟར་ལ་ཇི་འདྲའི་བྱམས་ཤིང་གཅེས་ཨང་ཞེས་སྨྲས་པ༌དང༌།  
\v 37 ཡང་འགའ་ཞིག་ན༌རེ། མི་འདིས་ལོང་བའི་མིག་ཟུང་གསོ་བར་ནུས༌ན། ལཱ་ཟར་ཡང་འཆི་རུ་མ་བཅུག་ན་མི་ཆོག་གམ་ཞེས་སྨྲས༌སོ།།   
\s1 སྐྱབས་མགོན་ཡེ་ཤུས་ལཱ་ཟར་སླར་གསོན་པར་མཛད༌པ།  
\p
\v 38 སྐྱབས་མགོན་ཡེ་ཤུའང་ཐུགས་སྐྱོ་བཞིན་དུར་ཁུང་གི་མདུན་དུ་ཕེབས་པ༌དང༌། དུར་ཁུང་དེ་ནི་བྲག་ཁུང་ཞིག་ཡིན་ཞིང་རྡོ་ཕ་བོང་ཞིག་གིས་ཁུང་སྒོ་བཅད་ཡོད༌པ་རེད།  
\v 39 སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་རྡོ་ཕ་བོང་དེ་ཕར་སྒྲིལ་ཞིག་ཅེས་གསུངས་པ༌ན། གཤིན་པོའི་ལྕམ་སྲིང་མཱར་ཐ་ན༌རེ། གཙོ་བོ༌ལགས། ལཱ་ཟར་ཤི་ནས་ཉིན་བཞི་འགོར་བས་ད་ལྟ་དྲི་ངན་བྲོ་བར་ངེས་ཞེས་ཞུས་པ༌ལ།  
\v 40 སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་དད་པ་བྱས་ན་དཀོན་མཆོག་གི་གཟི་བརྗིད་མཐོང་ངེས་ཡིན་ཞེས་བདག་གིས་སྨྲས་མྱོང་བ་མ་ཡིན་ནམ་ཞེས་གསུངས་སོ།།  
\v 41 དེ་ནས་མི་རྣམས་ཀྱིས་རྡོ་ཕ་བོང་ཕར་བསྒྲིལ་བ་དང་། སྐྱབས་མགོན་ཡེ་ཤུས་དབུ་ཡར་དགྱེ་ནས་འདི་སྐད༌དུ། བདག་གི་ཡབ༌ལགས། ཁྱེད་ཀྱིས་བདག་གི་གསོལ་བ་ལ་གསན་པར་ཐུགས་རྗེ༌ཆེ་ཞུ།  
\v 42 ཁྱེད་ཀྱིས་རྟག་ཏུ་བདག་གི་གསོལ་བ་ལ་གསན་པ་ངས་ཀྱང་ཤེས༌མོད། འོན་ཀྱང་ཐེངས་འདིར་ཞུ་དོན་ནི་འདི་རུ་ཡོད་པའི་མི་རྣམས་བདག་ནི་ཁྱེད་ཀྱིས་མངགས་པ་ཡིན་པར་ཡིད་ཆེས་པའི་ཕྱིར་རོ་ཞེས་གསུངས་སོ།།  
\v 43 སྐྱབས་མགོན་ཡེ་ཤུས་དེ་ལྟར་གསུངས་རྗེས་སྐད་གསང་མཐོན་པོས་འདི་སྐད༌དུ། ལཱ༌ཟར། ཁྱོད་རང་ཕྱི་རོལ་ཏུ་ཤོག་ཅིག་ཅེས་གསུངས་མ༌ཐག  
\v 44 ཤི་ཟིན་པའི་མི་དེ་ཕྱི་རོལ་ཏུ་ཐོན་ནོ།། ལཱ་ཟར་གྱི་རྐང་ལག་དང་གདོང་ལ་རས་ཀྱིས་དཀྲིས་ཡོད༌པས། སྐྱབས་མགོན་ཡེ་ཤུས་དེ་རྣམས་ལ་རས་གྲོལ་ཏེ་ཁོ་རང་འགྲོ་རུ་ཆུག་ཅེས་གསུངས༌སོ།།   
\s1 སྐྱབས་མགོན་ཡེ་ཤུ་དགྲོང་བའི་ཇུས༌ངན།  
\p
\v 45 དེ་ནས་མིར་ཡམ་གྱི་གམ་དུ་ཡོང་བའི་ཡ་ཧུ་དཱ་པ་མང་པོས་སྐྱབས་མགོན་ཡེ་ཤུས་མཛད་པའི་དོན་དེ་མཐོང་ནས་ཁོང་ལ་དད་པར་གྱུར་ཏོ།།  
\v 46 འོན་ཀྱང་དེ་རྣམས་ལས་འགའ་ཞིག་ཕ་རུ་ཤི་པ་རྣམས་ཀྱི་གམ་དུ་སོང་སྟེ། སྐྱབས་མགོན་ཡེ་ཤུས་མཛད་པའི་དོན་རྣམས་བཤད༌པས།  
\v 47 མཆོད་དཔོན་ཆེན་པོ་དག་དང་ཕ་རུ་ཤི་པ་རྣམས་ཀྱིས་ཚོགས་མི་རྣམས་བསྡུས་ཤིང་གྲོས་བྱས་ཏེ་ན༌རེ། མི་འདིས་གྲུབ་རྟགས་མང་པོ་སྟོན་བཞིན་ཡོད་པས་བདག་ཅག་གིས་ཅི༌བྱའམ།  
\v 48 གལ་ཏེ་འདི་ལྟར་བསྐྱུར་ན་མི་ཐམས་ཅད་ཁོ་ལ་དད་པར་འགྱུར༌ཞིང༌། རོ་མཱ་པ་རྣམས་ཀྱང་ཡོང་ནས་བདག་ཅག་གི་ས་དང་འབངས་རྣམས་འཕྲོག་ངེས་ཡིན་ཞེས་སྨྲས་སོ།།  
\v 49 དེ་རྣམས་ཀྱི་གྲས་སུ་ཀ་ཡ་ཕཱ་ཞེས་བྱ་བ་ལོ་དེར་མཆོད་དཔོན་ཆེན་པོའི་གོ་གནས་བཟུང་ཡོད་པ་ན༌རེ། ཁྱོད་རྣམས་ཀྱིས་ཅི་ཡང་མི་ཤེས༌ཏེ།  
\v 50 འབངས་མི་ཐམས་ཅད་བརླག་པ་ལས། མི་རྣམས་ཀྱི་ཆེད༌དུ་མི་གཅིག་འཆི་བར་འགྱུར་བ་དེ་མི་ལེགས་སམ་ཞེས་སྨྲས་སོ།།  
\v 51 འོན་ཀྱང་གཏམ་དེ་ནི་རང་བཞིན་གྱིས་སྨྲས་པ་མ་ཡིན༌ཏེ། ཁོས་མཆོད་དཔོན་ཆེན་པོའི་གོ་གནས་བཟུང་བའི་ལོ༌དེར། སྐྱབས་མགོན་ཡེ་ཤུའང་ཡ་ཧུ་དཱ་པ་ཐམས་ཅད་ཀྱི་དོན་དུ་སྐུ་གཤེགས་པར་འགྱུར་བར་མ༌ཟད།  
\v 52 ཕྱོགས་བཞི་སོ་སོར་གྱེས་པའི་དཀོན་མཆོག་གི་བུ་དང་བུ་མོ་རྣམས་ཕྱོགས་གཅིག་ཏུ་བསྡུ་བའི༌ཕྱིར། ཁོང་ཉིད་སྐུ་གཤེགས་དགོས་པའང་དཀོན་མཆོག་གིས་བསྐུལ་བ་བརྒྱུད༌ནས། ཀ་ཡ་ཕཱས་ཀྱང་ལུང་བསྟན་པ་ཡིན།  
\v 53 ཉིན་དེ་ནས༌བཟུང༌། མི་དེ་རྣམས་ཀྱིས་སྐྱབས་མགོན་ཡེ་ཤུ་དགྲོང་བར་གྲོས་བྱས༌སོ།།   
\p
\v 54 དེའི༌ཕྱིར། སྐྱབས་མགོན་ཡེ་ཤུའང་ཡ་ཧུ་དཱ་པ་རྣམས་ཀྱི་ཁྲོད་དུ་མངོན་སུམ་དུ་མ་ཕེབས༌པར། ཐུགས་སྲས་རྣམས་དང་མཉམ་དུ་དབེན་གནས་དང་ཉེ་བའི་ཨེ་ཕཱར་ཡིམ་གྲོང་སྡེར་ཕེབས་ཏེ་བཞུགས་སོ།།  
\v 55 དེ་ནས་ཡ་ཧུ་དཱའི་མི་རིགས་ཀྱི་པེ་སག་གི་དུས་ཆེན་སླེབས་ལ་ཉེ་བ༌ན། དུས་ཆེན་གྱི་སྔོན་ལ་མི་མང་པོ་ཞིག་གྲོང་སྡེ་དག་ནས་ཐོན༌ཏེ། ཡར་ཡེ་རུ་སཱ་ལེམ་དུ་ཆོས་ཀྱི་གཙང་སྦྲའི་ཆོ་ག་བསྒྲུབ་ཏུ་སོང༌།  
\v 56 དེ་ནས་མི་དེ་རྣམས་སྐྱབས་མགོན་ཡེ་ཤུ་འཚོལ་དུ་ཕྱིན་ཅིང་མཆོད་ཁང་ནས་ཕན་ཚུན་ན༌རེ། ཁྱོད་རྣམས་ཀྱིས་ཅི་བསམ་པ་ཡིན༌ནམ། ཡེ་ཤུ་དུས་ཆེན་ལ་ཕེབས་མི་ཡོང་ངམ་ཞེས་སྨྲས།  
\v 57 ཡང་མཆོད་དཔོན་ཆེན་པོ་དག་དང་ཕ་རུ་ཤི་པ་རྣམས་ཀྱིས་སྐྱབས་མགོན་ཡེ་ཤུ་འཛིན་བཟུང་བྱ་ཆེད། སུ་ཞིག་གིས་ཡེ་ཤུ་གང་དུ་བཞུགས་པ་ཤེས་ན་ངེས་པར་གསལ་པོར་འཆད་དགོས་ཞེས་བཀའ་བསྒོས་ཡོད༌དོ།།   
\c 12
\cl ལེའུ་བཅུ་གཉིས༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུའི་སྐུ་ལ་སྤོས་ཆུ་བྱུགས༌པ།  
\p
\v 1 དེ་ཡང་པེ་སག་གི་དུས་ཆེན་སྔོན་གྱི་ཉིན་དྲུག་པ་ལ་སྐྱབས་མགོན་ཡེ་ཤུ་ཁོང་ཉིད་པེ་ཐན་ཡཱ་སྟེ། དེ་སྔར་ཁོང་གིས་ལཱ་ཟར་འཆི་བ་ལས་སླར་གསོན་པར་མཛད་པའི་གྲོང་སྡེ་དེར་བྱོན་པ༌དང༌།  
\v 2 མི་རྣམས་ཀྱིས་གནས་དེ་རུ་ཁོང་ལ་གསོལ་སྟོན་བཤམས་ཤིང་མཱར་ཐས་སྣེ་ལེན་བྱས་པ༌དང༌། ལཱ་ཟར་ཡང་སྐྱབས་མགོན་ཡེ་ཤུ་དང་བཅས་པའི་མགྲོན་པོའི་གྲས་སུ་ཡོད་དོ།།  
\v 3 དེ་ནས་མིར་ཡམ་གྱིས་རིན་ཐང་ཆེ་བའི་སྤོས་ཆུ་ལྷད་མེད་པ་ནཱར་དི་རྒྱ་མ་གང་ཙམ་ཁྱེར་ཡོང༌ནས། སྐྱབས་མགོན་ཡེ་ཤུའི་ཞབས་ལ་བྱུགས་ཤིང་རང་གི་སྐྲས་ཕྱིས་པ༌ན། ཁང་པའི་ནང་དུའང་སྤོས་ཆུའི་དྲི་ཞིམ་ཁྱབ་པ་རེད།  
\v 4 དེ་ནས་སྐྱབས་མགོན་ཡེ་ཤུའི་ཐུགས་སྲས༌ཏེ། ཕྱིས་སུ་ཁོང་ཉིད་ལ་ངོ་ལོག་བྱེད་མཁན་ཨི་སི་ཀར་རེའི་ཡུ་དཱ་ཞེས་པ་ན༌རེ།  
\v 5 སྤོས་ཆུ་འདི་དངུལ་སྒོར་སུམ་བརྒྱར་བཙོངས་ཏེ་དབུལ་པོ་རྣམས་ལ་བྱིན་ན་ལེགས་ཞེས་སྨྲས་སོ།།  
\v 6 དེ་ནི་ཁོས་དབུལ་པོ་རྣམས་ལ་སྙིང་རྗེ་ནས་དེ་ལྟར་སྨྲས་པ་མ་ཡིན༌ཏེ། ཁོ་ནི་རྐུན་མ་ཡིན་ཞིང་དངུལ་ཁུག་ཉར་ཚགས་བྱེད་མཁན་ཡང་ཡིན༌པས། ཁོས་རྟག་ཏུ་ལྐོག་ལེན་བྱེད་པའི་ཕྱིར༌རོ།།  
\v 7 དེ་ནས་སྐྱབས་མགོན་ཡེ་ཤུས་འདི་སྐད༌དུ། ཁོ་མོར་དེ་བཞིན་བྱེད་དུ༌ཆུག ཁོ་མོས་ང་རང་དུར་དུ་འཇུག་པའི་ཉིན་མོ་ལ་བཞག་པ་ཡིན།  
\v 8 དབུལ་པོ་རྣམས་རྟག་ཏུ་ཁྱོད་ཅག་དང་མཉམ་དུ་ཡོད་ཀྱང་། ང་རང་ནི་དུས་རྟག་ཏུ་ཁྱོད་ཅག་དང་མཉམ་དུ་མི་གནས་ཞེས་གསུངས༌སོ།།   
\p
\v 9 དེ་ནས་ཡ་ཧུ་དཱ་པ་ཧ་ཅང་མང་པོས་སྐྱབས་མགོན་ཡེ་ཤུ་ཁོང་ཉིད་པེ་ཐན་ཡཱ་རུ་བཞུགས་པ་ཐོས༌ཏེ། སྐྱབས་མགོན་ཡེ་ཤུ་ལ་མཇལ་དུ་ཡོང་བར་མ་ཟད། ཁོང་གིས་འཆི་བ་ལས་སླར་གསོན་པར་མཛད་པའི་ལཱ་ཟར་ལའང་བལྟ་རུ་ཡོང༌བ་རེད།  
\v 10 འོན་ཀྱང་མཆོད་དཔོན་ཆེན་པོ་རྣམས་ཀྱིས་ལཱ་ཟར་གསོད་པར་ཡང་གྲོས་བྱས་སོ།།  
\v 11 རྒྱུ་མཚན་ནི་ལཱ་ཟར་གྱི་རྐྱེན༌གྱིས། ཡ་ཧུ་དཱ་པ་མང་པོ་ཞིག་ཁོ་རྣམས་དང་ཁ་བྲལ་ནས་སྐྱབས་མགོན་ཡེ་ཤུ་ལ་དད་པར་གྱུར་པས༌སོ།།   
\s1 གཟི་བརྗིད་ཀྱི་ངང་ནས་ཡེ་རུ་སཱ་ལེམ་དུ་ཕེབས༌པ།  
\p
\v 12 དེའི་ཕྱི༌ཉིན། པེ་སག་གི་དུས་ཆེན་ལ་ཡོང་བའི་མི་ཧ་ཅང་མང་པོས་སྐྱབས་མགོན་ཡེ་ཤུ་ཁོང་ཉིད་ཡེ་རུ་སཱ་ལེམ་དུ་ཕེབས་བཞིན་ཡོད་པ་ཐོས༌ནས།  
\v 13 ཤིང་ཏ་ལའི་ཡལ་ག་ཁུར་ཏེ་ཁོང་ཉིད་བསུ་རུ་སོང་ཞིང་སྐད་མཐོན༌པོས། ཧོ་ཟན༌ནཱ། ཡེས་ར་ཨེལ་གྱི་རྒྱལ་པོ་སྟེ། གཙོ་བོའི་མཚན་གྱི་སྒོ་ནས་བྱོན་པ་ནི་བྱིན་རླབས་ཅན་ཡིན་ཞེས་ཡང་ཡང་བསྒྲགས་སོ།།  
\v 14 དེ་ནས་སྐྱབས་མགོན་ཡེ་ཤུར་བོང་ཕྲུག་ཅིག་འབྱོར་ཞིང་ཁོང་དེ་ལ་བཅིབས་སོ།། དེ་ནི་གསུང་རབ་ཀྱི་མདོ་ལས་ཇི་སྐད༌དུ།   
\q1
\v 15 ཛ་ཡན་ཡུལ་གྱི་མི་སྡེ༌རྣམས།།  
\q1 འཇིགས་པའི་ངལ་བ་བྱ་མི༌འོས།།  
\q1 ཁྱོད་ཀྱི་རྒྱལ་པོ་ད་ལྟ་ཉིད༎  
\q1 བོང་ཕྲུག་བཞོན་ནས་ཕེབས་ལ༌ལྟོས།།  
\m ཞེས་བཀོད་པ་བཞིན༌ནོ།།  
\v 16 ཐུགས་སྲས་རྣམས་ཀྱིས་སྔ་མོ་ནས་དོན་འདི་དག་མ་རྟོགས༌ལ། སྐྱབས་མགོན་ཡེ་ཤུ་གཟི་བརྗིད་དང་ལྡན་པར་གྱུར༌རྗེས། ད་གཟོད་གསུང་དེ་ནི་ཁོང་གི་སྐོར་ལ་བྲིས་པ་དང་དེ་རྣམས་ཀྱིས་ཀྱང་ཁོང་ལ་དེ་བཞིན་དུ་བྱས་པ་དྲན༌ནོ།།  
\v 17 སྐྱབས་མགོན་ཡེ་ཤུས་ལཱ་ཟར་དུར་ཁུང་ལས་ཕྱི་རུ་བོས་ཤིང་འཆི་བ་ལས་སླར་གསོན་པར་མཛད་པའི་དུས༌སུ། ཁོང་དང་མཉམ་དུ་ཡོད་པའི་མི་དེ་རྣམས་ཀྱིས་དོན་དེ་ལ་བདེན་དཔང་ཡང་ཡང་བྱས༌པས།  
\v 18 མི་ཚོགས་ཀྱིས་ཀྱང་ཁོང་གིས་མཛད་པའི་གྲུབ་རྟགས་དེའི་སྐོར་ཐོས་ནས་ཁོང་ཉིད་བསུ་རུ་ཕྱིན་ཏོ།།  
\v 19 དེ་ནས་ཕ་རུ་ཤི་པ་རྣམས་ཕན་ཚུན་ན༌རེ། ལྟོས༌དང༌། འཇིག་རྟེན་མི་ཀུན་ཁོའི་རྗེས་སུ་འབྲངས་པས་བདག་ཅག་གིས་ཅི་བྱས་ཐམས་ཅད་སྟོང་བ་རེད་ཅེས་སྨྲས༌སོ།།   
\s1 སྐྱབས་མགོན་ཡེ་ཤུས་རང་ཉིད་དགྲོང་བར་འགྱུར་བའི་ལུང་བསྟན༌པ།  
\p
\v 20 ཡང་དུས༌དེར། པེ་སག་གི་དུས་ཆེན་ལ་ཞུགས་པ་དང་དཀོན་མཆོག་ལ་བསྙེན་བཀུར་བྱེད་དུ་ཡོང་བའི་མི་རྣམས༌ལས། ཡ་ཧུ་དཱ་པའི་ཆོས་ལ་དད་གུས་ཡོད་པའི་གྷི་རིག་པ་འགའ་ཞིག་ཡོད་པ༌དང༌།  
\v 21 དེ་རྣམས་ནི་ག་ལིལ་ཡུལ་གྱི་ཁོངས་གཏོགས་པེ་སད་དཱ་ནས་ཕི་ལིབ་ཅེས་པའི་དྲུང་དུ་སོང་སྟེ་ན༌རེ། ཇོ་བོ༌ལགས། ངེད་རྣམས་ཡེ་ཤུར་མཇལ་འདོད་ཅེས་ཞུས་པ༌དང༌།  
\v 22 ཕི་ལིབ་ཀྱིས་དོན་དེ་ཨན་དྲི་ཡཱ་ལ་སྨྲས༌ཤིང༌། ཨན་དྲི་ཡཱ་དང་ཕི་ལིབ་གཉིས་སྐྱབས་མགོན་ཡེ་ཤུའི་དྲུང་དུ་སོང་ནས་དོན་དེ་ཁོང་ལ་ཞུས་སོ།།  
\v 23 དེ་ནས་སྐྱབས་མགོན་ཡེ་ཤུས་འདི་སྐད༌དུ། མིའི་བུ་གཟི་བརྗིད་དང་ལྡན་པར་འགྱུར་བའི་དུས་དེ་སླེབས་བྱུང་།  
\v 24 བདག་གིས་ཁྱོད་ཅག་ལ་ཡང་དག་པར་བདེན་པར་སྨྲ༌སྟེ། གྲོའི་འབྲུ་རྡོག་གཅིག་ལ་མཚོན༌ན། སའི་ནང་དུ་ལྷུང་ནས་མ་ཤི་ན་འབྲུ་རྡོག་གཅིག་རང་ལུས༌ཤིང་། སའི་ནང་དུ་ལྷུང་སྟེ་ཤི་བ༌ན། འབྲུ་རྡོག་དེ་ལས་ཀྱང་འབྲས་བུ་མང་པོ་བསྐྱེད༌པ་ཡིན།  
\v 25 འཇིག་རྟེན་འདིར་སུ་ཞིག་གིས་རང་སྲོག་གཅེས་སུ་འཛིན་པ་དེས་ཚེ་སྲོག་འཆོར་བ༌དང༌། སུ་ཞིག་གིས་རང་སྲོག་འདོར་བ་དེས་མཐའ་མེད་པའི་ཚེ་སྲོག་འཐོབ་པའི་ཕྱིར་རང་སྲོག་སྐྱོབ་པར་འགྱུར་རོ།།  
\v 26 ཡང་སུ་ཞིག་གིས་བདག་ལ་ཞབས་ཕྱི་བྱེད་འདོད་པ་རྣམས་བདག་གི་རྗེས་སུ་འབྲང་བར་གྱིས། ང་རང་གང་དུ་ཡོད་ན་བདག་གི་ཞབས་ཕྱི་པའང་གནས་དེ་རུ་ཡོད་པར་འགྱུར་རོ།། ཡང་སུ་ཞིག་གིས་བདག་ལ་ཞབས་ཕྱི་བྱེད་འདོད༌ན། བདག་གི་ཡབ་ཀྱིས་ཀྱང་མི་དེ་ལ་བཀུར་སྟི་མཛད་ངེས་སོ།།   
\p
\v 27 ད་ནི་བདག་གི་སེམས་སྐྱོ་བས་ཅི་སྨྲའམ་ཞེ༌ན། ཀྱེ། ཡབ་ལགས། ཁྱེད་ཀྱིས་བདག་ནི་དུས་འདི་ལས་སྐྱོབ་པར༌མཛོད། འོན་ཀྱང་བདག་ནི་དུས་འདིའི་ཆེད་དུ་འཇིག་རྟེན་ལ་ཡོང་བ་ཡིན།  
\v 28 ཀྱེ། ཡབ༌ལགས། ཁྱེད་ཀྱིས་རང་ཉིད་ཀྱི་མཚན་ལ་གཟི་བརྗིད་ལྡན་པར་མཛོད་ཅིག་ཅེས་གསུངས༌སོ། །དེ་མ་ཐག་ནམ་མཁའི་ཞིང་ཁམས་ནས་སྐད་སྒྲ་ཞིག་བྱུང༌སྟེ། བདག་གིས་རང་ཉིད་ཀྱི་མཚན་ལ་གཟི་བརྗིད་ལྡན་པར་མཛད་ཅིང་སླར་ཡང་མཛད་པར་བྱ་ཞེས་གསུངས་སོ།།  
\v 29 སྐབས་དེར་ཉེ་འགྲམ་དུ་ལངས་ནས་སྡོད་པའི་མི་ཚོགས་ཀྱིས་ཀྱང་སྐད་སྒྲ་དེ་ཐོས་པས་མི་ལ་ལས་འབྲུག་སྒྲ་གྲགས་བྱུང་ཞེས་ཟེར་བ༌དང༌། ཡང་ལ་ལས་ཕོ་ཉ་ཞིག་གིས་ཁོང་ལ་གསུང་གླེང་མཛད་ཅེས་སྨྲས་སོ།།  
\v 30 དེ་ནས་སྐྱབས་མགོན་ཡེ་ཤུས་འདི་སྐད༌དུ། སྐད་སྒྲ་འདི་ནི་བདག་གི་དོན་དུ་བྱུང་བ་མ་ཡིན་པར་ཁྱོད་རྣམས་ཀྱི་དོན་དུ་བྱུང༌བ་ཡིན།  
\v 31 ད་ནི་འཇིག་རྟེན་འདིར་ཆད་པ་གཅོད་པའི་དུས་ལ་སླེབས་པ༌དང༌། འཇིག་རྟེན་འདིའི་དབང་སྒྱུར་མཁན་ \f + \ft འདིར་འཇིག་རྟེན་འདིའི་དབང་སྒྱུར་མཁན་ཞེས་པ་ནི་བདུད་སཱ་ཏན་ལ་གོ༌དགོས།\f*ཕྱི་རུ་བསྐྲོད་པར་འགྱུར།  
\v 32 གལ་ཏེ་ང་རང་ས་གཞི་ལས་གྱེན་དུ་བསྒྲེངས༌ན། མི་ཐམས་ཅད་བདག་གི་དྲུང་དུ་བསྡུ་བར་བྱེད་ཅེས་གསུངས་སོ།།  
\v 33 སྐྱབས་མགོན་ཡེ་ཤུས་དེ་ལྟར་གསུངས་པ་ནི་རང་ཉིད་ཇི་ལྟར་དགྲོང་བར་འགྱུར་བ་བསྟན་པ་རེད།  
\v 34 དེ་ནས་མི་ཚོགས་ན༌རེ། ངེད་རྣམས་ཀྱིས་བཀའ་ཁྲིམས་ཀྱི་མདོ་ལས་སྐྱབས་མགོན་མཱ་ཤི་ཀ་ནི་གཏན་དུ་བཞུགས་པ་ཡིན་ཞེས་བཀོད་ཡོད་པ་ཐོས༌ཀྱང༌། ཁྱོད་ཀྱིས་མིའི་བུ་གྱེན་དུ་བསྒྲེང་དགོས་ཞེས་གསུངས་དོན༌ཅི། མིའི་བུ་ཞེས་བྱ་བ་དེ་སུ་ཡིན་ནམ་ཞེས་དྲིས་པ༌ལ།  
\v 35 སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱི་ཁྲོད་དུ་དུས་ཐུང་ངུ་ཙམ་ལ་ད་དུང་འོད་ཟེར་ཡོད༌པས། ཁྱོད་རྣམས་མུན་པའི་དབང་འོག་ཏུ་མི་ཚུད་པའི་ཆེད་དུ་འོད་དང་ལྡན་པའི་དུས་དེ་ལ་སྐྱོད༌ཅིག མུན་པའི་ནང་དུ་བགྲོད་པ་དེས་གང་དུ་འགྲོ་བའང་མི་ཤེས།  
\v 36 ཁྱོད་རྣམས་འོད་དང་ལྡན་པར་འགྲོགས་དུས་འོད་ཟེར་དེ་ལ་དད་པ་བྱོས༌དང༌། དེ་ནས་ཁྱོད་རྣམས་ཀྱང་འོད་ལ་གཏོགས་པའི་མི་རུ་འགྱུར་ཞེས་གསུངས་རྗེས་ཡུལ་དེ་དང་ཁ་བྲལ་བ་དང་ཡིབས་ནས་བཞུགས༌སོ།།   
\s1 དད་པ་མེད་པའི་ཡ་ཧུ་དཱ་པའི༌སྐོར།  
\p
\v 37 སྐྱབས་མགོན་ཡེ་ཤུས་མི་དེ་རྣམས་ཀྱི་མིག་མདུན་དུ་གྲུབ་རྟགས་མང་པོ་བསྟན་ཀྱང་དེ་རྣམས་ཀྱིས་ཁོང་ལ་དད་པ་མ་བྱས་སོ།།  
\v 38 དོན་དེ་ནི་ལུང་སྟོན་པ་ཡེ་ཤ་ཡཱའི་མདོ་ལས་ཇི་སྐད༌དུ།  
\q1 གཙོ་བོ་ལགས་ཀྱིས༌འདི་ལ་གསན་རོགས་གནང་།།  
\q1 ངེད་ཚོས་བསྒྲགས་པའི་གཏམ་ལ་སུ་ཡིས་དད།།  
\q1 ཁྱེད་ཀྱི་ཕྱག་ཀྱང་སུ་ལ༌མངོན་ལགས་སམ།།  
\m ཞེས་གསུངས་པ་བཞིན་འགྲུབ་པའི་ཕྱིར་དེ་ལྟར་བྱུང༌ངོ༌།།  
\v 39 ཡང་མི་དེ་རྣམས་ཀྱིས་དད་པ་བྱེད་མི་ནུས་པའི་རྒྱུ་མཚན་ནི་ཡེ་ཤ་ཡཱ་ཡི་མདོ་ལས་ཇི་སྐད༌དུ།   
\q1
\v 40 གཙོ་བོ་ལགས་ཀྱིས་མི་དེ་རྣམས༌ཀྱི་ནི།།  
\q1 མིག་ནི་ལོང་ཞིང་སེམས་ནི་གྱོང་པོར༌མཛད།།  
\q1 དེ་ལྟར་མིན་ན་མིག་གིས་མཐོང་བ་དང་༎  
\q1 བློ་ཡིས་རྟོགས་ཤིང་ཕྱིར་ལ་འཁོར་བ་ན༎  
\q1 ངས་ཀྱང་དེ་རྣམས་གསོ་ཞིང་དྲག་པར་བྱེད༎  
\m ཅེས་གསུངས་ཡོད་པའི་ཕྱིར༌རོ།།  
\v 41 དེ་ནི་ཡེ་ཤ་ཡཱ་ཡིས་སྐྱབས་མགོན་ཡེ་ཤུའི་གཟི་བརྗིད་མངོན་པར་མཁྱེན་ནས་དེ་སྐད་གསུངས༌པ་ཡིན།  
\v 42 དེ་ལྟར་ལུང་བསྟན་གསུངས་ཡོད་ནའང་ཆོས་དཔོན་རྣམས་ཀྱི་ཁྲོད་དུ་ཁོང་ལ་དད་པར་གྱུར་པའི་མི་མང་པོ་འདུག འོན་ཀྱང་དེ་རྣམས་ཕ་རུ་ཤི་པ་རྣམས་ཀྱིས་ཆོས་ཁང་ནས་ཕྱིར་འཕུད་པར་འཇིགས་པས་དོན་དེ་དངོས་སུ་ཁས་ལེན་མ་ནུས༌པ་རེད།  
\v 43 རྒྱུ་མཚན་ནི་མི་དེ་རྣམས་དཀོན་མཆོག་གི་བསྟོད་བསྔགས་ལས་ཀྱང་མིའི་བསྟོད་བསྔགས་ལ་ལྷག་པར་དགའ་བས༌སོ།།   
\p
\v 44 དེ་ནས་སྐྱབས་མགོན་ཡེ་ཤུས་གསུང་སྐད་ཆེན་པོས་འདི་སྐད༌དུ། སུ་ཞིག་གིས་བདག་ལ་དད་པ་བྱེད་པ་ནི་ང་རང་ལ་དད་པ་མ་ཡིན་པར་ང་རང་མངགས་མཁན་ལ་དད་པ་བྱེད་པ་ཡིན།  
\v 45 ཡང་སུ་ཞིག་གིས་ང་རང་མཐོང་བ་ཡིན་ན་ང་རང་མངགས་མཁན་མཐོང༌བ་ཡིན།  
\v 46 ང་རང་འོད་ཟེར་བཞིན་འཇིག་རྟེན་དུ་འོངས་དོན་ནི་བདག་ལ་དད་མཁན་རྣམས་མུན་པའི་ནང་དུ་མི་ལུས་པའི་ཕྱིར༌རོ།།  
\v 47 ཡང་བདག་གི་བཀའ་སུ་ཞིག་གིས་ཐོས་ཀྱང་དེ་ལྟར་མི་བསྒྲུབ༌ན། ངས་མི་དེ་ལ་ཉེས་ཆད་མི་གཅོད༌དེ། ང་རང་ནི་འཇིག་རྟེན་གྱི་མི་ཐམས་ཅད་སྐྱོབ་པར་བྱེད་པ་ལས་ཉེས་ཆད་གཅོད་དུ་འོངས་པ་མ་ཡིན།  
\v 48 སུ་ཞིག་གིས་བདག་ནི་འདོར་ཞིང་བདག་གི་བཀའ་ཡང་ཁས་མི་ལེན༌ན། མི་དེ་ལ་ཉེས་ཆད་གཅོད་མཁན་ཡང་ཡོད༌དེ། བདག་གིས་སྨྲས་པའི་བཀའ་ཡིས་མཐའ་མའི་ཉིན་མོར་དེ་རྣམས་ལ་ཉེས་ཆད་གཅོད་པར་འགྱུར་རོ།།  
\v 49 རྒྱུ་མཚན་ནི་ངས་རང་ཉིད་ལ་བརྟེན་ནས་སྨྲས་པ་མ་ཡིན༌ཏེ། གང་ཞིག་སྨྲ་ཞིང་བསྒྲག་དགོས་པ་ནི་ང་རང་མངགས་མཁན་ཏེ་ཡབ་ཀྱིས་བདག་ལ་བཀའ་གནང་ཡོད་པའི་ཕྱིར༌རོ།།  
\v 50 བདག་གི་ཡབ་ཀྱིས་གནང་བའི་བཀའ་ནི་མཐའ་མེད་པའི་ཚེ་སྲོག་ཡིན་པ་ངས་ཀྱང་ཤེས༌པས། བདག་གིས་སྨྲས་པ་ཐམས་ཅད་ཀྱང་ངའི་ཡབ་ཀྱིས་བདག་ལ་གསུངས་པ་བཞིན་སྨྲས་པ་ཡིན་ཞེས་གསུངས༌སོ།།   
\c 13
\cl ལེའུ་བཅུ་གསུམ༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུས་རང་གི་ཐུགས་སྲས་ཀྱི་རྐང་པ་བཀྲུ་བར་མཛད༌པ།  
\p
\v 1 པེ་སག་གི་དུས་ཆེན་གྱི་སྔོན༌ལ། སྐྱབས་མགོན་ཡེ་ཤུས་རང་ཉིད་འཇིག་རྟེན་འདི་དང་ཁ་བྲལ་ནས་ཡབ་ཀྱི་དྲུང་དུ་གཤེགས་དགོས་པའི་དུས་ལ་བབས་པ་མཁྱེན་པ༌དང༌། ཁོང་གིས་འཇིག་རྟེན་འདིའི་རང་ཉིད་ལ་གཏོགས་པའི་རྗེས་འབྲང་པ་རྣམས་ལ་གཏན་དུ་བྱམས་ཤིང་གཅེས་ལ། དུས་མཐའ་མའི་བར་དུའང་བྱམས་པར་མཛད༌དོ།།   
\p
\v 2 དེ་ནས་དགོང་ཟས་བཞེས་པའི་དུས༌སུ། བདུད་ཀྱིས་སྐྱབས་མགོན་ཡེ་ཤུ་ལ་ངོ་ལོག་བྱེད་པའི་བསམ་ཚུལ༌དེ་ནི་སྔར་ནས་ཨི་སི་ཀར་རེའི་སི་མོན་གྱི་བུ་ཡུ་དཱའི་སེམས་སུ་བཞག༌ཡོད་པ་རེད།  
\v 3 ཡབ་ཀྱིས་དབང་ཐམས་ཅད་རང་གི་ཕྱག་ལ་སྤྲད་པ་དང་རང་ཉིད་ནི་དཀོན་མཆོག་ནས་འོངས་ཤིང་སླར་ཡང་དཀོན་མཆོག་གི་དྲུང་དུ་གཤེགས་དགོས་པ་སྐྱབས་མགོན་ཡེ་ཤུས་མཁྱེན༌ཏེ།  
\v 4 བཞུགས་གྲལ་ནས་ཡར་བཞེངས་ཤིང་ཕྱི་གོས་ཕུད་དེ་རས་ལེབ་ཅིག་རྐེད་པར་དཀྲིས༌རྗེས།  
\v 5 གཞོང་པའི་ནང་དུ་ཆུ་བླུགས་ཏེ་ཐུགས་སྲས་རེ་རེའི་རྐང་པ་བཀྲུས་པ་དང་རྐེད་པའི་རས་ལེབ་བླངས་ནས་ཕྱིས༌པ་རེད།  
\v 6 དེ་ནས་ཐུགས་སྲས་སི་མོན་པེ་ཏྲོའི་རྐང་པ་བཀྲུ་བར་ཕྲད་པ་ན་ཁོ་ན༌རེ། གཙོ་བོ༌ལགས། ཁྱེད་ཀྱིས་བདག་གི་རྐང་པ་བཀྲུ་འདོད་དམ་ཞེས་ཞུས་པ༌ན།  
\v 7 སྐྱབས་མགོན་ཡེ་ཤུས་འདི་སྐད༌དུ། བདག་གིས་གང་ཞིག་བྱེད་པ་འདི་ད་ལྟ་ཁྱོད་ཀྱིས་མི་རྟོགས་ཀྱང་རྗེས་སུ་རྟོགས་པར་ངེས་ཞེས་གསུངས་སོ།།  
\v 8 ཡང་པེ་ཏྲོ་ན༌རེ། ཁྱེད་ཀྱིས་ནམ་ཡང་བདག་གི་རྐང་པ་བཀྲུ་མི་འོས་ཞེས་ཞུས་པ༌ལ། སྐྱབས་མགོན་ཡེ་ཤུས་འདི་སྐད༌དུ། གལ་ཏེ་ངས་ཁྱོད་མ་བཀྲུས༌ན། ཁྱོད་ནི་བདག་དང་འབྲེལ་བ་མེད་ཅེས་གསུངས་སོ།།  
\v 9 ཡང་སི་མོན་པེ་ཏྲོ་ན༌རེ། གཙོ་བོ༌ལགས། ཁྱེད་ཀྱིས་ངའི་རྐང་པ་ཙམ་མ༌ཟད། ངའི་ལག་པ་དང་མགོ་བོའང་བཀྲུ་བར་མཛོད་ཅེས་ཞུས་པ༌ན།  
\v 10 སྐྱབས་མགོན་ཡེ་ཤུས་འདི་སྐད༌དུ། ཁྲུས་བྱས་མྱོང་བ་རྣམས་ཀྱི་ལུས་ཧྲིལ་པོ་གཙང༌བ་ཡིན། རྐང་པ་ལས་གཞན་རང་གི་ལུས་པོ་བཀྲུ་མི་དགོས༌ལ། ཁྱོད་རྣམས་ནི་གཙང་མ་ཡིན་ཡང་ཐམས་ཅད་གཙང་མ་མིན་ཞེས་གསུངས་སོ།།  
\v 11 དོན་ནི་སྐྱབས་མགོན་ཡེ་ཤུས་རང་ཉིད་ལ་ངོ་ལོག་བྱེད་མཁན་སུ་ཡིན་པ་མཁྱེན༌པས། ཁྱོད་རྣམས་ཐམས་ཅད་གཙང་བ་མ་ཡིན་ཞེས་པའོ།།   
\p
\v 12 དེ་ནས་སྐྱབས་མགོན་ཡེ་ཤུས་ཐུགས་སྲས་རྣམས་ཀྱི་རྐང་པ་བཀྲུས་ཚར༌རྗེས། ཕྱི་གོས་མནབས་ཤིང་སླར་ཡང་བཞུགས་ཏེ་འདི་སྐད༌དུ། ངས་ཁྱོད་རྣམས་ལ་ཅི་བྱས་པ་འདི་ཁྱོད་རྣམས་ཀྱིས་ཤེས༌སམ།  
\v 13 ཁྱོད་རྣམས་ཀྱིས་བདག་ལ་སློབ་དཔོན་ནམ་གཙོ་བོ་ཞེས་འབོད་ཅིང༌། བདག་ནི་དངོས་གནས་དེ་ཉིད་ཡིན་པས་ཁྱོད་ཅག་གིས་སྨྲས་པའང་བདེན༌པ་ཡིན།  
\v 14 བདག་ནི་ཁྱོད་རྣམས་ཀྱི་གཙོ་བོ་དང་སློབ་དཔོན་ཡིན་ཡང་ངས་ཁྱོད་རྣམས་ཀྱི་རྐང་པ་བཀྲུས༌པས། ཁྱོད་ཅག་གིས་ཀྱང་ཕན་ཚུན་གྱི་རྐང་པ་བཀྲུ་འོས།  
\v 15 ངས་ཁྱོད་རྣམས་ལ་མིག་དཔེ་བསྟན༌ཅིང༌། ཁྱོད་རྣམས་ཀྱིས་ཀྱང་བདག་བཞིན་དུ་བྱ་འོས༌པ་ཡིན།  
\v 16 བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། གཡོག་པོ་ནི་བདག་པོ་ལས་ཆེན་པོ་ཡིན་མི་སྲིད༌ཅིང༌། མངག་བྱའི་མི་སྣའང་མངགས་མཁན་ལས་ཆེན་པོ་མིན།  
\v 17 ད་ལྟ་ཁྱོད་རྣམས་ཀྱིས་ཀྱང་དོན་དེ་རྟོགས་པས་དེ་བཞིན་དུ་བྱེད་ན་ཁྱོད་རྣམས་ལའང་བདེ་བ་དང་ལྡན་པར༌ངེས།  
\v 18 བདག་གིས་གཏམ་འདི་ཁྱོད་ཅག་ཐམས་ཅད་ལ་སྨྲས་པ་མིན༌ལ། བདག་གིས་སུ་ཞིག་བདམས་པ་ངས་ཀྱང་ཤེས་སོ།། དེ་ནི་གསུང་རབ་ཀྱི་མདོ་ལས་ཇི་སྐད༌དུ།  
\q1 བདག་དང་མཉམ་དུ་ཁ་ཟས་སྤྱོད་མཁན༌གྱིས།།  
\q1 བདག་ལ་རྐང་པའི་ཕྱི་རྟིང་བསྟན་པ་ཡིན།།  
\m ཞེས་གསུངས་པ་བཞིན་འགྲུབ་པའི་ཕྱིར༌ཡིན།  
\v 19 ད་ལྟ་དོན་དེ་མ་འགྲུབ་པའི་སྔོན༌དུ། བདག་གིས་ཐོག་མར་ཁྱོད་རྣམས་ལ་སྨྲ་བར་བྱ༌སྟེ། དོན་དེ་འགྲུབ་པའི་དུས་སུ་ཁྱོད་རྣམས་ཀྱིས་ང་རང་དེ་ཉིད་ཡིན་པ་ལ་དད་པ་བྱེད་པའི་ཕྱིར༌རོ།།  
\v 20 བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། མི་སུས་ཀྱང་ངས་མངགས་པ་གང་ཞིག་ལ་བསུ་བ་བྱས་ན་ང་རང་ལའང་བསུ་བ་བྱས་པ༌ཡིན། ང་རང་ལ་བསུ་བ་བྱས་ན་དོན་དམ་དུ་ང་རང་མངགས་མཁན་ལའང་བསུ་བ་བྱས་པ་ཡིན་ཞེས་གསུངས༌སོ།།   
\s1 སྐྱབས་མགོན་ཡེ་ཤུས་ངོ་ལོག་པའི་མཚང་བརྟོལ༌བ།  
\p
\v 21 སྐྱབས་མགོན་ཡེ་ཤུས་དེ་སྐད་གསུངས་པ་དང་ཐུགས་སྐྱོ་བར་གྱུར་ནས་འདི་སྐད༌དུ། བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། ཁྱོད་རྣམས་ལས་མི་གཅིག་གིས་ང་རང་ལ་ངོ་ལོག་བྱ་ངེས་ཡིན་ཞེས་གསུངས་པ༌དང༌།  
\v 22 ཐུགས་སྲས་རྣམས་ཀྱིས་ཕན་ཚུན་ལ་བལྟས་ཀྱང་ཁོང་གིས་གསུངས་པའི་མི་དེ་སུ་ཡིན་མ་ཤེས་པར་ཐེ་ཚོམ་སྐྱེས་སོ།།  
\v 23 སྐྱབས་མགོན་ཡེ་ཤུའི་སྐུ་བྲང་དུ་སྔས་པའི་ཁོང་གི་གཅེས་པའི་ཐུགས་སྲས་\f + \ft གཅེས་པའི་ཐུགས་སྲས་ཞེས་པ་འདི་ཧ་ལམ་འཕྲིན་བཟང་འདི་ཡི་གེར་འགོད་མཁན༌ཏེ། ཐུགས་སྲས་ཡོ་ཧ་ནན་ལ་ངོས་འཛིན་དགོས་པ༌ཡིན། གཤམ་དུ་འབྱུང་བའི་ཐུགས་སྲས་གཞན་དེ་ཉིད༌དམ། གཅེས་པའི་ཐུགས༌སྲས། ཡང་ན་ཐུགས་སྲས་འདི་ཞེས་པའང་གོང་ལྟར་ངོས་འཛིན་དགོས་པར་དམ་པའི་གསུང་རབ་ཀྱི་མཁས་པ་རྣམས་ཀྱིས༌གསུངས། \f*དེ༌ལ།  
\v 24 སི་མོན་པེ་ཏྲོས་བརྡ་བསྟན་ཏེ་ན༌རེ། ཁྱོད་ཀྱིས་ཤོད༌དང༌། སྐྱབས་མགོན་ཡེ་ཤུས་སུ་ཞིག་ལ་གསུངས་པ་ཡིན་ནམ་ཞེས་དྲིས་སོ།།  
\v 25 ཐུགས་སྲས་དེས་རང་གི་མགོ་བོ་སྐྱབས་མགོན་ཡེ་ཤུའི་སྐུ་བྲང་ལ་བསྔས༌ཏེ། གཙོ་བོ༌ལགས། མི་དེ་སུ་ཡིན་ནམ་ཞེས་ཞུས་པ༌ན།  
\v 26 སྐྱབས་མགོན་ཡེ་ཤུས་འདི་སྐད༌དུ། ངས་བག་ལེབ་དུམ་བུ་འདི་སྡེར་མའི་ནང་ལ་སྦངས་ནས་སུ་ཞིག་ལ་བྱིན་ན་དེ་ཡིན་ཞེས་གསུངས༌རྗེས། ཁོང་གིས་བག་ལེབ་དུམ་བུ་དེ་སྡེར་མའི་ནང་ལ་སྦངས་རྗེས་ཨི་སི་ཀར་རེའི་སི་མོན་གྱི་བུ་ཡུ་དཱ་ལ་གནང༌ངོ་༎  
\v 27 ཡུ་དཱས་ཀྱང་བག་ལེབ་སྦངས་མ་དེ་ཚུར་བླངས་མ་ཐག་བདུད་སཱ་ཏན་ཡང་ཁོའི་སེམས་ནང་དུ་ཞུགས་པ་རེད། དེ་ནས་སྐྱབས་མགོན་ཡེ་ཤུས་ཡུ་དཱ་ལ་འདི་སྐད༌དུ། ཁྱོད་ཀྱིས་བྱ་བ་གང་ཞིག་འདོད་པ་དེ་མྱུར་དུ་སྒྲུབས་ཤིག་ཅེས་གསུངས༌ནའང༌།  
\v 28 སྐྱབས་མགོན་ཡེ་ཤུ་དང་ལྷན་དུ་གྲལ་ལ་བཞུགས་པའི་མི་སུས་ཀྱང་ཁོང་གིས་ཅིའི་ཕྱིར་དེ་ལྟར་གསུངས་པའི་དོན་མ་རྟོགས་སོ།།  
\v 29 རྒྱུ་མཚན་ནི་ཐུགས་སྲས་ལ་ལས་ཡུ་དཱའི་ལག་ཏུ་དངུལ་ཁུག་བཟུང་ཡོད༌པས། སྐྱབས་མགོན་ཡེ་ཤུས་ཁོ་རང་ནི་དུས་ཆེན་ལ་མཁོ་བའི་དངོས་རྫས་ཉོ་བར་བསྐུལ༌བའམ། ཡང་ན་དབུལ་པོ་རྣམས་ལ་གང་ཞིག་སྦྱིན་པར་གསུངས་པར་བསམས་སོ།།  
\v 30 དེ་ནས་ཡུ་དཱས་བག་ལེབ་སྦངས་མ་དེ་བླངས་མ་ཐག་ཕྱི་རོལ་ཏུ་སོང་བ་དང་དུས་དེ་ནི་མཚན་མོ་ཡིན༌ནོ།།   
\s1 པེ་ཏྲོ་སྐྱབས་མགོན་ཡེ་ཤུའི་ཐུགས་དང་འགལ་བའི་ལུང་བསྟན།  
\p
\v 31 དེ་ནས་ཡུ་དཱ་ཕྱི་རོལ་ཏུ་སོང་བ་དང་སྐྱབས་མགོན་ཡེ་ཤུས་འདི་སྐད༌དུ། ད་ནི་མིའི་བུ་གཟི་བརྗིད་དང་ལྡན་པར་འགྱུར་ཞིང་དཀོན་མཆོག་གི་གཟི་བརྗིད་ཀྱང་མིའི་བུ་བརྒྱུད་ནས་མངོན་པར་འགྱུར༌ལ།  
\v 32 ཡང་དཀོན་མཆོག་གི་གཟི་བརྗིད་མིའི་བུ་བརྒྱུད་ནས་མངོན་པར་འགྱུར་བས༌ན། དཀོན་མཆོག་རང་ཉིད་ཀྱིས་ཀྱང་མིའི་བུ་གཟི་བརྗིད་དང་ལྡན་པར་མཛད་དེ་མྱུར་བ་མྱུར་དུ་མཛད་ངེས༌ཡིན།  
\v 33 བདག་གི་གཅེས་པའི་བུ༌རྣམས། བདག་ནི་ད་དུང་དུས་ཐུང་ངུ་ཙམ་ལ་ཁྱོད་ཅག་དང་མཉམ་དུ་ཡོད༌དེ། རྗེས་སུ་ཁྱོད་ཅག་གིས་ང་རང་འཚོལ་བར་འགྱུར་ནའང་། བདག་གིས་དེ་སྔར་ཡ་ཧུ་དཱ་པ་རྣམས་ལ་སྨྲས་པ་བཞིན་ད་ནི་ཁྱོད་རྣམས་ལའང་སྨྲ་བར་བྱ༌སྟེ། ང་རང་འགྲོ་བའི་གནས་སུ་ཁྱོད་རྣམས་འགྲོ་མི་ནུས་སོ།།  
\v 34 བདག་གིས་ཁྱོད་ཅག་ལ་བཀའ་གསར་པ་ཞིག་གནང་བར༌བྱའོ།། དེ་ནི་ཁྱོད་རྣམས་ཀྱིས་ཕན་ཚུན་ལ་བྱམས་ཤིང་གཅེས་པར་བྱེད་དགོས་པ༌དེ་ཡིན། ངས་ཁྱོད་རྣམས་ལ་བྱམས་ཤིང་གཅེས་པ་བཞིན་ཁྱོད་རྣམས་ཀྱིས་ཀྱང་ཕན་ཚུན་ལ་གཅེས་དགོས།  
\v 35 ཁྱོད་རྣམས་ཀྱིས་ཕན་ཚུན་ལ་བྱམས་ཤིང་གཅེས་པར་བྱས༌ན། མི་ཐམས་ཅད་ཀྱིས་ཀྱང་ཁྱོད་རྣམས་བདག་གི་རྗེས་འབྲང་པ་ཡིན་པ་ཤེས་པར་འགྱུར་ཞེས་གསུངས༌སོ།།   
\p
\v 36 དེ་ནས་སི་མོན་པེ་ཏྲོ་ན༌རེ། གཙོ་བོ༌ལགས། ཁྱེད་ཉིད་གང་དུ་ཕེབས་སམ་ཞེས་ཞུས་པ༌ལ། སྐྱབས་མགོན་ཡེ་ཤུས་འདི་སྐད༌དུ། ང་རང་འགྲོ་བའི་གནས་སུ་ད་ལྟ་ཁྱོད་རང་བདག་གི་རྗེས་སུ་འབྲངས་ནས་འགྲོ་མི་ཐུབ༌ཀྱང༌། ཕྱིས་སུ་བདག་གི་རྗེས་སུ་འབྲང་བར་འགྱུར་ཞེས་གསུངས་སོ།།  
\v 37 ཡང་པེ་ཏྲོ་ན༌རེ། གཙོ་བོ༌ལགས། ད་ལྟ་ང་རང་ཅིའི་ཕྱིར་ཁྱེད་ཀྱི་རྗེས་སུ་འབྲང་མི་ཐུབ༌བམ། ངས་ཁྱེད་ཀྱི་དོན་དུ་རང་སྲོག་ཀྱང་བློས་གཏོང་བར་བྱའོ་ཞེས་ཞུས་པ༌ན།  
\v 38 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་བདག་གི་དོན་དུ་རང་སྲོག་ཀྱང་བློས་གཏོང་ཐུབ༌བམ། ངས་ཁྱོད་ལ་ཡང་དག་པར་བདེན་པར་སྨྲ༌སྟེ། བྱ་ཕོ་མ་གྲགས་པའི་སྔོན༌དུ། ཁྱོད་ཀྱིས་ང་རང་ཐེངས་གསུམ་ལ་ཁས་མི་ལེན་ཞེས་གསུངས༌སོ།།   
\c 14
\cl ལེའུ་བཅུ་བཞི༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུ་ནི་དཀོན་མཆོག་ལ་མཇལ་བའི་ལམ་ཡིན་པར་བསྟན༌པ།  
\p
\v 1 དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་སེམས་སྐྱོ་བར་མི༌བྱའོ། །དཀོན་མཆོག་ལ་ཡིད་ཆེས་བྱོས༌དང༌། བདག་ལའང་ཡིད་ཆེས་བྱ་འོས།  
\v 2 བདག་གི་ཡབ་ཀྱི་བཞུགས་གནས་སུ་སྡོད་གནས་མང་པོ་ཡོད༌ཅིང༌། གལ་ཏེ་སྡོད་གནས་མེད་ན་ངས་སྔ་མོ་ནས་ཁྱོད་རྣམས་ལ་སྨྲས་ཟིན། ད་ལྟ་ང་རང་ཁྱོད་རྣམས་ཀྱི་ཆེད་དུ་སྡོད་གནས་སྟ་གོན་བྱེད་དུ༌འགྲོ་བ་ཡིན།  
\v 3 ང་རང་གནས་དེར་སོང་ནས་སྡོད་གནས་སྟ་གོན་བྱས་ཚར༌རྗེས། ཕྱིར་ལོག་སྟེ་ཁྱོད་རྣམས་ཀྱང་བདག་དང་ལྷན་དུ་སྡོད་པའི་ཕྱིར་ངའི་གམ་དུ་འདྲེན་པར༌བྱའོ།།  
\v 4 ང་རང་གང་དུ་འགྲོ་བའི་ལམ་དེ་ནི་ཁྱོད་རྣམས་ཀྱིས་ཀྱང་ཤེས་པ་ཡིན་ཞེས་གསུངས༌སོ།།   
\p
\v 5 དེ་ནས་ཐོ་མཱ་ན༌རེ། གཙོ་བོ༌ལགས། ངེད་རྣམས་ཀྱིས་ཁྱེད་ཉིད་གང་དུ་ཕེབས་པའང་མི་ཤེས་པས་ལམ་དེ་ཇི་ལྟར་ཤེས་སམ་ཞེས་ཞུས་པ༌ན།  
\v 6 སྐྱབས་མགོན་ཡེ་ཤུས་འདི་སྐད༌དུ། བདག་ནི་ལམ་དེ་ཉིད་དང༌། བདེན་པ༌ཉིད། ཚེ་སྲོག་ཉིད་བཅས་ཡིན༌ནོ། །ང་རང་མ་བརྒྱུད་པར་མི་སུའང་ཡབ་ཀྱི་དྲུང་དུ་འགྲོ་མི་ཐུབ་བོ།།  
\v 7 སྔར་ཁྱོད་རྣམས་ཀྱིས་ང་རང་ངོ་ཤེས་ན་བདག་གི་ཡབ་ཀྱང་ངོ་ཤེས༌པ་དང་། དུས་ད་ནས་བཟུང་ཁྱོད་རྣམས་ཀྱིས་ཁོང་ཉིད་ངོ་ཤེས་པ་དང་མཐོང་བ་ཡིན་ཞེས་གསུངས་སོ།།  
\v 8 དེ་ནས་ཕི་ལིབ་ན༌རེ། གཙོ་བོ༌ལགས། ཁྱེད་ཀྱིས་ངེད་རྣམས་ལ་ཡབ་མངོན་པར་མཛོད༌དང༌ངེད་ཅག་ཡིད་ཚིམ་པར་འགྱུར་ཞེས་ཞུས་པ༌ན།  
\v 9 ཡང་འདི་སྐད༌དུ། ཕི་ལིབ། ང་རང་ཁྱོད་ཅག་དང་མཉམ་དུ་ཡུན་རིང་པོར་བསྡད༌ཀྱང༌། ཁྱོད་ཀྱིས་ད་དུང་ང་རང་ངོ་མི་ཤེས༌སམ། སུ་ཞིག་གིས་ང་རང་མཐོང་བ་ཡིན་ན་ཡབ་ཀྱང་མཐོང་བ་ཡིན༌པས། ཁྱོད་ཀྱིས་ཅིའི་ཕྱིར་ཡབ་མངོན་པར་མཛོད་ཅེས༌སྨྲའམ།  
\v 10 བདག་ནི་ཡབ་ཀྱི་ནང་དུ་གནས་ཤིང་ཡབ་ཀྱང་བདག་གི་ནང་དུ་གནས་པའི་དོན་འདིར་ཁྱོད་རང་ཡིད་མི་ཆེས༌སམ། ངས་རང་ཉིད་ལ་བརྟེན་ནས་གཏམ་འདི་དག་ཁྱོད་རྣམས་ལ་སྨྲས་པ་མ་ཡིན༌ཏེ། བདག་གི་ནང་དུ་གནས་པའི་ཡབ་ཀྱིས་རང་ཉིད་ཀྱི་འཕྲིན་ལས་རྣམས་མཛད༌པ་ལགས།  
\v 11 བདག་ནི་ཡབ་ཀྱི་ནང་དུ་གནས་ཤིང་ཡབ་ཀྱང་བདག་གི་ནང་དུ་གནས་ཞེས་སྨྲས་པ་ལ་ཁྱོད་རྣམས་ཀྱིས་ཡིད་ཆེས་བྱོས༌ཤིག གལ་ཏེ་ཁྱོད་རྣམས་དོན་འདིར་ཡིད་མི་ཆེས༌ནའང༌། བདག་གིས་མཛད་པའི་དོན་དེ་རྣམས་ལ་བརྟེན་ནས་བདག་ལ་ཡིད་ཆེས་བྱོས༌དང༌།  
\v 12 ཡང་བདག་གིས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། བདག་ལ་དད་མཁན་རྣམས་ཀྱིས་བདག་གིས་མཛད་པ་བཞིན་བྱེད་ཅིང་དེ་ལས་ཆེན་པོའང་བྱེད་པར་འགྱུར༌ཏེ། ང་རང་ནི་དཀོན་མཆོག་གི་དྲུང་དུ་འགྲོ་བའི་ཕྱིར༌ཡིན།  
\v 13 ཁྱོད་རྣམས་ཀྱིས་བདག་གི་མིང་ལ་བརྟེན་ནས་དོན་གང་ཞིག་ཞུས་ཀྱང་ངས་དེ་ལྟར་བསྒྲུབ་ངེས༌ཏེ། སྲས་བརྒྱུད་ནས་ཡབ་ཀྱི་གཟི་བརྗིད་མངོན་པར་འགྱུར་བའི་ཕྱིར༌རོ།།  
\v 14 དེའི༌ཕྱིར། ཁྱོད་རྣམས་ཀྱིས་བདག་གི་མིང་ལ་བརྟེན་ནས་དོན་གང་ཞིག་ཞུས་ནའང་བདག་གིས་དེ་ལྟར་བསྒྲུབ་པ་ཡིན་ཞེས་གསུངས༌སོ།།   
\s1 དམ་པའི་ཐུགས་ཉིད་གནང་བའི་ཞལ༌བཞེས།  
\p
\v 15 དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། གལ་ཏེ་ཁྱོད་རྣམས་ཀྱིས་བདག་གཅེས་པར་འཛིན་ན་བདག་གི་བཀའ་རྣམས་ཀྱང་བསྲུང་བར་འགྱུར།  
\v 16 བདག་གིས་ཡབ་ལ་ཞུ་བ་བྱེད་ཅིང་། ཁོང་གིས་ཁྱོད་རྣམས་ལ་སྡོངས་གྲོགས་གཞན་ཞིག་གནང་ཞིང་རྟག་ཏུ་ཁྱོད་རྣམས་དང་མཉམ་དུ་གནས་པར་འགྱུར་རོ།།  
\v 17 དེ་ནི་བདེན་པ་ཉིད་ཀྱི་དམ་པའི་ཐུགས་ཉིད་ཡིན༌ལ། འཇིག་རྟེན་གྱི་མི་རྣམས་ཀྱིས་ཁོང་ཉིད་མི་མཐོང་ཞིང་ངོ་མི་ཤེས་པས་དང་དུའང་ལེན་མི་ནུས་སོ།། འོན་ཀྱང་དམ་པའི་ཐུགས་ཉིད་ནི་ཁྱོད་རྣམས་དང་མཉམ་དུ་གནས་ཤིང་ཁྱོད་ཅག་གི་སེམས་སུ་ཡོད་པར་འགྱུར༌བས། ཁྱོད་རྣམས་ཀྱིས་དམ་པའི་ཐུགས་ཉིད་ངོ་ཤེས༌པ་ཡིན།  
\v 18 ངས་ཁྱོད་རྣམས་དྭ་ཕྲུག་བཞིན་དུ་མི་བསྐྱུར་བར་ང་རང་ཁྱོད་རྣམས་ཀྱི་གམ་དུ་ཡོང་ངེས༌ཡིན།  
\v 19 ཡང་དེ་ནས་ཅང་མ་འགོར་བའི་རྗེས་སུ། འཇིག་རྟེན་གྱི་མི་རྣམས་ཀྱིས་ང་རང་མི་མཐོང་ཡང་ཁྱོད་རྣམས་ཀྱིས་ང་རང་མཐོང་བར༌འགྱུར། ང་རང་གསོན་པོར་གནས་པས་ཁྱོད་རྣམས་ཀྱང་གསོན་པོར་གནས་ཐུབ༌ཅིང་།  
\v 20 ཉིན་མོ་དེར་བདག་ནི་ཡབ་ཀྱི་ནང་དུ་གནས་ཤིང་ཁྱོད་རྣམས་བདག་གི་ནང་དུ་གནས་པ༌དང༌། ང་རང་ཡང་ཁྱོད་རྣམས་ཀྱི་ནང་དུ་གནས་པའི་དོན་དེ་ཁྱོད་རྣམས་ཀྱིས་ཤེས་པར་འགྱུར།  
\v 21 བདག་གི་བཀའ་ཐོབ་པ་དང་བཀའ་དེ་རྣམས་སྲུང་མཁན་ནི་ང་རང་ལ་བྱམས་ཤིང་གཅེས་མཁན་ཡིན། ང་རང་ལ་གཅེས་མཁན་དེར་བདག་གི་ཡབ་ཀྱིས་ཀྱང་གཅེས༌ཤིང༌། ངས་ཀྱང་མི་དེ་ལ་བྱམས་ཤིང་གཅེས་པ་དང་ང་རང་ཡང་མི་དེ་ལ་མངོན་པར་བྱ་ཞེས་གསུངས༌སོ།།   
\p
\v 22 དེ་ནས་ཨི་སི་ཀར་རེའི་ཡུ་དཱ་མ་ཡིན་པར་ཡང་ཡུ་དཱ་ཞེས་འབོད་པའི་ཐུགས་སྲས་གཞན་ཞིག་ཡོད་པ་ན༌རེ། གཙོ་བོ༌ལགས། ཁྱེད་ཀྱིས་རང་ཉིད་ངེད་ཅག་ལ་མངོན་པར་མཛད་ཅིང་འཇིག་རྟེན་གྱི་མི་ཀུན་ལ་མངོན་པར་མི་མཛད་པ་ཅི་ཡིན་ནམ་ཞེས་ཞུས་པ༌ན།  
\v 23 སྐྱབས་མགོན་ཡེ་ཤུས་འདི་སྐད༌དུ། གལ་ཏེ་མི་ཞིག་གིས་བདག་གཅེས་པར་འཛིན༌ན། ངའི་བཀའ་ཡང་བསྲུང་ངེས་ཤིང་བདག་གི་ཡབ་ཀྱིས་ཀྱང་དེ་ལ་གཅེས་པ༌དང༌། ངེད་ཅག་ཀྱང་ཁོའི་གམ་དུ་ཡོང་ནས་ཁོ་དང་ལྷན་དུ་གནས་པར་འགྱུར།  
\v 24 བདག་གཅེས་པར་མི་འཛིན་པ་དེས་བདག་གི་བཀའ་ཡང་མི་བསྲུང༌ལ། ཁྱོད་ཅག་གིས་ཐོས་པའི་བཀའ་ནི་བདག་གི་བཀའ་མ་ཡིན་པར། ང་རང་མངགས་མཁན་ཏེ་ཡབ་ཀྱི་བཀའ་ཡིན།  
\v 25 ང་རང་ཁྱོད་ཅག་དང་མཉམ་དུ་སྡོད་དུས་བདག་གིས་གཏམ་དེ་དག་ཁྱོད་རྣམས་ལ་སྨྲས་ཟིན་ཏོ།།  
\v 26 འོན༌ཀྱང༌། སྡོངས་གྲོགས་ཏེ་དམ་པའི་ཐུགས་ཉིད་ནི་ཡབ་ཀྱིས་ངའི་མིང་ལ་བརྟེན་ནས་མངག་ངེས་ཤིང་། ཁོང་གིས་ཁྱོད་རྣམས་ལ་ཡོངས་སུ་བསླབ་ཅིང་ངས་སྨྲས་པ་ཐམས་ཅད་དྲན་སྐུལ་བྱེད་པར་འགྱུར་རོ།།  
\v 27 བདག་གིས་ཁྱོད་རྣམས་ཀྱི་སེམས་ལ་ཞི་བདེ་འཐོབ་པར་བྱེད་ཅིང་རང་ཉིད་ཀྱི་ཞི་བདེའང་ཁྱོད་རྣམས་ལ་གནང༌ཞིང་། བདག་གིས་གནང་བའི་ཞི་བདེ་ནི་འཇིག་རྟེན་མི་ཡིས་གནང་བ་དང་མི༌འདྲ། ཁྱོད་ཅག་གི་སེམས་མི་སྐྱོ་མི་འཇིགས་པར༌གྱིས།  
\v 28 བདག་གིས་ཁྱོད་རྣམས་ལ་ང་རང་འགྲོ་ཞིང་སླར་ཡང་ཁྱོད་ཅག་གི་གམ་དུ་ཡོང་ངེས་ཡིན་ཞེས་སྨྲས་པ་ཁྱོད་རྣམས་ཀྱིས་ཐོས་མྱོང༌ལ། ཁྱོད་ཅག་གིས་དངོས་གནས་ང་རང་གཅེས་པར་འཛིན༌ན། ང་རང་ཡབ་ཀྱི་དྲུང་དུ་འགྲོ་བ་ལ་ཁྱོད་རྣམས་དགའ་ཡང་འོས༌ཏེ། ཡབ་ནི་ང་རང་ལས་ཀྱང་ཆེན་པོ་ཡིན་པའི་ཕྱིར༌རོ།།  
\v 29 ད་ལྟ་དོན་དེ་རྣམས་མ་བྱུང་ཡང་ངས་སྔ་མོ་ནས་ཁྱོད་ཅག་ལ་སྨྲས་པ་ནི། དོན་དེ་རྣམས་འབྱུང་བ་དང་ཁྱོད་ཅག་གིས་ཡིད་ཆེས་བྱེད་པའི་ཕྱིར༌ཡིན།  
\v 30 འཇིག་རྟེན་འདིའི་དབང་སྒྱུར་མཁན་སླེབས་ལ་ཉེ༌བས། ཕྱིས་སུ་ངས་ཁྱོད་ཅག་ལ་གཏམ་མང་པོ་གླེང་བར་མི༌བྱའོ།། དབང་སྒྱུར་མཁན་དེར་བདག་ལ་རྒོལ་བའི་ནུས་པ་ཅི་ཡང་མེད།  
\v 31 འོན་ཀྱང་ངས་ཡབ་ཀྱི་བཀའ་བཞིན་དུ་སྒྲུབ་པ་ཡིན༌ཏེ། ངས་ཡབ་གཅེས་པར་འཛིན་པ་འཇིག་རྟེན་མི་ཡིས་ཀྱང་ཤེས་དགོས་པའི་ཕྱིར༌ཡིན། ཡར་ལོངས་དང་བདག་ཅག་འགྲོའོ་ཞེས་གསུངས༌སོ།།   
\c 15
\cl ལེའུ་བཅོ་ལྔ༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 རྒུན་འབྲུམ་ཤིང་གི་དཔེ་བསྟན༌པ།  
\p
\v 1 དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། ང་རང་ནི་རྒུན་འབྲུམ་ཤིང་དངོས་ཡིན་ཏེ། བདག་གི་ཡབ་ནི་རྒུན་འབྲུམ་ཤིང་གི་བདག་པོ་ཡིན།  
\v 2 ཁོང་གིས་བདག་ལ་འབྲེལ་བའི་ཡལ་ག་ལས་འབྲས་བུ་མི་ཐོགས་པ་ཐམས་ཅད་གཅོད་པར་བྱེད༌ཅིང༌། འབྲས་བུ་ཐོགས་པའི་ཡལ་ག་ལ་འབྲས་བུ་དེ་ལས་ཀྱང་ལྷག་པ་ཞིག་སྨིན་པའི་ཕྱིར་ཡལ་ག་འབྲེག་བཅོས་མཛད་དོ།།  
\v 3 ད་ལྟ་བདག་གིས་ཁྱོད་རྣམས་ལ་བཀའ་གསུངས༌པས། ཁྱོད་རྣམས་ཀྱང་གཙང་མར་གྱུར༌པ་ཡིན།  
\v 4 ཁྱོད་རྣམས་བདག་གི་ནང་དུ་གནས་པར་གྱིས། ང་རང་ཡང་ཁྱོད་ཅག་གི་ནང་དུ་གནས་པར༌བྱའོ།། ཡལ་ག་གང་ཞིག་རྒུན་འབྲུམ་ཤིང་གི་སྟེང་དུ་མ་གནས་ན་རང་ཉིད་ལ་འབྲས་བུ་མི་ཐོགས་པ༌ལྟར། ཁྱོད་རྣམས་ཀྱང་བདག་གི་ནང་དུ་མི་གནས་ན་ཁྱོད་ཅག་ལའང་འབྲས་བུ་མི་འབྱུང་ངོ༌།།  
\v 5 ང་རང་ནི་རྒུན་འབྲུམ་ཤིང་ཡིན་ཞིང་ཁྱོད་ཅག་ནི་ཡལ་ག༌སྟེ། སུ་ཞིག་ངའི་ནང་དུ་གནས་ཤིང་ང་རང་ཡང་ཁོའི་ནང་དུ་གནས་ན་མི་དེ་ལ་འབྲས་བུ་མང་པོ་འབྱུང༌བ་ཡིན། གལ་ཏེ་ང་རང་དང་ཁ་བྲལ་ན་ཁྱོད་རྣམས་ཀྱིས་ཅི་ཡང་བྱ་མི་ནུས་སོ།།  
\v 6 ངའི་ནང་དུ་མི་གནས་པ་དེ་ཕྱི་རུ་འཕངས་པའི་ཡལ་ག་བཞིན་དུ་བསྐམ་པར་འགྱུར་བ་དང༌། མི་ཡིས་བཏུས་ནས་མེ་ལ་བསྲེག་པར་འགྱུར།  
\v 7 གལ་ཏེ་ཁྱོད་རྣམས་ངའི་ནང་དུ་གནས་ཤིང་ང་ཡི་བཀའ་ཡང་ཁྱོད་ཅག་གི་ནང་དུ་གནས༌ན། ཁྱོད་རྣམས་ཀྱིས་གང་ཞིག་ཞུས་དང་འགྲུབ་པར་འགྱུར་རོ།།  
\v 8 ཁྱོད་ཅག་ལ་འབྲས་བུ་མང་པོ་འཐོག་ན། ཁྱོད་རྣམས་ཀྱང་བདག་གི་རྗེས་འབྲང་པ་ཡིན་པར་མངོན་ཞིང་། དེའི་སྒོ་ནས་ངའི་ཡབ་ཀྱི་གཟི་བརྗིད་མངོན་པར་འགྱུར།  
\v 9 ཡབ་ཀྱིས་བདག་ལ་བྱམས་པ་བཞིན་ངས་ཀྱང་ཁྱོད་རྣམས་ལ་བྱམས༌པ་ཡིན། ཁྱོད་རྣམས་ཀྱང་བདག་གི་བྱམས་པའི་ནང་དུ་གནས་པར༌གྱིས།  
\v 10 བདག་གིས་ཡབ་ཀྱི་བཀའ་རྣམས་བསྲུངས་ཤིང་ཁོང་གི་བྱམས་པའི་ནང་དུ་གནས་པ༌བཞིན། ཁྱོད་རྣམས་ཀྱིས་ཀྱང་བདག་གི་བཀའ་རྣམས་བསྲུངས་ན། ཁྱོད་ཅག་བདག་གི་བྱམས་པའི་ནང་དུ་གནས་པར་འགྱུར་རོ།།  
\v 11 དེ་ཡང་བདག་གིས་དོན་དེ་རྣམས་ཁྱོད་ཅག་ལ་སྨྲས་པ༌ནི། བདག་གི་དགའ་སྤྲོ་ཁྱོད་ཅག་གི་སེམས་ནང་དུ་གནས་ཤིང་ཁྱོད་རྣམས་ལའང་དགའ་སྤྲོས་ཁེངས་པའི་ཕྱིར༌ཡིན།  
\v 12 ངས་ཁྱོད་རྣམས་ལ་བྱམས་ཤིང་གཅེས་པ་ལྟར་ཁྱོད་རྣམས་ཀྱིས་ཀྱང་ཕན་ཚུན་ལ་གཅེས་དགོས་པ་ནི་བདག་གི་བཀའ་ཡིན༌ཏེ།  
\v 13 མཛའ་གྲོགས་ཀྱི་དོན་དུ་རང་སྲོག་བློས་གཏོང་བ་དེ་ལས་ལྷག་པའི་བྱམས་པ་ཞིག་མེད།  
\v 14 གལ་ཏེ་ཁྱོད་རྣམས་ཀྱིས་བདག་གི་བཀའ་ལྟར་བསྒྲུབས༌ན། ཁྱོད་རྣམས་ཀྱང་བདག་གི་མཛའ་གྲོགས་ཡིན།  
\v 15 ད་ནས༌བཟུང༌། ངས་ཁྱོད་རྣམས་ལ་ཞབས་ཕྱི་བྱེད་མཁན་ཞེས་མི་ཟེར། རྒྱུ་མཚན་ནི་ཞབས་ཕྱི་བྱེད་པ་རྣམས་ཀྱིས་རང་གི་བདག་པོས་ཅི་བྱེད་པ་མི་ཤེས་པའི་ཕྱིར༌ཡིན། འོན་ཀྱང་ངས་རང་གི་ཡབ་ཀྱི་དྲུང་ནས་གང་ཞིག་ཐོས་པ་ཐམས་ཅད་ཁྱོད་རྣམས་ལ་སྨྲས༌པས། བདག་གིས་ཀྱང་ཁྱོད་རྣམས་ལ་མཛའ་གྲོགས་ཞེས་ཟེར་རོ།།  
\v 16 ཁྱོད་རྣམས་ཀྱིས་ང་རང་བདམས་པ་མ་ཡིན༌པར། ཁྱོད་རྣམས་སོང་ནས་འབྲས་བུ་སྨིན་པར་བྱེད་པ་དང་འབྲས་བུ་དེ་རྟག་ཏུ་གནས་པའི༌ཕྱིར། བདག་གིས་ཁྱོད་རྣམས་བདམས་ཤིང་བསྐོས༌སོ།། དེ་ནི་བདག་གི་མིང་ལ་བརྟེན་ནས་ཡབ་ལ་གང་ཞིག་ཞུས༌ན། ཁོང་གིས་ཁྱོད་རྣམས་ལ་དེ་གནང་བར་འགྱུར་བའི་ཕྱིར་ཡིན།  
\v 17 ཁྱོད་རྣམས་ཀྱིས་ཕན་ཚུན་ལ་བྱམས་ཤིང་གཅེས་དགོས་པ་འདི༌ནི་བདག་གིས་གནང་བའི་བཀའ་ཡིན་ཞེས་གསུངས༌སོ།།   
\s1 འཇིག་རྟེན་གྱི་མི་རྣམས་སྐྱབས་མགོན་ཡེ་ཤུའི་ཐུགས་སྲས་ལ་སྡང༌བ།  
\p
\v 18 ཡང་སྐྱབས་མགོན་ཡེ་ཤུས་འདི་སྐད༌དུ། གལ་ཏེ་འཇིག་རྟེན་གྱི་མི་རྣམས་ཁྱོད་ཅག་ལ་སྡང་བ་ཡིན༌ན། ཁྱོད་རྣམས་ལ་མ་སྡང་བའི་སྔོན་དུ་ང་རང་ལ་སྡང་བ་ཁྱོད་རྣམས་ཀྱིས་ཤེས་དགོས།  
\v 19 གལ་ཏེ་ཁྱོད་རྣམས་འཇིག་རྟེན་ལ་གཏོགས་པ་ཡིན༌ན། འཇིག་རྟེན་གྱི་མི་རྣམས་ཀྱིས་རང་ལ་གཏོགས་པ་བཞིན་ཁྱོད་ཅག་ལ་བྱམས་ཤིང་བརྩེ་བ་ཡིན༌མོད། འོན་ཀྱང་ཁྱོད་རྣམས་འཇིག་རྟེན་ལ་མི་གཏོགས་ཤིང་། ངས་འཇིག་རྟེན་འདི་ལས་ཁྱོད་རྣམས་བདམས་པ་ཡིན་པས་འཇིག་རྟེན་གྱི་མི་རྣམས་ཁྱོད་ཅག་ལ་སྡང༌བ་ཡིན།  
\v 20 བདག་གིས་དེ་སྔར་ཁྱོད་རྣམས་ལ་གཡོག་པོ་ནི་བདག་པོ་ལས་ཆེན་པོ་ཡིན་མི་སྲིད་ཅེས་སྨྲས་པ་དེ་དྲན་པར༌གྱིས། འཇིག་རྟེན་གྱི་མི་རྣམས་ཀྱིས་བདག་ལ་གནོད་འཚེ་བྱས་ན། ཁྱོད་རྣམས་ལའང་གནོད་འཚེ་བྱེད་པར་འགྱུར་བ༌དང༌། དེ་དག་གིས་ངའི་བཀའ་བསྲུངས་ཡོད་ན། ཁྱོད་ཅག་གི་བཀའ་ཡང་བསྲུང་བར་འགྱུར་རོ།།  
\v 21 འོན་ཀྱང་འཇིག་རྟེན་གྱི་མི་རྣམས་ཀྱིས་ངའི་མིང་གི་རྐྱེན་གྱིས་ཁྱོད་ཅག་ལ་དོན་དེ་ཐམས་ཅད་བྱེད་པར་འགྱུར་རོ།། རྒྱུ་མཚན་ནི་མི་དེ་རྣམས་ཀྱིས་ང་རང་མངགས་མཁན་ངོ་མི་ཤེས་པའི་ཕྱིར༌ཡིན།  
\v 22 གལ་ཏེ་ང་རང་ཡོང་ནས་མི་དེ་རྣམས་ལ་ཆོས་མ་བཤད་ན་ཁོ་རྣམས་ལ་སྡིག་པ་མེད༌མོད། འོན་ཀྱང་ད་ལྟ་མི་དེ་རྣམས་ཀྱི་སྡིག་པ་གཞན་ལ་སྙད་འདོགས་ཐབས་མེད།  
\v 23 ང་རང་ལ་སྡང་མཁན་ནི་བདག་གི་ཡབ་ལའང་སྡང་བ་ཡིན།  
\v 24 གལ་ཏེ་ངས་མི་གཞན་སུས་ཀྱང་བྱས་མ་མྱོང་བའི་དོན་རྣམས་ཁོ་རྣམས་ཀྱི་ཁྲོད་དུ་མ་བྱས་ན། དེ་རྣམས་ལའང་སྡིག་པ་མེད་དོ།། འོན་ཀྱང་ཁོ་རྣམས་ཀྱིས་དོན་དེ་རྣམས་མཐོང་མྱོང་ཡང་བདག་དང་བདག་གི་ཡབ་ལ་སྡང་བ་ཡིན།  
\v 25 དོན་དེ་ནི་ཁོ་ཚོའི་བཀའ་ཁྲིམས་ཀྱི་མདོ་ལས་ཇི་སྐད༌དུ། ཁོ་རྣམས་དོན་མེད་བདག་ལ་སྡང་ཞེས་པ་དེ་ཉིད་འགྲུབ་པའི་ཕྱིར་དེ་ལྟར་བྱུང་བ་ཡིན༌ནོ།།   
\p
\v 26 དེ་ཡང་བདག་གིས་ཡབ་ནས་བྱུང་བའི་སྡོངས་གྲོགས་ཏེ། བདེན་པ་ཉིད་ཀྱི་དམ་པའི་ཐུགས་ཉིད་ནི་ཡབ་ཀྱི་དྲུང་ནས་ཁྱོད་ཅག་ལ་མངགས་ཤིང་བྱོན༌ཚེ། ཁོང་གིས་བདག་ལ་བདེན་དཔང་མཛད་པར་འགྱུར།  
\v 27 ཁྱོད་རྣམས་ཀྱིས་ཀྱང་བདག་ལ་བདེན་དཔང་བྱེད་པར་འགྱུར་རོ།། ཅིའི་ཕྱིར་ཞེ་ན་ཐོག་མ་ནས་ཁྱོད་རྣམས་བདག་དང་ལྷན་དུ་འགྲོགས་པའི་ཕྱིར་ཡིན་ཞེས་གསུངས༌སོ།།   
\c 16
\cl ལེའུ་བཅུ་དྲུག༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 དམ་པའི་ཐུགས་ཉིད་ཀྱི་མཛད་འཕྲིན༌སྐོར།  
\p
\v 1 དེ་ནས་ཡང་སྐྱབས་མགོན་ཡེ་ཤུས་འདི་སྐད༌དུ། བདག་གིས་དོན་འདི་དག་ཁྱོད་རྣམས་ལ་སྨྲས་པ་ནི་ཁྱོད་ཅག་གི་དད་པ་མི་ལོག་པའི་ཕྱིར༌ཡིན།  
\v 2 མི་རྣམས་ཀྱིས་ཁྱོད་ཅག་ཆོས་ཁང་ནས་ཕྱིར་འཕུད་པར་མ་ཟད། ཁྱོད་ཅག་གསོད་མཁན་རྣམས་ཀྱིས་དེ་ནི་དཀོན་མཆོག་ལ་བསྙེན་བཀུར་བྱེད་པ་ཡིན་སྙམ་པའི་དུས་ཤིག་སླེབ་པར་འགྱུར་རོ།།  
\v 3 དེ་རྣམས་ཀྱིས་དེ་ལྟར་བྱེད་པ་ནི་ཡབ་ངོ་མི་ཤེས༌ཤིང༌། ང་རང་ཡང་ངོ་མི་ཤེས་པའི་ཕྱིར༌ཡིན།  
\v 4 འོན༌ཀྱང༌། ངས་དོན་འདི་དག་ཁྱོད་ཅག་ལ་སྨྲ་བ་ནི་དུས་དེ་སླེབས་ཚེ། ཁྱོད་ཅག་གིས་ངས་སྨྲས་པ་རྣམས་དྲན་པའི་ཕྱིར༌ཡིན་ཞིང་། ངེད་རྣམས་མཉམ་དུ་འགྲོགས་ཡོད་པས་ངས་དོན་འདི་དག་སྔར་ཁྱོད་ཅག་ལ་མ་སྨྲས་པ་ཡིན།   
\p
\v 5 ད་ལྟ་བདག་ནི་ང་རང་མངགས་མཁན་གྱི་དྲུང་དུ༌འགྲོ་ཞིང་། ཁྱོད་རྣམས་ལས་སུས་ཀྱང་ཁྱེད་རང་གང་དུ་འགྲོའམ་ཞེས་མི༌འདྲིའོ།།  
\v 6 ངས་དོན་འདི་དག་སྨྲས་པས་ཁྱོད་ཅག་གི་སེམས་སུ་སྐྱོ་སྡུག་གིས་ཁེངས༌པ་རེད།  
\v 7 འོན༌ཀྱང༌། ངས་ཁྱོད་ཅག་ལ་བདེན་པར་སྨྲ༌སྟེ། ང་རང་འགྲོ་བ་ནི་ཁྱོད་རྣམས་ལ་ཕན༌པ་ཡིན། ང་རང་མ་སོང་ན་སྡོངས་གྲོགས་དེ་ཁྱོད་ཅག་གི་གམ་དུ་ཕེབས་མི་སྲིད༌ཅིང༌། ང་རང་སོང་ན་ངས་ཁོང་ཉིད་ཁྱོད་ཅག་གི་གམ་དུ་མངག་པར༌བྱའོ།།  
\v 8 ཕྱིས་སུ་དམ་པའི་ཐུགས་ཉིད་ཕེབས་ཏེ། འཇིག་རྟེན་གྱི་མི་རྣམས་ལ་སྡིག་པ༌དང༌། དྲང༌བདེན། ཉེས་ཆད་གཅོད་པ་བཅས་ཀྱི་ཕྱོགས་ནས་མི་ལ་ཉེས་སྐྱོན་ཡོད་པ་སྟོན་པར་འགྱུར་རོ།།  
\v 9 དེས་ན་སྡིག་པའི་ཐད་ནས་མི་དེ་རྣམས་བདག་ལ་དད་པ་མེད་པའི་ཕྱིར༌དང༌།  
\v 10 དྲང་བདེན་གྱི་ཐད་ནས་ང་རང་ཡབ་ཀྱི་དྲུང་དུ་འགྲོ་བས་ཕྱིས་སུ་ཁྱོད་ཅག་གིས་ང་རང་མི་མཐོང་བའི་ཕྱིར༌དང༌།  
\v 11 ཉེས་ཆད་གཅོད་པའི་ཐད་ནས་འཇིག་རྟེན་འདིའི་དབང་སྒྱུར་མཁན་ལའང་ཉེས་ཆད་བཅད་ཟིན་པས༌སོ།།  
\v 12 བདག་ལ་ད་དུང་གཏམ་མང་ཡང་ད་ལྟ་ཁྱོད་ཅག་གི་སེམས་ཀྱིས་མི་བཟོད༌པ་ཡིན།  
\v 13 འོན་ཀྱང་བདེན་པ་ཉིད་ཀྱི་དམ་པའི་ཐུགས་ཉིད་ཕེབས༌ཚེ། ཁོང་གིས་ཁྱོད་རྣམས་ལ་བདེན་པ་ཐམས་ཅད་ཤེས་སུ་འཇུག༌ཅིང༌། གང་ཞིག་ཐོས་པ་རྣམས་ཇི་བཞིན་དུ་གསུངས་པ་ལས་རང་འདོད་དུ་མི་གསུང༌ཞིང༌། མ་འོངས་པའི་དོན་རྣམས་ཀྱང་ཁྱོད་ཅག་ལ་གསུང་བར་འགྱུར་རོ།།  
\v 14 ཡང་དམ་པའི་ཐུགས་ཉིད་ཀྱིས་བདག་ལ་གཟི་བརྗིད་སྩོལ་ངེས༌ཏེ། ཁོང་གིས་བདག་གི་ཡིན་པ་གང་ཞིག་བླངས་ནས་ཁྱོད་རྣམས་ལ་མངོན་པར་འགྱུར་བས༌སོ།།  
\v 15 དེའི༌ཕྱིར། ཡབ་ལ་གང་ཞིག་ལྡན་པ་ཐམས་ཅད་བདག་ལའང་དབང༌བས། དམ་པའི་ཐུགས་ཉིད་ཀྱིས་བདག་གི་ཡིན་པ་གང་ཞིག་བླངས་ནས་ཁྱོད་རྣམས་ལ་གསུང་བར་འགྱུར་ཞེས་བདག་གིས་སྨྲས་པ་ཡིན།  
\v 16 ད་ཅང་མི་འགོར་བར་ཁྱོད་རྣམས་ཀྱིས་ང་རང་མཐོང་བར་མི་འགྱུར༌ཞིང༌། ཡང་དེ་ནས་ཅང་མི་འགོར་བར་ཁྱོད་རྣམས་ཀྱིས་ང་རང་མཐོང་བར་འགྱུར་ཞེས་གསུངས་སོ།།   
\s1 ཐུགས་སྲས་རྣམས་ཀྱི་དགའ་སྐྱོའི༌སྐོར།  
\p
\v 17 དེ་ནས་ཐུགས་སྲས་ཁ་ཤས་ཀྱིས་ཕན་ཚུན་ལ་འདི་ལྟར་སྨྲས༌པ། ཁོང་གིས་ད་ཅང་མི་འགོར་བར་ཁྱོད་རྣམས་ཀྱིས་ང་རང་མཐོང་བར་མི་འགྱུར༌ཞིང༌། ཡང་དེ་ནས་ཅང་མི་འགོར་བར་ཁྱོད་རྣམས་ཀྱིས་ང་རང་མཐོང་བར་འགྱུར་ཞེས༌དང༌། ཡང་ཁོང་གིས་ང་རང་ཡབ་ཀྱི་དྲུང་དུ་འགྲོ་བའི་ཕྱིར་ཡིན་ཞེས་གསུངས་པའི་དོན་ཅི་ཡིན་ནམ་ཞེས་སྨྲས༌ཤིང༌།  
\v 18 ཡང་ཐུགས་སྲས་རྣམས་ན༌རེ། ཁོང་གིས་ཅང་མི་འགོར་བར་ཞེས་གསུངས་པའི་དོན་ཅི་ཡིན༌ནམ། ཁོང་གིས་ཅི་གསུངས་པ་བདག་ཅག་གིས་མི་ཤེས་ཞེས་སྨྲས་སོ།།  
\v 19 དེ་ནས་ཐུགས་སྲས་རྣམས་ཀྱིས་ཁོང་ལ་བཀའ་འདྲི་ཞུ་འདོད་པ་སྐྱབས་མགོན་ཡེ་ཤུས་མཁྱེན་ཏེ་འདི་སྐད༌དུ། ངས་ད་ཅང་མི་འགོར་བར་ཁྱོད་རྣམས་ཀྱིས་ང་རང་མཐོང་བར་མི་འགྱུར༌ཞིང༌། ཡང་ཅང་མི་འགོར་བར་ཁྱོད་རྣམས་ཀྱིས་ང་རང་མཐོང་བར་འགྱུར་ཞེས་སྨྲས་པ་འདིར་ཁྱོད་རྣམས་ཕན་ཚུན་ལ་དྲི་བ་ཡོད༌དམ།  
\v 20 ངས་ཁྱོད་ཅག་ལ་ཡང་དག་པར་བདེན་པར་སྨྲ༌སྟེ། ཁྱོད་རྣམས་ངུ་ཞིང་མྱ་ངན་བྱེད་ནའང་འཇིག་རྟེན་གྱི་མི་རྣམས་དགའ་བར༌འགྱུར། ཁྱོད་ཅག་ལ་སྡུག་བསྔལ་འབྱུང་ཡང་ཁྱོད་རྣམས་ཀྱི་སྡུག་བསྔལ་དེ་དགའ་སྤྲོ་རུ་འགྱུར་ངེས༌ཡིན།  
\v 21 བུད་མེད་ཅིག་གིས་ཕྲུ་གུ་བཙའ༌དུས། ཁོ་མོའི་ཕྲུ་གུ་བཙའ་བའི་དུས་དེ་སླེབས་ཚེ་ན་ཟུག་འབྱུང༌ནའང༌། ཕྲུ་གུ་བཙས་རྗེས་མི་ཞིག་འཇིག་རྟེན་དུ་སྐྱེས་པ་ཡིན་པས་ཁོ་མོ་དགའ་སྟེ་ན་ཟུག་མི་དྲན༌ནོ།།  
\v 22 ད་ལྟ་ཁྱོད་རྣམས་ལ་སྡུག་བསྔལ་ཡོད་ནའང་བདག་ནི་སླར་ཡང་ཁྱོད་ཅག་དང་འཕྲད་པར་འགྱུར༌ཞིང༌། ཁྱོད་ཅག་གི་སེམས་དགའ་བར་འགྱུར་ལ། ཁྱོད་རྣམས་ཀྱི་དགའ་སྤྲོ་སུས་ཀྱང་འཕྲོག་མི་ནུས།  
\v 23 ཉིན་དེ་སླེབས་ཚེ། ཁྱོད་ཅག་གིས་ང་རང་ལ་དོན་ཅི་ཡང་མི༌འདྲི། ངས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། ཁྱོད་རྣམས་ཀྱིས་ངའི་མིང་ལ་བརྟེན་ནས་ཡབ་ལ་གང་ཞིག་ཞུས་ཀྱང་ཁོང་གིས་གནང་བར་འགྱུར་རོ།།  
\v 24 སྔོན་ཆད་ཁྱོད་ཅག་གིས་བདག་གི་མིང་ལ་བརྟེན་ནས་ཅི་ཡང་ཞུས་མ་མྱོང༌ལ། ཁྱོད་ཅག་ལ་དགའ་སྤྲོས་ཁེངས་པའི༌ཕྱིར། ད་ལྟ་གསོལ་བ་ཐོབས་དང་འཐོབ་ངེས་སོ།།   
\p
\v 25 བདག་གིས་དོན་དེ་རྣམས་དཔེའི་སྒོ་ནས་ཁྱོད་ཅག་ལ་སྨྲས༌ཀྱང༌། ཁྱོད་ཅག་ལ་དཔེའི་སྒོ་ནས་མི་སྨྲ་བའི་དུས་ཤིག་སླེབས་པར་ཉེ་བ༌ན། ངས་ཡབ་ཀྱི་སྐོར་ཁྱོད་ཅག་ལ་གསལ་པོར༌སྨྲ་བར་བྱའོ།།  
\v 26 ཉིན་དེ་སླེབས་ཚེ། ཁྱོད་རྣམས་ཀྱིས་ངའི་མིང་ལ་བརྟེན་ནས་གསོལ་བ་འདེབས་པར་འགྱུར། ངས་ཁྱོད་ཅག་གི་དོན་དུ་ཡབ་ལ་ཞུ་བར་བྱ་ཞེས་ཁྱོད་རྣམས་ལ་མི༌སྨྲ་སྟེ།  
\v 27 རྒྱུ་མཚན་ནི་ཁྱོད་ཅག་གིས་ང་རང་ལ་བྱམས་ཤིང་གཅེས་པ༌དང༌། ང་རང་ཡབ་ཀྱི་དྲུང་ནས་བྱུང་བ་ལའང་དད་པ་བྱས་པས། ཡབ་ཀྱིས་ཀྱང་ཁྱོད་རྣམས་ལ་བྱམས་ཤིང་གཅེས་པའི་ཕྱིར༌རོ།།  
\v 28 ང་རང་ཡབ་ཀྱི་དྲུང་ནས་བྱུང་སྟེ་འཇིག་རྟེན་དུ་ཡོང་བ༌དང༌། ཡང་འཇིག་རྟེན་དང་ཁ་བྲལ་ནས་ཡབ་ཀྱི་དྲུང་དུ་འགྲོ་བ་ཡིན་ཞེས་གསུངས་སོ།།  
\v 29 དེ་ནས་ཐུགས་སྲས་རྣམས་ན༌རེ། ལགས༌སོ།། ད་ནི་ཁྱེད་ཀྱིས་དཔེའི་སྒོ་ནས་མ་གསུངས་པར་གསལ་པོར་གསུངས།  
\v 30 ད་ལྟ་ངེད་ཅག་གིས་ཁྱེད་ནི་དོན་ཀུན་མཁྱེན་པ་དང་སུས་ཀྱང་ཁྱེད་ལ་བཀའ་འདྲི་ཞུ་མི་དགོས་པ་ཤེས༌པས། ཁྱེད་རང་ནི་དཀོན་མཆོག་གི་དྲུང་ནས་ཕེབས་པ་ཡིན་པར་དད་པ་བྱེད་ཅེས་ཞུས་པ༌ལ།  
\v 31 སྐྱབས་མགོན་ཡེ་ཤུས་འདི་སྐད༌དུ། ད་ལྟ་ཁྱོད་རྣམས་ཀྱིས་དད་པ་བྱེད༌དམ།  
\v 32 ལྟོས༌དང༌། དུས་ཤིག་སླེབ་ངེས་ཤིང་ད་ལྟ་དངོས་སུ་སླེབས་ཟིན་ཏེ། ཁྱོད་རྣམས་སོ་སོར་གྱེས་ནས་རང་ཡུལ་དུ་འགྲོ་ཞིང་ང་རང་ཁོ་ན་བསྐྱུར་ངེས༌ཡིན། འོན་ཀྱང་ཡབ་ནི་བདག་དང་མཉམ་དུ་བཞུགས་པས་ང་རང་གཅིག་པུ་མ་ཡིན།  
\v 33 བདག་གི་ནང་དུ་ཁྱོད་རྣམས་ལ་ཞི་བདེ་འཐོབ་པའི་ཕྱིར། ངས་ཁྱོད་ཅག་ལ་དོན་དེ་རྣམས་སྨྲས༌པ་ཡིན། འཇིག་རྟེན་འདིར་ཁྱོད་རྣམས་ལ་དཀའ་སྡུག་ཡོད་ནའང༌། ང་རང་ནི་འཇིག་རྟེན་ \f + \ft འདིར་འབྱུང་བའི་འཇིག་རྟེན་ཅེས་པ་ནི་ཡེ་ཤུའི་ཆོས་ཀྱི་དགྲ་བོ་ཐམས་ཅད་ལ་གོ༌དགོས། འཕྲིན་བཟང་འདི་ལས་འཇིག་རྟེན་ཅེས་པའི་ཐ་སྙད་མང་དུ་འབྱུང་བས་གང་ལ་གང་འཚམ་གྱིས་གོ་བ་ལེན་པར༌རིགས། \f*ལས་རྣམ་པར་རྒྱལ་བས་ཁྱོད་ཅག་གི་སེམས་བདེ་བར་གྱིས་ཞེས་གསུངས༌སོ།།   
\c 17
\cl ལེའུ་བཅུ་བདུན༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུས་རང་ཉིད་ཀྱི་ཆེད་དུ་གསོལ་བ་བཏབ༌པ།  
\p
\v 1 སྐྱབས་མགོན་ཡེ་ཤུས་དེ་སྐད་གསུངས་རྗེས་ནམ་མཁའི་ཕྱོགས་སུ་གཟིགས་ཏེ་འདི་སྐད༌དུ། ཡབ་ལགས། ད་ནི་དུས་དེ་སླེབས༌པ་ཡིན། དེ་ཡང་སྲས་ཀྱིས་ཁྱེད་ཀྱི་གཟི་བརྗིད་མངོན་པར་བྱེད༌ཆེད། ཁྱེད་ཀྱིས་སྲས་གཟི་བརྗིད་དང་ལྡན་པར༌མཛོད།  
\v 2 ཅིའི་ཕྱིར་ཞེ་ན། ཁྱེད་ཀྱིས་ཤ་ཁྲག་གདོས་བཅས་ཀྱི་མི་ཐམས་ཅད་ལ་དབང་བསྒྱུར་བའི་དབང་ཆ་ནི་སྲས་ལ་གནང་ཞིང་། དེ་ནི་ཁྱེད་ཀྱིས་ཁོ་ལ་གནང་བའི་མི་ཀུན་ལ་ཁོས་མཐའ་མེད་པའི་ཚེ་སྲོག་སྩོལ་བའི་ཕྱིར༌རོ།།  
\v 3 དད་ལྡན་རྣམས་ཀྱིས་ཁྱེད་རང་ནི་བདེན་པའི་དཀོན་མཆོག་ཁོ་ན་དང་ཁྱེད་ཀྱིས་མངགས་པའི་ཡེ་ཤུ་མཱ་ཤི་ཀ་གཉིས་ངོ་ཤེས་པ་ནི་མཐའ་མེད་པའི་ཚེ་སྲོག་ཡིན་ནོ།།  
\v 4 ཁྱེད་ཀྱིས་བདག་ལ་གནང་བའི་ལས་ཐམས་ཅད་བདག་གིས་བསྒྲུབས་ཟིན་ཏེ། ས་གཞིའི་སྟེང་དུ་ཁྱེད་ཀྱི་གཟི་བརྗིད་ཀྱང་མངོན་པར་བྱས།  
\v 5 ཡབ་ལགས། འཇིག་རྟེན་མ་བསྐྲུན་པའི་སྔོན༌ལ། ང་རང་ཁྱེད་དང་ལྷན་དུ་བཞུགས་པའི་དུས་ཀྱི་གཟི་བརྗིད་དེ་ཉིད། ད་ལྟ་ཁྱེད་ཀྱི་དྲུང་དུ་སླར་ཡང་བདག་ལ་གནང་བར་མཛོད་ཅེས་གསུངས༌སོ།།   
\s1 སྐྱབས་མགོན་ཡེ་ཤུས་ཐུགས་སྲས་རྣམས་ཀྱི་ཆེད་དུ་གསོལ་བ་བཏབ༌པ།  
\p
\v 6 ཡང་ཁོང་གིས་འདི་སྐད༌དུ། ཁྱེད་ཀྱིས་འཇིག་རྟེན་ལས་བདག་ལ་གནང་བའི་མི་རྣམས་ལ་ངས་ཀྱང་ཁྱེད་ཀྱི་མཚན་མངོན་པར་བྱས། དེ་རྣམས་སྔར་ནས་ཁྱེད་ལ་གཏོགས་ཤིང་ཁྱེད་ཀྱིས་བདག་ལ་གནང་བ་དང་དེ་རྣམས་ཀྱིས་ཀྱང་ཁྱེད་ཀྱི་བཀའ་བསྲུངས༌སོ།།  
\v 7 ད་ལྟ་དེ་རྣམས་ཀྱིས་ཀྱང་ཁྱེད་ཀྱིས་བདག་ལ་གནང་བ་ཐམས་ཅད་ཁྱེད་རང་ནས་བྱུང་བ་ཤེས་སོ།།  
\v 8 རྒྱུ་མཚན་ནི་ཁྱེད་ཀྱིས་བདག་ལ་གནང་བའི་བཀའ་རྣམས་ངས་ཀྱང་ཁོ་རྣམས་ལ་བསྩལ་ཅིང་དེ་དག་གིས་ཀྱང་དང་དུ་བླངས་པ༌དང༌། ཡང་ང་རང་ནི་དངོས་གནས་ཁྱེད་ཀྱི་དྲུང་ནས་ཡོང་བ་ཤེས་པ་དང་། ཁྱེད་ཀྱིས་ང་རང་མངགས་པ་ལའང་དེ་རྣམས་ཡིད་ཆེས༌སོ།།   
\p
\v 9 ངས་ད་ལྟ་འཇིག་རྟེན་གྱི་མིའི་དོན་དུ་གསོལ་བ་འདེབས་པ་མ་ཡིན༌པར། ཁྱེད་ཀྱིས་བདག་ལ་གནང་བའི་མི་དེ་རྣམས་ཀྱི་དོན་དུ་གསོལ་བ་འདེབས་པ་ཡིན། རྒྱུ་མཚན་ནི་ཁོ་རྣམས་ཁྱེད་ལ་གཏོགས་པའི་ཕྱིར༌རོ།།  
\v 10 ཡང་བདག་གི་ཡིན་པ་ཐམས་ཅད་ཁྱེད་ལ་གཏོགས༌ཤིང༌། ཁྱེད་ལ་གཏོགས་པ་ཐམས་ཅད་བདག་ལའང་གཏོགས༌པ་དང་། དེ་དག་བརྒྱུད་ནས་བདག་གི་གཟི་བརྗིད་མངོན་པར་གྱུར་ཏོ།།  
\v 11 ད་ནས་བཟུང་བདག་ནི་ཁྱེད་ཀྱི་དྲུང་དུ་ཡོང་བཞིན་ཡོད་པས་འཇིག་རྟེན་དུ་མི་གནས་ཀྱང་ཁོ་རྣམས་འཇིག་རྟེན་དུ་གནས༌པ་ཡིན། ཡབ་དམ་པ༌ལགས། འུ་གཉིས་ངོ་བོ་གཅིག་ཡིན་པ་བཞིན་ཁོ་རྣམས་ཀྱང་ངོ་བོ་གཅིག་ཏུ་འགྱུར་བའི༌ཕྱིར། ཁྱེད་ཀྱིས་བདག་ལ་གནང་བའི་ཁྱེད་ཀྱི་མཚན་དེའི་ནང་དུ་ཁོ་རྣམས་ཀྱང་བསྲུང་བར༌མཛོད།  
\v 12 ང་རང་ཁོ་རྣམས་དང་མཉམ་དུ་ཡོད༌དུས། བདག་གིས་ཀྱང་ཁོ་རྣམས་ནི་ཁྱེད་ཀྱིས་བདག་ལ་གནང་བའི་མཚན་གྱི་ནང་དུ་བསྲུངས་ཤིང་བསྐྱངས༌ཏེ། ཁྱེད་ཀྱི་གསུང་རབ་ཀྱི་མདོ་འགྲུབ་པའི༌ཕྱིར། འཇིག་པའི་བུ་ \f + \ft འདིར་འཇིག་པའི་བུ་ཞེས་པ་ལ་སྒྱུར་ཡིག་གཞན༌ལས། མེད་པར་གྱུར་པའི༌བུ། ཤི་ཟིན་པའི༌བུ། བོར་ཟིན་པའི་བུ་ཞེས་བྲིས༌འདུག དོན་ནི་དམྱལ་བའི་གནས་སུ་ལྷུང་བའི་བུ༌སྟེ། སྐྱབས་མགོན་ཡེ་ཤུའི་ཐུགས་སྲས་བཅུ་གཉིས་ལས་ཨི་སི་ཀར་རེའི་ཡུ་དཱ་ཞེས་བྱ་བའི་ངོ་ལོག་པ་ཞིག་ཡོད་པ་དེར་གོ༌དགོས། \f*ལས་གཞན་གཅིག་ཀྱང་འཇིག་པར་མ་གྱུར༌ཏོ།།   
\p
\v 13 ང་རང་ད་ལྟ་ཁྱེད་ཀྱི་དྲུང་དུ་ཡོང་ལ་ཉེ་ཡང་ད་དུང་འཇིག་རྟེན་དུ་བསྡད་ནས་འདི་ལྟར་བརྗོད་དོན་ནི་བདག་གི་དགའ་སྤྲོ་དེ་ཁོ་རྣམས་ཀྱི་སེམས་སུ་ཁྱབ་པའི་ཕྱིར༌ཡིན།  
\v 14 ངས་ཁྱེད་ཀྱི་བཀའ་ཁོ་རྣམས་ལ་བསྩལ་ཅིང་འཇིག་རྟེན་གྱི་མི་དག་ཁོ་རྣམས་ལ༌སྡང༌། རྒྱུ་མཚན་ནི་ང་རང་འཇིག་རྟེན་ལ་མི་གཏོགས་པ༌བཞིན། ཁོ་རྣམས་ཀྱང་འཇིག་རྟེན་ལ་མི་གཏོགས་པའི་ཕྱིར༌རོ།།  
\v 15 ཁོ་རྣམས་འཇིག་རྟེན་ནས་འདྲེན་པའི་ཕྱིར་ངས་ཁྱེད་ལ་གསོལ་བ་མི་འདེབས༌པར། ཁྱེད་ཀྱིས་ཁོ་རྣམས་བདུད་ངན་དེ་ལས་བསྲུང་ཞིང་སྐྱོབ་པའི་ཕྱིར་གསོལ་བ་འདེབས༌པ་ཡིན།  
\v 16 ང་རང་འཇིག་རྟེན་ལ་མི་གཏོགས་པ་བཞིན་ཁོ་རྣམས་ཀྱང་འཇིག་རྟེན་ལ་མི་གཏོགས་སོ།།  
\v 17 ཁྱེད་ཀྱིས་བདེན་པ་ཉིད་བརྒྱུད་ནས་ཁོ་རྣམས་དམ་པར་མཛོད༌ཅིག ཁྱེད་ཀྱི་བཀའ་ནི་བདེན་པ་ཉིད་ལགས་སོ།།  
\v 18 ཁྱེད་ཀྱིས་ང་རང་འཇིག་རྟེན་དུ་ཇི་ལྟར་མངགས་པ༌བཞིན། ངས་ཀྱང་ཁོ་རྣམས་འཇིག་རྟེན་ལ་མངགས༌ཤིང་།  
\v 19 ཁོ་རྣམས་ཀྱང་བདེན་པ་ཉིད་ཀྱི་སྒོ་ནས་དམ་པར་འགྱུར་བའི༌ཕྱིར། ངས་ཁོ་རྣམས་ཀྱི་ཆེད་དུ་རང་ཉིད་དམ་པར་བྱ་ཞེས་གསུངས༌སོ།།   
\s1 སྐྱབས་མགོན་ཡེ་ཤུས་རྗེས་འབྲང་པ་ཐམས་ཅད་ཀྱི་དོན་དུ་གསོལ་བ་བཏབ༌པ།  
\p
\v 20 ཡང་སྐྱབས་མགོན་ཡེ་ཤུས་འདི་སྐད༌དུ། ངས་འདི་རྣམས་ཁོ་ནའི་ཆེད་དུ་གསོལ་བ་མི་འདེབས་པར་ཁོ་རྣམས་ཀྱིས་སྤེལ་བའི་ཆོས་ལ་མཉན་ནས་བདག་ལ་དད་པ་བྱེད་མཁན་ཐམས་ཅད་ཀྱི་དོན་དུའང་གསོལ་བ་འདེབས༌པ་ཡིན།  
\v 21 འཇིག་རྟེན་གྱི་མི་རྣམས་ཀྱིས་ང་རང་ནི་ཁྱེད་ཀྱིས་མངགས་པ་ཡིན་པར་ཡིད་ཆེས་པའི༌ཕྱིར། ཡབ་ལགས། ཁྱེད་རང་ནི་ངའི་ནང་དུ་གནས་ཤིང་བདག་ཀྱང་ཁྱེད་ཀྱི་ནང་དུ་གནས་པ༌བཞིན། དད་པ་དང་ལྡན་པ་ཐམས་ཅད་ངོ་བོ་གཅིག་ཏུ་འགྱུར་བ་དང་དེ་རྣམས་ཀྱང་འུ་གཉིས་ཀྱི་ནང་དུ་གནས་པར༌ཞུའོ།།  
\v 22 འུ་གཉིས་ངོ་བོ་གཅིག་ཡིན་པ་ལྟར་དད་ལྡན་རྣམས་ཀྱང་ངོ་བོ་གཅིག་ཏུ་འགྱུར་བའི༌ཕྱིར། ཁྱེད་ཀྱིས་བདག་ལ་གནང་བའི་གཟི་བརྗིད་དེ་ངས་ཀྱང་ཁོ་རྣམས་ལ་བསྩལ་ཟིན༌པ་ཡིན།  
\v 23 ང་རང་ནི་ཡབ་ཁྱེད་ཀྱིས་མངགས་པ་དང་ཁྱེད་ཀྱིས་བདག་ལ་གཅེས་པ་བཞིན། དད་ལྡན་རྣམས་ལའང་བྱམས་ཤིང་གཅེས་པ་དེ་འཇིག་རྟེན་གྱི་མི་རྣམས་ལ་ཤེས་སུ་འཇུག༌པའི་ཕྱིར། བདག་ནི་དད་ལྡན་རྣམས་ཀྱི་ནང་དུ་གནས་ཤིང་ཡབ་ཁྱེད་རང་ཡང་བདག་གི་ནང་དུ་གནས་པ་བཞིན། དད་ལྡན་རྣམས་ཀྱང་དངོས་གནས་ངོ་བོ་གཅིག་ཏུ་འགྱུར་བར༌ཞུའོ།།  
\v 24 ཡབ་ལགས། ཁྱེད་ཀྱིས་འཇིག་རྟེན་མ་བསྐྲུན་སྔོན་དུ་བདག་ལ་བྱམས་ཤིང་གཅེས༌པས། ཁྱེད་ཀྱིས་བདག་ལ་གནང་བའི་གཟི་བརྗིད་དེ་དད་ལྡན་རྣམས་ཀྱིས་མཐོང་བའི༌ཕྱིར། ང་རང་གནས་གང་དུ་ཡོད་ན་ཁྱེད་ཀྱིས་བདག་ལ་གནང་བའི་དད་ལྡན་རྣམས་ཀྱང་བདག་དང་ལྷན་དུ་ཡོད་པར༌མཛོད།  
\v 25 ཀྱེ། དྲང་བདེན་གྱི་ཡབ་ལགས། འཇིག་རྟེན་གྱི་མི་རྣམས་ཀྱིས་ཁྱེད་རང་ངོ་མི་ཤེས་ནའང་ངས་ཁྱེད་རང་ངོ་ཤེས༌ཏེ། དད་ལྡན་རྣམས་ཀྱིས་ང་རང་ནི་ཁྱེད་ཀྱིས་མངགས་པའང་ཤེས་སོ།།  
\v 26 ཁྱེད་ཀྱིས་བདག་ལ་བྱམས་ཤིང་གཅེས་པ་དེ་དད་ལྡན་རྣམས་ཀྱི་སེམས་སུ་གནས་པ༌དང༌། ང་རང་ནི་ཁོ་རྣམས་ཀྱི་ནང་དུ་གནས་པའི༌ཕྱིར་དུ། བདག་གིས་དད་ལྡན་རྣམས་ལ་ཁྱེད་ཀྱི་མཚན་མངོན་པར་བྱས་ཤིང་ད་དུང་མངོན་པར་འགྱུར་ཞེས་གསོལ་བ་བཏབ༌བོ།།   
\c 18
\cl ལེའུ་བཅོ་བརྒྱད༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུ་འཛིན་བཟུང་བྱས་པ།  
\p
\v 1 སྐྱབས་མགོན་ཡེ་ཤུས་དེ་སྐད་གསུངས༌རྗེས། ཐུགས་སྲས་རྣམས་དང་མཉམ་དུ་ཕྱི་རོལ་ཏུ་ཕྱིན༌ཅིང༌། ཀིད་རོན་གྲམ་པ་བརྒལ་ནས་གནས་དེར་ཡོད་པའི་སྐྱེད་ཚལ་ཞིག་ཏུ་ཕེབས༌སོ།།  
\v 2 སྐྱབས་མགོན་ཡེ་ཤུ་དང་ཐུགས་སྲས་རྣམས་གནས་དེར་ཐེངས་མང་པོར་ཕེབས་ཏེ་ལྷན་དུ་འདུས་མྱོང༌བས། ཁོང་ཉིད་ལ་ངོ་ལོག་བྱེད་མཁན་ཡུ་དཱས་ཀྱང་གནས་དེ་ཤེས༌པ་རེད།  
\v 3 དེ་ནས་ཡུ་དཱས་མཆོད་དཔོན་ཆེན་པོ་དག་དང་ཕ་རུ་ཤི་པ་རྣམས་ཀྱིས་མངགས་པའི་རོ་མཱ་གོང་མའི་རྒྱལ་ཁབ་ཀྱི་དམག་དཔུང་དང་སྲུང་དམག་འགའ་ཁྲིད༌དེ། ལག་ཏུ་སྒྲོན་མེ༌དང༌དཔལ་འབར། མཚོན་ཆ་བཅས་བཟུང་ནས་གནས་དེར་སླེབས་སོ།།  
\v 4 དེ་ནས་སྐྱབས་མགོན་ཡེ་ཤུས་རང་ཉིད་ལ་འབྱུང་ངེས་པའི་དོན་ཐམས་ཅད་མཁྱེན༌ཏེ། མདུན་ཕྱོགས་སུ་ཕེབས་ཤིང་དེ་རྣམས་ལ་འདི་སྐད༌དུ། ཁྱོད་རྣམས་ཀྱིས་སུ་ཞིག་འཚོལ་བ་ཡིན་ཞེས་གསུངས་པ༌ན།  
\v 5 དེ་དག་ན༌རེ། ནཱ་ཙ་རེལ་པ་ཡེ་ཤུ་འཚོལ་བ་ཡིན་ཞེས་སྨྲས་པ༌ན། སྐྱབས་མགོན་ཡེ་ཤུས་དེ་ནི་ང་རང་ཡིན་ཞེས་གསུངས་སོ།། ཁོང་ལ་ངོ་ལོག་བྱེད་མཁན་ཡུ་དཱའང་དེ་དག་དང་མཉམ་དུ་ལངས་ནས་བསྡད་ཡོད༌པ་རེད།  
\v 6 སྐྱབས་མགོན་ཡེ་ཤུས་དེ་ནི་ང་རང་ཡིན་ཞེས་གསུངས་མ་ཐག་དེ་རྣམས་ཕྱི་ནུར་སྟེག་བཞིན་ས་རུ་འགྱེལ་ཏོ།།  
\v 7 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཅག་གིས་སུ་ཞིག་འཚོལ་བ་ཡིན་ནམ་ཞེས་གསུངས་པ༌ལ། ཡང་དེ་རྣམས་ན༌རེ། ནཱ་ཙ་རེལ་པ་ཡེ་ཤུ་འཚོལ་བ་ཡིན་ཞེས་སྨྲས་སོ།།  
\v 8 ཡང་སྐྱབས་མགོན་ཡེ་ཤུས་འདི་སྐད༌དུ། ངས་དེ་ནི་ང་རང་ཡིན་ཞེས་སྨྲས་ཟིན། ཁྱོད་ཅག་གིས་ང་རང་འཚོལ་བ་ཡིན་ན་འདི་རྣམས་འགྲོ་རུ་ཆུག་ཅེས་གསུངས་སོ།།  
\v 9 དེ་ནི་ཁྱེད་ཀྱིས་བདག་ལ་གནང་བ་ལས་ངས་གཅིག་ཀྱང་མ་སྟོར་ཞེས་སྐྱབས་མགོན་ཡེ་ཤུས་གསུངས་མྱོང་བ་དེ་བཞིན་འགྲུབ་པའི་ཕྱིར༌ཡིན།  
\v 10 དེ་ནས་སི་མོན་པེ་ཏྲོས་རལ་གྲི་ཞིག་ཡོད་པ་ཕྱུང༌སྟེ། མཆོད་དཔོན་ཆེན་པོའི་གཡོག་པོར་བརྒྱབ་ནས་རྣ་བ་གཡས་པ་བཅད་ཅིང་། གཡོག་པོ་དེའི་མིང་ལ་མཱལ་ཀུ་ཟེར།  
\v 11 དེ་ནས་སྐྱབས་མགོན་ཡེ་ཤུས་པེ་ཏྲོ་ལ་འདི་སྐད༌དུ། རལ་གྲི་ཤུབས་སུ་ཆུག་དང༌། ཡབ་ཀྱིས་བདག་ལ་གནང་བའི་ཕོར་བ་ \f + \ft ཕོར་བ་ཞེས་པའི་དོན་ནི་ཤིང་རྒྱ་གྲམ་གྱི་སྟེང་དུ་འཆི་བར་འགྱུར་བའི་སྡུག་བསྔལ་ཆེན་པོ་དེ་ལ་གོ་དགོས་པ༌ཡིན།\f*ནི་བདག་གིས་མི་འཐུང་ཅི་སྟེ་འཐུང་དགོས་ཞེས་གསུངས་སོ།།  
\v 12 དེ་ནས་རོ་མཱ་གོང་མའི་རྒྱལ་ཁབ་ཀྱི་དམག་དཔུང༌དང༌དམག༌དཔོན། ཡ་ཧུ་དཱ་པའི་སྲུང་དམག་རྣམས་ཀྱིས་སྐྱབས་མགོན་ཡེ་ཤུ་འཛིན་བཟུང་བྱས་ཏེ་བཀྱིགས་པ༌དང༌།  
\v 13 ཐོག་མར་ཨ་ནཱ་སིའི་དྲུང་དུ་ཁྲིད་དོ།། རྒྱུ་མཚན་ཨ་ནཱ་སི་ནི་ལོ་དེར་མཆོད་དཔོན་ཆེན་པོའི་འགན་འཁུར་བའི་ཀ་ཡ་ཕཱའི་གྱོས་པོ་ཡིན་པའི་ཕྱིར༌ཡིན།  
\v 14 ཀ་ཡ་ཕཱ་ནི་སྔོན་ཆད་ཡ་ཧུ་དཱ་པ་རྣམས་ལ་མི་རྣམས་ཀྱི་ཆེད་དུ་མི་གཅིག་འཆི་བར་འགྱུར་བ་དེ་ལེགས་ཞེས་བགྲོ་གླེང་བྱེད་མཁན་དེ་ཡིན༌ནོ།།   
\s1 པེ་ཏྲོ་ཐེངས་དང་པོར་སྐྱབས་མགོན་ཡེ་ཤུའི་ཐུགས་དང་འགལ༌བ།  
\p
\v 15 སི་མོན་པེ་ཏྲོ་དང་ཐུགས་སྲས་གཞན་ཞིག་ཀྱང་སྐྱབས་མགོན་ཡེ་ཤུའི་རྗེས་སུ་འབྲངས་པ༌དང༌། ཐུགས་སྲས་གཞན་དེ་ཉིད་མཆོད་དཔོན་ཆེན་པོ་དང་ཕན་ཚུན་ངོ་ཤེས༌པས། ཁོ་རང་སྐྱབས་མགོན་ཡེ་ཤུ་དང་ལྷན་དུ་མཆོད་དཔོན་ཆེན་པོའི་ར་སྐོར་ནང་དུ་ཕྱིན་ཏོ།།  
\v 16 འོན་ཀྱང་པེ་ཏྲོ་སྒོའི་ཕྱི་རོལ་ཏུ་ལངས་ནས་བསྡད། དེ་ནས་མཆོད་དཔོན་ཆེན་པོ་ངོ་ཤེས་པའི་ཐུགས་སྲས་དེ་ཕྱིར་ཡོང༌སྟེ། སྒོ་སྲུང་གཡོག་མོ་ལ་ཚིག་འགའ་སྨྲས་རྗེས་པེ་ཏྲོའང་ནང་དུ་ཁྲིད།  
\v 17 དེ་ནས་སྒོ་སྲུང་གཡོག་མོ་དེས་པེ་ཏྲོ༌ལ། ཁྱོད་ཀྱང་མི་དེའི་ཐུགས་སྲས་མ་ཡིན་ནམ་ཞེས་སྨྲས་པ༌ན། ཁོས་ང་རང་མིན་ཞེས་སྨྲས་སོ།།  
\v 18 ཉིན་དེར་ནམ་ཟླ་འཁྱགས་པས་གཡོག་པོ་དང་སྲུང་དམག་རྣམས་ཀྱིས་སོལ་བའི་མེ་སྦར་ཏེ་གནས་དེར་ལངས་ནས་མེར་ལྡེ་བ༌ལ། པེ་ཏྲོ་ཡང་དེ་དག་དང་མཉམ་དུ་མེར་ལྡེས༌སོ།།   
\s1 སྐྱབས་མགོན་ཡེ་ཤུ་ལ་འདྲི་རྩད་བྱས་པ།  
\p
\v 19 དེ་ནས་མཆོད་དཔོན་ཆེན་པོས་སྐྱབས་མགོན་ཡེ་ཤུ་ལ་རང་ཉིད་ཀྱི་ཐུགས་སྲས་དང་ཁོང་གིས་ཆོས་གསུངས་པའི་སྐོར་ནས་འདྲི་རྩད་བྱས་པ༌ན།  
\v 20 སྐྱབས་མགོན་ཡེ་ཤུས་འདི་སྐད༌དུ། ངས་མངོན་སུམ་དུ་འཇིག་རྟེན་གྱི་མི་རྣམས་ལ་ཆོས་བཤད་པ་ཡིན༌ཏེ། རྟག་ཏུ་ཡ་ཧུ་དཱ་པ་རྣམས་འཛོམས་སའི་ཆོས་ཁང་དང་མཆོད་ཁང་ནས་མི་རྣམས་ལ་ཆོས་བཤད་པ༌ཡིན། གསང་བའི་ངང་ནས་ཅི་ཡང་མ་སྨྲས།  
\v 21 ཅིའི་ཕྱིར་བདག་ལ༌འདྲིའམ། བདག་གི་གཏམ་ཐོས་པའི་མི་རྣམས་ཀྱིས་ངས་ཅི་ཞིག་སྨྲས་པ་ཤེས་པས་དེ་དག་ལ་དྲིས་ཤིག་ཅེས་གསུངས་སོ།།  
\v 22 ཁོང་གིས་དེ་སྐད་གསུངས་པ༌ལ། ཉེ་འགྲམ་དུ་ལངས་ནས་སྡོད་པའི་སྲུང་དམག་ཅིག་གིས་ཁོང་ལ་འགྲམ་ལྕག་གཞུས་ཏེ་ན༌རེ། ཁྱོད་ཀྱིས་མཆོད་དཔོན་ཆེན་པོར་འདི་ལྟར་ལན་སློག་གམ་ཞེས་སྨྲས་སོ།།  
\v 23 དེ་ནས་སྐྱབས་མགོན་ཡེ་ཤུས་འདི་སྐད༌དུ། གལ་ཏེ་ངས་མི་འོས་པའི་གཏམ་སྨྲས་ཡོད་ན་མི་འོས་པ་དེ་སྟོན༌ཅིག གལ་ཏེ་ངས་སྨྲས་པ་དེ་བདེན་པ་ཡིན་ན་ཁྱོད་ཀྱིས་ཅིའི་ཕྱིར་བདག་ལ་རྡུང་རྡེག་བྱེད་དམ་ཞེས་གསུངས་སོ།།  
\v 24 དེ་ནས་ཨ་ནཱ་སི་ཡིས་སྐྱབས་མགོན་ཡེ་ཤུ་སྔར་བཞིན་བཀྱིགས༌ཏེ། མཆོད་དཔོན་ཆེན་པོ་ཀ་ཡ་ཕཱའི་མདུན་ལ་ཁྲིད་དུ་བཅུག༌གོ།   
\s1 པེ་ཏྲོ་ཡང་ཡང་སྐྱབས་མགོན་ཡེ་ཤུའི་ཐུགས་དང་འགལ༌བ།  
\p
\v 25 སི་མོན་པེ་ཏྲོ་ལངས་ནས་མེར་ལྡེ་བཞིན་པའི་དུས༌སུ། མི་དེ་རྣམས་ན༌རེ། ཁྱོད་རང་ཡང་ཁོང་གི་ཐུགས་སྲས་མ་ཡིན་ནམ་ཞེས་དྲིས་པ༌ན། ཁོས་ང་རང་མིན་ཞེས་ཁས་མ་བླངས༌སོ།།  
\v 26 དེ་སྔོན་པེ་ཏྲོས་རྣ་བ་བཅད་ཟིན་པ་དེའི་གཉེན་ཉེ་དང་མཆོད་དཔོན་ཆེན་པོའི་གཡོག་པོ་ཡིན་པ་ཞིག་ན༌རེ། ངས་སྐྱེད་ཚལ་ནང་དུ་ཁྱོད་རང་ཡེ་ཤུ་དང་མཉམ་དུ་ཡོད་པ་མཐོང་བ་མ་ཡིན་ནམ་ཞེས་སྨྲས་པ༌ན།  
\v 27 ཡང་པེ་ཏྲོས་ཁས་མ་བླངས༌ཤིང་། དེ་མ་ཐག་བྱ་ཕོའང་གྲགས༌སོ།།   
\s1 སྐྱབས་མགོན་ཡེ་ཤུ་སྤྱི་དཔོན་པི་ལ་ཏུའི་མདུན་དུ་ཁྲིད༌པ།  
\p
\v 28 ནམ་མ་ལངས་པའི་དུས༌སུ། ཡ་ཧུ་དཱ་པ་རྣམས་ཀྱིས་སྐྱབས་མགོན་ཡེ་ཤུ་མཆོད་དཔོན་ཆེན་པོ་ཀ་ཡ་ཕཱའི་གམ་ནས་སྤྱི་དཔོན་གྱི་ཕོ་བྲང་དུ་ཁྲིད༌ཅིང༌། ཆོས་དཔོན་རྣམས་རང་ཉིད་མི་གཙང་བར་གྱུར༌ན། པེ་སག་གི་དུས་ཆེན་གྱི་ཟས་བཟའ་མི་ཐུབ་པར་དོགས་ཏེ་ཕོ་བྲང་ནང་དུ་མ་སོང༌ངོ་༎  
\v 29 དེ་ནས་སྤྱི་དཔོན་པི་ལ་ཏུ་ཕོ་བྲང་ནས་ཐོན་ཏེ་ན༌རེ། ཁྱོད་རྣམས་ཀྱིས་མི་འདི་ཁྲིམས་ལ་གཏུགས་དོན་ཅི་ཞེས་དྲིས་པ༌དང༌།  
\v 30 དེ་རྣམས་ན༌རེ། གལ་ཏེ་མི་འདི་ལས་ངན་པ་བྱེད་མཁན་ཞིག་མིན་ན་ངེད་ཅག་གིས་ཁྱེད་རང་ལ་སྤྲོད་མི་སྲིད་ཅེས་སྨྲས་སོ།།  
\v 31 དེ་ནས་པི་ལ་ཏུ་ན༌རེ། ཁྱོད་རྣམས་ཀྱིས་ཁོ་རང་ཕྱིར་ཁྲིད་དེ་ཁྱོད་ཅག་གི་ཆོས་ཁྲིམས་བཞིན་དུ་ཁྲིམས་ཐག་ཆོད་ཅིག་ཅེས་སྨྲས་པ༌ལ། ཡ་ཧུ་དཱ་པ་རྣམས་ན༌རེ། ངེད་ཅག་ལ་ཁྲིམས་ཐག་བཅད་ནས་མི་གསོད་པའི་དབང་ཆ་མེད་ཅེས་སྨྲས་སོ།།  
\v 32 དེ་ནི་སྔར་སྐྱབས་མགོན་ཡེ་ཤུས་རང་ཉིད་ཇི་ལྟར་སྐུ་གཤེགས་དགོས་པའི་སྐོར་ལུང་བསྟན་པ་བཞིན་དུ་འགྲུབ་པའི་ཕྱིར་བྱུང་བ་ཡིན།  
\v 33 དེ་ནས་པི་ལ་ཏུ་སླར་ཡང་ཕོ་བྲང་གི་ནང་དུ་སོང༌སྟེ། སྐྱབས་མགོན་ཡེ་ཤུའང་ཕོ་བྲང་ནང་དུ་འཁྲིད་པའི་བཀའ་གནང་ཞིང་ཁྱོད་རང་ཡ་ཧུ་དཱ་པའི་རྒྱལ་པོ་ཡིན་ནམ་ཞེས་དྲིས་པ༌ལ།  
\v 34 སྐྱབས་མགོན་ཡེ་ཤུས་འདི་སྐད༌དུ། འདི་ནི་ཁྱོད་རང་གིས་བཤད་པ་ཡིན༌ནམ། ཡང་ན་མི་གཞན་གྱིས་བདག་གི་སྐོར་ཁྱོད་ལ་སྨྲས་པ་ཡིན་ཞེས་གསུངས་པ༌ན།  
\v 35 ཡང་པི་ལ་ཏུ་ན༌རེ། ང་རང་ནི་ཡ་ཧུ་དཱ་པ་ཞིག་ག་ལ༌ཡིན། ཁྱོད་ཀྱི་ཡུལ་མི་དང་མཆོད་དཔོན་ཆེན་པོ་རྣམས་ཀྱིས་ཁྱོད་རང་བདག་ལ་སྤྲད༌པ་ཡིན། ཁྱོད་ཀྱིས་ཉེས་པ་ཅི་བྱས་སམ་ཞེས་སྨྲས་སོ།།  
\v 36 ཡང་སྐྱབས་མགོན་ཡེ་ཤུས་འདི་སྐད༌དུ། བདག་གི་རྒྱལ་སྲིད་ནི་འཇིག་རྟེན་འདིར་མི་གཏོགས༌ཏེ། གལ་སྲིད་གཏོགས་ན་ངའི་འཁོར་གཡོག་རྣམས་ཀྱིས་ང་རང་ཡ་ཧུ་དཱ་པ་རྣམས་ཀྱི་ལག་ཏུ་མི་སྤྲོད་པའི་ཆེད་དུ་འཐབ་འཛིང་བྱེད་ངེས༌ཡིན། དོན་དམ་དུ་བདག་གི་རྒྱལ་སྲིད་ནི་གནས་འདི་ལ་མི་གཏོགས་ཞེས་གསུངས་སོ།།  
\v 37 དེ་ནས་པི་ལ་ཏུ་ན༌རེ། དེས་ན་ཁྱོད་ནི་རྒྱལ་པོ་ཞིག་ཡིན་ནམ་ཞེས་དྲིས་པ༌ལ། སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་སྨྲས་པ་བཞིན་ང་རང་ནི་རྒྱལ་པོ་ཞིག༌སྟེ། བདེན་པ་ཉིད་ལ་བདེན་དཔང་བྱེད་ཆེད་འཇིག་རྟེན་འདི་རུ་སྐྱེས༌ཤིང༌། དོན་དེའི་ཆེད་དུ་འཇིག་རྟེན་འདི་རུ་ཡོང༌བ་ཡིན། བདེན་པ་ཉིད་ལ་གཏོགས་པའི་མི་རྣམས་ཀྱིས་བདག་གི་གསུང་ལ་ཉན་ཞེས་གསུངས་སོ།།  
\v 38 ཡང་པི་ལ་ཏུ་ན༌རེ། བདེན་པ་ཉིད་ནི་ཅི་ཡིན་ནམ་ཞེས་སྨྲས་པ་དང་ཕྱི་རོལ་གྱི་ཡ་ཧུ་དཱ་པ་རྣམས་ཀྱི་གམ་དུ་སོང༌སྟེ། ངས་མི་འདིའི་ཉེས་སྐྱོན་ཅི་ཡང་མ་རྙེད་དོ།།  
\v 39 འོན་ཀྱང་པེ་སག་གི་དུས་ཆེན་ལ། ཁྱོད་ཅག་གི་རྒྱུན་སྲོལ་ལྟར་བཙོན་པ་ཞིག་བཙོན་གྲོལ་གཏོང་དགོས༌པས། ཁྱོད་རྣམས་ཀྱིས་ཡ་ཧུ་དཱ་པའི་རྒྱལ་པོ་འདི་ཉིད་བཙོན་གྲོལ་གཏོང་འདོད་དམ་ཞེས་སྨྲས་པ༌ན།  
\v 40 དེ་དག་གིས་སྐད་ཆེན༌པོས། མི་འདི་གཏོང་མི༌དགོས། པཱ་རབ་པཱ་གཏོང་བར་མཛོད་ཅེས་ཞུས་སོ།། པཱ་རབ་པཱ་ནི་ཇག་པ་ཞིག་ཡིན༌ནོ།།   
\c 19
\cl ལེའུ་བཅུ་དགུ༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྤྱི་དཔོན་པི་ལ་ཏུས་སྐྱབས་མགོན་ཡེ་ཤུ་གསོད་པའི་བཀའ་བསྒོས༌པ།  
\p
\v 1 དེ་ནས་པི་ལ་ཏུས་སྐྱབས་མགོན་ཡེ་ཤུར་རྟ་ལྕག་གིས་གཞུ་དགོས་པའི་བཀའ་གནང་བ༌དང༌།  
\v 2 དམག་མི་རྣམས་ཀྱིས་ཚེར་མའི་ཅོད་པན་བསླེས་ཏེ་ཁོང་གི་དབུ་ལ་བསྐོན་ཞིང་ལུས་ལ་ཁ་དོག་རྒྱ་སྨུག་ཡིན་པའི་ན་བཟའ་ཞིག་ཀྱང་བསྐོན་ཏོ།།  
\v 3 ཡང་ཁོ་རྣམས་ཁོང་གི་དྲུང་དུ་བཅར༌ཏེ། ཁོང་ལ་ན་རེ། ཡ་ཧུ་དཱ་པའི་རྒྱལ་པོ་ཁྱོད་ལ་རྟེན་འབྲེལ་ཞུའོ་ཞེས་སྨྲས་ཤིང་ཁོང་ལ་འགྲམ་ལྕག་གཞུས་སོ།།  
\v 4 དེ་ནས་ཡང་པི་ལ་ཏུ་ཕྱི་རོལ་ཏུ་ཕྱིན་ཏེ་མི་རྣམས་ལ་ན༌རེ། ལྟོས༌དང༌། བདག་གིས་ཁོ་རང་ལ་ཉེས་པ་ཅི་ཡོད་པ་བཙལ་ཀྱང་མི་རྙེད༌པས། ཁྱོད་རྣམས་ཀྱིས་ཀྱང་དོན་དེ་ཤེས་པའི༌ཕྱིར། ཁྱོད་རྣམས་ཀྱི་མདུན་དུ་བདག་གིས་ཁོ་རང་ཕྱི་རུ་འཁྲིད་པ་ཡིན་ཞེས་སྨྲས་སོ།།  
\v 5 དེ་ནས་སྐྱབས་མགོན་ཡེ་ཤུས་ཚེར་མའི་ཅོད་པན་དང་ཁ་དོག་རྒྱ་སྨུག་ཡིན་པའི་ན་བཟའ་གསོལ་ནས་ཕྱི་རོལ་ཏུ་ཕེབས་པ༌དང༌། པི་ལ་ཏུས་མི་རྣམས་ལ་མི་འདིར་ལྟོས་ཤིག་ཅེས་སྨྲས་སོ།།  
\v 6 དེ་ནས་མཆོད་དཔོན་ཆེན་པོ་དག་དང་སྲུང་དམག་རྣམས་ཀྱིས་སྐྱབས་མགོན་ཡེ་ཤུ་མཐོང་བ་དང་སྐད་ཆེན༌པོས། ཁོ་རང་ཤིང་རྒྱ་གྲམ་གྱི་སྟེང་དུ་རྡོབས་ཤིག ཤིང་རྒྱ་གྲམ་གྱི་སྟེང་དུ་རྡོབས་ཤིག་ཅེས་སྨྲས་པ༌ན། པི་ལ་ཏུ་ན༌རེ། བདག་གིས་ཁོ་རང་ལ་ཉེས་པ་ཅི་ཡོད་པ་བཙལ་ཀྱང་མ་རྙེད༌པས། ཁྱོད་ཅག་གིས་ཁོ་རང་ཁྲིད་ནས་བརྡབ་པར་བྱའོ་ཞེས་སྨྲས༌པ་རེད།  
\v 7 ཡང་ཡ་ཧུ་དཱ་པ་རྣམས་ན༌རེ། ཁོས་རང་ཉིད་ནི་དཀོན་མཆོག་གི་སྲས་ཡིན་པར་བཤད༌པས། ངེད་ཅག་གི་བཀའ་ཁྲིམས་ལྟར་ན་ཁོ་རང་གསོད་དགོས་ཞེས་སྨྲས་པ༌དང༌།  
\v 8 པི་ལ་ཏུས་གཏམ་དེ་ཐོས་ནས་ལྷག་པར་འཇིགས་པ༌དང༌།  
\v 9 ཡང་ཕོ་བྲང་ནང་དུ་སོང༌སྟེ་སྐྱབས་མགོན་ཡེ་ཤུ་ལ། ཁྱོད་རང་གང་ནས་ཡོང་ངམ་ཞེས་དྲིས་ནའང་སྐྱབས་མགོན་ཡེ་ཤུས་བཀའ་ལན་ཅི་ཡང་མ་གནང་ངོ༌།།  
\v 10 ཡང་པི་ལ་ཏུ་ན༌རེ། ཁྱོད་ཀྱིས་ང་རང་ལ་གཏམ་མི་གླེང༌ངམ། བདག་ལ་ཁྱོད་རང་བཙོན་གྲོལ་གཏོང་བའི་དབང་ཆ་ཡོད་ལ། ཤིང་རྒྱ་གྲམ་གྱི་སྟེང་དུ་བརྡབ་པའི་དབང་ཆའང་ཡོད་པ་ཁྱོད་ཀྱིས་མི་ཤེས་སམ་ཞེས་དྲིས་པ༌ན།  
\v 11 སྐྱབས་མགོན་ཡེ་ཤུས་འདི་སྐད༌དུ། གལ་ཏེ་སྟེང་ནས་གནང་བ་མིན༌ན། ཁྱོད་ལ་ངའི་ཕྱོགས་སུ་དབང་ཆ་ཅི་ཡང་མེད༌པས། ཁྱོད་དང་བསྡུར་ན་ང་རང་ཁྱོད་ལ་སྤྲོད་མཁན་དེར་སྡིག་པ་ལྷག་ཏུ་ཆེ་ཞེས་གསུངས་སོ།།  
\v 12 དུས་དེ་ནས་བཟུང་པི་ལ་ཏུས་སྐྱབས་མགོན་ཡེ་ཤུ་བཙོན་ལས་གཏོང་འདོད་ཀྱང་ཡ་ཧུ་དཱ་པ་རྣམས་ཀྱིས་སྐད་ཆེན༌པོས། གལ་ཏེ་ཁྱོད་ཀྱིས་མི་འདི་བཙོན་ལས་བཏང་ན་ཁྱོད་ནི་སེ་བཟིར་གྱི་མཛའ་གྲོགས་མིན་ལ། མི་སུས་ཀྱང་རང་ཉིད་རྒྱལ་པོ་ཡིན་ཞེས་བཤད་ན་མི་དེ་སེ་བཟིར་གྱི་ངོ་རྒོལ་པ་ཡིན་ཞེས་སྐད་ཅོར་བརྒྱབ་བོ།།  
\v 13 པི་ལ་ཏུས་གཏམ་དེ་ཐོས་པ་དང་སྐྱབས་མགོན་ཡེ་ཤུ་ཕྱི་རོལ་ཏུ་ཁྲིད༌དེ། རྡོ་གཅལ་ཞེས་པ་ཨིབ་རིའི་མི་རིགས་ཀྱི་སྐད་དུ་ཀ་པི་ཐཱ་ཟེར་བའི་གནས་སུ་སོང་སྟེ་རང་ཉིད་ཁྲིམས་དཔོན་གྱི་ཁྲི་ལ་བསྡད།  
\v 14 ཉིན་དེ་ནི་པེ་སག་གི་དུས་ཆེན་གྱི་སྟ་གོན་ཉིན་མོའི་ཉིན་གུང་ཙམ་\f + \ft འདིར་ཉིན་གུང་ཙམ་ཞེས་པར་མ་ཡིག་ལས་ཆུ་ཚོད་དྲུག་པ་ཙམ་ཞེས་འབྱུང་ཞིང་དེ་ནི་ཡ་ཧུ་དཱ་པའི་བརྩི་སྲོལ་ལྟར་ན་ཉིན་གུང་ཙམ་ཡིན་པས་འདིར་དོན་སྒྱུར་བྱས་པ་ཡིན།\f*ཡིན། པི་ལ་ཏུས་ཡ་ཧུ་དཱ་པ་རྣམས༌ལ། ལྟོས༌དང༌། མི་འདི་ནི་ཁྱོད་རྣམས་ཀྱི་རྒྱལ་པོ་ཡིན་ཞེས་སྨྲས་པ༌ན།  
\v 15 དེ་རྣམས་ན༌རེ། ཁོ་རང་སོད༌ཅིག སོད་ཅིག ཤིང་རྒྱ་གྲམ་གྱི་སྟེང་དུ་རྡོབས་ཤིག་ཅེས་སྐད་ཅོར་བརྒྱབ་བོ།། དེ་ནས་པི་ལ་ཏུ་ན༌རེ། བདག་གིས་ཁྱོད་རྣམས་ཀྱི་རྒྱལ་པོ་ཤིང་རྒྱ་གྲམ་གྱི་སྟེང་དུ་བརྡབ་ཆོག་གམ་ཞེས་དྲིས་པ༌ན། མཆོད་དཔོན་ཆེན་པོ་རྣམས་ན༌རེ། ངེད་རྣམས་ལ་སེ་བཟིར་ལས་གཞན་རྒྱལ་པོ་གཅིག་ཀྱང་མེད་ཅེས་སྨྲས་སོ།།  
\v 16 དེ་ནས་པི་ལ་ཏུས་ཀྱང་སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབ་པའི་ཕྱིར་དམག་མི་རྣམས་ལ་སྤྲད༌དོ།།   
\s1 ཤིང་རྒྱ་གྲམ་གྱི་སྟེང་དུ་བརྡབས་པ།  
\p
\v 17 དེ་ནས་དམག་མི་རྣམས་ཀྱིས་སྐྱབས་མགོན་ཡེ་ཤུ་ཁྲིད་པ༌དང༌། ཁོང་གིས་ཀྱང་རང་ཉིད་ཀྱི་ཤིང་རྒྱ་གྲམ་ཁུར་ནས་ཕྱི་རོལ་ཏུ་ཕེབས༌ཤིང༌། མགོ་སྐོགས་གནས་ཞེས་པ་ཨིབ་རིའི་མི་རིགས་ཀྱི་སྐད་དོད་དུ་གོལ་གོ་ཐཱ་ཟེར་བའི་ས་ཆར་སླེབས་སོ།།  
\v 18 དེར་དམག་མི་དེ་རྣམས་ཀྱིས་སྐྱབས་མགོན་ཡེ་ཤུ་དཀྱིལ་དབུས་དང་། ཁོང་གི་གཡས་གཡོན་དུ་མི་གཞན་གཉིས་ཤིང་རྒྱ་གྲམ་གྱི་སྟེང་དུ་བརྡབས༌པ་རེད།  
\v 19 ཡང་པི་ལ་ཏུས་ཤིང་བྱང་ཞིག་གི་ངོས་སུ་ཡ་ཧུ་དཱ་པའི་རྒྱལ་པོ་ནཱ་ཙ་རེལ་པ་ཡེ་ཤུའོ་ཞེས་འབྲི་དགོས་པའི་བཀའ་བསྒོས་པ་དང་ཤིང་བྱང་དེའང་ཤིང་རྒྱ་གྲམ་གྱི་གོང་དུ་བརྡབས་སོ།།  
\v 20 སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་པའི་གནས་དེ་ནི་གྲོང་ཁྱེར་དང་བར་ཐག་ཉེ༌ཞིང༌། ཤིང་བྱང་གི་ངོས་སུ་ཨིབ་རིའི་མི་རིགས་ཀྱི་ཡི་གེ་དང་ལཱ་ཏིན་གྱི་ཡི༌གེ གྷི་རིག་པའི་ཡི་གེ་བཅས་ཡིག་རིགས་གསུམ་གྱིས་བྲིས་ཡོད༌པས། ཡ་ཧུ་དཱ་པ་མང་པོས་ཀྱང་ཡི་གེ་དེ་བཀླགས་པ་རེད།  
\v 21 དེ་ནས་ཡ་ཧུ་དཱ་པའི་མཆོད་དཔོན་ཆེན་པོ་རྣམས་ཀྱིས་པི་ལ་ཏུ༌ལ། ཡ་ཧུ་དཱ་པའི་རྒྱལ་པོ་ཞེས་མི་འབྲི༌བར། ཁོས་ང་རང་ནི་ཡ་ཧུ་དཱ་པའི་རྒྱལ་པོ་ཡིན་ཞེས་སྨྲས་པ་ལྟར་འབྲི་བར་མཛོད་ཅེས་ཞུས་པ༌ལ།  
\v 22 པི་ལ་ཏུ་ན༌རེ། བདག་གིས་ཇི་ལྟར་བྲིས་པ་དེ་བྲིས་ཟིན་ཞེས་སྨྲས༌སོ།།   
\p
\v 23 དེ་ནས་དམག་མི་རྣམས་ཀྱིས་སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས༌རྗེས། ཁོང་གི་ཕྱི་གོས་སྐལ་བཞི་རུ་བགོས་ནས་དམག་མི་རེ་རེར་ཐོབ་པ༌དང༌། ཁོང་གི་ནང་གོས་ཀྱང་བླངས་པ༌དང༌། ནང་གོས་དེ་ལ་བཙེམ་སྲུབས་ཅི་ཡང་མེད་པར་མགོ་ནས་མཇུག་བར་ཐག་བཏགས་ནས་གྲུབ་པ་ཞིག་ཡིན༌པས།  
\v 24 དེ་རྣམས་ཀྱིས་ཕན་ཚུན༌ལ། ནང་གོས་འདི་དུམ་བུར་མི་གཤག་པར་རྒྱན་འཕངས་ནས་སུ་ལ་འཐོབ་པར་བལྟའོ་ཞེས་སྨྲས་སོ།། དེ་ནི་གསུང་རབ་ཀྱི་མདོ་ལས་ཇི་སྐད༌དུ།  
\q1 ང་ཡི་ཕྱི་གོས་ཁོ་ཚོས་བགོས་ཏེ༌ཁྱེར།།  
\q1 ང་ཡི་གྱོན་གོས་ཕྱིར་དུ་རྒྱན་འཕངས༌སོ།།  
\m ཞེས་གསུངས་པ་བཞིན་འགྲུབ་པའི་ཕྱིར་དེ་ལྟར་བྱུང་བ་ཡིན༌ལ།  
\v 25 དམག་མི་རྣམས་ཀྱིས་ཀྱང་དེ་བཞིན་དུ་བྱས་སོ།།  
\p དེ་ཡང་སྐྱབས་མགོན་ཡེ་ཤུའི་ཤིང་རྒྱ་གྲམ་གྱི་ཉེ་འགྲམ་དུ་ཁོང་གི་ཡུམ་དང་ཨ༌ནེ། གཞན༌ཡང༌། ཀ་ལོ་ཕཱའི་ཆུང་མ་མིར་ཡམ་དང་མཱག་རྡལ་གྱི་མིར་ཡམ་བཅས་ལངས་ནས་བསྡད་ཡོད༌ཅིང༌།  
\v 26 སྐྱབས་མགོན་ཡེ་ཤུས་རང་གི་ཡུམ་དང་གཅེས་པའི་ཐུགས་སྲས་གཉིས་ཀ་ཉེ་འགྲམ་དུ་ལངས་ནས་བསྡད་ཡོད་པ་གཟིགས་ཏེ་འདི་སྐད༌དུ། ཡུམ༌ལགས། ཁྱེད་ཀྱི་བུ་ལ་གཟིགས་དང་ཞེས་གསུངས༌ཤིང༌།  
\v 27 ཡང་ཐུགས་སྲས་དེ་ལ་འདི་སྐད༌དུ། ཁྱོད་ཀྱི་ཡུམ་ལ་ལྟོས་དང་ཞེས་གསུངས། དུས་དེ་ནས༌བཟུང༌། ཐུགས་སྲས་དེས་སྐྱབས་མགོན་ཡེ་ཤུའི་ཡུམ་རང་ཁྱིམ་དུ་བསུས་སོ།།   
\s1 སྐྱབས་མགོན་ཡེ་ཤུ་སྐུ་གྲོངས་པ།  
\p
\v 28 དེ་ནས་སྐྱབས་མགོན་ཡེ་ཤུས་དོན་ཐམས་ཅད་གྲུབ་ཟིན་པ་མཁྱེན༌ཏེ། གསུང་རབ་ཀྱི་མདོ་ལས་གསུངས་པ་ལྟར་འགྲུབ་པའི༌ཕྱིར། བདག་ལ་སྐོམ་པ་བྱུང་ཞེས་གསུངས་པ༌ན།  
\v 29 རྒུན་ཆང་སྐྱུར་མོས་བཀང་བའི་སྣོད་ཅིག་གནས་དེར་བཞག་ཡོད་པ༌ལ། ཁོ་རྣམས་ཀྱིས་འགྱིག་སོབ་ཅིག་རྒུན་ཆང་སྐྱུར་མོར་སྦངས༌ཏེ། ཨི་སོབ་ཅེས་པའི་རྩྭ་ཤིང་གི་རྩེ་མོར་བཀལ་ནས་ཁོང་གི་ཞལ་ལ་དྲངས་སོ།།  
\v 30 དེ་ནས་སྐྱབས་མགོན་ཡེ་ཤུས་རྒུན་ཆང་སྐྱུར་མོ་དེ་བཞེས་པ་དང་དོན་གྲུབ་བོ་ཞེས་གསུངས༌རྗེས། ཁོང་གི་དབུ་དུད་ཅིང་སྐུ་སྲོག་ཕུལ་ཏོ།།   
\p
\v 31 ཉིན་དེ་ནི་སྟ་གོན་གྱི་ཉིན་མོ་ཡིན་པ༌དང༌། ངལ་གསོ་བའི་ཉིན་མོ་དེ་ནི་དུས་གལ་ཆེན་ཞིག་ཡིན་པས། ཡ་ཧུ་དཱ་པ་རྣམས་ཀྱིས་ངལ་གསོ་བའི་ཉིན༌ལ་ཤིང་རྒྱ་གྲམ་གྱི་སྟེང་དུ་བེམ་པོ་ལུས་ན་མི་འོས་པར་བསམས༌ཏེ། པི་ལ་ཏུའི་དྲུང་དུ་སོང་ནས་དེ་དག་གི་རྐང་པ་བཅག་ནས་བེམ་པོ་རྣམས་འཁྱེར་དགོས་པར་ཞུས་སོ།།  
\v 32 དེའི༌ཕྱིར། དམག་མི་རྣམས་ཡོང་སྟེ་སྐྱབས་མགོན་ཡེ་ཤུ་དང་ལྷན་དུ་ཤིང་རྒྱ་གྲམ་གྱི་སྟེང་དུ་བརྡབས་ཡོད་པའི་མི་གཉིས་ཀྱི་རྐང་པ་རིམ་བཞིན་བཅག  
\v 33 འོན༌ཀྱང༌། དམག་མི་རྣམས་སྐྱབས་མགོན་ཡེ་ཤུའི་སྐུ་གདུང་གི་དྲུང་དུ་སླེབས་ནས་ཁོང་ཉིད་སྐུ་གཤེགས་ཟིན་པ་མཐོང་བས་རྐང་པ་མ་བཅག་གོ།  
\v 34 དེ་ནས་དམག་མི་གཅིག་གིས་སྐྱབས་མགོན་ཡེ་ཤུའི་སྐུ་གདུང་གི་གཞོགས་ལ་མདུང་གིས་བསྣུན་པ་དང་འཕྲལ་དུ་ཁྲག་དང་ཆུ་བཞུར༌བ་རེད།  
\v 35 ཁྱོད་རྣམས་ཀྱིས་སྐྱབས་མགོན་ཡེ་ཤུ་ལ་དད་པ་བྱེད་པའི༌ཕྱིར། དོན་དེ་མཐོང་བའི་མི་དེས་ \f + \ft དོན་དེ་མཐོང་བའི་མི་དེ་ཞེས་པ་ཐུགས་སྲས་ཡོ་ཧ་ནན་ལ་ངོས་འཛིན༌དགོས།\f*དོན་དེར་བདེན་དཔང་བྱས་ཤིང་བདེན་དཔང་དེ་ཡང་བདེན་པ་ཡིན་པར་མ༌ཟད། ཁོས་རང་གི་བཤད་པ་དེ་ཡང་བདེན་པ་ཡིན་པ་ཤེས་སོ།།  
\v 36 དོན་དེ་རྣམས་ནི་གསུང་རབ་ཀྱི་མདོ་ལས་ཁོང་གི་གདུང་རུས་གཅིག་ཀྱང་གཅོག་པར་མི་འགྱུར་ཞེས༌དང༌།  
\v 37 ཡང་མདོ་གཞན་ལས་ཇི་སྐད༌དུ། དེ་རྣམས་ཀྱིས་མདུང་གིས་བསྣུན་པ་དེ་ལ་ཡར་བལྟ་བར་འགྱུར་ཞེས་གསུངས་པ་དེ་འགྲུབ་པའི་ཕྱིར་བྱུང་བ་ཡིན༌ནོ།།   
\s1 སྐྱབས་མགོན་ཡེ་ཤུའི་སྐུ་གདུང་དུར་དུ་སྦས༌པ།  
\p
\v 38 དེ་ཡང་ཨ་རི་མ་ཐཱ་ཡི་ཡོ་སེབ་ཅེས་པ་ནི་ཡ་ཧུ་དཱ་པ་རྣམས་ལ་འཇིགས༌ཏེ། གསང་བའི་ངང་སྐྱབས་མགོན་ཡེ་ཤུའི་རྗེས་འབྲང་པ་བྱས་པ་ཞིག༌ཡིན། དོན་དེ་དག་བྱུང་བའི་རྗེས༌སུ། ཁོས་སྤྱི་དཔོན་པི་ལ་ཏུ་ལ་སྐྱབས་མགོན་ཡེ་ཤུའི་སྐུ་གདུང་ལེན་པར་ཞུ་བ་ཞུས་ཤིང་པི་ལ་ཏུས་ཀྱང་ཆོག་མཆན་བཀོད༌པས། ཁོས་སྐྱབས་མགོན་ཡེ་ཤུའི་སྐུ་གདུང་མར་བླངས་ཏེ་ཁྱེར་ཏོ།།  
\v 39 གཞན༌ཡང༌། ནེ་ཀོ་དེམ་ཞེས་བྱ་བ་དེ་སྔར་མཚན་མོའི་དུས་སུ་སྐྱབས་མགོན་ཡེ་ཤུར་མཇལ་དུ་ཡོང་བ་དེས་ཀྱང་བྱུགས་རྫས་གུ་གུལ་དང་ཨ་ག་རུ་རྒྱ་མ་བརྒྱ་ཙམ་ཁུར་འོངས༌ཏེ།  
\v 40 ཁོ་གཉིས་ཀྱིས་ཡ་ཧུ་དཱ་པའི་དུར་འཇུག་གི་ལུགས་སྲོལ༌བཞིན། བསུང་རྫས་བྱུགས་ཡོད་པའི་སོ་རས་ཀྱིས་སྐྱབས་མགོན་ཡེ་ཤུའི་སྐུ་གདུང་ལེགས་པོར་བཏུམས་སོ།།  
\v 41 སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་པའི་གནས་དེར་སྐྱེད་ཚལ་ཞིག་ཡོད༌ཅིང༌། སྐྱེད་ཚལ་དེའི་ནང་དུ་བེམ་པོ་བཞག་མ་མྱོང་བའི་དུར་ཁུང་གསར་པ་ཞིག་ཀྱང་ཡོད།  
\v 42 ཉིན་དེ་ནི་ཡ་ཧུ་དཱ་པའི་སྟ་གོན་གྱི་ཉིན་མོ་ཡིན་པ་དང་དུར་ཁུང་དེ་དང་བར་ཐག་ཉེ༌བས། ཁོ་གཉིས་ཀྱིས་སྐྱབས་མགོན་ཡེ་ཤུའི་སྐུ་གདུང་དུར་ཁུང་དེའི་ནང་དུ་སྦས༌སོ།།   
\c 20
\cl ལེའུ་ཉི་ཤུ༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྟོང་བར་ལུས་པའི་དུར་ཁུང་།  
\p
\v 1 གཟའ་འཁོར་གཅིག་གི་ཉིན་དང་པོར་ནམ་མ་ལངས་པའི་སྔོན༌ལ། མཱག་རྡལ་གྱི་མིར་ཡམ་དུར་ཁུང་གི་གམ་དུ་སླེབས་པ༌ན། དུར་ཁུང་གི་སྒོ་གཅོད་བྱེད་ཀྱི་རྡོ་ཕ་བོང་དེ་ཕར་བསྒྲིལ་ཟིན་པ་མཐོང༌བས།  
\v 2 མྱུར་དུ་སི་མོན་པེ་ཏྲོ་དང་སྐྱབས་མགོན་ཡེ་ཤུས་བྱམས་ཤིང་གཅེས་པའི་ཐུགས་སྲས་ཅིག་ཤོས་དེའི་མདུན་དུ་སོང་སྟེ་ན༌རེ། གཙོ་བོའི་སྐུ་གདུང་མི་གཞན་རྣམས་ཀྱིས་དུར་ཁུང་ནས་ཁྱེར་ཞིང་ངེད་རྣམས་ཀྱིས་གང་དུ་བཞག་ཡོད་པའང་མ་ཤེས་ཞེས་སྨྲས་པ༌དང༌།  
\v 3 པེ་ཏྲོ་དང་ཐུགས་སྲས་གཞན་དེ་ཕྱི་རོལ་ཏུ་ཐོན༌ནས།  
\v 4 མཉམ་དུ་དུར་ཁུང་གི་ཕྱོགས་སུ་བརྒྱུགས་པ་དང་ཐུགས་སྲས་ཅིག་ཤོས་པེ་ཏྲོ་ལས་མགྱོགས་པས་སྔོན་ལ་དུར་ཁུང་ཡོད་སར་སླེབས༌ཤིང༌།  
\v 5 མགོ་བོ་སྒུར་ནས་དུར་ཁུང་ནང་དུ་བལྟས་པ་ན། སྐྱབས་མགོན་ཡེ་ཤུའི་སྐུ་གདུང་བཏུམ་བྱེད་ཀྱི་སོ་རས་ཤུལ་དུ་ཡོད་པ་མཐོང་བ་དང་ཁོ་རང་ནང་དུ་མ་སོང་ངོ་།།  
\v 6 དེ་ནས་སི་མོན་པེ་ཏྲོ་ཡང་སླེབས་ཏེ་དུར་ཁུང་ནང་དུ་སོང་བ༌ན། སོ་རས་ཤུལ་དུ་ལུས་ཡོད་པ༌དང༌།  
\v 7 སྐྱབས་མགོན་ཡེ་ཤུའི་དབུ་བཏུམ་བྱེད་ཀྱི་རས་དེ་སོ་རས་དང་མཉམ་དུ་མེད༌པར། གནས་གཞན་ཞིག་ཏུ་དཀྲིས་ཏེ་བཞག་ཡོད་པ་མཐོང༌།  
\v 8 སྔོན་ལ་སླེབས་པའི་ཐུགས་སྲས་དེ་ཡང་དུར་ཁུང་ནང་དུ་སོང་སྟེ་གནས་ཚུལ་དེ་དག་མཐོང་བ་དང་ཡིད་ཆེས་པར་གྱུར་ཏོ།།  
\v 9 རྒྱུ་མཚན་ནི་དེ་གཉིས་ཀྱིས་གསུང་རབ་ཀྱི་མདོ་ལས་སྐྱབས་མགོན་ཡེ་ཤུ་གྲོངས་པ་ནས་སླར་གསོན་པར་འགྱུར་དགོས་ཞེས་པའི་དོན་དེ་ད་དུང་མ་རྟོགས༌པ་རེད།  
\v 10 དེ་ནས་ཐུགས་སྲས་དེ་གཉིས་ཕྱིར་རང་གནས་སུ་ལོག༌གོ།   
\s1 སྐྱབས་མགོན་ཡེ་ཤུས་རང་ཉིད་ཀྱི་སྐུ་གཟུགས་མངོན་པར་མཛད༌པ།  
\p
\v 11 དེ་ནས་མཱག་རྡལ་གྱི་མིར་ཡམ་དུར་ཁུང་གི་ཕྱི་རོལ་ཏུ་ལངས་བསྡད་དེ་ངུས༌ཤིང༌། ངུ་བཞིན་མགོ་བོ་སྒུར་ནས་དུར་ཁུང་ནང་དུ་བལྟས་པ༌ན།  
\v 12 སྐྱབས་མགོན་ཡེ་ཤུའི་སྐུ་གདུང་བཞག་སའི་ཤུལ་དུ་གོས་དཀར་པོ་གྱོན་པའི་ཕོ་ཉ་གཉིས་ཡོད་ཅིང་གཅིག་ནི་དབུ་དང་གཅིག་ནི་ཞབས་ཀྱི་ཕྱོགས་སུ་བཞུགས་པ་མཐོང་ངོ༌།།  
\v 13 དེ་ནས་ཕོ་ཉ་དེ་གཉིས་ན༌རེ། ཀྱེ། བུད༌མེད། ཁྱོད་རང་ཅིའི་ཕྱིར་ངུ་བ་ཡིན་ནམ་ཞེས་དྲིས་པ༌ལ། ཁོ་མོ་ན༌རེ། ང་ཡི་གཙོ་བོའི་སྐུ་གདུང་མི་གཞན་རྣམས་ཀྱིས་ཁྱེར་ཞིང་གང་དུ་བཞག་པ་མི་ཤེས་པའི་ཕྱིར་ཡིན་ཞེས་སྨྲས་པ༌དང༌།  
\v 14 ཁོ་མོ་ཁ་ཕྱིར་འཁོར་བ༌ན། སྐྱབས་མགོན་ཡེ་ཤུ་གནས་དེར་བཞེངས་ཡོད་པ་མཐོང༌ཡང༌། ཁོ་མོས་སྐྱབས་མགོན་ཡེ་ཤུ་ཡིན་པ་མ་ཤེས་སོ།།  
\v 15 དེ་ནས་སྐྱབས་མགོན་ཡེ་ཤུས་འདི་སྐད༌དུ། ཀྱེ། བུད༌མེད། ཁྱོད་རང་ཅིའི་ཕྱིར་ངུ་བ་ཡིན༌ནམ། ཁྱོད་ཀྱིས་སུ་ཞིག་འཚོལ་ལམ་ཞེས་གསུངས་པ༌ན། མིར་ཡམ་གྱིས་མི་དེ་ནི་སྐྱེད་ཚལ་སྲུང་མཁན་ཡིན་པར་སྙམ༌སྟེ། ཇོ་བོ༌ལགས། ཁྱེད་ཀྱིས་ཁོང་གི་སྐུ་གདུང་ཁྱེར་བ་ཡིན་ན་གང་དུ་བཞག་པ་བདག་ལ་སྨྲོས་དང་ང་རང་ལེན་དུ་འགྲོ་ཞེས་སྨྲས་སོ།།  
\v 16 དེ་ནས་སྐྱབས་མགོན་ཡེ་ཤུས་མིར་ཡམ་ཞེས་ཁོ་མོའི་མིང་ནས་བོས༌ཤིང༌། མིར་ཡམ་ཁོང་གི་ཕྱོགས་སུ་འཁོར༌ཏེ། ཨིབ་རིའི་མི་རིགས་ཀྱི་སྐད༌དུ། རཱབ་པོ་ནེ་ཞེས་ཞུས་ཤིང་སློབ་དཔོན་ལགས་ཞེས་པའི་དོན་ཡིན་ནོ།།  
\v 17 ཡང་སྐྱབས་མགོན་ཡེ་ཤུས་འདི་སྐད༌དུ། ང་རང་ད་དུང་ཡབ་ཀྱི་དྲུང་དུ་མ་འཕགས༌པས། ང་རང་དམ་པོར་འཛིན་པར་མི༌བྱའོ།། ཁྱོད་རང་བདག་གི་སྤུན་ཟླ་རྣམས་ཀྱི་གམ་དུ་སོང་ནས་དེ་རྣམས་ལ་འདི་སྐད༌དུ། ང་རང་ནི་བདག་གི་ཡབ་དང༌། ཁྱོད་ཅག་གི་ཡབ། བདག་གི་དཀོན༌མཆོག་སྟེ་ཁྱོད་ཅག་གི་དཀོན་མཆོག་གི་དྲུང་དུ་འགྲོ་བ་ཡིན་ཞེས་སྨྲོས་ཤིག་ཅེས་གསུངས་སོ།།  
\v 18 དེ་ནས་མཱག་རྡལ་གྱི་མིར་ཡམ་ཕྱིར་སོང་ནས་ཐུགས་སྲས་རྣམས་ལ་ང་རང་གཙོ་བོ་ལ་མཇལ་བྱུང་ཞེས་སྨྲས་པ་དང་ཁོང་གིས་ཁོ་མོར་གསུངས་པ་རྣམས་ཀྱང་སྨྲས༌སོ།།   
\s1 སྐྱབས་མགོན་ཡེ་ཤུས་ཐུགས་སྲས་རྣམས་ལ་རང་ཉིད་ཀྱི་སྐུ་གཟུགས་མངོན༌པ།  
\p
\v 19 གཟའ་འཁོར་གཅིག་གི་ཉིན་དང་པོའི་མཚན༌མོར། ཐུགས་སྲས་རྣམས་ཡ་ཧུ་དཱ་པ་རྣམས་ལ་འཇིགས་ཏེ་སྒོ་བརྟན་པོར་བརྒྱབ་ནས་སྡོད་པ༌ལ། སྐྱབས་མགོན་ཡེ་ཤུ་གནས་དེར་བྱོན་ནས་ཁོ་རྣམས་ཀྱི་དཀྱིལ་དབུས་སུ་ཡར་བཞེངས་ཏེ་ཁྱོད་རྣམས་བདེ་བར་སྨོན་ཞེས་གསུངས་པ༌དང༌།  
\v 20 རང་ཉིད་ཀྱི་ཕྱག་དང་གཞོགས་བསྟན་པ་དང་ཐུགས་སྲས་རྣམས་གཙོ་བོ་ལ་སླར་ཡང་མཇལ་བས་སེམས་དགའ་བར་གྱུར་ཏོ།།  
\v 21 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་བདེ་བར་གྱུར༌ཅིག ཡབ་ཀྱིས་ང་རང་ཇི་ལྟར་མངགས་པ་བཞིན་བདག་གིས་ཀྱང་ཁྱོད་རྣམས་དེ་ལྟར་མངག་པར་བྱ་ཞེས་གསུངས༌ཤིང༌།  
\v 22 དེ་རྣམས་ལ་ཞལ་ཕུ་བཏབ་སྟེ་འདི་སྐད༌དུ། ཁྱོད་རྣམས་ཀྱིས་དམ་པའི་ཐུགས་ཉིད་ལོངས་ཤིག  
\v 23 ཁྱོད་ཅག་གིས་མིའི་སྡིག་པ་བསལ་བ་ཡིན་ན་མིའི་སྡིག་པའང་དག་པ༌ཡིན། ཁྱོད་རྣམས་ཀྱིས་སུ་ཞིག་གི་སྡིག་པ་མི་བསལ་ན་མི་དེའི་སྡིག་པའང་ལུས་པ་ཡིན་ཞེས་གསུངས༌སོ།།   
\s1 སྐྱབས་མགོན་ཡེ་ཤུས་ཐུགས་སྲས་ཐོ་མཱ་ལ་རང་ཉིད་ཀྱི་སྐུ་གཟུགས་མངོན༌པ།  
\p
\v 24 སྐྱབས་མགོན་ཡེ་ཤུ་ཕེབས་ཡོང་བའི་དུས༌སུ། ཐུགས་སྲས་བཅུ་གཉིས་པོ་ལས་མིང་གཞན་ལ་མཚེ་མ་ཞེས་ཀྱང་འབོད་པའི་ཐོ་མཱ་ནི་ཁོ་ཚོ་དང་མཉམ་དུ་མེད༌པས།  
\v 25 ཐུགས་སྲས་གཞན་རྣམས་ཀྱིས་ངེད་ཅག་གཙོ་བོ་ལ་མཇལ་བྱུང་ཞེས་སྨྲས་པ༌ན། ཐོ་མཱ་ན༌རེ། ཁོང་ཉིད་ཀྱི་ཕྱག་ཟུང་སྟེང་གི་གཟེར་མས་བསྣད་པའི་རྨ་ཤུལ་མཐོང་བ་དང་བདག་གི་མཛུབ་མོས་རྨ་ཤུལ་ལ་རེག༌ཅིང༌། ཡང་ངའི་ལག་པ་ཁོང་གི་གཞོགས་སུ་བཞག་ན་མ་གཏོགས་ང་རང་ཡིད་མི་ཆེས་ཞེས་སྨྲས་སོ།།  
\v 26 དེ་ནས་ཉིན་བརྒྱད་འགོར་བའི་རྗེས༌སུ། ཐོ་མཱའང་ཐུགས་སྲས་གཞན་རྣམས་དང་མཉམ་དུ་སླར་ཡང་ཁང་པ་དེའི་ནང་དུ་བསྡད་ཅིང་སྒོ་བརྟན་པོར་བརྒྱབ་པ༌ལ། སྐྱབས་མགོན་ཡེ་ཤུ་གནས་དེར་བྱོན་ནས་ཁོ་རྣམས་ཀྱི་དཀྱིལ་དབུས་སུ་བཞེངས་ཏེ་ཁྱོད་རྣམས་བདེ་བར་སྨོན་ཞེས་གསུངས་པ༌དང༌།  
\v 27 ཐོ་མཱ་ལ་འདི་སྐད༌དུ། ཁྱོད་ཀྱིས་རང་གི་མཛུབ་མོ་བརྐྱངས་ནས་བདག་གི་ལག་པ་ལ་རེག་པར༌གྱིས། ཁྱོད་ཀྱིས་རང་གི་ལག་པ་བརྐྱངས་ནས་བདག་གི་གཞོགས་ལ་ཞོག༌དང༌། མི་དད་པའི་སེམས་སྤོངས་ལ་དད་པ་བྱོས་ཤིག་ཅེས་གསུངས་སོ།།  
\v 28 དེ་ནས་ཐོ་མཱས་ང་ཡི་གཙོ་བོ༌ལགས། ང་ཡི་དཀོན་མཆོག་ལགས་ཞེས་ཞུས་སོ།།  
\v 29 ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་ང་རང་མཐོང་ནས་ད་གཟོད་དད་པ་བྱས་པ༌ཡིན། ང་རང་མ་མཐོང་བར་དད་པ་བྱེད་མཁན་རྣམས་ནི་བདེའོ་ཞེས་གསུངས༌སོ།།   
\p
\v 30 སྐྱབས་མགོན་ཡེ་ཤུས་ཐུགས་སྲས་རྣམས་ཀྱི་མདུན་དུ་གྲུབ་རྟགས་གཞན་མང་པོ་མཛད་ཀྱང་མདོ་འདིའི་ནང་དུ་མ་བཀོད་དོ།།  
\v 31 འོན་ཀྱང་འདིར་བཀོད་པའི་དོན་རྣམས་ཁྱོད་ཅག་གིས་ཡེ་ཤུ་ནི་སྐྱབས་མགོན་མཱ་ཤི་ཀ་སྟེ་དཀོན་མཆོག་གི་སྲས་ཡིན་པར་དད་པ་བྱེད་ཅིང་། ཁོང་ལ་དད་པ་བྱས་ཏེ་ཁོང་གི་མཚན་གྱི་སྒོ་ནས་མཐའ་མེད་པའི་ཚེ་སྲོག་འཐོབ་པའི་ཕྱིར་ཡིན༌ནོ།།   
\c 21
\cl ལེའུ་ཉེར་གཅིག༌པ། 
\toc1 ༄༅། །ཡོ་ཧ་ནན་གྱི་འཕྲིན་བཟང་། 
\toc2 ཡོ་ཧ་ནན། 
\s1 སྐྱབས་མགོན་ཡེ་ཤུས་སླར་ཡང་རང་ཉིད་ཀྱི་སྐུ་གཟུགས་མངོན༌པ།  
\p
\v 1 དོན་དེ་དག་བྱུང་བའི་རྗེས༌སུ། སྐྱབས་མགོན་ཡེ་ཤུས་ཐེ་པེར་ཡཱ་མཚོ་འགྲམ་དུ་སླར་ཡང་ཐུགས་སྲས་རྣམས་ལ་རང་ཉིད་ཀྱི་སྐུ་གཟུགས་མངོན་པར་མཛད། ཇི་ལྟར་མངོན་པ་ནི་འདི་ལྟ༌སྟེ།  
\v 2 སི་མོན་པེ་ཏྲོ༌དང༌། མཚེ་མ་ཞེས་ཀྱང་འབོད་པའི་ཐོ་མཱ༌དང༌། ག་ལིལ་ཡུལ་གྱི་ཀ་ནཱ་ཡི་ནཱ་ཐན་ཨེལ༌དང༌། ཟེ་བད་ཡའི་བུ་གཉིས་དང༌། ཁོང་གི་ཐུགས་སྲས་གཞན་གཉིས་བཅས་མཉམ་དུ་ཡོད༌པ་རེད།  
\v 3 དེ་ནས་སི་མོན་པེ་ཏྲོ་ན༌རེ། ང་རང་ཉ་འཛིན་དུ་འགྲོའོ་ཞེས་སྨྲས་པ༌ལ། དེ་རྣམས་ཀྱིས་ངེད་ཅག་ཀྱང་ཁྱོད་དང་ལྷན་དུ་འགྲོ་དགོས་ཞེས་སྨྲས་སོ།། དེ་ནས་ཁོ་རྣམས་གྲུར་བསྡད་ནས་སོང༌ཡང༌མཚན་མོ་དེར་ཉ་ཅི་ཡང་མ་ཟིན་ཏོ།།   
\p
\v 4 ནམ་ལངས་པའི་དུས༌སུ། སྐྱབས་མགོན་ཡེ་ཤུ་མཚོ་འགྲམ་དུ་བཞུགས༌ཤིང༌། དེ་རྣམས་ཀྱིས་ཁོང་ནི་སྐྱབས་མགོན་ཡེ་ཤུ་ཡིན་པ་ཤེས་མ་བྱུང་།  
\v 5 སྐྱབས་མགོན་ཡེ་ཤུས་དེ་རྣམས་ལ་འདི་སྐད༌དུ། ཀྱེ། བུ་ཕྲུག༌རྣམས། ཁྱོད་ཅག་ལ་ཉ་ཡོད་དམ་ཞེས་གསུངས་པ༌ན། དེ་དག་གིས་མེད་ཅེས་སྨྲས་སོ།།  
\v 6 ཡང་ཁོང་གིས་འདི་སྐད༌དུ། ཁྱོད་རྣམས་ཀྱིས་གྲུའི་གཡས་ཕྱོགས་སུ་དྲ་རྒྱ་གཏོར་དང་ཉ་ཟིན་པར་འགྱུར་ཞེས་གསུངས་སོ།། དེ་ནས་ཁོ་རྣམས་ཀྱིས་དྲ་རྒྱ་འཕངས༌ཏེ་ཉ་མང་པོ་བཟུང་བས་དྲ་རྒྱ་ཕྱིར་མཚོ་གྲུའི་ནང་དུ་འཐེན་མ་ཐུབ༌བོ།།  
\v 7 དེ་ནས་སྐྱབས་མགོན་ཡེ་ཤུའི་གཅེས་པའི་ཐུགས་སྲས་དེས་པེ་ཏྲོ༌ལ། ཁོང་ནི་གཙོ་བོ་ལགས་ཞེས་སྨྲས་སོ།། སི་མོན་པེ་ཏྲོས་ནང་གོས་གྱོན་ནས་སྡོད་པ༌ལ། ཁོང་ནི་གཙོ་བོ་ལགས་ཞེས་པ་ཐོས་མ༌ཐག ཕྱི་གོས་རྐེད་པར་བཅིངས་ཏེ་མཚོ་ནང་དུ་མཆོངས་སོ།།  
\v 8 ཐུགས་སྲས་གཞན་རྣམས་གྲུར་བསྡད་ནས། མཚོ་འགྲམ་དང་ཧ་ལམ་བར་ཐག་གཞུ་འདོམ་ལྔ་བཅུ་ཙམ་མ་གཏོགས་མེད་པའི་མཚོ་སྟེང་ནས་ཉ་ཡིས་གང་བའི་དྲ་རྒྱ་དྲུད་ཡོང༌ངོ་།།   
\p
\v 9 དེ་ནས་ཁོ་རྣམས་མཚོ་འགྲམ་དུ་སླེབས་པ༌ན། གནས་དེར་སོལ་བའི་མེ་སྦར་བ་དང་མེའི་སྟེང་དུ་ཉ་ཤ་བཞག་འདུག་ལ་བག་ལེབ་ཀྱང་ཡོད་པ་མཐོང༌།  
\v 10 དེ་ནས་སྐྱབས་མགོན་ཡེ་ཤུས་འདི་སྐད༌དུ། ཁྱོད་རྣམས་ཀྱིས་བཟུང་བའི་ཉ་ཁ་ཤས་འདིར་ཁྱེར་ཤོག་ཅེས་གསུངས་པ༌དང༌།  
\v 11 སི་མོན་པེ་ཏྲོ་གྲུའི་ནང་དུ་སོང་ནས་མཚོ་འགྲམ་དུ་དྲ་རྒྱ་འཐེན་པ༌ན། དྲ་རྒྱའི་ནང་དུ་ཉ་ཆེན་པོ་བསྡོམས་པས་བརྒྱ་དང་ང་གསུམ་གྱིས་ཁེངས་ཡོད༌ལ། ཉ་དེ་འདྲ་མང་ཡང་དྲ་རྒྱ་མ་ཆད༌པ་རེད།  
\v 12 དེ་ནས་སྐྱབས་མགོན་ཡེ་ཤུས་འདི་སྐད༌དུ། ཚུར་ཤོག་ལ་ནངས་ཇ་བཞེས་ཤིག་ཅེས་གསུངས་པ༌དང༌། དེ་རྣམས་ཀྱིས་གཙོ་བོ་ཡིན་པ་ཤེས༌ཏེ། སུས་ཀྱང་ཁོང་ལ་ཁྱེད་རང་སུ་ཡིན་ནམ་ཞེས་ཞུ་མ་ཕོད་དོ།།  
\v 13 དེ་ནས་སྐྱབས་མགོན་ཡེ་ཤུ་ཕེབས་ཡོང་ཞིང་ཕྱག་ཏུ་བག་ལེབ་བསྣམས་ཏེ་ཁོ་རྣམས་ལ་གནང༌ཞིང་། ཉ་ཡང་དེ་བཞིན་དུ་གནང་བ་རེད།  
\v 14 འདི་ནི་སྐྱབས་མགོན་ཡེ་ཤུ་སྐུ་གཤེགས་པ་ནས་སླར་གསོན་རྗེས་ཐེངས་གསུམ་པར་ཐུགས་སྲས་རྣམས་ལ་རང་ཉིད་ཀྱི་སྐུ་གཟུགས་མངོན་པར་མཛད་པ་ཡིན༌ནོ།།   
\s1 སྐྱབས་མགོན་ཡེ་ཤུས་སླར་ཡང་ཐུགས་སྲས་པེ་ཏྲོར་ཡིད་ཆེས༌པ།  
\p
\v 15 དེ་ནས་ཁོང་རྣམས་ཀྱིས་ནངས་ཇ་བཞེས་ཚར་བ༌དང༌། སྐྱབས་མགོན་ཡེ་ཤུས་སི་མོན་པེ་ཏྲོ་ལ་འདི་སྐད༌དུ། ཀྱེ། ཡོ་ཧ་ནན་གྱི་བུ་སི༌མོན། ཁྱོད་ཀྱིས་ང་རང་ལ་འདི་རྣམས་ལས་ཀྱང་ལྷག་པར་གཅེས་སམ་ཞེས་གསུངས་པ༌ལ། པེ་ཏྲོ་ན༌རེ། གཙོ་བོ༌ལགས། གཅེས༌པ་ཡིན། བདག་གིས་ཁྱེད་ལ་གཅེས་པ་ཁྱེད་ཀྱིས་མཁྱེན་པ་ཡིན་ཞེས་ཞུས་པ༌དང༌། ཡང་ཁོང་གིས་འདི་སྐད༌དུ། ཁྱོད་ཀྱིས་བདག་གི་ལུ་གུ་རྣམས་སྐྱོངས་ཤིག་ཅེས་གསུངས་སོ།།  
\v 16 དེ་ནས་སྐྱབས་མགོན་ཡེ་ཤུས་ཁོ་ལ་ཐེངས་གཉིས་པར་འདི་སྐད༌དུ། ཀྱེ། ཡོ་ཧ་ནན་གྱི་བུ་སི༌མོན། ཁྱོད་ཀྱིས་ང་རང་ལ་གཅེས་སམ་ཞེས་གསུངས་པ༌ན། པེ་ཏྲོ་ན༌རེ། གཙོ་བོ༌ལགས། གཅེས༌པ་ཡིན། བདག་གིས་ཁྱེད་ལ་གཅེས་པ་ཁྱེད་ཀྱིས་མཁྱེན་པ་ཡིན་ཞེས་ཞུས་པ༌དང༌། ཡང་ཁོང་གིས་འདི་སྐད༌དུ། ཁྱོད་ཀྱིས་བདག་གི་ལུག་རྣམས་སྐྱོངས་ཤིག་ཅེས་གསུངས་སོ།།  
\v 17 དེ་ནས་སྐྱབས་མགོན་ཡེ་ཤུས་ཐེངས་གསུམ་པར་ཡང་ཁོ་ལ་འདི་སྐད༌དུ། ཀྱེ། ཡོ་ཧ་ནན་གྱི་བུ་སི༌མོན། ཁྱོད་ཀྱིས་ང་རང་ལ་གཅེས་སམ་ཞེས་ཐེངས་གསུམ་ལ་གསུངས་པས་པེ་ཏྲོའི་སེམས་སྐྱོ་བར་གྱུར་ཏེ་ན༌རེ། གཙོ་བོ༌ལགས། ཁྱེད་ནི་དོན་ཀུན་མཁྱེན་པ་ཡིན༌པས། ངས་ཁྱེད་ལ་གཅེས་པ་ཁྱེད་ཀྱིས་མཁྱེན་ནོ་ཞེས་ཞུས་པ༌ལ། ཡང་སྐྱབས་མགོན་ཡེ་ཤུས་འདི་སྐད༌དུ། ཁྱོད་ཀྱིས་བདག་གི་ལུག་རྣམས་སྐྱོངས༌ཤིག  
\v 18 ངས་ཁྱོད་ལ་ཡང་དག་པར་བདེན་པར་སྨྲ༌སྟེ། ཁྱོད་རང་ལོ་ན་གཞོན་དུས་རང་གི་སྐ་རགས་རང་གིས་བཅིངས་ཏེ་གང་དགར་བསྐྱོད༌པ་ཡིན། འོན་ཀྱང་ལོ་ན་རྒས་དུས་ཁྱོད་ཀྱིས་ལག་པ་བརྐྱངས་ཤིང་མི་གཞན་གྱིས་ཁྱོད་རང་བསྡམས་ཏེ་འགྲོ་འདོད་མེད་པའི་གནས་སུ་འཁྲིད་པར་འགྱུར་ཞེས་གསུངས་སོ།།  
\v 19 སྐྱབས་མགོན་ཡེ་ཤུའི་གསུང་འདིས་པེ་ཏྲོ་ཇི་ལྟར་འཆི་བའི་སྒོ་ནས་དཀོན་མཆོག་གི་གཟི་བརྗིད་མངོན་པར་འགྱུར་བའི་སྐོར་ལུང་བསྟན་གནང༌བ་རེད། དེ་ནས་ཡང་སྐྱབས་མགོན་ཡེ་ཤུས་པེ་ཏྲོ་ལ་འདི་སྐད༌དུ། ཁྱོད་རང་བདག་གི་རྗེས་སུ་ཤོག་ཅེས་གསུངས་སོ།།  
\v 20 དེ་ནས་པེ་ཏྲོས་ཁ་ཕྱིར་འཁོར་ནས་བལྟས་པ༌ན། སྐྱབས་མགོན་ཡེ་ཤུའི་གཅེས་པའི་ཐུགས་སྲས་དེའང་རྗེས་སུ་འབྲངས་ཡོད་པ་མཐོང༌། ཐུགས་སྲས་དེ་ནི་སྔར་དགོང་ཟས་བཞེས་དུས་རང་གི་མགོ་བོ་སྐྱབས་མགོན་ཡེ་ཤུའི་སྐུ་བྲང་ལ་བསྔས༌ཏེ། གཙོ་བོ༌ལགས། ཁྱེད་རང་ལ་ངོ་ལོག་བྱེད་མཁན་དེ་སུ་ཡིན་ནམ་ཞེས་འདྲི་མཁན་དེ་ཡིན་ནོ།།  
\v 21 དེ་ནས་པེ་ཏྲོས་ཁོ་རང་མཐོང་སྟེ་ན༌རེ། གཙོ་བོ༌ལགས། མི་འདི་ལ་དོན་ཅི་ཞིག་འབྱུང་ངམ་ཞེས་ཞུས་པ༌དང༌།  
\v 22 སྐྱབས་མགོན་ཡེ་ཤུས་འདི་སྐད༌དུ། གལ་ཏེ་མ་འོངས་པར་ང་རང་ཕྱིར་ཡོང་བའི་བར༌དུ། ཁོ་རང་ད་དུང་གསོན་པོར་གནས་ཤིང་ང་རང་ཡང་དོན་དེར་དགའ་བ་ཡིན༌ན། ཁྱོད་ལ་འབྲེལ་བ་ཅི་ཡོད༌དམ། ཁྱོད་རང་བདག་གི་རྗེས་སུ་འབྲང་བར་གྱིས་ཞེས་གསུངས་སོ།།  
\v 23 དེའི༌ཕྱིར། སྐྱབས་མགོན་ཡེ་ཤུའི་གསུང་དེ་སྤུན་ཟླའི་ཁྲོད་དུ་གྲགས་ཤིང་ཐུགས་སྲས་དེ་མི་འཆི་བ་ཡིན་ཞེས་སྨྲས་སོ།། འོན༌ཀྱང༌། དེ་ནི་སྐྱབས་མགོན་ཡེ་ཤུས་ཐུགས་སྲས་དེ་མི་འཆི་བ་ཡིན་ཞེས་གསུངས་པ་མ་ཡིན༌པར། གལ་ཏེ་མ་འོངས་པར་ང་རང་ཕྱིར་ཡོང་བའི་བར༌དུ། ཁོ་རང་ད་དུང་གསོན་པོར་གནས་ཤིང་ང་རང་ཡང་དོན་དེར་དགའ་བ་ཡིན༌ན། ཁྱོད་དང་འབྲེལ་བ་ཅི་ཡོད་དམ་ཞེས་གསུངས༌པའོ།།   
\s1 མཇུག་བསྡུ༌བ།  
\p
\v 24 དོན་འདི་རྣམས་ལ་བདེན་དཔང་བྱེད་པ་དང་དོན་འདི་རྣམས་ཡི་གེར་འགོད་མཁན་ནི་ཐུགས་སྲས་ཁོ་རང་ཡིན། ངེད་རྣམས་ཀྱིས་ཀྱང་ཁོང་གི་བདེན་དཔང་དེ་བདེན་པ་ཡིན་པའང་ཤེས་སོ།།  
\v 25 སྐྱབས་མགོན་ཡེ་ཤུས་མཛད་པའི་འཕྲིན་ལས་ཤིན་ཏུ་མང་ཡང་བདག་གི་བསམ་ཚུལ༌ལ། གལ་སྲིད་མཛད་འཕྲིན་ཐམས་ཅད་རེ་རེ་བཞིན་ཡི་གེར་བཀོད༌ན། བྲིས་པའི་དཔེ་ཆ་རྣམས་འཇིག་རྟེན་འདིར་ཡང་མི་ཤོང་ངོ་།། །།