\id ISA NTB 
\h ཡེ་ཤ་ཡཱ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\mt1 ༄༅།།ལུང་སྟོན་པ་ཡེ་ཤ་ཡཱའི་མདོ།  
\imt1 ཡེ་ཤ་ཡཱའི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi གཞུང་འདིའི་ཁ་བྱང་ལུང་སྟོན་པ་ཡེ་ཤ་ཡཱའི་མིང་ནས་ཐོགས་པ་དང་། གཞུང་འདི་ནི་ཡེ་ཤ་ཡཱས་དཀའ་སྡུག་གི་རླུང་འཚུབ་དྲག་པོའི་དུས་སུ་བཀོད་པ་ཡིན། སྐབས་དེ་ནི་ཨ་སུར་པའི་གོང་མའི་རྒྱལ་ཁམས་རྒྱ་བསྐྱེད་པ་དང་ཡེས་ར་ཨེལ་གྱི་རྒྱལ་སྲིད་ཉམས་རྒུད་དུ་གྱུར་པའི་དུས་སྐབས་ཀྱང་ཡིན། ཡེ་ཤ་ཡཱས་ཡ་ཧུ་དཱ་པ་རྣམས་ལ་ཁྱོད་ཅག་གི་སྡིག་པས་ཁྱོད་ཅག་པཱ་པེལ་ལོན་གྱི་ལག་ཏུ་བཙན་གྱིས་སྤྲོད་ངེས་ཞེས་ཉེན་བརྡ་བཏང་། དེ་བཞིན་སྤྱི་ལོ་སྔོན་གྱི་586ལོའི་བར་དུ་མ་གཏོགས་ཡེ་རུ་སཱ་ལེམ་གྲོང་ཁྱེར་ཉམས་མེད་ནའང་། ཡེ་ཤ་ཡཱས་ཡེ་རུ་སཱ་ལེམ་གྲོང་ཁྱེར་ཉམས་རྒུད་དུ་འགྱུར་བར་སྙམ་ནས། བཙན་ཁྲིད་བྱས་པའི་མི་རྣམས་ཕྱིར་ལོག་པའི་ལུང་བསྟན་གནང་ཡོད། ཏ་ཟིག་གི་རྒྱལ་པོ་ཀོ་རེས་ཀྱིས་ཡ་ཧུ་དཱ་པ་རྣམས་རང་ཡུལ་དུ་ལོག་ཆོག་པའི་བཀའ་གནང་ནས་ཁོ་ཚོར་ཐར་པ་ཐོབ། ཁོ་ཚོར་ཐར་པ་ཐོབ་པ་དེ་ནི་སྐྱབས་མགོན་ཡེ་ཤུ་བརྒྱུད་ནས་སྡིག་པ་ནས་ཐར་པ་འཐོབ་ཐུབ་པའི་དཔེ་གཞི་སྔོན་ཚུད་ནས་བསྟན་པ་རེད། ཡེ་ཤ་ཡཱ་ཞེས་པ་ནི་དཀོན་མཆོག་ཡ་ཝཱེས་གནང་བའི་ཐར་པ་ཞེས་པའི་དོན་ཡིན།  
\is1 ཡི་གེར་འགོད་མཁན་དང་འགོད་དུས།  
\ipi ཨ་མོ་ཟིའི་བུ་ཡེ་ཤ་ཡཱ་ནི་དམ་པའི་གསུང་རབ་ཡི་གེར་འགོད་མཁན་གྱི་ལུང་སྟོན་པ་རྣམས་ཀྱི་ཁྲོད་དུ་ཆེས་སྙན་གྲགས་ཆེ་ཤོས་ཡིན་པ་དང་། ཨ་མོ་སི་དང་ཧོ་ཤེ་ཨ། མི་ཀཱ་བཅས་དང་དུས་སྐབས་གཅིག་གི་མི་ཡིན། གཞུང་འདིའི་ལེའུ་དང་པོ་ནས་ལེའུ་སོ་དགུ་བར་དུ་བཀོད་པའི་དོན་དག་ཕལ་ཆེ་བ་ཡེ་ཤ་ཡཱས་ཆོས་ཀྱི་ཕྱག་ལས་གནང་བའི་སྐབས་ཀྱི་དོན་རྣམས་ཡིན་པར་བརྟེན། དེ་དག་སྤྱི་ལོ་སྔོན་གྱི་700ལོའི་ཡས་མས་སུ་ལེགས་འགྲུབ་བྱུང་། ཡེ་ཤ་ཡཱ་ཁོང་ཉིད་མ་མཐའ་ཡང་སྤྱི་ལོ་སྔོན་གྱི་681ལོའི་བར་དུ་བཞུགས་ཡོད་པ་དང་། གཞུང་འདིའི་ལེའུ་བཞི་བཅུ་ནས་ལེའུ་རེ་དྲུག་བར་ནི་ཁོང་གི་སྐུ་ཚེ་སྨད་ཀྱི་དུས་སུ་ཡི་གེར་བཀོད་པ་ཡིན་སྲིད།  
\is1 བརྗོད་སྙིང་དང་གསུང་འཕྲིན།  
\ipi ཡེ་ཤ་ཡཱས་དཀོན་མཆོག་གི་ཉེས་ཆད་དང་ཐར་པའི་ལམ་ཆ་ཚང་བསྟན་ཡོད་པ་དང་། ཡེས་ར་ཨེལ་པ་དང་བཅས་པའི་དཀོན་མཆོག་ལ་དགག་པ་རྒྱག་མཁན་ཐམས་ཅད་ལ་འཇིགས་སུ་རུང་བའི་ཉེས་ཆད་གཅོད་པར་འགྱུར། དེ་ལ་ཡ་ཝཱེའི་ཉིན་མོ་ཞེས་འབོད། ས་གཞིའི་སྟེང་གི་དཀོན་མཆོག་གི་རྒྱལ་སྲིད་དང་དེའི་དྲང་བདེན་གྱི་བདག་པོ་སྐྱབས་མགོན་ཡེ་ཤུ། ཁོང་གི་གཞུང་རྒྱུད་དྲང་བའི་འབངས་མི་བཅས་ནི་ཡེ་ཤ་ཡཱའི་གཞུང་གི་བརྗོད་བྱའི་དམིགས་ཡུལ་གཙོ་བོར་བཟུང་ཡོད། བསྐྱར་དར་མཛད་པའི་ས་གཞི་དང་བསྐྱར་དར་མཛད་པའི་མི་རྣམས་དཀོན་མཆོག་གི་ཡང་དག་པའི་ཐུགས་དགོངས་དང་བསྟུན་པར་འགྱུར་བས། དེ་ཐམས་ཅད་ཀྱིས་ཡེས་ར་ཨེལ་གྱི་དམ་པ་དེ་ཉིད་ལ་བསྟོད་བསྔགས་བརྗོད་ཅིང་བཀའ་དྲིན་ཞུ་བར་འགྱུར།  
\is1 འཆར་ཟིན།  
\ipi 1. བཀའ་བཀྱོན་དང་ཞལ་བཞེས་གནང་བའི་སྐོར། ༼1:1-6:13༽  
\ipi 2. ཨིམ་མཱ་ནུ་ཨེལ་ཞེས་བྱ་བ་དང་ཁོང་གི་རྒྱལ་སྲིད་ཀྱི་སྐོར། ༼7:1-12:6༽  
\ipi 3. རྒྱལ་ཕྲན་གཞན་དག་ལ་ཉེས་ཆད་བཅད་པའི་སྐོར། ༼13:1-23:18༽  
\ipi 4. ཉེས་ཆད་བཅད་པ་དང་ཞལ་བཞེས་གནང་བའི་སྐོར། ༼24:1-27:13༽  
\ipi 5. ཡེས་ར་ཨེལ་དང་ཨ་སུར་གཉིས་ལ་ཆག་སྒོ་ཐེངས་དྲུག་ལ་འབྱུང་བའི་སྐོར། ༼28:1-33:24༽  
\ipi 6. ཉེས་ཆད་བཅད་པ་དང་ཞལ་བཞེས་གནང་བའི་སྐོར། ༼34:1-35:10༽  
\ipi 7. ཨ་སུར་རྒྱལ་པོས་འཇིགས་སྐུལ་བྱས་པ་དང་། ཡ་ཧུ་དཱ་པ་རྣམས་པཱ་པེལ་ལོན་ཡུལ་དུ་བཙན་ཁྲིད་བྱེད་པའི་ལུང་བསྟན་གྱི་སྐོར། ༼36:1-39:8༽  
\ipi 8. ཡེས་ར་ཨེལ་བསྐྱབས་པ་དང་བསྐྱར་དར་མཛད་པའི་སྐོར། ༼40:1-48:22༽  
\ipi 9. དཀོན་མཆོག་གི་ཞབས་ཕྱི་དང་ཡེས་ར་ཨེལ་བསྐྱར་དར་མཛད་པའི་སྐོར། ༼49:1-57:21༽  
\ipi 10. མཐའ་མེད་པའི་ཐར་པ་དང་ཉེས་ཆད་གཅོད་པའི་སྐོར། ༼58:1-66:24༽  
\c 1
\cl ལེའུ་དང་པོ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གི་མི་ཡིས་ངོ་ལོག་བྱས་པ།  
\p
\v 1 འདི་ནི་ཡ་ཧུ་དཱའི་རྒྱལ་པོ་ཨུ་ཟི་ཡཱ་དང་ཡོ་ཐམ། ཨ་ཧ་ཟཱ། ཧི་ཟི་ཀི་ཡཱ་བཅས་བཞི་པོའི་རིང་དུ་ཨ་མོ་ཟིའི་བུ་ཡེ་ཤ་ཡཱ་ལ་བྱུང་བའི་ཡ་ཧུ་དཱ་དང་ཡེ་རུ་སཱ་ལེམ་སྐོར་གྱི་ཞལ་གཟིགས་ཡིན་ནོ། །   
\p
\v 2 ཀྱེ་ནམ་མཁའི་དབྱིངས་རྣམས་ཀྱིས་ཉོན་དང་། ཀྱེ་ས་གཞི་ཡིས་དཀོན་མཆོག་ཡ་ཝཱེའི་གསུང་ལ་ཞིབ་ཏུ་ཉོན་ཅིག ཁོང་ན་རེ། བདག་གིས་ཕྲུ་གུ་རྣམས་གསོས་ཤིང་བསྐྱངས་ནའང་། དེ་དག་གིས་བདག་ལ་ངོ་ལོག་བྱས།  
\v 3 བ་གླང་གིས་རང་གི་བདག་པོ་ངོ་ཤེས་པ་དང་། བོང་བུས་རང་གི་བདག་པོའི་ཁ་ར་ངོས་ཟིན་ནའང་། ཡེས་ར་ཨེལ་གྱིས་དེ་ཙམ་ཡང་མི་རྟོགས། བདག་གི་འབངས་མིས་ང་རང་མི་ཤེས་ཞེས་གསུངས་སོ། །  
\v 4 ཀྱེ་སྡིག་པ་ཅན་གྱི་མི་རིགས། སྡིག་ཉེས་ཚབས་ཆེ་བའི་མི་རྣམས། ངན་སྤྱོད་ཅན་གྱི་བུ་རབས་ཚ་རྒྱུད། ངན་པར་གྱུར་པའི་བུ་དང་བུ་མོ། འདི་དག་གིས་དཀོན་མཆོག་ཡ་ཝཱེ་སྤངས་ཤིང་། ཡེས་ར་ཨེལ་གྱི་དམ་པ་ཉིད་ལ་མཐོང་ཆུང་བྱས་ནས་ཡོངས་སུ་དོར།  
\v 5 ཁྱོད་ལ་ད་དུང་རྡུང་རྡེག་གཏོང་དགོས་སམ། ཁྱོད་ཀྱིས་བསྟུད་མར་ངོ་ལོག་བྱེད་དོན་ཅི། དེ་བས་ཁྱོད་ཀྱི་མགོ་ལ་རྨས་ཕོག་ནས་སྙིང་ཞུམ་པར་གྱུར་ཅིང་།  
\v 6 རྐང་མཐིལ་ནས་སྤྱི་བོའི་བར་དུ་སྐྱོན་མེད་ས་གཅིག་ཀྱང་ལུས་མེད་དེ། རྨ་ཤུལ་དང་ལྕག་ཚན་བསྣུན་ཤུལ་དང་། ཁྲག་བཞུར་བའི་རྨ་ཁ་བཅས་ཀྱིས་གང་འདུག་ལ། རྨ་ཁ་རྣམས་མ་བཙིར་མ་བསྡམས་ལ། འབྱུག་སྣུམ་གྱིས་འཇམ་པོའང་བྱས་མེད་དོ། །   
\p
\v 7 ཁྱོད་ཀྱི་ཡུལ་ནི་དབེན་སྟོང་དུ་གྱུར་ཅིང་གྲོང་ཁྱེར་རྣམས་མེ་ཡིས་བསྲེགས། འཁྱམ་པོ་ཚོས་ཁྱོད་ཅག་གི་ཞིང་ས་རྣམས་ཁྱོད་ཅག་གི་མདུན་ནས་ཁྱུར་མིད་བཏང་ཞིང་། འཁྱམ་པོ་ཚོས་དེ་ལྟར་བཤིག་ནས་སྟོང་བར་བྱས།  
\v 8 ཛ་ཡན་གྱི་བུ་མོ་ནི་རྒུན་ཚལ་ཁྲོད་ཀྱི་སྤྱིལ་བུ་དང་ཁི་རའི་ཞིང་ཁའི་ཁང་བུ་དང་། མཐའ་བཞི་ནས་བསྐོར་བའི་གྲོང་ཁྱེར་དང་འདྲའོ། །   
\p
\v 9 གལ་སྲིད་དཔུང་ཚོགས་ཀུན་གྱི་དཀོན་མཆོག་ཡ་ཝཱེས་རང་ཅག་ལ་སྲོག་ཉེན་ལས་ཐར་བ་འགའ་རེ་བསྐྱུར་བ་མིན་ཚེ། རང་ཅག་ནི་སཱ་དོམ་དང་གཱ་མོ་ར་ལྟ་བུར་གྱུར་ཡོད།  
\v 10 ཀྱེ་སཱ་དོམ་གྱི་འགོ་དཔོན་ཚོ། དཀོན་མཆོག་ཡ་ཝཱེའི་བཀའ་ལ་ཉོན་ཅིག ཀྱེ་གཱ་མོ་རའི་མི་རྣམས། རང་རེའི་དཀོན་མཆོག་གི་བཀའ་སློབ་ལ་རྣ་བ་གཏོད་ཅིག  
\v 11 དཀོན་མཆོག་ཡ་ཝཱེས་འདི་སྐད་དུ། ཁྱོད་ཅག་གི་མཆོད་པ་རྒྱ་ཆེ་ཡང་ང་ལ་ཕན་པ་གང་ཡང་མེད། བདག་ནི་ལུག་ཐུག་གི་སྦྱིན་སྲེག་དང་། ཕྱུགས་ཤ་ཤེད་ཅན་གྱི་ཚིལ་གྱིས་ཚིམས་ཡོད་པས། བ་གླང་དང་ལུ་གུ ར་ཐུག་གི་ཁྲག་བཅས་ལ་དགའ་བ་མེད་དོ། །   
\p
\v 12 ཁྱོད་ཅག་ངའི་མདུན་དུ་ཡོང་དུས། ངའི་ར་སྐོར་རྣམས་ལ་རྡོག་རྫིས་བཏང་བ་དེ་སུའི་འདོད་པ་ཡིན་ནམ།  
\v 13 ཕྱིན་ཆད་སྙིང་པོ་མེད་པའི་མཆོད་པ་ཁྱེར་ནས་འོང་མི་དགོས། བདུག་སྤོས་ལ་བདག་ཡི་ག་ལོག་ཡོད། ཚེས་གཅིག་དང་ངལ་གསོ་བའི་ཉིན་མོ། འདུ་འཛོམས་བཅས་ལ་བདག་སུན་སྣང་སྐྱེས། ཁྱོད་ཚོས་སྡིག་ཉེས་དང་བཅས་འདུ་འཛོམས་དམ་ནན་སྲུང་བ་ནི་བདག་གིས་བཟོད་མི་ཐུབ་པ་ཡིན།  
\v 14 ཁྱོད་ཅག་གི་ཚེས་གཅིག་གི་དུས་ཆེན་དང་གཏན་ལ་ཁེལ་བའི་དུས་ཆེན་རྣམས་ལ་བདག་སེམས་ནས་སྡང་། དེ་དག་ནི་ང་ལ་ཁྲེས་པོ་ཞིག་ཡིན་པས་དེ་དག་འཁུར་བར་བདག་སུན་སྣང་སྐྱེས་བྱུང་།  
\v 15 དེ་བས་ཁྱོད་ཅག་གིས་ལག་ཟུང་བརྐྱངས་ནས་སྨོན་ལམ་འདེབས་དུས། ངས་རང་གི་མིག་བཀབ་ནས་ཁྱོད་ཅག་ལ་ལྟ་བ་མིན། ཁྱོད་ཅག་གི་ལག་པ་ཁྲག་གིས་བརྫིས་ཡོད་པས་ཁྱོད་ཀྱིས་སྨོན་ལམ་མང་པོ་བཏབ་ཀྱང་ངས་དེ་ལ་མཉན་པར་མི་བྱའོ། །  
\v 16 ཁྱོད་ཅག་གིས་རང་ཉིད་བཀྲུས་ནས་གཙང་མར་བཟོ་དགོས། རང་གི་སྡིག་སྤྱོད་རྣམས་ངའི་མིག་སྔ་ནས་མེད་པར་ཐོངས། བྱ་སྤྱོད་ངན་པ་དག་མཚམས་འཇོག་པར་གྱིས།  
\v 17 དོན་བཟང་སྒྲུབས་ལ་ཁྲིམས་དྲང་པོར་སྐྱོངས། གདུག་རྩུབ་ཅན་ལ་གཤེ་གཤེ་ཐོངས། དྭ་ཕྲུག་ལ་བདེན་ལུགས་སྦྱིན་པ་དང་ཡུགས་མོ་བསྲུང་བར་གྱིས་ཤིག་ཅེས་གསུངས་སོ། །   
\p
\v 18 ཡང་དཀོན་མཆོག་ཡ་ཝཱེས་འདི་སྐད་དུ། ཤོག་དང་རང་ཅག་གིས་མཉམ་དུ་རྩོད་པར་བྱ། ཁྱོད་ཅག་གི་སྡིག་པ་ནི་དམར་པོ་ཁྲག་དང་འདྲ་ཡང་དེ་ནི་ཁ་བ་ལྟར་དཀར་པོར་འགྱུར་བ་དང་། དེ་རྣམས་དམར་པོ་དམར་རྐྱང་ཡིན་ཡང་བལ་ལྟར་དཀར་པོར་འགྱུར་འོང་།  
\v 19 གལ་སྲིད་ཁྱོད་བཀའ་བརྩི་བར་མོས་ན། ས་གཞིའི་ལོ་ཏོག་ཡིད་དུ་འོང་བ་རྣམས་ཁྱོད་ཀྱིས་བཟའ་བར་འགྱུར།  
\v 20 འོན་ཀྱང་ཁྱོད་ཀྱིས་བཀའ་མི་བརྩི་བར་ངོ་ལོག་བྱས་ན་རལ་གྲིས་འགེམས་པར་འགྱུར་ཞེས་པའོ། །དཀོན་མཆོག་ཡ་ཝཱེས་དངོས་སུ་དེ་ལྟར་གསུངས་པའོ། །   
\p
\v 21 བློ་དཀར་བའི་གྲོང་ཁྱེར་དེ་སྨད་འཚོང་མ་རུ་ཇི་ལྟར་གྱུར། སྔོན་ཆད་དེ་ནི་དྲང་གཞག་དང་དྲང་བདེན་གྱི་གནས་ཚང་ཞིག་ཡིན་ནའང་། ད་ལྟ་དེར་ལག་དམར་མང་པོས་གང་འདུག  
\v 22 ཁྱོད་ཀྱི་དངུལ་རྣམས་སྙིགས་རོར་གྱུར་ཅིང་། ཁྱོད་ཀྱི་རྒུན་ཆང་ཆུ་ལ་འདྲེས་འདུག  
\v 23 ཁྱོད་ཀྱི་འགོ་དཔོན་རྣམས་ཀྱིས་གྱེན་ལོག་བྱས་ཏེ་ཇག་རྐུན་རྣམས་ཀྱི་འགྲོགས་ཡ་རུ་གྱུར། མི་ཐམས་ཅད་ལྐོག་རྔན་ལ་རྔམ་ཞིང་བརྔན་པར་སྙེག་གོ །ཁོ་ཚོས་དྭ་ཕྲུག་རྣམས་ལ་བདེན་ལུགས་མི་སྟེར་ཞིང་། ཡུགས་མོའི་གྱོད་གཞི་རྣམས་ཀྱང་ཁོ་ཚོའི་མདུན་དུ་འབྱོར་ཐབས་མེད།   
\p
\v 24 དེ་བས་དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེ་སྟེ། ཡེས་ར་ཨེལ་གྱི་མཐུ་སྟོབས་ཆེན་པོ་ལྡན་པ་ཡིས་འདི་སྐད་དུ། བདག་གིས་རང་གི་དགྲ་ཟླར་ཤ་འཁོན་རྩོད་ཅིང་དགྲ་རྣམས་ལ་འཁོན་ལན་སློག་དགོས།  
\v 25 ངས་རང་གི་ལག་པ་བརྐྱངས་ནས། ཁྱོད་ཀྱི་སྙིགས་རོ་རྣམས་འདག་རྫས་ཀྱིས་བཀྲུ་བ་ལྟར་བཀྲུས་ནས་ཁྱོད་ཀྱི་སྐྱོན་སེལ་བར་བྱའོ། །  
\v 26 ངས་ཁྱོད་ཀྱི་ཁྲིམས་དཔོན་རྣམས་སྔོན་ལྟར་འཇོག་ཅིང་། ཁྱོད་ཀྱི་སློབ་སྟོན་པ་དག་སྔར་བཞིན་འཇོག་དགོས། དེའི་རྗེས་སུ་ཁྱོད་ལ་དྲང་བདེན་གྱི་གྲོང་ཁྱེར་དང་། བློ་དཀར་བའི་གྲོང་ཁྱེར་ཞེས་འབོད་དོ་ཞེས་གསུངས་སོ། །   
\p
\v 27 ཛ་ཡན་ནི་དྲང་གཞག་གི་དབང་གིས་ཐར་བར་འགྱུར་ལ། གྲོང་ཁྱེར་ནང་གི་འགྱོད་བཤགས་བྱེད་མཁན་རྣམས་ཀྱང་དྲང་བདེན་གྱི་དབང་གིས་ཐར་བར་འགྱུར།  
\v 28 འོན་ཀྱང་ངོ་ལོག་པ་དང་སྡིག་ཅན་ཐམས་ཅད་ནི་ལྷན་ཅིག་ཏུ་མེད་པར་འགྲོ་ལ། དཀོན་མཆོག་ཡ་ཝཱེ་འདོར་མཁན་རྣམས་ཀྱང་ནུབ་པར་འགྱུར་རོ། །  
\v 29 ཁྱོད་རྣམས་ནི་རང་ཉིད་དགའ་བའི་བེ་ཤིང་གིས་ངོ་ཚར་སྦྱོར་ཞིང་། ཁྱོད་ཅག་གིས་བདམས་པའི་སྐྱེད་ཚལ་རྣམས་ཀྱིས་ནོངས་པར་བྱ།  
\v 30 ཅི་ལ་ཞེ་ན། ཁྱོད་ནི་ལོ་མ་ལྷུང་བའི་བེ་ཤིང་དང་། ཆུ་དཀོན་པའི་སྐྱེད་ཚལ་ལྟ་བུར་འགྱུར་ངེས།  
\v 31 མི་སྟོབས་ཆེན་དེ་བལ་སྐུད་ལྟར་འགྱུར་ཞིང་། ཁོའི་ལས་དོན་རྣམས་མེ་སྟག་བཞིན་ཡིན་ལ། དེ་གཉིས་ལྷན་ཅིག་ཏུ་འབར་འགྲོ་བས་སུས་ཀྱང་མེ་དེ་གསོད་མི་ནུས་སོ། །   
\c 2
\cl ལེའུ་གཉིས་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གི་རི་བོ།  
\p
\v 1 ཡ་ཧུ་དཱ་དང་ཡེ་རུ་སཱ་ལེམ་གྱི་སྐོར་ལ། ཨ་མོ་ཟིའི་བུ་ཡེ་ཤ་ཡཱ་ལ་བྱུང་བའི་བཀའ་ནི་འདི་ལྟ་སྟེ།  
\v 2 མཐའ་མའི་ཉིན་མོ་དག་ལ་དཀོན་མཆོག་ཡ་ཝཱེའི་མཆོད་ཁང་གི་རི་བོ་དེ་རི་བོ་གཞན་དག་གི་རྩེ་མོར་བཞེང་ཞིང་རི་སྒང་རྣམས་ཀྱི་ཡང་སྟེང་དུ་འགྱིང་བ་དང་། མི་རིགས་ཐམས་ཅད་དེའི་ཕྱོགས་སུ་བཞུར་ངེས་ཡིན།  
\v 3 མི་མང་པོ་འོངས་ནས་ན་རེ། ཤོག་དང་། རང་ཅག་ཡར་དཀོན་མཆོག་ཡ་ཝཱེའི་རི་བོ་སྟེ། ཡ་ཀོབ་ཀྱི་དཀོན་མཆོག་གི་མཆོད་ཁང་ལ་འགྲོ་བར་བྱའོ། །ཁོང་གིས་ང་ཚོ་ལ་ཁོང་གི་ཕེབས་ལམ་སྟོན་ཞིང་ང་ཚོ་ཁོང་གི་ཕེབས་ལམ་དུ་འགྲུལ་བར་བྱ་ཞེས་སྨྲ་བར་འགྱུར། ཅི་ལ་ཞེ་ན། ཛ་ཡན་ནས་ཁོང་གི་བཀའ་ཁྲིམས་འབྱུང་ཞིང་། ཡེ་རུ་སཱ་ལེམ་ནས་དཀོན་མཆོག་ཡ་ཝཱེའི་བཀའ་འབྱུང་ངེས་ཡིན།  
\v 4 ཁོང་གིས་མི་རིགས་རྣམས་ཀྱི་བར་ཁྲིམས་གཅོད་ཅིང་མི་རྣམས་ལ་ལེགས་ཉེས་འབྱེད་པར་འགྱུར། ཁོ་ཚོས་རང་གི་རལ་གྲི་རྣམས་ཐོང་གཤོལ་དུ་བརྡུང་ཞིང་། མདུང་རྣམས་ཟོར་བར་བརྡུངས་ཏེ། མི་རིགས་དང་མི་རིགས་བར་ལ་རལ་གྲི་མི་འཕྱར་ཞིང་། འཐབ་འཁྲུག་ཀྱང་སློབ་པར་མི་བྱ།  
\v 5 ཀྱེ་ཡ་ཀོབ་ཀྱི་ཁྱིམ་རྒྱུད། ཤོག་དང་། ང་ཚོ་དཀོན་མཆོག་ཡ་ཝཱེའི་འོད་སྣང་ཁྲོད་བསྐྱོད་པར་བྱའོ། །   
\p
\v 6 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་རང་གི་འབངས་མི་སྟེ་ཡ་ཀོབ་ཀྱི་ཁྱིམ་རྒྱུད་རྣམས་དོར་བའི་རྒྱུ་རྐྱེན་ནི། ཁོ་ཚོར་ཕེ་ལེ་ཤེད་པ་ལྟར་ཤར་ཕྱོགས་པའི་རྨོངས་དད་དང་མོ་པས་གང་ཞིང་། ལག་པ་བརྡབས་ནས་ཕྱི་ཕྱོགས་པ་རྣམས་ལ་ཚོང་གཏམ་མོ། །  
\v 7 དེ་དག་གི་ཡུལ་ལ་གསེར་དངུལ་གྱིས་གང་ནས་རྒྱུ་ནོར་ཟད་མཐའ་མེད་ལ། ས་གཞི་རྟ་ཡིས་ཁྱབ་ནས་ཤིང་རྟ་བགྲང་གིས་མི་ལང་བ་ཡིན།  
\v 8 དེ་དག་གི་ཡུལ་དུ་ལྷ་སྐུས་གང་ཞིང་། དེ་ཚོས་རང་གི་ལག་པས་བཟོས་པའི་ལྷ་སྐུ་རྣམས་ལ་ཕྱག་འཚལ་བ་ཡིན།  
\v 9 མི་ཐ་མལ་བ་རྣམས་ཀྱིས་ལྷ་སྐུ་ལ་མགོ་བོ་སྨད་དུ་སྒུར་ཅིང་། མི་ཆེན་རྣམས་ཀྱིས་ཀྱང་ཁེངས་སྐྱུང་བྱས་པས་དེ་རྣམས་ལ་གུ་ཡངས་མཛད་མི་རུང་།  
\v 10 དཀོན་མཆོག་ཡ་ཝཱེའི་འཇིགས་སློང་དང་ཁོང་གི་གཟི་དཔལ་བརྗིད་ཉམས་ཅན་ལ་གཡོལ་བར་བྲག་གསེབ་ལ་འཛུལ་ནས་རྡུལ་ནང་དུ་ཡིབ་པར་གྱིས་ཤིག  
\v 11 ཉིན་དེར་མིག་གི་ལྟ་སོ་མཐོ་བ་རྣམས་ལ་དམའ་འབེབ་བྱེད་ཅིང་། ང་རྒྱལ་ཅན་རྣམས་ཀྱིས་མགོ་བོ་སྨད་པ་དང་། དཀོན་མཆོག་ཡ་ཝཱེ་གཅིག་པུ་ཡར་འདེག་པར་འགྱུར་རོ། །   
\p
\v 12 ཅི་ལ་ཞེ་ན། དཔུང་ཚོགས་ཀུན་གྱི་དཀོན་མཆོག་ཡ་ཝཱེས་ང་རྒྱལ་ཅན་དང་ཁེངས་དྲེགས་ཅན། རང་རློམ་ཅན་བཅས་ཐམས་ཅད་ལ་རྒོལ་བའི་ཉིན་མོ་ཞིག་ཡོད་ལ། ཉིན་མོ་དེར་ཁོ་རྣམས་ཉམ་ཆུང་དུ་འགྱུར་བའོ། །  
\v 13 ལེ་པཱ་ནོན་གྱི་གཟེངས་མཐོ་བའི་ཐང་ཤིང་དང་། པཱ་ཤན་གྱི་བེ་ཤིང་ཐམས་ཅད་དང་།  
\v 14 རི་བོ་མཐོན་པོ་རྣམས་དང་གྱེན་དུ་གཟེངས་པའི་རི་ཕྲན་རྣམས་དང་།  
\v 15 མཁར་མཐོན་པོ་རེ་རེ་དང་སྲ་ཞིང་བརྟན་པའི་ལྕགས་རི་རེ་རེ་དང་།  
\v 16 ཐཱར་ཞིས་ཀྱི་གྲུ་གཟིངས་ཐམས་ཅད་དང་ཡིད་དུ་འོང་བའི་གྲུ་ཡོད་ཚད་ལ་རྒོལ་བར་བྱ་ཞིང་།  
\v 17 མི་ཡི་ཁེངས་དྲེགས་ནི་ཉམ་ཆུང་དུ་འགྱུར་བ་དང་། མི་ཡི་ང་རྒྱལ་ནི་ཁེངས་སྐྱུང་དུ་མཛད་ཅིང་། ཉིན་མོ་དེར་དཀོན་མཆོག་ཡ་ཝཱེ་གཅིག་པུ་ཡར་འདེག་པར་འགྱུར།  
\v 18 སྐུ་འདྲ་རྣམས་རྩ་བ་ནས་མེད་པར་འགྱུར་རོ། །  
\v 19 དཀོན་མཆོག་ཡ་ཝཱེ་ཡར་བཞེངས་ཏེ་ས་གཞི་དྲག་ཏུ་གཡོ་བའི་ཚེ། མི་རྣམས་ཁོང་གི་འཇིགས་སློང་དང་གཟི་དཔལ་བརྗིད་ཉམས་ཅན་ལ་གཡོལ་བར་བྲག་ཁུང་དང་སའི་བུ་ག་དག་ལ་ཡིབ་པར་འགྱུར།  
\v 20 ཉིན་མོ་དེ་ལ་མི་རྣམས་ཀྱིས་རང་གི་ཆེད་དུ་ཕྱག་བཙལ་སར་བཞེངས་པའི་གསེར་སྐུ་དང་དངུལ་སྐུ་རྣམས་བྱི་ལོང་དང་ཕ་ཝང་རྣམས་ལ་འདོར་ཞིང་།  
\v 21 དཀོན་མཆོག་ཡ་ཝཱེ་ཡར་བཞེངས་ཏེ་ས་གཞི་དྲག་ཏུ་གཡོ་བའི་ཚེ། ཁོ་རྣམས་བྲག་ཕུག་དང་ཕ་བོང་གི་སྲུབས་ལ་ཡིབས་ནས། ཁོང་གི་འཇིགས་སློང་དང་གཟི་དཔལ་བརྗིད་ཉམས་ཅན་ལ་གཡོལ་བ་ཡིན།  
\v 22 ཁྱོད་རྣམས་མི་ལ་མ་བརྟེན་ཞིག དེའི་སྣ་ཁུང་ལས་དབུགས་ཐེངས་གཅིག་ལས་མེད་དེ། ཁོ་ནི་དངོས་གནས་ཅི་ཡང་མ་ཡིན་ནོ། །   
\c 3
\cl ལེའུ་གསུམ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡ་ཧུ་དཱ་དང་ཡེ་རུ་སཱ་ལེམ་ལ་ཆད་པ་གཅོད་པ།  
\p
\v 1 ལྟོས་དང་། དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་མྱུར་བ་མྱུར་དུ་ཡེ་རུ་སཱ་ལེམ་དང་ཡ་ཧུ་དཱ་གཉིས་ལས། མི་རྣམས་ཀྱི་རྒྱབ་རྟེན་དང་རོགས་སྐྱོར་ཏེ་མི་རྣམས་བརྟེན་པའི་འབྲུ་རིགས་དང་ཆུ་གཉིས་ཀ་མེད་པར་མཛད་ཅིང་།  
\v 2 དཔའ་རྒོད་དང་དྲག་རྩལ་ཅན། ཁྲིམས་དཔོན་དང་ལུང་སྟོན་པ། མོ་པ་དང་རྒན་པོ།  
\v 3 ལྔ་བཅུ་དཔོན་དང་ཐོབ་གོ་ས་ཅན། སློབ་སྟོན་པ་དང་ལག་ཤེས་པ། སྒྱུ་མ་མཁན་བཅས་མེད་པར་གཏོང་ངེས།  
\v 4 བདག་གིས་དེ་དག་གི་རྗེ་བོ་ལ་བྱིས་པ་རྣམས་འཇོག་ཅིང་། ཕྲུ་གུ་ཚོས་དེ་དག་དབང་དུ་བསྒྱུར་བར་བྱེད།  
\v 5 དེ་ནས་མི་རྣམས་ཀྱིས་ཁྱིམ་མཚེས་བར་དུའང་གཅིག་གིས་གཅིག་ལ་གཉའ་གནོན་བྱ་ཞིང་། ན་གཞོན་ཚོས་རྒན་པ་རྣམས་ལ་བརྙས་ཤིང་། ཐ་མལ་བ་རྣམས་ཀྱིས་ཆེ་མཐོང་ཅན་ལ་ཁེངས་དྲེགས་བསྐྱེད།  
\v 6 མི་ཞིག་གིས་ཕ་གཞིས་སུ་རང་གི་སྤུན་མཆེད་ནང་གི་གཅིག་ལ་འཇུས་ནས། ཁྱེད་ལ་ཕྱི་གོས་ཡོད་པས་ང་ཚོའི་འགོ་དཔོན་དུ་འདུག་རོགས། ཞིག་རལ་འདི་དག་ཁྱེད་ལ་དབང་བ་ཡིན་ཞེས་སྨྲ་ཞིང་།  
\v 7 དེའི་ཚེ་མི་དེས་སྐད་ཆེན་པོས་འདི་ལྟར། ངའི་ཁྱིམ་དུ་འབྲུ་རིགས་མེད་ལ་ཕྱི་གོས་ཀྱང་མེད་པས་ང་ནི་ཁྱོད་ཅག་གསོ་མཁན་དུ་མི་འགྱུར། ཁྱོད་ཅག་གིས་ང་མི་རྣམས་ཀྱི་འགོ་དཔོན་དུ་བསྐོ་མི་རུང་ཞེས་སྨྲ་བར་ངེས།  
\v 8 དེ་དག་གི་སྨྲ་བརྗོད་དང་བྱ་སྤྱོད་ཐམས་ཅད་དཀོན་མཆོག་ཡ་ཝཱེའི་དགྲ་རུ་ལངས་ཤིང་། ཁོང་གི་གཟི་བརྗིད་ཀྱི་དཔལ་འབར་བའི་སྤྱན་ལམ་ནས་ཁོང་ལ་རྒོལ་བ་ཡིན་པས། ཡེ་རུ་སཱ་ལེམ་རྒུད་ཅིང་། ཡ་ཧུ་དཱ་ནི་འགྱེལ་ལོ། །  
\v 9 དེ་དག་གི་གདོང་མདོག་གིས་རང་ཉིད་ཀྱི་སྐྱོན་གསལ་པོར་སྟོན་ཞིང་། སཱ་དོམ་ལྟར་རང་གི་སྡིག་པ་ཕྱི་ལ་མངོན་པ་ལས་སྦ་བར་མི་བྱ། དེ་ཚོས་རང་ལ་ཆག་སྒོ་སློང་བས་ཆག་སྒོ་འབྱུང་།  
\v 10 དྲང་པོ་རྣམས་ཀྱིས་རང་རང་གི་བྱ་སྤྱོད་ལས་སྨིན་པའི་འབྲས་བུ་ལོངས་སུ་སྤྱོད་ངེས་ཡིན་པས། ཁྱོད་ཅག་གིས་དེ་རྣམས་ལ་བདེ་བར་འགྱུར་ཡོང་ཞེས་ཤོད་ཅིག  
\v 11 ཀྱེ་ཧུ་མི་ངན་ལ་ཆག་སྒོ་འབྱུང་། ཅི་ལ་ཞེ་ན། དེ་དག་ལ་རང་གི་ལག་པས་ཅི་བྱས་བཞིན་ལན་འཇལ་དགོས་པ་ཡིན།  
\v 12 བདག་གི་འབངས་མི་ལ་མཚོན་ན། བྱིས་པ་རྣམས་ཀྱིས་ཁོ་རྣམས་ལ་གཉའ་གནོན་བྱ་ཞིང་སྐྱེས་མ་ཚོས་དབང་དུ་བསྒྱུར་བ་ཡིན། ཀྱེ་བདག་གི་འབངས་མི། ཁྱོད་རྣམས་ཀྱི་སྣེ་ཁྲིད་པས་ཁྱོད་ཅག་ལོག་ལམ་དུ་ཁྲིད་ཅིང་ཁ་ཕྱོགས་ནོར་དུ་བཅུག་གོ །   
\s1 དཀོན་མཆོག་གིས་ལེགས་ཉེས་འབྱེད་པ།  
\p
\v 13 དཀོན་མཆོག་ཡ་ཝཱེ་ཡར་བཞེངས་ནས་རྩོད་ཅིང་། མི་རྣམས་ལ་ཁྲིམས་གཅོད་པར་བཞེང་བའོ། །  
\v 14 དཀོན་མཆོག་ཡ་ཝཱེས་ཁོང་གི་འབངས་མིའི་རྒན་པོ་དང་འགོ་དཔོན་རྣམས་ལ་འདི་སྐད་དུ། ཁྱོད་ཅག་གིས་རྒུན་ཚལ་ཁྱུར་མིད་བཏང་ཞིང་། དབུལ་པོ་དག་ནས་ཕྲོགས་པའི་རྒྱུ་ནོར་རྣམས་ཁྱོད་ཅག་གི་ཁྱིམ་དུ་ཡོད་ཅེས་འདྲི་གཅོད་མཛད་ཅིང་།  
\v 15 དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་འདི་སྐད་དུ། ཁྱོད་རྣམས་ཀྱིས་བདག་གི་འབངས་མི་ལ་གཉའ་གནོན་བྱེད་དོན་ཅི་ཡིན། དབུལ་པོ་རྣམས་ཀྱི་ངོ་བརྡར་དོན་ཅི་ཡིན་ཞེས་གསུངས་སོ། །   
\p
\v 16 ཡང་དཀོན་མཆོག་ཡ་ཝཱེས་འདི་སྐད་དུ། ཛ་ཡན་གྱི་བུད་མེད་རྣམས་ཁེངས་དྲེགས་ཆེ་ཞིང་མཇིང་པ་དགྱེ་དགྱེ་བྱས་ནས་འགྲོ་བ་དང་། བཅོས་མའི་མཛའ་བརྩེ་སྟོན་བཞིན་སྒེག་ཉམས་བཏོད་ནས་འགྲོ་བ་དང་རྐང་གདུབ་སིལ་སིལ་སྒྲོག  
\v 17 དེ་བས་དཀོན་མཆོག་ཡ་ཝཱེས་ཛ་ཡན་གྱི་བུད་མེད་རྣམས་ཀྱི་སྤྱི་གཙུག་ལ་རྔོ་འབུད་པར་མཛད་ཅིང་། དཀོན་མཆོག་ཡ་ཝཱེས་དེ་དག་གི་ཁོག་སྨད་རྗེན་པར་འདོན་ངེས།  
\v 18 ཉིན་དེ་ལ་གཙོ་བོ་ཡ་ཝཱེས་དེ་དག་གི་ཡིད་དུ་འོང་བའི་རྐང་གདུབ་དང་དབུ་རྒྱན། ཟླ་གམ་གྱི་མགུལ་རྒྱན།  
\v 19 རྣ་ལོང་། ལག་གདུབ། གདོང་ཁེབས།  
\v 20 གཙུག་ཏོར། རྐང་རྒྱན། སྐ་རགས། དྲི་ཞིམ་གྱི་བུམ་པ། སྲུང་འཁོར།  
\v 21 མཛུབ་དཀྲིས། སྣ་ལོང་།  
\v 22 ཤོམ་ལྭ། སྟོད་དཀྲིས། བེར་གྱོན། ལག་ཁུག  
\v 23 མེ་ལོང་། སོ་རས་སྲབ་བུའི་ནང་གོས། མགོ་དཀྲིས། ཕྲག་ཁེབས་བཅས་མེད་པར་གཏོང་ངོ་། །   
\p
\v 24 དེ་ནས་དྲི་ཞིམ་གྱི་ཚབ་ལ་རུལ་དྲི་དང་སྐ་རགས་ཀྱི་ཚབ་ལ་ཐག་པ། སྐྲ་ལོའི་ཚབ་ལ་སྤྱི་ཐེར་དང་ཤོམ་ལྭའི་ཚབ་ལ་རྩིད་རས་ཀྱི་གྱོན་པ། བཞིན་རས་མཛེས་པའི་ཚབ་ལ་མེ་ཐེལ་བཅས་བྱས་ནས།  
\v 25 ཁྱོད་ཀྱི་སྐྱེས་པ་རྣམས་རལ་གྲིའི་ཁ་ནས་འགྱེལ་ཞིང་། ཁྱོད་ཀྱི་དཔའ་རྒོད་རྣམས་གཡུལ་ངོར་འཆི་བར་འགྱུར།  
\v 26 ཛ་ཡན་གྱི་མཁར་སྒོས་སྐྱོ་གདུང་ངང་ངུ་འབོད་བྱེད་ཅིང་། གཞན་གྱིས་འཕྲོག་བཅོམ་བྱས་ཏེ་ས་སྟོང་དུ་ལུས་ནས་སར་སྡོད་པར་འགྱུར་རོ། །   
\c 4
\cl ལེའུ་བཞི་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ཡ་ཝཱེའི་ལྕུག་ཕྲན།  
\p
\v 1 ཉིན་དེ་ལ་བུད་མེད་བདུན་གྱིས་སྐྱེས་པ་གཅིག་ལ་འཐམས་ཏེ་ན་རེ། ང་ཚོས་རང་གི་ཁ་ཟས་སྤྱད་ནས་རང་གི་གོན་པ་ཡང་གྱོན་ཆོག ང་ཚོའི་ངོ་ཚ་བསལ་བའི་ཕྱིར་ཁྱེད་ཀྱི་མིང་གི་འོག་ཏུ་ལེན་རོགས་ཞེས་ཞུ་ངེས།  
\v 2 ཉིན་མོ་དེ་ལ་དཀོན་མཆོག་ཡ་ཝཱེའི་ལྕུག་ཕྲན་ནི་མཛེས་ཤིང་གཟི་བརྗིད་ཀྱིས་ཁྱབ་སྟེ། ཡུལ་དེའི་ཤིང་ཏོག་རྣམས་ཡེས་ར་ཨེལ་ནས་ལུས་པ་རྣམས་ཀྱི་གཟི་བརྗིད་དང་དཔལ་ཡོན་དུ་འགྱུར་ཞིང་།  
\v 3 དེའི་དུས་སུ་ཛ་ཡན་ནས་ལུས་ཤིང་ད་དུང་ཡེ་རུ་སཱ་ལེམ་དུ་འཚོ་སྡོད་བྱས་ཡོད་པ་སྟེ། ཡེ་རུ་སཱ་ལེམ་ནས་ཐོ་བརྒྱབ་པའི་གསོན་པོ་ཐམས་ཅད་ལ་དམ་པ་ལགས་ཞེས་འབོད་དོ། །  
\v 4 གཙོ་བོས་ཁོང་གི་ཁྲིམས་གཅོད་ཀྱི་ཐུགས་ཉིད་དང་མེར་སྲེག་པའི་ཐུགས་ཉིད་ལ་བརྟེན་ནས། ཛ་ཡན་གྱི་བུད་མེད་རྣམས་ཀྱི་མི་གཙང་བ་བཀྲུ་ཞིང་། ཡེ་རུ་སཱ་ལེམ་ཁྲོད་ཀྱི་ཁྲག་ཐིགས་རྣམས་གཙང་མར་བཀྲུ་ངེས་ཡིན།  
\v 5 དེ་ནས་དཀོན་མཆོག་ཡ་ཝཱེས་རི་བོ་ཛ་ཡན་ཡོངས་དང་མི་ཚོགས་ཀྱི་སྟེང་དུ་ཉིན་དཀར་སྤྲིན་དང་དུ་བ། མཚན་མོར་མེ་འོད་འགོད་པར་བྱའོ། །ཅི་ལ་ཞེ་ན། གཟི་བརྗིད་དེ་ཐམས་ཅད་ཀྱི་སྟེང་དུ་གདུགས་ཀྱིས་གཡོག་པར་འགྱུར་རོ། །  
\v 6 ཡང་ཁོང་གིས་ཉིན་མོར་ཚ་བར་གཡོལ་བ་དང་། རླུང་དང་དྲག་ཆར་ལ་ཡིབ་སའི་ལྡིང་ཁང་གནང་བར་བྱའོ། །   
\c 5
\cl ལེའུ་ལྔ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 རྒུན་འབྲུམ་ར་བའི་མགུར་མ།  
\p
\v 1 ངས་རང་གི་སྙིང་ཉེ་ལ་མགུར་ཞིག་ལེན་ཏེ། མགུར་འདི་ནི་ཁོང་གི་རྒུན་འབྲུམ་ར་བའི་སྐོར་ཡིན། ངའི་སྙིང་ཉེ་ལ་ས་བཅུད་འཛོམས་པའི་རི་སྒང་དུ་རྒུན་འབྲུམ་ར་བ་ཞིག་ཡོད།  
\v 2 ཁོང་གིས་ར་བའི་ས་བསྔོགས་པ་དང་རྡོ་བཏུས་ནས་རྒུན་འབྲུམ་ཡག་ཤོས་བཙུགས་ཤིང་། ར་བའི་དཀྱིལ་དུ་སོ་ལྟ་ཁང་བརྩིགས་པ་དང་། རྒུན་འབྲུམ་འཚིར་གཞོང་ཞིག་ཀྱང་བརྐོས་ཏེ་རྒུན་འབྲུམ་བཟང་པོ་སྨིན་པར་རེ་ལྟོས་བཅངས་ནའང་། དེ་ལས་རི་སྐྱེས་རྒུན་འབྲུམ་ཐོགས་སོ། །  
\v 3 ཀྱེ་ཡེ་རུ་སཱ་ལེམ་གྱི་ཡུལ་མི་དང་ཡ་ཧུ་དཱ་པ་རྣམས། ད་ནི་ང་དང་ངའི་རྒུན་འབྲུམ་ར་བའི་བར་དུ་ལེགས་ཉེས་ཀྱི་ཤན་འབྱེད་པར་གྱིས་ཤིག  
\v 4 ངས་རང་གི་རྒུན་འབྲུམ་ར་བའི་ཆེད་དུ་ཅི་བྱས་པ་ལས་ད་དུང་ལྷག་མ་གང་ཞིག་བྱ་དགོས་སམ། ངས་དེ་ལས་རྒུན་འབྲུམ་བཟང་པོ་སྨིན་པར་རེ་ལྟོས་བཅངས་ནའང་། དེ་ལས་རི་སྐྱེས་རྒུན་འབྲུམ་ཐོགས་པ་ཅི་ཡིན་ནམ།  
\v 5 ད་ནི་ངས་རང་གི་རྒུན་འབྲུམ་ར་བ་ལ་ཅི་བྱེད་པར་འགྱུར་བ་ཁྱོད་ལ་འཆད་པར་བྱ་སྟེ། ངས་དེའི་ར་སྐྱོར་བཤིགས་ནས་ཁྱུར་མིད་གཏོང་དུ་འཇུག་དགོས་ལ། དེའི་གྱང་ར་བཤིག་ནས་རྡུལ་དུ་བརླག་དགོས།  
\v 6 ངས་དེ་བེད་མེད་དུ་བསྐྱུར་ནས་འབྲེག་བཅོས་དང་རྨོ་སློག་མི་བྱ་ཞིང་། ཚེར་མ་དང་གཟེ་མ་ར་མགོ་སྐྱེ་བར་འགྱུར་ལ། སྤྲིན་ལའང་བཀའ་བསྒོས་ནས་ར་བའི་ནང་ཆར་པ་འབེབ་ཏུ་མི་འཇུག་གོ །  
\v 7 དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་རྒུན་འབྲུམ་ར་བ་ནི་ཡེས་ར་ཨེལ་གྱི་ཁྱིམ་རྒྱུད་ཡིན་ལ། ཁོང་ཐུགས་དགྱེས་པའི་ལྗོན་ཤིང་ནི་ཡ་ཧུ་དཱ་པ་རྣམས་ཡིན། ཁོང་གི་རེ་ལྟོས་ནི་དྲང་བདེན་ཡིན་ནའང་། དེར་ཁྲག་བཞུར་བ་གཟིགས་ཤིང་། ཁོང་གི་རེ་ལྟོས་ནི་དྲང་གཞག་ཡིན་ནའང་སྨྲེ་སྔགས་འབའ་ཞིག་ཐོས་པའོ། །   
\s1 གདུག་རྩུབ་ཅན་ལ་ཆག་སྒོ་འབྱུང་བ།  
\p
\v 8 ཁང་པར་ཁང་པ་མཐུད་པ་དང་ཞིང་དང་ཞིང་སྦྲེལ་ནས་ས་ལྷག་གང་ཡང་མི་བསྐྱུར་བའི་མི་ལ་ཆག་སྒོ་འབྱུང་ཞིང་། ཁྱོད་རྣམས་ཡུལ་དེར་གཅིག་པུར་ལུས་པ་ཡིན།  
\v 9 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་གསུངས་པ་ངས་ཐོས་བྱུང་སྟེ། ཁང་པ་མང་པོ་སྟོངས་ཤིང་། ཁང་པ་ཆེན་པོ་ཡིད་དུ་འོང་བ་རྣམས་ཀྱང་སྡོད་མཁན་མེད་པར་འགྱུར།  
\v 10 བ་གླང་དོར་བཅུ་ཡིས་རྨོད་པའི་རྒུན་ཚལ་ལས་རྒུན་ཆང་ཆུ་བེན་གང་དང་། ས་བོན་ཁལ་གཅིག་ལས་འབྲུ་རིགས་ཨེ་ཕཱ་གཅིག་མ་གཏོགས་མི་རེག  
\v 11 ཞོགས་པ་སྔ་མོ་ལངས་ནས་གར་ཆང་བཏུང་ཞིང་། དགོང་མོའི་བར་དུ་རྒུན་ཆང་འཐུངས་ནས་ངར་ལངས་པ་རྣམས་ལ་ཆག་སྒོ་འབྱུང་།  
\v 12 དེ་དག་གི་གསོལ་སྟོན་སྟེང་པི་ཝང་དང་རྒྱུད་མངས་དང་། སིལ་རྔ་དང་། གླིང་བུ་དང་། རྒུན་ཆང་བཅས་ཡོད་ནའང་། དེ་དག་གིས་དཀོན་མཆོག་ཡ་ཝཱེའི་མཛད་པ་ལ་དོ་སྣང་མི་བྱེད་ལ། ཁོང་གི་ཕྱག་ལས་ལའང་མཉམ་འཇོག་མེད་དོ། །   
\p
\v 13 དེ་བས་བདག་གི་འབངས་མི་ནི་གོ་བ་མེད་པའི་རྐྱེན་གྱིས་བཙོན་དུ་འཁྲིད་དགོས་བྱུང་ཞིང་། དེའི་མི་ཆེན་རྣམས་ལྟོགས་ནས་འཆི་བ་དང་། དེའི་མི་དམངས་ནི་སྐོམ་པས་གདུང་བར་འགྱུར།  
\v 14 གཤིན་པོའི་གནས་ཀྱིས་ཚད་མེད་པར་མིད་པ་ཆེར་ཕྱེ་ཞིང་ཁ་ཆེ་རུ་གདངས་ཏེ། ཡེ་རུ་སཱ་ལེམ་གྱི་དཔལ་ཡོན་དང་མི་ཚོགས། འུར་སྐད་སྒྲོག་མཁན་དང་སྤྲོ་སྐྱིད་གཏོང་བ་ཐམས་ཅད་དེའི་ཁ་ནང་དུ་ལྷུང་བར་འགྱུར།  
\v 15 དེར་བརྟེན་མི་ཐ་ཤལ་བ་རྣམས་ཀྱིས་མགོ་བོ་སྨད་ཅིང་། མི་ཆེན་རྣམས་ཀྱིས་ཁེངས་སྐྱུང་བྱེད་པ་དང་། རང་རློམ་ཅན་རྣམས་ཀྱིས་ཀྱང་ཁེངས་སྐྱུང་བྱེད་པར་འགྱུར།  
\v 16 དཔུང་ཚོགས་ཀུན་གྱི་དཀོན་མཆོག་ཡ་ཝཱེ་གཅིག་པུ་ནི་དྲང་བདེན་གྱི་རྐྱེན་གྱིས་མཐོ་རུ་འདེགས་ཤིང་། དཀོན་མཆོག་དམ་པ་ཁོང་ཉིད་དྲང་པོའི་སྒོ་ནས་དམ་པ་རུ་མངོན་ནོ། །  
\v 17 དེ་ནས་ལུ་གུ་ཡོང་ནས་རང་གི་རྩྭ་རར་རྩྭ་ཟ་བ་བཞིན་དུ་རྩྭ་ཟ་ཞིང་། ཕྱུག་བདག་རྣམས་རྒུད་པའི་ཤུལ་དུ་ཡུལ་འཁྱམ་པ་རྣམས་ཀྱིས་གང་འདོད་དུ་ཟས་བཅུད་ལོངས་སུ་སྤྱོད་དོ། །   
\p
\v 18 སྙིང་པོ་མེད་པའི་ཐིག་གུས་ཉེས་པ་འདྲེན་ཞིང་། ཤིང་རྟ་འདྲུད་བྱེད་ཀྱི་ཐག་པས་སྡིག་པ་འཐེན་མཁན་དག་ལ་ཆག་སྒོ་འབྱུང་།  
\v 19 དེ་དག་ན་རེ། ཁོང་གིས་མགྱོགས་མྱུར་ངང་དེ་འཕྲལ་དུ་ཉིད་ཀྱི་ཕྱག་ལས་འགྲུབ་པར་མཛད་དེ་རང་ཅག་ལ་སྟོན་པར་ཤོག ཡང་རང་ཅག་གིས་རྟོགས་པའི་ཕྱིར་དུ་ཡེས་ར་ཨེལ་གྱི་དམ་པ་ཉིད་ཀྱི་དགོངས་འཆར་ཉེ་བར་སླེབས་གྱུར་ཅིག་ཅེས་སྨྲའོ། །  
\v 20 ངན་པ་ལ་བཟང་པོ་ཞེས་དང་བཟང་པོ་ལ་ངན་པ་ཞེས་འབོད་ཅིང་། འོད་ཀྱི་ཚབ་ཏུ་མུན་པ་དང་མུན་པའི་ཚབ་ལ་འོད་སྣང་འཇོག་པ་དང་། ཁ་མོའི་ཚབ་ཏུ་མངར་མོ་དང་མངར་མོའི་ཚབ་ལ་ཁ་མོ་འཇོག་མཁན་དག་ལ་ཆག་སྒོ་འབྱུང་།  
\v 21 རང་གི་མིག་ལམ་དུ་ཤེས་རབ་ཆེ་མདོག་དང་། རང་གི་མཐོང་ལམ་དུ་སྤྱང་པོ་ཡིན་སྙམ་པ་རྣམས་ལ་ཆག་སྒོ་འབྱུང་།  
\v 22 རྒུན་ཆང་བཏུང་བར་དཔའ་བ་དང་། གར་ཆང་འདྲེས་སྦྱོར་ལ་མཁས་པ་དག་ལ་ཆག་སྒོ་འབྱུང་།  
\v 23 དེ་དག་གིས་ལྐོག་རྔན་བླངས་ནས་ངན་པ་དྲང་པོར་རྩི་བ་དང་། དྲང་པོ་རྣམས་ཀྱི་ཁེ་དབང་འཕྲོག་པར་བྱེད།   
\p
\v 24 དེ་བས་མེ་ལྕེས་སོག་མ་འགེམས་པ་དང་། རྩྭ་སྐམ་མེ་ཡིས་བསྲེག་པ་བཞིན་དེ་དག་གི་རྩ་བ་རུལ་ཞིང་། མེ་ཏོག་རྣམས་རྡུལ་ལྟར་རླུང་གིས་འཁུར། ཅི་ལ་ཞེ་ན། དེ་དག་གིས་དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་བཀའ་ཁྲིམས་སྤངས་ཤིང་། ཡེས་ར་ཨེལ་གྱི་དམ་པ་ཉིད་ཀྱི་བཀའ་ཁྱད་དུ་བསད་པའོ། །  
\v 25 རྒྱུ་མཚན་དེའི་དབང་གིས་དཀོན་མཆོག་ཡ་ཝཱེ་རང་གི་འབངས་མི་ལ་རབ་ཏུ་ཁྲོས་ཏེ། ཕྱག་བརྐྱངས་ནས་དེ་དག་ལ་བརྡུང་བ་དང་། རི་བོ་རྣམས་འདར་ཞིང་བམ་རོ་རྣམས་སྲང་ལམ་གྱི་གད་སྙིགས་ལྟར་འགྱེལ། དེས་ཀྱང་ཁོང་གི་ཐུགས་ཁྲོ་མ་ཞི་བར་ཕྱག་ནི་སྔར་བཞིན་བརྐྱངས་པའོ། །   
\p
\v 26 ཁོང་གིས་དར་ཆ་བསྒྲེངས་ནས་མི་རིགས་རྣམས་རྒྱང་རིང་ནས་འབོད་ཅིང་། ཤུ་སྒྲ་སྒྲོག་བཞིན་སའི་མཐའ་མཚམས་ནས་དེ་རྣམས་འབོད་པར་འགྱུར། ལྟོས་དང་། དེ་དག་བྲེལ་འཚུབ་ངང་མགྱོགས་པོར་སླེབ་ཡོང་།  
\v 27 དེ་དག་གི་ཁྲོད་དུ་ཐང་ཆད་པ་དང་སར་འགྱེལ་བ། གཉིད་ཅོག་རྒྱག་པ། གཉིད་ལ་ཡུར་བ་བཅས་ནི་གཅིག་ཀྱང་མེད་ལ། དེ་དག་གི་སྐ་རགས་ལྷོད་མེད་པ་དང་ལྷམ་སྒྲོག་ཀྱང་ཆད་མེད།  
\v 28 དེ་དག་གི་མདའ་རྣོན་པོ་རྣམས་གཞུ་ལ་བསྐྱིལ་བ་དང་། དེ་དག་གི་རྟའི་རྨིག་པ་རྣམས་མེ་ཆ་བཞིན་དང་། ཤིང་རྟའི་འཁོར་ལོ་རྣམས་རླུང་འཚུབ་ལྟར་ཡིན།  
\v 29 དེ་དག་གི་སྐད་སྒྲ་ནི་སེང་གེའི་ཁྲོད་ཀྱི་སེང་དར་མའི་ང་རོ་ལྟར་སྒྲོག་ཅིང་། ངར་སྐད་ལྷང་ལྷང་སྒོས་འཕྲོག་བཅོམ་བྱས་ནས་འཁྱེར་འགྲོ་བ་དང་སྐྱོབ་མཁན་གཅིག་ཀྱང་མེད།  
\v 30 ཉིན་དེར་དེ་དག་གིས་ཡེས་ར་ཨེལ་པ་རྣམས་ལ་རྦ་རླབས་ཀྱི་ཀུ་ཅོ་ལྟ་བུའི་ངར་སྐད་འདོན་ཞིང་། གལ་ཏེ་མི་ཞིག་གིས་ཡུལ་དེར་བལྟས་ཚེ། ཀྱེ་མ། དེ་རུ་འཇིགས་རུང་གི་སྨག་རུམ་འཁྲིགས་ནས་སྤྲིན་གྱིས་འོད་ཟེར་བསྒྲིབས་འདུག་པ་མཐོང་ངོ་། །   
\c 6
\cl ལེའུ་དྲུག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེ་ཤ་ཡཱས་མཐོང་བའི་ཞལ་གཟིགས།  
\p
\v 1 རྒྱལ་པོ་ཨུ་ཟི་ཡཱ་སྐུ་གཤེགས་པའི་ལོ་དེར། གཙོ་བོ་ཁོང་ཉིད་ཁྲི་མཐོན་པོའི་སྟེང་གོང་དུ་བཀུར་ནས་བཞུགས་འདུག་ལ། ཁོང་གི་ན་བཟའི་སྣེ་མོ་ཡིས་མཆོད་ཁང་ཡོངས་སུ་ཁེབས་ཡོད་པ་ངས་མཐོང་བྱུང་།  
\v 2 ཁོང་གི་གོང་དུ་སཱ་རཱབ་\f + \ft འདིར་སཱ་རཱབ་ཅེས་པ་ནི་མེ་འབར་བ་ཞེས་པའི་དོན་ལ་འཇུག་ཅིང་མེ་ཡི་ཕོ་ཉའི་རིགས་ལ་གོ་བ་ཡིན།\f*རྣམས་ཡོད་ལ་དེ་དག་རེ་རེར་གཤོག་པ་དྲུག་རེ་ཡོད་ཅིང་། གཤོག་པ་གཉིས་ཀྱིས་ཁོང་གི་ཞལ་རས་བཀབ་པ་དང་། གཤོག་པ་གཉིས་ཀྱིས་ཞབས་བཀབ་ལ། གཤོག་པ་གཉིས་ཀྱིས་འཕུར་སྐྱོད་བྱེད་པའོ། །  
\v 3 དེ་དག་གིས་སྐད་ཆེན་པོས་ཕན་ཚུན་ལ། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ནི་དམ་པ། དམ་པ། དམ་པ་ཡིན། ཁོང་གི་གཟི་བརྗིད་ས་གཞི་ཡོངས་ལ་ཁྱབ་བོ་ཞེས་བསྒྲགས་པ་དང་།  
\v 4 ཀི་སྒྲ་སྒྲོག་མཁན་གྱི་སྒྲ་དེས་སྒོ་ཐེམ་གྱི་རྩིག་རྨིང་འདར་དུ་བཅུག་ཅིང་མཆོད་ཁང་ལའང་དུ་བས་ཁྱབ།  
\v 5 དེའི་དུས་སུ་ངས་ང་ལ་ཆག་སྒོ་འབྱུང་ངོ་། །ང་ནི་མེད་པར་གྱུར་ཏོ། །ཅི་ལ་ཞེ་ན། ངའི་ཁ་མི་གཙང་བ་དང་། ང་ནི་ཁ་མི་གཙང་བའི་མི་རྣམས་ཀྱི་དཀྱིལ་དུ་ཡོད་ལ། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་སྟེ། རྒྱལ་པོ་ཆེན་པོ་ཁོང་ཉིད་ནི་ངའི་མིག་གིས་མཐོང་བྱུང་ངོ་ཞེས་སྨྲས་པ་ཡིན།   
\p
\v 6 དེ་ནས་སཱ་རཱབ་རྣམས་ལས་གཅིག་གིས་མཆོད་ཁྲི་ནས་སྐམ་པས་བླངས་པའི་མེ་རྡོག་ཅིག་ལག་ལ་བཟུང་སྟེ་ངའི་ཕྱོགས་སུ་འཕུར་འོངས་ནས།  
\v 7 ཁོང་གིས་དེ་ངའི་ཁ་ལ་རེག་ནས་འདི་སྐད་དུ། ལྟོས་དང་། སོལ་བ་འདི་ཁྱོད་ཀྱི་ཁ་ལ་རེག་པས་ཁྱོད་ཀྱི་ཉེས་པ་དག་ཅིང་སྡིག་པ་བསལ་བའོ་ཞེས་གསུངས་སོ། །   
\s1 ཡེ་ཤ་ཡཱའི་ལས་འགན།  
\p
\v 8 ཡང་ངས་གཙོ་བོས་འདི་སྐད་དུ། བདག་གིས་སུ་ཞིག་མངག་དགོས་སམ། རང་ཅག་གི་ཆེད་དུ་སུ་འགྲོའམ་ཞེས་གསུངས་པ་ཐོས་ནས། ངས་ང་རང་འདི་རུ་ཡོད། ང་རང་མངག་པར་ཞུ་ཞེས་ཞུས་པ་ཡིན།  
\v 9 དེ་ནས་ཁོང་གིས་འདི་སྐད་དུ། ཁྱོད་སོང་ནས་མི་འདི་དག་ལ་འདི་ལྟར། ཁྱོད་ཚོས་ཡང་ཡང་མཉན་ཀྱང་ཧ་མི་གོ་ལ། ཡང་ཡང་བལྟས་ཀྱང་དོན་མི་རྟོགས་ཞེས་ཤོད་ཅིག  
\v 10 ཁྱོད་ཀྱིས་མི་འདི་དག་གི་སེམས་ཀྱིས་མི་ཚོར་ཞིང་རྣ་ཡིས་མི་གོ་བ་དང་། མིག་གིས་མི་མཐོང་བར་གྱིས་ཤིག དེ་ལྟར་མིན་ན། དེ་དག་གི་མིག་གིས་མཐོང་ཞིང་རྣ་ཡིས་ཐོས་པ་དང་། སེམས་ཀྱིས་རྟོགས་ནས་ཕྱིར་འཁོར་ཡོང་དུས་དྲག་པར་འགྱུར་རོ་ཞེས་གསུངས་སོ། །   
\p
\v 11 དེ་ནས་ངས་གཙོ་བོ་ལགས། དུས་ཅི་ཙམ་དགོས་སམ་ཞེས་ཞུས་པ་ན། ཁོང་གིས་ལན་དུ། གྲོང་ཁྱེར་རྣམས་ཞིག་རོར་གྱུར་ནས་སྡོད་མཁན་གཅིག་ཀྱང་མེད་པ་དང་། ཁང་པ་རྣམས་སྟོང་བར་ལུས་ནས་ས་ཞིང་རྣམས་ཐང་རྒོད་དུ་འགྱུར་བའི་བར་དང་།  
\v 12 དཀོན་མཆོག་ཡ་ཝཱེས་མི་རྣམས་རྒྱང་རིང་དུ་སྤྱུགས་ནས་ཡུལ་འདིའི་ས་ཆ་མང་པོ་བདག་མེད་དུ་མ་གྱུར་པའི་བར་དུའོ། །  
\v 13 ཡུལ་འདིར་ཤུལ་དུ་ལུས་པ་ཡིས་བཅུ་ཆའི་གཅིག་ཙམ་ལས་མི་ཟིན་ཡང་དེའང་རྩ་མེད་གཏོང་བར་འགྱུར། འོན་ཀྱང་ཐང་ཤིང་ཚི་བ་ཅན་དང་བེ་ཤིང་བཅད་ཤུལ་ནས་ལུས་པའི་སྡོང་པོ་ལྟར། དེའི་ཤུལ་ལུས་སྡོང་པོ་དེ་ནི་དམ་པའི་ས་བོན་ལ་འགྱུར་རོ་ཞེས་གསུངས་སོ། །   
\c 7
\cl ལེའུ་བདུན་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེ་ཤ་ཡཱ་ནི་རྒྱལ་པོ་ཨ་ཧ་ཟཱ་ལ་འཕྲད་དུ་སོང་བ།  
\p
\v 1 ཨུ་ཟི་ཡཱའི་ཚ་བོ་སྟེ་ཡོ་ཐམ་གྱི་བུ་ཨ་ཧ་ཟཱ་ནི་ཡ་ཧུ་དཱའི་རྒྱལ་པོ་ཡིན་པའི་སྐབས་སུ། ཨ་རམ་གྱི་རྒྱལ་པོ་རེ་ཙིན་དང་། ཡེས་ར་ཨེལ་གྱི་རྒྱལ་པོ་སྟེ་རེ་མལ་ཡཱའི་བུ་ཕེ་ཀཱ་གཉིས་ཡར་ཡེ་རུ་སཱ་ལེམ་ལ་དམག་རྒྱག་ཏུ་ཡོང་ནའང་དེ་དབང་འོག་ཏུ་བསྡུ་མ་ནུས།  
\v 2 ཨ་རམ་པས་ཨེ་ཕཱར་ཡིམ་པ་དང་མནའ་འབྲེལ་བཙུགས་པ་རེད་ཅེས་དཱ་བིད་ཀྱི་རིགས་རྒྱུད་ལ་སྨྲས་པ་ན། ནགས་ཀྱི་ལྗོན་ཤིང་རླུང་གིས་བསྒུལ་བ་ལྟར། ཨ་ཧ་ཟཱ་དང་མི་རྣམས་ཀྱི་སྙིང་འདར་སིག་སིག་བྱས་སོ། །   
\p
\v 3 དཀོན་མཆོག་ཡ་ཝཱེས་ཡེ་ཤ་ཡཱ་ལ་འདི་སྐད་དུ། ཁྱོད་དང་ཁྱོད་ཀྱི་བུ་ཤེ་ཨར་ཡ་ཤུབ་ \f + \ft ཤེ་ཨར་ཡ་ཤུབ་ཅེས་པ་ནི་མི་ལྷག་ལུས་རྣམས་ཕྱིར་ལོག་པར་འགྱུར་ཞེས་པའི་དོན་ལ་འཇུག\f*གཉིས་རྫིང་བུ་གོང་མ་ཡི་ཆུ་རྐའི་མཇུག་སྟེ། གོས་འཁྲུད་མཁན་གྱི་ཞིང་ཁར་ཡོད་པའི་ལམ་ཆེན་དུ་ཨ་ཧ་ཟཱ་བསུ་བར་སོང་ནས།  
\v 4 ཁོ་ལ་འདི་ལྟར། གཟབ་གཟབ་གྱིས་ཤིག སེམས་ལྷོད་ལྷོད་གྱིས་ཤིག ཨ་རམ་གྱི་རྒྱལ་པོ་རེ་ཙིན་དང་རེ་མལ་ཡཱའི་བུ་སྟེ་དུ་བ་འཕྱུར་བའི་མགལ་མེ་དེ་གཉིས་ལས་ཐོན་པའི་ཁོང་ཁྲོ་ལ་སྐྲག་མི་དགོས། དཔའ་ཡང་ཞུམ་མི་དགོས།  
\v 5 ཅི་ལ་ཞེ་ན། ཨ་རམ་དང་ཨེ་ཕཱར་ཡིམ་དང་། རེ་མལ་ཡཱའི་བུ་བཅས་ཀྱིས་ཁྱོད་ལ་ཇུས་ངན་བཤམས་ཏེ་ན་རེ།  
\v 6 རང་ཅག་ཡར་ཡ་ཧུ་དཱ་ལ་དམག་རྒྱག་ཏུ་སོང་ནས་དེ་དཀྲུག་པར་བྱ། དེ་ཚུར་བླངས་ནས་རང་ཅག་བར་དུ་བགོ་བར་བྱ། དེ་དག་གི་ཁྲོད་དུ་ཏ་བེ་ཨེལ་གྱི་བུ་རྒྱལ་པོར་འཇོག་ཅེས་སྨྲའོ། །  
\v 7 ཡང་གཙོ་བོ་ཡ་ཝཱེས་འདི་སྐད་དུ། ཇུས་ངན་དེ་ཚུགས་མི་ཐུབ་ལ། དེ་ལྟར་འབྱུང་ཡང་མི་སྲིད།  
\v 8 ཅི་ལ་ཞེ་ན། ཨ་རམ་གྱི་རྒྱལ་ས་ནི་དཱ་མེ་སེག་ཡིན་པ་དང་། དཱ་མེ་སེག་གི་འགོ་དཔོན་ནི་རེ་ཙིན་ཡིན། དེ་ཡང་ཨེ་ཕཱར་ཡིམ་ནི་ལོ་ངོ་དྲུག་ཅུ་རེ་ལྔའི་ནང་རོལ་ཏུ་གང་སར་འཐོར་ནས་མི་རྣམས་སྟོང་བར་འགྱུར།  
\v 9 ཨེ་ཕཱར་ཡིམ་གྱི་རྒྱལ་ས་ནི་སཱ་མར་ཡ་དང་། སཱ་མར་ཡའི་འགོ་དཔོན་ནི་རེ་མལ་ཡཱའི་བུ་ཡིན། གལ་ཏེ་ཁྱོད་ཀྱི་དད་པ་བརྟན་པོ་མིན་ན། ཁྱོད་རྩ་བ་ནས་ཚུགས་མི་ཐུབ་ཅེས་གསུངས་སོ། །   
\p
\v 10 དཀོན་མཆོག་ཡ་ཝཱེས་ཡང་ཨ་ཧ་ཟཱ་ལ་འདི་སྐད་དུ།  
\v 11 ཁྱོད་ཀྱིས་རང་གི་དཀོན་མཆོག་ཡ་ཝཱེ་ལ་རྟགས་མཚན་ཞུས་ཤིག འོག་གི་ས་གཞི་དང་ཡང་ན་སྟེང་གི་ནམ་མཁའ་རུ་སྟོན་པར་ཞུས་ཆོག་པ་ཡིན་ཞེས་གསུངས་ནའང་།  
\v 12 ཨ་ཧ་ཟཱ་ཡིས་ངས་ཞུ་བར་མི་བྱ། ངས་དཀོན་མཆོག་ཡ་ཝཱེ་ལ་ཚོད་བགམ་མི་བྱེད་ཅེས་ཞུས།  
\v 13 དེ་ནས་ཡེ་ཤ་ཡཱ་ཡིས་འདི་ལྟར། ཀྱེ་དཱ་བིད་ཀྱི་རིགས་རྒྱུད་ཁྱོད་ཅག་གིས་ཉོན་དང་། ཁྱོད་ཅག་གིས་མི་རྣམས་ལ་སུན་སྣང་བསྐྱེད་པ་དོན་ཆུང་ཡིན་ནམ། ད་དུང་ངའི་དཀོན་མཆོག་ལའང་སུན་སྣང་བསྐྱེད་དམ།  
\v 14 གཙོ་བོས་ཁྱོད་ལ་རྟགས་ཤིག་སྟོན་པར་འགྱུར་ཏེ། ལྟོས་དང་། ན་ཆུང་བུ་མོ་ཞིག་ལ་མངལ་སྦྲུམ་སྟེ་སྲས་ཤིག་འཁྲུངས་ངེས་ཤིང་། ཁོ་མོས་དེའི་མཚན་ལ་ཨིམ་མཱ་ནུ་ཨེལ་ \f + \ft ཨིམ་མཱ་ནུ་ཨེལ་ཞེས་པ་ནི་དཀོན་མཆོག་བདག་ཅག་དང་མཉམ་དུ་བཞུགས་ཞེས་པའི་དོན་ཡིན། \f*ཞེས་འདོགས་པར་འགྱུར།  
\v 15 སྲས་དེས་ངན་པ་འདོར་ཞིང་བཟང་པོ་འདེམས་ཤེས་པའི་དུས་སུ་ཞོ་དང་སྦྲང་རྩི་འཐུང་ངེས་ཡིན།  
\v 16 འོན་ཀྱང་སྲས་དེས་ངན་པ་འདོར་ཞིང་བཟང་པོ་འདེམས་མ་ཤེས་གོང་ལ། ཁྱོད་རང་འཇིགས་པའི་རྒྱལ་པོ་དེ་གཉིས་ཀྱི་ཡུལ་ཁམས་སྟོང་བར་འགྱུར།  
\v 17 དཀོན་མཆོག་ཡ་ཝཱེས་ཁྱོད་དང་ཁྱོད་ཀྱི་མི་རྣམས་དང་། ཁྱོད་ཀྱི་ཕ་གཞིས་ལ་ཨ་སུར་རྒྱལ་པོ་འཁྲིད་འོང་ཞིང་། ཨེ་ཕཱར་ཡིམ་ནི་ཡ་ཧུ་དཱ་དང་གྱེས་པའི་ཚུན་ལ་ཉིན་མོ་དེ་ལྟ་བུ་གཏན་ནས་བྱུང་མྱོང་བ་མེད་དོ་ཞེས་གསུངས་སོ། །   
\p
\v 18 དུས་དེ་ལ་དཀོན་མཆོག་ཡ་ཝཱེས་ཤུ་སྒྲ་བསྒྲགས་ཏེ་ཨེ་ཅིབ་ཀྱི་གཙང་པོ་དག་གི་མགོ་ཁུངས་ནས་སྦྲང་བུ་དང་། ཨ་སུར་ཡུལ་ནས་བུང་བའི་ཚོགས་འཕུར་འོང་བར་བཅུག་སྟེ།  
\v 19 དེ་དག་ཐམས་ཅད་སླེབས་ནས་གྲོག་གཟར་དང་བྲག་སྲུབས་དང་། ཚེར་གསེང་དང་། སྤང་ཐང་ཡོད་ཚད་ལ་ཁྱབ་པར་འགྱུར་རོ། །   
\p
\v 20 ཉིན་མོ་དེར་གཙོ་བོས་གཙང་པོའི་ཕ་རོལ་ནས་གཡར་བའི་སྤུ་གྲི་སྟེ་ཨ་སུར་རྒྱལ་པོ་བརྒྱུད་ནས་ཁྱོད་ཅག་གི་སྐྲ་དང་རྐང་པའི་བ་སྤུ་འབྲེག་ཅིང་སྨ་ར་གཞར་ངེས་ཡིན།  
\v 21 དུས་དེར་སྐྱེས་པ་གཅིག་གིས་བ་མོ་ཁ་ཆུང་གཅིག་དང་མ་མོ་གཉིས་ལས་མི་སོས་ཤིང་།  
\v 22 དེ་གཉིས་ལ་འོ་མ་ཧ་ཅང་མང་པོ་བཞོ་རྒྱུ་ཡོད་པས་ཁོས་ཞོ་འཐུང་ཆོག་ལ། ཡུལ་དེར་ལུས་པའི་མི་ཐམས་ཅད་ཀྱིས་ཞོ་འཐུང་ཞིང་སྦྲང་རྩི་སྤྱོད་པར་འགྱུར།  
\v 23 ཡང་ཉིན་མོ་དེར་སྔར་རྒུན་འབྲུམ་སྡོང་པོ་ཆིག་སྟོང་བཙུགས་ཤིང་། རིན་གོང་དངུལ་ཆིག་སྟོང་ཡིན་པའི་ཡུལ་དག་ཀྱང་ཚེར་སྡོང་དང་ཚེར་མ་སྐྱེས་ས་རུ་འགྱུར།  
\v 24 ཡུལ་དེ་ཐམས་ཅད་ལ་ཚེར་སྡོང་དང་ཚེར་མས་གང་ཡོད་པས་མི་རྣམས་ཀྱིས་མདའ་གཞུ་ཐོགས་ནས་འགྲོ་བ་ཡིན།  
\v 25 སྔོན་ཆད་འཇོར་གྱིས་བརྐོས་པའི་ཞིང་ཁ་རྣམས་ནི་ཚེར་སྡོང་དང་ཚེར་མས་གང་སྟེ་ཁྱོད་སྐྲག་པར་གྱུར་ནས་དེ་རུ་འགྲོ་མི་ཕོད་ཅིང་། དེ་ནི་བ་གླང་རྣམས་བག་ཡངས་སུ་རྒྱུ་ཞིང་ལུག་ཁྱུ་རྣམས་རྒྱུག་ས་རུ་གྱུར་པའོ། །   
\c 8
\cl ལེའུ་བརྒྱད་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 སཱ་མར་ཡ་ཡིས་བཙན་འཛུལ་བྱས་པ།  
\p
\v 1 དེ་ཡང་དཀོན་མཆོག་ཡ་ཝཱེས་ང་ལ་འདི་སྐད་དུ། བྱང་བུ་ཆེན་པོ་ཞིག་ཁྱེར་འོངས་ནས་དེའི་སྟེང་དུ་ཐུན་མོང་གི་ཡི་གེ་བཀོལ་ཏེ་མཱ་ཧེར་ཤལ་ལཱ་ཧ་ཤཱ་པཱ་ཟི་ \f + \ft མཱ་ཧེར་ཤལ་ལཱ་ཧ་ཤཱ་པཱ་ཟི་ཞེས་པ་འདི་ནི་མགྱོགས་པོར་འཕྲོག་ཅིང་མྱུར་བར་ལེན་པ་ཞེས་པའི་དོན་ཡིན།\f*ཞེས་ཕྲིས་ཤིག  
\v 2 དེ་ནས་ངས་བློ་དཀར་བའི་དཔང་པོ་སྟེ་མཆོད་དཔོན་ཨུ་རི་ཡཱ་དང་། ཡེ་བིར་ཀི་ཡཱའི་བུ་ཟཱ་ཀར་ཡ་གཉིས་ལ་བདག་གི་ཆེད་དུ་བདེན་དཔང་བྱེད་དུ་འཇུག་དགོས་ཞེས་གསུངས་སོ། །   
\p
\v 3 དེ་ནས་ང་རང་བུད་མེད་ལུང་སྟོན་པ་སྟེ་རང་གི་ཆུང་མར་བཅར་བ་དང་། མོ་ལ་མངལ་སྦྲུམ་ནས་བུ་ཞིག་སྐྱེས་ཤིང་། དཀོན་མཆོག་ཡ་ཝཱེས་ང་ལ། བུ་ཡི་མིང་ལ་མཱ་ཧེར་ཤལ་ལཱ་ཧ་ཤཱ་པཱ་ཟི་ཞེས་ཐོགས་ཤིག  
\v 4 ཅི་ལ་ཞེ་ན། བུ་ཆུང་གིས་ངའི་ཕ་ལགས། ངའི་མ་ལགས་ཞེས་འབོད་ཤེས་པའི་སྔོན་ལ། དཱ་མེ་སེག་གི་རྒྱུ་ནོར་དང་སཱ་མར་ཡའི་བཅོམ་ནོར་རྣམས་ཨ་སུར་རྒྱལ་པོའི་དྲུང་ནས་འཁྱེར་བར་འགྱུར་རོ་ཞེས་གསུངས་སོ། །   
\p
\v 5 ཡང་དཀོན་མཆོག་ཡ་ཝཱེས་ང་ལ་འདི་སྐད་དུ།  
\v 6 མི་འདི་དག་གིས་ཤི་ལོ་ཨག་གི་དལ་འབབ་ཆུ་བོ་དོར་ནས། རེ་ཙིན་དང་རེ་མལ་ཡཱའི་བུ་ལ་དགའ་བར་གྱུར།  
\v 7 དེ་བས་ལྟོས་དང་། གཙོ་བོས་ཟབ་ཅིང་རྒྱས་པའི་གཙང་པོ་མང་པོ་སྟེ་ཨ་སུར་རྒྱལ་པོའི་གཟི་དཔལ་ཐམས་ཅད་དེ་དག་གི་སྟེང་ལ་འདྲེན་ཞིང་། ཆུ་དེ་ཡར་རྒྱས་ནས་ཆུ་རྐའི་གོང་ལ་བཞུར་ཞིང་། ཆུ་འགྲམ་བརྒྱུད་ནས་བཞུར་འགྲོ།  
\v 8 ཆུ་རྒྱས་ཤིང་རྡོལ་ནས་ཡ་ཧུ་དཱའི་དཀྱིལ་གཤག་ཅིང་དེའི་སྐེ་མཚམས་བར་དུ་རྒྱག་ངེས། ཀྱེ་ཨིམ་མཱ་ནུ་ཨེལ། དེའི་གཤོག་པ་རྣམས་ཕྱི་ལ་བརྐྱངས་ཏེ་ཁྱོད་ཀྱི་ཡུལ་ཁམས་རྒྱ་ཆེན་པོ་ཁེངས་པར་འགྱུར་རོ། །   
\p
\v 9 ཀྱེ་མི་རྣམས། ངན་སྤྱོད་སྤེལ་དང་ཁྱོད་ཅག་སིལ་བུར་འཐོར་འགྲོ། རྒྱང་རིང་གི་མི་རིགས་རྣམས་ཀྱིས་རྣ་བ་གཏོད་དང་། ཁྱོད་ཚོས་སྐ་རགས་བཅིངས་ \f + \ft འདིར་སྐ་རགས་བཅིངས་ཞེས་པ་ནི་ཡ་ཧུ་དཱ་པའི་སྐད་དོད་ལྟར་ན་ལས་ཀ་དང་ཡང་ན་དམག་འཐབ་ལ་ཞུགས་གྲབས་བྱེད་པའི་བྱ་སྤྱོད་ལ་འཇུག\f*ནའང་སིལ་བུར་འཐོར་འགྲོ། ཁྱོད་ཚོས་སྐ་རགས་བཅིངས་ནའང་སིལ་བུར་འཐོར་འགྲོ།  
\v 10 ཁྱོད་ཚོས་གྲོས་མོལ་བྱས་ཀྱང་དོན་ཅི་ཡང་མི་འགྲུབ། ཁྱོད་ཚོས་གྲོས་གཞི་བཏོན་ཡང་ནུས་པ་མི་ཐོན། ཅི་ལ་ཞེ་ན། དཀོན་མཆོག་ང་ཚོ་དང་ལྷན་དུ་བཞུགས་པས་སོ། །  
\v 11 དཀོན་མཆོག་ཡ་ཝཱེས་དེ་ལྟར་ཉིད་ཀྱི་མཐུ་སྟོབས་ཆེན་པོའི་ཕྱག་གིས་ང་རང་བསྐྱོར་ནས། མི་འདི་དག་ནང་ལྟར་འགྲོ་མི་རུང་བའི་བཀའ་སློབ་བསྩལ་ནས་འདི་སྐད་དུ།  
\v 12 མི་འདི་རྣམས་ཀྱིས་ཇུས་ངན་དུ་འབོད་པ་རྣམས་ཁྱོད་ཚོས་ཇུས་ངན་དུ་འབོད་མི་རུང་ལ། ཁོ་ཚོ་སྐྲག་ས་དེར་ཁྱོད་སྐྲག་མི་དགོས་ལ་སྔངས་ཀྱང་མི་དགོས།  
\v 13 འོན་ཀྱང་། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ནི་ཁྱོད་ཚོས་དམ་པ་རུ་བཀུར་དགོས་ཤིང་། ཁོང་ལ་ཁྱོད་རྣམས་སྐྲག་ནས་སྔངས་དགོས་པ་ཡིན།  
\v 14 དེ་ནས་ཁོང་ནི་ཁྱོད་ཀྱི་གནས་མཆོག་ཏུ་འགྱུར། འོན་ཀྱང་ཡེས་ར་ཨེལ་གྱི་ཁྱིམ་རྒྱུད་གཉིས་ལ་བཀག་རྡོ་དང་ས་རུ་སྒྱེལ་བའི་ཕ་བོང་དུ་འགྱུར་བ་དང་། ཡེ་རུ་སཱ་ལེམ་གྱི་མི་རྣམས་ལ་རྙི་རྒྱ་དང་དྲ་བ་རུ་འགྱུར་ངེས་ཡིན།  
\v 15 དེ་དག་ལས་མི་མང་པོ་ཁ་སྦུབ་ཏུ་ལོག་ནས་སར་འགྱེལ་ཞིང་འཐོར་བ་དང་། རྙི་ལ་ཚུད་ནས་འཛིན་པར་འགྱུར་ཞེས་གསུངས་སོ། །  
\v 16 ཁྱོད་ཀྱིས་བཀའ་ཁྲིམས་ཀྱི་ཤོག་དྲིལ་བསྒྲིལ་ནས་ངའི་རྗེས་འབྲང་པའི་དཀྱིལ་དུ་བཀའ་སློབ་ལ་ཐམ་ཀ་རྒྱོབས།  
\v 17 ངས་ཡ་ཀོབ་ཀྱི་ཁྱིམ་རྒྱུད་ལ་ཡིབས་པའི་དཀོན་མཆོག་ཡ་ཝཱེའི་ཞལ་རས་མཇལ་བར་སྒུག་པར་བྱ། ངས་ཁོང་ལ་རེ་ལྟོས་བཅང་བར་བྱ།  
\v 18 ལྟོས་དང་། ང་རང་ཉིད་དང་དཀོན་མཆོག་ཡ་ཝཱེས་ང་ལ་གནང་བའི་བུ་ཕྲུག་རྣམས་ནི་ཡེས་ར་ཨེལ་ནས་རྟགས་དང་མཚན་མ་རུ་ལངས་ཤིང་། དེ་ནི་རི་བོ་ཛ་ཡན་དུ་བཞུགས་པའི་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ནས་བྱུང་བའོ། །   
\p
\v 19 གལ་སྲིད་དེ་དག་གིས་ཁྱོད་ལ། ལྷ་པ་དང་མོ་པ་སྟེ་ཤབ་ཤུབ་སྨྲ་མཁན་དག་ལ་བསྟེན་དགོས་ཞེས་སྨྲ་བ་ཡིན་ན། ཁྱོད་ཅག་གི་མི་རྣམས་ཀྱིས་རང་གི་དཀོན་མཆོག་ལ་བཀའ་འདྲི་ཞུ་དགོས་པ་མིན་ནམ། གསོན་པོའི་དོན་དུ་གཤིན་པོ་ལ་འདྲི་རུང་ངམ་ཞེས་ལན་འདེབས་དགོས།  
\v 20 མི་རྣམས་ཀྱིས་བཀའ་ཁྲིམས་དང་བཀའ་གསུང་ཚད་གཞི་རུ་འཛིན་དགོས་པ་དང་། ཁོ་ཚོའི་སྨྲ་བརྗོད་དེ་དང་མི་མཐུན་ན། དེ་དག་གིས་སྐྱ་རེངས་མཐོང་མི་སྲིད།  
\v 21 དེ་ཚོས་དཀའ་སྡུག་དང་ལྟོགས་སྐོམ་མྱོང་བཞིན་ཡུལ་དེ་བརྒྱུད་ནས་འགྲོ་ལ། ཁོ་ཚོ་ལྟོགས་པའི་ཚེ་ཁྲོས་ནས་རང་གི་རྒྱལ་པོ་དང་རང་གི་དཀོན་མཆོག་ལ་དམོད་མོ་འདེབས་ངེས།  
\v 22 དེ་དག་གིས་མགོ་ཡར་བཏེགས་ནས་ནམ་མཁར་བལྟ་ཞིང་། ཡང་ཐུར་དུ་ས་གཞིར་བལྟ་བའི་ཚེ། དེ་རུ་དཀའ་སྡུག་དང་མུན་ནག སྨག་རུམ་བཅས་ཀྱི་སྡུག་བསྔལ་གྱིས་ཁེངས་ཤིང་། དེ་དག་སྨག་རུམ་སྟུག་པོའི་ཁྲོད་འདེད་པར་འགྱུར་རོ། །   
\c 9
\cl ལེའུ་དགུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ང་ཚོའི་ཆེད་དུ་ཕྲུ་གུ་ཞིག་འཁྲུངས་པ།  
\p
\v 1 ཡིན་ནའང་སྔར་དཀའ་སྡུག་མྱངས་པ་དག་གི་སྨག་རུམ་ཡལ་བར་འགྱུར་ཞིང་། སྔར་དཀོན་མཆོག་གིས་ཟེ་བུ་ལུན་དང་ནཱབ་ཐ་ལིའི་ཡུལ་གཉིས་ལ་ཁྱད་གསོད་བྱེད་དུ་བཅུག་ནའང་། རྗེས་སུ་ཁོང་གིས་རྒྱ་མཚོའི་འགྲམ་རྒྱུད་དང་ཡོར་དན་གཙང་པོའི་ཕར་ཕྱོགས། ཕྱི་ཕྱོགས་པའི་ག་ལིལ་ཡུལ་བཅས་སུ་གཟི་བརྗིད་འཐོབ་པར་བྱའོ། །  
\v 2 མུན་པའི་ནང་དུ་བགྲོད་པའི་མི་རྣམས་ཀྱིས་འོད་ཟེར་ཆེན་པོ་མཐོང་བ་དང་། སྨག་རུམ་ཡུལ་དུ་གནས་པ་རྣམས་ཀྱི་སྟེང་དུ་འོད་འཕྲོ་བར་འགྱུར།  
\v 3 ཁྱེད་ཀྱིས་རྒྱལ་ཁམས་འདིའི་མི་རྣམས་མང་དུ་སྤེལ་ཞིང་དེ་དག་ལ་དགའ་སྤྲོ་གནང་བ་དང་། མི་རྣམས་ནི་སྟོན་ཐོག་བསྡུ་སྐབས་དགའ་ཞིང་བཅོམ་ནོར་བགོ་བཤའ་རྒྱག་དུས་སྤྲོ་བ་ནང་བཞིན་ཁྱེད་ཀྱི་དྲུང་དུ་དགའ་བར་འགྱུར་རོ། །  
\v 4 ཅི་ལ་ཞེ་ན། ཁྱེད་ཀྱིས་མིད་ཡཱན་ཡུལ་དུ་གང་ཞིག་མཛད་པའི་ཉིན་མོ་བཞིན་དུ། དེ་དག་གིས་འཁུར་བའི་གཉའ་ཤིང་དང་ཕྲག་གི་དབྱུག་པ། དེ་དག་ལ་བརྙས་བཅོས་བྱེད་མཁན་གྱི་ལྕུག་ཕྲན་རྣམས་བཅག་པ་དང་།  
\v 5 གཡུལ་འཁྲུག་གི་ཟིང་ཆའི་ནང་ཞུགས་པའི་དམག་མི་ཐམས་ཅད་ཀྱི་ལྷམ་དང་། ཁྲག་གི་ནང་དུ་གྲིལ་བའི་གྱོན་གོས་རྣམས་འབར་རྫས་སུ་གྱུར་ནས་མེ་རུ་བསྲེག་པར་འགྱུར་བའི་ཕྱིར་དང་།  
\v 6 ཡང་ང་ཚོའི་ཆེད་དུ་ཕྲུ་གུ་ཞིག་འཁྲུངས་ཤིང་ང་ཚོ་ལ་སྲས་ཤིག་གནང་བ་ཡིན། སྲིད་དབང་ཁོང་གི་ཕྲག་ལ་མནབས་པ་དང་། ཁོང་གི་མཚན་ལ་ངོ་མཚར་བའི་ཇུས་འདོན་མཁན་དང་ཀུན་དབང་གི་དཀོན་མཆོག རྟག་པའི་ཡབ་ཆེན། ཞི་བདེའི་རྒྱལ་སྲས་བཅས་སུ་འབོད་པའོ། །  
\v 7 ཁོང་གི་སྲིད་དབང་དང་ཞི་བདེ་ནི་མུ་མཐའ་མེད་པར་འཕེལ་ཞིང་། ཁོང་གིས་དཱ་བིད་ཀྱི་བཞུགས་ཁྲིའི་སྟེང་ཉིད་ཀྱི་རྒྱལ་སྲིད་བསྐྱང་བ་དང་། དུས་རྟག་ཏུ་དྲང་གཞག་དང་དྲང་བདེན་ངང་རྒྱལ་སྲིད་བརྟན་པོར་བཟོས་ནས་སྲུང་སྐྱོབ་བྱེད། དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་འཁུར་ཞེན་གྱིས་དེ་ལྟར་མཛད་ངེས་སོ། །   
\s1 དཀོན་མཆོག་ནི་ཡེས་ར་ཨེལ་གྱི་སྟེང་དུ་ཐུགས་ཁྲོས་པ།  
\p
\v 8 དཀོན་མཆོག་ཡ་ཝཱེས་ཡ་ཀོབ་ལ་བཀའ་བསྩལ་བ་དང་བཀའ་དེ་ཡེས་ར་ཨེལ་གྱི་སྟེང་ལ་འབབ་པར་འགྱུར།  
\v 9 མི་ཐམས་ཅད་དེ་ཨེ་ཕཱར་ཡིམ་དང་སཱ་མར་ཡའི་མི་རྣམས་ཀྱིས་དོན་འདི་རྟོགས་པར་འགྱུར། ཁོ་རྣམས་ཀྱིས་ང་རྒྱལ་དང་ཁེངས་དྲེགས་ཀྱི་སེམས་བཅངས་ཏེ་ན་རེ།  
\v 10 སོ་ཕག་གི་མཁར་གྱང་ལོག་ནའང་ང་ཚོས་རྡོ་འཇམ་ཤ་ཅན་གྱིས་བརྩིག་པར་བྱ། འོ་སེ་ཤིང་རྣམས་བཅད་ཀྱང་དེའི་ཚབ་ལ་ཐང་ཤིང་གིས་བྱའོ་ཞེས་སྨྲས།  
\v 11 དེ་བས་དཀོན་མཆོག་ཡ་ཝཱེས་རེ་ཙིན་གྱི་དགྲ་རྣམས་སྟོབས་ཤུགས་རྒྱས་པར་མཛད་ནས་ཡེས་ར་ཨེལ་ལ་རྒོལ་བར་འདྲེན་ཞིང་། ཡེས་ར་ཨེལ་གྱི་དགྲ་རྣམས་ལ་ངར་སློང་བར་འགྱུར།  
\v 12 ཤར་ཕྱོགས་ནས་ཨ་རམ་པ་དང་ནུབ་ཕྱོགས་ནས་ཕེ་ལེ་ཤེད་པ་རྣམས་ཡོད་ཅིང་། དེ་དག་གིས་ཁ་གདངས་ནས་ཡེས་ར་ཨེལ་ནི་ཁྱུར་མིད་བཏང་། དེ་ལྟ་ནའང་དཀོན་མཆོག་ཡ་ཝཱེའི་ཐུགས་ཁྲོ་མ་ཞི་བར་ཁོང་གི་ཕྱག་ནི་སྔར་བཞིན་བརྐྱངས་ཡོད་པའོ། །   
\p
\v 13 མི་འདི་རྣམས་ད་དུང་ཁོ་ཚོར་ཉེས་ཆད་གཅོད་མཁན་ཏེ་དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་ཕྱོགས་སུ་འཁོར་མེད་ལ། ཁོང་བཙལ་ཡང་མ་བཙལ།  
\v 14 དེ་བས་དཀོན་མཆོག་ཡ་ཝཱེས་ཡེས་ར་ཨེལ་གྱི་མགོ་དང་རྔ་མ་དང་། ཏ་ལའི་ཡལ་ག་དང་འདམ་རྩྭ་བཅས་ཉིན་གཅིག་གི་ནང་དུ་གཅོད་ངེས་ཡིན།  
\v 15 རྒན་པ་དང་ཆེ་མཐོང་ཅན་རྣམས་ནི་མགོ་དང་། རྫུན་གྱི་སློབ་སྟོན་གནང་མཁན་གྱི་ལུང་སྟོན་པ་ནི་མཇུག་མའོ། །  
\v 16 ཅི་ལ་ཞེ་ན། འགོ་དཔོན་དག་གིས་མི་རྣམས་ལོག་ལམ་དུ་ཁྲིད་པ་དང་། སྣེ་ཁྲིད་འོག་གི་མི་རྣམས་ཟང་ཟིང་དུ་ལུས་སོ། །  
\v 17 མི་དེ་ཐམས་ཅད་ནི་དད་པ་མེད་ཅིང་ངན་པ་ཡིན་ལ་ཀུན་གྱིས་བླུན་གཏམ་སྨྲ་བས། དཀོན་མཆོག་ཡ་ཝཱེ་དེ་དག་གི་མི་དར་མ་རྣམས་ལ་ཐུགས་མི་དགྱེས་པར་མ་ཟད། དེ་དག་གི་དྭ་ཕྲུག་རྣམས་དང་ཡུགས་མོ་རྣམས་ལའང་སྙིང་རྗེ་མི་དགོངས། དེ་ལྟ་ནའང་དཀོན་མཆོག་ཡ་ཝཱེའི་ཐུགས་ཁྲོ་མ་ཞི་བར་ཁོང་གི་ཕྱག་ནི་སྔར་བཞིན་བརྐྱངས་ཡོད་པའོ། །   
\p
\v 18 དེ་དག་གི་ངན་རུལ་མེ་ལྟར་འབར་ཏེ། ཚེར་སྡོང་དང་ཚེར་མ་རྣམས་ཁྱུར་མིད་གཏོང་ཞིང་། ནགས་ཚལ་སྟུག་པོ་ལའང་མེ་སྦར་ནས་མེ་ལྕེ་དགུང་ལ་མཆེད་ཅིང་དུ་བའི་ཀ་བར་འགྱུར་རོ། །  
\v 19 དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་ཐུགས་ཁྲོ་དྲག་པོས་ཡུལ་དེ་ཁྱུར་མིད་གཏོང་བ་དང་། མི་རྣམས་མེ་སྦར་བའི་འབར་རྫས་ལྟར་གྱུར་པས་རང་གི་སྤུན་ཟླ་ལ་གུ་ཡངས་གཏོང་མཁན་གཅིག་ཀྱང་མེད།  
\v 20 དེ་ཚོས་ལག་གཡས་པའི་ཤ་བཅད་ནས་ཟོས་ཀྱང་སྔར་བཞིན་བཀྲེས་པ་དང་། ལག་གཡོན་པའི་ཤ་ཟོས་ཀྱང་ད་དུང་མགུ་མི་ཁེངས། དེ་དག་གིས་རང་རང་གི་དཔུང་ཤ་བཟའ་བར་འགྱུར།  
\v 21 མཱ་ན་ཤེ་ཡིས་ཨེ་ཕཱར་ཡིམ་ཁྱུར་མིད་གཏོང་ཞིང་། ཨེ་ཕཱར་ཡིམ་གྱིས་མཱ་ན་ཤེ་ཁྱུར་མིད་གཏོང་བ་དང་། དེ་རྣམས་བསྡོངས་ནས་ཡ་ཧུ་དཱ་ལ་ཕར་རྒོལ་བྱེད། དེ་ལྟ་ནའང་དཀོན་མཆོག་ཡ་ཝཱེའི་ཐུགས་ཁྲོ་མ་ཞི་བར་ཁོང་གི་ཕྱག་ནི་སྔར་བཞིན་བརྐྱངས་ཡོད་པའོ། །   
\c 10
\cl ལེའུ་བཅུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\p
\v 1 དྲང་བདེན་མིན་པའི་ཁྲིམས་གཏན་ལ་འབེབས་མཁན་དང་གཡོ་སྒྱུའི་ཁྲིམས་གཅོད་ཟིན་ཐོར་འགོད་མཁན་དག་ལ་ཆག་སྒོ་འབྱུང་སྟེ།  
\v 2 དེ་དག་གིས་དེར་བརྟེན་ནས་བདག་གི་འབངས་མིའི་ཁྲོད་ཀྱི་དབུལ་པོ་རྣམས་ཀྱི་དྲང་བདེན་མེད་པར་བཟོ་ཞིང་། དཀའ་སྡུག་ཅན་རྣམས་ཀྱི་ཁེ་དབང་ཕྲོགས་ནས། ཡུགས་མོ་དང་དྭ་ཕྲུག་གི་རྒྱུ་ནོར་འཕྲོག་བཅོམ་བྱེད་པའོ། །  
\v 3 ཉེས་ཆད་གཅོད་པའི་ཉིན་མོར་ཆག་སྒོ་ཐག་རིང་ནས་སླེབ་ཡོང་དུས་ཁྱོད་ཅག་གིས་ཅི་བྱའམ། ཁྱོད་ཅག་མགོན་སྐྱབས་སུ་ཡི་དྲུང་དུ་འབྲོའམ། ཁྱོད་ཅག་གི་རྒྱུ་ནོར་གང་དུ་བསོག་དགོས་སམ།  
\v 4 ཁྱོད་ཅག་བཙོན་པ་རྣམས་ཀྱི་ཁྲོད་དུ་པུས་མོ་སར་བཙུགས་ནས་སྡོད་པའམ། ཡང་ན་ཤི་བོ་རྣམས་ཀྱི་དཀྱིལ་དུ་འགྱེལ་བར་འགྱུར། དེ་ལྟ་ནའང་དཀོན་མཆོག་ཡ་ཝཱེའི་ཐུགས་ཁྲོ་མ་ཞི་བར་ཁོང་གི་ཕྱག་ནི་སྔར་བཞིན་བརྐྱངས་ཡོད་པའོ། །   
\p
\v 5 བདག་གི་ཁོང་ཁྲོའི་ལྕུག་ཕྲན་ཏེ་ཨ་སུར་ལ་ཆག་སྒོ་འབྱུང་ངོ་། །དེ་དག་གི་ལག་ཏུ་བདག་གི་ཁོང་ཁྲོའི་དབྱུག་པ་ཡོད།  
\v 6 བདག་གིས་དེ་ནི་དད་པ་མེད་པའི་རྒྱལ་ཁམས་ཤིག་དང་ང་ལ་ཁོང་ཁྲོ་སློང་བའི་མི་རྣམས་ལ་རྒོལ་བར་མངགས་ཏེ། རྒྱུ་ནོར་མང་པོ་འཕྲོག་བཅོམ་བྱེད་པ་དང་། དེ་དག་སྲང་ལམ་གྱི་འདམ་མྱགས་ལྟར་བརྫི་བར་བྱ་དགོས།  
\v 7 འོན་ཀྱང་ཨ་སུར་གྱིས་དེ་ལྟ་བུ་ཡིད་ལ་དྲན་མྱོང་མེད་ལ། སེམས་སུའང་དེ་ལྟ་བུ་བྱེད་འདོད་མེད། ཁོའི་སེམས་ཀྱི་དམིགས་བྱ་ནི་མི་རིགས་མང་པོ་རྩ་མེད་གཏོང་རྒྱུ་དེ་ཡིན།  
\v 8 ཅི་ལ་ཞེ་ན། ཁོའི་སེམས་སུ་ངའི་ལག་འོག་གི་དམག་དཔོན་ཐམས་ཅད་ནི་རྒྱལ་པོ་མ་ཡིན་ནམ།  
\v 9 ཀལ་ནོ་ནི་ཀར་ཀེ་མི་སི་དང་མི་འདྲའམ། ཧ་མཱད་ནི་ཨར་ཕད་དང་མི་འདྲའམ། སཱ་མར་ཡ་ནི་དཱ་མེ་སེག་དང་མི་འདྲའམ།  
\v 10 བདག་གི་ལག་པ་ནི་ལྷ་སྐུ་ཡིས་ཁེངས་པའི་རྒྱལ་ཁམས་དག་ལ་བརྐྱངས་པ་དང་། དེ་དག་གིས་བརྐོས་པའི་ལྷ་སྐུ་ནི་ཡེ་རུ་སཱ་ལེམ་དང་སཱ་མར་ཡ་ལས་ཀྱང་མང་ངོ་། །  
\v 11 བདག་གིས་སཱ་མར་ཡའི་ལྷ་སྐུ་རྣམས་ལ་ཅི་ལྟར་བྱས་པ་ཡིན་ན། ཡེ་རུ་སཱ་ལེམ་དང་དེའི་ལྷ་སྐུ་རྣམས་ལའང་དེ་ལྟར་བྱེད་པ་མ་ཡིན་ནམ་ཞེས་སྨྲ་བའོ། །  
\v 12 གཙོ་བོས་རི་བོ་ཛ་ཡན་དང་ཡེ་རུ་སཱ་ལེམ་དུ་ཉིད་ཀྱི་ཕྱག་ལས་རྣམས་བསྒྲུབས་ཟིན་པའི་ཚེ། ཁོང་གིས་འདི་སྐད་དུ། བདག་གིས་ཨ་སུར་རྒྱལ་པོའི་ང་རྒྱལ་གྱི་སེམས་ནས་སྨིན་པའི་འབྲས་བུ་དང་ཁེངས་དྲེགས་ཀྱི་མིག་མདངས་ལ་ཆད་པ་གཅོད་པར་བྱ་ཞེས་གསུང་ངེས་ཏེ།  
\v 13 ཅི་ལ་ཞེ་ན། ཁོས་འདི་ལྟར་སྨྲས་ཡོད་དེ། བདག་ལ་བློ་གྲོས་ལྡན་པས་ངས་རང་གི་ལག་པའི་ནུས་མཐུ་དང་རང་གི་ཤེས་རབ་ལ་བརྟེན་ནས་འདི་ལྟར་བྱས་པ་ཡིན། མི་རིགས་མང་པོའི་ས་མཚམས་སྤར་ཅིང་ཁོ་རྣམས་ཀྱིས་བསགས་པའི་རྒྱུ་ནོར་ཕྲོགས་པ་དང་། ང་རང་ནི་དཔའ་རྒོད་ཅིག་དང་འདྲ་བར་དེ་དག་གི་ཡུལ་མི་རྣམས་མར་ཕབ་པ་ཡིན་ལ།  
\v 14 བདག་གི་ལག་པ་ནི་བྱ་ཚང་ཟིན་པ་ལྟར་མི་རིགས་རྣམས་ཀྱི་རྒྱུ་ནོར་ལ་བསྲིངས་པ་དང་། མི་ཡིས་གཞན་གྱིས་དོར་བའི་སྒོ་ང་མང་པོ་འཐུ་བ་བཞིན་ངས་ས་གཞི་ཡོངས་སུ་བླངས་ནའང་། ང་ལ་གཤོག་པ་བརྐྱང་མཁན་དང་ཁ་གདང་མཁན་མེད་ལ། ཀྱུར་སྒྲ་ཙམ་འབྱིན་མཁན་ཡང་མ་བྱུང་ངོ་། །   
\p
\v 15 སྟ་རེས་ཤིང་གཅོད་མཁན་ལ་རང་བསྟོད་བྱེད་དམ། ཤིང་གཤག་མཁན་གྱི་མདུན་དུ་སོག་ལེ་ཡིས་རང་གི་མགོ་བོ་དགྱེ་དགྱེ་བྱེད་དམ། ལྕུག་ཕྲན་འཕྱར་མཁན་དེ་ལྕུག་ཕྲན་གྱིས་འཕྱར་ནུས་སམ། དབྱུག་པས་ནི་ཤིང་མིན་པ་ཞིག་གཡུག་ཐུབ་བམ།  
\v 16 དེ་བས་དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་ཨ་སུར་རྒྱལ་པོའི་དམག་མི་གཟུགས་སྟོབས་ཅན་རྣམས་ཀྱི་ཁྲོད་དུ་ཉམས་རྒུད་ཀྱི་ནད་ཡམས་གཏོང་ཞིང་། ཁོང་གི་གཟི་དཔལ་མེ་ལྟར་འབར་ནས་མཆེད་པར་བྱ་སྟེ།  
\v 17 ཡེས་ར་ཨེལ་གྱི་འོད་ནི་མེ་དང་། དེ་དག་གི་དམ་པ་ཉིད་མེ་ལྕེ་རུ་གྱུར་ནས་ཨ་སུར་རྒྱལ་པོའི་ཚེར་སྡོང་དང་ཚེར་མ་རྣམས་ཉིན་གཅིག་ལ་བསྲེགས་ནས་ཁྱུར་མིད་གཏོང་ངོ་། །  
\v 18 ཡང་ཁོའི་ནགས་ཚལ་དང་ས་ཞིང་གཤིན་པོའི་གཟི་དཔལ་རྩ་ནས་མེད་པར་བཟོ་ཞིང་། མི་ཞིག་ན་ཚས་གཟིར་བ་དང་འདྲ་བར་རྣམ་ཤེས་དང་ཕུང་པོ་གཉིས་སར་ཟགས་ནས།  
\v 19 ཁོའི་ནགས་ཚལ་ལས་བྱིས་པས་ཀྱང་གྲངས་ཀ་ལེན་ཐུབ་པའི་སྡོང་པོ་ཁ་ཤས་ལས་ལུས་པར་མི་འགྱུར་རོ། །   
\s1 ཡེས་ར་ཨེལ་གྱི་ཤུལ་ལུས་རྣམས་ཕྱིར་ལོག་པ།  
\p
\v 20 ཉིན་མོ་དེར་ཡེས་ར་ཨེལ་གྱི་ཤུལ་ལུས་རྣམས་དང་ཡ་ཀོབ་ཀྱི་ཁྱིམ་རྒྱུད་ལས་ཐར་བ་རྣམས་ཁོ་ཚོར་རྡུང་རྡེག་གཏོང་མཁན་ལ་མི་བརྟེན་པར། བློ་གཅིག་སེམས་གཅིག་གིས་ཡེས་ར་ཨེལ་གྱི་དམ་པ་ཉིད་དེ་དཀོན་མཆོག་ཡ་ཝཱེ་ལ་བརྟེན་པར་འགྱུར།  
\v 21 ཤུལ་ལུས་རྣམས་ཏེ་ཡ་ཀོབ་རྒྱུད་ཀྱི་ཤུལ་ལུས་རྣམས་ནི་ཀུན་དབང་དཀོན་མཆོག་གི་ཕྱོགས་སུ་འཁོར་བར་འགྱུར།  
\v 22 ཀྱེ་ཡེས་ར་ཨེལ་པ་རྣམས། ཁྱོད་ཀྱི་རིགས་རྒྱུད་རྒྱ་མཚོའི་བྱེ་མ་ལྟར་མང་ན་ཡང་། དེའི་ཁྲོད་ཀྱི་ཤུལ་ལུས་འབའ་ཞིག་ཕྱིར་ལོག་ཐུབ་པ་ཡིན། ཅི་ལ་ཞེ་ན། རྩ་མེད་གཏོང་བའི་དོན་ནི་གཏན་ལ་ཕབ་ཟིན་ལ། དྲང་བདེན་ནི་ཆུ་བོ་རྒྱས་པ་བཞིན་འབྱུང་ངོ་། །  
\v 23 དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་ཡུལ་ཁམས་ཡོངས་སུ་རྩ་མེད་གཏོང་བའི་དོན་གཏན་ལ་ཕབ་ཟིན་པ་དེ་འགྲུབ་པར་མཛད་པའི་ཕྱིར་རོ། །   
\p
\v 24 དེའི་ཕྱིར་དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་འདི་སྐད་དུ། ཀྱེ་བདག་གི་འབངས་མི་ཛ་ཡན་དུ་གནས་པ་རྣམས། ཨ་སུར་པས་ཁྱོད་རྣམས་ལ་ལྕུག་ཕྲན་གྱིས་རྡེག་ཅིང་། ཨེ་ཅིབ་པ་ནང་བཞིན་དབྱུག་པ་བཏེགས་ནས་ཁྱོད་ཚོར་བརྡུངས་ནའང་དེ་རྣམས་ལ་སྐྲག་མི་དགོས།  
\v 25 ཅི་ལ་ཞེ་ན། བདག་གིས་ཁྱོད་ཅག་ལ་བཅངས་པའི་ཁོང་ཁྲོ་ནི་དུས་ཡུན་ཐུང་ངུའི་ནང་ཞི་བར་འགྱུར་ཞིང་། ངའི་ཁོང་ཁྲོ་ནི་ཁོ་ཚོའི་ཕྱོགས་སུ་འཁོར་ནས་དེ་ཚོ་མེད་པར་གཏོང་བའོ་ཞེས་གསུངས་སོ། །  
\v 26 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་ཨོ་རེབ་ཀྱི་བྲག་ཁ་ནས་མིད་ཡཱན་པ་རྣམས་བསད་པ་ནང་བཞིན་ལྕག་ཚན་གྱིས་ཁོ་རྣམས་ལ་གཞུ་ཞིང་། ཁོང་གིས་ཨེ་ཅིབ་པ་ལ་ཅི་བྱས་པ་ལྟར། ཉིད་ཀྱི་དབྱུག་པ་རྒྱ་མཚོའི་ཕྱོགས་སུ་འཕྱར་རོ། །  
\v 27 ཉིན་མོ་དེར་ཨ་སུར་པའི་ཁུར་པོ་ལྗིད་མོ་ཁྱོད་ཅག་གི་ཕྲག་སྟེང་ནས་ཡལ་ཞིང་། དེ་དག་གི་གཉའ་ཤིང་ཁྱོད་རྣམས་ཀྱི་སྐེ་ནས་ཆག་པར་འགྱུར། ཁྱོད་ལ་ཤེད་ཤུགས་རྒྱས་པའི་རྐྱེན་གྱིས་གཉའ་ཤིང་དེ་ཆག་པར་འགྱུར་རོ། །  
\v 28 ཨ་སུར་པ་རྣམས་ཨ་ཡད་ལ་སླེབས་ཤིང་མག་རོན་བརྒྱུད་ནས་སོང་བ་དང་། མིགས་མཱ་སི་ལ་དམག་དཔུང་གི་དངོས་པོ་རྣམས་བཞག  
\v 29 ཁོ་ཚོ་ཕར་ཕྱོགས་སུ་བསྐྱོད་དེ་གེ་བཱ་ཡུལ་དུ་ཞག་སྡོད་བྱས་པ་དང་། རཱ་མ་པ་རྣམས་སྐྲག་ཅིང་སོ་ལོ་ཡི་གི་བེ་ཨ་རྣམས་བྲོས།  
\v 30 ཀྱེ་གཱལ་ལིམ་གྱི་ཡུལ་མི་རྣམས་སྐད་ཆེན་པོ་རྒྱོབས་ཤིག ཀྱེ་ལཱ་ཤུ་ཨ་དང་ཉམ་ང་བའི་ཨ་ན་ཐོད་ཀྱིས་རྣ་བ་གཏད་ནས་ཉོན་ཅིག  
\v 31 མད་མེ་ནཱ་བྲོས་བྱོལ་ཕྱིན་པ་དང་། གེ་བིམ་གྱི་ཡུལ་མི་རྣམས་སྐྱབས་བཅོལ་ལ་བུད།  
\v 32 དེ་རིང་ཉིན་མོར་ཨ་སུར་རྒྱལ་པོ་ནོབ་ནས་ལངས་བསྡད་དེ། ཁོས་ཛ་ཡན་བུ་མོའི་རི་བོ་སྟེ་ཡེ་རུ་སཱ་ལེམ་གྱི་རི་བོར་ཁུ་ཚུར་འཕྱར་རོ། །  
\v 33 ལྟོས་དང་། དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་འཇིགས་སུ་རུང་བའི་འུར་སྒྲ་དང་བཅས་ཤིང་གི་ཡལ་ག་རྣམས་གཅོད་ཅིང་། གྱེན་དུ་གཟེངས་པའི་ཤིང་རྣམས་གཅོད་པ་དང་མཐོ་ཞིང་ཆེ་བ་རྣམས་མར་ཕབ་ངེས་ཡིན།  
\v 34 ཁོང་གིས་ནགས་སྟུག་པོ་རྣམས་སྟ་རེས་གཅོད་ཅིང་། མཐུ་སྟོབས་ཆེན་པོའི་བདག་ཉིད་ཀྱིས་ལེ་པཱ་ནོན་འགྱེལ་བར་བྱའོ། །   
\c 11
\cl ལེའུ་བཅུ་གཅིག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 མཱ་ཤི་ཀ་དང་དེའི་རྒྱལ་ཁམས།  
\p
\v 1 དེ་ཡང་ཡེ་སེའི་སྡོང་རྐང་ལས་ལྕུག་ཕྲན་ཞིག་འབུས་ཤིང་། དེའི་རྩ་བ་ནས་སྐྱེ་བའི་ཡལ་ག་ལས་ཤིང་ཏོག་སྨིན་པར་འགྱུར།  
\v 2 དཀོན་མཆོག་ཡ་ཝཱེའི་ཐུགས་ཉིད་དེ། ཤེས་རབ་དང་རྣམ་དཔྱོད་ཀྱི་ཐུགས་ཉིད། མཐུ་སྟོབས་དང་སློབ་སྟོན་གྱི་ཐུགས་ཉིད། མཁྱེན་རྒྱ་དང་དཀོན་མཆོག་ཡ་ཝཱེར་གུས་ཤིང་འཇིགས་པའི་ཐུགས་ཉིད་བཅས་དེའི་སྟེང་དུ་བཞུགས་པར་འགྱུར།  
\v 3 དཀོན་མཆོག་ཡ་ཝཱེར་གུས་ཤིང་འཇིགས་པས་དེར་དགའ་སྤྲོ་ཐོབ་པ་དང་། ཁོང་གིས་མིག་གིས་མཐོང་བ་ཁོ་ནར་བརྟེན་ནས་ཆད་པ་མི་གཅོད་ཅིང་། རྣ་བས་ཐོས་པ་ཇི་བཞིན་ལེགས་ཉེས་ཀྱི་དབྱེ་བ་མི་འབྱེད།  
\v 4 འོན་ཀྱང་ཁོང་གིས་དྲང་བ་ཉིད་ཀྱིས་དབུལ་པོའི་ཁྲིམས་གཅོད་ཅིང་། དྲང་པོས་ས་གཞིའི་ཉམ་ཆུང་རྣམས་སྐྱོང་། དེའི་ཁ་རུ་ཡོད་པའི་ལྕུག་ཕྲན་གྱིས་ས་གཞིར་རྡུང་ཞིང་། དེའི་ཁ་ནང་གི་རླུང་གིས་མི་ངན་རྣམས་ཚར་གཅོད་བྱེད།  
\v 5 དྲང་བ་ཉིད་ནི་ཁོང་གི་སྐ་རགས་དང་། གཞུང་དྲང་ནི་ཁོང་གི་སྐེད་འཆིང་ཡིན་ནོ། །  
\v 6 འཕར་སྤྱང་དང་ལུ་གུ་མཉམ་དུ་འགྲོགས་ཤིང་། གཟིག་དང་ར་ཕྲུག་མཉམ་དུ་གནས་ལ། བ་ཕྲུག་དང་སེང་དར་མ། ཤ་ཤེད་རྒྱས་པའི་ཕྱུགས་ཟོག་བཅས་མཐུན་པོར་གྱུར་ནས་བྱིས་པས་དེ་རྣམས་འཚོ་བར་འགྱུར།  
\v 7 བ་མོ་ཡིས་དོམ་དང་མཉམ་དུ་རྩྭ་བཟའ་ཞིང་། བ་ཕྲུག་ནི་དོམ་ཕྲུག་དང་ལྷན་དུ་ཉལ། སེང་གེས་བ་གླང་བཞིན་དུ་རྩྭ་བཟའ་བ་དང་།  
\v 8 འོ་འཐུང་ཕྲུ་གུ་སྦྲུལ་ཚང་ཁ་ནས་རྩེད་ཅིང་། འོ་ཐག་ཆོད་པའི་བྱིས་པས་རང་གི་ལག་པ་དུག་སྦྲུལ་གྱི་ཚང་ཁར་འཇོག་པ་ཡིན།  
\v 9 བདག་གི་རི་བོ་དམ་པའི་ཡུལ་ཐམས་ཅད་དུ་དེ་དག་གིས་གནོད་ཅིང་འཚེ་བའི་དོན་མི་སྤྱོད་དེ། ཅི་ལ་ཞེ་ན། ཆུ་བོ་རྣམས་ཀྱིས་ཇི་ལྟར་རྒྱ་མཚོ་བཀང་བ་བཞིན་དུ། དཀོན་མཆོག་ཡ་ཝཱེ་རྟོགས་པའི་ཤེས་ཡོན་ནི་ས་གཞི་ཡོངས་སུ་ཁྱབ་པ་དང་།  
\v 10 ཉིན་དེར་ཡེ་སེའི་རྩ་བ་ནི་མི་རིགས་ཀུན་གྱི་དར་ཆ་བཞིན་བསྒྲེང་ཞིང་། རྒྱལ་ཁབ་ཀུན་གྱིས་དེ་འཚོལ་ཞིང་། ཁོང་གི་གནས་ཡུལ་ནི་གཟི་བརྗིད་དང་ལྡན་པར་འགྱུར་རོ། །   
\s1 བཙོན་དུ་ཁྲིད་པའི་མི་རྣམས་ཕྱིར་ལོག་པར་ལུང་བསྟན་པ།  
\p
\v 11 ཡང་ཉིན་དེར་དཀོན་མཆོག་ཡ་ཝཱེས་ཉིད་ཀྱི་ཕྱག་གིས་ཁོང་གི་འབངས་མིའི་ནང་གི་ལྷག་མ་སྟེ། ཨ་སུར་དང་ཨེ་ཅིབ། ཕཱད་རུའུ་སི་དང་གུ་ཤ། ཨེ་ལཱམ་དང་ཤིན་ཨར། ཧ་མཱད་དང་རྒྱ་མཚོའི་གླིང་བཅས་སུ་ཡོད་པ་རྣམས་ཕྱོགས་གཅིག་ཏུ་བསྡུ་བ་དང་།  
\v 12 ཁོང་གིས་རྒྱལ་ཁབ་རྣམས་ཀྱི་ཕྱིར་དུ་དར་ཆ་བསྒྲེངས་ཏེ་བཙོན་དུ་ཁྲིད་པའི་ཡེས་ར་ཨེལ་པ་རྣམས་ཕྱིར་བསྡུ་ཞིང་། ཁ་འཐོར་དུ་སོང་བའི་ཡ་ཧུ་དཱ་པ་རྣམས་ཕྱོགས་བཞི་ནས་བསྡུ་བར་བྱའོ། །  
\v 13 དེ་ནས་ཨེ་ཕཱར་ཡིམ་གྱི་ཕྲག་དོག་གཅོད་པ་དང་། ཡ་ཧུ་དཱ་དགྲ་རུ་འཛིན་མཁན་རྣམས་ཚར་དུ་གཅོད་ཅིང་། ཨེ་ཕཱར་ཡིམ་གྱིས་ཡ་ཧུ་དཱ་ལ་ཕྲག་དོག་མི་བྱ་ཞིང་། ཡ་ཧུ་དཱས་ཀྱང་ཨེ་ཕཱར་ཡིམ་ནི་དགྲ་རུ་མི་འཛིན་ནོ། །  
\v 14 དེ་ཚོ་ནུབ་ཕྱོགས་སུ་ཕེ་ལེ་ཤེད་པའི་རི་རྩེར་མཆོང་སྟེ། མཉམ་དུ་ཤར་ཕྱོགས་པ་འཕྲོག་ཅིང་། ཨེ་དོམ་པ་དང་མོ་ཨབ་ལ་ལག་པ་བརྐྱངས་ཏེ། ཨམ་མོན་པ་རྣམས་ཀྱིས་དེ་དག་གི་ཅི་བཤད་ལ་མཉན་ངེས་ཡིན།  
\v 15 དཀོན་མཆོག་ཡ་ཝཱེས་ཨེ་ཅིབ་ཀྱི་མཚོ་ཁུགས་སྐམ་པར་མཛད་ཅིང་། ཁོང་གིས་ཚ་རླུང་གིས་མཚོ་སྟེང་དུ་ཕྱག་གཡུགས་ནས་དེ་ལ་བརྡུང་ཞིང་། ཆུ་ཕྲན་བདུན་དུ་དགར་ལ། དེ་ནས་མི་རྣམས་ཆུ་ཕྲན་བརྒྱུད་ཀྱང་ལྷམ་ནི་རློན་པར་མི་བྱེད་དོ། །  
\v 16 དེ་ཡང་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་པའི་ཉིན་དང་འདྲ་བར། ཨ་སུར་ནས་ལུས་པའི་དཀོན་མཆོག་གི་མི་སྡེ་ལ་ཕྱིར་ལོག་པའི་ལམ་ཆེན་ཞིག་ཡོད་པར་འགྱུར་རོ། །   
\c 12
\cl ལེའུ་བཅུ་གཉིས་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གིས་བསྐྱབས་པར་བཀའ་དྲིན་ཞུ་བའི་བསྟོད་དབྱངས།  
\p
\v 1 ཉིན་མོ་དེར་ཁྱོད་ཀྱིས་འདི་ལྟར། ཀྱེ་དཀོན་མཆོག་ཡ་ཝཱེ་ལགས། བདག་གིས་ཁྱེད་ལ་བསྟོད་དབྱངས་འབུལ། སྔོན་ཆད་ཁྱེད་བདག་ལ་ཐུགས་ཁྲོས་ཀྱང་། ད་ལྟ་ཁྱེད་ཐུགས་མི་ཁྲོས་པར་ང་ལ་སེམས་གསོ་མཛད།   
\p
\v 2 ལྟོས་དང་། དཀོན་མཆོག་ནི་ངའི་སྐྱབས་མགོན་ལགས། ང་ཁོང་ལ་བརྟེན་ཞིང་འཇིགས་པ་མེད། ཅི་ལ་ཞེ་ན། དཀོན་མཆོག་ཡ་ཝཱེ་ནི་ངའི་སྟོབས་ཤུགས་དང་བསྟོད་དབྱངས་ཡིན་པས་སོ། །ཡང་ཁོང་ནི་ངའི་སྐྱབས་མགོན་དུ་གྱུར་ཏོ་ཞེས་སྨྲའོ། །  
\v 3 དེ་བས་ཁྱོད་རྣམས་ཀྱིས་དགའ་སྤྲོའི་ངང་ནས་སྐྱབས་མགོན་གྱི་ཆུ་མགོ་ནས་ཆུ་ལེན་པར་འགྱུར།  
\v 4 ཉིན་མོ་དེར་ཁྱོད་རྣམས་ན་རེ། དཀོན་མཆོག་ཡ་ཝཱེ་ལ་བཀའ་དྲིན་ཞུས་ནས་ཁོང་གི་མཚན་བརྗོད་ཅིང་། མི་ཐམས་ཅད་ཀྱི་ཁྲོད་དུ་ཁོང་གི་མཛད་པ་བསྒྲགས་ནས། དེ་རྣམས་ལ་ཁོང་གི་བླ་ན་མེད་པའི་མཚན་གླེང་བར་འགྱུར།   
\p
\v 5 ཁོང་གིས་ཆེས་ལེགས་པའི་དོན་རྣམས་མཛད་པ་དང་། དོན་དེ་ས་གཞི་ཡོངས་སུ་ཁྱབ་པའི་ཕྱིར་དུ། ཁྱོད་རྣམས་ཀྱིས་དཀོན་མཆོག་ཡ་ཝཱེ་ལ་བསྟོད་དབྱངས་ཕུལ་ཞིག  
\v 6 ཡེས་ར་ཨེལ་གྱི་དམ་པ་ཁོང་ནི་ཁྱོད་ཅག་གི་ཁྲོད་དུ་གཟི་བརྗིད་ལྡན་པ་ཡིན་པས། ཀྱེ་ཛ་ཡན་གྱི་ཡུལ་མི་རྣམས། ཁྱོད་ཅག་གིས་དགའ་འབོད་བྱོས་ཤིག་ཅེས་སྨྲའོ། །   
\c 13
\cl ལེའུ་བཅུ་གསུམ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 པཱ་པེལ་ལོན་ཕམ་པར་ལུང་བསྟན་པ།  
\p
\v 1 ཨ་མོ་ཟིའི་བུ་ཡེ་ཤ་ཡཱས་མཐོང་བའི་པཱ་པེལ་ལོན་སྐོར་གྱི་བཀའ་ལུང་ནི་འདི་ལྟ་སྟེ།  
\v 2 ཁྱོད་ཀྱིས་སྐྱ་ཐེར་ཐེར་གྱི་རི་རྩེ་ལ་དར་བསྒྲེངས་ནས། མི་རྣམས་ལ་སྐད་བརྒྱབ་སྟེ་ལག་པ་གཡུགས་ཤིག དེ་དག་དབང་ཆེན་ཚོའི་མཁར་སྒོ་ལ་འཛུལ་དུ་ཆུག་དང་།  
\v 3 ངས་ནི་རང་གིས་ཆེད་དུ་བདམས་པའི་དམག་མི་རྣམས་ལ་བཀའ་བབས་ཤིང་། རང་གི་དཔའ་བོ་རྣམས་ཏེ་ང་རྒྱལ་དང་རང་རློམ་ཆེ་བའི་མི་རྣམས་བསྡུས་ནས་བདག་གིས་ཐུགས་ཁྲོ་ནང་དུ་མཛད་པའི་དོན་རྣམས་བསྒྲུབ་པར་འགྱུར།  
\v 4 ཉོན་དང་། རི་རྩེ་ནས་མི་ཚོགས་འདུས་པ་བཞིན་དུ་འུད་སྒྲོག་ཅིང་། ཉོན་དང་། རྒྱལ་ཁབ་མང་པོ་འདུས་པ་བཞིན་དུ་མི་སྡེ་མང་པོའི་འུར་སྒྲ་ཡོད། དེ་ནི་དཔུང་ཚོགས་ཀུན་གྱི་དཀོན་མཆོག་ཡ་ཝཱེས་དམག་མི་བརྩིས་ནས་གཡུལ་འཁྲུག་ལ་བཀོད་འདོམས་མཛད་པ་ཡིན།  
\v 5 ཡུལ་ཁམས་འདི་ཐམས་ཅད་བརླག་པའི་ཕྱིར་དུ། དཀོན་མཆོག་ཡ་ཝཱེ་དང་ཁོང་གི་ཐུགས་ཁྲོའི་མཚོན་ཆ་རྣམས་རྒྱང་རིང་ཡུལ་དང་ས་མཐའ་ནས་སླེབ་ངེས་སོ། །   
\p
\v 6 སྨྲེ་སྔགས་ཐོན་དང་། གང་ལ་ཞེ་ན། དཀོན་མཆོག་ཡ་ཝཱེའི་ཉིན་མོ་སླེབ་ལ་ཉེ་ཞིང་། གཏོར་བརླག་ནི་ཀུན་དབང་ཁོང་ལས་སླེབས་པ་བཞིན་དུ་ཉིན་མོ་འདི་སླེབ་ལ་ཉེ་བས།  
\v 7 མི་རེ་རེའི་ལག་པའི་ཤེད་ཉམས་ཤིང་། མི་རེ་རེའི་སྙིང་རྩ་འདར་བར་འགྱུར།  
\v 8 དེ་དག་ཐམས་ཅད་དངངས་སྐྲག་སྐྱེ་བ་དང་། ཟུག་གཟེར་དང་སྡུག་བསྔལ་གྱིས་དེ་རྣམས་བཟུང་སྟེ་ཤིན་ཏུ་སྡུག་ལ་བསྒྱུར་ནས། ཕྲུ་གུ་བཙའ་བའི་བུད་མེད་བཞིན་དུ་དེ་ཚོས་དངངས་སྐྲག་གིས་ཕན་ཚུན་ལ་བལྟ་ཞིང་། གདོང་མདོག་དམར་པོ་མེ་ལྟར་ཡིན་ནོ། །   
\p
\v 9 ལྟོས་དང་། དཀོན་མཆོག་ཡ་ཝཱེའི་ཉིན་མོ་སླེབ་ལ་ཉེ་ཞིང་། གདུག་རྩུབ་དང་ཞེ་སྡང་། ཐུགས་ཁྲོ་ཆེན་པོ་བཅས་ཀྱིས་ཡུལ་འདི་དབེན་སྟོང་ལ་འགྱུར་བར་བྱ་སྟེ། ཡུལ་འདིའི་སྡིག་ཅན་དག་མེད་པར་མཛད་དོ། །  
\v 10 ནམ་མཁའི་སྐར་མ་དང་སྐར་ཚོམ་གྱིས་འོད་མི་སྤྲོ་ཞིང་། ཉི་མ་ཤར་མ་ཐག་ཏུ་མུན་ནག་འཐིབས། ཟླ་བས་ཀྱང་འོད་སྤྲོ་བར་མི་བྱ།  
\v 11 བདག་གིས་ས་གཞིའི་སྡིག་སྤྱོད་ཀྱི་ཕྱིར་དུ་ཉེས་ཆད་གཅོད་ཅིང་། མི་ངན་གྱི་སྡིག་པའི་ཕྱིར་དུ་དེ་ཚོར་ཉེས་ཆད་བཅད་ནས། བདག་གིས་རང་རློམ་ཅན་གྱི་ང་རྒྱལ་བཅག་སྟེ། གཏུམ་སྤྱོད་ཅན་གྱི་ཁེངས་དྲེགས་ཉམས་པར་བྱ།  
\v 12 བདག་གིས་མི་ནི་གསེར་བཙོ་མ་ལས་ཀྱང་ཉུང་བར་བྱེད་ཅིང་། མི་ནི་ཨོ་ཕིར་གྱི་གསེར་ལས་ཀྱང་ཁྱད་དུ་འཕགས་པར་བྱའོ། །  
\v 13 བདག་ཤིན་ཏུ་ཐུགས་ཁྲོས་པའི་ཉིན་མོ་སྟེ། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ཐུགས་ཁྲོས་པའི་ཉིན་མོར། བདག་གིས་ནམ་མཁའ་བསྒུལ་ཞིང་། ས་གཞི་འདར་ནས་རང་སར་འབྲལ་བར་བྱ།  
\v 14 དེ་ནས་མི་རྣམས་རྔོན་པས་བདའ་བའི་དགོ་བའམ། བདག་པོ་མེད་པའི་ལུག་ཁྱུ་བཞིན་རང་རང་གི་མི་རྣམས་ཀྱི་ཕྱོགས་སུ་འཁོར་ནས་རང་ཡུལ་དུ་འབྲོ་ངེས་ཡིན།  
\v 15 བདས་ནས་རྗེས་ཆོད་པ་ཐམས་ཅད་མཚོན་གྱིས་བསྣུན་ཞིང་། བཟུང་བ་ཐམས་ཅད་རལ་གྲིའི་ཁ་ནས་འགྱེལ་ལོ། །  
\v 16 དེ་ཚོའི་ཕྲུ་གུ་རྣམས་རང་རང་གི་ཕ་མའི་མིག་ལམ་ནས་སར་བསྒྱེལ་ནས་འཆི་བ་དང་། དེ་ཚོའི་ཁང་པ་རྣམས་འཕྲོག་ཅིང་། དེ་ཚོའི་ཆུང་མ་རྣམས་ལའང་བཙན་གཡེམ་ཐེབས་པར་འགྱུར།   
\p
\v 17 ལྟོས་དང་། མཱ་ཏི་པས་དངུལ་གྱི་ཁ་ངོར་མི་བལྟ་ཞིང་གསེར་ལའང་མི་དགའ་བས། བདག་གིས་མཱ་ཏི་པ་རྣམས་བསྐུལ་ནས་དེ་དག་ལ་རྒོལ་བར་འགྱུར།  
\v 18 དེ་དག་གི་གཞུ་ཡིས་གཞོན་ནུ་རྣམས་བསྒྱེལ་བ་དང་། དེ་དག་གིས་ཕྲུ་གུ་ལ་སྙིང་རྗེ་མི་བསྐྱེད་ཅིང་། མིག་གིས་བྱིས་པ་རྣམས་ལ་སྙིང་རྗེས་ཀྱང་མི་གཟིགས་སོ། །  
\v 19 པཱ་པེལ་ལོན་ནི་རྒྱལ་ཁབ་ནང་ནས་བརྗིད་ཉམས་ཅན་དང་། ཀལ་དི་པས་གཟི་བརྗིད་དུ་རྩི་བ་ཞིག་ཡིན། དེ་ནི་དཀོན་མཆོག་གིས་ཕམ་པར་མཛད་པའི་ས་དོམ་དང་གཱ་མོ་ར་གཉིས་དང་འདྲའོ། །  
\v 20 མི་རབས་ནས་མི་རབས་བར་མི་གཅིག་ཀྱང་ཡུལ་དེར་གནས་པར་མི་བྱ་སྟེ། ཨ་རབ་པས་གནས་དེ་རུ་སྦྲ་གུར་མི་ཕུབ་ཅིང་། ཕྱུགས་རྫི་རྣམས་ཀྱིས་ཀྱང་གནས་དེར་ཕྱུགས་འཚོ་བར་མི་བྱའོ། །  
\v 21 ཡུལ་དེར་དབེན་སྟོང་གི་རི་དྭགས་རྣམས་འཚོ་ཞིང་ཉལ་བ་དང་། དེ་དག་གི་ཁང་པ་རྣམས་སུ་ཅེ་སྤྱང་གི་ཀུ་ཅོས་ཁེངས་ཏེ། རྔ་བྱ་དེ་རུ་སྡོད་ཅིང་། ར་རྒོད་རྣམས་དེ་རུ་མཆོང་རྒྱུག་བྱེད།  
\v 22 འཕར་སྤྱང་གི་ཚོགས་ཀྱིས་པཱ་པེལ་ལོན་གྱི་ཕོ་བྲང་དུ་ངར་སྐད་འདོན་ཞིང་། ཁྱི་སྤྱང་ནི་དེ་ཚོའི་ཡིད་དུ་འོང་བའི་འདུ་ཁང་ནང་ཟུག་པར་འགྱུར། པཱ་པེལ་ལོན་ལ་ཉེས་ཆེད་གཅོད་པའི་དུས་སླེབས་ཤིང་དུས་དེ་ནི་ཡུན་མི་རིང་ངོ་། །   
\c 14
\cl ལེའུ་བཅུ་བཞི་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེས་ར་ཨེལ་པ་རྣམས་ཕྱིར་རང་ཡུལ་དུ་ལོག་པ།  
\p
\v 1 དཀོན་མཆོག་ཡ་ཝཱེས་ཡ་ཀོབ་ལ་ཐུགས་རྗེ་དགོངས་ནས་ཡེས་ར་ཨེལ་སླར་ཡང་བདམས་ཤིང་། དེ་དག་རང་ཡུལ་དུ་བདེ་བར་སྡོད་དུས། ཕྱི་རོལ་པ་རྣམས་ཁོ་ཚོ་དང་འདྲེས་ནས་ཡ་ཀོབ་ཀྱི་ཁྱིམ་རྒྱུད་དུ་གཏོགས་པར་འགྱུར།  
\v 2 ཡེས་ར་ཨེལ་པས་དེ་ཚོ་རང་ཡུལ་དུ་འཁྲིད་པར་འགྱུར་ཞིང་། ཡེས་ར་ཨེལ་བུ་རྒྱུད་ཀྱིས་དེ་དག་དཀོན་མཆོག་ཡ་ཝཱེས་གནང་བའི་གནས་སུ་གཡོག་པོ་དང་གཡོག་མོ་རུ་བཀོལ་ནས་རང་ལ་དབང་བར་བྱེད། དེ་དག་གིས་རང་ཉིད་བཙོན་ལ་ཁྲིད་མཁན་རྣམས་བཙོན་དུ་འཁྲིད་ཅིང་། ཁོ་རྣམས་ལ་བརྙས་བཅོས་བྱེད་མཁན་རྣམས་དབང་དུ་བསྒྱུར་ངེས་སོ། །   
\s1 པཱ་པེལ་ལོན་ལ་ཟུར་ཟ་བྱེད་པའི་གླུ།  
\p
\v 3 དཀོན་མཆོག་ཡ་ཝཱེས་ཁྱོད་ཅག་སྡུག་བསྔལ་དང་སེམས་ངལ། བཙན་བཀོལ་བའི་ངལ་ལས་བཅས་ནས་བསྐྱབས་ཏེ། ངལ་གསོ་བའི་ཉིན་མོ་ལོངས་སུ་སྤྱོད་པར་འགྱུར།  
\v 4 དེ་ནས་ཁྱོད་ཅག་གིས་གླུ་བླངས་ཏེ་པཱ་པེལ་ལོན་གྱི་རྒྱལ་པོར་ཟུར་ཟ་བྱས་ཏེ་ན་རེ། མི་ལ་བརྙས་བཅོས་གཉའ་གནོན་བྱེད་མཁན་ཅི་ལྟར་མཚམས་ཆད་དམ། གཏུམ་དྲག་ཅི་ལྟར་མཚམས་བཅད་དམ་ཞེས་སྨྲའོ། །  
\v 5 དཀོན་མཆོག་ཡ་ཝཱེས་མི་ངན་གྱི་དབྱུག་པ་བཅག་ཅིང་དབང་སྒྱུར་པའི་བེ་ཅོན་བརླགས།  
\v 6 དེ་དག་ནི་ཁྲོ་གཏུམ་ནང་དུ་མི་རྣམས་ལ་རྡུང་མཁན་དང་། ཁོང་ཁྲོ་ཆེན་པོས་རྒྱལ་ཁབ་སྐྱོང་མཁན་དང་། བཟོད་བསྲན་མེད་པར་མི་ལ་གནོད་འཚེ་གཏོང་མཁན་དག་ཡིན་ནོ། །  
\v 7 ད་ལྟ་ས་གཞི་ཐམས་ཅད་ལྷིང་འཇགས་ངང་ངལ་གསོ་ཞིང་། མི་རེ་རེས་སྐད་བཏོན་ཏེ་དགའ་འབོད་བྱེད་ཀྱིན་འདུག  
\v 8 གསོམ་ཤིང་དང་ལེ་པཱ་ནོན་གྱི་ཐང་ཤིང་རྣམས་ཀྱིས་ཀྱང་ཁྱོད་ཀྱི་ཕྱིར་དུ་མཉེས་ཏེ་ན་རེ། པཱ་པེལ་ལོན་ཁྱོད་འགྱེལ་ཟིན་པའི་རྗེས་སུ། ད་ནི་ཤིང་གཅོད་མཁན་གཅིག་ཀྱང་ང་ཚོ་གཅོད་པར་མི་འོང་ངོ་ཞེས་སྨྲའོ། །  
\v 9 ས་འོག་ནས་གཤིན་ཡུལ་ཁྱོད་ཕྱིར་འགུལ་ཏེ། ཁྱོད་འོང་བར་བསུ་ཞིང་། ཡང་ཁྱོད་ཀྱི་ཕྱིར་དུ་སྔར་ས་གཞིའི་སྟེང་གི་འགོ་དཔོན་ཡིན་པ་ཀུན་གྱི་རྣམ་ཤེས་སད་དུ་བཅུག་སྟེ། སྔར་རྒྱལ་ཁབ་ཁག་གི་རྒྱལ་པོ་ཡིན་པ་ཐམས་ཅད་ཀྱང་རང་སར་བྲལ་ནས་ཡར་ལངས་པ་ཡིན།  
\v 10 དེ་ཐམས་ཅད་ཀྱིས་ཁྱོད་ལ་ན་རེ། ཁྱོད་ཀྱང་ང་ཚོ་བཞིན་ཉམ་ཆུང་བར་གྱུར་རམ། ཁྱོད་ཀྱང་ངེད་ཅག་དང་འདྲ་བར་གྱུར་རམ་ཞེས་འདྲི་བར་འགྱུར།  
\v 11 ཁྱོད་ཀྱི་གཟི་བརྗིད་དང་རྒྱུད་མངས་ཀྱི་སྒྲ་ནི་མར་གཤིན་ཡུལ་ལ་སླེབས་ཏེ། ཁྱོད་ཀྱི་འོག་ཏུ་ཤ་འབུ་བཏིངས་ཡོད་ལ། ཁྱོད་ཀྱི་སྟེང་དུ་སྐྱག་འབུ་བཀབ་ཡོད་པ་ཡིན།  
\v 12 ཀྱེ་འོད་མདངས་བཀྲ་བའི་སྐར་ཆེན་དང་སྐྱ་རེངས་ཀྱི་བུ་ལགས། ཁྱོད་ཅིའི་ཕྱིར་ནམ་མཁའ་ནས་སར་འཕངས་པ་ཡིན་ནམ། རྒྱལ་ཁབ་ཐམས་ཅད་ཕམ་པར་བརྒྱབ་པ་ཁྱོད་རང་ཅིའི་ཕྱིར་ས་རུ་འགྱེལ་བ་ཡིན།  
\v 13 སྔར་ཁྱོད་ཀྱི་སེམས་སུ། ང་རང་ནམ་མཁར་འཕགས་ཏེ་རང་གི་བཞུགས་ཁྲི་ནི་དཀོན་མཆོག་གི་རྒྱུ་སྐར་ལས་ཀྱང་མཐོ་བར་བཞེངས་ནས། བྱང་ཕྱོགས་ཀྱི་ས་མཐའི་རི་ཚོགས་སྟེང་དུ་འདུག་པ་དང་།  
\v 14 ང་ནི་སྤྲིན་གྱི་མཐོ་སར་འཛེགས་ཏེ། རང་ཉིད་བླ་ན་མེད་པ་དེ་དང་མཚུངས་པར་བྱའོ་སྙམ་ནའང་།  
\v 15 ཁྱོད་ནི་གཤིན་ཡུལ་དུ་གཡུགས་ནས། དོང་གི་ཆེས་གཏིང་སར་ལྷུང་བ་ཡིན།   
\p
\v 16 མཐོང་མཁན་རྣམས་ཀྱིས་ཁྱོད་ལ་མིག་གིས་ཅེ་རེར་བལྟ་ཞིང་ན་རེ། ས་གཞི་སྒུལ་ཞིང་རྒྱལ་ཁབ་འཐོར་དུ་འཇུག་མཁན་དང་།  
\v 17 ས་གཞི་དབེན་སྟོང་དུ་བསྒྱུར་བ་དང་། གྲོང་ཁྱེར་རྣམས་བརླག་པ། བཙོན་གྲོལ་མི་གཏོང་བ་དེ་མི་འདི་ཡིན་ནམ་ཟེར་ཞིང་།  
\v 18 རྒྱལ་ཁབ་ཀུན་གྱི་རྒྱལ་པོ་རྣམས་གཟི་བརྗིད་ངང་རང་རང་གི་དུར་ས་ནས་གཟིམས།  
\v 19 འོན་ཀྱང་ཁྱོད་ནི་གཞན་གྱིས་དོར་བའི་སྡོང་པོའི་ཡལ་ག་བཞིན། རང་གི་དུར་ས་ནས་ཕྱིར་སྐྲོད་པར་འགྱུར། དོང་ནང་གི་རྡོ་ཡོད་སར་གཡུགས་པའི་མི་རྣམས་ཏེ། སྲོག་གྲི་ཁ་ནས་ཤོར་བ་དག་གིས་ཁྱོད་གཡོགས་ཤིང་། ཁྱོད་ནི་མི་ཡིས་རྡོག་བརྫིས་བརྒྱབ་པའི་རོ་དང་འདྲ།  
\v 20 ཁྱོད་ཀྱིས་རང་གི་རྒྱལ་ཁབ་ཉམས་སུ་བཅུག་ཅིང་། རང་གི་མི་དམངས་དམར་གསོད་བཏང་བས། ཁྱོད་ནི་རྒྱལ་པོ་གཞན་དང་མཉམ་དུ་སྦ་བར་མི་བྱ་སྟེ། མི་ངན་དག་གི་བུ་རྒྱུད་ནམ་ཡང་མི་ཡིས་གླེང་བར་མི་བྱའོ། །  
\v 21 ཅིའི་ཕྱིར་ཞེ་ན། ཁོ་ཚོའི་མེས་པོ་རྣམས་ཀྱིས་སྡིག་པ་བྱས་པས། ཁྱོད་ཅག་གིས་དེའི་བུ་རྒྱུད་རྣམས་ཀྱི་ཕྱིར་དུ་དམར་གསོད་བྱེད་ས་གྲ་སྒྲིག་བྱེད་དགོས་པ་ལས། དེ་དག་དར་ཞིང་རྒྱས་ནས་ས་ཞིང་བདག་འཛིན་དང་གྲོང་ཁྱེར་བཙུགས་ནས་ས་གཞིར་ཁྱབ་ཏུ་འཇུག་མི་རུང་ངོ་། །   
\p
\v 22 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་དུ། བདག་ནི་དེ་དག་གི་དགྲ་རུ་ལངས་ཤིང་། པཱ་པེལ་ལོན་གྱི་མིང་དང་། ཤུལ་ལུས་དག དེའི་བུ་རབས་ཚ་རྒྱུད་དང་བཅས་ཚར་དུ་གཅོད་པར་འགྱུར་ཞེས་གསུངས་པ་སྟེ། དཀོན་མཆོག་ཡ་ཝཱེས་དེ་སྐད་གསུངས་སོ། །  
\v 23 བདག་གིས་པཱ་པེལ་ལོན་ནི་འུག་པར་འཛིན་དུ་འཇུག་ཅིང་། ས་དེ་ནི་འདམ་རྫབ་ལ་བསྒྱུར་ནས། བདག་གིས་ཕྱགས་མས་ས་ཕྱག་པ་བཞིན་དེ་མེད་པར་གཏོང་བར་འགྱུར་ཞེས་དཔུང་ཚོགས་ཀུན་གྱི་དཀོན་མཆོག་ཡ་ཝཱེས་གསུངས་སོ། །  
\v 24 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་དམ་བཅས་ནས་འདི་སྐད་དུ། བདག་གིས་ཅི་ལྟར་དྲན་ན་དོན་དེ་ལྟར་འགྲུབ་ཅིང་། བདག་གིས་ཅི་ལྟར་འཆར་གཞི་བཙུགས་ན་དོན་ནི་དེ་ལྟར་འགྲུབ་ངེས་ཡིན།  
\v 25 དེ་ནི་བདག་གི་གནས་སུ་ཨ་སུར་པ་རྣམས་མེད་པར་བཟོ་ཞིང་། ངའི་རི་བོ་ནས་ཁོ་ཚོར་རྡོག་བརྫིས་གཏོང་སྟེ། དེས་བཞག་པའི་གཉའ་ཤིང་ཡེས་ར་ཨེལ་པ་རྣམས་དང་འབྲལ་ཞིང་། དེས་བཀལ་བའི་ཁུར་པོ་ཡེས་ར་ཨེལ་པའི་ཕྲག་དང་འབྲལ་བར་འགྱུར་ཞེས་གསུངས།  
\v 26 འདི་ནི་ས་གཞི་ཡོངས་ལ་བཙུགས་པའི་དགོངས་པ་སྟེ། རྒྱལ་ཁམས་ཀུན་ལ་བརྐྱངས་པའི་ཕྱག་ཡིན་ནོ། །  
\v 27 ཅི་ལ་ཞེ་ན། དཔུང་ཚོགས་ཀུན་གྱི་དཀོན་མཆོག་ཡ་ཝཱེས་ཐུགས་སུ་དགོངས་པའི་དོན་ནི་སུས་ཀྱང་འགོག་ཐབས་མེད་ལ། ཁོང་གིས་བརྐྱངས་པའི་ཕྱག་ནི་སུ་ཞིག་གིས་ཕྱིར་འཐེན་ནུས་སམ།   
\s1 ཕེ་ལེ་ཤེད་ཡུལ་དུ་གནོད་འཚེ་འབྱུང་བར་ལུང་བསྟན་པ།  
\p
\v 28 རྒྱལ་པོ་ཨ་ཧ་ཟཱ་ཤི་བའི་ལོ་དེར་བཀའ་ལུང་གནང་བ་འདི་ལྟར།  
\v 29 ཀྱེ་ཀྱེ་ཕེ་ལེ་ཤེད་པ་རྣམས། ཁྱོད་ལ་རྡུང་བའི་དབྱུག་པ་ཆག་སོང་ཞེས་དགའ་བར་མི་བྱའོ། །ཅི་ལ་ཞེ་ན། སྦྲུལ་ལས་དུག་སྦྲུལ་འབྱུང་ཞིང་། དེ་ལས་བྱུང་བ་ནི་འཁྱུག་ཅིང་བགྲོད་པའི་དུག་སྦྲུལ་ཡིན།  
\v 30 དབུལ་པོ་རྣམས་ལ་ཁ་ཟས་ལྡན་ཞིང་མེད་པོ་རྣམས་བདེ་བར་གནས་ཐུབ། བདག་གིས་མུ་གེས་ཁྱོད་ཀྱི་བུ་རྒྱུད་རྣམས་གཏོར་ཞིང་། ཁྱོད་ཀྱི་ཤུལ་ལུས་དག་མུ་གེས་མེད་པར་བྱའོ། །  
\v 31 ཀྱེ་ཀྱེ་མཁར་སྒོས་ངུ་འབོད་བྱོས་དང་། གྲོང་ཁྱེར་གྱིས་སྨྲེ་སྔགས་ཐོན་ཅིག ཕེ་ལེ་ཤེད་པ་རྣམས། ཁྱོད་ཅག་འཇིགས་ནས་ཡོངས་སུ་རྒུད་པར་གྱུར་ཅིག ཅི་ལ་ཞེ་ན། བྱང་ཕྱོགས་ནས་དུ་བ་ཞིག་འཕྱུར་འོང་སྟེ། དེའི་དཔུང་ཚོགས་དང་བྲལ་ནས་འབྲོ་ཐུབ་མཁན་གཅིག་ཀྱང་མེད།  
\v 32 མི་ཡིས་ཕྱི་ཕྱོགས་པའི་བང་ཆེན་ལ་ལན་ཅི་ལྟར་འདེབས་སམ་ཞེ་ན། དཀོན་མཆོག་ཡ་ཝཱེས་ཛ་ཡན་མཛད་ཅིང་། ཁོང་གི་མི་སྡེའི་སྡུག་བསྔལ་ཅན་རྣམས་དེའི་ནང་དུ་སྦ་བར་འགྱུར་ཞེས་སྨྲའོ། །   
\c 15
\cl ལེའུ་བཅོ་ལྔ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 མོ་ཨབ་ཕམ་པར་མཛད་པའི་ལུང་བསྟན།  
\p
\v 1 དེ་ཡང་མོ་ཨབ་སྐོར་གྱི་བཀའ་ལུང་ནི། མོ་ཨབ་ཀྱི་ཨར་ནི་ཞག་མ་གཅིག་གི་རིང་ལ་བརྙས་བཅོས་ཐེབས་ནས་མེད་པར་གྱུར་ཅིང་། ཡང་ཞག་མ་གཅིག་གི་རིང་ལ་མོ་ཨབ་ཀྱི་ཀིར་ལའང་བརྙས་བཅོས་ཐེབས་ཏེ་མེད་པར་གྱུར་ཏོ། །  
\v 2 ཁོ་རྣམས་ཁང་པའི་ནང་དུ་འགྲོ་བ་དང་། དི་བོན་གྱི་མཐོ་སར་ཕྱིན་ཏེ་ངུ་འབོད་བྱེད་ལ། མོ་ཨབ་པ་རྣམས་ཀྱིས་ནེ་བོ་དང་མེ་དེ་བཱའི་ཕྱིར་དུ་སྨྲེ་སྔགས་འདོན་ཞིང་། སྐྱེ་བོ་ཀུན་གྱིས་སྐྲ་དང་སྨྲ་ར་བཞར།  
\v 3 དེ་དག་གིས་སྲང་ལམ་དུ་རྩིད་རས་གྱོན་ནས་ཁང་ཐོག་དང་ཐང་ཆེན་དུ་མི་རེ་རེས་མིག་ཆུ་བཏོན་ནས་ངུ་འབོད་བྱེད།  
\v 4 ཧེ་སི་པོན་དང་ཨེལ་ཨ་ལེ་གཉིས་པོའི་ངུ་འབོད་ཀྱི་སྒྲ་ནི་ཡ་ཧ་ཙཱ་ནས་ཀྱང་ཐོས་པར་གྱུར་པས། མོ་ཨབ་ཀྱི་དམག་མི་རྣམས་ཀྱིས་སྐད་ཆེན་པོས་ངུ་འབོད་བྱེད་ཅིང་སྙིང་རྩ་འདར།  
\v 5 མོ་ཨབ་ཀྱི་ཆེད་དུ་བདག་གི་སེམས་ངུས་སོང་། དེའི་བྲོས་བྱོལ་པ་རྣམས་ཚོ་ཨར་དང་ཨེག་ལད་ཤེ་ལི་ཤི་ཡཱ་ \f + \ft ཨེག་ལད་ཤེ་ལི་ཤི་ཡཱ་ཞེས་པ་ནི་བ་མོ་ལོ་གསུམ་ཅན་ལ་གོ་བ་ཡིན།\f*རུ་སླེབས་ཤིང་། ལུ་ཧིད་ཀྱི་རི་ལ་འགོས་པ་དང་། ཧོ་རོ་ན་ཨིམ་གྱི་ལམ་དུ་མེད་པར་འགྱུར་བའི་ངུ་སྐད་འདོན་ནོ། །  
\v 6 ནིམ་རིམ་གྱི་ཆུ་རྣམས་ཆད་ཅིང་། རྩྭ་སྔོན་རྣམས་སྐམ། རྩྭ་གསར་པ་རྣམས་རྙིད་པར་གྱུར་ནས་ལྗང་མདོག་གཅིག་ཀྱང་མ་ལུས།  
\v 7 དེ་བས་ཁོ་ཚོས་རང་ཉིད་ལ་ཐོབ་པ་དང་བསགས་པའི་རྒྱུ་ནོར་རྣམས་ཨ་རཱ་ཡིམ་གྲོག་རོང་ལ་ཁྱེར་ཏོ། །  
\v 8 དེ་དག་གི་ངུ་འབོད་མོ་ཨབ་ཀྱི་ཡུལ་ཀུན་ཏུ་ཁྱབ་ཅིང་། ངུ་སྐད་ནི་ཨེག་ལ་ཡིམ་དུ་སླེབས་པ་དང་། པེར་ཨེ་ལིམ་གྱི་བར་དུ་གྲགས་སོ། །  
\v 9 དི་བོན་གྱི་ཆུ་རྣམས་ཁྲག་གིས་བཀང་སྟེ། བདག་གིས་དེ་ལས་མང་བའི་གནོད་འཚེ་དེ་རྣམས་ལ་ཐེབས་སུ་འཇུག་ཅིང་། བྲོས་བྱོལ་པ་དང་ཤུལ་ལུས་མོ་ཨབ་པའི་ཐོག་ཏུ་སེང་གེ་ཞིག་གཏོང་བར་བྱའོ། །   
\c 16
\cl ལེའུ་བཅུ་དྲུག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 མོ་ཨབ་པ་རྣམས་རེ་ཐག་ཆད་པ།  
\p
\v 1 སེ་ལཱ་ནས་དབེན་སྟོང་བརྒྱུད་དེ། ཛ་ཡན་བུ་མོའི་རི་བོའི་གནས་དེའི་དབང་སྒྱུར་མཁན་ལ་ཁྱོད་ཅག་གིས་ལུ་གུ་བསྐྱལ་དགོས་ཤིང་།  
\v 2 མོ་ཨབ་ཀྱི་བུད་མེད་རྣམས་ཚང་ནས་ཕྱིར་བསྐྲད་པའི་བྱ་དང་འཁྱམ་པའི་འདབ་ཆགས་དང་འདྲ་བར་ཨར་ནོན་རབ་ཁར་སྡོད་པ་དང་།  
\v 3 ཁྱེད་ཀྱིས་ང་ཚོར་སློབ་སྟོན་གནང་སྟེ་དྲང་བདེན་གྱི་ཐག་གཅོད་དང་། ཁྱེད་ཀྱི་གྲིབ་གཟུགས་ཉིན་གུང་མུན་ནག་བཞིན་བྱས་ནས། བསྐྲད་པར་གྱུར་པའི་མི་རྣམས་སྦས་ནས་བྲོས་བྱོལ་རྣམས་ལ་ངོ་ལོག་མ་བྱེད་ཅིག  
\v 4 མོ་ཨབ་ཀྱི་བྲོས་བྱོལ་པ་རྣམས་ཁྱེད་དང་ལྷན་དུ་བསྡད་དེ། ཁྱེད་ནི་ཁོ་ཚོའི་སྦས་ས་རུ་བྱས་ནས་དེ་དག་གཏོར་བརླག་བྱེད་མཁན་དང་འབྲལ་བར་གྱུར་ཅིག མི་ལས་བཙན་ལེན་བྱེད་པ་རྣམས་མཚམས་གཅོད་ཅིང་། མི་ལ་གཏོར་བརླག་བྱེད་མཁན་རྣམས་ཀྱང་མཚམས་ཆད་དེ། མི་ལ་བརྙས་བཅོས་བྱེད་མཁན་དག་ནི་ས་འདི་ལས་རྩ་མེད་དུ་འགྲོ་བའོ། །  
\v 5 རྒྱལ་ཁྲི་ཞིག་བྱམས་བརྩེའི་སྒོ་ནས་བཞེང་བར་འགྱུར་ཞིང་། བློ་གཏོད་རུང་བ་ཞིག་དེའི་སྟེང་དུ་བཞུགས་ཏེ། ཁོང་གིས་དཱ་བིད་ཀྱི་གུར་ནང་དུ་ཁྲིམས་ཐག་གཅོད་པ་དང་། བདེན་པ་འཚོལ་ཞིང་དྲང་བདེན་མྱུར་དུ་སྤྱོད་དོ། །   
\p
\v 6 རང་ཅག་གིས་མོ་ཨབ་ཤིན་ཏུ་ང་རྒྱལ་ཆེ་བ་ཐོས་ཤིང་། ཡང་དེའི་ཁེངས་དྲེགས་དང་ང་རྒྱལ། ཞེ་སྡང་། དེའི་འུད་བསྟོད་ཀྱི་གཏམ་དག་བཅོས་མ་ཡིན་པ་ཐོས་པར་གྱུར་པས།  
\v 7 མོ་ཨབ་པ་རྣམས་ངུ་བར་འགྱུར་ཞིང་། ཁོ་ཚོ་ལྷན་ཅིག་མོ་ཨབ་ཀྱི་ཕྱིར་དུ་ངུ་བར་འགྱུར་ཞིང་། མོ་ཨབ་པ་རྣམས་ཀིར་ཧ་རེ་ཤེད་ཀྱིས་བཤམས་པའི་རྒུན་འབྲུམ་སྐམ་པོ་ལེབ་མོའི་ཕྱིར་དུ་སྐྱོ་བར་འགྱུར།  
\v 8 གང་ལ་ཞེ་ན། ཧེ་སི་པོན་གྱི་ས་ཞིང་རྣམས་དང་སིབ་མའི་རྒུན་འབྲུམ་ཤིང་རྣམས་སྐམ་སྟེ། སྔོན་ཆད་དེའི་མཛེས་སྡུག་ལྡན་པའི་ཡལ་གས་རྒྱལ་ཁབ་ཀུན་གྱི་རྒྱལ་པོ་རྣམས་བཟི་བར་གྱུར། དེའི་ཡལ་ག་ཡཱ་ཟེར་གྱི་བར་དུ་སྐྱེས་ཏེ་དབེན་སྟོང་དུ་འཕེལ་ནས། ཕྱིར་རྒྱས་ནས་ཚྭ་མཚོ་ལས་བརྒལ་ཏོ། །  
\v 9 དེ་བས་ཡཱ་ཟེར་པས་ངུ་འབོད་བྱེད་པ་བཞིན་ངས་ཀྱང་སིབ་མའི་རྒུན་འབྲུམ་ཤིང་གི་ཕྱིར་དུ་ངུ་འབོད་བྱེད་དེ། ཀྱེ་ཧེ་སི་པོན་དང་ཨེལ་ཨ་ལེ། ངས་མིག་ཆུས་ཁྱོད་སྦང་བར་བྱ་སྟེ། གང་ལ་ཞེ་ན། ཁྱོད་ཀྱི་དབྱར་ཁའི་ལོ་ཏོག་དང་སྟོན་ཐོག་སྡུད་དུས་ཀྱི་དགའ་སྤྲོའི་འབོད་སྒྲ་མཚམས་ཆད་དོ། །  
\v 10 དགའ་སྤྲོ་ས་ཞིང་གཤིན་པོ་ལས་ལེན་པར་འགྱུར་ཞིང་། རྒུན་འབྲུམ་ར་བའི་ནང་གི་གླུ་སྐད་དང་དགའ་འབོད་བྱེད་པའི་སྒྲ་མི་ཐོས་ཤིང་། འཚིར་གཞོང་ལས་རྒུན་ཆང་འཚིར་མཁན་གཅིག་ཀྱང་མེད་དེ། ཅིའི་ཕྱིར་ཞེ་ན། ངས་དེ་དག་གི་དགའ་སྤྲོའི་འབོད་སྒྲ་རྣམས་མཚམས་བཅད་པ་ཡིན།  
\v 11 དེ་བས་བདག་སེམས་མོ་ཨབ་ཀྱི་ཕྱིར་དུ་སྐྱོ་ཞིང་། པི་ཝང་གི་དབྱངས་རྟ་ཇི་བཞིན་ངའི་སེམས་ཀྱིས་ཀིར་ཧེ་རེ་སིའི་ཕྱིར་དུ་སྨྲེ་སྔགས་འདོན་པ་ཡིན།  
\v 12 དུས་དེར་མོ་ཨབ་པ་ཡར་ཡོང་ནས། མཐོ་གླིང་ནས་ངལ་དུབ་ཚད་མེད་མྱངས་ཤིང་། རང་གི་གནས་དམ་པ་རུ་སོང་ནས་སྨོན་ལམ་བཏབ་ནའང་། དེའི་རེ་འདུན་ཅི་ཡང་འགྲུབ་པར་མི་བྱ་ཞེས་པའོ། །  
\v 13 འདི་ནི་སྔོན་ཆད་དཀོན་མཆོག་ཡ་ཝཱེས་མོ་ཨབ་སྐོར་ལ་གསུངས་པའི་བཀའ་ཡིན་ནོ། །  
\v 14 འོན་ཀྱང་ད་ལྟ་དཀོན་མཆོག་ཡ་ཝཱེས་འདི་སྐད་དུ། ལོ་གསུམ་གྱི་ནང་སྟེ་གླ་བའི་ལོ་ཚད་བཞིན་དུ། མོ་ཨབ་ཀྱི་གཟི་བརྗིད་དང་དེའི་འབངས་འབོར་ཆེན་རྣམས་ལ་མཐོང་ཆུང་བྱེད་པར་འགྱུར་ཞིང་། ཤུལ་དུ་ལུས་པ་ཉུང་ལ་ནུས་སྟོབས་མེད་པར་འགྱུར་ཞེས་གསུངས་སོ། །   
\c 17
\cl ལེའུ་བཅུ་བདུན་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཱ་མེ་སེག་སྐོར་གྱི་ལུང་བསྟན།  
\p
\v 1 དཱ་མེ་སེག་སྐོར་གྱི་བཀའ་ལུང་ནི་འདི་ལྟར། ལྟོས་དང་། དཱ་མེ་སེག་གྲོང་ཁྱེར་འདོར་བའི་དུས་ལ་སླེབས་པས་དེ་ནི་ཞིག་རོར་འགྱུར་ངེས་ཡིན།  
\v 2 ཨར་ཨོར་གྱི་གྲོང་ཁྱེར་རྣམས་ཀྱང་བསྐྱུར་ནས་ཕྱུགས་འཚོ་སར་འགྱུར་ངེས་ལ། ལུག་ཁྱུ་རྣམས་དེ་རུ་ཉལ་ཡང་འདྲོག་སློང་མཁན་གཅིག་ཀྱང་མེད་དོ། །  
\v 3 ཨེ་ཕཱར་ཡིམ་གྱི་མཁར་བརྟན་པོ་རྣམས་བཤིག་ཅིང་། དཱ་མེ་སེག་གི་རྒྱལ་དབང་ཉམས་ཤིང་། ཨ་རམ་པའི་ཤུལ་ལུས་རྣམས་ཡེས་ར་ཨེལ་གྱི་གཟི་བརྗིད་བཞིན་དུ་ཡལ་བར་འགྱུར་ཞེས་དཔུང་ཚོགས་ཀུན་གྱི་དཀོན་མཆོག་ཡ་ཝཱེས་གསུངས་སོ། །   
\p
\v 4 ཉིན་མོ་དེར་ཡ་ཀོབ་ཀྱི་གཟི་བྱིན་ཡལ་བར་གྱུར་ནས་དེའི་ཤ་རྒྱགས་པའི་ལུས་པོའང་སྐམ་པར་འགྱུར།  
\v 5 དེ་ནི་ཞིང་རྔ་མཁན་གྱིས་སྟོན་ཐོག་བསྡུ་བ་དང་། ལག་པས་ལོ་ཏོག་ལེན་པ་དང་མཚུངས་ཤིང་། རེ་ཕཱ་ཨམ་ལུང་པ་ནས་ལུས་པའི་སྙེ་མ་འཐུ་བ་དང་ཡང་འདྲའོ། །  
\v 6 དེ་ནི་སྐྱུ་རུ་ཤིང་ལ་རྡུང་བ་བཞིན་དུ་ལུས་པའི་ཤིང་ཏོག་ཉུང་ངུ་མ་གཏོགས་མེད་དེ། སྡོང་རྩེ་རུ་ཤིང་ཏོག་གཉིས་གསུམ་མ་གཏོགས་ལུས་མེད་པ་དང་། ཤིང་ཏོག་མང་པོ་སྨིན་པའི་ཡལ་གའི་སྟེང་དུའང་བཞི་ལྔ་ཙམ་ལས་ལུས་པར་མི་འགྱུར་ཞེས་ཡེས་ར་ཨེལ་གྱི་དཀོན་མཆོག་ཡ་ཝཱེས་གསུངས་སོ། །   
\p
\v 7 ཉིན་དེར་མི་རྣམས་ཀྱིས་རང་ཉིད་མཛད་མཁན་ལ་རེ་ཞིང་། དེ་དག་གིས་ཡེས་ར་ཨེལ་གྱི་དམ་པ་ཁོང་ཉིད་དངོས་སུ་མཇལ་བར་འགྱུར།  
\v 8 རང་གི་ལག་པས་བཟོས་པའི་མཆོད་ཁྲི་ལ་མི་རེ་ཞིང་། རང་གི་མཛུབ་མོས་བཟོས་པའི་ཨ་ཤེ་རཱ་དང་བདུག་སྤོས་སྒྲོན་སྟེགས་གང་ལའང་རེ་བར་མི་འགྱུར་རོ། །   
\p
\v 9 ཉིན་མོ་དེར་ཡེས་ར་ཨེལ་གྱི་ཕྱིར་དུ་བསྐྱུར་བའི་མཁར་བརྟན་པོ་དག་ནི། ནགས་ཚལ་དང་རི་རྩེ་ནས་དོར་བའི་གནས་དང་མཚུངས་ཏེ་སྟོངས་ཤིང་མེད་པར་འགྱུར།  
\v 10 ཅིའི་ཕྱིར་ཞེ་ན། ཁྱོད་ཀྱིས་རང་ཉིད་སྐྱོབ་མཁན་དཀོན་མཆོག་བརྗེད་པ་དང་། ཁྱོད་ཉིད་སྦས་ས་ཡིན་པའི་བྲག་རྡོ་དེ་མ་དྲན་པས། ཁྱོད་ཀྱིས་མཛེས་སྡུག་གི་མྱུ་གུ་དང་ཕྱི་རོལ་ཡུལ་ནས་ཁྱེར་འོངས་པའི་ལྗང་བུ་བཙུགས་ཤིང་།  
\v 11 ཡང་ཁྱོད་ཀྱིས་རྩི་ཤིང་འདེབས་པའི་ཉིན་མོར་གཟབ་ནན་གྱིས་མཐའ་ར་སྐོར་ཏེ། ཞོགས་པའི་དུས་སུ་ཁྱོད་ཀྱིས་བཏབ་པ་ལ་མེ་ཏོག་བཞད་ཀྱང་། སྡུག་བསྔལ་དང་རབ་ཏུ་སྐྱོ་བའི་དུས་སུ་བསྡུ་རྒྱུ་ཅི་ཡང་མེད་དོ། །  
\v 12 ཀྱེ་མ། མཚོ་རླབས་འཕྱུར་བ་བཞིན་དུ་མི་རིགས་ཀུན་གྱིས་ཅ་ཅོ་སྒྲོག་ཅིང་། ཆུ་ལོག་རྒྱུག་པ་བཞིན་དུ་རྒྱལ་ཁབ་ཀུན་གྱིས་ང་རོ་སྒྲོག  
\v 13 ཆུ་བོ་མང་པོ་ཆིལ་ཆིལ་དུ་འབབ་པ་བཞིན་མི་རིགས་ཀུན་གྱིས་འུར་རྒྱག་པར་བྱེད། འོན་ཀྱང་དཀོན་མཆོག་གིས་ཁོ་ཚོར་བཀའ་བཀྱོན་གནང་སྟེ། དེ་རྣམས་ཐག་རིང་སར་བྲོས་ཀྱང་རྗེས་སུ་སྙེག་པར་གྱུར་ནས། དེ་དག་ནི་རི་ཁྲོད་ཀྱི་རླུང་ནང་གི་ཕུབ་མ་དང་། དྲགས་རླུང་གིས་འཁུར་བའི་ས་རྡུལ་བཞིན་ནོ། །  
\v 14 ཀྱེ་ཧོ། ས་སྲོས་ཀྱི་དུས་སུ་དེ་དག་འཇིགས་ཤིང་སྐྲག་ནའང་། ཐོ་རངས་མ་སླེབས་སྔོན་ལ་དེ་དག་མེད་པར་འགྱུར། འདི་ནི་རང་ཅག་འཕྲོག་བཅོམ་བྱེད་མཁན་རྣམས་ཀྱི་བགོ་སྐལ་ཡིན་ཞིང་། རང་ཅག་འཕྲོག་པའི་མི་རྣམས་ལ་འཐོབ་འོས་པའི་ལན་ཡིན་ནོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 གུ་ཤ་སྐོར་གྱི་ལུང་བསྟན།  
\p
\v 1 གུ་ཤ་གཙང་པོའི་ཕ་རོལ་ན། གྲུ་གཟིངས་རླུང་ལྟར་སྐྱོད་པའི་ཡུལ་ལ་ཆག་སྒོ་འབྱུང་།  
\v 2 དེ་ནི་རྒྱུན་དུ་ཕོ་ཉ་མངགས་ཏེ་ཆུ་སྟེང་དུ་པ་པི་རཱའི་གྲུ་ལ་བསྡད་དེ་རྒྱ་མཚོ་བརྒལ་བའི་གནས་ཡིན་ཞིང་། སོང་དང་འགྲོས་མྱུར་ཕོ་ཉ་རྣམས། གཟུགས་རིང་ཞིང་སྐྱི་མོ་འཇམ་པའི་རྒྱང་ཐག་ཉེ་རིང་གི་མི་ཀུན་སྐྲག་པའི་མི་རིགས་དེ་རྩར་སོང་དང་། རྒྱལ་ཁབ་དེ་ནི་སྟོབས་འབྱོར་ལྡན་ཞིང་མི་ལ་ཐུབ་ཚོད་བྱེད་མཁན་ཡིན་ཏེ། གཙང་པོས་དེ་དག་གི་ས་ཞིང་བགོས་སོ། །   
\p
\v 3 ཀྱེ་ས་གཞི་ཡོངས་སུ་གནས་ཤིང་ས་སྟེང་དུ་སྡོད་པའི་ཡུལ་མི་རྣམས། རི་ནས་དར་སྒྲེང་བའི་དུས་སུ་ཁྱོད་ཀྱིས་ལྟོས་ཤིག རྭ་དུང་འབུད་པའི་ཚེ་ཁྱོད་ཀྱིས་ཉོན་ཅིག  
\v 4 ཅི་ལ་ཞེ་ན། དཀོན་མཆོག་ཡ་ཝཱེས་ང་ལ་འདི་སྐད་དུ། ཉི་མའི་འོད་ཟེར་ལས་འཕྲོས་པའི་ཚ་རླངས་དང་། ལོ་ཏོག་སྡུད་དུས་ཀྱི་ཚ་བའི་ཁྲོད་ཟིལ་པའི་རླངས་པ་ཡོད་པ་ཇི་བཞིན། ངས་རང་གི་བཞུགས་གནས་ནས་འཇམ་ཐིང་ངེ་གཟིགས་ཡོད་ཅེས་གསུངས་སོ། །  
\v 5 ལོ་ཏོག་མ་བསྡུས་སྔོན་དང་མེ་ཏོག་གི་གང་བུ་བཞད་ཚར་ཏེ་རྒུན་འབྲུམ་སྨིན་ལ་ཁེལ་བའི་དུས་སུ། ཁོང་གིས་ལྕུག་ཕྲན་དང་ཡོངས་སུ་རྒྱས་པའི་ཡལ་འདབ་རྣམས་ཟོར་བས་གཅོད་དོ། །  
\v 6 དེ་དག་ཐམས་ཅད་དོར་ནས་རི་བོའི་བྱ་རྒོད་དང་ས་ཡི་རི་དྭགས་ལ་སྟེར་ཞིང་། བྱ་རྒོད་དག་གིས་དེ་ཁ་ཟས་སུ་སྤྱད་ནས་དབྱར་སྐྱེལ་བ་དང་། སའི་རི་དྭགས་ཀུན་གྱིས་དེ་ཟོས་ནས་དགུན་སྐྱེལ་བའོ། །   
\p
\v 7 དུས་དེར། མཐོ་ཞིང་འཇམ་པའི་རྒྱང་ཐག་ཉེ་རིང་གི་མི་ཀུན་སྐྲག་པའི་མི་རིགས་ཏེ། སྟོབས་འབྱོར་ལྡན་ཞིང་མི་ལ་ཐུབ་ཚོད་བྱེད་པའི་རྒྱལ་ཁབ། གཙང་པོས་ས་ཞིང་བགོས་ཡོད་པ་དེ་དག་གིས་དཔུང་ཚོགས་ཀུན་གྱི་དཀོན་མཆོག་ཡ་ཝཱེར་ཕྱག་རྟགས་འབུལ་ཞིང་། དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་མཚན་དང་ལྡན་པའི་རི་བོ་ཛ་ཡན་དུ་འཁྱེར་འོང་བར་འགྱུར་རོ། །   
\c 19
\cl ལེའུ་བཅུ་དགུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཨེ་ཅིབ་སྐོར་གྱི་ལུང་བསྟན།  
\p
\v 1 ཨེ་ཅིབ་སྐོར་གྱི་བཀའ་ལུང་ནི་འདི་ལྟ་སྟེ། ལྟོས་དང་། དཀོན་མཆོག་ཡ་ཝཱེ་འགྲོས་མྱུར་སྤྲིན་ལ་བཅིབས་ནས་ཨེ་ཅིབ་ཏུ་ཕེབས་ཤིང་། ཨེ་ཅིབ་ཀྱི་སྐུ་འདྲ་རྣམས་ཁོང་གི་དྲུང་དུ་འཇིགས་ནས་འདར་བ་དང་། ཨེ་ཅིབ་པའི་སེམས་ནི་ཤིན་ཏུ་སྐྲག་གོ །  
\v 2 བདག་གིས་ཨེ་ཅིབ་པར་བསྐུལ་ཏེ་ཨེ་ཅིབ་པ་ལ་རྒོལ་བར་འགྱུར་ལ། དེ་དག་ནང་འཁྲུག་ལངས་ཏེ། མི་རེ་རེས་རང་གི་སྤུན་ཟླ་ལ་རྒོལ་བར་འགྱུར་ཞིང་། རང་གི་ཁྱིམ་མཚེས་བར་འཁྲུག་པ་ལངས་ནས་གྲོང་ཁྱེར་གྱིས་གྲོང་ཁྱེར་དང་། རྒྱལ་ཁབ་ཀྱིས་རྒྱལ་ཁབ་ལ་རྒྱག་པར་འགྱུར།  
\v 3 དེ་ནས་ཨེ་ཅིབ་པའི་སེམས་ཤུགས་ཉམས་ཤིང་། བདག་གིས་དེ་དག་གི་ཇུས་ངན་རྣམས་མེད་པར་གཏོང་བ་དང་། དེ་དག་གིས་སྐུ་འདྲ་དང་སྔགས་པ། ལྷ་པ། སྒྱུ་མ་མཁན་བཅས་ལ་ཞུ་བར་འགྱུར།  
\v 4 ངས་ཨེ་ཅིབ་པ་རྣམས་རྒྱལ་པོ་གདུག་རྩུབ་ཅན་གྱི་ལག་ཏུ་གཏད་དེ། རྒྱལ་པོ་གཏུམ་དྲག་ཅན་གྱིས་དེ་ཚོ་དབང་དུ་བསྡུའོ་ཞེས་དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་གསུངས་སོ། །  
\v 5 རྒྱ་མཚོའི་ཆུ་རྣམས་སྐམ་ཞིང་། ཆུ་བཞུར་ས་རྣམས་ཀྱང་སྐམ་ཐག་ཆོད་པར་འགྱུར།  
\v 6 ཆུ་ལམ་ནང་དུ་དྲི་ངན་ཐུལ་ཞིང་། ཨེ་ཅིབ་ཀྱི་ཆུ་བོ་རྣམས་ཐག་ཅིང་སྐམ་པ་དང་། འདམ་རྩྭ་དང་འདག་རྒྱུད་རྙིད་ཅིང་སྐམ་པར་འགྱུར།  
\v 7 ནཱ་ཡོལ་གཙང་པོའི་འགྲམ་རྒྱུད་དང་ནཱ་ཡོལ་གཙང་པོ་མདོ་ཡི་རྩྭ་ས། ད་དུང་ནཱ་ཡོལ་གཙང་པོའི་འགྲམ་ལ་བཏབ་ཡོད་པའི་ཞིང་བཅས་སྐམ་ནས་རླུང་གིས་ཐོར་ཞིང་མེད་པར་འགྱུར།  
\v 8 ཉ་པ་རྣམས་ཀྱིས་སྨྲེ་སྔགས་འདོན་པ་དང་། ནཱ་ཡོལ་གཙང་པོའི་ནང་དུ་ལྕགས་ཀྱུས་ཉ་འཛིན་མཁན་རྣམས་སེམས་སྡུག་ཅིང་། ཆུ་སྟེང་ལ་རྙི་རྒྱ་འགྲེམ་པ་དག་ནི་ཡིད་ཆད་དེ་སེམས་སྐྱོ་བར་འགྱུར།  
\v 9 སོ་མ་ར་ཙས་སོ་རས་འཐག་པ་དང་རས་དཀར་པོ་འཐག་པའི་མི་རྣམས་ཀྱང་ངོ་ཚ་བར་འགྱུར།  
\v 10 ཨེ་ཅིབ་ཀྱི་ཀ་བ་རྣམས་དུམ་བུར་གཅོག་པ་དང་། གླ་པ་རྣམས་ཀྱང་སེམས་སྡུག་གིས་ཁེངས་པར་འགྱུར།  
\v 11 ཚོ་ཨན་གྱི་འགོ་དཔོན་རྣམས་ཤིན་ཏུ་རྨོངས་ཤིང་། ཤེས་རབ་ལྡན་པའི་ཕཱར་ཨོལ་གྱི་ཐབས་བཀོད་པས་ཇུས་བཏིངས་པ་རྣམས་ཀྱང་རྨོངས་གཉིད་དུ་གྱུར་པས། ཁྱོད་ཀྱིས་ཕཱར་ཨོལ་ལ། ང་ནི་ཤེས་རབ་ཅན་གྱི་བུ་དང་། གནའ་བོའི་རྒྱལ་པོའི་བུ་རྒྱུད་ཡིན་ཞེས་ཅི་ལྟར་བརྗོད་དམ།  
\v 12 ཁྱོད་ཀྱི་མཛངས་མི་རྣམས་གང་དུ་ཡོད་དམ། དཔུང་ཚོགས་ཀུན་གྱི་དཀོན་མཆོག་ཡ་ཝཱེས་ཨེ་ཅིབ་ལ་བཅངས་པའི་ཐུགས་དགོངས་ཅི་ཡིན་པ་ཁྱོད་ལ་ཤེས་སུ་འཇུག་ཕྱིར། དེ་དག་གིས་ཁྱོད་ལ་བརྗོད་པར་གྱུར་ཅིག  
\v 13 ཚོ་ཨན་གྱི་འགོ་དཔོན་རྣམས་བླུན་རྨོངས་སུ་གྱུར་ཅིང་། ནོབ་ཀྱི་འགོ་དཔོན་དག་ལ་མགོ་སྐོར་ཐེབས། ཨེ་ཅིབ་ཕྱོགས་ཁག་གི་འགོ་དཔོན་རྣམས་ཀྱིས་ཨེ་ཅིབ་པ་རྣམས་ལམ་ལོག་ཏུ་ཁྲིད་དོ། །  
\v 14 དཀོན་མཆོག་ཡ་ཝཱེས་ཨེ་ཅིབ་པའི་ནང་དུ་ལོག་སེམས་བསྐྲུན་པ་དང་། ཐ་ན་ཨེ་ཅིབ་པས་སྤྱད་པ་ཐམས་ཅད་འཁྲུལ་ཞིང་། དེ་ནི་ཆང་གིས་བཟི་བའི་མི་རང་གི་སྐྱུག་རོ་ནང་དུ་འགྲེད་བདར་འཆོར་བ་དང་འདྲའོ། །  
\v 15 མགོ་ནས་རྔ་མ་དང་། ཤིང་ཏ་ལའི་ཡལ་ག་ནས་འདམ་རྩྭ་ \f + \ft འདིར་མགོ་ནས་རྔ་མ་དང་ཤིང་ཏ་ལའི་ཡལ་ག་ནས་འདམ་རྩྭ་ཞེས་པ་ནི་མི་གལ་ཆེན་དང་མི་ཉམ་ཆུང་གཉིས་ལ་གོ་བ་ཡིན།\f*གང་གིས་ཀྱང་ཨེ་ཅིབ་ཀྱི་ཕྱིར་དུ་ཅི་ཡང་བསྒྲུབ་མི་ནུས་སོ། །   
\p
\v 16 ཉིན་དེར་ཨེ་ཅིབ་པ་རྣམས་བུད་མེད་དང་འདྲ་བར། དཔུང་ཚོགས་ཀུན་གྱི་དཀོན་མཆོག་ཡ་ཝཱེས་ཨེ་ཅིབ་ཀྱི་སྟེང་ལ་ཕྱག་གཡུག་གནང་བའི་ཕྱིར་དེ་ཚོ་སྐྲག་ནས་འདར་བར་འགྱུར།  
\v 17 ཡ་ཧུ་དཱའི་ཡུལ་ཁམས་ཀྱིས་ཨེ་ཅིབ་ལ་དངངས་སྐྲག་སློང་ཞིང་། སུ་ཞིག་གིས་ཨེ་ཅིབ་པར་ཡ་ཧུ་དཱ་གླེང་ན་དེ་དག་འཇིགས་པར་འགྱུར། གང་ལ་ཞེ་ན། འདི་ནི་དཔུང་ཚོགས་ཀུན་གྱི་དཀོན་མཆོག་ཡ་ཝཱེས་ཨེ་ཅིབ་ལ་བཅངས་པའི་ཐུགས་དགོངས་ཡིན་ནོ། །   
\p
\v 18 ཉིན་དེར། ཨེ་ཅིབ་ཡུལ་གྱི་གྲོང་ཁྱེར་ལྔ་ཡི་མི་རྣམས་ཀྱིས་ཀ་ན་ཨན་གྱི་སྐད་སྨྲ་ཞིང་། ཡང་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ལ་བློ་དཀར་བར་མནའ་བསྐྱལ་ནས། གྲོང་ཁྱེར་གཅིག་ལ་ཉི་མའི་གྲོང་ \f + \ft འདིར་ཉི་མའི་གྲོང་ཞེས་པ་འགྱུར་ལ་ལར་རྩ་མེད་འགྲོ་བའི་གྲོང་ཞེས་མཐོང་།\f*ཞེས་འབོད་པར་འགྱུར།  
\v 19 དེའི་དུས་སུ། ཨེ་ཅིབ་ཡུལ་དུ་དཀོན་མཆོག་ཡ་ཝཱེར་ཕུལ་བའི་མཆོད་ཁྲི་ཞིག་དང་། དེའི་ས་མཚམས་སུ་དཀོན་མཆོག་ཡ་ཝཱེར་ཕུལ་བའི་ཀ་བ་ཞིག་ཡོད་པར་འགྱུར།  
\v 20 དེ་ཐམས་ཅད་ཨེ་ཅིབ་ཡུལ་དུ་དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་རྟགས་དང་དཔང་ཡིན། ཅི་ལ་ཞེ་ན། ཨེ་ཅིབ་པར་བརྙས་བཅོས་ཐེབས་ནས་དཀོན་མཆོག་ཡ་ཝཱེར་ཞུ་སྐབས། ཁོང་གིས་དེ་དག་ལ་སྐྱོབ་མཁན་དང་སྲུང་མཁན་ཞིག་མངགས་ཤིང་། དེ་ཡིས་ཁོ་ཚོ་སྐྱོབ་པར་འགྱུར།  
\v 21 དེ་ནས་དཀོན་མཆོག་ཡ་ཝཱེས་ཨེ་ཅིབ་པ་རྣམས་ལ་ཁོང་ཉིད་ངོ་ཤེས་པར་མཛད་ཅིང་། དུས་དེར་ཨེ་ཅིབ་པས་དཀོན་མཆོག་ཡ་ཝཱེ་ངོ་ཤེས་པས། དེ་དག་གིས་ཁོང་ལ་མཆོད་རྫས་དང་མཆོད་པ་ཕུལ་ནས་བསྙེན་བཀུར་བྱེད་པ་དང་། དཀོན་མཆོག་ཡ་ཝཱེ་ལ་དམ་བཅའ་བཞག་ནས་དེ་བཞིན་བསྒྲུབ་པར་འགྱུར།  
\v 22 དཀོན་མཆོག་ཡ་ཝཱེས་ཨེ་ཅིབ་ལ་རྒོལ་ཞིང་གསོ་བར་འགྱུར་བས། དེ་རྣམས་དཀོན་མཆོག་ཡ་ཝཱེའི་ཕྱོགས་སུ་སེམས་འཁོར་ཞིང་། དེ་ནས་ཁོང་གིས་དེ་དག་གི་གསོལ་བ་བཏབ་པ་ལ་གསན་ཞིང་དེ་དག་གསོ་བར་བྱའོ། །   
\p
\v 23 དུས་དེར་ཨེ་ཅིབ་ནས་ཨ་སུར་ལ་འགྲོ་བའི་ལམ་ཆེན་ཞིག་ཡོད་ལ། ཨ་སུར་པ་རྣམས་ཨེ་ཅིབ་ཡུལ་དུ་འགྲོ་བ་དང་། ཨེ་ཅིབ་པ་རྣམས་ཨ་སུར་ཡུལ་དུ་སླེབས་ནས་ཨེ་ཅིབ་པས་ཨ་སུར་པ་དང་མཉམ་དུ་དཀོན་མཆོག་ཡ་ཝཱེར་བསྙེན་བཀུར་ཞུའོ། །  
\v 24 དུས་དེར་ཡེས་ར་ཨེལ་ནི་ཨེ་ཅིབ་དང་། ཨ་སུར་བཅས་མཉམ་དུ་ས་གཞིའི་རྒྱལ་ཁབ་ཡོངས་ཀྱི་བྱིན་རླབས་སུ་འགྱུར་ངེས།  
\v 25 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་དེ་དག་ལ་བྱིན་རླབས་གནང་སྟེ་འདི་སྐད་དུ། བདག་གི་འབངས་མི་ཨེ་ཅིབ། ངའི་ལག་གི་ལས་ཀ་ཨ་སུར། ངའི་ནོར་སྐལ་ཡེས་ར་ཨེལ་བཅས་བདེའོ་ཞེས་གསུངས་སོ། །   
\c 20
\cl ལེའུ་ཉི་ཤུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཨེ་ཅིབ་དང་གུ་ཤ་གཉིས་ཀ་འཇོམས་པའི་ལུང་བསྟན།  
\p
\v 1 ཨ་སུར་གྱི་རྒྱལ་པོ་སི་ཀོན་བྱ་བས་དམག་དཔོན་ཨ་སི་དོད་ཅེས་པའི་ཡུལ་དུ་བཏང་བའི་ལོ་དེར། དམག་དཔོན་དེས་ཨ་སི་དོད་ལ་དམག་བརྒྱབ་ནས་གྲོང་ཁྱེར་བླངས།  
\v 2 དུས་དེར། དཀོན་མཆོག་ཡ་ཝཱེས་ཨ་མོ་ཟིའི་བུ་ཡེ་ཤ་ཡཱ་བརྒྱུད་ནས་འདི་སྐད་དུ། ཁྱོད་ཀྱིས་རང་གི་སྐེད་པའི་རྩིད་རས་དང་། རྐང་པའི་ལྷམ་ཕུད་ཅིག་ཅེས་གསུངས་པ་དང་། ཡེ་ཤ་ཡཱ་ཡིས་དེ་ལྟར་བྱས་རྗེས་གཅེར་བུར་བུད་ནས་རྐང་རྗེན་དུ་སོང་།   
\p
\v 3 དཀོན་མཆོག་ཡ་ཝཱེས་འདི་སྐད་དུ། ཨེ་ཅིབ་པ་དང་གུ་ཤ་པ་ལ་རྒོལ་བའི་སྔ་ལྟས་སུ། ངའི་ཞབས་ཕྱི་ཡེ་ཤ་ཡཱ་ལོ་གསུམ་གྱི་རིང་ལ་གཅེར་བུ་དང་རྐང་རྗེན་དུ་སོང་བ་བཞིན།  
\v 4 ཨ་སུར་རྒྱལ་པོས་དེ་བཞིན་དུ་ཨེ་ཅིབ་ཀྱི་བཙོན་པ་དང་གུ་ཤའི་རྒྱང་ཕུད་བཏང་བའི་མི་རྣམས་འཁྲིད་ཅིང་། རྒན་གཞོན་གང་ཡིན་ཁྱད་མེད་པར་ཐམས་ཅད་གྱོན་གོས་བཤུས་ནས་རྐང་རྗེན་ལ། ཁོག་སྨད་གཅེར་བུར་ཕུད་དེ་ཨེ་ཅིབ་ལ་ངོ་ཚ་གཏོད་པར་འགྱུར།  
\v 5 དེ་ནས་ཡེས་ར་ཨེལ་པ་རྣམས་ཁོ་ཚོས་རེ་བ་བྱེད་པའི་གུ་ཤ་དང་། ངོམ་ཟིལ་སྟོན་པའི་ཨེ་ཅིབ་ཀྱི་ཕྱིར་དུ་འཇིགས་ཤིང་ངོ་ཚ་བར་འགྱུར།  
\v 6 ཉིན་དེར་མཚོ་རྒྱུད་ཀྱི་ཡུལ་མི་རྣམས་ན་རེ། ལྟོས་དང་། ང་ཚོས་རེ་བ་བཅངས་པ་སྟེ། རང་ཅག་གིས་ཨ་སུར་རྒྱལ་པོ་དང་ཁ་འབྲལ་ཕྱིར་སྐྱབས་བཅོལ་སའང་འདི་འདྲ་ཡིན་པས་རང་ཅག་ཅི་ལྟར་ཐར་རམ་ཞེས་སྨྲ་བར་འགྱུར་ཞེས་གསུངས་སོ། །   
\c 21
\cl ལེའུ་ཉེར་གཅིག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 པཱ་པེལ་ལོན་སྐོར་གྱི་ལུང་བསྟན།  
\p
\v 1 མཚོ་འགྲམ་གྱི་དབེན་གནས་སྐོར་གྱི་བཀའ་ལུང་ནི་འདི་ལྟ་སྟེ། དགྲ་བོ་རྣམས་ནི་ནེ་གུབ་ཡུལ་ནས་ཡོང་བའི་དྲག་རླུང་བཞིན་དུ་དབེན་སྟོང་གི་འཇིགས་སུ་རུང་བའི་གནས་ནས་ཐོན་ཞིང་།  
\v 2 བདག་ལ་ལུང་བསྟན་འཇིགས་སུ་རུང་བ་ཞིག་བསྟན་པ་ནི། གཡོ་སྒྱུ་སྤྱོད་མཁན་གྱིས་གཡོ་སྒྱུ་སྤྱོད་ཅིང་། གཏོར་བརླག་གཏོང་མཁན་གྱིས་གཏོར་བརླག་གཏོང་བ་སྟེ། ཀྱེ་ཨེ་ལཱམ་ཡར་སོང་དང་། ཀྱེ་མཱ་ཏི་བསྐོར་ནས་རྒོལ་ཞིག གཙོ་བོས་བདག་གིས་སྨྲེ་སྔགས་ཡོད་ཚད་མཚམས་ཆད་པར་བྱའོ་ཞེས་གསུངས།  
\v 3 དེ་བས་ངའི་སྐེད་པ་ན་ཟུག་གིས་གདུང་བར་གྱུར་ཏེ། སྦྲུམ་མའི་ཟུག་གཟེར་བཞིན་དུ་སྡུག་བསྔལ་གྱིས་ང་རང་བཟུང་། ང་རང་རྣ་བས་གང་ཞིག་ཐོས་པའི་རྐྱེན་གྱིས་ཟུག་གཟེར་ལངས་ཤིང་། མིག་གིས་ཅི་ཞིག་མཐོང་བའི་དབང་གིས་དངངས་སྐྲག་སྐྱེས་སོ། །  
\v 4 ངའི་སེམས་བློང་བློང་པོར་གྱུར་ཏེ། དངངས་སྐྲག་གིས་ང་ལ་འཇིགས་སྐུལ་ཞིང་། ང་རང་གདུང་བའི་ས་སྲོས་ཀྱིས་ཀྱང་ང་རང་སྐྲག་སྐྲག་འདར་འདར་བྱེད་དུ་བཅུག  
\v 5 དེ་ཚོས་གསོལ་ལྕོག་བསྒྲིགས་ཤིང་། ས་གདན་བཏིངས་ནས་བཟའ་བཏུང་སྤྱོད་ལ། ཀྱེ་འགོ་དཔོན་རྣམས་ཡར་ལངས་ཏེ་ཕུབ་ལ་སྣུམ་བྱུགས་ \f + \ft འདིར་ཕུབ་ལ་སྣུམ་བྱུགས་ཞེས་པ་ནི་ཕུབ་ལ་སྣུམ་བྱུགས་ནས་འཐབ་མོར་གྲ་སྒྲིག་བྱེད་དགོས་པའི་དོན་ལ་འཇུག\f*ཤིག  
\v 6 ཅིའི་ཕྱིར་ཞེ་ན། གཙོ་བོས་ང་ལ་འདི་སྐད་དུ། ཁྱོད་རང་སོང་སྟེ་སོ་པ་ཞིག་བསྐོས་ནས་དེས་ཅི་མཐོང་བ་རྣམས་སྙན་ཞུ་བྱེད་དུ་ཆུག  
\v 7 དེས་རྟ་དམག་ཆ་ཆ་བྱས་ནས་འོང་བ་དང་། བོང་བུའི་དམག་དཔུང་དང་རྔ་མོང་གི་དམག་དཔུང་མཐོང་བའི་ཚེ། ཁོས་དེ་དག་ལ་གཟབ་གཟབ་བྱེད་ཅིང་། ཤིན་ཏུ་གཟབ་གཟབ་བྱེད་དགོས་ཞེས་གསུངས་སོ། །   
\p
\v 8 རྗེས་སུ་སོ་པས་སེང་གེའི་ང་རོ་སྒྲོག་པ་བཞིན་ན་རེ། ཀྱེ་གཙོ་བོ་ལགས། ང་རང་ཉི་མ་རེ་རེར་སོ་ལྟའི་མཁར་ཐོག་ནས་ལངས་ཤིང་། མཚན་མོ་རེ་རེར་རང་གནས་སུ་བསྡད་པ་ཡིན།  
\v 9 ལྟོས་དང་། རྟ་དམག་ཁག་ཅིག་འོང་བ་སྟེ། རྟ་དང་དམག་ནི་ཆ་ཆ་བྱས་ནས་ཡོང་གིན་འདུག ཡང་མི་ཞིག་གིས་ལན་བཏབ་པ་སྟེ། འགྱེལ་ཏེ། པཱ་པེལ་ལོན་འགྱེལ་ཏོ། །དེའི་སྐུ་འདྲ་བརྐོས་མ་ཐམས་ཅད་བཅག་ནས་ས་རུ་ལྷུང་ཞེས་དང་།  
\v 10 ཀྱེ་ངའི་རྡུང་བར་གྱུར་པའི་ལོ་ཏོག་དང་། ངའི་གཡུལ་ཁའི་འབྲུ་རིགས། ངའི་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་སྟེ་ཡེས་ར་ཨེལ་གྱི་དཀོན་མཆོག་ལས་ཐོས་པ་ཐམས་ཅད་ཁྱོད་རྣམས་ལ་བསྒྲགས་པར་བྱའོ་ཞེས་སྨྲས་སོ། །   
\s1 ཨ་རབ་སྐོར་གྱི་ལུང་བསྟན།  
\p
\v 11 དུའུ༌མཱ་\f + \ft དུའུ་མཱ་ཞེས་པ་ནི་ཨེ་ཏོམ་ཞེས་པའི་མིང་གཞན་ཞིག་ཡིན་པར་གསུངས།\f*སྐོར་གྱི་བཀའ་ལུང་ནི་འདི་ལྟ་སྟེ། མི་ཞིག་གིས་སེ་ཨིར་ཕྱོགས་ནས་ང་བོས་ཏེ་ན་རེ། ཀྱེ་སོ་ལྟ་ལགས། མཚན་མོ་ད་དུང་ཇི་ཙམ་ལུས་སམ། སོ་ལྟ་ལགས། མཚན་མོ་ད་དུང་ཇི་ཙམ་ལུས་སམ་ཞེས་དྲིས་པ་ན།  
\v 12 སོ་ལྟ་ན་རེ། ཞོགས་པ་སླེབས་ཀྱང་མཚན་མོ་ཡང་བསྐྱར་སླེབ་ངེས། ཁྱོད་ཀྱིས་ད་དུང་འདྲི་འདོད་ན། ཕྱིར་ཤོག་ལ་དྲིས་ཤིག་ཅེས་པའོ། །  
\v 13 ཡང་ཨ་རབ་སྐོར་གྱི་བཀའ་ལུང་ནི་འདི་ལྟ་སྟེ། ཀྱེ་དི་དཱན་པའི་ཚོང་གཉེར་རུ་ཁག ཁྱོད་རྣམས་ཨ་རབ་ཀྱི་ནགས་ཁྲོད་དུ་ཞག་སྡོད་བྱེད་དགོས་ལ།  
\v 14 ཀྱེ་ཐེ་མཱའི་ཡུལ་མི་རྣམས། ཁ་སྐོམ་པ་ལ་ཆུ་སྟེར་དགོས་ཤིང་། བྲོས་བྱོལ་པ་རྣམས་ལ་བག་ལེབ་སྦྱིན་དགོས།  
\v 15 ཅིའི་ཕྱིར་ཞེ་ན། དེ་དག་ཕྱིར་ཐོན་པའི་རལ་གྲི་དང་། འཐེན་པའི་མདའ་མོ། ཛ་དྲག་ཆེ་བའི་དམག་འཁྲུག་བཅས་ལས་ཐར་བས་སོ། །  
\v 16 གཙོ་བོས་ང་ལ་འདི་སྐད་དུ། གླ་པའི་ལོ་གྲངས་བཞིན་དུ་ལོ་གཅིག་གི་ནང་དུ་ཀེ་དཱར་གྱི་གཟི་བརྗིད་ཐམས་ཅད་རྫོགས་པར་འགྱུར་ཏེ།  
\v 17 མདའ་པ་ལས་ཐར་བའི་མི་གྲངས་ནི་ཀེ་དཱར་པའི་དཔའ་བོ་ཡིན་པས་ཤིན་ཏུ་ཉུང་ཞེས་ཡེས་ར་ཨེལ་གྱི་དཀོན་མཆོག་ཡ་ཝཱེས་གསུངས་སོ། །   
\c 22
\cl ལེའུ་ཉེར་གཉིས་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེ་རུ་སཱ་ལེམ་སྐོར་གྱི་ལུང་བསྟན་།  
\p
\v 1 ཞལ་གཟིགས་ལུང་པའི་སྐོར་གྱི་བཀའ་ལུང་ནི་འདི་ལྟ་སྟེ། ཁྱོད་ཅག་ཐམས་ཅད་ལ་དོན་ཅི་ཞིག་བྱུང་སྟེ་ཁང་ཀླད་དུ་འགོས་པ་ཡིན་ནམ།  
\v 2 ཀྱེ་ཅ་ཅོ་དང་འདུ་འཛི། དགའ་སྤྲོས་བཀང་བའི་གྲོང་ཁྱེར། ཁྱོད་ཀྱི་ནང་དུ་བསད་པ་དག་ནི་རལ་གྲིས་བསད་པ་མ་ཡིན་ལ། དམག་སར་ཤི་བའང་མ་ཡིན།  
\v 3 ཁྱོད་ཀྱི་འགོ་དཔོན་རྣམས་ལྷན་དུ་བྲོས་ཤིང་། དེ་དག་ལ་མདའ་གཞུ་མེད་པས་འཛིན་བཟུང་ཐེབས་པ་དང་། དེ་དག་ཐག་རིང་དུ་བྲོས་ཀྱང་ཁྱོད་ལས་རྙེད་པ་ཐམས་ཅད་བཙོན་དུ་ཁྲིད།  
\v 4 དེ་བས་ངས་ཁྱོད་ཀྱི་མིག་གིས་ང་ལ་མ་ལྟ་ཞིག ང་རང་དྲག་ཏུ་ངུ་རུ་ཆུག ཡང་ངའི་འབངས་མེད་པར་བཟོས་པའི་རྐྱེན་གྱིས་ང་ལ་སེམས་གསོ་བྱེད་པར་མ་བྲེལ་ཞིག་ཅེས་པའོ། །   
\p
\v 5 ཅིའི་ཕྱིར་ཞེ་ན། དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་ཞལ་གཟིགས་ལུང་པར་དངངས་སྐྲག་དང་རྡོག་བརྫིས། ཟང་ཟིང་གི་དུས་ཡོད་པར་མཛད་དེ། མཁར་རྣམས་བཤིག་ཅིང་། སྡུག་སྐད་རི་སྒང་དུ་སླེབས།  
\v 6 ཨེ་ལཱམ་པས་མདའ་ཤུབས་ཐོགས་ཏེ་ཤིང་རྟ་དང་རྟ་དམག་ཡོད་ལ། ཀིར་གྱི་དམག་མིས་ཕུབ་བཟུང་ནས་གྲ་སྒྲིག་བྱས་འདུག  
\v 7 ཁྱོད་ཀྱི་ལུང་པ་བཟང་པོའི་ནང་དུ་ཤིང་རྟ་ཡིས་གང་ཞིང་། དམག་རྟའི་ཚོགས་ཀྱང་མཁར་སྒོའི་མདུན་དུ་བསྒྲིགས་ཡོད།  
\v 8 ཁོང་གིས་ཡ་ཧུ་དཱའི་འགེབ་སྲུང་བསྣུར་ཅིང་། དུས་དེར་ཁྱོད་ཀྱིས་ནགས་ཚལ་མཛོད་ཁང་ནང་གི་མཚོན་ཆར་རེ་བ་བཅོལ་བ་ཡིན།  
\v 9 ཁྱོད་ཅག་གིས་དཱ་བིད་གྲོང་ཁྱེར་གྱི་མཁར་ཆག་མང་པོ་མཐོང་སྟེ། རྫིང་བུ་འོག་མ་ནས་ཆུ་དྲངས་ཤིང་།  
\v 10 ཁྱོད་རྣམས་ཀྱིས་ཡེ་རུ་སཱ་ལེམ་གྱི་ཁང་ཁྱིམ་རྣམས་བརྩིས་པ་དང་། དེ་དག་བཤིགས་ནས་མཁར་རྫོང་བརྩིགས།  
\v 11 རྫིང་བུ་རྙིང་པའི་ཆུ་གསོག་ཕྱིར་ཁྱོད་རྣམས་ཀྱིས་ཡང་མཁར་གཉིས་ཀྱི་བར་ནས་ཆུ་མཛོད་བཟོས། འོན་ཀྱང་ཁྱོད་ཀྱིས་དེ་མཛད་མཁན་གྱི་དཀོན་མཆོག་ལ་མ་བལྟས་ཤིང་། གནའ་ནས་ད་བར་དུ་དོན་འདི་མཛད་མཁན་གྱི་དཀོན་མཆོག་ཀྱང་མ་དྲན་ནོ། །   
\p
\v 12 ཉིན་མོ་དེར་དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་མི་རྣམས་ངུ་ཞིང་སྨྲེ་སྔགས་འདོན་པ་དང་། མགོའི་སྐྲ་བཞར་ནས་རྩིད་རས་གྱོན་པར་དགོངས་པ་ཡིན།  
\v 13 ལྟོས་དང་། མི་རྣམས་ད་དུང་དགའ་ཞིང་སྐྱིད་པའི་ངང་ནས་གླང་དང་ལུག་བཤས་ཏེ། ཤ་བཟའ་བ་དང་རྒུན་ཆང་འཐུང་ནས་ན་རེ། རང་ཅག་གིས་བཟའ་བཏུང་སྤྱོད་དང་། ཅིའི་ཕྱིར་ཞེ་ན། སང་ཉིན་རང་ཅག་འཆི་བར་འགྱུར་ཞེས་པའོ། །  
\v 14 དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་དངོས་སུ་ང་ལ་བསྟན་ཏེ་འདི་སྐད་དུ། སྡིག་པ་འདི་དག་ཁྱོད་འཆི་བའི་བར་དུ་འདག་པར་མི་བྱའོ་ཞེས་དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་གསུངས་སོ། །   
\p
\v 15 དེ་ཡང་དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་འདི་སྐད་དུ། ཕོ་བྲང་གི་ཕྱག་མཛོད་ཤེབ་ནཱའི་རྩར་སོང་ནས་ཁོ་ལ།  
\v 16 ཁྱོད་ཀྱིས་འདི་ནས་ཅི་བྱེད་པ་ཡིན་ནམ། ཁྱོད་ཀྱིས་རང་ཉིད་སུ་ཡིན་འདོད་དམ། ཁྱོད་ཀྱིས་འདི་ནས་རང་ལ་དུར་ཁུང་ཞིག་བརྐོས་ཏེ། མཐོ་ས་ནས་དུར་ཁུང་བརྐོས་ཏེ་བྲག་ཁུང་ནང་དུ་སྡོད་རྒྱུ་ཡིན་ནམ།  
\v 17 ལྟོས་ཤིག་དཔའ་བོ། དཀོན་མཆོག་ཡ་ཝཱེས་ཁྱོད་ཤུགས་ཀྱིས་འཕེན་ཞིང་། ཁོང་གིས་ཁྱོད་དམ་པོར་འཛིན་པར་འགྱུར།  
\v 18 ཁོང་གིས་ཁྱོད་ནི་གྲུ་གུ་ལྟར་རིལ་རིལ་བྱས་ནས་ཡངས་ཤིང་རྒྱ་ཆེ་བའི་གནས་ཤིག་ཏུ་འཕེན་པ་དང་། ཁྱོད་ཡུལ་དེར་ཤི་ནས་ཁྱོད་ཀྱི་ཤིང་རྟ་དཔལ་དང་ལྡན་པ་རྣམས་ཀྱང་ཡུལ་དེར་གནས་ཤིང་། ཁྱོད་ནི་རང་གི་བདག་པོའི་ཁྱིམ་གྱི་ངོ་ཚ་རུ་འགྱུར་རོ། །  
\v 19 བདག་\f + \ft འདིར་བདག་ཅེས་འབྱུང་བ་དཀོན་མཆོག་ཡ་ཝཱེ་ལ་གོ་བ་ཡིན།\f*གིས་ཁྱོད་ཀྱི་དཔོན་གནས་བླངས་ཏེ། ཁྱོད་ནི་རང་གི་གོ་ས་ནས་མར་འབེབ་པར་འགྱུར།  
\v 20 ཉིན་མོ་དེར་ངས་ཧིལ་ཀི་ཡཱའི་བུ་སྟེ་ཉིད་ཀྱི་ཞབས་ཕྱི་ཨེལ་ཡ་ཀིམ་བོས་ནས།  
\v 21 བདག་གིས་ཁྱོད་ཀྱི་ཕྱི་གོས་དེ་ལ་བསྐོན་ནས་ཁྱོད་ཀྱི་སྐ་རགས་དེ་ལ་འཆིང་དགོས་པ་དང་། ཁྱོད་ཀྱི་དབང་ཆ་དེའི་ལག་ཏུ་སྤྲད་ནས། དེ་ནི་ཡེ་རུ་སཱ་ལེམ་དང་ཡ་ཧུ་དཱ་ཁྱིམ་རྒྱུད་ཀྱི་ཡབ་ཆེན་དུ་འགྱུར་ངེས་ཡིན།  
\v 22 ངས་དཱ་བིད་ཚང་གི་ལྡེ་མིག་ཁོའི་ཕྲག་པར་བཞག་\f + \ft འདིར་ལྡེ་མིག་ཁོའི་ཕྲག་པར་བཞག་ཅེས་པ་ནི་སྐབས་དེའི་ལྡེ་མིག་རྣམས་ཧ་ཅང་ཆེ་ཞིང་ཐི་གུས་བསྡམས་ནས་ཕྲག་ལ་འཁུར་བ་ཡིན།\f*སྟེ། དེས་ཕྱེས་པའི་སྒོ་ནི་སུས་ཀྱང་རྒྱག་མི་ཐུབ་ལ། དེས་བརྒྱབ་པའི་སྒོ་ནི་སུས་ཀྱང་འབྱེད་མི་ཐུབ།  
\v 23 ངས་དེ་ཕུར་པ་ལྟར་བརྡབས་ནས་བརྟན་པོར་མཛད་ཅིང་། དེ་ནི་ཕ་གཞིས་ཀྱི་བཞུགས་ཁྲི་གཟི་བརྗིད་ཅན་དུ་འགྱུར་བར་བྱའོ། །  
\v 24 དེའི་ཕ་གཞིས་ཀྱི་གཟི་བརྗིད་ཐམས་ཅད་དེ། དེའི་བུ་ཕྲུག་དང་ཚ་རྒྱུད། ད་དུང་ཡོ་བྱད་སྣ་ཚོགས་ཏེ། ཕོར་པ་དང་བུམ་པ་བཅས་ཐམས་ཅད་ཁོ་ལ་བརྟེན་པར་འགྱུར།  
\v 25 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་དུ། དུས་དེར། བརྟན་པོར་བརྡབས་པའི་ཕུར་པ་དེ་སྒུལ་ཞིང་བཅག་ནས་སར་ལྷུང་ཞིང་། དེའི་སྟེང་དུ་ཡོད་པའི་ཁུར་པོ་རྣམས་མེད་པར་འགྱུར། ཅིའི་ཕྱིར་ཞེ་ན། དཀོན་མཆོག་ཡ་ཝཱེས་དེ་ལྟར་གསུངས་སོ། །   
\c 23
\cl ལེའུ་ཉེར་གསུམ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཐཱར་སྐོར་གྱི་ལུང་བསྟན།  
\p
\v 1 ཐཱར་ཞེས་པའི་སྐོར་གྱི་བཀའ་ལུང་ནི་འདི་ལྟ་སྟེ། ཀྱེ་ཐཱར་ཞིས་ཀྱི་གྲུ་གཟིངས་རྣམས། ངུ་འབོད་གྱིས་ཤིག གང་ལ་ཞེ་ན། ཐཱར་གྱི་ས་ཆ་སྟོངས་ཤིང་འཇིག་ནས་དེ་རུ་ཁང་པ་མེད་ཅིང་། གྲུ་ཁའང་མེད་ཅེས་པའི་བརྡ་འདི་ནི་ཁོ་ཚོས་ཀིབ་རིས་ཡུལ་ནས་ཐོས་པར་གྱུར།  
\v 2 མཚོ་རྒྱུད་ཀྱི་ཡུལ་མི་སྟེ། མཚོ་འགྲུལ་ལ་བརྟེན་ནས་ཕྱུག་པོར་འགྱུར་བའི་ཚི་ཏུན་གྱི་ཚོང་པ་ཁྱོད་རྣམས་ཁུ་སིམ་པོར་སྡོད་ཅིག  
\v 3 ཆུ་ཆེན་སྟེང་གི་ཤུ་ཧོར་གྱི་འབྲུ་རིགས་དང་། ནཱ་ཡོལ་གཙང་པོའི་ལོ་ཏོག་བཅས་ནི་ཚི་ཏུན་གྱི་ཡོང་འབབ་ཡིན་པས། ཚི་ཏུན་ནི་རྒྱལ་ཁབ་ཀུན་གྱི་ཚོང་ར་རུ་གྱུར།  
\v 4 ཀྱེ་ཚི་ཏུན་ངོ་ཚ་བར་གྱུར་ཅིག གང་ལ་ཞེ་ན། རྒྱ་མཚོ་དང་རྒྱ་མཚོའི་ངར་ཤུགས་ཀྱིས། ངས་ཕྲུ་གུ་སྐྱེ་བའི་ན་ཟུག་ཉམས་སུ་མ་མྱངས་ལ། ཕྲུ་གུ་ཡང་བཙས་མ་མྱོང་། བུ་གསོས་མ་མྱོང་ལ་བུ་མོ་ཡང་གསོ་སྐྱོང་བྱས་མ་མྱོང་ངོ་ཞེས་པའོ། །  
\v 5 གནས་ཚུལ་འདི་ཨེ་ཅིབ་པས་ཐོས་པས། ཨེ་ཅིབ་པ་རྣམས་ཐཱར་གྱི་གནས་ཚུལ་འདིའི་ཕྱིར་ཤིན་ཏུ་སྐྱོ་བར་གྱུར་ཏོ། །  
\v 6 ཀྱེ་མཚོ་རྒྱུད་ཀྱི་ཡུལ་མི་རྣམས། ངུ་འབོད་བྱོས་ཤིག ཁྱོད་རྣམས་ཕ་རོལ་གྱི་ཐཱར་ཞིས་ལ་སོང་ཞིག  
\v 7 འདི་ནི་ཁྱོད་རྣམས་དགའ་བའི་གྲོང་ཁྱེར་ཡིན་ནམ། དེའི་འབྱུང་ཁུངས་བརྗོད་ན་གནའ་རབས་ཡིན་ཞིང་། དེའི་རྐང་པས་ཡུལ་མི་རྣམས་རྒྱང་རིང་དུ་ཁྲིད་ནས་སྡོད་པར་གྱུར་ཏོ། །  
\v 8 སུ་ཞིག་གིས་ཇུས་འགོད་བྱས་ཏེ་ཐཱར་ལ་རྒོལ་དུ་བཅུག་པ་ཡིན་ནམ། དེ་ནི་མི་ལ་ཅོད་པན་གནང་བའི་གྲོང་ཁྱེར་ཞིག་སྟེ། དེའི་ཚོང་པ་ནི་རྒྱལ་སྲས་དང་། དེའི་ཚོང་དཔོན་རྣམས་ནི་ས་གཞིའི་སྟེང་གི་བཀུར་འོས་པ་ཡིན།  
\v 9 འདི་ནི་དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་ཐུགས་དགོངས་ཏེ། གཟི་བརྗིད་ཀྱིས་ང་རྒྱལ་ཆེ་བ་དག་ལ་བརྙས་བཅོས་དང་། ས་གཞིའི་སྐུ་དྲག་ཐམས་ཅད་ལ་མཐོང་ཆུང་བྱེད་པའི་ཕྱིར་ཡིན།  
\v 10 ཀྱེ་ཐཱར་ཞིས་ཀྱི་ཡུལ་མི་རྣམས། བཀག་འགོག་ཅི་ཡང་མེད་པའི་ནཱ་ཡོལ་གཙང་པོ་ཁྱོད་ཀྱི་ཡུལ་ལ་བཞུར་བ་བཞིན་དུ་སོང་ཞིག  
\v 11 དཀོན་མཆོག་ཡ་ཝཱེས་ཕྱག་ཟུང་རྒྱ་མཚོའི་ཁྱོན་ལ་བརྐྱངས་ཏེ་རྒྱལ་ཁབ་ཀུན་སྒུལ་ཞིང་། ཁོང་གིས་ཀ་ན་ཨན་གྱི་སྐོར་ལ་དེའི་ནང་གི་བཙན་རྫོང་རྣམས་བཤིག་པར་འགྱུར་ཞེས་པའི་བཀའ་ཞིག་བབས།  
\v 12 ཡང་ཁོང་གིས་འདི་སྐད་དུ། བཙན་གནོན་ཐེབས་པའི་ཚི་ཏུན་གྱི་ཡུལ་མི་རྣམས། ཁྱོད་རྣམས་ཡང་བསྐྱར་དགའ་བར་མི་འགྱུར་ཏེ། ཡར་ལངས་ནས་ཕར་ཕྱོགས་ཀྱི་ཀིབ་རིས་སུ་སོང་དང་། དེ་ནས་ཀྱང་ཁྱོད་ལ་ངལ་གསོ་འཐོབ་པར་མི་འགྱུར་ཞེས་གསུངས།  
\v 13 ལྟོས་དང་། ཐཱར་ནི་དབེན་སྟོང་དང་རི་དྭགས་གནས་སར་འགྱུར་དུ་འཇུག་མཁན་ནི་ཀལ་དི་ནས་ཐོན་པའི་མི་ཡིན་པ་ལས་ཨ་སུར་པ་མ་ཡིན་ཏེ། ཁོ་ཚོས་མཁར་ལ་རྒོལ་བའི་ལྕོག་མཐོན་པོ་བརྩིགས་ཤིང་། ཐཱར་གྱི་མཁར་རྫོང་བཤིགས་ནས་ཞིག་རལ་དུ་བཏང་ཡོད་དོ། །  
\v 14 ཀྱེ་ཐཱར་ཞིས་ཀྱི་གྲུ་གཟིངས་རྣམས། ཁྱོད་ཀྱི་བཙན་རྫོང་རྣམས་གཏོར་བས་ངུ་འབོད་གྱིས་ཤིག   
\s1 ལོ་བདུན་ཅུའི་རྗེས་སུ་ཐཱར་ལ་ཡང་བསྐྱར་གཟིགས་སྐྱོང་མཛད་པ།  
\p
\v 15 ཉིན་མོ་དེར། ཐཱར་ནི་རྒྱལ་རབས་གཅིག་གི་དུས་སྐབས་བཞིན་དུ་ལོ་བདུན་ཅུར་བརྗེད་པར་འགྱུར་ཞིང་། ལོ་བདུན་ཅུའི་རྗེས་སུ་ཐཱར་ནི་སྨད་འཚོང་མས་བླངས་པའི་གླུ་བཞིན་འགྱུར་ཏེ།  
\v 16 ཀྱེ་བརྗེད་ཟིན་པའི་གཡེམ་མ། མི་ཡིས་ཁྱོད་རང་ཕྱིར་དྲན་པའི་ཆེད་དུ་པི་ཝང་ཐོགས་ཏེ་གྲོང་ཁྱེར་ཡོངས་སུ་སྐྱོད་ཅིག རོལ་དབྱངས་དཀྲོལ་བཞིན་གླུ་མང་པོ་ལོངས་ཤིག་ཅེས་པའོ། །  
\v 17 ལོ་བདུན་ཅུའི་རྗེས་སུ་དཀོན་མཆོག་ཡ་ཝཱེས་ཐཱར་ལ་གཟིགས་སྐྱོང་མཛད་ཅིང་། ཐཱར་ཡང་བསྐྱར་དར་ཞིང་རྒྱས་ཏེ། ས་གཞིའི་སྟེང་གི་རྒྱལ་ཁམས་ཀུན་དང་སྨད་འཚོང་མའི་ཚོང་བྱེད་དོ། །  
\v 18 དེའི་རྒྱུ་ནོར་དང་ཐོབ་པའི་ཁེ་ཕན་དམ་པའི་ཚུལ་དུ་དཀོན་མཆོག་ཡ་ཝཱེར་འབུལ་ཞིང་། གསོག་འཇོག་བྱེད་པར་མི་འགྱུར། གང་ལ་ཞེ་ན། དེའི་རྒྱུ་ནོར་དག་ནི་དཀོན་མཆོག་ཡ་ཝཱེའི་དྲུང་དུ་སྡོད་པའི་མི་ལ་དབང་བས། ཁོ་ཚོའི་ལྟོ་བ་འགྲང་ཞིང་གྱོན་པ་ལེགས་པོ་ཡིན་ནོ། །   
\c 24
\cl ལེའུ་ཉེར་བཞི་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཁ་ཆད་དོར་བས་ཉེས་ཆད་ཕོག་པ།  
\p
\v 1 ལྟོས་དང་། དཀོན་མཆོག་ཡ་ཝཱེས་ས་གཞི་སྟོངས་ཤིང་སྟོང་བར་མཛད་དེ། ཁོང་གིས་ས་སྟེང་བསློགས་ཤིང་དེའི་ཡུལ་མི་རྣམས་ཕྱོགས་སོ་སོར་གཏོར་བ་དང་།  
\v 2 འབངས་དང་མཆོད་དཔོན། གཡོག་པོ་དང་བདག་པོ། གཡོག་མོ་དང་བདག་མོ། ཉོ་མཁན་དང་འཚོང་མཁན། སྐྱི་མཁན་དང་གཡོར་མཁན། སྐྱེད་མཁན་དང་སྐྱེད་འཇལ་མཁན་ཐམས་ཅད་གཏོར་བར་འགྱུར།  
\v 3 ས་གཞི་རྩ་བ་ནས་སྟོང་བར་གྱུར་ཏེ་ཡོངས་སུ་མེད་པར་འགྱུར་ཞེས་བཀའ་འདི་ནི་དཀོན་མཆོག་ཡ་ཝཱེས་གསུངས་སོ། །  
\v 4 ས་གཞི་སྐམ་ནས་ཉམས་རྒུད་དུ་འགྲོ་ཞིང་། དེའི་སྟེང་གི་མཐོ་སར་བཞུགས་པའི་ཁེངས་དྲེགས་ཅན་རྣམས་ཀྱང་ཉམས་པར་འགྱུར།  
\v 5 ཡུལ་མི་རྣམས་ཀྱིས་བཀའ་ཁྲིམས་མ་བརྩིས་ཤིང་། སྲོལ་ཡིག་དང་འགལ་ནས་དུས་གཏན་གྱི་ཁ་ཆད་དོར་བས། ས་གཞི་ནི་དེའི་སྟེང་གི་ཡུལ་མིས་སྦགས་པ་ཡིན།  
\v 6 དེ་བས་ས་གཞི་ལ་དམོད་མོ་ཐེབས་ཏེ་རྩ་མེད་དུ་གཏོང་ཞིང་། དེར་གནས་པའི་ཡུལ་མི་ཚོས་ཉེས་ཆེད་འཁུར་བར་འགྱུར། དེ་བས་ས་སྟེང་གི་ཡུལ་མི་རྣམས་བསྲེག་པར་འགྱུར་ལ། ཤུལ་དུ་ལུས་པ་ཤིན་ཏུ་ཉུང་།  
\v 7 རྒུན་ཆང་སྐྱོ་ཞིང་རྒུན་ཤིང་རྒུད་པ་དང་། སྐྱིད་སྣང་ཅན་གྱིས་ཤུགས་རིང་འབྱིན།  
\v 8 སིལ་རྔ་རྡུང་བའི་དགའ་སྤྲོ་མཚམས་ཆད་ཅིང་། དགའ་སྟོན་ལ་རོལ་བའི་འདུ་འཛི་ཁུ་སིམ་པོར་གྱུར་ལ། པི་ཝང་དཀྲོལ་བའི་དགའ་སྤྲོ་མཚམས་ཆད་དོ། །  
\v 9 དེ་དག་གིས་ཡང་བསྐྱར་ཆང་འཐུང་ནས་གླུ་ལེན་པར་མི་འགྱུར་ཞིང་། ཆང་གར་པོ་འཐུང་མཁན་རྣམས་ཀྱང་སྤྲོ་བར་མི་འགྱུར་རོ། །  
\v 10 སྟོངས་ཤིང་གོ་རིམ་མེད་པའི་གྲོང་ཁྱེར་ནི་གཏོར་ནས་བརླག་པ་དང་། ཁྱིམ་ཚང་རེ་རེས་སྒོ་བརྒྱབ་ནས་ནང་དུ་འགྲོ་མི་ཐུབ་པར་བྱས།  
\v 11 ཆང་མེད་པས་མི་ལ་ལས་རྒྱ་སྲང་ནས་སྡིག་སྐད་བཏོན། དགའ་སྤྲོ་ཡོད་ཚད་མེད་པར་གྱུར། ས་གཞིའི་དགའ་སྤྲོ་ཡལ་བར་གྱུར།  
\v 12 གྲོང་ཁྱེར་ནི་དབེན་སྟོང་དུ་གྱུར་ཏེ་མཁར་སྒོ་རྣམས་བརྡུངས་ནས་བཤིགས།  
\v 13 ས་གཞིའི་མི་ཀུན་སྐྱུ་རུ་ར་ཡི་སྡོང་པོ་སྒུལ་བ་བཞིན་དང་། བཏོགས་ཚར་བའི་རྒུན་འབྲུམ་ཤིང་ལྟར་མང་པོ་ལུས་མེད་དོ། །  
\v 14 ཤུལ་ལུས་རྣམས་ཀྱིས་དགའ་འབོད་བྱེད་ཅིང་། ནུབ་ཕྱོགས་པ་ཡིས་དཀོན་མཆོག་ཡ་ཝཱེའི་གཟི་བརྗིད་སྒྲོག  
\v 15 ཤར་ཕྱོགས་པས་དཀོན་མཆོག་ཡ་ཝཱེའི་གཟི་བརྗིད་མངོན་ཏེ། མཚོ་རྒྱུད་ཀྱི་གླིང་ཕྲན་རྣམས་སུ་ཡེས་ར་ཨེལ་གྱི་དཀོན་མཆོག་ཡ་ཝཱེའི་མཚན་ལ་བསྟོད་པར་བྱའོ། །  
\v 16 ང་ཚོས་ས་གཞིའི་མཐའ་ནས་གཟི་བརྗིད་དྲང་བདེན་ཅན་ལ་འབུལ་ཞེས་པའི་གླུ་སྐད་ཐོས་ཡོང་། ཡིན་ནའང་ངས་བདག་ནི་ཚར་རོ། །བདག་ནི་ཚར་རོ། །བདག་ལ་ཆག་སྒོ་འབྱུང་ངོ་། །གང་ལ་ཞེ་ན། གཡོ་སྒྱུ་སྤྱོད་མཁན་གྱིས་གཡོ་སྒྱུ་སྤྱོད་ཅིང་། གཡོ་སྒྱུ་སྤྱོད་མཁན་གྱིས་གཡོ་སྒྱུ་ཆེ་རུ་སྤྱོད་དོ་ཞེས་སྨྲས་སོ། །  
\v 17 ཀྱེ་ས་གཞིའི་ཡུལ་མི་རྣམས། འཇིགས་སྐྲག་དང་ས་དོང་། རྒྱ་རྙི་བཅས་ཀྱིས་ཁྱོད་ལ་བསྒུགས་ཡོད།  
\v 18 འཇིགས་སྐྲག་གི་སྐད་ལས་འབྲོ་མཁན་རྣམས་དོང་ནང་དུ་ལྷུང་ཞིང་། དོང་ནས་ཡར་འགོས་པ་རྣམས་རྙི་ལ་ཚུད་པར་འགྱུར། ཅིའི་ཕྱིར་ཞེ་ན། ནམ་མཁའི་སྒེའུ་ཁུང་རྣམས་ཕྱེས་ནས་ས་གཞིའི་རྩ་བ་འདར།  
\v 19 ས་གཞི་ཡོངས་སུ་བརྡིབས་ཏེ་གས་པ་དང་། ས་རབ་ཏུ་གཡོས།  
\v 20 ས་གཞི་ནི་ཆང་གིས་བཟི་བའི་མི་བཞིན་ཡར་མར་འཁྱོར་ཞིང་། སྤྱིལ་བུ་དང་འདྲ་བར་གཡོས་ཏེ། ས་གཞི་ནི་རང་སྟེང་གི་ཉེས་ཆད་ཀྱིས་མནན་ཞིང་། ཐ་ན་བརྡིབས་ནས་ཡར་ལངས་མི་ནུས།  
\v 21 ཉིན་མོ་དེར། དཀོན་མཆོག་ཡ་ཝཱེས་མཐོ་དབྱིངས་སུ་ནམ་མཁའི་དཔུང་ཚོགས་དག་ལ་ཉེས་ཆད་གཅོད་ཅིང་། ས་སྟེང་གི་རྒྱལ་པོ་རྣམས་ལ་ཆད་པ་གཅོད་པར་འགྱུར།  
\v 22 དེ་དག་བཙོན་པ་རྣམས་མུན་དོང་དུ་བསྡུས་པ་བཞིན་དུ་བསྡུ་བར་འགྱུར་ཞིང་། དེ་དག་བཙོན་ཁང་དུ་བཅུག་སྟེ་ཉིན་མང་པོའི་རྗེས་སུ་ཉེས་ཆད་གཅོད་ངེས།  
\v 23 དུས་དེར་ཟླ་བ་སྐྱེངས་ཤིང་ཉི་མའང་ནོངས་པར་འགྱུར། གང་ལ་ཞེ་ན། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་རི་བོ་ཛ་ཡན་དང་ཡེ་རུ་སཱ་ལེམ་དུ་རྒྱལ་པོར་འགྱུར་ཞིང་། ཁོང་གི་རྒན་པོ་རྣམས་ཀྱི་མདུན་དུ་གཟི་བརྗིད་ཆེན་པོ་ཡོད།   
\c 25
\cl ལེའུ་ཉེར་ལྔ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 བསྟོད་དབྱངས།  
\p
\v 1 ཀྱེ་དཀོན་མཆོག་ཡ་ཝཱེ་ལགས། ཁྱེད་ནི་ང་ཡི་དཀོན་མཆོག་ཡིན་ཏེ། ངས་ཁྱེད་ལ་བསྟོད་ཅིང་ཁྱེད་ཀྱི་མཚན་ལ་བསྔགས་པར་བྱ། ཅི་ལ་ཞེ་ན། ཁྱེད་ཀྱིས་དྲང་བདེན་ཆ་ཡོངས་སུ་རྫོགས་པའི་ངང་ནས་ངོ་མཚར་ཅན་གྱི་དོན་རྣམས་མཛད་ཅིང་། དེ་ནི་ཁྱེད་ཀྱིས་གནའ་དུས་ནས་ཐུགས་སུ་བཅངས་པའི་དོན་ཡིན་ནོ། །  
\v 2 ཁྱེད་ཀྱིས་གྲོང་ཁྱེར་རྣམས་ཞིག་རལ་དུ་མཛད་པ་དང་། མཁར་བརྟན་པོ་རྣམས་དབེན་སྟོང་དུ་མཛད་དེ། ཕྱི་ཕྱོགས་པའི་མཁར་རྫོང་རྣམས་བཤིག་ཅིང་། སླར་ཡང་བརྩིག་པར་མི་བྱའོ། །  
\v 3 དེ་བས་མི་རིགས་སྟོབས་ལྡན་ཅན་གྱིས་ཁྱེད་ཀྱི་གཟི་བརྗིད་མངོན་ཞིང་། གྲོང་ཁྱེར་གདུག་རྩུབ་ཅན་རྣམས་ཀྱང་ཁྱེད་ལ་གུས་ཤིང་འཇིགས་པར་འགྱུར།  
\v 4 ཁྱེད་ནི་སྐྱོ་བོ་རྣམས་ཀྱི་སྐྱབས་དང་། དབུལ་པོའི་དཀའ་སྡུག་ཁྲོད་ཀྱི་སྐྱབས་གནས་དང་། ཆར་རླུང་དྲག་པོ་ལས་གཡོལ་བའི་སྦས་ས་དང་། ཚ་ངད་ཆེན་པོ་ལས་གཡོལ་བའི་གྲིབ་བསིལ་ལྟ་བུ་ཡིན་ཏེ། བཙན་ཤུགས་ཅན་གྱིས་བརྒྱབ་པའི་དབུགས་ནི་རྩིག་ངོར་རྒྱག་པའི་དྲག་རླུང་དང་འདྲའོ། །  
\v 5 སྐམ་སའི་ཚ་བ་ཉམས་པར་མཛད་པ་བཞིན་ཁྱེད་ཀྱིས་ཕྱི་ཕྱོགས་པའི་ཀུ་ཅོ་མེད་པར་མཛད་པ་དང་། སྤྲིན་གྱིས་ཚ་རླངས་འཇོམས་པ་བཞིན་ཁྱེད་ཀྱིས་གདུག་རྩུབ་ཅན་གྱི་རྒྱལ་ཁའི་གླུ་དབྱངས་མཚམས་བཅད་དོ། །  
\v 6 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་རི་བོ་འདི་ནས་མི་ཐམས་ཅད་ཀྱི་ཕྱིར་དུ་ཕུན་སུམ་ཚོགས་པའི་གསོལ་སྟོན་བཤམས་ཤིང་། དེའི་ནང་དུ་ལོ་ཆང་དང་རྐང་མར་ཞིམ་པོ། བདུད་རྩི་མངར་མོ་བཅས་ཡོད།  
\v 7 ཡང་ཁོང་གིས་རི་བོ་འདི་ནས་མི་ཐམས་ཅད་གཡོགས་པའི་ཡོལ་བ་དང་། རྒྱལ་ཁབ་ཀུན་ལ་བཀབ་པའི་རས་མེད་པར་མཛད་དེ།  
\v 8 ཁོང་གིས་འཆི་བ་ནི་དུས་གཏན་དུ་ཁྱུར་མིད་བཏང་ཞིང་། གཙོ་བོ་ཡ་ཝཱེས་མི་རེ་རེའི་གདོང་གི་མཆི་མ་ཕྱིས་ནས། ཉིད་ཀྱི་མི་སྡེའི་ངོ་ཚ་ནི་ས་གཞི་ཡོངས་ནས་མེད་པར་མཛད་ཅེས་དཀོན་མཆོག་ཡ་ཝཱེས་གསུངས་སོ། །  
\v 9 ཉིན་མོ་དེར་མི་ན་རེ། ལྟོས་དང་། འདི་ནི་ང་ཚོའི་དཀོན་མཆོག་ཡིན་ཏེ། ང་ཚོ་ཁོང་ལ་དད་ཅིང་བརྟེན་པ་ཡིན་ན་ཁོང་གིས་ང་ཚོ་སྐྱོབ་པར་འགྱུར། འདི་ནི་ང་ཚོ་བརྟེན་སའི་དཀོན་མཆོག་ཡ་ཝཱེ་ཡིན། ང་ཚོ་ནི་ཁོང་གི་ཐར་པའི་ལམ་ནས་དགའ་ཞིང་སྤྲོ་བར་བྱ་ཞེས་པའོ། །  
\v 10 དེ་ནས་དཀོན་མཆོག་ཡ་ཝཱེའི་ཕྱག་ནི་རི་བོ་འདིར་འཇོག་མོད་ཀྱང་། མོ་ཨབ་པ་རྣམས་རང་ཡུལ་ནས་རྡོག་རྫིས་གཏོང་བར་འགྱུར་ཞིང་། དེ་ནི་བཤང་གཅི་རློན་པའི་ནང་དུ་སོག་མ་བརྫིས་པ་བཞིན་ཡིན་ལ།  
\v 11 ཁོ་ཚོས་ལག་པ་བརྐྱངས་ནས་ཆུ་ལ་རྐྱལ་བ་ལྟར་དེའི་ནང་ནས་ལག་པ་རྐྱོང་ནའང་། དཀོན་མཆོག་ཡ་ཝཱེས་དེ་ཚོའི་ང་རྒྱལ་དང་ལག་གི་རྩལ་ཐམས་ཅད་ཉམས་པར་མཛད་དེ།  
\v 12 དཀོན་མཆོག་ཡ་ཝཱེས་དེ་ཚོའི་མཐོ་ཞིང་བརྟན་པའི་མཁར་རྣམས་སར་བསྒྱེལ་ནས་རྡུལ་དུ་བརླགས་སོ། །   
\c 26
\cl ལེའུ་ཉེར་དྲུག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ལ་བརྟེན་པའི་བསྟོད་དབྱངས།  
\p
\v 1 ཉིན་མོ་དེར། ཡ་ཧུ་དཱའི་ཡུལ་ནས་བསྟོད་དབྱངས་འདི་ལྟར་འབུལ་བར་འགྱུར་ཏེ། ང་ཚོ་ལ་མཁར་བརྟན་པོ་ཞིག་ཡོད། དཀོན་མཆོག་ཡ་ཝཱེས་ཐར་པ་ནི་དེའི་ལྕགས་རི་དང་གྱང་རགས་སུ་མཛད་ཡོད།  
\v 2 བདེན་པ་ཉིད་དང་བློ་དཀར་བའི་མི་རྣམས་ཀྱི་ནང་དུ་སླེབ་ཕྱིར་མཁར་སྒོ་ཕྱེས་ཤིག  
\v 3 སེམས་བསམ་པས་ཁྱེད་ལ་བརྟེན་མཁན་རྣམས་ནི་ཁྱེད་ཀྱིས་ཞི་བདེའི་ནང་དུ་བསྲུང་བ་སྟེ། གང་ལ་ཞེ་ན། དེ་ནི་ཁྱེད་ལ་བརྟེན་པའི་ཕྱིར་ཡིན།  
\v 4 དཀོན་མཆོག་ཡ་ཝཱེ་ནི་དུས་གཏན་གྱི་བྲག་རྡོ་ཡིན་པས་ཁྱོད་རྣམས་ཀྱིས་ནམ་ཡང་ཁོང་ལ་ཡིད་ཆེས་བྱོས་ཤིག  
\v 5 ཅིའི་ཕྱིར་ཞེ་ན། ཁོང་གིས་ང་རྒྱལ་ཅན་མར་འབེབ་ཅིང་། མཐོ་སར་ཡོད་པའི་གྲོང་ཁྱེར་རྣམས་ཉམས་པར་མཛད་དེ་བཤིག་པ་དང་། ས་རུ་གཏོར་ནས་རྡུལ་དུ་བརླག  
\v 6 དཀའ་སྡུག་ཅན་དང་དབུལ་པོའི་རྐང་པ་ཡིས་དེ་ལ་རྡོག་རྫིས་གཏོང་བར་བྱའོ། །  
\v 7 དྲང་བདེན་མི་ཡི་ལམ་ནི་དྲང་པོ་ཡིན། ཀྱེ་དྲང་བདེན་ཅན་གྱི་གཙོ་བོ་ལགས། ཁྱེད་ཀྱིས་དྲང་བདེན་མི་ཡི་བགྲོད་ལམ་བདེ་བར་མཛད།  
\v 8 ཀྱེ་དཀོན་མཆོག་ཡ་ཝཱེ་ལགས། ང་ཚོས་ཁྱེད་ཀྱི་ཁྲིམས་གཅོད་པའི་ལམ་དུ་ཁྱེད་ལ་སྒུག་ཡོད། ཁྱེད་ཀྱི་མཚན་སྙན་ནི་ང་ཚོའི་སེམས་ཀྱི་རེ་འདུན་ཉག་གཅིག་ཡིན།  
\v 9 མཚན་མོའི་དུས་སུ་ངའི་སེམས་སུ་ཁྱེད་ཉིད་དྲན། ངའི་སེམས་ཉིད་ཀྱིས་ཁྱེད་རང་འཚོལ་བར་བརྩོན། ཅིའི་ཕྱིར་ཞེ་ན། ཁྱེད་ཀྱི་ཁྲིམས་གཅོད་ས་སྟེང་དུ་སླེབས་པའི་ཚེ། ས་གཞིའི་མི་ཐམས་ཅད་ཀྱིས་དྲང་བདེན་ཅི་ཡིན་ཤེས་པར་འགྱུར།  
\v 10 མི་སྡིག་ཅན་ལ་ཐུགས་རྗེ་ཐོབ་ཀྱང་། དེས་དྲང་བདེན་ཅི་ཡིན་མི་རྟོགས་ཤིང་། དྲང་བདེན་ཡོད་སར་དེས་ད་དུང་ངན་པ་སྤྱོད་དེ། དཀོན་མཆོག་ཡ་ཝཱེའི་གཟི་བྱིན་དེ་ཡིས་མི་མཐོང་ངོ་། །  
\v 11 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱི་ཕྱག་ཡར་བཏེགས་ཀྱང་དེ་དག་གིས་མཐོང་བར་མ་གྱུར། ཁྱེད་ཀྱིས་ཉིད་ཀྱི་མི་རྣམས་ལ་བཅངས་པའི་འཁུར་ཞེན་མཐོང་བར་མཛད་ནས་དེ་དག་ངོ་ཚར་གཏོད་ཅིག ཁྱེད་ཀྱི་དགྲ་ཡི་ཕྱིར་དུ་གྲ་སྒྲིག་བྱས་པའི་མེ་ཡིས་དེ་དག་ཁྱུར་མིད་གཏོང་གྱུར་ཅིག  
\v 12 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་ང་ཚོར་ཞི་བདེ་གནང་ངེས་ཏེ། ཅིའི་ཕྱིར་ཞེ་ན། ངེད་རྣམས་ཀྱིས་སྤྱོད་པ་ཐམས་ཅད་ཁྱེད་ཀྱིས་ངེད་ཕྱིར་མཛད་པ་ཡིན།  
\v 13 ཀྱེ་ངེད་ཅག་གི་དཀོན་མཆོག་ཡ་ཝཱེ་ལགས། ཁྱེད་ལས་གཞན་པའི་བདག་པོ་ཡིས་ང་ཚོར་དབང་བསྒྱུར་ནའང་། ང་ཚོས་ཁྱེད་ཀྱི་མཚན་ཁོ་ན་བརྗོད་པར་བྱའོ། །  
\v 14 ཁོ་ཚོ་འཆི་བ་རྣམས་གསོན་པར་མི་འགྱུར་ལ། འདས་པོ་རྣམས་ཀྱང་ཡར་འགྲེང་བར་མི་འགྱུར། ཅི་ལ་ཞེ་ན། ཁྱེད་ཀྱིས་དེ་ཚོར་ཉེས་ཆད་བཅད་དེ་མེད་པར་མཛད་ཅིང་། དེ་དག་ནམ་ཡིན་ཡང་དྲན་པར་མི་མཛད།  
\v 15 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་མི་རྣམས་དར་ཞིང་རྒྱས་པར་མཛད། ཁྱེད་ཀྱིས་མི་རྣམས་དར་ཞིང་རྒྱས་པར་མཛད་ནས་གཟི་བརྗིད་ཁྱེད་ལ་ཐོབ་གྱུར་ཅིང་། ས་ཡི་ཕྱོགས་བཞི་ཁྱེད་ཀྱིས་རྒྱ་ཆེར་བསྐྱེད།  
\v 16 ཀྱེ་དཀོན་མཆོག་ཡ་ཝཱེ་ལགས། དཀའ་ངལ་དུས་སུ་ངེད་ཀྱིས་ཁྱེད་འཚོལ་ཞིང་། ཁྱེད་ཀྱི་ཉེས་ཆད་ངེད་ཀྱི་སྟེང་དུ་འབབ་དུས། ང་ཚོས་ལྷག་བསམ་རྣམ་དག་གིས་ཤུབ་ཤུབ་ཏུ་ཁྱེད་ལ་གསོལ་བ་འདེབས།  
\v 17 སྦྲུམ་མས་ཕྲུ་གུ་སྐྱེ་དུས་ཅི་ལྟར་ཟུག་གཟེར་ལངས་ནས་ངུ་སྐད་འཆོར་བ་བཞིན། ཀྱེ་དཀོན་མཆོག་ཡ་ཝཱེ་ལགས། ངེད་རྣམས་ཁྱེད་ཀྱི་དྲུང་དུའང་དེ་བཞིན་ནོ། །  
\v 18 ངེད་རྣམས་སྦྲུམ་མ་བཞིན་དུ་ཟུག་གཟེར་ལངས་ཀྱང་རླུང་ལྟར་གྱུར་ནས་གང་ཡང་བཙས་མ་བྱུང་། ང་ཚོས་ས་སྟེང་དུ་ཐར་བའི་དོན་གང་ཡང་གཉེར་མ་ཐུབ་ལ། ས་གཞིའི་ཡུལ་མི་ངེད་ཀྱི་ཕྱིར་ཡང་བཙས་མ་ནུས།  
\v 19 ཁྱེད་ལ་དབང་བའི་འདས་པོ་རྣམས་གསོན་པར་འགྱུར་ཞིང་། དེ་དག་གི་བེམ་པོ་རྣམས་ཡར་ལངས་ངེས། ས་རྡུལ་ཁྲོད་དུ་སྡོད་མཁན་དག་སད་ནས་དགའ་འབོད་བྱེད་དེ། ཅི་ལ་ཞེ་ན། ཁྱེད་ཀྱི་ཟིལ་ཆར་ནི་ཞོགས་པའི་ཟིལ་པ་ཇི་བཞིན་ས་གཞིའི་འདས་པོ་རྣམས་ཀྱི་སྟེང་ལ་འབབ་ཅིང་། ས་གཞིར་ཚེ་ལས་འདས་པ་རྣམས་ཕྱིར་སྤྲོད་དུ་འཇུག་གོ །  
\v 20 ཀྱེ་ངའི་མི་རྣམས། ཚུར་ཤོག་དང་། ཁྱོད་ཀྱི་གཟིམ་ཁང་དུ་འཛུལ་ནས་སྒོ་རྒྱོབས་ཤིག ཁོང་གི་ཐུགས་ཁྲོ་མ་ཞི་བར་དུ་ཁྱོད་རྣམས་ཡུད་ཙམ་ཡིབ་ནས་སྡོད་ཅིག  
\v 21 ཅི་ལ་ཞེ་ན། ས་གཞིའི་ཡུལ་མི་རྣམས་ཀྱི་སྡིག་པར་ཉེས་ཆད་གཅོད་པར། དཀོན་མཆོག་ཡ་ཝཱེ་ཁོང་གི་བཞུགས་གནས་ནས་ཕེབས་ཏེ། ས་གཞིས་རང་གི་སྟེང་ནས་བཞུར་བའི་ཁྲག་མངོན་པ་དང་། བསད་པ་རྣམས་འགེབས་པར་མི་བྱའོ། །   
\c 27
\cl ལེའུ་ཉེར་བདུན་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 རྒུན་འབྲུམ་ར་བའི་གླུ།  
\p
\v 1 ཉིན་མོ་དེར། དཀོན་མཆོག་ཡ་ཝཱེས་ཁོང་གི་རྣོ་ཞིང་ཆེ་བའི་རལ་གྲི་ཤུགས་ལྡན་གྱིས་ཆུ་སྲིན་ \f + \ft འདིར་ཆུ་སྲིན་ཞེས་པར་མ་ཕྱི་ལས་ལེ་ཝི་ཡ་ཐན་ཞེས་བཀོད་ཡོད།\f*ཏེ་མྱུར་སྐྱོད་དང་འཁྱོག་འགྲོ་སྦྲུལ་ལ་ཆད་པ་གཅོད་ཅིང་། རྒྱ་མཚོའི་ནང་གི་འབྲུག་ཆེན་ཡང་གསོད་པར་འགྱུར།   
\p
\v 2 ཉིན་མོ་དེར། རྒུན་ཆང་ཐོན་པའི་རྒུན་འབྲུམ་ར་བ་དེར་དམིགས་ནས་ཁྱོད་ཚོས་གླུ་ཞིག་ལེན་པར་བྱ་སྟེ།  
\v 3 དཀོན་མཆོག་ཡ་ཝཱེ་ང་རང་ནི་རྒུན་འབྲུམ་ར་བ་དེ་སྲུང་མཁན་ཡིན། བདག་གིས་རྟག་ཏུ་དེ་ལ་ཆུ་གཏོང་ཞིང་། མི་ཡིས་དེ་ལ་གཏོར་བརླག་མི་བཟོ་བའི་ཕྱིར་བདག་གིས་ཉིན་མཚན་མེད་པར་སྲུང་བ་ཡིན།  
\v 4 བདག་ལ་ཁྲོ་བ་མེད་དེ། ཚེར་མ་དང་ཚེར་ཤིང་གིས་བདག་དང་གཡུལ་འགྱེད་ན། བདག་གིས་དེ་དག་རྡོག་བརྫིས་བཏང་ནས་ལྷན་ཅིག་ཏུ་བསྲེག་ངེས་ཡིན།  
\v 5 དེ་ཡིས་ང་ལ་འཇུས་ནས་ང་ནི་སྦས་སར་གྱུར་ཏེ། ང་དང་ཞི་མཐུན་བྱས་ན་མ་གཏོགས། ངས་དེ་བཞིན་བྱེད་ངེས་ཡིན།  
\v 6 ཕྱིས་ཀྱི་ཉིན་མོ་དག་ལ་ཡ་ཀོབ་ཀྱི་རྩ་བ་ཚུགས་པ་དང་། ཡེས་ར་ཨེལ་ལ་མྱུ་གུ་འབུས་ནས་མེ་ཏོག་བཞད་ཅིང་། དེ་དག་གི་འབྲས་བུ་ནི་ས་གཞི་ཡོངས་སུ་ཁྱབ་པར་བྱའོ། །  
\v 7 དེ་ཡང་དཀོན་མཆོག་ཡ་ཝཱེས་ཡེས་ར་ཨེལ་ལ་རྡུང་རྡེག་བྱེད་པ་ནི་དེ་རྣམས་ལ་རྡུང་རྡེག་བྱེད་མཁན་ལ་རྡུང་རྡེག་བྱེད་པ་བཞིན་དུ་ག་ལ་ཡིན། གཙོ་བོས་ཡེས་ར་ཨེལ་པ་རྣམས་གསོད་པ་ནི་ཁོ་རྣམས་གསོད་མཁན་དག་གསོད་པ་བཞིན་དུ་ག་ལ་ཡིན།  
\v 8 ཁྱེད་ཀྱིས་རིམ་བཞིན་དེ་དག་བཙོན་དུ་ཁྲིད་པ་དང་ཕན་ཚུན་འཐབ་པ་བརྒྱུད་དེ་ཤར་རླུང་ལྡང་བའི་དུས་སུ། དྲག་རླུང་གིས་དེ་དག་དེད་པ་ཡིན།  
\v 9 དེ་བས་ཡ་ཀོབ་ཀྱི་སྡིག་པ་བསལ་བ་དང་། ཁོང་གི་སྡིག་པ་བསལ་བ་ནི་ཐམས་ཅད་འདི་ལ་རག་ལས་ཏེ། ཁོང་གིས་མཆོད་ཁྲིའི་སྟེང་གི་རྡོ་ཐམས་ཅད་རྡོ་ཐལ་དུ་མཛད་པ་དང་། ལྷ་མོ་ཨ་ཤེ་རཱའི་ཀ་བ་རྣམས་དང་སྤོས་ཁྲི་རྣམས་ལུས་པར་མ་མཛད་དོ། །  
\v 10 མཁར་བརྟན་པོ་རྣམས་སྟོངས་ཤིང་། བསྐྱུར་ནས་དོར་བའི་སྡོད་གནས་སུ་གྱུར་པ་དང་དབེན་སྟོང་བཞིན་དུ་ལུས། བ་ཕྲུག་གིས་དེ་རུ་རྩྭ་ཟ་ཞིང་ཉལ་བར་མ་ཟད། དེའི་སྡོང་པོའི་ཡལ་ག་རྣམས་ཀྱང་བཟའ་བར་འགྱུར།  
\v 11 ཡལ་ག་སྐམ་ཚེ་གཅོད་པར་འགྱུར། དེ་ནས་བུད་མེད་རྣམས་འོངས་ནས་ཁྱེར་ཏེ་མེ་ལ་འབུད། ཅི་ལ་ཞེ་ན། འབངས་འདི་རྣམས་གླེན་རྨོངས་ཤེས་མེད་ཡིན་པས། དེ་དག་མཛད་མཁན་གྱི་གཙོ་བོས་ཁོ་ཚོ་ལ་སྙིང་རྗེ་མི་དགོངས་ཤིང་། དེ་དག་སྐྲུན་མཁན་གྱིས་དེ་དག་ལ་ཐུགས་རྗེས་མི་གཟིགས་སོ། །   
\p
\v 12 ཉིན་མོ་དེར། ཕི་རཱད་གཙང་པོ་ནས་ཨེ་ཅིབ་ཡུལ་གྱི་གྲོག་ཆུའི་བར་དུ་དཀོན་མཆོག་ཡ་ཝཱེས་ཁོང་གི་འབྲུ་རིགས་བསྡུ་ཞིང་། ཀྱེ་ཡེས་ར་ཨེལ་གྱི་བུ་རྒྱུད། ཁྱོད་རྣམས་ཀྱང་རེ་རེ་བཞིན་བསྡུ་བར་འགྱུར།  
\v 13 ཡང་ཉིན་མོ་དེར། དུང་ཆེན་བུས་ནས་ཨ་སུར་ཡུལ་དུ་མེད་པར་འགྱུར་ལ་ཁད་ཡོད་པ་དང་། ཨེ་ཅིབ་ཡུལ་དུ་བསྐྲད་པ་ཐམས་ཅད་འོངས་ནས་ཡེ་རུ་སཱ་ལེམ་གྱི་རི་བོ་དམ་པ་རུ་དཀོན་མཆོག་ཡ་ཝཱེ་ལ་ཕྱག་འཚལ་བར་འགྱུར་རོ། །   
\c 28
\cl ལེའུ་ཉེར་བརྒྱད་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཨེ་ཕཱར་ཡིམ་ལ་དྲན་སྐུལ་བྱེད་པ།  
\p
\v 1 ང་རྒྱལ་གྱི་ཅོད་པན་སྤྲས་པའི་ཨེ་ཕཱར་ཡིམ་གྱི་ར་བཟི་རྣམས་ལ་ཆག་སྒོ་འབྱུང་། དེའི་ལུང་པ་ཕྱུག་པོའི་རི་མགོ་ཡི་གཟི་བརྗིད་དག་ལའང་ཆག་སྒོ་འབྱུང་། དེ་ནི་མེ་ཏོག་རྙིད་པ་དང་འདྲ་ཞིང་ཆང་གིས་བཟི་བའི་མི་ཡིས་ཁེངས།  
\v 2 ལྟོས་ཤིག དཀོན་མཆོག་ཡ་ཝཱེ་ལ་ནུས་མཐུ་དང་སྟོབས་ཤུགས་ལྡན་པའི་མི་ཞིག་ཡོད་པ་དང་། དེ་ནི་སེར་བ་དང་ཚར་གཅོད་པའི་དྲག་རླུང་བཞིན་དང་། ཡང་གྱེན་དུ་འཕྱུར་བའི་ཆུ་ཆེན་བཞིན་ཡིན་ཞིང་ཁོང་གི་ཕྱག་གིས་དེ་ས་རུ་བསྒྱེལ་བར་འགྱུར།  
\v 3 ཨེ་ཕཱར་ཡིམ་གྱི་ར་བཟི་རྣམས་ཀྱིས་གྱོན་པའི་ང་རྒྱལ་གྱི་ཅོད་པན་དེ་རྡོག་བརྫིས་གཏོང་བར་འགྱུར་ཞིང་།  
\v 4 དེའི་ལུང་པ་ཕྱུག་པོའི་རི་མགོ་ཡི་མེ་ཏོག་རྙིད་པ་བཞིན་གྱི་གཟི་བརྗིད་དག་ཀྱང་དབྱར་སྟོད་སྨིན་པའི་སེ་ཡབ་ཤིང་འབྲས་ཇི་བཞིན། མི་ཡིས་མཐོང་བ་ཙམ་གྱིས་དེར་མཉམ་འཇོག་ཅིང་ལག་ཏུ་ཡོང་བ་ཙམ་གྱིས་ཁྱུར་མིད་གཏོང་ངོ་། །  
\v 5 ཉིན་མོ་དེར། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ལགས་ཁོང་གི་མི་ལྷག་ལུས་རྣམས་ཀྱི་མཛེས་སྡུག་གི་ཅོད་པན་དང་། གཟི་བརྗིད་ཀྱི་དབུ་རྒྱན།  
\v 6 ཁྲིམས་སྐྱོང་པས་ཁྲིམས་དྲང་པོར་སྐྱོང་བའི་ཐུགས་ཉིད་དང་། མཁར་སྒོ་ནས་དགྲ་བོ་ཕྱིར་ཟློག་མཁན་གྱི་སྟོབས་ཤུགས་སུ་འགྱུར་རོ། །  
\v 7 ཡུལ་དེའི་མི་རྣམས་ཀྱང་ཆང་གིས་གཡས་གཡོན་དུ་འཁྱོར་ཞིང་། ཆང་གར་པོས་ཕར་འཁྱོག་ཚུར་འཁྱོག་བྱེད་པ་དང་། མཆོད་དཔོན་དང་ལུང་སྟོན་པ་རྣམས་ཀྱང་ཆང་གར་པོས་གཡས་གཡོན་དུ་འཁྱོར་ནས་རིག་པ་མི་གསལ་བར་གྱུར། དེ་དག་གིས་ཞལ་གཟིགས་མཐོང་དུས་འཁྱོར་ཞིང་། དེ་དག་གིས་ཉེས་ཆད་གཅོད་དུས་ཀྱང་ཡར་མར་ལོག་གོ །  
\v 8 གསོལ་ལྕོག་སྟེང་དུ་ཉག་ཉིག་གི་སྐྱུག་རོས་གང་སྟེ་གཙང་ས་གཅིག་ཀྱང་མ་ལུས་སོ། །  
\v 9 དེ་རྣམས་ན་རེ། ཁོང་གིས་སུ་ལ་ཤེས་བྱ་བསླབ་ཅིང་གསུང་འཕྲིན་གྱི་བསྟན་དོན་རྟོགས་སུ་འཇུག་གམ། ནུ་ཞོ་བཀར་བ་དང་མ་ཡི་པང་ལས་བྲལ་བ་དེ་དག་ཡིན་ནམ།  
\v 10 དེས་བརྗོད་པ་ནི་བསྐྱར་བཤད་དང་། དོན་སྙིང་མེད་པའི་ཚིག་འབྲུ་སྟེ། འདི་ནས་ཉུང་ཙམ་དང་གན་ནས་ཉུང་ཙམ་ཡིན་ཞེས་པའོ། །  
\v 11 དཀོན་མཆོག་ཡ་ཝཱེས་ཕྱི་ཕྱོགས་པའི་ངག་དང་ཕྱི་ཕྱོགས་པའི་སྐད་བརྒྱུད་ནས་མི་རྣམས་ལ་གསུངས་པ་སྟེ།  
\v 12 ཁོང་གིས་དེ་དག་ལ་འདི་སྐད་དུ། འདི་ནི་ངལ་གསོ་བའི་གནས་ཡིན། ཁྱོད་རྣམས་ཀྱིས་ཐང་ཆད་པའི་མི་ལ་ངལ་གསོ་ཐོབ་ཏུ་བཅུག་ན། ངལ་གསོའི་གནས་འདི་འཐོབ་པར་འགྱུར་ཞེས་གསུངས་ཀྱང་དེ་དག་གིས་མ་མཉན་ནོ། །  
\v 13 དེ་བས་དཀོན་མཆོག་ཡ་ཝཱེས་དེ་དག་ལ་གསུངས་པའི་བཀའ་ནི་བསྐྱར་བཤད་དང་དོན་སྙིང་མེད་པའི་ཚིག་འབྲུར་གྱུར་ཏེ་འདི་ནས་ཉུང་ཙམ་དང་གན་ནས་ཉུང་ཙམ་ཡིན་ལ། ཐ་ན་དེ་དག་མདུན་དུ་སྐྱོད་ཀྱང་གན་རྐྱལ་དུ་འགྱེལ་ཞིང་། གསོད་གཅོད་ཐེབས་ནས་རྙི་རུ་ཚུད་པ་ཡིན།   
\s1 ཛ་ཡན་གྱི་རྨང་རྡོ།  
\p
\v 14 དེ་བས་སྐུར་འདེབས་བྱེད་རྒྱུར་དགའ་བའི་མི་སྟེ། ཡེ་རུ་སཱ་ལེམ་གྱི་མི་སྡེར་དབང་སྒྱུར་མཁན་རྣམ་པ། ཁྱོད་ཅག་གིས་དཀོན་མཆོག་ཡ་ཝཱེའི་བཀའ་ལ་ཉོན་ཅིག  
\v 15 ཁྱོད་ཅག་ན་རེ། ང་ཚོས་འཆི་བ་ལ་ཁ་ཆད་བཞག་ནས་གཤིན་ཡུལ་དང་མནའ་འབྲེལ་བྱས་ཡོད་པས། ཉེས་ཆད་ཀྱི་ལྕག་ཚན་གྱིས་གཞུ་དུས་ང་ཚོའི་སྟེང་ལ་ཕོག་མི་སྲིད་དེ། གང་ལ་ཞེ་ན། ང་ཚོ་རྫུན་གྱི་འོག་ཏུ་ཡིབ་ནས་སྡོད་པ་དང་རྫུས་མས་འགེབས་སྲུང་བྱེད་ཅེས་པའོ། །  
\v 16 དེ་བས་གཙོ་བོ་ཡ་ཝཱེས་འདི་སྐད་དུ། ལྟོས་ཤིག བདག་གིས་ཛ་ཡན་ལ་རྨང་རྡོ་བརྟན་པོ་ཞིག་བཞག་ཡོད། རྡོ་དེ་ནི་ཚོད་ལྟ་བྱས་པའི་རྡོ་དང་རིན་པོ་ཆེའི་ཟུར་རྡོ་ཡིན་པས། དེ་ལ་དད་ཅིང་བརྟེན་མཁན་རྣམས་སེམས་འཚབ་པར་མི་འགྱུར།  
\v 17 བདག་གིས་དྲང་བདེན་ཚད་གཞི་དང་། བདེན་པ་ཉིད་ཚད་ཐིག་ཏུ་བཟུང་སྟེ། སེར་བས་རྫུན་གྱི་སྐྱབས་གནས་ཕྱགས་ཤིང་། ཆུ་ཆེན་གྱིས་འགེབས་སྲུང་ཐམས་ཅད་འཁུར་བར་བྱའོ་ཞེས་གསུངས།  
\v 18 ཁྱོད་རྣམས་ཀྱིས་འཆི་བ་དང་བཞག་པའི་ཁ་ཆད་བརླག་པར་འགྱུར་ཞིང་། ཁྱོད་རྣམས་ཀྱིས་གཤིན་ཡུལ་དང་བཞག་པའི་ཆོད་དོན་ཡང་མེད་པར་གཏོང་། ཉེས་ཆད་ཀྱི་ལྕག་ཚན་གྱིས་གཞུ་དུས་ཁྱོད་རྣམས་རྡོག་བརྫིས་གཏོང་བར་འགྱུར།  
\v 19 དེ་རྒྱུ་དུས་ཁྱོད་རྣམས་འཁྲིད་ཅིང་། སྔ་དྲོ་རེ་རེ་དང་ཉིན་མཚན་རེ་རེ་བཞིན་དུ་དེ་རྒྱུ་ཞིང་། མི་ཡིས་དེ་རྒྱུ་བ་རྟོགས་ན་དངངས་སྐྲག་སྐྱེ་བར་འགྱུར།  
\v 20 ཅི་ལ་ཞེ་ན། མལ་ཁྲི་ཆུང་དྲགས་པས་ཁྱོད་ཀྱི་ལུས་པོ་བརྐྱང་སྐུམ་མི་ནུས་ཤིང་། ཉལ་ཐུལ་ཆུང་དྲགས་པས་ལུས་པོ་ཡོངས་སུ་འགེབས་མི་ཐུབ།  
\v 21 དེ་ཡང་ཉིད་ཀྱི་འཕྲིན་ལས་མཛད་པ་དང་། ཡ་མཚན་ཅན་གྱི་འཕྲིན་ལས་མཛད་དེ་ཁོང་གི་ངོ་མཚར་ཅན་གྱི་དོན་རྣམས་མཛད་པའི་ཕྱིར། དཀོན་མཆོག་ཡ་ཝཱེ་རི་བོ་ཕེ་ར་ཙིམ་ནས་བཞེངས་པ་བཞིན་དུ་ཡར་བཞེང་ཞིང་། གིབ་ཡོན་ལུང་པར་ཐུགས་ཁྲོས་པ་བཞིན་དུ་ཁྲོ་བར་འགྱུར།  
\v 22 ཁྱོད་རྣམས་བསྡམས་པའི་ཐག་པ་དམ་པོར་མི་འགྱུར་བའི་ཆེད་དུ། ད་ལྟ་ཁྱོད་རྣམས་ཀྱིས་སྐུར་བ་འདེབས་མི་རུང་སྟེ། ཅི་ལ་ཞེ་ན། དཔུང་ཚོགས་ཀུན་གྱི་གཙོ་བོ་དཀོན་མཆོག་ཡ་ཝཱེས་ས་གཞི་ཐམས་ཅད་མེད་པར་གཏོང་བའི་ཐུགས་དགོངས་བཅངས་ཡོད་པ་ངས་ཐོས་སོ། །   
\p
\v 23 ཁྱོད་རྣམས་ཀྱིས་རྣ་བ་གཏད་དེ་བདག་གི་སྐད་ལ་ཉོན་དང་། སེམས་བསམ་པས་བདག་གི་བཀའ་ལ་ཉོན་ཅིག  
\v 24 ཞིང་པས་རྟག་པར་ལོག་རྒྱག་གམ། ཁོས་རྒྱུན་ཆད་མེད་པར་རང་གི་ཞིང་སར་ཤལ་འདྲུད་དམ།  
\v 25 ས་ཞིང་སྙོམས་པ་ཙམ་གྱིས་དེས་གོ་སྙོད་དང་བྲོ་རྫས་མཚོན་གྱི་འཁོར་ལོ་འདེབས་ཤིང་། རིམ་གྱིས་གྲོ་འདེབས་པ་དང་། གཏན་འཁེལ་བྱས་པའི་གནས་སུ་ནས་བཏབ་སྟེ་ཞིང་ཚིགས་ཁར་སོ་བ་འདེབས་པ་མ་ཡིན་ནམ།  
\v 26 ཅིའི་ཕྱིར་ཞེ་ན། ཁོའི་དཀོན་མཆོག་གིས་ཁོ་ལ་ཞལ་གདམས་མཛད་དེ། ཁོ་ལ་ཡང་དག་པའི་བློ་གྲོས་བསྩལ་ཏོ། །  
\v 27 གོ་སྙོད་རྡུང་དུས་སྦར་མོ་རྣོ་ངར་ཅན་མི་སྤྱོད་དེ། བྲོ་རྫས་མཚོན་གྱི་འཁོར་ལོ་བཙིར་དུས་ཀྱང་བགྲུས་འཁོར་མི་སྤྱོད་པར། དབྱུག་པས་གོ་སྙོད་དང་བྲོ་རྫས་མཚོན་གྱི་འཁོར་ལོ་རྡུང་བ་ཡིན།  
\v 28 བག་ལེབ་བཟོ་བའི་འབྲུ་རྡོག་ནི་འཐག་དགོས་ཤིང་། མི་སུས་ཀྱང་དེ་རྒྱུན་ནས་རྒྱུན་དུ་བརྡུང་བར་མི་བྱེད་ལ། མི་ཡིས་འཁོར་ལོ་དང་རྟ་ནི་འབྲུ་རིགས་སྟེང་དུ་བསྐོར་ཡང་དེ་འཐག་པར་མི་བྱའོ། །  
\v 29 འདི་ཡང་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ལས་བྱུང་བ་སྟེ། ཁོང་གི་གདམས་ངག་ཡ་མཚན་ཞིང་། ཁོང་གི་ཤེས་རབ་རྒྱ་ཆེའོ། །   
\c 29
\cl ལེའུ་ཉེར་དགུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེ་རུ་སཱ་ལེམ་དབང་དུ་བསྒྱུར་བ།  
\p
\v 1 ཀྱེ་ཨ་རི་ཨེལ། དཱ་བིད་ཀྱིས་གཞིས་ཕབ་པའི་གྲོང་ཁྱེར་ཨ་རི་ཨེལ་ལ་ཆག་སྒོ་འབྱུང་བ་དང་། ཁྱོད་ཀྱིས་ལོ་རེ་རེར་དུས་བཞིན་དུ་དུས་ཆེན་རོལ་ཡང་།  
\v 2 བདག་གིས་ཨ་རི་ཨེལ་དཀའ་སྡུག་ནང་ལྷུང་དུ་བཅུག་ནས། སྡུག་བསྔལ་དང་ངུ་འབོད་ཀྱིས་ཁེངས་པའི་གྲོང་ཁྱེར་དུ་བྱས་ཏེ། བདག་གིས་དེ་ལ་ཨ་རི་ཨེལ་ཞེས་འབོད།  
\v 3 ངས་ཁྱོད་ཀྱི་ཕྱོགས་བཞི་ནས་དམག་སྒར་འཛུགས་ཤིང་། གྲོང་ཁྱེར་ལ་རྒོལ་བའི་ལྕོག་མཐོན་པོ་བརྩིགས་ནས་ཁྱོད་བསྐོར་བ་དང་། ཡང་འཛིང་རགས་རྣམས་བརྩིགས་ནས་ཁྱོད་ལ་རྒོལ་བར་འགྱུར།  
\v 4 དེ་ནས་ཁྱོད་མར་ཕབ་ཅིང་ས་འོག་ནས་སྐད་འདོན་པ་དང་། ཁྱོད་ཀྱི་སྐད་ས་རྡུལ་ལས་བྱུང་བ་བཞིན་ཤིན་ཏུ་དམའ་སྟེ། ཁྱོད་ཀྱི་སྐད་ནི་ཤི་བོའི་སྐད་བཞིན་དུ་ས་འོག་ནས་འབྱུང་ཞིང་། ཁྱོད་ཀྱི་གཏམ་ནི་ས་རྡུལ་ལས་བྱུང་བ་བཞིན་ཤུབ་ལབ་གཏོང་བར་འགྱུར།   
\p
\v 5 འོན་ཀྱང་ཁྱོད་ཀྱི་དགྲ་བོའི་ཚོགས་ནི་ས་རྡུལ་ལྟར་མང་ཞིང་། བཙན་ཤུགས་སྤྱོད་པའི་མི་རྣམས་ཀྱང་རླུང་གིས་གཏོར་བའི་ཕུབ་མ་བཞིན་མང་སྟེ། དེ་ནི་སྐད་ཅིག་ཙམ་དང་གློ་བུར་ཉིད་ལ་འབྱུང་བར་འགྱུར།  
\v 6 དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འབྲུག་སྒྲ་དང་ས་འགུལ། སྒྲ་ཆེན། འཁྱིལ་རླུང་། རླུང་ནག ཡོངས་རྫོགས་རྩ་མེད་གཏོང་བའི་མེ་བཅས་ཀྱིས་དེ་དག་ལ་ཆད་པ་གཅོད་པར་འགྱུར།  
\v 7 དུས་དེར་ཨ་རི་ཨེལ་ལ་རྒོལ་བའི་རྒྱལ་ཁབ་ཀུན་གྱི་དམག་དཔུང་སྟེ། ཨ་རི་ཨེལ་དང་དེའི་སྲུང་མཁར་ལ་རྒོལ་ཞིང་། དེ་ལ་གནོད་འཚེ་གཏོང་མཁན་ཐམས་ཅད་རྨི་ལམ་དང་མཚན་མོའི་སྣང་བ་ལྟར་འགྱུར་ཏེ།  
\v 8 ཡང་ལྟོ་བ་བཀྲེས་པའི་མི་ཞིག་གིས་རྨི་ལམ་དུ་ཟས་ཟ་བ་བཞིན། གཉིད་སད་དུས་སྔར་བཞིན་བཀྲེས་ལྟོགས་ཚོར་ཞིང་། ཁ་སྐོམ་པའི་མི་ཞིག་གིས་རྨི་ལམ་དུ་ཆུ་འཐུང་ཡང་། གཉིད་སད་དུས་སྔར་བཞིན་ཁ་སྐོམ་ཞིང་སེམས་ནས་ཆུ་འཐུང་འདོད་སྐྱེས། ཛ་ཡན་ལ་རྒོལ་བའི་རྒྱལ་ཁབ་ཀུན་གྱི་དམག་དཔུང་རྣམས་ཀྱང་དེ་བཞིན་ནོ། །   
\p
\v 9 དེ་ཡང་ཁྱོད་རྣམས་ཧོན་འཐོར་ནས་ཧ་ལས་ཤིང་། རང་མགོ་རང་གིས་གཡོགས་ལ་རྨོངས་ཚོད་ཀྱིས་སྡོད་ཅིག ཁྱོད་རྣམས་བཟི་ཡང་རྒུན་ཆང་གིས་བཟི་བ་མིན། གོམ་ཁ་འཁྱོར་ཡང་ཆང་གར་པོས་འཁྱོར་བ་མིན།  
\v 10 དཀོན་མཆོག་ཡ་ཝཱེས་གཉིད་སྟུག་པོ་ཁུག་པའི་ཐུགས་ཉིད་ཁྱོད་ཀྱི་སྟེང་ལ་བླུགས་ཏེ། ཁོང་གིས་ཁྱོད་ཀྱི་མིག་སྟེ་ལུང་སྟོན་པའི་མིག་ནི་བཙུམ་པར་མཛད་པ་དང་། ཁྱོད་ཀྱི་མགོ་སྟེ་མངོན་ཤེས་པའི་མགོ་ཡང་བཀབ་པ་ཡིན།   
\p
\v 11 ཁྱོད་རྣམས་ལ་མཚོན་ན་ལུང་བསྟན་དེ་ཐམས་ཅད་ནི་ཐམ་ཀ་བརྒྱབ་ཟིན་པའི་གླེགས་བམ་གྱི་གསུང་ཚིག་དང་འདྲ་སྟེ། མི་ཡིས་གླེགས་བམ་དེ་ཡི་གེ་ཤེས་མཁན་ལ་བསྟན་ནས་ན་རེ། འདི་བཀླག་རོགས་ཞུས་ཚེ། དེ་ན་རེ། འདི་ལ་ཐམ་ཀ་བརྒྱབ་ཡོད་པས་ངས་ཀློག་མི་ནུས་ཞེས་བརྗོད་ངེས།  
\v 12 ཡང་མི་ཡིས་གླེགས་བམ་དེ་ཡིག་རྨོངས་ཤིག་ལ་སྤྲད་དེ་ན་རེ། འདི་བཀླག་རོགས་ཞེས་ཞུས་ཀྱང་། དེས་ང་ཡིག་རྨོངས་ཡིན་ཞེས་བརྗོད་དོ། །  
\v 13 དཀོན་མཆོག་ཡ་ཝཱེས་འདི་སྐད་དུ། མི་སྡེ་འདི་ནི་ཁ་བཤད་ཙམ་གྱིས་བདག་དང་ཉེ་ཞིང་། ཁ་ནས་བདག་ལ་བཀུར་ན་ཡང་། ཁོ་ཚོའི་སེམས་ནི་བདག་དང་རྒྱང་ཐག་རིང་བས། ཁོ་ཚོ་བདག་ལ་གུས་ཤིང་འཇིགས་པ་ནི་མིས་བསླབས་པའི་སྲོལ་ཙམ་ཡིན།  
\v 14 དེ་བས། ལྟོས་ཤིག བདག་གིས་མི་སྡེ་འདི་ལ་ངོ་མཚར་གྱི་དོན་ཏེ། ངོ་མཚར་གྱི་སྟེང་ལ་ངོ་མཚར་འབྱུང་དུ་བཅུག་ནས། ཁོ་ཚོ་ཤེས་རབ་ཅན་གྱི་ཤེས་རབ་ཉམས་ཤིང་། རིག་པ་ཅན་གྱི་རིག་པ་འགེབས་པར་འགྱུར་ཞེས་གསུངས་སོ། །  
\v 15 རང་གི་ཇུས་འགོད་དཀོན་མཆོག་ཡ་ཝཱེ་ལ་སྦ་མཁན་རྣམས་ལ་ཆག་སྒོ་འབྱུང་། དེ་དག་གིས་ལྐོག་ནས་དོན་བསྒྲུབས་ཏེ་ན་རེ། སུས་ང་ཚོ་མཐོང་སྲིད། སུས་ང་ཚོ་ཤེས་སམ་ཞེས་པའོ། །  
\v 16 ཁྱོད་ཀྱིས་གནས་ལུགས་གོ་ལྡོག་སྟེ། རྫ་བཟོ་ནི་ཅི་ལྟར་འཇིམ་པ་རུ་ལྟའམ། བཟོས་པར་གྱུར་པ་ཡིས་བཟོ་མཁན་ལ། དེས་ང་མ་བཟོས། ཡང་གྲུབ་རྫས་ཀྱིས་རང་ཉིད་བཟོ་མཁན་ལ། ཁོ་ལ་བློ་རིག་མི་ལྡན་ཞེས་སྨྲ་ནུས་སམ།   
\s1 ཁེངས་སྐྱུང་ཅན་གྱི་མ་འོངས་པའི་དགའ་སྤྲོ།  
\p
\v 17 ལེ་པཱ་ནོན་ས་ཞིང་གཤིན་པོ་རུ་གྱུར་ཏེ། ས་ཞིང་གཤིན་པོ་དེ་ནགས་ཚལ་དུ་རྩི་བ་ནི་དུས་ཚོད་ཐུང་ཐུང་ཞིག་མ་ཡིན་ནམ།  
\v 18 ཉིན་མོ་དེར་འོན་པས་གླེགས་བམ་སྟེང་གི་གསུང་ཚིག་རྣམས་ཐོས་ཤིང་། ལོང་བའི་མིག་གིས་མུན་པ་དང་སྨག་རིམ་ཁྲོད་ནས་མཐོང་བར་འགྱུར།  
\v 19 ཉམ་ཐག་རྣམས་ཀྱིས་དཀོན་མཆོག་ཡ་ཝཱེའི་ནང་དུ་དགའ་སྤྲོ་རྙེད་ཅིང་། འཇིག་རྟེན་གྱི་དབུལ་ཕོངས་རྣམས་ཀྱང་ཡེས་ར་ཨེལ་གྱི་དམ་པའི་ཕྱིར་དུ་དགའ་བར་འགྱུར།  
\v 20 ཅི་ལ་ཞེ་ན། གདུག་རྩུབ་ཅན་རྣམས་མི་ལུས་ཤིང་འཕྱ་དམོད་བྱེད་མཁན་རྣམས་ཀྱི་རྒྱུན་ཆད་ཅིང་། ངན་སྤྱོད་བྱེད་འདོད་པ་ཐམས་ཅད་ཚར་གཅོད་བྱེད་པར་འགྱུར།  
\v 21 དེ་ཚོས་ཚིག་གཅིག་གིས་མི་ལ་སྐྱོན་འཛུགས་ཤིང་། མཁར་སྒོ་ནས་ཁྲིམས་གཅོད་མཁན་དག་ལ་རྙི་བཙུགས་ནས། གཞི་རྟེན་མེད་པའི་དོན་གྱིས་མི་དྲང་བདེན་ཅན་ལ་སྙོན་འཛུགས་པའོ། །  
\v 22 དེ་བས། སྔར་ཨབ་ར་ཧམ་སྐྱོབ་མཁན་གྱི་དཀོན་མཆོག་ཡ་ཝཱེས་ཡ་ཀོབ་ཀྱི་ཁྱིམ་རྒྱུད་ལ་གཟིགས་ནས་འདི་སྐད་དུ། ད་ཕྱིན་ཆད་ཡ་ཀོབ་ཁ་སྐྱེངས་པར་མི་འགྱུར་ཞིང་། གདོང་ཡང་སྐྱ་བོར་མི་འགྱུར།  
\v 23 གང་ལ་ཞེ་ན། བདག་གི་ཕྱག་གིས་མཛད་པའི་རང་གི་བུ་རྒྱུད་ཁོའི་ནང་དུ་ཡོད་པ་ཁོས་མཐོང་ཚེ། དེ་དག་གིས་ངའི་མིང་ལ་བསྟོད་ཅིང་། ཡ་ཀོབ་ཀྱི་དམ་པ་ཁོ་ནར་བཀུར་ལ། ཡེས་ར་ཨེལ་གྱི་དཀོན་མཆོག་ལའང་གུས་ཤིང་འཇིགས་པར་འགྱུར།  
\v 24 སེམས་འཐོམས་པ་རྣམས་ཀྱིས་བདེན་དོན་རྟོགས་ཤིང་། སྡུག་སྐད་འདོན་པ་རྣམས་ཀྱིས་བཀའ་སློབ་ལེན་པར་འགྱུར་ཞེས་གསུངས་སོ། །   
\c 30
\cl ལེའུ་སུམ་ཅུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཨེ་ཅིབ་དང་འབྲེལ་བར་ཆག་སྒོ་འབྱུང་།  
\p
\v 1 དེ་ཡང་དཀོན་མཆོག་ཡ་ཝཱེས་འདི་སྐད་དུ། ངོ་ལོག་པའི་བུ་རྒྱུད་འདི་དག་ལ་ཆག་སྒོ་འབྱུང་། དེ་ཚོས་བདག་གི་ཐུགས་དགོངས་བཞིན་མ་ཡིན་པའི་གྲོས་བཏབ་ནས། བདག་གི་ཐུགས་ཉིད་ལས་བྱུང་བ་མ་ཡིན་པར་དེ་དག་གིས་ཆིངས་ཡིག་བཞག་པས་སྡིག་པའི་ཐོག་ལ་སྡིག་པ་བྱས།  
\v 2 དེ་ཚོས་བདག་ལ་མ་ཞུས་པར་ཨེ་ཅིབ་ཡུལ་དུ་སོང་ཞིང་། ཕཱར་ཨོལ་གྱི་སྐྱབས་འོག་ཏུ་བྲོས་ནས་ཨེ་ཅིབ་པའི་གྲིབ་བསིལ་ལ་རྒྱབ་རྟེན་བཅོལ།  
\v 3 དེ་བས་ཕཱར་ཨོལ་གྱི་སྐྱབས་ནི་ཁྱོད་ཅག་གི་ངོ་ཚ་དང་། ཨེ་ཅིབ་ཀྱི་གྲིབ་བསིལ་ལ་རྒྱབ་རྟེན་བཅོལ་བ་ནི་ཁྱོད་ཅག་གི་ཞབས་འདྲེན་དུ་འགྱུར།  
\v 4 དེའི་འགོ་དཔོན་རྣམས་ཚོ་ཨན་ལ་ཡོད་ཅིང་། དེའི་ཕོ་ཉ་རྣམས་ཧ་ནེ་ \f + \ft ཚོ་ཨན་དང་ཧ་ནེ་ཞེས་པ་ནི་ཡ་ཧུ་དཱ་དང་ཐག་ཉེ་བའི་གྲོང་ཁྱེར་གཉིས་ཡིན།\f*རུ་སླེབས་ཀྱང་།  
\v 5 ཁོ་ཚོ་ལ་ཕན་ཐོགས་ཅི་ཡང་མེད་པའི་འབངས་རྣམས་ཀྱི་ཕྱིར་དུ་ཁོ་རྣམས་ངོ་ཚ་བར་འགྱུར་ཞིང་། འབངས་དེ་དག་ལས་ཕན་ཐོགས་དང་རོགས་རམ་མ་བྱུང་བར། ངོ་ཚ་དང་བརྙས་བཅོས་ཐོན་ནོ་ཞེས་གསུངས་སོ། །  
\v 6 དེ་ཡང་དཀོན་མཆོག་ཡ་ཝཱེའི་ནེ་གུབ་ཡུལ་གྱི་གཅན་གཟན་སྐོར་གྱི་བཀའ་ལུང་ནི་འདི་ལྟ་སྟེ། ཁོ་ཚོས་རང་རང་གི་རྒྱུ་ནོར་བོང་བུའི་རྒྱབ་དང་། རྔ་མོང་གི་སྟེང་ལ་བཀལ་ནས་ཕོ་སེང་དང་མོ་སེང་། དུག་སྦྲུལ་དང་འཕུར་སྐྱོད་བྱེད་པའི་སྦྲུལ་གཟུགས་བཅས་ཐོན་པའི་དཀའ་སྡུག་ཅན་གྱི་ས་ཆ་བརྒྱུད་དེ། ཁོ་ཚོ་ལ་ཕན་མི་ཐོགས་པའི་མི་སྡེའི་ཕྱོགས་སུ་ཕྱིན།  
\v 7 ཨེ་ཅིབ་པའི་རོགས་རམ་ནི་དོན་མེད་དང་སྟོང་པ་ཡིན་པས། བདག་གིས་དེ་ལ་ཅི་ཡང་མི་བྱེད་པའི་ར་ཧབ་ཅེས་བཏགས་པ་ཡིན།  
\v 8 ཕྱིས་འབྱུང་དང་དུས་གཏན་གྱི་བདེན་དཔང་བྱེད་ཕྱིར། ད་ཁྱོད་སོང་ལ་དེ་དག་གི་མདུན་དུ་བཀའ་འདི་རྡོ་ཐོག་ཏུ་རྐོས་དང་། གླེགས་བམ་སྟེང་དུ་ཕྲིས་ཤིག  
\v 9 ཅི་ལ་ཞེ་ན། དེ་ཚོ་ནི་ངོ་ལོག་པའི་མི་སྡེ་དང་། བློ་མི་དཀར་བའི་བུ་རྒྱུད། དཀོན་མཆོག་ཡ་ཝཱེའི་བཀའ་ལ་མི་མཉན་པའི་བུ་རྒྱུད་ཡིན་ནོ། །  
\v 10 དེ་ནས་ཁོ་ཚོས་མངོན་ཤེས་པ་རྣམས་ལ་ན་རེ། ཁྱོད་རྣམས་ཀྱིས་ད་ནི་ཞལ་གཟིགས་ལ་མ་བལྟ་ཞེས་དང་། ལུང་སྟོན་པ་དག་ལ་ན་རེ། ཁྱོད་རྣམས་ཀྱིས་ད་ནས་ངེད་ཅག་ལ་ལུང་བསྟན་བདེན་པ་མི་སྨྲ་བར་གཏམ་སྙན་པོ་དང་། ལུང་བསྟན་རྫུན་མ་སྨྲ་དགོས།  
\v 11 ཁྱོད་རྣམས་དྲང་ལམ་དང་འབྲལ་ཞིང་བདེན་པའི་ལམ་ནས་གཟུར་ཏེ་ངེད་རྣམས་ཀྱི་དྲུང་དུ་ཡེས་ར་ཨེལ་གྱི་དམ་པ་ཉིད་མ་གླེང་ཞིག་ཅེས་པའོ། །  
\v 12 དེ་བས་ཡེས་ར་ཨེལ་གྱི་དམ་པ་ཉིད་ཀྱིས་འདི་སྐད་དུ། ཁྱོད་རྣམས་ཀྱིས་བཀའ་འདི་དོར་ཅིང་བརྙས་བཅོས་གཉའ་གནོན་དང་གཡོ་སྒྱུ་ལ་བརྟེན་པས།  
\v 13 སྡིག་པ་འདི་ཁྱོད་རྣམས་ལ་མཚོན་ན་སེར་ཁ་ཡོད་པ་དང་ཕྱིར་འབུར་བ། རྡིབ་ལ་ཉེ་བའི་རྩིག་པ་ཞིག་དང་འདྲ་བར་སྐད་ཅིག་ཙམ་ལ་ལོག་པར་འགྱུར།  
\v 14 རྩིག་པ་དེ་ལོག་པ་ནི་རྫ་མཁན་གྱི་རྫ་ཆས་བཅག་པ་བཞིན་དྲག་རྩུབ་ངང་རྩ་བ་ནས་བཅག་པ་དང་། ཐ་ན་དེའི་ཆག་དུམ་ནང་དུ་ཐབ་ལས་མེ་ལེན་པ་དང་ཆུ་རྫིང་ལས་ཆུ་ལེན་བྱེད་གཅིག་ཀྱང་མ་རྙེད་དོ་ཞེས་གསུངས་སོ། །  
\v 15 ཡེས་ར་ཨེལ་གྱི་དམ་པ་ཉིད་དེ་གཙོ་བོ་ཡ་ཝཱེས་འདི་སྐད་དུ། ཁྱོད་རྣམས་ལ་ཐར་པ་ཐོབ་པ་ནི་འགྱོད་བཤགས་དང་ངལ་གསོའི་ཕྱིར་ཡིན་ལ། ཁྱོད་རྣམས་ལ་སྟོབས་ཤུགས་ཐོབ་པ་ནི་ཞི་བདེ་དང་དད་པའི་ཕྱིར་ཡིན་ཡང་། ཁྱོད་རྣམས་དེ་ལ་མ་འཐད་པར།  
\v 16 ཁྱོད་རྣམས་ན་རེ། མི་དགོས་ལ་ངེད་རྣམས་རྟ་ལ་ཞོན་ནས་བྲོས་ཆོག་ཅེས་སྨྲས་ནས་འབྲོ་ཞིང་། ཡང་ཁྱོད་རྣམས་ན་རེ། ངེད་རྣམས་རྟ་འགྲོས་མར་ཞོན་དགོས་ཞེས་པས་ཁྱོད་ཅག་གི་རྗེས་འདེད་མཁན་རྣམས་ཀྱང་ཇེ་མགྱོགས་སུ་གཏོང་བར་འགྱུར།  
\v 17 དགྲ་བོ་གཅིག་གིས་ཁྱོད་ལ་འཇིགས་བསྐུལ་ན་མི་ཆིག་སྟོང་འབྲོ་བ་དང་། དགྲ་བོ་ལྔ་ཡིས་ཁྱོད་ལ་འཇིགས་བསྐུལ་ན་ཁྱོད་རྣམས་ལས་མང་ཤོས་འབྲོ་བར་འགྱུར་ཞིང་། ཐ་ན་ཁྱོད་ཀྱི་ཤུལ་དུ་ལུས་པ་དེ་ནི་རི་རྩེའི་དར་ཤིང་དང་དེའུ་འབུར་སྟེང་གི་དར་ཆ་བཞིན་ཡིན་པར་འགྱུར།   
\s1 དཀོན་མཆོག་ལ་སྒུག་མཁན་རྣམས་ལ་བྱིན་རླབས་འཐོབ་པ།  
\p
\v 18 དེ་བས་དཀོན་མཆོག་ཡ་ཝཱེས་ཁྱོད་རྣམས་ལ་བསྒུགས་ནས་གཟིགས་སྐྱོང་མཛད་ཅིང་། ཁོང་གིས་ཁྱོད་ལ་ཐུགས་རྗེས་གཟིགས་ནས་ཡར་བཞེང་བར་འགྱུར། གང་ལ་ཞེ་ན། དཀོན་མཆོག་ཡ་ཝཱེ་ནི་དྲང་བདེན་ཅན་གྱི་དཀོན་མཆོག་ལགས་པས། ཁོང་ལ་སྒུག་མཁན་ཐམས་ཅད་བདེ་བར་འགྱུར་རོ། །  
\v 19 ཀྱེ་ཛ་ཡན་གྱི་འབངས་མི་དང་། ཡེ་རུ་སཱ་ལེམ་གྱི་ཡུལ་མི་རྣམས། ཁྱོད་རྣམས་ཡང་བསྐྱར་ངུ་བར་མི་འགྱུར། ཁྱོད་ཀྱི་སྐྱབས་ཞུ་བའི་སྐད་ཀྱི་ཕྱིར་ཁོང་གིས་ཁྱོད་ལ་ཐུགས་རྗེས་གཟིགས་ཤིང་། ཁོང་གིས་གསན་ནས་ཁྱོད་ལ་བཀའ་ལན་གནང་ངེས།  
\v 20 དཀོན་མཆོག་ཡ་ཝཱེས་ཁྱོད་ཀྱི་ཟས་སུ་དཀའ་སྡུག་དང་། སྡུག་བསྔལ་གྱི་ཆུ་ཁྱོད་ལ་བཏུང་བར་མཛད་ནའང་། ཁྱོད་ཀྱི་སློབ་དཔོན་གྱིས་རང་ཉིད་སྦ་བར་མི་འགྱུར་ཞིང་། ཁྱོད་ཀྱིས་དངོས་སུ་རང་གི་སློབ་དཔོན་མཇལ་བར་འགྱུར།  
\v 21 ཁྱོད་གར་འགྲོ་འདིར་འགྲོ་མི་ཤེས་པའི་ཚེ། འདི་ནི་དྲང་ལམ་ཡིན་ལ་འདིའི་ནང་དུ་རྒྱུ་དགོས་ཞེས་རང་གི་རྒྱབ་ཕྱོགས་ནས་བཀའ་ཞིག་ཁྱོད་ཀྱིས་ཐོས་པར་འགྱུར།  
\v 22 བཙོག་པར་བཟོས་པའི་དངོས་པོ་\f + \ft འདིར་བཙོག་པར་བཟོས་པའི་དངོས་པོ་ཞེས་པར་མ་ཕྱི་ལས་ཟླ་མཚན་གྱིས་བརྫབས་པའི་གོས་ཞེས་འབྱུང་།\f*བཞིན་དུ། ཁྱོད་ཀྱིས་དངུལ་གྱིས་ཤན་པའི་རང་གི་སྐུ་འདྲ་དང་། གསེར་ཆུ་བྱུགས་པའི་སྐུ་འདྲ་བླུག་མ་རྣམས་འདོར་ཞིང་། ཡང་དེ་དག་ལ་ཕར་སོང་ཞིག་ཅེས་བརྗོད་པར་བྱའོ། །  
\v 23 ཁྱོད་ཀྱིས་སའི་ནང་དུ་བཏབ་པའི་ས་བོན་ལ་ཁོང་གིས་ཆར་བ་གནང་ཞིང་། ས་ལས་ཐོན་པའི་ཁྱོད་ཀྱི་འབྲུ་རིགས་ནི་ཕུན་སུམ་ཚོགས་ཤིང་བཅུད་དང་ལྡན་པར་མཛད། ཉིན་མོ་དེ་ལ་ཁྱོད་ཀྱི་ཕྱུགས་ཁྱུས་ཁོད་ཡངས་པོའི་སྤང་ཐང་ནས་རྩྭ་བཟའ་བར་འགྱུར།  
\v 24 ཁྱེམ་དང་ཚེབ་ཀྱིས་རླུང་ལ་འཕྱར་བའི་རྩྭ་སྟེ། ཞིང་འདེབས་པའི་བ་གླང་དང་བོང་བུས་ཚྭ་ལྡན་གཟན་རྩྭ་དེ་བཟའ་བར་འགྱུར།  
\v 25 གསོད་གཅོད་ཀྱི་ཉིན་མོ་དང་ལྕོག་མཁར་རྣམས་སར་ལོག་པའི་དུས་སུ། རི་མཐོན་པོ་རེ་རེ་དང་དེའུ་འབུར་སྟེང་དུ་ཆུ་ཕྲན་ལང་ལོང་དུ་འབབ་པར་འགྱུར།  
\v 26 དཀོན་མཆོག་ཡ་ཝཱེས་ཉིད་ཀྱི་རྡུང་རྡེག་ལས་མི་སྡེ་ལ་བཏོད་པའི་རྨ་ཁ་བསྡམས་ནས། དེ་དག་གི་རྨ་ཤུལ་གསོ་བའི་ཉིན་མོར། ཟླ་འོད་ནི་ཉི་འོད་ལྟར་འགྱུར་ཞིང་། ཉི་འོད་ལྡབ་བདུན་དུ་གྱུར་ནས་ཉིན་མོ་བདུན་གྱི་འོད་དང་འདྲའོ། །  
\v 27 ཡང་ལྟོས་དང་། དཀོན་མཆོག་ཡ་ཝཱེའི་མཚན་ནི་རྒྱང་རིང་ནས་སླེབས་ཏེ། ཁོང་ཐུགས་ཁྲོས་ཤིང་དུ་བ་སྟུག་པོ་འཕྱུར་བ་དང་། ཁོང་གི་ཞལ་ལ་ཁྲོ་བས་ཁེངས་ཤིང་། ལྗགས་ནི་ཡོངས་རྫོགས་རྩ་མེད་གཏོང་བའི་མེ་དང་འདྲ།  
\v 28 ཁོང་གི་དབུགས་ནི་གཙང་ཆུ་རྒྱས་ནས་མཇིང་པར་སླེབས་པ་བཞིན་དང་། ཚར་དུ་གཅོད་པའི་ཁྲོལ་ཚགས་ཀྱིས་མི་རིགས་རྣམས་གཙང་མར་ཚགས་ཤིང་། ཡང་མི་དེ་དག་གི་ཁ་ནང་དུ་རང་ཉིད་ལམ་ལོག་ཏུ་འཁྲིད་པའི་སྲབ་འཇོག་པར་འགྱུར།  
\v 29 དེ་ནས་ཁྱོད་ཅག་གིས་དམ་པའི་དུས་ཆེན་སྲུང་བའི་མཚན་མོ་བཞིན་གླུ་ལེན་ཞིང་། གླིང་བུ་འབུད་བཞིན་འགྲོ་བའི་མི་ནི་དཀོན་མཆོག་ཡ་ཝཱེའི་རི་བོ་དང་། ཡེས་ར་ཨེལ་གྱི་བྲག་རྡོའི་གམ་དུ་ཆས་པ་བཞིན་ཁྱོད་རྣམས་ཀྱི་སེམས་སྤྲོ་བར་འགྱུར།  
\v 30 དཀོན་མཆོག་ཡ་ཝཱེས་ཉིད་ཀྱི་དབང་དང་ལྡན་པའི་གསུང་སྐད་མི་རྣམས་ལ་ཐོས་སུ་བཅུག་སྟེ། ཐུགས་ཁྲོ་དང་ཐམས་ཅད་རྩ་མེད་གཏོང་བའི་མེ་ལྕེ་དང་། དྲག་ཆར་དང་རླུང་དམར། སེར་བ་བཅས་ཀྱི་ནང་དུ་ཁོང་གི་དཔུང་ངར་རྒྱངས་པ་མི་ལ་སྟོན་པར་བྱའོ། །  
\v 31 ཨ་སུར་པ་དཀོན་མཆོག་ཡ་ཝཱེའི་གསུང་སྐད་ཀྱི་ཕྱིར་འཇིགས་ཤིང་། དཀོན་མཆོག་ཡ་ཝཱེས་དབྱུག་པ་ཡིས་དེ་དག་ལ་རྡུང་བར་འགྱུར།  
\v 32 དཀོན་མཆོག་ཡ་ཝཱེས་ཉེས་ཆད་ཀྱི་དབྱུག་པས་དེ་དག་གི་སྟེང་ལ་བསྣུན་ཞིང་། རྡུང་ཐེངས་རེ་ལ་སིལ་རྔ་དང་པི་ཝང་གི་སྒྲ་ཡོད་པ་དང་། དཀོན་མཆོག་ཡ་ཝཱེས་འཐབ་པའི་དུས་སུ་ཕྱག་གཡུགས་ནས་དེ་དག་ལ་རྒོལ་བར་བྱའོ། །  
\v 33 ཐོ་ཕེད་\f + \ft ཐོ་ཕེད་ཅེས་པ་ནི་མེ་འབར་བའི་གནས་ཞེས་པའི་དོན་ལ་འཇུག\f*ཀྱི་འབར་བའི་མེ་དེ་སྔ་མོ་ནས་གྲ་སྒྲིག་བྱས་ཟིན་ལ། དེ་ནི་རྒྱལ་པོའི་དོན་དུ་གྲ་སྒྲིག་བྱས་ཤིང་། དེའི་ནང་དུ་མེ་དང་བུད་ཤིང་སྤུངས་ཡོད་པས་རྒྱ་ཆེ་ཞིང་གཏིང་ཟབ་ལ། དཀོན་མཆོག་ཡ་ཝཱེའི་དབུགས་ནི་མེ་འབར་བའི་མུ་ཟིའི་ཆུ་རྒྱུན་དང་འདྲ་བར་དེ་ལ་མེ་སྦར་བར་བྱའོ། །   
\c 31
\cl ལེའུ་སོ་གཅིག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཨེ་ཅིབ་སྐྱབས་སུ་བསྟེན་པའི་མི་རྣམས་ལ་ཆག་སྒོ་འབྱུང་།  
\p
\v 1 ཨེ་ཅིབ་ཡུལ་དུ་མར་སོང་ནས་སྐྱབས་ཞུས་ཏེ། རྟ་དང་ཤིང་རྟ་མང་པོར་བརྟེན་ཞིང་། སྐྱ་དམག་སྟོབས་ཆེན་རྣམས་ལ་བརྟེན་པ་ལས་ཡེས་ར་ཨེལ་གྱི་དམ་པ་ཉིད་ལ་རེ་བར་མི་བྱ་སྟེ། དཀོན་མཆོག་ཡ་ཝཱེར་སྐྱབས་ཀྱང་མི་ཞུ་བ་རྣམས་ལ་ཆག་སྒོ་འབྱུང་།  
\v 2 དཀོན་མཆོག་ཡ་ཝཱེ་ལ་ཤེས་རབ་མངའ་བས་ཁོང་གིས་ཆག་སྒོ་འབེབ་པ་ལས་ཉིད་ཀྱི་བཀའ་གསུང་ཕྱིར་མི་ཟློག་ཅིང་། ངན་པའི་ཁྱིམ་དང་གཞན་རྣམས་སྡིག་ཉེས་ལ་འཇུག་མཁན་དག་ལ་རྒོལ་དུ་ཁོང་ཉིད་ཡར་བཞེང་བར་འགྱུར།  
\v 3 ཨེ་ཅིབ་པ་རྣམས་མི་ཡིན་པ་ལས་དཀོན་མཆོག་ནི་མ་ཡིན། དེ་དག་གི་རྟ་རྣམས་ཤ་ཁྲག་གི་ཕུང་བོ་ཡིན་པ་ལས་ཐུགས་ཉིད་ནི་མ་ཡིན། དཀོན་མཆོག་ཡ་ཝཱེས་ཕྱག་བརྐྱངས་པ་ཙམ་གྱིས་མི་སྐྱོབ་མཁན་རྣམས་འགྱེལ་ཞིང་། སྐྱབས་ཐོབ་མཁན་རྣམས་ཀྱང་སར་ལྷུང་ནས་མཉམ་གཅིག་ཏུ་མེད་པར་འགྱུར།  
\v 4 དཀོན་མཆོག་ཡ་ཝཱེས་བདག་ལ་འདི་སྐད་དུ། རི་དྭགས་རྒྱལ་པོ་དང་སེང་དར་གྱིས་རྔོན་ཤ་ཟིན་པས་ངར་སྐད་སྒྲོག་ཅིང་། ལུག་རྫི་མང་པོ་རང་ལ་རྒོལ་བར་བསྡུས་ཀྱང་། དེ་དག་ཁོ་ཚོའི་སྐད་སྒྲ་ལ་མི་འཇིགས་ཤིང་། ཁོ་ཚོའི་ཅ་ཅོའི་རྐྱེན་གྱིས་འཇབ་པར་ཡང་མི་འགྱུར་བ་བཞིན། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ཡང་མར་རི་བོ་ཛ་ཡན་དང་དེའི་རི་སྒང་ཀུན་ལ་བྱོན་ནས་འཐབ་པར་འགྱུར་ཞེས་གསུངས།  
\v 5 བྱིའུ་དག་གིས་གཤོག་པ་བརྡབས་ནས་རང་གི་བྱ་ཕྲུག་སྲུང་བ་བཞིན། དཔུང་ཚོགས་ཀུན་གྱི་དཀོན་མཆོག་ཡ་ཝཱེས་ཀྱང་ཡེ་རུ་སཱ་ལེམ་བསྲུང་བར་འགྱུར། ཁོང་གིས་བསྲུང་ཞིང་སྐྱོབ་པ་དང་དེའི་སྟེང་ནས་བརྒལ་ཏེ་སྐྱོབ་པར་བྱའོ་ཞེས་གསུངས་སོ། །   
\p
\v 6 ཀྱེ་ཡེས་ར་ཨེལ་པ་རྣམས། ཁྱོད་རྣམས་ཕྱིར་ལོག་ཅིག ཁྱོད་ཚོས་རྩ་བ་ནས་དོར་བའི་དཀོན་མཆོག་ཡ་ཝཱེའི་ཕྱོགས་སུ་ཕྱིར་ལོག་པར་གྱུར་ཅིག  
\v 7 ཉིན་མོ་དེ་ལ་མི་རེ་རེས་རང་གི་ལག་པས་བཟོས་པ་དང་། རང་ཉིད་སྡིག་པར་སྦྱར་བའི་གསེར་སྐུ་དང་དངུལ་སྐུ་རྣམས་འདོར་ངེས་ཡིན་ནོ། །   
\p
\v 8 སྐབས་དེར་ཨ་སུར་པ་རྣམས་མི་ཡི་མིན་པའི་རལ་གྲིའི་འོག་ཏུ་འགྱེལ་བར་འགྱུར་ཞིང་། ཡང་མི་ཡི་མིན་པའི་རལ་གྲིས་ཁོ་རྣམས་ཁྱུར་མིད་གཏོང་བ་དང་། ཁོ་ཚོ་རལ་གྲིའི་ཁ་ནས་ཐར་བར་མི་འགྱུར་ལ། དེ་དག་གི་གཞོན་སྐྱེས་ཚོས་སྡུག་ལས་བྱེད་དགོས།  
\v 9 ཁོ་ཚོའི་བྲག་རྡོ་ནི་དངངས་སྐྲག་གིས་འགྱེལ་བར་འགྱུར་ཞིང་། ཁོ་ཚོའི་འགོ་དཔོན་རྣམས་ཀྱིས་ཡེས་ར་ཨེལ་གྱི་རུ་དར་མཐོང་ནས་འདྲོག་པར་འགྱུར་ཞེས་ཛ་ཡན་དུ་མེ་དང་། ཡེ་རུ་སཱ་ལེམ་དུ་མེ་ཐབ་ཡོད་པའི་དཀོན་མཆོག་ཡ་ཝཱེས་དེ་སྐད་ཅེས་གསུངས་སོ། །   
\c 32
\cl ལེའུ་སོ་གཉིས་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དྲང་བདེན་གྱི་རྒྱལ་པོ།  
\p
\v 1 ལྟོས་དང་། རྒྱལ་པོ་ཞིག་གིས་དྲང་བདེན་ངང་ནས་སྲིད་སྐྱོང་ཞིང་། འགོ་དཔོན་རྣམས་ཀྱིས་ཉེ་རིང་མེད་པར་ཁྲིམས་སྐྱོང་བར་འགྱུར།  
\v 2 མི་ཞིག་ནི་རླུང་འཚུབ་ལ་བྱོལ་ས་དང་དྲག་ཆར་ལ་གཡོལ་ས། སྐམ་སའི་བཞུར་རྒྱུན། ཐན་པ་ཆེ་བའི་ཡུལ་ལ་བྲག་རི་ཆེན་པོའི་གྲིབ་བསིལ་ལྟ་བུར་འགྱུར།  
\v 3 དུས་དེར་མཐོང་ནུས་པའི་མིག་ནི་མི་བཙུམ་ལ། ཐོས་ནུས་པའི་རྣ་བས་ཀྱང་མཉན་པར་འགྱུར།  
\v 4 ངང་ཐུང་སེམས་ཀྱིས་ཤེས་བྱ་རྟོགས་ཤིང་། ལྕེ་དིག་ངག་ནས་སྐད་ཆ་གསལ་པོར་སྨྲ་ཐུབ་པར་འགྱུར།  
\v 5 དེ་ནས་བླུན་པོ་རྣམས་ཡ་རབས་སུ་མི་འབོད་ལ། ཁྲེལ་མེད་དག་ལ་ཆེ་བསྟོད་ཀྱང་མི་བྱེད།  
\v 6 གང་ལ་ཞེ་ན། བླུན་པོ་རྣམས་ཀྱིས་བླུན་གཏམ་སྨྲ་ཞིང་། སེམས་སུ་སྡིག་པའི་ལས་རྣམས་དྲན་ཏེ་དཀོན་མཆོག་ཁྱད་དུ་གསོད་པའི་དོན་ལ་གོམས་པ་དང་། འཆལ་གཏམ་སྨྲས་ནས་དཀོན་མཆོག་ཡ་ཝཱེ་ལ་རྒོལ་ཞིང་། བཀྲེས་ལྟོགས་ཀྱིས་མནར་བ་ཁོག་སྟོང་དུ་བསྐྱུར་བ་དང་། ཁ་སྐོམ་པའི་མི་ལ་བཏུང་བ་མི་སྤྲོད་དོ། །  
\v 7 ཁྲེལ་མེད་དག་གི་ཐབས་ལམ་ངན་པ་ཡིན་ཏེ། དེས་ཇུས་ངན་བརྩམས་ནས་རྫུན་གྱིས་དཀའ་སྡུག་གནས་སུ་ལྷུང་བ་རྣམས་བརླག་ཅིང་། དབུལ་ཕོངས་དག་གིས་དྲང་གཞག་བརྗོད་པའི་སྐབས་སུའང་དེས་དེ་བཞིན་སྤྱོད་པ་ཡིན།  
\v 8 འོན་ཀྱང་། ཡ་རབས་ཀྱིས་སྤྱོད་པ་ཡ་རབས་འཚོལ་ཞིང་། དེ་སྤྱོད་པ་ཡ་རབས་ཀྱི་ཐད་བརྟན་པོར་ཚུགས་པ་ཡིན།  
\v 9 ཀྱེ་ལྷོད་ལ་བབས་པའི་བུད་མེད་རྣམས། ཁྱོད་རྣམས་ཡར་ལངས་ནས་ངའི་སྐད་ལ་ཉོན་ཅིག བག་ཡངས་སུ་སྡོད་པའི་བུ་མོ་ཁྱོད་ཅག་གིས་ངའི་གཏམ་ལ་རྣ་བ་གཏོད་ཅིག  
\v 10 ཀྱེ་བག་ཡངས་སུ་སྡོད་པའི་བུ་མོ་རྣམས། ལོ་འཁོར་གཅིག་ལྷག་གི་རྗེས་སུ་ཁྱོད་རྣམས་དཀའ་སྡུག་དང་འཕྲད་པར་འགྱུར། ཅིའི་ཕྱིར་ཞེ་ན། རྒུན་འབྲུམ་ཤིང་ལ་འབྲས་བུ་མི་ཐོགས་ཤིང་། ལོ་ཏོག་བསྡུ་བའི་དུས་ཀྱང་འབྱུང་བར་མི་འགྱུར་རོ། །  
\v 11 ཀྱེ་ལྷོད་ལ་བབས་པའི་བུད་མེད་ཁྱོད་རྣམས་ཧ་ལས་པར་འགྱུར་ཞིང་། བག་ཡངས་སུ་སྡོད་པའི་བུ་མོ་ཁྱོད་ཅག་གིས་དཀའ་སྡུག་མྱང་བར་འགྱུར། གོས་རྣམས་ཕུད་ནས་གཅེར་བུར་སྡོད་ཅིང་སྐེད་པར་རྩིད་རས་དཀྲིས་ཤིག  
\v 12 ཁྱོད་རྣམས་ཉམས་དགའ་བའི་ས་ཞིང་དང་། འབྲས་བུ་མོད་པོ་ཐོགས་པའི་རྒུན་འབྲུམ་ཤིང་གི་དོན་དུ་བྲང་ཁོག་རྡུང་བཞིན་ངུ་བར་གྱིས་ཤིག  
\v 13 ངའི་འབངས་ཀྱི་ས་ལས་སྐྱེས་པའི་ཚེར་མ་དང་སྤྱང་ཚེར་གྱི་ཕྱིར་དུ་ངུ་བར་གྱིས། དགའ་སྤྲོ་ལྡན་པའི་གྲོང་ཁྱེར་དང་ཁྱིམ་སྐྱིད་པོའི་ཕྱིར་དུའང་དེ་ལྟར་བྱའོ། །  
\v 14 གང་ལ་ཞེ་ན། ཕོ་བྲང་རྣམས་འདོར་ཞིང་མི་ཚོགས་ཀྱིས་གང་བའི་གྲོང་ཁྱེར་ཡང་བསྐྱུར་བར་འགྱུར་ལ། རི་སྒང་དང་བྱ་རའི་ལྕོག་མཁར་ཡང་རྒྱུན་ནས་རྒྱུན་དུ་ས་ཕུག་ཏུ་གྱུར་ནས་རྐྱང་ཚོགས་དགའ་བའི་གནས་དང་ལུག་ཁྱུའི་རྩྭ་ས་རུ་འགྱུར།  
\v 15 དེ་ནས་སྟེང་ཕྱོགས་ནས་རང་ཅག་གི་ཐོག་ཏུ་ཐུགས་ཉིད་གནང་སྟེ། དབེན་སྟོང་ནི་ས་ཞིང་གཤིན་པོ་དང་། ས་ཞིང་གཤིན་པོ་ནགས་ཚལ་དུ་འགྱུར་དུས།  
\v 16 དབེན་སྟོང་དུ་དྲང་གཞག་དང་། ས་ཞིང་གཤིན་པོའི་ནང་དུ་དྲང་བདེན་གནས་པར་འགྱུར།  
\v 17 དྲང་བདེན་གྱི་འབྲས་བུ་ནི་ཞི་བདེ་དང་། དྲང་བདེན་གྱི་གྲུབ་འབྲས་ནི་དུས་གཏན་གྱི་ལྷིང་འཇགས་དང་བརྟན་བརླིང་ཡིན་ནོ། །  
\v 18 དུས་དེར་བདག་གི་འབངས་རྣམས་ཞི་བདེའི་གནས་དང་བརྟན་བརླིང་གི་གཞིས་ཀ་དང་། ཟང་ཟིང་མེད་པའི་ངལ་གསོའི་ཡུལ་རྣམས་སུ་གནས་པར་འགྱུར།  
\v 19 ཡིན་ཡང་དགྲ་བོའི་ཡུལ་དུ་སེར་བ་བབས་ཏེ་ཁོ་ཚོའི་ནགས་ཚལ་བརླག་ཅིང་། དེ་དག་གི་གྲོང་ཁྱེར་ནི་ས་བདེ་ཐང་བདེ་རུ་བསྒྱུར་རོ། །  
\v 20 ཆུ་ཀུན་གྱི་འགྲམ་དུ་ཞིང་འདེབས་པ་དང་། གླང་དང་བོང་བུ་རྣམས་དེར་རང་དབང་གིས་འཚོ་བ་ཁྱོད་རྣམས་ཅི་འདྲའི་བདེ་བ་ལ་ཨང་།   
\c 33
\cl ལེའུ་སོ་གསུམ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ལ་སྐྱབས་ཞུ་བའི་གསོལ་བ།  
\p
\v 1 ཀྱེ་མི་ལ་གཏོར་བརླག་གཏོང་ཞིང་རང་ཉིད་བརླག་པར་མི་འགྱུར་བ་དང་། གཡོ་སྒྱུ་སྤྱོད་ཅིང་གཞན་པས་ཁྱོད་ལ་གཡོ་སྒྱུ་མི་སྤྱོད་པ་རྣམས་ལ་ཆག་སྒོ་འབྱུང་། ཁྱོད་ཀྱིས་གཏོར་བརླག་བཏང་ཚར་མ་ཐག་ཏུ་རང་ཉིད་ཀྱང་འཇིག་པར་འགྱུར་ལ། ཁྱོད་ཀྱིས་གཡོ་སྒྱུ་སྤྱོད་མཚམས་བཞག་མ་ཐག་ཏུ་རང་ལ་ཡང་གཡོ་སྒྱུ་ཐེབས་པར་འགྱུར།  
\v 2 ཀྱེ་དཀོན་མཆོག་ཡ་ཝཱེ་ལགས། ང་ཚོས་ཁྱེད་ལ་སྒུག་ཡོད་པས་ངེད་ཅག་ལ་ཐུགས་རྗེས་གཟིགས་སུ་གསོལ། ཞོགས་པ་རེ་རེར་ཁྱེད་ནི་ང་ཚོའི་དཔུང་པ་དང་། དཀའ་སྡུག་གི་དུས་སུ་ང་ཚོའི་མགོན་སྐྱབས་སུ་འགྱུར་བར་ཤོག  
\v 3 འུར་སྒྲ་ཐོས་མ་ཐག་མི་རྣམས་ཕྱོགས་བཅུར་འབྲོ་ཞིང་། ཁྱེད་ཡར་བཞེངས་དུས་མི་རིགས་རྣམས་གང་སར་འཐོར།  
\v 4 ཀྱེ་མི་རིགས་ཀུན། ཆ་ག་པས་འབྲུ་རིགས་སྡུད་པ་བཞིན་ཁྱོད་ཀྱི་བཅོམ་ནོར་རྣམས་ཕྱིར་ལེན་པར་འགྱུར་ཏེ། ཆ་ག་པ་ཟས་ཀྱི་ཕྱིར་དུ་བྲེལ་འཚུབ་ངང་འདུར་བ་བཞིན་མི་རྣམས་ཀྱང་བཅོམ་ནོར་སྟེང་བརྒྱུག་པར་བྱའོ། །   
\p
\v 5 དཀོན་མཆོག་ཡ་ཝཱེ་མཐོ་སར་བཞུགས་པས་ཁོང་ལ་བསྟོད་བསྔགས་བརྗོད་ཅིག ཁོང་གིས་དྲང་གཞག་དང་དྲང་བདེན་གྱིས་ཛ་ཡན་ཁེངས་པར་མཛད།  
\v 6 ཁོང་ནི་ཁྱོད་ཀྱི་ཚེ་གཅིག་ལུས་གཅིག་གི་བརྟེན་ས་དང་། ཕུན་སུམ་ཚོགས་པའི་སྲོག་སྐྱོབ། ཤེས་རབ་དང་ཤེས་བྱ་བཅས་ལགས་པས། དཀོན་མཆོག་ཡ་ཝཱེར་གུས་ཤིང་འཇིགས་པ་ནི་ཁྱོད་ཀྱི་ནོར་བུ་རྩ་ཆེན་ཡིན་ \f + \ft འདིར་ཁྱོད་ཀྱི་ནོར་བུ་རྩ་ཆེན་ཡིན་ཞེས་པར་འགྱུར་ལ་ལར་ཁོང་ནས་འཐོབ་པའི་ནོར་བུ་རྩ་ཆེན་ཡིན་ཞེས་ཀྱང་མཐོང་།\f*ནོ། །  
\v 7 ལྟོས་དང་། དེ་དག་གི་དཔའ་རྒོད་རྣམས་ཀྱིས་སྲང་ལམ་ནས་འོ་དོད་འབོད་ཅིང་། ཞི་མཐུན་གྱི་སྐུ་ཚབ་རྣམས་སྡུག་བསྔལ་གྱིས་ཞུམ་པའོ། །  
\v 8 ལམ་ཆེན་རྣམས་སྟོངས་ཤིང་དེ་བརྒྱུད་ནས་འགྲོ་མཁན་མེད་པ་དང་། དགྲ་རྣམས་དམ་བཅའ་དང་འགལ་ཞིང་ཁྲིམས་མི་བརྩི་ལ། མི་ལ་བཀུར་བའང་མེད་དོ། །  
\v 9 ས་གཞི་མྱ་ངན་གྱིས་རྒུད་ཅིང་། ལེ་པཱ་ནོན་གནོང་ཞིང་སྐམ་པ་དང་། ཤཱ་རོན་ནི་མྱ་ངམ་ཐང་བཞིན་ཡིན་ལ། པཱ་ཤན་དང་ཀར་མེལ་གྱི་སྡོང་ལོ་རྣམས་ལྷུང་བའོ། །   
\p
\v 10 དེ་ནས་དཀོན་མཆོག་ཡ་ཝཱེས་འདི་སྐད་དུ། ད་ནི་བདག་ཡར་ལང་བར་བྱའོ། །ད་ནི་བདག་དར་བར་འགྱུར་ཞིང་། ད་ནི་མི་ཡིས་བདག་ལ་བསྟོད་པར་བྱའོ། །  
\v 11 ཁྱོད་ཀྱི་མངལ་དུ་ཆགས་པ་ནི་ཕུབ་མ་དང་སྐྱེ་བར་འགྱུར་བ་སོག་མ་ཡིན་ཏེ། ཁྱོད་ཀྱི་དབུགས་ཀྱིས་མེ་བཞིན་རང་ཉིད་ཁྱུར་མིད་གཏོང་བར་འགྱུར།  
\v 12 མི་རྣམས་ནི་མེ་རུ་བསྲེགས་པའི་རྡོ་ཐལ་དང་། བྲེགས་ཟིན་པའི་ཚེར་མ་བཞིན་དུ་མེ་ལ་སྦར་བར་འགྱུར་ཞེས་གསུངས་སོ། །  
\v 13 ཀྱེ་རྒྱང་ཐག་རིང་བའི་མི་རྣམས། ཁྱོད་ཚོས་བདག་གིས་ཅི་བྱས་ལ་ཉོན་ཅིག ཀྱེ་ཉེ་བར་གནས་པའི་མི་རྣམས། ཁྱོད་ཚོས་བདག་གི་མཐུ་སྟོབས་ཤེས་པར་གྱིས།  
\v 14 ཛ་ཡན་དུ་གནས་པའི་སྡིག་ཅན་རྣམས་འཇིགས་ཤིང་། དད་པ་མེད་པའི་མི་རྣམས་འདར་ཡམ་གྱིས་བཟུང་སྟེ་ན་རེ། ང་ཚོ་ལས་སུ་ཞིག་ཡོངས་རྫོགས་རྩ་མེད་གཏོང་བའི་མེའི་ནང་དུ་སྡོད་ནུས་སམ། ང་ཚོ་ལས་སུ་ཞིག་དུས་རྟག་ཏུ་འབར་བའི་མེའི་ནང་དུ་སྡོད་ནུས་སམ་ཞེས་སྨྲའོ། །  
\v 15 དེ་ཡང་དྲང་པོར་སྤྱོད་ཅིང་བདེན་ཚིག་སྨྲ་བ་དང་། བཙན་འཕྲོག་བྱས་པའི་རྒྱུ་ནོར་མི་ལེན་པ། ལག་པ་གཡུགས་ནས་ལྐོག་རྔན་མི་ལེན་པ། མི་གསོད་སྐོར་གྱི་གཏམ་ལ་མི་མཉན་པ། དོན་ངན་ལ་མི་བལྟ་བ་བཅས་པ་སྟེ།  
\v 16 མི་འདི་ལྟ་བུ་རྣམས་ནི་མཐོ་སར་བཞུགས་ཤིང་། བྲག་རི་བརྟན་པོ་རྣམས་དེའི་སྐྱབས་གནས་ཡིན་ལ། དེ་ལ་བག་ལེབ་གནང་ཞིང་དེའི་ཆུ་ཡང་ཆད་པར་མི་འགྱུར་རོ། །   
\s1 བདེ་སྐྱིད་ལྡན་པའི་མ་འོངས་པ།  
\p
\v 17 ཁྱོད་ཀྱིས་དངོས་སུ་རྒྱལ་པོའི་གཟི་བརྗིད་མཇལ་ཞིང་། མུ་མཐའ་མེད་པའི་ཡུལ་ཡང་མཐོང་བར་འགྱུར།  
\v 18 ཁྱོད་ཀྱི་སེམས་སུ་འདས་ཟིན་པའི་འཇིགས་སྣང་དྲན་ཏེ། རྩིས་གྲངས་ལེན་མཁན་དེ་གང་དུ་ཡོད་དམ། ཁྲལ་དངུལ་ཡང་ལྕི་འཇལ་མཁན་དེ་གང་དུ་ཡོད་དམ། བྱ་རའི་ཐོག་ཁང་བགྲང་མཁན་དེ་གང་དུ་ཡོད་དམ་ཞེས་བསམ་པར་འགྱུར།  
\v 19 དེ་ནས་ཁྱོད་ཀྱིས་མི་གཏུམ་དྲག་ཅན་རྣམས་ཏེ། རྟོགས་དཀའ་བའི་གཏམ་སྨྲ་མཁན་དང་། ཚིག་ལྡབ་ལྡིབ་སྨྲ་བའི་མི་རྣམས་སླར་མཐོང་བར་མི་འགྱུར།  
\v 20 ཁྱོད་ཀྱིས་རང་ཅག་གི་དུས་ཆེན་གཏོང་ཡུལ་ཛ་ཡན་གྲོང་ཁྱེར་ལ་ལྟོས་དང་། ཡེ་རུ་སཱ་ལེམ་ནི་ཞི་བའི་སྡོད་གནས་ཤིག་དང་། སྤོ་བར་མི་འགྱུར་བའི་གུར་མཆོག་ཅིག་ཡིན་པ་ཁྱོད་ཀྱིས་མཐོང་བར་འགྱུར། དེའི་ཕུར་པ་ནམ་ཡང་འབལ་བར་མི་འགྱུར་ལ། དེའི་ཐག་པའང་གཅོད་པར་མི་འགྱུར་རོ། །  
\v 21 གནས་དེར་བརྗིད་ཉམས་ལྡན་པའི་དཀོན་མཆོག་ཡ་ཝཱེ་ནི་རང་ཅག་དང་མཉམ་དུ་བཞུགས་ཤིང་། གཙང་པོ་དང་ཆུ་བོ་ཆེན་པོའི་གནས་ལྟ་བུ་ཡིན་ཞིང་། དེའི་སྟེང་དུ་བརྒྱུད་ནུས་པའི་གྲུ་དང་སྐྱ་བ་གང་ཡང་མེད་ལ། གྲུ་གཟིངས་ཀྱང་དེར་བརྒྱུད་མི་ནུས་སོ། །  
\v 22 དཀོན་མཆོག་ཡ་ཝཱེ་ནི་རང་ཅག་གི་ཁྲིམས་གཅོད་མཁན་དང་། ཁོང་ནི་རང་ཅག་ལ་ཁྲིམས་གནང་མཁན་དང་རང་ཅག་གི་རྒྱལ་པོ་བཅས་ཡིན་པས་ཁོང་གིས་ང་ཚོ་སྐྱོབ་ངེས་ཡིན།  
\v 23 ད་ལྟ་ཁྱོད་ཀྱི་གྲུ་ཐག་ལྷོད་པས་དར་ཤིང་དམ་པོར་སྡོམ་མི་ནུས་ལ། གྲུ་གཡོར་ཡང་བརྟན་པོར་བསྒྲེང་མི་ནུས་ནའང་། དུས་དེར་བཅོམ་ནོར་མང་པོ་ཁྱོད་ཚོས་བགོ་ཞིང་། ཐ་ན་ཞ་བོས་ཀྱང་བཅོམ་ནོར་ཕྲོགས་ནས་འཁྱེར་ནུས་པ་ཡིན།  
\v 24 དེ་ནས་ཡེས་ར་ཨེལ་གྱི་ཡུལ་མི་ཚོས་ང་ལ་ན་ཚ་ཡོད་ཅེས་སྨྲ་བར་མི་བྱ་སྟེ། གང་ལ་ཞེ་ན། ཡུལ་དེར་གནས་པའི་མི་རྣམས་ཀྱི་སྡིག་ཉེས་སེལ་བར་འགྱུར་རོ། །   
\c 34
\cl ལེའུ་སོ་བཞི་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 མི་རིགས་ཀུན་ལ་ཉེས་ཆད་གཅོད་པ།  
\p
\v 1 ཀྱེ་མི་རིགས་ཀུན་ཉེ་བར་ཐུད་ལ་ཉོན་ཅིག ཀྱེ་མི་ཀུན་གྱིས་གཟབ་གཟབ་བྱས་ནས་ཉོན་ཅིག ས་གཞི་དང་དེ་ལ་ཁྱབ་པ་ཀུན་དང་། འཇིག་རྟེན་ཁམས་དང་དེ་ལས་བྱུང་བ་ཐམས་ཅད་ཀྱིས་ཉོན་ཅིག  
\v 2 གང་ལ་ཞེ་ན། དཀོན་མཆོག་ཡ་ཝཱེ་ནི་མི་རིགས་ཀུན་ལ་ཐུགས་ཁྲོས་ཤིང་། དམག་དཔུང་ཡོངས་ཀྱི་སྟེང་རབ་ཏུ་ཁྲོས་པས། ཁོང་གིས་དེ་རྣམས་རྩ་མེད་དུ་གཏོང་ཞིང་། དེ་རྣམས་ཕྱིར་གཏད་དེ་དམར་གསོད་ཐེབས་པར་འགྱུར།  
\v 3 ཡང་བསད་པ་རྣམས་ཕྱིར་འདོར་ཞིང་། རོ་ལས་དྲི་ངན་འཐུལ་ནས་རི་བོ་རྣམས་ཁོ་ཚོའི་ཁྲག་གིས་སྦང་བར་འགྱུར།  
\v 4 ནམ་མཁའི་ཚོགས་ཐམས་ཅད་\f + \ft འདིར་ནམ་མཁའི་ཚོགས་ཐམས་ཅད་ཅེས་པ་ནི་ནམ་མཁའི་སེམས་ཉིད་ཀྱི་རིགས་ལའང་གོ་བ་ཡིན།\f*ཟད་ཅིང་། ནམ་མཁའ་ཡང་ཤོག་དྲིལ་བཞིན་དུ་བསྒྲིལ་བ་དང་། རྒུན་འབྲུམ་ཤིང་ལས་ལོ་མ་འཐོར་བའམ། སེ་ཡབ་ཤིང་གི་ལོ་མ་རྙིད་པ་བཞིན་སྐར་ཚོགས་ཐམས་ཅད་སར་ལྷུང་བར་འགྱུར་རོ། །   
\p
\v 5 གང་ལ་ཞེ་ན། མཁའ་དབྱིངས་ནས་བདག་གི་རལ་གྲི་ངོམས་པར་གྱུར་ཏོ། །ལྟོས་དང་། ཉེས་ཆད་གཅོད་ཕྱིར་དེ་ནི་ཨེ་དོམ་དང་། བདག་གིས་མེད་པར་བཟོ་བར་རྩོམ་པའི་མི་རྣམས་ཀྱི་སྟེང་དུ་འབབ་པར་འགྱུར།  
\v 6 དཀོན་མཆོག་ཡ་ཝཱེའི་རལ་གྲི་ཁྲག་གིས་བརྫིས་ཤིང་། གྲི་དེ་ལ་ཚིལ་དང་། ལུ་གུ་དང་ར་ཐུག་གི་ཁྲག ལུག་ཐུག་གི་མཁལ་ཚིལ་བཅས་ཀྱི་དབང་གིས་སྣུམ་ཆགས་ཏེ། གང་ལ་ཞེ་ན། དཀོན་མཆོག་ཡ་ཝཱེར་པོ་ཚ་རཱ་ནས་ཕྱུགས་ཟོག་བསད་དེ་དམར་མཆོད་བྱེད་པའི་དོན་ཡོད་པ་དང་། ཨེ་དོམ་ཡུལ་ནས་དམར་གསོད་ཆེན་པོ་ཞིག་ཡོད་པ་ཡིན།  
\v 7 གླང་རྒོད་དང་བ་ཕྲུག གླང་གོག་བཅས་ནི་དེ་དག་དང་ལྷན་དུ་འགྱེལ་ནས་དེའི་ཡུལ་ཁམས་ཁྲག་གིས་ངོམ་ཞིང་། དེའི་ས་རྡུལ་ཡང་ཚིལ་གྱིས་སྦང་བར་འགྱུར།  
\v 8 གང་ལ་ཞེ་ན། དཀོན་མཆོག་ཡ་ཝཱེས་ལན་འཇལ་བའི་ཉིན་མོ་ཞིག་དང་། ཛ་ཡན་གྱི་གྱོད་དོན་ལ་ཉེས་ཆད་གཅོད་པའི་ལོ་ཞིག་ཡོད་པས་སོ། །  
\v 9 དེ་ནས་ཨེ་དོམ་གྱི་ཆུ་བོ་རྣམས་རྡོ་སྣུམ་དུ་འགྱུར་ཞིང་། དེའི་ས་རྡུལ་དག་མུ་ཟི་རུ་འགྱུར་ངེས་ལ། དེའི་ས་གཞི་ནི་མེ་འབར་བའི་སྣུམ་སྙིགས་སུ་འགྱུར་བ་སྟེ།  
\v 10 མེ་དེ་ཉིན་མཚན་གཉིས་ལ་ཞི་བ་མེད་པ་དང་། དེའི་དུ་བ་ནམ་ཡང་འཕྱུར་ཏེ། མི་རབས་ནས་མི་རབས་སུ་ལུང་སྟོང་དུ་གྱུར་ནས། དུས་གཏན་དུ་དེར་བརྒྱུད་ནས་འགྲོ་མཁན་གཅིག་ཀྱང་མེད་དོ། །  
\v 11 འོན་ཀྱང་ཆུ་བྱ་དང་ཕག་པ་བྱི་ཐུར་གྱིས་ས་དེ་བཟུང་བ་དང་། འུག་རྒན་དང་ཕོ་རོག་གིས་དེ་རུ་ཚང་བཟོ་ཞིང་། དཀོན་མཆོག་ཡ་ཝཱེས་དེའི་སྟེང་དུ་ཐིག་སྐུད་དང་དཔྱང་ཐག་སྟོངས་ཤིང་གོ་རིམ་མེད་པ་འཐེན་པར་འགྱུར།  
\v 12 དེ་དག་གི་སྐུ་དྲག་གཅིག་ཀྱང་མི་ལུས་པས་དེ་ལ་རྒྱལ་ཁབ་ཅེས་འབོད་པར་མི་འགྱུར་ཞིང་། དེའི་འགོ་དཔོན་རྣམས་ཀྱང་མེད་པར་འགྱུར་རོ། །   
\p
\v 13 ཨེ་དོམ་གྱི་ཕོ་བྲང་ནང་དུ་ཚེར་མ་སྐྱེ་ཞིང་། དེའི་ལྕགས་རི་སྟེང་དུ་སྤྱང་ཚེར་དང་ཚེར་སྐྱ་སྐྱེས་ཏེ། ཁྱི་སྤྱང་གི་ཚང་དང་རྔ་བྱའི་སྡོད་གནས་སུ་འགྱུར་ངེས།  
\v 14 དབེན་སྟོང་གི་རི་དྭགས་རྣམས་ཁྱི་སྤྱང་ལ་འཕྲད་པ་དང་། ར་རྒོད་ཀྱིས་རང་གི་རིགས་འབོད་ཅིང་། མཚན་མོའི་སྲིན་བྱ་རྣམས་ཀྱང་དེར་བསྡད་དེ་རང་གི་གནས་འཚོལ་བར་འགྱུར།  
\v 15 འུག་པས་གནས་དེར་ཚང་བཟོ་བ་དང་སྒོ་ང་བཏང་ནས་རུམ་སྟེ་བྱ་ཕྲུག་རང་གི་གྲིབ་མའི་འོག་ཏུ་བསྡུ་བར་བྱ། འོལ་པ་རྣམས་ཀྱང་རང་རང་གི་སྐྱ་ཡ་དང་མཉམ་དུ་དེར་འདུ་བའོ། །  
\v 16 ཁྱོད་རྣམས་ཀྱིས་དཀོན་མཆོག་ཡ་ཝཱེའི་གླེགས་བམ་ལ་ཞིབ་དཔྱད་བཏང་ནས་ཀློགས་ཤིག དེ་དག་ལས་གཅིག་ཀྱང་ཆད་པར་མི་འགྱུར་ལ། དེ་རྣམས་ལས་ཆ་མིན་པ་གཅིག་ཀྱང་མེད། གང་ལ་ཞེ་ན། ཁོང་གི་ཞལ་ནས་བཀའ་གནང་ཞིང་ཁོང་གི་ཐུགས་ཉིད་ཀྱིས་དེ་དག་ལྷན་དུ་བསྡུས་པས་སོ། །  
\v 17 ཁོང་གིས་དེ་དག་གི་ཕྱིར་དུ་རྒྱན་འཕངས་ཏེ། ཁོང་གི་ཕྱག་གིས་ཐིག་སྐུད་འཐེན་ནས་དེ་དག་ལ་ས་བགོས་པས། དེ་ཚོར་དུས་གཏན་དུ་ཡུལ་དེ་ས་སྐལ་དུ་འཐོབ་ཅིང་། མི་རབས་ནས་མི་རབས་སུ་ཡུལ་དེར་གནས་པར་བྱའོ། །   
\c 35
\cl ལེའུ་སོ་ལྔ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཐར་པ་ཐོབ་པའི་བདེ་བ།  
\p
\v 1 དབེན་སྟོང་དང་སྐམ་ས་སྤྲོ་བར་འགྱུར་ཞིང་། ཐང་སྟོང་དགའ་བས་ཁྱབ་ནས་མེ་ཏོག་གུར་ཀུམ་བཞིན་བཞད་པར་འགྱུར།  
\v 2 དེ་ལ་ལོ་འདབ་རྒྱས་ནས་མེ་ཏོག་བཞད་དེ། དགའ་མགུའི་འབོད་སྒྲ་སྒྲོག་བཞིན་བདེ་སྐྱིད་ཀྱི་དཔལ་ལ་རོལ། ལེ་པཱ་ནོན་གྱི་གཟི་བརྗིད་དང་། ཀར་མེལ་དང་ཤཱ་རོན་གྱི་གཟི་བྱིན་ཡང་དེ་ལ་གནང་བ་དང་། མི་རྣམས་ཀྱིས་དཀོན་མཆོག་ཡ་ཝཱེའི་གཟི་བརྗིད་དང་ང་ཚོའི་དཀོན་མཆོག་གི་གཟི་བྱིན་མཇལ་བར་འགྱུར་རོ། །   
\p
\v 3 ཁྱོད་ཅག་གིས་ལག་ཤེད་ཉམས་པ་རྣམས་ལ་སྟོབས་འཇུག་པ་དང་། པུས་མོ་འདར་བ་རྣམས་བརྟན་པོར་བྱས་ནས།  
\v 4 སེམས་ཁྲལ་ཅན་རྣམས་ལ། ཁྱོད་རྣམས་ཞུམ་པ་མེད་པར་སྙིང་སྟོབས་སྐྱེད་ཅིག ལྟོས་དང་། ཁྱོད་རྣམས་ཀྱི་དཀོན་མཆོག་ལན་འཇལ་བར་ཕེབས་ཤིང་། ཁོང་གིས་ཁྱོད་རྣམས་སྐྱོབ་པར་འགྱུར་ཞེས་སྨྲོས་ཤིག   
\p
\v 5 དུས་དེར་ལོང་པ་རྣམས་ཀྱི་མིག་འབྱེད་ཅིང་། འོན་པ་རྣམས་ཀྱི་རྣ་བས་ཐོས་པ་དང་།  
\v 6 དུས་དེར། ཞ་བོ་རྣམས་ཤྭ་བ་ལྟར་མཆོང་ཞིང་། ལྐུགས་པའི་ལྕེ་ཡིས་སྤྲོ་གླུ་ལེན་པར་འགྱུར། དབེན་སྟོང་ནས་ཆུ་ཐོན་ཞིང་། བྱེ་ཐང་རྣམས་ལས་གཙང་པོ་བཞུར་བར་འགྱུར།  
\v 7 མེ་ལྟར་ཚ་བའི་བྱེ་ཐང་ནི་རྫིང་བུ་རུ་འགྱུར་བ་དང་། སྐམ་ས་རྣམས་སུ་ཆུ་མགོ་བརྡོལ་ཞིང་། ཁྱི་སྤྱང་ཉལ་བའི་གནས་སུ་རྩྭ་སྔོན་དང་འདམ་བུ། འདམ་རྩྭ་པ་པི་རཱ་བཅས་སྐྱེ་བར་འགྱུར།  
\v 8 དེ་རུ་ལམ་ཆེན་ཞིག་ཡོད་པ་ལ་དམ་པའི་ལམ་ཞེས་འབོད་ཅིང་། མི་གཙང་པ་རྣམས་ལམ་དེར་འགྲོ་བར་མི་བྱ་སྟེ། ལམ་དེ་ནི་དྲང་ལམ་སྐྱོད་མཁན་རྣམས་ཀྱི་ཕྱིར་དུ་སྟ་གོན་མཛད་པས། གླེན་པ་ཡིན་ཡང་ལམ་དེ་ནས་གཟུར་བར་མི་འགྱུར་རོ། །  
\v 9 གནས་དེར་སེང་གེ་མེད་ལ་གཅན་གཟན་གདུག་རྩུབ་ཅན་རྣམས་ཀྱང་མི་འགྲོ་སྟེ། བླུས་པ་རྣམས་འབའ་ཞིག་དེར་སྐྱོད་པ་ལས། སེང་གེ་དང་གཅན་གཟན་ལ་འཕྲད་པར་མི་འགྱུར།  
\v 10 དཀོན་མཆོག་ཡ་ཝཱེས་བླུས་པའི་མི་རྣམས་ཕྱིར་ལོག་ཅིང་། གླུ་ལེན་བཞིན་ཛ་ཡན་ལ་སླེབ་ངེས། མཐའ་མེད་པའི་དགའ་སྤྲོ་ནི་ཅོད་པན་བཞིན་དེ་དག་གི་སྟེང་དུ་འབབ་པ་དང་། དེ་རྣམས་དགའ་ཞིང་སྤྲོ་བར་གྱུར་ནས་སྡུག་བསྔལ་དང་ཤུགས་རིང་མེད་པར་འགྱུར་རོ། །   
\c 36
\cl ལེའུ་སོ་དྲུག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཨ་སུར་རྒྱལ་པོས་ཡ་ཧུ་དཱ་ལ་རྒོལ་བ།  
\p
\v 1 དེ་ཡང་རྒྱལ་པོ་ཧི་ཟི་ཀི་ཡཱས་རྒྱལ་སྲིད་སྐྱོང་བའི་ལོ་བཅུ་བཞི་པར། ཨ་སུར་རྒྱལ་པོ་སེན་ན་ཧེ་རིབ་ཀྱིས་ཡ་ཧུ་དཱའི་འགོག་སྲུང་གྲོང་ཁྱེར་རྣམས་ལ་དཔུང་འཇུག་བྱས་ནས་བླངས་པ་དང་།  
\v 2 ཨ་སུར་རྒྱལ་པོས་ལཱ་ཀི་སི་ནས་རབ་ཤཱ་ཀེ་ཞེས་བྱ་བའི་དམག་དཔུང་ཆེན་པོ་དང་བཅས་པ་ཡེ་རུ་སཱ་ལེམ་གྱི་རྒྱལ་པོ་ཧི་ཟི་ཀི་ཡཱའི་དྲུང་དུ་བརྫངས་ཏེ། གོས་འཁྲུད་མཁན་གྱི་ཞིང་ཁའི་ལམ་ཆེན་དུ་ཡོད་པའི་རྫིང་བུ་གོང་མའི་ཆུ་ཡུར་འགྲམ་དུ་ལངས་བསྡད་པ་ན།  
\v 3 ཧིལ་ཀི་ཡཱའི་བུ་སྟེ་རྒྱལ་པོའི་ཕོ་བྲང་གི་ནང་བློན་ཨེལ་ཡ་ཀིམ་དང་། དྲུང་ཡིག་ཤེབ་ནཱ་དང་། ཨ་སབ་ཀྱི་བུ་སྟེ་ལོ་རྒྱུས་འགོད་མཁན་ཡོ་ཨག་བཅས་པ་ཁོ་བསུ་བར་ཕྱི་རོལ་ཏུ་ཐོན་ནོ། །   
\p
\v 4 དེར་རབ་ཤཱ་ཀེས་དེ་དག་ལ་ན་རེ། ཁྱོད་ཅག་སོང་སྟེ་ཧི་ཟི་ཀི་ཡཱ་ལ་ཞུས་ཤིག རྒྱལ་པོ་ཆེན་པོ་ཨ་སུར་གྱིས་འདི་སྐད་གསུངས་ཏེ། ཁྱོད་ཀྱིས་བློ་བཅོལ་བའི་འགོག་སྲུང་དེ་ཅི་ཡིན་ནམ།  
\v 5 ངས་བལྟས་ན་ཁྱོད་ཀྱིས་གཡུལ་འགྱེད་པའི་བློ་བཀོད་དང་སྟོབས་ཤུགས་ཡོད་ཅེས་པ་ནི་སྟོང་བཤད་ཙམ་ཡིན་ལ། ད་ལྟ་ཁྱོད་ཀྱིས་སུ་ལ་བརྟེན་ནས་བདག་ལ་ངོ་ལོག་བྱེད་དམ།  
\v 6 ལྟོས་དང་། ཁྱོད་ཀྱིས་འདམ་བུའི་དབྱུག་པ་ཆག་པོ་སྟེ་ཨེ་ཅིབ་ལ་བློ་བཅོལ་བ་རེད། སུ་ཞིག་དེར་བརྟེན་ན་དེ་ནི་ཁོའི་ལག་པར་ཟུག་ནས་བརྟོལ་བར་བྱེད། ཨེ་ཅིབ་ཀྱི་རྒྱལ་པོ་ཕཱར་ཨོལ་གྱིས་རང་ལ་བློ་གཏད་བཅོལ་མཁན་ཐམས་ཅད་ལའང་དེ་བཞིན་དུ་བྱེད་དོ། །  
\v 7 ཡང་གལ་ཏེ་ཁྱོད་ཀྱིས་ང་ལ། ངེད་ཅག་ནི་རང་གི་དཀོན་མཆོག་ཡ་ཝཱེ་ལ་བརྟེན་པ་ཡིན་ཟེར་ན། ཧི་ཟི་ཀི་ཡཱས་དཀོན་མཆོག་ཡ་ཝཱེའི་མཐོ་གླིང་དང་མཆོད་ཁྲི་རྣམས་བཤིགས་ནས། ཡ་ཧུ་དཱ་པ་དང་ཡེ་རུ་སཱ་ལེམ་གྱི་མི་རྣམས་ལ། ཁྱོད་ཅག་གིས་མཆོད་ཁྲི་འདིའི་མདུན་དུ་བསྙེན་བཀུར་ཞུ་དགོས་ཞེས་བསྒོས་པ་མ་ཡིན་ནམ།  
\v 8 ད་ལྟ་ཁྱོད་ཀྱིས་ངའི་བདག་པོ་ཨ་སུར་གྱི་རྒྱལ་པོ་དང་གྲོས་མཐུན་འཇོག་པར་ཞུ། གལ་ཏེ་ཁྱོད་ཀྱིས་ཞོན་པ་ཉིས་སྟོང་མངག་ནུས་ན། ངས་ཁྱོད་ལ་དམག་རྟ་སྟོང་ཕྲག་གཉིས་སྟེར་བར་བྱའོ། །  
\v 9 ཁྱོད་ཀྱིས་ཤིང་རྟ་དང་སྐྱ་དམག་རྣམས་ཀྱི་ཕྱིར་ཨེ་ཅིབ་ཀྱི་རྒྱལ་པོར་བློ་བཅོལ་ཡང་། ངའི་བདག་པོའི་འཁོར་འབངས་ཆུང་ཤོས་གཅིག་གི་ངོ་གདོང་དེ་ཡང་ཇི་ལྟར་བཟློག་ནུས་སམ།  
\v 10 ད་ལྟ་ང་ནི་དཀོན་མཆོག་ཡ་ཝཱེའི་བཀའ་འཁྲོལ་མེད་པར་ས་ཆ་འདི་འཇིག་པར་བྱེད་དུ་ཡར་འོངས་པ་ཡིན་ནམ། དཀོན་མཆོག་ཡ་ཝཱེས་བདག་ལ། ཡུལ་དེར་ཡར་སོང་ལ་དེ་མེད་པར་བྱོས་ཤིག་ཅེས་པའོ་ཞེས་གསུངས་སོ། །   
\p
\v 11 དེ་ནས་ཨེལ་ཡ་ཀིམ་དང་། ཤེབ་ནཱ། ཡོ་ཨག་བཅས་ཀྱིས་རབ་ཤཱ་ཀེ་ལ་ན་རེ། ང་ཚོས་ཨ་རམ་པའི་སྐད་ཤེས་པས་ཁྱོད་ཀྱི་ཞབས་ཕྱི་ཚོར་ཨ་རམ་པའི་སྐད་སྨྲ་བར་མཛོད་ཅིག ལྕགས་རིའི་སྟེང་གི་མི་རྣམས་ཀྱིས་ཡ་ཧུ་དཱའི་སྐད་གོ་བས་དེ་མི་གསུང་རོགས་ཞེས་ཞུས་ཀྱང་།  
\v 12 རབ་ཤཱ་ཀེ་ན་རེ། ང་ཡི་བདག་པོས་ཁྱོད་ཀྱི་བདག་པོ་དང་ཁྱོད་ཁོ་ནར་གཏམ་འདི་དག་སྨྲ་བའི་ཕྱིར་ང་འདིར་མངགས་པ་ཡིན་ནམ། ཁོང་གིས་ལྕགས་རིའི་སྟེང་སྡོད་པའི་མི་རྣམས་ཏེ། ཁྱོད་དང་མཉམ་དུ་རང་གི་སྐྱག་པ་ཟ་ཞིང་། རང་གི་གཅིན་པ་འཐུང་བ་རྣམས་ལའང་སྨྲ་བའི་ཕྱིར་ང་རང་མངགས་པ་མ་ཡིན་ནམ་ཞེས་སྨྲས་སོ། །   
\s1 བསླབ་བྱའི་གཏམ།  
\p
\v 13 དེ་ནས་རབ་ཤཱ་ཀེ་ཡར་ལངས་ནས་སྐད་ཆེན་པོས་ཡ་ཧུ་དཱའི་སྐད་དུ། ཁྱོད་ཅག་གིས་རྒྱལ་པོ་ཆེན་པོ་ཨ་སུར་གྱི་བཀའ་ལ་ཉོན་ཅིག  
\v 14 རྒྱལ་པོས་འདི་སྐད་གསུངས་ཏེ། ཧི་ཟི་ཀི་ཡཱས་ཁྱོད་ཅག་སྐྱོབ་མི་ནུས་པས། ཁྱོད་ཅག་ཁོའི་གཡོ་འོག་ཏུ་མི་ཚུད་པར་གྱིས།  
\v 15 ཡང་ཧི་ཟི་ཀི་ཡཱས་ཁྱོད་ཅག་དཀོན་མཆོག་ཡ་ཝཱེར་བརྟེན་དགོས་པའི་ཐད། དཀོན་མཆོག་ཡ་ཝཱེས་ང་ཚོ་སྐྱོབ་ངེས་ཤིང་། གྲོང་ཁྱེར་འདིའང་ཨ་སུར་གྱི་རྒྱལ་པོའི་ལག་ཏུ་གཏོད་པར་མི་བྱའོ་ཞེས་པའི་ཚིག་ལ་མ་མཉན་ཅིག  
\v 16 ཧི་ཟི་ཀི་ཡཱའི་གཏམ་ལ་མཉན་མི་རུང་། རྒྱུ་མཚན་ནི་ཨ་སུར་གྱི་རྒྱལ་པོས་འདི་སྐད་གསུངས་ཏེ། ཁྱོད་ཅག་བདག་དང་མཐུན་པོ་ཡོང་ཆེད་ཕྱི་རུ་ཤོག་དང་། ཁྱོད་ཚོ་མི་རེ་རེས་རང་གི་རྒུན་ཤིང་དང་སེ་ཡབ་ཤིང་གི་འབྲས་བུ་བཟའ་ཞིང་། རང་རང་གི་ཁྲོན་པའི་ཆུ་འཐུང་བར་འགྱུར།  
\v 17 རྗེས་སུ་བདག་འོང་བའི་དུས་སུ་ཁྱོད་རྣམས་ནི་ཁྱོད་ཅག་གི་ཡུལ་ཁམས་ལྟ་བུའི་ཡུལ་ཞིག་ལ་འཁྲིད་པར་བྱ་སྟེ། ཡུལ་དེར་འབྲུ་རིགས་འཛོམས་ཤིང་རྒུན་ཆང་གསར་པ་ཡོད་པ་དང་། བག་ལེབ་དང་རྒུན་འབྲུམ་ར་བ་ཡོད་པ་ཡིན།  
\v 18 དཀོན་མཆོག་ཡ་ཝཱེས་ངེད་ཅག་སྐྱོབ་ངེས་ཡིན་ཞེས་ཧི་ཟི་ཀི་ཡཱས་བློ་འགུག་པ་ལ་ཁྱོད་རྣམས་དོགས་པར་གྱིས། མི་རིགས་རྣམས་ཀྱི་ལྷ་རྣམས་ལས་སུ་ཞིག་གིས་རང་གི་ས་ཆ་ཨ་སུར་རྒྱལ་པོའི་ལག་ནས་བསྐྱབས་མྱོང་ངམ།  
\v 19 ཧ་མཱད་དང་ཨར་ཕད་ཀྱི་ལྷ་རྣམས་གང་དུ་ཡོད་དམ། སེ་ཕར་ཝ་ཨིམ་གྱི་ལྷ་རྣམས་གང་དུ་ཡོད་དམ། ལྷ་དེ་དག་གིས་སཱ་མར་ཡ་ངའི་ལག་ནས་བསྐྱབས་མྱོང་ངམ།  
\v 20 ཡུལ་དེ་དག་གི་ལྷ་རྣམས་ལས་སུ་ཞིག་གིས་རང་གི་ས་ཆ་ངའི་ལག་ནས་བླངས་པ་ཡིན་ནམ། དཀོན་མཆོག་ཡ་ཝཱེས་ངའི་ལག་ནས་ཡེ་རུ་སཱ་ལེམ་སྐྱོབ་ནུས་སམ་ཞེས་སྨྲས་ཀྱང་།  
\v 21 རྒྱལ་པོས་དེ་ལ་ལན་མ་འདེབས་ཞེས་བཀའ་བསྒོས་ཡོད་པས། མི་རྣམས་ཁ་རོག་གེར་བསྡད་དེ་གཏམ་ལན་ཚིག་གཅིག་ཀྱང་མ་སྨྲས་སོ། །  
\v 22 དེ་ནས་ཧིལ་ཀི་ཡཱའི་བུ་སྟེ་རྒྱལ་པོའི་ཕོ་བྲང་གི་ནང་བློན་ཨེལ་ཡ་ཀིམ་དང་། དྲུང་ཡིག་ཤེབ་ནཱ་དང་། ཨ་སབ་ཀྱི་བུ་སྟེ་ལོ་རྒྱུས་འགོད་མཁན་ཡོ་ཨག་བཅས་ཀྱིས་རང་རང་གི་གྱོན་གོས་གཤགས་ཏེ། ཧི་ཟི་ཀི་ཡཱའི་དྲུང་དུ་འོངས་ནས་རབ་ཤཱ་ཀེའི་གཏམ་རྣམས་ཁོང་ལ་ཞུས་སོ། །   
\c 37
\cl ལེའུ་སོ་བདུན་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཧི་ཟི་ཀི་ཡཱས་ཡེ་ཤ་ཡཱ་ལ་སྐྱབས་ཞུས་པ།  
\p
\v 1 དེ་ཡང་རྒྱལ་པོ་ཧི་ཟི་ཀི་ཡཱས་དེ་ཐོས་པ་ཙམ་གྱིས་རང་གི་ན་བཟའ་གཤགས་ནས། ལུས་པོར་རྩིད་རས་གཡོགས་ཏེ་དཀོན་མཆོག་ཡ་ཝཱེའི་མཆོད་ཁང་དུ་ཕྱིན།  
\v 2 ཁོས་ཕོ་བྲང་གི་ནང་བློན་ཨེལ་ཡ་ཀིམ་དང་དྲུང་ཡིག་ཤེབ་ནཱ། མཆོད་དཔོན་རྣམས་ལས་རྒན་པོ་དག་རྩིད་རས་ཀྱིས་གཡོགས་ཏེ་ཨ་མོ་ཟིའི་བུ་ལུང་སྟོན་པ་ཡེ་ཤ་ཡཱའི་དྲུང་དུ་མངགས།  
\v 3 དེ་དག་གིས་ཁོང་ལ། ཧི་ཟི་ཀི་ཡཱ་ན་རེ། དེ་རིང་ནི་ཉེན་ཚབས་ཆེ་ཞིང་འཇིགས་སྐུལ་ཐེབས་པ་དང་། བརྙས་བཅོས་ཐེབས་པའི་ཉིན་མོ་ཡིན། དེ་ནི་ཕྲུ་གུ་བཙའ་རན་ནའང་བཙའ་བའི་སྟོབས་ཟད་པ་དང་འདྲའོ། །  
\v 4 ཁྱེད་ཀྱི་དཀོན་མཆོག་ཡ་ཝཱེ་ལགས་ཀྱིས་རབ་ཤཱ་ཀེའི་གཏམ་རྣམས་གསན་ཡོད་ཀྱང་སྲིད། དེ་ནི་ཁོའི་བདག་པོ་ཨ་སུར་རྒྱལ་པོས་གཏན་དུ་གསོན་པོར་བཞུགས་པའི་དཀོན་མཆོག་ལ་སྨོད་ཅིང་སྐུར་བ་འདེབས་པའི་དོན་དུ་ཁོ་རང་འདིར་མངགས་པ་ཡིན་ཞིང་། ཁྱེད་ཀྱི་དཀོན་མཆོག་ཡ་ཝཱེས་གསན་པའི་ཚིག་རྣམས་ཀྱི་རྐྱེན་གྱིས་ཁོ་ལ་གཤེ་གཤེ་གཏོང་ངེས་ཡིན། དེ་བས་ཁྱེད་ཀྱིས་ཤུལ་ལུས་རྣམས་ཀྱི་དོན་དུ་གསོལ་བ་འདེབས་རོགས་ཟེར་ཞེས་ཞུས་སོ། །  
\v 5 དེ་ནས་རྒྱལ་པོ་ཧི་ཟི་ཀི་ཡཱའི་འཁོར་གཡོག་རྣམས་ཡེ་ཤ་ཡཱའི་དྲུང་དུ་སླེབས་པའི་ཚེ།  
\v 6 ཡེ་ཤ་ཡཱས་དེ་དག་ལ། ཁྱོད་ཅག་གི་བདག་པོ་ལ་འདི་ལྟར་སྦྲོན་ཅིག དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་ཨ་སུར་རྒྱལ་པོའི་འཁོར་གཡོག་རྣམས་ཀྱིས་བདག་ལ་སྐུར་བ་བཏབ་པའི་གཏམ་ཐོས་ཀྱང་དེ་ལ་མ་འཇིགས་ཤིག  
\v 7 ལྟོས་དང་། བདག་གིས་ཁོའི་ནང་དུ་ཐུགས་ཉིད་ཅིག་འཇུག་སྟེ། ཁོས་འཆལ་གཏམ་ཞིག་ཐོས་ནས་རང་ཡུལ་དུ་ལོག་ཅིང་། བདག་གིས་གནས་དེར་ཁོ་རལ་གྲིའི་འོག་ཏུ་འགྱེལ་བར་བྱེད་ངེས་ཡིན་ཞེས་སྨྲ་དགོས་པར་གསུངས་སོ། །   
\p
\v 8 ཡང་རབ་ཤཱ་ཀེ་ཕྱིར་ལོག་པ་ན། ཨ་སུར་རྒྱལ་པོས་ལིབ་ནཱ་དང་དམག་རྒྱག་གིན་ཡོད་པ་དང་ཕྲད་ཅིང་། མ་གཞི་ཁོས་ཨ་སུར་རྒྱལ་པོ་ལཱ་ཀི་སི་ནས་ཆས་ཟིན་པའི་གཏམ་ཐོས་པ་རེད།  
\v 9 ཨ་སུར་རྒྱལ་པོས་གུ་ཤའི་རྒྱལ་པོ་ཐིར་ཧ་ཀཱའི་སྐོར་ནས། ཁོ་ནི་ཁྱོད་དང་འཐབ་འཛིང་བྱེད་དུ་འོང་བཞིན་འདུག་ཅེས་པའི་གཏམ་ཐོས་ཚེ། ཧི་ཟི་ཀི་ཡཱའི་དྲུང་དུ་བང་ཆེན་མངགས་ཏེ་ན་རེ།  
\v 10 ཁྱོད་ཅག་གིས་ཡ་ཧུ་དཱའི་རྒྱལ་པོ་ཧི་ཟི་ཀི་ཡཱ་ལ་འདི་ལྟར་སྨྲོས་ཤིག ཡེ་རུ་སཱ་ལེམ་ནི་ཨ་སུར་རྒྱལ་པོའི་ལག་ཏུ་གཏོད་པར་མི་འགྱུར་ཞེས་ཁྱོད་ཚོས་བློ་བཅོལ་བའི་དཀོན་མཆོག་ལ་ཁྱོད་རང་བསླུ་བར་མ་འཇུག  
\v 11 ཨ་སུར་གྱི་རྒྱལ་པོ་རྣམས་ཀྱིས་ཡུལ་ཐམས་ཅད་ལ་ཅི་བྱས་པ་དང་རྩ་ནས་བཅོམ་པ་ཁྱོད་ཀྱིས་ཐོས་ཡོད་པས། ཁྱོད་ལ་ཐར་ས་ཡོད་དམ།  
\v 12 ངའི་ཕ་མེས་རྣམས་ཀྱིས་བཅོམ་པའི་གོ་ཟན་དང་ཧཱ་རན། རེ་ཙེབ། ཐེ་ལཱ་སར་ལ་ཡོད་པའི་ཨེ་དེན་གྱི་མི་རྣམས་བཅས་མི་རིགས་སོ་སོའི་ལྷ་རྣམས་ཀྱིས་ཁོ་ཚོ་བསྐྱབས་སམ།  
\v 13 ཧ་མཱད་ཀྱི་རྒྱལ་པོ་དང་ཨར་ཕད་ཀྱི་རྒྱལ་པོ། སེ་ཕར་ཝ་ཨིམ་གྲོང་ཁྱེར་གྱི་རྒྱལ་པོ། ཧེ་ནཱ་དང་ཨི་ཝཱ་ཡི་རྒྱལ་པོ་བཅས་རྣམས་ད་ལྟ་གང་དུ་ཡོད་དམ་ཞེས་འཕྲིན་བསྐུར་ཏོ། །   
\s1 ཧི་ཟི་ཀི་ཡཱས་དཀོན་མཆོག་ལ་གསོལ་བ་བཏབ་པ།  
\p
\v 14 དེ་ཡང་ཧི་ཟི་ཀི་ཡཱས་བང་ཆེན་རྣམས་ཀྱི་ལག་ནས་འབྱོར་བའི་འཕྲིན་ཡིག་དེ་བཀླགས་རྗེས། ཡར་དཀོན་མཆོག་ཡ་ཝཱེའི་མཆོད་ཁང་དུ་སོང་ནས་དཀོན་མཆོག་ཡ་ཝཱེའི་སྤྱན་སྔར་འཕྲིན་ཡིག་ཁ་ཕྱེས་ཏེ་བཞག་གོ །  
\v 15 ཁོས་དཀོན་མཆོག་ཡ་ཝཱེ་ལ་འདི་བཞིན་གསོལ་བ་བཏབ་པ་སྟེ།  
\v 16 ཀྱེ་ཀེ་རུབ་རྣམས་ཀྱི་དབུས་སུ་བཞུགས་པའི་དཔུང་ཚོགས་ཀུན་གྱི་དཀོན་མཆོག་ཡ་ཝཱེ། ཡེས་ར་ཨེལ་གྱི་དཀོན་མཆོག་ལགས། ཁྱེད་ཉིད་གཅིག་པུ་ས་གཞིའི་རྒྱལ་ཁམས་ཀུན་གྱི་དཀོན་མཆོག་ལགས་ཤིང་། ཁྱེད་ཀྱིས་གནམ་ས་གཉིས་ཀ་བཀོད་པ་ཡིན།  
\v 17 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་སྙན་གཏད་ནས་གསན་པར་མཛོད་ཅིག ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་སྤྱན་ཟུང་ཕྱེས་ནས་གཟིགས་སུ་གསོལ། སེན་ན་ཧེ་རིབ་ཀྱིས་བང་ཆེན་མངགས་ནས་གཏན་དུ་གསོན་པོར་བཞུགས་པའི་དཀོན་མཆོག་ལ་དམའ་འབེབས་ཀྱི་ཚིག་སྨྲས་པ་ཐམས་ཅད་གསན་པར་མཛོད་ཅིག  
\v 18 ཀྱེ་དཀོན་མཆོག་ཡ་ཝཱེ་ལགས། ཨ་སུར་གྱི་རྒྱལ་པོ་རྣམས་ཀྱིས་རྒྱལ་ཁམས་དེ་ཐམས་ཅད་དང་། དེ་དག་གི་ས་ཆ་ཀུན་རྡུལ་དུ་བརླགས་པ་ནི་བདེན་ཏེ།  
\v 19 དེ་དག་གི་ལྷ་རྣམས་མེ་ལ་གཡུགས། ཅི་ལ་ཞེ་ན། དེ་དག་ནི་དཀོན་མཆོག་མ་ཡིན་པར་མིའི་ལག་བཟོས་ཀྱི་ཤིང་སྐུ་དང་རྡོ་སྐུ་ཡིན་པས། ཁོ་ཚོས་དེ་དག་མེད་པར་བཏང་བ་རེད།  
\v 20 ཀྱེ་དཀོན་མཆོག་ཡ་ཝཱེ་ངེད་ཅག་གི་དཀོན་མཆོག་ལགས། ས་གཞིའི་རྒྱལ་ཁམས་ཀུན་གྱིས་ཡ་ཝཱེ་ཁྱེད་ཉིད་གཅིག་པུ་ཡ་ཝཱེ་ཡིན་པ་གསལ་པོར་རྟོགས་པའི་ཕྱིར། ངེད་ཅག་ཨ་སུར་རྒྱལ་པོའི་ལག་ནས་སྐྱོབ་པར་མཛོད་ཅིག་ཅེས་ཞུས་སོ། །   
\s1 ཡེ་ཤ་ཡཱ་ཡིས་ཨ་སུར་ཕམ་པར་ལུང་བསྟན་པ།  
\p
\v 21 དེ་ནས་ཨ་མོ་ཟིའི་བུ་ཡེ་ཤ་ཡཱ་ཡིས་ཧི་ཟི་ཀི་ཡཱའི་དྲུང་དུ་མི་ཞིག་མངགས་ཏེ་ན་རེ། ཡེས་ར་ཨེལ་གྱི་དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱིས་ཨ་སུར་རྒྱལ་པོ་སེན་ན་ཧེ་རིབ་ཀྱི་སྐོར་ནས་བདག་ལ་གསོལ་བ་བཏབ་པས།  
\v 22 དཀོན་མཆོག་ཡ་ཝཱེས་དེ་ལ་རྒོལ་ལན་གསུངས་པ་འདི་ལྟར། ཛ་ཡན་བུ་མོ་ན་ཆུང་མས། །ཁྱོད་ལ་བརྙས་ཤིང་ཁྲེལ་རྒོད་བྱས། །ཡེ་རུ་སཱ་ལེམ་བུ་མོ་ཚོས། །ཁྱོད་ཀྱི་རྒྱབ་ནས་མགོ་བོ་གཡུགས། །   
\p
\v 23 ཁྱོད་ཀྱིས་སུ་ལ་སྨད་ཅིང་སྐུར་བ་བཏབ་པ་ཡིན་ནམ། ཁྱོད་ཀྱིས་ཀུ་ཅོ་བསྒྲགས་ནས་མིག་ཟུང་ཡར་བཏེགས་ཏེ་སུ་ལ་རྒོལ་བ་ཡིན་ནམ། ཡེས་ར་ཨེལ་གྱི་དམ་པ་ཉིད་ལ་རྒོལ་བ་ཡིན།  
\v 24 ཁྱོད་ཀྱིས་རང་གི་འཁོར་གཡོག་རྣམས་བརྒྱུད་ནས་གཙོ་བོར་སྨད་ཅིང་ན་རེ། ང་ནི་རང་གི་ཤིང་རྟའི་དཔུང་ཚོགས་དང་མཉམ་དུ་རི་བོ་དག་གི་ཡང་རྩེར་འཛེགས་ཤིང་། ལེ་པཱ་ནོན་གྱི་ཕུགས་སུ་ཕྱིན། དེའི་ཐང་ཤིང་རིང་པོ་རྣམས་དང་གསོམ་ཤིང་གང་བཟང་རྣམས་བཅད་ཅིང་། རྒྱང་ཐག་རིང་བའི་མཐོ་ས་རྣམས་དང་དེའི་ནགས་ཚལ་སྟུག་པོའི་ནང་དུ་ཞུགས་པ་ཡིན།  
\v 25 ངས་དོང་ཆུ་བརྐོས་ནས་ཆུ་འཐུང་ཞིང་། རང་གི་རྐང་མཐིལ་གྱིས་ཨེ་ཅིབ་ཀྱི་གཙང་པོ་ཐམས་ཅད་བསྐམས་སུ་བཅུག་གོ་སྨྲས་བྱུང་ཞེས་པའོ། །   
\p
\v 26 དཀོན་མཆོག་ཡ་ཝཱེས་འདི་སྐད་དུ། བདག་གིས་གནའ་ནས་བཀོད་སྒྲིག་བྱས་ཤིང་། སྔོན་ནས་འཆར་བཀོད་བཟོས་ཡོད་པ་ཁྱོད་ཀྱིས་མ་ཐོས་སམ། ད་ནི་ཁྱོད་ཀྱི་ལྕགས་རིས་བསྐོར་བའི་གྲོང་ཁྱེར་རྣམས་བཤིགས་ནས་ས་རོར་བསྒྱུར་བ་དེ་བདག་གིས་བསྒྲུབས་པ་ཡིན།  
\v 27 དེ་བས་ཡུལ་དེའི་མི་རྣམས་ནི་སྟོབས་ཟད་ནས་སྐྲག་ཅིང་ཞེ་གནོང་སྟེ། ཞིང་ཁའི་སྔོ་ཚལ་དང་རྩྭ་སྔོན་བཞིན་དང་། ཡང་ཡར་མ་སྐྱེ་སྔོན་ལ་སྐམ་ཐག་ཆོད་པའི་ཁང་ཐོག་གི་རྩྭ་བཞིན་ནོ། །  
\v 28 ཁྱོད་རང་མར་སྡོད་པ་དང་། ཁྱོད་རང་ཕྱི་ནང་དུ་འགྲོ་འོང་བྱེད་པ། ཁྱོད་རང་ང་ལ་རབ་ཏུ་ཁྲོས་པ་སོགས་ངས་ཤེས་ཡོད།  
\v 29 ཁྱོད་རང་ང་ལ་རབ་ཏུ་ཁྲོས་ཤིང་། ཁྱོད་ཀྱི་ཁེངས་རློམ་བདག་གི་རྣ་བས་ཐོས་བྱུང་བས། བདག་གིས་ཁྱོད་ཀྱི་སྣ་རུ་ལྕགས་ཀྱུ་བསྐོན་ཞིང་། ཁྱོད་ཀྱི་ཁ་ལ་སྲབ་བསྐོན་ཏེ། ཁྱོད་རང་ཐོན་པའི་ལམ་དེར་ཕྱིར་ཟློག་ཏུ་འཇུག་གོ །   
\p
\v 30 ཀྱེ་ཧི་ཟི་ཀི་ཡཱ། འདི་ནི་ཁྱོད་ཀྱི་སྔ་ལྟས་ཡིན་ཏེ། ལོ་འདིར་ཁྱོད་ཅག་གིས་རང་བཞིན་དུ་སྐྱེ་བ་རྣམས་བཟའ་ཞིང་། ལོ་རྗེས་མར་དེ་ལས་སྐྱེ་བ་རྣམས་བཟའ་དགོས། དེ་ནས་ལོ་གསུམ་པར་ཁྱོད་རྣམས་ཀྱིས་ས་བོན་བཏབ་ནས་འབྲུ་རིགས་བསྡུ་བ་དང་། རྒུན་ཚལ་བཙུགས་ནས་དེའི་འབྲས་བུ་བཟའ་དགོས།  
\v 31 ཡ་ཧུ་དཱ་ཁྱིམ་རྒྱུད་ཀྱི་ཤུལ་ལུས་རྣམས་ནི་སླར་ཡང་རྩ་བ་ཟུག་ཅིང་སྟེང་དུ་འབྲས་བུ་ཐོགས་པར་འགྱུར།  
\v 32 ཅིའི་ཕྱིར་ཞེ་ན། ལྷག་ལུས་རྣམས་ཡེ་རུ་སཱ་ལེམ་ནས་ཕྱི་རུ་ཐོན་ཞིང་། སྲོག་ཐར་བ་རྣམས་རི་བོ་ཛ་ཡན་ནས་ཕྱི་ལ་སླེབ་པར་འགྱུར། དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་ཐུགས་འཁྲེན་གྱིས་དེ་ལྟར་མཛད་པར་བྱའོ་ཞེས་གསུངས་སོ། །   
\p
\v 33 དེའི་ཕྱིར་དཀོན་མཆོག་ཡ་ཝཱེས་ཨ་སུར་རྒྱལ་པོའི་སྐོར་ལ་འདི་སྐད་དུ། ཁོ་རང་གྲོང་ཁྱེར་འདིར་འོང་བར་མི་འགྱུར་ཞིང་། དེ་གར་མདའ་ཡང་འཕེན་པར་མི་འགྱུར། ཕུབ་ཐོགས་ནས་དེའི་ཕྱོགས་སུ་འོང་བར་མི་འགྱུར་ལ། དེའི་མཐའ་རུ་འཐབ་ར་ཡང་བརྩིག་པར་མི་འགྱུར།  
\v 34 ཁོ་སྔར་འོངས་པའི་ལམ་དེ་ནས་ཕྱིར་ལོག་འགྲོ་བ་དང་། གྲོང་ཁྱེར་དེའི་ནང་དུ་འོང་བར་མི་འགྱུར་བ་ནི་དཀོན་མཆོག་ཡ་ཝཱེས་གསུངས་སོ། །  
\v 35 བདག་གིས་རང་ཉིད་དང་བདག་གི་ཞབས་ཕྱི་དཱ་བིད་ཀྱི་དོན་དུ། གྲོང་ཁྱེར་འདི་བསྲུང་ཞིང་སྐྱོབ་པར་འགྱུར་གསུངས་ཞེས་སྨྲས་སོ། །   
\s1 དཀོན་མཆོག་གིས་ཨ་སུར་རྒྱལ་པོར་ཉེས་ཆད་བཅད་པ།  
\p
\v 36 དེ་ནས་དཀོན་མཆོག་ཡ་ཝཱེའི་ཕོ་ཉ་ཕྱི་རུ་ཐོན་ཏེ། ཨ་སུར་པའི་དམག་སྒར་ལས་མི་ཆིག་འབུམ་བརྒྱད་ཁྲི་ལྔ་སྟོང་བསད་པ་དང་། ཐོ་རངས་མི་རྣམས་མལ་ལས་ལངས་པའི་ཚེ། ཀྱེ་ཧོ། མིག་གིས་མཐོང་ཚད་བམ་རོ་ཡིན་ནོ། །  
\v 37 དེར་ཨ་སུར་རྒྱལ་པོ་སེན་ན་ཧེ་རིབ་ཀྱིས་སྒར་གཏོར་ཞིང་རང་ཡུལ་དུ་ལོག་སྟེ་ནིན་ཝེ་ཞེས་པར་བསྡད།  
\v 38 ཁོས་རང་གི་ལྷ་ནིས་རོག་གི་ལྷ་ཁང་དུ་ཕྱག་འཚལ་དུས་སུ། ཁོའི་བུ་ཨད་རམ་མེ་ལེག་དང་སཱར་ཨེ་ཚེར་གཉིས་ཀྱིས་ཁོ་རལ་གྲིས་བསད་ཅིང་། དེ་ནས་ཁོ་གཉིས་ཨ་ར་རད་ཡུལ་དུ་བྲོས་པ་དང་། ཁོའི་བུ་ཨེ་སར་ཧད་ཏོན་ཁོའི་རྒྱུན་མཐུད་ནས་རྒྱལ་པོར་གྱུར་ཏོ། །   
\c 38
\cl ལེའུ་སོ་བརྒྱད་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཧི་ཟི་ཀི་ཡཱ་ནད་ལས་ཐར་བ།  
\p
\v 1 དུས་དེར་ཧི་ཟི་ཀི་ཡཱ་ལ་ནད་ལྗིད་མོ་ཞིག་ཕོག་སྟེ་འཆི་ལ་ཉེ་བ་དང་། ཨ་མོ་ཟིའི་བུ་ལུང་སྟོན་པ་ཡེ་ཤ་ཡཱ་ཁོའི་དྲུང་དུ་འོངས་ཏེ་ན་རེ། དཀོན་མཆོག་ཡ་ཝཱེས་འདི་སྐད་དུ། ཁྱོད་གསོན་མི་ཐུབ་པར་འཆི་བར་འགྱུར་བས། ཁྱོད་ཀྱིས་རང་གི་ཁྱིམ་ལ་བཀོད་སྒྲིག་ལེགས་པོ་གྱིས་ཤིག་གསུངས་ཞེས་སྨྲས་པ་ན།  
\v 2 ཧི་ཟི་ཀི་ཡཱས་ངོ་གདོང་རྩིག་པའི་ཕྱོགས་སུ་འཁོར་ཏེ་དཀོན་མཆོག་ཡ་ཝཱེ་ལ་སྨོན་ལམ་བཏབ་ནས་ན་རེ།  
\v 3 ཀྱེ་དཀོན་མཆོག་ཡ་ཝཱེ་ལགས། ང་རང་ཁྱེད་ཀྱི་སྤྱན་སྔར་བློ་དཀར་བ་དང་བསམ་པ་ལྷད་མེད་ཀྱིས་འགྲུལ་ཞིང་། ཁྱེད་ཀྱི་སྤྱན་སྔར་གང་ལེགས་པ་དེ་བསྒྲུབས་པ་ཁྱེད་ཀྱིས་ཐུགས་སུ་དྲན་པར་མཛོད་ཅེས་ཞུས་ཏེ་དྲག་ཏུ་ངུས་སོ། །   
\p
\v 4 དེ་ནས་དཀོན་མཆོག་ཡ་ཝཱེས་ཡེ་ཤ་ཡཱ་ལ་བཀའ་གནང་ནས་འདི་སྐད་དུ།  
\v 5 ཁྱོད་སོང་ནས་ཧི་ཟི་ཀི་ཡཱ་ལ། ཁྱོད་ཀྱི་མེས་པོ་དཱ་བིད་ཀྱི་དཀོན་མཆོག་ཡ་ཝཱེས་འདི་སྐད་དུ། བདག་གིས་ཁྱོད་ཀྱི་གསོལ་འདེབས་ཐོས་ཤིང་། ཁྱོད་ཀྱི་མིག་ཆུ་ཡང་མཐོང་བ་ཡིན། ལྟོས་དང་། བདག་གིས་ཁྱོད་ཀྱི་ཚེ་ཚད་ལ་ལོ་བཅོ་ལྔ་སྣོན་པར་བྱ།  
\v 6 ཡང་བདག་གིས་ཁྱོད་དང་གྲོང་ཁྱེར་འདི་ཨ་སུར་རྒྱལ་པོའི་ལག་ནས་བསྐྱབས་ཏེ། གྲོང་ཁྱེར་འདི་བསྲུང་བར་བྱ་གསུངས་ཞེས་སྨྲོས་ཤིག  
\v 7 འདི་ནི་དཀོན་མཆོག་ཡ་ཝཱེས་ཅི་གསུངས་པ་དེ་འགྲུབ་པར་མཛད་ངེས་པའི་བདེན་དཔང་དུ་ཁྱོད་ལ་གནང་བའི་རྟགས་ཡིན།  
\v 8 ལྟོས་དང་། ཨ་ཧ་ཟཱ་ཡི་དུས་ཀྱི་གོམ་འགྲོས་སྟེང་གི་ཉི་མའི་གྲིབ་གཟུགས་མདུན་དུ་སྐྱོད་པ་དེ་བདག་གིས་གོམ་པ་བཅུ་ཕྱིར་འཐེན་པར་འགྱུར་ཞེས་གསུངས་པས། ཉི་མའི་གྲིབ་གཟུགས་མདུན་དུ་སྐྱོད་པ་དེ་དུས་ཀྱི་གོམ་འགྲོས་སྟེང་གོམ་པ་བཅུ་ཕྱིར་བསྣུར་བ་རེད།   
\s1 ཧི་ཟི་ཀི་ཡཱའི་གཏང་རག་འབུལ་བའི་མགུར་མ།  
\p
\v 9 ཡ་ཧུ་དཱའི་རྒྱལ་པོ་ཧི་ཟི་ཀི་ཡཱ་ནད་ལས་ཐར་རྗེས། ཁོས་མགུར་མ་འདི་བརྩམས་པ་སྟེ།  
\v 10 ང་རང་དར་མ་ཡིན་པའི་དུས་སྐབས་སུ། །གཤིན་པོའི་ཡུལ་གྱི་སྒོ་ནང་འཛུལ་དགོས་ཤིང་། །བདག་གི་མི་ཚེའི་ལོ་ཟླ་ལྷག་མ་རྣམས། །ང་ལས་འཕྲོག་པར་འགྱུར་རོ་བདག་གིས་སྨྲས། །  
\v 11 ད་ནི་གསོན་པོའི་ཡུལ་དུ་བདག་ལྟ་བུས། །དཀོན་མཆོག་ཡ་ཝཱེ་སླར་ཡང་མཇལ་མི་འོང་། །འཇིག་རྟེན་ཡུལ་གྱི་མི་རྣམས་ཁྲོད་ནས་ནི། །གཅིག་ཀྱང་མཐོང་བར་མི་འགྱུར་བདག་གིས་སྨྲས། །  
\v 12 ང་ཡི་སྡོད་གནས་རྩ་ནས་ཕྱུང་བ་སྟེ། །ལུག་རྫིའི་གུར་བཞིན་ང་དང་ཕྲལ་བ་ཡིན། །འཐག་མཁན་ཇི་བཞིན་ང་ཡིས་རང་སྲོག་བསྒྲིལ། །ཁོང་གིས་ང་རང་ཐགས་ཁྲི་ལས་བཅད་དེ། །ཉིན་གཅིག་རིང་ལ་ངའི་ཚེ་རྫོགས་པར་མཛད། །  
\v 13 ཞོགས་པའི་བར་དུ་བདག་གིས་དབུགས་རིང་ཕྱུང་། །རི་དྭགས་རྒྱལ་པོ་བཞིན་དུ་ཁོང་ཉིད་ཀྱིས། །ང་ཡི་ལུས་ཀྱི་རུས་པ་ཐམས་ཅད་བཅག །ཉིན་གཅིག་རིང་ལ་ངའི་ཚེ་རྫོགས་པར་མཛད། །  
\v 14 བདག་གིས་ཁུག་རྟ་ནང་བཞིན་བྱིའུ་སྐད་བསྒྲགས། །ཁྲུང་ཁྲུང་དཀར་པོ་ནང་བཞིན་སྐད་ཅོར་བརྒྱབ། །ཕུག་རོན་བཞིན་དུ་ངུ་སྐད་བཏོན་པ་ཡིན། །སྟེང་ཕྱོགས་བལྟས་ནས་ངའི་མིག་ཐང་ཆད་བྱུང་། །ཀྱེ་ཀྱེ་ཡ་ཝཱེ་ང་རང་སྡུག་ལ་ཕྲད། །ཁྱེད་ཉིད་ང་ཡི་སྐྱབས་སུ་འགྱུར་བར་མཛོད། །   
\p
\v 15 ད་ནི་བདག་གིས་ཅི་ཞིག་སྨྲ་བར་བྱ། །གནང་བའི་ཞལ་བཞེས་ཁོང་གིས་བསྒྲུབས་པར་མཛད། །འདས་ཟིན་ངའི་སེམས་སྡུག་གིས་མནར་བས་ན། །གཟབ་གཟབ་ངང་ནས་མི་ཚེ་རོལ་དགོས་སོ། །  
\v 16 ཀྱེ་ཀྱེ་གཙོ་བོ་མི་དེར་བརྟེན་ནས་འཚོ། །བདག་གི་སེམས་ཀྱིས་དེའི་ནང་ཚེ་སྲོག་རྙེད། །ཁྱེད་ཀྱིས་ང་རང་གསོས་ནས་གསོན་པར་མཛད། །  
\v 17 ལྟོས་དང་བདག་གིས་དཀའ་སྡུག་ཚད་མེད་མྱངས། །དེ་ནི་ང་ལ་ཞི་བདེ་ཐོབ་ཕྱིར་ཡིན། །ཁྱེད་ཀྱིས་ང་ཡི་ཚེ་སྲོག་བསྲུངས་ནས་ནི། །ང་རང་འཆི་བའི་དོང་ལས་བསྒྲལ་བར་མཛད། །ཁྱེད་ཀྱིས་ང་ཡི་སྡིག་པ་ཡོད་དོ་ཅོག །ཐམས་ཅད་ཉིད་ཀྱི་སྐུ་རྒྱབ་གཡུགས་པས་སོ། །  
\v 18 གཤིན་པོའི་ཡུལ་ནས་ཁྱེད་ལ་གཏང་རག་མེད། །འཆི་བས་ཁྱེད་ལ་བསྟོད་བསྔགས་འབུལ་མི་ནུས། །དོང་ནང་ལྷུང་པ་རྣམས་ཀྱིས་ཁྱེད་ཉིད་ཀྱི། །བདེན་པ་ཉིད་ལ་རེ་བ་བསྐྱེད་ནུས་མིན། །  
\v 19 དེ་རིང་བདག་གིས་སྤྱོད་པ་ཇི་བཞིན་དུ། །གསོན་པོས་ཁྱེད་ལ་གཏང་རག་འབུལ་ནུས་ཡིན། །ཕ་ཡིས་རང་གི་བུ་དང་བུ་མོ་ལ། །ཁྱེད་ཀྱི་དྲང་བདེན་རྟོགས་སུ་འཇུག་པ་ཡིན། །  
\v 20 དཀོན་མཆོག་ཡ་ཝཱེས་ང་རང་སྐྱོབ་ངེས་པས། །ང་ཚོས་དཀོན་མཆོག་ཡ་ཝཱེའི་མཆོད་ཁང་ནང་། །རྒྱུད་མང་རོལ་ཆས་སྣ་ཚོགས་དཀྲོལ་ནས་ནི། །མི་ཚེ་གང་པོར་ང་ཡི་མགུར་མ་ལེན། །ཞེས་པའོ། །   
\p
\v 21 ཡེ་ཤ་ཡཱ་ཡིས་འདི་ལྟར། སེ་ཡབ་ལེབ་མོ་ཞིག་ཁྱེར་འོངས་ནས་རྨ་ཁའི་སྟེང་དུ་ཕུར་ཅིག་དང་། རྒྱལ་པོ་དྲག་པར་འགྱུར་ཞེས་སྨྲས་ཤིང་།  
\v 22 ཧི་ཟི་ཀི་ཡཱ་ན་རེ། བདག་ཡར་དཀོན་མཆོག་ཡ་ཝཱེའི་མཆོད་ཁང་དུ་འགྲོ་བར་རྟགས་ཅི་ཡོད་དམ་ཞེས་སྨྲས་སོ། །   
\c 39
\cl ལེའུ་སོ་དགུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཧི་ཟི་ཀི་ཡཱ་དང་པཱ་པེལ་ལོན་གྱི་བང་ཆེན།  
\p
\v 1 དེའི་དུས་སུ། པཱ་པེལ་ལོན་གྱི་རྒྱལ་པོ་པལ་ཨ་དན་གྱི་བུ་སྟེ་མེ་རོ་དག་པལ་ཨ་དན་གྱིས་ཧི་ཟི་ཀི་ཡཱ་ལ་ནད་བྱུང་ནས་སངས་དྲག་ཏུ་གྱུར་པ་ཐོས་རྗེས། མི་མངགས་ནས་ཧི་ཟི་ཀི་ཡཱ་ལ་འཕྲིན་ཡིག་དང་ཕྱག་རྟེན་བསྐུར་པ་རེད།  
\v 2 དེར་ཧི་ཟི་ཀི་ཡཱ་ཤིན་ཏུ་དགའ་བར་གྱུར་ཏེ། རང་གི་གཏེར་མཛོད་ཀྱི་གསེར་དངུལ་དང་། སྤོས་དང་འབྱུག་སྣུམ་རིན་ཐང་ཅན། མཚོན་ཆའི་མཛོད་དང་གཏེར་མཛོད་ནང་དུ་ཅི་ཡོད་པ་ཐམས་ཅད་དེ་དག་ལ་བསྟན་ཏོ། །ཧི་ཟི་ཀི་ཡཱས་རང་གི་ཕོ་བྲང་དང་ཁོའི་རྒྱལ་ཁམས་ཡོངས་སུ་ནོར་རྫས་གང་ཡོད་ཐམས་ཅད་ལས་དེ་དག་ལ་མ་བསྟན་པ་གཅིག་ཀྱང་མེད་དོ། །  
\v 3 དེ་ནས་ལུང་སྟོན་པ་ཡེ་ཤ་ཡཱ་རྒྱལ་པོ་ཧི་ཟི་ཀི་ཡཱའི་དྲུང་དུ་འོངས་ནས་ཁོ་ལ་ན་རེ། མི་དེ་ཚོས་ཅི་ཟེར་རམ། དེ་ཚོ་ཡུལ་གང་ནས་ཁྱོད་ཀྱི་མདུན་དུ་འོངས་པ་ཡིན་ནམ་ཞེས་དྲིས་པ་ལ། ཧི་ཟི་ཀི་ཡཱས། དེ་དག་ནི་རྒྱང་ཐག་རིང་བའི་པཱ་པེལ་ལོན་ནས་ང་དང་འཕྲད་དུ་འོངས་པ་རེད་ཅེས་སྨྲས་ཤིང་།  
\v 4 ཡེ་ཤ་ཡཱ་ཡིས་དེ་དག་གིས་ཁྱོད་ཀྱི་ཕོ་བྲང་ནས་ཅི་མཐོང་བ་ཡིན་ནམ་ཞེས་དྲིས་པའི་ལན་དུ། ཧི་ཟི་ཀི་ཡཱས་དེ་དག་གིས་ངའི་ཕོ་བྲང་དུ་ཅི་ཡོད་པ་ཐམས་ཅད་མཐོང་བ་ཡིན་ཏེ། དེ་དག་ལ་མ་བསྟན་པའི་ནོར་རྫས་གང་ཡང་ངའི་གཏེར་མཛོད་ནང་ལུས་མེད་ཅེས་སྨྲས་སོ། །  
\v 5 དེར་ཡེ་ཤ་ཡཱས་ཧི་ཟི་ཀི་ཡཱ་ལ། དཔུང་ཚོགས་ཀུན་གྱི་དཀོན་མཆོག་ཡ་ཝཱེའི་བཀའ་ལ་ཉོན་ཅིག  
\v 6 ལྟོས་དང་། ཁྱོད་ཀྱི་ཕོ་བྲང་དུ་ཡོད་པ་ཐམས་ཅད་དང་། ཁྱོད་ཀྱི་ཕ་མེས་རྣམས་ཀྱིས་དེ་རིང་གི་བར་དུ་བསགས་པ་ཐམས་ཅད་ཅི་ཡང་མ་ལུས་པར་པཱ་པེལ་ལོན་དུ་འཁྱེར་བའི་དུས་ཤིག་སླེབས་འོང་ཞེས་དཀོན་མཆོག་ཡ་ཝཱེས་གསུངས།  
\v 7 ཡང་ཁྱོད་ལས་མཆེད་ཅིང་ཁྱོད་ལས་སྐྱེས་པའི་བུ་རྒྱུད་རྣམས་ལས་ཁ་ཅིག་བཙོན་དུ་ཁྲིད་ནས་པཱ་པེལ་ལོན་རྒྱལ་པོའི་ཕོ་བྲང་དུ་ཉུག་རུམ་པར་འགྱུར་རོ་ཞེས་སྨྲས་པ་ན།  
\v 8 ཧི་ཟི་ཀི་ཡཱས་ཡེ་ཤ་ཡཱ་ལ། ཁྱོད་ཀྱིས་གསུངས་པའི་དཀོན་མཆོག་ཡ་ཝཱེའི་གསུང་ནི་ལེགས་སོ་ཞེས་སྨྲས་པ་དང་། ཁོའི་སེམས་སུ་ངའི་ཉིན་མོ་རྣམས་ཞི་བདེ་དང་བརྟན་འཇགས་ཡོད་པ་མིན་ནམ་སྙམ་མོ། །   
\c 40
\cl ལེའུ་བཞི་བཅུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གི་སེམས་གསོ།  
\p
\v 1 ཁྱོད་རྣམས་ཀྱིས་སེམས་གསོ་བྱོས་ཤིག བདག་གི་མི་སྡེ་ལ་སེམས་གསོ་བྱོས་ཤིག་ཅེས་ཁྱོད་ཚོའི་དཀོན་མཆོག་གིས་གསུངས།  
\v 2 ཁྱོད་རྣམས་ཀྱིས་ཡེ་རུ་སཱ་ལེམ་ལ་གཏམ་འཇམ་པོ་བཤད་ནས་དེ་ལ། ཁོ་ཚོའི་དཀའ་སྡུག་རྫོགས་ཤིང་། ཁོ་ཚོའི་སྡིག་པའི་བླུ་རིན་འཇལ་ཏོ། །ཁོ་ཚོར་རང་གི་སྡིག་པ་ཐམས་ཅད་ཀྱི་རྐྱེན་གྱིས་དཀོན་མཆོག་ཡ་ཝཱེའི་ཕྱག་ནས་ཆད་པ་ལྡབ་འགྱུར་གྱིས་བབས་སོ་ཞེས་སྒྲོགས་ཤིག  
\v 3 དེ་ནས་སྐད་སྒྲ་ཞིག་གིས་འདི་ལྟར་འབོད་བཞིན་འདུག དབེན་སྟོང་ཡུལ་ནས་དཀོན་མཆོག་ཡ་ཝཱེ་ལ། །ཕེབས་ལམ་སྟ་གོན་བྱེད་ཅིང་བྱེ་ཐང་དུ། །རང་ཅག་དཀོན་མཆོག་གཤེགས་ལམ་དྲང་པོར་བཟོས། །  
\v 4 གྲོག་རོང་ཐམས་ཅད་འགེང་བར་བྱེད་པ་དང་། །རི་སྒང་མཐའ་དག་སྙོམས་པར་གཏོང་ངེས་ལ། །གཡང་གཟར་ཐམས་ཅད་བདེ་སྙོམ་དུ་བཟོ་ཞིང་། །ཀྱག་ཀྱོག་རྣམས་ནི་ཐང་བདེ་རུ་མཛད་ངེས། །  
\v 5 དཀོན་མཆོག་ཡ་ཝཱེའི་གཟི་བརྗིད་མངོན་འགྱུར་ཞིང་། །སྐྱེ་བོ་ཀུན་གྱིས་ལྷན་ཅིག་མཐོང་བར་འགྱུར། །འདི་བཞིན་དཀོན་མཆོག་ཡ་ཝཱེས་གསུངས་པས་སོ། །  
\v 6 ཡང་སྒྲ་ཞིག་གིས་ཁྱོད་ཀྱིས་སྐད་རྒྱོབ་ཅིག་ཅེས་པ་ན། ཁོས་བདག་གིས་ཅི་ཞིག་སྒྲོག་གམ་ཞེས་དྲིས་པ་དང་། ལུས་ཅན་ཐམས་ཅད་རྩྭ་དང་འདྲ། །མཛེས་སྡུག་སྤང་གི་མེ་ཏོག་འདྲ། །  
\v 7 རྩྭ་ནི་སྐམ་ཞིང་མེ་ཏོག་ཡལ། །ཡ་ཝཱེས་ཞལ་ཕུ་བཏབ་པས་ན། །ལུས་ཅན་ཐམས་ཅད་རྩྭ་དང་འདྲ། །  
\v 8 རྩྭ་ནི་སྐམ་ཞིང་མེ་ཏོག་ཡལ། །རང་ཅག་དཀོན་མཆོག་ཉིད་ཀྱི་བཀའ། །རྒྱུན་ནས་རྒྱུན་དུ་གནས་པ་ཡིན། །ཞེས་པའོ། །  
\v 9 ཡང་ཀྱེ་ཛ་ཡན་ལ་འཕྲིན་བཟང་སྐྱེལ་མཁན་ཁྱོད། རི་མཐོན་པོར་འཛེགས་པར་གྱིས། ཀྱེ་ཡེ་རུ་སཱ་ལེམ་ལ་ལོན་བཟང་སྐྱེལ་མཁན་ཁྱོད་ཀྱིས་ཅི་ལྕོགས་ཀྱིས་སྐད་མཐོན་པོ་གྱིས་ཤིག འཇིགས་པ་མེད་པར་སྐད་མཐོན་པོ་གྱིས་ཤིག ལྟོས་དང་འདི་ནི་ཁྱོད་ཀྱི་དཀོན་མཆོག་ལགས་སོ་ཞེས་ཡ་ཧུ་དཱའི་གྲོང་ཁྱེར་ཀུན་ལ་སྒྲོགས་ཤིག  
\v 10 ལྟོས་དང་། གཙོ་བོ་ཡ་ཝཱེ་མཐུ་སྟོབས་དང་བཅས་ཕེབས་ངེས་ཤིང་། ཁོང་གི་ཕྱག་གིས་ཉིད་ཀྱི་ཕྱིར་དུ་དབང་སྒྱུར་ཏོ། །ལྟོས་དང་། ཁོང་གིས་མི་རྣམས་ལ་གནང་བའི་གསོལ་རས་ཁོང་གི་རྩར་གནས་ཤིང་། ཁོང་གི་ཐོབ་ཆ་ཉིད་ཀྱི་དྲུང་དུ་ཡོད།  
\v 11 ཁོང་ཉིད་རྫི་བོ་ཞིག་དང་མཚུངས་པར་རང་གི་ལུག་ཁྱུ་འཚོ་སྐྱོང་ལེགས་པོ་བྱེད་པ་དང་། ལུ་གུ་རྣམས་ཕྱག་གིས་པང་དུ་བསྣམས་ནས་མ་མོ་རྣམས་ལ་དལ་གྱིས་ལམ་སྟོན་མཛད་དོ། །   
\s1 དཀོན་མཆོག་བླ་ན་མེད་པ་ལགས།  
\p
\v 12 སུས་རྒྱ་མཚོའི་ཆུ་ཡི་ཚད་ནི་ལག་མཐིལ་གྱིས་འཇལ་ཞིང་། ལག་པས་ནམ་མཁའི་མཐོ་ཚད་བཅལ་བ་ཡིན་ནམ། སུས་ས་གཞིའི་རྡུལ་གྲངས་བྲེ་ལ་འཇལ་ཞིང་། རི་མཐོན་པོ་རྣམས་སྲང་དང་རི་ཕྲན་རྣམས་རྒྱ་མར་བཏེགས་པ་ཡིན་ནམ།  
\v 13 དཀོན་མཆོག་ཡ་ཝཱེའི་ཐུགས་ཉིད་སུས་དཔོག་ནུས་སམ། ཡང་ན་སུ་ཞིག་གིས་ཁོང་ལ་སློབ་སྟོན་བྱས་པ་ཡིན་ནམ།  
\v 14 ཁོང་གིས་སུ་ལ་གྲོས་བཏབ་ནས་ཁོང་ལ་སུ་ཡིས་བློ་གྲོས་བསྩལ་ཏམ། སུས་ཁོང་ལ་དྲང་པོའི་ལམ་བསྟན་ཅིང་ཤེས་བྱ་བསླབས་ཏེ་བློ་སྒོ་ཕྱེས་སམ།  
\v 15 ལྟོས་དང་། མི་རིགས་ཀུན་ནི་ཟོ་བ་ནང་གི་ཆུ་ཐིགས་ཙམ་དང་རྒྱ་སྲང་གི་རྡུལ་ཕྲན་ཙམ་ཡིན། ལྟོས་དང་། ཁོང་གིས་གླིང་ཕྲན་རྣམས་རྡུལ་ཕྲ་མོ་བཞིན་ཡར་འགྱོག་པའོ། །  
\v 16 ཐ་ན་ལེ་པཱ་ནོན་གྱི་ནགས་ཚལ་ནི་བུད་ཤིང་ལ་མི་འདང་ཞིང་། དེའི་ནང་གི་རི་དྭགས་རྣམས་ཀྱང་སྦྱིན་སྲེག་གི་མཆོད་པར་འདང་བ་མིན།  
\v 17 ཁོང་གི་སྤྱན་སྔར་མི་རིགས་ཐམས་ཅད་ཅི་ཡང་མིན་པར་སྣང་ཞིང་། ཁོང་གི་ཐུགས་སུ་དེ་རྣམས་སྟོང་བ་ཡིན་ནོ། །   
\p
\v 18 དེས་ན་ཁྱོད་ཚོས་སུ་ཞིག་དཀོན་མཆོག་དང་བསྡུར་བར་བྱའམ། ཁྱོད་ཚོས་གཟུགས་བརྙན་ཇི་ལྟ་བུ་ཞིག་གིས་ཁོང་དང་བསྡུར་རམ།  
\v 19 སྐུ་འདྲར་མཚོན་ན་དེ་ནི་བཟོ་པས་བླུགས་ཏེ། མགར་པས་དེ་གསེར་གྱིས་བཏུམས་ནས་དངུལ་གྱི་ཉག་ཐག་བཟོ་བའོ། །  
\v 20 མཆོད་པ་དེ་འདྲ་འབུལ་མི་ནུས་པའི་དབུལ་ཕོངས་རྣམས་ཀྱིས་རུལ་རྒྱུ་མེད་པའི་ཤིང་བདམས་ཏེ། རང་ལ་ལག་ཤེས་པ་ཞིག་བཙལ་ནས་གཡོ་བ་མེད་པའི་སྐུ་འདྲ་བཟོ་བའོ། །   
\p
\v 21 ཁྱོད་ཅག་གིས་མ་ཤེས་མ་ཐོས་སམ། གཏམ་འདི་དང་པོ་ནས་ཁྱོད་རྣམས་ལ་སྨྲས་པ་མ་ཡིན་ནམ། ས་གཞིའི་རྨང་བཙུགས་པའི་ཚུན་ལ་ཁྱོད་ཅག་གིས་ད་དུང་རྟོགས་པར་མ་གྱུར་རམ།  
\v 22 དཀོན་མཆོག་ཁོང་ཉིད་ས་གཞིའི་དཀྱིལ་འཁོར་གྱི་ཡང་སྟེང་དུ་བཞུགས་ཤིང་། ས་སྟེང་གི་ཡུལ་མི་རྣམས་ནི་འབུ་ཆ་ག་པ་དང་མཚུངས། ཁོང་གིས་ནམ་མཁའི་དབྱིངས་རྣམས་གནམ་ཡོལ་ལྟར་འདིང་བ་དང་། དེ་རྣམས་སྡོད་གནས་སུ་རུང་བའི་གུར་བཞིན་རྐྱོང་བ་ཡིན།  
\v 23 ཁོང་གིས་རྒྱལ་སྲས་རྣམས་ཅི་ཡང་མིན་པ་དང་ས་གཞིའི་ཁྲིམས་དཔོན་རྣམས་ཀྱང་སྙིང་པོ་མེད་པར་མཛད།  
\v 24 དེ་དག་ས་རུ་བཙུགས་ཤིང་བཏབ་པ་ཙམ་དང་། དེ་དག་གི་རྩ་བ་ས་འོག་ཏུ་ཟུག་པ་ཙམ་དུ། ཁོང་གིས་ཞལ་ཕུ་འདེབས་དུས་དེ་དག་སྐམ་ཞིང་། རླུང་འཚུབ་ཀྱིས་དེ་རྣམས་སོག་མ་ཇི་བཞིན་འཁུར་འགྲོ་བའོ། །  
\v 25 དམ་པ་ཉིད་ཀྱིས་འདི་སྐད་དུ། ཁྱོད་ཀྱིས་སུ་ཞིག་ང་དང་བསྡུར་བར་བྱའམ། ཡང་ན་བདག་ལ་འགྲན་ཟླ་སུ་ཞིག་ཡོད་དམ་ཞེས་གསུངས་སོ། །  
\v 26 ཁྱོད་ཚོས་མགོ་ཡར་ཁྱོག་ལ་ནམ་མཁར་ལྟོས་དང་། སྐར་ཚོགས་འདི་ཐམས་ཅད་སུས་བཀོད་པ་ཡིན་ནམ། སུས་གྲངས་ཀ་བཞིན་དེ་རྣམས་ཕྱིར་ཁྲིད་འོངས་ནས་རེ་རེ་བཞིན་མིང་ནས་ཞལ་འབོད་གནང་ངམ། ཁོང་ལ་དབང་དང་མཐུ་སྟོབས་ཆེན་པོ་མངའ་བས་གཅིག་ཀྱང་མ་ལུས་སོ། །   
\p
\v 27 ཀྱེ་ཡ་ཀོབ། ཁྱོད་ཀྱིས་ངའི་བགྲོད་ལམ་དཀོན་མཆོག་ཡ་ཝཱེས་མི་མཁྱེན་ཞེས་བརྗོད་དོན་ཅི་ཡིན་ནམ། ཀྱེ་ཡེས་ར་ཨེལ། ཁྱོད་ཀྱིས་ངའི་གྱོད་གཞི་ལ་དཀོན་མཆོག་གིས་མི་གཟིགས་ཞེས་འཁང་ར་བྱེད་དོན་ཅི་ཡིན་ནམ།  
\v 28 ཁྱོད་ཀྱིས་མི་ཤེས་ཤིང་ཐོས་ཀྱང་མ་མྱོང་ངམ། གཏན་གནས་ཀྱི་དཀོན་མཆོག་ཡ་ཝཱེ། ས་གཞི་ཡོངས་ཀྱི་བྱེད་པོ་ཁོང་ཉིད་ནམ་ཡང་མི་ཆད་མི་དུབ་ཅིང་། ཁོང་གི་མཁྱེན་རྒྱ་དཔག་ཏུ་མེད་དོ། །  
\v 29 ཉམ་ཐག་རྣམས་ལ་ཁོང་གིས་སྟོབས་ཤུགས་སྦྱིན་ཞིང་། ཟུངས་ཤོར་བའི་མི་ལ་ཁོང་གིས་ནུས་པ་གནང་།  
\v 30 ན་གཞོན་ཡིན་ཡང་ཉམ་ཐག་ཅིང་ངལ་དུབ་འབྱུང་ངེས་ལ། དར་མ་ཡིན་ཡང་གཞི་ནས་འགྱེལ་བར་འགྱུར།  
\v 31 འོན་ཀྱང་དཀོན་མཆོག་ཡ་ཝཱེར་རེ་སྒུག་བྱེད་མཁན་རྣམས་ལ་ཡང་བསྐྱར་སྟོབས་ཤུགས་འཛོམ་ངེས་ཡིན། ཁོ་ཚོས་གླག་བཞིན་གཤོག་པ་བརྐྱངས་ནས་ནམ་འཕང་གཅོད་ཅིང་། དེ་དག་མཆོང་རྒྱུག་བྱས་ཀྱང་ཐང་མི་ཆད་ལ། བགྲོད་ཀྱང་ངལ་བར་མི་འགྱུར་རོ། །   
\c 41
\cl ལེའུ་ཞེ་གཅིག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེས་ར་ཨེལ་གྱི་ར་མདའ།  
\p
\v 1 ཀྱེ་གླིང་ཕྲན་རྣམས། ཁྱོད་རྣམས་ངའི་མདུན་དུ་ཁུ་སིམ་པོར་སྡོད་ཅིག མི་སྡེ་ཀུན་ལ་ཡང་བསྐྱར་སྟོབས་ཤུགས་འཛོམ་པར་གྱུར་ཅིག ཁོ་ཚོར་ཉེ་བར་འོངས་ནས་གཏམ་གླེང་བྱེད་དུ་ཆུག་དང་། རང་ཅག་མཉམ་དུ་འདུས་ཏེ་རྩོད་གླེང་བྱ།  
\v 2 སུ་ཞིག་གིས་ཤར་ཕྱོགས་ནས་མི་ཞིག་ལ་བསྐུལ་ཞིང་། དྲང་གཞག་སྒོ་ནས་མི་དེ་ \f + \ft འདིར་མི་དེ་ཞེས་པ་ནི་ཤར་ཕྱོགས་ཏ་ཟིག་ཡུལ་ནས་ཐོན་པའི་རྒྱལ་པོ་ཀོ་རེས་ཞེས་བྱ་བ་ཡིན་པར་གསུངས། གཤམ་ཏུ་ཚིག་རྐང་ཉེར་ལྔ་པའི་ནང་གི་མི་གཅིག་ཅེས་པའང་གཅིག་མཚུངས་ཡིན། \f*རང་གི་མདུན་སར་འདྲེན་ནམ། ཁོང་གིས་རྒྱལ་ཁམས་ཐམས་ཅད་དེའི་མདུན་དུ་གཏོད་ཅིང་། ཁོང་གིས་རྒྱལ་པོ་ཀུན་དབང་དུ་བསྡུ་བ་དང་། རལ་གྲི་ཐོགས་ནས་དེ་དག་རྡུལ་དུ་བརླག་ཅིང་། དེ་དག་ཉིད་ཀྱི་གཞུ་འོག་ཏུ་སོག་མ་བཞིན་འཁུར་བར་མཛད།  
\v 3 ཁོང་གིས་དེ་དག་དེད་ནས་ཚེགས་མེད་དུ་རང་ཉིད་བརྒྱུད་མ་མྱོང་བའི་ལམ་དུ་འགྲོ་བར་མཛད།  
\v 4 སུ་ཞིག་གིས་འདི་དག་བཀོད་ཅིང་མཛད་དེ། སུ་ཞིག་གིས་ཐོག་མའི་དུས་ནས་མི་རབས་ཀུན་ལ་ཞལ་འབོད་གནང་བ་ཡིན་ནམ། དེ་ནི་དཀོན་མཆོག་ཡ་ཝཱེ་ང་རང་སྟེ། བདག་ནི་ཐོག་མ་ཉིད་དང་མཐའ་མའི་མི་དང་མཉམ་དུ་གནས་པའང་ང་རང་ཡིན།   
\p
\v 5 གླིང་ཕྲན་རྣམས་ཀྱིས་མཐོང་ནས་འཇིགས་ཤིང་། ས་གཞིའི་མཐའ་མཚམས་རྣམས་ཀྱང་འདར་ནས་ཐམས་ཅད་ཉེ་སར་འོང་ངོ་། །  
\v 6 མི་རེ་རེས་ཕན་ཚུན་ལ་རོགས་བྱེད་ཅིང་། རང་གི་སྤུན་ཟླར་ན་རེ། སྙིང་རུས་སྐྱེད་ཅིག་ཅེས་སྨྲ་བ་ཡིན།  
\v 7 ཤིང་བཟོས་གསེར་མགར་བརྟན་པོར་མཛད་པ་དང་། ཐོ་བས་ལྕགས་རིགས་ལ་འཇམ་ཤ་བཏོད་མཁན་གྱིས་འོག་རྡོ་སྟེང་རྡུང་མཁན་ལ་སྐུལ་འདེབས་བྱེད་པ་ཡིན། ཚ་ལ་རྒྱག་མཁན་ལ་ཚ་ལ་བརྒྱབ་པ་ལེགས་སོ་ཟེར་ཞིང་། སྐུ་འདྲ་མི་གཡོ་བའི་ཕྱིར་དུ་འཛེར་མས་བརྟན་པོར་བྱེད་དོ། །  
\v 8 ཡིན་ཡང་བདག་གི་ཞབས་ཕྱི་ཡེས་ར་ཨེལ་ལགས། ཀྱེ་བདག་གི་གྲོགས་ཨབ་ར་ཧམ་གྱི་བུ་རྒྱུད་དེ་བདག་གིས་བདམས་པའི་ཡ་ཀོབ་ལགས།  
\v 9 ཁྱོད་ནི་ས་མཐའ་ནས་བདག་གིས་ཁྲིད་འོངས་ཤིང་། བདག་གིས་ས་ཐག་རིང་པོ་ནས་ཁྱོད་བོས་འོངས་ཏེ་ཁྱོད་ལ་ན་རེ། ཁྱོད་ནི་ངའི་ཞབས་ཕྱི་སྟེ། བདག་གིས་ཁྱོད་བདམས་ཤིང་མ་དོར་བ་ཡིན་ཞེས་སྨྲས་པ་ཡིན།  
\v 10 བདག་ནི་ཁྱོད་དང་མཉམ་དུ་ཡོད་པས་མ་འཇིགས་ཤིག བདག་ནི་ཁྱོད་ཀྱི་དཀོན་མཆོག་ཡིན་པས་དཔའ་མ་ཞུམ། བདག་གིས་ཁྱོད་རང་བརྟན་པོར་བྱེད་ཅིང་ཁྱོད་ལ་རོགས་བྱས་ནས། བདག་གི་དྲང་གཞག་གི་ལག་གཡས་པས་ཁྱོད་རང་སྐྱོར་བར་བྱའོ། །   
\p
\v 11 ལྟོས་དང་། ཁྱོད་ལ་ཁོང་ཁྲོ་ལང་མཁན་རྣམས་ཁ་སྐྱེངས་ཤིང་བརྙས་བཅོས་ཐེབས་པར་འགྱུར། ཁྱོད་དང་རྒོལ་མཁན་རྣམས་སྟོང་ཞིང་མེད་པར་འགྱུར་ངེས་ཡིན།  
\v 12 ཁྱོད་དང་རྩོད་མཁན་རྣམས་ཁྱོད་ཀྱིས་བཙལ་ཡང་མི་རྙེད་ཅིང་། ཁྱོད་དང་འཐབ་མཁན་རྣམས་སྟོང་ཞིང་ཅི་ཡང་མིན་པར་འགྱུར།  
\v 13 གང་ལ་ཞེ་ན། བདག་ནི་ཁྱོད་ཅག་གི་དཀོན་མཆོག་ཡ་ཝཱེ་ཡིན་ཞིང་ངས་ཁྱོད་ཀྱི་གཡས་ལག་ནས་བཟུང་སྟེ། མ་འཇིགས་ཤིག བདག་ནི་ཁྱོད་ལ་གྲོགས་མཛད་མཁན་ཡིན་ཞེས་སྨྲའོ། །   
\p
\v 14 ཀྱེ་སྲིན་འབུ་ལྟ་བུའི་ཡ་ཀོབ། ཀྱེ་ཡེས་ར་ཨེལ་པ་རྣམས། ཁྱོད་རྣམས་མ་འཇིགས་ཤིག ཁྱོད་རྣམས་ཀྱི་དཀོན་མཆོག་ཡ་ཝཱེ་ཁྱོད་རང་སྐྱོབ་མཁན་ཏེ། ཡེས་ར་ཨེལ་གྱི་དམ་པ་ཉིད་ཀྱིས་ངས་ཁྱོད་ལ་གྲོགས་མཛད་པར་བྱའོ་ཞེས་གསུངས་སོ། །  
\v 15 ལྟོས་དང་། བདག་གིས་ཁྱོད་རང་གསར་ཞིང་རྣོ་ལ་སོ་མང་བའི་འབྲུ་རིགས་རྡུང་བྱེད་ལག་ཆ་རུ་བྱེད་དེ། ཁྱོད་ཀྱིས་རི་བོ་རྣམས་གཙང་མར་བརྡུང་ཞིང་རྡུལ་དུ་བཏང་ནས། རི་སྒང་ཐམས་ཅད་ཕུབ་མར་བསྒྱུར།  
\v 16 ཁྱོད་ཀྱིས་དེ་དག་རླུང་ལ་འཕྱར་ཞིང་རླུང་གིས་དེ་དག་འཁུར་བ་དང་། རླུང་འཚུབ་ཀྱིས་དེ་དག་གཏོར་བར་འགྱུར། འོན་ཀྱང་ཁྱོད་ནི་དཀོན་མཆོག་ཡ་ཝཱེར་བརྟེན་ནས་དགའ་བ་དང་། ཡེས་ར་ཨེལ་གྱི་དམ་པ་ཉིད་ཀྱི་ཕྱིར་གཟི་དཔལ་ངོམ་དགོས།   
\p
\v 17 དཀའ་སྡུག་ཅན་དང་དབུལ་པོ་རྣམས་ཀྱིས་ཆུ་བཙལ་ཡང་མི་རྙེད་དེ། ཁོ་ཚོའི་ཁ་ལྕེ་སྐམ་ནས་སྐམ་པོར་འགྱུར་ཡང་། དཀོན་མཆོག་ཡ་ཝཱེ་བདག་གིས་དེ་དག་ལ་ལན་གནང་ཞིང་། ཡེས་ར་ཨེལ་གྱི་དཀོན་མཆོག་ངས་ཁོ་ཚོ་འདོར་བར་མི་བྱ།  
\v 18 བདག་གིས་རྩྭ་མེད་པའི་མཐོ་ས་དག་ཏུ་གཙང་པོ་འབྱེད་ཅིང་། ལུང་པ་རྣམས་སུ་ཆུ་འགོ་འདྲེན་པ་དང་། དབེན་སྟོང་ནི་རྫིང་བུ་དང་སྐམ་ས་རྣམས་ཆུ་མིག་ཏུ་བསྒྱུར་རོ། །  
\v 19 བདག་གིས་དབེན་སྟོང་དུ་ཐང་ཤིང་དང་སེང་ལྡེང་། པ་སངས་མེ་ཏོག རི་སྐྱེས་སྐྱུ་རུ་རའི་ཤིང་བཅས་འཛུགས་ཤིང་། བྱེ་ཐང་དུ་གསོམ་པ་དང་སྒྲོན་ཤིང་། ཤུག་ཤིང་བཅས་འཛུགས་པར་བྱ་སྟེ།  
\v 20 དེ་ནི་མི་ཡིས་མཐོང་ན་ཤེས་ཤིང་། བསམ་ན་རྟོགས་པར་འགྱུར་བའི་ཕྱིར་ཡིན་ཏེ། འདི་ནི་དཀོན་མཆོག་ཡ་ཝཱེའི་ཕྱག་གིས་མཛད་པ་དང་། ཡེས་ར་ཨེལ་གྱི་དམ་པ་ཉིད་ཀྱིས་བཀོད་པ་ཡིན་ནོ། །   
\s1 ལྷ་རྫུན་མར་ཡིད་རྟོན་མི་རུང་བ།  
\p
\v 21 དཀོན་མཆོག་ཡ་ཝཱེས་འདི་སྐད་དུ། ཁྱོད་ཀྱི་རྩོད་པ་རྣམས་ཤོད་ཅིག་ཅེས་གསུང་བ་དང་། ཡ་ཀོབ་ཀྱི་རྒྱལ་པོས་ཁྱོད་ཀྱི་རྒྱུ་མཚན་ངོ་མ་རྣམས་ཁྱེར་ཤོག་ཅེས་གསུང་ངོ་། །  
\v 22 འབྱུང་འགྱུར་རྣམས་ངེད་ཅག་ལ་བཤད་དུ་འོང་བར་ཆུག སྔོན་ཆད་ཀྱི་དོན་རྣམས་ཅི་ཡིན་པ་བཤད་དུ་ཆུག དེ་ནས་ང་ཚོས་བསམ་བློ་བཏང་སྟེ་དོན་དེ་དག་གི་མཇུག་འབྲས་ཤེས་ཐུབ་པ་དང་། ཡང་ན་ཕྱིས་སུ་ཅི་འབྱུང་བ་ངེད་ཅག་ལ་སྟོན་ཅིག  
\v 23 ཁྱོད་ཅག་ལྷ་ཡིན་པ་ངེད་ཀྱིས་རྟོགས་པའི་ཕྱིར། ཕྱིས་སུ་ཅི་འབྱུང་བ་རྣམས་ངེད་ཅག་ལ་ཤོད་དང་། ཁྱོད་ཅག་གིས་དོན་བཟང་ངན་གང་ཞིག་བྱོས་དང་ང་ཚོས་མཉམ་དུ་མཐོང་ཞིང་འཇིགས་པར་འགྱུར།  
\v 24 ལྟོས་དང་། ཁྱོད་ཅག་ནི་ཅི་ཡང་མིན་ཏེ། ཁྱོད་ཅག་གིས་ཅི་བྱས་རྣམས་ཀྱང་དོན་མེད་ཡིན་ལ། ཁྱོད་ཅག་འདེམས་མཁན་རྣམས་སྐྱུག་བྲོ་བ་ཡིན་ནོ། །  
\v 25 བདག་གིས་བྱང་ཕྱོགས་ནས་མི་གཅིག་བསླངས་པ་དང་ཁོ་འོངས་པ་སྟེ། ཁོ་ཉི་མ་འཆར་ས་ནས་འོངས་ཏེ་ངའི་མིང་འབོད་ཅིང་། འཇིམ་པ་བརྫི་ཞིང་རྫ་བཟོས་འདམ་བུ་རྫི་བ་ལྟར། དབང་འཛིན་མཁན་རྣམས་རྡོག་བརྫིས་སུ་གཏོང་བར་འགྱུར།  
\v 26 སུ་ཞིག་གིས་ཐོག་མ་ཉིད་ནས་དོན་འདི་གླེང་སྟེ་ངེད་རྣམས་ལ་རྟོགས་སུ་བཅུག་གམ། སུ་ཞིག་གིས་སྔར་ནས་བཤད་དེ་ང་ཚོས་ཁོ་བདེན་ནོ་ཞེས་སྨྲས་པ་ཡིན་ནམ། སུས་ཀྱང་མ་བཤད་སུས་ཀྱང་མ་བསྒྲགས་ལ། ཁྱོད་ཚོའི་གཏམ་ཐོས་པ་སུ་ཡང་མེད་དོ། །  
\v 27 དང་པོར་བདག་གིས་ཛ་ཡན་ལ། ལྟོས་དང་། འདི་དག་ལ་ལྟོས་དང་ཞེས་སྨྲ་ཞིང་། བདག་གིས་ཡེ་རུ་སཱ་ལེམ་ལ་འཕྲིན་བཟང་སྒྲོག་མཁན་ཞིག་གནང་བར་བྱའོ། །  
\v 28 ངས་བལྟས་པའི་ཚེ། མི་གཅིག་ཀྱང་མི་འདུག དེ་ཚོའི་གྲས་སུ་བདག་གིས་འདྲི་དུས་སུ་ལན་ཚིག་གཅིག་འདེབས་ཐུབ་པའི་གྲོས་མི་གཅིག་ཀྱང་མི་འདུག  
\v 29 ལྟོས་དང་། དེ་དག་ནི་ཅི་ཡང་མིན་ཏེ། ཁོ་ཚོས་ཅི་བྱས་རྣམས་ཀྱང་དོན་མེད་ཡིན་ལ། དེ་དག་གི་བླུགས་སྐུ་རྣམས་རླུང་དང་སྟོང་བ་ཡིན་ནོ། །   
\c 42
\cl ལེའུ་ཞེ་གཉིས་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གི་ཞབས་ཕྱི།  
\p
\v 1 ལྟོས་དང་། འདི་ནི་བདག་གི་ཞབས་ཕྱི་སྟེ། བདག་གིས་ཁོ་སྐྱོར་ཞིང་། བདག་གིས་ཁོ་བདམས་པ་དང་སེམས་ནས་ཁོ་ལ་དགའ་སྟེ། ངས་རང་གི་སེམས་ཉིད་ཁོ་ལ་གནང་བ་དང་། ཁོས་མི་རིགས་ཀུན་ལ་དྲང་གཞག་སྐྱོང་ངོ་། །  
\v 2 དེས་འབོད་སྒྲ་མི་སྒྲོག་ལ་ཀུ་ཅོ་ཡང་མི་འདོན། ཁྲོམ་ནས་མི་ལ་ཁོའི་སྐད་ཐོས་པར་ཡང་མི་བྱ།  
\v 3 བསྣད་པའི་འདམ་རྩྭ་མི་གཅོག་ལ། དུ་བ་འཐུལ་བའི་སྡོང་རས་གཟུམ་མི་འགྱུར། ཁོས་ལྷག་བསམ་དཀར་པོས་དྲང་བདེན་བསྒྲག་པ་ཡིན།  
\v 4 ས་སྟེང་ནས་བདེན་ལུགས་ཚུགས་པའི་བར་དུ། ཁོ་ཡིད་མི་ཆད་ལ་བློ་ཡང་མི་ཕམ་ཞིང་། གླིང་ཕྲན་རྣམས་ཀྱི་མི་ཐམས་ཅད་ཀྱིས་ཁོའི་བསླབ་བྱ་ལ་སྒུག་པའོ། །   
\p
\v 5 ནམ་མཁའི་དབྱིངས་རྣམས་བཀོད་ཅིང་ཨ་སྔོན་དབྱིངས་རྣམས་རྐྱོང་མཁན་གྱིས་ས་གཞི་དང་དེའི་སྟེང་གི་ཐམས་ཅད་བཏིངས་པ་དང་། ས་གཞི་སྟེང་གི་མི་རྣམས་ལ་དབུགས་བསྩལ་ཞིང་། ས་གཞིའི་སྟེང་དུ་སྐྱོད་པའི་མི་རྣམས་ལ་སེམས་ཉིད་གནང་མཁན་གྱི་དཀོན་མཆོག་ཡ་ཝཱེས་འདི་སྐད་གསུངས་ཏེ།  
\v 6 བདག་ནི་ཡ་ཝཱེ་ཡིན་ཞིང་ངས་ཁྱོད་དྲང་བདེན་ངང་ནས་བོས་པ་སྟེ། བདག་གིས་ཁྱོད་ཀྱི་ལག་པར་དམ་པོར་འཇུས་ནས་ཁྱོད་རང་བསྲུང་བ་དང་། ཁྱོད་ནི་མི་རྣམས་ཀྱི་ཞལ་ཆད་དང་། ཕྱི་ཕྱོགས་པ་རྣམས་ཀྱི་འོད་དུ་བྱས་ནས།  
\v 7 ལོང་པ་རྣམས་ཀྱི་མིག་འབྱེད་ཅིང་བཙོན་པ་རྣམས་བཙོན་ཁང་ནས་ཕྱི་རུ་འཁྲིད་པ་དང་། སྨག་རུམ་ཁྲོད་དུ་གནས་པ་རྣམས་བཙོན་ལས་སྒྲོལ་བའི་ཕྱིར་ཡིན་ནོ། །  
\v 8 བདག་ནི་ཡ་ཝཱེ་སྟེ། འདི་ངའི་མིང་ཡིན། བདག་གིས་རང་གི་གཟི་བརྗིད་གཞན་ལ་མི་སྟེར་ཞིང་། བདག་ལ་འོས་པའི་བསྟོད་བསྔགས་ནི་བརྐོས་བརྙན་ལ་འཐོབ་པར་མི་བྱའོ། །  
\v 9 ལྟོས་དང་། སྔར་ལུང་བསྟན་པའི་དོན་རྣམས་འགྲུབ་པར་གྱུར་ཅིང་། ད་ནི་བདག་གིས་ཁྱོད་ལ་དོན་གསར་པ་རྣམས་བརྗོད་པར་བྱ་སྟེ། དེ་དག་མ་བྱུང་སྔོན་ལ་བདག་གིས་ཁྱོད་ཅག་ལ་སྨྲས་པ་ཡིན་ཞེས་གསུངས་སོ། །   
\s1 དཀོན་མཆོག་ལ་བསྟོད་པའི་མགུར་མ།  
\p
\v 10 ཀྱེ་རྒྱ་མཚོར་འགྲུལ་མཁན་དང་མཚོ་ནང་དུ་ཡོད་པ་ཐམས་ཅད་དང་། གླིང་ཕྲན་རྣམས་དང་དེའི་སྟེང་དུ་གནས་པའི་ཡུལ་མི་ཀུན་གྱིས་དཀོན་མཆོག་ཡ་ཝཱེར་བསྟོད་དབྱངས་གསར་པ་ལོངས་ཤིག ས་མཐའ་ནས་ཁོང་ལ་བསྟོད་པ་ཕུལ་ཞིག  
\v 11 དབེན་སྟོང་དང་དེའི་ནང་གི་གྲོང་སྡེ་རྣམས་ཀྱིས་དགའ་འབོད་གྱིས་ཤིག ཀེ་དཱར་པ་རྣམས་སྡོད་པའི་གྲོང་ཚོ་ཐམས་ཅད་ཀྱིས་ཀི་སྒྲ་སྒྲོགས་ཤིག ས་ལཱའི་ཡུལ་མི་རྣམས་ཀྱིས་སྤྲོ་གླུ་ལོངས་ལ་རི་རྩེ་དག་ནས་འུར་སྒྲ་སྒྲོགས་ཤིག  
\v 12 དེ་དག་གིས་དཀོན་མཆོག་ཡ་ཝཱེ་ལ་གཟི་བརྗིད་འབུལ་ཞིང་གླིང་ཕྲན་དག་ནས་ཁོང་ལ་བསྟོད་བསྔགས་བརྗོད་པར་གྱུར་ཅིག  
\v 13 དཀོན་མཆོག་ཡ་ཝཱེ་ནི་དཔའ་རྒོད་ལྟར་ཕེབས་ཏེ། གཡུལ་ལ་ཞུགས་པའི་དམག་མི་བཞིན་སེམས་ཤུགས་ཆེ་རུ་བསྐྱེད་པ་དང་། ཁོང་གིས་ཀི་སྒྲ་དང་བཅས་ངར་སྐད་ཆེན་པོ་བསྒྲག་ཅིང་། ཉིད་ཀྱི་ཟིལ་ཤུགས་དགྲ་བོ་རྣམས་ལ་སྟོན་པར་བྱའོ། །   
\p
\v 14 བདག་གིས་ནི་ཡུན་རིང་པོར་ཁ་རོག་ལ་བསྡད་ཅིང་ངག་བསྡམས་ནས་རང་ཚོད་བཟུང་བ་ཡིན། ཡིན་ཡང་ད་ལྟ་བདག་གིས་ཕྲུ་གུ་བཙའ་དུས་ཀྱི་བུད་མེད་བཞིན་སྐད་སྒྲ་སྒྲོག་ཅིང་། དབུགས་འཁུན་ཞིང་ཧལ་བར་བྱ།  
\v 15 ངས་རི་བོ་དང་རི་སྒང་རྣམས་ས་རྒོད་དུ་གཏོང་ཞིང་། སྐྱེ་དངོས་ཐམས་ཅད་སྐམ་དུ་འཇུག་པ་དང་། གཙང་པོ་རྣམས་སྐམ་སར་བསྒྱུར་ཏེ། རྫིང་བུ་རྣམས་སྐམ་དུ་འཇུག་དགོས།  
\v 16 བདག་གིས་ལོང་པ་རྣམས་ཆ་རྒྱུས་མེད་པའི་ལམ་དང་། ཁོ་ཚོས་མི་ཤེས་པའི་ལམ་དུ་འཁྲིད་དགོས་ལ། ངས་དེ་དག་གི་མདུན་དུ་མུན་པ་འོད་དུ་བསྒྱུར་བ་དང་། ཀྱག་ཀྱོག་རྣམས་བདེ་བར་བཟོ་དགོས། དོན་འདི་རྣམས་བདག་གིས་བསྒྲུབ་དགོས་ཏེ་ནམ་ཡང་འདོར་བར་མི་བྱའོ། །  
\v 17 སྐུ་འདྲ་ལ་བརྟེན་མཁན་དང་། བླུགས་སྐུ་ལ་ཁྱོད་རྣམས་ང་ཚོའི་ལྷ་ཡིན་ཟེར་མཁན་དག་ནི་ཕྱིར་སྐྲོད་པར་འགྱུར་ཞིང་། ངོ་ཚ་ཆེན་པོར་གཏོད་ངེས་ཡིན།  
\v 18 ཀྱེ་འོན་པ་རྣམས། ཁྱོད་ཚོས་ཉོན་དང་། ཀྱེ་ལོང་པ་རྣམས། ཁྱོད་ཅག་གིས་གཟབ་གཟབ་བྱས་ནས་ལྟོས་ཤིག དེ་ནས་མཐོང་བར་འགྱུར་རོ། །  
\v 19 བདག་གི་ཞབས་ཕྱི་ལས་ཀྱང་ལྷག་པའི་ལོང་པ་སུ་ཞིག་ཡོད་དམ། བདག་གིས་མངགས་པའི་ཕོ་ཉ་ལས་ཀྱང་ལྷག་པའི་འོན་པ་སུ་ཞིག་ཡོད་དམ། བདག་དང་ཞི་ཆིངས་བཞག་པ་ལྟ་བུའི་ལོང་པ་སུ་ཞིག་ཡོད་དམ། དཀོན་མཆོག་ཡ་ཝཱེའི་ཞབས་ཕྱི་ལྟ་བུའི་ལོང་པ་སུ་ཞིག་ཡོད་དམ།  
\v 20 ཁྱོད་ཀྱིས་དོན་མང་པོ་མཐོང་ཡང་དེར་དོ་སྣང་མ་བྱས་ལ། རྣ་བ་ཕྱེས་ཀྱང་ཐོས་པར་མ་གྱུར།  
\v 21 དཀོན་མཆོག་ཡ་ཝཱེ་ནི་ཉིད་ཀྱི་དྲང་བདེན་དབང་གིས། བཀའ་ཁྲིམས་ཆེན་པོ་དང་གཟི་བརྗིད་ཅན་དུ་བརྩི་བར་དགྱེས།  
\v 22 ཡིན་ཡང་འབངས་འདི་དག་ནི་ཕྲོགས་ནས་བཅོམ་པ་སྟེ། ཐམས་ཅད་ས་དོང་དག་ཏུ་བཅུག་ཅིང་། བཙོན་ཁང་དག་ལ་སྦས་པ་དང་། ཁོ་ཚོར་འཕྲོག་བཅོམ་ཐེབས་ཀྱང་སྐྱོབ་མཁན་མེད། བཅོམ་ནོར་དུ་གྱུར་ཡང་ཕྱིར་སྤྲོད་ཤོག་ཅེས་ཟེར་མཁན་གཅིག་ཀྱང་མེད་དོ། །   
\p
\v 23 ཁྱོད་ཚོའི་ཁྲོད་དུ་འདི་ལ་རྣ་བ་གཏད་ནས་ཉན་མཁན་སུ་ཡོད་དམ། སུ་ཞིག་གིས་ད་ནས་བཟུང་གཟབ་གཟབ་བྱས་ནས་མཉན་པར་བྱའམ།  
\v 24 སུ་ཞིག་གིས་ཡ་ཀོབ་འཕྲོག་མཁན་གྱི་ལག་ཏུ་གཏད་པ་ཡིན་ནམ། སུ་ཞིག་གིས་ཡེས་ར་ཨེལ་བཅོམ་མཁན་གྱི་ལག་ཏུ་གཏད་པ་ཡིན་ནམ། དེ་ནི་ངེད་ཅག་གིས་ཕོག་ཐུག་བཏང་བའི་དཀོན་མཆོག་ཡ་ཝཱེ་མ་ཡིན་ནམ། དེ་ཚོ་ནི་ཁོང་གི་ལམ་དུ་འགྲོ་བར་མ་དགའ་ལ། ཁོང་གི་བཀའ་ཁྲིམས་ཀྱང་མ་བརྩིས་སོ། །  
\v 25 དེ་བས་ཁོང་གིས་ཉིད་ཀྱི་ཐུགས་ཁྲོ་དྲག་པོ་དང་དམག་འཁྲུག་ཆེན་པོ་དེ་ཚོའི་སྟེང་དུ་བླུགས་ཤིང་། དེ་ཚོའི་ཕྱོགས་ཀུན་ནས་མེ་བཞིན་འབར་ནའང་ཁོ་ཚོས་མ་ཤེས་ཏེ། ཁོ་རྣམས་བསྲེགས་ཀྱང་ཁོ་ཚོས་ཡིད་ལ་མ་བཟུང་ངོ་། །   
\c 43
\cl ལེའུ་ཞེ་གསུམ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གིས་ཡེས་ར་ཨེལ་པར་གཟིགས་སྐྱོང་མཛད་པ།  
\p
\v 1 ཡིན་ཡང་ཀྱེ་ཡ་ཀོབ། ཁྱོད་རང་སྐྲུན་མཁན་གྱི་དཀོན་མཆོག་ཡ་ཝཱེ་དང་། ཀྱེ་ཡེས་ར་ཨེལ། ཁྱོད་རང་བཟོ་མཁན་གྱི་གཙོ་བོས་ད་ལྟ་འདི་སྐད་དུ། ངས་ཁྱོད་རང་བསྐྱབས་པས་མ་འཇིགས་ཤིག ངས་ཁྱོད་ཀྱི་མིང་ནས་ཁྱོད་རང་བོས་པས། ཁྱོད་ནི་ང་ལ་གཏོགས་སོ། །  
\v 2 ཁྱོད་རང་ཆུ་བོ་བརྒྱུད་ནས་འགྲོ་དུས་སུ་ང་རང་ཁྱོད་དང་མཉམ་དུ་ཡོད། ཁྱོད་རང་གཙང་པོར་བརྒལ་དུས་སུ་ཆུ་ཡིས་ཁྱོད་བསྣུབ་པར་མི་འགྱུར། ཁྱོད་མེའི་དཀྱིལ་ནས་འགྲོ་དུས་སུ་འཚིག་པར་མི་འགྱུར་ལ། མེ་ལྕེ་ཡང་ཁྱོད་ཀྱི་སྟེང་དུ་འབར་བར་མི་འགྱུར་རོ། །  
\v 3 གང་ལ་ཞེ་ན། བདག་ནི་ཁྱོད་ཀྱི་དཀོན་མཆོག་ཡ་ཝཱེ་དང་། ཡེས་ར་ཨེལ་གྱི་དམ་པ་ཉིད། ཁྱོད་ཀྱི་སྐྱབས་མགོན་བཅས་ཡིན་ལ། ངས་ཨེ་ཅིབ་ཁྱོད་ཀྱི་བླུ་རིན་དུ་བྱས་ཤིང་། གུ་ཤ་དང་སེ་བཱ་གཉིས་ཁྱོད་ཀྱི་ཚབ་ཏུ་སྤྲད་པ་ཡིན།  
\v 4 གང་ལ་ཞེ་ན། ཁྱོད་ནི་ངའི་མིག་ལམ་དུ་ཤིན་ཏུ་རྩ་ཆེ་ཞིང་གལ་ཆེན་པོ་ཡིན་པས། ངས་ཁྱོད་གཅེས་སུ་འཛིན་ཞིང་། ངས་ཁྱོད་ཀྱི་ཚབ་ཏུ་མི་གཞན་དང་། མི་རིགས་གཞན་ཁྱོད་ཀྱི་ཚེ་སྲོག་ལ་བརྗེས་པ་ཡིན།  
\v 5 ང་ཁྱོད་དང་མཉམ་དུ་ཡོད་པས་མ་འཇིགས་ཤིག ངས་ཁྱོད་ཀྱི་བུ་རྒྱུད་རྣམས་ཤར་ཕྱོགས་ནས་འཁྲིད་འོང་ཞིང་། ནུབ་ཕྱོགས་ནས་ངས་ཁྱོད་བསྡུ་འོང་ངེས་ཡིན།  
\v 6 ངས་བྱང་ཕྱོགས་ལ། དེ་དག་སྤྲོད་ཤོག་ཅེས་དང་། ཡང་ལྷོ་ཕྱོགས་ལ་དེ་དག་མ་འགོག་ཅིག་ཅེས་སྨྲས་ཏེ་རྒྱང་རིང་ཡུལ་ནས་ངའི་བུ་རྣམས་དང་། ས་མཐའ་ནས་ངའི་བུ་མོ་རྣམས་ཕྱིར་འཁྲིད་འོང་ངོ་། །  
\v 7 དེ་རྣམས་ནི་ངའི་མིང་ཐོགས་པའི་མི་ཡིན་པ་དང་། ངས་རང་གི་གཟི་བརྗིད་ཀྱི་དོན་དུ་བསྐྲུན་ལ། ངས་བཟོས་ཤིང་བཀོད་པའོ་ཞེས་གསུངས་སོ། །   
\p
\v 8 ཁྱོད་ཀྱིས་མིག་དང་ལྡན་པའི་ལོང་པ་རྣམས་དང་། རྣ་བ་ཡོད་པའི་འོན་པ་རྣམས་ཕྱི་རུ་ཁྲིད་ཤོག་ཅིག  
\v 9 རྒྱལ་ཁམས་ཀུན་ཕྱོགས་གཅིག་ཏུ་འདུས་ནས་མི་སྡེ་ཀུན་འཛོམས་ཀྱང་། དེ་རྣམས་ལས་དོན་འདི་འཆད་ནུས་པ་སུ་ཡོད་དམ། སྔར་གྱི་དོན་རྣམས་རང་ཅག་ལ་བསྒྲག་ཐུབ་པ་སུ་ཡོད་དམ། རང་གི་དྲང་བདེན་མངོན་ཞིང་། མི་གཞན་ལ་ཐོས་སུ་བཅུག་སྟེ་འདི་ནི་བདེན་ནོ་ཞེས་སྨྲ་བའི་ཕྱིར། དེ་དག་ལ་རང་གི་དཔང་པོ་འཁྲིད་འོང་དུ་ཆུག  
\v 10 དཀོན་མཆོག་ཡ་ཝཱེས་འདི་སྐད་དུ། ཁྱོད་ཅག་ནི་ངའི་དཔང་པོ་དང་། ངས་བདམས་པའི་ཞབས་ཕྱི་ཡིན་ཏེ། ཁྱོད་ཅག་གིས་ང་ཤེས་ཤིང་ང་ལ་བློ་གཏད་བཅོལ་བ་དང་། ང་ནི་ཁོང་ཉིད་ཡིན་པ་རྟོགས་པའི་ཕྱིར་རོ། །ངའི་སྔོན་ལ་ལྷ་གཅིག་ཀྱང་བཟོས་མེད་ལ། ངའི་རྗེས་སུའང་གང་ཡང་འབྱུང་མི་སྲིད་དོ། །  
\v 11 བདག་གཅིག་པུ་དཀོན་མཆོག་ཡ་ཝཱེ་ཡིན། ང་མ་གཏོགས་སྐྱབས་མགོན་གཞན་ཞིག་མེད།  
\v 12 ཁྱོད་ཅག་གི་ཁྲོད་དུ་ལྷ་གཞན་ཞིག་མེད་ཅེས་བདག་གིས་སྔར་ནས་ལུང་བསྟན་ཅིང་། བདག་གིས་སྔར་ནས་བསྐྱབས་པ་དང་། ཡང་བདག་གིས་སྔར་ནས་ཁྱོད་རྣམས་ལ་བསྒྲགས་པ་ཡིན་ཞེས་དཀོན་མཆོག་ཡ་ཝཱེས་གསུངས་ཤིང་། ཁྱོད་རྣམས་ངའི་བདེན་དཔང་ཡིན་ལ། ང་ནི་དཀོན་མཆོག་ཡིན།  
\v 13 དུས་ཀྱི་ཐོག་མ་ནས་ང་ནི་ཁོང་ཉིད་ཡིན། ངའི་ལག་ནས་ཐར་དུ་འཇུག་ཐུབ་མཁན་སུ་ཡང་མེད་ལ། ངས་དོན་སྒྲུབ་པ་སུ་ཡིས་ཟློག་ནུས་སམ་ཞེས་གསུངས་སོ། །   
\s1 པཱ་པེལ་ལོན་རྩ་མེད་དུ་གཏོང་བར་ལུང་བསྟན་པ།  
\p
\v 14 ཁྱོད་ཅག་གི་སྐྱབས་མགོན་དང་ཡེས་ར་ཨེལ་གྱི་དམ་པ་ཉིད་དེ་དཀོན་མཆོག་ཡ་ཝཱེས་འདི་སྐད་དུ། ཁྱོད་ཅག་གི་དོན་དུ་ངས་པཱ་པེལ་ལོན་ལ་མི་མངགས་པ་དང་། ངས་ཀལ་དི་པ་ཐམས་ཅད་ཡུལ་བྱོལ་པ་བཞིན་དུ་མར་འོང་དུ་འཇུག་པ་སྟེ། དེ་རྣམས་ནམ་རྒྱུན་ཁོ་ཚོས་རང་བསྟོད་བྱེད་པའི་གྲུ་གཟིངས་ལ་བསྡད་ནས་མར་འོང་བར་བྱ།  
\v 15 བདག་ནི་ཡ་ཝཱེ་སྟེ། ཁྱོད་ཅག་གི་དམ་པ་ཉིད་དང་ཡེས་ར་ཨེལ་གྱི་བྱེད་པོ། ཁྱོད་ཅག་གི་རྒྱལ་པོ་བཅས་ཡིན་ཞེས་གསུངས་སོ། །   
\p
\v 16 དཀོན་མཆོག་ཡ་ཝཱེས་རྒྱ་མཚོའི་ནང་དུ་བགྲོད་ལམ་ཞིག་དང་། ཆུ་ཆེན་རྣམས་བརྒྱུད་ནས་རྐང་ལམ་ཞིག་བཏོད་ཅིང་།  
\v 17 ཁོང་གིས་ཤིང་རྟ་དང་རྟ། དམག དཔའ་རྒོད་བཅས་ཕྱི་རུ་དྲངས་ནས། དེ་རྣམས་སར་ཉལ་ཞིང་ཡང་བསྐྱར་ཡར་ལང་མི་ནུས་ལ། དེ་དག་སྡོང་རས་ཟད་པ་བཞིན་ཚར་ཞིང་མེད་པར་གྱུར།  
\v 18 ཡང་དཀོན་མཆོག་ཡ་ཝཱེས་འདི་སྐད་དུ། ཁྱོད་ཚོས་འདས་ཟིན་པའི་དོན་རྣམས་མི་དྲན་པར་གྱིས། གནའ་བོའི་དོན་རྣམས་ལའང་བསམ་མནོ་མི་གཏོང་བར་བྱའོ། །  
\v 19 ལྟོས་དང་། ངས་དོན་གསར་པ་ཞིག་རྩོམ་སྟེ་ད་ལྟ་འབྱུང་བར་འགྱུར་ལ། ཁྱོད་རྣམས་ཀྱིས་ད་དུང་མི་རྟོགས་སམ། ངས་དབེན་སྟོང་ཡུལ་ནས་ལམ་ཞིག་གཏོད་ཅིང་ས་སྟོང་ནས་ཆུ་བོ་རྣམས་འདོན་པར་བྱ།  
\v 20 ས་སྟེང་གི་རི་དྭགས་ཀྱིས་ང་ལ་བཀུར་ཞིང་། ཁྱི་སྤྱང་དང་རྔ་བྱ་དག་གིས་ཀྱང་དེ་བཞིན་བྱེད་ངེས་ཡིན། གང་ལ་ཞེ་ན། རང་གིས་བདམས་པའི་མི་སྡེ་ལ་འཐུང་ཆུ་ཡོད་པའི་ཕྱིར་དུ། ངས་དབེན་སྟོང་ནས་ཆུ་དང་ས་སྟོང་ནས་གཙང་པོ་ཡོད་པར་བྱས་སོ། །  
\v 21 ངས་རང་གི་ཆེད་དུ་བཀོད་པའི་མི་རྣམས་ཀྱིས་ང་ལ་མངོན་པར་བསྟོད་པའི་ཕྱིར་དེ་ལྟར་བྱས་པའོ། །   
\p
\v 22 ཡིན་ཡང་ཀྱེ་ཡ་ཀོབ། ཁྱོད་ཀྱིས་ང་ལ་འོ་དོད་མ་བོས། ཀྱེ་ཡེས་ར་ཨེལ། ཁྱོད་ང་ལ་སུན་སྣང་སྐྱེས་པའོ། །  
\v 23 ཁྱོད་ཀྱིས་སྦྱིན་སྲེག་གི་མཆོད་པར་འབུལ་བའི་ལུག་ཐུག་ང་ལ་འཁྱེར་མ་འོང་ལ། ཁྱོད་ཀྱི་མཆོད་རྫས་ཀྱིས་ང་ལ་བཀུར་བའང་མ་བྱས། ཁྱོད་ཅག་གིས་མཆོད་པ་འབུལ་བར་ངས་ཁུར་བོ་མ་བཀལ་ལ། སྤོས་དཀར་འབུལ་ཕྱིར་ཁྱོད་ལ་སུན་སྣང་མ་བསྐྱེད།  
\v 24 དངུལ་གྱིས་ང་ལ་ཤུ་དག་ཁྱོད་ཀྱིས་མ་ཉོས་ཤིང་། མཆོད་པའི་ཚིལ་གྱིས་ང་ཡིད་ཚིམ་པར་ཡང་མ་བྱས། ཁྱོད་ཀྱིས་རང་གི་སྡིག་པས་ང་ལ་ཁུར་བོ་བཀལ་ཞིང་། རང་གི་ཉེས་པས་ང་ལ་སུན་སྣང་བསྐྱེད་པའོ། །   
\p
\v 25 ངས་རང་ཉིད་ཀྱི་དོན་དུ་ཁྱོད་ཀྱི་སྡིག་ཉེས་སེལ་ཞིང་། ཁྱོད་ཀྱི་སྡིག་པ་རྣམས་དྲན་པར་ཡང་མི་བྱ།  
\v 26 ཁྱོད་ཀྱིས་ང་ལ་དྲན་སྐུལ་བྱོས་དང་། ང་ཚོས་མཉམ་དུ་རྩོད་གླེང་བྱེད། ཡང་རང་ཉིད་དྲང་བདེན་ཡིན་པ་མཚོན་ཕྱིར། ཁྱོད་ཀྱི་དོན་རྐྱེན་རྣམས་མདུན་དུ་ཤོམས་དང་།  
\v 27 ཁྱོད་ཀྱི་ཕ་མེས་ཀྱིས་སྡིག་པ་བྱས་ཤིང་། ཁྱོད་ཀྱི་མགྲིན་ཚབ་པ་རྣམས་ཀྱིས་ང་ལ་ངོ་ལོག་བྱས།  
\v 28 དེ་བས་ངས་གནས་དམ་པའི་འགོ་དཔོན་རྣམས་ངོ་ཚར་གཏོད་ཅིང་། ཡ་ཀོབ་ལ་གཏོར་བཤིག་ཐེབས་པ་དང་། ཡེས་ར་ཨེལ་ནི་འཕྱ་བའི་ཡུལ་དུ་འགྱུར་བར་བྱའོ་ཞེས་གསུངས་སོ། །   
\c 44
\cl ལེའུ་ཞེ་བཞི་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གིས་བདམས་པའི་ཡེས་ར་ཨེལ།  
\p
\v 1 ཀྱེ་བདག་གི་ཞབས་ཕྱི་ཡ་ཀོབ། བདག་གིས་བདམས་པའི་ཡེས་ར་ཨེལ། ད་ལྟ་འདི་ལ་ཉོན་ཅིག  
\v 2 ཁྱོད་མཛད་ཅིང་མངལ་དུ་འགོད་མཁན་དང་ཁྱོད་རང་སྐྱོབ་མཁན་གྱི་དཀོན་མཆོག་ཡ་ཝཱེས་འདི་སྐད་དུ། ཀྱེ་བདག་གི་ཞབས་ཕྱི་ཡ་ཀོབ། བདག་གིས་བདམས་པའི་ཡེ་ཤུ་རུན་ཁྱོད་མ་འཇིགས་ཤིག  
\v 3 ཅིའི་ཕྱིར་ཞེ་ན། སྐོམ་པས་མནར་བའི་ས་ལ་བདག་གིས་ཆུ་འདྲེན་ཞིང་། སྐམ་སར་གཙང་པོ་བཞུར་དུ་འཇུག བདག་གིས་རང་གི་སེམས་ཉིད་ཁྱོད་ཀྱི་བུ་རྒྱུད་སྟེང་འབབ་ཏུ་འཇུག་ཅིང་། བདག་གི་བྱིན་རླབས་ཁྱོད་ཀྱི་བུ་རྒྱུད་ལ་གནང་བར་བྱ།  
\v 4 དེ་དག་རྩྭ་གསེང་ནས་སྐྱེས་པ་དང་ཆུ་ཕྲན་འགྲམ་གྱི་ལྕང་མ་ཇི་བཞིན་ནོ། །  
\v 5 དེ་ནས་མི་འདིས་ན་རེ། ང་ནི་དཀོན་མཆོག་ཡ་ཝཱེ་ལ་གཏོགས་པ་ཡིན་ཞེས་དང་། དེས་ཀྱང་རང་ལ་ཡ་ཀོབ་ཀྱི་མིང་ནས་འབོད་ཅིང་། ཡང་མི་གཞན་ཞིག་གིས་དངོས་སུ་ང་རང་དཀོན་མཆོག་ཡ་ཝཱེ་ལ་གཏོགས་པ་ཡིན་ཞེས་ཡི་གེར་འགོད་ལ། ཡེས་ར་ཨེལ་གྱི་མཚན་ནས་རང་ལ་མིང་འདོགས་པར་འགྱུར།   
\p
\v 6 ཡ་ཝཱེ་སྟེ་ཡེས་ར་ཨེལ་གྱི་རྒྱལ་པོ། ཡེས་ར་ཨེལ་གྱི་གཙོ་བོ་སྐྱབས་མགོན། དཔུང་ཚོགས་ཀུན་གྱི་དཀོན་མཆོག་ཡ་ཝཱེས་འདི་སྐད་དུ། བདག་ནི་ཐོག་མ་ཉིད་དེ་མཐའ་མ་ཡང་ཡིན་པས། བདག་ལས་དཀོན་མཆོག་གཞན་ཞིག་མེད།  
\v 7 བདག་དང་འདྲ་བ་སུ་ཞིག་ཡོད་དམ། དེ་ལ་བསྒྲག་ཏུ་ཆུག དེ་ལ་བཤད་དུ་ཆུག དེ་ལ་བདག་གི་མདུན་ནས་གསལ་པོར་མངོན་དུ་ཆུག གནའ་དུས་ཀྱི་མི་སྡེ་བདག་གིས་བདམས་ཤིང་བཀོད་པ་ནས་བཟུང་མ་འོངས་པའི་དོན་དང་འབྱུང་བར་འགྱུར་བའི་དོན་རྣམས་ཁོ་ཚོར་གསལ་བསྒྲགས་བྱེད་དུ་ཆུག  
\v 8 ཁྱོད་རྣམས་དངངས་ཤིང་སྐྲག་མི་དགོས། བདག་གིས་སྔར་ནས་དེ་ཁྱོད་ཅག་གི་རྣ་ལ་བཞག་ཅིང་ཁྱོད་རྣམས་ལ་བརྗོད་པ་མ་ཡིན་ནམ། ཁྱོད་ཅག་ནི་བདག་གི་དཔང་པོ་ཡིན། བདག་ལས་དཀོན་མཆོག་གཞན་ཞིག་ཡོད་དམ། ཡང་ན་བྲག་རི་གཞན་ཞིག་ཡོད་དམ། བདག་གིས་གཅིག་ཀྱང་མི་ཤེས་སོ། །   
\s1 སྐུ་འདྲ་བཟོ་མཁན་བླུན་རྨོངས་ཡིན་པ།  
\p
\v 9 སྐུ་འདྲ་བཟོ་མཁན་ཐམས་ཅད་སྙིང་པོ་མེད། ཁོ་ཚོ་དགའ་ཞིང་མོས་པ་རྣམས་ལ་ཕན་ཐོགས་མེད། ཁོ་ཚོའི་དཔང་པོས་གང་ཡང་མི་མཐོང་ཞིང་ཅི་ཡང་མི་ཤེས་པས་ཐ་ན་ཁོ་ཚོ་ངོ་ཚར་གཏོད་པ་ཡིན།  
\v 10 སུས་ལྷ་སྐུ་བཟོ་ཞིང་སྐུ་འདྲ་བླུག་པ་ནི་ཕན་ཐོགས་པའི་ཕྱིར་མ་ཡིན་ནམ།  
\v 11 ལྟོས་དང་། ཁོའི་ལས་གྲོགས་ཐམས་ཅད་ཁ་སྐྱེངས་པར་འགྱུར་ཏེ། ལག་ཤེས་པ་རྣམས་ཀྱང་མི་ལས་གང་ཡང་མ་ཡིན། དེ་དག་ཐམས་ཅད་ལྷན་དུ་འཛོམས་ནས་འགྲེང་དུ་ཆུག་དང་། དེ་དག་མཉམ་གཅིག་ཏུ་སྐྲག་ཅིང་ངོ་ཚར་གཏོད་པར་བྱའོ། །   
\p
\v 12 མགར་བས་ཐོག་མར་སོལ་བའི་སྟེང་དུ་ལྕགས་ངར་བ་དང་། དེ་ནས་ལག་ཆས་ལྕགས་བརྡུང་བར་བྱ་ཞིང་། ཁོས་ལག་པའི་ཤེད་ཤུགས་ལ་བརྟེན་ནས་ཐོ་བས་ལྕགས་རྡུང་ཞིང་དབྱིབས་བཟོ་བར་བྱེད། ཁོ་རང་ལྟོགས་ན་སྟོབས་ཤུགས་ཟད་ཅིང་། ཆུ་མ་འཐུང་ན་ཉམ་ཐག་པར་འགྱུར།  
\v 13 མི་དང་འདྲ་བར་མཛེས་སྡུག་གི་གཟུགས་བརྙན་ལྡན་པ་དང་། དགོན་པའི་ནང་དུ་འཇོག་ཕྱིར་ཤིང་བཟོས་ཐིག་སྐུད་འཐེན་ནས་སྨྱུ་གུས་སྐྱ་རིས་ཕབ་སྟེ་ཤིང་གཞོག་གིས་འཇམ་པོར་བཟོ་བ་དང་། སྒོར་ཐིག་རྒྱག་ཆས་ཀྱིས་དབྱིབས་བྲིས་ཏེ་མིའི་རྣམ་པ་དང་འདྲ་བའི་སྐུ་འདྲ་བཟོ་བའོ། །  
\v 14 ཁོས་རང་ཉིད་ཀྱི་ཕྱིར་དུ་ཐང་ཤིང་གཅོད་ཅིང་། ཡང་ན་ཡོ་འབོག་དང་བེ་ཤིང་བདམས་ཏེ་ནགས་ཚལ་ཁྲོད་དུ་སྐྱེ་རུ་འཇུག དེས་གསོམ་པ་ཡང་བཙུགས་ནས་ཆར་ཆུ་ལ་དེ་ཆེར་བསྐྱེད་དུ་འཇུག  
\v 15 མི་ཡིས་དེ་འབུད་ཤིང་བྱེད་ཆོག་ལ། བླངས་ནས་མེ་བུས་ཏེ་དྲོད་ལེན་པ་དང་། ཡང་མེ་སྦར་ནས་བག་ལེབ་བསྲེག་ཆོག ཡིན་ཡང་མི་ཡིས་དེ་བཀོལ་ནས་ལྷ་སྐུ་བཞེང་བ་དང་དེ་ལ་བསྙེན་བཀུར་ཞུ་ཞིང་། སྐུ་འདྲ་བརྐོས་ཏེ་དེ་ལ་ཕྱག་འཚལ་བའོ། །  
\v 16 དེས་ཤིང་ཆའི་ཆ་ཤས་མེ་ལ་སྦར་ཏེ་སྟེང་དུ་ཤ་སྲེག་པ་དང་། སྲེག་ཤ་ཟ་ཞིང་འགྲང་བར་བྱེད། དེ་ནས་རང་ཉིད་མེ་ལ་བསྲོས་ཏེ་ན་རེ། ང་དྲོན་པོ་ཡིན། ངས་མེ་མཐོང་བྱུང་ཞེས་སྨྲའོ། །  
\v 17 ཤིང་གི་ལྷག་མ་ལས་རང་ལ་ལྷ་སྐུ་ཞིག་བཟོ་ཞིང་། དེ་ནི་རང་གིས་བརྐོས་པའི་སྐུ་འདྲ་སྟེ། ཁོས་སྐུ་འདྲ་དེ་ལ་ཕྱག་བཙལ་ནས་བསྙེན་བཀུར་ཞུ་ཞིང་། ཡང་དེ་ལ་གསོལ་བ་བཏབ་ནས་ན་རེ། ཁྱེད་ནི་ངའི་དཀོན་མཆོག་ཡིན་པས་ཁྱེད་ཀྱིས་ང་རང་སྐྱོབ་པར་མཛོད་ཅེས་ཞུའོ། །  
\v 18 དེ་དག་གིས་དོན་མི་རྟོགས་ལ་ཧ་ཡང་མི་གོ གང་ལ་ཞེ་ན། དཀོན་མཆོག་ཡ་ཝཱེས་དེ་དག་གི་མིག་ཟུང་བསྒྲིབས་པས་མིག་གིས་མི་མཐོང་ལ། དེ་དག་གི་སེམས་བཀབ་པས་རྟོགས་པར་མི་འགྱུར།  
\v 19 སུ་ཞིག་གིས་ཀྱང་སེམས་ཞིབ་མོས་བསམ་བློ་མི་གཏོང་ཞིང་། ཡང་ཤིང་ཆའི་དུམ་བུ་ངས་མེ་ལ་བསྲེགས། སོལ་བའི་སྟེང་དུ་ངས་བག་ལེབ་དང་ཤ་བསྲེགས་ནས་ཟོས། དེའི་ལྷག་མ་རྣམས་ཀྱིས་ངས་ཞེན་ལོག་གི་རྫས་ཤིག་བཟོས་པས། ངས་ཤིང་དུམ་དེ་ལ་ཕྱག་འཚལ་དགོས་སམ་ཞེས་བརྗོད་མཁན་གྱི་མི་ཤེས་རབ་ཅན་དང་བློ་གྲོས་ཅན་ནི་མེད།  
\v 20 ཁོས་བརྩོན་ལེན་བྱེད་པ་ནི་ཐལ་བ་ཡིན། བསླུ་བྲིད་ཐེབས་པའི་སེམས་ཀྱིས་ཁོ་རང་ལམ་ལོག་ཏུ་ཁྲིད་དེ། ཁོས་རང་ཉིད་སྐྱོབ་མི་ནུས་ཤིང་ཡང་ངའི་ལག་གཡས་པའི་ནང་དུ་རྫུན་ཞིག་ཡོད་པ་མ་ཡིན་ནམ་ཞེས་སྨྲ་ཡང་མི་སྲིད་དོ། །   
\s1 དཀོན་མཆོག་ཡ་ཝཱེའི་སྐྱོབ་པར་མཛད་པའི་ཐུགས་རྗེ།  
\p
\v 21 ཀྱེ་ཡ་ཀོབ་དང་ཡེས་ར་ཨེལ། ཁྱོད་ནི་བདག་གི་ཞབས་ཕྱི་ཡིན་པས་གཏམ་འདི་དག་དྲན་པར་གྱིས། བདག་གིས་ཁྱོད་བཀོད་པ་ནི་ཁྱོད་རང་བདག་གི་ཞབས་ཕྱི་བྱེད་པའི་ཕྱིར་ཡིན། ཀྱེ་ཡེས་ར་ཨེལ། བདག་གིས་ཁྱོད་བརྗེད་པར་མི་བྱའོ། །  
\v 22 སྤྲིན་པ་སྟུག་པོ་ཐོར་བ་བཞིན་དུ་ངས་ཁྱོད་ཀྱི་ཉེས་སྐྱོན་རྣམས་བསལ་ཞིང་། སྤྲིན་ཡལ་བ་བཞིན་དུ་ངས་ཁྱོད་ཀྱི་སྡིག་པ་རྣམས་བསལ་བ་ཡིན། ཡང་བདག་གིས་ཁྱོད་རང་བསྐྱབས་པས་ཁྱོད་བདག་གི་ཕྱོགས་སུ་ཕྱིར་ཤོག་ཅིག  
\v 23 དཀོན་མཆོག་ཡ་ཝཱེས་དེ་ལྟར་མཛད་པས། ཀྱེ་ནམ་མཁའ་ཡིས་བསྟོད་གླུ་ལོངས་ཤིག ཀྱེ་ས་གཞིའི་གཏིང་རིམ་རྣམས་ཀྱིས་འབོད་སྒྲ་སྒྲོགས་ཤིག ཀྱེ་རི་ཚོགས་རྣམས་ཀྱིས་དགའ་འབོད་གྱིས་ཤིག ནགས་ཚལ་དང་དེའི་ནང་ཡོད་པའི་ལྗོན་ཤིང་གི་ཚོགས་ཀྱིས་ཀྱང་དེ་བཞིན་གྱིས་ཤིག གང་ལ་ཞེ་ན། དཀོན་མཆོག་ཡ་ཝཱེས་ཡ་ཀོབ་བསྐྱབས་ཤིང་། ཁོང་གིས་ཡེས་ར་ཨེལ་བརྒྱུད་དེ་རང་ཉིད་ལ་གཟི་བརྗིད་ཐོབ་པར་མཛད་དོ། །  
\v 24 ཁྱོད་རང་མ་ཡི་མངལ་དུ་བཀོད་ཅིང་། ཁྱོད་རང་སྐྱོབ་མཁན་གྱི་དཀོན་མཆོག་ཡ་ཝཱེས་འདི་སྐད་དུ། ཡ་ཝཱེ་བདག་ནི་ཐམས་ཅད་འགོད་མཁན་ཏེ། བདག་ཁོ་ནས་ནམ་མཁའ་རྒྱ་བསྐྱེད་ཅིང་ས་གཞི་བཏིངས་པ་ཡིན།  
\v 25 བདག་གིས་རྫུན་སྨྲ་མཁན་གྱི་རྟགས་མཚན་རྣམས་སྙིང་པོ་མེད་པར་བྱས་པ་དང་། མོ་པ་རྣམས་བླུན་པོར་བསྒྱུར། མི་བློ་གྲོས་ཅན་རྣམས་ཕྱིར་བསྣུར་སྟེག་ཏུ་བཅུག་ཅིང་། དེ་དག་གི་ཤེས་བྱ་རྣམས་རྨོངས་པར་བསྒྱུར།  
\v 26 བདག་གིས་རང་གི་ཞབས་ཕྱིའི་ཚིག་རྣམས་དོན་ལ་གནས་ཤིང་། བདག་གི་བང་ཆེན་རྣམས་ཀྱི་གྲོས་དོན་འགྲུབ་པར་བྱས། ཡེ་རུ་སཱ་ལེམ་ལ་ཁྱོད་ནང་སྡོད་མཁན་ཡོད་པར་འགྱུར་ཞེས་དང་། ཡ་ཧུ་དཱའི་གྲོང་ཁྱེར་དག་ལ་ཁྱོད་རྣམས་ཡང་བསྐྱར་འཛུགས་པར་འགྱུར། དེའི་ཞིག་རོ་རྣམས་ཡར་བསླང་བར་བྱའོ་ཞེས་བདག་གིས་བརྗོད་དོ། །  
\v 27 བདག་གིས་གཏིང་ཟབ་པའི་རྒྱ་མཚོ་ལ་ཁྱོད་སྐམ་པར་གྱུར་ཅིག ངས་ཁྱོད་ཀྱི་གཙང་པོ་རྣམས་ཀྱང་སྐམ་དུ་འཇུག་ངེས་ཡིན་ཞེས་སྨྲས་ཤིང་།  
\v 28 བདག་གིས་ཀོ་རེས་ལ། བདག་གི་རྫི་བོ་ཁོང་གིས་བདག་ཡིད་མོས་པ་ཐམས་ཅད་བསྒྲུབ་པར་འགྱུར་ཞེས་བརྗོད་ཅིང་། ཡང་དེས་ཡེ་རུ་སཱ་ལེམ་ལ་ན་རེ། ཁྱོད་ཡང་བསྐྱར་འཛུགས་པར་འགྱུར་ཞེས་སྨྲ་ཞིང་། དེས་མཆོད་ཁང་ལ་ན་རེ། ཁྱོད་ཀྱི་རྩིག་རྨང་འདིང་དགོས་ཞེས་སྨྲའོ། །   
\c 45
\cl ལེའུ་ཞེ་ལྔ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 རྒྱལ་པོ་ཀོ་རེས་དཀོན་མཆོག་གི་ལག་ཆར་སྤྱད་པ།  
\p
\v 1 དཀོན་མཆོག་ཡ་ཝཱེ་བདག་གིས་སྣུམ་གྱིས་བྱུགས་པའི་ཀོ་རེས་ལ་མཚོན་ན། རྒྱལ་ཕྲན་རྣམས་ཁོས་དབང་དུ་བསྡུ་བའི་ཕྱིར། བདག་གིས་ཁོའི་ལག་གཡས་པ་ནས་དམ་པོར་བཟུང་སྟེ། ཁོའི་སྔོན་དུ་མཁར་སྒོ་ཕྱེ་བ་དང་། མཁར་སྒོ་དེ་དག་མི་རྒྱག་པའི་ཆེད་དུ། བདག་གིས་རྒྱལ་པོ་དག་གི་རྐེད་འཆིང་ལྷོད་དུ་འཇུག་པ་ཡིན། \f + \ft འདིར་རྒྱལ་པོ་དག་གི་རྐེད་འཆིང་ལྷོད་དུ་འཇུག་པ་ཡིན་ཞེས་པ་ནི་རྒྱལ་པོ་དག་ངོ་ཚར་གཏོད་པ་དང་ཕམ་པར་མཛད་པ་ལ་གོ་བ་ཡིན།\f*  
\v 2 བདག་ཁྱོད་ཀྱི་སྔོན་དུ་སོང་ནས་ལམ་མི་བདེ་བ་རྣམས་སྙོམས་པར་བྱེད། ཟངས་ཀྱི་རྒྱ་སྒོ་རྣམས་བདག་གིས་སིལ་བུར་གཅོག་ཅིང་། ལྕགས་ཀྱི་སྒོ་གཏན་རྣམས་བདག་གིས་དུམ་བུར་གཅོད་ངེས་ཡིན།  
\v 3 བདག་གིས་ཁྱོད་ལ་ཡིབ་པའི་གཏེར་མཛོད་རྣམས་དང་། གསང་བའི་གནས་ཀྱི་རྒྱུ་ནོར་རྣམས་སྦྱིན་པར་བྱ། དེ་ནས་ཁྱོད་ཀྱིས་བདག་ནི་ཁྱོད་ཀྱི་མིང་ནས་འབོད་མཁན་གྱི་དཀོན་མཆོག་ཡ་ཝཱེ་སྟེ། ཡེས་ར་ཨེལ་གྱི་དཀོན་མཆོག་ཡིན་པ་རྟོགས་པར་འགྱུར།  
\v 4 བདག་གི་ཞབས་ཕྱི་ཡ་ཀོབ་དང་། བདག་གིས་བདམས་པའི་ཡེས་ར་ཨེལ་གྱི་དབང་གིས། བདག་གིས་ཁྱོད་ཀྱི་མིང་ནས་བོས་པ་ཡིན། ཁྱོད་ཀྱིས་བདག་སུ་ཡིན་པ་མི་ཤེས་ཀྱང་ངས་ཁྱོད་ལ་གཟི་བརྗིད་ཀྱི་མཚན་གནང་ཡོད།  
\v 5 བདག་ནི་ཡ་ཝཱེ་ཡིན་པ་དང་བདག་ལས་དཀོན་མཆོག་གཞན་མེད་དེ། ང་མ་གཏོགས་དཀོན་མཆོག་གཞན་ནི་མེད། ཁྱོད་ཀྱིས་བདག་ངོ་མི་ཤེས་ཀྱང་ངས་ཁྱོད་རང་བརྟན་པོར་བྱེད་དེ།  
\v 6 ཉི་མ་ཤར་ས་ནས་ཉི་མ་ནུབ་སའི་བར་གྱི་མི་རྣམས་ཀྱིས་ང་མ་གཏོགས་དཀོན་མཆོག་གཞན་ཞིག་མེད་པ་ཤེས་པའི་ཕྱིར་ཡིན། བདག་ནི་ཡ་ཝཱེ་ཡིན། བདག་ལས་དཀོན་མཆོག་གཞན་སུ་ཡང་མེད།  
\v 7 བདག་གིས་འོད་བཟོས་ནས་མུན་པའང་འགོད། ཞི་བདེ་གནང་ཞིང་བར་ཆད་ཀྱང་བཟོ། དཀོན་མཆོག་ཡ་ཝཱེ་བདག་ནི་དོན་འདི་ཐམས་ཅད་སྒྲུབ་མཁན་ཡིན་ནོ། །   
\p
\v 8 ཀྱེ་ནམ་མཁའི་ཚོགས། སྟེང་ཕྱོགས་ནས་དྲང་བདེན་ཕོབས་ཤོག སྤྲིན་པར་དྲང་བདེན་འབེབ་ཏུ་བཅུག ས་གཞིའི་སྒོ་ཕྱེས་ནས་ཐར་པ་སྨིན་གྱུར་ཅིག དེ་དང་མཉམ་དུ་དྲང་བདེན་གྱི་འབྲས་བུ་ཐོགས་གྱུར་ཅིག དོན་དེ་ནི་དཀོན་མཆོག་ཡ་ཝཱེ་བདག་གིས་བཀོད་པ་ཡིན་ནོ། །  
\v 9 རང་ཉིད་སྐྲུན་མཁན་གྱི་གཙོ་བོ་དང་རྩོད་པ་བྱེད་མཁན་དེར་ཆག་སྒོ་འབྱུང་། དེ་དག་ནི་སའི་རྫ་ལྷེབ་ནང་གི་རྫ་ལྷེབ་ཅིག་ཡིན་ཞིང་། ས་འདམ་གྱིས་རྫ་བཟོ་ལ་ཁྱོད་ཀྱིས་ཅི་ཞིག་བཟོ་བཞིན་ཡོད་ཅེས་འདྲིའམ། ཡང་ན་ཁྱོད་ཀྱིས་བསྐྲུན་པ་དེས་ཁོ་ལ་ལག་པ་མེད་ཅེས་སྨྲ་སྲིད་དམ།  
\v 10 རང་གི་ཕ་ལ་ཁྱེད་ལས་སྐྱེས་པ་ནི་ཅི་ཡིན་ནམ་ཞེས་དང་། ཡང་ན་རང་གི་མ་ལ་ཁྱེད་ཀྱིས་བཙས་པ་ནི་ཅི་ཡིན་ནམ་ཟེར་མཁན་དེར་ཆག་སྒོ་འབྱུང་ངོ་། །  
\v 11 དཀོན་མཆོག་ཡ་ཝཱེ་སྟེ་ཡེས་ར་ཨེལ་གྱི་དམ་པ། དེ་དག་སྐྲུན་མཁན་ཁོང་གིས་འདི་སྐད་དུ། ཕྱིས་འབྱུང་གི་དོན་རྣམས་ཁྱོད་ཀྱིས་ང་ལ་དྲིས་ཤོག བདག་གི་བུ་ཕྲུག་རྣམས་དང་བདག་གི་ལག་པས་བཀོད་པའི་སྐོར་ནས་ཀྱང་ཁྱོད་ཀྱིས་ང་ལ་བཀའ་བབས་ཆོག  
\v 12 བདག་གིས་ས་གཞི་བསྐྲུན་ཅིང་དེའི་སྟེང་དུ་མིའི་རིགས་བཀོད་པ་ཡིན། བདག་གིས་ནམ་མཁའི་དབྱིངས་རྣམས་བསྐྱེད་ཅིང་། ཡང་དེའི་ཚོགས་ཐམས་ཅད་ལ་བཀའ་བསྩལ་པ་ཡིན།  
\v 13 བདག་གིས་དྲང་བདེན་སྒོ་ནས་ཀོ་རེས་ཡར་བསླངས་ཏེ། ཁོའི་ལམ་ཐམས་ཅད་བདེ་བར་བྱེད་ཅིང་། དེ་ནས་ཁོས་བདག་གི་གྲོང་ཁྱེར་བརྩིག་པར་འགྱུར་ཞིང་། གླ་དང་རྔན་པ་མི་ལེན་པར་ངའི་བཙོན་པ་མི་སྡེ་རྣམས་ལ་རང་དབང་སྦྱིན་ངེས་ཞེས་དཔུང་ཚོགས་ཀུན་གྱི་དཀོན་མཆོག་ཡ་ཝཱེས་གསུངས་ཞེས་གསུངས་སོ། །   
\s1 སྐྱབས་མགོན་ཡ་ཝཱེ།  
\p
\v 14 དཀོན་མཆོག་ཡ་ཝཱེས་འདི་སྐད་དུ། ཨེ་ཅིབ་ལ་དཀའ་ལས་སྒོ་ནས་ཐོབ་པ་དང་གུ་ཤ་པར་ཐོབ་པའི་རྒྱུ་ནོར། གཟུགས་པོ་མཐོ་ཞིང་ཆེ་བའི་སེ་བཱ་པ་བཅས་ཐམས་ཅད་ཁྱོད་ཀྱི་མདུན་དུ་སླེབས་ནས་དེ་དག་ཁྱོད་ལ་གཏོགས་ཤིང་། དེ་དག་ལྕགས་སྒྲོག་དང་བཅས་འོངས་ནས་ཁྱོད་ཀྱི་རྗེས་སུ་འབྲང་ཞིང་ཁྱོད་ལ་ཕྱག་བཙལ་ནས་ན་རེ། དཀོན་མཆོག་ཁྱོད་ཅག་གི་ཁྲོད་དུ་བཞུགས་པ་དང་། ཁོང་མ་གཏོགས་དཀོན་མཆོག་གཞན་མེད་དེ། དཀོན་མཆོག་བདེན་པ་གཞན་ཞིག་མེད་ཅེས་ཞུ་བར་བྱའོ་ཞེས་གསུངས་སོ། །  
\v 15 ཀྱེ་ཡེས་ར་ཨེལ་གྱི་སྐྱབས་མགོན་དཀོན་མཆོག་ལགས། ཁྱེད་ནི་དངོས་གནས་རང་ཉིད་སྦས་པའི་དཀོན་མཆོག་དེ་ལགས་སོ། །  
\v 16 ལྷ་སྐུ་བཞེང་མཁན་ཐམས་ཅད་མཉམ་གཅིག་ཏུ་ངོ་ཚར་གཏོད་ཅིང་བརྙས་བཅོས་འཁེལ་བར་འགྱུར།  
\v 17 ཡེས་ར་ཨེལ་ཁོ་ན་དཀོན་མཆོག་ཡ་ཝཱེར་བརྟེན་ནས་ཐར་བར་འགྱུར་ཞིང་། དུས་གཏན་གྱི་ཐར་པ་འཐོབ་པར་འགྱུར། དེ་དག་ཇི་སྲིད་བར་དུ་ངོ་ཚར་མི་གཏོད་ལ་བརྙས་བཅོས་ཀྱང་མི་འཁེལ་ལོ། །   
\p
\v 18 ནམ་མཁའི་དབྱིངས་རྣམས་འགོད་མཁན་ཡ་ཝཱེ་ཁོང་ནི་དཀོན་མཆོག་ལགས་ཤིང་། ཁོང་གིས་ས་གཞི་བཀོད་པས་ས་གཞི་གྲུབ་པ་དང་ས་གཞི་བརྟན་པོར་མཛད། ཁོང་གིས་ས་གཞི་བཀོད་པ་ནི་སྟོང་བར་ལུས་པའི་ཕྱིར་མིན་ལ། མི་རྣམས་དེ་ནང་གནས་པའི་ཕྱིར་ཡིན། ཁོང་གིས་འདི་སྐད་དུ། བདག་ནི་ཡ་ཝཱེ་ཡིན། ང་མ་གཏོགས་དཀོན་མཆོག་གཞན་ཞིག་གཏན་ནས་མེད།  
\v 19 བདག་གིས་མུན་ནག་གི་ས་ནས་གསང་བའི་གཏམ་མ་སྨྲས། ཁྱོད་ཀྱིས་ང་འཚོལ་བ་ནི་དོན་མེད་ཡིན་ཞེས་ཡ་ཀོབ་ཀྱི་བུ་རྒྱུད་ལ་བདག་གིས་མ་སྨྲས། དཀོན་མཆོག་ཡ་ཝཱེ་བདག་གིས་བདེན་པ་གླེང་ཞིང་། ཡང་དག་པ་རྣམས་འཆད་དོ། །   
\p
\v 20 ཀྱེ་རྒྱལ་ཕྲན་ཀུན་ནས་ཐར་བའི་མི་རྣམས། ཁྱོད་ཅག་ལྷན་དུ་འདུས་ནས་ཐག་ཉེ་སར་ཤོག་དང་། ཤིང་གི་ལྷ་སྐུ་རྣམས་ཡར་འགྱོགས་པ་དང་། མི་སྐྱོབ་ནུས་མེད་པའི་ལྷ་ལ་གསོལ་བ་འདེབས་པ་དེ་དག་དངོས་གནས་ཤེས་རྨོངས་ཡིན།  
\v 21 ཁྱོད་ཀྱིས་དོན་རྣམས་ཤོད་དང་རྒྱུ་མཚན་ཐོན་ཅིག དེ་དག་ཕན་ཚུན་གྲོས་མོལ་བྱེད་དུ་ཆུག སུ་ཞིག་གིས་གནའ་བོའི་དུས་ནས་མི་ལ་དོན་འདི་ཐོས་སུ་བཅུག་གམ། སུ་ཞིག་གིས་གནའ་བོའི་དུས་ནས་དོན་འདི་འཆད་པ་ཡིན་ནམ། དེ་བཤད་མཁན་དཀོན་མཆོག་ཡ་ཝཱེ་ང་རང་མ་ཡིན་ནམ། ང་ལས་དཀོན་མཆོག་གཞན་མེད། བདག་ནི་དྲང་བདེན་གྱི་དཀོན་མཆོག་དང་མིའི་རིགས་སྐྱོབ་མཁན་ཡང་ཡིན། བདག་ལས་དཀོན་མཆོག་གཞན་མེད།  
\v 22 བདག་ནི་དཀོན་མཆོག་ཡིན། ང་མ་གཏོགས་དཀོན་མཆོག་གཞན་མེད། དེ་བས་ས་གཞིའི་མི་ཐམས་ཅད་ཀྱེ། བདག་གི་ཕྱོགས་སུ་འཁོར་དང་ཐར་པ་འཐོབ་པར་འགྱུར།  
\v 23 ངས་རང་ཉིད་དཔང་དུ་བཙུགས་ནས་མནའ་སྐྱེལ་ཞིང་། ངའི་ཁ་ནས་དྲང་བདེན་གྱི་གཏམ་སྨྲས་པ་ཕྱིར་ཟློག་པར་མི་བྱ། དེ་བས་པུས་མོ་ཐམས་ཅད་ཀྱིས་བདག་ལ་ཕྱག་འཚལ་ཞིང་། ལྕེ་ཐམས་ཅད་ཀྱིས་ང་རང་དཔང་དུ་བཙུགས་ནས་མནའ་བསྐྱལ་བར་འགྱུར།  
\v 24 མི་ཐམས་ཅད་ཀྱིས་དཀོན་མཆོག་ཡ་ཝཱེ་འབའ་ཞིག་གི་ནང་དུ་དྲང་བདེན་དང་སྟོབས་ཤུགས་ཡོད་དེ། ཁོང་ལ་སྡང་མཁན་ཐམས་ཅད་ཁོང་གི་དྲུང་དུ་འོངས་ཏེ་ངོ་ཚར་གཏོད་པར་འགྱུར་ཞེས་བརྗོད་ངེས།  
\v 25 དཀོན་མཆོག་ཡ་ཝཱེ་ལ་བརྟེན་ནས་ཡེས་ར་ཨེལ་གྱི་བུ་རྒྱུད་ཐམས་ཅད་དྲང་བདེན་དུ་བརྩི་ཞིང་གཟི་བརྗིད་འཐོབ་པར་འགྱུར་རོ། །   
\c 46
\cl ལེའུ་ཞེ་དྲུག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 པཱ་པེལ་ལོན་གྱི་ལྷ་སྐུ་དག  
\p
\v 1 པེལ་གྱིས་ཕྱག་འཚལ་ཞིང་། ནེ་བོ་མར་བསྒུར་ཏེ། པཱ་པེལ་ལོན་གྱི་ལྷ་སྐུ་རྣམས་གཅན་གཟན་དང་སྒོ་ཕྱུགས་ཀྱི་སྟེང་ལ་བཀལ། ཁྱོད་ཅག་གིས་ཁུར་བ་རྣམས་ད་ལྟ་ཁུར་བོ་ལྗིད་མོ་རུ་གྱུར་ཏེ། ངལ་ཞིང་དུབ་པའི་དུད་འགྲོའི་རྒྱབ་ཀྱི་ཁལ་བཞིན་ནོ། །  
\v 2 དེ་རྣམས་ལྷན་ཅིག་ཏུ་མར་བསྒུར་ནས་ལུས་པོ་སར་བཏུད་ཀྱང་ཁུར་བོ་ལྗིད་མོ་དེ་བསྲུང་མ་ཐུབ་པར་མ་ཟད། རང་ཉིད་བཙོན་དུ་ཚུད་དོ། །   
\p
\v 3 ཀྱེ་ཡ་ཀོབ་ཀྱི་ཁྱིམ་རྒྱུད་དང་ཡེས་ར་ཨེལ་གྱི་ལྷག་ལུས་ཐམས་ཅད། ཁྱོད་རྣམས་ཀྱིས་བདག་ལ་ཉོན་ཅིག ཁྱོད་རྣམས་མངལ་ལས་ཐོན་མ་ཐག་བདག་གིས་པང་དུ་བཟུང་ཞིང་། མངལ་ལས་སྐྱེས་མ་ཐག་བདག་གིས་ཁུར་བ་ཡིན།  
\v 4 ཁྱོད་ལོ་ན་བགྲེས་དུས་ཀྱང་བདག་གིས་དེ་ལྟར་བྱ་སྟེ། སྐྲ་དཀར་པོར་གྱུར་ཡང་ངས་ཁྱོད་པང་དུ་འཛིན་པ་སྟེ། ངས་ཁྱོད་བཀོད་ཅིང་རྗེས་སུ་ཁྱོད་རང་འཁུར་ངེས་ཡིན། བདག་གིས་ཁྱོད་འཛིན་ཞིང་སྐྱོབ་པར་བྱའོ། །  
\v 5 ཁྱོད་ཅག་གིས་ང་སུ་དང་བསྡུར་རམ། ང་དང་འདྲ་བ་སུ་ཡོད་དམ། ང་དང་དོ་མཉམ་པའི་ཕྱིར་སུ་ཞིག་བདག་དང་བསྡུར་རམ།  
\v 6 ཁུག་མའི་ནང་ནས་གསེར་མང་པོ་ལེན་ཞིང་། དངུལ་རྒྱ་མར་ཚད་པའི་མི་དེ་དག་གིས་གསེར་མགར་གླས་ནས་ལྷ་སྐུ་བཞེང་བ་དང་། དེ་ནས་ལྷ་སྐུ་རྣམས་ལ་པུས་མོ་བཙུགས་ཏེ་ཕྱག་འཚལ་བ་ཡིན།  
\v 7 དེ་ཚོས་སྐུ་འདྲ་གཉའ་བར་བཏེགས་ནས་ཁྱེར་ཏེ་རང་གནས་སུ་བཞག་པས་འགྲེང་དུ་བཅུག དེ་རང་ས་ནས་མི་འགུལ་ཞིང་། མི་ཡིས་དེར་ཞུས་ཀྱང་ཨ་ལན་འདེབས་པའི་ནུས་པ་མེད་ལ། དེས་མི་རྣམས་དཀའ་ཁག་ལས་ཀྱང་སྐྱོབ་མི་ཐུབ་བོ། །   
\p
\v 8 ཁྱོད་རྣམས་ཀྱིས་དོན་དེ་ཡིད་ལ་བཟུང་ནས་བརྟན་པོར་གནས་ཤིག སྡིག་སྤྱོད་ཁྱོད་རྣམས་ཀྱིས་དེ་ལ་བསམ་བློ་ཞིབ་མོ་ཐོངས་ཤིག  
\v 9 ང་ནི་དཀོན་མཆོག་ཡིན་ལ་ང་ལས་དཀོན་མཆོག་གཞན་མེད་པས། གནའ་དུས་ཀྱི་དོན་རྣམས་ཁྱོད་ཅག་གིས་དྲན་པར་གྱིས། བདག་ནི་དཀོན་མཆོག་སྟེ། བདག་དང་འདྲ་བ་སུ་ཡང་མེད།  
\v 10 བདག་གིས་ཐོག་མའི་དུས་ནས་མཐའ་མའི་དོན་རྣམས་བསྒྲགས་ཤིང་། གནའ་བོའི་དུས་ནས་མ་བྱས་དོན་རྣམས་བརྗོད་དེ། བདག་གི་བསམ་དོན་ཐམས་ཅད་འགྲུབ་ཅིང་། ང་རང་དགའ་བའི་དོན་རྣམས་འགྲུབ་པར་འགྱུར་ཞེས་སྨྲས་སོ། །  
\v 11 བདག་གིས་ཐག་རིང་ཡུལ་ནས་ངའི་བསམ་དོན་བསྒྲུབ་པའི་མི་ཞིག་ཤར་ཕྱོགས་ནས་བྱ་རྒོད་བཞིན་བོས་ཤིང་། བདག་གིས་སྨྲས་པ་དེ་དག་མངོན་པར་འགྱུར་བ་སྟེ། བདག་གིས་འཆར་གཞི་བཀོད་པ་དེ་དག་བྱེད་ངེས་ཡིན།  
\v 12 དྲང་བདེན་ལ་རྒྱང་ཐག་རིང་བའི་བློ་རེངས་པོ་ཁྱོད་ཚོས་བདག་ལ་ཉོན།  
\v 13 ངས་རང་གི་དྲང་བདེན་ཉེ་བར་དྲངས་ཏེ་རྒྱང་རིང་མི་གཏོང་སྟེ། བདག་གི་ཐར་པ་ལ་འགོར་འགྱང་མེད་དོ། །བདག་གིས་ཛ་ཡན་གྱི་ནང་དུ་ཐར་པ་གནང་ཞིང་། ཡེས་ར་ཨེལ་ལ་ངའི་གཟི་བརྗིད་སྩོལ་བར་བྱའོ། །   
\c 47
\cl ལེའུ་ཞེ་བདུན་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 པཱ་པེལ་ལོན་ཁྱད་དུ་བསད་པ།  
\p
\v 1 ཀྱེ་པཱ་པེལ་ལོན་གྱི་གཞོན་ནུ་མ། མར་ཤོག་ལ་ས་རྡུལ་ནང་དུ་སྡོད་ཅིག ཀྱེ་ཀལ་དི་པའི་བུ་མོ། ཁྲི་སྟེགས་མེད་པས་ས་རུ་སྡོད་ཅིག ཅི་ལ་ཞེ་ན། ད་ནི་ཁྱོད་ལ་གཉོད་ཆུང་དང་ཉམས་ཞན་ཞེས་འབོད་པར་མི་འགྱུར་རོ། །  
\v 2 ཁྱོད་ཀྱིས་མཆིག་རྡོ་ཁྱེར་ཏེ་ཕྱེ་ཐོགས་ཤིག རང་གི་གདོང་ཁེབས་བླངས་ནས་སྨད་གཡོག་ཕུད་དང་། བརླ་སྒང་རྗེན་པར་སྟོན་བཞིན་གཙང་པོ་དག་བརྒལ་ནས་སོང་ཞིག  
\v 3 ཁྱོད་ཀྱི་ལུས་སྨད་ཕྱིར་མངོན་པར་འགྱུར། ཁྱོད་ཀྱི་ངོ་ཚ་མི་གཞན་པས་མཐོང་ཞིང་། ངས་མི་གཅིག་ཀྱང་མི་གཏོང་བར་ལན་འཇལ་ངེས།  
\v 4 ང་ཚོ་སྐྱོབ་མཁན་ཁོང་གི་མཚན་ལ་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ཟེར། ཡེས་ར་ཨེལ་གྱི་དམ་པ་ཉིད་ཀྱིས་འདི་སྐད་དུ།  
\v 5 ཀྱེ་ཀལ་དི་པའི་བུ་མོ། ཁ་རོག་སྡོད་ཅིག མུན་ནག་ནང་དུ་སོང་ཞིག ཅི་ལ་ཞེ་ན། ད་ཕྱིན་ཆད་ཁྱོད་ལ་རྒྱལ་ཁམས་རྣམས་ཀྱི་བདག་མོ་ཞེས་མི་ཡིས་འབོད་པར་མི་འགྱུར།  
\v 6 བདག་ནི་བདག་གི་འབངས་མི་ལ་ཁྲོས་ཏེ། རང་གི་ནོར་སྐལ་བརླག་པར་བཅུག ངས་དེ་དག་ཁྱོད་ཀྱི་ལག་ཏུ་བཞག་ཀྱང་། ཁྱོད་ཀྱིས་དེ་དག་ལ་སྙིང་རྗེ་མེད་པར་གཉའ་ཤིང་ཤིན་ཏུ་ལྕི་མོ་རྒན་པོའི་ལུས་ལ་བཀལ།  
\v 7 ཁྱོད་ཀྱིས་ང་ནི་དུས་གཏན་དུ་རྒྱལ་མོ་ཡིན་ཞེས་སྨྲས་པས་དོན་འདི་དག་ཁྱོད་ཀྱི་སེམས་སུ་མ་བཟུང་པ་དང་། དེའི་མཇུག་འབྲས་ཀྱང་མི་དྲན་ནོ། །   
\p
\v 8 དེ་བས་འདོད་གཡེམ་སྤྱོད་ཅིང་བདེ་བར་སྡོད་པ་ཁྱོད་ཀྱིས་གཏམ་འདི་ལ་ཉོན་ཅིག ཁྱོད་ཀྱིས་རང་གི་སེམས་སུ་ང་རང་ཁོ་ན་སྟེ། ང་མ་གཏོགས་གཞན་སུ་ཡང་མེད། ང་ཡུགས་མོ་ལྟར་སྡོད་པར་མི་བྱ་སྟེ། བུ་ཕྲུག་རྣམས་དང་འབྲལ་བར་ཡང་མི་བྱའོ་ཞེས་དྲན་ཡང་།  
\v 9 བསམ་ཡུལ་ལས་འདས་པ་ཞིག་ལ་བུ་རྣམས་ཁྱོད་དང་འབྲལ་ཞིང་ཡུགས་མོར་འགྱུར་བའི་དོན་རྐྱེན་དེ་གཉིས་ཉིན་གཅིག་གི་ནང་གློ་བུར་ཁྱོད་ཀྱི་སྟེང་དུ་འབྱུང་ངེས། ཁྱོད་ཀྱིས་སྒྱུ་འཕྲུལ་མང་དུ་སྟོན་ཞིང་གང་ཐུབ་ཀྱིས་སྔགས་བོན་པའི་དུས་སུ་དོན་དེ་གཉིས་ཁྱོད་ཀྱི་སྟེང་དུ་འབྱུང་བར་འགྱུར།   
\p
\v 10 ཁྱོད་ཀྱིས་སྔར་ནས་རང་གི་སྡུག་རུལ་ལ་བརྟེན་ཏེ་ན་རེ། ང་མཐོང་མཁན་མེད་ཅེས་སྨྲས་པ་དང་། ཁྱོད་ཀྱི་ཤེས་རབ་དང་རྟོགས་པས་ཁྱོད་ལོག་ལམ་དུ་བརྫངས་ཤིང་རང་གི་སེམས་སུ་ང་རང་ཁོ་ན་སྟེ། ང་མ་གཏོགས་གཞན་སུ་ཡང་མེད་ཅེས་དྲན་པའོ། །  
\v 11 ཁྱོད་ལ་གནོད་འཚེ་ཐེབས་ཀྱང་ཁྱོད་ཀྱིས་དེར་ཚོད་དཔོག་བྱེད་མི་ཐུབ། ཆག་སྒོ་ཁྱོད་སྟེང་འབྱུང་ཡང་ཁྱོད་ཀྱིས་སེལ་མི་ནུས། བར་ཆད་གློ་བུར་བ་ཁྱོད་སྟེང་འབབ་ཀྱང་ཁྱོད་ཀྱིས་མི་རྟོགས་སོ། །  
\v 12 ཁྱོད་ཀྱིས་གཞོན་དུས་སུ་དཀའ་ལས་ངང་སྦྱངས་པའི་ངན་སྔགས་དང་སྒྱུ་འཕྲུལ་སྣ་ཚོགས་མུ་མཐུད་དུ་སྤྱོད་ཅིག དེས་ཁྱོད་ལ་ཕན་ཐོགས་ཀྱང་སྲིད། ཡང་ན་ཁྱོད་ཀྱིས་མི་རྣམས་སྐྲག་ཏུ་འཇུག་ནུས་ཀྱང་སྲིད།  
\v 13 ཁྱོད་རང་གི་མང་དྲགས་པའི་གྲོས་བསྡུར་ལ་ཐང་ཆད་ངེས། ད་ལྟ་གཟའ་སྐར་ལ་དཔྱད་མཁན་དང་སྐར་རྩིས་པ་དང་། ཟླ་གསར་ལ་བལྟས་ཏེ་ལུང་སྟོན་མཁན་རྣམས་ཡར་ལངས་ཏེ། ཁྱོད་སྟེང་འབྱུང་བའི་དོན་དེ་ལས་སྐྱོབ་ཏུ་ཆུག   
\p
\v 14 ལྟོས་ཤིག ཁོ་ཚོ་སོག་མ་ལྟར་ཡིན་ཞིང་མེ་ཡིས་ཁྱུར་མིད་གཏོང་ངེས། ཁོ་ཚོས་རང་ཉིད་མེ་ལྕེའི་རྔམ་ཤུགས་ལས་སྐྱོབ་མི་ནུས། མེ་དེ་ནི་མེར་སྲོ་བའི་སོལ་བ་མིན་ལ། དེའི་མདུན་དུ་བསྡད་ཆོག་པའི་མེ་ཡང་མིན་ནོ། །  
\v 15 དེ་དང་དེ་བཞིན་དུ། ཁྱོད་ཀྱིས་དཀའ་ལས་མྱངས་པའི་དོན་རྣམས་ཁྱོད་ལ་ཕན་ཅི་ཡང་མི་ཐོགས་ཤིང་། གཞོན་པའི་དུས་སུ་ཁྱོད་ཀྱི་ཚོང་ཤག་ཡིན་པ་དག་ཀྱང་རང་སར་འགྲོ་ཞིང་། ཁོ་ཚོ་རང་རང་གི་ལམ་དུ་སོང་ནས་ཁྱོད་སྐྱོབ་མཁན་སུ་ཡང་མེད་དོ། །   
\c 48
\cl ལེའུ་ཞེ་བརྒྱད་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གི་དཔལ་གྱིས་ཡེས་ར་ཨེལ་ལེགས་ལམ་དུ་དྲངས་པ།  
\p
\v 1 ཀྱེ་ཡེས་ར་ཨེལ་ཞེས་འབོད་པའི་ཡ་ཀོབ་ཀྱི་ཁྱིམ་རྒྱུད། ཡ་ཧུ་དཱའི་ཆུ་རྒྱུན་ལས་བྱུང་བ་ \f + \ft འདིར་ཡ་ཧུ་དཱའི་ཆུ་རྒྱུན་ལས་བྱུང་བ་ཞེས་པ་ནི་ཡ་ཧུ་དཱའི་རྒྱུད་ལས་མཆེད་པ་ཞེས་པར་གོ་བ་ཡིན།\f*དང་། དཀོན་མཆོག་ཡ་ཝཱེའི་མཚན་གྱི་སྒོ་ནས་མནའ་བསྐྱལ་ནའང་བདེན་པ་དང་དྲང་པོ་མ་ཡིན། ཡེས་ར་ཨེལ་གྱི་དཀོན་མཆོག་གླེང་པ་ཁྱོད་རྣམས་ཀྱིས་གཏམ་འདི་ལ་ཉོན་ཅིག  
\v 2 ཁོ་ཚོས་རང་ཉིད་གྲོང་ཁྱེར་དམ་པའི་མི་རུ་བརྩི་ཞིང་། ཡང་ཡེས་ར་ཨེལ་གྱི་དཀོན་མཆོག་སྟེ། མཚན་ལ་དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ཞེས་པར་བརྟེན་པ་ཡིན།   
\p
\v 3 གཙོ་བོས་འདི་སྐད་དུ། སྔོན་གྱི་དོན་རྣམས་བདག་གིས་གནའ་བོའི་དུས་ནས་ལུང་བསྟན་པ་དང་། དེ་དག་ངའི་ཁ་ནས་ཐོན་ཅིང་མི་རྣམས་ལ་བསྒྲགས་ཡོད་དེ། བདག་གིས་གློ་བུར་ཉིད་ལ་བསྒྲུབས་ཤིང་གྲུབ་པ་ཡིན།  
\v 4 ཅི་ལ་ཞེ་ན། ཁྱོད་ནི་བློ་གྱོང་པོ་ཡིན་པ་དང་། ཁྱོད་ཀྱི་མཇིང་པའི་ཤ་རྒྱུས་ལྕགས་ལྟར་མཁྲེགས་ཤིང་། ཁྱོད་ཀྱི་ཡ་ཐོད་ར་གན་ཡིན་པ་ངས་སྔར་ནས་ཤེས།  
\v 5 ཁྱོད་ཀྱིས་དོན་དེ་དག་ངའི་ལྷ་སྐུས་བསྒྲུབས་ཤིང་། ངའི་བརྐོས་སྐུ་དང་བླུགས་སྐུ་ཡིས་བསྒོས་པ་ཡིན་ཞེས་མི་གླེང་ཕྱིར། གནའ་བོའི་དུས་ནས་བདག་གིས་ཁྱོད་ལ་བཤད་དེ། དོན་མ་བྱུང་སྔོན་དུ་བདག་གིས་ཁྱོད་ལ་སྨྲས་སོ། །   
\p
\v 6 ཁྱོད་ཀྱིས་འདི་དག་ཐམས་ཅད་ཐོས་ཡོད་པས་ད་ནི་དེ་ཀུན་ལ་བསམ་བློ་ཐོངས་ཤིག ཁྱོད་ཀྱིས་དེ་བསྒྲག་པར་མི་བྱའམ། ད་ཕྱིན་ཆད་ངས་ཁྱོད་ལ་དོན་གསར་པ་སྟེ་ཁྱོད་ཀྱིས་མི་ཤེས་པའི་གསང་དོན་རྣམས་སྟོན་པར་བྱ།  
\v 7 ཁྱོད་ཀྱིས་ལྟོས་ཤིག དོན་འདི་དག་ངས་སྔ་མོ་ནས་རྟོགས་ཟིན་ཞེས་མི་བཤད་པའི་ཕྱིར། དོན་དེ་དག་སྔོན་ཆད་ནས་ཡོད་པ་མ་ཡིན་པར་ད་ལྟ་གསར་དུ་བཀོད་པ་ཡིན། དེ་རིང་ཉིན་མོའི་སྔོན་དུ་ཁྱོད་ཀྱིས་ཐོས་མྱོང་མེད།  
\v 8 ཁྱོད་ཀྱིས་ཐོས་མེད་ལ་རྟོགས་ཀྱང་མེད། སྔོན་ཆད་ཁྱོད་ཀྱི་རྣ་བ་ཕྱེས་མེད་པ་ཡིན། དེའི་རྒྱུ་མཚན་ནི་ཁྱོད་ཀྱིས་གཡོ་སྒྱུ་སྤྱོད་པ་ངས་སྔར་ནས་ཤེས་ཏེ། ཁྱོད་རང་མ་སྐྱེས་གོང་ནས་ཁྱོད་ལ་ངོ་ལོག་པ་ཞེས་ཐོགས་སོ། །   
\p
\v 9 ངའི་མིང་གི་ཕྱིར་དུ་ང་སྐབས་སུ་མི་ཁྲོ་ཞིང་། ངའི་མཚན་སྙན་གྱི་ཕྱིར་དུ་ངས་ཁྱོད་ལ་བཟོད་པ་བསྒོམས་ནས་ཁྱོད་རང་ཚར་གཅོད་མི་བྱའོ། །  
\v 10 ལྟོས་ཤིག ངས་ཁྱོད་རང་བཙོ་སྦྱང་བྱས་ཀྱང་དངུལ་བཙོ་སྦྱོང་བྱེད་པ་ལྟར་མ་ཡིན་ཞིང་། བདག་གིས་ཁྱོད་སྡུག་བསྔལ་གྱི་ཚ་ཐབ་ལས་བདམས་པ་ཡིན།  
\v 11 ང་རང་ཉིད་ཀྱི་ཆེད་དུ་ཡིན་ཏེ། ང་རང་ཉིད་ཀྱི་ཆེད་དུ་ངས་དེ་དག་བསྒྲུབ་ངེས་ཡིན། བདག་གི་མིང་ནི་བརྫབ་ག་ལ་རུང་། ངས་རང་ཉིད་ཀྱི་གཟི་བརྗིད་གཞན་ལ་སྟེར་བར་མི་བྱའོ། །   
\s1 དཀོན་མཆོག་གིས་ཡེས་ར་ཨེལ་བདམས་པ།  
\p
\v 12 ཀྱེ་ཡ་ཀོབ། བདག་གིས་བོས་པའི་ཡེས་ར་ཨེལ། བདག་ལ་ཉོན་དང་། བདག་ནི་དཀོན་མཆོག་ཡ་ཝཱེ་ཡིན་ཏེ། ཐོག་མ་ཡིན་ལ་མཐའ་མའང་ཡིན་ནོ། །  
\v 13 ངའི་ལག་པས་ས་གཞིའི་རྨང་གཞི་བཏིངས་པ་ཡིན་ལ། ངའི་ལག་གཡས་པས་ནམ་མཁའ་རྒྱ་བསྐྱེད་པ་ཡིན། ངས་དེ་དག་འབོད་དུས་དེ་དག་མཉམ་གཅིག་ཏུ་ཡར་འགྲེང་པ་ཡིན།  
\v 14 ཀྱེ་མི་སྡེ་རྣམས། ཁྱོད་ཅག་ཐམས་ཅད་ལྷན་ཅིག་ཏུ་འདུས་ནས་ཉོན་ཅིག དེ་དག་གི་ཁྲོད་ནས་དོན་འདི་ལུང་སྟོན་མཁན་སུ་ཞིག་ཡོད་དམ། དཀོན་མཆོག་ཡ་ཝཱེ་ནི་ཁོ་ལ་བྱམས་པས་ཁོང་གིས་ཉིད་ཀྱི་དགོངས་དོན་ཇི་བཞིན་དུ་པཱ་པེལ་ལོན་ལ་མཛད་ཅིང་། ཁོང་གི་ཕྱག་གིས་ཀལ་དི་པ་ལ་རྒོལ་བར་འགྱུར།  
\v 15 བདག་གིས་སྨྲས་ཤིང་ཡང་ཁོ་རང་བོས་ཏེ། བདག་གིས་ཁོ་ཁྲིད་འོངས་པ་ཡིན་པས། ཁོས་སྤྱོད་པ་ཐམས་ཅད་འགྲུབ་པར་འགྱུར།  
\v 16 ཁྱོད་རྣམས་བདག་གི་ཉེ་སར་ཡོང་ནས་གཏམ་འདི་ལ་ཉོན་ཅིག ཐོག་མ་ཉིད་ནས་ངས་གསང་བའི་གཏམ་སྨྲས་མེད། དོན་འདི་འབྱུང་བའི་དུས་ནས་བཟུང་ང་རང་དེ་རུ་ཡོད་ཅེས་པའོ། །ད་ལྟ་གཙོ་བོ་ཡ་ཝཱེས་ང་དང་ཁོང་གི་ཐུགས་ཉིད་མངགས་པ་ཡིན་ནོ། །   
\p
\v 17 ཁྱོད་སྐྱོབ་མཁན་དཀོན་མཆོག་ཡ་ཝཱེ་སྟེ། ཡེས་ར་ཨེལ་གྱི་དམ་པ་ཉིད་ཀྱིས་འདི་སྐད་དུ། བདག་ནི་ཁྱོད་ཀྱི་དཀོན་མཆོག་ཡ་ཝཱེ་སྟེ། ཁྱོད་ལ་ཕན་ཐོགས་པའི་བསླབ་བྱ་གནང་མཁན་དང་། ཁྱོད་ལ་འགྲོ་དགོས་པའི་ལམ་སྟོན་མཁན་གྱི་དཀོན་མཆོག་ཡིན།  
\v 18 ཁྱོད་ཀྱིས་བདག་གི་བཀའ་ལ་མཉན་པར་གྱུར་ཅིག དེ་ལྟར་ཁྱོད་ཀྱི་ཞི་བདེ་ནི་གཙང་པོ་བཞུར་བ་དང་འདྲ་ལ། ཁྱོད་ཀྱི་དྲང་བདེན་ནི་རྒྱ་མཚོའི་རྦ་རླབས་འཕྱུར་བ་དང་མཚུངས།  
\v 19 ཁྱོད་ཀྱི་བུ་རྒྱུད་རྒྱ་མཚོའི་བྱེ་མ་བཞིན་མང་ལ། ཁྱོད་ཀྱི་མངལ་དུ་ཆགས་པའི་བུ་རབས་ཚ་རྒྱུད་བྱེ་རྡུལ་ཇི་བཞིན་མོད། ཁོ་ཚོའི་མིང་ནི་བདག་དྲུང་སྟོངས་ཤིང་མེད་པར་མི་འགྱུར་རོ་ཞེས་གསུངས་སོ། །  
\v 20 ཁྱོད་རྣམས་པཱ་པེལ་ལོན་ནས་ཕྱིར་ཤོག་དང་། ཀལ་དི་པའི་ཡུལ་ནས་བྱོལ་ཅིག ཁྱོད་རྣམས་ཀྱིས་དགའ་སྤྲོའི་འབོད་སྒྲ་དང་བཅས་སྒྲོགས་ཤིག དོན་དེ་མི་རྣམས་ལ་ཤོད། དཀོན་མཆོག་ཡ་ཝཱེས་ཁོང་གི་ཞབས་ཕྱི་ཡ་ཀོབ་བསྐྱབས་སོ་ཞེས་ས་མཐའི་བར་དུ་ཁྱོད་རྣམས་ཀྱིས་དོན་དེ་སྒྲོགས་ཤིག  
\v 21 དཀོན་མཆོག་ཡ་ཝཱེས་དེ་དག་དབེན་སྟོང་ཡུལ་ནས་ཁྲིད་དུས་དེ་ཚོ་སྐོམ་གདུང་གིས་མ་མནར། ཁོང་གིས་དེ་དག་གི་དོན་དུ་བྲག་གསེང་ནས་ཆུ་བཏོན་པ་རེད། ཁོང་གིས་བྲག་གཏོར་ནས་ཆུ་བརྡོལ་དུ་བཅུག  
\v 22 དཀོན་མཆོག་ཡ་ཝཱེས་འདི་སྐད་དུ། མི་ངན་ལ་ཞི་བདེ་མེད་ཅེས་གསུངས་སོ། །   
\c 49
\cl ལེའུ་ཞེ་དགུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གི་ཞབས་ཕྱི།  
\p
\v 1 ཀྱེ་མཚོ་གླིང་རྣམས། ཁྱོད་ཚོས་བདག་ལ་ཉོན་དང་། རྒྱང་རིང་གི་མི་རིགས་ཀུན་གྱིས་རྣ་བ་བླགས་ནས་ཉོན་ཅིག ང་རང་མངལ་ནས་ཡོད་དུས་སུ་དཀོན་མཆོག་ཡ་ཝཱེས་ང་ལ་ཞལ་འབོད་གནང་ཞིང་། ང་རང་མ་ཡི་ཁོག་ནས་སྐྱེས་དུས་སུ་ཁོང་གིས་ངའི་མིང་ནས་བོས།  
\v 2 ཁོང་གིས་ངའི་ཁ་ལྕེ་རྣོན་པོ་གྲི་ལྟར་མཛད་ཅིང་། ཁོང་གི་ཕྱག་འོག་ཏུ་ང་རང་སྦས། ཡང་ཁོང་གིས་ང་ནི་མདའ་རྣོན་པོ་བཞིན་མཛད་དེ། ང་རང་ཁོང་གི་མདའ་དོང་ནང་དུ་སྦས།  
\v 3 ཁོང་གིས་ང་ལ་འདི་སྐད་དུ། ཁྱོད་ནི་ངའི་ཞབས་ཕྱི་ཡེས་ར་ཨེལ་ཡིན་ཏེ། བདག་ལ་ཁྱོད་བརྒྱུད་ནས་གཟི་བརྗིད་འཐོབ་པར་འགྱུར་ཞེས་གསུངས།  
\v 4 ཡིན་ཡང་ངས་ལན་དུ། ངས་དཀའ་ལས་མྱངས་པ་དོན་མེད་ཡིན། ངའི་སྟོབས་ཤུགས་ཟད་པ་ནི་སྟོང་བ་ཉིད་དང་མི་རྟག་པའོ། །ཡིན་ཡང་ང་ལ་འཐོབ་འོས་པའི་བདེན་ལུགས་དཀོན་མཆོག་ཡ་ཝཱེའི་དྲུང་དུ་ཡོད། ངའི་རྔན་པ་ནི་ངའི་དཀོན་མཆོག་དང་ལྷན་དུ་ཡོད་ཅེས་ཞུས་སོ། །   
\p
\v 5 ཡ་ཀོབ་ཕྱིར་འཁོར་ཏེ་ཁོང་ལ་གཏོགས་པ་དང་། ཡེས་ར་ཨེལ་ཁོང་གི་དྲུང་དུ་བསྡུ་བའི་ཕྱིར། ང་རང་མངལ་དུ་ཡོད་དུས་ཁོང་གིས་ང་ནི་ཉིད་ཀྱི་ཞབས་ཕྱི་རུ་བཀོད་ཅིང་། དཀོན་མཆོག་ཡ་ཝཱེའི་སྤྱན་སྔར་ང་རང་གལ་ཆེན་པོ་ཡིན་ལ། ངའི་དཀོན་མཆོག་ནི་ངའི་སྟོབས་ཤུགས་ལགས།  
\v 6 ད་ལྟ་དཀོན་མཆོག་ཡ་ཝཱེས་འདི་སྐད་དུ། ཁྱོད་རང་བདག་གི་ཞབས་ཕྱི་བྱས་ནས་ཡ་ཀོབ་ཀྱི་ཚོ་པ་རྣམས་ཡང་བསྐྱར་དར་ཞིང་། ཡེས་ར་ཨེལ་ནང་གི་ལྷག་ལུས་རྣམས་ཕྱིར་འཁྲིད་འོང་བ་ནི་དོན་ཆུང་ངུ་ཙམ་ཡིན། བདག་གིས་ཁྱོད་ནི་མི་སྡེ་ཀུན་གྱི་འོད་དུ་བྱེད་པ་དང་། བདག་གི་ཐར་ལམ་ས་མཐར་བསྐྱལ་བར་བྱའོ་ཞེས་གསུངས་སོ། །  
\v 7 ཡེས་ར་ཨེལ་གྱི་གཙོ་བོ་སྐྱབས་མགོན། ཡེས་ར་ཨེལ་གྱི་དམ་པ་ཉིད་དེ་དཀོན་མཆོག་ཡ་ཝཱེས་མི་ཡི་མཐོང་ཆུང་མྱོང་མཁན། རང་རྒྱལ་སྡང་བ། དབང་སྒྱུར་པས་བྲན་དུ་བཀོལ་བའི་མི་བཅས་ལ་འདི་སྐད་དུ། རྒྱལ་པོ་རྣམས་ཀྱིས་མཐོང་ན་ཡར་འགྲེང་ཞིང་། འགོ་དཔོན་རྣམས་ཀྱིས་མཐོང་ཡང་ཕྱག་འཚལ་ངེས། ཐམས་ཅད་བློ་གཏོད་རུང་བའི་དཀོན་མཆོག་ཡ་ཝཱེ་སྟེ། ཁྱོད་རང་འདེམས་མཁན་ཡེས་ར་ཨེལ་གྱི་དམ་པ་ཉིད་ཀྱི་རྐྱེན་གྱིས་སོ། །   
\p
\v 8 དཀོན་མཆོག་ཡ་ཝཱེས་འདི་སྐད་དུ། ཐུགས་དགྱེས་དུས་ངས་ཁྱོད་ལ་ཨ་ལན་སྤྲད། སྐྱོབ་པའི་ཉིན་མོར་ངས་ཁྱོད་ལ་གྲོགས་ཀྱང་མཛད། འབངས་རྣམས་ཀྱི་བར་མི་བྱ་ཕྱིར་ངས་ཁྱོད་བསྲུང་ཞིང་། ཡུལ་དེ་ཡང་བསྐྱར་དར་བར་བྱས་ཏེ། སྟོངས་པའི་ས་ནི་མི་རྣམས་ལ་ནོར་སྐལ་དུ་གནང་བར་བྱའོ། །  
\v 9 བཙོན་པ་རྣམས་ལ་ཕྱི་རུ་ཤོག་ཅེས་དང་། མུན་ནག་ནང་དུ་གནས་པ་རྣམས་ལ་ཕྱིར་མངོན་ཤོག་ཅེས་བརྗོད་ཅིང་། ལམ་བར་དུ་དེ་ཚོས་བཟའ་བཏུང་རྙེད་ཅིང་། སྐྱ་ཐེར་ཐེར་གྱི་མཐོ་ས་རྣམས་དེ་ཚོར་སྤང་ཐང་དུ་འགྱུར་ངེས་ཡིན།  
\v 10 ཁོ་ཚོ་བཀྲེས་ཤིང་སྐོམ་པར་མི་འགྱུར་ལ། ཚ་བས་བསྲེག་ཅིང་ཉི་མས་འཚེ་མི་འགྱུར། ཅི་ལ་ཞེ་ན། ཁོ་ཚོ་བྱམས་བརྩེས་སྐྱོང་མཁན་གྱིས་དེ་དག་འཁྲིད་ཅིང་། ཆུ་མིག་དག་གི་འགྲམ་དུ་ལམ་སྣ་འདྲེན་ནོ། །  
\v 11 བདག་གིས་རང་གི་རི་བོ་ཀུན་ལམ་ཆེན་དུ་བཟོ་ཞིང་། ངའི་གཞུང་ལམ་རྣམས་ཀྱང་བསྙམ་པར་བྱེད།  
\v 12 ལྟོས་ཤིག མི་ལ་ལ་རྒྱང་རིང་ནས་འོང་ཞིང་། ལ་ལ་བྱང་ཕྱོགས་དང་ནུབ་ཕྱོགས་ནས་འོང་ལ། ལ་ལ་སི་ནེན་ཡུལ་ནས་སླེབ་པར་འགྱུར་རོ། །  
\v 13 ཀྱེ་ནམ་མཁའི་ཚོགས་ཁྱོད་རྣམས་ཀྱིས་དགའ་འབོད་བྱོས་དང་། ཀྱེ་ས་གཞི་ཁྱོད་དགའ་བར་གྱིས་ཤིག ཀྱེ་རི་བོའི་ཚོགས། ཁྱོད་རྣམས་ཀྱིས་སྐད་བཏོན་ཏེ་དགའ་འབོད་གྱིས་ཤིག ཅིའི་ཕྱིར་ཞེ་ན། དཀོན་མཆོག་ཡ་ཝཱེས་ཁོང་གི་མི་སྡེ་ལ་སེམས་གསོ་གནང་ནས་ཉིད་ཀྱི་སྐྱོ་བོ་རྣམས་ལ་སྙིང་རྗེ་དགོངས་སོ། །  
\v 14 དེ་ལྟར་ལགས་ཀྱང་ཛ་ཡན་ན་རེ། དཀོན་མཆོག་ཡ་ཝཱེས་ང་སྤངས་ཤིང་། བདག་གི་གཙོ་བོས་ང་བརྗེད་སོང་ཞེས་སྨྲས་སོ། །   
\p
\v 15 བུད་མེད་ཅིག་གིས་རང་གི་ནུ་མ་ནུ་བའི་ཕྲུ་གུ་བརྗེད་པ་དང་། རང་གི་མངལ་སྐྱེས་བུ་ལ་བརྩེ་བར་མི་བྱའམ། དེ་ཚོས་བརྗེད་སྲིད་ཀྱང་བདག་གིས་ཁྱོད་རང་བརྗེད་པར་མི་འགྱུར་རོ། །  
\v 16 ལྟོས་ཤིག ངས་ཁྱོད་རང་བདག་གི་ལག་མཐིལ་ལ་བརྐོས་ཏེ། ཁྱོད་ཀྱི་ལྕགས་རི་རྣམས་དུས་རྟག་པར་བདག་གི་མདུན་དུ་ཡོད།  
\v 17 ཁྱོད་ཡང་བསྐྱར་འཛུགས་མཁན་མྱུར་དུ་འོང་ཞིང་། ཁྱོད་རང་མེད་པར་གཏོང་མཁན་དང་སྟོངས་སུ་འཇུག་མཁན་རྣམས་ཁྱོད་དང་རིང་དུ་འབྲལ་བར་འགྱུར།  
\v 18 ཁྱོད་ཀྱིས་མིག་ཡར་བཏེགས་ནས་ཕྱོགས་བཞིར་ལྟོས་དང་། དེ་དག་ཐམས་ཅད་ལྷན་ཅིག་ཏུ་ཁྱོད་ཀྱི་ཕྱོགས་སུ་འོང་བཞིན་འདུག དཀོན་མཆོག་ཡ་ཝཱེས་འདི་སྐད་དུ། བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་སྟེ། རྒྱན་ཆ་འདོགས་པ་ཇི་བཞིན་ཁྱོད་ཀྱིས་དེ་རྣམས་འདོགས་ཤིང་། བག་གསར་གྱིས་སྐ་རགས་འཆིང་པ་བཞིན། ཁྱོད་ཀྱིས་དེ་དག་བཅིང་བར་འགྱུར།   
\p
\v 19 ཁྱོད་ཀྱི་སྟོངས་ཤིང་དབེན་པའི་ཡུལ་རྣམས་དང་། རྡུལ་དུ་བརླགས་པའི་ས་ཆ་རྣམས་ཁྱོད་ཀྱི་ཡུལ་མི་རྣམས་ལ་ཆུང་དྲགས་པས། ཁྱོད་རང་ཁྱུར་མིད་གཏོང་མཁན་རྣམས་ཀྱང་ཁྱོད་དང་རིང་དུ་གྱེས་པར་འགྱུར།  
\v 20 ཡང་ཁྱོད་མྱ་ངན་གྱིས་མནར་བའི་རྗེས་སུ་སྐྱེས་པའི་བུ་རྒྱུད་ཀྱིས་ཁྱོད་ཀྱི་རྣ་བར། ཡུལ་འདི་ང་ལ་ཆུང་དྲགས་པས། ང་སྡོད་སའི་ས་ཞིག་སྦྱིན་རོགས་ཞེས་ཞུ་ངེས།  
\v 21 དུས་དེར་ཁྱོད་ཀྱིས་སེམས་སུ་ན་རེ། ང་ནི་བུ་ཚེ་ལས་འདས་ཤིང་མོ་གཤམ་དུ་ལུས། ང་རང་ཡུལ་བྱོལ་བཏང་ནས་ཕྱི་རུ་སྤྱུགས་པ་ཡིན་པས། སུ་ཞིག་གིས་ངའི་ཕྱིར་ཕྲུ་གུ་འདི་དག་བཙས་ཤིང་། སུས་ཕྲུ་གུ་འདི་དག་སྐྱོང་བར་མཛད་དམ། ལྟོས་ཤིག ང་རང་གཅིག་པུ་དོར་བས་ན། ཕྲུ་གུ་འདི་དག་གང་ནས་ཡོང་ངམ་ཞེས་བརྗོད་ངེས།   
\p
\v 22 གཙོ་བོ་ཡ་ཝཱེས་འདི་སྐད་དུ། ལྟོས་ཤིག བདག་གིས་མི་རིགས་ཀུན་ལ་རང་གི་ལག་ཟུང་བཏེགས་ཏེ། མི་རྣམས་ལ་ངའི་དར་ཆ་བསྒྲེང་བར་བྱ། དེ་ནས་ཁོ་ཚོས་ཁྱོད་ཀྱི་བུ་རྣམས་པང་དུ་བཟུང་ནས་འོང་ཞིང་། ཁྱོད་ཀྱི་བུ་མོ་རྣམས་ཕྲག་ལ་ཁུར་ནས་འོང་།  
\v 23 རྒྱལ་པོ་རྣམས་ཁྱོད་ཀྱི་ཕ་གཡར་དང་། དེ་དག་གི་རྒྱལ་མོ་རྣམས་ཁྱོད་རང་བདག་སྐྱོང་བྱེད་པའི་མ་མ་རུ་གྱུར་ཏེ། དེ་དག་གིས་གདོང་སར་བཏུད་ནས་ཁྱོད་ལ་ཕྱག་འཚལ་ཞིང་། ཁྱོད་ཀྱི་རྐང་པའི་སྟེང་གི་རྡུལ་ལྡག་པར་བྱའོ། །དེ་ནས་ཁྱོད་ཀྱིས་བདག་ནི་ཡ་ཝཱེ་ཡིན་པ་རྟོགས་ཤིང་། བདག་ལ་སྒུག་མཁན་རྣམས་ངོ་ཚ་བར་ཡེ་མི་འགྱུར་རོ། །   
\p
\v 24 དེ་ཡང་བཅོམ་པར་གྱུར་པ་དཔའ་བོའི་ལག་ནས་ཅི་ལྟར་ལེན་ནམ། བཙོན་པ་རྣམས་གདུག་རྩུབ་ཅན་གྱི་ལག་ནས་ཅི་ལྟར་སྐྱོབ་བམ།  
\v 25 ཡིན་ཡང་དཀོན་མཆོག་ཡ་ཝཱེས་འདི་སྐད་དུ། དཔའ་བོས་བཙོན་དུ་ཁྲིད་པ་ཕྱིར་འཕྲོག་ཅིང་། གདུག་རྩུབ་ཅན་གྱིས་བཅོམ་པ་ཕྱིར་སྐྱོབ་པར་འགྱུར། ཁྱོད་དང་རྩོད་མཁན་ལ་ངས་ཀྱང་དེ་དང་རྩོད་ཅིང་། ཁྱོད་ཀྱི་བུ་ཕྲུག་རྣམས་ངས་སྐྱོབ་པར་འགྱུར།  
\v 26 བདག་གིས་ཁྱོད་ཀྱི་གཉའ་ནས་གནོན་མཁན་རྣམས་ལ་རང་གི་ཤ་བཟའ་རུ་འཇུག་ཅིང་། དེ་ཚོ་རྒུན་ཆང་འཐུང་བ་བཞིན་དུ་རང་གི་ཁྲག་གིས་བཟི་བར་འགྱུར། དེ་ནས་མི་ཀུན་གྱིས་བདག་ནི་ཁྱོད་ཀྱི་སྐྱབས་མགོན་ཡ་ཝཱེ་སྟེ། ཁྱོད་སྐྱོབ་མཁན་དང་ཡ་ཀོབ་ཀྱི་མཐུ་བོ་ཆེ་དེ་ཡིན་པ་ཤེས་པར་འགྱུར་ཞེས་གསུངས་སོ། །   
\c 50
\cl ལེའུ་ལྔ་བཅུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེས་ར་ཨེལ་གྱི་སྡིག་པ་དང་ཞབས་ཕྱིའི་བཀུར་སྟི།  
\p
\v 1 དཀོན་མཆོག་ཡ་ཝཱེས་འདི་སྐད་དུ། ངས་ཁྱོད་རྣམས་ཀྱི་མ་དོར་བས་འཐོར་ཡིག་གང་དུ་ཡོད་དམ། ཡང་ན་བདག་གིས་རང་གི་བུན་བདག་སུ་ལ་ཁྱོད་རྣམས་བཙོངས་པ་ཡིན་ནམ། ལྟོས་ཤིག ཁྱོད་རྣམས་ཀྱི་སྡིག་པའི་རྐྱེན་གྱིས་ཁྱོད་ཅག་བཙོངས་པ་ཡིན་ལ། ཁྱོད་རྣམས་ཀྱི་ཉེས་པའི་དབང་གིས་ཁྱོད་ཅག་གི་མ་ཡང་དོར་བ་ཡིན།  
\v 2 བདག་སླེབས་དུས་མི་སུ་ཡང་མེད་པ་ཅི་ཡིན་ནམ། བདག་གིས་འབོད་ཚེ་ལན་སྟེར་མཁན་མེད་པ་ཅི། བདག་གི་ལག་པར་ནུས་པ་མེད་པས་བླུ་མ་ཐུབ་པ་ཡིན་ནམ། ཡང་ན་བདག་ལ་སྐྱོབ་པའི་མཐུ་སྟོབས་མེད་པ་ཡིན། ལྟོས་ཤིག ངས་གཤེ་གཤེ་བཏང་བས་རྒྱ་མཚོ་སྐམ་ཞིང་། གཙང་པོ་རྣམས་དབེན་སྟོང་དུ་བསྒྱུར། ཉ་རྣམས་ལ་ཆུ་མེད་པས་དྲི་ངན་འཐུལ་ཞིང་སྐོམ་པས་འཆིའོ། །  
\v 3 ངས་ནམ་མཁའ་མུན་ནག་ལ་གཡོག་ཏུ་འཇུག་ཅིང་། དེ་དག་རྩིད་རས་ཀྱིས་འགེབས་པར་བྱའོ་ཞེས་གསུངས་སོ། །   
\p
\v 4 ངས་ཉམ་ཐག་རྣམས་ལ་གཏམ་གླེང་ནས་ཇི་ལྟར་སྐྱོང་བ་རྟོགས་པའི་ཆེད་དུ་གཙོ་བོ་ཡ་ཝཱེས་བསླབ་བྱ་ལེན་པའི་ལྗགས་ལྕེ་ང་ལ་གནང་ཞིང་། ཁོང་གིས་ཞོགས་པ་རེ་རེར་ང་གཉིད་ལས་བསླངས་ཏེ། བསླབ་བྱ་ལེན་པའི་སྐྱེས་བུ་བཞིན་ངའི་རྣ་བ་སྤྱང་པོར་མཛད་ཡོད།  
\v 5 གཙོ་བོ་ཡ་ཝཱེས་ངའི་རྣ་བ་ཕྱེས་པས་ངས་རྒྱབ་འགལ་མ་བྱས་ལ། འགོག་རྒོལ་ཡང་མ་བྱས་སོ། །  
\v 6 རྡུང་རྡེག་གཏོང་མཁན་ལ་ངས་རང་གི་རྒྱབ་དང་། ཨག་ཚོམ་འཐེན་མཁན་ལ་རང་ཉིད་ཀྱི་མཁུར་ཚོས་གཏད་པ་ཡིན། འཕྱ་སྨོད་བྱེད་མཁན་དང་མཆིལ་མ་འདེབས་མཁན་ལ་ངས་རང་གི་ངོ་གདོང་མ་སྦས་སོ། །   
\p
\v 7 ཅིའི་ཕྱིར་ཞེ་ན། གཙོ་བོ་ཡ་ཝཱེས་ང་ལ་མགོན་སྐྱབས་མཛད་པས་བདག་ངོ་ཚ་བར་མི་འགྱུར་ཞིང་། དེ་བས་ངས་རང་གི་ངོ་གདོང་མེ་རྡོ་ལྟར་བཀོད་དེ། ང་ཁ་སྐྱེངས་པར་མི་འགྱུར་བ་ངས་ཤེས་ཡོད།  
\v 8 ང་ལ་དག་འབུད་མཛད་མཁན་ཁོང་ཉིད་བདག་གི་ཉེ་སར་ཡོད་པས། ང་ལ་ཐུབ་ཚོད་བྱེད་མཁན་སུ་ཞིག་མཆིས། རང་ཅག་མཉམ་དུ་ཡར་ལང་བར་བྱ། ངའི་ཉེ་སར་ཤོག་དང་། ང་ལ་སྐྱོན་འདོན་མཁན་སུ་ཡོད།  
\v 9 ལྟོས་དང་། གཙོ་བོ་ཡ་ཝཱེས་ང་ལ་མགོན་སྐྱབས་མཛད་པས། སུས་ང་ལ་ཉེས་པ་འཛུགས་ནུས་སམ། ལྟོས་དང་། དེ་དག་ཐམས་ཅད་གོས་རྙིང་ལྟར་གྱུར་ནས་མུག་པས་བཟའ་བར་འགྱུར་རོ། །   
\p
\v 10 ཁྱོད་ཅག་གི་ཁྲོད་དུ་དཀོན་མཆོག་ཡ་ཝཱེར་གུས་ཤིང་འཇིགས་པ་དང་། ཁོང་གི་ཞབས་ཕྱིའི་ངག་ལ་ཉན་མཁན་སུ་ཡོད་དམ། འོད་ཟེར་མེད་པའི་མུན་ནག་ནང་དུ་བགྲོད་མཁན་སུ་ཡོད་དམ། དེས་དཀོན་མཆོག་ཡ་ཝཱེའི་མཚན་ལ་དད་ཅིང་། རང་གི་དཀོན་མཆོག་ལ་བརྟེན་པར་འོས།  
\v 11 ལྟོས་ཤིག རང་གི་ཆེད་དུ་མེ་སྦར་ནས་དཔལ་འབར་གྱིས་རང་ཉིད་སྐོར་མཁན་ཁྱོད་རྣམས་སོ་སོའི་མེ་ཡི་འོད་དང་རང་གིས་སྦར་བའི་དཔལ་འབར་ཁྲོད་དུ་སྐྱོད་ཅིག དེ་ནི་བདག་གི་ལག་ནས་ཁྱོད་ཅག་ལ་ཐོབ་པར་འདོད་པ་ཡིན་ཏེ། ཁྱོད་རྣམས་སྡུག་བསྔལ་ནང་དུ་ལོག་ནས་སྡོད་པར་འགྱུར་རོ། །   
\c 51
\cl ལེའུ་ང་གཅིག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ཡ་ཝཱེས་ཛ་ཡན་ལ་སེམས་གསོ་མཛད་པ།  
\p
\v 1 དྲང་བདེན་བརྩོན་ཞིང་དཀོན་མཆོག་ཡ་ཝཱེ་འཚོལ་མཁན་དག་གིས་བདག་ལ་ཉོན་དང་། ཁྱོད་རྣམས་ཀྱིས་བྲག་རྡོ་དེ་ལ་ལྟོས་དང་། ཁྱོད་རྣམས་དེ་ལས་བརྐོས་པ་ཡིན། ཁྱོད་རྣམས་ཀྱིས་རྡོ་འདོན་པའི་ཁུངས་དེ་ལ་ལྟོས་ཤིག ཁྱོད་རྣམས་དེ་ལས་ཐོན་པའོ། །  
\v 2 ཁྱོད་རྣམས་ཀྱིས་རང་གི་མེས་པོ་ཨབ་ར་ཧམ་དང་ཁྱོད་རང་བཙའ་མཁན་སཱ་ར་ལ་ལྟོས་དང་། ཨབ་ར་ཧམ་གཅིག་པུ་ཡིན་དུས་ངས་ཁོ་རང་བོས་པ་དང་། ཁོ་ལ་བྱིན་རླབས་གནང་ནས་བུ་རྒྱུད་མང་དུ་འཕེལ་བར་བཅུག  
\v 3 དཀོན་མཆོག་ཡ་ཝཱེས་ཛ་ཡན་ལ་སེམས་གསོ་མཛད་པ་དང་། དེའི་ཞིག་རོ་རྣམས་གསོས་ཤིང་། དབེན་སྟོང་རྣམས་ཨེ་དེན་ལྡུམ་ར་ལྟ་བུར་བསྒྱུར་ལ། དེའི་མྱ་ངམ་ཐང་རྣམས་དཀོན་མཆོག་ཡ་ཝཱེའི་སྐྱེད་ཚལ་ལྟར་མཛད། གནས་དེར་དགའ་སྤྲོ་དང་སྐྱིད་སྣང་། གཏང་རག་དང་གླུ་སྐད་ཀྱིས་ཁྱབ་པར་འགྱུར་རོ། །   
\p
\v 4 ཀྱེ་བདག་གི་མི་སྡེ། གཟབ་གཟབ་བྱས་ནས་ཉོན་དང་། ཀྱེ་བདག་གི་མི་རིགས། བདག་ལ་རྣ་བ་གཏོད་དང་། བདག་ནས་བཀའ་སློབ་ཅིག་འབྱུང་ཞིང་དེ་ནས་བདག་གི་དྲང་གཞག་ནི་གློ་བུར་ཉིད་ལ་མི་རྣམས་ཀྱི་འོད་སྣང་དུ་འགྱུར།  
\v 5 བདག་གི་དྲང་བདེན་ཉེ་བར་སླེབས་ཤིང་། བདག་གི་ཐར་པ་ལམ་དུ་ཆས་ཟིན། ངའི་དཔུང་པས་མི་སྡེ་ཀུན་ལ་ཉེས་ཁྲིམས་གཅོད་ཅིང་། གླིང་ཕྲན་སྟེང་གི་མི་ཡིས་བདག་གི་རེ་བར་སྒུག་པ་དང་། ཁོ་ཚོས་བདག་གི་དཔུང་པར་སྒུག་ཡོད།  
\v 6 ཁྱོད་ཅག་གི་མིག་ཟུང་ནམ་མཁར་གཏོད་ལ། མར་ས་ལའང་ལྟོས་ཤིག ནམ་མཁའི་དབྱིངས་རྣམས་དུ་བ་ལྟར་ཡལ་ཞིང་། ས་གཞི་ནི་གྱོན་གོས་ལྟར་རལ་ངེས་ཡིན། དེའི་སྟེང་གི་ཡུལ་མི་རྣམས་ཀྱང་དུག་སྦྲང་ལྟར་འཆི་ངེས་ཡིན་མོད། འོན་ཀྱང་བདག་གི་ཐར་པ་གཏན་དུ་གནས་ཤིང་། བདག་གི་དྲང་བདེན་ནམ་ཡང་འཇིག་པར་མི་འགྱུར་རོ། །   
\p
\v 7 སེམས་སུ་བདག་གི་བཀའ་ཁྲིམས་གནས་ཤིང་དྲང་བདེན་ངོས་ཟིན་མཁན་རྣམས་ཀྱིས་བདག་ལ་ཉོན་དང་། མི་ཡི་སྐྱོན་བརྗོད་ལ་མ་འཇིགས་ཤིག དེ་དག་གི་དམའ་འབེབས་ཕྱིར་མ་དངངས་ཤིག  
\v 8 ཅིའི་ཕྱིར་ཞེ་ན། མུག་པས་གོས་འཆའ་བ་ལྟར་དེ་དག་བཟའ་ཞིང་། འབུ་ཡིས་བལ་འཆའ་བ་བཞིན་དུ་ཁོ་རྣམས་བཟའ་བར་འགྱུར། འོན་ཀྱང་བདག་གི་དྲང་བདེན་ནི་གཏན་དུ་གནས་ཤིང་། བདག་གི་ཐར་པ་མི་རབས་ཀུན་ཏུ་གནས་སོ། །   
\p
\v 9 ཀྱེ་དཀོན་མཆོག་ཡ་ཝཱེའི་ཕྱག་ཁྱེད་སད་པར་མཛོད། སད་པར་མཛོད། མཐུ་སྟོབས་ཀྱི་ན་བཟའ་གསོལ་ཅིག སྔར་གྱི་ཉིན་མོ་དང་མཚུངས་པར། གནའ་བོའི་མི་རབས་བཞིན་སད་པར་མཛོད། ཁྱེད་ནི་ར་ཧབ་གཤགས་མཁན་དང་། མཚོ་འབྲུག་འབིགས་མཁན་དེ་མ་ཡིན་ནམ།  
\v 10 གཏིང་ཟབ་པའི་རྒྱ་མཚོའི་ཆུ་རྣམས་སྐམ་དུ་བཅུག་སྟེ། བླུས་པའི་མི་རྣམས་ཕ་རོལ་ཏུ་བགྲོད་པའི་སླད་དུ། རྒྱ་མཚོའི་གཏིང་དུ་ལམ་མཛད་མཁན་དེ་ཁྱེད་རང་མ་ཡིན་ནམ།  
\v 11 དཀོན་མཆོག་ཡ་ཝཱེས་བླུས་པའི་མི་རྣམས་ཕྱིར་ལོག་ཅིང་གླུ་ལེན་བཞིན་ཛ་ཡན་ལ་སླེབ་ངེས། མཐའ་མེད་པའི་དགའ་སྤྲོ་ནི་ཅོད་པན་བཞིན་དེ་དག་གི་སྟེང་དུ་འབབ་པ་དང་། དེ་དག་དགའ་ཞིང་སྤྲོ་བར་གྱུར་ནས་སྡུག་བསྔལ་དང་ཤུགས་རིང་མེད་པར་འགྱུར་རོ། །   
\p
\v 12 ང་རང་སྟེ་ཡ་ཝཱེ་བདག་ནི་ཁྱོད་ཅག་ལ་སེམས་གསོ་བྱེད་མཁན་ཡིན། འཆི་བ་ཡོད་པའི་མི་དང་། རྩྭ་དང་མཚུངས་པར་བཟོས་པའི་མི་བུ་རྣམས་ལ་སྐྲག་པ་ཁྱོད་སུ་ཡིན་ནམ།  
\v 13 ཁྱོད་རང་མཛད་མཁན་དཀོན་མཆོག་ཡ་ཝཱེ་ནི་ནམ་མཁའ་བཏིངས་ཤིང་། ས་གཞིའི་རྨང་རྡོ་འཛུགས་མཁན་དེ་ཡིན་པ་ཁྱོད་ཀྱིས་བརྗེད་ཟིན་ནམ། ཡང་ན་ཁྱོད་མེད་པར་གཏོང་མཁན་གྱི་དབང་ཤུགས་ཅན་ཚོའི་གཏུམ་སྤྱོད་ལ་ཁྱོད་རང་ཉིན་རྒྱུན་སྐྲག་པ་ཡིན་ནམ། དོན་དུ་གཏུམ་སྤྱོད་ཆེ་བའི་དབང་ཤུགས་ཅན་དག་གང་དུ་ཡོད།  
\v 14 བཙོན་དུ་ཁྲིད་པ་རྣམས་ནི་ཐར་ལ་ཉེ། དེ་དག་འཆི་བར་མི་འགྱུར་ཞིང་། གཤིན་ཡུལ་དུའང་མི་ལྷུང་སྟེ། དེ་དག་ལ་ཁ་ཟས་ཀྱང་དཀོན་པར་མི་འགྱུར་རོ། །  
\v 15 བདག་ནི་ཁྱོད་ཀྱི་དཀོན་མཆོག་ཡ་ཝཱེ་སྟེ་རྒྱ་མཚོ་དཀྲུགས་ནས་རྦ་རླབས་ཆལ་ཆིལ་གཡོ་བར་བྱེད་མཁན་ཡིན། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ཞེས་པ་ཁོའི་མིང་ཡིན་ནོ། །  
\v 16 ནམ་མཁའ་བཀོད་ཅིང་ས་གཞིའི་རྨང་འདིང་མཁན་བདག་གིས་ཁྱོད་ཀྱི་ཁ་ནང་ལ་ངའི་བཀའ་བཞག་ཅིང་། ངའི་ལག་པའི་འོག་ཏུ་ཁྱོད་བསྐུངས་ཏེ། ཛ་ཡན་ལ་ཁྱོད་ཅག་བདག་གི་མི་སྡེ་ཡིན་ཞེས་སྨྲ་བ་ཡིན།   
\p
\v 17 ཀྱེ་ཡེ་རུ་སཱ་ལེམ། སད་པར་གྱིས། སད་པར་གྱིས། ཡར་ལོངས་ཤིག ཁྱོད་ཀྱིས་དཀོན་མཆོག་ཡ་ཝཱེའི་ཕྱག་ནས་ཁོང་ཐུགས་ཁྲོས་པའི་ཕོར་བ་ནས་འཐུངས་པ་དང་། མི་འཁྱར་རེ་འཁྱོར་རེར་བསྒྱུར་བའི་ཆང་ཕོར་དེའི་ནང་གི་རྒུན་ཆང་འཐུངས་ཟིན།  
\v 18 མོ་ལ་སྐྱེས་པའི་བུ་ཐམས་ཅད་ལས་མོར་ལམ་ཁྲིད་མཁན་གཅིག་ཀྱང་མེད་ལ། མོས་བདག་སྐྱོང་མཛད་པའི་བུ་ཐམས་ཅད་ལས་ཀྱང་མོའི་ལག་པ་ནས་སྐྱོར་མཁན་གཅིག་ཀྱང་མེད།  
\v 19 ཚར་གཅོད་དང་གཏོར་བཤིག མུ་གེ་དང་རལ་གྲི་བཅས་ཀྱི་དོན་དེ་གཉིས་ཁྱོད་ལ་བྱུང་ཡང་། ཁྱོད་ཀྱི་དོན་དུ་སུས་སྙིང་རྗེ་བསྐྱེད་ཅིང་། ཁྱོད་ལ་སེམས་གསོ་བྱེད་ཐུབ་མཁན་སུ་ཡོད་དམ།  
\v 20 ཁྱོད་ཀྱི་བུ་རྣམས་དྲན་མེད་དུ་བརྒྱལ་ཞིང་། རྙི་ལ་ཚུད་པའི་གཙོད་བཞིན་དུ་སྲང་ལམ་དག་ནས་ཉལ། དེ་དག་གིས་དཀོན་མཆོག་ཡ་ཝཱེ་སྟེ་ཁྱོད་ཀྱི་དཀོན་མཆོག་གི་ཐུགས་ཁྲོ་དང་བཀའ་བཀྱོན་ཉམས་སུ་མྱངས་པའོ། །   
\p
\v 21 དེ་བས་ཆང་གིས་བཟི་ནས་འགྱེལ་བ་མ་ཡིན་པར་སྡུག་གིས་མནར་བ་ཁྱོད་ཀྱིས་གཏམ་འདིར་ཉོན་ཅིག  
\v 22 ཁྱོད་ཀྱི་གཙོ་བོ་ཡ་ཝཱེ་སྟེ། ཉིད་ཀྱི་མི་སྡེའི་ཕྱིར་དུ་དག་འབུད་མཛད་པའི་དཀོན་མཆོག་གིས་འདི་སྐད་དུ། བདག་གིས་མི་ཁྱར་ཁྱོར་བྱེད་པའི་རྒུན་ཆང་སྟེ། བདག་གི་ཁོང་ཁྲོ་དྲག་པོའི་ཆང་ཕོར་ཁྱོད་ཀྱི་ལག་ནས་བླངས་ཏེ། ཁྱོད་ཀྱིས་རྒུན་ཆང་དེ་བཏུང་བར་མི་བྱའོ། །  
\v 23 བདག་གིས་ཁྱོད་ལ་མནར་གཅོད་གཏོང་མཁན་རྣམས་ཀྱི་ལག་ཏུ་ཕོར་བ་དེ་འཇོག་ཅིང་། དེ་དག་གིས་ཁྱོད་ལ་ན་རེ། ཁྱོད་ཀྱི་ལུས་པོ་མར་བསྒུར་ནས་སར་ཉོལ་དང་། ང་ཚོ་ཁྱོད་ཀྱི་སྟེང་ནས་ཕར་འགྲོའོ་ཞེས་བརྗོད་པ་ལ། ཁྱོད་ཀྱིས་རང་གི་རྒྱབ་ས་གཞི་དང་སྲང་ལམ་དུ་བཏིངས་ནས། ཁོ་ཚོ་དེའི་སྟེང་ནས་འགྲོ་རུ་བཅུག་ཅེས་གསུངས་སོ། །   
\c 52
\cl ལེའུ་ང་གཉིས་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ཡ་ཝཱེའི་ཐར་པ་སླེབས་པ།  
\p
\v 1 ཀྱེ་ཛ་ཡན། སད་པར་གྱིས། སད་པར་གྱིས། རང་གི་སྟོབས་ཤུགས་ལུས་ལ་གྱོན་ཞིག ཀྱེ་གྲོང་ཁྱེར་དམ་པ་ཡེ་རུ་སཱ་ལེམ། ཁྱོད་ཀྱི་འཕྱོར་གོས་གྱོན་དང་། ཅིའི་ཕྱིར་ཞེ་ན། ད་ནི་མཚན་སྐྱི་བཅད་མེད་པ་དང་མི་གཙང་བ་གཅིག་ཀྱང་ཁྱོད་ཀྱི་ནང་དུ་འོང་བར་མི་བྱའོ། །  
\v 2 ཀྱེ་ཡེ་རུ་སཱ་ལེམ། ས་རྡུལ་སྤྲུགས་ནས་ཡར་ལངས་ཏེ་རང་སར་སྡོད་ཅིག ཀྱེ་བཙོན་དུ་ཡོད་པའི་ཛ་ཡན་གྱི་བུ་མོ། ཁྱོད་ཀྱི་སྐེ་ལ་བསྐོན་པའི་ལྕགས་ཐག་ལྷོད་ཅིག   
\p
\v 3 དཀོན་མཆོག་ཡ་ཝཱེས་འདི་སྐད་དུ། ཁྱོད་ཅག་རིན་ཅི་ཡང་མེད་པར་བཙོངས་པ་ལྟར། རིན་དངུལ་མེད་པར་བླུ་བར་འགྱུར་ཞེས་གསུངས།  
\v 4 གཙོ་བོ་ཡ་ཝཱེས་འདི་སྐད་དུ། བདག་གི་མི་སྡེ་ཐོག་མར་ཨེ་ཅིབ་ཡུལ་དུ་འཁྱམས་ཤིང་དེར་བྱེས་སུ་བསྡད་དེ། རྗེས་སུ་ཨ་སུར་པས་དོན་མེད་དུ་དེ་དག་ལ་གཉའ་གནོན་བྱས་པ་རེད།  
\v 5 དེ་བས་ད་ལྟ་བདག་གིས་འདི་ནས་ཅི་བྱེད་ཅེས་གསུངས་ཤིང་། ཡང་ཁོང་གིས་འདི་སྐད་དུ། བདག་གི་མི་རྣམས་རིན་ཅི་ཡང་མེད་པར་བཙོན་དུ་ཁྲིད། དེ་དག་དབང་དུ་སྒྱུར་མཁན་གྱིས་སྐད་ཆེན་པོས་ངར་སྐད་བསྒྲགས་ཞེས་གསུངས། ཡང་ཁོང་གིས་འདི་སྐད་དུ། བདག་གི་མིང་ལ་དུས་རྒྱུན་དུ་མཐོང་ཆུང་བྱས་སོ། །  
\v 6 དེའི་ཕྱིར་བདག་གི་མི་སྡེས་ངའི་མིང་རྟོགས་ཤིང་། ཉིན་དེར་དེ་བཞིན་བརྗོད་མཁན་བདག་ཡིན་པ་དེ་དག་གིས་ངོས་ཟིན་པར་འགྱུར། ལྟོས་དང་ང་ཡིན་ནོ་ཞེས་གསུངས་སོ། །   
\p
\v 7 འཕྲིན་བཟང་འཆད་ཅིང་ཞི་བདེ་སྒྲོག་མཁན་དང་། བདེ་སྐྱིད་ཀྱི་འཕྲིན་བཟང་འཆད་ཅིང་ཐར་པ་སྟོན་མཁན། ཡང་ཁྱོད་ཀྱི་དཀོན་མཆོག་རྒྱལ་པོར་བཞུགས་པ་ཡིན་ཞེས་ཛ་ཡན་ལ་སྒྲོག་མཁན་དེའི་རྐང་པ་ནི་རི་བོ་རྣམས་ཀྱི་སྟེང་དུ་ཇི་འདྲའི་མཛེས་ཨང་།  
\v 8 ཁྱོད་ཀྱི་སོ་པ་དག་གི་འབོད་སྒྲར་ཉོན་ཅིག ཁོ་ཚོས་སྐད་ཆེན་པོས་དགའ་སྤྲོའི་ཀི་ཅོ་མཉམ་དུ་སྒྲོག་སྟེ། ཅིའི་ཕྱིར་ཞེ་ན། དཀོན་མཆོག་ཡ་ཝཱེ་ཛ་ཡན་ལ་ཕྱིར་ཕེབས་དུས་ཁོ་ཚོས་དངོས་སུ་མཇལ་ངེས་ཡིན།  
\v 9 ཀྱེ་ཡེ་རུ་སཱ་ལེམ་གྱི་ཞིག་རལ་རྣམས། དགའ་སྤྲོའི་ཀི་སྒྲ་མཉམ་དུ་སྒྲོགས་དང་། ཅིའི་ཕྱིར་ཞེ་ན། དཀོན་མཆོག་ཡ་ཝཱེས་རང་གི་མི་སྡེ་ལ་སེམས་གསོ་མཛད་ཅིང་། ཁོང་གིས་ཡེ་རུ་སཱ་ལེམ་བསྐྱབས་པ་ཡིན།  
\v 10 རྒྱལ་ཕྲན་ཡོངས་ཀྱི་མིག་མདུན་དུ་དཀོན་མཆོག་ཡ་ཝཱེས་རང་གི་ཕྱག་ངར་དམ་པ་རྗེན་པར་ངོམ་ནས། ས་མཐའ་ཡོངས་ཀྱིས་ང་ཚོའི་དཀོན་མཆོག་གི་ཐར་པ་མཐོང་བར་འགྱུར་རོ། །   
\p
\v 11 ཆས་ཤིག ཆས་ཤིག ཁྱོད་རྣམས་གནས་དེ་ནས་ཕྱི་ལ་ཆས་ཤིག མི་གཙང་བ་རྣམས་ལ་མི་རེག་པར་ཕྱི་ལ་ཆས་ཤིག དཀོན་མཆོག་ཡ་ཝཱེའི་མཆོད་ཆས་འཁུར་མཁན་ཁྱོད་རྣམས་པཱ་པེལ་ལོན་གྲོང་ཁྱེར་ནས་ཕྱི་རུ་ཡོང་སྟེ་རང་ཉིད་གཙང་མར་གྱིས་ཤིག  
\v 12 ཁྱོད་རྣམས་བྲེལ་འཚུབ་ངང་ནས་ཕྱི་རུ་ཡོང་མི་དགོས་ལ། ཁྱོད་རྣམས་བྲོས་བྱོལ་ཚུལ་དུའང་འགྲོ་མི་དགོས། ཅི་ལ་ཞེ་ན། དཀོན་མཆོག་ཡ་ཝཱེ་ཁྱོད་ཀྱི་མདུན་ནས་ཕེབས་ཤིང་། ཡེས་ར་ཨེལ་གྱི་དཀོན་མཆོག་ཁྱོད་ཀྱི་རྒྱབ་རྟེན་ཡིན་ནོ། །   
\s1 ཁོང་གིས་བདག་ཅག་གི་སྡིག་ཉེས་བཤགས་པ།  
\p
\v 13 ལྟོས་དང་། བདག་གི་ཞབས་ཕྱིས་གང་སྤྱད་འགྲུབ་པ་དང་། \f + \ft འདིར་བདག་གི་ཞབས་ཕྱིས་གང་སྤྱད་འགྲུབ་པ་དང་ཞེས་པར་འགྱུར་ལ་ལར་བདག་གི་ཞབས་ཕྱི་ལ་ཤེས་རབ་ལྡན་ཞིང་ཞེས་མཐོང་།\f* ཁོ་ལ་བཀུར་སྟི་འཐོབ་ཅིང་མཐོ་བར་བཏེགས་ནས་རབ་ཏུ་འཕགས་པར་འགྱུར་ཞིང་།  
\v 14 དེའི་བྱད་བཞིན་ལ་རྨས་སྐྱོན་ཕོག་ནས་མི་དང་མི་འདྲ་ལ། ཆ་བྱད་བརླགས་ནས་འཇིག་རྟེན་པ་དང་མཚུངས་པ་མིན་པས། མི་མང་པོས་ཁོང་ལ་བལྟས་ནས་ངོ་མཚར་བར་འགྱུར།  
\v 15 ཁོང་གིས་རྒྱལ་ཕྲན་རྣམས་ངོ་མཚར་བར་བྱ་སྟེ། ཁོང་གི་རྐྱེན་གྱིས་རྒྱལ་པོ་རྣམས་ཀྱིས་ཁ་བཙུམ་པར་འགྱུར། ཅི་ལ་ཞེ་ན། དེ་དག་གིས་རང་ལ་བཤད་མེད་པ་རྣམས་མཐོང་ཞིང་། ཐོས་མྱོང་མེད་པ་རྣམས་ཀྱང་རྟོགས་པར་འགྱུར་བའོ། །   
\c 53
\cl ལེའུ་ང་གསུམ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\p
\v 1 རང་ཅག་གིས་བསྒྲགས་པ་ལ་སུ་ཞིག་གིས་ཡིད་ཆེས་སམ། དཀོན་མཆོག་ཡ་ཝཱེའི་ཕྱག་ངར་སུ་ལ་མངོན་པར་བྱའམ།  
\v 2 ཁོང་ནི་དཀོན་མཆོག་ཡ་ཝཱེའི་དྲུང་དུ་རྩི་ཤིང་གསར་བ་འབུས་པ་དང་། རྩ་བ་སྐམ་ས་ནས་རྒྱས་པ་བཞིན། ང་ཚོས་ཡིད་སྨོན་འཆོར་བའི་གཟུགས་མཛེས་དང་རྔམ་བརྗིད་དེ་ལ་མེད་ཅིང་། ང་ཚོ་འགུག་པར་འགྱུར་བའི་མཛེས་སྡུག་ཀྱང་དེ་ལ་མེད།  
\v 3 མི་རྣམས་ཀྱིས་ཁོང་ལ་མཐོང་ཆུང་བྱས་ནས་ཁས་མི་ལེན་ཞིང་། ཁོང་ནི་དཀའ་སྡུག་མང་དུ་མྱངས་ཤིང་སེམས་སྡུག་ཤེས་པའི་མི་ཞིག་སྟེ། མི་རྣམས་ཀྱིས་མིག་ནང་མི་འཇོག་པའི་མི་བཞིན་ཡིན། ཁོང་ལ་བརྙས་བཅོས་ཐེབས་ཏེ། ང་ཚོས་ཀྱང་བཀུར་བར་མི་བྱའོ། །   
\p
\v 4 ཁོང་གིས་རང་ཅག་གི་ན་ཚ་ཉིད་ཀྱི་སྟེང་དུ་བླངས་ཤིང་། རང་ཅག་གི་སྡུག་བསྔལ་ཁུར་དུ་བཞེས། འོན་ཀྱང་རང་ཅག་གིས་ཁོང་ལ་ཉེས་རྡུང་ཐེབས་ཤིང་། དཀོན་མཆོག་གིས་བརྡེགས་ནས་སྡུག་ལ་སྦྱར་བར་འདོད།  
\v 5 ཡིན་ཡང་ང་ཚོའི་ཉེས་པའི་ཕྱིར་དུ་ཁོང་ལ་རྨ་ཁ་བཏོད་ཅིང་། ང་ཚོའི་སྡིག་པའི་ཕྱིར་དུ་མནན་ཞིང་རྨས། ཁོང་གིས་ཉེས་ཆད་བཞེས་པས་ང་ཚོར་ཞི་བདེ་ཐོབ། ཁོང་གིས་གཅར་རྡུང་མྱངས་པས་ང་ཚོ་དྲག་པར་གྱུར།  
\v 6 ང་ཚོ་ཚང་མ་ལམ་བོར་བའི་ལུག་བཞིན་རང་རང་གི་ལམ་དུ་ཞུགས། ཡིན་ཡང་དཀོན་མཆོག་ཡ་ཝཱེས་ང་ཚོའི་སྡིག་པ་ཐམས་ཅད་ཁོང་གི་སྟེང་ལ་བཀལ།  
\v 7 ཁོང་ལ་མནར་གཅོད་ཐེབས་ཤིང་སྡུག་བསྔལ་མྱོང་དུས་སྐད་མ་བཏོན། ཁོང་ནི་ཤན་པའི་མདུན་དུ་ཁྲིད་པའི་ལུ་གུ་དང་། བལ་འབྲེག་མཁན་མདུན་གྱི་གྲགས་འགུལ་མེད་པའི་ལུག་ཇི་བཞིན། ཁོང་གིས་ཀྱང་ཞལ་གསུང་མ་གནང་།  
\v 8 ཁོང་འཛིན་བཟུང་བྱས་ནས་ཁྲིམས་ཐག་བཅད་རྗེས་ཁྲིད་པར་གྱུར། ཁོང་གི་དུས་རབས་དེའི་མི་ཡིས་ཁོང་གསོན་ཡུལ་ལས་ཚར་དུ་བཅད་ཅིང་། རྡུང་རྡེག་བཏང་བ་ང་ཡི་མི་སྡེའི་སྡིག་པའི་ཕྱིར་ཡིན་པ་སུ་ཡིས་ཤེས།  
\v 9 ཁོང་གིས་དྲག་སྤྱོད་མ་སྤེལ་ཞིང་ཞལ་ནས་གཡོ་སྒྱུ་ཅི་ཡང་མེད་ནའང་། མི་ཡིས་ཁོང་ཉིད་སྡིག་ཅན་མཉམ་དུ་དུར་ལ་སྦས་ཤིང་། སྐུ་གཤེགས་དུས་ཕྱུག་བདག་དང་མཉམ་དུ་དུར་ལ་སྦས།   
\p
\v 10 ཁོང་ལ་མནར་གཅོད་ཐེབས་ཤིང་སྡུག་བསྔལ་མྱོང་བ་ནི་དཀོན་མཆོག་ཡ་ཝཱེའི་ཐུགས་དགོངས་ཡིན་ཞིང་། དཀོན་མཆོག་ཡ་ཝཱེས་ཁོང་གི་ཚེ་སྲོག་སྡིག་བཤགས་མཆོད་པར་ཕུལ་ན། ཁོང་གིས་རང་གི་བུ་རྒྱུད་གཟིགས་ཤིང་སྐུ་ཚེ་རིང་བར་འགྱུར། དཀོན་མཆོག་ཡ་ཝཱེ་ཐུགས་དགྱེས་པའི་དོན་ཐམས་ཅད་ཁོང་གི་ཕྱག་ནས་འགྲུབ་པར་འགྱུར།  
\v 11 ཁོང་གིས་ཚེ་སྲོག་གི་སྡུག་བསྔལ་མྱངས་རྗེས་འོད་གཟིགས་ཤིང་ཡིད་ཚིམ་པར་འགྱུར། བདག་གི་ཞབས་ཕྱི་ཡིས་ཁོང་གི་ཤེས་ཡོན་ལ་བརྟེན་ནས་མི་མང་པོ་དྲང་བདེན་དུ་བརྩི་ཐུབ་པར་མཛད་ཅིང་། ཡང་ཁོང་གིས་དེ་རྣམས་ཀྱི་ཉེས་པ་འཁུར་བར་འགྱུར།  
\v 12 དེ་བས་བདག་གིས་ཁོང་ལ་མི་རླབས་ཆེན་མཉམ་དུ་ནོར་སྐལ་ཐོབ་ཏུ་འཇུག་ཅིང་། སྟོབས་ཆེན་རྣམས་དང་ལྷན་དུ་བཅོམ་ནོར་བགོ་བར་བྱ། ཅིའི་ཕྱིར་ཞེ་ན། ཁོང་གིས་རང་གི་ཚེ་སྲོག་འཆི་བའི་ཕྱོགས་སུ་ལྡུག་ཅིང་། ཉེས་ཅན་དུ་བརྩིས་ཀྱང་མི་མང་པོའི་སྡིག་པ་ཁུར་དུ་བཞེས། ཡང་ཉེས་ཅན་རྣམས་ཀྱི་ཕྱིར་དུ་གསོལ་བ་བཏབ་པའོ། །   
\c 54
\cl ལེའུ་ང་བཞི་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ཡ་ཝཱེས་ཡེས་ར་ཨེལ་ལ་བཅངས་པའི་བྱམས་པ།  
\p
\v 1 ཀྱེ་ཕྲུ་གུ་སྐྱེ་མི་ཐུབ་པ་དང་། མངལ་ཆགས་མ་མྱོང་བ་ཁྱོད་རྣམས་ཀྱིས་དགའ་འབོད་གྱིས་ཤིག ཕྲུ་གུ་བཙས་མ་མྱོང་བ་ཁྱོད་ཀྱིས་སྐད་ཆེན་པོས་དགའ་འབོད་གྱིས། ཅིའི་ཕྱིར་ཞེ་ན། ཁྱོ་ག་ཡོད་པའི་སྐྱེས་མ་ལས་ཁེར་འདུག་མ་ལ་ཕྲུ་གུ་ལྷག་ཏུ་འཕེལ་བར་འགྱུར་ཞེས་དཀོན་མཆོག་ཡ་ཝཱེས་གསུངས།  
\v 2 ཁྱོད་ཀྱི་གུར་ས་རྒྱ་ཆེར་བསྐྱེད་ནས་རང་གི་སྡོད་གནས་ཀྱི་ཡོལ་བ་ཕྱི་ལ་ཚད་མེད་རྐྱོངས་ཤིག རང་གི་ཐག་པ་རིང་དུ་བཏང་ནས་ཕུར་པ་བརྟན་པོར་རྡོབས་ཤིག  
\v 3 གང་ལ་ཞེ་ན། ཁྱོད་རང་གཡས་དང་གཡོན་དུ་ཁྱབ་ཆེན་པོར་དར་ཞིང་། ཁྱོད་ཀྱི་བུ་རྒྱུད་ལ་རྒྱལ་ཕྲན་རྣམས་ཀྱི་ས་དབང་སྟེ། གྲོང་ཁྱེར་སྟོང་བ་རྣམས་སུ་མི་ཡིས་གང་བར་འགྱུར།   
\p
\v 4 ཁྱོད་ངོ་ཚར་མི་གཏོད་པས་སྐྲག་པར་མ་གྱུར་ཅིག ཁྱོད་ལ་བརྙས་བཅོས་མི་འཁེལ་བས་ངོ་གནོང་བར་མ་བྱེད་ཅིག ཁྱོད་ཀྱིས་རང་གི་གཞོན་དུས་ཀྱི་ངོ་ཚ་བརྗེད་ཅིང་། ཁེར་འདུག་སྐབས་ཀྱི་འཕྱ་སྨོད་དྲན་པར་མི་བྱ།  
\v 5 གང་ལ་ཞེ་ན། ཁྱོད་རང་སྐྲུན་མཁན་ནི་ཁྱོད་ཀྱི་ཁྱོ་ག་སྟེ། དཔུང་ཚོགས་ཀུན་གྱི་དཀོན་མཆོག་ཡ་ཝཱེ་ནི་ཁོང་གི་མཚན་ལགས། ཁྱོད་རང་སྐྱོབ་མཁན་ཡེས་ར་ཨེལ་གྱི་དམ་པ་ཉིད་དང་། ས་གཞི་ཐམས་ཅད་ཀྱི་དཀོན་མཆོག་ཅེས་འབོད་པ་ཡིན།  
\v 6 ཁྱོད་ནི་གཞན་གྱིས་དོར་བའི་ཆུང་མ་སེམས་སྡུག་ཅན་ཏེ། ལོ་ན་གཞོན་དུས་གཞན་གྱིས་དོར་བའི་ཆུང་མ་བཞིན། དཀོན་མཆོག་ཡ་ཝཱེས་ཁྱོད་རང་བོས་སོ་ཞེས་ཁྱོད་ཀྱི་དཀོན་མཆོག་གིས་གསུངས།  
\v 7 བདག་གིས་ཁྱོད་གནས་སྐབས་སུ་དོར་ཡང་། ངས་སྙིང་རྗེ་ཆེན་པོས་ཁྱོད་ཕྱིར་བསྡུ་ངེས་ཡིན།  
\v 8 ཁོང་ཁྲོ་རབ་ཏུ་འབར་བའི་དུས་སུ། ངས་གནས་སྐབས་སུ་རང་གི་ངོ་གདོང་ཁྱོད་ཕྱོགས་མ་འཁོར་ཡང་། མཐའ་མེད་པའི་བྱམས་བརྩེ་ཡིས་ངས་ཁྱོད་ལ་སྙིང་རྗེ་སྒོམ་པར་བྱ་ཞེས་ཁྱོད་རང་སྐྱོབ་མཁན་གྱི་དཀོན་མཆོག་ཡ་ཝཱེས་དེ་སྐད་གསུངས་སོ། །   
\p
\v 9 དེ་ཡང་དོན་འདི་ང་ལ་མཚོན་ན་ནོ་ཨའི་དུས་སྐབས་ཀྱི་ཆུ་ལོག་དང་འདྲ་ལ། ནོ་ཨའི་དུས་སྐབས་སུ་བྱུང་བའི་ཆུ་ལོག་གིས་ཡང་བསྐྱར་ས་གཞི་བསྣུབ་པར་མི་བྱའོ་ཞེས་བདག་གིས་མནའ་བསྐྱལ་བ་བཞིན། ཁྱོད་སྟེང་བདག་མི་ཁྲོས་ཤིང་། ཁྱོད་ལ་གཤེ་གཤེ་གཏོང་བར་མི་འགྱུར་ཞེས་མནའ་བསྐྱལ་བ་ཡིན།  
\v 10 རི་རྣམས་བསྣུར་ཅིང་སྒང་རྣམས་བསྒུལ་ནའང་། བདག་གིས་ཁྱོད་ལ་བཅངས་པའི་བྱམས་བརྩེ་ནི་ཁྱོད་དང་མི་འབྲལ་ཞིང་། བདག་གི་ཞི་བདེའི་དམ་བཅའ་ཡང་ཁྱོད་དང་འབྲལ་བར་མི་འགྱུར་ཞེས་ཁྱོད་ལ་སྙིང་རྗེ་དགོངས་པའི་དཀོན་མཆོག་ཡ་ཝཱེས་གསུངས་སོ། །   
\s1 ཡེ་རུ་སཱ་ལེམ་གྱི་མ་འོངས་པའི་ཚུལ།  
\p
\v 11 ཀྱེ་དཀའ་སྡུག་མྱངས་ཤིང་རླུང་དམར་གྱིས་སྒུལ་བ། སེམས་གསོ་མ་ཐོབ་པ་ཁྱོད་ཀྱིས་ལྟོས་དང་། ངས་གཡུ་ནི་ཁྱོད་ཀྱི་རྨང་རྡོ་རུ་བྱ་ཞིང་། ཁྱོད་ཀྱི་རྩིག་རྨང་ལ་དབང་སྔོན་འདིང་བར་བྱའོ། །  
\v 12 ཁྱོད་ཀྱི་མཁར་རྣམས་པད་མ་རཱ་ག་དང་། མཁར་སྒོ་གཡང་ཊི་དམར་པོ། ཕྱོགས་བཞིའི་རྩིག་པ་རྣམས་རྡོ་རིན་པོ་ཆེ་སྣ་ཚོགས་ཀྱིས་བཞེང་བར་བྱ།  
\v 13 ཁྱོད་ཀྱི་བུ་རྒྱུད་ཐམས་ཅད་ལ་དཀོན་མཆོག་ཡ་ཝཱེའི་བསླབ་བྱ་འཐོབ་ཅིང་། ཁྱོད་ཀྱི་བུ་ཕྲུག་རྣམས་ཀྱིས་ཞི་བདེ་ལོངས་སུ་སྤྱོད་པར་འགྱུར།  
\v 14 ཁྱོད་ནི་དྲང་བདེན་དབང་གིས་བརྟན་པོར་མཛད་ཅིང་། ཁྱོད་ནི་བརྙས་བཅོས་དང་རིང་དུ་འབྲལ་བ་དང་། ཁྱོད་ལ་འཇིགས་པ་གང་ཡང་མི་འབྱུང་ངོ་། །ཁྱོད་རང་འཇིགས་དངངས་ཀུན་དང་འབྲལ་བར་འགྱུར། གང་ལ་ཞེ་ན། འཇིགས་སྐྲག་ཁྱོད་ཀྱི་ཉེ་སར་མི་བཏུད་དོ། །  
\v 15 ལྟོས་ཤིག མི་ཡར་ལངས་ནས་ཁྱོད་ལ་རྒོལ་ནའང་། དེ་ནི་ང་ལས་བྱུང་བ་མིན་ལ། ཁྱོད་ཀྱི་རྐྱེན་གྱིས་དེ་སར་འགྱེལ་བར་འགྱུར།  
\v 16 ལྟོས་ཤིག སོལ་མེར་ཕུ་འདེབས་མཁན་དང་། སྤྱོད་གོ་ཆོད་པོའི་མཚོན་ཆ་བཟོ་མཁན་མགར་པ་དེ་ངས་མཛད་ཅིང་། མི་ལ་གནོད་པ་སྐྱེལ་ཞིང་མེད་པར་གཏོང་མཁན་དེ་ཡང་ངས་བསྐྲུན་ནོ། །  
\v 17 ཁྱོད་ལ་རྒོལ་ཕྱིར་བཟོས་པའི་མཚོན་ཆ་དག་ལ་ནུས་པ་མ་ལྡན་ཏེ། ཁྲིམས་ཐག་གཅོད་དུས་དར་ཞིང་རྒྱས་ནས་ཁྱོད་དང་རྒོལ་བའི་ལྕེ་རྣམས་ལ་ཡང་ཁྱོད་ཀྱིས་དགག་པ་རྒྱག་པར་འགྱུར། འདི་ནི་དཀོན་མཆོག་ཡ་ཝཱེའི་ཞབས་ཕྱི་རྣམས་ཀྱི་ནོར་སྐལ་ཡིན་ལ། དེ་དག་གི་དྲང་བདེན་ནི་བདག་ལས་ཐོབ་པ་ཡིན་ཞེས་དཀོན་མཆོག་ཡ་ཝཱེས་གསུངས་སོ། །   
\c 55
\cl ལེའུ་ང་ལྔ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ཡ་ཝཱེའི་རིན་མི་དགོས་པའི་བྱམས་པ།  
\p
\v 1 ཀྱེ་ཁ་སྐོམ་པ་ཁྱོད་རྣམས་ཆུ་ཡོད་སར་ཤོག་དང་། དངུལ་མེད་པ་ཁྱོད་རྣམས་ཀྱང་ཤོག་དང་ཉོས་ནས་བཟའ་བར་གྱིས། ཁྱོད་རྣམས་དངུལ་དང་རིན་མི་དགོས་པར་རྒུན་ཆང་དང་འོ་མ་ཉོ་བར་ཕེབས་ཤོག  
\v 2 ཁྱོད་རྣམས་ཀྱིས་ཅིའི་ཕྱིར་དངུལ་སྤྲད་དེ་བཟའ་བཏུང་མ་ཡིན་པ་དེ་ཉོ་བ་དང་། ཅིའི་ཕྱིར་དཀའ་སྡུག་སྤྱད་ནས་ཐོབ་པ་དེས་མིའི་ཡིད་ཚིམ་དུ་འཇུག་མི་ནུས་པ་དེ་ཉོའམ། ཁྱོད་རྣམས་ཀྱིས་སེམས་ཞིབ་མོས་ངའི་བཀའ་ལ་མཉན་ན་ཟས་ཞིམ་པོ་སྤྱོད་པ་དང་སེམས་པ་སྐྱིད་ཅིང་བདེའོ། །  
\v 3 ཁྱོད་རྣམས་ཀྱིས་རྣ་བ་གཏད་དེ་ཉོན་ལ་བདག་གི་དྲུང་དུ་ཤོག ཁྱོད་རྣམས་ཀྱིས་མཉན་ན་གསོན་པར་འགྱུར་ཞིང་། བདག་གིས་ཁྱོད་ཅག་ལ་དུས་གཏན་གྱི་ཁ་ཆད་འཇོག་པར་བྱ་སྟེ། དཱ་བིད་ལ་གནང་བར་ཁས་བླངས་པའི་བྱམས་བརྩེ་བདེན་པ་དེ་ཡིན་ནོ། །  
\v 4 ལྟོས་དང་། བདག་གིས་ཁོ་ནི་མི་རིགས་ཀུན་གྱི་དཔང་པོ་དང་། འགོ་དཔོན། དམག་དཔོན་དུ་བསྐོས་པ་ཡིན།  
\v 5 ལྟོས་ཤིག ཁྱོད་ཀྱིས་ངོ་མི་ཤེས་པའི་རྒྱལ་ཕྲན་རྣམས་བོས་ཤིག རྒྱལ་ཕྲན་དེ་དག་གིས་ཁྱོད་ངོ་མི་ཤེས་ཀྱང་ཁྱོད་ཀྱི་ཕྱོགས་སུ་རྒྱུགས་ནས་འོང་། རྒྱུ་མཚན་ནི་ཁྱོད་ཀྱི་དཀོན་མཆོག་ཡ་ཝཱེ་སྟེ། ཡེས་ར་ཨེལ་གྱི་དམ་པ་ཁོང་གིས་ཁྱོད་དཔལ་དང་ལྡན་པར་མཛད་པའི་ཕྱིར་རོ། །  
\v 6 ཁྱོད་རྣམས་ཀྱིས་དཀོན་མཆོག་ཡ་ཝཱེ་རྙེད་ཐུབ་དུས་ཁོང་འཚོལ་ཞིག ཁོང་ཉེ་སར་བཞུགས་དུས་ཁོང་ལ་ཞུས་ཤིག  
\v 7 ངན་པས་རང་གི་ལོག་ལམ་འདོར་དགོས་ཤིང་། དྲང་བདེན་མིན་པའི་མི་ཡིས་རང་གི་བསམ་ཚུལ་དོར་ནས་དཀོན་མཆོག་ཡ་ཝཱེ་ཕྱོགས་སུ་ལོག་ན། དཀོན་མཆོག་ཡ་ཝཱེས་དེ་དག་ལ་སྙིང་རྗེ་བསྒོམ་པར་འགྱུར། ཁྱོད་རྣམས་རང་ཅག་གི་དཀོན་མཆོག་ཕྱོགས་སུ་ལོག་དང་། གང་ལ་ཞེ་ན། ཁོང་གིས་མིའི་སྡིག་པ་སེལ་བའི་ཕྱིར་རོ། །  
\v 8 དཀོན་མཆོག་ཡ་ཝཱེས་འདི་སྐད་དུ། བདག་གི་བསམ་བློ་ནི་ཁྱོད་རྣམས་ཀྱི་བསམ་ཚུལ་མིན་ལ། ཁྱོད་ཅག་གི་ལམ་རྣམས་ཀྱང་བདག་གི་ལམ་ནི་མིན།  
\v 9 ནམ་མཁའ་ས་གཞི་ལས་མཐོ་བ་བཞིན། བདག་གི་གཤེགས་ལམ་ནི་ཁྱོད་ཅག་གི་བགྲོད་ལམ་ལས་མཐོ་ཞིང་། བདག་གི་བསམ་བློ་ཡང་ཁྱོད་རྣམས་ཀྱི་བསམ་ཚུལ་ལས་མཐོ་བ་ཡིན་ནོ། །   
\p
\v 10 གནམ་ནས་ཆར་དང་ཁངས་བབས་ཏེ། ནམ་མཁར་ཕྱིར་མི་ལོག་པར་ས་གཞིར་རློན་བཟོས་ནས་དེའི་སྟེང་གི་སྐྱེས་དངོས་ལ་མྱུ་གུ་འབུ་བར་བྱེད་པ་དང་། ཞིང་འདེབས་མཁན་ལ་ས་བོན་ཡོད་པ་དང་། ཟས་སྤྱོད་མཁན་ལ་འབྲུ་རིགས་འཐོབ་ཏུ་འཇུག་པ་ཇི་བཞིན།  
\v 11 བདག་གི་ཁ་ནས་བྱུང་བའི་གཏམ་རྣམས་ཀྱང་དེ་བཞིན་ཡིན་ཏེ། དོན་མེད་དུ་བདག་གི་ཕྱོགས་སུ་ཕྱིར་ལོག་པར་མི་འགྱུར་གྱིས། བདག་གི་འདོད་བློ་བཞིན་དུ་འགྲུབ་ཅིང་། བདག་གིས་མངགས་པའི་དོན་རྣམས་སྟེང་དུ་འགྲུབ་པར་འགྱུར།  
\v 12 དེ་ནས་ཁྱོད་རྣམས་དགའ་དགའ་སྤྲོ་སྤྲོའི་ངང་ཕྱི་རུ་ཐོན་ཞིང་། ཞི་བདེའི་ངང་ཁྲིད་སྟོན་མཛད་པ་དང་། རི་རབ་དང་རི་སྒང་རྣམས་ཀྱིས་ཁྱོད་ཅག་གི་མདུན་ནས་དགའ་འབོད་བྱེད་ཅིང་། ཐང་གི་ལྗོན་ཤིང་རྣམས་ཀྱིས་ཀྱང་ཐལ་མོ་རྡེབ་པར་འགྱུར།  
\v 13 ཚེར་མའི་ཚབ་ཏུ་གསོམ་ཤིང་སྐྱེ་ཞིང་། ཤིང་ཚེར་གྱི་ཚབ་ཏུ་པ་སངས་མེ་ཏོག་སྐྱེས་ནས། དེས་དཀོན་མཆོག་ཡ་ཝཱེར་མཚན་གསོལ་བ་དང་རྟག་ཏུ་གནས་ཤིང་འཇིག་པ་མེད་པའི་རྟགས་སུ་འགྱུར་རོ། །   
\c 56
\cl ལེའུ་ང་དྲུག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཕྱི་ཕྱོགས་པ་རྣམས་དཀོན་མཆོག་གི་མི་རུ་གྱུར་པ།  
\p
\v 1 དཀོན་མཆོག་ཡ་ཝཱེས་འདི་སྐད་དུ། ཁྱོད་རྣམས་ཀྱིས་དྲང་པོ་བསྲུང་ཞིང་དྲང་བདེན་སྤྱོད་ཅིག གང་ལ་ཞེ་ན། བདག་གི་ཐར་པ་སླེབས་ལ་ཉེ་ཞིང་། བདག་གི་དྲང་བདེན་མངོན་པར་ཉེ།  
\v 2 ངལ་གསོ་བའི་ཉིན་མོ་བསྲུང་ཞིང་ཉིན་དེར་ལྷད་མི་འཇུག་ལ། རང་གི་ལག་པ་བསྲུངས་ནས་ལས་ངན་པ་མི་སྤྱོད་ཅིང་། དེ་ལྟར་སྤྱོད་པའི་མི་དང་དེ་བཞིན་སྲུང་མཁན་དག་ལ་བྱིན་རླབས་འཐོབ་པར་འགྱུར།   
\p
\v 3 དཀོན་མཆོག་ཡ་ཝཱེ་དང་འབྲེལ་བའི་ཕྱི་ཕྱོགས་པས། དཀོན་མཆོག་ཡ་ཝཱེས་ང་རང་ཁོང་གི་མི་སྡེ་ལས་དགར་བར་འགྱུར་ཞེས་མ་བརྗོད་ཅིག ཉུག་རུམ་པས་ཀྱང་། ལྟོས་དང་ང་ནི་སྡོང་སྐམ་ཞིག་ཡིན་ཞེས་མ་བརྗོད།  
\v 4 གང་ལ་ཞེ་ན། དཀོན་མཆོག་ཡ་ཝཱེས་འདི་སྐད་དུ། བདག་གི་ངལ་གསོ་བའི་ཉིན་མོ་བསྲུངས་ཏེ། བདག་དགའ་བའི་དོན་རྣམས་འདེམས་ཤིང་། བདག་གི་ཁ་ཆད་བསྲུངས་ནས་ཉུག་རུམ་བཟོས་པའི་མི་དག་ལ།  
\v 5 བདག་གི་མཆོད་ཁང་དང་ལྕགས་རིའི་ནང་དུ་བུ་དང་བུ་མོ་ཡོད་པ་ལས་ཀྱང་ལེགས་པའི་རྗེས་དྲན་དང་མིང་ངས་གནང་བར་འགྱུར་ཞིང་། འཇིག་པ་མེད་པའི་གཏན་གནས་ཀྱི་མིང་ཞིག་གནང་བར་བྱའོ། །   
\p
\v 6 ཡང་དཀོན་མཆོག་ཡ་ཝཱེ་ལ་ཞབས་ཕྱི་བསྒྲུབ་ཕྱིར་ཁོང་དང་འབྲེལ་བའི་ཕྱི་ཕྱོགས་པ་རྣམས་ཏེ། ཡ་ཝཱེའི་མིང་ལ་དགའ་ཞིང་ཁོང་གི་ཞབས་ཕྱི་བྱས་ནས། ངལ་གསོ་བའི་ཉིན་མོ་སྲུང་བ་ལས་ཉིན་དེ་མ་ལྷད་པར། བདག་གི་ཁ་ཆད་བརྟན་པོར་སྲུང་བ་རྣམས་ཀྱང་།  
\v 7 ངས་རང་གི་རི་བོ་དམ་པ་ལ་འཁྲིད་པར་བྱ་ཞིང་། བདག་གི་མཆོད་ཁང་སྟེ་སྨོན་ལམ་ཞུ་ས་རུ་དགའ་སྤྲོས་ཁྱབ་པ་དང་། བདག་གི་མཆོད་ཁྲིའི་ཁར་ཁོ་ཚོའི་སྦྱིན་སྲེག་དང་མཆོད་པ་དང་ལེན་བྱའོ། །ཅིའི་ཕྱིར་ཞེ་ན། བདག་གི་མཆོད་ཁང་ནི་མི་རིགས་ཀུན་གྱི་སྨོན་ལམ་ཞུ་སའི་གནས་སུ་འབོད་པར་འགྱུར་བའི་ཕྱིར་ཡིན་ཞེས་གསུངས་སོ། །  
\v 8 ཁ་འཐོར་དུ་སོང་བའི་ཡེས་ར་ཨེལ་པ་རྣམས་ཕྱོགས་གཅིག་ཏུ་སྡུད་མཁན་གཙོ་བོ་ཡ་ཝཱེས་འདི་སྐད་དུ། བདག་གིས་ཕྱོགས་གཅིག་ཏུ་བསྡུས་པའི་ཡེས་ར་ཨེལ་པ་འདི་རྣམས་ཕན་ཆད་ནས་གཞན་རྣམས་ཀྱང་ཁོ་ཚོའི་གྲས་སུ་བསྡུ་བར་བྱའོ་ཞེས་གསུངས་སོ། །   
\p
\v 9 ཀྱེ་རི་ལུང་གི་གཅན་གཟན་ཐམས་ཅད། ནགས་ཚལ་གྱི་གཅན་གཟན་ཐམས་ཅད། ཁྱོད་ཅག་འགེམ་དུ་ཤོག་ཅིག  
\v 10 ཁོའི་སོ་པ་རྣམས་ནི་དམུས་ལོང་དང་། ཅི་ཡང་མི་ཤེས་པ། ཟུག་སྐད་མེད་པའི་ཁྱི་ལྐུགས་པ། རྨི་ལམ་རྨི་ཞིང་ཉལ་ནས་གཉིད་ལྡོག་པ་དག་ཡིན།  
\v 11 ཁྱི་དེ་དག་ཟ་རྔམ་ཆེ་ཞིང་ཧམ་པས་ཁེངས། དེ་དག་ནི་གོ་བ་མེད་པའི་ལུག་རྫི་ཡིན། དེ་དག་ལམ་ལོག་ཏུ་ཞུགས་ནས་རེ་རེས་རང་རང་གི་ཁེ་བཟང་འཚོལ་ལོ། །  
\v 12 དེ་དག་ན་རེ། ཚུར་ཤོག་དང་། ང་རྒུན་ཆང་ལེན་དུ་འགྲོ། ང་ཚོས་གར་ཆང་རྔམ་གྱིས་འཐུང་བར་བྱ། སང་ཉིན་ཡང་དེ་རིང་དང་མཚུངས་པར་མ་ཟད་དེ་རིང་ལས་ཀྱང་ཕུན་སུམ་ཚོགས་པ་ཡིན་ཞེས་སྨྲའོ། །   
\c 57
\cl ལེའུ་ང་བདུན་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེས་ར་ཨེལ་པའི་སྐུ་འདྲར་དད་པ་ལ་གཤེ་གཤེ་བཏང་བ།  
\p
\v 1 མི་དྲང་བདེན་འདས་ཀྱང་སེམས་སུ་འཛིན་མཁན་མེད། དད་ལྡན་རྣམས་ཚེ་ལས་འདས་ཀྱང་དེ་ཤེས་མཁན་མེད། མི་དྲང་པོ་འདས་པ་ནི་བར་ཆད་དང་བྲལ་བ་ཡིན།  
\v 2 སྤྱོད་དྲང་རྣམས་ཚེ་ལས་འདས་རྗེས་ཞི་བདེ་ནང་འགྲོ་སྟེ། རང་གི་བང་སོ་ནས་ངལ་གསོ་འཐོབ་པར་འགྱུར།  
\v 3 ཡིན་ཡང་པྲ་མའི་བུ་དང་། འཆལ་པོ་དང་སྨད་འཚོང་མའི་བུ་རྒྱུད་ཁྱོད་རྣམས་གཡེམ་སྦྱོར་སྤེལ་དུ་ཉེ་སར་ཤོག་དང་།  
\v 4 ཁྱོད་རྣམས་ཀྱིས་སུ་ལ་ཁྲེལ་དགོད་བྱེད་པ་ཡིན་ནམ། སུ་ལ་ཁ་ཆེར་གདངས་ཏེ་ལྕེ་རིང་བསྣར་བ་ཡིན་ནམ། ཁྱོད་རྣམས་ནི་སྡིག་ཉེས་ཀྱི་བུ་ཕྲུག་དང་རྫུན་གྱི་བུ་རྒྱུད་མ་ཡིན་ནམ།  
\v 5 ཁྱོད་རྣམས་ནི་བེ་ཤིང་གི་ནགས་དང་སྔོ་ལྗང་གི་ཤིང་སྡོང་རྣམས་ཀྱི་འོག་ཏུ་འདོད་ཆགས་ཀྱི་མེ་ལྕེ་འབར་ཏེ། ལུང་ཤུར་དང་བྲག་ཕུག་ནང་དུ་རང་གི་བྱིས་པའི་སྲོག་བཅད་ནས་མཆོད་པར་ཕུལ།  
\v 6 ལུང་པའི་གཡའ་རྡོའི་ཁྲོད་དུ་ཁྱོད་ཀྱི་ཐོབ་སྐལ་ཡོད། དེ་དག་ཁོ་ན་ཁྱོད་ལ་ཐོབ་པའི་སྐལ་ཡིན། ཁྱོད་ཀྱིས་དེ་དག་ལ་སྐྱེམས་མཆོད་དྲངས་ཏེ་འབྲུ་རིགས་ཀྱི་མཆོད་པ་ཡང་ཕུལ་བ་ཡིན། དོན་དེ་དག་ལ་བདག་གིས་ཅི་ལྟར་བཟོད་པ་བསྒོམས་ནས་ལན་མི་འཇལ་ལམ།  
\v 7 རི་མཐོན་པོའི་སྒང་ནས་ཁྱོད་ཀྱིས་རང་གི་མལ་ཁྲི་བརྒྱབ་ཅིང་། དམར་མཆོད་འབུལ་དུ་ཁྱོད་དེའི་སྟེང་དུ་འཛེགས།  
\v 8 ཁྱོད་ཀྱིས་སྒོ་དང་སྒོ་རུའི་རྒྱབ་ཏུ་ཕྱི་ཕྱོགས་པའི་ལྷ་ཡི་རྟགས་མཚན་བརྒྱབ། ཁྱོད་རང་བདག་དང་རྒྱང་དུ་གྱེས་ནས་རང་ཉིད་གཅེར་བུར་བུད་དེ་མལ་ཁྲིའི་སྟེང་འཛེགས་ཤིང་། ཡང་རང་ལ་མལ་ཁྲི་རྒྱ་ཆེན་པོ་བརྒྱབ། ཁྱོད་ཀྱིས་ད་དུང་དེ་དག་དང་གྲོས་ཆོད་བཞག་ནས་དེ་ཡི་མལ་ཁྲིར་སྤྲོ་ཞིང་། དེ་ཚོའི་ལུས་གཅེར་བུར་བལྟས་སོ། །  
\v 9 ཁྱོད་ཀྱིས་སྣུམ་ཁྱེར་ནས་རྒྱལ་པོ་བཞུགས་སར་སོང་ཞིང་རང་གི་དྲི་ཞིམ་ཇེ་མང་དུ་བཏང་། ཁྱོད་ཀྱིས་རྒྱང་ཐག་རིང་སར་བང་ཆེན་མངགས་པ་དང་། ཐ་ན་གཤིན་པོའི་ཡུལ་དུ་བབས།  
\v 10 ལམ་ཐག་རིང་བས་ཁྱོད་ཐང་ཆད་ཀྱང་ཁྱོད་ཀྱིས་རེ་བ་མེད་དོ་ཞེས་མི་སྨྲ་སྟེ། གང་ལ་ཞེ་ན། ཁྱོད་ཀྱིས་ཚེ་སྲོག་གི་སྟོབས་ཤུགས་རྙེད་པས་ཐང་མ་ཆད་དོ། །   
\p
\v 11 ཁྱོད་སུ་ལ་སྐྲག་པ་ཡིན་ནམ། ཁྱོད་རང་སུ་ལ་འཇིགས་ནས་ང་ལ་རྫུན་སྨྲའམ། ཁྱོད་ཀྱིས་བདག་མི་དྲན་ཞིང་སེམས་ལའང་མི་འཛིན་པ་ནི་བདག་ཡུན་རིང་ཁུ་སིམ་པོར་བསྡད་པས། ཁྱོད་བདག་ལ་མི་འཇིགས་པའི་ཕྱིར་ཡིན་ནམ།  
\v 12 བདག་གིས་ཁྱོད་ཀྱི་དྲང་བདེན་དང་སྤྱད་པ་རྣམས་གསལ་པོར་བསྒྲགས་ཀྱང་། དེ་དག་གིས་ཁྱོད་ལ་ཕན་མི་ཐོགས།  
\v 13 ཁྱོད་ཀྱིས་འོ་དོད་འབོད་པའི་ཚེ། ཁྱོད་ཀྱིས་བསྡུས་པའི་སྐུ་འདྲ་རྣམས་ལ་ཁྱོད་སྐྱོབ་ཏུ་ཆུག ཡིན་ཡང་དེ་དག་རླུང་གིས་འཁུར་ཞིང་དབུགས་ཀྱིས་སྤུར་བར་འགྱུར། འོན་ཀྱང་བདག་ལ་སྐྱབས་བཅོལ་བའི་མི་ལ་ས་གཞི་དབང་ཞིང་། བདག་གི་རི་བོ་དམ་པ་ནོར་སྐལ་དུ་འཐོབ་པར་འགྱུར་རོ། །   
\s1 ཁེངས་སྐྱུང་ཅན་དང་སྤྱོད་ངན་ཅན་གཉིས་ཀྱི་ཁྱད་པར།  
\p
\v 14 སྐྲུན་ཞིག སྐྲུན་ཞིག ལམ་བདེ་བར་སྐྲུན་ཞིག ངའི་མི་སྡེའི་བགྲོད་ལམ་ནི་བར་ཆད་མེད་པར་བཟོ་བར་གྱིས་ཞེས་བརྗོད་ངེས།  
\v 15 གང་ལ་ཞེ་ན། རྟག་ཏུ་བཞུགས་ཤིང་བླ་ན་མེད་པ། མཚན་ལ་དམ་པ་ཞེས་བྱ་བ་ཁོང་གིས་འདི་སྐད་དུ། བདག་ནི་བླ་ན་མཐོ་བ་དང་དམ་པའི་གནས་སུ་སྡོད་ཀྱང་། ཁེངས་སྐྱུང་ཅན་དང་སེམས་སུ་འགྱོད་བཤགས་ལྡན་པའི་མི་དང་མཉམ་དུ་གནས་ཤིང་། ཁེངས་སྐྱུང་ཅན་དང་འགྱོད་བཤགས་ཅན་ལ་སྟོབས་ཤུགས་སྦྱིན་པར་བྱའོ། །  
\v 16 བདག་གིས་རྟག་ཏུ་མི་རྩོད་ཅིང་། རྒྱུན་དུ་ཁྲོ་བར་ཡང་མི་བྱ། དེ་ལྟར་བྱས་ན་མི་ཡི་སེམས་ཉིད་དེ། བདག་གིས་བཀོད་པའི་མི་ནི་ངའི་མདུན་དུ་བློ་སྟོབས་ཉམས་པར་འགྱུར།  
\v 17 ཁོའི་འདོད་རྔམ་གྱི་སྡིག་པའི་ཕྱིར་བདག་ཁྲོས་ཤིང་ཁོ་ལ་རྡུང་རྡེག་བཏང་། བདག་གི་ངོ་གདོང་ཁོའི་ཕྱོགས་སུ་མ་འཁོར་ཞིང་ཁྲོས་ནའང་། ཁོ་ད་དུང་རང་སེམས་ཀྱི་འདོད་པའི་རྗེས་སུ་འབྲངས་ནས་ལོག་ལམ་དུ་ཕྱིན།  
\v 18 ཁོའི་བགྲོད་ལམ་ངས་མཐོང་སྟེ། བདག་གིས་ཁོ་དྲག་པར་བྱས་ཏེ་ལམ་ཁྲིད་ཅིང་། དེ་དང་དེར་མྱ་ངན་ཞུ་མཁན་དག་ལ་སེམས་གསོ་གནང་བར་འགྱུར།  
\v 19 བདག་གིས་སྨྲ་སྒོ་རྣམས་ལས་འབྲས་བུ་བསྐྱེད་ཅིང་། རྒྱང་རིང་དང་ཐག་ཉེ་རུ་ཡོད་པ་ཐམས་ཅད་བདེ་བར་གྱུར་ཅིག བདེ་བར་གྱུར་ཅིག་ཅེས་གསུངས་སོ། །ཡང་དཀོན་མཆོག་ཡ་ཝཱེས་འདི་སྐད་དུ། བདག་གིས་དེ་གསོ་བར་བྱའོ་ཞེས་གསུངས་སོ། །  
\v 20 འོན་ཀྱང་མི་ངན་རྣམས་རྒྱ་མཚོ་འཕྱུར་བ་བཞིན་བདེ་བར་མི་གནས་ལ། རྒྱ་མཚོའི་ཆུ་ལས་འདམ་དང་བཙོག་པ་དཀྲུག་པར་འགྱུར།  
\v 21 བདག་གི་དཀོན་མཆོག་གིས་མི་ངན་པར་ཞི་བདེ་མེད་ཅེས་གསུངས་སོ། །   
\c 58
\cl ལེའུ་ང་བརྒྱད་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 སྨྱུང་གནས་སྲུང་བའི་སྙིང་པོ།  
\p
\v 1 ཁྱོད་ཀྱིས་མཚམས་མེད་པར་སྐད་ཆེན་པོ་རྒྱོབས་ཤིག རྭ་དུང་འབུད་པ་བཞིན་སྐད་ཆེན་པོ་རྒྱོབས་ཤིག བདག་གི་མི་སྡེ་ལ་དེ་ཚོའི་ཉེས་པ་སྒྲོགས་དང་། ཡ་ཀོབ་ཀྱི་ཁྱིམ་རྒྱུད་ལ་ཁོ་ཚོའི་སྡིག་པ་རྣམས་གསལ་པོར་སྨྲོས་ཤིག  
\v 2 དྲང་བདེན་སྤྱོད་པའི་རྒྱལ་དམངས་ཚོས་རང་གི་དཀོན་མཆོག་གི་བཀའ་རྣམས་མི་འདོར་བ་བཞིན། དེ་དག་གིས་ཉིན་རེ་བཞིན་བདག་འཚོལ་ཞིང་། བདག་གི་ལམ་རྣམས་ཤེས་འདོད་དེ། དྲང་བདེན་གྱི་བཅད་ཁྲ་བདག་ལ་ཞུ་ཞིང་། དཀོན་མཆོག་དང་ཉེ་སར་གཅར་བ་ལ་སྤྲོའོ། །  
\v 3 དེ་དག་ན་རེ། ང་ཚོས་སྨྱུང་གནས་བསྲུངས་པ་ཁྱེད་ཀྱིས་མི་གཟིགས་པ་ཅི་ཡིན་ནམ། ང་ཚོས་དཀའ་སྡུག་སྤྱད་ཀྱང་ཁྱེད་ཀྱིས་མི་མཁྱེན་པ་ཅི་ཡིན་ནམ་ཞེས་ཞུས་ཀྱང་། ལྟོས་དང་། ཁྱོད་ཚོས་སྨྱུང་གནས་སྲུང་བའི་ཉིན་མོར་ཡང་རང་ཉིད་དགའ་བའི་ལས་སྤྱོད་ཅིང་། རང་གི་ལས་མི་ཀུན་ལ་གཉའ་གནོན་བྱེད་དོ། །  
\v 4 ལྟོས་ཤིག ཁྱོད་ཚོའི་སྨྱུང་གནས་ནི་རྩོད་གླེང་དང་འཐབ་འཁྲུག་ཡིན་ཏེ། ཁུ་ཚུར་གཏུམ་པོས་མི་ལ་རྡུང་བ་ཡིན་ཞིང་། ཁྱོད་ཚོས་དེ་རིང་གི་སྨྱུང་གནས་འདི་ལྟ་བུ་བསྲུངས་ཏེ་རང་གི་སྐད་སྒྲ་གནམ་ནས་ཐོས་པར་རེ་བ་མ་བྱེད་ཅིག  
\v 5 འདི་ལྟ་བུའི་སྨྱུང་གནས་ནི་བདག་གིས་བདམས་ཤིང་མི་ལ་དཀའ་ཐུབ་སྤྱོད་དུ་འཇུག་པའི་ཉིན་མོ་ཡིན་ནམ། མི་ཡི་མགོ་བོ་འདམ་རྩྭ་བཞིན་སྒུར་དུ་བཅུག་སྟེ། རྩིད་རས་དང་གོ་ཐལ་གྱི་གདན་གདིང་དགོས་པ་ཡིན་ནམ། ཁྱོད་ཀྱིས་འདི་ལ་སྨྱུང་གནས་ཞེས་དཀོན་མཆོག་ཡ་ཝཱེའི་ཐུགས་ལ་ལྡན་པའི་ཉིན་མོ་རུ་འབོད་དམ།   
\p
\v 6 བདག་གིས་བདམས་པའི་སྨྱུང་གནས་ནི་གདུག་རྩུབ་ཅན་གྱི་ལྕགས་སྒྲོག་བསྒྲལ་བ་དང་། གཉའ་ཤིང་གི་ཐག་པ་ལྷོད་པ། གཉའ་གནོན་འོག་ཏུ་ཡོད་པ་རྣམས་ཐར་དུ་འཇུག་པ། གཉའ་ཤིང་ཐམས་ཅད་གཅོག་པ་མ་ཡིན་ནམ།  
\v 7 དེ་ནི་བཀྲེས་པའི་མི་ལ་རང་གི་ཁ་ཟས་སྟེར་བ་དང་། དབུལ་པོ་འཁྱམས་པོ་དག་རང་ཁྱིམ་དུ་སྣེ་ལེན་བྱེད་པ། གོས་མེད་གཅེར་བུ་མཐོང་ཚེ་དེ་ལ་གོས་བསྐོན་པ། རང་གི་གཉེན་ཉེ་ལས་རང་ཉིད་སྦ་སྐུང་མི་བྱེད་པ་མ་ཡིན་ནམ།  
\v 8 དེ་ནས་ཁྱོད་ཀྱི་འོད་ཟེར་སྐྱ་རེངས་ལྟར་འཕྲོ་ཞིང་། ཁྱོད་ཀྱི་རྨ་ཁ་མྱུར་དུ་སོས་ཏེ། དྲང་བདེན་ཁྱོད་ཀྱི་མདུན་དུ་སྐྱོད་ཅིང་། དཀོན་མཆོག་ཡ་ཝཱེའི་གཟི་བརྗིད་ཁྱོད་ཀྱི་རྒྱབ་རྟེན་དུ་འགྱུར་ངེས།  
\v 9 དུས་དེར་ཁྱོད་ཀྱིས་ཞུས་ན་དཀོན་མཆོག་ཡ་ཝཱེས་བཀའ་ལན་བསྩལ་ཞིང་། ཁྱོད་ཀྱིས་འོ་དོད་བོས་ན་ཁོང་གིས་ང་འདི་རུ་ཡོད་ཅེས་གསུང་བར་འགྱུར། གལ་ཏེ་ཁྱོད་ཀྱིས་རང་ཅག་གི་ཁྲོད་ནས་གཉའ་ཤིང་དང་། སྐྱོན་འཛུགས་པའི་མཛུབ་མོ། གཏམ་ངན་སྨྲ་བ་བཅས་འདོར་ཞིང་།  
\v 10 ཁྱོད་ཀྱིས་བཀྲེས་ལྟོགས་ཀྱིས་མནར་བ་རྣམས་ལ་སྙིང་རྗེ་བསྐྱེད་པ་དང་། དཀའ་སྡུག་ཅན་གྱི་ཡིད་ཚིམ་དུ་བཅུག་ན། ཁྱོད་ཀྱི་འོད་ནི་མུན་པའི་ཁྲོད་ནས་འཆར་ཞིང་། ཁྱོད་ཀྱི་སྨག་རུམ་ནི་ཉིན་གུང་བཞིན་དུ་འགྱུར།  
\v 11 དཀོན་མཆོག་ཡ་ཝཱེས་རྟག་ཏུ་ཁྱོད་ཀྱི་ལམ་སྣ་འདྲེན་ཞིང་། སྐམ་སར་ཁྱོད་ཀྱི་ཡིད་ཚིམ་པར་མཛད་ཅིང་། ཁྱོད་ཀྱི་རུས་པ་རྣམས་ལ་སྟོབས་ཤུགས་རྒྱས་པར་མཛད་དོ། །དེ་ནས་ཁྱོད་ནི་ཆུ་མང་པོ་དྲངས་པའི་སྐྱེད་ཚལ་དང་། བཞུར་རྒྱུན་མི་ཆད་པའི་ཆུ་མིག་ལྟ་བུར་འགྱུར།  
\v 12 ཁྱོད་ཀྱི་བུ་རྒྱུད་རྣམས་ཀྱིས་ཞིག་རལ་རྣམས་སླར་སྐྲུན་ཞིང་། ཁྱོད་ཀྱིས་གནའ་བོའི་བཤིག་རོ་རྣམས་ཀྱི་རྨང་རྡོ་འཛུགས་པས། ཁྱོད་ལ་མཁར་ཆག་ཞིག་གསོ་བྱེད་མཁན་དང་། གཞིས་ཡུལ་བསྐྲུན་པའི་ལམ་བཟོ་མཁན་ཞེས་མིང་ཐོགས་པར་འགྱུར་རོ། །   
\s1 ངལ་གསོ་བའི་ཉིན་མོ་སྲུང་བའི་བྱིན་རླབས།  
\p
\v 13 ངལ་གསོ་བའི་ཉིན་མོར་ཁྱོད་ཀྱིས་རང་གི་གོམ་སྟབས་ལ་གཟབ་གཟབ་བྱས་ཏེ། བདག་གི་ཉིན་དམ་པའི་ནང་དུ་རང་ཉིད་དགའ་བའི་ལས་མི་སྤྱོད་པར། ངལ་གསོ་བའི་ཉིན་མོ་དགའ་འོས་པའི་ཉིན་དུ་བརྩི་ཞིང་། དཀོན་མཆོག་ཡ་ཝཱེའི་ཉིན་དམ་པ་བཀུར་འོས་པར་བརྗོད་དེ། དེ་ལ་བཀུར་བ་ལས་རང་གི་ལམ་དུ་མི་སྐྱོད་ཅིང་། རང་གི་འདོད་པ་མི་འཚོལ་བ་དང་། ཕན་མེད་ཀྱི་གཏམ་ཡང་མི་སྨྲ་བ་ཡིན་ན།  
\v 14 ཁྱོད་ལ་དཀོན་མཆོག་ཡ་ཝཱེ་ལས་དགའ་སྤྲོ་འཐོབ་ཅིང་། བདག་གིས་ཁྱོད་ས་གཞིའི་མཐོ་སར་བསྐྱོན་ཏེ། ཁྱོད་ཀྱི་མེས་པོ་ཡ་ཀོབ་ཀྱི་ནོར་སྐལ་ལས་ཁྱོད་འཚོ་བར་འགྱུར་ཞེས་དཀོན་མཆོག་ཡ་ཝཱེས་སྐུ་དངོས་སུ་གསུངས་སོ། །   
\c 59
\cl ལེའུ་ང་དགུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ལུང་སྟོན་པས་འབངས་ཀྱི་སྡིག་པར་གཤེ་གཤེ་བཏང་བ།  
\p
\v 1 ལྟོས་ཤིག དཀོན་མཆོག་ཡ་ཝཱེའི་ཕྱག་ཐུང་དྲགས་ནས་སྐྱོབ་མི་ནུས་པ་མ་ཡིན་ལ། ཁོང་གི་སྙན་རྟུལ་ནས་གསན་མི་ནུས་པའང་མ་ཡིན་པར།  
\v 2 ཁྱོད་ཅག་གི་ཉེས་པས་ཁྱོད་ཅག་རང་གི་དཀོན་མཆོག་དང་ཕྲལ་ཞིང་། ཁྱོད་རྣམས་ཀྱི་སྡིག་པས་ཁོང་གི་ཞལ་རས་ཁྱོད་ཅག་གི་ཕྱོགས་སུ་སྦས་པ་དང་། ཁྱོད་རྣམས་ཀྱི་གསོལ་འདེབས་ལ་ཁོང་གིས་གསན་མ་གྱུར།  
\v 3 གང་ལ་ཞེ་ན། ཁྱོད་རྣམས་ཀྱི་ལག་པ་ཁྲག་གིས་བསླད་ཅིང་མཛུབ་མོ་ཉེས་པས་བཙོག་པར་བཟོས། ཁྱོད་ཅག་གི་ཁ་ནས་རྫུན་བཤད་པ་དང་། ཁྱོད་རྣམས་ཀྱི་ལྕེ་ལས་གཏམ་ངན་སྨྲས།  
\v 4 དྲང་བདེན་ངང་ནས་ཞུ་མཁན་གཅིག་ཀྱང་མེད། དྲང་པོས་རྩོད་མཁན་ཡང་གཅིག་ཀྱང་མེད། དེ་དག་སྟོང་བ་ཉིད་ལ་བརྟེན་ཞིང་རྫུན་ལབ། དེ་དག་ལ་གནོད་སེམས་ཆགས་ཤིང་ཉེས་པ་སྐྱེས།  
\v 5 དེ་དག་གིས་དུག་སྦྲུལ་གྱི་སྒོ་ང་རུམ་པ་དང་སྡོམ་དྲ་འཐག་པ་ཡིན། སུས་དེ་དག་གི་སྒོ་ང་ཟོས་ན་འཆི་བར་འགྱུར་ལ། སྒོ་ང་ཆག་སྟེ་ཐོན་པ་དུག་སྦྲུལ་ཡིན།  
\v 6 དེ་དག་གི་དྲ་བས་གྱོན་གོས་བཟོ་མི་ནུས་ལ། ཁོ་ཚོས་བཟོས་པས་ཀྱང་རང་ཉིད་ཁེབས་པར་མི་འགྱུར། དེ་དག་གིས་སྤྱད་པའི་ལས་ནི་སྡིག་པ་དང་། ལག་ནང་གི་སྤྱོད་པ་ནི་གཏུམ་དྲག་ཡིན།  
\v 7 དེ་དག་གི་རྐང་པ་ངན་པའི་ཕྱོགས་སུ་རྒྱུག་ཅིང་། ཉེས་མེད་ལ་ཁྲག་བཞུར་དུ་འཇུག་པར་འཚབ། དེ་དག་གི་བསམ་པ་ནི་ངན་སེམས་དང་། སྤྱོད་ལམ་ནི་གཏོར་བཤིག་དང་ཚར་གཅོད་ཡིན་ནོ། །  
\v 8 དེ་ཚོས་ཞི་བདེའི་ལམ་མི་ཤེས་ལ། དེ་དག་གི་སྤྱོད་ལམ་ནང་དྲང་བདེན་མེད། དེ་ཚོས་རང་ཉིད་ཀྱི་ཕྱིར་དུ་ཀྱག་ཀྱོག་གི་ལམ་བཟོས་པས། ལམ་དེར་འགྲུལ་མཁན་རྣམས་ཀྱིས་ཞི་བདེ་རྟོགས་པར་མི་འགྱུར་རོ། །   
\p
\v 9 དེ་བས་དྲང་པོ་ང་ཚོ་དང་རིང་དུ་གྱེས་ཤིང་། དྲང་བདེན་གྱིས་ང་ཚོ་ཟིན་པ་མིན། ང་ཚོས་འོད་ལ་རེ་ཡང་མུན་པ་འཁྱིལ། འོད་ཟེར་ལ་སྒུག་ཀྱང་སྨག་རུམ་ནང་དུ་འགྲུལ་བའོ། །  
\v 10 ང་ཚོས་ལོང་པ་བཞིན་དུ་རྩིག་པར་ལག་མྱུལ་བྱས། མིག་མེད་བཞིན་དུ་ང་ཚོས་ལག་མྱུལ་བྱས། མུན་རུབ་བཞིན་དུ་ང་ཚོ་ཉིན་གུང་འདྲེད་བརྡབ་ཤོར་ནས། དར་མ་རྣམས་ཀྱི་ཁྲོད་དུ་ང་ཚོ་བེམ་པོ་དང་མཚུངས།  
\v 11 རང་ཅག་གིས་དོམ་ལྟར་ངར་སྐད་སྒྲོག་ཅིང་། ཕུག་རོན་བཞིན་དུ་སྨྲེ་སྔགས་འདོན། ང་ཚོས་དྲང་བདེན་འཚོལ་ཡང་དྲང་བདེན་མི་རྙེད། ཐར་པ་ལ་སྒུག་ཀྱང་དེ་ནི་རང་ཅག་དང་རྒྱང་ཐག་ཧ་ཅང་རིང་པོ་ཡིན།  
\v 12 གང་ལ་ཞེ་ན། ཁྱེད་ཀྱི་སྤྱན་སྔར་ངེད་ཅག་གི་ཉེས་སྐྱོན་མང་དུ་འཕེལ་ཞིང་། ངེད་ཅག་གི་སྡིག་པས་ང་ཚོ་ཁྲིམས་ལ་སྦྱོར། ང་ཚོའི་ཉེས་སྐྱོན་རང་དང་མཉམ་དུ་གནས་ཤིང་། ང་ཚོས་རང་གི་ཉེས་པ་རྟོགས།  
\v 13 ང་ཚོས་གྱེན་ལྡོག་བྱས་ནས་དཀོན་མཆོག་ཡ་ཝཱེ་ཁས་མ་བླངས། ང་ཚོ་རང་གི་དཀོན་མཆོག་གི་རྗེས་སུ་མ་འབྲངས་པར། གཉའ་གནོན་དང་ཕྱིན་ལོག་གི་གཏམ་སྨྲ་ཞིང་། སེམས་ནང་དུ་རྫུན་གཏམ་བསྒྲིགས་ནས་ལབ་པ་ཡིན།   
\p
\v 14 དྲང་པོ་ཕྱིར་ནུར་ཞིང་། དྲང་བདེན་རྒྱང་རིང་དུ་འགྲེང་། བདེན་པ་ཐང་ཆེན་དུ་འདྲེད་ཅིང་། དྲང་པོར་འཛུལ་ས་མེད།  
\v 15 བདེན་པ་མེད་ཅིང་ངན་པ་དང་བྲལ་བ་དག་བཅོམ་ནོར་དུ་གྱུར། དཀོན་མཆོག་ཡ་ཝཱེས་དེ་ནི་ལས་ངན་པར་གཟིགས་ཏེ། གང་ལ་ཞེ་ན། དྲང་པོ་གང་ཡང་མེད་པའི་ཕྱིར་རོ། །  
\v 16 ཁོང་གིས་སྤྱོད་བཟང་ཅན་དང་། གཞན་གྱི་ཕྱིར་དུ་གསོལ་བ་འདེབས་མཁན་མེད་པ་མཐོང་སྟེ་ཤིན་ཏུ་ངོ་མཚར་བར་གྱུར། དེའི་ཕྱིར་ཁོང་གི་ཕྱག་ངར་གྱིས་སྐྱོབ་པར་མཛད་ཅིང་། ཁོང་གི་དྲང་བདེན་གྱིས་རང་ཉིད་སྐྱོར་ཏོ། །  
\v 17 ཁོང་གིས་དྲང་བདེན་གྱི་གོ་ཁྲབ་མནབས་ཤིང་། དབུ་ལ་ཐར་པའི་དབུ་རྨོག་བསྣམས། འཁོན་ལན་སློག་པའི་ན་བཟའ་མནབས། དང་ཞེན་གྱི་ཕྱི་ལྭ་གསོལ།  
\v 18 ཁོང་གིས་མི་རེ་རེའི་བྱ་སྤྱོད་བཞིན་ལན་འཇལ་ཞིང་། ཁོང་གི་ཐུགས་ཁྲོ་ཉིད་ཀྱི་དགྲ་ཡི་སྟེང་འབབ་ཏུ་འཇུག་ཅིང་། ཉིད་ཀྱི་འཁོན་ལན་དགྲ་ཟླའི་སྟེང་དུ་སློག་པ་དང་། གླིང་ཕྲན་སྟེང་གི་མི་རྣམས་ལ་ངན་ལན་འཇལ་ལོ། །  
\v 19 དེ་བས་མི་ཡིས་ཉི་མ་ནུབ་མཚམས་ནས་དཀོན་མཆོག་ཡ་ཝཱེའི་མཚན་ལ་གུས་ཤིང་འཇིགས་པར་བྱེད་ཅིང་། ཉི་མ་ཤར་མཚམས་ནས་ཀྱང་ཁོང་གི་གཟི་བརྗིད་ལ་གུས་ཤིང་འཇིགས་པར་འགྱུར་ཏེ། དགྲ་རྣམས་གཙང་པོ་བཞིན་རྒྱུག་འོང་དུས་དཀོན་མཆོག་ཡ་ཝཱེའི་དབུགས་ཀྱིས་དེ་འདེད་པར་འགྱུར།  
\v 20 དེ་ནས་ཛ་ཡན་དང་། ཡ་ཀོབ་ཚང་གི་ཉེས་པ་བཤགས་མཁན་རྣམས་སྐྱོབ་ཕྱིར་སྐྱབས་མགོན་ཞིག་འོང་བར་འགྱུར་ཞེས་དཀོན་མཆོག་ཡ་ཝཱེས་གསུངས་སོ། །  
\v 21 དཀོན་མཆོག་ཡ་ཝཱེས་འདི་སྐད་དུ། ང་ལ་མཚོན་ན་དེ་དག་དང་ཁ་ཆད་བཞག་པ་འདི་ལྟ་སྟེ། བདག་གིས་ཁྱོད་རྣམས་ཀྱི་སྟེང་དུ་བཞག་པའི་ཐུགས་ཉིད་དང་། ཁྱོད་ཅག་གི་སྨྲ་སྒོ་རུ་བཞག་པའི་མན་ངག་དེ། ཁྱོད་དང་ཁྱོད་ཀྱི་བུ་རྒྱུད་དང་ཁྱོད་ཀྱི་བུ་རྒྱུད་ཀྱི་བུ་རྒྱུད་བཅས་ཀྱི་སྨྲ་སྒོ་དང་འབྲལ་བར་མི་འགྱུར་བར་རྟག་ཏུ་གནས་ཞེས་དཀོན་མཆོག་ཡ་ཝཱེས་གསུངས་སོ། །   
\c 60
\cl ལེའུ་དྲུག་ཅུ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཡེ་རུ་སཱ་ལེམ་གྱི་མ་འོངས་པའི་གཟི་དཔལ།  
\p
\v 1 ཀྱེ་ཛ་ཡན་ཡར་ལོངས་ལ་འོད་སྤྲོས་ཤིག ཁྱོད་ཀྱི་འོད་སླེབས་ཟིན་པས་སོ། །དཀོན་མཆོག་ཡ་ཝཱེའི་གཟི་བརྗིད་ཡར་འཕགས་ཏེ་ཁྱོད་ཀྱི་སྟེང་དུ་ཤར་བྱུང་།  
\v 2 ལྟོས་དང་། མུན་པས་ས་གཞི་གཡོགས་ཤིང་མི་རིགས་ཀུན་སྨག་རུམ་གྱིས་བཏུམས་ནའང་། དཀོན་མཆོག་ཡ་ཝཱེ་ཡར་བཞེངས་ཏེ་ཁྱོད་ལ་འོད་སྤྲོ་ཞིང་ཁོང་གི་གཟི་བརྗིད་ཁྱོད་ཀྱི་སྟེང་ནས་མངོན་པར་འགྱུར།  
\v 3 རྒྱལ་ཕྲན་རྣམས་ནི་ཁྱོད་ཀྱི་འོད་ནང་དུ་སྐྱོད་ཅིང་། རྒྱལ་པོ་རྣམས་ཁྱོད་ཀྱི་ཉི་གཞོན་འཆར་ཀའི་འོད་ནང་དུ་རྒྱུ་བར་འགྱུར།   
\p
\v 4 ཁྱོད་ཀྱིས་མིག་ཟུང་ཡར་བཏེགས་ནས་ཕྱོགས་ཀུན་ལ་ལྟོས་དང་། མི་ཐམས་ཅད་མཉམ་གཅིག་ཏུ་ཁྱོད་ཀྱི་མདུན་དུ་འོང་ཞིང་། ཁྱོད་ཀྱི་བུ་རྣམས་རྒྱང་རིང་ནས་འོང་ལ། ཁྱོད་ཀྱི་བུ་མོ་རྣམས་མཆན་ལ་བཙིར་ནས་འོང་བར་འགྱུར།  
\v 5 དུས་དེར་ཁྱོད་ཀྱིས་མཐོང་ཞིང་འོད་མདངས་བཀྲ་བར་འགྱུར་ཏེ། ཁྱོད་ཀྱི་སེམས་ངོ་མཚར་ཞིང་སྤྲོ་བར་འགྱུར། ཅིའི་ཕྱིར་ཞེ་ན། རྒྱ་མཚོའི་གཏེར་རྣམས་ཁྱོད་ཀྱི་ཕྱོགས་སུ་འཁོར་ཞིང་། རྒྱལ་ཕྲན་རྣམས་ཀྱི་རྒྱུ་ནོར་ཁྱོད་ལ་འཐོབ་ངེས་ཡིན།  
\v 6 རྔ་མོང་གི་ཁྱུ་རྣམས་ཁྱོད་ཀྱི་ས་གཞིར་ཁྱབ་ཅིང་། མིད་ཡཱན་དང་ཨེ་ཕཱ་ཡི་རྔ་མོང་ཆུང་ཆུང་རྣམས་ཁྱོད་ཀྱི་རྒྱལ་ཁམས་སུ་གང་སྟེ། ཤེ་བཱའི་མི་ཀུན་གྱིས་གསེར་དང་སྤོས་དཀར་ཁྱེར་འོངས་ནས། དཀོན་མཆོག་ཡ་ཝཱེར་བསྟོད་ཅིང་བསྔགས་པའི་གཏམ་བཟང་སྒྲོག་གོ །  
\v 7 ཀེ་དཱར་གྱི་ལུག་ཁྱུ་ཐམས་ཅད་ཁྱོད་ཀྱི་དྲུང་དུ་འདུས་ཤིང་། ནཱ་བ་ཨོད་ཀྱི་ལུག་ཐུག་རྣམས་ཁྱོད་ཀྱི་དྲུང་དུ་འབྱོར་ངེས། དེ་དག་བདག་གི་བློར་འབབ་པའི་མཆོད་རྫས་སུ་འགྱུར་ཆེད་བདག་གི་མཆོད་ཁྲི་སྟེང་འབུལ་ཞིང་། བདག་གིས་རང་གི་གཟི་བརྗིད་ལྡན་པའི་མཆོད་ཁང་ལ་གཟི་བརྗིད་ལྡན་པར་མཛད་དོ། །  
\v 8 སྤྲིན་ལྟར་འཕུར་ཞིང་། ཕུག་རོན་བཞིན་རང་གི་ཚང་ནང་འཕུར་འགྲོ་བ་དེ་དག་སུ་ཡིན་ནམ།  
\v 9 གླིང་ཕྲན་རྣམས་ཀྱིས་བདག་ལ་བསྒུག་ཅིང་། ཁོང་གིས་ཁྱོད་ལ་གཟི་བརྗིད་བསྩལ་ཡོད་པས། ཁྱོད་ཀྱི་དཀོན་མཆོག་ཡ་ཝཱེའི་མཚན་དང་། ཡེས་ར་ཨེལ་གྱི་དམ་པ་ཉིད་ཀྱི་རྐྱེན་གྱིས། ཐཱར་ཞིས་པའི་གྲུ་གཟིངས་རྣམས་ཀྱིས་སྣེ་ཁྲིད་དེ་ཁྱོད་ཀྱི་བུ་རྣམས་གསེར་དངུལ་དང་བཅས་རྒྱང་རིང་ཡུལ་ནས་བསྐྱལ་འོང་།  
\v 10 ཕྱི་ཕྱོགས་པས་ཁྱོད་ཀྱི་མཁར་ཡང་བསྐྱར་བརྩིག་ཅིང་། དེ་དག་གི་རྒྱལ་པོ་རྣམས་ཀྱིས་ཁྱོད་ལ་ཞབས་ཕྱི་བསྒྲུབ་པར་འགྱུར། གང་ལ་ཞེ་ན། སྔར་བདག་གིས་ཁོང་ཁྲོ་དང་བཅས་ཁྱོད་ལ་བརྡེགས་ནའང་། ད་ལྟ་གཟིགས་སྐྱོང་ཁྲོད་ནས་ཁྱོད་ལ་སྙིང་རྗེ་བསྐྱེད་པ་ཡིན།  
\v 11 མི་རྣམས་ཀྱིས་ཁྱོད་ལ་རྒྱལ་ཕྲན་ཀུན་གྱི་རྒྱུ་ནོར་སྐྱེལ་འདྲེན་བྱེད་པ་དང་། དེའི་རྒྱལ་པོ་རྣམས་ཁྲིད་འོང་བའི་ཕྱིར། ཁྱོད་ཀྱི་མཁར་སྒོ་རྒྱུན་དུ་ཕྱེས་ཏེ། ཉིན་མཚན་གང་དུའང་སྒོ་རྒྱག་པར་མི་འགྱུར་རོ། །  
\v 12 ཡང་ཁྱོད་ལ་ཞབས་ཕྱི་མི་བསྒྲུབ་པའི་བུ་རྒྱུད་དང་རྒྱལ་སྲིད་ནི་མེད་པར་འགྱུར་ཞིང་། རྒྱལ་ཁབ་དེ་དག་རྩ་བ་ནས་འཇིག་ངེས་ཡིན།  
\v 13 བདག་གི་གནས་དམ་པ་མཛེས་པར་བརྒྱན་ཕྱིར་གསོམ་པ་དང་སྒྲོན་ཤིང་། ཤུག་ཤིང་བཅས་ལེ་པཱ་ནོན་གྱི་གཟི་བརྗིད་ཁྱོད་ལ་གཏོགས་པར་འགྱུར། ངས་རང་གི་རྐང་པ་སྤོ་སར་གཟི་བརྗིད་འཐོབ་པར་བྱའོ། །  
\v 14 ཁྱོད་དཀའ་སྡུག་ལ་སྦྱོར་མཁན་གྱི་བུ་རྒྱུད་རྣམས་མགོ་བསྒུར་ཏེ་ཁྱོད་ཀྱི་དྲུང་དུ་འོང་ཞིང་། ཁྱོད་ལ་མཐོང་ཆུང་བྱེད་མཁན་ཐམས་ཅད་ཀྱིས་ཁྱོད་ཀྱི་རྐང་འོག་ནས་ཕྱག་འཚལ་བར་འགྱུར། དེ་ཚོས་ཁྱོད་ལ་དཀོན་མཆོག་ཡ་ཝཱེའི་གྲོང་ཁྱེར་དང་། ཡེས་ར་ཨེལ་གྱི་དམ་པའི་ཛ་ཡན་ཞེས་འབོད།   
\p
\v 15 སྔར་ཁྱོད་ནི་དོར་ཞིང་སྡང་བར་གྱུར་ཏེ། ཐ་ན་ཁྱོད་བརྒྱུད་ནས་འགྲོ་མཁན་མེད་ཀྱང་། བདག་གིས་ཁྱོད་ནི་དུས་གཏན་དུ་བསྟོད་པའི་ཡུལ་དུ་འགྱུར་བ་དང་། མི་རབས་ཀུན་གྱི་དགའ་སྤྲོ་རུ་བྱེད་དོ། །  
\v 16 ཁྱོད་ཀྱིས་རྒྱལ་ཕྲན་ཀུན་གྱི་འོ་མ་བཏུང་ཞིང་། རྒྱལ་པོ་རྣམས་ཀྱི་ནུ་ཞོ་འཇིབ་པ་དང་། དེ་ནས་ཁྱོད་ཀྱིས་དཀོན་མཆོག་ཡ་ཝཱེ་བདག་ནི་ཁྱོད་ཀྱི་མགོན་སྐྱབས་དང་། ཡ་ཀོབ་ཀྱི་མཐུ་བོ་ཆེ་སྟེ་ཁྱོད་རང་བླུ་མཁན་ཡིན་པ་རྟོགས་པར་འགྱུར།  
\v 17 བདག་གིས་ཟངས་ཀྱི་ཚབ་ཏུ་གསེར་དང་། ལྕགས་ཀྱི་ཚབ་ཏུ་དངུལ། ཤིང་གི་ཚབ་ཏུ་ར་གན་དང་། རྡོའི་ཚབ་ཏུ་ལྕགས་འདྲེན་པར་བྱ་སྟེ། བདག་གིས་ཁྱོད་ཀྱི་ལས་དཔོན་དུ་ཞི་བདེ་དང་། ཁྱོད་ཀྱི་དབང་སྒྱུར་མཁན་དུ་དྲང་བདེན་བསྐོ་བར་བྱའོ། །  
\v 18 ཁྱོད་ཀྱི་ཡུལ་ནས་དྲག་སྤྱོད་ཀྱི་དོན་ཙམ་ཡང་མི་ཐོས་ཤིང་། ཁྱོད་ཀྱི་མངའ་ཁོངས་སུ་ཉམ་རྒུད་དང་གཏོར་བཤིག་གི་སྒྲ་ཙམ་ཡང་ཐོས་པར་མི་འགྱུར། ཁྱོད་ཀྱིས་རང་གི་ལྕགས་རི་རྣམས་ལ་ཐར་པ་དང་། མཁར་སྒོ་རྣམས་ལ་བསྟོད་བསྔགས་ཞེས་འབོད་པར་འགྱུར།   
\p
\v 19 ཉིན་དཀར་ཉི་འོད་ཁྱོད་ཀྱི་འོད་དུ་མི་བྱ་ཞིང་། མཚན་མོར་ཟླ་འོད་ཀྱང་ཁྱོད་སྟེང་མི་སྤྲོ། ཡིན་ཡང་དཀོན་མཆོག་ཡ་ཝཱེ་ཁྱོད་ཀྱི་དུས་གཏན་གྱི་འོད་ཟེར་དང་། ཁྱོད་ཀྱི་དཀོན་མཆོག་ཁྱོད་ཀྱི་གཟི་བརྗིད་དུ་འགྱུར་རོ། །  
\v 20 ཁྱོད་ཀྱི་ཉི་མ་ནམ་ཡང་མི་ནུབ་ལ། ཁྱོད་ཀྱི་ཟླ་བ་ཡང་འཁུམ་པར་མི་འགྱུར། གང་ལ་ཞེ་ན། དཀོན་མཆོག་ཡ་ཝཱེ་ཁྱོད་ཀྱི་དུས་གཏན་གྱི་འོད་ཟེར་བྱེད་ཅིང་། ཁྱོད་ཀྱི་སྡུག་བསྔལ་གྱི་ཉིན་མོ་རྣམས་རྫོགས་པར་འགྱུར།  
\v 21 ཁྱོད་ཀྱི་འབངས་རྣམས་དྲང་བདེན་དུ་འགྱུར་ཞིང་། དུས་གཏན་དུ་ཡུལ་དེ་ས་སྐལ་དུ་འཐོབ་པར་འགྱུར། དེ་དག་ནི་བདག་གིས་བཙུགས་པའི་མྱུ་གུ་དང་། བདག་གི་ཕྱག་གིས་བྱས་པ་ཡིན་པས་བདག་ལ་གཟི་བརྗིད་མངའ་བར་འགྱུར།  
\v 22 ཆེས་ཆུང་བ་རྣམས་རིགས་གཅིག་ཏུ་འགྱུར་ཞིང་། སྟོབས་ཉམས་པ་རྣམས་སྟོབས་འབྱོར་ལྡན་པའི་རྒྱལ་ཁབ་ཏུ་འགྱུར། དཀོན་མཆོག་ཡ་ཝཱེ་བདག་གིས་དུས་བཞིན་དུ་དོན་དེ་རྣམས་མྱུར་དུ་བསྒྲུབ་པར་བྱའོ། །   
\c 61
\cl ལེའུ་རེ་གཅིག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཐར་པའི་འཕྲིན་བཟང་སྒྲོག་པ།  
\p
\v 1 གཙོ་བོ་ཡ་ཝཱེའི་ཐུགས་ཉིད་ང་ཡི་སྟེང་དུ་བཞུགས་ཏེ། གང་ལ་ཞེ་ན། དབུལ་པོ་རྣམས་ལ་འཕྲིན་བཟང་སྒྲོག་པའི་ཕྱིར་ཁོང་གིས་བདག་ལ་སྣུམ་གྱིས་བྱུགས་ཤིང་བསྐོས་པའོ། །སྡུག་བསྔལ་ཅན་ལ་སེམས་གསོ་བྱེད་པ་དང་། བཙོན་པ་རྣམས་ལ་ཐར་པའི་འཕྲིན་བཟང་བསྒྲག་པ། བཀག་སྡོམ་ཐེབས་པ་རྣམས་ལ་ཐར་པ་བསྒྲག་པ།  
\v 2 དཀོན་མཆོག་ཡ་ཝཱེའི་ཐུགས་རྗེའི་གནམ་ལོ་དང་། ང་ཚོའི་དཀོན་མཆོག་གིས་ལན་འཇལ་བའི་ཉིན་མོ་དེ་བསྒྲག་པ་དང་། ཡིད་སྐྱོ་བ་རྣམས་ལ་སེམས་གསོ་གཏོང་བ།  
\v 3 ཛ་ཡན་གྱི་སྡུག་གིས་མནར་བཞིན་པ་རྣམས་བརྒྱན་ཏེ། ཁོ་ཚོར་ཐལ་རྡུལ་གྱི་ཚབ་ཏུ་ལ་ཐོད་དང་། མྱ་ངན་གྱི་ཚབ་ཏུ་དགའ་སྤྲོ་ཡི་སྣུམ། སེམས་ཤུགས་ཉམས་པའི་ཚབ་ཏུ་བསྟོད་པའི་གྱོན་ཆས་བཅས་གནང་བར་མངགས་པ་ཡིན། ཁོང་རང་ཉིད་ལ་གཟི་བརྗིད་འཐོབ་པའི་ཕྱིར་དུ། དེ་དག་ལ་དྲང་བདེན་གྱི་བེ་ཤིང་ཞེས་འབོད་ཅིང་། དཀོན་མཆོག་ཡ་ཝཱེ་ཁོང་གིས་སྐུ་དངོས་སུ་བཙུགས་པ་ཡིན།  
\v 4 དེ་དག་གིས་གནའ་བོའི་ཞིག་རོ་རྣམས་བརྩིགས་ཤིང་སྔོན་ཆད་རྩ་གཏོར་བཏང་བ་རྣམས་ཡར་བཞེངས་ཏེ། མི་རབས་མང་པོར་ཞིག་རོར་ལུས་པའི་གྲོང་ཁྱེར་རྣམས་སླར་གསོ་བར་བྱའོ། །   
\p
\v 5 དུས་དེར་ཕྱི་ཕྱོགས་པ་རྣམས་ཀྱིས་ཁྱོད་ཚོར་ཞབས་ཕྱི་བསྒྲུབས་ཏེ། ཁྱོད་རྣམས་ཀྱི་ལུག་ཁྱུ་འཚོ་ཞིང་། ཕྱི་ཕྱོགས་པ་རྣམས་ཁྱོད་ཅག་གི་ཞིང་པ་དང་རྒུན་ཚལ་བདག་གཉེར་བྱེད་མཁན་དུ་འགྱུར་རོ། །  
\v 6 ཡང་ཁྱོད་ཅག་ནི་དཀོན་མཆོག་ཡ་ཝཱེའི་མཆོད་དཔོན་དུ་འབོད་པར་འགྱུར་ཏེ། མི་རྣམས་ཀྱིས་ཁྱོད་ཅག་ལ་ང་ཚོའི་དཀོན་མཆོག་གི་ཞབས་ཕྱི་ཞེས་འབོད་ཅིང་། ཁྱོད་ཚོས་རྒྱལ་ཕྲན་ཀུན་གྱི་རྒྱུ་ནོར་སྤྱོད་ཅིང་། དེ་དག་གི་གཟི་བརྗིད་ནང་དུ་ཁྱོད་ཅག་གིས་ངོམ་ཟིལ་སྟོན་ནོ། །  
\v 7 ཁྱོད་ཅག་ལ་ཐེབས་པའི་ངོ་ཚའི་ཚབ་ཏུ་ནོར་སྐལ་ལྡབ་གཉིས་འཐོབ་ཅིང་། ངོ་ཚའི་ཚབ་ཏུ་དེ་དག་གིས་རང་ལ་ཐོབ་པའི་ནོར་སྐལ་གྱི་ཕྱིར་དགའ་འབོད་བྱེད་པས། དེ་དག་ལ་རང་ཡུལ་ནས་ནོར་སྐལ་ལྡབ་གཉིས་འཐོབ་ཅིང་། རྟག་ཏུ་དགའ་བར་འགྱུར།   
\p
\v 8 དེའི་རྒྱུ་མཚན་དཀོན་མཆོག་ཡ་ཝཱེ་བདག་ནི་དྲང་པོར་དགའ་བ་ལས་དྲང་བདེན་མིན་པའི་འཕྲོག་བཅོམ་ལ་སྡང་བ་ཡིན། བདག་གིས་བདེན་ལུགས་ཀྱིས་དེ་དག་ལ་རྔན་པ་གནང་ཞིང་། དེ་དག་དང་དུས་གཏན་གྱི་ཁ་ཆད་འཇོག་པར་བྱ།  
\v 9 དེ་དག་གི་བུ་རྒྱུད་རྣམས་རྒྱལ་ཕྲན་དག་གི་དབུས་ནས་ངོ་ཤེས་པར་འགྱུར་ལ། དེ་དག་གི་བུ་རབས་ཚ་རྒྱུད་རྣམས་མི་རིགས་ཀུན་གྱི་ནང་དུའང་དེ་བཞིན་ནོ། །ཁོ་ཚོ་མཐོང་མཁན་ཚང་མས་དེ་དག་དཀོན་མཆོག་ཡ་ཝཱེས་བྱིན་གྱིས་བརླབས་པའི་བུ་རྒྱུད་ཡིན་པ་ཁས་ལེན་པར་འགྱུར།   
\p
\v 10 ང་རང་དཀོན་མཆོག་ཡ་ཝཱེའི་རྐྱེན་གྱིས་རབ་ཏུ་སྤྲོ་ཞིང་། བདག་གི་སེམས་རང་གི་དཀོན་མཆོག་ལ་བརྟེན་ནས་ཤིན་ཏུ་དགའོ། །ཅིའི་ཕྱིར་ཞེ་ན། མག་གསར་གྱིས་ལ་ཐོད་དཀྲི་བ་དང་། བག་གསར་གྱིས་རྒྱན་ཆ་འདོགས་པ་བཞིན། ཁོང་གིས་ང་ལ་ཐར་པའི་གོས་གྱོན་ཞིང་། དྲང་བདེན་གྱི་ཕྱི་ལྭ་ང་ལ་བསྐོན་པར་མཛད།  
\v 11 ས་གཞིས་རང་ལ་མྱུ་གུ་འབུ་བར་བྱེད་ཅིང་། སྐྱེད་མོས་ཚལ་གྱིས་དེའི་ནང་དུ་བཏབ་པ་རྣམས་སྐྱེ་རུ་འཇུག་པ་ལྟར། གཙོ་བོ་ཡ་ཝཱེས་ཀྱང་རྒྱལ་ཕྲན་ཀུན་གྱི་མདུན་དུ་དྲང་བདེན་དང་བསྟོད་བསྔགས་བསྐྱེད་པར་བྱའོ། །   
\c 62
\cl ལེའུ་རེ་གཉིས་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 ཛ་ཡན་གྱི་ཐར་ལམ།  
\p
\v 1 ཛ་ཡན་གྱི་དྲང་བདེན་འོད་ཟེར་བཞིན་འཕྲོ་ཞིང་། ཡེ་རུ་སཱ་ལེམ་གྱི་ཐར་པ་དཔལ་འབར་བཞིན་མ་སྒྲོན་པའི་བར་དུ། ཛ་ཡན་གྱི་ཕྱིར་དུ་བདག་ཁུ་སིམ་མེར་མི་འདུག་ལ། ཡེ་རུ་སཱ་ལེམ་གྱི་ཕྱིར་དུ་བདག་གྲགས་མེད་དུའང་སྡོད་པར་མི་བྱའོ། །  
\v 2 རྒྱལ་ཕྲན་རྣམས་ཀྱིས་ཁྱོད་ཀྱི་དྲང་བདེན་དང་། རྒྱལ་པོ་ཀུན་གྱིས་ཁྱོད་ཀྱི་གཟི་བརྗིད་མཐོང་བར་འགྱུར། དེ་ནས་ཁྱོད་ལ་དཀོན་མཆོག་ཡ་ཝཱེའི་ཞལ་ནས་བཏགས་པའི་མིང་གསར་པ་ཞིག་གིས་མི་ཡིས་འབོད་ངེས་ཡིན།  
\v 3 ཁྱོད་རང་དཀོན་མཆོག་ཡ་ཝཱེའི་ཕྱག་གི་དབུ་རྒྱན་དང་། རང་གི་དཀོན་མཆོག་ཕྱག་གི་རྒྱལ་པོའི་གཙུག་རྒྱན་དུ་འགྱུར་ངེས།  
\v 4 ད་ནི་ཁྱོད་རང་གཞན་གྱིས་དོར་བ་ཡིན་ཞེས་མི་ཟེར་ལ། ཁྱོད་ཀྱི་ཡུལ་ལའང་དབེན་སྟོང་ཞེས་མི་འབོད་དེ། ཁྱོད་ནི་ང་རང་ཁོ་མོར་དགའ་བ་ཡིན་ཞེས་དང་། ཁྱོད་ཀྱི་ཡུལ་ལ་བཟའ་ཟླ་ཅན་ཞེས་འབོད་ངེས་ཡིན། ཅིའི་ཕྱིར་ཞེ་ན། དཀོན་མཆོག་ཡ་ཝཱེ་ཁྱོད་ལ་ཐུགས་དགྱེས་ཤིང་། ཁྱོད་ཀྱི་ཡུལ་ནི་བཟའ་ཟླ་དང་ལྡན་པར་འགྱུར།  
\v 5 གཞོན་ནུ་ཞིག་གིས་ན་ཆུང་བུ་མོ་ཞིག་ལེན་པ་བཞིན། ཁྱོད་ཀྱི་བུ་རྣམས་ཀྱིས་ཀྱང་དེ་བཞིན་ཁྱོད་ལེན་ཞིང་། མག་གསར་བག་མར་དགའ་བ་ཇི་བཞིན། ཁྱོད་ཀྱི་དཀོན་མཆོག་ཀྱང་དེ་བཞིན་ཁྱོད་ལ་ཐུགས་མཉེས་པར་འགྱུར་རོ། །   
\p
\v 6 ཀྱེ་ཡེ་རུ་སཱ་ལེམ། བདག་གིས་ཁྱོད་ཀྱི་ལྕགས་རིའི་སྟེང་དུ་སོ་པ་བཞག་ཅིང་། ཁོ་ཚོ་ཉིན་མཚན་ཀུན་ཏུ་ཁུ་སིམ་མེར་མི་འདུག དཀོན་མཆོག་ཡ་ཝཱེའི་མཚན་ནས་འབོད་པ་ཁྱོད་ཅག་ཀྱང་ངལ་གསོ་བར་མི་བྱའོ། །  
\v 7 དཀོན་མཆོག་གིས་ཡེ་རུ་སཱ་ལེམ་བསྐྲུན་ནས་དེ་ས་སྟེང་དུ་བསྟོད་པའི་ཡུལ་དུ་འགྱུར་བའི་བར་དུ། ཁྱོད་རྣམས་ཀྱིས་ཁོང་ཉིད་ངལ་གསོ་བར་མ་འཇུག་ཅིག  
\v 8 དཀོན་མཆོག་ཡ་ཝཱེས་ཉིད་ཀྱི་ཕྱག་གཡས་པ་དང་དཔུང་པ་སྟོབས་པོ་ཆེ་དཔང་དུ་བཙུགས་ནས་འདི་སྐད་དུ། ཕྱིན་ཆད་ཁྱོད་ཀྱི་འབྲུ་རིགས་རྣམས་དགྲ་བོའི་ཟས་སུ་མི་སྦྱིན་ལ། ཁྱོད་ཀྱི་རྩོལ་བ་ལས་ཐོབ་པའི་རྒུན་ཆང་ཡང་ཕྱི་ཕྱོགས་པ་རྣམས་ལ་བཏུང་བར་མི་བྱ་སྟེ།  
\v 9 འབྲུ་རིགས་སྡུད་མཁན་ཁོ་ནས་དེ་སྤྱོད་ཅིང་། དཀོན་མཆོག་ཡ་ཝཱེ་ལ་བསྟོད་བསྔགས་བརྗོད་ངེས་ཡིན། དེ་དག་སྡུད་མཁན་རྣམས་ཀྱིས་བདག་གི་གནས་དམ་པའི་ཁྱམས་ར་ནས་དེ་བཏུང་བར་བྱའོ་ཞེས་གསུངས་སོ། །   
\p
\v 10 ཁྱོད་རྣམས་སོང་ཞིག མཁར་སྒོ་བརྒྱུད་ནས་སོང་ཞིག མི་རྣམས་ལ་གཞུང་ལམ་གྲ་སྒྲིག་བྱོས་དང་། ཁྱོད་རྣམས་ཀྱིས་ཡར་སྙོམས་ཤིག ལམ་ཆེན་ཡར་སྙོམས་ཤིག རྡོ་རྣམས་ཐུས་ཤིག མི་རིགས་ཀུན་གྱི་ཕྱིར་དུ་དར་ཆེན་སྒྲེངས་ཤོག  
\v 11 ལྟོས་ཤིག དཀོན་མཆོག་ཡ་ཝཱེས་ས་མཐའི་བར་དུ་བསྒྲགས་ཏེ་འདི་སྐད་དུ། ཁྱོད་ཅག་གིས་ཛ་ཡན་གྱི་བུ་མོ་ལ། ལྟོས་དང་། ཁྱོད་རང་སྐྱོབ་མཁན་སླེབས་བཞིན་གདའ། ཁོང་གིས་མི་ལ་གནང་བའི་གསོལ་རས་ཁོང་དང་མཉམ་དུ་ཡོད་དེ། ཁོང་གིས་མི་ལ་འཇལ་བའི་ལན་ཡང་ཁོང་གི་དྲུང་དུ་མཆིས་སོ་ཞེས་ཤོད་ཅིག་གསུངས་སོ། །  
\v 12 དེ་ནས་ཁོ་ཚོར་དམ་པའི་མི་སྡེ་དང་། དཀོན་མཆོག་ཡ་ཝཱེས་བླུས་པའི་མི་རྣམས་ཞེས་འབོད་པ་དང་། ཁྱོད་ལའང་ཡིད་སྨོན་འཆོར་ས་དང་། འདོར་བར་མི་བྱ་བའི་གྲོང་ཁྱེར་ཞེས་འབོད་པར་འགྱུར་རོ། །   
\c 63
\cl ལེའུ་རེ་གསུམ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གི་འཁོན་ལན་སློག་པ་དང་ཐར་པ་གནང་བའི་ཉིན་མོ།  
\p
\v 1 མཚལ་མདོག་གི་ན་བཟའ་སྐུ་ལ་གསོལ་ཏེ། རྒྱན་གྱིས་སྤྲས་ཏེ་མཐུ་སྟོབས་ཆེན་པོས་ཨེ་དོམ་ཕྱོགས་ནས་ཕེབས་ཤིང་། པོ་ཚ་རཱ་ནས་འབྱོན་འོང་བ་དེ་སུ་ཡིན་ནམ། དེ་ནི་དྲང་བདེན་གྱི་སྒོ་ནས་གཏམ་འཆད་ཀྱིན་ཐར་པའི་མཐུ་སྟོབས་རྫོགས་པ་ང་རང་ཡིན་ནོ། །   
\p
\v 2 ཁྱེད་ཀྱི་ན་བཟའ་དམར་ཞིང་། གྱོན་པ་ནི་རྒུན་འབྲུམ་འཚིར་གཞོང་ལས་རྒུན་འབྲུམ་འཚིར་གནོན་བྱེད་མཁན་གྱི་ལྭ་བ་དང་མཚུངས་པ་ཅི་ཡིན་ནམ།  
\v 3 ང་གཅིག་པུས་རྒུན་འབྲུམ་འཚིར་གཞོང་ནང་དུ་རྐང་པས་བརྫིས་ཤིང་། མི་རྣམས་ཀྱི་ཁྲོད་དུ་ང་དང་མཉམ་དུ་འདུག་མཁན་གཅིག་ཀྱང་མེད་དེ། བདག་གིས་ཁོང་ཁྲོ་དང་བཅས་དེ་དག་ལ་རྡོག་བརྫིས་བརྒྱབ་ཅིང་། ཁྲོ་གཏུམ་དྲག་པོས་དེ་དག་རྐང་བརྫིས་བཏང་། དེ་དག་གི་ཁྲག་བདག་གི་གྱོན་གོས་སྟེང་དུ་གཏོར་ནས། བདག་གིས་རང་གི་གོས་ཐམས་ཅད་བཙོག་པར་བཟོས།  
\v 4 གང་ལ་ཞེ་ན། འཁོན་ལན་སློག་པའི་ཉིན་མོ་དེ་ངའི་སེམས་སུ་ཡོད་ཅིང་། བདག་གིས་སྐྱོབ་པའི་ལོ་ནི་སླེབས་པ་ཡིན།  
\v 5 བདག་གིས་བལྟས་ཀྱང་གྲོགས་བྱེད་མཁན་གཅིག་ཀྱང་མི་འདུག རོགས་སྐྱོར་བྱེད་མཁན་ཡང་མ་བྱུང་བས་ང་ཧ་ལས་པར་གྱུར། དེ་བས་བདག་གི་ལག་ངར་གྱིས་བདག་ལ་ཐར་པ་དྲངས་ཤིང་། བདག་གི་ཁྲོ་བས་བདག་སྐྱོར་པ་ཡིན།  
\v 6 བདག་གིས་རང་གི་ཁོང་ཁྲོ་དང་བཅས་མི་རིགས་ཀུན་ལ་རྡོག་བརྫིས་བཏང་ཤིང་། བདག་གི་ཁྲོ་གཏུམ་ནང་ནས་དེ་དག་བཟི་རུ་བཅུག་སྟེ། དེ་དག་གི་ཁྲག་ནི་ས་རུ་གཏོར་ཏོ། །   
\s1 བསྟོད་པ་དང་གསོལ་འདེབས།  
\p
\v 7 ངས་དཀོན་མཆོག་ཡ་ཝཱེས་ང་ཚོའི་ཕྱིར་དུ་མཛད་པའི་དོན་ཐམས་ཅད་བཞིན་ཁོང་གི་བྱམས་བརྩེ་དང་། ཁོང་གི་བསྟོད་པར་འོས་པའི་དོན་རྣམས་དང་། ཁོང་གིས་ཡེས་ར་ཨེལ་གྱི་ཁྱིམ་རྒྱུད་ལ་གནང་བའི་བྱིན་རླབས་ཏེ། ཉིད་ཀྱི་ཐུགས་རྗེ་དང་ཕུན་སུམ་ཚོགས་པའི་བྱམས་བརྩེ་ཡིས་དེ་དག་གི་ཕྱིར་དུ་མཛད་པ་རྣམས་བརྗོད་པར་བྱའོ། །  
\v 8 སྔར་ཁོང་གིས་འདི་སྐད་དུ། དེ་དག་ནི་བདག་གི་མི་སྡེ་དང་རྫུན་མི་བཟོ་བའི་བུ་རྒྱུད་ངོ་མ་ཡིན་ཞེས་གསུངས་པས། དེ་དག་གི་དཀའ་སྡུག་ཐམས་ཅད་ཀྱི་ཁྲོད་དུ་ཁོང་ནི་དེ་དག་གི་སྐྱབས་མགོན་དུ་གྱུར་ཏོ། །  
\v 9 ཁོང་ནི་དེ་དག་གི་དགྲ་རུ་ལང་མཁན་མ་ཡིན་ཞིང་། ཁོང་གི་སྤྱན་སྔའི་ཕོ་ཉ་རྣམས་ཀྱིས་དེ་དག་བསྐྱབས་ཏེ། ཁོང་གིས་ཉིད་ཀྱི་ཐུགས་རྗེ་དང་བྱམས་བརྩེ་ཡིས་དེ་དག་བླུས་ཤིང་། གནའ་བོའི་དུས་ཀུན་ཏུ་ཁོང་གིས་དེ་རྣམས་ཁུར་ནས་པང་དུ་བཟུང་ངོ་། །   
\p
\v 10 འོན་ཀྱང་དེ་དག་གིས་གྱེན་ལོག་བྱས་ཏེ་ཁོང་གི་དམ་པའི་ཐུགས་ཉིད་སྡུག་ལ་སྦྱར་བས། ཁོང་དེ་དག་གི་དགྲ་རུ་ལངས་ནས་སྐུ་དངོས་སུ་དེ་དག་ལ་གཡུལ་བཤམས་པ་ཡིན།  
\v 11 སྐབས་དེར་ཁོ་ཚོས་གནའ་བོའི་དུས་ཏེ། མོ་ཤེ་དང་དེའི་འབངས་མི་ཡི་དུས་ཡིད་ལ་དྲན་ཏེ་ན་རེ། འབངས་དང་ཉིད་ཀྱི་ལུག་ཁྱུའི་རྫི་བོ་རྣམས་རྒྱ་མཚོའི་ཕ་རོལ་ཏུ་ཁྲིད་ཡོང་མཁན་དེ་གང་དུ་བཞུགས་སམ། དེ་དག་གི་དབུས་སུ་ཉིད་ཀྱི་ཐུགས་ཉིད་འབབ་ཏུ་འཇུག་མཁན་ཁོང་ཉིད་གང་དུ་བཞུགས་ཡོད་དམ།  
\v 12 ཉིད་ཀྱི་གཟི་བརྗིད་ལྡན་པའི་ཕྱག་ངར་མོ་ཤེའི་གཡས་ཕྱོགས་སུ་བསྐྱོད་པར་མཛད་མཁན་དང་། དུས་གཏན་གྱི་མཚན་འཐོབ་ཕྱིར་དེ་དག་གི་མདུན་དུ་ཆུ་བོ་ཕྱོགས་གཉིས་སུ་གྱེས་མཁན་དེ་གང་དུ་བཞུགས་སམ།  
\v 13 རྟ་རྒོད་ཐང་སྟོང་བརྒྱུད་པ་བཞིན་དེ་དག་རྒྱ་མཚོ་ཟབ་མོའི་ཀློང་ནས་ཁྲིད་དེ། སར་འགྱེལ་དུ་མ་བཅུག་པ་དེ་གང་དུ་བཞུགས་སམ།  
\v 14 ལུང་མདོ་རུ་བབས་པའི་ཕྱུགས་ཁྱུ་དང་མཚུངས་པར། དཀོན་མཆོག་ཡ་ཝཱེའི་ཐུགས་ཉིད་ཀྱིས་དེ་དག་ལ་ངལ་གསོ་སྦྱིན། དེ་བས་གཟི་བརྗིད་ཀྱི་མཚན་འཐོབ་ཕྱིར་ཁྱེད་ཀྱིས་རང་གི་མི་རྣམས་དེ་བཞིན་ཁྲིད་པ་ཡིན།  
\v 15 ཁྱེད་ཀྱིས་ནམ་མཁའ་ནས་གཟིགས་དང་། ཉིད་ཀྱི་བཞུགས་ཁྲི་དམ་པ་དང་གཟི་བརྗིད་ཆེན་པོའི་གནས་ནས་གཟིགས་སུ་གསོལ། ཁྱེད་ཀྱི་དང་ཞེན་དང་མཐུ་སྟོབས་གང་དུ་ཡོད། ཁྱེད་ཀྱི་དུང་སེམས་དང་སྙིང་རྗེ་ངའི་ཕྱོགས་ནས་ཕྱིར་འཐེན་ནོ། །  
\v 16 ཨབ་ར་ཧམ་གྱིས་ངེད་ཅག་ངོ་མི་ཤེས་ལ། ཡེས་ར་ཨེལ་གྱིས་ངེད་ཅག་ཁས་མི་ལེན་ཡང་། ཁྱེད་ནི་ངེད་ཅག་གི་ཡབ་ཡིན་ནོ། །ཀྱེ་དཀོན་མཆོག་ཡ་ཝཱེ་ལགས་ཁྱེད་ནི་ངེད་ཅག་གི་ཡབ་ཡིན་ལ། གནའ་བོའི་དུས་ནས་བཟུང་ངེད་ཅག་སྐྱོབ་མཁན་ཞེས་པ་ཁྱེད་ཀྱི་མཚན་ཡིན་ནོ། །  
\v 17 ཀྱེ་དཀོན་མཆོག་ཡ་ཝཱེ་ལགས། ཁྱེད་ཀྱིས་ཅིའི་ཕྱིར་ངེད་རྣམས་ལོག་ལམ་དུ་འགྲོ་བར་གནང་སྟེ། ཁྱེད་ཀྱི་ལམ་དང་འབྲལ་དུ་བཅུག་གམ། ཡང་ངེད་ཅག་གི་བློ་གྱོང་པོར་བྱས་ཤིང་ཁྱེད་ལ་མི་གུས་མི་འཇིགས་པར་མཛད་པ་ཅི་ཡིན་ནམ། ཁྱེད་ཀྱི་ཞབས་ཕྱི་རྣམས་དང་། ནོར་སྐལ་གྱི་ཚོ་ཁག་སོ་སོའི་ཕྱིར་དུ་ཁྱེད་ཉིད་ཚུར་འཁོར་བར་མཛོད།  
\v 18 ཁྱེད་ཀྱི་འབངས་མི་དམ་པར་རེ་ཞིག་ཁྱེད་ཀྱི་གནས་ཐོབ་ཅིང་། བདག་ཅག་གི་དགྲ་བོས་ཁྱེད་ཀྱི་གནས་མཆོག་ལ་རྡོག་བརྫིས་བཏང་ངོ་། །  
\v 19 ངེད་ཅག་ནི་ཁྱེད་ཀྱིས་ནམ་ཡང་དབང་བསྒྱུར་མ་མྱོང་བ་དང་། ཁྱེད་ཀྱི་མཚན་ལ་གཏོགས་པའི་མི་ཞེས་འབོད་མྱོང་མེད་པ་ལྟ་བུར་གྱུར་ཏོ། །   
\c 64
\cl ལེའུ་རེ་བཞི་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ཡ་ཝཱེ་ཕེབས་ནས་གཟི་བརྗིད་མངོན་པར་གྱུར་ཅིག  
\p
\v 1 ཁྱེད་ཀྱི་སྤྱན་སྔར་རི་ཚོགས་འདར་ཞིང་། ཁྱེད་ཀྱིས་ནམ་མཁའ་གཤགས་ནས་མར་ཕེབས་ཤོག  
\v 2 མེ་ཡིས་བུད་ཤིང་སྐམ་པོ་འབར་དུ་འཇུག་པ་དང་། ཡང་མེ་ཡིས་ཆུ་བསྐོལ་བ་བཞིན་དུ། ཁྱེད་ཀྱི་དགྲ་རྣམས་ལ་ཁྱེད་ཀྱི་མཚན་རྟོགས་སུ་བཅུག་སྟེ། རྒྱལ་ཕྲན་རྣམས་ཁྱེད་ཀྱི་སྤྱན་སྔར་འདར་གྱུར་ཅིག  
\v 3 ཁྱེད་ཀྱི་ངོ་མཚར་བའི་མཛད་པ་རྣམས་ང་ཚོའི་བསམ་ཡིད་ལས་འདས་ཤིང་། ཁྱེད་ཕེབས་དུས་རི་ཚོགས་ཁྱེད་ཀྱི་དྲུང་དུ་འདར་བ་ཡིན།   
\p
\v 4 གནའ་ནས་ད་ལྟའི་བར་དུ། ཁོང་ལ་སྒུག་མཁན་རྣམས་ཀྱི་ཕྱིར་དུ་དོན་མཛད་མཁན་ཁྱེད་ལས་དཀོན་མཆོག་གཞན་ཡོད་པ་མི་ཡིས་ཐོས་མེད་དེ། རྣ་བས་ཐོས་མྱོང་མེད་ལ་མིག་གིས་ཀྱང་མཐོང་མ་མྱོང་ངོ་། །  
\v 5 དྲང་བདེན་གྱི་དོན་རྣམས་དགའ་སྤྲོའི་ངང་སྒྲུབ་ཅིང་ཁྱེད་ཀྱི་ལམ་དུ་ཁྱེད་དྲན་མཁན་རྣམས་ལ་ཁྱེད་ཀྱིས་རོགས་རམ་གནང་བ་ཡིན། ལྟོས་དང་། ང་ཚོས་སྡིག་པ་བསགས་ཤིང་སྡིག་པ་དེའི་ཁྲོད་དུ་ཡུན་རིང་ལུས་པས་ཁྱེད་ཐུགས་ཁྲོས་པ་ཡིན། \f + \ft འདིར་ང་ཚོས་སྡིག་པ་བསགས་ཤིང་སྡིག་པ་དེའི་ཁྲོད་དུ་ཡུན་རིང་ལུས་པས་ཁྱེད་ཐུགས་ཁྲོས་པ་ཡིན་ཞེས་པ་འགྱུར་ལ་ལར་ཁྱེད་ཐུགས་ཁྲོས་ནའང་ང་ཚོས་ད་དུང་སྡིག་པ་བསགས་པ་ཡིན་ཞེས་མཐོང་།\f* དེས་ན་ང་ཚོ་བསྐྱབ་པར་འགྱུར་རམ།  
\v 6 ང་ཚོ་ཐམས་ཅད་མི་གཙང་བར་གྱུར་པ་དང་། ང་ཚོའི་དྲང་བདེན་ཐམས་ཅད་ནི་གྱོན་གོས་མི་གཙང་བ་དང་མཚུངས་ཤིང་། ང་ཚོ་ཚང་མ་ལོ་འདབ་བཞིན་སྐམ་སྟེ། ང་ཚོའི་ཉེས་པས་རླུང་ལྟར་ང་ཚོ་རྒྱང་རིང་དུ་འཁུར་ངེས།  
\v 7 ཁྱེད་ཀྱི་མཚན་ནས་འབོད་མཁན་མེད་ལ། ཧུར་ཐག་གིས་ཡར་ལངས་ནས་ཁྱེད་འཛིན་མཁན་ཡང་མེད། ང་ཚོའི་ཉེས་པའི་རྐྱེན་གྱིས་ཁྱེད་ཀྱི་ཞལ་རས་ངེད་ཕྱོགས་སྦས་ཏེ། ངེད་རྣམས་རང་གི་སྡིག་པའི་དབང་འོག་ཏུ་བསྐྱུར།   
\p
\v 8 ཀྱེ་དཀོན་མཆོག་ཡ་ཝཱེ་ལགས། ད་ལྟ་ཁྱེད་ནི་སྔར་བཞིན་ང་ཚོའི་ཡབ་ཡིན། ང་ཚོ་འཇིམ་པ་དང་ཁྱེད་ནི་འཇིམ་པ་བཟོ་མཁན་ལགས་ཏེ། ང་ཚོ་ཚང་མ་ཁྱེད་ཀྱི་ཕྱག་གིས་བཟོས་པའོ། །  
\v 9 ཀྱེ་དཀོན་མཆོག་ཡ་ཝཱེ་ལགས། ཐུགས་རབ་ཏུ་ཁྲོ་བར་མི་བྱ་ཞིང་། རྟག་ཏུ་ཉེས་པ་དྲན་པར་མི་མཛད་རོགས། ང་ཚོ་ཚང་མ་ཁྱེད་ཀྱི་མི་སྡེ་ཡིན་པས་ཁྱེད་ཀྱིས་གཟིགས་པར་མཛོད།  
\v 10 ཁྱེད་ཀྱི་གྲོང་ཁྱེར་དམ་པ་རྣམས་དབེན་སྟོང་དུ་གྱུར་ཏོ། །ཐ་ན་ཛ་ཡན་དབེན་སྟོང་དུ་གྱུར་ཅིང་། ཡེ་རུ་སཱ་ལེམ་ནི་མི་མེད་ལུང་སྟོང་དུ་གྱུར།  
\v 11 ངེད་ཅག་གི་ཕ་མེས་རྣམས་ཀྱིས་ཁྱེད་ལ་བསྟོད་པ་འབུལ་སའི་ང་ཚོའི་མཛེས་ཤིང་སྡུག་པའི་མཆོད་ཁང་དམ་པ་དེ་མེ་ལ་བསྲེགས་ཤིང་། ང་ཚོ་དགའ་བ་ཐམས་ཅད་ཞིག་རལ་དུ་གྱུར།  
\v 12 ཀྱེ་དཀོན་མཆོག་ཡ་ཝཱེ་ལགས། དོན་འདི་དག་ཐམས་ཅད་ལ་ཁྱེད་ཀྱིས་བཟོད་པར་དགོངས་སམ། ཁྱེད་རང་མུ་མཐུད་དུ་ཞལ་རོག་བཞུགས་ནས་ང་ཚོར་ཤིན་ཏུ་འཚེ་བར་བྱའམ། །   
\c 65
\cl ལེའུ་རེ་ལྔ་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་གིས་ཉེས་ཆད་གཅོད་པ།  
\p
\v 1 བདག་ལ་མ་ཞུ་བ་རྣམས་ལ་བདག་གིས་རྙེད་པར་བྱ་ཞིང་། བདག་མ་བཙལ་བ་རྣམས་བདག་དང་འཕྲད་པར་འགྱུར། བདག་གི་མིང་ནས་བོས་མ་མྱོང་བའི་མི་རིགས་ལ་བདག་གིས་ང་འདི་རུ་ཡོད། ང་འདི་རུ་ཡོད་ཅེས་སྨྲ་ངེས།  
\v 2 བདག་གིས་ཉིན་གང་པོར་རང་གི་ལག་ཟུང་མི་སྡེ་གྱེན་ལྡོག་གི་ཕྱོགས་སུ་བརྐྱངས། དེ་ཚོ་རང་གི་བསམ་པའི་རྗེས་སུ་འབྲངས་ནས་ལམ་བཟང་པོར་མ་འགྲུལ་ཏོ། །  
\v 3 སྐྱེད་ཚལ་ཁྲོད་ནས་སྦྱིན་སྲེག་བཏང་ཞིང་། སོ་ཕག་གི་མཆོད་ཁྲིའི་སྟེང་མཆོད་པ་ཕུལ་ནས་འབངས་དེ་དག་གིས་རྒྱུན་དུ་ངའི་མདུན་ནས་བདག་ལ་ཁོང་ཁྲོ་བསླངས།  
\v 4 དེ་དག་དུར་ཁྲོད་དུ་བསྡད་ནས་གསང་བའི་ཡུལ་དུ་ཞག་སྡོད་བྱས་པ་དང་ཕག་ཤ་སྤྱད་ཅིང་། དེ་དག་གི་རྫ་ཁོག་ནང་དུ་མི་གཙང་བའི་རྫས་ཀྱིས་ཤ་ཁུ་བསྐོལ་བ་དང་།  
\v 5 ད་དུང་མི་ལ་ན་རེ། ང་རང་ཁྱོད་ལས་གཙང་མ་ཡིན་པས། རྒྱང་ནས་སྡོད་དང་ངའི་ཉེ་སར་མ་བཏུད་ཅིག་ཅེས་སྨྲའོ། །དཀོན་མཆོག་ཡ་ཝཱེས་འདི་སྐད་དུ། མི་འདི་དག་བདག་གི་སྣ་ཁུང་ནང་གི་དུ་བ་དང་། ཉིན་ཧྲིལ་བོར་འབར་བའི་མེ་དེ་ཡིན་ནོ། །  
\v 6 ལྟོས་དང་། དེ་ཐམས་ཅད་བདག་གི་མདུན་དུ་བྲིས་ཡོད་པས། ང་ཁ་རོག་མི་འདུག་པར་ལན་འཇལ་ཞིང་། དངོས་སུ་དེ་དག་གི་པང་དུ་ལན་འཇལ་ངེས་ཡིན། \f + \ft འདིར་པང་དུ་ལན་འཇལ་ངེས་ཡིན་ཞེས་པ་ནི་ཡ་ཧུ་དཱ་པའི་བཤད་སྲོལ་ཡིན་ལ་ཅི་བྱས་བཞིན་ཡོངས་སུ་ལན་འཇལ་བའི་དོན་ལ་འཇུག\f*  
\v 7 ཁྱོད་ཅག་གི་ཉེས་པ་དང་ཁྱོད་ཅག་གི་ཕ་མེས་རྣམས་ཀྱི་ཉེས་པའི་ལན་ཡང་ལྷན་ཅིག་ཏུ་འཇལ་དགོས་ཞེས་དཀོན་མཆོག་ཡ་ཝཱེས་གསུངས། ཅིའི་ཕྱིར་ཞེ་ན། དེ་དག་གིས་རི་མགོ་དག་ནས་མཆོད་པ་ཕུལ་ཞིང་། སྤང་རིའི་སྟེང་དུ་བདག་ཁྱད་དུ་བསད་པས། དེ་དག་གིས་སྔར་ཅི་བྱས་པ་བཞིན་ངས་དེ་ཚོའི་པང་དུ་ལན་འཇལ་ངེས་ཡིན་ཞེས་གསུངས་སོ། །   
\p
\v 8 དཀོན་མཆོག་ཡ་ཝཱེས་འདི་སྐད་དུ། མི་ཡིས་རྒུན་འབྲུམ་ཆུན་པོ་ལས་རྒུན་ཆང་འབྱུང་བ་མཐོང་ནས། དེའི་ནང་དུ་དགེ་མཚན་ཡོད་པས་མེད་བརླག་གཏོང་མི་རུང་ཞེས་སྨྲ་བ་ལྟར། བདག་གིས་ཀྱང་རང་གི་ཞབས་ཕྱི་རྣམས་ཀྱི་རྐྱེན་གྱིས་དེ་བཞིན་བྱ་སྟེ། དེ་དག་ཐམས་ཅད་མེད་པར་མི་གཏོང་ངོ་། །  
\v 9 བདག་གིས་ཡ་ཀོབ་ལས་བུ་རྒྱུད་ཅིག་བསྐྱེད་དེ། ཡ་ཧུ་དཱའི་ཁྲོད་ནས་བདག་གི་རི་བོ་རྣམས་ལ་བདག་པོ་བདམས་ནས་དེ་རྣམས་ལ་བདག་བྱེད་དུ་འཇུག་དགོས། བདག་གི་ཞབས་ཕྱི་རྣམས་གནས་དེ་རུ་སྡོད་པར་འགྱུར།  
\v 10 བདག་འཚོལ་མཁན་འབངས་རྣམས་ཀྱི་ཕྱིར་དུ། ཤཱ་རོན་ཐང་ནི་ལུག་ཁྱུ་འཚོ་སའི་རྩྭ་ཐང་དང་། ཨ་ཀོར་ལུང་པ་ནི་ཕྱུགས་ཁྱུའི་མལ་ས་རུ་འགྱུར།  
\v 11 དེ་ལྟར་ཡིན་ཡང་དཀོན་མཆོག་ཡ་ཝཱེ་སྤངས་ཤིང་། བདག་གི་རི་བོ་དམ་པ་བརྗེད་དེ། ལྷ་གལ་དཱིའི་ \f + \ft འདིར་ལྷ་གལ་དཱི་ཞེས་པ་ནི་གཡང་ལྷའམ་བསོད་ནམས་འགུག་པའི་ལྷ་ཡི་མིང་ཡིན་པར་གསུངས།\f*ཕྱིར་དུ་གསོལ་ལྕོག་བསྒྲིགས་ཤིང་ལྷ་མིའུ་ནེའི་\f + \ft འདིར་ལྷ་མིའུ་ནེ་ཞེས་པ་ནི་སྔོན་ལས་ཀྱི་ལྷ་ཡི་མིང་ཡིན་པར་གསུངས།\f*ཕྱིར་དུ་རྒུན་ཆང་སྡེབ་མས་ཕོར་བ་བཀང་བར་བྱེད་མཁན་ཁྱོད་ཅག་ལ་མཚོན་ན།  
\v 12 བདག་གིས་ཁྱོད་ཅག་རལ་གྲིའི་ཁར་གཏོད་པར་བྱ་ཞིང་། ཁྱོད་ཅག་ཚང་མས་མགོ་བསྒུར་ཏེ་གསོད་པར་འགྱུར། གང་ལ་ཞེ་ན། བདག་གིས་ཁྱོད་བོས་ཀྱང་ཨ་ལན་མ་སྤྲད་ལ། བདག་གིས་གཏམ་སྨྲས་ནའང་ཁྱོད་ཀྱིས་མ་མཉན་པར། བདག་གི་མིག་ནང་ངན་པ་གང་ཡིན་དེ་སྤྱད་ནས་བདག་མི་དགའ་བའི་དོན་རྣམས་བདམས་པས་སོ་ཞེས་གསུངས་སོ། །   
\p
\v 13 དེ་བས་གཙོ་བོ་ཡ་ཝཱེས་འདི་སྐད་དུ། ལྟོས་དང་། བདག་གི་ཞབས་ཕྱི་རྣམས་ཀྱིས་ཁ་ཟས་སྤྱོད་ཀྱང་ཁྱོད་ཅག་ལྟོགས་པར་འགྱུར། ལྟོས་དང་། བདག་གི་ཞབས་ཕྱི་རྣམས་ཀྱིས་བཏུང་ཡང་ཁྱོད་ཅག་སྐོམ་པས་གདུང་། ཡང་ལྟོས་དང་། བདག་གི་ཞབས་ཕྱི་རྣམས་དགའ་ཡང་ཁྱོད་ཅག་ངོ་ཚ་བར་འགྱུར།  
\v 14 ལྟོས་དང་། བདག་གི་ཞབས་ཕྱི་རྣམས་ཀྱིས་སེམས་སྤྲོ་སྟེ་དགའ་འབོད་བྱེད་ཀྱང་། ཁྱོད་རྣམས་ཀྱིས་ཞེ་སྡུག་ནས་ངུ་འབོད་བྱེད་ཅིང་། སེམས་སྐྱོ་ནས་སྨྲེ་སྔགས་འདོན།  
\v 15 བདག་གིས་བདམས་པའི་མི་རྣམས་ལ་ཁྱོད་ཅག་གིས་རང་གི་མིང་ནི་དམོད་མོ་གཏོང་ཕྱིར་བསྐྱུར་ནས་འགྲོའོ། །གཙོ་བོ་ཡ་ཝཱེས་ཁྱོད་རྣམས་འཆི་བར་མཛད་པ་དང་། ཁོང་གི་ཞབས་ཕྱི་རྣམས་ལ་མིང་གཞན་ཞིག་གསོལ་བར་འགྱུར།  
\v 16 དེ་བས་ས་ནས་སུ་ཞིག་གིས་རང་ལ་བྱིན་རླབས་ཞུས་ན། བདེན་པའི་དཀོན་མཆོག་ལ་བརྟེན་ནས་བྱིན་རླབས་ཞུ་དགོས་པ་དང་། ས་ནས་སུ་ཞིག་གིས་མནའ་བསྐྱལ་ན། བདེན་པའི་དཀོན་མཆོག་ལ་བརྟེན་ནས་མནའ་བསྐྱལ་དགོས། གང་ལ་ཞེ་ན། སྔར་གྱི་དཀའ་སྡུག་རྣམས་མི་ཡིས་བརྗེད་ཅིང་། བདག་གི་མིག་མདུན་ནས་ཀྱང་དེ་དག་སྦས་པར་གྱུར་པའོ། །   
\s1 གནམ་ས་གསར་པ།  
\p
\v 17 ལྟོས་དང་། བདག་གིས་ནམ་མཁའ་གསར་པ་དང་ས་གཞི་གསར་པ་བཀོད་དེ། སྔར་གྱི་དོན་རྣམས་དྲན་པར་མི་བྱ་ཞིང་། ཡིད་ལ་འཆར་བར་ཡང་མི་བྱ།  
\v 18 བདག་གིས་བཀོད་པ་དེའི་ཕྱིར་ཁྱོད་རྣམས་ནམ་ཡང་དགའ་བར་གྱུར་ཅིག གང་ལ་ཞེ་ན། བདག་གིས་ཡེ་རུ་སཱ་ལེམ་ནི་དགའ་སྤྲོ་དང་། དེའི་མི་རྣམས་བདེ་སྐྱིད་ལ་བཀོད་དོ། །  
\v 19 བདག་ནི་ཡེ་རུ་སཱ་ལེམ་གྱི་ཕྱིར་དུ་སྤྲོ་ཞིང་། བདག་གི་མི་སྡེའི་ཕྱིར་དུ་དགའ་བ་ཡིན་ཏེ། ངུ་སྒྲ་དང་སྡུག་བསྔལ་གྱི་སྨྲེ་སྔགས་ཙམ་ཡང་དེ་དག་ལས་ཐོས་པར་མི་འགྱུར་རོ། །  
\v 20 དེར་ཉིན་འགའི་ནང་འཆི་བའི་ཕྲུ་གུ་མེད་པ་དང་། ཚེ་ལོ་མཐར་མ་ཕྱིན་པའི་བགྲེས་པོ་ཡང་མེད། གང་ལ་ཞེ་ན། ལོ་བརྒྱ་ལོན་རྗེས་འཆི་བ་རྣམས་ད་དུང་གཞོན་པར་བརྩིས་པ་དང་། ལོ་བརྒྱ་མ་ལོན་པར་འཆི་བ་རྣམས་ནི་དམོད་མོ་ཐེབས་པར་བརྩིས་པ་ཡིན།  
\v 21 དེ་རྣམས་ཀྱིས་ཁང་པ་བཟོས་ནས་དེའི་ནང་དུ་སྡོད་ཅིང་། རྒུན་འབྲུམ་སྐྱེད་ཚལ་བཙུགས་ནས་དེའི་འབྲས་བུ་བཟའ་བར་འགྱུར།  
\v 22 བདག་གི་མི་སྡེ་ཡི་ཚེ་ནི་ལྗོན་ཤིང་བཞིན་དང་། བདག་གིས་བདམས་པའི་མི་རྣམས་ཀྱིས་རང་གི་ལག་པས་བཟོས་པ་དག་ལོངས་སུ་སྤྱོད་པས། དེ་དག་གིས་ཁང་པ་བཟོས་ནས་དེའི་ནང་དུ་གནས་པ་དང་། རྒུན་འབྲུམ་ར་བ་བཙུགས་ནས་དེའི་འབྲས་བུ་ལོངས་སུ་སྤྱོད་པར་བྱེད་དོ། །  
\v 23 དེ་དག་གིས་དོན་མེད་ཀྱི་ངལ་རྩོལ་མི་བྱེད་ཅིང་། དེ་དག་ལ་ཕྲུ་གུ་སྐྱེས་ཀྱང་འཆི་སྐྱོན་ཐེབས་པར་མི་འགྱུར། གང་ལ་ཞེ་ན། དེ་དག་ནི་རང་གི་བུ་རྒྱུད་དང་མཉམ་དུ་དཀོན་མཆོག་ཡ་ཝཱེས་བྱིན་རླབས་བསྩལ་ཡོད་པའི་རིགས་རྒྱུད་ཡིན།  
\v 24 དུས་དེར། ཁོ་ཚོས་མ་ཞུས་སྔོན་ལ་བདག་གིས་བཀའ་ལན་བསྩལ་ཞིང་། དེ་དག་གི་སྐད་ཆ་མཇུག་མ་རྫོགས་སྔོན་ལ་བདག་གིས་ཉན་ངེས་ཡིན།  
\v 25 སྤྱང་ཀི་དང་ལུ་གུ་གཉིས་མཉམ་དུ་འཚོ་ཞིང་། སེང་གེས་གླང་ལྟར་རྩྭ་བཟའ་བ་དང་། ས་རྡུལ་ནི་སྦྲུལ་གྱི་ཁ་ཟས་ཡིན། བདག་གི་རི་བོ་དམ་པའི་གནས་སོ་སོ་རུ་དེ་དག་གིས་གནོད་པ་དང་གཏོར་བཤིག་གཏོང་བར་མི་བྱའོ་ཞེས་དཀོན་མཆོག་ཡ་ཝཱེས་གསུངས་སོ། །   
\c 66
\cl ལེའུ་རེ་དྲུག་པ། 
\toc1 ༄༅།།ལུང་སྟོན་པ་ཡེ་ཤ་ཡཱའི་མདོ། 
\toc2 ཡེ་ཤ་ཡཱ། 
\s1 དཀོན་མཆོག་ཡ་ཝཱེས་མི་རིགས་ཀུན་ལ་ཉེས་ཆད་གཅོད་པ།  
\p
\v 1 དཀོན་མཆོག་ཡ་ཝཱེས་འདི་སྐད་དུ། ནམ་མཁའ་ནི་བདག་གི་བཞུགས་ཁྲི་དང་། ས་གཞི་ནི་བདག་གི་ཞབས་སྟེགས་ཡིན་པས། ཁྱོད་ཀྱིས་བདག་ལ་ས་གང་ནས་ཁང་པ་ཞིག་བཞེང་ངམ། བདག་ངལ་གསོ་སའི་གནས་ནི་གང་ཞིག་ཡིན་ནམ་ཞེས་གསུངས།  
\v 2 དཀོན་མཆོག་ཡ་ཝཱེས་ཡང་འདི་སྐད་དུ། འདི་ཐམས་ཅད་བདག་གི་ལག་པས་བཀོད་པ་ཡིན་པས་འདི་ཐམས་ཅད་བྱུང་བ་ཡིན། འོན་ཀྱང་སེམས་སྡུག་ཅན་དང་ཁེངས་སྐྱུང་ཅན། བདག་གི་བཀའ་ཡི་ཕྱིར་འཇིགས་པའི་མི་ལ་ངས་བལྟ་བར་བྱ།   
\p
\v 3 གླང་བསད་དེ་མཆོད་པར་ཕུལ་ནས་ཡང་མི་གསོད་པ་དང་། ལུ་གུ་མཆོད་པར་ཕུལ་ནས་ཡང་ཁྱིའི་སྐེ་གཅོག་པ། འབྲུ་མཆོད་ཕུལ་ནས་ཡང་ཕག་གི་ཁྲག་ཀྱང་འབུལ་བ། དྲན་གསོའི་སྤོས་དཀར་བདུག་ཅིང་སྐུ་འདྲ་སྟོང་བ་ལ་བསྟོད་པར་བྱེད་པ་དེ་དག་ནི་རང་གི་ལམ་ནང་འགྲུལ་ཞིང་། སེམས་སུ་རང་རང་སོ་སོའི་དོན་ཞེན་ལོག་རྣམས་ལ་དགའ་བ་ཡིན།  
\v 4 དེ་བས་བདག་གིས་ཀྱང་དེ་དག་ལ་སྡུག་བསྔལ་འབྱུང་བར་བྱས་ཏེ། ཁོ་ཚོ་གང་ལ་འཇིགས་པ་དེ་ཁོ་ཚོའི་སྟེང་དུ་འདྲེན་པར་བྱ། གང་ལ་ཞེ་ན། བདག་གིས་བོས་ཀྱང་ཨ་ལན་སྟེར་མཁན་མེད། བདག་གིས་གཏམ་བརྗོད་པའི་ཚེ་དེ་དག་གིས་མ་མཉན་པར། བདག་གི་མིག་ནང་ངན་པ་གང་ཡིན་དེ་སྤྱད་ནས་ང་མི་དགའ་བའི་དོན་རྣམས་བདམས་པའོ། །   
\p
\v 5 དཀོན་མཆོག་ཡ་ཝཱེའི་གསུང་གི་ཕྱིར་དུ་འཇིགས་པ་ཁྱོད་རྣམས་ཀྱིས་ཁོང་གི་བཀའ་ལ་མཉན་ཞིང་། ངའི་མིང་གི་རྐྱེན་གྱིས་ཁྱོད་ཅག་བསྐྲད་པའི་རང་གི་སྤུན་ཟླ་ཚོ་ན་རེ། དཀོན་མཆོག་ཡ་ཝཱེར་གཟི་བརྗིད་འཐོབ་གྱུར་ཅིག ཁྱོད་ཚོའི་དགའ་སྤྲོ་ངེད་རྣམས་ལ་མཐོང་བར་གྱིས་ཞེས་སྨྲ་མཁན་དག་ངོ་ཚར་གཏོད་པར་འགྱུར།   
\p
\v 6 གྲོང་ཁྱེར་ནས་འུར་སྒྲ་གྲགས་ཤིང་མཆོད་ཁང་ནས་སྒྲ་གྲགས་བྱུང་། དེ་ནི་དཀོན་མཆོག་ཡ་ཝཱེའི་གསུང་སྐད་ཀྱིས་རང་གི་དགྲ་རྣམས་ལ་ལན་འཇལ་བ་ཡིན།  
\v 7 མོ་ལ་གཟེར་མ་བརྒྱབ་སྔོན་དུ་ཕྲུ་གུ་སྐྱེས་པ་དང་། ཟུག་རྔུ་མ་ལངས་གོང་དུ་བུ་ཞིག་སྐྱེས།  
\v 8 དོན་འདི་ལྟ་བུ་སུ་ཞིག་གིས་ཐོས་མྱོང་ངམ། དོན་འདི་འདྲ་བ་སུ་ཞིག་གིས་མཐོང་མྱོང་ངམ། ཉིན་གཅིག་གི་ཡུན་ལ་མི་རིགས་ཤིག་ཆགས་ནུས་སམ། རྒྱལ་ཁབ་ཅིག་གི་མི་ནི་སྐད་ཅིག་ཙམ་ལ་འབྱུང་ཐུབ་བམ། ཡིན་ཡང་ཛ་ཡན་ལ་ཟུག་གཟེར་བྱུང་མ་ཐག་རང་གི་ཕྲུ་གུ་རྣམས་སྐྱེས་པ་ཡིན།  
\v 9 བདག་གིས་དེ་ལ་བུ་བཙའ་བར་བཅུག་ན་སྐྱེ་རུ་ཅི་ལ་མི་འཇུག་གམ་ཞེས་དཀོན་མཆོག་ཡ་ཝཱེས་གསུངས་ཤིང་། བདག་གིས་དེ་ལ་བུ་བཙའ་བར་བཅུག་ན་ཅིའི་ཕྱིར་དེ་ཡི་མངལ་སྒོ་བཅད་དེ་སྐྱེ་བར་མི་འཇུག་གམ་ཞེས་ཁྱོད་ཀྱི་དཀོན་མཆོག་གིས་གསུངས།  
\v 10 ཀྱེ་ཡེ་རུ་སཱ་ལེམ་ལ་དགའ་བ་ཁྱོད་རྣམས་མོ་དང་མཉམ་དུ་དགའ་ཞིང་སྤྲོ་བར་གྱུར་ཅིག དེ་ཡི་ཕྱིར་དུ་དགའ་བར་གྱིས། ཀྱེ་ཡེ་རུ་སཱ་ལེམ་གྱི་ཕྱིར་དུ་མྱ་ངན་ཞུ་མཁན་ཁྱོད་རྣམས་མོ་དང་ལྷན་ཅིག་རབ་ཏུ་དགའ་བར་གྱུར་ཅིག  
\v 11 དེ་ནི་ཁྱོད་རྣམས་ཀྱིས་མོའི་སེམས་གསོ་གནང་བའི་པང་ནས་ནུ་ཞོ་ཡིད་ཚིམ་པར་ནུ་བ་དང་། མོའི་ཕུན་སུམ་ཚོགས་པའི་གཟི་བརྗིད་ནང་དུ་འོ་མ་བཞོས་ནས་ཁྱོད་རྣམས་ཀྱིས་འཐུང་ཞིང་སྤྲོ་སྐྱིད་ལ་རོལ་བའི་ཕྱིར་རོ་ཞེས་གསུངས་སོ། །  
\v 12 ཅི་ལ་ཞེ་ན། དཀོན་མཆོག་ཡ་ཝཱེས་འདི་སྐད་དུ། ལྟོས་ཤིག བདག་གིས་ཞི་བདེ་ནི་གཙང་པོ་བཞིན་དུ་མོ་ཡོད་སར་སླེབ་ཏུ་འཇུག་ཅིང་། རྒྱལ་ཕྲན་ཁག་གི་རྒྱུ་ནོར་མཐའ་དག་བཞུར་རྒྱུན་འཕེལ་བ་བཞིན་དུ་མོ་ཡོད་སར་འདྲེན་ངེས་ཡིན། ཁྱོད་རྣམས་ཀྱིས་ནུ་ཞོ་ནུས་དང་། མོས་ཁྱོད་རྣམས་མཆན་ལ་བཙིར་ནས་པང་དུ་འཛིན་པར་བྱའོ། །  
\v 13 ཨ་མས་རང་གི་བུ་ལ་སེམས་གསོ་བྱེད་པ་ལྟར། བདག་གིས་ཁྱོད་ལ་སེམས་གསོ་བྱེད་ཅིང་། ཡེ་རུ་སཱ་ལེམ་ནས་ཁྱོད་ལ་སེམས་གསོ་འཐོབ་པར་འགྱུར།  
\v 14 ཁྱོད་རྣམས་ཀྱིས་དེ་མཐོང་ནས་སེམས་དགའ་ཞིང་། ཁྱོད་རྣམས་ཀྱི་རུས་པ་རྣམས་རྩྭ་སྔོན་བཞིན་རྒྱས་པར་འགྱུར། དཀོན་མཆོག་ཡ་ཝཱེའི་ཕྱག་ནི་ཉིད་ཀྱི་ཞབས་ཕྱི་རྣམས་ལ་མངོན་པར་མཛད་དེ། ཁོང་གི་དགྲ་རྣམས་ལ་ཐུགས་ཁྲོ་བར་འགྱུར་རོ། །   
\s1 མཐའ་མའི་ཐག་གཅོད་དང་དཀོན་མཆོག་ཡ་ཝཱེའི་གཟི་བརྗིད།  
\p
\v 15 ལྟོས་དང་། དཀོན་མཆོག་ཡ་ཝཱེ་ནི་མེའི་ནང་ནས་འབྱོན་པར་བྱ་སྟེ། ཁོང་གི་ཤིང་རྟ་རླུང་འཚུབ་བཞིན་དང་ཁོང་གི་བཀའ་བཀྱོན་མེ་ལྕེ་བཞིན་དུ་འབར་ནས་ཕེབས་པར་འགྱུར།  
\v 16 གང་ལ་ཞེ་ན། དཀོན་མཆོག་ཡ་ཝཱེས་མེ་ལྕེ་དང་རལ་གྲིས་ལུས་ཅན་ཐམས་ཅད་ལ་ཉེས་ཆད་གཅོད་ཅིང་། དཀོན་མཆོག་ཡ་ཝཱེས་མི་མང་པོ་འཆི་ལམ་དུ་བརྫང་བར་འགྱུར་རོ། །   
\p
\v 17 སྐྱེད་ཚལ་རྣམས་ཀྱི་ནང་དུ་འགྲོ་བར་རང་ཉིད་གཙང་མ་དང་དག་པར་བཟོས་ཏེ། གཅིག་རྗེས་གཉིས་མཐུད་ཀྱིས་ཕག་དང་བྱི་བའི་ཤ་དང་། ཞེན་ཁ་ལོག་པའི་རྫས་བཅས་ཟ་མཁན་ཐམས་ཅད་ལྷན་ཅིག་ཏུ་མེད་པར་འགྲོའོ་ཞེས་དཀོན་མཆོག་ཡ་ཝཱེས་གསུངས།  
\v 18 བདག་གིས་དེ་དག་གི་སྤྱོད་པ་དང་བསམ་བློ་རྟོགས་ཏེ། བདག་འོང་བ་ནི་རྒྱལ་ཕྲན་ཀུན་དང་མི་རིགས་ཐམས་ཅད་བསྡུ་བའི་ཕྱིར་ཡིན། དེ་དག་བདག་གི་གཟི་བརྗིད་ལ་བལྟ་རུ་འོང་བར་འགྱུར།  
\v 19 བདག་གིས་དེ་དག་གི་ཁྲོད་དུ་རྟགས་ཡ་མཚན་ཅན་བསྟན་ནས། ཁོ་ཚོའི་ནང་ནས་ཐར་བ་རྣམས་རྒྱལ་ཕྲན་ཀུན་ཏེ། ཐཱར་ཞིས་དང་ཕོལ། གཞུ་འཐེན་མཁན་གྱི་ལུ༌ཏི། ཐུ་བཱལ། ཡཱ་ཝན། བདག་གི་མིང་ཐོས་མེད་ལ་བདག་གི་གཟི་བརྗིད་ཀྱང་མཐོང་མེད་པའི་རྒྱང་རིང་གི་གླིང་ཕྲན་བཅས་ལ་གཏོང་བར་བྱ། དེ་དག་གིས་རྒྱལ་ཕྲན་ཀུན་ཏུ་བདག་གི་གཟི་བརྗིད་བསྒྲག་གོ །  
\v 20 ཡེས་ར་ཨེལ་པས་སྣོད་གཙང་མའི་ནང་དུ་དཀོན་མཆོག་ཡ་ཝཱེའི་མཆོད་ཁང་དུ་འབྲུ་མཆོད་འཁྱེར་ཡོང་བ་ནང་བཞིན། དེ་ཚོས་རྒྱལ་ཕྲན་ཀུན་ནས་རྟ་དང་། ཤིང་རྟ་དང་། ཁྱོགས་ཤིང་དང་། དྲེལ་དང་རྔ་མོང་སོགས་ཀྱིས་ཁྱོད་ཅག་གི་སྤུན་ཟླ་ཐམས་ཅད་བདག་གི་རི་དམ་པ་ཡེ་རུ་སཱ་ལེམ་དུ་འཁྲིད་འོང་ངོ་ཞེས་དཀོན་མཆོག་ཡ་ཝཱེས་གསུངས།  
\v 21 བདག་གིས་དེ་དག་གི་ཁྲོད་ནས་མི་འགའ་མཆོད་དཔོན་དང་ལེ་ཝི་པར་བསྐོ་བར་བྱའོ་ཞེས་དཀོན་མཆོག་ཡ་ཝཱེས་གསུངས།  
\v 22 དཀོན་མཆོག་ཡ་ཝཱེས་འདི་སྐད་དུ། བདག་གིས་བསྐྲུན་པའི་ནམ་མཁའ་གསར་པ་དང་ས་གཞི་གསར་པ་ནི་བདག་གི་མདུན་དུ་ཇི་ལྟར་གནས་པ་བཞིན། ཁྱོད་ཅག་གི་བུ་རྒྱུད་དང་མིང་གཉིས་ཀྱང་དེ་ལྟར་གནས་པར་འགྱུར།  
\v 23 མ་འོངས་པར་ཚེས་གཅིག་དང་ངལ་གསོ་བའི་ཉིན་མོ་གང་ཡིན་རུང་། མི་ཐམས་ཅད་བདག་གི་མདུན་དུ་འོངས་ཏེ་ཕྱག་འཚལ་བར་འགྱུར་ཞེས་དཀོན་མཆོག་ཡ་ཝཱེས་གསུངས།  
\v 24 དེ་ནས་དེ་ཚོ་ཕྱི་རོལ་ཏུ་སོང་ནས་བདག་ལ་གྱེན་ལོག་བྱས་པའི་མི་རྣམས་ཀྱི་རོ་ལ་བལྟ་བ་ཡིན། ཅིའི་ཕྱིར་ཞེ་ན། དེ་དག་གི་འབུ་སྲིན་མི་འཆི་ལ། དེ་དག་གི་མེ་ཡང་མི་ཞིའོ། །དེ་དག་མི་ཐམས་ཅད་སྡང་བའི་རྫས་སུ་འགྱུར་རོ་ཞེས་གསུངས་སོ།། །།