\id HOS – NTB 
\h ཧོ་ཤེ་ཨ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\mt1 ༄༅། །ལུང་སྟོན་པ་ཧོ་ཤེ་ཨའི་མདོ།  
\imt1 ལུང་སྟོན་པ་ཧོ་ཤེ་ཨའི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi གཞུང་འདིའི་ཁ་བྱང་ནི་ལུང་སྟོན་པ་ཧོ་ཤེ་ཨ་ཡི་མིང་ནས་ཐོགས་པ་དང་། དེའི་ནང་དུ་ཁོང་གི་གསུང་འཕྲིན་རྣམས་གཅེས་ཉར་བྱས་ནས་བཀོད་ཡོད། ཧོ་ཤེ་ཨའི་དུས་སྐབས་ནི་ཡེས་ར་ཨེལ་གྱི་བྱང་ཕྱོགས་ཀྱི་རྒྱལ་ཁམས་ལ་དཀའ་སྡུག་བྱུང་བའི་དུས་ཀྱི་མཐའ་མ་རྣམས་ཡིན། སྐབས་དེ་ནི་རྒྱལ་པོ་དྲུག་གིས་མི་ལོ་ཉི་ཤུ་ཉེར་ལྔའི་རིང་ལ་རྒྱལ་སྲིད་སྐྱོང་བའི་དུས་ཀྱང་ཡིན། ཨ་སུར་པ་རྣམས་ནུབ་ཕྱོགས་སུ་རྒྱ་བསྐྱེད་པ་དང་། སྤྱི་ལོ་སྔོན་གྱི་733ལོའི་ཡས་མས་སུ་ཡེས་ར་ཨེལ་གྱི་ས་ཁུལ་འགའ་ཞིག་ཡེས་ར་ཨེལ་གྱི་མངའ་ཁོངས་ནས་བཙན་བཟུང་བྱས། དེ་ནས་སྤྱི་ལོ་སྔོན་གྱི་722-721ལོར་སཱ་མར་ཡ་གྲོང་ཁྱེར་བཙན་གྱིས་བཟུང་པ་དང་དེའི་མི་རྣམས་བཙན་ཁྲིད་བྱས། བྱང་ཕྱོགས་ཀྱི་རྒྱལ་ཁམས་ནུབ་པར་གྱུར།  
\is1 ཡི་གེར་འགོད་མཁན་དང་འགོད་དུས།  
\ipi སྤྱི་ལོ་སྔོན་གྱི་དུས་རབས་བརྒྱད་པའི་དཀྱིལ་དུ་ཧོ་ཤེ་ཨ་ཡིས་ལུང་བསྟན་གནང་བ་དང་། དེ་ནི་ཨ་མོ་སིས་ཆོས་ཀྱི་ཕྱག་ལས་གནང་བའི་གཞུག་ཙམ་ཡིན། རྒྱུས་མི་མངའ་བའི་དགྲ་བོ་བརྒྱུད་ནས་དཀོན་མཆོག་གིས་ཉེས་ཆད་གཅོད་ངེས་ཞེས་ཨ་མོ་སི་ཡིས་ཡེས་ར་ཨེལ་པ་རྣམས་ལ་ཉེན་བརྡ་ཡང་ཡང་བཏང་། དེ་ནས་ཧོ་ཤེ་ཨ་ཡིས་དགྲ་བོ་དེ་ནི་ཨ་སུར་པ་ཡིན་པར་ངོས་བཟུང་ཡོད། དེ་ཡང་ཧོ་ཤེ་ཨ་ཞེས་པའི་གཞུང་འདི་ནི་དམ་པའི་གསུང་རབ་ནང་དུ་ལུང་བསྟན་གྱི་གཞུང་ཆུང་ཤོས་བཅུ་གཉིས་ཡོད་པ་རྣམས་ལས་དང་པོ་ཡིན།  
\is1 བརྗོད་སྙིང་དང་གསུང་འཕྲིན།  
\ipi གཞུང་གི་སྟོད་དུ་བཀོད་ཡོད་པའི་ཧོ་ཤེ་ཨ་ཡི་ཁྱིམ་མིའི་འཚོ་བ་ནི་དཀོན་མཆོག་གིས་རང་གི་མི་རིགས་ཀྱི་ཆེད་དུ་ཧོ་ཤེ་ཨ་ལ་གནང་བའི་ལུང་བསྟན་གྱི་མཚོན་རྟགས་ཤིག་ཡིན། དཀོན་མཆོག་ནི་ཉིད་ཀྱི་ཞལ་ཆད་ནང་གི་མི་རྣམས་ལ་ཐུགས་དགྱེས་པས། མི་རྣམས་ཀྱིས་ཁོང་སྤངས་ནས་ལོག་སེམས་བཅངས་ནའང་། དཀོན་མཆོག་གིས་ཁོ་ཚོ་ཕྱིར་འཁྲིད་ཡོང་ངེས། དེ་ཡང་གཞུང་གི་སྨད་དུ་ཡེས་ར་ཨེལ་པ་རྣམས་ཀ་ན་ཨན་གྱི་ཆོས་ལ་ཞུགས་པའི་གནས་ཚུལ་རྣམས་ཞིབ་ཕྲར་བཀོད་ཡོད། ལུང་སྟོན་པའི་གཞུང་གཞན་དག་དང་འདྲ་བར། ཧོ་ཤེ་ཨ་ཡིས་མི་རྣམས་ལ་འགྱོད་བཤགས་བགྱི་དགོས་པའི་དྲན་སྐུལ་གནང་ཡོད། གལ་སྲིད་ཁོ་ཚོས་ལྷ་སྐུ་རྣམས་སྤངས་ནས་དཀོན་མཆོག་གི་ཕྱོགས་སུ་ཕྱིར་མ་ལོག་པ་ཡིན་ན། མཐར་ཁོ་ཚོས་རང་ཉིད་བརླག་པར་འགྱུར་ངེས་ཡིན།  
\is1 འཆར་ཟིན།  
\ipi 1. ཡིད་རྟོན་མེད་པའི་ཆུང་མ་དང་ཡིད་རྟོན་ཡོད་པའི་ཁྱོ་ག ༼1:1-3:5༽  
\ipi 2. ཡིད་རྟོན་མེད་པའི་རྒྱལ་ཁམས་དང་ཡིད་རྟོན་རུང་བའི་དཀོན་མཆོག ༼4:1-14:9༽  
\ipi ཀ ཡིད་རྟོན་མེད་པའི་ཡེས་ར་ཨེལ་པ་རྣམས། ༼4:1-6:3༽  
\ipi ཁ། ཡེས་ར་ཨེལ་པ་རྣམས་ལ་ཉེས་ཆད་བཅད་པའི་སྐོར། ༼6:4-10:15༽  
\ipi ག དཀོན་མཆོག་གི་ཡིད་རྟོན་རུང་བའི་བྱམས་བརྩེ། ༼11:1-14:9༽  
\c 1
\cl ལེའུ་དང་པོ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཧོ་ཤེ་ཨ་ཡི་ཆུང་མ་དང་བུ་བུ་མོ་རྣམས།  
\p
\v 1 ཨུ་ཟི་ཡཱ་དང་། ཡོ་ཐམ་དང་། ཨ་ཧ་ཟཱ་དང་། ཧི་ཟི་ཀི་ཡཱ་བཅས་པ་ཡ་ཧུ་དཱའི་རྒྱལ་པོ་ཡིན་པ་དང་། ཡེ་ཧོ་ཨ་སི་ཡི་བུ་ཡེ་རོབ་ཨམ་ནི་ཡེས་ར་ཨེལ་གྱི་རྒྱལ་པོར་བཞུགས་པའི་དུས་སུ། དཀོན་མཆོག་ཡ་ཝཱེའི་བཀའ་པེ་རེའི་བུ་ཧོ་ཤེ་ཨ་ལ་བྱུང་ངོ་། །   
\p
\v 2 དཀོན་མཆོག་ཡ་ཝཱེའི་བཀའ་ནི་ཐོག་མར་ཧོ་ཤེ་ཨ་ལ་བྱུང་བ་སྟེ། དཀོན་མཆོག་ཡ་ཝཱེས་ཁོང་ལ་འདི་སྐད་དུ། སོང་ལ་གཡེམ་མ་ཞིག་ཁྱོད་ཀྱི་ཆུང་མར་ལོངས་དང་། ལོག་གཡེམ་ལས་བྱུང་བའི་བུ་ཕྲུག་དེ་རྣམས་ཀྱང་རང་གི་བུ་ཕྲུག་ཏུ་ལོངས་ཤིག ཅི་ལ་ཞེ་ན། ཡུལ་འདིས་དཀོན་མཆོག་སྤངས་ནས་ལོག་གཡེམ་དཔག་མེད་བྱས་པས་སོ་ཞེས་གསུངས་པ་ལ།  
\v 3 ཁོང་སོང་ནས་དིབ་ལ་ཡིམ་གྱི་བུ་མོ་ཀི་མཱར་བྱ་བ་ཆུང་མར་བླངས་ནས། མོ་མངལ་དང་ལྡན་པར་གྱུར་ཏེ་བུ་ཞིག་སྐྱེས་སོ། །  
\v 4 ཡང་དཀོན་མཆོག་ཡ་ཝཱེས་ཧོ་ཤེ་ཨ་ལ་འདི་སྐད་དུ། ཁོའི་མིང་ལ་ཡེ་སི་རེ་ཨེལ་ \f + \ft ཡེ་སི་རེ་ཨེལ་ཞེས་པ་ནི་དཀོན་མཆོག་གིས་གཏོར་བ་ཞེས་པའི་དོན་ཡིན།\f*ཞེས་ཐོགས་ཤིག གང་ལ་ཞེ་ན། ཡུན་རིང་མི་འགོར་བར་ངས་ཡེ་ཧུའི་ཁྱིམ་ལས་ཡེ་སི་རེ་ཨེལ་གྱི་མི་ཤ་རྩོད་ཅིང་། ཡེས་ར་ཨེལ་གྱི་ཁྱིམ་རྒྱུད་ཀྱི་རྒྱལ་སྲིད་ཀྱང་ཚར་དུ་གཅོད་ངེས་ཡིན།  
\v 5 ཡང་ཉིན་དེར། ངས་ཡེ་སི་རེ་ཨེལ་ཐང་བདེ་རུ་ཡེས་ར་ཨེལ་གྱི་གཞུ་གཅོག་གོ་ཞེས་གསུངས་སོ། །  
\v 6 དེ་ནས་ཀི་མཱར་ལ་ཡང་མངལ་ཆགས་ཏེ་བུ་མོ་ཞིག་སྐྱེས་པ་དང་། དཀོན་མཆོག་ཡ་ཝཱེས་ཧོ་ཤེ་ཨ་ལ་འདི་སྐད་དུ། མོའི་མིང་ལ་ལོ་རུ་ཧ་མ་ \f + \ft ལོ་རུ་ཧ་མ་ཞེས་པ་ནི་སྙིང་རྗེ་མི་འཐོབ་ཅེས་པའི་དོན་ཡིན།\f*ཞེས་ཐོགས་ཤིག ཅི་ལ་ཞེ་ན། ད་ནི་ངས་ཅིས་ཀྱང་ཡེས་ར་ཨེལ་གྱི་ཁྱིམ་རྒྱུད་ལ་སྙིང་རྗེ་བར་མི་བྱ་སྟེ། ཁོ་ཚོར་ཉེས་ཆད་གཅོད་ངེས་ཡིན་ཞེས་གསུངས་སོ། །  
\v 7 ཡིན་ཡང་ཡ་ཧུ་དཱའི་ཁྱིམ་རྒྱུད་ལ་ངས་སྙིང་རྗེ་གནང་སྟེ། དེ་དག་གཞུ་དང་རལ་གྲི། འཐབ་མོ། རྟ། སྐྱ་དམག་བཅས་ལ་བརྟེན་ནས་ཐར་བར་མི་བྱ་སྟེ། ཁོ་ཚོའི་དཀོན་མཆོག་ཡ་ཝཱེ་ལ་བརྟེན་ནས་ཐར་དུ་འཇུག་གོ་ཞེས་གསུངས་སོ། །  
\v 8 ལོ་རུ་ཧ་མ་ལ་ནུ་མ་བཀར་བའི་རྗེས་སུ་ཀི་མཱར་ཡང་མངལ་དང་ལྡན་པར་གྱུར་ཏེ་བུ་ཞིག་སྐྱེས་པ་དང་།  
\v 9 དཀོན་མཆོག་ཡ་ཝཱེས་འདི་སྐད་དུ། ཁོའི་མིང་ལ་ལོ་ཨམ་མཱེ་ \f + \ft ལོ་ཨམ་མཱེ་ཞེས་པ་ནི་ངའི་མི་རྣམས་མ་ཡིན་ཞེས་པའི་དོན་ལ་འཇུག\f*ཞེས་ཐོགས་ཤིག ཅི་ལ་ཞེ་ན། ཁྱོད་ཚོ་ནི་ངའི་མི་མ་ཡིན་ལ། ང་ཡང་ཁྱོད་ཚོའི་དཀོན་མཆོག་མིན་ནོ་ཞེས་གསུངས་སོ། །  
\v 10 ཡིན་ཡང་ཡེས་ར་ཨེལ་པ་རྣམས་ཀྱི་མི་གྲངས་ནི་གཞལ་དུ་མེད་ལ་བགྲང་ལས་འདས་པའི་རྒྱ་མཚོའི་འགྲམ་གྱི་བྱེ་མ་དང་འདྲ་བར་འགྱུར་ངེས། དེ་སྔར་ཁྱོད་ཅག་བདག་གི་མི་མ་ཡིན་ཞེས་སྨྲས་པའི་གནས་དེར། རྗེས་སུ་ཁྱོད་ཅག་ནི་གཏན་དུ་གསོན་པོར་བཞུགས་པའི་དཀོན་མཆོག་གི་སྲས་དང་སྲས་མོ་རྣམས་ཡིན་ཞེས་སྨྲ་བར་འགྱུར།  
\v 11 ཡ་ཧུ་དཱ་པ་དང་ཡེས་ར་ཨེལ་པ་རྣམས་གནས་གཅིག་ཏུ་འཛོམས་ནས། རང་ལ་འགོ་དཔོན་ཞིག་བསྐོས་ཏེ་ཡུལ་དེ་ནས་འཐོན་འོང་། ཅི་ལ་ཞེ་ན། ཡེ་སི་རེ་ཨེལ་གྱི་ཉིན་མོ་དེ་ནི་ཆེན་པོ་ཡིན་པར་འགྱུར་རོ། །   
\c 2
\cl ལེའུ་གཉིས་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\p
\v 1 ཁྱོད་རྣམས་ཀྱིས་རང་གི་སྤུན་ཟླ་རྣམས་ལ་ཨམ་མཱེ་\f + \ft ཨམ་མཱེ་ཞེས་པ་ནི་ངའི་མི་རིགས་ཞེས་པའི་དོན་ལ་འཇུག\f*ཞེས་དང་། ལྕམ་སྲིང་རྣམས་ལ་རུ་ཧ་མ་ \f + \ft རུ་ཧ་མ་ཞེས་པ་ནི་མོར་སྙིང་རྗེ་ཐོབ་པ་ཡིན་ཞེས་པའི་དོན་ལ་འཇུག\f*ཞེས་བོས་ཤིག   
\s1 གཡེམ་མ་ཀི་མཱར་དང་བློ་མི་དཀར་བའི་ཡེས་ར་ཨེལ།  
\p
\v 2 ཁྱོད་ཅག་གིས་རང་གི་མ་དང་རྩོད་པར་གྱིས་ཤིག མོ་དང་རྩོད་པར་གྱིས། ཅིའི་ཕྱིར་ཞེ་ན། མོ་ནི་ངའི་ཆུང་མ་མིན་ལ། ང་ཡང་དེའི་ཁྱོ་ག་མ་ཡིན་ནོ། །ཡང་མོ་ལ་རང་གི་གདོང་ལས་ཤར་བའི་འདོད་སྲེད་དང་། ནུ་མ་ཟུང་གི་བར་ནས་མངོན་པའི་འདོད་ཆགས་ཀྱི་ཉམས་འགྱུར་སྤང་དུ་ཆུག་དང་།  
\v 3 དེ་ལྟར་མིན་ཚེ་ངས་མོ་གཅེར་བུར་ཕུད་དེ་སྐྱེས་མ་ཐག་པའི་ཉིན་དང་འདྲ་བར་དམར་རྗེན་དུ་ལུས་པར་བྱ་ཞིང་། ཡང་མོ་ནི་དབེན་སྟོང་དང་ཆུ་མེད་པའི་སྐམ་ས་ལྟར་སྐོམ་པས་འཆི་བར་བྱའོ། །  
\v 4 ཡང་ངས་དེའི་བུ་ཕྲུག་རྣམས་ལ་སྙིང་རྗེ་བར་མི་བྱ་སྟེ། ཅིའི་ཕྱིར་ཞེ་ན། དེ་རྣམས་ནི་ལོག་གཡེམ་ལས་བྱུང་བ་ཡིན་ནོ། །  
\v 5 དེ་དག་གི་མ་ཡིས་ལོག་གཡེམ་བྱས་པ་དང་། དེ་དག་མངལ་ལ་འཁུར་མཁན་གྱིས་ངོ་ཚ་བའི་ལས་བྱས་པ་སྟེ། གང་ལ་ཞེ་ན། མོ་ན་རེ། ང་ནི་རང་ལ་བག་ལེབ་དང་ཆུ། བལ། སོ་མ་ར་ཙ། སྣུམ། བཏུང་བ་བཅས་སྤྲོད་མཁན་གྱི་དགའ་རོགས་ཚོའི་རྗེས་སུ་འབྲང་བར་བྱའོ་ཞེས་སྨྲས་པས་སོ། །  
\v 6 དེ་བས་ན་མོས་རང་གི་ལམ་མི་རྙེད་པའི་ཆེད་དུ། ངས་མོའི་འགྲོ་ལམ་ཚེར་མས་བཀག་སྟེ། རྩིག་པ་བརྩིགས་ནས་མོ་བསྐོར་བར་བྱའོ། །  
\v 7 ཁོ་མོས་རང་གི་དགའ་རོགས་ཚོའི་རྗེས་དེད་ཀྱང་རྗེས་མི་ཆོད་ལ། ཁོ་རྣམས་བཙལ་ཡང་མི་རྙེད་པས། ཁོ་མོ་ན་རེ། ང་ནི་རང་གི་ཁྱོ་ག་དང་པོའི་རྩར་ཕྱིར་ལོག་པར་བྱའོ། །ཅིའི་ཕྱིར་ཞེ་ན། ད་ལྟ་ལས་སྔོན་ཆད་ལེགས་སོ་ཞེས་སྨྲ་བར་འགྱུར།  
\v 8 དོན་དམ་དུ་ངས་འབྲུ་རིགས་དང་རྒུན་ཆང་གསར་པ་དང་། སྣུམ་གསར་པ་བཅས་མོ་ལ་གནང་བ་དང་། ཐ་ན་དེ་དག་གིས་པཱ་ཨལ་ལ་ཕུལ་བའི་གསེར་དང་དངུལ་ཡང་བདག་གིས་ཕངས་མེད་དུ་གནང་བ་མོས་མི་ཤེས་སོ། །  
\v 9 དེ་བས་ང་རང་ཕྱིར་ཡོང་ནས་སྟོན་ཁའི་དུས་སུ་རང་གི་འབྲུ་རིགས་དང་། ཆང་བཙག་པའི་དུས་སུ་རང་གི་རྒུན་ཆང་ལེན་པར་བྱ་སྟེ། མོའི་ལུས་གཅེར་བུ་འགེབ་བྱེད་ཀྱི་བལ་དང་སོ་རས་ཀྱང་མོ་ལས་ལེན་པར་བྱའོ། །  
\v 10 ངས་མོའི་དགའ་རོགས་རྣམས་ཀྱི་མདུན་དུ་མོའི་བཟོ་ལྟ་ངན་པ་མངོན་པར་བྱ་སྟེ། སུས་ཀྱང་ངའི་ལག་ནས་མོ་ཐར་བར་བྱ་མི་ནུས་སོ། །  
\v 11 ཡང་ངས་མོའི་དགའ་སྟོན་དང་དུས་ཆེན། ཚེས་གཅིག ངལ་གསོ་བའི་ཉིན་མོ། ཆོས་སྟོན་ཐམས་ཅད་མཚམས་འཇོག་པར་བྱའོ། །  
\v 12 ཡང་མོས་འདི་ནི་ངའི་དགའ་རོགས་རྣམས་ཀྱིས་ང་ལ་གནང་བའི་རྔན་པ་ཡིན་ཞེས་ཟེར་བའི་རྒུན་ཤིང་དང་སེ་ཡབ་ཤིང་རྣམས་ངས་མེད་པར་བཟོས་ནས། དེ་རྣམས་ནགས་རྒོད་དུ་བྱས་ཏེ། ཐང་རྒོད་ཀྱི་གཅན་གཟན་རྣམས་ཀྱིས་དེ་དག་བཟའ་བར་འགྱུར་རོ། །  
\v 13 ཡང་མོས་ཉིན་རྒྱུན་པཱ་ཨལ་དག་ལ་བདུག་སྤོས་བདུགས་པའི་སྡིག་པར་ངས་ཉེས་ཆད་གཅོད་དགོས་ཏེ། དེའི་དུས་སུ་མོས་རྣ་ལོང་དང་རྒྱན་ཆ་བཏགས་ནས་དགའ་རོགས་རྣམས་ཀྱི་རྗེས་སུ་འབྲངས་ཤིང་། ང་རང་བརྗེད་པར་གྱུར་ཏོ་ཞེས་དཀོན་མཆོག་ཡ་ཝཱེས་གསུངས་སོ། །   
\s1 དཀོན་མཆོག་གིས་ཉིད་ཀྱི་མི་རིགས་ལ་བཅངས་པའི་བྱམས་བརྩེ།  
\p
\v 14 དེ་བས་ཀྱེ་ཧོ། ངས་མོ་བསྐུལ་ནས་དབེན་སྟོང་དུ་དྲངས་ཏེ། ཚིག་སྙན་མོས་མོར་སེམས་འགུལ་ཐེབས་པར་བྱའོ། །  
\v 15 བདག་གིས་དེ་རུ་མོར་རང་གི་རྒུན་ཚལ་རྣམས་དང་། ཨ་ཀོར་ལུང་པ་ནི་རེ་བའི་སྒོ་ཞིག་ཏུ་གནང་བར་བྱའོ། །ཡུལ་དེར་མོས་ལང་ཚོ་དར་ལ་བབས་པའི་དུས་ཏེ་མོ་ཨེ་ཅིབ་ཡུལ་ནས་ཐོན་པའི་ཉིན་མོ་རྣམས་དང་འདྲ་བར་ཨ་ལན་སྤྲོད་པར་འགྱུར་རོ། །  
\v 16 ཡང་ཉིན་དེར་ཁྱོད་ཀྱིས་ང་ལ་ཡི་ཤི་\f + \ft ཡི་ཤི་ཞེས་པ་ནི་ངའི་ཁྱོ་ག་ཞེས་པའི་དོན་ཡིན།\f*ཞེས་འབོད་པ་ལས་པཱ་ཨལ་\f + \ft པཱ་ཨལ་ཞེས་པ་ནི་ང་ཡི་བདག་པོ་ཞེས་པའི་དོན་ལ་འཇུག\f*ཞེས་འབོད་པར་མི་འགྱུར་རོ་ཞེས་དཀོན་མཆོག་ཡ་ཝཱེས་གསུངས་སོ། །  
\v 17 ཅིའི་ཕྱིར་ཞེ་ན། ངས་པཱ་ཨལ་གྱི་མིང་རྣམས་མོའི་ངག་ལས་མེད་པར་བྱས་ནས། དེ་དག་གི་མིང་ནི་སུས་ཀྱང་བརྗོད་པར་མི་འགྱུར་རོ། །  
\v 18 ཡང་ཉིན་མོ་དེར་ངས་རང་གི་མི་རིགས་ཀྱི་དོན་དུ་ཐང་གི་གཅན་གཟན་དང་། ནམ་མཁའི་འདབ་ཆགས་དང་། ས་སྟེང་གི་ལྟོ་འགྲོ་བཅས་ལ་ཁ་ཆད་འཇོག་རྒྱུ་ཡིན་པ་དང་། ས་གཞི་ལས་གཞུ་དང་རལ་གྲི་དང་འཐབ་མོ་བཅས་པ་མེད་པར་བྱས་ནས་ཁོ་རྣམས་བདེ་བར་འགོད་དགོས།  
\v 19 ངས་ཁྱོད་ནི་རང་གི་དུས་གཏན་གྱི་བག་མར་སློང་བར་བྱ་སྟེ། དྲང་བདེན་དང་དྲང་གཞག བྱམས་སྙིང་རྗེ་བཅས་ཀྱི་སྒོ་ནས་ངའི་བག་མར་སློང་བར་བྱའོ། །  
\v 20 ཡང་ཁྱོད་རང་གཞུང་དྲང་སྒོས་ངའི་བག་མ་བྱས་ན། ཁྱོད་ཀྱིས་དཀོན་མཆོག་ཡ་ཝཱེ་ངོ་ཤེས་པར་འགྱུར་རོ། །  
\v 21 དཀོན་མཆོག་ཡ་ཝཱེས་འདི་སྐད་དུ། ཉིན་མོ་དེར་ངས་ལན་སྤྲོད་པར་བྱ་སྟེ། ངས་ནམ་མཁའ་ལ་ལན་སྤྲོད་པ་དང་། ནམ་མཁའ་ཡིས་ས་གཞི་ལ་ལན་སྤྲོད་ཅིང་།  
\v 22 ས་གཞི་ཡིས་འབྲུ་རིགས་དང་རྒུན་ཆང་གསར་པ། སྣུམ་བཅས་ལ་ལན་སྤྲོད་པ་དང་། དེ་ཐམས་ཅད་ཀྱིས་ཡེ་སི་རེ་ཨེལ་ལ་ལན་སྤྲོད་པར་བྱའོ། །  
\v 23 ཡང་ངས་མོ་ནི་ཡུལ་འདི་རུ་ས་བོན་ལྟར་འདེབས་ཤིང་། ལོ་རུ་ཧ་མ་ལ་སྙིང་རྗེ་བསྐྱེད་ནས། ལོ་ཨམ་མཱེ་ལ་ཁྱོད་ནི་ངའི་མི་རིགས་ཡིན་ནོ་ཞེས་སྨྲ་བར་བྱ་སྟེ། ཡང་དེ་དག་གིས། ཁྱེད་ནི་ང་ཡི་དཀོན་མཆོག་ཡིན་ཞེས་ཞུ་བར་འགྱུར་རོ་ཞེས་གསུངས་སོ། །   
\c 3
\cl ལེའུ་གསུམ་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཧོ་ཤེ་ཨ་དང་གཡེམ་མ་གཉིས་ཀ  
\p
\v 1 དེ་ནས་དཀོན་མཆོག་ཡ་ཝཱེས་བདག་ལ་འདི་སྐད་དུ། ལྷ་གཞན་རྣམས་ལ་དད་ཅིང་རྒུན་འབྲུམ་སྐམ་པོ་ལེབ་མོར་ཆགས་པའི་ཡེས་ར་ཨེལ་པ་རྣམས་ལ་དཀོན་མཆོག་ཡ་ཝཱེས་བྱམས་བརྩེ་གནང་བ་ལྟར། ཁྱོད་ཡང་སོང་ལ་མོའི་དགའ་རོགས་ཀྱིས་གཅེས་པར་འཛིན་པའི་བུད་མེད་གཡེམ་མ་དེ་ལ་གཅེས་ཤིག་ཅེས་གསུངས་པ་དང་།  
\v 2 དེ་ནས་ངས་དངུལ་སྲང་བཅོ་ལྔ་དང་ནས་ཁལ་གཅིག་དང་ཕྱེད་ཀ་ཡིས་མོ་རང་གི་ཕྱིར་དུ་ཉོས་ནས།  
\v 3 ངས་མོ་ལ། ཁྱོད་ཉིན་ཞག་མང་པོར་ངའི་དོན་དུ་གཅིག་པུར་སྡོད་དགོས་ཏེ། ལོག་གཡེམ་བྱེད་མི་རུང་ལ་སྐྱེས་པ་གཞན་པའི་ཆུང་མ་ཡང་མ་བྱེད་ཅིག ང་རང་ཡང་ཁྱོད་ལ་དེ་བཞིན་ཡིན་ནོ་ཞེས་སྨྲས་སོ། །  
\v 4 ཅིའི་ཕྱིར་ཞེ་ན། ཡེས་ར་ཨེལ་པ་རྣམས་ཀྱང་ཡུན་རིང་པོར་རྒྱལ་པོ་དང་འགོ་དཔོན། མཆོད་པ། རྡོ་རིང་། བེར་ཐུལ། ཐེ་ར་ཕིམ་ \f + \ft ཐེ་ར་ཕིམ་ཞེས་པ་ནི་ཁྱིམ་ལྷ་ཡིན།\f*བཅས་དང་བྲལ་ནས་འཚོ་ངེས་ཡིན།  
\v 5 དེའི་རྗེས་སུ་ཡེས་ར་ཨེལ་པ་རྣམས་ཕྱིར་ལོག་ནས་རང་གི་དཀོན་མཆོག་ཡ་ཝཱེ་དང་རང་གི་རྒྱལ་པོ་དཱ་བིད་བཙལ་ནས། མཐའ་མའི་ཉིན་མོ་དག་ལ་ཁོ་རྣམས་ཀྱིས་ཡ་ཝཱེ་ལ་གུས་ཤིང་འཇིགས་པའི་སྒོ་ནས་ཁོང་གི་ཐུགས་རྗེའི་སྐྱབས་སུ་མཆི་བར་འགྱུར་རོ། །   
\c 4
\cl ལེའུ་བཞི་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 དཀོན་མཆོག་གིས་ཡེས་ར་ཨེལ་ལ་རྒོལ་གཏམ་གཏོང་བ།  
\p
\v 1 ཀྱེ་ཡེས་ར་ཨེལ་པ་རྣམས། དཀོན་མཆོག་ཡ་ཝཱེའི་བཀའ་ལ་ཉོན་ཅིག ཡ་ཝཱེས་ཡུལ་འདིའི་མི་རྣམས་ལ་སྐྱོན་བརྗོད་པ་སྟེ། ཡུལ་འདི་རུ་བདེན་པ་དང་བྱམས་བརྩེ། དཀོན་མཆོག་ངོ་ཤེས་མཁན་བཅས་ནི་མེད་པ་དང་།  
\v 2 མནའ་རྫུན་མ་སྐྱེལ་བ་དང་། སླུ་བྲིད་གཏོང་བ། སྲོག་གཅོད་པ། རྐུ་བྱེད་པ། ལོག་གཡེམ་བྱེད་པ། གདུག་རྩུབ་སྤྱོད་པ། མི་བསད་ནས་ཁྲག་བཞུར་བ་བཅས་ནི་རྒྱུན་ཆད་མེད་པས་ན།  
\v 3 ཡུལ་འདིར་སྡུག་བསྔལ་གྱིས་ཁེངས་འདུག་སྟེ། དེར་སྡོད་པའི་ཡུལ་མི་རྣམས་དང་ཐང་གི་གཅན་གཟན། ནམ་མཁའི་འདབ་ཆགས་བཅས་ཐམས་ཅད་ཉིན་རེ་བཞིན་ཉམས་རྒུད་དུ་འགྱུར་ཞིང་། རྒྱ་མཚོའི་ཉ་རྣམས་ཀྱང་མེད་པར་འགྱུར་རོ། །  
\v 4 ཡིན་ནའང་སུ་ཞིག་གིས་ཀྱང་གཞན་དང་མ་རྩོད་སྐྱོན་ཡང་མ་བརྗོད་ཅིག ཁྱོད་ཀྱི་མི་རྣམས་ནི་མཆོད་དཔོན་ལ་བཀག་འགོག་བྱེད་པ་རྣམས་དང་འདྲའོ། །  
\v 5 ཉིན་དཀར་ཁྱོད་རང་འགྱེལ་བར་འགྱུར་ལ། མཚན་མོར་ལུང་སྟོན་པའང་ཁྱོད་དང་མཉམ་དུ་འགྱེལ་བར་འགྱུར་ཞིང་། ངས་ཁྱོད་ཀྱི་མ་ནི་མེད་པར་བྱའོ། །  
\v 6 ངའི་མི་རིགས་ལ་ཤེས་བྱ་མི་ལྡན་པས་མེད་པར་གྱུར་པ་དང་། ཁྱོད་ཀྱིས་ཤེས་བྱ་དོར་བས་ན་ངས་ཀྱང་ཁྱོད་རང་འདོར་བར་བྱ་སྟེ། ཁྱོད་ངའི་དྲུང་དུ་མཆོད་དཔོན་ཏུ་བསྐོ་བར་མི་བྱ། ཁྱོད་ཀྱིས་རང་གི་དཀོན་མཆོག་གི་བཀའ་ཁྲིམས་བརྗེད་པས་ན་ངས་ཀྱང་ཁྱོད་ཀྱི་བུ་ཕྲུག་རྣམས་བརྗེད་པར་འགྱུར་རོ། །  
\v 7 མཆོད་དཔོན་ཇི་ལྟར་འཕེལ་ན་ང་དང་འགལ་བའི་སྡིག་པ་དེ་ལས་ལྷག་པར་བྱས་པས། ངས་དེ་དག་གི་གཟི་བརྗིད་ནི་ངོ་ཚ་རུ་བསྒྱུར་བར་བྱའོ། །  
\v 8 དེ་དག་གིས་ངའི་མི་རྣམས་ཀྱི་སྡིག་བཤགས་མཆོད་པ་ཁྱུར་མིད་གཏོང་ཞིང་། ངའི་མི་རྣམས་ཀྱིས་སྡིག་ཉེས་བསགས་ན་སེམས་གཏིང་ནས་དགའ་བ་ཡིན།  
\v 9 ཡང་མི་ཐམས་ཅད་ལ་ཅི་ཞིག་ཕོག་པ་ལྟར་མཆོད་དཔོན་རྣམས་ལའང་དེ་འཕོག་པར་འགྱུར། ངས་དེ་དག་གི་སྤྱོད་པ་ལྟར་ཆད་པ་གཅོད་ངེས་ཡིན་ལ། དེ་དག་གི་ཅི་བྱས་བཞིན་ལན་གནང་བར་བྱའོ། །  
\v 10 དེ་དག་གིས་ཟོས་ཀྱང་མི་ཚིམ་ལ། ལོག་གཡེམ་བྱས་ཀྱང་རྒྱུད་འཕེལ་བར་མི་འགྱུར་ཏེ། ཅི་ལ་ཞེ་ན། ཁོ་ཚོས་དཀོན་མཆོག་ཡ་ཝཱེ་སྤངས་ནས།  
\v 11 ནམ་རྒྱུན་ལོག་གཡེམ་བྱེད་ཅིང་། རྒུན་ཆང་གསར་རྙིང་གཉིས་ཀས་མི་སེམས་འཕྲོག་པར་བྱེད་པའོ། །   
\s1 སྐུ་འདྲ་ལ་བརྟེན་པར་གཏམ་སྨྲ་བ།  
\p
\v 12 ངའི་མི་རྣམས་ཀྱིས་ཤིང་གི་སྐུ་བརྙན་ལ་བཀའ་འདྲི་ཞུས་ནས། དེའི་དབྱུག་པས་ཁོ་ཚོར་ལམ་སྟོན་གནང་བར་བསམ་པ་དང་། ལོག་གཡེམ་གྱི་སེམས་ཀྱིས་དེ་དག་གི་ལམ་ཁ་ནོར་དུ་བཅུག་ཅིང་། ལོག་གཡེམ་སྤྱད་དེ་རང་གི་དཀོན་མཆོག་སྤངས་པ་དང་།  
\v 13 རི་བོའི་རྩེ་མོ་རྣམས་སུ་མཆོད་པ་འབུལ་ཞིང་། མཐོ་གླིང་དག་གི་སྟེང་དུ་ལོ་འདབ་རྒྱས་ནས་བསིལ་གྲིབ་སྦྱིན་པའི་བེ་ཤིང་དང་སྦྱར་བ། ཐང་ཤིང་ཚི་བ་ཅན་བཅས་ཀྱི་འོག་ཏུ་བདུག་སྤོས་གདུག་པའོ། །དེ་བས་ཁྱོད་ཀྱི་བུ་མོ་དག་གིས་གཞང་བཙོང་ཞིང་། མནའ་མ་དག་གིས་ཀྱང་ལོག་གཡེམ་བྱེད་དོ། །  
\v 14 ཁྱོད་ཀྱི་བུ་མོ་རྣམས་ཀྱིས་གཞང་བཙོངས་པའི་ལས་དང་། མནའ་མ་རྣམས་ཀྱིས་ལོག་གཡེམ་སྤྱད་པའི་ལས་ལ་ངས་ཉེས་ཆད་མི་གཅོད་དེ། ཅི་ལ་ཞེ་ན། དེ་རྣམས་རང་ཉིད་སོང་ནས་སྨད་འཚོང་མ་དང་འགྲོགས་ཤིང་། མཆོད་གཤོམ་གྱི་ཆོས་རྫུ་སྨད་འཚོང་མ་དང་འགྲོགས་ནས་མཆོད་པ་འབུལ་ལོ། །དེ་བས་ཤེས་རྨོངས་ཅན་གྱི་མི་འདི་རྣམས་ནི་འཇིག་པར་འགྱུར་རོ། །  
\v 15 ཀྱེ་ཡེས་ར་ཨེལ་ཁྱོད་ཀྱིས་ལོག་གཡེམ་བྱས་ཀྱང་། ཡ་ཧུ་དཱས་སྡིག་པ་བྱེད་མི་རུང་ལ། གིལ་གལ་དང་པེད་ཨ་ཝེན་དུ་ཡར་མ་འགྲོ་ཞིག གཏན་དུ་གསོན་པོར་བཞུགས་པའི་དཀོན་མཆོག་ཡ་ཝཱེ་དཔང་དུ་བཙུགས་ནས་མནའ་ཡང་མ་བསྐྱལ་ཞིག  
\v 16 ཡེས་ར་ཨེལ་གྱི་མི་རྣམས་ནི་བ་གཞོན་བཞིན་དུ་ཨུ་ཚུགས་ཆེ་བས། ད་ལྟ་དཀོན་མཆོག་ཡ་ཝཱེས་དེ་རྣམས་ཁོད་ཡངས་སར་ལུ་གུ་བཞིན་དུ་འཚོ་ནུས་སམ།  
\v 17 ཨེ་ཕཱར་ཡིམ་ནི་སྐུ་འདྲར་ཆགས་པས་སྐྱུར་ཞོག  
\v 18 དེ་དག་གིས་བཟི་དྭངས་རྗེས་ལོག་གཡེམ་བག་མེད་བྱེད་ཅིང་། དེ་དག་གི་འགོ་དཔོན་རྣམས་ནི་ངོ་ཚའི་ལས་ལ་རབ་ཏུ་དགའོ། །  
\v 19 དེ་དག་རླུང་འཚུབ་མས་འཁྱེར་ཞིང་། རང་གིས་འབུལ་བའི་མཆོད་པ་རྣམས་ཀྱིས་དེ་དག་སྐྱེངས་པར་བྱའོ། །   
\c 5
\cl ལེའུ་ལྔ་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཡ་ཧུ་དཱ་དང་ཡེས་ར་ཨེལ་གཉིས་ལ་བཀའ་ཆད་འབབ་པའི་སྐོར།  
\p
\v 1 ཀྱེ་མཆོད་དཔོན་རྣམས་ཀྱིས་འདི་ལ་ཉོན་ཅིག ཀྱེ་ཡེས་ར་ཨེལ་ཁྱིམ་རྒྱུད་ཀྱིས་གཟབ་གཟབ་བྱས་ནས་ཉོན་ཅིག ཀྱེ་རྒྱལ་རྒྱུད་ཀྱིས་རྣ་བ་བླགས་ནས་ཉོན་ཅིག མཱས་ཟི་ཕཱ་རུ་ཁྱོད་ནི་རྙི་དང་། ཐ་པོར་རི་ལ་ཁྱོད་ནི་ཁ་ཕྱེས་པའི་དྲ་རྒྱ་བཞིན་ཡིན་པས། ཁྱོད་ལ་བཀའ་ཆད་འཕོག་པར་འགྱུར།  
\v 2 གྱེན་ལོག་པ་འདི་རྣམས་ཀྱིས་གང་འདོད་ལྟར་དམར་གསོད་བཏང་ཞིང་། ངས་དེ་ཐམས་ཅད་ལ་བཀའ་བཀྱོན་གནང་བར་བྱའོ། །  
\v 3 ཨེ་ཕཱར་ཡིམ་ནི་ངས་ཤེས་པ་དང་། ཡེས་ར་ཨེལ་ནི་ང་ལས་བསྐུང་ཐབས་མེད། ཀྱེ་ཨེ་ཕཱར་ཡིམ། ད་ལྟ་ཁྱོད་ལས་ལོག་གཡེམ་བྱུང་ཞིང་། ཡེས་ར་ཨེལ་ནི་སྦགས་པ་ཡིན་ནོ། །  
\v 4 དེ་དག་གི་སྤྱོད་པའི་རྐྱེན་གྱིས་ཁོ་རྣམས་རང་གི་དཀོན་མཆོག་གི་དྲུང་དུ་ཕྱིར་ལོག་མི་ཐུབ། གང་ལ་ཞེ་ན། དེ་དག་གི་ནང་དུ་ལོག་གཡེམ་གྱི་སེམས་ཡོད་པས་དཀོན་མཆོག་ཡ་ཝཱེ་ངོ་མི་ཤེས་སོ། །  
\v 5 ཡེས་ར་ཨེལ་གྱི་ང་རྒྱལ་གྱིས་རང་གི་སྤྱོད་ངན་ལ་བདེན་དཔང་བྱས་པ་དང་། ཡེས་ར་ཨེལ་དང་ཨེ་ཕཱར་ཡིམ་གཉིས་རང་རང་གི་སྡིག་པས་འགྱེལ་ཞིང་། ཡ་ཧུ་དཱའང་དེ་དག་དང་མཉམ་དུ་འགྱེལ་ངེས་ཡིན།  
\v 6 དཀོན་མཆོག་ཡ་ཝཱེ་ནི་དེ་དག་དང་ཁ་བྲལ་བས་ན། དེ་དག་གིས་ར་ལུག་དང་བ་གླང་གི་ཁྱུ་དེད་ནས་ཁོང་བཙལ་ནའང་རྙེད་པར་མི་འགྱུར་རོ། །  
\v 7 དེ་དག་དཀོན་མཆོག་ཡ་ཝཱེར་བློ་ལོག་ནས་བྱི་ཕྲུག་བཙས་པས། ཚེས་གཅིག་ཉིན་མོར་དེ་དག་དང་དེ་དག་གི་ས་སྐལ་གཉིས་ལྷན་ཅིག་ཏུ་ཚར་གཅོད་པར་འགྱུར་རོ། །   
\p
\v 8 ཁྱོད་ཚོས་གིབ་ཨ་རུ་རྭ་དུང་དང་རཱ་མ་རུ་དུང་བུས་ཤིག པེད་ཨ་ཝེན་དུ་ཉེན་བརྡ་ཐོངས་ཤིག ཀྱེ་པེན་ཡཱ་མེན་ཁྱོད་ཀྱིས་རང་གི་རྒྱབ་ལ་དོགས་ཟོན་གྱིས་ཤིག  
\v 9 ཉེས་ཆད་གཅོད་པའི་ཉིན་མོར་ཨེ་ཕཱར་ཡིམ་ནི་ཞིག་རོར་འགྱུར་ཏེ། ཡེས་ར་ཨེལ་གྱི་ཚོ་པ་ཁག་གི་ནང་དུ་ངས་མ་འོངས་འབྱུང་འགྱུར་གྱི་དོན་རྣམས་མངོན་པར་བྱས།  
\v 10 ཡ་ཧུ་དཱའི་འགོ་དཔོན་རྣམས་ནི་ས་མཚམས་ཀྱི་རྟགས་སྤོ་མཁན་རྣམས་དང་འདྲ་བས། ངས་རང་གི་ཁོང་ཁྲོ་ནི་ཆུ་ལོག་བཞིན་དུ་དེ་དག་གི་སྟེང་ལ་བླུག་པར་བྱའོ། །  
\v 11 ཨེ་ཕཱར་ཡིམ་ནི་སྙིང་པོ་མེད་པའི་རྗེས་སུ་འབྲང་བར་དགའ་བས། གཉའ་གནོན་ཐེབས་ཤིང་བཀའ་ཆད་ཀྱིས་བརྫིས་པའོ། །  
\v 12 ང་ནི་ཨེ་ཕཱར་ཡིམ་ལ་མུག་པ་དང་། ཡ་ཧུ་དཱའི་ཁྱིམ་རྒྱུད་ལ་ཉམས་རུལ་ལྟ་བུ་ཡིན།  
\v 13 ཨེ་ཕཱར་ཡིམ་གྱིས་རང་གི་ནད་དང་ཡ་ཧུ་དཱ་ཡིས་རང་གི་རྨ་ཁ་མཐོང་བ་ན། ཨེ་ཕཱར་ཡིམ་ནི་ཨ་སུར་ལ་ཕྱིན་ཏེ་རྒྱལ་པོ་ཡ་རབ་པི་ཡི་མདུན་དུ་མི་མངགས་ཀྱང་། དེས་ཁྱོད་གསོ་བར་མི་ནུས་ལ། རྨ་ཡང་དྲག་ཏུ་འཇུག་མི་ཐུབ་བོ། །  
\v 14 ང་ནི་ཨེ་ཕཱར་ཡིམ་ལ་སེང་གེ་ལྟ་བུ་དང་། ཡ་ཧུ་དཱའི་ཁྱིམ་རྒྱུད་ལ་སེང་གེ་དར་མ་ལྟ་བུར་འགྱུར་ཞིང་། ངས་སིལ་བུར་ཧྲལ་ནས་འགྲོ་བ་དང་། ངས་ཁྱེར་ནས་འགྲོ་ཞིང་སྐྱོབ་མཁན་སུ་ཡང་མེད།  
\v 15 དེ་དག་གིས་རང་ལ་ཉེས་སྐྱོན་ཡོད་པ་ཚོར་ནས་ངའི་ངོ་གདོང་བཙལ་བའི་བར་དུ། ང་ཕྱིར་རང་གི་གནས་སུ་ལོག་པར་བྱ་སྟེ། དཀའ་སྡུག་གི་ཁྲོད་དུ་ཁོ་ཚོས་ང་རང་འབད་པས་བཙལ་ངེས་ཡིན།   
\c 6
\cl ལེའུ་དྲུག་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཡེས་ར་ཨེལ་ནས་འགྱོད་བཤགས་མེད་པ།  
\p
\v 1 ཤོག་དང་རང་ཅག་རྣམས་དཀོན་མཆོག་ཡ་ཝཱེའི་ཕྱོགས་སུ་ཕྱིར་ལོག་པར་བྱའོ། །ཁོང་གིས་རང་ཅག་སིལ་བུར་ཧྲལ་ནའང་གསོ་བར་འགྱུར་ལ། ཁོང་གིས་རང་ཅག་ལ་བརྡུངས་ནས་རྨས་ནའང་རྨ་ཁ་བསྡམ་པར་འགྱུར་རོ། །  
\v 2 ཉིན་གཉིས་པར་རང་ཅག་གསོན་པར་མཛད་ཅིང་། ཉིན་གསུམ་པར་རང་ཅག་དར་བར་བྱས་ནས། ཁོང་གི་སྤྱན་དྲུང་དུ་རང་ཅག་འཚོ་བར་འགྱུར།  
\v 3 རང་ཅག་གིས་དཀོན་མཆོག་ཡ་ཝཱེ་ཤེས་འོས་ཏེ། ཁོང་ཉིད་ཤེས་ཐབས་བྱེད་དགོས། ཁོང་ནི་ཞོགས་པའི་ཉི་མ་ལྟར་འཆར་ཞིང་། སྦྲང་ཆར་ཟིལ་མ་བཞིན་རང་ཅག་གི་སྟེང་འབབ་པ་དང་ས་རློན་བྱེད་ཀྱི་ཆར་པ་བཞིན་ཡིན་ནོ། །  
\v 4 ཀྱེ་ཨེ་ཕཱར་ཡིམ། ངས་ཁྱོད་ལ་ཅི་བྱའམ། ཀྱེ་ཡ་ཧུ་དཱ། ངས་ཁྱོད་ལ་ཅི་བྱའམ། གང་ལ་ཞེ་ན། ཁྱོད་ཀྱི་བྱམས་བརྩེ་ནི་ཐོ་རངས་ཀྱི་སྨུག་པ་དང་སྐད་ཅིག་ཙམ་ལ་ཡལ་འགྲོ་བའི་ཟིལ་བ་དང་འདྲའོ། །  
\v 5 དེ་བས་ངས་ལུང་སྟོན་པ་བརྒྱུད་ནས་ཁྱོད་རྣམས་དུམ་བུར་བཅད་ཅིང་། ཁོ་བོའི་སྨྲ་སྒོ་ལས་ཐོན་པའི་ཚིག་གིས་ཁྱོད་ཅག་བསད་པ་དང་། བདག་གི་ཁྲིམས་གཅོད་ནི་ཁྱོད་རྣམས་ལ་འོད་ལྟར་འཕྲོས་པ་སྟེ།  
\v 6 ཅིའི་ཕྱིར་ཞེ་ན། བདག་ནི་མཆོད་པར་མི་དགའ་ཞིང་སྙིང་རྗེའི་སེམས་ལ་དགའ་བ་དང་། སྦྱིན་སྲེག་རྣམས་ལས་མི་རྣམས་ཀྱིས་དཀོན་མཆོག་ཤེས་པ་ལ་ལྷག་པར་དགའོ། །  
\v 7 འོན་ཀྱང་ཁོ་རྣམས་ནི་ཞལ་ཆད་དང་འགལ་བའི་མི་དང་འདྲ་ཞིང་དེ་རུ་ང་ལ་གཡོ་སྒྱུའི་སྦྱོར་བ་སྤེལ་ཏོ། །  
\v 8 གིལ་ཨད་ནི་སྡིག་ཉེས་གསོག་པའི་གྲོང་ཁྱེར་ཡིན་ལ་དེ་ཁྲག་གིས་སྦགས།  
\v 9 མཆོད་དཔོན་ཚོགས་ཀྱིས་ཇག་དཔུང་བཞིན་འཇབ་སྒུག་བྱས་ཏེ་སི་ཀེམ་གྱི་ལམ་དུ་སྲོག་བཅད་ནས་ངན་པ་སྤྱད།  
\v 10 ཡེས་ར་ཨེལ་གྱི་ཁྱིམ་རྒྱུད་ལས་ངས་འཇིགས་སུ་རུང་བའི་དོན་ཞིག་མཐོང་ཞིང་། ཨེ་ཕཱར་ཡིམ་གྱི་ནང་དུ་ལོག་གཡེམ་ཡོད་པ་དང་། ཡེས་ར་ཨེལ་སྦགས་པ་ཡིན།  
\v 11 ཀྱེ་ཡ་ཧུ་དཱ། ངས་རང་གི་མི་རྣམས་བཙོན་ལས་ཕྱིར་ཁྲིད་འོང་བའི་ཚེ། ཁྱོད་ལའང་སྟོན་ཐོག་ཅིག་འཐོབ་པར་མཛད་དོ། །   
\c 7
\cl ལེའུ་བདུན་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཡེས་ར་ཨེལ་གྱི་སྤྱོད་ངན།  
\p
\v 1 ངས་ཡེས་ར་ཨེལ་གསོ་བར་བརྩམས་པ་ལ། ཨེ་ཕཱར་ཡིམ་གྱི་སྡིག་པ་དང་སཱ་མར་ཡའི་ཉེས་པ་རྣམས་མངོན་པར་གསལ་བ་སྟེ། དེ་རྣམས་ཀྱིས་གཡོ་སྒྱུ་ཁྲམ་གསུམ་བྱེད་པ་དང་། ནང་དུ་རྐུན་མ་འཛུལ་ཞིང་ཕྱི་རུ་ཇག་དཔུང་གིས་འཕྲོག་གོ །  
\v 2 ངས་ཁོ་ཚོའི་ལས་ངན་པ་ཐམས་ཅད་སེམས་སུ་བཟུང་ཡོད་པ་དེ་ཚོས་མ་ཚོར་ལ། ད་ལྟ་ངའི་མིག་མདུན་དུ་ཁོ་རྣམས་ནི་རང་གི་ལས་རྣམས་ཀྱིས་ཁྱུར་མིད་གཏོང་བ་ཡིན།  
\v 3 དེ་ཚོས་སྤྱོད་ངན་སྤྱད་ནས་རྒྱལ་པོ་དགའ་བར་བྱེད་པ་དང་། རྫུན་སྨྲས་ནས་སྐུ་དྲག་རྣམས་དགའ་བར་བྱེད་དེ།  
\v 4 དེ་ཐམས་ཅད་ལོག་གཡེམ་བྱེད་མཁན་ཡིན་ལ། ཁོ་རྣམས་ཀྱི་འདོད་པ་ནི་མེ་ཐབ་ཚ་པོ་དང་མཚུངས་ཏེ། བག་ལེབ་སྲེག་མཁན་གྱིས་ཕྱེ་བརྫིས་ནས་སྐྱུར་ལང་བའི་བར་དུ་མེ་འབུད་མི་དགོས་སོ། །  
\v 5 རང་ཅག་གི་རྒྱལ་པོས་དགའ་སྟོན་ལ་རོལ་བའི་ཉིན་མོར་སྐུ་དྲག་རྣམས་ཀྱིས་ཆང་འཐུང་ནས་གང་སར་བསྐྱུགས་པ་དང་། རྒྱལ་པོ་ནི་ཁྱད་གསོད་མཁན་དག་དང་འགྲོགས་ནས་དེའི་ལག་པར་འཇུས།  
\v 6 ལྐོག་འཇབ་བྱེད་མཁན་རྣམས་ཀྱི་སེམས་ནི་མེ་ཐབ་བཞིན་ཡིན་ལ། ཁོ་ཚོས་བག་ལེབ་སྲེག་མཁན་མཚན་གང་པོར་གཉིད་པ་ལྟར་སྒུག་ཅིང་། ཞོགས་པ་སླེབས་དུས་མེ་ལྟར་འབར་རོ། །  
\v 7 དེ་ཐམས་ཅད་མེ་ཐབ་བཞིན་ཚ་ཞིང་རང་གི་ཁྲིམས་དཔོན་རྣམས་མེད་པར་བྱེད་ལ། ཁོ་ཚོའི་རྒྱལ་པོ་ཐམས་ཅད་འགྱེལ་བ་དང་། དེ་དག་གི་ཁྲོད་དུ་ང་ལ་ཞུ་བ་བྱེད་མཁན་སུ་ཡང་མེད་དོ། །   
\s1 ཡེས་ར་ཨེལ་དང་རྒྱལ་ཁབ་ཁག  
\p
\v 8 ཨེ་ཕཱར་ཡིམ་ནི་ཕྱི་རོལ་པ་རྣམས་དང་འདྲེས་ཤིང་། སྟེང་འོག་མ་བསྒྱུར་བའི་བག་ལེབ་དང་འདྲ་སྟེ།  
\v 9 ཕྱི་རོལ་པ་རྣམས་ཀྱིས་དེའི་སྟོབས་ཟད་དུ་བཅུག་ནའང་དེས་མ་ཤེས་ལ། སྐྲ་དཀར་པོར་གྱུར་ཡང་མ་ཚོར།  
\v 10 ཡེས་ར་ཨེལ་གྱི་ང་རྒྱལ་གྱིས་རང་གི་སྤྱོད་ངན་ལ་བདེན་དཔང་བྱས་པ་དང་། ཁོ་རྣམས་དོན་དེ་ཐམས་ཅད་དང་ཕྲད་ནའང་རང་གི་དཀོན་མཆོག་ཡ་ཝཱེའི་ཕྱོགས་སུ་མ་ལོག་ཅིང་། ཁོང་བཙལ་ཡང་མ་བཙལ་ཏོ། །  
\v 11 ཨེ་ཕཱར་ཡིམ་ནི་ཕུག་རོན་ལྟར་བླུན་རྨོངས་ཤེས་མེད་ཡིན་ཏེ། ཁོ་ཚོས་ཨེ་ཅིབ་ལ་ཞུ་བ་བྱེད་ཅིང་ཨ་སུར་ལ་རྒྱབ་རྟེན་བཅོལ་བའོ། །  
\v 12 དེ་དག་འགྲོ་དུས་ངས་རང་གི་རྙི་རྒྱ་ཁོ་ཚོའི་སྟེང་དུ་གཡུགས་ནས་ནམ་མཁའི་བྱ་ལྟར་འཛིན་དགོས་ལ། དེ་དག་གི་ཚོགས་ཀྱི་ནང་དུ་ཐོས་པ་བཞིན་དུ་ཁོ་རྣམས་ལ་ཆད་པ་གཅོད་ངེས།  
\v 13 དེ་དག་གིས་ང་རང་དོར་བས་ཆག་སྒོ་འབྱུང་། ང་ལ་རྒྱབ་འགལ་བྱས་པས་མེད་པར་བཟོ་ངེས་ཡིན། ངས་དེ་དག་སྐྱོབ་པར་འདོད་ནའང་ཁོ་ཚོས་ང་ལ་རྫུན་སྨྲའོ། །  
\v 14 དེ་དག་གིས་རང་གི་མལ་ནས་སྨྲེ་སྔགས་བཏོན་ནའང་སེམས་བསམ་པས་ང་རང་མི་འབོད། དེ་དག་འབྲུ་རིགས་དང་རྒུན་ཆང་འཐོབ་པའི་ཕྱིར་མཉམ་དུ་འཛོམས་ནའང་ང་ལ་ངོ་ལོག་བྱེད་པ་ཡིན།  
\v 15 ངས་དེ་དག་ལ་སྦྱོང་བརྡར་སྤྲད་ནས་ཁོ་ཚོའི་དཔུང་པར་སྟོབས་བཅུག་མོད། དེ་དག་གིས་ད་དུང་ང་ལ་བསམ་སྦྱོར་ངན་པ་བྱེད་དོ། །  
\v 16 དེ་དག་ཕྱིར་འཁོར་ཡང་བླ་ན་མེད་པ་ཁོང་གི་ཕྱོགས་སུ་མི་འཁོར་ཏེ། མཐར་དེ་རྣམས་ནི་གཞུ་རྒྱུད་ལྷོད་པའི་གཞུ་ལྟར་ཡིན་ལ། དེ་དག་གི་འགོ་དཔོན་རྣམས་ཀྱིས་ངག་འཁྱལ་བརྗོད་པས་རལ་གྲིའི་ཁར་སྲོག་འཆོར་བ་དང་། ཨེ་ཅིབ་པ་ཚོས་ཁོ་རྣམས་ལ་འཕྱ་བར་འགྱུར་རོ། །   
\c 8
\cl ལེའུ་བརྒྱད་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཡེས་ར་ཨེལ་གྱིས་སྐུ་འདྲ་ལ་དད་པ་བྱས་ནས་ཉེས་ཅན་དུ་གྱུར་པ།  
\p
\v 1 ཁྱོད་ཀྱིས་རྭ་དུང་བུས་ཤིག དེ་དག་ངའི་ཞལ་ཆད་དང་འགལ་ནས་ངའི་བཀའ་ཁྲིམས་ལ་ངོ་ལོག་བྱས་པས། དགྲ་རྣམས་གླག་རྒོད་ལྟར་འོངས་ནས་དཀོན་མཆོག་ཡ་ཝཱེའི་ཁྱིམ་ལ་རྒོལ་བའོ། །  
\v 2 ཀྱེ་ངེད་ཅག་གི་དཀོན་མཆོག་ལགས། ངེད་ཡེས་ར་ཨེལ་གྱིས་ཁྱེད་ངོ་ཤེས་སོ་ཞེས་དེ་དག་གིས་ང་འབོད་པར་འགྱུར།  
\v 3 ཡེས་ར་ཨེལ་གྱིས་གང་ལེགས་པ་དེ་དོར་བས། དགྲ་བོས་ཁོ་རྣམས་འདེད་པར་བྱ།  
\v 4 དེ་དག་གིས་རྒྱལ་པོ་བསྐོས་པ་བདག་ལས་བྱུང་བ་མིན། དེ་དག་གིས་འགོ་དཔོན་རྣམས་བསྐོས་ཀྱང་ངས་མ་ཤེས། ཁོ་ཚོས་གསེར་དང་དངུལ་གྱིས་སྐུ་འདྲ་རྣམས་བཟོས་པས། མཐར་བདག་གིས་ཁོ་ཚོ་རྩ་མེད་དུ་གཏོང་ངོ་། །  
\v 5 ཀྱེ་སཱ་མར་ཡ། ཡ་ཝཱེས་ཁྱོད་ཀྱི་བ་ཕྲུག་གི་སྐུ་འདྲ་དོར་བ་དང་། ངའི་ཁོང་ཁྲོ་ནི་སྐུ་འདྲར་དད་མཁན་རྣམས་ཀྱི་སྟེང་ལ་བབས་ཏེ། དེ་དག་དུས་ནམ་ཞིག་ལ་ད་གཟོད་སྡིག་པ་དང་འབྲལ་བར་འགྱུར་རམ།  
\v 6 བ་ཕྲུག་དེ་ནི་ཡེས་ར་ཨེལ་ལས་བྱུང་བ་སྟེ། བཟོ་བས་བཟོས་པ་ལས་དཀོན་མཆོག་མ་ཡིན་པས། སཱ་མར་ཡའི་བ་ཕྲུག་ནི་རྡུལ་དུ་བརླག་པར་འགྱུར་རོ། །  
\v 7 དེ་དག་གིས་རླུང་བཏབ་ནས་རླུང་ནག་འཚུབ་མ་བསྡུ་བར་འགྱུར། ལོ་ཏོག་ལ་སྙེ་མ་མི་ཐོགས་ཤིང་། མྱུ་གུ་འབུས་ཀྱང་འབྲུ་རིགས་མི་སྨིན་ཏེ། འབྲུ་རིགས་སྨིན་ཡང་ཕྱི་རོལ་པས་དེ་མིད་པར་བྱ།  
\v 8 ཡེས་ར་ཨེལ་ནི་མིད་པར་འགྱུར་ཏེ། དེ་ནི་མི་སྡེ་རྣམས་ཀྱི་ཁྲོད་དུ་མི་འདོད་པའི་སྣོད་ལྟར་གྱུར་ཏོ། །  
\v 9 དེ་དག་གིས་རྐྱང་ཁེར་འགྲོ་ཞིག་དང་འདྲ་བར་ཨ་སུར་ལ་རྒྱབ་རྟེན་བཅོལ་བ་དང་། ཨེ་ཕཱར་ཡིམ་གྱིས་རང་ལ་དགའ་རོགས་གླས་ཤིང་།  
\v 10 དེ་དག་གིས་མི་སྡེ་རྣམས་གླས་ནའང་། ད་ནི་ངས་དེ་དག་མཉམ་དུ་བསྡུ་བར་བྱ་སྟེ། ཁོ་རྣམས་ནི་རྒྱལ་པོ་དང་འགོ་དཔོན་དག་གི་མནར་གཅོད་ཀྱིས་ཉམས་ང་བར་འགྱུར་རོ། །  
\v 11 ཨེ་ཕཱར་ཡིམ་གྱིས་སྡིག་པ་གཤགས་པའི་ཕྱིར་མཆོད་ཁྲི་མང་པོ་བཞེངས་པ་དང་། མཆོད་ཁྲི་དེ་དག་ནི་དེས་སྡིག་པ་བྱེད་ས་རུ་གྱུར་པའོ། །  
\v 12 ངས་དེའི་དོན་དུ་བཀའ་ཁྲིམས་མང་པོ་བཀོད་ཀྱང་། ཁོས་དེ་ནི་སྣང་མེད་དུ་བཞག་གོ །  
\v 13 དེ་དག་གིས་ང་ལ་མཆོད་རྫས་ཕུལ་ཡང་ཤ་ནི་རང་གིས་ཟའོ། །དཀོན་མཆོག་ཡ་ཝཱེ་དེ་དག་ལ་མི་དགའ། ད་ནི་ཁོང་གིས་དེ་ཚོའི་སྡིག་པ་ཐུགས་སུ་དྲན་ཞིང་། དེ་དག་གི་ཉེས་པར་ཆད་པ་བཅད་དེ། དེ་དག་ཨེ་ཅིབ་ཡུལ་དུ་ཕྱིར་ལོག་པར་འགྱུར་རོ། །  
\v 14 ཡེས་ར་ཨེལ་གྱིས་རང་གི་བྱེད་པོ་བརྗེད་ནས་ཕོ་བྲང་རྣམས་བརྩིགས། ཡ་ཧུ་དཱས་གྲོང་ཁྱེར་བརྟན་པོ་དུ་མ་བརྩིགས་ནའང་ངས་དེའི་གྲོང་ཁྱེར་རྣམས་ལ་མེ་བཏང་ནས་མཁར་རྣམས་འཚིག་པར་འགྱུར་རོ། །   
\c 9
\cl ལེའུ་དགུ་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཡེས་ར་ཨེལ་གྱི་ཉེས་ཆད་བསྒྲགས་པ།  
\p
\v 1 ཀྱེ་ཡེས་ར་ཨེལ། མི་རིགས་གཞན་རྣམས་དང་འདྲ་བར་དགའ་ཞིང་ཡི་རང་བར་མ་བྱེད་ཅིག ཅི་ལ་ཞེ་ན། ཁྱོད་ཀྱིས་ལོག་གཡེམ་སྤྱད་ནས་དཀོན་མཆོག་སྤངས་པ་དང་། གཡུལ་ཁ་རེ་རེའི་ནང་དུ་ཁྱོད་ནི་སྨད་བཙོངས་ནས་ཐོབ་པའི་རྔན་པར་ཆགས་སོ། །  
\v 2 གཡུལ་ཁ་དང་རྒུན་འབྲུམ་འཚིར་གཞོང་གིས་དེ་དག་གི་ཁ་མི་སོས་ལ། རྒུན་ཆང་གསར་པའང་ཆད་པར་འགྱུར།  
\v 3 དེ་དག་དཀོན་མཆོག་ཡ་ཝཱེའི་ཡུལ་དུ་གནས་མི་ཐུབ་ལ། ཨེ་ཕཱར་ཡིམ་ནི་ཕྱིར་ཨེ་ཅིབ་ཡུལ་དུ་ལོག་ཅིང་། ཨ་སུར་དུ་ཟས་མི་གཙང་བ་བཟའ་བར་འགྱུར།  
\v 4 དཀོན་མཆོག་ཡ་ཝཱེར་སྐྱེམས་མཆོད་འབུལ་མི་ནུས་ཤིང་། ཁོ་ཚོའི་མཆོད་པར་ཁོང་ཐུགས་མཉེས་པར་ཡང་མི་འགྱུར། དེ་དག་གི་མཆོད་པ་ནི་གཤིན་པོར་མྱ་ངན་བྱེད་མཁན་གྱི་བག་ལེབ་ལྟར་ཡིན་ལ། དེ་ཟ་བ་ཐམས་ཅད་མི་གཙང་བར་འགྱུར་རོ། །གང་ལ་ཞེ་ན། དེ་དག་གི་བག་ལེབ་ནི་རང་གི་ལྟོ་བའི་ཕྱིར་ཡིན་པ་མ་གཏོགས། དཀོན་མཆོག་ཡ་ཝཱེའི་མཆོད་ཁང་ནང་དུ་འཁྱེར་མི་རུང་།  
\v 5 ཁྱོད་རྣམས་འདུ་འཛོམས་ཀྱི་ཉིན་མོ་དང་། དཀོན་མཆོག་ཡ་ཝཱེའི་དུས་ཆེན་གྱི་ཉིན་མོར་ཁྱོད་ཚོས་ཅི་བྱའམ།  
\v 6 ལྟོས་ཤིག དེ་དག་གོད་ཆག་ལས་བྲོས་ནའང་ཨེ་ཅིབ་པས་ཁོ་ཚོ་བསྡུས་ནས་ནོབ་པ་རྣམས་ཀྱིས་བསྐུང་བར་འགྱུར། ཁོ་ཚོའི་དངུལ་གྱི་ནོར་བུ་རྣམས་གཟེ་མ་ར་མགོ་ཡིས་བཟུང་བར་འགྱུར་ལ། ཁོ་ཚོའི་གུར་གྱི་ནང་དུ་ཚེར་མ་སྐྱེ་བར་འགྱུར་རོ། །  
\v 7 ཉེས་ཆད་ཀྱི་ཉིན་མོ་སླེབས་ལ་ཉེ། ལན་འཇལ་བའི་དུས་སྐབས་སླེབས་ཟིན་ཏོ། །ཡེས་ར་ཨེལ་གྱིས་དེ་རྟོགས་པར་འགྱུར་ཏེ། ལུང་སྟོན་པ་ནི་བླུན་པོ་དང་། ཐུགས་ཉིད་དང་ལྡན་པའི་མི་ནི་སྨྱོན་པ་དང་འདྲ་བར་འདོད་དོ། །ཅིའི་ཕྱིར་ཞེ་ན། ཁྱོད་ཀྱིས་སྡིག་པ་མང་པོ་བསགས་ནས་སེམས་སུ་ཞེ་སྡང་གིས་ཁེངས་པས་སོ། །  
\v 8 ལུང་སྟོན་པས་ངའི་དཀོན་མཆོག་དང་མཉམ་དུ་ཨེ་ཕཱར་ཡིམ་ལ་བྱ་ར་བྱེད་ཅིང་། ལུང་སྟོན་པ་འགྲོ་སའི་ལམ་ཐམས་ཅད་དུ་བྱ་རྙི་དང་། རང་གི་དཀོན་མཆོག་གི་གནས་ལ་འཁོན་སེམས་བཅངས་སོ། །  
\v 9 གིབ་ཨའི་ཉིན་མོ་ནང་བཞིན་དེ་དག་རྩ་བ་ནས་ཉམས་པར་བྱས་པ་དང་། ཡ་ཝཱེས་དེ་དག་གི་སྡིག་པ་ཐུགས་སུ་དྲན་ནས་ཁོ་ཚོའི་སྡིག་ཉེས་ལ་ཆད་པ་གཅོད་དོ། །   
\p
\v 10 ཡེས་ར་ཨེལ་ནི་དབེན་སྟོང་གི་རྒུན་འབྲུམ་དང་། ཁྱོད་ཅག་གི་ཕ་མེས་ནི་སེ་ཡབ་ཤིང་གི་ཐོག་ཕུད་དང་འདྲ་བ་ངས་མཐོང་བྱུང་། ཡིན་ནའང་དེ་དག་པཱ་ཨལ་ཕེ་ཨོར་གྱི་རྩར་སོང་ནས་རང་ཉིད་དེར་ཕུལ་ནས་ཁྲེལ་མེད་གྱི་ལས་བྱས་ཏེ། ཁོ་རྣམས་དགའ་བ་དེ་དང་འདྲ་བར་ཞེན་ལོག་ཏུ་གྱུར་ཏོ། །  
\v 11 ཨེ་ཕཱར་ཡིམ་གྱི་གཟི་བརྗིད་ནི་བྱ་ལྟར་འཕུར་འགྲོ་ཞིང་། ཕྲུ་གུ་སྐྱེ་བ་དང་མངལ་དང་ལྡན་པ། ཕྲུ་གུ་འཁོར་བ་བཅས་ནི་དེའི་ནང་དུ་མེད་པར་འགྱུར།  
\v 12 དེ་དག་གིས་རང་གི་བུ་ཕྲུག་རྣམས་བསྐྱངས་ནའང་ངས་དེ་ཐམས་ཅད་མེད་པར་བཅུག་སྟེ་གཅིག་ཀྱང་མི་ལུས་ལ། ཡང་ངས་དེ་དག་དོར་ནས་ཁོ་ཚོར་ཆག་སྒོ་འབྱུང་ངོ་། །  
\v 13 ཨེ་ཕཱར་ཡིམ་ནི་ཐཱར་དང་འདྲ་བར་ས་བཟང་པོར་བཙུགས་པ་བདག་གིས་མཐོང་མོད། འོན་ཀྱང་ཨེ་ཕཱར་ཡིམ་གྱིས་རང་གི་ཕྲུ་གུ་རྣམས་གཤེད་མའི་རྩར་འཁྲིད་པར་འགྱུར།  
\v 14 ཀྱེ་དཀོན་མཆོག་ཡ་ཝཱེ་ལགས། དེ་དག་ལ་ཅི་ཞིག་གནང་བའི་ཕྱིར་ངས་ཞུ་བ་ཡིན་ནམ་ཞེ་ན། ཕྲུ་གུ་འཁོར་ཡང་མངལ་ཤོར་བ་དང་ནུ་མ་སྐམ་པོ་རྣམས་གནང་བར་མཛོད།  
\v 15 དེ་དག་གིས་གིལ་གལ་དུ་སྤྱད་པའི་ལས་ངན་པ་རྣམས་ཀྱི་དབང་གིས་ང་རང་ཁོ་རྣམས་ལ་སྡང་བ་ཡིན། དེ་དག་གིས་བསགས་པའི་སྡིག་ཉེས་རྣམས་ཀྱི་རྐྱེན་གྱིས་བདག་གིས་ཁོ་ཚོ་ངའི་གནས་ནས་སྤྱུག་པར་བྱ། ད་ནི་ངས་ཁོ་རྣམས་ལ་བྱམས་པར་མི་བྱ་སྟེ། ཁོ་ཚོའི་འགོ་དཔོན་ཐམས་ཅད་གྱེན་ལོག་མཁན་ཡིན་ནོ། །  
\v 16 ཨེ་ཕཱར་ཡིམ་ལ་བརྡུངས་ནས་རྩད་པ་སྐམ་ཏེ་འབྲས་བུ་ཆགས་མི་ཐུབ་ལ། ཕྲུ་གུ་བཙའ་བའི་དབང་དུ་བཏང་ནའང་། ངས་དེ་དག་གིས་གཅེས་པའི་བུ་རྣམས་གསོད་པར་བྱའོ། །  
\v 17 དེ་དག་གིས་བཀའ་ལ་མ་མཉན་པས་ན། ངའི་དཀོན་མཆོག་གིས་དེ་དག་སྤངས་ནས། ཁོ་ཚོ་མི་རིགས་གཞན་རྣམས་ཀྱི་ཁྲོད་དུ་འཁྱམ་པར་འགྱུར་རོ། །   
\c 10
\cl ལེའུ་བཅུ་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\p
\v 1 ཡེས་ར་ཨེལ་ནི་ལོ་འདབ་རྒྱས་པའི་རྒུན་ཤིང་དང་འདྲ་ཞིང་འབྲས་བུ་མང་པོ་ཐོགས་པ་ཡིན། དེའི་འབྲས་བུ་ཇི་ལྟར་མང་ན་ཁོས་མཆོད་ཁྲི་ཡང་དེ་ལྟར་མང་དུ་བཞེངས་པ་དང་། དེའི་ས་ཇི་ལྟར་བཟང་ན་ཁོས་རྡོ་སྐུ་རྣམས་ཀྱང་དེ་ལས་ཡིད་དུ་འོང་བར་བཟོས་པའོ། །  
\v 2 དེ་རྣམས་ཀྱི་སེམས་སུ་གཡོ་སྒྱུ་བཅངས་ཡོད་པས། ད་ལྟ་སྡིག་པའི་ཉེས་ཆད་འཁུར་དགོས་ཏེ། ཡ་ཝཱེས་དེ་དག་གི་མཆོད་ཁྲི་རྣམས་བཤིག་ནས་རྡོ་སྐུ་རྣམས་གཅོག་ངེས་ཡིན།  
\v 3 དེ་ནས་ཁོ་ཚོས་ངེད་རྣམས་ནི་དཀོན་མཆོག་ཡ་ཝཱེ་ལ་གུས་ཤིང་འཇིགས་པ་མིན་པས། ངེད་རྣམས་ལ་རྒྱལ་པོ་མེད་དེ། རྒྱལ་པོས་ངེད་རྣམས་ཀྱི་དོན་དུ་ཅི་ཞིག་བྱ་ནུས་སམ་ཞེས་སྨྲ་བར་འགྱུར་རོ། །  
\v 4 དེ་དག་གིས་ཚིག་སྟོང་མང་པོ་སྨྲ་ཞིང་ཁ་ཆད་འཇོག་དུས་རྫུན་གྱི་མནའ་བསྐྱལ་བས། ཉེས་ཆད་ནི་ཞིང་གི་རོལ་བར་གྱི་དུག་རྩྭ་ལྟར་སྐྱེའོ། །  
\v 5 པེད་ཨ་ཝེན་གྱི་བ་ཕྲུག་རྣམས་ཀྱི་དབང་གིས་སཱ་མར་ཡ་པ་རྣམས་འཇིགས་ནས། དེའི་ཡུལ་མི་རྣམས་དང་དེ་དག་ལ་དགའ་བའི་མཆོད་དཔོན་རྣམས་ཀྱིས་མྱ་ངན་བྱེད་པར་འགྱུར་ཏེ། རྒྱུ་མཚན་ནི་དེའི་གཟི་དཔལ་ཡལ་ཟིན་པས་སོ། །  
\v 6 མི་རྣམས་ཀྱིས་བ་ཕྲུག་དེ་ནི་ཨ་སུར་ལ་ཁྱེར་ནས་རྒྱལ་པོ་ཡ་རབ་པི་ལ་སྐྱེས་སུ་འབུལ་བར་འགྱུར་ལ། ཨེ་ཕཱར་ཡིམ་ངོ་ཚ་ཞིང་། ཡེས་ར་ཨེལ་ནི་རང་གི་གྲོས་ཀྱིས་ཁ་སྐྱེངས་པར་འགྱུར།  
\v 7 སཱ་མར་ཡའི་རྒྱལ་པོ་ནི་ཆུ་ཁའི་ལྦུ་བ་ལྟར་མེད་པར་འགྱུར་ཏེ།  
\v 8 ཡེས་ར་ཨེལ་གྱི་སྡིག་པ་བྱེད་ས་སྟེ་ཨ་ཝེན་གྱི་མཐོ་གླིང་རྣམས་བཤིག་ནས། ཁོ་ཚོའི་མཆོད་ཁྲི་རྣམས་ཀྱི་ཁར་ཚེར་མ་དང་གཟེ་མ་ར་མགོ་སྐྱེ་བར་འགྱུར། ཡང་དེ་དག་གིས་རི་ཆེན་པོ་རྣམས་ལ་ངེད་ཅག་ཁོབས་ཤིག་ཅེས་དང་། རི་ཆུང་དག་ལ་ངེད་ཅག་གི་སྟེང་དུ་སྙིལ་ཅིག་ཅེས་ཟེར་བར་འགྱུར།   
\s1 དཀོན་མཆོག་གིས་ཡེས་ར་ཨེལ་ལ་ཉེས་ཆད་གཅོད་པ།  
\p
\v 9 ཀྱེ་ཡེས་ར་ཨེལ། གིབ་ཨའི་ཉིན་མོ་དག་གི་ཚུན་ལ་ཁྱོད་ཀྱིས་སྡིག་པ་བསགས་ཤིང་ཁྱོད་རྣམས་ད་དུང་དེ་རུ་བསྡད་ཡོད། སྡིག་ཉེས་ཚབས་ཆེ་བའི་མི་རབས་ལ་རྒོལ་བའི་འཐབ་མོ་དེ་གིབ་ཨའི་སྟེང་དུ་མི་འབྱུང་བ་ཡིན་ནམ།  
\v 10 ངས་རང་གི་འདོད་པ་ལྟར་དེ་རྣམས་ལ་ཉེས་ཆད་གཅོད་པ་དང་། དེ་དག་གིས་སྡིག་པ་ཉིས་བརྩེགས་ཁུར་ཏེ། མི་རྣམས་དེ་དག་གི་སྟེང་དུ་རུབ་པར་འགྱུར་རོ། །  
\v 11 ཨེ་ཕཱར་ཡིམ་ནི་གཡུལ་གཅོག་པར་དགའ་བའི་བ་གཞོན་ཁ་ལོ་བཏུལ་ཟིན་པ་ཞིག་དང་འདྲ། ངས་དེའི་ཤ་ཤེད་རྒྱས་པའི་མཇིང་ལ་གཉའ་ཤིང་བཞག་ནས་ཨེ་ཕཱར་ཡིམ་འཛིན་ངེས་ལ། ཡ་ཧུ་དཱས་ཞིང་རྨོ་བ་དང་ཡ་ཀོབ་ཀྱིས་ཤལ་རྒྱག་དགོས།  
\v 12 ཁྱོད་རྣམས་ཀྱིས་རང་གི་དོན་དུ་དྲང་བདེན་གྱི་ས་བོན་བཏབ་ནས་ནམ་ཡང་འགྱུར་བ་མེད་པའི་བྱམས་བརྩེ་བརྔ་བར་གྱིས། ཁྱོད་ཚོས་ས་རྒོད་སློག་དགོས་ཏེ། ཁོང་ཕེབས་འོང་དུས་ཁྱོད་ཅག་གི་སྟེང་དུ་དྲང་བདེན་གྱི་ཆར་བ་འབབ་ངེས་ཤིང་། ད་ལྟ་ནི་དཀོན་མཆོག་ཡ་ཝཱེ་འཚོལ་བའི་དུས་ཡིན་ནོ། །  
\v 13 ཁྱོད་ཚོས་ངན་པ་རྨོས་ནས་སྡིག་ཉེས་བརྔས་པ་དང་། རྫུན་གྱི་འབྲས་བུ་ཟོས་སོ། །ཅི་ལ་ཞེ་ན། ཁྱོད་ཀྱིས་རང་གི་འདོད་པ་དང་རང་གི་དཔའ་བོའི་དཔུང་ལ་བློ་གཏད་དོ། །  
\v 14 དེའི་ཕྱིར་ཁྱོད་ཚོའི་མི་རིགས་ཀྱི་ནང་དུ་ཟིང་ཆ་ལངས་ནས། ཁྱོད་ཀྱི་བཙན་རྫོང་ཐམས་ཅད་བཤིག་པར་འགྱུར་ཏེ། དེ་ནི་ཤལ་མན་གྱིས་འཐབ་མོའི་ཉིན་མོར་པེད་ཨར་པེལ་བཤིག་ནས་མ་བུ་གཉིས་སར་བརྡབས་ཏེ་དུམ་བུར་བཅག་པ་བཞིན་ཡིན་ནོ། །  
\v 15 ཀྱེ་པེད་ཨེལ། ཁྱོད་རྣམས་ཀྱི་སྡིག་ཉེས་ཚབས་ཆེ་བས་དེ་ལྟར་འབྱུང་ངེས་ལ། སྐྱ་རེངས་ཤར་དུས་ཡེས་ར་ཨེལ་གྱི་རྒྱལ་པོ་རྩ་ནས་མེད་པར་འགྱུར་རོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 འབངས་གྱེན་ལོག་ལ་སྙིང་རྗེས་གཟིགས་པ།  
\p
\v 1 ཡེས་ར་ཨེལ་ན་གཞོན་ཡིན་དུས་ངས་དེ་ལ་བྱམས་ཤིང་། བདག་གིས་ཨེ་ཅིབ་ཡུལ་ནས་རང་གི་བུ་བོས་པ་ཡིན།  
\v 2 དེ་ཚོ་ཅི་ལྟར་བོས་ན་དེ་ལྟར་རྒྱང་བཀྱེད་ནས་པཱ་ཨལ་ལ་མཆོད་པ་ཕུལ་ཞིང་། ལྷ་སྐུ་རྣམས་ལ་བདུག་སྤོས་བདུགས།  
\v 3 ངས་ཨེ་ཕཱར་ཡིམ་གྱི་དཔུང་པས་བསྐྱོར་ནས་ལམ་བསྟན་ཡང་། ངས་དེ་དག་གསོས་པ་ཁོ་ཚོས་མ་ཤེས།  
\v 4 ངས་བྱམས་སྙིང་རྗེས་དེ་རྣམས་དྲངས་ཤིང་། ཡང་བ་གླང་གི་གཉའ་ཤིང་ལེན་མཁན་ལྟར་དེ་དག་གི་གཉའ་ཤིང་བླངས་ནས། མར་བསྒུར་ཏེ་ཁོ་ཚོའི་མདུན་དུ་ཁ་ཟས་བཞག་པ་ཡིན།  
\v 5 ཁོ་རྣམས་སླར་ཨེ་ཅིབ་ཡུལ་དུ་ལོག་མི་དགོས་ཀྱང་། ཁོ་རྣམས་ངའི་ཕྱོགས་སུ་མི་འཁོར་བས་ན་ཨ་སུར་པ་ནི་དེ་དག་གི་རྒྱལ་པོར་འགྱུར་རོ། །  
\v 6 ཡང་ཁོ་ཚོའི་གྲོང་ཁྱེར་རྣམས་ལ་རལ་གྲི་གཡུགས་ནས་སྒོ་གཏན་རྣམས་བཅག་སྟེ། དེ་དག་གི་གྲོས་ངན་པའི་དབང་གིས་ཁོ་ཚོ་མིད་པར་འགྱུར་རོ། །  
\v 7 ངའི་མི་རིགས་བསམ་བཞིན་ང་དང་བྲལ་ཞིང་། ཁོ་ཚོས་ངུ་འབོད་བྱས་ནའང་ཁོ་རྣམས་ཀྱིས་འཁུར་བའི་གཉའ་ཤིང་འབོགས་མཁན་ཡོད་མ་ཡིན།  
\v 8 ཀྱེ་ཨེ་ཕཱར་ཡིམ། ངས་ཁྱོད་རང་འདོར་ག་ལ་རུང་། ཀྱེ་ཡེས་ར་ཨེལ། ངས་ཁྱོད་རང་གཞན་གྱི་ལག་ཏུ་གཏོད་ག་ལ་སྲིད། ངས་ཁྱོད་རང་ཨད་མཱ་དང་ཚཱ་བོ་ཡིམ་ལྟར་འཇོག་ག་ལ་རུང་། ངས་བློ་ཁ་བསྒྱུར་ནས་སྙིང་རྗེ་ཡི་བསམ་པ་མེ་ལྟར་འབར་རོ། །  
\v 9 ང་རང་ཤིན་ཏུ་ཁྲོ་བར་མི་བྱ་ཞིང་། ཨེ་ཕཱར་ཡིམ་ཡང་མེད་པར་མི་བྱའོ། །ཅིའི་ཕྱིར་ཞེ་ན། ང་ནི་དཀོན་མཆོག་ཡིན་པ་ལས་མི་ནི་མ་ཡིན་ལ། ཁྱོད་ཀྱི་དབུས་སུ་དམ་པ་ཉིད་དེ་ཡིན་པས། ཁོང་ཁྲོ་དང་བཅས་ཁྱོད་རྣམས་ཀྱི་རྩར་འབྱོན་པར་མི་བྱའོ། །  
\v 10 དཀོན་མཆོག་ཡ་ཝཱེས་སེང་གེ་ལྟར་ང་རོ་འདོན་ཞིང་། ཁོང་གི་བུ་ཕྲུག་རྣམས་ཁོང་གི་རྗེས་སུ་འབྲང་ངེས་ཡིན། ཁོང་གིས་ང་རོ་འདོན་པའི་ཚེ་བུ་ཕྲུག་རྣམས་ནུབ་ཕྱོགས་ནས་སྐྲག་སྐྲག་འདར་འདར་ངང་འོང་བར་འགྱུར།  
\v 11 ཁོ་རྣམས་ཨེ་ཅིབ་ཡུལ་ནས་བྱ་བཞིན་དང་ཨ་སུར་ཡུལ་ནས་ཕུག་རོན་བཞིན་དུ་སྐྲག་སྐྲག་འདར་འདར་ངང་འོང་བ་དང་། ངས་དེ་དག་རང་གི་ཁང་པ་རུ་སྡོད་དུ་འཇུག་གོ་ཞེས་དཀོན་མཆོག་ཡ་ཝཱེས་གསུངས་སོ། །   
\p
\v 12 ཨེ་ཕཱར་ཡིམ་གྱིས་རྫུན་གཏམ་དང་ཡེས་ར་ཨེལ་གྱི་ཁྱིམ་རྒྱུད་ཀྱིས་གཡོ་སྒྱུ་ཡིས་ང་རང་བསྐོར་ཞིང་། ཡ་ཧུ་དཱས་སྔར་བཞིན་དཀོན་མཆོག་ལ་ངོ་རྒོལ་བྱེད་དེ། བློ་གཏོད་རུང་བའི་དམ་མཆོག་ཁོང་ལ་ངོ་རྒོལ་བྱེད་པའོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཨེ་ཕཱར་ཡིམ་ལ་དྲན་སྐུལ་བྱས་པ།  
\p
\v 1 ཨེ་ཕཱར་ཡིམ་ནི་རླུང་ལ་བརྟེན་ནས་འཚོ་ཞིང་། ཉིན་གང་པོར་ཤར་རླུང་གི་རྗེས་སུ་བརྒྱུགས་ནས་རྫུན་དང་གདུག་རྩུབ་མང་དུ་སྤེལ་བ་དང་། ཨ་སུར་དང་ཆད་དོན་བཞག་ནས་ཨེ་ཅིབ་ཡུལ་དུ་སྣུམ་སྐྱེལ་བའོ། །  
\v 2 དཀོན་མཆོག་ཡ་ཝཱེས་ཡ་ཧུ་དཱ་ལ་སྐྱོན་འཛུགས་ཤིང་། ཡ་ཀོབ་ལ་ཁོ་འགྲུལ་བའི་ལམ་རྣམས་བཞིན་དུ་ཉེས་ཆད་གཅོད་པ་དང་། ཁོའི་སྤྱོད་པ་བཞིན་དུ་ལན་འཇལ་ལོ། །  
\v 3 ཁོ་ནི་མངལ་གྱི་ནང་དུ་རང་གི་སྤུན་གྱི་ཕྱི་རྟིང་ལ་འཇུས་པ་དང་། དར་ལ་བབས་དུས་དཀོན་མཆོག་དང་ཤུགས་འགྲན་ནོ། །  
\v 4 ཁོ་ནི་ཕོ་ཉ་དང་འགྲན་ནས་རྒྱལ་བ་དང་། ངུ་འབོད་དང་བཅས་ཁོང་ལ་ཞུ་བ་ཕུལ་ནས་པེད་ཨེལ་དུ་ཀུན་དབང་དཀོན་མཆོག་དང་མཇལ་ཞིང་། དེར་ཡ་ཝཱེས་ཁོ་རྣམས་ལ་བཀའ་བསྒོས་པ་རེད།  
\v 5 དཀོན་མཆོག་ཡ་ཝཱེ་ནི་དཔུང་ཚོགས་ཀུན་གྱི་དཀོན་མཆོག་དང་། ཁོང་ལ་དྲན་གསོ་བྱེད་པའི་མཚན་ཡིན་ནོ། །  
\v 6 དེ་བས་ཁྱོད་ཀྱིས་རང་གི་དཀོན་མཆོག་གི་ཕྱོགས་སུ་འཁོར་ནས་སྙིང་རྗེ་དང་དྲང་གཞག་བསྲུངས་ཏེ། རང་གི་དཀོན་མཆོག་ལ་རྒྱུན་དུ་སྒུག་པར་གྱིས་ཤིག  
\v 7 ཀ་ན་ཨན་པའི་\f + \ft འདིར་ཀ་ན་ཨན་པ་ཞེས་པ་ནི་ཀ་ན་ཨན་ཡུལ་གྱི་མཚོ་འགྲམ་དུ་གནས་པའི་ཚོང་པ་རྣམས་ལ་གོ་བ་ཡིན།\f*ལག་ཏུ་མི་ལ་མགོ་སྐོར་གཏོང་བའི་རྒྱ་སྲང་ཡོད་ཅིང་གཞན་ལ་གཉའ་གནོན་བྱེད་པར་དགའོ། །  
\v 8 ཨེ་ཕཱར་ཡིམ་གྱིས་འདི་ལྟར། ད་ནི་ང་རང་ཕྱུག་པོར་གྱུར་ནས་རྒྱུ་ནོར་མང་པོ་རྙེད་ཡོད། ངས་དཀའ་ལས་བརྒྱབ་ནས་ཐོབ་པ་ཐམས་ཅད་ཀྱི་ནང་དུ་ང་ལས་ཉེས་སྐྱོན་དང་སྡིག་པ་ནི་སུས་ཀྱང་རྙེད་པར་མི་འགྱུར་ཞེས་ཟེར།  
\v 9 ཁྱོད་རང་ཨེ་ཅིབ་ཡུལ་ནས་ཐོན་པ་ནས་བཟུང་ང་ནི་ཁྱོད་ཀྱི་དཀོན་མཆོག་ཡ་ཝཱེ་ཡིན་ལ། དུས་ཆེན་གྱི་ཉིན་མོ་རྣམས་དང་མཚུངས་པར་ངས་ཁྱོད་རང་ཡང་བསྐྱར་གུར་གྱི་ནང་དུ་གནས་པར་བྱའོ། །  
\v 10 ངས་ལུང་སྟོན་པ་རྣམས་ལ་གཏམ་སྨྲས་ཏེ་ཞལ་གཟིགས་མང་པོ་བསྟན་པ་དང་། ལུང་སྟོན་པ་རྣམས་བརྒྱུད་ནས་དཔེ་ཡང་མང་པོ་བསྟན་ཏོ། །  
\v 11 གིལ་ཨད་ལ་སྡིག་ཉེས་མེད་དམ། དེ་དག་ནི་དངོས་གནས་ཕན་ཐོགས་མེད་པ་ཡིན། དེ་དག་གིས་གིལ་གལ་དུ་གླང་ཐུག་རྣམས་མཆོད་པར་འབུལ་ཞིང་། ཁོ་ཚོའི་མཆོད་ཁྲི་ནི་ཞིང་གི་རོལ་བར་གྱི་རྡོ་སྤུང་དང་འདྲའོ། །  
\v 12 སྔར་ཡ་ཀོབ་ནི་ཨ་རམ་ཡུལ་དུ་བྲོས་ནས། ཡེས་ར་ཨེལ་གྱིས་ཆུང་མ་ལེན་ཕྱིར་གཡོག་བྱས་པ་དང་། ཆུང་མ་ལེན་པའི་ཆེད་དུ་ལུག་འཚོས་ཤིང་།  
\v 13 རྗེས་སུ་དཀོན་མཆོག་ཡ་ཝཱེས་ལུང་སྟོན་པ་ཞིག་བརྒྱུད་དེ་ཡེས་ར་ཨེལ་ནི་ཨེ་ཅིབ་ཡུལ་ནས་ཡར་དྲངས་པ་དང་། ཡང་ལུང་སྟོན་པ་ཞིག་བརྒྱུད་ནས་ཁོ་རྣམས་ལ་གཟིགས་སྐྱོང་མཛད།  
\v 14 ཡིན་ནའང་ཨེ་ཕཱར་ཡིམ་གྱིས་དཀོན་མཆོག་གི་དགོངས་པ་དྲག་ཏུ་དཀྲུགས་པས་ན། ཁོས་མི་ལ་ཁྲག་བཞུར་དུ་བཅུག་པའི་སྡིག་པ་ནི་ཁོ་རང་གི་སྟེང་ལ་འབབ་ཏུ་བཅུག་ནས། གཙོ་བོས་ཁོའི་ངོ་ཚ་ཁོ་རང་གི་སྟེང་ལ་འབེབ་པར་འགྱུར་རོ། །   
\c 13
\cl ལེའུ་བཅུ་གསུམ་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཡེས་ར་ཨེལ་གྱི་མཇུག་མཐའི་འདྲི་གཅོད།  
\p
\v 1 སྔར་ཨེ་ཕཱར་ཡིམ་གྱིས་གཏམ་གླེང་དུས་མི་རྣམས་འདར་ཞིང་། ཡེས་ར་ཨེལ་གྱི་ནང་དུ་ཁོ་མཐོ་སར་བསྡད་ཡོད། ཡིན་ནའང་པཱ་ཨལ་གྱི་རྐྱེན་གྱིས་ཁོས་སྡིག་པ་སྤྱད་ནས་ཤི་བ་རེད།  
\v 2 ད་ལྟ་ཁོ་ཚོས་སྡིག་པ་མང་དུ་བྱེད་ཅིང་རང་གི་དངུལ་གྱིས་རང་ཉིད་ལ་བླུགས་སྐུ་རྣམས་བཟོས་ཤིང་། རང་གི་བློ་རིག་ལ་བརྟེན་ནས་སྐུ་འདྲ་བཟོས། དེ་ཐམས་ཅད་ལག་ཤེས་པའི་ལས་ཡིན་ཏེ། དེ་དག་གི་སྐོར་ལ་ཁོ་རྣམས་ཀྱིས། མཆོད་པ་འབུལ་མཁན་དག་གིས་བ་ཕྲུག་སྐུ་འདྲ་རྣམས་ལ་ཁ་སྐྱེལ་བ་ཡིན་ཞེས་སྨྲའོ། །  
\v 3 དེའི་ཕྱིར་ཁོ་རྣམས་ནི་ཐོ་རངས་ཀྱི་སྨུག་པ་དང་སྐད་ཅིག་ཙམ་ལ་ཡལ་འགྲོ་བའི་ཟིལ་བ་ལྟ་བུ་ཡིན་ལ། གཡུལ་ཁ་ལས་རླུང་འཚུབ་ཀྱིས་འཁུར་བའི་ཕུབ་མ་ལྟ་བུ་དང་། སྒེའུ་ཁུང་ལས་འཕྱུར་བའི་དུ་བ་ལྟ་བུའོ། །  
\v 4 འོན་ཀྱང་ང་ནི་ཁྱོད་རྣམས་ཨེ་ཅིབ་ཡུལ་ནས་ཐོན་པའི་ཚུན་ལ་ཁྱོད་ཅག་གི་དཀོན་མཆོག་ཡ་ཝཱེ་ཡིན། ཁྱོད་ཀྱིས་ང་མ་གཏོགས་ལྷ་གཞན་གང་ཡང་ཁས་བླངས་མི་ཆོག་སྟེ། ང་མ་གཏོགས་སྐྱབས་མགོན་གཞན་ཞིག་མེད་དོ། །  
\v 5 དབེན་སྟོང་གི་ཐན་པ་ཆེ་བའི་གནས་སུ་ཁྱོད་ལ་ལྟ་སྐྱོང་བྱེད་པ་དེ་ང་ཡིན།  
\v 6 དེ་དག་གིས་ཟོས་ནས་འགྲངས་པ་དང་སེམས་སུ་ང་རྒྱལ་སྐྱེས་པས་ང་ནི་བརྗེད་པར་གྱུར།  
\v 7 དེའི་ཕྱིར་ང་ནི་སེང་གེ་བཞིན་དུ་དེ་དག་གི་སྟེང་ལ་སླེབ་ཅིང་། ཡང་གཟིག་བཞིན་དུ་ལམ་ཁར་འཇབ་སྒུག་བྱེད་དོ། །  
\v 8 ངས་ནི་ཕྲུ་གུ་ཕྲོགས་པའི་དོམ་མ་བཞིན་དུ་དེ་དག་ལ་རྒོལ་ནས་བྲང་ཁོག་དབྲལ་བར་བྱ་ཞིང་། ཡང་མོ་སེང་བཞིན་དུ་ཁོ་ཚོ་གནས་དེ་རུ་ཁྱུར་མིད་གཏོང་བ་དང་། གཅན་གཟན་བཞིན་དུ་དེ་རྣམས་གཤག་པར་བྱའོ། །  
\v 9 ཀྱེ་ཡེས་ར་ཨེལ། ཁྱོད་རང་གི་སྐྱབས་ཏེ་ང་ལ་སྡང་བ་ནི་ཁྱོད་རང་འཕུང་བའི་རྒྱུའོ། །  
\v 10 ད་ནི་ཁྱོད་ཀྱི་རྒྱལ་པོ་གང་དུ་ཡོད་དམ། དེས་གྲོང་ཁྱེར་སོ་སོར་ཁྱོད་རྣམས་བསྐྱབ་ཆོག་གོ །སྔར་ཁྱོད་ཀྱིས་ང་ལ་རྒྱལ་པོ་ཞིག་དང་སྐུ་དྲག་རྣམས་གནང་བར་མཛོད་ཅེས་ཞུས་པ་དང་། ཁྱོད་ལ་བདག་སྐྱོང་བྱེད་པའི་འགོ་དཔོན་རྣམས་གང་དུ་ཡོད་དམ།  
\v 11 ངས་ཁོང་ཁྲོ་དང་བཅས་ཁྱོད་ལ་རྒྱལ་པོ་གནང་བ་དང་། ཁྲོ་གཏུམ་འབར་བཞིན་དེ་ནི་མེད་པར་བཏང་བ་ཡིན།  
\v 12 ཨེ་ཕཱར་ཡིམ་གྱི་ཉེས་སྐྱོན་རྣམས་ཉར་ཞིང་། དེའི་སྡིག་པ་རྣམས་ཐོ་བརྒྱབ་ནས་བཞག་ཡོད།  
\v 13 བུད་མེད་ཀྱི་སྐྱེ་གཟེར་རྣམས་དེ་ལ་འབབ་པར་འགྱུར། ཁོ་ནི་བློ་རྨོངས་པའི་བུ་སྟེ། བཙའ་བའི་དུས་སུ་ཕྱིར་ཐོན་པར་མི་འདོད་པའི་སྦྲུམ་བུ་དང་འདྲའོ། །  
\v 14 ངས་དེ་དག་གཤིན་པོའི་ཡུལ་ལས་ཐར་བར་བྱ་སྟེ། ཁོ་རྣམས་འཆི་བ་ལས་སྐྱོབ་པར་འགྱུར། ཀྱེ་མ་འཆི་བ་ཁྱོད་ཀྱི་གནོད་འཚེ་གང་དུ་ཡོད། ཀྱེ་མ་གཤིན་ཡུལ་ཁྱོད་ཀྱི་འཇིག་པ་གང་དུ་ཡོད། སྙིང་རྗེ་ནི་ངའི་མདུན་ནས་ཡལ་བར་འགྱུར།  
\v 15 ཁོ་ནི་རང་གི་སྤུན་རྣམས་ཀྱི་ཁྲོད་དུ་དར་ན་ཡང་། ཤར་རླུང་སྟེ་དཀོན་མཆོག་ཡ་ཝཱེའི་རླུང་ནི་དབེན་སྟོང་ནས་གཡུགས་འོངས་ཏེ། ཁོའི་ཆུ་མིག་སྐམ་ཞིང་ཆུ་མགོ་ཟད་པར་འགྱུར་ལ། རླུང་དེས་ཁོས་བསགས་པའི་རྒྱུ་ནོར་ཐམས་ཅད་འཕྲོག་པར་འགྱུར་རོ། །  
\v 16 སཱ་མར་ཡས་རང་གི་དཀོན་མཆོག་ལ་ངོ་ལོག་བྱས་པས་ཁོས་རང་གི་སྡིག་པ་འཁུར་ངེས་ཤིང་། ཁོ་རྣམས་རལ་གྲིས་བརྡབས་ནས། དེ་དག་གི་ཕྲུ་གུ་རྣམས་ས་ལ་བརྡབས་ཤིང་། བུད་མེད་སྦྲུམ་མ་རྣམས་ཀྱི་ཁོག་པ་གཤག་པར་འགྱུར་རོ། །   
\c 14
\cl ལེའུ་བཅུ་བཞི་པ། 
\toc1 ༄༅། །ལུང་སྟོན་པ་ཧོ་ཤེ་ཨའི་མདོ། 
\toc2 ཧོ་ཤེ་ཨ། 
\s1 ཡེས་ར་ཨེལ་ལ་བསླབ་བྱ་གནང་བ།  
\p
\v 1 ཀྱེ་ཡེས་ར་ཨེལ། ཁྱོད་ཀྱིས་རང་གི་དཀོན་མཆོག་ཡ་ཝཱེའི་ཕྱོགས་སུ་སེམས་སྒྱུར་ཅིག ཅིའི་ཕྱིར་ཞེ་ན། ཁྱོད་ནི་རང་གི་སྡིག་པའི་རྐྱེན་གྱིས་སར་འགྱེལ་ཏོ། །  
\v 2 དཀོན་མཆོག་ཡ་ཝཱེའི་ཕྱོགས་སུ་སེམས་སྒྱུར་ཅིག ཞུ་བ་དང་བཅས་ཁོང་ལ་འདི་ལྟར། ང་ཚོའི་སྡིག་པ་ཐམས་ཅད་བསལ་ནས་སྙིང་རྗེ་དང་བཅས་ང་ཚོ་ལེན་པར་མཛོད། དེ་ནས་ང་ཚོས་གླང་ཐུག་གི་ཚབ་ཏུ་ངག་གི་མཆོད་པ་འབུལ་བར་བྱའོ། །  
\v 3 ཨ་སུར་གྱིས་ངེད་རྣམས་སྐྱོབ་མི་ནུས། ད་ནི་ངེད་རྣམས་རྟ་ལ་མི་ཞོན་ཞིང་། དུས་ནམ་ཡིན་ཡང་རང་གིས་དངོས་སུ་བཟོས་པའི་སྐུ་འདྲ་ལ་ཁྱོད་ནི་ང་ཚོའི་ལྷ་ཡིན་ཞེས་སྨྲ་བར་མི་འགྱུར་ཏེ། ཁྱེད་ནས་དྭ་ཕྲུག་རྣམས་ལ་བྱམས་སྙིང་རྗེ་ཐོབ་པ་ཡིན་ཞེས་ཞུས་ཤིག  
\v 4 ངས་དེ་དག་གི་རྒྱབ་འགལ་དུ་ཕྱིན་པའི་སེམས་པ་བསྒྱུར་ཏེ། དགའ་བཞིན་སྤྲོ་བཞིན་དེ་དག་ལ་བྱམས་པར་བྱའོ། །ཅིའི་ཕྱིར་ཞེ་ན། བདག་གི་ཐུགས་ཁྲོ་ནི་ཁོ་རྣམས་ལས་ཞི་བར་གྱུར་པ་ཡིན།  
\v 5 ང་ནི་ཡེས་ར་ཨེལ་ལ་ཟིལ་བ་བཞིན་དུ་འགྱུར་ཞིང་། དེ་ནི་མེ་ཏོག་ཀུ་མུད་ལྟར་བཞད་དེ། ལེ་པཱ་ནོན་གྱི་ལྗོན་ཤིང་ལྟར་རྩ་བ་རྒྱས་པར་འགྱུར།  
\v 6 དེའི་ཡལ་ག་གསར་པ་རྣམས་རྒྱས་ཏེ། སྐྱུ་རུ་རའི་ཤིང་ལྟར་མཛེས་ལ། ལེ་པཱ་ནོན་གྱི་ཤུག་པ་ནང་བཞིན་དྲི་བསུང་དང་ལྡན་པར་འགྱུར།  
\v 7 སྔར་དེའི་བསིལ་གྲིབ་འོག་ཏུ་གནས་པ་རྣམས་ཕྱིར་ལོག་འོངས་ནས་འབྲུ་རིགས་བཞིན་སྐྱེ་ཞིང་། རྒུན་ཤིང་ལྟར་རྒྱས་ནས། དེའི་དྲི་བསུང་ནི་ལེ་པཱ་ནོན་གྱི་རྒུན་ཆང་ལྟ་བུར་འགྱུར་རོ། །  
\v 8 ཨེ་ཕཱར་ཡིམ་པ་རྣམས་ཀྱིས། ང་རང་སྐུ་འདྲ་དང་འབྲེལ་བ་ཅི་ཞིག་ཡོད་དམ་ཞེས་སྨྲ་བར་འགྱུར་ལ། ངས་དེར་མཉན་ནས་ལྟ་སྐྱོང་བྱེད་ཅིང་། ང་ནི་གསོམ་ཤིང་སྔོན་པོ་དང་འདྲ་སྟེ། ངའི་རྐྱེན་གྱིས་ཁྱོད་ལ་ཤིང་ཏོག་ཐོགས་པ་ཡིན།  
\v 9 མཁས་པས་དོན་འདི་རྣམས་རྟོགས་ཤིང་། བློ་རིག་ལྡན་པ་རྣམས་ཀྱིས་དོན་འདི་དག་ཤེས་པ་ཡིན། དཀོན་མཆོག་ཡ་ཝཱེའི་གཤེགས་ལམ་རྣམས་དྲང་པོ་ཡིན་ཏེ། མི་དྲང་བདེན་རྣམས་དེའི་ནང་དུ་འགྲུལ་བར་བྱ་མོད་ཀྱང་། སྡིག་སྤྱོད་རྣམས་དེའི་སྟེང་དུ་འགྱེལ་བར་འགྱུར་རོ།། །།