\id HEB - NTB བོད་འགྱུར་གསར་མ། 
\h ཨིབ་རི་པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\mt1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག  
\imt1 ཨིབ་རི་པ་རྣམས་ལ་སྤྲིངས་པའི་འཕྲིན་ཡིག་གི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi དུས་རབས་དང་པོའི་ཆོས་ཚོགས་ལ་བཙན་གནོན་དྲག་པོ་ཐེབས་ཤིང་འཕྲིན་ཡིག་འདི་ནི་སྐབས་དེར་ཡི་གེར་བཀོད་པ་ཡིན། བཙན་གནོན་དྲག་པོ་དེའི་འོག་ཏུ་དད་ལྡན་པ་རྣམས་ཀྱིས་ལུས་སྲོག་གཏོང་བར་གྲ་སྒྲིག་བྱས་ཀྱང་། མི་གཅིག་གིས་ཀྱང་རང་སྲོག་ཤོར་མེད་པ་རེད། འོན་ཀྱང་བཙན་གནོན་དེ་ནི་ཧ་ཅང་ཚབས་ཆེན་པོ་རེད། འཕྲིན་ཡིག་འབྱོར་ཡུལ་ནི་ཡེ་ཤུའི་ཆོས་ལུགས་ཀྱི་དད་པ་སྤངས་ནས་ཕྱིར་ཡ་ཧུ་དཱའི་ཆོས་ལུགས་བསྟེན་དགོས་སྙམ་པའི་ཡ་ཧུ་དཱ་མི་རིགས་ཀྱི་དད་ལྡན་རྣམས་ཡིན་པར་འདྲ་བས། ཡི་གེར་འགོད་མཁན་གྱིས་དད་ལྡན་རྣམས་ལ་ཁོ་ཚོའི་སྐྱབས་མགོན་ཡེ་ཤུ་མཱ་ཤི་ཀ་རང་གི་མགོན་སྐྱབས་ཡིན་པར་ཁས་བླངས་པའི་དད་པ་དེ་བརྟན་པོར་བསྲུང་དགོས་པའི་སྐུལ་སློང་མཛད་པ་རེད།  
\is1 ཡི་གེར་འགོད་མཁན་དང་འགོད་དུས།  
\ipi འཕྲིན་ཡིག་འདི་ལས་ཡི་གེར་འགོད་མཁན་སུ་ཡིན་ཁ་གསལ་མེད་ནའང་། དེ་ནི་ཀློག་པ་པོ་རྣམས་ལ་ཆ་རྒྱུས་ཟབ་མོ་ཡོད་པར་གདོན་མི་ཟ། ལོ་ངོ་མང་པོ་ཞིག་ལ་འཕྲིན་ཡིག་འདི་ཡི་གེར་འགོད་མཁན་ནི་སྐུ་ཚབ་པ་ཕོལ་ལོལ་ཡིན་པར་འདོད་མོད། འོན་ཀྱང་ཆོས་ལུགས་བཅོས་སྒྱུར་གྱི་ཚུན་ལ་འདི་ནི་ཕོལ་ལོལ་གྱིས་ཡི་གེར་བཀོད་པ་མིན་པར་དགོངས་མཁན་ཡང་དངོས་སུ་བྱུང་། དམ་པའི་གསུང་རབ་ཀྱི་མཁས་པ་མང་ཤོས་ཀྱི་བཞེད་ཚུལ་ལྟར་ན། འཕྲིན་ཡིག་འདི་ཡི་གེར་འགོད་མཁན་ནི་ཨ་པོལ་ལོའམ་ཡང་ན་པཱར་ན་པཱ་ཡིན་པར་འདོད། ཡི་གེར་འགོད་པའི་དུས་ནི་སྤྱི་ལོ་70ལོ་སྟེ་ཡེ་རུ་སཱ་ལེམ་གྲོང་ཁྱེར་ནུབ་པའི་ལོ་དེའི་ཡར་སྔོན་ཡིན།  
\is1 བརྗོད་སྙིང་དང་གསུང་འཕྲིན།  
\ipi གཞུང་འདིའི་བརྗོད་གཞི་ནི་སྐྱབས་མགོན་ཡེ་ཤུ་མཱ་ཤི་ཀ་ཁོང་ཉིད་ནི་དཀོན་མཆོག་གི་ཐུགས་རྗེ་མངོན་པར་མཛད་མཁན་དང་། བར་མི་ཁྱད་དུ་འཕགས་པ་དེ་ཉིད་ཡིན་ཞིང་། ཁོང་ཤིང་རྒྱ་གྲམ་སྟེང་གྲོངས་པའི་དོན་ཆེན་དེ་ཡང་རིན་པོ་ཆེ་ལྟ་བུ་ཡིན། འཕྲིན་ཡིག་འདིའི་འགོ་རྩོམ་དུས་སྐྱབས་མགོན་ཡེ་ཤུ་ཁོང་ནི་དཀོན་མཆོག་གི་གཟུགས་གཞི་ཡིན་པ་དང་། དཀོན་མཆོག་མངོན་པར་གྱུར་པའི་མཐའ་མའང་ཡིན་པར་གསུངས་ཡོད། གཞུང་འདིར་དེ་ལས་མཆོག་ཏུ་གྱུར་པ་དང་ཁྱད་དུ་འཕགས་པ་ཞེས་པའི་གྷི་རིག་གི་ཐ་སྙད་འདི་གཉིས་ཁྱོན་བསྡོམས་ཐེངས་བཅོ་ལྔ་ལ་བྱུང་ཡོད་པས། ཨིབ་རི་པའི་འཕྲིན་ཡིག་ལ་དེ་ལས་ཁྱད་དུ་འཕགས་པའི་གཞུང་ཞེས་མིང་བཏགས་ཀྱང་ཆོག བརྗོད་བྱའི་སྙིང་པོ་འདི་དངོས་སུ་ལག་ལེན་ཇི་ལྟར་བྱེད་འོས་པ་གཞུང་གི་ནང་དུ་གསལ་པོར་བསྟན་ཡོད།  
\is1 འཆར་ཟིན།  
\ipi 1. སྐྱབས་མགོན་མཱ་ཤི་ཀའི་ཁྱད་དུ་འཕགས་པའི་མངོན་པ། ༼1:1-4༽  
\ipi 2. སྐྱབས་མགོན་མཱ་ཤི་ཀ་ནི་ཕོ་ཉ་རྣམས་ལས་ཁྱད་དུ་འཕགས་པའི་སྐོར། ༼1:5-2:18༽  
\ipi 3. སྐྱབས་མགོན་མཱ་ཤི་ཀ་ནི་མོ་ཤེ་ལས་ཁྱད་དུ་འཕགས་པའི་སྐོར། ༼3:1-4:13༽  
\ipi 4. སྐྱབས་མགོན་མཱ་ཤི་ཀ་ནི་ཨ་རོན་རྒྱུད་ཀྱི་མཆོད་དཔོན་རྣམས་ལས་ཁྱད་དུ་འཕགས་པའི་སྐོར། ༼4:14-7:28༽  
\ipi 5. སྐྱབས་མགོན་མཱ་ཤི་ཀ་ནི་ཁྱད་དུ་འཕགས་པའི་མཆོད་པ་ཡིན་པའི་སྐོར། ༼8:1-10:39༽  
\ipi 6. བཙན་གནོན་འོག་ནས་མུ་མཐུད་དུ་དད་པ་བརྟན་པོར་བྱེད་དགོས་པར་བསྐུལ་བ། ༼11:1-12:29༽  
\ipi 7. མཇུག་སྡོམ། ༼13:1-25༽  
\c 1
\cl ལེའུ་དང༌པོ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 སྲས་དཀོན་མཆོག་ནི་ཕོ་ཉ་ལས་ཁྱད་དུ་འཕགས་པའི༌སྐོར།  
\p
\v 1 དེ་ཡང་དཀོན་མཆོག་གིས་གནའ་བོའི་དུས་སུ་ལུང་སྟོན་པ་རྣམས་བརྒྱུད་ནས་ཐེངས་དུ་མ་དང་ཐབས་ཤེས་སྣ་ཚོགས་ཀྱི་སྒོ་ནས་མེས་པོ་རྣམས་ལ་བཀའ་གསུངས་པ༌དང༌།  
\v 2 མཐའ་མའི་ཉིན་མོ་འདི་དག་ལ་ཡང་ཁོང་གི་སྲས་བརྒྱུད་ནས་བདག་ཅག་ལ་བཀའ་གསུངས༌ཤིང༌། སྔ་མོ་ནས་ཁོང་ནི་དངོས་པོ་ཐམས་ཅད་ཀྱི་རྒྱུད་འཛིན་མཁན་དུ་བསྐོས་པ༌དང༌། ཁོང་ཉིད་བརྒྱུད་ནས་འཇིག་རྟེན་ཁམས་ཐམས་ཅད་ཀྱང་བཀོད་པ་ལགས་སོ།།  
\v 3 ཁོང་ནི་དཀོན་མཆོག་གི་གཟི་བརྗིད་ལས་འཕྲོས་པའི་འོད་ཟེར་ཡིན༌ལ། དཀོན་མཆོག་གི་ངོ་བོའི་སྣང་བརྙན་དངོས་མའང་ལགས་ཤིང་། ཁོང་གི་ནུས་མཐུ་ཆེ་བའི་བཀའ་ཡིས་རྟག་ཏུ་དངོས་པོ་ཐམས་ཅད་སྐྱོར་བའོ།། ཁོང་གིས་མིའི་རིགས་ཀྱི་སྡིག་པ་དག་པར་མཛད༌རྗེས། ནམ་མཁའི་ཞིང་ཁམས་ཀྱི་གཟི་བརྗིད་བླ་ན་མེད་པ་དེ་ཉིད་ཀྱི་གཡས་ཕྱོགས་སུ་བཞུགས༌ལགས་སོ།།  
\v 4 ཁོང་ལ་ཐོབ་པའི་མཚན་སྙན་ནི་ཕོ་ཉ་རྣམས་ལས་མཆོག་ཏུ་གྱུར་པ་ཡིན་པས་ཁོང་ཉིད་དེ་རྣམས་ལས་ཀྱང་ཁྱད་དུ་འཕགས༌པའོ།།  
\v 5 ཅིའི་ཕྱིར་ཞེ་ན། དཀོན་མཆོག་གིས་ཕོ་ཉ་རྣམས་ལས་སུ་ལའང་འདི་སྐད༌དུ།  
\q1 ཁྱོད་ནི་བདག་གི་སྲས་ཡིན༌ཞིང༌།།  
\q1 དེ་རིང་བདག་ལ་འཁྲུངས་པ་ཡིན།།  
\m ཞེས༌དང༌། ཡང་འདི་སྐད༌དུ།  
\q1 བདག་ནི་ཁོ་ཡི་ཕ་ཡིན༌ཞིང༌།།  
\q1 ཁོ་ནི་བདག་གི་བུ་རུ༌འགྱུར།།  
\m ཞེས་གསུངས་མ་མྱོང་བའི་ཕྱིར༌རོ།།  
\v 6 དཀོན་མཆོག་གིས་རང་གི་སྲས་ཐོག་མ་དེ་ཉིད་འཇིག་རྟེན་དུ་ཡང་བསྐྱར་བསྐྱལ་ཡོང་བའི་དུས་སུ་འདི་སྐད༌དུ། དཀོན་མཆོག་གི་ཕོ་ཉ་ཐམས་ཅད་ཀྱིས་ཁོང་ལ་ཕྱག་འཚལ་བར་བྱའོ་ཞེས་གསུངས་སོ།།  
\v 7 ཡང་དཀོན་མཆོག་གིས་ཕོ་ཉ་རྣམས་ཀྱི་སྐོར་ལ་འདི་སྐད༌དུ།  
\q1 ཁོང་གིས་རང་གི་ཕོ་ཉ་རླུང་བཞིན༌དང༌།།  
\q1 ཞབས་ཕྱི་པ་ནི་མེ་ལྕེ་བཞིན་དུ༌མཛད།།  
\m ཅེས་གསུངས༌སོ།།  
\v 8 འོན་ཀྱང་། དཀོན་མཆོག་གིས་སྲས་ཀྱི་སྐོར་ལ་འདི་སྐད༌དུ།  
\q1 དཀོན་མཆོག་ཁྱེད་ཀྱི་བཞུགས་ཁྲི་རྟག་ཏུ༌གནས།།  
\q1 འཁར་བ་དྲང་པོ་ཁྱེད་ཀྱི་སྲིད་འཁར་ཡིན།།   
\q1
\v 9 ཁྱེད་ནི་དྲང་པོར་དགྱེས་ཤིང་ཉེས་པར༌སྡང༌།།  
\q1 དེའི་ཕྱིར་དཀོན་མཆོག་ཁྱེད་ཀྱི་དཀོན་མཆོག༌གིས།།  
\q1 ཁྱེད་ཀྱི་གྲོགས་པོ་དག་ལས་ཁྱད་པར༌དུ།།  
\q1 དགའ་སྤྲོའི་སྣུམ་གྱིས་ཁྱེད་ལ་བྱུགས་པར༌མཛད།།  
\m ཅེས་གསུངས༌སོ།།  
\v 10 ཡང་ཁོང་གིས་འདི་སྐད༌དུ།  
\q1 གཙོ་བོས་ཐོག་མར་ས་གཞིའི་རྨང་བཏིངས་ཤིང་།།  
\q1 ནམ་མཁའ་འདི་ཡང་ཁྱེད་ཀྱི་ཕྱག་གིས༌མཛད།།   
\q1
\v 11 གནམ་ས་འཇིག་ཀྱང་ཁྱེད་ནི་རྟག་ཏུ༌བཞུགས།།  
\q1 གནམ་ས་གཉིས་ནི་གོས་ལྟར་རྙིང་བར༌འགྱུར།།   
\q1
\v 12 ཁྱེད་ཀྱིས་གནམ་ས་གཉིས་ནི་གོས་བཞིན༌བསྒྲིལ།།  
\q1 གོས་བཞིན་དེ་ནི་ཡོངས་སུ་བསྒྱུར་པ་ཡིན།།  
\q1 འོན་ཀྱང་ཁྱེད་རང་ནམ་ཡང་འགྱུར་བ༌མེད།།  
\q1 ཁྱེད་ཀྱི་ལོ་ཟླ་ནམ་ཡང་རྫོགས་མཐའ༌བྲལ།།  
\m ཞེས་གསུངས༌སོ།།  
\v 13 དཀོན་མཆོག་གིས་ཕོ་ཉ་སུ་ལའང་འདི་སྐད༌དུ།  
\q1 བདག་གིས་ཁྱོད་ཀྱི་བསྟན་དགྲ་ཐམས་ཅད༌ཀུན།།  
\q1 ཁྱོད་ཀྱི་ཞབས་ཀྱི་སྟེགས་སུ་བསྒྱུར་བའི༌བར།།  
\q1 བདག་གི་གཡས་སུ་བཞུགས་ཤིང་སྒུག་པར༌བྱའོ།།  
\m ཞེས་གསུངས་མ་མྱོང༌།  
\v 14 ཕོ་ཉ་ཐམས་ཅད་ནི་ཞབས་ཕྱི་སྒྲུབ་པའི་སེམས་ཉིད༌དང༌། ཐར་པ་འཐོབ་ངེས་པའི་མི་རྣམས་ལ་ཞབས་ཕྱི་སྒྲུབ་མཁན་དུ་མངགས་པ་མ་ཡིན་ནམ།   
\c 2
\cl ལེའུ་གཉིས༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 དོགས་ཟོན་བྱེད་དགོས་པའི༌སྐོར།  
\p
\v 1 དེ་བས་ན་བདག་ཅག་འཁྱོག་འགྲོས་སུ་མི་འཁྱར་བའི༌ཕྱིར། གང་ཞིག་ཐོས་པ་ལ་ལྷག་ཏུ་གཟབ་ནན་གྱིས་མཉན་པར་བྱའོ།།  
\v 2 ཕོ་ཉ་བརྒྱུད་ནས་བསྒྲགས་པའི་བཀའ་དེ་ངེས་གཏན་ཡིན་ཏེ། བཀའ་དེ་དང་འགལ་ཞིང་དེར་མ་མཉན་པ་ཐམས་ཅད་ལ་འཐོབ་འོས་པའི་ལན་ཐོབ་ཟིན་ཅིང་།  
\v 3 བདག་ཅག་གིས་ཐར་པ་ཆེན་པོ་འདི་ལྟ་བུ་སྣང་མེད་དུ་བསྐྱུར༌ན། ལན་དེ་ལས་ཅི་ལྟར་ཐར་ཐུབ༌བམ། ཐར་པ་དེ་ནི་ཐོག་མར་གཙོ་བོས་དངོས་སུ་གསུངས་པ༌དང༌། ཕྱིས་སུ་ཐོས་མཁན་རྣམས་ཀྱིས་བདག་ཅག་ལ་བདེན་དཔང་བྱས༌པ་ཡིན།  
\v 4 དཀོན་མཆོག་གིས་ཀྱང་རང་གི་ཐུགས་དགོངས་བཞིན་དུ་གྲུབ་རྟགས༌དང༌། དོན་ངོ་མཚར༌ཅན། ནུས་མཐུ་སྣ༌ཚོགས། གཞན་ཡང་དམ་པའི་ཐུགས་ཉིད་ཀྱི་གནང་སྦྱིན་བཅས་ལ་བརྟེན་ནས་ཁོ་རྣམས་དང་མཉམ་དུ་བདེན་དཔང་མཛད་པ་ལགས༌སོ།།   
\s1 སྐྱབས་མགོན་ཡེ་ཤུ་དང་ཁོང་གི་དད་ལྡན༌སྐོར།  
\p
\v 5 ངེད་ཅག་གིས་གླེང་བཞིན་པའི་འབྱུང་འགྱུར་གྱི་འཇིག་རྟེན་དེ་ནི་དཀོན་མཆོག་གིས་ཕོ་ཉ་རྣམས་ལ་བདག་སྐྱོང་བྱེད་པར་སྤྲད་པ་མ་ཡིན༌མོད།  
\v 6 འོན་ཀྱང་མི་གཞན་གྱིས་མདོ་ཞིག་ལས་ལུང་དྲངས་ཤིང་བདེན་དཔང་བྱས་པ༌འདི་ལྟར།  
\q1 ཀྱེ་ཀྱེ་མགོ་ནག་མི་ནི་ཅི་འདྲ༌ཙམ།།  
\q1 ཁྱེད་ཀྱིས་མི་རྣམས་ཐུགས་སུ་འཛིན་དོན༌ཅི།།  
\q1 ཀྱེ་ཀྱེ་འཇིག་རྟེན་མིའི་བུ་ཅི་འདྲ༌ཙམ།།  
\q1 ཁྱེད་ཀྱིས་དེ་ལ་ཐུགས་ཁུར་མཛད་དོན༌ཅི།།   
\q1
\v 7 ཁྱེད་ཀྱིས་ཕོ་ཉ་ལ་ནི་བསྡུར་བ༌ན།།  
\q1 ཁོང་ནི་རེ་ཞིག་ཅུང་ཙམ་དམའ་བར་མཛད།།  
\q1 གཟི་བྱིན་བཀུར་སྟི་གནང་སྟེ་གཙུག་རྒྱན༌གྱུར།།  
\q1 ཁྱེད་ཀྱི་ཕྱག་གིས་མཛད་པའི་དངོས་པོ༌ཀུན།།  
\q1 ཁོང་ལ་དོ་དམ་བྱེད་པར༌མཛད་པ་ཡིན།།   
\q1
\v 8 དངོས་པོ་ཐམས་ཅད་ཁོང་གི་ཞབས་འོག་གནོན།།  
\m ཞེས༌པའོ།། དངོས་པོ་ཐམས་ཅད་ཁོང་གི་ཞབས་འོག་ཏུ་གནོན་པར་མཛད་པ་ཡིན༌པས། ཁོང་གི་དབང་འོག་ཏུ་མི་འགྲོ་བ་ཅི་ཡང་ལྷག་མེད། ད་ལྟ་བདག་ཅག་གིས་དངོས་པོ་ཐམས་ཅད་ཁོང་གི་དབང་འོག་ཏུ་ཡོད་པ་མི་མཐོང༌མོད།  
\v 9 འོན་ཀྱང་སྐྱབས་མགོན་ཡེ་ཤུ་ནི་རེ་ཞིག་ཕོ་ཉ་དག་ལས་ཅུང་ཙམ་དམའ་བར་མཛད་པ༌དང༌། ཁོང་གིས་འཆི་བའི་སྡུག་བསྔལ་མྱངས་པས་གཟི་བྱིན་དང་བཀུར་སྟིའི་གཙུག་རྒྱན་ཐོབ༌ཅིང༌། དེ་ནི་དཀོན་མཆོག་གི་ཐུགས་རྗེ་ལ་བརྟེན་ནས་མི་ཐམས་ཅད་ཀྱི་དོན་དུ་འཆི་བའི་སྡུག་བསྔལ་མྱངས༌པའི་ཕྱིར་རོ།།   
\p
\v 10 མ་གཞི་དངོས་པོ་ཐམས་ཅད་ཀྱི་ཁོངས་གཏོགས་དང་གཞི་རྩ་ཡིན་པའི་དཀོན་མཆོག་གིས་བུ་མང་པོ་ཞིག་གཟི་བརྗིད་ཀྱི་ནང་དུ་འཁྲིད་པའི༌ཕྱིར། ཁོ་རྣམས་སྐྱོབ་པའི་འགོ་དཔོན་དེ་ཉིད་ཀྱིས་སྡུག་བསྔལ་མྱངས་པ་བརྒྱུད་ནས་ཆ་ཡོངས་སུ་རྫོགས་པར་མཛད་པ་ནི་འོས་ཤིང་འཚམ༌པ་ཡིན་ནོ།།  
\v 11 མི་དམ་པར་མཛད་མཁན་སྐྱབས་མགོན་ཡེ་ཤུ་དང་དམ་པར་གྱུར་ཟིན་པ་ཐམས་ཅད་འབྱུང་ཁུངས་གཅིག་ཡིན༌པས། ཁོང་གིས་དེ་རྣམས་ལ་སྤུན་ཟླ་ཞེས་ཞལ་འབོད་གནང་བ་ནི་ངོ་གནོང་དགོས་པ་ཞིག་མིན༌ཏེ།  
\v 12 ཁོང་གིས་འདི་སྐད༌དུ།  
\q1 བདག་གིས་ཁྱེད་མཚན་ང་ཡི་སྤུན་ལ༌སྒྲོག །  
\q1 འདུ་ཚོགས་ནང་དུ་ཁྱེད་ལ་བསྟོད་དབྱངས༌འབུལ།།  
\m ཞེས༌དང༌།  
\v 13 ཡང་འདི་སྐད༌དུ།  
\q1 བདག་གིས་ཁོང་ཉིད་ལ་ནི་ཡིད་རྟོན༌བྱེད།།  
\m ཅེས༌དང༌། ཡང་འདི་སྐད༌དུ།  
\q1 བདག་དང་དཀོན་མཆོག་ཉིད་ཀྱིས་ང་རང་ལ།།  
\q1 གནང་བའི་བུ་ཕྲུག་རྣམས་ལ༌བལྟ་བར་གྱིས།།  
\m ཞེས་གསུངས༌པའི་ཕྱིར་རོ།།   
\p
\v 14 དེའི༌ཕྱིར། བུ་ཕྲུག་རྣམས་ལ་ཤ་ཁྲག་གདོས་བཅས་ཀྱི་ཕུང་བོ་ཡོད་པ༌བཞིན། སྐྱབས་མགོན་ཡེ་ཤུའང་དངོས་སུ་མི་ཡི་གཟུགས་པོར་གྱུར༌ཅིང༌། དེ་ནི་འཆི་བ་བརྒྱུད་ནས་འཆི་བདག་བདུད་དེ་འཇོམས་པ༌དང༌།  
\v 15 འཆི་བར་འཇིགས་ནས་མི་ཚེ་ཧྲིལ་པོར་གཡོག་པོར་གྱུར་པ་རྣམས་དགྲོལ་བའི་ཆེད༌དུ་ཡིན།  
\v 16 ཁོང་གིས་ཕོ་ཉ་རྣམས་བསྐྱབས་པ་མ་ཡིན༌པར། ཨབ་ར་ཧམ་གྱི་རིགས་རྒྱུད་རྣམས་སྐྱོབ༌པ་ཤ་སྟག་གོ།  
\v 17 དེའི༌ཕྱིར། ཁོང་ནི་རྣམ་པ་ཀུན་ནས་རང་གི་སྤུན་ཟླ་རྣམས་དང་གཅིག་འདྲར་འགྱུར་དགོས༌ཏེ། དཀོན་མཆོག་གི་འཕྲིན་ལས་ཀྱི་ཐད་ནས་བྱམས་སྙིང་རྗེ་ཅན་དང་ཡིད་རྟོན་རུང་བའི་མཆོད་དཔོན་ཆེན་པོར་འགྱུར་བ༌དང༌། མི་རྣམས་ཀྱི་སྡིག་པའི་ཆེད་དུ་ཉེས་ཆད་བསལ་བའི་མཆོད་པ་འབུལ་བའི་ཕྱིར༌ཡིན།  
\v 18 ཁོང་ལ་ཉམས་ཚོད་ཐེབས་ནས་སྡུག་བསྔལ་མྱངས༌པས། ཁོང་གིས་ཉམས་ཚོད་མྱོང་བའི་མི་རྣམས་ཀྱང་སྐྱོབ་ནུས༌སོ།།   
\c 3
\cl ལེའུ་གསུམ༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 སྐྱབས་མགོན་ཡེ་ཤུ་ནི་ལུང་སྟོན་པ་མོ་ཤེ་ལས་མཆོག་ཏུ་གྱུར་པའི༌སྐོར།  
\p
\v 1 དེ་ལྟར་ཡིན་པས། ནམ་མཁའི་ཞིང་ཁམས་ནས་ཞལ་འབོད་གཅིག་མཚུངས་ཐོབ་མཁན་གྱི་སྤུན་ཟླ་དམ་པ༌རྣམས། བདག་ཅག་གིས་སྐུ་ཚབ་པ་དང་མཆོད་དཔོན་ཆེན་པོ་རུ་ཁས་ལེན་པའི་སྐྱབས་མགོན་ཡེ་ཤུ་ལ་ཁྱོད་ཅག་གིས་བསམ་མནོ་གཏོང་བར༌གྱིས།  
\v 2 ཁོང་ཉིད་ནི་རང་ཉིད་བསྐོ་མཁན་ལ་བློ་སེམས་དཀར༌བ་དང་། དེ་ནི་མོ་ཤེ་ཁོ་རང་དཀོན་མཆོག་གི་ཁྱིམ་མི་ཡོངས་ལ་བློ་སེམས་དཀར་བ་དང་མཚུངས་སོ།།  
\v 3 ཡང་ཁོང་ཉིད་ནི་མོ་ཤེ་ལས་ཀྱང་གཟི་བརྗིད་ཆེན་པོ་འཐོབ་འོས༌ཏེ། ཁང་པ་བཟོ་མཁན་ནི་ཁང་པ་ལས་ཀྱང་བརྗིད་ཉམས་ཆེ་བ་བཞིན༌ནོ།།  
\v 4 ཅིའི་ཕྱིར་ཞེ་ན། ཁང་པ་རེ་རེར་བཟོ་མཁན་ཡོད༌མོད། འོན་ཀྱང་དངོས་པོ་ཐམས་ཅད་སྐྲུན་མཁན་ནི་དཀོན་མཆོག་ཡིན་པའི་ཕྱིར་རོ།།  
\v 5 མོ་ཤེ་ནི་དཀོན་མཆོག་གི་ཁྱིམ་གཞིས་ལ་བློ་སེམས་དཀར་བའི་ཞབས་ཕྱི་པ་ཡིན༌ལ། མ་འོངས་པའི་དུས་སུ་སྒྲོག་ངེས་པའི་དོན་དེ་ལ་བདེན་དཔང་བྱེད་པར་འགྱུར།  
\v 6 འོན་ཀྱང་སྐྱབས་མགོན་མཱ་ཤི་ཀ་ནི་དཀོན་མཆོག་གི་སྲས་ཡིན་པ་བཞིན༌དུ། དཀོན་མཆོག་གི་ཁྱིམ་གཞིས་ལ་བློ་སེམས་དཀར་པོས་བདག་སྐྱོང་མཛད་མཁན་ཡིན། བདག་ཅག་གིས་བསྟོད་པར་འོས་པའི་རེ་བ་དང་བློ་སྟོབས་དེ་ཉིད་མཐའ་འཁྱོངས་པར་བྱས༌ན། བདག་ཅག་ནི་ཁོང་གི་ཁྱིམ་གཞིས་ཡིན་ནོ།།   
\s1 དད་པ་མི་བྱེད་པར་ཉེན་བརྡ་གཏོང་བ།  
\p
\v 7 དེའི་ཕྱིར། དམ་པའི་ཐུགས་ཉིད་ཀྱིས་འདི་སྐད་དུ་གསུངས་པ༌སྟེ།  
\q1 དེ་རིང་ཁྱོད་ཚོས་ཁོང་གི་བཀའ་ཐོས༌ན།།   
\q1
\v 8 དབེན་སྟོང་ཡུལ་ནས་རྒྱབ་གཏོད་བྱས་པ་དང༌།།  
\q1 ཚོད་བགམ་བགྱིས་པའི་དུས་དེ་ནང་བཞིན༌དུ།།  
\q1 རང་གི་སེམས་ནི་གྱོང་པོར་མ་བྱེད༌ཅིག །   
\q1
\v 9 ཁྱོད་ཅག་མེས་པོས་གནའ་བོའི་ཡུལ་དེ༌ནས།།  
\q1 བགྲང་བྱ་བཞི་བཅུར་བདག་གི་འཕྲིན་ལས་མཐོང་།།  
\q1 བདག་ལ་ཚོད་བགམ་བྱས་ནས་འགྲན་སློང་བགྱིས།།   
\q1
\v 10 དེའི་ཕྱིར་ང་རང་མི་རབས་དེ༌ལ་ནི།།  
\q1 སུན་སྣང་བྱུང་ནས་འདི་སྐད་སྨྲས་པ༌སྟེ།།  
\q1 དེ་དག་སེམས་ནི་རྟག་ཏུ་འཁྱོར་གྱུར་ནས།།  
\q1 བདག་གི་སྤྱོད་ལམ་ནམ་ཡང་མི་ཤེས༌སོ།།   
\q1
\v 11 བདག་ནི་ཁོང་ཁྲོ་ལངས་ཏེ་དམ་བཅས་པ།།  
\q1 ཁོ་རྣམས་བདག་གི་ངལ་གསོ་དེའི་ནང༌དུ།།  
\q1 གཏན་ནས་ཞུགས་པར་མི་བྱ་ཞེས་པ་འོ།།   
\m
\v 12 སྤུན་ཟླ༌རྣམས། ཁྱོད་ཅག་གི་ཁྲོད་དུ་སུ་ཞིག་གིས་དད་པ་མི་བྱེད་པའི་སེམས་ངན་བཅངས༌ནས། རྟག་ཏུ་གསོན་པོར་བཞུགས་པའི་དཀོན་མཆོག་དང་ཁ་མི་འབྲལ་བའི་ཕྱིར་ཁྱོད་ཅག་གིས་དོགས་ཟོན་བྱོས༌ཤིག  
\v 13 ཁྱོད་རྣམས་ལས་སུ་ཞིག་ཀྱང་སྡིག་པའི་གཡོ་འོག་ཏུ་ཚུད་ནས་སེམས་གྱོང་པོར་མི་འགྱུར་བའི༌ཕྱིར། དེ་རིང་ཟེར་བའི་ཉིན་མོ་མ་རྫོགས་པའི་བར་དུ། ཉིན་རེ་བཞིན་ཕན་ཚུན་སྐུལ་སློང་བྱེད་པར༌གྱིས།  
\v 14 ཅིའི་ཕྱིར་ཞེ་ན། བདག་ཅག་གིས་ཐོག་མར་ཐག་ཆོད་པའི་དད་སེམས་དེ་མཐའ་འཁྱོངས་ན། སྐྱབས་མགོན་མཱ་ཤི་ཀའི་ཆ་ནས་སྐལ་བ་དང་ལྡན༌པར་གྱུར་པའི་ཕྱིར་རོ།།  
\v 15 དེ་ལ་གསུང་རབ་ཀྱི་མདོ་ལས་ཇི་སྐད༌དུ།  
\q1 དེ་རིང་ཁྱོད་ཚོས་ཁོང་གི་བཀའ་ཐོས༌ན།།  
\q1 ཁོང་ལ་རྒྱབ་གཏོད་བྱེད་པའི་དུས་བཞིན༌དུ།།  
\q1 རང་གི་སེམས་ནི་གྱོང་པོར་བྱ་མི༌རུང༌།།  
\m ཞེས་གསུངས༌པའོ།།  
\v 16 དུས་དེར་ཁོང་གི་བཀའ་ཐོས་ཤིང་ཁོང་ལ་རྒྱབ་གཏོད་མཁན་ནི་སུ་ཞིག་ཡིན་ནམ་ཞེ༌ན། མོ་ཤེའི་རྗེས་སུ་འབྲངས་ཤིང་ཨེ་ཅིབ་ཡུལ་ནས་ཕྱིར་ཐོན་པའི་མི་ཐམས་ཅད་མ་ཡིན༌ནམ།  
\v 17 ལོ་ངོ་བཞི་བཅུའི་རིང༌ལ། དཀོན་མཆོག་ནི་མི་སུ་ཞིག་ལ་ཐུགས་སུན་སྐྱེས་སམ་ཞེ༌ན། དེ་ནི་སྡིག་ཉེས་བསགས་ཏེ་བེམ་པོ་དབེན་སྟོང་དུ་ལུས་པའི་མི་རྣམས་མ་ཡིན༌ནམ།  
\v 18 ཡང་ཁོང་གིས་མི་སུ་ཞིག་རང་ཉིད་ཀྱི་ངལ་གསོའི་ནང་དུ་མི་ཞུགས་པར་དམ་བཅས་སམ་ཞེ༌ན། དེ་ནི་བཀའ་མི་སྲུང་བ་རྣམས་མ་ཡིན༌ནམ།  
\v 19 དེས་ན། ཁོ་རྣམས་ངལ་གསོའི་ནང་དུ་ཞུགས་མ་ནུས་པ་ནི་དད་པ་མེད་པའི་རྐྱེན་ཡིན་པ་ཤེས༌སོ།།   
\c 4
\cl ལེའུ་བཞི༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 དཀོན་མཆོག་གི་མི་སྡེ་ངལ་གསོའི་ནང་དུ་འཇུག་པའི༌སྐོར།  
\p
\v 1 དེའི་ཕྱིར། ཁོང་གི་ངལ་གསོའི་ནང་དུ་ཞུགས་པའི་ཞལ་བཞེས་དེ་ད་དུང་བཞག་ཡོད་པས་ན། ཁྱོད་རྣམས་ལས་སུ་ཞིག་ཀྱང་རྗེས་སུ་ལུས་པར་སྙམ་པ་ཙམ་ལ་དོགས་ཟོན་བྱེད་དགོས་སོ།།  
\v 2 ཅིའི་ཕྱིར་ཞེ་ན། ཁོ་རྣམས་དང་འདྲ་བར་བདག་ཅག་ལའང་འཕྲིན་བཟང་དེ་བསྒྲགས་མྱོང་བའི་ཕྱིར༌ཡིན། འོན་ཀྱང་ཁོ་རྣམས་ལ་བཀའ་ཐོས་པ་དང་མཐུན་པའི་དད་པ་མེད༌པས། བཀའ་ཐོས་པ་དེ་ནི་ཁོ་རྣམས་ལ་ཕན་ཐོགས་མེད།  
\v 3 བདག་ཅག་དད་པ་བྱས་ཟིན་པ་དག་ནི་ངལ་གསོའི་ནང་དུ་ཞུགས་པ་ཡིན༌ཏེ། དཀོན་མཆོག་གིས་འདི་སྐད༌དུ།  
\q1 བདག་ནི་ཁོང་ཁྲོ་ལངས་ཏེ་དམ་བཅས་པ།།  
\q1 ཁོ་རྣམས་བདག་གི་ངལ་གསོ་དེའི་ནང༌དུ།།  
\q1 གཏན་ནས་ཞུགས་པར་མི་བྱ་ཞེས་པ་འོ།།  
\m ཞེས་གསུངས་པ་བཞིན༌ནོ།། དོན་དམ་དུ་ཁོང་གི་འཕྲིན་ལས་ནི་འཇིག་རྟེན་ཁམས་བཀོད་པའི་ཚུན་ལ་ཡོངས་སུ་གྲུབ༌པའོ།།  
\v 4 ཉིན་བདུན་པའི་སྐོར་ལ་གསུང་རབ་ཀྱི་མདོ་ཞིག་ལས་ཇི་སྐད༌དུ། ཉིན་བདུན་པར་དཀོན་མཆོག་གིས་འཕྲིན་ལས་ཐམས་ཅད་ནས་ངལ་གསོ་མཛད་ཅེས་གསུངས་སོ།།  
\v 5 ཡང་མདོ་དེ་ལས་ཇི་སྐད༌དུ།  
\q1 ཁོ་རྣམས་བདག་གི་ངལ་གསོ་དེའི་ནང༌དུ།།  
\q1 གཏན་ནས་ཞུགས་པར་མི་བྱ་ཞེས་པ་འོ།།  
\m ཞེས་གསུངས༌པའོ།།  
\v 6 ངལ་གསོའི་ནང་དུ་ཞུགས་ངེས་པའི་མི་འགའ་ཞིག་ཡོད༌ལ། སྔོན་ཆད་འཕྲིན་བཟང་ཐོས་མྱོང་བ་རྣམས་ཀྱིས་བཀའ་མ་བསྲུངས༌པས། དེའི་ནང་དུ་ཞུགས་མ་ནུས་སོ།།  
\v 7 དེའི༌ཕྱིར། ལོ་མང་པོ་འདས་པའི་རྗེས༌སུ། དཱ་བིད་ཀྱི་མདོ་ལས་ཡང་ཉིན་གཅིག་གཏན་ཁེལ་བྱས་པ༌སྟེ། དེ་ནི་གོང་ནས་ཇི་སྐད༌དུ།  
\q1 དེ་རིང་ཁྱོད་ཚོས་ཁོང་གི་བཀའ་ཐོས༌ན།།  
\q1 རང་གི་སེམས་ནི་གྱོང་པོར་བྱ་མི༌རུང༌།།  
\m ཞེས་གསུངས་པ་བཞིན༌ནོ།།   
\p
\v 8 དེ་ཡང་སྔོན་ཆད་ཡོ་ཤུ་ཨ་ཡིས་ཁོ་རྣམས་ངལ་གསོའི་ནང་དུ་ཞུགས་པར་བྱས༌ན། ཕྱིས་སུ་དཀོན་མཆོག་གིས་ངལ་གསོ་བའི་ཉིན་གཞན་ཞིག་གསུང་བར་མ་མཛད་དོ།།  
\v 9 དེས་ན་དཀོན་མཆོག་གིས་རང་གི་མི་སྡེའི་ཆེད༌དུ། ངལ་གསོ་ཞིག་བསྐྱུར་ཡོད་པ་ཤེས་ནུས་ལ།  
\v 10 ཁོང་གི་ངལ་གསོའི་ནང་དུ་ཞུགས་མཁན་ཡིན༌ན། དཀོན་མཆོག་གིས་རང་གི་འཕྲིན་ལས་ཐམས་ཅད་ནས་ངལ་གསོ་མཛད་པ་བཞིན། རང་གི་དོན་རྣམས་སྒྲུབ་མཚམས་བཞག་སྟེ་ངལ་གསོ་བྱས་པ་ཡིན༌ནོ།།  
\v 11 དེའི༌ཕྱིར། མི་སུས་ཀྱང་དཀོན་མཆོག་གི་བཀའ་མི་སྲུང་བ་དེ་རྣམས་མིག་དཔེར་བཟུང་ནས་ས་རུ་མི་འགྱེལ་བའི༌ཕྱིར། བདག་ཅག་གིས་ངེས་པར་ངལ་གསོ་དེའི་ནང་དུ་ཞུགས་པར་བརྩོན་དགོས༌སོ།།   
\p
\v 12 དཀོན་མཆོག་གི་བཀའ་ནི་སྐྱེ་སྟོབས་དང་ནུས་མཐུ་ལྡན་ཞིང་རལ་གྲི་ཁ་གཉིས་མ་ལས་ཀྱང་རྣོ་བ༌དང༌། ཐ་ན་ཡིད་དང༌སེམས། རུས་ཚིགས་དང་རུས་རྐང་བཅས་ཀྱང་དབུག་ཅིང་གཤག་ནུས༌ལ། ཡིད་ཀྱི་བསམ་ཚུལ་དང་འདོད་ཚུལ་ལའང་བརྡར་ཤ་གཅོད་ནུས་སོ།།  
\v 13 བཀོད་པ་ཐམས་ཅད་ལས་ཁོང་གི་དྲུང་དུ་མི་སྣང་བ་གཅིག་ཀྱང་མེད། མ་གཞི་དངོས་པོ་ཐམས་ཅད་བདག་ཅག་དང་འབྲེལ་བ་ཡོད་པའི་དཀོན་མཆོག་གི་སྤྱན་སྔར་དམར་རྗེན་དུ་མངོན་པ་ཡིན༌ནོ།།   
\s1 བརྗིད་ཉམས་ཆེ་བའི་མཆོད་དཔོན་ཆེན་པོ་སྐྱབས་མགོན་ཡེ༌ཤུ།  
\p
\v 14 དེ་བས་ན། བདག་ཅག་ལ་ནམ་མཁའི་ཞིང་ཁམས་སུ་འཕགས་ཤིང་བརྗིད་ཉམས་ཆེ་བའི་མཆོད་དཔོན་ཆེན་པོ་ཞིག་ཡོད༌དེ། ཁོང་ནི་དཀོན་མཆོག་གི་སྲས་སྐྱབས་མགོན་ཡེ་ཤུ་ཡིན༌པས། བདག་ཅག་གིས་ཁས་ལེན་བྱས་པའི་དད་པ་དེ་བརྟན་པོར་བསྲུང་དགོས་སོ།།  
\v 15 ཅིའི་ཕྱིར་ཞེ་ན། བདག་ཅག་གི་མཆོད་དཔོན་ཆེན་པོས་རང་རེའི་སྟོབས་ཤུགས་ཞན་པར་ཐུགས་རྗེ་དགོངས་མི་ནུས་པ་མིན༌ཏེ། ཁོང་ལའང་དོན་ཐམས་ཅད་ཀྱི་ཆ་ནས་བདག་ཅག་དང་འདྲ་བར་ཉམས་ཚོད་ཐེབས་མྱོང་མོད། འོན་ཀྱང་ཁོང་གིས་སྡིག་པ་ཅི་ཡང་མ་བསགས་སོ།།  
\v 16 དེའི༌ཕྱིར། རོགས་སྐྱོར་དགོས་པའི་དུས་སུ་སྐྱབས་དང་ཐུགས་རྗེ་འཐོབ་པའི༌ཕྱིར། བདག་ཅག་བག་ཕེབས་ཞུམ་མེད་ཀྱིས་ཐུགས་རྗེའི་བཞུགས་ཁྲི་མདུན་དུ་ཡོང་བར༌བྱའོ།།   
\c 5
\cl ལེའུ་ལྔ༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\p
\v 1 སྤྱིར་མི་རྣམས་ལས་མཆོད་དཔོན་ཆེན་པོར་བདམས་པ༌ཐམས་ཅད་ནི། མངགས་བཅོལ་ལྟར་མིའི་འཐུས་ཚབ་ཏུ་དཀོན་མཆོག་གི་འཕྲིན་ལས་རྣམས་བསྒྲུབ་པ༌དང༌། སྡིག་པའི་ཆེད་དུ་ཕྱག་རྟེན་དང་མཆོད་པ་རྣམས་འབུལ་བའི་ཕྱིར་ཡིན་ནོ།།  
\v 2 མཆོད་དཔོན་ཆེན་པོས་མགོ་བོ་རྨོངས་ཤིང་ཁ་ཕྱོགས་བོར་བའི་མི་རྣམས་ལ་ཐུགས་རྒྱ་བསྐྱེད་ནུས༌ཏེ། ཁོ་རང་ཡང་སྟོབས་ཞན་པའི་གནས་སུ་ལྷུང་ཡོད་པས།  
\v 3 ཁོ་བོས་འབངས་མི་དང་རང་གི་ཆེད་དུ། སྡིག་པའི་ཕྱིར་མཆོད་པ་འབུལ་དགོས་སོ།།   
\p
\v 4 ཡང་མཆོད་དཔོན་ཆེན་པོའི་བརྗིད་ཉམས་ནི་མི་སུ་ཞིག་གིས་ཚུར་ལེན་མི་ནུས༌ཏེ། ཨ་རོན་ཇི་བཞིན་ངེས་པར་དཀོན་མཆོག་གི་ཞལ་འབོད་འཐོབ་དགོས་ལ།  
\v 5 དེས་ན་སྐྱབས་མགོན་མཱ་ཤི་ཀས་གཟི་བརྗིད་དེ་རང་ལ་བླངས་ནས་མཆོད་དཔོན་ཆེན་པོར་བྱས་པ་ནི་མིན༌ཏེ། དཀོན་མཆོག་གིས་ཁོང་ལ་འདི་སྐད༌དུ།  
\q1 ཁྱོད་ནི་བདག་གི་སྲས་ཡིན༌ཞིང༌།།  
\q1 དེ་རིང་བདག་ལ་འཁྲུངས་པ་ཡིན།།  
\m ཞེས་གསུངས་པ་ཡིན༌ནོ།།  
\v 6 ཡང་མདོ་གཞན་ཞིག་ལས་འདི་སྐད༌དུ།  
\q1 མཆོད་དཔོན་མཱལ་ཀི་ཚེ་དེག་རིམ་པ་བཞིན།།  
\q1 ཁྱོད་ནི་ཇི་སྲིད་བར་དུ་མཆོད་དཔོན༌ཡིན།།  
\m ཞེས་གསུངས་པ་བཞིན༌ནོ།།   
\p
\v 7 སྐྱབས་མགོན་མཱ་ཤི་ཀ་ཁོང་ཉིད་སྐུ་གཟུགས་ཀྱི་ཕུང་བོའི་ནང་དུ་བཞུགས་པའི་དུས༌སུ། ཁོང་གིས་གསུང་སྐད་ཆེན་པོས་ཞུམ་ཞིང་སྤྱན་ཆབ་བཞུར་བཞིན་གསོལ་བ་བཏབ་པ་དང་། རང་ཉིད་འཆི་བ་ལས་སྐྱོབ་པར་མཛད་ནུས་པ་དེ་ཉིད་ལ་ཞུ་བ་བྱས་མྱོང་ཞིང་། ཁོང་ལ་དད་གུས་མངའ་བའི་རྐྱེན་གྱིས་དཀོན་མཆོག་གིས་གསན་པར་མཛད་དོ།།  
\v 8 ཁོང་ནི་སྲས་ཡིན་ཡང་ཁོང་གིས་སྡུག་བསྔལ་མྱངས་པ་བརྒྱུད་ནས་དཀོན་མཆོག་གི་བཀའ་ཇི་ལྟར་བསྲུང་དགོས་པ་བསླབས་ནས།  
\v 9 ཁོང་ཉིད་ཆ་ཡོངས་སུ་རྫོགས་པས། ཁོང་གི་བཀའ་རྩི་མཁན་ཐམས་ཅད་ལ་མཐའ་མེད་པའི་ཐར་པ་འཐོབ་པའི་རྒྱུ་རུ་གྱུར་པར་མ༌ཟད།  
\v 10 དཀོན་མཆོག་གིས་མཱལ་ཀི་ཚེ་དེག་གི་རིམ་པ་བཞིན། ཁོང་ལ་མཆོད་དཔོན་ཆེན་པོ་ཞེས་གསོལ༌བའོ།།   
\s1 དད་ལོག་ཅན་དུ་མི་འགྱུར་བའི་ཉེན་བརྡ།  
\p
\v 11 དེ་ཡང་མཱལ་ཀི་ཚེ་དེག་གི་སྐོར་ངེད་ཅག་ལ་འཆད་རྒྱུ་མང་པོ་ཡོད༌ནའང་། ཁྱོད་རྣམས་ཀྱིས་རྣ་བ་མི་གཏོད་པས་དེ་ལ་གསལ་བཤད་བྱེད༌དཀའོ།།  
\v 12 དུས་ཚོད་ལྟར༌ན་ད་ལྟ་ཁྱོད་རྣམས་སློབ་དཔོན་དུ་བྱེད་འོས༌མོད། འོན་ཀྱང་མི་གཞན་ཞིག་གིས་དཀོན་མཆོག་གི་བཀའ་ཡི་རྨང་གཞི་དེ་ཡང་བསྐྱར་ཁྱོད་ཅག་ལ་ཁྲིད་སྟོན་བྱེད་དགོས་ཤིང་། ཁྱོད་ཅག་ནི་འོ་མ་ཁོ་ན་འཐུང་དགོས་པ་ལས་ཟས་བཟའ་མི་ནུས་པའི་མི་བཞིན་དུ་གྱུར༌པ་ཡིན།  
\v 13 འོ་མ་ཁོ་ན་འཐུང་མཁན་ནི་ཁྱེའུ་ཡིན༌པས། དྲང་བདེན་གྱི་བཀའ་ལ་བྱང་ཆ་མེད་དོ།།  
\v 14 འོན་ཀྱང་ལོ་ན་ཆེར་སོན་པ་རྣམས་ཀྱིས་ད་གཟོད་ཁ་ཟས་བཟའ་ནུས་པ་ཡིན༌ལ། དེ་རྣམས་ཀྱི་སེམས་ལ་སྦྱངས་པ་མཐར་ཕྱིན་པས་བཟང་ངན་གྱི་དབྱེ་བའང་འབྱེད་ནུས༌སོ།།   
\c 6
\cl ལེའུ་དྲུག༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\p
\v 1 དེའི༌ཕྱིར། བདག་ཅག་གིས་སྐྱབས་མགོན་མཱ་ཤི་ཀའི་རྨང་གཞིའི་བསླབ་བྱ་ལས་བརྒལ་ནས། དད་པ་བརྟན་པོའི་ཕྱོགས་སུ་བརྩོན་དགོས་པ་ལས། ཡང་བསྐྱར་རྨང་གཞི་འདིང་མི་དགོས་ཏེ། དཔེར་ན། འཆི་རུ་འཇུག་པའི་སྤྱོད་ངན་ལས་འགྱོད་བཤགས་བྱེད་པ་དང་། དཀོན་མཆོག་ལ་དད༌པ་བྱེད་པ།  
\v 2 ཁྲུས་ཀྱི་མཛད་སྒོ་སྣ༌ཚོགས་བསྒྲུབ་པ། ལག་པ་གཞན་གྱི་ལུས་སྟེང་དུ་འཇོག༌པ། གཤིན་པོ་རྣམས་སླར་གསོན༌པ། རྫོགས་མཐའ་མེད་པའི་ལེགས་ཉེས་ཀྱི་ཁྲིམས་ཐག་གཅོད་པ་ལ་སོགས་པའི་བསླབ་བྱ་སྣ་ཚོགས་ལྟ་བུ་ཡིན་ནོ།།  
\v 3 དཀོན་མཆོག་ཐུགས་དགྱེས་ན། བདག་ཅག་གིས་དེ་ལྟར་བྱ་ངེས༌སོ།།   
\p
\v 4 དེ་ཡང་སུ་ཞིག་ལན་གཅིག་བློ་གསལ་པོར་མཛད་ཅིང་ནམ་མཁའི་ཞིང་ཁམས་ཀྱི་གནང་སྦྱིན་གྱི་བྲོ་བ་མྱངས་པ༌དང༌། དམ་པའི་ཐུགས་ཉིད་ཀྱི་སྐལ་བ་ལྡན་པར་མ༌ཟད།  
\v 5 དཀོན་མཆོག་གི་བཀའ་ལེགས་པོ་དང་། བསྐལ་པ་འབྱུང་འགྱུར་གྱི་ནུས་མཐུའི་བྲོ་བ་མྱངས་ནའང་།  
\v 6 དེ་རྣམས་ཀྱིས་དད་པ་བསྐྱུར་ན། ཁོ་རྣམས་ཡང་བསྐྱར་འགྱོད་བཤགས་བྱེད་པར་བྱ་མི་ནུས་སོ།། ཅིའི་ཕྱིར་ཞེ་ན། དེ་རྣམས་ཀྱིས་དངོས་སུ་དཀོན་མཆོག་གི་སྲས་དེ་ཡང་བསྐྱར་ཤིང་རྒྱ་གྲམ་གྱི་སྟེང་དུ་བརྡབས་ཏེ། མངོན་སུམ་དུ་ཁོང་ལ་ངོ་གནོང་བར་བྱས་པའི་ཕྱིར་རོ།།   
\p
\v 7 དེ་ནི་ས་ཞིང་ཞིག་བསྟུད་མར་བབས་པའི་ཆར་ཆུས་བརླན་པར་བྱས་ཤིང་། དེ་ལས་སྔོ་ཚོད་སྐྱེས་པ་དང་ཞིང་འདེབས་མཁན་རྣམས་ལ་མཁོ་བ་བཞིན་དུ་བཀོལ་སྤྱོད་བྱེད་པར་འོས༌ན། དེ་ནི་དཀོན་མཆོག་ནས་བྱིན་རླབས་ཐོབ་པ་ལྟ་བུ་ཡིན་མོད།  
\v 8 འོན་ཀྱང་། ས་ཞིང་དེ་ལས་ཚེར་མ་དང་སྤྱང་ཚེར་སྐྱེས་པ་ཡིན་ན། དེ་ཉིད་འདོར་ཞིང་དམོད་མོ་ཐེབས་ཉེན་ཆེ་བ་དང་། མཇུག་འབྲས་ནི་མེར་བསྲེག་པ་ལྟ་བུའོ།།   
\p
\v 9 སྙིང་ནས་བརྩེ་བའི་སྤུན་ཟླ༌རྣམས། ངེད་ཅག་གིས་འདི་ལྟར་སྨྲས༌ནའང༌། ཁྱོད་རྣམས་ཀྱི་སྤྱོད་ལམ་དེ་དག་ལས་ལེགས་པ་དང་། ཁྱོད་རྣམས་ལ་ཐར་པ་དང་ལྡན་པའི་དོན་རྣམས་ཐོབ་ཡོད་པར་ཡིད་ཆེས་སོ།།  
\v 10 ཅིའི་ཕྱིར་ཞེ་ན། དཀོན་མཆོག་ནི་དྲང་བདེན་ཡིན་པས། ཁྱོད་ཅག་གིས་བྱས་པའི་ལས་བཟང་པོ་དང་ཁོང་གི་མཚན་ལ་བཅངས་པའི་བྱམས་པ་སྟེ། སྔོན་ཆད་དད་ལྡན་དམ་པ་རྣམས་ལ་ཞབས་ཕྱི་བསྒྲུབས་ཤིང་། ད་ལྟའང་སྒྲུབ་བཞིན་པའི་ལས་དེ་ཁོང་གིས་བརྗེད་མི་སྲིད༌པའི་ཕྱིར་ཡིན།  
\v 11 ཁྱོད་རྣམས་ལ་མཐའ་མཇུག་བར་དུ་རེ་བ་ཆེན་པོ་དང་ལྡན་པའི༌ཕྱིར། ཁྱོད་ཅག་མི་རེ་རེས་ལས་དེ་ལྟ་བུར་བརྩོན་རྒྱུ་ནི་ངེད་ཅག་གི་འདུན་པ་ཡིན༌ཏེ།  
\v 12 ཁྱོད་རྣམས་ལེ་ལོའི་དབང་དུ་མི་འགྲོ་བའི་ཕྱིར། དད་པ་དང་བཟོད་བསྲན་ལ་བརྟེན་ནས་ཞལ་བཞེས་ཐོབ་མཁན་རྣམས་མིག་དཔེར་འཛིན་དགོས་སོ།།   
\s1 དཀོན་མཆོག་གི་འགྱུར་བ་མེད་པའི་ཞལ་བཞེས།  
\p
\v 13 དེ་ཡང་དང་ཐོག་དཀོན་མཆོག་གིས་ཨབ་ར་ཧམ་ལ་ཞལ་བཞེས་གནང་བའི་དུས༌སུ། རང་ཉིད་ལས་ཆེན་པོ་ཞིག་རྟེན་ས་མེད་པས། ཁོང་གིས་རང་ཉིད་དཔང་དུ་བཙུགས་ནས་འདི་སྐད༌དུ།  
\v 14 བདག་གིས་ཁྱོད་ལ་བྱིན་རླབས་ཆེན་པོ་གནང་ངེས༌ཤིང༌། ཁྱོད་ཀྱི་རིགས་རྒྱུད་མང་དུ་སྤེལ་བར་བྱའོ་ཞེས་དམ་བཅས་སོ།།  
\v 15 དེ་ལྟར་ཨབ་ར་ཧམ་གྱིས་ཡུན་རིང་དུ་བཟོད་བསྲན་བྱས་རྗེས། ཞལ་བཞེས་གནང་བ་དེ་ཉིད་ཁོང་ལ་ཐོབ་པ་ཡིན༌ནོ།།   
\p
\v 16 མི་སུ་ཡིན་ཡང་རང་ཉིད་ལས་ཆེན་པོ་ཞིག་དཔང་དུ་བཙུགས་ནས་དམ་བཅའ་བར་མ༌ཟད། དམ་བཅའི་ཚིག་གཞིར་བཟུང་ནས་རྩོད་གཞི་སྣ་ཚོགས་ཐག་གིས་གཅོད་པར་བྱེད་དོ།།  
\v 17 དེ་བཞིན་དུ་དཀོན་མཆོག་གིས་ཞལ་བཞེས་ཐོབ་མཁན་རྣམས་ལ་ཁོང་གི་ཐུགས་དགོངས་ནི་འགྱུར་བ་མེད་པ་དེ་ལས་ཀྱང་མངོན་གསལ་དུ་སྟོན་པར་དགོངས༌ཤིང་། དམ་བཅས་པར་བརྟེན་ནས་བདེན་དཔང་མཛད༌པ་ཡིན།  
\v 18 དེ་ནི་འགྱུར་བ་མེད་པའི་དོན་འདི་གཉིས་བརྒྱུད་ནས། དཀོན་མཆོག་གིས་ཞལ་རྫུན་གཏན་ནས་གསུང་མི་སྲིད་ཅིང་། བདག་ཅག་སྐྱབས་སུ་སོང་པ་རྣམས་ནི་བདག་ཅག་གི་མདུན་དུ་ལྷགས་པའི་རེ་བ་དེ་རང་སེམས་ལ་འཛིན་པར་སྙིང་སྟོབས་ཆེན་པོ་བསྐྱེད་ཐུབ་པའི་ཕྱིར་རོ།།  
\v 19 བདག་ཅག་གི་རེ་བ་ནི་སེམས་ཀྱི་གཏིང་རྡོ་ལྟ་བུ་ཡིན་ཏེ། སྲ་ཞིང་བརྟན་ལ་ཡོལ་བའི་རྒྱབ་ཀྱི་གནས་དེ་རུ་སླེབ་པ་ཡིན།  
\v 20 སྐྱབས་མགོན་ཡེ་ཤུ་ནི་བདག་ཅག་གི་ཆེད་དུ་སྔོན་འགྲོ་པ་ལྟར་གནས་དེ་རུ་ཕེབས་ཟིན་ཏེ། མཱལ་ཀི་ཚེ་དེག་གི་རིམ་པ་བཞིན་དུ་ཡུན་གཏན་གྱི་མཆོད་དཔོན་ཆེན་པོར་གྱུར༌པའོ།།   
\c 7
\cl ལེའུ་བདུན༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 མཆོད་དཔོན་མལ་ཀི་ཚེ༌དེག་གི་སྐོར།  
\p
\v 1 དེ་ཡང་མཱལ་ཀི་ཚེ་དེག་ནི་སཱ་ལེམ་གྱི་རྒྱལ་པོ་ཡིན་ལ། བླ་ན་མེད་པའི་དཀོན་མཆོག་གི་མཆོད་དཔོན་ཡང་ཡིན། ཨབ་ར་ཧམ་ནི་རྒྱལ་པོ་གཞན་དག་ལས་རྣམ་པར་རྒྱལ་ཏེ་ཕྱིར་ལོག༌སྐབས། ཁོང་གིས་ཨབ་ར་ཧམ་ལ་བསུ་བ་བྱས་ཤིང་བྱིན་གྱིས་བརླབས་སོ།།  
\v 2 ཨབ་ར་ཧམ་གྱིས་ཀྱང་རང་ཉིད་ལ་ཐོབ་པ་ཐམས་ཅད་ལས་བཅུ་ཆའི་གཅིག་བླངས་ནས་ཁོང་ལ་ཕུལ་ཏོ།། ཁོང་གི་མཚན་དང་པོའི་དོན་ནི་དྲང་བདེན་གྱི་རྒྱལ་པོ་ཞེས་པ་དང༌། ཡང་སཱ་ལེམ་གྱི་རྒྱལ་པོ་ཞེས་ཀྱང་ཟེར་ཏེ་ཞི་བདེའི་རྒྱལ་པོ་ཞེས་པའི་དོན་ཡིན།  
\v 3 ཁོང་ལ་ཕ་ནི་མེད་ལ་མ་ཡང་མེད་ཅིང་རིགས་རྒྱུད་མེད༌པ་དང་། སྐྱེས་པའི་དུས་དང་འཆི་བའི་དུས་ཀྱང་མེད༌དེ། དཀོན་མཆོག་གི་སྲས་དང་མཚུངས་པར་ཡུན་གཏན་གྱི་མཆོད་དཔོན་ཡིན༌ནོ།།   
\p
\v 4 ཁྱོད་ཅག་གིས་སོམས༌དང༌། མེས་པོ་ཨབ་ར་ཧམ་གྱིས་འཕྲོག་བཅོམ་བྱས་པའི་ནོར་རྫས་མཆོག་ཏུ་གྱུར་པ་ལས་བཅུ་ཆའི་གཅིག་བླངས་ནས་ཁོང་ཉིད་ལ་ཕུལ༌བས། སྐྱེས་བུ་དེ་ཉིད་ཇི་འདྲའི་རླབས་ཆེ་བ་ལ།  
\v 5 ཡང་ལེ་ཝིའི་བུ་རྒྱུད་ལས་མཆོད་དཔོན་གྱི་ལས་འགན་ཐོབ་པ་རྣམས་ཀྱིས་བཀའ་ཁྲིམས་ལྟར་འབངས་མི་ལས་བཅུ་ཆའི་གཅིག་ལེན་ཞིང་། དེ་དག་ནི་རང་གི་སྤུན་ཟླ་ཡིན༌ལ། ཨབ་ར་ཧམ་གྱི་བུ་རྒྱུད་ཡིན་ཡང་། ད་དུང་ལུགས་སྲོལ་ལྟར་བཅུ་ཆའི་གཅིག་ལེན༌པའོ།།  
\v 6 འོན་ཀྱང་། མཱལ་ཀི་ཚེ་དེག་ནི་ཁོ་རྣམས་དང་རིགས་རྒྱུད་མི་གཅིག་ཀྱང༌། ཨབ་ར་ཧམ་གྱིས་བཅུ་ཆའི་གཅིག་གནང་བའང་བླངས་པ༌དང༌། ཞལ་བཞེས་ཐོབ་པའི་ཨབ་ར་ཧམ་ལ་བྱིན་གྱིས་བརླབས་ཤིང་།  
\v 7 ཆེན་པོས་ཆུང་ངུ་ལ་བྱིན་གྱིས་བརླབས་པ་ནི་གནས་ལུགས་མཐར་ཐུག་ཡིན།  
\v 8 དོན་འདིའི་སྟེང་དུ་ཕྱོགས་གཅིག་ནས་བཅུ་ཆའི་གཅིག་ལེན་མཁན་ཐམས་ཅད་ནི་འཆི་བར་འགྱུར་ངེས་པའི་མི་ཡིན༌མོད། འོན་ཀྱང་ཕྱོགས་གཞན་ཞིག་ནས་བཅུ་ཆའི་གཅིག་ལེན་མཁན་མཱལ་ཀི་ཚེ་དེག་ལ་ཁོང་ནི་གསོན་པོ་ཡིན་ཞེས་བདེན་དཔང་བྱས་ཡོད༌པར་མ་ཟད།  
\v 9 བཅུ་ཆའི་གཅིག་ལེན་མཁན་ལེ་ཝིས་ཀྱང་ཨབ་ར་ཧམ་བརྒྱུད་ནས་བཅུ་ཆའི་གཅིག་ཕུལ་བ་ཡིན་ཞེས་བརྗོད་རུང་ངོ་།།  
\v 10 ཅིའི་ཕྱིར་ཞེ་ན། མཱལ་ཀི་ཚེ་དེག་གིས་ཨབ་ར་ཧམ་ལ་བསུ་བ་བྱེད་པའི་དུས་སུ། ལེ་ཝི་ཡང་རང་གི་མེས་པོའི་རྒྱུད་ལས་ཡོད་ \f + \ft མེས་པོའི་རྒྱུད་ལས་ཡོད་ཅེས་པར་མ་ཕྱི་ལས་ཕ་ཡི་དཔྱིའི་ནང་དུ་ཡོད་ཅེས༌མཐོང༌། དམ་པའི་གསུང་རབ་ཀྱི་མཁས་པ་རྣམས་ཀྱིས་བཞེད་པ་ལྟར་དོན་སྒྱུར་བྱས་པ༌ཡིན། \f*པའི་ཕྱིར་རོ།།   
\s1 སྐྱབས་མགོན་ཡེ་ཤུ་ནི་མཱལ་ཀི་ཚེ་དེག་དང་མཚུངས་པའི༌སྐོར།  
\p
\v 11 སྔོན་ཆད་ལེ་ཝིའི་རིགས་རྒྱུད་ཀྱི་མཆོད་དཔོན་གྱི་ལས་འགན་ལ་བརྟེན་ནས་མི་སྡེས་དཀོན་མཆོག་གི་བཀའ་ཁྲིམས་དང་དུ་བླངས་པ་དང༌། ལས་འགན་དེ་བརྒྱུད་ནས་ཕུལ་ཏུ་བྱུང་བར་འགྱུར་ཐུབ༌པ་ཡིན་ན། ཨ་རོན་གྱི་རིམ་པ་བཞིན་མ་ཡིན་པར་མཱལ་ཀི་ཚེ་དེག་གི་རིམ་པ་བཞིན་མཆོད་དཔོན་གཞན་ཞིག་འབྱུང་དགོས་དོན༌ཅི།  
\v 12 མཆོད་དཔོན་གྱི་ལས་འགན་བསྒྱུར་པ་ཡིན་པས་ན། བཀའ་ཁྲིམས་ཀྱང་ངེས་པར་བསྒྱུར་དགོས་སོ།།  
\v 13 རྒྱུ་མཚན་ནི་ཚིག་འདིས་བསྟན་པའི༌མི་དེ་ནི་ཚོ་པ་གཞན་ཞིག་ལ་གཏོགས༌ཤིང་། ཚོ་པ་དེ་ལས་མཆོད་ཁྲི་ལ་ཞབས་ཕྱི་བསྒྲུབས་མྱོང༌བ་གཅིག་ཀྱང་མེད་པའི་ཕྱིར་ཡིན།  
\v 14 བདག་ཅག་གི་གཙོ་བོ་ནི་ཡ་ཧུ་དཱའི་ཚོ་པ་ལས་བྱུང༌བ་མངོན་གསལ་ཡིན་མོད། འོན་ཀྱང་ཚོ་པ་དེར་མཆོད་དཔོན་ཡོད་པ་ནི་མོ་ཤེ་ཡིས་གསུངས་མ་མྱོང༌།  
\v 15 གལ་ཏེ། མཱལ་ཀི་ཚེ་དེག་དང་མཚུངས་པའི་མཆོད་དཔོན་གཞན་ཞིག་བྱུང་ཚེ། བདག་གི་གཏམ་འདི་ནི་དེ་ལས་ཀྱང་གསལ་པོ་ཡིན༌ཏེ།  
\v 16 ཁོང་ཉིད་མཆོད་དཔོན་དུ་གྱུར་པ་ནི་མིའི་ཤ་གཟུགས་ཀྱི་ཕུང་བོའི་སྲོལ་ཡིག་བཞིན་དུ་མ་ཡིན༌པར། འཇོམས་ཐབས་མེད་པའི་ཚེ་སྲོག་གི་ནུས་མཐུ་བཞིན་དུ་གྱུར་པའོ།།  
\v 17 ཅིའི་ཕྱིར་ཞེ་ན། ཁོང་ལ་བདེན་དཔང་མཛད་པ་ནི་གསུང་རབ་ཀྱི་མདོ་ལས་ཇི་སྐད༌དུ།  
\q1 མཱལ་ཀི་ཚེ་དེག་ཉིད་ཀྱི་རིམ་པ་བཞིན།།  
\q1 ཁྱེད་ནི་ཇི་སྲིད་བར་དུ་མཆོད་དཔོན་ཡིན།།  
\m ཞེས་གསུངས་པའི་ཕྱིར་རོ།།   
\p
\v 18-19 ཕྱོགས་གཅིག་ནས་བཀའ་ཁྲིམས་ཀྱིས་ཅི་ཡང་ཕུལ་དུ་བྱུང་བར་མ་མཛད༌ཅིང༌། སྔོན་ཆད་ཀྱི་བཀའ་ནི་སྟོབས་དང་ཕན་ནུས་ཅི་ཡང་མེད་པས་དོར་བ་དང་། ཕྱོགས་གཞན་ཞིག་ནས་སྔར་ལས་ཁྱད་དུ་འཕགས་པའི་རེ་བ་ཞིག་དྲངས་ཡོད་ཅིང༌། རེ་བ་དེ་ལ་བརྟེན་ནས་བདག་ཅག་དཀོན་མཆོག་གི་དྲུང་དུ་སླེབ་ནུས་སོ།།   
\p
\v 20 ཡང་གཅིག་སྨྲས༌ན། སྐྱབས་མགོན་ཡེ་ཤུ་མཆོད་དཔོན་དུ་བསྐོས་པ་ནི་དམ་བཅའ་མ་མཛད་པ་མ་ཡིན་ནོ།། མཆོད་དཔོན་གཞན་དག་ལ་མཚོན་ན། དམ་བཅས་ནས་བསྐོས་པ་མ༌ཡིན་ཏེ།  
\v 21 སྐྱབས་མགོན་ཡེ་ཤུ་ཁོ་ན་དམ་བཅས་ནས་བསྐོས་པ་ཡིན། ཅིའི་ཕྱིར་ཞེ་ན། ཁོང་ཉིད་བསྐོ་མཁན་གྱིས་ཁོང་ལ་འདི་སྐད༌དུ།  
\q1 གཙོ་བོས་\f + \ft སྤྱིར་གཙོ་བོ་ཞེས་པ་གཙོ་བོ་ཡེ་ཤུ་ལ་འཇུག་པ་ཤུགས་ཆེ་ཡང་། འདིར་དམིགས་བསལ་གྱིས་ཡབ་དཀོན་མཆོག་ལ་གོ་དགོས། \f*དམ་བཅའ་བཞག་པས་ཐུགས་མི༌གཡོ།།  
\q1 ཁྱེད་ནི་ཇི་སྲིད་བར་དུ་མཆོད་དཔོན༌ཡིན།།  
\m ཞེས་གསུངས་པའི་ཕྱིར་རོ།།  
\v 22 དམ་བཅས་ནས་བསྐོས་པའི་རྐྱེན་གྱིས། སྐྱབས་མགོན་ཡེ་ཤུ་ནི་དེ་ལས་ཀྱང་ཁྱད་དུ་འཕགས་པའི་ཞལ་ཆད་ཀྱི་ཁག་ལེན་མཁན་དུ་གྱུར་པའོ།།   
\p
\v 23 ཕྱོགས་གཅིག་ནས་མཆོད་དཔོན་དུ་གྱུར་པ་གཞན་དག་འཆི་བའི་བར་ཆད་ཀྱི་དབང་གིས། ཡུན་རིང་པོར་གནས་མི་ཐུབ་པས་ཁོ་རྣམས་ཀྱི་མི་གྲངས་མང༌བ་ཡིན་ནོ།།  
\v 24 ཕྱོགས་གཞན་ཞིག་ནས་སྐྱབས་མགོན་ཡེ་ཤུ་ནི་གཏན་དུ་བཞུགས་པ་ཡིན་པས། ཁོང་གི་མཆོད་དཔོན་གྱི་ལས་འགན་ལ་ནམ་ཡང་འགྱུར༌བ་མེད།  
\v 25 དེ་བས་ན། མི་དེ་རྣམས་ཀྱི་ཆེད་དུ་གསོལ་བ་འདེབས་པར་ཁོང་ཉིད་གཏན་དུ་གསོན་པོར་བཞུགས་པས། ཁོང་ལ་བརྟེན་ནས་དཀོན་མཆོག་གི་དྲུང་དུ་འགྲོ་མཁན་ཐམས་ཅད་ཁོང་གིས་མཐའ་གཅིག་ཏུ་སྐྱོབ་ནུས༌སོ།།   
\p
\v 26 དམ་པ་དང་། སྐྱོན་མི་མངའ་བ། དྲི་མས་མ་གོས༌པ། སྡིག་ཅན་རྣམས་དང་ཁ་བྲལ༌བ། ནམ་མཁའ་ལས་ཀྱང་བླ་ན་འཕགས་པའི་མཆོད་དཔོན་ཆེན་པོ་ \f + \ft འདིར་མཆོད་དཔོན་ཆེན་པོ་ཞེས་པ་སྐྱབས་མགོན་ཡེ་ཤུ་ལ་གོ་དགོས།\f*འདི་ལྟ་བུ་ནི་བདག་ཅག་ལ་ཡོད་ན་འོས་འཚམ་ཡིན་ནོ།།  
\v 27 ཁོང་ནི་མཆོད་དཔོན་ཆེན་པོ་གཞན་དག་དང་འདྲ་བར། ངེས་པར་ཉིན་རེ་བཞིན་ཐོག་མར་རང་ཉིད་ཀྱི་སྡིག་པ༌དང༌། ཕྱིས་སུ་འབངས་མི་ཡི་སྡིག་པའི་ཕྱིར་མཆོད་པ་འབུལ་བ་མ་ཡིན༌ཏེ། ཁོང་གིས་རང་ཉིད་ཐེངས་གཅིག་ཁོ་ནར་ཕུལ་བས་དོན་དེ་ཡོངས་སུ་འགྲུབ་པར་མཛད༌པའི་ཕྱིར་ཡིན།  
\v 28 མ་གཞི་བཀའ་ཁྲིམས་ཀྱིས་ནུས་སྟོབས་ཞན་པའི་མི་རྣམས་མཆོད་དཔོན་ཆེན་པོར་བསྐོ་བར་བྱེད་པ་ཡིན༌མོད། འོན་ཀྱང་བཀའ་ཁྲིམས་ཀྱི་རྗེས་སུ་དམ་བཅས་པའི་བཀའ་ཡིས་སྲས་དཀོན་མཆོག་དེ་ཉིད་མཆོད་དཔོན་ཆེན་པོར་བསྐོས་ཤིང་རྟག་ཏུ་ཕུལ་དུ་བྱུང་བའོ།།   
\c 8
\cl ལེའུ་བརྒྱད༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 ཞལ་ཆད་གསར་པའི་མཆོད་དཔོན་ཆེན༌པོ།  
\p
\v 1 ངེད་ཅག་གིས་བརྗོད་པའི་དོན་གྱི་སྙིང་པོ་ནི་བདག་ཅག་ལ་འདི་ལྟ་བུའི་མཆོད་དཔོན་ཆེན་པོ་ཞིག་ཡོད༌ཅིང༌། ཁོང་ནི་ནམ་མཁའི་ཞིང་ཁམས་ཀྱི་གཟི་བརྗིད་ཆེན་པོ་དེ་ཉིད་ \f + \ft འདིར་གཟི་བརྗིད་ཆེན་པོ་དེ་ཉིད་ཅེས་པ་ནི་དཀོན་མཆོག་གི་མཚན་གྱི་རྣམ་གྲངས་ཡིན།\f*ཀྱི་བཞུགས་ཁྲིའི་གཡས་ཕྱོགས་སུ་བཞུགས་པ་དེ་ཡིན་ལ།  
\v 2 ཁོང་གིས་གནས་མཆོག་སྟེ་གུར་མཆོག་དངོས་མའི་ནང་དུ་འཕྲིན་ལས་མཛད་ཅིང༌། གུར་མཆོག་དེ་ནི་གཙོ་བོས་བཞེངས་པ་ལས་མི་ཡིས་ཕུབ་པ་མ་ཡིན༌ནོ།།   
\p
\v 3 མཆོད་དཔོན་ཆེན་པོ་ཐམས་ཅད་ནི་ཕྱག་རྟེན་དང་མཆོད་པ་འབུལ་བའི་ཆེད་དུ་བསྐོས་པ་ཡིན༌པས། མཆོད་དཔོན་ཆེན་པོ་དེ་ཉིད་ལའང་ངེས་པར་མཆོད་པ་གང་རུང་ཞིག་འབུལ་རྒྱུ་དགོས་སོ༎  
\v 4 གལ་ཏེ། མཆོད་དཔོན་ཆེན་པོ་དེ་ཉིད་འཇིག་རྟེན་དུ་བཞུགས་པ་ཡིན་ན། ཁོང་ནི་མཆོད་དཔོན་ཡང་ཡིན་མི་སྲིད། ཅིའི་ཕྱིར་ཞེ་ན། བཀའ་ཁྲིམས་ལྟར་འབུལ་བ་འབུལ་མཁན་རྣམས་ཡོད་པའི་ཕྱིར་རོ།།  
\v 5 དེ་དག་གིས་ཞབས་ཏོག་སྒྲུབ་པའི་དོན་དེ་ནི་ནམ་མཁའི་ཞིང་ཁམས་ཀྱི་སྣང་བརྙན་དང་གྲིབ་གཟུགས་ཇི་བཞིན་ཡིན། དེ་ནི་མོ་ཤེ་ཡིས་གུར་མཆོག་བཟོ་བར་རྩོམ་དུས། དཀོན་མཆོག་གིས་ཁོང་ལ་ཉེན་བརྡ་འདི་སྐད༌བཏང་བ་སྟེ། ཁྱོད་ཀྱིས་མཉམ་པར་འཇོག་འོས་པ་ནི། དངོས་པོ་སྣ་ཚོགས་བཟོ་དུས་རི་མགོ་ནས་ཁྱོད་ལ་བསྟན་པའི་དཔེ་བཞིན་བཟོ་དགོས་ཞེས་གསུངས་པ་བཞིན་ནོ།།  
\v 6 སྐྱབས་མགོན་ཡེ་ཤུ་ནི་དེ་ལས་ཀྱང་ཕུལ་དུ་བྱུང་བའི་ཞལ་ཆད་ཀྱི་བར་མི་རུ་མཛད་པ་བཞིན་དུ། ད་ལྟ་ཁོང་ལ་ཐོབ་པའི་ཞབས་ཏོག་གི་ལས་འགན་ནི་དེ་ལས་ཀྱང་ཁྱད་དུ་འཕགས༌པ་ཡིན། ཞལ་ཆད་འདི་ནི་དེ་ལས་ཁྱད་དུ་འཕགས་པའི་ཞལ་བཞེས་ལ་བརྟེན་ནས་བཙུགས་པའོ།།   
\p
\v 7 ཞལ་ཆད་སྔ་མ་ལ་འཕན་ཟེལ་ཅི་ཡང་མེད་པ་ཡིན་ན། ཞལ་ཆད་ཕྱི་མ་འཚོལ་དགོས་དོན་མེད༌པས།  
\v 8 གཙོ་བོས་ཁོང་གི་འབངས་མི་ལ་འདི་སྐད་བཀའ་བཀྱོན་གནང་བ་སྟེ། ལྟོས་དང༌།  
\q1 བདག་གིས་ཡེས་ར་ཨེལ་དང་ཡ་ཧུ༌དཱ།།  
\q1 ཁྱིམ་རྒྱུད་གཉིས་ལ་ཞལ་ཆད་གསར་པ༌ཞིག །  
\q1 གནང་བའི་དུས་ལ་སླེབ་ཅིང་སླེབས་ལ་ཉེ།།   
\q1
\v 9 དེ་ནི་བདག་གིས་ཁོ་ཚོའི་མེས་པོ༌ཡི།།  
\q1 ལག་པར་འཇུས་ཏེ་ཨེ་ཅིབ་ཡུལ་གང་ནས།།  
\q1 ཕྱི་རུ་ཁྲིད་ནས་ཡོང་དུས་བཞག་པ༌ཡི།།  
\q1 ཞལ་ཆད་དེ་དང་གཏན་ནས་མི་འདྲ་བའོ།།  
\q1 བདག་གིས་བཞག་པའི་ཞལ་ཆད་དེ་ཉིད་ནི།།  
\q1 ཁོ་ཚོས་བློ་སེམས་བརྟན་པོས་མ་བསྲུངས༌པས།།  
\q1 བདག་གིས་ཁོ་ཚོར་གཟིགས་སྐྱོང་མི་མཛད༌ཅེས།།  
\q1 གཙོ་བོས་དེ་ལྟར་གསུངས་པ་ཡིན་ལགས༌སོ།།  
\m ཞེས་གསུངས་པ་དང་། ཡང་འདི་སྐད་དུ།   
\q1
\v 10 ཉིན་མོ་དེ་དག་རྗེས་སུ་བདག་གིས༌ནི།།  
\q1 ཡེས་ར་ཨེལ་གྱི་ཁྱིམ་རྒྱུད་དེ་རྣམས་ལ།།  
\q1 ཞལ་ཆད་མཛད་པ་འདི་ཡིན་གཙོ་བོས༌གསུངས།།  
\q1 བདག་གིས་རང་གི་བཀའ་ཁྲིམས་དེ་རྣམས༌ནི།།  
\q1 ཁོ་ཚོའི་ཡིད་ལ་འཇོག་ཅིང་སེམས་ལ་བརྐོ།།  
\q1 བདག་ནི་ཁོ་ཚོའི་དཀོན་མཆོག་ཡིན་པ༌དང༌།།  
\q1 དེ་རྣམས་བདག་གི་འབངས་མི་ཡིན་པར༌འགྱུར།།   
\q1
\v 11 ཆེ་ཆུང་ཀུན་གྱིས་ང་རང་ངོ་ཤེས༌པས།།  
\q1 ཁོ་ཚོས་རང་གི་སྤུན་དང་ཡུལ་མི༌ལ།།  
\q1 ཁྱོད་ཀྱིས་གཙོ་བོ་ཁོང་ངོ་ཤེས་པར་གྱིས།།  
\q1 ཞེས་པའི་ཁ་བསྒོ་གནང་བའི་དགོས་པ་མེད།།   
\q1
\v 12 བདག་གིས་ཁོ་ཚོའི་ཉེས་པར་གུ་ཡངས༌གཏོང་།།  
\q1 ཁོ་ཚོའི་སྡིག་པ་ནམ་ཡང་དྲན་མི་འགྱུར།།  
\m ཞེས་གསུངས་སོ།།   
\p
\v 13 མདོར་ན། ཁོང་གིས་ཞལ་ཆད་གསར་པ་ཞེས་བརྗོད་པ་དེ་ལས་ཞལ་ཆད་སྔ་མ་དེ་རྙིང་པར་བརྩིས༌པ་ཤེས་ཤིང་། རིམ་བཞིན་རྙིང་ཞིང་ཉམས་པར་གྱུར་པ་དེ་ནི་མི་འགྱང་བར་མེད་པར་འགྱུར༌ངེས་སོ།།   
\c 9
\cl ལེའུ་དགུ༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 འཇིག་རྟེན་གྱི་གུར་མཆོག་ལ་གཏོགས་པའི་བསྙེན༌བཀུར།  
\p
\v 1 མ་གཞི་ཞལ་ཆད་སྔ་མར་བསྙེན་བཀུར་བྱེད་པའི་སྲོལ་ཡིག་དང་འཇིག་རྟེན་ལ་གཏོགས་པའི་གནས་མཆོག་མཆིས་སོ།།  
\v 2 ཅིའི་ཕྱིར་ཞེ་ན། དེ་རུ་སྟ་གོན་བྱས་པའི་གུར་མཆོག་ཡོད༌དེ། རིམ་པ་དང་པོ་ལ་གནས་དམ་པ་ཞེས་དང༌། དེའི་ནང་དུ་སྒྲོན་སྟེགས་དང་། སྒྲོག༌ཙེ། སྤྱན་བསྟར་བག་ལེབ་བཅས་ཡོད་ལ།  
\v 3 རིམ་པ་གཉིས་པའི་ཡོལ་བའི་རྒྱབ་ཏུ་ཡང་གུར་མཆོག་རིམ་པ་ཞིག་ཡོད་དེ། མིང་ལ་གནས་དམ་མཆོག་ཅེས་ཟེར་ཞིང༌།  
\v 4 དེ་རུ་གསེར་གྱི་སྤོས་ཁྲི་དང་གསེར་གྱིས་ཡོངས་སུ་བཏུམས་པའི་ཞལ་ཆད་ཀྱི་ཤུར་སྒམ་ཡོད༌ཅིང་། སྒམ་དེའི་ནང་དུ་མཱན་ནཱ་ཡོད་པའི་གསེར་གྱི་བུམ་པ་དང་། མྱུ་གུ་འབུས་མྱོང་བའི་ཨ་རོན་གྱི་ཕྱག་རྟེན། ཞལ་ཆད་ཀྱི་རྡོ་ལེབ་གཉིས་བཅས་ཡོད༌ལ།  
\v 5 ཤུར་སྒམ་གྱི་སྟེང་དུ་གཟི་བརྗིད་ལྡན་པའི་ཀེ་རུབ་ཀྱི་གཟུགས་བརྙན་གྱིས་གཡོགས་པའི་ཐུགས་རྗེའི་བཞུགས་ཁྲི་བཅས་ཡོད་མོད། འོན་ཀྱང་ད་ལྟ་ངེད་ཅག་གིས་དེ་དག་རེ་རེ་བཞིན་ཞིབ་པར་སྨྲ་མི་རུང་ངོ་།།   
\p
\v 6 དངོས་པོ་འདི་དག་ཐམས་ཅད་སྟ་གོན་བྱས་ཚར་རྗེས། མཆོད་དཔོན་རྣམས་རྒྱུན་དུ་གུར་མཆོག་རིམ་པ་དང་པོའི་ནང་དུ་དཀོན་མཆོག་ལ་བསྙེན་བཀུར་ཞུ་བར་འགྲོའོ།།  
\v 7 འོན་ཀྱང་གུར་མཆོག་རིམ་པ་གཉིས་པའི་ནང་དུ་མཆོད་དཔོན་ཆེན་པོ་ལོ་རེར་ཐེངས་གཅིག་ལ་གཅིག་པུ་འགྲོ༌ཞིང༌། ཐེངས་རེར་ཁྲག་མ་འཁྱེར་བར་མི་འགྲོ་སྟེ། རང་ཉིད་ཀྱི་ཕྱིར་དང་མི་སྡེས་མ་ཤེས་པར་བསགས་པའི་སྡིག་པའི་ཆེད་དུ་ཁྲག་དེ་འབུལ་བར་འགྲོ་བ་ཡིན།  
\v 8 དམ་པའི་ཐུགས་ཉིད༌ཀྱིས་འདི་ལས་གུར་མཆོག་རིམ་པ་དང་པོ་སྔར་བཞིན་གནས་པའི་བར་དུ། གནས་དམ་མཆོག་ནང་དུ་འགྲོ་བའི་ལམ་ད་དུང་གསལ་པོར་མངོན་མེད་པ་བསྟན་ཏོ།།  
\v 9 གུར་མཆོག་རིམ་པ་དང་པོ་ནི་ད་ལྟའི་དུས་ཀྱི་དཔེ་མཚོན་ཡིན༌ལ། ཕྱག་རྟེན་དང་མཆོད་པ་ལ་བརྟེན་ནས་བསྙེན་བཀུར་བྱེད་མཁན་གྱི་བསམ་པ་ནི་ཡོངས་སུ་རྫོགས་པར་བྱ་མི་ནུས།  
\v 10 དོན་འདི་དག་ནི་བཟའ་བཏུང་དང་ཁྲུས་སྣ་ཚོགས་ལ་འབྲེལ་བའི་ལུགས་སྲོལ་ཙམ་ཡིན༌ལ། དེ་དག་ནི་ཤ་གཟུགས་ཀྱི་ཕུང་བོར་གཏོགས་པའི་སྒྲིག་སྲོལ་ཙམ་ཡིན་པས་གོ་རིམ་གསར་པའི་དུས་སླེབས་པའི་བར་དུ་བཀོལ་བའོ།།   
\s1 སྐྱབས་མགོན་མཱ་ཤི་ཀའི་སྐུ་ཁྲག་གི༌སྐོར།  
\p
\v 11 འོན་ཀྱང་། ད་ལྟ་སྐྱབས་མགོན་མཱ་ཤི་ཀ་ནི་ཕེབས་ཟིན་པ༌དང༌། ཁོང་ནི་བྱུང་ཟིན་པའི་དོན་བཟང་པོ་དག་གི་མཆོད་དཔོན་ཆེན་པོར་མཛད་ཅིང༌། མིའི་ལག་པས་མ་བཟོས་ཤིང་འཇིག་རྟེན་འདི་ལའང་མི་གཏོགས་པར། སྔར་གྱི་གུར་མཆོག་ལས་ཀྱང་ཆེ་ཞིང་ཕུན་སུམ་ཚོགས་པའི་གུར་མཆོག་བརྒྱུད་ནས་ཕེབས་པར་མ་ཟད།  
\v 12 ར་མ་དང་བ་ཕྲུག་དག་གི་ཁྲག་ལ་མི་བརྟེན་པར། རང་ཉིད་ཀྱི་སྐུ་ཁྲག་ལ་བརྟེན་ནས་ཐེངས་གཅིག་ཁོ་ནར་གནས་དམ་མཆོག་ནང་དུ་ཕེབས་ཏེ། མཐའ་མེད་པའི་ཐར་པའི་དོན་དེ་འགྲུབ་པར་མཛད་དོ།།  
\v 13 གལ་ཏེ། ར་མ་དང་གླང་ཐུག་གི་ཁྲག་དང་། བ་གཞོན་གྱི་ཐལ་བ་དེ་མི་གཙང་བའི་མི་ཡི་ལུས་སྟེང་ལ་གཏོར་བས། ལུས་པོ་གཙང་མར་འགྱུར་བའི་ཆེད་དུ་མི་དེ་དམ་པར་བྱ་ནུས༌ན།  
\v 14 སྐྱབས་མགོན་མཱ་ཤི་ཀའི་སྐུ་ཁྲག་ནི་ལྟ་ཅི་སྨོས། ཁོང་གིས་མཐའ་མེད་པའི་ཐུགས་ཉིད་ལ་བརྟེན་ནས། རང་ཉིད་ཉེས་སྐྱོན་ཅི་ཡང་མི་མངའ་བར་དཀོན་མཆོག་ལ་ཕུལ༌བས། ཁོང་གི་སྐུ་ཁྲག་གིས་དེ་བས་ཀྱང་ཁྱོད་རྣམས་ཀྱི་བསམ་པ་ནི་དག་པར་མཛད༌ཅིང༌། འཆི་ལམ་དུ་འཇུག་པའི་སྤྱོད་པ་བསལ༌ཏེ། ཁྱོད་ཅག་གིས་གཏན་དུ་གསོན་པོར་བཞུགས་པའི་དཀོན་མཆོག་ལ་ཞབས་ཕྱི་སྒྲུབ་པར་མཛད༌པ་མ་ཡིན་ནམ།   
\p
\v 15 དེར་རྟེན། ཁོང་ཉིད་ཞལ་ཆད་གསར་པའི་བར་མི་རུ་མཛད་ཅིང༌། རང་ཉིད་སྐུ་གྲོངས་པ་བརྒྱུད་ནས་ཞལ་ཆད་སྔ་མའི་དུས་སུ་མི་རྣམས་ཀྱིས་བསགས་པའི་ཉེས་པ་ཐམས་ཅད་བླུས་པ་ཡིན་པས། ཞལ་འབོད་ཐོབ་མཁན་རྣམས་ལ་ཞལ་བཞེས་གནང་བའི་རྟག་གཏན་གྱི་བགོ་སྐལ་འཐོབ་ངེས་སོ།།   
\p
\v 16 སྤྱིར་ཁ་ཆེམས་ཡོད་ན་ངེས་པར་ཁ་ཆེམས་འཇོག་མཁན་ཚེ་ལས་འདས་ཟིན་པར་བདེན་དཔང་བྱེད་དགོས་སོ།།  
\v 17 ཅིའི་ཕྱིར་ཞེ་ན། མི་ཚེ་ལས་འདས་པ་ཡིན་ན་ད་གཟོད་ཁ་ཆེམས་ལ་བྱེད་ནུས་ཡོད་དེ། ཁ་ཆེམས་འཇོག་མཁན་གསོན་པོར་གནས་ན་ཁ་ཆེམས་ལའང་བྱེད་ནུས་མེད་པའི་ཕྱིར་ཡིན།  
\v 18 དེ་བས་ཞལ་ཆད་སྔ་མའང་ཁྲག་གིས་མ་བཞག་པ་མིན༌ནོ།།  
\v 19 ཅིའི་ཕྱིར་ཞེ་ན། དེའི་དུས་སུ་མོ་ཤེ་ཡིས་བཀའ་ཁྲིམས་བཞིན་དུ་བཀའ་རྒྱ་རེ་རེ་འབངས་མི་ཐམས་ཅད་ལ་བསྒྲགས་པ༌དང༌། ཁུ་ལུ་དམར་པོ་དང་ཨི་སོབ་རྩྭ་ཤིང་བླངས་ཏེ། བ་ཕྲུག་དང་ར་མ་དག་གི་ཁྲག ཆུ་དང་བཅས་གླེགས་བམ་སྟེང་དུ་གཏོར་བ་དང་འབངས་མིའི་ལུས་སྟེང་ལའང་གཏོར་བཞིན་འདི་སྐད༌དུ།  
\v 20 འདི་ནི་དཀོན་མཆོག་གིས་ཁྱོད་ཅག་ལ་བཞག་པའི་ཞལ་ཆད་ཀྱི་ཁྲག་ཡིན་ཞེས་གསུངས་སོ།།  
\v 21 ཡང་ཁོང་གིས་དེ་བཞིན་གུར་མཆོག་དང་བསྙེན་བཀུར་འབུལ་བྱེད་སྣོད་ཆས་མཐའ་དག་གི་སྟེང་དུ་ཁྲག་གཏོར༌བའོ།།  
\v 22 བཀའ་ཁྲིམས་ལྟར༌ན་དངོས་པོ་ཐམས་ཅད་ནི་ཕལ་ཆེར་ཁྲག་གིས་གཙང་མར་བྱེད་པ་ཡིན༌ལ། ཁྲག་མ་བཞུར་བར་སྡིག་པ་བསལ་བ་མེད་དོ།།   
\p
\v 23 དེའི་ཕྱིར། ནམ་མཁའི་ཞིང་ཁམས་ཀྱི་གཟུགས་དབྱིབས་བཞིན་དུ་བཟོས་པའི་དངོས་པོ་ནི་ངེས་པར་མཛད་སྒོ་འདི་དག་གིས་གཙང་མར་བྱེད་དགོས༌པ་ཡིན་མོད། འོན་ཀྱང་ནམ་མཁའི་ཞིང་ཁམས་ཀྱི་དངོས་པོ་ནི་དེ་ལས་ཁྱད་དུ་འཕགས་པའི་མཆོད་པས་གཙང་མར་བྱེད་དགོས་སོ།།  
\v 24 ཅིའི་ཕྱིར་ཞེ་ན། སྐྱབས་མགོན་མཱ་ཤི་ཀ་ནི་གནས་དམ་པ་དངོས་ཀྱི་སྣང་བརྙན་ཙམ་ལས། མིའི་ལག་པས་བཟོས་པའི་གནས་དམ་པའི་ནང་དུ་ཕེབས་པ་མིན་ཏེ། ནམ་མཁའི་ཞིང་ཁམས་སུ་ཕེབས་ཤིང་ད་ལྟ་བདག་ཅག་གི་དོན་དུ་དཀོན་མཆོག་གི་དྲུང་དུ་སླེབས༌པ་དང་།  
\v 25 ཡང་མཆོད་དཔོན་ཆེན་པོས་རང་གི་ཁྲག་མ་ཡིན་པ་ཁྱེར་ནས་ལོ་རེ་བཞིན་གནས་དམ་མཆོག་ནང་དུ་འགྲོ་བ༌ལྟར། སྐྱབས་མགོན་མཱ་ཤི་ཀས་རང་ཉིད་ཐེངས་མང་པོར་ཕུལ་བ་མིན་པའི་ཕྱིར་རོ།།  
\v 26 གལ་སྲིད། དེ་ལྟར་ཡིན་ན། འཇིག་རྟེན་ཁམས་བཀོད་པའི་ཚུན་ལ། ཁོང་གིས་ཐེངས་མང་པོར་སྡུག་བསྔལ་མྱང་དགོས་པ་ཡིན༌མོད། འོན་ཀྱང་ད་ལྟ་བསྐལ་པའི་མཐའ་མའི་དུས་འདིར་ཁོང་ཉིད་ཐེངས་གཅིག་ཁོ་ནར་མངོན་ཞིང༌། མིའི་སྡིག་པ་བསལ་པའི་ཕྱིར་རང་ཉིད་མཆོད་པར་ཕུལ༌བ་ཡིན།  
\v 27 ཚེ་སྲོག་གི་གཏན་ཁེལ་ལྟར་ན། མི་རེ་རེ་ལན་གཅིག་ཚེ་ལས་འདའ་དགོས་ཤིང་། ཚེ་ལས་འདས་རྗེས་ལེགས་ཉེས་ཀྱི་ཁྲིམས་ཐག་གཅོད་པར་འགྱུར༌རོ།།  
\v 28 དེ་ལྟར་སྐྱབས་མགོན་མཱ་ཤི་ཀའང་ལན་གཅིག་ལ་མཆོད་པར་ཕུལ་ཏེ་མི་མང་པོའི་སྡིག་པ་ཁུར༌བ་དང༌། མ་འོངས་པར་ཁོང་ཉིད་ཐེངས་གཉིས་པར་མངོན་ཞིང༌། དེའི་དུས་སུ་སྡིག་པ་དང་འབྲེལ་བ་མེད་དེ། ཁོང་ལ་རེ་བ་ཆེན་པོས་སྒུག་མཁན་རྣམས་སྐྱོབ་པའི་ཕྱིར་ཡིན་ནོ།།   
\c 10
\cl ལེའུ་བཅུ༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 སྐྱབས་མགོན་མཱ་ཤི་ཀའི་མཆོད་པ་ཐེངས་གཅིག་གི༌སྐོར།  
\p
\v 1 ཡང་བཀའ་ཁྲིམས་ནི་མ་འོངས་འབྱུང་འགྱུར་གྱི་དོན་བཟང་པོ་དག་གི་གྲིབ་གཟུགས་ཡིན་པ་ལས་དངོས་པོའི་གཟུགས་དབྱིབས་ངོ་མ་མིན་པས། ལོ་རེ་བཞིན་མཆོད་པ་གཅིག་མཚུངས་ཡང་དང་ཡང་དུ་འབུལ་བ་ལ་བརྟེན་ནས། ཉེ་བར་བཅར་བའི་མི་རྣམས་ཡང་དག་པར་མཛད་མི་ནུས༌སོ།།  
\v 2 གལ་སྲིད། དེ་ལྟར་མིན༌ན། མཆོད་པ་འབུལ་བའི་དོན་ནི་གནའ་སྔ་མོ་ནས་མཚམས་བཞག་ཟིན་པ་མ་ཡིན༌ནམ། ཅིའི་ཕྱིར་ཞེ་ན། བསྙེན་བཀུར་ཞུ་བའི་མི་རྣམས་ཀྱི་སེམས་ཐེངས་གཅིག་ལ་གཙང་མར་མཛད་པ་ཡིན་ན། སེམས་ལ་སྡིག་པའི་ནོངས་ཡོད་པར་མི་འགྱུར༌བའི་ཕྱིར་རོ།།  
\v 3 འོན་ཀྱང་། མཆོད་པ་འདི་དག་གིས་ལོ་རེ་བཞིན་མི་རྣམས་ལ་སྡིག་པ་དྲན་ཏུ་འཇུག་ཅིང་།  
\v 4 རྒྱུ་མཚན་ནི་གླང་ཐུག་གི་ཁྲག་དང་ར་ཁྲག་གིས་སྡིག་པ་གཏན་ནས་བསལ་མི་ནུས༌སོ།།   
\p
\v 5 དེའི༌ཕྱིར། སྔོན་ཆད་སྐྱབས་མགོན་མཱ་ཤི་ཀ་འཇིག་རྟེན་དུ་ཕེབས་དུས་ཁོང་གིས་འདི་སྐད༌དུ།  
\q1 ཀྱེ་ཀྱེ་བླ་ན་མེད་པའི་དཀོན་མཆོག་ལགས།།  
\q1 མཆོད་པ་དང་ནི་འབུལ་བར་ཁྱེད་མི་མཉེས།།  
\q1 ཁྱེད་ཀྱིས་བདག་ལ་ལུས་གཟུགས་སྟ་གོན༌མཛད།།   
\q1
\v 6 སྦྱིན་སྲེག༌དང་ནི་སྡིག་བཤགས་མཆོད་པ་ལ།།  
\q1 དཀོན་མཆོག་ཁྱེད་ནི་དེ་ལ་ཐུགས་མི༌དགྱེས།།  
\m ཞེས་གསུངས་སོ།།  
\v 7 དེའི་དུས་སུ། བདག་གིས་འདི་ལྟར་སྨྲས་པ་སྟེ།  
\q1 ཀྱེ་ཀྱེ་དཀོན་མཆོག༌ཁྱེད་ཀྱིས་གཟིགས་པར་གྱིས།།  
\q1 ཁྱེད་ཀྱི་ཐུགས་དགོངས་བསྒྲུབ་ཕྱིར་བདག་ནི་སླེབས།།  
\q1 ང་ཡི་དོན་འདི་ཤོག་སྒྲིལ་མདོ་ལ་བཀོད།།  
\m ཅེས་པའོ།།   
\p
\v 8 གོང་དུ་སྐྱབས་མགོན་མཱ་ཤི་ཀས་འདི་སྐད༌དུ། མཆོད་པ་དང་འབུལ་བ། སྦྱིན་སྲེག་དང་སྡིག་བཤགས་མཆོད་པ་བཅས་ལ་ཁྱེད་རང་ཐུགས་མི་མཉེས་ཤིང་། འདི་ནི་བཀའ་ཁྲིམས་བཞིན་དུ་ཕུལ་བ་ལའང་ཁྱེད་ཐུགས་མི་དགྱེས་ཞེས་གསུངས་པ༌དང༌།  
\v 9 ཕྱིས་སུ་ཡང་ཁོང་གིས་འདི་སྐད་དུ། བདག་ནི་ཁྱེད་ཀྱི་ཐུགས་དགོངས་བཞིན་དུ་བསྒྲུབ་པའི་ཕྱིར་ཡོང་བ་ཡིན་ཞེས་གསུངས་ཤིང་། ཁོང་གིས་ཕྱི་མ་འཛུགས་པའི་ཕྱིར་སྔ་མ་མེད་པར་མཛད་དོ།།  
\v 10 དཀོན་མཆོག་གི་ཐུགས་དགོངས་དེ་བཞིན་ཡེ་ཤུ་མཱ་ཤི་ཀས་རང་ཉིད་ཀྱི་སྐུ་ལུས་ཐེངས་གཅིག་ཁོ་ནར་ཕུལ་བར་བརྟེན་ནས། བདག་ཅག་དམ་པར་མཛད་པ་ཡིན༌ནོ།།   
\p
\v 11 སྤྱིར་མཆོད་དཔོན་ཀུན་པོས་ཉིན་རེ་བཞིན་ལངས་ནས་བསྡད་དེ་དཀོན་མཆོག་ལ་ཞབས་ཕྱི་སྒྲུབ༌ཅིང༌། མཆོད་པ་གཅིག་མཚུངས་ཡང་དང་ཡང་དུ་འབུལ་ནའང་། མཆོད་པ་དེ་དག་གིས་སྡིག་པ་གཏན་ནས་བསལ་མི་ནུས༌སོ།།  
\v 12 འོན་ཀྱང༌། སྐྱབས་མགོན་ཡེ་ཤུས་རྟག་གཏན་གྱི་སྡིག་བཤགས་མཆོད་པ་ཐེངས་གཅིག་ལ་ཕུལ་བས། དཀོན་མཆོག་གི་གཡས་ཕྱོགས་སུ་བཞུགས་པར་གྱུར་ཏོ།།  
\v 13 དེ་ནས་བཟུང༌། བསྟན་དགྲ་ཐམས་ཅད་ཁོང་གི་ཞབས་སྟེགས་སུ་འཁོད་པའི་བར་དུ་ཁོང་གིས་སྒུག་ནས་བཞུགས་ཡོད།  
\v 14 ཅིའི་ཕྱིར་ཞེ་ན། ཁོང་གིས་ཐེངས་གཅིག་ཁོ་ནར་མཆོད་པ་ཕུལ་བ་བརྒྱུད་ནས། དམ་པར་གྱུར་པ་རྣམས་རྟག་ཏུ་ཡང་དག་པར་མཛད༌པའི་ཕྱིར་རོ།།   
\p
\v 15 དམ་པའི་ཐུགས་ཉིད་ཀྱིས་བདག་ཅག་ལའང་བདེན་དཔང་མཛད་དོ།། ཅིའི་ཕྱིར་ཞེ་ན། ཁོང་གིས་འདི་སྐད༌དུ།  
\v 16 གཙོ་བོས་འདི་སྐད༌དུ།  
\q1 ཉིན་མོ་དེ་རྣམས་རྗེས་སུ་བདག་གིས༌ནི།།  
\q1 མི་རྣམས་དེ་ལ་ཞལ་ཆད་འདི་ལྟར༌བཞག །  
\q1 ང་ཡིས་རང་གི་བཀའ་ཁྲིམས་དེ་རྣམས༌ཀྱི།།  
\q1 ཡིད་ལ་འཇོག་ཅིང་སེམས་ལ་བརྐོ་བར༌བྱ།།  
\m ཞེས་དང་།  
\v 17 ཕྱིས་སུ་ཡང་འདི་སྐད༌དུ།  
\q1 དེ་ཚོའི་སྡིག་པ་དང་ནི་ཉེས༌པ་དག །  
\q1 བདག་གིས་ནམ་ཡང་དྲན་པར་མི་བྱེད་དོ།།  
\m ཞེས་གསུངས༌པའི་ཕྱིར་རོ།།  
\v 18 སྡིག་པ་འདི་དག་བསལ་ཟིན་པས། ད་ནི་སྡིག་པའི་ཆེད་དུ་མཆོད་པ་འབུལ་དགོས་དོན་མེད་དོ།།   
\s1 བཟོད་བསྲན་བྱེད་པར་བསྐུལ༌བ།  
\p
\v 19 སྤུན་ཟླ༌རྣམས། དེ་ལྟར་ཡིན་པས། སྐྱབས་མགོན་ཡེ་ཤུའི་སྐུ་ཁྲག་ལ་བརྟེན་ནས་བདག་ཅག་བག་ཕེབས་ངང་གནས་དམ་མཆོག་ནང་དུ་འགྲོ་ཐུབ་ཅིང༌།  
\v 20 དེ་ནི་ཁོང་གིས་བདག་ཅག་ལ་གསར་ཞིང་གསོན་པོའི་ལམ་ཞིག་ཕྱེས་ཤིང་ཡོལ་བ་དེ་བརྒྱུད་ནས་འགྲོ་བ་དང་། ཡོལ་བ་དེ་ནི་སྐྱབས་མགོན་ཡེ་ཤུའི་སྐུ་ལུས་ཡིན་ནོ།།  
\v 21 ཡང་དཀོན་མཆོག་གི་ཁྱིམ་གཞིས་ལ་བདག་སྐྱོང་མཛད་པའི་མཆོད་དཔོན་ཆེན་པོ་ཞིག་ཡོད་པས།  
\v 22 ནོངས་ཡོད་པའི་བསམ་པ་ལ་ཁྲག་གཏོར་ཞིང་ཆུ་གཙང་མས་ལུས་པོ་བཀྲུས་པར་མཛད་པ་དང་། བདག་ཅག་ལྷག་བསམ་རྣམ་དག་དང་དད་སེམས་ཆེན་པོ་བཅངས་ནས་དཀོན་མཆོག་གི་དྲུང་དུ་འགྲོ་བར་བྱ་འོས༌སོ།།  
\v 23 ཡང་ཞལ་བཞེས་གནང་མཁན་དཀོན་མཆོག་ནི་ཡིད་རྟོན་རུང་བ་ཡིན་པས། བདག་ཅག་གིས་ཁས་ལེན་པའི་རེ་བ་དེ་ཐེ་ཚོམ་མེད་པར་བརྟན་པོར་བསྲུང་དགོས།  
\v 24 ཡང་བདག་ཅག་གིས་ཕན་ཚུན་ལ་བྱམས་ཤིང་གཅེས་པ་དང་ལས་བཟང་པོའི་ཕྱོགས་སུ་ཅི་ལྟར་བསྐུལ་བར་བསམ་བློ་གཏོང་བར་བྱའོ།།  
\v 25 མི་ཁ་ཤས་ལྷན་དུ་མི་འཚོགས་པར་གོམས་པ་བཞིན། བདག་ཅག་གིས་འདུ་ཚོགས་ཀྱི་མཚམས་གཅོད་མི་རུང་སྟེ། ཁྱོད་ཅག་གིས་ཉིན་མོ་དེ་ཉེ་བར་སླེབས་པ་ཤེས་པ་བཞིན། ལྷག་ཏུ་ཕན་ཚུན་ལ་སྐུལ་སློང་བྱ་དགོས༌སོ།།   
\p
\v 26 བདག་ཅག་གིས་བདེན་པ་ཉིད་རྟོགས་རྗེས། ད་དུང་ཤེས་བཞིན་སྡིག་པ་བྱེད༌ན། ད་ནི་སྡིག་བཤགས་ཀྱི་མཆོད་པ་མེད་དེ།  
\v 27 ཉེས་ཆད་གཅོད་པར་འགྱུར་བ་དང་དགྲ་བོ་ཐམས་ཅད་ཚར་གཅོད་པའི་མེ་དཔུང་དྲག་པོ་ལ་འཇིགས་སྣང་གིས་བསྒུགས་ནས་སྡོད་དགོས༌པའོ།།  
\v 28 སུ་ཞིག་གིས་མོ་ཤེའི་བཀའ་ཁྲིམས་དོར་ནའང་། མི་གཉིས་གསུམ་གྱི་དཔང་པོ་ཙམ་ལ་བརྟེན་ནས་མི་དེ་སྙིང་རྗེ་མེད་པར་གསོད་པ་ཡིན༌ན།  
\v 29 དཀོན་མཆོག་གི་སྲས་རྐང་འོག་ཏུ་བརྫིས་ཤིང་། ཁོ་རང་དམ་པར་མཛད་པའི་ཞལ་ཆད་ཀྱི་ཁྲག་དེ་མི་གཙང་བར་བརྩིས༌ཏེ། ཐུགས་རྗེ་གནང་མཁན་དམ་པའི་ཐུགས་ཉིད་ཀྱང་ཁྱད་དུ་གསོད་པར་བྱས་ན། མི་དེ་དག་ལ་དེ་ལས་ཀྱང་ཉེས་ཆད་ལྕི་མོ་འཕོག་འོས་པར་ཁྱོད་རྣམས་ཀྱིས་བསམ་པར་བྱའོ།།  
\v 30 ཅིའི་ཕྱིར་ཞེ་ན། གནོད་ལན་གནོད་འཇལ་ནི་བདག་ལ་རག་ལས་ཤིང་ངས་ལན་འཇལ་ངེས་ཡིན་ཞེས༌གསུངས་པ་དང༌། ཡང་གཙོ་བོས་རང་གི་མི་ལ་ལེགས་ཉེས་ཀྱི་ཁྲིམས་ཐག་གཅོད་པར་འགྱུར་ཞེས་གསུང་མཁན་ཁོང་ཉིད་བདག་ཅག་གིས་ཤེས་པའི་ཕྱིར་ཡིན།  
\v 31 གཏན་དུ་གསོན་པོར་བཞུགས་པའི་དཀོན་མཆོག་གི་ཕྱག་ཏུ་ལྷུང་བ་ནི་དངོས་གནས་འཇིགས་སུ་རུང་བའོ།།   
\p
\v 32 ཁྱོད་རྣམས་ཀྱིས་འདས་ཟིན་པའི་ཉིན་མོ་དག་ལ་ཕྱིར་འདང་རྒྱོབས༌དང༌། ཁྱོད་ཅག་གི་བློ་གསལ་པོར་མཛད་པའི་རྗེས་སུ། འཐབ་འཁྲུག་ཆེན་པོའི་སྡུག་བསྔལ་སྣ་ཚོགས་ལ་ཇི་ལྟར་བཟོད་བསྲན་བྱས་པ་སྟེ།  
\v 33 གཅིག་ནས་འཕྱ་དམོད་དང་དཀའ་ཚེགས་ལ་ཕྲད་ཅིང་མི་རྣམས་ཀྱི་ལྟད་མོར་གྱུར་པ༌དང༌། གཅིག་ནས་དེ་ལྟ་བུའི་སྡུག་བསྔལ་མྱོང་མཁན་རྣམས་ཀྱི་གྲོགས་སུ་གྱུར༌པའོ།།  
\v 34 ཅིའི་ཕྱིར་ཞེ་ན། ཁྱོད་རྣམས་ཀྱིས་བཙོན་དུ་བཅུག་ཡོད་པ་རྣམས་ལ་སྙིང་རྗེ་བསྒོམས་པ་དང༌། རང་ལ་དེ་ལས་ཁྱད་དུ་འཕགས་ཤིང་གཏན་དུ་གནས་པའི་བགོ་སྐལ་ཡོད་པ་ཤེས༌པས། མི་གཞན་གྱིས་རང་གི་ཁྱིམ་གཞིས་ཕྲོགས་ནའང་དགའ་མགུའི་ངང་དང་དུ་བླངས་པའི་ཕྱིར་རོ།།   
\p
\v 35 དེའི་ཕྱིར། ཁྱོད་རྣམས་ཀྱིས་སྤོབས་པ་ལྡན་པའི་སེམས་དེ་འདོར་མི་རུང་། སེམས་དེ་ལྟ་བུ་བཅངས་པ་ལ་བྱ་དགའ་ཆེན་པོ་འཐོབ་པ་ཡིན།  
\v 36 ཁྱོད་རྣམས་ཀྱིས་དཀོན་མཆོག་གི་ཐུགས་དགོངས་བཞིན་བསྒྲུབས་ནས། ཞལ་བཞེས་གནང་ཡོད་པ་དེ་ཉིད་འཐོབ་པའི་ཕྱིར། ངེས་པར་བཟོད་བསྲན་བྱ་དགོས།  
\v 37 ཇི་སྐད༌དུ།  
\q1 ད་དུང་ཆུ་ཚོད་ཅུང་ཙམ་ཡོད་པའི་དུས།།  
\q1 ཕེབས་པར་འགྱུར་བ་ཁོང་ཉིད་ཕེབས་ངེས་ཤིང་།།  
\q1 ཁོང་ནི་འགྱངས་པར་མི་བྱེད་ཕེབས་པར༌འགྱུར།།   
\q1
\v 38 རྣམ་དག་མི་ནི་དད་པའི་སྒོ་ནས༌འཚོ།།  
\q1 ཕྱི་བསྣུར་བྱས་ན་བདག་སེམས་དགའ་མི་སྲིད།།  
\m ཅེས༌གསུངས་པའི་ཕྱིར་རོ།།   
\p
\v 39 འོན་ཀྱང་། བདག་ཅག་ནི་ཕྱི་བསྣུར་བྱེད་ཅིང་འཇིག་པར་འགྱུར་བའི་མི་དེ་འདྲ་མ་ཡིན༌པར། དད་པའི་ངང་ནས་ཐར་པ་འཐོབ་ངེས་པའི་མི་རྣམས་ཡིན༌ནོ།།   
\c 11
\cl ལེའུ་བཅུ་གཅིག༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 དད་པ་ལ་བརྟེན་པའི་སྐོར།  
\p
\v 1 དད་པ་ནི་རེ་བ་བྱེད་པའི་དོན་རྣམས་ཀྱི་བློ་གདེང་དང་མིག་གིས་མི་མཐོང་བའི་དོན་རྣམས་ཀྱི་དཔང་རྟགས་ཡིན༌ལ།  
\v 2 གནའ་བོའི་དད་ལྡན་རྣམས་ལ་དད་པའི་ཆ་ནས་བདེན་དཔང་ལེགས་པོ་བྱུང༌ངོ༌།།   
\p
\v 3 བདག་ཅག་གིས་དད་པར་བརྟེན་ནས་འཇིག་རྟེན་ཁམས་ཐམས་ཅད་ནི་དཀོན་མཆོག་གི་བཀའ་ཡིས་བཀོད་པ་ཤེས༌པས། མིག་གིས་མཐོང་བ་དག་ནི་མིག་གིས་མཐོང་ཐུབ་པའི་དངོས་པོ་དག་ལས་བཟོས་པ་མིན་ནོ།།   
\p
\v 4 ཡང་ཧ་བེལ་གྱིས་དད་པར་བརྟེན་ནས་དཀོན་མཆོག་ལ་མཆོད་པ་ཕུལ༌ཞིང༌། དེ་ནི་ཀཱ་ཡན་གྱིས་ཕུལ་བ་ལས་ཀྱང་ཁྱད་དུ་འཕགས་པས། ཧ་བེལ་མི་རྣམ་དག་ཏུ་གྱུར་པའི་བདེན་དཔང༌བྱུང་ངོ་།། དེ་ནི་དཀོན་མཆོག་གིས་ཁོའི་ཕྱག་རྟེན་ལ་བདེན་དཔང་མཛད་པའོ།། ཁོ་རང་ཚེ་ལས་འདས་ནའང་དད་པའི་དབང་གིས་ཁོས་ད་དུང་གཏམ་སྨྲ༌བའོ།།   
\p
\v 5 ཡང་ཧ་ནོག་གིས་དད་པར་བརྟེན་པའི་རྐྱེན་གྱིས་ཁོ་རང་ཡར་དྲངས་ཤིང་། དེ་ནི་དཀོན་མཆོག་གིས་ཁོ་རང་ཡར་དྲངས་པ་ཡིན་པས། ཁོས་འཆི་བ་ཉམས་སུ་མ་མྱངས་ལ་མི་ཡིས་ཀྱང་ཁོ་རང་བཙལ་ནས་མ་རྙེད་དོ།། ཧ་ནོག་ཡར་མ་དྲངས་པའི་སྔོན་ལ། ཁོ་ལ་དཀོན་མཆོག་ཐུགས་དགྱེས་པའི་བདེན་དཔང་བྱུང་ཟིན༌ཏོ།།  
\v 6 སྤྱིར་མི་ལ་དད་པ་མེད་ན་དཀོན་མཆོག་ཐུགས་དགྱེས་མི་སྲིད༌དོ།། ཅིའི་ཕྱིར་ཞེ་ན། དཀོན་མཆོག་གི་དྲུང་དུ་ཡོང་བའི་མི་རྣམས་ཀྱིས་ངེས་པར་དཀོན་མཆོག་བཞུགས་པར་ཡིད་ཆེས་བྱ་དགོས་ཤིང་། ཁོང་གིས་རང་ཉིད་འཚོལ་བའི་མི་རྣམས་ལ་བྱ་དགའ་གནང་ངེས་པ་ལའང་ཡིད་རྟོན་བྱ་དགོས༌སོ།།   
\p
\v 7 ཡང་ནོ་ཨས་དད་པ་ལ་བརྟེན་ཅིང་དཀོན་མཆོག་གིས་ཁོ་རང་ལ་ད་དུང་མིག་གིས་མ་མཐོང་བའི་དོན་དག་སྐོར་ཉེན་བརྡ་མཛད༌སྐབས། ཁོ་ལ་གུས་ཤིང་འཇིགས་པའི་སེམས་འགུལ་ཐེབས་ནས། ཁོས་རང་གི་ཁྱིམ་མི་ཐམས་ཅད་སྐྱོབ་པའི་ཕྱིར་གྲུ་གཟིངས་བཟོས་པས། དོན་དེ་ལ་བརྟེན་ནས་འཇིག་རྟེན་གྱི་མི་རྣམས་ལ་ནག་ཉེས་བཙུགས་པ་དང་། ཁོ་རང་ནི་དད་པ་ལས་བྱུང་བའི་རྣམ་པར་དག་པའི་རྒྱུད་འཛིན་མཁན་དུ་གྱུར་ཏོ།།   
\p
\v 8 ཡང་ཨབ་ར་ཧམ་གྱིས་དད་པར་བརྟེན་ནས་དཀོན་མཆོག་གི་ཞལ་འབོད་ཐོབ་པའི་དུས་སུ། བཀའ་ལྟར་མ་འོངས་པ་ན་བགོ་སྐལ་འཐོབ་པར་འགྱུར་བའི་ཡུལ་དེར་འགྲོ་བར་བརྩམས། ཁོ་རང་དངོས་སུ་འགྲོ་བའི་དུས་སུ་གང་དུ་འགྲོ་བའང་མ་ཤེས་སོ།།  
\v 9 ཁོས་དད་པར་བརྟེན་ནས་ཁོ་རང་ལ་ཞལ་བཞེས་གནང་བའི་ཡུལ་ལ་སོང་སྟེ་མགྲོན་པོ་ལྟར་གནས་ཤིང་། ཞལ་བཞེས་གཅིག་མཚུངས་ཐོབ་མཁན་ཨི་སཱག་དང་ཡ་ཀོབ་བཞིན་ཡུལ་གཞན་ནས་སྦྲ་གུར་ནང་དུ་བསྡད་པ་ཡིན།  
\v 10 ཅིའི་ཕྱིར་ཞེ་ན། ཁོས་རྨང་གཞི་ལྡན་པའི་གྲོང་ཁྱེར་དེ་ལ་རེ་སྒུག་བྱེད་ཅིང་། དེ་ནི་དཀོན་མཆོག་གིས་ཇུས་འགོད་གནང་ཞིང་བཟོ་སྐྲུན་མཛད་པའོ།།   
\p
\v 11 ཡང་དད་པར་བརྟེན་ནས་སཱ་ར་ཁོ་མོའང་ཕྲུ་གུ་ཆགས་པའི་ལོ་ཚོད་ལས་བརྒལ༌ཡང༌། ཁོ་མོས་རང་ཉིད་ལ་ཞལ་བཞེས་གནང་མཁན་ནི་ཡིད་རྟོན་རུང་བར་སྙམ་པས། ཁོ་མོར་མངལ་ཆགས་ནུས་པའོ།།  
\v 12 དེའི་ཕྱིར། ཚེ་ལས་འདས་ཟིན་པ་ལྟ་བུའི་མི་ཞིག་ལས་བུ་རྒྱུད་མཆེད་པ༌ནི། ནམ་མཁའི་སྐར་ཚོགས་བཞིན་མང་ཞིང་། མཚོ་འགྲམ་གྱི་བྱེ་མ་བཞིན་དུ་བགྲང་ལས་འདས་སོ།།   
\p
\v 13 མི་དེ་ཐམས་ཅད་དད་སེམས་བཅངས་ནས་ཚེ་ལས་འདས་ཤིང་ཞལ་བཞེས་རྣམས་ཀྱང་མ་ཐོབ་མོད། འོན་ཀྱང་རྒྱང་རིང་ནས་ཞལ་བཞེས་མཐོང་ཞིང་དགའ་སྤྲོའི་ངང་བསུ་བ་བྱས་པ༌དང༌། རང་ཉིད་ནི་འཇིག་རྟེན་གྱི་མགྲོན་པོ་ཡིན་པ་དང་འཇིག་རྟེན་དུ་བྱེས་སུ་ཡོང་བའང་ཁས་བླངས་པའོ།།  
\v 14 གཏམ་འདི་ལྟར་སྨྲ་མཁན་རྣམས་ཀྱིས་རང་ཉིད་ལ་ཡུལ་ཞིག་འཚོལ་བཞིན་ཡོད་པ་བསྟན༌པ་ཡིན།  
\v 15 ཁོ་རྣམས་ཀྱིས་ཁ་བྲལ་ཟིན་པའི་ཡུལ་དེ་དྲན་པ་ཡིན་ན། ཁོ་རྣམས་ལ་སྔ་མོ་ནས་ཕྱིར་ཡུལ་དུ་འགྲོ་བའི་གོ་སྐབས་ལྡན་ནོ།།  
\v 16 དོན་དམ་དུ་ཁོ་རྣམས་ཀྱིས་དེ་ལས་ཀྱང་ཁྱད་དུ་འཕགས་པའི་ཡུལ་ཏེ། ནམ་མཁའི་ཞིང་ཁམས་ཀྱི་ཡུལ་དེ་ལ་རེ་སྨོན་བཅངས་པ་ཡིན། དེའི་ཕྱིར། དཀོན་མཆོག་ནི་ཁོ་རྣམས་ཀྱི་དཀོན་མཆོག་ཏུ་འབོད་ཀྱང་། ཁོང་ཉིད་དེ་ལ་ངོ་མི་གནོང་ཞིང་། དཀོན་མཆོག་གིས་ཁོ་རྣམས་ལ་གྲོང་ཁྱེར་ཞིག་སྟ་གོན་མཛད་ཡོད་པས་སོ།།   
\p
\v 17 ཡང་ཨབ་ར་ཧམ་གྱིས་དད་པར་བརྟེན་ཅིང་ཁོ་རང་ཉིད་ལ་བརྟག་པའི་དུས་སུ། ཨི་སཱག་མཆོད་པར་འབུལ་བར་རྩོམ་ཞིང་། རང་ཉིད་ཀྱི་བུ་གཅིག་པུའང་མཆོད་པར་འབུལ་བའི་མི་ཁོ་རང་ནི་ཞལ་བཞེས་ཐོབ་མཁན་དེ་ཡིན་ནོ།།  
\v 18 དཀོན་མཆོག་གིས་དེ་སྔར་ཁོ་ལ་འདི་སྐད༌དུ། ཨི་སཱག་བརྒྱུད་ནས་ཁྱོད་ཀྱི་རིགས་རྒྱུད་ཀྱི་མིང་ཐོན་པར་འགྱུར་ཞེས་གསུངས་པ་ཡིན།  
\v 19 ཁོས་ནི་དཀོན་མཆོག་གིས་མི་འཆི་བ་ལས་སླར་གསོན་པར་མཛད་ནུས་པར་སྙམ༌ཞིང༌། ཡང་དེ་ནི་ཁོ་ལ་རང་གི་བུ་འཆི་བ་ལས་ཕྱིར་ཐོབ་པའི་དཔེ་གཞི་ཡིན་ནོ༎   
\p
\v 20 ཡང་ཨི་སཱག་གིས་དད་པར་བརྟེན་ནས་ཡ་ཀོབ་དང་ཨེ་སཱབ་གཉིས་ལ་མ་འོངས་པའི་དོན་རྣམས་བསྟན་ཏེ་བྱིན་རླབས་གནང༌ངོ༌།།   
\p
\v 21 ཡང་ཡ་ཀོབ་ཀྱིས་དད་པར་བརྟེན་ནས་རང་ཉིད་ཚེ་ལས་འདའ་ཁར། ཡོ་སེབ་ཀྱི་བུ་རེ་རེ་ལ་བྱིན་རླབས་གནང༌ཞིང༌། འཁར་བ་ལ་བརྟེན་ནས་དཀོན་མཆོག་ལ་བསྟོད་བསྔགས་བརྗོད༌དོ།།   
\p
\v 22 ཡང་ཡོ་སེབ་ཀྱིས་དད་པར་བརྟེན་ནས་རང་ཉིད་ཚེ་ལས་འདའ་ཁར། ཡེས་ར་ཨེལ་གྱི་བུ་རྒྱུད་ཕྱིས་སུ་ཨེ་ཅིབ་ཡུལ་ནས་ཕྱིར་ཐོན་ངེས་པའི་སྐོར་སྨྲས་ཤིང་། རང་གི་ཀེང་རུས་ཀྱི་ཕྱིར་ཁ་ཆེམས་བཞག་གོ།   
\p
\v 23 ཡང་དད་པར་བརྟེན་ནས། མོ་ཤེ་སྐྱེས་པ་དང་ཁོའི་ཕ་མ་གཉིས་ཀྱིས་ཕྲུ་གུ་མཛེས་ཤིང་སྡུག་པ་ཞིག་ཡིན་པ་མཐོང༌སྟེ། རྒྱལ་པོའི་བཀའ་ལའང་མ་འཇིགས་པར་ཕྲུ་གུ་དེ་ཟླ་བ་གསུམ་གྱི་རིང་ལ་སྦས༌པའོ།།   
\p
\v 24 ཡང་མོ་ཤེ་ཡིས་དད་པར་བརྟེན་ནས་ཁོ་རང་ནར་སོན་རྗེས། ཕཱར་ཨོལ་གྱི་སྲས་མོའི་བུ་ཞེས་འབོད་པ་ཁས་མ་བླངས་སོ།།  
\v 25 ཁོ་རང་ནི་དཀོན་མཆོག་གི་འབངས་མི་དང་ལྷན་དུ་གནོད་འཚེ་མྱང་བར༌དགའ་བ་ལས། གནས་སྐབས་ཙམ་ལའང་སྡིག་པའི་ནང་གི་བདེ་སྐྱིད་ལ་རོལ་མི་འདོད།  
\v 26 ཁོས་དཀོན་མཆོག་གི་བྱ་དགའ་ལ་རེ་སྒུག་བྱེད་པས། སྐྱབས་མགོན་མཱ་ཤི་ཀའི་དོན་དུ་ཐེབས་པའི་བརྙས་བཅོས་ནི་ཨེ་ཅིབ་ཡུལ་གྱི་རྒྱུ་ནོར་ལས་ཀྱང་རིན་པོ་ཆེ་རུ་བརྩིས་པ་ཡིན།  
\v 27 ཁོས་དད་པར་བརྟེན་ནས་རྒྱལ་པོའི་ཁྲོ་བ་ལ་མ་འཇིགས་པར་ཨེ་ཅིབ་ཡུལ་དང་ཁ་བྲལ་ཏོ།། དེ་ནི་མིག་གིས་མཐོང་མི་ནུས་པའི་དཀོན་མཆོག་མཐོང་བ་བཞིན་བློ་སེམས་བརྟན་པོས་བཟོད་བསྲན་བྱས་པའི་ཕྱིར་ཡིན།  
\v 28 ཡང་ཁོས་དད་པར་བརྟེན་ནས་པེ་སག་གི་དུས་ཆེན་དང་ཁྲག་གཏོར་བའི་དོན་དེ་བསྲུངས་པ་ཡིན། དེ་ནི་བུ་སྐྱེས་འགོ་རྣམས་གསོད་མཁན་གྱིས་ཡེས་ར་ཨེལ་མི་རིགས་ལ་གནོད་འཚེ་མི་བྱེད་པའི་ཕྱིར་ཡིན་ནོ།།   
\p
\v 29 ཡང་ཡེས་ར་ཨེལ་གྱི་མི་རྣམས་ཀྱིས་དད་པར་བརྟེན་ནས་མཚོ་དམར་པོ་སྐམ་ས་བཞིན་དུ་བརྒལ་ནས་སོང་བ་ལ། ཨེ་ཅིབ་པ་རྣམས་ཀྱང་དེ་ལྟར་བརྒལ་བར་བརྩམས་པ་ན་ཆུར་ནུབ་བོ།།   
\p
\v 30 ཡང་ཡེས་ར་ཨེལ་གྱི་མི་རྣམས་ཀྱིས་དད་པར་བརྟེན་ནས་ཉིན་བདུན་ལ་ཡེ་རུ་ཀོ་ལ་སྐོར་བ་བརྒྱབ་པ་དང་མཁར་གྱང་ལོག་པར་གྱུར་ཏོ།།   
\p
\v 31 ཡང་སྨད་འཚོང་མ་རཱ་ཧབ་ཀྱིས་དད་པར་བརྟེན་ནས་ཞི་འཇམ་ངང་མྱུལ་མ་རྣམས་ནང་དུ་བསུས༌པས། ཁོ་མོ་ནི་དཀོན་མཆོག་གི་བཀའ་ལ་མི་ཉན་པ་རྣམས་དང་མཉམ་དུ་འཆི་བར་མ་གྱུར༌ཏོ།།   
\p
\v 32 བདག་གིས་ད་དུང་བརྗོད་དགོས་དོན་ཅི་ཡོད༌དམ། གལ་ཏེ། བདག་གིས་རེ་རེ་བཞིན་ཞིབ་ཏུ་བཤད༌ན། གིད་ཡོན་དང་། པཱ༌རག སཱམ༌སོན། ཡེབ༌ཐཱ། དཱ༌བིད། སཱ་མུ༌ཨེལ་དང་བཅས་པའི་ལུང་སྟོན་པ་དག་གི་དོན་རྣམས་བརྗོད་ཁོམ་མེད་དོ།།  
\v 33 ཁོ་རྣམས་ཀྱིས་དད་པར་བརྟེན་ནས་རྒྱལ་ཁམས་གཞན་དག་བཏུལ་ཞིང་། དྲང་བདེན་གཉེར་བ༌དང༌། ཞལ་བཞེས་ཐོབ༌པ། སེངྒེ་དག་གི་མཆུ་ཏོ་བསྡམས༌པ།  
\v 34 མེ་དཔུང་གི་ངར་ཤུགས་བཅོམས་པ། རལ་གྲིའི་ཁ་ལས་ཐར༌བ། ཉམ་ཆུང་ལས་སྟོབས་ཅན་དུ་བསྒྱུར༌བ། གཡུལ་ངོར་དཔའ་རྩལ་ངོམ་པ། ཕས་རྒོལ་གྱི་དམག་དཔུང་ཕྱིར་བཟློག༌པའོ།།  
\v 35 བུད་མེད་དག་གི་འདས་པོ་རྣམས་སླར་གསོན་ནས་ཁོ་མོ་དག་ལ་ཕྱིར་ཐོབ༌པ། ལ་ལས་མནར་གཅོད་དྲག་པོ་མྱངས་ནའང་། ཁྱད་དུ་འཕགས་པའི་སླར་གསོན་དེ་ཉིད་འཐོབ་པའི༌ཕྱིར། གནས་སྐབས་ཙམ་གྱི་ཐར་པ་དང་དུ་མ་བླངས་སོ།།  
\v 36 ཡང་དད་ལྡན་ལ་ལས་འཕྱ་དམོད་དང་རྡུང༌རྡེག ལྕགས༌སྒྲོག་དང་བཙོན་འཇུག་བཅས་ཀྱི་སྡུག་བསྔལ་སྣ་ཚོགས་ཀྱང་མྱངས༌ཤིང་།  
\v 37 ལ་ལ་རྡོ་རུབ་བཏང་བ་དང་། ལ་ལ་སོག་ལེ་ཡིས་དུམ་བུར་བཅད། ལ་ལ་ཉམས་ཚོད་དང༌ཕྲད། ལ་ལ་རལ་གྲིས༌བསད། ལ་ལས་ལུག་ལྤགས་དང་ར་ལྤགས་གྱོན་ནས་ས་མཐར་འཁྱམས། ལ་ལ་དབུལ་ཕོངས་དང་། དཀའ༌ཚེགས། མནར་གཅོད་བཅས་ཀྱི་གནས་སུ༌ལྷུང༌།  
\v 38 ལ་ལ་དབེན་སྟོང་དང་། རི༌ལུང་། བྲག༌ཁུང་། ས་དོང་བཅས་གནས་ངེས་མེད་དུ་རྒྱུའོ།། འཇིག་རྟེན་འདི་ནི་ཁོ་རྣམས་ཡོད་པར་མི་འོས་སོ།།   
\p
\v 39 མི་དེ་དག་ཐམས་ཅད་ལ་དད་པ་བརྒྱུད་ནས་བདེན་དཔང་ལེགས་པོ་ཐོབ་ནའང༌ཞལ་བཞེས་མ་ཐོབ་བོ།།  
\v 40 རྒྱུ་མཚན་ནི་དཀོན་མཆོག་གིས་བདག་ཅག་ལ་དེ་ལས་འཕགས་པ་ཞིག་སྟ་གོན་མཛད་ཡོད་དེ། ཁོ་རྣམས་ལ་བདག་ཅག་དང་མཉམ་དུ་ཐོབ་པར་མ་མཛད་ན། དེ་རྣམས་ཡོངས་སུ་རྫོགས་པར་མི་འགྱུར༌བའི་ཕྱིར་རོ།།   
\c 12
\cl ལེའུ་བཅུ་གཉིས༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 དཀོན་མཆོག་གིས་རང་ཉིད་ཀྱི་བུ་ཕྲུག་ལ་བསླབ་བྱ་གནང་བའི༌སྐོར།  
\p
\v 1 དེ་བས་ན་བདག་ཅག་ལ་སྤྲིན་ཕུང་གིས་མཐའ་ནས་བསྐོར་བ་ལྟ་བུའི་དཔང་པོ་འདི་འདྲ་མང་པོ་ཡོད་པས། ཁུར་པོ་ལྕི་མོ་སྣ་ཚོགས་བསྐྱུར་བ་དང་། འཁྲིལ་སླ་བའི་སྡིག་པ་རྣམས་སྤངས༌ཏེ། བཟོད་སེམས་བཅངས་ནས་མདུན་དུ་བཤམས་པའི་འགྲན་རྒྱུག་དེར་རྒྱུག་དགོས༌པ་དང་།  
\v 2 བདག་ཅག་གི་དད་པའི་འགོ་རྩོམ་མཁན་དང་དེ་ཉིད་ཡོངས་སུ་རྫོགས་པར་མཛད་མཁན་སྐྱབས་མགོན་ཡེ་ཤུ་ལ་མགོ་བོ་ཡར་བཏེགས་ནས་བལྟ་དགོས༌སོ།། ཁོང་གིས་རང་ཉིད་ཀྱི་མདུན་དུ་བཤམས་པའི་དགའ་སྤྲོའི་ཕྱིར། ངོ་ཚ་སྣང་མེད་དུ་བསྐྱུར་བ་དང་ཤིང་རྒྱ་གྲམ་གྱི་དཀའ་སྡུག་ལ་བཟོད་བསྲན་མཛད་དེ། ཁོང་ཉིད་དཀོན་མཆོག་གི་བཞུགས་ཁྲིའི་གཡས་ཕྱོགས་སུ་བཞུགས༌པ་ཡིན།  
\v 3 ཁྱོད་རྣམས་ལུས་ཐང་མི་ཆད་པ་དང་ཡིད་སེམས་མི་ཕམ་པའི་ཕྱིར། ཁོང་གིས་སྡིག་ཅན་རྣམས་ཀྱི་འགོག་རྒོལ་ལ་ཅི་ལྟར་བཟོད་བསྲན་བྱས་པར་ཁྱོད་ཅག་གིས་མནོ་བསམ་གཏོང་བར་བྱའོ།།   
\p
\v 4 ཁྱོད་རྣམས་སྡིག་པ་དང་འཐབ་ནའང་། ཁྲག་བཞུར་བའི་བར་དུ་འགོག་དགོས་པའི་ཚད་ལ་ད་དུང་མ་སླེབས་སོ།།  
\v 5 དེ་ལ་ཇི་སྐད༌དུ།  
\q1 བདག་གི་བུ་ཁྱོད་གཙོ་བོས་གཅུན་པ་ལ།།  
\q1 ཁྱོད་ཀྱིས་མཐོང་ཆུང་སྣང་མེད་མ་བྱེད་ཅིག །  
\q1 བཀའ་བཀྱོན་མཛད་དུས་ཡིད་སེམས་ཕམ་མི་བྱ།།   
\q1
\v 6 གཙོ་བོས་གཅེས་པ་རྣམས་ལ་གཅུན་པ་དང་།།  
\q1 བུ་རུ་བརྩིས་པ་རེ་རེར་རྡེག་ཕྱིར་རོ།།  
\m ཞེས་བུ་ལ་བསླབ་བྱ་གནང་བ་བཞིན། ཁྱོད་རྣམས་ལ་བསླབ་བྱ་གནང་བ་ཡང་ཁྱོད་ཅག་གིས་བརྗེད་ཟིན༌ཏོ།།   
\p
\v 7 ཁྱོད་རྣམས་ཀྱིས་བཟོད་བསྲན་བྱེད་པ་ནི་གཅུན་པའི་ཕྱིར་ཡིན་ལ། དཀོན་མཆོག་གིས་ཁྱོད་རྣམས་རང་གི་བུ་བཞིན་དུ་གཅུན་པར་མཛད་པའོ།། ཕ་ཡིས་བུ་ལ་མི་གཅུན་པ་ཞིག་ག་ན་ཡོད་ཨང་།  
\v 8 མ་གཞི་བུ་ཕྲུག་ཐམས་ཅད་ལ་གཅུན་མཁན་ཡོད། གལ་ཏེ། ཁྱོད་རྣམས་ལ་གཅུན་མཁན་མེད༌ན། ཁྱོད་ཅག་ནི་བྱི་ཕྲུག་ཡིན་པ་ལས་བུ་ཕྲུག་དངོས་མིན་ནོ།།  
\v 9 གཞན་ཡང་། བདག་ཅག་ལ་གཅུན་མཁན་ལུས་སྦྱིན་གྱི་ཕ་ཡོད་ལ། བདག་ཅག་གིས་ཁོང་ལ་བརྩི་བཀུར་བྱེད༌པ་ཡིན་པས། སེམས་ཉིད་ཀྱི་ཡབ་ནི་ལྟ་ཅི་སྨོས། བདག་ཅག་གིས་ཁོང་གི་བཀའ་ལ་མཉན་ཏེ་འཚོ་བར་མི་འོས༌སམ།  
\v 10 ལུས་སྦྱིན་གྱི་ཕ་རྣམས་ཀྱིས་རང་རང་གི་འདོད་བློ་ལྟར་གནས་སྐབས་སུ་བདག་ཅག་ལ་གཅུན་པ་ཡིན༌མོད། འོན་ཀྱང་སེམས་ཉིད་ཐམས་ཅད་ཀྱི་ཡབ་ལགས་ཀྱིས་བདག་ཅག་ལ་ཕན་འདོགས་པ་དང་། ཁོང་གི་དམ་པའི་རང་བཞིན་ལས་བདག་ཅག་ལ་སྐལ་བ་ལྡན་པའི་ཕྱིར་གཅུན་པར་མཛད་པའོ།།  
\v 11 སྤྱིར་གཅུན་པའི་དོན་ཐམས་ཅད་ནི་སྐབས་དེར་སྡུག་བསྔལ་དུ་འདོད་པ་ལས་དགའ་སྤྲོའི་ཚོར་བ་མེད་མོད། འོན་ཀྱང་གཅུན་པའི་སྦྱོང་བ་ཐོབ་པ་རྣམས་ལ་ཕྱིས་སུ་ཞི་བདེའི་འབྲས་བུ་སྨིན་ཞིང་དེ་ནི་དྲང་བདེན་ཡིན་ནོ།།   
\p
\v 12 དེའི༌ཕྱིར། ཁྱོད་རྣམས་ཀྱིས་ལག་པ་ལྷོད་ཅིང་པུས་མོའི་ཤེད་ཉམས་པ་དག་ནི་སྟོབས་དང་ལྡན་པར་གྱིས།  
\v 13 ཡང་རང་རང་གི་རྐང་པའི་དོན་དུ་ལམ་དྲང་པོར་བཟོས༌ཤིག དེ་ལྟར་བྱས་ན། རྐང་ལག་ཞ་བར་གྱུར་པ་གང་ཡིན་པ་ཚིགས་མི་བུད་པར་སོས་པར་འགྱུར༌རོ།།   
\s1 དཀོན་མཆོག་འདོར་མི་རུང་བའི་ཉེན་བརྡ།  
\p
\v 14 ཁྱོད་རྣམས་ཀྱིས་མི་ཐམས་ཅད་ལ་མཐུན་པོ་ཡོང་བ་དང་རང་ཉིད་དམ་པར་འགྱུར་བར་བསྙེག་དགོས༌ཏེ། དམ་པ་མིན་ན་གཙོ་བོ་ལ་མཇལ་ཐུབ་མཁན་གཅིག་ཀྱང་མེད༌དོ།།  
\v 15 ཡང་དཀོན་མཆོག་གི་ཐུགས་རྗེ་དང་མི་འབྲལ་བ་དང་། འཁོན་སེམས་དུག་གི་རྩ་བ་རྒྱས་ཏེ་ཁྱོད་རྣམས་དཀྲུགས་པ་བརྒྱུད་ནས་མི་མང་པོ་བཙོག་པར་མི་བྱེད་པའི་ཕྱིར་གཟབ་གཟབ་གྱིས་ཤིག  
\v 16 ལོག་གཡེམ་བྱེད་མཁན་དང་དད་གུས་མེད་པ་ཨེ་སཱབ་ལྟ་བུ་འབྱུང་བར་གཟབ་གཟབ་བྱེད་དགོས༌ཏེ། ཨེ་སཱབ་ཀྱིས་ཟས་ཐུན་གཅིག་གི་ཆེད་དུ་རང་ཉིད་ཀྱི་བུ་ཆེ་བའི་ཐོབ་ཐང་ཡང་བཙོངས་པ་ཡིན།  
\v 17 ཕྱིས་སུ་ཁོ་ལ་ཕ་ཡི་བྱིན་རླབས་འཐོབ་འདོད་ཀྱང་ཁོ་ནི་འདོར་བར་གྱུར་པ་དང་། མིག་ལས་མཆི་མ་བཞུར་གྱིན་ཞུ་བ་ཞུས་ཀྱང་ཕ་ཡི་བློ་ཁ་བསྒྱུར་བའི་ཐབས་མ་རྙེད་པ་ཁྱོད་རྣམས་ཀྱིས་ཤེས༌སོ།།   
\p
\v 18 ཁྱོད་ཅག་ནི་རེག་ཐུབ་པའི་རི་བོ་དེར་ཡོང་བ་མ་ཡིན༌ཏེ། རི་བོ་དེར་མེ་དཔུང་དང་། སྤྲིན་ནག མུན་ནག དྲག་རླུང་།  
\v 19 དུང་སྒྲ་དང་བཀའ་གསུང་བའི་སྒྲ་བཅས་ཡོད་པ་ཡིན་ལ། གསུང་སྐད་དེ་ཐོས་པ་རྣམས་ཀྱིས་ཁོ་རྣམས་ལ་གསུང་སྐད་ཅི་ཡང་མི་གནང་བར་ཞུ་བ་ཞུས་སོ།།  
\v 20 ཅིའི་ཕྱིར་ཞེ་ན། འདི་སྐད༌དུ། རི་བོ་དེའི་འདབས་ལ་རེག་མཁན་ནི་རི་དྭགས་ཡིན་ཡང་། རྡོ་རུབ་བཏང་ནས་གསོད་པར་བྱ་ཞེས་གསུངས་པའི་བཀའ་ནི་ཁོ་རྣམས་ཀྱིས་མ་བཟོད་པའི་ཕྱིར་རོ།།  
\v 21 མིག་གིས་མཐོང་བ་དེ་ནི་འཇིགས་སུ་རུང་བ་ཞིག་ཡིན་པས། དེ་ལ་མོ་ཤེ་ཡིས་འདི་སྐད་དུ། བདག་ནི་ཤིན་ཏུ་འཇིགས་ཤིང་སྐྲག་སྟེ་འདར་བར་གྱུར་ཞེས་གསུངས་སོ།།   
\p
\v 22 འོན་ཀྱང་། ཁྱོད་ཅག་ནི་རི་བོ་ཛ་ཡན་དང་རྟག་ཏུ་གསོན་པོར་བཞུགས་པའི་དཀོན་མཆོག་གི་གྲོང་ཁྱེར་ཏེ། ནམ་མཁའི་ཞིང་ཁམས་ཀྱི་ཡེ་རུ་སཱ་ལེམ་དུ་ཡོང་ངོ་།། གནས་དེ་རུ་ཕོ་ཉ་ཁྲི་ཕྲག་དུ་མ་ཡོད་ལ།  
\v 23 ནམ་མཁའི་ཞིང་ཁམས་སུ་མིང་ཐོ་བཀོད་ཡོད་པའི་བུ་སྐྱེས་འགོ་རྣམས་འདུས་པའི་ཆོས་ཚོགས་དང་། མི་ཐམས་ཅད་ལ་ཁྲིམས་ཐག་མཛད་མཁན་དཀོན་མཆོག་དང་། ཡོངས་སུ་རྫོགས་པར་མཛད་པའི་རྣམ་པར་དག་པ་རྣམས་ཀྱི་རྣམ་ཤེས་ཡོད་པར་མ༌ཟད།  
\v 24 ཞལ་ཆད་གསར་པའི་བར་མི་སྟེ་སྐྱབས་མགོན་ཡེ་ཤུ་དང་ཁོང་གིས་གཏོར་བའི་སྐུ་ཁྲག་ཀྱང་ཡོད༌ལ། སྐུ་ཁྲག་དེས་ཧ་བེལ་གྱི་ཁྲག་ལས་ཀྱང་ཡིད་དུ་འོང་བའི་བཀའ་གསུངས་སོ།།   
\p
\v 25 ཁྱོད་རྣམས་ཀྱིས་རྟག་ཏུ་གཟབ་གཟབ་བྱ་དགོས་ཏེ། ཁྱོད་རྣམས་ལ་བཀའ་གསུང་མཁན་དེ་ཉིད་འདོར་མི༌རུང་ངོ་།། འཇིག་རྟེན་དུ་མི་རྣམས་ལ་ཉེན་བརྡ་གཏོང་མཁན་དེ་ཉིད་དོར་བ་ཁོ་རྣམས་ཐར་མི་ནུས་ན། ནམ་མཁའི་ཞིང་ཁམས་ནས་བདག་ཅག་ལ་ཉེན་བརྡ་གཏོང་མཁན་དེ་ཉིད་དང་འགལ་བ་ཡིན་ན་སྨྲ་ཅི་དགོས།  
\v 26 དུས་དེར་ཁོང་གི་གསུང་སྐད་ཀྱིས་ས་གཞི་གཡོས་མོད། འོན་ཀྱང་ད་ལྟ་ཁོང་གིས་འདི་སྐད༌དུ་ཞལ་བཞེས་གནང་བ་སྟེ། ད་དུང་ཐེངས་གཅིག་ལ་བདག་གིས་ས་གཞི་གཡོ་ཞིང་ནམ་མཁའ་ཡང་གཡོ་བར་བྱའོ་ཞེས་གསུངས་པ་ཡིན།  
\v 27 ད་དུང་ཐེངས་གཅིག་ལ་ཞེས་པའི་གསུང་འདིས་གཡོ་མི་ནུས་པ་རྣམས་རྟག་ཏུ་གནས་པའི༌ཕྱིར། གཡོ་བར་འགྱུར་བའི་དངོས་པོ་བསྐྲུན་པ་དེ་དག་འདོར་བར་འགྱུར་བ་གསལ་པོར་བསྟན༌ཏོ།།   
\p
\v 28 དེའི༌ཕྱིར། བདག་ཅག་ལ་གཡོ་མི་ནུས་པའི་རྒྱལ་སྲིད་ཐོབ་པ་ཡིན་པས། བདག་ཅག་ནི་དྲིན་གཟོ་བའི་སེམས་དང་ལྡན་འོས་ཤིང༌། དཀོན་མཆོག་ཐུགས་དགྱེས་པ་བཞིན་དུ། དད་གུས་དང་འཚེར་སྣང་བཅས་ཁོང་ལ་ཞབས་ཏོག་བསྒྲུབ་འོས་སོ།།  
\v 29 ཅིའི་ཕྱིར་ཞེ་ན། བདག་ཅག་གི་དཀོན་མཆོག་ནི་ཡོངས་རྫོགས་རྩ་མེད་གཏོང་བའི་མེ་ཡིན་པའི་ཕྱིར་རོ།།   
\c 13
\cl ལེའུ་བཅུ་གསུམ༌པ། 
\toc1 ༄༅།།ཨིབ་རི་པ་རྣམས་ལ་སྤྲིངས་པའི་འཕྲིན་ཡིག 
\toc2 ཨིབ་རི་པ། 
\s1 མཇུག་མཐའི་གདམས༌པ།  
\p
\v 1 ཁྱོད་ཅག་གིས་རྟག་ཏུ་སྤུན་ཟླ་རྣམས་གཅེས་སུ་འཛིན་པའི་སེམས་བཅང༌དགོས་ཤིང་།  
\v 2 མགྲོན་པོར་སྣེ་ལེན་བྱ་རྒྱུ་བརྗེད་མི་རུང༌སྟེ། སྔོན་ཆད་མགྲོན་པོར་སྣེ་ལེན་བྱེད་མཁན་གྱིས་དེ་ལྟར་བྱས་ནས་མ་བསམ་ས་ནས་ཕོ་ཉ་རྣམས་ལའང་སྣེ་ལེན་བྱས་མྱོང་བའི་ཕྱིར་རོ།།  
\v 3 ཁྱོད་ཅག་གིས་བཙོན་དུ་བཅུག་ཡོད་པ་རྣམས་སེམས་སུ་གཟུང་འོས༌ཏེ། རང་ཉིད་ཀྱང་ཁོ་རྣམས་དང་ལྷན་དུ་བཙོན་ལ་བཅུག་ཡོད་པ་བཞིན་བྱེད༌པ་དང་། རང་ཉིད་ཀྱང་ཤ་གཟུགས་ཀྱི་ཕུང་བོའི་ནང་དུ་ཡོད་པས། མནར་གཅོད་མྱངས་པ་རྣམས་སེམས་སུ་གཟུང་འོས༌སོ།།   
\p
\v 4 མི་ཐམས་ཅད་ཀྱིས་གཉེན་སྒྲིག་ལ་བརྩི་མཐོང་བྱ་འོས་ཤིང་། བཟའ་ཟླའི་མལ་ཁྲི་ཡང་མི་གཙང་བར་བྱ་མི༌རུང་ངོ་།། རྒྱུ་མཚན་ནི་མི་ཚངས་སྤྱོད་པ་དང་ལོག་གཡེམ་བྱེད་མཁན་ལ་དཀོན་མཆོག་གིས་ཉེས་ཆད་གཅོད་པར་འགྱུར་བའི་ཕྱིར་ཡིན།  
\v 5 ཁྱོད་རྣམས་དངུལ་ལ་ཞེན་ཆགས་མི་རུང༌སྟེ། རང་ཉིད་ལ་གང་ཡོད་པ་དེར་ཡིད་ཚིམ་པར་བྱའོ། །ཅིའི་ཕྱིར་ཞེ་ན། དཀོན་མཆོག་གིས་འདི་སྐད༌དུ།  
\q1 བདག་གིས་རྒྱུན་དུ་ཁྱོད་རང་མི་འདོར་ཞིང༌།།  
\q1 ནམ་ཡང་ཁྱོད་རང་བསྐྱུར་བར་མི༌བྱེད་དོ།།  
\m ཞེས་གསུངས༌པའི་ཕྱིར་རོ།།  
\v 6 དེའི་ཕྱིར། བདག་ཅག་གིས་སྤོབས་པ་བསྐྱེད་ནས།  
\q1 གཙོ་བོ་ཁོང་ཉིད་བདག་གི་སྡོངས་གྲོགས་ཡིན།།  
\q1 བདག་ལ་འཇིགས་པའི་དོན༌ནི་ཡོད་མི་སྲིད།།  
\q1 འཇིག་རྟེན་མི་ཡིས་བདག་ལ་ཅི་ཞིག་བྱ།།  
\m ཞེས་སྨྲ་བར་ནུས༌སོ།།   
\p
\v 7 ཁྱོད་ཅག་གིས་སྔོན་ཆད་ཁྱོད་རྣམས་ལ་ཁྲིད་སྟོན་གནང་བ་སྟེ་དཀོན་མཆོག་གི་བཀའ་གསུང་མཁན་རྣམས་སེམས་སུ་གཟུང་དགོས༌ཤིང༌། དེ་དག་གི་སྤྱོད་ལམ་གྱི་འབྲས་བུར་ནན་གྱིས་བལྟས་ནས། ཁོ་ཚོའི་དད་སེམས་མིག་དཔེར་གཟུང་བར་བྱའོ།།  
\v 8 ཡེ་ཤུ་མཱ་ཤི་ཀ་ནི་ཁ་སང་དེ༌རིང༌དང་ཡུན་ནས་ཡུན་དུ་འགྱུར་བ་མེད་དོ།།   
\p
\v 9 ཁྱོད་རྣམས་ཚུལ་མིན་བསླབ་པ་སྣ་ཚོགས་ཀྱི་བསླུ་བྲིད་དབང་དུ་འགྲོ་བར་མི་བྱའོ། །ཅིའི་ཕྱིར་ཞེ་ན། མིའི་སེམས་ནི་ཐུགས་རྗེ་ལ་བརྟེན་ནས་བརྟན་པོར་གྱུར་ན་ལེགས་པ་ལས། བཟའ་བཏུང་ལ་བརྟེན་པ་མ་ཡིན་ཏེ། བཟའ་བཏུང་ཁོ་ནར་བློ་འཁོར་བ་རྣམས་ལ་ཕན་ཅི་ཡང་མ་ཐོགས་པའི་ཕྱིར་ཡིན།  
\v 10 བདག་ཅག་ལ་མཆོད་ཁྲི་ཞིག་ཡོད་ཅིང་གུར་མཆོག་གི་ཞབས་ཏོག་པ་རྣམས་ཀྱིས་དེ་ལས་བཟའ་མི་རུང་ངོ་།།   
\p
\v 11 མ་གཞི་མཆོད་དཔོན་ཆེན་པོས་གནས་དམ་མཆོག་ནང་དུ་ཕྱུགས་ཟོག་གི་ཁྲག་ཁྱེར་ནས་སྡིག་པའི་ཆེད་དུ་འབུལ་བ༌དང༌། ཕྱུགས་ཟོག་གི་བེམ་པོ་ནི་སྒར་སའི་ཕྱི་རོལ་ཏུ་མེར་བསྲེགས་པའོ།།  
\v 12 དེའི་ཕྱིར། སྐྱབས་མགོན་ཡེ་ཤུས་རང་ཉིད་ཀྱི་སྐུ་ཁྲག་གིས་འབངས་མི་དམ་པར་མཛད་པའི་ཆེད་དུ། ཁོང་གིས་ཀྱང་མཁར་སྒོའི་ཕྱི་རོལ་ཏུ་སྡུག་བསྔལ་མྱངས་པའོ།།  
\v 13 དེ་ལྟར་བདག་ཅག་སྒར་སའི་ཕྱི་རོལ་ཏུ་ཁོང་གི་དྲུང་ལ་སོང་སྟེ། ཁོང་གིས་མྱངས་པའི་བརྙས་བཅོས་དེ་ལྟ་བུ་ལ་བཟོད་བསྲན་བྱ་འོས༌ཤིང་།  
\v 14 བདག་ཅག་ལ་གནས་འདི་རུ་རྟག་གཏན་གྱི་གྲོང་ཁྱེར་ཞིག་མེད་ནའང་། མ་འོངས་འབྱུང་འགྱུར་གྱི་གྲོང་ཁྱེར་དེ་ཉིད་འཚོལ་བའོ།།   
\p
\v 15 དེའི་ཕྱིར། བདག་ཅག་གིས་སྐྱབས་མགོན་ཡེ་ཤུར་བརྟེན་ནས། དཀོན་མཆོག་ལ་རྟག་ཏུ་བསྟོད་བསྔགས་ཀྱི་མཆོད་པ་འབུལ་འོས༌ཤིང༌། དེ་ནི་ཁོང་གི་མཚན་ཁས་ལེན་མཁན་དག་གི་སྨྲ་སྒོའི་འབྲས་བུ་ཡིན༌ནོ།།  
\v 16 ལས་བཟང་པོ་བསྒྲུབ་པ་དང་ཕན་ཚུན་ལ་སྦྱིན་པ་གཏོང་བ་ནི་བརྗེད་པར་མི་བྱའོ།། ཅིའི་ཕྱིར་ཞེ་ན། དཀོན་མཆོག་མཆོད་པ་དེ་ལྟ་བུ་ལ་ཐུགས་དགྱེས་པའི་ཕྱིར་རོ།།   
\p
\v 17 ཁྱོད་ཅག་གིས་ཁྲིད་སྟོན་གནང་མཁན་གྱི་ངག་ལ་མཉན་པ་དང་ཁོང་རྣམས་ཀྱི་བཀའ་ལྟར་བསྒྲུབ་དགོས༌སོ།། ཅིའི་ཕྱིར་ཞེ་ན། ཁོང་རྣམས་ཀྱིས་རྟག་ཏུ་ཁྱོད་ཅག་གི་ཚེ་སྲོག་སྲུང་བ་དང༌། དེ་རྣམས་ནི་མ་འོངས་པའི་དུས་སུ་དཀོན་མཆོག་ལ་རྩིས་སྤྲོད་མཁན་ཡིན་པས། ཁྱོད་ཅག་གིས་ཁོང་རྣམས་ལ་སེམས་ཁྲལ་མེད་པར་དགའ་སྤྲོའི་ངང་ནས་བསྲུང་དུ་བཅུག་ན་འོས་སོ།། གལ་ཏེ། ཁོང་རྣམས་ལ་སེམས་ཁྲལ་ཡོད་ན་ཁྱོད་ཅག་ལ་ཕན་ཐོགས་མེད་པའི་ཕྱིར་རོ།།   
\p
\v 18 ངེད་ཅག་གིས་བསམ་པ་རྣམ་དག་མངའ་བའི་གདེང་ཚོད་དང་བཅས་ལས་ཐམས་ཅད་ཡང་དག་པའི་སྒོ་ནས་བསྒྲུབ་པར་འདོད་པས། ཁྱོད་རྣམས་ཀྱིས་ངེད་ཅག་གི་དོན་དུ་སྨོན་ལམ་འདེབས་པར་ཞུའོ།།  
\v 19 ང་རང་མྱུར་བ་མྱུར་བར་ཁྱོད་ཅག་གི་གམ་དུ་ཕྱིར་ཡོང་ཐུབ་པའི་ཆེད་དུ། ཁྱོད་རྣམས་ཀྱིས་བདག་གི་ཆེད་དུའང་ལྷག་ཏུ་སྨོན་ལམ་འདེབས་པར་ཞུའོ།།   
\p
\v 20 ཞི་བདེ་གནང་མཁན་དཀོན་མཆོག་སྟེ། རྟག་གཏན་ཞལ་ཆད་ཀྱི་ཁྲག་ལ་བརྟེན་ནས་ལུག་ཁྱུའི་རྫི་བོ་ཆེན༌པོ་སྟེ། བདག་ཅག་གི་གཙོ་བོ་ཡེ་ཤུ་གཤིན་པོ་རྣམས་ལས་ཕྱིར་འདྲེན་མཁན་དཀོན་མཆོག༌གིས།  
\v 21 ཁོང་གི་ཐུགས་དགོངས་བཞིན་དུ་བསྒྲུབ་པའི་ཕྱིར། ལས་བཟང་པོ་སྣ་ཚོགས་ཀྱི་ཆ་ནས་ཁྱོད་རྣམས་སྟ་གོན་མཛད་པ༌དང༌། ཡང་ཁོང་གི་སྤྱན་སྔར་ཐུགས་དགྱེས་རུང་བའི་དོན་རྣམས་ནི་ཡེ་ཤུ་མཱ་ཤི་ཀ་བརྒྱུད་ནས་ཁྱོད་ཅག་གི་སེམས་སུ་མཛད་པར༌སྨོན། ཁོང་ལ་ཇི་སྲིད་བར་དུ་བསྟོད་བསྔགས་བརྗོད་པར་སྨོན། ཨ༌མེན།   
\p
\v 22 སྤུན་ཟླ༌རྣམས། བདག་གིས་ཁྱོད་རྣམས་ལ་འཕྲིན་ཐུང་འདི་བྲིས་པ༌དང༌། ཁྱོད་རྣམས་ཀྱིས་བདག་གི་གདམས་པ་ཐེག་པར་སྐུལ་ལོ།།  
\v 23 ཁྱོད་རྣམས་ཀྱིས་བདག་ཅག་གི་སྤུན་ཟླ་ཐི་མོ་ཐེ་བཏང་ཟིན་པ་ཤེས་སྲིད་ལ། ཁོ་རང་མྱུར་དུ་ཡོང་བ་ཡིན་ན། ང་རང་ཡང་ཁོ་དང་ལྷན་དུ་ཁྱོད་ཅག་ལ་བལྟ་རུ་ཡོང་ངེས༌ཡིན།  
\v 24 ཁྱོད་ཅག་གིས་ཁྲིད་སྟོན་གནང་མཁན་དང་དད་ལྡན་དམ་པ་ཐམས་ཅད་ལ་འཚམས་འདྲི་ཞུ་བར་བྱའོ།། ཨི་ཏ་ལི་ཡུལ་ནས་ཡོང་བ་རྣམས་ཀྱིས་ཀྱང་ཁྱོད་ཅག་ལ་འཚམས་འདྲི༌ཞུའོ།།   
\p
\v 25 ཐུགས་རྗེ་ནི་རྟག་ཏུ་ཁྱོད་ཅག་ཐམས་ཅད་དང་མཉམ་དུ་གནས་པར༌སྨོན།། །།