\id GEN
\h བཀོད་པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\mt1 ༄༅།།འཇིག་རྟེན་ཁམས་བཀོད་པའི༌མདོ།  
\imt1 འཇིག་རྟེན་ཁམས་བཀོད་པའི་མདོ་ཞེས་བྱ་བའི་ངོ་སྤྲོད་མདོར༌བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi འཇིག་རྟེན་ཁམས་བཀོད་པ་ཞེས་བྱ་བའི་གཞུང་གི་ལེའུ་དང་པོའི་ཚིག་རྐང་དང་པོའི་དུམ་བུ་དང་པོ་ནི་ཨིབ་རི་པའི་གཞུང་གི་མ་ཕྱི་ནས་གསུངས་པ་ལྟར་ཐོག་མ་ཞེས་པའི་དོན་ཡིན། བཀོད་པའི་གཞུང་འདི་ནི་དོན་དག་མང་པོ་ཞིག་གི་ཐོག་མའི་སྐོར་ཡིན་པར་གསུངས་ཡོད་དེ། དཔེར་ན། འཇིག་རྟེན་ཁམས་ཀྱི་ཐོག་མ་དང་། སྐྱེས་ཕོ་མོ་གཉིས་ཀྱི་ཐོག་མ། མིའི་རིགས་ཀྱི་སྡིག་པ་ཐོག་མ། དཀོན་མཆོག་གི་ཐར་པའི་ཞལ་བཞེས་དང་དགོངས་གཞི་ཐོག་མ་སོགས་ཀྱི་སྐོར་ཡིན།  
\is1 ཡི་གེར་འགོད་མཁན་དང་འགོད་དུས།  
\ipi ཡ་ཧུ་དཱ་པ་དང་མཱ་ཤི་ཀ་པ་རྣམས་ཀྱིས་འཇིག་རྟེན་ཁམས་བཀོད་པའི་གཞུང་འདི་ཡི་གེར་འགོད་མཁན་ནི་མོ་ཤེ་ཡིན་པར་མོས་མཐུན་གནང་ཡོད་པར་མ་ཟད། ཞལ་ཆད་རྙིང་པའི་ནང་གི་ཐོག་མའི་པོད་ལྔ་པོ་ལ་མོ་ཤེའི་གླེགས་བམ་ལྔ་ཞེས་ཀྱང་འབོད།  
\ipi མོ་ཤེ་འཇིག་རྟེན་དུ་བཞུགས་པའི་དུས་རབས་དེའི་ལོ་རྒྱུས་ནི་རྒྱལ་རབས་དང་པོའི་ལེའུ་དྲུག་པའི་ཚིག་རྐང་དང་པོ་ལ་ཁུངས་གཏུགས་ན། རྒྱལ་པོ་སོ་ལོ་མོན་གྱིས་ཡེས་ར་ཨེལ་ལ་སྲིད་བསྐྱངས་པའི་ལོ་བཞི་པ་སྟེ། ཡེས་ར་ཨེལ་གྱི་མི་རྣམས་ཨེ་ཅིབ་ཡུལ་ནས་ཕྱིར་ཐོན་ནས་ལོ་བཞི་བརྒྱ་བརྒྱད་ཅུ་ལོན་པའི་རྗེས་ཡིན། དེ་ཡང་རྒྱལ་པོ་སོ་ལོ་མོན་གྱིས་སྲིད་བསྐྱངས་པའི་ལོ་བཞི་པ་ནི་སྤྱི་ལོ་སྔོན་གྱི་966ལོའི་ཡས་མས་ཡིན་པས། ཨེ་ཅིབ་ནས་ཐོན་པའི་དོན་རྐྱེན་དེ་སྤྱི་ལོ་སྔོན་གྱི་1446ལོའི་ཡས་མས་སུ་བྱུང་བ་ཐག་གིས་ཆོད། ཡང་ཡེས་ར་ཨེལ་པ་རྣམས་ཨེ་ཅིབ་ཡུལ་ནས་ཐོན་རྗེས་དབེན་སྟོང་དུ་ལོ་བཞི་བཅུའི་རིང་ལ་འཁྱམས་པ་དང་། དེ་ནི་སྤྱི་ལོ་སྔོན་གྱི་1446ལོ་ནས་1406ལོའི་བར་ཙམ་ཡིན། དུས་དེ་ནི་མོ་ཤེ་ཡིས་འཇིག་རྟེན་ཁམས་བཀོད་པའི་གཞུང་འདི་ཡི་གེར་བཀོད་པའི་ལོ་ཚིགས་ཡིན་པར་བཤད།  
\is1 བརྗོད་སྙིང་དང་གསུང་འཕྲིན།  
\ipi འཇིག་རྟེན་ཁམས་བཀོད་པ་ཞེས་བྱ་བའི་གཞུང་འདིའི་ནང་གི་གསུང་འཕྲིན་ནི་དོན་ཟབ་ཅིང་ཕུན་སུམ་ཚོགས་པ་ཞིག་ཡིན་མོད། འོན་ཀྱང་གཙོ་ཆེ་ཤོས་ནི་དཀོན་མཆོག་དང་རང་བྱུང་ཁམས་བར་གྱི་འབྲེལ་བ་དང་། དཀོན་མཆོག་དང་མིའི་རིགས་བར་གྱི་འབྲེལ་བ། མི་དང་མིའི་བར་གྱི་འབྲེལ་བ་བཅས་བརྗོད་པའི་འབྲེལ་བའི་སྐོར་ཡིན། གཞུང་འདི་ལས་བདེན་པའི་དཀོན་མཆོག་གཅིག་པུ་ནི་འཇིག་རྟེན་སྣོད་བཅུད་མ་ལུས་པ་སྟེ། བྱ་དངོས་བཟང་ངན་ཇི་སྙེད་ཀུན་གྱི་བདག་པོ་ཡིན་པ་ནན་གྱིས་བརྗོད་ཡོད་པར་མ་ཟད། དཀོན་མཆོག་གིས་རང་ལ་བདམས་པའི་མི་རྣམས་ལ་བཞག་པའི་ཞལ་ཆད་དང་། ཁོང་གི་བྱམས་བརྩེ་དང་ཡིད་རྟོན་རུང་བའི་ཞལ་བཞེས་ཀྱི་ནང་དུ་ཇི་ལྟར་འཇུག་པའི་ལམ་ང་ཚོ་ལ་ངོ་སྤྲོད་གནང་ཡོད།  
\is1 འཆར༌ཟིན།  
\ipi 1. བྱུང་བ་ཆེན་པོ་བཞིའི་བསྐལ་པ་ཡ་ཐོག་གི་ལོ་རྒྱུས། ༼1:1-11:32༽  
\ipi ཀ འཇིག་རྟེན་ཁམས་དང་། མིའི་རིགས་ཀྱི་ཐོག་མ་ཨ་དམ་དང་ཧ་ཝཱ་གཉིས་ཀྱི་ལོ་རྒྱུས། ༼1:1-2:25༽  
\ipi ཁ། མིའི་རིགས་སྡིག་པའི་ནང་དུ་ལྷུང་བ་དང་དེའི་མཇུག་འབྲས། ༼3:1-5:32༽  
\ipi ག ཆུ་ལོག་ཆེན་པོ། ༼6:1-9:29༽  
\ipi ང༌། མི་རིགས་རྣམས་སོ་སོར་བཀར་བའི་ལོ༌རྒྱུས། ༼10:1-11:32༽  
\ipi 2. ཡ་ཧུ་དཱའི་མེས་པོ་རྣམས་ཀྱི་མི་སྣ་རླབས་ཆེན་བཞིའི་ལོ་རྒྱུས། ༼12:1-50:26༽  
\ipi ཀ ཨབ་ར་ཧམ་གྱི་སྐོར། ༼12:1-20:18༽  
\ipi ཁ། ཨི་སཱག་གི་སྐོར། ༼21:1-26:35༽  
\ipi ག ཡ་ཀོབ་ཀྱི་སྐོར། ༼27:1-37:1༽  
\ipi ང༌། ཡོ་སེབ་ཀྱི་སྐོར། ༼37:2-50:26༽  
\c 1
\cl ལེའུ་དང༌པོ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 དཀོན་མཆོག་གིས་འཇིག་རྟེན་ཁམས་བཀོད༌པ།  
\p
\v 1 ཐོག་མར་དཀོན་མཆོག་གིས་ནམ་མཁའ་དང་ས་གཞི་\f + \ft ནམ་མཁའ་དང་ས་གཞི་ཞེས་པ་འདི་ནི་གནའ་བོའི་ཡ་ཧུ་དཱ་མི་རིགས་ཀྱི་ཡི་གེར་བཀོད་པའི་དམ་པའི་གསུང་རབ་ཀྱི་མ་ཕྱིའི་གོ་དོན་ལྟར༌ན། རང་ཅག་རྣམས་འཚོ་ཞིང་གནས་པའི་འཇིག་རྟེན་འདི་དང་དེ་ལས་གཞན་པའི་འཇིག་རྟེན་ཁམས་རྣམས་ཀྱང་འདུ་བར༌གསུངས། \f*གསར་དུ་བཀོད་པ་ལགས༌སོ།།  
\v 2 ས་གཞི་ནི་སྟོངས་ཤིང་གོ་རིམ་མེད་པ་དང་མཚོ་ཆེན་པོའི་ངོས་སུ་མུན་ནག་གིས་ཁེབས༌ཤིང༌། དཀོན་མཆོག་གི་ཐུགས་ཉིད་མཚོའི་ངོས་སུ་ཕར་ཚུར༌རྒྱུའོ།།  
\v 3 དེ་ནས་དཀོན་མཆོག་གིས་འདི་སྐད༌དུ། འོད་ཡོད་པར་གྱུར་ཅིག་ཅེས་གསུངས་པ་དང་འོད་བྱུང༌ངོ༌།།  
\v 4 ཁོང་གིས་འོད་ནི་ལེགས་པར་དགོངས་ཏེ་འོད་དང་མུན་པའི་དབྱེ་བ༌ཕྱེས་སོ།།  
\v 5 ཁོང་གིས་འོད་ལ་ཉིན་མོ་ཞེས་བཏགས་པ༌དང༌། མུན་པར་མཚན་མོ་ཞེས་མིང་བཏགས༌སོ། །དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་དང༌པོའོ།། \f + \ft འདིར་ཉིན་མཚན་དང་པོ་ཞེས་པར་མ་ཕྱི་ལས་ཉིན་མཚན་གཅིག་ཅེས་མཐོང་།\f*   
\p
\v 6 དེ་ནས་ཡང་དཀོན་མཆོག་གིས་འདི་སྐད༌དུ། ཆུའི་བར་དུ་དབྱིངས་དང་ལྡན་པར་གྱུར་ནས་ཆུ་དང་ཆུའི་བར་མཚམས་ཕྱེས་ཤིག་ཅེས་གསུངས་པ༌དང༌།  
\v 7 ཁོང་གིས་དབྱིངས་མཛད༌དེ། དབྱིངས་ཀྱི་གོང་དུ་ཡོད་པའི་ཆུ་དང་དབྱིངས་ཀྱི་འོག་ཏུ་ཡོད་པའི་ཆུ་གཉིས་སོ་སོར་ཕྱེས་ནས་དེ་བཞིན་དུ་བྱུང༌ངོ༌།།  
\v 8 དཀོན་མཆོག་གིས་དབྱིངས་ཀྱི་མིང་ལ་ནམ་མཁའ་ཞེས་བཏགས༌སོ། །དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་གཉིས༌པའོ།།   
\p
\v 9 དེ་ནས་ཡང་དཀོན་མཆོག་གིས་འདི་སྐད༌དུ། ནམ་མཁའི་འོག་ཏུ་ཡོད་པའི་ཆུ་རྣམས་གནས་གཅིག་ཏུ་འདུས་ཏེ་སྐམ་ས་མངོན་པར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།།  
\v 10 དཀོན་མཆོག་གིས་སྐམ་སའི་མིང་ལ་ས་གཞི་ཞེས་བཏགས་པ༌དང༌། ཆུ་རྣམས་ལྷན་དུ་འདུས་པ་ལ་རྒྱ་མཚོ་ཞེས་མིང་བཏགས༌ཤིང༌། ཁོང་གིས་དེ་ནི་ལེགས་པར་དགོངས༌སོ།།  
\v 11 ཡང་དཀོན་མཆོག་གིས་འདི་སྐད༌དུ། ས་ལས་སྔོ་རིགས༌ཏེ། ས་བོན་བསྐྱེད་པའི་སྔོ་ཚལ༌དང༌། ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་རང་རང་གི་རིགས་བཞིན་དུ་སྐྱེ་བར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།།  
\v 12 དེ་ནས་ས་ལས་སྔོ་རིགས༌ཏེ། རང་རང་གི་རིགས་བཞིན་དུ་ས་བོན་བསྐྱེད་པའི་སྔོ་ཚལ༌དང༌། ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་རང་རང་གི་རིགས་བཞིན་དུ་སྐྱེས་པར་གྱུར༌ཏོ། །ཁོང་གིས་དེ་ནི་ལེགས་པར་དགོངས༌སོ།།  
\v 13 དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་གསུམ༌པའོ།།   
\p
\v 14 དེ་ནས་ཡང་དཀོན་མཆོག་གིས་འདི་སྐད༌དུ། ཉིན་མོ་དང་མཚན་མོ་འབྱེད་པའི་ཕྱིར་ནམ་མཁའི་དབྱིངས་སུ་འོད་ཀྱི་ཕུང་པོ་རྣམས་ཡོད་པར་གྱུར༌ཅིག དེ་ནི་དུས་ཚིགས༌དང༌། ཉིན༌མོ། ལོ་ཟླའི་རྟགས་སུ་འགྱུར་བ༌དང༌།  
\v 15 ནམ་མཁའི་དབྱིངས་སུ་འོད་འཕྲོ་བ་དང་ས་ལ་འོད་སྣང་བའི་ཕྱིར་རོ་ཞེས་གསུངས་པ་དང་དེ་བཞིན་དུ་བྱུང༌ངོ༌།།  
\v 16 དེ་ནས་ཁོང་གིས་འོད་ཆེན་པོ་གཉིས་མཛད༌ཅིང༌། དེ་ནི་འོད་ཆེན་པོས་ཉིན་མོ་ལ་དབང་བྱེད་པ༌དང༌། འོད་ཆུང་བས་མཚན་མོ་ལ་དབང་བྱེད་པའི་ཕྱིར་ཡིན༌ཞིང༌། ཡང་སྐར་མ་རྣམས་ཀྱང་མཛད༌དོ།།  
\v 17 ཁོང་གིས་འོད་དེ་གཉིས་ནམ་མཁའི་དབྱིངས་སུ་བཤམས་པར་མཛད༌དོ། །ཅིའི་ཕྱིར་ཞེ༌ན། དེ་གཉིས་ས་གཞི་ལ་སྣང་བར་བྱེད་པ༌དང༌།  
\v 18 ཉིན་དང་མཚན་ལའང་དབང་བྱེད་པར་འགྱུར་བ༌དང༌། འོད་དང་མུན་པ་འབྱེད་པའི་ཕྱིར༌རོ། །ཁོང་གིས་དེ་ནི་ལེགས་པར་དགོངས༌སོ།།  
\v 19 དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་བཞི༌པའོ།།   
\p
\v 20 དེ་ནས་ཡང་དཀོན་མཆོག་གིས་འདི་སྐད༌དུ། ཆུའི་ནང་དུ་སྲོག་དང་ལྡན་པའི་སེམས་ཅན་ཧ་ཅང་མང་དུ་འབྱུང་བ༌དང༌། འདབ་ཆགས་རྣམས་ས་སྟེང་གི་བར་སྣང་དུ་ཕུར་ཅིག་ཅེས་གསུངས༌ཏེ།  
\v 21 ཁོང་གིས་ཆུ་ལ་གནས་པའི་སྲོག་ལྡན་ཆེན་པོ༌དང༌། ཆུའི་ནང་དུ་བྱུང་བའི་སྲོག༌ལྡན། འདབ་ཆགས་རྣམས་ཀྱང་རང་རང་གི་རིགས་བཞིན་དུ་བཀོད་པར་མཛད་ཅིང་ཁོང་གིས་དེ་ནི་ལེགས་པར་དགོངས༌སོ།།  
\v 22 ཡང་དཀོན་མཆོག་གིས་དེ་དག་ལ་བྱིན་གྱིས་བརླབས་ཏེ་འདི་སྐད༌དུ། རྒྱུད་དང་ལྡན་པར་གྱུར་ནས་མང་དུ་སྤེལ་ཏེ་རྒྱ་མཚོའི་ཆུ་ལ་གང་བར་གྱིས༌དང༌། འདབ་ཆགས་རྣམས་ཀྱང་ས་ལ་འཕེལ་བར་གྱུར་ཅིག་ཅེས་གསུངས༌སོ།།  
\v 23 དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་ལྔ༌པའོ།།   
\p
\v 24 དེ་ནས་ཡང་དཀོན་མཆོག་གིས་འདི་སྐད༌དུ། ས་གཞིའི་སྟེང་དུ་རང་རང་གི་རིགས་བཞིན་དུ་སྲོག་ལྡན་ཏེ་ཕྱུགས་ཟོག༌དང༌། ལྟོ་འགྲོ་དང་འབུ༌སྲིན། རི་དྭགས་རྣམས་སྐྱེ་བར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།།  
\v 25 དཀོན་མཆོག་གིས་རི་དྭགས༌དང༌། ཕྱུགས༌ཟོག ས་སྟེང་གི་ལྟོ་འགྲོ་དང་འབུ་སྲིན་ཐམས་ཅད་རང་རང་གི་རིགས་བཞིན་དུ་བཀོད་པར་མཛད༌ཅིང༌། དཀོན་མཆོག་གིས་དེ་ནི་ལེགས་པར་དགོངས༌སོ།།   
\p
\v 26 དེ་ནས་ཡང་དཀོན་མཆོག་གིས་འདི་སྐད༌དུ། ངེད་ཅག་ \f + \ft མ་ཕྱི་ལས་ངེད་ཅག་ཅེས་བྲིས་ཡོད་ཀྱང་དོན་ལ་དཀོན་མཆོག་ཁོ་ན་བསྟན༌ཏེ། ཁོང་ནི་རང་བཞིན་ཐུགས་ཉིད་ཡིན་ཞིང་ཐོག་མཐའ་མེད་པ་དང་བདེན་པའི་དཀོན་མཆོག་ཉིད༌ཡིན། དཀོན་མཆོག་གི་ངོ་བོ་གཅིག་ལ་རང་གཤིས་གསུམ་ཡོད༌ཅིང། དེ་དག་ནི་ཡབ་དཀོན་མཆོག༌དང༌། སྲས་དཀོན༌མཆོག དམ་པའི་ཐུགས་ཉིད་དཀོན་མཆོག་བཅས༌ཡིན་ལ། རང་གཤིས་གསུམ་པོ་ལྷན་གཅིག་ཏུ་བསྡུས་ན་དཀོན་མཆོག་གི་ངོ་བོ་ནི་གཅིག༌ཡིན། \f*གིས་རང་གི་སྣང་བརྙན༌ལྟར། ངེད་ཅག་དང་མཚུངས་པའི་མིའི་རིགས་བསྐྲུན་པར༌བྱའོ། །དེ་དག་གིས་རྒྱ་མཚོའི་ཉ་རྣམས༌དང༌། ནམ་མཁའི༌བྱ། ཕྱུགས༌ཟོག ས་གཞི༌ཡོངས། ས་སྟེང་གི་ལྟོ་འགྲོ་དང་འབུ་སྲིན་ཐམས་ཅད་ལ་དབང་བྱེད་པར་གྱུར་ཅིག་ཅེས་གསུངས༌སོ།།  
\v 27 དཀོན་མཆོག་གིས་རང་གི་སྣང་བརྙན་ལྟར་མིའི་རིགས་བསྐྲུན་པར་མཛད༌ཅིང༌། དེ་ནི་དཀོན་མཆོག་ཉིད་ཀྱི་སྣང་བརྙན་བཞིན་ཕོ་མོ་གཉིས་སུ་མཛད༌དོ།།  
\v 28 དཀོན་མཆོག་གིས་དེ་གཉིས་ལ་བྱིན་གྱིས་བརླབས་ཏེ་འདི་སྐད༌དུ། ཁྱོད་རྣམས་རྒྱུད་དང་ལྡན་པར་གྱུར་ནས་མང་དུ་སྤེལ་ཏེ་ས་གཞིར་གང་བར་བྱོས༌ཤིག ཡང་ས་གཞིར་དབང་བསྒྱུར་བ་དང་རྒྱ་མཚོའི་ཉ༌དང༌། ནམ་མཁའི༌བྱ། ས་ཐོག་ཏུ་རྒྱུ་བའི་སྲོག་ཆགས་ཀུན་ལའང་དབང་བྱེད་པར་གྱིས་ཞེས་གསུངས༌སོ།།  
\v 29 དེ་ནས་ཡང་དཀོན་མཆོག་གིས་འདི་སྐད༌དུ། ལྟོས༌དང༌། བདག་གིས་ས་སྟེང་དུ་ས་བོན་བསྐྱེད་པའི་སྔོ་ཚལ་དང་ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་ཁྱོད་ཅག་ལ་ཟས་སུ་སྦྱིན་པ་ཡིན༌ནོ།།  
\v 30 ཡང་ས་སྟེང་གི་དུད་འགྲོ་ཐམས་ཅད༌དང༌། ནམ་མཁའི་བྱ་མཐའ་དག༌དང༌། ས་ཐོག་ཏུ་རྒྱུ་བའི་སྲོག་ལྡན་ཡོངས་ལ་སྔོ་རིགས་ཟས་སུ་སྦྱིན་ནོ་ཞེས་གསུངས་པ་དང་དེ་བཞིན་དུ་བྱུང༌ངོ༌།།  
\v 31 དེ་ནས་དཀོན་མཆོག་གིས་རང་ཉིད་ཀྱིས་ཇི་བཞིན་མཛད་པ་ཐམས་ཅད་ལ་གཟིགས་ཤིང་དེ་ནི་ཤིན་ཏུ་ལེགས་པར་དགོངས༌སོ། །དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་དྲུག༌པའོ།།   
\c 2
\cl ལེའུ་གཉིས༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\p
\v 1 དེ་ལྟར་ནམ་མཁའ་དང་ས་གཞི་དང་དངོས་པོ་ཐམས་ཅད་ལེགས་པར་བཀོད༌ཅིང༌།  
\v 2 ཉིན་བདུན་པའི་སྔོན་དུ་དཀོན་མཆོག་གིས་མཛད་པའི་འཕྲིན་ལས་ཐམས་ཅད་ལེགས་པར་གྲུབ་པ་དང་ཉིན་བདུན་པ་ལ་ངལ་གསོ་མཛད༌དོ།།  
\v 3 དཀོན་མཆོག་གིས་ཉིན་བདུན་པ་ལ་བྱིན་གྱིས་བརླབས་ཤིང་ཉིན་དེ་ནི་དམ་པར་མཛད་པ༌སྟེ། རྒྱུ་མཚན་ནི་ཉིན་དེར་ཁོང་གིས་བཀོད་པའི་འཕྲིན་ལས་ཐམས་ཅད་འགྲུབ་པར་མཛད་ནས་ངལ་གསོ་གནང་བའི་ཕྱིར༌རོ།།   
\s1 འཇིག་རྟེན་གྱི་མི་ཐོག་མ་ཇི་ལྟར་བཀོད༌ཚུལ།  
\p
\v 4 དེ་ཡང་ནམ་མཁའ་དང་ས་གཞི་བཀོད་པའི་ལོ་རྒྱུས་ནི་འདི་ལྟ༌སྟེ། དཀོན་མཆོག་ཡ་ཝཱེས་ \f + \ft ཡ་ཝཱེ་ཞེས་པ་ནི་དཀོན་མཆོག་གི་མཚན་ཏེ་རྟག་ཏུ་བཞུགས་པ་དང་ཐོག་མཐའ་མེད་པའི་དཀོན་མཆོག་དེ་ཉིད༌ཡིན།\f*ནམ་མཁའ་དང་ས་གཞི་བཀོད་པའི་དུས༌ལ།  
\v 5 ས་རྒོད་སྟེང་དུ་སྡོང་ཕྲན་མེད་ལ་ཞིང་ཁར་སྔོ་ཚལ་ཡང་སྐྱེ་མེད༌དེ། དཀོན་མཆོག་ཡ་ཝཱེས་ད་དུང་ས་ལ་ཆར་བ་འབབ་པར་མ་མཛད༌ཅིང༌། ཞིང་འདེབས་མཁན་ཡང་མེད༌དོ།།  
\v 6 འོན་ཀྱང་ས་ནས་རླངས་པ་འཕྱུར་ཏེ་ས་གཞི་ཡོངས་སུ་བརླན་པར་བྱས༌སོ།།  
\v 7 དཀོན་མཆོག་ཡ་ཝཱེས་ས་རྡུལ་གྱིས་སྐྱེས་པ་ཞིག་བཟོས་པ༌དང༌། དེའི་སྣ་ཁུང་ལ་ཚེ་སྲོག་གི་ཞལ་ཕུ་བརྒྱབ་ནས་སྲོག་དང་ལྡན་པའི་མི་ཞིག་ཏུ་འགྱུར་བར་མཛད༌དོ།།   
\p
\v 8 དེ་ནས་དཀོན་མཆོག་ཡ་ཝཱེས་ཤར་ཕྱོགས་ཀྱི་ཨེ་དེན་ཡུལ་དུ་ལྡུམ་ར་ཞིག་བསྐྲུན་ཅིང་ཁོང་གིས་བཟོས་པའི་སྐྱེས་པ་དེའང་ཡུལ་དེར་བསྐྱལ༌ཏོ།།  
\v 9 དཀོན་མཆོག་ཡ་ཝཱེས་ས་ནས་ལྗོན་ཤིང་སྣ་ཚོགས་སྐྱེ་རུ་བཅུག་ཅིང་དེ་དག་ནི་ལྟ་ན་སྡུག་པ་དང་དེ་དག་གི་ཤིང་ཏོག་ཟོས་ན་ཞིམ་མངར་ལྡན་པར་མཛད༌ཅིང༌། ལྡུམ་རའི་དཀྱིལ་དུ་ཚེ་སྲོག་གི་ལྗོན་ཤིང་དང་བཟང་ངན་རྟོགས་པའི་ལྗོན་ཤིང་ཡང་ཡོད་པ་ཡིན༌ནོ།།  
\v 10 དེ་ཡང་ཨེ་དེན་ཡུལ་ནས་ཆུ་བོ་ཞིག་བཞུར་འོངས་ཏེ་ལྡུམ་ར་བརླན་པར་བྱས་པ༌དང༌། གནས་དེར་ཆུ་བོ་བཞི་རུ་གྱེས༌ཤིང༌།  
\v 11 ཆུ་བོ་དང་པོའི་མིང་ལ་ཕི་ཤོན་ཟེར་བ༌དང༌། དེ་ནི་ཧ་བེ་ལཱའི་ཡུལ་ཐམས་ཅད་བརྒྱུད་ནས་བཞུར་བ་དང་ཡུལ་དེ་རུ་གསེར་ཡང་ཡོད༌ཅིང༌།  
\v 12 ཡུལ་དེའི་གསེར་ནི་ཤིན་ཏུ་ལེགས༌སོ། །ཡུལ་དེ་རུ་པེ་དེལ་ཡོན་ཞེས་པའི་ཐང་ཆུ་དང་རིན་པོ་ཆེ་གཟིའང་ཡོད༌དོ།།  
\v 13 ཆུ་བོ་གཉིས་པའི་མིང་ལ་གེ་ཧོན་ཟེར་བ་དང་དེ་ནི་གུ་ཤའི་ཡུལ་ཐམས་ཅད་བརྒྱུད་ནས་བཞུར༌རོ།།  
\v 14 ཆུ་བོ་གསུམ་པའི་མིང་ལ་ཧི་དཱི་ཀེལ་ཟེར་ཞིང་ཨ་སུར་ཡུལ་གྱི་ཤར་ཕྱོགས་སུ་བཞུར༌རོ། །ཆུ་བོ་བཞི་པའི་མིང་ལ་ཕི་རཱད་ཅེས་ཟེར༌རོ།།   
\p
\v 15 དེ་ནས་དཀོན་མཆོག་ཡ་ཝཱེས་སྐྱེས་པ་དེ་ཨེ་དེན་ལྡུམ་རར་བསྐྱལ་ནས་བདག་གཉེར་བྱེད་མཁན་དུ་བསྐོས༌སོ།།  
\v 16 ཁོང་གིས་སྐྱེས་པ་དེ་ལ་འདི་སྐད༌དུ། ལྡུམ་ར་ནང་གི་ལྗོན་ཤིང་སྣ་ཚོགས་ཀྱི་ཤིང་ཏོག་ཟས་སུ་སྤྱོད་རུང༌མོད།  
\v 17 འོན་ཀྱང་བཟང་ངན་རྟོགས་པའི་ལྗོན་ཤིང་དེའི་ཤིང་ཏོག་བཟའ་མི༌རུང༌། ཅིའི་ཕྱིར་ཞེ༌ན། ཁྱོད་ཀྱིས་དུས་ནམ་ཞིག་ལ་ཟོས་པར་གྱུར་ན་འཆི་བར་འགྱུར་བའི་ཕྱིར་ཡིན་ཞེས་བཀའ་གནང༌ངོ༌།།   
\p
\v 18 དེ་ནས་ཡང་དཀོན་མཆོག་ཡ་ཝཱེས་འདི་སྐད༌དུ། སྐྱེས་པ་དེ་གཅིག་པུ་བསྡད་ན་མི་ལེགས༌ཏེ། བདག་གིས་ཁོ་ལ་འཚམ་པའི་ལས་གྲོགས་ཤིག་བཟོ་བར་བྱ་ཞེས་གསུངས༌སོ།།  
\v 19 དེ་ནས་དཀོན་མཆོག་ཡ་ཝཱེས་ས་སྟེང་གི་དུད་འགྲོ་དང་ནམ་མཁའི་བྱ་ཐམས་ཅད་ས་ལས་བཟོས་པ་དང་སྐྱེས་པ་དེའི་མདུན་དུ་ཁྲིད་ཡོང༌སྟེ། ཁོས་དེ་དག་ལ་མིང་ཅི་གདགས་པར་གཟིགས༌སོ། །སྐྱེས་པ་དེས་སེམས་ཅན་རྣམས་ལ་མིང་གང་ཞིག་བཏགས་པ་བཞིན་སེམས་ཅན་མཐའ་དག་ལ་མིང་ཡོད་པར༌གྱུར།  
\v 20 སྐྱེས་པ་དེས་ཕྱུགས་ཟོག་ཐམས་ཅད༌དང༌། ནམ་མཁའི་བྱ༌དང༌། ས་སྟེང་གི་དུད་འགྲོ་རེ་རེ་བཞིན་དུ་མིང་བཏགས༌ཀྱང༌། ཨ་དམ་ \f + \ft འདིར་ཨ་དམ་ཞེས་པ་ནི་གོང་དུ་བརྗོད་པའི་སྐྱེས་པ་དེ་ཞེས་པར་གོ༌དགོས།\f*གྱིས་རང་ལ་འོས་པའི་ལས་གྲོགས་ཤིག་རྩ་བ་ནས་མ་མཐོང༌ངོ༌།།  
\v 21 དེ་ནས་དཀོན་མཆོག་ཡ་ཝཱེས་ཨ་དམ་གཉིད་ལྕི་མོ་ཁུགས་སུ་བཅུག་པ༌དང༌། ཁོང་གིས་ཨ་དམ་གྱི་རྩིབ་རུས་གཅིག་བླངས་ཤིང་རྨ་ཤུལ་ཤ་ཡིས་སྦྱར་བར་མཛད༌དོ།།  
\v 22 དེར་དཀོན་མཆོག་ཡ་ཝཱེས་སྐྱེས་པ་དེའི་རྩིབ་མ་ལས་བུད་མེད་ཅིག་མཛད་དེ་ཁོའི་གམ་དུ་ཁྲིད་པ༌ལ།  
\v 23 ཁོས་འདི་ལྟར་སྨྲས༌པ།  
\q1 འདི་ནི་རུས་པ་ལས་བྱུང་རུས་པ༌དང༌།།  
\q1 བདག་གི་ཤ་ལས་བྱུང་བའི་ཤ་ཡིན༌ནོ།།  
\q1 ཁོ་མོའི་མིང་ལ་སྐྱེས་མ་འདོགས་པར༌བྱ།།  
\q1 དེ་ནི་སྐྱེས་པའི་ལུས་ནས་བྱུང་ཕྱིར༌རོ། །ཞེས༌པའོ།།   
\p
\v 24 དེ་བས་སྐྱེས་པ་ནི་རང་གི་ཕ་མ་དང་ཁ་བྲལ་ནས་རང་གི་ཆུང་མར་འབྲེལ་ཏེ་ཁོ་གཉིས་ལུས་པོ་གཅིག་ཏུ་འགྱུར༌རོ།།  
\v 25 དུས་དེར་ཁྱོ་ཤུག་གཉིས་ལུས་པོ་གཅེར་བུ་ཡིན་ཡང་ངོ་གནོང་བ་མེད༌དོ།།   
\c 3
\cl ལེའུ་གསུམ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 མེས་པོར་སྡིག་པ་བྱུང༌ཚུལ།  
\p
\v 1 དེ་ཡང་དཀོན་མཆོག་ཡ་ཝཱེས་མཛད་པའི་སྦྲུལ་\f + \ft སྦྲུལ་ཞེས་པ་ནི་བདུད་སཱ་ཏན་ཞེས་པ་དེ་སྦྲུལ་གྱི་གཟུགས་སུ་སྤྲུལ་ནས་མི་ལ་ངན་སྐུལ་བྱེད་དུ་འོངས་པར༌གསུངས།\f*ནི་ས་སྟེང་གི་སེམས་ཅན་ཐམས་ཅད་ལས་ཆེས་གཡོ་སྒྱུ་ཆེ་བ་ཞིག་ཡིན༌པས། སྦྲུལ་གྱིས་བུད་མེད་དེ་ལ་འདི་ལྟར་དྲིས༌པ། དཀོན་མཆོག་གིས་ལྡུམ་ར་ནང་གི་ལྗོན་ཤིང་ཐམས་ཅད་ཀྱི་ཤིང་ཏོག་བཟའ་མི་རུང་ཞེས་དངོས་གནས་བཀའ་གནང་ངམ་ཞེས་པ༌ལ།  
\v 2 བུད་མེད་ན༌རེ། ངེད་གཉིས་ཀྱིས་ལྡུམ་ར་ནང་གི་ལྗོན་ཤིང་གི་ཤིང་ཏོག་བཟའ་རུང༌མོད།  
\v 3 འོན་ཀྱང་ལྡུམ་རའི་དཀྱིལ་དུ་ཡོད་པའི་ལྗོན་ཤིང་དེའི་ཤིང་ཏོག་བཟའ་མི་རུང༌སྟེ། དཀོན་མཆོག་གིས་དེ་ནི་བཟའ་མི་རུང་ལ་རེག་ཀྱང་མི༌རུང༌། གལ་ཏེ་ཟོས་ན་འཆི་བར་འགྱུར་ཞེས་བཀའ་གནང་བའི་ཕྱིར་ཡིན་ཞེས་སྨྲས༌སོ།།  
\v 4 ཡང་སྦྲུལ་ན༌རེ། ཁྱོད་ནི་ཅིས་ཀྱང་འཆི་མི་སྲིད༌དེ།  
\v 5 ཁྱོད་ཀྱིས་དེ་ཉིད་ཟོས་པ་ཙམ་གྱིས་མིག་ཟུང་གསལ་པོར་གྱུར༌ཏེ། དཀོན་མཆོག་དང་འདྲ་བར་གྱུར་ནས་བཟང་ངན་ཤེས་པར་འགྱུར་བ་དཀོན་མཆོག་གིས་མཁྱེན་པ་ཡིན་ཞེས་སྨྲས༌སོ།།  
\v 6 དེ་ནས་བུད་མེད་ཀྱིས་ལྗོན་ཤིང་དེའི་ཤིང་ཏོག་ནི་ཁ་ལ་ཞིམ་ཞིང་ལྟ་ན་སྡུག་པ༌དང༌། མཁས་པར་འགྱུར་ཆེད་ཡིད་དུ་འོང་བ་མཐོང་ནས། ཤིང་ཏོག་བཏོགས་ནས་ཟོས་ཤིང་རང་གི་ཁྱོ་ག་ལའང་སྤྲད་པ་དང་དེས་ཀྱང་ཟོས༌སོ།།  
\v 7 དེར་ཁོ་གཉིས་ཀྱི་མིག་ཟུང་གསལ་པོར་གྱུར་ཏེ་རང་ལུས་གཅེར་བུ་ཡིན་པ་མཐོང༌བས། སེ་ཡབ་ཤིང་གི་ལོ་མ་བསླས་ནས་རང་ཉིད་ལ་སྨད་གོས་བཟོས༌སོ།།   
\p
\v 8 དེ་ནས་བསིལ་རླུང་ལྡང་བའི་དུས༌སུ། དཀོན་མཆོག་ཡ་ཝཱེ་ལྡུམ་རའི་ནང་དུ་ཕེབས་པ༌དང༌། སྐྱེས་པ་དེ་དང་ཁོའི་ཆུང་མ་གཉིས་ཀྱིས་ཁོང་ཉིད་ཕེབས་པའི་སྒྲ་ཐོས་ནས་སྡོང་གསེབ་ཏུ་ཁོང་ལ་གཡོལ་བ༌རེད།  
\v 9 དཀོན་མཆོག་ཡ་ཝཱེས་སྐྱེས་པ་དེ་ལ་ཁྱོད་གང་དུ་ཡོད་ཅེས་དྲིས་པ༌ན།  
\v 10 ཁོ་ན༌རེ། ངས་ལྡུམ་རའི་ནང་ཁྱེད་ཀྱི་སྒྲ་ཐོས་པས་འཇིགས༌ཤིང༌། བདག་གི་ལུས་པོ་གཅེར་བུ་ཡིན་པས་སྦས་པ་ཡིན་ཞེས་སྨྲས༌སོ།།  
\v 11 ཡང་ཁོང་གིས་འདི་སྐད༌དུ། ཁྱོད་ཀྱི་ལུས་གཅེར་བུ་ཡིན་པ་སུ་ཞིག་གིས་སྨྲས༌སམ། བདག་གིས་བཟའ་མི་རུང་བར་བཀའ་བསྒོས་པའི་ཤིང་ཏོག་དེ་ཟོས་སམ་ཞེས་དྲིས་པ༌ན།  
\v 12 ཁོ་ན༌རེ། ཁྱེད་ཀྱིས་བདག་ལ་གནང་ཞིང་བདག་དང་འགྲོགས་པའི་བུད་མེད་དེས་ལྗོན་ཤིང་དེའི་ཤིང་ཏོག་བདག་ལ་སྤྲད་པས་ངས་ཀྱང་ཟོས་པ་ཡིན་ཞེས༌སྨྲས།  
\v 13 དེ་ནས་དཀོན་མཆོག་ཡ་ཝཱེས་བུད་མེད་དེ་ལ་འདི་སྐད༌དུ། ཁྱོད་ཀྱིས་ཅི་ཞིག་བྱས་སམ་ཞེས་དྲིས་པ༌ལ། ཁོ་མོ་ན༌རེ། སྦྲུལ་གྱིས་བདག་ལ་བསླུ་བྲིད་བྱས་པས་བདག་གིས་ཟོས་པ་ཡིན་ཞེས་སྨྲས༌སོ།།  
\v 14 དེ་ནས་དཀོན་མཆོག་ཡ་ཝཱེས་སྦྲུལ་ལ་འདི་སྐད༌དུ། ཁྱོད་ཀྱིས་ལས་དེ་བྱས་པའི་དབང་གིས་ཕྱུགས་ཟོག་དང་ས་སྟེང་གི་དུད་འགྲོ་ཐམས་ཅད་ལས་ཁྱོད་ལ་ལྷག་ཏུ་དམོད་པ་འཕོག་པ༌དང༌། ལྟོ་བས་འགྲོ་ཞིང་ནམ་ཡང་ས་རྡུལ་བཟའ་བར་གྱུར༌ཅིག  
\v 15 བདག་གིས་ཁྱོད་དང་བུད་མེད་གཉིས༌དང༌། ཁྱོད་དང་བུད་མེད་གཉིས་ཀྱི་བུ་རྒྱུད་བར་ཕན་ཚུན་དགྲ་ཟླར་ལངས་པ༌དང༌། བུད་མེད་ཀྱི་བུ་རྒྱུད་དེས་ \f + \ft འདིར་བུད་མེད་ཀྱི་བུ་རྒྱུད་དེ་ཞེས་པ་ནི་དཀོན་མཆོག་གིས་མཛད་པའི་སྐྱེས་མ་ཧ་ཝཱའི་རིགས་རྒྱུད་ལས་འཁྲུངས་པའི་སྐྱབས་མགོན་གཙོ་བོ་ཡེ་ཤུ་ལ་གོ༌དགོས།\f*ཁྱོད་ཀྱི་མགོ་བོ་རྨ་བར་བྱེད་པ༌དང༌། ཁྱོད་ཀྱིས་ཁོང་གི་རྐང་པའི་ཕྱི་རྟིང་རྨ་བར་བྱེད་ཅེས་གསུངས་པ༌དང༌།  
\v 16 ཡང་ཁོང་གིས་བུད་མེད་ལ་འདི་སྐད༌དུ། བདག་གིས་ཁྱོད་ལ་མངལ་སྦྲུམ་པའི་སྡུག་བསྔལ་ཆེ་རུ་བསྐྱེད༌དེ། ཕྲུ་གུ་བཙའ་དུས་ཟུག་གཟེར་ཆེན་པོ་འབྱུང་བར་འགྱུར་ངེས༌སོ། །ཁྱོད་ནི་ཁྱོ་གར་ཞེན་ཅིང་ཆགས་པ༌དང༌། ཁྱོ་གས་ཁྱོད་ལ་དབང་བྱེད་པར་འགྱུར་ཞེས་གསུངས༌སོ།།  
\v 17 ཡང་ཁོང་གིས་ཨ་དམ་ལ་འདི་སྐད༌དུ། ཁྱོད་ཀྱིས་བུད་མེད་ཀྱི་ངག་ལ་མཉན་པ༌དང༌། བདག་གིས་བཟའ་མི་རུང་ཞེས་སྨྲས་པའི་ལྗོན་ཤིང་དེའི་ཤིང་ཏོག་ཟོས་པའི༌ཕྱིར། ཁྱོད་ཀྱི་རྐྱེན་གྱིས་ས་སྟེང་དུ་དམོད་པ་འབྱུང༌ངོ༌། །ཁྱོད་ཀྱིས་ཇི་སྲིད་འཚོ་བའི་བར་དུ་ངལ་རྩོལ་བྱས་ན་ད་གཟོད་ས་ལས་ཁྱོད་ལ་ཁ་ཟས་འཐོབ་པར༌འགྱུར།  
\v 18 ཁྱོད་ཀྱི་རྐྱེན་གྱིས་ས་གཞི་ལས་ཚེར་མ་དང་སྤྱང་ཚེར་སྐྱེ་བ༌དང༌། ཁྱོད་ཀྱིས་ས་ཞིང་གི་སྔོ་ཚལ་ཡང་བཟའ་བར༌འགྱུར།  
\v 19 ཁྱོད་ཀྱིས་རང་ཉིད་ས་ལ་འཐིམ་པའི་བར་དུ་རྔུལ་ཆུ་མང་པོ་བཏོན་ན་ད་གཟོད་ལྟོ་བ་འགྲང་བར་འགྱུར༌ཏེ། ཁྱོད་ནི་ས་རྡུལ་ལས་བྱུང་བ༌དང༌། ཁྱོད་ས་རྡུལ་ཡིན་པས་སླར་ཡང་ས་རྡུལ་དུ་འགྱུར་བའི་ཕྱིར་ཡིན་ཞེས་གསུངས༌སོ།།   
\p
\v 20 དེ་ནས་ཨ་དམ་གྱིས་རང་གི་ཆུང་མའི་མིང་ལ་ཧ་ཝཱ་\f + \ft ཧ་ཝཱ་ཞེས་པ་ནི་གནའ་བོའི་ཡ་ཧུ་དཱ་མི་རིགས་ཀྱི་སྐད་དོད་དེ་ཚེ་སྲོག་གི་དོན༌ཡིན།\f*ཞེས་བཏགས༌སོ། །ཅིའི་ཕྱིར་ཞེ༌ན། ཁོ་མོ་ནི་མིའི་རིགས་ཀྱི་མ་ཡུམ་ཡིན་པའི་ཕྱིར༌རོ།།  
\v 21 དེ་ནས་དཀོན་མཆོག་ཡ་ཝཱེས་ཨ་དམ་དང་ཁོའི་ཆུང་མ་གཉིས་ལ་ཀོ་བའི་གྱོན་པ་བཟོས་ནས་ལུས་ལ་བསྐོན༌ཏོ།།  
\v 22 དཀོན་མཆོག་ཡ་ཝཱེས་འདི་སྐད༌དུ། ལྟོས༌དང༌། མི་དེ་ནི་ངེད་ཅག་དང་འདྲ་བར་གྱུར༌ཏེ་བཟང་ངན་ཤེས༌སོ། །ད་ལྟ་སླར་ཡང་ལག་པ་བརྐྱངས་ནས་ཚེ་སྲོག་གི་ལྗོན་ཤིང་གི་ཤིང་ཏོག་ཟོས༌ན། ནམ་ཡང་གསོན་པར་འགྱུར་ཞེས་གསུངས༌སོ།།  
\v 23 དེའི༌ཕྱིར། དཀོན་མཆོག་ཡ་ཝཱེས་ཁོ་རང་ཨེ་དེན་ལྡུམ་ར་ནས་བཏོན༌ཏེ། སྔར་ཁོ་རང་མཛད་པའི་ས་དེ་རྨོ་བར་བཏང་བ༌དང༌།  
\v 24 ཕྱིར་བསྐྲད་པའི་རྗེས༌སུ། ཨེ་དེན་ལྡུམ་རའི་ཤར་ཕྱོགས་སུ་ཀེ་རུབ་ \f + \ft ཀེ་རུབ་ཅེས་པ་ནི་དཀོན་མཆོག་གི་དྲུང་དུ་ཡོད་པའི་སེམས་ཉིད་ཀྱི་རིགས་ནུས་པ་ཁྱད་པར་ཅན་ཞིག༌ཡིན།\f*མངགས་པ༌དང༌། ཕྱོགས་བཞིར་འཁོར་བའི་མེ་ཡི་རལ་གྲི་ཞིག་བཙུགས་པར་མཛད༌དེ། ཚེ་སྲོག་གི་ལྗོན་ཤིང་ཡོད་སར་འགྲོ་བའི་ལམ་དེ་བསྲུང་དགོས་པའི་ཕྱིར༌རོ།།   
\c 4
\cl ལེའུ་བཞི༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨ་དམ་གྱི་བུ་ཀཱ་ཡན་དང་ཧ་བེལ་གྱི༌སྐོར།  
\p
\v 1 དེ་ཡང་ཨ་དམ་རང་གི་ཆུང་མ་ཧ་ཝཱ་དང་ལུས་འབྲེལ་བྱས་ཤིང་ཁོ་མོ་མངལ་དང་ལྡན་པར་གྱུར༌ཏེ། བུ་ཀཱ་ཡན་ཞེས་པ་སྐྱེས་པས་ཁོ་མོ་ན༌རེ། དཀོན་མཆོག་ཡ་ཝཱེ་ \f + \ft དཀོན་མཆོག་ཡ་ཝཱེ་ཞེས་པ་ནི་མ་ཕྱི་ལས་ཡ་ཝཱེ་ཞེས་ཁོ་ནར་མཐོང་ཞིང་། ཕྱིས་སུ་འབྱུང་བའང་དེ་ལྟར་སྣོན་སྒྱུར་བྱས་པ་ཡིན། \f*ལ་བརྟེན་ནས་བདག་ལ་བུ་ཞིག་ཐོབ་ཅེས་སྨྲས༌སོ།།  
\v 2 ཡང་ཁོ་མོར་ཀཱ་ཡན་གྱི་ནུ་བོ་ཧ་བེལ་ཞེས་པ་སྐྱེས༌སོ། །ཧ་བེལ་ལུག་རྫི་ཡིན་ཞིང་ཀཱ་ཡན་ཞིང་པ་ཡིན༌ནོ།།  
\v 3 དེ་ནས་དུས་ཤིག་ལ་ཀཱ་ཡན་གྱིས་ས་ཞིང་ལས་སྐྱེས་པའི་འབྲས་བུ་དཀོན་མཆོག་ཡ་ཝཱེ་ལ་མཆོད་པར་ཕུལ་བ༌དང༌།  
\v 4 ཧ་བེལ་གྱིས་ཀྱང་ལུག་ཁྱུ་ལས་བཙས་པའི་ལུ་གུ་ཐོག་མ་དང་ལུག་ཚིལ་དཀོན་མཆོག་ཡ་ཝཱེ་ལ་མཆོད་པར་ཕུལ༌ཞིང༌། ཁོང་ཉིད་ཧ་བེལ་དང་ཁོའི་མཆོད་པ་ལ་ཐུགས་དགྱེས་ཀྱང་།  
\v 5 ཀཱ་ཡན་དང་ཁོའི་མཆོད་པ་ལ་ཐུགས་མ་དགྱེས་པས། ཀཱ་ཡན་ཤིན་ཏུ་ཁྲོས་ཤིང་ངོ་མདངས་ཀྱང་འགྱུར་བར་གྱུར་ཏོ།།  
\v 6 དེ་ནས་དཀོན་མཆོག་ཡ་ཝཱེས་ཀཱ་ཡན་ལ་འདི་སྐད༌དུ། ཁྱོད་ཁྲོས་ནས་ངོ་མདངས་འགྱུར་བ་ཅི་ཡིན༌ནམ།  
\v 7 ཁྱོད་རང་སྤྱོད་ལམ་བཟང་ན་ཁྱོད་ཀྱི་མགོ་ཡར་འདེགས་ཐུབ་པ་མ་ཡིན༌ནམ། གལ་ཏེ་སྤྱོད་ལམ་ངན་ན་སྡིག་པས་སྒོ་མདུན་ནས་ཁྱོད་ལ་འཇབ་འདུག༌གོ །དེས་ཁྱོད་འདོད་ཀྱང་ཁྱོད་ཀྱིས་དེ་ལ་དབང་བསྒྱུར་དགོས་ཞེས་གསུངས༌སོ།།   
\p
\v 8 དེ་ནས་ཀཱ་ཡན་གྱིས་ཧ་བེལ་ལ་གཏམ་གླེང་བ༌དང༌། ཁོ་གཉིས་ཞིང་བར་དུ་ཡོད་པའི་ཚེ༌ན། ཀཱ་ཡན་ལངས་ནས་རང་གི་སྤུན་ཧ་བེལ་ལ་བརྒྱབ་སྟེ་བསད༌དོ།།   
\p
\v 9 དེར་དཀོན་མཆོག་ཡ་ཝཱེས་ཀཱ་ཡན་ལ་འདི་སྐད༌དུ། ཁྱོད་ཀྱི་སྤུན་ཧ་བེལ་གང་དུ་ཡོད་ཅེས་དྲིས་པ༌ལ། ཀཱ་ཡན་ན༌རེ། ངས་མི༌ཤེས། ང་ནི་སྤུན་སྲུང་མཁན་ཡིན་ནམ་ཞེས༌སྨྲས།  
\v 10 ཡང་ཁོང་གིས་འདི་སྐད༌དུ། ཁྱོད་ཀྱིས་ཅི་བྱས༌སམ། ཁྱོད་ཀྱི་སྤུན་ཧ་བེལ་གྱི་ཁྲག་གིས་ས་འོག་ནས་བདག་ལ་ངུ་སྐད་འདོན༌ནོ།།  
\v 11 ས་ཡིས་ཁ་གདངས་ཏེ་ཁྱོད་ཀྱི་ལག་ནས་ཁྱོད་རང་གི་སྤུན་ཆུང་ཧ་བེལ་གྱི་ཁྲག་བླངས༌པས། ད་ལྟ་ཁྱོད་ལ་ས་འདི་ལས་དམོད་པ་ཐེབས༌དགོས།  
\v 12 ཁྱོད་ཀྱིས་ཞིང་རྨོས་ཀྱང་ས་ཡིས་ཁྱོད་ལ་འབྲས་བུ་མི་བསྐྱེད་པས་ཁྱོད་ས་སྟེང་དུ་འཁྱམ་པར་འགྱུར་ཞེས་གསུངས༌སོ།།  
\v 13 དེ་ནས་ཀཱ་ཡན་ན༌རེ། ང་ལ་ཉེས་ཆད་བཅད་པ་ལྗིད་དྲགས་པས་འཁུར་མི་ནུས༌སོ།།  
\v 14 ཁྱེད་ཀྱིས་ད་ལྟ་ང་རང་ས་ཆ་འདི་ནས་བདས་པས་ངས་ཁྱེད་རང་མཇལ་མི་ནུས་པ༌དང༌། ང་རང་ས་མཐར་འཁྱམ་པ་སུ་ཞིག་གིས་མཐོང༌ན། དེས་ང་གསོད་པར་འགྱུར་ཞེས་སྨྲས༌སོ།།  
\v 15 ཡང་དཀོན་མཆོག་ཡ་ཝཱེས་འདི་སྐད༌དུ། སུ་ཞིག་གིས་ཀཱ་ཡན་བསད་ན་དེ་ལ་ཉེས་ཆད་ལན་བདུན་འཕོག་ངེས་ཡིན་ཞེས་གསུངས་པ༌དང༌། ཀཱ་ཡན་ལ་རྟགས་ཤིག་གནང་སྟེ་སུས་མཐོང་ཡང་མི་གསོད་པར་མཛད༌དོ།།  
\v 16 དེ་ནས་ཀཱ་ཡན་ནི་དཀོན་མཆོག་ཡ་ཝཱེའི་སྤྱན་སྔ་ནས་ཁ་གྱེས་ཏེ་ཨེ་དེན་ཡུལ་གྱི་ཤར་ཕྱོགས་སུ་ཡོད་པའི་ནོད་\f + \ft ནོད་ཅེས་པ་ནི་འཁྱམས་ཉུལ་ཞེས་པའི་དོན༌ཡིན།\f*ཅེས་པའི་ཡུལ་དུ་སོང་ནས་བསྡད༌དོ།།   
\s1 ཀཱ་ཡན་གྱི་རིགས༌རྒྱུད།  
\p
\v 17 དེ་ནས་ཀཱ་ཡན་རང་གི་ཆུང་མ་དང་ལུས་འབྲེལ་བྱས༌ཤིང༌། ཁོའི་ཆུང་མར་མངལ་སྦྲུམ་སྟེ་བུ་ཧ་ནོག་སྐྱེས༌སོ། །ཀཱ་ཡན་གྱིས་གྲོང་ཁྱེར་ཞིག་བརྩིགས་ཤིང་རང་གི་བུའི་མིང་བཞིན་ཧ་ནོག་གྲོང་ཁྱེར་ཞེས༌བཏགས།  
\v 18 ཧ་ནོག་ལ་བུ་ཨི་རཱད་སྐྱེས་པ༌དང༌། ཨི་རཱད་ལ་བུ་མཱ་ཧུ་ཡ་ཨེལ་སྐྱེས་པ༌དང༌། མཱ་ཧུ་ཡ་ཨེལ་ལ་བུ་མཱ་ཐུ་ཤཱ་ཨེལ་སྐྱེས་པ༌དང༌། མཱ་ཐུ་ཤཱ་ཨེལ་ལ་བུ་ལཱ་མེག་སྐྱེས་སོ།།  
\v 19 དེ་ནས་ལཱ་མེག་གིས་ཆུང་མ་གཉིས་བླངས་ཤིང་གཅིག་གི་མིང་ལ་ཨ་དཱ་ཞེས་ཟེར་བ་དང་ཅིག་ཤོས་ལ་ཚི་ལཱ་ཞེས་ཟེར༌རོ།།  
\v 20 ཨ་དཱ་ལ་བུ་ཡཱ་བལ་སྐྱེས༌ཤིང༌། དེ་ནི་གུར་དུ་སྡོད་པ་དང་ཕྱུགས་འཚོ་བའི་མི་རྣམས་ཀྱི་མེས་པོ་ཡིན༌ནོ།།  
\v 21 དེ་ཡང་ཡཱ་བལ་ལ་ཡུ་བཱལ་ཞེས་ཟེར་བའི་སྤུན་ཞིག་ཡོད་པ་ནི་པི་ཝང་འཁྲོལ་བ་དང་འཕྲེད་གླིང་འབུད་པའི་མི་ཐམས་ཅད་ཀྱི་མེས་པོ་ཡིན༌ནོ།།  
\v 22 ཚི་ལཱ་ཡིས་ཀྱང་བུ་ཐུ་བཱལ་ཀཱ་ཡན་བཙས༌ཤིང༌། དེ་ནི་ཟངས་ལྕགས་ལས་སྣོན་བྱེད་མཁན་གྱི་མགར་པ་ཐོག་མ༌ཡིན། ཐུ་བཱལ་ཀཱ་ཡན་ལ་སྲིང་མོ་ཞིག་ཡོད་པ་ནི་ནཱ་ཨ་མཱ་ཡིན༌ནོ།།  
\v 23 དེ་ནས་ལཱ་མེག་གིས་རང་གི་ཆུང་མ་གཉིས་ལ་འདི་ལྟར་སྨྲས་པ༌སྟེ།  
\q1 ང་ཡི་སྐད་ལ་ཉོན་ཅིག་ཨ་དཱ་དང་ཚི༌ལཱ།།  
\q1 ང་ཡི་གཏམ་ལ་གསོན་དང་ལཱ་མེག་གི་ཆུང༌མ།།  
\q1 ང་རང་རྨས་པར་བྱས་པས་མི་ཞིག་བདག་གིས༌བསད།།  
\q1 ང་ལ་བརྒྱབ་པས་གཞོན་ནུ་ཞིག་ཀྱང་བདག་གིས༌བསད།།   
\q1
\v 24 ཀཱ་ཡན་བསད་ན་ཉེས་ཆད་ལན་བདུན་དུ་འབྱུང༌ཞིང༌།།  
\q1 ང་རང་བསད་ན་ཉེས་ལན་དོན་བདུན་ནི་དགོས༌སོ། །ཞེས༌པའོ།།   
\p
\v 25 ཨ་དམ་སླར་ཡང་རང་གི་ཆུང་མ་དང་ལུས་འབྲེལ་བྱས༌ཤིང༌། ཁོ་མོས་བུ་ཞིག་བཙས་པ་དང་མིང་ལ་སེད་ཐུ་ཞེས་བཏགས་པ༌སྟེ། ཀཱ་ཡན་གྱིས་ཧ་བེལ་བསད་པས་དཀོན་མཆོག་གིས་བདག་ལ་ཧ་བེལ་གྱི་ཚབ་ཏུ་བུ་འདི་གནང་བ་ཡིན་ཞེས༌སྨྲས།  
\v 26 དེ་ནས་སེད་ཐུ་ལའང་བུ་ཞིག་སྐྱེས་ཤིང་མིང་ལ་ཨེ་ནོ་ཤཱ་ཞེས་བཏགས༌སོ། །དུས་དེ་ནས༌བཟུང༌། མི་རྣམས་ཀྱིས་དཀོན་མཆོག་ཡ་ཝཱེའི་མཚན་ནས་འབོད་པའི་འགོ་ཚུགས་པ་ཡིན༌ནོ།།   
\c 5
\cl ལེའུ་ལྔ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨ་དམ་ནས་ནོ་ཨའི་བར་གྱི་རིགས༌རྒྱུད།  
\p
\v 1 འདིའི་མན་ནི་ཨ་དམ་\f + \ft ཨ་དམ་ཞེས་པ་ནི་དཀོན་མཆོག་གིས་བསྐྲུན་པའི་མིའི་རིགས་ཀྱི་ཐོག་མ་ཡིན༌ལ། མིའི་རིགས་ནི་ཨ་དམ་ནས་མཆེད་པ་ཡིན༌པས། དམ་པའི་གསུང་རབ་ཀྱི་ཞལ་ཆད་གསར་རྙིང་གཉིས་ལས་གསུངས་པ་གཅིག་མཐུན༌ཡིན། སྐྱབས་མགོན་ཡེ་ཤུའི་གདུང་རབས་ནི་ཞལ་ཆད་གསར་པའི་ལོ་ཀུའི་འཕྲིན་བཟང་གི་ལེའུ་གསུམ་པའི་ཚིག་རྐང་ཉེར་གསུམ་ནས་སོ་བརྒྱད་བར་དུ༌གསལ། \f*གྱི་རིགས་རྒྱུད་ཀྱི་མིང་ཐོ་ཡིན༌ནོ། །དེ་ཡང་དཀོན་མཆོག་གིས་མིའི་རིགས་བསྐྲུན་པའི་ཉིན༌ལ། ཁོང་གིས་རང་ཉིད་ཀྱི་སྣང་བརྙན་ལྟར་མི་བསྐྲུན་པ༌དང༌།  
\v 2 ཕོ་མོ་གཉིས་སུ་མཛད་ཅིང་བྱིན་གྱིས་བརླབས་ཏེ་མིང་ལ་མི་ཞེས་བཏགས༌སོ།།   
\p
\v 3 དེ་ནས་ཨ་དམ་དགུང་ལོ་བརྒྱ་དང་སུམ་ཅུ་ཡིན་པའི་དུས༌སུ། བྱད་གཟུགས་དང་སྣང་བརྙན་རང་ཉིད་དང་མཚུངས་པའི་བུ་ཞིག་སྐྱེས་པ་ལ་སེད་ཐུ་ཞེས་མིང་བཏགས༌སོ།།  
\v 4 ཨ་དམ་ལ་བུ་སེད་ཐུ་སྐྱེས༌རྗེས། ཡང་ལོ་བརྒྱད་བརྒྱ་ལ་བཞུགས་ཤིང་བུ་དང་བུ་མོ་གཞན་དག་ཀྱང་བསྐྱངས༌སོ།།  
\v 5 དེ་ལྟར་ཨ་དམ་བསྡོམས་པས་ལོ་དགུ་བརྒྱ་སུམ་ཅུར་བཞུགས་རྗེས་ཚེ་ལས་འདས༌སོ།།   
\p
\v 6 དེ་ནས་སེད་ཐུ་ལོ་བརྒྱ་དང་ལྔ་ལོན་པའི་དུས་སུ་བུ་ཨེ་ནོ་ཤཱ༌སྐྱེས།  
\v 7 ཨེ་ནོ་ཤཱ་སྐྱེས་པའི་རྗེས་སུ་སེད་ཐུ་ཡང་ལོ་བརྒྱད་བརྒྱ་དང་བདུན་ལ་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 8 དེ་ལྟར་སེད་ཐུ་བསྡོམས་པས་ལོ་དགུ་བརྒྱ་དང་བཅུ་གཉིས་ལ་བཞུགས་རྗེས་ཚེ་ལས་འདས༌སོ།།   
\p
\v 9 དེ་ཡང་ཨེ་ནོ་ཤཱ་ལོ་དགུ་བཅུ་ལོན་པའི་དུས་སུ་བུ་ཀེ་ནན༌སྐྱེས།  
\v 10 ཀེ་ནན་སྐྱེས་རྗེས་ཨེ་ནོ་ཤཱ་ཡང་ལོ་བརྒྱད་བརྒྱ་དང་བཅོ་ལྔར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 11 ཨེ་ནོ་ཤཱ་བསྡོམས་པས་ལོ་དགུ་བརྒྱ་དང་ལྔ་ལ་བཞུགས་རྗེས་ཚེ་ལས་འདས༌སོ།།   
\p
\v 12 དེ་ནས་ཀེ་ནན་ལོ་བདུན་ཅུ་ལོན་པའི་དུས་སུ་བུ་མཱ་ཧ་ལ་ཨེལ་ཞེས་པ༌སྐྱེས།  
\v 13 དེའི་རྗེས་སུ་ཀེ་ནན་ཡང་ལོ་བརྒྱད་བརྒྱ་དང་བཞི་བཅུར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 14 དེ་ལྟར་ཀེ་ནན་བསྡོམས་པས་ལོ་དགུ་བརྒྱ་དང་བཅུ་ལ་བཞུགས་རྗེས་ཚེ་ལས་འདས༌སོ།།   
\p
\v 15 དེ་ནས་མཱ་ཧ་ལ་ཨེལ་ལོ་དྲུག་ཅུ་རེ་ལྔ་ལོན་པའི་དུས་སུ་བུ་ཡཱ་རཱད༌སྐྱེས།  
\v 16 དེའི་རྗེས་སུ་མཱ་ཧ་ལ་ཨེལ་ཡང་ལོ་བརྒྱད་བརྒྱ་དང་སུམ་ཅུར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 17 དེ་ལྟར་མཱ་ཧ་ལ་ཨེལ་བསྡོམས་པས་ལོ་བརྒྱད་བརྒྱ་དང་གོ་ལྔར་བཞུགས་རྗེས་ཚེ་ལས་འདས༌སོ།།   
\p
\v 18 དེ་ནས་ཡཱ་རཱད་ལོ་བརྒྱ་དང་རེ་གཉིས་ཡིན་པའི་དུས་སུ་བུ་ཧ་ནོག་ཅེས་པ༌སྐྱེས།  
\v 19 དེའི་རྗེས་སུ་ཡཱ་རཱད་ཡང་ལོ་བརྒྱད་བརྒྱར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 20 དེ་ལྟར་ཡཱ་རཱད་བསྡོམས་པས་ལོ་དགུ་བརྒྱ་དང་རེ་གཉིས་ལ་བཞུགས་རྗེས་ཚེ་ལས་འདས༌སོ།།   
\p
\v 21 དེ་ནས་ཧ་ནོག་ལོ་དྲུག་ཅུ་རེ་ལྔ་ལོན་རྗེས་བུ་མཱ་ཐུ་ཤ་ལཱ༌སྐྱེས།  
\v 22 དེའི་རྗེས་སུ་ཧ་ནོག་ནི་ལོ་སུམ་བརྒྱར་དཀོན་མཆོག་དང་ལྷན་དུ་བསྐྱོད་དེ་བུ་དང་བུ་མོ་གཞན་དག་ཀྱང་བསྐྱངས༌སོ།།  
\v 23 དེ་ལྟར་ཧ་ནོག་བསྡོམས་པས་ལོ་སུམ་བརྒྱ་དང་རེ་ལྔ་ལ་བཞུགས༌སོ།།  
\v 24 ཧ་ནོག་ནི་དཀོན་མཆོག་དང་མཉམ་དུ་འགྲོགས་པ༌དང༌། དཀོན་མཆོག་གིས་ཁོ་རང་འཇིག་རྟེན་ལས་དྲངས་པས་ \f + \ft འཇིག་རྟེན་ལས་དྲངས་པ་ཞེས་པ་ནི་དཀོན་མཆོག་གིས་ཧ་ནོག་ནམ་མཁའི་ཞིང་ཁམས་སུ་དྲངས་པའི་དོན་དེ་བསྟན་པ༌ཡིན།\f*མི་མཐོང་བར་གྱུར༌ཏོ།།   
\p
\v 25 དེ་ནས་མཱ་ཐུ་ཤ་ལཱ་ལོ་བརྒྱ་དང་གྱ་བདུན་ལོན་རྗེས་བུ་ལཱ་མེག༌སྐྱེས།  
\v 26 དེའི་རྗེས་སུ་མཱ་ཐུ་ཤ་ལཱ་ཡང་ལོ་བདུན་བརྒྱ་དང་གྱ་གཉིས་ལ་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 27 དེ་ལྟར་མཱ་ཐུ་ཤ་ལཱ་བསྡོམས་པས་ལོ་དགུ་བརྒྱ་དང་རེ་དགུ་ལ་བཞུགས་རྗེས་ཚེ་ལས་འདས༌སོ།།   
\p
\v 28 དེ་ནས་ལཱ་མེག་ལོ་བརྒྱ་དང་གྱ་གཉིས་ལོན་ནས་བུ་ཞིག་སྐྱེས༌ཤིང༌།  
\v 29 ཁོང་གིས་བུའི་མིང་ལ་ནོ་ཨ་ཞེས་བཏགས༌ཏེ། བུ་འདིས་རང་ཅག་གི་ངལ་རྩོལ་དང་དཀའ་ཚེགས་ལ་སེམས་གསོ་བྱེད་པར་འགྱུར༌རོ། །རྒྱུ་མཚན་ནི་དཀོན་མཆོག་ཡ་ཝཱེས་ས་ལ་དམོད་པ་མཛད་པའི་ཕྱིར་ཡིན་ཞེས་སྨྲས༌སོ།།  
\v 30 དེ་ནས་ལཱ་མེག་ལ་བུ་ནོ་ཨ་སྐྱེས༌རྗེས། ཡང་ལོ་ལྔ་བརྒྱ་དང་གོ་ལྔར་བཞུགས་ཏེ་བུ་དང་བུ་མོ་གཞན་དག་ཀྱང་བསྐྱངས༌སོ།།  
\v 31 དེ་ལྟར་ལཱ་མེག་བསྡོམས་པས་ལོ་བདུན་བརྒྱ་དང་དོན་བདུན་ལ་བཞུགས་རྗེས་ཚེ་ལས་འདས༌སོ།།  
\v 32 དེ་ནས་ནོ་ཨ་ལོ་ལྔ་བརྒྱ་ལོན་པའི་དུས་སུ་ཤེམ་དང་ཧཱམ་དང་ཡ་ཕེད་ཅེས་བྱ་བའི་བུ་གསུམ་སྐྱེས༌སོ།།   
\c 6
\cl ལེའུ་དྲུག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 གདུག་རྩུབ་ཅན་གྱི་མིའི༌རིགས།  
\p
\v 1 དེ་ཡང་ས་སྟེང་དུ་མིའི་རིགས་ཇེ་མང་དུ་གྱུར་པ༌དང༌། ཁོ་རྣམས་ལ་བུ་མོ་སྐྱེ་བའི་དུས༌སུ།  
\v 2 དཀོན་མཆོག་གི་བུ་\f + \ft མཁས་པ་ལ་ལས་དཀོན་མཆོག་གི་བུ་ཞེས་པ་ནི་དཀོན་མཆོག་གི་ཕོ་ཉ་ཁག་ཅིག་ས་ལ་ལྷུང་སྟེ་བདུད་ཀྱི་རིགས་སུ་གྱུར་པ་ལ་གོ་དགོས་པར༌གསུངས། ཡང་མཁས་པ་ལ་ལས་ཨ་དམ་ནས་བརྒྱུད་པའི་སེད་ཐུ་ཞེས་བྱ་བའི་རིགས་རྒྱུད་ལ་ངོས་འཛིན་པ༌དང༌། དེ་ནི་ཀཱ་ཡན་གྱི་རིགས་རྒྱུད་ངན་པའི་བར་དུ་གཉེན་བཙུགས་པར༌གསུངས། \f*རྣམས་ཀྱིས་མིའི་རིགས་ཀྱི་བུ་མོ་རྣམས་མཛེས་མ་ཡིན་པར་མཐོང༌སྟེ། རང་གི་འདོད་མོས་བཞིན་བདམས་ནས་ཆུང་མར་བླངས༌པས།  
\v 3 དཀོན་མཆོག་ཡ་ཝཱེས་འདི་སྐད༌དུ། མི་ནི་ཤ་ཁྲག་གདོས་བཅས་ཀྱི་ཕུང་བོ་ཡིན༌ཏེ། བདག་གི་སེམས་ཉིད་ནི་དེ་དག་གི་ཁྲོད་དུ་ཇི་སྲིད་བར་དུ་མི་གནས༌ཀྱང༌། དེ་དག་ཚེ་ལོ་བརྒྱ་དང་ཉི་ཤུའི་རིང་ལ་འཚོ་ཐུབ་པར་བྱ་ཞེས་གསུངས༌སོ།།   
\p
\v 4 དེའི་དུས་སུ་ས་སྟེང་དུ་ནེ་ཕེ་ལིམ་པ་\f + \ft ནེ་ཕེ་ལིམ་པ་ཞེས་པ་ནི་ཡ་ཧུ་དཱའི་སྐད་དོད་དེ་མི་སྟོབས་པོ་ཆེའི་དོན་ལ༌འཇུག\f*རྣམས་ཀྱང་ཡོད་པ༌དང༌། རྗེས་སུ་དཀོན་མཆོག་གི་བུ་རྣམས་མིའི་བུ་མོ་རྣམས་ཀྱི་གྲས་སུ་ཚུད་ཅིང་དེ་དག་དང་འབྲེལ་ཏེ་བུ་སྐྱེས་པ༌ནི། གནའ་དུས་ཀྱི་མི་ཆེན་ཏེ་དཔའ་རྩལ་ཅན་དུ་གྲགས་པའི་མི་རྣམས་ཡིན༌ནོ།།   
\p
\v 5 དེ་ནས་དཀོན་མཆོག་ཡ་ཝཱེས་ས་སྟེང་གི་མི་རྣམས་ཀྱི་སྤྱོད་ངན་ཤིན་ཏུ་ཚབས་ཆེ་ཞིང་སེམས་སུ་དྲན་པ་ནི་ནམ་ཡང་ངན་པ་ཤ་སྟག་ཡིན་པར་གཟིགས༌ཏེ།  
\v 6 ཁོང་གིས་འཇིག་རྟེན་དུ་མིའི་རིགས་བསྐྲུན་པར་འགྱོད་ཅིང་ཐུགས་སེམས་ཤིན་ཏུ་སྐྱོ༌བའོ།།  
\v 7 དེ་ནས་དཀོན་མཆོག་ཡ་ཝཱེས་འདི་སྐད༌དུ། བདག་གིས་བསྐྲུན་པའི་མི༌དང༌། དུད་འགྲོ༌དང༌། ལྟོ་འགྲོ་འབུ༌སྲིན། ནམ་མཁའི་བྱ་དང་བཅས་པ་ཐམས་ཅད་ས་སྟེང་ནས་མེད་པར༌བྱའོ། །རྒྱུ་མཚན་ནི་དེ་རྣམས་བསྐྲུན་པ་ལ་བདག་འགྱོད་པའི་ཕྱིར་ཡིན་ཞེས་གསུངས༌སོ།།  
\v 8 ནོ་ཨ་ཁོ་ནར་དཀོན་མཆོག་ཡ་ཝཱེའི་སྤྱན་སྔ་ནས་ཐུགས་རྗེ་ཐོབ༌བོ།།   
\s1 དཀོན་མཆོག་གིས་ནོ་ཨ་ལ་གྲུ་གཟིངས་བཟོ་བར་བཀའ་གནང༌བ།  
\p
\v 9 དེ་ཡང་ནོ་ཨ་ཡི་རིགས་རྒྱུད་ནི་གཤམ་གསལ༌ལྟར། ནོ་ཨ་ནི་གཞུང་རྒྱུད་དྲང་པོ་ཞིག་ཡིན༌ཞིང༌། སྐབས་དེའི་མི་རབས་ལས་ཁོ་ནི་ཕུལ་དུ་བྱུང་བ་ཞིག་ཀྱང་ཡིན༌ལ། ཁོ་དཀོན་མཆོག་དང་ལྷན་དུ་བསྐྱོད་པ་ཡིན༌ནོ།།  
\v 10 ནོ་ཨ་ལ་བུ་གསུམ་སྐྱེས་པ༌ནི། ཤེམ༌དང༌། ཧཱམ། ཡ་ཕེད་བཅས༌སོ།།  
\v 11 དེ་ཡང་དཀོན་མཆོག་གི་སྤྱན་སྔར་འཇིག་རྟེན་ནི་ངན་རུལ་དུ་གྱུར་ཅིང་གདུག་རྩུབ་ཀྱིས་ཁེངས་ཡོད༌དོ།།  
\v 12 ཁོང་གིས་འཇིག་རྟེན་ལ་གཟིགས༌པའི་ཚེ། ཀྱེ་མ། འཇིག་རྟེན་ནི་ངན་པས་ཁེངས་འདུག ཅིའི་ཕྱིར་ཞེ་ན། མི་ཐམས་ཅད་ཀྱིས་ས་སྟེང་དུ་རང་རང་གི་བྱ་སྤྱོད་ངན་པ་སྤེལ་བས་སོ།།  
\v 13 དེ་ནས་དཀོན་མཆོག་གིས་ནོ་ཨ་ལ་འདི་སྐད༌དུ། ཤ་ཁྲག་གདོས་བཅས་ཀྱི་མི་དེ་དག་གི་མཇུག་འབྲས་བདག་གི་མདུན་དུ་སླེབས༌ཤིང༌། ས་སྟེང་དུ་དེ་དག་གི་གདུག་རྩུབ་ཀྱིས་བཀང་ཡོད་པའི༌ཕྱིར། ལྟོས༌དང༌། བདག་གིས་དེ་རྣམས་ས་གཞི་དང་མཉམ་དུ་མེད་པར༌བྱའོ།།  
\v 14 ཁྱོད་ཀྱིས་རང་ཉིད་ལ་ཐང་ཤིང་གིས་གྲུ་གཟིངས་ཁང་མིག་མང་པོ་ཅན་ཞིག་བཟོ་བར༌གྱིས། གྲུའི་ཕྱི་ནང་གཉིས་ལ་ཐང་ཆུ་བསྐུས༌ཤིག  
\v 15 གྲུ་གཟིངས་བཟོ་ཚུལ་ནི་འདི་ལྟ༌སྟེ། རིང་ཐུང་ཁྲུ་སུམ་བརྒྱ༌དང༌། ཞེང་ཚད་ཁྲུ་ལྔ༌བཅུ། མཐོ་ཚད་ཁྲུ་སུམ༌ཅུའོ།།  
\v 16 གྲུའི་སྟེང་དུ་དཀར་ཁུང་མཐོ་ཚད་ཁྲུ་གཅིག་ཅན་ཞིག་བཟོ་བར༌གྱིས། གྲུའི་སྒོ་ནི་འགྲམ་དུ་འབྱེད་པར་བྱེད་པ༌དང༌། གྲུ་དེ་རིམ་པ་སྟེང་འོག་བར་གསུམ་དུ་ཕྱེས་ནས་བཟོས༌ཤིག  
\v 17 ལྟོས༌དང༌། བདག་གིས་ས་སྟེང་དུ་ཆུ་ལོག་བཏང་ནས་གནམ་འོག་ཐམས་ཅད་མེད་པར་བྱས༌ཏེ། ས་སྟེང་གི་དབུགས་དང་ལྡན་པའི་སྲོག་ལྡན་མཐའ་དག་གཅིག་ཀྱང་མི་ལུས་པར་འཆི་བར༌བྱའོ།།  
\v 18 འོན་ཀྱང་བདག་གིས་ཁྱོད་དང་ཁ་ཆད་འཇོག༌སྟེ། ཁྱོད་དང་རང་གི་ཆུང་མ༌དང༌། བུ་དང་མནའ་མ་རྣམས་གྲུ་གཟིངས་ནང་དུ་འཇུག༌དགོས།  
\v 19 སྲོག་དང་ལྡན་པ་ཐམས་ཅད་ལས་ཕོ་མོ་ཆ་རེ་བྱས་ནས་ཁྱོད་ཀྱིས་གྲུ་གཟིངས་ནང་དུ་འཇུག་པར༌གྱིས། ཅིའི་ཕྱིར་ཞེ༌ན། དེ་དག་ཁྱོད་དང་མཉམ་དུ་སྲོག་བསྐྱབ་པར་འགྱུར་བའི་ཕྱིར༌རོ།།  
\v 20 བྱ་དང་དུད༌འགྲོ། ས་སྟེང་གི་ལྟོ་འགྲོ་དང་འབུ་སྲིན་བཅས་པ་ཆ་རེ་བྱས་ནས་ཐམས་ཅད་རང་རང་གི་རིགས་བཞིན་དུ་སྲོག་སྐྱོབ་པའི༌ཕྱིར་ཁྱོད་ཀྱི་གནས་དེར་ཡོང་ངེས༌ཡིན།  
\v 21 ཁྱོད་ཀྱིས་རང་ཉིད་དང་དེ་དག་གི་ཟས་སུ་བཟའ་ཆས་སྣ་ཚོགས་གསོག་པར་གྱིས་ཤིག་ཅེས་གསུངས༌སོ།།  
\v 22 དེ་ནས་ནོ་ཨས་ཀྱང་དེ་ལྟར་བྱས་པ༌རེད། དཀོན་མཆོག་གིས་ཇི་ལྟར་བཀའ་གནང་བ་བཞིན་ཁོས་ཀྱང་དོན་ཐམས་ཅད་དེ་ལྟར་བསྒྲུབས༌སོ།།   
\c 7
\cl ལེའུ་བདུན༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཆུ་ལོག་ཆེན་པོ་བྱུང༌བ།  
\p
\v 1 དེ་ནས་ཡང་དཀོན་མཆོག་ཡ་ཝཱེས་ནོ་ཨ་ལ་འདི་སྐད༌དུ། ཁྱོད་དང་ཁྱོད་ཀྱི་ཁྱིམ་མི་ཐམས་ཅད་གྲུ་གཟིངས་ནང་དུ་སོང༌ཞིག རྒྱུ་མཚན་ནི་བདག་གིས་དུས་རབས་འདིར་ཁྱོད་ཁོ་ན་བདག་གི་དྲུང་དུ་མི་གཞུང་དྲང་ཞིག་ཡིན་པ་མཐོང་བའི་ཕྱིར༌རོ།།  
\v 2 ཁྱོད་ཀྱིས་དུད་འགྲོ་གཙང་མའི་རིགས་རེ་རེ་ལས་ཕོ་མོ་ཆ་བདུན་རེ༌དང༌། དུད་འགྲོ་མི་གཙང་བའི་རིགས་རེ་རེ་ལས་ཕོ་མོ་ཆ་གཅིག༌རེ།  
\v 3 བར་སྣང་དུ་འཕུར་བའི་འདབ་ཆགས་ཀྱི་རིགས་རེ་རེ་ལས་ཕོ་མོ་ཆ་བདུན་རེ་བཅས་ཁྱོད་དང་མཉམ་དུ་ཁྲིད༌ཅིག དེ་ནི་ས་གཞི་ཡོངས་སུ་རིགས་རྒྱུད་ཀྱི་ས་བོན་གསོན་པོར་གནས་པའི་ཕྱིར༌རོ།།  
\v 4 རྒྱུ་མཚན་ནི་ད་ནས་ཉིན་བདུན་སོང་བ༌ན། བདག་གིས་ཉིན་ཞག་བཞི་བཅུའི་རིང་ལ་ས་སྟེང་དུ་ཆར་བ་འབབ་ཏུ་བཅུག༌སྟེ། བདག་གིས་བསྐྲུན་པའི་སྲོག་ལྡན་ཐམས་ཅད་ས་སྟེང་ནས་མེད་པར་བཟོ་བའི་ཕྱིར་ཡིན་ཞེས་གསུངས༌སོ།།  
\v 5 ནོ་ཨས་ཀྱང་དཀོན་མཆོག་ཡ་ཝཱེས་ཇི་ལྟར་བཀའ་གནང་བ་བཞིན་དུ་བསྒྲུབས༌སོ།།   
\p
\v 6 དེ་ནས་ས་སྟེང་དུ་ཆུ་ལོག་བྱུང་བའི་སྐབས་སུ་ནོ་ཨ་དགུང་ལོ་དྲུག་བརྒྱ་ཡིན༌ལ།  
\v 7 ནོ་ཨ་དང་རང་གི་ཆུང༌མ། བུ་དང་མནའ་མ་རྣམས་མཉམ་དུ་གྲུ་གཟིངས་ནང་དུ་སོང་ནས་ཆུ་ལོག་ལ་བྱོལ་བར༌བྱས།  
\v 8 དཀོན་མཆོག་གིས་ནོ་ཨ་ལ་བཀའ་གནང་བ༌ལྟར། དུད་འགྲོ་གཙང་མི་གཙང༌དང༌། བྱ་རྣམས༌དང༌། ལྟོ་འགྲོ་དང་འབུ་སྲིན་ཐམས་ཅད༌ལས།  
\v 9 ཕོ་མོ་ཆ་རེ་ཡོད་པ་ཐམས་ཅད་ནོ་ཨའི་མདུན་དུ་ཡོང་ནས་གྲུ་གཟིངས་ནང་ལ་ཞུགས།  
\v 10 དེ་ནས་ཉིན་བདུན་གྱི་རྗེས་སུ་ས་སྟེང་དུ་ཆུ་ལོག་བྱུང༌ངོ༌།།  
\v 11 ནོ་ཨ་དགུང་ལོ་དྲུག་བརྒྱ་ལོན་པའི་ཟླ་གཉིས་པའི་ཚེས་བཅུ་བདུན༌ཉིན། རྒྱ་མཚོའི་གཏིང་འོག་གི་ཆུ་མིག་ཐམས་ཅད་བརྡོལ་ཞིང་ནམ་མཁའི་སྒེའུ་ཁུང་ཡང་ཕྱེས་པ་དང༌།  
\v 12 ཉིན་ཞག་བཞི་བཅུའི་རིང་ལ་ས་སྟེང་དུ་ཆར་བ་ཆེན་པོ་བབས་པ་རེད།   
\p
\v 13 དེ་ཡང་ཉིན་དེ་ལ་ནོ་ཨ་དང་ཁོའི་བུ་ཤེམ༌དང༌། ཧཱམ། ཡ་ཕེད་བཅས༌དང༌། ཁོའི་ཆུང་མ་དང་མནའ་མ་གསུམ་པོ་དང་བཅས་པ་ཐམས་ཅད་གྲུ་གཟིངས་ནང་དུ་སོང༌ངོ༌།།  
\v 14 ཁོ་རྣམས༌དང༌། དུད༌འགྲོ། ཕྱུགས༌ཟོག ས་སྟེང་གི་ལྟོ་འགྲོ་དང་འབུ་སྲིན་ཐམས་ཅད༌དང༌། འདབ་ཆགས་ཀྱི་རིགས་སུ་གྱུར་པ་ཐམས་ཅད་རང་རང་གི་རིགས་བཞིན་དུ་ཚང་མ་གྲུ་གཟིངས་ནང་དུ༌སོང༌།  
\v 15 དེ་ལྟར་སྲོག་དང་ལྡན་པ་ཐམས་ཅད་ལས་ཆ་རེ་བཞིན་ནོ་ཨའི་མདུན་དུ་ཡོང་ནས་གྲུ་གཟིངས་ནང་ལ་ཞུགས།  
\v 16 དཀོན་མཆོག་གིས་ནོ་ཨ་ལ་བཀའ་གནང་བ་བཞིན་སྲོག་ཆགས་ཕོ་མོ་ཆ་རེ་བཞིན་གྲུ་གཟིངས་ནང་དུ་སོང་བ༌དང༌། ཁོང་གིས་ནོ་ཨའི་རྒྱབ་ཏུ་གྲུ་གཟིངས་ཀྱི་སྒོ་བརྒྱབ༌པའོ།།   
\p
\v 17 དེ་ཡང་ཉིན་བཞི་བཅུའི་རིང་ལ་ས་སྟེང་དུ་ཆུ་ལོག་བྱུང་སྟེ་ཆུ་རྒྱས་ནས་གྲུ་གཟིངས་ཀྱང་ཡར་བཏེགས༌སོ།།  
\v 18 ཆུ་ཤུགས་ཆེན་པོར་གྱུར་ཏེ་ས་སྟེང་དུ་ཆུ་ཆེན་པོ་རྒྱས་པས་གྲུ་གཟིངས་ནི་ཆུའི་ངོས་སུ་ཕར་གཡོ་ཚུར་གཡོ་བྱུང༌ངོ༌།།  
\v 19 དེ་ནས་ས་སྟེང་དུ་ཆུ་ཆེར་རྒྱས་པས་གནམ་འོག་གི་རི་མཐོན་པོ་ཐམས་ཅད་བསྣུབས༌ཤིང༌།  
\v 20 ཆུ་རྒྱས་པ་ནི་རི་བོ་ལས་ཁྲུ་བཅོ་ལྔས་མཐོ་བས་རི་ལུང་ཐམས་ཅད་བསྣུབས༌སོ།།  
\v 21 ས་སྟེང་དུ་ཡོད་པའི་སྲོག་ལྡན༌ཏེ། འདབ་ཆགས༌དང༌། ཕྱུགས༌ཟོག རི༌དྭགས། ལྟོ་འགྲོ་དང་འབུ་སྲིན་དང་མིའི་རིགས་དང་བཅས་པ་ཐམས་ཅད་འཆི་བར་གྱུར༌ཏོ།།  
\v 22 དེ་ཡང་སྐམ་སའི་སྟེང་གི་དབུགས་དང་ལྡན་པའི་སྲོག་ལྡན་ཐམས་ཅད་འཆི་བར་གྱུར་པ༌དང༌།  
\v 23 གྲུ་གཟིངས་ཀྱི་ནང་དུ་ནོ་ཨ་དང་མཉམ་དུ་ཡོད་པ་དག་ལས༌གཞན། ས་སྟེང་གི་སྲོག་དང་ལྡན་པ༌སྟེ། མིའི་རིགས༌དང༌། དུད་འགྲོ་དང་ལྟོ་འགྲོ་འབུ༌སྲིན། ནམ་མཁའི་བྱ་དང་བཅས་པ་ཐམས་ཅད་ས་སྟེང་ནས་མེད་པར་གྱུར༌ཏོ།།  
\v 24 དེ་ལྟར་ས་སྟེང་དུ་ཆུ་ལོག་ཆེན་པོ་རྒྱས་ཏེ་བསྡོམས་པས་ཉིན་བརྒྱ་དང་ལྔ་བཅུ་སོང་ངོ་། །   
\c 8
\cl ལེའུ་བརྒྱད༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཆུ་བྲི༌བ།  
\p
\v 1 དེ་ཡང་དཀོན་མཆོག་གིས་ནོ་ཨ་དང་ཁོའི་གྲུ་གཟིངས་ནང་གི་སྲོག་ལྡན་ཐམས་ཅད་ཐུགས་ལ་དགོངས༌ཏེ། ས་རུ་རླུང་གཡུག་ཏུ་བཅུག་པས་ཆུ་རིམ་གྱིས་བྲི་བར༌གྱུར།  
\v 2 དེ་ནས་རྒྱ་མཚོའི་གཏིང་འོག་གི་ཆུ་མིག་དང་ནམ་མཁའི་དཀར་ཁུང་བཅད་དེ་ཆར་བའང་འབབ་མཚམས་བཞག༌གོ །  
\v 3 ས་གཞིའི་སྟེང་དུ་ཆུ་ལོག་བྱུང་བ་ནས་ཉིན་བརྒྱ་དང་ལྔ་བཅུ་འགོར་རྗེས་ཆུ་རིམ་གྱིས༌བྲིའོ།།  
\v 4 ཟླ་བདུན་པའི་ཚེས་བཅུ་བདུན་ཉིན༌ལ། གྲུ་གཟིངས་དེ་རི་རྒྱུད་ཨ་ར་རད་ \f + \ft རི་རྒྱུད་ཨ་ར་རད་ཅེས་པ་ནི་དེང་སང་ཡ་གླིང་ནུབ་ཕྱོགས་ཀྱི་ཐུར་ཁེ་ཞེས་པའི་རྒྱལ་ཁུངས་སུ༌ཡོད།\f*ཅེས་པ་དེའི་སྟེང་དུ་བསྡད་པ༌རེད།  
\v 5 ཡང་ཆུ་རིམ་གྱིས་བྲི་ཞིང་ཟླ་བཅུ་པའི་ཚེས་གཅིག་ཉིན༌ལ། རི་རྩེ་གཞན་དག་ཀྱང་ཕྱིར་མངོན་པར་གྱུར༌ཏོ།།   
\p
\v 6 དེ་ནས་ཉིན་བཞི་བཅུ་འགོར་བ༌ན། ནོ་ཨས་དེ་སྔར་བཟོས་པའི་གྲུ་གཟིངས་ཀྱི་སྒེའུ་ཁུང་ཕྱེས་ཏེ།  
\v 7 བྱ་ཕོ་རོག་ཅིག་ཕྱིར་བཏང་བ༌དང༌། ས་སྟེང་གི་ཆུ་བྲི་བའི་བར་དུ་ཕོ་རོག་ཕར་ཚུར་འཕུར་བསྐྱོད་བྱས་པ༌རེད།  
\v 8 ཡང་ཁོས་ཕུག་རོན་ཅིག་ཕྱིར་བཏང་ནས་ཆུ་ས་སྟེང་ནས་བྲི་མིན་ལ་བལྟས༌ཀྱང༌།  
\v 9 ས་གཞི་ཡོངས་ལ་ད་དུང་ཆུས་བཀང་ཡོད་པས་ཕུག་རོན་ས་ལ་འབབ་ས་མེད་པར་ཕྱིར་གྲུ་གཟིངས་ཀྱི་ཕྱོགས་སུ་ནོ་ཨའི་རྩར་འཕུར་འོངས་པ༌དང༌། ཁོས་ལག་པ་བརྐྱངས་ནས་ཕུག་རོན་གྲུ་གཟིངས་ཀྱི་ནང་དུ་བླངས༌སོ།།  
\v 10 ཡང་ཉིན་བདུན་ལ་བསྒུགས༌རྗེས། ནོ་ཨས་སླར་ཡང་ཕུག་རོན་དེ་གྲུ་ལས་བཏང་བ༌ལ།  
\v 11 ས་རུབ་རྗེས་ཕུག་རོན་གྱི་མཆུ་ཏོར་སྐྱུ་རུ་རའི་ལོ་མ་གསར་པ་ཞིག་བཟུང་ནས་ཕྱིར་ཡོང༌བས། ནོ་ཨས་ས་སྟེང་གི་ཆུ་བྲི་སོང་བ་ཤེས༌སོ།།  
\v 12 ཡང་ཉིན་བདུན་ལ་བསྒུགས༌རྗེས། ནོ་ཨས་ཕུག་རོན་དེ་གྲུ་ལས་བཏང་བ་ལ་ཕུག་རོན་ཕྱིར་མ་ལོག༌གོ །   
\p
\v 13 དེ་ནས་ནོ་ཨ་ལོ་དྲུག་བརྒྱ་དང་གཅིག་ལོན་པའི་ཟླ་དང་པོའི་ཚེས་གཅིག༌ཉིན། ས་སྟེང་གི་ཆུ་ཐམས་ཅད་བྲི༌ཞིང༌། ནོ་ཨས་གྲུ་གཟིངས་ཀྱི་དཀར་ཁུང་ཕྱེས་ནས་བལྟས་པ་ན་ས་ངོས་སྐམ་འདུག་པ༌མཐོང༌།  
\v 14 ཟླ་གཉིས་པའི་ཚེས་ཉེར་བདུན༌ཉིན་ས་གཞི་ཡོངས་སུ་སྐམ་པར་གྱུར༌ཏོ།།   
\p
\v 15 དེ་ནས་དཀོན་མཆོག་གིས་ནོ་ཨ་ལ་འདི་སྐད༌དུ།  
\v 16 ཁྱོད་དང་ཁྱོད་ཀྱི་ཆུང་མ༌དང༌། བུ་དང་མནའ་མ་ཐམས་ཅད་གྲུ་གཟིངས་ལས་བོབས༌དང༌།  
\v 17 ཁྱོད་དང་མཉམ་དུ་ཡོད་པའི་སྲོག་ལྡན་ཐམས་ཅད༌དེ། འདབ་ཆགས༌དང༌། དུད༌འགྲོ། ལྟོ་འགྲོ་དང་འབུ་སྲིན་མཐའ་དག་ཕྱི་རོལ་ཏུ་ཁྲིད༌ཅིག ཅིའི་ཕྱིར་ཞེ༌ན། དེ་རྣམས་ས་སྟེང་དུ་ཧ་ཅང་མང་དུ་འབྱུང་བ༌དང༌། རྒྱུད་དང་ལྡན་པར་གྱུར་ནས་མང་པོར་འཕེལ་བར་འགྱུར་བའི་ཕྱིར་ཡིན་ཞེས་གསུངས༌སོ།།  
\v 18 དེ་ནས་ནོ་ཨ་དང་ཁོའི་ཆུང་མ༌དང༌། བུ་དང་མནའ་མ་བཅས་ཐམས་ཅད་ཕྱི་རོལ་ཏུ་ཐོན༌ཞིང༌།  
\v 19 དུད་འགྲོ་ཐམས་ཅད༌དང༌། ལྟོ་འགྲོ་འབུ༌སྲིན། འདབ༌ཆགས། ས་སྟེང་དུ་རྒྱུ་བའི་སྲོག་ཆགས་ཐམས་ཅད་ཀྱང་རང་རང་གི་རིགས་བཞིན་དུ་གྲུ་གཟིངས་ལས་ཕྱིར་བུད༌དོ།།   
\s1 ནོ་ཨས་མཆོད་ཁྲི་བཞེངས༌པ།  
\p
\v 20 དེ་ནས་ནོ་ཨས་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བཞེངས༌ཤིང༌། ཕྱུགས་ཟོག་དང་འདབ་ཆགས་ལས་སྲོག་ལྡན་གཙང་མ་འགའ་ཤས་མཆོད་ཁྲིའི་སྟེང་སྦྱིན་སྲེག་ཏུ་ཕུལ༌ཏོ།།  
\v 21 དཀོན་མཆོག་ཡ་ཝཱེས་དྲི་བསུང་ཞིམ་པོ་འཐུལ་འོང་བ་བསྣམས༌ཏེ། ཁོང་གི་ཐུགས༌ལ། མིའི་རིགས་ནི་ལོ་ན་གཞོན་པའི་དུས་ནས་ངན་སེམས་བཅངས་ཡོད༌ནའང༌། དེང་ཕྱིན་བདག་གིས་མིའི་རྐྱེན་ལ་བརྟེན་ནས་ས་གཞིར་དམོད་པ་མི༌བྱའོ། །ད་ལྟ་བྱས་པ་བཞིན་དུ་སྲོག་དང་ལྡན་པ་རྣམས་བརླག་པར་ཡང་མི༌བྱའོ།།  
\v 22 ས་གཞི་གནས་པའི་དུས༌སུ། ས་བོན་འདེབས་པ་དང་སྟོན་བསྡུ༌བ། གྲང་ངར་དང་ཚ༌བ། དབྱར་དང༌དགུན། ཉིན་མོ་དང་མཚན་མོའི་རྒྱུན་ནི་ནམ་ཡང་གཅོད་པར་མི་བྱ་བར་དགོངས༌སོ།།   
\c 9
\cl ལེའུ་དགུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 དཀོན་མཆོག་གིས་ནོ་ཨ་ལ་ཞལ་ཆད་བཞག༌པ།  
\p
\v 1 དེ་ནས་དཀོན་མཆོག་གིས་ནོ་ཨ་དང་ཁོའི་བུ་རྣམས་ལ་བྱིན་གྱིས་བརླབས་ཏེ་འདི་སྐད༌དུ། ཁྱོད་རྣམས་ཀྱིས་རྒྱུད་དང་ལྡན་པར་གྱུར་ནས་མང་དུ་སྤེལ་ཏེ་ས་གཞིར་གང་བར་གྱིས༌ཤིག  
\v 2 བདག་གིས་ས་སྟེང་དུ་རྒྱུ་བའི་དུད་འགྲོ༌དང༌། ནམ་མཁའི༌བྱ། ས་སྟེང་གི་ལྟོ་འགྲོ་དང་འབུ་སྲིན་དང་རྒྱ་མཚོའི་ཉ་ཐམས་ཅད་ཁྱོད་ཅག་ལ་དབང་བར་བྱས༌ཤིང༌། དེ་རྣམས་ཁྱོད་ཅག་ལ་འཇིགས་ཤིང་སྐྲག་པར་གྱུར༌ཅིག  
\v 3 སྲོག་ཆགས་ཐམས་ཅད་ཁྱོད་རྣམས་ཀྱིས་ཟས་སུ་བྱོས༌དང༌། འདི་ཐམས་ཅད་ནི་སྔོན་ལ་སྔོ་ཚལ་སྤྲད་པ་བཞིན་དུ་བདག་གིས་ཁྱོད་ཅག་ལ་སྦྱིན་པ་ཡིན༌ནོ།།  
\v 4 འོན་ཀྱང་ཤ་ལ་ཁྲག་འདྲེས་པ་ནི་དེ་དག་གི་ཚེ་སྲོག་ཡིན་པས་བཟའ་མི་རུང༌ངོ༌།།  
\v 5 ཁྱོད་ཅག་ལ་ཁྲག་བཞུར་བར་བྱེད༌ན། བདག་གིས་དེ་ལས་སྐྱིན་ཚབ་ལེན་པ༌དང༌། གཅན་གཟན་གང་གིས་ཁྱོད་རྣམས་ཀྱི་སྲོག་བཅད༌ན། བདག་གིས་དེ་ལས་སྐྱིན་ཚབ་ལེན་པར༌ངེས། ལག་དམར་སུ་ཡིན་ཡང་དེ་ལས་རང་གི་སྤུན་ཟླའི་ཚེ་སྲོག་གི་སྐྱིན་ཚབ་ཏུ་དེའི་ཚེ་སྲོག་ཀྱང་ལེན་དགོས༌སོ།།  
\v 6 ཡང་སུ་ཞིག་གིས་མི་བསད༌ན། ལག་དམར་དེའི་སྲོག་ཀྱང་མི་གཞན་གྱིས་ལེན་དགོས༌སོ། །ཅིའི་ཕྱིར་ཞེ༌ན། དཀོན་མཆོག་གིས་མིའི་རིགས་བསྐྲུན་པ་ནི་རང་གི་སྣང་བརྙན་ལྟར་བསྐྲུན་པའི་ཕྱིར༌རོ།།  
\v 7 ཡང་ཁྱོད་རྣམས་ཀྱིས་རྒྱུད་དང་ལྡན་པར་གྱུར་ནས་མང་དུ་སྤེལ་ཏེ་ས་སྟེང་དུ་དར་ཞིང་རྒྱས་པར་གྱིས་ཞེས་གསུངས༌སོ།།   
\p
\v 8 དེ་ནས་ཡང་དཀོན་མཆོག་གིས་ནོ་ཨ་དང་ཁོའི་བུ་རྣམས་ལ་འདི་སྐད༌དུ།  
\v 9 ལྟོས༌དང༌། བདག་གིས་ཁྱོད་དང་ཁྱོད་ཅག་གི་མི་རབས་ཕྱི་མ་རྣམས་ལ་ཁ་ཆད་འཇོག་པ༌དང༌།  
\v 10 ཁྱོད་ཅག་དང་མཉམ་དུ་ཡོད་པའི་སྲོག་ཆགས་ཐམས་ཅད༌དེ། འདབ་ཆགས༌དང༌། ཕྱུགས་ཟོག་དང་རི་དྭགས་ཐམས༌ཅད། གྲུ་གཟིངས་ལས་ཕྱིར་འོངས་པའི་སྲོག་ལྡན་ཐམས་ཅད་ལའང་ཁ་ཆད་འཇོག་པ༌དང༌།  
\v 11 བདག་དང་ཁྱོད་རྣམས་ཀྱི་བར་དུ་ཁ་ཆད་འཇོག༌སྟེ། དུས་ད་ནས༌བཟུང༌། སྲོག་དང་ལྡན་པ་ཐམས་ཅད་ཆུ་ལོག་གིས་བསྣུབ་པར་མི་བྱེད་པ༌དང༌། ས་གཞིའང་ཆུ་ལོག་གིས་བསྣུབ་པར་མི་བྱ་ཞེས་གསུངས༌སོ།།   
\p
\v 12 ཡང་དཀོན་མཆོག་གིས་འདི་སྐད༌དུ། བདག་གིས་ཁྱོད་དང་ཁྱོད་ཅག་དང་མཉམ་དུ་ཡོད་པའི་སྲོག་ཆགས་ཐམས་ཅད༌དང༌། མི་རབས་ཕྱི་མ་ཐམས་ཅད་ལ་ཁ་ཆད་ཀྱི་རྟགས་ཤིག་བཀོད་ཡོད༌དེ།  
\v 13 བདག་གིས་འཇའ་ཚོན་ནི་སྤྲིན་ཕུང་ནང་དུ་བཞག༌ཅིང༌། དེ་ནི་བདག་དང་ས་གཞིའི་བར་དུ་ཁ་ཆད་བཞག་པའི་རྟགས་སུ་བྱས་པ༌ཡིན།  
\v 14 ཕྱིས་སུ་སྤྲིན་ཕུང་གིས་ས་གཞི་ཡོངས་སུ་བསྒྲིབས་པའི་དུས༌སུ། བདག་གིས་སྤྲིན་ཕུང་ལས་འཇའ་ཚོན་མཐོང་བར༌འགྱུར།  
\v 15 དེས་ན་བདག་གིས་ཁྱོད་ཅག་དང་སྲོག་ལྡན་ཐམས་ཅད་ཀྱི་བར་དུ་བཞག་པའི་ཁ་ཆད་དྲན་པར་འགྱུར་ཞིང་ཆུ་ཡང་བསྐྱར་རྒྱས་ནས་ས་གཞིའི་སྟེང་གི་སྲོག་དང་ལྡན་པ་ཐམས་ཅད་མེད་པར་མི་བྱེད༌དོ།།  
\v 16 འཇའ་ཚོན་ནི་སྤྲིན་གྱི་ནང་དུ་འཆར་ངེས་པ་དང་བདག་གིས་དེ་མཐོང་བ༌ན། བདག་གིས་སྲོག་དང་ལྡན་པ་ཐམས་ཅད་ཀྱི་བར་དུ་བཞག་པའི་དུས་གཏན་གྱི་ཁ་ཆད་དེ་དྲན་པར་ངེས་ཞེས་གསུངས༌སོ།།  
\v 17 དེ་ནས་ཡང་དཀོན་མཆོག་གིས་ནོ་ཨ་ལ་འདི་སྐད༌དུ། འདི་ནི་བདག་གིས་ས་གཞིའི་སྟེང་གི་སྲོག་དང་ལྡན་པ་ཐམས་ཅད་ལ་ཁ་ཆད་བཞག་པའི་རྟགས་ཡིན་ཞེས་གསུངས༌སོ།།   
\s1 ནོ་ཨའི་བུ༌རྒྱུད།  
\p
\v 18 དེ་ནས་གྲུ་གཟིངས་ལས་ཕྱིར་བུད་པའི་ནོ་ཨའི་བུ་ནི་ཤེམ་དང་ཧཱམ་དང་ཡ་ཕེད་གསུམ་ཡིན༌ལ། ཧཱམ་ནི་ཀ་ན་ཨན་གྱི་ཕ་ཡིན༌ནོ།།  
\v 19 འདི་གསུམ་པོ་ནི་ནོ་ཨའི་བུ་ཡིན༌ལ། ཁོ་ཚོའི་རིགས་རྒྱུད་ས་གཞི་ཡོངས་སུ་ཁྱབ་པ་ཡིན༌ནོ།།  
\v 20 དེ་ཡང་ནོ་ཨ་ཡིས་ཞིང་ལས་བྱེད་འགོ་བརྩམས༌ཏེ། ཁོས་རྒུན་འབྲུམ་ར་བ་ཞིག༌བཙུགས།  
\v 21 ཁོས་རྒུན་ཆང་བཏུང་བ་དང་བཟི་བར་གྱུར་ཏེ་སྦྲ་གུར་ནང་དུ་ལུས་གཅེར་བུར་བསྡད་པ༌ལ།  
\v 22 ཀ་ན་ཨན་གྱི་ཕ་ཧཱམ་གྱིས་ཁོའི་ཕ་ལུས་གཅེར་བུར་སྡོད་པ་མཐོང༌སྟེ། ཕྱི་རུ་སོང་ནས་ཁོའི་སྤུན་གཉིས་ལ་སྨྲས་པ༌རེད།  
\v 23 དེ་ནས་ཤེམ་དང་ཡ་ཕེད་གཉིས་ཀྱིས་རང་གི་ཕྲག་པར་གྱོན་གོས་བཀལ་ནས་ཕྱི་ནུར་གྱིས་གུར་ནང་དུ་སོང་སྟེ་ཕ་ཡི་ལུས་ལ་བཀབ༌བོ། །སྐབས་དེར་ཁོ་གཉིས་ཀྱིས་ཁ་རྒྱབ་ལ་གཏད་དེ་ཕྱི་ནུར་བྱས་ནས་སོང་ཞིང་དེ་ནི་ཕ་གཅེར་བུ་ཡིན་པ་མི་མཐོང་བའི་ཕྱིར༌རོ།།   
\p
\v 24 དེ་ནས་ནོ་ཨ་བཟི་དྭངས་པར་གྱུར་པ༌དང༌། བུ་ཆུང་བ་ཧཱམ་གྱིས་ཁོ་ལ་ལས་ཅི་བྱས་པ་ཤེས༌ཏེ།  
\v 25 ཁོ་ན༌རེ། ཀ་ན་ཨན་ལ་དམོད་པ་འཕོག་ཅིང་ཁོའི་སྤུན་གྱི་གཡོག་པོ་རྣམས་ཀྱི་གཡོག་པོ་བྱེད་པར་གྱུར་ཅིག་ཅེས་སྨྲས༌སོ།།  
\v 26 ཡང་ཁོ་ན༌རེ། ཤེམ་གྱི་དཀོན་མཆོག་ཡ་ཝཱེ་ལ་བསྟོད་ཅིང་བསྔགས་པར༌གྱིས། ཀ་ན་ཨན་ནི་ཁོའི་གཡོག་པོར་འགྱུར་བར༌སྨོན།  
\v 27 དཀོན་མཆོག་གིས་ཡ་ཕེད་ཀྱི་རིགས་རྒྱུད་དར་ཞིང་རྒྱས་པར་མཛོད༌ཅིག ཡ་ཕེད་ནི་ཤེམ་གྱི་སྦྲ་གུར་ནང་དུ་སྡོད་པར་གྱུར༌ཅིག ཡང་ཀ་ན་ཨན་ནི་ཡ་ཕེད་ཀྱི་གཡོག་པོར་གྱུར་ཅིག་ཅེས་སྨྲས༌སོ།།   
\p
\v 28 ཆུ་ལོག་བྱུང་བའི་རྗེས༌སུ། ནོ་ཨ་ཡང་ལོ་སུམ་བརྒྱ་དང་ལྔ་བཅུར་བཞུགས་པ༌རེད།  
\v 29 ནོ་ཨ་བསྡོམས་པས་ལོ་དགུ་བརྒྱ་དང་ལྔ་བཅུར་བཞུགས་རྗེས་ཚེ་ལས་འདས༌སོ།།   
\c 10
\cl ལེའུ་བཅུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཤེམ་དང་ཧཱམ་དང་ཡ་ཕེད་བཅས་ཀྱི་རིགས༌རྒྱུད།  
\p
\v 1 དེ་ཡང་ཆུ་ལོག་བྱུང་བའི་རྗེས་སུ་ནོ་ཨའི་བུ་ཤེམ་དང་ཧཱམ་དང་ཡ་ཕེད་བཅས་ལའང་བུ་སྐྱེས༌སོ། །ནོ་ཨའི་བུ་སོ་སོའི་རིགས་རྒྱུད་རྣམས་ནི་འདི་ལྟ༌སྟེ།   
\s1 ཡ་ཕེད་ཀྱི་རིགས་རྒྱུད༌སྐོར།  
\p
\v 2 ཡ་ཕེད་ཀྱི་བུ་རྣམས་ནི་གོ་མེར༌དང༌། མ༌གཱོག མཱ་ཏི། ཡཱ༌ཝན། ཐུ༌བཱལ། མེ༌ཤེག ཐི་རཱ་བཅས༌སོ།།  
\v 3 གོ་མེར་གྱི་བུ་རྣམས་ནི་ཨ་ཤ་ཀེ་ནཱ༌དང༌། རི༌ཕད། ཐོ་གར་མཱ་བཅས༌སོ།།  
\v 4 ཡཱ་ཝན་གྱི་བུ་རྣམས་ནི་ཨི་ལི་ཤཱ༌དང༌། ཐཱར༌ཞིས། ཀི༌ཐིམ། དོའུ་དཱ་ནིམ་བཅས༌སོ།།  
\v 5 དེ་རྣམས་ལས་མཚོ་འགྲམ་དུ་སྡོད་པའི་མི་རིགས་དེ་དག་ནི་སོ་སོའི་སྐད་རིགས༌དང༌། ཁྱིམ༌རྒྱུད། རྒྱལ་ཕྲན་ལྟར་རང་རང་གི་ཡུལ་དུ་དར་བར་གྱུར༌ཏོ།།   
\s1 ཧཱམ་གྱི་རིགས་རྒྱུད༌སྐོར།  
\p
\v 6 ཧཱམ་གྱི་བུ་རྣམས་ནི་གུ་ཤ༌དང༌། མུས་རཱ༌ཡིམ \f + \ft མུས་རཱ་ཡིམ་ཞེས་པ་མི་ཞིག་གི་མིང་ཡིན༌ལ། དེ་ནི་རྗེས་སུ་ཨེ་ཅིབ་རྒྱལ་ཁབ་ཀྱི་མི་རྣམས་ཀྱི་མེས་པོར་གྱུར་པ་ཡིན་པས་མཁས་པ་ལ་ལས་ཨེ་ཅིབ་ཅེས་ཀྱང་བྲིས༌ཡོད། \f*། ཕུ༌ཏཱ། ཀ་ན་ཨན་བཅས༌སོ།།  
\v 7 གུ་ཤ་ཡི་བུ་རྣམས་ནི་སེ་བཱ༌དང༌། ཧ་བེ༌ལཱ། སཱབ༌ཐ། རཱ་ཨེ༌མཱ། སཱབ་ཐེ་ཀཱ་བཅས༌སོ། །རཱ་ཨེ་མཱའི་བུ་ནི་ཤེ་བཱ་དང་དི་དན་ཞེས་བྱ༌བའོ།།   
\p
\v 8 དེ་ནས་གུ་ཤ་ཞེས་པ་ལས་ནིམ་རོད་མཆེད་ཅིང༌། དེ་ནི་འཇིག་རྟེན་གྱི་དཔའ་རྒོད་ཐོག༌མའོ།།  
\v 9 ཁོ་ནི་དཀོན་མཆོག་ཡ་ཝཱེའི་དྲུང་དུ་རྔོན་པ་དཔའ་བོ་ཞིག་ཡིན༌པས། ཁ་དཔེ༌ལ། དཀོན་མཆོག་ཡ་ཝཱེ་དྲུང་གི་རྔོན་པ་དཔའ་བོ་ནིམ་རོད་དང་འདྲ་བ་ཡིན་ཞེས་བརྗོད༌དོ།།  
\v 10 ནིམ་རོད་ཀྱི་རྒྱལ་སྲིད་ཐོག་མ་ནི་ཤིན་ཨར་ཡུལ་གྱི་པཱ་པེལ༌དང༌། ཨེ༌རེགས། ཨ༌ཁཱད། ཀལ་ནེ་བཅས༌ཡིན།  
\v 11 ཁོ་རང་གནས་དེ་ནས་ཨ་སུར་ཡུལ་དུ་སོང༌སྟེ། ནིན་ཝེ༌དང༌། རེའེ་ཧོ་པེད༌ཨིར། ཀ་ལཱ་བཅས་བཞེངས་པ༌དང༌།  
\v 12 ནིན་ཝེ་དང་ཀ་ལཱ་གཉིས་བར་དུ་གྲོང་ཁྱེར་ཆེན་པོ་ཞིག་བཞེངས་པ་ནི་རེའེ་སཱན་ཞེས་པ་དེ་ཡིན༌ནོ།།   
\p
\v 13 དེ་ནས་མུས་རཱ་ཡིམ་ལས་ལུ་དཱ་པ༌དང༌། ཨ་ནཱམ༌པ། ལེ་ཧ༌པ། ནཱབ་ཐུ༌པ།  
\v 14 ཕཱད་རུའུ༌པ། ཀཱ་སི་ལི༌པ། ༼འདི་བརྒྱུད་ནས་ཕེ་ལེ་ཤེད་མི་རིགས༌བྱུང༌།༽ ཀབ་ཐོར་པ་བཅས༌མཆེད་དོ།།   
\p
\v 15 དེ་ནས་ཀ་ན་ཨན་ལས་བུ་སྐྱེས་འགོ་ཚི་ཏུན་དང་། ཡང་ཧེད་དང་།  
\v 16 ཡེ་བུ་སི་པ། ཨེ་མོར༌པ། གིར་གས༌པ།  
\v 17 ཧེ་བི༌པ། ཨར་ཀི༌པ། སི་ནེ༌པ།  
\v 18 ཨར་ཝཱ་དིའུ༌པ། ཚཱ་མཱ་རེའེ༌པ། ཧ་མཱད་པ་བཅས་མཆེད་དོ། །ཕྱིས་སུ་ཀ་ན་ཨན་གྱི་རིགས་རྒྱུད་འཐོར་བར་གྱུར༌ཏོ།།  
\v 19 ཀ་ན་ཨན་པའི་ས་མཚམས་ནི་ཚི་ཏུན་ནས་གེ་རཱར་གྱི་ཕྱོགས་སུ་འགྲོ་བའི་ལམ་ནས་གཱ་ཟཱ་བར་ཡིན་པ༌དང༌། དེ་ནས་སཱ་དོམ༌དང༌། གཱ་མོ༌ར། ཨད༌མཱ། ཚཱ་བོ་ཡིམ་བཅས་ཀྱི་ཕྱོགས་སུ་འགྲོ་བའི་ལམ་ནས་ལཱ་ཤཱ་ཞེས་པའི་བར་ཡིན༌ནོ།།   
\p
\v 20 དེ་དག་ནི་ཧཱམ་གྱི་བུ་རྒྱུད༌དེ། སོ་སོའི་ཁྱིམ་རྒྱུད༌དང༌། སྐད༌རིགས། ཡུལ༌ལུང༌། རྒྱལ་ཕྲན་བཞིན་དུ་ཡིན༌ནོ།།   
\s1 ཤེམ་གྱི་རིགས༌རྒྱུད།  
\p
\v 21 དེ་ཡང་ཡ་ཕེད་ཀྱི་ཕུ་བོ་ཤེམ་ནི་ཨེ་བེར་\f + \ft ཨེ་བེར་ཞེས་པ་ནི་དེང་སང་གི་ཡ་ཧུ་དཱ་མི་རིགས་ཀྱི་འབྱུང་ཁུངས་ཡིན་པར༌གསུངས།\f*ཞེས་པའི་རིགས་རྒྱུད་རྣམས་ཀྱི་མེས་པོ་ཡིན༌ལ། ཁོ་ལ་བུ་སྐྱེས༌སོ།།  
\v 22 ཤེམ་གྱི་བུ་རྣམས་ནི་ཨེ་ལཱམ༌དང༌། ཨ༌ཤུར། ཨར་པག༌ཤད། ལུ༌ཏི། ཨ་རམ་བཅས༌སོ།།  
\v 23 ཨ་རམ་གྱི་བུ་རྣམས་ནི་ཨུ་ཟཱ༌དང༌། ཧུལ། གེ༌ཐེར། མཱ་ཤཱ་བཅས༌སོ།།  
\v 24 ཨར་པག་ཤད་ལས་ཤེ་ལཱ་མཆེད་པ་དང༌། ཤེ་ལཱ་ནས་ཨེ་བེར་མཆེད་དོ།།  
\v 25 ཨེ་བེར་ལས་བུ་གཉིས་མཆེད་ཅིང། གཅིག་ལ་ཕེ་ལེག་ཅེས་བྱ༌སྟེ། རྒྱུ་མཚན་ནི་དེའི་དུས་སུ་ས་གཞིའི་མི་རྣམས་ཁག་སོ་སོར་གྱེས་པའི་ཕྱིར་རོ། །ཁོའི་ནུ་བོའི་མིང་ལ་ཡོག་ཏན་ཞེས་བྱའོ།།  
\v 26 ཡོག་ཏན་ལས་ཨལ་མོ་དཱད༌དང༌། ཤེ་ལཱ༌ཕཱ། ཧ་ཚཱར་མ༌ཝེད། ཡཱ༌ར།  
\v 27 ཧ་དོ༌རམ། ཨུ༌ཟཱལ། དིག༌ལཱ།  
\v 28 ཨོ༌བཱལ། ཨ་བི་མཱ༌ཨེལ། ཤེ༌བཱ།  
\v 29 ཨོ་ཕིར། ཧ་བེ༌ལཱ། ཡོ་བཱབ་བཅས༌མཆེད་ཅིང་། དེ་ཐམས་ཅད་ཡོག་ཏན་གྱི་བུ་རྣམས་སོ།།  
\v 30 ཁོ་རྣམས་ཀྱི་སྡོད་གནས་ནི་མེ་ཤཱ་ཡུལ་ནས་སེ་ཕཱར་ཡུལ་གྱི་ཤར་ཕྱོགས་ཀྱི་རི་ཁུལ་བར༌དུའོ།།  
\v 31 དེ་དག་ནི་ཤེམ་གྱི་བུ་རྒྱུད༌དེ། སོ་སོའི་ཁྱིམ་རྒྱུད༌དང༌། སྐད༌རིགས། ཡུལ༌ལུང༌། རྒྱལ་ཕྲན་བཞིན་དུ་ཡིན༌ནོ།།   
\p
\v 32 དེ་དག་ནི་ནོ་ཨའི་བུ་རྣམས་ཀྱི་རྒྱུད་པ༌སྟེ། སོ་སོའི་རིགས་རྒྱུད་དང་རྒྱལ་ཕྲན་བཞིན་དུ༌ཡིན། ཆུ་ལོག་བྱུང་བའི་རྗེས༌སུ། དེ་རྣམས་ལས་ས་སྟེང་གི་རྒྱལ་ཕྲན་རྣམས་སོ་སོའི་གནས་སུ་དར་བར་གྱུར༌ཏོ།།   
\c 11
\cl ལེའུ་བཅུ་གཅིག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 སྐད་རིགས་སྣ་མང་བྱུང་བའི་རྒྱུ༌རྐྱེན།  
\p
\v 1 དེ་ཡང་སྐབས་དེར་ས་སྟེང་གི་མི་ཀུན་གྱི་སྐད་དང་བརྗོད་པ་གཅིག་མཚུངས༌ཡིན།  
\v 2 མི་དེ་རྣམས་ཤར་ཕྱོགས་སུ་གནས་སྤོར་བའི་དུས༌སུ། ཤིན་ཨར་ཡུལ་གྱི་ཐང་བདེ་མོ་ཞིག་མཐོང་སྟེ་གནས་དེར༌བསྡད།  
\v 3 དེ་ནས་ཁོ་རྣམས་ཀྱིས་ཕན་ཚུན་ལ་ན༌རེ། རང་ཅག་གིས་སོ་ཕག་བཟོ་བར༌བྱའོ། །མེར་བསྲེག་པར་བྱའོ་ཞེས་གྲོས་བྱས༌ཤིང༌། མི་དེ་རྣམས་ཀྱིས་སོ་ཕག་བླངས་ཏེ་རྡོ་རུ་བྱས་པ༌དང༌། འཇིམ་པའི་ཚབ་ལ་རྒྱ་སྐྱེགས་བཀོལ་ཏེ་ན༌རེ།  
\v 4 ཤོག༌དང༌། རང་ཅག་གི་མཚན་སྙན་གྲགས་རྒྱས་པའི༌ཕྱིར། རང་ཅག་གིས་གྲོང་ཁྱེར་ཞིག་དང་ལྕོག་མཁར་ཞིག་བཟོ་བར༌བྱའོ། །ལྕོག་མཁར་གྱི་རྩེ་མོ་གནམ་ལ་ཟུག་པ་ཞིག་བཟོ་བར༌བྱའོ། །དེ་ལྟར་མ་བྱས༌ཚེ། རང་ཅག་རྣམས་ས་སྟེང་ཀུན་ལ་འཐོར་ཉེན་ཆེ་ཞེས་སྨྲས༌སོ།།   
\p
\v 5 དེ་ཡང་འཇིག་རྟེན་མི་ཀུན་གྱིས་གྲོང་ཁྱེར་དང་ལྕོག་མཁར་བཞེང་བཞིན་པ་མཐོང་བའི་ཆེད་དུ་དཀོན་མཆོག་ཡ་ཝཱེ་མར་འཇིག་རྟེན་དུ་ཕེབས༌ཏེ།  
\v 6 ཁོང་གིས་འདི་སྐད༌དུ། ལྟོས༌དང༌། དེ་རྣམས་མི་རིགས་གཅིག་ཡིན་ཞིང་སྐད་རིགས་གཅིག་སྨྲ་བ༌དང༌། དེང་སང་དོན་འདི་སྒྲུབ་འགོ་བརྩམས༌ཤིང༌། ཕྱིས་སུ་དེ་དག་གིས་བསྒྲུབ་པར་འགྱུར་བའི་ལས་ལ་མི་འགྲུབ་པ་ཅི་ཡང༌མེད།  
\v 7 ངེད་རྣམས་སོང་ནས་དེ་དག་གི་སྐད་ལ་འགྱུར་བ་བྱུང་དུ་བཅུག༌སྟེ། ཕན་ཚུན་བར་གོ་བརྡའང་མི་འཕྲོད་པར་བྱའོ་ཞེས་གསུངས༌སོ།།  
\v 8 དེ་ནས་དཀོན་མཆོག་ཡ་ཝཱེས་མི་དེ་རྣམས་ས་སྟེང་ཀུན་ལ་གཏོར་བ༌དང༌། དེ་རྣམས་ཀྱིས་ཀྱང་གྲོང་ཁྱེར་བཟོ་མཚམས་བཞག༌གོ །  
\v 9 གྲོང་ཁྱེར་དེའི་མིང་ལ་པཱ་པེལ་\f + \ft པཱ་པེལ་ཞེས་པ་ནི་གྲོང་ཁྱེར་ཞིག་གི་མིང༌སྟེ། འདིར་པཱ་པེལ་ལོན་ཞེས་འབྲི་བའང་ཡོད། \f*ཞེས་ཟེར༌ཏེ། དཀོན་མཆོག་ཡ་ཝཱེས་ས་སྟེང་ཀུན་གྱི་སྐད་རིགས་ཉོག་ཏུ་བཅུག་པ༌དང༌། མི་ཐམས་ཅད་ཀྱང་ས་གཞི་ཡོངས་ལ་འཐོར་བར་མཛད་པའི་ཕྱིར༌རོ།།   
\s1 ཤེམ་གྱི་རིགས་རྒྱུད༌སྐོར།  
\p
\v 10 ཤེམ་གྱི་རིགས་རྒྱུད་ནི་གཤམ་གསལ༌ལྟར། དེ་ཡང་ཆུ་ལོག་བྱུང་བའི་ལོ་གཉིས་ཀྱི་རྗེས༌སུ། ཤེམ་ལོ་བརྒྱ་ལོན་པའི་དུས་ལ་བུ་ཨར་པག་ཤད༌སྐྱེས།  
\v 11 ཨར་པག་ཤད་སྐྱེས་པའི་རྗེས༌སུ། ཤེམ་ཡང་ལོ་ལྔ་བརྒྱར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 12 ཨར་པག་ཤད་ལོ་སོ་ལྔ་ལོན་པའི་དུས་སུ་བུ་ཤེ་ལཱ༌སྐྱེས།  
\v 13 ཤེ་ལཱ་སྐྱེས་པའི་རྗེས་སུ་ཨར་པག་ཤད་ཡང་ལོ་བཞི་བརྒྱ་དང་གསུམ་ལ་བཞུགས་ཏེ་བུ་དང་བུ་མོ་གཞན་དག་ཀྱང་བསྐྱངས༌སོ།།  
\v 14 ཤེ་ལཱ་ལོ་སུམ་ཅུ་ལོན་པའི་དུས་སུ་བུ་ཨེ་བེར༌སྐྱེས།  
\v 15 ཨེ་བེར་སྐྱེས་པའི་རྗེས་སུ་ཤེ་ལཱ་ཡང་ལོ་བཞི་བརྒྱ་དང་གསུམ་ལ་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 16 ཨེ་བེར་ལོ་སོ་བཞི་ལོན་པའི་དུས་སུ་བུ་ཕེ་ལེག༌སྐྱེས།  
\v 17 ཕེ་ལེག་སྐྱེས་པའི་རྗེས་སུ་ཨེ་བེར་ཡང་ལོ་བཞི་བརྒྱ་དང་སུམ་ཅུ་ལ་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 18 ཕེ་ལེག་ལོ་སུམ་ཅུ་ལོན་པའི་དུས་སུ་བུ་རེའེ་ཨུ༌སྐྱེས།  
\v 19 རེའེ་ཨུ་སྐྱེས་པའི་རྗེས་སུ་ཕེ་ལེག་ཡང་ལོ་ཉིས་བརྒྱ་དང་དགུ་ལ་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 20 རེའེ་ཨུ་ལོ་སུམ་ཅུ་སོ་གཉིས་ལོན་པའི་དུས་སུ་བུ་སེ་རུག༌སྐྱེས།  
\v 21 སེ་རུག་སྐྱེས་པའི་རྗེས་སུ་རེའེ་ཨུ་ཡང་ལོ་ཉིས་བརྒྱ་དང་བདུན་ལ་བཞུགས་ཏེ་བུ་དང་བུ་མོ་གཞན་དག་ཀྱང་བསྐྱངས༌སོ།།  
\v 22 སེ་རུག་ལོ་སུམ་ཅུ་ལོན་པའི་དུས་སུ་བུ་ནཱ་ཧོར༌སྐྱེས།  
\v 23 ནཱ་ཧོར་སྐྱེས་པའི་རྗེས་སུ་སེ་རུག་ཡང་ལོ་ཉིས་བརྒྱར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 24 ནཱ་ཧོར་ལོ་ཉེར་དགུ་ལོན་པའི་དུས་སུ་བུ་ཐ་རཱ༌སྐྱེས།  
\v 25 ཐ་རཱ་སྐྱེས་པའི་རྗེས་སུ་ནཱ་ཧོར་ཡང་ལོ་བརྒྱ་དང་བཅུ་དགུར་བཞུགས་ཏེ་བུ་དང་བུ་མོ་གཞན་རྣམས་ཀྱང་བསྐྱངས༌སོ།།  
\v 26 ཐ་རཱ་ལོ་བདུན་ཅུ་ལོན་པའི་དུས་སུ་བུ་ཨབ་རམ༌དང༌། ནཱ་ཧོར༌དང༌། ཧཱ་རན་བཅས་སྐྱེས༌སོ།།   
\p
\v 27 ཐ་རཱའི་རིགས་རྒྱུད་རྣམས་གཤམ་དུ་བཀོད་པ་འདི་ལྟ༌སྟེ། ཐ་རཱ་ལ་བུ་ཨབ་རམ༌དང༌། ནཱ་ཧོར༌དང༌། ཧཱ་རན་བཅས་སྐྱེས༌ཤིང༌། ཧཱ་རན་ལ་བུ་ལོད་ཐུ༌སྐྱེས།  
\v 28 ཧཱ་རན་ནི་ཁོའི་ཕ་སྟེ་ཐ་རཱ་འཇིག་རྟེན་དུ་བཞུགས་དུས་ཚེ་ལས་འདས༌སོ། །གང་དུ་ཞེ༌ན། ཀལ་དི་ཡུལ་དུ་ཡོད་པའི་རང་གི་ཕ་ཡུལ་ཨུར་གྲོང་ཁྱེར་ནས་ཤི༌བའོ།།  
\v 29 ཨབ་རམ་དང་ནཱ་ཧོར་གཉིས་ཀྱིས་ཆུང་མ་བླངས༌ཤིང༌། ཨབ་རམ་གྱི་ཆུང་མའི་མིང་ལ་སཱ་ར་ཡུ་ཞེས་ཟེར་བ༌དང༌། ནཱ་ཧོར་གྱི་ཆུང་མའི་མིང་ལ་མིལ་ཀཱ་ཞེས་འབོད༌དོ། །ཁོ་མོ་ནི་ཧཱ་རན་གྱི་བུ་མོ་ཡིན་ཞིང་ཧཱ་རན་ནི་མིལ་ཀཱ་དང་ཡེས་ཀཱ་ཞེས་བྱ་བའི་ཕ་ཡིན༌ནོ།།  
\v 30 སཱ་ར་ཡུ་ནི་མོ་གཤམ་ཡིན་པས་བུ་མ་བྱུང༌ངོ༌།།   
\p
\v 31 དེ་ནས་ཐ་རཱ་ཡིས་རང་གི་བུ་ཨབ་རམ་དང་རང་གི་ཚ་བོ་སྟེ་ཧཱ་རན་གྱི་བུ་ལོད་ཐུ༌དང༌། གཞན༌ཡང༌། བུ་ཨབ་རམ་གྱི་ཆུང་མ་སཱ་ར་ཡུ་བཅས་ཁྲིད༌དེ། ཀལ་དི་ཡུལ་དུ་ཡོད་པའི་ཨུར་ནས་ཀ་ན་ཨན་ཡུལ་དུ་འགྲོ་བའི་ལམ་ལ༌ཆས། འོན་ཀྱང་ཁོ་རྣམས་ཧཱ་རན་གྲོང་ཁྱེར་དུ་ཕྱིན་ཏེ་བསྡད༌དོ།།  
\v 32 ཐ་རཱ་བསྡོམས་པས་ལོ་ཉིས་བརྒྱ་དང་ལྔ་ལ་བཞུགས་ཏེ་ཧཱ་རན་གྲོང་ཁྱེར་དུ་ཚེ་ལས་འདས༌སོ།།   
\c 12
\cl ལེའུ་བཅུ་གཉིས༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 དཀོན་མཆོག་གིས་ཨབ་རམ་ལ་ཞལ་འབོད་གནང༌བ།  
\p
\v 1 དེ་ནས་དཀོན་མཆོག་ཡ་ཝཱེས་ཨབ་རམ་ལ་འདི་སྐད༌དུ། ཁྱོད་ནི་རང་གི་ཕ་ཡུལ་དང་ཉེ༌འབྲེལ། ཕ་གཞིས་བཅས་དང་ཁ་བྲལ་ནས་བདག་གིས་ཁྱོད་ལ་སྟོན་པར་འགྱུར་བའི་ཡུལ་དེར་སོང༌ཞིག  
\v 2 བདག་གིས་ཁྱོད་རྒྱལ་ཁབ་ཆེན་པོར་འགྱུར་བར་བྱེད་པ༌དང༌། བདག་གིས་ཁྱོད་ལ་བྱིན་གྱིས་བརླབས་ཏེ་ཁྱོད་སྙན་གྲགས་དང་ལྡན་པར་བྱེད༌པས། ཁྱོད་ཀྱིས་ཀྱང་མི་གཞན་ལ་བདེ་སྐྱིད་བསྐྲུན་ངེས༌ཡིན།  
\v 3 ཁྱོད་ལ་བདེ་བ་སྐྲུན་མཁན་གང་ཞིག་ལ་བདག་གིས་ཀྱང་བྱིན་རླབས་གནང་བར༌བྱའོ། །ཁྱོད་ལ་སྡིགས་དམོད་བྱེད་མཁན་གང་ཞིག་ལ་བདག་གིས་ཀྱང་སྡིགས་དམོད༌བྱའོ། །ཡང་ས་སྟེང་གི་མི་རིགས་ཐམས་ཅད་ལ་ཁྱོད་རང་བརྒྱུད་ནས་བྱིན་རླབས་འཐོབ་པར་འགྱུར་ཞེས་གསུངས༌སོ།།   
\p
\v 4 དེ་ནས་ཨབ་རམ་ནི་དཀོན་མཆོག་ཡ་ཝཱེའི་བཀའ་ལྟར་ཕར་ཕྱིན༌ཅིང༌། ལོད་ཐུའང་ཨབ་རམ་དང་མཉམ་དུ་སོང༌ངོ༌། །ཨབ་རམ་ཞེས་བྱ་བ་ཧཱ་རན་གྲོང་ཁྱེར་ནས་འགྲོ་དུས་དགུང་ལོ་བདུན་ཅུ་དོན་ལྔ་ཡིན༌ནོ།།  
\v 5 ཨབ་རམ་གྱིས་ཁོང་གི་ཆུང་མ་སཱ་ར་ཡུ་དང་ཚ་བོ་ལོད་ཐུ་ཁྲིད༌དེ། ཁོ་རྣམས་ཀྱིས་ཧཱ་རན་དུ་བསགས་པའི་རྒྱུ་ནོར་ཁྱེར་ནས་མི་རྣམས་དང་བཅས་པ་ཀ་ན་ཨན་ཡུལ་དུ་ཆས་ཤིང་དེ་རུ་སླེབས༌སོ།།  
\v 6 ཨབ་རམ་ཡུལ་དེ་བརྒྱུད་ནས་སི་ཀེམ་ཡུལ་གྱི་མོར་རེའེ་ཡི་བེ་ཤིང་རྩར་སླེབས་པ༌དང༌། དུས་དེར་ཀ་ན་ཨན་གྱི་མི་རྣམས་ཀྱང་ཡུལ་དེར་བསྡད་ཡོད༌དོ།།  
\v 7 དེ་ནས་དཀོན་མཆོག་ཡ་ཝཱེས་ཨབ་རམ་ལ་མངོན་པར་མཛད་དེ་འདི་སྐད༌དུ། བདག་གིས་ཡུལ་འདི་ཁྱོད་ཀྱི་རིགས་རྒྱུད་ཕྱི་མ་རྣམས་ལ་སྦྱིན་པར་བྱའོ་ཞེས་གསུངས༌པས། ཨབ་རམ་གྱིས་ཡུལ་དེ་ནས་རང་ལ་མངོན་པར་མཛད་པའི་དཀོན་མཆོག་ཡ་ཝཱེ་ལ་མཆོད་ཁྲི་ཞིག༌བཞེངས།  
\v 8 ཡང་ཨབ་རམ་ཡུལ་དེ་ནས་པེད་ཨེལ་གྱི་ཤར་ཕྱོགས་སུ་ཡོད་པའི་རི་བོའི་གནས་སུ་སྤར་ཏེ་སྦྲ་གུར་ཕུབ་པར་མཛད༌དོ། །ཡུལ་དེའི་ནུབ་ཕྱོགས་ནི་པེད་ཨེལ་དང་ཤར་ཕྱོགས་ནི་ཨེ་ཡུ་གཉིས༌སོ། །ཡང་ཁོང་གིས་ཡུལ་དེ་ནས་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བཞེངས་ཏེ་ཁོང་གི་མཚན་ལ་ཞུ་བ༌ཞུས།  
\v 9 ཕྱིས་སུ་ཨབ་རམ་ཡང་རིམ་གྱིས་ནེ་གུབ་\f + \ft ནེ་གུབ་ཅེས་པ་ནི་ཡ་ཧུ་དཱའི་སྐད་དོད་དེ་དབེན་སྟོང་གི་སྐམ་ས་ཞེས་པའི་དོན་ཏེ་ལྷོ་ཕྱོགས་ཀྱི་ཡུལ་རྣམས་སྟོན་པ༌ཡིན།\f*ཡུལ་ཕྱོགས་སུ་གནས་སྤར༌ཏོ།།   
\s1 ཨབ་རམ་ཞེས་བྱ་བ་ཨེ་ཅིབ་ཡུལ་དུ་སོང༌བ།  
\p
\v 10 དེ་ཡང་ཀ་ན་ཨན་ཡུལ་དུ་མུ་གེ་ཤིན་ཏུ་ཆེན་པོ་བྱུང༌བས། ཨབ་རམ་འཁོར་དང་བཅས་པ་གནས་སྐབས་སུ་སྡོད་པའི་ཕྱིར་མར་ཨེ་ཅིབ་ཡུལ་དུ་སོང་བ༌དང༌།  
\v 11 ཨེ་ཅིབ་ཡུལ་དུ་སླེབས་ལ་ཉེ་བ༌ན། ཁོས་རང་གི་ཆུང་མ་སཱ་ར་ཡུ་ལ་འདི༌ལྟར། ཉོན༌དང༌། བདག་གིས་ཁྱོད་ནི་མཛེས་ཤིང་སྡུག་པའི་བུད་མེད་ཅིག་ཡིན་པ་ཤེས༌སོ།།  
\v 12 ཨེ་ཅིབ་ཀྱི་མི་རྣམས་ཀྱིས་ཁྱོད་རང་མཐོང་བ༌ན། འདི་ནི་ཁོའི་ཆུང་མ་ཡིན་ཞེས་སྨྲ་ངེས༌ཤིང༌། དེ་དག་གིས་ང་རང་གསོད་པར་འགྱུར་ཡང་ཁྱོད་ནི་གསོན་པར་བྱེད༌དོ།།  
\v 13 དེའི༌ཕྱིར། ཁྱོད་ནི་བདག་གི་སྲིང་མོ་ཡིན་ཞེས་སྨྲ་བར༌མཛོད། ཅིའི་ཕྱིར་ཞེ༌ན། ང་རང་ཁྱོད་ལ་བརྟེན་ནས་བདེ་བར་གནས༌ཤིང༌། ངའི་ཚེ་སྲོག་ཀྱང་ཁྱོད་ལ་བརྟེན་ནས་གསོན་ཐུབ་པའི་ཕྱིར་ཡིན་ཞེས་སྨྲས༌སོ།།  
\v 14 དེ་ནས་ཨབ་རམ་འཁོར་དང་བཅས་པ་ཨེ་ཅིབ་ཡུལ་དུ་སླེབས་པ༌དང༌། ཨེ་ཅིབ་ཀྱི་མི་རྣམས་ཀྱིས་བུད་མེད་དེ་ཤིན་ཏུ་མཛེས་པར་མཐོང༌ཞིང༌།  
\v 15 རྒྱལ་པོ་ཕཱར་ཨོལ་གྱི་བློན་ཆེན་རྣམས་ཀྱིས་བུད་མེད་མཛེས་མ་དེ་མཐོང་ཞིང་ཁོའི་མདུན་དུ་བསྟོད་བསྔགས་བྱས༌པས། བུད་མེད་དེའང་རྒྱལ་པོའི་ཕོ་བྲང་དུ་ཁྲིད༌དོ།།  
\v 16 རྒྱལ་པོས་བུད་མེད་དེའི་དབང་གིས་ཨབ་རམ་ལ་སྣེ་ལེན་རྒྱ་ཆེན་པོ་མཛད༌ཅིང༌། ཁོང་ལ་ར་ལུག༌དང༌། བ༌གླང༌། རྔ༌མོང༌། བོང༌གསེབ། བོང༌མ། གཡོག་པོ་དང་གཡོག་མོ་རྣམས་ཀྱང་ཐོབ༌བོ།།  
\v 17 དེ་ནས་དཀོན་མཆོག་ཡ་ཝཱེས་ཨབ་རམ་གྱི་ཆུང་མ་སཱ་ར་ཡུའི་དོན་རྐྱེན་གྱི་དབང་གིས་ཕཱར་ཨོལ་དང་ཁོའི་ཁྱིམ་མི་ཡོངས་ལ་སྡུག་བསྔལ་ཆེན་པོ་ཕོག་པར་མཛད༌ཅིང༌།  
\v 18 ཕཱར་ཨོལ་གྱིས་ཨབ་རམ་བོས་ཏེ་ན༌རེ། ཁྱོད་ཀྱིས་བདག་ལ་ཅི་བྱས༌སམ། བུད་མེད་དེ་ཁྱོད་ཀྱི་ཆུང་མ་ཡིན་ཞེས་མི་སྨྲ་བའི་རྒྱུ་མཚན༌ཅི།  
\v 19 བུད་མེད་དེ་ཁྱོད་ཀྱི་སྲིང་མོ་ཡིན་ཞེས་སྨྲས༌ཏེ། ཁོ་མོ་བདག་གི་ཆུང་མར་ལེན་དུ་འཇུག་དོན༌ཅི། ད་ལྟ་ཁྱོད་ཀྱི་ཆུང་མ་འདི་རུ་ཡོད་པས་ཁྱོད་ཀྱིས་ཕྱིར་ཁྲིད་ཅིག་ཅེས་སྨྲས༌སོ།།  
\v 20 དེ་ནས་ཕཱར་ཨོལ་གྱིས་རང་གི་མི་རྣམས་ལ་བཀའ་བསྒོས༌ཏེ། ཨབ་རམ་དང་ཁོའི་ཆུང༌མ། ད་དུང་ཁོ་ལ་དབང་བ་ཐམས་ཅད་ཀྱང་ཕྱིར་བསྐྱལ༌ཏོ།།   
\c 13
\cl ལེའུ་བཅུ་གསུམ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨབ་རམ་དང་ལོད་ཐུ་གཉིས་སོ་སོར་གྱེས༌པ།  
\p
\v 1 དེ་ནས་ཨབ་རམ་གྱིས་ཁོའི་ཆུང་མ་དང་ལོད་ཐུ༌དང༌། རང་ལ་དབང་བ་ཐམས་ཅད་ཁྱེར༌ཏེ། ཨེ་ཅིབ་ཡུལ་ནས་ཡར་ནེ་གུབ་ཡུལ་དུ་ཕྱིན་པ༌དང༌།  
\v 2 ཨབ་རམ་ལ་གསེར་དང་དངུལ་དང་ཕྱུགས་ཟོག་ཤིན་ཏུ་མང་པོ་མཆིས༌སོ།།   
\p
\v 3 དེ་ནས་ཨབ་རམ་དང་བཅས་པ་ནེ་གུབ་ཡུལ་ནས་རིམ་གྱིས་པེད་ཨེལ་གྱི་ཕྱོགས་སུ་སོང༌སྟེ། པེད་ཨེལ་དང་ཨེ་ཡུ་གཉིས་ཀྱི་བར་དུ་སླེབས་སོ། །དེ་ནི་སྔོན་ཆད་ཁོ་རྣམས་ཀྱིས་སྦྲ་གུར་ཕུབ་པའི་གནས་དེ་ཡིན༌ལ།  
\v 4 ཁོང་གིས་ཐོག་མར་མཆོད་ཁྲི་བཞེངས་པའི་གནས་དེའང་ཡིན༌ནོ། །ཁོང་གིས་གནས་དེ་རུ་དཀོན་མཆོག་ཡ་ཝཱེའི་མཚན་ནས་བོས༌པའོ།།  
\v 5 ཨབ་རམ་དང་མཉམ་དུ་སོང་བའི་ལོད་ཐུ་ལའང་བ་ཁྱུ༌དང༌། ར་ལུག་གི་ཁྱུ༌དང༌། སྦྲ་གུར་བཅས་ལྡན༌ནོ།།  
\v 6 ཁོ་རྣམས་ལ་རྒྱུ་ནོར་དེ་འདྲ་མང་པོ་ཡོད་པས་ཡུལ་དེར་ཁོ་རྣམས་མ་ཤོང་བ་དང་ལྷན་དུའང་སྡོད་མ་ནུས༌པར།  
\v 7 ཨབ་རམ་གྱི་རྫི་བོ་དང་ལོད་ཐུའི་རྫི་བོ་རྣམས་ཀྱི་བར་དུ་འཁྲུག་རྩོད་བྱུང་བ༌རེད། དུས༌དེར། ཀ་ན་ཨན་མི་རིགས་དང་ཕེ་རེ་ཟི་མི་རིགས་ཀྱང་གནས་དེར་བསྡད་ཡོད༌དོ།།   
\p
\v 8 དེ་ནས་ཨབ་རམ་གྱིས་ལོད་ཐུ་ལ་འདི་སྐད༌དུ། ངེད་གཉིས་འཁྲུག་རྩོད་བྱ་མི་འོས༌ལ། ཁྱོད་ཀྱི་རྫི་བོ་དང་བདག་གི་རྫི་བོ་གཉིས་ཀྱང་རྩོད་མི་འོས༌སོ། །ཅིའི་ཕྱིར་ཞེ༌ན། རང་ཅག་ནི་སྤུན་མཆེད་ཡིན་པའི་ཕྱིར༌རོ།།  
\v 9 ས་གཞི་ཐམས་ཅད་ཁྱོད་ཀྱི་མིག་མདུན་དུ་ཡོད་པ་མ་ཡིན༌ནམ། ཁྱོད་བདག་དང་ཁ་འབྲལ་བར༌གྱིས། ཁྱོད་རང་གཡོན་ཕྱོགས་སུ་སོང༌ན། ང་རང་གཡས་ཕྱོགས་སུ༌འགྲོའོ། །ཁྱོད་རང་གཡས་ཕྱོགས་སུ་སོང༌ན། ང་རང་གཡོན་ཕྱོགས་སུ་འགྲོ་བར་བྱའོ་ཞེས་སྨྲས༌སོ།།  
\v 10 དེ་ནས་ལོད་ཐུས་མགོ་ཡར་བཀྱགས་ཏེ་ཡོར་དན་གཙང་པོའི་ཡུལ་འཁོར་ཐམས་ཅད་ལ་བལྟས་པ༌ན། ས་ཆ་ཡོངས་སུ་ཆུ་ཤིན་ཏུ་མང་བ༌མཐོང༌། ཡུལ་དེ་ནི་ཚོ་ཨར་གྱི་བར་དུ་དཀོན་མཆོག་ཡ་ཝཱེས་སཱ་དོམ་དང་གཱ་མོ་ར་གཉིས་འཇོམས་པར་མ་མཛད་སྔོན་གྱི་དཀོན་མཆོག་ཡ་ཝཱེའི་ལྡུམ་ར་དང་འདྲ༌ཞིང༌། ཨེ་ཅིབ་ཀྱི་ཡུལ་དང་མཚུངས༌པས།  
\v 11 ལོད་ཐུ་ཡིས་ཡོར་དན་གཙང་པོའི་ཡུལ་འཁོར་ཐམས་ཅད་བདམས༌ཏེ། ཤར་ཕྱོགས་སུ་གནས་སྤར་བ་དང་ཁོ་རྣམས་ཕན་ཚུན་ཁ་གྱེས་པ༌རེད།  
\v 12 དེ་ནས་ཨབ་རམ་ཞེས་བྱ་བ་ཀ་ན་ཨན་ཡུལ་དུ་བསྡད་པ༌དང༌། ལོད་ཐུ་ཡུལ་འཁོར་གྱི་གྲོང་ཁྱེར་རྣམས་སུ་བསྡད༌ཅིང༌། ཡང་རིམ་གྱིས་སྦྲ་གུར་རྣམས་སཱ་དོམ་བར་དུ་གནས་སྤར༌ཏོ།།  
\v 13 དེ་ཡང་སཱ་དོམ་གྱི་མི་རྣམས་ངན་པ་ཤ་སྟག་ཡིན༌ཞིང༌། དཀོན་མཆོག་ཡ་ཝཱེའི་སྤྱན་སྔར་སྡིག་པ་ཚབས་ཆེན་བྱེད༌དོ།།   
\p
\v 14 དེ་ནས་ལོད་ཐུ་ཞེས་བྱ་བ་ཨབ་རམ་དང་ཁ་གྱེས༌རྗེས། དཀོན་མཆོག་ཡ་ཝཱེས་ཨབ་རམ་ལ་འདི་སྐད༌དུ། ཁྱོད་ཀྱིས་རང་གི་གནས་ཡུལ་ནས་མགོ་ཡར་བཀྱགས་ཏེ་ཤར་ལྷོ་ནུབ་བྱང་གི་ཕྱོགས་སུ་ལྟོས༌དང༌།  
\v 15 ཁྱོད་ཀྱི་མིག་གིས་མཐོང་ཚད་ཐམས་ཅད་བདག་གིས་ཁྱོད་དང་ཁྱོད་ཀྱི་བུ་རྒྱུད་ལ་གཏན་དུ་སྦྱིན་པར་འགྱུར༌རོ།།  
\v 16 བདག་གིས་ཁྱོད་ཀྱི་རིགས་རྒྱུད་རྣམས་རྡུལ་གྲངས་དང་མཉམ་པར་བྱ་ངེས༌ཡིན། སུ་ཞིག་གིས་ས་ཡི་རྡུལ་གྲངས་ལ་རྩིས་ལེན་ཐུབ༌ན། ད་གཟོད་ཁྱོད་ཀྱི་རིགས་རྒྱུད་ལའང་རྩིས་ལེན་ནུས༌སོ།།  
\v 17 ཁྱོད་ཡར་ལོངས༌དང༌། ཡུལ་འདིའི་ཕྱོགས་ཀུན་ལ་སོང༌ཞིག རྒྱུ་མཚན་ནི་བདག་གིས་ས་འདི་ཁྱོད་ལ་སྦྱིན་ངེས་ཡིན་པའི་ཕྱིར་རོ་ཞེས་གསུངས༌སོ།།  
\v 18 དེ་ནས་ཨབ་རམ་གྱིས་རང་གི་སྦྲ་གུར་གནས་སྤར༌ཞིང༌། ཧེབ་རོན་གྱི་མཱན་རེའེ་ཞེས་བྱ་བའི་བེ་ཤིང་སྐྱེད་ཚལ་གྱི་ཉེ་འགྲམ་དུ་བསྡད་པ་དང་། གནས་དེ་རུ་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བཞེངས༌སོ།།   
\c 14
\cl ལེའུ་བཅུ་བཞི༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨབ་རམ་གྱིས་ལོད་ཐུའི་སྲོག་བསྐྱབས༌པ།  
\p
\v 1 དེ་ཡང་ཤིན་ཨར་ཡུལ་གྱི་རྒྱལ་པོ་ཨམ་རཱ་ཕིལ༌དང༌། ཨེལ་ལ་སཱར་ཡུལ་གྱི་རྒྱལ་པོ་ཨར༌ཡོག ཨེ་ལཱམ་ཡུལ་གྱི་རྒྱལ་པོ་ཀཱ་དོར་ལཱ་ཨོ༌མེར། གོ་ཡེམ་ཡུལ་གྱི་རྒྱལ་པོ་ཐིད་ཨལ་བཅས་ཀྱི་དུས༌སུ།  
\v 2 རྒྱལ་པོ་འདི་བཞི་པོས་སཱ་དོམ་གྱི་རྒྱལ་པོ་པེ་རཱ༌དང༌། གཱ་མོ་ར་ཡི་རྒྱལ་པོ་པེར༌ཤཱ། ཨད་མཱ་ཡི་རྒྱལ་པོ་ཤིན༌ཨབ། ཚཱ་བོ་ཡིམ་གྱི་རྒྱལ་པོ་ཤེམ་ཨེ༌བེར། པེ་ལཱ་༼དེང་སང་ཚོ་ཨར་ཞེས་ཀྱང་བྱ།༽ཡི་རྒྱལ་པོ་དང་བཅས་པར་དམག་དྲངས༌སོ།།  
\v 3 དེ་ནས་རྒྱལ་པོ་དེ་རྣམས་སིད་དིམ་ལུང་པར་གཅིག་ཏུ༌འདུས། ལུང་པ་དེ་ནི་ཚྭ་མཚོ༌དེའོ།།   
\p
\v 4 དེ་སྔར་དེ་དག་ཀཱ་དོར་ལཱ་ཨོ་མེར་གྱི་མངའ་འོག་ཏུ་ལོ་བཅུ་གཉིས་རིང་ལ་བསྡད་ཅིང་ལོ་བཅུ་གསུམ་པར་ངོ་ལོག༌བྱས།  
\v 5 དེ་ཡང་ལོ་བཅུ་བཞི༌པར། ཀཱ་དོར་ལཱ་ཨོ་མེར་གྱི་མནའ་འབྲེལ་རྒྱལ་པོ་ཐམས་ཅད་ཨ་ཤ་ཐ་རོད་ཀར་ནཱ་ཡེམ་ཞེས་པའི་ཡུལ་དུ་འོངས༌ཏེ། རེ་པཱ་མི་རིགས༌དང༌། ཧཱམ་ཞེས་པའི་ཡུལ་གྱི་ཟུ་ཟ་མི༌རིགས། ཤཱ་ཝེ་ཀིར་ཡ་ཐཱ་ཡེམ་ཡུལ་གྱི་ཨེ་མཱ་མི༌རིགས།  
\v 6 དབེན་སྟོང་གི་འགྲམ་དུ་ཡོད་པའི་ཨེལ་ཕཱ་རན་ཡུལ་ནས་སེ་ཨིར་རི་བོའི་བར་དུ་གནས་པའི་ཧོར་མི་རིགས་བཅས་ལ་དམག་དྲངས་ཤིང་དེ་ལས་རྣམ་པར་རྒྱལ༌ཏོ།།  
\v 7 དེ་ནས་ཁོ་རྣམས་ཕྱིར་ལོག་པའི་ལམ་བར་དུ་ཨིན་མུས་ཕཱད་ཅེས་པ་སྟེ་ཀཱ་དེའེ་ཤཱ་ཡུལ་དུ་སོང༌སྟེ། ཨ་མཱད་ལེག་མི་རིགས་ཀྱི་ཡུལ་ཐམས་ཅད༌དང༌། ཧ་ཚོན་ཐལ་མཱར་ཡུལ་དུ་གནས་པའི་ཨེ་མོར་མི་རིགས་བཅས་ལ་དམག་དྲངས་ཤིང་དེ་ལས་རྣམ་པར་རྒྱལ༌ཏོ།།   
\p
\v 8 དེ་ནས་སཱ་དོམ༌དང༌། གཱ་མོ༌ར། ཨད༌མཱ། ཚཱ་བོ༌ཡིམ། པེ་ལཱའམ་ཚོ་ཨར་བཅས་ཀྱི་རྒྱལ་པོ་རྣམས་སླེབས་པ༌དང༌། སིད་དིམ་ལུང་པ་ནས་གཡུལ་བཤམས་ཏེ་ཁོ་རྣམས་ལ་གཡུལ་འགྱེད་པ༌སྟེ།  
\v 9 ཨེ་ལཱམ་གྱི་རྒྱལ་པོ་ཀཱ་དོར་ལཱ་ཨོ་མེར༌དང༌། གོ་ཡེམ་གྱི་རྒྱལ་པོ་ཐིད༌ཨལ། ཤིན་ཨར་གྱི་རྒྱལ་པོ་ཨམ་རཱ་ཕིལ། ཨེལ་ལ་སཱར་གྱི་རྒྱལ་པོ་ཨར་ཡོག་བཅས་ཡིན༌ཞིང༌། རྒྱལ་པོ་བཞི་པོས་རྒྱལ་པོ་ལྔ་པོར་གཡུལ་འགྱེད༌པའོ།།  
\v 10 དེ་ཡང་སིད་དིམ་ལུང་པར་རྒྱ་སྐྱེགས་ཀྱིས་བཀང་བའི་དོང་མང་པོ་ཡོད༌ལ། སཱ་དོམ་གྱི་རྒྱལ་པོ་དང་གཱ་མོ་ར་ཡི་རྒྱལ་པོ་གཉིས་བྲོས་ཏེ་རྒྱ་སྐྱེགས་ཀྱི་དོང་ནང་དུ་ལྷུང་ཞིང་གཞན་རྣམས་རི་ཁྲོད་དུ༌བྲོས།  
\v 11 དེ་ནས་རྒྱལ་པོ་བཞི་པོས་སཱ་དོམ་དང་གཱ་མོ་ར་ཡི་རྒྱུ་ནོར་དང་འབྲུ་རིགས་ཐམས་ཅད་ཕྲོགས་ཤིང་།  
\v 12 ཨབ་རམ་གྱི་ཚ་བོ་ལོད་ཐུ་དང་ཁོའི་རྒྱུ་ནོར་ཡང་ཕྲོགས་ནས་སོང༌། ཅིའི་ཕྱིར་ཞེ༌ན། དུས་དེར་ལོད་ཐུ་ནི་སཱ་དོམ་དུ་བསྡད་ཡོད་པའི་ཕྱིར༌རོ།།   
\p
\v 13 དེ་ཡང་ཕྱིར་བྲོས་འོངས་པའི་མི་ཞིག་གིས་ཨིབ་རི་པ་\f + \ft ཨིབ་རི་པ་ཞེས་པ་ནི་གནའ་བོའི་ཡ་ཧུ་དཱ་མི་རིགས་ཀྱི་མིང་གཞན༌ཡིན།\f*ཨབ་རམ་ལ་གནས་ཚུལ་དེའི་སྐོར༌སྨྲས། ཨབ་རམ་ནི་སྐབས་དེར་ཨེ་མོར་མི་རིགས་ཀྱི་མཱན་རེའེ་ཞེས་བྱ་བའི་བེ་ཤིང་སྐྱེད་ཚལ་གྱི་ཉེ་འགྲམ་དུ་བསྡད་ཡོད༌ཅིང༌། མཱན་རེའེ་བྱ་བ་ནི་ཨེ་ཤ་ཀོལ་དང་ཨ་ནེར་གཉིས་ཀྱི་སྤུན་ཡིན༌ལ། ཁོ་རྣམས་ཀྱིས་ཨབ་རམ་དང་མནའ་འབྲེལ་བྱས་མྱོང༌ངོ༌།།  
\v 14 དེ་ནས་ཨབ་རམ་གྱིས་ཁོང་གི་ཚ་བོ་ལོད་ཐུ་བཙན་བཟུང་བྱས་པའི་གནས་ཚུལ་ཐོས༌ཏེ། རང་ཁྱིམ་ནས་ནར་སོན་ཅིང་དམག་རྩལ་སྦྱངས་པའི་ཕོ་རྒོད་སུམ་བརྒྱ་དང་བཅོ་བརྒྱད་ཁྲིད་ནས་དཱན་ཞེས་པའི་ཡུལ་བར་དུ་ར་མདར༌རྒྱུགས།  
\v 15 མཚན་མོའི་དུས༌སུ། ཨབ་རམ་གྱིས་རང་ཉིད་དང་དམག་མི་སྡེ་ཚན་བགོས་ནས་དགྲ་བོ་འཇོམས་པར་བྱས་པ༌དང༌། དེ་ནས་ཡང་དཱ་མེ་སེག་གི་བྱང་ཕྱོགས་སུ་ཡོད་པའི་ཧོ་བཱ་ཡུལ་བར་དུ་བདས༌ཏེ།  
\v 16 སྔར་ཕྲོགས་ཟིན་པའི་རྒྱུ་ནོར་ཐམས་ཅད་ཕྱིར་བླངས་པར་མ༌ཟད། ད་དུང་ཁོང་གི་ཚ་བོ་ལོད་ཐུ༌དང༌། ཁོའི་རྒྱུ་ནོར་དང་བུད༌མེད། འབངས་མི་ཐམས་ཅད་ཀྱང་ཕྱིར་བླངས༌སོ།།   
\p
\v 17 དེ་ཡང་ཨབ་རམ་བྱ་བ་ཀཱ་དོར་ལཱ་ཨོ་མེར་དང་དེའི་མནའ་འབྲེལ་རྒྱལ་པོ་གཞན་རྣམས་ལས་རྣམ་པར་རྒྱལ་ཏེ་ཕྱིར་ལོག་པའི་དུས༌སུ། སཱ་དོམ་གྱི་རྒྱལ་པོ་འོངས་ནས་ཤཱ་ཝེ་ལུང་པ་རུ་ཁོང་ལ་བསུ་བ༌བྱས། ཤཱ་ཝེ་ལུང་པ་ལ་རྒྱལ་པོའི་ལུང་པ་ཞེས་ཀྱང༌ཟེར།  
\v 18 དེ་ནས་སཱ་ལེམ་གྱི་རྒྱལ་པོ་མཱལ་ཀི་ཚེ་དེག་གིས་ཀྱང་བག་ལེབ་དང་རྒུན་ཆང་ཁྱེར་ནས་བསུ་བ་བྱེད་དུ༌ཕེབས། ཁོང་ནི་བླ་ན་མེད་པའི་དཀོན་མཆོག་གི་མཆོད་དཔོན་ཞིག་ཡིན༌ནོ།།  
\v 19 ཁོང་གིས་ཨབ་རམ་ལ་བྱིན་གྱིས་བརླབས་ཏེ་འདི་སྐད༌དུ།  
\q1 གནམ་ས་གཉིས་ཀྱི་བྱེད་པོ༌དང༌།།  
\q1 བླ་ན་མེད་པའི་དཀོན་མཆོག༌གིས།།  
\q1 ཨབ་རམ་ཁྱོད་ལ་བྱིན་བརླབས༌མཛོད།།   
\q1
\v 20 དགྲ་བོ་ཐམས་ཅད་ཁྱོད་སྤྲད༌པའི།།  
\q1 བླ་ན་མེད་པའི་དཀོན་མཆོག༌ལ།།  
\q1 བསྟོད་ཅིང་བསྔགས་པར་འོས་སོ༌ལོ། །ཞེས་གསུངས༌སོ།།  
\m ཨབ་རམ་གྱིས་རང་ལ་ཐོབ་པའི་བཅུ་ཆ་གཅིག་ནི་མཱལ་ཀི་ཚེ་དེག་ལ་ཕུལ༌ཏོ།།  
\v 21 དེ་ནས་སཱ་དོམ་གྱི་རྒྱལ་པོས་ཨབ་རམ་ལ་འདི་ལྟར། ཁྱོད་ཀྱིས་འབངས་མི་རྣམས་བདག་ལ་བྱིན༌དང༌། རྒྱུ་ནོར་རྣམས་ཁྱོད་ཀྱིས་ཁྱེར་ཞིག་ཅེས་སྨྲས༌སོ།།  
\v 22 དེ་ནས་ཨབ་རམ་གྱིས་སཱ་དོམ་གྱི་རྒྱལ་པོ་ལ་འདི་སྐད༌དུ། བདག་གིས་གནམ་ས་གཉིས་ཀྱི་བྱེད་པོ་སྟེ་བླ་ན་མེད་པའི་དཀོན་མཆོག་ཡ་ཝཱེ་ལ་དམ་བཅས༌ཏེ།  
\v 23 ཁྱོད་ལ་གཏོགས་པའི་རྒྱུ་རྫས་ནི་སྐུད་པ་ཞིག༌གམ། ཡང་ན་ལྷམ་མདུད་ཅིག་ཡིན་ཡང་བདག་གིས་མི་འཁྱེར༌རོ། །ཅིའི་ཕྱིར་ཞེ༌ན། ཁྱོད་ན༌རེ། བདག་གིས་ཨབ་རམ་ཕྱུག་པོར་བཏང་བ་ཡིན་ཞེས་མི་སྨྲ་བའི་ཕྱིར༌རོ།།  
\v 24 དམག་མི་རྣམས་ཀྱིས་གང་ཞིག་ཟོས་པ༌དང༌། བདག་དང་མཉམ་དུ་ཕྱིན་པའི་ཨ་ནེར༌དང༌། ཨེ་ཤ༌ཀོལ། མཱན་རེའེ་བཅས་ལ་རང་གི་བགོ་སྐལ་འཁྱེར་དུ་འཇུག་པ་ལས༌གཞན། བདག་གིས་ཅི་ཡང་མི་འཁྱེར་ཞེས་སྨྲས༌སོ།།   
\c 15
\cl ལེའུ་བཅོ་ལྔ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 དཀོན་མཆོག་གིས་ཨབ་རམ་ལ་ཞལ་ཆད་བཞག༌པ།  
\p
\v 1 དོན་དེའི་རྗེས༌སུ། ཨབ་རམ་གྱི་ཞལ་གཟིགས་ནང་དུ་དཀོན་མཆོག་ཡ་ཝཱེས་བཀའ་བབས་ཤིང་ཁོང་ལ་འདི་སྐད༌དུ། ཨབ༌རམ། ཁྱོད་རང་འཇིགས་མི་དགོས༌ཏེ། བདག་ནི་ཁྱོད་ཀྱི་ཕུབ་ཡིན༌ཞིང༌། བདག་གིས་ཁྱོད་ལ་བྱ་དགའ་ཆེན་པོ་ཞིག་སྦྱིན་པར་བྱ་ཞེས་པ༌དང༌།  
\v 2 ཨབ་རམ་ན༌རེ། ཀྱེ། གཙོ་བོ་ཡ་ཝཱེ༌ལགས། བདག་ལ་བུ་མེད་པས་ཁྱེད་ཀྱིས་བདག་ལ་ཅི་ཞིག་གནང་བར༌བྱའམ། བདག་གི་ཁྱིམ་རྒྱུད་འཛིན་མཁན་ནི་དཱ་མེ་སེག་གི་ཨེ་ལི་ཨེ་བཟིར་ཡིན་ཞེས་པ༌དང༌།  
\v 3 ཡང་ཨབ་རམ་ན༌རེ། ཁྱེད་ཀྱིས་བདག་ལ་བུ་རྒྱུད་མ་གནང༌བས། བདག་གི་ཁྱིམ་དུ་སྐྱེས་པའི་མི་དེ་ནི་བདག་གི་ཁྱིམ་རྒྱུད་འཛིན་མཁན་ཡིན་ནོ་ཞེས་པ༌ལ།  
\v 4 ཡང་དཀོན་མཆོག་ཡ་ཝཱེས་བཀའ་བབས་ཏེ་འདི་སྐད༌དུ། མི་དེ་ཁྱོད་ཀྱི་ཁྱིམ་རྒྱུད་འཛིན་མཁན་དུ་མི༌འགྱུར། ཁྱོད་རང་ལས་སྐྱེས་པའི་བུ་ནི་ཁྱོད་ཀྱི་ཁྱིམ་རྒྱུད་འཛིན་མཁན་དུ་འགྱུར་བ་ཡིན་ཞེས༌པའོ།།  
\v 5 དེ་ནས་ཁོང་གིས་ཨབ་རམ་ཕྱི་རོལ་ཏུ་ཁྲིད་དེ་འདི་སྐད༌དུ། ཁྱོད་ཀྱིས་ནམ་མཁར་ལྟོས༌དང༌། ནམ་མཁའི་སྐར་མ་ཐམས་ཅད་བརྩི་ནུས༌སམ། བརྩི་ནུས་ན་རྩིས་ཤིག་ཅེས༌དང༌། ཡང་ཁོང་གིས་འདི་སྐད༌དུ། ཁྱོད་ཀྱི་རིགས་རྒྱུད་ཀྱང་དེ་བཞིན་དུ་འབྱུང་བར་འགྱུར་ཞེས་གསུངས༌སོ།།  
\v 6 དེ་ནས་ཨབ་རམ་གྱིས་དཀོན་མཆོག་ཡ་ཝཱེ་ལ་དད་པ་བྱས་ཤིང་དཀོན་མཆོག་ཡ་ཝཱེས་ཀྱང་ཁོང་ནི་མི་རྣམ་དག་ཏུ་བརྩིས༌སོ།།  
\v 7 དེ་ནས་ཡང་དཀོན་མཆོག་ཡ་ཝཱེས་ཨབ་རམ་ལ་འདི་སྐད༌དུ། བདག་ནི་ཡ་ཝཱེ་ཡིན༌ཏེ། བདག་གིས་ཀ་ན་ཨན་གྱི་ཡུལ་འདི་ཁྱོད་ལ་བགོ་སྐལ་དུ་སྦྱིན་པའི༌ཕྱིར། དེ་སྔར་ཁྱོད་རང་ཀལ་དི་ཡུལ་གྱི་ཨུར་ནས་ཁྲིད་ཡོང་བ་ཡིན་ཞེས་གསུངས་པ༌ལ།  
\v 8 ཨབ་རམ་ན༌རེ། ཀྱེ། གཙོ་བོ་ཡ་ཝཱེ༌ལགས། ངས་ཡུལ་འདི་བདག་གི་བགོ་སྐལ་ཡིན་པ་ཅི་ལྟར་ཤེས་ནུས་སམ་ཞེས་ཞུས༌ཤིང༌།  
\v 9 ཡང་དཀོན་མཆོག་གིས་འདི་སྐད༌དུ། ཁྱོད་ཀྱིས་བ་དྲུས་མ༌དང༌། ར༌མ། ལུག་ཐུག་བཅས་ལོ་གསུམ་ཅན་གཅིག་རེ༌དང༌། གཞན༌ཡང༌། བྱ་ཐི་བ་དང་ཕུག་རོན་ཆུང་ངུ་གཅིག་རེ་བདག་གི་མདུན་དུ་ཁྱེར་ཤོག་ཅེས་གསུངས་པ༌ལ།  
\v 10 ཨབ་རམ་གྱིས་ཀྱང་དེ་ལྟར་ཁྱེར་ཡོང་བ༌དང༌། དེ་དག་རེ་རེ་བཞིན་དུམ་བུ་གཉིས་སུ་བགོས་ཤིང་དུམ་བུ་རེ་རེ་བཞིན་བཤམས་ནས༌བཞག འོན༌ཀྱང༌། བྱ་ཐི་བ་དང་ཕུག་རོན་ཆུང་ངུ་གཉིས་དུམ་བུར་མ་བགོས༌སོ།།  
\v 11 དེ་ནས་བྱ་རྒོད་རྣམས་འཕུར་འོངས་ནས་ཕྱུགས་ཟོག་གི་ཤ་སྟེང་དུ་བབས་པས་ཨབ་རམ་གྱིས་དེ་རྣམས་བདས༌སོ།།   
\p
\v 12 དེ་ཡང་ཉི་མ་ནུབ་པའི་དུས༌སུ། ཨབ་རམ་ལ་གཉིད་ལྕི་མོ་ཁུགས་པ་དང་འཇིགས་སུ་རུང་བའི་མུན་ནག་ཆེན་པོ་ཁོང་གི་ལུས་ལ་ཁྱབ་པར༌གྱུར།  
\v 13 དཀོན་མཆོག་ཡ་ཝཱེས་ཨབ་རམ་ལ་འདི་སྐད༌དུ། ཁྱོད་ཀྱིས་ངེས་པར་ཤེས་དགོས་པ༌ནི། ཁྱོད་ཀྱི་རིགས་རྒྱུད་རྣམས་མི་རིགས་གཞན་གྱི་ཡུལ་དུ་སྡོད་པར་བྱེད༌ཅིང༌། ཁོ་རྣམས་ཀྱིས་ལོ་འཁོར་བཞི་བརྒྱའི་རིང་ལ་ཡུལ་དེའི་མི་རྣམས་ལ་གཡོག་བྱེད་པ་དང་དེ་དག་གི་གཉའ་གནོན་མྱང་བར་འགྱུར༌རོ།།  
\v 14 དེ་ནས་ཁོ་རྣམས་ཀྱིས་གཡོག་བྱེད་པའི་རྒྱལ་ཁབ་དེ་ལ་བདག་གིས་ཉེས་ཆད་གཅོད་པར་འགྱུར༌ཞིང༌། དེའི་རྗེས༌སུ། ཁྱོད་ཀྱི་རིགས་རྒྱུད་རྣམས་ཀྱིས་ཡུལ་དེ་ནས་རྒྱུ་ནོར་མང་པོ་ཁྱེར་ནས་ཡུལ་དེ་དང་ཁ་འབྲལ་བར༌འགྱུར།  
\v 15 འོན༌ཀྱང༌། ཁྱོད་ནི་ཚེ་རིང་བར་འགྱུར༌ཞིང༌། མཇུག་མཐར་བདེ་བའི་ངང་ཕ་མེས་ཡང་མེས་རྣམས་ཀྱི་གམ་དུ་འགྲོ་བ་དང་དུར་ལ་འཇུག་པར་བྱེད༌དོ།།  
\v 16 དེ་ནས་མི་རབས་བཞི༌པར། ཁྱོད་ཀྱི་རིགས་རྒྱུད་རྣམས་ཕྱིར་ཡུལ་འདིར་འབྱོན་ངེས༌ཏེ། ཨེ་མོར་མི་རིགས་ཀྱི་ནག་ཉེས་ད་དུང་ལོངས་མེད་པའི་ཕྱིར་ཡིན་ཞེས་གསུངས༌སོ།།   
\p
\v 17 དེ་ནས་ཉི་མ་ནུབ་ནས་མུན་རུབ་པ༌ན། གློ་བུར༌ཉིད་དུ། དུ་བ་འཕྱུར་བའི་ཐབ་ཀ་དང་དམར་ལམ་ལམ་བྱེད་པའི་དཔལ་འབར་དེ་གཉིས་ནི་ཕྱུགས་ཟོག་གི་ཤ་རྣམས་ཀྱི་བར་བརྒྱུད་ནས་སོང༌ངོ༌།།  
\v 18 ཉིན་དེ༌ལ། དཀོན་མཆོག་ཡ་ཝཱེས་ཨབ་རམ་ལ་ཞལ་ཆད་བཞག་སྟེ་འདི་སྐད༌དུ། བདག་གིས་ཨེ་ཅིབ་ཀྱི་ཆུ་བོ་ནས་ཕི་རཱད་ཆུ་བོའི་བར་གྱི་ས་ཆ་འདི་དག་ཁྱོད་ཀྱི་རིགས་རྒྱུད་ལ་སྤྲད་ཟིན༌ཏེ།  
\v 19 དེའང་ས་ཆ་དེ་དག་གི་ད་ལྟའི་བདག་པོ་ནི་ཀེ་ནེ་མི་རིགས༌དང༌། ཀ་ནེ་ཟི་མི༌རིགས། ཀད་མོན་མི༌རིགས།  
\v 20 ཧེད་མི༌རིགས། ཕེ་རེ་ཟི་མི༌རིགས། རེ་པཱ་མི༌རིགས།  
\v 21 ཨེ་མོར་མི༌རིགས། ཀ་ན་ཨན་མི༌རིགས། གིར་གས་མི༌རིགས། ཡེ་བུ་སི་མི་རིགས་བཅས་ཡིན་ཞེས་གསུངས༌སོ།།   
\c 16
\cl ལེའུ་བཅུ་དྲུག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 སཱ་ར་ཡུ་དང་ཧ་གར་གཉིས་ཀྱི་སྐོར།  
\p
\v 1 དེ་ཡང་ཨབ་རམ་གྱི་ཆུང་མ་སཱ་ར་ཡུ་ལ་བུ་དང་བུ་མོ་མ་སྐྱེས༌ཤིང༌། ཁོ་མོར་ཧ་གར་ཞེས་པའི་གཡོག་མོ་ཞིག་ཡོད༌ལ། ཁོ་མོ་ནི་ཨེ་ཅིབ་ཀྱི་མི༌ཡིན།  
\v 2 དེ་ནས་སཱ་ར་ཡུ་ཡིས་ཨབ་རམ་ལ་འདི༌ལྟར། ལྟོས༌དང༌། དཀོན་མཆོག་ཡ་ཝཱེས་བདག་ལ་བུ་ཕྲུག་མི་སྐྱེ་བར་མཛད༌པས། ཁྱོད་བདག་གི་གཡོག་མོ་དང་ལུས་འབྲེལ་བྱེད་པར༌ཞུ། ཁོ་མོར་བརྟེན་ནས་བདག་ལ་བུ་ཕྲུག་ཡོད་ཀྱང་སྲིད་ཅེས་སྨྲས༌ཤིང༌། ཨབ་རམ་གྱིས་ཀྱང་སཱ་ར་ཡུའི་གཏམ་ལ་མཉན༌ཏོ།།  
\v 3 དེ་ཡང་ཨབ་རམ་ནི་ཀ་ན་ཨན་ཡུལ་དུ་ལོ་བཅུར་བསྡད་པའི་རྗེས༌སུ། ཨབ་རམ་གྱི་ཆུང་མ་སཱ་ར་ཡུ་ཡིས་ཨེ་ཅིབ་ཀྱི་གཡོག་མོ་ཧ་གར་ཞེས་པ་རང་གི་ཁྱོ་ག་ལ་ཆུན་མར་ལེན་དུ་བཅུག༌གོ །   
\p
\v 4 དེ་ནས་ཨབ་རམ་དང་ཧ་གར་གཉིས་ལུས་འབྲེལ་བྱས་པས་ཧ་གར་ལ་མངལ་ཆགས་པ༌དང༌། ཧ་གར་གྱིས་རང་ལ་མངལ་སྦྲུམ་པ་ཤེས༌རྗེས། རང་གི་བདག་མོར་མཐོང་ཆུང་བྱས༌སོ།།  
\v 5 སཱ་ར་ཡུ་ཡིས་ཨབ་རམ་ལ་འདི་ལྟར་སྨྲས་པ༌སྟེ། ཁྱོད་ཀྱི་རྐྱེན་གྱིས་བདག་ལ་མ་ཉེས་ཁག་གཡོགས་ཐེབས་པ༌སྟེ། བདག་གིས་རང་གི་གཡོག་མོ་ཁྱོད་ཀྱི་པང་ཁར་གཏད༌ཅིང༌། ཁོ་མོས་རང་ལ་མངལ་སྦྲུམ་པ་ཤེས་རྗེས་ང་ལ་མཐོང་ཆུང་བྱེད༌དོ། །ཀྱེ། དཀོན་མཆོག་ཡ་ཝཱེས་ངེད་གཉིས་བར་དུ་ལེགས་ཉེས་ཀྱི་ཤན་འབྱེད་པར་སྨོན་ཞེས༌པའོ།།  
\v 6 དེ་ནས་ཨབ་རམ་གྱིས་སཱ་ར་ཡུ་ལ་འདི་སྐད༌དུ། གཡོག་མོ་ནི་ཁྱོད་ཀྱི་དབང་འོག་ཏུ་ཡོད༌པས། ཁྱོད་ཀྱིས་ཁོ་མོར་ཇི་ལྟར་བྱས་ཀྱང་རུང་ཞེས་སྨྲས༌སོ། །དེ་ནས་སཱ་ར་ཡུ་ཡིས་ཧ་གར་ལ་མནར་གཅོད་བྱས་པས་ཧ་གར་ཁོ་མོའི་མདུན་ནས་བྲོས༌སོ།།   
\p
\v 7 དེ་ཡང་དཀོན་མཆོག་ཡ་ཝཱེའི་ཕོ་ཉ་དབེན་སྟོང་གི་ཆུ་མིག་དྲུང་དུ་གཡོག་མོ་ཧ་གར་དང་ཕྲད་ཅིང༌། དབེན་སྟོང་དེ་ནི་ཤུར་ཞེས་པའི་ཡུལ་གྱི་ལམ་བར་དུ་ཡོད་པ༌རེད།  
\v 8 དེ་ནས་ཕོ་ཉས་འདི་སྐད༌དུ། སཱ་ར་ཡུའི་གཡོག་མོ་ཧ་གར་ཁྱོད་གང་ནས་འོངས་པ་དང་གང་དུ་འགྲོའམ་ཞེས་དྲིས་པ༌ལ། ཧ་གར་ན༌རེ། ང་ནི་རང་གི་བདག་མོ་སཱ་ར་ཡུའི་མདུན་ནས་བྲོས་ཡོང་བ་ཡིན་ཞེས༌སྨྲས།  
\v 9 དེ་ནས་དཀོན་མཆོག་ཡ་ཝཱེའི་ཕོ་ཉས་ཁོ་མོ་ལ་འདི་སྐད༌དུ། ཁྱོད་ཕྱིར་རང་གི་བདག་མོའི་དྲུང་དུ་སོང་སྟེ་ཁོ་མོའི་དབང་འོག་ཏུ་སྡོད་ཅིག་ཅེས་གསུངས༌སོ།།  
\v 10 ཡང་འདི་སྐད༌དུ། བདག་གིས་ཁྱོད་ཀྱི་རིགས་རྒྱུད་མང་དུ་སྤེལ་ནས་བགྲང་གིས་མི་ལང་བར་བྱའོ་ཞེས༌དང༌།  
\v 11 ཡང་འདི་སྐད༌དུ།  
\q1 ལྟོས་དང་ཁྱོད་ཀྱི་མངལ་དུ་སྦྲུམ་པར་བུ་སྐྱེས༌ཏེ།།  
\q1 ཡ་ཝཱེས་ཁྱོད་ཀྱི་སྐྱོ་སྡུག་རྟོགས་པའི་རྐྱེན་གྱིས༌ནི།།  
\q1 བུ་ཡི་མིང་ལ་ཡེས་མ་ཨེལ་ཞེས་འདོགས་པར༌གྱིས།།   
\q1
\v 12 བུ་དེ་ངེས་པར་བོང་བུ་ཇི་བཞིན་ཨུ་ཚུགས༌ཀྱིས།།  
\q1 མི་རྣམས་ཀུན་ལ་དགག་ཅིང་རྒོལ་བར་འགྱུར་བ༌དང༌།།  
\q1 མི་རྣམས་ཀྱིས་ཀྱང་བུ་དེར་དགག་ཅིང་རྒོལ་བར༌འགྱུར།།  
\q1 བུ་དེ་རང་གི་སྤུན་ཟླའི་ཤར་དུ་སྡོད་པར༌འགྱུར། །ཞེས་གསུངས༌སོ།།   
\p
\v 13 དེ་ནས་ཧ་གར་གྱིས་རང་ལ་བཀའ་གསུང་མཁན་དཀོན་མཆོག་ཡ་ཝཱེའི་མཚན་ལ་ཁྱེད་ནི་ང་རང་གཟིགས་པའི་དཀོན་མཆོག་ཡིན་ཞེས་བཏགས༌སོ། །ཅིའི་ཕྱིར་ཞེ༌ན། དེ་སྔར་ཁོ་མོ་ན༌རེ། ངས་གནས་འདི་རུ་ང་རང་མཐོང་བའི་དཀོན་མཆོག་མཇལ་ནུས་སམ་ཞེས་སྨྲས་པའི་ཕྱིར༌རོ།།  
\v 14 དེ་བས་ཆུ་མིག་དེའི་མིང་ལ་པེར་ལཱ་ཧེད་རོའུ་ཞེས་བཏགས་ཤིང་དེ་ནི་ཀཱ་དེའེ་ཤཱ་དང་པེ་རཱད་ཅེས་པའི་ཡུལ་གཉིས་བར་དུ་མཆིས༌སོ།།   
\p
\v 15 ཕྱིས་སུ་ཧ་གར་གྱིས་ཨབ་རམ་ལ་བུ་ཞིག་བཙས༌ཤིང༌། ཨབ་རམ་གྱིས་བུའི་མིང་ལ་ཡེས་མ་ཨེལ་ཞེས༌བཏགས།  
\v 16 ཧ་གར་གྱིས་ཨབ་རམ་ལ་བུ་ཡེས་མ་ཨེལ་བཙའ་བའི་དུས༌སུ། ཨབ་རམ་དགུང་ལོ་གྱ་དྲུག་ཡིན༌ནོ།།   
\c 17
\cl ལེའུ་བཅུ་བདུན༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 མཚན་སྐྱི་གཅོད་པའི་ཞལ༌ཆད།  
\p
\v 1 དེ་ཡང་ཨབ་རམ་དགུང་ལོ་དགུ་བཅུ་གོ་དགུ་ལོན་པའི་དུས༌སུ། དཀོན་མཆོག་ཡ་ཝཱེས་ཁོང་ལ་མངོན་པར་མཛད་དེ་འདི་སྐད༌དུ། བདག་ནི་ཀུན་དབང་དཀོན་མཆོག་ཡིན༌ལ། ཁྱོད་ཀྱིས་བདག་གི་དྲུང་དུ་མི་རྣམ་དག་གི་སྤྱོད་པ་ཟུངས༌དང༌།  
\v 2 བདག་གིས་ཁྱོད་དང་ཁ་ཆད་བཞག༌ནས། ཁྱོད་ཀྱི་རིགས་རྒྱུད་དར་ཞིང་རྒྱས་པར་བྱའོ་ཞེས་གསུངས༌སོ།།  
\v 3 དེ་ནས་ཨབ་རམ་གྱིས་ཕྱག་བཙལ་ནས་བསྡད་པ༌ལ། ཡང་དཀོན་མཆོག་གིས་འདི་སྐད༌དུ།  
\v 4 བདག་གིས་ཁྱོད་ལ་ཁ་ཆད་འཇོག༌སྟེ། ཁྱོད་ནི་མི་རིགས་མང་པོ་ཞིག་གི་མེས་པོར༌བྱའོ།།  
\v 5 ད་ནས་བཟུང་ཁྱོད་ཀྱི་མིང་ལ་ཨབ་རམ་མི་ཟེར་བར་ཨབ་ར་ཧམ་ཞེས་འབོད་པར་བྱ༌སྟེ། བདག་གིས་ཁྱོད་མི་རིགས་མང་པོའི་མེས་པོར་བྱེད་པའི་ཕྱིར༌རོ།།  
\v 6 བདག་གིས་ངེས་པར་ཁྱོད་ཀྱི་རིགས་རྒྱུད་དར་ཞིང་རྒྱས་པ༌དང༌། ཁྱོད་ལས་མི་རིགས་མང་པོ་འབྱུང་བ༌དང༌། ཁྱོད་ལས་རྒྱལ་པོ་འབྱུང་བར༌བྱའོ།།  
\v 7 བདག་གིས་ཁྱོད་དང་ཁྱོད་ཀྱི་རིགས་རྒྱུད་ཕྱི་མ་ཐམས་ཅད་ལ་དུས་གཏན་གྱི་ཁ་ཆད་འཇོག་པར་བྱ༌སྟེ། བདག་ནི་ཁྱོད་དང་ཁྱོད་ཀྱི་རིགས་རྒྱུད་ཕྱི་མ་རྣམས་ཀྱི་དཀོན་མཆོག༌ཡིན།  
\v 8 བདག་གིས་ད་ལྟ་ཁྱོད་རང་སྡོད་པའི་ཡུལ་ཏེ་ཀ་ན་ཨན་གྱི་ས་ཆ་ཐམས་ཅད་ཁྱོད་དང་ཁྱོད་ཀྱི་རིགས་རྒྱུད་ཕྱི་མ་རྣམས་ལ་སྦྱིན་པ༌དང༌། ཁྱོད་རྣམས་རྟག་ཏུ་ཡུལ་འདིའི་བདག་པོར་བྱེད་ཅིང་བདག་ནི་རིགས་རྒྱུད་ཕྱི་མ་རྣམས་ཀྱི་དཀོན་མཆོག་ཀྱང་ཡིན་ཞེས་གསུངས༌སོ།།   
\p
\v 9 ཡང་དཀོན་མཆོག་གིས་ཨབ་ར་ཧམ་ལ་འདི་སྐད༌དུ། ཁྱོད་དང་ཁྱོད་ཀྱི་རིགས་རྒྱུད་ཕྱི་མ་ཐམས་ཅད་ཀྱིས་དུས་ནམ་ཡང་བདག་གི་ཁ་ཆད་བསྲུང་དགོས༌སོ།།  
\v 10 ཁྱོད་རྣམས་ལས་ཕོ་ཐམས་ཅད་ཀྱི་མཚན་སྐྱི་\f + \ft མཚན་སྐྱི་ཞེས་པ་ནི་དཀྲེ་ཤུན་ཏེ་ཕོ་མཚན་གྱི་སྐྱི་མོ་ལ་གོ༌དགོས།\f*གཅོད་པར༌གྱིས། འདི་ནི་བདག་དང༌ཁྱོད། ཁྱོད་ཀྱི་རིགས་རྒྱུད་ཕྱི་མ་རྣམས་བར་གྱི་ཁ་ཆད་ཡིན༌ལ། ཁྱོད་རྣམས་ཀྱིས་བསྲུང་བར་བྱ༌འོས།  
\v 11 ཁྱོད་ཅག་ཐམས་ཅད་ཀྱི་མཚན་སྐྱི་གཅོད་དགོས༌ཏེ། འདི་ནི་བདག་དང་ཁྱོད་རྣམས་བར་གྱི་ཁ་ཆད་ཀྱི་རྟགས༌ཡིན།  
\v 12 ཁྱོད་ཅག་སྐྱེས་པ་ཐམས་ཅད་ནི་རང་ཁྱིམ་ནས་སྐྱེས༌པའམ། ཡང་ན་ཁྱོད་ཀྱི་རིགས་རྒྱུད་མ་ཡིན་པའི་ཕྱི་ཕྱོགས་པ་ལས་དངུལ་གྱིས་ཉོས་པ་གང་ཡིན༌ཡང༌། ཁྱོད་ཀྱི་རིགས་རྒྱུད་ཕྱི་མ་ཐམས་ཅད་ཀྱིས་བུ་སྐྱེས་ནས་ཉིན་བརྒྱད་པར་མཚན་སྐྱི་གཅོད༌དགོས།  
\v 13 ཁྱོད་ཀྱི་ཁྱིམ་ནས་སྐྱེས་པའམ་ཁྱོད་ཀྱིས་དངུལ་སྤྲད་ནས་ཉོས་པ་གང་ཡིན་ཡང་ཐམས་ཅད་ཀྱི་མཚན་སྐྱི་གཅོད་དགོས༌སོ། །འདི་ལྟར་བྱས༌ན། བདག་གི་ཁ་ཆད་ཁྱོད་ཅག་གི་ལུས་སྟེང་དུ་མཆིས་ཤིང་དུས་གཏན་གྱི་ཁ་ཆད་ཡིན་པར་བསྟན༌ཏོ།།  
\v 14 འོན༌ཀྱང༌། མཚན་སྐྱི་མ་བཅད་པའི་སྐྱེས་པ་རྣམས་ནི་ཁྱོད་ཀྱི་རིགས་རྒྱུད་ལས་ཕྱིར་ཕུད་པར་བྱ༌སྟེ། དེ་དག་བདག་གི་ཁ་ཆད་དང་འགལ་བའི་ཕྱིར་ཡིན་ཞེས་གསུངས༌སོ།།   
\p
\v 15 དེ་ནས་ཡང་དཀོན་མཆོག་གིས་ཨབ་ར་ཧམ་ལ་འདི་སྐད༌དུ། ཁྱོད་ཀྱི་ཆུང་མ་སཱ་ར་ཡུའི་མིང་ལ་སཱ་ར་ཡུ་ཞེས་མི་ཟེར་བར་སཱ་ར་ཞེས་འབོད་པར་འགྱུར༌རོ།།  
\v 16 བདག་གིས་ཁོ་མོར་བྱིན་རླབས་གནང་བ༌དང༌། ཁོ་མོ་ལས་ཁྱོད་ལ་བུ་ཞིག་སྦྱིན་པར་བྱའོ། །ཡང་བདག་གིས་ཁོ་མོར་བྱིན་རླབས་གནང་བ༌དང༌། ཁོ་མོ་མི་རིགས་མང་པོ་ཞིག་གི་ཡུམ་ཡིན་པར་འགྱུར༌ཞིང༌། འབངས་མི་རྣམས་ཀྱི་རྒྱལ་པོའང་ཁོ་མོ་ལས་འབྱུང་བར་འགྱུར་ཞེས་གསུངས༌སོ།།  
\v 17 དེ་ནས་ཨབ་ར་ཧམ་གྱིས་ཕྱག་བཙལ་ནས་བསྡད༌དེ། ལོ་བརྒྱ་ལོན་པའི་མི་ཞིག་ལ་བུ་འཐོབ་སྲིད༌དམ། སཱ་རའང་ལོ་དགུ་བཅུ་ལོན་པས་བུ་སྐྱེ་སྲིད་དམ་ཞེས་སེམས་ལ་དྲན་ཞིང་དགོད་བྲོ་བར༌གྱུར།  
\v 18 དེ་ནས་ཨབ་ར་ཧམ་གྱིས་དཀོན་མཆོག༌ལ། ཁྱེད་ཀྱི་སྤྱན་སྔར་ཡེས་མ་ཨེལ་འཚོ་བར་གྱུར་ན་ཅི་མ་རུང་ཞེས་ཞུས་པ༌ན།  
\v 19 ཡང་དཀོན་མཆོག་གིས་ཨབ་ར་ཧམ་ལ་འདི་སྐད༌དུ། དེ་འདྲ་མིན༌ཏེ། ཁྱོད་ཀྱི་ཆུང་མ་སཱ་རས་ཁྱོད་ལ་བུ་ཞིག་བཙའ་བ༌དང༌། ཁྱོད་ཀྱིས་བུའི་མིང་ལ་ཨི་སཱག་ཅེས་འདོགས་པར༌གྱིས། བདག་གིས་ཁོ་དང་ཁོའི་རིགས་རྒྱུད་ཕྱི་མ་རྣམས་ལ་དུས་གཏན་གྱི་ཁ་ཆད་འཇོག་པར༌བྱའོ།།  
\v 20 དེ་ཡང་ཡེས་མ་ཨེལ་ལ་མཚོན༌ན། བདག་གིས་ཁྱོད་ཀྱི་ངག་བཞིན་དུ་ཁོ་ལའང་བྱིན་རླབས་གནང་སྟེ་དར་ཞིང་རྒྱས་པ་དང་རིགས་རྒྱུད་མང་དུ་འཕེལ་བར༌བྱའོ། །ཁོ་ལས་ཚོ་དཔོན་བཅུ་གཉིས་འབྱུང་བ་དང་བདག་གིས་ཁོ་རྒྱལ་ཁབ་ཆེན་པོར་འགྱུར་བར་བྱེད༌དོ།།  
\v 21 སང་ལོའི་དུས་འདི༌ལ། སཱ་རས་ཁྱོད་ལ་བུ་ཨི་སཱག་བཙའ་ཞིང་བདག་གིས་དེ་ལ་ཁ་ཆད་འཇོག་པར་བྱ་ཞེས་གསུངས་པ༌དང༌།  
\v 22 དཀོན་མཆོག་ཨབ་ར་ཧམ་དང་ཁ་བྲལ་ནས་ནམ་མཁའི་ཞིང་ཁམས་སུ་འཕགས༌སོ།།   
\p
\v 23 ཉིན་དེ༌ལ། ཨབ་ར་ཧམ་གྱིས་དཀོན་མཆོག་གི་བཀའ་བསྲུངས་པ༌དང༌། ཁོང་གི་བུ་ཡེས་མ་ཨེལ་དང་རང་ཉིད་ཀྱི་ཁྱིམ་དུ་ཡོད་པའི་སྐྱེས་པ་ཐམས་ཅད༌དེ། ཁྱིམ་ལས་བཙས་པའམ་དངུལ་གྱིས་ཉོས་པའི་སྐྱེས་པ་ཐམས་ཅད་ཀྱི་མཚན་སྐྱི་བཅད༌དོ།།  
\v 24 དེ་ཡང་ཨབ་ར་ཧམ་རང་ཉིད་ཀྱི་མཚན་སྐྱི་གཅོད་པའི་དུས༌སུ། ཁོང་ནི་དགུང་ལོ་དགུ་བཅུ་གོ་དགུ་ཡིན༌ལ།  
\v 25 ཁོང་གི་བུ་ཡེས་མ་ཨེལ་གྱི་མཚན་སྐྱི་གཅོད་པའི་དུས༌སུ། བུ་དེ་ལོ་བཅུ་གསུམ་ཡིན༌ནོ།།  
\v 26 ཉིན་དེ༌ལ། ཨབ་ར་ཧམ་དང་ཁོང་གི་བུ་ཡེས་མ་ཨེལ་གཉིས་མཉམ་དུ་མཚན་སྐྱི་བཅད་པ༌དང༌།  
\v 27 གཞན་ཡང་ཁོང་གི་ཁྱིམ་དུ་ཡོད་པའི་སྐྱེས་པ་ཐམས་ཅད༌དེ། ཁྱིམ་དུ་བཙས་པའམ་ཕྱི་ཕྱོགས་པ་ལས་དངུལ་གྱིས་ཉོས་པའི་སྐྱེས་པ་ཐམས་ཅད་ཀྱི་མཚན་སྐྱིའང་ཁོང་དང་མཉམ་དུ་བཅད༌དོ།།   
\c 18
\cl ལེའུ་བཅོ་བརྒྱད༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨབ་ར་ཧམ་གྱིས་ཕོ་ཉ་བསུས༌པ།  
\p
\v 1 དེ་ཡང་དཀོན་མཆོག་ཡ་ཝཱེས་མཱན་རེའེ་ཟེར་བའི་བེ་ཤིང་ཡོད་སར་ཨབ་ར་ཧམ་ལ་མངོན་པར༌མཛད། ཉིན་མོར་ཚ་བ་ཆེ་བའི་སྐབས་དེར་ཨབ་ར་ཧམ་སྦྲ་གུར་གྱི་སྒོ་མདུན་དུ་བསྡད་ཡོད་པ༌དང༌།  
\v 2 ཁོང་གིས་མགོ་ཡར་བཀྱགས་ནས་བལྟས་པ༌ན། མདུན་ཕྱོགས་སུ་མི་གསུམ་ཡར་ལངས་ནས་བསྡད་ཡོད་པ༌མཐོང༌། ཁོང་གིས་དེ་མཐོང་བ༌དང༌། སྦྲ་གུར་གྱི་སྒོ་མདུན་ནས་བརྒྱུགས་ཏེ་མི་དེ་རྣམས་བསུ་རུ་སོང་བ་དང་ཕྱག་བཙལ་ནས་འདི་སྐད༌དུ།  
\v 3 ཇོ་བོ༌ལགས། བདག་ལ་ཁྱེད་ཀྱི་སྤྱན་དྲུང་ནས་ཐུགས་རྗེ་ཐོབ༌ན། ཁྱེད་ནི་རང་གི་ཞབས་ཕྱི་པ་བདག་དང་ཁ་བྲལ་ནས་ཕར་མི་ཕེབས་པར༌ཞུ།  
\v 4 ངས་ཆུ་ཁྱེར་འོང་ལ་ཁྱེད་རྣམས་ཀྱིས་རྐང་པ་བཀྲུས་རྗེས་ལྗོན་ཤིང་གི་གྲིབ་བསིལ་འོག་ཏུ་ངལ་གསོ༌མཛོད།  
\v 5 ཡང་ཁྱེད་རྣམས་ཀྱི་ལུས་ལ་སྟོབས་རྒྱས་པའི༌ཕྱིར། ངས་ཁྱེད་རྣམས་ལ་བག་ལེབ་ཁྱེར་འོང་བར༌བྱའོ། །དེའི་རྗེས་ཁྱེད་རྣམས་ཕར་ཕེབས་པར༌བྱ། ཁྱེད་རྣམས་རང་གི་ཞབས་ཕྱི་པའི་གམ་དུ་ཡོང་ན་འདི་ལྟར་བྱ་འོས་ཞེས་སྨྲས་པ༌དང༌། ཁོང་རྣམས་ཀྱིས་འདི་སྐད༌དུ། དེས་ན་ཁྱོད་ཀྱིས་སྨྲས་པ་བཞིན་དུ་བྱོས་ཤིག་ཅེས་གསུངས༌སོ།།  
\v 6 དེ་ནས་ཨབ་ར་ཧམ་བྲེལ་འཚབ་ངང་སྦྲ་གུར་ནང་དུ་སོང་སྟེ་སཱ་ར་ལ་འདི་ལྟར་སྨྲས༌པ། ཁྱོད་ཀྱིས་ཕྱེ་བཟང་པོ་བྲེ་ \f + \ft འདིར་བྲེ་ཞེས་པར་མ་ཕྱི་ལས་ཡ་ཧུ་དཱའི་སྐད་དོད་དེ་སི་ཨཱ་ཞེས་མཐོང་ལ། ལྗིད་ཚད་འཇལ་བྱེད་ཚད་གཞི་ཞིག་གི་མིང་ཡིན་ཏེ་སི་ཨཱ་གཅིག་ནི་སྤྱི་རྒྱ་བཅུ་དྲུག་ཙམ་ཡིན། \f*གསུམ་བླངས་ཏེ་མྱུར་དུ་བརྫིས་ནས་བག་ལེབ་བཟོ་བར་གྱིས་ཞེས་པ༌དང༌།  
\v 7 ཨབ་ར་ཧམ་བ་ཁྱུ་ནང་དུ་བརྒྱུགས་ནས་བ་ཕྲུག་ཤ་ཤེད་ཅན་ཞིག་བཟུང་སྟེ་གཡོག་པོར་སྤྲད་ཅིང་གཡོག་པོས་ཀྱང་མྱུར་དུ་སྟ་གོན་བྱས༌སོ།།  
\v 8 ཡང་ཨབ་ར་ཧམ་གྱིས་ཞོ་དང་འོ༌མ། སྟ་གོན་བྱས་པའི་བ་ཕྲུག་གི་ཤ་བཅས་ཁྱེར་ཡོང་ནས་ཁོང་རྣམས་ཀྱི་མདུན་དུ་བཤམས༌ཤིང༌། ཁོང་རྣམས་ཀྱིས་ཀྱང་ཞལ་ཟས་བཞེས་པ༌དང༌། ཨབ་ར་ཧམ་རང་ཉིད་ནི་ལྗོན་ཤིང་གི་གྲིབ་བསིལ་འོག་ཏུ་ལངས་ནས་བསྡད༌དོ།།   
\p
\v 9 དེ་ནས་ཁོང་རྣམས་ཀྱིས་ཨབ་ར་ཧམ་ལ་འདི་སྐད༌དུ། ཁྱོད་ཀྱི་ཆུང་མ་སཱ་ར་གང་དུ་ཡོད་ཅེས་དྲིས་པ༌ན། ཨབ་ར་ཧམ་ན༌རེ། སྦྲ་གུར་ནང་དུ་ཡོད་ཅེས་ལན་བཏབ༌བོ།།  
\v 10 དེ་ནས་ཁོང་རྣམས་ལས་གཅིག་ན༌རེ། སང་ལོའི་དུས་འདི༌ལ། ང་རང་ཕྱིར་ཁྱོད་ཀྱི་ཡུལ་འདིར་འོང་ངེས༌ཤིང༌། ཁྱོད་ཀྱི་ཆུང་མ་སཱ་ར་ལ་བུ་ཞིག་སྐྱེ་བར་འགྱུར་ཞེས་གསུངས་པ༌དང༌། སཱ་རས་ཀྱང་མི་དེའི་ལྟག་རྒྱབ་ཀྱི་སྦྲ་གུར་མདུན་ནས་གཏམ་དེར་ཉན་བཞིན༌བསྡད།  
\v 11 སྐབས་དེར་ཨབ་ར་ཧམ་དང་སཱ་ར་གཉིས་དགུང་ལོ་མཐོ༌ཞིང༌། སཱ་རའི་ཟླ་མཚན་ཡང་ཆད་ཟིན༌ཏོ།།  
\v 12 སཱ་རའི་སེམས་སུ་ཁོང་དགོད་ཅིག་བྱས༌ཏེ། བདག་ནི་རྒས་ཤིང་ཉམས་པ་དང་ངའི་བདག་པོའང་རྒས་ཟིན༌པས། དོན་ལེགས་པོ་འདི་ལྟ་བུ་འབྱུང་སྲིད་དམ་སྙམ༌མོ།།  
\v 13 དེ་ནས་དཀོན་མཆོག་ཡ་ཝཱེས་ཨབ་ར་ཧམ་ལ་འདི་སྐད༌དུ། སཱ་རས་ཅིའི་ཕྱིར་ཁོང་དགོད་བྱས༌ཏེ། བདག་ནི་རྒས་འཁོགས་རྒན་མོར་གྱུར་པ་ལ་བུ་སྐྱེ་ནུས་སམ་ཞེས༌སྨྲའམ།  
\v 14 དཀོན་མཆོག་ཡ་ཝཱེ་ལ་བསྒྲུབ་མི་ནུས་པའི་བྱ་བ་ཡོད་སྲིད༌དམ། སང་ལོའི་དུས་འདིར་སླེབས་ཚེ། བདག་ནི་ཁྱོད་ཀྱི་ཡུལ་འདིར་འོང་ངེས༌ཤིང༌། སཱ་ར་ལའང་བུ་ཞིག་སྐྱེ་ངེས་ཡིན་ཞེས་གསུངས༌སོ།།  
\v 15 སཱ་རས་གསུང་དེ་ཐོས་པ་དང་འཇིགས་པར་གྱུར་ནས་དོན་དེ་ཁས་མ་བླངས་པར་ན༌རེ། ང་རང་མ་བགད་ཅེས༌སྨྲས། ཡང་ཁོང་གིས་འདི་སྐད༌དུ། དེ་འདྲ་ག་ལ༌ཡིན། ཁྱོད་རང་བགད་བྱུང་ཞེས་གསུངས༌སོ།།   
\s1 ཨབ་ར་ཧམ་གྱིས་སཱ་དོམ་གྱི་ཆེད་དུ་ཞུ་བ་ཕུལ༌བ།  
\p
\v 16 དེ་ནས་ཁོང་གསུམ་པོ་གནས་དེ་ནས་ལམ་ལ་ཆས་ཏེ་སཱ་དོམ་གྱི་ཕྱོགས་སུ་གཟིགས༌ཤིང༌། ཨབ་ར་ཧམ་ཡང་ཁོང་རྣམས་དང་མཉམ་དུ་ལམ་ལ་ཆས་ཏེ་སྐྱེལ་མ་མཛད༌དོ།།  
\v 17 ཡང་དཀོན་མཆོག་ཡ་ཝཱེས་འདི་སྐད༌དུ། བདག་གིས་བསྒྲུབ་པར་འགྱུར་བའི་དོན་རྣམས་ཨབ་ར་ཧམ་ལ་གསང་འོས༌སམ།  
\v 18 ཨབ་ར་ཧམ་ནི་རྒྱལ་ཁབ་ཆེན་པོ་ཞིག་ཏུ་འགྱུར་ངེས༌ཤིང༌། ས་སྟེང་གི་མི་རིགས་ཐམས་ཅད་ལ་ཁོ་རང་བརྒྱུད་ནས་བྱིན་རླབས་འཐོབ་པར༌འགྱུར།  
\v 19 ཅིའི་ཕྱིར་ཞེ༌ན། ཁོས་རང་ཉིད་ཀྱི་བུ་ཕྲུག་དང་རིགས་རྒྱུད་རྣམས་ལ་བདེན་པ་བདེན་དྲང་སྒོས་བདག་གི་ལམ་བསྲུང་བར་གདམས་པ༌དང༌། བདག་གིས་ཨབ་ར་ཧམ་གྱི་སྐོར་ལ་སྨྲས་པའི་དོན་རྣམས་ཀྱང་འགྲུབ་པར་འགྱུར་བའི༌ཕྱིར། བདག་གིས་ཁོ་རང་བདམས་པ་ཡིན་ཞེས༌དང༌།  
\v 20 ཡང་ཁོང་གིས་འདི་སྐད༌དུ། སཱ་དོམ་དང་གཱ་མོ་ར་གཉིས་ཀྱི་ནག་ཉེས་སྐད་གྲགས་ཆེ་ཞིང་སྡིག་པའང་ཤིན་ཏུ་ཚབས༌ཆེ།  
\v 21 ད་ལྟ་བདག་མར་སོང་སྟེ་ཁོ་རྣམས་ཀྱི་བྱ་སྤྱོད་ལ་རྟོག་དཔྱོད་བྱེད༌དེ། དངོས་གནས་བདག་གི་རྣ་བས་ཐོས་པའི་གྲགས་སྐད་ཇི་བཞིན་ཡིན༌ནམ། གལ་སྲིད་དེ་འདྲ་མིན་ན་བདག་གིས་རྟོགས་ངེས་ཡིན་ཞེས་གསུངས༌སོ།།   
\p
\v 22 ཡང་དེ་རྣམས་ལས་མི་གཉིས་ཡུལ་དེ་དང་ཁ་བྲལ་ནས་སཱ་དོམ་གྱི་ཕྱོགས་སུ་སོང༌ནའང༌། ཨབ་ར་ཧམ་ནི་དཀོན་མཆོག་ཡ་ཝཱེའི་དྲུང་དུ་སྔར་བཞིན་ལངས་ནས་བསྡད༌དོ།།  
\v 23 དེ་ནས་ཨབ་ར་ཧམ་དཀོན་མཆོག་ཡ་ཝཱེའི་མདུན་དྲུང་དུ་ཡོང་སྟེ་ན༌རེ། ཁྱེད་ཀྱིས་མི་རྣམ་དག་དང་མི་ངན་པ་གང་ཡིན་ཡང་མཉམ་དུ་མེད་པར༌བཟོའམ།  
\v 24 གལ༌ཏེ། གྲོང་ཁྱེར་དེ་རུ་མི་རྣམ་དག་ལྔ་བཅུ་ཡོད་ན་ཁྱེད་ཀྱིས་གྲོང་ཁྱེར་དེ་མེད་པར་གཏོང༌ངམ། མི་རྣམ་དག་ལྔ་བཅུ་བོ་དེའི་རྐྱེན་གྱིས་གྲོང་ཁྱེར་དེ་ལ་དགོངས་ཡངས་མི་མཛད༌དམ།  
\v 25 ཁྱེད་ཀྱིས་མི་རྣམ་དག་དང་མི་ངན་པ་མཉམ་དུ་གསོད༌པའམ། ཡང་ན་མི་རྣམ་དག་དང་མི་ངན་པ་གཉིས་ལ་འདྲ་མཉམ་གྱི་ལྟ་སྟངས་འཛིན༌ནམ། ཁྱེད་ཀྱིས་འདི་ལྟར་བྱ་རུང༌ངམ། ས་གཞི་ཐམས་ཅད་ཀྱི་ཁྲིམས་དཔོན་ཆེན་པོ་ཁྱེད་ཀྱིས་དྲང་བདེན་གྱི་ལས་མི་མཛད་དམ་ཞེས་ཞུས༌སོ།།  
\v 26 དེ་ནས་དཀོན་མཆོག་ཡ་ཝཱེས་འདི་སྐད༌དུ། གལ་སྲིད་བདག་གིས་སཱ་དོམ་གྲོང་ཁྱེར་ནས་མི་རྣམ་དག་ལྔ་བཅུ་མཐོང༌ཚེ། བདག་གིས་ཁོ་རྣམས་ཀྱི་རྐྱེན་གྱིས་ཡུལ་དེ་ཐམས་ཅད་ལ་གུ་ཡངས་གཏོང་ངེས་ཡིན་ཞེས་གསུངས༌སོ།།  
\v 27 དེ་ནས་ཨབ་ར་ཧམ་ན༌རེ། བདག་ནི་རྡུལ་ཕྲན་ཙམ་ཡིན༌ཡང༌། དཀོན་མཆོག་ཁྱེད་ལ་འདི་ལྟར་ཞུ་ཕོད༌དོ།།  
\v 28 གལ་ཏེ་མི་རྣམ་དག་ལྔ་བཅུ་ལས་མི་ལྔ་ཇེ་ཉུང་དུ་སོང༌ན། ཁྱེད་ཀྱིས་མི་རྣམ་དག་ལྔ་ཇེ་ཉུང་དུ་སོང་བའི་རྒྱུ་མཚན་གྱིས་གྲོང་ཁྱེར་ཡོངས་རྫོགས་མེད་པར་གཏོང་ངམ་ཞེས་ཞུས༌སོ། །ཡང་དཀོན་མཆོག་ཡ་ཝཱེས་འདི་སྐད༌དུ། གལ་སྲིད་བདག་གིས་ཡུལ་དེ་ནས་མི་རྣམ་དག་བཞི་བཅུ་ཞེ་ལྔ་མཐོང་ན་གྲོང་ཁྱེར་དེ་མེད་པར་མི་བྱ་ཞེས་གསུངས༌སོ།།  
\v 29 ཡང་ཨབ་ར་ཧམ་གྱིས་དཀོན་མཆོག་ཡ་ཝཱེ༌ལ། གལ་ཏེ་ཡུལ་དེ་ནས་མི་རྣམ་དག་བཞི་བཅུ་མཐོང་ན་ཅི་ལྟར་བྱེད་དམ་ཞེས་ཞུས་པ༌དང༌། ཡང་དཀོན་མཆོག་ཡ་ཝཱེས་འདི་སྐད༌དུ། བདག་གིས་མི་རྣམ་དག་བཞི་བཅུ་བོ་དེའི་རྐྱེན་གྱིས་དོན་འདི་མི་བྱ་ཞེས་གསུངས༌སོ།།  
\v 30 ཡང་ཨབ་ར་ཧམ་ན༌རེ། ཀྱེ། གཙོ་བོ༌ལགས། ཁྱེད་རང་དགོངས་པ་མི་ཚོམ་པར༌མཁྱེན། བདག་ལ་གསུང་གནང་བར་མཛོད༌དང༌། གལ་སྲིད་ཁྱེད་ཀྱིས་ཡུལ་དེ་ནས་མི་རྣམ་དག་སུམ་ཅུ་མཐོང་ན་ཅི་ལྟར་བྱའམ་ཞུས་པ༌ལ། ཡང་དཀོན་མཆོག་ཡ་ཝཱེས་འདི་སྐད༌དུ། གལ་ཏེ་བདག་གིས་ཡུལ་དེ་ནས་མི་རྣམ་དག་སུམ་ཅུ་མཐོང་ན་དོན་འདི་མི་བསྒྲུབ་ཅེས་གསུངས༌སོ།།  
\v 31 ཡང་ཨབ་ར་ཧམ་ན༌རེ། བདག་གིས་ད་དུང་དཀོན་མཆོག་ལ་གཏམ་སྨྲ་བར་ཕོད༌དེ། གལ་སྲིད་ཁྱེད་ཀྱིས་ཡུལ་དེ་ནས་མི་རྣམ་དག་ཉི་ཤུ་མཐོང་ན་ཅི་ལྟར་བྱའམ་ཞེས་ཞུས་པ༌ལ། ཡང་དཀོན་མཆོག་ཡ་ཝཱེས་འདི་སྐད༌དུ། བདག་གིས་མི་རྣམ་དག་ཉི་ཤུ་བོ་དེའི་རྐྱེན་གྱིས་གྲོང་ཁྱེར་དེ་ཉིད་མེད་པར་མི་བྱ་ཞེས་གསུངས༌སོ།།  
\v 32 ཡང་ཨབ་ར་ཧམ་ན༌རེ། ཀྱེ། གཙོ་བོ༌ལགས། ཁྱེད་རང་དགོངས་པ་མི་ཚོམ་པར༌མཁྱེན། བདག་ལ་ད་དུང་ཐེངས་གཅིག་ལ་གསུང་གནང་བར༌མཛོད། གལ་ཏེ་ཁྱེད་ཀྱིས་ཡུལ་དེ་ནས་མི་རྣམ་དག་བཅུ་མཐོང་ན་ཅི་ལྟར་བྱའམ་ཞེས་ཞུས་པ༌ལ། ཡང་དཀོན་མཆོག་ཡ་ཝཱེས་འདི་སྐད༌དུ། བདག་གིས་མི་རྣམ་དག་བཅུ་བོ་དེའི་རྐྱེན་གྱིས་གྲོང་ཁྱེར་དེ་ཉིད་མེད་པར་མི་བྱ་ཞེས་གསུངས༌སོ།།  
\v 33 དེ་ནས་དཀོན་མཆོག་ཡ་ཝཱེས་ཨབ་ར་ཧམ་ལ་གསུང་གླེང་མཛད་རྗེས་བཞུད༌ཅིང༌། ཨབ་ར་ཧམ་ཡང་ཕྱིར་རང་ཡུལ་དུ་ལོག༌གོ།   
\c 19
\cl ལེའུ་བཅུ་དགུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 སཱ་དོམ་དང་གཱ་མོ་ར་གྲོང་ཁྱེར་གཉིས་མེད་པར་མཛད༌པ།  
\p
\v 1 དེ་ཡང་མཚན་མོའི་དུས་སུ་ཕོ་ཉ་དེ་གཉིས་སཱ་དོམ་དུ༌སླེབས། སྐབས་དེར་ལོད་ཐུ་ནི་སཱ་དོམ་གྱི་མཁར་སྒོར་སྡོད༌ཅིང༌། ཕོ་ཉ་གཉིས་ཕེབས་པ་མཐོང་སྟེ་ཡར་ལངས་ནས་བསུ་བ་བྱས་པ་དང་ཕྱག་བཙལ་ཏེ་ན༌རེ།  
\v 2 ཀྱེ། བདག་གི་ཇོ་བོ༌ལགས། ཁྱེད་གཉིས་རང་གི་ཞབས་ཕྱི་པ་བདག་གི་ཁྱིམ་དུ་ཕེབས་ཏེ་རྐང་པ་བཀྲུས་ནས་ཞག་གཅིག་ལ་བཞུགས༌རྗེས། སང་ཉིན་ཞོགས་པ་ཡར་བཞེངས་ནས་ཕེབས་པར་མཛོད་ཅེས་ཞུས་པ༌ལ། ཁོང་གཉིས་ཀྱིས་འདི་སྐད༌དུ། མིན་ཏེ། ངེད་གཉིས་ཁྲོམ་སྲང་དུ་ཞག་སྡོད་བྱ་ཞེས་གསུངས༌སོ།།  
\v 3 དེ་ནས་ལོད་ཐུ་ཡིས་གུས་གུས་ཞུམ་ཞུམ་ངང་གདན་འདྲེན་ཡང་ཡང་ཞུས་པ༌ན། ཕོ་ཉ་གཉིས་པོ་ད་གཟོད་ཁོའི་ཁྱིམ་དུ་ཕེབས་པ༌རེད། ལོད་ཐུ་ཡིས་ཕོ་ཉ་གཉིས་ལ་གསོལ་སྟོན་སྟ་གོན་བྱས་ཤིང་སྐྱུར་མེད་བག་ལེབ་བསྲེགས་པ་དང་ཁོང་རྣམས་ཀྱིས་ཞལ་ཟས་བཞེས༌སོ།།  
\v 4 དེ་ཡང་ཁོང་རྣམས་མལ་དུ་མ་གཟིམ་པའི་སྐབས༌སུ། སཱ་དོམ་གྲོང་ཁྱེར་གྱི་གནས་སོ་སོའི་སྐྱེས་པ་རྒན་གཞོན་ཐམས་ཅད་ཡོང་ནས་ལོད་ཐུ་ཡི་ཁང་པའི་མཐའ་བསྐོར༌ཞིང༌།  
\v 5 ལོད་ཐུའི་མིང་ནས་བོས་ཏེ་ན༌རེ། དོ་དགོང་ཁྱོད་ཚང་ལ་ཡོང་བའི་མི་དེ་གཉིས་གང་དུ༌ཡོད། ངེད་ཅག་མི་དེ་གཉིས་དང་འགྲོགས་འདོད་ \f + \ft འདིར་འགྲོགས་འདོད་ཅེས་པ་ནི་ཤིན་ཏུ་སྐྱུག་བྲོ་བའི་ལས་ཤིག་ལ་གོ་དགོས༌ཏེ། ཕོ་ཡིས་ཕོ་དང་མོ་ཡིས་མོ་ལ་འཁྲིག་པ་སྤྱོད་པའི་སྲོལ་ངན་ཞིག་དར་ཡོད་པ་དེ་ལ་གོ་དགོས་པ༌ཡིན། དམ་པའི་གསུང་རབ་ཀྱི་ནང་དུ་ལས་དེ་ལྟ་བུ་ནི་སྡིག་པ་ཡིན་པར༌གསུངས། \f*པས། སྒོའི་ཕྱི་རོལ་ཏུ་ཁྲིད་ཤོག་ཅེས་འུར་བརྒྱབ༌བོ།།  
\v 6 དེ་ནས་ལོད་ཐུ་ཁང་པ་ལས་ཕྱིར་ཐོན༌ཞིང༌། སླར་ཡང་ཁང་པའི་སྒོ་བརྒྱབ་ནས་མི་ཚོགས་ཀྱི་མདུན་དུ་སོང་སྟེ་ན༌རེ།  
\v 7 ཀྱེ། བདག་གི་སྤུན་ཟླ༌རྣམས། ཁྱོད་ཅག་གིས་དོན་ངན་འདི་བསྒྲུབ་པར་མི༌བྱའོ།།  
\v 8 བདག་ལ་སྐྱེས་པར་འགྲོགས་མ་མྱོང་བའི་བུ་མོ་གཉིས་ཡོད༌དེ། ད་ལྟ་བདག་གིས་ཁོ་མོ་གཉིས་ཁྲིད་ཡོང་ནས་ཁྱོད་ཅག་གི་འདོད་པ་བཞིན་བྱེད་དུ་འཇུག༌གོ །མི་གཞན་གཉིས་པོ་བདག་གི་ཁྱིམ་དུ་ཡོད༌ན། ཁྱོད་ཅག་གིས་ཁོ་གཉིས་ལ་ཅི་ཡང་མི་བྱེད་པར་མཛོད་ཅེས་སྨྲས༌སོ།།  
\v 9 མི་ཚོགས་ན༌རེ། ཁྱོད་ཕར་སོང་ཞིག་ཅེས་སྨྲས་པ༌དང༌། ཡང་མི་ཚོགས་ན༌རེ། ཁྱོད་ནི་ཕྱི་མི་ཡིན༌ལ། ད་དུང་ཁྲིམས་དཔོན་གྱི་གོ་ས་འཛིན་འདོད༌དམ། ད་ལྟ་ངེད་རྣམས་ཀྱིས་མི་དེ་གཉིས་ལས་ཀྱང་ཁྱོད་ལ་གནོད་འཚེ་ཆེན་པོ་བྱེད་ངེས་ཡིན་ཞེས་འུར་རྒྱག་བཞིན་ལོད་ཐུ་ཕར་དེད་ནས་སྒོ་གཅོག་རྩིས༌བྱས།  
\v 10 འོན༌ཀྱང༌། སྐབས་དེར་ཕོ་ཉ་གཉིས་ཀྱིས་ཕྱག་བསྲིངས་ནས་ལོད་ཐུ་ཁང་པའི་ནང་དུ་འཐེན་པ་དང་སྒོ་བརྒྱབ་པར་མ༌ཟད།  
\v 11 སྒོའི་ཕྱི་རོལ་ཏུ་ཡོད་པའི་མི་ཚོགས་རྒན་གཞོན་རྣམས་ལ་མིག་འཁྲུལ་བྱུང་དུ་བཅུག༌པས། དེ་རྣམས་ཀྱིས་ལག་སྙོབ་བྱས་ཀྱང་སྒོ་མ་རྙེད༌དོ།།  
\v 12 དེ་ནས་ཕོ་ཉ་གཉིས་ཀྱིས་ལོད་ཐུ་ལ་འདི་སྐད༌དུ། ཁྱོད་ཀྱི་ཡུལ་འདི་རུ་མི་གཞན་སུ་ཡོད༌དམ། མག་པ༌དང༌། བུ་དང་བུ༌མོ། ཁྱོད་ལ་གཏོགས་པའི་གྲོང་ཁྱེར་ནང་གི་མི་ཐམས་ཅད་སུ་ཡིན་ཡང་གནས་འདི་ནས་ཕྱི་རུ་ཁྲིད༌ཅིག  
\v 13 ངེད་གཉིས་ཀྱིས་ས་ཆ་འདི་མྱུར་དུ་མེད་པར༌བཟོའོ། །ཅིའི་ཕྱིར་ཞེ༌ན། དཀོན་མཆོག་ཡ་ཝཱེའི་སྤྱན་སྔར་གྲོང་ཁྱེར་ནང་གི་ནག་ཉེས་ཀྱི་གྲགས་སྐད་ཆེ་བའི་ཕྱིར༌རོ། །དེ་བས་དཀོན་མཆོག་ཡ་ཝཱེས་ངེད་གཉིས་ས་ཆ་འདི་མེད་པར་གཏོང་བའི་ཆེད་དུ་མངགས་པ་ཡིན་ཞེས་གསུངས༌སོ།།  
\v 14 དེ་ནས་ལོད་ཐུ་སྒོའི་ཕྱི་རུ་སོང་ནས་ཁོ་ཚང་གི་མག་པར་འགྱུར་ངེས་པ་གཉིས༌ལ། ཁྱོད་རྣམས་ཡར་ལངས་ནས་ས་ཆ་འདི་དང་ཁ་འབྲལ་བར་གྱུར༌ཅིག རྒྱུ་མཚན་ནི་དཀོན་མཆོག་ཡ་ཝཱེས་གྲོང་ཁྱེར་འདི་མེད་པར་བཟོ་བའི་ཕྱིར་ཡིན་ཞེས་སྨྲས༌ཀྱང༌། ཁོའི་མག་པར་འགྱུར་ངེས་པ་རྣམས་ཀྱིས་ལོད་ཐུས་ཀུ་རེ་སྨྲས་པར་བསམས་སོ།།   
\p
\v 15 དེ་ནས་ནམ་ལངས་པ༌དང༌། ཕོ་ཉ་གཉིས་ཀྱིས་ལོད་ཐུ་ལ་ནན་སྐུལ་གྱིས་འདི་སྐད༌དུ། ཡར་ལོངས༌དང༌། གནས་འདི་ནས་རང་གི་ཆུང་མ་དང་བུ་མོ་གཉིས་ཀ་ཁྲིད་དེ་སོང༌ཞིག ཅིའི་ཕྱིར་ཞེ༌ན། ཁྱོད་གྲོང་ཁྱེར་འདིའི་ཉེས་ཆད་དང་མཉམ་དུ་མེད་པར་མི་གཏོང་བའི་ཕྱིར་ཡིན་ཞེས་གསུངས༌ནའང༌།  
\v 16 ལོད་ཐུ་ཐེ་ཚོམ་སྐྱེས་ཏེ་མྱུར་དུ་མ་སོང༌ངོ༌། །དེ་ཡང་དཀོན་མཆོག་ཡ་ཝཱེས་ལོད་ཐུ་ལ་ཐུགས་རྗེ་དགོངས་པའི༌ཕྱིར། ཕོ་ཉ་གཉིས་ཀྱིས་ཁོ་དང་ཁོའི་ཆུང་མ་དང་བུ་མོ་གཉིས་ཀྱི་ལག་པར་འཇུས་ནས་ཁོ་རྣམས་ཕྱི་རུ་ཁྲིད༌ཅིང༌། གྲོང་ཁྱེར་ཕྱི་རོལ་ཏུ་བདེ་བར་བཀོད་པ༌དང༌།  
\v 17 ཁོ་རྣམས་ཕྱིར་ཁྲིད་པའི་རྗེས༌སུ། ཕོ་ཉ་གཉིས་ཀྱིས་འདི་སྐད༌དུ། ཁྱོད་རྣམས་སྲོག་ཐར་བའི་ཕྱིར་ཕྲོས༌ཤིག ཁ་ཕྱིར་མི་འཁོར་བར༌གྱིས། ཡུལ་འཁོར་དུ་ཡང་མི་སྡོད་པར་རི་ཁྲོད་དུ་ཕྲོས༌ཤིག དེ་ལྟར་མ་བྱས་ན་ཁྱོད་རྣམས་མེད་པར་འགྱུར་ངེས་ཡིན་ཞེས་གསུངས༌སོ།།  
\v 18 དེ་ནས་ལོད་ཐུ་ན༌རེ། བདག་གི་ཇོ་བོ༌ལགས། དེ་ལྟར་མི་བྱེད་པར༌མཛོད།  
\v 19 ཁྱེད་ཀྱི་ཞབས་ཕྱི་པ་ལ་ཁྱེད་ཀྱི་སྤྱན་དྲུང་ནས་ཐུགས་རྗེ་ཐོབ་ཟིན་པ༌དང༌། ཁྱེད་ཀྱིས་བདག་ལ་སྙིང་རྗེ་ཆེན་པོའང་མངོན་པར་གྱུར་ནས་བདག་གི་སྲོག་བསྐྱབས༌སོ། །འོན༌ཀྱང༌། བདག་ནི་རི་ཁྲོད་དུ་འབྲོ་མི་ཐུབ༌སྟེ། ཆག་སྒོ་འདི་བདག་གི་ལུས་སྟེང་དུ་བྱུང་ནས་ང་རང་འཆི་བར༌འགྱུར།  
\v 20 གཟིགས་དང༌། ཕ་གིའི་གྲོང་རྡལ་དེ་ནི་ཆུང་བ༌དང༌། བདག་དང་བར་ཐག་ཀྱང་ཉེ་བས་འབྲོ་སླ་བ༌ཡིན། གྲོང་རྡལ་དེ་ཆུང་བ་མ་ཡིན༌ནམ། བདག་གི་སྲོག་སྐྱོབ་པའི༌ཕྱིར་ཁྱེད་ཀྱིས་བདག་གྲོང་རྡལ་དེར་འབྲོ་རུ་འཇུག་པར་མཛོད་ཅེས་ཞུས༌སོ།།  
\v 21 དེ་ནས་ཕོ་ཉས་འདི་སྐད༌དུ། བདག་གིས་དོན་འདི་ཁྱོད་ལ་ཁས་བླངས་པ༌དང༌། བདག་གིས་ཁྱོད་ཀྱིས་སྨྲས་པའི་གྲོང་རྡལ་དེ་མེད་པར་མི་གཏོང༌ངོ༌།།  
\v 22 ཁྱོད་རང་མྱུར་བ་མྱུར་དུ་གྲོང་རྡལ་དེར་ཕྲོས༌ཤིག ཅིའི་ཕྱིར་ཞེ༌ན། ཁྱོད་གྲོང་རྡལ་དེ་ལ་སླེབས་པའི་བར་དུ་བདག་གིས་ཅི་ཡང་བྱ་མི་ནུས་པའི་ཕྱིར་ཡིན་ཞེས་གསུངས༌སོ། །དེ་བས་གྲོང་རྡལ་དེའི་མིང་ལ་ཚོ་ཨར་ཞེས་ཟེར༌རོ།།   
\p
\v 23 དེ་ནས་ལོད་ཐུ་ཁོ་རང་ཚོ་ཨར་དུ་སླེབས་དུས་ས་གཞིར་ཉི་མ༌ཤར།  
\v 24 སྐབས༌དེར། དཀོན་མཆོག་ཡ་ཝཱེས་ནམ་མཁའ་ནས་མེ་དང་མུ་ཟིའི་ཆར་བ་འབབ་ཏུ་བཅུག༌སྟེ། སཱ་དོམ་དང་གཱ་མོ་ར༌དང༌།  
\v 25 གྲོང་ཁྱེར་དེ་དག་དང་ཡུལ་འཁོར་ཐམས་ཅད༌དང༌། གྲོང་ཁྱེར་ནང་གི་མི་རྣམས༌དང༌། ས་ལས་སྐྱེས་པ་ཐམས་ཅད་ཀྱང་མེད་པར་བཏང༌ངོ༌།།  
\v 26 དེ་ནས་ལོད་ཐུའི་ཆུང་མས་ཁ་ཕྱིར་འཁོར་ནས་བལྟས་མ་ཐག་ཁོ་མོ་ལན་ཚྭའི་ཀ་བ་ཞིག་ཏུ་གྱུར༌ཏོ།།  
\v 27 ཞོགས་པར་ཨབ་ར་ཧམ་ཡར་ལངས༌ཏེ། ཁོ་རང་དེ་སྔོན་དཀོན་མཆོག་ཡ་ཝཱེའི་མདུན་དྲུང་དུ་ལངས་ནས་བསྡད་མྱོང་བའི་གནས་དེར་སོང༌སྟེ།  
\v 28 སཱ་དོམ་དང་གཱ་མོ་ར་གཉིས༌དང༌། ཡུལ་འཁོར་ཐམས་ཅད་ཀྱི་ཕྱོགས་སུ་གཟིགས་པ༌ན། ཡུལ་དེ་དག་ལས་དུ་བ་འཕྱུར༌ཞིང༌། མེ་ཐབ་ལས་དུ་བ་འཕྱུར་བ་དང་མཚུངས༌སོ།།  
\v 29 དེ་ཡང་དཀོན་མཆོག་གིས་ཡུལ་འཁོར་གྱི་གྲོང་ཁྱེར་ཐམས་ཅད་རྡུལ་དུ་བརླག་པ་དང་ལོད་ཐུ་སྡོད་སའི་གྲོང་ཁྱེར་དེའང་མེད་པར་བཟོ་བའི་དུས༌སུ། ཁོང་གིས་ཨབ་ར་ཧམ་ཐུགས་ལ་དགོངས་ཏེ་ལོད་ཐུའང་གྲོང་ཁྱེར་དེ་ལས་ཕྱི་རུ་ཁྲིད་པར་མཛད༌དོ།།   
\s1 ལོད་ཐུ་དང་ཁོའི་བུ་མོ་རྣམས་ཀྱི༌སྐོར།  
\p
\v 30 དེ་ཡང་ལོད་ཐུ་ཁོ་རང་ཚོ་ཨར་གྲོང་རྡལ་དུ་སྡོད་པར་འཇིགས༌པས། རང་གི་བུ་མོ་གཉིས་ཀ་ཁྲིད་ཅིང་ཚོ་ཨར་དང་ཁ་བྲལ་ཏེ་རི་ཁྲོད་དུ་སོང་ནས་ཁོ་རྣམས་བྲག་ཁུང་ཞིག་ལ་མཉམ་དུ༌བསྡད།  
\v 31 དེ་ནས་བུ་མོ་ཆེ་བས་བུ་མོ་ཆུང་བར་ན༌རེ། ངེད་གཉིས་ཀྱི་ཕ་ལོ་ན་རྒས༌ཤིང༌། ཡུལ་འདི་རུ་འཇིག་རྟེན་གྱི་ལུགས་སྲོལ་བཞིན་ངེད་གཉིས་དང་འགྲོགས་མཁན་མེད༌པས།  
\v 32 ཤོག༌དང༌། ངེད་གཉིས་ཀྱིས་རང་གི་ཕ་ལ་རྒུན་ཆང་འདྲེན་པ༌དང༌། ཁོ་དང་འགྲོགས་པར༌བྱའོ། །དེ་ལྟར་བྱས༌ན། ངེད་གཉིས་ལ་ཕ་ལས་རིགས་རྒྱུད་ལྡན་པར་འགྱུར་ཞེས་སྨྲས༌སོ།།  
\v 33 དེའི༌ཕྱིར། མཚན་མོ་དེར་ཁོ་མོ་གཉིས་ཀྱིས་ཕ་ལ་རྒུན་ཆང་དྲངས་པ༌དང༌། ཐོག་མར་བུ་མོ་ཆེ་བ་སོང་ནས་ཕ་དང་ལུས་འབྲེལ༌བྱས། འོན༌ཀྱང༌། ཁོ་མོ་ག་དུས་ཉལ་བ༌དང༌། དུས་ནམ་ཞིག་ཡར་ལངས་པ་སོགས་ཕ་ཡིས་ཅི་ཡང་མ་ཤེས༌སོ།།  
\v 34 དེའི་ཕྱི༌ཉིན། བུ་མོ་ཆེ་བས་བུ་མོ་ཆུང་བར་ན༌རེ། མདང་ནུབ་བདག་ཕ་དང་འགྲོགས༌ཤིང༌། དོ་དགོང་ཡང་ངེད་གཉིས་ཀྱིས་ཕ་ལ་རྒུན་ཆང་འདྲེན་པ༌དང༌། ཁྱོད་ཕ་དང་འགྲོགས་པར༌བྱའོ། །དེ་ལྟར་བྱས༌ན། ངེད་གཉིས་ལ་ཕ་ལས་རིགས་རྒྱུད་ཡོད་པར་འགྱུར་ཞེས་སྨྲས༌སོ།།  
\v 35 དེའི༌ཕྱིར། མཚན་མོ་དེར་ཡང་ཁོ་མོ་གཉིས་ཀྱིས་ཕ་ལ་རྒུན་ཆང་དྲངས་པ༌དང༌། བུ་མོ་ཆུང་བ་ཡར་ལངས་ནས་ཕ་དང་ལུས་འབྲེལ་བྱས༌སོ། །འོན༌ཀྱང༌། ཁོ་མོ་ག་དུས་ཉལ་བ༌དང༌། དུས་ནམ་ཞིག་ཡར་ལངས་པ་སོགས་ཕ་ཡིས་ཅི་ཡང་མ་ཤེས༌སོ།།  
\v 36 དེ་ལྟར་ལོད་ཐུའི་བུ་མོ་གཉིས་ལ་རང་གི་ཕ་ལས་མངལ་སྦྲུམ་པར༌གྱུར།  
\v 37 དེ་ཡང་བུ་མོ་ཆེ་བར་བུ་ཞིག་སྐྱེས་ཤིང་མིང་ལ་མོ་ཨབ་ཅེས་བཏགས་པ༌དང༌། དེ་ནི་དེང་དུས་ཀྱི་མོ་ཨབ་མི་རིགས་ཀྱི་མེས་པོ་ཡིན༌ལ།  
\v 38 བུ་མོ་ཆུང་བས་ཀྱང་བུ་ཞིག་བཙས་ཤིང་མིང་ལ་པེན་ཨ་མེ་ཞེས་བཏགས་པ༌དང༌། དེ་ནི་དེང་དུས་ཀྱི་ཨམ་མོན་མི་རིགས་ཀྱི་མེས་པོ་ཡིན༌ནོ།།   
\c 20
\cl ལེའུ་ཉི་ཤུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨབ་ར་ཧམ་ཞེས་བྱ་བ་གེ་རཱར་གྲོང་ཁྱེར་དུ་བཞུགས༌པ།  
\p
\v 1 དེ་ཡང་ཨབ་ར་ཧམ་ཡུལ་དེ་ནས་ནེ་གུབ་ཡུལ་ཕྱོགས་ཀྱི་ཀཱ་དེའེ་ཤཱ་དང་ཤུར་ཞེས་པའི་ཡུལ་བར་དུ་ཁྱིམ་གཞིས་སྤར་བ་དང་གེ་རཱར་གྲོང་ཁྱེར་དུ་བསྡད༌དོ།།  
\v 2 དེ་ནས་ཨབ་ར་ཧམ་གྱིས་རང་གི་ཆུང་མ་སཱ་ར་ནི་རང་གི་སྲིང་མོ་ཡིན་ཟེར༌བས། གེ་རཱར་གྱི་རྒྱལ་པོ་ཨ་བི་མེ་ལེག་གིས་མི་མངགས་ནས་སཱ་ར་རང་གི་ཁྱིམ་དུ་བླངས༌སོ།།  
\v 3 འོན༌ཀྱང༌། མཚན་མོའི་དུས༌སུ། རྒྱལ་པོ་ཨ་བི་མེ་ལེག་གི་རྨི་ལམ་དུ་དཀོན་མཆོག་དངོས་སུ་ཕེབས་ཏེ་ཁོ་རང་ལ་འདི་སྐད༌དུ། ཁྱོད་ནི་གཤིན་པོ་ལྟ་བུ༌ཡིན། ཅིའི་ཕྱིར་ཞེ༌ན། ཁྱོད་ཀྱིས་བུད་མེད་དེ་རང་གི་ཁྱིམ་དུ་བླངས་པའི་ཕྱིར༌ཡིན། བུད་མེད་དེ་ནི་མི་གཞན་གྱི་ཆུང་མ་ཡིན་ཞེས་གསུངས༌སོ།།  
\v 4 ཨ་བི་མེ་ལེག་ནི་སཱ་ར་དང་ཉེ་བར་འགྲོགས་མེད༌པས། ཁོ་ན༌རེ། གཙོ་བོ་ལགས། ཁྱེད་ཀྱིས་སྐྱོན་གྱི་དྲི་མས་མ་གོས་པའི་རྒྱལ་ཁབ་ཀྱང་མེད་པར༌བཟོའམ།  
\v 5 མི་དེས་བདག་ལ་ཁོ་མོ་ང་ཡི་སྲིང་མོ་ཡིན་ཞེས་སྨྲས་པ་མ་ཡིན༌ནམ། བུད་མེད་དེས་ཀྱང་བདག་ལ་ཁོ་ངའི་གཅེན་པོ་ཡིན་ཞེས་སྨྲས་མྱོང་བ༌དང༌། བདག་གིས་དོན་འདི་བསྒྲུབས་པ་ནི་བསམ་པ་དྲང་ཞིང་སྤྱོད་ལམ་གཙང་བ་ཡིན་ཞེས་སྨྲས༌སོ།།  
\v 6 ཡང་དཀོན་མཆོག་གིས་ཁོའི་རྨི་ལམ་ལས་འདི་སྐད༌དུ། ཁྱོད་ཀྱིས་བསམ་པ་དྲང་པོའི་ངང་ནས་དོན་འདི་བསྒྲུབས་པ་བདག་གིས༌ཤེས། ཁྱོད་ཀྱིས་བདག་ལ་འགལ་བའི་སྡིག་པ་མི་བྱེད་པའི་ཕྱིར་ངས་ཁྱོད་རང་བཀག༌པར་མ་ཟད། ཁྱོད་ལ་ཁོ་མོར་རེག་ཏུའང་མ་བཅུག་པ་ཡིན།  
\v 7 ད་ལྟ་ཁྱོད་ཀྱིས་བུད་མེད་དེ་ཕྱིར་ཁོ་མོའི་ཁྱོ་གར་སྤྲོད༌ཅིག ཁོ་མོའི་ཁྱོ་ག་ལུང་སྟོན་པ་ཞིག་ཡིན༌ཞིང༌། ཁོས་ཁྱོད་ཀྱི་ཆེད་དུ་གསོལ་བ་འདེབས་པ་དང་ཁྱོད་ཀྱང་འཆི་བར་མི་འགྱུར༌རོ། །གལ་ཏེ་ཁྱོད་ཀྱིས་ཁོ་མོ་ཕྱིར་མ་སྤྲད༌ན། ཁྱོད་དང་ཁྱོད་ཀྱི་མི་ཐམས་ཅད་འཆི་ངེས་པ་ཁྱོད་ཀྱིས་ཤེས་དགོས་ཞེས་གསུངས༌སོ།།   
\p
\v 8 ཞོགས་པར་ཨ་བི་མེ་ལེག་ཡར་ལངས་ཏེ་བློན་པོ་ཐམས་ཅད་བསྡུས༌ཤིང༌། དོན་དེ་དག་ཁོ་རྣམས་ལ་སྨྲས་པ་དང་དེ་དག་ཤིན་ཏུ་འཇིགས་པར༌གྱུར།  
\v 9 དེ་ནས་ཨ་བི་མེ་ལེག་གིས་ཨབ་ར་ཧམ་བོས༌ཏེ། ཁྱོད་ཀྱིས་ངེད་རྣམས་ལ་འདི་ལྟར་བྱེད་དོན༌ཅི། བདག་གིས་དོན་གང་ཞིག་གི་ཆ་ནས་ཁྱོད་ལ་འགལ་བའི་སྡིག་པ་བྱས༌སམ། ཁྱོད་ཀྱིས་བདག་དང་བདག་གི་རྒྱལ་ཁབ་ཀྱི་མི་རྣམས་ལ་མ་ཉེས་ཁག་འགེལ་བྱེད༌དམ། ཁྱོད་ཀྱིས་བདག་ལ་བྱ་མི་འོས་པ་བྱས་སོ་ཞེས་སྨྲས་པ༌དང༌།  
\v 10 ཡང་ཨ་བི་མེ་ལེག་ན༌རེ། ཁྱོད་ཀྱིས་དོན་གང་ཞིག་མཐོང་སྟེ་འདི་ལྟར་བྱས་སམ་ཞེས་སྨྲས༌སོ།།   
\p
\v 11 ཡང་ཨབ་ར་ཧམ་གྱིས་འདི་སྐད༌དུ། ངས་ས་ཆ་འདིའི་མི་རྣམས་དཀོན་མཆོག་ལ་མི་གུས་མི་འཇིགས་པར་འདོད༌ཅིང༌། ཁྱོད་རྣམས་ཀྱིས་བདག་གི་ཆུང་མའི་རྐྱེན་གྱིས་ང་རང་གསོད་ངེས་པར༌བསམས།  
\v 12 ཁོ་མོ་དངོས་གནས་བདག་གི་སྲིང་མོ་ཡིན༌ཏེ། ངེད་གཉིས་ནི་ཕ་གཅིག་དང་མ་མི་གཅིག་པའི་མིང་སྲིང་ཡིན་པ༌དང༌། ཕྱིས་སུ་ཁོ་མོ་བདག་གི་ཆུང་མར་གྱུར༌ཏོ།།  
\v 13 དེ་སྔར་དཀོན་མཆོག་གིས་ང་རང་ཕ་གཞིས་དང་ཁ་བྲལ་ནས་ས་མཐར་འགྲིམས་པར་མཛད་པའི་དུས༌དེར། ངས་ཁོ་མོ་ལ་འདི་ལྟར་སྨྲས་པ༌སྟེ། ངེད་གཉིས་ས་ཆ་གང་དུ་སོང༌ནའང༌། ཁྱོད་ཀྱིས་མི་གཞན་ལ་ཁོ་བདག་གི་གཅེན་པོ་ཡིན་ཞེས་སྨྲོས༌དང༌། དེ་ལྟར་བྱས་ན་ཁྱོད་ཀྱིས་བདག་ལ་རོགས་རམ་བྱས་པ་ཡིན་ཞེས་བཤད་མྱོང་ཞེས་སྨྲས༌སོ།།   
\p
\v 14 དེ་ནས་ཨ་བི་མེ་ལེག་གིས་ར་ལུག་དང་བ༌གླང༌། གཡོག་པོ་དང་གཡོག་མོ་དག་ཨབ་ར་ཧམ་ལ་གནང་བ༌དང༌། ཁོང་གི་ཆུང་མ་སཱ་རའང་ཕྱིར་སྤྲད༌དོ།།  
\v 15 ཡང་ཁོ་ན༌རེ། ལྟོས༌དང༌། བདག་གི་ས་ཐམས་ཅད་ཁྱོད་ཀྱི་མིག་མདུན་དུ་ཡོད༌པས། ཁྱོད་རང་གི་འདོད་མོས་བཞིན་གང་དུ་བཞུགས་ཀྱང་འོས་པ་ཡིན་ཞེས་སྨྲས༌སོ།།  
\v 16 ཡང་ཁོས་སཱ་ར་ལ་འདི་ལྟར་སྨྲས་པ༌སྟེ། ངས་ཁྱོད་ཀྱི་གཅེན་པོར་དངུལ་སྒོར་ཆིག་སྟོང་སྤྲད་པ༌དང༌། དེ་ནི་ཁྱོད་རང་མི་ཚོགས་ཀྱི་མདུན་དུ་ངོ་གནོང་མི་དགོས་པ༌དང༌། ཁྱོད་ལ་ཉེས་སྐྱོན་མེད་པའི་སྐྱིན་ཚབ་ཏུ་སྤྲད་པ་ཡིན་ཞེས་སྨྲས༌སོ།།  
\v 17 དེ་ནས་ཨབ་ར་ཧམ་གྱིས་དཀོན་མཆོག་ལ་གསོལ་བ་བཏབ་པ༌དང༌། དཀོན་མཆོག་གིས་ཨ་བི་མེ་ལེག༌དང༌། ཁོའི་ཆུང་མ༌དང༌། གཡོག་མོ་ཐམས་ཅད་ཀྱི་ནད་གསོས་ཤིང་དེ་དག་ལ་མངལ་ཆགས་ཐུབ་པར་མཛད༌དོ།།  
\v 18 རྒྱུ་མཚན་ནི་དཀོན་མཆོག་ཡ་ཝཱེས་ཨབ་ར་ཧམ་གྱི་ཆུང་མ་སཱ་རའི་རྐྱེན༌གྱིས། དེ་སྔར་ཨ་བི་མེ་ལེག་ཚང་གི་བུད་མེད་ཐམས་ཅད་མངལ་མི་ཆགས་པར་མཛད་པའི་ཕྱིར༌རོ།།   
\c 21
\cl ལེའུ་ཉེར་གཅིག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 སཱ་ར་ལ་བུ་ཞིག་སྐྱེས༌པ།  
\p
\v 1 དེ་ཡང་དཀོན་མཆོག་ཡ་ཝཱེས་དེ་སྔར་ཞལ་བཞེས་གནང་བ་བཞིན་སཱ་ར་ལ་ཐུགས་རྗེ་གནང་བ་དང་དེ་བཞིན་དུ་འགྲུབ་པར་མཛད༌དོ།།  
\v 2 དེ་ནས་ཨབ་ར་ཧམ་དགུང་ལོ་བགྲེས་པའི་དུས་སུ་སཱ་ར་ལ་མངལ་སྦྲུམ་པ༌དང༌། དཀོན་མཆོག་གིས་གསུངས་པའི་དུས་དེར་ཨབ་ར་ཧམ་ལ་བུ་ཞིག༌སྐྱེས།  
\v 3 ཨབ་ར་ཧམ་གྱིས་སཱ་ར་ལས་ཐོབ་པའི་བུ་དེའི་མིང་ལ་ཨི་སཱག་ཅེས་བཏགས༌སོ།།  
\v 4 བུ་སྐྱེས་ནས་ཉིན་བརྒྱད་པ༌ལ། དཀོན་མཆོག་གིས་བཀའ་གནང་བ་བཞིན་ཨབ་ར་ཧམ་གྱིས་བུའི་མཚན་སྐྱི་བཅད༌དོ།།  
\v 5 བུ་ཨི་སཱག་སྐྱེས་པའི་དུས༌སུ། ཨབ་ར་ཧམ་དགུང་ལོ་བརྒྱ་ཐམ་པ་ཡིན༌ནོ།།  
\v 6 དེ་ནས་སཱ་ར་ན༌རེ། དཀོན་མཆོག་གིས་ང་རང་དགོད་པར་མཛད་པ༌དང༌། ང་ལ་བུ་སྐྱེས་པའི་དོན་འདི་ཐོས་མཁན་སུ་ཡིན་ཡང་བདག་དང་མཉམ་དུ་དགོད་ངེས་ཡིན་ཞེས་སྨྲས་པ༌དང༌།  
\v 7 ཡང་ཁོ་མོ་ན༌རེ། སུ་ཞིག་གིས་སྔ་མོ་ནས་ཨབ་ར་ཧམ་ལ་འདི་སྐད༌དུ། སཱ་རས་བུ་ལ་ནུ་ཞོ་སྟེར་ངེས་ཡིན་ཞེས་སྨྲ་ནུས༌སམ། འོན༌ཀྱང༌། ངས་ཨབ་ར་ཧམ་དགུང་ལོ་མཐོ་བའི་དུས༌སུ་ཁོང་ལ་བུ་ཞིག་བཙས་པ་ཡིན་ཞེས་སྨྲས༌སོ།།   
\s1 གཡོག་མོ་ཧ་གར་མ་བུ་གཉིས་ཀ་ཕྱིར་ཕུད༌པ།  
\p
\v 8 དེ་ཡང་བུ་ཨི་སཱག་རིམ་གྱིས་ནར་སོན་པ་དང་ནུ་ཞོ་སྟེར་མཚམས་བཞག༌གོ །བུའི་ནུ་ཞོ་བཀར་བའི་ཉིན༌ལ། ཨབ་ར་ཧམ་གྱིས་གསོལ་སྟོན་གཟབ་རྒྱས་བསྡུས༌སོ།།  
\v 9 དུས༌དེར། ཨེ་ཅིབ་ཀྱི་གཡོག་མོ་ཧ་གར་ནས་ཨབ་ར་ཧམ་ལ་སྐྱེས་པའི་བུ་ཡེས་མ་ཨེལ་གྱིས་བུ་ཨི་སཱག་ལ་འཕྱ་དམོད་བྱེད་བཞིན་པ་སཱ་རས་མཐོང༌སྟེ།  
\v 10 ཨབ་ར་ཧམ་ལ་འདི་ལྟར་སྨྲས༌པ། གཡོག་མོའི་བུ་ཡིས་བདག་གི་བུ་ཨི་སཱག་དང་མཉམ་དུ་ཁྱིམ་རྒྱུད་འཛིན་མི་རུང༌བས། གཡོག་མོ་མ་བུ་གཉིས་ཀ་ཕྱིར་ཕུད་ཅིག་ཅེས་པ༌དང༌།  
\v 11 ཨབ་ར་ཧམ་རང་གི་བུ་ཡི་རྐྱེན་གྱིས་སེམས་སྡུག་ཆེན་པོར༌ལྷུང༌།  
\v 12 འོན༌ཀྱང༌། དཀོན་མཆོག་གིས་ཨབ་ར་ཧམ་ལ་འདི་སྐད༌དུ། བུ་དང་གཡོག་མོའི་ཆེད་དུ་སེམས་སྡུག་མ༌བྱེད། སཱ་རས་གཏམ་གང་ཞིག་སྨྲས་པ་ལ་ཁྱོད་ཀྱིས་ཉན་པར༌བྱའོ། །ཅིའི་ཕྱིར་ཞེ༌ན། ཨི་སཱག་བརྒྱུད་ནས་ཁྱོད་ཀྱི་རིགས་རྒྱུད་ཀྱི་མིང་ཐོན་པར་འགྱུར་བའི་ཕྱིར༌རོ།།  
\v 13 གཡོག་མོའི་བུ་ལ་མཚོན༌ན། བདག་གིས་ཁོའི་རིགས་རྒྱུད་ལའང་རྒྱལ་ཁབ་ཅིག་འཛུགས་པར༌བྱའོ། །ཅིའི་ཕྱིར་ཞེ༌ན། བུ་དེའང་ཁྱོད་ཀྱི་བུ་ཡིན་པས་སོ་ཞེས་གསུངས༌སོ།།  
\v 14 དེ་ནས་ཞོགས་པར་ཨབ་ར་ཧམ་ཡར་ལངས་ཏེ་ཧ་གར་གྱི་ཕྲག་ལ་བག་ལེབ་དང་སྐྱི་ཁུག་བཀལ་བ་དང་ཁོ་མོའི་བུའང་ཁོ་མོར་སྤྲད་ནས་འགྲོ་རུ༌བཅུག དེ་ལྟར་ཧ་གར་མ་བུ་གཉིས་སོང་བ་དང་པེར་ཤ་བཱ་ཡི་དབེན་སྟོང་དུ༌འཁྱམས།  
\v 15 དེར་སྐྱི་ཁུག་ནང་གི་སྐོམ་ཆུ་བཏུངས་ཚར༌བས། ཧ་གར་གྱིས་བུ་ཆུང་སྡོང་ཕྲན་ཞིག་གི་གྲིབ་བསིལ་འོག་ཏུ་བཞག་པ༌དང༌།  
\v 16 ཁོ་མོ་མདའ་འཕེན་ཐེངས་གཅིག་གི་མཚམས་སུ་སོང་བ་དང་བུའི་ཕྱོགས་སུ་ཁ་གཏད་ནས་བསྡད༌དེ། ངས་བུ་འཆི་བར་མིག་གིས་བལྟ་མི་བཟོད་ཅེས་སྨྲ་བཞིན་སྐད་ཆེན་པོ་བརྒྱབ་ནས་ངུས༌སོ།།   
\p
\v 17 དེ་ཡང་དཀོན་མཆོག་གིས་བུ་ཆུང་ཞིག་ངུ་བའི་སྐད་གསན༌ཏོ། །དཀོན་མཆོག་གི་ཕོ་ཉས་ནམ་མཁའི་ཞིང་ཁམས་ནས་ཧ་གར་གྱི་མིང་ནས་བོས་ཏེ་འདི་སྐད༌དུ། ཧ༌གར། ཁྱོད་ཀྱིས་འདི་ལྟར་བྱེད་དོན༌ཅི། ཁྱོད་རང་འཇིགས་མི་དགོས༌ཏེ། དཀོན་མཆོག་གིས་བུ་ཆུང་གི་སྐད་གསན༌ཏོ།།  
\v 18 ཡར་ལོངས༌དང༌། བུ་ཡར་བསྐྱོར་ནས་ཁོའི་ལག་པར་འཇུས༌ཤིག ཅིའི་ཕྱིར་ཞེ༌ན། བདག་གིས་བུའི་རིགས་རྒྱུད་ལ་རྒྱལ་ཁབ་ཆེན་པོ་ཞིག་འཛུགས་པར་བྱ་ངེས་ཡིན་ཞེས་གསུངས༌སོ།།  
\v 19 དཀོན་མཆོག་གིས་ཁོ་མོའི་མིག་ཟུང་གསལ་པོར་མཛད་པ༌དང༌། ཁོ་མོས་དོང་ཆུ་ཞིག་མཐོང་ཞིང་སྐྱི་ཁུག་ནང་དུ་ཆུ་བླངས་ནས་བུ་ཆུང་ལ་འཐུང་དུ༌བཅུག  
\v 20 དེ་ལྟར་དཀོན་མཆོག་གིས་བུ་དེ་ལ་གཟིགས་སྐྱོང་གནང་བ༌དང༌། བུ་དེ་རིམ་གྱིས་ནར་སོན་པ་དང་དབེན་སྟོང་གི་ཡུལ་དུ་བསྡད༌ཅིང༌། ཕྱིས་སུ་མདའ་རྩལ་པ་ཞིག་ཏུ་གྱུར༌ཏོ།།  
\v 21 བུ་དེ་ཕཱ་རན་ཞེས་པའི་དབེན་སྟོང་དུ་སྡོད༌དུས། ཁོའི་ཡུམ་གྱིས་ཨེ་ཅིབ་ཡུལ་ནས་ཁོ་རང་ལ་ཆུང་མ་ཞིག་བླངས༌སོ།།   
\s1 ཨབ་ར་ཧམ་དང་རྒྱལ་པོ་ཨ་བི་མེ་ལེག་བར་གྱི་གྲོས༌འཆམ།  
\p
\v 22 སྐབས་དེར་ཨ་བི་མེ་ལེག་དང་ཁོང་གི་དམག་དཔོན་ཆེན་པོ་ཕི་ཀོལ་ཞེས་བྱ་བ་གཉིས་ཀྱིས་ཨབ་ར་ཧམ་ལ་འདི་ལྟར་སྨྲས་པ༌སྟེ། ཁྱོད་ཀྱིས་དོན་གང་ཞིག་བསྒྲུབས་ཀྱང་དཀོན་མཆོག་གིས་ཁྱོད་ལ་གཟིགས་སྐྱོང་གནང༌ངོ༌།།  
\v 23 ད་ལྟ་ཁྱོད་ཀྱིས་འདི་ནས་དཀོན་མཆོག་དཔང་དུ་བཙུགས༌ཏེ། བདག་དང་བདག་གི༌བུ། བདག་གི་རིགས་རྒྱུད་རྣམས་ལ་མགོ་སྐོར་མི་གཏོང་བ༌དང༌། བདག་གིས་ཁྱོད་ལ་ཇི་ལྟར་དྲིན་གཟོ་བ༌བཞིན། ཁྱོད་ཀྱིས་ཀྱང་དེ་ལྟར་བདག་ལ་དྲིན་གཟོ་བ༌དང༌། ཁྱོད་སྡོད་སའི་ཡུལ་འདིའི་འབངས་མི་རྣམས་ལའང་དྲིན་གཟོ་བའི་དམ་བཅའ་འཇོག་པར་གྱིས་ཞེས་པ༌ལ།  
\v 24 ཨབ་ར་ཧམ་གྱིས་ང་རང་དམ་བཅའ་འཇོག་པར་འཐད་པ་ཡིན་ཞེས་སྨྲས༌སོ།།  
\v 25 དེ་ཡང་སྔོན་ཆད་ཨ་བི་མེ་ལེག་གི་གཡོག་པོ་རྣམས་ཀྱིས་དོང་ཆུ་ཞིག་བཙན་འཕྲོག་བྱས་མྱོང༌བས། ཨབ་ར་ཧམ་གྱིས་དོན་དེའི་ཕྱིར་ཨ་བི་མེ་ལེག་ལ་བཀའ་བཀྱོན་གནང་བ༌རེད།  
\v 26 དེ་ནས་ཨ་བི་མེ་ལེག་ན༌རེ། དོན་དེ་སུ་ཞིག་གིས་བྱས་པ་བདག་གིས་མི་ཤེས༌ཏེ། ཁྱོད་ཀྱིས་ཀྱང་བདག་ལ་མ་སྨྲས་ཤིང་བདག་གིས་དེ་རིང་བར་དུ་རྣ་བས་ཐོས་མ་མྱོང་ཞེས་སྨྲས༌སོ།།  
\v 27 དེ་ནས་ཨབ་ར་ཧམ་གྱིས་ཨ་བི་མེ་ལེག་ལ་བ་གླང་དང་ར་ལུག་བཅས་སྤྲད་པ༌དང༌། ཁོ་གཉིས་ཕན་ཚུན་བར་གྲོས་འཆམ་བྱུང༌ངོ༌།།  
\v 28 ཨབ་ར་ཧམ་གྱིས་མ་མོ་བདུན་གནས་གཞན་དུ་བཞག་ཡོད༌པས།  
\v 29 ཨ་བི་མེ་ལེག་གིས་ཨབ་ར་ཧམ་ལ་འདི༌ལྟར། ཁྱོད་ཀྱིས་མ་མོ་བདུན་གནས་གཞན་དུ་འཇོག་པའི་རྒྱུ་མཚན་ཅི་ཞེས་དྲིས་པ༌དང༌།  
\v 30 ཨབ་ར་ཧམ་གྱིས་འདི་སྐད༌དུ། ངས་དོང་ཆུ་འདི་བརྐོས་པའི་དཔང་རྟགས༌སུ། ཁྱོད་ཀྱིས་བདག་ནས་མ་མོ་བདུན་ལེན་དགོས་གསུངས༌སོ།།  
\v 31 དེའི༌ཕྱིར། ཨབ་ར་ཧམ་གྱིས་གནས་དེའི་མིང་ལ་པེར་ཤ་བཱ་ \f + \ft པེར་ཤ་བཱ་ཞེས་པ་ནི་ཡ་ཧུ་དཱའི་སྐད་དོད་དེ་དམ་བཅའི་ཁྲོན་པ་ཞེས་པའི་དོན་ལ༌འཇུག\f*ཞེས་བཏགས༌སོ། །ཅིའི་ཕྱིར་ཞེ༌ན། ཁོ་གཉིས་ཀྱིས་གནས་དེ་རུ་དམ་བཅའ་བཞག་པའི་ཕྱིར༌རོ།།  
\v 32 དེ་ལྟར་ཁོ་གཉིས་པེར་ཤ་བཱ་ཡུལ་དུ་གྲོས་འཆམ་བྱུང་བ༌དང༌། ཨ་བི་མེ་ལེག་ཁོང་གི་དམག་དཔོན་ཕི་ཀོལ་དང་མཉམ་དུ་ཕེ་ལེ་ཤེད་མི་རིགས་ཀྱི་ཡུལ་དུ་ཕྱིར༌ལོག  
\v 33 ཨབ་ར་ཧམ་གྱིས་པེར་ཤ་བཱ་ཡུལ་དུ་འོམ་བུ་ཤིང་ཕྲན་ཞིག་བཙུགས༌ཤིང༌། གནས་དེ་ནས་ཐོག་མཐའ་མེད་པའི་དཀོན་མཆོག་ཡ་ཝཱེའི་མཚན་ནས་བོས༌པའོ།།  
\v 34 ཨབ་ར་ཧམ་ཁོང་ཉིད་ཕེ་ལེ་ཤེད་མི་རིགས་ཀྱི་ཡུལ་དུ་ཉིན་མང་པོར་བཞུགས༌སོ།།   
\c 22
\cl ལེའུ་ཉེར་གཉིས༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 དཀོན་མཆོག་གིས་ཨབ་ར་ཧམ་ལ་བརྟག༌པ།  
\p
\v 1 དོན་དེའི་རྗེས༌སུ། དཀོན་མཆོག་གིས་ཨབ་ར་ཧམ་ལ་བརྟག་པར་དགོངས་ཏེ་ཨབ་ར་ཧམ་ཞེས་ཁོའི་མིང་ནས་བོས་པ༌ན། ཁོ་ན༌རེ། ང་རང་འདི་རུ་ཡོད་ཅེས་ལན་བཏབ༌བོ།།  
\v 2 དེ་ནས་དཀོན་མཆོག་གིས་འདི་སྐད༌དུ། ཁྱོད་ཀྱིས་རང་གི་གཅེས་པའི་བུ་གཅིག་པུ་སྟེ་ཨི་སཱག་ཁྲིད་ནས་མོ་རེའེ་ཡཱ་ཡུལ་དུ་སོང༌དང༌། བདག་གིས་སྟོན་པར་འགྱུར་བའི་རི་བོ་ཞིག་གི་སྟེང་དུ་བུ་དེ་སྦྱིན་སྲེག་ཏུ་ཕུལ་ཞིག་ཅེས་གསུངས༌སོ།།  
\v 3 དེ་ནས་ཞོགས་པར་ཨབ་ར་ཧམ་ཡར་ལངས་ཏེ་བོང་བུར་སྒ་གཏད༌ཅིང༌། སྦྱིན་སྲེག་གི་བུད་ཤིང་གཏུབས་རྗེས་གཡོག་པོ་གཉིས་དང་རང་གི་བུ་ཨི་སཱག་བཅས་ཁྲིད་དེ་དཀོན་མཆོག་གི་བཀའ་བཞིན་དུ་ཡུལ་དེའི་ལམ་ལ༌ཆས།  
\v 4 དེ་ནས་ཉིན་གསུམ་པ༌ལ། ཨབ་ར་ཧམ་གྱིས་མགོ་ཡར་བཀྱགས་ཏེ་རྒྱང་རིང་ནས་ཡུལ་དེ་མཐོང་བ༌དང༌།  
\v 5 གཡོག་པོ་གཉིས་ལ་འདི་སྐད༌དུ། ཁྱོད་གཉིས་ཀྱིས་བོང་བུ་བཟུང་ནས་འདིར་སྒུགས༌དང༌། བདག་དང་བུ་གཉིས་ཀ་གནས་དེར་སོང་ནས་དཀོན་མཆོག་ལ་གུས་ཕྱག་ཕུལ༌རྗེས། ཕྱིར་ཁྱོད་གཉིས་ཀྱི་གམ་དུ་ཡོང་ངེས་ཡིན་ཞེས་གསུངས༌སོ།།  
\v 6 དེ་ནས་ཨབ་ར་ཧམ་གྱིས་བུ་ཨི་སཱག་ལ་སྦྱིན་སྲེག་གི་བུད་ཤིང་ཁུར་དུ་བཅུག་པ་དང་རང་གི་ལག་ཏུ་མེ་དང་གྲི་བཟུང་ནས་ཁོ་གཉིས་ཕ་རོལ་ཏུ༌སོང༌།  
\v 7 དེ་ནས་བུ་ན༌རེ། ཕ་ལགས་ཞེས་ཞུས་པ༌དང༌། ཕ་ན༌རེ། བདག་གི༌བུ། ང་རང་འདི་རུ་ཡོད་ཅེས་སྨྲས༌སོ། །ཡང་བུ་ན༌རེ། ཁྱེད་ཀྱིས་གཟིགས༌དང༌། མེ་དང་བུད་ཤིང་ཐམས་ཅད་འཛོམས༌མོད། འོན་ཀྱང་སྦྱིན་སྲེག་ཏུ་ཕུལ་བའི་ལུ་གུ་གང་དུ་ཡོད་ཅེས་ཞུས་པ༌ལ།  
\v 8 ཕ་ན༌རེ། བདག་གི༌བུ། དཀོན་མཆོག་གིས་དངོས་སུ་སྦྱིན་སྲེག་གི་ལུ་གུ་གནང་ངེས་ཡིན་ཞེས་སྨྲས་པ་དང་ཕ་བུ་གཉིས་ཀ་མཉམ་དུ༌སོང༌།  
\v 9 དེ་ནས་ཁོ་གཉིས་དཀོན་མཆོག་གིས་བསྟན་པའི་གནས་དེར་སླེབས་པ༌དང༌། ཨབ་ར་ཧམ་གྱིས་གནས་དེ་རུ་མཆོད་ཁྲི་ཞིག་བཞེངས་པ་དང་དེའི་སྟེང་དུ་བུད་ཤིང་ལེགས་པར་བསྒྲིགས༌རྗེས། རང་གི་བུ་ཨི་སཱག་ཐག་པས་བསྡམས་ཏེ་བུད་ཤིང་གི་སྟེང་དུ༌བཞག  
\v 10 ཨབ་ར་ཧམ་གྱིས་ལག་པ་བརྐྱངས་ནས་གྲི་བླངས་ཏེ་བུ་གསོད་པར་རྩོམ་པ༌ལ།  
\v 11 གློ་བུར་ཉིད་ལ་དཀོན་མཆོག་ཡ་ཝཱེའི་ཕོ་ཉས་ནམ་མཁའི་ཞིང་ཁམས་ནས་ཨབ་ར༌ཧམ། ཨབ་ར་ཧམ་ཞེས་ཁོའི་མིང་ནས་བོས་པ༌དང༌། ཁོས་ང་རང་འདི་རུ་ཡོད་ཅེས་ལན་བཏབ༌བོ།།  
\v 12 དེ་ནས་ཕོ་ཉས་འདི་སྐད༌དུ། ཁྱོད་ཀྱིས་བུ་དེ་ལ་ལག་པས་རེག་པར་མི༌བྱའོ། །བུ་དེ་ལ་གནོད་པ་ཅི་ཡང་བྱ་མི་རུང༌ངོ༌། །ཁྱོད་ཀྱིས་དཀོན་མཆོག་ལ་དད་གུས་བྱེད་པ་ད་ལྟ་བདག་གིས༌ཤེས། ཅིའི་ཕྱིར་ཞེ༌ན། ཁྱོད་ཀྱིས་རང་གི་བུ་གཅིག་པུ་བདག་ལ་འབུལ་བར་ཡང་མ་འཛེམ་པའི་ཕྱིར་ཡིན་ཞེས་གསུངས་པ༌དང༌།  
\v 13 ཨབ་ར་ཧམ་གྱིས་མགོ་ཡར་བཀྱགས་ནས་བལྟས་པ༌ན། ལུག་ཐུག་ཅིག་མཐོང་ཞིང་རྭ་ཅོ་གཉིས་ཚེར་མའི་གསེབ་ཏུ་ཟུག་ཡོད་པ༌ལ། ཁོང་གིས་ལུག་ཐུག་དེ་ཚེར་མ་ལས་བླངས་ཏེ་རང་གི་བུའི་ཚབ་ཏུ་དཀོན་མཆོག་ལ་སྦྱིན་སྲེག་ཏུ་ཕུལ༌ཏོ།།  
\v 14 ཨབ་ར་ཧམ་གྱིས་གནས་དེའི་མིང་ལ་ཡ་ཝཱེས་ཡིར་ཨེ་ཞེས་བཏགས་ཤིང་དོན་ནི་དཀོན་མཆོག་ཡ་ཝཱེས་གནང་ངེས་ཡིན་ཞེས་པའོ། །ད་ལྟའི་བར་དུ་མི་རྣམས་ཀྱིས་དཀོན་མཆོག་ཡ་ཝཱེའི་རི་བོར་ཁོང་གིས་གནང་ངེས་ཡིན་ཞེས༌སྨྲའོ།།   
\p
\v 15 དེ་ནས་དཀོན་མཆོག་ཡ་ཝཱེའི་ཕོ་ཉས་ཐེངས་གཉིས་པར་ནམ་མཁའི་ཞིང་ཁམས་ལས་ཨབ་ར་ཧམ་ཞེས་ཁོའི་མིང་ནས་བོས༌ཤིང༌།  
\v 16 དཀོན་མཆོག་ཡ་ཝཱེས་འདི་སྐད༌དུ། ཁྱོད་ཀྱིས་དོན་འདི་བསྒྲུབས་པར་རང་གི་བུ་གཅིག་པུ་ལའང་མ་འཛེམ༌པས། ངས་རང་ལ་བརྟེན་ནས་དམ་བཅས་པ༌སྟེ།  
\v 17 བདག་གིས་ཁྱོད་ལ་བྱིན་རླབས་ཆེན་པོ་གནང་ངེས༌ཤིང༌། ཁྱོད་ཀྱི་བུ་རྒྱུད་ནི་ནམ་མཁའི་སྐར་མ་དང་རྒྱ་མཚོའི་འགྲམ་གྱི་བྱེ་མ་ཇི་བཞིན་མང་དུ་འཕེལ་བར༌བྱ། ཁྱོད་ཀྱི་བུ་རྒྱུད་ཀྱིས་རང་གི་དགྲ་བོ་རྣམས་ཀྱི་མཁར་འཛིན་པ༌དང༌།  
\v 18 ཁྱོད་ཀྱིས་བདག་གི་གཏམ་ལ་མཉན་པའི༌ཕྱིར། ཁྱོད་ཀྱི་བུ་རྒྱུད་བརྒྱུད་ནས་ས་སྟེང་གི་མི་རིགས་ཐམས་ཅད་ལ་བྱིན་རླབས་འཐོབ་པར་འགྱུར་ཞེས་གསུངས༌སོ།།  
\v 19 དེའི༌ཕྱིར། ཨབ་ར་ཧམ་ཕ་བུ་གཉིས་རང་གི་གཡོག་པོའི་གམ་དུ་སོང་བ༌དང༌། ཁོ་རྣམས་ལྷན་དུ་པེར་ཤ་བཱ་རུ་ཕྱིར་ལོག༌རྗེས། ཨབ་ར་ཧམ་ནི་པེར་ཤ་བཱ་ཡུལ་དུ་བཞུགས༌སོ།།   
\s1 ནཱ་ཧོར་གྱི་རིགས་རྒྱུད༌སྐོར།  
\p
\v 20 དོན་དེའི་རྗེས༌སུ། མི་གཞན་གྱིས་ཨབ་ར་ཧམ་ལ་འདི་ལྟར་སྨྲས༌པ། ལྟོས༌དང༌། མིལ་ཀཱ་ཡིས་ཁྱེད་ཀྱི་སྤུན་ནཱ་ཧོར་ལ་བུ་དུ་མ་བཙས་པ༌སྟེ།  
\v 21 བུ་སྐྱེས་འགོ་ནི་ཨུ་ཟཱ་ཡིན༌ལ། ཁོའི་གཅུང་པོ་ནི་པུ་ཟཱ༌དང༌། ཀཱ་མུ༌ཨེལ། ༼དེ་ནི་ཨ་རམ་གྱི་ཕ༌ཡིན།༽  
\v 22 ཀེ༌སེད། ཧ༌ཟོ། ཕིལ༌དཱ། ཡེད༌ལིབ། པཱ་ཐུ་ཨེལ་བཅས༌སོ།།  
\v 23 པཱ་ཐུ་ཨེལ་ནི་ཕྱིས་སུ་བུ་མོ་རིབ་ཀཱ་ཞེས་བྱ་བའི་ཕ་ཡིན༌ལ། བུ་དེ་བརྒྱད་པོ་ནི་མིལ་ཀཱ་ཡིས་ཨབ་ར་ཧམ་གྱི་སྤུན་ནཱ་ཧོར་ལ་བཙས༌པའོ།།  
\v 24 དེ་ཡང་ནཱ་ཧོར་གྱི་ཆུན་མ་རཱ་ཨུ་མཱ༌ལས། ཐེ་པཱག༌དང༌། གཱ༌ཧམ། ཐཱ་ཧ༌ཤཱ མཱ་ཨ་ཀཱ་བཅས་བུ་བཞི་སྐྱེས༌སོ།།   
\c 23
\cl ལེའུ་ཉེར་གསུམ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 སཱ་ར་ཚེ་ལས་འདས༌པ།  
\p
\v 1 དེ་ཡང་སཱ་ར་དགུང་ལོ་བརྒྱ་དང་ཉེར་བདུན་ལ་བཞུགས༌ཤིང༌། དེ་ནི་སཱ་རའི་མི་ཚེ་གང་པོའི་ཚེ་ཚད་ཡིན༌ནོ།།  
\v 2 ཁོ་མོ་ཀ་ན་ཨན་ཡུལ་གྱི་ཀིར་ཡཱད་ཨར་པཱ་གྲོང་ཁྱེར༌ཏེ། དེང་སང་གི་ཧེབ་རོན་དུ་ཚེ་ལས་འདས༌པས། ཨབ་ར་ཧམ་ནང་དུ་སོང་ནས་མྱ་ངན་དང་ངུ་འབོད་བྱས་པ༌དང༌།  
\v 3 ཕྱིས་སུ་ཨབ་ར་ཧམ་འདས་པོ་སཱ་རའི་མདུན་ནས་ཡར་ལངས༌ཏེ། ཧེད་ཀྱི་བུ་རྒྱུད་རྣམས་ལ་འདི་སྐད༌དུ།  
\v 4 བདག་ནི་ཁྱེད་རྣམས་ཀྱི་ཁྲོད་ནས་ཕྱི་ཕྱོགས་པ་ཡིན༌ལ། བྱེས་པ་ཞིག་ཀྱང་ཡིན༌པས། ཁྱེད་ཅག་གིས་འདི་ནས་བདག་ལ་དུར་ས་ཞིག་གནང་བར༌ཞུ། ངས་ཁོ་མོའི་བེམ་པོ་བདག་གི་མིག་ལམ་ནས་དུར་ལ་སྦ་བར་བྱ་ཞེས་གསུངས་པ༌དང༌།  
\v 5 ཧེད་ཀྱི་བུ་རྒྱུད་རྣམས་ན༌རེ།  
\v 6 ཇོ་བོ༌ལགས། ཁྱེད་ཀྱིས་གསན་རོགས༌གནང༌། ཁྱེད་ནི་ངེད་ཅག་གི་ཁྲོད་དུ་རྒྱལ་སྲས་མཆོག་གྱུར་ཞིག་ཡིན༌ལ། ཁྱེད་ཀྱིས་ངེད་ཅག་གི་དུར་ཁྲོད་ལས་ཆེས་བཟང་བའི་གནས་སུ་ཁྱེད་ཀྱི་བེམ་པོ་དུར་ལ་སྦས་ཀྱང་རུང༌སྟེ། ངེད་ཅག་སུ་ཞིག་གིས་ཀྱང་རང་གི་དུར་ཁྲོད་དུ་ཁྱེད་ཀྱི་བེམ་པོ་དུར་ལ་སྦ་རུ་མི་འཇུག་པ་མེད་ཅེས་ལན་བཏབ༌བོ།།  
\v 7 དེ་ནས་ཨབ་ར་ཧམ་ཡར་ལངས་ཤིང་གནས་དེའི་ཧེད་ཀྱི་བུ་རྒྱུད་རྣམས་ལ་གུས་པ་བྱས༌ཏེ།  
\v 8 འདི་སྐད༌དུ། ངས་ཁོ་མོའི་བེམ་པོ་བདག་གི་མིག་ལམ་ནས་དུར་ལ་སྦ་བར་ཁྱེད་རྣམས་འཐད་པ་ཡིན༌ན། ཁྱེད་ཅག་གིས་གསོན་དང༌། བདག་གི་ཆེད་དུ་ཁྱེད་རྣམས་བར་སྡོད་པ་བྱས་ནས་ཚོ་ཧར་གྱི་བུ་ཨེབ་རོན་ལ་ཞུ་བ་ཞུས༌ཏེ།  
\v 9 ས་ཞིང་གི་གོང་དུ་ཡོད་པའི་མཱག་ཕེ་ལཱ་བྲག་ཁུང་དེ་བདག་ལ་དུར་ས་རུ་གནང་བ༌དང༌། ཨེབ་རོན་གྱིས་བྲག་ཁུང་དེ་རིན་གོང་དངོས་མ་ལྟར་ཁྱེད་ཀྱི་མིག་མདུན་ནས་བདག་ལ་བཙོང་བར་མཛོད་ཅེས་གསུངས༌སོ།།  
\v 10 སྐབས་དེར་ཧེད་ཀྱི་བུ་རྒྱུད་ཨེབ་རོན་རང་གི་སྤུན་ཟླ་རྣམས་ཀྱི་ཁྲོད་དུ་ཡོད༌པས། ཨེབ་རོན་གྱིས་མཁར་སྒོ་བརྒྱུད་ནས་འགྲོ་འོང་བྱེད་པའི་ཧེད་ཀྱི་བུ་རྒྱུད་ཐམས་ཅད་ཀྱི་ཁྲོད་དུ་ཨབ་ར་ཧམ་ལ་འདི་ལྟར་སྨྲས་པ༌སྟེ།  
\v 11 དེ་འདྲ་ག་ལ༌ཡིན། བདག་གི་ཇོ་བོ༌ལགས། གསོན་དང༌། བདག་གིས་ས་ཞིང་འདི་ཁྱེད་ལ་སྟེར་བ༌དང༌། ཐ་ན་ཞིང་བར་གྱི་བྲག་ཁུང་ཡང་ཁྱེད་ལ་སྟེར་རྒྱུ༌དང༌། ངེད་ཅག་མི་རིགས་ཀྱི་མིག་མདུན་ནས་ཐམས་ཅད་ཁྱེད་ལ་སྟེར་རྒྱུ་ཡིན༌པས། ཁྱེད་ཀྱིས་རང་གི་བེམ་པོ་དུར་ལ་སྦ་བར་གྱིས་ཞེས༌པའོ།།  
\v 12 དེ་ནས་ཡང་ཨབ་ར་ཧམ་གྱིས་ཡུལ་དེའི་མི་རྣམས་ལ་གུས་པ་བྱས༌རྗེས།  
\v 13 ཁོ་རྣམས་ཀྱི་མིག་མདུན་ནས་ཨེབ་རོན་ལ་འདི་སྐད༌དུ། ཁྱེད་རང་འཐད་པ་ཡིན༌ན། བདག་གི་གཏམ་ལ་མཉན་པར༌མཛོད། ངས་ས་རིན་ཐམས་ཅད་ཁྱེད་ལ་སྟེར་རྒྱུ་ཡིན་པ༌དང༌། ཁྱེད་ཀྱིས་ཀྱང་ལེན་པར༌མཛོད། ངས་གནས་དེ་རུ་བདག་གི་བེམ་པོ་དུར་ལ་སྦ་བར་བྱ་ཞེས་གསུངས་པ༌དང༌།  
\v 14 ཨེབ་རོན་ན༌རེ།  
\v 15 བདག་གི་ཇོ་བོ༌ལགས། ཁྱེད་ཀྱིས་གསོན་དང༌། ས་རིན་དངུལ་སྲང་ \f + \ft འདིར་དངུལ་སྲང་ཞེས་པའི་སྲང་ལ་མ་ཕྱི་ལས་ཤེ་ཀོལ་ཞེས་མཐོང་བ་དང་། དེ་ནི་གནའ་བོའི་ཡ་ཧུ་དཱ་མི་རིགས་ཀྱི་ལྗིད་ཚད་འཇལ་བྱེད་ཅིག་ཡིན་ལ། གནའ་བོའི་ཤེ་ཀོལ་ཞེས་པའི་ལྗིད་ཚད་ནི་དེང་སང་གི་སྤྱི་རྒྱ་གང་གི་སྟོང་ཆའི་བཅུ་གཅིག་ཙམ་ཡིན། \f*བཞི་བརྒྱ་ཡིན་པའི་ས་ཞིང་ནི་ངེད་གཉིས་བར་དུ་ཅི་ཡང་མ་ཡིན༌ཏེ། ཁྱེད་ཀྱིས་རང་གི་བེམ་པོ་དུར་དུ་སྦ་བར་གྱིས་ཞེས་ལན་བཏབ༌བོ།།  
\v 16 དེ་ནས་ཨབ་ར་ཧམ་གྱིས་ཨེབ་རོན་གྱི་གཏམ་ལ་མཉན༌ཅིང་། ཁོང་གིས་ཧེད་ཀྱི་བུ་རྒྱུད་རྣམས་ཀྱི་མདུན་དུ་སྨྲས་པ་བཞིན་བསྒྲུབས༌ཏེ། ཉོ་འཚོང་བྱེད་པར་བཀོལ་བའི་དངུལ་སྲང་བཞི་བརྒྱ་དེ་སྲང་ལ་འཇལ་ནས་ཨེབ་རོན་ལ་སྤྲད་དོ།།   
\p
\v 17-18 དེ་ལྟར་ཨབ་ར་ཧམ་གྱིས་ཨེབ་རོན་གྱི་ས་ཞིང་ཉོས་པ༌དང༌། ས་ཞིང་དེ་ནི་མཱག་ཕེ་ལཱ་ཞེས་པའི་ས་ཆར་ཡོད་པར་མ༌ཟད། མཱན་རེའེ་ཡུལ་གྱི་མདུན་ཕྱོགས་སུ་ཡོད༌ཅིང༌། ས་ཞིང་དེ་དང་དེ་རུ་ཡོད་པའི་བྲག་ཁུང༌དང༌། ཞིང་བར་དང་དེའི་མཐའ་སྐོར་གྱི་ལྗོན་ཤིང་ཐམས་ཅད་ཨབ་ར་ཧམ་ལ་དབང་བ༌དང༌། ས་ཞིང་དེ་ནི་མཁར་སྒོ་བརྒྱུད་ནས་འགྲོ་འོང་བྱེད་པའི་ཧེད་ཀྱི་བུ་རྒྱུད་ཐམས་ཅད་ཀྱི་མིག་མདུན་ནས་ཉོས༌པའོ།།  
\v 19 དོན་དེའི་རྗེས༌སུ། ཨབ་ར་ཧམ་གྱིས་རང་གི་ཆུང་མ་སཱ་རའི་བེམ་པོ་ཀ་ན་ཨན་ཡུལ་གྱི་མཱག་ཕེ་ལཱ་ཞེས་པའི་ས་ཆར་ཡོད་པའི་ས་ཞིང་གི་བྲག་ཁུང་དུ་དུར་ལ་སྦས༌སོ། །བྲག་ཁུང་དེ་མཱན་རེའེ་ཡུལ་གྱི་མདུན་ཕྱོགས་སུ་ཡོད༌ཅིང༌། མཱན་རེའེ་ཞེས་པ་ནི་ཧེབ་རོན༌ཡིན།  
\v 20 དུས་དེ་ནས༌བཟུང༌། ས་ཞིང་དེ་དང་དེ་རུ་ཡོད་པའི་བྲག་ཁུང་ནི་ཧེད་ཀྱི་བུ་རྒྱུད་རྣམས་ཀྱིས་ཁས་བླངས་པ་ལྟར་ཨབ་ར་ཧམ་ལ་དབང་བ་དང་ཁོང་གི་ཁྱིམ་རྒྱུད་ཀྱི་དུར་ཁྲོད་དུ་གྱུར༌ཏོ།།   
\c 24
\cl ལེའུ་ཉེར་བཞི༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨབ་ར་ཧམ་གྱིས་རང་གི་བུ་ལ་ཆུང་མ་སློང༌བ།  
\p
\v 1 དེ་ཡང་ཨབ་ར་ཧམ་དགུང་ལོ་མཐོ་བ་དང་དོན་གང་ཅིའི་ཐད་ནས་དཀོན་མཆོག་ཡ་ཝཱེས་ཁོང་ལ་བྱིན་རླབས་གནང༌ངོ༌།།  
\v 2 ཨབ་ར་ཧམ་གྱིས་རང་ཁྱིམ་གྱི་རྒྱུ་ནོར་ཡོངས་ལ་དོ་དམ་བྱེད་པའི་གཡོག་པོ་ལོ་ན་ཆེས་རྒན་པ་དེ་ལ་འདི་སྐད༌དུ། ཁྱོད་ཀྱིས་རང་གི་ལག་པ་བདག་གི་བརླ་འོག་ཏུ་འཇོག་པར༌གྱིས།  
\v 3 ཁྱོད་ཀྱིས་གནམ་ས་གཉིས་ཀྱི་དཀོན་མཆོག་ཡ་ཝཱེ་དཔང་དུ་བཙུགས་ནས་དམ་བཅའ་ཞོག༌ཅིག ང་རང་སྡོད་པའི་ཡུལ་འདི་ནས་བདག་གི་བུ་ལ་ཀ་ན་ཨན་མི་རིགས་ཀྱི་བུ་མོ་ཆུང་མར་ལེན་པར་མི༌བྱའོ།།  
\v 4 ཁྱོད་རང་བདག་གི་ཕ་ཡུལ་དང་བདག་གི་གཉེན་ཉེའི་གམ་དུ་སོང་ནས་བདག་གི་བུ་ཨི་སཱག་ལ་ཆུང་མ་ཞིག་ལེན་དགོས་ཞེས་གསུངས་པ༌ལ།  
\v 5 གཡོག་པོ་ན༌རེ། གལ༌སྲིད། བུ་མོ་བདག་དང་མཉམ་དུ་གནས་འདིར་མི་ཡོང༌ན། ངས་ཁྱེད་ཀྱི་བུ་ཕྱིར་ཕ་ཡུལ་དུ་འཁྲིད་དམ་ཞེས་སྨྲས་པ༌དང༌།  
\v 6 ཡང་ཨབ་ར་ཧམ་གྱིས་འདི་སྐད༌དུ། ཁྱོད་ཀྱིས་མཉམ་འཇོག་པར༌གྱིས། བདག་གི་བུ་ཕྱིར་མ་འཁྲིད༌ཅིག  
\v 7 ནམ་མཁའི་དཀོན་མཆོག་ཡ་ཝཱེས་ཁོང་གི་ཕོ་ཉ་ཁྱོད་ཀྱི་མདུན་དུ་མངགས་ངེས༌ཏེ། ཁྱོད་ཀྱིས་གནས་དེ་ནས་བདག་གི་བུ་ལ་ཆུང་མ་ཞིག་ལེན་པར༌བྱའོ། །ཁོང་གིས་སྔོན་ཆད་ང་རང་བདག་གི་ཕ་གཞིས་དང་རང་མི་རིགས་ཀྱི་ཡུལ་དང་ཁ་འབྲལ་བར་མཛད་དེ་འདི་སྐད༌དུ། བདག་གིས་ཡུལ་འདི་ཁྱོད་ཀྱི་རིགས་རྒྱུད་ཕྱི་མ་རྣམས་ལ་གནང་བར་བྱ་ཞེས་མནའ་བཞེས་མྱོང༌ངོ༌།།  
\v 8 གལ༌ཏེ། བུ་མོ་དེ་ཁྱོད་དང་མཉམ་དུ་ཡོང་མི་འདོད༌ན། ཁྱོད་ཀྱིས་བདག་ལ་དམ་བཅས་པའང་ཁྱོད་དང་འབྲེལ་བ་མེད་པ༌ཡིན། བདག་གི་བུ་གཏན་ནས་ཕྱིར་འཁྲིད་མི་རུང་ཞེས་གསུངས༌སོ།།  
\v 9 དེ་ནས་གཡོག་པོས་རང་གི་བདག་པོ་ཨབ་ར་ཧམ་གྱི་བརླ་འོག་ཏུ་ལག་པ་བཞག་སྟེ་དོན་འདིའི་ཆེད་དུ་དམ་བཅས༌སོ།།  
\v 10 དེར་གཡོག་པོས་རང་གི་བདག་པོའི་རྔ་མོང་ལས་རྔ་མོང་བཅུ་ཁྲིད་ཅིང་ནོར་རྫས་སྣ་ཚོགས་བཟུང༌སྟེ། མེ་སོ་པོ་ཐེམ་ཡཱ་ཡུལ་དུ་སོང་བ་དང་ནཱ་ཧོར་གྲོང་ཁྱེར་དུ༌སླེབས།  
\v 11 ས་མ་རུབ་སྔོན༌ལ། བུ་མོ་རྣམས་ཆུ་འཁུར་དུ་འགྲོ་བའི་དུས༌སུ། གཡོག་པོས་རྔ་མོང་རྣམས་གྲོང་ཁྱེར་ཕྱི་རོལ་གྱི་ཁྲོན་པ་ཞིག་གི་ཉེ་སར་འདུག་ཏུ་བཅུག༌གོ །  
\v 12 དེ་ནས་གཡོག་པོས་དཀོན་མཆོག་ལ་འདི༌ལྟར། ཀྱེ། དཀོན་མཆོག་ཡ༌ཝཱེ། ང་ཡི་བདག་པོ་ཨབ་ར་ཧམ་གྱི་དཀོན་མཆོག༌ལགས། ཁྱེད་ཀྱིས་ང་ཡི་བདག་པོ་ཨབ་ར་ཧམ་ལ་ཐུགས་རྗེས་གཟིགས༌དང༌། དེ་རིང་བདག་གོ་སྐབས་ལེགས་པོ་ཞིག་དང་འཕྲད་པར༌མཛོད།  
\v 13 ང་རང་ད་ལྟ་ཁྲོན་པའི་འགྲམ་དུ་ཡོད༌ཅིང༌། གྲོང་ཁྱེར་ནང་གི་བུ་མོ་རྣམས་ཆུ་ལེན་དུ་ཡོང་བཞིན་ཡོད༌པས།  
\v 14 ངས་བུ་མོ་སུ་ཞིག༌ལ། ཁྱོད་ཀྱིས་ཆུ་ཟོ་ཁྱེར་ཤོག༌དང༌། ངས་ཆུ་འཐུང་འདོད་ཅེས་སྨྲ་བ༌དང༌། གལ༌ཏེ། ཁོ་མོ་ན༌རེ། ཁྱོད་ཀྱིས་འཐུང༌དང༌། ངས་ཁྱོད་ཀྱི་རྔ་མོང་ལའང་ཆུ་ལྡུད་པར་བྱ་ཞེས་སྨྲས༌ན། བུ་མོ་དེ་ནི་ཁྱེད་ཀྱིས་བསྐོས་པ་ལྟར་ཁྱེད་ཀྱི་ཞབས་ཕྱི་པ་ཨི་སཱག་གི་ཆུང་མ་ཡིན་པར༌མཛོད། འདི་ལྟར་གྲུབ༌ཚེ། ཁྱེད་ཀྱིས་ང་ཡི་བདག་པོ་ལ་ཐུགས་རྗེ་གནང་བ་བདག་གིས་ཤེས་ནུས་པ་ཡིན་ཞེས་གསོལ་བ་བཏབ༌བོ།།  
\v 15 དེ་ལྟར་གཡོག་པོས་གསོལ་བ་བཏབ་མ་ཚར༌བར། རིབ་ཀཱ་ཞེས་བྱ་བའི་བུ་མོས་ཕྲག་ལ་ཆུ་ཟོ་ཁུར་ནས་ཆུ་ལེན་དུ་ཡོང༌ངོ༌། །རིབ་ཀཱ་ནི་པཱ་ཐུ་ཨེལ་གྱི་བུ་མོ་ཡིན༌ནོ། །པཱ་ཐུ་ཨེལ་ནི་མིལ་ཀཱ་ཡི་བུ་ཡིན༌ལ། མིལ་ཀཱ་ནི་ཨབ་ར་ཧམ་གྱི་གཅུང་པོ་ནཱ་ཧོར་གྱི་ཆུང་མ་ཡིན༌ནོ།།  
\v 16 བུ་མོ་དེ་ནི་ཤིན་ཏུ་མཛེས་ཤིང་ལྟ་ན་སྡུག་པ་དང་སྐྱེས་པ་སུ་ལའང་འགྲོགས་མ་མྱོང་བ་ཞིག་ཡིན༌ནོ། །བུ་མོ་དེ་མར་ཁྲོན་པའི་འགྲམ་དུ་སོང་ནས་ཆུ་ཟོར་ཆུ་བཅུས་ཏེ་ཕྱིར་ཐོན༌ནོ།།  
\v 17 དེ་ནས་གཡོག་པོ་བུ་མོའི་མདུན་དུ་བརྒྱུགས་ཏེ་ན༌རེ། ཁྱོད་ཀྱིས་ཆུ་ཟོ་ནང་གི་ཆུ་དེ་བདག་ལ་འཐུང་བར་མཛོད་ཅིག་ཅེས་སྨྲས་པ༌ན།  
\v 18 བུ་མོ་ན༌རེ། བདག་གི་ཇོ་བོ༌ལགས། ཁྱེད་ཀྱིས་འཐུང་བར་མཛོད་ཅེས་སྨྲ་བཞིན་ཆུ་ཟོ་མྱུར་དུ་མར་བླངས་ཤིང་ལག་པས་ཡར་བཏེགས་ནས་ཁོ་ལ་འཐུང་དུ༌བཅུག  
\v 19 བུ་མོས་ཁོ་ལ་ཆུ་འཐུང་དུ་བཅུག་རྗེས་ན༌རེ། ངས་ཆུ་བླངས་ཏེ་ཁྱེད་ཀྱི་རྔ་མོང་ལའང་ཆུ་བླུད་ནས་འགྲང་བར་བྱེད་ཅེས་སྨྲས༌ཏེ།  
\v 20 ཁོ་མོས་ཆུ་ཟོ་ལས་ཆུ་གཞོང་ནང་དུ་ཆུ་བླུགས་ཤིང་སླར་ཡང་ཁྲོན་པར་ཆུ་ལེན་དུ་སོང་བ༌དང༌། རྔ་མོང་ཐམས་ཅད་ལ་ཆུ་ལྡུད་པའི་ཕྱིར་ཆུ༌བླངས།  
\v 21 སྐབས༌དེར། གཡོག་པོས་སྐད་ཆ་ཅི་ཡང་མ་སྨྲས༌པར། དཀོན་མཆོག་ཡ་ཝཱེས་རང་གི་མཛད་དོན་ལེགས་པར་མཛད་དོ་སྙམ་སྟེ་བུ་མོ་དེར་མིག་གིས་ཡང་ཡང༌བལྟས།  
\v 22 དེ་ནས་རྔ་མོང་དག་ཆུས་ངོམས་པ༌དང༌། གཡོག་པོས་ལྗིད་ཚད་སྲང་ཕྱེད་ \f + \ft སྲང་ཕྱེད་ཅེས་པར་མ་ཕྱི་ལས་པེ་ཁཱ་ཞེས་མཐོང་བ་དང་། པེ་ཁཱ་ཞེས་པ་ནི་གནའ་བོའི་ཡ་ཧུ་དཱ་མི་རིགས་ཀྱི་ལྗིད་ཚད་འཇལ་བྱེད་ཅིག་ཡིན་ལ། པེ་ཁཱ་གཅིག་ནི་སྲང་ཕྱེད་ཀ་ཙམ་ཡིན་པས་དོན་སྒྱུར་བྱས་པ་ཡིན། \f*ཙམ་གྱི་གསེར་གྱི་སྣ་ཆ་གཅིག༌དང༌། སྲང་བཅུ་ཡོད་པའི་གསེར་གྱི་གདུབ་བུ་ཆ་གཅིག་བླངས་ནས་བུ་མོ་དེར་སྤྲད་དེ་ན༌རེ།  
\v 23 བདག་ལ་ཤོད༌དང༌། ཁྱོད་ནི་སུ་ཚང་གི་བུ་མོ་ཡིན༌ནམ། ཁྱོད་ཀྱི་ཕ་གཞིས་སུ་ངེད་ཅག་ལ་སྡོད་གནས་ཡོད་དམ་མེད་ཅེས་དྲིས་པ༌ལ།  
\v 24 བུ་མོ་ན༌རེ། བདག་ནི་ནཱ་ཧོར་དང་མིལ་ཀཱ་གཉིས་ཀྱི་བུ་པཱ་ཐུ་ཨེལ་ཞེས་པའི་བུ་མོ་ཡིན་ཞེས་སྨྲས་པ༌དང༌།  
\v 25 ཡང་ཁོ་མོ་ན༌རེ། ངེད་ཀྱི་ཡུལ་དུ་གཟན་ཆས་དང་རྩྭ་མོད་པོ་ཡོད་ལ་སྡོད་གནས་ཀྱང་མང་པོ་ཡོད་ཅེས་ལན་བཏབ༌བོ།།  
\v 26 དེ་ནས་གཡོག་པོས་མགོ་སྨད་དུ་བསྒུར་ནས་དཀོན་མཆོག་ཡ་ཝཱེ་ལ་ཕྱག་བྱས༌ཏེ།  
\v 27 ཀྱེ། ང་ཡི་བདག་པོ་ཨབ་ར་ཧམ་གྱི་དཀོན་མཆོག་ཡ་ཝཱེ་ལ་བསྟོད་ཅིང་བསྔགས་པར༌བྱའོ། །ཅིའི་ཕྱིར་ཞེ༌ན། ཁོང་གིས་ང་ཡི་བདག་པོ་ལ་བཅངས་པའི་བྱམས་སྙིང་རྗེ་དང་དྲང་བདེན་ནི་ནམ་ཡང་དོར་མ་མྱོང་བའི་ཕྱིར༌རོ། །བདག་ལ་མཚོན༌ན། དཀོན་མཆོག་ཡ་ཝཱེས་ང་རང་ལ་ལམ་བསྟན༌ཏེ། ང་ཡི་བདག་པོའི་སྤུན་ཟླའི་ཁྱིམ་དུ་ཐད་ཀར་ཁྲིད་པ་ཡིན་ཞེས་སྨྲས༌སོ།།   
\p
\v 28 དེ་ནས་བུ་མོ་ཡུལ་དུ་བརྒྱུགས་ཏེ་ཁོ་མོའི་ཡུམ་དང་ཡུམ་གྱི་ཁྱིམ་མི་རྣམས་ལ་གཏམ་དེ་དག་སྨྲས༌སོ།།  
\v 29-30 དེ་ཡང་བུ་མོ་རིབ་ཀཱ་ཞེས་བྱ་བར་གཅེན་པོ་ཞིག་ཡོད་པའི་མིང་ལ་ལཱ་པན་ཞེས༌ཟེར། ཁོས་གསེར་གྱི་སྣ་ཆ་དང་སྲིང་མོའི་ལག་མགོའི་གསེར་གྱི་གདུབ་བུ་གཉིས་མཐོང་བ༌དང༌། ཁོ་མོས་བཤད་པ་ལྟར་མི་དེས་ཁོ་མོ་ལ་ཅི་ལྟར་སྨྲས་པ་སོགས་ཀྱི་སྐད་ཆ་ཐོས༌རྗེས། ཁོ་རང་ཡང་ཁྲོན་པའི་ཕྱོགས་སུ་བརྒྱུགས་ནས་མི་དེའི་གམ་དུ་སླེབས་པ༌དང༌། རྔ་མོང་གི་འགྲམ་དུ་ཡོད་པའི་མི་དེ་ད་དུང་ཁྲོན་པའི་གནས་དེར་ལངས་ནས་བསྡད་ཡོད་པ་མཐོང་སྟེ་ན༌རེ།  
\v 31 ཁྱོད་ལ་དཀོན་མཆོག་ཡ་ཝཱེའི་བྱིན་རླབས་ཐོབ༌ཅིང༌། ཁྱོད་རང་ཁྱིམ་དུ་ཕེབས་པར༌ཞུ། ཕྱི་རུ་འདུག་དགོས་དོན༌མེད། ངས་ཁང་པ་གད་བདར་བྱས་ཚར་བ༌དང༌། རྔ་མོང་འདོགས་སའང་སྟ་གོན་བྱས་ཡོད་ཅེས་སྨྲས༌སོ།།  
\v 32 དེ་ལྟར་མི་དེའང་ལཱ་པན་གྱི་ཁྱིམ་དུ་སོང་ཞིང་། ལཱ་པན་གྱིས་རྔ་མོང་རྒྱབ་ཀྱི་ཁུར་པོ་མར་ཕོག་པ༌དང༌། རྔ་མོང་དག་ལ་གཟན་ཆས་དང་རྩྭ་བྱིན༌ཅིང༌། མི་དེ་རྣམས་ལ་རྐང་པ་བཀྲུ་བྱེད་ཀྱི་ཆུ་བླུགས་པ༌དང༌།  
\v 33 མདུན་དུ་ཟས་བཤམས་པ་དང་ཟས་བཞེས་པར་གྱིས་ཞེས་སྨྲས་ཀྱང་མི་དེ་ན༌རེ། ངས་ཟས་མི༌བཟའོ། །ངས་ཐོག་མར་རང་གི་དོན་དག་གསལ་པོར་སྨྲས༌རྗེས་ད་གཟོད་ཟས་བཟའ་བར་བྱ་ཞེས་སྨྲས་པ༌དང༌། ལཱ་པན་ན༌རེ། དེས་ན་ཁྱོད་ཀྱིས་རང་གི་དོན་དག་བརྗོད་པར་གྱིས་ཞེས་སྨྲས༌སོ།།  
\v 34 དེ་ནས་ཁོ་ན༌རེ། བདག་ནི་ཨབ་ར་ཧམ་གྱི་གཡོག་པོ་ཡིན༌ལ།  
\v 35 དཀོན་མཆོག་ཡ་ཝཱེས་ང་ཡི་བདག་པོ་ལ་བྱིན་རླབས་ཆེན་པོ་གནང་སྟེ་ཁོང་ལ་ར་ལུག་དང་བ༌གླང་གི་ཁྱུ། གསེར་དང༌དངུལ། གཡོག་པོ་དང་གཡོག༌མོ། རྔ་མོང་དང་བོང་བུ་བཅས་ཐོབ་ཅིང་ཆེས་ཆེར་ཕྱུག་པོར་གྱུར༌ཏོ།།  
\v 36 ང་ཡི་བདག་པོའི་ཆུང་མ་སཱ་ར་ཡིས་དགུང་ལོ་མཐོ་བའི་དུས་སུ་བདག་པོར་བུ་ཞིག་བཙས་ཤིང་བདག་པོས་རྒྱུ་ནོར་ཐམས་ཅད་བུ་དེ་ལ་གནང༌ངོ༌།།  
\v 37 དེ་ནས་ངས་རང་གི་བདག་པོ་ལ་དམ་བཅའ་འཇོག་དགོས་པར་ཁོང་གིས་འདི་སྐད༌དུ། ཁྱོད་ཀྱིས་ང་རང་སྡོད་པའི་ཡུལ་འདི་ནས་བདག་གི་བུ་ལ་ཀ་ན་ཨན་མི་རིགས་ཀྱི་བུ་མོ་ཞིག་ཆུང་མར་ལེན་པར་མི༌བྱའོ།།  
\v 38 ཁྱོད་རང་བདག་གི་ཕ་གཞིས་དང་བདག་གི་གཉེན་ཉེའི་གམ་དུ་སོང༌སྟེ། ངའི་བུ་ཨི་སཱག་ལ་ཆུང་མ་ཞིག་ལེན་དགོས་ཞེས་གསུངས༌སོ།།  
\v 39 དེ་ནས་ངས་འདི༌ལྟར། བུ་མོ་དེ་བདག་དང་མཉམ་དུ་གནས་འདིར་མི་ཡོང་ན་ཅི་བྱའམ་ཞེས་དྲིས་པ༌དང༌།  
\v 40 བདག་པོ་ན༌རེ། བདག་གིས་ཞབས་ཏོག་བསྒྲུབས་པའི་དཀོན་མཆོག་ཡ་ཝཱེས་ངེས་པར་རང་ཉིད་ཀྱི་ཕོ་ཉ་མངགས་ཏེ་ཁྱོད་དང་མཉམ་དུ་འགྲོ་བ་དང་ཁྱོད་ཀྱི་བགྲོད་ལམ་བདེ་བར་མཛད༌ཅིང༌། ཁྱོད་རང་བདག་གི་ཕ་གཞིས་དང་བདག་གི་གཉེན་ཉེའི་གམ་དུ་སོང༌སྟེ། ངའི་བུ་ཨི་སཱག་ལ་ཆུང་མ་ཞིག་ལེན་པར༌བྱའོ།།  
\v 41 ཁྱོད་རང་བདག་གི་གཉེན་ཉེའི་གམ་དུ་སླེབས་པ༌ན། གལ༌སྲིད། དེ་རྣམས་ཀྱིས་བུ་མོ་དེ་ཁྱོད་ལ་མི་སྟེར༌ན། བདག་གིས་ཁྱོད་ལ་འཇོག་ཏུ་བཅུག་པའི་དམ་བཅའ་ནི་ཁྱོད་དང་འབྲེལ་བ་ཅི་ཡང་མེད་ཅེས་གསུངས་མྱོང༌ངོ༌།།  
\v 42 དེ་རིང་བདག་ཁྲོན་པའི་འགྲམ་དུ་སླེབས་ཏེ། ཀྱེ། དཀོན་མཆོག་ཡ༌ཝཱེ། ང་ཡི་བདག་པོ་ཨབ་ར་ཧམ་གྱི་དཀོན་མཆོག༌ལགས། ཁྱེད་ཀྱིས་བདག་གི་དོན་འདི་ལེགས་པར་བསྒྲུབ་ཏུ༌མཛོད།  
\v 43 ད་ལྟ་ང་རང་ཁྲོན་པའི་འགྲམ་དུ་ཡོད༌ཅིང༌། ངས་ཆུ་ལེན་བུ་མོ་ལ་འདི་ལྟར་སྨྲ༌སྟེ། ཁྱོད་ཀྱི་ཆུ་ཟོ་ལས་བདག་ལ་ཆུ་གནང་བར་མཛོད་ཅེས་པ༌ལ།  
\v 44 བུ་མོ་ན༌རེ། ལགས༌སོ། །ཁྱོད་ཀྱིས་ཐུངས༌ཤིག ངས་ཁྱོད་ཀྱི་རྔ་མོང་ལའང་ཆུ་ལྡུད་པར་བྱ་ཞེས་སྨྲས༌ན། བུ་མོ་དེ་ནི་དཀོན་མཆོག་ཡ་ཝཱེས་ང་ཡི་བདག་པོའི་བུ་ལ་ཆུང་མར་བསྐོས་པ་ཡིན་པར༌མཛོད།  
\v 45 ངའི་སེམས་ནས་དེ་བཞིན་གསོལ་བ་བཏབ་མ་ཚར་སྔོན༌ལ། བུ་མོ་རིབ་ཀཱས་ཕྲག་ལ་ཆུ་ཟོ་ཁུར་ནས་མར་ཁྲོན་པའི་འགྲམ་དུ་སོང་བ་དང་ཆུ་ཟོར་ཆུ་བཅུས༌ཤིང༌། ངས་ཁོ་མོར་འདི་ལྟར་སྨྲས་པ༌སྟེ། ཁྱོད་ཀྱིས་བདག་ལ་ཆུ་གནང་བར་མཛོད་ཅེས་པ༌ལ།  
\v 46 ཁོ་མོས་བྲེལ་འཚབ་ངང་ནས་ཆུ་ཟོ་ཕྲག་ལས་མར་བླངས་ཤིང་ཁྱེད་ཀྱིས་ཐུངས༌ཤིག ངས་ཁྱེད་ཀྱི་རྔ་མོང་ལའང་ཆུ་ལྡུད་པར་བྱ་ཞེས་སྨྲས་པ༌དང༌། བདག་གིས་ཆུ་འཐུང་བ་དང་ཁོ་མོས་བདག་གི་རྔ་མོང་དག་ལའང་ཆུ་འཐུང་དུ་བཅུག༌གོ །  
\v 47 དེ་ནས་བདག་གིས་ཁོ་མོར་ཁྱོད་སུ་ཚང་གི་བུ་མོ་ཡིན་ནམ་ཞེས་དྲིས་པ༌ན། ཁོ་མོ་ན༌རེ། བདག་ནི་ནཱ་ཧོར་དང་མིལ་ཀཱ་གཉིས་ཀྱི་བུ་པཱ་ཐུ་ཨེལ་ཞེས་པའི་བུ་མོ་ཡིན་ཞེས་སྨྲས་པ༌དང༌། དེ་ནས་ངས་གསེར་གྱི་སྣ་ཆ་ཁོ་མོའི་སྣ་ལ་བཏགས་པ༌དང༌། གསེར་གྱི་གདུབ་བུ་གཉིས་ཀྱང་ཁོ་མོའི་ལག་པ་གཉིས་ལ་བསྐོན༌ཏོ།།  
\v 48 དེའི༌རྗེས། ངས་མགོ་སྨད་དུ་བསྒུར་ནས་དཀོན་མཆོག་ཡ་ཝཱེ་ལ་ཕྱག་བྱས༌ཏེ། ང་ཡི་བདག་པོ་ཨབ་ར་ཧམ་གྱི་དཀོན་མཆོག་ལ་བསྟོད་ཅིང་བསྔགས༌སོ། །ཅིའི་ཕྱིར་ཞེ༌ན། ཁོང་གིས་བདག་འོས་ཤིང་འཚམ་པའི་ལམ་དུ་ཁྲིད༌ཅིང༌། ང་ཡི་བདག་པོའི་གཉེན་ཉེའི་བུ་མོ་ནི་ཁོང་གི་བུ་ལ་ཆུང་མར་མཛད་པའི་ཕྱིར༌རོ།།  
\v 49 ཁྱེད་རྣམས་ཀྱིས་ང་ཡི་བདག་པོ་ལ་བྱམས་སྙིང་རྗེ་དང་བློས་ཐུབ་སེམས་ཀྱིས་སྣེ་ལེན་བྱ་འདོད༌ན། ད་ལྟ་བདག་ལ་སྨྲ་བར༌བྱའོ། །གལ་ཏེ་ཁྱེད་རྣམས་མི་འཐད་ནའང་བདག་ལ་དྲང་པོར་སྨྲ་བར༌མཛོད། བདག་གིས་ཅི་ཞིག་བྱེད་དགོས་པ་ཐག་གིས་གཅོད་དགོས་ཞེས་སྨྲས༌སོ།།   
\p
\v 50 དེ་ནས་པཱ་ཐུ་ཨེལ་དང་ལཱ་པན་གཉིས་ཀྱིས་ལན་འདི་ལྟར་བཏབ་པ༌སྟེ། དོན་འདི་ནི་དཀོན་མཆོག་ཡ་ཝཱེ་ལས་བྱུང་བ་ཡིན༌པས། ངེད་རྣམས་ཀྱིས་ཁྱོད་ལ་བཟང་ངན་ཅི་ཡང་སྨྲ་མི་ནུས༌སོ།།  
\v 51 ལྟོས༌དང༌། བུ་མོ་རིབ་ཀཱ་ཁྱོད་ཀྱི་མིག་མདུན་དུ་ཡོད༌དེ། ཁྱོད་ཀྱིས་ཁོ་མོ་ཁྲིད་ནས་དཀོན་མཆོག་ཡ་ཝཱེས་གསུངས་པ༌བཞིན། ཁྱོད་ཀྱི་བདག་པོའི་བུ་ལ་ཆུང་མ་བྱེད་པར་མཛོད་ཅེས་སྨྲས༌སོ།།   
\p
\v 52 དེ་ནས་ཨབ་ར་ཧམ་གྱི་གཡོག་པོས་མི་དེ་གཉིས་ཀྱི་གཏམ་ཐོས་པ་དང་པུས་མོ་སར་བཙུགས་ནས་དཀོན་མཆོག་ཡ་ཝཱེ་ལ་ཕྱག་བཙལ༌ཏོ།།  
\v 53 གཡོག་པོས་གསེར་དངུལ་གྱི་རྒྱན་ཆ་དང་རྒྱན་གོས་བཅས་བུ་མོ་རིབ་ཀཱ་ལ་སྤྲད་པ༌དང༌། བུ་མོ་རིབ་ཀཱའི་ཡུམ་དང་གཅེན་པོ་ལའང་ནོར་རྫས་གཞན་དག་ཕུལ༌ཏོ།།  
\v 54 དེ་ནས་གཡོག་པོ་དང་ཁོའི་འཁོར་གཡོག་རྣམས་ཀྱིས་མཉམ་དུ་བཟའ་བཏུང་ལོངས་སུ་སྤྱད་ཅིང་ཞག་གཅིག་ལ༌བསྡད། ཕྱི་ཉིན་ཞོགས་པ་ཡར་ལངས༌ཏེ། གཡོག་པོ་ན༌རེ། ངེད་རྣམས་རང་གི་བདག་པོའི་དྲུང་དུ་འགྲོ་བར་མཛོད་ཅེས་སྨྲས་པ༌ལ།  
\v 55 བུ་མོ་རིབ་ཀཱའི་ཡུམ་དང་གཅེན་པོ་ན༌རེ། བུ་མོ་ངེད་རྣམས་དང་མཉམ་དུ་ཉིན་འགར་འདུག་པར༌གྱིས། མ་མཐའ་ཡང་ཉིན་བཅུ་ལ་སྡོད་པར༌བྱ། དེའི་རྗེས་སུ་ཁོ་མོ་སོང་ཆོག་ཅེས་སྨྲས༌སོ།།  
\v 56 ཡང་གཡོག་པོ་ན༌རེ། དཀོན་མཆོག་ཡ་ཝཱེས་བདག་ལ་འགྲོ་ལམ་ལེགས་པར་མཛད༌པས། ཁྱེད་རྣམས་ཀྱིས་དལ་འགོར་མི་བྱ༌བར། ངེད་རྣམས་རང་གི་བདག་པོའི་དྲུང་དུ་འགྲོ་བར་མཛོད་ཅེས་སྨྲས་པ༌དང༌།  
\v 57 ཡང་ཁོ་རྣམས་ན༌རེ། འོ༌ན། ངེད་ཅག་གིས་བུ་མོ་བོས་ཏེ་དྲི་བར་བྱ་ཞེས་སྨྲས༌ཏེ།  
\v 58 བུ་མོ་རིབ་ཀཱ་བོས་ནས་འདི༌ལྟར། ཁྱོད་ནི་མི་འདི་དང་མཉམ་དུ་འགྲོའམ་ཞེས་དྲིས་པ༌ལ། བུ་མོ་རིབ་ཀཱ་ན༌རེ། ང་རང་འགྲོ་རྒྱུ་ཡིན་ཞེས་ལན་བཏབ༌བོ།།  
\v 59 དེའི༌ཕྱིར། ཁོ་རྣམས་ཀྱིས་བུ་མོ་རིབ་ཀཱ་དང་ཁོ་མོའི་ཉེ་བའི་མ་མ་སོགས་ཨབ་ར་ཧམ་གྱི་གཡོག་པོ་དང་མཉམ་དུ་འགྲོ་རུ་བཅུག༌ཅིང༌།  
\v 60 འདི་ལྟར་སྨོན་འདུན་ཞུས་པ༌སྟེ།  
\q1 ཀྱེ་ཀྱེ་ང་ཚོའི་སྲིང་མོ༌ལགས།།  
\q1 ཁྱོད་ནི་ཀུན་གྱི་མ་རུ༌མཛོད།།  
\q1 ཁྱོད་ཀྱི་བུ་རྒྱུད་དེ་ཡིས་ནི།།  
\q1 དགྲ་བོའི་མཁར་ཡང་འཛིན་པར༌ཤོག །ཅེས༌པའོ།།   
\p
\v 61 དེ་ནས་བུ་མོ་རིབ་ཀཱ་དང་ཁོ་མོའི་གཡོག་མོ་རྣམས་ཡར་ལངས་ནས་རྔ་མོང་ལ་ཞོན་པ༌དང༌། ཨབ་ར་ཧམ་གྱི་གཡོག་པོའི་རྗེས་སུ་འབྲངས་ཤིང་གཡོག་པོས་ཀྱང་བུ་མོ་རིབ་ཀཱ་ཁྲིད་ནས་སོང༌ངོ༌།།   
\s1 ཨི་སཱག་གིས་རིབ་ཀཱ་ཆུང་མར་བླངས༌པ།  
\p
\v 62 སྐབས༌དེར། ཨི་སཱག་ནི་ནེ་གུབ་ཡུལ་དུ་བཞུགས༌ཤིང༌། ཁོ་རང་པེར་ལཱ་ཧེད་རོའུ་ཞེས་པའི་ཆུ་མིག་ཅེས་པ་ནས་ཡོང་མ་ཐག༌ཡིན།  
\v 63 ས་རུབ་ལ་ཉེ་བའི་དུས༌སུ། ཁོ་རང་ཐང་དཀྱིལ་ཞིག་ཏུ་སོང་ནས་བསམ་བློ་གཏོང་བཞིན་བསྡད༌ཅིང༌། ཁོས་མགོ་ཡར་བཀྱགས་ནས་བལྟས་པ༌ན། རྔ་མོང་ལ་བཞོན་མཁན་འགའ་ཤས་ཡོང་བཞིན་པ༌མཐོང༌།  
\v 64 བུ་མོ་རིབ་ཀཱས་ཀྱང་མགོ་ཡར་བཀྱགས་ནས་ཨི་སཱག་མཐོང་བ་དང་མྱུར་དུ་རྔ་མོང་ལས་མར་བབས༌ཏེ།  
\v 65 ཐང་དཀྱིལ་ནས་རང་ཅག་རྣམས་བསུ་བར་ཡོང་བའི་མི་དེ་སུ་ཡིན་ནམ་ཞེས་གཡོག་པོ་ལ་དྲིས་པ༌དང༌། གཡོག་པོ་ན༌རེ། དེ་ནི་ང་ཡི་བདག་པོ་ཡིན་ཞེས་ལན་བཏབ་པ༌དང༌། བུ་མོ་རིབ་ཀཱས་གདོང་ཁེབས་བླངས་ནས་རང་གི་ཞལ་རས༌བཀབ།  
\v 66 དེ་ནས་གཡོག་པོས་རང་གིས་བསྒྲུབས་པའི་ལས་ཐམས་ཅད་ཨི་སཱག་ལ་སྨྲས་པ༌དང༌།  
\v 67 ཨི་སཱག་གིས་བུ་མོ་རིབ་ཀཱ་ཁྲིད་ནས་ཁོང་གི་འདས་ཟིན་པའི་ཡུམ་སཱ་རའི་སྦྲ་གུར་ནང་དུ་སོང༌ཞིང༌། བུ་མོ་རིབ་ཀཱ་རང་གི་ཆུང་མར་བླངས་པ་དང་ཁོ་མོར་ཤིན་ཏུ་གཅེས༌སོ། །དེ་ལྟར་རང་གི་ཡུམ་ཚེ་ལས་འདས་པའི་མྱ་ངན་ལས་ཁོང་ལ་ད་གཟོད་སེམས་གསོ་ཐོབ༌བོ།།   
\c 25
\cl ལེའུ་ཉེར་ལྔ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 མེས་པོ་ཨབ་ར་ཧམ་སྐུ་གཤེགས༌པ།  
\p
\v 1 དེ་ནས་ཡང་ཨབ་ར་ཧམ་གྱིས་མིང་ལ་ཀེ་ཏི་རཱ་ཞེས་བྱ་བ་རང་གི་ཆུང་མར་བླངས༌ཤིང༌།  
\v 2 ཁོ་མོས་ཟིམ་རན༌དང༌། ཡོག༌ཤན། མཱ༌དན། མིད༌ཡཱན། ཡེས༌པག ཤུ་ཨག་བཅས་བུ་དྲུག་བཙས༌སོ།།  
\v 3 དེ་ཡང་ཡོག་ཤན་ལ་བུ་ཤེ་བཱ་དང་དི་དན་གཉིས་སྐྱེས༌སོ། །བུ་དི་དན་ལས་ཨ་ཤུར་མི་རིགས༌དང༌། ལཱ་ཐུ་མི༌རིགས། ལཱ་ཨུམ་མི་རིགས་གསུམ་བྱུང༌ངོ༌།།  
\v 4 དེ་ཡང་མིད་ཡཱན་ལ་ཨེ་ཕཱ༌དང༌། ཨེ༌ཕེར། ཧ༌ནོག ཨ་བི༌དཱ། ཨེལ་དཱ་ཨ་བཅས་བུ་ལྔ་སྐྱེས༌སོ། །དེ་ཐམས་ཅད་ནི་ཀེ་ཏི་རཱ་ཡི་བུ་རབས་ཚ་རྒྱུད་ཡིན༌ནོ།།   
\p
\v 5 དེ་ཡང་ཨབ་ར་ཧམ་གྱིས་རང་ལ་ཅི་ཡོད་པ་ཐམས་ཅད་བུ་ཨི་སཱག་ལ་གནང་བ༌དང༌།  
\v 6 ཆུང་མ་གཞན་དག་གི་བུ་རྣམས་ལའང་གནང་སྦྱིན་ཐོབ༌བོ། །རང་ཉིད་ཚེ་ལས་མ་འདས་པའི་སྔོན་ལ་ཁོ་རྣམས་རང་གི་བུ་ཨི་སཱག་དང་ཁ་བྲལ་ནས་ཤར་ཕྱོགས་ཡུལ་དུ་འགྲོ་བར་བསྐུལ༌ཏོ།།   
\p
\v 7 དེ་ཡང་ཨབ་ར་ཧམ་བསྡོམས་པས་ལོ་བརྒྱ་དང་དོན་ལྔར་བཞུགས༌སོ།།  
\v 8 ཁོང་དགུང་ལོ་མཐོ་ཞིང་ལོ་ན་རྒས་ཏེ་ཚེ་ལོ་མཐར་ཕྱིན་ནས་སྐུ་གཤེགས་པ་དང་མེས་པོ་རྣམས་ཀྱི་དྲུང་དུ་འཛོམས་པར༌གྱུར།  
\v 9 ཨབ་ར་ཧམ་གྱི་བུ་ཨི་སཱག་དང་ཡེས་མ་ཨེལ་གཉིས་ཀྱིས་ཁོང་གི་སྐུ་གདུང་མཱག་ཕེ་ལཱ་བྲག་ཁུང་དུ་དུར་ལ་སྦས༌སོ། །བྲག་ཁུང་དེ་ནི་མཱན་རེའེ་ཡུལ་གྱི་མདུན་ཕྱོགས༌དང༌། ཧེ་བི་མི་རིགས་ཀྱི་ཚོ་ཧར་ཞེས་བྱ་བའི་བུ་ཨེབ་རོན་གྱི་ཞིང་ནང་དུ༌ཡོད།  
\v 10 དེ་ནི་ཨབ་ར་ཧམ་གྱིས་ཧེད་ཀྱི་བུ་རྒྱུད་ལས་ཉོས་པའི་ས་ཞིང་དེ་ཡིན༌ལ། གནས་དེ་རུ་ཨབ་ར་ཧམ་དང་ཁོང་གི་ཆུང་མ་སཱ་ར་གཉིས་ཀྱི་སྐུ་གདུང་དུར་ལ་སྦས་ཡོད༌དོ།།  
\v 11 ཨབ་ར་ཧམ་སྐུ་གཤེགས༌རྗེས། དཀོན་མཆོག་གིས་ཁོང་གི་བུ་ཨི་སཱག་ལ་བྱིན་རླབས་གནང་བ༌དང༌། ཨི་སཱག་ནི་པེར་ལཱ་ཧེད་རོའུ་ཞེས་པའི་ཆུ་མིག་གི་ཡུལ་དུ་བཞུགས༌སོ།།   
\s1 ཡེས་མ་ཨེལ་གྱི་རིགས༌རྒྱུད།  
\p
\v 12 དེ་ཡང་སཱ་རའི་གཡོག་མོ་སྟེ་ཨེ་ཅིབ་ཀྱི་བུད་མེད་ཧ་གར་གྱིས་ཨབ་ར་ཧམ་ལ་བཙས་པའི་བུ་ཡེས་མ་ཨེལ་གྱི་རིགས་རྒྱུད་ནི་འདི་ལྟ༌སྟེ།  
\v 13 ཡེས་མ་ཨེལ་གྱི་བུ་སྐྱེས་འགོ་ནི་ནཱ་བ་ཨོད༌དང༌། དེ་ནས་ཀེ་དཱར༌དང༌། ཨད་པཱ༌ཨེལ། མིབ༌སཱམ།  
\v 14 མུས༌མཱ། དུའུ༌མཱ། མཱ༌ས།  
\v 15 ཧ༌དཱད། ཐེ༌མཱ། ཡཱ༌ཐར། ནཱ༌ཕིས། ཀད་མཱ་བཅས་བཅུ་གཉིས༌སོ།།  
\v 16 དེ་རྣམས་ནི་ཡེས་མ་ཨེལ་གྱི་བུ་དག་གི་མིང་ཡིན༌ལ། ཁོ་རྣམས་ནི་གྲོང་སྡེ་དང་ཚོ་པ་བཅུ་གཉིས་ལྟར་ཚོ་དཔོན་བཅུ་གཉིས་ཀྱང་ཡིན༌ནོ།།  
\v 17 ཡེས་མ་ཨེལ་དགུང་ལོ་བརྒྱ་དང་སོ་བདུན་ལ་བཞུགས་ཤིང་ལོ་ན་རྒས་ཏེ་ཚེ་ལས་འདས་པ་དང་མེས་པོ་རྣམས་ཀྱི་དྲུང་དུ་འཛོམས་པར༌གྱུར།  
\v 18 ཁོའི་བུ་རབས་ཚ་རྒྱུད་ཀྱི་སྡོད་གནས་ནི་ཨེ་ཅིབ་ཡུལ་གྱི་ཤར་ཕྱོགས༌ཏེ། ཨ་སུར་ཡུལ་དུ་འགྲོ་བའི་ཧ་བེ་ལཱ་ཡུལ་ནས་ཤུར་ཞེས་པའི་ཡུལ་གྱི་བར་དུ་ཡིན༌ནོ།།   
\s1 རིབ་ཀཱས་བུ་གཉིས་བཙས༌པ།  
\p
\v 19 དེ་ཡང་ཨབ་ར་ཧམ་གྱི་བུ་ཨི་སཱག་གི་རིགས་རྒྱུད་ནི་འདི་ལྟ༌སྟེ། ཨབ་ར་ཧམ་ལས་བུ་ཨི་སཱག་སྐྱེས་པ༌དང༌།  
\v 20 ཨི་སཱག་གིས་རིབ་ཀཱ་ཆུང་མར་ལེན་པའི་དུས༌སུ། ཁོ་དགུང་ལོ་བཞི་བཅུ་ཡིན༌ཞིང༌། རིབ་ཀཱ་ནི་ཕཱ་དན་ཨ་རམ་ཡུལ་གྱི༌ཆར། ཨ་རམ་མི་རིགས་ཀྱི་པཱ་ཐུ་ཨེལ་གྱི་བུ་མོ༌དང༌། ཨ་རམ་མི་རིགས་ཀྱི་ལཱ་པན་གྱི་སྲིང་མོ་ཡིན༌ནོ།།  
\v 21 དེ་ཡང་ཨི་སཱག་གི་ཆུང་མ་ནི་མོ་གཤམ་ཡིན༌པས། ཨི་སཱག་གིས་ཁོ་མོའི་ཆེད་དུ་དཀོན་མཆོག་ཡ་ཝཱེ་ལ་གསོལ་བ་བཏབ༌ཅིང༌། དཀོན་མཆོག་ཡ་ཝཱེས་ཀྱང་གསོལ་བ་བཏབ་པ་ལྟར་མཛད༌པས། ཁོའི་ཆུང་མ་རིབ་ཀཱར་མངལ་ཆགས་པར༌གྱུར།  
\v 22 དེ་ཡང་རིབ་ཀཱའི་མངལ་དུ་མཚེ་མ་ཞིག་ཕན་ཚུན་འཇུ་རེས་བྱས༌པས། ཁོ་མོ་ན༌རེ། དོན་འདི་ཅིའི་ཕྱིར་བདག་གི་ལུས་སྟེང་དུ་བྱུང་ངམ་ཞེས་སྨྲས་ཤིང་དཀོན་མཆོག་ཡ་ཝཱེ་ལ་སྐྱབས་སུ༌རེའོ།།  
\v 23 དེ་ནས་དཀོན་མཆོག་ཡ་ཝཱེས་འདི་སྐད༌དུ།  
\q1 ཁྱོད་ཀྱི་མངལ་ལས་རིགས་རྒྱུད༌གཉིས།།  
\q1 ངེས་པར་འབྱུང་ཞིང་མི་རིགས༌གཉིས།།  
\q1 དེ་བཞིན་འབྱུང་བས་དེ་གཉིས༌ནི།།  
\q1 གཅིག་ལས་གཅིག་རྒྱལ་མཐའ་མའི༌དུས།།  
\q1 ཆེ་བས་ཆུང་བར་ཞབས་ཕྱི༌འགྱུར། །ཞེས་གསུངས༌སོ།།   
\p
\v 24 དེ་ཡང་བུ་བཙའ་བའི་དུས་ལ་སླེབས་པ་དང་ཁོ་མོའི་མངལ་དུ་དངོས་གནས་མཚེ་མ་ཞིག་མཆིས༌སོ།།  
\v 25 ཐོག་མར་བཙས་པའི་བུ་ཡི་ལུས་པོ་ནི་ཁ་དོག་དམར་པོ་ཡིན་པ་དང་ལུས་ཡོངས་སུ་བ་སྤུས་གང་སྟེ་ལྤགས་པ་ཞིག་དང་མཚུངས༌ཤིང༌། བུ་དེའི་མིང་ལ་ཨེ་སཱབ་ཅེས་བཏགས་པ༌དང༌།  
\v 26 བུ་ཨེ་སཱབ་ལ་སྤུན་ཞིག་བཙས་པ༌ན། དེ་ཡི་ལག་པས་ཨེ་སཱབ་ཀྱི་རྐང་པའི་ཕྱི་རྟིང་ནས་བཟུང་འདུག༌པས། བུ་དེའི་མིང་ལ་ཡ་ཀོབ་ \f + \ft ཡ་ཀོབ་ཅེས་པ་ཡ་ཧུ་དཱའི་སྐད་དོད་དེ་རྐང་པའི་ཕྱི་རྟིང་ནས་བཟུང་བའི་དོན༌ཡིན།\f*ཅེས༌བཏགས། དེ་ལྟར་རིབ་ཀཱས་བུ་གཉིས་བཙའ་བའི་དུས༌སུ། ཨི་སཱག་དགུང་ལོ་དྲུག་ཅུ་ཡིན༌ནོ།།   
\p
\v 27 དེ་ནས་བུ་གཉིས་རིམ་གྱིས་ནར་སོན་པ་དང་བུ་ཆེ་བ་ཨེ་སཱབ་ནི་རི་དྭགས་རྔོན་པར་མཁས་ཤིང་རྟག་ཏུ་དབེན་སྟོང་དུ་མཆིས་པ༌དང༌། བུ་ཆུང་བ་ཡ་ཀོབ་ནི་གཤིས་རྒྱུད་དུལ་བས་ནམ་རྒྱུན་སྦྲ་གུར་དུ་སྡོད༌དོ།།  
\v 28 ཨི་སཱག་གིས་ཨེ་སཱབ་ལ་གཅེས་པར༌བྱེད། ཅིའི་ཕྱིར་ཞེ༌ན། ཁོ་ནི་རྟག་ཏུ་རི་དྭགས་ཀྱི་ཤ་བཟའ་བར་དགའ་བའི་ཕྱིར༌ཡིན། འོན་ཀྱང་ཡུམ་རིབ་ཀཱས་ནི་ཡ་ཀོབ་ལ་གཅེས༌སོ།།   
\p
\v 29 ཉིན་ཞིག༌ལ། ཡ་ཀོབ་ཀྱིས་སྲན་ཁུ་ཞིག་བསྐོལ་ནས་སྡོད་པ༌ལ། ཨེ་སཱབ་དབེན་སྟོང་ནས་ཐོན་ཞིང་ལུས་ཐང་ཆད་དེ་བརྒྱལ་ལ༌ཉེའོ།།  
\v 30 དེ་ནས་ཨེ་སཱབ་ཀྱིས་ཡ་ཀོབ་ལ་འདི༌ལྟར། ང་རང་ལུས་ཐང་ཆད་ནས་བརྒྱལ་ལ༌ཉེ། ཁྱོད་ཀྱིས་སྲན་ཁུ་དམར་པོ་དེ་བདག་ལ་གནང་བར་མཛོད་ཅིག་ཅེས་བརྗོད་པའི༌ཕྱིར། ཨེ་སཱབ་ཀྱི་མིང་ལ་ཨེ་དོམ་ \f + \ft ཨེ་དོམ་ཞེས་པ་ནི་ཁ་དོག་དམར་པོའི་དོན་ཡིན་པར༌འགྲེལ།\f*ཞེས་ཀྱང་ཐོགས༌སོ།།  
\v 31 དེ་ནས་ཡ་ཀོབ་ན༌རེ། དེ་རིང་ཁྱོད་ཀྱིས་བུ་ཆེ་བའི་ཐོབ་ཐང་ \f + \ft འདིར་བརྗོད་པའི་བུ་ཆེ་བའི་ཐོབ་ཐང་ཞེས་པ་ནི་ཡ་ཧུ་དཱ་མི་རིགས་ཀྱི་གོམས་སྲོལ་ཞིག༌སྟེ། བུ་ཆེ་བ་ལ་བུ་ཆུང་བ་ལས་ཀྱང་ཕ་ཤུལ་བུ་འཛིན་གྱི་དབང་ཆ་ཡོད་པར་མ༌ཟད། ད་དུང་བགོ་སྐལ་ལྡབ་གཉིས་ཀྱིས་མང་བར༌བཤད། \f*བདག་ལ་བཙོང་བར་མཛོད་ཅེས་སྨྲས་པ༌ལ།  
\v 32 ཨེ་སཱབ་ན༌རེ། བདག་ནི་འཆི་ལ་ཉེ་བས་བུ་ཆེ་བའི་ཐོབ་ཐང་འདི་བདག་ལ་མཚོན་ན་ཕན་ཐོགས་ཅི་ཞིག་ཡོད་དམ་ཞེས་སྨྲས༌སོ།།  
\v 33 ཡང་ཡ་ཀོབ་ན༌རེ། ཁྱོད་ཀྱིས་དེ་རིང་བདག་ལ་དམ་བཅའ་འཇོག་པར་གྱིས་ཞེས་སྨྲས་པ༌ན། ཨེ་སཱབ་ཀྱིས་ཀྱང་ཁོ་ལ་དམ་བཅས་ཏེ་བུ་ཆེ་བའི་ཐོབ་ཐང་དེ་ཡ་ཀོབ་ལ་བཙོངས༌སོ།།  
\v 34 དེའི༌ཕྱིར། ཡ་ཀོབ་ཀྱིས་ཨེ་སཱབ་ལ་བག་ལེབ་དང་སྲན་ཁུ་ཕུལ་བ༌དང༌། ཨེ་སཱབ་ཀྱིས་ཀྱང་བཟའ་བཏུང་སྤྱད་རྗེས་ཡར་ལངས་ནས་སོང༌ངོ༌། །དེ་ལྟར་ཨེ་སཱབ་ཀྱིས་བུ་ཆེ་བའི་ཐོབ་ཐང་ལ་མཐོང་ཆུང་བྱས༌སོ།།   
\c 26
\cl ལེའུ་ཉེར་དྲུག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨི་སཱག་ཅེས་བྱ་བ་གེ་རཱར་གྲོང་ཁྱེར་དུ་བཞུགས༌པ།  
\p
\v 1 དེ་ཡང་ཨབ་ར་ཧམ་གྱི་དུས༌སུ། ཡུལ་དེར་མུ་གེ་བྱུང་མྱོང་བ་དང་དུས་འདིར་ཡང་མུ་གེ་བྱུང༌བས། ཨི་སཱག་ཅེས་བྱ་བ་གེ་རཱར་གྲོང་ཁྱེར་དང་ཕེ་ལེ་ཤེད་མི་རིགས་ཀྱི་རྒྱལ་པོ་ཨ་བི་མེ་ལེག་གི་དྲུང་དུ་སོང་བ༌དང༌།  
\v 2 དཀོན་མཆོག་ཡ་ཝཱེས་ཨི་སཱག་ལ་མངོན་པར་མཛད་དེ་འདི་སྐད༌དུ། ཁྱོད་མར་ཨེ་ཅིབ་ཡུལ་དུ་འགྲོ་བར་མི༌བྱའོ། །བདག་གིས་ཁྱོད་ལ་སྟོན་པར་འགྱུར་བའི་ཡུལ་དེ་རུ་སྡོད༌ཅིག  
\v 3 ད་ལྟ་ཁྱོད་རང་ཡུལ་འདིར་བསྡད༌ན། བདག་ནི་ངེས་པར་ཁྱོད་དང་མཉམ་དུ་གནས་ཤིང་ཁྱོད་ལ་བྱིན་རླབས་གནང༌ངོ༌། །ཅིའི་ཕྱིར་ཞེ༌ན། བདག་གིས་ཡུལ་འདི་ཐམས་ཅད་ཁྱོད་དང་ཁྱོད་ཀྱི་རིགས་རྒྱུད་ཕྱི་མ་རྣམས་ལ་སྦྱིན་ངེས་པའི་ཕྱིར༌རོ། །བདག་གིས་ཁྱོད་ཀྱི་ཡབ་ཨབ་ར་ཧམ་ལ་བཞག་པའི་དམ་བཅའ་བཞིན་བྱེད་པར༌འགྱུར།  
\v 4 བདག་གིས་ཁྱོད་ཀྱི་རིགས་རྒྱུད་ནི་ནམ་མཁའི་སྐར་མ་ཇི་བཞིན་མང་དུ་སྤེལ་བ༌དང༌། ས་ཆ་འདི་དག་ཀྱང་ཁྱོད་ཀྱི་རིགས་རྒྱུད་ཕྱི་མ་རྣམས་ལ་སྦྱིན་པར་མ༌ཟད། ས་སྟེང་གི་མི་རིགས་ཐམས་ཅད་ལའང་ཁྱོད་ཀྱི་རིགས་རྒྱུད་བརྒྱུད་ནས་བྱིན་རླབས་འཐོབ་པར༌འགྱུར།  
\v 5 ཅིའི་ཕྱིར་ཞེ༌ན། ཨབ་ར་ཧམ་གྱིས་བདག་གི་གསུང་ལ་མཉན་པ་དང་། བདག་གི་མན་ངག༌དང༌། བཀའ༌རྒྱ། སྒྲིག་ཁྲིམས། བཀའ་ཁྲིམས་བཅས་བསྲུངས་པའི་ཕྱིར་རོ་ཞེས་གསུངས།  
\v 6 དེའི༌ཕྱིར། ཨི་སཱག་ནི་གེ་རཱར་གྲོང་ཁྱེར་དུ་བཞུགས༌སོ།།   
\p
\v 7 དེ་ནས་ཡུལ་དེའི་མི་རྣམས་ཀྱིས་ཨི་སཱག་ལ་ཁོའི་ཆུང་མའི་སྐོར་དྲིས་པ༌ན། ཨི་སཱག་ན༌རེ། ཁོ་མོ་བདག་གི་སྲིང་མོ་ཡིན་ནོ་ཞེས་སྨྲས༌ཤིང༌། དེ་ནི་བདག་གི་ཆུང་མ་ཡིན་ཞེས་བརྗོད་པར་འཇིགས་པ༌དང༌། ཁོའི་སེམས་སུ་རིབ་ཀཱ་ནི་བུད་མེད་མཛེས་མ་ཞིག་ཡིན་པའི༌ཕྱིར་དེ་དག་གིས་རང་ཉིད་གསོད་ངེས་ཡིན་སྙམ༌པའོ།།  
\v 8 ཁོ་རང་ཡུལ་དེ་རུ་ཡུན་རིང་པོར༌བསྡད། ཉིན་ཞིག༌ལ། ཕེ་ལེ་ཤེད་མི་རིགས་ཀྱི་རྒྱལ་པོ་ཨ་བི་མེ་ལེག་གིས་སྒེའུ་ཁུང་ལས་ཕྱི་རོལ་ཏུ་བལྟས་པ༌ན། ཨི་སཱག་དང་ཁོའི་ཆུང་མ་རིབ་ཀཱ་གཉིས་རྩེད་མོར་གཡེང་བ་མཐོང༌ངོ༌།།  
\v 9 ཨ་བི་མེ་ལེག་གིས་ཨི་སཱག་བོས༌ཏེ། ཁོ་མོ་དངོས་གནས་ཁྱོད་ཀྱི་ཆུང་མ་ཡིན༌པས། ཁྱོད་ཀྱིས་ཁོ་མོ་རང་གི་སྲིང་མོ་ཡིན་ཞེས་སྨྲ་བའི་རྒྱུ་མཚན་ཅི་ཞེས་དྲིས་པ༌ལ། ཨི་སཱག་ན༌རེ། བདག་ནི་ཁོ་མོའི་རྐྱེན་ལས་འཆི་བར་ངེས་སྙམ་པ་ཡིན་ཞེས་ལན་བཏབ༌བོ།།  
\v 10 དེ་ནས་ཨ་བི་མེ་ལེག་ན༌རེ། ཁྱོད་ཀྱིས་ངེད་རྣམས་ལ་དོན་ཅི་ཞིག་བྱས༌སམ། མང་ཚོགས་ལས་མི་ཞིག་ཁྱོད་ཀྱི་ཆུང་མར་ལུས་འབྲེལ་བྱས༌ན། ངེད་རྣམས་ལ་ཉེས་པ་འཕོག་ཉེན་ཆེ་ཞེས༌སྨྲས།  
\v 11 དེའི༌ཕྱིར། ཨ་བི་མེ་ལེག་གིས་མང་ཚོགས་ལ་འདི༌ལྟར། མི་སུ་ཞིག་གིས་ཁོའམ་ཁོའི་ཆུང་མར་གནོད་འཚེ་བྱས༌ན། མི་དེ་ངེས་པར་གསོད་དགོས་ཞེས་བཀའ་གནང༌ངོ༌།།  
\v 12 དེ་ནས་ཨི་སཱག་གིས་ཡུལ་དེ་རུ་ཞིང་བཏབ་པ་དང་ལོ་དེ་ལ་འབྲས་བུ་ལྡབ་བརྒྱ་ཐོབ༌ཅིང༌། དཀོན་མཆོག་ཡ་ཝཱེས་ཁོ་ལ་བྱིན་རླབས་གནང༌བས།  
\v 13 ཁོ་ནི་སྟོབས་དང་ལྡན་པ༌དང༌། གོང་ནས་གོང་དུ་འཕེལ་ཏེ་འབྱོར་ཕྱུག་ལྡན་པར་གྱུར༌ཏོ།།  
\v 14 ཁོ་ལ་ར་ལུག་གི་ཁྱུ་དང་བ་ཁྱུ་ཡོད་པར་མ༌ཟད། གཡོག་པོའང་མང་དུ་ཡོད་པས་ཕེ་ལེ་ཤེད་མི་རིགས་ཀྱིས་ཁོ་ལ་ཕྲག་དོག༌བྱས།  
\v 15 དེ་ཡང་ཁོའི་ཡབ་ཨབ་ར་ཧམ་བཞུགས་པའི་དུས༌སུ། ཡབ་ཀྱི་གཡོག་པོས་བརྐོས་པའི་ཁྲོན་པ་དེ་དག་ཕེ་ལེ་ཤེད་མི་རིགས་ཀྱིས་ས་ཡིས་བཅད་ཅིང་སྙོམས་པར་བྱས༌སོ།།  
\v 16 དེ་ནས་ཨ་བི་མེ་ལེག་གིས་ཨི་སཱག་ལ་འདི༌ལྟར། ཁྱོད་ནི་ངེད་ཅག་ལས་སྟོབས་འབྱོར་ཆེ་བས་ངེད་ཅག་དང་ཁ་བྲལ་ནས་སོང་ཞིག་ཅེས་སྨྲས་པ༌དང༌།  
\v 17 ཨི་སཱག་ཡུལ་དེ་དང་ཁ་བྲལ་ཞིང་གེ་རཱར་ལུང་པ་རུ་སོང་ནས་དེར་སྦྲ་གུར་ཕུབ་སྟེ་གནས་བཅས༌སོ།།  
\v 18 དེ་ཡང་ཁོའི་ཡབ་ཨབ་ར་ཧམ་བཞུགས་པའི་དུས་སུ་བརྐོས་པའི་ཁྲོན་པ་དེ་དག་ཕེ་ལེ་ཤེད་མི་རིགས་ཀྱིས་ཨབ་ར་ཧམ་སྐུ་གཤེགས་པའི་རྗེས་སུ་ས་ཡིས་བཅད༌ཀྱང༌། ཨི་སཱག་གིས་ཁྲོན་པ་དེ་དག་སླར་ཡང་བརྐོས་ཤིང་ཁོའི་ཡབ་ཀྱིས་མིང་བཏགས་པ་བཞིན་ཁྲོན་པ་དེ་དག་ལ་མིང་བཏགས་པ༌རེད།  
\v 19 ཡང་ཨི་སཱག་གི་གཡོག་པོས་ལུང་པའི་ནང་དུ་ཁྲོན་པ་ཞིག་བརྐོས་ཏེ་ས་འོག་གི་ཆུ་རྒྱུན་ཆེན་པོ་ཞིག་རྙེད༌པས།  
\v 20 གེ་རཱར་ལུང་པར་ཡོད་པའི་ཕྱུགས་རྫི་རྣམས་ཀྱིས་ཨི་སཱག་གི་ཕྱུགས་རྫི་ལ་ཆུ་འདི་ནི་ངེད་ཅག་གི་ཡིན་ཞེས་རྩོད་གླེང་བྱས་པ༌དང༌། ཨི་སཱག་གིས་ཁྲོན་པ་དེ་ལ་ཨེ་སཱ་ \f + \ft ཨེ་སཱ་ཞེས་པ་ནི་ཡ་ཧུ་དཱའི་སྐད་དོད་དེ་རྩོད་གླེང་བྱས་པའི་དོན་ལ༌འཇུག\f*ཞེས་མིང་བཏགས༌སོ། །རྒྱུ་མཚན་ནི་ཁོ་རྣམས་ཀྱིས་ཁོ་དང་རྩོད་གླེང་བྱས་པའི་ཕྱིར༌རོ།།  
\v 21 དེ་ནས་ཡང་ཨི་སཱག་གི་གཡོག་པོས་ཁྲོན་པ་གཞན་ཞིག་བརྐོས་པ༌དང༌། དེ་རྣམས་ཁྲོན་པ་དེ་ལ་རྩོད་པ་བྱུང་བས་ཨི་སཱག་གིས་ཁྲོན་པ་དེའི་མིང་ལ་ཤིད་ནཱ་ \f + \ft ཤིད་ནཱ་ཞེས་པ་ནི་ཡ་ཧུ་དཱའི་སྐད་དོད་དེ་དགྲ་རུ་བཟུང་བ་ཞེས་པའི་དོན་ལ༌འཇུག\f*ཞེས་བཏགས༌སོ།།  
\v 22 དེ་ནས་ཨི་སཱག་ཡུལ་དེ་དང་ཁ་བྲལ་ཞིང་ཁྲོན་པ་གཞན་ཞིག་བརྐོས་པ༌དང༌། མི་དེ་རྣམས་ཀྱིས་རྩོད་པ་མ་བྱས་པས་ཁོས་ཁྲོན་པ་དེའི་མིང་ལ་རེའེ་ཧོ་པེད་ \f + \ft རེའེ་ཧོ་པེད་ཅེས་པ་ནི་ཡ་ཧུ་དཱའི་སྐད་དོད་དེ་ས་ཁོད་ཆེ་བའི་དོན་ལ༌འཇུག\f*ཅེས་བཏགས༌ཤིང༌། ཁོ་ན༌རེ། དཀོན་མཆོག་ཡ་ཝཱེས་རང་ཅག་རྣམས་ལ་ས་གཞི་རྒྱ་ཆེ་བ་ཞིག་གནང་བ༌དང༌། རང་ཅག་རྣམས་ས་གཞི་འདིའི་སྟེང་ནས་དར་ཞིང་རྒྱས་པར་བྱེད་དགོས་ཞེས་སྨྲས༌སོ།།  
\v 23 དེ་ནས་ཨི་སཱག་ཡུལ་དེ་དང་ཁ་བྲལ་ནས་ཡར་པེར་ཤ་བཱ་རུ་སོང་བ༌དང༌།  
\v 24 ཉིན་དེའི་མཚན༌མོར། དཀོན་མཆོག་ཡ་ཝཱེས་ཁོ་རང་ལ་མངོན་པར་མཛད་དེ་འདི་སྐད༌དུ། བདག་ནི་ཁྱོད་ཀྱི་ཡབ་ཨབ་ར་ཧམ་གྱི་དཀོན་མཆོག་ཡིན༌ལ། བདག་ནི་ཁྱོད་དང་མཉམ་དུ་ཡོད་པས་འཇིགས་མི་དགོས༌སོ། །བདག་གིས་ཁྱོད་ལ་བྱིན་རླབས་གནང་བ༌དང༌། བདག་གི་ཞབས་ཕྱི་པ་ཨབ་ར་ཧམ་གྱི་རྐྱེན་གྱིས་ཁྱོད་ཀྱི་རིགས་རྒྱུད་མང་དུ་སྤེལ་བར་བྱ་ཞེས་གསུངས༌སོ།།  
\v 25 དེ་ནས་ཨི་སཱག་གིས་གནས་དེ་རུ་མཆོད་ཁྲི་ཞིག་བཞེངས་ཤིང་དཀོན་མཆོག་ཡ་ཝཱེའི་མཚན་ནས་བོས་པ༌དང༌། སྦྲ་གུར་ཡང་ཕུབ་པ་དང་ཁོའི་གཡོག་པོ་རྣམས་ཀྱིས་གནས་དེ་རུ་ཁྲོན་པ་ཞིག་ཀྱང་བརྐོས༌སོ།།   
\p
\v 26 དེ་ཡང་ཨ་བི་མེ་ལེག་དང་ཁོའི་མནའ་གྲོགས་ཨ་ཧུའུ་ཟད་དང་དམག་དཔོན་ཕི་ཀོལ་བྱ་བ་གསུམ་གེ་རཱར་ནས་སླེབས་པ༌དང༌།  
\v 27 ཨི་སཱག་ན༌རེ། དེ་སྔར་ཁྱོད་རྣམས་བདག་ལ་སྡང་ཞིང་ང་རང་འགྲོ་རུ་བཅུག་པ༌དང༌། ད་ལྟ་ཁྱོད་རྣམས་བདག་གི་གམ་དུ་ཡོང་བ་ཅི་ཡིན་ཞེས་སྨྲས་པ༌ལ།  
\v 28 དེ་རྣམས་ན༌རེ། ངེད་ཅག་གིས་དཀོན་མཆོག་ཡ་ཝཱེ་ཁྱོད་དང་མཉམ་དུ་བཞུགས་པ་གསལ་པོར་མཐོང༌བས། རང་ཅག་བར་དུ་དམ་བཅའ་བཞག་ནས་གྲོས་འཆམ་བྱུང་ན་ལེགས༌ཏེ།  
\v 29 ཁྱོད་ཀྱིས་ངེད་ཅག་ལ་གནོད་པ་མི་བྱེད་པའི་ཕྱིར༌རོ། །ངེད་ཅག་གིས་ཁྱོད་ལ་གནོད་པ་བྱས་མ་མྱོང༌བར། སྔར་བཞིན་ཁྱོད་ལ་སྣེ་ལེན་བཟང་པོ་བྱས་པར་མ༌ཟད། ཁྱོད་རང་བདེ་བའི་ངང་འགྲོ་རུ་བཅུག་པ་དེ་བཞིན༌ནོ། །ཁྱོད་ནི་དཀོན་མཆོག་ཡ་ཝཱེའི་བྱིན་རླབས་ཐོབ་པའི་མི་ཡིན་ཞེས་སྨྲས༌སོ།།  
\v 30 དེ་ནས་ཨི་སཱག་གིས་ཁོ་རྣམས་ལ་གསོལ་སྟོན་བཤམས་ཤིང་དེ་རྣམས་ཀྱང་བཟའ་བཏུང་ལ་རོལ༌ཏོ།།  
\v 31 ཕྱི་ཉིན་ཞོགས༌པར། ཁོ་རྣམས་སྔ་མོ་ནས་ཡར་ལངས་ཏེ་ཕན་ཚུན་བར་དམ་བཅས༌སོ། །དེ་ནས་ཨི་སཱག་གིས་མི་དེ་རྣམས་ཕྱིར་འགྲོ་རུ་བཅུག་ཅིང་དེ་རྣམས་ཀྱང་བདེ་བར་སོང༌ངོ༌།།  
\v 32 ཉིན་དེ༌ལ། ཨི་སཱག་གི་གཡོག་པོ་ཡོང་ནས་ངེད་ཅག་གིས་ཆུ་རྙེད་དོ་ཞེས་ཁྲོན་པ་བརྐོས་པའི་དོན་དེ་ཁོ་ལ༌སྨྲས།།  
\v 33 དེ་ནས་ཁོས་ཁྲོན་པ་དེའི་མིང་ལ་ཤིབ་ཨ་ཞེས་བཏགས༌པས། གྲོང་ཁྱེར་དེའི་མིང་ལ་པེར་ཤ་བཱ་ཞེས་ཟེར༌ཞིང༌། གྲོང་ཁྱེར་དེའི་མིང་ནི་ད་ལྟའི་བར་དུ་གནས་ཡོད༌དོ།།   
\s1 ཨེ་སཱབ་ཀྱིས་ཆུང་མ་གཉིས་བླངས༌པ།  
\p
\v 34 དེ་ཡང་ཨེ་སཱབ་དགུང་ལོ་བཞི་བཅུ་ཡིན་པའི་སྐབས༌སུ། ཧེ་བི་མི་རིགས་ཀྱི་པེ་རེ་ཞེས་བྱ་བའི་བུ་མོ་ཡ་ཧུ་དིད༌དང༌། ཧེ་བི་མི་རིགས་ཀྱི་ཨེད་ལོན་ཞེས་བྱ་བའི་བུ་མོ་པཱ་ས་མཱད་ཅེས་པ་གཉིས་མཉམ་དུ་ཆུང་མར་བླངས༌སོ།།  
\v 35 དེ་ནས་ཁོ་རྣམས་ཀྱིས་ཨི་སཱག་དང་རིབ་ཀཱ་གཉིས་ཀྱི་སེམས་དཀྲུག་པར་བྱས༌སོ།།   
\c 27
\cl ལེའུ་ཉེར་བདུན༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་ཀྱིས་ཡབ་ནས་བྱིན་རླབས་བསླུས༌པ།  
\p
\v 1 དེ་ཡང་ཨི་སཱག་རྒས་ཤིང་མིག་ཟུང་རབ་རིབ་ཏུ་གྱུར་ནས་ཅི་ཡང་མི་མཐོང་བའི་ཚེ། བདག་གི་བུ་ཞེས་རང་གི་བུ་ཆེ་བ་ཨེ་སཱབ་བོས་པ༌དང༌། བུ་ན༌རེ། ཡབ༌ལགས། ང་རང་འདི་རུ་ཡོད་ཅེས་ལན་བཏབ་པ༌དང༌།  
\v 2 ཡབ་ན༌རེ། ལྟོས༌དང༌། ད་ལྟ་ང་རང་རྒས་ཤིང་ནམ་འཆི་ངེས་མེད་ཡིན༌པས།  
\v 3 ད་ནི་ཁྱོད་ཀྱིས་རང་གི་མཚོན་ཆ་སྟེ་མདའ་གཞུ་ཐོགས་པ་དང་དབེན་སྟོང་དུ་སོང་ནས་བདག་ལ་རི་དྭགས་རྔོན་པར༌བྱོས།  
\v 4 བདག་གི་དགའ་མོས་ལྟར་ཁ་ཟས་ཞིམ་པོ་གཡོས་སྦྱོར་བྱས་ནས་བདག་ལ་ཁྱེར༌ཤོག ང་རང་མ་ཤི་གོང་དུ་ཁྱོད་ལ་བྱིན་རླབས་གནང་བར་བྱ་ཞེས་སྨྲས༌སོ།།  
\v 5 ཨི་སཱག་གིས་རང་གི་བུ་ལ་དེ་ལྟར་སྨྲས་པ་རིབ་ཀཱས་ཐོས༌སོ། །དེ་ནས་བུ་ཆེ་བ་དབེན་སྟོང་ལ་རི་དྭགས་རྔོན་དུ་སོང་བ༌དང༌།  
\v 6-7 རིབ་ཀཱས་རང་གི་བུ་ཡ་ཀོབ་ལ་འདི་ལྟར། ལྟོས༌དང༌། ཁྱོད་ཀྱི་ཡབ་ཀྱིས་ཁྱོད་ཀྱི་གཅེན་པོ་ཨེ་སཱབ༌ལ། ཁྱོད་རང་སོང་ནས་རི་དྭགས་བརྔོན༌ཏེ། ཁ་ཟས་ཞིམ་པོ་གཡོས་སྦྱོར་བྱས་ནས་ང་རང་ལ་བཟའ་བར་ཁྱེར༌ཤོག ང་རང་མ་ཤི་གོང་དུ་དཀོན་མཆོག་ཡ་ཝཱེའི་སྤྱན་སྔ་ནས་ཁྱོད་ལ་བྱིན་རླབས་གནང་བར་བྱའོ་ཞེས་སྨྲས་པ་ངས་ཐོས༌པས།  
\v 8 བདག་གི༌བུ། ངས་ཁྱོད་ལ་སྨྲས་པ་བཞིན་ད་ལྟ་ཁྱོད་ཀྱིས་བདག་གི་གཏམ་ལ་མཉན་པར་བྱ༌སྟེ།  
\v 9 ཁྱོད་རང་ར་ཁྱུའི་ནང་དུ་སོང་ནས་རེའུ་ཤ་ཤེད་ཅན་གཉིས་ཁུར་ཤོག༌དང༌། བདག་གིས་ཁྱོད་ཀྱི་ཡབ་ལ་དགའ་བའི་ཁ་ཟས་ཞིམ་པོོ་གཡོས་སྦྱོར་བྱེད་པར༌བྱ།  
\v 10 ཁྱོད་ཀྱིས་ཁ་ཟས་དེ་རང་གི་ཡབ་ཀྱི་དྲུང་དུ་ཁྱེར་སོང༌དང༌། ཁོང་མ་ཤི་གོང་དུ་ཁོང་གིས་ཁྱོད་ལ་བྱིན་རླབས་གནང་བར་བྱ་ཞེས་སྨྲས༌སོ།།  
\v 11 དེ་ནས་ཡ་ཀོབ་ཀྱིས་རང་གི་ཡུམ་རིབ་ཀཱ་ལ་འདི༌ལྟར། བདག་གི་གཅེན་པོ་ཨེ་སཱབ་ཀྱི་ལུས་ཡོངས་ལ་བ་སྤུས་བཀང་ཞིང་བདག་གི་ལུས་ནི་འཇམ་པོ་ཡིན༌པས།  
\v 12 གལ་ཏེ་ཡབ་ཀྱིས་བདག་གི་ལུས་ལ་རེག༌ན། བདག་གིས་ཁོང་ལ་མགོ་སྐོར་བཏང་བ་ཤེས་ངེས༌ཡིན། བདག་ལ་དམོད་པ་འཕོག་ཅིང་བྱིན་རླབས་འཐོབ་པར་མི་འགྱུར་ཞེས་སྨྲས་པ༌དང༌།  
\v 13 ཡང་ཁོའི་ཡུམ་ན༌རེ། བདག་གི༌བུ། ཁྱོད་ལ་ཕོག་པའི་དམོད་པ་དེ་བདག་གི་ལུས་ལ་འཕོག་པར༌སྨོན། ཁྱོད་ཀྱིས་བདག་གི་གཏམ་ལ་མཉན་ཏེ་རེའུ་ཁྲིད་ཤོག་ཅེས་སྨྲས་པ༌དང༌།  
\v 14 ཁོས་དེ་ལྟར་བྱས་ནས་ཡུམ་ལ་སྤྲད་པ༌དང༌། ཁོ་མོས་ཀྱང་ཡབ་ཀྱི་དགའ་མོས་ལྟར་ཁ་ཟས་ཞིམ་པོ་གཡོས་སྦྱོར་བྱས༌སོ།།   
\p
\v 15 དེ་ནས་རིབ་ཀཱས་ཡུལ་དུ་ཡོད་པའི་བུ་ཆེ་བའི་གྱོན་གོས་ལེགས་པོ་དེ་བླངས་ནས་རང་གི་བུ་ཆུང་བ་ཡ་ཀོབ་ཀྱི་ལུས་ལ་གྱོན་དུ་བཅུག་པ༌དང༌།  
\v 16 ཡང་རིབ་ཀཱས་ར་ལྤགས་ཀྱིས་ཡ་ཀོབ་ཀྱི་ལག་པ་དང་མཇིང་པ་བཅས་འཇམ་པོ་ཡིན་ས་རྣམས་གཡོགས༌ཤིང༌།  
\v 17 ཁ་ཟས་ཞིམ་པོ་གཡོས་སྦྱོར་བྱས་པ་དེ་དང་བག་ལེབ་བཅས་རང་གི་བུ་ཆུང་བའི་ལག་ཏུ་བཞག༌གོ །   
\p
\v 18 དེ་ནས་ཡ་ཀོབ་ཁོ་རང་ཡབ་ཀྱི་དྲུང་དུ་སོང་སྟེ་བདག་གི་ཡབ་ལགས་ཞེས་སྨྲས་པ༌དང༌། ཡབ་ན༌རེ། ང་རང་འདི་རུ་ཡོད། བདག་གི༌བུ། ཁྱོད་ནི་བུ་གང་ཞིག་ཡིན་ནམ་ཞེས་དྲིས་པ༌ན།  
\v 19 ཡ་ཀོབ་ཀྱིས་ཕ་ལ་འདི་ལྟར་སྨྲས་པ༌སྟེ། ང་རང་ཁྱེད་ཀྱི་བུ་སྐྱེས་འགོ་ཨེ་སཱབ༌ཡིན། ཁྱེད་ཀྱི་བྱིན་རླབས་འཐོབ་པའི༌ཕྱིར། བདག་གིས་ཁྱེད་ཀྱི་བཀའ་ལྟར་བསྒྲུབས༌པ་ཡིན། ཁྱེད་རང་ཡར་བཞེངས་ནས་ཁ་ཟས་བཞེས་པར་མཛོད་ཅིག་ཅེས་པ༌ལ།  
\v 20 ཨི་སཱག་གིས་རང་གི་བུ་ལ་འདི་ལྟར་སྨྲས༌པ། བདག་གི༌བུ། ཁྱོད་རང་འདི་འདྲ་མགྱོགས་པ་ཅི་ཡིན་ནམ་ཞེས་པ༌ན། བུ་ན༌རེ། དཀོན་མཆོག་ཡ་ཝཱེ་སྟེ་ཁྱེད་ཀྱི་དཀོན་མཆོག་གིས་བདག་ལ་གོ་སྐབས་ལེགས་པོ་གནང་བས་ལག་ཏུ་འབྱོར་བ་ཡིན་ཞེས་ལན་བཏབ༌བོ།།  
\v 21 དེ་ནས་ཨི་སཱག་གིས་ཡ་ཀོབ་ལ་འདི༌ལྟར། བདག་གི༌བུ། ཁྱོད་རང་བདག་གི་ཉེ་སར་ཤོག༌དང༌། བདག་གིས་ཁྱོད་ལ་རེག༌སྟེ། ཁྱོད་ནི་བདག་གི་བུ་ཨེ་སཱབ་ཡིན་མིན་ལ་བལྟ་བར་བྱ་ཞེས་སྨྲས་པ༌དང༌།  
\v 22 ཡ་ཀོབ་རང་གི་ཡབ་ཨི་སཱག་གི་ཉེ་སར་བཅར་བ༌དང༌། ཨི་སཱག་གིས་ཁོ་ལ་རེག་སྟེ་ན༌རེ། ཁྱོད་ཀྱི་སྐད་ནི་ཡ་ཀོབ་ཀྱི་སྐད་ཡིན་ཡང་ལག་པ་ནི་ཨེ་སཱབ་ཀྱི་ལག་པ་ཡིན་འདུག་ཅེས་སྨྲས༌ཤིང༌།  
\v 23 ཨི་སཱག་གིས་བུ་སུ་ཡིན་མ་ཤེས༌སོ། །ཅིའི་ཕྱིར་ཞེ༌ན། ཁོའི་ལག་པའི་སྟེང་དུའང་བ་སྤུ་ཡོད་པས་ཁོའི་གཅེན་པོ་ཨེ་སཱབ་ཀྱི་ལག་པ་དང་མཚུངས་པའི་ཕྱིར༌རོ། །དེ་ནས་བུ་ཡ་ཀོབ་ལ་བྱིན་རླབས་གནང་བ༌དང༌།  
\v 24 ཡང་ཡབ་ན༌རེ། ཁྱོད་ནི་དངོས་གནས་བདག་གི་བུ་ཨེ་སཱབ་ཡིན་ནམ་ཞེས་དྲིས་པ༌ན། བུ་ཡ་ཀོབ་ཀྱིས་ང་རང་ཡིན་ཞེས་ལན་བཏབ༌བོ།།  
\v 25 དེ་ནས་ཨི་སཱག་ན༌རེ། ཁྱོད་ཀྱིས་བདག་ལ་བྱིན༌དང༌། བདག་གིས་རང་གི་བུས་གཡོས་སྦྱོར་བྱས་པའི་ཁ་ཟས་བཟའ་བར༌བྱ། དེ་ནས་ཁྱོད་ལ་བྱིན་རླབས་གནང་བར་བྱ་ཞེས་སྨྲས༌སོ། །ཡ་ཀོབ་ཀྱིས་ཡབ་ལ་ཁ་ཟས་ཕུལ་བར་ཡབ་ཀྱིས་བཞེས༌ཤིང༌། རྒུན་ཆང་དྲངས་པ་ལ་ཁོང་གིས་དེའང་བཞེས༌སོ།།  
\v 26 དེ་ནས་ཡབ་ཀྱིས་བུ་ཨེ་སཱབ་ཡིན་པར་སྙམ་ནས་འདི༌ལྟར། བདག་གི༌བུ། ཁྱོད་བདག་གི་གམ་དུ་ཡོང་ནས་བདག་ལ་འོ་བྱེད་པར་གྱིས་ཞེས་སྨྲས་པ༌དང༌།  
\v 27 བུ་ཡ་ཀོབ་ཀྱིས་ཡབ་ལ་འོ་བྱས་པ༌དང༌། ཡབ་ཀྱིས་བུའི་གྱོན་གོས་སྟེང་གི་དྲི་མ་བསྣམས་ནས་བྱིན་རླབས་གནང་སྟེ་འདི་སྐད༌དུ།  
\q1 བདག་གི་བུ་ཡི་ལུས་ཀྱི་དྲི་མ༌དང༌།།  
\q1 ཡ་ཝཱེས་བྱིན་རླབས་གནང་བར་མཛད་པ༌ཡི།།  
\q1 ཞིང་སའི་དྲི་ཞིམ་ལ་ནི་ཡང་དག༌མཚུངས།།   
\q1
\v 28 དཀོན་མཆོག་གིས་ནི་མཁའ་ལས་ཟིལ་བ༌དང༌།།  
\q1 ས་གཤིས་ལེགས་ཤིང་འབྲུ་རིགས་སྣ་ལྔ༌དང༌།།  
\q1 རྒུན་ཆང་གསར་པ་ཁྱོད་ལ་གནང་བར༌སྨོན།།   
\q1
\v 29 མི་རྣམས་ཀུན་གྱིས་ཁྱོད་ལ་བསྙེན་བཀུར༌དང༌།།  
\q1 མི་རིགས་ཡོངས་ཀྱིས་ཁྱོད་ལ་བཀུར་སྟི༌དང༌།།  
\q1 ཁྱོད་ནི་སྤུན་ཟླ་རྣམས་ཀྱི་བདག་པོ༌དང༌།།  
\q1 མ་ཡི་བུས་ཀྱང་བཀུར་སྟི་བྱེད་པར༌སྨོན།།  
\q1 ཁྱོད་ལ་དམོད་པའི་མི་རྣམས་ཀུན་ལ༌ཡང༌།།  
\q1 དེ་བཞིན་དམོད་པ་འཕོག་པར་འགྱུར་བ༌དང༌།།  
\q1 ཁྱོད་ལ་བྱིན་རླབས་གནང་མཁན་ཉིད་ལ༌ནི།།  
\q1 དེ་དང་དེ་བཞིན་བྱིན་རླབས་འཐོབ་པར༌སྨོན། །ཞེས་སྨྲས༌སོ།།   
\p
\v 30 དེ་ནས་ཨི་སཱག་གིས་ཡ་ཀོབ་ལ་བྱིན་རླབས་གནང་ཚར༌རྗེས། ཡ་ཀོབ་ཡབ་ཀྱི་མདུན་ནས་ཕྱིར་ཡོང་མ་ཐག༌ཏུ། ཁོའི་གཅེན་པོ་ཨེ་སཱབ་ཀྱིས་ཀྱང་རི་དྭགས་བརྔོན་ནས་ཕྱིར་སླེབས་ཤིང་།  
\v 31 ཁོས་ཀྱང་ཁ་ཟས་ཞིམ་པོ་གཡོས་སྦྱོར་བྱས༌ཏེ། ཡབ༌ལགས། ཡར་བཞེངས༌དང༌། བདག་ལ་བྱིན་རླབས་འཐོབ་པའི༌ཕྱིར། ཁྱེད་ཀྱི་བུས་གཡོས་སྦྱོར་བྱས་པའི་ཁ་ཟས་བཞེས་པར་མཛོད་ཅིག་ཅེས་སྨྲས་པ༌ལ།  
\v 32 ཁོའི་ཡབ་ཀྱིས་ཨེ་སཱབ་ལ་ཁྱོད་རང་སུ་ཡིན་ནམ་ཞེས་དྲིས་པ༌ན། བུ་ན༌རེ། བདག་ནི་ཁྱེད་ཀྱི་བུ་སྐྱེས་འགོ་ཨེ་སཱབ་ཡིན་ཞེས་ལན་བཏབ༌བོ།།  
\v 33 དེ་ནས་ཨི་སཱག་དྲག་ཏུ་འདར་ཞིང་འདི་ལྟར། ཁྱོད་རང་མ་ཡོང་བའི་སྔོན༌དུ། སུ་ཞིག་གིས་རི་དྭགས་བརྔོན་ཏེ་བདག་ལ་ཁ་ཟས་ཞིམ་པོ་ཁྱེར་ཡོང༌ངམ། བདག་གིས་ཟོས་ནས་དེ་ལ་བྱིན་རླབས་གནང་བ༌དང༌། མ་འོངས་པར་དེ་ལ་བྱིན་རླབས་ཀྱང་འཐོབ་ངེས་ཡིན་ཞེས་སྨྲས༌སོ།།  
\v 34 ཨེ་སཱབ་ཀྱིས་ཡབ་ཀྱི་གཏམ་དེ་ཐོས་རྗེས་སྐད་ཆེན་པོ་བརྒྱབ་ནས་ངུ་བཞིན་ན༌རེ། ཀྱེ། བདག་གི་ཡབ༌ལགས། ཁྱེད་ཀྱིས་བདག་ལའང་བྱིན་རླབས་གནང་བར་མཛོད་ཅིག་ཅེས་སྨྲས་པ༌དང༌།  
\v 35 ཨི་སཱག་གིས་འདི་ལྟར། ཁྱོད་ཀྱི་གཅུང་པོས་གཡོ་སྒྱུའི་སྦྱོར་བ་སྤེལ་ནས་ཁྱོད་ལ་འཐོབ་ངེས་པའི་བྱིན་རླབས་ཀྱི་བགོ་སྐལ་ཁྱེར་སོང་བ་ཡིན་ཞེས་སྨྲས་པ༌ལ།  
\v 36 ཨེ་སཱབ་ན༌རེ། ཁོའི་མིང་ལ་ཡ་ཀོབ་ཅེས་བཏགས་ཡོད་པ་ཅི་མ༌བདེན། ཅིའི་ཕྱིར་ཞེ༌ན། ཁོས་བདག་ལ་མགོ་སྐོར་ཐེངས་གཉིས་ལ་བཏང་བ༌སྟེ། སྔོན་ཆད་བུ་ཆེ་བ་བདག་གི་ཐོབ་ཐང་ཕྲོགས་ཤིང་། ལྟོས༌དང༌། ད་ལྟ་བདག་གི་བྱིན་རླབས་ཀྱི་བགོ་སྐལ་ཡང་ཕྲོགས་པ་རེད་ཅེས་སྨྲས་པ༌དང༌། ཡང་ཁོ་ན༌རེ། ཁྱེད་ཀྱིས་བདག་ལ་བྱིན་རླབས་ཀྱི་བགོ་སྐལ་མ་བསྐྱུར་རམ་ཞེས་དྲིས་པ༌ལ།  
\v 37 ཨི་སཱག་ན༌རེ། ལྟོས༌དང༌། བདག་གིས་ཁོ་རང་ནི་ཁྱོད་ཀྱི་བདག་པོར་བྱས་ཤིང་། ཁོའི་སྤུན་ཟླ་ཐམས་ཅད་ཁོའི་ཞབས་ཕྱི་པར་བྱས་པ༌དང༌། ཁོ་རང་ལ་འབྲུ་རིགས་སྣ་ལྔ་དང་རྒུན་ཆང་གསར་པ་བསྩལ་ཏེ་འཚོ་བ་བསྐྲུན༌ནོ། །བདག་གི༌བུ། ད་ལྟ་བདག་གིས་ཁྱོད་ལ་ཅི་བྱ་ནུས་སམ་ཞེས་ལན་བཏབ༌བོ།།  
\v 38 དེ་ནས་ཨེ་སཱབ་ཀྱིས་རང་གི་ཡབ་ལ་འདི༌ལྟར། ཀྱེ། ཡབ༌ལགས། ཁྱེད་ལ་བྱིན་རླབས་དེ་མ་གཏོགས་མེད༌དམ། བདག་གི་ཡབ༌ལགས། ཁྱེད་ཀྱིས་བདག་ལའང་བྱིན་རླབས་གནང་བར་ཞུ་ཞེས་སྨྲས་ཤིང་སྐད་ཆེན་པོས་ངུས༌སོ།།  
\v 39 དེ་ནས་ཡབ་ན༌རེ།  
\q1 ཁྱོད་ནི་ས་གཤིས་ལེགས་པོར་འབྲལ་འགྱུར༌ཞིང༌།།  
\q1 ནམ་མཁའི་ཟིལ་བ་དེ་ཡང་རིང་དུ༌གནས།།   
\q1
\v 40 ཁྱོད་ནི་རལ་གྲིར་བརྟེན་ནས་འཚོ་བ༌དང༌།།  
\q1 ཁྱོད་ཀྱིས་གཅུང་པོ་ལ་ཡང་བསྙེན་བཀུར༌བྱེད།།  
\q1 ཁྱོད་ལ་སྟོབས་འབྱོར་མངའ་ཐང་རྒྱས་པའི༌དུས།།  
\q1 ཁོ་ཡི་གཉའ་ཤིང་ལས་ནི་ཐར་བར༌ངེས། །ཞེས་སྨྲས༌སོ།།   
\s1 ཡ་ཀོབ་ཞང་པོ་ལཱ་པན་གྱི་ཡུལ་དུ་བྲོས༌པ།  
\p
\v 41 དེ་ཡང་ཡབ་ཀྱིས་ཡ་ཀོབ་ལ་བྱིན་རླབས་གནང་བའི༌ཕྱིར། ཨེ་སཱབ་ཀྱིས་ཡ་ཀོབ་དགྲ་རུ་བཟུང་སྟེ་ཁོའི་སེམས་སུ་ཕ་ལ་མྱ་ངན་བྱེད་པའི་དུས་སླེབས་ལ༌ཉེའོ། །དེའི་རྗེས༌སུ། བདག་གིས་གཅུང་པོ་ཡ་ཀོབ་གསོད་པར་བྱ་སྙམ་པ༌རེད།  
\v 42 དེ་ནས་མི་གཞན་དག་གིས་རིབ་ཀཱའི་བུ་ཆེ་བ་ཨེ་སཱབ་ཀྱིས་སྨྲས་པའི་གཏམ་དེ་ཁོ་མོར་སྨྲས༌ཤིང༌། ཁོ་མོས་མི་མངགས་ཏེ་བུ་ཆུང་བ་ཡ་ཀོབ་ཚུར་བོས་པ༌དང༌། ཁོ་ལ་འདི༌ལྟར། ལྟོས༌དང༌། ཁྱོད་ཀྱི་གཅེན་པོས་ཁྱོད་ལ་དགྲ་ཤ་ལེན་ཕྱིར་གསོད་པར་རྩོམ་མོ་ཞེས་སྨྲས་པ༌དང༌།  
\v 43 བདག་གི༌བུ། ད་ལྟ་ཁྱོད་ཀྱིས་བདག་གི་གཏམ་ལ་ཉོན༌ཅིག ཡར་ལངས་ནས་ངའི་མིང་པོ་ལཱ་པན་གྱི་དྲུང་དུ་ཧཱ་རན་ཡུལ་ལ་ཕྲོས༌ཤིག  
\v 44 ཁྱོད་ཀྱི་གཅེན་པོའི་ཞེ་སྡང་ཞི་བའི་བར་དུ་ཁོང་དང་མཉམ་དུ་ཉིན་ཁ་ཤས་ལ་སྡོད༌ཅིག  
\v 45 ཁྱོད་ཀྱི་གཅེན་པོའི་ཞེ་སྡང་ཞི་བ་དང་ཁྱོད་ཀྱིས་ཁོ་རང་ལ་བྱས་པའི་ལས་དེ་བརྗེད་པར་གྱུར༌ཚེ། བདག་གིས་མི་མངགས་ནས་ཁྱོད་རང་ཕྱིར་འབོད་པར༌བྱའོ། །ཉིན་གཅིག་ལ་ཁྱོད་སྤུན་གཉིས་ཀ་འཆི་དགོས་དོན་ཅི་ཡོད་དམ་ཞེས་སྨྲས༌སོ།།  
\v 46 དེ་ནས་ཡང་རིབ་ཀཱས་ཨི་སཱག་ལ་འདི༌ལྟར། བདག་ནི་ཧེད་མི་རིགས་ཀྱི་བུ་མོའི་རྐྱེན་གྱིས་ཡིད་སྐྱོ་བར་གྱུར་ཏེ་སྲོག་ཀྱང་འཚོ་མི་འདོད༌ལ། ཡ་ཀོབ་ཀྱིས་ཀྱང་ཧེད་མི་རིགས་ཀྱི་བུ་མོ་འདི་ལྟ་བུ་ཞིག་ཆུང་མར་བླངས༌ན། བདག་གི་སྲོག་འཚོ་ཐུབ་ཀྱང་ཅི་ལ་ཕན་ཞེས་སྨྲས༌སོ།།   
\c 28
\cl ལེའུ་ཉེར་བརྒྱད༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨི་སཱག་གིས་ཡ་ཀོབ་ཡུལ་གཞན་དུ་མངགས༌པ།  
\p
\v 1 དེ་ནས་ཨི་སཱག་གིས་ཡ་ཀོབ་བོས་ཏེ་བྱིན་རླབས་གནང་བ་དང་འདི་ལྟར་སྨྲས༌པ། ཁྱོད་ཀྱིས་ཀ་ན་ཨན་མི་རིགས་ཀྱི་བུ་མོ་ཆུང་མར་ལེན་པར་མི༌བྱའོ།།  
\v 2 ཁྱོད་རང་ཡར་ལངས་ནས་ཕཱ་དན་ཨ་རམ་ཡུལ་གྱི་སྒྱུག་པོ་པཱ་ཐུ་ཨེལ་གྱི་ཁྱིམ་དུ་སོང༌དང༌། ཨ་མའི་མིང་པོ་ལཱ་པན་གྱི་བུ་མོ་རྣམས་ལས་བུ་མོ་གཅིག་རང་གི་ཆུང་མར་ལོངས༌ཤིག  
\v 3 ཀུན་དབང་དཀོན་མཆོག་གིས་ཁྱོད་ལ་བྱིན་གྱིས་རླབས༌ཏེ། ཁྱོད་ནི་རྒྱུད་དང་ལྡན་པར་གྱུར་ནས་མང་པོར་འཕེལ་ཏེ་མི་རིགས་ཆེན་པོ་ཞིག་ཏུ་འགྱུར་བ༌དང༌།  
\v 4 ཁྱོད་ཀྱིས་རང་ཉིད་སྡོད་སའི་ཡུལ་འདིར་བདག་པོ་བྱེད་པའི༌ཕྱིར། ཁོང་གིས་མེས་པོ་ཨབ་ར་ཧམ་གྱི་བྱིན་རླབས་དེའང་ཁྱོད་དང་ཁྱོད་ཀྱི་རིགས་རྒྱུད་ཕྱི་མ་རྣམས་ལ་གནང་བར༌སྨོན། ཡུལ་འདི་ནི་དཀོན་མཆོག་གིས་ཨབ་ར་ཧམ་གྱི་ས་གཞིར་གནང་བ་ཡིན་ཞེས༌པའོ།།  
\v 5 དེ་ནས་ཨི་སཱག་གིས་ཡ་ཀོབ་མངགས་པ༌དང༌། ཡ་ཀོབ་ཕཱ་དན་ཨ་རམ་ཡུལ་གྱི་ཨ་རམ་མི་རིགས་ཀྱི་པཱ་ཐུ་ཨེལ་ཞེས་བྱ་བའི་བུ་ལཱ་པན་གྱི་དྲུང་དུ༌སོང༌། ལཱ་པན་ནི་ཡ་ཀོབ་དང་ཨེ་སཱབ་གཉིས་ཀྱི་ཞང་པོ་ཡིན༌ནོ།།   
\p
\v 6 དེ་ནས་ཨི་སཱག་གིས་ཡ་ཀོབ་ལ་བྱིན་རླབས་གནང་ཟིན་པ་ཨེ་སཱབ་ཀྱིས་མཐོང་བ༌སྟེ། ཨི་སཱག་གིས་བུ་ཆུང་བ་ཡ་ཀོབ་ནི་ཕཱ་དན་ཨ་རམ་ཞེས་པའི་ཡུལ་དུ་མངགས༌ཤིང༌། ཡུལ་དེ་ནས་ཁོ་རང་ལ་ཆུང་མ་ཞིག་ལེན་པའི་བྱིན་རླབས་གནང་བའི་གཏམ་འདི༌ལྟར། ཁྱོད་ཀྱིས་ཀ་ན་ཨན་མི་རིགས་ཀྱི་བུ་མོ་ཆུང་མར་མི་ལེན་པར་གྱིས་ཞེས་སྨྲས་པ༌དང༌།  
\v 7 ཡ་ཀོབ་ཀྱིས་ཡབ་ཡུམ་གཉིས་ཀྱི་ངག་ལ་མཉན་ནས་ཕཱ་དན་ཨ་རམ་ཡུལ་དུ་སོང་བའང་ཨེ་སཱབ་ཀྱིས་མཐོང༌བས།  
\v 8 ཨེ་སཱབ་ཀྱིས་ཁོའི་ཡབ་ཨི་སཱག་གིས་ཀ་ན་ཨན་མི་རིགས་ཀྱི་བུ་མོ་མི་འདོད་པ་ཤེས༌ཏེ།  
\v 9 ཡེས་མ་ཨེལ་གྱི་དྲུང་དུ་སོང༌སྟེ། རང་ཉིད་ལ་ཆུང་མ་གཞན་ཞིག་ཀྱང་བླངས༌སོ། །ཁོ་མོ་ནི་ཨབ་ར་ཧམ་གྱི་བུ་ཡེས་མ་ཨེལ་གྱི་བུ་མོ་སྟེ་ནཱ་བ་ཨོད་ཀྱི་ནུ་མོ་ཡིན༌ལ། མིང་ལ་མཱ་ཧ་ལཱད་ཅེས་ཟེར༌རོ།།   
\s1 ཡ་ཀོབ་ཀྱི་རྨི༌ལམ།  
\p
\v 10 དེ་ནས་ཡ་ཀོབ་ཁོ་རང་པེར་ཤ་བཱ་དང་ཁ་བྲལ་ནས་ཧཱ་རན་གྱི་ལམ་དུ་ཆས་པ༌དང༌།  
\v 11 ས་ཆ་ཞིག་ཏུ་སླེབས་རྗེས་ཉི་མ་ནུབ་པས་གནས་དེར་ཞག་སྡོད་བྱས་ཤིང་། རྡོ་ལེབ་ཅིག་ཁྱེར་ཡོང་ནས་སྔས་མགོ་བྱས་ཏེ་ཉལ༌ཏོ།།  
\v 12 དེ་ནས་ཁོའི་རྨི་ལམ་ནང་དུ་སྐས་ཤིག་ས་ནས་ཡར་བསྒྲེངས་ཡོད་པ་དང་སྐས་མགོ་ནམ་མཁར་ཟུག༌ཅིང༌། དཀོན་མཆོག་གི་ཕོ་ཉ་རྣམས་སྐས་དེ་ལ་བརྟེན་ནས་ཡར་འཕགས་ཤིང་མར་ཕེབས་པ༌དང༌།  
\v 13 དཀོན་མཆོག་ཡ་ཝཱེ་ཁོང་ཉིད་ཀྱང་སྐས་དེའི་སྟེང་དུ་ཡར་བཞེངས་ཏེ་འདི་སྐད༌དུ། བདག་ནི་ཡ་ཝཱེ་སྟེ་ཁྱོད་ཀྱི་མེས་པོ་ཨབ་ར་ཧམ་གྱི་དཀོན་མཆོག་ཡིན༌ལ། ཨི་སཱག་གི་དཀོན་མཆོག་ཀྱང༌ཡིན། ད་ལྟ་བདག་གིས་ཁྱོད་རང་ཉལ་སའི་ས་ཆ་དེ་ནི་ཁྱོད་དང་ཁྱོད་ཀྱི་རིགས་རྒྱུད་རྣམས་ལ་སྦྱིན་པར་བྱ།  
\v 14 ཁྱོད་ཀྱི་རིགས་རྒྱུད་དག་ནི་ས་སྟེང་གི་རྡུལ་གྲངས་དང་མཉམ་པར་འགྱུར་ངེས༌ཤིང༌། དེ་རྣམས་ཤར་ལྷོ་ནུབ་བྱང་གི་ཕྱོགས་སུ་འཕེལ་བར་འགྱུར་བ༌དང༌། ས་སྟེང་གི་མི་རིགས་ཐམས་ཅད་ལ་ཁྱོད་དང་ཁྱོད་ཀྱི་རིགས་རྒྱུད་རྣམས་ལས་བྱིན་རླབས་འཐོབ་པར་འགྱུར༌རོ།།  
\v 15 བདག་ནི་ཁྱོད་དང་མཉམ་དུ་གནས་ཤིང་ཁྱོད་རང་གང་དུ་སོང་ནའང་བདག་གིས་ཁྱོད་རང་བསྲུང་བ་དང༌། བདག་གིས་ཁྱོད་ལ་ཁས་བླངས་པ་བཞིན་དུ་འགྲུབ་པའི༌བར་དུ། ཁྱོད་རང་ཁྲིད་ནས་ས་ཆ་འདིར་ཡོང་བ་དང་ནམ་ཡང་ཁྱོད་དང་ཁ་མི་འབྲལ་ཞེས་གསུངས༌སོ།།  
\v 16 དེ་ནས་ཡ་ཀོབ་གཉིད་ལས་སད་དེ་ན༌རེ། དཀོན་མཆོག་ཡ་ཝཱེ་དངོས་གནས་ས་ཆ་འདིར་བཞུགས་ཡོད་ཀྱང་བདག་གིས་མ་ཤེས་ཞེས་སྨྲས་པ༌དང༌།  
\v 17 ཡང་ཁོ་རང་འཇིགས་སྐྲག་ངང་ན༌རེ། ས་ཆ་འདི་ཇི་འདྲའི་འཇིགས་སུ་རུང་བ་ལ༌ཨང༌། གནས་འདི་ནི་ཡུལ་གཞན་མ་ཡིན་ཏེ། དཀོན་མཆོག་གི་བཞུགས་གནས་ཡིན༌ལ། ནམ་མཁའི་ཞིང་ཁམས་ཀྱི་སྒོ་ཆེན་ཡང་ཡིན་ཞེས་སྨྲས༌སོ།།   
\p
\v 18 དེ་ཡང་ཞོགས་པར་ཡ་ཀོབ་ཡར་ལངས༌ཤིང༌། སྔས་མགོ་བྱས་པའི་རྡོ་ལེབ་དེ་ཀ་བ་རུ་བསྒྲེངས་པ་དང་དེའི་སྟེང་དུ་སྣུམ་བླུགས༌སོ།།  
\v 19 དེ་ནས་ཁོས་ས་ཆ་དེའི་མིང་ལ་པེད་ཨེལ་\f + \ft པེད་ཨེལ་ཞེས་པ་ནི་ཡ་ཧུ་དཱའི་སྐད་དོད་དེ་དཀོན་མཆོག་གི་བཞུགས་གནས་ཞེས་པའི་དོན་ལ༌འཇུག\f*ཞེས༌བཏགས། འོན༌ཀྱང༌། སྔོན་ཆད་གྲོང་ཁྱེར་དེ་ལ་ལོ་ཟི་ཞེས་ཟེར༌རོ།།  
\v 20 དེ་ནས་ཡ་ཀོབ་ཀྱིས་དཀོན་མཆོག་ལ་འདི་ལྟར་དམ་བཅས་པ༌སྟེ། གལ༌སྲིད། དཀོན་མཆོག་ཁྱེད་ནི་བདག་དང་མཉམ་དུ་བཞུགས་པ༌དང༌། ང་རང་གང་ལ་འགྲོ་བའི་ལམ་དུ་བདག་ལ་སྲུང་སྐྱོབ་མཛད༌པ། བདག་ལ་ཟས་གོས་གནང༌བ།  
\v 21 ང་རང་བདེ་འཇགས་ངང་རང་གི་ཕ་གཞིས་སུ་ལོག་ཐུབ་པ་བཅས་ཡིན༌ན། བདག་གིས་དཀོན་མཆོག་ཡ་ཝཱེ་ཁྱེད་ཉིད་ང་རང་གི་དཀོན་མཆོག་ཏུ་བཀུར་བ༌དང༌།  
\v 22 ངས་ཀ་བ་རུ་བསྒྲེངས་པའི་རྡོ་ལེབ་དེའང་དཀོན་མཆོག་གི་བཞུགས་གནས་སུ་བྱེད༌དོ། །ཁྱེད་ཀྱིས་བདག་ལ་གནང་བ་ཐམས་ཅད་ལས་བདག་གིས་བཅུ་ཆ་གཅིག་ཁྱེད་ལ་འབུལ་ངེས་ཡིན་ཞེས་ཞུས༌སོ།།   
\c 29
\cl ལེའུ་ཉེར་དགུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་ཅེས་བྱ་བ་ཕཱ་དན་ཨ་རམ་ཡུལ་དུ་སླེབས༌པ།  
\p
\v 1 དེ་ནས་ཡ་ཀོབ་ལམ་ལ་ཆས་ནས་ཤར་ཕྱོགས་པའི་ཡུལ་དུ་སོང་བ༌དང༌།  
\v 2 ཞིང་ནང་དུ་ཁྲོན་པ་ཞིག་ཡོད་པ་མཐོང་ཞིང་ལུག་ཁྱུ་སྐོར་གསུམ་ཁྲོན་པའི་འགྲམ་དུ་ཉལ་འདུག་པ༌སྟེ། རྒྱུ་མཚན་ནི་མི་རྣམས་ཀྱིས་ཁྲོན་པ་དེ་ལས་ལུག་ཁྱུ་ལ་ཆུ་ལྡུད་པའི་ཕྱིར༌ཡིན། ཁྲོན་པའི་སྟེང་རྡོ་ལེབ་ཆེན་པོ་ཞིག་ཡོད༌དོ།།  
\v 3 ནམ་རྒྱུན་ཁྲོན་པའི་འགྲམ་དུ་ལུག་ཁྱུས་བཀང་བ༌ན། ལུག་རྫི་རྣམས་ཀྱིས་ཁྲོན་པའི་རྡོ་ལེབ་ཕར་བསྒྲིལ་ཏེ་ལུག་ཁྱུ་ལ་ཆུ་ལྡུད་པར་བྱེད་པ༌དང༌། དེའི་རྗེས་སུ་རྡོ་ལེབ་ཕྱིར་འགེབ་པར་བྱེད༌དོ།།  
\v 4 དེ་ནས་ཡ་ཀོབ་ཀྱིས་ལུག་རྫི་ལ་འདི༌ལྟར། སྤུན་ཟླ༌རྣམས། ཁྱོད་ཅག་གང་ནས་ཡོང་བ་ཡིན་ནམ་ཞེས་དྲིས་པ༌ལ། ལུག་རྫི་རྣམས་ན༌རེ། ངེད་ཅག་ཧཱ་རན་ནས་ཡོང་བ་ཡིན་ཞེས་ལན་བཏབ་པ༌དང༌།  
\v 5 ཡང་ཡ་ཀོབ་ན༌རེ། ཁྱོད་ཅག་གིས་ནཱ་ཧོར་གྱི་ཚ་བོ་ལཱ་པན་བྱ་བ་ངོ་ཤེས་སམ་ཞེས་དྲིས་པ༌ན། ཁོ་རྣམས་ན༌རེ། ངེད་ཅག་གིས་ཁོ་རང་ངོ་ཤེས་པ་ཡིན་ཞེས་ལན༌བཏབ།  
\v 6 ཡང་ཡ་ཀོབ་ན༌རེ། ཁོ་རང་བདེ་ལགས་སམ་ཞེས་དྲིས་པ༌ལ། ཁོ་རྣམས་ན༌རེ། ཁོ་རང་བདེ་བར༌བཞུགས། ལྟོས༌དང༌། ཁོའི་བུ་མོ་རཱ་ཧེལ་གྱིས་ལུག་ཁྱུ་དེད་ནས་སླེབས་བྱུང་ཞེས་སྨྲས༌སོ།།  
\v 7 དེ་ནས་ཡ་ཀོབ་ན༌རེ། ད་ལྟ་ཉིན་གུང་ཡིན་པས་ལུག་ཁྱུ་འདེད་པའི་དུས་མ་ཡིན༌ཏེ། ཁྱོད་ཅག་གིས་ལུག་ཁྱུ་ལ་ཆུ་བླུད་ནས་འཚོ་རུ་སོང་ན་ལེགས་ཞེས་སྨྲས་པ༌ལ།  
\v 8 ཁོ་རྣམས་ན༌རེ། མིན༌ཏེ། ངེད་ཅག་གིས་ངེས་པར་ལུག་ཁྱུ་ཐམས་ཅད་བསྡུ་བར་སྒུག་ཅིང་ཁྲོན་པའི་རྡོ་ལེབ་ཕར་བསྒྲིལ་ནས་ལུག་ཁྱུ་ལ་ཆུ་ལྡུད་དགོས་ཞེས་སྨྲས༌སོ།།  
\v 9 དེ་ལྟར་ཡ་ཀོབ་དང་ལུག་རྫི་རྣམས་ཀྱིས་ཕན་ཚུན་ལ་ལབ་གླེང་བྱེད་པའི་དུས༌སུ། རཱ་ཧེལ་གྱིས་ཁོ་མོའི་ཕ་ཡི་ལུག་ཁྱུ་དེད་ནས་སླེབས་པ༌དང༌། ཁོ་མོ་ལུག་ཁྱུ་དེའི་ལུག་རྫི་ཡིན༌ནོ།།  
\v 10 དེ་ནས་ཡ་ཀོབ་ཀྱིས་རང་གི་ཞང་པོ་ལཱ་པན་གྱི་བུ་མོ་རཱ་ཧེལ་དང་ལུག་ཁྱུ་མཐོང་བ༌དང༌། ཁྲོན་པའི་རྡོ་ལེབ་ཕར་བསྒྲིལ་ཏེ་ཞང་པོའི་ལུག་ཁྱུ་ལ་ཆུ་བླུད༌དོ།།  
\v 11 ཡ་ཀོབ་ཀྱིས་རཱ་ཧེལ་ལ་འོ་བྱས་པ་དང་ངུ་སྒྲ་ཕྱུང་ངོ་།།  
\v 12 ཡ་ཀོབ་ཀྱིས་རཱ་ཧེལ་ལ་ཁོ་རང་ནི་ཁོ་མོའི་ཕ་ཡི་ཚ་བོ་སྟེ་རིབ་ཀཱའི་བུ་ཡིན་པར་བརྗོད་པ༌དང༌། རཱ་ཧེལ་ཕ་ཡི་གམ་དུ་རྒྱུགས་ཤིང་དོན་དེ་ཕ་ལ་སྨྲས༌སོ།།   
\p
\v 13 དེ་ནས་ལཱ་པན་གྱིས་ཚ་བོ་ཡ་ཀོབ་ཀྱི་གནས་ཚུལ་ཐོས༌རྗེས། མྱུར་དུ་ཁོ་བོའི་མདུན་བསུས་ཤིང་ཁོ་བོར་འཐམས་ནས་འོ་བྱས་ཏེ་རང་ཁྱིམ་དུ་གདན་དྲངས༌སོ། །དེར་ཡ་ཀོབ་ཀྱིས་ཀྱང་དོན་ཐམས་ཅད་ལཱ་པན་ལ་སྨྲས༌སོ།།  
\v 14 དེ་ནས་ལཱ་པན་ན༌རེ། ཁྱོད་ནི་ངའི་ཤ་དང་རུས་པའི་གཉེན་ཉེ་ཡིན་ཞེས་སྨྲས་པ༌དང༌། ཡ་ཀོབ་ཟླ་བ་གཅིག་ལ་ལཱ་པན་དང་མཉམ་དུ་བསྡད༌དོ།།   
\s1 ཡ་ཀོབ་ཀྱིས་རཱ་ཧེལ་དང་ལེ་ཨ་གཉིས་ཆུང་མར་བླངས༌པ།  
\p
\v 15 དེ་ནས་ལཱ་པན་གྱིས་ཡ་ཀོབ་ལ་འདི༌ལྟར། ཁྱོད་བདག་གི་གཉེན་ཉེ་ཡིན་ཡང་གླ་མེད་པར་བདག་ལ་ཞབས་ཕྱི་བྱེད་ག་ལ༌སྲིད། ཁྱོད་ལ་གླ་ཕོགས་ག་ཚོད་དགོས་པ་བདག་ལ་སྨྲོས་ཤིག་ཅེས༌སྨྲས།  
\v 16 དེ་ཡང་ལཱ་པན་ལ་བུ་མོ་གཉིས་ཡོད༌དེ། བུ་མོ་ཆེ་བའི་མིང་ལ་ལེ་ཨ་ཞེས་དང་བུ་མོ་ཆུང་བའི་མིང་ལ་རཱ་ཧེལ་ཟེར༌རོ།།  
\v 17 ལེ་ཨ་ནི་མིག་དབང་ཞན་པ༌དང༌། རཱ་ཧེལ་ནི་བྱད་གཟུགས་མཛེས་ཤིང་ལྟ་ན་སྡུག་པ་ཞིག༌ཡིན།  
\v 18 ཡ་ཀོབ་ནི་རཱ་ཧེལ་ལ་དགའ་བར་གྱུར༌ཏེ། འདི༌ལྟར། བདག་གིས་ཁྱེད་ཀྱི་བུ་མོ་ཆུང་བ་རཱ་ཧེལ་གྱི་ཆེད༌དུ། ལོ་ངོ་བདུན་རིང་ཁྱེད་ལ་ཞབས་ཕྱི་བསྒྲུབ་འདོད་པ་ཡིན་ཞེས་སྨྲས་པ༌ལ།  
\v 19 ལཱ་པན་ན༌རེ། བདག་གིས་བུ་མོ་ཆུང་བ་མི་གཞན་ལ་སྟེར་བ་ལས་ཁྱོད་ལ་བྱིན་ན༌ལེགས། ཁྱོད་རང་བདག་དང་མཉམ་དུ་འདུག་པར་གྱིས་ཞེས༌སྨྲས།  
\v 20 དེ་ནས་ཡ་ཀོབ་ཀྱིས་རཱ་ཧེལ་གྱི་ཆེད༌དུ་ལོ་ངོ་བདུན་རིང་ཞབས་ཕྱི༌བསྒྲུབས། ཡ་ཀོབ་ནི་རཱ་ཧེལ་ལ་དགའ་བའི་དབང་གིས་ལོ་བདུན་གྱི་དུས་ནི་ཉིན་འགའ་ཤས་ཙམ་ལ་སྣང༌ངོ༌།།   
\p
\v 21 དེ་ནས་ཡ་ཀོབ་ཀྱིས་ལཱ་པན་ལ་འདི་ལྟར་སྨྲས༌པ། ད་ནི་དུས་ལ་སླེབས་པས། ཁྱེད་ཀྱིས་བདག་གི་ཆུང་མ་བདག་ལ་གནང་བར༌མཛོད། བདག་ཁོ་མོར་འགྲོགས་འདོད་པ་ཡིན་ཞེས་པ༌ལ།  
\v 22 ལཱ་པན་གྱིས་གཉེན་སྟོན་གཟབ་རྒྱས་བསྡུས་ཤིང་ཡུལ་ཕྱོགས་དེའི་མི་རྣམས་མགྲོན་ལ་བོས་པ༌རེད།  
\v 23 དེར་མཚན་མོའི་དུས༌སུ། ལཱ་པན་གྱིས་བུ་མོ་ལེ་ཨ་བྱ་བ་ཡ་ཀོབ་ཀྱི་གམ་དུ་བསྐྱལ་ཏེ་ཁོ་གཉིས་ལུས་འབྲེལ་བྱས་པ༌དང༌།  
\v 24 ལཱ་པན་གྱིས་གཡོག་མོ་ཟིལ་པཱ་ཞེས་བྱ་བ་བུ་མོ་ལེ་ཨའི་གཡོག་མོར་བསྐོས༌སོ།།  
\v 25 ཕྱི་ཉིན་ཞོགས༌པར། ཡ་ཀོབ་ཀྱིས་ལེ་ཨ་ཡིན་པ་མཐོང༌སྟེ། ལཱ་པན་ལ་འདི་ལྟར་སྨྲས༌པ། ཁྱེད་ཀྱིས་བདག་ལ་ཅི་བྱས༌སམ། བདག་གིས་ཁྱེད་ལ་ཞབས་ཕྱི་བསྒྲུབས་པ་ནི་རཱ་ཧེལ་གྱི་ཆེད་དུ་མ་ཡིན༌ནམ། ཁྱེད་ཀྱིས་བདག་ལ་མགོ་སྐོར་གཏོང་བའི་རྒྱུ་མཚན་ཅི་ཞེས་པ༌ལ།  
\v 26 ལཱ་པན་ན༌རེ། བུ་མོ་ཆེ་བ་གནས་ལ་མ་བྱིན་པར་བུ་མོ་ཆུང་བ་གནས་ལ་སྟེར་བ་ནི་ངེད་ཅག་གི་ཡུལ་འདིའི་གོམས་སྲོལ་མ༌ཡིན།  
\v 27 ཁྱོད་ཀྱིས་གཉེན་སྟོན་གྱི་ཉིན་བདུན་ལོངས་སུ་བཅུག༌རྗེས། བདག་གིས་བུ་མོ་ཆུང་བའང་ཁྱོད་ལ་སྟེར་ངེས༌ཤིང༌། ཁྱོད་ཀྱིས་ད་དུང་ལོ་ངོ་བདུན་རིང་བདག་ལ་ཞབས་ཕྱི་བསྒྲུབ་དགོས་ཞེས་སྨྲས༌སོ།།   
\p
\v 28 དེ་ནས་ཡ་ཀོབ་ཀྱིས་དེ་ལྟར་བསྒྲུབས༌ཤིང༌། ལེ་ཨའི་གཉེན་སྟོན་གྱི་ཉིན་བདུན་ལོངས༌རྗེས། ལཱ་པན་གྱིས་བུ་མོ་རཱ་ཧེལ་ཡ་ཀོབ་ལ་ཆུང་མར་གནང༌ངོ༌།།  
\v 29 ཡང་ལཱ་པན་གྱིས་གཡོག་མོ་པིལ་ཧ་ཞེས་བྱ་བ་བུ་མོ་རཱ་ཧེལ་གྱི་གཡོག་མོར་བསྐོས༌སོ།།  
\v 30 དེར་ཡ་ཀོབ་ནི་རཱ་ཧེལ་ལའང་ལུས་འབྲེལ་བྱས༌ཤིང༌། ཁོ་རང་ལེ་ཨ་ལས་རཱ་ཧེལ་ལ་ཤིན་ཏུ་དགའ༌བས། ཡང་ལོ་ངོ་བདུན་རིང་ལཱ་པན་ལ་ཞབས་ཕྱི་བསྒྲུབས༌སོ།།   
\s1 ཡ་ཀོབ་ཀྱི་བུ་ཕྲུག༌སྐོར།  
\p
\v 31 དེ་ཡང་དཀོན་མཆོག་ཡ་ཝཱེས་ལེ་ཨ་ལ་ཡ་ཀོབ་ཀྱི༌བྱམས་བརྩེ་མ་ཐོབ་པ་དེ་གཟིགས༌པས། ཁོ་མོ་ལ་མངལ་སྦྲུམ་ནུས་པར་མཛད་ཀྱང་རཱ་ཧེལ་ནི་མོ་གཤམ་ཡིན༌ནོ།།  
\v 32 དེ་ནས་ལེ་ཨ་ལ་མངལ་སྦྲུམ་ཞིང་བུ་ཞིག་བཙས་པ་དང་བུའི་མིང་ལ་རུ་བེན་\f + \ft རུ་བེན་ཞེས་པ་ནི་ཡ་ཧུ་དཱའི་སྐད་དོད་དེ་ལྟོས་དང་བུ་ཞིག་སྐྱེས་བྱུང་ཞེས་པའི་དོན་ལ༌འཇུག\f*ཞེས༌བཏགས། ཅིའི་ཕྱིར་ཞེ༌ན། ཁོ་མོ་ན༌རེ། དཀོན་མཆོག་ཡ་ཝཱེས་བདག་གི་སྐྱོ་སྡུག་གཟིགས༌པས། ད་ལྟ་བདག་གི་ཁྱོ་གས་ང་རང་ལ་གཅེས་ངེས་ཡིན་ཞེས་བརྗོད་པའི་ཕྱིར༌རོ།།  
\v 33 དེ་ནས་ཡང་ཁོ་མོར་མངལ་སྦྲུམ་ཞིང་བུ་ཞིག་བཙས་པ༌ལ། ཁོ་མོ་ན༌རེ། དཀོན་མཆོག་ཡ་ཝཱེས་བདག་ལ་བརྩེ་འདང་མ་ཐོབ་པ་གསན༌པས། ཁོང་གིས་བདག་ལ་བུ་འདིའང་གནང་བ་ཡིན་ཞེས་སྨྲས་པའི༌ཕྱིར། བུའི་མིང་ལ་སི་མུ་ཨོན་ \f + \ft སི་མུ་ཨོན་ཞེས་པ་ནི་ཡ་ཧུ་དཱའི་སྐད་དོད་དེ་གསན་པའི་དོན་ལ༌འཇུག\f*ཞེས་བཏགས༌སོ།།  
\v 34 དེ་ནས་ཡང་ཁོ་མོར་མངལ་སྦྲུམ་ཞིང་བུ་ཞིག་བཙས་པ༌དང༌། ཡང་ཁོ་མོ་ན༌རེ། བདག་གིས་ཁྱོ་གར་བུ་གསུམ་བཙས༌པས། ཁོ་ནི་བདག་དང་འབྲེལ་ངེས་ཡིན་ཞེས་སྨྲས་པའི༌ཕྱིར། བུའི་མིང་ལ་ལེ་ཝི་ \f + \ft ལེ་ཝི་ཞེས་པ་ནི་ཡ་ཧུ་དཱའི་སྐད་དོད་དེ་འབྲེལ་བའི་དོན་ལ༌འཇུག\f*ཞེས་བཏགས༌སོ།།  
\v 35 དེ་ནས་ཡང་ཁོ་མོར་མངལ་སྦྲུམ་ཞིང་བུ་ཞིག་བཙས་པ༌དང༌། ཁོ་མོ་ན༌རེ། ཐེངས་འདིར་བདག་གིས་དཀོན་མཆོག་ཡ་ཝཱེ་ལ་བསྟོད་བསྔགས་བརྗོད་པར་བྱ་ཞེས་སྨྲས་པའི༌ཕྱིར། བུའི་མིང་ལ་ཡ་ཧུ་དཱ་ \f + \ft ཡ་ཧུ་དཱ་ཞེས་པ་ནི་ཡ་ཧུ་དཱའི་སྐད་དོད་དེ་བསྟོད་བསྔགས་བརྗོད་པའི་དོན་ལ༌འཇུག\f*ཞེས༌བཏགས། དེའི་རྗེས་སུ་ཁོ་མོར་མངལ་སྦྲུམ་མཚམས་ཆད༌དོ།།   
\c 30
\cl ལེའུ་སུམ་ཅུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་ཀྱི་བུ་རྣམས་ཀྱི༌སྐོར།  
\p
\v 1 དེ་ནས་རཱ་ཧེལ་གྱིས་རང་གི་ཁྱོ་ག་ཡ་ཀོབ་ལ་ཕྲུ་གུ་སྐྱེ་མ་ཐུབ་པ་ཤེས་ཏེ་གཅེན་མོ་ལེ་ཨ་ལ་ཕྲག་དོག་བྱས་ནས་ཡ་ཀོབ་ལ་འདི་ལྟར་སྨྲས༌པ། ཁྱོད་ཀྱིས་བདག་ལ་ཕྲུ་གུ་སྐྱེ་བར་མཛོད༌ཅིག དེ་ལྟར་མི་བྱེད་ན་བདག་འཆིའོ་ཞེས་པ༌ལ།  
\v 2 ཡ་ཀོབ་ཁོང་ཁྲོ་ལངས་ཏེ་རཱ་ཧེལ་ལ་འདི་ལྟར་སྨྲས༌པ། ཁྱོད་ལ་ཕྲུ་གུ་མི་སྐྱེ་བར་མཛད་མཁན་ནི་དཀོན་མཆོག་ཡིན་པ༌ལས། བདག་གིས་ཁོང་གི་འཐུས་ཚབ་བྱེད་ག་ལ་ནུས་ཞེས་པ༌ན།  
\v 3 རཱ་ཧེལ་ན༌རེ། བདག་གི་གཡོག་མོ་པིལ་ཧ་འདི་རུ་ཡོད༌པས། ཁྱོད་ཁོ་མོར་ལུས་འབྲེལ་བྱེད་ཅིང་ཁོ་མོས་བདག་ལ་ཕྲུ་གུ་སྐྱེ་བར་བྱས༌ན། བདག་ལ་ཁོ་མོ་བརྒྱུད་ནས་ཕྲུ་གུ་ཡོད་པར་འགྱུར་ཞེས་སྨྲས༌སོ།།  
\v 4 དེའི་ཕྱིར་རཱ་ཧེལ་གྱིས་ཁོ་མོའི་གཡོག་མོ་པིལ་ཧ་རང་གི་ཁྱོ་གའི་ཆུན་མར་བཅོས་ཏེ་ཁོ་གཉིས་ལུས་འབྲེལ་བྱེད་དུ་བཅུག༌གོ །  
\v 5 དེ་ནས་པིལ་ཧ་ལ་མངལ་སྦྲུམ་སྟེ་ཡ་ཀོབ་ལ་བུ་ཞིག་བཙས་པ༌རེད།  
\v 6 དེར་རཱ་ཧེལ་ན༌རེ། དཀོན་མཆོག་གིས་བདག་ལ་ཐུགས་རྗེས་གཟིགས་ཤིང་བདག་གི་སྐད་ལའང་གསན༌པས། བདག་ལ་བུ་ཞིག་གནང་བྱུང་ཞེས་སྨྲས་པའི༌ཕྱིར། བུའི་མིང་ལ་དཱན་ \f + \ft དཱན་ཞེས་པ་ནི་ཡ་ཧུ་དཱའི་སྐད་དོད་དེ་དཀར་བཏོན་པའི་དོན་ལ༌འཇུག\f*ཞེས་བཏགས༌སོ།།  
\v 7 རཱ་ཧེལ་གྱི་གཡོག་མོ་པིལ་ཧ་ལ་ཡང་མངལ་སྦྲུམ་སྟེ་ཡ་ཀོབ་ལ་བུ་གཉིས་པ་བཙས༌སོ།།  
\v 8 ཡང་རཱ་ཧེལ་ན༌རེ། བདག་གིས་གཅེན་མོ་དང་འགྲན་རྩོད་བྱས་ཤིང་ཁོ་མོ་ལས་རྣམ་པར་རྒྱལ་བ་ཡིན་ཞེས་སྨྲས་པའི༌ཕྱིར། བུ་གཉིས་པའི་མིང་ལ་ནཱབ་ཐ་ལི་ \f + \ft ནཱབ་ཐ་ལི་ཞེས་པ་ནི་ཡ་ཧུ་དཱའི་སྐད་དོད་དེ་འགྲན་རྩོད་ཀྱི་དོན་ལ༌འཇུག\f*ཞེས་བཏགས༌སོ།།   
\p
\v 9 དེ་ཡང་ལེ་ཨས་རང་ལ་མངལ་སྦྲུམ་མཚམས་ཆད་པ་ཤེས་ཏེ་རང་གི་གཡོག་མོ་ཟིལ་པཱ་ཞེས་བྱ་བ་ཡ་ཀོབ་ཀྱི་ཆུན་མར་བཅོས༌སོ།།  
\v 10 དེ་ནས་ལེ་ཨའི་གཡོག་མོ་ཟིལ་པཱ་ཞེས་བྱ་བས་ཡ་ཀོབ་ལ་བུ་ཞིག་བཙས༌སོ།།  
\v 11 དེར་ལེ་ཨ་ན༌རེ། ཤིན་ཏུ་ལེགས་སོ་ཞེས་སྨྲས་པའི༌ཕྱིར། བུའི་མིང་ལ་གཱ་རྡུ་ \f + \ft གཱ་རྡུ་ཞེས་པ་ནི་ཡ་ཧུ་དཱའི་སྐད་དོད་དེ་ཤིན་ཏུ་ལེགས་སོ་ཞེས་པའི་དོན་ལ༌འཇུག\f*ཞེས་བཏགས༌སོ།།  
\v 12 ལེ་ཨའི་གཡོག་མོ་ཟིལ་པཱ་ཞེས་བྱ་བས་ཡང་ཡ་ཀོབ་ལ་བུ་གཉིས་པ་བཙས༌སོ།།  
\v 13 དེ་ནས་ལེ་ཨ་ན༌རེ། བདག་ནི་ཅི་འདྲའི་དགའ་ཞིང་སྤྲོ་བ༌ལ། བུད་མེད་རྣམས་ཀྱིས་ཀྱང་བདག་ལ་དགའ་ཞིང་སྤྲོའོ་ཞེས་འབོད་པར་འགྱུར་ཞེས་སྨྲས་པའི༌ཕྱིར། བུའི་མིང་ལ་ཨ་ཤེར་ \f + \ft ཨ་ཤེར་ཞེས་པ་ནི་ཡ་ཧུ་དཱའི་སྐད་དོད་དེ་དགའ་ཞིང་སྤྲོ་བའི་དོན་ལ༌འཇུག\f*ཞེས་བཏགས༌སོ།།   
\p
\v 14 དེ་ཡང་སྟོན་ཁར་གྲོ་འབྲེག་པའི་དུས༌སུ། རུ་བེན་ཞིང་ནང་དུ་སོང་ནས་དུའུ་དཱ་ \f + \ft དུའུ་དཱ་ཞེས་པ་ནི་བུད་མེད་མངལ་མི་ཆགས་པ་རྣམས་ལ་མངལ་ཆགས་པར་བྱེད་པའི་རྩྭ་སྨན་ཞིག་ཡིན་པར༌གསུངས།\f*ཞེས་པའི་རྩྭ་སྨན་བཙལ་ཏེ་ཡུམ་ལེ་ཨ་ལ་སྤྲད་དོ། །དེ་ནས་རཱ་ཧེལ་གྱིས་ལེ་ཨ་ལ་འདི༌ལྟར། ཁྱོད་ཀྱིས་རང་གི་བུ་ཡི་རྩྭ་སྨན་དུའུ་དཱ་དེ་བདག་ལའང་ཉུང་ཙམ་གནང་བར་འཚལ་ཞེས་སྨྲས་པ༌ལ།  
\v 15 ལེ་ཨ་ན༌རེ། ཁྱོད་ཀྱིས་བདག་གི་ཁྱོ་ག་ཕྲོགས་པ་དོན་ཆུང་ངུ་ཞིག་ཡིན༌ནམ། ད་ལྟ་བདག་གི་བུ་ཡི་དུའུ་དཱ་ཡང་འཕྲོག་འདོད་དམ་ཞེས་པ༌ན། རཱ་ཧེལ་ན༌རེ། ཁྱོད་ཀྱི་བུ་ཡི་རྩྭ་སྨན་དུའུ་དཱ་ཡི་ཆེད༌དུ། ཡ་ཀོབ་དོ་དགོང་ཁྱོད་དང་འགྲོགས་པར་བྱེད་ཅེས་སྨྲས༌སོ།།  
\v 16 ཉིན་དེའི་མཚན༌མོར། ཡ་ཀོབ་ཞིང་ཁ་ནས་ཕྱིར་ལོག་པ༌ན། ལེ་ཨ་ནི་ཡ་ཀོབ་ཀྱི་མདུན་བསུ་རུ་སོང་སྟེ་ཁྱོད་བདག་དང་འགྲོགས་པར༌བྱ། ཅིའི་ཕྱིར་ཞེ༌ན། བདག་གིས་རང་གི་བུ་ཡི་རྩྭ་སྨན་དུའུ་དཱ་ལ་བརྟེན་ནས་ཁྱོད་རང་གླས་པ་ཡིན་ཞེས་སྨྲས་པ་དང་མཚན་མོ་དེར་ཁོ་གཉིས་ལུས་འབྲེལ་བྱས༌སོ།།  
\v 17 དཀོན་མཆོག་གིས་ལེ་ཨ་ལ་གསན་ནས་ཁོ་མོར་མངལ་སྦྲུམ་སྟེ་ཁོ་མོས་ཡ་ཀོབ་ལ་བུ་ལྔ་པ་བཙས༌སོ།།  
\v 18 དེ་ནས་ལེ་ཨ་ན༌རེ། དཀོན་མཆོག་གིས་བདག་ལ་གླ་ཆ་གནང༌ངོ༌། །ཅིའི་ཕྱིར་ཞེ༌ན། ངས་རང་གི་གཡོག་མོ་རང་གི་ཁྱོ་ག་ལ་སྤྲད་པའི་ཕྱིར་ཡིན་ཞེས་སྨྲས་པའི་རྐྱེན༌གྱིས། བུ་ལྔ་བའི་མིང་ལ་ཡེས་སི་ཀཱར་ \f + \ft ཡེས་སི་ཀཱར་ཞེས་པ་ནི་ཡ་ཧུ་དཱའི་སྐད་དོད་དེ་རིན་ཐང་གི་དོན་ལ༌འཇུག\f*ཞེས་བཏགས༌སོ།།  
\v 19 ལེ་ཨར་ཡང་མངལ་སྦྲུམ་སྟེ་ཡ་ཀོབ་ལ་བུ་དྲུག་པ་བཙས༌སོ།།  
\v 20 དེ་ནས་ལེ་ཨ་ན༌རེ། དཀོན་མཆོག་གིས་བདག་ལ་བྱ་དགའ་ལེགས་པོ་གནང་ཞིང་། བདག་གི་ཁྱོ་ག་བདག་དང་མཉམ་དུ་འདུག་ངེས༌ཡིན། ཅིའི་ཕྱིར་ཞེ༌ན། བདག་གིས་ཡ་ཀོབ་ལ་བུ་དྲུག་བཙས་པའི་ཕྱིར་རོ་ཞེས་སྨྲས་པའི༌ཕྱིར། བུ་དྲུག་པའི་མིང་ལ་ཟེ་བུ་ལུན་ \f + \ft ཟེ་བུ་ལུན་ཞེས་པ་ནི་ཡ་ཧུ་དཱའི་སྐད་དོད་དེ་མཉམ་དུ་འདུག་པའི་དོན་ལ༌འཇུག\f*ཞེས་བཏགས༌སོ།།  
\v 21 དེའི་རྗེས༌སུ། ཡང་ལེ་ཨས་བུ་མོ་ཞིག་བཙས་ཤིང་ཁོ་མོའི་མིང་ལ་དི་ནཱ་ཞེས་བཏགས༌སོ།།   
\p
\v 22 དེ་ཡང་དཀོན་མཆོག་གིས་རཱ་ཧེལ་ལ་ཐུགས་རྗེ་དགོངས་ཏེ་ཁོ་མོར་མངལ་སྦྲུམ་ནུས་པར་མཛད༌དོ།།  
\v 23 རཱ་ཧེལ་ལ་མངལ་སྦྲུམ་སྟེ་བུ་ཞིག་བཙས་པ༌དང༌། ཁོ་མོ་ན༌རེ། དཀོན་མཆོག་གིས་བདག་གི་ངོ་ཚ་སེལ་ཏོ་ཞེས༌དང༌།  
\v 24 དཀོན་མཆོག་ཡ་ཝཱེས་ད་དུང་བདག་ལ་བུ་ཞིག་སྩོལ་བར་སྨོན་ཞེས་སྨྲས་པའི༌ཕྱིར། བུའི་མིང་ལ་ཡོ་སེབ་ \f + \ft ཡོ་སེབ་ཅེས་པ་ནི་ཡ་ཧུ་དཱའི་སྐད་དོད་དེ་ཁ་བསྣན་པའི་དོན་ལ༌འཇུག\f*ཅེས་བཏགས༌སོ།།   
\s1 ཡ་ཀོབ་ཀྱི་ར་ལུག་གི་ཁྱུ་འཕེལ་ཁ་རྒྱས༌པ།  
\p
\v 25 དེ་ཡང་རཱ་ཧེལ་གྱིས་ཡོ་སེབ་བཙས་པའི་རྗེས༌སུ། ཡ་ཀོབ་ཀྱིས་ལཱ་པན་ལ་འདི༌ལྟར། ཁྱེད་ཀྱིས་བདག་རང་ཡུལ་དུ་འགྲོ་རུ་མཛོད༌ཅིག  
\v 26 བདག་གིས་ཁྱེད་ལ་ཞབས་ཕྱི་བསྒྲུབས་ནས་ཐོབ་པའི་ཆུང་མ་དང་བུ་ཕྲུག་རྣམས་བདག་ལ་གནང་སྟེ་ང་རང་འགྲོ་རུ་ཆུག ངས་ཁྱེད་ལ་ཞབས་ཕྱི་ཇི་ལྟར་བསྒྲུབས་པ་ཁྱེད་ཀྱིས་ཤེས་སོ་ཞེས་སྨྲས་པ༌ལ།  
\v 27 ལཱ་པན་ན༌རེ། གལ༌ཏེ། བདག་ཁྱོད་ཀྱི་སེམས་ཁོང་དུ་ཡོད༌ན། ཁྱོད་བདག་དང་མཉམ་དུ་འདུག་པར༌གྱིས། བདག་གིས་མོ་བཏབ་པ་ལྟར་དཀོན་མཆོག་ཡ་ཝཱེས་བདག་ལ་བྱིན་རླབས་གནང་བ་ནི་ཁྱོད་ཀྱི་རྐྱེན་གྱིས་ཡིན་པའི་ཕྱིར་རོ་ཞེས༌དང༌།  
\v 28 ཡང་ལཱ་པན་ན༌རེ། ཁྱོད་ལ་གླ་ཆ་ག་ཙམ་དགོས་པ་ཤོད༌ཅིག བདག་གིས་ཁྱོད་ལ་སྟེར་ངེས་ཡིན་ཞེས་སྨྲས་པ༌དང༌།  
\v 29 ཡ་ཀོབ་ན༌རེ། བདག་གིས་ཁྱེད་ལ་ཞབས་ཕྱི་ཇི་ལྟར་བསྒྲུབས་པ༌དང༌། བདག་གིས་ཁྱེད་ཀྱི་ཕྱུགས་ཟོག་ཇི་ལྟར་འཚོས་པ་ནི་ཁྱེད་ཀྱིས་ཤེས་གསལ་ལྟར༌རོ།།  
\v 30 བདག་མ་ཡོང་བའི་སྔོན༌དུ། ཁྱེད་ཀྱི་ཕྱུགས་ཟོག་ཤིན་ཏུ་ཉུང་ཡང་ད་ལྟ་འཕེལ་ཁ་རྒྱས་པ་དང༌། བདག་གིས་གོམ་པའི་འདེགས་འཇོག་གང་ལ་བསྒྱུར་ནའང་དཀོན་མཆོག་ཡ་ཝཱེས་ཁྱེད་ལ་བྱིན་རླབས་གནང༌ངོ༌། །ད་ལྟ་རང་གི་ཁྱིམ་གཞིས་སྐྱོང་བའི་དུས་ནི་ནམ་ཞིག་གམ་ཞེས་སྨྲས་པ༌ལ།  
\v 31 ཡང་ལཱ་པན་ན༌རེ། བདག་གིས་ཁྱོད་ལ་ཅི་ཞིག་སྟེར་རམ་ཞེས་པ༌ན། ཡ་ཀོབ་ན༌རེ། བདག་ལ་རེ་བ་གཅིག་ཁོ་ན་ཡོད་པ་ལས༌གཞན། ཁྱེད་ཀྱིས་བདག་ལ་ཅི་ཡང་སྟེར་མི་དགོས༌སོ། །གལ༌ཏེ། ཁྱེད་ཀྱིས་ཁས་ལེན་པར་བྱེད༌ན། བདག་སླར་ཡང་ཁྱེད་ཀྱི་ལུག་རྫི་བྱེད་འདོད༌དོ།།  
\v 32 དེ་རིང་བདག་ཁྱེད་ཀྱི་ལུག་ཁྱུ་ཐམས་ཅད་ཀྱི་ཁྲོད་དུ་སོང་ནས་ལུག་ནག་ཐིག་ཅན༌དང༌། ཐིག་ལེ༌ཅན། ལུ་གུ་ནག་པོ་ཅན་བཅས༌དང༌། ཡང་ར་མའི་ཁྲོད་ཀྱི་ནག་ཐིག་ཅན་དང་ཐིག་ལེ་ཅན་བཅས་བདམས་ནས་དེ་དག་བདག་གི་གླ་ཆ་ཡིན་པར༌བྱའོ།།  
\v 33 ཕྱིས་སུ་ཁྱེད་བདག་གི་གླ་ཆ་ལ་ལྟ་ཞིབ་བྱེད་དུ་ཡོང་བ༌ན། བདག་གི་ར་ལུག་གཉིས་ལས་ར་མ་ནི་ནག་ཐིག་ཅན་དང་ཐིག་ལེ་ཅན༌དང༌། ལུག་ནི་ནག་པོ་ཅན་བཅས་མ་ཡིན༌ན། བདག་གིས་རྐུ་བྱས་པའི་རྟགས་སུ་འགྱུར་བར་མ༌ཟད། བདག་གི་གཞུང་རྒྱུད་དྲང་མིན་ལའང་བདེན་དཔང་བྱེད་ནུས་པ་ཡིན་ཞེས་སྨྲས་པ༌དང༌།  
\v 34 ཡང་ལཱ་པན་ན༌རེ། དེ་ལེགས༌སོ། །ཁྱོད་ཀྱིས་སྨྲས་པ་བཞིན་གྱུར་ཅིག་ཅེས་སྨྲས༌སོ།།  
\v 35 ཉིན༌དེར། ལཱ་པན་གྱིས་ར་ཐུག་སྟག་རིས་ཅན་དང་ཐིག་ལེ་ཅན་གང་ཡོད་པ་ཐམས་ཅད༌དང༌། ར་མ་ནག་ཐིག་ཅན་དང་ཐིག་ལེ༌ཅན། དཀར་ཁྲ་ཅན་མཐའ་དག༌དང༌། ལུག་ནག་པོ་ཅན་བཅས་བདམས་ཏེ་ཁོའི་བུ་ཕྲུག་རྣམས་ལ་བཅོལ་བ༌དང༌།  
\v 36 ཡང་ཁོ་དང་ཡ་ཀོབ་གཉིས་ནི་ཉིན་གསུམ་གྱི་ལམ་ཐག་ཏུ་ཁ་གྱེས་པ༌དང༌། ཡ་ཀོབ་ཀྱིས་མུ་མཐུད་དུ་ལཱ་པན་གྱི་ར་ལུག་གི་ཁྱུ་གཞན་དག་འཚོས༌སོ།།   
\p
\v 37 དེ་ནས་ཡ་ཀོབ་ཀྱིས་ཤིང་སྦྱར་བ༌དང༌། སྟར་ཀའི་སྡོང་པོ། ཤིང་ཙི་ནཱར་བཅས་ཀྱི་མཉེན་ལྕུག་ཡལ་གའི་ཕྱི་ཤུན་ཤར་མ་རེ་རེ་བཞིན་བཤུས་ཏེ་ཡལ་གའི་ཁ་དོག་དཀར་པོ་མངོན་དུ་བཅུག༌རྗེས།  
\v 38 ཕྱི་ཤུན་བཤུས་པའི་ཡལ་ག་ཁྲ་བོ་དེ་དག་ཆུ་རྐ་དང་ཆུ་གཞོང་ནང་དུ༌བཙུགས། དེ་ནི་ལུག་ཁྱུ་རྣམས་ཆུ་འཐུང་དུ་ཡོང་བའི་སྐབས༌སུ། ར་ལུག་ཕོ་མོ་དག་གིས་འཁྲིག་པ་སྤྱོད་པའི་ཕྱིར༌རོ།།  
\v 39 དེ་ལྟར་ར་ལུག་དག་གིས་ཡལ་ག་ཁྲ་བོ་མཐོང་སྟེ་འཁྲིག་སྦྱོར་བྱས་ནས་ར་ལུག་གི་ཁྱུ་ཡིས་སྟག་རིས་ཅན༌དང༌། ཐིག་ལེ༌ཅན། ནག་ཐིག་ཅན་བཅས་རྩེབས་པ༌རེད།  
\v 40 དེ་ནས་ཡ་ཀོབ་ཀྱིས་ལུ་གུ་རྣམས་སོ་སོར་བཀར་བ༌དང༌། ལཱ་པན་གྱི་ལུག་ཁྱུ་ལས་ར་ལུག་སྟག་རིས་ཅན་དང་ར་ལུག་ནག་པོ་ཅན་བཅས༌དང༌། ར་ལུག་དཀར་པོའི་ཁྱུ་གཉིས་སོ་སོར་བཀར་ནས་ཁ་གཏད་དུ་བཞག་པ༌དང༌། རང་ཉིད་ཀྱི་ལུ་གུ་ནི་ལཱ་པན་གྱི་ལུག་ཁྱུ་དང་མི་འདྲེས་པར་བྱས༌སོ།།  
\v 41 དེ་ཡང་ར་ལུག་ཤ་ཤེད་ཅན་དག་གིས་འཁྲིག་པ་སྤྱོད་པའི་སྐབས༌སུ། ཡང་ཡ་ཀོབ་ཀྱིས་ཡལ་ག་ཁྲ་བོ་དེ་དག་ཆུ་རྐའི་ནང་དུ་བཙུགས༌ཏེ། ར་ལུག་ཕོ་མོ་དག་ལ་ཡལ་ག་ཁྲ་བོ་མཐོང་ས་ནས་འཁྲིག་པ་སྤྱོད་དུ་བཅུག༌གོ །  
\v 42 འོན༌ཀྱང༌། ར་ལུག་རིད་པ་རྣམས་ཀྱིས་འཁྲིག་པ་སྤྱོད་པའི་སྐབས༌སུ། ཡལ་ག་ཁྲ་བོ་དེ་འཛུགས་པར་མི་བྱེད༌དོ། །དེ་ལྟར་ར་ལུག་རིད་པ་དག་ལཱ་པན་ལ་བགོས་པ་དང་ར་ལུག་ཤ་ཤེད་ཅན་རྣམས་རང་ལ་དབང་བར་བྱས༌པས།  
\v 43 ཡ་ཀོབ་ལ་ར་ལུག༌དང༌། གཡོག་པོ་དང་གཡོག༌མོ། རྔ་མོང་དང་བོང་བུ་མང་པོ་ཐོབ་སྟེ་འབྱོར་ཕྱུག་ལྡན་པར་གྱུར༌ཏོ།།   
\c 31
\cl ལེའུ་སོ་གཅིག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་ཀྱི་མཚང་བརྡོལ་བས་ལཱ་པན་གྱི་དྲུང་ནས་བྲོས༌པ།  
\p
\v 1 དེ་ཡང་ཡ་ཀོབ་ཀྱིས་ལཱ་པན་གྱི་བུ་རྣམས་ཀྱི་ངག་ལས་ཁོས་ངེད་ཅག་གི་ཕ་ཡི་རྒྱུ་ནོར་ཐམས་ཅད་ཕྲོགས་པ༌དང༌། ངེད་ཅག་གི་ཕ་ལ་བརྟེན་ནས་ད་ལྟ་ཁོ་འབྱོར་ཕྱུག་ལྡན་པར་གྱུར་པ་ཡིན་ཞེས་སྨྲ་བ་ཐོས༌སོ།།  
\v 2 ཡ་ཀོབ་ཀྱིས་ལཱ་པན་ནི་རང་ལ་སྔོན་ཆད་ལྟར་མི་དགའ་བའང་མཐོང༌ངོ༌།།  
\v 3 དེ་ནས་དཀོན་མཆོག་ཡ་ཝཱེས་ཡ་ཀོབ་ལ་འདི་སྐད༌དུ། ད་ལྟ་ཁྱོད་ནི་རང་གི་ཕ་མེས་ཡང་མེས་ཀྱི་ཡུལ་དུ་སོང༌ཞིག ཁྱོད་རང་གི་གཉེན་ཉེའི་གམ་དུ་སོང༌ཞིག བདག་ཁྱོད་དང་མཉམ་དུ་གནས་པར་འགྱུར་ཞེས་གསུངས༌སོ།།  
\v 4 དེའི་ཕྱིར་ཡ་ཀོབ་ཀྱིས་མི་མངགས་ཏེ་རཱ་ཧེལ་དང་ལེ་ཨ་གཉིས་སྤང་ཐང་དུ་ཡོད་པའི་རང་གི་ར་ལུག་གི་ཁྱུ་ཡི་གམ་དུ་ཡོང་བར་བོས་པ༌དང༌།  
\v 5 ཡ་ཀོབ་ཀྱིས་ཁོ་མོ་གཉིས་ལ་འདི༌ལྟར། ཁྱོད་གཉིས་ཀྱི་ཕ་ནི་བདག་ལ་སྔར་བཞིན་མི་དགའ༌ནའང༌། བདག་གི་ཕ་ཡི་དཀོན་མཆོག་ནི་རྒྱུན་དུ་བདག་དང་མཉམ་དུ་བཞུགས༌སོ།།  
\v 6 ཁྱོད་གཉིས་ཀྱིས་ཤེས་གསལ༌ལྟར། བདག་གིས་ནུས་ཤུགས་ཡོད་ཚད་བཏོན་ནས་ཁྱོད་གཉིས་ཀྱི་ཕ་ལ་ཞབས་ཕྱི་བསྒྲུབས༌ཀྱང༌།  
\v 7 ཁྱོད་གཉིས་ཀྱི་ཕ་ཡིས་བདག་ལ་མགོ་སྐོར་བཏང་བ་དང་བདག་གི་གླ་ཆ་ཐེངས་བཅུ་ལ་བསྒྱུར་ཏོ། །འོན༌ཀྱང༌། ཁོས་བདག་ལ་གནོད་པ་བཟོ་བ་དཀོན་མཆོག་གིས་བཟློག་པར་མཛད༌དོ།།  
\v 8 གལ་ཏེ་ཁོ་ན༌རེ། ནག་ཐིག་ཅན་ནི་ཁྱོད་ཀྱི་གླ་ཆ་ཡིན་ཞེས་སྨྲས༌ན། ར་ལུག་གི་ཁྱུ་ཐམས་ཅད་ལས་ནག་ཐིག་ཅན་རྩེབས༌སོ། །ཡང་ཁོ་ན༌རེ། སྟག་རིས་ཅན་ནི་ཁྱོད་ཀྱི་གླ་ཆ་ཡིན་ཞེས་སྨྲས༌ན། ར་ལུག་གི་ཁྱུ་ཐམས་ཅད་ལས་སྟག་རིས་ཅན་རྩེབས༌སོ།།  
\v 9 དེ་ལྟར་དཀོན་མཆོག་གིས་ཁྱོད་གཉིས་ཀྱི་ཕ་ཡི་ཕྱུགས་ཟོག་བླངས་ཏེ་བདག་ལ་གནང་བ་ཡིན༌ནོ།།  
\v 10 དེ་ཡང་ར་ལུག་ཕོ་མོ་རྣམས་ཀྱིས་འཁྲིག་པ་སྤྱོད་པའི་སྐབས༌སུ། བདག་གིས་རྨི་ལམ་ནང་དུ་མགོ་ཡར་བཀྱགས་ནས་བལྟས་པ༌ན། ར་མའི་ཐོག་ཏུ་ལྡིང་བའི་ར་ཐུག་ཐམས་ཅད་ནི་སྟག་རིས་ཅན༌དང༌། ནག་ཐིག༌ཅན། ཁྲ་བོ་ཅན་བཅས་ཡིན༌ནོ།།  
\v 11 དེ་ནས་དཀོན་མཆོག་གི་ཕོ་ཉས་རྨི་ལམ་ནང་དུ་ཡ་ཀོབ་ཅེས་ང་རང་བོས་པ༌དང༌། བདག་གིས་ང་རང་འདི་རུ་ཡོད་ཅེས་ལན་བཏབ་པར་ཁོང་གིས་འདི་སྐད༌དུ།  
\v 12 ཁྱོད་ཀྱིས་མགོ་ཡར་བཀྱགས་ནས་ལྟོས༌དང༌། ར་མའི་སྟེང་དུ་ལྡིང་བའི་ར་ཐུག་ཐམས་ཅད་ནི་སྟག་རིས་ཅན༌དང༌། ནག་ཐིག༌ཅན། ཁྲ་བོ་ཅན་ཡིན༌ནོ། །ཅིའི་ཕྱིར་ཞེ༌ན། ལཱ་པན་གྱིས་ཁྱོད་ལ་ལས་ཅི་ཞིག་བྱས་པ་ཐམས་ཅད་བདག་གིས་མཐོང་བའི་ཕྱིར༌རོ།།  
\v 13 བདག་ནི་པེད་ཨེལ་ཡུལ་གྱི་དཀོན་མཆོག༌སྟེ། ཁྱོད་ཀྱིས་ཀ་བའི་སྟེང་དུ་སྣུམ་བླུགས་ཏེ་བདག་ལ་དམ་བཅའ་ཕུལ་མྱོང་བ་དེ༌ཡིན། ད་ལྟ་ཁྱོད་ཡར་ལངས་ཏེ་ས་ཆ་འདི་དང་ཁ་བྲལ་ནས་རང་ཉིད་ཀྱི་སྐྱེས་ཡུལ་དུ་ལོག་ཅིག་ཅེས་གསུངས་པ་ཡིན་ཞེས་སྨྲས༌སོ།།  
\v 14 དེ་ནས་རཱ་ཧེལ་དང་ལེ་ཨ་གཉིས་ཀྱིས་ཡ་ཀོབ་ལ་འདི༌ལྟར། ངེད་གཉིས་ལ་ཕ་གཞིས་ལས་ད་དུང་བགོ་སྐལ་ཡོད༌དམ།  
\v 15 ཕ་ཡིས་ངེད་གཉིས་ཕྱི་ཕྱོགས་པ་རུ་བྱས་པ་མ་ཡིན༌ནམ། ཅིའི་ཕྱིར་ཞེ༌ན། ཕ་ཡིས་ངེད་གཉིས་བཙོངས་ཏེ་ངེད་གཉིས་ཀྱི་རིན་ཐང་ཐམས་ཅད་ཆུད་ཟོས་སུ་བཏང་བ་མ་ཡིན༌ནམ།  
\v 16 དཀོན་མཆོག་གིས་ངེད་གཉིས་ཀྱི་ཕ་ཡི་དྲུང་ནས་ཕྲོགས་པའི་རྒྱུ་ནོར་ཐམས་ཅད་ངེད་གཉིས་དང་ངེད་གཉིས་ཀྱི་བུ་ཕྲུག་རྣམས་ཀྱི༌ཡིན། ད་ལྟ་དཀོན་མཆོག་གིས་ཁྱོད་ལ་ཇི་ལྟར་བཀའ་གནང་བ་བཞིན་ཁྱོད་ཀྱིས་ཀྱང་དེ་ལྟར་བསྒྲུབ་པར་གྱིས་ཞེས་སྨྲས༌སོ།།   
\p
\v 17 དེ་ནས་ཡ་ཀོབ་ཡར་ལངས་ཏེ་རང་གི་བུ་དང་ཆུང་མ་བཅས་རྔ་མོང་དག་ལ་བཞོན་དུ་བཅུག་པ༌དང༌།  
\v 18 ཡང་ཕཱ་དན་ཨ་རམ་ཡུལ་ནས་ཐོབ་པའི་ཕྱུགས་ཟོག་དང་རྒྱུ་ནོར་ཐམས་ཅད་ཁྱེར་ནས་ཀ་ན་ཨན་ཡུལ་གྱི་ཕ་ཨི་སཱག་གི་ཡུལ་དུ་ཆས༌སོ།།  
\v 19 སྐབས༌དེར། ལཱ་པན་ལུག་བལ་འབྲེག་ཏུ་སོང་བ༌དང༌། རཱ་ཧེལ་གྱིས་ཕ་ཡི་ཁྱིམ་ནས་ལྷ་སྐུ་རྣམས་བརྐུས༌སོ།།  
\v 20 ཡ་ཀོབ་ཀྱིས་ཨ་རམ་མི་རིགས་ཀྱི་ལཱ་པན་ལ་མགོ་སྐོར་བཏང་ཞིང་ཁོ་ལ་ཅི་ཡང་མ་སྨྲས་པར་བྲོས་པ༌དང༌།  
\v 21 རང་ལ་དབང་བ་ཐམས་ཅད་ཁྱེར་ཏེ་ཆུ་བོ་ཕི་རཱད་བརྒལ་ནས་གིལ་ཨད་རི་ཁུལ་གྱི་ཕྱོགས་སུ་སོང༌ངོ༌།།   
\s1 ལཱ་པན་ནི་ཡ་ཀོབ་ཀྱི་ར་མདར་རྒྱུགས༌པ།  
\p
\v 22 དེ་ནས་ཉིན་གསུམ་པ༌ལ། མི་ཞིག་གིས་ལཱ་པན་ལ་ཡ་ཀོབ་བྲོས་སོང་ཞེས་སྨྲས་པ༌དང༌།  
\v 23 ལཱ་པན་གྱིས་ཁོའི་སྤུན་ཟླ་འགའ་ཁྲིད་ནས་ཡ་ཀོབ་ཀྱི་རྗེས་བསྙེགས་པ༌དང༌། ཉིན་བདུན་པ་ལ་གིལ་ཨད་རི་ཁུལ་ནས་རྗེས་ཆོད༌དོ།།  
\v 24 མཚན་མོའི་སྐབས༌སུ། དཀོན་མཆོག་ཨ་རམ་མི་རིགས་ཀྱི་ལཱ་པན་ཞེས་བྱ་བའི་རྨི་ལམ་དུ་བྱུང་སྟེ་ཁོ་ལ་འདི་སྐད༌དུ། ཁྱོད་ཀྱིས་གཟབ་གཟབ༌བྱོས། ཡ་ཀོབ་ལ་གཏམ་བཟང་ངན་ཅི་ཡང་མི་སྨྲ་བར་གྱིས་ཞེས་གསུངས༌སོ།།  
\v 25 དེ་ཡང་ལཱ་པན་གྱིས་ཡ་ཀོབ་ཀྱི་རྗེས་ཆོད༌ཅིང༌། ཡ་ཀོབ་ཀྱིས་རི་ཁུལ་དེ་ནས་གུར་ཕུབ་པ༌དང༌། ལཱ་པན་དང་ཁོའི་སྤུན་རྣམས་ཀྱིས་ཀྱང་གིལ་ཨད་རི་བོའི་སྟེང་དུ་གུར་ཕུབ༌པའོ།།  
\v 26 དེ་ནས་ལཱ་པན་གྱིས་ཡ་ཀོབ་ལ་འདི་ལྟར་སྨྲས༌པ། ཁྱོད་ཀྱིས་ཅི་ཞིག་བྱས་པ་ཡིན༌ནམ། ཁྱོད་ཀྱིས་བདག་ལ་མགོ་སྐོར་བཏང་སྟེ་བདག་གི་བུ་མོ་རྣམས་ཁྲིད་སོང་བ་ནི་དམག་འཁྲུག་བརྒྱབ་ནས་བཙན་འཕྲོག་བྱས་པ་དང་མཚུངས༌སོ།།  
\v 27 ཁྱོད་ཀྱིས་བདག་ལ་མགོ་སྐོར་བཏང་ནས་ལྐོག་ཏུ་བྲོས་པ་ཅི་ཡིན༌ནམ། བདག་ལ་མི་སྨྲ་བའི་རྒྱུ་མཚན༌ཅི། གལ་ཏེ་བདག་ལ་སྨྲས༌ན། བདག་གིས་དགའ་སྟོན་བསྡུས་ཏེ་དགའ་སྐྱིད་ཀྱི་གླུ་གཞས་གཏོང་བ༌དང༌། སིལ་རྔ་རྡུང༌བ། པི་ཝང་དཀྲོལ་བ་བཅས་ཀྱིས་ཁྱོད་ལ་སྐྱེལ་མ་བྱེད་པ་མ་ཡིན༌ནམ།  
\v 28 ཡང་ཁྱོད་ཀྱིས་བདག་གི་ཚ་རྒྱུད་དང་བུ་མོ་རྣམས་ལ་འོ་བྱེད་དུ་མ་བཅུག་པར་བྲོས་པ་ནི་ཇི་འདྲའི་གླེན་པ་ཞིག་རེད༌ཨང༌།  
\v 29 བདག་ལ་སྔར་ནས་ཁྱོད་རང་གསོད་པའི་དབང་ཆ་ཡོད༌ནའང༌། མདང་དགོང་ཁྱོད་ཀྱི་ཕ་ཡི་དཀོན་མཆོག་གིས་བདག་ལ་འདི་སྐད༌དུ། ཁྱོད་ཀྱིས་གཟབ་གཟབ༌བྱོས། ཡ་ཀོབ་ལ་གཏམ་བཟང་ངན་ཅི་ཡང་མི་སྨྲ་བར་གྱིས་གསུངས༌སོ།།  
\v 30 ད་ལྟ་ཁྱོད་ཀྱིས་རང་གི་ཕ་ཡི་ཁྱིམ་མི་དང་བཅས་པ་ཤིན་ཏུ་དྲན་ཏེ་ཡུལ་ལ་མི་འགྲོ་ཐབས་མེད་ཡིན༌ཡང༌། ཁྱོད་ཀྱིས་བདག་གི་ལྷ་སྐུ་རྣམས་བརྐུས་པའི་རྒྱུ་མཚན་ཅི་ཞེས་དྲིས་པ༌ལ།  
\v 31 ཡ་ཀོབ་ན༌རེ། ཁྱེད་ཀྱིས་བདག་ལས་ཁྱེད་ཀྱི་བུ་མོ་འཕྲོག་པར་བསམས་ཏེ་འཇིགས་ཤིང་བྲོས༌པའོ།།  
\v 32 ཁྱེད་ཀྱིས་སུ་ཞིག་གི་ལག་ནས་ལྷ་སྐུ་རྣམས་བཙལ་ཏེ་རྙེད༌ཚེ། མི་དེ་བསད་ཀྱང་རུང༌ངོ༌། །བདག་གི་འདི་རུ་དངོས་པོ་གང་ཞིག་ཁྱེད་ཀྱི་ཡིན་ན་ཁྱེར༌ཞིག ཁྱེད་ཀྱིས་རང་ཅག་སྤུན་ཟླ་རྣམས་ཀྱི་མིག་མདུན་ནས་འཚོལ་ཞིག་ཅེས་སྨྲས༌སོ། །དེ་ནི་ཡ་ཀོབ་ཀྱིས་རཱ་ཧེལ་གྱིས་ལྷ་སྐུ་དག་བརྐུས་ཟིན་པ་མི་ཤེས་པའི་ཕྱིར༌རོ།།  
\v 33 དེ་ནས་ལཱ་པན་ནི་ཡ་ཀོབ༌དང༌། ལེ༌ཨ། གཡོག་མོ་གཉིས་དང་བཅས་པའི་གུར་རེ་རེའི་ནང་དུ་སོང་བ་དང་ཅི་ཡང་མ་རྙེད༌དོ། །དེ་ནས་ཁོ་རང་ལེ་ཨའི་གུར་ལས་ཕྱིར་བུད་དེ་རཱ་ཧེལ་གྱི་གུར་ནང་དུ་སོང༌ངོ༌།།  
\v 34 དེ་ཡང་རཱ་ཧེལ་གྱིས་ལྷ་སྐུ་རྣམས་ཏ་ལན་ནང་དུ་སྦས་ཤིང་ཁོ་མོ་ཏ་ལན་སྟེང་དུ་ཙོག་པུར་བསྡད་ཡོད༌དོ། །དེ་ནས་ལཱ་པན་གྱིས་སྦྲ་གུར་ཡོངས་སུ་བཙལ་ཡང་ཅི་ཡང་མ་རྙེད༌དོ།།  
\v 35 རཱ་ཧེལ་གྱིས་ཁོ་མོའི་ཕ་ལཱ་པན་ལ་འདི༌ལྟར། ཕ༌ལགས། ད་ལྟ་བདག་གི་ལུས་པོ་དེ་འདྲ་མི་བདེ་བས་ཁྱེད་ཀྱི་དྲུང་དུ་བདག་ཡར་ལངས་མ་ཐུབ༌ན། ཁྱེད་ཉིད་ཐུགས་རྒྱལ་མི་བཞེངས་པར་མཛོད་ཅེས་སྨྲས༌སོ། །དེ་ལྟར་ལཱ་པན་གྱིས་ལྷ་སྐུ་རྣམས་བཙལ་ནས་མ་རྙེད༌དོ།།   
\p
\v 36 དེར་ཡ་ཀོབ་ཁོང་ཁྲོ་ལངས་ཏེ་ལཱ་པན་ལ་འདི་ལྟར་སྡིགས་དམོད་བྱས་པ༌སྟེ། བདག་ལ་ནོར་འཁྲུལ་ཅི་དང་ཉེས་པ་ཅི་ཡོད༌དམ། ཁྱེད་ཀྱིས་འདི་ལྟར་བདག་གི་རྗེས་བསྙེགས༌སམ།  
\v 37 ཁྱེད་ཀྱིས་བདག་གི་ཅ་ལག་ཐམས་ཅད་བསློགས་ཀྱང་ཁྱེད་ཀྱི་དངོས་པོ་བཙལ་ནས་རྙེད༌དམ། གལ༌ཏེ། ད་ལྟ་དངོས་པོ་དེ་བཙལ་ནས་རྙེད༌ན། ངེད་གཉིས་ཀྱི་སྤུན་ཟླ་དག་གི་མིག་མདུན་དུ་བཤམས༌ཏེ། ཁོ་རྣམས་ལ་ངེད་གཉིས་བར་ཤན་འབྱེད་དུ༌བཅུག  
\v 38 བདག་ནི་ཁྱེད་ཀྱི་ཁྱིམ་དུ་ལོ་ངོ་ཉི་ཤུའི་རིང་ལ་བསྡད་མྱོང༌སྟེ། ཁྱེད་ཀྱི་མ་མོ་དང་ར་མ་ལ་མངལ་ཤོར་དུ་བཅུག་མ་མྱོང་བ༌དང༌། བདག་གིས་ཁྱེད་ཀྱི་ལུག་ཁྱུ་ལས་ལུག་ཐུག་གཅིག་ཀྱང་བཤས་མ༌མྱོང༌།  
\v 39 གཅན་གཟན་གྱིས་བསད་པའི་ལུག་རོ་དག་ཀྱང་ཁྱེད་ཀྱི་མདུན་དུ་ཁྱེར་མ་ཡོང་བར་རང་གིས་སྐྱིན་ཚབ་སྤྲད་པ༌དང༌། རྐུན་མས་ཉིན་མཚན་དབྱེ་བ་མེད་པར་བརྐུས་པ་དག་གི་ཚབ་ཀྱང་ཁྱེད་ཀྱིས་བདག་ལས་བླངས་པ༌ཡིན།  
\v 40 བདག་གིས་རྒྱུན་དུ་ཉིན་མོར་ཚ་བ་དང་མཚན་མོར་གྲང་ངར་གྱི་དཀའ་བ་མྱངས་ཤིང་གཉིད་ཀྱང་མ༌ཁུགས།  
\v 41 དེ་ལྟར་བདག་ནི་ལོ་ངོ་ཉི་ཤུའི་རིང་ལ་ཁྱེད་ཀྱི་ཁྱིམ་དུ་བསྡད༌ཅིང༌། ཁྱེད་ཀྱི་བུ་མོ་གཉིས་ཀྱི་ཆེད་དུ་ལོ་ངོ་བཅུ་བཞིའི་རིང་ཁྱེད་ལ་ཞབས་ཕྱི་བསྒྲུབས་པ༌དང༌། བདག་ལ་ར་ལུག་གི་ཁྱུ་འཐོབ་པའི༌ཕྱིར། བདག་གིས་ལོ་ངོ་དྲུག་གི་རིང་ཁྱེད་ལ་ཞབས་ཕྱི་བསྒྲུབས་པ༌དང༌། ཡང་ཁྱེད་ཀྱིས་བདག་གི་གླ་ཆ་ཐེངས་བཅུ་ལ་བསྒྱུར་ཏོ།།  
\v 42 གལ༌ཏེ། བདག་གི་ཕ་ཨི་སཱག་གུས་ཤིང་འཇིགས་པའི་དཀོན་མཆོག༌སྟེ། ཨབ་ར་ཧམ་གྱི་དཀོན་མཆོག་བདག་དང་མཉམ་དུ་གནས་མེད༌ན། ད་ལྟ་ཁྱེད་ཀྱིས་བདག་ལག་སྟོང་དུ་ཕྱིར་བདའ་བར༌ངེས། འོན༌ཀྱང༌། དཀོན་མཆོག་གིས་བདག་གི་སྐྱོ་སྡུག་དང་ངལ་བ་གཟིགས༌ཏེ། མདང་དགོང་ཁྱེད་ལ་བཀའ་བཀྱོན་གནང་བ་ཡིན་ཞེས་སྨྲས༌སོ།།   
\p
\v 43 དེ་ནས་ལཱ་པན་གྱིས་ཡ་ཀོབ་ལ་འདི་ལྟར་ལན་བཏབ༌པ། བུ་མོ་འདི་གཉིས་ནི་བདག་གི་བུ་མོ་ཡིན་པ༌དང༌། བྱིས་པ་འདི་དག་ཀྱང་བདག་གི་བྱིས་པ་ཡིན༌ལ། ར་ལུག་གི་ཁྱུ་འདི་དག་ཀྱང་བདག་གི་ཡིན་པར་མ༌ཟད། ཁྱོད་ཀྱི་མིག་མདུན་དུ་ཡོད་པ་ཐམས་ཅད་བདག་གི་ཡིན༌མོད། འོན་ཀྱང་དེ་རིང་བདག་གི་བུ་མོ་གཉིས་དང་ཁོ་མོ་གཉིས་ཀྱིས་བཙས་པའི་བྱིས་པ་དག་ལ་བདག་གིས་ཅི་བྱ་འོས༌སམ།  
\v 44 ཤོག༌དང༌། ངེད་གཉིས་ཀྱིས་གྲོས་འཆམ་བཞག༌སྟེ། ངེད་གཉིས་བར་གྱི་དཔང་རྟགས་སུ་བྱའོ་ཞེས་སྨྲས་པ༌དང༌།  
\v 45 ཡང་ཡ་ཀོབ་ཀྱིས་རྡོ་ལེབ་ཅིག་གྱེན་དུ་བསྒྲེངས་ནས་ཀ་བ་རུ་བྱས༌ཏེ།  
\v 46 སྤུན་ཟླ་རྣམས་ལ་ན༌རེ། ཁྱོད་རྣམས་ཀྱིས་རྡོ་སྤུངས་རྒྱོབས་ཤིག་ཅེས་སྨྲས་པ་དང་ཁོ་རྣམས་ཀྱིས་དེ་ལྟར་བྱས་ཤིང་མི་ཚང་མས་རྡོ་སྤུངས་ཀྱི་འགྲམ་དུ་ཁ་ཟས༌སྤྱད།  
\v 47 ལཱ་པན་གྱིས་རྡོ་སྤུངས་དེ་ལ་ཡཱ་གར་སཱ་ཧ་དཱ་ཐཱ་ཞེས་མིང་བཏགས་པ༌དང༌། ཡ་ཀོབ་ཀྱིས་དེ་ལ་ག་ལེད་ \f + \ft ག་ལེད་ཅེས་པ་ནི་ཡ་ཧུ་དཱའི་སྐད་དོད་དེ་རྡོ་སྤུངས་དཔང་རྟགས་སུ་འཛིན་པ་ཞེས་པའི་དོན་ལ༌འཇུག\f*ཅེས༌བཏགས།  
\v 48 ལཱ་པན་ན༌རེ། དེ་རིང་གི་རྡོ་སྤུངས་འདི་ནི་ངེད་གཉིས་བར་གྱི་དཔང་རྟགས་ཡིན་ཞེས་སྨྲས་པའི་རྐྱེན༌གྱིས། ས་ཆ་འདིའི་མིང་ལ་ག་ལེད་ཅེས་ཟེར་བ༌དང༌།  
\v 49 ས་ཆ་འདིའི་མིང་ལ་མཱས་ཟི་ཕཱ་ཡང༌ཟེར། ཅིའི་ཕྱིར་ཞེ༌ན། ལཱ་པན་ན༌རེ། ངེད་རང་གཉིས་ཁ་བྲལ་བའི་རྗེས༌སུ། དཀོན་མཆོག་ཡ་ཝཱེས་ངེད་གཉིས་བར་དུ་ལྟ་རྟོགས་མཛད་པ༌དང༌།  
\v 50 གལ༌ཏེ། ཁྱོད་ཀྱིས་བདག་གི་བུ་མོ་གཉིས་ཀ་དཀའ་སྡུག་ལ་སྦྱར་བ༌དང༌། ཡང་བདག་གི་བུ་མོ་གཉིས་ཀའི་ཕན་ཆད་ནས་གཞན་ཞིག་ཆུང་མར་བླངས་པ་སུས་ཀྱང་མི་ཤེས༌ནའང༌། དཀོན་མཆོག་གིས་ངེད་གཉིས་བར་དུ་བདེན་དཔང་མཛད་པ་ཡིན་ཞེས་སྨྲས༌སོ།།   
\p
\v 51 ཡང་ལཱ་པན་ན༌རེ། བདག་གིས་ངེད་གཉིས་བར་དུ་སྤུངས་པའི་རྡོ་སྤུངས་དང་གྱེན་དུ་བསྒྲེངས་པའི་ཀ་བ་ལ་ལྟོས༌དང༌།  
\v 52 རྡོ་སྤུངས་འདིས་བདེན་དཔང་བྱེད་པར་མ༌ཟད། ཀ་བ་འདིས་ཀྱང་བདེན་དཔང་བྱེད་པར་འགྱུར་བ༌དང༌། བདག་གིས་རྡོ་སྤུངས་འདི་ལས་བརྒལ་ནས་ཁྱོད་ལ་གནོད་པ་བྱེད་མི་སྲིད༌ལ། ཁྱོད་ཀྱིས་ཀྱང་རྡོ་སྤུངས་དང་ཀ་བ་འདི་ལས་བརྒལ་ནས་བདག་ལ་གནོད་པ་བྱེད་མི་རུང༌ངོ༌།།  
\v 53 ཨབ་ར་ཧམ་དང་ནཱ་ཧོར་གྱི་དཀོན་མཆོག༌སྟེ། ཁོ་གཉིས་ཀྱི་ཕ་ཡི་དཀོན་མཆོག་གིས་ངེད་གཉིས་བར་དུ་ལེགས་ཉེས་ཀྱི་ཤན་འབྱེད་པར་འགྱུར་ཞེས་སྨྲས༌སོ། །དེ་ནས་ཡ་ཀོབ་ཀྱིས་རང་གི་ཕ་ཨི་སཱག་གུས་ཤིང་འཇིགས་པའི་དཀོན་མཆོག་ལ་དམ་བཅས༌ཤིང༌།  
\v 54 ཡང་རི་སྒང་དུ་དམར་མཆོད་ཕུལ་བ༌དང༌། སྤུན་ཟླ་རྣམས་གདན་དྲངས་པ་དང་དེ་དག་གིས་ཁ་ཟས་སྤྱད་ནས་རི་སྒང་ནས་ཞག་སྡོད་བྱས༌སོ།།  
\v 55 དེ་ནས་ཞོགས་པར་ལཱ་པན་ཡར་ལངས་ཏེ་རང་གི་ཚ་བོ་དང་ཚ༌མོ། བུ་མོ་རྣམས་ལ་འོ་བྱས་པ་དང་བྱིན་རླབས་གནང་རྗེས་ཕྱིར་རང་ཡུལ་དུ་ལོག༌གོ །   
\c 32
\cl ལེའུ་སོ་གཉིས༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་རང་གི་གཅེན་པོ་ཨེ་སཱབ་ལ་འཕྲད་པར་རྩོམ༌པ།  
\p
\v 1 དེ་ནས་ཡ་ཀོབ་མུ་མཐུད་དུ་ལམ་ལ་ཆས་ཤིང་དཀོན་མཆོག་གི་ཕོ་ཉ་རྣམས་ཁོ་དང་ཕྲད་པ༌དང༌།  
\v 2 ཡ་ཀོབ་ཀྱིས་ཕོ་ཉ་རྣམས་མཐོང༌སྟེ། འདི་ནི་དཀོན་མཆོག་གི་དམག་དཔུང་ཡིན་ཞེས་སྨྲས་པས་གནས་དེར་མཱ་ཧ་ནཱ་ཡིམ་ \f + \ft མཱ་ཧ་ནཱ་ཡིམ་ཞེས་པ་ནི་ཡ་ཧུ་དཱའི་སྐད་དོད་དེ་དམག་དཔུང་གཉིས་ཀྱི་དོན་ལ༌འཇུག\f*ཞེས་མིང་བཏགས༌སོ།།  
\v 3 དེ་ནས་ཡ་ཀོབ་ཀྱིས་ཨེ་དོམ་ཡུལ་གྱི་སེ་ཨེར་དུ་ཡོད་པའི་གཅེན་པོ་ཨེ་སཱབ་ཀྱི་གམ་དུ་མི་འགའ་མངགས་ཤིང་དེ་རྣམས་ལ་ན་རེ།  
\v 4 ཁྱོད་ཅག་གིས་བདག་གི་ཇོ་བོ་ཨེ་སཱབ་ལ་འདི་ལྟར་ཤོད་ཅིག ཁྱེད་ཀྱི་ཞབས་ཕྱི་པ་ཡ་ཀོབ་ཀྱིས་ཁྱེད་ལ་འདི༌ལྟར་སྨྲའོ།། བདག་ནི་ད་ལྟའི་བར་དུ་ལཱ་པན་དང་མཉམ་དུ་བསྡད༌ཅིང༌།  
\v 5 བདག་ལ་བ་གླང༌དང༌། བོང༌བུ། ར་ལུག་གི༌ཁྱུ། གཡོག་པོ་གཡོག་མོ་སོགས་ཡོད་པ༌དང༌། ཁྱེད་ཀྱི་སྤྱན་དྲུང་ནས་བདག་ལ་ཐུགས་རྗེ་འཐོབ་པའི༌ཕྱིར། ད་ལྟ་བདག་གིས་དོན་འདི་ཁྱེད་ལ་ཞུ་བར་མི་མངགས་པ་ཡིན་ཞེས་སྨྲས་སོ། །  
\v 6 དེ་ནས་ཡ་ཀོབ་ཀྱིས་མངགས་པའི་མི་རྣམས་ཕྱིར་ལོག་སྟེ་ན༌རེ། ངེད་ཅག་ཁྱེད་ཀྱི་གཅེན་པོ་ཨེ་སཱབ་ཀྱི་དྲུང་དུ་སོང་བ༌དང༌། ད་ལྟ་ཁོང་གིས་མི་བཞི་བརྒྱ་ཁྲིད་དེ་ཁྱེད་ཀྱི་མདུན་བསུས་ནས་ཡོང་བཞིན་ཡོད་ཅེས་སྨྲས་པ༌དང༌།  
\v 7 ཡ་ཀོབ་ཤིན་ཏུ་འཇིགས་ནས་སེམས་ཁྲལ་བྱུང་བ༌དང༌། རང་གི་འཁོར་དང་བཅས་པའི་མི་ཐམས་ཅད༌དང༌། ར་ལུག་དང་བ་གླང་གི༌ཁྱུ། རྔ་མོང་སོགས་སྐོར་ཁྱུ་ཆེན་པོ་གཉིས་སུ་བགོས༌ཏེ།  
\v 8 སེམས་སུ་གལ་སྲིད་ཨེ་སཱབ་སླེབས་ནས་སྐོར་ཁྱུ་འདི་འཇོམས་པར་བྱས༌ན། སྐོར་ཁྱུ་ཅིག་ཤོས་ནི་ད་དུང་བྲོས་ཆོག་པ་ཡིན་སྙམ༌པའོ།།  
\v 9 ཡ་ཀོབ་ན༌རེ། ཀྱེ། དཀོན་མཆོག་ཡ༌ཝཱེ། བདག་གི་མེས་པོ་ཨབ་ར་ཧམ་དང་ཡབ་ཨི་སཱག་གི་དཀོན་མཆོག༌ལགས། ཁྱེད་ཀྱིས་དེ་སྔར་བདག་ལ་ཁྱོད་ནི་རང་གི་ཕ་ཡུལ་དང་གཉེན་ཉེ་རྣམས་ཀྱི་གམ་དུ་སོང༌ཞིག བདག་གིས་ཁྱོད་ལ་སྐྱབས་མཛད་ངེས་ཡིན་ཞེས་གསུངས་པ་མ་ཡིན༌ནམ།  
\v 10 ཁྱེད་ཀྱིས་ཞབས་ཕྱི་པ་བདག་ལ་གནང་བའི་བྱམས་སྙིང་རྗེ་དང་དྲང་བདེན་ཐམས་ཅད་ནི་བདག་ལ་མི་འོས༌སོ། །སྔོན་ཆད་བདག་གིས་མཁར་བ་བཟུང་ནས་ཡོར་དན་གཙང་པོ་འདི་ལས་བརྒལ་བ༌དང༌། ད་ལྟ་བདག་ནི་སྡེ་ཚན་ཆེན་པོ་གཉིས་སུ་གྱུར༌ཡོད།  
\v 11 ཁྱེད་ཀྱིས་ང་རང་བདག་གི་གཅེན་པོ་ཨེ་སཱབ་ལས་སྐྱོབ་པར༌མཛོད། ཅིའི་ཕྱིར་ཞེ༌ན། གཅེན་པོས་བདག་དང་བདག་གི་ཆུང་མ་བུ་ཕྲུག་བཅས་མཉམ་དུ་གསོད་པར་འཇིགས་པའི་ཕྱིར༌རོ།།  
\v 12 ཁྱེད་ཀྱིས་དེ་སྔར་བདག་ལ་འདི་སྐད༌དུ། བདག་གིས་ཁྱོད་ལ་སྐྱབས་མཛད་ངེས༌ཡིན། ཁྱོད་ཀྱི་རིགས་རྒྱུད་ནི་རྒྱ་མཚོའི་འགྲམ་གྱི་བྱེ་མ་བཞིན་མང་དུ་སྤེལ་བར་ངེས་ཞེས་གསུངས་མྱོང་བ་ཡིན་ཞེས་གསོལ་བ་བཏབ༌བོ།།   
\p
\v 13 ཉིན་དེའི་མཚན༌མོར། ཡ་ཀོབ་ཡུལ་དེར་བསྡད་ཅིང་ཁོ་ལ་དབང་བའི་རྒྱུ་ནོར་ཐམས་ཅད་ལས་རང་གི་གཅེན་པོར་ལེགས་སྐྱེས༌སུ།  
\v 14 ར་མ་ཉིས་བརྒྱ༌དང༌། ར་ཐུག་ཉི༌ཤུ། མ་མོ་ཉིས༌བརྒྱ། ལུག་ཐུག་ཉི༌ཤུ།  
\v 15 འོ་མ་སྣུན་པའི་རྔ་མོང་སུམ་ཅུ་དང་དེའི་ཕྲུ་གུ་དང་བཅས༌པ། བ་མོ་བཞི་བཅུ་དང་བ་གླང༌བཅུ། བོང་མ་ཉི་ཤུ་དང་བོང་གསེབ་བཅུ་བཅས༌ཏེ།  
\v 16 རིགས་རེ་རེ་ལས་ཁྱུ་རེ་བླངས་ནས་གཡོག་པོ་རྣམས་ལ་སྤྲད༌དེ། ཁྱོད་ཅག་བདག་གི་སྔོན་ལ་སོང༌དང༌། ཕྱུགས་ཁྱུ་རེ་རེ་བཞིན་སོ་སོར་ཕྱེས་ནས་སོང་ཞིག་ཅེས་སྨྲས༌སོ།།  
\v 17 དེ་ནས་ཡ་ཀོབ་ཀྱིས་འགྲོ་ཐེངས་ཐོག་མ་རྣམས་ལ་འདི་ལྟར་སྨྲས༌པ། བདག་གི་གཅེན་པོ་ཨེ་སཱབ་ཁྱོད་དང་འཕྲད་པའི་དུས༌སུ། ཁོ་ན༌རེ། ཁྱོད་སུ་ཚང་གི་ཡིན་པ་དང་གང་ལ་འགྲོ་བ༌ཡིན། ཁྱོད་ཀྱི་སྔོན་དུ་ཡོད་པའི་ཕྱུགས་ཁྱུ་འདི་དག་སུ་ཞིག་གི་ཡིན་ནམ་ཞེས་དྲིས༌ན།  
\v 18 ཁྱོད་ཀྱིས་འདི་ལྟར་ཤོད༌ཅིག འདི་དག་ནི་ཁྱེད་ཀྱི་ཞབས་ཕྱི་པ་ཡ་ཀོབ་ཀྱི་ཡིན༌ལ། བདག་གི་ཇོ་བོ་ཨེ་སཱབ་ལ་བསྐུར་བའི་ལེགས་སྐྱེས་ཡིན༌ཞིང༌། ཡ་ཀོབ་ཁོ་རང་ཡང་ངེད་ཅག་གི་རྗེས་སུ་ཡོད་ཅེས་སྨྲོས་ཤིག་ཅེས་པའོ། །  
\v 19 དེ་ནས་ཡང་ཡ་ཀོབ་ཀྱིས་འགྲོ་ཐེངས་གཉིས་པ་དང་གསུམ༌པ། ཕྱུགས་ཟོག་འདེད་མཁན་གཞན་ཐམས་ཅད་ལ་འདི༌ལྟར། ཁྱོད་ཅག་བདག་གི་གཅེན་པོ་ཨེ་སཱབ་ལ་འཕྲད་པའི་དུས་སུའང་འདི་ལྟར་སྨྲ་དགོས་པར་མ༌ཟད།  
\v 20 ཁྱེད་ཀྱི་ཞབས་ཕྱི་པ་ཡ་ཀོབ་ནི་ངེད་ཅག་གི་རྗེས་སུ་ཡོད་ཅེས་སྨྲོས་ཤིག་ཅེས་སྨྲས༌སོ། །ཅིའི་ཕྱིར་ཞེ༌ན། ཡ་ཀོབ་ཀྱི་སེམས༌སུ། བདག་གིས་སྔོན་ལ་མངགས་པའི་ལེགས་སྐྱེས་ལ་བརྟེན་ནས་གཅེན་པོའི་ཞེ་སྡང་ཞི་བར་བྱེད་པ༌དང༌། ཕྱིས་སུ་ཁོ་དང་ངོ་འཕྲད་དུས་སུ་ཁོས་ང་རང་ལ་དགའ་བསུ་བྱེད་ཀྱང་སྲིད་སྙམ་པའི་ཕྱིར༌རོ།།  
\v 21 དེ་ལྟར་ལེགས་སྐྱེས་ཐམས་ཅད་སྔོན་དུ་བསྐུར་ཟིན༌ལ། ཉིན་དེའི་མཚན༌མོར། ཡ་ཀོབ་ལམ་བར་དུ་ཞག་སྡོད་བྱས༌སོ།།   
\s1 ཡ་ཀོབ་དཀོན་མཆོག་དང་དངོས་སུ་ཕྲད་པ།  
\p
\v 22 དེ་ནས་ཡ་ཀོབ་མཚན་མོ་དེར་མལ་ལས་ལངས་ཏེ་ཆུང་མ་གཉིས་ཀ༌དང༌། གཡོག་མོ༌གཉིས་ཀ གཞན་ཡང་བུ་ཕྲུག་བཅུ་གཅིག་དང་བཅས་པ་ཁྲིད་དེ་ཡཱབ་པོག་ཆུ་བོའི་རབ་ཁ་བརྒལ་ནས༌སོང༌།  
\v 23 དེ་ཡང་ཡ་ཀོབ་ཀྱིས་ཐོག་མར་ཁོ་རྣམས་ཆུ་བོར་བརྒལ་དུ་བཅུག་པ༌དང༌། དེ་ནས་གཞན་ཐམས་ཅད་ཀྱང་འགྲོ་རུ༌བཅུག  
\v 24 ཡ་ཀོབ་ཁོ་ན་ཤུལ་དུ་ལུས་ཤིང་མི་ཞིག་ཡོང་སྟེ་ནམ་ལངས་པའི་བར་དུ་ཁོ་དང་འཇུ་རེས༌བྱས།  
\v 25 མི་དེས་ཡ་ཀོབ་ལས་རྒྱལ་མི་ཐུབ་པ་ཤེས་ཏེ་ཡ་ཀོབ་ཀྱི་དཔྱི་མིག་ལ་རེག་པ༌ན། ཡ་ཀོབ་ཀྱི་དཔྱི་མགོ་ནི་འཇུ་རེས་བྱེད་སྐབས་ཚིགས་འཁྲོག་པ༌རེད།  
\v 26 དེ་ནས་མི་དེ་ན༌རེ། ད་ནི་ནམ་ལངས་སོང་བས་ང་རང་འགྲོ་རུ་ཆུག་ཅེས་སྨྲས་པ༌དང༌། ཡ་ཀོབ་ན༌རེ། ཁྱེད་ཀྱིས་བདག་ལ་བྱིན་རླབས་གནང་བ་མིན༌ན། བདག་གིས་ཁྱེད་འགྲོ་རུ་མི་འཇུག་ཅེས་སྨྲས༌སོ།།   
\p
\v 27 དེར་མི་དེ་ན༌རེ། ཁྱོད་ཀྱི་མིང་ལ་ཅི་ཟེར་ཞེས་དྲིས་པ༌དང༌། ཡ་ཀོབ་ན༌རེ། བདག་གི་མིང་ལ་ཡ་ཀོབ་ཟེར་ཞེས་ལན༌བཏབ།  
\v 28 ཡང་མི་དེ་ན༌རེ། ད་ནས་བཟུང་ཁྱོད་ལ་ཡ་ཀོབ་ཅེས་མི་འབོད་པར་ཡེས་ར་ཨེལ་ཞེས་འདོགས་པར༌གྱིས། ཅིའི་ཕྱིར་ཞེ༌ན། ཁྱོད་ནི་དཀོན་མཆོག་དང་མིའི་རིགས་ལ་འགྲན་ཏེ་རྣམ་པར་རྒྱལ་བའི་ཕྱིར་ཡིན་ཞེས་སྨྲས༌སོ།།  
\v 29 ཡ་ཀོབ་ཀྱིས་མི་དེ་ལ་ཁྱེད་ཀྱི་མིང་ལ་ཅི་ཟེར་ཞེས་དྲིས་པ༌དང༌། མི་དེ་ན༌རེ། བདག་གི་མིང་འདྲི་བའི་རྒྱུ་མཚན་ཅི་ཞེས་སྨྲས་པ་དང་ཡ་ཀོབ་ལ་བྱིན་རླབས་གནང༌ངོ༌།།  
\v 30 དེ་ནས་ཡ་ཀོབ་ཀྱིས་ས་ཆ་དེའི་མིང་ལ་ཕཱ་ནེ་ཨེལ་\f + \ft ཕཱ་ནེ་ཨེལ་ཞེས་པ་ནི་ཡ་ཧུ་དཱའི་སྐད་དོད་དེ་དཀོན་མཆོག་གི་ཞལ་རས་ཞེས་པའི་དོན་ལ༌འཇུག\f*ཞེས་བཏགས༌སོ། །ཅིའི་ཕྱིར་ཞེ༌ན། ངས་ཁ་རི་ཁ་ཐུག་ཏུ་དཀོན་མཆོག་མཇལ༌ནའང༌། ཁོང་གིས་བདག་གི་ཚེ་སྲོག་བསྐྱབས་པ་ཡིན་ཞེས་སྨྲས་པའི་ཕྱིར༌རོ།།  
\v 31 དེ་ཡང་ཡ་ཀོབ་ནི་ཕཱ་ནེ་ཨེལ་ཡུལ་བརྒྱུད་ནས་འགྲོ་བའི་དུས༌སུ། ཁོའི་ལུས་ལ་ཉི་འོད་ཤར་བ༌དང༌། ཁོའི་དཔྱི་ཚིགས་ན་བའི་རྐྱེན་གྱིས་རྐང་པ་གྱོལ་བཞིན་ཡོད༌དོ།།  
\v 32 དེའི༌ཕྱིར། ཡེས་ར་ཨེལ་པ་རྣམས་ཀྱིས་ད་ལྟའི་བར་དུ་ཕྱུགས་ཟོག་གི་དཔྱི་མགོའི་རྩ་རྒྱུས་མི༌ཟའོ། །ཅིའི་ཕྱིར་ཞེ༌ན། མི་དེས་ཡ་ཀོབ་ཀྱི་དཔྱི་མགོའི་རྩ་རྒྱུས་ལ་རེག་པའི་ཕྱིར༌རོ།།   
\c 33
\cl ལེའུ་སོ་གསུམ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་དང་ཨེ་སཱབ་གཉིས་ཀ་ངོ་ཕྲད་པ།  
\p
\v 1 དེ་ནས་ཡ་ཀོབ་ཀྱིས་མགོ་ཡར་བཀྱགས་ནས་བལྟས་པ༌ན། ཨེ་སཱབ་དང་མི་བཞི་བརྒྱ་ལྷག་ཡོང་བཞིན་པ་མཐོང༌ངོ༌། །ཡ་ཀོབ་ཀྱིས་བྱིས་པ་རྣམས་སོ་སོར་བཀར་ནས་ལེ་ཨ༌དང༌། རཱ༌ཧེལ། གཡོག་མོ་གཉིས་བཅས་ལ་སྤྲད་པར་མ༌ཟད།  
\v 2 གཡོག་མོ་གཉིས་ཀ་དང་ཁོ་ཚོའི་བྱིས་པ་རྣམས་སྔོན་དུ་འགྲོ་བ༌དང༌། ལེ་ཨ་དང་ཁོ་མོའི་བྱིས་པ་རྣམས་བར་དུ་འགྲོ་བ༌དང༌། རཱ་ཧེལ་དང་ཁོ་མོའི་བུ་ཡོ་སེབ་གཉིས་ཀ་རྗེས་སུ་འགྲོ་རུ་བཅུག་པ༌དང༌།  
\v 3 ཁོ་རང་དེ་དག་གི་མདུན་དུ་སྐྱོད༌ཅིང༌། ཐེངས་བདུན་ཙམ་ལ་ཕྱག་འཚལ་བཞིན་ཁོའི་གཅེན་པོའི་དྲུང་དུ་སླེབས་སོ། །   
\p
\v 4 དེ་ནས་ཨེ་སཱབ་རྒྱུགས་འོངས་ནས་བསུ་བ་བྱེད་བཞིན་ཡ་ཀོབ་ལ་འཐམས་པ༌དང༌། ཡང་ཡ་ཀོབ་ཀྱི་སྐེ་ལ་དམ་པོར་འཇུས་ཏེ་འོ་བྱས་པ་དང་ཁོ་གཉིས་ངུས༌སོ།།  
\v 5 ཨེ་སཱབ་ཀྱིས་མགོ་ཡར་བཀྱགས་ནས་བུད་མེད་དང་བྱིས་པ་རྣམས་ལ་བལྟས༌ཏེ། ཁྱོད་དང་འགྲོགས་ནས་ཡོང་བ་འདི་དག་སུ་ཡིན་ནམ་ཞེས་དྲིས་པ༌ན། ཡ་ཀོབ་ན༌རེ། བྱིས་པ་འདི་དག་ནི་དཀོན་མཆོག་གི་ཐུགས་རྗེ་ལས་ཁྱོད་ཀྱི་ཞབས་ཕྱི་པ་ཕྲན་ལ་གནང་བ་ཡིན་ཞེས་ལན་བཏབ༌བོ།།  
\v 6 དེ་ནས་གཡོག་མོ་གཉིས་ཀ་དང་ཁོ་ཚོའི་བྱིས་པ་རྣམས་ཡོང་ནས་ཨེ་སཱབ་ལ་ཕྱག་བཙལ་བ༌དང༌།  
\v 7 ལེ་ཨ་དང་ཁོ་མོའི་བྱིས་པ་རྣམས་ཀྱང་ཡོང་ནས་ཁོ་ལ་ཕྱག་བཙལ་བ༌དང༌། དེའི་འཕྲོར་རཱ་ཧེལ་དང་ཁོ་མོའི་བུ་ཡོ་སེབ་གཉིས་ཀྱང་ཡོང་ནས་ཁོ་ལ་ཕྱག་བཙལ༌ཏོ།།  
\v 8 དེ་ནས་ཨེ་སཱབ་ན༌རེ། བདག་ལ་ཕྱུགས་ཟོག་འདི་དག་གནང་བའི་དོན་ཅི་ཡིན་ནམ་ཞེས་པ༌ལ། ཡ་ཀོབ་ན༌རེ། བདག་གི་ཇོ་བོ༌ལགས། ཁྱེད་ཀྱིས་བདག་ལ་ཐུགས་རྗེས་གཟིགས་པའི་ཕྱིར་ཡིན་ཞེས་སྨྲས༌སོ།།  
\v 9 ཡང་ཨེ་སཱབ་ན༌རེ། བདག་གི་གཅུང༌པོ། བདག་ལ་རྒྱུ་ནོར་མང་པོ་ཡོད་པས་ཁྱོད་ཀྱི་རྒྱུ་རྫས་ནི་རང་ཉིད་ལ་དབང་བར་གྱིས་ཞེས་སྨྲས་པ༌དང༌།  
\v 10 ཡ་ཀོབ་ན༌རེ། མིན༌ཏེ། བདག་ལ་ཁྱེད་ཀྱི་སྤྱན་དྲུང་ནས་ཐུགས་རྗེ་ཐོབ༌ན། ཁྱེད་ཀྱིས་བདག་ལས་ལེགས་སྐྱེས་འདི་དག་ལེན་པར༌མཛོད། ཅིའི་ཕྱིར་ཞེ༌ན། བདག་གིས་ཁྱེད་རང་མཐོང་བ་ནི་དཀོན་མཆོག་གི་ཞལ་རས་མཇལ་བ་དང་མཚུངས་ཤིང་ཁྱེད་ཀྱིས་བདག་ལ་དགའ་བསུའང་བྱས་པའི་ཕྱིར༌རོ།།  
\v 11 བདག་གིས་ཁྱེར་འོངས་པའི་ལེགས་སྐྱེས་འདི་དག་ཁྱེད་ཀྱིས་ལེན་པར༌མཛོད། ཅིའི་ཕྱིར་ཞེ༌ན། དཀོན་མཆོག་གིས་བདག་ལ་ཐུགས་རྗེས་གཟིགས་ཏེ་རྒྱུ་ནོར་མང་པོ་དང་ལྡན་པར་མཛད་པའི་ཕྱིར་ཡིན་ཞེས་སྨྲས་པ༌དང༌། ཡ་ཀོབ་ཀྱིས་ཨེ་སཱབ་ལ་ཡང་ཡང་ཞུ་བ་བྱས་པས་ཁོས་ཀྱང་བླངས༌སོ།།   
\p
\v 12 དེ་ནས་ཨེ་སཱབ་ན༌རེ། རང་ཅག་ཡར་ལངས་ཏེ་ལམ་དུ་ཆས་པར༌བྱ། ང་ཁྱོད་ཀྱི་སྔོན་དུ་འགྲོ་བར་བྱའོ་ཞེས་སྨྲས་པ༌དང༌།  
\v 13 ཡ་ཀོབ་ན༌རེ། བྱིས་པ་རྣམས་ལོ་ན་ཕྲ་བ༌དང༌། ཕྱུགས་ཁྱུས་འོ་མ་སྣུན་པའི་དུས༌སུ། བཙན་གྱིས་ཉིན་གཅིག་རིང་ལ་དེད་ན་ར་ལུག་གི་ཁྱུ་ཡོངས་རྫོགས་འཆི་ངེས་པ་ཇོ་བོ་ཁྱེད་ཀྱིས་ཤེས༌སོ།།  
\v 14 ཇོ་བོ༌ལགས། ཁྱེད་ནི་ཞབས་ཕྱི་པ་བདག་གི་སྔོན་དུ་འགྲོ་བར༌མཛོད། བདག་གིས་མདུན་ཕྱོགས་ཀྱི་ཕྱུགས་ཁྱུའི་མྱུར་ཚད༌དང༌། བྱིས་པ་རྣམས་ཀྱི་མགྱོགས་ཚད༌ལྟར། སེ་ཨིར་ཡུལ་ལ་ཇོ་བོའི་མདུན་དུ་སླེབས་པའི་བར་དུ་ག་ལེར་མདུན་དུ་བསྐྱོད་པར་བྱ་ཞེས་སྨྲས༌སོ།།  
\v 15 ཡང་ཨེ་སཱབ་ན༌རེ། བདག་དང་མཉམ་དུ་ཡོད་པའི་མི་འགའ་ཞིག་ཁྱོད་ཀྱི་གམ་དུ་བསྐྱུར་ཆོག་པར་ཞུ་ཞེས་སྨྲས་པ༌ལ། ཡ་ཀོབ་ན༌རེ། བདག་གི་ཇོ་བོ༌ལགས། དེ་འདྲ་བྱེད་དགོས་དོན་མེད༌དེ། ཁྱེད་ཀྱི་མིག་མདུན་ནས་བདག་ལ་ཐུགས་རྗེས་གཟིགས་པར་ཞུ་ཞེས་སྨྲས༌སོ།།  
\v 16 དེའི༌ཕྱིར། ཨེ་སཱབ་ཉིན་དེར་སེ་ཨིར་ཡུལ་དུ་འགྲོ་བའི་ལམ་ལ་ཆས༌སོ།།  
\v 17 དེ་ནས་ཡ་ཀོབ་འཁོར་དང་བཅས་པ་སོའུ་ཀོད་ཡུལ་དུ་སོང་བ་དང་དེ་རུ་རང་ལ་ཁང་པ་དང་ཕྱུགས་ལ་སྤྱིལ་བུའང་བཟོས༌པས། ཡུལ་དེའི་མིང་ལ་སོའུ་ཀོད་ \f + \ft སོའུ་ཀོད་ཅེས་པ་ནི་ཡ་ཧུ་དཱའི་སྐད་དོད་དེ་སྤྱིལ་བུའི་དོན་ལ༌འཇུག\f*ཅེས་འབོད་པར་བྱེད༌དོ།།   
\p
\v 18 དེ་ནས་ཡ་ཀོབ་ཁོ་རང་ཕཱ་དན་ཨ་རམ་ཡུལ་ནས་ཕྱིར་ལོག་པའི་དུས༌སུ། བདེ་བའི་ངང་ཀ་ན་ཨན་ཡུལ་གྱི་སི་ཀེམ་གྲོང་ཁྱེར་དུ་སླེབས་ཤིང་གྲོང་ཁྱེར་དེའི་མདུན་ཕྱོགས་སུ་གུར་ཕུབ་པ༌དང༌།  
\v 19 སི་ཀེམ་གྱི་ཕ་སྟེ་ཧ་མོར་གྱི་བུ་རྣམས་ལ་དངུལ་སྒོར་བརྒྱ་སྤྲད་དེ་གུར་ཕུབ་སའི་ས་ཉོས༌ཤིང༌།  
\v 20 གནས་དེ་རུ་མཆོད་ཁྲི་ཞིག་ཀྱང་བཞེངས༌ཏེ། མིང་ལ་ཨེལ་ཨེ་ལོ་ཧེ་ཡེས་ར་ཨེལ་ \f + \ft ཨེལ་ཨེ་ལོ་ཧེ་ཡེས་ར་ཨེལ་ཞེས་པ་ནི་ཡ་ཧུ་དཱའི་སྐད་དོད་དེ་དཀོན་མཆོག་ནི་ཡེས་ར་ཨེལ་མི་རིགས་ཀྱི་དཀོན་མཆོག་ཡིན་ནོ་ཞེས་པའི་དོན་ལ༌འཇུག\f*ཞེས་བཏགས༌པའོ།།   
\c 34
\cl ལེའུ་སོ་བཞི༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 སི་ཀེམ་གྱིས་དི་ནཱ་ལ་བཙན་གཡེམ་བྱས༌པ།  
\p
\v 1 དེ་ཡང་ལེ་ཨ་ཡིས་ཡ་ཀོབ་ལ་བཙས་པའི་བུ་མོ་དི་ནཱ་བྱ་བ་ཡུལ་དེའི་བུ་མོ་རྣམས་ལ་བལྟ་རུ་སོང་བ༌དང༌།  
\v 2 ཡུལ་དེའི་ས་གནས་དཔོན་པོ་ཧ་མོར་ཞེས་པའི་བུ་སི་ཀེམ་གྱིས་ཁོ་མོ་མཐོང་བ་དང་བཙན་གཡེམ༌བྱས། ཧ་མོར་ནི་ཧེ་བི་མི་རིགས་ལ་གཏོགས༌སོ།།  
\v 3 དེ་ནས་སི་ཀེམ་གྱི་སེམས་སུ་ཡ་ཀོབ་ཀྱི་བུ་མོ་དི་ནཱ་ཤིན་ཏུ་འདོད་ཅིང་ཁོ་མོར་དགའ་བར་གྱུར་པས་ཚིག་སྙན་སྨྲས༌སོ།།  
\v 4 སི་ཀེམ་གྱིས་རང་གི་ཕ་ཧ་མོར་ལ་འདི༌ལྟར། ཕ༌ལགས། ཁྱེད་ཀྱིས་བུ་མོ་འདི་བདག་ལ་ཆུང་མར་ལེན་པར་མཛོད་ཅེས་ཞུ་བ༌བྱས།  
\v 5 དེ་ནས་སི་ཀེམ་གྱིས་བུ་མོ་དི་ནཱ་མི་གཙང་བར་བྱས་པའི་གཏམ་དེ་ཡ་ཀོབ་ཀྱིས་ཐོས༌ཤིང༌། སྐབས༌དེར། ཡ་ཀོབ་ཀྱི་བུ་རྣམས་ཕྱུགས་ཟོག་དང་མཉམ་དུ་སྤང་ཐང་དུ་ཡོད༌པས། ཡ་ཀོབ་ཀྱིས་ཅི་ཡང་མི་སྨྲ་བར་བུ་རྣམས་ཕྱིར་ལོག་པར་སྒུག༌གོ །  
\v 6 དེ་ནས་སི་ཀེམ་གྱི་ཕ་ཧ་མོར་ཞེས་བྱ་བ་ཡ་ཀོབ་ལ་གྲོས་འདེབས་པར་ཡོང་བ༌དང༌།  
\v 7 ཡ་ཀོབ་ཀྱི་བུ་རྣམས་ཀྱིས་དོན་དེ་ཐོས་པ་དང་སྤང་ཐང་ནས་ཡུལ་དུ་ལོག༌ཅིང༌། ཁོ་རྣམས་སེམས་སྐྱོ་ཞིང་ཁོང་ཁྲོ་ཆེན་པོ༌ལངས། ཅིའི་ཕྱིར་ཞེ༌ན། སི་ཀེམ་གྱིས་ཡེས་ར་ཨེལ་གྱི་ཁྱིམ་དུ་སྐྱུག་བྲོ་བའི་ལས་བྱས་པ༌སྟེ། ཡ་ཀོབ་ཀྱི་བུ་མོ་ལ་བཙན་གཡེམ་བྱས་པ༌དང༌། དོན་དེ་ནི་འབྱུང་མི་འོས་པའི་ཕྱིར༌རོ།།  
\v 8 ཧ་མོར་གྱིས་ཡ་ཀོབ་ཕ་བུ་རྣམས་ལ་འདི་ལྟར་གྲོས་བཏབ་པ༌སྟེ། བདག་གི་བུ་སི་ཀེམ་གྱི་སེམས་ནི་བུ་མོ་འདི་ལ་དགའ་བས་ན། ཁྱོད་ཅག་གིས་ཁོ་མོ་བདག་གི་བུ་ལ་ཆུང་མར་གནང་བར༌མཛོད།  
\v 9 ད་ནས་བཟུང་ངེད་རྣམས་བར་དུ་གཉེན་བཙུགས༌ཏེ། ཁྱོད་ཅག་གིས་བུ་མོ་རྣམས་ངེད་ཅག་ལ་སྟེར་བ༌དང༌། ངེད་ཅག་གི་བུ་མོ་རྣམས་ཀྱང་ཁྱོད་ཅག་གིས་ཆུང་མར་ལེན་པར༌མཛོད།  
\v 10 ངེད་རྣམས་དང་མཉམ་དུ་འདུག་པར༌གྱིས། ཡུལ་འདི་ནི་ཁྱོད་ཅག་གི་མདུན་དུ་ཡོད༌པས། འདི་རུ་བསྡད་ནས་ཚོང་ལས་གཉེར་བ་དང་ས་ཉོས་ཀྱང་ཆོག་ཅེས་སྨྲས༌སོ།།  
\v 11 དེ་ནས་སི་ཀེམ་གྱིས་བུ་མོའི་ཕ་དང་གཅེན་གཅུང་རྣམས་ལ་འདི༌ལྟར། བདག་ལ་ཁྱོད་ཅག་གི་མིག་མདུན་ནས་ཐུགས་རྗེ་ཐོབ༌ན། ཁྱོད་ཅག་གིས་བདག་ལ་ཅི་ཞིག་བསླངས༌ཚེ། བདག་གིས་དེ་ནི་ཁྱོད་ཅག་ལ་སྟེར་ངེས༌སོ།།  
\v 12 ཁྱོད་ཅག་གིས་ཁོ་མོ་བདག་ལ་སྟེར་རྒྱུ་ཤ་སྟག་ཡིན༌ན། བག་རིན་དང་ལེགས་སྐྱེས་གང་རུང་བདག་ལ་བསླངས༌ནའང༌། བདག་གིས་ཁྱོད་ཅག་གིས་སྨྲས་པ་བཞིན་སྟེར་ངེས་ཡིན་ཞེས་སྨྲས༌སོ།།   
\p
\v 13 དེ་ཡང་སི་ཀེམ་གྱིས་དི་ནཱ་མི་གཙང་བར་བྱས་པའི༌ཕྱིར། ཡ་ཀོབ་ཀྱི་བུ་རྣམས་ཀྱིས་གཡོ་སྒྱུའི་ངང་ནས་སི་ཀེམ་དང་ཁོའི་ཕ་ཧ་མོར་ལ་ལན་འདི་ལྟར་བཏབ་པ༌སྟེ།  
\v 14 ངེད་ཅག་གིས་རང་གི་སྲིང་མོ་མཚན་སྐྱི་བཅད་མེད་པའི་མི་ཞིག་ལ་ཆུང་མར་སྟེར་མི༌རུང༌། ཅིའི་ཕྱིར་ཞེ༌ན། དེ་ནི་ངེད་ཅག་གི་ངོ་ཚ་ཡིན༌ནོ།།  
\v 15 འོན༌ཀྱང༌། ཁྱོད་ཅག་གིས་དོན་དག་གཅིག་ཁོ་ན་བསྒྲུབ་ཐུབ༌ན་ངེད་ཅག་འཐད་པ་འབྱུང་ངེས་ཡིན༌ཏེ། ཁྱོད་ཅག་གི་སྐྱེས་པ་ཐམས་ཅད་ཀྱིས་ངེད་ཅག་དང་མཚུངས་པར་མཚན་སྐྱི་གཅོད་དགོས་པ༌དེའོ།།  
\v 16 དེས་ན་ངེད་ཅག་གིས་བུ་མོ་རྣམས་ཁྱོད་ལ་སྟེར་བ༌དང༌། ཁྱོད་ཅག་གི་བུ་མོ་རྣམས་ཀྱང་ངེད་ཅག་གི་ཆུང་མར་ལེན་ངེས༌ཡིན། ངེད་རྣམས་ཀྱང་ཁྱོད་ཅག་དང་མཉམ་དུ་བསྡད་ནས་མི་རིགས་གཅིག་ཏུ་འགྱུར༌རོ།།  
\v 17 གལ༌ཏེ། ཁྱོད་ཅག་གིས་ངེད་རྣམས་ཀྱི་ངག་ལ་མི་ཉན་པ་དང་མཚན་སྐྱིའང་མི་གཅོད༌ན། ངེད་ཅག་གིས་སྲིང་མོ་ཁྲིད་ནས་འགྲོ་བར་བྱ་ཞེས་སྨྲས༌སོ།།   
\p
\v 18 དེ་ནས་ཧ་མོར་དང་ཁོའི་བུ་སི་ཀེམ་གཉིས་ཀྱིས་གཏམ་དེ་ཐོས་ནས་དགའ་བར་གྱུར་པ་དང༌།  
\v 19 བུ་དེས་དོན་འདི་བསྒྲུབ་པར་འགོར་འགྱངས་ཅི་ཡང་མ་བྱས༌ཏེ། ཁོ་ནི་ཡ་ཀོབ་ཀྱི་བུ་མོ་ལ་ཤིན་ཏུ་དགའ་བའི་ཕྱིར༌རོ། །ཁོ་ཡང་རང་གི་ཕ་ཡི་ཁྱིམ་དུ་ཆེས་བརྩི་བཀུར་ཐོབ་པའི་མི་ཡིན༌ནོ།།  
\v 20 དེ་ནས་ཧ་མོར་དང་ཁོའི་བུ་སི་ཀེམ་གཉིས་གྲོང་ཁྱེར་དེའི་སྒོ་ཁར་སོང་ནས་སྐྱེས་པ་རྣམས་ལ་འདི་ལྟར་སྨྲས༌པ།  
\v 21 མི་འདི་རྣམས་ངེད་ཅག་དང་སེམས་མཐུན༌པས། ཁོ་རྣམས་འདི་རུ་སྡོད་པ་དང་ཚོང་ལས་བྱེད་དུ་བཅུག་ནའང་ཡུལ་འདི་ས་རྒྱ་ཆེ་བས་ཁོ་རྣམས་ཤོང༌ཐུབ། ངེད་ཅག་གིས་ཁོ་རྣམས་ཀྱི་བུ་མོ་ཆུང་མར་ལེན་པ༌དང༌། རང་ཅག་གི་བུ་མོ་རྣམས་ཀྱང་ཁོ་རྣམས་ལ་བག་མར་སྟེར་རུང༌ངོ༌།།  
\v 22 འོན༌ཀྱང༌། རང་ཅག་གིས་དོན་དག་གཅིག་ཁོ་ན་བསྒྲུབ་དགོས༌ཤིང༌། དེ་ལྟར་བྱས་ན་ཁོ་རྣམས་ད་གཟོད་རང་ཅག་དང་མཉམ་དུ་བསྡད་ནས་མི་རིགས་གཅིག་ཏུ་འགྱུར་བར་འཐད་པ་འབྱུང་བ༌སྟེ། ཁོ་རྣམས་དང་མཚུངས་པར་རང་ཅག་སྐྱེས་པ་ཐམས་ཅད་ཀྱིས་ཀྱང་མཚན་སྐྱི་གཅོད་དགོས༌སོ།།  
\v 23 དེ་ལྟར་བྱས༌ན། ཁོ་རྣམས་ཀྱི་ཕྱུགས་ཟོག་དང་རྒྱུ་ནོར་ཐམས་ཅད་རང་ཅག་ལ་དབང་བ་མ་ཡིན༌ནམ། དེའི༌ཕྱིར། རང་ཅག་གིས་ཁོ་རྣམས་ལ་བསྟུན་པ་ཡིན་ན། ཁོ་རྣམས་རང་ཅག་དང་མཉམ་དུ་འདུག་པར་བྱེད་ཅེས་སྨྲས༌སོ།།   
\p
\v 24 དེ་ནས་གྲོང་ཁྱེར་གྱི་མཁར་སྒོ་ལས་ཕར་འགྲོ་ཚུར་འོང་བྱེད་པའི་མི་ཀུན་གྱིས་ཧ་མོར་དང་ཁོའི་བུ་སི་ཀེམ་གཉིས་ཀྱི་གཏམ་ལ་མཉན༌པས། གྲོང་ཁྱེར་གྱི་མཁར་སྒོ་ལས་ཕར་འགྲོ་ཚུར་འོང་བྱེད་པའི་སྐྱེས་པ་ཐམས་ཅད་ཀྱིས་མཚན་སྐྱི་བཅད༌དོ།།  
\v 25 དེ་ནས་ཉིན་གསུམ་པར་སྐྱེས་པ་རྣམས་ལ་ན་ཟུག་ལངས་པའི་སྐབས༌དེར། ཡ་ཀོབ་ཀྱི་བུ་སི་མུ་ཨོན་དང་ལེ་ཝི་ཞེས་བྱ་བ༌སྟེ། དི་ནཱའི་གཅེན་པོ་གཉིས་ཀྱིས་ལག་ཏུ་རལ་གྲི་ཐོགས༌ཏེ། མི་དེ་རྣམས་ཀྱིས་མཉམ་བཞག་མེད་པའི་སྐབས༌སུ། གྲོང་ཁྱེར་དེའི་ནང་དུ་བརྒྱུགས་ནས་སྐྱེས་པ་ཐམས་ཅད་བསད་པ༌དང༌།  
\v 26 ཧ་མོར་དང་ཁོའི་བུ་སི་ཀེམ་གཉིས་ཀའང་བསད༌ཅིང༌། སི་ཀེམ་གྱི་ཁྱིམ་ནས་དི་ནཱ་ཁྲིད་དེ་སོང༌ངོ༌།།  
\v 27 དེ་ནས་སྲིང་མོ་དི་ནཱ་མི་གཙང་བར་བཟོས་པའི་རྐྱེན༌གྱིས། ཡ་ཀོབ་ཀྱི་བུ་གཞན་རྣམས་བེམ་པོས་བཀང་བའི་གྲོང་ཁྱེར་དེར་ཡོང་ནས་དེ་ཕྲོགས་ཤིང་།  
\v 28 ར་ལུག་གི་ཁྱུ༌དང༌། བ༌ཁྱུ། བོང༌བུ། གྲོང་ཁྱེར་ནང་དང་ཞིང་བར་དུ་ཡོད་པའི་དངོས་པོ་ཐམས་ཅད་ཁྱེར་བ༌དང༌།  
\v 29 རྒྱུ་ནོར༌དང༌། བྱིས༌པ། བུད༌མེད། ཁང་པའི་ནང་གི་དངོས་པོ་དང་བཅས་པ་ཕྲོགས་ཏེ་སོང༌ངོ༌།།   
\p
\v 30 དེ་ནས་ཡ་ཀོབ་ཀྱིས་བུ་སི་མུ་ཨོན་དང་ལེ་ཝི་གཉིས་ལ་འདི༌ལྟར། ཁྱོད་ཅག་གིས་བདག་སྡུག་ལ་གཏད༌དེ། བདག་ནི་ཡུལ་འདིར་ཡོད་པའི་ཀ་ན་ཨན་མི་རིགས་དང་ཕེ་རེ་ཟི་མི་རིགས་ཀྱི་ཁྲོད་དུ་ངན་པ་རྟགས་ཅན་དུ་བྱས༌སོ། །བདག་གི་མི་གྲངས་ཉུང་བས་དེ་རྣམས་ཀྱིས་མི་ཚོགས་བསྡུས་ནས་བདག་ཅག་ལ་རྒོལ་བར་བྱེད་པ༌དང༌། བདག་དང་བདག་གི་ཁྱིམ་མི་ཐམས་ཅད་རྡུལ་དུ་བརླག་པར་བྱེད་ཅེས་པ༌ན།  
\v 31 ཁོ་རྣམས་ན༌རེ། སི་ཀེམ་གྱིས་རང་ཅག་གི་སྲིང་མོ་སྨད་འཚོང་མ་བཞིན་དུ་བྱེད་རུང་ངམ་ཞེས་སྨྲས༌སོ།།   
\c 35
\cl ལེའུ་སོ་ལྔ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་ཀྱིས་པེད་ཨེལ་གྲོང་ཁྱེར་དུ་མཆོད་ཁྲི་བཞེངས༌པ།  
\p
\v 1 དེ་ནས་དཀོན་མཆོག་གིས་ཡ་ཀོབ་ལ་འདི་སྐད༌དུ། ཡར་ལོངས༌དང༌། པེད་ཨེལ་དུ་སོང་ནས་སྡོད༌ཅིག གནས་དེ་རུ་དཀོན་མཆོག་ལ་མཆོད་ཁྲི་ཞིག་བཞེང་བར་གྱིས། དཀོན་མཆོག་གང་ཞེ༌ན། དེ་སྔར་ཁྱོད་ནི་རང་གི་གཅེན་པོ་ཨེ་སཱབ་ལ་གཞའ་ནས་འབྲོ་བའི་དུས་སུ་ཁྱོད་ལ་མངོན་པ་དེ་ཉིད་ཡིན་ཞེས་གསུངས༌པས།  
\v 2 ཡ་ཀོབ་ཀྱིས་རང་གི་ཁྱིམ་མི་འཁོར་དང་བཅས་པ་ལ་འདི༌ལྟར། ཁྱོད་ཅག་གིས་ཁྱོད་རྣམས་ཀྱི་ཁྲོད་དུ་ཕྱི་རོལ་པའི་ལྷ་སྐུ་ཡོད་པ་ཐམས་ཅད་དོར༌ཅིག རང་ཉིད་གཙང་མར་བྱས་ནས་གྱོན་གོས་བརྗེ་བར༌གྱིས།  
\v 3 ངེད་ཅག་ལངས་ནས་ཡར་པེད་ཨེལ་དུ་འགྲོ་བར༌བྱ། བདག་གིས་གནས་དེ་རུ་དཀོན་མཆོག་ལ་མཆོད་ཁྲི་ཞིག་བཞེང་བར་བྱ༌སྟེ། གང་ཡིན་ཟེར༌ན། བདག་ལ་སྡུག་བསྔལ་བྱུང་བའི་དུས༌སུ། བདག་གིས་གསོལ་བ་བཏབ་པར་གསན་པ༌དང༌། ལམ་ལ་ཆས་པའི་སྐབས་སུ་བདག་ལ་སྐྱབས་མཛད་མཁན་དེ་ཉིད་ཡིན་ཞེས་སྨྲས༌པས།  
\v 4 ཁྱིམ་མི་འཁོར་དང་བཅས་པས་ཕྱི་རོལ་པའི་ལྷ་སྐུ་དང་རྣ་ཆ་ཐམས་ཅད་བླངས་ནས་ཡ་ཀོབ་ལ་སྤྲད་པ༌དང༌། ཁོས་ཀྱང་དངོས་པོ་དེ་རྣམས་སི་ཀེམ་གྱི་བེ་ཤིང་གི་རྩར་སྦས༌སོ།།  
\v 5 དེ་ནས་ཁོ་རྣམས་ཡར་ལངས་ནས་ལམ་ལ་ཆས༌སྐབས། དཀོན་མཆོག་གིས་ཉེ་འཁོར་གྱི་གྲོང་ཁྱེར་དེ་དག་གི་མི་རྣམས་ལ་འཇིགས་སྣང་བསྐུལ༌བས། མི་དེ་རྣམས་ཡ་ཀོབ་ཀྱི་བུ་རྣམས་ཀྱི་རྗེས་སུ་སྙེག་མ་ནུས༌སོ།།   
\p
\v 6 དེའི༌ཕྱིར། ཡ་ཀོབ་འཁོར་དང་བཅས་པ་ཀ་ན་ཨན་ཡུལ་གྱི་ལོ་ཟི་གྲོང་ཁྱེར་ཏེ་པེད་ཨེལ་དུ་སླེབས་སོ། །  
\v 7 དེ་ནས་ཡ་ཀོབ་ཀྱིས་གནས་དེ་རུ་མཆོད་ཁྲི་ཞིག་བཞེངས༌པ་དང་། ཡུལ་དེའི་མིང་ལ་ཨེལ་པེད་ཨེལ་ \f + \ft ཨེལ་པེད་ཨེལ་ཞེས་པ་ནི་ཡ་ཧུ་དཱའི་སྐད་དོད༌དེ། པེད་ཨེལ་ཞེས་པ་ནི་ས་ཆ་ཞིག་གི་མིང་ཡིན༌ལ། པེད་ཨེལ་གྱི་དཀོན་མཆོག་ཅེས་པའི་དོན་ལ༌འཇུག \f*ཞེས་བཏགས༌སོ། །ཅིའི་ཕྱིར་ཞེ༌ན། ཡ་ཀོབ་རང་གི་གཅེན་པོ་ལ་གཞའ་ནས་འབྲོ་བའི་དུས༌སུ། དཀོན་མཆོག་གནས་དེ་རུ་ཁོ་ལ་མངོན་པར་མཛད་པའི་ཕྱིར༌རོ།།  
\v 8 དེ་ཡང་རིབ་ཀཱའི་ནུ་ཞོ་མ་ཚབ་སྟེ་དི་བོ་རཱ་ཚེ་ལས་འདས༌ཤིང༌། པེད་ཨེལ་སྨད་ཕྱོགས་ཀྱི་བེ་ཤིང་གི་རྩར་དུར་དུ་སྦས་པ༌དང༌། བེ་ཤིང་དེའི་མིང་ལ་ཨ་ལུན་པཱ་ཀུད་ \f + \ft ཨ་ལུན་པཱ་ཀུད་ཅེས་པ་ནི་ཡ་ཧུ་དཱའི་སྐད་དོད་དེ་མྱ་ངན་བྱེད་པའི་བེ་ཤིང་ཞེས་པའི་དོན་ལ༌འཇུག\f*ཅེས་བཏགས༌སོ།།   
\p
\v 9 དེ་ནས་ཡ་ཀོབ་ཁོ་རང་ཕཱ་དན་ཨ་རམ་ཡུལ་ནས་ཐོན་པ༌དང༌། ཡང་དཀོན་མཆོག་གིས་ཁོ་ལ་མངོན་པར་མཛད་ཅིང་བྱིན་རླབས་གནང་སྟེ་འདི་སྐད༌དུ།  
\v 10 ཁྱོད་ཀྱི་མིང་དངོས་ལ་ཡ་ཀོབ་ཅེས་ཟེར༌ཞིང༌། ད་ནས་བཟུང་ཡ་ཀོབ་ཅེས་མི་འབོད་པར་ཡེས་ར་ཨེལ་ཞེས་འབོད་དགོས་ཞེས་གསུངས་པ་དང་ཡ་ཀོབ་ཀྱི་མིང་ལ་ཡེས་ར་ཨེལ་ཞེས༌བཏགས།  
\v 11 ཡང་དཀོན་མཆོག་གིས་ཡ་ཀོབ་ལ་འདི་སྐད༌དུ། བདག་ནི་ཀུན་དབང་དཀོན་མཆོག༌ཡིན། ཁྱོད་ཀྱིས་རྒྱུད་དང་ལྡན་པར་གྱུར་ནས་མང་པོར་སྤེལ་བར༌བྱའོ། །ཁྱོད་ལས་རྒྱལ་ཁབ་ཅིག་དང་མི་རིགས་མང་དུ་འབྱུང༌ཞིང༌། ཁྱོད་རང་བརྒྱུད་ནས་རྒྱལ་པོ་རྣམས་ཀྱང་འབྱུང་བར་འགྱུར༌རོ།།  
\v 12 བདག་གིས་ཨབ་ར་ཧམ་དང་ཨི་སཱག་ལ་སྤྲད་པའི་ས་ཆ་དེ་ཁྱོད་དང་ཁྱོད་ཀྱི་རིགས་རྒྱུད་ཕྱི་མ་དག་ལ་སྦྱིན་པར་བྱ་ཞེས་གསུངས་པ༌དང༌།  
\v 13 དཀོན་མཆོག་ནི་ཡ་ཀོབ་དང་གསུང་མོལ་མཛད་པའི་གནས་དེ་ནས་ནམ་མཁའི་ཞིང་ཁམས་སུ་འཕགས༌སོ།།  
\v 14 དེ་ནས་ཡ་ཀོབ་ཀྱིས་གནས་དེ་རུ་རྡོའི་ཀ་བ་ཞིག་གྱེན་དུ་བསྒྲེངས༌ཤིང༌། དེའི་སྟེང་དུ་རྒུན་ཆང་དང་སྣུམ་བླུགས་ནས་མཆོད་པ་ཕུལ་བ༌དང༌།  
\v 15 གནས་དེའི་མིང་ལ་པེད་ཨེལ་ཞེས་བཏགས༌སོ།།   
\s1 རཱ་ཧེལ་ཚེ་ལས་འདས༌པ།  
\p
\v 16 དེ་ནས་ཁོ་རྣམས་པེད་ཨེལ་ཡུལ་ནས་ལམ་ལ་ཆས་ཤིང་ཨེབ་རཱད་གྲོང་རྡལ་དང་ཉེ་བའི་ལམ་བར༌དུ། རཱ་ཧེལ་ལ་ཕྲུ་གུ་བཙའ་རན་ཞིང་ཟུག་གཟེར་ཆེན་པོ༌ལངས།  
\v 17 དེ་ལྟར་ཟུག་གཟེར་ཆེན་པོ་ལངས་པའི་དུས༌སུ། སྐྱེ་གཡོག་མ་ན༌རེ། ཁྱོད་རང་འཇིགས་མི༌དགོས། ཁྱོད་ལ་ཡང་བུ་ཞིག་སྐྱེས་པ་རེད་ཅེས་སྨྲས་པ༌དང༌།  
\v 18 རཱ་ཧེལ་འཆི་ལ་ཉེ་ཞིང་ཁོ་མོའི་ཚེ་འཕོ་བར་རྩོམ་པའི་དུས༌སུ། ཁོ་མོས་རང་གི་བུའི་མིང་ལ་པེན་ཨོ་ནེ་ \f + \ft པེན་ཨོ་ནེ་ཞེས་པ་ནི་ཡ་ཧུ་དཱའི་སྐད་དོད་དེ་བདག་གི་དཀའ་སྡུག་ཅེས་པའི་དོན་ལ༌འཇུག\f*ཞེས་བཏགས་ནའང་ཡ་ཀོབ་ཀྱིས་རང་གི་བུའི་མིང་ལ་པེན་ཡཱ་མེན་\f + \ft པེན་ཡཱ་མེན་ཞེས་པ་ནི་ཡ་ཧུ་དཱའི་སྐད་དོད་དེ་བདག་གི་གཡས་ལག་ཅེས་པའི་དོན་ལ༌འཇུག\f*ཞེས་བཏགས༌སོ།།  
\v 19 དེ་ལྟར་རཱ་ཧེལ་ཚེ་ལས་འདས་ཤིང་ཨེབ་རཱད་ཀྱི་ལམ་འགྲམ་དུ་དུར་ལ་སྦས་པ༌དང༌། ཨེབ་རཱད་ཅེས་པ་པེད་ལེ་ཧེམ་གྲོང་རྡལ་ཡིན༌ནོ།།  
\v 20 ཡ་ཀོབ་ཀྱིས་ཁོ་མོའི་དུར་སའི་སྟེང་དུ་རྡོ་རིང་ཞིག་བཙུགས་པ༌དང༌། དེ་ནི་རཱ་ཧེལ་གྱི་དུར་རྟགས་ཡིན་ཏེ་ད་ལྟའི་བར་དུ་གནས་ཡོད་པ༌ཡིན།  
\v 21 དེ་ནས་ཡེས་ར་ཨེལ་\f + \ft དེ་ཡང་དཀོན་མཆོག་གི་བཀའ་ལྟར་ཡ་ཀོབ་ཀྱི་མིང་ལ་ཡེས་ར་ཨེལ་ཞེས་བཏགས་པ༌བཞིན། འདིར་ཡེས་ར་ཨེལ་ཞེས་པ་ནི་ཡ་ཀོབ་ལ་གོ་དགོས་པ་ལས་ཡེས་ར་ཨེལ་རྒྱལ་ཁབ་དང་ཡེས་ར་ཨེལ་མི་རིགས་ལ་གོ་མི༌རུང༌། \f*ལམ་ལ་ཆས་ཤིང་ཨེ་དེར་མཁར་རྫོང་གི་ཕ་རོལ་ཏུ་སླེབས་ནས་གུར་ཕུབ་པ༌དང༌།  
\v 22 ཡེས་ར་ཨེལ་གནས་དེར་སྡོད་པའི་དུས༌སུ། རུ་བེན་ནི་ཕ་ཡི་ཆུན་མ་པིལ་ཧ་ཞེས་པ་དང་ལུས་འབྲེལ་བྱས་ཤིང་དོན་དེ་ཡེས་ར་ཨེལ་གྱིས་ཀྱང་ཐོས༌སོ།།  
\p དེ་ཡང་ཡ་ཀོབ་ལ་བུ་བཅུ་གཉིས་ཡོད་པ་གཤམ་གསལ༌ལྟར།  
\v 23 ལེ་ཨ་ཡིས་བཙས་པའི་བུ་རྣམས་ནི་ཡ་ཀོབ་ཀྱི་བུ་སྐྱེས་འགོ་རུ་བེན༌དང༌། གཞན་ཡང་སི་མུ་ཨོན༌དང༌། ལེ༌ཝི། ཡ་ཧུ༌དཱ། ཡེས་སི༌ཀཱར། ཟེ་བུ་ལུན་བཅས་དྲུག༌གོ །  
\v 24 རཱ་ཧེལ་གྱིས་བཙས་པའི་བུ་ནི་ཡོ་སེབ་དང་པེན་ཡཱ་མེན་གཉིས༌སོ།།  
\v 25 རཱ་ཧེལ་གྱི་གཡོག་མོ་པིལ་ཧ་ཡིས་བཙས་པའི་བུ་ནི་དཱན་དང་ནཱབ་ཐ་ལི་གཉིས༌སོ།།  
\v 26 ལེ་ཨའི་གཡོག་མོ་ཟིལ་པཱ་ཡིས་བཙས་པའི་བུ་ནི་གཱ་རྡུ་དང་ཨ་ཤེར་གཉིས༌སོ། །བུ་དེ་དག་ནི་ཡ་ཀོབ་ཁོ་རང་ཕཱ་དན་ཨ་རམ་ཡུལ་དུ་ཡོད་པའི་དུས་སུ་སྐྱེས༌པའོ།།  
\v 27 དེ་ནས་ཡ་ཀོབ་རང་གི་ཕ་ཨི་སཱག་གི་དྲུང་དུ་སླེབས་པ༌དང༌། ཕ་ཡི་ཡུལ་ནི་ཀིར་ཡཱད་ཨར་པཱ་དང་བར་ཐག་ཉེ་བའི་མཱན་རེའེ་ཞེས་པའི་ཡུལ༌ཏེ། ཨབ་ར་ཧམ་དང་ཨི་སཱག་གི་སྡོད་གནས་ཀྱང་ཡིན༌ལ། ཀིར་ཡཱད་ཨར་པཱ་ཞེས་པར་ཧེབ་རོན་ཞེས་ཀྱང་ཟེར༌རོ།།   
\s1 ཨི་སཱག་ཚེ་ལས་འདས༌པ།  
\p
\v 28 དེ་ཡང་ཨི་སཱག་དགུང་ལོ་བརྒྱ་དང་བརྒྱད་ཅུར་བཞུགས༌ཤིང༌།  
\v 29 ཨི་སཱག་ལོ་ན་རྒས་ཤིང་ཚེ་ལོ་མཐར་ཕྱིན་ཏེ་ཚེ་ལས་འདས་པ་དང་མེས་པོ་རྣམས་ཀྱི་དྲུང་དུ་འཛོམས་པར་གྱུར༌ལ། ཨི་སཱག་གི་བུ་ཨེ་སཱབ་དང་ཡ་ཀོབ་གཉིས་ཀྱིས་ཁོའི་སྐུ་གདུང་དུར་དུ་སྦས༌སོ།།   
\c 36
\cl ལེའུ་སོ་དྲུག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨེ་སཱབ་ཀྱི་རིགས༌རྒྱུད།  
\p
\v 1 དེ་ཡང་ཨེ་སཱབ་ཅེས་པ་ཨེ་དོམ་ཡིན༌ཞིང༌། ཁོའི་རིགས་རྒྱུད་ནི་གཤམ་གསལ༌ལྟར།  
\v 2 ཨེ་སཱབ་ཀྱིས་ཀ་ན་ཨན་མི་རིགས་ཀྱི་བུ་མོ་རྣམས་ལས་བུ་མོ་འགའ་ཆུང་མར་བླངས་པ༌སྟེ། ཧེ་བི་མི་རིགས་ཀྱི་ཨེད་ལོན་ཞེས་བྱ་བའི་བུ་མོ་ཨ་དཱ༌དང༌། ཧི་ཝི་མི་རིགས་ཀྱི་ཚིབ་ཨོན་ཞེས་པའི་ཚ་མོ་དང་ཨ་ནཱ་ཞེས་པའི་བུ་མོ་སྟེ་ཨོ་ཧོ་ལི་བཱ་མཱ༌དང༌།  
\v 3 ཡེས་མ་ཨེལ་གྱི་བུ་མོ་སྟེ་ནཱ་བ་ཨོད་བྱ་བའི་སྲིང་མོ་པཱ་ས་མཱད་བཅས་གསུམ༌མོ།།  
\v 4 དེ་ཡང་ཨ་དཱ་ཡིས་ཨེ་སཱབ་ལ་བུ་ཨེ་ལི་ཕཱ་ཟི་བཙས་ཤིང་། པཱ་ས་མཱད་ཀྱིས་བུ་རུའུ་ཨེལ་བཙས་པ༌དང༌།  
\v 5 ཨོ་ཧོ་ལི་བཱ་མཱ་ཡིས་བུ་ཡེ་ཨུ་སི༌དང༌། ཡཱ་ཨེ༌ལཱམ། ཀོ་རཱག་བཅས་གསུམ་བཙས༌སོ། །བུ་དེ་དག་ནི་ཀ་ན་ཨན་ཡུལ་དུ་ཨེ་སཱབ་ལ་ཐོབ་པའི་བུ་རྣམས་ཡིན༌ནོ།།   
\p
\v 6 དེ་ནས་ཨེ་སཱབ་ཀྱིས་རང་གི་ཆུང་མ༌དང༌། བུ་དང་བུ༌མོ། ཁྱིམ་ཚང་ནང་གི་འཁོར་གཡོག་ཐམས་ཅད༌དང༌། ཀ་ན་ཨན་ཡུལ་ནས་ཐོབ་པའི་ཕྱུགས་ཟོག་དང་རྒྱུ་ནོར་ཐམས་ཅད་ཁྱེར༌ཏེ། རང་གི་གཅུང་པོ་ཡ་ཀོབ་དང་ཁ་བྲལ་ནས་ཡུལ་གཞན་དུ་སོང༌ངོ༌།།  
\v 7 ཅིའི་ཕྱིར་ཞེ༌ན། ཁོ་གཉིས་ལ་རྒྱུ་ནོར་དང་ཕྱུགས་ཟོག་ཤིན་ཏུ་མང་བས་ཡུལ་དེར་མ་ཤོང་བ༌དང༌། ཁོ་གཉིས་མཉམ་དུ་འདུག་ཐབས་མ་བྱུང་བའི་ཕྱིར༌རོ།།  
\v 8 དེའི༌ཕྱིར། ཨེ་སཱབ་ནི་སེ་ཨིར་རི་ཁུལ་དུ་བསྡད༌ཅིང༌། ཨེ་སཱབ་ལ་ཨེ་དོམ་ཞེས་ཀྱང་ཟེར༌རོ།།   
\p
\v 9 ཨེ་སཱབ་ནི་སེ་ཨིར་རི་ཁུལ་གྱི་ཨེ་དོམ་མི་རིགས་ཀྱི་མེས་པོ་ཡིན༌ཞིང༌། ཁོའི་རིགས་རྒྱུད་ནི་འདི་ལྟར་བྲིས་ཡོད༌དེ།  
\v 10 དེ་ཡང་ཨེ་སཱབ་ཀྱི་བུ་རྣམས་འདི་ལྟ༌སྟེ། ཨེ་སཱབ་ཀྱི་ཆུང་མ་ཨ་དཱ་ལས་སྐྱེས་པའི་བུ་ནི་ཨེ་ལི་ཕཱ་ཟི༌དང༌། ཨེ་སཱབ་ཀྱི་ཆུང་མ་པཱ་ས་མཱད་ལས་སྐྱེས་པའི་བུ་ནི་རུའུ་ཨེལ་ཞེས་པ་ཡིན༌ལ།  
\v 11 ཨེ་ལི་ཕཱ་ཟི་ཡི་བུ་རྣམས་ནི་ཐེ་མཱན༌དང༌། ཨོ༌མཱར། ཚཱ༌པཱའོ། གཱ༌ཐམ། ཀེ་ནཱ་ཟཱ་བཅས༌དང༌།  
\v 12 ཨེ་སཱབ་ཀྱི་བུ་ཨེ་ལི་ཕཱ་ཟིའི་ཆུན་མ་ཐིམ་ནཱ་ཞེས་པ་ལས་བུ་ཨ་མཱད་ལེག་སྐྱེས༌ཤིང༌། དེ་དག་ནི་ཨེ་སཱབ་ཀྱི་ཆུང་མ་ཨ་དཱ་ཡི་ཚ་བོ་རྣམས་ཡིན༌ནོ།།  
\v 13 དེ་ཡང་རུའུ་ཨེལ་གྱི་བུ་རྣམས་ནི་ནཱ་ཧད༌དང༌། ཟེ༌རག ཤམ༌མཱ། མེ་སཱ་ཞེས་བྱ་བ་རྣམས༌སོ། །དེ་དག་ནི་ཨེ་སཱབ་ཀྱི་ཆུང་མ་པཱ་ས་མཱད་ཀྱི་ཚ་བོ་རྣམས་ཡིན༌ནོ།།  
\v 14 ཨེ་སཱབ་ཀྱི་ཆུང་མ་ཨོ་ཧོ་ལི་བཱ་མཱ་ནི་ཚིབ་ཨོན་ཞེས་པའི་ཚ་མོ་དང་ཨ་ནཱ་ཞེས་པའི་བུ་མོ་ཡིན༌ལ། ཁོ་མོས་ཨེ་སཱབ་ལ་ཡེ་ཨུ་སི༌དང༌། ཡཱ་ཨེ༌ལཱམ། ཀོ་རཱག་བཅས་བུ་གསུམ་བཙས༌པའོ།།   
\p
\v 15 དེ་ཡང་ཨེ་སཱབ་ཀྱི་ཚ་བོ་རྣམས་ལས་ཚོ་དཔོན་དག་ནི་འདི་ལྟར་བྲིས་ཡོད༌དེ། ཨེ་སཱབ་ཀྱི་བུ་སྐྱེས་འགོ་ཨེ་ལི་ཕཱ་ཟི་ཡི་བུ་རྣམས་ལས་ཚོ་དཔོན་དག༌ནི། ཐེ་མཱན༌དང༌། ཨོ༌མཱར། ཚཱ༌པཱའོ། ཀེ་ནཱ༌ཟཱ།  
\v 16 ཀོ༌རཱག གཱ༌ཐམ། ཨ་མཱད་ལེག་བཅས༌སོ། །དེ་དག་ནི་ཨེ་དོམ་ཡུལ་དུ་ཨེ་ལི་ཕཱ་ཟི་ནས་མཆེད་པའི་རིགས་རྒྱུད་ཀྱི་ཚོ་དཔོན་རྣམས་ཡིན༌ལ། དེ་དག་ཐམས་ཅད་ཨ་དཱ་ཡི་ཚ་བོ་རྣམས་ཡིན༌ནོ།།  
\v 17 དེ་ཡང་ཨེ་སཱབ་ཀྱི་བུ་རུའུ་ཨེལ་གྱི་བུ་རྣམས་ལས་ཚོ་དཔོན་དག༌ནི། ནཱ་ཧད༌དང༌། ཟེ༌རག ཤམ༌མཱ། མེ་སཱ་བཅས༌སོ། །དེ་དག་ནི་ཨེ་དོམ་ཡུལ་ནས་རུའུ་ཨེལ་ལས་མཆེད་པའི་ཚོ་དཔོན་དག་ཡིན༌ལ། དེ་དག་ཐམས་ཅད་ཨེ་སཱབ་ཀྱི་ཆུང་མ་པཱ་ས་མཱད་ཀྱི་ཚ་བོ་རྣམས་ཡིན༌ནོ།།  
\v 18 དེ་ཡང་ཨེ་སཱབ་ཀྱི་ཆུང་མ་ཨོ་ཧོ་ལི་བཱ་མཱ་ཡི་བུ་རྣམས་ལས་ཚོ་དཔོན་དག་ནི་ཡེ་ཨུ་སི༌དང༌། ཡཱ་ཨེ༌ལཱམ། ཀོ་རཱག་བཅས༌སོ། །དེ་དག་ནི་ཨེ་སཱབ་ཀྱི་ཆུང་མ་དང་ཨ་ནཱ་ཡི་བུ་མོ་སྟེ་ཨོ་ཧོ་ལི་བཱ་མཱ་ལས་མཆེད་པའི་ཚོ་དཔོན་དག་ཡིན༌ནོ།།  
\v 19 གོང་དུ་བརྗོད་པའི་ཚོ་དཔོན་དེ་དག་ནི་ཨེ་སཱབ་ཀྱི་བུ་རབས་ཚ་རྒྱུད་རྣམས་ཡིན༌ཞིང༌། ཨེ་སཱབ་ལ་ཨེ་དོམ་ཞེས་ཀྱང༌བྱའོ།།   
\p
\v 20 དེ་ཡང་སྔ་མོ་ནས་ཡུལ་དེར་ཡོད་པའི་ཧོར་མི་རིགས་ཀྱི་སེ་ཨིར་ཞེས་བྱ་བའི་བུ་རྣམས་ནི་འདི་ལྟར་བྲིས་ཡོད༌དེ། ལོད་ཐན༌དང༌། ཤོ༌བཱལ། ཚིབ༌ཨོན། ཨ༌ནཱ།  
\v 21 དི༌ཤོན། ཨེ༌བཟིར། དི་ཞན་བཅས༌སོ། །དེ་དག་ནི་ཨེ་དོམ་ཡུལ་གྱི་སེ་ཨིར་གྱི་བུ་རྣམས་ཏེ་ཧོར་མི་རིགས་ཀྱི་ཚོ་དཔོན་རྣམས་ཡིན༌ནོ།།  
\v 22 ལོད་ཐན་གྱི་བུ་ནི་ཧོ་རི་དང་ཧེ་མཱམ་ཞེས་པ་གཉིས་ཡིན༌ཞིང༌། ལོད་ཐན་གྱི་སྲིང་མོ་ནི་ཐིམ་ནཱ་ཡིན༌ནོ།།  
\v 23 ཤོ་བཱལ་གྱི་བུ་ནི་ཨལ་ཝན༌དང༌། མཱ་ན༌ཧད། ཨེ༌བཱལ། ཤེ༌པོ། ཨོ་ནཱམ་བཅས༌ལྔའོ།།  
\v 24 ཚིབ་ཨོན་གྱི་བུ་ནི་ཨ་ཡཱ་དང་ཨ་ནཱ་གཉིས༌སོ། །ཨ་ནཱ་ཞེས་པ་ནི་དེ་སྔར་དབེན་སྟོང་ཡུལ་ནས་ཡབ་ཀྱི་བོང་བུ་འཚོ་བའི་དུས་སུ་ཆུ་ཁོལ་གྱི་ཆུ་མིག་རྙེད་མཁན་དེ་ཡིན༌ནོ།།  
\v 25 ཨ་ནཱ་ཡི་བུ་ནི་དི་ཤོན་ཞེས་པ༌དང༌། ཨ་ནཱའི་བུ་མོ་ནི་ཨོ་ཧོ་ལི་བཱ་མཱ་ཞེས་བྱ༌བའོ།།  
\v 26 དི་ཤོན་གྱི་བུ་ནི་ཧེམ་དཱན༌དང༌། ཨེས༌པཱན། ཡེད༌རཱན། ཀཱ་རཱན་བཅས༌བཞིའོ།།  
\v 27 ཨེ་བཟིར་གྱི་བུ་ནི་པིལ་ཧན༌དང༌། ཟ་ཨ༌ཝན། ཨ་ཀན་གསུམ༌མོ།།  
\v 28 དི་ཞན་གྱི་བུ་ནི་ཨུ་ཟཱ་དང་ཨ་རན་གཉིས༌སོ།།  
\v 29 དེ་ཡང་ཧོར་མི་རིགས་ཀྱི་ཚོ་དཔོན་རྣམས་ནི་འདི་ལྟར་བྲིས་ཡོད༌དེ། ཚོ་དཔོན་ལོད་ཐན༌དང༌། ཤོ༌བཱལ། ཚིབ༌ཨོན། ཨ༌ནཱ།  
\v 30 དི༌ཤོན། ཨེ༌བཟིར། དི་ཞན་བཅས༌སོ། །དེ་དག་ནི་ཧོར་མི་རིགས་ལས་བྱུང་བའི་ཚོ་དཔོན་རྣམས་ཡིན༌ལ། ཁོ་རྣམས་ནི་སེ་ཨིར་ཡུལ་དུ་ཡོད་ཅིང་རང་རང་གི་ཚོ་པའི་ཚོ་དཔོན་ཡིན༌ནོ།།   
\s1 ཨེ་དོམ་ཡུལ་གྱི་ས་གནས་རྒྱལ་པོའི༌སྐོར།  
\p
\v 31 དེ་ཡང་ཡེས་ར་ཨེལ་པ་རྣམས་ལ་རྒྱལ་པོ་གང་གིས་ཀྱང་སྲིད་མ་བསྐྱངས་པའི་སྔོན་དུ་ཨེ་དོམ་ཡུལ་གྱི་རྒྱལ་པོ་རྣམས་ནི་འདི་ལྟར་བྲིས་ཡོད༌དེ།  
\v 32 ཨེ་དོམ་ཡུལ་གྱི་རྒྱལ་པོ་ནི་པཱ་ཨོར་གྱི་བུ་པེ་ལཱ་ཡིན༌ཞིང༌། ཁོའི་གྲོང་ཁྱེར་གྱི་མིང་ལ་དིན་ཧ་བཱ་ཞེས་ཟེར༌རོ།།  
\v 33 དེ་ནས་པེ་ལཱ་ཚེ་ལས་འདས༌རྗེས། པོ་ཚ་རཱ་གྲོང་ཁྱེར་གྱི་ཟེ་རག་ཅེས་བྱ་བའི་བུ༌སྟེ། ཡོ་བཱབ་ནི་དེའི་རྒྱུན་མཐུད་ནས་རྒྱལ་པོར་བཞུགས་སོ།།  
\v 34 དེ་ནས་ཡོ་བཱབ་ཚེ་ལས་འདས༌རྗེས། ཐེ་མཱན་ཡུལ་གྱི་ཧུ་སཱམ་ནི་དེའི་རྒྱུན་མཐུད་ནས་རྒྱལ་པོར་བཞུགས་སོ།།  
\v 35 དེ་ནས་ཧུ་སཱམ་ཚེ་ལས་འདས༌རྗེས། པཱ་དད་ཀྱི་བུ་ཧ་དཱད་ཅེས་པ་དེའི་རྒྱུན་མཐུད་ནས་རྒྱལ་པོར་བཞུགས་སོ། །ཧ་དཱད་ནི་མོ་ཨབ་ཀྱི་ཐང་དུ་མིད་ཡཱན་མི་རིགས་འཇོམས་མཁན་དེ་ཡིན༌ལ། ཁོའི་རྒྱལ་སའི་མིང་ལ་ཨ་ཝིད་ཅེས་ཟེར༌རོ།།  
\v 36 དེ་ནས་ཧ་དཱད་ཚེ་ལས་འདས༌རྗེས། མཱས་རེ་ཁཱ་ཡུལ་གྱི་སམ་ལཱ་ཞེས་བྱ་བ་དེའི་རྒྱུན་མཐུད་ནས་རྒྱལ་པོར་བཞུགས་སོ།།  
\v 37 དེ་ནས་སམ་ལཱ་ཚེ་ལས་འདས༌རྗེས། གཙང་པོའི་ཕར་འགྲམ་གྱི་རེའེ་ཧོ་པེད་ཡུལ་གྱི་སོ་ལོ་ནི་དེའི་རྒྱུན་མཐུད་ནས་རྒྱལ་པོར་བཞུགས་སོ།།  
\v 38 དེ་ནས་སོ་ལོ་ཚེ་ལས་འདས༌རྗེས། ཨག་པོར་གྱི་བུ་པཱ་ཨལ་ཧ་ནན་ཞེས་པ་དེའི་རྒྱུན་མཐུད་ནས་རྒྱལ་པོར་བཞུགས་སོ།།  
\v 39 དེ་ནས་ཨག་པོར་གྱི་བུ་པཱ་ཨལ་ཧ་ནན་ཚེ་ལས་འདས༌རྗེས། ཧ་དཱར་ནི་དེའི་རྒྱུན་མཐུད་ནས་རྒྱལ་པོར་བཞུགས་སོ། །ཁོའི་རྒྱལ་སའི་མིང་ལ་ཕཱ་ཨུའུ་ཞེས་ཟེར་བ༌དང༌། ཁོའི་ཆུང་མའི་མིང་ལ་མཱ་ཧེ་ཐབ་ཨེལ་ཞེས་ཟེར༌ཞིང༌། ཁོ་མོ་ནི་མཱད་རཱད་ཅེས་པའི་བུ་མོ་དང་མེ་སཱ་ཧབ་ཅེས་པའི་ཚ་མོ་ཡིན༌ནོ།།   
\p
\v 40 དེ་ཡང་ཨེ་སཱབ་ནས་བྱུང་བའི་ཚོ་དཔོན་རྣམས་ནི་རང་རང་གི་རིགས་རྒྱུད༌དང༌། སྡོད༌ཡུལ། རུས་མིང་ལྟར་བྲིས་ཡོད༌དེ། ཐིམ་ནཱ༌དང༌། ཨལ༌ཝཱ། ཡཱ༌ཐེད།  
\v 41 ཨོ་ཧོ་ལི་བཱ༌མཱ། ཨེ༌ལཱ། ཕི༌ནོན།  
\v 42 ཀེ་ནཱ༌ཟཱ། ཐེ༌མཱན། མིབ༌ཚཱར།  
\v 43 མག་དི༌ཨེལ། ཨི་རཱམ་བཅས༌སོ། །དེ་དག་ནི་ཨེ་དོམ་མི་རིགས་ཀྱིས་དབང་བསྒྱུར་བའི་ཡུལ་དང་ཁོ་ཚོའི་སྡོད་གནས་ཀྱི་ཚོ་དཔོན་རྣམས་ཡིན༌ལ། ཐམས་ཅད་ཨེ་དོམ་མི་རིགས་ཀྱི་མེས་པོ་ཨེ་སཱབ་ཀྱི་རིགས་རྒྱུད་ཡིན༌ནོ།།   
\c 37
\cl ལེའུ་སོ་བདུན༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡོ་སེབ་ཀྱི་རྨི་ལམ༌སྐོར།  
\p
\v 1 དེ་ཡང་ཡ་ཀོབ་ནི་ཀ་ན་ཨན་ཡུལ་དུ་སྡོད་ཅིང་ཡུལ་དེ་ཁོའི་ཕ་བསྡད་མྱོང་བའི་ཡུལ་ཡང་ཡིན༌ནོ།།  
\v 2 ཡ་ཀོབ་ཀྱི་མཛད་རྗེས་ནི་འདི་ལྟ༌སྟེ།  
\p ཡོ་སེབ་ཀྱིས་ལོ་བཅུ་བདུན་སྟེང་རང་གི་གཅེན་པོ་རྣམས་དང་མཉམ་དུ་ར་ལུག་འཚོས༌ཤིང༌། ཁོ་གཞོན་ནུ་ཞིག་ཡིན༌ལ། རྒྱུན་དུ་ཁོའི་ཕ་ཡི་ཆུན་མ་པིལ་ཧ་དང་ཟིལ་པཱ་ཡི་བུ་རྣམས་དང་མཉམ་དུ༌བསྡད། ཡོ་སེབ་ཀྱིས་གཅེན་པོ་རྣམས་ཀྱི་སྤྱོད་ངན་མཐའ་དག་ཕ་ལ་སྨྲས༌སོ།།  
\v 3 ཡེས་ར་ཨེལ་གྱིས་བུ་གཞན་རྣམས་ལས་ཡོ་སེབ་ལ་ཤིན་ཏུ་གཅེས༌སོ། །ཅིའི་ཕྱིར་ཞེ༌ན། ཡོ་སེབ་ནི་ཁོ་རང་ལོ་ན་རྒས་པའི་དུས་སུ་སྐྱེས་པའི་བུ་ཡིན་པའི་ཕྱིར༌རོ། །ཁོས་ཡོ་སེབ་ལ་ཕྱི་གོས་ཁྲ་བོ་ཞིག་ཀྱང༌བཟོས།  
\v 4 དེ་ནས་ཡོ་སེབ་ཀྱི་གཅེན་པོ་རྣམས་ཀྱིས་ཕ་ཡིས་ཁོ་རྣམས་ལས་ཡོ་སེབ་ལ་ཤིན་ཏུ་གཅེས་པ་མཐོང༌སྟེ། ཡོ་སེབ་ལ་སྡང་ཞིང་ཡིད་སེམས་མཐུན་པའི་གཏམ་མི༌སྨྲའོ།།   
\p
\v 5 དེ་ཡང་ཡོ་སེབ་ཀྱིས་རྨི་ལམ་ཞིག་རྨིས་ཏེ་གཅེན་པོ་རྣམས་ལ་སྨྲས་པ་དང་ཁོ་རྣམས་ཡོ་སེབ་ལ་ལྷག་ཏུ་སྡང་བར༌གྱུར།  
\v 6 ཡོ་སེབ་ཀྱིས་གཅེན་པོ་རྣམས་ལ་འདི༌ལྟར། ཁྱོད་ཅག་གིས་བདག་གི་རྨི་ལམ་ལ་གསན་པར༌ཞུ།  
\v 7 ལྟོས༌དང༌། རང་ཅག་གིས་ཞིང་ནང་དུ་ཚར་ཕོན་སྡོམ་པའི་སྐབས༌སུ། བདག་གིས་བསྡམས་པའི་ཚར་ཕོན་ནི་གྱེན་དུ་བསྒྲེངས༌ཤིང༌། ཁྱོད་ཅག་གིས་བསྡམས་པའི་ཚར་ཕོན་དག་གིས་བདག་གི་ཚར་ཕོན་གྱི་མཐའ་བསྐོར་ནས་ཕྱག་བཙལ་བ་ཡིན་ཞེས་སྨྲས༌པའོ།།  
\v 8 དེ་ནས་ཁོའི་གཅེན་པོ་རྣམས་ན༌རེ། ཁྱོད་ནི་དངོས་གནས་ངེད་ཅག་གི་རྒྱལ་པོར་བྱེད༌དམ། ཁྱོད་ཀྱིས་དངོས་གནས་ངེད་ཅག་ལ་དབང་བསྒྱུར་རམ་ཞེས་སྨྲས་པ༌དང༌། ཁོ་རྣམས་ཀྱིས་ཡོ་སེབ་ཀྱི་རྨི་ལམ་དང་ཁོས་སྨྲས་པའི་སྐད་ཆ་ཐོས་པ་དང་ཁོ་ལ་ལྷག་ཏུ་སྡང་བར་གྱུར༌ཏོ།།  
\v 9 ཕྱིས་སུ་ཡོ་སེབ་ཀྱིས་ཡང་རྨི་ལམ་གཞན་ཞིག་རྨིས་ཤིང་ཁོའི་གཅེན་པོ་རྣམས་ལ་འདི༌ལྟར། ལྟོས༌དང༌། ཡང་བདག་གིས་རྨི་ལམ་ཞིག་རྨིས༌ཏེ། རྨི་ལམ་ནང་དུ་ཉི་མ༌དང༌། ཟླ༌བ། སྐར་མ་བཅུ་གཅིག་བཅས་ཀྱིས་བདག་ལ་ཕྱག་བཙལ་བ་ཡིན་ཞེས་སྨྲས༌སོ།།   
\p
\v 10 དེ་ནས་ཡོ་སེབ་ཀྱིས་ཐེངས་འདིའི་རྨི་ལམ་དེ་རང་གི་ཕ་ལའང་སྨྲས་པ༌ན། ཕ་ན༌རེ། ཁྱོད་ཀྱི་རྨི་ལམ་དེ་ཅི་ཡིན༌ནམ། བདག༌དང༌། ཁྱོད་ཀྱི་མ༌ཡུམ། ཁྱོད་ཀྱི་གཅེན་པོ་རྣམས་དངོས་གནས་ཁྱོད་ཀྱི་མདུན་དུ་ཡོང་སྟེ་ཁྱོད་ལ་ཕྱག་འཚལ་ལམ་ཞེས་སྨྲས༌སོ།།  
\v 11 དེ་ནས་ཁོའི་གཅེན་པོ་རྣམས་ཀྱིས་ཁོ་ལ་ཕྲག་དོག་བྱས་ནའང་ཕ་ཡིས་བུའི་གཏམ་དེ་སེམས་སུ་བཟུང་བ༌རེད།   
\s1 ཡོ་སེབ་ཅེས་བྱ་བ་ཨེ་ཅིབ་ཡུལ་དུ་བཙོངས༌པ།  
\p
\v 12 དེ་ཡང་ཡོ་སེབ་ཀྱི་གཅེན་པོ་རྣམས་ནི་ཁོ་རྣམས་ཀྱི་ཕ་ཡི་ར་ལུག་འཚོ་བར་སི་ཀེམ་ཡུལ་དུ་སོང་ཡོད༌ལ།  
\v 13 ཡེས་ར་ཨེལ་གྱིས་ཡོ་སེབ་ལ་འདི༌ལྟར། ཁྱོད་ཀྱི་གཅེན་པོ་རྣམས་ཀྱིས་སི་ཀེམ་ཡུལ་དུ་ར་ལུག་འཚོ་བ་མ་ཡིན༌ནམ། ཁྱོད་འདིར་ཤོག༌དང༌། བདག་གིས་ཁྱོད་རང་ཁོ་རྣམས་ཀྱི་གནས་དེར་མངག་པར་བྱ་ཞེས་སྨྲས་པ༌ན། ཡོ་སེབ་ཀྱིས་ལགས་སོ་ཞེས༌སྨྲས།  
\v 14 ཡང་ཡེས་ར་ཨེལ་ན༌རེ། ཁྱོད་རང་གི་གཅེན་པོ་རྣམས་བདེའམ་མི་བདེ༌དང༌། ར་ཁྱུ་དང་ལུག་ཁྱུ་བདེའམ་མི་བདེ་ལ་བལྟ་རུ་སོང༌སྟེ། ཕྱིར་ཡོང་ནས་བདག་ལ་སྨྲོས་ཤིག་ཅེས་སྨྲས་པ་དང་ཧེབ་རོན་ལུང་པ་ནས་མངགས༌ཤིང༌། ཁོ་རང་ལམ་ལ་ཆས་ཏེ་སི་ཀེམ་ཡུལ་དུ་སོང༌ངོ༌།།   
\p
\v 15 དེ་ནས་མི་གཞན་གྱིས་ཁོ་རང་སྤང་ཐང་དུ་མགོ་འཁོར་ནས་ལམ་ནོར་བ་མཐོང༌སྟེ། ཁྱོད་ཀྱིས་ཅི་ཞིག་འཚོལ་བཞིན་ཡོད་ཅེས་དྲིས་པ༌ན།  
\v 16 ཁོ་ན༌རེ། ངས་རང་གི་གཅེན་པོ་རྣམས་འཚོལ་བཞིན༌ཡོད། ཁོ་རྣམས་ཀྱིས་གནས་གང་དུ་ར་ལུག་འཚོ་བཞིན་པ་བདག་ལ་སྨྲ་བར་མཛོད་ཅེས་ཞུས་པ༌ན།  
\v 17 མི་དེ་ན༌རེ། ཁོ་རྣམས་ཀྱིས་མཚེར་ས་སྤར༌ཟིན། བདག་གིས་ཐོས་པ་ལྟར༌ན་ཁོ་རྣམས་དོའུ་ཐཱན་ཡུལ་དུ་འགྲོ་བར་སྨྲ་ཞེས༌སྨྲས། དེ་ནས་ཡོ་སེབ་ཀྱིས་རང་གི་གཅེན་པོ་རྣམས་ཀྱི་རྗེས་བསྙེགས༌ཏེ། ཁོ་རྣམས་དོའུ་ཐཱན་དུ་ཡོད་པ་མཐོང༌ངོ༌།།   
\p
\v 18 ཡོ་སེབ་ཀྱི་གཅེན་པོ་རྣམས་ཀྱིས་རྒྱང་རིང་ནས་ཁོ་རང་མཐོང་བ་དང་ཉེ་བར་མ་སླེབས་པའི་སྐབས་དང་བསྟུན་ནས་ཁོ་རང་གསོད་པར་གྲོས་བྱས༌ཏེ།  
\v 19 ཕན་ཚུན་ལ་འདི༌ལྟར། ལྟོས༌དང༌། རྨི་ལམ་རྨི་མཁན་དེ་ཡོང་བཞིན༌འདུག  
\v 20 ཤོག༌དང༌། རང་ཅག་གིས་ཁོ་རང་བསད་ནས་ས་དོང་ཞིག་གི་ནང་དུ་འཕེན་པར༌བྱ། ཁོ་རང་གཅན་གཟན་གྱིས་ཟོས་སོང་ཞེས་སྨྲ་བར༌བྱ། དེས་ན་ཁོའི་རྨི་ལམ་མ་འོངས་པར་ཅི་འདྲ་ཞིག་ཡིན་པར་བལྟ་ཞེས་སྨྲས༌སོ།།  
\v 21 དེ་ནས་རུ་བེན་གྱིས་གཏམ་དེ་དག་ཐོས་པ་དང་ཁོ་རྣམས་ལས་ཡོ་སེབ་སྐྱོབ་འདོད་དེ་འདི༌ལྟར། རང་ཅག་གིས་ཁོ་རང་གསོད་མི་རུང་ཞེས༌དང༌།  
\v 22 ཡང་ན༌རེ། ཁོ་རང་གསོད་མི༌རུང༌། གནོད་འཚེ་ཅི་ཡང་མི་བྱེད་པར་དབེན་སྟོང་དུ་ཡོད་པའི་ས་དོང་འདིའི་ནང་དུ་འཕེན་པར་བྱ་ཞེས་སྨྲས༌སོ། །རུ་བེན་གྱིས་དེ་ལྟར་སྨྲས་པ་ནི་ཡོ་སེབ་ཁོ་རྣམས་ལས་བསྐྱབས་ཏེ་ཁོའི་ཕ་ལ་སྤྲོད་འདོད་པའི་ཕྱིར༌རོ།།  
\v 23 དེ་ནས་ཡོ་སེབ་རང་གི་གཅེན་པོ་རྣམས་ཀྱི་གམ་དུ་སླེབས་པ་དང༌། ཁོ་རྣམས་ཀྱིས་ཡོ་སེབ་ཀྱི་ལུས་ལ་གྱོན་ཡོད་པའི་ཕྱི་གོས་ཁྲ་བོ་དེ་ཕུད༌ཅིང༌།  
\v 24 ཁོ་རང་ས་དོང་ནང་དུ༌འཕངས། ས་དོང་དེའི་ནང་དུ་ཆུ་མེད་པར་སྟོང་བ་ཡིན༌ནོ།།   
\p
\v 25 དེ་ནས་ཁོའི་གཅེན་པོ་རྣམས་ས་ལ་བསྡད་ནས་ཁ་ཟས་སྤྱད་ཅིང་མགོ་ཡར་བཀྱགས་ནས་བལྟས་པ༌ན། ཡེས་མ་ཨེལ་མི་རིགས་ཀྱི་ཚོང་པ་སྐོར་ཞིག་གིལ་ཨད་ཡུལ་ནས་ཡོང་བཞིན་ཡོད་པ༌དང༌། ཁོ་རྣམས་ཀྱིས་བསུང་རྫས༌དང༌། སྤོས་དཀར། གུ་གུལ་བཅས་རྔ་མོང་དག་ལ་བཀལ་ནས་མར་ཨེ་ཅིབ་ཡུལ་དུ་འགྲོ་བཞིན་པ་མཐོང༌ངོ༌།།  
\v 26 དེ་ནས་ཡ་ཧུ་དཱ་ཡིས་སྤུན་གཞན་རྣམས་ལ་འདི༌ལྟར། རང་ཅག་གིས་སྤུན་ཆུང་བསད་ནས་དོན་དེ་གསང་ན་ཅི་ལ༌ཕན།  
\v 27 དེའི༌ཕྱིར། རང་ཅག་གིས་ཁོ་རང་ཡེས་མ་ཨེལ་མི་རིགས་ལ་བཙོངས་ན་ལེགས༌སོ། །ཁོ་རང་གསོད་མི་འོས༌ཏེ། ཁོ་ནི་རང་ཅག་དང་ཤ་ཁྲག་གཅིག་ལས་མཆེད་པའི་སྤུན་ཡིན༌པའི་ཕྱིར་རོ་ཞེས་སྨྲས་པ་དང་སྤུན་གཞན་རྣམས་ཀྱིས་ཀྱང་ཁོའི་གཏམ་ལ༌མཉན་ཏོ།།  
\v 28 དེ་ནས་ཡེས་མ་ཨེལ་ཞེས་བྱ་བ་སྟེ་མིད་ཡཱན་མི་རིགས་ཀྱི་ཚོང་པ་འགའ་ཤས་ཡུལ་དེ་བརྒྱུད་ནས་འགྲོ་བའི་ཚེ༌ན། ཡོ་སེབ་ཀྱི་གཅེན་པོ་རྣམས་ཀྱིས་ཁོ་རང་ས་དོང་ལས་བླངས༌ཏེ། དངུལ་སྲང་ཉི་ཤུར་ཐག་བཅད་པ་ལྟར་ཁོ་རང་ཡེས་མ་ཨེལ་མི་རིགས་ཀྱི་ཚོང་པ་རྣམས་ལ་བཙོངས་པ༌དང༌། དེ་རྣམས་ཀྱིས་ཁོ་རང་ཨེ་ཅིབ་ཡུལ་དུ་ཁྲིད༌དོ།།   
\p
\v 29 དེ་ནས་རུ་བེན་ས་དོང་གི་གམ་དུ་ཡོང་བ་དང་ཡོ་སེབ་མེད་པ་མཐོང་ནས་ཡིད་ཤིན་ཏུ་སྐྱོ་སྟེ་རང་གི་གྱོན་གོས་ཀྱང་བཤགས་པ༌དང༌།  
\v 30 སྤུན་རྣམས་ཀྱི་གམ་དུ་སོང༌སྟེ། སྤུན་ཡོ་སེབ་མི༌མཐོང༌། ད་ནི་ང་རང་གང་དུ་འགྲོའམ་ཞེས་སྨྲས༌སོ།།   
\p
\v 31 དེ་ནས་གཅེན་པོ་རྣམས་ཀྱིས་ར་ཕོ་ཞིག་བཤས་ཤིང་ཡོ་སེབ་ཀྱི་ཕྱི་གོས་དེ་ཁྲག་གི་ནང་དུ་སྦངས༌རྗེས།  
\v 32 མི་ཞིག་གྱོན་གོས་དེ་ཁོ་རྣམས་ཀྱི་ཕ་ཡི་དྲུང་དུ་བསྐྱལ་བར་མངགས༌ཤིང༌། ཕ་ལ་འདི་ལྟར་བརྗོད་པ་སྟེ། ངེད་ཅག་གིས་གྱོན་གོས་འདི་རྙེད་པ༌ཡིན། དེ་ནི་ཁྱེད་ཀྱི་བུ་ཡོ་སེབ་ཀྱི་གྱོན་གོས་ཡིན་མིན་ལ་བལྟ་བར་མཛོད་ཅེས་སྨྲས༌པའོ།།   
\p
\v 33 དེ་ནས་ཕ་ཡིས་བུའི་གྱོན་གོས་ཡིན་པ་ཤེས་ཏེ་འདི་སྐད༌དུ། འདི་ནི་བདག་གི་བུ་ཡོ་སེབ་ཀྱི་ཕྱི་གོས་ཡིན༌འདུག ཁོ་ནི་ད་ལྟ་གཅན་གཟན་གྱིས་ཟོས༌སོང༌། བུ་ཡོ་སེབ་དུམ་བུ་དུམ་བུར་བྱས་པ་ཤ་སྟག་རེད་ཅེས་སྨྲས༌ཤིང༌།  
\v 34 ཡ་ཀོབ་ཀྱིས་རང་གི་གྱོན་གོས་བཤགས་པ༌དང༌། ལུས་སྨད་དུ་རྩིད་རས་གྱོན༌ཏེ་བུ་ཡི་ཆེད་དུ་ཉིན་དུ་མར་མྱ་ངན༌བྱས།  
\v 35 དེ་ནས་ཡ་ཀོབ་ཀྱི་བུ་བུ་མོ་ཐམས་ཅད་ཡོང་ནས་ཁོང་ལ་སེམས་གསོ་བྱས༌ནའང༌། ཁོང་གིས་དེ་དག་གི་སེམས་གསོའི་གཏམ་ལ་མི་ཉན་པར་མ་ཟད་འདི་སྐད༌དུ། བདག་ནི་མྱ་ངན་གྱི་ངང་ནས་གཤིན་པོའི་གནས་ཀྱི་བུ་ཡོ་སེབ་གམ་དུ་འགྲོ་ངེས་ཡིན་ཞེས་སྨྲས་པ་དང་བུ་ཡི་རྐྱེན་གྱིས་ཡིད་སྐྱོ་བའི་ངང་ནས་ངུས༌སོ།།   
\p
\v 36 དེ་ཡང་མིད་ཡཱན་པ་དེ་རྣམས་ཀྱིས་ཡོ་སེབ་ཅེས་བྱ་བ་ཨེ་ཅིབ་ཡུལ་དུ་ཁྲིད༌ཅིང༌། ཡང་ཁོ་རང་རྒྱལ་པོ་ཕཱར་ཨོལ་གྱི་ནང་བློན༌ཏེ། རྒྱལ་པོའི་སྐུ་སྲུང་དམག་དཔོན་ཕའོ་ཏི་ཕར་ལ་བཙོངས༌སོ།།   
\c 38
\cl ལེའུ་སོ་བརྒྱད༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཧུ་དཱ་དང་ཐལ་མཱར་ཞེས་བྱ་བའི༌སྐོར།  
\p
\v 1 སྐབས༌དེར། ཡ་ཧུ་དཱ་རང་གི་སྤུན་ཟླ་རྣམས་དང་ཁ་བྲལ་ནས་ཨ་དུལ་ལཱམ་མི་རིགས་ཀྱི་ཧི་རཱ་ཞེས་པའི་ཁྱིམ་དུ་སོང༌ཞིང༌།  
\v 2 ཡ་ཧུ་དཱ་ཡིས་ཁྱིམ་དེ་ནས་ཀ་ན་ཨན་མི་རིགས་ཀྱི་ཤུ་ཨ་ཞེས་པ་དེའི་བུ་མོ་མཐོང་ནས་རང་གི་ཆུང་མར་བླངས་ཤིང་ལུས་འབྲེལ་བྱས་པ༌དང༌།  
\v 3 ཁོ་མོར་མངལ་ཆགས་ཏེ་བུ་ཞིག་སྐྱེས་པ་ལ་ཡ་ཧུ་དཱ་ཡིས་བུའི་མིང་ལ་ཨེར་ཞེས་བཏགས༌སོ།།  
\v 4 དེ་ནས་ཡང་ཁོ་མོར་མངལ་སྦྲུམ་ནས་བུ་ཞིག་སྐྱེས་པ་ལ་མ་ཡིས་བུའི་མིང་ལ་ཨོ་ནན་ཞེས་བཏགས༌སོ།།  
\v 5 དེ་ནས་ཡང་ཁོ་མོར་མངལ་ཆགས་ཏེ་བུ་ཞིག་སྐྱེས་པ་ལ་ཤེ་ལཱ་ཞེས་བཏགས་པ༌དང༌། ཁོ་མོས་བུ་ཤེ་ལཱ་བཙའ་བའི་དུས་སུ་ཡ་ཧུ་དཱ་ནི་ཀཱ་ཟིབ་གྲོང་རྡལ་དུ་ཡོད༌དོ།།   
\p
\v 6 དེ་ནས་ཡ་ཧུ་དཱ་ཡིས་བུ་སྐྱེས་འགོ་ཨེར་ལ་ཆུང་མ་ཞིག་བླངས་ཤིང་ཁོ་མོའི་མིང་ལ་ཐལ་མཱར་ཞེས༌ཟེར།  
\v 7 འོན༌ཀྱང༌། དཀོན་མཆོག་ཡ་ཝཱེའི་སྤྱན་ལམ་དུ་ཡ་ཧུ་དཱའི་བུ་སྐྱེས་འགོ་ཨེར་ནི་མི་ཐ་ཤལ་ཅན་དུ་མཐོང༌བས། དཀོན་མཆོག་ཡ་ཝཱེས་ཁོ་རང་འཆི་བར་མཛད༌དོ།།   
\p
\v 8 དེ་ནས་ཡ་ཧུ་དཱ་ཡིས་བུ་འབྲིང་བ་ཨོ་ནན་ལ་འདི༌ལྟར། ཁྱོད་ནི་རང་གི་གཅེན་པོའི་ཆུང་མར་འགྲོགས་པ༌དང༌། གཅུང་པོའི་འགན་ཁུར་དང་དུ་བླངས་ཏེ་གཅེན་པོའི་ཆེད་དུ་ཁོ་མོར་བུ་ཞིག་སྐྱེས་པར་གྱིས་ཞེས༌སྨྲས།  
\v 9 འོན་ཀྱང་ཨོ་ནན་གྱིས་ཁོ་མོར་བུ་སྐྱེས་ནའང་རང་ལ་མི་དབང་བ་ཤེས༌ཏེ། གཅེན་པོར་རིགས་རྒྱུད་མི་འབྱུང་བའི་ཆེད་དུ་ལུས་འབྲེལ་བྱེད་པའི་དུས་སུ་རང་གི་ཁམས་དཀར་ས་རུ་གཏོར་བ༌རེད།  
\v 10 དེ་ཡང་དཀོན་མཆོག་ཡ་ཝཱེའི་སྤྱན་ལམ་དུ་ཨོ་ནན་གྱི་ལས་དེ་ནི་ལས་ངན་པར་གཟིགས༌པས། ཁོང་གིས་ཨོ་ནན་ཡང་འཆི་བར་མཛད༌དོ།།   
\p
\v 11 དེ་ནས་ཡ་ཧུ་དཱ་ཡི་སེམས་སུ་བུ་ཆུང་བ་ཤེ་ལཱའང་ཁོའི་གཅེན་པོ་གཉིས་ལྟར་འཆིའོ་སྙམ༌སྟེ། མནའ་མ་ཐལ་མཱར་ལ་འདི༌ལྟར། བདག་གི་བུ་ཤེ་ལཱ་ནར་སོན་པའི་བར༌དུ། ཁྱོད་རང་གི་ཕ་གཞིས་སུ་སོང་ནས་ཡུགས་མོར་སྡོད་ཅིག་ཅེས་སྨྲས་པ༌དང༌། ཁོ་མོ་ཕ་གཞིས་སུ་སོང་ནས༌བསྡད་དོ།།   
\p
\v 12 དེ་ནས་དུས་ཡུན་རིང་པོ་འགོར་བའི་རྗེས༌སུ། ཡ་ཧུ་དཱའི་ཆུང་མ་ཤུ་ཨ་ཡི་བུ་མོ༌ཤིའོ། །དེ་ནས་ཡ་ཧུ་དཱ་མྱ་ངན་ལས་སངས་ཏེ་ཁོའི་གྲོགས་པོ་ཨ་དུལ་ལཱམ་མི་རིགས་ཀྱི་ཧི་རཱ་ཞེས་པ་དང་མཉམ་དུ་ཐིམ་ནཱ་ཡུལ་གྱི་རང་གི་ལུག་བལ་འབྲེག་མཁན་རྣམས་ཀྱི་གམ་དུ་སོང༌ངོ༌།།  
\v 13 དེར་མི་ཞིག་གིས་ཐལ་མཱར་ལ་འདི༌ལྟར། ཁྱོད་ཀྱི་སྒྱུག་པོ་ཐིམ་ནཱ་རུ་རང་གི་ལུག་བལ་འབྲེག་ཏུ་སོང་ཞེས་པ༌ལ།  
\v 14 ཐལ་མཱར་གྱིས་ཤེ་ལཱ་ནར་སོན་ཡོད་པ་མཐོང་ཞིང་ཁོས་ད་དུང་རང་ཉིད་ཆུང་མར་མ་བླངས༌པས། ཡུགས་མོའི་གྱོན་གོས་ཕུད་དེ་གདོང་ཁེབས་ཀྱིས་ངོ་བཀབ་པ་དང་ལུས་པོའང་བཀབ༌རྗེས། ཐིམ་ནཱ་རུ་འགྲོ་བའི་ལམ་དུ་ཨེ་ནཱ་ཡིམ་གྱི་མཁར་སྒོའི་འགྲམ་དུ་ཙོག་པུར༌བསྡད།  
\v 15 ཡ་ཧུ་དཱ་ཡིས་ཁོ་མོ་མཐོང་སྟེ་སྨད་འཚོང་མ་ཞིག་ཡིན་པར་སྙམ་པ༌སྟེ། ཁོ་མོས་གདོང་ཁེབས་ཀྱིས་ངོ་བཀབ་ཡོད་པའི་ཕྱིར༌རོ།།  
\v 16 དེ་ནས་ཡ་ཧུ་དཱ་ཕྱིར་འཁོར་ནས་ཁོ་མོའི་མདུན་དུ་ཡོང་སྟེ་ན༌རེ། ཤོག༌དང༌། ང་རང་ཁྱོད་དང་འགྲོགས་པར་བྱ་ཞེས་སྨྲས༌སོ། །རྒྱུ་མཚན་ནི་ཡ་ཧུ་དཱས་ཁོ་མོ་རང་གི་མནའ་མ་ཡིན་པ་མ་ཤེས་པའི་ཕྱིར༌རོ། །ཐལ་མཱར་ན༌རེ། ཁྱོད་བདག་དང་འགྲོགས་འདོད༌ན། ཁྱོད་ཀྱིས་བདག་ལ་ཅི་ཞིག་སྟེར་རམ་ཞེས་པ༌ལ།  
\v 17 ཡ་ཧུ་དཱ་ན༌རེ། བདག་གིས་མི་ཞིག་མངགས་ནས་རང་གི་ར་ཁྱུ་ལས་རེའུ་ཞིག་འཁྱེར་ཡོང་སྟེ་ཁྱོད་ལ་སྟེར་ཞེས༌སྨྲས། ཡང་ཐལ་མཱར་ན༌རེ། ཁྱོད་ཀྱིས་རེའུ་མ་བསྐྱལ་བའི་སྔོན༌ལ། བདག་ལ་གཏའ་མ་ཅི་ཞིག་འཇོག་གམ་ཞེས་སྨྲས་པ༌ན།  
\v 18 ཡང་ཡ་ཧུ་དཱ་ན༌རེ། བདག་གིས་ཁྱོད་ལ་གཏའ་མ་ཅི་ཞིག་འཇོག་གམ་ཞེས་སྨྲས༌ཤིང༌། ཡང་ཐལ་མཱར་ན༌རེ། ཁྱོད་ཀྱི་ཐམ་ག༌དང༌། ཐམ་གའི་རྒྱུན༌བུ། ལག་ཏུ་ཐོགས་པའི་མཁར་བ་བཅས་འཇོག་པར་མཛོད་ཅིག་ཅེས་སྨྲས་པ༌དང༌། ཡ་ཧུ་དཱ་ཡིས་དངོས་པོ་དེ་དག་ཁོ་མོར་སྤྲད༌རྗེས། ཁོ་མོ་དང་ལུས་འབྲེལ་བྱས་ཤིང་ཁོ་མོར་ཡ་ཧུ་དཱ་ལས་མངལ་སྦྲུམ་པར༌གྱུར།  
\v 19 དེ་ནས་ཁོ་མོ་ཡར་ལངས་ནས་སོང་བ་དང༌། གདོང་ཁེབས་བླངས་ཏེ་ཡང་ཡུགས་མོའི་གྱོན་གོས་ལུས་ལ་གྱོན༌ཏོ།།   
\p
\v 20 ཡ་ཧུ་དཱ་ཡིས་རང་གི་གྲོགས་པོ་ཧི་རཱ་ལ་རེའུ་ཞིག་བསྐུར༌ཏེ། བུད་མེད་དེ་ལས་གཏའ་མ་ཕྱིར་ལེན་པར་ཕྱིན་ནའང་བུད་མེད་དེ་མ་རྙེད༌པས།  
\v 21 ཡུལ་དེ་གའི་སྐྱེས་པ་རྣམས་ལ་ཨེ་ནཱ་ཡིམ་གྱི་ལམ་ཁར་སྡོད་པའི་ཆོས་རྫུ་སྨད་འཚོང་མ་ནི་གང་དུ་ཡོད་ཅེས་དྲིས་པ༌ན། དེ་རྣམས་ཀྱིས་འདི་རུ་ཆོས་རྫུ་སྨད་འཚོང་མ་མེད་ཅེས་ལན་བཏབ༌བོ།།  
\v 22 དེ་ནས་ཧི་རཱ་ཕྱིར་ཡ་ཧུ་དཱའི་དྲུང་དུ་སོང་སྟེ་འདི༌ལྟར། ངས་ཁོ་མོ་རྙེད་མ༌བྱུང༌། ཡུལ་དེའི་སྐྱེས་པ་རྣམས་ཀྱིས་འདི་རུ་ཆོས་རྫུ་སྨད་འཚོང་མ་མེད་ཟེར་ཞེས་སྨྲས་པ༌དང༌།  
\v 23 ཡ་ཧུ་དཱ་ན༌རེ། ལྟོས༌དང༌། བདག་གིས་རེའུ་བསྐྱལ་ནའང་ཁྱོད་ཀྱིས་ཁོ་མོ་བཙལ་ནས་མ༌རྙེད། མི་གཞན་གྱིས་རང་ཅག་ལ་འཕྱ་སྨོད་མི་བྱེད་པའི༌ཕྱིར། ཁོ་མོར་ཁྱེར་ན་འཁྱེར་དུ་ཆུག་ཅེས་སྨྲས༌སོ།།   
\p
\v 24 དེ་ནས་ཟླ་བ་གསུམ་ཙམ་འགོར༌རྗེས། མི་ཞིག་གིས་ཡ་ཧུ་དཱ་ལ་འདི་ལྟར་སྨྲས༌པ། ཁྱོད་ཀྱི་མནའ་མ་ཐལ་མཱར་ནི་སྨད་འཚོང་མར་གྱུར་པར་མ༌ཟད། ཁོ་མོས་ལོག་གཡེམ་བྱས་ཏེ་མངལ་སྦྲུམ་འདུག་ཅེས་པ༌ན། ཡ་ཧུ་དཱ་ན༌རེ། ཁོ་མོ་དྲུད་ཡོང་ནས་མེར་བསྲེག་པར་གྱིས་ཞེས་སྨྲས༌སོ།།  
\v 25 དེ་ནས་ཐལ་མཱར་དྲུད་ནས་ཡོང་བའི་སྐབས༌སུ། ཁོ་མོས་རང་གི་སྒྱུག་པོར་ངག་འཕྲིན་ཞིག་བསྐུར་བ༌སྟེ། དངོས་པོ་འདི་དག་སུ་ཞིག་གི་ཡིན༌ན། བདག་ལ་དེ་ལས་མངལ་སྦྲུམ་པ༌ཡིན། དེའི༌ཕྱིར། ཁྱོད་ཀྱིས་ཐམ་ག༌དང༌། ཐམ་གའི་རྒྱུན༌བུ། མཁར་བ་འདི་དག་སུ་ཞིག་གི་ཡིན་པ་ངོས་འཛིན་པར་གྱིས་ཞེས་མི་ཞིག་ཡ་ཧུ་དཱའི་དྲུང་དུ༌མངགས།  
\v 26 དེ་ནས་ཡ་ཧུ་དཱས་ཀྱང་དངོས་པོ་དེ་དག་ངོས་ཟིན༌ཏེ། ཁོ་མོ་ནི་བདག་ལས་ཀྱང་དྲང་པོ་ཡིན༌ཏེ། བདག་གིས་ཁོ་མོ་རང་གི་བུ་ཤེ་ལཱ་ལ་ཆུང་མར་མ་བྱིན་པའི་ཕྱིར་ཡིན་ཞེས་སྨྲས༌སོ། །དུས་དེ་ནས་བཟུང་ཡ་ཧུ་དཱ་ཁོ་མོ་དང་ལུས་འབྲེལ་མ་མྱོང༌ངོ༌།།   
\p
\v 27 དེ་ཡང་ཐལ་མཱར་བུ་བཙའ་རན་ལ་སླེབས་པའི་སྐབས༌སུ། ཁོ་མོའི་མངལ་དུ་མཚེ་མ་ཞིག་ཆགས་ཡོད་པ་ཡིན༌ནོ།།  
\v 28 ཁོ་མོས་བུ་བཙའ་བའི་དུས༌སུ། ཕྲུ་གུ་ཞིག་གི་ལག་པ་ཐོག་མར་མངལ་ལས་ཐོན་པ༌དང༌། སྐྱེ་གཡོག་མས་སྐུད་པ་དམར་པོ་ཕྲུ་གུའི་ལག་པར་མདུད༌དེ། འདི་ནི་ཕྲུ་གུ་ཐོག་མ་ཡིན་ཞེས་སྨྲས༌སོ།།  
\v 29 དེ་ནས་ཅུང་མ་འགོར་བར་ཕྲུ་གུའི་ལག་པ་ཕྱིར་མངལ་ནང་དུ་བསྐུམས་པ༌དང༌། ཕྲུ་གུ་གཞན་དེ་ཐོག་མར༌བཙས། དེ་ནས་སྐྱེ་གཡོག་མ་ན༌རེ། ཁྱོད་ཅིའི་ཕྱིར་འཚང་ནས་ཡོང་ངམ་ཞེས་སྨྲས་པའི༌ཕྱིར། ཕྲུ་གུ་དེའི་མིང་ལ་ཕེ་རེལ་ཟི་ཞེས་བཏགས༌སོ།།  
\v 30 དེའི་རྗེས་ནས་ལག་པར་སྐུད་པ་དམར་པོ་མདུད་པའི་ཕྲུ་གུའང་བཙས་པ༌དང༌། ཕྲུ་གུ་དེའི་མིང་ལ་ཟེ་རག་ཅེས་བཏགས༌སོ།།   
\c 39
\cl ལེའུ་སོ་དགུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 དམག་དཔོན་ཕའོ་ཏི་ཕར་གྱི་ཆུང་མས་ཡོ་སེབ་ལ་གནོད་འཚེ་བྱས༌པ།  
\p
\v 1 དེ་ཡང་ཡོ་སེབ་ནི་ཨེ་ཅིབ་ཡུལ་དུ་ཁྲིད་པ༌དང༌། ཨེ་ཅིབ་ཀྱི་མི་ཞིག་སྟེ་ཕཱར་ཨོལ་གྱི་ནང་བློན་དང་རྒྱལ་པོའི་སྐུ་སྲུང་དམག་དཔོན་ཕའོ་ཏི་ཕར་གྱིས་ཡེས་མ་ཨེལ་མི་རིགས་ཀྱི་ཚོང་པ་དེ་རྣམས་ལས་ཡོ་སེབ་ཉོས༌སོ།།   
\p
\v 2 དེ་ནས་ཡོ་སེབ་ནི་ཨེ་ཅིབ་ཡུལ་གྱི་རང་གི་བདག་པོ་ཕའོ་ཏི་ཕར་གྱི་ཁྱིམ་དུ་བསྡད༌ཅིང༌། དཀོན་མཆོག་ཡ་ཝཱེ་ཡང་ཁོ་དང་མཉམ་དུ་བཞུགས་པས་ཁོའི་བྱ་བ་ཐམས་ཅད་བདེ་བར༌གྲུབ།  
\v 3 བདག་པོ་ཕའོ་ཏི་ཕར་གྱིས་དཀོན་མཆོག་ཡ་ཝཱེ་ཁོ་དང་མཉམ་དུ་བཞུགས་པ་དང་དཀོན་མཆོག་ཡ་ཝཱེས་ཁོའི་བྱ་བ་ཐམས་ཅད་བདེ་བར་འགྲུབ་པར་མཛད་པ་མཐོང༌བས།  
\v 4 ཡོ་སེབ་ལ་བདག་པོ་ཕའོ་ཏི་ཕར་གྱི་མདུན་དུ་ཐུགས་རྗེ་ཐོབ་པ་དང་ཁོས་བདག་པོ་ལ་ཞབས་ཕྱི་བསྒྲུབས་པར་མ༌ཟད། བདག་པོས་ཁོ་རང་ཁྱིམ་ལས་གཉེར་མཁན་དུ་བསྐོས་ཤིང་རྒྱུ་ནོར་ཐམས་ཅད་ཁོ་ལ་བཅོལ་བ༌རེད།  
\v 5 དུས་དེ་ནས༌བཟུང༌། དཀོན་མཆོག་ཡ་ཝཱེས་ཡོ་སེབ་ཀྱི་རྐྱེན་ལ་བརྟེན་ནས་ཨེ་ཅིབ་ཀྱི་མི་དེའི་ཁྱིམ་ལ་བྱིན་རླབས་གནང༌སྟེ། བདག་པོའི་ཁྱིམ་ཚང་ཕྱི་ནང་ཐམས་ཅད་ལ་བྱིན་རླབས་ཐོབ༌བོ།།  
\v 6 དེ་ལྟར་བདག་པོས་རྒྱུ་ནོར་ཐམས་ཅད་ཡོ་སེབ་ལ་བཅོལ་བ༌དང༌། རང་གི་བཟའ་བཏུང་ཁོ་ན་མ༌གཏོགས། དོན་གཞན་དག་ལ་སེམས་ཁུར་ཅི་ཡང་མི་བྱེད༌དོ།།  
\p དེ་ཡང་ཡོ་སེབ་ནི་སྐྱེས་གཟུགས་ལེགས་ཤིང་ཞལ་རས་མཛེས་པའི་ཕོ་གསར་ཞིག་ཡིན༌ནོ།།  
\v 7 དོན་དེའི་རྗེས༌སུ། བདག་པོའི་ཆུང་མས་ཡོ་སེབ་ལ་ཟུར་མིག་བསྟན༌ཏེ། ཁྱོད་བདག་དང་འགྲོགས་པར་གྱིས་ཞེས༌སྨྲས།  
\v 8 འོན་ཀྱང་ཡོ་སེབ་ཀྱིས་དོན་དེ་ཁས་མ་བླངས་པར་ཁོ་མོ་ལ་འདི༌ལྟར། ལྟོས༌དང༌། བདག་པོས་རྒྱུ་ནོར་ཐམས་ཅད་བདག་ལ་བཅོལ་བ༌དང༌། ཁྱིམ་ཚང་ལ་སེམས་ཁུར་ཅི་ཡང་མི༌བྱེད།  
\v 9 ཁྱིམ་འདི་རུ་བདག་ལས་དབང་ཅན་ཞིག༌མེད། བདག་པོས་ཁྱོད་རང་ཁོ་ན་ལས༌གཞན། བདག་ལ་མ་བཅོལ་བ་གཅིག་ཀྱང་མེད༌དེ། ཅིའི་ཕྱིར་ཞེ༌ན། ཁྱོད་ནི་བདག་པོའི་ཆུང་མ་ཡིན་པའི་ཕྱིར༌རོ། །དེའི༌ཕྱིར། བདག་གིས་ལས་ངན་པ་འདི་ལྟ་བུ་བྱེད་རུང༌ངམ། གལ་ཏེ་འདི་ལྟར་བྱས་ན་བདག་གིས་དཀོན་མཆོག་ལ་འགལ་བའི་སྡིག་པ་བྱས་པ་ཡིན་ཞེས་སྨྲས༌སོ།།  
\v 10 ཕྱིས་སུའང་ཁོ་མོས་ནམ་རྒྱུན་ཡོ་སེབ་ལ་དེ་ལྟར་སྨྲས་ཀྱང་ཡོ་སེབ་ཀྱིས་དོན་དེ་ཁས་མི་ལེན་པར་མ༌ཟད། ཁོ་མོ་དང་མཉམ་དུའང་མ་བསྡད༌དོ།།  
\v 11 ཉིན་ཞིག༌ལ། ཡོ་སེབ་ཁྱིམ་ནང་དུ་ཞབས་ཕྱི་བསྒྲུབ་ཏུ་སོང༌ཞིང༌། ཁྱིམ་དུ་ཞབས་ཕྱི་པ་གཞན་སུ་ཡང་མེད༌པས།  
\v 12 བུད་མེད་དེས་ཡོ་སེབ་ཀྱི་ལྭ་བ་ནས་བཟུང༌སྟེ། ཁྱོད་བདག་དང་འགྲོགས་པར་གྱིས་ཞེས་སྨྲས་པ༌ན། ཡོ་སེབ་ཀྱིས་ལྭ་བ་བསྐྱུར་ཏེ་སྒོའི་ཕྱི་རོལ་ཏུ་བྲོས༌སོ།།  
\v 13 དེ་ནས་བུད་མེད་དེས་ཡོ་སེབ་ཀྱིས་ལྭ་བ་བསྐྱུར་ནས་བྲོས་པ་མཐོང་བ༌དང༌།  
\v 14 ཞབས་ཕྱི་པ་གཞན་དག་བོས༌ཏེ། ཁྱོད་ཅག་གིས་ལྟོས༌དང༌། བདག་པོས་ཨིབ་རི་པ་ཞིག་རང་ཁྱིམ་དུ་ཁྲིད་ཡོང་ནས་རང་ཅག་ལ་བརྙས་བཅོས་བྱེད༌དོ། །ཡོ་སེབ་ང་རང་ལ་འགྲོགས་སུ་ཡོང་བ་དང་ངས་སྐད་ཆེན་པོས་ཀི་བཏབ་པ༌ཡིན།  
\v 15 ཁོས་ཀི་སྒྲ་ཐོས་པ་དང་ལྭ་བ་འདི་རུ་བསྐྱུར་ཏེ་སྒོའི་ཕྱི་རོལ་ཏུ་བྲོས་སོང་ཞེས་སྨྲས༌སོ།།   
\p
\v 16 དེ་ནས་བུད་མེད་དེས་ཡོ་སེབ་ཀྱི་ལྭ་བ་ཁོ་མོའི་གནས་དེར་བཞག་སྟེ་བདག་པོ་ཡོང་བར་སྒུག་པ༌རེད།  
\v 17 བདག་པོ་ཡོང་བ་དང་ཁོ་མོས་འདི༌ལྟར། ཁྱོད་ཀྱིས་རང་ཁྱིམ་དུ་ཁྲིད་ཡོང་བའི་ཨིབ་རི་པ་གཡོག་པོ་དེས་ང་རང་རྩེད་སྤྱད་བྱེད་པར་རྩོམ་པ༌ན།  
\v 18 ངས་སྐད་ཆེན་པོས་ཀི་བཏབ་པ་དང་ཁོས་ལྭ་བ་བསྐྱུར་ནས་བྲོས་སོང་ཞེས་སྨྲས༌སོ།།   
\p
\v 19 དེ་ཡང་ཡོ་སེབ་ཀྱི་བདག་པོས་རང་གི་ཆུང་མས་ཁྱོད་ཀྱི་གཡོག་པོས་བདག་ལ་འདི་ལྟར་བྱས་བྱུང་ཞེས་སྨྲས་པའི་གཏམ་ཐོས་པ་དང་ཤིན་ཏུ་ཁྲོས༌ཏེ།  
\v 20 རྒྱལ་པོའི་བཙོན་པ་བཙོན་དུ་འཇུག་སར་ཡོ་སེབ་ཀྱང་བཙོན་ལ་བཅུག་པ༌དང༌། ཡོ་སེབ་དེ་རུ་བཙོན་དུ༌བསྡད།  
\v 21 འོན༌ཀྱང༌། དཀོན་མཆོག་ཡ་ཝཱེ་ནི་ཡོ་སེབ་དང་ལྷན་དུ་བཞུགས་ཤིང་ཁོང་གིས་ཡོ་སེབ་ལ་ཐུགས་རྗེས་གཟིགས༌པས། བཙོན་བདག་གི་མིག་མདུན་ནས་ཀྱང་ཁོ་རང་ལ་ཐུགས་རྗེ་ཐོབ༌བོ།།  
\v 22 དེ་ནས་བཙོན་བདག་གིས་བཙོན་ཁང་ནང་གི་བཙོན་པ་ཐམས་ཅད་ཡོ་སེབ་ལ་བཅོལ༌བས། བཙོན་ཁང་གི་བྱ་བ་གང་ཡིན་ཡང་ཡོ་སེབ་བརྒྱུད་དགོས༌སོ།།  
\v 23 ཡོ་སེབ་ཀྱིས་བསྒྲུབས་པའི་བྱ་བར་བཙོན་བདག་གིས་ཀྱང་བརྟག་དཔྱོད་མི་བྱེད༌དེ། དཀོན་མཆོག་ཡ་ཝཱེ་ནི་ཡོ་སེབ་དང་ལྷན་དུ་བཞུགས༌ཤིང༌། ཁོང་གིས་ཡོ་སེབ་ཀྱི་བྱ་བ་ཐམས་ཅད་བདེ་བར་འགྲུབ་པར་མཛད་པའི་ཕྱིར༌རོ།།   
\c 40
\cl ལེའུ་བཞི་བཅུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 རྒྱལ་པོའི་ཆང་གཉེར་བློན་ཆེན་དང་གསོལ་དཔོན་བློན་ཆེན་གཉིས་ཀྱི་རྨི༌ལམ།  
\p
\v 1 དེ་ཡང་དོན་དེའི་རྗེས་སུ་ཨེ་ཅིབ་ཀྱི་རྒྱལ་པོའི་ཆང་གཉེར་བློན་ཆེན་དང་གསོལ་དཔོན་བློན་ཆེན་གཉིས་རང་གི་རྒྱལ་པོ་དང་འགལ༌བས།  
\v 2 ཕཱར་ཨོལ་ཆང་གཉེར་བློན་ཆེན་དང་གསོལ་དཔོན་བློན་ཆེན་གཉིས་ལ་ཐུགས་ཤིན་ཏུ་ཁྲོས༌ཏེ།  
\v 3 ཁོ་གཉིས་རྒྱལ་པོའི་སྐུ་སྲུང་དམག་དཔོན་གྱི་བཙོན་ཁང་དུ༌བཅུག དེ་ནི་ཡོ་སེབ་བཙོན་དུ་བཅུག་པའི་གནས༌དེའོ།།  
\v 4 དེ་ནས་སྐུ་སྲུང་དམག་དཔོན་གྱིས་མི་དེ་གཉིས་ཀྱང་ཡོ་སེབ་ལ་བཅོལ་བ༌དང༌། ཡོ་སེབ་ཀྱིས་དེ་གཉིས་ལ་ཞབས་ཕྱི་བསྒྲུབས༌ཤིང༌། ཁོ་རྣམས་དུས་ཡུན་རིང་པོ་ཞིག་ལ་བཙོན་ཁང་ནས་མཉམ་དུ་བསྡད༌དོ།།   
\p
\v 5 དེ་ཡང་བཙོན་དུ་བཅུག་པའི་རྒྱལ་པོའི་ཆང་གཉེར་པ་དང་གསོལ་དཔོན་གཉིས་ཀྱིས་ཞག་གཅིག་ལ་རྨི་ལམ་རེ་རྨིས༌ཤིང༌། རྨི་ལམ་རེ་ལ་ནང་དོན་རེ་ཡོད་པ༌རེད།  
\v 6 ཞོགས་པར་སླེབས༌དུས། ཡོ་སེབ་མི་དེ་གཉིས་ཀྱི་གམ་དུ་སོང་བ་དང་ཁོ་གཉིས་ཡིད་སྐྱོ་བའི་གནས་སུ་ལྷུང་བའི་ཉམས་འགྱུར་མཐོང༌སྟེ།  
\v 7 ཁོས་ཕཱར་ཨོལ་གྱི་བློན་ཆེན་གཉིས་ཏེ་རང་དང་མཉམ་དུ་བདག་པོའི་བཙོན་དུ་བཅུག་ཡོད་པར་འདི༌ལྟར། དེ་རིང་ཁྱོད་གཉིས་ཀྱི་གདོང་ལ་སྐྱོ་བའི་ཉམས་ཤིག་ཤར་ཡོད་པའི་རྒྱུ་མཚན་ཅི་ཞེས་དྲིས་པ༌ན།  
\v 8 ཁོ་གཉིས་ན༌རེ། ངེད་གཉིས་ཀྱིས་རྨི་ལམ་རེ་རྨིས་ནའང་རྨི་ལམ་ལ་བརྟག་མཁན་མེད་ཅེས་ལན་བཏབ་པ༌དང༌། ཡང་ཡོ་སེབ་ན༌རེ། རྨི་ལམ་ལ་བརྟག་མཁན་ནི་དཀོན་མཆོག་མ་ཡིན༌ནམ། ཁྱོད་གཉིས་ཀྱིས་རྨི་ལམ་དེ་བདག་ལ་ཤོད་ཅིག་ཅེས་སྨྲས༌སོ།།   
\p
\v 9 དེ་ནས་ཆང་གཉེར་པས་རང་གི་རྨི་ལམ་ཡོ་སེབ་ལ་འདི༌ལྟར། བདག་གི་རྨི་ལམ་ནང་དུ་ངའི་མདུན་དུ་རྒུན་འབྲུམ་ཤིང་ཞིག་ཡོད༌ཅིང༌།  
\v 10 རྒུན་ཤིང་དེ་ལ་ཡལ་ག་གསུམ་ཡོད་པ༌དང༌། དེ་དག་ལ་ལོ་མ་འབུས་ནས་མེ་ཏོག་བཞད་པ༌དང༌། རྒུན་ཤིང་དེ་ལ་རྒུན་འབྲུམ་ཡང་སྨིན༌ཡོད།  
\v 11 བདག་གི་ལག་ཏུ་ཕཱར་ཨོལ་གྱི་ཕོར་བ་ཡོད་པ་དང་བདག་གིས་རྒུན་འབྲུམ་ཕོར་བའི་ནང་བཙིར༌རྗེས། ཕོར་བ་དེ་རྒྱལ་པོའི་ཕྱག་ཏུ་ཕུལ་ཞེས་སྨྲས༌པའོ།།   
\p
\v 12 དེ་ནས་ཡོ་སེབ་ན༌རེ། ཁྱོད་ཀྱི་རྨི་ལམ་ལ་བརྟགས་ན་འདི་ལྟ༌སྟེ། ཡལ་ག་གསུམ་ནི་ཉིན་གསུམ་ཡིན༌ལ།  
\v 13 ཉིན་གསུམ་གྱི་ནང༌དུ། ཕཱར་ཨོལ་གྱིས་ཁྱོད་རང་བཙོན་ཁང་ནས་ཕྱིར་གཏོང་བ༌དང༌། ཁྱོད་ལ་དཔོན་ས་སྔར་བཞིན་འཐོབ༌ཅིང༌། ཁྱོད་དེ་སྔར་ཆང་གཉེར་བློན་ཆེན་ཡིན་པ༌བཞིན། མུ་མཐུད་ནས་རྒྱལ་པོའི་ཕྱག་ཏུ་ཕོར་བ་འབུལ་བར་འགྱུར༌རོ།།  
\v 14 འོན་ཀྱང་ཁྱོད་རང་བདེ་བླག་ཡིན་པའི་དུས་སུ་ང་རང་སེམས་སུ་འཛིན་པ་དང་ཐུགས་རྗེ་གནང་བར༌ཞུ། ཕཱར་ཨོལ་གྱི་དྲུང་དུའང་བདག་གླེང༌ནས། ང་རང་བཙོན་ལས་སྐྱོབ་པར༌ཞུ།  
\v 15 བདག་ནི་དངོས་གནས་ཨིབ་རི་པའི་ཡུལ་ནས་མི་གཞན་གྱིས་བཙན་ཁྲིད་བྱས་ཏེ་འདིར་ཡོང་བ༌དང༌། བདག་གིས་གནས་འདི་རུ་བཙོན་དུ་འཇུག་དགོས་པའི་ལས་ཅི་ཡང་བྱས་མེད་ཅེས་སྨྲས༌པའོ།།   
\p
\v 16 དེ་ཡང་ཡོ་སེབ་ཀྱིས་རྨི་ལམ་ལ་ལེགས་པར་བརྟགས་པ་གསོལ་དཔོན་གྱིས་མཐོང༌སྟེ། ཡོ་སེབ་ལ་འདི༌ལྟར། ངས་རྨི་ལམ་ནང་དུ་བག་ལེབ་སླེ་བོ་གསུམ་མགོ་ལ་ཁུར༌ཞིང༌།  
\v 17 སླེ་བོ་གོང་མའི་ནང་དུ་ཕཱར་ཨོལ་ལ་གཡོས་སྦྱོར་བྱས་པའི་ཟས་རིགས་བསྲེག་མ་སྣ་ཚོགས་ཡོད་པ༌དང༌། བྱ་རྣམས་འཕུར་ཡོང་སྟེ་ཟོས་པ་ཡིན་ཞེས་སྨྲས༌སོ།།   
\p
\v 18 དེ་ནས་ཡོ་སེབ་ན༌རེ། ཁྱོད་ཀྱི་རྨི་ལམ་ལ་བརྟགས་ན་འདི་ལྟ༌སྟེ། སླེ་བོ་གསུམ་ནི་ཉིན་གསུམ་ཡིན༌ལ།  
\v 19 ཉིན་གསུམ་གྱི་ནང༌དུ། ཕཱར་ཨོལ་གྱིས་ཁྱོད་ཀྱི་མགོ་བོ་གཅོད་པ༌དང༌། ཁྱོད་ཀྱི་བེམ་པོ་ལྗོན་ཤིང་གི་སྟེང་དུ་འགེལ༌ཞིང༌། བྱ་རྣམས་འཕུར་ཡོང་ནས་ཁྱོད་ཀྱི་བེམ་པོ་ཐོག་གི་ཤ་ཐམས་ཅད་བཟའ་བར་འགྱུར་ཞེས་སྨྲས༌སོ།།   
\p
\v 20 དེ་ནས་ཉིན་གསུམ་པར་སླེབས་པ༌དང༌། ཉིན་དེ་ནི་ཕཱར་ཨོལ་གྱི་འཁྲུངས་སྐར་ཡིན༌པས། ཁོང་གིས་ཞབས་ཕྱི་པ་རྣམས་ལ་གསོལ་སྟོན་གཟབ་རྒྱས་བསྡུས༌ཤིང༌། བཙོན་ཁང་དུ་ཡོད་པའི་ཆང་གཉེར་པ་དང་གསོལ་དཔོན་གཉིས་ཀྱང་ཁྲིད་ཡོང་བ༌དང༌།  
\v 21 ཆང་གཉེར་པ་ནི་སྔར་བཞིན་ཆང་གཉེར་བློན་ཆེན་དུ་བསྐོས་པ༌དང༌། ཁོས་སྔར་བཞིན་ཕཱར་ཨོལ་གྱི་ཕྱག་ཏུ་ཕོར་བ་ཕུལ་ཏོ།།  
\v 22 འོན༌ཀྱང༌། ཡོ་སེབ་ཀྱིས་རྨི་ལམ་ལ་བརྟགས་པ་བཞིན་གསོལ་དཔོན་ནི་སྡོང་པོའི་སྟེང་དུ༌བཀལ།  
\v 23 ཡིན་ནའང་ཆང་གཉེར་བློན་ཆེན་གྱིས་ཡོ་སེབ་སེམས་སུ་མ་བཟུང་ཞིང་གཏན་དུ་བརྗེད་པར་གྱུར༌ཏོ།།   
\c 41
\cl ལེའུ་ཞེ་གཅིག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 རྒྱལ་པོ་ཕཱར་ཨོལ་གྱིས་རྨི་ལམ་ཐེངས་གཉིས་རྨིས་པའི༌སྐོར།  
\p
\v 1 དེ་ཡང་ལོ་གཉིས་འགོར་བའི་རྗེས་སུ་ཕཱར་ཨོལ་གྱིས་རྨི་ལམ་ཞིག་རྨིས༌ཤིང༌། རྨི་ལམ་ནང་དུ་ཁོ་རང་ནཱ་ཡོལ་གཙང་པོའི་འགྲམ་དུ་བསྡད་ཡོད་པ༌ལ།  
\v 2 བ་མོ་བདུན་གཙང་པོ་ལས་ཚུར་ཡོང་བ༌དང༌། བ་མོ་དེ་དག་ལྟ་ན་སྡུག་ཅིང་ཤ་ཤེད་རྒྱས་པ་ཞིག་ཡིན་ལ་ཆུ་ནང་གི་རྩྭ་སྔོན་ཟོས་ནས༌བསྡད།  
\v 3 དེ་ནས་ཡང་བ་མོ་བདུན་གཙང་པོ་ལས་ཚུར་ཡོང་བ༌དང༌། བ་མོ་དེ་དག་ཤིན་ཏུ་བཙོག་ཅིང་ལུས་ཟུངས་རིད་པོ་ཡིན༌ལ། ཤ་ཤེད་རྒྱས་པའི་བ་མོ་བདུན་པོ་དང་མཉམ་དུ་གཙང་པོའི་འགྲམ་དུ༌བསྡད།  
\v 4 དེ་ནས་ཤིན་ཏུ་བཙོག་ཅིང་ལུས་ཟུངས་རིད་པའི་བ་མོ་བདུན་པོས་ལྟ་ན་སྡུག་ཅིང་ཤ་ཤེད་རྒྱས་པའི་བ་མོ་བདུན་པོ་ཟོས་པ༌དང༌། དེ་ནས་ཕཱར་ཨོལ་གཉིད་སད༌དོ།།   
\p
\v 5 ཕཱར་ཨོལ་སླར་ཡང་གཉིད་དུ་ཡུར་བ་དང་རྨི་ལམ་རྨིས༌སོ། །རྨི་ལམ་གཉིས་པའི་ནང༌དུ། གྲོ་ཡི་རྩི་ཤིང་གཅིག་ལ་སྙེ་མ་བདུན་ཐོགས༌ཤིང༌། སྙེ་མ་རེ་རེ་ནི་ཁ་གང་ཞིང་འབྲས་བུ་སྨིན་ཡོད༌དོ།།  
\v 6 དེ་ནས་ཡང་སྙེ་མ་བདུན་ཐོགས༌ཤིང༌། སྙེ་མ་དེ་དག་ནི་ཤིན་ཏུ་ཕྲ་ཞིང་འབྲས་བུ་མ་སྨིན་པ་དང་ཤར་རླུང་གིས་བསྐམས་པར་གྱུར༌ཏོ།།  
\v 7 དེར་སྙེ་མ་ཤིན་ཏུ་ཕྲ་མོ་དེ་དག་གིས་སྙེ་མ་ཁ་གང་ཞིང་འབྲས་བུ་སྨིན་པ་དེ་དག་ཟོས་པར༌གྱུར། དེ་ནས་ཕཱར་ཨོལ་གཉིད་སད་པ་དང་དོན་དེ་རྨི་ལམ་ཡིན་པ་ཤེས༌སོ།།   
\p
\v 8 ནམ་ལངས་པ་དང་ཕཱར་ཨོལ་གྱི་སེམས་འཁྲུགས་པར་གྱུར༌པས། ཨེ་ཅིབ་ཡུལ་གྱི་མོ་པ་དང་བློ་གྲོས་ཅན་ཐམས་ཅད་བོས༌ཏེ། རྨི་ལམ་གྱི་དོན་དེ་སྨྲས་ནའང་སུས་ཀྱང་ཁོ་རང་ལ་འགྲེལ་མ་ནུས༌སོ།།   
\p
\v 9 དེ་ནས་ཆང་གཉེར་བློན་ཆེན་གྱིས་ཕཱར་ཨོལ་ལ་འདི༌ལྟར། དེ་རིང་བདག་གིས་རང་གི་ཉེས་པ་དྲན༌བྱུང༌།  
\v 10 དེ་སྔོན་ཕཱར་ཨོལ་ཐུགས་ཁྲོས༌ཏེ། བདག་དང་གསོལ་དཔོན་གཉིས་ཀ་སྐུ་སྲུང་དམག་དཔོན་གྱི་བཙོན་ཁང་དུ་བཅུག༌ཅིང༌།  
\v 11 ངེད་གཉིས་ཀྱིས་ཞག་གཅིག་ལ་རྨི་ལམ་རེ་རྨིས་ཤིང་རྨི་ལམ་རེ་ལ་ནང་དོན་རེ༌མཆིས།  
\v 12 གནས་དེར་ངེད་གཉིས་དང་མཉམ་དུ་ཨིབ་རི་པའི་གཞོན་ནུ་ཞིག་ཀྱང༌ཡོད། ཁོ་རང་ནི་སྐུ་སྲུང་དམག་དཔོན་གྱི་ཞབས་ཕྱི་པ༌རེད། ངེད་གཉིས་ཀྱིས་རྨི་ལམ་ཁོ་ལ་སྨྲས་པ༌ན། ཁོས་ངེད་གཉིས་ཀྱི་རྨི་ལམ་ལ་རེ་རེ་བཞིན་བརྟགས༌སོ།།  
\v 13 ཕྱིས་སུ་ཁོས་རྨི་ལམ་ལ་བརྟགས་པ༌བཞིན། བདག་ལ་གོ་ས་སྔར་བཞིན་ཐོབ་པ་དང་གསོལ་དཔོན་ནི་སྡོང་པོའི་སྟེང་དུ་བཀལ་བ་ཡིན་ཞེས་སྨྲས༌སོ།།   
\p
\v 14 དེ་ནས་ཕཱར་ཨོལ་གྱིས་ཡོ་སེབ་གདན་འདྲེན་པར་མི་འགའ་མངགས༌ཤིང༌། དེ་རྣམས་ཀྱིས་མྱུར་བ་མྱུར་དུ་ཡོ་སེབ་བཙོན་ཁང་ལས་ཕྱིར་ཁྲིད༌ཅིང༌། ཁོའི་སྐྲ་དང་སྨྲ་ར་བཞར་བ་དང་གྱོན་པ་བརྗེས་ཏེ་ཕཱར་ཨོལ་གྱི་དྲུང་དུ་ཁྲིད་ཡོང༌ངོ༌།།   
\p
\v 15 དེ་ནས་ཕཱར་ཨོལ་གྱིས་ཡོ་སེབ་ལ་འདི༌ལྟར། བདག་གིས་རྨི་ལམ་ཞིག་རྨིས་ཤིང་སུས་ཀྱང་རྨི་ལམ་ལ་བརྟག་མ༌ཤེས། གོ་ཐོས་ལྟར་ན་ཁྱོད་ཀྱིས་རྨི་ལམ་ཐོས་མ་ཐག་ཏུ་བརྟག་ཤེས་འདུག་ཟེར་ཞེས་སྨྲས་པ༌ན།  
\v 16 ཡོ་སེབ་ན༌རེ། དེ་ནི་བདག་ལ་རག་ལས་པ་མིན༌ཏེ། དཀོན་མཆོག་གིས་ཁྱོད་ལ་ལན་ལེགས་པོ་ཞིག་གནང་བར་འགྱུར་ཞེས་སྨྲས༌སོ།།  
\v 17 ཡང་ཕཱར་ཨོལ་ན༌རེ། རྨི་ལམ་ནང་དུ་བདག་ནི་ནཱ་ཡོལ་གཙང་པོའི་འགྲམ་དུ་བསྡད་ཡོད༌ལ།  
\v 18 བ་མོ་བདུན་གཙང་པོ་ལས་ཚུར་ཡོང་བ་དང་དེ་དག་ནི་ལྟ་ན་སྡུག་ཅིང་ཤ་ཤེད་རྒྱས་པ་ཞིག་ཡིན་པ་དང་ཆུ་ནང་གི་རྩྭ་སྔོན་ཟ་བཞིན༌ཡོད།  
\v 19 དེ་ནས་ཡང་བ་མོ་བདུན་གཙང་པོ་ལས་ཚུར་ཡོང་བ་དང་དེ་དག་ནི་ཤིན་ཏུ་བཙོག་ཅིང་ཤ་ཤེད་ཞན༌ལ། བདག་གིས་བ་མོ་བཙོག་པོ་དེ་དག་ལྟ་བུ་ནི་ཨེ་ཅིབ་ཡུལ་ཀུན་ཏུའང་མཐོང་མ༌མྱོང༌།  
\v 20 དེ་ནས་ཤིན་ཏུ་བཙོག་ཅིང་ཤ་ཤེད་ཞན་པའི་བ་མོ་བདུན་པོས་དེ་སྔོན་གྱི་ཤ་ཤེད་རྒྱས་པའི་བ་མོ་བདུན་པོ་ཟོས་སོང་བ་དང༌།  
\v 21 དེ་དག་གིས་ཟོས་ཚར་ནའང་ཚུགས་ཀ་བཙོག་པོ་ནི་སྔར་བཞིན་ཡིན༌པས། ཟོས་སམ་མ་ཟོས་སུས་ཀྱང་ལྟ་མི་ཤེས༌ལ། དེ་ནས་ང་རང་ཡང་གཉིད་སད༌དོ།།  
\v 22 དེ་ནས་ཡང་བདག་གིས་རྨི་ལམ་ཞིག་རྨིས་པ༌དང༌། རྨི་ལམ་ནང་དུ་གྲོ་ཡི་རྩི་ཤིང་གཅིག་ལ་སྙེ་མ་བདུན་ཐོགས༌ཤིང༌། སྙེ་མ་རེ་རེ་ནི་ཁ་གང་ཞིང་འབྲས་བུ་སྨིན་ཡོད༌དོ།།   
\p
\v 23 དེ་ནས་ཡང་སྙེ་མ་བདུན་ཐོགས༌ཤིང༌། སྙེ་མ་དེ་དག་ནི་ཤིན་ཏུ་ཕྲ་ཞིང་འབྲས་བུ་མ་སྨིན་པ་དང་ཤར་རླུང་གིས་བསྐམས་པར་གྱུར༌ཡོད།  
\v 24 སྙེ་མ་ཤིན་ཏུ་ཕྲ་མོ་དེ་དག་གིས་ཁ་གང་ཞིང་འབྲས་བུ་སྨིན་པའི་སྙེ་མ་བདུན་པོ་ཟོས་པ༌དང༌། བདག་གིས་རྨི་ལམ་འདི་མོ་པ་རྣམས་ལ་སྨྲས་ནའང་སུས་ཀྱང་བརྟག་མ་ཤེས་ཞེས་སྨྲས༌སོ།།   
\p
\v 25 དེ་ནས་ཡོ་སེབ་ཀྱིས་ཕཱར་ཨོལ་ལ་འདི༌ལྟར། རྒྱལ་པོ་ཁྱེད་ཀྱིས་རྨིས་པའི་རྨི་ལམ་གཉིས་ཀ་དོན་གཅིག་ཡིན༌འདུག དཀོན་མཆོག་གིས་གང་ཞིག་མཛད་པར་འགྱུར་བ་ཁྱེད་ལ་བསྟན་ཟིན༌ཏོ།།  
\v 26 དེ་ཡང་བ་མོ་ཤ་ཤེད་ཅན་བདུན་པོ་ནི་ལོ་བདུན༌དང༌། ཁ་གང་ཞིང་འབྲས་བུ་སྨིན་པའི་སྙེ་མ་བདུན་པོའང་ལོ་བདུན༌ཡིན། འདི་གཉིས་རྨི་ལམ་གཅིག༌ཡིན།  
\v 27 དེའང་ཕྱིས་སུ་ཡོང་བའི་ཚུགས་ཀ་ཤིན་ཏུ་བཙོག་ཅིང་ཤ་ཤེད་ཞན་པའི་བ་མོ་བདུན་ནི་ལོ་བདུན༌དང༌། ཤར་རླུང་གིས་བསྐམས་པའི་སྙེ་མ་བདུན་པོའང་ལོ་བདུན༌ཡིན། དེ་གཉིས་ནི་མུ་གེ་འབྱུང་བའི་ལོ་བདུན༌ཡིན།  
\v 28 དེའི༌ཕྱིར། བདག་གིས་གོང་ནས་ཕཱར་ཨོལ་ལ་སྨྲས་པ་བཞིན་དཀོན་མཆོག་གིས་གང་ཞིག་མཛད་པར་འགྱུར་བ་ཁྱེད་ལ་བསྟན་ཟིན༌ཏོ།།  
\v 29 ཨེ་ཅིབ་ཡུལ་ཡོངས་སུ་ལོ་བདུན་རིང་ལ་ལོ་ལེགས་འབྱུང་བ༌དང༌།  
\v 30 དེ་ནས་ལོ་བདུན་རིང་ལ་མུ་གེ་འབྱུང་ངེས༌ཤིང༌། ཐ་ན་ཨེ་ཅིབ་ཡུལ་གྱི་མི་རྣམས་ཀྱིས་ལོ་ལེགས་བྱུང་བའི་དོན་དེའང་བརྗེད་པར་འགྱུར་བ༌དང༌། ཡུལ་ཡོངས་ལ་མུ་གེ་ཆེན་པོ་བྱུང་ནས་བརླག་པར་འགྱུར༌ངེས།  
\v 31 ཕྱིས་སུ་འབྱུང་ངེས་པའི་མུ་གེ་དེ་ནི་ཤིན་ཏུ་ཚབས་ཆེ་བའི༌ཕྱིར། ལོ་ལེགས་བྱུང་བའི་དོན་དེ་མི་རྣམས་ཀྱིས་སེམས་སུ་མི་དྲན༌ནོ།།  
\v 32 ཕཱར་ཨོལ་ཁྱེད་ཀྱིས་རྨི་ལམ་ཐེངས་གཉིས་ལ་རྨིས་པ་ནི་དཀོན་མཆོག་གིས་ཐུགས་ཐག་བཅད་པའི༌ཕྱིར། ཁོང་གིས་དོན་དེ་མྱུར་དུ་འགྲུབ་པར་མཛད༌ངེས།  
\v 33 དེའི༌ཕྱིར། ཕཱར་ཨོལ་ཁྱེད་ཀྱིས་བློ་དང་ཤེས་རབ་ལྡན་པའི་མི་ཞིག་བདམས༌ཏེ། ཨེ་ཅིབ་ཡུལ་སྐྱོང་བ་ལ་བསྐོ་བར༌མཛོད།  
\v 34 ཕཱར་ཨོལ་ཁྱེད་ཀྱིས་དེ་ལྟར་བྱས་རྗེས་ས་གནས་དཔོན་པོ་རྣམས་ཀྱང་ཡུལ་དེར་མངགས་ནས་དོ་དམ་བྱེད་པར༌མཛོད། དེ་ཡང་ལོ་བདུན་ལ་ལོ་ལེགས་འབྱུང་བའི་དུས༌སུ། ཨེ་ཅིབ་ཡུལ་གྱི་ལྔ་ཆའི་གཅིག་བསྡུས༌ཏེ།  
\v 35 ས་གནས་དཔོན་པོ་རྣམས་ལ་ལོ་ལེགས་བྱུང་བའི་འབྲུ་རིགས་གྲོན་ཆུང་བྱས་ནས་གྲོང་ཁྱེར་ནང་གསོག་ཏུ་འཇུག་པ་དང་ཕཱར་ཨོལ་གྱི་དབང་འོག་ཏུ་འཇུག་པར་བྱ༌དགོས།  
\v 36 ཡང་ཡུལ་ཡོངས་ལ་མུ་གེ་ཆེན་པོ་བྱུང་ནས་བརླག་པར་མི་འགྱུར་བའི༌ཕྱིར། འབྲུ་རིགས་གསོག་འཇོག་བྱས་ན་མ་འོངས་པར་ལོ་བདུན་རིང་ལ་མུ་གེ་འབྱུང་བའི་དཀའ་ངལ་སེལ་ཐུབ་ཅེས་སྨྲས༌སོ།།   
\s1 རྒྱལ་པོས་ཡོ་སེབ་བློན་ཆེན་དུ་བསྐོས༌པ།  
\p
\v 37 དེ་ཡང་ཕཱར་ཨོལ་དང་ཁོང་གི་འཁོར་གཡོག་ཐམས་ཅད་ཀྱིས་དོན་དེ་ལེགས་པར༌སྙམ།  
\v 38 དེ་ནས་ཕཱར་ཨོལ་གྱིས་རང་གི་འཁོར་གཡོག་རྣམས་ལ་འདི༌ལྟར། དཀོན་མཆོག་གི་ཐུགས་ཉིད་དང་ལྡན་པའི་མི་འདི་ལྟ་བུ་ནི་སུ་ཞིག་གིས་བཙལ་ནས་རྙེད་དམ་ཞེས་སྨྲས་པ༌དང༌།  
\v 39 ཡང་ཕཱར་ཨོལ་གྱིས་ཡོ་སེབ་ལ་འདི༌ལྟར། དཀོན་མཆོག་གིས་དོན་འདི་ཁྱོད་ལ་མངོན་པར་མཛད༌པས། ཁྱོད་བཞིན་དུ་བློ་དང་ཤེས་རབ་ལྡན་པའི་མི་གཞན་ཞིག་ཡོད་མི༌སྲིད།  
\v 40 ཁྱོད་ཀྱིས་བདག་གི་ཕོ་བྲང་སྐྱོང་བ༌དང༌། བདག་གི་འབངས་མི་ཐམས་ཅད་ཀྱིས་ཁྱོད་ཀྱི་ངག་ལ་ཉན་སྲིད་པ༌དང༌། ཁྲི་སྟེང་དུ་བཞུགས་པ་བདག་ཁོ་ན་ཁྱོད་ལས་མཐོའོ་ཞེས༌སྨྲས།  
\v 41 ཡང་ཕཱར་ཨོལ་གྱིས་ཡོ་སེབ་ལ་འདི༌ལྟར། ལྟོས༌དང༌། བདག་གིས་ཁྱོད་ནི་ཨེ་ཅིབ་ཡུལ་ཐམས་ཅད་སྐྱོང་བར་བསྐོས་པ་ཡིན་ཞེས་སྨྲས་པ༌དང༌།  
\v 42 རང་གི་མཛུབ་མོ་སྟེང་གི་ཐམ་ག་དང་ལྡན་པའི་མཛུབ་དཀྲིས་བླངས་ཏེ་ཡོ་སེབ་ཀྱི་མཛུ་གུར་བསྐོན་པ༌དང༌། ཡོ་སེབ་ཀྱི་ལུས་ལ་སོ་རས་སྲབ་བུའི་གོས་བསྐོན་ཞིང་སྐེ་ལ་གསེར་གྱི་མགུལ་རྒྱན་འདོགས་སུ་བཅུག་པ༌དང༌།  
\v 43 རྒྱལ་པོའི་ཤིང་རྟ་གཉིས་པར་ཡོ་སེབ་སྡོད་དུ་བཅུག་པ༌དང༌། དེའི་སྔོན་དུ་མི་མངགས་ཤིང་དེ་དག་གིས་ཕྱག་འཚལ་བར་གྱིས་ཞེས༌སྨྲས། དེ་ལྟར་ཕཱར་ཨོལ་གྱིས་ཡོ་སེབ་ནི་ཨེ་ཅིབ་ཡུལ་ཐམས་ཅད་སྐྱོང་བར་བསྐོས༌སོ།།   
\p
\v 44 ཡང་ཕཱར་ཨོལ་གྱིས་ཡོ་སེབ་ལ་འདི༌ལྟར། བདག་ནི་ཕཱར་ཨོལ་ཡིན༌ནོ། །ཨེ་ཅིབ་ཡུལ་ཡོངས་སུ་ཁྱོད་ཀྱི་བཀའ་མེད༌ན། མི་སུས་ཀྱང་གང་འདོད་དུ་བྱ་མི་རུང་ཞེས༌སྨྲས།  
\v 45 དེ་ནས་ཕཱར་ཨོལ་གྱིས་ཡོ་སེབ་ཀྱི་མིང་ལ་ཚཱབ་ནཱ་ཕཱ་ནེ་ཨ་ཞེས་བཏགས་པ༌དང༌། ཡང་ཨོ་ནཱ་ཡུལ་གྱི་མཆོད་དཔོན་ཕའོ་ཏི་ཕེ་རཱ་ཞེས་པའི་བུ་མོ་ཨ་སི་ནཱ་ཐི་ཁོའི་ཆུང་མར༌གནང༌། དེ་ནས་ཡོ་སེབ་ནི་ཨེ་ཅིབ་ཀྱི་ཡུལ་སོ་སོར་རྟོག་དཔྱོད་བྱེད་དུ་སོང༌ངོ༌།།   
\p
\v 46 དེ་ཡང་རྒྱལ་པོ་ཕཱར་ཨོལ་གྱིས་ཡོ་སེབ་ཁོ་རང་ཨེ་ཅིབ་ཀྱི་ཡུལ་སྐྱོང་བར་བསྐོས་པའི་དུས་སུ་ཁོ་ལོ་སུམ་ཅུ་ཡིན༌ལ། ཁོ་རང་རྒྱལ་པོའི་དྲུང་ནས་ཨེ་ཅིབ་ཀྱི་ཡུལ་ཐམས་ཅད་ལ་རྟོག་དཔྱོད་བྱེད་དུ༌སོང༌།  
\v 47 ལོ་ལེགས་བྱུང་བའི་ལོ་བདུན་རིང་ལ་འབྲུ་རིགས་ཕུན་སུམ་ཚོགས་པ་ཐོབ་པ༌དང༌།  
\v 48 ཡོ་སེབ་ཀྱིས་ལོ་བདུན་རིང་ལ་ལོ་ལེགས་བྱུང་བའི་འབྲུ་རིགས་ཐམས་ཅད་གྲོང་ཁྱེར་གྱི་འབྲུ་མཛོད་ཁང་དུ་བཅུག༌གོ །གྲོང་ཁྱེར་སོ་སོའི་ཉེ་འཁོར་གྱི་འབྲུ་རིགས་ཐམས་ཅད་གྲོང་ཁྱེར་ནང་དུ༌བཅུག  
\v 49 ཡོ་སེབ་ཀྱིས་འབྲུ་རིགས་སྣ་ལྔ་བསགས་པ་ནི་རྒྱ་མཚོའི་འགྲམ་གྱི་བྱེ་མ་དང་མཚུངས་པར་གྲངས་ཀྱིས་མི་ཟིན༌ཏོ། །ཅིའི་ཕྱིར་ཞེ༌ན། འབྲུ་རིགས་ཤིན་ཏུ་མང་བའི་ཕྱིར༌རོ།།   
\p
\v 50 དེ་ཡང་མུ་གེ་མ་བྱུང་བའི་ཡར་སྔོན༌དུ། ཨོ་ནཱ་ཡུལ་གྱི་མཆོད་དཔོན་ཕའོ་ཏི་ཕེ་རཱ་ཞེས་པའི་བུ་མོ་ཨ་སི་ནཱ་ཐི་ཡིས་ཡོ་སེབ་ལ་བུ་གཉིས་བཙས་པ༌དང༌།  
\v 51 ཡོ་སེབ་ཀྱིས་བུ་སྐྱེས་འགོའི་མིང་ལ་མཱ་ན་ཤེ་\f + \ft མཱ་ན་ཤེ་ཞེས་པ་ནི་ཡ་ཧུ་དཱའི་སྐད་དོད་དེ་བརྗེད་དུ་བཅུག་ཅེས་པའི་དོན་ལ༌འཇུག\f*ཞེས༌བཏགས། ཅིའི་ཕྱིར་ཞེ༌ན། ཁོ་ན༌རེ། དཀོན་མཆོག་གིས་བདག་ལ་དཀའ་ངལ་སྣ་ཚོགས་དང་བདག་གི་ཕ་ཡི་ཁྱིམ་མི་ཐམས་ཅད་བརྗེད་པར་མཛད་པ་ཡིན་ཞེས་སྨྲས་པའི་ཕྱིར༌རོ།།  
\v 52 ཡང་བུ་ཆུང་བའི་མིང་ལ་ཨེ་ཕཱར་ཡིམ་\f + \ft ཨེ་ཕཱར་ཡིམ་ཞེས་པ་ནི་ཡ་ཧུ་དཱའི་སྐད་དོད་དེ་དར་བར་མཛད་པ་ཞེས་པའི་དོན་ལ༌འཇུག\f*ཞེས༌བཏགས། ཅིའི་ཕྱིར་ཞེ༌ན། ཁོ་ན༌རེ། དཀོན་མཆོག་གིས་བདག་ནི་དཀའ་སྡུག་མྱང་བའི་ཡུལ་དུ་དར་ཞིང་རྒྱས་པར་མཛད་པ་ཡིན་ཞེས་སྨྲས་པའི་ཕྱིར༌རོ།།   
\p
\v 53 དེ་ཡང་ཨེ་ཅིབ་ཡུལ་དུ་ལོ་ལེགས་བྱུང་བའི་ལོ་བདུན་པོ་མཇུག་རྫོགས༌རྗེས།  
\v 54 ཡོ་སེབ་ཀྱིས་སྨྲས་པ་བཞིན་མུ་གེ་འབྱུང་བའི་ལོ་བདུན་དེ་སླེབས༌སོ། །དེ་ནས་ཡུལ་གཞན་ཐམས་ཅད་ལ་མུ་གེ་བྱུང་ནའང་ཨེ་ཅིབ་ཀྱི་ཡུལ་ཁོ་ནར་འབྲུ་རིགས་མཆིས༌སོ།།  
\v 55 ཨེ་ཅིབ་ཀྱི་ཡུལ་ལའང་མུ་གེ་བྱུང་བས་འབངས་མི་རྣམས་ཀྱིས་ཕཱར་ཨོལ་ལ་འབྲུ་རིགས་བསླངས་པ༌ན། རྒྱལ་པོ་ན༌རེ། ཁྱོད་ཅག་ཡོ་སེབ་ཀྱི་དྲུང་དུ་སོང༌ཞིག ཁོས་ཇི་ལྟར་སྨྲས་པ་ཡིན་ན་ཁྱོད་ཅག་གིས་དེ་ལྟར་སྒྲུབས་ཤིག་ཅེས་སྨྲས༌སོ།།  
\v 56 སྐབས༌དེར། གནམ་འོག་ཀུན་ལ་མུ་གེ་བྱུང་བ༌དང༌། ཨེ་ཅིབ་ཡུལ་ཀུན་ལའང་མུ་གེ་ཆེན་པོ་བྱུང་བས་ཡོ་སེབ་ཀྱིས་ཡུལ་སོ་སོའི་འབྲུ་མཛོད་ཕྱེས་ཏེ། ཨེ་ཅིབ་ཀྱི་མི་རྣམས་ལ་འབྲུ་རིགས་བཙོངས་པ༌རེད།  
\v 57 ཡུལ་སོ་སོའི་མི་རྣམས་ཨེ་ཅིབ་ཀྱི་ཡུལ་དུ་སོང་ཞིང་ཡོ་སེབ་ཀྱི་དྲུང་ནས་འབྲུ་རིགས་ཉོས་པ༌སྟེ། གནམ་འོག་ཀུན་ལ་མུ་གེ་ཆེན་པོ་བྱུང་བས༌སོ།།   
\c 42
\cl ལེའུ་ཞེ་གཉིས༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་ཀྱིས་བུ་རྣམས་ཨེ་ཅིབ་ཡུལ་དུ་མངགས༌པ།  
\p
\v 1 དེ་ཡང་ཡ་ཀོབ་ཀྱིས་ཨེ་ཅིབ་ཡུལ་དུ་འབྲུ་རིགས་ཡོད་པ་ཤེས་ཏེ་རང་གི་བུ་རྣམས་ལ་འདི་སྐད༌དུ། ཁྱོད་ཅག་གིས་ཅིའི་ཕྱིར་ཕན་ཚུན་ལ༌ལྟའམ།  
\v 2 བདག་གིས་ཨེ་ཅིབ་ཡུལ་དུ་འབྲུ་རིགས་ཡོད་པ་ཐོས༌བྱུང༌། རང་ཅག་རྣམས་འཚོ་ཞིང་གཞེས་པ་དང་མི་འཆི་བའི༌ཕྱིར། ཁྱོད་རྣམས་ཀྱང་ཨེ་ཅིབ་ཡུལ་དུ་སོང་ནས་འབྲུ་རིགས་ཉོས་ན་ལེགས་ཞེས་སྨྲས༌སོ།།  
\v 3 དེ་ནས་ཡོ་སེབ་ཀྱི་གཅེན་པོ་བཅུ་པོའང་མར་ཨེ་ཅིབ་ཡུལ་དུ་འབྲུ་རིགས་ཉོ་རུ་སོང༌མོད།  
\v 4 འོན༌ཀྱང༌། ཡོ་སེབ་ཀྱི་གཅུང་པོ་པེན་ཡཱ་མེན་ནི་ཁོའི་གཅེན་པོ་རྣམས་དང་མཉམ་དུ་མ་མངགས༌ཏེ། ཡ་ཀོབ་ན༌རེ། ཁོ་ལ་བར་ཆད་འབྱུང་སྲིད་ཅེས་སྨྲས་པའི་ཕྱིར༌རོ།།  
\v 5 དེ་ཡང་ཀ་ན་ཨན་ཡུལ་ལའང་མུ་གེ་བྱུང་བས་འབྲུ་རིགས་ཉོ་རུ་ཡོང་བའི་མི་རྣམས་ཀྱི་ཁྲོད་དུ་ཡེས་ར་ཨེལ་ཞེས་བྱ་བ་སྟེ་ཡ་ཀོབ་ཀྱི་བུ་རྣམས་ཀྱང་ཡོད༌དོ།།  
\v 6 དུས་དེར་ཨེ་ཅིབ་ཀྱི་ཡུལ་ཐམས་ཅད་སྐྱོང་མཁན་ནི་ཡོ་སེབ་ཡིན༌ལ། ཡུལ་སོ་སོའི་མི་རྣམས་ལ་འབྲུ་རིགས་འཚོང་མཁན་ཡང་ཡོ་སེབ༌ཡིན། ཡོ་སེབ་ཀྱི་གཅེན་པོ་རྣམས་ཀྱང་ཡོང་སྟེ་པུས་མོ་སར་བཙུགས་ནས་ཁོང་ལ་ཕྱག་བཙལ་བ༌དང༌།  
\v 7 ཡོ་སེབ་ཀྱིས་རང་གི་གཅེན་པོ་རྣམས་མཐོང་བ་དང་ངོ་ཤེས་ནའང་མ་ཤེས་ཁུལ་གྱིས་ཁྱོད་ཅག་གང་ནས་ཡོང་བ་ཡིན་ཞེས་བཙན་གྱིས་དྲིས་པ༌ན། ཁོ་རྣམས་ན༌རེ། ངེད་ཅག་ཀ་ན་ཨན་ཡུལ་ནས་གནས་འདིར་འབྲུ་རིགས་ཉོ་རུ་ཡོང་བ་ཡིན་ཞེས་སྨྲས༌སོ།།  
\v 8 ཡོ་སེབ་ཀྱིས་རང་གི་གཅེན་པོ་རྣམས་ངོ་ཤེས་ནའང་ཁོ་རྣམས་ཀྱིས་ཡོ་སེབ་མ་ཤེས༌སོ།།  
\v 9 དེ་ནས་ཡོ་སེབ་ཀྱིས་སྔོན་ཆད་རྨི་ལམ་གཉིས་རྨིས་མྱོང་བ་ཡིད་ལ་དྲན༌ཏེ། ཁྱོད་རྣམས་མྱུལ་མ༌ཡིན། སྲུང་དམག་མེད་པའི་ཡུལ་འདིར་ལྐོག་ལྟ་བྱེད་དུ་ཡོང་བ་རེད་ཅེས་སྨྲས་པ༌དང༌།  
\v 10 ཁོ་རྣམས་ན༌རེ། ཇོ་བོ་ལགས། དེ་འདྲ་མིན༌ཏེ། ཁྱེད་ཀྱི་ཞབས་ཕྱི་པ་ངེད་རྣམས་ནི་གནས་འདིར་འབྲུ་རིགས་ཉོ་རུ་ཡོང་བ༌ཡིན།  
\v 11 ངེད་ཅག་ནི་ཕ་གཅིག་གི་བུ་ཡིན༌ལ། མི་དྲང་པོ་ཡིན་པ་ལས་མྱུལ་མ་མིན་ཞེས་སྨྲས་པ༌ན།  
\v 12 ཡོ་སེབ་ན༌རེ། དེ་འདྲ་ག་ལ༌ཡིན། ཁྱོད་རྣམས་སྲུང་དམག་མེད་པའི་ཡུལ་འདིར་ལྐོག་ལྟ་བྱེད་དུ་ཡོང་བ་ཤ་སྟག་རེད་ཅེས་སྨྲས་པ༌དང༌།  
\v 13 ཁོ་རྣམས་ན༌རེ། ཁྱེད་ཀྱི་ཞབས་ཕྱི་པ་ངེད་ཅག་ལ་སྤུན་བཅུ་གཉིས་ཡོད་ཅིང་ཀ་ན་ཨན་ཡུལ་གྱི་ཕ་གཅིག་གི་བུ་རྣམས་ཡིན༌ལ། སྤུན་རྣམས་ལས་ཆེས་ཆུང་བ་ད་ལྟ་ཕ་ཡི་དྲུང་དུ་ཡོད་པ༌དང༌། སྤུན་གཞན་ཞིག་ཚེ་ལས་འདས་སོང་ཞེས་སྨྲས༌སོ།།   
\p
\v 14 དེ་ནས་ཡོ་སེབ་ན༌རེ། བདག་གིས་ཁྱོད་རྣམས་མྱུལ་མ་རེད་ཅེས་སྨྲས་པ་དོན་ལ༌གནས།  
\v 15 བདག་གིས་ཕཱར་ཨོལ་དཔང་དུ་བཙུགས་ནས་དམ་བཅའ་བར་བྱ༌སྟེ། གལ༌སྲིད། ཁྱོད་རྣམས་ཀྱི་སྤུན་ཆེས་ཆུང་བ་གནས་འདིར་ཡོང་བ་མིན༌ན། ཁྱོད་རྣམས་ཀྱང་གནས་འདི་ནས་ཕྱིར་འགྲོ་མི་ཐུབ༌ལ། དེ་ལས་ཁྱོད་རྣམས་ག་འདྲ་ཡིན་པའང་ར་སྤྲོད་བྱེད་ཐུབ་པ༌ཡིན།  
\v 16 ཁྱོད་རྣམས་ལས་སྤུན་གཅིག་མངགས་ནས་སྤུན་ཆེས་ཆུང་བའང་འདིར་ཁྲིད་ཤོག༌ཅིག ཁྱོད་ཅག་གིས་སྨྲས་པའི་གཏམ་བདེན་མིན་ལ་བརྟག་པའི༌ཕྱིར། ཁྱོད་རྣམས་འདིར་བཙོན་དུ་འདུག་དགོས་པ༌ཡིན། གལ་ཏེ་ཁྱོད་ཅག་གིས་སྨྲས་པའི་གཏམ་དེ་བདེན་པ་མིན༌ན། བདག་གིས་ཕཱར་ཨོལ་དཔང་དུ་བཙུགས་ནས་དམ་བཅའ༌སྟེ། ཁྱོད་རྣམས་མྱུལ་མ་ཤ་སྟག་རེད་ཅེས་སྨྲས༌སོ།།  
\v 17 དེ་ནས་ཡོ་སེབ་ཀྱིས་རང་གི་སྤུན་གཞན་རྣམས་ཉིན་གསུམ་ལ་བཙོན་དུ་བཅུག༌གོ །   
\p
\v 18 དེ་ནས་ཉིན་གསུམ་པར་ཡོ་སེབ་ཀྱིས་སྤུན་རྣམས་ལ་འདི༌ལྟར། བདག་ནི་དཀོན་མཆོག་ལ་གུས་ཤིང་འཇིགས་པ་ཞིག་ཡིན༌ཞིང༌། ཁྱོད་ཅག་གིས་དེ་བཞིན་བྱས་ན་རང་སྲོག་འཆོར་མི༌སྲིད།  
\v 19 ཁྱོད་ཅག་མི་དྲང་པོ་ཡིན༌ན། ཁྱོད་རྣམས་ལས་སྤུན་གཅིག་བཙོན་དུ་བསྡད་དེ། སྤུན་གཞན་རྣམས་ཀྱིས་འབྲུ་རིགས་ཁུར་ནས་རང་ཁྱིམ་གྱི་བཀྲེས་ལྟོགས་སེལ་བར་འགྲོ་རུང་བ༌ཡིན།  
\v 20 འོན༌ཀྱང༌། ཁྱོད་རྣམས་ཀྱིས་རང་གི་སྤུན་ཆེས་ཆུང་བ་དེ་འདིར་ཁྲིད་ཤོག༌ཅིག དེ་ལྟར་བྱས༌ན། ཁྱོད་ཅག་གིས་སྨྲས་པའི་གཏམ་ལ་བདེན་དཔང་བྱེད་ཐུབ༌ཅིང༌། ཁྱོད་རྣམས་ཀྱང་འཆི་མི་སྲིད་ཅེས་སྨྲས་པ༌དང༌། སྤུན་དེ་རྣམས་ཀྱིས་ཀྱང་དེ་ལྟར་བྱས༌སོ།།   
\p
\v 21 དེ་ནས་སྤུན་རྣམས་ཀྱིས་ཕན་ཚུན་ན༌རེ། རང་ཅག་ནི་སྤུན་གྱི་ཆ་ནས་ཉེས་པ་ཡོད༌དེ། ཁོས་སྨྲེ་སྔགས་བཏོན་ནས་རང་ཅག་ལ་ཞུ་བ་བྱེད་པའི་སྐབས༌སུ། ངེད་རྣམས་ཀྱིས་ཁོའི་སེམས་སྐྱོ་སྡུག་གིས་ཁེངས་པ་མཐོང༌ཡང༌། ཁོས་ཞུ་བར་མ་མཉན་པས་ད་ནི་སྡུག་བསྔལ་འདི་ལྟ་བུ་རང་ཅག་རྣམས་ལ་བྱུང་བ་ཡིན་ཞེས་སྨྲས༌སོ།།   
\p
\v 22 དེར་རུ་བེན་ན༌རེ། བདག་གིས་ཁྱོད་རྣམས་ལ་བྱིས་པ་དེར་སྡིག་པ་བྱེད་མི་རུང་ཞེས་སྨྲས་མྱོང་བ་མ་ཡིན༌ནམ། ཁྱོད་རྣམས་ཀྱིས་བདག་གི་གཏམ་ལ་མ་མཉན༌པས། ཁོ་རང་ལ་ཁྲག་བཞུར་དུ་བཅུག་པའི་སྡིག་པ་ནི་ད་ལྟ་རང་ཅག་རྣམས་ཀྱིས་འཇལ་དགོས་ཞེས་སྨྲས་པ༌དང༌།  
\v 23 ཁོ་རྣམས་ཀྱི་སེམས་སུ་ཁོ་ཚོས་སྨྲས་པའི་གཏམ་དེ་དག་ཡོ་སེབ་ཀྱིས་མ་ཐོས་པར༌སྙམ། རྒྱུ་མཚན་ནི་ཡོ་སེབ་དང་ཁོ་རྣམས་བར་དུ་སྐད་སྒྱུར་བ་ཞིག་ཡོད་པའི་ཕྱིར༌རོ།།   
\p
\v 24 དེ་ནས་ཡོ་སེབ་ཕར་སོང་ནས་ངུས༌ཤིང༌། ཡང་ཕྱིར་ཡོང་ནས་རང་གི་སྤུན་རྣམས་ལ་གླེང་མོལ་བྱས་པ༌དང༌། སྤུན་དེ་རྣམས་ཀྱི་ཁྲོད་ནས་སི་མུ་ཨོན་ཞེས་པ་བདམས་ཏེ་ཁོ་རྣམས་ཀྱི་མིག་མདུན་ནས་བཀྱིགས༌སོ།།   
\p
\v 25 ཡོ་སེབ་ཀྱིས་མི་མངགས་ནས་རང་གི་སྤུན་རྣམས་ཀྱི་སྒྱེ་མོའི་ནང་དུ་འབྲུ་རིགས་ཀྱིས་གཏམས་པར་མཛད༌ཅིང༌། ཁོ་རྣམས་ཀྱི་དངུལ་སྒོར་ཡང་ཕྱིར་ཁོ་རྣམས་ཀྱི་སྒྱེ་མོའི་ནང་དུ་འཇུག་པ༌དང༌། ཁོ་རྣམས་ལ་ལམ་བྲོའང་སྟེར་དགོས་པའི་བཀའ་ཕབ་པ་དང་དེ་ལྟར་བསྒྲུབས༌སོ།།  
\v 26 ཁོ་རྣམས་ཀྱིས་ཀྱང་འབྲུ་རིགས་བོང་བུར་བཀལ་ནས་ཡུལ་དེ་དང་ཁ་བྲལ༌ཏོ།།   
\p
\v 27 དེ་ནས་ཁོ་རྣམས་ལམ་ལ་ཆས་ཤིང་ལམ་བར་ནས་ཞག་སྡོད་བྱེད་སར་སླེབས༌དུས། ཁོ་རྣམས་ལས་སྤུན་ཞིག་གིས་བོང་བུར་གཟན་ཆས་སྟེར་སྙམ་ནས་སྒྱེ་མོའི་ཁ་ཕྱེས་པ་ན། རང་གི་དངུལ་སྒོར་དེ་སྒྱེ་མོའི་ནང་དུ་ཡོད་པ་མཐོང༌སྟེ།  
\v 28 སྤུན་གཞན་རྣམས་ལ་འདི༌ལྟར། བདག་གི་དངུལ་སྒོར་ཕྱིར་ཡོང༌ངོ༌། །ལྟོས༌དང༌། བདག་གི་སྒྱེ་མོའི་ནང་དུ་འདུག་ཅེས་སྨྲས་པ༌དང༌། ཁོ་རྣམས་ཤིན་ཏུ་འཇིགས་ཤིང་སྐྲག༌སྟེ། འདི་ནི་དཀོན་མཆོག་གིས་རང་ཅག་ལ་ཅི་ཞིག་མཛད་པ་ཡིན་ནམ་ཞེས་སྨྲས༌སོ།།   
\p
\v 29 དེ་ནས་ཁོ་རྣམས་ཀ་ན་ཨན་ཡུལ་གྱི་ཡབ་ཡ་ཀོབ་ཀྱི་གམ་དུ་སླེབས་པ༌དང༌། ཁོ་རྣམས་ལ་བྱུང་བའི་དོན་རྣམས་འདི་ལྟར་སྨྲས༌པ།  
\v 30 ཡུལ་དེའི་བདག་པོས་ངེད་ཅག་ལ་བཙན་གཏམ་སྨྲས་པ༌དང༌། ངེད་ཅག་ཡུལ་དེར་གསང་མྱུལ་དུ་ཡོང་བར་འདོད༌ཅིང༌།  
\v 31 ངེད་རྣམས་ཀྱིས་བདག་པོ་དེ༌ལ། ངེད་ཅག་མི་དྲང་པོ་ཡིན་པ་ལས་མྱུལ་མ༌མིན།  
\v 32 ངེད་རྣམས་ལ་སྤུན་བཅུ་གཉིས་ཡོད་ཅིང་ཐམས་ཅད་ཕ་གཅིག་གི་བུ་རྣམས་ཡིན༌ལ། སྤུན་གཅིག་ཚེ་ལས་འདས་པ༌དང༌། སྤུན་ཆེས་ཆུང་བ་ད་ལྟ་ཕ་དང་མཉམ་དུ་ཀ་ན་ཨན་ཡུལ་དུ་ཡོད་ཅེས་སྨྲས་པ༌ན།  
\v 33 ཡུལ་དེའི་བདག་པོ་ན༌རེ། བདག་གིས་ཁྱོད་རྣམས་མི་དྲང་པོ་ཡིན་པ་ཤེས་དགོས༌ན། ཁྱོད་ཅག་རྣམས་ལས་གཅིག་བདག་གི་ཡུལ་འདིར་སྡོད༌དང༌། གཞན་རྣམས་ཀྱིས་འབྲུ་རིགས་ཁུར་ནས་རང་ཁྱིམ་གྱི་བཀྲེས་ལྟོགས་སེལ་བར་སོང༌ཞིག  
\v 34 འོན༌ཀྱང༌། ཁྱོད་རྣམས་ཀྱིས་རང་གི་སྤུན་ཆེས་ཆུང་བ་དེ་འདིར་ཁྲིད་ཤོག༌དང༌། བདག་གིས་ཁྱོད་རྣམས་མྱུལ་མ་མིན་པར་མི་དྲང་པོ་ཡིན་པ་ཤེས་ནུས་པ༌ཡིན། དེ་ལྟར་བྱས༌ན། བདག་གིས་ཁྱོད་ཅག་གི་སྤུན་ཕྱིར་ཁྱོད་རྣམས་ལ་སྤྲོད་པ༌དང༌། ཁྱོད་རྣམས་ཀྱིས་ཀྱང་ཡུལ་འདི་ནས་ཚོང་ལས་གཉེར་ཆོག་པ་ཡིན་སྨྲས་ཞེས༌བཤད་དོ།།   
\p
\v 35 དེ་ཡང་ཕྱིས་སུ་ཁོ་རྣམས་ཀྱིས་རང་རང་གི་སྒྱེ་མོའི་ཁ་ཕྱེས་པ་ན། མི་རེ་རེའི་དངུལ་ཁུག་སྒྱེ་མོའི་ནང་དུ་ཡོད་པ༌དང༌། ཡབ་དང་ཁོ་རྣམས་ཀྱིས་དངུལ་ཁུག་མཐོང་བ་དང་འཇིགས་སྐྲག་སྐྱེས༌སོ།།  
\v 36 དེ་ནས་ཡབ་ཡ་ཀོབ་ཀྱིས་བུ་རྣམས་ལ་འདི་སྐད༌དུ། ཁྱོད་ཅག་གིས་བདག་གི་བུ་གཉིས་མེད་པར་བྱས༌ཏེ། ཡོ་སེབ་མེད༌ལ། སི་མུ་ཨོན་ཡང་མེད༌དོ། །ཁྱོད་རྣམས་ཀྱིས་ད་དུང་བདག་གི་བུ་པེན་ཡཱ་མེན་ཡང་ཁྲིད་འདོད་པ༌རེད། ད་ལྟ་སྡུག་བསྔལ་འདི་ཐམས་ཅད་བདག་གི་མགོ་ལ་ཡོང་བ་ཡིན་ཞེས་སྨྲས༌སོ།།   
\p
\v 37 དེ་ནས་རུ་བེན་གྱིས་ཡབ་ལ་འདི༌ལྟར། སྤུན་པེན་ཡཱ་མེན་བདག་ལ་སྤྲོད༌དང༌། བདག་གིས་ཁྱེད་ལ་ཕྱིར་སྤྲོད་ངེས༌ཡིན། གལ་ཏེ་བདག་གིས་སྤུན་པེན་ཡཱ་མེན་ཕྱིར་ཁྲིད་མ་ཡོང༌ན། ཁྱེད་ཀྱིས་བདག་གི་བུ་གཉིས་ཀ་བསད་ཆོག་ཅེས་སྨྲས་པ༌ན།  
\v 38 ཡ་ཀོབ་ན༌རེ། པེན་ཡཱ་མེན་ཁྱོད་རྣམས་དང་མཉམ་དུ་འགྲོ་མི༌ཆོག ཁོའི་གཅེན་པོ་ཚེ་ལས་འདས་ཤིང་ད་ལྟ་ཁོ་རང་ཁོ་ན་ལུས་འདུག་པ༌དང༌། ཁོ་རང་ཁྱོད་རྣམས་དང་མཉམ་དུ་འགྲོ་བའི་ལམ་བར་དུ་བར་ཆད་བྱུང༌ཚེ། ཁྱོད་རྣམས་ཀྱིས་སྐྲ་དཀར་པོར་གྱུར་པའི་རྒན་པོ་བདག་སྡུག་བསྔལ་གྱི་ངང་ནས་གཤིན་པོའི་གནས་སུ་བསྐྱལ་བ་ཡིན་ཞེས་སྨྲས༌སོ།།   
\c 43
\cl ལེའུ་ཞེ་གསུམ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཨེ་ཅིབ་ཡུལ་དུ་ལན་གཉིས་པར་ཕྱིན༌པ།  
\p
\v 1 དེ་ཡང་ཡུལ་དེར་མུ་གེ་བྱུང་བ་ཚབས་ཆེ༌བས།  
\v 2 ཁོ་རྣམས་ཀྱིས་ཨེ་ཅིབ་ཡུལ་ནས་ཁྱེར་ཡོང་བའི་འབྲུ་རིགས་ཐམས་ཅད་ཟོས་ཚར་བ༌དང༌། ཡང་ཁོ་རྣམས་ཀྱི་ཕ་ན༌རེ། ཁྱོད་རྣམས་ཡང་འབྲུ་རིགས་ཉོ་རུ་སོང་ཞིག་ཅེས་སྨྲས༌སོ།།  
\v 3 དེ་ནས་ཡ་ཧུ་དཱ་ན༌རེ། དེ་སྔར་མི་དེས་ངེད་ཅག་ལ་ནན་གྱིས་འདི་སྐད༌དུ། ཁྱོད་ཅག་གི་སྤུན་ཁྱོད་ཅག་དང་མཉམ་དུ་མ་ཡོང༌ན། བདག་དང་ངོ་འཕྲད་པར་ཡོང་མི་དགོས་ཞེས་སྨྲས་མྱོང༌བས།  
\v 4 ཡབ་ཁྱེད་ཀྱིས་སྤུན་པེན་ཡཱ་མེན་ངེད་ཅག་དང་ལྷན་དུ་འགྲོ་བར་མཛད༌ན། ངེད་ཅག་མར་འབྲུ་རིགས་ཉོ་རུ༌འགྲོ།  
\v 5 ཁྱེད་ཀྱིས་སྤུན་པེན་ཡཱ་མེན་ངེད་ཅག་དང་མཉམ་དུ་འགྲོ་རུ་མི་འཇུག་ན། ངེད་ཅག་ཀྱང་འགྲོ་བར་མི༌བྱ། ཅིའི་ཕྱིར་ཞེ༌ན། དེ་སྔར་མི་དེས་ངེད་ཅག་ལ་ཁྱོད་ཅག་གི་སྤུན་ཁྱོད་ཅག་དང་མཉམ་དུ་མ་ཡོང་ན་བདག་དང་ངོ་འཕྲད་པར་མི་བྱ་ཞེས་ནན་གྱིས་སྨྲས་མྱོང་བའི་ཕྱིར་ཡིན་ཞེས་སྨྲས༌སོ།།   
\p
\v 6 དེར་ཡེས་ར་ཨེལ་ན༌རེ། ཁྱོད་རྣམས་ཀྱིས་མི་དེར་ངེད་ཅག་ལ་ད་དུང་སྤུན་ཞིག་ཡོད་ཅེས་སྨྲས་ཏེ་བདག་ལ་འདི་ལྟར་གནོད་འཚེ་བྱེད་དོན་ཅི་ཞེས་སྨྲས་པ༌ལ།  
\v 7 བུ་རྣམས་ན༌རེ། མི་དེས་ངེད་ཅག་དང་ངེད་ཅག་གི་ཉེ་རིང་སོགས་ཞིབ་ཏུ་འདི༌ལྟར། ཁྱོད་ཅག་གི་ཕ་ནི་བཞུགས་ལགས༌སམ། ཁྱོད་རྣམས་ལ་ད་དུང་སྤུན་གཞན་ཡོད་དམ་ཞེས་དྲིས་པ༌ན། ངེད་ཅག་གིས་ཀྱང་ཁོའི་དྲི་བ་ལྟར་ལན་བཏབ་པ༌ཡིན། ཁོས་ཁྱོད་ཅག་གི་སྤུན་ཁྲིད་ཤོག་ཅིག་ཅེས་སྨྲ་ངེས་པ་ངེད་ཅག་གིས་ཤེས་ནུས་སམ་ཞེས་སྨྲས༌སོ།།  
\v 8 དེ་ནས་ཡ་ཧུ་དཱ་ཡིས་ཕ་ལ་འདི༌ལྟར། རང་ཅག་ཚང་གི་མི་ཐམས་ཅད་འཚོ་ཞིང་གཞེས་པ་དང་མི་འཆི་བའི༌ཕྱིར། ཁྱེད་ཀྱིས་སྤུན་ཆུང་བདག་དང་ལྷན་དུ་འགྲོ་རུ་ཆུག༌དང༌། ངེད་ཅག་འབྲུ་རིགས་ཉོ་རུ༌འགྲོ།  
\v 9 བདག་གིས་སྤུན་གྱི་བདེ་འཇགས་ལ་ཁག་ཐེག་བྱེད་ཅིང་རང་ཉིད་གཏའ་མར་འཇོག༌གོ །གལ་ཏེ་བདག་གིས་སྤུན་ཕྱིར་ཁྱེད་ཀྱི་དྲུང་དུ་ཁྲིད་མ་ཡོང༌ན། བདག་གིས་ནམ་ཡང་སྡིག་པ་འཁུར་ངེས༌ཡིན།  
\v 10 གལ་སྲིད་དུས་འགྱངས་བྱས་པ་མིན༌ན། ད་ལྟ་ངེད་ཅག་ཐེངས་གཉིས་ཙམ་ལའང་ཕྱིར་ཡོང་ཟིན་ཞེས་སྨྲས༌སོ།།   
\p
\v 11 དེ་ནས་ཁོ་རྣམས་ཀྱི་ཕ་ཡེས་ར་ཨེལ་ན༌རེ། དངོས་གནས་དེ་ལྟར་བྱེད་དགོས༌ན། ཁྱོད་ཅག་གིས་དེ་བཞིན་བྱོས༌ཤིག རང་ཅག་གི་ཡུལ་འདིའི་ཕུལ་དུ་བྱུང་བའི་སྤོས་དཀར་དང༌། སྦྲང༌རྩི། བསུང་རྫས། གུ༌གུལ། ཚི་གུའི༌རིགས། སྟར་ཀ་བཅས་རེ་རེ་བཞིན་ཉུང་ངུ་རེ་བླངས་ནས་སྣོད་ཀྱི་ནང་དུ་བཞག༌སྟེ། མར་ཨེ་ཅིབ་ཡུལ་གྱི་མི་དེ་ལ་ལེགས་སྐྱེས་སུ་ཁྱེར༌ཅིག  
\v 12 གཞན་ཡང་ལག་ཏུ་དངུལ་སྒོར་ལྡབ་གཉིས་མང་དུ་འཛིན་པ༌དང༌། དེ་སྔར་སྒྱེ་མོའི་ནང་དུ་ཡོད་པའི་དངུལ་སྒོར་ཡང་ལག་ཏུ་འཛིན༌དགོས། དེ་ནི་ནོར་འཕྱུག་བྱུང་ནས་སྒྱེ་མོའི་ནང་དུ་བཅུག་པ་ཡིན་ཡང༌སྲིད།  
\v 13 ཁྱོད་ཅག་གི་སྤུན་ཁྲིད་ནས་མི་དེའི་དྲུང་དུ་སོང༌ཞིག  
\v 14 ཁྱོད་ཅག་གི་སྤུན་སི་མུ་ཨོན་དང་པེན་ཡཱ་མེན་གཉིས་ཀ་ཕྱིར་སྤྲོད་པའི་ཆེད༌དུ། ཀུན་དབང་དཀོན་མཆོག་གིས་མི་དེའི་མདུན་དུ་ཁྱོད་ཅག་ལ་སྙིང་རྗེས་གཟིགས་པར༌མཁྱེན། གལ་ཏེ་བདག་གི་བུ་གཉིས་ཀ་འཆི་བར་གྱུར་ན་འཆི་རུ་བཅུག་ཅེས་སྨྲས༌སོ།།   
\p
\v 15 དེ་ནས་ཁོ་རྣམས་ཀྱིས་ལེགས་སྐྱེས་དང་དངུལ་སྒོར་ལྡབ་གཉིས་བཟུང་ཞིང་པེན་ཡཱ་མེན་ཁྲིད་ནས་ཨེ་ཅིབ་ཡུལ་གྱི་ཡོ་སེབ་དྲུང་དུ་སོང༌ངོ༌།།   
\p
\v 16 དེ་ཡང་ཡོ་སེབ་ཀྱིས་པེན་ཡཱ་མེན་ཁོ་རྣམས་དང་མཉམ་དུ་ཡོང་བ་མཐོང་སྟེ་རང་གི་ཁྱིམ་ལས་གཉེར་མཁན་ལ་འདི༌ལྟར། མི་འདི་རྣམས་ཁང་པའི་ནང་དུ་ཁྲིད༌ཅིག ཕྱུགས་ཤ་ཤེད་ཅན་ཞིག་བཤས་ནས་སྤྲོ་སྟོན་ལ་སྟ་གོན་བྱེད་པར༌གྱིས། ཅིའི་ཕྱིར་ཞེ༌ན། བདག་གིས་མི་འདི་རྣམས་དང་མཉམ་དུ་གུང་ཚིགས་འཐུང་བའི་ཕྱིར་ཡིན་ཞེས་སྨྲས་པ༌དང༌།  
\v 17 ཁྱིམ་ལས་གཉེར་མཁན་གྱིས་ཀྱང་ཡོ་སེབ་ཀྱི་བཀའ་ལྟར་ཁོ་རྣམས་ཡོ་སེབ་ཀྱི་ཁང་པའི་ནང་དུ༌ཁྲིད།  
\v 18 དེ་ཡང་ཡོ་སེབ་ཀྱི་ཁང་པའི་ནང་དུ་ཁྲིད་པས་ཁོ་རྣམས་འཇིགས་ཏེ་འདི༌ལྟར། ངེད་ཅག་འདིར་ཁྲིད་ཡོང་བ་ནི་ཐེངས་དང་པོར་འབྲུ་རིགས་ཉོ་རུ་ཡོང་བའི་དུས༌སུ། སྒྱེ་མོའི་ནང་དུ་དངུལ་སྒོར་བཞག་ཡོད་པའི་ཕྱིར་ཡིན་ངེས༌ཤིང༌། བསམ་བཞིན་ངེད་ཅག་ལ་བསྙོན་བཙུགས་ཏེ་གནོད་འཚེ་བྱེད་པ༌དང༌། བཙན་གྱིས་ངེད་རྣམས་བྲན་གཡོག་ཏུ་འགོད༌པ། ངེད་ཅག་གི་བོང་བུའང་འཕྲོག་པར་རྩོམ་པ་རེད་ཅེས་སྨྲས༌སོ།།  
\v 19 དེ་ནས་ཁོ་རྣམས་ཡོ་སེབ་ཀྱི་ཁྱིམ་ལས་གཉེར་མཁན་གྱི་གམ་དུ་བཅར་ཏེ་ཁང་པའི་སྒོ་འགྲམ་དུ་འདི༌ལྟར།  
\v 20 བདག་པོ༌ལགས། ངེད་ཅག་ཐེངས་དང་པོར་དངོས་གནས་འབྲུ་རིགས་ཉོ་རུ་ཡོང་བ༌དང༌།  
\v 21 ཕྱིས་སུ་ལམ་བར་ནས་ཞག་སྡོད་བྱེད་སར་སྒྱེ་མོའི་ཁ་ཕྱེས་པ་ན། མི་རེ་རེའི་དངུལ་སྒོར་མང་ཉུང་མེད་པར་ད་དུང་སྒྱེ་མོའི་ནང་དུ་ཡོད༌ལ། ད་ལྟ་ངེད་ཅག་གིས་ཕྱིར་ཁྱེར་ཡོང༌ངོ༌།།  
\v 22 ཐེངས་འདིར་ཡང་དངུལ་སྒོར་བཟུང་ནས་འབྲུ་རིགས་ཉོ་རུ་ཡོང་བ༌ཡིན། འོན་ཀྱང་ཐེངས་སྔ་མར་ངེད་ཅག་གི་སྒྱེ་མོའི་ནང་དུ་དངུལ་སྒོར་འཇོག་མཁན་སུ་ཡིན་མི་ཤེས་ཞེས་སྨྲས༌སོ།།  
\v 23 ཁྱིམ་ལས་གཉེར་མཁན་ན༌རེ། ཁྱོད་ཅག་གི་སེམས་བདེ་བར༌གྱིས། འཇིགས་མི༌དགོས། དེ་ནི་ཁྱོད་ཅག་དང་ཁྱོད་རྣམས་ཀྱི་ཕ་ཡི་དཀོན་མཆོག་གིས་རྒྱུ་ནོར་དེ་དག་སྒྱེ་མོའི་ནང་དུ་བཞག་པ༌ཡིན། ཁྱོད་ཅག་གི་དངུལ་སྒོར་བདག་གིས་སྔ་མོ་ནས་བླངས་ཟིན་ཞེས་སྨྲས་པ༌དང༌། སི་མུ་ཨོན་ཁྲིད་ཡོང་ནས་ཁོ་རྣམས་ལ༌སྤྲད།  
\v 24 དེ་ནས་ཁོ་རྣམས་ཁང་པའི་ནང་དུ་ཁྲིད་པ་དང་རྐང་པ་བཀྲུ་བྱེད་ཀྱི་ཆུ་བླུགས༌ཤིང༌། བོང་བུ་དག་ལ་རྩྭའང་བྱིན༌ཏོ།།  
\v 25 ཁོ་རྣམས་ཀྱིས་ལེགས་སྐྱེས་གྲ་སྒྲིག་བྱེད་ཀྱིན་ཡོ་སེབ་གུང་ཚིགས་བཞེས་སུ་ཡོང་བར་སྒུག་པ༌སྟེ། ཡོ་སེབ་ཀྱིས་ཁོ་རྣམས་དང་མཉམ་དུ་གུང་ཚིགས་བཞེས་ངེས་པ་ཐོས་པའི་ཕྱིར༌རོ།།   
\p
\v 26 དེ་ནས་ཡོ་སེབ་ཁྱིམ་དུ་ལོག་པ༌ན། ཁོ་རྣམས་ཀྱིས་ཡོ་སེབ་ལ་ལེགས་སྐྱེས་ཕུལ་བ་དང་ཕྱག་བཙལ༌ཏོ།།  
\v 27 ཡོ་སེབ་ཀྱིས་ཀྱང་ཁོ་རྣམས་ལ་འཚམས་འདྲི་བྱས་ཤིང་ན༌རེ། ཁྱོད་རྣམས་ཀྱིས་བརྗོད་པའི་ཕ་ནི༌བདེའམ། ཁོང་ད་དུང་བཞུགས་ལགས་སམ་ཞེས་དྲིས་པ༌ན།  
\v 28 ཁོ་རྣམས་ན༌རེ། ཁྱེད་ཀྱི་ཞབས་ཕྱི་པ་སྟེ་ངེད་ཅག་གི་ཕ་ནི་བདེ་བར་བཞུགས་པ་ཡིན་ཞེས་སྨྲས་པ་དང་གུས་པས་ཕྱག་བཙལ༌ཏོ།།   
\p
\v 29 དེ་ནས་ཡོ་སེབ་ཀྱིས་མགོ་ཡར་བཀྱགས་ནས་བལྟས་པ༌ན། རང་ཉིད་ཀྱི་མ་གཅིག་གི་སྤུན་པེན་ཡཱ་མེན་མཐོང་སྟེ་འདི༌ལྟར། ཁྱོད་རྣམས་ཀྱིས་དེ་སྔར་བདག་ལ་བརྗོད་པའི་སྤུན་ཆེས་ཆུང་བ་ཞེས་པ་ཁོ་རང་ཡིན་ནམ་ཞེས་དྲིས་པ༌དང༌། ཡང་ཁོ་ན༌རེ། བདག་གི༌བུ། དཀོན་མཆོག་གིས་ཁྱོད་ལ་ཐུགས་རྗེ་གནང་བར་སྨོན་ཞེས་སྨྲས་པ༌དང༌།  
\v 30 རང་གི་སྤུན་ལ་བཅངས་པའི་བརྩེ་དུང་ཀུན་ནས་གཡོས༌ཤིང༌། ཁོའི་སེམས་ཁོང་དུ་ངུ་འདོད་པའི་སྣང་བ་ཞིག་སྐྱེས༌ཏེ། མྱུར་དུ་རང་ཉིད་ཀྱི་གཟིམ་ཁང་དུ་སོང་ནས་རབ་ཏུ་ངུས༌སོ།།  
\v 31 དེ་ནས་ཁོས་ཁ་ངོ་བཀྲུས་ཤིང་སེམས་སྡུག་གི་བསམ་པ་ནན་གྱིས་གབ་ནས་ཕྱིར་ཐོན་ཏེ་གསོལ་སྟོན་བྱེད་པའི་བཀའ་བསྒོས་པ༌དང༌།  
\v 32 ཞབས་ཕྱི་པ་རྣམས་ཀྱིས་ཀྱང་ཡོ་སེབ་ལ་གསོལ་སྟོན་བཤམས༌ཤིང༌། ཁོ་རྣམས་ལའང་གསོལ་སྟོན་བཤམས་པ༌དང༌། ཡང་ཡོ་སེབ་དང་མཉམ་དུ་ཞལ་ཟས་ལ་རོལ་བའི་ཨེ་ཅིབ་ཀྱི་མི་རྣམས་ལའང་གསོལ་སྟོན་བཤམས༌སོ། །ཅིའི་ཕྱིར་ཞེ༌ན། ཨེ་ཅིབ་ཀྱི་མི་རིགས་དང་ཨིབ་རི་པའི་མི་རིགས་གཉིས་ཀྱིས་ལྷན་དུ་ཟས་མི་བཟའ་བའི་ཕྱིར་ཡིན༌ཞིང༌། ཨེ་ཅིབ་མི་རིགས་ཀྱིས་དོན་དེ་ནི་སྐྱུག་བྲོ་བར་སྙམ༌མོ།།  
\v 33 དེ་ནས་ཡོ་སེབ་ཀྱིས་རང་གི་མདུན་དུ་སྐྱེས་རིམ་ལྟར་སྤུན་ཟླ་རྣམས་གྲལ་བསྒྲིགས་ནས་འདུག་ཏུ་བཅུག་པ༌ན། སྤུན་ཟླ་རྣམས་ཀྱིས་ཕན་ཚུན་ལ་ལྟ་བཞིན་དོན་དེར་ངོ་མཚར་བར་གྱུར༌ཏོ།།  
\v 34 ཡོ་སེབ་ཀྱིས་རང་གི་མདུན་ངོས་ཀྱི་ཟས་རིགས་སོ་སོར་བཀར་ནས་སྤུན་རྣམས་ལ་གནང་དགོས་པའི་བཀའ་ཕབ་པ༌དང༌། པེན་ཡཱ་མེན་ལ་སྤུན་གཞན་ལས་ལྡབ་ལྔ་ཡི་ལྷག་མ་ཐོབ༌ཅིང༌། ཁོ་རྣམས་ཀྱིས་ཡོ་སེབ་དང་ལྷན་དུ་ཆང་དང་སྤྲོ་སྟོན་ལ་རོལ༌ཏོ།།   
\c 44
\cl ལེའུ་ཞེ་བཞི༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡོ་སེབ་ཀྱིས་སྤུན་རྣམས་ལ་བརྟག༌པ།  
\p
\v 1 དེ་ནས་ཡོ་སེབ་ཀྱིས་ཁྱིམ་ལས་གཉེར་མཁན་ལ་འདི་སྐད༌དུ། མི་འདི་རྣམས་ཀྱི་སྒྱེ་མོའི་ནང་དུ་འབྲུ་རིགས་ཀྱིས་བཀང་བ་དང་བོང་བུས་ཐེག་ཚད་ཀྱི་ཁལ་འགེལ་བར༌གྱིས། ཡང་ཁོ་རྣམས་ཀྱི་དངུལ་སྒོར་རང་རང་གི་སྒྱེ་མོའི་ནང་དུ་འཇོག་པར༌བྱའོ།།  
\v 2 བདག་གི་དངུལ་ཕོར་དང་སྤུན་ཆེས་ཆུང་བའི་དངུལ་སྒོར་རྣམས་ལྷན་དུ་ཁོའི་སྒྱེ་མོའི་ནང་དུ་འཇོག་པར་གྱིས་ཞེས་སྨྲས་པ༌དང༌། ཁྱིམ་ལས་གཉེར་མཁན་གྱིས་ཀྱང་ཡོ་སེབ་ཀྱི་བཀའ་ལྟར་བསྒྲུབས༌ཤིང༌།  
\v 3 དེའི་ཕྱི་ཉིན་ནམ་ལངས་པ་དང་ཁོ་རྣམས་བོང་བུ་དང་བཅས་ལམ་དུ་བཅུག༌གོ །   
\p
\v 4 དེ་ཡང་ཁོ་རྣམས་གྲོང་ཁྱེར་དང་ཁ་བྲལ་ནས་ཅུང་མ་འགོར༌བར། ཡོ་སེབ་ཀྱིས་ཁྱིམ་ལས་གཉེར་མཁན་ལ་འདི་སྐད༌དུ། ཁྱོད་ཀྱིས་མྱུར་དུ་ཁོ་རྣམས་ཀྱི་རྗེས་བསྙེག་པར༌གྱིས། ཁོ་རྣམས་ཀྱི་རྗེས་ཆོད་པ༌ན། ཁྱོད་ཅག་གིས་དྲིན་ལན་ངན་འཇལ་བྱེད་པ་ཅི༌ཡིན།  
\v 5 འདི་ནི་ངེད་ཅག་གི་བདག་པོའི་ཆང་ཕོར་མ་ཡིན༌ནམ། འདི་ནི་ངེད་ཅག་གི་བདག་པོའི་མོ་འདེབས་བྱེད་ཀྱི་ཕོར་བ་མ་ཡིན༌ནམ། ཁྱོད་ཅག་གིས་འདི་ལྟར་བྱས་ན་ཉེས་པ་བྱས་པ་མ་ཡིན་ནམ་ཞེས་སྨྲོས་ཤིག་ཅེས་བཤད་པ༌དང༌།  
\v 6 ཁྱིམ་ལས་གཉེར་མཁན་གྱིས་ཁོ་རྣམས་བདས་ཏེ་རྗེས་ཆོད་པ་དང་བདག་པོའི་བཀའ་ལྟར་སྨྲས་པ༌ན།  
\v 7 ཁོ་རྣམས་ན༌རེ། རང་ཅག་གི་བདག་པོས་འདི་ལྟར་སྨྲ་བའི་རྒྱུ་མཚན༌ཅི། ཁྱེད་ཀྱི་ཞབས་ཕྱི་པ་ངེད་རྣམས་ཀྱིས་ལས་འདི་ལྟ་བུ་བྱེད་མི༌སྲིད།  
\v 8 ལྟོས༌དང༌། དེ་སྔར་ངེད་ཅག་གིས་རང་གི་སྒྱེ་མོའི་ནང་དུ་དངུལ་སྒོར་ཡོད་པ་ཤེས་པ༌དང༌། ཀ་ན་ཨན་ཡུལ་ནས་ཕྱིར་ཁྱེར་ཡོང་ནས་ཁྱེད་ལ་སྤྲད་པ་མ་ཡིན༌ནམ། ངེད་ཅག་གིས་ཁྱེད་ཀྱི་བདག་པོའི་ཁྱིམ་ནས་གསེར་དངུལ་རྐུ་སྲིད༌དམ།  
\v 9 ཁྱེད་ཀྱི་ཞབས་ཕྱི་པའི་ཁྲོད་ནས་སུ་ཞིག་ལས་བཙལ་ཏེ་རྙེད༌ན། མི་དེ་ནི་གསོད་པར༌བྱ། ངེད་རྣམས་ཀྱང་རང་ཅག་གི་བདག་པོའི་གཡོག་པོར་བྱེད་ངེས་ཡིན་ཞེས་ལན་བཏབ༌བོ།།   
\p
\v 10 ཁྱིམ་ལས་གཉེར་མཁན་ན༌རེ། ད་ལྟ་ཁྱོད་ཅག་གིས་སྨྲས་པ་བཞིན་བྱོས༌ཤིག མི་སུ་ཞིག་ལས་བཙལ་ནས་རྙེད་ན་དེ་ནི་བདག་གི་གཡོག་པོ་བྱེད༌དགོས། གཞན་རྣམས་ལ་ཉེས་པ་མེད་ཅེས་སྨྲས་པ༌ན།  
\v 11 ཁོ་རྣམས་ཀྱིས་མྱུར་དུ་རང་རང་གི་སྒྱེ་མོ་ས་རུ་བཞག་སྟེ་ཁ་ཕྱེས་པ་དང༌།  
\v 12 ཁྱིམ་ལས་གཉེར་མཁན་གྱིས་ཁོ་རྣམས་ལས་ལོ་ཆེ་བ་ནས་ལོ་ཆུང་བའི་བར་དུ་རིམ་བཞིན་བཙལ་བ༌ན། དངུལ་ཕོར་དེ་པེན་ཡཱ་མེན་གྱི་སྒྱེ་མོ་ལས་རྙེད༌དོ།།  
\v 13 དེ་ནས་ཁོ་རྣམས་ཡིད་ཤིན་ཏུ་སྐྱོ་བའི་ངང་གྱོན་པ་བཤགས༌ཤིང༌། རང་རང་གི་སྒྱེ་མོ་བོང་བུར་བཀལ་ནས་ཕྱིར་གྲོང་ཁྱེར་དུ་ལོག༌གོ །   
\p
\v 14 དེ་ནས་ཡ་ཧུ་དཱ་དང་ཁོའི་སྤུན་རྣམས་ཡོ་སེབ་ཀྱི་ཁྱིམ་དུ་སོང་བ་དང་ཡོ་སེབ་ཀྱང་དེ་རུ་ཡོད༌པས། ཁོ་རྣམས་ཀྱིས་ཡོ་སེབ་ཀྱི་དྲུང་དུ་པུས་མོ་སར་བཙུགས་ནས་ཕྱག་བཙལ་བ༌ན།  
\v 15 ཡོ་སེབ་ན༌རེ། ཁྱོད་རྣམས་ཀྱིས་དེ་ལྟར་བྱེད་དོན༌ཅི། བདག་ལྟ་བུས་མོ་འདེབས་ནུས་པ་ཁྱོད་ཅག་གིས་མི་ཤེས་སམ་ཞེས་སྨྲས༌སོ།།   
\p
\v 16 ཡ་ཧུ་དཱ་ན༌རེ། ངེད་རྣམས་ཀྱིས་རང་ཅག་གི་བདག་པོར་ཅི་ཞིག༌སྨྲའམ། ངེད་ཅག་གིས་རང་ལ་ཉེས་སྐྱོན་མེད་ཚུལ་ཇི་ལྟར་བདེན་དཔང་བྱེད༌དམ། དཀོན་མཆོག་གིས་ཁྱེད་ཀྱི་ཞབས་ཕྱི་པ་དག་གི་སྔོན་ཆད་ཀྱི་ཉེས་སྐྱོན་མཁྱེན༌ཞིང༌། ད་ལྟ་ངེད་ཅག་དང་ཕོར་བ་རྙེད་པའི་མི་དང་བཅས་པ་ཐམས་ཅད་རང་ཅག་གི་བདག་པོའི་གཡོག་པོ་ཡིན་ཞེས་སྨྲས༌སོ།།   
\p
\v 17 ཡོ་སེབ་ན༌རེ། བདག་གིས་འདི་ལྟར་ཅི་ནས་ཀྱང་མི་བྱ༌སྟེ། སུ་ཞིག་ལས་ཕོར་བ་རྙེད་པ་ཡིན༌ན་མི་དེ་བདག་གི་གཡོག་པོར་བྱེད་དགོས་པ༌ལས། གཞན་རྣམས་བདེ་བའི་ངང་ཁྱོད་ཅག་གི་ཕ་ཡི་དྲུང་དུ་སོང་ཞིག་ཅེས་སྨྲས༌སོ།།   
\p
\v 18 ཡང་ཡ་ཧུ་དཱ་ནི་ཡོ་སེབ་ཀྱི་དྲུང་དུ་བཅར་ཏེ་འདི༌ལྟར། བདག་པོ༌ལགས། ཁྱེད་ཀྱིས་ཞབས་ཕྱི་པ་བདག་ལ་གསན་པར༌ཞུ། ཁྱེད་རང་ཐུགས་རྒྱལ་མི་བཞེངས་པར༌མཛོད། ཅིའི་ཕྱིར་ཞེ༌ན། ཁྱེད་ནི་ཕཱར་ཨོལ་དང་འདྲ་མཚུངས་ཡིན་པའི་ཕྱིར༌རོ།།  
\v 19 བདག་པོ་ཁྱེད་ཀྱིས་དེ་སྔར་ཞབས་ཕྱི་པ་ངེད་རྣམས༌ལ། ཁྱོད་རྣམས་ཀྱི་ཕ་བཞུགས་ལགས༌སམ། སྤུན་གཞན་ནི་ཡོད་དམ་མེད་ཅེས་དྲིས་མྱོང༌ལ།  
\v 20 ངེད་ཅག་གིས་བདག་པོ་ཁྱེད༌ལ། ངེད་རྣམས་ལ་ཕ་ཡོད་ཅིང་ཁོང་ནི་ལོ་ན་བགྲེས་པ༌དང༌། དགུང་ལོ་མཐོ་བའི་དུས་སུ་སྐྱེས་པའི་བུ་ཞིག་ཡོད༌ལ། ཁོའི་གཅེན་པོ་ཚེ་ལས་འདས༌ཤིང༌། ཁོའི་ཨ་མས་ཁོ་རང་ཁོ་ན་བསྐྱུར་བས་ཕ་ཡིས་བུ་དེ་ལ་ཤིན་ཏུ་གཅེས་པ་ཡིན་ཞེས་ལན་བཏབ་པ༌ཡིན།  
\v 21 ཡང་ཁྱེད་ན༌རེ། ཁོ་རང་འདིར་ཁྲིད་ཤོག༌ཅིག བདག་གིས་ཁོ་རང་དངོས་སུ་མཐོང་འདོད་ཅེས་སྨྲས་པ༌ལ།  
\v 22 ཡང་ངེད་ཅག་གིས་འདི༌ལྟར། བུ་ཆུང་ཕ་དང་མཉམ་དུ་འདུག་དགོས༌ལ། གལ་ཏེ་བུ་ཆུང་ཕ་དང་ཁ་བྲལ༌ན། ཕ་ནི་ཚེ་ལས་འདའ་བར་འགྱུར་ཞེས་སྨྲས་པ༌ཡིན།  
\v 23 ཡང་ཁྱེད་ན༌རེ། ཁྱོད་རྣམས་ཀྱི་སྤུན་ཆེས་ཆུང་བ་དེ་ཁྱོད་ཅག་དང་མཉམ་དུ་མ་ཡོང༌ན། ཁྱོད་རྣམས་བདག་དང་ངོ་འཕྲད་པར་ཡོང་མི་དགོས་ཞེས་སྨྲས༌ཤིང༌།  
\v 24 ངེད་རྣམས་ཁྱེད་ཀྱི་ཞབས་ཕྱི་པ་སྟེ་བདག་ཅག་གི་ཕ་ཡི་དྲུང་དུ་སོང་ནས་ཁྱེད་ཀྱི་གཏམ་ཇི་བཞིན་ཁོང་ལ་སྨྲས་པ༌དང༌།  
\v 25 ངེད་ཅག་གི་ཕ་ན༌རེ། ཁྱོད་རྣམས་སླར་ཡང་འབྲུ་རིགས་ཉོ་རུ་སོང་ཞིག་ཅེས་སྨྲས༌བྱུང༌།  
\v 26 ཡང་ངེད་ཅག་གིས་ཁོང་ལ་འདི༌ལྟར། ངེད་ཅག་འགྲོ་མི༌ནུས། གལ་ཏེ་སྤུན་ཆུང་བ་ངེད་ཅག་དང་མཉམ་དུ་འགྲོ་རུ་བཅུག༌ན། ངེད་ཅག་མར་ཨེ་ཅིབ་ཡུལ་དུ་འབྲུ་རིགས་ཉོ་རུ་འགྲོ༌སྟེ། སྤུན་ཆུང་བ་ངེད་ཅག་དང་མཉམ་དུ་མེད༌ན། ངེད་རྣམས་མི་དེ་དང་ངོ་འཕྲད་མི་ཐུབ་པའི་ཕྱིར་ཡིན་ཞེས་སྨྲས་མྱོང༌ངོ༌།།  
\v 27 དེ་ནས་ཁྱེད་ཀྱི་ཞབས་ཕྱི་པ་ངེད་ཅག་གི་ཕ་ཡིས་ངེད་རྣམས་ལ་འདི༌ལྟར། བདག་གི་ཆུང་མས་བདག་ལ་བུ་གཉིས་བཙས་པ་ཁྱོད་རྣམས་ཀྱིས་ཤེས་ལ།  
\v 28 བུ་གཅིག་ནི་བདག་དང་ཁ་བྲལ་ནས་སོང༌ངོ༌། །བདག་གིས་ད་ལྟའི་བར་དུ་བུ་ཁོ་རང་མ་མཐོང་བས་ཁོ་གཅན་གཟན་གྱིས་དུམ་བུ་དུམ་བུར་བྱས་ནས་ཟོས་པ་ཤ་སྟག་ཡིན་སྙམ༌མོ།།  
\v 29 ད་ལྟ་ཁྱོད་རྣམས་ཀྱིས་བདག་གི་བུ་འདིའང་བདག་དང་ཕྲལ་བར་འདོད་པ༌དང༌། གལ་ཏེ་བུ་ཁོ་རང་ལ་བར་ཆད་བྱུང༌ན། ཁྱོད་རྣམས་ཀྱིས་སྐྲ་དཀར་པོར་གྱུར་པའི་རྒན་པོ་བདག་སྡུག་བསྔལ་གྱི་ངང་ནས་གཤིན་པོའི་གནས་སུ་བསྐྱལ་བ་ཡིན་ཞེས་སྨྲས༌ཤིང༌།  
\v 30 བདག་གི་ཕ་ཡི་སེམས་ནི་བུ་ཆེས་ཆུང་བ་འདི་ལ་ཤོར་ཡོད༌པས། ད་ལྟ་བདག་ཁྱེད་ཀྱི་ཞབས་ཕྱི་པ་ངེད་ཅག་གི་ཕ་ཡི་དྲུང་དུ་སོང༌ནའང༌། སྤུན་ཆེས་ཆུང་བ་ངེད་ཅག་དང་མཉམ་དུ་མེད༌ན།  
\v 31 ངེད་ཅག་གི་ཕ་ཡིས་བུ་ཆེས་ཆུང་བ་མ་མཐོང་བས་ཁོང་ཚེ་ལས་འདའ་བར༌ངེས། དེ་ལྟར་ངེད་རྣམས་ཀྱིས་ཁྱེད་ཀྱི་ཞབས་ཕྱི་པ་སྟེ་དབུ་སྐྲ་དཀར་པོར་གྱུར་པའི་ངེད་ཅག་གི་ཕ་སྡུག་བསྔལ་གྱི་ངང་ནས་གཤིན་པོའི་གནས་སུ་བསྐྱལ་བ་ཡིན༌ནོ།།  
\v 32 ཅིའི་ཕྱིར་ཞེ༌ན། ཞབས་ཕྱི་པ་བདག་གིས་དེ་སྔར་ཕ་ཡི་དྲུང་དུ་སྤུན་ཆེས་ཆུང་བ་འདིའི་དོན་དུ་རང་ཉིད་གཏའ་མར་བཞག་པ༌སྟེ། གལ་ཏེ་བདག་གིས་ཁོ་རང་ཕྱིར་ཁྲིད་འོངས་ནས་ཁྱེད་ལ་མ་སྤྲད༌ན། བདག་ཁྱེད་ཀྱི་དྲུང་དུ་ནམ་ཡང་སྡིག་ཅན་ཡིན་ཞེས་སྨྲས་པ༌ཡིན།  
\v 33 ད་ལྟ་ཞབས་ཕྱི་པ་བདག་སྤུན་ཆེས་ཆུང་བའི་ཚབ་ཏུ་ཁྱེད་ཀྱི་གཡོག་པོ་བྱེད་དུ་ཆུག སྤུན་ཆུང་ནི་སྤུན་གཞན་རྣམས་དང་མཉམ་དུ་འགྲོ་རུ་འཇུག་པར༌མཁྱེན།  
\v 34 གལ་ཏེ་སྤུན་ཆུང་བདག་དང་མཉམ་དུ་མ་སོང༌ན། བདག་ཕ་དང་ཇི་ལྟར་མཇལ༌ལམ། བདག་གིས་རང་གི་ཕ་ལ་འབྱུང་ངེས་པའི་སྡུག་བསྔལ་མིག་གིས་མཐོང་མི་ཕོད་ཅེས་སྨྲས༌སོ།།   
\c 45
\cl ལེའུ་ཞེ་ལྔ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡོ་སེབ་ཀྱིས་སྤུན་རྣམས་ངོས་བཟུང༌བ།  
\p
\v 1 དེ་ནས་ཡོ་སེབ་ཀྱིས་འཁོར་གཡོག་མང་པོ་ཚོགས་པའི་མདུན་དུ་རང་དབང་མེད་པར་ཁྱོད་རྣམས་ཐམས་ཅད་ཕར་སོང་ཞིག་ཅེས་སྨྲས་པ༌དང༌། ཡོ་སེབ་དང་སྤུན་རྣམས་ཀྱིས་ཕན་ཚུན་ངོས་འཛིན་པའི་སྐབས༌སུ། ཁོ་རྣམས་ཀྱི་གམ་དུ་མི་གཞན་གཅིག་ཀྱང་མེད༌པས།  
\v 2 ཡོ་སེབ་ཀྱིས་སྐད་ཆེན་པོ་བརྒྱབ་ནས་ངུས༌ཤིང༌། དོན་དེ་ཨེ་ཅིབ་ཀྱི་མི་རྣམས་ཀྱིས་ཐོས༌པ་དང་། ཕཱར་ཨོལ་གྱི་ཁྱིམ་མི་རྣམས་ཀྱིས་ཀྱང་ཐོས༌སོ།།   
\p
\v 3 དེ་ནས་ཡོ་སེབ་ཀྱིས་སྤུན་རྣམས་ལ་འདི༌ལྟར། བདག་ནི་ཡོ་སེབ༌ཡིན། རང་ཅག་གི་ཕ་བདེ་བར་བཞུགས་ལགས་སམ་ཞེས་སྨྲས་ནའང་སྤུན་རྣམས་ཀྱིས་ལན་འདེབས་མ་ནུས༌ཏེ། ཁོ་རྣམས་ཡོ་སེབ་ཀྱི་དྲུང་དུ་འཇིགས་ཤིང་སྐྲག་པའི་ཕྱིར༌རོ།།   
\p
\v 4 དེ་ནས་ཡོ་སེབ་ན༌རེ། ཁྱོད་རྣམས་མདུན་དུ་ཤོག་ཅིག་ཅེས་སྨྲས་པ་དང་ཁོ་རྣམས་ཀྱང་ཡོ་སེབ་ཀྱི་མདུན་དུ༌ཡོང༌། ཡང་ཡོ་སེབ་ན༌རེ། བདག་ནི་ཁྱོད་རྣམས་ཀྱི་སྤུན་ཡོ་སེབ༌སྟེ། ཁྱོད་ཅག་གིས་ཨེ་ཅིབ་ཡུལ་དུ་བཙོངས་པ་དེ་ཉིད༌ཡིན།  
\v 5 ད་ལྟ་ཁྱོད་རྣམས་ཀྱིས་ང་རང་ཡུལ་འདིར་བཙོངས་པའི་རྐྱེན་གྱིས་སེམས་སྡུག་བྱས་ནས་རང་ལ་སྡང་མི་དགོས༌ཏེ། འདི་ནི་དཀོན་མཆོག་གིས་ང་རང་ཁྱོད་རྣམས་ཀྱི་སྔོན་ལ་ཡུལ་འདིར་ཚེ་སྲོག་སྐྱོབ་པར་མངགས༌སོ།།  
\v 6 ད་ལྟ་ཡུལ་འདིར་མུ་གེ་བྱུང་ནས་ལོ་གཉིས་འགོར༌ཞིང༌། ད་དུང་ལོ་ལྔའི་རིང་ལ་ཞིང་འདེབས་མི་ཐུབ་པ་དང་ལོ་ཏོག་ཀྱང་མི་འབྱུང༌ངོ༌།།  
\v 7 དཀོན་མཆོག་གིས་ང་རང་ཁྱོད་རྣམས་ཀྱི་སྔོན་ལ་ཡུལ་འདིར་མངགས་དོན༌ནི། ས་གཞིའི་སྟེང་དུ་ཁྱོད་རྣམས་ལ་རིགས་རྒྱུད་ཡོད་པ༌དང༌། ཁྱོད་རྣམས་འཇིག་ཉེན་ལས་སྲོག་ཐར་བའི་ཕྱིར༌ཡིན།  
\v 8 དེའི༌ཕྱིར། ང་རང་ཡུལ་འདིར་མངགས་མཁན་ནི་དཀོན་མཆོག་ཡིན་པ་ལས་ཁྱོད་རྣམས་མ་ཡིན༌ལ། ཡང་ཁོང་གིས་བདག་ཕཱར་ཨོལ་གྱི་ཕ་ལྟ་བུར་བསྐོས༌ཤིང༌། རྒྱལ་པོའི་ཕོ་བྲང་གི་བདག་པོ༌དང༌། ཨེ་ཅིབ་ཡུལ་ཐམས་ཅད་ཀྱི་བློན་ཆེན་དུ་བསྐོས་ཡོད།  
\v 9 ཁྱོད་རྣམས་མྱུར་དུ་ཡར་རང་ཅག་གི་ཕ་ཡི་དྲུང་དུ་སོང་ནས་ཁོང་ལ་འདི་ལྟར་སྨྲ་བར་བྱ༌སྟེ། ཁྱེད་ཀྱི་བུ་ཡོ་སེབ་ན༌རེ། དཀོན་མཆོག་གིས་ང་རང་ཨེ་ཅིབ་ཡུལ་ཐམས་ཅད་ཀྱི་བདག་པོར་བསྐོས་པ༌དང༌། ཁྱོད་རྣམས་མྱུར་དུ་མར་ཡུལ་འདིར་ཤོག༌ཅིག དུས་འགྱངས་མི༌རུང༌།  
\v 10 ཡབ་ཁྱེད་དང་ཁྱེད་ཀྱི་བུ་དང་བུ༌མོ། ཚ་བོ་དང་ཚ༌མོ། ཐ་ན་ར་ལུག་དང་བ་གླང་གི་ཁྱུ་དང་བཅས་པ་ཐམས་ཅད་བདག་དང་ཉེ་སའི་གོ་ཤེན་ཡུལ་དུ་འདུག་པར༌བྱའོ།།  
\v 11 བདག་གིས་ཡུལ་དེ་ནས་ཁྱེད་ལ་ཞབས་ཕྱི་བསྒྲུབ་པར༌བྱ། ཅིའི་ཕྱིར་ཞེ༌ན། ད་དུང་ལོ་ལྔའི་རིང་ལ་མུ་གེ་འབྱུང༌བས། དེ་ལྟར་མ་བྱས་ཚེ་ཁྱེད་དང་ཁྱེད་ཀྱི་ཁྱིམ་མི་དང་བཅས་པ་ཐམས་ཅད་ལ་ཆག་སྒོ་འབྱུང༌ངོ༌།།  
\v 12 ཡང་ཁྱོད་རྣམས་དང་བདག་གི་སྤུན་པེན་ཡཱ་མེན་བཅས་ཀྱི་མིག་གིས་མཐོང་བ་བཞིན་བདག་གིས་ངག་ནས་འདི་ལྟར་སྨྲས་པ༌ཡིན།  
\v 13 ཁྱོད་རྣམས་ཀྱིས་ཀྱང་ཨེ་ཅིབ་ཡུལ་གྱི་བདག་གི་གཟི་བརྗིད་དང་ཅི་ཞིག་མཐོང་བ་རྣམས་ཕ་ལ་སྨྲ་བར༌གྱིས། ཡང་རང་ཅག་གི་ཕའང་མྱུར་དུ་ཡུལ་འདིར་ཁྲིད་ཤོག་ཅེས་སྨྲས༌སོ།།   
\p
\v 14 དེ་ནས་ཡོ་སེབ་སྤུན་པེན་ཡཱ་མེན་གྱི་སྐེ་ལ་འཐམས་ནས་ངུས་པ༌དང༌། པེན་ཡཱ་མེན་ཡང་ཡོ་སེབ་ཀྱི་མཇིང་ལ་འཇུས་ནས་ངུས༌སོ།།  
\v 15 དེ་ནས་ཡོ་སེབ་ཀྱིས་སྤུན་གཞན་རྣམས་ལ་འོ་བྱེད་བཞིན་ངུས་པ༌རེད། དེའི་རྗེས༌སུ། སྤུན་གཞན་རྣམས་ཀྱིས་ཀྱང་ཡོ་སེབ་ལ་གཏམ་སྨྲས༌སོ།།  
\v 16 དེ་ཡང་དོན་དེ་ཐམས་ཅད་ཕཱར་ཨོལ་གྱི་ཕོ་བྲང་དུ་ཁྱབ༌སྟེ། ཡོ་སེབ་ཀྱི་སྤུན་རྣམས་སླེབས་བྱུང་ཞེས་སྨྲ་བཞིན་ཡོད་པ་ཕཱར་ཨོལ་དང་ཁོང་གི་བློན་ཆེན་རྣམས་ཀྱིས་ཐོས་པ་དང་ཐམས་ཅད་དགའ་བར་གྱུར༌ཏོ།།  
\v 17 དེ་ནས་ཕཱར་ཨོལ་གྱིས་ཡོ་སེབ་ལ་འདི་སྐད༌དུ། ཁྱོད་ཀྱིས་རང་གི་སྤུན་རྣམས༌ལ། ཁྱོད་ཅག་གིས་ཁལ་མར་ཁལ་བཀལ་ནས་ཀ་ན་ཨན་ཡུལ་དུ་སོང༌ཞིག  
\v 18 ཁྱོད་ཅག་གིས་ཕ་དང་གཉེན་ཉེ་ཐམས་ཅད་འདིར་ཁྲིད་ཤོག༌དང༌། བདག་གིས་ཨེ་ཅིབ་ཡུལ་གྱི་ནོམ་པ་མཆོག་ཏུ་གྱུར་པ་དང་ཡུལ་དེའི་ས་ཞིང་གཤིན་པོའི་འབྲས་བུ་ཁྱོད་རྣམས་ལ་སྟེར་བར་བྱ་ཞེས་སྨྲོས༌ཤིག  
\v 19 ད་ལྟ་བདག་གིས་ཁྱོད་རྣམས་ལ་འདི་ལྟར་བསྒྲུབ་པར་སྐུལ་བར་བྱ༌སྟེ། ཁྱོད་རྣམས་ཀྱིས་ཨེ་ཅིབ་ཡུལ་ནས་ཤིང་རྟ་དེད་དེ་ཀ་ན་ཨན་ཡུལ་དུ་སོང༌ནས། རང་ཅག་གི་ཕ༌དང༌། རང་རང་གི་ཆུང་མ་དང་བུ་ཕྲུག་བཅས་གནས་འདིར་ཁྲིད་ཤོག༌ཅིག  
\v 20 ཁྱོད་ཅག་གི་སེམས་ནས་ཅ་ལག་གཅེས་སུ་འཛིན་མི་འོས༌ཏེ། ཨེ་ཅིབ་ཡུལ་ཐམས་ཅད་ཀྱི་ནོམ་པ་མཆོག་ཏུ་གྱུར་པ་མཐའ་དག་ཁྱོད་ཅག་གི་ཡིན་པའི་ཕྱིར་རོ་ཞེས་སྨྲས༌སོ།།   
\p
\v 21 དེ་ནས་ཡེས་ར་ཨེལ་གྱི་བུ་རྣམས་ཀྱིས་དེ་ལྟར་བསྒྲུབས༌ཤིང༌། ཡོ་སེབ་ཀྱིས་ཕཱར་ཨོལ་གྱི་བཀའ་ལྟར་སྤུན་རྣམས་ལ་ཤིང་རྟ་དང་ལམ་བྲོ་སྤྲད་པ༌དང༌།  
\v 22 ཡང་ཁོ་རྣམས་ལ་གྱོན་གོས་ཁ་ཚང་རེ་སྤྲད་པ༌དང༌། པེན་ཡཱ་མེན་ཁོ་ནར་དངུལ་སྒོར་སུམ་བརྒྱ་དང་གྱོན་གོས་ཁ་ཚང་ལྔ་སྤྲད་པ༌རེད།  
\v 23 རང་གི་ཕ་ལ་བོང་གསེབ་བཅུ་ལ་ཨེ་ཅིབ་ཡུལ་གྱི་ནོམ་པ་མཆོག་ཏུ་གྱུར་པ་བཀལ་བ༌དང༌། ཡང་བོང་མ་བཅུ་ལ་འབྲུ་རིགས་དང་བག་ལེབ་སོགས་བཀལ་ཏེ་ཕ་ཡི་ལམ་བྲོ་རུ༌བྱས།  
\v 24 དེ་ནས་ཡོ་སེབ་ཀྱིས་སྤུན་རྣམས་ཡུལ་དུ་འགྲོ་རུ་བཅུག་ཅིང་ཁོ་རྣམས་ལ་ན༌རེ། ཁྱོད་ཅག་གིས་ལམ་བར་དུ་རྩོད་པ་མ་བྱེད་ཅེས་སྨྲས༌སོ།།   
\p
\v 25 དེ་ནས་སྤུན་རྣམས་ཨེ་ཅིབ་ཡུལ་ནས་ལམ་ལ་ཆས་ཏེ་ཀ་ན་ཨན་ཡུལ་གྱི་ཕ་ཡ་ཀོབ་ཀྱི་གམ་དུ་སླེབས་པ༌དང༌།  
\v 26 ཁོ་རྣམས་ཀྱི་ཕ་ལ་ཡོ་སེབ་ད་དུང་གསོན་པོར་གནས༌ཤིང༌། ཁོ་ནི་ཨེ་ཅིབ་ཡུལ་ཐམས་ཅད་ཀྱི་མངའ་བདག་ཡིན་ནོ་ཞེས་སྨྲས༌ནའང༌། ཕ་ཡ་ཀོབ་ཧ་ལས་ཤིང་ཁོ་རྣམས་ཀྱི་གཏམ་ལ་ཡིད་མ་ཆེས༌སོ།།  
\v 27 སྤུན་རྣམས་ཀྱིས་ཁོ་རྣམས་ལ་སྨྲས་པའི་ཡོ་སེབ་ཀྱི་གཏམ་ཐམས་ཅད་ཕ་ལ་སྨྲས་པ༌དང༌། ཡོ་སེབ་ཀྱིས་ཕ་ལེན་པར་མངགས་པའི་ཤིང་རྟ་སོགས་ཡ་ཀོབ་ཀྱིས་མཐོང་བ་དང་མྱ་ངན་ལས་སངས་ཤིང་ཡིད་ཆེས༌སོ།།  
\v 28 དེ་ནས་ཡེས་ར་ཨེལ་ན༌རེ། འོ། ལགས༌སོ། །བདག་གི་བུ་ཡོ་སེབ་ད་དུང་གསོན་པོར་གནས༌པས། ང་རང་མ་ཤི་གོང་ལ་ཁོ་དང་འཕྲད་འདོད་ཅེས་སྨྲས༌སོ།།   
\c 46
\cl ལེའུ་ཞེ་དྲུག༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་སྟེ་ཡེས་ར་ཨེལ་གྱིས་ཨེ་ཅིབ་ཡུལ་དུ་ཁྱིམ་རྒྱུད་ཁྲིད༌པ།  
\p
\v 1 དེ་ནས་ཡེས་ར་ཨེལ་གྱིས་རྒྱུ་ནོར་ཐམས་ཅད་ཁྱེར་ཏེ་པེར་ཤ་བཱ་རུ་སོང་བ༌དང༌། རང་གི་ཕ་ཨི་སཱག་གི་དཀོན་མཆོག་ལ་མཆོད་པ་ཕུལ༌ཏོ།།  
\v 2 མཚན་མོའི་དུས༌སུ། དཀོན་མཆོག་གིས་ཞལ་གཟིགས་གནང་ནས་ཡེས་ར་ཨེལ་ལ་འདི་སྐད༌དུ། ཀྱེ། ཡ༌ཀོབ། ཡ་ཀོབ་ཅེས་བོས་པ༌དང༌། ཁོ་ན༌རེ། བདག་འདི་རུ་ཡོད་ཅེས་ལན༌བཏབ།  
\v 3 དེ་ནས་དཀོན་མཆོག་གིས་འདི་སྐད༌དུ། བདག་ནི་དཀོན་མཆོག༌སྟེ། ཁྱོད་ཀྱི་ཕ་ཡི་དཀོན་མཆོག༌ཡིན། ཁྱོད་མར་ཨེ་ཅིབ་ཡུལ་དུ་འགྲོ་བར་འཇིགས་མི་དགོས༌ཏེ། བདག་གིས་ཡུལ་དེ་ནས་ཁྱོད་རང་རྒྱལ་ཁབ་ཆེན་པོར་འགྱུར་བར་བྱེད་པའི་ཕྱིར༌རོ།།  
\v 4 བདག་ནི་ཁྱོད་དང་མཉམ་དུ་མར་ཨེ་ཅིབ་ཡུལ་དུ་འགྲོ༌ཞིང༌། ཡང་ཁྱོད་རང་ཕྱིར་ཁྲིད་ཡོང་བར༌ངེས། ཁྱོད་ཚེ་ལས་འདའ་སྐབས་ཡོ་སེབ་ཀྱིས་ཁྱོད་ཀྱི་མིག་ཟུང་བཙུམ་པར་བྱེད་ཅེས་གསུངས༌སོ།།   
\p
\v 5 དེ་ནས་ཡ་ཀོབ་ནི་པེར་ཤ་བཱ་ནས་ལམ་ལ་ཆས༌ཤིང༌། ཡེས་ར་ཨེལ་གྱི་བུ་རྣམས་ཀྱིས་ཕ་ཡ་ཀོབ༌དང༌། ཁོ་ཚོའི་ཆུང་མ་རྣམས༌དང༌། བུ་དང་བུ་མོ་བཅས་ཐམས་ཅད་ཕཱར་ཨོལ་གྱིས་མངགས་ཡོང་བའི་ཤིང་རྟར་འདུག་ཏུ་བཅུག  
\v 6 ཡང་ཁོ་རྣམས་ཀྱིས་ཀ་ན་ཨན་ཡུལ་ནས་ཐོབ་པའི་ཕྱུགས་ཟོག་རྣམས་དེད་པ་དང་རྒྱུ་ནོར་ཐམས་ཅད་ཨེ་ཅིབ་ཡུལ་དུ་ཁྱེར་བར་མ་ཟད། ཡ་ཀོབ་དང་ཁོའི་བུ་རབས་ཚ་རྒྱུད་ཐམས་ཅད་ཀྱང་ཨེ་ཅིབ་ཡུལ་དུ་སོང་བ༌དང༌།  
\v 7 ཡ་ཀོབ་ཀྱིས་རང་གི་བུ་དང་བུ༌མོ། ཚ་བོ་དང་ཚ་མོ་བཅས་བུ་རབས་ཚ་རྒྱུད་ཐམས་ཅད་མཉམ་དུ་ཨེ་ཅིབ་ཡུལ་དུ་ཁྲིད༌དོ།།   
\p
\v 8 དེ་ཡང་ཨེ་ཅིབ་ཡུལ་དུ་ཕྱིན་པའི་ཡ་ཀོབ་ཀྱི་བུ་རྒྱུད༌དེ། ཡེས་ར་ཨེལ་མི་རིགས་ཀྱི་མིང་ཐོ་ནི་གཤམ་གསལ༌ལྟར།  
\m ཡ་ཀོབ་ཀྱི་བུ་སྐྱེས་འགོ་ནི་རུ་བེན་ཡིན༌ལ།  
\v 9 རུ་བེན་གྱི་བུ་རྣམས་ནི་ཧ་ནོག༌དང༌། ཕཱ༌ལུའུ། ཧེས༌རོན། ཀར་མའེ་བཅས༌བཞིའོ།།  
\v 10 སི་མུ་ཨོན་གྱི་བུ་རྣམས་ནི་ཡཱ་མུ་ཨེལ༌དང༌། ཡཱ༌མེན། ཨོ༌ཧད། ཡཱ༌ཀིན། ཚོ༌ཧར། དེ་མིན་ཀ་ན་ཨན་མི་རིགས་ཀྱི་བུད་མེད་ལས་སྐྱེས་པའི་བུ་ཤཱ་ཨུལ་བཅས་དྲུག༌གོ །  
\v 11 ལེ་ཝིའི་བུ་རྣམས་ནི་གེར་ཤོན༌དང༌། ཀོ༌ཧད། མཱ་རཱ་རེའེ་བཅས་གསུམ༌མོ།།  
\v 12 ཡ་ཧུ་དཱའི་བུ་རྣམས་ནི་ཨེར༌དང༌། ཨོ༌ནན། ཤེ༌ལཱ། ཕེ་རེ༌ཟི། ཟེ་རག་བཅས༌ལྔའོ། །ཨེར་དང་ཨོ་ནན་གཉིས་ནི་ཀ་ན་ཨན་ཡུལ་ནས་ཚེ་ལས་འདས་པ༌དང༌། ཕེ་རེལ་ཟི་ཡི་བུ་གཉིས་ནི་ཧེས་རོན་དང་ཧ་མུལ༌ཡིན།  
\v 13 ཡེས་སི་ཀཱར་གྱི་བུ་རྣམས་ནི་ཐོ་ལཱ༌དང༌། ཕུ༌བཱ། ཡོ༌ཨུབ། ཤིམ་རོན་བཅས༌བཞིའོ།།  
\v 14 ཟེ་བུ་ལུན་གྱི་བུ་རྣམས་ནི་སེ་རཱད༌དང༌། ཨེད༌ལོན། ཡ་ལཱ་ཨལ་བཅས་གསུམ༌མོ།།  
\v 15 དེ་དག་ནི་ཕཱ་དན་ཨ་རམ་ཡུལ་ནས་བུད་མེད་ལེ་ཨ་ཡིས་ཡ་ཀོབ་ལ་བཙས་པའི་བུ་རྣམས་ཡིན༌ལ། བུ་མོ་དི་ནཱའང་བཙས༌པའོ། །བུ་རབས་ཚ་རྒྱུད་རྣམས་བསྡོམས་པས་སུམ་ཅུ་སོ་གསུམ་བྱུང༌ངོ༌།།  
\v 16 དེ་ཡང་གཱ་རྡུ་ཡི་བུ་རྣམས་ནི་ཚིབ་ཡོན༌དང༌། ཧ༌གིད། ཤུ༌ནེ། ཨེས༌པོན། ཨེ༌རི། ཨ་ཪོ༌དི། ཨར་ཨེ་ལི་བཅས་བདུན༌ནོ།།  
\v 17 ཨ་ཤེར་གྱི་བུ་རྣམས་ནི་ཡིམ་ནཱ༌དང༌། ཡེས༌བཱ། ཡེས༌བི། པེ་རེ་ཡཱ་དང༌། བུ་མོ་སེ་རཱ་བཅས་བུ་དང་བུ་མོ༌ལྔའོ། །པེ་རེ་ཡཱ་ཡི་བུ་ནི་ཧེ་བེར་དང་མཱལ་ཀི་ཨེལ་གཉིས༌སོ།།  
\v 18 དེ་དག་ནི་ལཱ་པན་གྱིས་རང་གི་བུ་མོ་ལེ་ཨ་ལ་གནང་བའི་གཡོག་མོ་ཟིལ་པཱ་ཡིས་ཡ་ཀོབ་ལ་བཙས་པའི་བུ་རབས་ཚ་རྒྱུད་རྣམས་ཡིན༌ལ། བསྡོམས་པས་བཅུ་དྲུག་ཡོད༌དོ།།  
\v 19 དེ་ཡང་ཡ་ཀོབ་ཀྱི་ཆུང་མ་རཱ་ཧེལ་གྱི་བུ་ནི་ཡོ་སེབ་དང་པེན་ཡཱ་མེན་གཉིས༌སོ།།  
\v 20 ཡོ་སེབ་ཀྱི་ཆུང་མ་ཨ་སི་ནཱ་ཐི་ཡིས་ཨེ་ཅིབ་ཡུལ་ནས་མཱ་ན་ཤེ་དང་ཨེ་ཕཱར་ཡིམ་ཞེས་བྱ་བའི་བུ་གཉིས་བཙས༌ཤིང༌། ཁོ་མོ་ནི་ཨོ་ནཱ་ཡུལ་གྱི་མཆོད་དཔོན་ཕའོ་ཏི་ཕེ་རཱ་ཡི་བུ་མོ་ཡིན༌ནོ།།  
\v 21 པེན་ཡཱ་མེན་གྱི་བུ་རྣམས་ནི་པེ་ལཱ༌དང༌། པེ༌ཀེར། ཨ་ཤ༌བེལ། གེ༌རཱ། ནཱ་ཨ༌མཱན། ཨེ༌ཧི། རའོ༌ཤ། མུ༌ཕིམ། ཧུ༌ཕིམ། ཨར་དཱ་བཅས༌བཅུའོ།།  
\v 22 དེ་དག་ནི་ཡ་ཀོབ་ལ་ཆུང་མ་རཱ་ཧེལ་ནས་མཆེད་པའི་བུ་རབས་ཚ་རྒྱུད་རྣམས་ཡིན༌ལ། བསྡོམས་པས་བཅུ་བཞི་ཡོད༌དོ།།  
\v 23 དཱན་གྱི་བུ་ནི་ཧུ་ཤིམ་ཡིན༌ནོ།།  
\v 24 ནཱབ་ཐ་ལི་ཡི་བུ་རྣམས་ནི་ཡཱ་སི་ཨེལ༌དང༌། གུ༌ནེ། ཡེ༌ཚིར། ཤིལ་ལེམ་བཅས༌བཞིའོ།།  
\v 25 དེ་དག་ནི་ལཱ་པན་གྱིས་རང་གི་བུ་མོ་རཱ་ཧེལ་ལ་གནང་བའི་གཡོག་མོ་པིལ་ཧ་ཡིས་ཡ་ཀོབ་ལ་བཙས་པའི་བུ་རབས་ཚ་རྒྱུད་རྣམས་ཡིན༌ལ། བསྡོམས་པས་བདུན་ཡོད༌དོ།།  
\v 26 དེ་ཡང་ཡ་ཀོབ་དང་ལྷན་དུ་ཨེ་ཅིབ་ཡུལ་དུ་སོང་བའི་མནའ་མ་ལས༌གཞན། ད་དུང་རང་ལས་མཆེད་པའི་བུ་རབས་ཚ་རྒྱུད་རྣམས་བསྡོམས་པས་དྲུག་ཅུ་རེ་དྲུག་ཡོད༌ལ།  
\v 27 ཡོ་སེབ་ལ་ཨེ་ཅིབ་ཡུལ་ནས་ཀྱང་བུ་གཉིས་སྐྱེས༌ཤིང༌། ཨེ་ཅིབ་ཡུལ་དུ་སྤར་བའི་ཡ་ཀོབ་ཀྱི་ཁྱིམ་རྒྱུད་ལ་བསྡོམས་པས་མི་གྲངས་བདུན་ཅུ་ཡོད༌དོ།།   
\p
\v 28 དེ་ཡང་ཡ་ཀོབ་ཀྱིས་བུ་ཡ་ཧུ་དཱ་ཞེས་པ་ཡོ་སེབ་ཀྱི་དྲུང་དུ་གོ་ཤེན་ཡུལ་ལ་འགྲོ་བར་ལམ་ཁྲིད་པར་མངགས་ཤིང་ཁོ་རྣམས་གོ་ཤེན་ཡུལ་དུ་སོང༌ངོ༌།།  
\v 29 ཡོ་སེབ་ཤིང་རྟར་བསྡད་ནས་ཕ་ཡེས་ར་ཨེལ་ལ་དགའ་བསུ་བྱེད་པར་གོ་ཤེན་ཡུལ་དུ་སོང་བ༌དང༌། ཕ་དང་ངོ་ཕྲད་ཅིང་ཕ་ཡི་སྐེ་ལ་འཐམས་ནས་ཡུན་རིང་ངུས༌སོ།།  
\v 30 ཡེས་ར་ཨེལ་གྱིས་ཡོ་སེབ་ལ་འདི༌ལྟར། བདག་གིས་ཁྱོད་མིག་གིས་མཐོང༌ཞིང༌། ད་དུང་གསོན་པོར་གནས་པ་ཤེས་པས་ང་རང་འཆི་ཡང་འགྱོད་པ་མེད་ཅེས་སྨྲས༌སོ།།  
\v 31 ཡོ་སེབ་ཀྱིས་རང་གི་སྤུན་རྣམས་དང་ཕ་ཡི་ཁྱིམ་གང་པོར་འདི༌ལྟར། བདག་ཕཱར་ཨོལ་གྱི་དྲུང་དུ་སོང་ནས་འདི་ལྟར་སྨྲ་བར་བྱ༌སྟེ། བདག་གི་སྤུན་རྣམས་དང་ཕ་ཡི་ཁྱིམ་གང་པོ་སྔོན་ཆད་ཀ་ན་ཨན་ཡུལ་དུ་མཆིས་ཤིང་ད་ལྟ་བདག་གི་གམ་དུ་ཡོང་བ༌དང༌།  
\v 32 ཁོ་རྣམས་ཕྱུགས་རྫི་ཡིན་པས་ཕྱུགས་ཟོག་ལ་བརྟེན༌ཞིང་། ཁོ་རྣམས་ཀྱིས་ར་ལུག་གི་ཁྱུ་དང་བ་ཁྱུ་བཅས་རྒྱུ་ནོར་ཐམས་ཅད་ཁྱེར་ནས་སླེབས་ཡོད་ཅེས་སྨྲ་བར༌བྱའོ།།  
\v 33 ཕཱར་ཨོལ་གྱིས་ཁྱོད་རྣམས་ལ་བཀའ་གསུང་བའི་སྐབས༌སུ། ཁྱོད་རྣམས་ཀྱིས་ལས་ཅི་ཞིག་གཉེར་བ་ཡིན་ཞེས་དྲིས༌ན།  
\v 34 ཁྱོད་རྣམས་ཀྱིས་འདི༌ལྟར། རྒྱལ་པོ་ཁྱེད་ཀྱི་ཞབས་ཕྱི་པ་ངེད་རྣམས་ཀྱིས་ལོ་ན་གཞོན་པའི་དུས་ནས་ད་ལྟའི་བར་དུ་ཕྱུགས་ལས་གཉེར་བ་ཡིན༌ལ། ཐ་ན་ངེད་ཅག་གི་མེས་པོ་རྣམས་ཀྱིས་ཀྱང་ལས་དོན་འདི་ཉིད་གཉེར་བ་ཡིན་ཞེས་ཤོད༌ཅིག དེ་ནས་ཁྱོད་རྣམས་གོ་ཤེན་ཡུལ་དུ་འདུག་རུང༌ངོ༌། །ཅིའི་ཕྱིར་ཞེ༌ན། ཨེ་ཅིབ་ཀྱི་མི་རྣམས་ཀྱིས་ར་ལུག་འཚོ་མཁན་ནི་མི་ལེགས་སྙམ་པའི་ཕྱིར་ཡིན་ཞེས་སྨྲས༌སོ།།   
\c 47
\cl ལེའུ་ཞེ་བདུན༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་ཀྱི་ཁྱིམ་རྒྱུད་གོ་ཤེན་ཡུལ་དུ་གཞི་སྤར༌བ།  
\p
\v 1 དེ་ནས་ཡོ་སེབ་ཕཱར་ཨོལ་གྱི་དྲུང་དུ་སོང་ནས་འདི༌ལྟར། བདག་གི་ཕ་དང་སྤུན་རྣམས་ཀྱིས་ར་ལུག་གི་ཁྱུ་དང་བ་ཁྱུ་བཅས་རྒྱུ་ནོར་ཐམས་ཅད་ཁྱེར་ཏེ་ཀ་ན་ཨན་ཡུལ་ནས་ད་ལྟ་གོ་ཤེན་ཡུལ་དུ་སླེབས་བྱུང་ཞེས་སྨྲས་པ༌དང༌།  
\v 2 ཡོ་སེབ་ཀྱིས་རང་གི་སྤུན་རྣམས་ལས་མི་ལྔ་བདམས༌ཏེ། ཁོ་རྣམས་ཕཱར་ཨོལ་ལ་མཇལ་བར་ཁྲིད༌དོ།།   
\p
\v 3 ཕཱར་ཨོལ་གྱིས་ཡོ་སེབ་ཀྱི་སྤུན་རྣམས་ལ་འདི་སྐད༌དུ། ཁྱོད་ཅག་གིས་ལས་ཅི་ཞིག་གཉེར་བ་ཡིན་ཞེས་དྲིས་པ༌དང༌། ཁོ་རྣམས་ན༌རེ། ཁྱེད་ཀྱི་ཞབས་ཕྱི་པ་རྣམས་ར་ལུག་གི་རྫི་བོ་ཡིན༌ལ། ངེད་ཅག་གི་མེས་པོ་རྣམས་ཀྱང་ར་ལུག་གི་རྫི་བོ་ཡིན་ཞེས་སྨྲས་པ༌དང༌།  
\v 4 ཡང་ཁོ་རྣམས་ན༌རེ། ཀ་ན་ཨན་ཡུལ་དུ་མུ་གེ་བྱུང་བ་ཚབས་ཆེ་བ༌དང༌། ཞབས་ཕྱི་པ་ངེད་ཅག་གི་ར་ལུག་གི་ཁྱུ་ལ་རྩྭ་མེད་པས་ངེད་རྣམས་ཡུལ་འདིར་ཡོང་བ༌ཡིན། དེའི༌ཕྱིར། རྒྱལ་པོ་ཁྱེད་ཀྱིས་ཞབས་ཕྱི་པ་ངེད་རྣམས་གོ་ཤེན་ཡུལ་ནས་འདུག་ཏུ་འཇུག་པར་མཛོད་ཅེས་སྨྲས༌སོ།།   
\p
\v 5 ཕཱར་ཨོལ་གྱིས་ཡོ་སེབ་ལ་འདི་སྐད༌དུ། ཁྱོད་ཀྱི་ཕ་དང་སྤུན་རྣམས་ཁྱོད་ཀྱི་གནས་འདིར་ཡོང༌ངོ༌།།  
\v 6 ཨེ་ཅིབ་ཀྱི་ཡུལ་ཐམས་ཅད་ཁྱོད་ལ་དབང༌བས། ཁྱོད་ཀྱིས་རང་གི་ཕ་དང་སྤུན་རྣམས་ཆེས་བཟང་བའི་ས་ཆ་སྟེ་གོ་ཤེན་ཡུལ་ནས་འདུག་ཏུ་འཇུག་པར༌གྱིས། ཁྱོད་ཀྱིས་ཁོ་རྣམས་ཀྱི་ཁྲོད་དུ་མི་ནུས་པ་ཅན་ཡོད་པ་ཤེས༌ན། དེ་རྣམས་བདག་གི་ཕྱུགས་ཟོག་འཚོ་བར་མངགས་པར་གྱིས་ཞེས་སྨྲས༌སོ།།   
\p
\v 7 དེར་ཡོ་སེབ་ཀྱིས་རང་གི་ཕ་ཡ་ཀོབ་ཁྲིད་ནས་ཕཱར་ཨོལ་གྱི་དྲུང་དུ་སོང་བ༌དང༌། ཡ་ཀོབ་ཀྱིས་ཕཱར་ཨོལ་ལ་བྱིན་རླབས་གནང་ངོ་།།  
\v 8 ཕཱར་ཨོལ་གྱིས་ཡ་ཀོབ་ལ་ལོ་ག་ཚོད་ཡིན་ཞེས་དྲིས་པ༌ན།  
\v 9 ཡ་ཀོབ་ན༌རེ། ང་རང་ད་ལྟའི་བར་འཇིག་རྟེན་དུ་ལོ་བརྒྱ་དང་སུམ་ཅུར་བསྡད་པ༌ཡིན། བདག་གི་ཚེ་ཐག་ཐུང་ཞིང་སྡུག་བསྔལ་མང་དུ༌མྱངས། བདག་ནི་མེས་པོ་རྣམས་འཇིག་རྟེན་དུ་འཚོ་གཞེས་གནང་བའི་ཚེ་ཐག་དང་བསྡུར་ཐབས་མེད་ཅེས་སྨྲས་པ༌དང༌།  
\v 10 ཡང་ཡ་ཀོབ་ཀྱིས་ཕཱར་ཨོལ་ལ་བྱིན་རླབས་གནང་རྗེས་ཁོང་དང་ཁ་བྲལ་ནས་སོང༌ངོ༌།།   
\p
\v 11 ཡོ་སེབ་ཀྱིས་ཕཱར་ཨོལ་གྱི་བཀའ་བཞིན་དུ་ཨེ་ཅིབ་ཡུལ་གྱི་ཆེས་བཟང་བའི་ས་ཆ་སྟེ་རཱ་ཨམ་སེའེ་ཞེས་པའི་ཡུལ་དེ་རང་གི་ཕ་དང་སྤུན་རྣམས་ལ་ས་སྐལ་དུ་གནང་བ༌དང༌།  
\v 12 ཡོ་སེབ་ཀྱིས་རང་གི་ཕ༌དང༌། སྤུན་རྣམས༌དང༌། ཕ་ཡི་ཁྱིམ་མི་ཐམས་ཅད་ལའང་རང་རང་གི་བུ་ཕྲུག་གི་གྲངས་ཀ་ལྟར་འབྲུ་རིགས་གནང་སྟེ་བསྐྱངས༌སོ།།   
\s1 ཡོ་སེབ་ཀྱིས་འབྲུ་རིགས་དང་ཕྱུགས་ཟོག་བརྗེ་རེས་བྱས༌པ།  
\p
\v 13 དེ་ཡང་ཡུལ་ཐམས་ཅད་ལ་མུ་གེ་བྱུང་བ་ཚབས་ཆེ་བས་འབྲུ་རིགས་མེད་པར་གྱུར་པ༌དང༌། ཐ་ན་ཨེ་ཅིབ་ཡུལ་དང་ཀ་ན་ཨན་ཡུལ་གྱི་མི་རྣམས་ཀྱང་བཀྲེས་ལྟོགས་ཀྱིས་མ་བཟོད་པར་དྲན་མེད་དུ་བརྒྱལ་བར༌གྱུར།  
\v 14 ཡོ་སེབ་ཀྱིས་འབྲུ་རིགས་བཙོངས་པའི་ཨེ་ཅིབ་ཡུལ་དང་ཀ་ན་ཨན་ཡུལ་གྱི་དངུལ་སྒོར་ཐམས་ཅད་བསྡུས་ཏེ་ཕཱར་ཨོལ་གྱི་ཕོ་བྲང་དུ་ཁྱེར་སོང༌ངོ༌།།  
\v 15 ཨེ་ཅིབ་ཡུལ་དང་ཀ་ན་ཨན་ཡུལ་གྱི་དངུལ་སྒོར་ཐམས་ཅད་བཀོལ་ཚར་སོང༌བས། ཨེ་ཅིབ་ཀྱི་མི་ཚོགས་ཐམས་ཅད་ཡོང་ནས་ཡོ་སེབ་ལ་མཇལ་ཏེ་ན༌རེ། ངེད་ཅག་གི་དངུལ་སྒོར་ཐམས་ཅད་བཀོལ་ཚར་སོང་བས་ངེད་རྣམས་ལ་འབྲུ་རིགས་གནང་བར༌ཞུ། ངེད་ཅག་ཁྱེད་ཀྱི་མིག་མདུན་ནས་འཆི་དགོས་པའི་རྒྱུ་མཚན་ཅི་ཞེས་སྨྲས༌སོ།།   
\p
\v 16 ཡོ་སེབ་ན༌རེ། གལ༌ཏེ། ཁྱོད་རྣམས་ཀྱི་དངུལ་སྒོར་བཀོལ་ཚར་བ་ཡིན༌ན། ཁྱོད་ཅག་གི་ཕྱུགས་ཟོག་བདག་ལ་སྤྲད་ཀྱང་ཆོག་པ༌དང༌། བདག་གིས་ཁྱོད་རྣམས་ཀྱི་ཕྱུགས་ཟོག་གི་ཚབ་ཏུ་འབྲུ་རིགས་སྟེར་ཞེས་སྨྲས༌སོ།།  
\v 17 དེའི༌ཕྱིར། མང་ཚོགས་ཀྱིས་སྒོ་ཕྱུགས་དེད་ནས་ཡོ་སེབ་ཀྱི་དྲུང་དུ་ཡོང་བ༌དང༌། ཡོ་སེབ་ཀྱིས་འབྲུ་རིགས་ནི་རྟ༌དང༌། ར་ལུག༌དང༌། བ་གླང༌དང༌། བོང་བུ་བཅས་ལ་བརྗེས༌ཤིང༌། ལོ་དེར་སྒོ་ཕྱུགས་དང་འབྲུ་རིགས་བརྗེ་རེས་བྱས་པས་མི་ཚོགས་དེ་རྣམས་ལོ་གཅིག་གི་རིང་ལ་འཚོ་ཐུབ་པར་གྱུར༌ཏོ།།   
\s1 ཡོ་སེབ་ཀྱིས་འབྲུ་རིགས་དང་ས་ཆ་བརྗེ་རེས་བྱས༌པ།  
\p
\v 18 དེ་ཡང་ལོ་དེ་འདས་པ་དང་ལོ་གཉིས་པར་མང་ཚོགས་རྣམས་ཡང་ཡོང་སྟེ་ཡོ་སེབ་ལ་འདི༌ལྟར། ངེད་ཅག་གིས་རང་གི་བདག་པོ་ལ་གསང་བ་མིན༌ཏེ། ངེད་རྣམས་ཀྱི་དངུལ་སྒོར་བཀོལ་ཚར་བ་དང་ཕྱུགས་ཟོག་ཀྱང་ཁྱེད་ལ་བརྗེས་ཚར༌བས། ད་ལྟ་རང་གི་བདག་པོ་ལ་ངེད་ཅག་གི་ལུས་པོ་དང་ས་ཆ་ལས་གཞན་ཅི་ཡང་ལྷག་མེད༌དོ།།  
\v 19 ཁྱེད་ཀྱིས་ངེད་ཅག་འཆི་བ་དང་ཡུལ་འདི་ས་སྟོང་དུ་ལུས་པར་བལྟ་བཟོད༌དམ། ཁྱེད་ཀྱིས་འབྲུ་རིགས་ལ་བརྟེན་ནས་ངེད་ཅག་དང་ས་ཆ་ཉོ་བར་བྱེད་པ༌དང༌། ངེད་ཅག་དང་ངེད་ཅག་གི་ས་ཆ་ནི་ཕཱར་ཨོལ་ལ་དབང་བར༌མཛོད། ངེད་རྣམས་མི་འཆི་བར་འཚོ་བ་དང་ས་ཞིང་ཡང་དབེན་སྟོང་དུ་མི་འགྱུར་བའི་ཆེད༌དུ། ཁྱེད་ཀྱིས་ངེད་ཅག་ལ་འབྲུ་རིགས་ཀྱི་ས་བོན་གནང་བར་མཛོད་ཅིག་ཅེས་སྨྲས༌སོ།།   
\p
\v 20 དེ་ནས་ཡོ་སེབ་ཀྱིས་ཕཱར་ཨོལ་ལ་ཨེ་ཅིབ་ཡུལ་ཐམས་ཅད་ཉོས༌ཤིང༌། ཨེ་ཅིབ་ཀྱི་མི་རྣམས་ལ་མུ་གེ་ཚབས་ཆེན་བྱུང་བའི་རྐྱེན་གྱིས་མི་ཚང་མས་རང་རང་གི་ས་ཞིང་ཡང་བཙོངས༌པས། ཡུལ་དེ་ཐམས་ཅད་ཕཱར་ཨོལ་ལ་དབང་བར༌གྱུར།  
\v 21 ཡོ་སེབ་ཀྱིས་མང་ཚོགས་རྣམས་ཨེ་ཅིབ་ཡུལ་གྱི་གྲོང་ཁྱེར་གཞན་དག་ལ་འགྲོ་རུ་བཅུག༌གོ ། \f + \ft འདིར་ཡོ་སེབ་ཀྱིས་མང་ཚོགས་རྣམས་ཨེ་ཅིབ་ཡུལ་གྱི་གྲོང་ཁྱེར་གཞན་དག་ལ་འགྲོ་རུ་བཅུག་ཅེས་པ་ནི་ཡོ་སེབ་ཀྱིས་མང་ཚོགས་རྣམས་ཨེ་ཅིབ་ཡུལ་གྱི་གཡོག་པོར་མཛད་པའི་དོན་ཡིན་པར་དམ་པའི་གསུང་རབ་ཀྱི་འགྲེལ་བ་ལས༌གསུངས།\f*  
\v 22 འོན༌ཀྱང༌། ཡོ་སེབ་ཀྱིས་མཆོད་དཔོན་རྣམས་ཀྱི་ས་ཆ་མ་ཉོས༌སོ། །ཅིའི་ཕྱིར་ཞེ༌ན། ཕཱར་ཨོལ་གྱིས་ལོ་རེ་བཞིན་མཆོད་དཔོན་རྣམས་ལ་ཟས་སྐལ་གནང་བ༌དང༌། ཟས་སྐལ་དེ་ལ་བརྟེན་པའི་དབང་གིས་ཁོ་རྣམས་ཀྱིས་རང་གི་ས་ཆ་མ་བཙོང་བའི་ཕྱིར༌རོ།།   
\p
\v 23 ཡོ་སེབ་ཀྱིས་མང་ཚོགས་ལ་འདི་སྐད༌དུ། ལྟོས༌དང༌། དེ་རིང་བདག་གིས་ཕཱར་ཨོལ་གྱི་ཆེད་དུ་ཁྱོད་ཅག་དང་ཁྱོད་རྣམས་ཀྱི་ས་ཆ་ཉོས་པ༌ཡིན། བདག་གིས་འདི་རུ་ཡོད་པའི་ས་བོན་ཁྱོད་ཅག་ལ་སྟེར་བར༌བྱ། ཁྱོད་ཅག་གིས་ཞིང་འདེབས་པར༌གྱིས།  
\v 24 སྟོན་བསྡུ་བའི་སྐབས༌སུ། འབྲུ་རིགས་ཀྱི་ལྔ་ཆ་གཅིག་ཕཱར་ཨོལ་ལ་ཁྲལ་འཇལ་བ༌དང༌། ལྔ་ཆ་བཞི་རང་ལ་དབང་ཞིང་ས་བོན་དུ་བྱས་ཀྱང་ཆོག༌ལ། ཁྱོད་ཅག་དང་ཁྱོད་ཅག་གི་ཁྱིམ་མི་ཡོངས་ཀྱི་ཟས་རིགས་སུ་བྱས་ཀྱང་ཆོག་ཅེས་སྨྲས་པ༌དང༌།  
\v 25 མང་ཚོགས་ན༌རེ། ཀྱེ། ཁྱེད་ཀྱིས་ངེད་ཅག་གི་སྲོག་བསྐྱབས་པར་མཛད༌པས། ངེད་ཅག་ལ་བདག་པོ་ཁྱེད་ཀྱི་སྤྱན་ལམ་ནས་ཐུགས་རྗེ་འཐོབ་པར༌སྨོན། ངེད་ཅག་ཕཱར་ཨོལ་གྱི་གཡོག་པོར་འགྱུར་བར་སྨོན་ཞེས་སྨྲས༌སོ།།   
\p
\v 26 དེའི༌ཕྱིར། ཕཱར་ཨོལ་ལ་ལྔ་ཆ་གཅིག་གི་ཁྲལ་འཇལ་བ༌དང༌། མཆོད་དཔོན་གྱི་ས་ཆ་རྒྱལ་པོར་མི་དབང་བ་འདི༌ནི། ཡོ་སེབ་ཀྱིས་ཨེ་ཅིབ་ཡུལ་དུ་གཏན་ལ་ཕབ་པའི་སྒྲིག་ཁྲིམས་ཡིན་ཞིང་ད་ལྟའི་བར་དུ་ཡོད༌དོ།།   
\p
\v 27 དེ་ཡང་ཡེས་ར་ཨེལ་གྱི་མི་རྣམས་ཨེ་ཅིབ་ཡུལ་གྱི་གོ་ཤེན་ཡུལ་དུ་བསྡད་ཅིང་གནས་དེར་དབང་བསྒྱུར་བ༌དང༌། དེ་རུ་རིགས་རྒྱུད་མང་དུ་འཕེལ་བར་གྱུར༌ཏོ།།   
\p
\v 28 ཡ་ཀོབ་ནི་ཨེ་ཅིབ་ཡུལ་དུ་ལོ་འཁོར་བཅུ་བདུན་ལ་བསྡད་པ་དང་ཁོའི་ཚེ་ཐག་ལོ་བརྒྱ་དང་ཞེ་བདུན་ཡིན༌ལ།  
\v 29 ཡེས་ར་ཨེལ་ཚེ་ལས་འདའ༌ཁར། ཁོས་བུ་ཡོ་སེབ་བོས་ཏེ་འདི་སྐད༌དུ། གལ༌ཏེ། བདག་ལ་ཁྱོད་ཀྱི་མིག་མདུན་ནས་ཐུགས་རྗེ་ཐོབ༌ན། ཁྱོད་ཀྱིས་རང་གི་ལག་པ་བདག་གི་བརླ་འོག་ཏུ་འཇོག་པར༌གྱིས། བྱམས་སྙིང་རྗེ་དང་དྲང་བདེན་གྱི་སྒོ་ནས་བདག་ལ་གཅེས་པར༌གྱིས། བདག་གི་བེམ་པོ་ཨེ་ཅིབ་ཡུལ་དུ་དུར་ལ་འཇུག་པར་མི༌བྱའོ།།  
\v 30 ང་རང་ཚེ་ལས་འདས༌རྗེས། ཁྱོད་ཀྱིས་བདག་གི་བེམ་པོ་ཨེ་ཅིབ་ཡུལ་ནས་ཁྱེར་ཏེ་མེས་པོ་རྣམས་དང་ལྷན་དུ་དུར་ལ་འཇུག་པར་གྱིས་ཞེས་སྨྲས་པ༌ལ། ཡོ་སེབ་ན༌རེ། བདག་གིས་ཁྱེད་ཀྱི་གསུང་བཞིན་དུ་བསྒྲུབ་ངེས་ཡིན་ཞེས་སྨྲས་པ༌དང༌།  
\v 31 ཡེས་ར་ཨེལ་ན༌རེ། འོ༌ན། ཁྱོད་ཀྱིས་བདག་ལ་དམ་བཅའ་འཇོག་པར་གྱིས་ཞེས་སྨྲས་པ༌དང༌། ཡོ་སེབ་ཀྱིས་ཕ་ལ་དམ་བཅའ་བཞག༌ཅིང༌། ཡེས་ར་ཨེལ་གྱིས་མལ་ཁྲིའི་སྔས་མགོ་ནས་གུས་ཕྱག་ཕུལ་ཏོ།།   
\c 48
\cl ལེའུ་ཞེ་བརྒྱད༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡོ་སེབ་ཀྱིས་རང་གི་བུ་གཉིས་ཁྲིད་ནས་ཕ་ཡེས་ར་ཨེལ་ལ་བལྟ་རུ་སོང༌བ།  
\p
\v 1 དེ་ཡང་དོན་དེའི་རྗེས་སུ་མི་ཞིག་གིས་ཡོ་སེབ་ལ་འདི༌ལྟར། ཁྱེད་ཀྱི་ཡབ་ལ་སྙུང་གཞི་བྱུང་འདུག་ཅེས་སྨྲས་པ་དང་ཁོས་རང་གི་བུ་མཱ་ན་ཤེ་དང་ཨེ་ཕཱར་ཡིམ་གཉིས་ཁྲིད་ནས་ཕ་ལ་བལྟ་རུ༌སོང༌།  
\v 2 དེ་ནས་མི་ཞིག་གིས་ཡ་ཀོབ་ལ་འདི༌ལྟར། ལྟོས༌དང༌། ཁྱེད་ཀྱི་བུ་ཡོ་སེབ་འདི་རུ་སླེབས་བྱུང་ཞེས་སྨྲས་པ༌དང༌། ཡེས་ར་ཨེལ་མལ་ལས་ནན་གྱིས་ཡར་དགྱེ་སྟེ་ཙོག་པུར་བསྡད༌དོ།།   
\p
\v 3 ཡ་ཀོབ་ཀྱིས་ཡོ་སེབ་ལ་འདི༌ལྟར། ཀུན་དབང་དཀོན་མཆོག་གིས་ཀ་ན་ཨན་ཡུལ་གྱི་ལོ་ཟི་ནས་བདག་ལ་མངོན་པར་མཛད་པ་དང་བྱིན་རླབས་གནང་སྟེ་འདི་སྐད༌དུ།  
\v 4 བདག་གིས་ཁྱོད་ཀྱི་རིགས་རྒྱུད་མང་དུ་སྤེལ་ནས་མི་རིགས་ཆེན་པོ་ཞིག་ཏུ་བསྒྱུར་ངེས༌ཤིང༌། ཁྱོད་ཀྱི་རིགས་རྒྱུད་ཕྱི་མ་རྣམས་ནི་རྟག་ཏུ་ཡུལ་འདིའི་བདག་པོར་མཛད་པར་བྱ་ཞེས་གསུངས༌སོ།།  
\v 5 ང་རང་ཨེ་ཅིབ་ཡུལ་དུ་མ་ཡོང་བའི་སྔོན༌དུ། ཁྱོད་ལ་ཨེ་ཅིབ་ཡུལ་དུ་སྐྱེས་པའི་བུ་ཨེ་ཕཱར་ཡིམ་དང་མཱ་ན་ཤེ་གཉིས་ནི་བདག་གི་བུའང་ཡིན༌ཏེ། ངའི་བུ་རུ་བེན་དང་སི་མུ་ཨོན་དང་མཚུངས་པར་བདག་གི་རིགས་རྒྱུད་ཡིན་པའི་ཕྱིར༌རོ།།  
\v 6 འོན༌ཀྱང༌། ཁྱོད་ལ་བུ་དེ་གཉིས་ལས་གཞན་དུ་སྐྱེས་པ་ནི་ཁྱོད་ཀྱི་རིགས་རྒྱུད་ཡིན༌ཞིང༌། བུ་གཞན་རྣམས་ལའང་སྤུན་ཨེ་ཕཱར་ཡིམ་དང་མཱ་ན་ཤེ་གཉིས་ལས་ས་སྐལ་འཐོབ་དགོས༌སོ།།  
\v 7 བདག་ལ་མཚོན༌ན། ཕཱ་དན་ཡུལ་ནས་ཡོང་བའི་དུས༌སུ། རཱ་ཧེལ་ནི་ཀ་ན་ཨན་ཡུལ་གྱི་ལམ་བར་དུ་ངའི་མིག་མདུན་ནས་ཚེ་ལས་འདས་པ༌དང༌། ཨེབ་རཱད་དང་ལམ་ཐག་ངེས་ཅན་ཞིག་ཡོད༌པས། བདག་གིས་ཁོ་མོའི་བེམ་པོ་ཨེབ་རཱད་ཀྱི་ལམ་འགྲམ་དུ་དུར་ལ་སྦས་པ༌ཡིན། ཨེབ་རཱད་ཅེས་པ་པེད་ལེ་ཧེམ་ཡིན་ཞེས་སྨྲས༌སོ།།   
\p
\v 8 དེ་ནས་ཡེས་ར་ཨེལ་གྱིས་ཡོ་སེབ་ཀྱི་བུ་གཉིས་མཐོང་བ་དང་མི་འདི་གཉིས་སུ་ཡིན་ནམ་ཞེས་དྲིས་པ༌ན།  
\v 9 ཡོ་སེབ་ན༌རེ། འདི་གཉིས་ནི་དཀོན་མཆོག་གིས་ཡུལ་འདི་ནས་བདག་ལ་གནང་བའི་བུ་ཡིན་ཞེས་ལན་བཏབ་པ༌དང༌། ཡང་ཡེས་ར་ཨེལ་ན༌རེ། ཁྱོད་ཀྱི་བུ་གཉིས་པོ་བདག་གི་གམ་དུ་ཁྲིད་ཤོག༌ཅིག བདག་གིས་ཁོ་གཉིས་ལ་བྱིན་རླབས་གནང་བར་བྱ་ཞེས་སྨྲས༌སོ།།  
\v 10 ཡེས་ར་ཨེལ་དགུང་ལོ་མཐོ་ཞིང་མིག་ཟུང་རབ་རིབ་ཏུ་གྱུར་ཡོད་པས་ཅི་ཡང་མ༌མཐོང༌། དེ་ནས་ཡོ་སེབ་ཀྱིས་རང་གི་བུ་གཉིས་པོ་ཕ་ཡི་གམ་དུ་ཁྲིད་ཡོང་བ༌དང༌། ཡེས་ར་ཨེལ་གྱིས་ཡོ་སེབ་ཀྱི་བུ་གཉིས་ལ་འཇུས་ཤིང་འོ་བྱས༌སོ།།  
\v 11 ཡེས་ར་ཨེལ་གྱིས་ཡོ་སེབ་ལ་འདི༌ལྟར། ངའི་སེམས་སུ་བདག་ཁྱོད་དང་འཕྲད་མི་ཐུབ་པར་སྙམ༌ཡང༌། དཀོན་མཆོག་གི་ཐུགས་རྗེ་ལས་བདག་གིས་ཁྱོད་ཀྱི་བུ་རྒྱུད་ཀྱང་མཐོང་བྱུང་ཞེས་སྨྲས༌སོ།།  
\v 12 ཡོ་སེབ་ཀྱིས་རང་གི་བུ་གཉིས་པོ་ཕ་ཡི་དྲུང་ནས་ཚུར་ཁྲིད༌ཅིང༌། ཁོས་ཕ་ཡི་དྲུང་དུ་མགོ་སྨད་དུ་བསྒུར་ནས་ཕྱག་བཙལ༌ཏོ།།  
\v 13 ཡོ་སེབ་ཀྱིས་བུ་གཉིས་ཕ་ཡི་དྲུང་དུ་ཁྲིད་པ༌སྟེ། ལག་པ་གཡས་པས་ཨེ་ཕཱར་ཡིམ་གྱི་ལག་པར་འཇུས་ཤིང་ཡེས་ར་ཨེལ་གྱི་གཡོན་ཕྱོགས་སུ་གཏད་པ༌དང༌། ལག་པ་གཡོན་པས་མཱ་ན་ཤེའི་ལག་པར་འཇུས་ཏེ་ཡེས་ར་ཨེལ་གྱི་གཡས་ཕྱོགས་སུ་གཏད་པ༌རེད།  
\v 14 ཡེས་ར་ཨེལ་གྱིས་ལག་པ་གཡས་པ་བརྐྱངས་ཏེ་ཨེ་ཕཱར་ཡིམ་གྱི་མགོ་ལ་བཞག༌གོ །ཨེ་ཕཱར་ཡིམ་ནི་བུ་ཆུང་བ༌ཡིན། ཡང་ཡེས་ར་ཨེལ་གྱིས་ལག་པ་གཡོན་པ་བསྣོལ་ཏེ་མཱ་ན་ཤེའི་མགོ་ལ་བཞག༌གོ །མཱ་ན་ཤེ་ནི་བུ་སྐྱེས་འགོ་ཡིན།  
\v 15-16 ཡེས་ར་ཨེལ་གྱིས་བུ་ཡོ་སེབ་ལ་འདི་ལྟར་བྱིན་རླབས་གནང་བ༌སྟེ།  
\q1 བདག་གི་མེས་པོ་ཨབ་ར་ཧམ་དང་ཡབ་ཆེན་ཨི་སཱག་གིས་ནི་བཀུར་བ༌དང༌།།  
\q1 ཆུང་ངུའི་དུས་ནས་བདག་ལ་གཅེས་ཤིང་སྐྱོང་བ་བླ་ན་མེད་པའི་དཀོན་མཆོག༌གིས།།  
\q1 བདག་གི་དཀའ་སྡུག་ཐམས་ཅད་བསལ་བར་མཛད་ཅིང་མངགས་པའི་ཕོ་ཉ་དེ་ཡིས༌ནི།།  
\q1 བུ་ཆུང་གཉིས་ལ་བྱིན་རླབས་གནང་ཞིང་དེ་གཉིས་བརྒྱུད་ནས་བདག་གི་མིང་འདི༌དང༌།།  
\q1 མེས་པོ་ཨབ་ར་ཧམ་དང་ཨི་སཱག་མིང་བཅས་འཇིག་རྟེན་ཡོངས་སུ་རྒྱས་པར༌ཤོག །  
\q1 བུ་ཆུང་གཉིས་ཀྱི་རིགས་རྒྱུད་མང་དུ་འཕེལ་ནས་འཇིག་རྟེན་ཀུན་ལ་ཁྱབ་པར༌སྨོན། །ཞེས་སྨྲས༌སོ།།   
\p
\v 17 དེ་ནས་ཕ་ཡིས་ལག་པ་གཡས་པ་ཨེ་ཕཱར་ཡིམ་གྱི་མགོ་ལ་བཞག་པའི་དོན་དེ་ཡོ་སེབ་ཀྱིས་མཐོང་ཞིང་ཡིད་མ་དགའ་བར་ཕ་ཡི་ལག་པར་འཇུས་པ༌དང༌། ཕ་ཡི་ལག་པ་བཏེགས་ནས་བུ་མཱ་ན་ཤེའི་མགོ་ལ་འཇོག་པར་བསམས་སོ།།  
\v 18 ཡོ་སེབ་ཀྱིས་ཕ་ལ་འདི༌ལྟར། བདག་གི་ཕ༌ལགས། དེ་ལྟར་མ་ཡིན༌ཏེ། འདི་ནི་བུ་སྐྱེས་འགོ་ཡིན། ཁྱེད་ཀྱིས་ལག་པ་གཡས་པ་ཁོའི་མགོ་ལ་འཇོག་པར་མཛོད་ཅེས་སྨྲས༌སོ།།  
\v 19 ཁོའི་ཕ་ཡིས་དེ་ཁས་མ་བླངས་པར་འདི༌ལྟར། ངས་རྟོགས༌སོ། །བདག་གི༌བུ། ངས་རྟོགས༌སོ། །མཱ་ན་ཤེ་མི་རིགས་ཤིག་ཏུ་འགྱུར་བར་མ་ཟད། ཁོ་རང་མི་རླབས་ཆེན་ཞིག་ཏུའང་འགྱུར་ངེས་མོད། འོན༌ཀྱང༌། ཁོའི་གཅུང་པོ་ནི་མ་འོངས་པ་ན་ཁོ་ལས་ཀྱང་རླབས་ཆེན་པོར་འགྱུར་བ༌དང༌། ཁོའི་གཅུང་པོའི་རིགས་རྒྱུད་ཀྱང་མི་རིགས་མང་པོ་ཞིག་ཏུ་འགྱུར་ངེས་ཡིན་ཞེས་སྨྲས༌ཤིང༌།  
\v 20 ཁོང་གིས་ཉིན་དེར་བུ་གཉིས་ལ་འདི༌ལྟར། མ་འོངས་པ་ན་ཡེས་ར་ཨེལ་མི་རིགས་ཀྱིས་ཁྱོད་གཉིས་ཀྱི་མིང་ལ་བརྟེན་ནས་བྱིན་རླབས་འདི་ལྟར་གནང་བ༌སྟེ། དཀོན་མཆོག་གིས་ཨེ་ཕཱར་ཡིམ་དང་མཱ་ན་ཤེ་བཞིན་དུ་ཁྱོད་ལའང་བྱིན་རླབས་གནང་བར་སྨོན་ཞེས་སྨྲ་བར་ངེས་ཞེས་སྨྲས༌པས། ཨེ་ཕཱར་ཡིམ་ནི་མཱ་ན་ཤེ་ལས་མཐོ་བར་བྱས༌སོ།།  
\v 21 དེ་ནས་ཡེས་ར་ཨེལ་གྱིས་ཡོ་སེབ་ལ་འདི༌ལྟར། བདག་ནི་འཆི་ལ༌ཉེ། འོན་ཀྱང་དཀོན་མཆོག་ཁྱོད་རྣམས་དང་ལྷན་དུ་བཞུགས་ངེས༌ཤིང༌། ཁོང་གིས་ཁྱོད་རྣམས་ཁྲིད་ནས་ཁྱོད་ཅག་གི་མེས་པོའི་ཕ་སར་འགྲོ་ངེས༌ཡིན།  
\v 22 བདག་གིས་སྔོན་ཆད་མདའ་གཞུ་དང་རལ་གྲིར་བརྟེན་ནས་ཨེ་མོར་མི་རིགས་ཀྱི་ལག་ནས་ཕྲོགས་པའི་ས་ཆ་དེ་དག་སྤུན་གཞན་རྣམས་ལའང་གནང་ཞིང་ཁྱོད་ལ་བགོ་སྐལ་གཅིག་ཇེ་མང་དུ་གནང་བ་ཡིན་ཞེས་སྨྲས༌སོ།།   
\c 49
\cl ལེའུ་ཞེ་དགུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་སྟེ་ཡེས་ར་ཨེལ་གྱིས་བུ་རྣམས་ལ་བྱིན་གྱིས་བརླབས༌པ།  
\p
\v 1 ཡ་ཀོབ་ཀྱིས་རང་གི་བུ་རྣམས་བོས་ཏེ་འདི་སྐད༌དུ། བདག་གིས་མ་འོངས་པར་ཁྱོད་ཅག་ལ་འཕྲད་ངེས་པའི་དོན་རྣམས་སྨྲ་བའི༌ཕྱིར། ཁྱོད་རྣམས་ལྷན་དུ་འཛོམ་པར་གྱིས་ཞེས་སྨྲས་པ༌དང༌། ཡང་འདི་སྐད༌དུ།   
\q1
\v 2 ཡ་ཀོབ་ང་ཡི་བུ་རྣམས་ལྷན་དུ་འཛོམ་པར༌བྱ།།  
\q1 ཨ་ཕ་ཡེས་ར་ཨེལ་གྱི་གཏམ་ལ་མཉན་པར༌གྱིས།།   
\q1
\v 3 རུ་བེན་ཁྱོད་ནི་བདག་གི་བུ་ལས་སྐྱེས་འགོ༌སྟེ།།  
\q1 ང་རང་ལུས་སྟོབས་དར་བའི་དུས་སུ་སྐྱེས་པའི༌ཕྱིར།།  
\q1 ཁྱོད་ནི་མཆོག་དང་དབང་དང་ལྡན་པ་ཡིན་མོད༌ཀྱང༌།།   
\q1
\v 4 ཁྱོད་ནི་ཆུ་ལྟར་རྒྱུགས་པས་གཞན་ལས་མཆོག་གྱུར༌མིན།།  
\q1 ཁྱོད་ནི་རང་གི་ཕ་ཡི་མལ་ཁྲིར་འགོས་པ༌དང༌།།  
\q1 ཁྱོད་ཀྱིས་བདག་གི་གཟིམ་ཁྲི་ཡེ་ནས་རྫོབ་ཕྱིར༌རོ།།   
\q1
\v 5 སྤུན་ཆུང་སི་མུ་ཨོན་དང་ལེ་ཝི་གཉིས་ཀྱི༌ནི།།  
\q1 རལ་གྲི་ལ་སོགས་གདུག་རྩུབ་སྤྱོད་པའི་མཚོན་ཆ་ཡིན།།   
\q1
\v 6 བདག་གི་སེམས་ནི་ཁྱོད་ཀྱི་གྲོས་ལ་ཁས་ལེན༌མེད།།  
\q1 བདག་གི་ཡིད་སེམས་དེ་དག་དང་ནི་མཐུན་ཐབས༌མེད།།  
\q1 དེ་དག་ཁྲོ་ཞིང་སྡང་སྟེ་མི་རྣམས་བསད་པ༌དང༌།།  
\q1 དོན་མེད་གླང་ཐུག་བརླ་རྩ་བཅད་ཅིང་གཅོད་ཕྱིར༌རོ།།   
\q1
\v 7 དེ་རྣམས་ཞེ་སྡང་ཆེ་བས་སྡིགས་དམོད་འཕོག་འོས༌ཤིང༌།།  
\q1 དེ་རྣམས་གདུག་རྩུབ་ཆེ་བས་དམོད་པ་འཕོག་པར༌འགྱུར།།  
\q1 བདག་གིས་དེ་རྣམས་ང་ཡི་རིགས་ནང་འཐོར་བ༌དང༌།།  
\q1 ཡེས་ར་ཨེལ་གྱི་ཡུལ་གྲུ་ཀུན་ཏུ་གཏོར་བར༌བྱ།།   
\q1
\v 8 ཡ་ཧུ་དཱ་ཁྱོད་བདག་གི༌བུ།།  
\q1 ཁྱོད་ཀྱི་ལག་པས་དགྲ་བོ༌ཡི།།  
\q1 གཉའ་ནས་དམ་དུ་བཟུང་བའི༌ཕྱིར།།  
\q1 སྤུན་གཞན་གྱིས་ནི་ཁྱོད་ལ༌བསྟོད།།  
\q1 ཁྱོད་ལ་ཕ་ཡི་བུ་རྣམས༌ཀྱིས།།  
\q1 མགོ་བོ་བསྒུར་ནས་ཕྱག་འཚལ༌ལོ།།   
\q1
\v 9 ཡ་ཧུ་དཱ་ཁྱོད་བདག་གི༌བུ།།  
\q1 ཁྱོད་ནི་སེང་ཕྲུག་ཇི་བཞིན༌དུ།།  
\q1 རི་དྭགས་བཟུང་ནས་འགྲོ་བར༌བྱེད།།  
\q1 འགྱིང་བའི་ཚེ་ན་ཕོ་སེང༌དང༌།།  
\q1 སྡོད་པའི་ཚེ་ན་མོ་སེང༌བཞིན།།  
\q1 སུ་ཡིས་ཁྱོད་རང་དཀྲོག་པར༌ཕོད།།   
\q1
\v 10 ཞི་ལོ་ཞེས་བྱར་གྲགས་པ་ཁོང་ཉིད་ཕེབས་པ༌དང༌།།  
\q1 མི་རིགས་ཀུན་གྱིས་ཁོང་གི་ངག་བཞིན་སྒྲུབ་པའི༌བར།།  
\q1 ཡ་ཧུ་དཱ་ལས་རྒྱལ་པོའི་མཁར་བ་མི་འཕྲོག༌ཅིང༌།།  
\q1 ཁོང་གི་རྐང་པའི་བར་ནས་མཁར་བ་འཆོར་མི༌སྲིད།།   
\q1
\v 11 ཡ་ཧུ་དཱ་ཡིས་རྒུན་འབྲུམ་ཤིང་ལ་མགྲིན་བཟང༌བཏགས།།  
\q1 མཛེས་ཤིང་མཆོག་གྱུར་རྒུན་འབྲུམ་ཤིང་ལ་བོང་ཕྲུག༌བཏགས།།  
\q1 རྒུན་འབྲུམ་ཆང་ལ་རང་གི་གྱོན་པ་བཀྲུ་བྱེད༌ཅིང༌།།  
\q1 རྒུན་འབྲུམ་ཁུ་བའི་ནང་དུ་གྱོན་གོས་གཙང་མར༌བཀྲུས།།   
\q1
\v 12 ཁོ་ཡི་མིག་ཟུང་རྒུན་ཆང་གིས་ནི་དམར་པོར༌བསྒྱུར།།  
\q1 ཁ་ཡི་དུང་སོ་འོ་མས་དཀར་པོར་བསྒྱུར་ལགས༌སོ།།   
\q1
\v 13 ཟེ་བུ་ལུན་ནི་རྒྱ་མཚོའི་འགྲམ་དུ༌གནས།།  
\q1 མཚོ་འགྲམ་དེ་ནི་རྒྱ་མཚོའི་གྲུ་ཁ༌ལགས།།  
\q1 ཁོ་ཡི་མངའ་ཁོངས་ཚི་ཏུན་བར་དུ༌འཕེལ།།   
\q1
\v 14 ཡེས་སི་ཀཱར་ནི་བོང་བུ་རྒོད་པོ༌བཞིན།།  
\q1 ལུག་རའི་བར་དུ་སོས་དལ་བག་གིས༌ཉལ།།   
\q1
\v 15 ལྷིང་འཇགས་ཡུལ་དེ་ཤིན་ཏུ་ལེགས་པར༌འདོད།།  
\q1 གནས་ཡུལ་དེ་ནི་མཛེས་ཤིང་སྡུག་པར༌འདོད།།  
\q1 ལུས་པོ་སྨད་དུ་བསྒུར་ནས་ཁྲེས་པོ༌ཁུར།།  
\q1 གཞན་གྱི་གཡོག་ཏུ་གྱུར་པ་ཀྱེ་མ༌ཧོ།།   
\q1
\v 16 དཱན་ཞེས་བྱ་བས་ཡེས་ར་ཨེལ་གྱི་ཚོ་པ༌བཞིན།།  
\q1 རང་གི་འབངས་མི་ཀུན་ལ་ཁྲིམས་ཐག་གཅོད་པར༌བྱེད།།   
\q1
\v 17 དཱན་ཞེས་བྱ་བ་ལམ་ཁའི་ལྕེ་གཉིས༌དང༌།།  
\q1 ལམ་དུ་མཆིས་པའི་ལྟོ་འགྲོ་དུག་ཅན༌བཞིན།།  
\q1 བཞོན་རྟའི་རྨིག་པ་ལ་ནི་སོ་བཏབ༌པས།།  
\q1 ཀག་གིས་ལངས་ཏེ་བཞོན་མཁན་ས་ལ༌ལྷུང༌།།   
\q1
\v 18 བླ་ན་མེད་པའི་དཀོན་མཆོག་ཡ་ཝཱེ༌ལགས།།  
\q1 བདག་གིས་ནམ་ཡང་ཁྱེད་ཀྱིས་སྐྱོབ་པར༌སྒུག །   
\q1
\v 19 དགྲ་བོ་མྱུར་དུ་སླེབས་ནས་གཱ་རྡུར་རྒོལ་ན༌ཡང༌།།  
\q1 ཁོས་ཀྱང་ལམ་སང་དགྲ་བོར་རྒོལ་ཞིང་ཕ་མཐར་བསྐྲད། །   
\q1
\v 20 ཨ་ཤེར་ཞེས་པའི་བུ་ཡི་གནས་དེ༌རུ།།  
\q1 འབྲུ་རིགས་ཕུན་སུམ་ཚོགས་པ་ཡོད་པའི༌ཕྱིར།།  
\q1 རྒྱལ་པོ་རྣམས་ཀྱི་ཟས་སུ་འགྱུར་ངེས༌སོ།།   
\q1
\v 21 ནཱབ་ཐ་ལི་ནི་རྙི་ལས་ཐར་བའི་ཤྭ་མོ༌བཞིན།།  
\q1 ཁོ་ཡིས་སྙན་ཞིང་འཇེབས་པའི་གཏམ་ནི་སྨྲ་བར༌བྱེད།།   
\q1
\v 22 ཡོ་སེབ་ཞེས་པ་ཤིང་ཏོག་སྨིན་པའི་འབྲས་བུ༌དང༌།།  
\q1 ཆུ་མིག་འགྲམ་དུ་འབྲས་བུ་ཐོགས་པའི་ཡལ་ག༌བཞིན།།  
\q1 དེ་ཡི་ཡལ་ག་བརྐྱངས་ཏེ་གྱང་ལས་བརྒལ་བར༌བྱེད།།   
\q1
\v 23 མདའ་གཞུ་འཛིན་མཁན་གྱིས་ནི་གློ་བུར༌ཉིད།།  
\q1 ཁོ་ལ་རྒོལ་བར་བྱེད་ཅིང་མདའ་འཕངས༌ཏེ།།  
\q1 ཁོ་ལ་གནོད་པ་བཟོས་ཤིང་བཟོ་བར༌བྱེད།།   
\q1
\v 24 འོན་ཀྱང་ཡེས་ར་ཨེལ་གྱི་རྫི་བོ༌དང༌།།  
\q1 ཡེས་ར་ཨེལ་གྱི་ཕ་བོང་ཆེན་པོ༌སྟེ།།  
\q1 ཡ་ཀོབ་ཀྱི་ནི་སྟོབས་ལྡན་ཞེས་གྲགས༌པས།།  
\q1 ཡོ་སེབ་ལག་ཏུ་མདའ་གཞུ་དམ་དུ༌བཟུང༌།།  
\q1 ཁོ་ཡི་ལག་ཟུང་བརྟན་ཅིང་ལྡེམ་མྱུར༌ཆེ།།   
\q1
\v 25 དེ་ཡང་ཁྱོད་ཀྱི་ཕ་ཡི་དཀོན་མཆོག༌གིས།།  
\q1 ཁྱོད་ལ་སྐྱབས་སུ་མཛད་ཅིང་མཛད་ལགས༌ཏེ།།  
\q1 ཀུན་དབང་ལྡན་པ་ཁོང་གིས་ནམ་མཁའ༌དང༌།།  
\q1 ས་གཞིར་ཁྱབ་པའི་བྱིན་རླབས་མཐའ་དག༌དང༌།།  
\q1 མངལ་ལྡན་ནུ་མའི་བྱིན་རླབས་གནང་བར༌འགྱུར།།   
\q1
\v 26 ཁྱོད་ཀྱི་ཕ་ཡིས་གནང་བའི་བྱིན་རླབས༌ནི།།  
\q1 མེས་པོའི་བྱིན་རླབས་ལས་ཀྱང་བླ་ན༌འཕགས།།  
\q1 དེ་ནི་འཇིག་པ་མེད་པའི་རི་ཀླུང༌དང༌།།  
\q1 མུ་མཐའ་མེད་པའི་མཐའ་མཚམས་གང་དུ༌ཡང༌།།  
\q1 བྱིན་རླབས་དེ་དག་ཁྱོད་ལ་གནང་བར་ཤོག།  
\q1 སྤུན་ཟླའི་ཁྲོད་ནས་རྒྱལ་སྲས་སུ་གྱུར༌པ།།  
\q1 ཁྱོད་ཀྱི་སྤྱི་གཙུག་ལ་ནི་འབབ་གྱུར༌ཅིག།   
\q1
\v 27 པེན་ཡཱ་མེན་ནི་གདུག་རྩུབ་ཆེ་བའི་སྤྱང་ཀི༌བཞིན།།  
\q1 ཞོགས་པར་རི་དྭགས་བཟུང་སྟེ་བཟའ་བྱེད༌ཅིང༌།།  
\q1 མཚན་མོར་གཞན་ལས་ཕྲོགས་པ་བགོ་བར༌བྱེད། །ཅེས་སྨྲས༌སོ།།   
\p
\v 28 མི་དེ་ཐམས་ཅད་ནི་ཡེས་ར་ཨེལ་གྱི་ཚོ་པ་བཅུ་གཉིས་ཡིན༌ལ། དོན་དེ་དག་ནི་ཁོ་རྣམས་ཀྱི་ཕ་ཡིས་ཁོ་རྣམས་ལ་བྱིན་རླབས་གནང་བའི་སྐབས་སུ་སྨྲས་པའི་གཏམ་ཡང་ཡིན༌ཏེ། མི་རང་རང་ལ་བསྟུན་ནས་བྱིན་རླབས་གནང༌བའོ།།   
\s1 ཡ་ཀོབ་སྟེ་ཡེས་ར་ཨེལ་གྱིས་རང་ཉིད་ཚེ་ལས་འདའ་བའི་དོན་སྨྲས༌པ།  
\p
\v 29 དེ་ནས་ཡང་ཡེས་ར་ཨེལ་གྱིས་རང་གི་བུ་རྣམས་ལ་འདི་ལྟར་གདམས༌པ། བདག་ནི་ཅུང་མི་འགོར་བར་རང་གི་མེས་པོ་རྣམས་ཀྱི་དྲུང་དུ་འགྲོའོ། །ཁྱོད་རྣམས་ཀྱིས་བདག་གི་བེམ་པོ་ནི་ཧེ་བི་མི་རིགས་ཀྱི་ཨེབ་རོན་གྱི་ཞིང་སར་ཡོད་པའི་བྲག་ཁུང་དུ་བདག་གི་མེས་པོ་དང་མཉམ་དུ་དུར་ལ་སྦ་བར༌བྱའོ།།  
\v 30 བྲག་ཁུང་དེ་ནི་ཀ་ན་ཨན་ཡུལ་གྱི་མཱན་རེའེ་ས་ཆའི་མདུན་ཕྱོགས་ཀྱི་མཱག་ཕེ་ལཱའི་ཞིང་ནང་དུ་ཡོད༌ཅིང༌། བྲག་ཁུང་དེ་དང་ཞིང་ས་དེ་ནི་ཨབ་ར་ཧམ་གྱིས་ཧེ་བི་མི་རིགས་ཀྱི་ཨེབ་རོན་ནས་ཉོས་ཤིང་དུར་ས་བྱས་པ༌ཡིན།  
\v 31 བྲག་ཁུང་དེ་རུ་ཨབ་ར་ཧམ་དང་ཁོང་གི་ཆུང་མ་སཱ་ར་གཉིས་ཀྱི་སྐུ་གདུང་དུར་ལ་བཅུག་པ༌དང༌། ཨི་སཱག་དང་ཡུམ་རིབ་ཀཱ་གཉིས་ཀྱི་སྐུ་གདུང་ཡང་བྲག་ཁུང་དེ་རུ་བཅུག༌པའོ། །ངས་རང་གི་ཆུང་མ་ལེ་ཨའི་བེམ་པོའང་གནས་དེ་རུ་དུར་ལ་བཅུག༌གོ །  
\v 32 ཞིང་ས་དེ་དང་དེའི་ནང་དུ་ཡོད་པའི་བྲག་ཁུང་ནི་ཧེད་ཀྱི་བུ་རྒྱུད་ལས་ཉོས་པ་ཡིན་ཞེས་སྨྲས༌སོ།།   
\p
\v 33 དེ་ལྟར་ཡ་ཀོབ་ཀྱིས་བུ་རྣམས་ལ་ཁ་བསྒོ་གནང༌རྗེས། ཕྱིར་མལ་སར་ལྷུང་སྟེ་ཚེ་ལས་འདས་ཤིང་ཁོང་ཉིད་མེས་པོ་རྣམས་ཀྱི་དྲུང་དུ་ཕྱིན༌ཏོ།།   
\c 50
\cl ལེའུ་ལྔ་བཅུ༌པ། 
\toc1 ༄༅།།འཇིག་རྟེན་ཁམས་བཀོད་པའི༌མདོ། 
\toc2 བཀོད་པ། 
\s1 ཡ་ཀོབ་སྟེ་ཡེས་ར་ཨེལ་གྱི་བེམ་པོ་ཀ་ན་ཨན་ཡུལ་དུ་དུར་ལ་སྦས༌པ།  
\p
\v 1 དེ་ནས་ཡོ་སེབ་རང་གི་ཕ་ཡི་གདོང་ལ་སྦར་ཏེ་མྱ་ངན་གྱི་ངང་ནས་ངུས་ཤིང་ཕ་ལ་འོ་བྱས༌སོ།།  
\v 2 ཡོ་སེབ་ཀྱིས་ཕ་ཡི་བེམ་པོར་དྲི་སྦྱོར་བྱེད་དགོས་ཚུལ་རང་ལ་ཞབས་ཕྱི་སྒྲུབ་མཁན་ཨམ་ཆིར་བཀའ་གནང་བ༌དང༌། ཨམ་ཆིས་ཀྱང་ཡེས་ར་ཨེལ་གྱི་བེམ་པོར་དྲི་སྦྱོར་བྱས༌པའོ།།  
\v 3 ཉིན་བཞི་བཅུའི་རིང་ལ་བེམ་པོར་སྤོས་ཆུ་དང་རྩྭ་སྨན་བྱུགས་ཤིང་རས་ཀྱིས་དཀྲིས་དགོས་པ༌དང༌། ཨེ་ཅིབ་མི་རིགས་ཀྱིས་ཉིན་བདུན་ཅུའི་རིང་ལ་མྱ་ངན་བྱས༌སོ།།   
\p
\v 4 དེ་ནས་མྱ་ངན་གྱི་ཉིན་ལོངས་པ་དང་ཡོ་སེབ་ཀྱིས་ཕཱར་ཨོལ་གྱི་ཁྱིམ་མི་རྣམས་ལ་འདི༌ལྟར། གལ༌ཏེ། བདག་ལ་ཁྱོད་རྣམས་ཀྱི་མིག་མདུན་ནས་ཐུགས་རྗེ་ཐོབ༌ན་ཕཱར་ཨོལ་ལ་འདི་ལྟར།  
\v 5 བདག་གི་ཕ་ཚེ་ལས་འདའ༌ཁར། ཁོང་གིས་བདག་ལ་འདི་སྐད༌དུ། ང་རང་ད་ལྟ་འཆི་ལ༌ཉེ། ངས་ཀ་ན་ཨན་ཡུལ་དུ་རང་ལ་དུར་ས་བཟོས་ཡོད༌ལ། ཁྱོད་ཀྱིས་ངའི་བེམ་པོ་གནས་དེ་རུ་དུར་ལ་འཇུག་པར་གྱིས་ཞེས་བདག་ལ་དམ་བཅའ་འཇོག་ཏུ་བཅུག་ཡོད༌པས། ད་ལྟ་ཁྱེད་ཀྱིས་ང་རང་ཕ་ཡི་སྐུ་གདུང་དུར་ལ་འཇུག་ཏུ་འགྲོ་བར༌འཚལ། ཕྱིས་སུ་ང་རང་ཕྱིར་ཡོང་ངེས་ཡིན་ཞེས་ཞུ་བར་མཛོད་ཅེས་སྨྲས༌སོ།།  
\v 6 ཕཱར་ཨོལ་ན༌རེ། སོང༌དང༌། ཁྱོད་ཀྱི་ཕ་ཡིས་ཁྱོད་ལ་ཇི་ལྟར་དམ་བཅའ་འཇོག་ཏུ་བཅུག་ཡོད་པ༌བཞིན། ཁྱོད་ཀྱིས་ཁོང་གི་བེམ་པོ་དུར་ལ་འཇུག་པར་གྱིས་ཞེས་སྨྲས༌སོ།།   
\p
\v 7 དེ་ནས་ཡོ་སེབ་ཡར་ཕ་ཡི་བེམ་པོ་དུར་དུ་འཇུག་པར༌ཆས། ཁོ་དང་མཉམ་དུ་ཕཱར་ཨོལ་གྱི་བློན་པོ༌དང༌། རྒན༌པོ། ཨེ་ཅིབ་རྒྱལ་ཁབ་ཀྱི་རྒན་པོ་བཅས༌དང༌།  
\v 8-9 གཞན༌ཡང༌། ཡོ་སེབ་ཀྱི་ཁྱིམ་མི་ཐམས་ཅད༌དང༌། ཁོའི་སྤུན་རྣམས༌དང༌། ཕ་ཡི་ནང་མི་རྣམས༌དང༌། ཤིང་རྟའི་དམག༌དང༌། སྐྱ་དམག་ཀྱང་སོང་བས་མི་གྲངས་ཤིན་ཏུ༌མང༌། ཁོ་རྣམས་ཀྱི་བུད་མེད༌དང༌། བྱིས༌པ། ར་ལུག༌གི་ཁྱུ། བ་གླང་གི་ཁྱུ་བཅས་གོ་ཤེན་ཡུལ་དུ་ལུས༌སོ།།  
\v 10 ཁོ་རྣམས་ཡོར་དན་གཙང་པོའི་ཕ་རོལ་གྱི་ཨ་ཐད་ཅེས་པའི་གཡུལ་ཁར་སླེབས་ཤིང་། མི་རྣམས་མྱ་ངན་གྱི་ངང་ནས་སྐད་གསང་མཐོན་པོས་ངུས་པ༌དང༌། ཡོ་སེབ་ཀྱང་གནས་དེ་ནས་ཉིན་བདུན་རིང་ལ་མྱ་ངན་གྱི་ངང་ནས་ངུས༌སོ།།  
\v 11 ཀ་ན་ཨན་མི་རིགས་ཀྱི་ཡུལ་མི་རྣམས་ཀྱིས་ཨ་ཐད་གཡུལ་ཁའི་མྱ་ངན་གྱི་ངུ་སྐད་ཐོས་ཏེ་ན༌རེ། འདི་ནི་ཨེ་ཅིབ་མི་རིགས་ཀྱི་མྱ་ངན་ཆེན་པོ་ཞིག་གོ་ཞེས༌སྨྲས། དེའི༌ཕྱིར། གནས་དེའི་མིང་ལ་ཧ་བེལ་མུས་རཱ་ཡིམ་ཞེས་བཏགས༌ཤིང༌། དེ་ཡོར་དན་གཙང་པོའི་ཤར་ཕྱོགས་སུ་མཆིས༌སོ།།   
\p
\v 12 ཡེས་ར་ཨེལ་གྱི་བུ་རྣམས་ཀྱིས་ཕ་ཡི་ཁ་ཆེམས་ལྟར་བསྒྲུབས༌ཤིང༌།  
\v 13 ཁོང་གི་བེམ་པོ་ཀ་ན་ཨན་ཡུལ་གྱི་མཱན་རེའེ་ས་ཆའི་མདུན་ཕྱོགས་ཏེ་མཱག་ཕེ་ལཱའི་ཞིང་ནང་དུ་ཡོད་པའི་བྲག་ཁུང་དུ་དུར་ལ༌བཅུག བྲག་ཁུང་དེ་དང་ཞིང་ས་དེ་ནི་ཨབ་ར་ཧམ་གྱིས་ཧེ་བི་མི་རིགས་ཀྱི་ཨེབ་རོན་ལས་ཉོས་ཏེ་དུར་ས་བྱས༌པའོ།།  
\v 14 ཡོ་སེབ་ཀྱིས་ཕ་ཡི་བེམ་པོ་དུར་དུ་བཅུག༌རྗེས། རང་གི་སྤུན་དང་དུར་འཇུག་པ་གཞན་རྣམས་དང་མཉམ་དུ་ཨེ་ཅིབ་ཡུལ་དུ་ཕྱིར་ལོག་གོ །   
\s1 ཡོ་སེབ་ཀྱིས་སྤུན་རྣམས་ལ་སེམས་གསོ་མཛད༌པ།  
\p
\v 15 དེ་ཡང་ཡོ་སེབ་ཀྱི་སྤུན་རྣམས་ཀྱིས་ཕ་ཚེ་ལས་འདས་པ་མཐོང་ནས་འདི༌ལྟར། ཡོ་སེབ་རང་ཅག་རྣམས་ལ་སྡང་སྲིད༌དེ། སྔོན་ཆད་རང་ཅག་གིས་ཁོ་ལ་གནོད་འཚེ་བྱས་མྱོང༌བས། ཁོས་ད་ལྟ་འཁོན་ལན་སློག་ངེས་ཡིན་ཞེས་སྨྲས་པ༌དང༌།  
\v 16 སྤུན་རྣམས་ཀྱིས་མི་ཞིག་ཡོ་སེབ་ཀྱི་དྲུང་དུ་མངགས༌ཏེ། ཕ་ཚེ་ལས་མ་འདས་པའི་སྔོན་ལ་ཁོང་གིས་ངེད་ཅག་ལ་འདི་སྐད༌དུ།  
\v 17 ཁྱོད་ཅག་གིས་ཡོ་སེབ་ལ་འདི་ལྟར་སྨྲ་བར༌གྱིས། སྔོན་ཆད་སྤུན་རྣམས་ཀྱིས་ཁྱོད་ལ་གནོད་འཚེ་བྱས༌ཤིང༌། ཁྱོད་ཀྱིས་ཁོ་རྣམས་ཀྱི་སྡིག་ཉེས་ལ་གུ་ཡངས་གཏོང་བར་མཛོད་ཅིག་ཅེས་ཞུ་བ་བྱོས་ཤིག་ཅེས་སྨྲས་མྱོང༌ལ། ད་ལྟ་ཁྱོད་ཀྱིས་ཕ་ཡི་དཀོན་མཆོག་གི་ཞབས་ཕྱི་པ་ངེད་རྣམས་ཀྱི་ཉེས་སྐྱོན་ལ་གུ་ཡངས་གཏོང་བར་མཛོད་ཅིག་ཅེས་ངག་འཕྲིན༌བསྐུར། སྤུན་རྣམས་ཀྱིས་ཡོ་སེབ་ལ་དེ་ལྟར་སྐད་བསྐུར་བས་ཡོ་སེབ་ངུས༌སོ།།  
\v 18 དེ་ནས་ཡོ་སེབ་ཀྱི་སྤུན་རྣམས་ཁོའི་དྲུང་དུ་སླེབས་པ་དང་ལུས་པོ་སར་བཏུད་དེ་ན༌རེ། ངེད་ཅག་ཁྱོད་ཀྱི་ཞབས་ཕྱི་པ་ཡིན་ཞེས་སྨྲས༌སོ།།  
\v 19 ཡོ་སེབ་ན༌རེ། ཁྱོད་རྣམས་འཇིགས་མི་དགོས༌ཏེ། བདག་གིས་དཀོན་མཆོག་གི་ཚབ་བྱེད་ག་ལ༌ནུས།  
\v 20 སྔོན་ཆད་ཁྱོད་ཅག་གིས་བདག་ལ་གནོད་པ་བྱེད་འདོད༌ནའང༌། དཀོན་མཆོག་གིས་ལས་བཟང་པོའི་ཕྱོགས་སུ་དགོངས༌ཏེ། མི་མང་པོ་ཞིག་གི་ཚེ་སྲོག་སྐྱོབ་པའི་ཕྱིར་ད་ལྟའི་རྣམ་པ་འདི་བྱུང་བ༌ཡིན།  
\v 21 ད་ལྟ་ཁྱོད་རྣམས་འཇིགས་མི་དགོས༌ཏེ། ངས་ཁྱོད་ཅག་དང་ཁྱོད་རྣམས་ཀྱི་བུད་མེད་དང་བྱིས་པ་བཅས་གསོ་བར་བྱ་ཞེས་སྨྲས༌ཤིང༌། ཡོ་སེབ་ཀྱིས་སྙིང་ཉེ་བའི་གཏམ་གྱིས་སྤུན་རྣམས་ལ་སེམས་གསོ་བྱས༌སོ།།   
\s1 ཡོ་སེབ་ཚེ་ལས་འདས༌པ།  
\p
\v 22 དེ་ཡང་ཡོ་སེབ་དང་རང་གི་ཕ་ཡི་གཉེན་ཉེ་རྣམས་ཨེ་ཅིབ་ཡུལ་དུ་བཞུགས༌ཤིང༌། ཡོ་སེབ་བསྡོམས་པས་ལོ་བརྒྱ་དང་བཅུ་ལ་བཞུགས༌སོ།།  
\v 23 ཡོ་སེབ་ཀྱིས་ཨེ་ཕཱར་ཡིམ་གྱི་མི་རབས་གསུམ་པའི་ཚ་བོ་རྣམས་མཐོང་ཐུབ་པར་གྱུར་པ༌དང༌། མཱ་ན་ཤེ་ཡི་བུ་མཱ་ཀིར་ཞེས་བྱ་བའི་བུ་རྣམས་ཀྱང་ཡོ་སེབ་ཀྱི་དྲུང་དུ་སྐྱེས༌པའོ།།  
\v 24 དེ་ནས་ཡོ་སེབ་ཀྱིས་རང་གི་སྤུན་རྣམས་ལ་འདི་སྐད༌དུ། བདག་ནི་འཆི་ལ༌ཉེ། འོན་ཀྱང་དཀོན་མཆོག་གིས་ཁྱོད་རྣམས་ལ་གཟིགས་སྐྱོང་གནང་ངེས་པ༌དང༌། ཁྱོད་རྣམས་ཡུལ་འདི་ནས་ལམ་ལ་ཆས་ཏེ། ཁོང་གིས་དེ་སྔར་ཨབ་ར་ཧམ༌དང༌། ཨི༌སཱག ཡ་ཀོབ་བཅས་ལ་གནང་བར་མནའ་བཞེས་པའི་ཡུལ་དེར་འཁྲིད་ངེས་ཡིན་ཞེས་སྨྲས༌པའོ།།  
\v 25 ཡང་ཡོ་སེབ་ཀྱིས་ཡེས་ར་ཨེལ་གྱི་བུ་རབས་ཚ་རྒྱུད་རྣམས་ལ་དམ་བཅའ་འཇོག་ཏུ་བཅུག་སྟེ་འདི་སྐད༌དུ། དཀོན་མཆོག་གིས་ཁྱོད་རྣམས་ལ་གཟིགས་སྐྱོང་མཛད་ངེས༌ཤིང༌། ཁྱོད་ཅག་གིས་བདག་གི་རུས་པ་ཡུལ་འདི་ནས་ཡར་འཁྱེར་བར་མཛོད་ཅིག་ཅེས་སྨྲས༌སོ།།  
\v 26 དེ་ལྟར་ཡོ་སེབ་དགུང་ལོ་བརྒྱ་དང་བཅུ་ལ་བཞུགས་ཏེ་སྐུ་གཤེགས་པ༌རེད། མི་རྣམས་ཀྱིས་ཁོང་གི་སྐུ་གདུང་ལ་དྲི་སྦྱོར་བྱས་ཏེ་ཨེ་ཅིབ་ཡུལ་ནས་སྤུར་སྒམ་ནང་དུ་བཞག༌གོ ། །།