\id EZK - NTB 
\h ཨེ་ཟེ་ཀི་ཨེལ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\mt1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ།  
\imt1 ལུང་སྟོན་པ་ཨེ་ཟེ་ཀི་ཨེལ་གྱི་མདོ་ཞེས་བྱ་བའི་ངོ་སྤྲོད་མདོར་བསྡུས།  
\is1 ཁ་བྱང་དང་ལོ་རྒྱུས་རྒྱབ་ལྗོངས།  
\ipi གཞུང་འདིའི་ཁ་བྱང་ནི་ཨེ་ཟེ་ཀི་ཨེལ་གྱི་མིང་ནས་ཐོགས་པ་དང་། ཨེ་ཟེ་ཀི་ཨེལ་ཞེས་པ་ནི་དཀོན་མཆོག་སྟོབས་དང་ལྡན་ཞེས་པའི་དོན་ཡིན། སྤྱི་ལོ་སྔོན་གྱི་588ལོ་དང་586ལོའི་ནང་དུ་པཱ་པེལ་ལོན་པ་རྣམས་ཀྱིས་ཡེ་རུ་སཱ་ལེམ་གྲོང་ཁྱེར་དབང་དུ་བསྡུས་ནས་གྲོང་ཁྱེར་དང་མཆོད་ཁང་མེ་ལ་བསྲེགས་ཏེ། ཡེས་ར་ཨེལ་གྱི་རྒྱལ་པོའི་ལམ་ལུགས་མཇུག་བསྡུས་ཤིང་། རྒྱལ་པོ་དཱ་བིད་ཀྱི་གྲོང་ཁྱེར་དང་གཙོ་བོའི་མཆོད་ཁང་མེད་པར་བཏང་།  
\is1 ཡི་གེར་འགོད་མཁན་དང་འགོད་དུས།  
\ipi ཨེ་ཟེ་ཀི་ཨེལ་ནི་སྤྱི་ལོ་སྔོན་གྱི་597ལོར་ནེ་བོ་ཀད་ནེ་ཙར་གྱིས་ཡ་ཧུ་དཱ་པ་སུམ་སྟོང་ལྷག་པཱ་པེལ་ལོན་དུ་བཙན་ཁྲིད་བྱས་པའི་གྲས་སུ་ཚུད། དེ་དག་གི་གྲས་སུ་དཀོན་མཆོག་གིས་ཁོ་རང་ལུང་སྟོན་པ་ཞིག་བྱེད་པར་ཞལ་འབོད་གནང་། བཙན་ཁྲིད་བྱས་པ་རྣམས་ལ་མཆོད་དཔོན་ལུང་སྟོན་པ་ཞིག་ཞལ་འབོད་གནང་ནས་ཞབས་ཕྱི་བསྒྲུབ་དགོས་པ་བཞིན། ཨེ་ཟེ་ཀི་ཨེལ་གྱིས་ལུང་བསྟན་གནང་བས་ཁོང་གི་གསུང་འཕྲིན་རྣམས་མཆོད་ཁང་དང་དེའི་ཆོ་ག་རྣམས་ལ་འབྲེལ་བ་དམ་པོ་ཡོད། ཨེ་ཟེ་ཀི་ཨེལ་ཞེས་པའི་གཞུང་གི་ནང་དུ་དམ་པའི་གསུང་རབ་ཀྱི་གཞུང་གཞན་དག་ལས་ཀྱང་ཟླ་ཚེས་མང་པོ་བཀོད་ཡོད་སྟབས། དེའི་ལུང་བསྟན་གྱི་ཟླ་ཚེས་རྣམས་ལ་ལྷག་ཏུ་ཞིབ་ཆ་ལྡན། ཨེ་ཟེ་ཀི་ཨེལ་གྱིས་ཕྱག་ལས་གནང་བའི་དུས་སྐབས་དེ་ནི་ཡེ་རུ་སཱ་ལེམ་གྱི་ཆེས་མུན་ནག་གི་དུས་སྐབས་ལ་ཁེལ་ཡོད། ཁོང་གི་གསུང་འཕྲིན་རྣམས་གཏན་ལ་ཕབ་པའི་ལོ་ཚིགས་ནི་སྤྱི་ལོ་སྔོན་གྱི་593ནས་571ལོའི་བར་ཡིན།  
\is1 བརྗོད་སྙིང་དང་གསུང་འཕྲིན།  
\ipi ཨེ་ཟེ་ཀི་ཨེལ་གྱི་གཞུང་དུ་ཕྱི་ནང་གི་སྣོད་བཅུད་ཐམས་ཅད་ལ་དཀོན་མཆོག་གིས་དབུ་ཁྲིད་དང་ཚོད་འཛིན་གནང་ཡོད་པའི་སྐོར་ཞིབ་ཆ་ལྡན་ཞིང་དར་ཁྱབ་ཆེ་ལ་དེ་ལྟ་བུ་ཞིག་དམ་པའི་གསུང་རབ་ཀྱི་གཞུང་གང་དུའང་མེད། མི་རྣམས་ཀྱིས་དཀོན་མཆོག་ངོ་ཤེས་པ་དང་ངོས་ལེན་བྱ་རྒྱུ་ནི་བླ་ན་མེད་པའི་དཀོན་མཆོག་ཁོང་གི་ཐུགས་དགོངས་ཡིན། དེའི་རྒྱུ་མཚན་ནི་ཁོ་ཚོས་ང་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་ཨེ་ཟེ་ཀི་ཨེལ་གྱི་གཞུང་དུ་ཡོད་པའི་གསུང་དུམ་མམ་ཡང་ན་དེ་དང་མཚུངས་པའི་གསུང་དུམ་གཞན་རྣམས་ང་ཚོས་ཐེངས་དྲུག་ཅུ་རེ་ལྔར་བཀླགས་མྱོང་བ་ཡིན། དཀོན་མཆོག་གི་དབང་ཐམས་ཅད་ནི་ཁོང་ཆིབས་ཞབས་བསྒྱུར་བ་ལས་མངོན་པ་ཡིན། དཔེར་ན། ཁོང་ནི་མཆོད་ཁང་ནང་འབའ་ཞིག་ཏུ་བཞུགས་པ་མ་ཡིན་ཏེ། འཕྲལ་རྐྱེན་ཅི་འདྲར་ཕྲད་ཀྱང་ཁོང་གིས་རང་གི་མི་རྣམས་ལ་འགན་ཐེག་པ་རེད།  
\is1 འཆར་ཟིན།  
\ipi 1. ཨེ་ཟེ་ཀི་ཨེལ་ལ་ཞལ་འབོད་གནང་བ་དང་བཀའ་བསྒྲག་པར་མངགས་པ། ༼1:1-3:27༽  
\ipi 2. ཡ་ཧུ་དཱ་དང་ཡེ་རུ་སཱ་ལེམ་གཉིས་ལ་ཉེས་ཆད་བཅད་པའི་སྐོར། ༼4:1-24:27༽  
\ipi 3. རྒྱལ་ཕྲན་རྣམས་ལ་ཉེས་ཆད་བཅད་པའི་སྐོར། ༼25:1-32:32༽  
\ipi 4. ཡང་བསྐྱར་དར་བར་སྟ་གོན་མཛད་པ། ༼33:1-39:29༽  
\ipi 5. བསྙེན་བཀུར་བྱེད་སྟངས་སླར་གསོ་བྱས་པའི་སྐོར། ༼40:1-48:35༽  
\c 1
\cl ལེའུ་དང་པོ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཨེ་ཟེ་ཀི་ཨེལ་གྱིས་མཐོང་བའི་ཞལ་གཟིགས།  
\p
\v 1 དེ་ཡང་ལོ་སུམ་ཅུ་པའི་ཟླ་བཞི་པའི་ཚེས་ལྔ་ཉིན་ལ། ང་རང་ཀེ་བར་ཡུར་བའི་འགྲམ་དུ་ཡོད་དུས། ནམ་མཁའི་སྒོ་མོ་ཕྱེས་ནས་ངས་དཀོན་མཆོག་གི་ཞལ་གཟིགས་མཐོང་བ་དང་། དུས་དེར་ང་ནི་བཙོན་དུ་ཁྲིད་པའི་མི་རྣམས་ཀྱི་ཁྲོད་དུ་ཡོད་དོ། །  
\v 2 ཡང་རྒྱལ་པོ་ཡེ་ཧོ་ཡཱ་ཀིན་བཙོན་དུ་ཁྲིད་པའི་ལོ་ལྔ་པའི་ཟླ་བཞི་པ་ཡི་ཚེས་ལྔ་ཉིན་ལ།  
\v 3 ཀལ་དི་པའི་ཡུལ་ཁམས་ཀྱི་ཀེ་བར་ཡུར་བའི་འགྲམ་དུ། དཀོན་མཆོག་ཡ་ཝཱེའི་བཀའ་ནི་བུ་ཟིའི་བུ་སྟེ་མཆོད་དཔོན་ཨེ་ཟེ་ཀི་ཨེལ་ལ་དངོས་སུ་བྱུང་བ་སྟེ། དཀོན་མཆོག་ཡ་ཝཱེའི་ཕྱག་ནི་ཁོའི་སྟེང་དུ་བཞག་པའོ། །  
\v 4 དེ་ནས་ངས་བལྟས་པ་ལ། བྱང་ཕྱོགས་ནས་རླུང་དམར་ཞིག་གཡུགས་འོངས་པ་དང་བཅས། མེ་ལྕེ་ཁྱུག་པའི་སྤྲིན་ཕུང་ཆེན་པོ་ཞིག་མཐོང་བ་དང་། དེའི་མཐའ་བཞི་ནས་འོད་ཟེར་འཕྲོས་ཤིང་། སྤྲིན་གྱི་མེ་ལྕེའི་ནང་དུ་འོད་འཕྲོ་བའི་ལྕགས་རིགས་ཡོད་པ་དང་འདྲ་སྟེ།  
\v 5 མེ་ལྕེ་དེའི་ནང་དུ་སེམས་ཅན་བཞི་ཡི་རྣམ་པ་ཤར་བྱུང་ལ། དེ་དག་གི་རྣམ་པ་ནི་འདི་ལྟ་སྟེ། དེ་ཐམས་ཅད་ལ་མིའི་གཟུགས་དབྱིབས་ཡོད་པ་དང་།  
\v 6 དེ་དག་རེ་རེ་ལ་གདོང་བཞི་དང་། གཤོག་པ་བཞི་རེ་ཡོད་དེ།  
\v 7 དེ་དག་གི་རྐང་པ་ནི་དྲང་པོ་ཡིན་ལ། རྐང་མཐིལ་ནི་བ་ཕྲུག་གི་རྨིག་པ་དང་འདྲ་ཞིང་། ཡོད་ཚད་འོད་ཟེར་འཕྲོ་ཞིང་གཡའ་དག་པའི་ལི་དང་འདྲའོ། །  
\v 8 ཡང་དེ་དག་གི་ཕྱོགས་བཞི་ཡི་གཤོག་པའི་འོག་ཏུ་མི་ཡི་ལག་པ་ཡོད་དེ། སེམས་ཅན་བཞི་པོའི་གདོང་དང་གཤོག་པ་ནི་འདི་ལྟ་སྟེ།  
\v 9 དེ་དག་གི་གཤོག་པ་ནི་ཕན་ཚུན་འབྲེལ་ཞིང་། འགྲོ་སྐྱོད་བྱེད་དུས་ཁ་ཕྱིར་འཁོར་མི་དགོས་ལ། ཐམས་ཅད་མདུན་དུ་སྐྱོད་པ་ཡིན།  
\v 10 ཡང་དེ་དག་གི་གདོང་གི་རྣམ་པ་ནི། སེམས་ཅན་བཞི་པོར་མི་ཡི་གདོང་ཡོད་པ་དང་། གཡས་ཕྱོགས་སུ་རེ་རེར་སེང་གེའི་གདོང་དང་། གཡོན་ཕྱོགས་སུ་རེ་རེར་གླང་གི་གདོང་ཡོད་དེ། རྒྱབ་ཏུ་རེ་རེར་གླག་གི་གདོང་ཡོད་དོ། །  
\v 11 ཡང་དེ་དག་གི་གདོང་ནི་འདི་ལྟ་སྟེ། དེ་དག་རེ་རེས་གོང་གི་གཤོག་པ་གཉིས་བརྐྱངས་ཏེ་ཕན་ཚུན་སྦྲེལ་བ་དང་། འོག་གི་གཤོག་པ་གཉིས་ཀྱིས་ལུས་པོ་བསྒྲིབས་པའོ། །  
\v 12 དེ་དག་རེ་རེ་ནི་མདུན་དུ་སྐྱོད་པ་དང་། ཐུགས་ཉིད་གང་དུ་ཕེབས་ན་དེ་དག་ཀྱང་དེ་རུ་སྐྱོད་ཅིང་། དེ་དག་སྐྱོད་དུས་ཁ་ཕྱིར་འཁོར་མི་དགོས་སོ། །  
\v 13 སེམས་ཅན་བཞི་པོའི་རྣམ་པ་ནི་མེ་འབར་བའི་སོལ་བ་དང་འདྲ་ཞིང་། ཡང་དཔལ་འབར་དང་མཚུངས་པ་ཡིན། མེ་ལྕེ་དེ་ནི་སེམས་ཅན་བཞི་པོའི་དཀྱིལ་དུ་གང་སར་རྒྱུ་བ་དང་། མེ་དེ་ཤིན་ཏུ་གསལ་ཞིང་དེ་ལས་གློག་འཁྱུག་ལ།  
\v 14 གློག་འཁྱུག་པ་བཞིན་སེམས་ཅན་བཞི་པོ་ཕར་ཚུར་རྒྱུ་བའོ། །   
\s1 འཁོར་ལོ་བཞི།  
\p
\v 15 ངས་སེམས་ཅན་དེ་དག་ལ་ལྟ་དུས། སེམས་ཅན་བཞི་པོའི་ལོགས་སུ་ས་ལ་ཐུག་པའི་འཁོར་ལོ་བཞི་ཡོད་པ་མཐོང་སྟེ།  
\v 16 འཁོར་ལོ་བཞི་པོའི་དབྱིབས་དང་གྲུབ་ཚུལ་ནི་རྣམ་པ་གཅིག་ཡིན་པ་དང་། དེ་དག་ནི་འོད་ཟེར་ལྡན་པའི་བཻཌཱུརྱ་ལྗང་སེར་དང་མཚུངས་ཤིང་། ཡང་འཁོར་ལོ་རྣམས་ཕན་ཚུན་བསྣོལ་ཡོད་པ་འདྲ།  
\v 17 འཁོར་ལོ་དེ་དག་སྐྱོད་དུས་སུ་ཕྱོགས་བཞི་རུ་སྐྱོད་ནུས་ཤིང་ཁ་ལོ་བསྒྱུར་མི་དགོས་ལ།  
\v 18 འཁོར་ལོའི་མུ་ཁྱུད་ཤིན་ཏུ་མཐོ་ཞིང་འཇིགས་སུ་རུང་བ་ཞིག་ཡིན་ཏེ། འཁོར་ལོའི་མུ་ཁྱུད་བཞི་པོའི་སྟེང་དུ་མིག་གིས་ཁེངས་ཡོད།  
\v 19 ཡང་སེམས་ཅན་དེ་དག་སྐྱོད་དུས་དེ་དག་གི་ལོགས་སུ་ཡོད་པའི་འཁོར་ལོ་རྣམས་ཀྱང་མཉམ་དུ་སྐྱོད་ཅིང་། སེམས་ཅན་དེ་དག་ས་ལས་འཕགས་དུས་འཁོར་ལོ་རྣམས་ཀྱང་མཉམ་དུ་འཕགས་པ་ཡིན།  
\v 20 ཐུགས་ཉིད་གང་དུ་ཕེབས་ན་སེམས་ཅན་རྣམས་དེ་རུ་འགྲོ་ཞིང་། འཁོར་ལོ་དག་ཀྱང་མཉམ་དུ་འཕགས་པ་ཡིན། གང་ལ་ཞེ་ན། སེམས་ཅན་རྣམས་ཀྱི་ཐུགས་ཉིད་ནི་འཁོར་ལོའི་ནང་དུ་ཡོད་པའོ། །  
\v 21 སེམས་ཅན་རྣམས་སྐྱོད་དུས་འཁོར་ལོ་དག་ཀྱང་མཉམ་དུ་སྐྱོད་པ་དང་། སེམས་ཅན་རྣམས་ལངས་ནས་སྡོད་དུས་འཁོར་ལོ་དག་ཀྱང་ལངས་འདུག་པ་ཡིན། སེམས་ཅན་རྣམས་ས་ལས་འཕགས་དུས་འཁོར་ལོ་རྣམས་ཀྱང་མཉམ་དུ་འཕགས་པ་ཡིན། གང་ལ་ཞེ་ན། སེམས་ཅན་རྣམས་ཀྱི་ཐུགས་ཉིད་ནི་འཁོར་ལོའི་ནང་དུ་ཡོད་པའོ། །  
\v 22 སེམས་ཅན་རྣམས་ཀྱི་གཙུག་ཏུ་ནམ་མཁའི་དབྱིབས་དང་འདྲ་བའི་གཟུགས་བརྙན་ཞིག་ཡོད་ཅིང་། འོད་ཟེར་འཕྲོ་བའི་ཆུ་ཤེལ་བཞིན་ཤིན་ཏུ་འཇིགས་སུ་རུང་བ་དང་། དེ་དག་ནི་སེམས་ཅན་རྣམས་ཀྱི་གཙུག་ཏུ་ཁྱབ་པ་ཡིན།  
\v 23 ནམ་མཁའི་འོག་ཏུ་སེམས་ཅན་རྣམས་ཀྱི་གཤོག་པ་ནི་དྲང་པོར་བརྐྱངས་ཏེ་ཕན་ཚུན་ཐུག་ནས། རེ་རེས་གཤོག་པ་གཉིས་ཀྱིས་ལུས་པོ་བསྒྲིབས་པ་ཡིན།  
\v 24 སེམས་ཅན་རྣམས་སྐྱོད་དུས་སུ་ངས་དེ་དག་གི་གཤོག་སྒྲ་ཐོས་པ་ནི་ཆུ་ལོག་གི་སྒྲ་དང་ཀུན་དབང་ཉིད་ཀྱི་གསུང་སྐད། དཔུང་ཚོགས་ཀྱིས་ཅ་ཅོ་སྒྲོག་པ་བཞིན་ཡིན་ནོ། །ཡང་དེ་དག་ལངས་ནས་སྡོད་དུས་གཤོག་པ་ཐུར་དུ་འཕྱང་ངོ་། །  
\v 25 དེ་ཚོའི་མགོ་ཐོག་གི་ནམ་མཁའ་ནས་གསུང་སྐད་ཅིག་བྱུང་ཞིང་། དེ་དག་ལངས་ནས་སྡོད་དུས་གཤོག་པ་ནི་ཐུར་དུ་འཕྱང་བ་ཡིན།   
\s1 དཀོན་མཆོག་ཡ་ཝཱེའི་གཟི་བརྗིད།  
\p
\v 26 དེ་ཚོའི་མགོ་ཐོག་གི་ནམ་མཁའི་ཡང་སྟེང་དུ། རིན་ཆེན་སྔོན་པོ་དང་འདྲ་བའི་བཞུགས་ཁྲིའི་དབྱིབས་ཡོད་དེ། བཞུགས་ཁྲིའི་དབྱིབས་དེའི་སྟེང་དུ་མི་ཡི་བཟོ་ལྟ་དང་འདྲ་བའི་གཟུགས་བརྙན་ཞིག་ཡོད་དོ། །  
\v 27 ངས་དེའི་རྐེད་པའི་ཡན་ཆད་ནི་འོད་འཕྲོ་བའི་ལྕགས་རིགས་དང་འདྲ་ཞིང་། མེ་ཡིས་དེའི་ཕྱོགས་བཞིར་བསྐོར་ཡོད་པ་མཐོང་བ་དང་། ཡང་ངས་དེའི་རྐེད་པའི་མན་ཆད་ནི་མེ་ཡི་དབྱིབས་ལྟ་བུ་ཡོད་པ་དང་། འོད་ཟེར་གྱིས་ཁོང་གི་མཐའ་ནས་བསྐོར་ཡོད་པ་མཐོང་བྱུང་།  
\v 28 ཆར་དུས་སུ་སྤྲིན་པའི་ཁྲོད་ཀྱི་འཇའ་ཚོན་ཇི་ལྟར་ཡིན་ན། ཁོང་གི་མཐའ་ནས་བསྐོར་བའི་འོད་ཟེར་ཡང་དེ་ལྟར་ཡིན་ཏེ། འདི་ནི་དཀོན་མཆོག་ཡ་ཝཱེའི་གཟི་བརྗིད་ལྡན་པའི་སྣང་བརྙན་ལགས་ཏེ། ངས་དེ་མཐོང་བ་ཙམ་གྱིས་ཁ་ས་ལ་གཏད་པ་དང་། དེ་ནས་གསུང་སྐད་ཅིག་ཐོས་བྱུང་ངོ་། །   
\c 2
\cl ལེའུ་གཉིས་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཨེ་ཟེ་ཀི་ཨེལ་ལུང་སྟོན་པ་བྱེད་དུ་མངགས་པ།  
\p
\v 1 ཁོང་གིས་ང་ལ་འདི་སྐད་དུ། ཀྱེ་མིའི་བུ་ཡར་ལོངས་ཤིག ངས་ཁྱོད་ལ་གསུང་གནང་བར་བྱའོ་ཞེས་གསུངས་སོ། །  
\v 2 ཁོང་གིས་ང་ལ་གསུང་གནང་དུས་སུ་ཐུགས་ཉིད་ངའི་ནང་དུ་ཞུགས་ཏེ་ང་ཡར་ལངས་སུ་བཅུག་པ་དང་། ངས་ཡང་བསྐྱར་ང་ལ་གསུང་གནང་བའི་སྒྲ་ཐོས་སོ། །  
\v 3 ཁོང་གིས་ང་ལ་འདི་སྐད་དུ། ཀྱེ་མིའི་བུ། ངས་ཁྱོད་རང་ནི་བདག་ལ་ངོ་ལོག་བྱས་པའི་མི་མང་སྟེ་ཡེས་ར་ཨེལ་པ་རྣམས་ཀྱི་གམ་དུ་མངགས་པར་བྱ་སྟེ། དེ་དག་དང་དེ་དག་གི་ཕ་མེས་རྣམས་ཀྱིས་དེ་རིང་གི་བར་དུ་ང་ལ་རྒྱབ་འགལ་བྱས་པ་དང་།  
\v 4 མི་འདི་དག་ནི་ཤིན་ཏུ་གཉའ་རེངས་གཤིས་གྱོང་ཡིན་ལ། ངས་ཁྱོད་ནི་དེ་དག་གི་གམ་དུ་མངགས་ཤིང་། ཁྱོད་ཀྱིས་དེ་རྣམས་ལ་འདི་ལྟར། གཙོ་བོ་ཡ་ཝཱེས་འདི་སྐད་དུ།  
\v 5 དེ་དག་ནི་ཁྱིམ་རྒྱུད་ངོ་ལོག་ཅན་ཡིན་པས། དེ་དག་གིས་མཉན་དང་མི་མཉན་གང་ཡིན་རུང་ཁོ་ཚོའི་ཁྲོད་དུ་ལུང་སྟོན་པ་ཞིག་ཡོད་པ་རྟོགས་ངེས་ཡིན།  
\v 6 ཀྱེ་མིའི་བུ། ཁྱོད་ལ་མཚོན་ན། ཚེར་མ་དང་གཟེ་མ་ར་མགོ་ཁྱོད་ཀྱི་མཐའ་རུ་ཡོད་པ་དང་། ཁྱོད་ནི་སྡིག་པ་ར་ཙ་ཡི་ཁྲོད་དུ་གནས་ཀྱང་། ཁྱོད་དེ་དག་ལ་མ་འཇིགས་ཤིག དེ་དག་གིས་སྨྲས་པའི་གཏམ་ལའང་ཁྱོད་མ་འཇིགས་ཤིག དེ་རྣམས་ནི་མ་གཞི་ནས་ཁྱིམ་རྒྱུད་ངོ་ལོག་ཅན་ཞིག་ཡིན་པས། དེ་ཚོས་སྨྲས་པའི་གཏམ་ལ་ཁྱོད་ནི་ནམ་ཡང་མ་འཇིགས་ཤིག དེ་དག་གི་མདུན་དུ་ཁྱོད་དངང་བར་ཡང་མི་བྱའོ། །  
\v 7 དེ་དག་ནི་ངོ་ལོག་ཅན་ཡིན་པས། དེ་དག་གིས་མཉན་དང་མི་མཉན་གང་ཡིན་རུང་། ཁྱོད་ཀྱིས་ངའི་བཀའ་དེ་དག་ལ་སྨྲ་བར་གྱིས་ཤིག  
\v 8 ཀྱེ་མིའི་བུ། ཁྱོད་ཀྱིས་ངས་གསུངས་པའི་བཀའ་ལ་མཉན་པ་ལས། ཁྱིམ་རྒྱུད་ངོ་ལོག་ཅན་དེ་བཞིན་དུ་ང་ལ་ངོ་ལོག་བྱེད་མི་རུང་། ཁྱོད་ཀྱིས་ཁ་གདངས་ནས་ངས་ཁྱོད་ལ་ཅི་སྦྱིན་པ་དེ་ཟོ་ཞིག་ཅེས་གསུངས་སོ། །  
\v 9 དེ་ནས་ངས་བལྟས་པ་ན། ངའི་ཕྱོགས་སུ་ལག་པ་ཞིག་བརྐྱངས་འོངས་པ་དང་། ལག་ཏུ་ཤོག་དྲིལ་ཞིག་ཡོད་པ་མཐོང་སྟེ།  
\v 10 ཁོང་གིས་ཤོག་དྲིལ་དེ་ངའི་མདུན་དུ་ཁ་ཕྱེས་པ་ལ། ཤོག་དྲིལ་དེའི་ཕྱི་ནང་གཉིས་སུ་ཡི་གེ་བཀོད་ཡོད་དེ། སྐྱོ་གླུ་དང་མྱ་ངན། གེགས་བར་ཆད་བཅས་བཀོད་ཡོད་དོ། །   
\c 3
\cl ལེའུ་གསུམ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཤོག་དྲིལ་ཟོས་པ།  
\p
\v 1 དེ་ཡང་ཁོང་གིས་ང་ལ་འདི་སྐད་དུ། ཀྱེ་མིའི་བུ་ཁྱོད་ལ་ཐོབ་པ་དེ་ཟོ་ཞིག་དང་། ཤོག་དྲིལ་དེ་ཟོས་རྗེས་ཡེས་ར་ཨེལ་གྱི་ཁྱིམ་རྒྱུད་ལ་གཏམ་སྨྲ་བར་སོང་ཞིག་ཅེས་གསུངས་སོ། །  
\v 2 དེ་ནས་ངས་རང་གི་ཁ་གདངས་པ་ན་ཁོང་གིས་ང་ལ་ཤོག་དྲིལ་དེ་ཟ་རུ་བཅུག་གོ །  
\v 3 ཡང་ཁོང་གིས་ང་ལ་འདི་སྐད་དུ། ཀྱེ་མིའི་བུ། ངས་ཁྱོད་ལ་གནང་བའི་ཤོག་དྲིལ་དེ་ཟོས་ནས་ཁྱོད་ཀྱི་ལྟོ་བ་འགེང་བར་གྱིས་ཤིག་ཅེས་གསུངས་པ་དང་། ངས་ཤོག་དྲིལ་དེ་ཟོས་པ་ན། དེ་ནི་ངའི་ཁ་ནང་དུ་སྦྲང་རྩི་བཞིན་མངར་མོ་ཡིན་ནོ། །  
\v 4 ཁོང་གིས་ང་ལ་འདི་སྐད་དུ། ཀྱེ་མིའི་བུ་ཁྱོད་སོང་ཞིག ཡེས་ར་ཨེལ་ཁྱིམ་རྒྱུད་ཀྱི་གམ་དུ་སོང་ནས་ངའི་བཀའ་དེ་རྣམས་ལ་སྒྲོགས་ཤིག  
\v 5 གང་ལ་ཞེ་ན། ཁྱོད་ནི་སྐད་རིགས་མི་གཅིག་པའམ་ཡང་ན་སྨྲ་བརྗོད་རྟོགས་དཀའ་བའི་མི་རྣམས་ཀྱི་གམ་དུ་མངགས་པ་མ་ཡིན་པར། ཡེས་ར་ཨེལ་གྱི་ཁྱིམ་རྒྱུད་ཀྱི་གམ་དུ་མངགས་པ་ཡིན།  
\v 6 ཁྱོད་ནི་སྐད་རིགས་མི་གཅིག་པའམ་ཡང་ན་སྨྲ་བརྗོད་རྟོགས་དཀའ་བའི་མི་མང་པོའི་གམ་དུ་མངགས་པ་མ་ཡིན་ཏེ། ཁོ་ཚོའི་སྐད་ཆ་ཁྱོད་ཀྱིས་མི་གོའོ། །ཡིན་ཡང་ངས་ཁྱོད་དེ་དག་གི་གམ་དུ་མངགས་པ་ཡིན་ན། དེ་དག་གིས་ཁྱོད་ལ་མཉན་ངེས་ཡིན།  
\v 7 ཡེས་ར་ཨེལ་གྱི་ཁྱིམ་རྒྱུད་ཐམས་ཅད་ནི་གཉའ་རེངས་གཤིས་གྱོང་ཡིན་ཞིང་དེ་དག་གིས་ང་ལ་མི་མཉན་པས། ཡེས་ར་ཨེལ་གྱི་ཁྱིམ་རྒྱུད་ཀྱིས་ཁྱོད་ལའང་མཉན་པར་མི་འགྱུར་རོ། །  
\v 8 ལྟོས་དང་། ངས་ཁྱོད་ཀྱི་གདོང་ནི་དེ་དག་གི་གདོང་བཞིན་སྲ་བ་དང་། ཁྱོད་ཀྱི་དཔྲལ་བ་ནི་དེ་དག་གི་དཔྲལ་བ་བཞིན་དུ་མཁྲེགས་པར་བྱའོ། །  
\v 9 ངས་ཁྱོད་ཀྱི་དཔྲལ་བ་ནི་ཤིན་ཏུ་སྲ་བའི་རྡོ་ཕ་ལམ་བཞིན་དང་མེ་རྡོ་ལས་ཀྱང་སྲ་བར་བྱ་སྟེ། དེ་དག་ནི་ཁྱིམ་རྒྱུད་ངོ་ལོག་ཅན་ཡིན་ནའང་ཁྱོད་དེ་རྣམས་ལ་མ་འཇིགས་ཤིག དེ་དག་གི་མདུན་དུ་དངང་བར་ཡང་མ་བྱེད་ཅིག་ཅེས་གསུངས་སོ། །  
\v 10 ཡང་ཁོང་གིས་ང་ལ་འདི་སྐད་དུ། ཀྱེ་མིའི་བུ། ངས་ཁྱོད་ལ་གསུངས་པ་ཐམས་ཅད་ཁྱོད་ཀྱི་རྣ་བས་ཉོན་དང་། སེམས་ལ་ཟུངས་ཤིག  
\v 11 ཁྱོད་སོང་དང་། བཙོན་དུ་ཁྲིད་པའི་མི་རྣམས་ཀྱི་གམ་དུ་སོང་ནས། དེ་ཚོས་མཉན་དང་མི་མཉན་གང་ཡིན་རུང་དེ་དག་ལ་བཀའ་སྒྲོགས་ཤིག ཁྱོད་ཀྱིས་དེ་དག་ལ། གཙོ་བོ་ཡ་ཝཱེས་འདི་ལྟར་གསུངས་ཞེས་སྨྲོས་ཤིག  
\v 12 དེའི་དུས་སུ་ཐུགས་ཉིད་ཀྱིས་ང་ཡར་དྲངས་ཏེ། དཀོན་མཆོག་ཡ་ཝཱེའི་བཞུགས་གནས་ལས་མངོན་པའི་གཟི་བརྗིད་ལ་བསྟོད་འོས་སོ་ཞེས་ངའི་རྒྱབ་ལོགས་སུ་འུར་སྒྲ་ཆེན་པོ་ཞིག་གྲགས་འོངས་པ་ངས་ཐོས་སོ། །  
\v 13 ཡང་སེམས་ཅན་རྣམས་ཀྱི་གཤོག་པ་ཕན་ཚུན་རྡེབ་པའི་སྒྲ་དང་། དེ་ཚོའི་གམ་དུ་ཡོད་པའི་འཁོར་ལོ་རྣམས་ཀྱི་སྒྲ། དེ་མིན་འུར་སྒྲ་ཆེན་པོ་བཅས་ངས་ཐོས་བྱུང་།  
\v 14 དེ་ནས་ཐུགས་ཉིད་ཀྱིས་ང་རང་ཡར་དྲངས་ནས་ཁྱེར་བ་དང་། དེའི་དུས་སུ་ངའི་སེམས་ནི་རབ་ཏུ་ཁྲོས་ཤིང་སྐྱོ་ན་ཡང་། དཀོན་མཆོག་ཡ་ཝཱེའི་ཕྱག་ནི་སྟོབས་ཤུགས་ལྡན་པའི་སྒོ་ནས་ངའི་སྟེང་དུ་བཞག  
\v 15 དེ་ནས་ང་ཐེལ་ཨ་བིབ་ཀྱི་བཙོན་པ་དག་གི་གམ་དུ་སླེབས་པ་དང་། ཁོ་རྣམས་ཀེ་བར་ཡུར་བའི་འགྲམ་དུ་གནས་ཤིང་། ང་རང་དེ་རྣམས་གནས་པའི་ས་རུ་ཧང་སངས་ནས་ཉིན་བདུན་ལ་བསྡད་པ་ཡིན།   
\s1 ཡེས་ར་ཨེལ་ཁྱིམ་རྒྱུད་ཀྱི་བྱ་ར་བྱེད་པ།  
\p
\v 16 ཡང་ཉིན་བདུན་འགོར་རྗེས། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 17 ཀྱེ་མིའི་བུ། ངས་ཁྱོད་ནི་ཡེས་ར་ཨེལ་ཁྱིམ་རྒྱུད་ཀྱི་བྱ་རར་བསྐོས་པས། ཁྱོད་ཀྱིས་ངའི་གསུང་ལ་མཉན་ཏེ། ངའི་ཚབ་ཏུ་དེ་དག་ལ་ཐ་ཚིག་སྒྲོགས་ཤིག  
\v 18 གལ་ཏེ་ངས་མི་ངན་ཞིག་ལ་ཁྱོད་ནི་འཆི་ངེས་ཡིན་ཞེས་སྨྲས་ནའང་། ཁྱོད་ཀྱིས་དེ་ལ་ཐ་ཚིག་མི་བསྒྲག་པ་དང་། ཡང་སྲོག་སྐྱོབ་ཕྱིར་དེ་ནི་སྤྱོད་ངན་དང་འབྲལ་བར་མ་བསྐུལ་ན། མི་ངན་དེ་ནི་རང་གི་སྡིག་པའི་རྐྱེན་གྱིས་འཆི་བར་འགྱུར་ན་ཡང་། དེ་འཆི་བའི་འགན་ནི་ངས་ཁྱོད་ལ་འགེལ་ངེས་ཡིན།  
\v 19 གལ་ཏེ་ཁྱོད་ཀྱིས་མི་ངན་དེ་ལ་ཐ་ཚིག་བསྒྲགས་ཤིང་། མི་དེ་ད་དུང་རང་གི་སྡིག་པ་དང་སྤྱོད་ངན་ལ་མ་བྲལ་ན། དེ་ནི་རང་གི་སྡིག་པའི་རྐྱེན་གྱིས་འཆི་ངེས་ཡིན་མོད། འོན་ཀྱང་ཁྱོད་ཀྱིས་རང་གི་སྲོག་བསྐྱབས་པ་ཡིན།  
\v 20 གལ་ཏེ་མི་དྲང་བདེན་ཅན་ཞིག་བདེན་པ་ལས་བཟློགས་ཏེ་ངན་པ་སྤྱད་ན། ངས་དེའི་མདུན་དུ་བཀག་རྡོ་འཇོག་ཅིང་དེ་ནི་འཆི་བར་འགྱུར་ཏེ། གང་ལ་ཞེ་ན། ཁྱོད་ཀྱིས་དེ་ལ་ཐ་ཚིག་མ་བསྒྲགས་པས། མི་དེ་རང་གི་སྡིག་པའི་རྐྱེན་གྱིས་འཆི་བར་འགྱུར་བ་དང་། ཁོས་རྒྱུན་དུ་སྤྱད་པའི་དྲང་བདེན་གྱི་ལས་རྣམས་ཀྱང་དྲན་པར་མི་འགྱུར་མོད། འོན་ཀྱང་དེ་འཆི་བའི་འགན་ནི་ངས་ཁྱོད་ལ་འགེལ་ངེས་ཡིན།  
\v 21 ཇི་སྟེ་ཁྱོད་ཀྱིས་དྲང་བདེན་ཅན་ལ་སྡིག་པ་མི་བྱེད་པའི་ཆེད་དུ་ཐ་ཚིག་བསྒྲགས་ནས་དེས་ཀྱང་སྡིག་པ་མ་བྱས་ན། མི་དེས་ཐ་ཚིག་དང་ལེན་བྱས་པས་གསོན་པར་འགྱུར་ལ། ཁྱོད་ཀྱིས་ཀྱང་རང་གི་སྲོག་བསྐྱབས་པ་ཡིན་ཞེས་གསུངས་སོ། །   
\p
\v 22 དཀོན་མཆོག་ཡ་ཝཱེའི་ཕྱག་ནི་གནས་དེར་ངའི་སྟེང་དུ་བཞག་ཅིང་། ཁོང་གིས་ང་ལ་འདི་སྐད་དུ། ཁྱོད་ཡར་ལོངས་ལ་ཐང་དུ་སོང་ཞིག དེར་ངས་ཁྱོད་ལ་གསུང་གནང་བར་བྱའོ་ཞེས་བསྒོས་པས།  
\v 23 ང་ཡར་ལངས་ཏེ་ཐང་དུ་སོང་བ་ན། བདག་གིས་ཀེ་བར་ཡུར་བའི་འགྲམ་དུ་མཐོང་བའི་གཟི་བརྗིད་དང་འདྲ་བའི་དཀོན་མཆོག་ཡ་ཝཱེའི་གཟི་དཔལ་ནི་དེ་རུ་ཡོད་པ་མཐོང་བས། ང་རང་ཁ་སར་གཏད་ནས་བསྡད།  
\v 24 དེ་ནས་ཐུགས་ཉིད་ངའི་ནང་དུ་ཞུགས་ནས་ང་རང་ཡར་ལངས་སུ་བཅུག་པ་དང་། དཀོན་མཆོག་ཡ་ཝཱེས་ང་ལ་འདི་སྐད་དུ། ཁྱོད་ནང་ལ་སོང་སྟེ་རང་ཁྱིམ་དུ་སྒོ་བརྒྱབ་ནས་སྡོད་ཅིག  
\v 25 ཀྱེ་མིའི་བུ། ལྟོས་དང་། མི་ཡིས་ཁྱོད་ཐག་པས་བཀྱིགས་ནས་ཁྱོད་རང་ཁོ་ཚོའི་ཁྲོད་དུ་འགྲོ་མི་ཐུབ་པར་བྱེད་ཅིང་།  
\v 26 དེ་རྣམས་ནི་ཁྱིམ་རྒྱུད་ངོ་ལོག་ཅན་ཡིན་པས། ཁྱོད་དེ་རྣམས་ལ་བཀའ་བཀྱོན་གནང་མཁན་དུ་མི་འགྱུར་བའི་ཕྱིར། ངས་ཁྱོད་ཀྱི་སྨྲ་ལྕེ་རྐན་ལ་འབྱར་བར་བྱས་ཏེ་ཁྱོད་ནི་ལྐུགས་པར་བྱེད་དོ། །  
\v 27 ཡིན་ཡང་ངས་ཁྱོད་ལ་གསུང་གནང་བའི་དུས་སུ། ངས་ཁྱོད་ཀྱིས་ཁ་གྲགས་ཐུབ་པར་བྱ་སྟེ། ཁྱོད་ཀྱིས་དེ་ཚོ་ལ་གཙོ་བོ་ཡ་ཝཱེས་འདི་སྐད་གསུངས་ཞེས་སྨྲོས་ཤིག མཉན་འདོད་པ་རྣམས་ལ་མཉན་དུ་ཆུག མཉན་མི་འདོད་པ་རྣམས་བསྐྱུར་ཞོག གང་ལ་ཞེ་ན། དེ་དག་ནི་ཁྱིམ་རྒྱུད་ངོ་ལོག་ཅན་ཡིན་པས་སོ། །   
\c 4
\cl ལེའུ་བཞི་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཡེ་རུ་སཱ་ལེམ་གྱི་མཐའ་རུ་བསྐོར་བའི་རྟགས།  
\p
\v 1 ཀྱེ་མིའི་བུ། ཁྱོད་ཀྱིས་སོ་ཕག་ཅིག་བླངས་ཏེ་རང་གི་མདུན་དུ་ཞོག་དང་། དེའི་སྟེང་དུ་ཡེ་རུ་སཱ་ལེམ་མཚོན་བྱེད་ཀྱི་གྲོང་ཁྱེར་ཞིག་རྐོས་ཤིག  
\v 2 དེ་ནས་མཁར་གྱི་མཐའ་བསྐོར་བའི་སྒྲིག་བཀོད་རྣམས་ཞོག་དང་། གྲོང་ཁྱེར་བསྐོར་བའི་མཁར་མཐོན་པོ་དང་། གྲོང་ཁྱེར་ལ་རྒོལ་བའི་ས་རགས་བརྩིགས་ཏེ་དམག་སྒར་བསྒྲིགས་ནས། ཕྱོགས་བཞི་རུ་མཁར་གཏོར་བའི་གདུང་མ་ཚུགས་ཤིག  
\v 3 ཡང་ཁྱོད་ཀྱིས་ལྕགས་ཀྱི་སླ་ང་ཞིག་བླངས་ནས་ཁྱོད་དང་གྲོང་ཁྱེར་གཉིས་ཀྱི་བར་དུ་ཞོག་ལ་ལྕགས་ཀྱི་མཁར་དུ་བྱོས་ཤིག གྲོང་ཁྱེར་བསྐོར་བ་མཚོན་བྱེད་དུ་ཁྱོད་རང་གྲོང་ཁྱེར་གྱི་ཕྱོགས་སུ་འཁོར་དང་། ཁྱོད་ནི་གྲོང་ཁྱེར་དེ་ལ་རྒོལ་ནས་སྐོར་མཁན་ཡིན་པ་དང་། དེ་ནི་ཡེས་ར་ཨེལ་ཁྱིམ་རྒྱུད་ཀྱི་སྔ་ལྟས་སུ་འགྱུར་རོ། །  
\v 4 དེ་ནས་ཁྱོད་རང་གཡོན་ཕྱོགས་སུ་འཁོར་ནས་ཉལ་ཏེ། ཡེས་ར་ཨེལ་ཁྱིམ་རྒྱུད་ཀྱི་སྡིག་པ་ཁུར་ཞིག་དང་། ཁྱོད་རང་གཡོན་ཕྱོགས་སུ་འཁོར་ནས་ཉིན་ག་ཚོད་ལ་ཉལ་ན། ཁོ་ཚོའི་སྡིག་པ་ཡང་ཁྱོད་ཀྱིས་དེ་ཙམ་དུ་ཁུར་བ་ཡིན་ནོ། །  
\v 5 ངས་ཁྱོད་ལ་ཉིན་སུམ་བརྒྱ་དང་དགུ་བཅུ་གཏན་འཁེལ་བྱས་ཤིང་། དེ་ནི་ཁོ་ཚོས་ཉེས་པ་བསགས་པའི་ལོ་གྲངས་དང་མཉམ་ཞིང་། ཉིན་འདི་དག་གི་ནང་དུ་ཁྱོད་ཀྱིས་ཡེས་ར་ཨེལ་གྱི་སྡིག་པ་འཁུར་དགོས།  
\v 6 དུས་དེ་ལོངས་པའི་རྗེས་སུ་ཡང་ཁྱོད་རང་གཡས་ཕྱོགས་སུ་འཁོར་ཏེ་ཉལ་ནས་ཡ་ཧུ་དཱ་ཁྱིམ་རྒྱུད་ཀྱི་སྡིག་པ་འཁུར་དགོས་ལ། ངས་ཁྱོད་ལ་ཉིན་བཞི་བཅུ་གཏན་འཁེལ་བྱས་པ་སྟེ། ཉིན་གཅིག་ནི་ལོ་གཅིག་ཏུ་བརྩིས་པའོ། །  
\v 7 ཁྱོད་ནི་མཐའ་ནས་བསྐོར་བའི་ཡེ་རུ་སཱ་ལེམ་གྱི་ཕྱོགས་སུ་འཁོར་ཏེ། དཔུང་རྗེན་དུ་བུད་ནས་གྲོང་ཁྱེར་དེ་ལ་རྒོལ་བའི་ལུང་སྟོན་ཅིག  
\v 8 ལྟོས་དང་། ཁྱོད་ཀྱིས་གྲོང་ཁྱེར་བསྐོར་བའི་ཉིན་མོ་རྣམས་ལོངས་པའི་བར་དུ། ངས་ཐག་པས་ཁྱོད་བསྡམས་ནས་ཁྱོད་རང་ཁ་ཕྱིར་འཁོར་མི་ནུས་པར་བྱའོ། །   
\s1 གྲོང་ཁྱེར་བསྐོར་ནས་ཟས་ཆད་པའི་མཚོན་བྱེད།  
\p
\v 9 ཁྱོད་ཀྱིས་གྲོ་དང་ནས། སྲན་མ། སྲན་དམར། ཁྲེ་ཆུང་། སོ་བ་བཅས་བླངས་ནས་སྣོད་ཅིག་གི་ནང་དུ་བཞག་སྟེ། རང་ཉིད་ལ་བག་ལེབ་སྲེགས་ཤིག་དང་། ཁྱོད་ཟུར་དུ་ལོག་ནས་ཉལ་བའི་ཉིན་སུམ་བརྒྱ་དགུ་བཅུའི་ནང་དུ། ཁྱོད་ཀྱིས་བག་ལེབ་དེ་རྣམས་བཟའ་དགོས།  
\v 10 ཡང་ཁྱོད་ཀྱིས་བཟའ་བའི་ཟས་ལ་ཚོད་འཛིན་དགོས་ཏེ། ཉིན་རེར་སྲང་ཉི་ཤུ་ཡིན་པ་དང་དུས་ཚོད་ལྟར་བཟའ་དགོས།  
\v 11 ཁྱོད་ཀྱིས་འཐུང་བའི་ཆུ་ལ་ཡང་ཚོད་འཛིན་དགོས་ཏེ། ཉིན་རེར་རྫ་བུམ་གང་གི་དྲུག་ཆའི་གཅིག་ཡིན་ལ་དུས་ཚོད་ལྟར་ཐུངས་ཤིག  
\v 12 ཁྱོད་ཀྱིས་ནས་ཕྱེའི་བག་ལེབ་བསྲེགས་མ་བཞིན་དུ་བག་ལེབ་དེ་རྣམས་བཟའ་དགོས་མོད། འོན་ཀྱང་མི་རྣམས་ཀྱི་མདུན་དུ་མི་བྲུན་གྱིས་བསྲེགས་ནས་བཟའ་དགོས་ཞེས་གསུངས་སོ། །  
\v 13 དཀོན་མཆོག་ཡ་ཝཱེས་འདི་སྐད་དུ། ཡེས་ར་ཨེལ་པ་རྣམས་ཀྱིས་ངས་དེ་དག་སྐྲོད་པར་འགྱུར་བའི་ཡུལ་ཁམས་སུའང་དེ་བཞིན་དུ་མི་གཙང་བའི་ཟས་བཟའ་བར་འགྱུར་རོ་ཞེས་གསུངས་པ་དང་།  
\v 14 ངས་འདི་ལྟར། ཀྱེ་གཙོ་བོ་ཡ་ཝཱེ་ལགས། གཟིགས་དང་། ངས་ནམ་ཡིན་ཡང་རང་ཉིད་བཙོག་པར་མ་བཟོས་ཏེ། ཆུང་དུས་ནས་ད་བར་དུ་ཤི་ཤ་དང་ཡང་ན་གཅན་གཟན་གྱིས་ཕྲལ་བའི་སྲོག་ཆགས་དང་། མི་གཙང་བའི་ཤ་སོགས་ནི་ནམ་ཡང་ངའི་ཁ་ནང་དུ་སོང་མ་མྱོང་ཞེས་ཞུས་པ་ན།  
\v 15 ཁོང་གིས་ང་ལ་འདི་སྐད་དུ། ལྟོས་དང་། ངས་ཁྱོད་ལ་མི་བྲུན་གྱི་ཚབ་ཏུ་བ་གླང་གི་ལྕི་བ་སྦྱིན་པས། ཁྱོད་ཀྱིས་ཨོང་བའི་སྟེང་རང་གི་བག་ལེབ་སྲེགས་ཤིག་ཅེས་གསུངས།  
\v 16 ཡང་ཁོང་གིས་ང་ལ་འདི་སྐད་དུ། ཀྱེ་མིའི་བུ། ལྟོས་དང་། ངས་ཡེ་རུ་སཱ་ལེམ་གྱི་ཁ་ཟས་གཅོད་པར་འགྱུར་ལ། དེ་ནས་ཁོ་ཚོས་སེམས་ཁྲལ་བྱེད་ཅིང་བགོས་པའི་ཁ་ཟས་སྤྱོད་པ་དང་། དངངས་སྐྲག་གིས་བགོས་པའི་ཆུ་བཏུང་བ་ཡིན།  
\v 17 དེ་དག་ལ་བཟའ་བཏུང་དཀོན་པས་མི་རེ་རེ་དངངས་སྐྲག་སྐྱེས་ནས། རང་གི་སྡིག་པའི་རྐྱེན་གྱིས་ལུས་སྟོབས་ཉམས་ཏེ་འཆི་བར་འགྱུར་རོ། །   
\c 5
\cl ལེའུ་ལྔ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཡེས་ར་ཨེལ་གྱི་རྒྱལ་ཁབ་ཉམས་པའི་རྟགས།  
\p
\v 1 ཀྱེ་མིའི་བུ། སྐྲ་བཞར་མཁན་གྱི་སྤུ་གྲིའི་ཚབ་ཏུ་ཁྱོད་ཀྱིས་གྲི་རྣོན་པོ་ཞིག་བཟུང་སྟེ་རང་གི་སྐྲ་དང་སྨ་ར་བཞར་བ་དང་། སྐྲ་དང་སྨ་ར་རྒྱ་སྲང་སྟེང་དུ་བཞག་ནས་ཚོད་ལ། དེ་ནས་ཆ་ཤས་སུ་བགོས་ཤིག  
\v 2 གྲོང་ཁྱེར་བསྐོར་བའི་དུས་ལོངས་པའི་རྗེས་སུ་ཁྱོད་ཀྱིས་སྐྲ་དང་སྨ་ར་དེ་ལས་སུམ་ཆའི་གཅིག་བླངས་ཏེ་གྲོང་ཁྱེར་གྱི་དབུས་སུ་མེར་སྲེགས་ཤིག ཡང་སུམ་ཆའི་གཅིག་བླངས་ཏེ་གྲོང་ཁྱེར་གྱི་མཐའ་འཁོར་ནས་རལ་གྲིས་གཙོབས་ཤིག ཡང་སུམ་ཆའི་གཅིག་རླུང་ལ་བསྐུར་ཞིག ངས་ད་དུང་རལ་གྲི་ཕྱུང་ནས་དེ་དག་གི་རྗེས་འདེད་པར་བྱའོ། །  
\v 3 ཁྱོད་ཀྱིས་སྐྲ་དང་སྨ་ར་དེ་ལས་ཉག་མ་འགའ་རེ་བླངས་ནས་ཁྱོད་ཀྱི་གྱོན་པའི་ཐུ་བའི་ནང་དུ་ཆུག  
\v 4 ཡང་སྐྲ་དང་སྨ་ར་དེ་ལས་ཉག་མ་འགའ་རེ་བླངས་ཏེ་མེའི་ནང་དུ་གཡུགས་ནས་སྲེགས་ཤིག མེ་ལྕེ་ནི་དེ་ནས་ཡེས་ར་ཨེལ་གྱི་ཁྱིམ་རྒྱུད་ཀུན་ཏུ་ཁྱབ་པར་འགྱུར་ཞེས་གསུངས་སོ། །  
\v 5 ཡང་གཙོ་བོ་ཡ་ཝཱེས་འདི་སྐད་དུ། འདི་ནི་ངས་དེ་སྔོན་མི་རྣམས་ཀྱི་ནང་དུ་བཞག་ཅིང་། རྒྱལ་ཁབ་ཀུན་གྱིས་མཐའ་རུ་བསྐོར་བའི་ཡེ་རུ་སཱ་ལེམ་ཡིན་མོད་ཀྱང་།  
\v 6 དེས་ངའི་སྲོལ་ཡིག་དང་འགལ་ནས་སྤྱོད་ངན་སྤྱད་པ་ནི་མི་རིགས་ཀུན་ལས་ལྷག་ཅིང་། ངའི་སྒྲིག་ཁྲིམས་དང་འགལ་བ་ནི་དེའི་མཐའ་སྐོར་གྱི་རྒྱལ་ཁབ་ཀུན་ལས་ཀྱང་ལྷག་པའོ། །དེས་ངའི་སྲོལ་ཡིག་དོར་བ་དང་ངའི་སྒྲིག་ཁྲིམས་མ་བསྲུངས་ཞེས་གསུངས་སོ། །  
\v 7 ཡང་གཙོ་བོ་ཡ་ཝཱེས་འདི་སྐད་དུ། ཁྱོད་རྣམས་ཀྱིས་རང་གི་ཉེ་འཁོར་གྱི་མི་ཀུན་ལས་ཀྱང་གྱེན་ལོག་བྱས་ཏེ། ངའི་སྒྲིག་ཁྲིམས་མ་བརྩིས་པ་དང་ངའི་སྲོལ་ཡིག་མ་བསྲུངས་པར་མ་ཟད། རང་གི་ཉེ་འཁོར་གྱི་མི་རིགས་ཀུན་གྱི་ཁྲིམས་སྲོལ་ཡང་ཁྱོད་ཅག་གིས་མ་བསྲུངས་ཞེས་གསུངས།  
\v 8 དེ་བས་གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཁྱོད་རང་དགྲ་རུ་བཟུང་ནས་མི་རིགས་ཀུན་གྱི་མིག་མདུན་དུ་ཁྱོད་ཅག་གི་དབུས་སུ་ཉེས་ཆད་གཅོད་པར་བྱ།  
\v 9 ཁྱོད་ཀྱི་ཞེན་ལོག་གི་སྤྱོད་པ་རྣམས་ཀྱི་ཕྱིར་དུ། ངས་སྔར་ནམ་ཡང་བཅད་མ་མྱོང་བ་དང་ཕྱིས་སུའང་གཅོད་པར་མི་བྱ་བའི་ཉེས་ཆད་དེ་ཁྱོད་ཀྱི་ནང་དུ་གཅོད་པར་འགྱུར་རོ། །  
\v 10 དེའི་ཕྱིར་ཁྱོད་ཀྱི་ནང་དུ་ཕ་རྣམས་ཀྱིས་བུ་རྣམས་བཟའ་བར་འགྱུར་ལ། བུ་རྣམས་ཀྱིས་ཕ་རྣམས་བཟའ་བར་འགྱུར། ཡང་ངས་ཁྱོད་རྣམས་ལ་ཉེས་ཆད་བཅད་དེ་ཁྱོད་ལས་ལྷག་པའི་མི་རྣམས་ཕྱོགས་བཞིར་གཏོར་བར་བྱའོ་ཞེས་གསུངས་སོ། །   
\s1 རིམས་ནད་དང་མུ་གེ རལ་གྲི་བཅས་ཀྱི་གནོད་འཚེ།  
\p
\v 11 ཡང་གཙོ་བོ་ཡ་ཝཱེས་འདི་སྐད་དུ། བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཏེ། ཁྱོད་ཀྱིས་རང་གི་སྐྱུག་བྲོ་བའི་སྐུ་འདྲ་དང་ཞེན་ལོག་གི་དོན་ཐམས་ཅད་ཀྱིས་ངའི་གནས་མཆོག་བཙོག་པར་བཟོས་པས། ངས་ཀྱང་ཁྱོད་དྲིན་གྱིས་མི་སྐྱོང་ལ། ངའི་མིག་གིས་ཀྱང་ཁྱོད་ལ་ལྟ་སྐྱོང་མི་བྱེད་ཅིང་། ངས་ཁྱོད་ལ་སྙིང་རྗེ་ཡང་བསྒོམ་པར་མི་བྱའོ། །  
\v 12 ཁྱོད་ཀྱི་མི་རྣམས་ཀྱི་སུམ་ཆའི་གཅིག་ནི་རིམས་ནད་ཀྱིས་འཆི་བར་འགྱུར་ཞིང་། མུ་གེས་མེད་པར་འགྱུར་ལ། སུམ་ཆའི་གཅིག་ནི་ཁྱོད་ཀྱི་མཐའ་འཁོར་དུ་རལ་གྲིས་བསྣུན་ནས་འགྱེལ་བར་འགྱུར་ཞིང་། སུམ་ཆའི་གཅིག་ནི་ངས་དེ་དག་ཕྱོགས་བཞི་རུ་གཏོར་བར་མ་ཟད། ངས་ད་དུང་རལ་གྲི་ཕྱུང་ནས་དེ་དག་གི་རྗེས་འདེད་པར་བྱའོ། །  
\v 13 དེ་ལྟར་བྱས་ན་ངའི་ཁོང་ཁྲོ་ད་གཟོད་ཞི་བར་འགྱུར་ལ། ང་དེ་དག་གི་སྟེང་དུ་ལངས་པའི་ཁྲོ་གཏུམ་ཆེན་པོ་དེ་ཡང་ཞི་བར་འགྱུར་བས། ང་རང་ཉིད་ཀྱང་བདེ་ལ་འབབ་པའོ། །ང་དེ་དག་གི་སྟེང་དུ་ལངས་པའི་ཁྲོ་གཏུམ་ཆེན་པོ་དེ་རྫོགས་པའི་ཚེ། ཡ་ཝཱེ་བདག་གིས་འཁུར་ཞེན་དང་བཅས་དེ་བཞིན་སྨྲས་པ་དེ་དག་གིས་རྟོགས་པར་འགྱུར།  
\v 14 ངས་ཁྱོད་ནི་ས་སྟོང་དུ་བསྒྱུར་ཏེ། ཁྱོད་ནི་རང་གི་མཐའ་འཁོར་གྱི་མི་རིགས་ཀུན་དང་དེ་བརྒྱུད་ནས་འགྲོ་བའི་མི་ཐམས་ཅད་ཀྱི་མདུན་དུ་ངོ་ཚ་རུ་འགྱུར་བར་བྱ།  
\v 15 དེ་ལྟར་ངས་ཁོང་ཁྲོ་དང་ཁྲོ་གཏུམ་ཆེན་པོ། ཞེ་སྡང་དྲག་པོ་བཅས་ཀྱི་བཀའ་བཀྱོན་གྱིས་ཁྱོད་ལ་ཉེས་ཆད་གཅོད་པའི་དུས་སུ། ཁྱོད་ནི་རང་གི་ཉེ་འཁོར་གྱི་མི་རིགས་ཀུན་གྱི་ནང་དུ་ངོ་ཚ་དང་ཟུར་ཟ། མི་རྣམས་འཇིགས་སྣང་སྐྱེ་ཡུལ་དུ་འགྱུར་བ་དང་། ཡང་དེ་དག་གིས་དོགས་ཟོན་བྱེད་ཡུལ་དུ་འགྱུར་རོ་ཞེས་ཡ་ཝཱེ་བདག་གིས་སྨྲས་པའོ། །  
\v 16 ཁྱོད་རྣམས་ཚར་གཅོད་པའི་ཕྱིར་དུ། ངས་མུ་གེ་དང་གཏོར་བརླག་གི་དུག་མདའ་འཕངས་ཏེ། ངས་ཁྱོད་ཅག་གི་མུ་གེ་ཆེ་རུ་བཏང་ནས། ཁྱོད་ཅག་གི་ཁ་ཟས་ཀྱི་མཁོ་འདོན་གཅོད་པར་བྱའོ། །  
\v 17 ཡང་ངས་ཁྱོད་ཀྱི་གམ་དུ་མུ་གེ་དང་གཅན་གཟན་གཏུམ་དྲག་ཅན་མངགས་ནས། དེ་དག་གིས་ཁྱོད་ཀྱི་མི་རབས་ཀྱི་རྒྱུད་གཅོད་ཅིང་། ཁྱོད་ཀྱི་ནང་དུ་གང་སར་རིམས་ནད་དང་ཁྲག་བཞུར་བའི་དོན་རྣམས་འབྱུང་ཞིང་། ངས་ཁྱོད་ཀྱི་སྟེང་དུ་རལ་གྲི་འབེབ་པར་བྱའོ་ཞེས་ཡ་ཝཱེ་བདག་གིས་སྨྲས་པ་ཡིན་ཞེས་གསུངས་སོ། །   
\c 6
\cl ལེའུ་དྲུག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 སྐུ་འདྲར་དད་པའི་ཆད་པ།  
\p
\v 1 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཡེས་ར་ཨེལ་གྱི་རི་རྣམས་ཀྱི་ཕྱོགས་སུ་འཁོར་ནས་ལུང་སྟོན་ཅིག  
\v 3 དེ་དག་ལ་འདི་ལྟར། ཀྱེ་ཡེས་ར་ཨེལ་གྱི་རི་བོ་རྣམས། གཙོ་བོ་ཡ་ཝཱེའི་བཀའ་ལ་ཉོན་ཅིག གཙོ་བོ་ཡ་ཝཱེས་རི་རབ་དང་རི་སྒང་། གྲོག་ཤུར་དང་ལུང་པ་རྣམས་ལ་འདི་སྐད་དུ། ལྟོས་དང་། ངས་ཁྱོད་ཀྱི་སྟེང་དུ་རལ་གྲི་ཕབ་ནས་ཁྱོད་ཀྱི་མཐོ་གླིང་རྣམས་མེད་པར་བྱ་སྟེ།  
\v 4 ཁྱོད་ཅག་གི་མཆོད་ཁྲི་རྣམས་སྟོང་བར་འགྱུར་ལ། ཁྱོད་རྣམས་ཀྱི་སྤོས་ཁྲི་རྣམས་སིལ་བུར་གཏོར་བ་དང་། ངས་ཁྱོད་རྣམས་ལས་སྲོག་དང་ཕྲལ་བའི་མི་རྣམས་ཁྱོད་རྣམས་ཀྱི་སྐུ་འདྲའི་མདུན་དུ་འགྱེལ་བར་བྱའོ། །  
\v 5 ཡང་ངས་ཡེས་ར་ཨེལ་པའི་བེམ་པོ་རྣམས་དེ་དག་གི་སྐུ་འདྲའི་མདུན་དུ་བཞག་ནས། ཁྱོད་ཅག་གི་རུས་པ་རྣམས་ཁྱོད་རྣམས་ཀྱི་མཆོད་ཁྲིའི་མཐའ་འཁོར་དུ་གཏོར་བར་བྱའོ། །  
\v 6 ཁྱོད་ཅག་སྡོད་པའི་གནས་ཐམས་ཅད་ཀྱི་གྲོང་ཁྱེར་རྣམས་མི་མེད་ལུང་སྟོང་དུ་འགྱུར་ཞིང་། མཐོ་གླིང་རྣམས་བེད་མེད་དུ་བསྐྱུར་ནས། ཁྱོད་རྣམས་ཀྱི་མཆོད་ཁྲི་རྣམས་ཀྱང་དོར་ནས་མི་གཙང་བར་འགྱུར་ལ། ཁྱོད་རྣམས་ཀྱི་སྐུ་འདྲ་རྣམས་བཅག་ནས་མེད་པར་བྱེད་ཅིང་། ཁྱོད་རྣམས་ཀྱི་སྤོས་ཁྲི་རྣམས་བཅད་ནས་ཁྱོད་ཅག་གིས་བཟོས་པ་རྣམས་མེད་པར་བྱའོ། །  
\v 7 སྲོག་དང་ཕྲལ་བའི་མི་རྣམས་ཁྱོད་ཅག་གི་ཁྲོད་དུ་འགྱེལ་བར་འགྱུར་ལ། དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 8 ཡིན་ཡང་མི་ལྷག་ལུས་རྣམས་ངས་འཇོག་པར་བྱ་སྟེ། ཁྱོད་ཅག་ཡུལ་སོ་སོར་ཁ་འཐོར་དུ་འགྲོ་དུས། ཁྱོད་ཅག་གི་ཁྲོད་ནས་མི་ཁ་ཤས་མི་རིགས་ཀུན་གྱི་རལ་གྲི་ལས་ཐར་བར་འགྱུར་རོ། །  
\v 9 དུས་དེར། ཐར་བའི་མི་རྣམས་ཀྱིས་བཙོན་དུ་ཁྲིད་པའི་མི་རིགས་རྣམས་ཀྱི་ཁྲོད་ནས་ང་རང་ཁོ་ཚོའི་ཕྱིར་དུ་ཡིད་ཅི་ལྟར་སྐྱོ་བ་དྲན་པར་འགྱུར་ཏེ། གང་ལ་ཞེ་ན། དེ་དག་གིས་གཡེམ་སྦྱོར་གྱི་སེམས་བསྐྱེད་དེ་ང་རང་དོར་བ་དང་། དེ་དག་གི་ལོག་གཡེམ་གྱི་མིག་ནི་སྐུ་འདྲར་དུངས་པ་ཡིན། དུས་དེར་ཁོ་རྣམས་ནི་རང་གིས་སྤྱད་པའི་སྤྱོད་ངན་དང་། ཁོ་ཚོའི་ཞེན་ལོག་གི་དོན་ཐམས་ཅད་ཀྱི་ཕྱིར་དུ་རང་ཉིད་ལ་སྡང་བར་འགྱུར།  
\v 10 དེ་ནས་དེ་དག་གིས་བདག་ནི་ཡ་ཝཱེ་ཡིན་པ་དང་། ངས་ཁོ་ཚོའི་སྟེང་དུ་གནོད་འཚེ་གཏོང་དགོས་ཞེས་སྨྲས་པ་དེ་སྟོང་བཤད་མིན་པ་རྟོགས་པར་འགྱུར་ཞེས་སྨྲོས་ཤིག་ཅེས་གསུངས་སོ། །   
\p
\v 11 གཙོ་བོ་ཡ་ཝཱེས་འདི་སྐད་དུ། ཁྱོད་ཀྱིས་རྐང་རྡབ་ལག་རྡེབ་བྱས་ནས་འདི་ལྟར་སྨྲོས་ཤིག སྐྱོ་བ་ལ། ཡེས་ར་ཨེལ་ཁྱིམ་རྒྱུད་ཀྱི་སྐྱུག་བྲོ་བའི་སྤྱོད་ངན་དག་གི་རྐྱེན་གྱིས་ཁོ་རྣམས་རལ་གྲི་དང་མུ་གེ རིམས་ནད་བཅས་ཀྱི་འོག་ཏུ་འགྱེལ་བར་འགྱུར་ཞེས་པའོ། །  
\v 12 རྒྱང་རིང་དུ་གནས་པ་རྣམས་རིམས་ནད་ཀྱིས་འཆི་ཞིང་། ཉེ་སར་ཡོད་པ་རྣམས་རལ་གྲིའི་འོག་ཏུ་འགྱེལ་བར་འགྱུར་ལ། མཐའ་ནས་བསྐོར་བའི་ལྷག་ལུས་རྣམས་ཀྱང་མུ་གེས་འགེམ་པར་འགྱུར། ངས་དེ་ལྟར་རང་གི་ཁྲོ་གཏུམ་ཆེན་པོ་དེ་དག་གི་སྟེང་དུ་བླུགས་ནས་ཚར་དགོས།  
\v 13 དེ་དག་ལས་སྲོག་དང་ཕྲལ་བའི་མི་རྣམས་ཁོ་ཚོའི་སྐུ་འདྲའི་མདུན་དང་། ཁོ་ཚོའི་མཆོད་ཁྲིའི་མཐའ་འཁོར། རི་སྒང་རེ་རེ། རི་རྩེ་རེ་རེ། སྔོ་ལྗང་ལྗང་གི་ལྗོན་ཤིང་རེ་རེ་དང་བེ་ཤིང་སྟུག་པོའི་འོག་སྟེ། དེ་དག་གིས་སྐུ་འདྲ་ཀུན་ལ་དྲི་ཞིམ་གྱི་མཆོད་པ་འབུལ་བའི་གནས་སུ་འགྱེལ་བར་འགྱུར་ཞིང་། དུས་དེར་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 14 ཡང་ངས་རང་གི་ལག་པ་བརྐྱངས་ནས་དེ་དག་ལ་རྒོལ་ཞིང་། དེ་དག་སྡོད་པའི་གནས་ཏེ་དབེན་སྟོང་ནས་རིབ་ལཱ་ \f + \ft རིབ་ལཱ་ཞེས་པ་ནི་ཡེས་ར་ཨེལ་གྱི་བྱང་ཕྱོགས་སུ་ཡོད་པའི་གྲོང་ཚོ་ཞིག་ཡིན།\f*ཡི་བར་དུ་མི་མེད་ལུང་སྟོང་དུ་བྱེད་པ་དང་། དེ་ནས་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་པའོ། །   
\c 7
\cl ལེའུ་བདུན་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 མཇུག་འབྲས་སླེབས་ཟིན་པ།  
\p
\v 1 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། གཙོ་བོ་ཡ་ཝཱེས་ཡེས་ར་ཨེལ་པ་རྣམས་ལ་འདི་སྐད་དུ། མཇུག་འབྲས་སླེབས་ཟིན་ཏེ་མཇུག་འབྲས་ཡུལ་ཁམས་འདིའི་ཕྱོགས་བཞིར་སླེབས་ཟིན།  
\v 3 ད་ལྟ་མཇུག་འབྲས་དེ་ཁྱོད་ཀྱི་སྟེང་དུ་སླེབས་ཤིང་། ངས་ཁོང་ཁྲོ་དང་བཅས་ཁྱོད་ལ་རྒོལ་ནས་ཁྱོད་ཀྱིས་ཅི་བྱས་བཞིན་ཁྲིམས་གཅོད་ཅིང་། ཁྱོད་ཀྱི་ཞེན་ལོག་གི་དོན་ཐམས་ཅད་བཞིན་དུ་ཁྱོད་ལ་ལན་འཇལ་ལོ། །  
\v 4 ངའི་མིག་གིས་ཁྱོད་ལ་ལྟ་སྐྱོང་མི་བྱེད་ཅིང་། ངས་ཁྱོད་ལ་སྙིང་རྗེ་ཡང་མི་བསྒོམ། ངས་ཁྱོད་ཀྱི་སྤྱོད་པ་བཞིན་དང་ཁྱོད་ཅག་ཁྲོད་ཀྱི་ཞེན་ལོག་གི་དོན་རྣམས་བཞིན་དུ་ཁྱོད་ལ་ལན་འཇལ་ཏེ། དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ། །  
\v 5 གཙོ་བོ་ཡ་ཝཱེས་འདི་སྐད་དུ། ལྟོས་དང་། བར་ཆད་དེ་བར་ཆད་ཁྱད་པར་ཅན་དེ་སླེབས་ཟིན།  
\v 6 མཇུག་འབྲས་སླེབས་པ་དང་། མཇུག་འབྲས་སླེབས་ནས་ཁྱོད་ཀྱི་དགྲ་རུ་ལངས་པའོ། །ལྟོས་དང་། དེ་ནི་སླེབས་སོ། །  
\v 7 ཀྱེ་ཡུལ་འདིའི་མི་རྣམས། ཁྱོད་ལ་གནོད་འཚེ་ཐེབས་པ་ཡིན། དུས་སུ་སླེབས་པ་དང་ཉི་མ་ཐོན་ལ་ཉེ་སྟེ། དེ་ནི་ཟང་ཟིང་ལང་ལོང་གི་དུས་ཡིན་པ་ལས། རི་མགོ་ནས་དགའ་མགུ་བྱེད་པའི་དུས་མིན་ནོ། །  
\v 8 ད་ནི་མི་འགྱངས་པར་ངས་རང་གི་ཁྲོ་གཏུམ་ཆེན་པོ་ཁྱོད་ཀྱི་སྟེང་དུ་ལྡུག་ཅིང་། ཁྱོད་ལ་ཁོང་ཁྲོ་ལངས་ནས་ཡོངས་སུ་རྫོགས་པར་བྱས་ཏེ། ངས་ཁྱོད་ཀྱི་སྤྱོད་པ་བཞིན་དུ་ཁྱོད་ལ་ཁྲིམས་གཅོད་པ་དང་། ཁྱོད་ཀྱི་ཞེན་ལོག་གི་དོན་ཐམས་ཅད་བཞིན་དུ་ཁྱོད་ལ་ལན་འཇལ་བའོ། །  
\v 9 ངའི་མིག་གིས་ཁྱོད་ལ་ལྟ་སྐྱོང་མི་བྱེད་ལ། ངས་ཁྱོད་ལ་སྙིང་རྗེ་ཡང་མི་བསྒོམ། ངས་ཁྱོད་ཀྱི་སྤྱོད་པ་བཞིན་དང་ཁྱོད་ཅག་ཁྲོད་ཀྱི་ཞེན་ལོག་གི་དོན་རྣམས་བཞིན་དུ་ཁྱོད་ལ་ལན་འཇལ་ཏེ། དེ་ནས་ཁྱོད་ཚོས་རང་ལ་རྒོལ་མཁན་ནི་ཡ་ཝཱེ་བདག་ཡིན་པ་རྟོགས་པར་འགྱུར་རོ། །  
\v 10 ལྟོས་དང་། ཉིན་མོ་དེ་སླེབས་བྱུང་། གནོད་འཚེ་ནི་བྱུང་ཟིན་ལ། དབྱུག་པར་མེ་ཏོག་བཞད་པ་དང་། རློམ་སེམས་ལ་མྱུ་གུ་འབུས་སོ། །  
\v 11 བཙན་ཤུགས་རྒྱས་ནས་ངན་པར་ཉེས་ཆད་གཅོད་བྱེད་དབྱུག་པ་རུ་གྱུར་ཏེ། དེ་རྣམས་ལས་གཅིག་ཀྱང་མི་ལུས་ཏེ། དེ་དག་གི་མི་རྣམས་ལས་གང་ཡང་མི་ལུས་ཤིང་། ཁོ་ཚོའི་རྒྱུ་ནོར་མི་ལུས་ལ། ཁོ་ཚོའི་ནང་དུ་གཟི་དཔལ་ཡང་མེད་དོ། །  
\v 12 དུས་སུ་སླེབས་པ་དང་ཉི་མ་ཐོན་ལ་ཉེ་སྟེ། མི་ཀུན་གྱི་སྟེང་དུ་ཁྲོ་གཏུམ་ཆེན་པོ་འབབ་པར་འགྱུར་བས། ཉོ་མཁན་མ་དགའ་ཞིག འཚོང་མཁན་ཡང་ཡིད་མ་སྐྱོ་ཞིག  
\v 13 འཚོང་མཁན་དེ་གསོན་པོར་ལུས་ཀྱང་བཙོང་ཟིན་པའི་ནོར་ནི་ཕྱིར་མི་འཐོབ། གང་ལ་ཞེ་ན། མི་ཀུན་དང་འབྲེལ་བའི་ཞལ་གཟིགས་འདི་ལ་འགྱུར་བ་མེད་དེ། སྡིག་པའི་དབང་གིས་སུས་ཀྱང་རང་སྲོག་སྐྱོབ་མི་ནུས་སོ། །   
\s1 དཀོན་མཆོག་གི་ཐུགས་ཁྲོ་དང་ཉེས་ཆད།  
\p
\v 14 དེ་དག་གིས་དུང་བུས་ཏེ་ཡོད་ཚད་གྲ་སྒྲིག་བྱས་ཀྱང་དམག་ལ་འགྲོ་མཁན་མེད་དེ། གང་ལ་ཞེ་ན། ངའི་ཁོང་ཁྲོ་ནི་མི་ཀུན་གྱི་སྟེང་དུ་འབབ་པར་འགྱུར་བས་སོ། །  
\v 15 གྲོང་ཁྱེར་གྱི་ཕྱི་རོལ་ཏུ་རལ་གྲི་དང་། ནང་རོལ་ཏུ་རིམས་ནད་དང་མུ་གེ་ཡོད་པས། ཐང་དུ་ཡོད་པ་དེ་རལ་གྲིའི་འོག་ཏུ་འཆི་ཞིང་། གྲོང་ཁྱེར་ནང་དུ་ཡོད་པ་དེ་མུ་གེ་དང་རིམས་ནད་ཀྱིས་ཁྱུར་མིད་གཏོང་བར་འགྱུར་རོ། །  
\v 16 དེ་དག་ལས་ཐར་བ་རྣམས་ནི་རང་གི་སྡིག་པའི་དབང་གིས་རི་ལ་བསྡད་དེ་ངུ་ཞིང་། ལུང་པའི་ཕུག་རོན་བཞིན་དུ་ངུ་སྒྲ་འདོན་པར་འགྱུར།  
\v 17 དེ་དག་གི་ལག་པ་ཡོད་ཚད་འདར་ཞིང་། པུས་མོ་རེ་རེ་ཆུ་ལྟར་མཉེན་པར་འགྱུར།  
\v 18 དེ་དག་གི་རྐེད་པར་རྩིད་རས་དཀྲི་བ་དང་། འཇིགས་པ་དེ་དག་ལ་ཁྱབ་པར་འགྱུར་ཞིང་། ཚང་མའི་གདོང་ལ་ངོ་ཚས་བཀང་ནས་ཀུན་གྱི་མགོ་ནི་སྤྱི་ཐེར་དུ་འགྱུར།  
\v 19 དེ་དག་གིས་རང་གི་དངུལ་རྣམས་ལམ་སྲང་དུ་གཡུག་ཅིང་། རང་གི་གསེར་ནི་མི་གཙང་བར་བརྩི་བ་ཡིན་ལ། དཀོན་མཆོག་ཡ་ཝཱེའི་ཐུགས་ཁྲོའི་ཉིན་མོ་ལ། གསེར་དང་དངུལ་གྱིས་དེ་དག་སྐྱོབ་མི་ནུས་ལ། ཁོ་ཚོ་ཡིད་ཚིམ་པར་ཡང་བྱེད་མི་ནུས་ཏེ། ལྟོ་བའང་འགྲང་བར་མི་འགྱུར། གང་ལ་ཞེ་ན། གསེར་དང་དངུལ་ནི་ཁོ་ཚོ་སྡིག་པའི་ནང་དུ་ལྷུང་བྱེད་ཀྱི་བཀག་རྡོ་རུ་གྱུར་པས་སོ། །  
\v 20 ཁོ་ཚོས་མཛེས་སྡུག་གི་རྒྱན་ཆ་ངོམ་ཞིང་། དེ་ལས་ཞེན་ལོག་གི་སྐུ་འདྲ་རྣམས་བཟོས་པས། ངས་དེ་དག་རྫས་མི་གཙང་བར་བྱེད་ཅིང་།  
\v 21 ངས་དེ་དག་ཕྱི་ཕྱོགས་པའི་ལག་ཏུ་སྤྲད་དེ་བཅོམ་ནོར་དུ་བསྒྱུར་བ་དང་། ས་གཞིའི་མི་ངན་རྣམས་ཀྱི་ལག་ཏུ་སྤྲད་དེ་དགྲ་ལས་ཐོབ་པའི་དངོས་རྫས་སུ་འགྱུར་ཞིང་། ཁོ་ཚོས་དངོས་པོ་དེ་དག་བཙོག་པར་བཟོ་ངེས་ཡིན།  
\v 22 ང་ཕར་འཁོར་ནས་དེ་ཚོར་མི་བལྟ་ཞིང་། ཁོ་ཚོས་ངའི་དམ་པའི་གནས་བཙོག་པར་བཟོ་བ་དང་། ཇག་རྐུན་རྣམས་ཀྱང་དེར་སོང་ནས་གནས་དེ་བཙོག་པར་བཟོ་བའོ། །  
\v 23 ཡུལ་དེ་ལ་ཁྲག་བཞུར་བའི་ཉེས་ཆད་དང་། གྲོང་ཁྱེར་དེ་ལ་བཙན་ཤུགས་ཀྱིས་ཁེངས་པས། ཁྱོད་ཀྱིས་ལྕགས་སྒྲོག་བཟོས་ཤིག  
\v 24 ངས་མི་རིགས་ཀུན་ལས་ཆེས་གདུག་རྩུབ་ཅན་རྣམས་འོངས་ནས་ཁོ་ཚོའི་ཁང་པ་བཙན་བཟུང་བྱེད་དུ་འཇུག་ཅིང་། ཡང་ངས་སྟོབས་འབྱོར་ཅན་གྱི་ང་རྒྱལ་མཚམས་གཅོད་པར་བྱ་སྟེ། དེ་དག་གི་གནས་དམ་པ་རྣམས་བཙོག་པར་བཟོའོ། །  
\v 25 འཇིགས་པ་འོང་དུས་ཁོ་ཚོས་བདེ་བ་འདོད་ཀྱང་འཐོབ་པར་མི་འགྱུར།  
\v 26 གནོད་འཚེ་ཁར་གནོད་འཚེ་དང་། སྐད་ངན་ཁར་སྐད་ངན་ནི་མཚམས་མེད་པར་ཐོས་འོང་སྟེ། དེ་ནས་ཁོ་ཚོས་ལུང་སྟོན་པར་ཞལ་གཟིགས་ཞུས་ཀྱང་མཆོད་དཔོན་གྱི་བསླབ་བྱ་དང་རྒན་པོའི་ཁྲིད་སྟོན་བཅས་ཡོད་ཚད་ཆད་པར་འགྱུར་བས།  
\v 27 རྒྱལ་པོ་ཡིད་སྐྱོ་ཞིང་། འགོ་དཔོན་གྱིས་མྱ་ངན་གོས་སུ་གྱོན་པ་དང་། ཡུལ་དེའི་མི་རྣམས་ཀྱི་ལག་པ་འདར་བའོ། །ངས་དེ་དག་གི་སྤྱོད་པ་བཞིན་དུ་ལན་འཇལ་ཞིང་། ཁོ་ཚོའི་ཆད་པའི་སྲོལ་ལྟར་དེ་དག་ལ་ཉེས་ཆད་གཅོད་པར་བྱ་སྟེ། དེ་ནས་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ། །   
\c 8
\cl ལེའུ་བརྒྱད་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཞལ་གཟིགས་ནང་དུ་ཨེ་ཟེ་ཀི་ཨེལ་ཡར་དྲངས་པ།  
\p
\v 1 དེ་ཡང་ལོ་དྲུག་པའི་ཟླ་དྲུག་པ་ཡི་ཚེས་ལྔ་ཉིན་ང་རང་ཁྱིམ་དུ་སྡོད་དུས། ཡ་ཧུ་དཱའི་རྒན་པོ་རྣམས་ཀྱང་ངའི་མདུན་དུ་བསྡད་ཡོད་ཅིང་། དེར་གཙོ་བོ་ཡ་ཝཱེའི་ཐུགས་ཉིད་ངའི་སྟེང་དུ་བབས་པ་དང་།  
\v 2 ངས་བལྟས་པ་ན། གཟུགས་བརྙན་མི་དང་འདྲ་བ་ཞིག་མཐོང་སྟེ། དེའི་རྐེད་པའི་མན་ཆད་ནི་མེ་ཡི་དབྱིབས་ལྟ་བུ་ཡོད་པ་དང་། དེའི་རྐེད་པའི་ཡན་ཆད་ནི་འོད་ཟེར་གྱི་དབྱིབས་ལྟ་བུ་ཡོད་ལ། དེ་ནི་འོད་ཟེར་འཕྲོ་བའི་ལྕགས་རིགས་དང་མཚུངས་སོ། །  
\v 3 དེས་གཟུགས་དབྱིབས་ཕྱག་དང་འདྲ་བ་ཞིག་བརྐྱངས་ཏེ་ངའི་སྐྲ་ནས་བཟུང་སྟེ། ཐུགས་ཉིད་ཀྱིས་ང་ནི་གནམ་སའི་བར་དུ་ཡར་དྲངས་ཤིང་། དཀོན་མཆོག་གི་ཞལ་གཟིགས་ཀྱི་ནང་དུ། དེས་ང་ནི་ཡེ་རུ་སཱ་ལེམ་གྱི་མཆོད་ཁང་གི་བྱང་སྒོའི་ནང་ཁྱམས་ཀྱི་འཇུག་སྒོར་ཁྲིད་པ་དང་། དེ་རུ་དཀོན་མཆོག་ལ་ཕྲག་དོག་བསྐྱེད་པ་སྟེ། དཀོན་མཆོག་སྡང་བའི་སྐུ་འདྲའི་འདུག་གནས་ཡོད་པའོ། །  
\v 4 བསམ་ཡུལ་ལས་འདས་པ་ཞིག་ལ། ཡེས་ར་ཨེལ་གྱི་དཀོན་མཆོག་གི་གཟི་བརྗིད་དེ་རུ་མཆིས་ཏེ། དེའི་གཟུགས་དབྱིབས་ནི་ངས་ཐང་དུ་མཐོང་བ་དང་གཅིག་མཚུངས་ཡིན་ནོ། །   
\s1 ཡེ་རུ་སཱ་ལེམ་གྱི་སྐུ་འདྲའི་དད་གུས།  
\p
\v 5 ཁོང་གིས་ང་ལ་འདི་སྐད་དུ། ཀྱེ་མིའི་བུ། མགོ་ཡར་བཀྱགས་ནས་བྱང་ཕྱོགས་སུ་ལྟོས་ཤིག་ཅེས་གསུངས་པ་དང་། ངས་མགོ་ཡར་བཀྱགས་ནས་བྱང་ཕྱོགས་སུ་བལྟས་པ་ན། མཆོད་ཁྲིའི་སྒོ་ཡི་བྱང་ཕྱོགས་ཀྱི་འཇུག་སྒོ་རུ་དཀོན་མཆོག་སྡང་བའི་སྐུ་འདྲ་ཡོད་དོ། །  
\v 6 ཡང་ཁོང་གིས་ང་ལ་འདི་སྐད་དུ། ཀྱེ་མིའི་བུ། དེ་ཚོས་སྐྱུག་བྲོ་བའི་དོན་སྤྱད་ནས་ང་རང་གནས་དམ་པ་དང་འབྲལ་བར་བྱས་པ་ཡིན། ཡེས་ར་ཨེལ་ཁྱིམ་རྒྱུད་ཀྱིས་འདིར་གང་ཞིག་སྤྱད་པ་དག་ཁྱོད་ཀྱིས་མཐོང་ངམ། ཡིན་ཡང་ཁྱོད་ཀྱིས་དེ་ལས་ལྷག་པའི་དོན་ངན་མཐོང་བར་འགྱུར་ཞེས་གསུངས་སོ། །  
\v 7 ཡང་ཁོང་གིས་ང་ནི་ཁྱམས་རའི་སྒོ་ཁར་ཁྲིད་ཅིང་། ངས་བལྟས་པ་ན་རྩིག་ངོས་སུ་ཁུང་བུ་ཞིག་ཡོད་པ་མཐོང་སྟེ།  
\v 8 ཁོང་གིས་ང་ལ་འདི་སྐད་དུ། ཀྱེ་མིའི་བུ། རྩིག་པ་བརྐོ་བར་མཛོད་ཅེས་གསུངས་པ་དང་། ངས་བརྐོས་པ་ན་བསམ་ཡུལ་ལས་འདས་པ་ཞིག་ལ་སྒོ་ཞིག་མཐོང་བྱུང་།  
\v 9 དེ་ནས་ཁོང་གིས་ང་ལ་འདི་སྐད་དུ། ཁྱོད་ནང་དུ་སོང་ལ་དེ་དག་གིས་འདི་རུ་སྤྱད་པའི་ཞེན་ལོག་གི་དོན་ངན་རྣམས་ལ་ལྟོས་ཤིག་ཅེས་གསུངས་པ་དང་།  
\v 10 ང་ནང་དུ་སོང་ནས་བལྟས་པ་ན། ཕྱོགས་བཞིའི་རྩིག་ངོས་སུ་ལྟོ་འགྲོ་འབུ་སྲིན་རྣམ་པ་སྣ་ཚོགས་དང་། ཞེན་ཁ་ལོག་པའི་རི་དྭགས་སྣ་ཚོགས། ད་དུང་ཡེས་ར་ཨེལ་ཁྱིམ་རྒྱུད་ཀྱི་སྐུ་འདྲ་ཡོད་དོ་ཅོག་བརྐོས་ཡོད་ལ།  
\v 11 ཡེས་ར་ཨེལ་ཁྱིམ་རྒྱུད་ཀྱི་རྒན་པོ་རྣམས་ལས་མི་བདུན་ཅུ་དེ་དག་གི་མདུན་དུ་འགྲེང་ཡོད་དེ། ཤཱ་ཕན་གྱི་བུ་ཡ་ཨ་ཟན་ཡཱ་ཞེས་པའང་དེ་དག་གི་ཁྲོད་དུ་ལངས་བསྡད་ཡོད། ཁོ་ཚོ་རེ་རེའི་ལག་ཏུ་རང་གི་སྤོས་ཕོར་བཟུང་ཡོད་ཅིང་། སྤོས་ཀྱི་དུ་བ་ཡར་འཕྱུར་བཞིན་འདུག  
\v 12 དེ་ནས་ཁོང་གིས་ང་ལ་འདི་སྐད་དུ། ཀྱེ་མིའི་བུ། ཡེས་ར་ཨེལ་ཁྱིམ་རྒྱུད་ཀྱི་རྒན་པོ་རྣམས་ཀྱིས་རང་རང་གི་རྐོས་སྐུ་ཡོད་པའི་ཁང་པ་རུ་ལྐོག་ནས་ཅི་ཞིག་བྱས་པ་ཁྱོད་ཀྱིས་མཐོང་ངམ། དེ་དག་ན་རེ། དཀོན་མཆོག་ཡ་ཝཱེས་ངེད་རྣམས་མི་མཐོང་སྟེ། དཀོན་མཆོག་ཡ་ཝཱེ་ཡུལ་འདི་དང་བྲལ་ཏོ་ཞེས་སྨྲ་བ་ཡིན་ཞེས་གསུངས་སོ། །  
\v 13 ཡང་ཁོང་གིས་ང་ལ་འདི་སྐད་དུ། ཡང་དེ་ཚོས་སྤྱད་པའི་ཞེན་ལོག་གི་དོན་འདི་ལས་ཀྱང་ལྷག་པ་རྣམས་ཁྱོད་ཀྱིས་མཐོང་བར་འགྱུར་ཞེས་གསུངས་ནས།  
\v 14 ཁོང་གིས་ང་རང་དཀོན་མཆོག་ཡ་ཝཱེའི་བཞུགས་གནས་ཀྱི་བྱང་སྒོ་རུ་ཁྲིད་པ་ལ། ལྟོས་དང་། དེ་རུ་བུད་མེད་འགའ་བསྡད་ཡོད་པ་དང་། ཁོ་མོ་རྣམས་ཐམ་མུ་སིའི་ \f + \ft ཐམ་མུ་སི་ཞེས་པ་ནི་པཱ་པེལ་ལོན་རྒྱལ་ཁབ་ཀྱི་ཉི་མའི་ལྷ་ཡིན་ལ་དེས་ལོ་ཏོག་སྐྱེ་རུ་འཇུག་པར་གསུངས། ཡུལ་དེའི་མི་རྣམས་ཀྱིས་དགུན་ཉི་ལྡོག་གི་དུས་སུ་ཉི་མ་ཡལ་འགྲོ་སྙམ་ནས་ཉི་མའི་དོན་དུ་ངུ་བ་ཡིན། \f*ཕྱིར་དུ་ངུ་བཞིན་འདུག  
\v 15 ཁོང་གིས་ང་ལ་འདི་སྐད་དུ། ཀྱེ་མིའི་བུ། ཁྱོད་ཀྱིས་མཐོང་ངམ། ཞེན་ལོག་གི་དོན་འདི་ལས་ཀྱང་ལྷག་པ་རྣམས་ཁྱོད་ཀྱིས་མཐོང་བར་འགྱུར་ཞེས་གསུངས་སོ། །  
\v 16 ཡང་ཁོང་གིས་ང་རང་དཀོན་མཆོག་ཡ་ཝཱེའི་བཞུགས་གནས་ཀྱི་ནང་གི་ཁྱམས་རར་ཁྲིད་ཅིང་། ལྟོས་དང་། བར་ཁྱམས་དང་མཆོད་ཁྲིའི་བར་གྱི་དཀོན་མཆོག་ཡ་ཝཱེའི་མཆོད་ཁང་གི་སྒོ་ཁར་མི་ཉེར་ལྔ་ཡོད་དེ། ཁོ་ཚོས་དཀོན་མཆོག་ཡ་ཝཱེའི་མཆོད་ཁང་གི་ཕྱོགས་སུ་རྒྱབ་བསྟན་ཡོད་པ་དང་། གདོང་ཤར་ཕྱོགས་སུ་འཁོར་ཏེ། ཁོ་ཚོས་ཤར་གྱི་ཉི་མའི་ཕྱོགས་སུ་ཕྱག་འཚལ་བཞིན་ཡོད།  
\v 17 ཡང་ཁོང་གིས་ང་ལ་འདི་སྐད་དུ། ཀྱེ་མིའི་བུ། ཁྱོད་ཀྱིས་མཐོང་བྱུང་ངམ། ཡ་ཧུ་དཱའི་ཁྱིམ་རྒྱུད་ཀྱིས་འདིར་ཞེན་ལོག་གི་དོན་རྣམས་སྤྱད་པ་ནི་དོན་ཆུང་ངུ་ཞིག་ཡིན་ནམ། གང་ལ་ཞེ་ན། དེ་དག་གིས་གནས་འདི་ལ་བཙན་ཤུགས་ཀྱིས་ཁེངས་པར་བྱས་པ་དང་། ཡང་ནས་ཡང་དུ་ང་ལ་ཁོང་ཁྲོ་བསླངས། ལྟོས་དང་། དེ་དག་གིས་ལྗོན་ཤིང་གི་ཡལ་ག་རང་གི་སྣ་མདུན་དུ་ཁྱེར་བས།  
\v 18 ངས་དེ་དག་ལ་ཁོང་ཁྲོ་ཆེན་པོའི་སྤྱོད་ཚུལ་འཛིན་ཞིང་། ངའི་མིག་གིས་དེ་དག་ལ་ལྟ་སྐྱོང་མི་བྱེད་ལ་སྙིང་རྗེ་ཡང་མི་བསྒོམ། དེ་ཚོས་སྐད་ཆེན་པོས་ངའི་རྣ་ལམ་དུ་ཞུས་ཀྱང་ངས་དེ་དག་ལ་མཉན་པར་མི་བྱའོ་ཞེས་གསུངས་སོ། །   
\c 9
\cl ལེའུ་དགུ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 དམར་གསོད་བྱས་པ།  
\p
\v 1 ཡང་ཁོང་གིས་སྐད་ཆེན་པོ་རྒྱག་བཞིན་འདི་སྐད་དུ། གྲོང་ཁྱེར་འདི་ལ་ཉེས་ཆད་གཅོད་མཁན་ཁྱོད་རྣམས་ཀྱིས། རེ་རེས་ལག་ཏུ་སྲོག་གཅོད་བྱེད་ཀྱི་མཚོན་ཆ་བཟུང་ནས་ཉེ་སར་ཤོག་ཅིག་ཅེས་གསུངས་པ་ངས་ཐོས་ཤིང་།  
\v 2 གློ་བུར་ཉིད་དུ། བྱང་ཕྱོགས་ཀྱི་སྒོ་གོང་མ་ནས་མི་དྲུག་འོངས་པ་དང་རེ་རེའི་ལག་ཏུ་སྲོག་གཅོད་བྱེད་ཀྱི་མཚོན་ཆ་བཟུང་ཡོད། ཁོ་ཚོའི་ཁྲོད་དུ་གཅིག་གིས་སོ་རས་སྲབ་བུ་གྱོན་པ་དང་། རྐེད་པར་སྣག་བུམ་བཏགས་ཡོད་ལ། ཁོ་ཚོ་ནང་དུ་འོངས་ནས་ལི་ཡི་མཆོད་ཁྲིའི་མདུན་དུ་ལངས་བསྡད་དོ། །  
\v 3 ཡེས་ར་ཨེལ་གྱི་དཀོན་མཆོག་གི་གཟི་བརྗིད་ནི་ཀེ་རུབ་ཀྱི་གོང་དུ་མཆིས་ཀྱང་། ད་ལྟ་གནས་དེ་ནས་མཆོད་ཁང་གི་སྒོ་ཐེམ་དུ་བསྣུར་བ་དང་། ཡ་ཝཱེས་སོ་རས་སྲབ་བུ་གྱོན་པ་དང་རྐེད་པར་སྣག་བུམ་བཏགས་པའི་མི་དེ་བོས་ནས།  
\v 4 མི་དེ་ལ་འདི་སྐད་དུ། ཁྱོད་རང་ཡེ་རུ་སཱ་ལེམ་གྱི་གྲོང་ཁྱེར་ཡོངས་སུ་ཕྱིན་ཏེ། གྲོང་ཁྱེར་ནང་གི་ཞེན་ལོག་གི་ལས་སྤྱད་པའི་ཕྱིར་དབུགས་རིང་གཏོང་བ་དང་ཡིད་སྐྱོ་བའི་མི་ཡི་དཔྲལ་བར་ཀུར་རྟགས་ཤིག་རྒྱོབ་ཅིག་ཅེས་གསུངས་པ་དང་།  
\v 5 ཡང་ཁོང་གིས་མི་ལྷག་མ་རྣམས་ལ་འདི་སྐད་དུ། ཁྱོད་རྣམས་མི་དེའི་རྗེས་སུ་འབྲངས་ནས་གྲོང་ཁྱེར་ཡོངས་སུ་སོང་སྟེ་དམར་གསོད་གྱིས་ཤིག ཁྱོད་ཚོས་མིག་གིས་ལྟ་སྐྱོང་མ་བྱེད། སྙིང་རྗེ་ཡང་མ་བསྒོམ་ལ།  
\v 6 ཁྱོད་ཚོས་ངའི་གནས་དམ་པ་ནས་འགོ་བརྩམས་ཏེ། རྒན་པ་དང་ན་གཞོན། ན་ཆུང་མ། ཕྲུ་གུ། བུད་མེད་བཅས་ཐམས་ཅད་དམར་གསོད་གྱིས་ཤིག ཡིན་ཡང་དཔྲལ་བར་རྟགས་ཡོད་པ་རྣམས་ལ་གནོད་མ་བསྐྱལ་ཞིག་ཅེས་གསུངས་པ་ངས་ཐོས་ཤིང་། དེ་ནས་ཁོ་ཚོས་མཆོད་ཁང་མདུན་གྱི་རྒན་པོ་རྣམས་ནས་བཟུང་དམར་གསོད་བྱེད་པའི་འགོ་བརྩམས་སོ། །  
\v 7 ཡང་ཁོང་གིས་དེ་དག་ལ་འདི་སྐད་དུ། ཁྱོད་ཅག་གིས་མཆོད་ཁང་འདི་བཙོག་པར་བཟོས་ཤིག་དང་། ཁྱམས་རའི་ནང་དུ་བསད་པའི་མི་ཡིས་འགེང་བར་གྱིས་ཤིག ད་ནི་ཁྱོད་རྣམས་ཕྱི་རུ་སོང་ཞིག་ཅེས་གསུངས་པས། དེ་ཚོ་ཕྱི་རུ་སོང་ནས་གྲོང་ཁྱེར་ནང་དུ་དམར་གསོད་བྱས་སོ། །   
\s1 ཨེ་ཟེ་ཀི་ཨེལ་གྱི་སྨོན་ལམ་ལ་མ་གསན་པ།  
\p
\v 8 དེ་ཚོས་དམར་གསོད་བྱེད་དུས་ང་གཅིག་པུ་ལུས་པ་དང་། དེ་ནས་ངས་ཁ་སར་གཏད་ནས། ཀྱེ་གཙོ་བོ་ཡ་ཝཱེ་ལགས། ཁྱེད་ཀྱི་ཁྲོ་གཏུམ་ཆེན་པོ་དེ་ཡེ་རུ་སཱ་ལེམ་གྱི་སྟེང་དུ་བླུགས་ཏེ་ཡེས་ར་ཨེལ་གྱི་མི་ལྷག་ལུས་ཐམས་ཅད་མེད་པར་མཛད་དམ་ཞེས་འོ་དོད་བོས་པ་ན།  
\v 9 ཁོང་གིས་ང་ལ་འདི་སྐད་དུ། ཡེས་ར་ཨེལ་དང་ཡ་ཧུ་དཱའི་ཁྱིམ་རྒྱུད་གཉིས་ཀྱི་ཉེས་པ་ཤིན་ཏུ་ཚབས་ཆེ་སྟེ། ཡུལ་ཁམས་སུ་ཁྲག་གིས་བཀང་ཞིང་གྲོང་ཁྱེར་ནང་དུ་ལོག་སྤྱོད་ཀྱིས་བཀང་བའོ། །གང་ལ་ཞེ་ན། དེ་རྣམས་ན་རེ། དཀོན་མཆོག་ཡ་ཝཱེ་ཡུལ་འདི་དང་བྲལ་ཟིན་ཏེ་ཁོང་གིས་ངེད་རྣམས་མི་མཐོང་ངོ་ཞེས་ཟེར་རོ། །  
\v 10 དེ་བས། ངས་མིག་གིས་ལྟ་སྐྱོང་མི་བྱེད་ལ་སྙིང་རྗེ་ཡང་མི་བསྒོམ་ཏེ། ངས་ཁོ་ཚོས་སྤྱད་པའི་དོན་བཞིན་དུ་ཁོ་ཚོའི་སྟེང་དུ་ལན་འཇལ་ལོ་ཞེས་གསུངས།  
\v 11 དེ་ནས་ལུས་ལ་སོ་རས་སྲབ་བུ་གྱོན་པ་དང་རྐེད་པར་སྣག་བུམ་བཏགས་པའི་མི་དེས་འདི་ལྟར། ངས་ཁྱེད་ཀྱིས་ང་ལ་གནང་བའི་བཀའ་བཞིན་དུ་བསྒྲུབས་པ་ཡིན་ཞེས་ལན་ཞུས་སོ། །   
\c 10
\cl ལེའུ་བཅུ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 དཀོན་མཆོག་ཡ་ཝཱེའི་གཟི་བརྗིད་མཆོད་ཁང་དང་ཁ་གྱེས་པའི་སྐོར།  
\p
\v 1 དེ་ཡང་ངས་བལྟས་པ་ལ། ཀེ་རུབ་ཀྱི་སྟེང་གི་མཁའ་དབྱིངས་སུ། ཨིནྡྲ་ནཱི་ལའི་བཞུགས་ཁྲི་དང་མཚུངས་པའི་གཟུགས་དབྱིབས་མངོན་པར་གྱུར་ཏེ།  
\v 2 གཙོ་བོས་ལུས་ལ་སོ་རས་སྲབ་བུ་གྱོན་པའི་མི་དེ་ལ་འདི་སྐད་དུ། ཁྱོད་ནི་ཀེ་རུབ་ཀྱི་འོག་གི་འཁོར་ལོའི་བར་དུ་སོང་སྟེ། ཀེ་རུབ་ཀྱི་བར་ནས་ལག་པ་གཉིས་ཀས་སོལ་བ་སྤར་གང་ཡར་བླངས་ནས། དེ་གྲོང་ཁྱེར་གྱི་སྟེང་དུ་གཏོར་ཅིག་ཅེས་གསུངས་པ་ན། མི་དེ་ངའི་མདུན་ནས་ནང་དུ་སོང་།  
\v 3 མི་དེ་ནང་དུ་འགྲོ་དུས་ཀེ་རུབ་ནི་མཆོད་ཁང་གི་གཡས་ཕྱོགས་སུ་ལངས་སྡོད་ཅིང་། ནང་གི་ཁྱམས་རར་སྤྲིན་གྱིས་ཁེངས་པའོ། །  
\v 4 དཀོན་མཆོག་ཡ་ཝཱེའི་གཟི་བརྗིད་ནི་ཀེ་རུབ་ཀྱི་སྟེང་ནས་ཡར་བཞེངས་ཏེ་མཆོད་ཁང་གི་སྒོ་ཐེམ་དུ་སླེབས་ཤིང་། མཆོད་ཁང་ནང་དུ་སྤྲིན་གྱིས་ཁེངས་པ་དང་། ཁྱམས་ར་ཡང་དཀོན་མཆོག་ཡ་ཝཱེའི་གཟི་བརྗིད་ཀྱི་འོད་ཟེར་གྱིས་ཁྱབ།  
\v 5 ཀེ་རུབ་རྣམས་ཀྱི་གཤོག་སྒྲ་ནི་ཁྱམས་ར་ཕྱི་མར་ཡང་ཐོས་ཤིང་། དེ་ནི་ཀུན་དབང་དཀོན་མཆོག་གི་གསུང་སྐད་དང་འདྲའོ། །  
\v 6 དེ་ནས་ཁོང་གིས་ལུས་ལ་སོ་རས་སྲབ་བུ་གྱོན་པའི་མི་དེར་བཀའ་བསྒོས་ཤིང་འདི་སྐད་དུ། ཁྱོད་ཀྱིས་འཁོར་ལོའི་བར་ཏེ་ཀེ་རུབ་ཀྱི་བར་ནས་མེ་ལོངས་ཤིག་ཅེས་གསུངས་པ་དང་། མི་དེ་ནང་དུ་སོང་ནས་འཁོར་ལོ་ཞིག་གི་མདུན་དུ་ལངས་བསྡད་ཅིང་།  
\v 7 ཀེ་རུབ་རྣམས་ལས་གཅིག་གིས་ཀེ་རུབ་རྣམས་ཀྱི་དཀྱིལ་ལ་ཡོད་པའི་མེའི་ཕྱོགས་སུ་ལག་པ་བརྐྱངས་ནས་མེ་བླངས་ཏེ་སོ་རས་སྲབ་བུ་གྱོན་པའི་མི་དེའི་ལག་ཏུ་བཞག་པས། མི་དེས་མེ་ཁྱེར་ནས་ཕྱི་རུ་སོང་ངོ་། །  
\v 8 ཡང་ཀེ་རུབ་རྣམས་ཀྱི་གཤོག་པའི་འོག་ཏུ་མིའི་ལག་པ་ལྟ་བུའི་དབྱིབས་ཤིག་མཐོང་བྱུང་།  
\v 9 ངས་བལྟས་པ་དང་། ཀེ་རུབ་རྣམས་ཀྱི་ལོགས་སུ་འཁོར་ལོ་བཞི་ཡོད་དེ། ཀེ་རུབ་རེའི་ལོགས་སུ་འཁོར་ལོ་རེ་ཡོད་པ་དང་། འཁོར་ལོ་དེའི་དབྱིབས་ནི་འོད་ཟེར་ལྡན་པའི་བཻཌཱུརྱ་ལྗང་སེར་ལྟ་བུ་ཡིན་ནོ། །  
\v 10 འཁོར་ལོ་བཞི་པོའི་དབྱིབས་དང་གྲུབ་ཚུལ་ནི་རྣམ་པ་གཅིག་ཡིན་ཞིང་། འཁོར་ལོ་རྣམས་གཅིག་ལ་གཅིག་སྦྲེལ་ཡོད་པ་འདྲ།  
\v 11 འཁོར་ལོ་དེ་དག་ཕྱོགས་བཞི་རུ་སྐྱོད་ནུས་ཤིང་། སྐྱོད་པའི་དུས་སུ་ཁ་ལོ་བསྒྱུར་མི་དགོས་ལ། ཀེ་རུབ་ཀྱི་མགོ་ནི་ཕྱོགས་གང་དུ་འཁོར་ན་དེ་རྣམས་རྗེས་སུ་འབྲངས་ནས་སྐྱོད་པ་དང་། སྐྱོད་པའི་དུས་སུ་ཁ་ལོ་བསྒྱུར་མི་དགོས་སོ། །  
\v 12 ཡང་ཀེ་རུབ་ཀྱི་ལུས་ཡོངས་དང་རྒྱབ། ལག་པ། གཤོག་པ། ད་དུང་འཁོར་ལོ་རྣམས་ལ་མིག་གིས་བཀང་ཡོད་དེ། ཀེ་རུབ་བཞི་པོའི་འཁོར་ལོ་ཚང་མ་དེ་བཞིན་ཡིན་ནོ། །  
\v 13 འཁོར་ལོ་དེ་དག་ལ་མཚོན་ན། དེ་རྣམས་ལ་འཁོར་སྐྱོད་བྱེད་པའི་འཁོར་ལོ་ཞེས་འབོད་པ་ངས་ཐོས་བྱུང་།  
\v 14 ཀེ་རུབ་རེ་ལ་གདོང་བཞི་རེ་ཡོད་དེ། དང་པོ་ནི་ཀེ་རུབ་ཀྱི་གདོང་དང་། གཉིས་པ་མི་ཡི་གདོང་། གསུམ་པ་སེང་གེའི་གདོང་། བཞི་པ་གླག་གི་གདོང་བཅས་ཡིན་ཞིང་།  
\v 15 ཕྱིས་སུ་ཀེ་རུབ་རྣམས་ཀྱང་ཡར་འཕགས་ཤིང་། འདི་དག་ནི་ངས་ཀེ་བར་ཡུར་བའི་འགྲམ་དུ་མཐོང་བའི་སེམས་ཅན་དེ་རྣམས་སོ། །  
\v 16 ཀེ་རུབ་རྣམས་སྐྱོད་དུས་སུ་འཁོར་ལོ་རྣམས་ཀྱང་དེ་ཚོའི་གམ་དུ་སྐྱོད་པ་དང་། ཀེ་རུབ་རྣམས་ཀྱིས་གཤོག་པ་བརྐྱངས་ནས་ས་ངོས་དང་བྲལ་ཏེ་འཕུར་བའི་སྐབས་སུ་འཁོར་ལོ་རྣམས་ཀྱང་དེ་དག་དང་མི་འབྲལ་ལོ། །  
\v 17 དེ་རྣམས་ལངས་ནས་སྡོད་དུས་འཁོར་ལོ་དག་ཀྱང་ལངས་སྡོད་པ་ཡིན། དེ་རྣམས་ཡར་འཕགས་དུས་འཁོར་ལོ་རྣམས་ཀྱང་དེ་རྣམས་དང་མཉམ་དུ་ཡར་འཕགས། གང་ལ་ཞེ་ན། སེམས་ཅན་རྣམས་ཀྱི་ཐུགས་ཉིད་ནི་འཁོར་ལོའི་ནང་དུ་ཡོད་པའོ། །   
\p
\v 18 དེ་ནས་དཀོན་མཆོག་ཡ་ཝཱེའི་གཟི་བརྗིད་ནི་མཆོད་ཁང་གི་སྒོ་ཐེམ་ལས་བཞུད་དེ་ཀེ་རུབ་རྣམས་ཀྱི་སྟེང་དུ་བཞུགས་པ་དང་།  
\v 19 ཀེ་རུབ་རྣམས་འབྲལ་དུས་སུ་དེ་དག་གིས་ངའི་མདུན་དུ་གཤོག་པ་བརྐྱངས་ནས་ས་ངོས་ལས་བྲལ་ཏེ་འཕུར་ཞིང་། འཁོར་ལོ་རྣམས་ཀྱང་དེ་དང་མཉམ་དུ་ཡོད་པ་དང་། དེ་རྣམས་དཀོན་མཆོག་ཡ་ཝཱེའི་མཆོད་ཁང་གི་ཤར་སྒོ་རུ་བསྡད། ཡེས་ར་ཨེལ་གྱི་དཀོན་མཆོག་གི་གཟི་བརྗིད་དེ་དག་གི་གོང་དུ་ཡོད་དོ། །  
\v 20 དེ་དག་ནི་ངས་ཀེ་བར་ཡུར་བའི་འགྲམ་དུ་མཐོང་བའི་ཡེས་ར་ཨེལ་གྱི་དཀོན་མཆོག་གི་གཟི་བརྗིད་འོག་ཏུ་གནས་པའི་སེམས་ཅན་ཡིན་པས། དེ་དག་ཀེ་རུབ་ཡིན་པ་ངས་རྟོགས་སོང་།  
\v 21 ཀེ་རུབ་བཞི་པོ་དེ་རེ་རེར་གདོང་བཞི་རེ་དང་གཤོག་པ་བཞི་རེ་ཡོད་དེ། གཤོག་པའི་འོག་ཏུ་མིའི་ལག་པ་ལྟ་བུའི་དབྱིབས་ཤིག་ཡོད།  
\v 22 ཁོ་ཚོའི་གདོང་གི་གཟུགས་དབྱིབས་ནི། དེ་སྔར་ངས་ཀེ་བར་ཡུར་བའི་འགྲམ་དུ་མཐོང་བ་དང་མཚུངས་ཤིང་། ཁོ་ཚོ་རེ་རེ་མདུན་དུ་སྐྱོད་ཀྱིན་ཡོད་དོ། །   
\c 11
\cl ལེའུ་བཅུ་གཅིག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 འགོ་དཔོན་རྣམས་ཀྱིས་ཇུས་ངན་བཤམས་པ།  
\p
\v 1 དེ་ནས་ཐུགས་ཉིད་ཀྱིས་ང་རང་ཡར་དྲངས་ཏེ། དཀོན་མཆོག་ཡ་ཝཱེའི་མཆོད་ཁང་གི་ཤར་ཕྱོགས་སུ་འཁོར་བའི་ཤར་སྒོ་རུ་ཁྲིད་པ་ལ། ལྟོས་དང་། སྒོ་ཁ་རུ་མི་ཉེར་ལྔ་ཡོད་ཅིང་དེ་དག་གི་ཁྲོད་དུ་མི་རྣམས་ཀྱི་འགོ་དཔོན་ཨ་ཟུར་གྱི་བུ་ཡ་ཨ་ཟན་ཡཱ་དང་། པེ་ནཱ་ཡའི་བུ་ཕེ་ལད་ཡཱ་གཉིས་ཡོད་པ་ངས་མཐོང་བྱུང་།  
\v 2 དཀོན་མཆོག་ཡ་ཝཱེས་ང་ལ་འདི་སྐད་དུ། ཀྱེ་མིའི་བུ། འདི་དག་ནི་སྡིག་པའི་ཇུས་འགོད་མཁན་དང་། གྲོང་ཁྱེར་ནང་དུ་གྲོས་ངན་བྱེད་མཁན་རྣམས་ཡིན་ཏེ།  
\v 3 ཁོ་ཚོ་ན་རེ། ཁང་པ་བརྩིག་པའི་དུས་ནི་ད་དུང་མ་སླེབས་ཏེ། གྲོང་ཁྱེར་འདི་ནི་སླ་ང་ཡིན་ལ། རང་ཅག་ནི་ཤ་དེ་ཡིན་ཟེར་བས།  
\v 4 ཀྱེ་མིའི་བུ། ཁྱོད་ཀྱིས་ལུང་སྟོན་ཅིག ལུང་བསྟན་ནས་དེ་ཚོར་རྒོལ་བར་གྱིས་ཤིག་ཅེས་གསུངས་སོ། །  
\v 5 དཀོན་མཆོག་ཡ་ཝཱེའི་ཐུགས་ཉིད་ངའི་སྟེང་དུ་བབས་ནས་ཁོང་གིས་ང་ལ་འདི་སྐད་དུ། ཁྱོད་ཀྱིས་འདི་ལྟར་སྨྲོས་ཤིག དཀོན་མཆོག་ཡ་ཝཱེས་འདི་སྐད་དུ། ཀྱེ་ཡེས་ར་ཨེལ་གྱི་ཁྱིམ་རྒྱུད། ཁྱོད་ཚོས་ངག་ནས་བརྗོད་པ་དང་སེམས་ལ་དྲན་པ་ཐམས་ཅད་ངས་ཤེས་སོ། །  
\v 6 ཁྱོད་རྣམས་ཀྱིས་གྲོང་ཁྱེར་འདིའི་ནང་དུ་མི་གང་མང་བསད་དེ། སྲང་ལམ་དུ་བམ་རོས་བཀང་བར་བྱས་པས།  
\v 7 གཙོ་བོ་ཡ་ཝཱེས་འདི་སྐད་དུ། ཁྱོད་ཚོས་གྲོང་ཁྱེར་ནང་དུ་གཡུགས་པའི་གཤིན་པོ་རྣམས་ནི་ཤ་དེ་ཡིན་ཞིང་། གྲོང་ཁྱེར་འདི་ནི་སླ་ང་ཡིན། ཁྱོད་ཚོ་ནི་གྲོང་ཁྱེར་ནས་ཕྱི་རུ་སྐྲོད་པར་འགྱུར།  
\v 8 ཁྱོད་རྣམས་རལ་གྲིར་འཇིགས་པས་ངས་ཁྱོད་ཅག་གི་སྟེང་དུ་རལ་གྲི་འབེབ་པར་བྱའོ་ཞེས་གསུངས་ཏེ། གཙོ་བོ་ཡ་ཝཱེས་འདི་སྐད་གསུངས།  
\v 9 ངས་ཁྱོད་རྣམས་གྲོང་ཁྱེར་ནས་ཕྱི་རུ་བསྐྲད་དེ་ཕྱི་རོལ་པའི་ལག་ཏུ་གཏོད་ཅིང་། ངས་ཁྱོད་རྣམས་ལ་ཉེས་ཆད་གཅོད་པར་བྱའོ། །  
\v 10 ཡེས་ར་ཨེལ་གྱི་ས་མཚམས་བར་དུ་ངས་ཁྱོད་རྣམས་ལ་ཁྲིམས་གཅོད་དེ། ཁྱོད་རྣམས་རལ་གྲིའི་འོག་ཏུ་འགྱེལ་བར་འགྱུར་ཞིང་། དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 11 གྲོང་ཁྱེར་འདི་ནི་ཁྱོད་ཚོའི་སླ་ང་རུ་མི་འགྱུར་ཞིང་། ཁྱོད་རྣམས་ཀྱང་དེའི་ནང་གི་ཤ་རུ་མི་འགྱུར་ཏེ། ཡེས་ར་ཨེལ་གྱི་ས་མཚམས་བར་དུ་ངས་ཁྱོད་རྣམས་ལ་ཁྲིམས་གཅོད་པ་དང་།  
\v 12 དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར། གང་ལ་ཞེ་ན། ཁྱོད་ཚོས་ངའི་སྒྲིག་ཁྲིམས་མ་བརྩིས་ཤིང་། ངའི་སྒྲིག་སྲོལ་ཡང་བརྩི་སྲུང་མ་བྱས་པར། ཁྱོད་ཚོའི་ཉེ་འཁོར་གྱི་མི་རིགས་རྣམས་ཀྱི་ཚུལ་བཞིན་དུ་སྤྱད་པ་ཡིན་གསུངས་ཞེས་པའོ་ཞེས་གསུངས་སོ། །  
\v 13 ཡང་ངས་ལུང་སྟོན་བཞིན་པའི་དུས་སུ་པེ་ནཱ་ཡའི་བུ་ཕེ་ལད་ཡཱ་ཤིའོ། །དེ་ནས་ངས་ཁ་སར་གཏད་ནས་སྐད་ཆེན་པོས་འདི་ལྟར། ཀྱེ་གཙོ་བོ་ཡ་ཝཱེ་ལགས། ཁྱེད་ཀྱིས་ཡེས་ར་ཨེལ་གྱི་ལྷག་ལུས་རྣམས་ཀྱང་མེད་པར་མཛད་དམ་ཞེས་ཞུས་པ་ཡིན།   
\s1 རང་ཡུལ་དུ་ལོག་པར་རེ་བ།  
\p
\v 14 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 15 ཀྱེ་མིའི་བུ། ཁྱོད་ཀྱི་སྤུན་ཟླ་རྣམས་དང་། གཉེན་ཉེ་དག་དང་། ཁྱོད་དང་མཉམ་དུ་བཙོན་ལ་ཁྲིད་པ་རྣམས་དང་། ཡེས་ར་ཨེལ་གྱི་ཁྱིམ་རྒྱུད་ཀུན་གྱི་སྐོར་གླེང་ན། དེ་སྔར་ཡེ་རུ་སཱ་ལེམ་གྱི་མི་རྣམས་ན་རེ། ཁོ་རྣམས་དཀོན་མཆོག་ཡ་ཝཱེ་དང་རིང་དུ་བྲལ་ཞིང་། ཡུལ་འདི་ནི་ང་ཚོའི་ནོར་སྐལ་དུ་གནང་བ་ཡིན་ཞེས་ཟེར་བས།  
\v 16 ཁྱོད་ཀྱིས་འདི་ལྟར། གཙོ་བོ་ཡ་ཝཱེས་འདི་སྐད་དུ། ངས་དེ་དག་རྒྱང་རིང་ཡུལ་དུ་མི་རིགས་ཀུན་གྱི་ཁྲོད་དུ་བསྐྲད་ནས་ཁོ་རྣམས་ཡུལ་སོ་སོར་གཏོར་ན་ཡང་། དེ་རྣམས་སླེབས་པའི་ཡུལ་སོ་སོར་ང་རང་ཁོ་ཚོའི་གནས་སྐབས་ཀྱི་གནས་དམ་པ་རུ་གྱུར་པ་ཡིན་ཞེས་གསུངས་ཞེས་སྨྲོས་ཤིག  
\v 17 དེ་བས་ཁྱོད་ཀྱིས་འདི་ལྟར། གཙོ་བོ་ཡ་ཝཱེས་འདི་སྐད་དུ། ངས་མི་རྣམས་ཀྱི་ཁྲོད་ནས་ཁྱོད་རྣམས་བསྡུ་བར་བྱ་སྟེ། ཁྱོད་རྣམས་གཏོར་བའི་ཡུལ་སོ་སོ་ནས་བསྡུས་ཏེ་ཡེས་ར་ཨེལ་གྱི་ཡུལ་ཁམས་ཁྱོད་ཅག་ལ་གནང་བར་བྱའོ་གསུངས་ཞེས་སྨྲོས་ཤིག  
\v 18 དེ་ནས་ཁོ་རྣམས་ཕྱིར་ཡུལ་དེར་ལོག་ཅིང་། ཡུལ་དེའི་ཞེན་ལོག་གི་སྐུ་འདྲ་དང་སྐྱུག་བྲོ་བའི་དངོས་པོ་ཐམས་ཅད་མེད་པར་བཟོའོ། །   
\p
\v 19 ངས་དེ་དག་ལ་སེམས་གཅིག་གནང་སྟེ། སེམས་ཉིད་གསར་པ་ཞིག་ཁོ་ཚོའི་ནང་དུ་བཞག་ནས། ངས་ཁོ་ཚོའི་ལུས་ནས་རྡོ་ལྟ་བུའི་སེམས་དེ་བཏོན་ནས་ཤ་ཡི་སྙིང་ཞིག་ཁོ་རྣམས་ལ་གནང་བར་བྱ་སྟེ།  
\v 20 དེ་དག་ལ་ངའི་སྒྲིག་ཁྲིམས་བརྩི་བ་དང་ངའི་སྒྲིག་སྲོལ་ནན་གྱིས་བསྲུང་བར་བཅུག་ནས། དེ་དག་ནི་བདག་གི་འབངས་མི་དང་ང་རང་དེ་དག་གི་དཀོན་མཆོག་ཏུ་འགྱུར་བར་བྱའོ། །  
\v 21 ཡིན་ནའང་སེམས་ནས་ཞེན་ལོག་གི་སྐུ་འདྲ་དང་སྐྱུག་བྲོ་བའི་དངོས་པོ་རྣམས་ཀྱི་རྗེས་སུ་འབྲངས་པའི་མི་དག་ལ། དེ་དག་གིས་སྤྱད་པའི་ལས་བཞིན་དུ་ངས་ཁོ་ཚོའི་སྟེང་དུ་ལན་འཇལ་ལོ་ཞེས་གཙོ་བོ་ཡ་ཝཱེས་གསུངས་སོ། །  
\v 22 དེ་ནས་ཀེ་རུབ་རྣམས་ཀྱིས་གཤོག་པ་བརྐྱངས་ཤིང་འཁོར་ལོ་རྣམས་དེ་དག་གི་ལོགས་སུ་ཡོད་དེ། ཡེས་ར་ཨེལ་གྱི་དཀོན་མཆོག་གི་གཟི་བརྗིད་དེ་དག་གི་སྟེང་དུ་མཆིས་སོ། །  
\v 23 དཀོན་མཆོག་ཡ་ཝཱེའི་གཟི་བརྗིད་གྲོང་ཁྱེར་ནས་ཡར་འཕགས་ཏེ། གྲོང་ཁྱེར་ཤར་ཕྱོགས་ཀྱི་རི་མགོར་བཞུགས་ཤིང་།  
\v 24 ཐུགས་ཉིད་ཀྱིས་ང་ཡར་དྲངས་པ་དང་། ཞལ་གཟིགས་ཀྱི་ནང་དུ་དཀོན་མཆོག་གི་ཐུགས་ཉིད་ལ་བརྟེན་ནས། ང་ནི་ཀལ་དི་རུ་བཙོན་པ་རྣམས་ཀྱི་རྩར་ཁྲིད་ཅིང་། ངས་མཐོང་བའི་ཞལ་གཟིགས་དེ་ང་དང་བྲལ་ནས་ཡར་འཕགས་སོ། །  
\v 25 དེ་ནས་ངས་དཀོན་མཆོག་ཡ་ཝཱེས་ང་ལ་བསྟན་པའི་དོན་ཐམས་ཅད་བཙོན་པ་རྣམས་ལ་བཤད་དོ། །   
\c 12
\cl ལེའུ་བཅུ་གཉིས་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 གནས་སྤོ་བའི་སྔ་ལྟས།  
\p
\v 1 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ནི་གྱེན་ལོག་གི་མི་རྣམས་ཁྲོད་དུ་བསྡད་ཡོད་པ་དང་། དེ་དག་ལ་ལྟ་བའི་མིག་ཡོད་ཀྱང་མི་མཐོང་ལ། ཉན་པའི་རྣ་ཡོད་ཀྱང་མི་ཐོས་ཏེ། གང་ལ་ཞེ་ན། དེ་དག་ནི་ཁྱིམ་རྒྱུད་ངོ་ལོག་ཅན་ཡིན་པས་སོ། །  
\v 3 དེ་བས། ཀྱེ་མིའི་བུ། ཁྱོད་ཀྱིས་རང་གི་དོན་དུ་བཙོན་ལ་ཁྲིད་སྐབས་མཁོ་བའི་དངོས་པོ་རྣམས་གྲ་སྒྲིག་གྱིས་ཤིག ཉིན་དཀར་དེ་ཚོའི་མདུན་ནས་ཕར་སོང་ཞིག ཡང་རང་ཉིད་འདུག་ས་ནས་གནས་གཞན་དུ་སྤོས་ཤིག དེ་དག་ཁྱིམ་རྒྱུད་ངོ་ལོག་ཅན་ཡིན་ན་ཡང་མིག་གིས་མཐོང་རྗེས་ཁོ་ཚོས་རྟོགས་ཀྱང་སྲིད།  
\v 4 ཁྱོད་ཀྱིས་ཉིན་དཀར་ཁོ་ཚོའི་མདུན་དུ་རང་གི་དངོས་པོ་སྟེ་བཙོན་ལ་ཁྲིད་སྐབས་མཁོ་བའི་དངོས་པོ་དང་འདྲ་བ་རྣམས་སྒོའི་ཕྱི་རུ་བཞག་ནས། མཚན་མོའི་དུས་སུ་ཁྱོད་ནི་བཙོན་དུ་ཁྲིད་པའི་མི་བཞིན་དུ། དེ་དག་གི་མདུན་ནས་ཕྱི་རུ་སོང་ཞིག  
\v 5 ཁྱོད་ཀྱིས་ཁོ་ཚོའི་མདུན་དུ་གྱང་ལ་ཁུང་བུ་དྲུས་ཏེ་ཁྱོད་ཀྱི་དངོས་པོ་རྣམས་དེ་ནས་ཕྱི་རུ་ཁྱེར་ཞིག  
\v 6 མུན་རུབ་པའི་དུས་སུ་ཁྱོད་ཀྱིས་ཁོ་ཚོའི་མདུན་ནས་དངོས་པོ་དེ་དག་ཕྲག་པར་ཁུར་ཏེ་ཕྱི་རུ་ཁྱེར་ཞིག་དང་། ངས་ཁྱོད་ནི་ཡེས་ར་ཨེལ་ཁྱིམ་རྒྱུད་ཀྱི་སྔ་ལྟས་སུ་མཛད་པས། ཁྱོད་ཀྱིས་ཡུལ་འདི་མི་མཐོང་བའི་ཕྱིར་རང་གི་གདོང་ཐུམས་ཤིག་ཅེས་གསུངས་སོ། །  
\v 7 དེ་ནས་ངས་ཁོང་གིས་བཀའ་བསྒོས་པ་བཞིན་བྱས་ཏེ། ཉིན་དཀར་ངའི་དངོས་པོ་སྟེ་བཙོན་དུ་ཁྲིད་སྐབས་མཁོ་བའི་དངོས་པོ་དང་འདྲ་བ་རྣམས་སྒོའི་ཕྱི་རུ་བཞག་པ་དང་། ས་སྲོད་ཀྱི་དུས་སུ་ངས་ལག་པས་གྱང་ལ་ཁུང་བུ་དྲུས་ཤིང་། མཚན་མོ་ངས་ཁོ་ཚོའི་མདུན་དུ་དངོས་པོ་དེ་དག་ཕྲག་པར་ཁུར་ནས་ཕྱི་རུ་ཁྱེར་བའོ། །  
\v 8 ཞོགས་པའི་དུས་སུ་དཀོན་མཆོག་ཡ་ཝཱེའི་བཀའ་ང་ལ་བྱུང་ནས་འདི་སྐད་དུ།  
\v 9 ཀྱེ་མིའི་བུ། ཡེས་ར་ཨེལ་གྱི་ཁྱིམ་རྒྱུད་དེ་ཁྱིམ་རྒྱུད་ངོ་ལོག་ཅན་གྱིས་ཁྱོད་ལ། ཁྱོད་ཀྱིས་ཅི་བྱེད་དམ་ཞེས་འདྲི་བ་མ་ཡིན་ནམ།  
\v 10 ཁྱོད་ཀྱིས་དེ་དག་ལ་འདི་ལྟར། གཙོ་བོ་ཡ་ཝཱེས་འདི་སྐད་དུ། ལུང་བསྟན་འདི་ནི་ཡེ་རུ་སཱ་ལེམ་གྱི་རྒྱལ་པོ་དང་དེའི་ནང་གི་ཡེས་ར་ཨེལ་གྱི་ཁྱིམ་རྒྱུད་དང་འབྲེལ་ལོ་ཞེས་སྨྲོས་ཤིག  
\v 11 ཁྱོད་ཀྱིས་འདི་ལྟར། བདག་ནི་ཁྱོད་ཚོའི་སྔ་ལྟས་ཤིག་ཡིན་པས། བདག་གིས་ཅི་ལྟར་སྤྱད་ན་ཁོ་ཚོ་ལའང་དེ་བཞིན་འབྱུང་བར་འགྱུར་ཏེ། ཁོ་རྣམས་བཙོན་དུ་འཁྲིད་པར་འགྱུར་ཞེས་སྨྲོས་ཤིག  
\v 12 ཁོ་ཚོའི་ཁྲོད་ཀྱི་རྒྱལ་པོས་ས་སྲོད་ཀྱི་དུས་སུ་དངོས་པོ་རྣམས་ཕྲག་པར་ཁུར་ནས་འགྲོ་ལ། དེ་ཚོས་གྱང་ལ་ཁུང་བུ་དྲུས་ནས་རྒྱལ་པོ་དེ་ནས་ཕྱི་རུ་འཁྱེར་ཞིང་། ཡང་དེས་རང་གི་གདོང་བཏུམས་ནས་ཡུལ་འདི་མི་མཐོང་ངོ་། །  
\v 13 བདག་གིས་རང་གི་དྲ་དེའི་སྟེང་དུ་གཏོང་བར་བྱ་ཞིང་ངའི་དྲ་བས་དེ་འཛིན་པར་འགྱུར་བ་དང་། ཡང་བདག་གིས་དེ་ཀལ་དི་པའི་ཡུལ་ཏེ་པཱ་པེལ་ལོན་དུ་འཁྲིད་ཅིང་། ཁོས་ཡུལ་དེ་མི་མཐོང་ཡང་དེ་རུ་འཆི་བར་འགྱུར།  
\v 14 བདག་གིས་དེའི་མཐའ་འཁོར་གྱི་མི་རྣམས་ཏེ། ཁོ་ལ་རོགས་བྱེད་མཁན་དག་དང་ཁོའི་དམག་དཔུང་ཐམས་ཅད་ཕྱོགས་བཞི་རུ་གཏོར་ཏེ། རལ་གྲི་ཕྱུང་ནས་དེ་དག་གི་རྗེས་འདེད་པར་བྱའོ། །  
\v 15 བདག་གིས་དེ་རྣམས་ཕྱི་རོལ་པའི་མི་རིགས་སོ་སོའི་ནང་དུ་གཏོར་ཏེ། ཡུལ་ཕྱོགས་སོ་སོར་ཁ་ཐོར་དུ་འགྲོ་རུ་འཇུག་དུས་སུ། དེ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 16 ཡིན་ནའང་དེ་དག་གིས་རང་རང་སླེབས་སའི་མི་རིགས་ཀུན་གྱི་ནང་དུ། རང་གི་ཞེན་ཁ་ལོག་པའི་དོན་རྣམས་སྨྲ་བའི་ཕྱིར་དུ་ངས་དེ་ལས་མི་གྲངས་ཉུང་ངུ་ཞིག་ལུས་པར་བྱེད་ཅིང་། རལ་གྲི་དང་མུ་གེ རིམས་ནད་བཅས་ལས་ཐར་བར་བཅུག་ན། དེ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ། །  
\v 17 དཀོན་མཆོག་ཡ་ཝཱེའི་བཀའ་ནི་ཡང་བསྐྱར་ང་ལ་བྱུང་ནས་འདི་སྐད་དུ།  
\v 18 ཀྱེ་མིའི་བུ། ཁྱོད་ཀྱིས་སྐྲག་སྐྲག་འདར་འདར་ངང་རང་གི་ཁ་ཟས་སྤྱོད་དང་། དངངས་འཚབ་དང་བཅས་རང་གི་ཆུ་ཐུངས་ཤིག  
\v 19 ཁྱོད་ཀྱིས་ཡུལ་འདིའི་མི་རྣམས་ལ་འདི་ལྟར། ཡེ་རུ་སཱ་ལེམ་གྱི་མི་རྣམས་དང་ཡེས་ར་ཨེལ་གྱི་ཡུལ་ཁམས་ཀྱི་སྐོར་ལ། གཙོ་བོ་ཡ་ཝཱེས་འདི་སྐད་དུ། ཁོ་ཚོས་སེམས་ཁྲལ་དང་བཅས་རང་གི་ཁ་ཟས་སྤྱོད་ཅིང་། འཇིགས་སྐྲག་ངང་རང་གི་ཆུ་བཏུང་བ་ཡིན་ཏེ། གང་ལ་ཞེ་ན། མི་ཀུན་གྱི་བཙན་ཤུགས་ཀྱི་དབང་གིས་ཡུལ་འདི་ནི་ཡོངས་སུ་སྟོང་བར་འགྱུར་རོ། །  
\v 20 མི་འདུག་སའི་གྲོང་ཁྱེར་རྣམས་སྟོང་བར་འགྱུར་ཞིང་། ཡུལ་ཁམས་འདི་ཡང་སྟོང་བར་འགྱུར་བ་དང་། དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་སྨྲོས་ཤིག་ཅེས་གསུངས་སོ། །   
\s1 དཀོན་མཆོག་གི་ལུང་བསྟན་འགྲུབ་པར་འགྱུར་བ།  
\p
\v 21 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 22 ཀྱེ་མིའི་བུ། ཁྱོད་ཅག་ལ་ཡེས་ར་ཨེལ་གྱི་ཡུལ་དུ། ཞག་རྣམས་ཉིན་རེ་བཞིན་དུ་འདས། །ཞལ་གཟིགས་ཐམས་ཅད་སྟོང་བར་གྱུར། །ཞེས་པའི་ཁ་དཔེ་ཞིག་ཡོད་པ་དེ་ཅི་ཡིན་ནམ།  
\v 23 དེ་བས་ཁྱོད་ཀྱིས་དེ་དག་ལ་འདི་ལྟར། གཙོ་བོ་ཡ་ཝཱེས་འདི་སྐད་དུ། ངས་ཁ་དཔེ་འདི་ད་ནི་དར་བར་མི་བྱ་སྟེ། ཕྱིན་ཆད་ཡེས་ར་ཨེལ་གྱི་ནང་དུ་མི་ཡིས་ཁ་དཔེ་འདི་མི་འདྲེན་ཞེས་པའོ། །ཡིན་ནའང་ཁྱོད་ཀྱིས་དེ་རྣམས་ལ། ཉིན་མོ་དེ་ནི་སླེབས་ལ་ཉེ། །ཞལ་གཟིགས་མཐའ་དག་འགྲུབ་པར་འགྱུར་ཞེས་སྨྲོས་ཤིག  
\v 24 དུས་དེ་ནས་བཟུང་ཡེས་ར་ཨེལ་གྱི་ཁྱིམ་རྒྱུད་ནང་དུ་ཞལ་གཟིགས་རྫུས་མ་དང་ངོ་བསྟོད་བྱེད་པའི་མོ་བ་འབྱུང་བར་མི་འགྱུར།  
\v 25 གང་ལ་ཞེ་ན། བདག་ནི་ཡ་ཝཱེ་ཡིན་ཏེ་བདག་གིས་བཀའ་གསུང་བར་འགྱུར་ཞིང་གསུངས་པའི་བཀའ་དེ་གང་ཞིག་ཡིན་ཡང་འགྲུབ་ངེས་ཤིང་དུས་འགྱང་མི་བྱའོ། །ཀྱེ་ཁྱིམ་རྒྱུད་ངོ་ལོག་ཅན། ངས་གསུངས་པའི་བཀའ་རྣམས་ཁྱོད་ཚོ་ད་དུང་གསོན་པའི་དུས་སུ་འགྲུབ་པར་འགྱུར་གསུངས་ཞེས་གཙོ་བོ་ཡ་ཝཱེས་གསུངས་སོ། །  
\v 26 དཀོན་མཆོག་ཡ་ཝཱེའི་བཀའ་ནི་ཡང་བསྐྱར་ང་ལ་བྱུང་ནས་འདི་སྐད་དུ།  
\v 27 ཀྱེ་མིའི་བུ། ལྟོས་དང་། ཡེས་ར་ཨེལ་གྱི་ཁྱིམ་རྒྱུད་རྣམས་ན་རེ། མི་འདིས་མཐོང་བའི་ཞལ་གཟིགས་ནི་དུས་ཡུན་རིང་པོའི་རྗེས་ཀྱི་དོན་དང་འབྲེལ་ཏེ། ཁོས་ལུང་བསྟན་པ་དེ་ནི་རྒྱང་རིང་གི་མ་འོངས་པ་བསྟན་པ་ཡིན་ཞེས་ཟེར་བས་ན།  
\v 28 ཁྱོད་ཀྱིས་དེ་རྣམས་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ངའི་གསུང་ཐམས་ཅད་ཚིག་གཅིག་ཀྱང་དུས་འགྱང་བར་མི་བྱ་སྟེ། ངས་གསུངས་པ་ཐམས་ཅད་འགྲུབ་པར་འགྱུར་གསུངས་ཞེས་པའོ་ཞེས་གཙོ་བོ་ཡ་ཝཱེས་གསུངས་སོ། །   
\c 13
\cl ལེའུ་བཅུ་གསུམ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ལུང་སྟོན་པ་རྫུན་མར་བཀའ་བཀྱོན་གནང་བ།  
\p
\v 1 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཡེས་ར་ཨེལ་གྱི་ནང་དུ་ལུང་སྟོན་མཁན་ལུང་སྟོན་པ་དེ་རྣམས་ལ་ཁྱོད་ཀྱིས་ལུང་བསྟན་ནས་རྒོལ་ཞིག་དང་། རང་གི་བསམ་འདུན་བཞིན་དུ་ལུང་སྟོན་མཁན་དེ་དག་ལ་འདི་ལྟར་སྨྲོས་ཤིག ཁྱོད་རྣམས་ཀྱིས་དཀོན་མཆོག་ཡ་ཝཱེའི་གསུང་ལ་ཉོན་ཅིག་ཅེས་པའོ་ཞེས་གསུངས།  
\v 3 གཙོ་བོ་ཡ་ཝཱེས་འདི་སྐད་དུ། ཞལ་གཟིགས་ཅི་ཡང་མ་མཐོང་བར་རང་གི་སེམས་ཉིད་བཞིན་དུ་ལུང་སྟོན་མཁན་གྱི་ལུང་སྟོན་པ་བླུན་པོ་དེ་དག་ལ་ཆག་སྒོ་འབྱུང་།  
\v 4 ཀྱེ་ཡེས་ར་ཨེལ། ཁྱོད་ཀྱི་ལུང་སྟོན་པ་རྣམས་ནི་ཞིག་རལ་སྟེང་གི་ཝ་མོ་བཞིན་ཡིན་ལ།  
\v 5 དཀོན་མཆོག་ཡ་ཝཱེའི་ཉིན་མོར་དམག་འཐབ་ཁྲོད་དུ་ཚུགས་ཐུབ་པའི་ཕྱིར་དུ། དེ་དག་ཡར་སོང་ནས་ཞིག་རལ་རྣམས་མ་བཅོས་ཏེ། ཡེས་ར་ཨེལ་གྱི་ཁྱིམ་རྒྱུད་ཀྱི་ཆེད་དུ་མཁར་ཡང་སླར་མ་བརྩིགས།  
\v 6 དེ་དག་གིས་མཐོང་བ་ནི་ཞལ་གཟིགས་རྫུས་མ་དང་། མི་ལ་མགོ་སྐོར་གཏོང་བའི་མོ་ཡིན་ཏེ། དཀོན་མཆོག་ཡ་ཝཱེས་དེ་རྣམས་མ་མངགས་ཀྱང་ཁོ་ཚོ་ན་རེ། འདི་ནི་དཀོན་མཆོག་ཡ་ཝཱེའི་གསུང་ཡིན་ཞེས་ཟེར་ཞིང་། དེ་དག་གིས་རང་གིས་ཅི་བཤད་པ་རྣམས་དེ་བཞིན་འགྲུབ་པར་རེའོ། །  
\v 7 ཁྱོད་ཚོས་ཞལ་གཟིགས་རྫུས་མ་མཐོང་ཞིང་། མི་ལ་མགོ་སྐོར་གཏོང་བའི་མོ་བཏབ་པ་མ་ཡིན་ནམ། ཁྱོད་ཚོས་ད་དུང་འདི་ནི་ཡ་ཝཱེའི་གསུང་ཡིན་ཟེར་ཡང་། དོན་དམ་དུ་ངས་དེ་ལྟར་མ་སྨྲས་ཞེས་གསུངས།  
\v 8 དེ་བས་ན་གཙོ་བོ་ཡ་ཝཱེས་འདི་སྐད་དུ། ཁྱོད་རྣམས་ཀྱིས་བཤད་པ་ནི་རྫུན་དང་། མཐོང་བ་ནི་འཕྲུལ་སྣང་ཡིན་པས། ལྟོས་དང་། ངས་ཁྱོད་རྣམས་ལ་རྒོལ་བ་ཡིན་ཞེས་གཙོ་བོ་ཡ་ཝཱེས་གསུངས་ཤིང་།  
\v 9 ཞལ་གཟིགས་རྫུས་མ་མཐོང་མཁན་དང་། མོ་བཏབ་ནས་མི་ལ་མགོ་སྐོར་གཏོང་བའི་ལུང་སྟོན་པ་དེ་དག་ལ་ངའི་ལག་པས་རྒོལ་བར་བྱ། དེ་དག་ངའི་མི་ཚོགས་ཀྱི་ནང་དུ་འདུག་མི་རུང་ཞིང་། ཡེས་ར་ཨེལ་ཁྱིམ་རྒྱུད་ཀྱི་མིང་ཐོ་རུའང་འགོད་མི་རུང་ལ། ཡེས་ར་ཨེལ་གྱི་ཡུལ་ཁམས་སུའང་འགྲོ་མི་ཆོག་སྟེ། དེ་ནས་ཁྱོད་ཚོས་བདག་ནི་གཙོ་བོ་ཡ་ཝཱེ་ཡིན་པ་རྟོགས་པར་འགྱུར།  
\v 10 གང་ལ་ཞེ་ན། ཞི་བདེ་མེད་ན་ཡང་དེ་ཚོས་བདག་གི་འབངས་མི་ལ་ཞི་བདེ་ཡོད་ཅེས་བསླུས་ཤིང་། མི་ཡིས་མཁར་གྱང་རྩིག་དུས་སུ་དེ་དག་གིས་རྩིག་པར་དཀར་རྩི་འབྱུག་པ་ཡིན།  
\v 11 དེ་བས་ཁྱོད་ཀྱིས་མཁར་གྱང་ལ་དཀར་རྩི་འབྱུག་མཁན་རྣམས་ལ་འདི་ལྟར། མཁར་གྱང་དེ་ནི་ལོག་པར་མ་ཟད་དྲག་ཆར་གྱིས་བསྣུབ་པར་འགྱུར། ཀྱེ་སེར་བ་ཆེན་པོ་ཁྱོད་ནི་བོབས་དང་། དྲག་རླུང་ཡང་གཡུག་པར་འགྱུར་ཞེས་སྨྲོས་ཤིག  
\v 12 ལྟོས་དང་། མཁར་གྱང་དེ་ལོག་རྗེས་མི་ཡིས་ཁྱོད་རྣམས་ལ། ཁྱོད་རྣམས་ཀྱིས་བྱུགས་པའི་དཀར་རྩི་དེ་གང་དུ་ཡོད་དམ་ཞེས་མི་འདྲིའམ་ཞེས་གསུངས།  
\v 13 དེ་བས་གཙོ་བོ་ཡ་ཝཱེས་འདི་སྐད་དུ། ངས་རང་གི་ཁོང་ཁྲོ་ཆེན་པོས་དྲག་རླུང་གཡུག་པར་བྱ་ཞིང་། ང་ཡི་ཞེ་སྡང་ནང་དུ་དྲག་ཆར་གྱིས་ནུབ་པར་འགྱུར་ལ། ཁོང་ཁྲོ་ཆེན་པོའི་སེར་བ་བབས་ནས་མཁར་གྱང་དེ་མེད་པར་བྱེད་དེ།  
\v 14 ཁྱོད་ཚོས་དཀར་རྩི་བྱུགས་པའི་མཁར་གྱང་དེ་ངས་བཤིགས་ནས་ས་རུ་འགྱེལ་བར་འགྱུར་ཞིང་། ཐ་ན་དེའི་རྨང་ཡང་མངོན་པར་འགྱུར་ལ། མཁར་གྱང་ལོག་ནས་ཁྱོད་རྣམས་ཀྱང་དེའི་ནང་དུ་མེད་པར་འགྱུར་བས། ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 15 དེ་ལྟར་ངས་མཁར་གྱང་དང་མཁར་གྱང་ལ་དཀར་རྩི་འབྱུག་པའི་མི་དེ་དག་གི་སྟེང་དུ་རང་གི་ཁོང་ཁྲོ་ཡོངས་སུ་བླུགས་ནས། ངས་དེ་དག་ལ་འདི་སྐད་དུ། མཁར་གྱང་མེད་པར་གྱུར་ཏེ། མཁར་གྱང་ལ་དཀར་རྩི་འབྱུག་མཁན་ཡང་མེད་པར་གྱུར་ཏོ་ཞེས་སྨྲ་ཞིང་།  
\v 16 མཁར་གྱང་ལ་དཀར་རྩི་འབྱུག་མཁན་དེ་ཚོ་ནི་ཡེས་ར་ཨེལ་གྱི་ལུང་སྟོན་པ་རྣམས་ཡིན་ཞིང་། ཁོ་ཚོས་ཡེ་རུ་སཱ་ལེམ་ལ་ལུང་བསྟན་ཏེ། ཞི་བདེ་མེད་པའི་དུས་སུ་གྲོང་ཁྱེར་དེའི་ཆེད་དུ་ཞི་བདེའི་ཞལ་གཟིགས་མཐོང་བར་གྱུར་ཞེས་གཙོ་བོ་ཡ་ཝཱེས་གསུངས་སོ། །   
\s1 བུད་མེད་ལུང་སྟོན་པ་རྫུན་མར་བཀའ་བཀྱོན་གནང་བ།  
\p
\v 17 ཀྱེ་མིའི་བུ། ཁྱོད་ཀྱིས་མི་རྣམས་ཁྲོད་ཀྱི་རང་གི་བསམ་འདུན་བཞིན་དུ་ལུང་སྟོན་མཁན་བུད་མེད་དེ་དག་གི་ཕྱོགས་སུ་འཁོར་ནས། དེ་དག་ལ་རྒོལ་བའི་ལུང་སྟོན་ཅིག ཁྱོད་ཀྱིས་འདི་ལྟར།  
\v 18 གཙོ་བོ་ཡ་ཝཱེས་འདི་སྐད་དུ། མི་རྣམས་ཀྱི་སྲོག་ལེན་པའི་ཕྱིར་དུ། མི་རྣམས་ཀྱི་ལག་རྩར་སྔགས་དང་ལྡན་པའི་ཐི་གུ་བཙེམས་པ་དང་། ཡང་མི་རྣམས་ཀྱི་ཆེད་དུ་རིང་ཐུང་མི་འདྲ་བའི་མགོ་རས་བཟོ་བའི་བུད་མེད་རྣམས་ལ་ཆག་སྒོ་འབྱུང་། ཁྱོད་ཚོས་ངའི་མི་རྣམས་ཀྱི་སྲོག་བླངས་ན་རང་སྲོག་སྐྱོབ་ཐུབ་པ་ཡིན་ནམ།  
\v 19 ནས་སྤར་བ་ཁ་ཤས་དང་བག་ལེབ་དུམ་བུ་འགའ་ཡི་ཕྱིར་དུ། ཁྱོད་ཚོས་ངའི་འབངས་མིའི་ནང་དུ་ང་ཁྱད་དུ་བསད་པ་དང་། རྫུན་གཏམ་ལ་མཉན་འདོད་པའི་ངའི་འབངས་མི་རྣམས་ལ་ཁྱོད་ཚོས་རྫུན་གཏམ་ལབ་ཅིང་། འཆི་བར་མི་འོས་པ་རྣམས་ཁྱོད་ཚོས་བསད་དེ། གསོན་མི་འོས་པ་དེ་ཚོའི་སྲོག་ནི་ཁྱོད་ཚོས་བསྐྱབས་པ་ཡིན།  
\v 20 དེ་བས་གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཁྱོད་ཚོའི་སྔགས་དང་ལྡན་པའི་ཐི་གུ་དེ་ལ་རྒོལ་བར་བྱ་སྟེ། ཁྱོད་ཚོས་འདབ་ཆགས་བྱ་རྣམས་བཟུང་པ་བཞིན་དུ་ཐི་གུ་དེ་དག་གིས་མིའི་སྲོག་བླངས་པས། ངས་དེ་རྣམས་ཁྱོད་ཚོའི་དཔུང་པ་ནས་དབྲལ་བར་འགྱུར་ལ། ཁྱོད་ཚོས་འདབ་ཆགས་བྱ་ལྟར་བཟུང་པ་དེ་རྣམས་སྒྲོལ་བར་བྱའོ། །  
\v 21 ཡང་ཁྱོད་ཀྱི་མགོ་རས་རྣམས་གཤགས་ཏེ། ངའི་འབངས་མི་ཁྱོད་ཀྱི་ལག་ནས་སྒྲོལ་བར་བྱ་ཞིང་། ཕྱིན་ཆད་ཁོ་ཚོ་ནི་འཛིན་བྱའི་རི་དྭགས་བཞིན་ཁྱོད་ཀྱི་ལག་ཏུ་མི་འཚུད་པ་དང་། དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 22 གང་ལ་ཞེ་ན། ངས་དྲང་བདེན་ཅན་རྣམས་སེམས་ཕམ་པར་མ་བྱས་ཀྱང་། ཁྱོད་ཚོས་རྫུན་གཏམ་གྱིས་དེ་དག་གི་སེམས་ཕམ་པར་བྱས་པ་དང་། ཡང་མི་ངན་གྱི་ལག་པ་བརྟན་པོར་བྱས་པར་མ་ཟད། དེ་དག་ངན་སྤྱོད་ལས་ལོག་སྟེ་ཐར་པ་འཐོབ་ཏུ་མ་བཅུག་གོ །  
\v 23 དེ་བས། ཁྱོད་ཚོས་ཕྱིན་ཆད་ཞལ་གཟིགས་རྫུས་མ་མཐོང་བར་མི་འགྱུར་ལ། མོ་འདེབས་པའི་དོན་ཡང་སྤྱོད་པར་མི་བྱ་སྟེ། བདག་གིས་རང་གི་འབངས་མི་ཁྱོད་ཀྱི་ལག་ནས་སྒྲོལ་བར་བྱེད་ཅིང་། དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་སྨྲོས་ཤིག་ཅེས་གསུངས་སོ། །   
\c 14
\cl ལེའུ་བཅུ་བཞི་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 སྐུ་འདྲ་ལ་དད་པའི་སྡིག་པར་བཀའ་བཀྱོན་གནང་བ།  
\p
\v 1 དེ་ནས་ཡེས་ར་ཨེལ་གྱི་རྒན་པོ་འགའ་ང་དང་འཕྲད་དུ་འོངས་ནས་ངའི་མདུན་དུ་བསྡད་པ་དང་།  
\v 2 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 3 ཀྱེ་མིའི་བུ། མི་འདི་རྣམས་ཀྱིས་རང་གི་སྐུ་འདྲ་རྣམས་སེམས་སུ་བླངས་པ་དང་། ཁོ་ཚོ་སྡིག་པའི་ནང་ལྷུང་བར་བྱེད་པའི་བཀག་རྡོ་དེ་རང་གི་མདུན་དུ་བཞག་པས། ངས་ཅི་ལྟར་དེ་ཚོར་ང་ལ་ཞུ་བར་འཇུག་གམ།  
\v 4 དེའི་ཕྱིར་ཁྱོད་ཀྱིས་ཁོ་རྣམས་ལ་འདི་ལྟར། གཙོ་བོ་ཡ་ཝཱེས་འདི་སྐད་དུ། ཡེས་ར་ཨེལ་ཁྱིམ་རྒྱུད་ཀྱི་ནང་དུ། རང་གི་སྐུ་འདྲ་སེམས་སུ་བླངས་པ་དང་། རང་ཉིད་སྡིག་པའི་ནང་ལྷུང་བར་བྱེད་པའི་བཀག་རྡོ་དེ་རང་གི་མདུན་དུ་འཇོག་མཁན་དང་། ཡང་ལུང་སྟོན་པའི་དྲུང་དུ་ཡོང་མཁན་དེ་ལ། ང་ཡ་ཝཱེས་དེ་ཡིས་སྐུ་འདྲ་མང་པོར་ཕྱག་བཙལ་བའི་སྡིག་པ་བཞིན་དུ་ལན་འཇལ་ཏེ། ཡེས་ར་ཨེལ་ཁྱིམ་རྒྱུད་ཀྱི་སེམས་འགུག་པར་བྱའོ། །  
\v 5 དེ་དག་ཐམས་ཅད་ནི་རང་གི་སྐུ་འདྲའི་རྐྱེན་གྱིས་ང་དང་རིང་དུ་གྱེས་པ་ཡིན་གསུངས་ཞེས་སྨྲོས་ཤིག  
\v 6 དེ་བས་ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་རྣམས་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། རང་གི་སྐུ་འདྲ་རྣམས་དང་བྲལ་ནས་རང་གི་ཞེན་ལོག་གི་རྫས་ཐམས་ཅད་ནས་ཁ་ཕྱིར་འཁོར་ཏེ་སེམས་སྒྱུར་ཅིག  
\v 7 གང་ལ་ཞེ་ན། ཡེས་ར་ཨེལ་གྱི་ཁྱིམ་རྒྱུད་དང་ཡང་ན་ཡེས་ར་ཨེལ་གྱི་ཁྲོད་དུ་བྱེས་སུ་སྡོད་པའི་མི་རིགས་གཞན་གྱི་ནང་དུ་ང་དང་རིང་དུ་གྱེས་ནས། རང་གི་སྐུ་འདྲ་རྣམས་སེམས་སུ་བླངས་པ་དང་། རང་ཉིད་སྡིག་པའི་ནང་ལྷུང་བར་བྱེད་པའི་བཀག་རྡོ་དེ་རང་གི་མདུན་དུ་བཞག་སྟེ། ཡང་ལུང་སྟོན་པའི་དྲུང་དུ་འོངས་ཏེ་རང་གི་ཕྱིར་དུ་ང་ལ་ཞུ་མཁན་དག་ལ། ང་ཡ་ཝཱེས་དངོས་སུ་ལན་འཇལ་ངེས་ཡིན།  
\v 8 མི་དེའི་ཕྱོགས་སུ་ངའི་གདོང་མདོག་འགྱུར་ནས། དེ་ནི་མི་གཞན་པའི་དཔེ་མཚོན་དང་ཁ་དཔེ་རུ་འགྱུར་བར་བྱེད་ཅིང་། ཡང་བདག་གིས་རང་གི་འབངས་མི་ལས་དེ་ཚར་དུ་གཅོད་པར་བྱའོ། །དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 9 ཡང་ལུང་སྟོན་པ་སུ་ཞིག་གཞན་གྱིས་བསླུས་ནས་གཏམ་བཤད་པ་ཡིན་ན། དེ་ནི་ང་ཡ་ཝཱེས་ལུང་སྟོན་པ་དེ་བསླུ་རུ་བཅུག་པ་ཡིན་ཏེ། ངས་རང་གི་ལག་པ་བརྐྱངས་ནས་དེ་ལ་རྒོལ་ཞིང་། ངའི་འབངས་མི་ཡེས་ར་ཨེལ་གྱི་ཁྲོད་ནས་མི་དེ་མེད་པར་བྱའོ། །  
\v 10 དེ་ནས་ཁོ་རྣམས་ཀྱིས་རང་གི་སྡིག་པ་འཁུར་ཞིང་། ལུང་སྟོན་པ་རྣམས་ཀྱི་སྡིག་པ་ཅི་ལྟར་ཡིན་ན། ཞུ་མཁན་གྱི་སྡིག་པའང་དེ་ལྟར་ཡིན།  
\v 11 དེ་བཞིན་བྱས་ན་ད་ནི་ཡེས་ར་ཨེལ་གྱི་ཁྱིམ་རྒྱུད་ཀྱིས་ལམ་བོར་ནས་ང་དང་མི་འབྲལ་ཞིང་། རང་གི་ཉེས་སྐྱོན་ཀུན་གྱི་དབང་གིས་རང་ཉིད་བཙོག་པར་ཡང་མི་བཟོ་ལ། དེ་དག་ངའི་འབངས་མི་རུ་འགྱུར་ཞིང་། ང་ནི་དེ་དག་གི་དཀོན་མཆོག་ཏུ་འགྱུར་རོ་ཞེས་གསུངས་ཏེ། གཙོ་བོ་ཡ་ཝཱེས་དེ་སྐད་གསུངས་སོ། །   
\s1 དྲང་བདེན་ཅན་རྣམས་སྐྱོབ་ཅིང་ངན་པ་རྣམས་ཚར་དུ་གཅོད་པ།  
\p
\v 12 ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 13 ཀྱེ་མིའི་བུ། གལ་ཏེ་ཡུལ་གང་ཞིག་གིས་བློ་མི་དཀར་བའི་ལས་སྤྱད་དེ་ང་ལ་འགལ་བའི་སྡིག་པ་བྱས་ན། ངས་རང་གི་ལག་པ་བརྐྱངས་ནས་ཡུལ་དེ་ལ་རྒོལ་ཞིང་། ཡུལ་དེའི་ཁ་ཟས་བཅད་དེ་ཡུལ་དེར་མུ་གེ་སླེབ་ཏུ་འཇུག་ཅིང་། མི་ཕྱུགས་གཉིས་ཀ་ཡུལ་དེ་ནས་ཚར་དུ་གཅོད་པར་བྱ།  
\v 14 ཇི་སྟེ་ནོ་ཨ་དང་དཱ་ནི་ཨེལ། ཨེས་ཡོབ་བཅས་པའི་སྐྱེས་བུ་གསུམ་པོ་དེ་རུ་ཡོད་ནའང་། དེ་དག་གིས་རང་ཉིད་དྲང་བདེན་ཡིན་པའི་དབང་གིས་རང་སྲོག་ལས་གཞན་སྐྱོབ་མི་ནུས་ཞེས་གཙོ་བོ་ཡ་ཝཱེས་གསུངས་སོ། །  
\v 15 གལ་ཏེ་ངས་ཡུལ་དེར་གཅན་གཟན་རྒྱུ་རུ་བཅུག་སྟེ། ཡུལ་དེའི་ཕྲུ་གུ་རྣམས་རྨེག་མེད་དུ་བཏང་ནས་སྟོང་བར་འགྱུར་བ་དང་། གཅན་གཟན་དེ་དག་གི་རྐྱེན་གྱིས་ཐ་ན་ཡུལ་དེར་བརྒྱུད་ནས་འགྲོ་ཕོད་མཁན་ཡང་མེད་པ་ཡིན་ན།  
\v 16 སྐྱེས་བུ་དེ་གསུམ་པོ་ཡུལ་དེར་ཡོད་ནའང་། དེ་དག་གིས་རང་ཉིད་ཁོ་ན་སྐྱོབ་པ་ལས། ཐ་ན་རང་གི་བུ་དང་བུ་མོའང་སྐྱོབ་མི་ནུས་ལ། ཡུལ་དེ་སྔར་བཞིན་སྟོང་བར་ལུས་པའོ་ཞེས་བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཞེས་གཙོ་བོ་ཡ་ཝཱེས་གསུངས་སོ། །  
\v 17 གལ་ཏེ་ངས་ཡུལ་དེར་རལ་གྲི་དྲངས་ནས་འདི་སྐད་དུ། ངས་མི་ཕྱུགས་གཉིས་ཀ་ཡུལ་དེ་ནས་ཚར་དུ་གཅོད་པའི་ཕྱིར་དུ། རལ་གྲི་ནི་ཡུལ་དེར་རྒྱུ་བར་ཤོག་ཅེས་སྨྲས་པ་ཡིན་ན།  
\v 18 སྐྱེས་བུ་དེ་གསུམ་པོ་ཡུལ་དེར་ཡོད་ནའང་། དེ་དག་གིས་རང་ཉིད་ཁོ་ན་སྐྱོབ་པ་ལས། ཐ་ན་རང་གི་བུ་དང་བུ་མོའང་སྐྱོབ་མི་ནུས་སོ་ཞེས་བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཞེས་གཙོ་བོ་ཡ་ཝཱེས་གསུངས་སོ། །  
\v 19 གལ་ཏེ་ངས་ཡུལ་དེར་རིམས་ནད་མངགས་ཏེ་ཁྲག་བཞུར་བའི་དོན་བརྒྱུད་ནས་ངའི་ཁོང་ཁྲོ་ཡུལ་དེར་བླུགས་ཏེ། མི་ཕྱུགས་གཉིས་ཀ་ཡུལ་དེ་ནས་ཚར་བཅད་པ་ཡིན་ན།  
\v 20 ནོ་ཨ་དང་དཱ་ནི་ཨེལ། ཨེས་ཡོབ་བཅས་པའི་སྐྱེས་བུ་གསུམ་པོ་དེ་རུ་ཡོད་ནའང་། བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་སྟེ། དེ་དག་གིས་རང་ཉིད་དྲང་བདེན་ཡིན་པའི་དབང་གིས་རང་སྲོག་ལས་གཞན་ཐ་ན་རང་གི་བུ་དང་བུ་མོའང་སྐྱོབ་མི་ནུས་ཞེས་གཙོ་བོ་ཡ་ཝཱེས་གསུངས་སོ། །  
\v 21 ཡང་གཙོ་བོ་ཡ་ཝཱེས་འདི་སྐད་དུ། ངས་རལ་གྲི་དང་མུ་གེ གཅན་གཟན། རིམས་ནད་བཅས་འཇིགས་སུ་རུང་བའི་ཉེས་ཆད་བཞི་པོ་ཡེ་རུ་སཱ་ལེམ་གྱི་སྟེང་དུ་འབབ་པར་བྱས་ཏེ། མི་ཕྱུགས་གཉིས་ཀ་ཡུལ་དེ་ནས་ཚར་གཅོད་དུས། གནས་ཚུལ་ནི་དེ་ལས་ཀྱང་ཚབས་ཆེན་མ་ཡིན་ནམ།  
\v 22 ལྟོས་དང་། དེའི་ནང་དུ་བྲོས་ནས་ཐར་བའི་ལྷག་ལུས་རྣམས་ཡོད་ཅིང་། དེ་དག་གིས་བུ་དང་བུ་མོ་རྣམས་ཁྲིད་ནས་ཕྱིར་ཐོན་ཏེ་ཁྱོད་ཀྱི་མདུན་དུ་འོངས་པ་དང་། ཁྱོད་ཅག་གིས་དེ་ཚོའི་བྱ་བ་སྤྱོད་པ་རྣམས་མཐོང་ན། ངས་ཡེ་རུ་སཱ་ལེམ་གྱི་སྟེང་དུ་ཕབ་པའི་བར་ཆད་ཐམས་ཅད་ཀྱི་དབང་གིས་སེམས་གསོ་འཐོབ་པར་འགྱུར་ལ།  
\v 23 ཁྱོད་ཅག་གིས་དེ་ཚོའི་བྱ་བ་སྤྱོད་པ་རྣམས་མཐོང་ན་སེམས་གསོ་འཐོབ་པར་འགྱུར། གང་ལ་ཞེ་ན། ངས་ཡེ་རུ་སཱ་ལེམ་དུ་བྱས་པ་ཐམས་ཅད་རྒྱུ་མཚན་མེད་པ་ཞིག་མ་ཡིན་པ་ཁྱོད་རྣམས་ཀྱིས་ཤེས་པར་འགྱུར་བས་སོ་ཞེས་གཙོ་བོ་ཡ་ཝཱེས་གསུངས་པའོ། །   
\c 15
\cl ལེའུ་བཅོ་ལྔ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 རྒུན་འབྲུམ་ཤིང་གི་དཔེ།  
\p
\v 1 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། རྒུན་འབྲུམ་ཤིང་གི་ཤིང་ཆ་ནི་ནགས་ཚལ་གྱི་ཡལ་ག་ལས་ཅི་ལྟར་བརྒལ་ལམ།  
\v 3 མི་ཡིས་རྒུན་འབྲུམ་ཤིང་ལས་ཤིང་ཆ་བླངས་ཏེ་དངོས་པོ་བཟོ་ཐུབ་བམ། ཡང་ན་རྒུན་འབྲུམ་ཤིང་ལས་ཤིང་ཆ་བླངས་ཏེ་འཛེར་མ་བཟོས་ནས་སྣོད་འགེལ་ཐུབ་བམ།  
\v 4 ལྟོས་དང་། དེ་ནི་འབུད་ཤིང་བྱས་ནས་མེའི་ནང་ལ་གཡུགས་པ་སྟེ། མེ་ཡིས་དེའི་མགོ་མཇུག་གཉིས་པོ་ཚིག་པར་མ་ཟད་གཞུང་ཡང་ཚིག་པས། དེ་ལས་ད་དུང་དངོས་པོ་བཟོ་ནུས་སམ།  
\v 5 ལྟོས་དང་། དེ་ཆ་ཚང་ཡིན་དུས་སུའང་དངོས་པོ་གང་ཞིག་ཀྱང་བཟོ་མི་ཐུབ་ན། མེར་བསྲེགས་ནས་ཚིག་པར་གྱུར་ཚེ་དེས་དངོས་པོ་ཅི་ཞིག་བཟོ་ཐུབ་བམ་ཞེས་གསུངས་སོ། །  
\v 6 དེ་བས་གཙོ་བོ་ཡ་ཝཱེས་འདི་སྐད་དུ། ངས་ནགས་ཚལ་གྱི་རྒུན་འབྲུམ་ཤིང་འབུད་ཤིང་དུ་མེ་རུ་གཡུགས་པ་བཞིན་དུ། ཡེ་རུ་སཱ་ལེམ་གྱི་མི་རྣམས་ལའང་དེ་ལྟར་བྱ་སྟེ།  
\v 7 ངས་གདོང་མདོག་འགྱུར་ནས་དེ་དག་ལ་རྒོལ་ཞིང་། དེ་རྣམས་མེ་ལས་ཐར་ན་ཡང་། མེས་དེ་རྣམས་སྔར་བཞིན་ཁྱུར་མིད་གཏོང་བར་འགྱུར་ཏེ། ངས་གདོང་མདོག་འགྱུར་ནས་དེ་དག་ལ་རྒོལ་དུས་སུ། ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞིང་།  
\v 8 དེ་དག་གིས་བློ་མི་དཀར་བའི་ལས་སྤྱད་པས། ངས་ཡུལ་འདི་ནི་སྟོང་བར་བྱའོ་ཞེས་གཙོ་བོ་ཡ་ཝཱེས་གསུངས་སོ། །   
\c 16
\cl ལེའུ་བཅུ་དྲུག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཕ་མས་དོར་བའི་ཕྲུ་གུའི་དཔེ།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཡེ་རུ་སཱ་ལེམ་ལ་ཁོ་ཚོའི་ཞེན་ལོག་གི་དོན་རྣམས་སྟོན་དགོས་ཏེ།  
\v 3 ཁྱོད་ཀྱིས་དེ་དག་ལ། གཙོ་བོ་ཡ་ཝཱེས་ཡེ་རུ་སཱ་ལེམ་ལ་འདི་སྐད་དུ། ཁྱོད་ཀྱི་འབྱུང་ཁུངས་དང་སྐྱེས་ས་ནི་ཀ་ན་ཨན་གྱི་ཡུལ་ཡིན་ལ། ཁྱོད་ཀྱི་ཕ་ནི་ཨེ་མོར་པ་དང་མ་ནི་ཧེད་པ་ཡིན་ནོ། །  
\v 4 ཁྱོད་སྐྱེས་པའི་གནས་ཚུལ་བརྗོད་ན། ཁྱོད་སྐྱེས་པའི་ཉིན་ལ་མི་ཡིས་ཁྱོད་ཀྱི་ལྟེ་བ་མ་བཅད་ཅིང་། གཙང་དག་བྱེད་དུ་ཁྱོད་ཆུའི་ནང་དུ་ཡང་མ་བཀྲུས་ཏེ། ཁྱོད་ཀྱི་ལུས་སྟེང་དུ་ཚྭ་གཏོར་མཁན་ཡང་མ་བྱུང་ལ། ཁྱོད་རས་ཀྱིས་ཀྱང་མ་བཏུམས་སོ། །  
\v 5 ཁྱོད་ལ་ལྟ་སྐྱོང་བྱས་ཏེ་སྙིང་རྗེ་ནས་དེ་ལྟར་བྱེད་མཁན་མི་གཅིག་ཀྱང་མེད་དེ། མི་ཡིས་ཁྱོད་ནི་ས་སྟོང་དུ་དོར་བ་ཡིན། གང་ལ་ཞེ་ན། ཁྱོད་སྐྱེས་དུས་མི་རྣམས་ཁྱོད་ལ་ཞེན་ཁ་ལོག་པས་སོ། །  
\v 6 དེ་ཡང་ང་རང་ཁྱོད་ཀྱི་གམ་ནས་འགྲོ་དུས་སུ། ཁྱོད་ནི་ཁྲག་གི་ནང་དུ་འཕག་འཚག་རྒྱག་པ་མཐོང་བྱུང་། དུས་དེར་ངས་ཁྱོད་ལ་ཁྱོད་ཁྲག་གི་ནང་དུ་ཉལ་ཡོད་ཀྱང་གསོན་པར་གྱིས་ཤིག ཁྱོད་ཁྲག་གི་ནང་དུ་ཉལ་ཡོད་ཀྱང་གསོན་པར་གྱིས་ཤིག་ཅེས་སྨྲས་པ་དང་།  
\v 7 ངས་ཁྱོད་ནི་ཞིང་ཁའི་རྩི་ཤིང་བཞིན་དུ་སྐྱེ་བར་བྱས་ཤིང་། དེ་ནས་ཁྱོད་རང་རིམ་གྱིས་ཡར་སྐྱེས་ཏེ་མཛེས་ཤིང་ལྟ་ན་སྡུག་པར་གྱུར་པ་དང་། ཁྱོད་ཀྱི་ནུ་མ་གཉིས་པོ་རྒྱས་ཏེ་སྐྲ་ལོ་རིང་ན་ཡང་། ཁྱོད་ནི་སྔར་བཞིན་གཅེར་བུ་ཡིན་ནོ། །  
\v 8 ཡང་ང་རང་ཁྱོད་ཀྱི་གམ་ནས་སོང་པ་ན། ཁྱོད་ནི་དགའ་རོགས་སྒྲིག་པའི་དུས་སུ་བབས་ཡོད་པ་མཐོང་སྟེ། ངས་རང་གི་གོས་ཀྱི་ཐུ་བས་ཁྱོད་ཀྱི་ལུས་གཡོགས་ནས། ཁྱོད་ཀྱི་ལུས་གཅེར་བུ་དེ་བཀབ་པ་དང་། ཡང་ཁྱོད་ལ་མནའ་བསྐྱལ་ནས་ཁ་ཆད་བཞག་པས་ཁྱོད་ནི་ང་ལ་གཏོགས་པ་ཡིན་ཞེས་གཙོ་བོ་ཡ་ཝཱེས་གསུངས།  
\v 9 དུས་དེར་ངས་ཆུ་ཡིས་ཁྱོད་བཀྲུས་ཤིང་། ཁྱོད་ཀྱི་ལུས་སྟེང་གི་ཁྲག་རྣམས་བཀྲུས་ཏེ་ཁྱོད་ལ་སྣུམ་གྱིས་བྱུགས།  
\v 10 ངས་ཁྱོད་ཀྱི་ལུས་ནི་ཚེམ་དྲུབ་ཀྱི་གོས་ཀྱིས་གཡོགས་ཤིང་། རྐང་པར་ཀོ་བ་སྤུས་ལེགས་ཀྱི་ལྷམ་བསྐོན་པ་དང་། སོ་རས་སྲབ་བུས་ཁྱོད་ཀྱི་མགོ་བཏུམས་ནས་དར་གོས་ཁྱོད་ཀྱི་ལུས་ལ་བསྐོན་ཏོ། །  
\v 11 ངས་ཁྱོད་རང་རྒྱན་ཆས་སྤྲས་ཏེ། ལག་པར་གདུ་བུ་དང་སྐེ་ལ་སྐེ་རྒྱན།  
\v 12 སྣ་ལ་སྣ་ལོང་། རྣ་བར་རྣ་ལོང་། མགོ་ལ་ཡིད་དུ་འོང་བའི་ཅོད་པན་བཅས་བསྐོན་ཏོ། །  
\v 13 དེ་ནས་ཁྱོད་ལ་གསེར་དངུལ་གྱིས་བརྒྱན་ཏེ། གོས་སུ་སོ་རས་སྲབ་བུ་དང་། དར་གོས་དང་། ཚེམ་དྲུབ་ཀྱིས་གཡོགས་ཤིང་། ཁྱོད་ཀྱིས་ཟས་སུ་གྲོ་ཞིབ་དང་སྦྲང་རྩི། སྣུམ་བཅས་སྤྱོད་པས། ཁྱོད་ནི་རབ་ཏུ་མཛེས་ཤིང་རྒྱལ་མོའི་ཁྲི་ལའང་བཞུགས་འོས་སོ། །  
\v 14 ཁྱོད་རང་ཤིན་ཏུ་མཛེས་པའི་རྐྱེན་གྱིས་ཁྱོད་ཀྱི་མཚན་སྙན་ནི་ཡུལ་ཁམས་ཡོངས་སུ་ཁྱབ་ཅིང་། ཁྱོད་རང་ཡོངས་སུ་མཛེས་པ་ནི་ངས་ཁྱོད་ལ་གནང་བའི་དཔལ་དང་གཟི་བརྗིད་ཀྱི་དབང་གིས་ཡིན་ནོ་ཞེས་གཙོ་བོ་ཡ་ཝཱེས་གསུངས་སོ། །   
\s1 ཞལ་ཆད་དང་འགལ་ནས་ལོག་གཡེམ་བྱས་པ།  
\p
\v 15 ཡིན་ནའང་ཁྱོད་ཀྱིས་རང་གི་བྱད་གཟུགས་དང་རང་གི་མཚན་སྙན་ལ་བརྟེན་ནས་ལོག་གཡེམ་སྤྱད་དེ། ལམ་འགྲོ་རེ་རེ་ལ་ཁྱོད་ཀྱིས་ཅི་དགར་ལོག་གཡེམ་སྤྱད་ཅིང་ཁྱོད་རང་དེ་རྣམས་ལ་དབང་བར་གྱུར།  
\v 16 ཡང་ཁྱོད་ཀྱིས་རང་གི་གོས་རྣམས་ཁྱེར་ཏེ། རང་གི་ཆེད་དུ་ཁ་དོག་རྣམ་པར་བཀྲ་བའི་མཐོ་གླིང་བརྩིགས་ཤིང་གནས་དེར་ལོག་གཡེམ་སྤྱད་དོ། །དོན་དེ་འདྲ་འབྱུང་མི་འོས་ལ་མ་འོངས་པར་ཡང་འབྱུང་མི་སྲིད།  
\v 17 ཡང་ཁྱོད་ཀྱིས་ངས་ཁྱོད་ལ་གནང་བའི་ཡིད་དུ་འོང་བའི་གསེར་ཆས་དང་དངུལ་ཆས་རྣམས་ཁྱེར་ཏེ། རང་གི་ཆེད་དུ་སྐྱེས་པའི་སྐུ་འདྲ་བླུགས་ནས་དེ་དག་དང་ལོག་གཡེམ་སྤྱད་དོ། །  
\v 18 ཡང་ཁྱོད་ཀྱིས་རང་གི་ཚེམ་དྲུབ་ཀྱི་གོས་རྣམས་ཁྱེར་ནས་དེ་དག་གི་སྟེང་དུ་བཀབ་པར་མ་ཟད། ངའི་སྣུམ་དང་བདུག་སྤོས་ཀྱང་དེ་དག་གི་མདུན་དུ་བཤམས།  
\v 19 ངས་ཁྱོད་ལ་གནང་བའི་ཟས་རིགས་ཏེ་གྲོ་ཞིབ་དང་སྣུམ། སྦྲང་རྩི་བཅས་ནི་ཁྱོད་ཀྱིས་སྐུ་འདྲའི་མདུན་དུ་བཤམས་ཏེ་དྲི་ཞིམ་མཆོད་རྫས་སུ་བྱས་སོ་ཞེས་གཙོ་བོ་ཡ་ཝཱེས་གསུངས།  
\v 20 ཡང་ཁྱོད་ལས་བཙས་པའི་ངའི་བུ་དང་བུ་མོ་སྟེ། རང་གི་བུ་དང་བུ་མོ་རྣམས་ཀྱང་ཁྱོད་ཀྱིས་དེ་དག་ལ་ཁ་ཟས་སུ་ཕུལ་བས། ཁྱོད་ཀྱིས་སྤྱད་པའི་ལོག་གཡེམ་འདི་རྣམས་ད་དུང་དོན་ཆུང་བར་བརྩིས་སམ།  
\v 21 ཁྱོད་ཀྱིས་ངའི་བུ་ཕྲུག་རྣམས་བསད་དེ། མེ་བརྒྱུད་ནས་ཁོ་ཚོ་སྐུ་འདྲར་ཕུལ་ཏོ། །  
\v 22 ཁྱོད་ཀྱིས་རང་གི་ཞེན་ལོག་གི་དོན་དང་ལོག་གཡེམ་འདི་ཐམས་ཅད་སྤྱོད་པའི་དུས་སུ། རང་ཉིད་ལོ་ན་ཆུང་བའི་དུས་སུ་གཅེར་བུར་ཁྲག་གི་ནང་དུ་འཕག་འཚག་བརྒྱབ་པ་མི་དྲན་ནམ།  
\v 23 ཁྱོད་ལ་ཆག་སྒོ་འབྱུང་། ཁྱོད་ལ་ཆག་སྒོ་འབྱུང་ཞེས་གཙོ་བོ་ཡ་ཝཱེས་དེ་སྐད་གསུངས་ཤིང་། ཁྱོད་ཀྱིས་དོན་ངན་དེ་ཐམས་ཅད་སྤྱད་རྗེས།  
\v 24 ཡང་ཁྱོད་ཀྱིས་རང་གི་ཆེད་དུ་གཡེམ་ཁང་བརྩིགས་ཤིང་། ཐང་ཆེན་རེ་རེ་ལ་མཐོ་གླིང་བརྩིགས་པ་དང་།  
\v 25 ཁྱོད་ཀྱིས་ལམ་མདོ་རེ་རེ་ནས་མཐོ་གླིང་བརྩིགས་ཏེ། རང་གི་བྱད་གཟུགས་མཛེས་པོ་དེ་ཞེན་ལོག་ཏུ་བསྒྱུར་ཅིང་ལམ་འགྲོ་རེ་རེ་དང་ལོག་གཡེམ་གྱི་ལས་མང་པོ་སྤྱད།  
\v 26 ཡང་ཁྱོད་ཀྱིས་རང་གི་ཁྱིམ་མཚེས་ཏེ་ཅི་དགར་འདོད་ཆགས་སྤྱོད་པའི་ཨེ་ཅིབ་པ་དང་ལོག་གཡེམ་མང་པོ་སྤྱད་ནས་ང་ཁྲོ་རུ་བཅུག  
\v 27 དེ་བས་ངས་རང་གི་ལག་པ་བརྐྱངས་ཏེ་ཁྱོད་ལ་རྒོལ་ནས་ཁྱོད་ཀྱི་མངའ་ཁོངས་ཆུང་དུ་བཏང་སྟེ། ཁྱོད་རང་ཁྱོད་ལ་སྡང་བའི་ཕེ་ལེ་ཤེད་པའི་བུད་མེད་ཀྱི་ལག་ཏུ་གཏད་ཅིང་། དེ་ཚོས་ཁྱོད་ལ་གང་འདོད་ལྟར་བྱས་པའོ། །ཡང་ཁྱོད་ཀྱི་འདོད་གཡེམ་གྱི་དབང་གིས་དེ་དག་ངོ་ཚ་བར་གྱུར་ཏོ། །  
\v 28 འོན་ཀྱང་ཁྱོད་ད་དུང་ཡིད་མ་ཚིམ་པར་ཨ་སུར་པ་དང་ལོག་གཡེམ་སྤྱད་དེ། དེ་དག་དང་ལོག་གཡེམ་སྤྱད་ཀྱང་ཁྱོད་ད་དུང་ཡིད་མ་ཚིམ།  
\v 29 དེ་ནས་ཁྱོད་ཀྱིས་རང་གི་གཡེམ་སྤྱོད་མང་དུ་བཏང་སྟེ། ཚོང་བྱེད་པའི་ཀལ་དི་པའི་བར་དུའང་ལོག་གཡེམ་སྤྱད་ཀྱང་ད་དུང་ཡིད་མ་ཚིམ།  
\v 30 ཁྱོད་ཀྱིས་སྤྱད་པ་དེ་ཐམས་ཅད་ནི་རང་གཤིས་གྱོང་པོ་དང་ངོ་ཚ་མེད་པའི་གཡེམ་མ་དང་འདྲ་བས། ཁྱོད་ནི་ཅི་འདྲའི་སེམས་ཤུགས་ཞན་པ་ཤེས་ཐུབ་བོ་ཞེས་གཙོ་བོ་ཡ་ཝཱེས་གསུངས་སོ། །  
\v 31 ཁྱོད་ཀྱིས་ལམ་མདོ་རེ་རེ་ནས་རང་གི་གཡེམ་ཁང་བརྩིགས་ཤིང་། ཡང་ཐང་ཆེན་རེ་རེ་ལ་མཐོ་གླིང་བརྩིགས་ནའང་ཁྱོད་ནི་གཡེམ་མ་བཞིན་མིན་ནོ། །གང་ལ་ཞེ་ན། ཁྱོད་ཀྱིས་སྨད་བཙོངས་ནས་ཐོབ་པའི་རྔན་པར་མཐོང་ཆུང་བྱས་པས་སོ། །  
\v 32 རང་གི་ཁྱོ་བོའི་ཚབ་ཏུ་མི་ཆ་མེད་ལེན་པའི་ཆུང་མ་གཡེམ་སྦྱོར་ཅན་ཁྱོད།  
\v 33 མི་རྣམས་ཀྱིས་གཡེམ་མ་ཀུན་ལ་རྔན་པ་སྦྱིན་ཡང་། ཁྱོད་ཀྱིས་རང་གི་རྔན་པ་དེ་རང་ཉིད་དགའ་བའི་དགའ་རོགས་རྣམས་ལ་སྤྲད་ནས། ཁྱོད་དང་མཉམ་དུ་ལོག་གཡེམ་སྤྱོད་པར་དེ་དག་ཕྱོགས་ཀུན་ནས་འོང་བར་བསླུས་སོ། །  
\v 34 ཁྱོད་ཀྱི་གཡེམ་སྤྱོད་ནི་བུད་མེད་གཞན་དང་མི་མཚུངས་ཏེ། གང་ལ་ཞེ་ན། མི་ཡིས་ཁྱོད་ལ་རྔན་པ་སྤྲད་ནས་ཁྱོད་དང་ལོག་གཡེམ་སྤྱོད་པར་མ་ཞུས་ཤིང་། ཁྱོད་ཀྱིས་མི་ལ་རྔན་པ་སྤྲད་པས་ཁྱོད་ནི་དེ་ལས་ལྡོག་པ་ཞིག་གོ །  
\v 35 དེ་བས་སྨད་འཚོང་མ་ཁྱོད་ཀྱིས་ཡ་ཝཱེའི་བཀའ་ལ་ཉོན་ཅིག  
\v 36 གཙོ་བོ་ཡ་ཝཱེས་འདི་སྐད་དུ། ཁྱོད་ཀྱིས་རང་གི་འདོད་པ་ཡོད་ཚད་ཕྱི་རུ་མངོན་ནས་རང་གི་དགའ་རོགས་དང་ལོག་གཡེམ་སྤྱད་ནས་ཁོག་སྨད་ཕྱི་རུ་མངོན་པ་དང་། ཡང་ཁྱོད་ཀྱིས་ཞེན་ལོག་གི་སྐུ་འདྲ་ཐམས་ཅད་ལ་ཕྱག་བཙལ་ཏེ། རང་གི་བུ་ཕྲུག་གི་ཁྲག་བཞུར་ཏུ་བཅུག་ནས་ཁྲག་དེ་སྐུ་འདྲ་ལ་ཕུལ་བའི་རྐྱེན་གྱིས།  
\v 37 ལྟོས་དང་། ངས་ཁྱོད་རང་དགའ་བ་དང་སྡང་བའི་མི་རྣམས་ཏེ། ཁྱོད་དང་མཉམ་དུ་དགའ་མགུར་སྤྱད་པའི་དགའ་རོགས་ཚང་མ་བསྡུས་ཏེ། ངས་ཕྱོགས་ཀུན་ནས་དེ་རྣམས་བསྡུས་ཏེ་ཁྱོད་ལ་རྒོལ་བར་འགྱུར་ཞིང་། ངས་དེ་དག་གི་མདུན་དུ་ཁྱོད་ཀྱི་ཁོག་སྨད་ཕྱུང་ནས། ཁྱོད་ཀྱི་ལུས་ཡོངས་གཅེར་བུ་ཡིན་པ་དེ་ཚོར་མཐོང་དུ་འཇུག་གོ །  
\v 38 ལོག་གཡེམ་སྤྱད་པ་དང་མི་ལ་ཁྲག་བཞུར་དུ་བཅུག་པའི་བུད་མེད་བཞིན་དུ་ངས་ཁྱོད་ལ་ཉེས་ཆད་གཅོད་ཅིང་། ངས་རང་གི་ཁོང་ཁྲོ་ཆེན་པོ་དང་ཞེ་སྡང་གིས་མི་ལ་ཁྲག་བཞུར་དུ་བཅུག་པའི་སྡིག་པ་དེ་ཁྱོད་ལ་འཁུར་དུ་འཇུག་གོ །  
\v 39 ངས་ཁྱོད་རང་དེ་ཚོའི་ལག་ཏུ་གཏད་དེ། ཁོ་ཚོས་ཁྱོད་ཀྱི་གཡེམ་ཁང་བཤིག་ཅིང་། ཁྱོད་ཀྱི་མཐོ་གླིང་རྣམས་གཏོར་བ་དང་། ཁྱོད་ཀྱི་ལྭ་བ་རྣམས་བཤུས་ནས་ཁྱོད་ཀྱི་མཛེས་སྡུག་ལྡན་པའི་རིན་པོ་ཆེ་རྣམས་ཕྲོགས་ཏེ། ཁྱོད་ནི་གཅེར་བུར་ལུས་པར་འགྱུར་རོ། །  
\v 40 དེ་དག་གིས་མི་མང་པོ་ཁྲིད་ནས་ཡར་འོངས་ཏེ་ཁྱོད་ལ་རྒོལ་བར་བྱ་ཞིང་། ཁྱོད་ནི་རྡོ་རུབ་བཏང་སྟེ། དེ་དག་གི་རལ་གྲིས་ཁྱོད་དུམ་བུར་གཏུབ་བོ། །  
\v 41 ཡང་དེ་དག་གིས་ཁྱོད་ཀྱི་ཁང་པ་མེར་བསྲེགས་ཏེ། བུད་མེད་མང་པོའི་མདུན་དུ་ཁྱོད་ལ་ཉེས་ཆད་གཅོད་ཅིང་། ངས་ཁྱོད་ཀྱི་གཡེམ་སྤྱོད་མཚམས་བཅད་དེ། ཁྱོད་ཀྱིས་མི་གཡེམ་སྦྱོར་བྱེད་དུ་བསླུ་བའི་རྔན་པ་དེ་སླར་མི་ལ་སྦྱིན་པར་མི་འགྱུར་རོ། །  
\v 42 དེ་ལྟར་བྱས་ན་ཁྱོད་ཀྱི་སྟེང་དུ་ལངས་པའི་ངའི་ཁོང་ཁྲོ་དེ་ཞི་ཞིང་། ངའི་ཞེ་སྡང་ཡང་ཁྱོད་དང་བྲལ་ནས། ང་རང་ཞི་བར་གནས་ཤིང་སླར་ཡང་ཁྲོ་བར་མི་འགྱུར།  
\v 43 གང་ལ་ཞེ་ན། ཁྱོད་ཀྱིས་རང་གི་ན་ཆུང་གི་དུས་ལ་རྗེས་དྲན་མི་བྱེད་པར། ད་དུང་དོན་དེ་ཐམས་ཅད་ཀྱི་ཁར་ང་རང་ཁྲོ་རུ་བཅུག་པས། ལྟོས་དང་། ཁྱོད་ཀྱིས་སྤྱད་པ་བཞིན་དུ་ངས་ཁྱོད་ལ་ལན་འཇལ་ལོ་ཞེས་གཙོ་བོ་ཡ་ཝཱེས་གསུངས་སོ། །ཁྱོད་ཀྱི་ཞེན་ལོག་གི་དོན་རྣམས་ལས་གཞན་ཁྱོད་ཀྱིས་ད་དུང་ལོག་གཡེམ་གྱི་སྐྱུག་བྲོ་བའི་ལས་སྤྱད་པ་མ་ཡིན་ནམ།   
\s1 མ་གང་འདྲ་ཡིན་ན་བུ་མོའང་དེ་འདྲ་ཡིན་པ།  
\p
\v 44 ལྟོས་དང་། ཁ་དཔེ་འདྲེན་མཁན་རྣམས་ཀྱིས་ཁ་དཔེ་འདི་དྲངས་ཏེ་ཁྱོད་ལ། མ་གང་འདྲ་ཡིན་ན་བུ་མོའང་དེ་འདྲ་ཡིན་ཞེས་སྨྲ་བར་འགྱུར།  
\v 45 ཁྱོད་ནི་དངོས་གནས་རང་གི་ཁྱོ་ག་དང་བུ་ཕྲུག་རྣམས་འདོར་མཁན་གྱི་མ་ཡི་བུ་མོ་དང་། ཁྱོད་ནི་དངོས་གནས་རང་གི་ཁྱོ་ག་དང་བུ་ཕྲུག་རྣམས་འདོར་མཁན་གྱི་ལྕམ་སྲིང་གི་ཨ་ཅེ་དང་སྲིང་མོ་སྟེ། ཁྱོད་ཚོའི་མ་ནི་ཧེད་པ་དང་ཁྱོད་ཚོའི་ཕ་ནི་ཨེ་མོར་པ་ཡིན།  
\v 46 ཁྱོད་ཀྱི་གཅེན་མོ་ནི་སཱ་མར་ཡ་སྟེ། མོ་དང་མོའི་བུ་མོ་རྣམས་ནི་ཁྱོད་ཀྱི་བྱང་ཕྱོགས་སུ་གནས་ཤིང་། ཁྱོད་ཀྱི་སྲིང་མོ་ནི་སཱ་དོམ་ཡིན་ཏེ། མོ་དང་མོའི་བུ་མོ་རྣམས་ནི་ཁྱོད་ཀྱི་ལྷོ་ཕྱོགས་སུ་གནས་པའོ། །  
\v 47 ཁྱོད་ཀྱིས་དེ་ཚོས་སྤྱོད་པ་བཞིན་དུ་སྤྱད་པ་དང་། དེ་དག་གིས་ཞེན་ལོག་གི་དོན་སྤྱད་པ་བཞིན་དུ་སྤྱད་པར་མ་ཟད། ད་དུང་ཁྱོད་ཀྱིས་དེ་རྣམས་དོན་ཆུང་བར་བརྩིས་ཤིང་། ཁྱོད་ཀྱིས་སྤྱད་པའི་ལས་ཐམས་ཅད་ནི་དེ་ལས་ཀྱང་ཐུ་བ་ཡིན།  
\v 48 བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་སྟེ། ཁྱོད་ཀྱི་སྲིང་མོ་སཱ་དོམ་དང་མོའི་བུ་མོ་རྣམས་ཀྱིས་ཀྱང་ཁྱོད་དང་ཁྱོད་ཀྱི་བུ་མོ་རྣམས་ཀྱིས་སྤྱད་པ་བཞིན་དུ་མ་སྤྱད་དོ་ཞེས་གཙོ་བོ་ཡ་ཝཱེས་གསུངས།  
\v 49 དེ་ཡང་ཁྱོད་ཀྱི་སྲིང་མོ་སཱ་དོམ་གྱི་སྡིག་ཉེས་ནི་འདི་ལྟ་སྟེ། མོ་དང་མོའི་བུ་མོ་རྣམས་ནི་ང་རྒྱལ་ཆེ་ཞིང་རང་རློམ་མཐོ་བ་སྟེ། འབྲུ་རིགས་མོད་པོ་ཡོད་ཅིང་འཚོ་བ་སྐྱིད་ནའང་། ཉམ་ཐག་པའི་མི་དང་དབུལ་ཕོངས་རྣམས་ལ་རོགས་རམ་མ་བྱས་སོ། །  
\v 50 དེ་དག་རང་སྣང་མཐོ་ཞིང་ང་རྒྱལ་ཆེ་བ་དང་། ངའི་མདུན་དུ་ཞེན་ལོག་གི་ལས་སྤྱད་པ་ངས་མཐོང་བས་དེ་རྣམས་མེད་པར་བྱས་པ་ཡིན།  
\v 51 སཱ་མར་ཡ་ཡིས་ཁྱོད་ཀྱི་སྡིག་པའི་ཕྱེད་ཀ་ཙམ་ཡང་མ་བྱས་ལ། ཁྱོད་ཀྱིས་ཞེན་ལོག་གི་ལས་སྤྱད་པ་ནི་དེ་ལས་ཀྱང་མང་སྟེ། ཐ་ན་ཁྱོད་ཀྱིས་སྤྱད་པའི་ཞེན་ལོག་གི་དོན་རྣམས་དང་བསྡུར་ན་ཁྱོད་ཀྱི་ལྕམ་སྲིང་དག་ནི་དྲང་བདེན་དུ་མངོན་པ་ཡིན།  
\v 52 ཁྱོད་ཀྱིས་རང་གི་ལྕམ་སྲིང་རྣམས་ནི་རང་ཉིད་ལས་དྲང་བདེན་དུ་མངོན་པར་བྱས་ན། ཁྱོད་ཀྱིས་རང་གི་ངོ་ཚ་འཁུར་དགོས་ཏེ། གང་ལ་ཞེ་ན། ཁྱོད་ཀྱིས་སྤྱད་པའི་སྡིག་པ་ནི་དེ་དག་ལས་ཀྱང་སྐྱུག་བྲོ་བ་ཡིན་ཞིང་། དེ་དག་ཁྱོད་དང་བསྡུར་ན་དྲང་བདེན་ཡིན། ཁྱོད་ཀྱིས་རང་གི་ལྕམ་སྲིང་རྣམས་དྲང་བདེན་དུ་མངོན་པར་བྱས་པས། ཁྱོད་ནི་ངོ་ཚ་བར་འགྱུར་ཞིང་རང་གི་ངོ་ཚ་འཁུར་དགོས་སོ། །   
\p
\v 53 ངས་སཱ་དོམ་དང་མོའི་བུ་མོ་རྣམས་དང་། སཱ་མར་ཡ་དང་མོའི་བུ་མོ་རྣམས་ནི་དཀའ་བའི་གནས་ལས་ཕྱིར་ལོག་ཏུ་འཇུག་ཅིང་། ངས་ཁྱོད་རྣམས་ཀྱང་དེ་དག་དང་མཉམ་དུ་ཕྱིར་ལོག་ཏུ་བཅུག་ནས།  
\v 54 ཁྱོད་ལ་རང་གི་ངོ་ཚ་འཁུར་བར་བྱ་ཞིང་། ཁྱོད་ཀྱིས་སྤྱད་པའི་ལས་ཐམས་ཅད་ཀྱི་དབང་གིས་དེ་ཚོར་སེམས་གསོ་འཐོབ་པ་དང་། དེ་ནས་ཁྱོད་ངོ་ཚ་བར་འགྱུར་རོ། །  
\v 55 ཡང་ཁྱོད་ཀྱི་སྲིང་མོ་སཱ་དོམ་དང་མོའི་བུ་མོ་རྣམས་ནི་སྔར་བཞིན་གནས་ཤིང་། སཱ་མར་ཡ་དང་མོའི་བུ་མོ་རྣམས་ཀྱང་སྔར་བཞིན་གནས་པར་འགྱུར་ལ། ཁྱོད་དང་ཁྱོད་ཀྱི་བུ་མོ་རྣམས་ཀྱང་སྔར་བཞིན་གནས་པར་འགྱུར།  
\v 56 ཁྱོད་རང་ང་རྒྱལ་ཆེ་ཞིང་རང་སྣང་མཐོ་བའི་དུས་སུ། ཁྱོད་ཀྱི་སྲིང་མོ་སཱ་དོམ་ནི་ཁྱོད་ཀྱི་ངག་གི་དགོད་གཞི་རུ་གྱུར་པ་མ་ཡིན་ནམ།  
\v 57 དུས་དེར་ཁྱོད་ཀྱི་ངན་སྤྱོད་རྣམས་ད་དུང་ཕྱི་རུ་མ་མངོན་ནའང་། ད་ལྟ་ཁྱོད་ནི་ཨ་རམ་གྱི་བུ་མོ་རྣམས་དང་ཕྱོགས་བཞིའི་མི་རྣམས་དང་། ཕེ་ལེ་ཤེད་ཀྱི་བུ་མོ་རྣམས་ཀྱི་འཕྱ་དགོད་བྱེད་ཡུལ་དུ་གྱུར་པ་དང་། ཁྱོད་ཀྱི་མཐའ་འཁོར་གྱི་མི་རྣམས་ཀྱིས་ཀྱང་ཁྱོད་ལ་མཐོང་ཆུང་བྱེད་པའོ། །  
\v 58 ཁྱོད་ཀྱིས་རང་གི་ལོག་གཡེམ་དང་ཞེན་ལོག་གི་ལས་སྤྱད་པའི་མཇུག་འབྲས་རྣམས་འཁུར་དགོས་ཞེས་དཀོན་མཆོག་ཡ་ཝཱེས་འདི་སྐད་གསུངས་སོ། །  
\v 59 ཡང་གཙོ་བོ་ཡ་ཝཱེས་འདི་སྐད་དུ། ཀྱེ་མནའ་ཚིག་ལ་མཐོང་ཆུང་བྱེད་ཅིང་ཁ་ཆད་འདོར་མཁན་ཁྱོད་ལ། ངས་ཁྱོད་ཀྱིས་གང་ཞིག་སྤྱད་པ་དེ་བཞིན་དུ་ལན་འཇལ་བར་བྱའོ། །  
\v 60 ཡིན་ཡང་ངས་ད་དུང་ཁྱོད་རང་གཞོན་དུས་སུ་ཁྱོད་ལ་བཞག་པའི་ཁ་ཆད་དེ་དྲན་ཞིང་། ཁྱོད་ལ་དུས་གཏན་གྱི་ཁ་ཆད་ཅིག་འཇོག་པར་བྱ།  
\v 61 དེ་ནས་ཁྱོད་ཀྱིས་རང་གི་གཅེན་མོ་དང་སྲིང་མོ་དང་ལེན་བྱེད་དུས་སུ། རང་གིས་སྤྱད་པའི་ལས་རྣམས་དྲན་ཏེ་ངོ་ཚ་བར་འགྱུར་ལ། ངས་དེ་ཚོ་ནི་ཁྱོད་ལ་བུ་མོ་རུ་གནང་ཡང་། འདི་ནི་ངས་ཁྱོད་ལ་བཞག་པའི་ཁ་ཆད་གཞིར་བཟུང་བ་མ་ཡིན་ནོ། །  
\v 62 ངས་ཁྱོད་ལ་བཞག་པའི་ཁ་ཆད་དེ་བརྟན་པོར་བྱེད་ཅིང་། ཁྱོད་ཀྱིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ལ།  
\v 63 ངས་ཁྱོད་ཀྱིས་ཅི་བྱས་ཐམས་ཅད་ལ་གུ་ཡངས་གཏོང་བའི་ཚེ། ཁྱོད་ཀྱིས་ཕྱིར་དྲན་བྱེད་ཅིང་ངོ་ཚ་བར་འགྱུར་ཏེ། ཡང་རང་ཉིད་ལ་ངོ་ཚ་ཐེབས་པའི་རྐྱེན་གྱིས་ད་ནི་ངག་བསྡམ་པར་བྱའོ་གསུངས་ཞེས་སྨྲོས་ཤིག་ཅེས་གཙོ་བོ་ཡ་ཝཱེས་གསུངས་སོ། །   
\c 17
\cl ལེའུ་བཅུ་བདུན་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 གླག་གཉིས་དང་རྒུན་འབྲུམ་ཤིང་གི་དཔེ།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་ལ་གབ་ཚིག་སྨྲས་ནས་དཔེ་བཞག་སྟེ་འདི་ལྟར་སྨྲོས་ཤིག  
\v 3 གཙོ་བོ་ཡ་ཝཱེས་འདི་སྐད་དུ། གཤོག་པ་ཆེ་ཞིང་གཤོག་སྒྲོ་རིང་ལ། བྱ་སྒྲོ་མང་ཞིང་ཁ་དོག་རྣམ་པར་བཀྲ་བའི་གླག་ཆེན་པོ་ཞིག་ལེ་པཱ་ནོན་དུ་བབས་ནས་ཐང་ཤིང་གི་རྩེ་མོ་བཏོགས་པ་དང་།  
\v 4 དེས་ལྗོན་ཤིང་གི་རྩེ་མོའི་ལྕུག་མ་གསར་པ་བཅད་ནས་དེ་ཚོང་རྒྱག་ས་དང་ཚོང་པའི་གྲོང་ཁྱེར་དུ་ཁྱེར་ཏེ་བཙུགས།  
\v 5 ཡང་དེས་ས་བོན་ཁྱེར་ཏེ་ལྕང་མ་འཛུགས་པ་བཞིན་དུ་ས་བཅུད་འཛོམས་ས་དང་ཆུ་རྒྱུན་གྱི་འགྲམ་དུ་གཏོར་ནས།  
\v 6 ས་བོན་དེ་ཆེར་སྐྱེས་ནས་གང་སར་མཆེད་པའི་རྒུན་འབྲུམ་ཤིང་ཕྲན་ཞིག་ཏུ་གྱུར་པ་དང་། ཤིང་གི་ཡལ་ག་རྣམས་གླག་གི་ཕྱོགས་སུ་འཁོར་ཞིང་རྩ་བ་དེའི་འོག་ཏུ་ཡོད། དེ་བཞིན་དུ་དེ་ནི་རྒུན་འབྲུམ་ཤིང་ཞིག་ཏུ་གྱུར་ནས། ཡལ་འདབ་རྒྱས་ཤིང་མྱུ་གུ་འབུས་པའོ། །  
\v 7 ཡང་གླག་གཞན་ཞིག་ཡོད་པའང་གཤོག་པ་ཆེ་ཞིང་བྱ་སྒྲོ་མང་ལ། ལྟོས་དང་། རྒུན་འབྲུམ་ཤིང་དེ་ལྗང་བུ་གསོ་ས་ནས་གླག་དེས་ཆུ་འདྲེན་པའི་ཕྱིར་རྩ་བ་གླག་གི་ཕྱོགས་སུ་བརྐྱངས་ཤིང་། གླག་དེའི་ཕྱོགས་སུ་ཡལ་འདབ་རྒྱས་པ་རེད།  
\v 8 དོན་དམ་དུ་རྒུན་འབྲུམ་ཤིང་དེ་ནི་སྔ་མོ་ནས་ས་བཅུད་འཛོམས་ས་དང་ཆུ་རྒྱུན་གྱི་འགྲམ་དུ་བཙུགས་ཡོད་པས། ཡལ་འདབ་རྒྱས་ཤིང་འབྲས་བུ་ཐོགས་ནས་རྒུན་འབྲུམ་ཤིང་ཡིད་དུ་འོང་བ་ཞིག་ཏུ་འགྱུར་ཐུབ་པ་ཡིན་གསུངས་ཞེས་པའོ། །  
\v 9 ཡང་ཁྱོད་ཀྱིས་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། རྒུན་འབྲུམ་ཤིང་འདི་ནི་ཅི་ལྟར་ལོ་འདབ་རྒྱས་སམ། གླག་གིས་དེ་རྩ་བ་ནས་འདོན་ཞིང་འབྲས་བུ་བཏོགས་ཏེ། དེ་དང་དེ་ལས་སྐྱེས་པའི་ལོ་མ་གསར་པ་རྣམས་སྐམ་པར་བྱེད་པ་མ་ཡིན་ནམ། དོན་དམ་དུ་དེ་རྩ་བ་ནས་འདོན་པར་ཤུགས་ཆེན་པོ་དང་མི་མང་པོ་ནི་མི་དགོས་སོ། །  
\v 10 ལྟོས་དང་། རྒུན་འབྲུམ་ཤིང་ནི་བཙུགས་ནའང་དེ་རྒྱས་པར་འགྱུར་རམ། ཤར་རླུང་གཡུགས་ནས་དེར་རྒོལ་དུས་དེ་སྐམ་པར་འགྱུར་བ་མ་ཡིན་ནམ། དེ་ནི་ལྗང་བུ་གསོ་ས་ནས་སྐམ་པར་འགྱུར་རོ་གསུངས་ཞེས་པའོ་ཞེས་གསུངས་སོ། །   
\s1 དཔེའི་ནང་དོན་བརྗོད་པ།  
\p
\v 11 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 12 ཁྱོད་ཀྱིས་ཁྱིམ་རྒྱུད་ངོ་ལོག་ཅན་དེ་ལ་འདི་ལྟར། ཁྱོད་རྣམས་ཀྱིས་བྱ་བ་འདིའི་དོན་ཅི་ཡིན་པ་མི་ཤེས་སམ་ཞེས་དྲིས་ཤིག་དང་། ཡང་དེ་ཚོར་འདི་ལྟར་སྨྲོས་ཤིག ལྟོས་དང་། སྔར་པཱ་པེལ་ལོན་གྱི་རྒྱལ་པོ་ཡེ་རུ་སཱ་ལེམ་དུ་འོངས་ནས། ཡུལ་དེའི་རྒྱལ་པོ་དང་འགོ་དཔོན་རྣམས་བཟུང་ནས་ཁོ་དང་མཉམ་དུ་པཱ་པེལ་ལོན་ལ་བཙོན་དུ་ཁྲིད་དེ།  
\v 13 ཁོས་ཡེས་ར་ཨེལ་གྱི་རྒྱལ་རྒྱུད་ལས་མི་གཅིག་བདམས་ཏེ། དེ་དང་ཁ་ཆད་བཞག་ནས་དེར་མནའ་བསྐྱལ་དུ་བཅུག་པ་དང་། ད་དུང་རྒྱལ་ཁབ་ནང་གི་སྟོབས་ཤུགས་ཡོད་པ་རྣམས་བཙོན་དུ་ཁྲིད་ཅིང་།  
\v 14 རྒྱལ་ཁབ་ཉམས་སུ་བཅུག་སྟེ་ཡང་བསྐྱར་དར་རྒྱས་སུ་འགྲོ་མ་ཐུབ་པས། ཁ་ཆད་བརྩི་སྲུང་གཟབ་ནན་བྱས་ན་ད་གཟོད་ཁོ་རྣམས་གནས་ཐུབ་པ་ཡིན།  
\v 15 འོན་ཀྱང་མི་དེས་དམག་རྟ་དང་དཔུང་ཆེན་འཐོབ་པའི་ཆེད་དུ། ཨེ་ཅིབ་ཡུལ་དུ་ཕོ་ཉ་མངགས་ནས་པཱ་པེལ་ལོན་གྱི་རྒྱལ་པོར་ངོ་ལོག་བྱས་པའོ། །མི་དེའི་བསམ་དོན་འགྲུབ་ཐུབ་བམ། དོན་དེ་འདྲ་བྱས་པའི་མི་ནི་ཅི་ལྟར་ཐར་རམ། མི་དེས་ཁ་ཆད་བརྩི་སྲུང་མ་བྱས་པས་ཅི་ལྟར་ཐར་རམ།  
\v 16 བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཏེ། དེས་རང་གིས་བསྐྱལ་བའི་མནའ་ལ་མཐོང་ཆུང་བྱས་ཤིང་རྒྱལ་པོ་དང་བཞག་པའི་ཁ་ཆད་དོར་བས། ཁོ་ནི་རྒྱལ་སར་བཀོད་ས་སྟེ་པཱ་པེལ་ལོན་གྱི་རྒྱལ་ཁབ་ཏུ་འཆི་བར་འགྱུར་རོ་ཞེས་གཙོ་བོ་ཡ་ཝཱེས་གསུངས།  
\v 17 དགྲ་ཡིས་གྲོང་ཁྱེར་བསྐོར་བའི་མཁར་མཐོན་པོ་བརྩིགས་ཤིང་། གྲོང་ཁྱེར་ལ་རྒོལ་བའི་ཆེད་དུ་ས་རགས་བརྩིགས་ནས་མི་མང་པོ་ཚར་དུ་གཅོད་དུས། ཕཱར་ཨོལ་གྱིས་དཔུང་ཆེན་དང་དམག་མང་པོ་ཁྲིད་འོངས་ཀྱང་། དེའི་དོན་དུ་གཡུལ་འགྱེད་མི་ཐུབ་བོ། །  
\v 18 དེས་མནའ་ཚིག་ལ་མཐོང་ཆུང་བྱས་ནས་ཁ་ཆད་དོར་བ་དང་། ཁོས་བློ་དཀར་བའི་དམ་བཅའ་བཞག་ཀྱང་དོན་དེ་ཐམས་ཅད་སྤྱད་པས། ཁོ་ནི་ཐར་བར་མི་འགྱུར་རོ། །  
\v 19 དེ་བས་གཙོ་བོ་ཡ་ཝཱེས་འདི་སྐད་དུ། བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཏེ། ཁོས་ངའི་མནའ་ཚིག་ལ་མཐོང་ཆུང་བྱས་ཏེ་ངའི་ཁ་ཆད་དོར་བ་ཡིན་ན། ངས་སྡིག་པ་དེ་ཁོའི་སྟེང་དུ་འགེལ་བར་བྱའོ། །  
\v 20 ངས་རང་གི་དྲ་དེའི་སྟེང་དུ་གཏོར་ནས་ཁོ་ངའི་དྲ་ཡི་ནང་དུ་འཚུད་པར་འགྱུར་ཞིང་། ངས་དེ་པཱ་པེལ་ལོན་དུ་ཁྲིད་དེ། ཁོ་རང་ང་ལ་བློ་མི་དཀར་བའི་སྡིག་པའི་ཆེད་དུ། ངས་གནས་དེར་ཁོ་ལ་ཉེས་ཆད་གཅོད་པར་འགྱུར།  
\v 21 དེ་ནས་ཁོའི་དམག་དཔུང་གི་དམག་མི་དཔའ་རྩལ་ཅན་ཚང་མ་རལ་གྲིའི་འོག་ཏུ་འཆི་བར་འགྱུར་ཞིང་། ལྷག་ལུས་རྣམས་ཀྱང་ཕྱོགས་བཞིར་ཁ་ཐོར་དུ་འགྲོ་བ་དང་། དེ་ནས་ཁྱོད་ཚོས་འདི་སྐད་སྨྲ་བ་ནི་ཡ་ཝཱེ་ང་རང་ཡིན་པ་རྟོགས་པར་འགྱུར་རོ། །  
\v 22 གཙོ་བོ་ཡ་ཝཱེས་འདི་སྐད་དུ། ངས་ཐང་ཤིང་མཐོན་པོའི་རྩེ་མོ་ནས་ཡལ་ག་ཞིག་བླངས་ཏེ་འཛུགས་ཤིང་། ངས་དེའི་རྩེ་མོའི་ལྕུག་མ་གསར་པ་ཞིག་བཅད་ནས་རི་མཐོན་པོའི་ཁར་འཛུགས་པར་བྱ་སྟེ།  
\v 23 ངས་དེ་ཡེས་ར་ཨེལ་གྱི་རི་མཐོན་པོའི་ཁར་བཙུགས་ནས། དེར་ཡལ་ག་སྐྱེས་ནས་ཤིང་ཏོག་ཐོགས་པ་དང་། ཡིད་དུ་འོང་བའི་ཐང་ཤིང་དུ་འགྱུར་ཞིང་། འདབ་ཆགས་སྣ་ཚོགས་དེའི་འོག་ཏུ་སྡོད་པ་སྟེ། དེའི་ཡལ་གའི་བསིལ་གྲིབ་འོག་ཏུ་སྡོད་པར་འགྱུར།  
\v 24 དེ་ནས་ང་ཡ་ཝཱེས་ལྗོན་ཤིང་མཐོན་པོ་རྣམས་དམའ་མོ་དང་དམའ་མོ་རྣམས་མཐོན་པོ། ལྗོན་ཤིང་སྔོ་ལྗང་རྣམས་སྐམ་པོ་དང་སྐམ་པོ་རྣམས་ལོ་འདབ་རྒྱས་པར་བྱེད་པ་ཐང་གི་ལྗོན་ཤིང་ཐམས་ཅད་ཀྱིས་ཤེས་པར་འགྱུར་ལ། ཡ་ཝཱེ་བདག་གིས་ཅི་ལྟར་སྨྲས་པ་ཡིན་ན་དེ་ལྟར་བསྒྲུབ་པར་འགྱུར་རོ་གསུངས་ཞེས་པའོ་ཞེས་གསུངས་སོ། །   
\c 18
\cl ལེའུ་བཅོ་བརྒྱད་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ངན་པ་སྤྱད་ན་འཆི་ངེས་ཡིན།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཡེས་ར་ཨེལ་ཡུལ་གྱི་སྐོར་གླེང་ན། ཕ་ཡིས་རྒུན་འབྲུམ་སྐྱུར་མོ་ཟོས་པས་བུ་ཡི་སོ་བརྩེ་བའི་ཁ་དཔེ་འདི་ཁྱོད་ཚོས་ཅི་ལ་འདྲེན་ནམ།  
\v 3 བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་སྟེ། ཁྱོད་ཚོས་ཡེས་ར་ཨེལ་གྱི་ནང་དུ་ཁ་དཔེ་འདི་སླར་འདྲེན་པར་མི་འགྱུར་རོ་ཞེས་གཙོ་བོ་ཡ་ཝཱེས་འདི་སྐད་གསུངས་སོ། །  
\v 4 ལྟོས་དང་། མི་ཐམས་ཅད་ཀྱི་ཚེ་སྲོག་ནི་ང་ལ་གཏོགས་ཤིང་། ཕ་རྣམས་ཀྱི་ཚེ་སྲོག་ཇི་ལྟར་ང་ལ་གཏོགས་པ་བཞིན་དུ། བུ་རྣམས་ཀྱི་ཚེ་སྲོག་ཀྱང་དེ་ལྟར་ང་ལ་གཏོགས་སོ། །ཡིན་ཡང་སྡིག་སྤྱོད་ཅན་རྣམས་འཆི་བར་འགྱུར་རོ། །  
\v 5 གལ་ཏེ་མི་ཞིག་དྲང་བདེན་ཡིན་ཞིང་། བདེན་པ་དང་དྲང་གཞག་གི་ལས་རྣམས་སྤྱད་པ་ཡིན་ཚེ།  
\v 6 དེས་རི་མགོར་མཆོད་རྫས་མི་ཟ་ཞིང་། མིག་གིས་ཡེས་ར་ཨེལ་ཁྱིམ་རྒྱུད་ཀྱི་སྐུ་འདྲ་རྣམས་ལ་རེ་ལྟོས་མི་བྱེད་ལ། རང་གི་ཁྱིམ་མཚེས་ཀྱི་ཆུང་མ་བཙོག་པར་མི་བྱེད་པ་དང་། ཟླ་མཚན་འབབ་པའི་བུད་མེད་དང་ཉེ་བར་མི་བཅར།  
\v 7 མི་སུ་ལའང་བརྙས་བཅོས་དང་གཉའ་གནོན་མི་བྱེད་ཅིང་། བུན་པའི་གཏའ་མ་ཕྱིར་སྤྲོད་པ་དང་། མི་ཡི་དངོས་ཟོག་ཁོས་མི་འཕྲོག་པའི་ཁར་བཀྲེས་ལྟོགས་ཀྱིས་མནར་བ་རྣམས་ལ་རང་གི་ཁ་ཟས་སྦྱིན་ཞིང་། གཅེར་བུ་རྣམས་ལ་གོས་བསྐོན་པར་བྱའོ། །  
\v 8 མི་ལ་དངོས་པོ་གཡར་ན་ཁོས་བུན་སྐྱེད་མི་ལེན་ཞིང་མང་པོའང་མི་ལེན་པ་དང་། ཁོས་རང་གི་ལག་པ་ནག་ཉེས་དང་རིང་དུ་འབྲལ་བར་བྱས་ནས། མི་དང་མི་ཡི་བར་དུ་དྲང་བདེན་གྱི་ཁྲིམས་ཐག་གཅོད་པ་ཡིན།  
\v 9 དེས་ངའི་སྒྲིག་ཁྲིམས་བརྩི་ཞིང་ངའི་སྒྲིག་སྲོལ་གཟབ་ནན་ངང་བསྲུངས་ནས། དྲང་བདེན་བཞིན་སྤྱོད་དེ། མི་དེ་ནི་དྲང་བདེན་ཞིག་ཡིན་པས་དེ་གསོན་པར་འགྱུར་རོ་ཞེས་གཙོ་བོ་ཡ་ཝཱེས་གསུངས་སོ། །   
\p
\v 10 དེ་ཡང་ཁོ་ལ་བུ་ཞིག་སྐྱེས་ཏེ། བུ་དེ་ནི་གཏུམ་དྲག་ཅན་ཡིན་ཞིང་། མི་གཞན་ལ་ཁྲག་བཞུར་དུ་འཇུག་པ་དང་། ཡང་ན་རང་གི་སྤུན་ཟླར་གོང་དུ་སོང་བའི་ངན་སྤྱོད་རྣམས་ལས་གཅིག་སྤྱོད་པ་ཡིན་ན།  
\v 11 ཁོའི་ཕ་ཡིས་དོན་དེ་རྣམས་མ་བྱས་ཀྱང་། ཁོས་རི་མགོར་མཆོད་རྫས་ཟ་ཞིང་རང་གི་ཁྱིམ་མཚེས་ཀྱི་ཆུང་མ་བཙོག་པར་བྱེད་པ་དང་།  
\v 12 དཀའ་སྡུག་ཅན་དང་དབུལ་པོར་བརྙས་བཅོས་དང་གཉའ་གནོན་བྱས་ནས་མི་ཡི་དངོས་ཟོག་འཕྲོག་པ་དང་། བུན་པའི་གཏའ་མ་ཕྱིར་མི་སྤྲོད་པར། མིག་གིས་སྐུ་འདྲར་རེ་ལྟོས་བྱས་ནས་ཞེན་ལོག་གི་ལས་སྤྱོད་ཅིང་།  
\v 13 མི་ལ་དངོས་པོ་གཡར་ན་ཁོས་བུན་སྐྱེད་ལེན་ཞིང་མང་པོ་ལེན་པ་ཡིན་ན། མི་དེ་ལྟ་བུ་ནི་གསོན་པར་འགྱུར་རམ་ཞེ་ན། དེ་ནི་གསོན་པར་མི་འགྱུར་ཞིང་། ཁོས་ཞེན་ལོག་གི་ལས་འདི་ཐམས་ཅད་སྤྱད་པས་ཁོ་འཆི་བར་འགྱུར་ལ། ཁོའི་སྡིག་པ་རང་གི་སྟེང་དུ་འབབ་པར་འགྱུར།  
\v 14 དེ་ཡང་ཁོ་ལ་བུ་ཞིག་སྐྱེས་ཏེ། བུ་དེས་རང་གི་ཕ་ཡིས་སྤྱད་པའི་སྡིག་པ་ཐམས་ཅད་མཐོང་བ་དང་། ཁོས་དེ་རྣམས་མཐོང་ན་ཡང་དེ་བཞིན་དུ་མི་སྤྱོད་དེ།  
\v 15 ཁོས་རི་མགོར་མཆོད་རྫས་མི་ཟ་ཞིང་། མིག་གིས་ཡེས་ར་ཨེལ་ཁྱིམ་རྒྱུད་ཀྱི་སྐུ་འདྲ་རྣམས་ལ་རེ་ལྟོས་མི་བྱེད་ལ། རང་གི་ཁྱིམ་མཚེས་ཀྱི་ཆུང་མ་བཙོག་པར་མི་བྱེད་པ་དང་།  
\v 16 མི་སུ་ལའང་བརྙས་བཅོས་དང་གཉའ་གནོན་མི་བྱེད་ཅིང་། གཏའ་མ་གང་ཡང་མི་ལེན་པར། མི་ཡི་དངོས་ཟོག་མི་འཕྲོག་པའི་ཁར་བཀྲེས་ལྟོགས་ཀྱིས་མནར་བ་རྣམས་ལ་རང་གི་ཁ་ཟས་སྦྱིན་ཞིང་། གཅེར་བུ་རྣམས་ལ་གོས་བསྐོན་པ་དང་།  
\v 17 ཁོས་ལག་པ་བརྐྱངས་ནས་དཀའ་སྡུག་ཅན་ལ་བརྙས་བཅོས་དང་གཉའ་གནོན་མི་བྱེད་ཅིང་། མི་ལ་དངོས་པོ་གཡར་ན་ཁོས་བུན་སྐྱེད་མི་ལེན་ལ་མང་པོའང་མི་ལེན་པར། ཁོས་ངའི་སྒྲིག་སྲོལ་བསྲུངས་ནས་ངའི་སྒྲིག་ཁྲིམས་བརྩིས་ན། མི་དེ་ནི་རང་གི་ཕ་ཡི་སྡིག་པའི་རྐྱེན་གྱིས་མི་འཆི་བར་གསོན་པར་ངེས་སོ། །  
\v 18 ཡང་དེའི་ཕ་ལ་མཚོན་ན། ཁོས་མི་གཞན་གྱི་དངོས་པོ་བཙན་གྱིས་བླངས་ཏེ་སྤུན་ཟླའི་དངོས་ཟོག་ཕྲོགས་པ་དང་། རང་གི་མི་རྣམས་ཀྱི་ནང་དུ་དོན་ངན་པ་སྤྱད་པས། ལྟོས་དང་། ཁོ་ནི་རང་གི་སྡིག་པའི་རྐྱེན་གྱིས་འཆི་བར་འགྱུར།  
\v 19 ཁྱོད་ཚོས་ད་དུང་བུ་ཡིས་རང་གི་ཕ་ཡི་སྡིག་པ་ཅི་ལ་མི་འཁུར་ཞེས་འདྲིའམ། གལ་ཏེ་བུ་ཡིས་དྲང་བདེན་དང་བདེན་པའི་དོན་རྣམས་སྤྱད་དེ། ངའི་སྒྲིག་ཁྲིམས་རྣམས་བསྲུངས་ནས་དེ་བཞིན་བྱས་ན་དེ་ངེས་པར་དུ་གསོན་པར་འགྱུར་རོ། །  
\v 20 སྡིག་པ་བྱེད་པ་དེ་ཁོ་ན་འཆི་བར་འགྱུར་ཞིང་། བུ་ཡིས་རང་གི་ཕ་ཡི་སྡིག་པ་འཁུར་མི་དགོས་ལ། ཕ་ཡིས་ཀྱང་རང་གི་བུ་ཡི་སྡིག་པ་འཁུར་མི་དགོས་པར། དྲང་བདེན་ཅན་གྱི་དྲང་བདེན་ནི་ཁོ་རང་གི་སྟེང་དུ་འབབ་པར་འགྱུར་ལ། སྡིག་སྤྱོད་ཅན་གྱི་ངན་པ་དེ་ཡང་ཁོ་རང་གི་སྟེང་དུ་འབབ་པར་འགྱུར།   
\s1 སྔར་ངན་པ་ཡིན་ཞིང་རྗེས་སུ་བཟང་པོར་གྱུར་ཚེ་གཙོ་བོས་འདས་ཟིན་གྱི་ངན་པར་མི་གཟིགས་པ།  
\p
\v 21 ཇི་སྟེ་སྡིག་སྤྱོད་ཅན་ཞིག་གིས་འགྱོད་བཤགས་བྱས་ཏེ་རང་གིས་སྤྱད་པའི་སྡིག་པ་ཐམས་ཅད་དང་བྲལ་ནས། ངའི་སྒྲིག་ཁྲིམས་ཐམས་ཅད་གཟབ་ནན་ངང་བསྲུངས་པ་དང་། དྲང་བདེན་དང་བདེན་པའི་དོན་རྣམས་སྤྱད་ན་གསོན་ངེས་ཡིན་ལ་འཆི་བར་མི་འགྱུར་རོ། །  
\v 22 ཡང་དེའི་ནག་ཉེས་བགྲང་བའི་རྒྱུ་མཚན་དུ། དེས་བྱས་པའི་སྡིག་པ་ཐམས་ཅད་ཀྱང་དྲན་པར་མི་བྱ་སྟེ། དེ་ནི་རང་གིས་སྤྱད་པའི་དྲང་བདེན་གྱི་དབང་གིས་གསོན་པར་འགྱུར།  
\v 23 སྡིག་སྤྱོད་ཅན་རང་གི་ལམ་ནང་འཆི་བར་ང་དགའ་བ་ཡིན་ནམ། ཁོ་རྣམས་རང་གིས་སྤྱོད་པའི་ལས་ནས་ཕྱིར་ལོག་སྟེ་གསོན་པར་གྱུར་ན་ང་མི་དགའ་འམ་ཞེས་གཙོ་བོ་ཡ་ཝཱེས་གསུངས་སོ། །  
\v 24 ཇི་སྟེ་མི་དྲང་བདེན་ཞིག་གིས་རང་གི་དྲང་བདེན་དང་བྲལ་ནས་ངན་པ་སྤྱད་དེ། སྡིག་སྤྱོད་བཞིན་དུ་ཞེན་ལོག་གི་དོན་རྣམས་བྱས་ན། ཁོ་ནི་གསོན་པར་འགྱུར་རམ། ཁོས་སྤྱད་པའི་དྲང་བདེན་ཐམས་ཅད་དྲན་པར་མི་བྱ་ཞིང་། རང་གི་བློ་མི་དཀར་བའི་དོན་དང་ཁོས་སྤྱད་པའི་ནག་ཉེས་ཀྱི་དབང་གིས་ཁོ་ནི་འཆི་བར་འགྱུར་རོ། །  
\v 25 ཁྱོད་ཚོས་ད་དུང་གཙོ་བོའི་མཛད་པ་དྲང་གཞག་མིན་ནོ་ཟེར། ཀྱེ་ཡེས་ར་ཨེལ་གྱི་ཁྱིམ་རྒྱུད་རྣམས། ཁྱོད་ཚོས་ཉོན་ཅིག ངས་སྤྱད་པ་གང་ཞིག་དྲང་བདེན་མ་ཡིན་ནམ། ཁྱོད་ཚོས་སྤྱད་པ་དྲང་བདེན་མ་ཡིན་པ་མིན་ནམ།  
\v 26 གལ་ཏེ་མི་དྲང་བདེན་ཞིག་གིས་རང་གི་དྲང་བདེན་དང་བྲལ་ཏེ་ངན་པ་སྤྱད་ན། ཁོ་ནི་དེའི་རྐྱེན་གྱིས་འཆི་བར་འགྱུར་ཞིང་། ཁོ་ནི་རང་གིས་སྤྱད་པའི་དྲང་བདེན་མ་ཡིན་པ་དེའི་རྐྱེན་གྱིས་འཆི་བར་འགྱུར།  
\v 27 ཡང་ཇི་སྟེ་སྡིག་སྤྱོད་ཅན་ཞིག་གིས་འགྱོད་བཤགས་བྱས་ཏེ་རང་གི་གདུག་པ་དང་བྲལ་ནས། དྲང་བདེན་དང་བདེན་པའི་དོན་རྣམས་སྤྱད་ན་དེས་རང་གི་ཚེ་སྲོག་སྐྱོབ་པར་འགྱུར་རོ། །  
\v 28 གང་ལ་ཞེ་ན། ཁོས་བསམ་བློ་བཏང་རྗེས་རང་གི་སྤྱད་པའི་སྡིག་པ་ཐམས་ཅད་དང་བྲལ་བས། ཁོ་ནི་གསོན་པོར་ལུས་ཤིང་འཆི་བར་མི་འགྱུར་རོ། །  
\v 29 ཡིན་ཡང་ཡེས་ར་ཨེལ་གྱི་ཁྱིམ་རྒྱུད་ཀྱིས་ད་དུང་གཙོ་བོའི་མཛད་པ་དྲང་གཞག་མིན་ནོ་ཟེར། ཀྱེ་ཡེས་ར་ཨེལ་གྱི་ཁྱིམ་རྒྱུད་རྣམས། ངས་སྤྱད་པ་གང་ཞིག་དྲང་བདེན་མ་ཡིན་ནམ། ཁྱོད་ཚོས་སྤྱད་པ་དྲང་བདེན་མ་ཡིན་པ་མིན་ནམ།  
\v 30 དེ་བས། ཀྱེ་ཡེས་ར་ཨེལ་གྱི་ཁྱིམ་རྒྱུད་རྣམས། ངས་ཁྱོད་ཚོ་རེ་རེས་སྤྱད་པའི་ལས་བཞིན་དུ་ཁྱོད་རྣམས་ལ་ཁྲིམས་ཐག་གཅོད་པར་བྱའོ། །སྡིག་པ་དེ་རང་གི་བཀག་རྡོ་རུ་མི་འགྱུར་བའི་ཆེད་དུ། ཁྱོད་ཚོས་འགྱོད་བཤགས་བྱོས་ལ་རང་གི་སྡིག་ཉེས་ཐམས་ཅད་དང་འབྲལ་བར་གྱིས་ཤིག་ཅེས་གཙོ་བོ་ཡ་ཝཱེས་གསུངས།  
\v 31 ཁྱོད་ཚོས་རང་གིས་སྤྱད་པའི་སྡིག་པ་ཐམས་ཅད་དོར་ནས། རང་གི་ཆེད་དུ་སེམས་གསར་པ་དང་སེམས་ཉིད་གསར་པ་ཞིག་བསྐྱེད་དགོས། ཀྱེ་ཡེས་ར་ཨེལ་གྱི་ཁྱིམ་རྒྱུད་རྣམས། ཁྱོད་རྣམས་འཆི་དགོས་དོན་ཅི་ཡོད་དམ།  
\v 32 སུ་ཞིག་འཆི་བར་གྱུར་ཡང་ང་མི་དགའ་བས། ཁྱོད་རྣམས་ཀྱིས་འགྱོད་བཤགས་བྱོས་དང་གསོན་པར་འགྱུར་ཞེས་གཙོ་བོ་ཡ་ཝཱེས་གསུངས་སོ། །   
\c 19
\cl ལེའུ་བཅུ་དགུ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཡེས་ར་ཨེལ་གྱི་རྒྱལ་པོ་རྣམས་ལ་བྲིས་པའི་སྐྱོ་གླུ།  
\p
\v 1 ཁྱོད་ཀྱིས་ཡེས་ར་ཨེལ་གྱི་རྒྱལ་པོ་རྣམས་ཀྱི་ཆེད་དུ་སྐྱོ་གླུ་ཞིག་བརྩམས་ནས་འདི་ལྟར།  
\v 2 ཁྱོད་ཀྱི་མ་ནི་སུ་ཡིན་ནམ། །སེང་ཁྱུའི་ནང་གི་མོ་སེང་ཡིན། །སེང་གེ་དར་མའི་ཁྱུ་རུ་ཉལ། །རང་གི་སེང་ཕྲུག་བསྐྱངས་པ་འོ། །  
\v 3 སེང་ཕྲུག་རྣམས་ལས་གཅིག་བསྐྱངས་ཏེ། །སེང་གེ་དར་མའི་གྲས་སུ་ཚུད། །བརྔོན་པའི་ཤ་རྣམས་དབྲལ་བ་བསླབ། །མི་རྣམས་ཟ་མཁན་ཞིག་ཏུ་གྱུར། །  
\v 4 མི་རིགས་ཀུན་གྱིས་དེ་ཐོས་ནས། །ཁོ་ཚོའི་ས་དོང་ནང་དུ་བཅུག །ཁོ་ཚོས་དེ་ནི་ལྕགས་ཀྱུ་ཡིས། །ཨེ་ཅིབ་ཡུལ་དུ་ཁྲིད་ཕྱིན་ཏོ། །  
\v 5 མོ་སེང་གིས་ནི་བསྒུགས་བསྒུགས་ཀྱང་། །རང་གི་རེ་བ་ཟད་པས་ན། །སེང་ཕྲུག་རྣམས་ལས་ཡང་གཅིག་བླངས། །སེང་གེ་དར་མ་ཞིག་ཏུ་ཆགས། །  
\v 6 དེ་ནི་སེང་ཁྱུ་ཁྲོད་དུ་རྒྱུ། །སེང་གེ་དར་མ་ཞིག་ཏུ་གྱུར། །དེས་ཀྱང་བརྔོན་ཤ་དབྲལ་བ་བསླབ། །མི་རྣམས་ཟ་མཁན་ཞིག་ཏུ་གྱུར། །  
\v 7 དེ་ཡིས་ཁོ་ཚོའི་མཁར་རྣམས་བཤིགས། །ཁོ་ཚོའི་གྲོང་ཁྱེར་སྟོངས་སུ་བཅུག །ཡང་དེས་བཏོན་པའི་ང་རོ་ཡིས། །ས་གཞི་དང་ནི་དེའི་ནང་དུ། །གནས་པ་ཡོད་དོ་འཇིགས་པར་གྱུར། །  
\v 8 དེ་ནས་ཕྱོགས་བཞིའི་མི་རིགས་ཐམས་ཅད་པོ། །ཡུལ་ཕྱོགས་ཁག་ནས་དེ་ལ་རྒོལ་དུ་འོངས། །ཁོ་ཚོའི་དྲ་རྒྱ་དེ་ཡི་སྟེང་དུ་འཕངས། །དེ་ནི་ཁོ་ཚོའི་ས་དོང་ནང་དུ་བཅུག །  
\v 9 ཁོ་ཚོས་དེ་ནི་ལྕགས་ཁྲའི་ནང་བཅུག་ནས། །ལྕགས་ཀྱུས་པཱ་པེལ་ལོན་གྱི་རྒྱལ་པོའི་དྲུང་། །ཁྱེར་ཏེ་བཙོན་ཁང་ནང་དུ་བཅུག་པ་དང་། །དེ་ཡི་ང་རོ་ཡེས་ར་ཨེལ་གྱི་ནི། །རི་བོ་རྣམས་སུ་སླར་ཡང་ཐོས་མ་གྱུར། །   
\s1 རྒུན་འབྲུམ་ཤིང་ཕྱུང་བའི་དཔེ།  
\p
\v 10 ཁྱོད་ཀྱི་མ་ནི་རྒུན་འབྲུམ་ར་བ་ཡི། །རྒུན་འབྲུམ་ལྗོན་ཤིང་ཞིག་དང་འདྲ་བ་ཡིན། །དེ་ནི་ཆུ་བོའི་འགྲམ་དུ་བཙུགས་ཡོད་ཅིང་། །ཆུ་རྒྱུན་མོད་པས་འབྲས་བུ་རབ་ཏུ་སྨིན། །ཡལ་འདབ་ཀྱང་ནི་ཤིན་ཏུ་རྒྱས་པ་འོ། །  
\v 11 ལྗོན་ཤིང་དེ་ལ་ཡལ་ག་སྦོམ་པོ་ལྡན། །དབང་སྒྱུར་རྣམས་ཀྱི་ཁྲིམས་དབྱུག་བྱས་ཆོག་གོ །ལྗོན་ཤིང་དེ་ནི་ཤིན་ཏུ་མཐོ་བས་ན། །ཡལ་འདབ་རྒྱས་པའི་ལྗོན་ཤིང་གཞན་ལས་མཐོ། །ཤིན་ཏུ་མཐོ་ཞིང་ཡལ་འདབ་རྒྱས་པས་ན། །རྒྱང་རིང་ཡུལ་ནས་མིག་གིས་མཐོང་ཐུབ་བོ། །  
\v 12 ཡིན་ཡང་དཀོན་མཆོག་ཡ་ཝཱེའི་ཐུགས་ཁྲོའི་ཕྱིར། །རྒུན་འབྲུམ་ཤིང་དེ་ཕྱུང་ནས་ས་རུ་གཡུགས། །ཤར་རླུང་གཡུགས་ནས་དེ་ཡི་ཤིང་ཏོག་རྣམས། །སྐམ་དུ་བཅུག་ནས་ས་རུ་གཏོར་བ་དང་། །ཡལ་ག་སྦོམ་པོ་དག་ཀྱང་སྐམ་གྱུར་ནས། །མེ་ཡིས་དེ་རྣམས་ཁྱུར་མིད་བཏང་བ་འོ། །  
\v 13 ད་ལྟ་དེ་ནི་ཆུ་མེད་སྐམ་ས་དང་། །དབེན་སྟོང་ཡུལ་དུ་བཙུགས་པ་ཡིན་ལགས་ཤིང་། །  
\v 14 ཡལ་ག་རྣམས་ཀྱི་གཅིག་ལས་མེ་བྱུང་སྟེ། །དེ་ཡི་ཤིང་འབྲས་ཁྱུར་མིད་བཏང་བ་དང་། །ལྗོན་ཤིང་སྟེང་དུ་ཡལ་ག་སྦོམ་པོ་མེད། །ཅེས་སྨྲོས་ཤིག འདི་ནི་སྐྱོ་གླུ་ཞིག་སྟེ་ཤིན་ཏུ་རྒྱུགས་ཆེ་བའི་སྐྱོ་གླུ་ཞིག་གོ །   
\c 20
\cl ལེའུ་ཉི་ཤུ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཡེས་ར་ཨེལ་པ་རྣམས་ཨེ་ཅིབ་ཡུལ་དུ་ཡོད་དུས་ཀྱི་སྡིག་སྤྱོད།  
\p
\v 1 དེ་ཡང་ལོ་བདུན་པའི་ཟླ་ལྔ་པའི་ཚེས་བཅུ་ཉིན། ཡེས་ར་ཨེལ་གྱི་རྒན་པོ་འགའ་ཤས་དཀོན་མཆོག་ཡ་ཝཱེར་ཐུགས་བརྟག་ཞུ་བར་འོངས་ཏེ། ཁོ་རྣམས་ངའི་མདུན་དུ་བསྡད་པ་ན།  
\v 2 དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 3 ཀྱེ་མིའི་བུ། ཁྱོད་ཀྱིས་ཡེས་ར་ཨེལ་གྱི་རྒན་པོ་རྣམས་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཁྱོད་ཚོ་འོངས་ནས་ང་ལ་ཐུགས་བརྟག་ཞུའམ། བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཏེ། ངས་ཁྱོད་ཚོར་ང་ལ་ཐུགས་བརྟག་ཞུ་རུ་མི་འཇུག་གོ་གསུངས་ཞེས་པའོ་ཞེས་གཙོ་བོ་ཡ་ཝཱེས་གསུངས་སོ། །  
\v 4 ཀྱེ་མིའི་བུ། ཁྱོད་ཀྱིས་ཁོ་རྣམས་ལ་འདྲི་གཅོད་བྱེད་དམ། ཁོ་རྣམས་ལ་འདྲི་གཅོད་བྱེད་དམ། །ཁྱོད་ཀྱིས་དེ་དག་གི་མེས་པོ་རྣམས་ཀྱིས་སྤྱད་པའི་ཞེན་ལོག་གི་དོན་རྣམས་ཁོ་ཚོར་རྟོགས་སུ་འཇུག་དགོས་ལ།  
\v 5 ཡང་དེ་རྣམས་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། བདག་གིས་ཡེས་ར་ཨེལ་འདེམས་པའི་དུས་སུ། བདག་གིས་ཡ་ཀོབ་ཁྱིམ་རྒྱུད་ཀྱི་ཕྱོགས་སུ་ལག་པ་བརྐྱངས་ཏེ་མནའ་བསྐྱལ་བ་དང་། ཡང་ཨེ་ཅིབ་ཡུལ་དུ་ཁོ་རྣམས་ལ་རང་ཉིད་མངོན་པར་བྱས་ནས། བདག་གིས་དེ་དག་གི་ཕྱོགས་སུ་ལག་པ་བརྐྱངས་ནས་མནའ་བསྐྱལ་ཏེ་འདི་སྐད་དུ། བདག་ནི་ཁྱོད་རྣམས་ཀྱི་དཀོན་མཆོག་ཡ་ཝཱེ་ཡིན་ཞེས་སྨྲས་སོ། །  
\v 6 ཉིན་མོ་དེར་བདག་གིས་དེ་དག་གི་ཕྱོགས་སུ་ལག་པ་བརྐྱངས་ནས་ཁོ་ཚོ་ཨེ་ཅིབ་ཡུལ་ནས་ཕྱི་རུ་ཁྲིད་དེ། ངས་དེ་དག་གི་ཆེད་དུ་བདམས་པའི་འོ་མ་དང་སྦྲང་རྩི་བཞུར་བའི་གནས་ཏེ། ཡུལ་ཁམས་ཀུན་ལས་ཆེས་གཟི་དཔལ་འབར་བའི་གནས་སུ་འོང་བར་མནའ་བསྐྱལ་བའོ། །  
\v 7 ངས་དེ་དག་ལ་འདི་སྐད་དུ། ཁྱོད་ཚོ་རེ་རེས་ཁྱོད་ཚོའི་མིག་ནང་གི་སྐུ་འདྲ་ཞེན་ལོག་ཅན་དེ་རྣམས་དོར་ཞིག་དང་། ཨེ་ཅིབ་ཀྱི་སྐུ་འདྲའི་རྐྱེན་གྱིས་རང་ཉིད་བཙོག་པར་མི་བཟོ་བར་གྱིས། བདག་ནི་ཁྱོད་ཅག་གི་དཀོན་མཆོག་ཡ་ཝཱེ་ཡིན་ཞེས་སྨྲས་ཀྱང་།  
\v 8 དེ་དག་གིས་ང་ལ་ངོ་ལོག་བྱས་ནས་ང་ལ་མི་མཉན་པར། ཁོ་ཚོ་རེ་རེས་རང་གི་མིག་ནང་གི་སྐུ་འདྲ་ཞེན་ལོག་ཅན་རྣམས་མ་དོར་ཞིང་། ཨེ་ཅིབ་ཀྱི་སྐུ་འདྲ་རྣམས་དང་མ་བྲལ་བས། དུས་དེར་ངས་འདི་སྐད་དུ། ངས་རང་གི་ཁོང་ཁྲོ་ཆེན་པོ་དེ་དག་གི་སྟེང་དུ་ལྡུག་པར་བྱ་སྟེ། ཨེ་ཅིབ་ཡུལ་དུ་ངས་དེ་དག་གི་སྟེང་དུ་རང་གི་ཁོང་ཁྲོ་ཡོངས་སུ་ལྡུག་དགོས་ཞེས་སྨྲས་པའོ། །  
\v 9 ཡིན་ཡང་དེ་དག་བྱེས་སུ་སྡོད་པའི་མི་ཀུན་གྱི་མིག་ནང་དུ་ངའི་མཚན་སྙན་མི་བརླག་པའི་ཆེད་དུ། ངའི་རང་གི་མིང་གི་ཕྱིར་དེ་ལྟར་མ་བྱས་པར། ངས་དེ་དག་ཨེ་ཅིབ་ཡུལ་ནས་ཕྱི་རུ་ཁྲིད་འོངས་ཏེ། མི་ཀུན་གྱི་མདུན་དུ་ཁོ་ཚོར་མངོན་པར་གྱུར་ཏོ། །   
\s1 དབེན་སྟོང་ཡུལ་གྱི་སྡིག་སྤྱོད།  
\p
\v 10 དེ་བཞིན་བདག་གིས་ཁོ་ཚོ་ཨེ་ཅིབ་ཡུལ་ནས་ཕྱི་རུ་ཁྲིད་དེ་དབེན་སྟོང་དུ་སླེབས་པ་དང་།  
\v 11 བདག་གིས་རང་གི་སྒྲིག་ཁྲིམས་ཁོ་ཚོར་གནང་ཞིང་། རང་གི་སྒྲིག་སྲོལ་ཁོ་ཚོར་བསྟན་པ་དང་། མི་ཡིས་དེ་རྣམས་བསྲུངས་ན་དེའི་རྐྱེན་གྱིས་གསོན་པར་འགྱུར་རོ། །  
\v 12 ཡང་བདག་གིས་རང་གི་ངལ་གསོ་བའི་ཉིན་མོ་ཁོ་ཚོར་གནང་སྟེ། ང་དང་ཁོ་ཚོའི་བར་གྱི་བདེན་དཔང་དུ་བྱས་ནས། བདག་ནི་ཁོ་ཚོ་དམ་པར་བྱེད་མཁན་ཡ་ཝཱེ་ཡིན་པ་རྟོགས་སུ་བཅུག་གོ །  
\v 13 ཡིན་ནའང་ཡེས་ར་ཨེལ་གྱི་ཁྱིམ་རྒྱུད་ཀྱིས་དབེན་སྟོང་དུ་བདག་ལ་ངོ་ལོག་བྱས་ཏེ་བདག་གི་སྒྲིག་ཁྲིམས་མ་བརྩིས་ལ། བདག་གི་སྒྲིག་སྲོལ་ཡང་དོར་བས། ༼གལ་ཏེ་མི་ཡིས་དེ་རྣམས་བསྲུངས་ན་གསོན་པར་ངེས་སོ། །༽ བདག་གི་ངལ་གསོ་བའི་ཉིན་མོ་ཁྱད་དུ་བསད་པའོ། །དུས་དེར་ངས་རང་གི་ཁོང་ཁྲོ་ཆེན་པོ་དེ་ཁོ་ཚོའི་སྟེང་དུ་བླུགས་ནས་དེ་རྣམས་དབེན་སྟོང་ཡུལ་དུ་མེད་པར་བཟོ་དགོས་ཞེས་སྨྲས་ནའང་།  
\v 14 དེ་དག་བྱེས་སུ་སྡོད་པའི་མི་རིགས་ཀུན་གྱི་མིག་ནང་དུ་ངའི་མཚན་སྙན་མི་བརླག་པའི་ཆེད་དུ། ངས་རང་གི་མིང་གི་ཕྱིར་དེ་ལྟར་མ་བྱས། སྔར་བདག་གིས་ཁོ་ཚོའི་མིག་མདུན་ནས་ཡེས་ར་ཨེལ་པ་རྣམས་ཕྱི་རུ་ཁྲིད་འོངས་པ་ཡིན།  
\v 15 ངས་དེ་དག་ལ་གནང་བའི་འོ་མ་དང་སྦྲང་རྩི་བཞུར་བའི་གནས་ཏེ། ཡུལ་ཁམས་ཀུན་ལས་ཆེས་གཟི་དཔལ་འབར་བའི་གནས་སུ་ཁོ་རྣམས་འཁྲིད་པར་མི་བྱའོ་ཞེས་དབེན་སྟོང་ཡུལ་དུ་ངས་དེ་དག་གི་ཕྱོགས་སུ་ལག་པ་བརྐྱངས་ནས་མནའ་བསྐྱལ་བའོ། །  
\v 16 གང་ལ་ཞེ་ན། དེ་དག་གིས་བདག་གི་སྒྲིག་སྲོལ་དོར་བ་དང་བདག་གི་སྒྲིག་ཁྲིམས་མ་བརྩིས་པར། བདག་གི་ངལ་གསོ་བའི་ཉིན་མོ་ཡང་ཁྱད་དུ་བསད་ནས། དེ་དག་གི་སེམས་ནི་རང་གི་སྐུ་འདྲའི་རྗེས་སུ་འབྲངས་སོ། །  
\v 17 དེ་འདྲ་ཡིན་ཡང་། ངས་ད་དུང་དེ་དག་ལ་ལྟ་སྐྱོང་བྱས་ནས་དེ་དག་མེད་པར་མ་བྱས་ཏེ། དབེན་སྟོང་ཡུལ་དུ་དེ་དག་རྩ་མེད་དུ་མ་བཏང་ངོ་། །  
\v 18 དབེན་སྟོང་ཡུལ་དུ་ངས་དེ་དག་གི་བུ་དང་བུ་མོ་རྣམས་ལ་འདི་སྐད་དུ། ཁྱོད་ཚོའི་མེས་པོ་རྣམས་ཀྱི་སྒྲིག་ཁྲིམས་རྣམས་མ་བརྩི་ཞིག ཁོ་ཚོའི་སྒྲིག་སྲོལ་ཡང་བསྲུང་བར་མ་བྱེད། ཁོ་ཚོའི་སྐུ་འདྲ་རྣམས་ཀྱི་རྐྱེན་གྱིས་རང་ཉིད་བཙོག་པར་མ་བཟོ།  
\v 19 བདག་ནི་ཁྱོད་ཅག་གི་དཀོན་མཆོག་ཡ་ཝཱེ་ཡིན་པས། ཁྱོད་རྣམས་ཀྱིས་བདག་གི་སྒྲིག་ཁྲིམས་རྩིས་ཤིག བདག་གི་སྒྲིག་སྲོལ་བསྲུངས་ནས་དེ་བཞིན་སྤྱོད་ཅིག  
\v 20 ཁྱོད་ཚོས་བདག་གི་ངལ་གསོ་བའི་ཉིན་མོ་དམ་པར་བརྩིས་ནས། ང་དང་ཁྱོད་ཚོའི་བར་གྱི་བདེན་དཔང་དུ་བྱས་ཏེ་བདག་ནི་ཁྱོད་ཅག་གི་དཀོན་མཆོག་ཡ་ཝཱེ་ཡིན་པ་ཤེས་པར་གྱིས་ཞེས་སྨྲས་ནའང་།  
\v 21 ཁོ་ཚོའི་བུ་དང་བུ་མོ་རྣམས་ཀྱིས་བདག་ལ་ངོ་ལོག་བྱས་ཏེ་བདག་གི་སྒྲིག་ཁྲིམས་མ་བརྩིས་ལ། བདག་གི་སྒྲིག་སྲོལ་རྣམས་བསྲུངས་ནས་དེ་བཞིན་མ་བྱས་པས། ༼གལ་ཏེ་མི་ཡིས་སྒྲིག་ཁྲིམས་དང་སྒྲིག་སྲོལ་དེ་རྣམས་བསྲུངས་པ་ཡིན་ན་དེའི་རྐྱེན་གྱིས་གསོན་པར་ངེས་སོ། །༽ བདག་གི་ངལ་གསོ་བའི་ཉིན་མོ་ཁྱད་དུ་བསད་པའོ། །དུས་དེར་བདག་གིས་རང་གི་ཁོང་ཁྲོ་ཆེན་པོ་དེ་ཁོ་ཚོའི་སྟེང་དུ་བླུགས་ནས། དབེན་སྟོང་ཡུལ་དུ་དེ་དག་གི་སྟེང་དུ་རང་གི་ཁོང་ཁྲོ་ཡོངས་སུ་ལྡུག་དགོས་ཞེས་སྨྲས་ནའང་།  
\v 22 དེ་དག་བྱེས་སུ་སྡོད་སའི་མི་རིགས་ཀུན་གྱི་མིག་ནང་དུ་ངའི་མཚན་སྙན་མི་བརླག་པའི་ཆེད་དུ། བདག་གིས་རང་གི་མིང་གི་ཕྱིར་ལག་པ་བསྐུམས་ནས་དེ་ལྟར་མ་བྱས། སྔར་བདག་གིས་ཁོ་ཚོའི་མིག་མདུན་ནས་ཡེས་ར་ཨེལ་པ་རྣམས་ཕྱི་རུ་ཁྲིད་འོངས་པ་ཡིན།  
\v 23 དེ་རྣམས་ཡུལ་ཁམས་ཀུན་ཏུ་གཏོར་ཞིང་། མི་རིགས་ཀུན་གྱི་ནང་དུ་གཏོར་བར་བྱའོ་ཞེས་ངས་དབེན་སྟོང་ཡུལ་དུ་དེ་དག་གི་ཕྱོགས་སུ་ལག་པ་བརྐྱངས་ནས་མནའ་བསྐྱལ་བ་ཡིན།  
\v 24 གང་ལ་ཞེ་ན། དེ་དག་གིས་ངའི་སྒྲིག་སྲོལ་མ་བརྩིས་ཤིང་། ངའི་ཁྲིམས་སྲོལ་རྣམས་དོར་ཏེ། ངའི་ངལ་གསོ་བའི་ཉིན་མོ་ཡང་ཁྱད་དུ་བསད་ནས། དེ་དག་གི་མིག་གིས་རང་གི་མེས་པོ་རྣམས་ཀྱི་སྐུ་འདྲ་དག་ལ་རེ་ལྟོས་བཅངས་པའོ། །  
\v 25 དེའི་ཕྱིར་ངས་ཀྱང་བཟང་པོ་མིན་པའི་ཁྲིམས་སྲོལ་དང་དེར་བརྟེན་ནས་འཚོ་བར་མི་འགྱུར་བའི་སྒྲིག་སྲོལ་རྣམས་ཁོ་ཚོར་གནང་བ་ཡིན།  
\v 26 དེ་དག་གིས་སྐྱེས་འགོ་ཐམས་ཅད་མེར་བསྲེགས་ནས་མཆོད་རྫས་སུ་ཕུལ་བས་ན། ངས་དེ་དག་ལ་རང་ཉིད་བཙོག་པར་བཟོ་རུ་བཅུག་པ་སྟེ། དེ་རྣམས་འཇིགས་སྣང་སྐྱེས་ནས་བདག་ནི་ཡ་ཝཱེ་ཡིན་པ་རྟོགས་པའི་ཕྱིར་ཡིན་གསུངས་ཞེས་པའོ། །   
\s1 ཀ་ན་ཨན་གྱི་སྡིག་སྤྱོད།  
\p
\v 27 ཀྱེ་མིའི་བུ། དེའི་ཕྱིར་ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་རྣམས་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཁྱོད་ཚོའི་མེས་པོ་རྣམས་ཀྱིས་ང་ལ་བློ་མི་དཀར་བའི་དོན་འདིའི་སྟེང་ནས་ང་རང་ཁྱད་དུ་བསད་པའོ། །  
\v 28 ངས་དེ་དག་གི་ཕྱོགས་སུ་ལག་པ་བརྐྱངས་ནས་དེ་དག་ལ་གནང་བར་མནའ་བསྐྱལ་བའི་གནས་དེ་རུ་ཁོ་ཚོ་ཁྲིད་ནའང་། ཁོ་ཚོས་རི་སྒང་རྣམས་དང་ནགས་ཚལ་སྟུག་པོ་དག་མཐོང་སྟེ། གནས་དེ་ནས་མཆོད་པ་ཕུལ་ཏེ། ངའི་གནས་དེ་རུ་ང་ལ་ཁོང་ཁྲོ་སློང་བའི་མཆོད་པ་རྣམས་དེར་ཕུལ་ཞིང་། དྲི་ཞིམ་གྱི་མཆོད་པ་དང་བཅས་རང་གི་སྐྱེམས་མཆོད་ཀྱང་ཕུལ་ཏོ་ཞེས་གསུངས་ཞེས་པའོ། །  
\v 29 དེ་ནས་ངས་དེ་དག་ལ། ཁྱོད་ཅག་སོང་བའི་མཐོ་གླིང་དེ་གནས་ཅི་ཡིན་ཞེས་དྲིས་པ་དང་། ད་ལྟའི་བར་དུ་མཐོ་གླིང་དེའི་མིང་ལ་པ་མཱ་ཞེས་ཟེར་རོ། །  
\v 30 དེའི་ཕྱིར་ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་རྣམས་ལ་འདི་ལྟར། གཙོ་བོ་ཡ་ཝཱེས་འདི་སྐད་དུ། ཁྱོད་ཚོས་ད་དུང་རང་གི་ཕ་མེས་རྣམས་ཀྱིས་སྤྱད་པ་བཞིན་དུ་རང་ཉིད་བཙོག་པར་བཟོས་ཏེ། དེ་དག་གི་ཞེན་ཁ་ལོག་པའི་སྐུ་འདྲའི་རྗེས་སུ་འབྲངས་ནས་ལོག་གཡེམ་བྱེད་དམ།  
\v 31 ཁྱོད་ཚོས་མཆོད་པ་ཕུལ་ནས་རང་གི་བུ་རྣམས་མེར་བསྲེགས་ཏེ། ཁྱོད་ཚོའི་སྐུ་འདྲ་ཐམས་ཅད་ཀྱིས་དེ་རིང་བར་དུ་རང་ཉིད་བཙོག་པར་བཟོས་པས། ཀྱེ་ཡེས་ར་ཨེལ་གྱི་ཁྱིམ་རྒྱུད། ངས་ཅི་ལྟར་ཁྱོད་ཚོར་ང་ནས་ཐུགས་བརྟག་ཞུ་བར་འཇུག་གམ། བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཏེ། ངས་ཁྱོད་ཚོར་ང་ལ་ཐུགས་བརྟག་ཞུ་རུ་མི་འཇུག་གོ་ཞེས་གཙོ་བོ་ཡ་ཝཱེས་གསུངས་པའོ། །  
\v 32 ཁྱོད་ཚོ་ན་རེ། ངེད་རྣམས་ཀྱིས་མི་རིགས་ཀུན་གྱི་མི་ཐམས་ཅད་དང་། རྒྱལ་ཁམས་ཁག་གི་མི་རིགས་སོ་སོ་བཞིན་དུ་ཤིང་དང་རྡོ་ལ་སྲི་ཞུ་བསྒྲུབ་བོ་ཟེར་ཞིང་། ཁྱོད་ཚོའི་བསམ་དོན་འདི་རྩ་བ་ནས་འགྲུབ་པར་མི་འགྱུར་རོ། །   
\s1 རང་ཡུལ་དུ་ཕྱིར་ལོག་པའི་ཞལ་བཞེས།  
\p
\v 33 བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན་ཏེ། ངས་ནུས་མཐུ་ཆེན་པོའི་ཕྱག་དང་ཕྱི་རུ་བརྐྱངས་པའི་དཔུང་པ། རབ་ཏུ་འབར་བའི་ཁོང་ཁྲོ་བཅས་ཀྱིས་ཁྱོད་རྣམས་དབང་དུ་བསྒྱུར་རོ་ཞེས་གཙོ་བོ་ཡ་ཝཱེས་གསུངས།  
\v 34 ངས་ནུས་མཐུ་ཆེན་པོའི་ཕྱག་དང་ཕྱི་རུ་བརྐྱངས་པའི་དཔུང་པ། རབ་ཏུ་འབར་བའི་ཁོང་ཁྲོ་བཅས་ཀྱིས་ཁྱོད་རྣམས་ངེས་པར་དུ་མི་རིགས་ཀུན་གྱི་ཁྲོད་ནས་ཁྲིད་འོང་ཞིང་། ཁྱོད་རྣམས་ཁ་འཐོར་དུ་ཕྱིན་པའི་ཡུལ་སོ་སོ་ནས་ཚུར་བསྡུ་བར་འགྱུར།  
\v 35 ངས་ཁྱོད་རྣམས་མི་སོ་སོའི་མི་མེད་ལུང་སྟོང་དུ་ཁྲིད་ནས། གནས་དེར་ངས་ཁྱོད་རྣམས་ལ་ཁ་རི་ཁ་ཐུག་ཏུ་ཁྲིམས་གཅོད་ཅིང་།  
\v 36 ངས་ཇི་ལྟར་ཨེ་ཅིབ་ཡུལ་གྱི་དབེན་སྟོང་ནས་ཁྱོད་ཅག་གི་མེས་པོ་རྣམས་ལ་ཁྲིམས་བཅད་པ་ཡིན་ན། ཁྱོད་ཅག་ལའང་དེ་ལྟར་ཁྲིམས་གཅོད་པར་འགྱུར་ཞེས་གཙོ་བོ་ཡ་ཝཱེས་གསུངས་སོ། །  
\v 37 ཡང་ངས་ཁྱོད་རྣམས་རྫི་བོའི་དབྱུག་པའི་འོག་ནས་འགྲོ་བར་བྱ་ཞིང་། ཁྱོད་རྣམས་ཁ་ཆད་ཀྱི་ནང་དུ་འཇུག་པར་འགྱུར་ལ།  
\v 38 ངས་ཁྱོད་ཅག་གི་ཁྲོད་ནས་ང་ལ་ངོ་ལོག་བྱེད་མཁན་དང་ང་དང་འགལ་བ་རྣམས་མེད་པར་བཟོ་སྟེ། ངས་དེ་རྣམས་བྱེས་སུ་སྡོད་པའི་ཡུལ་ནས་ཁྲིད་འོངས་ནའང་དེ་དག་ཡེས་ར་ཨེལ་གྱི་ཡུལ་དུ་འཇུག་པར་མི་འགྱུར་རོ། །དེ་ནས་ཁྱོད་ཅག་གིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 39 ཡེས་ར་ཨེལ་གྱི་ཁྱིམ་རྒྱུད་ཁྱོད་ལ་གཙོ་བོ་ཡ་ཝཱེས་འདི་སྐད་དུ། ཁྱོད་རྣམས་རེ་རེ་སོང་ནས་རང་གི་སྐུ་འདྲར་ཞབས་ཏོག་སྒྲུབས་ཤིག་དང་། ཡིན་ནའང་མ་འོངས་པར་ཁྱོད་ཚོས་ང་ལ་མཉན་ངེས་ཡིན་ཏེ། ཁྱོད་རྣམས་ཀྱི་མཆོད་རྫས་དང་སྐུ་འདྲ་ཡིས་ངའི་མཚན་དམ་པ་དེ་ཡང་བསྐྱར་ཁྱད་དུ་གསོད་པར་མི་བྱའོ། །  
\v 40 གང་ལ་ཞེ་ན། ངའི་རི་བོ་དམ་པ་སྟེ་ཡེས་ར་ཨེལ་གྱི་རི་མཐོན་པོ་རུ། ཡེས་ར་ཨེལ་གྱི་ཁྱིམ་རྒྱུད་ཐམས་ཅད་ཀྱིས་གནས་དེ་རུ་ང་ལ་ཞབས་ཏོག་བསྒྲུབ་པར་འགྱུར་ཞིང་། གནས་དེ་རུ་ངས་ཁོ་ཚོ་དང་ལེན་བྱེད་ཅིང་། གནས་དེར་ཁྱོད་ཅག་གི་འདེགས་མཆོད་དང་ཐོག་ཕུད་དང་། རྫས་དམ་པ་ཐམས་ཅད་བཅས་ངས་ལེན་པར་བྱའོ་ཞེས་གཙོ་བོ་ཡ་ཝཱེས་གསུངས་སོ། །  
\v 41 ངས་ཁྱོད་རྣམས་མི་རྣམས་ཀྱི་ཁྲོད་ནས་འདོན་ཞིང་ཁྱོད་རྣམས་ཁ་འཐོར་ཏུ་ཕྱིན་པའི་ཡུལ་ཀུན་ནས་བསྡུ་བའི་ཚེ། དྲི་ཞིམ་གྱི་མཆོད་པ་དང་ལེན་བྱེད་པ་བཞིན་དུ་ངས་ཁྱོད་རྣམས་དང་ལེན་བྱེད་པར་འགྱུར་ཏེ། མི་རིགས་ཀུན་གྱི་མདུན་དུ། ཁྱོད་རྣམས་ཀྱི་ཁྲོད་ནས་ང་རང་དམ་པར་མངོན་ནོ། །  
\v 42 ཡང་ངས་ཁྱོད་རྣམས་ཡེས་ར་ཨེལ་གྱི་ཡུལ་ཏེ། སྔར་ངས་ཁྱོད་ཚོའི་ཕ་མེས་རྣམས་ལ་གནང་བར་ལག་པ་བརྐྱངས་ནས་མནའ་བསྐྱལ་བའི་ཡུལ་དུ་ཁྱོད་ཅག་ཁྲིད་ན། ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 43 ཡུལ་དེ་རུ་ཁྱོད་ཚོས་རང་ཉིད་བཙོག་པར་བཟོས་པའི་བྱ་བ་སྤྱོད་པ་ཐམས་ཅད་དྲན་པར་འགྱུར་ཞིང་། ཡང་རང་གིས་སྤྱད་པའི་དོན་ངན་པ་ཐམས་ཅད་ཀྱི་རྐྱེན་གྱིས་ཁྱོད་རྣམས་རང་ལ་ཞེན་ཁ་ལོག་པར་འགྱུར་རོ། །  
\v 44 ཀྱེ་ཡེས་ར་ཨེལ་གྱི་ཁྱིམ་རྒྱུད་རྣམས། བདག་གིས་རང་གི་མཚན་དམ་པའི་ཆེད་དུ། ཁྱོད་ཚོའི་སྤྱོད་ངན་དང་ངན་རུལ་དུ་གྱུར་པའི་བྱ་སྤྱོད་བཞིན་དུ་ཁྱོད་རྣམས་ལ་བྱས་མེད། དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་པའོ་ཞེས་གཙོ་བོ་ཡ་ཝཱེས་གསུངས་སོ། །  
\v 45 ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 46 ཀྱེ་མིའི་བུ། རང་གི་གདོང་ནེ་གུབ་ཡུལ་དུ་འཁོར་ནས་ལྷོ་ཕྱོགས་སུ་ནེ་གུབ་ཡུལ་གྱི་ཐང་གི་ནགས་ཚལ་ལ་རྒོལ་བའི་ལུང་སྟོན་པར་གྱིས་ཤིག  
\v 47 ནེ་གུབ་ཡུལ་གྱི་ནགས་ཚལ་ལ་འདི་ལྟར། ཁྱོད་ཀྱིས་དཀོན་མཆོག་ཡ་ཝཱེའི་བཀའ་ལ་ཉོན་དང་། གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཁྱོད་ཀྱི་ནང་དུ་མེ་སྦར་ཞིང་། ཁྱོད་ཀྱི་ནང་དུ་ཡོད་པའི་ལྗོན་ཤིང་སྔོན་པོ་ཐམས་ཅད་དང་ཤིང་སྡོང་སྐམ་པོ་ཐམས་ཅད་ཁྱུར་མིད་གཏོང་བར་བྱ་སྟེ། མེ་ལྕེ་དྲག་པོ་དེ་ཞི་བར་མི་འགྱུར་ལ། བྱང་ནས་ལྷོ་ཡི་བར་དུ་ཡོངས་སུ་འཚིག་པར་འགྱུར།  
\v 48 དེ་ནས་མི་ཐམས་ཅད་ཀྱིས་ང་ཡ་ཝཱེས་མེ་དེ་སྦར་བ་མཐོང་བར་འགྱུར་ཞིང་། མེ་དེ་ཞི་བར་མི་འགྱུར་གསུངས་ཞེས་ལུང་སྟོན་ཅིག་ཅེས་གསུངས་པ་ལ།  
\v 49 ངས་འདི་ལྟར། ཀྱི་ཧུད། གཙོ་བོ་ཡ་ཝཱེ་ལགས། མི་ཐམས་ཅད་ཀྱིས་ང་བསྟན་ནས་མི་འདིས་གཏམ་དཔེ་བཤད་པ་མ་ཡིན་ནམ་ཟེར་རོ་ཞེས་ཞུས་པའོ། །   
\c 21
\cl ལེའུ་ཉེར་གཅིག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཡ་ཝཱེའི་རལ་གྲི།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཡེ་རུ་སཱ་ལེམ་གྱི་ཕྱོགས་སུ་འཁོར་ནས་དམ་པའི་གནས་སུ་གཏམ་སྨྲ་དགོས་ཏེ། ཡེས་ར་ཨེལ་གྱི་ཡུལ་ལ་རྒོལ་བའི་ལུང་སྟོན་ཅིག  
\v 3 ཁྱོད་ཀྱིས་ཡེས་ར་ཨེལ་གྱི་ཡུལ་ལ། དཀོན་མཆོག་ཡ་ཝཱེས་འདི་སྐད་དུ། ལྟོས་དང་། ངས་ཁྱོད་ལ་རྒོལ་ཞིང་། ངས་རང་གི་རལ་གྲི་ཤུབས་ལས་ཕྱུང་སྟེ་མི་དྲང་བདེན་ཅན་དང་སྡིག་སྤྱོད་ཅན་གཉིས་པོ་ཁྱོད་ལས་ཚར་གཅོད་བྱེད་པར་འགྱུར།  
\v 4 ངས་མི་དྲང་བདེན་ཅན་དང་སྡིག་སྤྱོད་ཅན་གཉིས་པོ་ཁྱོད་ལས་ཚར་གཅོད་བྱེད་རྒྱུ་ཡིན་པས། ངའི་རལ་གྲི་ནི་ཤུབས་ལས་ཕྱུང་ངེས་ཡིན་ལ། ལྷོ་ནས་བྱང་གི་བར་དུ་མི་ཐམས་ཅད་ལ་རྒོལ་བར་བྱ་སྟེ།  
\v 5 དེ་ནས་མི་ཐམས་ཅད་ཀྱིས་ང་ཡ་ཝཱེས་རལ་གྲི་ཤུབས་ལས་ཕྱུང་སྟེ། རལ་གྲི་ཕྱིར་ཤུབས་ཀྱི་ནང་དུ་མི་འཇུག་པ་རྟོགས་པར་འགྱུར་ཞེས་གསུངས་ཞེས་སྨྲོས་ཤིག  
\v 6 ཀྱེ་མིའི་བུ། ཁྱོད་ཀྱིས་ཤུགས་རིང་ཕྱུངས་ཤིག དེ་དག་གི་མིག་མདུན་དུ་སྡུག་བསྔལ་ཆེན་པོས་ཤུགས་རིང་ནར་ནར་དུ་ཕྱུངས་ཤིག  
\v 7 གལ་ཏེ་ཁོ་ཚོས་ཁྱོད་ལ། ཁྱོད་ཀྱིས་ཅིའི་ཕྱིར་ཤུགས་རིང་འབྱིན་ནམ་ཞེས་དྲིས་ན། ཁྱོད་ཀྱིས་ལན་དུ། མི་རེ་རེ་དཔའ་ཞུམ་ཅིང་། ལག་རྩ་ལྷོད་ནས་སེམས་ཤུགས་ཉམས་པ་དང་། དེ་དག་གི་པུས་མོ་ནི་ཆུ་བཞིན་སྟོབས་ཞན་པར་འགྱུར་བའི་མ་འོངས་འབྱུང་འགྱུར་གྱི་འཕྲིན་གྱི་དབང་གིས་ཤུགས་རིང་འབྱིན་པ་ཡིན། ལྟོས་དང་། དེ་ནི་ཡོང་གིན་འདུག་སྟེ། དོན་འདི་ནི་འགྲུབ་ངེས་ཡིན་ཞེས་གཙོ་བོ་ཡ་ཝཱེས་དེ་སྐད་གསུངས་ཞེས་སྨྲོས་ཤིག་ཅེས་གསུངས་སོ། །  
\v 8 ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 9 ཀྱེ་མིའི་བུ། ཁྱོད་ཀྱིས་ལུང་བསྟན་ཏེ་འདི་ལྟར། དཀོན་མཆོག་ཡ་ཝཱེས་འདི་སྐད་དུ། རལ་གྲི་ཞིག་ཡོད་དེ། བརྡར་ནས་རྣོ་ཕྱུང་བའི་རལ་གྲི་ཞིག་ཡོད་པ་དེ་ནི་འོད་བཏོན་པའི་རལ་གྲིའོ། །  
\v 10 བརྡར་ནས་རྣོ་ཕྱུང་བ་ནི་སྲོག་གཅོད་པའི་ཕྱིར་ཡིན་ལ། འོད་བཏོན་པ་ནི་འོད་འཕྲོ་བའི་ཆེད་དུ་ཡིན་ནོ། །ངེད་རྣམས་ཅི་ལྟར་དགའ་བར་འགྱུར་རམ། ངའི་བུ་ཡིས་གཅུན་བྱེད་ཀྱི་དབྱུག་པ་དང་བསླབ་བྱ་ཀུན་ལ་མཐོང་ཆུང་བྱས་སོ། །  
\v 11 རལ་གྲི་འདི་ནི་མི་ལ་འོད་འདོན་པར་སྤྲད་པས་ན་ལག་པར་ཐོགས་ནས་བཀོལ་ཆོག་པ་དང་། རལ་གྲི་འདི་ནི་བརྡར་ནས་རྣོ་ཕྱུང་བ་དང་འོད་བཏོན་པ་ཡིན་པས་སྲོག་ལེན་མཁན་གྱི་ལག་ཏུ་སྤྲད་ཆོག་ཅེས་གསུངས་སོ་ཞེས་སྨྲོས་ཤིག  
\v 12 ཀྱེ་མིའི་བུ། ཁྱོད་ཀྱིས་སྐད་རྒྱོབ་ཅིག ངུ་འབོད་བྱོས་ཤིག གང་ལ་ཞེ་ན། རལ་གྲི་འདི་ནི་ངའི་འབངས་མི་དང་ཡེས་ར་ཨེལ་གྱི་འགོ་དཔོན་ཐམས་ཅད་ཀྱི་སྟེང་དུ་འབབ་པར་འགྱུར་ཞིང་། ཁོ་ཚོ་དང་ངའི་མི་ཐམས་ཅད་རལ་གྲིའི་འོག་ཏུ་གཏོད་རྒྱུ་ཡིན་པས། ཁྱོད་ཀྱིས་བྲང་ཁ་རྡུངས་ \f + \ft འདིར་བྲང་ཁ་རྡུང་བ་ནི་ཡིད་ཤིན་ཏུ་སྐྱོ་བའི་དོན་ལ་འཇུག\f*ལ་སྐྱོ་བའི་དབུགས་རིང་ཕྱུངས་ཤིག  
\v 13 གང་ལ་ཞེ་ན། ཚོད་བགམ་ནི་འོང་ངེས་ཡིན་ཏེ། ཁྱོད་ཀྱིས་ཅིའི་ཕྱིར་གཅུན་བྱེད་ཀྱི་དབྱུག་པར་མཐོང་ཆུང་བྱེད་དམ། དོན་འདི་ནི་འགྲུབ་པའི་དཔེ་མི་སྲིད་ཅེས་གཙོ་བོ་ཡ་ཝཱེས་གསུངས།  
\v 14 ཀྱེ་མིའི་བུ། ཁྱོད་ཀྱིས་ལག་པ་བརྡབས་ནས་ལུང་སྟོན་ཅིག སྲོག་གཅོད་པའི་རལ་གྲི་འདི་ཡང་དང་ཡང་དུ་སྤྱད་དེ། ཤི་རྨས་ཆེན་པོ་ཐེབས་པའི་རལ་གྲི་འདི་ཡིས་དེ་རྣམས་བསྐོར་ཞིག་དང་།  
\v 15 དེ་དག་སེམས་འཁྲུགས་ནས་མི་མང་པོ་སར་འགྱེལ་ལོ། །ངས་ཁོ་ཚོའི་མཁར་སྒོ་ཡོངས་སུ་སྲོག་ལེན་མཁན་མངགས་ཏེ། ཀྱེ་ཀྱེ། རལ་གྲི་འདི་ལས་འོད་འཕྲོ་ཞིང་བརྡར་ནས་ཤིན་ཏུ་རྣོ་བས་སྲོག་བླངས་ཆོག་ཆོག་ཡིན།  
\v 16 ཀྱེ་རལ་གྲི་ལགས། གཡས་ཕྱོགས་སུ་སྲོག་ཆོད་ཅིག གཡོན་ཕྱོགས་སུ་སྣུན་ཞིག ཁྱོད་ཕྱོགས་གང་དུ་འཁོར་ན་དེ་རུ་སྲོག་ལོངས་ཤིག  
\v 17 ངས་ཀྱང་ལག་པ་བརྡབས་ནས་རང་གི་ཁོང་ཁྲོ་ཞི་བར་བྱའོ་ཞེས་དཀོན་མཆོག་ཡ་ཝཱེས་དེ་སྐད་གསུངས་ཞེས་གསུངས་སོ། །   
\s1 པཱ་པེལ་ལོན་གྱི་རྒྱལ་པོའི་རལ་གྲི།  
\p
\v 18 དེ་ཡང་དཀོན་མཆོག་ཡ་ཝཱེའི་བཀའ་ང་ལ་བྱུང་སྟེ་འདི་སྐད་དུ།  
\v 19 ཀྱེ་མིའི་བུ། པཱ་པེལ་ལོན་གྱི་རྒྱལ་པོའི་རལ་གྲི་འོང་བའི་ཆེད་དུ། ཁྱོད་ཀྱིས་ལམ་གཉིས་ལ་རྟགས་རྒྱོབ་ཅིག ལམ་དེ་གཉིས་ནི་ཡུལ་གཅིག་ནས་འོངས་ཏེ། ཁྱོད་ཀྱིས་གྲོང་ཁྱེར་ནང་དུ་འགྲོ་བའི་ལམ་ཁར་ཐོ་སློངས་ཤིག  
\v 20 ཁྱོད་ཀྱིས་ལམ་གཅིག་ལ་རྟགས་བརྒྱབ་ནས་རལ་གྲི་ཨམ་མོན་པའི་རབ་བཱ་བྱ་བའི་སྟེང་དུ་འབབ་པར་བྱེད་པ་དང་། ཡང་ལམ་གཞན་ཞིག་ལ་རྟགས་བརྒྱབ་ནས་རལ་གྲི་ཡ་ཧུ་དཱའི་སྟེང་དུ་འབབ་པར་བྱས་ནས་མཁར་བརྟན་པོ་ཡེ་རུ་སཱ་ལེམ་ལ་རྒོལ་བར་གྱུར་ཅིག  
\v 21 གང་ལ་ཞེ་ན། པཱ་པེལ་ལོན་གྱི་རྒྱལ་པོ་ལམ་ཁར་ལངས་བསྡད་དེ། ལམ་གཉིས་ཀྱི་ལམ་མདོ་རུ་མོ་འདེབས་ཤིང་། མདའ་ཡིས་རྒྱན་ལེན་པ་དང་སྐུ་འདྲར་ཞུ་བ། སྲོག་ཆགས་ཀྱི་མཆིན་པར་བརྟག་པ་བཅས་བྱེད་དོ། །  
\v 22 ཁོང་གི་ལག་པ་གཡས་པར་ཡེ་རུ་སཱ་ལེམ་གྱི་མཚན་བཟུང་ནས། གནས་དེ་རུ་གྲོང་ཁྱེར་ལ་རྒོལ་བའི་ཐོ་བ་ཆེན་པོ་བཙུགས་ཏེ་དམར་གསོད་བྱེད་པའི་བཀའ་འབབ་པ་དང་། ངར་སྐད་ཆེན་པོ་སྒྲོག་པ་དང་། གྲོང་ཁྱེར་ལ་རྒོལ་བའི་ཐོ་བ་ཆེན་པོ་བཙུགས་ཏེ། མཁར་སྒོ་ལ་དཔུང་འཇུག་བྱེད་ཅིང་། ས་རགས་བརྒྱབ་སྟེ་གྲོང་ཁྱེར་བསྐོར་བའི་མཁར་མཐོན་པོ་བརྩིགས་སོ། །  
\v 23 སྔར་པཱ་པེལ་ལོན་ལ་སྲི་ཞུ་བསྒྲུབ་པར་མནའ་བསྐྱལ་བའི་ཡ་ཧུ་དཱ་པ་རྣམས་ཀྱིས་བལྟས་ན་འདི་ནི་མོ་རྫུས་མ་ཞིག་ཡིན་ནའང་། པཱ་པེལ་ལོན་གྱི་རྒྱལ་པོས་དེ་དག་ལ་རང་གི་སྡིག་པ་དྲན་དུ་བཅུག་ནས་ཁོ་རྣམས་བཙོན་དུ་འཁྲིད་པར་འགྱུར་རོ། །  
\v 24 དེ་བས་གཙོ་བོ་ཡ་ཝཱེས་འདི་སྐད་དུ། ཁྱོད་ཚོའི་ཉེས་སྐྱོན་རྣམས་མངོན་པར་གྱུར་ཏེ། ཁྱོད་ཚོའི་སྡིག་པ་ནི་རང་གི་སྤྱོད་ལམ་མཐའ་དག་བརྒྱུད་ནས་མི་ཡིས་མཐོང་ཞིང་། ཐ་ན་ཁྱོད་ཚོའི་སྡིག་པ་རྣམས་ཀྱང་དྲན་པར་འགྱུར་རོ། །ཁྱོད་རྣམས་དྲན་པར་གྱུར་པས་མི་ཡི་ལག་པས་བཙོན་དུ་འཁྲིད་པར་འགྱུར།  
\v 25 ཀྱེ་འཆི་བར་འོས་པ་དང་ངན་པ་ཡིན་པའི་ཡེས་ར་ཨེལ་གྱི་རྒྱལ་པོ་ཁྱོད་ཀྱི་དུས་ལ་སླེབས་ཤིང་། མཇུག་མཐའི་ཉེས་ཆད་གཅོད་པའི་དུས་ལ་སླེབས་སོ་ཞེས་གསུངས།  
\v 26 གཙོ་བོ་ཡ་ཝཱེས་འདི་སྐད་དུ། ཁྱོད་ཀྱིས་མགོ་རས་བླངས་ཏེ་ཅོད་པན་ཕུད་ཅིག ད་ལྟ་གནས་ཚུལ་མི་འདྲ་སྟེ། གཉོམ་ཆུང་རྣམས་མཐོན་པོར་འགྱུར་ཞིང་། མཐོན་པོ་རྣམས་དམའ་བར་འགྱུར་རོ། །  
\v 27 ཕམ་པར་རྒྱོབ། ཕམ་པར་རྒྱོབ། ངས་ཡུལ་འདི་ཕམ་པར་རྒྱག་ཅིང་། དབང་སྒྱུར་མཁན་དེ་འོངས་ནས་ངས་ཡུལ་འདི་ཁོ་ལ་གནང་བའི་བར་དུ། ཡུལ་འདི་ནི་ལུས་པར་མི་འགྱུར་ཞེས་གསུངས་སོ། །   
\s1 ཨམ་མོན་པར་ཉེས་ཆད་གཅོད་པའི་རལ་གྲི།  
\p
\v 28 ཀྱེ་མིའི་བུ། ཁྱོད་ཀྱིས་ཨམ་མོན་པ་དང་དེ་དག་གི་ངོ་ཚའི་སྐོར་ལ་འདི་ལྟར་ལུང་སྟོན་ཅིག གཙོ་བོ་ཡ་ཝཱེས་འདི་སྐད་དུ། ཁྱོད་ཀྱིས་འདི་ལྟར། རལ་གྲི་ཞིག་ཡོད་དེ། སྲོག་གཅོད་པའི་ཕྱིར་དུ་རལ་གྲི་ཞིག་ཤུབས་ལས་ཕྱུང་ཡོད་ལ། བརླག་པར་བྱེད་པ་དང་འོད་འཕྲོ་བའི་ཆེད་དུ་འོད་བཏོན་ཡོད་ཅེས་སྨྲའོ། །  
\v 29 མི་ཡིས་ཁྱོད་ཀྱི་དོན་དུ་མཐོང་བའི་ཞལ་གཟིགས་ནི་རྫུས་མ་ཡིན་པ་དང་། ཁྱོད་ཀྱི་ཆེད་དུ་བཏབ་པའི་མོ་ནི་རྫུས་མ་ཡིན་ལ། ཁྱོད་ནི་འཆི་འོས་པ་དང་ངན་པ་དེའི་མཇིང་པར་འགྱེལ་བར་འགྱུར་ལ། དེ་དག་ལ་ཉེས་ཆད་གཅོད་པའི་དུས་དེ་སླེབས་ཤིང་། མཇུག་མཐའི་ཉེས་ཆད་གཅོད་པའི་དུས་ལ་སླེབས་སོ། །  
\v 30 རལ་གྲི་ཤུབས་ཀྱི་ནང་དུ་ཆུག ངས་ཁྱོད་རང་བཀོད་པའི་གནས་དང་། སྐྱེས་པའི་ཡུལ་དུ་ཁྱོད་ལ་ཉེས་ཆད་གཅོད་ངེས་ཡིན།  
\v 31 ངས་རང་གི་ཁོང་ཁྲོ་ཁྱོད་ཀྱི་སྟེང་དུ་བླུག་ཅིང་། ངའི་ཁོང་ཁྲོ་ཡི་མེ་ལྕེ་ཁྱོད་ཀྱི་སྟེང་དུ་གཏོར་ནས། ཁྱོད་ནི་བརླག་པར་གོམས་པའི་མི་གདུག་རྩུབ་ཅན་གྱི་ལག་ཏུ་གཏོད་པར་འགྱུར།  
\v 32 ཁྱོད་ནི་འབུད་ཤིང་དུ་བྱས་ནས་མེས་བསྲེག་པར་འགྱུར་ཞིང་། ཁྱོད་ཀྱི་ཁྲག་ནི་རང་གི་ཡུལ་དུ་བཞུར་བར་འགྱུར་ལ། ཁྱོད་ནི་སླར་ཡང་དྲན་པར་མི་འགྱུར་ཏེ། གང་ལ་ཞེ་ན། འདི་ནི་ཡ་ཝཱེ་བདག་གིས་སྨྲས་པས་སོ་ཞེས་པའོ་ཞེས་གསུངས་སོ། །   
\c 22
\cl ལེའུ་ཉེར་གཉིས་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཡེ་རུ་སཱ་ལེམ་གྱི་སྡིག་སྤྱོད།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཁྲིམས་ཆད་གཅོད་དམ། ཁྱོད་ཀྱིས་མིའི་ཁྲག་བཞུར་དུ་བཅུག་པའི་གྲོང་ཁྱེར་འདི་ལ་ཁྲིམས་ཆད་གཅོད་དམ། ཁྱོད་ཀྱིས་གྲོང་ཁྱེར་འདི་ལ་རང་གི་ཞེན་ལོག་གི་དོན་རྣམས་རྟོགས་པར་གྱིས་ཤིག  
\v 3 ཁྱོད་ཀྱིས་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། གྲོང་ཁྱེར་འདིའི་ནང་དུ་མི་ལ་ཁྲག་བཞུར་དུ་བཅུག་པའི་དོན་ཡོད་པ་དང་། དེས་སྐུ་འདྲ་བཟོས་ནས་རང་ཉིད་བཙོག་པར་བྱས་པས། དེ་ལ་ཉེས་ཆད་གཅོད་པའི་དུས་དེ་སླེབས་སོ། །  
\v 4 ཁྱོད་ཀྱིས་མི་ལ་ཁྲག་བཞུར་དུ་བཅུག་པས་ཁྱོད་ཀྱིས་སྡིག་པ་བྱས་ཤིང་། ཁྱོད་ཀྱིས་སྐུ་འདྲ་བཟོས་པས་རང་ཉིད་བཙོག་པར་བཟོས་པ་ཡིན། དེ་བཞིན་ཁྱོད་ཀྱིས་རང་ཉིད་ལ་ཉེས་ཆད་ཕོག་པའི་དུས་དེ་སླེབས་ལ་ཉེ་བར་བྱས་ཤིང་། ལན་འཇལ་བའི་དུས་དེ་སླེབས་པར་བྱས་སོ། །ངས་ཁྱོད་ནི་མི་ཀུན་གྱིས་ངན་སྨྲས་བྱེད་ས་དང་། མི་ཀུན་གྱི་ཟུར་ཟའི་ཡུལ་དུ་འགྱུར་བར་བྱས།  
\v 5 ཀྱེ་ཟང་ཟིང་ཅན་དང་ཀུ་ཅོ་སྒྲོག་པ། མིང་ནི་བཙོག་པར་བཟོས་པའི་གྲོང་ཁྱེར་ཁྱོད། ཁྱོད་དང་ཐག་ཉེ་རིང་གང་རུང་གིས་ཁྱོད་ལ་འཕྱ་བར་བྱེད་ཅིང་།  
\v 6 ལྟོས་དང་། ཡེས་ར་ཨེལ་གྱི་འགོ་དཔོན་རྣམས་ཀྱིས་རང་གི་ནུས་པར་བརྟེན་ནས་ཁྱོད་ཀྱི་ནང་དུ་མི་ལ་ཁྲག་བཞུར་དུ་བཅུག་སྟེ།  
\v 7 ཁྱོད་ཀྱི་ནང་དུ་ཕ་མར་མཐོང་ཆུང་བྱེད་མཁན་དང་། བྱེས་པ་རྣམས་ལ་གཉའ་གནོན་བྱེད་མཁན། དྭ་ཕྲུག་དང་ཡུགས་མོར་བརྙས་བཅོས་བྱེད་མཁན་བཅས་ཡོད་ལ།  
\v 8 ཁྱོད་ཀྱིས་ངའི་རྫས་དམ་པར་མཐོང་ཆུང་བྱས་ཤིང་། ངའི་ངལ་གསོ་བའི་ཉིན་མོ་ཡང་ཁྱད་དུ་བསད།  
\v 9 ཁྱོད་ཀྱི་ནང་དུ་ཕྲ་མ་བྱེད་མཁན་དང་གཞན་ལ་སྙོན་འཛུགས་མཁན་གྱི་མི་ཡོད་དེ། དེ་དག་གིས་མི་ལ་ཁྲག་བཞུར་དུ་བཅུག་སྟེ། ཁྱོད་ཀྱི་རི་རྣམས་སུ་མཆོད་རྫས་སྤྱད་ཅིང་། ཁྱོད་ཀྱི་ནང་དུ་ལོག་གཡེམ་བྱས་སོ། །  
\v 10 ཁྱོད་ཀྱི་ནང་དུ་མ་གཡར་གྱི་ཁོག་སྨད་དམར་རྗེན་དུ་བཏོན་ནས་ཕ་ལ་བརྙས་བཅོས་གཏོང་མཁན་དང་། ཟླ་མཚན་འབབ་བཞིན་པའི་བུད་མེད་མི་གཙང་བ་དག་ལ་ངོ་ཚ་གཏོད་མཁན་ཡང་ཡོད་དོ། །  
\v 11 ཁྱོད་ཀྱི་ནང་དུ་མི་འདི་ཡིས་ཁྱིམ་མཚེས་ཀྱི་ཆུང་མ་དང་ཞེན་ལོག་གི་དོན་སྤྱོད་པ་དང་། མི་དེ་ཡིས་ལོག་གཡེམ་སྤྱད་དེ་རང་གི་མནའ་མ་བཙོག་པར་བཟོ་བ་དང་། ད་དུང་རང་གི་ཕ་རྒྱུད་གཅིག་པའི་ལྕམ་སྲིང་ལ་བརྙས་བཅོས་བྱེད་མཁན་ཡང་ཡོད་དོ། །  
\v 12 ཁྱོད་ཀྱི་ནང་དུ་མི་ཡིས་ལྐོག་རྔན་བླངས་ཏེ་མི་ལ་ཁྲག་བཞུར་དུ་འཇུག་མཁན་ཡོད་པ་དང་། ཁྱོད་ཀྱིས་མི་ལ་དངུལ་བུན་བཏང་ནས་སྐྱེད་ཀ་ལེན་པར་མ་ཟད་མང་པོ་བླངས་སོ། །ཁྱོད་ཀྱིས་རང་གི་ཁྱིམ་མཚེས་ལ་བརྙས་བཅོས་དང་གཉའ་གནོན་བྱས་ནས་དེ་ལས་ལྐོག་ནོར་བླངས་ཏེ། ཁྱོད་ཀྱིས་ང་ནི་བརྗེད་པར་གྱུར་ཏོ་ཞེས་གཙོ་བོ་ཡ་ཝཱེས་གསུངས་སོ། །  
\v 13 ལྟོས་དང་། ཁྱོད་ལ་ཐོབ་པའི་ལྐོག་ནོར་དང་། ཡང་ཁྱོད་ཀྱི་ནང་དུ་བཞུར་བའི་ཁྲག་གི་རྐྱེན་གྱིས་ངས་ལག་པ་བརྡབས་ཤིང་།  
\v 14 ངས་ཁྱོད་ལ་ཉེས་ཆད་གཅོད་པའི་དུས་སླེབས་ན་ཁྱོད་ཀྱི་སེམས་ཀྱིས་ད་དུང་བཟོད་ཐུབ་བམ། ཁྱོད་ཀྱི་ལག་པར་ད་དུང་ཤེད་ཡོད་དམ། ང་ཡ་ཝཱེས་ཅི་ཞིག་སྨྲས་པ་ཡིན་ན་དེ་བཞིན་དུ་བསྒྲུབ་ངེས་སོ། །  
\v 15 ངས་ཁྱོད་ནི་ཡུལ་ཁམས་ཀུན་ཏུ་གཏོར་ཞིང་། མི་རྣམས་ཀྱི་ནང་ཁ་ཐོར་དུ་འགྲོར་བཅུག་སྟེ། ངས་ཁྱོད་ལས་མི་གཙང་བ་རྣམས་མེད་པར་བྱའོ། །  
\v 16 ཁྱོད་ནི་མི་རིགས་ཀུན་གྱི་མིག་མདུན་དུ་བཙོག་པར་བྱེད་པའི་ཚེ། ཁྱོད་ཀྱིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་པའོ་ཞེས་གསུངས་སོ། །   
\s1 སྙིགས་རོ་ཞི་བར་འགྱུར་བའི་དཔེ།  
\p
\v 17 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 18 ཀྱེ་མིའི་བུ། ཡེས་ར་ཨེལ་གྱི་ཁྱིམ་རྒྱུད་ནི་ངའི་མིག་ནང་དུ་སྙིགས་རོར་གྱུར་ཅིང་། དེ་ཐམས་ཅད་ནི་མེ་ཐབ་ནང་གི་ལི་དང་། གཤའ་དཀར། ལྕགས། ཞ་ཉེ་བཅས་ཡིན་ལ། དངུལ་གྱི་སྙིགས་རོ་ཡིན་ནོ། །  
\v 19 དེ་བས་གཙོ་བོ་ཡ་ཝཱེས་འདི་སྐད་དུ། ཁྱོད་ཅག་སྙིགས་རོར་གྱུར་ཟིན་པས། ལྟོས་དང་། ངས་ཁྱོད་ཅག་ཡེ་རུ་སཱ་ལེམ་གྱི་གྲོང་ཁྱེར་ནང་དུ་བསྡུ་བར་བྱ་སྟེ།  
\v 20 མི་ཡིས་དངུལ་དང་ཟངས། ལྕགས། ཞ་ཉེ། གཤའ་དཀར་བཅས་ནི་ཇི་ལྟར་མེ་ཐབ་ནང་དུ་བསྡུས་ཏེ་མེ་བཏང་ནས་དེ་རྣམས་བཞུ་བ་ཡིན་ན། ངས་ཀྱང་དེ་བཞིན་དུ་རང་གི་ཁོང་ཁྲོ་དང་ཁྲོ་གཏུམ་ཆེན་པོ་ནང་དུ་ཁྱོད་རྣམས་བསྡུས་ནས། གྲོང་ཁྱེར་ནང་དུ་བཞག་སྟེ་ཁྱོད་རྣམས་བཞུ་བར་བྱེད་དོ། །  
\v 21 ངས་ཁྱོད་རྣམས་བསྡུས་ནས། ངའི་ཁོང་ཁྲོ་ཆེན་པོའི་མེ་དེ་ཁྱོད་ཅག་གི་སྟེང་དུ་བཏང་ན། ཁྱོད་རྣམས་ནི་གྲོང་ཁྱེར་ནང་དུ་བཞུ་བར་འགྱུར་རོ། །  
\v 22 དངུལ་ཇི་ལྟར་མེ་ཐབ་ནང་དུ་བཞུ་བ་ཡིན་ན། ཁྱོད་རྣམས་ཀྱང་གྲོང་ཁྱེར་ནང་དུ་དེ་ལྟར་བཞུ་བར་འགྱུར་ཞིང་། དེ་ནས་ཁྱོད་ཚོས་ང་ཡ་ཝཱེས་རང་གི་ཁོང་ཁྲོ་ཆེན་པོ་ཁྱོད་ཅག་གི་སྟེང་དུ་བླུགས་པ་རྟོགས་པར་འགྱུར་ཞེས་པའོ་ཞེས་གསུངས་སོ། །   
\s1 མི་རིགས་ཡོངས་ཀྱི་སྡིག་པ།  
\p
\v 23 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 24 ཀྱེ་མིའི་བུ། ཁྱོད་ཀྱིས་ཡུལ་ཁམས་འདི་ལ། ཁོང་ཁྲོའི་དུས་སུ་ཁྱོད་ནི་མི་གཙང་བ་དང་སྦྲང་ཆར་མི་འབབ་པའི་ཡུལ་ཁམས་ཡིན་ཞེས་སྨྲོས་ཤིག  
\v 25 ང་རོ་འདོན་པའི་སེང་གེས་བརྔོན་རྫས་དབྲལ་བ་བཞིན་དུ། དེའི་ནང་དུ་ཡོད་པའི་ལུང་སྟོན་པས་ངོ་ལོག་བྱེད་ཅིང་། དེ་དག་གིས་མི་རྣམས་མིད་པ་དང་རྒྱུ་ནོར་དང་རིན་པོ་ཆེ་རྣམས་ཕྲོགས་ནས། དེའི་ནང་གི་ཡུགས་མོའི་གྲངས་ཀ་མང་དུ་སྤེལ་བར་འགྱུར།  
\v 26 ཡུལ་འདིའི་མཆོད་དཔོན་རྣམས་ཀྱིས་ངའི་བཀའ་ཁྲིམས་དང་འགལ་ཏེ། ངའི་རྫས་དམ་པ་རྣམས་མི་གཙང་བར་བྱས་ནས། དེ་དག་གིས་རྫས་དམ་པ་དང་རྫས་ཕལ་བའི་དབྱེ་བ་མི་འགེར་ཞིང་། མི་ལ་གང་ཞིག་གཙང་བ་དང་གང་ཞིག་མི་གཙང་བའི་དབྱེ་བ་ཇི་ལྟར་བཀར་བའི་བསླབ་བྱའང་མི་གནང་། ཡང་རང་གི་མིག་བསྒྲིབས་ནས་ངའི་ངལ་གསོ་བའི་ཉིན་མོར་ཁ་ཡ་མི་བྱེད་ཅིང་། ཐ་ན་ང་ནི་ཁོ་ཚོའི་ནང་དུ་ཁྱད་དུ་བསད་པ་ཡིན་ནོ། །  
\v 27 དེའི་ནང་གི་འགོ་དཔོན་དག་གིས་ལྐོག་ནོར་འཐོབ་ཕྱིར་དུ། བརྔོན་རྫས་དབྲལ་བའི་འཕར་སྤྱང་བཞིན་དུ། མི་ལ་ཁྲག་བཞུར་དུ་འཇུག་པ་དང་མིའི་སྲོག་གཅོད་དོ། །  
\v 28 ཡུལ་འདིའི་ལུང་སྟོན་པ་རྣམས་ཀྱིས་དེ་དག་གི་རྩིག་པར་དཀར་རྩི་བྱུགས་ཏེ། ཞལ་གཟིགས་རྫུས་མ་མཐོང་བ་དང་མི་ལ་མགོ་སྐོར་གཏོང་བའི་མོ་བཏབ་ནས་ན་རེ། གཙོ་བོ་ཡ་ཝཱེས་འདི་སྐད་གསུངས་ཞེས་ཟེར་ཞིང་། དོན་དངོས་སུ་དུས་དེར་དཀོན་མཆོག་ཡ་ཝཱེས་ཅི་ཡང་མ་གསུངས་སོ། །  
\v 29 ཡུལ་འདིའི་མི་རྣམས་ཀྱིས་རྒྱུན་དུ་མི་ལ་བརྙས་བཅོས་བྱེད་པ་དང་། འཕྲོག་བཅོམ་བྱེད་པར་གོམས་ཏེ་ཉམ་ཐག་ཅན་དང་དབུལ་ཕོངས་ཅན་རྣམས་སྡུག་ལ་གཏོད་ཅིང་། ལུགས་དང་མི་མཐུན་པར་བྱེས་པ་རྣམས་ལ་བརྙས་བཅོས་བྱེད་དོ། །  
\v 30 ཡང་ཡུལ་འདི་མེད་པར་མི་གཏོང་བའི་ཆེད་དུ། ངས་ཁོ་རྣམས་ལས་མཁར་གྱང་ཡང་བསྐྱར་རྩིག་མཁན་དང་། ཡུལ་འདིའི་ཞིག་རལ་དུ་གྱུར་པའི་གནས་སུ་ངའི་མདུན་ནས་ཡར་ལང་བའི་མི་ཞིག་བཙལ་མོད་གཅིག་ཀྱང་མ་རྙེད་དོ། །  
\v 31 དེ་བས་ངས་རང་གི་ཁོང་ཁྲོ་དེ་དག་གི་སྟེང་དུ་བླུགས་ཏེ། ངའི་ཁོང་ཁྲོ་ཆེན་པོའི་མེ་ལྕེ་ཡིས་དེ་རྣམས་མེད་པར་བྱེད་པ་དང་། དེ་དག་གིས་ཅི་བྱས་ལ་རང་རང་གི་སྟེང་དུ་ལན་འཇལ་ལོ་ཞེས་གཙོ་བོ་ཡ་ཝཱེས་གསུངས་སོ། །   
\c 23
\cl ལེའུ་ཉེར་གསུམ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 གཡེམ་མ་ལྕམ་སྲིང་གཉིས་ཀྱི་དཔེ།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། མ་གཅིག་ལས་སྐྱེས་པའི་བུད་མེད་གཉིས་ཡོད་དེ།  
\v 3 དེ་གཉིས་ཀས་ཨེ་ཅིབ་ཡུལ་ནས་ལོག་གཡེམ་བྱས་ཤིང་གཞོན་དུས་སུ་ལོག་གཡེམ་བྱས་ནས། ཡུལ་དེར་དེ་གཉིས་ཀྱི་བྲང་ཁར་འབྱར་བ་དང་། ཡུལ་དེར་དེ་གཉིས་ཀྱི་ན་ཆུང་བུ་མོའི་ནུ་མར་མི་ཡིས་རེག་པའོ། །  
\v 4 དེ་གཉིས་ལས་གཅེན་མོའི་མིང་ལ་ཨོ་ཧོ་ལཱ་ཞེས་དང་། གཅུང་མོའི་མིང་ལ་ཨོ་ཧོ་ལི་བཱ་ཞེས་བྱ་སྟེ། དེ་གཉིས་ཀ་ངའི་ཆུང་མ་རུ་གྱུར་ནས་བུ་དང་བུ་མོ་སྐྱེས་པ་དང་། དེ་གཉིས་ཀྱི་མིང་བརྗོད་ན། ཨོ་ཧོ་ལཱ་ནི་སཱ་མར་ཡ་དང་། ཨོ་ཧོ་ལི་བཱ་ནི་ཡེ་རུ་སཱ་ལེམ་ཡིན་ནོ། །  
\v 5 ཨོ་ཧོ་ལཱ་ངའི་ཆུང་མ་བྱས་རྗེས་ད་དུང་ལོག་གཡེམ་སྤྱད་ཅིང་། མོའི་དགའ་རོགས་ཏེ་ཨ་སུར་པའི་དམག་མི་ཞིག་ལ་ཆགས་པ་སྟེ།  
\v 6 དེ་དག་ནི་གོས་རྒྱ་སྨུག་གྱོན་པའི་སྤྱི་དཔོན་དང་འགོ་དཔོན་རྣམས་ཡིན་ལ། དེ་ཐམས་ཅད་བྱད་གཟུགས་ལེགས་པའི་ན་གཞོན་ཡིན་ཞིང་། རྟ་ལ་ཞོན་པའི་རྟ་དམག་ཡིན།  
\v 7 ཨོ་ཧོ་ལཱ་ནི་ཨ་སུར་པ་དེ་དག་ལས་བྱད་གཟུགས་ཆེས་ལེགས་པའི་ན་གཞོན་དང་ལོག་གཡེམ་བྱས་ཤིང་། མོས་རང་ཉིད་ཡིད་སྨོན་འཆོར་སའི་མི་རེ་རེ་དང་དེ་དག་གི་སྐུ་འདྲ་རྣམས་ཀྱི་ཕྱིར་དུ་རང་ཉིད་བཙོག་པར་བཟོས་པ་རེད།  
\v 8 མོ་ནི་ཨེ་ཅིབ་ཡུལ་གྱི་གཡེམ་སྤྱོད་དང་ཁ་མ་བྲལ་ཏེ། དུས་དེར་མོ་ནི་ལོ་ན་གཞོན་ཞིང་། མི་རྣམས་མོ་དང་འགྲོགས་ཏེ་ན་ཆུང་བུ་མོའི་ནུ་མར་རེག་ཅིང་། རང་རང་གི་འདོད་ཆགས་དེ་མོའི་སྟེང་དུ་བླུགས་སོ། །  
\v 9 དེ་བས་ངས་མོ་ནི་མོས་ཡིད་སྨོན་བྱེད་པའི་ཨ་སུར་པ་སྟེ། མོའི་དགའ་རོགས་ཀྱི་ལག་ཏུ་གཏད་པ་ཡིན།  
\v 10 མི་དེ་དག་གིས་མོའི་ཁོག་སྨད་རྗེན་པར་བཏོན་ནས། མོའི་བུ་དང་བུ་མོ་རྣམས་བཙོན་དུ་ཁྲིད་པ་དང་མོ་རལ་གྲིས་བསད་དེ། བུད་མེད་རྣམས་ཀྱི་ནང་དུ་མོ་ལ་མིང་ངན་ཐོགས་སོ། །གང་ལ་ཞེ་ན། དེ་དག་གིས་མོར་ཉེས་ཆད་བཅད་པས་སོ། །   
\p
\v 11 མོའི་གཅུང་མོ་ཨོ་ཧོ་ལི་བཱ་ཡིས་དེ་མཐོང་ཡང་། ད་དུང་འདོད་ཆགས་ནི་རང་གི་གཅེན་མོ་ལས་ཀྱང་ཐུ་ཞིང་། མོའི་གཡེམ་སྤྱོད་ནི་གཅེན་མོའི་གཡེམ་སྤྱོད་ལས་ཀྱང་དྲགས་སོ། །  
\v 12 མོ་ནི་རང་གི་ཁྱིམ་མཚེས་ཨ་སུར་པ་རྣམས་ཏེ་མཆོར་ཉམས་ལྡན་པའི་གོས་གྱོན་ཞིང་རྟ་ལ་ཞོན་པའི་སྤྱི་དཔོན་དང་འགོ་དཔོན་རྣམས་ལ་ཤིན་ཏུ་ཞེན་ཆགས་པ་དང་། དེ་དག་ཐམས་ཅད་བྱད་གཟུགས་ལེགས་པའི་ན་གཞོན་ཡིན་ནོ། །  
\v 13 ངས་མོ་ནི་བཙོག་པར་བཟོས་པ་མཐོང་སྟེ། གཅེན་གཅུང་གཉིས་ཀྱི་སྤྱོད་ལམ་གཅིག་མཚུངས་ཡིན་ནོ། །  
\v 14 ཨོ་ཧོ་ལི་བཱ་ཡིས་དེ་ལས་ལྷག་པར་ལོག་གཡེམ་བྱས། མོས་རྩིག་ངོས་སུ་བྲིས་པའི་འདྲ་པར་ཏེ། ཚོན་མདོག་དམར་པོས་བྲིས་པའི་ཀལ་དི་པའི་གཟུགས་བརྙན་མཐོང་བ་དང་།  
\v 15 དེ་ཚོའི་རྐེད་པར་སྐེ་རགས་བཅིངས་ཤིང་། མགོ་ལ་ཐུར་དུ་འཕྱང་བའི་མགོ་དཀྲིས་ཡོད་ལ། དེ་ཚོར་བལྟས་ཚེ་ཐམས་ཅད་དམག་དཔོན་དང་འདྲ་ཞིང་། པཱ་པེལ་ལོན་གྱི་མི་དང་མཚུངས་པ་ཡིན། ཀལ་དི་ཡུལ་ནི་དེ་ཚོའི་སྐྱེས་ས་ཡིན་ནོ། །  
\v 16 ཨོ་ཧོ་ལི་བཱ་ཡི་མིག་གིས་མཐོང་མ་ཐག་ཏུ་དེ་རྣམས་ལ་ཆགས་ཤིང་། མོས་ཀལ་དི་ཡུལ་དུ་ཕོ་ཉ་རྣམས་མངགས་ནས་དེ་ཚོར་འཕྲད་དུ་སོང་བ་རེད།  
\v 17 དེ་ནས་པཱ་པེལ་ལོན་གྱི་མི་རྣམས་འོངས་ནས་མོའི་བརྩེ་དུང་གི་མལ་ཁྲིར་འཛེགས་ཏེ། མོ་དང་ལོག་གཡེམ་བྱས་ནས་མོ་བཙོག་པར་བཟོས་ཤིང་། དེ་དག་གིས་མོ་བཙོག་པར་བཟོས་རྗེས་མོའི་སེམས་ནི་དེ་དག་དང་ཁ་ཐག་ཇེ་རིང་དུ་སོང་སྟེ།  
\v 18 མོས་རང་གི་གཡེམ་སྤྱོད་མ་སྦས་པ་དང་། རང་གི་ཁོག་སྨད་ཕྱི་རུ་མངོན་པས་ན། སྔར་ངའི་སེམས་ནི་མོའི་གཅེན་མོ་དང་ཁ་ཐག་ཇེ་རིང་དུ་སོང་བ་བཞིན་དུ་ངའི་སེམས་མོ་དང་རིང་དུ་གྱེས།  
\v 19 དེའི་སྟེང་དུ་མོས་ཨེ་ཅིབ་ཡུལ་དུ་ལོག་གཡེམ་བྱས་པའི་རང་གི་ན་གཞོན་གྱི་དུས་རྣམས་དྲན་ནས་ལྷག་པར་ལོག་གཡེམ་བྱས་སོ། །  
\v 20 མོ་ནི་རང་གི་དགའ་རོགས་ལ་ཞེན་ཆགས་ཤིང་། དེ་དག་གི་ཁོག་སྨད་ནི་བོང་བུའི་ཁོག་སྨད་བཞིན་དང་། དེ་དག་གིས་ཁམས་དཀར་འབྱིན་པ་ནི་རྟ་བཞིན་ཡིན་ནོ། །  
\v 21 དེ་ལྟར་ཁྱོད་ཀྱིས་རང་ཉིད་ན་གཞོན་ཡིན་དུས་སུ་འདོད་གཡེམ་བྱས་པ་དེ་དྲན་ཞིང་། དུས་དེར། ཨེ་ཅིབ་པས་ཁྱོད་ཀྱི་བྲང་ལ་འབྱར་ཞིང་ཁྱོད་ན་གཞོན་ཡིན་དུས་ཀྱི་ནུ་མར་རེག་པའོ། །  
\v 22 དེ་བས་ན་ཀྱེ་ཨོ་ཧོ་ལི་བཱ། གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཁྱོད་ཀྱི་སེམས་སུ་ཁ་ཐག་ཇེ་རིང་དུ་སོང་བའི་ཁྱོད་ཀྱི་དགའ་རོགས་ལ་བསྐུལ་ནས། ཁྱོད་ལ་རྒོལ་དུ་ངས་དེ་དག་ཕྱོགས་བཞི་ནས་ཁྲིད་འོང་ཞིང་།  
\v 23 དེ་དག་ནི་པཱ་པེལ་ལོན་པ་དང་། ཀལ་དི་པ་ཐམས་ཅད། ཕེ་ཀོད་པ། ཤོ་ཨ་པ། ཀོ་ཨ་པ་བཅས་དང་། ལྷན་ཅིག་ཏུ་ད་དུང་ཨ་སུར་པ་ཡང་ཡོད་ལ། དེ་དག་ཐམས་ཅད་ནི་སྤྱི་དཔོན་དང་འགོ་དཔོན་དང་། དམག་དཔོན་སྐད་གྲགས་ཅན་དང་དམག་མི་བྱེད་པའི་ན་གཞོན་བྱད་གཟུགས་ལེགས་པོ་ཅན་ཡིན་ཞིང་། ཐམས་ཅད་རྟ་ལ་ཞོན་མཁན་ཡིན་ནོ། །  
\v 24 དེ་དག་གིས་མཚོན་ཆ་བཟུང་ནས་ཤིང་རྟ་དང་དམག་རྟ། དམག་དཔུང་ཆེན་པོ་དང་བཅས་འོངས་ཏེ་ཁྱོད་ལ་རྒོལ་བར་འགྱུར་ཞིང་། དེ་དག་གི་ལག་ཏུ་ཕུབ་ཆེ་ཆུང་གཉིས་ཀ་བཟུང་སྟེ། རྨོག་ཞྭ་གྱོན་ཞིང་། ཕྱོགས་བཞི་ནས་དམག་བསྒྲིགས་ཏེ་ཁྱོད་ལ་རྒོལ་བ་ཡིན། ཡང་ངས་ཉེས་ཆད་གཅོད་པའི་དབང་ནི་དེ་དག་ལ་སྦྱིན་ཞིང་། དེ་དག་གིས་རང་གི་གོམས་སྲོལ་ལྟར་ཁྱོད་ལ་ཉེས་ཆད་གཅོད་པར་འགྱུར།  
\v 25 ཡང་ངས་རང་གི་ཞེ་སྡང་ཁྱོད་ཀྱི་སྟེང་དུ་འབར་བར་བྱ། དེ་ཚོས་ཁྱོད་ལ་ཁོང་ཁྲོ་ཆེན་པོའི་སྤྱོད་སྟངས་འཛིན་ཞིང་། ཁྱོད་ཀྱི་སྣ་དང་རྣ་བ་གཅོད་པ་དང་། ཁྱོད་ཀྱི་ལྷག་ལུས་རྣམས་ནི་རལ་གྲིའི་འོག་ཏུ་འགྱེལ་བར་འགྱུར་ལ། དེ་ཚོས་ཁྱོད་ཀྱི་བུ་དང་བུ་མོ་རྣམས་འཛིན་པ་དང་ལྷག་ལུས་རྣམས་མེ་ཡིས་ཁྱུར་མིད་གཏོང་བར་འགྱུར།  
\v 26 དེ་དག་གིས་ཁྱོད་ཀྱི་གོས་རྣམས་བཤུས་ནས་ཁྱོད་ཀྱི་ཡིད་དུ་འོང་བའི་རྒྱན་ཆ་རྣམས་ཀྱང་འཕྲོག་པར་འགྱུར།  
\v 27 དེ་ལྟར་ངས་ཁྱོད་ཀྱི་གཡེམ་སྤྱོད་དང་ཨེ་ཅིབ་ཡུལ་ནས་ཁྱོད་ལ་འགོས་པའི་གཡེམ་སྦྱོར་ནི་ཁྱོད་དང་འབྲལ་བར་བྱེད་ཅིང་། དེ་ནས་ཁྱོད་ཀྱི་མིག་གིས་དེ་དག་ལ་རེ་ལྟོས་མི་བྱེད་ལ། ཁྱོད་ཀྱིས་ཨེ་ཅིབ་ཡུལ་དྲན་པར་ཡང་མི་འགྱུར་རོ། །  
\v 28 གང་ལ་ཞེ་ན། གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཁྱོད་ནི་ཁྱོད་རང་སྡང་བའི་མི་སྟེ་སེམས་སུ་ཁ་ཐག་ཇེ་རིང་དུ་སོང་བའི་ལག་ཏུ་གཏོད་པར་བྱ།  
\v 29 དེ་དག་ཁྱོད་ལ་སྡང་ཞིང་། ཁྱོད་ཀྱིས་ངལ་ལས་བརྒྱབ་ནས་ཐོབ་པ་རྣམས་འཕྲོག་པར་འགྱུར་ལ། ཁྱོད་ནི་གཅེར་བུར་ལུས་སུ་འཇུག་པ་དང་། དེ་ནས་ཁྱོད་ཀྱི་ལོག་གཡེམ་བྱས་པའི་ཁོག་སྨད་དང་། འདོད་གཡེམ་དང་གཡེམ་སྦྱོར་དག་ཕྱི་རུ་མངོན་པར་འགྱུར་རོ། །  
\v 30 ཁྱོད་ནི་ཕྱི་ཕྱོགས་པའི་རྗེས་སུ་འབྲངས་ཏེ་ལོག་གཡེམ་བྱས་ཤིང་། དེ་ཚོའི་སྐུ་འདྲས་རང་ཉིད་བཙོག་པར་བཟོས་པས་ན། དོན་དེ་དག་ཁྱོད་ཀྱི་སྟེང་དུ་འབྱུང་ངེས་ཡིན་ནོ། །  
\v 31 དེ་ཡང་ཁྱོད་ནི་རང་གི་གཅེན་མོའི་ལམ་ལ་ཞུགས་པས། ངས་མོའི་ཕོར་བ་ཁྱོད་ཀྱི་ལག་ཏུ་གཏོད་པར་འགྱུར་རོ། །  
\v 32 གཙོ་བོ་ཡ་ཝཱེས་འདི་སྐད་དུ། ཁྱོད་ཀྱིས་རང་གི་གཅེན་མོས་འཐུང་བའི་ཕོར་བ་ལས་བཏུང་བར་འགྱུར་ཞིང་། ཕོར་བ་དེ་ནི་ཆེ་ཞིང་གཏིང་ལ་མང་པོ་ཤོང་བས། ཁྱོད་ནི་འཕྱ་དགོད་དང་ཟུར་ཟའི་ཡུལ་དུ་འགྱུར་རོ། །  
\v 33 ཁྱོད་ནི་ཆང་གིས་རབ་ཏུ་བཟི་ནས་སྡུག་བསྔལ་གྱིས་མནར་ཞིང་། དེ་ནི་འཇིགས་སྐྲག་དང་སྟོངས་པའི་ཕོར་བ་ཡིན་ཏེ། ཁྱོད་ཀྱི་གཅེན་མོ་སཱ་མར་ཡའི་ཕོར་བ་ཡིན་ནོ། །  
\v 34 ཁྱོད་ཀྱིས་ཕོར་བ་འདི་ལས་བཏུང་བར་མ་ཟད་བཏུང་ཚར་བར་འགྱུར་ལ། དེ་ནས་ཕོར་བ་དེ་དུམ་བུར་གཅོག་པ་དང་རང་གི་བྲང་ཁ་རྨས་པར་བྱའོ། །གང་ལ་ཞེ་ན། དེ་ནི་ངས་སྔར་སྨྲས་ཟིན་པའོ་ཞེས་གཙོ་བོ་ཡ་ཝཱེས་གསུངས་སོ། །  
\v 35 དེ་བས་གཙོ་བོ་ཡ་ཝཱེས་འདི་སྐད་དུ། ཁྱོད་ཀྱིས་ང་བརྗེད་དེ་ང་རང་རྒྱབ་ཏུ་དོར་བས། ཁྱོད་ཀྱིས་རང་གི་འདོད་གཡེམ་དང་གཡེམ་སྦྱོར་གྱི་མཇུག་འབྲས་འཁུར་དགོས་ཞེས་པའོ་ཞེས་གསུངས་སོ། །   
\s1 བུད་མེད་གཉིས་ཀྱི་གཡེམ་སྦྱོར་ལ་གཤེ་གཤེ་དྲག་པོ་གཏོང་བ།  
\p
\v 36 ཡང་དཀོན་མཆོག་ཡ་ཝཱེས་ང་ལ་འདི་སྐད་དུ། ཀྱེ་མིའི་བུ། ཁྱོད་ཀྱིས་ཨོ་ཧོ་ལཱ་དང་ཨོ་ཧོ་ལི་བཱ་གཉིས་ལ་ཁྲིམས་ཐག་གཅོད་དམ། ཁྱོད་ཀྱིས་དེ་གཉིས་ལ་ཁོ་ཚོའི་ཞེན་ལོག་གི་དོན་རྣམས་སྟོན་ཅིག  
\v 37 གང་ལ་ཞེ་ན། དེ་གཉིས་ཀྱིས་ལོག་གཡེམ་བྱས་ཏེ། ལག་པར་ཁྲག་འགོས་པ་དང་། རང་གི་སྐུ་འདྲ་རྣམས་དང་མཉམ་དུ་ལོག་གཡེམ་སྤྱད་དེ། ངའི་དོན་དུ་སྐྱེས་པའི་རང་གི་བུ་ཕྲུག་རྣམས་ཀྱང་མེ་བརྒྱུད་ནས་སྐུ་འདྲའི་ཁ་ཟས་སུ་ཕུལ་ཏོ། །  
\v 38 དེ་ཀུན་གྱི་སྟེང་དུ་ཉིན་དེ་ལ། དེ་ཚོས་ངའི་གནས་དམ་པ་བཙོག་པར་བཟོས་པའི་དོན་འདི་ཡང་ང་ལ་བྱས་ཤིང་། ངའི་ངལ་གསོ་བའི་ཉིན་མོ་ཡང་ཁྱད་དུ་བསད་དོ། །  
\v 39 དེ་དག་གིས་རང་གི་བུ་ཕྲུག་རྣམས་བསད་དེ་སྐུ་འདྲར་ཕུལ་བ་དང་། ཉིན་དེར་ཡང་ངའི་གནས་དམ་པ་རུ་ཞུགས་ནས་གནས་དམ་པ་བཙོག་པར་བཟོས་པ་ཡིན། ལྟོས་དང་། དེ་ནི་ཁོ་ཚོས་ངའི་གནས་དམ་པ་རུ་སྤྱད་པའི་ལས་ཡིན་ནོ། །  
\v 40 དེ་མི་ཚད་ཁྱོད་ཚོས་རྒྱང་རིང་ཡུལ་ནས་སྐྱེས་པ་རྣམས་བསུ་རུ་ཕོ་ཉ་མངགས་ཏེ། ལྟོས་དང་། ཕོ་ཉ་དེར་སླེབས་ཚེ། སྐྱེས་པ་དེ་རྣམས་ཀྱང་འོངས་ཤིང་། ཁྱོད་ཚོས་དེ་དག་གི་ཕྱིར་དུ་ཁྲུས་བྱས་པ་དང་། མིག་ལ་རྩི་བསྐུས་ཤིང་རྒྱན་གྱིས་སྤྲས་ནས།  
\v 41 ཁྱོད་རྣམས་ཡིད་དུ་འོང་བའི་འབོལ་ཁྲི་སྟེང་དུ་བསྡད་དེ། འབོལ་ཁྲིའི་མདུན་དུ་ཅོག་ཙེ་ཞིག་བཞག་ཅིང་། ངའི་སྤོས་དང་སྣུམ་ནི་དེའི་སྟེང་དུ་བཞག་གོ །  
\v 42 དེར་མི་ཚོགས་ཀྱི་སྣང་བ་སྐྱིད་པའི་སྐད་སྒྲ་ཡོད་པ་དང་། མི་ཐ་མལ་བ་དང་ཆང་རྐྱལ་རྣམས་དབེན་སྟོང་ཡུལ་ནས་ཁྲིད་འོངས་ཏེ། དེ་དག་གིས་བུད་མེད་གཉིས་ཀྱི་ལག་པར་གདུབ་བུ་དང་། མཛེས་པའི་ཅོད་པན་མགོ་ལ་བསྐོན་ཏོ། །  
\v 43 ཡང་ལོག་གཡེམ་བྱས་ནས་ཉམས་རྒུད་དུ་གྱུར་པའི་བུད་མེད་འདིའི་སྐོར་ལ་ངས་འདི་སྐད་དུ། ད་ལྟ་མི་གཞན་རྣམས་ཀྱིས་དེ་དང་ལོག་གཡེམ་བྱེད་པར་འགྱུར་ཏེ། གང་ལ་ཞེ་ན། མོ་ནི་མ་གཞི་ནས་གཡེམ་མ་ཞིག་ཡིན་པས་སོ་ཞེས་སྨྲའོ། །  
\v 44 མི་རྣམས་མོ་དང་འགྲོགས་ཤིང་། མི་རྣམས་ཅི་ལྟར་སྨད་འཚོང་མ་དང་འགྲོགས་པ་ཡིན་ན། འདོད་གཡེམ་ཅན་གྱི་བུད་མེད་ཨོ་ཧོ་ལཱ་དང་ཨོ་ཧོ་ལི་བཱ་གཉིས་ལ་ཡང་དེ་ལྟར་འགྲོགས་སོ། །  
\v 45 ཡིན་ཡང་དྲང་བདེན་ཅན་གྱིས་གཡེམ་མ་དང་མི་ལ་ཁྲག་བཞུར་དུ་བཅུག་པའི་བུད་མེད་ཀྱི་ཁྲིམས་ཆད་བཞིན་དེ་གཉིས་ལའང་ཁྲིམས་ཐག་གཅོད་པར་འགྱུར་ཏེ། གང་ལ་ཞེ་ན། ཁོ་གཉིས་ནི་གཡེམ་མ་ཡིན་ཞིང་། ལག་པར་ཁྲག་འགོས་ཡོད་པས་སོ། །  
\v 46 གང་ལ་ཞེ་ན། གཙོ་བོ་ཡ་ཝཱེས་འདི་སྐད་དུ། ངས་མི་མང་པོ་ཞིག་དེ་གཉིས་ལ་རྒོལ་དུ་འོང་བར་བཅུག་སྟེ། དེ་གཉིས་འཇིགས་ཤིང་མི་ཡིས་འཕྲོག་བཅོམ་བྱེད་པར་འགྱུར།  
\v 47 མི་དེ་དག་གིས་དེ་གཉིས་རྡོ་རུབ་བཏང་ནས་རལ་གྲིས་གཏུབ་ཅིང་། ཡང་དེ་གཉིས་ཀྱི་བུ་དང་བུ་མོ་རྣམས་གསོད་པ་དང་། དེ་ཚོའི་ཁང་པ་རྣམས་མེས་བསྲེག་པར་འགྱུར།  
\v 48 དེ་ལྟར་བུད་མེད་ཀུན་ལ་དྲན་སྐུལ་ཐོབ་ནས། ཁྱོད་རྣམས་ཀྱིས་འདོད་གཡེམ་སྤྱད་པ་བཞིན་དུ་མི་སྤྱོད་པའི་ཕྱིར་དུ། ངས་འདོད་གཡེམ་དེ་ཡུལ་འདི་ནས་མཚམས་གཅོད་དོ། །  
\v 49 མི་ཡིས་ཁྱོད་རྣམས་ཀྱི་ལོག་གཡེམ་བྱས་པའི་ལན་ནི་ཁྱོད་ཅག་གི་སྟེང་དུ་འཇལ་ཞིང་། ཁྱོད་རྣམས་ཀྱིས་རང་གིས་སྐུ་འདྲར་ཕྱག་བཙལ་བའི་སྡིག་པ་འཁུར་དགོས་ལ། དེ་ནས་ཁྱོད་ཚོས་བདག་ནི་གཙོ་བོ་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ། །   
\c 24
\cl ལེའུ་ཉེར་བཞི་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཤ་ཡོད་པའི་སླ་ངའི་དཔེ།  
\p
\v 1 ཡང་ལོ་དགུ་པའི་ཟླ་བཅུ་པའི་ཚེས་བཅུ་ཉིན་ལ། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་དེ་རིང་གི་ཟླ་ཚེས་འདི་ཡི་གེར་ཁོད་ཅིག དེ་རིང་གི་ཉིན་མོ་འདི་ནི་པཱ་པེལ་ལོན་གྱི་རྒྱལ་པོས་ཡེ་རུ་སཱ་ལེམ་བསྐོར་བའི་ཉིན་མོ་ཡིན།  
\v 3 ཁྱོད་ཀྱིས་ཁྱིམ་རྒྱུད་ངོ་ལོག་ཅན་དེ་ལ་དཔེ་དྲངས་ནས་འདི་ལྟར། གཙོ་བོ་ཡ་ཝཱེས་འདི་སྐད་དུ། སླ་ང་མེའི་སྟེང་དུ་སྐྱོན་དང་། བསྐྱོན་པའི་རྗེས་སུ་དེའི་ནང་དུ་ཆུ་བླུགས་ཤིག  
\v 4 དེ་ནས་ཤ་རྡོག་རྡོག་སྟེ། ཤ་ཤེད་རྒྱས་པའི་ཤ་རྡོག་རྡོག་དང་རྐང་ལག་རྣམས་སླ་ངའི་ནང་དུ་བཞག་སྟེ། རུས་པ་ལེགས་པོས་སླ་ང་ཁེངས་སུ་ཆུག་དང་།  
\v 5 ལུག་ཁྱུ་ལས་ཤ་ཤེད་རྒྱས་པའི་ལུག་བདམས་ནས། སླ་ངའི་འོག་ཏུ་བུད་ཤིང་བཞག་སྟེ་སླ་ངའི་ཆུ་འཁོལ་དུ་ཆུག་དང་། རུས་པ་སླ་ངའི་ནང་དུ་ཚོས་ཤིག  
\v 6 དེ་བས། གཙོ་བོ་ཡ་ཝཱེས་འདི་སྐད་དུ། མི་ལ་ཁྲག་བཞུར་དུ་བཅུག་པའི་གྲོང་ཁྱེར་ལ། ཡུན་རིང་དུ་བཙའ་ཆགས་པའི་སླ་ང་བཞིན་དུ་ཆག་སྒོ་འབྱུང་ཞིང་། དེའི་བཙའ་ནི་མེད་པར་བཟོས་མེད་པས། སླ་ངའི་ནང་གི་དངོས་པོ་ནི་གཅིག་རེ་གཅིག་རེ་བྱས་ནས་ལེན་དགོས་པ་ལས། དེ་དག་གི་ཕྱིར་དུ་རྒྱན་ལེན་མི་དགོས་སོ། །  
\v 7 གང་ལ་ཞེ་ན། གྲོང་ཁྱེར་ནང་དུ་ད་དུང་མོས་བཞུར་དུ་བཅུག་པའི་ཁྲག་ཡོད་དེ། མོས་ཁྲག་ནི་ཕ་བོང་འཇམ་པོའི་སྟེང་དུ་གཏོར་བ་ལས། ས་རྡུལ་གྱིས་འགེབ་པར་སའི་ནང་དུ་མ་བླུགས་སོ། །  
\v 8 དེ་ལྟར་ངས་ཁོང་ཁྲོ་ཆེན་པོ་ལངས་ནས་ལན་འཇལ་བའི་ཕྱིར་དུ། མོའི་ཁྲག་ནི་ཕ་བོང་འཇམ་པོའི་སྟེང་དུ་བླུགས་ཤིང་ཐ་ན་འགེབ་ཀྱང་མི་ནུས་པར་བྱས།  
\v 9 དེ་བས་གཙོ་བོ་ཡ་ཝཱེས་འདི་སྐད་དུ། མི་ལ་ཁྲག་བཞུར་དུ་བཅུག་པའི་གྲོང་ཁྱེར་དེ་ལ་ཆག་སྒོ་འབྱུང་། ངས་བུད་ཤིང་ཇེ་མང་དུ་གཏོང་བར་བྱ།  
\v 10 ཁྱོད་ཀྱིས་བུད་ཤིང་མང་པོ་སྤུངས་ལ་མེ་སྦར་ནས་བྲོ་སྨན་དང་བཅས་ཤ་ལེགས་པར་ཚོས་དང་། རུས་པ་རྣམས་འཚིག་ཏུ་ཆུག  
\v 11 དེ་ནས་སླ་ང་སྟོང་པ་མེའི་སྟེང་དུ་བཞག་ནས་སླ་ང་ངར་དུ་བཅུག་སྟེ། ཟངས་དམར་པོར་འགྱུར་བར་བྱས་ནས། དེའི་ནང་གི་མི་གཙང་བ་རྣམས་བཞུ་རུ་ཆུག་དང་། དེའི་བཙའ་རྣམས་མེད་པར་བཟོས་ཤིག  
\v 12 སླ་ང་འདིས་མི་ལ་ཡིད་ཆད་དུ་འཇུག་སྟེ། དེའི་སྟེང་གི་བཙའ་མཐུག་པོ་ནི་ལེན་ཐབས་མེད་ལ། མེའི་ནང་དུ་ཡང་དེའི་བཙའ་མེད་པར་བཟོ་མི་ཐུབ་བོ། །  
\v 13 ཁྱོད་ཀྱི་མི་གཙང་བ་དེ་ནི་འདོད་གཡེམ་ཡིན་ནོ། །ངས་ཁྱོད་གཙང་མར་བཟོ་འདོད་ཀྱང་ཁྱོད་གཙང་མར་འགྱུར་མི་འདོད་པས། ང་ཁྱོད་ཀྱི་སྟེང་དུ་ཁོང་ཁྲོ་རབ་ཏུ་འབར་ནས་མཚམས་འཇོག་པའི་བར་དུ། ཁྱོད་ཀྱི་བཙོག་པ་དེ་གཙང་མར་འགྱུར་མི་ནུས་སོ། །  
\v 14 ང་ཡ་ཝཱེས་གསུངས་པ་དང་དུས་སུ་སླེབས་ན་ངས་དེ་འགྲུབ་པར་བྱའོ། །ངས་ཕྱིར་འཐེན་མི་བྱེད་ལ་སྙིང་རྗེ་ཡང་མི་བསྐྱེད། བསམ་ཚུལ་ཡང་མི་བསྒྱུར་བར། ཁྱོད་ཀྱི་སྤྱོད་ལམ་བཞིན་དུ་ཁྱོད་ལ་ཁྲིམས་གཅོད་པར་འགྱུར་གསུངས་ཞེས་པའོ་ཞེས་གཙོ་བོ་ཡ་ཝཱེས་གསུངས་སོ། །   
\s1 ཆུང་མ་ཤི་ན་མྱ་ངན་མི་བྱེད་པའི་དཔེ།  
\p
\v 15 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 16 ཀྱེ་མིའི་བུ། ལྟོས་དང་། ངས་གློ་བུར་ཉིད་དུ་ཁྱོད་ལ་རྒོལ་ཞིང་། ཁྱོད་རང་ཅི་ལ་བལྟ་བར་དགའ་བ་དེ་འཕྲོག་པར་བྱ་སྟེ། ཁྱོད་ནི་ཡིད་སྐྱོ་མི་རུང་། ངུ་ཡང་མི་རུང་། མཆི་མ་ཡང་མི་འདོན་པར།  
\v 17 ཁུ་སིམ་པོར་དབུགས་རིང་ཐོངས་ཤིག གཤིན་པོའི་དོན་དུ་མྱ་ངན་མི་བྱེད་པར། ཁྱོད་ཀྱི་མགོ་ལ་ད་དུང་མགོ་རས་དཀྲིས་དང་། རྐང་པར་ད་དུང་ལྷམ་གྱོན་པ་ལས། ཁྱོད་ཀྱིས་རང་གི་གདོང་ནི་འགེབ་མི་རུང་ལ། མྱ་ངན་ཞུ་བཞིན་པའི་ཁྱིམ་ཚང་ལ་གྲ་སྒྲིག་བྱས་པའི་སྡུག་ཟས་ཀྱང་མི་ཟའོ་ཞེས་གསུངས།  
\v 18 དེ་ནས་ཞོགས་པ་ངས་མི་ཚོགས་ལ་དོན་འདི་སྨྲས་པ་དང་། མཚན་མོར་ངའི་ཆུང་མ་ཚེ་ལས་འདས། ཕྱི་ཉིན་ཞོགས་པ་ངས་རང་ལ་བཀའ་ཇི་ལྟར་བསྩལ་པ་བཞིན་དུ་སྤྱད་ཅིང་།  
\v 19 མི་ཚོགས་ཀྱིས་ང་ལ། ཁྱེད་ཀྱིས་བྱས་པ་དེ་ནི་ངེད་རྣམས་དང་འབྲེལ་བ་ཅི་ཡོད་པ་འཆད་པར་མི་བྱའམ་ཞེས་དྲིས་པ་ལ།  
\v 20 ངས་དེ་ཚོའི་ལན་དུ། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 21 ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་ལ་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་རང་གི་གནས་དམ་པ་ནི་བཙོག་པར་བྱེད་ངེས་ཡིན། དམ་པའི་གནས་འདི་ནི་ཁྱོད་ཚོས་ངོམ་པའི་སྟོབས་ཤུགས་དང་། མིག་ནང་དུ་ཅི་ལ་དགའ་བ་དང་། སེམས་ནས་གཅེས་སུ་འཛིན་པ་དེའོ། །ཁྱོད་ཚོའི་ཤུལ་དུ་ལུས་པའི་བུ་དང་བུ་མོ་རྣམས་ནི་རལ་གྲིའི་འོག་ཏུ་འགྱེལ་བར་འགྱུར།  
\v 22 དུས་དེར་ཁྱོད་ཚོས་ངས་ཅི་བྱས་པ་བཞིན་དུ་སྤྱོད་པ་ལས་ཁྱོད་ཚོས་རང་གི་གདོང་འགེབ་མི་རུང་ལ། མྱ་ངན་ཞུ་བཞིན་པའི་ཁྱིམ་ཚང་ལ་གྲ་སྒྲིག་བྱས་པའི་སྡུག་ཟས་ཀྱང་ཟ་མི་རུང་ངོ་། །  
\v 23 ཁྱོད་ཚོའི་མགོ་ལ་སྔར་བཞིན་མགོ་རས་དཀྲིས་ཤིག རྐང་པར་ད་དུང་ལྷམ་གྱོན་ཞིག ཁྱོད་རྣམས་ཡིད་སྐྱོ་མི་རུང་། ངུ་ཡང་མི་རུང་། ཡིན་ཡང་ཁྱོད་ཚོས་རང་གི་སྡིག་པའི་དབང་གིས་གཅིག་གིས་གཅིག་ལ་བལྟ་ཞིང་དབུགས་རིང་ཕྱུང་ནས་ཉམ་ཐག་པར་འགྱུར།  
\v 24 འདིའི་ལུགས་སུ་ཨེ་ཟེ་ཀི་ཨེལ་ནི་ཁྱོད་ཅག་གི་སྔ་ལྟས་ཤིག་ཡིན་པས། དེས་སྤྱད་པའི་ལས་ཐམས་ཅད་ནི་མ་འོངས་པར་ཁྱོད་ཚོས་ཀྱང་སྤྱོད་དེ། དོན་དེ་འབྱུང་དུས་སུ། ཁྱོད་ཚོས་བདག་ནི་གཙོ་བོ་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་པའོ། །  
\v 25 ཀྱེ་མིའི་བུ། ངས་དེ་དག་གི་ཁྲོད་ནས་ཁོ་ཚོའི་བཙན་རྫོང་དང་། དེ་དག་དགའ་བའི་གཟི་བརྗིད་དང་། དེ་དག་གི་མིག་ནང་དུ་ཅི་ལ་དགའ་བ་དང་། སེམས་ནས་བརྩི་མཐོང་བྱེད་པ་དང་ཁོ་ཚོའི་བུ་དང་བུ་མོ་རྣམས་འཕྲོག་པའི་དུས་སུ།  
\v 26 དེ་ལས་ཐར་བའི་མི་ཞིག་ཁྱོད་ཀྱི་དྲུང་དུ་འོངས་ཏེ་ཁྱོད་ལ་དོན་དེ་ཐོས་སུ་འཇུག་པ་ཡིན།  
\v 27 དུས་དེར། ཁྱོད་ཀྱིས་ཁ་གྲགས་ནས་ཐར་བའི་མི་དེ་ལ་གཏམ་སྨྲ་བ་ལས་ལྐུགས་པ་མ་བྱེད་ཅིག ཁྱོད་ནི་དེ་ཚོའི་སྔ་ལྟས་ཤིག་ཏུ་འགྱུར་བ་དང་། དེ་ནས་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ། །   
\c 25
\cl ལེའུ་ཉེར་ལྔ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཨམ་མོན་ལ་ལན་འཇལ་བར་ལུང་སྟོན་པ།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཨམ་མོན་པར་གདོང་གཏད་ནས་ཁོ་ཚོར་རྒོལ་བའི་ལུང་སྟོན་ཅིག  
\v 3 ཁྱོད་ཀྱིས་ཨམ་མོན་པ་རྣམས་ལ་འདི་ལྟར་སྨྲོས་ཤིག ཁྱོད་ཚོས་གཙོ་བོ་ཡ་ཝཱེའི་གསུང་ལ་ཉོན་དང་། གཙོ་བོ་ཡ་ཝཱེས་འདི་སྐད་དུ། ངའི་གནས་དམ་པ་བཙོག་པར་བཟོས་ཤིང་། ཡེས་ར་ཨེལ་གྱི་ཡུལ་ཁམས་སྟོངས་པར་གྱུར་ནས་ཡ་ཧུ་དཱའི་ཁྱིམ་རྒྱུད་བཙོན་དུ་ཁྲིད་པའི་དུས་སུ། ཁྱོད་ཀྱིས་དེ་དག་ལ་ཁྲེལ་དགོད་བྱས་པས།  
\v 4 ལྟོས་དང་། ངས་ཁྱོད་ནི་ཤར་ཕྱོགས་པའི་ལག་ཏུ་ནོར་སྐལ་དུ་གཏོད་ཅིང་། དེ་དག་གིས་ཁྱོད་ཀྱི་གནས་སུ་གུར་ཕུབ་ནས་ཁྱོད་ཀྱི་དབུས་སུ་གཞིས་ཆགས་པ་དང་། དེ་དག་གིས་ཁྱོད་ཀྱི་འབྲས་བུ་བཟའ་ཞིང་ཁྱོད་ཀྱི་འོ་མ་བཏུང་བར་འགྱུར།  
\v 5 ངས་རབ་བཱ་ནི་རྔ་མོང་འཚོ་སར་འགྱུར་དུ་བཅུག་སྟེ། ཨམ་མོན་པའི་ཡུལ་ནི་ལུག་ཁྱུ་ཉལ་སའི་གནས་སུ་འགྱུར་བར་བྱས་ན། ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 6 གཙོ་བོ་ཡ་ཝཱེས་འདི་སྐད་དུ། ཁྱོད་ཀྱིས་རྐང་འཁྲབ་ལག་འཁྲབ་བྱས་ཏེ་སེམས་ལ་ཞེ་སྡང་གིས་ཁེངས་ནས། ཡེས་ར་ཨེལ་ལ་བྱུང་བའི་སྡུག་བསྔལ་གྱི་དབང་གིས་དགའ་མགུ་བྱས་པས།  
\v 7 ལྟོས་དང་། ངས་ལག་པ་བརྐྱངས་ནས་ཁྱོད་ལ་རྒོལ་ཞིང་ཁྱོད་ནི་ཕྱི་ཕྱོགས་པའི་བཅོམ་ནོར་དུ་སྦྱིན་པ་དང་། ངས་མི་ཐམས་ཅད་ལས་ཁྱོད་ཚར་གཅོད་ཅིང་། ཁྱོད་ནི་ཡུལ་ཀུན་ནས་མེད་པར་བྱའོ། །ངས་ཁྱོད་མེད་པར་བྱས་ན་ཁྱོད་ཀྱིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་པའོ་ཞེས་གསུངས་སོ། །   
\s1 མོ་ཨབ་ལ་ལན་འཇལ་བ།  
\p
\v 8 གཙོ་བོ་ཡ་ཝཱེས་འདི་སྐད་དུ། མོ་ཨབ་དང་སེ་ཨིར་གཉིས་ན་རེ། ལྟོས་དང་། ཡ་ཧུ་དཱའི་ཁྱིམ་རྒྱུད་ནི་ཕྱི་ཕྱོགས་པ་ཀུན་དང་འདྲའོ་ཟེར་བས།  
\v 9 ལྟོས་དང་། ངས་མོ་ཨབ་ཀྱི་ཕྱོགས་གཅིག་གི་འགོག་སྲུང་མེད་པར་བྱས་ཏེ། ཁོ་ཚོས་ཡུལ་དེའི་གཟི་བརྗིད་དུ་རྩི་བའི་པེད་ཡེ་ཤི་མོད་དང་། པཱ་ཨལ་མེ་ཨོན། ཀིར་ཡ་ཐཱ་ཡེམ་བཅས་པ་སྟེ། ས་མཚམས་ཀྱི་གྲོང་ཁྱེར་རྣམས་ནས་འགོ་བརྩམས་ཏེ།  
\v 10 ངས་མོ་ཨབ་དང་ཨམ་མོན་པ་བཅས་མཉམ་དུ་ཤར་ཕྱོགས་པའི་ནོར་སྐལ་དུ་གཏོད་ཅིང་། བུ་རྒྱུད་ཀུན་གྱི་ནང་དུ་ཨམ་མོན་པ་ནི་ཡང་བསྐྱར་དྲན་པར་མི་འགྱུར།  
\v 11 ངས་མོ་ཨབ་ལ་ཉེས་ཆད་གཅོད་པར་བྱ་སྟེ། དེ་ནས་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ། །   
\s1 ཨེ་དོམ་ལ་ལན་འཇལ་བ།  
\p
\v 12 གཙོ་བོ་ཡ་ཝཱེས་འདི་སྐད་དུ། ཨེ་དོམ་གྱིས་ཡ་ཧུ་དཱའི་ཁྱིམ་རྒྱུད་ལ་འཁོན་ལན་བསློགས་པས། ཁོ་ཚོས་དེ་བཞིན་སྤྱད་པ་ནི་སྡིག་པ་རབ་ཏུ་ཆེན་པོ་བྱས་པའོ། །  
\v 13 དེ་བས་གཙོ་བོ་ཡ་ཝཱེས་འདི་སྐད་དུ། ངས་ལག་པ་བརྐྱངས་ནས་ཨེ་དོམ་ལ་རྒོལ་ནས་ཡུལ་དེའི་མི་ཕྱུགས་གཉིས་ཀ་ཚར་གཅོད་ཅིང་། ངས་ཨེ་དོམ་ནི་སྟོངས་སུ་འཇུག་པ་དང་། ཐེ་མཱན་ནས་དི་དན་གྱི་བར་དུ་དེ་རྣམས་རལ་གྲིའི་འོག་ཏུ་འཆི་བར་འགྱུར།  
\v 14 ངས་རང་གི་འབངས་མི་ཡེས་ར་ཨེལ་པའི་ལག་པ་བརྒྱུད་ནས་ཨེ་དོམ་ལ་ལན་འཇལ་ཞིང་། ཡེས་ར་ཨེལ་པས་ངའི་ཁོང་ཁྲོ་དང་ངའི་ཁྲོ་གཏུམ་ཆེན་པོ་བཞིན་དུ་ཨེ་དོམ་ལ་སྤྱད་པ་སྤྱོད་ཅིང་། དེ་ནས་ཨེ་དོམ་པས་དེ་ནི་ངས་ལན་འཇལ་བ་རྟོགས་སོ་གསུངས་ཞེས་གཙོ་བོ་ཡ་ཝཱེས་གསུངས་སོ། །   
\s1 ཕེ་ལེ་ཤེད་ལ་ལན་འཇལ་བ།  
\p
\v 15 གཙོ་བོ་ཡ་ཝཱེས་འདི་སྐད་དུ། ཡང་ཕེ་ལེ་ཤེད་པས་ཡ་ཧུ་དཱ་པ་རྣམས་ལ་འཁོན་ལན་བསློགས་ཤིང་། སེམས་ནས་མཐོང་ཆུང་བྱས་ཏེ་འཁོན་ལན་བསློགས་པ་དང་། ནམ་ཡིན་ཡང་འཁོན་སེམས་བསྐྱེད་དེ་ཡ་ཧུ་དཱ་མེད་པར་བཟོ་འདོད་པས།  
\v 16 གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ལག་པ་བརྐྱངས་ནས་ཕེ་ལེ་ཤེད་པ་ལ་རྒོལ་བར་འགྱུར་ཞིང་། ཀེ་རེད་པ་རྣམས་ཚར་བཅད་ནས། རྒྱ་མཚོའི་འགྲམ་གྱི་ལྷག་ལུས་རྣམས་ཀྱང་མེད་པར་བྱའོ། །  
\v 17 ངས་ཁྲོ་གཏུམ་ཆེན་པོས་དེ་དག་ལ་སྐྱོན་བཙུགས་ནས་འཁོན་ལན་བསློག་ཅིང་། ངས་དེ་དག་ལ་འཁོན་ལན་སློག་པའི་དུས་སུ། ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ་གསུངས་ཞེས་གསུངས་སོ། །   
\c 26
\cl ལེའུ་ཉེར་དྲུག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཐཱར་ལ་ལན་འཇལ་བ།  
\p
\v 1 དེ་ཡང་ལོ་བཅུ་གཅིག་པའི་ཟླ་ག་གེ་མོའི་ཚེས་གཅིག་གི་ཉིན། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཐཱར་གྱིས་ཡེ་རུ་སཱ་ལེམ་ལ་འཕྱ་དགོད་བྱས་ནས་ན་རེ། མི་རིགས་ཀུན་གྱི་སྒོ་དེ་ཆག་ནས་ངའི་ཕྱོགས་སུ་ཕྱེས་པ་དང་། དེ་ནི་སྟོངས་ཤིང་ང་ནི་བཀང་བར་འགྱུར་ཞེས་སྨྲས་པས།  
\v 3 གཙོ་བོ་ཡ་ཝཱེས་འདི་སྐད་དུ། ཀྱེ་ཐཱར། ལྟོས་དང་། ངས་ཁྱོད་ནི་དགྲ་རུ་འཛིན་ཞིང་། རྒྱ་མཚོས་རྦ་རླབས་ཡར་འཕྱུར་དུ་འཇུག་པ་ནང་བཞིན། ངས་ཡུལ་ཁམས་ཀུན་ཡར་འོངས་ནས་ཁྱོད་ལ་རྒོལ་བར་བྱ་སྟེ།  
\v 4 དེ་དག་གིས་ཐཱར་གྱི་ལྕགས་རི་རྣམས་བརླགས་ཏེ་ལྕོག་མཁར་རྣམས་བཤིག་ཅིང་། ངས་དེའི་ས་རྡུལ་རྣམས་གཙང་མར་བྲད་ནས་དེ་ནི་བྲག་རྡོ་འཇམ་པོ་རུ་འགྱུར་བར་བྱའོ། །  
\v 5 དེ་ནི་རྒྱ་མཚོའི་དབུས་སུ་ཉ་རྒྱ་འདིང་བའི་གནས་སུ་འགྱུར་ཏེ། གང་ལ་ཞེ་ན། གཙོ་བོ་ཡ་ཝཱེ་བདག་གིས་འདི་ལྟར་གསུངས་པ་ཡིན། དེ་ནི་མི་ཀུན་གྱི་བཅོམ་ནོར་དུ་འགྱུར་བ་དང་།  
\v 6 སྐམ་སར་སྡོད་པའི་ཐཱར་པ་རྣམས་ནི་རལ་གྲིས་གསོད་པར་འགྱུར་ལ། དེ་ནས་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 7 གང་ལ་ཞེ་ན། གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་རྒྱལ་པོ་རྣམས་ཀྱི་རྒྱལ་པོ་ཡིན་པའི་པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་ལ། རྟ་དང་ཤིང་རྟ། རྟ་དམག་བཅས་དམག་དཔུང་ཆེན་པོ་ཞིག་ཁྲིད་དེ་བྱང་ནས་ཐཱར་ལ་རྒོལ་དུ་འོང་བར་བྱ་ཞིང་།  
\v 8 དེས་ཁྱོད་ཀྱི་སྐམ་སར་སྡོད་པའི་མི་རྣམས་གསོད་ཅིང་། གྲོང་ཁྱེར་བསྐོར་བའི་མཁར་རྣམས་བརྩིག་པ་དང་། འགོག་སྲུང་བྱེད་པའི་ས་རགས་བརྩིགས་ནས་ཕུབ་རྣམས་བཟུང་སྟེ་ཁྱོད་ལ་རྒོལ་བར་འགྱུར།  
\v 9 དེས་གྲོང་ཁྱེར་ལ་རྒོལ་བའི་ཐོ་བ་ཆེན་པོས་ཁྱོད་ཀྱི་ལྕགས་རི་རྣམས་ལ་རྒོལ་ཞིང་། མཚོན་ཆས་ཁྱོད་ཀྱི་ལྕོག་མཁར་རྣམས་བཤིག་པར་འགྱུར།  
\v 10 དེ་ལ་རྟ་ཤིན་ཏུ་མང་པོ་ཡོད་པས་ན། དེ་དག་གིས་ས་རྡུལ་ལངས་སུ་བཅུག་ནས་ཁྱོད་ནི་འགེབ་པར་འགྱུར་ཞིང་། མི་ནི་གྲོང་ཁྱེར་ཞིག་རལ་ཅན་གྱི་ནང་དུ་འཛུལ་བ་བཞིན་དུ། དེ་ནི་ཁྱོད་ཀྱི་མཁར་སྒོའི་ནང་དུ་འཛུལ་བར་འགྱུར་ལ། དུས་དེར། ཁྱོད་ཀྱི་ལྕགས་རི་རྣམས་ནི་རྟ་དམག་དང་ཤིང་རྟའི་འཁོར་ལོ་དང་། ཤིང་རྟའི་སྒྲ་ཡི་རྐྱེན་གྱིས་འདར་བར་འགྱུར།  
\v 11 དེའི་རྟ་ཡི་རྨིག་པས་ཁྱོད་ཀྱི་སྲང་ལམ་ཐམས་ཅད་བརྫི་བར་འགྱུར་ཞིང་། དེས་རལ་གྲི་ཡིས་ཁྱོད་ཀྱི་མི་རྣམས་གསོད་པ་དང་། ཁྱོད་ཀྱི་ཀ་བ་བརྟན་པོ་རྣམས་ཀྱང་ས་ལ་འགྱེལ་བར་འགྱུར།  
\v 12 དེ་དག་གིས་ཁྱོད་ཀྱི་རྒྱུ་ནོར་ཕྲོགས་ནས་ཁྱོད་ཀྱི་ཚོང་ཟོག་ནི་བཅོམ་ནོར་དུ་འགྱུར་ཞིང་། ཁྱོད་ཀྱི་ལྕགས་རི་རྣམས་བརླགས་ནས་ཁྱོད་ཀྱི་མཛེས་པའི་གཟིམས་ཁང་རྣམས་བཤིག་སྟེ། ཁྱོད་ཀྱི་རྡོ་དང་ཤིང་དང་། ས་རྡུལ་བཅས་ནི་མཚོ་ནང་དུ་འདོར་བར་བྱའོ། །  
\v 13 ཡང་ངས་ཁྱོད་ཀྱི་གླུ་སྐད་མཚམས་གཅོད་ཅིང་། མི་ཡིས་ཁྱོད་ཀྱི་པི་ཝང་གི་སྒྲ་ཡང་བསྐྱར་ཐོས་པར་མི་འགྱུར་ཏེ།  
\v 14 ངས་ཁྱོད་བྲག་རྡོ་འཇམ་པོ་ཞིག་ཏུ་འགྱུར་བར་བྱ་སྟེ། ཁྱོད་ནི་ཉ་རྒྱ་འདིང་བའི་གནས་སུ་འགྱུར་ལ། ཁྱོད་ནི་སླར་བརྩིག་པར་མི་འགྱུར་རོ། །གང་ལ་ཞེ་ན། ང་ཡ་ཝཱེས་སྨྲས་པ་ཡིན་ཞེས་གཙོ་བོ་ཡ་ཝཱེས་གསུངས་སོ། །  
\v 15 ཡང་གཙོ་བོ་ཡ་ཝཱེས་ཐཱར་ལ་འདི་སྐད་དུ། ཁྱོད་ཀྱི་ནང་དུ་སྲོག་གཅོད་པའི་དོན་བྱུང་བ་སྟེ། རྨས་མ་རྣམས་ངུ་བའི་དུས་སུ། གླིང་ཕྲན་རྣམས་ནི་ཁྱོད་རང་འགྱེལ་བའི་སྒྲ་ཡིས་འདར་བར་མི་འགྱུར་རམ།  
\v 16 དུས་དེར་མཚོ་འགྲམ་དུ་ཡོད་པའི་རྒྱལ་པོ་ཐམས་ཅད་རྒྱལ་ཁྲི་ལས་མར་འབབ་ཅིང་། གཟབ་གོས་དང་ཚེམ་དྲུབ་ལྡན་པའི་གོས་ཕུད་དེ། འཇིགས་སྐྲག་གིས་ཁེངས་ནས་སར་སྡོད་ཅིང་། མཚམས་མེད་པར་འདར་ཞིང་ཁྱོད་ཀྱི་དབང་གིས་འཇིགས་པར་འགྱུར།  
\v 17 དེ་ཚོས་ཁྱོད་ལ་སྐྱོ་གླུ་ལེན་ཞིང་ན་རེ། མིང་དུ་གྲགས་པའི་གྲོང་ཁྱེར་ཁྱོད་རང་ནི། །གྲུ་དཔོན་རྣམས་ཀྱི་སྡོད་སའི་གནས་ཡིན་ཞིང་། །རྒྱ་མཚོའི་སྟེང་དུ་བརྟན་ཞིང་སྟོབས་ལྡན་ཁྱོད། །ཁྱོད་དང་ཁྱོད་ཀྱི་མི་ཡིས་སྔར་ནས་བཟུང་། །གནས་དེར་སྡོད་པའི་མི་ལ་དངངས་སྐྲག་ཕབ། །ད་ལྟ་ཁྱོད་ནི་ཅི་ལྟར་ཤུལ་ཆད་དམ། །  
\v 18 ད་ནི་ཁྱོད་རང་འགྱེལ་བའི་དུས་འདི་ལ། །གླིང་ཕྲན་རྣམས་ཀྱི་མི་ཀུན་འདར་བ་དང་། །གླིང་ཕྲན་དག་ནི་ཁྱོད་རང་བརླགས་པས་འཇིགས། །ཞེས་པའོ། །  
\v 19 གང་ལ་ཞེ་ན། གཙོ་བོ་ཡ་ཝཱེས་འདི་སྐད་དུ། ངས་ཁྱོད་ནི་མི་མེད་པའི་གྲོང་ཁྱེར་བཞིན་དུ་སྟོངས་སུ་འཇུག་ཅིང་། ཡང་ངས་གཏིང་གི་ཆུ་རྣམས་ཡར་འཕྱུར་དུ་བཅུག་ནས་ཁྱོད་ལས་བརྒལ་ཏེ། ཆུ་ཆེན་གྱིས་ཁྱོད་བསྣུབ་པར་བྱའོ། །  
\v 20 དུས་དེར། ངས་ཁྱོད་ནི་དུར་དུ་སྦས་པའི་མི་དང་བཅས་གནའ་མི་རྣམས་ཀྱི་རྩར་འབབ་ཏུ་འཇུག་ཅིང་། ངས་ཁྱོད་ནི་ཡུན་རིང་པོར་སྟོངས་པར་གྱུར་པའི་ས་ཡི་འོག་སྟེ། དུར་དུ་སྦས་པའི་མི་དེ་དག་དང་མཉམ་དུ་སྡོད་པར་འཇུག་ཅིང་། ཁྱོད་ནི་གསོན་པོའི་གནས་སུ་མངོན་པར་མི་འགྱུར། ཡིན་ནའང་ངས་གསོན་པོའི་གནས་ལ་མཛེས་སྡུག་བསྣན་པར་བྱའོ། །  
\v 21 ཡང་ངས་ཁྱོད་ལ་འཇིགས་སུ་རུང་བའི་ཆག་སྒོ་འབྱུང་དུ་བཅུག་སྟེ། ཁྱོད་ནི་ཡང་བསྐྱར་གནས་པར་མི་འགྱུར་ལ། མི་ཡིས་ཁྱོད་བཙལ་ནའང་ནམ་ཡང་བཙལ་ནས་མི་རྙེད་དོ་ཞེས་གཙོ་བོ་ཡ་ཝཱེས་གསུངས་སོ། །   
\c 27
\cl ལེའུ་ཉེར་བདུན་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཐཱར་གྱི་སྐྱོ་གླུ།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཐཱར་གྱི་ཆེད་དུ་སྐྱོ་གླུ་རྩོམས་ཤིག་དང་།  
\v 3 གྲུ་ཁར་སྡོད་ཅིང་མཚོ་འགྲམ་གྱི་ཡུལ་ཁམས་ཀུན་དང་ཚོང་རྒྱག་པའི་ཐཱར་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཀྱེ་ཐཱར། ཁྱོད་ཀྱིས་སྔོན་ཆད་ང་ནི་ཁྱོན་ནས་ཡིད་དུ་འོང་བ་ཡིན་ཞེས་ཟེར་ཞིང་།  
\v 4 ཁྱོད་ཀྱི་ས་མཚམས་ནི་རྒྱ་མཚོ་རྣམས་ཀྱི་དབུས་སུ་ཆགས་ཏེ། ཁྱོད་འཛུགས་སྐྲུན་བྱེད་མཁན་གྱིས་ཁྱོད་ནི་ཁྱོན་ནས་ཡིད་དུ་འོང་བར་མཛད་ཅིང་།  
\v 5 དེ་དག་གིས་སེ་ནིར་གྱི་གསོམ་ཤིང་གིས་ཁྱོད་ཀྱི་ཤིང་ལེབ་ཡོངས་དང་། ལེ་པཱ་ནོན་གྱི་ཐང་ཤིང་གིས་ཁྱོད་ཀྱི་གྲུ་གཟིངས་ཀྱི་དར་ཤིང་བཟོས་པ་དང་།  
\v 6 པཱ་ཤན་གྱི་བེ་ཤིང་གིས་ཁྱོད་ཀྱི་གྲུ་སྐྱ་བཟོས་ཤིང་། བ་སོས་ཕྲ་བརྒྱན་ཡོད་པའི་ཀི་ཐིམ་མཚོ་འགྲམ་གྱི་ཤུག་ཤིང་གིས་ཁྱོད་ཀྱི་གྲུ་གཟིངས་ནང་གི་ཤིང་ལེབ་བྱས།  
\v 7 ཁྱོད་ཀྱི་རླུང་གཡོར་ནི་ཨེ་ཅིབ་ཡུལ་གྱི་ཚེམ་དྲུབ་བྱས་པའི་སོ་རས་སྲབ་བུ་ཡིས་བཟོས་ཤིང་། དེ་ནི་ཁྱོད་ཀྱི་དར་ཆ་རུ་བྱས་ཆོག་སྟེ། ཁྱོད་ཀྱི་གྲུ་ཕྱར་ནི་ཨི་ལི་ཤཱའི་མཚོ་འགྲམ་གྱི་རས་མཐིང་ག་དང་རྒྱ་སྨུག་གིས་བཟོས་པ་ཡིན།  
\v 8 ཚི་ཏུན་པ་དང་ཨར་བད་པའི་མི་ཡིས་ཁྱོད་ཀྱི་གྲུ་གཏོང་བ་ཡིན། ཀྱེ་ཐཱར། ཁྱོད་རྣམས་ཁྲོད་ཀྱི་ལག་རྩལ་པ་རྣམས་ཁྱོད་ཀྱི་དེད་དཔོན་བྱས་ཤིང་།  
\v 9 གེ་བལ་གྱི་འགོ་དཔོན་དང་བཟོ་བ་འཇོན་པོ་རྣམས་ཀྱིས་ཁྱོད་ཀྱི་དྲུང་དུ་སེར་ཁ་ཉམས་གསོ་བྱེད་ཅིང་། རྒྱ་མཚོའི་གྲུ་དང་གྲུ་པ་ཐམས་ཅད་ཀྱིས་ཁྱོད་ཀྱི་རྩར་ཁྱོད་དང་ཚོང་རྒྱག་གིན་ཡོད།  
\v 10 ཏ་ཟིག་པ་དང་ལུ༌ཏི་པ། ཕུ༌ཏཱ་པ་རྣམས་ཁྱོད་ཀྱི་དམག་དཔུང་ནང་དུ་དམག་བྱེད་ཅིང་། དེ་དག་གིས་ཁྱོད་ཀྱི་དྲུང་དུ་ཕུབ་དང་རྨོག་རྣམས་བཀལ་ནས་ཁྱོད་ཀྱི་གཟི་བརྗིད་མངོན་པའོ། །  
\v 11 ཨར་བད་པ་ནི་ཁྱོད་ཀྱི་དམག་དཔུང་དང་བཅས་ཁྱོད་ཀྱི་ལྕགས་རིའི་སྟེང་དུ་ཡོད་དེ། ཁྱོད་ཀྱི་ལྕོག་མཁར་སྟེང་དུ་དཔའ་བོ་རྣམས་ཡོད་པ་དང་། ཁྱོད་ཀྱི་ཕྱོགས་བཞིའི་ལྕགས་རིའི་སྟེང་དུ་ཁོ་ཚོས་རང་གི་ཕུབ་རྣམས་བཀལ་ནས། ཁྱོད་ནི་ཁྱོན་ནས་ཡིད་དུ་འོང་བར་གྱུར་ཏོ། །  
\v 12 ཐཱར་ཞིས་པ་རྣམས་ཁྱོད་ཀྱི་ཕུན་སུམ་ཚོགས་པའི་ནོར་རྫས་སྣ་ཚོགས་ཀྱི་དབང་གིས་ཁྱོད་ཀྱི་ཚོང་གྲོགས་བྱས་ཏེ། ཁོ་ཚོས་དངུལ་དང་ལྕགས། གཤའ་དཀར། ཞ་ཉེ་བཅས་ཀྱིས་ཁྱོད་དང་ཚོང་རྒྱག་པ་དང་།  
\v 13 ཡཱ་ཝན་པ་དང་ཐུ་བཱལ་པ། མེ་ཤེག་པ་བཅས་ཀྱིས་ཀྱང་ཁྱོད་དང་ཚོང་རྒྱག་པ་སྟེ། ཁོ་ཚོས་བྲན་གཡོག་དང་ལི་ཆས་ཀྱིས་ཁྱོད་དང་ཚོང་རྒྱག་པ་ཡིན།  
\v 14 པེད་ཐོ་གར་མཱའི་མི་རྣམས་ཀྱིས་རྟ་དང་དམག་རྟ། དྲེལ་བཅས་ཀྱིས་ཁྱོད་དང་ཚོང་རྒྱག་པ་ཡིན།  
\v 15 དི་དན་པ་རྣམས་ཀྱང་ཁྱོད་ཀྱི་ཚོང་གྲོགས་ཡིན་པ་དང་། མཚོ་འགྲམ་གྱི་ཡུལ་མང་པོ་ཁྱོད་ཀྱི་ཚོང་ར་ཡིན་ལ། ཁོ་ཚོས་བ་སོ་དང་ཤིང་ནག་གིས་ཁྱོད་ལ་དངུལ་སྤྲོད་པ་ཡིན།  
\v 16 ཁྱོད་ལ་ཐོན་རྫས་ཧ་ཅང་མང་བས་ན་ཨ་རམ་པ་ནི་ཁྱོད་ཀྱི་ཚོང་གྲོགས་བྱས་ཏེ། ཁོ་ཚོས་གཡུ་དང་རས་རྒྱ་སྨུག ཚེམ་དྲུབ། སོ་རས་སྲབ་བུ། བྱུ་རུ། པད་མ་རཱ་ག་བཅས་ཀྱིས་ཁྱོད་དང་ཚོང་རྒྱག་པ་ཡིན།  
\v 17 ཡ་ཧུ་དཱ་དང་ཡེས་ར་ཨེལ་ཡུལ་ཁམས་ཀྱང་ཁྱོད་ཀྱི་ཚོང་གྲོགས་ཡིན་ལ། དེ་དག་གིས་མིན་ནིད་ཀྱི་གྲོ་དང་བག་ལེབ། སྦྲང་རྩི། སྣུམ། སྤོས་དཀར་བཅས་ཀྱིས་ཁྱོད་དང་ཚོང་རྒྱག་པའོ། །  
\v 18 ཡང་ཁྱོད་ལ་ཐོན་རྫས་ཧ་ཅང་མང་བ་དང་ཕུན་སུམ་ཚོགས་པའི་ནོར་རྫས་སྣ་ཚོགས་ཀྱི་དབང་གིས། དཱ་མེ་སེག་པས་ཧེལ་བོན་གྱི་རྒུན་ཆང་དང་། བལ་དཀར་པོས་ཁྱོད་དང་ཚོང་རྒྱག་པ་ཡིན།  
\v 19 བེ་དན་པས་བེ་སཱ་ནས་ཐོན་པའི་རྒུན་ཆང་གིས་ཁྱོད་དང་ཚོང་རྒྱག་ཅིང་། དེ་དག་གིས་ལྕགས་བཙོ་མ་དང་ཁ་ཚི་ཡཱ། ཤུ་དག་བཅས་ཀྱིས་ཁྱོད་དང་ཚོང་རྒྱག་པའོ། །  
\v 20 ཡང་དི་དན་པས་རྟ་སྒ་དང་ས་གདན་གྱིས་ཁྱོད་དང་ཚོང་རྒྱག་ཅིང་།  
\v 21 ཨ་རབ་པ་དང་ཀེ༌དཱར་གྱི་འགོ་དཔོན་ཐམས་ཅད་ནི་ཁྱོད་ཀྱི་ཚོང་གྲོགས་ཡིན་ལ། དེ་དག་གིས་ལུ་གུ་དང་ལུག་ཐུག ར་ཐུག་བཅས་ཀྱིས་ཁྱོད་དང་ཚོང་རྒྱག་པ་ཡིན།  
\v 22 ཤེ་བཱ་དང་རཱ་ཨེ་མཱའི་ཚོང་པ་རྣམས་ཀྱིས་ཁྱོད་དང་ཚོང་རྒྱག་ཅིང་། དེ་དག་གིས་ཕུལ་བྱུང་གི་བསུང་རྫས་སྣ་ཚོགས་དང་རིན་པོ་ཆེའི་རིགས། གསེར་བཅས་ཀྱིས་ཁྱོད་དང་ཚོང་རྒྱག་པའོ། །  
\v 23 ཧཱ་རན་པ་དང་ཀན་ནེ་པ། ཨེ་དེན་པ། ཤེ་བཱ་བཅས་ཀྱི་ཚོང་པ་དང་། ཨ་སུར་པ་དང་ཀིལ་མད་པ་བཅས་ཀྱིས་ཁྱོད་དང་ཚོང་རྒྱག་ཅིང་།  
\v 24 དེ་དག་གིས་ཚོང་རྫས་ཡག་པོ་རྣམས་ཚེམ་དྲུབ་ཅན་གྱི་རས་སྔོན་པོས་བཏུམས་པ་དང་། མཛེས་ཤིང་ཡིད་དུ་འོང་བའི་གྱོན་གོས་རྣམས་ཐང་ཤིང་གི་སྒམ་ནང་དུ་བཅུག་ནས། ཐག་པས་དམ་པོར་བསྡམས་ཏེ་ཁྱོད་ཀྱི་ཚོང་ར་ནས་ཁྱོད་དང་ཚོང་རྒྱག་པ་ཡིན།  
\v 25 ཐཱར་ཞིས་ཀྱི་གྲུ་གཟིངས་རྣམས་ཀྱིས་ཁྱོད་ཀྱི་ཚོང་ཟོག་སྐྱེལ་འདྲེན་བྱེད་ཅིང་། ཁྱོད་ནི་རྒྱ་མཚོའི་དབུས་སུ་དངོས་ཟོག་བྱུར་བུར་གང་བས་རབ་ཏུ་ལྕིའོ། །  
\v 26 གྲུ་གཏོང་མཁན་གྱིས་ཁྱོད་ནི་རྒྱ་མཚོའི་གཏིང་སར་བཏང་སྟེ། ཤར་རླུང་གིས་ཁྱོད་རྒྱ་མཚོའི་དབུས་སུ་གཏོར་བར་བྱའོ། །  
\v 27 ཁྱོད་ཀྱི་རྒྱུ་ནོར་དང་ཚོང་ཟོག ཚོང་རྫས། གྲུ་པ། དེད་དཔོན། སེར་ཁ་ཉམས་གསོ་བྱེད་མཁན། ཁྱོད་དང་ཚོང་ལས་གཉེར་མཁན་བཅས་དང་། ཁྱོད་ཀྱི་དྲུང་དུ་ཡོད་པའི་དམག་མི་ཡོངས་དང་ད་དུང་ཁྱོད་ཀྱི་དྲུང་དུ་འཛོམས་པའི་མི་ཚོགས་ཚང་མ་ལྷན་ཅིག་ཏུ། ཁྱོད་འགྱེལ་བའི་ཉིན་མོར་ཐམས་ཅད་རྒྱ་མཚོའི་ནང་དུ་ནུབ་པར་འགྱུར་ཞིང་།  
\v 28 ཁྱོད་ཀྱི་དེད་དཔོན་རྣམས་ཀྱི་འབོད་སྐད་ཀྱིས་མཐའ་མཚམས་ཀྱང་འདར་བར་འགྱུར།  
\v 29 དེ་ནས་གྲུ་གཏོང་མཁན་དང་གྲུ་པ། རྒྱ་མཚོའི་དེད་དཔོན་བཅས་ཐམས་ཅད་རང་གི་གྲུ་ལས་བབས་ཏེ་སྐམ་སར་འགྲེང་ནས།  
\v 30 དེ་དག་གིས་ཁྱོད་ཀྱི་ཆེད་དུ་ངུ་འབོད་བྱེད་ཅིང་། ས་རྡུལ་རང་གི་མགོ་ལ་གཏོར་ནས་ཐལ་བའི་ནང་དུ་འགྲེ་ལྡོག་རྒྱག་པར་འགྱུར།  
\v 31 དེ་དག་གིས་ཁྱོད་ཀྱི་རྐྱེན་གྱིས་རང་གི་སྐྲ་གཞར་ཞིང་། རྐེད་པར་རྩིད་རས་བཅིངས་ནས་ཁྱོད་ཀྱི་ཆེད་དུ་སེམས་སྡུག་སྟེ་ངུ་བ་དང་ཡིད་ཤིན་ཏུ་སྐྱོ་བར་འགྱུར་རོ། །  
\v 32 དེ་དག་གིས་ཁྱོད་ལ་མྱ་ངན་ཞུ་དུས། ཁྱོད་ཀྱི་ཆེད་དུ་སྐྱོ་གླུ་ཞིག་ལེན་ཞིང་ན་རེ། གྲོང་ཁྱེར་གང་ཞིག་ནི་རྒྱ་མཚོའི་ནང་དུ་ནུབ་པའི་ཐཱར་དང་འདྲ་བ་ཡིན་ནམ།  
\v 33 ཁྱོད་ཀྱི་ཚོང་ཟོག་རྒྱ་མཚོ་ལས་སྐྱེལ་འདྲེན་བྱེད་དུས་སུ། སྔོན་ཆད་ཡུལ་ཁམས་མང་པོའི་མི་རྣམས་ཡིད་ཚིམ་དུ་བཅུག་ཅིང་། ཁྱོད་ཀྱི་ཕུན་སུམ་ཚོགས་པའི་ནོར་རྫས་དང་ཚོང་ཟོག་གི་དབང་གིས། ཁྱོད་ཀྱིས་ས་གཞིའི་རྒྱལ་པོ་རྣམས་ནི་འབྱོར་ཕྱུག་ལྡན་པར་བྱས་སོ། །  
\v 34 འོན་ཀྱང་ད་ལྟ་ཁྱོད་ནི་རྒྱ་མཚོའི་གཏིང་ཟབ་སར། རྒྱ་མཚོས་ཁྱོད་རང་གཏོར་བ་དང་། ཁྱོད་ཀྱི་ཚོང་ཟོག་དང་ཁྱོད་ཀྱི་དྲུང་དུ་འཛོམས་པའི་མི་ཐམས་ཅད་ཀྱང་ནུབ་པར་གྱུར་ཏོ། །  
\v 35 མཚོ་འགྲམ་གྱི་མི་རྣམས་ནི་ཁྱོད་ཀྱི་རྐྱེན་གྱིས་འཇིགས་སྐྲག་སྐྱེ་ཞིང་། དེ་དག་གི་རྒྱལ་པོ་རྣམས་ནི་ཤིན་ཏུ་འཇིགས་ཏེ་ངོ་མདོག་ཀྱང་འགྱུར་བའོ། །  
\v 36 མི་རིགས་སོ་སོའི་ཚོང་པ་རྣམས་ཀྱིས་ཁྱོད་ལ་འཕྱ་ཞིང་། ཁྱོད་ལ་གནོད་འཚེ་འཇིགས་སུ་རུང་བ་ཐེབས་པར་འགྱུར་བ་དང་། དེ་ནས་ཁྱོད་ནི་ནམ་ཡང་གནས་པར་མི་འགྱུར་ཞེས་པའོ་ཞེས་གསུངས་སོ། །   
\c 28
\cl ལེའུ་ཉེར་བརྒྱད་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཐཱར་གྱི་རྒྱལ་པོའི་སྐོར་གྱི་ལུང་བསྟན།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཐཱར་གྱི་རྒྱལ་པོ་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཁྱོད་ཀྱི་སེམས་སུ་ང་རྒྱལ་སྐྱེས་ནས་ན་རེ། ང་ནི་ལྷ་ཡིན་ཏེ། ང་ནི་རྒྱ་མཚོའི་དབུས་སུ་ལྷ་ཡི་བཞུགས་ཁྲིར་བཞུགས་ཡོད་དོ་ཞེས་སྨྲ་ཞིང་། དོན་དམ་དུ་ཁྱོད་ནི་མི་ཞིག་ཡིན་པ་ལས་ལྷ་ནི་མ་ཡིན། ཡིན་ནའང་ཁྱོད་ཀྱི་སེམས་སུ་རང་ཉིད་ནི་ལྷ་ཡིན་པར་འདོད་དོ། །  
\v 3 ལྟོས་དང་། ཁྱོད་ནི་དཱ་ནེ་ཨེལ་ལས་ཀྱང་ལྷག་པར་མཁས་པས། ཁྱོད་ལ་སྦ་ཐུབ་པའི་གསང་བ་གང་ཡང་མེད།  
\v 4 ཁྱོད་ཀྱིས་རང་གི་ཤེས་རབ་དང་བློ་གྲོས་ལ་བརྟེན་ནས། རང་གི་ཆེད་དུ་རྒྱུ་འབྱོར་བ་རྙེད་པ་དང་། རྙེད་པའི་གསེར་དང་དངུལ་རྣམས་རང་གི་བང་མཛོད་དུ་བཞག་གོ །  
\v 5 ཁྱོད་ཀྱིས་རང་གི་ཚོང་ལས་ཐད་ཀྱི་བློ་གྲོས་ཆེན་པོར་བརྟེན་ནས་རང་གི་རྒྱུ་ནོར་འཕེལ་བར་བྱས་ཤིང་། ཡང་རང་གི་རྒྱུ་འབྱོར་བའི་དབང་གིས་སེམས་སུ་ང་རྒྱལ་སྐྱེས་པས།  
\v 6 གཙོ་བོ་ཡ་ཝཱེས་འདི་སྐད་དུ། ཁྱོད་ཀྱི་སེམས་སུ་རང་ཉིད་ལྷ་ཡིན་པར་འདོད་པས།  
\v 7 ལྟོས་དང་། ངས་ཕྱི་ཕྱོགས་པ་སྟེ། ཡུལ་ཁམས་ཀུན་ནས་ཆེས་གདུག་རྩུབ་ཅན་དེ་ཁྱོད་ལ་རྒོལ་དུ་འོང་བར་བྱ་ཞིང་། དེ་དག་གིས་རལ་གྲི་བཏོན་ནས་ཁྱོད་ཀྱི་བློ་གྲོས་ལ་བརྟེན་ནས་ཐོབ་པའི་དངོས་པོ་ཡིད་དུ་འོང་བ་དག་ལ་རྒོལ་བར་འགྱུར་ཞིང་། ཁྱོད་ཀྱི་གཟི་བརྗིད་དེ་བཙོག་པར་བཟོའོ། །  
\v 8 དེ་དག་གིས་ཁྱོད་ས་དོང་དུ་གཡུགས་ཏེ། ཁྱོད་བསད་ནས་རྒྱ་མཚོའི་དབུས་སུ་འཆི་བར་འགྱུར།  
\v 9 ཁྱོད་རང་གསོད་མཁན་གྱི་མདུན་དུ་ཁྱོད་ཀྱིས་ད་དུང་ང་ནི་ལྷ་ཡིན་ཞེས་སྨྲ་ནུས་སམ། ཁྱོད་ལ་གྲིས་སྣུན་མཁན་གྱི་ལག་ཏུ་ཁྱོད་ནི་མི་ཡིན་པ་ལས་ལྷ་མ་ཡིན་ནོ། །  
\v 10 ཁྱོད་ནི་མཚན་སྐྱི་མ་བཅད་པའི་མི་བཞིན་དུ་ཕྱི་ཕྱོགས་པའི་ལག་ཏུ་འཆི་བར་འགྱུར་ཏེ། གང་ལ་ཞེ་ན། འདི་ནི་ངས་སྔོན་ཆད་ནས་སྨྲས་པ་ཡིན་གསུངས་ཞེས་པའོ་ཞེས་གཙོ་བོ་ཡ་ཝཱེས་གསུངས་སོ། །  
\v 11 དཀོན་མཆོག་ཡ་ཝཱེའི་བཀའ་ནི་ཡང་བསྐྱར་ང་ལ་བྱུང་ནས་འདི་སྐད་དུ།  
\v 12 ཀྱེ་མིའི་བུ། ཁྱོད་ཀྱིས་ཐཱར་གྱི་རྒྱལ་པོའི་ཆེད་དུ་སྐྱོ་གླུ་ཞིག་རྩོམས་ཤིག་དང་། དེ་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཁྱོད་ནི་ཆ་ཡོངས་སུ་རྫོགས་པའི་མིག་དཔེ་ཡིན་ཞིང་། ཀུན་ནས་ཤེས་རབ་ལྡན་པ་དང་། ཁྱོན་ནས་ཡིད་དུ་འོང་བ་ཡིན།  
\v 13 སྔར་ཁྱོད་རང་དཀོན་མཆོག་གི་ཨེ་དེན་ལྡུམ་རར་ཡོད་དུས། པད་མ་རཱ་ག་དང་སྤྲིན་རྡོ། རྡོ་རྗེ་ཕ་ལམ། བཻཌཱུརྱ་ལྗང་སེར། གཟི། གཡང་ཊི་སྔོན་པོ། ཨིནྡྲ་ནཱི་ལ། གཡུ། མ་རྒད་བཅས་རིན་པོ་ཆེ་སྣ་ཚོགས་ནི་ཁྱོད་ཀྱི་གྱོན་གོས་ཡིན་ལ། རིན་པོ་ཆེ་དེ་དག་ནི་གསེར་གྱི་འབུར་ཀོང་ལ་བཏབ་པ་དང་། དེ་ཐམས་ཅད་ནི་ཁྱོད་རང་བཀོད་པའི་ཉིན་མོར་གྲ་སྒྲིག་ཚགས་སུ་ཆུད་པའོ། །  
\v 14 ཁྱོད་ནི་བཞུགས་ཁྲི་སྲུང་མཁན་དང་སྣུམ་གྱིས་བྱུགས་པའི་ཀེ་རུབ་ཡིན་ཞིང་། དཀོན་མཆོག་གི་རི་དམ་པར་ངས་ཁྱོད་བསྐོས་པས། ཁྱོད་ནི་འོད་ཟེར་མེ་བཞིན་འཕྲོ་བའི་རིན་པོ་ཆེའི་དབུས་སུ་སྐྱོད་པ་དང་།  
\v 15 ཁྱོད་རང་བཀོད་པའི་ཉིན་མོ་ནས་བཟུང་ཁྱོད་ཀྱི་ནང་དུ་སྡིག་པ་མ་བྱུང་བར་དུ། ཁྱོད་ཀྱི་སྤྱོད་པ་ཐམས་ཅད་ལ་སྐྱོན་བརྗོད་རྒྱུ་ཅི་ཡང་མེད་དེ།  
\v 16 ཁྱོད་ཀྱི་ཚོང་དར་ཞིང་རྒྱས་པའི་རྐྱེན་གྱིས་ཁྱོད་ཀྱི་ནང་དུ་དོན་གདུག་རྩུབ་ཅན་གྱིས་བཀང་སྟེ། ཁྱོད་ཀྱིས་ཀྱང་སྡིག་པ་བྱས་པས། ངས་ཀྱང་ཁྱོད་ནི་མི་གཙང་བའི་རྫས་སུ་བརྩིས་ནས་དཀོན་མཆོག་གི་རི་བོ་ནས་དོར་བ་ཡིན། ཀྱེ་བཞུགས་ཁྲི་སྲུང་མཁན་གྱི་ཀེ་རུབ་ལགས། ངས་ཁྱོད་ནི་འོད་ཟེར་མེ་བཞིན་འཕྲོ་བའི་རིན་པོ་ཆེའི་དབུས་ནས་མེད་པར་བྱའོ། །  
\v 17 ཁྱོད་ནི་རང་ཉིད་བྱད་གཟུགས་ལེགས་པས་ང་རྒྱལ་སྐྱེས་ཤིང་། ཡང་ཁྱོད་ཀྱི་མཛེས་སྡུག་གིས་ཁྱོད་ཀྱི་ཤེས་རབ་བརླགས་པས་ངས་ཁྱོད་ནི་ས་གཞི་རུ་དོར་ནས། རྒྱལ་པོ་རྣམས་ཀྱིས་མཐོང་བའི་ཆེད་དུ་དེ་དག་གི་མདུན་དུ་བཞག་པ་ཡིན།  
\v 18 ཁྱོད་ལ་སྡིག་ཉེས་མང་ཞིང་། ཚོང་དོན་ཕྱོགས་ཀྱི་སྡིག་པས་ཁྱོད་ཀྱི་གནས་དམ་པ་བཙོག་པར་བཟོས་པས། ངས་ཁྱོད་ཀྱི་དཀྱིལ་ནས་མེ་ཞིག་བཏོན་ཏེ། མེ་དེས་ཁྱོད་བསྲེག་པར་འགྱུར་ལ། ཁྱོད་ལ་ལྟད་མོ་ལྟ་མཁན་ཚང་མའི་མདུན་དུ་ངས་ཁྱོད་ས་སྟེང་གི་ཐལ་བ་རུ་བསྒྱུར་བར་བྱ།  
\v 19 མི་རིགས་སོ་སོ་ལས་ཁྱོད་ངོ་ཤེས་མཁན་རྣམས་ཁྱོད་ཀྱི་དབང་གིས་འཇིགས་ཤིང་སྐྲག་པ་དང་། ཁྱོད་ལ་འཇིགས་སུ་རུང་བའི་གནོད་འཚེ་ཐེབས་པར་འགྱུར་ལ། དེ་ནས་ཁྱོད་ནི་ནམ་ཡང་གནས་པར་མི་འགྱུར་གསུངས་ཞེས་པའོ་ཞེས་གསུངས་སོ། །   
\s1 ཚི་ཏུན་ལ་ལན་འཇལ་བ།  
\p
\v 20 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 21 ཀྱེ་མིའི་བུ། ཁྱོད་ཚི་ཏུན་གྱི་ཕྱོགས་སུ་འཁོར་ནས་དེ་ལ་རྒོལ་བའི་ལུང་སྟོན་ཅིག  
\v 22 ཁྱོད་ཀྱིས་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཀྱེ་ཚི་ཏུན། ལྟོས་དང་། ངས་ཁྱོད་ནི་དགྲ་རུ་འཛིན་ཞིང་། ཁྱོད་ཀྱི་ནང་ནས་ང་ལ་གཟི་བརྗིད་འཐོབ་པར་འགྱུར་ལ། ངས་དེའི་སྟེང་དུ་ཉེས་ཆད་གཅོད་ཅིང་། ང་རང་དམ་པ་ཡིན་པ་མངོན་པའི་ཚེ་མི་ཡིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 23 ངས་ཚི་ཏུན་གྱི་ནང་དུ་རིམས་ནད་གཏོང་སྟེ། དེའི་ལམ་སྲང་རྣམས་སུ་ཁྲག་བཞུར་བར་བྱའོ། །རལ་གྲིས་ཕྱོགས་ཀུན་ནས་དེ་ལ་རྒོལ་ཞིང་། གསོད་གཅོད་ཐེབས་པའི་མི་རྣམས་གྲོང་ཁྱེར་ནང་དུ་འགྱེལ་བར་བྱས་ན་མི་ཡིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 24 དེ་ནས་ཕྱོགས་བཞིའི་ཡེས་ར་ཨེལ་གྱི་ཁྱིམ་རྒྱུད་ལ་སྡང་བའི་མི་ཐམས་ཅད་ནི། ཁོ་ཚོའི་ཕྱོགས་སུ་མི་ལ་འཛེར་བའི་ཚེར་མ་དང་། མི་སྡུག་ལ་སྦྱོར་བའི་གཟེ་མ་ར་མགོ་མི་བྱའོ། །དེ་ནས་མི་ཡིས་བདག་ནི་གཙོ་བོ་ཡ་ཝཱེ་ཡིན་པ་རྟོགས་པར་འགྱུར་རོ། །   
\s1 ཡེས་ར་ཨེལ་ཡང་བསྐྱར་དར་བ།  
\p
\v 25 གཙོ་བོ་ཡ་ཝཱེས་འདི་སྐད་དུ། ངས་ཡེས་ར་ཨེལ་གྱི་ཁྱིམ་རྒྱུད་ནི་མི་རིགས་སོ་སོའི་ནང་སྟེ། དེ་རྣམས་གང་ས་གང་དུ་ཁ་ཐོར་དུ་སོང་བ་ལས་བསྡུ་བའི་ཚེ་ན། ངས་དེ་དག་གི་སྟེང་དུ་མི་ཀུན་གྱི་མིག་མདུན་དུ་རང་ཉིད་དམ་པ་རུ་མངོན་པར་འགྱུར་ལ། ཡེས་ར་ཨེལ་གྱི་ཁྱིམ་རྒྱུད་ནི་རང་གི་ཡུལ་ཏེ། ངས་རང་གི་བྲན་པོ་ཡ་ཀོབ་ལ་གནང་བའི་ཡུལ་དུ་གནས་པར་འགྱུར།  
\v 26 ངས་དེ་དག་ལ་སྡང་བའི་ཕྱོགས་བཞིའི་མི་ཀུན་ལ་ཉེས་ཆད་བཅད་རྗེས་དེ་དག་བདེ་བར་གནས་ཤིང་། ཁྱིམ་གཞི་དང་རྒུན་འབྲུམ་ར་བ་བཙུགས་ནས། དེ་དག་བདེ་བར་གནས་པ་དང་། དེ་ནས་ཁོ་རྣམས་ཀྱིས་བདག་ནི་ཡ་ཝཱེ་སྟེ་ཁོ་ཚོའི་དཀོན་མཆོག་ཡིན་པ་རྟོགས་པར་འགྱུར་གསུངས་ཞེས་པའོ་ཞེས་གསུངས་སོ། །   
\c 29
\cl ལེའུ་ཉེར་དགུ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཨེ་ཅིབ་ཀྱི་ཡུལ་པཱ་པེལ་ལོན་གྱི་རྒྱལ་པོར་གནང་བ།  
\p
\v 1 དེ་ཡང་ལོ་བཅུ་པའི་ཟླ་བཅུ་པ་ཡི་ཚེས་བཅུ་གཉིས་ཉིན་ལ། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཨེ་ཅིབ་ཀྱི་རྒྱལ་པོ་ཕཱར་ཨོལ་ཕྱོགས་སུ་འཁོར་ནས་དེ་དང་ཨེ་ཅིབ་ཡོངས་ལ་རྒོལ་བའི་ལུང་སྟོན་ཅིག  
\v 3 ཁྱོད་ཀྱིས་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཀྱེ་ཨེ་ཅིབ་ཀྱི་རྒྱལ་པོ་ཕཱར་ཨོལ། ལྟོས་དང་། ངས་ཁྱོད་ནི་དགྲ་རུ་འཛིན་ཏེ། རང་གི་གཙང་པོ་རྣམས་ཀྱི་ནང་དུ་ཉལ་བའི་ཆུ་སྲིན་ཆེན་པོ་ཁྱོད་ན་རེ། གཙང་པོ་འདི་ནི་ངའི་ཡིན་ཞིང་ང་རང་གིས་བཀོད་དོ་ཞེས་སྨྲས།  
\v 4 ཡིན་ནའང་ཡ་ཝཱེས་ཁྱོད་ཀྱི་འགྲམ་པ་གཉིས་ལ་ལྕགས་ཀྱུ་བརྒྱབ་སྟེ། ཁྱོད་ཀྱི་གཙང་པོ་རྣམས་ཀྱི་ཉ་ཐམས་ཅད་ཁྱོད་ཀྱི་ཉ་ཁྲབ་ལ་འབྱར་དུ་འཇུག་ཅིང་། ངས་ཁྱོད་དང་ཁྱོད་ཀྱི་ཉ་ཁྲབ་ལ་འབྱར་བའི་ཉ་ཐམས་ཅད་ཁྱོད་ཀྱི་གཙང་པོ་ལས་ཡར་འབྱིན་པར་བྱའོ། །  
\v 5 ངས་ཁྱོད་ནི་རང་གི་གཙང་པོ་རྣམས་ཀྱི་ཉ་རྣམས་དང་བཅས་དབེན་སྟོང་དུ་འདོར་བར་བྱ་སྟེ། ཁྱོད་ནི་ས་སྟོང་དུ་འགྱེལ་ཞིང་བསྡུ་མཁན་མེད་ལ་ས་འོག་ཏུ་འཇུག་མཁན་ཡང་མེད་དོ། །ངས་ཁྱོད་ནི་ས་ཡི་གཅན་གཟན་དང་ནམ་མཁའི་བྱ་ཡི་ཁ་ཟས་སུ་སྤྲད་ཟིན།  
\v 6 དེ་ནས་ཨེ་ཅིབ་ཀྱི་མི་ཐམས་ཅད་ཀྱིས་བདག་ནི་ཡ་ཝཱེ་ཡིན་པ་རྟོགས་པར་འགྱུར། གང་ལ་ཞེ་ན། ཁྱོད་ནི་ཡེས་ར་ཨེལ་ཁྱིམ་རྒྱུད་ཀྱི་འདམ་རྩྭའི་འཁར་བ་རུ་གྱུར་པས་སོ། །  
\v 7 དེ་དག་གིས་ལག་པས་ཁྱོད་འཛིན་དུས་ཁྱོད་ནི་ཆག་ནས་གས་ཏེ་ཁོ་ཚོའི་ཕྲག་པ་ཡོད་ཚད་རྨས་པ་དང་། ཁོ་ཚོ་ཁྱོད་ལ་བརྟེན་དུས་ཁྱོད་ནི་ཆག་སྟེ་ཁོ་ཚོའི་རྐེད་ཚིགས་ཡོངས་རྫོགས་འཁྲོག་ཏུ་བཅུག་པས།  
\v 8 གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་རལ་གྲིར་ཁྱོད་ལ་རྒོལ་བར་བྱ་སྟེ། མི་ཕྱུགས་ཐམས་ཅད་ཁྱོད་ཀྱི་ནང་ནས་ཚར་གཅོད་ཅིང་།  
\v 9 ཨེ་ཅིབ་ཡུལ་ནི་སྟོངས་ཤིང་འདོར་བར་འགྱུར་ལ། དེ་ནས་མི་ཡིས་བདག་ནི་ཡ་ཝཱེ་ཡིན་པ་རྟོགས་པར་འགྱུར། གང་ལ་ཞེ་ན། སྔར་ཕཱར་ཨོལ་ན་རེ། གཙང་པོ་འདི་ནི་ངའི་ཡིན་ཞིང་ང་རང་གིས་བཀོད་དོ་ཞེས་སྨྲས་པས་ན།  
\v 10 ལྟོས་དང་། ངས་ཁྱོད་དང་ཁྱོད་ཀྱི་གཙང་པོ་རྣམས་དགྲ་རུ་འཛིན་ཞིང་། ཨེ་ཅིབ་ཀྱི་ཡུལ་ནི་མིག་དོལ་ནས་བཟུང་སྟེ། སེ་ནེ་དང་གུ་ཤའི་ས་མཚམས་ཀྱི་བར་དུ། ཡོངས་སུ་སྟོངས་ཤིང་འདོར་བར་འགྱུར་རོ། །  
\v 11 མི་ཡི་རྐང་པ་དེར་མི་རྒྱུ་ཞིང་། ཕྱུགས་ཀྱི་རྐང་པ་ཡང་དེར་མི་རྒྱུ་བར། མི་ལོ་བཞི་བཅུའི་རིང་ལ་མི་ནི་དེ་རུ་གནས་པར་མི་འགྱུར་རོ། །  
\v 12 ངས་ཨེ་ཅིབ་ཡུལ་ནི་ས་སྟོང་ནང་གི་ས་སྟོང་དུ་འགྱུར་བར་བྱས་ནས། མི་ལོ་བཞི་བཅུའི་རིང་ལ་དེའི་གྲོང་ཁྱེར་རྣམས་ནི་ཉེ་འཁོར་གྱི་གྲོང་ཁྱེར་ཞིག་རལ་ཅན་ནང་གི་ཞིག་རལ་དུ་འགྱུར་ལ། ངས་ཨེ་ཅིབ་པ་རྣམས་མི་རིགས་སོ་སོའི་ནང་དུ་གཏོར་ཞིང་། ཡུལ་སོ་སོ་རུ་གཏོར་བར་བྱའོ། །  
\v 13 གཙོ་བོ་ཡ་ཝཱེས་འདི་སྐད་དུ། ལོ་བཞི་བཅུ་འགོར་རྗེས། ཁ་ཐོར་དུ་ཕྱིན་པའི་ཨེ་ཅིབ་པ་རྣམས་ནི་ངས་མི་རིགས་སོ་སོའི་ནང་ནས་བསྡུ་བར་འགྱུར་ཞིང་།  
\v 14 ངས་བཙོན་དུ་ཁྲིད་པའི་ཨེ་ཅིབ་པ་རྣམས་ཕྱིར་ལོག་ཏུ་བཅུག་ནས་དེ་དག་རང་གི་ཕ་ཡུལ་ཕཱད་རུའུ་སི་བྱ་བ་ལ་ལོག་པར་འགྱུར་ཏེ། གནས་དེར་དེ་ནི་རྒྱལ་ཁམས་དམའ་མོ་ཞིག་ཏུ་འགྱུར་རོ། །  
\v 15 རྒྱལ་ཁམས་འདི་ནི་རྒྱལ་ཁམས་ཀུན་ལས་རབ་ཏུ་དམའ་བར་འགྱུར་ཞིང་། ཕྱིན་ཆད་རྒྱལ་ཁམས་གཞན་དག་གི་མགོ་རུ་འཆོར་མི་ནུས། གང་ལ་ཞེ་ན། དེས་སླར་ཡང་རྒྱལ་ཁམས་རྣམས་ལ་སྲིད་མི་འཛིན་པའི་ཆེད་དུ་ངས་དེ་ཉམས་པར་བྱའོ། །  
\v 16 དེ་ནས་ཨེ་ཅིབ་ནི་ཡེས་ར་ཨེལ་གྱི་རྒྱབ་རྟེན་དུ་མི་འགྱུར་ཞིང་། ཡེས་ར་ཨེལ་གྱི་ཁྱིམ་རྒྱུད་རྣམས་སོང་ནས་ཨེ་ཅིབ་པ་ལ་བརྟེན་པའི་ཚེ། དེ་དག་གིས་རང་གི་སྡིག་པ་དྲན་པར་འགྱུར་ལ། དེ་ནས་ཁོ་ཚོས་བདག་ནི་གཙོ་བོ་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་པའོ་ཞེས་གསུངས་སོ། །  
\v 17 ཡང་ལོ་ཉེར་བདུན་པའི་ཟླ་དང་པོའི་ཚེས་གཅིག་ཉིན་ལ། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 18 ཀྱེ་མིའི་བུ། པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་གྱིས་རང་གི་དམག་དཔུང་ལ་དཀའ་སྡུག་མང་པོ་མྱོང་དུ་བཅུག་ནས་ཐཱར་ལ་དམག་བརྒྱབ་སྟེ། ཐ་ན་མི་རེ་རེ་མགོ་ཡི་སྐྲ་ལྷུང་སྟེ་སྤྱི་ཐེར་དུ་གྱུར་པ་དང་ཕྲག་པའང་བཤུས་མོད། འོན་ཀྱང་ཁོ་དང་ཁོའི་དམག་དཔུང་གིས་ཐཱར་ལ་བརྒྱབ་སྟེ་མྱངས་པའི་དཀའ་སྡུག་ལ་དེ་རུ་རྔན་པ་ཅི་ཡང་མ་ཐོབ།  
\v 19 དེ་བས་གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཨེ་ཅིབ་ཀྱི་ཡུལ་དེ་པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་ལ་སྦྱིན་པར་བྱ་སྟེ། དེས་ཨེ་ཅིབ་ཡུལ་གྱི་རྒྱུ་ནོར་དག་ཁྱེར་ནས་དེའི་ནང་གི་འབྱོར་བ་རྣམས་བཅོམ་ནོར་དུ་འཕྲོག་ཅིང་། དངོས་ཟོག་རྣམས་བཅོམ་ནས་ཁོའི་དམག་དཔུང་གི་གླ་ཆ་རུ་བྱའོ། །  
\v 20 བདག་གིས་ཨེ་ཅིབ་ཡུལ་ནི་དེ་ལ་དཀའ་སྡུག་མྱངས་པའི་རྔན་པ་རུ་སྦྱིན་པ་ཡིན། གང་ལ་ཞེ་ན། དེ་དག་གིས་ངའི་ཆེད་དུ་ཞབས་ཞུ་བསྒྲུབས་པས་སོ་ཞེས་གཙོ་བོ་ཡ་ཝཱེས་གསུངས།  
\v 21 ཉིན་དེར་སླེབས་ཚེ། ངས་ཡེས་ར་ཨེལ་ཁྱིམ་རྒྱུད་ཀྱི་རྭ་ཅོ་ \f + \ft འདིར་རྭ་ཅོ་ཞེས་པ་ནི་སྟོབས་ཤུགས་ལ་འཇུག་ཅིང་། དཀོན་མཆོག་ཡ་ཝཱེས་ཡེས་ར་ཨེལ་ལ་སྟོབས་ཤུགས་འཛོམ་པར་བྱེད་པ་ལ་གོ་བ་ཡིན། \f*སྐྱེ་རུ་འཇུག་ཅིང་། ངས་དེ་དག་གི་དཀྱིལ་དུ་ཨེ་ཟེ་ཀི་ཨེལ་ཁྱོད་ལ་ཁ་གྲགས་སུ་བཅུག་ན། དེ་དག་གིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ། །   
\c 30
\cl ལེའུ་སུམ་ཅུ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཨེ་ཅིབ་དང་དེའི་མནའ་འབྲེལ་རྒྱལ་ཁམས་ལ་ཉེས་ཆད་གཅོད་པ།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ལུང་སྟོན་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཁྱོད་ཚོས་ངུ་འབོད་གྱིས་ཤིག ཉིན་མོ་དེ་ནི་སྐྱོ་བ་ལ།  
\v 3 གང་ལ་ཞེ་ན། ཉིན་དེ་ནི་སླེབས་ལ་ཉེ་སྟེ། དཀོན་མཆོག་ཡ་ཝཱེའི་ཉིན་མོ་སླེབས་ལ་ཉེ། དེ་ནི་སྤྲིན་ནག་འཐིབས་པའི་ཉིན་དང་རྒྱལ་ཁམས་ཀུན་ལ་ཉེས་ཆད་གཅོད་པའི་དུས་ཡིན་ནོ། །  
\v 4 ཉིན་དེར་ཨེ་ཅིབ་ཀྱི་སྟེང་དུ་རལ་གྲི་འབབ་ཅིང་། སྲོག་ཤོར་བའི་མི་རྣམས་ཨེ་ཅིབ་ཡུལ་དུ་འགྱེལ་བའི་ཚེ་ན། གུ་ཤ་རུ་སྡུག་བསྔལ་འབྱུང་ཞིང་། ཨེ་ཅིབ་ཀྱི་རྒྱུ་ནོར་རྣམས་འཕྲོག་པར་འགྱུར་ལ། དེའི་རྨང་གཞི་བཤིག་པར་འགྱུར།  
\v 5 གུ་ཤ་པ་དང་ཕུ༌ཏཱ་པ་དང་། ལུ༌ཏི་པ་དང་། ཕྱི་ཕྱོགས་པའི་མི་ཐམས་ཅད་དང་། ཁུབ་པ་དང་། ཨེ་ཅིབ་དང་ཁ་ཆད་བཞག་པའི་མི་ཐམས་ཅད་ཨེ་ཅིབ་པ་དང་མཉམ་དུ་རལ་གྲིའི་འོག་ཏུ་འགྱེལ་བར་འགྱུར།  
\v 6 དཀོན་མཆོག་ཡ་ཝཱེས་འདི་སྐད་དུ། ཨེ་ཅིབ་ལ་རྒྱབ་སྐྱོར་བྱེད་མཁན་རྣམས་འགྱེལ་བར་འགྱུར་ལ། ཨེ་ཅིབ་ཀྱིས་ངོམ་བཟོ་སྟོན་པའི་སྟོབས་ཤུགས་ཉམས་ཤིང་། མིག་དོལ་ནས་སེ་ནེའི་བར་དུ་དེ་དག་རལ་གྲིའི་འོག་ཏུ་འགྱེལ་བར་འགྱུར་ཞེས་གཙོ་བོ་ཡ་ཝཱེས་གསུངས་པའོ། །  
\v 7 ཨེ་ཅིབ་ནི་ས་སྟོང་ནང་གི་ས་སྟོང་དུ་འགྱུར་ཞིང་། དེའི་གྲོང་ཁྱེར་རྣམས་ནི་ཉེ་འཁོར་གྱི་གྲོང་ཁྱེར་ཞིག་རལ་ཅན་ནང་གི་ཞིག་རལ་དུ་འགྱུར།  
\v 8 ངས་ཨེ་ཅིབ་ཡུལ་དུ་མེ་སྦར་བའི་དུས་སུ། ཨེ་ཅིབ་ལ་རོགས་བྱེད་མཁན་ཐམས་ཅད་མེད་པར་འགྱུར་ཞིང་། དུས་དེར་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 9 ཉིན་དེ་ལ། ཕོ་ཉ་རྣམས་ངའི་མདུན་ནས་གྲུ་ལ་བསྡད་དེ་འགྲོ་ཞིང་། བློ་བདེ་བག་ཕེབས་ངང་སྡོད་པའི་གུ་ཤ་པ་རྣམས་སྐྲག་ཏུ་འཇུག་པ་དང་། ཨེ་ཅིབ་ལ་གནོད་འཚེ་ཐེབས་པའི་ཉིན་ལ་ཁོ་ཚོར་སྡུག་བསྔལ་འབྱུང་བ་ཡིན། ལྟོས་དང་། དོན་དེ་སླེབས་ཟིན།  
\v 10 གཙོ་བོ་ཡ་ཝཱེས་འདི་སྐད་དུ། ངས་པཱ་པེལ་ལོན་གྱི་རྒྱལ་པོ་ནེ་བོ་ཀད་ནེ་ཙར་གྱི་ལག་པ་བརྒྱུད་དེ་ཨེ་ཅིབ་ཀྱི་རྒྱུ་ནོར་རྣམས་མེད་པར་བྱེད་ཅིང་།  
\v 11 དེ་དང་དེའི་རྗེས་འབྲང་པ་སྟེ། རྒྱལ་ཁམས་ཀུན་ལས་ཆེས་ཧམ་ཤེད་ཅན་ཡིན་པ་རྣམས་ཡུལ་འདི་མེད་པར་བྱེད་དུ་འདྲེན་ཞིང་། དེ་ཚོས་རལ་གྲི་བཏོན་ནས་ཨེ་ཅིབ་ཡུལ་ལ་རྒོལ་བར་འགྱུར་ལ། གང་སར་སྲོག་བཅད་པའི་བེམ་པོ་ཡིས་ཁེངས་པར་འགྱུར།  
\v 12 ཡང་ངས་གཙང་པོ་རྣམས་སྐམ་དུ་བཅུག་སྟེ། ཡུལ་འདི་ངན་པར་བཙོང་ཞིང་། ངས་ཕྱི་ཕྱོགས་པའི་ལག་པ་བརྒྱུད་དེ་ཡུལ་འདི་དང་འདིའི་ནང་དུ་ཡོད་པ་ཐམས་ཅད་སྟོངས་སུ་འཇུག་གོ་ཞེས་ང་ཡ་ཝཱེས་སྨྲས་པའོ། །  
\v 13 གཙོ་བོ་ཡ་ཝཱེས་འདི་སྐད་དུ། ངས་སྐུ་འདྲ་རྣམས་མེད་པར་བྱེད་ཅིང་། སྙིང་པོ་མེད་པའི་ལྷ་སྐུ་རྣམས་ནོབ་ནས་མེད་པར་བྱ་སྟེ། ཨེ་ཅིབ་ཡུལ་ནས་ཕྱིན་ཆད་རྒྱལ་པོ་གཅིག་ཀྱང་མི་འབྱུང་ལ། ངས་ཨེ་ཅིབ་ཡུལ་ལ་འཇིགས་སྐྲག་འོང་བར་བྱའོ། །  
\v 14 ངས་ཕཱད་རུའུ་སི་སྟོངས་སུ་འཇུག་ཅིང་། ཚོ་ཨན་དུ་མེ་སྦར་ནས་ནོ་ཡུལ་ལ་ཉེས་ཆད་གཅོད་དོ། །  
\v 15 ཡང་ཨེ་ཅིབ་ཀྱི་བཙན་རྫོང་ཡིན་པའི་སིན་གྱི་སྟེང་དུ་ངས་རང་གི་ཁོང་ཁྲོ་ཆེན་པོ་དེ་ལྡུག་པར་མ་ཟད། ནོ་ཡུལ་གྱི་མི་རྣམས་ཚར་དུ་གཅོད་དགོས།  
\v 16 ངས་ཨེ་ཅིབ་ཡུལ་དུ་མེ་སྦར་ཞིང་། སིན་ལ་སྡུག་བསྔལ་ཆེན་པོ་འབྱུང་བར་འགྱུར་ལ། ནོ་ཡུལ་གཞན་གྱིས་གཏོར་ནས་ནོབ་ནི་ཉིན་གང་པོར་སྡུག་བསྔལ་གྱིས་མནར་བར་འགྱུར།  
\v 17 ཨོ་ནཱ་དང་ཕི་བེ་སེད་གཉིས་ཀྱི་གཞོན་ནུ་རྣམས་རལ་གྲིའི་འོག་ཏུ་འགྱེལ་ཞིང་། གྲོང་ཁྱེར་འདི་དག་གི་བུད་མེད་རྣམས་བཙོན་དུ་འཁྲིད་པར་འགྱུར།  
\v 18 ངས་ཐ་ཕན་ཧེ་སི་རུ་ཨེ་ཅིབ་ཡུལ་གྱི་གཉའ་ཤིང་རྣམས་གཅོག་པའི་དུས་སུ། ཉིན་དཀར་ནི་མུན་པ་རུ་འགྱུར་ཞིང་། ཨེ་ཅིབ་ཀྱིས་ངོམ་བཟོ་སྟོན་པའི་སྟོབས་ཤུགས་ནི་དེའི་ནང་དུ་ཉམས་པ་དང་། གྲོང་ཁྱེར་འདི་ལ་སྤྲིན་ནག་འཐིབས་ནས་གྲོང་ཁྱེར་ནང་གི་མི་རྣམས་བཙོན་དུ་འཁྲིད་པར་འགྱུར།  
\v 19 ངས་དེ་ལྟར་ཨེ་ཅིབ་ལ་ཉེས་ཆད་གཅོད་ཅིང་། ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་པའོ་ཞེས་གསུངས་སོ། །   
\s1 ཕཱར་ཨོལ་གྱི་དཔུང་པ་གཅོག་པ།  
\p
\v 20 དེ་ཡང་ལོ་བཅུ་གཅིག་པའི་ཟླ་དང་པོའི་ཚེས་བདུན་ཉིན་ལ། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 21 ཀྱེ་མིའི་བུ། ངས་ཨེ་ཅིབ་ཀྱི་རྒྱལ་པོ་ཕཱར་ཨོལ་གྱི་དཔུང་པ་བཅག་པ་ཡིན། ལྟོས་དང་། དེར་རལ་གྲི་འཛིན་པའི་སྟོབས་ཡོད་པའི་ཆེད་དུ། ཁོ་ལ་སྨན་བཅོས་བྱེད་མཁན་མེད་དེ། རྨ་རས་དཀྲི་མཁན་ཡང་མེད་དོ། །  
\v 22 དེ་བས་ན་གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཨེ་ཅིབ་ཀྱི་རྒྱལ་པོ་ཕཱར་ཨོལ་ནི་དགྲ་རུ་འཛིན་ཞིང་། ངས་དེའི་སྟོབས་ཤུགས་ལྡན་པའི་དཔུང་པ་དང་བཅག་པའི་དཔུང་པ་མཉམ་དུ་བཅད་ནས། རལ་གྲི་ནི་དེའི་ལག་ནས་སར་ལྷུང་བར་འགྱུར།  
\v 23 ངས་ཨེ་ཅིབ་པ་ནི་རྒྱལ་ཁམས་སོ་སོར་གཏོར་ཞིང་། ཡུལ་ཁམས་སོ་སོར་ཁ་ཐོར་དུ་འགྲོ་བར་བྱའོ། །  
\v 24 ངས་པཱ་པེལ་ལོན་གྱི་རྒྱལ་པོའི་དཔུང་པ་ལ་སྟོབས་བཅུག་ནས་ངའི་རལ་གྲི་ཁོའི་ལག་ཏུ་གཏོད་ཅིང་། ངས་ཕཱར་ཨོལ་གྱི་དཔུང་པ་བཅག་སྟེ་ཁོ་ནི་རྨས་ནས་འཆི་ལ་ཉེ་བའི་མི་བཞིན་དུ་པཱ་པེལ་ལོན་གྱི་རྒྱལ་པོའི་མདུན་དུ་འཁུན་པར་བྱའོ། །  
\v 25 ངས་པཱ་པེལ་ལོན་གྱི་རྒྱལ་པོའི་དཔུང་པར་སྟོབས་བཅུག་ནས། ཕཱར་ཨོལ་གྱི་དཔུང་པ་ནི་ཐུར་དུ་འཕྱང་བར་བྱ། ངས་རང་གི་རལ་གྲི་པཱ་པེལ་ལོན་གྱི་རྒྱལ་པོའི་ལག་ཏུ་གཏད་ནས། ཁོས་རལ་གྲི་བཟུང་སྟེ་ཨེ་ཅིབ་ལ་རྒོལ་བའི་དུས་སུ། དེ་དག་གིས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 26 ངས་ཨེ་ཅིབ་པ་ནི་རྒྱལ་ཁམས་སོ་སོར་གཏོར་ཞིང་། ཡུལ་ཁམས་སོ་སོར་ཁ་ཐོར་དུ་འགྲོ་རུ་བཅུག་ན། དེ་དག་གིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གསུངས་སོ། །   
\c 31
\cl ལེའུ་སོ་གཅིག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཤུག་ཤིང་ཆེན་པོའི་དཔེ།  
\p
\v 1 དེ་ཡང་ལོ་བཅུ་གཅིག་པའི་ཟླ་གསུམ་པའི་ཚེས་གཅིག་ཉིན་ལ། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཨེ་ཅིབ་ཀྱི་རྒྱལ་པོ་ཕཱར་ཨོལ་དང་དེའི་མི་རྣམས་ལ་འདི་ལྟར་སྨྲོས་ཤིག ཁྱོད་རླབས་ཆེན་ཡིན་པ་བརྗོད་ན། སུ་ཞིག་ཁྱོད་དང་འགྲན་ནུས་སམ།  
\v 3 ལྟོས་དང་། སྔར་ཨ་སུར་ནི་ལེ་པཱ་ནོན་གྱི་ཐང་ཤིང་ཡིན་ཏེ། ལྕུག་ཕྲན་མཛེས་ཤིང་ནགས་ཚལ་སྟུག་པ་དང་། ལྗོན་ཤིང་མཐོ་ལ་ཤིང་གི་རྩེ་མོ་ནི་ཤིན་ཏུ་སྟུག་པོའི་ཡལ་འདབ་སྟེང་དུ་ཡོད་པ་ཡིན།  
\v 4 ཆུ་རྣམས་ཀྱིས་དེ་སྐྱེ་རུ་བཅུག་སྟེ། གཡང་རོང་གིས་དེ་མཐོན་པོར་སྐྱེ་རུ་བཅུག་ཅིང་། གཙང་པོ་ནི་གཏིང་ཟབ་ས་ནས་བཞུར་འོངས་ནས་དེ་འཛུགས་སའི་ཡུལ་བསྐོར་བ་དང་། ཆུ་ཕྲན་རྣམས་ཀྱང་ཐང་གི་ལྗོན་ཤིང་ཀུན་གྱི་སར་བཞུར་བ་ཡིན།  
\v 5 དེ་བས། ཤིང་དེ་ནི་མཐོ་ཞིང་ཆེ་ལ། ཐང་གི་ལྗོན་ཤིང་རྣམས་ལས་ཀྱང་མཐོ་བའོ། །དེ་སྐྱེས་ནས་ཡལ་ག་རྒྱས་པའི་དུས་སུ། ཆུ་འཛོམས་པའི་རྐྱེན་གྱིས་ཡལ་གའི་ལྕུག་ཕྲན་རིང་དུ་སྐྱེ་བའོ། །  
\v 6 ནམ་མཁའི་བྱ་ཐམས་ཅད་ཀྱིས་ཡལ་གའི་སྟེང་དུ་ཚང་བཅོས་པ་དང་། ཐང་གི་རི་དྭགས་ཐམས་ཅད་ཀྱིས་ཡལ་གའི་འོག་ཏུ་ཕྲུ་གུ་བཙས་ནས། མི་རིགས་ཆེན་པོ་ཐམས་ཅད་དེའི་བསིལ་གྲིབ་འོག་ཏུ་སྡོད་པ་ཡིན།  
\v 7 ཤིང་དེའི་རྩ་བ་ནི་ཆུ་མང་བའི་གནས་སུ་ཟུག་པས་ན། ཤིང་དེ་མཐོ་ཞིང་ལྕུག་ཕྲན་རིང་བས་མཛེས་པར་མངོན་ནོ། །  
\v 8 དཀོན་མཆོག་གི་ལྡུམ་རའི་ནང་གི་ཐང་ཤིང་ཡང་དེ་དང་འགྲན་ཟླ་མེད་དེ། གསོམ་ཤིང་ཡང་དེའི་ཡལ་གར་མི་དོ་ལ། ཤིང་ཙི་ནཱར་ཡང་དེའི་ལྕུག་ཕྲན་ལ་མི་དོ། དཀོན་མཆོག་གི་ལྡུམ་རའི་ནང་གི་ལྗོན་ཤིང་གང་ལའང་དེ་ལྟ་བུའི་མཛེས་སྡུག་ནི་མེད།  
\v 9 ངས་དེ་ནི་ལྕུག་ཕྲན་མང་བའི་སྒོ་ནས་མཛེས་པར་བྱས་ཤིང་། ཐ་ན་དཀོན་མཆོག་གི་ལྡུམ་ར་སྟེ་ཨེ་དེན་ལྡུམ་རའི་ལྗོན་ཤིང་ཐམས་ཅད་ཀྱིས་ཀྱང་དེ་ལ་ཕྲག་དོག་བྱེད་དོ། །   
\s1 ང་རྒྱལ་གྱི་དབང་གིས་ཕམ་ནས་འཇིགས་པ།  
\p
\v 10 དེ་བས་གཙོ་བོ་ཡ་ཝཱེས་འདི་སྐད་དུ། ཤིང་དེ་ནི་མཐོ་ལ་ཤིང་གི་རྩེ་མོ་ཤིན་ཏུ་སྟུག་པོའི་ཡལ་འདབ་སྟེང་དུ་ཡོད་པའི་རྐྱེན་དང་། ཡང་མཐོ་ཞིང་ཆེ་བའི་དབང་གིས་དེར་ང་རྒྱལ་ཆེ་བས།  
\v 11 ངས་དེ་ནི་མི་རིགས་ཀུན་གྱི་འགོ་དཔོན་ལག་ཏུ་གཏད་ནས། དེས་དེ་ལ་ཁ་གཏད་འཇལ་ངེས་ཡིན་ཞིང་། དེའི་སྡིག་པའི་རྐྱེན་གྱིས་ངས་དེ་ཕྱི་རུ་བསྐྲད་དོ། །  
\v 12 ཕྱི་ཕྱོགས་པའི་ནང་གི་ཆེས་གདུག་རྩུབ་ཆེ་བའི་མི་རྣམས་ཀྱིས་དེ་བཅད་ནས་འདོར་བར་འགྱུར་ལ། དེའི་ཡལ་འདབ་ནི་རི་དང་ལུང་པ་ཐམས་ཅད་དུ་ལྷུང་ཞིང་། དེའི་ཡལ་ག་ཆག་ནས་ས་གཞིའི་གྲོག་ཤུར་ཀུན་གྱི་ནང་དུ་ལྷུང་བར་འགྱུར། ས་གཞིའི་མི་རིགས་ཐམས་ཅད་དེའི་བསིལ་གྲིབ་དང་བྲལ་ནས་དེ་སྤང་བར་འགྱུར།  
\v 13 ནམ་མཁའི་བྱ་ཐམས་ཅད་སར་འགྱེལ་བའི་ལྗོན་ཤིང་སྟེང་དུ་སྡོད་ཅིང་། ཐང་གི་རི་དྭགས་ཐམས་ཅད་དེའི་ལྕུག་ཕྲན་བར་དུ་གནས་པར་འགྱུར་རོ། །  
\v 14 དེ་ནི་ཕྱིན་ཆད་ཆུ་འགྲམ་གྱི་ལྗོན་ཤིང་ཐམས་ཅད་ལས་གང་གིས་ཀྱང་རང་ཉིད་མཐོ་བའི་རྐྱེན་གྱིས་རང་མཐོང་མི་བྱེད་པ་དང་། རང་གི་རྩེ་མོ་ཡལ་འདབ་ཤིན་ཏུ་སྟུག་པོའི་སྟེང་དུ་རྒྱས་པར་མི་བྱ་ཞིང་། ཆུ་ཡིས་བརླན་བསྐྱེད་པའི་ལྗོན་ཤིང་གང་ཡང་མགོ་འཕང་མི་མཐོ་བའི་ཆེད་དུའོ། །གང་ལ་ཞེ་ན། དེ་དག་ས་གཞིའི་མི་རྣམས་ལས་གཤིན་ཡུལ་དུ་ལྷུང་བ་དག་དང་མཉམ་དུ་འཆི་བ་དང་ས་གཞིའི་གཏིང་ཟབ་སར་གཏད་པའོ། །  
\v 15 གཙོ་བོ་ཡ་ཝཱེས་འདི་སྐད་དུ། དེ་གཤིན་ཡུལ་དུ་ལྷུང་བའི་ཉིན་མོར་ངས་དེའི་རྐྱེན་གྱིས་སྐྱོ་གདུང་གིས་རྒྱ་མཚོ་འགེབ་ཅིང་། གཙང་པོ་རྣམས་བཀག་ནས་ཆུ་ཆེན་པོའི་བཞུར་མཚམས་གཅོད་པ་དང་། ལེ་པཱ་ནོན་ལ་ངས་དེའི་དོན་དུ་སྡུག་བསྔལ་བྱེད་དུ་འཇུག་ཅིང་། ཐང་གི་ལྗོན་ཤིང་ཐམས་ཅད་ཀྱང་དེའི་རྐྱེན་གྱིས་སྐམ་པར་འགྱུར།  
\v 16 ངས་དེ་གཤིན་པོའི་གནས་སུ་གཡུགས་ནས། དེ་གཤིན་ཡུལ་དུ་ལྷུང་བའི་མི་རྣམས་དང་མཉམ་དུ་སྡོད་དུས་སུ། དེ་མར་ལྷུང་བའི་སྒྲ་ཡིས་ངས་མི་ཐམས་ཅད་འདར་དུ་བཅུག་ན། ཨེ་དེན་གྱི་ལྗོན་ཤིང་ཐམས་ཅད་དེ། ལེ་པཱ་ནོན་གྱི་ཆུ་ཡིས་བརླན་པར་བྱས་པའི་ཆེས་ལེགས་ཤིང་ཡིད་དུ་འོང་བའི་ལྗོན་ཤིང་ཐམས་ཅད་ལ་སའི་གཏིང་རིམ་དུ་སེམས་གསོ་འཐོབ་པར་འགྱུར།  
\v 17 ལྗོན་ཤིང་དེ་དག་ཀྱང་དེ་དང་མཉམ་དུ་གཤིན་ཡུལ་དུ་བབས་ནས་རལ་གྲིས་བཀུམ་པའི་མི་རྣམས་ཀྱི་རྩར་འགྲོ་ཞིང་། མི་དེ་རྣམས་ནི་དེའི་དཔུང་གྲོགས་ཡིན་ལ། སྔར་མི་རིགས་ཀུན་གྱི་ནང་དུ་དེའི་བསིལ་གྲིབ་འོག་ཏུ་བསྡད་པ་ཡིན།  
\v 18 ཁྱོད་ཀྱི་གཟི་དཔལ་དང་མཐོ་ཚད་ལ་ཨེ་དེན་གྱི་ལྗོན་ཤིང་ལས་གང་ཞིག་གིས་འགྲན་ནུས་སམ། ཡིན་ཡང་ཁྱོད་ནི་ཨེ་དེན་གྱི་ལྗོན་ཤིང་རྣམས་དང་མཉམ་དུ་ས་འོག་ཏུ་འབབ་པར་མ་ཟད། མཚན་སྐྱི་མ་བཅད་པ་རྣམས་ཀྱི་ཁྲོད་དུ་རལ་གྲིས་བཀུམ་པ་རྣམས་དང་མཉམ་དུ་ཁྱོད་ཉལ་བར་འགྱུར། ལྗོན་ཤིང་འདི་ནི་ཕཱར་ཨོལ་དང་ཁོའི་མི་རྣམས་ཡིན་ཞེས་གཙོ་བོ་ཡ་ཝཱེས་གསུངས་སོ། །   
\c 32
\cl ལེའུ་སོ་གཉིས་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཨེ་ཅིབ་ཀྱི་སྐྱོ་གླུ།  
\p
\v 1 ལོ་བཅུ་གཉིས་པའི་ཟླ་བཅུ་གཉིས་ཀྱི་ཚེས་གཅིག་ཉིན་ལ། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་ཨེ་ཅིབ་ཀྱི་རྒྱལ་པོ་ཕཱར་ཨོལ་གྱི་ཆེད་དུ་སྐྱོ་གླུ་ཞིག་རྩོམས་ཤིག དེ་ལ་འདི་ལྟར་སྨྲོས་ཤིག ཁྱོད་ནི་མི་རིགས་ཀུན་གྱི་ཁྲོད་ནས་སེང་གེ་དར་མ་དང་འདྲ་ཞིང་། རྒྱ་མཚོའི་ནང་གི་ཆུ་སྲིན་དང་མཚུངས་ཏེ། ཁྱོད་ནི་གཙང་པོའི་ནང་དུ་ཡར་ལྡིང་མར་ལྡིང་བྱས་ནས་རང་གི་སྡེར་མོས་ཆུ་དཀྲུགས་ཏེ་གཙང་པོ་རྙོག་པ་ཡིན།  
\v 3 གཙོ་བོ་ཡ་ཝཱེས་འདི་སྐད་དུ། ངས་ཡུལ་ཁམས་ཀུན་གྱི་མི་རྣམས་བསྡུས་ཏེ། ངའི་དྲ་རྒྱ་ཁྱོད་ཀྱི་སྟེང་དུ་འཕངས་ནས། དེ་དག་གིས་ངའི་དྲ་རྒྱས་ཁྱོད་ནི་ཡར་འཐེན་པར་འགྱུར།  
\v 4 ངས་ཁྱོད་སྐམ་སར་གཡུགས་ཏེ་ས་སྟོང་དུ་འཕངས་ནས། ནམ་མཁའི་བྱ་ཐམས་ཅད་ཁྱོད་ཀྱི་སྟེང་དུ་གནས་པར་བྱ་ཞིང་། ས་གཞིའི་གཅན་གཟན་ཐམས་ཅད་ཀྱིས་ཁྱོད་ཟོས་ནས་འགྲང་བར་བྱའོ། །  
\v 5 ཡང་ངས་ཁྱོད་ཀྱི་ཤ་ནི་རི་མགོར་འཕངས་ནས། ཁྱོད་ཀྱི་མཐོ་ཞིང་ཆེ་བའི་བམ་རོ་ནི་ལུང་པ་རུ་འགེང་བར་བྱ་སྟེ།  
\v 6 ངས་ཁྱོད་ལས་བཞུར་བའི་ཁྲག་ནི་ས་གཞིར་བླུགས་ཏེ། རི་བོར་སླེབས་པར་བྱ་ཞིང་གྲོག་ཤུར་རྣམས་སུའང་ཁྱོད་ཀྱི་ཁྲག་གིས་ཁེངས་པར་འགྱུར།  
\v 7 ངས་ཁྱོད་མེད་པར་བྱེད་དུས་ནམ་མཁའ་བསྒྲིབ་ཅིང་། ནམ་མཁའི་སྐར་མ་རྣམས་ཀྱང་མུན་པར་བྱ་སྟེ། ཉི་མ་སྤྲིན་གྱིས་བསྒྲིབས་ནས་ཟླ་བས་ཀྱང་འོད་མི་སྣང་ངོ་། །  
\v 8 ངས་ནམ་མཁའི་འོད་ཀྱི་ཕུང་བོ་རྣམས་ཁྱོད་ཀྱི་སྟེང་དུ་མུན་པར་མཛད་ནས། ཁྱོད་ཀྱི་ཡུལ་ཁམས་ནི་མུན་པས་བསྒྲིབ་པར་འགྱུར་ཞེས་གཙོ་བོ་ཡ་ཝཱེས་གསུངས་སོ། །  
\v 9 ངས་ཁྱོད་ནི་མི་རྣམས་ཀྱི་ཁྲོད་ནས་མེད་པར་བཏང་བའི་གནས་ཚུལ་དེ། ཁྱོད་ལ་རྒྱུས་མི་མངའ་བའི་ཡུལ་རྣམས་སུ་བསྐྱལ་དུས། ངས་མི་རིགས་ཀུན་གྱི་སེམས་དཀྲུག་པར་འགྱུར།  
\v 10 ངས་དེ་དག་གི་མདུན་ནས་རང་གི་རལ་གྲི་ཁྱོད་ལ་གཡུག་དུས་སུ། དེ་དག་ཁྱོད་ཀྱི་དབང་གིས་སྐྲག་ཅིང་། དེ་དག་གི་རྒྱལ་པོ་རྣམས་ཀྱང་ཁྱོད་ཀྱི་དབང་གིས་རབ་ཏུ་དངངས་པར་འགྱུར། ཁྱོད་ཕམ་པའི་ཉིན་མོར་མི་རེ་རེ་རང་སྲོག་གི་ཆེད་དུ་རྟག་ཏུ་འདར་བར་འགྱུར་རོ། །  
\v 11 གཙོ་བོ་ཡ་ཝཱེས་འདི་སྐད་དུ། པཱ་པེལ་ལོན་གྱི་རྒྱལ་པོའི་རལ་གྲི་ཁྱོད་ཀྱི་སྟེང་དུ་འབབ་ངེས་ཤིང་།  
\v 12 ངས་དཔའ་བོ་རྣམས་ཀྱི་རལ་གྲི་ལ་བརྟེན་ནས་ཁྱོད་ཀྱི་མི་རྣམས་འགྱེལ་བར་བྱ་ཞིང་། དཔའ་བོ་འདི་རྣམས་ནི་མི་རིགས་ཀུན་ལས་ཧམ་ཤེད་ཆེས་ཆེ་བ་རྣམས་ཡིན་ལ། དེ་ཚོས་ཨེ་ཅིབ་ཀྱིས་ངོམ་བཟོ་སྟོན་པ་དེ་མེད་པར་བྱེད་ཅིང་། ཨེ་ཅིབ་ཀྱི་མི་ཐམས་ཅད་མེད་པར་འགྱུར་རོ། །  
\v 13 ཡང་ངས་ཆུ་རྣམས་ཀྱི་འགྲམ་དུ་ཨེ་ཅིབ་ཀྱི་ཕྱུགས་རྣམས་ཚར་གཅོད་ཅིང་། ཕྱིན་ཆད་མིའི་རྐང་པས་ཆུ་འདི་དག་རྙོག་པར་མི་འགྱུར་ལ། ཕྱུགས་ཀྱི་རྨིག་པས་ཀྱང་དེ་ལྟར་མི་བྱའོ། །  
\v 14 དུས་དེར་ངས་ཆུ་རྣམས་དྭངས་བར་བྱེད་ཅིང་། གཙང་པོའི་ཆུ་རྣམས་ནི་སྣུམ་བཞིན་དུ་དལ་གྱིས་བཞུར་བར་བྱའོ་ཞེས་གཙོ་བོ་ཡ་ཝཱེས་གསུངས་པའོ། །  
\v 15 ངས་ཨེ་ཅིབ་ཀྱི་ཡུལ་སྟོངས་སུ་བཅུག་སྟེ། ཡུལ་ཁམས་དེའི་ནང་ཡོད་པ་ཐམས་ཅད་བརླགས་ནས། དེའི་ནང་ཡོད་པའི་ཡུལ་མི་ཐམས་ཅད་ཚར་བཅད་ན། དུས་དེར་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་པའོ། །  
\v 16 འདི་ནི་མི་ཡིས་ཨེ་ཅིབ་ཀྱི་ཆེད་དུ་བླངས་པའི་སྐྱོ་གླུ་སྟེ། མི་རིགས་སོ་སོའི་བུད་མེད་དག་གིས་སྐྱོ་གླུ་འདི་ལེན་ཞིང་། དེ་རྣམས་ཀྱིས་ཨེ་ཅིབ་དང་དེའི་མི་རྣམས་ཀྱི་ཆེད་དུ་སྐྱོ་གླུ་འདི་ལེན་ནོ་ཞེས་གཙོ་བོ་ཡ་ཝཱེས་གསུངས་སོ། །  
\v 17 དེ་ཡང་ལོ་བཅུ་གཉིས་པའི་ཟླ་བཅུ་གཉིས་ཀྱི་ཚེས་བཅོ་ལྔའི་ཉིན་ལ། དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 18 ཀྱེ་མིའི་བུ། ཁྱོད་ཀྱིས་ཨེ་ཅིབ་ཀྱི་མི་རྣམས་ཀྱི་ཆེད་དུ་ངུ་འབོད་གྱིས་ཤིག ཨེ་ཅིབ་དང་རྒྱལ་ཁབ་སྟོབས་དང་ལྡན་པའི་བུད་མེད་རྣམས་ནི་ས་དོང་དུ་འབབ་པའི་མི་རྣམས་དང་མཉམ་དུ་གཤིན་པོའི་ཡུལ་དུ་སྐྱོལ་ཅིག  
\v 19 ཁྱོད་ཀྱིས་ཨེ་ཅིབ་ལ་འདི་ལྟར། ཁྱོད་ནི་སུ་ལས་ཁྱད་དུ་འཕགས་པ་ཡིན་ནམ། ཁྱོད་རང་མར་སོང་སྟེ་མཚན་སྐྱི་མ་བཅད་པའི་མི་དེ་དག་དང་མཉམ་དུ་ཉལ་ནས་སྡོད་ཅིག་ཅེས་སྨྲོས་ཤིག  
\v 20 དེ་དག་ནི་རལ་གྲིས་བཀུམ་པའི་མི་རྣམས་ཀྱི་དབུས་སུ་འགྱེལ་བར་འགྱུར་ཞིང་། རལ་གྲི་བཏོན་པ་ན་ཨེ་ཅིབ་དང་དེའི་མི་རྣམས་ནི་མཉམ་དུ་མར་འཐེན་པར་འགྱུར།  
\v 21 དཔའ་བོ་ནང་གི་ཆེས་སྟོབས་དང་ལྡན་པ་དེས་གཤིན་ཡུལ་དུ་ཨེ་ཅིབ་དང་ཨེ་ཅིབ་ལ་རོགས་བྱེད་མཁན་རྣམས་གླེང་སྟེ་ན་རེ། དེ་དག་མར་འོངས་ཤིང་། དེ་དག་ནི་མཚན་སྐྱི་མ་བཅད་པའི་མི་སྟེ་རལ་གྲིས་བཀུམ་པའི་མི་རྣམས་དང་མཉམ་དུ་ཉལ་ལོ་ཞེས་ཟེར་རོ། །   
\s1 ལན་འཇལ་བའི་སྐོར།  
\p
\v 22 ཨ་སུར་དང་དེའི་དམག་དཔུང་ཐམས་ཅད་དེར་ཡོད་པ་དང་། དེའི་མཐའ་འཁོར་དུ་ཁོ་ཚོའི་དུར་ཁུང་རྣམས་འདུག་སྟེ། དེ་ཐམས་ཅད་ནི་སྲོག་ཤོར་བ་དང་རལ་གྲིའི་འོག་ཏུ་འགྱེལ་བའི་མི་ཡིན་ནོ། །  
\v 23 དེ་དག་གི་དུར་ཁུང་ནི་ཆེས་ཟབ་པའི་དོང་ནང་དུ་བཞག་ཡོད་པ་དང་། ཨ་སུར་གྱི་དམག་དཔུང་རྣམས་ནི་དེའི་དུར་ཁུང་གི་མཐའ་འཁོར་དུ་ཡོད་ལ། ཐམས་ཅད་སྲོག་ཤོར་བ་དང་རལ་གྲིའི་འོག་ཏུ་འགྱེལ་བའི་མི་ཡིན་ཏེ། སྔར་དེ་ཚོས་གསོན་པོའི་གནས་སུ་དངངས་སྐྲག་གིས་ཁྱབ་པར་བྱས་སོ། །  
\v 24 ཨེ་ལཱམ་ཡང་དེར་ཡོད་པ་དང་དེའི་མི་རྣམས་ཀྱང་དེའི་དུར་ཁུང་གི་མཐའ་འཁོར་དུ་ཡོད་དེ། ཐམས་ཅད་སྲོག་ཤོར་བ་དང་རལ་གྲིའི་འོག་ཏུ་འགྱེལ་བའི་མི་ཡིན་ནོ། །ཁོ་ཚོ་ནི་མཚན་སྐྱི་མ་བཅད་པར་གཤིན་ཡུལ་དུ་ལྷུང་བ་ཡིན་ལ། སྔར་ཁོ་ཚོས་གསོན་པོའི་གནས་སུ་དངངས་སྐྲག་གིས་ཁྱབ་པར་བྱས་ཏེ། ད་ལྟ་ཁོ་ཚོས་དོང་ནང་དུ་ལྷུང་བའི་མི་རྣམས་དང་ལྷན་ཅིག་རང་གི་ངོ་ཚ་ཁུར་བ་ཡིན།  
\v 25 བསད་པའི་མི་རྣམས་ཀྱི་ཁྲོད་དུ་དེ་དང་དེའི་མི་ཀུན་གྱི་ཆེད་དུ་མལ་ཁྲི་བཙུགས་ཡོད་དེ། ཁོ་ཚོའི་དུར་ཁུང་ནི་དེའི་མཐའ་འཁོར་དུ་ཡོད་པ་དང་། ཁོ་ཚོ་ཚང་མ་མཚན་སྐྱི་མ་བཅད་པ་དང་རལ་གྲིས་བཀུམ་པའི་མི་ཡིན་ཏེ། སྔར་ཁོ་ཚོས་གསོན་པོའི་གནས་སུ་དངངས་སྐྲག་གིས་ཁྱབ་པར་བྱས་ཏེ། ད་ལྟ་ཁོ་ཚོས་དོང་ནང་དུ་ལྷུང་བའི་མི་རྣམས་དང་ལྷན་ཅིག་རང་གི་ངོ་ཚ་ཁུར་བ་དང་། ཨེ་ལཱམ་ནི་བསད་པའི་མི་རྣམས་ཁྲོད་དུ་བཞག་ཡོད་དོ། །   
\p
\v 26 མེ་ཤེག་དང་ཐུ་བཱལ་དང་དེའི་མི་ཀུན་ཡང་དེར་ཡོད་དེ། ཁོ་ཚོའི་དུར་ཁུང་ནི་མེ་ཤེག་དང་ཐུ་བཱལ་གྱི་མཐའ་འཁོར་དུ་ཡོད་པ་དང་། ཁོ་ཚོ་ཚང་མ་མཚན་སྐྱི་མ་བཅད་པ་དང་རལ་གྲིས་བཀུམ་པའི་མི་སྟེ། སྔར་ཁོ་ཚོས་གསོན་པོའི་གནས་སུ་དངངས་སྐྲག་གིས་ཁྱབ་པར་བྱས།  
\v 27 ཁོ་ཚོ་ཚང་མ་ནི་མཚན་སྐྱི་མ་བཅད་པར་བསད་པའི་དཔའ་བོ་རྣམས་དང་མཉམ་དུ་ཉལ་བ་མ་ཡིན་ནམ། དཔའ་བོ་འདི་དག་གིས་མཚོན་ཆ་བཟུང་ནས་གཤིན་ཡུལ་དུ་ལྷུང་སྟེ། རལ་གྲི་རང་གི་མགོ་ཡི་འོག་ཏུ་བཞག་ཡོད་དོ། །དེ་དག་གི་སྡིག་ཉེས་ནི་རང་གི་རུས་པའི་སྟེང་དུ་ཡོད་དེ། སྔར་ཁོ་ཚོས་གསོན་པོའི་གནས་སུ་དངངས་སྐྲག་གིས་ཁྱབ་པར་བྱས་སོ། །  
\v 28 ཀྱེ་ཕཱར་ཨོལ། ཁྱོད་ལ་མཚོན་ན། ཁྱོད་ནི་མཚན་སྐྱི་མ་བཅད་པའི་མི་ཡི་ཁྲོད་དུ་མེད་པར་འགྱུར་ཞིང་། རལ་གྲིས་བསད་པའི་མི་དང་མཉམ་དུ་ཉལ་བར་འགྱུར།  
\v 29 ཨེ་དོམ་ཡང་དེར་ཡོད་དེ། ཨེ་དོམ་གྱི་རྒྱལ་པོ་རྣམས་དང་འགོ་དཔོན་ཐམས་ཅད་ལ་དཔའ་ངར་ལྡན་ཡང་། ད་དུང་རལ་གྲིས་བཀུམ་པའི་མི་རྣམས་ཀྱི་ཁོངས་སུ་བཞག་ཡོད་པ་དང་། དེ་དག་ནི་མཚན་སྐྱི་མ་བཅད་པར་དོང་དུ་ལྷུང་བའི་མི་དང་མཉམ་དུ་ཉལ་བར་འགྱུར།   
\s1 བྱང་ཕྱོགས་ཀྱི་མི་རིགས་ཀུན་དང་ཚི་ཏུན་ལ་ལན་འཇལ་བ།  
\p
\v 30 གནས་དེར་བྱང་ཕྱོགས་ཀྱི་འགོ་དཔོན་རྣམས་དང་ཚི་ཏུན་པ་ཐམས་ཅད་ཀྱང་ཡོད་པ་དང་། དེ་ཐམས་ཅད་ནི་བསད་པའི་མི་དང་མཉམ་དུ་མར་ཕྱིན་པ་སྟེ། ཁོ་ཚོར་དཔའ་ངར་ལྡན་ཞིང་མི་ལ་འཇིགས་སྐུལ་ན་ཡང་། ད་དུང་ངོ་ཚ་ཐེབས་པ་དང་། ཁོ་ཚོས་མཚན་སྐྱི་མ་བཅད་པ་དང་། རལ་གྲིས་བཀུམ་པའི་མི་རྣམས་དང་མཉམ་དུ་ཉལ་ཞིང་། དོང་ནང་དུ་ལྷུང་བའི་མི་དང་ལྷན་ཅིག་རང་གི་ངོ་ཚ་ཁུར་བའོ། །  
\v 31 ཕཱར་ཨོལ་གྱིས་དེ་དག་མཐོང་སྟེ། ཕཱར་ཨོལ་རང་ཉིད་དང་ཁོའི་མི་རྣམས་ཏེ། རལ་གྲིས་བཀུམ་པའི་རང་གི་དཔུང་ཚོགས་ཀུན་གྱི་ཕྱིར་དུ་སེམས་གསོ་རྙེད་དོ་ཞེས་གཙོ་བོ་ཡ་ཝཱེས་གསུངས་སོ། །  
\v 32 ངས་ཕཱར་ཨོལ་ལ་གསོན་པོའི་གནས་སུ་དངངས་སྐྲག་གིས་ཁྱབ་པར་བྱས་ན་བྱེད་དུ་བཅུག་ཀྱང་། དེ་དང་དེའི་མི་རྣམས་ནི་མཚན་སྐྱི་མ་བཅད་པའི་མི་ཡི་ནང་དུ་རལ་གྲིས་བཀུམ་པའི་མི་དང་མཉམ་དུ་ཉལ་བར་འགྱུར་ཞེས་གཙོ་བོ་ཡ་ཝཱེས་གསུངས་སོ། །   
\c 33
\cl ལེའུ་སོ་གསུམ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 སོ་ལྟའི་འགན་ཁུར།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་རང་གི་རྒྱལ་ཁམས་ཀྱི་མི་རྣམས་ལ་འདི་ལྟར་སྨྲོས་ཤིག ངས་ཡུལ་ཞིག་ལ་རལ་གྲི་སླེབས་སུ་འཇུག་དུས། ཡུལ་མི་རྣམས་ཀྱིས་རང་གི་ནང་ནས་མི་ཞིག་བདམས་ཏེ་ཁོ་ཚོའི་སོ་ལྟ་རུ་བཞག་ནས།  
\v 3 མི་དེས་རང་གི་ཡུལ་དུ་རལ་གྲི་སླེབས་པ་མཐོང་ཚེ། དམག་དུང་བུས་ནས་མི་རྣམས་ལ་ཉེན་བརྡ་གཏོང་དགོས་ལ།  
\v 4 དམག་དུང་ཐོས་ཀྱང་ཉེན་བརྡར་མི་མཉན་པའི་མི་ལ། རལ་གྲི་སླེབས་ནས་ཁོ་མེད་པར་བཟོས་ཀྱང་ཁོའི་སྲོག་ཉེས་ནི་ཁོ་རང་གིས་འཁུར་དགོས་པ་ཡིན།  
\v 5 ཁོས་དམག་དུང་ཐོས་ཀྱང་ཉེན་བརྡར་མ་མཉན་པས། ཁོའི་སྲོག་ཉེས་ནི་ཁོ་རང་གིས་འཁུར་དགོས་པ་ཡིན། གལ་ཏེ་ཁོས་ཉེན་བརྡ་དེ་དང་དུ་བླངས་ན་རང་སྲོག་སྐྱོབ་ཐུབ་པར་འགྱུར་རོ། །  
\v 6 ཡིན་ན་ཡང་གལ་ཏེ་སོ་ལྟ་དེས་རལ་གྲི་སླེབས་པ་མཐོང་བཞིན་དུ་དམག་དུང་མ་བུས་པར། ཐ་ན་མི་རྣམས་ལ་ཉེན་བརྡ་ཡང་མ་བཏང་ན། རལ་གྲི་སླེབས་ཏེ་ཁོ་ཚོའི་ནང་གི་མི་གཅིག་མེད་པར་བཟོས་ན། མི་དེ་རང་གི་སྡིག་པའི་རྐྱེན་གྱིས་མེད་པར་བཟོས་ཀྱང་། དེ་ཤི་བའི་རྐྱེན་གྱིས་ངས་སོ་ལྟ་དེ་འདེད་པར་བྱའོ་ཞེས་པའོ། །  
\v 7 ཀྱེ་མིའི་བུ། ངས་ཁྱོད་ནི་ཡེས་ར་ཨེལ་ཁྱིམ་རྒྱུད་ཀྱི་བྱ་ར་རུ་བསྐོས་པས། ཁྱོད་ཀྱིས་ངའི་གསུང་ལ་མཉན་ཏེ། ངའི་ཚབ་ཏུ་དེ་རྣམས་ལ་ཐ་ཚིག་སྒྲོགས་ཤིག  
\v 8 གལ་ཏེ་ངས་མི་ངན་ལ་འདི་སྐད་དུ། ཀྱེ་མི་ངན་ཁྱོད་ནི་འཆི་ངེས་ཡིན་ཞེས་སྨྲས་པའི་ཚེ། ཨེ་ཟེ་ཀི་ཨེལ་ཁྱོད་ཀྱིས་མི་དེ་རང་གི་སྤྱོད་ལམ་དང་འབྲལ་བར་ཉེན་བརྡ་མ་བཏང་ན། མི་ངན་དེ་རང་གི་སྡིག་པའི་རྐྱེན་གྱིས་འཆི་བར་འགྱུར་ན་ཡང་། དེ་ཤི་བའི་རྐྱེན་གྱིས་ངས་ཁྱོད་འདེད་པར་བྱའོ། །  
\v 9 གལ་ཏེ་ཁྱོད་ཀྱིས་མི་ངན་ལ་ཐ་ཚིག་བསྒྲགས་ཤིང་། མི་དེ་རང་གི་སྤྱོད་ལམ་ལས་འབྲལ་བར་བསྐུལ་ན་ཡང་། མི་དེ་ད་དུང་མི་འབྲལ་ན། མི་དེ་ནི་རང་གི་སྡིག་པའི་རྐྱེན་གྱིས་འཆི་བར་འགྱུར་མོད། ཁྱོད་ཀྱིས་རང་སྲོག་བསྐྱབས་པ་ཡིན།   
\s1 མིའི་བཟང་ངན་རང་ཉིད་ཀྱིས་འགན་འཁུར་དགོས་པ།  
\p
\v 10 ཀྱེ་མིའི་བུ། ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་ལ་འདི་ལྟར། ཁྱོད་ཚོ་ན་རེ། ངེད་ཅག་གི་ཉེས་སྐྱོན་དང་སྡིག་པ་ནི་ང་ཚོའི་སྟེང་དུ་ཡོད་པས། ངེད་རྣམས་དེའི་རྐྱེན་གྱིས་ཉམ་ཐག་ནས་འཆི་བར་འགྱུར་བ་ལས། གསོན་པར་ཅི་ལྟར་འགྱུར་རམ་ཟེར་ཞེས་སྨྲོས་ཤིག  
\v 11 ཁྱོད་ཀྱིས་ཁོ་ཚོར་འདི་ལྟར། གཙོ་བོ་ཡ་ཝཱེས་འདི་སྐད་དུ། མི་ངན་ནི་རང་གི་སྤྱོད་ལམ་དང་བྲལ་ནས་གསོན་པ་མ་གཏོགས་མི་ངན་འཆི་བར་ང་རང་མི་དགའོ་ཞེས་བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བས་ན། ཀྱེ་ཡེས་ར་ཨེལ་གྱི་ཁྱིམ་རྒྱུད། ཕྱིར་འཁོར་ཞིག རང་གི་སྤྱོད་ལམ་དང་འབྲལ་བར་གྱིས་ཤིག ཁྱོད་ཅག་འཆི་དགོས་དོན་ཅི་ཡོད་དམ་གསུངས་ཞེས་སྨྲོས་ཤིག  
\v 12 ཀྱེ་མིའི་བུ། ཁྱོད་ཀྱིས་རང་གི་མི་རིགས་ལ་འདི་ལྟར་སྨྲོས་ཤིག མི་དྲང་བདེན་ཅན་གྱི་དྲང་བདེན་གྱིས་ཁོས་སྡིག་པ་བྱེད་པའི་དུས་སུ་ཁོ་སྐྱོབ་མི་ནུས་ལ། མི་ངན་གྱི་ངན་པས་ཀྱང་ཁོས་རང་གི་ལས་ངན་པ་འདོར་བའི་དུས་སུ་ཁོ་རང་འགྱེལ་བར་མི་བྱ། མི་དྲང་བདེན་ཅན་གྱིས་སྡིག་པ་བྱེད་པའི་དུས་སུ་རང་གི་དྲང་བདེན་གྱིས་འཚོ་བར་མི་འགྱུར་ཞེས་པའོ། །  
\v 13 མི་དྲང་བདེན་ཅན་ལ་ངས་དེ་ངེས་པར་དུ་གསོན་པར་འགྱུར་ཞེས་སྨྲས་ཀྱང་། དེས་རང་གི་དྲང་བདེན་ལ་བློ་གཏད་དེ་ལས་ངན་པ་སྤྱད་ན། དེའི་དྲང་བདེན་ཡོད་ཚད་དྲན་པར་མི་འགྱུར་ལ། དེ་ནི་རང་གིས་སྤྱད་པའི་སྡིག་པའི་རྐྱེན་གྱིས་འཆི་བར་འགྱུར་རོ། །  
\v 14 ཡང་ངས་མི་ངན་ལ་ཁྱོད་ནི་འཆི་ངེས་ཡིན་ཞེས་སྨྲས་ཀྱང་། དེ་རང་གི་སྡིག་པ་དང་བྲལ་ནས་དྲང་གཞག་དང་དྲང་བདེན་གྱི་ལས་རྣམས་སྤྱད་དེ།  
\v 15 གཏའ་མར་བཞག་པ་ཕྱིར་སྤྲོད་པ་དང་། མི་ལས་ཕྲོགས་པའི་རྫས་རྣམས་འཇལ་བ་དང་། སྲོག་འཚོ་བར་བྱེད་པའི་བཀའ་རྒྱ་བརྩིས་ཏེ་ལས་ངན་པ་མ་སྤྱད་ན། དེ་གསོན་པ་ལས་འཆི་བར་མི་འགྱུར་ལ།  
\v 16 དེས་སྤྱད་པའི་སྡིག་པ་ཡོད་ཚད་ནི་དྲན་པར་མི་འགྱུར་ཞིང་། དེས་དྲང་གཞག་དང་དྲང་བདེན་གྱི་ལས་སྤྱད་པས་གསོན་ངེས་ཡིན།  
\v 17 ཡང་ཁྱོད་ཀྱི་མི་རྣམས་ན་རེ། གཙོ་བོས་མཛད་པ་དྲང་གཞག་མིན་ཟེར་མོད། དོན་དངོས་སུ་ཁོ་ཚོས་སྤྱད་པ་དྲང་གཞག་མིན་ནོ། །  
\v 18 མི་དྲང་བདེན་ཅན་ནི་རང་གི་དྲང་བདེན་དང་བྲལ་ནས་ལས་ངན་པ་སྤྱད་ན། མི་དེ་ནི་སྤྱོད་པ་ངན་པའི་རྐྱེན་གྱིས་འཆི་བར་འགྱུར།  
\v 19 ཡང་མི་ངན་རང་གི་གདུག་པ་དང་བྲལ་ནས། དྲང་གཞག་དང་དྲང་བདེན་གྱི་ལས་རྣམས་སྤྱད་ན། ཁོ་ནི་དེའི་རྐྱེན་གྱིས་གསོན་པར་འགྱུར་རོ། །  
\v 20 ཁྱོད་ཚོས་ད་དུང་གཙོ་བོས་མཛད་པ་དྲང་གཞག་མིན་ཟེར་རམ། ཀྱེ་ཡེས་ར་ཨེལ་གྱི་ཁྱིམ་རྒྱུད་རྣམས། ངས་ཁྱོད་ཚོ་མི་རེ་རེས་སྤྱད་པའི་ལས་བཞིན་དུ་ཁྱོད་ལ་ཁྲིམས་གཅོད་དོ་ཞེས་གསུངས་སོ། །   
\s1 ཡེ་རུ་སཱ་ལེམ་དགྲ་ལག་ཏུ་ཤོར་བའི་གནས་ཚུལ།  
\p
\v 21 ངེད་ཅག་བཙོན་དུ་ཁྲིད་པའི་ལོ་བཅུ་གཉིས་པའི་ཟླ་བཅུ་པའི་ཚེས་ལྔ་ཉིན་ལ། མི་ཞིག་ཡེ་རུ་སཱ་ལེམ་ནས་ངའི་མདུན་དུ་བྲོས་འོངས་ནས་ན་རེ། གྲོང་ཁྱེར་དགྲ་ལག་ཏུ་ཤོར་སོང་ཞེས་སྨྲས་བྱུང་།  
\v 22 མི་དེ་མ་སླེབས་སྔོན་གྱི་མཚན་མོ་དཀོན་མཆོག་ཡ་ཝཱེའི་ཕྱག་ནི་ངའི་སྟེང་དུ་བཞག་སྟེ། ངའི་ངག་སྒོ་ཕྱེས་པ་དང་། ཞོགས་པ་སླེབས་ནས་མི་དེ་ངའི་མདུན་དུ་འོངས་པ་ན། ང་རང་ཁ་གྲགས་ཐུབ་པར་གྱུར་ནས་ལྐུགས་པར་མ་ལུས་སོ། །  
\v 23 དེ་ནས་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 24 ཀྱེ་མིའི་བུ། ཡེས་ར་ཨེལ་ཡུལ་གྱི་གྱང་རོ་ཡི་ནང་དུ་སྡོད་པའི་མི་དེ་རྣམས་ཀྱིས་རྒྱུན་དུ་ན་རེ། ཨབ་ར་ཧམ་གཅིག་པོར་ཡུལ་འདི་ས་སྐལ་དུ་ཐོབ་པ་ཡིན་ན། ངེད་རྣམས་མི་གྲངས་མང་བས་ཡུལ་འདི་རང་ཅག་ལ་ས་སྐལ་དུ་འཐོབ་པར་གདོན་མི་ཟ་ཞེས་ཟེར་བས།  
\v 25 ཁྱོད་ཀྱིས་མི་དེ་དག་ལ་འདི་ལྟར། གཙོ་བོ་ཡ་ཝཱེས་འདི་སྐད་དུ། ཁྱོད་ཚོས་ཁྲག་ཡོད་པའི་ཤ་ཟ་ཞིང་། ཡར་རང་གི་སྐུ་འདྲ་རྣམས་ལ་བལྟ་བ་དང་། ཡང་མི་ལ་ཁྲག་བཞུར་དུ་བཅུག་པས། ཁྱོད་རྣམས་ལ་ད་དུང་ཡུལ་འདི་ས་སྐལ་དུ་འཐོབ་འོས་སམ།  
\v 26 ཁྱོད་ཚོས་རང་གི་རལ་གྲིར་བརྟེན་ནས་ཞེན་ལོག་གི་ལས་སྤྱད་དེ། མི་རེ་རེས་ཁྱིམ་མཚེས་ཀྱི་ཆུང་མ་བཙོག་པར་བྱས་པས། ཁྱོད་ཚོར་ད་དུང་ཡུལ་འདི་ས་སྐལ་དུ་འཐོབ་འོས་སམ་གསུངས་ཞེས་སྨྲོས་ཤིག  
\v 27 ཁྱོད་ཀྱིས་དེ་དག་ལ་འདི་ལྟར། གཙོ་བོ་ཡ་ཝཱེས་འདི་སྐད་དུ། གྱང་རོའི་ནང་དུ་ཡོད་པ་དག་རལ་གྲིའི་འོག་ཏུ་འགྱེལ་བར་འགྱུར། ཐང་དུ་ཡོད་པ་དག་ངས་གཅན་གཟན་ལ་གཏད་དེ་བཟའ་བར་འགྱུར། བཙན་རྫོང་དང་བྲག་ཕུག་ནང་དུ་ཡོད་པ་དག་རིམས་ནད་ཀྱིས་འཆི་བར་འགྱུར་ཞེས་བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་ཡིན།  
\v 28 ངས་ཡུལ་འདི་མི་མེད་ལུང་སྟོང་དུ་བྱ་སྟེ། དེའི་སྟོབས་ཤུགས་ཀྱི་དབང་གིས་ཡོད་པའི་ང་རྒྱལ་རྣམས་མེད་པར་འགྱུར་ཞིང་། ཡེས་ར་ཨེལ་གྱི་རི་རྣམས་སྟོངས་ཤིང་། དེར་རྒྱུ་ནས་འགྲོ་མཁན་སུ་ཡང་མེད་དོ། །  
\v 29 ངས་དེ་དག་གིས་བྱས་པའི་ཞེན་ལོག་གི་དོན་རྣམས་ཀྱི་རྐྱེན་གྱིས་ཡུལ་འདི་མི་མེད་ལུང་སྟོང་དུ་བྱས་ན། ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་སྨྲོས་ཤིག   
\s1 ལུང་སྟོན་པས་གཏམ་བཟང་བསྒྲགས་པའི་འབྲས་བུ།  
\p
\v 30 ཀྱེ་མིའི་བུ། ཁྱོད་ཀྱི་མི་རྣམས་ཀྱིས་མཁར་གྱི་འགྲམ་དང་རང་ཁྱིམ་གྱི་སྒོ་ཁར་ཁྱོད་རང་གླེང་སྟེ། སྤུན་ཟླས་སྤུན་ཟླར་ཕན་ཚུན་ན་རེ། ཤོག་དང་། དཀོན་མཆོག་ཡ་ཝཱེ་ལས་འབྱུང་བའི་གསུང་ལ་མཉན་པར་བྱའོ་ཟེར་ཞིང་།  
\v 31 དེ་དག་ངའི་མི་ཡིན་པ་བཞིན་དུ་ཚོ་དང་ཚོ་བྱས་ནས་ཁྱོད་ཀྱི་རྩར་འོངས་ཏེ་ཁྱོད་ཀྱི་མདུན་དུ་སྡོད་པ་ཡིན། དོན་དངོས་སུ་དེ་དག་གིས་ཁྱོད་ཀྱི་གཏམ་ལ་མཉན་ཡང་དེ་བཞིན་མི་བྱ་སྟེ། ཁོ་ཚོས་ཁ་ནས་གང་ཞིག་འདོད་པ་དེ་སྨྲ་ཞིང་། སེམས་ནི་ལྐོག་ནོར་གྱི་རྗེས་སུ་འབྲང་བའོ། །  
\v 32 ལྟོས་དང་། དེ་ཚོའི་མིག་ལམ་དུ་ཁྱོད་ནི་གླུ་སྙན་མོ་ཞིག་ལས་མ་འདས། གླུ་སྐད་སྙན་ཞིང་སྒྲ་སྙན་དཀྲོལ་བ་འཇེབས་པ་ཙམ་ཡིན་ཏེ། གང་ལ་ཞེ་ན། དེ་ཚོས་ཁྱོད་ཀྱི་གཏམ་ལ་མཉན་ཡང་དེ་བཞིན་དུ་མི་སྤྱོད་དོ། །  
\v 33 ལྟོས་དང་། དོན་འདི་འགྲུབ་པར་འགྱུར་ཞིང་། དུས་དེར་སླེབས་ཚེ་ཁོ་ཚོས་རང་གི་ཁྲོད་དུ་ལུང་སྟོན་པ་ཞིག་ཡོད་པ་རྟོགས་པར་འགྱུར་རོ་ཞེས་གསུངས་སོ། །   
\c 34
\cl ལེའུ་སོ་བཞི་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 འགན་ཤོར་བའི་རྫི་བོ་རྣམས་ལ་གཤེ་གཤེ་གཏོང་བ།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཡེས་ར་ཨེལ་གྱི་རྫི་བོ་རྣམས་ལ་རྒོལ་བའི་ལུང་སྟོན་ཅིག ཁྱོད་ཀྱིས་དེ་དག་ལ་འདི་ལྟར། གཙོ་བོ་ཡ་ཝཱེས་འདི་སྐད་དུ། ཡེས་ར་ཨེལ་གྱི་རྫི་བོ་རྣམས་ལ་ཆག་སྒོ་འབྱུང་། གང་ལ་ཞེ་ན། དེ་དག་གིས་རང་ཉིད་འཚོ་བ་ཁོ་ནར་འབད་དོ། །རྫི་བོས་ལུག་ཁྱུ་འཚོ་འོས་པ་མ་ཡིན་ནམ།  
\v 3 ཁྱོད་ཚོས་སྣུམ་དང་ཚིལ་ཟོས་ནས་ལུག་བལ་གྱོན་པ་དང་། ཤ་རྒྱགས་པའི་ལུག་བཤས་ཀྱང་ལུག་ཁྱུ་མི་འཚོའོ། །  
\v 4 ཤ་ཤེད་ཞན་པ་རྣམས་ལ་ཁྱོད་ཚོས་ཤེད་འཛོམ་དུ་མ་བཅུག་ལ། ནད་ཡོད་པ་རྣམས་ལ་ཁྱོད་ཚོས་སྨན་བཅོས་མ་བྱས། རྨས་པ་རྣམས་ཁྱོད་ཚོས་མ་དཀྲིས། ཕར་བསྐྲད་ནས་ཁ་ཐོར་དུ་ཕྱིན་པ་རྣམས་ཁྱོད་ཚོས་ཕྱིར་ཁྲིད་མ་འོངས་ལ། བོར་བ་རྣམས་ཁྱོད་ཚོས་མ་བཙལ་བའི་ཁར། ཁྱོད་ཚོས་ད་དུང་དེ་དག་ལ་བཙན་ཤུགས་བཀོལ་ནས་མངའ་འོག་ཏུ་བསྡུས་སོ། །  
\v 5 དེ་རྣམས་ལ་རྫི་བོ་མེད་པས་ཁ་ཐོར་དུ་སོང་སྟེ། ཐང་གི་གཅན་གཟན་རྣམས་ཀྱི་ཁ་ཟས་སུ་གྱུར་ཏོ། །  
\v 6 ངའི་ལུག་རྣམས་རི་བོ་རྣམས་དང་རི་སྒང་དག་ཏུ་ཕྱོགས་བཞིར་འཁྱམས་པ་དང་། དེ་དག་ས་གཞི་ཡོངས་སུ་ཁ་ཐོར་དུ་སོང་ན་ཡང་འཚོལ་མཁན་མེད་ལ་ལྟ་མཁན་ཡང་མེད་དོ། །  
\v 7 དེ་བས་ཁྱོད་རྫི་བོ་རྣམས་ཀྱིས་ཡ་ཝཱེའི་བཀའ་ལ་ཉོན་ཅིག  
\v 8 བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་སྟེ། ངའི་ལུག་ལ་རྫི་བོ་མེད་པས་བརྔོན་དངོས་སུ་གྱུར་ནས་ཐང་གི་གཅན་གཟན་རྣམས་ཀྱི་ཁ་ཟས་སུ་གྱུར་ཏོ། །ངའི་རྫི་བོ་རྣམས་ཀྱིས་ངའི་ལུག་རྣམས་མི་བཙལ་ཞིང་། ཁོ་ཚོས་རང་ཉིད་འཚོ་བར་འབད་པ་ལས་ངའི་ལུག་རྣམས་མི་འཚོའོ་ཞེས་གཙོ་བོ་ཡ་ཝཱེས་གསུངས།  
\v 9 དེའི་ཕྱིར་ཁྱོད་རྫི་བོ་རྣམས་ཀྱིས་དཀོན་མཆོག་ཡ་ཝཱེའི་བཀའ་ལ་ཉོན་ཅིག  
\v 10 གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་རྫི་བོ་རྣམས་དགྲ་རུ་འཛིན་ཏེ། ངས་དེ་ཚོའི་ལག་ནས་ངའི་ལུག་རྣམས་བླངས་ནས། དེ་དག་ལ་ཡང་བསྐྱར་ལུག་འཚོ་བར་མི་འཇུག་སྟེ། ཕྱིན་ཆད་རང་ཉིད་ཀྱང་འཚོ་བར་མི་འགྱུར་རོ། །གང་ལ་ཞེ་ན། དེ་དག་གི་ཁ་ཟས་སུ་མི་འགྱུར་བའི་ཆེད་དུ་ངས་རང་གི་ལུག་རྣམས་བསྐྱབས་ནས་དེ་དག་གི་ཁ་ནས་འཆོར་བར་འགྱུར་རོ། །   
\s1 ཡ་ཝཱེ་ཁོང་ཉིད་ཡེས་ར་ཨེལ་གྱི་རྫི་བོར་བྱེད་པ།  
\p
\v 11 གང་ལ་ཞེ་ན། གཙོ་བོ་ཡ་ཝཱེས་འདི་སྐད་དུ། ལྟོས་དང་། ང་རང་གིས་ངའི་ལུག་རྣམས་བཙལ་ནས་དེ་དག་རྙེད་པར་འགྱུར་རོ། །  
\v 12 ལུག་རྣམས་ཕྱོགས་བཞིར་ཐོར་བའི་དུས་སུ་རྫི་བོས་རང་གི་ལུག་རྣམས་ཇི་ལྟར་འཚོལ་བ་བཞིན་དུ། ངས་ཀྱང་དེ་ལྟར་རང་གི་ལུག་རྣམས་འཚོལ་བར་བྱའོ། །ལུག་འདི་རྣམས་ནི་སྤྲིན་ནག་འཐིབས་ཤིང་མུན་པའི་དུས་སུ་ཡུལ་སོ་སོར་ཁ་ཐོར་དུ་སོང་བ་དང་། ངས་ཡུལ་དེ་ནས་དེ་དག་སྐྱོབ་པར་འགྱུར་རོ། །  
\v 13 ངས་དེ་རྣམས་མི་རིགས་ཀུན་ལས་ཕྱི་རུ་ཁྲིད་འོངས་ནས། མི་ཀུན་ནས་བསྡུས་ཏེ་རང་ཡུལ་དུ་འཁྲིད་པར་འགྱུར་ཞིང་། ཡེས་ར་ཨེལ་གྱི་རི་རྣམས་དང་། གྲོག་ཤུར་གྱི་འགྲམ་དང་། ཡུལ་ཁམས་ནང་རོལ་གྱི་སྡོད་གནས་ཀུན་ཏུ་དེ་དག་འཚོ་བར་བྱའོ། །  
\v 14 ངས་དེ་དག་རྩྭ་ཆུ་འཛོམས་པའི་གནས་སུ་འཚོ་བ་དང་། ཡེས་ར་ཨེལ་གྱི་རི་སྒང་མཐོན་པོ་རྣམས་དེ་དག་འཚོ་སའི་གནས་སུ་འགྱུར་ཞིང་། གནས་དེ་རུ་དེ་རྣམས་རྩྭ་ས་བཟང་པོའི་སྟེང་དུ་ཉལ་ནས། ཡེས་ར་ཨེལ་གྱི་རི་རྣམས་ཀྱི་རྩྭ་ཁ་བཟང་སར་རྩྭ་བཟའ་བར་འགྱུར།  
\v 15 ངས་རང་གི་ལུག་རྣམས་འཚོས་ནས་ཉལ་དུ་འཇུག་གོ་ཞེས་གཙོ་བོ་ཡ་ཝཱེས་གསུངས།  
\v 16 བོར་བ་རྣམས་ངས་ཕྱིར་འཚོལ་ཞིང་། ཁ་ཐོར་དུ་སོང་བ་རྣམས་ངས་ཕྱིར་ཁྲིད་འོང་དགོས་ལ། རྨས་པ་རྣམས་ངས་དཀྲིས་ནས་ནད་ཡོད་པ་རྣམས་ལ་ངས་ཤེད་རྒྱས་པར་བྱའོ། །ཡིན་ཡང་ཚོན་པོ་དང་ཤ་ཤེད་ཅན་རྣམས་ངས་ཚར་དུ་གཅོད་ཅིང་། ངས་དྲང་གཞག་གིས་དེ་རྣམས་འཚོ་བར་བྱའོ། །  
\v 17 ཀྱེ་ངའི་ལུག་ཁྱུ། ཁྱོད་ཚོའི་སྐོར་ལ་གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ལུག་དང་ལུག་གི་བར་དང་། ལུག་ཐུག་དང་ར་ཐུག་གི་བར་ནས་ཁྲིམས་གཅོད་པར་བྱའོ། །  
\v 18 ཁྱོད་ཚོས་རྩྭ་ཁ་བཟང་ས་ནས་རྩྭ་ཟོས་ཀྱང་ད་དུང་ཡིད་མི་ཚིམ་པ་ཡིན་ནམ། ཁྱོད་ཚོས་ཇི་མི་སྙམ་པར་རྩྭ་ཟ་འཕྲོ་རྣམས་ལ་རྡོག་བརྫིས་བརྒྱབ་ནས། ཆུ་དྭངས་མོ་འཐུང་ན་ཡང་ཆུ་ལྷག་མ་རྣམས་རྐང་པས་རྙོག  
\v 19 ངའི་ལུག་ཁྱུས་ཁྱོད་ཚོས་བརྫིས་པ་དེ་བཟའ་དགོས་ཤིང་། རྐང་པས་རྙོག་པ་དེ་མི་འཐུང་ཀ་མེད་ཡིན་ཞེས་གསུངས་སོ། །  
\v 20 དེའི་ཕྱིར་གཙོ་བོ་ཡ་ཝཱེས་དེ་རྣམས་ལ་འདི་སྐད་དུ། ལྟོས་དང་། ངས་ལུག་རྒྱགས་པ་དང་ལུག་སྐམ་པོ་གཉིས་ཀྱི་བར་ནས་ཁྲིམས་གཅོད་པར་བྱ་སྟེ།  
\v 21 གང་ལ་ཞེ་ན། ཁྱོད་ཚོས་རང་གི་རྩིབ་ལོགས་དང་ཕྲག་པ་ཡིས་ལུག་སྐམ་པོ་ཐམས་ཅད་བཙིར་ནས། དེ་དག་ཕྱི་རུ་མ་བསྐྲད་བར་དུ་རང་གི་རྭ་ཅོས་དེ་རྣམས་ལ་བརྡུངས་པའོ། །  
\v 22 དེ་བས་ན་ངས་རང་གི་ལུག་རྣམས་བརྔོན་དངོས་སུ་མི་འགྱུར་བའི་ཆེད་དུ་དེ་རྣམས་སྐྱོབ་ཅིང་། ངས་ལུག་དང་ལུག་གི་བར་ནས་ཁྲིམས་གཅོད་པར་བྱའོ། །   
\s1 མཱ་ཤི་ཀའི་ལུང་བསྟན།  
\p
\v 23 ངས་རང་གི་གཡོག་པོ་དཱ་བིད་རྫི་བོར་བསྐོས་ནས། དེས་ལུག་ཁྱུ་ལ་ལྟ་སྐྱོང་བྱས་ནས་འཚོ་བར་འགྱུར་ལ། ལུག་ཁྱུ་འཚོས་ནས་དེ་དག་གི་རྫི་བོ་བྱེད་དོ། །  
\v 24 ཡ་ཝཱེ་བདག་ནི་ཁོ་ཚོའི་དཀོན་མཆོག་དང་། ངའི་གཡོག་པོ་དཱ་བིད་ནི་ཁོ་ཚོའི་དཀྱིལ་དུ་རྒྱལ་པོ་རུ་འགྱུར་རོ་ཞེས་ང་ཡ་ཝཱེས་སྨྲས་པ་ཡིན།  
\v 25 ཡང་ངས་དེ་དག་དང་ཞི་བདེའི་ཁ་ཆད་བཞག་སྟེ། ཡུལ་ཁམས་ནང་རོལ་གྱི་གཅན་གཟན་ངན་པ་རྣམས་མེད་པར་བཟོས་ནས། དེ་དག་དབེན་སྟོང་དུ་བདེ་བར་གནས་ཤིང་ནགས་ཚལ་དུ་ཉལ་བར་འགྱུར།  
\v 26 ངས་དེ་དག་དང་ངའི་རི་སྒང་གི་མཐའ་འཁོར་ལའང་བྱིན་རླབས་གནང་ནས་དུས་ལྟར་ཆར་འབབ་ཏུ་འཇུག་སྟེ། དེ་ནི་བདེ་བ་སྩོལ་བའི་ཆར་བ་ཡིན།  
\v 27 ཐང་གི་ལྗོན་ཤིང་ལ་འབྲས་བུ་ཐོགས་ཤིང་ས་ལའང་ཐོན་རྫས་ཡོད་པས། དེ་དག་རང་ཡུལ་དུ་བདེ་བར་གནས་ཤིང་། ཡང་ངས་དེ་དག་གི་གཉའ་ཤིང་བཅག་སྟེ་བྲན་དུ་བཀོལ་བའི་མི་རྣམས་ཀྱི་ལག་ནས་དེ་རྣམས་སྐྱོབ་དུས་སུ། ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 28 དེ་དག་ཡང་བསྐྱར་མི་རྣམས་ཀྱི་བརྔོན་བྱ་རུ་མི་འགྱུར་ལ། ས་གཞིའི་གཅན་གཟན་རྣམས་ཀྱིས་ཀྱང་དེ་མི་བཟའ་བར། དེ་དག་བདེ་བར་གནས་ཤིང་། ཁོ་ཚོར་འཇིགས་སྐུལ་མཁན་སུ་ཡང་མེད་དོ། །  
\v 29 འདེབས་འཛུགས་ཀྱིས་མིང་དུ་གྲགས་པའི་གནས་ཤིག་ངས་ཁོ་ཚོའི་ཆེད་དུ་དར་བར་བྱ་ཞིང་། མུ་གེས་ཡུལ་ཁམས་ནང་རོལ་དུ་དེ་དག་ཡང་བསྐྱར་མེད་པར་མི་བཟོ་ལ། ཕྱིན་ཆད་མི་རྣམས་ཀྱི་ངོ་ཚ་ཡང་འཁུར་བར་མི་འགྱུར།  
\v 30 དེའི་དུས་སུ་ཁོ་ཚོའི་དཀོན་མཆོག་ཡ་ཝཱེ་ང་རང་ཁོ་ཚོ་དང་མཉམ་དུ་གནས་པ་རྟོགས་ཤིང་། ཡེས་ར་ཨེལ་གྱི་ཁྱིམ་རྒྱུད་ནི་ངའི་མི་ཡིན་པའང་རྟོགས་པར་འགྱུར་རོ་ཞེས་གཙོ་བོ་ཡ་ཝཱེས་གསུངས། །  
\v 31 ཁྱོད་ཚོ་མི་རྣམས་ནི་ངའི་ལུག་ཁྱུ་སྟེ་ངའི་རྩྭ་ར་ནང་གི་ལུག་ཁྱུ་ཡིན་ལ། ང་ནི་ཁྱོད་ཅག་གི་དཀོན་མཆོག་ཡིན་གསུངས་ཞེས་པའོ་ཞེས་གཙོ་བོ་ཡ་ཝཱེས་གསུངས་སོ། །   
\c 35
\cl ལེའུ་སོ་ལྔ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 སེ་ཨིར་ལ་ཉེས་ཆད་ལྕི་མོ་འཕོག་པའི་ལུང་བསྟན།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་སེ་ཨིར་རི་བོའི་ཕྱོགས་སུ་འཁོར་ནས་དེ་ལ་རྒོལ་བའི་ལུང་སྟོན་ཅིག  
\v 3 ཁྱོད་ཀྱིས་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཀྱེ་སེ་ཨིར་རི་བོ། ལྟོས་དང་། ངས་ཁྱོད་ནི་དགྲ་རུ་འཛིན་ཏེ། ལག་པ་བརྐྱངས་ནས་ཁྱོད་ལ་རྒོལ་བར་འགྱུར་ཞིང་། ཁྱོད་ནི་མི་མེད་ལུང་སྟོང་དུ་ལུས་པར་བྱ།  
\v 4 ངས་ཁྱོད་ཀྱི་གྲོང་ཁྱེར་རྣམས་སྟོངས་སུ་བཅུག་ན་ཁྱོད་ནི་ས་སྟོང་དུ་ལུས་ཤིང་། དེའི་དུས་སུ་ཁྱོད་ཀྱིས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 5 གང་ལ་ཞེ་ན། ཁྱོད་ཀྱི་སེམས་སུ་ནམ་ཡང་ཞེ་སྡང་གིས་ཁེངས་པ་ཡིན་ཏེ། ཡེས་ར་ཨེལ་པ་རྣམས་ལ་གནོད་འཚེ་བྱུང་ཞིང་ཉེས་ཆད་ཕོག་ནས་མཐར་སོན་དུས་ཀྱང་། ཁྱོད་ཀྱིས་ད་དུང་དེ་དག་རལ་གྲིའི་འོག་ཏུ་གཏད་པ་ཡིན།  
\v 6 དེ་བས་ན་བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་སྟེ། ངས་ཁྱོད་ལ་ཁྲག་བཞུར་བའི་ལན་འཇལ་ཞིང་། ཁྲག་དེས་ཁྱོད་ཀྱི་རྗེས་ནས་འདེད་པར་འགྱུར། གང་ལ་ཞེ་ན། ཁྱོད་ཀྱིས་མི་ལ་ཁྲག་བཞུར་དུ་འཇུག་པར་མ་འཛེམས་པས། ཁྲག་གིས་ཁྱོད་འདེད་པར་འགྱུར་ཞེས་གཙོ་བོ་ཡ་ཝཱེས་གསུངས།  
\v 7 ངས་སེ་ཨིར་རི་བོ་ནི་ས་སྟོང་ལུང་སྟོང་དུ་འགྱུར་བར་བྱས་ཏེ། གནས་དེ་རྒྱུ་ནས་འགྲོ་འོང་བྱེད་མཁན་དག་ཚར་དུ་གཅོད་པར་བྱའོ། །  
\v 8 ཡང་ངས་སེ་ཨིར་རི་བོ་རྣམས་ཀྱི་སྟེང་དུ་བསད་པའི་མི་ཡིས་ཁེངས་པར་བྱ་སྟེ། ཁྱོད་ཀྱི་རི་སྒང་དང་ལུང་པ། གྲོག་ཤུར་བཅས་ཐམས་ཅད་ཀྱི་ནང་དུ་རལ་གྲིས་བསད་པ་རྣམས་འགྱེལ་བར་འགྱུར།  
\v 9 ངས་ཁྱོད་ནི་ནམ་ཡང་ས་སྟོང་དུ་ལུས་པར་བྱ་སྟེ། ཁྱོད་ཀྱི་གྲོང་ཁྱེར་རྣམས་སུ་འདུག་མཁན་གཅིག་ཀྱང་མེད་པར་གྱུར་ན། ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 10 གང་ལ་ཞེ་ན། ཡ་ཝཱེ་ད་དུང་དེར་བཞུགས་བཞིན་དུ་ཁྱོད་ན་རེ། མི་རིགས་འདི་གཉིས་པོ་དང་ཡུལ་ཁམས་འདི་གཉིས་པོ་ང་ལ་གཏོགས་ཤིང་། དེ་དག་ང་ལ་ས་སྐལ་དུ་འཐོབ་པར་འགྱུར་ཞེས་སྨྲས་པས་སོ། །  
\v 11 དེའི་ཕྱིར་བདག་གིས་རང་གི་ཚེ་སྲོག་དཔང་དུ་བཙུགས་ནས་མནའ་བསྐྱལ་བ་སྟེ། ཁྱོད་རང་ཞེ་འཁོན་གྱི་དབང་གིས་དེ་དག་ལ་ཁོང་ཁྲོ་ཆེན་པོ་ལངས་པ་དང་ཕྲག་དོག་བྱས་པ་བཞིན་དུ་ངས་ཁྱོད་ལ་ལན་འཇལ་ཞིང་། ངས་ཁྱོད་ལ་ཁྲིམས་གཅོད་པའི་དུས་སུ་དེ་དག་གི་ཁྲོད་དུ་རང་ཉིད་གསལ་པོར་མངོན་ནོ་ཞེས་གཙོ་བོ་ཡ་ཝཱེས་གསུངས།  
\v 12 དེ་ནས་ཁྱོད་ཀྱིས་ཡེས་ར་ཨེལ་གྱི་རི་རྣམས་ལ་རྒོལ་བའི་གཏམ་སྨྲས་ཏེ་ན་རེ། རི་འདི་རྣམས་ས་སྟོང་དུ་ལུས་ཤིང་ངེད་ཅག་གིས་མེད་པར་བཟོས་སོ་ཞེས་སྐུར་བ་བཏབ་པ་ཐམས་ཅད་ང་ཡ་ཝཱེས་ཐོས་ཟིན་པ་ཁྱོད་ཀྱིས་རྟོགས་པར་འགྱུར།  
\v 13 ཁྱོད་ཚོས་ཁ་ནས་སྒྲོ་འདོགས་ཀྱི་གཏམ་བརྗོད་དེ་ང་ལ་རྒོལ་ཞིང་། གཏམ་མང་པོས་ང་ལ་ངོ་རྒོལ་བྱེད་པ་ངས་ཐོས་བྱུང་།  
\v 14 གཙོ་བོ་ཡ་ཝཱེས་འདི་སྐད་དུ། ས་གཞི་ཐམས་ཅད་དགའ་མགུ་རངས་པའི་དུས་སུ་ངས་ཁྱོད་ནི་ས་སྟོང་དུ་ལུས་པར་བྱའོ། །  
\v 15 ཡེས་ར་ཨེལ་ཁྱིམ་རྒྱུད་ཀྱི་ས་སྐལ་ས་སྟོང་དུ་ལུས་པའི་རྐྱེན་གྱིས་ཁྱོད་ཅི་ལྟར་དགའ་བ་བཞིན་དུ། ངས་ཀྱང་ཁྱོད་ལ་དེ་ལྟར་ལན་འཇལ་བར་བྱའོ། །ཀྱེ་སེ་ཨིར་རི་བོ། ཁྱོད་དང་ཨེ་དོམ་གྱི་ཡུལ་ཐམས་ཅད་ས་སྟོང་དུ་ལུས་ན། ཁོ་ཚོས་བདག་ནི་དཀོན་མཆོག་ཡ་ཝཱེ་ཡིན་པ་རྟོགས་པར་འགྱུར་གསུངས་ཞེས་པའོ་ཞེས་གསུངས་སོ། །   
\c 36
\cl ལེའུ་སོ་དྲུག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 དགྲ་ཟླར་ལན་ལྕི་མོ་འཇལ་བ།  
\p
\v 1 ཀྱེ་མིའི་བུ། ཁྱོད་ཀྱིས་ཡེས་ར་ཨེལ་གྱི་རི་རྣམས་ལ་འདི་ལྟར་ལུང་སྟོན་ཅིག ཀྱེ་ཡེས་ར་ཨེལ་གྱི་རི་རྣམས། ཁྱོད་ཚོས་དཀོན་མཆོག་ཡ་ཝཱེའི་བཀའ་ལ་ཉོན་ཅིག  
\v 2 གཙོ་བོ་ཡ་ཝཱེས་འདི་སྐད་དུ། དགྲ་བོས་ཁྱོད་ལ་རྒོལ་ཞིང་འཕྱས་ཏེ་ན་རེ། ལོ་རྒྱུས་ཧ་ཅང་རིང་བའི་རི་སྒང་དེ་དག་ནི་ངེད་ཅག་ལ་ས་སྐལ་དུ་ཐོབ་པ་ཡིན་ཟེར་བས་ན།  
\v 3 ཁྱོད་ཀྱིས་འདི་ལྟར་ལུང་སྟོན་ཅིག གཙོ་བོ་ཡ་ཝཱེས་འདི་སྐད་དུ། ཁྱོད་ཅག་ནི་མི་རིགས་ཀུན་གྱི་ལྷག་ལུས་རྣམས་ལ་ས་སྐལ་དུ་དབང་ནས་མི་རྣམས་ཀྱི་གླེང་མོལ་དང་འཕྱ་དམོད་བྱེད་ཡུལ་དུ་འགྱུར་བའི་ཆེད་དུ། དགྲ་བོས་ཁྱོད་རྣམས་ས་སྟོང་དུ་ལུས་སུ་བཅུག་སྟེ་ཕྱོགས་བཞི་ནས་ཁྱོད་རྣམས་བརྫིས་པའོ། །  
\v 4 དེ་བས་ཡེས་ར་ཨེལ་གྱི་རི་རྣམས། ཁྱོད་རྣམས་ཀྱིས་གཙོ་བོ་ཡ་ཝཱེའི་བཀའ་ལ་ཉོན་ཅིག གཙོ་བོ་ཡ་ཝཱེས་འདི་སྐད་དུ། རི་བོ་དང་རི་སྒང་། གྲོག་ཤུར། ལུང་པ། ས་སྟོང་དུ་ལུས་པའི་ཞིག་རལ། དོར་བའི་གྲོང་ཁྱེར་བཅས་པ་སྟེ། མཐའ་འཁོར་གྱི་མི་རིགས་ཀུན་ནས་ལུས་པའི་མི་རྣམས་ཀྱིས་བཅོམ་ཞིང་འཕྱས་པ་དག་ལ་གསུངས་པ་སྟེ།  
\v 5 གཙོ་བོ་ཡ་ཝཱེས་འདི་སྐད་དུ། ངས་ཕྲག་དོག་གི་མེ་ལྕེའི་ཁྲོད་ནས་གཏམ་སྨྲས་ཏེ་མི་རིགས་ཀུན་ནས་ལུས་པའི་མི་རྣམས་དང་ཨེ་དོམ་པ་རྣམས་ལ་རྒོལ་བ་དང་། དེ་དག་གི་སེམས་ནི་ཡོངས་སུ་དགའ་ཞིང་སེམས་ལ་ཞེ་སྡང་གིས་ཁེངས་ནས། བཅོམ་ནོར་དུ་ལེན་པའི་ཆེད་དུ་ངའི་ས་ནི་རང་ཉིད་ལ་ས་སྐལ་དུ་བླངས་པའོ། །  
\v 6 དེའི་ཕྱིར་ཁྱོད་ཀྱིས་ཡེས་ར་ཨེལ་ལ་ལུང་སྟོན་ཅིག རི་བོ་དང་རི་སྒང་། གྲོག་ཤུར། ལུང་པ་བཅས་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཕྲག་དོག་དང་ཁོང་ཁྲོ་ཆེན་པོའི་ངང་ནས་སྨྲས་པ་ཡིན་ཏེ། གང་ལ་ཞེ་ན། ཁྱོད་ཚོས་མི་ཀུན་གྱི་ངོ་ཚ་ཁུར་བས་སོ། །  
\v 7 དེ་བས་གཙོ་བོ་ཡ་ཝཱེས་འདི་སྐད་དུ། ངས་རང་གི་ལག་པ་ཡར་བཀྱགས་ནས་མནའ་བསྐྱལ་བ་སྟེ། ཁྱོད་ཚོའི་མཐའ་འཁོར་གྱི་མི་རིགས་ཀུན་གྱིས་དངོས་སུ་རང་གི་ངོ་ཚ་འཁུར་བར་འགྱུར།  
\v 8 ཀྱེ་ཡེས་ར་ཨེལ་གྱི་རི་བོ་རྣམས། ཁྱོད་ཅག་ལ་ཡལ་ག་རྒྱས་ནས་བདག་གི་འབངས་མི་ཡེས་ར་ཨེལ་གྱི་དོན་དུ་འབྲས་བུ་ཐོགས་པར་འགྱུར་རོ། །གང་ལ་ཞེ་ན། དེ་དག་སླེབས་ལ་ཉེ་བས་སོ། །  
\v 9 ལྟོས་དང་། ང་ནི་ཁྱོད་ཅག་ལ་རོགས་རམ་བྱེད་མཁན་ཡིན་པས་ང་ཁྱོད་ཀྱི་ཕྱོགས་སུ་འཁོར་ངེས་ཤིང་། མི་ཡིས་ཁྱོད་ཀྱི་སྟེང་དུ་རྨོ་ཞིང་ས་བོན་འདེབས་པར་འགྱུར།  
\v 10 ངས་ཡེས་ར་ཨེལ་ཁྱིམ་རྒྱུད་ཡོངས་ཀྱི་མི་གྲངས་ཁྱོད་ཀྱི་སྟེང་དུ་འཕེལ་བར་བྱས་ནས། གྲོང་ཁྱེར་དུ་འདུག་མཁན་ཡོད་པ་དང་། ཞིག་རལ་རྣམས་ཡང་བསྐྱར་བརྩིག་པར་འགྱུར།  
\v 11 ངས་མི་ཕྱུགས་གཉིས་ཀ་ཁྱོད་ཀྱི་སྟེང་དུ་འཕེལ་བར་བྱས་ནས། དེ་དག་གི་རྒྱུད་འཕེལ་ཞིང་དར་བར་འགྱུར་ལ། ངས་ཁྱོད་ཅག་ནི་སྔར་བཞིན་འདུག་མཁན་ཡོད་པར་བྱ་སྟེ། ཁྱོད་ཅག་ལ་སྔར་ལས་ཀྱང་བྱིན་རླབས་འཐོབ་པར་འགྱུར། དེ་ནས་ཁྱོད་ཅག་གིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་རོ། །  
\v 12 ངས་མི་རྣམས་ཏེ་ངའི་འབངས་མི་ཡེས་ར་ཨེལ་པ་རྣམས་ཁྱོད་ཀྱི་སྟེང་དུ་རྒྱུ་བར་བྱ་ཞིང་། ཁྱོད་ནི་དེ་དག་ལ་ས་སྐལ་དུ་འཐོབ་ཅིང་། ཁྱོད་དེ་དག་གི་ནོར་སྐལ་དུ་གྱུར་ནས་ཕྱིན་ཆད་དེ་དག་གི་བུ་ཕྲུག་འཆོར་བར་མི་བྱའོ་ཞེས་གསུངས་སོ། །  
\v 13 ཡང་གཙོ་བོ་ཡ་ཝཱེས་འདི་སྐད་དུ། མི་ཡིས་ཁྱོད་ལ་ཁྱོད་ནི་མི་རྣམས་ཁྱུར་མིད་གཏོང་མཁན་དང་ཁྱོད་ཀྱི་མི་རྣམས་ལ་བུ་ཕྲུག་འཆོར་དུ་འཇུག་མཁན་ཡིན་ཞེས་ཟེར་བས།  
\v 14 ད་ནི་ཁྱོད་ཀྱིས་མི་རྣམས་ཁྱུར་མིད་མི་གཏོང་ལ། རང་གི་མི་རྣམས་ལ་བུ་ཕྲུག་འཆོར་དུ་ཡང་མི་འཇུག་གོ་ཞེས་གཙོ་བོ་ཡ་ཝཱེས་གསུངས།  
\v 15 རྗེས་སུ་ངས་ཁྱོད་ལ་མི་རིགས་ཀུན་གྱི་ངོ་ཚ་ཐོས་པར་མི་བྱ་སྟེ། མི་ཀུན་གྱི་ངན་སྨྲས་ཀྱང་ཁྱོད་ལ་མི་ཕོག ཁྱོད་ཀྱི་མི་རྣམས་ཡང་བསྐྱར་འགྱེལ་བར་ཡང་མི་བྱའོ་གསུངས་ཞེས་པའོ་ཞེས་གཙོ་བོ་ཡ་ཝཱེས་གསུངས་སོ། །   
\s1 སྡིག་པའི་ཉེས་ཆད།  
\p
\v 16 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 17 ཀྱེ་མིའི་བུ། ཡེས་ར་ཨེལ་གྱི་ཁྱིམ་རྒྱུད་རང་གི་ཡུལ་དུ་སྡོད་པའི་དུས་སུ། རང་གི་ལས་དང་སྤྱོད་པས་ཡུལ་དེ་བཙོག་པར་བཟོས་པ་དང་། དེ་དག་གི་ལས་དེ་ནི་ངའི་མདུན་དུ་ཟླ་མཚན་འབབ་བཞིན་པའི་བུད་མེད་དང་འདྲ་བར་མི་གཙང་བ་ཡིན་པས།  
\v 18 དེ་དག་གིས་ཡུལ་དེར་མི་ལ་ཁྲག་བཞུར་དུ་བཅུག་པ་དང་། དེ་དག་གིས་རང་གི་ཞེན་ཁ་ལོག་པའི་སྐུ་འདྲ་ཡིས་ཡུལ་དེ་བཙོག་པར་བཟོས་པས། ངས་རང་གི་ཁོང་ཁྲོ་ཆེན་པོ་ཁོ་ཚོའི་སྟེང་དུ་བླུགས་པ་ཡིན།  
\v 19 ངས་དེ་དག་མི་རིགས་ཀུན་གྱི་ནང་དུ་གཏོར་ཞིང་ཕྱོགས་བཞིའི་ཡུལ་སོ་སོར་ཐོར་བར་བྱས། ངས་དེ་དག་གི་ལས་དང་སྤྱོད་པ་བཞིན་དུ་ཁོ་ཚོར་ཁྲིམས་བཅད་དོ། །  
\v 20 དེ་དག་གང་ས་གང་གི་མི་རིགས་ཁྲོད་དུ་ཕྱིན་པའི་དུས་སུ། ངའི་མཚན་དམ་པ་ཁྱད་དུ་བསད་དོ། །གང་ལ་ཞེ་ན། མི་ཡིས་རྟག་ཏུ་ཁོ་ཚོའི་སྐོར་གླེང་སྟེ་ན་རེ། འདི་དག་ནི་དཀོན་མཆོག་ཡ་ཝཱེའི་མི་ཡིན་ནའང་། ཁོང་གི་ཡུལ་ནས་ཕྱི་རུ་བུད་དོ་ཞེས་སྨྲས་པས་སོ། །  
\v 21 ཡིན་ནའང་ཡེས་ར་ཨེལ་གྱི་ཁྱིམ་རྒྱུད་འགྲོ་སའི་མི་རྣམས་ཀྱི་ཁྲོད་དུ་བཙོག་པར་བཟོས་པའི་ངའི་མཚན་དམ་པ་ནི་ངས་གཅེས་སུ་འཛིན་དགོས་སོ། །   
\s1 སྙིང་རྗེ་གནང་མཁན་གྱི་གཙོ་བོ།  
\p
\v 22 དེ་བས། ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཀྱེ་ཡེས་ར་ཨེལ་གྱི་ཁྱིམ་རྒྱུད། ཁྱོད་ཀྱི་ཆེད་དུ་ངས་དོན་འདི་བྱེད་པ་མ་ཡིན་པར། ངའི་མཚན་དམ་པ་སྟེ་ཁྱོད་ཅག་འགྲོ་སའི་མི་ཀུན་གྱི་ཁྲོད་དུ་ཁྱད་དུ་བསད་པ་དེའི་ཆེད་དུ་བྱེད་པ་ཡིན་ནོ། །  
\v 23 ངས་ནི་ང་རང་གི་མཚན་ཆེན་པོ་དེ་དམ་པ་རུ་མངོན་པར་བྱ་སྟེ། མཚན་དེ་ནི་མི་རིགས་ཀུན་གྱི་ཁྲོད་དུ་ཁྱད་དུ་བསད་པ་དང་། ཁྱོད་ཚོས་ཁོ་རྣམས་ཀྱི་ཁྲོད་དུ་ཁྱད་གསོད་བྱས་པ་ཡིན། ངས་ཁྱོད་ཚོའི་སྟེང་དུ་དེ་དག་ལ་རང་ཉིད་དམ་པ་ཡིན་པར་མངོན་པའི་ཚེ། དེ་དག་གིས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་གཙོ་བོ་ཡ་ཝཱེས་གསུངས།  
\v 24 ངས་ཁྱོད་རྣམས་མི་རིགས་ཀུན་ལས་ཕྱི་རུ་ཁྲིད་འོང་ཞིང་། ཡུལ་ཁམས་ཀུན་ལས་ཁྱོད་རྣམས་བསྡུས་ཏེ་ཁྱོད་རྣམས་རང་ཡུལ་དུ་འཁྲིད་པར་བྱའོ། །  
\v 25 དེ་ནས་ངས་ཆུ་དྭངས་གཙང་ཁྱོད་ཀྱི་སྟེང་དུ་གཏོར་ན་ཁྱོད་རྣམས་གཙང་མར་འགྱུར་ཞིང་། ངས་ཁྱོད་ཚོའི་མི་གཙང་བ་ཐམས་ཅད་གཙང་མར་བྱས་ཏེ་ཁྱོད་རྣམས་རང་གི་ཞེན་ཁ་ལོག་པའི་སྐུ་འདྲ་ཐམས་ཅད་དང་འབྲལ་བར་འགྱུར།  
\v 26 ངས་སེམས་གསར་པ་ཞིག་ཁྱོད་རྣམས་ལ་གནང་སྟེ། སེམས་ཉིད་གསར་པ་ཞིག་ཁྱོད་ཀྱི་ནང་དུ་འཇོག་པར་བྱ། ངས་ཁྱོད་ཅག་གི་ལུས་ནས་རྡོ་ལྟ་བུའི་སེམས་དེ་འདོན་ཞིང་ཤ་ཡི་སྙིང་ཞིག་ཁྱོད་རྣམས་ལ་གནང་བར་བྱའོ། །  
\v 27 ཡང་ངས་རང་གི་སེམས་ཉིད་ཁྱོད་ཚོའི་ནང་དུ་བཞག་སྟེ། ཁྱོད་ཚོར་ངའི་སྒྲིག་ཁྲིམས་རྣམས་བརྩི་བ་དང་ངའི་སྒྲིག་སྲོལ་རྣམས་བསྲུང་བར་འཇུག་གོ །  
\v 28 ཁྱོད་རྣམས་ནི་ངས་ཁྱོད་ཚོའི་ཕ་མེས་དག་ལ་གནང་བའི་ཡུལ་དུ་གནས་པར་འགྱུར་ཞིང་། ཁྱོད་རྣམས་ནི་ངའི་མི་དང་ང་ནི་ཁྱོད་ཚོའི་དཀོན་མཆོག་ཡིན་ནོ། །  
\v 29 ངས་ཁྱོད་རྣམས་བསྐྱབས་ཏེ་ཁྱོད་རྣམས་རང་གི་མི་གཙང་བ་ཐམས་ཅད་དང་འབྲལ་བར་བྱ་ཞིང་། ངས་འབྲུ་རིགས་སྣ་ལྔའི་ལོ་ལེགས་ཡོང་བར་བཅུག་སྟེ། ཁྱོད་རྣམས་ལ་མུ་གེ་འབྱུང་བར་མི་བྱའོ། །  
\v 30 ཁྱོད་རྣམས་ལ་མི་རིགས་ཀུན་གྱི་ཁྲོད་དུ་མུ་གེའི་རྐྱེན་གྱིས་ངོ་ཚ་མི་ཐེབས་པའི་ཆེད་དུ། ངས་ལྗོན་ཤིང་གི་ཤིང་ཏོག་དང་ས་ཞིང་གི་ཐོན་རྫས་རྣམས་མང་དུ་འཕེལ་བར་བྱའོ། །  
\v 31 དེའི་དུས་སུ་ཁྱོད་ཚོས་རང་གི་སྤྱོད་ངན་དང་ལས་ངན་པ་དག་དྲན་ཞིང་། རང་གི་སྡིག་ཉེས་དང་ཞེན་ཁ་ལོག་པའི་དོན་རྣམས་ཀྱི་རྐྱེན་གྱིས་རང་ཉིད་ལ་ཞེན་ཁ་ལོག་པར་འགྱུར་རོ། །  
\v 32 ངས་འདི་བཞིན་བྱེད་པ་ནི་ཁྱོད་ཚོའི་དོན་དུ་མ་ཡིན་པ་ཁྱོད་རྣམས་ཀྱིས་རྟོགས་པར་གྱིས་ཤིག ཀྱེ་ཡེས་ར་ཨེལ་གྱི་ཁྱིམ་རྒྱུད། ཁྱོད་ཚོ་རང་གི་སྤྱོད་པའི་རྐྱེན་གྱིས་རབ་ཏུ་ངོ་ཚ་བར་གྱིས་ཤིག་ཅེས་གཙོ་བོ་ཡ་ཝཱེས་གསུངས་སོ། །  
\v 33 ཡང་གཙོ་བོ་ཡ་ཝཱེས་འདི་སྐད་དུ། ངས་ཁྱོད་རྣམས་གཙང་མར་བྱས་ཏེ་ཁྱོད་རྣམས་རང་གི་སྡིག་ཉེས་ཀུན་དང་འབྲལ་བར་བྱ་བའི་ཉིན་མོར། ངས་གྲོང་ཁྱེར་རྣམས་སུ་མི་སྡོད་དུ་འཇུག་ཅིང་ཞིག་རལ་རྣམས་ཡང་བསྐྱར་བརྩིག་པར་བྱའོ། །  
\v 34 སྔར་དེ་བརྒྱུད་ནས་འགྲོ་མཁན་ཀུན་གྱིས་ས་སྟོང་དུ་བརྩིས་པའི་གནས་སུ་ད་ལྟ་ཡང་བསྐྱར་ཞིང་རྨོ་བར་འགྱུར་ལ།  
\v 35 ཁོ་ཚོས་འདི་ལྟར། སྔར་ས་སྟོང་དུ་ལུས་པའི་གནས་དེ་ནི་ད་ལྟ་ཨེ་དེན་ལྡུམ་ར་དང་འདྲ་ཞིང་། དོར་ནས་ས་སྟོང་དུ་ལུས་པ་དང་། བཤིག་ཚར་བའི་གྲོང་ཁྱེར་དག་ནི་ད་ལྟ་མཁར་བརྟན་པོར་གྱུར་ནས་འདུག་མཁན་ཡང་ཡོད་ཅེས་ཟེར་བའོ། །  
\v 36 དེའི་དུས་སུ་ཁྱོད་ཀྱི་ཕྱོགས་བཞིར་ལུས་པའི་མི་རིགས་ཀུན་གྱིས་ང་ནི་ཡ་ཝཱེ་ཡིན་པ་རྟོགས་ངེས་ཤིང་། བཤིག་ཚར་བའི་གནས་ནི་ངས་ཡང་བསྐྱར་བརྩིགས་པ་དང་། ས་སྟོང་དུ་ལུས་པའི་གནས་སུ་ཡང་བསྐྱར་འདེབས་འཛུགས་བྱས་པའང་རྟོགས་པར་འགྱུར། ང་ཡ་ཝཱེས་དེ་ལྟར་སྨྲས་པས་མཛད་པར་འགྱུར་རོ། །  
\v 37 ཡང་གཙོ་བོ་ཡ་ཝཱེས་འདི་སྐད་དུ། ངས་ཡེས་ར་ཨེལ་གྱི་ཁྱིམ་རྒྱུད་རྣམས་ལ་ཁོ་ཚོའི་མི་ནི་ལུག་ཁྱུ་བཞིན་དུ་སྤེལ་བའི་ཕྱིར་ང་ལ་ཞུས་ཆོག་པར་བྱའོ། །  
\v 38 དུས་ཆེན་གཏོང་བའི་དུས་སུ་ཡེ་རུ་སཱ་ལེམ་དུ་མཆོད་པར་འབུལ་བའི་ལུག་ཁྱུ་གང་འདྲ་མང་པོ་ཡོད་པ་ཡིན་ན། ཐང་རྒོད་དུ་ལུས་པའི་གྲོང་ཁྱེར་ནང་དུའང་དེ་བཞིན་དུ་མི་ཡིས་ཁེངས་པར་འགྱུར་ལ། དེ་ནས་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་པའོ་ཞེས་གསུངས་སོ། །   
\c 37
\cl ལེའུ་སོ་བདུན་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཀེང་རུས་སླར་སོས་པའི་ཞལ་གཟིགས།  
\p
\v 1 དཀོན་མཆོག་ཡ་ཝཱེའི་ཕྱག་ནི་ངའི་སྟེང་དུ་བཞག་སྟེ། ཁོང་གིས་ཉིད་ཀྱི་ཐུགས་ཉིད་ཀྱིས་ང་རང་ཕྱི་རུ་ཁྲིད་དེ། ང་རང་ཀེང་རུས་ཀྱིས་ཁེངས་པའི་ཐང་ཞིག་ཏུ་བཞག་གོ །  
\v 2 ཁོང་གིས་ང་ཁྲིད་ནས་ཀེང་རུས་ཀྱི་ཕྱོགས་བཞི་རུ་ཕྱིན་པ་དང་། ཐང་དེ་རུ་ཀེང་རུས་ཤིན་ཏུ་མང་པོ་ཡོད་པ་ངས་མཐོང་སྟེ། རུས་པ་དེ་དག་ཤིན་ཏུ་སྐམ་པོ་ཡིན་ནོ། །  
\v 3 དེ་ནས་ཁོང་གིས་ང་ལ་འདི་སྐད་དུ། ཀྱེ་མིའི་བུ། ཀེང་རུས་འདི་དག་གསོན་པོར་འགྱུར་སྲིད་དམ་ཞེས་བཀའ་འདྲི་གནང་བའི་ལན་དུ། ངས་གཙོ་བོ་ཡ་ཝཱེ་ལགས། ཁྱེད་ཀྱིས་མཁྱེན་ནོ་ཞེས་ཞུས།  
\v 4 ཡང་ཁོང་གིས་ང་ལ་འདི་སྐད་དུ། ཁྱོད་ཀྱིས་ཀེང་རུས་འདི་དག་ལ་འདི་ལྟར་སྨྲོས་ཤིག ཀྱེ་ཀེང་རུས་སྐམ་པོ་རྣམས། ཁྱོད་ཚོས་དཀོན་མཆོག་ཡ་ཝཱེའི་བཀའ་ལ་ཉོན་ཅིག  
\v 5 གཙོ་བོ་ཡ་ཝཱེས་ཀེང་རུས་འདི་དག་ལ་འདི་སྐད་དུ། ལྟོས་དང་། ངས་ཁྱོད་ཚོའི་ནང་དུ་དབུགས་ \f + \ft འདིར་དབུགས་ཞེས་པར་མ་ཕྱི་ལས་རོའུ་ཨག་ཅེས་བྱ་ཞིང་། དེ་ནི་དབུགས་དང་སེམས་ཉིད། རླུང་བཅས་ལ་འཇུག་པ་ཡིན། \f*བཏང་ན་ཁྱོད་རྣམས་གསོན་པར་འགྱུར་ཞིང་།  
\v 6 ངས་ཁྱོད་རྣམས་ལ་ཤ་དང་རྩ་རྒྱུས་སྐྱེ་རུ་བཅུག་ནས། ཁྱོད་རྣམས་སྐྱི་མོས་གཡོགས་ཏེ་ཁྱོད་ཚོའི་ནང་དུ་དབུགས་བཏང་ན་ཁྱོད་རྣམས་གསོན་པར་འགྱུར་ལ། དེ་ནས་ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་པའོ་ཞེས་གསུངས་སོ། །  
\v 7 དེ་ནས་ངས་བཀའ་བཞིན་དུ་ལུང་བསྟན་ཅིང་། ངས་ལུང་སྟོན་བཞིན་པའི་དུས་སུ་སྒྲ་ཞིག་གྲགས་པ་ཐོས་བྱུང་། དེ་ནི་རུས་པ་དང་རུས་པ་ཕན་ཚུན་འབྲེལ་བའི་སྒྲ་རེད།  
\v 8 ངས་བལྟས་པ་ན། རུས་པར་རྩ་རྒྱུས་སྐྱེས་ནས་ཤ་རྒྱས་པ་དང་། སྐྱི་མོས་དེ་གཡོགས་ཡོད་ཀྱང་། དེ་དག་གི་ནང་དུ་ད་དུང་དབུགས་ནི་མེད་དོ། །  
\v 9 ཡང་ཁོང་གིས་ང་ལ་འདི་སྐད་དུ། ཁྱོད་ཀྱིས་དབུགས་ལ་ལུང་སྟོན་ཅིག ཀྱེ་མིའི་བུ། ཁྱོད་ཀྱིས་ལུང་སྟོན་ཅིག ཁྱོད་ཀྱིས་དབུགས་ལ་འདི་ལྟར་སྨྲོས་ཤིག ཀྱེ་དབུགས་ཁྱོད་ནི་ཕྱོགས་བཞི་ནས་ཚུར་ཤོག་དང་། བསད་པའི་མི་འདི་དག་ལ་དབུགས་བཏང་ནས་དེ་རྣམས་གསོན་པར་གྱིས་ཤིག་ཅེས་པའོ་ཞེས་གཙོ་བོ་ཡ་ཝཱེས་གསུངས་སོ། །  
\v 10 དེ་ནས་ངས་བཀའ་བཞིན་དུ་ལུང་བསྟན་པ་ན། དབུགས་ནི་བེམ་པོ་རྣམས་ཀྱི་ནང་དུ་ཞུགས་ནས་དེ་དག་གསོན་པར་གྱུར་ཏེ་ཡར་ལངས་ནས་དཔུང་ཚོགས་རབ་ཏུ་ཆེན་པོ་ཞིག་ཏུ་གྱུར་ཏོ། །   
\s1 ཀེང་རུས་ཀྱི་གོ་དོན།  
\p
\v 11 ཁོང་གིས་ང་ལ་འདི་སྐད་དུ། ཀྱེ་མིའི་བུ། ཀེང་རུས་འདི་དག་ནི་ཡེས་ར་ཨེལ་གྱི་ཁྱིམ་རྒྱུད་རྣམས་ཡིན་ཏེ། ཁོ་ཚོས་རྒྱུན་དུ་ན་རེ། ལྟོས་དང་། ང་ཚོའི་ཀེང་རུས་ནི་ཡོངས་སུ་སྐམ་ཞིང་རེ་བ་རྣམས་ཟད་དེ། ངེད་རྣམས་མེད་པར་གྱུར་ཏོ་ཟེར་བས།  
\v 12 ཁྱོད་ཀྱིས་དེ་ཚོར་འདི་ལྟར་ལུང་སྟོན་ཅིག གཙོ་བོ་ཡ་ཝཱེས་འདི་སྐད་དུ། ཀྱེ་བདག་གི་འབངས་མི་རྣམས། ལྟོས་དང་། ངས་ཁྱོད་ཚོའི་དུར་ཁུང་ཕྱེས་ཏེ་ཁྱོད་རྣམས་དུར་ཁུང་ནས་ཕྱི་རུ་བཏོན་ཏེ། ཕྱིར་ཡེས་ར་ཨེལ་ཡུལ་དུ་འཁྲིད་པར་བྱའོ། །  
\v 13 ཀྱེ་བདག་གི་འབངས་མི་རྣམས། ངས་ཁྱོད་ཚོའི་དུར་ཁུང་ཕྱེས་ཏེ་ཁྱོད་རྣམས་དུར་ཁུང་ནས་ཕྱི་རུ་འདོན་པའི་སྐབས་སུ། ཁྱོད་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 14 ངས་རང་གི་སེམས་ཉིད་ཁྱོད་ཚོའི་ནང་དུ་བཞག་ནས་ཁྱོད་རྣམས་གསོན་པར་འགྱུར་ཞིང་། ངས་ཁྱོད་རྣམས་རང་གི་ཡུལ་དུ་འཇོག་པར་བྱ། དེ་ནས་ཁྱོད་ཚོས་ང་ཡ་ཝཱེས་སྨྲས་པ་དེ་འགྲུབ་པར་བྱེད་པ་རྟོགས་སོ་ཞེས་དཀོན་མཆོག་ཡ་ཝཱེས་དེ་སྐད་གསུངས་ཞེས་པའོ་ཞེས་གསུངས་སོ། །   
\s1 དབྱུག་པ་གཉིས་གཅིག་ཏུ་གྱུར་པའི་དཔེ།  
\p
\v 15 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 16 ཀྱེ་མིའི་བུ། ཁྱོད་ཀྱིས་དབྱུག་པ་ཞིག་བླངས་ནས་དེའི་སྟེང་དུ། ཡ་ཧུ་དཱ་དང་དེ་དང་མཉམ་དུ་ཡོད་པའི་ཡེས་ར་ཨེལ་པ་རྣམས་ཀྱི་ཕྱིར་ཞེས་ཕྲིས་ཤིག ཡང་དབྱུག་པ་གཞན་ཞིག་བླངས་ཏེ་དེའི་སྟེང་དུ་ཨེ་ཕཱར་ཡིམ་གྱི་དབྱུག་པ་སྟེ། ཡོ་སེབ་དང་དེའི་མཉམ་དུ་ཡོད་པའི་ཡེས་ར་ཨེལ་གྱི་ཁྱིམ་རྒྱུད་ཡོངས་ཀྱི་ཕྱིར་ཞེས་ཕྲིས་ཤིག  
\v 17 ཁྱོད་ཀྱིས་དབྱུག་པ་འདི་གཉིས་མཉམ་དུ་སྦྲེལ་ནས་དེ་གཉིས་ཁྱོད་ཀྱི་ལག་ཏུ་དབྱུག་པ་གཅིག་ཏུ་འགྱུར་བར་གྱིས་དང་།  
\v 18 གལ་ཏེ་ཁྱོད་ཀྱི་མི་རྣམས་ཀྱིས་ཁྱོད་ལ། ཁྱོད་ཀྱིས་ངེད་རྣམས་ལ་དབྱུག་པ་འདིས་ཅི་མཚོན་པ་མི་བཤད་དམ་ཞེས་དྲིས་ན།  
\v 19 ཁྱོད་ཀྱིས་ཁོ་ཚོར་འདི་ལྟར། གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཨེ་ཕཱར་ཡིམ་གྱི་ལག་ཏུ་ཡོད་པའི་དབྱུག་པ་སྟེ། ཡོ་སེབ་དང་དེ་དང་མཉམ་དུ་ཡོད་པའི་ཡེས་ར་ཨེལ་གྱི་ཚོ་པ་རྣམས་ཀྱི་དབྱུག་པ་དེ་ནི་ཨེ་ཕཱར་ཡིམ་གྱི་ལག་ཏུ་ཡོད་པའི་དབྱུག་པ་སྟེ་ཡ་ཧུ་དཱའི་དབྱུག་པ་དང་མཉམ་དུ་སྦྲེལ་ནས། ངའི་ལག་ཏུ་དེ་གཉིས་ཀ་གཅིག་ཏུ་འགྱུར་བར་བྱའོ་ཞེས་སྨྲོས་ཤིག  
\v 20 ཁྱོད་ཀྱིས་ཡི་གེ་བྲིས་ཡོད་པའི་དབྱུག་པ་དེ་གཉིས་ནི་ཁོ་ཚོའི་མིག་མདུན་དུ་ལག་ལ་བཟུང་ནས།  
\v 21 ཁོ་ཚོར་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ལྟོས་དང་། ངས་ཡེས་ར་ཨེལ་པ་རྣམས་དེ་དག་འགྲོ་སའི་མི་རིགས་ཀུན་ནས་ཕྱི་རུ་ཁྲིད་འོང་དགོས་ལ། ཡང་དེ་རྣམས་ཕྱོགས་བཞི་ནས་བསྡུས་ཏེ་ཁོ་ཚོ་རང་གི་ཡུལ་དུ་ཁྲིད་འོང་བར་བྱའོ། །  
\v 22 ངས་ཁོ་ཚོ་ཡུལ་དེ་རུ་ཡེས་ར་ཨེལ་གྱི་རི་བོ་རྣམས་སུ་རྒྱལ་ཁབ་གཅིག་ཏུ་བྱས་ཏེ། རྒྱལ་པོ་གཅིག་གིས་ཁོ་ཚོ་ཚང་མར་དབང་བསྒྱུར་བར་འགྱུར་བས། དེ་དག་ནམ་ཡང་རྒྱལ་ཁབ་གཉིས་སུ་མི་འགྱུར་ལ། ཡུལ་ཁམས་གཉིས་སུ་དབྱེ་བར་མི་འགྱུར་རོ། །  
\v 23 ཡང་དེ་རྣམས་ཀྱིས་རང་གི་སྐུ་འདྲ་རྣམས་དང་ཞེན་ཁ་ལོག་པའི་གཟུགས་བརྙན་དང་། ཉེས་སྐྱོན་གང་གིས་ཀྱང་རང་ཉིད་བཙོག་པར་མི་བྱ་སྟེ། ངས་དེ་དག་སྡིག་པ་སྤྱད་པའི་གནས་ཀུན་ནས་སྐྱོབ་ཅིང་ངས་དེ་དག་གཙང་མར་བཟོས་ནས། དེ་དག་ངའི་འབངས་མི་དང་ང་རང་དེ་དག་གི་དཀོན་མཆོག་ཏུ་འགྱུར་རོ། །   
\s1 དུས་གཏན་གྱི་ཞལ་ཆད།  
\p
\v 24 ངའི་ཞབས་ཕྱི་དཱ་བིད་ནི་ཁོ་ཚོའི་རྒྱལ་པོར་འགྱུར་ཞིང་། དེ་ཐམས་ཅད་ལ་རྫི་བོ་གཅིག་ཁོ་ན་ཡོད་པ་དང་། ཡང་དེ་དག་གིས་ངའི་སྒྲིག་སྲོལ་བརྩི་ཞིང་། ངའི་ཁྲིམས་སྲོལ་རྣམས་བསྲུང་བར་འགྱུར།  
\v 25 ངས་རང་གི་ཞབས་ཕྱི་ཡ་ཀོབ་ལ་གནང་བའི་ཡུལ་ཏེ་ཁྱོད་ཅག་གི་ཕ་མེས་རྣམས་བསྡད་པའི་ཡུལ་དུ་ཁོ་རྣམས་སྡོད་པར་འགྱུར། དེ་དག་དང་དེ་དག་གི་བུ་རྒྱུད་རྣམས་དང་། བུ་རྒྱུད་ཀྱི་བུ་རྒྱུད་རྣམས་དུས་གཏན་དུ་དེ་རུ་གནས་པར་འགྱུར་ཞིང་། ངའི་ཞབས་ཕྱི་དཱ་བིད་ནི་དུས་གཏན་དུ་དེ་དག་གི་འགོ་དཔོན་དུ་འགྱུར་རོ། །  
\v 26 ངས་དེ་དག་ལ་ཞི་བདེའི་ཁ་ཆད་ཅིག་འཇོག་པར་བྱ་སྟེ། དེ་ནི་དུས་གཏན་གྱི་ཁ་ཆད་ཅིག་ཡིན། ངས་དེ་དག་བརྟན་པོར་བཙུགས་ནས་ཁོ་ཚོའི་མི་གྲངས་འཕེལ་དུ་འཇུག་ཅིང་། ཡང་དེ་དག་གི་དབུས་སུ་ངའི་གནས་དམ་པ་ནི་དུས་གཏན་དུ་འཛུགས་པར་བྱའོ། །  
\v 27 ངའི་བཞུགས་གནས་ཀྱང་དེ་དག་གི་ཁྲོད་དུ་ཡོད་ཅིང་། ང་ནི་དེ་དག་གི་དཀོན་མཆོག་དང་དེ་དག་ངའི་འབངས་མི་རུ་འགྱུར་རོ། །  
\v 28 ངའི་གནས་དམ་པ་དེ་དུས་གཏན་དུ་ཁོ་ཚོའི་དཀྱིལ་དུ་ཡོད་པ་དང་། མི་རིགས་ཀུན་གྱིས་བདག་ནི་ཡ་ཝཱེ་ཡིན་པ་དང་། ཡེས་ར་ཨེལ་དམ་པར་མཛད་མཁན་ཡིན་པ་རྟོགས་པར་འགྱུར་གསུངས་ཞེས་པའོ་ཞེས་གསུངས་སོ། །   
\c 38
\cl ལེའུ་སོ་བརྒྱད་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 གཱོག་ལ་རྒོལ་བའི་ལུང་བསྟན།  
\p
\v 1 དེ་ཡང་དཀོན་མཆོག་ཡ་ཝཱེའི་བཀའ་ནི་ང་ལ་བྱུང་ནས་འདི་སྐད་དུ།  
\v 2 ཀྱེ་མིའི་བུ། ཁྱོད་ཀྱིས་མ་གཱོག་ཡུལ་གྱི་གཱོག་ཅེས་པ་སྟེ། རའོ་ཤ་དང་མེ་ཤེག ཐུ་བཱལ་བཅས་ཀྱི་འགོ་དཔོན་ \f + \ft དམ་པའི་གསུང་རབ་ཀྱི་མཁས་པ་རྣམས་ཀྱི་བཞེད་ཚུལ་ལྟར་ན། ཚིག་རྐང་འདིའི་རའོ་ཤ་དང་མེ་ཤེག ཐུ་བཱལ་བཅས་ཀྱི་འགོ་དཔོན་ཞེས་པའི་ཚན་པ་འདིར་མེ་ཤེག་དང་ཐུ་བཱལ་གཉིས་ཀྱི་གཙོ་བདག་ཅེས་ཀྱང་གོ་རུང་བ་ཡིན། \f*ཕྱོགས་སུ་འཁོར་ནས་དེར་རྒོལ་བའི་ལུང་སྟོན་ཅིག  
\v 3 གཙོ་བོ་ཡ་ཝཱེས་འདི་སྐད་དུ། ཀྱེ་རའོ་ཤ་དང་མེ་ཤེག་དང་ཐུ་བཱལ་བཅས་ཀྱི་འགོ་དཔོན་གཱོག་ \f + \ft གཱོག་ཅེས་པ་ནི་ཆེས་མཐའ་མའི་ཁྲིམས་གཅོད་སྔོན་གྱི་འཐབ་འཁྲུག་གི་དམག་དཔུང་ངན་པའི་འགོ་དཔོན་ཡིན། མངོན་པའི་ལེའུ་ཉི་ཤུ་ཡི་ཚིག་རྐང་བདུན་ནས་བཅུ་ཡི་བར་དུ་གཟིགས་རོགས། \f*ལགས། ལྟོས་དང་། ངས་ཁྱོད་ནི་དགྲ་རུ་འཛིན་ཞིང་།  
\v 4 ངས་ཁྱོད་བཟློགས་ཏེ་ཁྱོད་ཀྱི་འགྲམ་པ་གཉིས་ལ་ལྕགས་ཀྱུ་བརྒྱབ་ནས། ཁྱོད་དང་ཁྱོད་ཀྱི་དམག་དཔུང་དང་། རྟ་དང་རྟ་དམག་རྣམས་ཕྱི་རུ་ཁྲིད་འོང་ཞིང་། ཀུན་གྱིས་དམག་ཆས་ཆ་ཚང་གྱོན་པས་དཔུང་ཚོགས་ཆེན་པོ་ཞིག་ཏུ་གྱུར་ཏེ་ཕུབ་ཆེ་ཆུང་གཉིས་ཀ་ཡོད་པ་དང་། མི་རེ་རེའི་ལག་ཏུ་རལ་གྲི་བཟུང་ཡོད་པ་ཡིན།  
\v 5 ད་དུང་ཏ་ཟིག་པ་དང་གུ་ཤ་པ། ཕུ༌ཏཱ་པ་བཅས་ཡོད་དེ། མི་རེ་རེའི་ལག་ཏུ་ཕུབ་ཐོགས་ཤིང་མགོ་ལ་རྨོག་ཞྭ་གྱོན་ཡོད་པ་ཡིན།  
\v 6 ཡང་གོ་མེར་པ་དང་དེའི་དམག་དཔུང་ཀུན་དང་། བྱང་ཕྱོགས་རྒྱང་རིང་ཡུལ་གྱི་པེད་ཐོ་གར་མཱའི་མི་རིགས་དང་དེའི་དམག་དཔུང་ཐམས་ཅད་དེ་རྒྱལ་ཁབ་མང་པོའི་མི་རྣམས་ཁྱོད་དང་མཉམ་དུ་ཡོད་དོ། །  
\v 7 ཁྱོད་དང་ཁྱོད་ཀྱི་མདུན་དུ་འདུས་པའི་དམག་དཔུང་ཀུན་པོས་སྟ་གོན་ལེགས་པོ་བྱེད་དགོས་ལ། ཁྱོད་རང་ཉིད་ཀྱིས་ཀྱང་སྟ་གོན་ལེགས་པོ་བྱས་ནས་ཁྱོད་ནི་དེ་དག་གི་དམག་དཔོན་བྱེད་དགོས།  
\v 8 ཉིན་མང་པོ་འགོར་རྗེས་ཁྱོད་ནི་གཡུལ་སར་མངགས་ཏེ། མ་འོངས་པའི་ལོ་ཟླའི་ནང་དུ་ཁྱོད་ཀྱིས་རལ་གྲི་ལས་ཐར་ཞིང་ཡུལ་ཁམས་སོ་སོ་ནས་ཕྱིར་བླངས་པའི་ཡུལ་ཏེ། ཡེས་ར་ཨེལ་གྱི་ཡུན་རིང་པོར་ས་སྟོང་དུ་ལུས་པའི་རི་ལ་འཐབ་ངེས་ཡིན། ཡིན་ནའང་རྒྱལ་ཁབ་སོ་སོ་ནས་བསྡུས་འོངས་པ་ཐམས་ཅད་དེའི་སྟེང་དུ་བདེ་བར་གནས་པའོ། །  
\v 9 ཁྱོད་དང་ཁྱོད་ཀྱི་དམག་དཔུང་ཀུན་པོ་ཁྱོད་དང་མཉམ་དུ་ཡོད་པའི་མི་རིགས་མང་པོ་དང་བཅས་རླུང་འཚུབ་བཞིན་ཡར་འོངས་ནས་སྤྲིན་ནག་བཞིན་ས་སྟེང་འགེབ་པར་འགྱུར་རོ། །   
\s1 གཱོག་གི་རྩུབ་སྤྱོད་དང་ཇུས་ངན།  
\p
\v 10 གཙོ་བོ་ཡ་ཝཱེས་འདི་སྐད་དུ། དུས་དེར་ཁྱོད་ཀྱི་སེམས་སུ་ལྐོག་ཇུས་འདིང་བར་བསམ་ཞིང་ན་རེ།  
\v 11 ང་ཡར་ལྕགས་རི་མེད་པའི་གྲོང་སྡེ་ལ་རྒོལ་བར་འགྲོ་དགོས། ང་འོངས་ནས་ལྷིང་འཇགས་ངང་འཚོ་བའི་མི་ལ་རྒོལ་བར་བྱ། དེ་ཐམས་ཅད་བདེ་བར་སྡོད་ཅིང་ལྕགས་རི་མེད་ལ། སྒོ་གཏན་ཡང་མེད་དོ་ཞེས་སྨྲ་བར་འགྱུར།  
\v 12 དེ་ནས་ཁྱོད་ཀྱིས་རྒྱུ་ནོར་ཕྲོགས་ནས་དངོས་པོ་རྣམས་བཅོམ་ཏེ། སྔར་ས་སྟོང་དུ་གྱུར་པ་དང་ད་ལྟ་འདུག་མཁན་ཡོད་པའི་གནས་དེ་ལ་ལག་པ་བརྐྱངས་ནས་རྒོལ་བར་འགྱུར་ཞིང་། ཡུལ་ཁམས་སོ་སོ་ནས་བསྡུས་པ་དང་། ཕྱུགས་དང་རྒྱུ་ནོར་ཐོབ་ནས་ས་གཞིའི་ལྟེ་བར་གནས་པའི་མི་རྣམས་ལ་རྒོལ་བར་འགྱུར།  
\v 13 ཤེ་བཱ་པ་དང་དི་དན་པ། ཐཱར་ཞིས་ཀྱི་ཚོང་པ། ཐཱར་ཞིས་ཀྱི་འགོ་དཔོན་བཅས་ཀྱིས་ཁྱོད་ལ། ཁྱོད་ནི་རྒྱུ་ནོར་འཕྲོག་ཏུ་འོངས་པ་ཡིན་ནམ། ཁྱོད་ཀྱིས་དམག་དཔུང་བསྡུས་པ་ནི་དངོས་པོ་རྣམས་འཕྲོག་བཅོམ་བྱེད་པ་དང་། གསེར་དངུལ་འཁྱེར་བ། ཕྱུགས་དང་ནོར་རྫས་འཕྲོག་པ། འཕྲོག་བཅོམ་ཆེན་པོ་ཞིག་བྱེད་པའི་ཆེད་དུ་ཡིན་ནམ་ཞེས་འདྲི་བར་འགྱུར་རོ། །  
\v 14 དེ་བས། ཀྱེ་མིའི་བུ། ཁྱོད་ཀྱིས་གཱོག་ལ་འདི་ལྟར་ལུང་སྟོན་ཅིག གཙོ་བོ་ཡ་ཝཱེས་འདི་སྐད་དུ། ངའི་འབངས་མི་ཡེས་ར་ཨེལ་བདེ་བར་སྡོད་པའི་ཉིན་དེ་སླེབས་ཚེ་ཁྱོད་ཀྱིས་གཟབ་གཟབ་མི་བྱའམ།  
\v 15 ཁྱོད་ནི་རང་གི་ཡུལ་ཏེ་བྱང་ཕྱོགས་ཀྱི་ས་མཐའ་ནས་མི་རིགས་མང་པོ་དང་མཉམ་དུ་འོང་བ་སྟེ། ཐམས་ཅད་རྟ་ལ་ཞོན་ནས་སྟོབས་ཤུགས་ཅན་གྱི་དམག་དཔུང་ཆེན་པོ་ཞིག་ཏུ་འགྱུར་ཞིང་།  
\v 16 ཡུལ་དེར་སྤྲིན་ནག་འཐིབས་པ་བཞིན་དུ། ཁྱོད་ཡར་འོངས་ཏེ་ངའི་འབངས་མི་ཡེས་ར་ཨེལ་ལ་རྒོལ་བར་འགྱུར། ཀྱེ་གཱོག་ལགས། ང་རང་ཁྱོད་བརྒྱུད་དེ་ཁོ་ཚོར་དམ་པར་མངོན་པའི་དུས་སུ་དེ་དག་གིས་བདག་ངོ་ཤེས་པའི་ཆེད་དུ། མཐའ་མའི་ཉིན་མོ་དག་ལ་ངས་ཁྱོད་ཁྲིད་འོངས་ནས་ངའི་ཡུལ་ལ་རྒོལ་བར་འཇུག་གོ །  
\v 17 གཙོ་བོ་ཡ་ཝཱེས་འདི་སྐད་དུ། ངས་སྔར་རང་གི་ཞབས་ཕྱི་སྟེ་ཡེས་ར་ཨེལ་གྱི་ལུང་སྟོན་པ་རྣམས་བརྒྱུད་ནས་སྨྲས་པའི་མི་དེ་ནི་ཁྱོད་རང་མ་ཡིན་ནམ། ལོ་དེ་དག་གི་ནང་དུ། ངས་ཁྱོད་ཁྲིད་འོངས་ཏེ་ཡེས་ར་ཨེལ་ལ་རྒོལ་ངེས་ཡིན་ཞེས་ཁོ་ཚོས་ལུང་བསྟན་པ་དང་།  
\v 18 གཱོག་ནི་ཡེས་ར་ཨེལ་ལ་རྒོལ་དུ་འོང་བའི་དུས་སུ། ངའི་ཁོང་ཁྲོ་ནི་རང་གི་གདོང་ནས་ཕྱིར་མངོན་པར་འགྱུར་ཞེས་གཙོ་བོ་ཡ་ཝཱེས་གསུངས།  
\v 19 ངས་ཞེ་སྡང་དང་ཁོང་ཁྲོའི་ངང་ནས་འདི་སྐད་དུ། ཉིན་དེར་སླེབས་ཚེ་ཡེས་ར་ཨེལ་ལ་ས་འགུལ་ཆེན་པོ་ཞིག་འབྱུང་ཞིང་།  
\v 20 རྒྱ་མཚོ་ནང་གི་ཉ་དང་། ནམ་མཁའི་བྱ་དང་། ཐང་གི་རི་དྭགས་དང་། ས་ཡི་ལྟོ་འགྲོ་འབུ་སྲིན་སྣ་ཚོགས་དང་། ད་དུང་ས་གཞི་སྟེང་གི་མི་ཐམས་ཅད་ངའི་མདུན་དུ་འདར་ཞིང་། རི་རྣམས་བསྙིལ་ནས་བྲག་གཟར་རྣམས་བརྡིབ་ཅིང་། རྩིག་པ་ཐམས་ཅད་སར་འགྱེལ་བར་འགྱུར།  
\v 21 ངས་རལ་གྲིར་བསྐུལ་ནས་ངའི་རི་རྣམས་ཀྱི་སྟེང་དུ་གཱོག་ལ་རྒོལ་བར་འགྱུར་ཞིང་། མི་རེ་རེའི་རལ་གྲིས་རང་གི་སྤུན་ཟླར་རྒོལ་བར་འགྱུར་ཞེས་གཙོ་བོ་ཡ་ཝཱེས་གསུངས།  
\v 22 ཡང་ངས་རིམས་ནད་དང་ཁྲག་གི་སྒོ་ནས་དེ་ལ་ཉེས་ཆད་གཅོད་ཅིང་། ངས་དྲག་ཆར་དང་སེར་བ་ཆེན་པོ་དང་། མེ་དང་མུ་ཟི་ནི་དེ་དང་དེའི་དམག་དཔུང་དང་། ད་དུང་དེ་དང་མཉམ་དུ་ཡོད་པའི་མི་རིགས་རྣམས་ཀྱི་སྟེང་དུ་འབབ་བར་བྱ་སྟེ།  
\v 23 ངས་རང་ཉིད་ཆེན་པོ་དང་དམ་པར་མངོན་ཞིང་། མི་རིགས་མང་པོའི་མདུན་དུ་རང་ཉིད་མངོན་པར་འགྱུར་ལ། དེ་ནས་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར་ཞེས་པའོ་ཞེས་གསུངས་སོ། །   
\c 39
\cl ལེའུ་སོ་དགུ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 གཱོག་ཕམ་པར་འགྱུར་བ་དང་ཉེས་ཆད་འཕོག་པར་ལུང་སྟོན་པ།  
\p
\v 1 ཀྱེ་མིའི་བུ། ཁྱོད་ཀྱིས་གཱོག་ལ་འདི་ལྟར་ལུང་སྟོན་ཅིག གཙོ་བོ་ཡ་ཝཱེས་འདི་སྐད་དུ། ཀྱེ་རའོ་ཤ་དང་མེ་ཤེག ཐུ་བཱལ་བཅས་ཀྱི་འགོ་དཔོན་གཱོག་ལགས། ལྟོས་དང་། ངས་ཁྱོད་དགྲ་རུ་འཛིན་ཞིང་།  
\v 2 ངས་ཁྱོད་བཟློགས་ཏེ་ཁྱོད་ནི་བྱང་ཕྱོགས་ཀྱི་ས་མཐའ་ནས་ཡར་ཁྲིད་འོངས་ཏེ་ཡེས་ར་ཨེལ་གྱི་རི་རྣམས་ལ་རྒོལ་བར་འཁྲིད་དགོས།  
\v 3 དེ་ནས་ངས་ཁྱོད་ཀྱི་གཡོན་ལག་གི་གཞུ་ལ་བརྒྱབ་ནས་ལྷུང་དུ་བཅུག་སྟེ་ཁྱོད་ཀྱི་གཡས་ལག་གི་མདའ་སར་འཕེན་པར་བྱའོ། །  
\v 4 ཁྱོད་ནི་ཡེས་ར་ཨེལ་གྱི་རི་རྣམས་ཀྱི་སྟེང་དུ་འགྱེལ་བར་འགྱུར་ལ། ཁྱོད་ཀྱི་དམག་དཔུང་དང་ཁྱོད་དང་མཉམ་དུ་ཡོད་པའི་མི་རིགས་ཐམས་ཅད་ཀྱང་དེ་ལྟར་འགྱེལ་བར་འགྱུར། ངས་འདབ་ཆགས་ཤ་གཟན་སྣ་ཚོགས་དང་ཐང་གི་གཅན་གཟན་རྣམས་ལ་ཁྱོད་ཁ་ཟས་སུ་སྦྱིན་ནོ། །  
\v 5 ངས་འདི་ལྟར་སྨྲས་ཟིན་པས་ན་ཁྱོད་ནི་ས་སྟོང་དུ་འགྱེལ་བར་འགྱུར་རོ་ཞེས་གཙོ་བོ་ཡ་ཝཱེས་གསུངས།  
\v 6 ཡང་མ་གཱོག་དང་མཚོ་རྒྱུད་ས་ཁུལ་དུ་བདེ་བར་སྡོད་པའི་མི་རྣམས་ཀྱི་སྟེང་དུ་ངས་མེ་ལྡུག་པར་བྱ་སྟེ། དེ་ནས་ཁོ་ཚོས་བདག་ནི་ཡ་ཝཱེ་ཡིན་པ་རྟོགས་པར་འགྱུར།  
\v 7 ངས་རང་གི་འབངས་མི་ཡེས་ར་ཨེལ་གྱི་ཁྲོད་དུ་ངའི་མཚན་དམ་པ་དེ་མངོན་པར་འགྱུར་ཞིང་། ངས་རང་གི་མཚན་དམ་པ་ནི་ཡང་བསྐྱར་ཁྱད་དུ་གསོད་པར་མི་བྱའོ། །དེ་ནས་མི་རིགས་ཀུན་གྱིས་བདག་ནི་ཡ་ཝཱེ་སྟེ་ཡེས་ར་ཨེལ་གྱི་དམ་པ་ཉིད་ཡིན་པ་རྟོགས་པར་འགྱུར།  
\v 8 ལྟོས་དང་། ཉིན་མོ་དེ་སླེབས་ལ་ཉེ་ཞིང་དོན་རྣམས་འགྲུབ་པར་འགྱུར་ལ། དེ་ནི་ངས་སྨྲས་པའི་ཉིན་མོ་དེའོ་ཞེས་གཙོ་བོ་ཡ་ཝཱེས་གསུངས་སོ། །  
\v 9 དེའི་དུས་སུ་ཡེས་ར་ཨེལ་གྱི་གྲོང་ཁྱེར་སོ་སོའི་ཡུལ་མི་རྣམས་ཕྱི་རུ་ཐོན་ནས་མཚོན་ཆ་རྣམས་བུད་ཤིང་བྱས་ཏེ་མེར་བསྲེག་ཅིང་། ཕུབ་ཆེ་ཆུང་གཉིས་ཀ་དང་། གཞུ་དང་། མདའ་དང་། མདུང་ཐུང་དང་། མདུང་རིང་བཅས་ཐམས་ཅད་ལོ་བདུན་གྱི་རིང་ལ་བུད་ཤིང་བྱས་ནས་མེར་བསྲེག་པར་འགྱུར།  
\v 10 དེ་དག་གིས་ཐང་ནས་བུད་ཤིང་བཏུ་མི་དགོས་ལ། ནགས་ཚལ་ནས་ཤིང་ཡང་གཅོད་མི་དགོས་ཏེ། གང་ལ་ཞེ་ན། དེ་དག་གིས་མཚོན་ཆ་རྣམས་བུད་ཤིང་བྱས་ནས་མེར་བསྲེག་པའོ། །དེ་དག་གིས་སྔར་རང་ཉིད་འཕྲོག་མཁན་རྣམས་འཕྲོག་ཅིང་། རང་ཉིད་བཅོམ་མཁན་རྣམས་འཇོམས་པར་འགྱུར་ཞེས་གཙོ་བོ་ཡ་ཝཱེས་གསུངས་སོ། །   
\s1 གཱོག་ལ་དུར་ས་སྦྱིན་པ།  
\p
\v 11 ཉིན་དེར། ཤར་གྱི་འཆི་མཚོའི་ཕྱོགས་སུ་འགྲོ་བའི་མི་རྣམས་བརྒྱུད་པའི་ལུང་པ་རུ། ངས་ཡེས་ར་ཨེལ་གྱི་ཡུལ་དུ་གཱོག་ལ་དུར་ས་ཞིག་སྦྱིན་ཏེ། དུར་ས་འདིས་ལམ་དེ་བརྒྱུད་ནས་འགྲོ་མཁན་རྣམས་ཀྱི་ལམ་འགོག་པ་ཡིན། གང་ལ་ཞེ་ན། གནས་དེར་གཱོག་དང་དེའི་དམག་དཔུང་རྣམས་དུར་དུ་སྦས་ཡོད་པས། གནས་དེ་ལ་ཧ་མོན་གཱོག་ལུང་པ་ཞེས་འདོགས་པར་འགྱུར།  
\v 12 གནས་དེ་གཙང་མར་བཟོ་བའི་ཆེད་དུ་ཡེས་ར་ཨེལ་ཁྱིམ་རྒྱུད་ཀྱིས་ཟླ་བདུན་གྱི་རིང་ལ་དེ་རྣམས་དུར་དུ་སྐུང་བར་འགྱུར་ཞིང་།  
\v 13 ཡུལ་དེའི་མི་ཀུན་གྱིས་དེ་རྣམས་དུར་དུ་སྐུང་བར་འགྱུར་བ་དང་། དེ་ནི་ང་ལ་གཟི་བརྗིད་འཐོབ་པའི་དུས་ཡིན་ལ། ཡེས་ར་ཨེལ་པ་རྣམས་ལའང་དེའི་རྐྱེན་གྱིས་མཚན་སྙན་འཐོབ་པར་འགྱུར་ཞེས་གཙོ་བོ་ཡ་ཝཱེས་གསུངས།  
\v 14 ཡང་དེ་དག་གིས་རྒྱུན་དུ་མི་མངགས་ཏེ་གནས་དེར་འགྲུལ་བར་བྱ་ཞིང་། གནས་དེ་གཙང་མར་བཟོ་བའི་ཆེད་དུ། ལམ་པ་དང་མཉམ་དུ་ད་དུང་གནས་དེར་ལུས་པའི་བེམ་པོ་རྣམས་དུར་དུ་སྐུང་བར་འགྱུར་བ་དང་། ཟླ་བདུན་འགོར་ཡང་ཁོ་ཚོས་ད་དུང་མུ་མཐུད་དུ་འཚོལ་བར་བྱའོ། །  
\v 15 དུར་དུ་སྐུང་མཁན་རྣམས་འོངས་ཏེ་ཀེང་རུས་རྣམས་ཧ་མོན་གཱོག་ལུང་པར་སྐུང་བའི་བར་དུ། ཁོ་ཚོ་གནས་དེར་འགྲུལ་ཞིང་། མི་ཡི་ཀེང་རུས་མཐོང་ཚེ་དེའི་གམ་དུ་རྟགས་རྒྱག་པ་ཡིན།  
\v 16 ཡང་གནས་དེ་རུ་ཧ་མོ་ནཱ་ཞེས་པའི་གྲོང་ཁྱེར་ཞིག་ཀྱང་ཡོད་དེ། ཁོ་ཚོས་ལུགས་དེ་བཞིན་དུ་ཡུལ་དེ་གཙང་མར་བཟོ་བར་བྱའོ་ཞེས་པའོ། །  
\v 17 ཀྱེ་མིའི་བུ། གཙོ་བོ་ཡ་ཝཱེས་འདི་སྐད་དུ། ཁྱོད་ཀྱིས་བྱ་སྣ་ཚོགས་དང་ཐང་གི་གཅན་གཟན་རྣམས་ལ་འདི་ལྟར་སྒོས་ཤིག ཁྱོད་རྣམས་མཉམ་དུ་འདུས་ཤིག ཕྱོགས་བཞི་ནས་འདུས་ཏེ་ངས་ཁྱོད་ཚོའི་ཆེད་དུ་གྲ་སྒྲིག་བྱས་པའི་མཆོད་རྫས་ཟོ་ཞིག་དང་། ཁྱོད་རྣམས་ཀྱིས་ཤ་བཟའ་བ་དང་ཁྲག་འཐུང་བའི་ཆེད་དུ། ཡེས་ར་ཨེལ་གྱི་རི་རྣམས་སུ་མཆོད་པའི་མཛད་སྒོ་ཆེན་པོ་ཞིག་སྤེལ་བར་འགྱུར།  
\v 18 ལུག་ཐུག་དང་ལུ་གུ། ར་ཐུག བ་གླང་བཅས་ཐམས་ཅད་པཱ་ཤན་གྱི་ཕྱུགས་ཤ་ཤེད་ཅན་རྣམས་ཡིན་ལ། ཁྱོད་ཚོས་དེ་དག་གི་ཤ་བཟའ་བ་དང་ཁྲག་འཐུང་བ་བཞིན་དུ། དཔའ་བོ་རྣམས་ཀྱི་ཤ་བཟའ་ཞིང་ཡུལ་དེའི་འགོ་དཔོན་རྣམས་ཀྱི་ཁྲག་འཐུང་ངོ་། །  
\v 19 ངས་ཁྱོད་ཅག་གི་ཆེད་དུ་གྲ་སྒྲིག་བྱས་པའི་མཆོད་པ་ལས་ཁྱོད་ཚོས་སྣུམ་དང་ཚིལ་རྒྱགས་པ་ཟ་ཞིང་། ཁྲག་ཡིད་ཚིམ་པ་ཞིག་འཐུང་བར་འགྱུར།  
\v 20 ཁྱོད་ཚོས་ངའི་གསོལ་ལྕོག་སྟེང་དུ་རྟ་དང་རྟ་དམག དཔའ་བོ། དམག་ཐམས་ཅད་ཟོས་ནས་འགྲང་བར་འགྱུར་ཞེས་གཙོ་བོ་ཡ་ཝཱེས་གསུངས་པའོ། །  
\v 21 ངས་མི་རིགས་ཀུན་གྱི་ནང་དུ་བདག་གི་གཟི་བརྗིད་མངོན་པར་བྱ་ཞིང་། མི་རིགས་ཀུན་གྱིས་ངས་བཅད་པའི་ཉེས་ཆད་དང་ངས་ཁོ་ཚོའི་སྟེང་དུ་བཞག་པའི་ལག་པ་མཐོང་བར་འགྱུར།  
\v 22 དེ་བཞིན་ཉིན་དེ་ནས་བཟུང་ཡེས་ར་ཨེལ་ཁྱིམ་རྒྱུད་ཀྱིས་བདག་ནི་ཁོ་ཚོའི་དཀོན་མཆོག་ཡ་ཝཱེ་ཡིན་པ་རྟོགས་པར་འགྱུར་ལ།  
\v 23 མི་རིགས་ཀུན་གྱིས་ཀྱང་ཡེས་ར་ཨེལ་གྱི་ཁྱིམ་རྒྱུད་ནི་རང་གི་སྡིག་པའི་རྐྱེན་གྱིས་བཙོན་དུ་ཁྲིད་པ་རྟོགས་པར་འགྱུར། དེ་ཚོ་ང་ལ་བློ་མི་དཀར་བས་ངས་རང་གི་གདོང་ནི་དེ་དག་གི་ཕྱོགས་སུ་སྦས་ནས། དེ་དག་དགྲ་བོའི་ལག་ཏུ་གཏད་ཅིང་ཐམས་ཅད་རལ་གྲིའི་འོག་ཏུ་འགྱེལ་བའོ། །  
\v 24 ངས་ནི་ཁོ་ཚོའི་མི་གཙང་བ་དང་ཉེས་སྐྱོན་བཞིན་དུ་ཁོ་ཚོར་ལན་འཇལ་ཞིང་། རང་གི་གདོང་ཡང་དེ་དག་གི་ཕྱོགས་སུ་སྦས་པ་ཡིན་ནོ། །  
\v 25 དེའི་ཕྱིར་གཙོ་བོ་ཡ་ཝཱེས་འདི་སྐད་དུ། ད་ལྟ་ངས་ཡ་ཀོབ་ལས་བཙོན་དུ་ཁྲིད་པ་རྣམས་ཕྱིར་ལོག་པར་བྱ་ཞིང་། ངས་ཡེས་ར་ཨེལ་གྱི་ཁྱིམ་རྒྱུད་ཡོངས་ལ་སྙིང་རྗེ་བསྐྱེད་ནས། ངའི་མཚན་དམ་པའི་ཆེད་དུ་སེམས་ཤུགས་ཆེན་པོ་བསྐྱེད་པར་འགྱུར།  
\v 26 དེ་རྣམས་རང་གི་གནས་སུ་བདེ་བར་སྡོད་ཅིང་འཇིགས་སྐུལ་མཁན་མེད་པའི་དུས་སུ། རང་རང་གི་ངོ་ཚ་དང་ང་ལ་བློ་མི་དཀར་བའི་སྡིག་པ་ཡོད་ཚད་འཁུར་དགོས།  
\v 27 ངས་དེ་དག་མི་ཀུན་ལས་ཁྲིད་འོང་ཞིང་དགྲ་བོའི་ཡུལ་ནས་བསྡུ་བའི་དུས་སུ། ངས་རང་ཉིད་དམ་པ་ཡིན་པ་ཁོ་ཚོའི་སྟེང་ནས་མི་མང་པོ་ཞིག་ལ་སྟོན་པར་བྱ།  
\v 28 ངས་ཁོ་རྣམས་ཡུལ་སོ་སོར་བཙོན་ལ་འཁྲིད་དུ་བཅུག་པ་དང་། ཕྱིས་སུ་ཁོ་རྣམས་བསྡུས་ནས་རང་ཡུལ་དུ་ལོག་ཅིང་། གཅིག་ཀྱང་ཡུལ་ཁམས་རྣམས་སུ་སླར་ཡང་ལུས་པར་མི་བྱ། དེ་ནས་ཁོ་ཚོས་བདག་ནི་ཁོ་ཚོའི་དཀོན་མཆོག་ཡ་ཝཱེ་ཡིན་པ་རྟོགས་པར་འགྱུར།  
\v 29 ངས་རང་གི་ཐུགས་ཉིད་ནི་ཡེས་ར་ཨེལ་གྱི་ཁྱིམ་རྒྱུད་ནང་དུ་བླུགས་པས། ད་ཕྱིན་ཆད་རང་གི་གདོང་ནི་དེ་དག་གི་ཕྱོགས་སུ་སྦ་བར་མི་བྱའོ་ཞེས་གཙོ་བོ་ཡ་ཝཱེས་གསུངས་པའོ། །   
\c 40
\cl ལེའུ་བཞི་བཅུ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 མཆོད་ཁང་འཇལ་བྱའི་ཞལ་གཟིགས།  
\p
\v 1 ངེད་རྣམས་བཙོན་དུ་ཁྲིད་པའི་ལོ་ཉེར་ལྔ་པ་སྟེ། ཡེ་རུ་སཱ་ལེམ་གྲོང་ཁྱེར་གཏོར་བའི་ལོ་བཅུ་བཞི་པའི་ལོ་འགོ་ཡི་ཟླ་དེའི་ཚེས་བཅུ་ཡི་ཉིན་མོར། དཀོན་མཆོག་ཡ་ཝཱེའི་ཕྱག་ནི་ངའི་སྟེང་དུ་བཞག་སྟེ། ཁོང་གིས་ང་གནས་དེར་ཁྲིད་པ་དང་།  
\v 2 དཀོན་མཆོག་གི་ཞལ་གཟིགས་ཀྱི་ནང་དུ། ཁོང་གིས་ང་ཡེས་ར་ཨེལ་གྱི་ཡུལ་དུ་ཁྲིད་ནས་ང་རང་རི་ཤིན་ཏུ་མཐོན་པོ་ཞིག་གི་སྟེང་དུ་བཞག་པ་དང་། རི་བོའི་ལྷོ་ཕྱོགས་སུ་གྲོང་ཁྱེར་ལྟ་བུའི་བཟོ་བཀོད་ཅིག་ཡོད་དོ། །  
\v 3 ཁོང་གིས་ང་དེ་རུ་ཁྲིད་པ་དང་ངས་མི་ཞིག་མཐོང་སྟེ། དེར་བལྟས་ཚེ་ལི་ཡི་མདངས་ལྡན་ཞིང་ལག་ཏུ་སོ་ཐག་དང་ཚད་ཐིག་ལེན་བྱེད་ལྕུག་མ་ཞིག་བཟུང་སྟེ་རྒྱ་སྒོ་ཁར་ལངས་ནས་བསྡད་ཡོད།  
\v 4 མི་དེས་ང་ལ་འདི་ལྟར། ཀྱེ་མིའི་བུ། ངས་ཁྱོད་བསྟན་པ་རྣམས་ལ་ཁྱོད་ཀྱིས་མིག་གིས་ལྟོས་དང་། རྣ་བས་ཉོན་ཅིག ཡིད་ལ་ཟུངས་ཤིག གང་ལ་ཞེ་ན། ཁྱོད་ལ་སྟོན་པའི་ཆེད་དུ་ངས་ཁྱོད་གནས་འདིར་ཁྲིད་འོངས་པ་དང་། ཁྱོད་ཀྱིས་ཅི་མཐོང་བ་ཐམས་ཅད་ཡེས་ར་ཨེལ་གྱི་ཁྱིམ་རྒྱུད་ལ་སྨྲ་དགོས་ཞེས་བསྒོས་སོ། །   
\s1 མཆོད་ཁང་ཕྱི་རོལ་གྱི་རྩིག་པ།  
\p
\v 5 དེ་ནས་ངས་མཆོད་ཁང་གི་ཕྱོགས་བཞི་རུ་མཁར་ཡོད་པ་མཐོང་སྟེ། མི་དེའི་ལག་གི་ཚད་ཐིག་ལེན་བྱེད་ལྕུག་མའི་རིང་ཚད་ལ་ཁྲུ་དྲུག་ཡོད་ལ། ཁྲུ་རེ་ནི་ཁྲུ་གང་དང་སོར་བཞི་ཡིན། ཁོས་བཟོ་བཀོད་དེའི་ཚད་ཐིག་བླངས་པ་ན་མཁར་གྱི་མཐུག་ཚད་ལ་ལྕུག་མ་གཅིག་དང་། མཐོ་ཚད་ལའང་ལྕུག་མ་གཅིག་ཡོད་དོ། །  
\v 6 ཡང་མི་དེ་ཤར་ཕྱོགས་ཀྱི་རྒྱ་སྒོར་ཕྱིན་ནས་དེའི་རྡོ་སྐས་ལ་འཛེགས་ཏེ། སྒོ་ཐེམ་གྱི་ཚད་ཐིག་བླངས་པ་ན་མཐུག་ཚད་ལ་ལྕུག་མ་གཅིག་དང་། ཡང་སྒོ་ཐེམ་ཅིག་ཤོས་དེའི་མཐུག་ཚད་ལའང་ལྕུག་མ་གཅིག་ཡོད་པ་ཡིན།  
\v 7 ཡང་སྒོ་ཁང་ཡོད་དེ། རིང་ཚད་ལ་ལྕུག་མ་གཅིག་དང་། ཞེང་ལ་ལྕུག་མ་གཅིག་ཡོད་ཅིང་། སྒོ་ཁང་དང་ཁང་པའི་བར་ཐག་ལ་ཁྲུ་ལྔ་ཡོད་པ་དང་། མཆོད་ཁང་གི་ནང་ཕྱོགས་སུ་འཁོར་བའི་སྒོ་ཁྱམས་འགྲམ་གྱི་སྒོ་ཐེམ་གྱི་མཐུག་ཚད་ལ་ལྕུག་མ་གཅིག་ཡོད་དོ། །  
\v 8 ཡང་དེས་མཆོད་ཁང་གི་ནང་ཕྱོགས་སུ་འཁོར་བའི་སྒོ་ཁྱམས་ཀྱི་ཚད་ཐིག་བླངས་པ་ལ་དེའི་རིང་ཚད་ལྕུག་མ་གཅིག་ཡིན།  
\v 9 སྒོ་ཁྱམས་དེའི་གཏིང་ཚད་ལ་ཁྲུ་བརྒྱད་ཡོད་པ་དང་། སྒོ་སྒྲོམ་གྱི་མཐུག་ཚད་ལ་ཁྲུ་གཉིས་ཡོད་དེ། སྒོ་ཁྱམས་ནི་མཆོད་ཁང་གི་ནང་ཕྱོགས་སུ་འཁོར་ཡོད་དོ། །  
\v 10 ཤར་སྒོའི་ཁང་པ་རྣམས་གཡས་ཕྱོགས་སུ་གསུམ་དང་གཡོན་ཕྱོགས་སུ་གསུམ་ཡོད་ལ། ཁང་མིག་གསུམ་པོའི་རིང་ཚད་དང་ཞེང་གི་ཆེ་ཆུང་གཉིས་ཀ་གཅིག་ཡིན་ལ། འགྲམ་གཉིས་ཀྱི་སྒོ་སྒྲོམ་གྱི་མཐུག་ཚད་ཀྱང་གཅིག་ཡིན།  
\v 11 དེས་ཤར་སྒོའི་ཚད་ཐིག་བླངས་པ་ན། འཇུག་སྒོའི་ཞེང་ལ་ཁྲུ་བཅུ་ཡོད་པ་དང་། རྒྱུ་ལམ་གྱི་རིང་ཚད་ལ་ཁྲུ་བཅུ་གསུམ་ཡོད།  
\v 12 སྒོ་ཁང་རེ་རེའི་མདུན་དུ་རྩིག་པ་དམའ་མོ་རེ་ཡོད་དེ། མཐོ་ཚད་ལ་ཁྲུ་གཅིག་ཡོད་པ་ཡིན། ཕྱོགས་གཉིས་ཀྱི་ཁང་མིག་གཉིས་ཀྱང་གཅིག་མཚུངས་ཡིན་ནོ། །ཁང་པ་དེའི་རིང་ཚད་ལ་ཁྲུ་དྲུག་ཡོད་པ་དང་། ཕྱོགས་གཉིས་ནི་གཅིག་མཚུངས་ཡིན།  
\v 13 དེས་ཤར་སྒོའི་ཚད་ཐིག་བླངས་པ་དང་། ཁང་པ་འདིའི་ལྟག་སྒོ་ནས་ཁ་གཏད་ཀྱི་ཁང་པ་གཞན་དེའི་ལྟག་སྒོ་སྟེ། ཁང་ཀླད་འདི་ནས་ཁང་ཀླད་གཞན་དེའི་བར་གྱི་ཚད་ཐིག་བླངས་པ་ན་ཞེང་ལ་ཁྲུ་ཉེར་ལྔ་ཡོད་དོ། །  
\v 14 ནང་གི་སྒོ་སྒྲོམ་རེ་རེ་བརྒྱུད་ནས་ཁྱམས་རའི་ཕྱོགས་ཀྱི་སྒོ་སྒྲོམ་གྱི་བར་དུ་ཚད་ཐིག་བླངས་པ་ན། རིང་ཚད་ལ་བསྡོམས་པས་ཁྲུ་དྲུག་ཅུ་ཡོད་པ་ཡིན།  
\v 15 ཤར་སྒོའི་མདུན་གྱི་འཇུག་སྒོ་ནས་རྒྱབ་ཀྱི་སྒོ་ཁྱམས་བར་དུ་ཁྲུ་ལྔ་བཅུ་ཡོད།  
\v 16 སྒོ་ཁང་གི་ཤར་སྒོའི་ནང་ཕྱོགས་ཀྱི་སྒོ་སྒྲོམ་དང་། སྒོ་ཁྱམས་བཅས་ལ་སྒེའུ་ཁུང་དོག་མོ་རྣམས་ཡོད་དེ། ནང་གི་ཕྱོགས་བཞི་རུའང་སྒེའུ་ཁུང་ཡོད་ལ་རྩིག་པའི་སྟེང་དུ་ཤིང་ཏ་ལ་བརྐོས་ཡོད་དོ། །   
\s1 ཁྱམས་ར་ཕྱི་མ།  
\p
\v 17 དེ་ནས་དེས་ང་ཁྱམས་ར་ཕྱི་མར་ཁྲིད་པ་དང་ངས་ཁང་པ་འགའ་ཡོད་པ་མཐོང་སྟེ། ཁྱམས་རའི་ཕྱོགས་བཞིའི་ས་རུ་རྡོ་གཅལ་ཡོད་པ་དང་། དེའི་འགྲམ་དུ་ཁང་པ་སུམ་ཅུ་ཡོད་དོ། །  
\v 18 རྡོ་གཅལ་ནི་རྒྱ་སྒོ་རེ་རེའི་འགྲམ་དུ་ཡོད་ཅིང་སྒོ་ལས་ཅུང་དམའ་ཞིང་། ཞེང་ནི་རྒྱ་སྒོའི་རིང་ཚད་དང་གཅིག་ཡིན།  
\v 19 དེས་འོག་གི་རྒྱ་སྒོ་ནས་ནང་གི་ཁྱམས་རའི་རྩིག་པའི་བར་དུ་ཚད་ཐིག་བླངས་པ་ན་ཞེང་ལ་བསྡོམས་པས་ཁྲུ་བརྒྱ་ཡོད་དེ། ཤར་ཕྱོགས་དང་བྱང་ཕྱོགས་ཐམས་ཅད་གཅིག་ཡིན་ནོ། །   
\s1 བྱང་སྒོ་ཕྱི་མ།  
\p
\v 20 ཡང་དེས་ཁྱམས་ར་ཕྱི་མའི་བྱང་ལ་འཁོར་ཡོད་པའི་རྒྱ་སྒོའི་རིང་ཚད་དང་ཞེང་གི་ཆེ་ཆུང་གཉིས་ཀྱི་ཚད་ཐིག་བླངས་པ་ན།  
\v 21 ནང་གི་ཁང་པ་རྣམས་གཡས་སུ་གསུམ་དང་གཡོན་དུ་གསུམ་ཡོད་དེ། སྒོ་སྒྲོམ་དང་སྒོ་ཁྱམས་ཀྱི་རིང་ཐུང་ནི་ཤར་སྒོ་དང་གཅིག་མཚུངས་ཡིན་ཏེ། བྱང་སྒོ་སྤྱིའི་རིང་ཚད་ལ་ཁྲུ་ལྔ་བཅུ་དང་ཞེང་ལ་ཁྲུ་ཉེར་ལྔ་ཡོད།  
\v 22 དེའི་སྒེའུ་ཁུང་དང་སྒོ་ཁྱམས། ཤིང་ཏ་ལའི་བརྐོས་རིས་བཅས་ནི་ཤར་སྒོ་དང་གཅིག་མཚུངས་ཡིན་ལ། མི་རྣམས་རྡོ་སྐས་རིམ་པ་བདུན་ལ་འཛེགས་ན་ད་གཟོད་རྒྱ་སྒོ་འདིར་སླེབ་ཐུབ་པ་དང་། མདུན་གྱི་མུ་མཐའ་རུ་སྒོ་ཁྱམས་ཡིན།  
\v 23 ནང་གི་ཁྱམས་རར་རྒྱ་སྒོ་ཞིག་རྒྱ་སྒོ་འདིའི་ཁ་གཏད་དུ་ཡོད་པ་དང་། བྱང་ཕྱོགས་དང་ཤར་ཕྱོགས་ཐམས་ཅད་གཅིག་མཚུངས་ཡིན། དེས་རྒྱ་སྒོ་འདི་ནས་རྒྱ་སྒོ་གཞན་དེའི་བར་དུ་ཚད་ཐིག་བླངས་པ་ན་བསྡོམས་པས་ཁྲུ་བརྒྱ་ཡོད་དོ། །   
\s1 ལྷོ་སྒོ་ཕྱི་མ།  
\p
\v 24 ཡང་དེས་ང་ལྷོ་ཕྱོགས་སུ་ཁྲིད་པ་དང་ངས་ལྷོ་ཕྱོགས་སུ་འཁོར་བའི་རྒྱ་སྒོ་དེ་མཐོང་ཞིང་། དེས་སྒོ་སྒྲོམ་དང་སྒོ་ཁྱམས་གཉིས་ཀྱི་ཚད་ཐིག་བླངས་པ་ན་ཆེ་ཆུང་སྔར་དང་འདྲའོ། །  
\v 25 རྒྱ་སྒོའི་ནང་ཕྱོགས་དང་སྒོ་ཁྱམས་ཀྱི་མཐའ་སྐོར་ཀུན་ཏུ་སྒེའུ་ཁུང་ཡོད་པ་དང་། དེ་ཡང་སྔར་གྱི་སྒེའུ་ཁུང་དང་གཅིག་ཡིན་ནོ། །ལྷོ་སྒོ་སྤྱིའི་རིང་ཚད་ལ་ཁྲུ་ལྔ་བཅུ་ཡོད་པ་དང་། ཞེང་ལ་ཁྲུ་ཉེར་ལྔ་ཡོད།  
\v 26 མི་རྣམས་རྡོ་སྐས་རིམ་པ་བདུན་ལ་འཛེགས་ན་ད་གཟོད་རྒྱ་སྒོ་འདིར་སླེབ་ཐུབ་པ་དང་། མདུན་གྱི་མུ་མཐའ་རུ་སྒོ་ཁྱམས་ཡིན། སྒོ་སྒྲོམ་གྱི་སྟེང་དུ་ཕྱོགས་གཉིས་སུ་ཤིང་ཏ་ལ་བརྐོས་ཡོད་པ་ཡིན།  
\v 27 ནང་གི་ཁྱམས་རའི་ལྷོ་ཕྱོགས་སུ་ཡང་རྒྱ་སྒོ་ཡོད་པ་དང་། དེས་རྒྱ་སྒོ་འདི་ནས་ལྷོ་སྒོའི་བར་དུ་ཚད་ཐིག་བླངས་པ་ན་བསྡོམས་པས་ཁྲུ་བརྒྱ་ཡོད་དོ། །   
\s1 ནང་གི་ཁྱམས་ར།  
\p
\v 28 དེས་ང་ནང་གི་ཁྱམས་རའི་ལྷོ་སྒོ་ནས་ནང་གི་ཁྱམས་རར་ཁྲིད་དེ། རྒྱ་སྒོ་དེའི་ཚད་ཐིག་བླངས་པ་ན་ཆེ་ཆུང་སྔར་དང་མཚུངས་སོ། །   
\p
\v 29 སྒོ་ཁང་དང་སྒོ་སྒྲོམ། སྒོ་ཁྱམས་བཅས་ཀྱི་རིང་ཐུང་ནི་སྔར་དང་གཅིག་ཡིན་ལ། རྒྱ་སྒོའི་ནང་ཕྱོགས་དང་སྒོ་ཁྱམས་ཀྱི་མཐའ་སྐོར་ཀུན་ཏུ་སྒེའུ་ཁུང་ཡོད་པ་དང་། རྒྱ་སྒོའི་ནང་ཕྱོགས་ཀྱི་སྤྱིའི་རིང་ཚད་ལ་ཁྲུ་ལྔ་བཅུ་ཡོད་པ་དང་། ཞེང་ལ་ཁྲུ་ཉེར་ལྔ་ཡོད།  
\v 30 ཁྱམས་རའི་མཐའ་སྐོར་དུ་སྒོ་ཁྱམས་ཡོད་དེ། སྤྱིའི་རིང་ཚད་ལ་ཁྲུ་ལྔ་བཅུ་ཡོད་པ་དང་། ཞེང་ལ་ཁྲུ་ཉེར་ལྔ་ཡོད།  
\v 31 སྒོ་ཁྱམས་དེ་ཁྱམས་ར་ཕྱི་མའི་ཕྱོགས་སུ་འཁོར་ཡོད་དེ། སྒོ་སྒྲོམ་གྱི་སྟེང་དུ་ཤིང་ཏ་ལ་བརྐོས་ཡོད་པ་དང་། རྡོ་སྐས་ལ་རིམ་པ་བརྒྱད་ཡོད་དོ། །   
\p
\v 32 དེས་ང་ནང་གི་ཁྱམས་རའི་ཤར་སྒོ་རུ་ཁྲིད་ནས་རྒྱ་སྒོ་དེའི་ཚད་ཐིག་བླངས་པ་ན་ཆེ་ཆུང་སྔར་དང་མཚུངས་པ་ཡིན།  
\v 33 སྒོ་ཁང་དང་སྒོ་སྒྲོམ། སྒོ་ཁྱམས་བཅས་ཀྱི་རིང་ཐུང་ནི་སྔར་དང་གཅིག་ཡིན་ལ། རྒྱ་སྒོའི་ནང་ཕྱོགས་དང་སྒོ་ཁྱམས་ཀྱི་མཐའ་སྐོར་ཀུན་ཏུ་སྒེའུ་ཁུང་ཡོད་པ་དང་། རྒྱ་སྒོའི་ནང་ཕྱོགས་ཀྱི་སྤྱིའི་རིང་ཚད་ལ་ཁྲུ་ལྔ་བཅུ་ཡོད་པ་དང་། ཞེང་ལ་ཁྲུ་ཉེར་ལྔ་ཡོད།  
\v 34 སྒོ་ཁྱམས་དེ་ཁྱམས་ར་ཕྱི་མའི་ཕྱོགས་སུ་འཁོར་ཡོད་དེ། སྒོ་སྒྲོམ་གྱི་སྟེང་དུ་ཕྱོགས་གཉིས་སུ་ཤིང་ཏ་ལ་བརྐོས་ཡོད་པ་དང་། རྡོ་སྐས་ལ་རིམ་པ་བརྒྱད་ཡོད་དོ། །  
\v 35 དེས་ང་ནང་གི་ཁྱམས་རའི་བྱང་སྒོ་རུ་ཁྲིད་ནས་རྒྱ་སྒོ་དེའི་ཚད་ཐིག་བླངས་པ་ན་ཆེ་ཆུང་སྔར་དང་མཚུངས་སོ། །  
\v 36 སྒོ་ཁང་དང་སྒོ་སྒྲོམ། སྒོ་ཁྱམས་བཅས་ཐམས་ཅད་གཅིག་མཚུངས་ཡིན་ལ། རྒྱ་སྒོའི་ནང་ཕྱོགས་དང་མཐའ་སྐོར་ཀུན་ཏུ་སྒེའུ་ཁུང་ཡོད། རྒྱ་སྒོ་དེ་ཡི་སྤྱིའི་རིང་ཚད་ལ་ཁྲུ་ལྔ་བཅུ་ཡོད་པ་དང་། ཞེང་ལ་ཁྲུ་ཉེར་ལྔ་ཡོད།  
\v 37 སྒོ་ཁྱམས་དེ་ཁྱམས་ར་ཕྱི་མའི་ཕྱོགས་སུ་འཁོར་ཡོད་དེ། སྒོ་སྒྲོམ་གྱི་སྟེང་དུ་ཕྱོགས་གཉིས་སུ་ཤིང་ཏ་ལ་བརྐོས་ཡོད་པ་དང་། རྡོ་སྐས་ལ་རིམ་པ་བརྒྱད་ཡོད་དོ། །  
\v 38 ཡང་རྒྱ་སྒོ་རྣམས་ཀྱི་སྒོ་སྒྲོམ་གྱི་འགྲམ་དུ་ཁང་པ་སྒོ་ཅན་ཞིག་ཡོད་པ་དང་། དེ་ནི་སྦྱིན་སྲེག་གི་ཕྱུགས་ཟོག་བཀྲུ་ས་ཡིན།  
\v 39 སྒོ་ཁྱམས་ཀྱི་ནང་དུ་གཡས་ཕྱོགས་སུ་ཅོག་ཙེ་གཉིས་དང་གཡོན་ཕྱོགས་སུ་ཅོག་ཙེ་གཉིས་ཡོད་པ་དང་། དེའི་སྟེང་དུ་སྦྱིན་སྲེག་གི་ཕྱུགས་ཟོག་དང་སྡིག་བཤགས་མཆོད་པར་འབུལ་བའི་ཕྱུགས་ཟོག ཉེས་སེལ་གྱི་མཆོད་པར་འབུལ་བའི་ཕྱུགས་ཟོག་རྣམས་ཀྱང་བཤས་ཆོག་པ་ཡིན།  
\v 40 བྱང་སྒོ་ལ་འཇུག་པའི་རྡོ་སྐས་ཀྱི་ཕྱི་ཕྱོགས་སུ་འཁོར་བའི་གནས་སུ་ཅོག་ཙེ་གཉིས་ཡོད་པ་དང་། སྒོ་ཁྱམས་ཀྱི་ཕྱོགས་སུ་འཁོར་བའི་གནས་གཞན་དེ་རུ་ཡང་ཅོག་ཙེ་གཉིས་ཡོད།  
\v 41 ཕྱུགས་ཟོག་བཤའ་བའི་ཕྱིར་དུ་རྒྱ་སྒོའི་གཡས་ཕྱོགས་སུ་ཅོག་ཙེ་བཞི་དང་། གཡོན་ཕྱོགས་སུའང་ཅོག་ཙེ་བཞི་སྟེ་བསྡོམས་པས་ཅོག་ཙེ་བརྒྱད་ཡོད།  
\v 42 གཞན་ཡང་ཅོག་ཙེ་བཞི་ཡོད་པ་ནི་སྦྱིན་སྲེག་གི་མཆོད་པ་འབུལ་བའི་ཕྱིར་ཡིན་པ་དང་། དེ་ནི་རྡོ་བརྐོས་མས་བཟོས་ཏེ། རིང་ཚད་ལ་ཁྲུ་གཅིག་དང་ཕྱེད་ཀ་དང་། ཞེང་ལ་ཁྲུ་གཅིག་དང་ཕྱེད་ཀ མཐོ་ཚད་ལ་ཁྲུ་གཅིག་བཅས་ཡོད་པ་དང་། སྤྱིན་སྲེག་གི་ཕྱུགས་ཟོག་དང་མཆོད་པ་གཞན་པའི་ཕྱུགས་ཟོག་རྣམས་བཤའ་དུས་སྤྱོད་པའི་སྣོད་ཆས་རྣམས་དེར་བཞག་ཡོད་དོ། །  
\v 43 ཕྱོགས་བཞིའི་རྩིག་ངོས་སུ་ལྕགས་ཀྱུ་རྣམས་བརྡབས་ཡོད་པ་དང་དེ་རེ་རེའི་རིང་ཚད་སོར་བཞི་ཡིན། ཡང་ཅོག་ཙེའི་སྟེང་དུ་མཆོད་པར་འབུལ་བྱའི་ཤ་རྣམས་བཞག་ཡོད་པ་ཡིན།   
\s1 མཆོད་དཔོན་གྱི་ཁང་པ།  
\p
\v 44 ནང་གི་ཁྱམས་རའི་རྒྱ་སྒོ་ཡི་ཕྱི་རོལ་ཏུ་མགུར་ལེན་མཁན་གྱི་ཁང་པ་གཉིས་ཡོད་དེ། གཅིག་ནི་བྱང་སྒོའི་འགྲམ་དུ་ལྷོ་ཕྱོགས་སུ་འཁོར་ཡོད་པ་དང་། ཅིག་ཤོས་ནི་ཤར་སྒོའི་འགྲམ་དུ་བྱང་ཕྱོགས་སུ་འཁོར་ཡོད།  
\v 45 དེ་ནས་ཁོས་ང་ལ་འདི་ལྟར། ལྷོ་ཕྱོགས་སུ་འཁོར་བའི་ཁང་པ་འདི་ནི་མཆོད་ཁང་གི་ལས་འགན་ཁུར་བའི་མཆོད་དཔོན་རྣམས་ཀྱི་ཆེད་དུ་བཀོད་པ་ཡིན་ལ།  
\v 46 བྱང་ཕྱོགས་སུ་འཁོར་བའི་ཁང་པ་དེ་ནི་མཆོད་ཁྲིའི་ལས་འགན་ཁུར་བའི་མཆོད་དཔོན་རྣམས་ཀྱི་ཆེད་དུ་བཀོད་པ་ཡིན་ཏེ། མཆོད་དཔོན་འདི་ཐམས་ཅད་ནི་ཟཱ་ཏོག་གི་བུ་རྒྱུད་ཡིན་པ་དང་། ལེ་ཝི་པའི་ཁྲོད་ནས་ཁོ་ཚོ་འབའ་ཞིག་གིས་དཀོན་མཆོག་ཡ་ཝཱེའི་སྤྱན་སྔར་ཞབས་ཕྱི་བསྒྲུབ་ཆོག་པ་ཡིན་ཞེས་ཟེར།  
\v 47 ཡང་དེས་ནང་གི་ཁྱམས་རའི་ཚད་ཐིག་བླངས་པ་ན་རིང་ཚད་ལ་ཁྲུ་བརྒྱ་དང་། ཞེང་ལ་ཁྲུ་བརྒྱ་ཡོད་པའི་གྲུ་བཞི་ཅན་ཞིག་ཡིན་པ་དང་། མཆོད་ཁྲི་ནི་མཆོད་ཁང་གི་མདུན་དུ་ཡོད།   
\s1 མཆོད་ཁང་གི་སྒོ་ཁྱམས།  
\p
\v 48 དེ་ནས་ཁོས་ང་མཆོད་ཁང་གི་སྒོ་ཁྱམས་སུ་ཁྲིད་དེ། སྒོ་ཁྱམས་ཀྱི་སྒོ་སྒྲོམ་གྱི་ཚད་ཐིག་བླངས་པ་ན་གཡས་ཀྱི་མཐུག་ཚད་ལ་ཁྲུ་ལྔ་དང་། གཡོན་གྱི་མཐུག་ཚད་ལའང་ཁྲུ་ལྔ་ཡོད་པ་ཡིན། སྒོ་ཁའི་ཞེང་ལ་ཁྲུ་བཅུ་བཞི་དང་། རྒྱ་སྒོ་ནང་རོལ་གྱི་རྩིག་པར་ \f + \ft འདིར་རྒྱ་སྒོ་ནང་རོལ་གྱི་རྩིག་པ་ཞེས་པར་མ་ཕྱི་ལས་རྒྱ་སྒོའི་ཞེང་ལ་གཡས་སུ་ཁྲུ་གསུམ་དང་གཡོན་ལ་ཁྲུ་གསུམ་ཡོད་ཅེས་མཐོང་།\f*གཡས་སུ་ཁྲུ་གསུམ་དང་གཡོན་ལ་ཁྲུ་གསུམ་ཡོད་དོ། །  
\v 49 ཡང་སྒོ་ཁྱམས་ཀྱི་རིང་ཚད་ལ་ཁྲུ་ཉི་ཤུ་དང་། ཞེང་ལ་ཁྲུ་བཅུ་གཅིག་ཡོད་ཅིང་། མི་རྣམས་རྡོ་སྐས་ལ་འཛེགས་ན་ད་གཟོད་སྒོ་ཁྱམས་སུ་སླེབ་ཐུབ་པ་དང་། སྒོ་སྒྲོམ་གྱི་འགྲམ་དུ་ཡང་ཀ་བ་གཉིས་ཕྱོགས་གཉིས་སུ་ཡོད་དོ། །   
\c 41
\cl ལེའུ་ཞེ་གཅིག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 མཆོད་ཁང་།  
\p
\v 1 ཡང་དེས་ང་མཆོད་ཁང་དུ་ཁྲིད་ནས་སྒོ་སྒྲོམ་རྣམས་ཀྱི་ཚད་ཐིག་བླངས་པ་ན་གཡས་གཡོན་གཉིས་པོའི་མཐུག་ཚད་ལ་ཁྲུ་དྲུག་རེ་ཡོད་པ་དང་། ཞེང་གི་ཆེ་ཆུང་ནི་གུར་མཆོག་དང་འདྲའོ། །  
\v 2 མཆོད་ཁང་གི་འཇུག་སྒོའི་ཞེང་ལ་ཁྲུ་བཅུ་ཡོད་པ་དང་། སྒོའི་ནང་འགྲམ་གྱི་རྩིག་པའི་མཐུག་ཚད་ལ་གཡས་གཡོན་གཉིས་སུ་ཁྲུ་ལྔ་རེ་ཡོད་ལ། ཡང་དེས་མཆོད་ཁང་གི་ཚད་ཐིག་བླངས་པ་ན་རིང་ཐུང་ལ་ཁྲུ་བཞི་བཅུ་དང་ཞེང་ལ་ཁྲུ་ཉི་ཤུ་ཡོད་པ་ཡིན།  
\v 3 དེ་མཆོད་ཁང་སྦུག་མར་ཕྱིན་ཏེ། སྒོ་ཁའི་སྒོ་སྒྲོམ་གྱི་ཚད་ཐིག་བླངས་པ་ན་རེ་རེའི་མཐུག་ཚད་ལ་ཁྲུ་གཉིས་རེ་ཡོད་པ་དང་། འཇུག་སྒོའི་ཞེང་ལ་ཁྲུ་དྲུག་དང་། སྒོའི་ནང་རོལ་གྱི་རྩིག་པའི་རིང་ཚད་ལ་ཁྲུ་བདུན་ཡོད།  
\v 4 དེས་མཆོད་ཁང་སྦུག་མའི་ཚད་ཐིག་བླངས་པ་ན། རིང་ཐུང་ལ་ཁྲུ་ཉི་ཤུ་དང་། ཞེང་ལ་ཁྲུ་ཉི་ཤུ་ཡོད་ཅིང་མཆོད་ཁང་ལ་གཏུག་ཡོད་པ་དང་། དེས་ང་ལ་ན་རེ། འདི་ནི་གནས་དམ་མཆོག་ཡིན་ཞེས་གསུངས་སོ། །  
\v 5 དེས་མཆོད་ཁང་གི་རྩིག་པའི་ཚད་ཐིག་བླངས་པ་ན་མཐུག་ཚད་ལ་ཁྲུ་དྲུག་ཡོད་དེ། མཆོད་ཁང་གི་མཐའ་འཁོར་དུ་ཞེང་ལ་ཁྲུ་བཞི་ཅན་གྱི་ཁང་མིག་མང་པོ་ཡོད་པ་ཡིན།  
\v 6 ཁང་མིག་དེ་དག་བསྡོམས་པས་རིམ་པ་གསུམ་ཡོད་དེ། གཅིག་གི་སྟེང་དུ་གཅིག་བརྩེགས་ཡོད་ལ། རིམ་པ་གཅིག་ལ་ཁང་མིག་སུམ་ཅུ་ཡོད་དོ། །ཁང་པའི་ཀ་གདུང་མཆོད་ཁང་གི་རྩིག་པའི་ནང་དུ་མི་འཛུལ་བའི་ཆེད་དུ། མཆོད་ཁང་གི་རྩིག་པའི་མཐའ་འཁོར་དུ་རྩིག་པའི་ས་འབུར་ཡོད་པ་དེས་ཁང་མིག་རྣམས་བསྐྱོར་ཡོད་དོ། །  
\v 7 མཆོད་ཁང་མཐའ་འཁོར་གྱི་ཁང་མིག་དེ་དག་ཇི་ལྟར་མཐོ་ན་ཞེང་དེ་ལྟར་ཆེ་ལ། མཆོད་ཁང་མཐའ་སྐོར་གྱི་ནང་གི་རྩིག་པ་རྣམས་རིམ་པ་གཅིག་ལས་གཅིག་སྲབ་པས་ན། ཁང་མིག་ཇི་ལྟར་མཐོ་ན་ཞེང་དེ་ལྟར་ཆེ་སྟེ། འོག་རིམ་བརྒྱུད་དེ་བར་རིམ་ནས་མཐོ་རིམ་ལ་རྒྱུ་བའི་སྐས་རྐང་ཡོད།  
\v 8 ཡང་ངས་སྟེགས་བུ་མཐོན་པོ་ཞིག་གིས་མཆོད་ཁང་བསྐོར་ཡོད་པ་མཐོང་སྟེ། ཁང་མིག་གི་རྨང་གཞི་ཡིན་པའི་སྟེགས་བུ་དེའི་མཐོ་ཚད་ལ་ལྕུག་མ་གཅིག་སྟེ་ཁྲུ་དྲུག་ཡོད།  
\v 9 ཁང་མིག་གི་ཕྱིའི་རྩིག་པའི་མཐུག་ཚད་ལ་ཁྲུ་ལྔ་ཡོད་དེ། མཆོད་ཁང་དང་མཆོད་དཔོན་གྱི་ཁང་མིག་རྣམས་ཀྱི་བར་དུ་ས་སྟོང་ཡོད་དོ། །  
\v 10 མཆོད་ཁང་དང་མཆོད་དཔོན་དག་གི་ཁང་མིག་རྣམས་ཀྱི་བར་དུ་མཆོད་ཁང་གི་ཕྱོགས་བཞི་རུ་ས་སྟོང་ཡོད་དེ། ཞེང་ལ་ཁྲུ་ཉི་ཤུ་ཡོད་པ་ཡིན།  
\v 11 ཁང་མིག་དེ་ལ་ས་སྟོང་དུ་རྒྱུ་བའི་སྒོ་ཡོད་དེ། སྒོ་གཅིག་བྱང་ཕྱོགས་དང་སྒོ་གཅིག་ལྷོ་ཕྱོགས་སུ་འཁོར་ཡོད་ལ། ཁང་པ་དང་ས་སྟོང་གཉིས་ཀྱི་བར་ཐག་ལ་ཁྲུ་ལྔ་ཡོད་ཅིང་མཐའ་འཁོར་རྣམས་ཀྱང་དེ་བཞིན་ནོ། །   
\s1 མཆོད་ཁང་གི་ཁྱམས་ར་དང་ཁང་པ་རྣམས།  
\p
\v 12 ནུབ་ཕྱོགས་སུ་མཆོད་ཁང་གི་ཁྱམས་རའི་ས་སྟོང་ལ་འཁོར་བའི་ཁང་པ་ཞིག་ཡོད་དེ། ཞེང་ལ་ཁྲུ་བདུན་ཅུ་དང་རིང་ཚད་ལ་ཁྲུ་དགུ་བཅུ་ཡོད་དེ། ཁང་པའི་ཕྱོགས་བཞིའི་རྩིག་པ་ཡི་མཐུག་ཚད་ལ་ཁྲུ་ལྔ་ཡོད།  
\v 13 དེས་མཆོད་ཁང་གི་ཚད་ཐིག་བླངས་པ་ན་རིང་ཐུང་ལ་ཁྲུ་བརྒྱ་ཡོད་དེ། ཡང་མཆོད་ཁང་གི་ཁྱམས་རའི་ས་སྟོང་གི་ཚད་ཐིག་བླངས་པ་ན་ཁང་པ་དེ་དང་རྩིག་པ་ཡི་སྤྱིའི་རིང་ཚད་ལ་ཁྲུ་བརྒྱ་ཡོད་པ་ཡིན།  
\v 14 ཤར་ཕྱོགས་སུ་མཆོད་ཁང་མདུན་གྱི་ས་སྟོང་ནི་ཞེང་ལ་ཁྲུ་བརྒྱ་ཡོད་དོ། །  
\v 15 དེས་མཆོད་ཁང་གི་ཁྱམས་རའི་ས་སྟོང་རྒྱབ་ཕྱོགས་ཀྱི་ཁང་པ་དང་། ཁང་པའི་འགྲམ་གཉིས་ཀྱི་བར་ཁྱམས་ཀྱི་ཚད་ཐིག་བླངས་པ་ན་སྤྱིའི་རིང་ཚད་ལ་ཁྲུ་བརྒྱ་ཡོད་ལ།  
\v 16 ཚོམས་ཁང་དང་མཆོད་ཁང་སྦུག་མ་དང་། ནང་གི་ཁྱམས་རའི་ཕྱོགས་སུ་འཁོར་བའི་སྒོ་ཁྱམས་དང་། སྒོ་ཐེམ་དང་། སྒེའུ་ཁུང་དང་། སྒོ་ཐེམ་ཁ་གཏད་ཀྱི་བར་ཁྱམས་རིམ་པ་གསུམ་བཅས་ཀྱི་མཐའ་འཁོར་དུ་ཤིང་ལེབ་ཀྱིས་བརྒྱན་ཡོད་པ་དང་། ས་ནས་སྒེའུ་ཁུང་གི་བར་དུ་སྒེའུ་ཁུང་ཐམས་ཅད་གཡོགས་ཡོད་པ་ཡིན།  
\v 17 མཆོད་ཁང་སྦུག་མའི་སྒོ་སྟེང་གི་རྩིག་པ་དང་། མཆོད་ཁང་སྦུག་མ་དང་ཚོམས་ཁང་ཕྱི་ནང་གི་ཕྱོགས་བཞིའི་རྩིག་པ་ཐམས་ཅད་ཚད་གཞི་ལྟར་ཤིང་ལེབ་ཀྱིས་གཡོགས་ཡོད་དོ། །  
\v 18 ཀེ་རུབ་དང་ཤིང་ཏ་ལ་རྣམས་བརྐོས་ཡོད་དེ། ཀེ་རུབ་དང་ཀེ་རུབ་ཀྱི་བར་དུ་ཤིང་ཏ་ལ་རེ་ཡོད་པ་དང་། ཀེ་རུབ་རེ་ལ་ཞལ་གཉིས་ཡོད།  
\v 19 ཕྱོགས་གཅིག་ནས་མི་ཡི་གདོང་ཤིང་ཏ་ལའི་ཕྱོགས་སུ་འཁོར་ཡོད་པ་དང་། ཕྱོགས་གཞན་ཞིག་ནས་སེང་གེའི་གདོང་ཤིང་ཏ་ལའི་ཕྱོགས་སུ་འཁོར་ཡོད་དེ། མཆོད་ཁང་ཧྲིལ་པོའི་ཕྱོགས་བཞི་པོར་དེ་ལྟར་བརྐོས་ཡོད་དོ། །  
\v 20 མཆོད་ཁང་གི་རྩིག་པ་ནི་ས་ནས་སྒོ་ཡི་སྟེང་ཐམས་ཅད་ལ་ཀེ་རུབ་དང་ཤིང་ཏ་ལ་བརྐོས་ཡོད་དོ། །  
\v 21 མཆོད་ཁང་གི་སྒོ་སྒྲོམ་ནི་གྲུ་བཞི་ཡིན་ཞིང་། གནས་དམ་མཆོག་མདུན་གྱི་སྒོ་སྒྲོམ་ཡང་དེ་དང་གཅིག་ཡིན།  
\v 22 མཆོད་ཁྲི་ནི་ཤིང་གིས་བཟོས་ཡོད་པ་དང་། དེའི་མཐོ་ཚད་ལ་ཁྲུ་གསུམ་དང་རིང་ཚད་ལ་ཁྲུ་གཉིས་ཡོད། མཆོད་ཁྲིའི་གྲུ་ཟུར་དང་མཆོད་ཁྲིའི་ཕྱོགས་བཞི་ཐམས་ཅད་ཤིང་གིས་བཟོས་པ་ཡིན། དེས་ང་ལ་འདི་ལྟར། འདི་ནི་དཀོན་མཆོག་ཡ་ཝཱེའི་དྲུང་དུ་འཇོག་བྱའི་གསོལ་ལྕོག་ཡིན་ནོ་ཞེས་གསུངས་སོ། །  
\v 23 མཆོད་ཁང་དང་གནས་དམ་མཆོག་གཉིས་ལ་སྒོ་གླེགས་གཉིས་རེ་ཡོད་པ་དང་།  
\v 24 སྒོ་རེ་ལ་སྒོ་གླེགས་གཉིས་རེ་ཡོད་ལ། སྒོ་གླེགས་རེ་ལ་ངོས་གཉིས་རེ་ཡོད་པ་ལྟེབ་ཆོག་པ་ཡིན།  
\v 25 རྩིག་པའི་སྟེང་དུ་བརྐོས་ཡོད་པ་དང་མཚུངས་ཤིང་། མཆོད་ཁང་གི་སྒོ་གླེགས་སྟེང་དུའང་ཀེ་རུབ་དང་ཤིང་ཏ་ལ་བརྐོས་ཡོད་དེ། ཡང་ཕྱི་རོལ་གྱི་སྒོ་ཁྱམས་མདུན་དུ་ཤིང་གིས་བཟོས་པའི་མདའ་གཡབ་ཡོད་པ་ཡིན།  
\v 26 སྒོ་ཁྱམས་ཀྱི་འགྲམ་གཉིས་སུ་དམ་པོར་བརྒྱབ་པའི་སྒེའུ་ཁུང་དང་ཤིང་ཏ་ལ་ཡོད་ཅིང་། མཆོད་ཁང་གི་ཁང་མིག་ལའང་མདའ་གཡབ་ཡོད་དོ། །   
\c 42
\cl ལེའུ་ཞེ་གཉིས་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 མཆོད་དཔོན་གྱིས་བཀོལ་བའི་ཁང་པ་རིམ་པ་གསུམ་ཅན།  
\p
\v 1 དེས་ང་ཕྱི་རུ་ཁྲིད་ནས་བྱང་ཕྱོགས་ཀྱི་ཁྱམས་ར་ཕྱི་མར་སོང་སྟེ། ང་རང་མཆོད་དཔོན་རྣམས་ཀྱི་ཁང་པར་ཁྲིད་པ་དང་། ཁང་པ་དེ་དག་ཤུར་གཅིག་མཆོད་ཁང་གི་ཁྱམས་རའི་ས་སྟོང་ལ་ཁ་གཏད་ཡོད་པ་དང་། ཤུར་གཅིག་བྱང་ཕྱོགས་ཀྱི་བཟོ་བཀོད་ལ་ཁ་གཏད་ཡོད་པ་ཡིན།  
\v 2 ཁང་པ་སྤྱིའི་རིང་ཚད་ལ་ཁྲུ་བརྒྱ་ཡོད་པ་དང་། ཞེང་ལ་ཁྲུ་ལྔ་བཅུ་ཡོད་ལ། བྱང་ཕྱོགས་སུ་འཁོར་བའི་སྒོ་ཡོད་དོ། །  
\v 3 ཁང་པ་དེ་དག་ཤུར་གཅིག་ནི་ནང་གི་ཁྱམས་རའི་ཞེང་ལ་ཁྲུ་ཉི་ཤུ་ཡོད་པའི་ས་སྟོང་དུ་ཁ་གཏད་ཡོད་པ་དང་། ཤུར་གཅིག་ནི་ཁྱམས་ར་ཕྱི་མའི་རྡོ་གཅལ་ལ་ཁ་གཏད་ཡོད་དེ། རིམ་པ་གསུམ་པའི་ཐོག་ཁང་གི་བར་ཁྱམས་ནི་ཕན་ཚུན་ཁ་གཏད་ནས་ཡོད་པ་ཡིན།  
\v 4 ཁང་པའི་མདུན་དུ་ནང་གི་འཁྱམ་རར་ལམ་དོག་མོ་ཞིག་ཡོད་པ་ཞེང་ལ་ཁྲུ་བཅུ་དང་། རིང་ཚད་ལ་ཁྲུ་བརྒྱ་ཡོད་པ་དང་། ཁང་པའི་སྒོ་རྣམས་བྱང་ཕྱོགས་སུ་འཁོར་ཡོད།  
\v 5 སྟེང་གི་ཁང་པ་རྣམས་ཆེས་དོག་མོ་ཡིན་ཏེ། གང་ལ་ཞེ་ན། སྟེང་གི་ཁང་པའི་བར་ཁྱམས་ཀྱིས་ས་ཟིན་པ་ནི་འོག་གི་རིམ་པ་དང་བར་གྱི་རིམ་པ་ལས་ཆེ་བས་སོ། །  
\v 6 ཁྱམས་ར་ཕྱི་མའི་ཁང་པར་ཀ་བ་ཡོད་པ་བཞིན་དུ། རིམ་པ་གསུམ་པའི་ཁང་པར་ཀ་བ་མེད་པས། སྟེང་གི་ཁང་པ་ནི་འོག་གི་ཁང་པ་དང་བར་གྱི་ཁང་པ་ལས་ཅུང་དོག་གོ །  
\v 7 ཕྱི་རོལ་ཏུ་རྩིག་པ་ཞིག་ཡོད་པ་དེ་ཁང་པའི་མདུན་དུ་ཡོད་དེ། ཁང་པ་དང་ཁྱམས་ར་ཕྱི་མ་གཉིས་དང་དོ་མཉམ་ཡིན་ལ། རིང་ཚད་ལ་ཁྲུ་ལྔ་བཅུ་ཡོད་པ་ཡིན།  
\v 8 ཁྱམས་ར་ཕྱི་མའི་ཕྱོགས་སུ་འཁོར་བའི་ཁང་པའི་རིང་ཚད་ལ་ཁྲུ་ལྔ་བཅུ་ཡོད་པ་དང་། མཆོད་ཁང་གི་ཕྱོགས་སུ་འཁོར་བའི་ཁང་པའི་རིང་ཚད་ལ་ཁྲུ་བརྒྱ་ཡོད་དོ། །  
\v 9 རིམ་པ་འོག་མའི་ཁང་པར་ཤར་ཕྱོགས་སུ་འཇུག་སྒོ་ཞིག་ཡོད་དེ། མི་རྣམས་ཁྱམས་ར་ཕྱི་མ་ནས་ཁང་པར་འགྲོ་ཐུབ་བོ། །  
\v 10 ཤར་ཕྱོགས་སུ་ནང་གི་ཁྱམས་རའི་རྩིག་འགྲམ་དུའང་ཁང་པ་ཡོད་དེ། ཤུར་གཅིག་ནི་མཆོད་ཁང་གི་ཁྱམས་རའི་ས་སྟོང་ལ་ཁ་གཏད་ཡོད་པ་དང་། ཤུར་གཅིག་ནི་ལྷོ་ཕྱོགས་ཀྱི་བཟོ་བཀོད་ལ་ཁ་གཏད་ཡོད་པ་ཡིན།  
\v 11 ཁང་པ་དེ་དག་གི་མདུན་དུ་ལམ་དོག་མོ་ཞིག་ཡོད་པ་བྱང་ཕྱོགས་ཀྱི་ལམ་དེ་དང་མཚུངས་ལ། རིང་ཚད་དང་ཞེང་ཚད་ཀྱང་མཚུངས་ཏེ། ཐོན་སྒོའང་བྱང་ཕྱོགས་ཀྱི་སྒོ་དེ་དང་གཅིག་ཡིན་ནོ། །  
\v 12 ཡང་ལྷོ་ཕྱོགས་ཀྱི་ཁང་པའི་སྒོ་ཡང་བྱང་ཕྱོགས་ཀྱི་སྒོ་དེ་དང་མཚུངས་ལ། ཤར་གྱི་ལམ་དོག་མོའི་འགོ་སྟེ་རྩིག་པ་དང་ཁ་གཏད་ས་ནས་འཇུག་སྒོ་ཞིག་ཡོད་དོ། །  
\v 13 དེ་ནས་ཁོས་ང་ལ་འདི་ལྟར། མཆོད་ཁང་གི་ཁྱམས་རའི་ས་སྟོང་ལ་འཁོར་ཡོད་པའི་ལྷོ་དང་བྱང་གི་ཁང་པ་རྣམས་ནི་གཙང་མ་ཡིན་ཏེ། དཀོན་མཆོག་ཡ་ཝཱེ་དང་ཉེ་བའི་མཆོད་དཔོན་རྣམས་ཀྱིས་དེར་ཟས་དམ་མཆོག་རྣམས་བཟའ་ཞིང་། གནས་དེར་འབྲུ་མཆོད་དང་། སྡིག་བཤགས་ཀྱི་མཆོད་པ་དང་། ཉེས་སེལ་གྱི་མཆོད་པ་བཅས་ཀྱི་མཆོད་རྫས་ཏེ་རྫས་དམ་མཆོག་རྣམས་འཇོག་པ་ཡིན་ཏེ། གང་ལ་ཞེ་ན། དེ་ནི་གནས་དམ་པ་ཡིན་པས་སོ། །  
\v 14 མཆོད་དཔོན་རྣམས་ནང་དུ་ཕྱིན་ཚེ་གནས་དམ་པ་ནས་ཁྱམས་ར་ཕྱི་མར་འགྲོ་མི་རུང་སྟེ། ཁོ་ཚོས་ཁང་པའི་ནང་དུ་ཞབས་ཏོག་སྒྲུབ་དུས་གྱོན་པའི་གོས་རྣམས་འཇོག་དགོས་ལ། གང་ལ་ཞེ་ན། གྱོན་པ་དེ་དག་ནི་དམ་པ་ཡིན་པས་སོ། །ཁོ་ཚོས་གོས་གཞན་གྱོན་རྗེས་ད་གཟོད་མི་རྣམས་ཡོད་སར་སོང་ཆོག་ཅེས་གསུངས་སོ། །   
\s1 གནས་མཆོག་དང་གནས་ཕལ་བ་གཉིས་ཀྱི་དབྱེ་མཚམས།  
\p
\v 15 དེས་ནང་གི་ཁྱམས་རའི་ཚད་ཐིག་བླངས་ནས་ང་རང་ཤར་སྒོ་ནས་ཕྱི་རུ་ཁྲིད་ཅིང་། ཡང་མཆོད་ཁང་ཧྲིལ་པོའི་ཕྱོགས་བཞིའི་ཚད་ཐིག་བླངས་པའོ། །  
\v 16 དེས་ཚད་ཐིག་ལེན་བྱེད་ཀྱི་ལྕུག་མས་ཤར་ཕྱོགས་ཀྱི་ཚད་ཐིག་བླངས་ཏེ། ཚད་ཐིག་བཞིན་བརྩིས་པར་སྤྱིའི་རིང་ཚད་ལ་ཁྲུ་ལྔ་བརྒྱ་ཡོད་པ་དང་།  
\v 17 ཡང་ལྕུག་མས་བྱང་ཕྱོགས་ཀྱི་ཚད་ཐིག་བླངས་ཏེ། ཚད་ཐིག་བཞིན་བརྩིས་པར་སྤྱིའི་རིང་ཚད་ལ་ཁྲུ་ལྔ་བརྒྱ་ཡོད།  
\v 18 ཡང་ལྕུག་མས་ལྷོ་ཕྱོགས་ཀྱི་ཚད་ཐིག་བླངས་ཏེ། ཚད་ཐིག་བཞིན་བརྩིས་པར་སྤྱིའི་རིང་ཚད་ལ་ཁྲུ་ལྔ་བརྒྱ་ཡོད།  
\v 19 ཡང་དེས་ཕར་སོང་ནས་ལྕུག་མས་ནུབ་ཕྱོགས་ཀྱི་ཚད་ཐིག་བླངས་ཏེ། ཚད་ཐིག་བཞིན་བརྩིས་པར་སྤྱིའི་རིང་ཚད་ལ་ཁྲུ་ལྔ་བརྒྱ་ཡོད།  
\v 20 དེ་ལྟར་ཁོས་ཕྱོགས་བཞི་པོའི་ཚད་ཐིག་བླངས་པ་ན། མཆོད་ཁང་གི་རིང་ཚད་ལ་ཁྲུ་ལྔ་བརྒྱ་ཡོད་པ་དང་། ཞེང་ལ་ཁྲུ་ལྔ་བརྒྱ་ཡོད་དེ། ཕྱོགས་བཞིར་མཁར་ཡོད་ཅིང་དེ་ནི་གནས་མཆོག་དང་གནས་ཕལ་བ་གཉིས་ཀ་སོ་སོར་དབྱེ་བའི་ཆེད་དུ་ཡིན་ནོ། །   
\c 43
\cl ལེའུ་ཞེ་གསུམ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 དཀོན་མཆོག་ཡ་ཝཱེའི་གཟི་བརྗིད་མཆོད་ཁང་ནང་དུ་ཁེངས་པ།  
\p
\v 1 དེ་ནས་ཁོས་ང་ཤར་ཕྱོགས་སུ་འཁོར་བའི་རྒྱ་སྒོ་ཡོད་སར་ཁྲིད་པ་ན།  
\v 2 ལྟོས་དང་། ཡེས་ར་ཨེལ་གྱི་དཀོན་མཆོག་གི་གཟི་བརྗིད་དེ་ཤར་ཕྱོགས་ནས་འོངས་ཏེ། ཁོང་གི་གསུང་སྐད་ནི་ཆུ་ལོག་གི་འུར་སྒྲ་དང་འདྲ་ཞིང་། ཁོང་གི་གཟི་བརྗིད་ཀྱི་དབང་གིས་ས་གཞི་ལས་འོད་འཕྲོས་པའོ། །  
\v 3 ངས་མཐོང་བའི་ཞལ་གཟིགས་དེ་ནི་ཁོང་ཉིད་གྲོང་ཁྱེར་དེ་མེད་པར་བཟོ་བར་ཕེབས་དུས་སུ་མཐོང་བའི་ཞལ་གཟིགས་དང་མཚུངས་ལ། ཡང་ངས་ཀེ་བར་གཙང་པོའི་འགྲམ་དུ་མཐོང་བའི་ཞལ་གཟིགས་དང་འདྲ་བས་ང་ལུས་སར་བཏུད་ནས་བསྡད།  
\v 4 དཀོན་མཆོག་ཡ་ཝཱེའི་གཟི་བརྗིད་ནི་ཤར་ཕྱོགས་སུ་འཁོར་བའི་རྒྱ་སྒོ་ལས་མཆོད་ཁང་གི་ནང་དུ་ཕེབས་སོ། །  
\v 5 དེ་ནས་ཐུགས་ཉིད་ཀྱིས་ང་ཡར་བཀྱགས་ཏེ་ང་རང་ནང་གི་ཁྱམས་རར་ཁྲིད་པ་ན། དཀོན་མཆོག་ཡ་ཝཱེའི་གཟི་བརྗིད་ནི་མཆོད་ཁང་ནང་དུ་ཁེངས་ཡོད་པ་ངས་མཐོང་ངོ་། །  
\v 6 མི་དེ་ངའི་གམ་དུ་ལངས་སྡོད་པའི་སྐབས་སུ། གཙོ་བོས་མཆོད་ཁང་ནས་ང་ལ་བཀའ་གནང་བ་ངས་ཐོས་བྱུང་སྟེ།  
\v 7 ཁོང་གིས་ང་ལ་འདི་སྐད་དུ། ཀྱེ་མིའི་བུ། འདི་ནི་ངའི་བཞུགས་ཁྲི་ཡོད་ས་དང་། ངའི་རྐང་པ་སྤོ་སའི་གནས་དེ་ཡིན་པས། ང་གནས་དེ་རུ་བསྡད་ནས་ཡེས་ར་ཨེལ་པ་རྣམས་ཀྱི་ནང་དུ་ཇི་སྲིད་བར་དུ་གནས་པར་འགྱུར་ལ། ད་ཕྱིན་ཆད་ཡེས་ར་ཨེལ་གྱི་ཁྱིམ་རྒྱུད་དང་དེ་དག་གི་རྒྱལ་པོ་རྣམས་ཀྱིས་རང་ཉིད་ཀྱི་ལོག་གཡེམ་དང་། རྒྱལ་པོ་རྣམས་ཀྱི་མཐོ་གླིང་གི་རྡོ་རིང་གིས་ངའི་མཚན་དམ་པ་བཙོག་པར་མི་བྱ།  
\v 8 དེ་དག་གི་སྒོ་ཐེམ་ནི་ངའི་སྒོ་ཐེམ་དང་ཉེ་ཞིང་། དེ་དག་གི་སྒོ་སྒྲོམ་ཡང་ངའི་སྒོ་སྒྲོམ་དང་ཉེ་བ་ཡིན། ང་དང་དེ་དག་གི་བར་དུ་རྩིག་པ་གཅིག་མ་གཏོགས་མེད་པའི་དུས་སུ། དེ་དག་གིས་རང་གིས་སྤྱད་པའི་ཞེན་ལོག་གི་ལས་ཀྱིས་ངའི་མཚན་དམ་པ་བཙོག་པར་བཟོས་པས། ངས་ཁོང་ཁྲོ་དང་བཅས་དེ་དག་རྩ་མེད་དུ་བཏང་བ་ཡིན།  
\v 9 ད་ལྟ་ཁོ་ཚོས་ངའི་མདུན་དུ་རང་གི་ལོག་གཡེམ་དང་ཁོ་ཚོའི་རྒྱལ་པོ་དག་གི་རྡོ་རིང་རྣམས་མེད་པར་བཟོས་ན། ང་ནི་ཇི་སྲིད་བར་དུ་ཁོ་ཚོའི་ཁྲོད་དུ་གནས་པར་འགྱུར་རོ། །  
\v 10 ཀྱེ་མིའི་བུ། ཁྱོད་ཀྱིས་མཆོད་ཁང་འདི་ཡེས་ར་ཨེལ་གྱི་ཁྱིམ་རྒྱུད་ལ་བསྟན་ནས་ཁོ་རྣམས་རང་གི་སྡིག་པའི་རྐྱེན་གྱིས་ངོ་ཚ་བར་གྱིས་ལ། ཡང་ཁོ་ཚོར་མཆོད་ཁང་གི་ཆེ་ཆུང་ཚད་ཐིག་ལེན་དུ་ཆུག་དང་།  
\v 11 གལ་ཏེ་ཁོ་རྣམས་རང་གིས་སྤྱད་པའི་ལས་ཀུན་གྱི་ཕྱིར་ངོ་ཚ་བར་གྱུར་ན། ཁྱོད་ཀྱིས་མཆོད་ཁང་གི་བཟོ་བཀོད་དང་སྒྲིག་གཞི། ནང་ལ་འགྲོ་ས་དང་ཕྱིར་ཐོན་ས། ད་དུང་བཟོ་བཀོད་དང་ལམ་སྲོལ། གུས་སྲོལ་མཛད་སྒོ། ཁྲིམས་སྲོལ་མཐའ་དག་དེ་རྣམས་ལ་སྟོན་ཅིག ཡང་དེ་དག་གི་མདུན་དུ་ཡི་གེར་བཀོད་ནས་མཆོད་ཁང་གི་བཟོ་བཀོད་དང་ལམ་སྲོལ་ཡོད་ཚད་བཞིན་དུ་ཁོ་རྣམས་ལ་བྱེད་དུ་ཆུག  
\v 12 མཆོད་ཁང་གི་ཁྲིམས་སྲོལ་ནི་འདི་ལྟ་སྟེ། མཆོད་ཁང་གི་རི་རྩེའི་མཐའ་འཁོར་གྱི་ས་མཚམས་ཀུན་དམ་པར་བརྩིས་པ་ནི་མཆོད་ཁང་གི་ཁྲིམས་སྲོལ་ཡིན་ནོ། །   
\s1 མཆོད་ཁྲི།  
\p
\v 13 མཆོད་ཁྲིའི་ཆེ་ཆུང་ནི་འདི་ལྟ་སྟེ། ཁྲུ་རེ་ཚད་ཐིག་ཏུ་བྱེད་དགོས་ལ་ཁྲུ་རེ་ནི་ཁྲུ་གང་དང་སོར་བཞི་ཡིན། ཝ་མཆུ་ལ་ཁྲུ་གང་དང་མུ་མཐའི་ཞེང་ལ་ཁྲུ་གང་ཡོད་དེ། ཕྱོགས་བཞི་རུ་མཐའ་ཡོད་པའི་མཐོ་ཚད་ལ་ཐོ་གང་ཡོད་པ་འདི་ནི་མཆོད་ཁྲིའི་ཞབས་ར་ཡིན་ནོ། །  
\v 14 ཝ་མཆུ་ནས་འོག་རིམ་གྱི་ཁྲི་སྟེགས་བར་དུ་མཐོ་ཚད་ལ་ཁྲུ་དོ་དང་། མུ་མཐའི་ཞེང་ལ་ཁྲུ་གང་ཡོད་དེ། ཁྲི་སྟེགས་ཆུང་བ་ནས་ཆེ་བའི་བར་དུ་མཐོ་ཚད་ལ་ཁྲུ་དོ་དང་། མུ་མཐའི་ཞེང་ལ་ཁྲུ་གང་ཡོད་དོ། །  
\v 15 མཆོད་ཁྲིའི་མཆོད་རྫས་བཤམས་སའི་མཐོ་ཚད་ལ་ཁྲུ་བཞི་ཡོད་པ་དང་། མཆོད་རྫས་བཤམས་ས་ནས་ཟུར་བཞི་པོ་ཕྱི་རུ་འབུར་ཡོད་པ་ཡིན།  
\v 16 མཆོད་རྫས་བཤམས་སའི་རིང་ཐུང་ལ་ཁྲུ་བཅུ་གཉིས་དང་། ཞེང་ལ་ཁྲུ་བཅུ་གཉིས་ཡོད་དེ། ཕྱོགས་བཞིའི་དབྱིབས་ནི་གྲུ་བཞི་ཡིན།  
\v 17 ཁྲི་སྟེགས་ཆེ་བའི་རིང་ཐུང་ལ་ཁྲུ་བཅུ་བཞི་ཡོད་པ་དང་། ཞེང་ལ་ཁྲུ་བཅུ་བཞི་ཡོད་དེ། ཕྱོགས་བཞིའི་དབྱིབས་ནི་གྲུ་བཞི་ཡིན་ལ། མཐའ་བཞི་པོའི་མཐོ་ཚད་ལ་ཁྲུ་ཕྱེད་ཀ་ཡོད་པ་དང་། ཝ་མཆུའི་ཕྱོགས་བཞི་པོའི་མུ་མཐའ་ཡི་ཞེང་ལ་ཁྲུ་གང་ཡོད། ཡང་སྐས་རྐང་ནི་ཤར་ཕྱོགས་སུ་འཁོར་ཡོད་པ་ཡིན་ཞེས་གསུངས་སོ། །   
\s1 མཆོད་པའི་ཆོ་ག་སྤེལ་ལུགས།  
\p
\v 18 ཁོས་ང་ལ་འདི་ལྟར། ཀྱེ་མིའི་བུ། གཙོ་བོ་ཡ་ཝཱེས་འདི་སྐད་དུ། མཆོད་ཁྲིའི་ལམ་སྲོལ་ནི་འདི་ལྟ་སྟེ། མཆོད་ཁྲི་བཞེངས་ཚར་ནས་དེའི་སྟེང་དུ་སྦྱིན་སྲེག་གི་མཆོད་པ་ཕུལ་ཏེ་ཁྲག་གཏོར་བའི་དུས་སུ།  
\v 19 ངའི་སྤྱན་སྔར་བདག་ལ་ཞབས་ཕྱི་སྒྲུབ་པའི་ལེ་ཝི་པའི་མཆོད་དཔོན་ཏེ་ཟཱ་ཏོག་གི་བུ་རྒྱུད་རྣམས་ལ། སྡིག་བཤགས་ཀྱི་མཆོད་པ་རུ་ཁྱོད་ཀྱིས་བ་ཕྲུག་ཅིག་སྟེར་དགོས་ཞེས་གཙོ་བོ་ཡ་ཝཱེས་གསུངས་པ་དང་།  
\v 20 ཁྱོད་ཀྱིས་བ་ཕྲུག་གི་ཁྲག་ཅུང་ཙམ་བླངས་ཏེ་མཆོད་ཁྲིའི་ཟུར་བཞི་དང་ཁྲི་སྟེགས་ཀྱི་ཟུར་བཞི། དེ་མིན་ཕྱོགས་བཞིའི་འབུར་དུ་ཐོན་པའི་མཐའ་རྣམས་ལ་སྐུས་ཤིག ཁྱོད་ཀྱིས་དེ་ལྟར་མཆོད་ཁྲི་གཙང་མར་བྱས་ན་དེ་གཙང་མར་འགྱུར་རོ། །  
\v 21 ཡང་ཁྱོད་ཀྱིས་སྡིག་བཤགས་ཀྱི་མཆོད་པར་འབུལ་བའི་བ་ཕྲུག་དེ་ནི་གནས་དམ་པའི་ཕྱི་རོལ་ཏུ་མཆོད་ཁང་གི་གཏན་ལ་ཁེལ་བའི་གནས་སུ་སྲེགས་ཤིག  
\v 22 བ་ཕྲུག་གིས་མཆོད་ཁྲི་གཙང་མར་བྱས་པ་བཞིན་དུ་མཆོད་ཁྲི་གཙང་མར་བཟོ་བའི་ཕྱིར། དེའི་ཕྱི་ཉིན་ཁྱོད་ཀྱིས་སྐྱོན་དང་བྲལ་བའི་ར་ཐུག་ཅིག་སྡིག་བཤགས་ཀྱི་མཆོད་པར་ཕུལ་ཞིག  
\v 23 ཁྱོད་ཀྱིས་མཆོད་ཁྲི་གཙང་མར་བྱས་རྗེས་སྐྱོན་དང་བྲལ་བའི་བ་ཕྲུག་ཅིག་དང་ལུག་ཁྱུ་ལས་སྐྱོན་དང་བྲལ་བའི་ལུག་ཐུག་ཅིག་བླངས་ཏེ་མཆོད་པར་འབུལ་དགོས།  
\v 24 ཁྱོད་ཀྱིས་དེ་དག་ཡ་ཝཱེའི་ཞལ་ངོར་ཕུལ་ཞིག མཆོད་དཔོན་རྣམས་ཀྱིས་དེ་དག་གི་སྟེང་དུ་ཚྭ་གཏོར་ནས་ཡ་ཝཱེ་ལ་སྦྱིན་སྲེག་གི་མཆོད་པར་འབུལ་དགོས།  
\v 25 ཁྱོད་ཀྱིས་བསྟུད་མར་ཉིན་བདུན་ལ་ཉིན་རེ་བཞིན་སྡིག་བཤགས་ཀྱི་མཆོད་པའི་ཕྱིར་ར་ཐུག་ཅིག་དང་། ཡང་བ་ཕྲུག་ཅིག་དང་ལུག་ཁྱུ་ལས་ལུག་ཐུག་ཅིག་གྲ་སྒྲིག་བྱེད་དགོས་ལ། ཐམས་ཅད་སྐྱོན་དང་བྲལ་བ་ཡིན་དགོས།  
\v 26 བསྟུད་མར་ཉིན་བདུན་ལ་མཆོད་དཔོན་རྣམས་ཀྱིས་མཆོད་ཁྲི་གཙང་མར་བྱས་ན་མཆོད་ཁྲི་གཙང་མར་འགྱུར་ཞིང་། ཁོ་ཚོས་དེ་ལྟར་མཆོད་ཁྲི་དམ་པར་བྱས་པ་ཡིན།  
\v 27 ཉིན་བདུན་ཚང་རྗེས་ཀྱི་ཉིན་བརྒྱད་པ་ནས་བཟུང་། མཆོད་དཔོན་རྣམས་ཀྱིས་མཆོད་ཁྲིའི་སྟེང་དུ་ཁྱོད་ཅག་གི་སྦྱིན་སྲེག་དང་ཞི་བདེའི་མཆོད་པ་འབུལ་དགོས་པ་དང་། དུས་དེར་ངས་དགའ་མགུའི་ངང་ཁྱོད་རྣམས་དང་དུ་ལེན་ནོ་ཞེས་གཙོ་བོ་ཡ་ཝཱེས་གསུངས་ཞེས་གསུངས་སོ། །   
\c 44
\cl ལེའུ་ཞེ་བཞི་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཤར་སྒོ་བརྒྱབ་པ།  
\p
\v 1 ཡང་དེས་ང་གནས་དམ་པའི་ཤར་ཕྱོགས་སུ་འཁོར་བའི་ཕྱི་སྒོ་རུ་ཁྲིད་པ་ན་སྒོ་དེ་བརྒྱབ་ཡོད་པ་དང་།  
\v 2 དཀོན་མཆོག་ཡ་ཝཱེས་ང་ལ་འདི་སྐད་དུ། སྒོ་འདི་ངེས་པར་དུ་རྒྱག་དགོས་པ་ལས་འབྱེད་མི་རུང་སྟེ། མི་སུ་ཞིག་ཡིན་ཡང་དེ་ལས་ནང་དུ་འགྲོ་མི་ཆོག གང་ལ་ཞེ་ན། ཡེས་ར་ཨེལ་གྱི་དཀོན་མཆོག་ཡ་ཝཱེ་དེ་ལས་ནང་དུ་ཕེབས་པས་ན་སྒོ་འདི་ངེས་པར་དུ་རྒྱག་དགོས་པ་ཡིན།  
\v 3 རྒྱལ་པོ་འབའ་ཞིག་ནང་དུ་བཞུགས་ཏེ་ཡ་ཝཱེའི་དྲུང་དུ་བག་ལེབ་བཟའ་ཆོག་པ་དང་། དེ་ནི་ངེས་པར་དུ་སྒོ་ཁྱམས་ནས་ནང་དུ་འཛུལ་ཞིང་། ཡང་ལམ་དེ་བརྒྱུད་ནས་ཕྱིར་ཡོང་དགོས་པ་ཡིན་ཞེས་གསུངས་སོ། །  
\v 4 ཡང་ཁོས་བྱང་སྒོ་བརྒྱུད་ནས་ང་མཆོད་ཁང་གི་མདུན་ཕྱོགས་སུ་ཁྲིད་ཅིང་། ངས་བལྟས་པ་ན། དཀོན་མཆོག་ཡ་ཝཱེའི་མཆོད་ཁང་ནང་དུ་ཁོང་གི་གཟི་བརྗིད་ཀྱིས་ཁེངས་ཡོད་པ་མཐོང་བ་དང་ངས་གདོང་སར་བཏུད་ནས་བསྡད་དོ། །  
\v 5 དཀོན་མཆོག་ཡ་ཝཱེས་ང་ལ་འདི་སྐད་དུ། ཀྱེ་མིའི་བུ། ངས་ཁྱོད་ལ་སྨྲས་པའི་དཀོན་མཆོག་ཡ་ཝཱེའི་མཆོད་ཁང་གི་ལམ་སྲོལ་དང་ཁྲིམས་སྲོལ་ཐམས་ཅད་ལ་ཁྱོད་ཀྱིས་གཟབ་གཟབ་བྱས་ནས་མིག་གིས་ལྟོས་ལ་རྣ་བས་ཉོན་ཅིག དེར་མ་ཟད་མཆོད་ཁང་གི་འཇུག་སྒོ་དང་གནས་དམ་པའི་ཐོན་སྒོ་ཐམས་ཅད་ལ་ཡིད་འཇོག་བྱེད་དགོས།  
\v 6 ཁྱོད་ཀྱིས་ཡེས་ར་ཨེལ་གྱི་ཁྱིམ་རྒྱུད་ངོ་ལོག་ཅན་ལ་འདི་ལྟར་སྨྲོས་ཤིག གཙོ་བོ་ཡ་ཝཱེས་འདི་སྐད་དུ། ཀྱེ་ཡེས་ར་ཨེལ་གྱི་ཁྱིམ་རྒྱུད། ཁྱོད་ཀྱིས་སྤྱད་པའི་ཞེན་ལོག་གི་དོན་ཀུན་ད་དུང་མ་ལོངས་སམ།  
\v 7 ཁྱོད་རྣམས་ཀྱིས་ཞེན་ལོག་གི་དོན་འདི་ཐམས་ཅད་སྤྱད་པའི་ཁར། ད་དུང་ཁྱོད་རྣམས་ཀྱིས་ཚིལ་དང་ཁྲག་ང་ལ་ཟས་སུ་འབུལ་སྐབས། ལུས་སེམས་གཉིས་ཀྱི་མཚན་སྐྱི་བཅད་མེད་པའི་ཕྱི་ཕྱོགས་པ་རྣམས་ངའི་གནས་དམ་པ་རུ་ཁྲིད་འོངས་ཏེ། ངའི་མཆོད་ཁང་བཙོག་པར་བཟོས་ནས་ངའི་ཁ་ཆད་ལའང་འགལ་བའོ། །  
\v 8 ཡང་ཁྱོད་ཚོས་ངའི་རྫས་དམ་པ་རྣམས་མ་བསྲུངས་པའི་ཁར། ཁྱོད་རྣམས་ཀྱི་ཚབ་ཏུ་ངའི་གནས་དམ་པར་མི་གཞན་མངགས་ནས་སྲུང་བར་བཅུག་གོ་ཞེས་གསུངས་སོ། །  
\v 9 ཡང་གཙོ་བོ་ཡ་ཝཱེས་འདི་སྐད་དུ། ཡེས་ར་ཨེལ་པ་རྣམས་ཀྱི་ཁྲོད་དུ་ལུས་སེམས་གཉིས་ཀྱི་མཚན་སྐྱི་བཅད་མེད་པའི་ཕྱི་ཕྱོགས་པ་རྣམས་སུ་ཡིན་ཡང་ངའི་གནས་དམ་པ་རུ་འོང་མི་ཆོག  
\v 10 ཡེས་ར་ཨེལ་པ་རྣམས་ཀྱིས་ལམ་བོར་བའི་དུས་སུ། ལེ་ཝི་པ་ཡང་ང་དང་རིང་དུ་བྲལ་ནས་ལམ་བོར་བ་དང་། དེ་དག་ང་དང་བྲལ་ནས་རང་གི་སྐུ་འདྲའི་རྗེས་སུ་འབྲངས་པས་ན་ཁོ་ཚོས་རང་གི་སྡིག་པ་འཁུར་དགོས་ངེས་ཡིན།  
\v 11 དེ་དག་གིས་ངའི་གནས་དམ་པ་རུ་ཞབས་ཕྱི་བསྒྲུབས་ནས་ངའི་མཆོད་ཁང་གི་སྒོ་རྣམས་བསྲུང་དགོས་ལ། ངའི་གནས་དམ་པའི་ནང་དུ་ལས་འགན་བསྒྲུབ་དགོས། དེ་དག་གིས་མི་རྣམས་ཀྱི་ཆེད་དུ་སྦྱིན་སྲེག་གི་མཆོད་པའི་ཕྱུགས་ཟོག་དང་། མཆོད་པ་གཞན་པའི་ཕྱུགས་ཟོག་རྣམས་བཤའ་དགོས་པ་དང་། ཡང་མི་རྣམས་ཀྱི་མདུན་དུ་ལངས་ནས་དེ་དག་ལ་ཞབས་ཏོག་བསྒྲུབ་དགོས་སོ། །  
\v 12 གང་ལ་ཞེ་ན། སྔར་ལེ་ཝི་པ་དེ་དག་གིས་ཁོ་ཚོའི་སྐུ་འདྲའི་མདུན་དུ་མི་འདི་རྣམས་ལ་ཞབས་ཏོག་བསྒྲུབས་པས། ཡེས་ར་ཨེལ་གྱི་ཁྱིམ་རྒྱུད་སྡིག་པའི་ནང་དུ་ལྷུང་བར་བྱེད་པའི་བཀག་རྡོ་རུ་གྱུར་པའོ། །དེ་བས་ངས་ཁོ་ཚོའི་ཕྱོགས་སུ་ལག་པ་བརྐྱངས་ནས་མནའ་བསྐྱལ་བ་སྟེ། དེ་དག་གིས་རང་གི་སྡིག་པ་འཁུར་དགོས་ངེས་ཡིན་ཞེས་གཙོ་བོ་ཡ་ཝཱེས་གསུངས་སོ། །  
\v 13 དེ་དག་ངའི་ཉེ་སར་བཅར་ནས་ངའི་མཆོད་དཔོན་བྱེད་མི་རུང་ལ། ངའི་རྫས་དམ་པ་རྣམས་དང་རྫས་དམ་མཆོག་རྣམས་ཀྱི་ཉེ་སར་ཡང་བཅར་མི་རུང་། དེ་དག་གིས་ངེས་པར་དུ་རང་གི་ངོ་ཚ་དང་རང་གིས་བྱས་པའི་ཞེན་ལོག་གི་དོན་རྣམས་ཀྱི་ལན་འཁུར་དགོས།  
\v 14 ཡིན་ནའང་ངས་ཁོ་ཚོ་མཆོད་ཁང་བསྲུང་བ་དང་མཆོད་ཁང་གི་ལས་དོན་རྣམས་བསྒྲུབ་པ། བྱེད་འོས་པའི་ལས་ཐམས་ཅད་བྱེད་པའི་ཆེད་དུ་བསྐོ་བར་བྱའོ། །   
\s1 མཆོད་དཔོན་རྣམས་ཀྱིས་བསྲུང་དགོས་པའི་ཁྲིམས་སྲོལ།  
\p
\v 15 ཡེས་ར་ཨེལ་པ་རྣམས་ཀྱིས་ལམ་བོར་ཏེ་ང་དང་ཁ་བྲལ་དུས་སུ། ཟཱ་ཏོག་གི་བུ་རྒྱུད་དེ་ལེ་ཝི་པའི་མཆོད་དཔོན་དག་གིས་ད་དུང་ངའི་གནས་དམ་པ་བསྲུངས་པ་ཡིན། དེ་རྣམས་འབའ་ཞིག་ངའི་ཉེ་སར་བཅར་ནས་ང་ལ་ཞབས་ཕྱི་བསྒྲུབ་པ་དང་། ངའི་མདུན་དུ་ལངས་བསྡད་དེ་ཚིལ་དང་ཁྲག་ང་ལ་འབུལ་ཆོག་པ་ཡིན་ཞེས་གཙོ་བོ་ཡ་ཝཱེས་གསུངས།  
\v 16 དེ་དག་ནི་ངའི་གནས་དམ་པའི་ནང་དུ་འཛུལ་ནས་ངའི་སྒྲོག་ཙེ་རྩར་འོངས་ཏེ་ང་ལ་ཞབས་ཏོག་བསྒྲུབ་པ་དང་། ངས་བསྒོས་པའི་བཀའ་རྣམས་བསྲུང་ཆོག་པ་ཡིན།  
\v 17 དེ་དག་ནང་གི་ཁྱམས་རའི་སྒོ་རུ་འཇུག་དུས་སུ། ངེས་པར་དུ་སོ་རས་སྲབ་བུ་གྱོན་དགོས་པ་དང་། དེ་དག་གིས་ནང་གི་ཁྱམས་རའི་སྒོ་ཁ་དང་མཆོད་ཁང་ནང་དུ་ཞབས་ཏོག་སྒྲུབ་དུས་སུ་ཁོ་ཚོས་སྣམ་བུ་གྱོན་མི་རུང་སྟེ།  
\v 18 ཁོ་ཚོའི་མགོ་ལ་སོ་རས་སྲབ་བུ་དཀྲི་དགོས་པ་དང་། ཁོག་སྨད་ལ་སོ་རས་སྲབ་བུའི་དོར་མ་གྱོན་དགོས་པ་ལས། ལུས་སུ་རྔུལ་ཆུ་འདོན་སླ་བའི་གོས་ནི་གྱོན་མི་རུང་།  
\v 19 དེ་དག་ཁྱམས་ར་ཕྱི་མའི་མི་རྣམས་ཀྱི་རྩར་འགྲོ་དུས་སུ། ཞབས་ཏོག་སྒྲུབ་དུས་ཀྱི་གོས་རྣམས་ཕུད་དེ་མཆོད་ཁང་གི་ཁང་པའི་ནང་དུ་འཇོག་དགོས་ཤིང་། རང་གི་གོས་དམ་པས་མི་རྣམས་དམ་པར་མི་བྱེད་པའི་ཆེད་དུ་གོས་གཞན་རྣམས་གྱོན་དགོས་སོ། །  
\v 20 དེ་དག་གིས་སྐྲ་བཞར་མི་རུང་ལ་སྐྲ་ཐུང་ཐུང་འཇོག་པ་ལས་སྐྲ་རིང་པོའང་འཇོག་མི་རུང་།  
\v 21 མཆོད་དཔོན་ཐམས་ཅད་ནང་གི་ཁྱམས་རར་འཇུག་དུས་སུ་རྒུན་ཆང་འཐུང་མི་རུང་།  
\v 22 དེ་དག་གིས་ཡུགས་མོ་དང་སྐྱེས་པས་དོར་བའི་བུད་མེད་ནི་ཆུང་མར་ལེན་མི་རུང་ལ། ཡེས་ར་ཨེལ་ཁྱིམ་རྒྱུད་ཀྱི་ན་ཆུང་བུ་མོ་དང་ཡང་ན་མཆོད་དཔོན་ནས་ལུས་པའི་ཡུགས་མོ་ཆུང་མར་ལེན་དགོས།  
\v 23 དེ་དག་གིས་ངའི་འབངས་མི་ལ་རྫས་དམ་པ་དང་རྫས་ཕལ་བ་གཉིས་བཀར་བའི་བསླབ་བྱ་གནང་སྟེ། མི་ལ་གང་ཞིག་གཙང་བ་དང་གང་ཞིག་མི་གཙང་བའི་དབྱེ་བ་འབྱེད་དུ་འཇུག་དགོས།  
\v 24 ཡང་དེ་དག་གིས་གྱོད་དོན་རྣམས་ཐག་གིས་གཅོད་དགོས་ཏེ། ངའི་སྒྲིག་སྲོལ་བཞིན་དུ་ཐག་གིས་གཅོད་དགོས། ཁོ་ཚོས་ངའི་དུས་ཆེན་ཀུན་གྱི་ནང་དུ་གཟབ་གཟབ་ངང་ངའི་བཀའ་ཁྲིམས་དང་སྲོལ་ཡིག་རྣམས་བསྲུང་དགོས་ལ། ངའི་ངལ་གསོ་བའི་ཉིན་མོ་དམ་པར་བསྲུང་དགོས།  
\v 25 དེ་དག་ཤི་བོའི་ཉེ་སར་བཏུད་ནས་རང་ཉིད་མི་གཙང་བར་བྱེད་མི་རུང་། ཡིན་ནའང་ཤི་བོ་དེ་ནི་རང་གི་ཕའམ། མ། བུ། བུ་མོ། སྤུན་ཟླ། ཡང་ན་གནས་ལ་ཕྱིན་མེད་པའི་ལྕམ་སྲིང་ཡིན་ན། དེ་དག་གིས་རང་ཉིད་བཙོག་པར་བཟོས་ཆོག་གོ །  
\v 26 མཆོད་དཔོན་གྱིས་རང་ཉིད་གཙང་མར་མཛད་རྗེས་ད་དུང་ཉིན་བདུན་ལ་བསྒུག་དགོས་ཏེ།  
\v 27 དེ་ནང་གི་ཁྱམས་རར་ཕྱིན་ཏེ་གནས་དམ་པ་རུ་ཞབས་ཏོག་སྒྲུབ་དུས་སུ། དེས་སྡིག་བཤགས་ཀྱི་མཆོད་པ་འབུལ་དགོས་ཞེས་གཙོ་བོ་ཡ་ཝཱེས་གསུངས་སོ། །   
\s1 ཡ་ཝཱེ་ནི་མཆོད་དཔོན་རྣམས་ཀྱི་ནོར་སྐལ་ཡིན་པ།  
\p
\v 28 མཆོད་དཔོན་རྣམས་ལ་ནོར་སྐལ་ཡོད་དེ་བདག་ནི་དེ་དག་གི་ནོར་སྐལ་ཡིན། ཁྱོད་རྣམས་ཀྱིས་ཡེས་ར་ཨེལ་གྱི་ནང་དུ་དེ་དག་ལ་ས་སྐལ་གང་ཡང་སྟེར་མི་རུང་སྟེ། བདག་ནི་དེ་དག་གི་ཐོབ་སྐལ་ཡིན་ནོ། །  
\v 29 འབྲུ་མཆོད་དང་སྡིག་བཤགས་ཀྱི་མཆོད་པ། ཉེས་སེལ་གྱི་མཆོད་པ་བཅས་ཀྱི་མཆོད་རྫས་རྣམས་ཁོ་ཚོས་བཟའ་རུང་སྟེ། ཡེས་ར་ཨེལ་གྱི་ནང་དུ་ཡ་ཝཱེ་ལ་ཕུལ་བ་ཐམས་ཅད་མཆོད་དཔོན་རྣམས་ལ་དབང་བ་ཡིན་ནོ། །  
\v 30 ཐོག་ཕུད་རྣམས་ལས་ཆེས་ལེགས་པའི་རྫས་དང་ཁྱོད་ཚོས་ཕུལ་བའི་མཆོད་རྫས་ཐམས་ཅད་མཆོད་དཔོན་རྣམས་ལ་དབང་བ་དང་། ཁྱོད་ཀྱི་ཁྱིམ་ལ་བྱིན་རླབས་འཐོབ་པའི་ཆེད་དུ། ཁྱོད་ཚོས་ཕྱེ་གསར་པ་དེ་མཆོད་དཔོན་ལ་འབུལ་དགོས།  
\v 31 འདབ་ཆགས་དང་ཡང་ན་རི་དྭགས་གང་ཡིན་ཡང་རང་བཞིན་གྱིས་ཤི་བའམ་ཡང་ན་ཐང་དུ་ཕྲལ་བའི་ཤ་གང་ཡང་མཆོད་དཔོན་རྣམས་ཀྱིས་བཟའ་མི་རུང་ངོ་ཞེས་གསུངས་སོ། །   
\c 45
\cl ལེའུ་ཞེ་ལྔ་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 གནས་གཙང་མ།  
\p
\v 1 ཁྱོད་ཚོས་རྒྱན་བླངས་ནས་ས་སྐལ་བགོ་བའི་དུས་སུ། རིང་ཚད་ལ་ཁྲུ་ཉིས་ཁྲི་ལྔ་སྟོང་དང་། ཞེང་ལ་ཁྲུ་ཆིག་ཁྲི་ཅན་གྱི་ས་སྐལ་ཞིག་གནས་གཙང་མ་རུ་ཡ་ཝཱེ་ལ་ཕུལ་ཞིག དེའི་ས་ཁུལ་ཡོངས་རྫོགས་དམ་པ་ཡིན།  
\v 2 དེའི་ནང་ནས་རིང་ཚད་ལ་ཁྲུ་ལྔ་བརྒྱ་དང་། ཞེང་ལའང་ཁྲུ་ལྔ་བརྒྱ་ཡོད་པའི་ཕྱོགས་བཞི་པོ་གྲུ་བཞི་ཅན་གྱི་ས་ཞིག་གནས་དམ་པའི་ཕྱིར་འཇོག་དགོས་པ་དང་། དེའི་མཐའ་འཁོར་དུ་ཁྲུ་ལྔ་བཅུ་ཡོད་པའི་ས་སྟོང་ཞིག་འཇོག་དགོས།  
\v 3 ཁྱོད་རྣམས་ཀྱིས་ཚད་ཐིག་བླངས་པའི་གནས་གཙང་མ་ལས་རིང་ཚད་ལ་ཁྲུ་ཉིས་ཁྲི་ལྔ་སྟོང་དང་། ཞེང་ལ་ཁྲུ་ཆིག་ཁྲི་ཡོད་པའི་ས་ཞིག་ཚད་ནས་དེའི་ནང་དུ་གནས་དམ་པ་ཡོད་དགོས་ལ། དེ་ནི་གནས་དམ་མཆོག་ཡིན་ནོ། །  
\v 4 དེ་ནི་ས་ཁུལ་ཡོངས་ཀྱི་གནས་མཆོག་ཅིག་ཡིན་ཏེ། གནས་དམ་པ་རུ་ཞབས་ཏོག་སྒྲུབ་པ་དང་། ཡ་ཝཱེའི་ཉེ་སར་བཏུད་ནས་ཁོང་ལ་ཞབས་ཕྱི་སྒྲུབ་པའི་མཆོད་དཔོན་རྣམས་ལ་དབང་ཞིང་། དེ་ནི་ཁོ་ཚོའི་ཁང་ས་དང་གནས་དམ་པའི་གནས་མཆོག་ཡིན།  
\v 5 ཡང་རིང་ཚད་ལ་ཁྲུ་ཉིས་ཁྲི་ལྔ་སྟོང་ཡོད་པ་དང་། ཞེང་ལ་ཁྲུ་ཆིག་ཁྲི་ཡོད་པའི་ས་གཞན་ཞིག་ཡོད་པ་དེ་ནི། མཆོད་ཁང་ནང་དུ་ཞབས་ཏོག་སྒྲུབ་པའི་ལེ་ཝི་པ་རྣམས་ལ་དབང་ཞིང་། ཁང་པ་ཉི་ཤུ་ནི་དེའི་ས་སྐལ་དུ་འགྱུར་རོ། །  
\v 6 ཁྱོད་རྣམས་ཀྱིས་ཞེང་ལ་ཁྲུ་ལྔ་སྟོང་དང་། རིང་ཚད་ལ་ཁྲུ་ཉིས་ཁྲི་ལྔ་སྟོང་ཡོད་པའི་ས་ཞིག་བགོས་ཏེ་གྲོང་ཁྱེར་གྱི་ས་སྐལ་བྱེད་དགོས་ཤིང་། དེ་ནི་ཁྱོད་ཚོས་ཕུལ་བའི་གནས་གཙང་མའི་འགྲམ་དུ་ཡེས་ར་ཨེལ་གྱི་ཁྱིམ་རྒྱུད་ཡོངས་ལ་དབང་བའོ། །   
\s1 རྒྱལ་པོར་དབང་བའི་ས།  
\p
\v 7 རྒྱལ་པོར་དབང་བའི་ས་ནི་ཁྱོད་ཚོས་ཕུལ་བའི་གནས་གཙང་མ་དང་གྲོང་ཁྱེར་གྱི་ས་ཡི་འགྲམ་དུ་ཡོད་དགོས་པ་དང་། གཅིག་ནི་ཁྱོད་ཚོས་ཕུལ་བའི་གནས་གཙང་མར་ཁ་གཏད་དགོས་པ་དང་། ཅིག་ཤོས་ནི་གྲོང་ཁྱེར་གྱི་ས་ལ་ཁ་གཏད་དགོས་ཏེ། ནུབ་ཕྱོགས་སུ་ས་དེའི་ནུབ་ཕྱོགས་ཀྱི་ས་མཚམས་དང་། ཤར་ཕྱོགས་སུ་ས་དེའི་ཤར་ཕྱོགས་ཀྱི་ས་མཚམས་ལ་རིང་ཚད་ནི་ཚོ་པ་ཁག་ལ་བགོས་པའི་ས་དང་གཅིག་ཡིན་དགོས།  
\v 8 ས་འདི་ནི་ཡེས་ར་ཨེལ་གྱི་ནང་དུ་རྒྱལ་པོ་རྣམས་ལ་དབང་ཞིང་། ངས་བསྐོས་པའི་རྒྱལ་པོ་རྣམས་ཀྱིས་ཕྱིན་ཆད་ངའི་མི་རིགས་ལ་གཉའ་གནོན་བྱེད་མི་རུང་ལ། ཚོ་ཁག་བཞིན་དུ་ཡེས་ར་ཨེལ་གྱི་ཁྱིམ་རྒྱུད་རྣམས་ལ་ས་བགོ་དགོས་སོ། །  
\v 9 ཡང་གཙོ་བོ་ཡ་ཝཱེས་འདི་སྐད་དུ། ཀྱེ་ཡེས་ར་ཨེལ་གྱི་རྒྱལ་པོ་རྣམས། ཁྱོད་ཚོས་གང་ཞིག་སྤྱད་པ་ད་དུང་མ་ལོངས་སམ། ཁྱོད་ཚོས་བཙན་ཤུགས་དང་མེད་པར་བཟོ་བའི་དོན་རྣམས་ཚར་བཅད་ནས་དྲང་གཞག་དང་དྲང་བདེན་སྤྱོད་ཅིག ད་ནི་ངའི་མི་རྣམས་ཀྱི་ནོར་སྐལ་འཕྲོག་བཅོམ་མ་བྱེད་ཅིག་ཅེས་གཙོ་བོ་ཡ་ཝཱེས་གསུངས།  
\v 10 ཁྱོད་ཚོས་དྲང་བདེན་གྱི་རྒྱ་སྲང་དང་དྲང་བདེན་གྱི་ཨེ་ཕཱ། དྲང་བདེན་གྱི་ཆུ་བེན་བཅས་སྤྱོད་ཅིག  
\v 11 སྲ་གཟུགས་འཇལ་བྱེད་ཀྱི་ཨེ་ཕཱ་དང་གཤེར་གཟུགས་འཇལ་བྱེད་ཀྱི་ཆུ་བེན་ཞེས་པ་གཉིས་ནི་གཅིག་འདྲ་ཡིན་དགོས་ལ། ཆུ་བེན་གཅིག་ནི་ཁལ་གྱི་བཅུ་ཆའི་གཅིག་ཡིན་ཏེ། ཨེ་ཕཱ་གཅིག་ཀྱང་ཁལ་གྱི་བཅུ་ཆའི་གཅིག་ཡིན། ཐམས་ཅད་ཀྱིས་ཁལ་གྱི་འཇལ་ཆས་ཚད་གཞི་རུ་འཛིན་དགོས།  
\v 12 ལྗིད་ཚད་རྩིས་གཞི་ཡི་སྲང་ཞེས་པ་གཅིག་ནི་གཱེ་ར་ཉི་ཤུ་དང་། སྲང་ཉི་ཤུའི་ཁར། སྲང་ཉེར་ལྔ་དང་སྲང་བཅོ་ལྔ་བསྣན་ན་ཁྱོད་ཚོའི་མཱེ་ན་གཅིག་ཡིན།  
\v 13 ཁྱོད་ཚོས་འབུལ་དགོས་པའི་མཆོད་རྫས་ནི་འདི་ལྟ་སྟེ། གྲོ་ཁལ་གཅིག་ལས་ཨེ་ཕཱའི་དྲུག་ཆའི་གཅིག་དང་། སོ་བ་ཁལ་གཅིག་ལས་ཀྱང་ཨེ་ཕཱའི་དྲུག་ཆའི་གཅིག་འབུལ་དགོས་སོ། །  
\v 14 ཡང་སྣུམ་ནི་འདི་ལྟར་འབུལ་དགོས་ཏེ། ཆུ་བེན་གྱིས་འཇལ་ནས་ཁལ་གཅིག་ལས་ཆུ་བེན་གྱི་བཅུ་ཆའི་གཅིག་འབུལ་དགོས་ཏེ། གང་ལ་ཞེ་ན། ཁལ་གཅིག་ནི་ཆུ་བེན་བཅུ་དང་ཡང་ན་ཁལ་གཅིག་ཡིན་ནོ། །གང་ལ་ཞེ་ན། ཆུ་བེན་བཅུ་ནི་ཁལ་གཅིག་ཡིན་པས་སོ། །  
\v 15 ཡེས་ར་ཨེལ་གྱི་ས་བཅུད་འཛོམས་པའི་རྩྭ་ཐང་ནས་ལུག་ཉིས་བརྒྱ་ལས་ལུ་གུ་གཅིག་རེ་འབུལ་དགོས་ཏེ། མཆོད་རྫས་འདི་དག་ནི་འབྲུ་མཆོད་དང་སྦྱིན་སྲེག་གི་མཆོད་པ། ཞི་བདེའི་མཆོད་པ་བཅས་སུ་འབུལ་དགོས་པ་དང་། དེ་དག་གི་སྡིག་པ་བཤགས་པའི་ཆེད་དུ་ཡིན་ཞེས་གཙོ་བོ་ཡ་ཝཱེས་གསུངས་སོ། །  
\v 16 ཡུལ་ཁམས་ནང་གི་མི་ཀུན་གྱིས་ཡེས་ར་ཨེལ་གྱི་རྒྱལ་པོར་ཕྱག་རྟེན་འབུལ་དགོས་ཏེ།  
\v 17 རྒྱལ་པོས་དུས་ཆེན་དང་ཚེས་གཅིག ངལ་གསོ་བའི་ཉིན་མོ་བཅས་པ་སྟེ་ཡེས་ར་ཨེལ་གྱི་ཁྱིམ་རྒྱུད་རྣམས་ཀྱིས་གཏན་ལ་ཁེལ་བའི་དུས་ཆེན་ཡོངས་སུ། སྦྱིན་སྲེག་གི་མཆོད་པ་དང་འབྲུ་མཆོད། སྐྱེམས་མཆོད་བཅས་འབུལ་དགོས་ལ། ཁོང་གིས་སྡིག་བཤགས་ཀྱི་མཆོད་པ་དང་འབྲུ་མཆོད། སྦྱིན་སྲེག་གི་མཆོད་པ། ཞི་བདེའི་མཆོད་པ་བཅས་སྟ་གོན་བྱས་ཏེ་ཡེས་ར་ཨེལ་གྱི་ཁྱིམ་རྒྱུད་རྣམས་ཀྱི་སྡིག་པ་བཤགས་དགོས་ཞེས་གསུངས་སོ། །  
\v 18 ཡང་གཙོ་བོ་ཡ་ཝཱེས་འདི་སྐད་དུ། ཟླ་དང་པོའི་ཚེས་གཅིག་གི་ཉིན་ཁྱོད་ཀྱིས་སྐྱོན་དང་བྲལ་བའི་བ་ཕྲུག་ཅིག་བླངས་ནས་གནས་དམ་པ་གཙང་མར་བཟོ་དགོས།  
\v 19 མཆོད་དཔོན་གྱིས་སྡིག་བཤགས་མཆོད་པའི་ཕྱུགས་ཟོག་གི་ཁྲག་ཅུང་ཙམ་བླངས་ཏེ་མཆོད་ཁང་གི་སྒོ་སྒྲོམ་དང་མཆོད་ཁྲིའི་ཁྲི་སྟེགས་ཀྱི་ཟུར་བཞི། དེ་མིན་ནང་གི་ཁྱམས་རའི་སྒོ་སྒྲོམ་བཅས་ལ་བསྐུ་དགོས།  
\v 20 ཟླ་དང་པོའི་ཚེས་བདུན་གྱི་ཉིན། བསམ་བཞིན་མ་ཡིན་པར་ཉེས་པ་བཟོས་པ་དང་ཡང་ན་མ་ཤེས་པར་ཉེས་པ་བྱས་པའི་མི་ལ་ཁྱོད་ཀྱིས་དེ་ལྟར་བྱས་ནས་མཆོད་ཁང་གི་ཆེད་དུ་སྡིག་པ་བཤགས་དགོས།  
\v 21 ཟླ་དང་པོའི་ཚེས་བཅུ་བཞིའི་ཉིན་ཁྱོད་རྣམས་ཀྱིས་ཉིན་བདུན་གྱི་རིང་ལ་པེ་སག་གི་དུས་ཆེན་བསྲུང་དགོས་ཏེ། དུས་ཆེན་གྱི་སྐབས་སུ་ཁྱོད་ཚོས་སྐྱུར་མེད་བག་ལེབ་བཟའ་དགོས།  
\v 22 ཉིན་དེར་རྒྱལ་པོས་རང་ཉིད་དང་ཡུལ་ཁམས་ནང་གི་མི་ཀུན་གྱི་ཕྱིར་དུ་གླང་ཐུག་ཅིག་སྡིག་བཤགས་ཀྱི་མཆོད་པར་གྲ་སྒྲིག་བྱེད་དགོས།  
\v 23 དུས་ཆེན་གྱི་ཉིན་བདུན་པོར་ཁོས་ཉིན་རེར་ཡ་ཝཱེ་ལ་སྐྱོན་དང་བྲལ་བའི་གླང་ཐུག་བདུན་དང་ལུག་ཐུག་བདུན་སྦྱིན་སྲེག་གི་མཆོད་པའི་ཆེད་དུ་གྲ་སྒྲིག་བྱེད་དགོས་ཏེ། ཡང་ཉིན་རེར་ར་ཐུག་ཅིག་སྡིག་བཤགས་ཀྱི་མཆོད་པར་གྲ་སྒྲིག་བྱེད་དགོས།  
\v 24 ཡང་ཁོས་འབྲུ་མཆོད་ཀྱང་གྲ་སྒྲིག་བྱེད་དགོས་ཏེ། གླང་ཐུག་རེ་རེ་ནི་ཕྱེ་བཟང་པོ་ཨེ་ཕཱ་གང་དང་མཉམ་དུ་འབུལ་བ་དང་། ལུག་ཐུག་རེ་རེ་ནི་ཕྱེ་བཟང་པོ་ཨེ་ཕཱ་གང་དང་མཉམ་དུ་འབུལ་དགོས་ཏེ། ཕྱེ་བཟང་པོ་ཨེ་ཕཱ་གང་རེའི་ནང་དུ་སྐྱུ་རུ་རའི་འཚིར་སྣུམ་རྫ་བུམ་གང་བསྲེ་དགོས་པ་དང་།  
\v 25 ཟླ་བདུན་པའི་ཚེས་བཅོ་ལྔ་སྟེ་དུས་ཆེན་སྲུང་བའི་དུས་སུ་ཡང་ཁོས་ཉིན་བདུན་པོར་དེ་ལྟར་བྱེད་དགོས་ལ། པེ་སག་དུས་ཆེན་གྱི་སྡིག་བཤགས་ཀྱི་མཆོད་པ་དང་སྦྱིན་སྲེག་གི་མཆོད་པ། འབྲུ་མཆོད། འཚིར་སྣུམ་བཅས་ཀྱི་སྲོལ་བཞིན་དུ་སྟ་གོན་བྱེད་དགོས་ཞེས་གསུངས་སོ། །   
\c 46
\cl ལེའུ་ཞེ་དྲུག་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 རྒྱལ་པོའི་མཆོད་པ་འབུལ་སྲོལ།  
\p
\v 1 གཙོ་བོ་ཡ་ཝཱེས་འདི་སྐད་དུ། ལས་ཀ་བྱེད་པའི་ཉིན་དྲུག་གི་ནང་དུ། ནང་གི་ཁྱམས་རའི་ཤར་སྒོ་དེ་ངེས་པར་དུ་རྒྱག་དགོས། ཡིན་ནའང་ངལ་གསོ་བའི་ཉིན་མོ་དང་ཚེས་གཅིག་གི་ཉིན་གཉིས་ལ་སྒོ་འབྱེད་དགོས།  
\v 2 རྒྱལ་པོ་ནི་ཕྱི་རོལ་ནས་རྒྱ་སྒོ་དེའི་སྒོ་ཁྱམས་བརྒྱུད་དེ་ནང་དུ་སོང་ནས་སྒོ་སྒྲོམ་གྱི་འགྲམ་དུ་ལངས་ནས་འདུག་དགོས་པ་དང་། མཆོད་དཔོན་རྣམས་ཀྱིས་ཁོའི་ཆེད་དུ་སྦྱིན་སྲེག་དང་ཞི་བདེའི་མཆོད་པ་རྣམས་གྲ་སྒྲིག་བྱེད་དགོས། ཡང་ཁོས་སྒོ་ཐེམ་ཡོད་སར་ཕྱག་བཙལ་ནས་ཕྱི་རོལ་ཏུ་འགྲོ་དགོས་པ་དང་། རྒྱ་སྒོ་འདི་ནི་དགོང་མོའི་བར་དུ་རྒྱག་པར་མི་བྱའོ། །  
\v 3 ངལ་གསོ་བའི་ཉིན་མོ་དང་ཚེས་གཅིག་ལ་ཡུལ་ཁམས་ཀྱི་མི་རྣམས་ཀྱིས་རྒྱ་སྒོ་ཁ་རུ་ཡ་ཝཱེའི་དྲུང་དུ་བསྙེན་བཀུར་འབུལ་དགོས།  
\v 4 ངལ་གསོ་བའི་ཉིན་མོར་རྒྱལ་པོས་ཡ་ཝཱེར་འབུལ་བྱའི་སྦྱིན་སྲེག་གི་མཆོད་པ་ནི་སྐྱོན་དང་བྲལ་བའི་ལུ་གུ་དྲུག་དང་སྐྱོན་དང་བྲལ་བའི་ལུག་ཐུག་གཅིག་བཅས་ཡིན་ཞིང་།  
\v 5 འབུལ་བྱའི་འབྲུ་མཆོད་ནི་འདི་ལྟ་སྟེ། ལུག་ཐུག་ནི་ཕྱེ་བཟང་པོ་ཨེ་ཕཱ་གང་དང་མཉམ་དུ་འབུལ་བ་དང་། ཡང་ལུ་གུ་དེ་དག་དང་མཉམ་དུ་རང་གི་འཛོམས་ཚོད་ལྟར་ཕྱེ་བཟང་པོ་འབུལ་དགོས་ལ། ཕྱེ་བཟང་པོ་ཨེ་ཕཱ་གང་རེའི་ནང་དུ་འཚིར་སྣུམ་རྫ་བུམ་གང་བསྲེ་དགོས།  
\v 6 ཡང་ཚེས་གཅིག་གི་ཉིན་མོར་སྐྱོན་དང་བྲལ་བའི་བ་ཕྲུག་གཅིག་དང་། ལུ་གུ་དྲུག་དང་ལུག་ཐུག་གཅིག་བཅས་འབུལ་དགོས་ཏེ། ཐམས་ཅད་སྐྱོན་དང་བྲལ་བ་ཞིག་ཡིན་དགོས།  
\v 7 དེས་འབྲུ་མཆོད་ཀྱི་རྫས་རྣམས་གྲ་སྒྲིག་བྱེད་དགོས་ཏེ། གླང་ཐུག་ནི་ཕྱེ་བཟང་པོ་ཨེ་ཕཱ་གང་དང་མཉམ་དུ་འབུལ་བ་དང་། ལུག་ཐུག་ཀྱང་ཕྱེ་བཟང་པོ་ཨེ་ཕཱ་གང་དང་མཉམ་དུ་འབུལ་དགོས་ལ། ཡང་ལུ་གུ་དེ་དག་དང་མཉམ་དུ་རང་གི་འཛོམས་ཚོད་ལྟར་ཕྱེ་བཟང་པོ་འབུལ་དགོས་ཏེ། ཕྱེ་བཟང་པོ་ཨེ་ཕཱ་གང་རེའི་ནང་དུ་འཚིར་སྣུམ་རྫ་བུམ་གང་བསྲེ་དགོས།  
\v 8 རྒྱལ་པོ་ནང་དུ་འགྲོ་དུས་སུ་རྒྱ་སྒོ་འདིའི་སྒོ་ཁྱམས་བརྒྱུད་ནས་འཛུལ་དགོས་པ་དང་། ཡང་ལམ་དེ་ནས་ཕྱིར་འགྲོ་དགོས་སོ། །   
\s1 མི་རྣམས་ཀྱི་མཆོད་པ་འབུལ་སྲོལ།  
\p
\v 9 གཏན་ལ་ཁེལ་བའི་དུས་ཆེན་གྱི་སྐབས་སུ། ཡུལ་ཁམས་ཀྱི་མི་རྣམས་ཡ་ཝཱེའི་དྲུང་དུ་འོང་བའི་དུས་སུ། བྱང་སྒོ་ནས་བསྙེན་བཀུར་ཞུ་བར་འོངས་པ་རྣམས་ལྷོ་སྒོ་ནས་ཕྱི་རུ་འབུད་དགོས་པ་དང་། ལྷོ་སྒོ་ནས་འོངས་པ་རྣམས་བྱང་སྒོ་ནས་ཕྱི་རུ་འབུད་དགོས་ཏེ། མི་སུ་ཡིན་ཡང་རང་ཉིད་ནང་དུ་འཛུལ་སའི་སྒོ་དེ་ནས་ཕྱི་རུ་འབུད་མི་རུང་ལ། ཁ་གཏད་ཀྱི་སྒོ་དེ་ནས་ཕྱི་རུ་འབུད་དགོས་པ་ཡིན།  
\v 10 རྒྱལ་པོ་ནི་མི་རྣམས་ཀྱི་ཁྲོད་དུ་ཡོད་དགོས་ཏེ། མི་རྣམས་ཀྱི་ནང་དུ་འགྲོ་དུས་ཁོ་ཡང་མཉམ་དུ་འགྲོ་དགོས་པ་དང་། མི་རྣམས་ཕྱི་རུ་འབུད་དུས་ཁོ་ཡང་ཕྱི་རུ་འབུད་དགོས།  
\v 11 གཏན་ལ་ཁེལ་བའི་དུས་ཆེན་གྱི་སྐབས་སུ། འབྲུ་མཆོད་ནི་འདི་ལྟར་འབུལ་དགོས་ཏེ། གླང་ཐུག་རེ་རེ་ཕྱེ་བཟང་པོ་ཨེ་ཕཱ་གང་དང་མཉམ་དུ་འབུལ་བ་དང་། ལུག་ཐུག་རེ་རེ་ཡང་ཕྱེ་བཟང་པོ་ཨེ་ཕཱ་གང་དང་མཉམ་དུ་འབུལ་དགོས་ལ། ཡང་ལུ་གུ་དེ་དག་དང་མཉམ་དུ་རང་གི་འཛོམས་ཚོད་ལྟར་ཕྱེ་བཟང་པོ་འབུལ་དགོས་ཏེ། ཕྱེ་བཟང་པོ་ཨེ་ཕཱ་གང་རེའི་ནང་དུ་འཚིར་སྣུམ་རྫ་བུམ་གང་བསྲེ་དགོས།  
\v 12 རྒྱལ་པོས་ཡིད་མོས་མཆོད་པ་འབུལ་བའི་སྦྱིན་སྲེག་དང་ཞི་བདེའི་མཆོད་པ་ཡ་ཝཱེར་འབུལ་བའི་དུས་སུ། ཤར་ཕྱོགས་སུ་འཁོར་བའི་རྒྱ་སྒོ་དེ་ཁོའི་ཆེད་དུ་འབྱེད་དགོས་ཤིང་། དེ་ནས་ཁོས་ངལ་གསོ་བའི་ཉིན་མོར་མཆོད་པ་ཕུལ་བ་བཞིན་དུ། རང་གི་སྦྱིན་སྲེག་དང་ཞི་བདེའི་མཆོད་པ་འབུལ་དགོས། ཁོས་མཆོད་པ་ཕུལ་རྗེས་ཕྱི་རུ་འབུད་དགོས་པ་དང་། ཁོ་ཕྱི་རུ་བུད་རྗེས་རྒྱ་སྒོ་དེ་རྒྱག་དགོས་པའོ། །  
\v 13 ཁྱོད་ཀྱིས་ཉིན་རེར་སྐྱོན་དང་བྲལ་བའི་ལུ་གུ་ལོ་གཅིག་ཅན་ཞིག་གྲ་སྒྲིག་བྱས་ཏེ་ཡ་ཝཱེ་ལ་སྦྱིན་སྲེག་གི་མཆོད་པར་འབུལ་དགོས་ཏེ། ཞོགས་པ་རེ་རེར་དེ་ལྟར་འབུལ་དགོས།  
\v 14 ཡང་ཞོགས་པ་རེ་རེར་དེ་དང་མཉམ་དུ་འབུལ་བའི་འབྲུ་མཆོད་ཀྱང་གྲ་སྒྲིག་བྱེད་དགོས་ཏེ། ཕྱེ་བཟང་པོ་ཨེ་ཕཱ་གང་གི་དྲུག་ཆའི་གཅིག་ལ་འཚིར་སྣུམ་རྫ་བུམ་གང་གི་གསུམ་ཆའི་གཅིག་བསྲེས་ནས། ཡ་ཝཱེ་ལ་རྒྱུན་དུ་འབུལ་བའི་འབྲུ་མཆོད་བྱེད་དགོས་ལ། འདི་ནི་དུས་གཏན་གྱི་རྒྱུན་སྲོལ་ཡིན་པས།  
\v 15 ཞོགས་པ་རེ་རེར་འདི་ལྟར་ལུ་གུ་དང་འབྲུ་མཆོད། འཚིར་སྣུམ་བཅས་གྲ་སྒྲིག་བྱས་ཏེ་རྒྱུན་དུ་འབུལ་བའི་སྦྱིན་སྲེག་གི་མཆོད་པར་བྱའོ་ཞེས་གསུངས་སོ། །  
\v 16 ཡང་གཙོ་བོ་ཡ་ཝཱེས་འདི་སྐད་དུ། ཇི་སྟེ་རྒྱལ་པོས་རང་གི་ནོར་སྐལ་བུ་ལ་གནང་ན། ནོར་སྐལ་དེ་ནི་ཁོའི་བུ་རྣམས་ལ་དབང་ཞིང་། དེ་ནི་ཁོ་ཚོས་རྒྱུན་འཛིན་བྱས་པའི་ནོར་སྐལ་ཡིན་ནོ། །  
\v 17 ཇི་སྟེ་རྒྱལ་པོས་རང་གི་ནོར་སྐལ་ལས་ཆ་ཤས་ཞིག་རང་གི་བློན་འཁོར་ལ་གནང་ན། དེར་རང་དབང་ཐོབ་པའི་ལོ་ \f + \ft འདིར་རང་དབང་ཐོབ་པའི་ལོ་ཞེས་པ་ནི་བགྲང་བྱ་ལྔ་བཅུ་རེ་ལ་ས་སྐལ་ནི་ཕྱིར་རང་གི་བདག་པོ་ལ་དབང་བ་ཡིན་ཏེ། མི་གཞན་གྱིས་བླངས་པའི་ས་སྐལ་ནི་ཕྱིར་ས་དེའི་བདག་པོར་འཐོབ་དགོས་པ་ཡིན། \f*ཡི་བར་དུ་ནོར་སྐལ་དེ་བློན་འཁོར་ལ་དབང་ཞིང་། དེ་ནས་རྒྱལ་པོར་ཕྱིར་སྤྲོད་དགོས་པ་དང་། རྒྱལ་པོའི་ནོར་སྐལ་ནི་མཐར་རང་གི་བུ་ལ་དབང་དགོས།  
\v 18 རྒྱལ་པོས་མི་རྣམས་ཀྱི་ནོར་སྐལ་ཕྲོགས་ནས་དེ་རྣམས་རང་གི་ནོར་སྐལ་ལས་ཕྱིར་སྐྲོད་མི་རུང་ལ། བདག་གི་འབངས་རྣམས་ཁ་འཐོར་དུ་ཕྱིན་ནས་རང་གིས་རྒྱུན་འཛིན་བྱས་པའི་ནོར་སྐལ་དང་མི་འབྲལ་བའི་ཆེད་དུ། ཁོས་རང་གི་ནོར་སྐལ་ལས་རང་གི་བུ་རྣམས་ལ་ས་སྐལ་སྦྱིན་པར་བྱའོ་ཞེས་གསུངས་སོ། །   
\s1 མཆོད་དཔོན་རྣམས་ཀྱིས་མཆོད་ཤ་བཙོ་བའི་གནས།  
\p
\v 19 ང་ཁྲིད་མཁན་དེས་ང་རང་སྒོ་འགྲམ་དུ་ཡོད་པའི་འཇུག་སྒོར་ཁྲིད་ཅིང་། མཆོད་དཔོན་རྣམས་ཀྱིས་སྤྱོད་པའི་གཙང་ཁང་ཁ་བྱང་ལྟ་དེའི་ནང་དུ་སླེབས་པ་ན། རྒྱབ་ལོགས་ཀྱི་ནུབ་ཕྱོགས་སུ་ས་སྟོང་ཞིག་ཡོད་པ་མཐོང་བྱུང་།  
\v 20 དེས་ང་ལ་ན་རེ། མཆོད་རྫས་རྣམས་ཁྱམས་ར་ཕྱི་མར་ཁྱེར་ནས་མི་རྣམས་དམ་པར་མི་བྱེད་པའི་ཆེད་དུ། འདི་ནི་མཆོད་དཔོན་རྣམས་ཀྱིས་ཉེས་སེལ་གྱི་མཆོད་པ་དང་སྡིག་བཤགས་ཀྱི་མཆོད་པའི་མཆོད་ཤ་བཙོ་ས་དང་། འབྲུ་མཆོད་བསྲེག་སའང་ཡིན་ཞེས་གསུངས་སོ། །  
\v 21 ཡང་དེས་ང་ཁྱམས་ར་ཕྱི་མར་ཁྲིད་དེ། ང་རང་ཁྱམས་རའི་གྲུ་ཁ་བཞི་པོར་འགྲོ་རུ་བཅུག་སྟེ། ཁྱམས་རའི་གྲུ་ཁ་རེ་རེར་ཁྱམས་ར་ཆུང་ངུ་རེ་ཡོད་པ་མཐོང་བྱུང་།  
\v 22 ཁྱམས་རའི་གྲུ་ཁ་བཞི་པོའི་ཁྱམས་ར་ཆུང་ངུ་རྣམས་ཀྱི་ཕྱོགས་བཞི་རུ་རྩིག་པ་ཡོད་ལ། ཁྱམས་ར་རེ་རེའི་རིང་ཚད་ལ་ཁྲུ་བཞི་བཅུ་དང་། ཞེང་ལ་ཁྲུ་སུམ་ཅུ་ཡོད་པ་དང་། གྲུ་ཁ་བཞི་པོའི་ཁྱམས་ར་རྣམས་ཆེ་ཆུང་གཅིག་ཡིན་ནོ། །  
\v 23 ཁྱམས་ར་ཆུང་ངུ་བཞི་པོ་ནང་གི་ཕྱོགས་བཞི་རུ་རྡོའི་རྩིག་པ་རེ་ཡོད་དེ། རྡོའི་རྩིག་པ་བཞི་པོའི་འོག་ཏུ་ཐབ་ཀ་ཡོད་པ་ཡིན།  
\v 24 དེས་ང་ལ་ན་རེ། འདི་རྣམས་ནི་ཐབ་ཚང་ཡིན་ཏེ། མཆོད་ཁང་ནང་དུ་ཞབས་ཏོག་སྒྲུབ་མཁན་རྣམས་ཀྱིས་གནས་འདི་རུ་མི་རྣམས་ཀྱི་མཆོད་རྫས་རྣམས་བཙོ་དགོས་ཞེས་གསུངས་སོ། །   
\c 47
\cl ལེའུ་ཞེ་བདུན་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 མཆོད་ཁང་ནས་ཆུ་ཐོན་པ།  
\p
\v 1 དེ་ནས་ཡང་ཁོས་ང་མཆོད་ཁང་གི་སྒོ་ཁར་ཁྲིད་པ་དང་། ལྟོས་དང་། མཆོད་ཁང་དེ་ཤར་ཕྱོགས་སུ་འཁོར་ཡོད་པས། མཆོད་ཁང་གི་སྒོ་ཐེམ་ནས་ཆུ་བཞུར་འོངས་ཏེ་ཤར་ཕྱོགས་སུ་བཞུར་བ་དང་། ཆུ་དེ་ནི་མཆོད་ཁང་གི་གཡས་སུ་ཡོད་པའི་མཆོད་ཁྲིའི་ལྷོ་ཕྱོགས་ཀྱི་ས་འོག་ནས་བཞུར་འོངས་པ་ཡིན།  
\v 2 དེས་ང་བྱང་སྒོ་ནས་ཕྱི་རུ་ཁྲིད་ཅིང་། ཡང་ང་ཁྲིད་དེ་ཕྱི་རོལ་ནས་ཤར་ཕྱོགས་སུ་འཁོར་བའི་ཕྱི་སྒོ་རུ་སླེབས་པ་ན། ལྟོས་དང་། གཡས་ཕྱོགས་ནས་ཆུ་ཕྲན་བཞུར་འོངས་པའོ། །  
\v 3 མི་དེའི་ལག་ཏུ་ཚད་ཐིག་ལེན་བྱེད་ཐག་པ་ཞིག་བཟུང་སྟེ་ཤར་ཕྱོགས་སུ་འགྲོ་བའི་སྐབས་སུ། ཁྲུ་ཆིག་སྟོང་གི་རིང་ཐུང་ཚད་པ་དང་། དེ་ནས་ང་ཆུ་ནང་ནས་ཕར་ཁྲིད་པ་ལ་ཆུ་ནི་སྲེ་ལོང་བར་དུ་སླེབས་ཤིང་།  
\v 4 ཡང་དེས་ཁྲུ་ཆིག་སྟོང་ཚད་དེ། ང་ཆུ་ནང་ནས་ཕར་ཁྲིད་པ་ལ་ཆུ་ནི་པུས་མོ་ཡི་མཚམས་སུ་སླེབས་པ་དང་། ཡང་དེས་ཁྲུ་ཆིག་སྟོང་ཚད་དེ། ང་ཕར་ཁྲིད་པ་ལ་ཆུ་རྐེད་པའི་མཚམས་སུ་སླེབས་སོ། །  
\v 5 དེས་ཡང་ཁྲུ་ཆིག་སྟོང་ཚད་པ་ན་ཆུ་དེ་ནི་གཙང་པོ་ཞིག་ཏུ་གྱུར་ཏེ། ཆུ་རྒྱས་ནས་རྐྱལ་ཆོག་པ་ལས་ཕ་རོལ་དུ་བརྒལ་མི་ཐུབ་པའི་གཙང་པོ་རུ་གྱུར་པས་ན། ང་དེར་བརྒལ་ནས་འགྲོ་མ་ཐུབ་བོ། །  
\v 6 དེས་ང་ལ་འདི་ལྟར། ཀྱེ་མིའི་བུ། ཁྱོད་ཀྱིས་འདི་མཐོང་ངམ་ཞེས་གསུངས་ནས། ང་ཁྲིད་དེ་སླར་ཡང་གཙང་པོའི་འགྲམ་དུ་ཕྱིན།  
\v 7 ང་ཕྱིར་ལོག་རྗེས་གཙང་པོའི་འགྲམ་གཉིས་སུ་ལྗོན་ཤིང་མང་པོ་ཡོད་པ་མཐོང་བྱུང་།  
\v 8 ཡང་དེས་ང་ལ་འདི་ལྟར། ཆུ་འདི་ནི་ཤར་ཕྱོགས་ཀྱི་གནས་སུ་བཞུར་ཏེ། མར་ཨ་ར་པཱ་རུ་བཞུར་ནས་འཆི་མཚོར་བབས་ཏེ། ཆུ་དེ་འཆི་མཚོ་ནང་དུ་བཞུར་ནས་རྒྱ་མཚོའི་ནང་གི་ཚྭ་མེད་པར་གཏོང་བ་ཡིན།  
\v 9 དུས་དེར། གཙང་པོ་འདི་བཞུར་ས་ཀུན་ཏུ་སྐྱེ་འཕེལ་བྱུང་བའི་སྲོག་ཆགས་ཐམས་ཅད་གསོན་ཐུབ་པ་དང་། ཆུ་དེ་གང་དུ་བཞུར་ན་དེ་རུ་ཉ་ཤིན་ཏུ་མང་བའོ། །གང་ལ་ཞེ་ན། གཙང་པོ་འདི་ \f + \ft འདིར་གཙང་པོ་འདི་ཞེས་པར་མ་ཕྱི་ལས་གཙང་པོ་འདི་གཉིས་ཞེས་མཐོང་།\f*གང་དུ་བཞུར་ན་རྒྱ་མཚོ་ནང་གི་ཚྭ་མེད་པར་གྱུར་ཏེ་སྲོག་ཆགས་ཐམས་ཅད་གསོན་ཐུབ་པ་ཡིན།  
\v 10 དེ་ནས་ཨེན་གེ་དི་ནས་ཨེན་ཨེག་ལཱ་ཡིམ་གྱི་བར་དུ་ཉ་པ་རྣམས་མཚོ་འགྲམ་དུ་ལངས་ཏེ་ཚང་མ་ཉ་རྒྱ་འདིང་ས་ཡིན་ཏེ། རྒྱ་མཚོའི་ནང་གི་ཉ་བཞིན་དུ་ཉ་རིགས་ཤིན་ཏུ་མང་ངོ་། །  
\v 11 ཡིན་ནའང་ན་ཁུག་དང་གཤོང་སའི་ཆུ་ནི་ཚྭ་མེད་པར་འགྱུར་མི་རུང་བར་ཚྭ་ཁ་རུ་འགྱུར་དགོས།  
\v 12 གཙང་པོའི་འགྲམ་གཉིས་སུ་སིལ་སྡོང་སྣ་ཚོགས་སྐྱེས་ཏེ་ཟོས་ཆོག་པ་དང་། སྡོང་པོའི་ལོ་མ་མི་སྐམ་ལ་འབྲས་བུ་ཡང་ཆད་པར་མི་འགྱུར། ལྗོན་ཤིང་ལ་མཁོ་བའི་ཆུ་ནི་གནས་དམ་པ་ནས་བཞུར་འོངས་པ་ཡིན་པས་ཟླ་རེ་རེར་འབྲས་བུ་གསར་པ་ཐོགས་པ་ཡིན། ཡང་ལྗོན་ཤིང་གི་འབྲས་བུ་ཟོས་ཆོག་པ་དང་ལོ་མས་ནད་གསོ་ཐུབ་པ་ཡིན་ཞེས་གསུངས་སོ། །   
\s1 ཡེས་ར་ཨེལ་གྱི་ས་མཚམས།  
\p
\v 13 གཙོ་བོ་ཡ་ཝཱེས་འདི་སྐད་དུ། ཁྱོད་ཚོས་ཡེས་ར་ཨེལ་གྱི་ཚོ་པ་བཅུ་གཉིས་བཞིན་དུ་ས་སྐལ་བགོ་དགོས་པ་དང་། ས་མཚམས་འདི་དག་བཞིན་དུ་ཡོ་སེབ་ལ་ཉིས་སྐལ་འཐོབ་པར་འགྱུར།  
\v 14 ཁྱོད་ཚོས་ས་སྐལ་འདི་ཆ་སྙོམས་ཀྱིས་བགོས་ཤིག གང་ལ་ཞེ་ན། སྔར་ངས་རང་གི་ལག་པ་བརྐྱངས་ཏེ་ཁྱོད་ཅག་གི་མེས་པོ་རྣམས་ལ་ས་འདི་སྦྱིན་པར་ཁས་བླངས་པས། ཡུལ་འདི་ནི་ཁྱོད་ཚོར་ས་སྐལ་དུ་འཐོབ་པར་འགྱུར།  
\v 15 ཡུལ་འདིའི་ས་མཚམས་ནི་བྱང་ཕྱོགས་སུ་རྒྱ་མཚོ་ཆེན་པོ་ནས་ཧེད་ལོན་གྱི་ལམ་བརྒྱུད་དེ་ཚེ་དད་ལ་འགྲོ་སར་སླེབས་པ་དང་།  
\v 16 ཡང་ཧ་མཱད་དང་པེ་རོ་ཏ། དཱ་མེ་སེག་དང་ཧ་མཱད་ཀྱི་ས་མཚམས་སུ་ཡོད་པའི་སིབ་ར་ཨིམ་བཅས་བརྒྱུད་དེ། ཧོ་རན་ས་མཚམས་ཀྱི་ཧ་ཚར་ཧད་ཏི་ཀན་ལ་སླེབས་པའོ། །  
\v 17 ཡང་ས་མཚམས་འདི་ནི་རྒྱ་མཚོ་ནས་ཧ་ཚར་ཨེ་ནན་དང་། བྱང་ཕྱོགས་སུ་དཱ་མེ་སེག་གི་ས་མཚམས་དང་། ཡང་དེའི་བྱང་ཕྱོགས་སུ་ཧ་མཱད་ཀྱི་ས་མཚམས་ཡིན་པ་དང་། འདི་ནི་བྱང་ཕྱོགས་ཀྱི་ས་མཚམས་ཡིན།  
\v 18 ཤར་ཕྱོགས་ཀྱི་ས་མཚམས་ནི་ཧོ་རན་དང་དཱ་མེ་སེག་གཉིས་ཀྱི་བར་དང་། གིལ་ཨད་དང་ཡེས་ར་ཨེལ་ཡུལ་གྱི་བར་དུ་ཡོད་པའི་ཡོར་དན་གཙང་པོ་ཡིན་པ་དང་། ཁྱོད་ཚོས་བྱང་ཕྱོགས་ཀྱི་མཚམས་ནས་ཤར་ཕྱོགས་ཀྱི་རྒྱ་མཚོའི་བར་དུ་ཚད་དགོས་ལ་དེ་ནི་ཤར་ཕྱོགས་ཀྱི་ས་མཚམས་ཡིན།  
\v 19 ལྷོ་ཕྱོགས་ཀྱི་ས་མཚམས་ནི་ཐལ་མཱར་ནས་མེ་རི་བཱ་ཀཱ་དེའེ་ཤཱའི་ཆུ་རྣམས་དང་། ཨེ་ཅིབ་ཀྱི་ཆུ་ཕྲན་རྣམས་བརྒྱུད་ནས་རྒྱ་མཚོ་ཆེན་པོར་སླེབས་པ་དང་། དེ་ནི་ལྷོ་ཕྱོགས་ཀྱི་ས་མཚམས་ཡིན།  
\v 20 ནུབ་ཕྱོགས་ཀྱི་ས་མཚམས་ནི་རྒྱ་མཚོ་ཡིན་ཞིང་། ལྷོ་ཕྱོགས་ཀྱི་ས་མཚམས་ནས་ཧ་མཱད་ཁར་གྱི་ཁ་གཏད་ས་དེ་ནི་ནུབ་ཕྱོགས་ཀྱི་ས་མཚམས་ཡིན།  
\v 21 ཁྱོད་ཚོས་ཡེས་ར་ཨེལ་གྱི་ཚོ་པ་བཞིན་དུ་ས་འདི་བགོས་ཤིག  
\v 22 ཁྱོད་རྣམས་དང་ཁྱོད་ཚོའི་ཁྲོད་དུ་ཡོད་པའི་ཕྱི་ཕྱོགས་པ་རྣམས་ལ་དབང་བའི་ཕྱིར་དུ། མ་འོངས་པར་ཁྱོད་ཚོས་རྒྱན་བླངས་ནས་ས་འདི་ནོར་སྐལ་དུ་བགོས་ཤིག དེ་དག་གིས་ཁྱོད་ཚོའི་ཁྲོད་དུ་བུ་ཕྲུག་སྐྱེ་བས། ཁྱོད་ཅག་གིས་དེ་རྣམས་ནི་གཞིས་སུ་སྐྱེས་པའི་ཡེས་ར་ཨེལ་པ་རྣམས་དང་འདྲ་བའི་ལྟ་སྟངས་འཛིན་དགོས་ཤིང་། དེ་རྣམས་ལའང་ཡེས་ར་ཨེལ་གྱི་ཚོ་པའི་ནང་དུ་ཁྱོད་ཅག་དང་མཉམ་དུ་རྒྱན་བླངས་ནས་ས་སྐལ་འཐོབ་པར་འགྱུར།  
\v 23 མ་འོངས་པར་ཚོ་པ་གང་ཞིག་གི་ནང་དུ་ཕྱི་ཕྱོགས་པ་གནས་ཡོད་ན། ཁྱོད་རྣམས་ཀྱིས་ཡུལ་དེ་རུ་དེ་དག་ལ་ས་སྐལ་བགོ་བར་གྱིས་ཞེས་གཙོ་བོ་ཡ་ཝཱེས་གསུངས་སོ། །   
\c 48
\cl ལེའུ་ཞེ་བརྒྱད་པ། 
\toc1 ༄༅། །ལུང་སྟོན་པ་ཨེ་ཟེ་ཀི་ཨེལ་གྱི་མདོ། 
\toc2 ཨེ་ཟེ་ཀི་ཨེལ། 
\s1 ཚོ་པ་བདུན་ལ་ཐོབ་པའི་ས་སྐལ།  
\p
\v 1 དེ་ཡང་ཚོ་པ་སོ་སོར་དབང་བའི་ས་སྐལ་ནི་འདི་ལྟ་སྟེ། བྱང་གི་མུ་མཐའི་ས་མཚམས་ནས་ཧེད་ལོན་གྱི་ལམ་བརྒྱུད་དེ། ཧ་མཱད་ཁར་ནས་དཱ་མེ་སེག་གི་ས་མཚམས་ཀྱི་ཧ་ཚར་ཨེ་ནན་ལ་སླེབས་པ་དང་། བྱང་དུ་ཧ་མཱད་ལ་འབྱར་ནས། ཤར་ནས་ནུབ་བར་གྱི་ས་དེ་ནི་དཱན་གྱི་ས་སྐལ་ཡིན།  
\v 2 དཱན་གྱི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་ཨ་ཤེར་གྱི་ས་སྐལ་ཡིན།  
\v 3 ཨ་ཤེར་གྱི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་ནཱབ་ཐ་ལིའི་ས་སྐལ་ཡིན།  
\v 4 ནཱབ་ཐ་ལིའི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་མཱ་ན་ཤེའི་ས་སྐལ་ཡིན།  
\v 5 མཱ་ན་ཤེའི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་ཨེ་ཕཱར་ཡིམ་གྱི་ས་སྐལ་ཡིན།  
\v 6 ཨེ་ཕཱར་ཡིམ་གྱི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་རུ་བེན་གྱི་ས་སྐལ་ཡིན།  
\v 7 རུ་བེན་གྱི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་ཡ་ཧུ་དཱའི་ས་སྐལ་ཡིན་ནོ། །  
\v 8 ཡ་ཧུ་དཱའི་ས་མཚམས་འགྲམ་རྒྱུད་ཀྱི་ཤར་ནས་ནུབ་ཀྱི་བར་ནི་ཁྱོད་རྣམས་ཀྱིས་འབུལ་དགོས་པའི་གནས་གཙང་མ་ཡིན་ཏེ། རིང་ཚད་ལ་ཁྲུ་ཉིས་ཁྲི་ལྔ་སྟོང་ཡིན། ཤར་ནས་ནུབ་བར་གྱི་རིང་ཚད་ནི་ས་སྐལ་གཞན་རྣམས་དང་གཅིག་ཡིན་ཞིང་། གནས་དམ་པ་ནི་དེའི་དབུས་སུ་ཡོད་དགོས།  
\v 9 ཁྱོད་རྣམས་ཀྱིས་དཀོན་མཆོག་ཡ་ཝཱེར་འབུལ་བའི་ས་ཁུལ་ནི་རིང་ཚད་ལ་ཁྲུ་ཉིས་ཁྲི་ལྔ་སྟོང་དང་ཞེང་ལ་ཁྲུ་ཆིག་ཁྲི་ཡིན་དགོས།   
\s1 མཆོད་དཔོན་རྣམས་ཀྱི་ས་སྐལ།  
\p
\v 10 མཆོད་དཔོན་རྣམས་ལ་འབུལ་བའི་གནས་མཆོག་ནི་བྱང་ཕྱོགས་ཀྱི་རིང་ཚད་ལ་ཁྲུ་ཉིས་ཁྲི་ལྔ་སྟོང་དང་། ནུབ་ཕྱོགས་ཀྱི་ཞེང་ལ་ཁྲུ་ཆིག་ཁྲི་དང་། ཤར་ཕྱོགས་ཀྱི་ཞེང་ལ་ཁྲུ་ཆིག་ཁྲི་དང་། ལྷོ་ཕྱོགས་ཀྱི་རིང་ཚད་ལ་ཁྲུ་ཉིས་ཁྲི་ལྔ་སྟོང་ཡིན་དགོས་ལ། དེའི་དབུས་སུ་དཀོན་མཆོག་ཡ་ཝཱེའི་གནས་མཆོག་ཡོད་དགོས།  
\v 11 ས་འདི་ནི་ཟཱ་ཏོག་གི་བུ་རྒྱུད་རྣམས་ལས་དམ་པར་གྱུར་པ་རྣམས་ཏེ་མཆོད་དཔོན་རྣམས་ལ་འབུལ་དགོས་པ་དང་། དེ་དག་གིས་ངས་བསྒོས་པའི་ལས་འགན་རྣམས་བསྒྲུབས་ཤིང་། ཡེས་ར་ཨེལ་པ་རྣམས་ཀྱིས་ལམ་བོར་བའི་དུས་སུ། དེ་དག་ནི་ལེ་ཝི་པ་རྣམས་དང་འདྲ་བར་ལམ་མ་བོར་ཏོ། །  
\v 12 དེ་བས། གནས་གཙང་མར་ཕུལ་བ་ལས་ས་ཆ་ཞིག་ནི་མཆོད་དཔོན་རྣམས་ལ་ཕུལ་ནས་གནས་དམ་མཆོག་བྱེད་དགོས་ཏེ། ས་འདི་ནི་ལེ་ཝི་པའི་ས་མཚམས་དང་འབྲེལ་ཡོད་དོ། །  
\v 13 ཡང་མཆོད་དཔོན་རྣམས་ཀྱི་ས་མཚམས་འགྲམ་རྒྱུད་ཀྱི་ས་ཆ་ཞིག་ནི་ལེ་ཝི་པ་རྣམས་ལ་སྦྱིན་པ་དང་། རིང་ཚད་ལ་ཁྲུ་ཉིས་ཁྲི་ལྔ་སྟོང་དང་ཞེང་ལ་ཁྲུ་ཆིག་ཁྲི་ཡོད་དགོས་ཤིང་། མཆོད་དཔོན་རྣམས་ཀྱི་སའི་རིང་ཚད་ཀྱང་ཁྲུ་ཉིས་ཁྲི་ལྔ་སྟོང་དང་ཞེང་ལ་ཁྲུ་ཆིག་ཁྲི་ཡིན།  
\v 14 ས་འདིའི་ཆ་གང་ཞིག་ཀྱང་འཚོང་མི་རུང་ལ་བརྗེ་ཡང་མི་རུང་། མི་གཞན་ལ་སྤྲོད་ཀྱང་མི་རུང་ངོ་། །གང་ལ་ཞེ་ན། དེ་ནི་ས་ཡི་ནང་ནས་ཆེས་ལེགས་པོ་དེ་ཡིན་ལ་ཡ་ཝཱེའི་གནས་དམ་པ་ལགས་སོ། །  
\v 15 ཡང་ས་ལྷག་མ་སྟེ་ཞེང་ལ་ཁྲུ་ལྔ་སྟོང་དང་རིང་ཚད་ལ་ཁྲུ་ཉིས་ཁྲི་ལྔ་སྟོང་ཡོད་པ་སྤྱི་བའི་གནས་སུ་བྱས་ཏེ་གྲོང་ཁྱེར་དང་སྡོད་གནས། ཉེ་འཁོར་བཅས་སུ་སྤྱོད་ཅིང་གྲོང་ཁྱེར་ནི་དེའི་དབུས་སུ་ཡོད་དགོས།  
\v 16 གྲོང་ཁྱེར་གྱི་ཆེ་ཆུང་ནི་འདི་ལྟ་སྟེ། བྱང་ཕྱོགས་སུ་ཁྲུ་བཞི་སྟོང་ལྔ་བརྒྱ་དང་། ལྷོ་ཕྱོགས་སུ་ཁྲུ་བཞི་སྟོང་ལྔ་བརྒྱ་དང་། ཤར་ཕྱོགས་སུ་ཁྲུ་བཞི་སྟོང་ལྔ་བརྒྱ་དང་། ནུབ་ཕྱོགས་སུ་ཁྲུ་བཞི་སྟོང་ལྔ་བརྒྱ་ཡོད།  
\v 17 གྲོང་ཁྱེར་ལ་ཉེ་འཁོར་ཡོད་དགོས་ཏེ། བྱང་ཕྱོགས་སུ་ཁྲུ་ཉིས་བརྒྱ་ལྔ་བཅུ་དང་། ལྷོ་ཕྱོགས་སུ་ཁྲུ་ཉིས་བརྒྱ་ལྔ་བཅུ་དང་། ཤར་ཕྱོགས་སུ་ཁྲུ་ཉིས་བརྒྱ་ལྔ་བཅུ་དང་། ནུབ་ཕྱོགས་སུ་ཁྲུ་ཉིས་བརྒྱ་ལྔ་བཅུ་ཡོད།  
\v 18 སྤྱི་གནས་ཀྱི་ལོགས་གཉིས་སུ་ལུས་པའི་ས་ནི་གནས་གཙང་མར་ཕུལ་བའི་ས་དེའི་རིང་ཚད་ལྟར་བརྩིས་ན། ཤར་ཕྱོགས་སུ་ཁྲུ་ཆིག་ཁྲི་དང་ནུབ་ཕྱོགས་སུའང་ཁྲུ་ཆིག་ཁྲི་ཡོད་པ་དང་། གནས་གཙང་མར་ཕུལ་བའི་ས་དེའི་འགྲམ་རྒྱུད་དུ་ཡོད་དོ། །ས་འདི་དག་ལས་ཐོན་པ་རྣམས་གྲོང་ཁྱེར་ནང་གི་ལས་བཟོ་པའི་ཁ་ཟས་སུ་བྱེད་དགོས།  
\v 19 གྲོང་ཁྱེར་ནང་གི་ལས་བཟོ་པ་རྣམས་ནི་ཡེས་ར་ཨེལ་གྱི་ཚོ་ཁག་སོ་སོ་ནས་འོངས་ཏེ་ས་འདི་རྨོ་དགོས།  
\v 20 གནས་གཙང་མར་ཕུལ་བའི་ས་ཆ་ཡོངས་ནི་རིང་ཚད་ལ་ཁྲུ་ཉིས་ཁྲི་ལྔ་སྟོང་དང་ཞེང་ལ་ཁྲུ་ཉིས་ཁྲི་ལྔ་སྟོང་ཅན་གྱི་དབྱིབས་གྲུ་བཞི་མ་ཞིག་ཡིན་ཏེ། ཁྱོད་རྣམས་ཀྱིས་གནས་གཙང་མར་འབུལ་བའི་ས་དེ་ནི་གྲོང་ཁྱེར་གྱི་ས་དང་མཉམ་དུ་འབུལ་དགོས།   
\s1 རྒྱལ་པོའི་ས་སྐལ།  
\p
\v 21 ཡང་གནས་གཙང་མར་ཕུལ་བའི་ས་ཆ་དང་གྲོང་ཁྱེར་གྱི་ས་ཡི་གཡས་གཡོན་གཉིས་སུ་ལུས་པ་ཐམས་ཅད་རྒྱལ་པོར་དབང་བ་ཡིན་ཏེ། ཞེང་ལ་ཁྲུ་ཉིས་ཁྲི་ལྔ་སྟོང་ཡོད་པའི་གནས་གཙང་མར་ཕུལ་བའི་ས་དེའི་ཤར་ནས་ཤར་གྱི་ས་མཚམས་བར་དང་། ཡང་ཞེང་ལ་ཁྲུ་ཉིས་ཁྲི་ལྔ་སྟོང་ཡོད་པའི་གནས་གཙང་མར་ཕུལ་བའི་ས་དེའི་ནུབ་ནས་ནུབ་ཀྱི་ས་མཚམས་དང་། ས་སྐལ་དུ་བགོས་པའི་ཡུལ་གཞན་དག་ཁ་ཚང་རྒྱལ་པོར་དབང་བ་ཡིན། དེ་བཞིན་ཡར་ཕུལ་བའི་གནས་མཆོག་དང་མཆོད་ཁང་གི་གནས་དམ་པ་ནི་ས་དེ་གཉིས་ཀྱི་དབུས་སུ་ཡོད་པ་ཡིན།  
\v 22 ལེ་ཝི་པའི་ས་སྐལ་དང་གྲོང་ཁྱེར་གྱི་ས་ནི་རྒྱལ་པོའི་ས་སྐལ་གྱི་དབུས་སུ་ཡོད་པ་དང་། ཡང་རྒྱལ་པོའི་ས་སྐལ་ནི་ཡ་ཧུ་དཱའི་ས་མཚམས་དང་པེན་ཡཱ་མེན་གྱི་ས་མཚམས་གཉིས་ཀྱི་བར་དུ་ཡོད་དོ། །  
\v 23 ཡང་དེའི་འཕྲོས་ཚོ་པ་རྣམས་ལ་མཚོན་ན། ཤར་ནས་ནུབ་བར་དུ་པེན་ཡཱ་མེན་གྱི་ས་སྐལ་ཡིན།  
\v 24 པེན་ཡཱ་མེན་གྱི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་སི་མུ་ཨོན་གྱི་ས་སྐལ་ཡིན།  
\v 25 སི་མུ་ཨོན་གྱི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་ཡེས་སི་ཀཱར་གྱི་ས་སྐལ་ཡིན།  
\v 26 ཡེས་སི་ཀཱར་གྱི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་ཟེ་བུ་ལུན་གྱི་ས་སྐལ་ཡིན།  
\v 27 ཟེ་བུ་ལུན་གྱི་ས་མཚམས་འགྲམ་རྒྱུད་ཀྱི་ཤར་ནས་ནུབ་བར་དུ་གཱ་རྡུ་ཡི་ས་སྐལ་ཡིན།  
\v 28 གཱ་རྡུའི་ལྷོ་ཕྱོགས་ཀྱི་ས་མཚམས་ནི་ཐལ་མཱར་ནས་མེ་རི་བཱ་ཀཱ་དེའེ་ཤཱའི་ཆུ་རྣམས་དང་། ཨེ་ཅིབ་ཀྱི་ཆུ་ཕྲན་རྣམས་བརྒྱུད་ནས་རྒྱ་མཚོ་ཆེན་པོར་སླེབས་པ་ཡིན།  
\v 29 འདི་ནི་ཁྱོད་ཚོས་རྒྱན་བླངས་ནས་ཡེས་ར་ཨེལ་གྱི་ཚོ་པ་སོ་སོར་བགོ་དགོས་པའི་ས་སྐལ་ཡིན་ཏེ། ས་སྐལ་འདི་དག་ནི་ཁོ་ཚོར་ཐོབ་པའི་ནོར་སྐལ་ཡིན་ནོ་ཞེས་གཙོ་བོ་ཡ་ཝཱེས་གསུངས་སོ། །   
\s1 གྲོང་ཁྱེར་གསར་པའི་སྤྱིའི་རྒྱ་ཁྱོན་དང་མཁར་སྒོ་བཅུ་གཉིས།  
\p
\v 30 གྲོང་ཁྱེར་བྱང་ཕྱོགས་ཀྱི་རིང་ཚད་ནི་ཁྲུ་བཞི་སྟོང་ལྔ་བརྒྱ་ཡིན་ལ། གྲོང་ཁྱེར་གྱི་ཐོན་སྒོ་ནི་འདི་ལྟ་སྟེ།  
\v 31 མཁར་སྒོ་རྣམས་ལ་ཡེས་ར་ཨེལ་གྱི་ཚོ་པ་རེ་རེ་བཞིན་དུ་མིང་འདོགས་དགོས་པ་དང་། བྱང་ཕྱོགས་སུ་རྒྱ་སྒོ་གསུམ་ཡོད་དེ། གཅིག་ནི་རུ་བེན་གྱི་རྒྱ་སྒོ་དང་། གཅིག་ནི་ཡ་ཧུ་དཱའི་རྒྱ་སྒོ་དང་། གཅིག་ནི་ལེ་ཝིའི་རྒྱ་སྒོ་ཡིན།  
\v 32 ཤར་ཕྱོགས་ཀྱི་རིང་ཚད་ནི་ཁྲུ་བཞི་སྟོང་ལྔ་བརྒྱ་ཡིན་པ་དང་། རྒྱ་སྒོ་གསུམ་ཡོད་དེ། གཅིག་ནི་ཡོ་སེབ་ཀྱི་རྒྱ་སྒོ་དང་། གཅིག་ནི་པེན་ཡཱ་མེན་གྱི་རྒྱ་སྒོ་དང་། གཅིག་ནི་དཱན་གྱི་རྒྱ་སྒོ་ཡིན།  
\v 33 ལྷོ་ཕྱོགས་ཀྱི་རིང་ཚད་ནི་ཁྲུ་བཞི་སྟོང་ལྔ་བརྒྱ་ཡིན་པ་དང་། རྒྱ་སྒོ་གསུམ་ཡོད་དེ། གཅིག་ནི་སི་མུ་ཨོན་གྱི་རྒྱ་སྒོ་དང་། གཅིག་ནི་ཡེས་སི་ཀཱར་གྱི་རྒྱ་སྒོ་དང་། གཅིག་ནི་ཟེ་བུ་ལུན་གྱི་རྒྱ་སྒོ་ཡིན།  
\v 34 ནུབ་ཕྱོགས་ཀྱི་རིང་ཚད་ནི་ཁྲུ་བཞི་སྟོང་ལྔ་བརྒྱ་ཡིན་པ་དང་། དེ་རུ་ཡང་རྒྱ་སྒོ་གསུམ་ཡོད་དེ། གཅིག་ནི་གཱ་རྡུ་ཡི་རྒྱ་སྒོ་དང་། གཅིག་ནི་ཨ་ཤེར་གྱི་རྒྱ་སྒོ་དང་། གཅིག་ནི་ནཱབ་ཐ་ལིའི་རྒྱ་སྒོ་ཡིན།  
\v 35 གྲོང་ཁྱེར་མཐའ་འཁོར་གྱི་རིང་ཚད་ནི་ཁྲུ་ཆིག་ཁྲི་བརྒྱད་སྟོང་ཡིན་ཏེ། དུས་དེ་ནས་བཟུང་སྟེ་གྲོང་ཁྱེར་འདིའི་མིང་ལ་དཀོན་མཆོག་ཡ་ཝཱེ་གནས་དེར་བཞུགས་པ་ཡིན་ཞེས་འདོགས་པར་འགྱུར་རོ་ཞེས་གསུངས་སོ།། །།